\id 1PE ‑ Mixtec, Magdalena Peñasco
\h 1 Pedro
\mt Carta xinañuꞌu ni saꞌa tee kúu Pedro ma
\c 1
\s1 Sukan ndákan‑tnuꞌu ñañaꞌa Pedro ma ñayii ka kandija Suꞌsi ma
\rem Saludo
\p
\v 1 Pedro ma kúu sa, tee ni tetniñu Jesucristo ma, te káxtnuꞌu sa nuu ni ja ka kuu ni ñayii ni ka jitenuu te ni ka ndasañuu ni ñuu Ponto a, ñuu Galacia a, ñuu Capadocia a, ñuu Asia a jiꞌin ñuu Bitinia a.
\m
\v 2 Ni jini maa Yuva o Suꞌsi ma ja jin ko kuu ni ñayii jin kandija ja káꞌan Xtumani Ndios ma te masu jin saꞌa‑ka ni ja uꞌvi ma, te chukan kúu ja ni ndakaji ñaꞌa maa Suꞌsi ma, sukan‑vaꞌa jin kandija ni ja káꞌan Jesucristo ma, te ja maa niñi ya ma, te jin nduvii jin ndundoo kuiti ni te jin saꞌa ni nanimaa ja játna ini Suꞌsi ma. Na skutaꞌvi ñaꞌa ya ja vii ja vaꞌa, te jin koo mani xen‑xeen ni.
\s1 Jayiñuꞌu kóo nuu Suꞌsi ma ja ni saꞌa ya ja jin ndaniꞌi taꞌvi o
\rem Alabanza a Dios por una esperanza viva
\p
\v 3 Ja vaꞌa kúu Suꞌsi o ma Yuva Jesucristo iya tátnuni nuu o a, ja sukan ndaꞌvi ini xeen ya ma, te ni saꞌa ya ja ni ka ndakâku jaa o. Vaa ka jini o ja ni ndateku maa Jesucristo ma neꞌun ñayii ni ka jiꞌi ma, te sukan, te ka kukanu ini o ja maa ya saꞌa ja jin koteku o ni‑kani ni‑jika.
\m
\v 4 Te jin ndaniꞌi‑taꞌvi o in nuu iyo tuꞌva onde andivi ma ja jin koo o, in nuu masu naa kuiti, in nuu masu na ja uꞌvi iyo, suꞌva vivii koo i ni‑kani ni‑jika, te yukan jin ndatnaꞌa o.
\m
\v 5 Te ja ka kandija o ya ma, te ko koto vavaꞌa ñaꞌa ya nani ka iyo o ñuu ñayivi a, onde kivi ndenda Jesucristo ma, te jin kuni o sukan kúu sukan iyo ja jin ndaniꞌi‑taꞌvi o ma.
\m
\v 6 Te chukan kúu ja visi na jin ndoꞌo jin neni o te jin kuxii ini o vala vitna, kovaa jin koo sii ini o, vaa jiniñuꞌu ja saꞌa jin ndoꞌo o.
\m
\v 7 Vaa sukan kúu oro ma, visi na jin chunee jin chunee de i nuu ñuꞌu iꞌni‑ka ma suꞌva nduu nanimaa‑ka i, te sukan jin ko kuu tna o, te visi na jin ndoꞌo xeen‑ka o, kovaa sukan, te vivii‑ka jin kukanu ini‑ka o ya. Te sukan, te jin koo jayiñuꞌu o kivi jin kuni o sukan kaa maa Jesucristo ma.
\m
\v 8 Visi ñatuu ni ka yo jini ni ya ma, kovaa jâ ni ka kutoo ni ya. Te visi ñatuu ka ndeꞌya ni ya vitna, kovaa ka kandija ni ya. Te ka kusii ini xeen o, ûni masu kuu jin kaꞌan o sukan ka kusii ini o a, vaa ndaka vivii xeen kúu.
\m
\v 9 Vaa ja ka kandija o a kúu ja saꞌa ja jin ndaniꞌi taꞌvi ini anua o a.
\m
\v 10 Tee ni ka yo ndakaxtnuꞌu tnuꞌu ni yo waꞌa Suꞌsi ma, ni ka ndakaꞌan de ja vii ja vaꞌa skutaꞌvi ñaꞌa Suꞌsi ma. Vaa ni ka skuaꞌa vavaꞌa de siki naxe jin ndaniꞌi‑taꞌvi o ma.
\m
\v 11 Ni ka ndasaꞌa vavaꞌa de kuenda na ñayii, na tiempu ko kuu ja ni kaxtnuꞌu Xtumani maa Cristo ma iya ka iyo jiꞌin de ma, iya ni kaxtnuꞌu sukan ndoꞌo neni Cristo ma jiꞌin jayiñuꞌu ya ja ki koo kuee‑ka ja yaꞌa ja ndoꞌo neni ya ma.
\m
\v 12 Nuu tee yaꞌa ni kaxtnuꞌu ya ndaka chaꞌa, ja masu ja jin kuu maa de kúu chi ja jin kuu maa o kúu, te sukan ni ka yo jinukuechi de nuu Suꞌsi ma. Te vitna, te tee ni ka ndakaxtnuꞌu tnuꞌu vii tnuꞌu vaꞌa nuu ni ma, ni ka kaxtnuꞌu de tnuꞌu yaꞌa ja ni waꞌa maa Xtumani Ndios iya vee onde andivi ma. Tnaꞌa chaꞌa ka kuu ini xeen ángel ma ja jin kondeꞌya jin kondeꞌya i.
