1
00:00:05,000 --> 00:00:14,240
Ne Sesohx te Zohdew cati ji ẽhnto myyreh to ẽhmpoo jaahyhr cateh, caacru my me hỳyprỹy pex.

2
00:00:14,240 --> 00:00:32,880
Ne mecte hãjỹhrꞌ pom qui mam, ẽhmpoo amjõhto hõhtỳy xỳꞌny, ryꞌmy profet Zaaehj te to ẽhꞌhuc to: “Paꞌheeh, wa mejte mecmy aajarcwaa jãarẽn, my nee jõhm te mejcỹm hapac noore. Ne nee aate jõhm my aahehꞌtyx ẽhntaa jaꞌcree noore.”

3
00:00:32,880 --> 00:00:41,140
Ne cohte hãjỹhr ẽhntaaꞌny me hỳyprỹy pex. Pom qui Zaaehj te ẽhꞌhuc noꞌ cỹm harcwaa to hãjỹhr, ne cohte harcwaa to:

4
00:00:41,140 --> 00:00:59,780
“Me Pajẽhpixxỳꞌ te mentoꞌ tỳt my mentoproo, ne cohte me hapac cree tỳt my me hapac toh, quir me ẽhjrẽht noo cỹm, ne me hõhpar noo cỹm, ne meamjõhjõhꞌny ẽhꞌpahỳm noo cỹm, wa ẽhjte meꞌcrỹꞌ cajpar noo xỳꞌny.”

5
00:00:59,780 --> 00:01:09,120
Hõ, ne Zaaehj te cormy Sesohx cator noo xwyjrehꞌhã ẽhmpex ny hõmpohn, ne cohte to ẽhꞌhuc to hãjỹhr.

6
00:01:09,120 --> 00:01:28,540
Max, hõtpi Zohdew cati ji jõopaꞌheeh ẽhntaa jiꞌ cwyꞌ te Sesohx cut amjõhjẽhpix. Caacru my meꞌcaꞌtyhccỹm ne nee me taꞌny amjõhjãarẽn noore, Farehzew cati jiꞌ cohpaatee, xyhr qui mecte Sesohx cut amjõhjẽhpix ny amjõhjãarẽ, qui ca mecte coohprõnxỳ ẽhntiitee mecri.

7
00:01:28,540 --> 00:01:47,780
Cwyrjapii my meamjõhjãarẽn capeh, ne meꞌcaꞌtyhccỹm, xỳm Me Pajẽhpixxỳ jẽhruuꞌpi mecmy meꞌcwyꞌ to ẽhmpex ne mecmy meꞌcwyꞌ to amjõhjapac cree prỹm, Me Pajẽhpixxỳ jẽhruuꞌpi. Macnyymy meꞌcwyꞌ cohpaatee meꞌcaꞌtyhccỹm ẽhjpa.

8
00:01:47,780 --> 00:02:03,260
Rõhm Sesohx te cyj rõhmpi mecmy: —Ca ca meano ẽhjcut amjõhjẽhpix to aapa, ne ca nee meano ẽhjcut peht amjõhjẽhpix to aapaj noore, ne ca meano pom cohte ẽhjcohjahic ẽhntaa xwyyreꞌ cut amjõhjẽhpix to aapa.

9
00:02:03,260 --> 00:02:09,420
Ca ca me ẽhjpohpohn to aapa, ne me cohte ẽhjcohjahic ẽhntaa xwyyreꞌ pohpohn to aapa.

10
00:02:09,420 --> 00:02:22,440
Ẽhjpi amcro ne meamy jỳꞌcooroo xỳꞌny wa amne pjiꞌ wyr tẽ ne meawyr ẽhjcator, car meano ẽhjcut amjõhjẽhpix ne nee myꞌreh meano awcapỳtcuu cỹm aapaj noore.

11
00:02:22,440 --> 00:02:40,060
Nỹm ca ca meanoꞌ te jarcwaa ny ẽhjpar caacru, ne nee meano ẽhjcut amjõhjẽhpix noore, wa ca nee ẽhntaaꞌcỹm pjiꞌ cỹm meapa ẽhntaa jiꞌ coohcjir noore. Xỳm wa nee ẽhjte meacoohcjir xỳꞌny ẽhjcator noore, ne ẽhjte meacrỹꞌ cajpar xỳꞌny wa ẽhjcator ne tẽ.

12
00:02:40,060 --> 00:02:52,060
Max, ca ca meano ẽhjcut amjõhjẽhpix capeh, ne nee meano ẽhjhimpexxỳꞌ cỹm aajapac noore, qui ca hõhꞌcuꞌny Me Pajẽhpixxỳ ẽhjhimpexxỳ ẽhntaa ny meano coohquehj.

13
00:02:52,060 --> 00:03:04,700
Xỳm wa nee amjõhcaacucxỳꞌ to meamy ẽhjcaacuc to ẽhjpaj noore, ne Jõnxõoh te ẽhjcohjahic ẽhntaaꞌ te ẽhjto ẽhꞌhimpex wa ẽhjte meamy ẽhmpoo jãarẽn ne ẽhjte ẽhmpoo ny meato ẽhjhimpex to ẽhjpa.

14
00:03:04,700 --> 00:03:22,960
Ne xwyyre my, wa ẽhjte meato ẽhjhimpex ca meatẽhr tõhm to meatẽhr xỳꞌny cohte ẽhjto ẽhꞌhimpex. Cwyrjapii my Jõnxõoh te ẽhjmy ẽhmpoo jãarẽn ẽhntaa jiꞌ ny wa meamy jõhjãarẽn to ẽhjpa. Ne Sesohx te mecmy amjõhjãarẽn to hãjỹhr.