1
00:00:05,000 --> 00:00:16,400
Pe rõhm me jõhm to Laz ẽhntaa cỳjxỳ. Ẽhꞌtõx pehxcroht ne me hapryꞌ to Máhta me, Marehj. Ne me hõꞌcrẽh japryꞌ to Betãj.

2
00:00:16,400 --> 00:00:26,460
Laz tõx Marehj ẽhntaaꞌ te Sesohx par cỹm ẽhmpoo cacuꞌ cohxy ẽhmpexteh ẽhntaa jaxwyr ne cohte amjõhquẽhꞌ to ẽhꞌpar crỳy, pinny.

3
00:00:26,460 --> 00:00:38,740
Rõhm Laz cỳjxỳ ne ẽhꞌtõx ajhohꞌreh mecte Sesohx wyr harcwaa, rõhm jõhm tẽ ne jõhm te cohmy: —Paꞌheeh, poone aamy Laz japii ẽhntaa cỳjxỳ!

4
00:00:38,740 --> 00:00:58,780
Ne jõhm te Sesohx my Laz jãarẽn to hãjỹhr, rõhm cohte meꞌcohꞌhi ẽhntaa ji my: —Nee ẽhꞌtyhc xỳꞌny ẽhꞌcỳjxỳj noore my. Ne quit meate Me Pajẽhpixxỳ my ẽhmpex jãarẽn xỳꞌny ẽhꞌcỳjxỳ. Ne meate ẽhjpi ẽhꞌcra ẽhntaa hehꞌtyx ny ẽhjpohpohn xỳꞌny ẽhꞌcỳjxỳ.

5
00:00:58,780 --> 00:01:07,460
Ne Sesohx te mecmy hãjỹhr. Ne ẽhꞌtyx Sesohx my Máhta me, Marehj me, ẽhꞌtõ Laz me, cohmy me hapii.

6
00:01:07,460 --> 00:01:16,960
Caacru my cohte Laz cỳjxỳꞌ ny hãarẽn par, ne nee rymy ẽhꞌwyr ẽhꞌtẽm noore, ne ẽhꞌtyx cohte amjõhto awcaꞌtehꞌ to ẽhjpehxcroht,

7
00:01:16,960 --> 00:01:25,420
ne cormy ẽhꞌcrỳy, ne cohte ẽhꞌcut mecte amjõhjẽhpix cati ji my: —Mah coh meacpỹyhmy Zohdehj wyr paapa!

8
00:01:25,420 --> 00:01:37,640
Rõhm me cohmy: —Mejto Aahimpex Cati, pom mrẽ Zohdew cati ji jõopaꞌheeh ẽhntaa ji my aacỹm quẽn rẽn ne mecmy quẽn to aacoohran prỹm creeh, ca meꞌwyr aacrỳy!

9
00:01:37,640 --> 00:02:17,180
Ne mecte Sesohx my hãjỹhr, rõhm cohte mecmy: —Tem ca ca awcapỳt cỹm mo ne nee ẽhmpoo ny aajarehj to aamor noore? Hop, ca ca ẽhmpoo ny aajarehj to mo, xỳm awcapỳtcuu. Max, ca ca amcroꞌ ny mo ne nee ẽhmpoo ny aajarehj to aamor noore, xỳm amcro. Cwyrjapii wa ca nee Zohdew cati jiꞌ cohpaatee ẽhmpoo to japux to hẽhtep noore. Wa ca ẽhjtyx ẽhmpoo to japux to ẽhjpa, xỳm Me Pajẽhpixxỳ hẽhrỹypi ẽhjto ẽhꞌhimpex to ẽhjpa. Ne qui ca aꞌtõhmryyh qui ca Me Pajẽhpixxỳ my ẽhmpoo quin te ẽhjto jõhmy prỹm, qui ca ẽhmpoo ẽhjto jõhmy.

10
00:02:17,180 --> 00:02:28,220
Ne Sesohx te mecmy hãjỹhr, ne cohte hẽhpiireh mecmy: —Poone meate Laz pohpohn pex ẽhntaa jõt ne no. Wa ca hamoh ẽhꞌwyr tẽ ne ẽhꞌcacry!

11
00:02:28,220 --> 00:02:36,800
Rõhm ẽhꞌcut mecte amjõhjẽhpix cati jiꞌ te cohmy: —Paꞌheeh, tem crẽ cymy hõt ne no! Qui ca crẽ nee ẽhꞌtyhc noore!