\s1 Jín xndoo o ndaka ja uꞌvi ma, te jín ko saꞌa o ja vaꞌa ma sukan játna ini Suꞌsi ma
\rem Llamamiento a una vida santa
\p
\v 13 Chukan kúu ja jin koo tuꞌva ni, te jin jakuꞌni ini ni naxe jin saꞌa ni. Te jin ndasaꞌa ni kuenda, te jin kondetu kaꞌnu kaꞌnu ni ndaka ja skutaꞌvi ñaꞌa Suꞌsi ma kivi jin kuni o Jesucristo ma.
\m
\v 14 Jin ko kuu ni sukan ka kuu saꞌya o suchi ka kandija vavaꞌa ma, te má jin saꞌa‑ka ni sukan ni ka yo kuu ini ni ja jin ko saꞌa ni ma, kivi nuu ñatuu jin kuni‑ka ni ja ndaa ma.
\m
\v 15 Jâ ka jini ni ja iya ni kana ñaꞌa ma, ñatuu na ja uꞌvi saꞌa ya, te sukan jin ko kuu tna ni, te ni‑in ja uꞌvi máko jin ko saꞌa ni nani ka iyo‑ka o ñuu ñayivi a,
\m
\v 16 vaa saꞌa ndee nuu tutu káꞌan tnuꞌu ya ma: “Má jin saꞌa ni ja uꞌvi, vaa saña, masu na ja uꞌvi saꞌa sa.”
\m
\v 17 Nú ka kaꞌan ni ja Yuva ni kúu Suꞌsi ma iya ñatuu saꞌa siin ni a in ñayii ma, suꞌva inuu saꞌa ya jiꞌin ndaka o, te saꞌa ndaa ya ndaka ja ka saꞌa in in o ma, te jin koyuꞌu ni ya ndi‑kivi ndi‑kivi nani ka iyo o ñuu ñayivi ya, nasa jin saꞌa ni in ja masu játna ini ya ma.
\m
\v 18 Vaa ka naꞌa ni sukan ni ndeneꞌe ñaꞌa ya nuu ja uꞌvi ja masu jiniñuꞌu ja ni ka yo saꞌa, ni ka yo kuu ni ma, sukan ni ka yo kaxtnuꞌu yuva ni ma. Chukan kúu ja jin konaꞌa ni ja masu jiꞌin xuꞌun ni chuyaꞌvi ya, saa ni ka kaku o a,
\m
\v 19 nú masu ja jiꞌin niñi vivii maa Cristo ma ni chunaa ya, sukan kúu niñi in ndikachi jaa kiti vavaꞌa‑ka.
\m
\v 20 Onde xiꞌna‑ka ja kuvaꞌa ñuu ñayivi ya, ja iyo ya ja maa ya kii ma. Kovaa onde ni kenda kivi ma, te ni kii ya, sukan‑vaꞌa jin koo vaꞌa‑ka o, vaa kútoo ñaꞌa ya ma.
\m
\v 21 Te chukan kúu ja ka kukanu ini o Suꞌsi ma, vaa ni ndaxteku ya Cristo ma neꞌun ñayii ni ka jiꞌi ma, te ni waꞌa ya jayiñuꞌu ya ma. Te chukan kúu ja ka kandija o Suꞌsi ma.
\m
\v 22 Te vitna chi jâ ni ka nduvii ini anua ni a, vaa ka kandija ni ja ndaa ja káxtnuꞌu Xtumani Ndios ma, te ûni jín kutoo tnaꞌa ndija ndi‑in ndi‑in o. Te chukan kúu ja ni‑yuꞌu ni‑anua o jín kutoo tnaꞌa o, te in‑ni ja jin kani ini o.
\m
\v 23 Vaa jâ ni ka ndakâku jaa o, te masu sukan ni ka kâku o xinañuꞌu ma te jin kûu o ma kúu chaꞌa, chi ja maa tnuꞌu Suꞌsi ma, ja kúu ja ndaa ja ndija ma te iyo ni‑kani ni‑jika ma, kúu ja ni saꞌa i ja ni ka ndakâku jaa o a, te masu jin kûu‑ka o.
\m
\v 24 Vaa:
\q1 Ndaka ñayii ma, sukan kúu in yiꞌi ma kúu i,
\q2 te ndaka jayiñuꞌu ñayii ma, sukan kúu ita nuu yiꞌi ma kúu i.
\q1 Yiꞌi ma chi yíchi i,
\q2 te ita i ma chi jínkava,
\q1
\v 25 kovaa tnuꞌu Iya Tátnuni ma chi iyo i ni‑kani ni‑jika.
\m Te tnuꞌu yaꞌa kúu tnuꞌu vii tnuꞌu vaꞌa ni ka ndakaxtnuꞌu de nuu ni a.
\c 2
\p
\v 1 Jín skana jín skuita o ndaka ja uꞌvi ma, jiꞌin ndaka ja ka xndaꞌvi tnaꞌa o ma, jiꞌin ndaka ja ka kaꞌan o te masu ka saꞌa o ma, jiꞌin ndaka ja ka kukueñu ini o ma, jiꞌin ndaka ja ka kaꞌan o tnuꞌu ja kuu in‑ka ñayii ma.
\m
\v 2 Jin ko kuu ni sukan ka kuu lulu suchi yika ni ka kâku ma ja ka ndanduku ka ndanduku‑ni i ja jin kaxi i ma, sukan jin ko ndi ini ni ja jin koninisoꞌo ni maa in‑ni tnuꞌu ndaa tnuꞌu ndija Suꞌsi ma, sukan‑vaꞌa jin kuaꞌnu‑ka ni nuu Suꞌsi ma, te jin ndaniꞌi taꞌvi ni, te másu ko jin koninisoꞌo ni ja ka kaꞌan ñayii ma‑ni.
\m
\v 3 Vitna ja jâ ni ka jini ni sukan vaꞌa ini Iya Tátnuni ma.
