\id 2TH ‑ Mixtec, Magdalena Peñasco
\h 2 Tesalonicenses
\mt1 Carta ku‑uu ni saꞌa Pablo ma ja ni tetniñu de nuu ñayii ka iyo ñuu Tesalónica ma
\c 1
\s1 Sukan ndákan‑tnuꞌu ñañaꞌa Pablo ma ñayii ka kandija Suꞌsi ma ja ka iyo i ñuu Tesalónica ma
\rem Saludo
\p
\v 1 Saña ja kúu sa Pablo te ka iyo sa jiꞌin Silvano a jiꞌin Timoteo a, te ka tee sa tnuꞌu yaꞌa, te ka tetniñu sa nuu ni ja ka kandija ni tnuꞌu Suꞌsi o a te ka iyo ni ñuu Tesalónica a te ka iyo ni jiꞌin Yuva o Suꞌsi ma jiꞌin Jesucristo iya tátnuni nuu o a.
\m
\v 2 Te ka kuni sa ja maa Yuva o Suꞌsi ma jiꞌin Jesucristo iya tátnuni nuu o a, na skutaꞌvi ñaꞌa ya ndaka ni ja vii ja vaꞌa, te na saꞌa tna ya ja jin koo mani ni.
\s1 Suꞌsi ma, ndakan ya kuenda nuu ñayii ka saꞌa ja uꞌvi ma
\rem Dios juzgará a los pecadores cuando Cristo vuelva
\p
\v 3 Ndijin ja ni ka nduu o saꞌya Suꞌsi o a, ndimaa jin ndakuan‑taꞌvi sa nuu Suꞌsi o a ja jin kuu ni, vaa sukan jiniñuꞌu ja jin saꞌa sa, vaa ndi‑kivi ndi‑kivi te ka kukanu ini‑ka ni Suꞌsi ma, te ka kutoo tnaꞌa‑ka ndaka ni.
\m
\v 4 Te chukan kúu ja maa sa chi sii ini xeen ka ndakani sa nuu ndaka‑ka ñayii ka kandija tnuꞌu Suꞌsi o a ja vivii ka kuu ni jiꞌin sukan ka kukanu ini ni Suꞌsi o a, te ka kanda ni sukan ka ndoꞌo ka neni ni ja ñatuu ka kunimani i nuu ni a.
\m
\v 5 Te saꞌa, te ka jini o ja ni saꞌa ndaa, ni saꞌa ndija Suꞌsi ma, nuu ni kaꞌan ya ja ka iyo ni ja kuu jin kivi koo ni nuu tátnuni ya ma, vaa ka kanda ni ja ka ndoꞌo ka neni ni a.
\p
\v 6 Kovaa maa Suꞌsi ma kúu iya iyo ja ndaxndoꞌo ndaxneni ya ndaka ñayii ka saꞌa ja ka ndoꞌo ka neni ni a.
\m
\v 7 Te ndijin ja ka ndoꞌo ka neni ni a, saꞌa ya ja jin ndatatu ndaka o kivi ndii Jesús iya tátnuni nuu o a onde andivi ma, jiꞌin ndaka ángel ka nevaꞌa tnuꞌu ndee tnuꞌu ndatnu maa ya ma, te ûni kándaꞌa ita ñuꞌu ichi vee ya ma,
\m
\v 8 ja xndoꞌo xneni ya ñayii ñatuu ka jini Suꞌsi ma, jiꞌin ñayii ñatuu ka kandija tnuꞌu vii tnuꞌu vaꞌa Jesucristo iya tátnuni nuu o a.
\m
\v 9 Te ñayii yukan, jin ndoꞌo jin neni i, te jin chunaa i ni‑kani ni‑jika, te jin koo jika i, vaa masu kuu jin koo i nuu koo Iya Tátnuni ma nuu iyo jayiñuꞌu ya ma jiꞌin tnuꞌu ndee tnuꞌu ndatnu ya ma.
\m
\v 10 Sukan ko kuu kivi ndii ya ma, sukan‑vaꞌa koo xeen jayiñuꞌu ya ma, vaa ka iyo kuaꞌa ñayii ni ka yo ndikin ya ma, ja ñatuu‑ka na ja uꞌvi ni ka yo saꞌa i ma, te neꞌun ñayii yukan ka iyo tna ni ja ni ka kandija ni tnuꞌu ni ka yo kaxtnuꞌu sa nuu ni ma, te jin saꞌvi‑nka ini ndaka o ja ni ka kandija o ya ma, ja jin kuni o ya sukan kaa sukan iyo ya ma.
