1
00:00:05,000 --> 00:00:32,340
Ne Sesohx te mecmy hãjỹhr, ne cohte ẽhꞌprõtpi cujcwaa wyr ẽhjrẽht to hỹhr, ne cohte Hõnxõoh ny hỳꞌwyr cỹm ẽhncryhc, ne cohte cohmy: —Cỹh, Ẽhnxõoh, ryꞌmy or jỳꞌhohc. Ẽhjpi aacra, ca meꞌcohnehꞌtehꞌ to aahimpex qui me ẽhjpex ny jõmpoh. Ne me ẽhjpohroꞌ cut aapex ny aajaꞌcree pex.

2
00:00:32,340 --> 00:00:42,460
Wa ẽhjte meꞌcohnehꞌtehꞌ to ẽhjhimpex to ẽhjpa xỳꞌny aate amjõhmy ẽhjxãm. War tỹmꞌne aate ẽhjmy me hõr ẽhntaa jiꞌ to ẽhjhimpex qui meꞌtẽhr tõhm ny ẽhjpa.

3
00:00:42,460 --> 00:01:03,560
Pe qui ca meꞌtẽhr tõhm ny ẽhjpa, xỳm mecte pajaꞌcree pex. Xỳm ẽhncryhꞌcỹm aapi Me Pajẽhpixxỳꞌ pehtxeht ẽhntaa ny mecte aajaꞌcree pex. Ne mecte ẽhjpi aacra Sesohx Crehx—aate ẽhjcohjahic ẽhntaa ny mecte aajaꞌcree pex. Cwyrjapii qui ca meꞌtẽhr tõhm ny ẽhjpa.

4
00:01:03,560 --> 00:01:16,800
—Wa ẽhjte pjiꞌ cỹm mejpa ẽhntaa ji my aapex ny aajãarẽn cateh. Xỳm wa ẽhjte ẽhmpoo to japux xỳꞌny aate ẽhmpoo ny ẽhjto aahimpex ẽhntaa ji, wa ẽhjte ẽhmpoo cohnehꞌ to japux par.

5
00:01:16,800 --> 00:01:35,960
—Ẽhnxõoh, wa ca acpỹyhmy aawyr tẽ. Hẽhpiireh aacapeꞌny meꞌcohꞌhi ẽhntaa ji my ẽhjpex ny jãarẽn to aacohꞌhi, pom qui aate mam pji ammrẽ reereh mecmy ẽhjpex ny jãarẽn to aacohꞌhi. Cwyrjapii ca hẽhpiireh mecmy ẽhjpex ny jãarẽn to hãne, amjõhcapeꞌny.

6
00:01:35,960 --> 00:01:52,020
Ne aate pjiꞌ cỹm mejpa ẽhntaa jiꞌ to aajõꞌteecji ne aate ẽhjmy me hõr ẽhntaa ji, wa ẽhjte mecmy aapex ny aajãarẽn. Mecpi aajõꞌteecjiꞌ ny, my aate ẽhjmy me hõr, rõhm mecte aajarcwaa to amjõhjapac cree to ẽhjpa.

7
00:01:52,020 --> 00:01:57,560
Ne mecte aajaꞌcree pex, xỳm ẽhjhimpexxỳ ẽhntaa, aahimpexxỳ pehtteh.

8
00:01:57,560 --> 00:02:17,260
Xỳm aate ẽhjmy ẽhmpoo jãarẽn ẽhntaa ji, wa ẽhjte mecmy ẽhmpoo jãarẽn par, my mecte aajarcwaa ny ẽhjcỹm hapac, ne meamjõhmy aajarcwaa ẽhncryhꞌcỹm. Cwyrjapii my aate amne ẽhjcohjahic wa amne aapẽhn ẽhjtẽm ny mecte jaꞌcree pex, ne nee me hỳyprỹy pex noore my.

