\id 2pe ‑ Mixtec, Magdalena Peñasco
\h 2 Pedro
\mt1 Carta ku‑uu ni saꞌa tee kúu Pedro ma
\c 1
\s1 Sukan ndákan‑tnuꞌu ñañaꞌa Pedro ma ñayii ka kuu saꞌya Suꞌsi ma
\rem Saludo
\p \v 1 Saña kúu Simón Pedro, tee ni tetniñu Jesucristo ma ja kunukuechi sa nuu ya. Te tée sa nuu ni ja ka kandija vivii ni Suꞌsi ma sukan ka kandija maa sa ya a. Ja maa ja vavaꞌa ni saꞌa maa Suꞌsi o Jesucristo iya ni saꞌa ja ni ka kaku o nuu ja uꞌvi ma kúu ja ka kandija o ya a.
\m \v 2 Te vitna ja ka jini o Suꞌsi o ma, jiꞌin Jesucristo iya tátnuni nuu o a, te na skutaꞌvi ñaꞌa Suꞌsi ma kuaꞌa ja vii ja vaꞌa, te jin koo mani ni.
\s1 Jín saꞌa o ja vaꞌa ja ndaa vaa sukan kúu maa Suꞌsi ma
\rem Partícipes en la naturaleza divina
\p \v 3 Suꞌsi ma, ni kaxtnuꞌu ya jayiñuꞌu ya ma, jiꞌin tnuꞌu ndee tnuꞌu ndatnu ya ma, te sukan ni kaxtnuꞌu ya na in kúu ya ja ni ndakana ñaꞌa ya ma, te saꞌa ya ja kuu jin saꞌa o sukan ni tatnuni ya ja jin ko saꞌa jin ko kuu o ma.
\m \v 4 Te sukan, te ni skuiso ya ja taa ya ndaka ja vii ja vaꞌa iyo ja jin niꞌi o ma, te ûni jín koo o jín tuꞌva‑ka o ya, sukan‑vaꞌa jin koo tuꞌva‑ka o ja jin saꞌa o sukan saꞌa sukan kúu maa ya ma, te chukan kúu ja ûni jín xndoo o ja uꞌvi ma ja iyo ñuu ñayivi ya, tnaꞌa ja ni ka yo kuu ini o ja jin ko saꞌa o ma.
\m \v 5 Te ûni ni‑yuꞌu ni‑ini ni jin kandija‑ka ni ma. Te suni jin kuꞌun ini ni ja jin saꞌa‑ka ni ja vaꞌa ma. Te suni jin kuꞌun ini ni ja jin kutuꞌva‑ka ni nde a kúni Suꞌsi ma ja jin saꞌa ni.
\m \v 6 Te suni jin kuꞌun ini ni ja jin kundee ni ja jin tatnuni ni nuu yikikuñu ni ma. Te suni jin kuꞌun ini ni ja jin kundee ni ja jin kava kuee ini ni ja ka ndoꞌo ka neni ni ma. Te suni jin kuꞌun ini ni ja jin ko ndi ini ni ja jin kuandetu ni nuu Suꞌsi ma.
\m \v 7 Te suni jin kuꞌun ini ni ja jin kundaꞌvi ini nuu tnaꞌa ni. Te suni jin kuꞌun ini ni ja jin kutoo tnaꞌa ndija ni.
\m \v 8 Vaa nú ndaka chaꞌa ka saꞌa o, te kuaꞌa‑ka ja kuu jin ko saꞌa o, te ñatuu na in koo kuxi ja ñatuu na ja vaꞌa ko saꞌa i ma, vaa jâ ka jini o ndaka ja kúu ini Jesucristo iya tátnuni nuu o ma ja jin ko saꞌa o ma.
\m \v 9 Kovaa ñayii ñatuu saꞌa sukan ma, vala tiꞌi‑ni ndeꞌya i, vaa ñatuu kúndijin‑ka nuu i ma, te ni ndunaa i ja jâ ni ndasavii ñaꞌa Suꞌsi ma ndaka kuechi ni yo saꞌa i ma.