\s1 Jesucristo ma chi sukan kúu in yuu kanuu kúu ya
\rem La piedra viva
\p
\v 4 Jin koo ni jin tuꞌva‑ka ni Jesucristo ma, vaa maa ya chi téku ya, te sukan kúu in yuu kanuu kovaa ni ka saxiko ñayii ma, sukan ni ka saꞌa i ya. Kovaa nuu maa Suꞌsi ma chi kuenda tnuꞌu ja in yuu vivii kúu ya, ja ni kaji maa Suꞌsi ma, ja sotnaꞌa ya in veꞌe.
\m
\v 5 Suni jin ko kuu tna ni sukan kúu in yuu vivii ni kaji maa Suꞌsi ma, te jin chindee tnaꞌa ni, ja jin ko kuu ni in veꞌe nuu koo Suꞌsi ma, te jin ko kuu ni sutu, te ni‑in ja uꞌvi jin ko saꞌa ni, te sukan‑vaꞌa ja maa Jesucristo ma, te jin ndakuaꞌa ni ja vii ja vaꞌa nuu Suꞌsi ma tnaꞌa ja játna ini maa ya ma.
\m
\v 6 Suni sukan káꞌan tnuꞌu ndee nuu tutu ya ma:
\q1 Ñuu Sion ya sunkani sa in yuu kanuu vivii ni kaji sa ja kituu i veꞌe ma.
\q2 Te nú na in na kandija ma, masu kukan‑nuu i.
\p
\v 7 Yoꞌo ja ka kandija o ya ma chi vivii kúu, kovaa ñayii ñatuu ka kandija ya ma chi jin kuni i ja:
\q1 Yuu ni ka saxiko ñayii ka saꞌa veꞌe ma,
\q2 te ni nduu i in yuu kanuu‑ka.
\m
\v 8 Te:
\q1 Suni yuu yaꞌa, saꞌa i ja jin kotuu ñayii ma,
\q2 te jin nduva i.
\m Vaa ñatuu ka kandija i tnuꞌu Suꞌsi ma, te chukan kúu ja jin ndachunaa maa i.
\p
\v 9 Kovaa ndijin chi saꞌya tata ni ndakaji Suꞌsi ma ka kuu ni, te ûni ka kuu ni sutu ndija nuu ya, vaa ñuu maa ya ma ka kuu ni, te ñatuu‑ka na ja uꞌvi ka saꞌa ni, vaa maa ya ni ndakaji ñaꞌa. Chukan kúu ja jin kaxtnuꞌu ni ndaka ja vaꞌa saꞌa iya ni ndeneꞌe ñaꞌa nuu nee ma, te ni ndaxsiaꞌa ñaꞌa ya nuu ndúꞌva ñuꞌu vivii maa ya ma.
\m
\v 10 Ndijin, onde xiꞌna‑ka ma, ni kaji ñukuun Suꞌsi ma in ñuu maa ya, te ñatuu na tnuꞌu ndaꞌvi ini ya ma ni kenda nuu ni a, kovaa vitna chi ja ni ndundaꞌvi ini ya ndaka o, te ni ka nduu o ñuu ya ma.
\s1 Nani ka iyo o ñuu ñayivi ya, jín kunukuechi sii ini o nuu Suꞌsi ma
\rem Vivir como siervos de Dios
\p
\v 11 Ndijin ja kútoo ñaꞌa sa, jikan‑taꞌvi sa nuu ni ja ka iyo nunuu ni ñuu ñayivi ya, ja máko jin saꞌa‑ka ni sukan kúu ini yikikuñu o a, vaa yikikuñu o a chi kánaa i jiꞌin anua o a.
\m
\v 12 Jin ko kuu vaꞌa jin ko kuu vii ni, ja ka iyo ni neꞌun ñayii ñatuu ka kandija Suꞌsi o a. Te visi na jin xtekuechi ñaꞌa i ja ka saꞌa ni ja uꞌvi, kovaa nuna jin kuni i ja vaꞌa ka saꞌa ni ma, te jin ndachiñuꞌu i Suꞌsi ma kivi kii ya ja jin ndaniꞌi taꞌvi o ma.
\p
\v 13 Ja maa Iya Tátnuni ma, te jin kandija ni nuu ndaka tee ka netniñu ma. Visi maa ñayii ma ni jani ñaꞌa ja jin kunukuechi de ñuu teyu ni ma, kovaa ndijin chi jin kandija ni ja ka tatnuni de ma, vaa tee ka tatnuni‑ka ka kuu de ma.
\m
\v 14 Suni tee ka jinukuechi nuu gobiernu ma ja ka tatnuni de ñuu kuechi ma, jin kandija tna ni ja ka kaꞌan de ma, vaa tee ni tetniñu tee kúu gobiernu ma ka kuu de ma, te ka iyo de ja jin kaꞌnde de tniñu ñayii ka saꞌa ja uꞌvi ma, te jin chunaa i kuechi i ma. Kovaa jayiñuꞌu jin koo nuu ñayii ka saꞌa ja vaꞌa ma.
\m
\v 15 Vaa saꞌa kúni Suꞌsi ma, ja na jin saꞌa o ja vaꞌa ma. Nuna jin saꞌa o ja vaꞌa ma, te jin kuni ñayii ñatuu ka jini te ñatuu ka jakuꞌni ini i tnuꞌu Suꞌsi ma, te jin kasiyuꞌu i.
\m
\v 16 Vaa vitna chi ja ni taa Suꞌsi ma tnuꞌu ja kuu jin ko saꞌa o nawa ka kuni o ma, kovaa masu kuu‑ni‑nka ja ni taa Suꞌsi ma tnuꞌu ja kuu jin ko saꞌa o nawa ka kuni o ma te jin ko saꞌa‑ka o ja uꞌvi ma chi ñaꞌa. Suꞌva jín ko kuu o ñayii jin kunukuechi nuu Suꞌsi ma.