9
00:02:17,260 --> 00:02:29,940
—Cwyrjapii wa me taꞌny aany aꞌwy. Ne wa ca nee pjiꞌ cỹm mejpa ẽhntaa jiꞌ ny aany jỳꞌwyr noore, ne aate ẽhjmy me hõr ẽhntaa jiꞌ ny wa aany aꞌwy, xỳm me aajõꞌteecjiꞌ ny.

10
00:02:29,940 --> 00:02:44,840
Xỳm ẽhmpoo cohneh jõꞌteecji ẽhntaa ji aajõꞌteecji. Ne ẽhmpoo cohneh aajõꞌteecji ẽhntaa ji paxwyyre jõꞌteecji. Ne ẽhmpoo cohneh ajhohꞌreh pajõꞌteecji. My mecte taꞌny ẽhjcut hacop to ẽhjpa, ne me ẽhjmy ẽhjpex jãarẽ.

11
00:02:44,840 --> 00:03:08,320
—Wa aawyr ẽhjcrỳy, ne ca hỹhꞌne pji ẽhntaapi ẽhjcohto. Pe qui ca aate ẽhjmy me hõr ẽhntaa ji jacỳnpi ẽhjpa, pjiꞌ cỹm. Cwyrjapii, Jõnxõoh ca meꞌcohneh jẽhruuꞌpi aacryhꞌcỹm aapa ẽhntaa, ca me hamyr to aapa, quir me pehtxeht, pom coh qui paapehxcroht cỹm paꞌpehtxeht. Ẽhntaa cwyꞌ to qui meꞌcohneh pehtxeht.

12
00:03:08,320 --> 00:03:31,040
—Wa ẽhjte pji ẽhntaa cỹm ẽhjpaꞌ ny aajarcwaaꞌ cut me hamyr to ẽhjpa. Aate ẽhjmy me hõr ẽhntaa ji, wa ẽhjte me hamyr to ẽhjpa, my nee meꞌno pehctor noore, ne pom jõhm pehtxeht ẽhjpehctor prỹm ẽhntaa pehctor. Ne jõhm te hãjỹhr, quir ẽhmpoo amjõhto hõhtỳy to hãneꞌ pom qui mam mecte aajarcwaa ny to ẽhꞌhuc ẽhntaa.

13
00:03:31,040 --> 00:03:43,440
Hõ, wa ẽhjte pji ẽhntaa cỹm mejpaꞌ ny me hamyr to ẽhjpa, max, wa ca ẽhntaaꞌcỹm aawyr ẽhjcohto. Wa ẽhjte aamy jarcwaa to hãjỹhr, quir me cỹmꞌhã jacryyh ẽhntaa jiꞌ cohneh ẽhꞌcohꞌhi.

14
00:03:43,440 --> 00:03:57,860
—Wa ẽhjte mecmy aajarcwaa my hẽhcran, cwyrjapii my pjiꞌ cỹm mejpa ẽhntaa ji my mecri, xỳm nee mecpi pjiꞌ cỹm mejpa ẽhntaa jiꞌ cwyj noore. Pom wa qui paxwyyre nee ẽhjpi pjiꞌ cỹm mejpa ẽhntaa jiꞌ cwyj noore.

15
00:03:57,860 --> 00:04:07,220
Max, wa nee aate pji ẽhntaapi me to aacohtor xỳꞌny wa aany jỳꞌwyr noore, ne aate Jõhm Quin ẽhntaapi me hõhtỳr xỳꞌny wa aany aꞌwy.

16
00:04:07,220 --> 00:04:13,780
Xỳm mecte to ẽhjnyꞌhã, ne nee me mecpi pjiꞌ cỹm mejpa ẽhntaa jiꞌ cwyj noore.

17
00:04:13,780 --> 00:04:25,260
—Cỹh, Ẽhnxõoh, aacaacucxỳꞌ to me to aahimpex qui me aacohxỳ ẽhncryhꞌcỹm ẽhjpa, pom ca qui aacryhꞌcỹm aapa. Xỳm aacaacucxỳ ẽhntaa ẽhncryhꞌcỹm mahã.