\p
\v 11 Chukan kúu ja ndimaa ka jikan‑taꞌvi sa nuu Suꞌsi ma ja jin kuu ni, sukan‑vaꞌa káꞌan ya ja vaꞌa‑ni ja ni ndakana ñaꞌa ya, te maa ya na chindee ñaꞌa jiꞌin tnuꞌu ndee tnuꞌu ndatnu ya ma, sukan‑vaꞌa kó kuu ndaka ja vaꞌa ja ka kuni ni ja jin saꞌa ni ma vaa ka kandija ni Suꞌsi ma.
\m
\v 12 Te sukan kóo jayiñuꞌu maa Jesús Iya Tátnuni ma ja ka saꞌa o ma, te jín koo tna jayiñuꞌu o nuu ya. Chaꞌa kúu ja vaꞌa ja skutaꞌvi ñaꞌa Suꞌsi o ma jiꞌin Jesucristo iya tátnuni nuu o ma.
\c 2
\s1 Ni ka kaxtnuꞌu de sukan ko kuu sana ndii Iya Tátnuni ma
\rem Aclaraciones sobre el regreso del Señor
\p \v 1 Kovaa ja sukan ndii Jesucristo iya tátnuni nuu o a te jin ndatnaꞌa o jiꞌin ya ma, ka jikan‑taꞌvi sa nuu ni ja ni ka nduu o saꞌya Suꞌsi o a,
\m \v 2 ja máko jin kuaꞌa kuiti ni tnuꞌu ja jin ndaxsama i sukan ka jani ini ni a, te máko jin koyuꞌu ni ni‑in ja jin kaꞌan i ja jâ ni kenda kivi ndenda Iya Tátnuni ma. Visi na jin kaꞌan i ja sukan ni kaꞌan Xtumani Ndios ma, xi visi sukan ka jani ini maa i te ka kaꞌan i ma, xi visi jin kaꞌan i ja sukan ndee nuu tutu ni ka tee maa sa ma, kovaa máko jin kandija ni.
\m \v 3 Máko jin kuaꞌa ni tnuꞌu ja jin xndaꞌvi ñaꞌa i, vaa ni masu ko kuu sukan, nú masu ja xiꞌna‑ka kenda koo ñayii ja ni ka kandija i Suꞌsi ma sani te ni ka xndoo i tnuꞌu ya ma, te kenda tee saꞌa ja ñatuu játna ini ya ma, vaa tee yaꞌa chi jâ iyo de ja skenaa de maa de ma.
\m \v 4 Tee yaꞌa kúu tee ñatuu kétnaꞌa ini jiꞌin Suꞌsi ma, te káꞌan ndevaꞌa de nuu Suꞌsi o ma, jiꞌin nuu ndaka ja ka xnani ñayii ma suꞌsi, jiꞌin tnaꞌa ja ka chiñuꞌu i ma. Te onde ini veñuꞌu kaꞌnu ma kunukoo de tatnuni de, te saꞌa de tnuꞌu ja Suꞌsi ndija ma kúu de.
\p \v 5 Chi vaa saꞌa ni yo kaꞌan sa nuu ni kivi ni yo iyo sa jiꞌin ni ma.
\m \v 6 Te maa ni chi jâ ka jini ni nde a kúu ja sunkani ñaꞌa, sukan‑vaꞌa ma kenda‑ni de ma, vaa onde kenda kivi ja iyo ja kenda de ma.
\m \v 7 Te vitna jâ yikuu satniñu ja uꞌvi ma. Kovaa iyo ya ja sunkani ñaꞌa ya, te onde jin ndiyo ya ja sunkani ya i, sana kuu satniñu i.
\m \v 8 Sani te kenda tee saꞌa ja ñatuu játna ini Suꞌsi ma. Kovaa maa Jesús Iya Tátnuni ma, tutachi ya de, te kaꞌni ya de, te xnaa ya de jiꞌin nduva ya ma kivi ndii ya ma.
\m \v 9 Te tee saꞌa ja ñatuu játna ini Suꞌsi ma chi maa tachi nani Satanás ma kúu ja kuaꞌa tnuꞌu ndee tnuꞌu ndatnu ja kii de te saꞌa de ndaka ja saꞌa de ma. Te saꞌa de seña jiꞌin milagru, te sukan xndaꞌvi de ñayii ma.