\m
\v 17 Jín kaꞌan vii jín kaꞌan vaꞌa nuu tnaꞌa ndaka o. Te jín kutoo tnaꞌa o, te jín kaꞌan vii jín kaꞌan vaꞌa o nuu tee kúu jaꞌnu‑ka ñuu teyu o ma, te jín ko ndi ini o ja jin saꞌa o sukan játna ini Suꞌsi ma, vaa iya ndakan kuenda nuu o kúu ya.
\p
\v 18 Ndijin ja ka satniñu ni nuu in‑ka ñayii ma, jin kava respetu ni, te jin kandija ni ndaka ja ka kaꞌan i ma, masu yika‑ni ja nuu ñayii vaꞌa ini ma chi onde nuu ñayii ñatuu vaꞌa ini ma. Visi ma kundee ini o, kovaa kanda o.
\m
\v 19 Nú nde ni jini sukan káꞌan Suꞌsi ma, te saꞌa ni ja vaꞌa ma, te visi ka saꞌa ndevaꞌa‑ka ñaꞌa i ma, kovaa nuna kanda ni ma, te koo jayiñuꞌu ni nuu Suꞌsi ma.
\m
\v 20 Kovaa nuna jin kani ñaꞌa i ja kuechi ja uꞌvi ni saꞌa o ma te kanda o, masu na jayiñuꞌu o koo nuu Suꞌsi ma. Kovaa nuna saꞌa o ja vaꞌa ma te ndoꞌo neni o te kanda o ma, te kaꞌan Suꞌsi ma ja vavaꞌa‑ka kúu o.
\m
\v 21 Vaa Cristo ma chi ni ndoꞌo ni neni ya ja jin kuu o, te sukan ni kaxtnuꞌu ya ja jin ko saꞌa o. Chukan kúu ja ni ndakana ñaꞌa ya ja jin kondikin o sukan ni kaxtnuꞌu ya ma.
\q1
\v 22 Te maa ya chi masu na ja uꞌvi ni saꞌa ya,
\q2 te ñatuu nama kuiti ni xndaꞌvi ya ni‑in ñayii.
\p
\v 23 Nuu ni ka kaꞌan ndevaꞌa i nuu ya ma, masu ni yo ndakaꞌan ndevaꞌa ya nuu i ma. Nuu ni yo ndoꞌo, ni yo neni ya ma, masu ni yo chuꞌun ini ya, suꞌva ni yo yo ndetu ya naxe saꞌa maa Suꞌsi ma, vaa suu ya kúu iya jaꞌnde ndandaa tniñu ma.
\m
\v 24 Te maa ya ni kundee ni kuyii ini ja ni ndachunaa ya kuechi ndaka o ma, nuu ni ndakaa ya nuu krusi ma, sukan‑vaꞌa yoꞌo, sukan kúu ñayii ni jiꞌi ma ja masu kuu nawa saꞌa‑ka i ma, sukan jín ko kuu o nuu ja uꞌvi ma, te jin ko saꞌa o nanimaa ja vaꞌa ja ndaa ma, nani ka iyo o ñuu ñayivi ya. Vaa kuechi ja ni ndoꞌo ni neni ya ma kúu ja ni ka nduvaꞌa o a.
\m
\v 25 Vaa sukan ka kuu ndikachi ni ka skiꞌin maa ti ma ka kuu o nkuu, kovaa vitna jâ ni ka ndenda koo o nuu iya jito vavaꞌa ñaꞌa a, iya ndeꞌya ndeꞌya‑ni ini anua o nawa ka jani ini o ja jin saꞌa o ma.
\c 3
\s1 Sukan jin kuandetu nuu tnaꞌa ñayii ni ka tnandaꞌa ma
\rem Deberes conyugales
\p \v 1 Ndijin ja ka kuu ni ñaꞌa ma, jin kandija ni ja ka kaꞌan yii ni ma, sukan‑vaꞌa yii ni ma, ja ñatuu ka kandija de Suꞌsi ma, te ja jin kondeꞌya de sukan ka saꞌa ka kuu ni ma, te jin kandija de Suꞌsi ma, visi ñatuu ka kaxtnuꞌu ni tnuꞌu ya ma nuu de.
\m \v 2 Te ja jin kuni de ja sukan ka ndaa respetu ni nuu de ma te ñatuu ka kuneé ka ku‑uun ni ma, suꞌva ka saꞌa ni sukan játna ini Suꞌsi ma, sani te ja jin kuni de sukan ma, te jin kandija tna de Suꞌsi ma.
\m \v 3 Másu ko jin kani ini ni ja kuechi ja jin koneꞌnu ni saꞌma ka ndee yaꞌvi xeen‑ka ma, xi ja jin ndatnaa vivii‑ka ni xini ni a ja jin savixi ni maa ni ma, te jin konaꞌa vii‑ka ni, chi ñaꞌa. Ni a másu ko jin kani ini ni ja kuechi ja jin kiꞌi siki oro ka ndee yaꞌvi xeen‑ka ma soꞌo ni ma, xi ja jin kuꞌun sukun ni ma, xi ja jin kuꞌun ndaꞌa ni ma, te jin konaꞌa vii‑ka ni, chi ñaꞌa.
\m \v 4 Suꞌva jin nduku ni ja jin konaꞌa vivii‑ka ini anua ni ma, ja na jin kava vaꞌa ini ni te jin kava kuee ini ni, vaa sukan, te vivii jin konaꞌa ni ni‑kani ni‑jika, vaa sukan játna ini ya ja jin ko saꞌa jin ko kuu ni, ja vivii ka kuu ni nuu ya ma.