18
00:04:25,260 --> 00:04:35,080
Wa ca mecte pjiꞌ cỹm hõhjãarẽn to ẽhjpa xỳꞌny meꞌcohjahic to hãne, pom qui aate amne pjiꞌ wyr ẽhjcohjahic, ẽhjte jõhjãarẽn to ẽhjpa xỳꞌny.

19
00:04:35,080 --> 00:04:48,380
Ne ẽhjte ẽhjcryhꞌcỹm aajarcwaa cut amjõhjẽhpix to ẽhjpa xỳꞌny aamy amjõhjõr, quir me taxwyyre ẽhncryhꞌcỹm aajõꞌteecjiꞌ ny ẽhjpa, ne me aajarcwaa cut amjõhjẽhpix to ẽhjpa.

20
00:04:48,380 --> 00:05:03,400
—Pe wa nee me taꞌny peht aany jỳꞌwyr noore. Xỳm qui ca me meꞌcwy my aajarcwaa jãarẽn to ẽhjpa, qui ca meꞌcwy mecxỳ aajarcwaa cut amjõhjẽhpix to ẽhjpa, cwyrjapii wa meꞌcwy xwyyreꞌ ny aany jỳꞌwyr to mo,

21
00:05:03,400 --> 00:05:22,640
qui meꞌcohnehꞌteh pehtxeht, pom ca qui ẽhjcỹm aacohꞌhi, wa tapanny aacỹm ẽhjcohꞌhi, qui me taxwyyre paꞌcỹm ẽhꞌcohꞌhi, coh ne paxwyyre me cỹm paꞌcohꞌhi, ne me paꞌcohneh paꞌpehtxeht, quir tỹmꞌne pjiꞌ cỹm mejpa ẽhntaa ji aate ẽhjcohjahic ny jaꞌcree pex.

22
00:05:22,640 --> 00:05:34,380
—Wa ẽhjte me to ẽhjhimpex my mempex te hãjỹhrꞌ pom qui aate ẽhjto aahimpex wa ẽhjpex, quir meꞌcohneh pehtxeht pejꞌhã, pom coh qui paapehxcroht cỹm paꞌpehtxeht.

23
00:05:34,380 --> 00:05:51,060
To hãne, war me cỹm ẽhjcohꞌhi pom ca qui ẽhjcỹm aacohꞌhi, quir mencryhꞌcỹm pehtxeht, qui pjiꞌ cỹm mejpa ẽhntaa ji aajaꞌcree pex, xỳm aate ẽhjcohjahic ne aamy ẽhjcut mecte amjõhjẽhpix cati ji japii to hãneꞌ pom qui aamy japii.

24
00:05:51,060 --> 00:06:12,240
—Ẽhnxõoh, ẽhjmy aate ẽhjmy me hõr ẽhntaa jiꞌ te ẽhjcapeꞌny ẽhjpaꞌ prỹm. War taxmy ẽhjpa, qui me taxwyyre ẽhjcut ẽhjpa, mecte aate ẽhjmy ẽhjpex jõr ẽhntaa ny ẽhjpohpohn to ẽhjpa xỳꞌny. Xỳm cormy aate to pji jẽhpix nooreꞌhã aamy japii.

25
00:06:12,240 --> 00:06:29,140
—Ẽhnxõoh, ca aacryhꞌcỹm aahimpex to aapa. Caacru my nee pjiꞌ cỹm mejpa ẽhntaa jiꞌ te aajaꞌcree pex noore, wa ẽhjteꞌhã aajaꞌcree pex. Ne pom aate ẽhjmy me hõr ẽhntaa jiꞌ te aate ẽhjcohjahic ny jaꞌcree pex.

26
00:06:29,140 --> 00:06:46,220
Wa me cỹm ẽhjcohꞌhi xỳꞌny ẽhjte mecmy aajãarẽn my mecte aajaꞌcree pex. Pe wa ca hẽhpiireh myymy mecmy aajãarẽn to ẽhjpa qui me aajaꞌcree pex to mo, quir meajpẽn japii to hãneꞌ pom qui aamy japii.