12
00:02:36,800 --> 00:02:50,320
Ne mecte Sesohx my hãjỹhr, max, ẽhncryhꞌcỹm Laz tyhc, my cymy Sesohx te mecmy hãjỹhr, rõhm nee mecte harcwaa ẽhntaa jaꞌcree pex noore, ne cymy meamjõhmy hõt ny ẽhꞌcãmjẽhx.

13
00:02:50,320 --> 00:02:54,900
Rõhm Sesohx te hẽhrỹypi mecmy: —Aapoh ryꞌmy Laz tyhc.

14
00:02:54,900 --> 00:03:07,500
Ne taꞌny ẽhjmy ẽhmpexteh, meacaxohw, xỳm nee capeꞌny ẽhjmor cỹm ẽhꞌtyhc noore. Car meacryhꞌcỹm ẽhjcỹm amjõhcỹm pa. Coh, coh me ẽhꞌwyr!

15
00:03:07,500 --> 00:03:25,880
Rõhm ẽhꞌprõtpi Sesohx cut mecte amjõhjẽhpix cati jiꞌ no japryꞌ to Tomee (ne hẽhpiireh jõhm ẽhntaa japryꞌ to Deht) ẽhntaa te meꞌcwy my: —Mah coh me ẽhꞌcut, ne me capeꞌny tyh! Ne Tomee te mecmy harcwaa to hãjỹhr.

16
00:03:25,880 --> 00:03:34,520
Rõhm hamoh mejpa, ne me crẽhꞌ to Betãj wyr ẽhjpux. Rõhm ryꞌmy mecte Laz jaarit ny awcaꞌtehꞌ te cwat.

17
00:03:34,520 --> 00:03:39,060
(Betãj ẽhntaa cỹm Zerohzarẽj wyr meja rec).

18
00:03:39,060 --> 00:03:45,800
Rõhm amne Máhta me Marehj wyr Zohdew cati jiꞌ cwy ẽhjpa, mecte mecmy ẽhꞌtyx xỳꞌny.

19
00:03:45,800 --> 00:03:57,240
Rõhm Máhta te Sesohx pux xwyjrehꞌhã hãarẽn par, ẽhjpux prỹm ny, ne hamoh cohnyymy tẽ. Rõhm ẽhꞌtõx Marehj ẽhꞌtyx ẽhjcree cỹm jỹh.

20
00:03:57,240 --> 00:04:06,480
Rõhm Máhta te Sesohx cajpar, ne cohte cohmy: —Paꞌheeh, capxyh ca mejcapeꞌny nyymy, qui ca nee ẽhjtõ ẽhꞌtyhc noore!

21
00:04:06,480 --> 00:04:15,820
Max, ca ca aatyx ẽhmpoo ny Me Pajẽhpixxỳꞌ ny aꞌwy, qui ca ẽhncryhꞌcỹm aacỹm pa, ne ca to aamy ẽhmpoo cohneh jaahyh!

22
00:04:15,820 --> 00:04:22,520
Ne cohte Sesohx my hãjỹhr, rõhm cohte cohmy: —Qui ca aatõ acpỹyhmy ẽhꞌtẽhr ne ẽhjpa.

23
00:04:22,520 --> 00:04:41,180
Ne Sesohx te Máhta my harcwaa to hãjỹhr, rõhm cohte cỹm hapac, ne cohte cohmy: —Ẽhncryhꞌcỹm, qui ca hõhꞌcuꞌny, ẽhmpoo jẽhcohwxỳꞌ cỹm, awcaꞌteh ẽhntaa cỹm, acpỹyhmy meꞌtyhc ẽhntaa ji ẽhꞌtẽhr ne mejpa, pe qui ca ẽhjtõ xwyyre acpỹyhmy ẽhꞌtẽhr ne ẽhjpa.

24
00:04:41,180 --> 00:05:05,440
Rõhm Sesohx te ẽhꞌprõtpi cohmy: —Ẽhjpehtxeht wa meato ẽhjhimpex ca meatẽhr ny aapa, ne ẽhjpehtxeht my me tyh, wa me to ẽhjhimpex my acpỹyhmy meꞌtẽhr, ne mempejꞌny ẽhjpa. Ca ca meano ẽhjcut amjõhjẽhpix to aapa ne meano tyh, ne ca meano acpỹyhmy aatẽhr ne meano aapex ny aacohꞌhi to aapa.

