\id PHM ‑ Mixtec, Magdalena Peñasco
\h Filemón
\mt1 Carta ni saꞌa Pablo ma ja ni tetniñu de nuu tee kúu Filemón ma
\c 1
\s1 Sukan ndákan‑tnuꞌu ñañaꞌa Pablo ma tee kúu Filemón ma
\rem Saludo
\p
\v 1 Saña ja kúu sa Pablo a, te yinee sa vekaa a ja kuechi ja káxtnuꞌu sa tnuꞌu vii tnuꞌu vaꞌa Jesucristo o a nuu ndaka ñayii a, te ka iyo sa jiꞌin ñani o Timoteo a. Te tée sa chaꞌa nuu ni, Filemón, vaa ka kutoo ñaꞌa sa, vaa tee ka jinukuechi nuu Suꞌsi ma ka kuu o.
\m
\v 2 Te saꞌa kuñaꞌa tna ni nuu kuꞌva o Apia ma, ñaꞌa ka kutoo tnaꞌa jiꞌin o ma, jiꞌin nuu ñani o Arquipo ma, tee ka ndoꞌo ka neni jiꞌin o ja ka kaxtnuꞌu o tnuꞌu Suꞌsi o a, jiꞌin nuu ndaka‑ka tnaꞌa o ja ka ndatnaꞌa veꞌe ni ma ja ka ndachiñuꞌu ni Suꞌsi o a.
\m
\v 3 Te maa Yuva o Suꞌsi ma, jiꞌin Jesucristo iya tátnuni nuu o a, na skutaꞌvi ñaꞌa ya ja vii ja vaꞌa ma, te saꞌa ya ja jin koo mani ni.
\s1 Sukan kúkanu ini Filemón ma Suꞌsi ma, jiꞌin sukan kútoo de ñayii ma
\rem El amor y la fe de Filemón
\p
\v 4 Ndaka jichi jikan‑taꞌvi sa nuu Suꞌsi o a, ndimaa ndákaꞌán ñaꞌa sa, te ndákuan‑taꞌvi sa nuu ya ja sukan saꞌa sukan kúu ni nuu ya ma.
\m
\v 5 Vaa jinisoꞌo sa sukan kútoo ni ndaka ñayii ni ka nduu saꞌya Suꞌsi ma ja ñatuu‑ka na ja uꞌvi ka saꞌa i ma, jiꞌin sukan kútoo ni Jesús iya tátnuni nuu o a, jiꞌin sukan ûni kúkanu ini xeen ni ya ma.
\m
\v 6 Te ja sukan saꞌa ni a, sukan kúkanu ini ni ya a chi ja vaꞌa xen‑xeen kúu, vaa saꞌa i ja jin kuni ñayii ma ndaka ja vii ja vaꞌa iyo nuu yoꞌo ja ka iyo o jiꞌin Cristo Jesús o a.
\m
\v 7 Te ni ka ndusii ini xeen sa, te ni ka ndaniꞌi sa tnuꞌu kanu ini, ja sukan kútoo ni tnaꞌa o a. Vaa ja sukan saꞌa ni a, te ñayii ni ka nduu saꞌya Suꞌsi ma ja ñatuu na ja uꞌvi‑ka ka saꞌa i ma, ni ka ndaniꞌi i tnuꞌu kanu ini.
\s1 Pablo ma, jikan‑taꞌvi de nuu Filemón ma ja na ndakuan‑taꞌvi de Onésimo ma
\rem Pablo intercede por Onésimo
\p
\v 8 Chukan kúu ja ja maa Cristo ma, te visi iyo sa ja kuu tatnuni sa ja saꞌa ni sukan iyo ja saꞌa ni ma,
\m
\v 9 kovaa ja ka kutoo tnaꞌa o a, chukan kúu ja saña ja kúu sa Pablo a, ja jâ ni kuu nijaꞌnu sa, te vitna ja yinee sa vekaa ya kuechi ja káxtnuꞌu sa tnuꞌu vii tnuꞌu vaꞌa Jesucristo a nuu ndaka ñayii ma, te jikan‑taꞌvi sa ja saꞌa ni ja vii ja vaꞌa
\m
\v 10 ja kuu Onésimo ma, vaa maa sa ni kaxtnuꞌu tnuꞌu Suꞌsi o a nuu de nuu yinee sa vekaa a, te chukan kúu ja saꞌya maa sa kúu de nuu Suꞌsi ma.
\m
\v 11 Vaa nuu ñatuu kuni‑ka de tnuꞌu Suꞌsi o a chi masu in tee jiniñuꞌu kúu de nkuu. Kovaa vitna chi in tee jiniñuꞌu ndija ni nduu de nuu ni jiꞌin nuu sa a, sukan kúni kaꞌan ja nani de ma.