\p \v 10 Te chukan kúu ja ndijin ja jâ ni ka nduu ni saꞌya Suꞌsi o a, te jin kuꞌun ini ni ja jin kaka vaꞌa o ichi Suꞌsi o a, iya ni ndakana ñaꞌa te ni ndakaji ñaꞌa ya ja jin kondikin ndija o ya, vaa nuna jin saꞌa o saꞌa chi ma jin skenaa o maa o.
\m \v 11 Vaa nuna jin saꞌa o saꞌa, te ndanune ndaꞌa yeꞌe ma, te kuu jin kivi koo o nuu tatnuni ni‑kani ni‑jika maa Jesucristo ma, iya tátnuni nuu o a, iya ni saꞌa ja ni ka kaku o nuu ja uꞌvi ma.
\s1 Ûni jín kondikin o tnuꞌu ndaa tnuꞌu ndija Suꞌsi ma
\rem Exhortaciones a la fidelidad a la verdad
\p \v 12 Chukan kúu ja ndimaa ndákaꞌan‑soꞌo sa tnuꞌu yaꞌa nuu ni, visi ka jini ni te jâ ka saꞌa ndija ni sukan káꞌan tnuꞌu ndaa ni ka kaxtnuꞌu i nuu ni a.
\m \v 13 Te kúsii ini sa nani téku‑ka sa ñuu ñayivi ya, te ndáxndaku ini ñaꞌa sa te ndákaꞌan‑soꞌo sa nuu ni a.
\m \v 14 Vaa ka jini ni ja sani te xndoo sa yikikuñu sa a, vaa maa Jesucristo iya tátnuni nuu o a, sukan jâ ni kaxtnuꞌu ya nuu sa.
\m \v 15 Te chukan kúu ja ndí ini sa, te ñukuun ndákaꞌan‑soꞌo ndákaꞌan‑soꞌo‑ka sa nuu ni a, vaa nuna noꞌo sa nuu Suꞌsi ma, te másu ko jin ndunaa ni ni a vala ja ni yo kaꞌan‑soꞌo sa nuu ni a.
\p \v 16 Jâ ni ka kaxtnuꞌu sa sukan ndii Jesucristo Iya Tátnuni ma jiꞌin ndaka tnuꞌu ndee tnuꞌu ndatnu ya ma. Kovaa masu ja ka ndakani‑ni sa kúu tnuꞌu yaꞌa, vaa ni ka jini sa jiꞌin nuu sa, vaa sukan iyo ya ja tatnuni ya ma.
\m \v 17 Vaa nuu ni niꞌi ya jayiñuꞌu ya jiꞌin tnuꞌu respetu ni waꞌa Yuva ya Suꞌsi ma, te ni jinisoꞌo ya ja ni kaꞌan onde andivi ma nuu iyo jayiñuꞌu maa Suꞌsi ma: “Iya yaꞌa kúu Saꞌya maa sa ja kútoo sa ya, te iyo sii ini sa jiꞌin ya, ja sukan saꞌa ja sukan kúu ya a.” Saꞌa ni kaꞌan ya ma.
\m \v 18 Te suni sukan ni ka jinisoꞌo sa ja ni kaꞌan Suꞌsi ma onde andivi ma, nuu ka iyo sa jiꞌin Cristo ma xini yuku ii ma.
