1
00:00:05,000 --> 00:00:23,640
Rõhm me Sesohx to mo, ne mecte ẽhjcree põhꞌny mohrteh ẽhntaa my Sesohx to hỳr. Rõhm Pit me Sesohx cut mecte amjõhjẽhpix cati jiꞌ no ẽhꞌcut mo. Ne jõhm Sesohx cut hỳr, xỳm saséhdot cati ji jõopaꞌheeh te jõhm pohpohn pejꞌhã.

2
00:00:23,640 --> 00:00:48,300
Rõhm nee Pit xỳr noore, ne põopi xa, mohrteh jarcwaa ny. Rõhm jõhm cohpry ẽhntaa mohrteh jarcwaa jamyr to xa, rõhm jõhm xỳr, ne jõhm acpỹyhmy mo, ne jõhm te jõhm cohpry my: —Cỹh, to mejcwyꞌ no ẽhntaa my ẽhꞌproo mee, qui ẽhjcut aaxỳ! Rõhm jõhm cohpry ẽhntaa te to Pit my mohrteh jarcwaa proo men, my hỳr.

3
00:00:48,300 --> 00:01:03,880
Rõhm ẽhꞌprõtpi jõhm cohpry ẽhntaa te Pit my: —Tem nee aapi Sesohx cut mejpaꞌ cati jiꞌ noj noore? Rõhm Pit te cohmy: —Hop, aapoh nee ẽhjpi Sesohx cut mejpaꞌ cati jiꞌ noj noore!

4
00:01:03,880 --> 00:01:22,900
Rõhm pinny cryh, rõhm saséhdot cati ji my me hỳmcwyr cati ji me, Me Pajẽhpixxỳ jõhrcwaa jamyr cati ji me, mecte to amjõhmy cohhun, ne me cohhyh jacrat prỳy cacroꞌ ny hỳyxohn to ẽhꞌcohꞌhi. Rõhm Pit me capeꞌny hỳyxohn to xa.

5
00:01:22,900 --> 00:01:34,460
Rõhm saséhdot cati ji jõopaꞌheeh te Sesohx coohcjir cỹm ẽhncryhc. Ne cohte ẽhꞌhimpexxỳ me, ẽhꞌcut mecte amjõhjẽhpix cati jiꞌ ny ẽhꞌcoohcjir.

6
00:01:34,460 --> 00:01:48,040
Rõhm Sesohx te cohmy: —Wa ẽhjte hẽhrỹypi me paate coohprõnxỳ ẽhntaa ji me, Me Pajẽhpixxỳ jõhrcwaa cỹm meꞌcohnehꞌtehꞌ to ẽhjhimpex to ẽhjcohꞌhi, ne tỹmne ẽhjte ẽhjpẽhmxohrpi ẽhmpoo to ẽhjcaacuc noore.

7
00:01:48,040 --> 00:02:01,080
Ẽhmpoo ny ca aajỳꞌcoohcjir to hãne? Mrẽ mecte ẽhjcỹm hapac ẽhntaa jiꞌ coohquehj, wa ẽhjte ẽhmpoo ny me to ẽhjhimpex ny. Xỳm mecteꞌhã ẽhjhimpexxỳ ẽhntaa ji jaꞌcree pex.

8
00:02:01,080 --> 00:02:15,460
Ne Sesohx te mecmy hãjỹhr, rõhm Me Pajẽhpixxỳ jõhrcwaa jamyr cati jiꞌ no ẽhntaa te ẽhꞌprõtpi Sesohx cohc cỹm ẽhmpoc! Ne cohte cohmy: —Tem ca crẽ saséhdot cati ji jõopaꞌheeh prỹy pex!

9
00:02:15,460 --> 00:02:28,440
Rõhm Sesohx te cohmy: —Wa ha meamy ẽhjcaacuc quinre, ca me ẽhjmy jarcwaa jãarẽ. Jõhꞌnyymy ẽhjte meamy jarcwaa to? Pom mrẽ wa ẽhjcryhꞌcỹm ẽhjcaacucreꞌ cỹm my ry aate ẽhjpoc?

10
00:02:28,440 --> 00:02:40,360
Ne Sesohx te mecmy hãjỹhr, rõhm Aanax ẽhntaa te ẽhꞌpehjõ Cajfax, saséhdot cati ji jõopaꞌheeh ẽhntaa wyr Sesohx cohjahic, my hamoh me cahyhr ny to ẽhꞌwyr mo.

11
00:02:40,360 --> 00:02:55,560
Rõhm Sehmãw Pit hỳyxohn to xa. Rõhm jõhm ji cohmy: —Tem caxwyyrepi Sesohx cwyꞌ noꞌhã? Rõhm Pit te amjõhny hỳyprỹy, ne cohte mecmy: —Hop, hop, aapoh wa nee ẽhjpi Sesohx cwyj noore!

12
00:02:55,560 --> 00:03:10,600
Rõhm Pit te Mawco japac jaquep ẽhntaa cwyꞌ no saséhdot cati ji jõopaꞌheeh my hỳmcwyr to ẽhjpa, ne jõhm xa, ne jõhm te Pit my: —Wa ẽhjte ẽhmpoo cu ẽhntaa cỹm Sesohx capeꞌny caꞌ pohpohn ca mo aapoh! Noore?!

13
00:03:10,600 --> 00:03:16,040
Rõhm Pit te amjõhny hỳyprỹy. Rõhm ẽhꞌprõtpi xãꞌxãc cỳ.