25
00:05:05,440 --> 00:05:16,940
Ne cormy meatyhc noo ẽhntaa ji, ca ca meano ẽhjcut amjõhjẽhpix to aapa ne ca nee meano aatyhc noore. Noore, Máhta? Tem wa aamy awjãarẽ ca ẽhjcỹm pa?

26
00:05:16,940 --> 00:05:36,880
Ne Sesohx te Máhta coohcjir to hãjỹhr, rõhm cohte cohmy: —Hỹh, Paꞌheeh, ẽhncryhꞌcỹm aapi Crehx, ryꞌmy Me Pajẽhpixxỳꞌ te amne pjiꞌ wyr aacohjahic xỳꞌny aato hõhjaꞌcree ẽhntaa wa me aajaprẽhp to ẽhjpa! Ne aapiꞌmy Me Pajẽhpixxỳꞌ cra.

27
00:05:36,880 --> 00:05:52,760
Ne Máhta te Sesohx my hãjỹhr, ne hamoh ẽhꞌtõx wyr tẽ ne ẽhꞌwyr hỳr ne cohte cỳjpi hapac nyhnreh cohmy: —Poone Me Paato Ẽhꞌhimpex Cati pux, ne cohte aany hỳꞌwyr ca pinny ẽhꞌwyr tẽ!

28
00:05:52,760 --> 00:05:59,740
Ne cohte Marehj my hãjỹhr, my ẽhꞌprõtpi Marehj xãm pyhrentoo ne hamoh ẽhꞌwyr tẽ.

29
00:05:59,740 --> 00:06:06,940
(Pinny nee cormy crẽh my Sesohx xỳr noore, ne taxmy Máhta te ẽhꞌcajpar ẽhntaareh jỹh).

30
00:06:06,940 --> 00:06:24,180
Rõhm ẽhjcree cỹm Zohdew cati ji Marehj my ẽhꞌtyx to ẽhꞌcrẽh ẽhntaa jiꞌ te Marehj xãm ne ẽhꞌtẽm ny mecte hõmpohn, ne mecte ajpẽn my: —Tanny hamoh ẽhꞌtõ jaaritxỳꞌ wyr tẽ, cohreh hapiitee ẽhncwyr xỳꞌny.

31
00:06:24,180 --> 00:06:39,620
Rõhm hamoh Marehj tẽ ne Sesohx wyr cator, ne cohte hõmpohn, ne ẽhꞌprõtpi ẽhꞌcõn crỹꞌ ny hỹhr, Sesohx parpi, ne cohte cohmy: —Paꞌheeh, capxyh ca mejcapeꞌny nyymy, qui ca nee ẽhjtõ ẽhꞌtyhc noore!

32
00:06:39,620 --> 00:06:59,340
Ne cohte cohmy hãjỹhr, ne ẽhꞌprõtpi ammrã. Rõhm Sesohx te ẽhncwyr ny hõmpohn to hãm. My Zohdew cati ji Marehj cut ẽhjpa ẽhntaa ji xwyyre ẽhncwyr to ẽhꞌcohꞌhi, rõhm cohte me hõmpohn. Ne ẽhꞌprõtpi cohte caxwãa rõhmpi hẽhjec to cator, ne amjõhcỹm pa!

33
00:06:59,340 --> 00:07:13,980
Ne cohte meꞌcoohquehj, ne mecmy: —Jõhꞌreh my meate Laz jaarit? Rõhm mecmy: —Paꞌheeh, poone mejte netreh haarit, amne tẽ ne haaritxỳꞌ pohpoh!

34
00:07:13,980 --> 00:07:18,780
Ne mecte cohmy hãjỹhr, rõhm ẽhꞌprõtpi Sesohx ammrã.

35
00:07:18,780 --> 00:07:27,360
Rõhm Zohdew cati jiꞌ te Sesohx cwyr ny hõmpohn, ne mecte ajpẽn my: —Me hõmpoh! Ẽhꞌtyx cohmy Laz japii!

36
00:07:27,360 --> 00:07:38,300
Max, meꞌcwyꞌ te ajpẽn my: —Mrẽ cohte jõhm toproo ẽhntaa tỳt my jõhm rẽht pex creeh. Mrẽ qui Laz tỳt qui ẽhꞌtyhc xwyjrehꞌhã ẽhmpejꞌre?

37
00:07:38,300 --> 00:07:53,920
Rõhm Sesohx te hẽhpiireh caxwãa rõhmpi hẽhjec to cator, ne hamoh Laz jaaritxỳꞌ wyr mo ne cator. My mecte quẽn cree ẽhntaa cỹm Laz xehr, ne mecte quẽn catiꞌteh ẽhntaa to ẽhꞌcree jẽhhi.