\p \v 19 Te ja ni ka jinisoꞌo sa sukan ma, te chíndee ñaꞌa i ja jin kukanu ini‑ka o sukan káꞌan tnuꞌu ni ka tee tee ni ka yo ndakaxtnuꞌu tnuꞌu ni yo waꞌa Suꞌsi ma. Te vaꞌa‑ni jin saꞌa ni, nuna jin koninisoꞌo ñukuun ni tnuꞌu ni yo waꞌa Suꞌsi ma. Vaa tnuꞌu yaꞌa, sukan kúu in ñuꞌu ndúꞌva nuu nee ma kúu i, kovaa kivi ko kuu sukan káꞌan ma, te jin kuni ndiꞌi jin kuni tuꞌu o ja ni ka ndakaꞌan de ma. Te sukan kúu ora tnuu niꞌni ja kénda kimi xtnee neꞌe ma, sukan jin jakuꞌni ini o ndaka ja ni ka yo ndakaxtnuꞌu de ma.
\m \v 20 Kovaa jin konaꞌa vavaꞌa ni ja ni‑in tnuꞌu ni yo waꞌa Suꞌsi ma ja ndenee nuu tutu káꞌan tnuꞌu maa ya ma, masu kuu kaꞌan in ñayii ja maa in‑ni i jákuꞌni ini sukan kúni kaꞌan tnuꞌu yaꞌa.
\m \v 21 Vaa masu sukan ka kuu ini maa ñayii ma kúu ja ni kenda tnuꞌu Suꞌsi o a, nú masu ja maa Xtumani Ndios ma, ni yo skaꞌan ya tee ni ka yo saꞌa ja vaꞌa ja ndaa ma, te ni ka tee de, te ni ka yo ndakaꞌan de nuu ñayii ma, vaa tee ni ka yo ndikin Suꞌsi ma ka kuu de.
\c 2
\s1 Sukan jin ndoꞌo jin neni tee ñatuu ka kaxtnuꞌu ndaa tnuꞌu Suꞌsi ma
\rem Falsos profetas y falsos maestros
\r (Judas 3‑13)
\p \v 1 Vaa ni ka yo iyo tee ni ka yo xndaꞌvi ñayii ñuu Suꞌsi ma ja ka saꞌa de tnuꞌu ja tee ni ka yo ndakaxtnuꞌu tnuꞌu ni yo waꞌa Suꞌsi ma ka kuu maa de. Te suni sukan jin kenda koo tee nuu ka iyo ni a, ja jin kuni de ja jin xndaꞌvi ñaꞌa de. Te jin saꞌa de tnuꞌu ja tee ka jini xeen tnuꞌu Suꞌsi ma ka kuu de, kovaa masu jin kaxtnuꞌu ndaa de tnuꞌu Suꞌsi ma nuu ni. Te ñayii kandija ma chi skenaa i maa i, vaa jin kaꞌan de ja masu Suꞌsi kúu Jesucristo iya tátnuni nuu o a, iya ni ndeneꞌe ñaꞌa nuu ja uꞌvi ma. Kuechi ja saꞌa jin saꞌa de ma, te sanaa sanaa‑ni, te jin skenaa de maa de.
\m \v 2 Te kuaꞌa ñayii jin ndikin tee yukan, te jin saꞌa i sukan ka saꞌa de ma, te ja kuechi ja uꞌvi ka saꞌa i ma, te jin kaꞌan ndevaꞌa ñayii ma ja kuu ichi ndaa Suꞌsi ma.
\m \v 3 Te tee yukan chi vivii jin kaꞌan de, sukan‑vaꞌa jin xndaꞌvi ñaꞌa de, vaa ka ndiyo ini de xuꞌun ni ma. Kovaa jâ ni kuu kii jâ iyo ja jin ndoꞌo jin neni de, te jâ iyo tuꞌva nuu jin ndachunaa de ma.
\p \v 4 Vaa Suꞌsi ma, masu ni sakanu ini ya ángel ja ni ka jiso kuechi ma, suꞌva ni skuita nuu ya i nuu andeya ma, te ni chinee vaꞌa ya i nuu nee ma, ja masu kuu jin nde koo i ma, te yukan jin koo i onde kivi ndakan Suꞌsi ma kuenda nuu i ma.
