1
00:00:05,000 --> 00:00:36,460
Rõhm Cajfax te Sesohx coohcjir to ẽhꞌheh, my hamoh me hõhrcwaapi to cator, ne hamoh me gohvéhnaduu jõhrcwaa wyr to mo. Rõhm ryꞌmy ẽhjrỳyrỳy. Max, pinny Zohdew cati ji jõopaꞌheeh ẽhntaa ji Pehrat jõhrcwaa my ẽhncjix capeh, xỳm Pehratpi crẽh xỳyreꞌ cati ji, xyhr qui me ẽhjcree my aacji ne meamjõhto ẽhꞌquin to hapux, ne ca nee me Me Pajẽhpixxỳ jõꞌamjõhquẽhn to Cohte Me Hõhtỳr ẽhntaa ny hỳypỳn noore.

2
00:00:36,460 --> 00:00:51,540
Cohpaatee me põopi ẽhꞌcohꞌhi, rõhm me hõꞌgohvéhnaduu Pehrat ẽhntaa meꞌwyr cator, ne cohte mecmy harcwaa men, ne mecmy: —Ẽhmpoo my jõhm reht te to jõhmy, ny ca me ẽhjmy jõhm jãarẽn quin to hãne?

3
00:00:51,540 --> 00:00:58,800
Rõhm mecte cohmy: —Capxyh qui ẽhmpoo quin to cator nooreꞌ nyymy, wa ca nee meawyr to ẽhjxỳr noore!

4
00:00:58,800 --> 00:01:16,520
Rõhm Pehrat te mecmy: —Hamoh me to mo, ne meaquit jiꞌ te amjõhjaahyhrxỳꞌ cut ẽhꞌcoohquehj! Rõhm Zohdew cati ji jõopaꞌheeh ẽhntaa jiꞌ te Pehrat my: —Hop! Xỳm meapi Hõman cati ji, ca nee mejte meꞌcoohran ny me jamyr noore!

5
00:01:16,520 --> 00:01:27,300
(Ne mecte Pehrat my harcwaa to hãjỹhr, qui ẽhmpoo amjõhto hõhtỳy to hãneꞌ pom qui Sesohx te mecmy amjõhjãarẽn to hãjỹhr, pinny qui ca me crohx ny cohxu qui crohx ny tyh).

6
00:01:27,300 --> 00:01:44,260
Ne mecte Pehrat my hãjỹhr, rõhm hamoh Pehrat acpỹyhmy ẽhjcree my hỳr, ne cohte Sesohx ny hỳꞌwyr my amne me to mo, ne mecte hãm. Rõhm cohte cohmy: —Tem ca crẽ Zohdew cati ji jõopaꞌheeh ny aacrẽh?

7
00:01:44,260 --> 00:01:55,420
Rõhm Sesohx te cohmy: —Tem ca amjõhꞌcut ẽhjcoohcjir to hãne, py hop, tem jõhm te aamy jãarẽn to hãjỹhr ny ca ẽhjcoohcjir to hãne?

8
00:01:55,420 --> 00:02:10,260
Rõhm Pehrat te cohmy: —Aapoh nee aaquẽhntee ẽhjpi Zohdew cati jij noore! Aacwyꞌ cati ji me, saséhdot cati ji jõopaꞌheeh ẽhntaa jiꞌ te ẽhjmy aajãarẽn. Ẽhmpoo quin to my aate jõhmy ẽhntaa?

9
00:02:10,260 --> 00:02:33,380
Rõhm Sesohx te cohmy: —Aapoh wa nee pji ẽhntaa cỹm taxmy crẽhꞌ noꞌ to ẽhjhimpex to ẽhjcrẽhj noore my. Capxyh wa crẽhꞌ noꞌ to ẽhjhimpejꞌ nyymy, qui ca me japrẽehre Zohdew cati ji japoh, mecte ẽhjproo noo xỳꞌny. Max, nee mejcwyꞌ cati jiꞌ te hãjỹhrꞌ pom qui pjiꞌ cỹm mejpa ẽhntaa jij noore.

10
00:02:33,380 --> 00:02:54,820
Rõhm Pehrat te Sesohx my: —Tem crẽ aapi paꞌheeh? Rõhm: —Hỹh, ca aacryhꞌcỹm ẽhjpi paꞌheeh ny jãarẽ. Cohte hãjỹhr ẽhntaaꞌny my pji ẽhntaa cỹm ẽhjpym ne ẽhjcator, wa ẽhjte ẽhjcryhꞌcỹm mecmy jõhjãarẽn to ẽhjpa xỳꞌny. Mecmy ẽhjcryhꞌcỹm jõhjãarẽn ny ẽhjpar prỹm cati ji ẽhꞌtyx ẽhjcỹm pa.

11
00:02:54,820 --> 00:03:18,440
Ne Sesohx te Pehrat my hãjỹhr, rõhm cohte cohmy: —Jõꞌreh qui jõhm ẽhncryhꞌcỹm hõhjãarẽn to ẽhjpa? Aapoh qui ca nee taxmy jõhm ẽhncryhꞌcỹm hõhjãarẽn to ẽhjpaj noore! Ne cohte Sesohx my harcwaa to hãjỹhr, ne hãm, ne hẽhpiireh Zohdew cati jiꞌ wyr cator, ne cohte mecmy: —Aapoh nee jõhm ẽhntaa te ẽhmpoo quin to cator noore!

12
00:03:18,440 --> 00:03:39,640
Ne cohte mecmy hãjỹhr, ne mecmy: —Cỹh, me ẽhjcỹm pa. Meate amjõhjẽhpixxỳꞌ te hãjỹhr, meamy ẽhjte meajõꞌamjõhquẽhn to Cohte Me Hõhtỳr ẽhntaa cohnehꞌ caxohw meamy meacwypi prez cati jiꞌ pehtxeht ne me hapux prỹm. Cwyrjapii, tem wa meamy meajõopaꞌheeh rat ẽhntaa my hẽhcra qui cato?

13
00:03:39,640 --> 00:04:08,460
Ne Pehrat te mecmy hãjỹhr, rõhm mecte cyj rõhmpi cohmy: —Hãꞌne! Nee cohmy hẽhcran noo cỹm! Ca mejmy Bahabax ẽhntaa cator! Ne mecte Pehrat ny hỳꞌwyr to hãjỹhr. Bahabax ẽhntaa jỳycoo ne cohmy Hõman cati ji jõꞌgohvir cohri, macnyymy Hõman cati jiꞌ te haxỳr my ẽhꞌcrẽh, caacru my mecte Pehrat ny hỳꞌwyr to hãjỹhr.