\m \v 10 Te ndevaꞌa‑ni ja uꞌvi nduku de ja saꞌa de ja xndaꞌvi de ñayii ma, sukan‑vaꞌa jin skenaa i maa i ma, vaa kuechi ja ñatuu ni ka kutoo i tnuꞌu ndaa tnuꞌu ndija ma tnuꞌu kuu saꞌa ja jin ndaniꞌi taꞌvi i ma.
\m \v 11 Te chukan kúu ja tetniñu Suꞌsi ma in ja xndaꞌvi ñaꞌa, sukan‑vaꞌa jin kandija i ja masu ja ndaa kúu,
\m \v 12 te sukan‑vaꞌa jin chunaa ndaka ñayii ñatuu ni ka kandija ja ndaa ma, nú masu ja suꞌva ni ka kusii ini i nuu ja uꞌvi ma.
\s1 Ñayii ni ndakaji ya ja jin ndaniꞌi taꞌvi i ma
\rem Escogidos para ser salvados
\p \v 13 Kovaa saña, ndimaa jin ndakuan‑taꞌvi sa nuu Suꞌsi ma ja jin kuu ni, ndijin ja ni ka nduu o saꞌya Suꞌsi o a, ja kutoo ñaꞌa maa Iya Tátnuni ma, ja maa Suꞌsi ma ni ndakaji ñaꞌa onde xinañuꞌu kuiti ma ja ndasavii ndasavaꞌa ñaꞌa Xtumani Ndios ma te jin kandija ni ja ndaa ma, sukan‑vaꞌa jin ndaniꞌi taꞌvi ni.
\m \v 14 Te ni ndakana ñaꞌa ya jiꞌin tnuꞌu vii tnuꞌu vaꞌa ni ka kaxtnuꞌu sa nuu ni ma, sukan‑vaꞌa jin ndaniꞌi tna ni jayiñuꞌu iyo nuu Jesucristo iya tátnuni nuu o a.
\m \v 15 Te chukan kúu ja, ndijin ja ni ka nduu o saꞌya Suꞌsi o a, jin konukuiñi vaꞌa ni, te jin konaꞌa ni tnuꞌu Suꞌsi o a ja ni ka kutuꞌva ni ma, ja ni ka kaꞌan sa ma, jiꞌin ja ni ka tee sa nuu tutu ni ka tetniñu sa nuu ni a.
\m \v 16 Te maa Jesucristo iya tátnuni nuu o a, jiꞌin Yuva o Suꞌsi ma, kúu iya ni kutoo ñaꞌa. Te ni skutaꞌvi ñaꞌa ya ja vii ja vaꞌa sukan kútoo ñaꞌa ya, te sukan ni ndakaꞌan‑mani ñaꞌa ya ja jin koo vaꞌa o ni‑kani ni‑jika, te jín kukanu ini o ya ja sukan ko kuu ja saꞌa ya ma.
\m \v 17 Te na taa ya tnuꞌu ndee ini, te na sunkani vaꞌa ñaꞌa ya, sukan‑vaꞌa ndaka ja jin saꞌa ni ma, te ja vaꞌa ko kuu, te ndaka tnuꞌu jin kaꞌan ni ma tnuꞌu vaꞌa tnuꞌu ndija ko kuu.
\c 3
\s1 Jin kakan‑taꞌvi ni ja jin kuu sa
\rem Oren por nosotros
\p \v 1 Te in‑ka ja kúni sa kúu ja ndijin ja ni ka nduu o saꞌya Suꞌsi o a, jin kakan‑taꞌvi ni ja jin kuu sa, sukan‑vaꞌa kuítenuu yachi‑ka tnuꞌu Iya Tátnuni a, te na jin kaꞌan i ja vaꞌa kúu tnuꞌu ya a, sukan ni ka saꞌa maa ni a,
\m \v 2 te sukan‑vaꞌa jin kaku sa nuu ñayii ka jatna ini ja jin saꞌa i ja uꞌvi ma. Vaa masu ndaka ñayii a ka kandija tnuꞌu Suꞌsi o a.
\m \v 3 Kovaa ja káꞌan Iya Tátnuni ma chi ûni saꞌa ya, te saꞌa ya ja jin konukuiñi vaꞌa ni, te ko koto vaꞌa ñaꞌa ya ja masu kakiꞌi ñaꞌa ja uꞌvi ma.
