\id 2JN ‑ Mixtec, Magdalena Peñasco
\h 2 Juan
\mt1 Carta ku‑uu ni saꞌa tee kúu Juan ma
\c 1
\s1 Sukan ndákan‑tnuꞌu ñañaꞌa Juan ma ñayii ka kuu saꞌya Suꞌsi ma
\rem Saludo
\p
\v 1 Saña, tee nijaꞌnu kúu sa, te tée sa nuu ndaka ni ja ni ka nduu ni saꞌya Suꞌsi o ma ja ni kaji ñaꞌa maa Suꞌsi ma. Kútoo ndija ñaꞌa sa, te masu maa in‑ni sa kútoo ñaꞌa, nú masu ja ndaka tnaꞌa o a ja ni ka jini i ja ndaa ma,
\m
\v 2 tnaꞌa ja ndaa ja iyo ini anua o a te jin koo jiꞌin o ni‑kani ni‑jika.
\p
\v 3 Yuva o Suꞌsi ma jiꞌin Jesucristo Saꞌya maa Yuva o ma, na skutaꞌvi ñaꞌa ya ja vii ja vaꞌa ma, te kúndaꞌvi ini ñaꞌa ya, te saꞌa ya ja jin koo mani ndaka o, sukan ka kandija o ja ndaa ma te ka kutoo tnaꞌa o ma.
\s1 Jín kondikin o jín saꞌa o sukan ni kaxtnuꞌu Cristo ma
\rem El mandamiento del amor
\p
\v 4 Ni kusii ini xeen sa ja ni jini sa ja jaku ni ja ni ka nduu o saꞌya Suꞌsi ma, te ka saꞌa ndija ni sukan ni tatnuni Yuva o Suꞌsi ma.
\m
\v 5 Te vitna jikan‑taꞌvi sa nuu ni ja ûni jín kutoo tnaꞌa ndi‑in ndi‑in o. Masu in tnuꞌu jaa kúu tnuꞌu yaꞌa ja tátnuni sa nuu ni a, nú masu ja in tnuꞌu ja jâ ni tatnuni ya onde xinañuꞌu ma kúu i.
\m
\v 6 Te nuna jin ko kutoo tnaꞌa o ma, jin saꞌa o sukan ni tatnuni ya ma. Te tnuꞌu yaꞌa kúu tnuꞌu ni ka jinisoꞌo ni onde xinañuꞌu ma, ja jín kutoo tnaꞌa o sukan káꞌan ya ma.
\p
\v 7 Jin koto vaꞌa ni maa ni, vaa ka iyo kuaꞌa ñayii ñuu ñayivi a ja ka kaꞌan i ja Jesucristo ma, masu ni kii ñayivi ya ñuu ñayivi a, te sukan jin xndaꞌvi ñaꞌa i. Te na in káꞌan saꞌa, ñayii xndaꞌvi ñaꞌa kúu i, te ñayii jini uꞌvi nuu Jesucristo ma kúu i.
\m
\v 8 Jin kondeꞌya ni ja jin kuu maa ni, sukan‑vaꞌa má jin skenaa ni ndaka ja skutaꞌvi ñaꞌa Suꞌsi ma ja ka satniñu o a.
\m
\v 9 Ndevaꞌa‑ni na in ndúnaa ja ndaa ma te ñatuu tníi i ja ko kuu i sukan káꞌan tnuꞌu Cristo ma, ñatuu iyo i jiꞌin Suꞌsi ma. Te ñayii tníi i te saꞌa i sukan káꞌan tnuꞌu Cristo ma, ñayii yukan kúu ñayii iyo jiꞌin Yuva o Suꞌsi ma jiꞌin Saꞌya ya Jesucristo ma.
\m
\v 10 Nú na in kenda nuu ka iyo ni a te ñatuu káꞌan i sukan káꞌan tnuꞌu Cristo ma, má jin kuan‑taꞌvi ni i nuu ka iyo ni a, ni a jin kuñaꞌa ni: “¡Vaꞌa saꞌa ni ja ni kenda ni, te jinkoo ni!”, vaa in ñayii saꞌa ja uꞌvi kúu i.
\m
\v 11 Vaa nú na in jiñaꞌa: “¡Vaꞌa saꞌa ni ja ni kenda ni, te jinkoo ni!”, chi kétnaꞌa ini i jiꞌin ñayii saꞌa ja uꞌvi ma.
\s1 Kúni Juan ma ja kiꞌin de te ndatnuꞌu de jiꞌin ñayii ni ka nduu saꞌya Suꞌsi o ma
\rem Espero ir a donde están ustedes
\p
\v 12 Iyo kuaꞌa xeen ja tee sa nuu ni, kovaa ñatuu kúni sa ja tee sa ndaka nuu tutu a jiꞌin tinta a, vaa ndetu sa ja jaan maa sa, te nuu nuu o jin ndatnuꞌu o a, sukan‑vaꞌa jin ndusii ini ndija o.
\m
\v 13 Ñayii ni ka nduu saꞌya Suꞌsi ma, tnaꞌa ñayii ni kaji ya ma, ka ndakan‑tnuꞌu ñañaꞌa ña i. Te sukan kó kuu.