\m \v 5 Vaa saꞌa ni ka yo saꞌa, ni ka yo kuu ñaꞌa onde xiꞌna‑ka ma ja vivii ni ka yo kuu ña nuu Suꞌsi ma, vaa vivii ni ka yo kukanu ini ña ya, te ni ka yo kandija ña nuu yii ña ma.
\m \v 6 Sukan ni yo kandija Sara ma nuu yii ña Abraham ma, vaa ni yo jandetu ña nuu de. Te sasiꞌi ña ka kuu ndijin ñaꞌa, nuna jin saꞌa ni ja vii ja vaꞌa ma, te jin kuandetu ni nuu yii ni ma, te masu nawa jin koyuꞌu ni nuu de.
\p \v 7 Suni inuu kuiti jin saꞌa ndijin ja ka kuu ni yii ña ma. Jin nduku ni naxe jin ko kuu vii jin ko kuu vaꞌa ni jiꞌin ñasiꞌi ni ma. Te jin konaꞌa ni ja ñasiꞌi maa ni kúu ña, te jin kutoo ni ña, vaa ñaꞌa kúu ña, te yika‑ka ña. Vaa nduu ni jiꞌin ña jin ndaniꞌi‑taꞌvi ja jin koteku ni ni‑kani ni‑jika. Te onde sukan, jin koo mani ni jiꞌin ña, sukan‑vaꞌa ñatuu nawa sakanuu ñaꞌa ora jin kakan‑taꞌvi ni nuu Suꞌsi ma.
\s1 Jín kutoo tnaꞌa ndi‑in ndi‑in o vaa sukan játna ini Suꞌsi ma
\rem Una buena conciencia
\p \v 8 Sani te in‑ni ja jin kani ini ndaka ni, te jin kutoo tnaꞌa ndi‑in ndi‑in ni, te jin kundaꞌvi ini nuu tnaꞌa ni, te jin ketnaꞌa ini ni.
\m \v 9 Te nú na in saꞌa ñaꞌa ja uꞌvi, máko jin ndasaꞌa ni i ja uꞌvi. Nú na in káꞌan ja uꞌvi ja jin kuu ni, máko jin ndakoneꞌe ni ja uꞌvi ja kuu i chi suꞌva jin kaꞌan ni ja vii ja vaꞌa ja kuu i, vaa yoꞌo chi ni ndakana ñaꞌa Suꞌsi ma ja jin kaꞌan vii jin kaꞌan vaꞌa o, te sukan, te jin niꞌi o ja vii ja vaꞌa ja taa maa Suꞌsi ma.
\m \v 10 Vaa:
\q1 Nú na in kúni ja koteku vii koteku vaꞌa i
\q2 te kuni i ja kenda kivi vaꞌa ma,
\q1 kó koto vaꞌa i yaa i ma, máko kaꞌan i ja uꞌvi,
\q2 te kó koto vaꞌa i yuꞌu i ma, te máko xndaꞌvi i tnaꞌa i ma.
\q1 \v 11 Te kúꞌun ini i ja xndoo i ja uꞌvi ma,
\q2 te saꞌa i nanimaa ja vaꞌa ma.
\q1 Ndúku i ja ndimaa koo mani i jiꞌin ñayii ma,
\q2 te sukan‑ni ko saꞌa i.
\q1 \v 12 Vaa Iya Tátnuni ma, ndeꞌya ya nuu ka iyo ñayii ñatuu na ja uꞌvi ka saꞌa i ma,
\q2 te ninisoꞌo ñukuun ya ja ka jikan‑taꞌvi i ma.
\q1 Kovaa ndákiti ini ya nuu ñayii ka saꞌa ja uꞌvi ma.
\s1 Jín kanda o nú ka xndoꞌo ka xneni ñaꞌa i kuechi ja ka kandija o Suꞌsi ma
\rem Sufriendo por hacer el bien
\p \v 13 ¿Na in kuu saꞌa ñaꞌa ja uꞌvi, nú ndimaa ja vaꞌa ka saꞌa ni ma?
\m \v 14 Te nú ka ndoꞌo ka neni ni ja kuechi ja ka saꞌa ni ja ndaa ma, ja vavaꞌa ka kuu ni nuu Suꞌsi ma.
\q1 Má jin kuaꞌa ni tnuꞌu ja jin xsiuꞌu ñaꞌa i
\q2 jiꞌin ja ka yuꞌu i ma, te má jin koyuꞌu ni.
\p \v 15 Suꞌva jin ndakaꞌan ni ja maa in‑ni Cristo ma kúu iya tátnuni nuu o a, te ndimaa jin koo tuꞌva ni, sukan‑vaꞌa kuu jin ndakoneꞌe vii jin ndakoneꞌe vaꞌa ni nuu ñayii jin kakan‑tnuꞌu ñaꞌa navaꞌa ka kukanu ini ni Suꞌsi ma. Kovaa jin kava kuee ini ni, te jin kava respetu ni nuu i.
\m \v 16 Ni‑in ja uꞌvi jin ko saꞌa ni, sukan‑vaꞌa ñayii ka kaꞌan tnuꞌu ni ma ja ñayii ka saꞌa ja uꞌvi ka kuu ni, jin ndakukan‑nuu maa i ja jin kuni i ja vaꞌa ka saꞌa ni ma ja ka ndikin ni Cristo ma.
\m \v 17 Vavaꞌa‑ka ja jin ndoꞌo jin neni ni ja ka saꞌa ni ja vaꞌa ma, nú sukan kúni maa Suꞌsi ma, sana ja jin ndoꞌo jin neni ni ja ka saꞌa ni ja uꞌvi ma.