38
00:07:53,920 --> 00:08:12,920
Rõhm Sesohx te hõmpohn, ne cohte mecmyn ne mecmy: —Cỹh, ẽhntaaꞌ wyr me quẽn reht came! Rõhm pom Laz tyhc ẽhntaa tõx Máhta ẽhntaa te Sesohx my: —Hop, Paꞌheeh, aapoh ryꞌmy mejte haarit ny awcaꞌtehꞌ te cwat ne ryꞌmy ẽhꞌcro!

39
00:08:12,920 --> 00:08:26,820
Rõhm Sesohx te cỹm hapac, ne cohte cohmy: —Mrẽ wa ryꞌmy aamy: “Ca ca aacryhꞌcỹm ẽhjcỹm amjõhcỹm pa, ne ca aatyx Me Pajẽhpixxỳ ẽhmpex ne ẽhꞌhehꞌtyx ny hõmpoh,” ne ẽhjte aamy hãjỹhr creeh!

40
00:08:26,820 --> 00:08:43,700
Ne Sesohx te Máhta my hãjỹhr. Rõhm mecte ẽhꞌcree tiitee quẽn camen. Rõhm Sesohx te cujcwaa wyr ẽhjrẽht, ne cohte harcwaa to: —Cỹh, Ẽhnxõoh, aate ẽhjcỹm aajapac, cwyrjapii wa aamy aapex jãarẽ.

41
00:08:43,700 --> 00:08:55,820
Ne aate ẽhjcỹm aajapac to aapaꞌ ny wa ẽhjte aajaꞌcree pex, max, wa ẽhjte ẽhjpõhꞌny meꞌcohꞌhi ẽhntaa jiꞌ caxohw aamy hãjỹhr, qui me tỹmꞌne aate ẽhjcohjahic ny jaꞌcree pex.

42
00:08:55,820 --> 00:09:06,820
Ne Sesohx te Hõnxõoh ny hỳꞌwyr to ẽhꞌheh, ne cohte ẽhꞌprõtpi cyj rõhmpi Laz my: —Laaaaz! Amne mejwyr aacatoooo!

43
00:09:06,820 --> 00:09:30,940
Rõhm mecte hii to Laz coohpooh, ne mecte rẽx to ẽhꞌcohc coohpooh, ne mecte quẽn cree cỹm hehr, rõhm Sesohx cohmy ne cohmy aaquehj my hacyht coohpooh ẽhntaa jiꞌ ny hãm ne cator, ne ẽhꞌprẽhꞌny ẽhꞌwyr mo. Rõhm Sesohx te mecmy: —Cỹh, haner me ẽhntiitee hii reht jiꞌ cry! Rõhm mecte Laz tiitee hii cryn, rõhm ẽhꞌtyx mo.

44
00:09:30,940 --> 00:09:43,180
Rõhm Sesohx te to acpỹyhmy Laz tẽhr to hãjỹhr, rõhm Marehj wyr Zohdew cati ji ẽhjpa ẽhntaa jiꞌ te taꞌny Sesohx pohpohn, ne me hỳꞌtuu ne mecte ẽhꞌcut amjõhjẽhpix.

45
00:09:43,180 --> 00:09:48,560
Max, meꞌcwy hamoh Farehzew cati jiꞌ wyr praa, ne mecte mecmy Sesohx jãarẽn.

46
00:09:48,560 --> 00:10:04,100
Rõhm ẽhꞌprõtpi saséhdot cati ji jõopaꞌheeh ẽhntaa ji me, Farehzew cati ji me, me hẽeh cỳꞌ cati ji me, mecte coohprõn, ne mecte ajpẽn my: —Jõhꞌny coh ca me Sesohx ẽhntaa to? Xỳm ẽhꞌtyx to ẽhmpoo jaahyhr catehꞌ to ẽhjpa!

47
00:10:04,100 --> 00:10:27,020
Xyhr coh ca me to jõhmy noore, qui ca meꞌcohnehꞌteh ẽhꞌcut amjõhjẽhpix. Pe qui ca Hõman cati ji awpa, ne ca me paꞌcohri, ne ca amne me me paꞌwyr sordat cohjate, qui ca me praa, ne ca me paapi Me Pajẽhpixxỳ jõhrcwaa mee, ne me paapi Zohdew cati jiꞌ to ẽhꞌcaꞌcõhm pa, ne me paato taxmy!