\m
\v 12 Te maa de ndatetniñu sa ndajaa de nuu iyo ni a, te ndakuan‑taꞌvi ni de kuenda tnuꞌu ja maa sa ni kenda.
\m
\v 13 Visi kúni sa ja na kendoo de yaꞌa te kunukuechi de nuu sa nuu tniñu maa ni, nani yinee sa vekaa ya,
\m
\v 14 kovaa ñatuu ni saꞌa sa sukan, nú masu ja onde ndajaa de nuu iyo ni a, te nú kúni maa ni ja ndatetniñu ni de kii de ja chindee ñaꞌa de, sukan‑vaꞌa ko kuu sukan jani ini maa ni. Kovaa masu xtetuu ñaꞌa sa ja saꞌa ni sukan, suꞌva saꞌa ni ja vaꞌa sukan kúni maa ni.
\p
\v 15 Xi saa ja ni kuu saꞌa ma, in ja ni jani ini maa Suꞌsi ma kúu, te ni jikayata de nuu ni jaku kivi ma, sukan‑vaꞌa kuni de tnuꞌu vii tnuꞌu vaꞌa Suꞌsi o a, te ja ndakokuiñi de ma, te ndakuan‑taꞌvi ni de ja koo ni jiꞌin de ni‑kani ni‑jika.
\m
\v 16 Te másu ko kuu‑ka de tee xtetuu ni ja kunukuechi de nuu ni sukan ni yo saꞌa ni onde xiꞌna‑ka ma. Vaa vitna chi in tee vaꞌa jâ ni nduu de, te katanuu ñukuun ñaꞌa de, vaa in ñani o kúu de, te ka kutoo tnaꞌa xeen o jiꞌin de. Te sukan kúu de nuu maa sa a, te kuiti sukan tna ko kuu de nuu maa ni, vi Filemón, vaa ni iyo de jiꞌin ni kuaꞌa kivi, te kuiti kútoo ni de, te viꞌi‑ka ja vitna ja ka iyo o jiꞌin de nuu Iya Tátnuni a, kuiti kutoo xeen‑ka ni de.
\p
\v 17 Nú tnu kaꞌan o ja ka ketnaꞌa ini o, te ndakuan‑taꞌvi ni de kuenda tnuꞌu ja maa sa. \fig |AP-14-10.tif|span|||Jín sakanu ini nuu tnaꞌa o, te jín ndumani o|1:17\fig*
\m
\v 18 Te nú nawa ni skenaa ni ja kuechi de, xi nawa tavi de nuu ni, te ndasonee ni nuu kuenda maa sa ma.
\m
\v 19 Te maa sa ndachuyaꞌvi, vaa suni tavi tna ni nuu sa, vaa saña ni kaꞌan tnuꞌu Suꞌsi ma nuu ni, te ni jan‑taꞌvi ni, te ni ndaxsama ñaꞌa ya ja ni nduu ni in ñayii vaꞌa. Te ndaꞌa maa sa ja kúu sa Pablo a, tée sa ja maa sa iyo ja ndachuyaꞌvi sa nuu ni.
\m
\v 20 Saa vi, ñani, te ja maa Iya Tátnuni ma, te jikan‑taꞌvi sa nuu ni ja na ndataa ni tnuꞌu kanu ini ja sukan saꞌa ni ma, te koo vaꞌa sa.
\p
\v 21 Te tée sa nuu ni, vaa kúkanu ini sa ja kandija ni ja káꞌan sa a, te vaa jâ jini sa ja kuaꞌa‑ka saꞌa ni sana ja káꞌan sa a.
\m
\v 22 Te suni satuꞌva ni nuu koo sa, vaa ndetu sa ja ko kuu sukan ka jikan‑taꞌvi ni nuu Suꞌsi o a, te jaan sa jan koto ñaꞌa sa.
\s1 Sukan ka ndakan‑tnuꞌu ñañaꞌa ndaka tee ka iyo jiꞌin Pablo ma tee kúu Filemón ma
\rem Saludo y bendición final
\p
\v 23 Te ka ndakan‑tnuꞌu ñañaꞌa ña Epafras tee ka yinee jiꞌin sa vekaa a ja kuechi ja ka kaxtnuꞌu sa tnuꞌu vii tnuꞌu vaꞌa Cristo Jesús o a,
\m
\v 24 jiꞌin Marcos ya, jiꞌin Aristarco ya, jiꞌin Demas ya, jiꞌin Lucas ya, tee ka jinukuechi jiꞌin sa nuu Suꞌsi o a.
\p
\v 25 Te maa ja vii ja vaꞌa ja ni skutaꞌvi ñaꞌa Jesucristo iya tátnuni nuu o a na koo ini anua ndaka ni a. Te sukan kó kuu.