\m \v 5 Te ñatuu ni sakanu ini ya ñayii ni ka iyo onde xiꞌna‑ka ma, nú masu ja maa‑ni Noé tee ni yo ndakaxtnuꞌu tnuꞌu Suꞌsi ma, jiꞌin uja tnaꞌa de ma ni tavaꞌa ya, te ni saꞌa ya ja ni kuun savi xeen ma, te ni chitu ndute ma ni‑kaꞌnu ñuu ñayivi ya, nuu ni ka iyo ñayii ni ka yo saꞌa ja uꞌvi ma.
\m \v 6 Te suni sukan ni tatnuni ya ja jin kayu ñuu Sodoma ma jiꞌin ñuu Gomorra ma, te maa‑nka yaa jin nduu i, te suni sukan ni kaxtnuꞌu ya ja sukan jin ndoꞌo ñayii ñatuu ka kandija Suꞌsi ma tiempu yaꞌa.
\m \v 7 Kovaa tee kúu Lot ma, ni saꞌa ya ja ni kaku de, vaa ni yo saꞌa de ja vaꞌa ma, te ni yo kuxii ini de ja ni yo jini de sukan ni ka yo saꞌa ñayii ma ja uꞌvi ma.
\m \v 8 Vaa tee yaꞌa, in tee ni yo saꞌa ja vaꞌa ja ndaa ni yo kuu de, te ndi‑kivi ndi‑kivi ni yo kuxii ini de, vaa ndeꞌya de te jinisoꞌo de ja uꞌvi ka saꞌa ñayii ka iyo yukan.
\m \v 9 Kovaa saꞌa, te ka jini o ja Iya Tátnuni ma chi kuu kasi ndee kasi ndoso ya ñayii kándija ja káꞌan ya ma ja ma skaꞌan ñaꞌa tachi ma, te konevaꞌa tuꞌva ya ñayii ka saꞌa ja uꞌvi ma onde kenda kivi ndakan ya kuenda nuu i ma te jin ndachunaa i ja ni ka yo saꞌa, ni ka yo kuu i ma.
\m \v 10 Te saꞌa, te ka jini o ja viꞌi‑ka jin ndoꞌo jin neni ñayii ka saꞌa ndaka ja uꞌvi ka kuni maa yikikuñu i ma te ka saxiko i ja tátnuni Iya Tátnuni ma.
\p Te ûni ka kaꞌan ndevaꞌa i nuu suchi in‑ka ma suchi viviꞌi tátnuni ñuu ñayivi ya kuenda tnuꞌu ja maa ñayii yukan ka tatnuni‑ka.
\m \v 11 Vaa ni a ángel ma ja ka iyo‑ka tnuꞌu ndee tnuꞌu ndatnu i ma, masu nde ka jikan i nuu Iya Tátnuni ma sukan ka kuni i ja xndoꞌo xneni ya suchi ka tatnuni ñuu ñayivi ya.
\m \v 12 Kovaa ñayii yaꞌa chi ñatuu ka jakuꞌni ini i te ka kaꞌan yichi i nuu suchi ka tatnuni ñuu ñayivi a. Te sukan ka kuu kiti masu ka ndasaꞌa kuenda ka kuu i. Ni ka kâku i ja ndimaa sukan‑ni jin ko saꞌa i. Te kuechi ja sukan ka saꞌa i ma, te jin skenaa i maa i.
\m \v 13 Te jin ndaniꞌi jin ndatnaꞌa i ja kuechi ja masu ja vaꞌa ni ka yo saꞌa i ma, vaa ka jatna ini i te ka kusii ini i ja ka saꞌa i ndaka sukan ka kuni maa yikikuñu i ma ndi‑kivi ndi‑kivi. Ñayii yaꞌa chi ka ndaa tneꞌe i nuu Suꞌsi ma, ka ndaa kini ini anua i ma. Te onde nuu ka jaa o jiꞌin i xita ma, te ka kusii ini i ka ndakaꞌan i ja uꞌvi ka saꞌa i ma.
\m \v 14 Te ndimaa ka ñuꞌu ini i ja jin kivi nduu i jiꞌin ñayii ñatuu ni tnandaꞌa jiꞌin i ma, te ñatuu ka ndajinu ini i ja jin saꞌa i ja uꞌvi ma. Te ka xndaꞌvi i ñayii ka ku‑uun ka kusuꞌva‑ni ini nuu Suꞌsi ma. Jâ ni ka kaan i ja ka ndiyo ini i te ka niꞌi i nde a ka kuni i ma. Ñayii yaꞌa chi saꞌya ja uꞌvi ma ka kuu i.
\m \v 15 Jâ ni ka xndoo i ichi ndaa ma, te kuan koo i ichi tee kúu Balaam saꞌya Beor ma. Vaa tee yaꞌa chi ni jatna ini‑ka de ja saꞌa de ja uꞌvi ma, sukan‑vaꞌa niꞌi de xuꞌun ma.
\m \v 16 Chi jâ ka jini ni na in ni ndakaꞌan nuu de, nuu sani te saꞌa de ja uꞌvi ma. Vaa burra de kiti ndiso ñaꞌa ma, ni kaꞌan ti sukan káꞌan in ñayii, te ni sunkani ti de ja ma saꞌa de ja uꞌvi sukan kúni de ma nkuu.
\p \v 17 Ñayii yaꞌa chi sukan ka kuu nuu ka too ndute ma te jâ ni ka yichi ma xi sukan ka kuu viko ma ja xndechi ñaꞌa kajin ma, sukan ka kuu i, te jâ iyo tuꞌva in nuu nee xeen ja jin koo i ni‑kani ni‑jika.
\m \v 18 Vaa vivii ka kaꞌan i ora ka kaxtnuꞌu i ma, kovaa masu nde jiniñuꞌu ja ka kaꞌan i ma, vaa ka kaꞌan i ja kuu jin saꞌa ñayii ma sukan ka kuni maa yikikuñu i ma, te ñayii yika ni ka nde koo nuu ja uꞌvi ma, te ka saꞌa i ja ka ndakokuiñi tuku ñayii ndaꞌvi yukan in‑ka tuku jichi nuu ja uꞌvi ma.
\m \v 19 Te ka jiñaꞌa i nuu ñayii ndaꞌvi yukan ma ja kuu jin saꞌa i nawa ka kuni maa i ma, vaa maa ñayii ka kaꞌan saꞌa ma chi ka nuꞌni i nuu ja uꞌvi ma, vaa nú nawa kúndee nuu o ja tátnuni i ja saꞌa o ma chi nuu i jinukuechi o.
\m \v 20 Vaa ja ndaa kúu ja ni ka ndayaa i nuu ja uꞌvi iyo ñuu ñayivi ya, vaa jâ ni ka jini i Jesucristo Iya Tátnuni ma iya ni saꞌa ja ni ka kaku o nuu ja uꞌvi ma nkuu, kovaa ni ka ndivi nduu tuku i in‑ka jichi, te ni ndakundee tuku ja uꞌvi ma nuu i, te chukan kúu ja kaꞌvi‑ka ni ka nduu i sana onde xiꞌna‑ka ma nuu ñatuu jin kuni‑ka i Jesucristo ma.
\m \v 21 Vaa jâ ni ka jini i ichi vaꞌa ma nkuu, te ni ka xndoo i tnuꞌu vaꞌa ja ni tatnuni ya ma. Vaꞌa‑ka nute ñatuu ni ka jini i ichi vaꞌa ma nkuu.
\m \v 22 Kovaa ni ka ndoꞌo i sukan káꞌan tnuꞌu ndichi ma ja káꞌan saꞌa ma: “La‑ina ma chi ndákaa ti ja ni kana ndoꞌo ti ma, te chikini ka skuchi vivii i ma chi ndáskee niꞌni tuku ti maa ti nuu ndute tneꞌe ma, te ndasatneꞌe tuku ti maa ti.”
\c 3
\s1 Kivi ndii Iya Tátnuni ma
\rem El día del Señor
\p \v 1 Ndijin ja kútoo ñaꞌa sa, chaꞌa kúu ja ku‑uu carta tée sa nuu ni, te nduu carta a chi ndimaa ndákaꞌan‑soꞌo ndákaꞌan‑soꞌo sa nuu ni, sukan‑vaꞌa vivii jin jakuꞌni ini ni, te jin konaꞌa ni nawa jin saꞌa ni,
\m \v 2 te jin ndakaꞌán ni sukan ni ka yo kaꞌan tee ñatuu na ja uꞌvi ni ka yo saꞌa de ma, tee ni ka yo ndakaxtnuꞌu tnuꞌu ni yo waꞌa Suꞌsi ma jiꞌin tnuꞌu ni tatnuni Jesucristo iya tátnuni nuu o a, iya ni saꞌa ja ni ka ndaniꞌi taꞌvi o a, vaa ndaka tnuꞌu yaꞌa ni ka kaxtnuꞌu tee ni tetniñu ya nuu ka iyo ni a.
\m \v 3 Te chukan kúu ja xinañuꞌu kuiti‑ka káxtnuꞌu sa saꞌa, vaa kivi ve kuyatni ja ndii Iya Tátnuni ma, kenda koo tee ka saꞌa sukan ka kuni maa de ma, te jin jakundee ñaꞌa de.
\m \v 4 Te jin kaꞌan de: “¿Ndenu iyo ja ni skuiso ya ja ndii ya ma? Vaa onde kivi ni ka jiꞌi yuva o tee janaꞌa ma, ka iyo ndaka ja ni saꞌa ya ma, te masu nawa ndaxsama ya”, jin kaꞌan de.
\m \v 5 Te tee yaꞌa chi ñukuun ka saꞌa de ja ñatuu ka ndakunitnuni de ja onde xiꞌna‑ka ma, ja maa Suꞌsi ma ni kaꞌan, te ni ka kuvaꞌa andivi ma te ni kuvaꞌa ñuꞌú ya, te maa nuu ndute ma ni nana ñuꞌú yaꞌa, te ja maa ndute ma te iyo i.
\m \v 6 Te ja maa ja ni kaꞌan ya ma, te ni naa ñuu ñayivi ya ja ni saꞌa ndute ma.
\m \v 7 Kovaa andivi a jiꞌin ñuu ñayivi iyo vitna a, ka iyo tuꞌva i sukan káꞌan maa tnuꞌu Suꞌsi ma ja jin kayu jin koko i kivi ndakan Suꞌsi ma kuenda ma te jin ndachunaa maa ñayii ñatuu ka kandija Suꞌsi ma.
\p \v 8 Ndijin ja kútoo ñaꞌa sa, jin konanaꞌa ni chaꞌa, ja nuu maa Suꞌsi ma, chi in kivi ma kuenda tnuꞌu ja in mil kuiya kúu, te mil kuiya ma kuenda tnuꞌu ja in kivi‑ni kúu.
\m \v 9 Iya Tátnuni ma, masu ja ni ndunaa ya ja ni skuiso ya ma kúu, sukan ka jani ini jaku ñayii ma ja kukuee Suꞌsi ma ndenda ya ma. Kovaa Suꞌsi ma chi suꞌva ja kaa kuee ini ya nuu ndaka o ma kúu, chukan kúu ja ñatuu ndenda‑ka ya, vaa ñatuu kúni ya ja ni‑in o skenaa o maa o, nú masu ja ndaka ñayii ma, na jin ndakani jin ndakaꞌvi ini i te jin ndakokuiñi i nuu ya ma.
\m \v 10 Kovaa kivi ndii Iya Tátnuni ma, naꞌñi naꞌñi‑ni kenda kivi yukan sukan kénda in kuiꞌna jakuaa ma, te ora yukan ûni îyo xeen kuu yuꞌu andivi a, te jin naa andivi a, te ndaka ja ka iyo ñuu ñayivi a, jin kayu jin koko i, te jin naa i.
\p \v 11 Ka jini o ja ndaka ja iyo ñuu ñayivi ya jin naa, te chukan kúu ja jiniñuꞌu ja jin ko ndi ini o ja máko jin saꞌa‑ka o ni‑in ja uꞌvi, suꞌva jin saꞌa o sukan játna ini Suꞌsi ma.
\m \v 12 Te chukan kúu ja ni‑yuꞌu ni‑ini o jín kondetu o kivi ndenda Suꞌsi ma te jin kaku o nuu ja uꞌvi ma, vaa kivi yukan, te kuikin andivi a, te naa i, te ndaka ja iyo ñuu ñayivi ya, jin kayu i, te jin ndatnana i.
\m \v 13 Kovaa yoꞌo chi jâ ka ndetu o in andivi jaa jiꞌin in ñuꞌú jaa nuu jin koo o, nuu iyo ja vaꞌa ja ndaa ma, sukan ni skuiso Suꞌsi ma.
\m \v 14 Chukan kúu ja ndijin ja kútoo ñaꞌa sa, nani ka ndetu o ja kenda kivi yukan, te jín ko ndi ini o ja jin koo mani o jiꞌin Suꞌsi ma, te jín kuꞌun ini o ja ñatuu ni‑in ja uꞌvi jin ko saꞌa o ja saꞌa i ja jin ndakuiso kuechi o.
\m \v 15 Te jin jakuꞌni vavaꞌa ini ni navaꞌa ndetu‑ka Iya Tátnuni ma, vaa ja kúni ya kúu ja jin ndaniꞌi taꞌvi ndaka o. Suni sukan ni tee tna tnaꞌa o Pablo tee ka kutoo tnaꞌa jiꞌin o ma, te ni tee de tnuꞌu ndichi sukan ni waꞌa maa Suꞌsi ma.
\m \v 16 Ndi‑saꞌa ni kaꞌan de nuu ndaka carta ni tee de ma, ja ko kuu. Te jaku ja ni tee de ma yii xeen ja jin jakuꞌni ini o, te chukan kúu ja ñayii ñatuu ka ndikin ni‑yuꞌu ni‑ini i Suꞌsi ma te ñatuu ka jakuꞌni vaꞌa ini i tnuꞌu ni tee de ma, te ka ndaxsama i. Te sukan ka saꞌa tna i jaku‑ka tnuꞌu ndee nuu tutu káꞌan tnuꞌu ya ma, te chukan kúu ja ka skenaa i maa i.
\m \v 17 Chukan kúu ja ndijin ja ka kutoo tnaꞌa o a, jâ ni xtuꞌva ñaꞌa sa, te jin ko koto vaꞌa ni maa ni, nasa jin ndaxndaꞌvi ñaꞌa ñayii ñatuu ka kandija Suꞌsi ma, te jin ndaskaka yata ñaꞌa i, te jin ndandikin ni ja jin saꞌa ni sukan ka kaꞌan i ma, te jin nde koo ni nuu ka iyo vavaꞌa ni nuu ndaꞌa Suꞌsi o a.
\m \v 18 Suꞌva jin kuꞌun ini ni ja jin kutuꞌva‑ka ni sukan káꞌan tnuꞌu vii tnuꞌu vaꞌa ni skutaꞌvi ñaꞌa Jesucristo iya tátnuni nuu o a, iya ni saꞌa ja ni ka kaku o nuu ja uꞌvi ma. Te sukan, te jin kuni ndaa ni ya. Nuu maa ya na koo jayiñuꞌu onde vitna te ni‑kani ni‑jika. Te sukan kó kuu.