48
00:10:27,020 --> 00:10:42,180
Ne mecte ajpẽn my hãjỹhr, rõhm ẽhꞌprõtpi meꞌnoꞌ to Cajfax ẽhntaa, amcro ẽhntaa cỹm saséhdot cati ji jõopaꞌheeh ny ẽhꞌcrẽh, ne ẽhꞌprõtpi cohte mecmy: —Aapoh nee meanoꞌ te ẽhmpoo jaꞌcree pex noore!

49
00:10:42,180 --> 00:10:53,140
Ne ẽhꞌhixny meapi meajõhjacop ammrẽere! Qui ca Sesohx ẽhntaa pehtxeht me pantiitee tyh, quir nee ẽhmpoo me paapi Zohdew cati jiꞌ cohnehꞌ to taxmy noo cỹm!

50
00:10:53,140 --> 00:11:14,240
Ne Cajfax te me to ẽhꞌhimpex to hãjỹhr, Sesohx coohran xỳꞌny. Max, nee amjõhꞌcut cohmy hõhjãarẽn prỹm my cohte hõhjãarẽn to hãjỹhr noore. Ne amcro ẽhntaa cỹm saséhdot cati ji jõopaꞌheeh ny ẽhꞌcrẽh macnyymy Me Pajẽhpixxỳꞌ te to ẽhꞌhimpex my Sesohx te me hõꞌcrẽh ẽhntiitee ẽhꞌtyhc xỳꞌny cohte mecmy hãarẽn to hãjỹhr.

51
00:11:14,240 --> 00:11:30,380
Ne nee mecpi Zohdew cati ji peht tiitee qui ca ẽhꞌtyhc noore, ne pom aꞌpỹyhꞌny pjiꞌ cohnehꞌ cut crẽh xỳyreꞌ cati jipi Me Pajẽhpixxỳꞌ craꞌ cati jiꞌ cohneh ẽhntiitee qui ca tyh, cohte amjõhmy meꞌcỳ pehtxeht cỹm me to coohprõn xỳꞌny.

52
00:11:30,380 --> 00:11:40,520
Awcaꞌteh ẽhntaaꞌ cỹm, mecte Sesohx coohran xỳꞌny ajpẽn to ẽhꞌhimpex cỹm ẽhncryhc ne mecte ẽhꞌcoohran xỳꞌny ajpẽn to ẽhꞌhimpex to hãjỹhr.

53
00:11:40,520 --> 00:11:55,780
Mecte hãjỹhr ẽhntaaꞌny nee Sesohx hẽhrỹypi Zohdew cati ji jẽhpucreh ẽhjpaj noore, ne hamoh pji ẽhncreecree jẽhxaꞌ cỹm crẽhꞌ to Eefra-ẽeh ẽhntaa wyr mo, ne cohrehꞌhã ẽhꞌcut mecte amjõhjẽhpix cati ji me ẽhjpa.

54
00:11:55,780 --> 00:12:15,500
Rõhm Me Pajẽhpixxỳ jõꞌamjõhquẽhn to: Cohte Me Hõhtỳr ẽhntaa cator xỳꞌny awcaꞌteh ammrẽꞌ to mo. Rõhm Zerohzarẽj põhꞌny mejpa ẽhntaa ji jỳꞌtuu ne me Zerohzarẽj wyr ẽhjpa. Ne Me Pajẽhpixxỳ jõꞌamjõhquẽhn cator xwyjrehꞌhã ẽhjpa, pinny mecte caxohw amjõhto ẽhmpex xỳꞌny.

55
00:12:15,500 --> 00:12:31,540
Ne me Me Pajẽhpixxỳ jõhrcwaa my mencjix, ne me Sesohx ny ajpẽn coohquehj, ne meajpẽn my: —Tem qui ca tẽ? Py hop, tem qui ca nee me Me Pajẽhpixxỳ jõꞌamjõhquẽhn pohpohn noore? Ne meajpẽn coohcjir to hãne.

56
00:12:31,540 --> 00:12:48,380
Rõhm saséhdot cati ji jõopaꞌheeh ẽhntaa ji me, Farehzew cati jiꞌ te meꞌcohnehꞌ to ẽhꞌhimpex to hãjỹhr, qui jõhm taxmy Sesohx pohpoh ne jõhm mecmy hãarẽ, qui me rymy ẽhꞌproo ne me haxỳ.