\m \v 18 Vaa suni Cristo ma chi in‑ni jichi ni ndoꞌo ni neni ya kuechi ja uꞌvi ni ka yo saꞌa o ma. Iya saꞌa ja vaꞌa ma, ni chunaa ya nuu tniñu o ja ni ka yo saꞌa o ja uꞌvi ma, sukan‑vaꞌa ja maa ya ma, te kuu jin kenda koo o nuu Suꞌsi ma. Ja ndaa kúu ja nuu ni iyo ñayivi ya ma, ni kenda kivi ja ni jiꞌi ya, kovaa ni ndateku ya, te téku ya, visi ñatuu ka jini ndijin o ya vitna a.
\m \v 19 Te maa Xtumani maa ya ma ni jaꞌan ni jan kaxtnuꞌu tnuꞌu vii tnuꞌu vaꞌa maa ya ma nuu anua ka yindesi vaꞌa ma.
\m \v 20 Te onde xiꞌna xeen‑ka ma, nuu ni iyo tee ni yo nani Noé ma, ñatuu ni ka kandija ñayii ma ja ni yo kaxtnuꞌu de ma. Te Suꞌsi ma chi ni kaa kuee ini ya, te ni yo ndetu ya nani ni saꞌa de arca ma, te kivi yukan jaku‑ni ñayii ni ka kaku, vaa una‑ni i ni ka kivi koo ini arca ma, te ni yoxtnee tnu nuu ndute ma, te ni ka kaku i.
\m \v 21 Te suni sukan kúu vitna, te nuna jin kuandute o, te jin kaku o, vaa ni ndateku Jesucristo ma. Te ndute ma, masu maa in‑ni yikikuñu o a ndasavii de chi onde ini anua o a nduvii, te kuꞌun kuꞌun‑ni ini o Suꞌsi ma.
\m \v 22 Te Jesucristo ma chi ni ndaa ya onde andivi ma, te iyo ya xiñi kuaꞌa Suꞌsi ma. Te nuu maa‑ni ya ka kandija ángel ma, te suni sukan ka kandija tna ndaka ja ka tatnuni ja ka iyo andivi ma nuu Cristo ma.
\c 4
\s1 Jín ko saꞌa o sukan ni yo saꞌa Cristo ma
\rem Viviendo el ejemplo de Cristo
\p
\v 1 Jâ ka jini o ja Cristo ma, in‑ni ja ni jani ini ya, visi ni ndoꞌo ni neni ya nuu ni iyo ya ñuu ñayivi ya, te sukan, te ni kundee ya nuu ja uꞌvi ni ka yo saꞌa o ma. Suni sukan jín kani ini o te jín kanda o nú ka ndoꞌo ka neni o ma, vaa sukan, te jin kundee o nuu ja uꞌvi ma,
\m
\v 2 te sukan, te jaku kivi jin koo o ñuu ñayivi ya, te má jin kuu ini‑ka o ja jin saꞌa o sukan ka saꞌa ndaka‑ka ñayii ma, suꞌva ja jin saꞌa o ma kó kuu sukan játna ini Suꞌsi ma.
\m
\v 3 Jâ ni kuu‑ni. Máko jin ko saꞌa‑ka o sukan ka jatna ini ñayii ñatuu ka kandija Suꞌsi ma, ja jâ ni ka yaa maa i te kuan koo i. Te ka saꞌa maa i ja ka kuni maa i ma, te ka ndajini i, te ka ndatnaꞌa i te ka skaꞌan tnaꞌa i ja jin saꞌa i ja uꞌvi ma, te ka xtivi i maa i, te ka chiñuꞌu‑ka i ja masu Suꞌsi ka kuu ma.
\m
\v 4 Te ka jani ini i ja naku ñatuu ka saꞌa‑ka o sukan ni ka yo saꞌa o jiꞌin i ma, nuu ni ka yo kuneé, ni ka yo kuñuu o ma te ni ka yo saꞌa o ndaka ja uꞌvi ma. Te vitna chi ka xtekuechi ñaꞌa i ja masu ka iyo vaꞌa o.
\m
\v 5 Kovaa ndaka ja ka saꞌa ka kuu i ma jin ndakuaꞌa i kuenda nuu iya iyo tuꞌva ja ndakan ya kuenda nuu ñayii ka teku a jiꞌin nuu ñayii ni ka jiꞌi ma.
\m
\v 6 Vaa ñayii ni ka jiꞌi ma, suni ni ka jinisoꞌo tna i tnuꞌu vii tnuꞌu vaꞌa Suꞌsi ma, te visi jâ ni ka jiꞌi i ma te ni ka chuꞌu ñayii ma ñundeꞌyu i ma, sukan ka kuyuꞌu ndaka ñundeꞌyu ñayii ka jiꞌi ma, kovaa jin koteku anua i ma nuu Suꞌsi ma.
\p
\v 7 Te jâ ve kuyatni ja ndiꞌi ndaka ja iyo ñuu ñayivi a. Chukan kúu ja jin kani vaꞌa ini ni nawa jin saꞌa ni, te jin koto vaꞌa ni maa ni, te jin kakan‑taꞌvi jin kakan‑taꞌvi‑ni ni nuu Suꞌsi ma. \fig |AP-13-24.tif|span|||Jín ko koto vaꞌa o maa o, te jin kakan taꞌvi jin kakan taꞌvi ni o nuu Suꞌsi ma|4:7\fig*
\m
\v 8 Te ûni jin kutoo tnaꞌa ndija ni, vaa ja kútoo tnaꞌa ndija o ma kúu ja saꞌa ja kuu sakanu ini o ndevaꞌa‑ni nawa ka saꞌa ñaꞌa ñayii ma.
