1
00:00:05,000 --> 00:00:39,380
Pe rõhm ryꞌmy Me Pajẽhpixxỳ jõꞌamjõhquẽhn to Cohte Me Hõhtỳr ẽhntaa wyr awcaꞌteh ammrẽꞌ to mo. Rõhm Sesohx te ryꞌmy amjõhjaꞌcree pex, xỳm qui ca hỹhꞌne Hõnxõoh wyr cohto, ne ca nee myꞌreh pjiꞌ cỹm ẽhjpaj noore. Ne pjiꞌ cỹm hõꞌteecjiꞌ cati ji ẽhjpa ẽhntaa ji, ẽhꞌtyx cohmy me hapii. Ne cohmy me hapii cymy myymy ẽhꞌtyhc, ne tỹmne cohmy me hapii hehj noore, ne tỹmne cohte me to amjõhjapac tohj noore.

2
00:00:39,380 --> 00:01:17,200
Pe rõhm awcapỳt, rõhm me hỳypỳn to ẽhꞌcrẽh. Rõhm pinny ryꞌmy carõo quin jõopaꞌheeh ẽhntaa te Sehmãw cra Zoht Ẽhxcarehjot ẽhntaa to ẽhꞌhimpex, pinny Zoht te Sesohx peehcãmtar cati ji my haꞌcree xỳꞌny. Rõhm Sesohx xwyyreꞌ te amjõhjaꞌcree pex, Me Pajẽhpixxỳꞌ te cohmy ẽhmpoo cohnehꞌ pyhxwyr par my cohte ẽhmpoo to ẽhꞌhimpex to ẽhjpa xỳꞌny. Ne cohte amjõhjaꞌcree pex, xỳm qui ca Me Pajẽhpixxỳꞌ pẽhn tẽ ne ca tyh ne ca acpỹyhmy ẽhꞌwyr cohto. Rõhm me hỳypỳn to ẽhꞌheh,

3
00:01:17,200 --> 00:01:29,080
my Sesohx xãm, ne cohte cỳjpi hii jaxỳr ẽhntaa, cohte hii caxỳr, ne cohte towaj ẽhntaa pyhr, ne cohte to ẽhꞌpree.

4
00:01:29,080 --> 00:01:41,840
Ne cohte basehj cỹm cuꞌ cwy jaxwyr, ne cohte ẽhꞌprõtpi meꞌpar cohꞌhõn cỹm ẽhncryhc, ne meꞌpar cohꞌhõn to cwy. Ne cohte towaj to ẽhꞌpree ẽhntaa to meꞌpar crỳy.

5
00:01:41,840 --> 00:01:50,900
Ne Sehmãw Pit xwyyre par cohꞌhõn xỳꞌny, rõhm Sehmãw Pit te cohmy: —Paꞌheeh, tem ca ca crẽ ẽhjpar cohꞌhõ?

6
00:01:50,900 --> 00:02:04,840
Rõhm Sesohx te cohmy: —Hỹh, wa ca ẽhjtyx aapar cohꞌhõ. Xỳm nee aate ẽhmpoo ny ẽhjte aapar cohꞌhõn xỳꞌny aate jaꞌcree pex noore, max, ca ca awcaꞌtehꞌ noꞌ ny aatyx taꞌny jaꞌcree pex.

7
00:02:04,840 --> 00:02:20,160
Rõhm Pit te ẽhꞌprỹy pex, ne cohte cohmy: —Hãꞌne! Aapoh ca ca nee tỹmne ẽhjpar cohꞌhõn noore! Rõhm Sesohx te cohmy: —Ca ca ẽhjte aapar cohꞌhõn ny jamyr noore, ne ca nee myꞌreh jõꞌteecjiꞌ ny aapaj noore!

8
00:02:20,160 --> 00:02:27,880
Rõhm ẽhꞌprõtpi Pit te cohmy: —Cỹh, Paꞌheeh, aatyx ẽhjpar cohꞌhõ! Jõhꞌcra me, ẽhjcrỹ me, ẽhjcohꞌhõ!

9
00:02:27,880 --> 00:02:41,700
Rõhm Sesohx te cohmy: —Hop, aapoh aapar peht pỹc. Xỳm pom coh me xwa, ne me paapa, ne meamjõhpar peht pỹc to paapa. Hõ, ne meacohneh ẽhmpexteh, ne meano ẽhntaa pehtxeht pỹc.

10
00:02:41,700 --> 00:02:58,460
Ne Sesohx te mecmy hãjỹhr, xỳm Zoht Ẽhxcarehjot te ẽhjpeehcãmtar cati ji my haꞌcree xỳꞌny cohte haꞌcree pex, macnyymy cohte harcwaa to hãjỹhr, pinny, “Meꞌcohneh ẽhmpexteh, ne meꞌno ẽhntaa pehtxeht pỹc.”

11
00:02:58,460 --> 00:03:14,140
Ne cohte Pit my hãjỹhr, ne cohte mecmy meꞌpar cohꞌhõn par, ne hãm, ne mo, ne cohte acpỹyhmy hõoxii jaxỳr, ne mix ny hỹhr, ne cohte mecmy: —Cỹh, me ẽhjcỹm pa. Ẽhmpoo caxohw wa ẽhjte meapar cohꞌhõn?

12
00:03:14,140 --> 00:03:29,920
Qui meamy ẽhjmy aajỳycjir prỹm, ca me ẽhjmy: “Mejto Aahimpex Cati,” ne me ẽhjmy: “Paꞌheeh” hãne. Xỳm qui ca nee ẽhjmy taꞌny ẽhꞌquin noore, ne ca ẽhjmy taꞌny ẽhmpexteh, xỳm wa meajõopaꞌheeh ny.

13
00:03:29,920 --> 00:03:46,240
Hõ, wa meajõopaꞌheeh ny ẽhjpa, ne meato ẽhjhimpex to ẽhjpa, caacru ne ẽhjte meapar cohꞌhõn. Pe ca ca me caxwyyre ẽhjcohxỳ ajpẽn my ẽhmpoo tỳt to aapaꞌ to hãneꞌ pom wa qui ẽhjte meapar cohꞌhõn.

14
00:03:46,240 --> 00:03:52,800
Pe ne meate ẽhjcut hacop ne meate ẽhjcohxỳ ajpẽn to ẽhmpex xỳꞌny ẽhjte meato hãjỹhr.

15
00:03:52,800 --> 00:04:07,700
Wa ẽhjcryhꞌcỹm meamy awjãarẽ, nee me hỳmcwyr cati ji me hõopaꞌheeh jẽhruuꞌpi noore my, ne nee mecte mecmy me hõhjãarẽn to ẽhmpraa cati ji amjõhjõopaꞌheeh cati ji jẽhruuꞌpi noore.

16
00:04:07,700 --> 00:04:15,820
Tem meate ẽhjpar pexteh? Pox, cỹh, ca ca meajpẽn to hãne, qui ca Me Pajẽhpixxỳ meato ẽhmpex.