\m \v 4 Te ka kukanu ini sa Iya Tátnuni ma ja vitna chi ka saꞌa ni ndaka ja ni ka tatnuni sa ma, te sukan‑ni jin ko saꞌa ni kivi kiꞌin o a.
\m \v 5 Te maa Iya Tátnuni ma káxtnuꞌu ja ni‑yuꞌu ni‑ini ni jin kutoo tnaꞌa ni sukan kútoo ñaꞌa Suꞌsi ma, te jin kava kuee ini ni sukan kuee ini Cristo ma.
\s1 Sukan jin satniñu o
\rem El deber de trabajar
\p \v 6 Ja maa Jesucristo Iya Tátnuni ma, te ka tatnuni sa nuu ni ja ni ka nduu o saꞌya Suꞌsi o a, ja máko jin ketnaꞌa ini ni jiꞌin nde ñayii saꞌa tnuꞌu ja ni nduu i saꞌya Suꞌsi o a te ndevaꞌa ndekuu‑ni kúu i te ñatuu saꞌa i sukan ni ka ndakaxtnuꞌu sa ma.
\m \v 7 Vaa maa ni chi ka jini ni sukan ni ka yo kuu sa ma. Te sukan jin ko kuu tna ni. Vaa saña chi masu ndevaꞌa ndekuu‑ni ni ka yo kuu sa kivi ni ka yo iyo sa jiꞌin ni ma.
\m \v 8 Saña chi ni ka yo satniñu sa nduu ñuu, sukan‑vaꞌa jin niꞌi sa ja jin kaa sa ma, te ñatuu na tnundoꞌo ni ka taa sa nuu ni‑in ni ma.
\m \v 9 Ja ndaa kúu ja ka iyo sa ja jin kondetuu ni ja jin kaa sa te jin chindee ñaꞌa ni, kovaa ja ka kuni sa kúu ja jin kutuꞌva ni sukan ka saꞌa ka kuu sa a, te sukan jin ko saꞌa tna ni.
\m \v 10 Suni nuu ni ka iyo sa jiꞌin ni ma, ni ka yo tatnuni sa saꞌa, ja nú na in ñatuu kúni i ja satniñu i ma, suni máko kaa i xita.
\m \v 11 Vaa ni ka jinisoꞌo sa ja ka iyo jaku i neꞌun ni a ja ka saꞌa ndevaꞌa ndekuu‑ni i, te ñatuu ka satniñu i, nú masu ja ka kivi nduu ka kivi niꞌni i nuu masu kuenda i ka kuu ma.
\m \v 12 Te ja maa Jesucristo iya tátnuni nuu o a, te ka tatnuni sa te ka ndakaꞌan‑soꞌo sa nuu ñayii yukan ja na jin satniñu sii ini i, sukan‑vaꞌa jin niꞌi maa i ja jin kaa i ma.
\p \v 13 Te ndijin ja ni ka nduu o saꞌya Suꞌsi o a, má jin kuita ni ja jin saꞌa ni ja vaꞌa ma.
\m \v 14 Nú na in ñatuu kandija tnuꞌu ni ka tee sa nuu tutu yaꞌa, jin kuñaꞌa ni i ja masu vaꞌa‑ni ka saꞌa i, te máko jin ketnaꞌa ini ni jiꞌin i, sukan‑vaꞌa na kukan‑nuu i.
\m \v 15 Kovaa máko jin kuni uꞌvi ni nuu i, suꞌva jin kaꞌan‑soꞌo ni nuu i kuenda tnuꞌu ja in ñani o xi in kuꞌva o kúu i.
\s1 Ka ndakan‑tnuꞌu ñañaꞌa Pablo ma ñayii ni ka nduu saꞌya Suꞌsi ma ja ka iyo i ñuu Tesalónica ma
\rem Bendición final
\p \v 16 Te maa Iya Tátnuni ma iya saꞌa ja jin koo mani o ma, te ndimaa na taa ya tnuꞌu mani ni‑kani ni‑jika. Te maa Iya Tátnuni ma kóo jiꞌin ndaka ni.
\m \v 17 Te ndakan‑tnuꞌu ñañaꞌa ña sa, te tee sa jiꞌin ndaꞌa maa sa a, te jin kuni ni ja maa sa kúu Pablo. Vaa saꞌa saꞌa sa nuu ndaka tutu tee sa ma.
\m \v 18 Te ja kúni sa kúu ja Jesucristo iya tátnuni nuu o a, na skutaꞌvi ñaꞌa ya ja vii ja vaꞌa nuu ndaka o. Te sukan kó kuu.