\m
\v 9 Jin kuanuu ni veꞌe ni ma ja jin ndoo tnaꞌa o ma, te máko jin kuñaña ni nuu ñayii ma.
\m
\v 10 Nde a ni skutaꞌvi ñaꞌa Suꞌsi ma ja jin saꞌa ndi‑in ndi‑in o, te jin saꞌa o, te sukan jín kunukuechi nuu tnaꞌa o, sukan kúni maa Suꞌsi ma, vaa jiniñuꞌu ja jin kuatniñu vavaꞌa o ndaka ja vii ja vaꞌa ni skutaꞌvi ñaꞌa ya ma.
\m
\v 11 Nú na in káꞌan tnuꞌu Suꞌsi ma nuu in‑ka ñayii ma, te káꞌan ndaa i. Nú na in jinukuechi ini veñuꞌu ma ja káxtnuꞌu i tnuꞌu Suꞌsi ma, te ja maa tnuꞌu ndee tnuꞌu ndatnu Suꞌsi ma, te káxtnuꞌu vaꞌa i, sukan‑vaꞌa ja maa Jesucristo ma, te kóo jayiñuꞌu Suꞌsi ma ja ndaka ja ka saꞌa o ma, vaa maa in‑ni ya iyo ja ndachiñuꞌu o ya, te maa in‑ni ya tátnuni nuu o ni‑kani ni‑jika. Te sukan kó kuu.
\s1 Máko jin kuxii ini o nú ka ndoꞌo ka neni o kuechi ja ni ka nduu o saꞌya Suꞌsi a
\rem Padeciendo como cristianos
\p
\v 12 Ndijin ja kútoo ñaꞌa sa, má jin kani ini ni, ¿naku kúu saꞌa?, nú ni kenda in ja jin ndoꞌo jin neni ni. Má jin kuxii ini ni te jin kani ini ni ja naku maa in‑ni ni ka ndoꞌo ka neni ma.
\m
\v 13 Suꞌva jín koo sii ini o ja ka ndoꞌo ka neni o sukan ni ndoꞌo maa Cristo ma, sukan‑vaꞌa kivi jin kuni o jayiñuꞌu maa Cristo ma, te jin koo sii ini xeen‑ka o.
\m
\v 14 Nuna jin kaꞌan ndevaꞌa ñayii ma nuu ni ja kuechi ja ka ndikin o Cristo ma, ja vavaꞌa ka kuu ni, vaa ka iyo ni jiꞌin jayiñuꞌu maa Xtumani Ndios ma. Ja ndaa kúu ja kuechi maa ñayii ma ka kuu, te ka kaꞌan ndevaꞌa i ja kuu Suꞌsi ma, kovaa nuu Suꞌsi ma chi iyo jayiñuꞌu, kuechi ja vii ja vaꞌa ka saꞌa maa ni a.
\m
\v 15 Nú nde ni ndóꞌo néni, kovaa másu ko kuu kuechi ja ni jaꞌni ni in ñayii, xi ja ni sakuiꞌna ni, xi ja ni saꞌa ni ja uꞌvi ma, xi ja ni kivi nduu ni nuu másu kivi nduu ni ma, chi ñaꞌa.
\m
\v 16 Kovaa nú na in ndóꞌo néni ja kuechi ja ni nduu i saꞌya Suꞌsi ma, máko ko kukan‑nuu i, chi suꞌva ndáchiñuꞌu i Suꞌsi ma ja sukan ndóꞌo néni i ma.
\m
\v 17 Vaa jâ ni kenda kivi ja ndakan ya kuenda nuu ndaka o ja ka iyo o veꞌe ya a. Te nú xinañuꞌu‑ka nuu yoꞌo ja ka kandija o Suꞌsi a kejaꞌa ya ndakan ya kuenda, ¿nde a ko kuu ja jin ndoꞌo jin neni ñayii ñatuu ka kandija tnuꞌu vii tnuꞌu vaꞌa Suꞌsi ma?
\q1
\v 18 Te nú tnundoꞌo xeen sana ndaniꞌi‑taꞌvi
\q2 ñayii saꞌa ja vii ja vaꞌa ma,
\q1 ¿nawa jin ko kuu‑nka ñayii ka saꞌa ja uꞌvi ma
\q2 te ñatuu ka kandija i Suꞌsi ma?
\p
\v 19 Chukan kúu ja nú nde o ka ndoꞌo ka neni ja ka saꞌa o sukan kúni Suꞌsi ma, te na jin skendoo o anua o ma nuu ndaꞌa maa iya ni saꞌa ñaꞌa ma, nuu maa iya kuu jin kukanu ini o ma, te maa ya chindee ñaꞌa ja kuu jin koo saꞌa o ja vaꞌa ma.
\c 5
\s1 Sukan jin ko saꞌa jin ko kuu tee nijaꞌnu‑ka ma jiꞌin suchi jaa ma
\rem Exhortación a los ancianos y a los jóvenes
\p \v 1 Saña tna ja tee núkuiñi ja jini jito sa ñayii ka kandija Suꞌsi ma kúu sa, te ni jini sa sukan ni ndoꞌo ni neni Cristo ma, te kúkanu ini sa ja jin koo jayiñuꞌu o jiꞌin Cristo ma kivi ndenda ya ma. Chukan kúu ja ndijin ja ka kuu tna ni tee ka nukuiñi ja ka jini ka jito ni ñayii ka kandija Suꞌsi ma, jikan‑taꞌvi xeen sa nuu ni saꞌa.
