\id REV ‑ Mixtec, Magdalena Peñasco
\h Apocalipsis
\mt1 Tnuꞌu ni kaxtnuꞌu Jesucristo ma nuu tee kúu Juan ma ja sukan ko kuu ma
\c 1
\s1 Tnuꞌu ni ndakaxtnuꞌu Jesucristo ma nuu o a
\rem La revelación de Jesucristo
\p
\v 1 Maa Suꞌsi ma ni waꞌa tnuꞌu yaꞌa nuu Jesucristo ma, ja ndákaxtnuꞌu ya nuu o ja ka jinukuechi o nuu ya a, tnaꞌa ja jin ko kuu ma, te masu jin kukuee‑ka. Te maa Suꞌsi ma ni tetniñu ángel ya ma, sukan‑vaꞌa kaxtnuꞌu i nuu Juan tee jinukuechi nuu ya ma.
\m
\v 2 Te ni ndakaꞌan ni ndakachi de sukan káꞌan tnuꞌu Suꞌsi ma, te ni jini de sukan saꞌa sukan kuu Jesucristo ma, te ndákaꞌan de ndaka sukan ni jini de ma.
\m
\v 3 Chukan kúu ja ñayii káꞌvi tnuꞌu ndee nuu tutu yaꞌa jiꞌin ñayii ninisoꞌo tnuꞌu ndee nuu tutu yaꞌa, ja vavaꞌa kúu i nuna saꞌa i ndaka sukan káꞌan ma, vaa jini i sukan káꞌan ja ko kuu ma. Te jâ ve kuyatni kivi a.
\s1 Sukan ndákan‑tnuꞌu ñañaꞌa Juan ma ñayii ka kandija Suꞌsi ma ja ka iyo i ndi‑uja ñuu Asia ma
\rem Saludo a las siete iglesias
\p
\v 4 Juan ma kúu sa, te tée sa nuu ni ja ka kuu ni ñayii ka kandija Suꞌsi ma ja ka ndatnaꞌa ni ndi‑uja ñuu ka iyo ñuu Asia ma. Kúni sa ja maa Suꞌsi ma, ja iyo ya jiꞌin ndi‑uja ja vii ja vaꞌa ñuꞌu ini anua ya ma ja ka iyo nuu núkoo ya ma, te na saꞌa ya ja jin koo vii jin koo vaꞌa ni te jin koo mani ni, vaa maa ya iyo vitna, te suni maa ya iyo onde xinañuꞌu ma, te maa ya ndii ma.
\m
\v 5 Te sukan tna na saꞌa maa Jesucristo iya káxtnuꞌu ndaa ndaka sukan iyo ja ko kuu ma, iya ni ndateku xinañuꞌu neꞌun ñayii ni ka jiꞌi ma, iya tátnuni nuu ndaka tee ka tatnuni ñuu teyu o a ja ka iyo de ñuu ñayivi a.
\p Te maa ya kúu iya ni kutoo ñaꞌa, te ni ndakate ya ndaka kuechi o ma jiꞌin niñi ya ma.
\m
\v 6 Te ni saꞌa ya ja ni ka nduu o rey, te ni ka nduu o sutu, sukan‑vaꞌa jin kunukuechi o nuu Yuva ya Suꞌsi ma. Te nuu maa ya koo jayiñuꞌu, vaa maa ya kúu iya tátnuni ni‑kani ni‑jika. Te sukan kó kuu.
\m
\v 7 Jin kondeꞌya ni ja ndenda ya nuu viko ma, te ndaka ñayii ma, jin kuni i sukan ndenda ya ma, onde ñayii ni ka jaꞌni ya ma, jin kuni i. Te ndaka ñayii ka iyo ndaka ñuu ni‑kaꞌnu ñuu ñayivi a, jin ndandaꞌyu i, kuechi ja sukan ni ndoꞌo ya ma. Saa vi, te sukan kó kuu.
\p
\v 8 Te kaꞌan Suꞌsi Iya Tátnuni ma: “Maa sa kúu letra xinañuꞌu ma, te maa sa kúu letra sandiꞌi‑nka ma, te maa sa ni skejaꞌa ndaka ja iyo a, te maa sa sinu ndaka”, kúu ya káꞌan ya. Te maa ya iyo vitna, te maa ya iyo onde xinañuꞌu ma, te maa ya ndii ma, te maa ya kúu iya kúu saꞌa ndaka ma.
\s1 Sukan ni jininuu Juan ma Jesucristo iya ni kii ñayivi ñuu ñayivi ya
\rem Una visión del Hijo del Hombre
\p
\v 9 Saña, kúu sa Juan ma tee ka ketnaꞌa ini jiꞌin ni ma, te ndóꞌo néni sa sukan ka ndoꞌo ka neni ni a, te kánda sa sukan ka kanda ni a ja maa Jesucristo ma. Te ja maa ya, te jin koo o nuu tatnuni ya ma. Iyo sa ñuu luluu nani Patmos ja iyo nuu ndute mar ma. Ni ki koo i ni ki xsiaꞌa ñaꞌa i yaꞌa, kuechi ja ni yo kaxtnuꞌu sa tnuꞌu Suꞌsi a te ni yo ndakaꞌan sa sukan ni yo saꞌa Jesucristo ma.
\m
\v 10 In kivi ndáchiñuꞌu o Iya Tátnuni ma, te yikuu sa ndáchiñuꞌu sa ya, te ni kenda Xtumani maa ya ma siki sa a, te ichi yata sa ma ni jinisoꞌo sa ja ni kuu yuꞌu sukan kúu yuꞌu in trompeta.
\m
\v 11 Te ni kaꞌan:
\p ―‍Maa sa kúu letra xinañuꞌu ma, te maa sa kúu letra sandiꞌi‑nka ma, te maa sa kúu iya iyo onde xinañuꞌu ma, te maa sa kúu iya koo onde sandiꞌi‑nka ma, vaa maa sa tátnuni nuu ndaka tuꞌu. Te tee ni in nuu libru ndaka ja ndeꞌya ni a, te tetniñu ni nuu ñayii ka kandija Suꞌsi ma ja ka ndatnaꞌa i ndi‑uja ñuu ka iyo ñuu Asia ma: ñuu Éfeso ma, jiꞌin ñuu Esmirna ma, jiꞌin ñuu Pérgamo ma, jiꞌin ñuu Tiatira ma, jiꞌin ñuu Sardis ma, jiꞌin ñuu Filadelfia ma, jiꞌin ñuu Laodicea ma ―‍kúu káꞌan.
\p
\v 12 Te ni konenuu sa ja kuni sa na in káꞌan jiꞌin sa ma, te nuu ni konenuu sa ma, ni jini sa uja candileru nanimaa oro.
\m
\v 13 Te meꞌñu ndi‑uja candileru ma ni jini sa ja núkuiñi maa ya, te kaa ya sukan kaa ya nuu ni kii ñayivi ya ñuu ñayivi ya. Neꞌnu ya in saꞌma kani te kénda onde nuu jaꞌa ya ma, te nuꞌni in saꞌma oro anchu pechu ya ma.
\m
\v 14 Te xini ya ma jiꞌin ixi xini ya ma kuijin kuijin, sukan kuijin ixi ndikachi ma, xi sukan kuijin yuꞌva kúun ora kúvijin xeen ma. Te nduchinuu ya ma ka kandaꞌa sukan kándaꞌa ñuꞌu ndúꞌva ma.
\m
\v 15 Te jaꞌa ya ma, ka ndaa i sukan kaa kaa nani bronce lilii ja yika ni ndee i nuu ñuꞌu iꞌni ma. Te sukan niniꞌi kúu yuꞌu ndute nuu jika kuaꞌa de ma, sukan niniꞌi káꞌan ya ma.
\m
\v 16 Te ndaꞌa kuaꞌa ya ma yindaꞌa ya uja tiuxini, te yuꞌu ya ma kée in yuchi kuiñi kúu espada, te nuu i ma jiꞌin yata i ma inuu xen‑xeen, te nuu ya ma kándaꞌa sukan kándaꞌa kandii ma ora ndíi vavaꞌa ma.
\m
\v 17 Te nuu ni jini sa ya ma, ni kotuu sa nuu jaꞌa ya ma kuenda tnuꞌu ja ni jiꞌi sa. Te ni sonee ya ndaꞌa kuaꞌa ya ma siki sa a, te ni kaꞌan ya:
\p ―‍Máko koyuꞌu ni. Maa sa kúu xinañuꞌu ma, te maa sa kúu sandiꞌi‑nka ma,
\m
\v 18 te maa sa kúu iya téku ma. Te maa sa, ni ka jaꞌni ñaꞌa ñayii ma, te ni ndateku sa ja koteku sa ni‑kani ni‑jika, te yindaꞌa sa ndakaa andeya ma.
\m
\v 19 Tee ni ndaka ja ni jini ni a ja kuu ñuu ñayivi a vitna, jiꞌin ja ko kuu kivi kiꞌin o ma.
\m
\v 20 Chaꞌa kúu ja kúni kaꞌan ndi‑uja tiuxini yindaꞌa sa ndaꞌa kuaꞌa sa a, jiꞌin ndi‑uja candileru oro ja ni jini ni ma: Ndi‑uja tiuxini ma ka kuu ángel ka jito ñayii ka kandija Suꞌsi ma, te ndi‑uja candileru ma ka kuu maa ñayii ka kandija Suꞌsi ma ja ka iyo i ndi‑in ndi‑in ñuu ma ―‍kúu ya káꞌan ya.
\c 2
\s1 Sukan ni tatnuni Jesucristo ma ja tee Juan ma nuu ñayii ka kandija Suꞌsi ma ja ka iyo i ñuu Éfeso ma
\rem El mensaje a Éfeso
\p
\v 1 Te káꞌan ya:
\p ―‍Tee ni nuu ángel jito ñayii ka kandija Suꞌsi ma ja ka iyo i ñuu Éfeso ma: “Saꞌa káꞌan iya yindaꞌa ndi‑uja tiuxini ma iya jika meꞌñu ndi‑uja candileru oro ma: \fig |hk00378b.tif|span||| |2:1\fig*
\m
\v 2 Jini ri ndaka ja saꞌa ro a, sukan tnundoꞌo satniñu ro a te sukan kánda ro a, te sukan ñatuu játna ini ro ñayii ka saꞌa ja uꞌvi ma, te sukan jitotnuni ro tee ka kaꞌan ja tee ni tetniñu ñaꞌa Suꞌsi ma ka kuu de, te ni jini ro ja masu inundija de ja sukan ka kaꞌan de ma, vaa ka xndaꞌvi ñaꞌa de.
\m
\v 3 Te ndóꞌo néni ro, kovaa ja maa ri, te kánda ro, te masu kuíta ro.
\p
\v 4 ’Kovaa iyo jaku kuechi ro nuu ri, vaa ñatuu kútoo‑ka ñaꞌa ro sukan ni kutoo ñaꞌa ro onde xinañuꞌu ma.
\m
\v 5 Ndakaꞌán sukan ni yo kuu ro kivi ni yo kutoo ñaꞌa ro ma, te ndakani ndakaꞌvi ini, te ndasatniñu sukan ni yo saꞌa ro xinañuꞌu ma. Vaa nú ñaꞌa, te kenda yachi ri nuu iyo ro a, te nú ma ndakani ndakaꞌvi ini ro te ndakatanuu ñaꞌa ro chi xtandiyo ri candileru ro a nuu iyo i ma.
\p
\v 6 ’Kovaa iyo in ja vaꞌa ja saꞌa ro, vaa ñatuu játna ini ro te saxiko ro ja ka saꞌa ñayii ka kuu nicolaítas ma tnaꞌa ja saxiko tna ri ma.
\p
\v 7 ’Nde ni iyo soꞌo, te koninisoꞌo vaꞌa ni ja káꞌan Xtumani Ndios ma nuu ñayii ka kandija Suꞌsi ma ja ka ndatnaꞌa i ndaka ñuu ma. Nú na in na kanda ja saꞌa i ja vaꞌa ma, te kuaꞌa sa ja kaa i ja kuun yutnu saꞌa ja koteku ñayii ma yutnu iyo sasava nuu vivii nani paraíso ma nuu iyo maa Suꞌsi ma”, ―‍kúu ya káꞌan ya nuu sa ma.
\s1 Sukan ni tatnuni Jesucristo ma ja tee Juan ma nuu ñayii ka kandija Suꞌsi ma ja ka iyo i ñuu Esmirna ma
\rem El mensaje a Esmirna
\p
\v 8 Te káꞌan ya:
\p ―‍Tee ni nuu ángel jito ñayii ka kandija Suꞌsi ma ja ka iyo i ñuu Esmirna ma: “Iya kúu xinañuꞌu ma, iya kúu sandiꞌi‑nka ma, iya ni jiꞌi te ni ndateku ya ma kúu iya káꞌan saꞌa:
\m
\v 9 Jini ri sukan saꞌa ro te sukan ndóꞌo néni ro te sukan kúndaꞌvi ro, kovaa roꞌo chi xiku kúu ro. Te jini ri sukan ka kaꞌan ndevaꞌa ñayii ka kaꞌan ja judío ka kuu i ma nuu ro ma, kovaa masu ka saꞌa i sukan iyo ja jin saꞌa i ma, vaa sukan kúu nuu ka ndatnaꞌa ñayii ka ndikin tachi ma, sukan ka kuu i nuu ka ndatnaꞌa i ma.
\p
\v 10 ’Má koyuꞌu ro sukan ndóꞌo néni ro a, chi vaa tachi ma chi chinee i nde ro a vekaa ma ja kototnuni ñaꞌa i, te ndoꞌo neni ro uxi‑ni kivi. Kovaa maa in‑ni ri kuꞌun ini ro onde kivi kûu ro ma, te skutaꞌvi ñaꞌa ri in corona ja kúni kaꞌan ja koteku ro ni‑kani ni‑jika.
\p
\v 11 ’Nde ni iyo soꞌo, te koninisoꞌo vaꞌa ni ja káꞌan Xtumani Ndios ma nuu ñayii ka kandija Suꞌsi ma ja ka ndatnaꞌa i ndaka ñuu ma. Nú na in na kundee i ja saꞌa i ja vaꞌa ma, chi ndaniꞌi taꞌvi i te masu nawa ndoꞌo i kivi kenda ja ndakan Suꞌsi ma kuenda ma, kovaa ñayii ñatuu ni ka yo saꞌa ja vaꞌa ma chi jin skenaa i maa i.” ―‍Saꞌa ni kaꞌan ya.
\s1 Sukan ni tatnuni Jesucristo ma ja tee Juan ma nuu ñayii ka kandija Suꞌsi ma ja ka iyo i ñuu Pérgamo ma
\rem El mensaje a Pérgamo
\p
\v 12 Te káꞌan ya:
\p ―‍Tee ni nuu ángel jito ñayii ka kandija Suꞌsi ma ja ka iyo i ñuu Pérgamo ma: “Iya nevaꞌa yuchi kuiñi kúu espada ma ja xen‑xeen nuu i jiꞌin yata i ma kúu iya káꞌan saꞌa:
\m
\v 13 Jini ri sukan saꞌa ro a jiꞌin ndenu iyo ro a, ja iyo ro neꞌun ñuu nuu núkoo tachi ma ja tátnuni i ma. Kovaa masu nde ndúnaa ñaꞌa ro, ni a xndoo ro tnuꞌu kándija ro a, visi iyo ro ñuu nuu tátnuni tachi ma, te ni jini ro ja sukan ni ka jaꞌni i Antipas tee ni yo kaxtnuꞌu ndaa na in kúu ri ma.
\p
\v 14 ’Kovaa iyo jaku ja ñatuu játna ini ri ja saꞌa ro a, vaa waꞌa ro tnuꞌu nuu ka iyo ro a ka iyo tna ñayii ka ndikin sukan ni yo kaxtnuꞌu Balaam ma nuu Balac ma ja kuu jin kaa ñayii Israel ma ja ni ka yo sonee i nuu ja masu Suꞌsi ka kuu ma, jiꞌin ja jin kivi nduu i jiꞌin ndi‑in ndi‑in ñaꞌa ma, te ñaꞌa ma ja jin kivi nduu ña jiꞌin ndi‑in ndi‑in tee ma, te sukan, te ka saꞌa i ja ñatuu játna ini Suꞌsi ma.
\m
\v 15 Te suni waꞌa ro tnuꞌu ja nuu ka iyo ro a ka iyo tna ñayii ka ndikin sukan ka kaxtnuꞌu ñayii ka kuu nicolaítas ma, tnaꞌa ja ñatuu játna ini ri ma.
\m
\v 16 Te chukan kúu ja ndakani ndakaꞌvi ini te xndoo ro ja uꞌvi saꞌa ro ma, vaa nú ñaꞌa, te kenda yachi ri nuu iyo ro a, te kanaa ri jiꞌin ñayii ma jiꞌin yuchi kuiñi kúu espada ja kée yuꞌu ri a, te ndaꞌvi maa ro.
\p
\v 17 ’Nde ni iyo soꞌo, te koninisoꞌo vaꞌa ni ja káꞌan Xtumani Ndios ma nuu ñayii ka kandija Suꞌsi ma ja ka ndatnaꞌa i ndaka ñuu ma. Nú na in na kundee ja saꞌa i ja vaꞌa ma chi kuaꞌa sa ja kaa i ja nani maná ma ja ñatuu na in jini ma, te kuaꞌa sa in yuu kuijin luluu vivii kaa, te nuu yuu yukan nukondee ja nukonani jaa i ma, te ni‑in ñayii masu kuu kuni, nú masu ja maa in‑ni ñayii kutaꞌvi ma.” ―‍Saꞌa ni kaꞌan ya.
\s1 Sukan ni tatnuni Jesucristo ma ja tee Juan ma nuu ñayii ka kandija Suꞌsi ma ja ka iyo i ñuu Tiatira ma
\rem El mensaje a Tiatira
\p
\v 18 Te káꞌan ya:
\p ―‍Tee ni nuu ángel jito ñayii ka kandija Suꞌsi ma ja ka iyo i ñuu Tiatira ma: “Saꞌya Suꞌsi ma iya kándaꞌa nduchinuu ya ma sukan kándaꞌa ñuꞌu ndúꞌva ma, iya ka ndaa jaꞌa ya ma sukan kaa bronce lilii ma kúu iya káꞌan saꞌa:
\m
\v 19 Jini ri sukan saꞌa ro ja vaꞌa ma, jiꞌin ja sukan kútoo ro tnaꞌa ro ma, jiꞌin ja sukan kándija ñaꞌa ro a, jiꞌin ja sukan jinukuechi ro nuu ri a, jiꞌin ja sukan kánda ro visi ndóꞌo néni ro a, te kuaꞌa‑ka ja saꞌa ro vitna sana onde xinañuꞌu ma.
\p
\v 20 ’Kovaa iyo jaku ja ñatuu játna ini ri ja saꞌa ro, vaa waꞌa ro tnuꞌu ja kaxtnuꞌu ñaꞌa saꞌa sukan ni yo saꞌa ñaꞌa nani Jezabel ma, ja saꞌa ña tnuꞌu ja ndákaxtnuꞌu ña tnuꞌu ni waꞌa Suꞌsi ma, te sukan, te kúndee ña xndaꞌvi ña ñayii ka jinukuechi nuu ri a, ja ka jaa i tnaꞌa ja ka jakin tuu ñayii ma nuu ja masu Suꞌsi ka kuu ma, jiꞌin ja ka kivi nduu tee ma jiꞌin ndi‑in ndi‑in ñaꞌa ma, te ñaꞌa ma ka kivi nduu ña jiꞌin ndi‑in ndi‑in tee ma.
\m
\v 21 Jâ ni yo ndetu ri ja na ndakani ndakaꞌvi ini ña ja ni yo saꞌa ña ma, kovaa ñatuu kúni ña ja xndoo ña ja saꞌa ña ma.
\m
\v 22 Chukan kúu ja saꞌa ri ja kavatuu ña nuu jito ña ma, te ndoꞌo neni ña, te suni sukan xndoꞌo xneni ri ñayii ka saꞌa ja uꞌvi jiꞌin ña ma, nú ma jin ndakani jin ndakaꞌvi ini i.
\m
\v 23 Te saꞌya ña ma, xtnakueꞌe ri i, te jin kûu i, te ndaka ñayii ka ndatnaꞌa ndaka ñuu ma, jin kuni i ja maa ri kúu iya jinitnuni nawa ka ñuꞌu ini anua ñayii ma jiꞌin ndaka nawa ka jani ini i ja jin saꞌa i ma, ndaka jini ri te maa ri ndakuaꞌa nuu ndi‑in ndi‑in ñayii ma nawa ni ka yo saꞌa ni ka yo kuu i nuu ri ma, nú ja vaꞌa xi ja uꞌvi.
\p
\v 24 ’Kovaa ndijin ja ka iyo ni ñuu Tiatira a te ñatuu ka ndikin ni ja jin ko saꞌa ni sukan káxtnuꞌu ñaꞌa yukan, tnaꞌa ja ka kaꞌan kuaꞌa ñayii ma ja tnuꞌu ndichi káxtnuꞌu maa tachi ma kúu ma, te nuu maa ni, masu tatnuni‑ka sa in‑ka ja jin saꞌa ni a.
\m
\v 25 Kovaa tnaꞌa ja ni ka kutuꞌva ni a, te jin ko koto vavaꞌa ni onde kivi ndii sa ma.
\p
\v 26 ’Nú na in na kundee saꞌa i ja ni tatnuni sa ma, onde kivi jinu te ndii sa ma, te maa sa kuaꞌa tnuꞌu ja tatnuni i nuu ndaka ñuu ma.
\m
\v 27 Te kindaꞌa i yutnu xii kaa ma, te xnaa i ñuu ma, sukan ka taꞌvi i koꞌo ñuꞌu ma, te tatnuni i sukan tátnuni maa sa a, vaa sukan ni taa Yuva sa ma tnuꞌu ndee tnuꞌu ndatnu ja tátnuni sa ma.
\m
\v 28 Te skutaꞌvi sa i in ja vii ja vaꞌa sukan kaa kimi kana xtnee neꞌe ma.
\p
\v 29 ’Nde ni iyo soꞌo, te koninisoꞌo vaꞌa ni sukan káꞌan Xtumani Ndios ma nuu ñayii ka kandija Suꞌsi ma ja ka ndatnaꞌa i ndaka ñuu ma.” ―‍Saꞌa ni kaꞌan ya.
\c 3
\s1 Sukan ni tatnuni Jesucristo ma ja tee Juan ma nuu ñayii ka kandija Suꞌsi ma ja ka iyo i ñuu Sardis ma
\rem El mensaje a Sardis
\p
\v 1 Te káꞌan ya:
\p ―‍Tee ni nuu ángel jito ñayii ka kandija Suꞌsi ma ja ka iyo i ñuu Sardis ma: “Iya nevaꞌa uja ja vii ja vaꞌa ini anua ya ma jiꞌin uja tiuxini ma, kúu iya káꞌan saꞌa: Jini ri ndaka sukan saꞌa ro a, ja ka kaꞌan i ja téku ro, kovaa jâ ni jiꞌi ro.
\m
\v 2 Ndachuꞌun ini, te ndasunkani vaꞌa ja ka iyo ja sani te jin kotuu ma, vaa ndaka ja saꞌa ja kúu ro a chi masu ka iyo vaꞌa i nuu Suꞌsi ma.
\m
\v 3 Ndakaꞌán tnuꞌu vii tnuꞌu vaꞌa ni kutuꞌva ro ma, te ndakani ndakaꞌvi ini te ndakokuiñi ichi ri a, te ndakoto vaꞌa ja ni kundaꞌa ro ma. Kovaa nú ma ndakoto vaꞌa ro, te kenda ri nuu iyo ro a, sukan kénda in kuiꞌna, te ni ma kuni ro na ora kenda ri nuu iyo ro a.
\p
\v 4 ’Kovaa ka iyo jaku‑ka ñayii ñuu Sardis ma ja ñatuu jin satneꞌe‑ka i saꞌma ka neꞌnu i ma, te ñayii yaꞌa chi jin koneꞌnu i saꞌma kuijin kuijin, te kuan koo ve koo i jiꞌin ri jin ko kuu i, vaa ni ka kandija i, te suu i ka iyo ja jin koo i jiꞌin ri.
\p
\v 5 ’Nú na in na kundee saꞌa i ja vaꞌa ma, chi koneꞌnu i saꞌma kuijin kuijin ma, te ma xnaa ri ja nani i ma nuu libru ka ndee ja ka nani ñayii jin koteku ni‑kani ni‑jika ma, te ndakaꞌan ri ja nani i ma nuu Yuva ri ma, jiꞌin nuu ángel ya ma, ja maa i kúu ñayii ni kandija ñaꞌa ma.
\p
\v 6 ’Nde ni iyo soꞌo, te koninisoꞌo vaꞌa ni ja kaꞌan Xtumani Ndios ma nuu ñayii ka kandija Suꞌsi ma ja ka ndatnaꞌa i ndaka ñuu ma.” ―‍Saꞌa ni kaꞌan ya.
\s1 Sukan ni tatnuni Jesucristo ma ja tee Juan ma nuu ñayii ka kandija Suꞌsi ma ja ka iyo i ñuu Filadelfia ma
\rem El mensaje a Filadelfia
\p
\v 7 Te káꞌan ya:
\p ―‍Tee ni nuu ángel jito ñayii ka kandija Suꞌsi ma ja ka iyo i ñuu Filadelfia ma: “Suꞌsi ndija ma, iya ndimaa saꞌa ja vaꞌa ma, iya yindaꞌa ndakaa ma ja tátnuni ya sukan ni yo tatnuni David ma, iya ndákune ma te masu na in ndakasi ma, iya ndákasi ma te masu na in ndakune ma, káꞌan saꞌa:
\m
\v 8 Maa ri chi jini ri ja saꞌa ro a, te ni ndakune ndaꞌa ri yeꞌe a nuu ro, te ñatuu na in kuu ndakasi, vaa visi jaku‑ni tnuꞌu ndee tnuꞌu ndatnu iyo jiꞌin ro, kovaa kándija ro tnuꞌu ni tatnuni ri a, te ñatuu nama ni kaꞌan ro ja ñatuu jini ñaꞌa ro.
\m
\v 9 Ka iyo ñayii ka ndatnaꞌa veñuꞌu nuu ka ndachiñuꞌu i tachi ma ja ka kaꞌan i ja ñayii judío ka kuu i ma, kovaa masu inundija i, suꞌva ka xndaꞌvi ñaꞌa i. Te saꞌa ri ja ki koo i, te jin kunukoo jiti i nuu jaꞌa ro a, te jin ndakunitnuni i ja roꞌo chi kútoo ñaꞌa ri.
\m
\v 10 Vaa ni kandija ro tnuꞌu ni kaꞌan ri a, te ni kanda ro, visi ni ndoꞌo ni neni ro, te chukan kúu ja ruꞌu ya chi koto vaꞌa ñaꞌa ri ora kenda ja jin ndoꞌo jin neni ndaka ñayii ka iyo ni‑kaꞌnu ñuu ñayivi a, sukan‑vaꞌa kototnuni ri i naxe ka iyo i.
\p
\v 11 ’Vitna, sani te kenda yachi ri. Koto vaꞌa ja nevaꞌa ro a, sukan‑vaꞌa ñatuu na in xtandee corona ro ma.
\p
\v 12 ’Nú na in kundee ja saꞌa i ja vaꞌa ma, te saꞌa ri ja kituu i veñuꞌu Suꞌsi maa ri ma, te masu ndee‑ka i yukan. Te nuu i ma kondee ja nani Suꞌsi ri ma, jiꞌin ja nukonani jaa maa ri ja kúu ri Jesús a jiꞌin ja nani ñuu maa Suꞌsi ri ma ja kuu Jerusalén jaa ma ja nuneꞌe ya onde andivi nuu iyo maa ya ma.
\p
\v 13 ’Nde ni iyo soꞌo, te koninisoꞌo vaꞌa ni ja káꞌan Xtumani Ndios ma nuu ñayii ka kandija Suꞌsi ma ja ka ndatnaꞌa i ndaka ñuu ma.” ―‍Saꞌa ni kaꞌan ya.
\s1 Sukan ni tatnuni Jesucristo ma ja tee Juan ma nuu ñayii ka kandija Suꞌsi ma ja ka iyo i ñuu Laodicea ma
\rem El mensaje a Laodicea
\p
\v 14 Te káꞌan ya:
\p ―‍Tee ni nuu ángel jito ñayii ka kandija Suꞌsi ma ja ka iyo i ñuu Laodicea ma: “Iya xsinu ndaka ma, Suꞌsi ndija ma, iya jini ndaka ma, iya iyo onde xinañuꞌu ma nuu ni kejaꞌa ya ni saꞌa ya ñuu ñayivi ya, káꞌan saꞌa:
\m
\v 15 Ruꞌu ya chi jini ri ja saꞌa ja kuu ro a, ja nunuu‑ni iyo ro ichi ri a, te nunuu ma iyo ro in‑ka ichi ma, te ni masu vijin ro, ni masu iꞌni ro. ¡Naka vaꞌa‑ka, nute vijin ro xi iꞌni ro!
\m
\v 16 Kovaa ni a vijin ro, ni a iꞌni ro a. Yika‑ni ja viviꞌi‑ni yi vixi ro, te chukan kúu ja kúkini ini ñaꞌa ri ja sukan kúu ro a.
\m
\v 17 Vaa káꞌan ro: Ruꞌu ya chi kúxiku ri, te ni kuxiku‑ni maa ri, te ñatuu nawa jiniñuꞌu‑ka ri, káꞌan ro. Te masu jini ro ja masu iyo sii ini ro, suꞌva kundaꞌvi ro, te kuaa ro, te iyo vichi ro, te ni masu ja kuu kúu ro.
\m
\v 18 Chukan kúu ja ndákaꞌan‑soꞌo ri nuu ro ja kuaan ro nuu ri oro ni nduu nanimaa ni saꞌa ñuꞌu iꞌni ma, sukan‑vaꞌa nduxiku ndija ro, te kuaan tna ro saꞌma kuijin kuijin, te koneꞌnu ro, sukan‑vaꞌa ma kukan‑nuu ro ja jin kuni ñayii ja iyo vichi ro a. Tnaa coliriu nduchinuu ro a, sukan‑vaꞌa ndundijin nuu ro a, te kuni ro nde ichi kuaꞌan ro a.
\m
\v 19 Vaa ruꞌu ya chi ndákaꞌan‑soꞌo ri nuu ñayii kútoo ri ma na kuechi saꞌa i ma, te xndoꞌo xneni ri i. Chukan kúu ja, vaꞌa‑ka ja ndakani ndakaꞌvi ini ro te ndakatanuu ñaꞌa ro.
\p
\v 20 ’Ndakondeꞌya, vaa iyo ri yeꞌe a, te kána ri. Na in jinisoꞌo ja káꞌan ri ma te ndakune i yeꞌe i ma, te kivi ri nuu iyo i ma, te kuxini ri jiꞌin i, te maa i kuxini jiꞌin ri.
\p
\v 21 ’Nú na in kundee ja saꞌa i ja vaꞌa ma, te kuaꞌa ri tnuꞌu ja kunukoo i jiꞌin ri nuu tatnuni ri ma, sukan tna ni kundee ri ma, te ni jinkoo ri jiꞌin Yuva ri ma nuu núkoo ya ja tátnuni ya ma.
\p
\v 22 ’Nde ni iyo soꞌo, te koninisoꞌo vaꞌa ni ja káꞌan Xtumani Ndios ma nuu ñayii ka kandija Suꞌsi ma ja ka ndatnaꞌa i ndaka ñuu ma.” ―‍Saꞌa ni kaꞌan ya.
\c 4
\s1 Sukan ka chiñuꞌu i Suꞌsi ma ichi andivi ma
\rem La adoración celestial
\p
\v 1 Nuu ni jinu ma, te ni yo ndeꞌya sa, te ni jini sa in yeꞌe nune onde andivi ma. Ja ni jinisoꞌo sa xinañuꞌu ma, ja kúu yuꞌu sukan kúu yuꞌu trompeta ma, ni kaꞌan nuu sa in‑ka jichi:
\p ―‍Ki kaa ni yaꞌa, te kaxtnuꞌu sa ja jin ko kuu, nuna jinu jin ko kuu ja ka yikuu a ―‍kúu ya káꞌan ya.
\p
\v 2 Te maa ora yukan‑ni ni ndundaꞌa ñaꞌa maa Xtumani Ndios ma, te ni jini sa in nuu núkoo Iya Tátnuni ma ja iyo onde andivi ma, te núkoo ya.
\m
\v 3 Te vivii kaa ya sukan vivii kaa in yuu nani jaspe jiꞌin yuu nani cornalina ma, te vivii kaa in tikoyaꞌnde ni ndakonduu nuu núkoo ya ma, te kaa sukan kaa yuu nani esmeralda ma.
\m
\v 4 Te suni ni ka ndakonduu ñaꞌa oko kuun nuu kuu kunukoo o ma, te yukan ka nukoo oko kuun tee nijaꞌnu, te ka neꞌnu de saꞌma kuijin kuijin, te ka yoxtnee corona oro xini de ma.
\m
\v 5 Te nuu núkoo ya ma jándute, te kúu sukan kúu ora kána savi ma, te ka kuu yuꞌu. Te ichi nuu ndeꞌya ya ja núkoo ya ma, te ka kandaꞌa ka kandaꞌa‑nka uja nuu ka nduꞌva ñuꞌu, ja ka kuu i uja ja vii ja vaꞌa ñuꞌu ini anua ya ma.
\m
\v 6 Te ichi nuu ndeꞌya ya ja núkoo ya ma iyo in sukan kaa nuu ñuꞌu ndute mar ma, te ndii niꞌni i sukan kaa vidriu ma, te yatni nuu núkoo ya ma ni ka ndakonduu ñaꞌa kuun kiti ka teku, te ichi nuu ti ma ichi yata ti ma ka ndenee nduchinuu ti.
\m
\v 7 Kiti xinañuꞌu ma sukan kaa in ndikaꞌa kaa ti, te kiti ku‑uu ma sukan kaa in xndiki jaa, te nuu kiti ku‑uni ma sukan kaa nuu in tee kaa, te kiti ku‑kuun ma sukan kaa in yaꞌa tioko kaa ti, te ndáva ti.
\m
\v 8 Te ndi‑kuun kiti ka teku ma, te ndi‑in ndi‑in ti ka ndenee iñu ndijin, te ichi yata ndijin ti ma jiꞌin ichi chii ndijin ti ma ka ndenee nduchinuu ti, te nduu ñuu ka kaꞌan ka kaꞌan‑ni ti:
\q1 Iya ii, iya ii, iya ii kúu Suꞌsi Iya Tátnuni ma,
\q2 iya kúu saꞌa ndaka ma,
\q1 iya ni iyo ma, iya iyo vitna a,
\q2 iya iyo ja kii ya ma,
\m ka kuu ti ka kaꞌan ti.
\p
\v 9 Te ndaka ora ka ndachiñuꞌu ti jiꞌin ka ndakuan‑taꞌvi ti nuu iya núkoo ma, iya téku ni‑kani ni‑jika ma,
\m
\v 10 te oko kuun tee nijaꞌnu ma, ka jinkoo jiti de nuu iya núkoo ma, te ka chiñuꞌu de ya, vaa téku ya ni‑kani ni‑jika. Te ka kuneꞌe de corona de ma nuu núkoo ya ma, te saꞌa ka jiñaꞌa de ya ja ka ndachiñuꞌu de ya ma:
\q1
\v 11 Iya Tátnuni, maa in‑ni ni iyo ja niꞌi ni ja vii ja vaꞌa jiꞌin jayiñuꞌu jin ndataa sa ma,
\q1 vaa ndákunitnuni sa ja maa in‑ni ni iyo tnuꞌu ndee tnuꞌu ndatnu,
\q1 vaa maa in‑ni ni ni saꞌa ndaka ja iyo a,
\q2 te ja kúu ini maa ni, te ni ka kuvaꞌa i, te ka iyo i,
\m ka kuu de ka jiñaꞌa de.
\c 5
\s1 Sukan ka chiñuꞌu i Suꞌsi ma, jiꞌin Jesús iya kúu sukan kúu Ndikachi Jaa ma
\rem Adoración a Dios y al Cordero
\p
\v 1 Te ni jini sa ja ndaꞌa kuaꞌa iya núkoo ma yindaꞌa ya in tutu kani te ndee tnuꞌu Suꞌsi ma ichi nuu i ma ichi yata i ma, te ni nukun‑tuu i, te ka ndenee uja sellu ya.
\m
\v 2 Te ni jini sa in ángel nevaꞌa tnuꞌu ndee tnuꞌu ndatnu, te káyuꞌu niniꞌi i káꞌan i:
\p ―‍¿Na in kúu ja kaa ja iyo i ja kuu ndakana i sellu ka ndenee vaꞌa tutu ñutuu ma, sukan‑vaꞌa ndatnana tutu ma? ―‍kúu i káꞌan i.
\p
\v 3 Te ni‑in i iyo ja kuu ndakune i, vaa ni a in ja iyo ichi andivi ma, vaa ni a in ja iyo ichi nuu ñuꞌú a, vaa ni a in ja iyo ichi chii ñuꞌú a ñatuu ni kuu ndakana i tutu ñutuu ma, sukan‑vaꞌa kondeꞌya i ja kaꞌvi i.
\m
\v 4 Te ndaꞌyu xeen sa, vaa ñatuu ni ka ndaniꞌi i na in iyo ja kuu ndakana i tutu ma, sukan‑vaꞌa kaꞌvi i.
\m
\v 5 Te in tee nijaꞌnu ma káꞌan:
\p ―‍Má kondaꞌyu‑ka ni, vaa yaꞌa iyo iya iyo tnuꞌu ndee tnuꞌu ndatnu sukan kúu in ndikaꞌa ma, iya ni kee neꞌun saꞌya tata tee ni yo nani Judá ma, vaa suni neꞌun yukan ni kee David ma, te neꞌun saꞌya tata David ma ni kee ya ma, te maa ya ni kundee te iyo ya ja ndakana ya ndi‑uja sellu ma te ndatnana tutu ñutuu ma ―‍kúu de káꞌan de.
\p
\v 6 Te ni yo ndeꞌya sa, te ni jini sa ja sasava nuu núkoo ya ma, jiꞌin sasava nuu ka iyo kuun kiti ka teku ma, jiꞌin sasava nuu ka iyo tee nijaꞌnu ma, núkuiñi in iya kúu sukan kúu in ndikachi jaa. Te visi naꞌa ti ja jâ ni ka jaꞌni i ti te ni ka ndakuaꞌa i ti nuu Suꞌsi ma, kovaa téku ti. Te ka iyo uja ndiki ti jiꞌin uja nduchinuu ti, te ndi‑uja nduchinuu ti ma ka kuu ndi‑uja ja vii ja vaꞌa ñuꞌu ini Suꞌsi ma ja ni tetniñu ya ñuu ñayivi a. Te iya kúu sukan kúu ndikachi jaa ni jini sa ma kúu maa Jesucristo iya ni kii ñayivi ñuu ñayivi a.
\m
\v 7 Te ni jan tuꞌva ya nuu núkoo Suꞌsi ma ja yindaꞌa ya tutu ma jiꞌin ndaꞌa kuaꞌa ya ma, te ni tnii Jesús ma.
\m
\v 8 Te nuu ni tnii ya ma, ndi‑kuun kiti ka teku ma jiꞌin ndi‑oko kuun tee nijaꞌnu ma, ni ka jinkoo jiti de jiꞌin ti nuu Jesucristo ma iya ni ndoꞌo sukan ka saꞌa i jiꞌin ndikachi jaa ma, te ndaka de ka yindaꞌa yutnu nani arpa ma yutnu tée o yaa ma, jiꞌin nuu ka ñuꞌu ja ka jaxiko asi ma, te ndimaa oro ka kuu i, te kuenda tnuꞌu ja ndaka chaꞌa ka kuu ndaka ja vii ja vaꞌa ka ndakuan‑taꞌvi o nuu Suꞌsi ma ora ka jikan‑taꞌvi o ma, ja ka kuu o ñayii ñatuu na ja uꞌvi‑ka ka saꞌa i ma.
\m
\v 9 Te ka jita de in yaa jaa nuu ya, ja káꞌan:
\q1 Maa ni iyo ja kuu tnii ni tutu a
\q2 te ndakana ni sellu ka ndenee a,
\q1 vaa maa in‑ni ni ni jiꞌi ja kuechi ka ndiso sa ma,
\q2 te jiꞌin niñi maa ni ma ni ndakuaan ñaꞌa ni,
\q1 ja ka iyo sa ndaka ñuu ma, ja ka kaꞌan sa ndaka saꞌan ma,
\q2 ja ka iyo sa ndaka ñuu kuechi ma jiꞌin ñuu naꞌnu ma,
\q1 ja ni ka nduu sa saꞌya Suꞌsi ma.
\q1
\v 10 Te ni saꞌa ni ja ni ka nduu sa ñayii ka ndanuu
\q2 te ni ka nduu sa sutu ja jin kunukuechi sa nuu Suꞌsi ma,
\q2 te jin tatnuni sa ñuu ñayivi jaa ma
\m ka kuu de ka jiñaꞌa de.
\p
\v 11 Te ni yo ndeꞌya sa, te ni jinisoꞌo sa ja ka kaꞌan kuaꞌa ángel ni ka ndakonduu nuu núkoo ya ma, jiꞌin ja ka kaꞌan kuun kiti ka teku ka iyo ma, jiꞌin ja ka kaꞌan tee nijaꞌnu ma, te ûni kuaꞌa xen‑xeen i ka kuu ja ûni masu kundee o kaꞌvi o.
\m
\v 12 Te saꞌa ka kayuꞌu i ka jita i:
\q1 Iya kúu sukan kúu in ndikachi jaa ma, iya ni ka jaꞌni i ma,
\q2 téku ya, te iyo tuꞌva ya ja kejaꞌa ya tatnuni ya,
\q1 te niꞌi ya ndaka ja vaꞌa ma, jiꞌin ndaka tnuꞌu ndichi ma,
\q2 jiꞌin ndaka tnuꞌu ndee tnuꞌu ndatnu ma, jiꞌin ndaka jayiñuꞌu ma,
\q2 jiꞌin ndaka ja jin ndakaꞌan jin ndakachi o nuu ya ma ja ka jita o ma.
\m Saꞌa ka jita ka jita‑nka i.
\p
\v 13 Te ni jinisoꞌo sa ja ka kaꞌan ndaka ja ka iyo andivi ma, jiꞌin ndaka ja ka iyo nuu ñuꞌú a, jiꞌin ja ka iyo ichi chii ñuꞌú a, jiꞌin ja ka ñuꞌu nuu ndute mar ma:
\q1 Nuu iya núkoo ja tátnuni ya ma,
\q2 jiꞌin nuu iya kúu
\q2 sukan kúu ndikachi jaa ma,
\q1 kóo jayiñuꞌu jiꞌin tnuꞌu ndee
\q2 tnuꞌu ndatnu ni‑kani ni‑jika,
\m ‍ka kuu i ka kaꞌan i.
\p
\v 14 Te ndi‑kuun kiti ka teku ma, ka kaꞌan ti:
\p ―‍¡Sukan kó kuu!
\p Te ndi‑oko kuun tee nijaꞌnu ma, ni ka jinkoo jiti de, te ka ndachiñuꞌu de iya téku ni‑kani ni‑jika ma.
\c 6
\s1 Uja sellu ka iyo ja jin ndanune ma
\rem Los sellos
\p
\v 1 Te ni jini sa, nuu ni ndakune iya kúu sukan kúu ndikachi jaa ma in sellu xinañuꞌu ma, te ni jinisoꞌo sa ja káꞌan in kiti téku ma:
\p ―‍¡Neꞌe ni, te kondeꞌya ni!
\p Te sukan kúu ora kána savi ma, sukan niniꞌi kúu yuꞌu ti. \fig |OK..4.horsemen.2.11.10 copy.tif|span|||Tnundoꞌo tnuneni xeen ka iyo ja jin ko kuu ma|6:1\fig*
\m
\v 2 Te ni yo ndeꞌya sa, te ni jini sa in caballu kuijin. Te tee yoso ti ma, yindaꞌa de in kuji, te ni niꞌi de in corona, te ni kee de ja kanaa de te kundee de.
\p
\v 3 Te nuu ni ndakune ya sellu ku‑uu ma, te ni jinisoꞌo sa ja káꞌan kiti ku‑uu kiti téku ma:
\p ―‍¡Neꞌe ni, te kondeꞌya ni!
\p
\v 4 Te ni jini sa ja ni kee in caballu kuaꞌa kuaꞌa. Te tee yoso ti ma, ni niꞌi de tnuꞌu ndee tnuꞌu ndatnu ja na skanaa de ñayii ma te jin kaꞌni tnaꞌa i. Te ni kundaꞌa de in yuchi kuiñi kúu espada.
\p
\v 5 Te nuu ni ndakune ya sellu ku‑uni ma, te ni jinisoꞌo sa ja káꞌan kiti ku‑uni kiti téku ma:
\p ―‍¡Neꞌe ni, te kondeꞌya ni!
\p Te ni yo ndeꞌya sa, te ni jini sa in caballu tnuu. Te tee yoso ti ma, yindaꞌa de in ja chikuaꞌa de ndatniñu ma.
\m
\v 6 Te ni jinisoꞌo sa ja káꞌan meꞌñu ndi‑kuun kiti ka teku ma, te saꞌa káꞌan:
\p ―‍In‑ni kilo triu ma xi uni‑ni kilo cebada ma niꞌi ñayii ma jiꞌin xuꞌun ni keꞌen yaꞌvi i ja ni satniñu i in kii ma, kovaa masu sukan ko kuu jiꞌin aceite ma jiꞌin ndute uva ma. ―‍Saꞌa káꞌan.
\p
\v 7 Te nuu ni ndakune ya sellu ku‑kuun ma, te ni jinisoꞌo sa ja ni kaꞌan kiti ku‑kuun ma kiti téku ma:
\p ―‍¡Neꞌe ni, te kondeꞌya ni!
\p
\v 8 Te ni yo ndeꞌya sa, te ni jini sa in caballu kuaan. Te tee yoso ti ma, nani de Tee Kaꞌni Ñayii, te Andeya ma, ndikin i de. Te ni waꞌa ya tnuꞌu ja tatnuni de nuu in jichi ñayii ñuu ñayivi a, te kaꞌni de i jiꞌin yuchi kuiñi kúu espada ma, te jaku i jin kûu ja jin ko kokon jin ko yichi i ma, te jaku‑ka i ma jin kûu ja kueꞌe xeen kenda ma, te jaku‑ka i ma jin kûu ja jin kaa ñaꞌa kiti xeen ka iyo yuku ma, kovaa uni‑ka jichi i ma, ñaꞌa.
\p
\v 9 Te nuu ni ndakune ya sellu ku‑uꞌun ma, te ni jini sa ja ichi chii altar nuu ka chiñuꞌu i ya ma ka iyo anua ñayii ni ka jiꞌi ja kuechi ja ni ka yo kaxtnuꞌu i tnuꞌu Suꞌsi ma, jiꞌin kuechi ja ka nukuiñi vaꞌa i nuu Suꞌsi ma te ni ka yo saꞌa i sukan kúni ya ma.
\m
\v 10 Te ka kayuꞌu i ka kaꞌan i:
\p ―‍Iya Tátnuni iya saꞌa ja vaꞌa ja ndija, ¿na ndende kii sana ndakan ni kuenda nuu ñayii ka iyo ñuu ñayivi ma, ja ni ka jati i niñi sa ma, te ndaxndoꞌo ndaxneni ni i? ―‍ka kuu i ka jiñaꞌa i.
\p
\v 11 Te ni waꞌa ya saꞌma kuijin kuijin ja jin koneꞌnu i, te jiñaꞌa ya:
\p ―‍Jin kondetu‑ka ni jaku‑ka kivi, te onde jin kûu ñayii ka jinukuechi nuu Suꞌsi ma, sukan ni ka yo jinukuechi maa ni ma, ñayii ka iyo ja jin kûu‑ka i ma ―‍kúu ya jiñaꞌa ya.
\p
\v 12 Te nuu ni ndakune ya sellu ku‑iñu ma, te ndeꞌya sa, te ni jini sa sukan ni tnaa xen‑xeen ma. Te kandii ma ni ndutnuu kuiti, te yoo ma ni ndukuaꞌa sukan kaa niñi ma.
\m
\v 13 Te tiuxini ma ni ka kun‑kava nuu ñuꞌú a, sukan kúu tnu higo ma ja nuu yiꞌi xeen kajin ma te ka kun‑kava higo tnu ma nuu ñuꞌú ma.
\m
\v 14 Te andivi ma ni ndatuu sukan kaa tutu ni ndatuu ma, te ndaka yuku ma jiꞌin ndaka vala ñuꞌú ka iyo nuu ndute mar ma, ni ka ndasama nuu ka iyo i ma.
\m
\v 15 Te ndaka tee ka kuu nijaꞌnu ñuu teyu ma, jiꞌin tee ka ndanuu‑ka ma, jiꞌin tee ka kuxiku ma, jiꞌin tee ka tátnuni nuu soldado ma, jiꞌin ndaka tee ka nevaꞌa tnuꞌu ndee tnuꞌu ndatnu ma, jiꞌin ndaka ñayii ka jinukuechi ma, jiꞌin ndaka ñayii masu ka jinukuechi i ma, ni ka chuꞌu i neꞌun toto ma jiꞌin ini yavi ka iyo chii toto ma.
\m
\v 16 Te ka jiñaꞌa i yuku ma jiꞌin toto ma:
\p ―‍Jin kun‑kava siki ri a, te jin chuꞌu ñaꞌa ro, sukan‑vaꞌa ma kuni ñaꞌa iya núkoo ja tátnuni ya ma, te máko xndoꞌo xneni ñaꞌa Jesús iya kúu sukan kúu ndikachi jaa ma,
\m
\v 17 vaa jâ ni kenda kivi kaꞌnu xeen ja xndoꞌo xneni ñaꞌa ya, te ¿na in kuu konukuiñi nuu ya a? ―‍ka kuu i ka jiñaꞌa i.
\c 7
\s1 Cientu uu xiko kuun mil (144,000) ñayii jin kondenee sellu Suꞌsi ma
\rem Los 144,000 sellados
\p
\v 1 Te ni jinu sukan ma, te ni jini sa kuun ángel ka nukuiñi ndi‑kuun lado nuu ñuꞌú ya, te ka sunkani i kajin yiꞌi ma ja ma kiꞌi‑ka i ni‑kaꞌnu nuu ñuꞌú ya, ni a nuu ndute mar ma, ni a siki ni‑in yutnu kuiꞌi ka nukoo ma.
\m
\v 2 Te suni ni jini sa in‑ka ángel ja ni kee i vee i ichi nuu kána kandii ma, te yindaꞌa i sellu Suꞌsi téku ma, te káyuꞌu i kána i ndi‑kuun ángel ni ka niꞌi tnuꞌu ndee tnuꞌu ndatnu ma ja jin xndoꞌo jin xneni i ja iyo nuu ñuꞌú ya, jiꞌin ja ñuꞌu nuu ndute mar ma.
\m
\v 3 Te jiñaꞌa i:
\p ―‍Má jin saꞌa‑ni ro ja uꞌvi nuu ñuꞌú a, jiꞌin ja ñuꞌu nuu ndute mar ma, jiꞌin siki yutnu ka nukoo a, onde nú ni kuu ni ka tenee ri sellu Suꞌsi ma tnee ñayii ka jinukuechi nuu ya ma ―‍kúu i jiñaꞌa i.
\p
\v 4 Te ni jinisoꞌo sa ja cientu uu xiko kuun mil (144,000) ñayii iyo ja jin kondenee sellu Suꞌsi ma tnee i ma, ndaka jichi ñayii ka kuu saꞌya tata Israel ma.
\m
\v 5 Te tnaꞌa tee kúu Judá ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu Rubén ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu Gad ma, uxi uu mil (12,000) i jin ko kuu ñayii jin kondenee sellu Suꞌsi ma.
\m
\v 6 Te tnaꞌa tee kúu Aser ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu Neftalí ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu Manasés ma, uxi uu mil (12,000) i jin ko kuu ñayii jin kondenee sellu Suꞌsi ma.
\m
\v 7 Te tnaꞌa tee kúu Simeón ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu Leví ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu Isacar ma, uxi uu mil (12,000) i jin ko kuu ñayii jin kondenee sellu Suꞌsi ma.
\m
\v 8 Te tnaꞌa tee kúu Zabulón ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu José ma, uxi uu mil (12,000) i jin ko kuu ñayii jin kondenee sellu Suꞌsi ma. Te tnaꞌa tee kúu Benjamín ma, uxi uu mil (12,000) i jin ko kuu ñayii jin kondenee sellu Suꞌsi ma.
\s1 Kuaꞌa xen‑xeen ñayii ka neꞌnu saꞌma kuijin kuijin ma
\rem La multitud vestida de ropas blancas
\p
\v 9 Ni jinu sukan ma, te ni yo ndeꞌya sa, te ni jini sa kuaꞌa xen‑xeen ñayii ndaka ñuu naꞌnu ma, ndaka jichi ñayii ma, ndaka ñuu kuechi ma, ndaka saꞌan ka kaꞌan i ma. Ûni masu kuu kaꞌvi o i, te ka iyo yatni i ichi nuu iyo Suꞌsi ma nuu núkoo ya ma, te iyo Jesús iya kúu sukan kúu ndikachi jaa ma, te ka neꞌnu i saꞌma kuijin kuijin, te ka yindaꞌa i ndaꞌa ñuu.
\m
\v 10 Te ka kayuꞌu i ka kaꞌan i:
\q1 Maa Suꞌsi iya núkoo nuu tátnuni ya a jiꞌin Jesús iya kúu sukan kúu ndikachi jaa ma
\q2 ni ka saꞌa ja ni ka ndaniꞌi taꞌvi o a,
\m ‍ka kuu i ka kaꞌan i.
\p
\v 11 Te ndaka ángel ma, ni ka ndakonduu i ka nukuiñi i yatni ichi nuu Suꞌsi ma nuu núkoo ya ma, jiꞌin nuu ka iyo tee nijaꞌnu ma, jiꞌin ndi‑kuun kiti ka teku ma. Te ni ka jinkoo jiti i, te ni ka jakindeyi i onde nuu ñuꞌú ma nuu núkoo Suꞌsi ma, te ka ndachiñuꞌu i ya.
\m
\v 12 Te ka kaꞌan i:
\q1 Sukan kó kuu.
\q2 Ja vii ja vaꞌa ma,
\q2 jiꞌin jayiñuꞌu ma, jiꞌin tnuꞌu ndichi ma,
\q2 jiꞌin ndaka ja ka ndakuan‑taꞌvi i nuu ya ma,
\q2 jiꞌin tnuꞌu ndee tnuꞌu ndatnu ma,
\q1 na koo nuu Suꞌsi a ni‑kani ni‑jika.
\q2 Te sukan kó kuu,
\m ka kuu i ka kaꞌan i.
\p
\v 13 Sani te in tee nijaꞌnu ma, ni jikan‑tnuꞌu de nuu sa:
\p ―‍Ñayii ka neꞌnu saꞌma kuijin kuijin a, ¿na in ka kuu i, te ndenu ve koo i, jani ini ni? ―‍kúu de káꞌan de.
\p
\v 14 Te jiñaꞌa sa:
\p ―‍Maa ni jini, vi Señor ―‍kúu sa jiñaꞌa sa.
\p Te maa de ni ndakoneꞌe:
\p ―‍Ñayii yaꞌa ni ka nde koo ñuu ñayivi a ja ni ka ndoꞌo, ni ka neni i ja kuechi ja ka ndikin i Suꞌsi o a. Te ni ka ndakate i saꞌma i a, te ni ka ndasaꞌa kuijin kuijin i jiꞌin niñi Jesús iya kúu sukan kúu ndikachi jaa ma.
\m
\v 15 Chukan kúu ja ka iyo yatni i nuu núkoo Suꞌsi o a, te ka jinukuechi i nduu ñuu veñuꞌu ya a, te iya núkoo ja tátnuni ya ma, ndasaꞌa kaꞌnu‑ka ya veꞌe ya ma, te ndachisaꞌvi ya i, te maa ya ko koto i.
\m
\v 16 Te ni masu jin ko kokon jin ko yichi‑ka i, te ma kani‑ka ñaꞌa kandii ma, ni ma jin ku‑iꞌni‑ka i.
\m
\v 17 Vaa maa Jesús iya kúu sukan kúu ndikachi jaa ma, iyo ya nuu núkoo Suꞌsi ma ja tátnuni ya ma, te ko koto ñaꞌa ya, sukan kúu tee jito ndikachi de ma, te skaka ñaꞌa ya ichi nuu ka too ndute saꞌa ja koteku o ma, te maa Suꞌsi ma ndasavii ndaka ndute nuu ñayii ni ka yo ndaꞌyu ma ―‍kúu de káꞌan de.
\c 8
\s1 Sellu ku‑uja ma
\rem El séptimo sello
\p \v 1 Te nuu ni ndakune ya sellu ku‑uja ma, te ni kuu nañii kuiti andivi ma sukan sava ora.
\m \v 2 Te ni jini sa uja ángel ka nukuiñi nuu iyo Suꞌsi ma, te ni ka kundaꞌa ndi‑uja i in in trompeta.
\m \v 3 Te ni kenda in‑ka ángel, te ni jinkuiñi i ichi nuu altar ma, te yindaꞌa i in nuu ñuꞌu ja jáxiko asi, te ni kundaꞌa kuaꞌa‑ka i ja jáxiko asi ma, te ni ndaxtnatnaꞌa i jiꞌin ja ka ndakuan‑taꞌvi ndaka ñayii ma ora ka jikan‑taꞌvi i nuu ya ma, ja ka kuu i ñayii ñatuu na ja uꞌvi ka saꞌa‑ka ma, te ni chiso i siki altar oro ma ja iyo ichi nuu ndeꞌya ya nuu núkoo ya ma.
\m \v 4 Te ángel ma, ni tnaa, ni tnaa i ja jáxiko asi ma jiꞌin ja ka ndakuan‑taꞌvi ñayii ma ora ka jikan‑taꞌvi i nuu ya ma, ja ka kuu i ñayii ñatuu na ja uꞌvi ka saꞌa‑ka ma. Te ñuꞌma kána ma kénda nuu iyo ya ma. Te saꞌa ka ndachiñuꞌu ka ndachiñuꞌu‑nka i ya.
\m \v 5 Te ángel ma, ni keꞌen i nuu ni ñuꞌu ja jáxiko asi ma, te ni xchitu i ñuꞌu ndúꞌva yoso siki altar ma, te ni skana i vee nuu ñuꞌú a, te ni kuu yuꞌu sukan kána savi ma, te ni jandute, te ni tnaa xen‑xeen.
\s1 Nuu ni ka tivi i trompeta ma
\rem Las trompetas
\p \v 6 Te ndi‑uja ángel ka yindaꞌa trompeta ma, ni ka satuꞌva i ja jin tivi i tnu.
\m \v 7 Ángel xinañuꞌu ma, ni tivi i trompeta ma, te ni kuun ñiñi jiꞌin ñuꞌu iꞌni sakanuu jiꞌin niñi vee ichi ñuu ñayivi a. Te jâ yatni sava nuu ñuꞌú ya ni kayu. Te jâ yatni sava yutnu kuiꞌi ka iyo nuu ñuꞌú ya ni ka kayu, te ndaka yiꞌi kuii ma ni ka kayu.
\p \v 8 Te ángel ku‑uu ma, ni tivi i trompeta ma, te sukan in yuku kaꞌnu káyu ni kêe nuu ndute mar ma, te jâ yatni sava ndute ma ni nduu niñi.
\m \v 9 Te ni ka jiