\id JUD ‑ Mixtec, Magdalena Peñasco
\h Judas
\mt1 Carta ni saꞌa tee kúu Judas ma
\c 1
\s1 Sukan ndákan‑tnuꞌu ñañaꞌa Judas ma ñayii ka kuu saꞌya Suꞌsi ma
\rem Saludo
\p
\v 1 Saña kúu Judas ñani Santiago ma, te jinukuechi sa nuu Jesucristo ma, te tée sa nuu ndijin ja ni ndakana ñaꞌa Suꞌsi ma ja jin ndaniꞌi taꞌvi ni ma vaa kútoo xeen ñaꞌa ya ma, te maa Saꞌya ya Jesucristo ma jito vaꞌa ñaꞌa te jin koo vii jin koo vaꞌa ni.
\m
\v 2 Vaa maa ya chi kúndaꞌvi ini xeen ñaꞌa ya, te saꞌa ya ja jin koo mani ni, te saꞌa ya ja kuu jin kutoo tnaꞌa xeen ni.
\s1 Sukan jin ndoꞌo jin neni tee ñatuu ka kaxtnuꞌu ndaa tnuꞌu Suꞌsi ma
\rem Falsos profetas y falsos maestros
\r (2 Pedro 2:1‑17)
\p
\v 3 Ndijin ja kútoo ñaꞌa sa, ndí ini sa ja jin kuu ni, te chukan kúu ja kúni sa ja tee sa nuu ni siki ja naxe jin ndaniꞌi‑taꞌvi ndaka o ma nkuu. Kovaa ni ndasaꞌa sa kuenda, te kanuu‑ka ja tee sa tnuꞌu yaꞌa ja ndakaꞌan‑soꞌo sa nuu ni, ja ka kuu o ñayii ni ndasavii ni ndasavaꞌa ñaꞌa Suꞌsi ma, te jin tnii vavaꞌa ni sukan ni kaxtnuꞌu Suꞌsi ma ja jin kandija o ya ma, te sukan jín ko saꞌa o ni‑kani ni‑jika, te máko jin ko kuaꞌa ni tnuꞌu ja ñayii ma, te koo jin ndaxsama i sukan ni ka kutuꞌva ni ma.
\m
\v 4 Vaa jâ ni ka kenda koo yuꞌu tee ja ka iyo ja jin skenaa de maa de ma, te tee yaꞌa chi ndimaa ja uꞌvi ma ka saꞌa de, tnaꞌa ja ñatuu játna ini Suꞌsi ma. Te ka kaꞌan de ja kuechi ja vii ja vaꞌa ni skutaꞌvi ñaꞌa Suꞌsi ma, te kuu jin saꞌa o ndevaꞌa‑ni nde a ka kuni maa o ma, te ka kaꞌan de ja másu jin kandija o Jesucristo iya kúu jitoꞌo o ma, iya tátnuni nuu o ma.
\p
\v 5 Kovaa ja kúni sa kúu ja máko jin ndunaa ni tnaꞌa ja ni ka jini ni ja ni saꞌa Suꞌsi ma, vaa visi ni ndeneꞌe ya ñayii ñuu ya ma ñuu Egipto ma sukan‑vaꞌa ma jin ndoꞌo jin neni‑ka i ma, kovaa kuee‑ka ma, te ni xnaa ya ñayii ni ka saꞌa soꞌo ma te ñatuu ni ka kandija i ma.
\m
\v 6 Te sukan ni saꞌa tna ya jiꞌin ángel ñatuu ni ka kandija ma, ja ni ka xndoo i nuu ka iyo i ma, te ni masu ni ka ndi ini i ja ka ndanuu‑ka i sana ñayii ma. Te chukan kúu ja maa Suꞌsi ma ni nuneꞌe i nuu nee ma, te ni chunee ya i onde kunu ma, te yukan jin koo maa i ni‑kani ni‑jika, onde kenda kivi ndakan ya kuenda nuu i ma.
\m
\v 7 Te suni sukan ni saꞌa tna ya jiꞌin ñuu Sodoma ma jiꞌin Gomorra ma jiꞌin ñuu ka iyo yatni jiꞌin i ma, ja suni sukan ni ka yo saꞌa i ja uꞌvi tnaꞌa ja ñatuu játna ini Suꞌsi ma, vaa ni ka yo kivi nduu i jiꞌin ndi‑in ndi‑in ñaꞌa ma, te ni ka kutuꞌva i ja jin saꞌa i ja másu jin saꞌa‑ka i ma. Te ni xndoꞌo ni xneni ñaꞌa Suꞌsi ma nuu ñuꞌu iꞌni ja káyu ni‑kani ni‑jika ma, sukan‑vaꞌa jin kuni o ja sukan jin ndoꞌo jin neni ñayii ka saꞌa ja uꞌvi sukan ni ka yo saꞌa i ma.