\m \v 2 Jin ko koto vaꞌa ni ndaka ñayii ni ka nduu saꞌya Suꞌsi ma ja ka iyo ni jiꞌin i ma. Máko jin kani ini ni ja ka xtetuu tnaꞌa o ja jin saꞌa ni sukan, suꞌva maa ni jin kuꞌun ini ja jin kunukuechi ni nuu Suꞌsi ma. Te máko jin ndiyo ini ni ja onde jin niꞌi ni xuꞌun ma sana jin kunukuechi ni nuu Suꞌsi o ma, chi ñaꞌa, suꞌva jin kuꞌun ini ni ja jin saꞌa ni sukan játna ini Suꞌsi ma.
\m \v 3 Máko jin ko kuu nijaꞌnu maa ni ja jin ko tatnuni ni te jin saꞌa ndevaꞌa ni ñayii ni taa Suꞌsi ma ja jin ko koto ni i ma, suꞌva vivii jin ko kuu ni jiꞌin i ja ka jinukuechi ni nuu Suꞌsi ma, sukan‑vaꞌa jin kuni i, te jin ko saꞌa tna i sukan ka saꞌa ni ma.
\m \v 4 Sani te kivi ndenda iya ni tatnuni ja jin ko koto o ñayii ni ka nduu saꞌya Suꞌsi ma, te taa ya corona ja masu naa ja masu tivi, te jin koo jayiñuꞌu o nuu ya.
\p \v 5 Suni ndaka roꞌo ja ka kuu ro suchi jaa a jin kandija ja ka kaꞌan tee nijaꞌnu‑ka ma. Te ndaka ni jin kandija nuu tnaꞌa, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma:
\q1 Vaa Suꞌsi ma, masu ninisoꞌo ya te ni masu katanuu ya ja ka kaꞌan ñayii ja ka jani ini i ja maa i ka kuu‑ka ma,
\q2 kovaa ja vii ja vaꞌa skutaꞌvi ya ñayii inuu‑ni jan‑taꞌvi i ndaka ñayii ma.
\p \v 6 Chukan kúu ja jin ndakunitnuni ni naxe ka iyo ni nuu ndaꞌa Suꞌsi iya nevaꞌa tnuꞌu ndee tnuꞌu ndatnu ma, sukan‑vaꞌa maa ya, te taa ya jayiñuꞌu kivi yukan ma.
\m \v 7 Ndaka ja ndí ini o ma, te sonee o nuu ndaꞌa maa ya ma, vaa maa ya jito ñaꞌa, te naꞌa ya nawa jiniñuꞌu o ma.
\m \v 8 Jin kani vavaꞌa ini ni nawa jin saꞌa ni, te jin ko koto vaꞌa ni maa ni ja másu ko jin ko saꞌa ni ni‑in ja uꞌvi, vaa iyo tachi ma ja kiti ini i nuu o ma, te sukan kúu yuꞌu kiti xeen nani ndikaꞌa ma, sukan kúu i, te kuaꞌan vee i kónduu ñaꞌa i, te ndúku i na in kuu kokon i.
\m \v 9 In‑ni ja jin kani ini ni nuu Suꞌsi ma, te jin konukuiñi vaꞌa ni, vaa ka jini ni ja suni sukan ka ndoꞌo ndaka ñayii ni ka nduu saꞌya Suꞌsi o a, ja ka iyo i ni‑kaꞌnu ñuu ñayivi a.
\m \v 10 Vaa maa Suꞌsi iya skutaꞌvi ñaꞌa ndaka ja vii ja vaꞌa ma kúu iya ni ndakana ñaꞌa ja maa Jesucristo ma, sukan‑vaꞌa jin koo jayiñuꞌu o jiꞌin Cristo ma ni‑kani ni‑jika. Te visi na jin ndoꞌo jin neni o vala, nani ka iyo o ñuu ñayivi a, kovaa maa ya chindee ñaꞌa, te jin saꞌa o nanimaa ja vii ja vaꞌa sukan játna ini ya ma, te jin konukuiñi vaꞌa o, te chindee chituu ñaꞌa ya ja jin koo vaꞌa o.
\m \v 11 Te kóo jayiñuꞌu nuu maa ya, te maa in‑ni ya tátnuni nuu o ni‑kani ni‑jika. Te sukan kó kuu.
\s1 Sukan ndákan‑tnuꞌu ñañaꞌa Pedro ma ñayii ka kandija Suꞌsi ma
\rem Saludos finales
\p \v 12 Tee kúu Silvano a, kúkanu ini sa ja iyo vaꞌa de nuu Suꞌsi ma. Te ni tee de jaku‑ni tnuꞌu yaꞌa ja jâ ni kaꞌan sa a, te jin ko kuu ni sukan ni ndakaꞌan‑soꞌo sa nuu ni a. Te ndákaxtnuꞌu sa ja tnuꞌu yaꞌa chi tnuꞌu vii tnuꞌu vaꞌa ndija ja ni skutaꞌvi ñaꞌa Suꞌsi ma kúu, te jin konukuiñi vaꞌa ni sukan káꞌan tnuꞌu yaꞌa.
\m \v 13 Ndaka ñayii ka iyo ñuu Babilonia a ja ni ka nduu i saꞌya Suꞌsi ma, ja ni ndakaji tna ya i sukan ni ndakaji ñaꞌa ya yoꞌo a, ka ndakan‑tnuꞌu ñañaꞌa ña i, te suni ndákan‑tnuꞌu ñañaꞌa tna ña Marcos saꞌya sa nuu Suꞌsi ma.
\m \v 14 Jin ndakuaꞌa tnaꞌa ndaka ni nchuxi ja ka kutoo tnaꞌa o a. Te kóo tnuꞌu mani nuu ndaka ni ja ka iyo ni jiꞌin Jesucristo o a. Te sukan kó kuu.