1
00:00:05,000 --> 00:00:17,900
Ne mecte Sesohx jẽhcree cỹm crohx xehr, rõhm to cwy, hacot japryꞌ to Crỹꞌ Heh ẽhntaa wyr. Ne Eebrew jarcwaa cut, hacot ẽhntaa japryꞌ to Gówgataa.

2
00:00:17,900 --> 00:00:28,820
Rõhm mecte crohx ny Sesohx xur. Ne mecte jõhm to ẽhjpehxcroht, ne mecte jõhm xur. Mecte jõhm ajhohꞌreh jõhm to Sesohx ny ẽhjpeehji, my me harehj.

3
00:00:28,820 --> 00:00:48,240
Rõhm Pehrat te to ẽhꞌhuc to hãjỹhr: “Sesohx Nazaree pẽhn tẽ ẽhntaa, cohpi Zohdew cati ji jõopaꞌheeh” Ne cohte to ẽhꞌhuc to ẽhꞌheh, ne cohte sordat to ẽhꞌhimpex my cohte cyjꞌmy ẽhꞌhuc xur, Sesohx cwyrpi.

4
00:00:48,240 --> 00:01:07,560
Rõhm Zohdew cati ji jỳꞌtuu ne mejpa, ne mecte ẽhꞌhuc pohpohn, xỳm Pehrat te Eebrew jarcwaa me, Grec jarcwaa me, Hõman jarcwaaꞌ cut to ẽhꞌhuc, rõhm crẽhꞌ nyhnreh hacot ẽhntaa ẽhꞌcohꞌhi, macnyymy meꞌcwyꞌ te ẽhꞌhuc ẽhntaa pohpohn.

5
00:01:07,560 --> 00:01:22,960
Rõhm saséhdot cati ji jõopaꞌheeh ẽhntaa jiꞌ te ẽhꞌhuc pohpohn, ne mecte Pehrat my: —Hop, nee “Zohdew cati ji jõopaꞌheeh” ny to ẽhꞌhuc noo cỹm! Ne to ẽhꞌhuc to: “Jõhm ẽhntaa te amjõhto Zohdew cati ji jõopaꞌheeh tii”!

6
00:01:22,960 --> 00:01:33,020
Ne mecte Pehrat to ẽhꞌhimpex to hãjỹhr, rõhm cohte mecmy: —Aapoh ẽhjte to ẽhꞌhuc roꞌnyꞌhã! Qui ca taꞌnyꞌhã ẽhꞌhuc harehj!

7
00:01:33,020 --> 00:02:00,080
Rõhm sordat te crohx ny Sesohx xur to ẽhꞌheh, ne mecte hõoxii to ẽhjpeehcrỳn. Hõoxii te sẽhc, ne sordat te cwat, my mecte hii to cwat ẽhntaa jiꞌ to ẽhjpeehcrỳn, ne pom cormy põopi hii ryyhteh ẽhntaa no, ne nee hii cahyhrxỳ ammrẽere, ne hii cohꞌcrehtteh no, my nee sordat my hii jẽhrin prỹm noore.

8
00:02:00,080 --> 00:02:29,100
My mecte ajpẽn my: —Cỹh, coh nee me hii jẽhrin noo cỹm. Mah coh me ẽhmpoo jõꞌzuc rẽ, ne meajpẽnpi hii pyh! Ne mecte ajpẽn to ẽhꞌhimpex to hãjỹhr, quir ẽhmpoo amjõhto hõhtỳy to hãneꞌ pom qui mam Me Pajẽhpixxỳ jarcwaa ny ẽhꞌhuc te hãjỹhr, pinny: “Mecte jõoxii to ẽhjpeehcrỳn. Ne mecte ajpẽnpi jõoxii pyhr xỳꞌny zuc rẽn.” Ne sordat te Sesohx jõoxii to ẽhjpeehcrỳn to hãjỹhr.

9
00:02:29,100 --> 00:02:46,360
Rõhm crohx ny Sesohx aajit ẽhntaa parpi me cahỹj te cwat ne meꞌcohꞌhi. Pom Sesohx jõnxii me, hõnxii tõx me, Clewfax jẽehxeeh Marehj ẽhntaa me, Marehj Madarẽn me, mecte cwat ne meꞌcohꞌhi.

10
00:02:46,360 --> 00:03:02,580
Rõhm Sesohx aꞌparmy rẽht, ne cohte hõnxii me, ẽhꞌcut mecte amjõhjẽhpix my cohmy jõhm japii ẽhntaa pohpohn. Ne cohte hõnxii my: —Cỹh, ca ẽhntaaꞌcỹm jaxỳꞌ cỹm pooreh jõhm xa reht to amjõhmy aacraꞌ ny!

11
00:03:02,580 --> 00:03:24,360
Ne cohte hõnxii my hãjỹhr, ne cohte jõhm my: —Cỹh, ca ẽhntaaꞌcỹm jaxỳꞌ cỹm jõnxii to amjõhmy aajõnxiiꞌ ny! Ne Sesohx te jõhm my hãjỹhr, my awcapỳt ẽhntaa cỹm jõhm hamoh amjõhjõhrcwaa wyr Sesohx jõnxii to mo, rõhm tapanny jõhm capeꞌny ẽhꞌcrẽh.

12
00:03:24,360 --> 00:03:48,760
Ne cohte hãjỹhr, rõhm ryꞌmy ẽhmpoo te amjõhto hõhtỳy par ny Sesohx te haꞌcree pex. Ne cohte hẽhpiireh amjõhparpi meꞌcohꞌhi ẽhntaa ji my harcwaa men, ne cohte mecmy: —Ẽhjmy cur! Ne cohte cur ny mecmy amjõhjãarẽn, quir ẽhmpoo amjõhto hõhtỳy to hãneꞌ pom qui Me Pajẽhpixxỳ jarcwaa ny ẽhꞌhuc te hãjỹhr.

13
00:03:48,760 --> 00:04:08,920
Rõhm mecte cỹm hapac, rõhm cohreh ẽhmpoo jõꞌvẽeh cacuꞌ baratre ẽhꞌcohꞌhi, vazeeh ny, my mecte cacuꞌ to ẽhmpoo cajcrehtre ẽhntaa coo, ne mecte ẽhmpoo pỳr japryꞌ to: “ẽehsop” ẽhntaa jẽhhut ny ẽhmpoo cajcrehtre ẽhntaa xur, ne mecte Sesohx jarcwaa my haxỳr,

14
00:04:08,920 --> 00:04:25,420
my cohte cahur ne cohte to ẽhꞌcõm. Ne cohte mecmy: —Cỹh, wa ẽhjte to ẽhmpoo cohneh jẽhcohw! Ne aꞌparmy hẽhhoo to mo, ne cohte Hõnxõoh my amjõhcarõo my hẽhcran ne ẽhꞌtyhc.

15
00:04:25,420 --> 00:04:55,260
Rõhm Zohdew cati ji jõopaꞌheeh ẽhntaa jiꞌ te Pehrat ny hỳꞌwyr, ne mecte cohmy: —Cỹh, haner sordat my qui crohx ny me harehj ẽhntaa jiꞌ teꞌhehꞌ crẽꞌcrẽ, ne crohxpi me cohcry, qui nee me jỳmcwyr noo jõꞌawcaꞌtehꞌ cỹm crohx ny harehj noo cỹm! Xỳm qui ca pyht aaxỳ qui ca me hỳmcwyr noo jõꞌawcaꞌtehꞌ cỹm aꞌtwy. Ne me hỳmcwyr noo jõꞌawcaꞌteh ẽhntaa pexteh, pinny.

16
00:04:55,260 --> 00:05:07,380
Ne mecte Pehrat ny hỳꞌwyr to hãjỹhr, rõhm cohte sordat cohjahic, rõhm hamoh mejpa, ne mecte Sesohx capeꞌny jõhm pehxcroht ne jõhm aajit ẽhntaa teꞌhehꞌ crẽꞌcrẽn.

17
00:05:07,380 --> 00:05:14,960
Ne me Sesohx parpi hãm, ne mecte hõmpohn, my ryꞌmy ẽhꞌtyhc, my nee mecte ẽhꞌteꞌhehꞌ cwỹhn noore.

18
00:05:14,960 --> 00:05:24,700
Rõhm sordat ẽhntaa te hõꞌcrohwa xwaa to Sesohx jẽhtuꞌ cree cỹm caxwyr. My ẽhꞌprõtpi capruu me cu peehrẽhn ne axxwy.

19
00:05:24,700 --> 00:05:39,540
Ne ẽhncryhꞌcỹm mahã. Xỳm jõhm te hõhꞌnyhnreh hõmpohn ẽhntaa te hãarẽn to hãjỹhr. Car me hãarẽn pa, ne me jõhm cohxỳ Sesohx cut amjõhjẽhpix to aapa. Xỳꞌny jõhm te ẽhncryhꞌcỹm hãarẽn to hãjỹhr.

20
00:05:39,540 --> 00:05:50,000
Ne nee mecte ẽhꞌhehꞌ noꞌ cwỹhn noore, qui ẽhmpoo amjõhto hõhtỳy to hãneꞌ pom qui Me Pajẽhpixxỳ jarcwaa ny ẽhꞌhuc te hãjỹhr: “Qui ca nee me ẽhꞌhehꞌ noꞌ cwỹhn noore.”

21
00:05:50,000 --> 00:05:59,480
Ne hẽhpiireh, Me Pajẽhpixxỳ jarcwaa ny ẽhꞌhuc te hãjỹhr, pinny: “Pom mecte jõhm caxwyr ẽhntaa, qui ca me jõhm pohpohn to ẽhꞌcohꞌhi.”