\p
\v 8 Visi saꞌa ni kuu ma, kovaa tee yaꞌa chi masu ka ndasaꞌa de kuenda. Te ka kuvixi maa de ja maa de ka tatnuni‑ka, te ka saꞌa de sukan ka jatna ini yikikuñu de ma, te sukan ka satneꞌe de maa de nuu Suꞌsi ma. Te ka saxiko de ja tátnuni Suꞌsi ma, te ni masu ka ndi ini de, vaa onde nuu ja ka tatnuni ñuu ñayivi a ka kaꞌan ndevaꞌa de.
\m
\v 9 Ni a ángel Miguel ma, masu ni kaꞌan ndevaꞌa i te ni masu ni kaꞌan uꞌvi i ja kuu tachi ma, nuu ka kanaa ndee i ñundeꞌyu Moisés ma. Suꞌva jiñaꞌa i: “Maa Suꞌsi ma ndakan kuenda nuu ro”, kúu i jiñaꞌa i.
\m
\v 10 Kovaa tee yaꞌa chi ka kaꞌan ndevaꞌa de, visi ñatuu ka jini de nawa ka kuu ma. Kovaa ja ka jatna ini maa de ma ka saꞌa de, te sukan ka kuu kiti ñatuu ka jakuꞌni ini ma, sukan ka kuu de, te ka saꞌa uꞌvi de maa de ma.
\p
\v 11 ¡Ndaꞌvi maa de, ja ka saꞌa de sukan ni yo saꞌa Caín ma! Te ka saꞌa de ja uꞌvi ma, sukan‑vaꞌa jin niꞌi de xuꞌun ma, sukan ni yo saꞌa Balaam ma. Te jin skenaa de maa de, sukan ni skenaa Coré ma nuu ñatuu ni kandija de ja káꞌan Moisés ma.
\m
\v 12 Tee yaꞌa chi iyo yika ja ndatnaꞌa o jiꞌin de, vaa ora ka saꞌa ni viko ma chi ja ka ndi ini‑ka de kúu ja jin kaa jin koꞌo maa de, te ñatuu ka ndi ini de ja jin kuu in‑ka ñayii ma. Sukan ka kuu viko ma ja ñatuu na ndute ka ndiso i ma ja ñuꞌu kuaꞌan ñuꞌu vee ñaꞌa tachi yiꞌi ma, sukan‑ni ka kuu de. Xi sukan kúu in yutnu iyo ja kuun javixi ma te ni ñatuu nawa ni kuun ma, sani te ni jinu kuiya tnu, te ni yichi tnu, te sani te ka tava i onde yoꞌo tnu ma, sukan‑ni ka kuu tee yaꞌa.
\m
\v 13 Sukan kúu nuu ndute mar ma ja kuaꞌan vee nuu de ma, sukan ka kuu tee yaꞌa. Te sukan kúu ti‑iñu iyo yuꞌu ndute ma ja ni ndututu ndaka ja tneꞌe ma, sukan ka kuu ja uꞌvi ka saꞌa de ma, vaa masu ja vii kúu ma. Sukan ka kuu tiuxini ja kuan koo ve koo i ma, sukan ka kuu de, te ja iyo tuꞌva nuu nee ma nuu chunee ñaꞌa Suꞌsi ma, te yukan jin kun‑nee maa de ni‑kani ni‑jika.
\m
\v 14 Te suni saꞌa ni kaꞌan tna tnaꞌa Adán ma tee kúu Enoc ma: “Iya Tátnuni ma, kii ya jiꞌin kuaꞌa mil ángel ya ma,
\m
\v 15 te ndakan ya kuenda nuu ndaka o. Te saꞌa ya ja jin ndachunaa ñayii ni ka yo saꞌa ja ñatuu játna ini ya ma, ñayii ni ka yo jakundee tnuꞌu ndaa ya ma, ñayii ni ka yo kaꞌan uꞌvi ja kuu ya ma.” Saꞌa ni kaꞌan de.
\m
\v 16 Tee yaꞌa, ka kaꞌan de tnuꞌu ñayii ma, te ka ndakiti ini de ja ñatuu kúu jin saꞌa de sukan ka kuni maa de ma. Te ñií yuꞌu de ma‑ni ka iyo ja ka kaꞌan vii de ma, sukan‑vaꞌa jin kuaꞌa ñayii ma ja ka kuni de ma.
\s1 Ndákaꞌan‑soꞌo Judas ma sukan jin kandija o tnuꞌu Suꞌsi ma
\rem Amonestaciones y exhortaciones
\p
\v 17 Kovaa ndijin ja ka kutoo tnaꞌa o a, jin konaꞌa ni sukan ni ka yo kaꞌan tee ni tetniñu Jesucristo iya tátnuni nuu o a,
\m
\v 18 ja: “Kivi ve kuyatni ja ndii Jesucristo ma, kenda koo tee jin jakundee ñaꞌa, te ma jin kandija de ja ka kaꞌan o a, te jin saꞌa de ja uꞌvi sukan ka jatna ini yikikuñu de ma.” Saꞌa ni ka yo kaꞌan tee ni tetniñu Jesucristo ma.
\m
\v 19 Te tee ñatuu ka kandija ja ka kaꞌan o ma chi ka saꞌa siin de in jichi in jichi ñayii ka kandija Suꞌsi ma, vaa ka saꞌa de sukan ka jatna ini maa yikikuñu de ma, vaa ñatuu ka iyo de jiꞌin Xtumani Ndios ma.
\p
\v 20 Kovaa ndijin ja ka kutoo tnaꞌa o a, jin konukuiñi vaꞌa ni nuu tnuꞌu vii tnuꞌu vaꞌa Suꞌsi o a ja jâ ni ka kandija o ma, te ka kukanu ini o maa ya ma, te jin kakan‑taꞌvi ni nuu Suꞌsi ma sukan káxtnuꞌu maa Xtumani Ndios ma.
\m
\v 21 Ja sukan kútoo ñaꞌa Suꞌsi ma, te jin ko saꞌa ni sukan játna ini ya ma, nani ka ndetu o Jesucristo iya tátnuni nuu o a, ja na kundaꞌvi ini ñaꞌa ya, sukan‑vaꞌa jin koo o ni‑kani ni‑jika nuu iyo ya ma.
\p
\v 22 Jaku ñayii ka jani ini ja nú ndija xi masu ndija ma, jin chindee ni i ja jin kandija i.
\m
\v 23 Jin ndakaꞌan‑soꞌo ni nuu ñayii ja kuan koo i ichi nuu ñuꞌu iꞌni ma, sukan‑vaꞌa na jin kaku i. Jin kundaꞌvi ini ni ñayii ka saꞌa ja uꞌvi ma. Kovaa jín ko koto vaꞌa ni maa ni, nasa yukan, te jin saꞌa ni sukan ka saꞌa i ma, te vitna ja Suꞌsi ma chi ndakan ya kuenda nuu o. Vaa onde saꞌma ka neꞌnu i ma ka ndiso kuechi ja uꞌvi ka saꞌa i ma. Chukan kúu ja jin saxiko ni ja uꞌvi ka saꞌa i ma. Nú ñaꞌa te ndandava ndee ñaꞌa i, te jin ko kuu tna ni sukan ka kuu i ma, te masu kuu.
\s1 Sukan chíñuꞌu Judas ma Suꞌsi ma
\rem Doxología
\p
\v 24 Suꞌsi ma, kuu koto vaꞌa ñaꞌa ya ja ma jin saꞌa ni ni‑in ja uꞌvi, sukan‑vaꞌa ma jin kotuu ni, sukan‑vaꞌa ñatuu ni‑in kuechi jin kondiso o, te kenda koo sii ini o nuu tatnuni vivii ya ma.
\m
\v 25 Vaa maa in‑ni ya kúu Suꞌsi, te maa in‑ni ya nevaꞌa tnuꞌu ndichi. Te maa ya ni skaku ñaꞌa nuu ja uꞌvi ma. Te ja maa Jesucristo iya tátnuni nuu o a, te kóo jayiñuꞌu nuu maa Suꞌsi ma, vaa iyo tnuꞌu ndee tnuꞌu ndatnu ya ma, te maa ya tátnuni nuu ndaka o onde xinañuꞌu ma te onde vitna a, te maa ya tatnuni ni‑kani ni‑jika. Te sukan kó kuu.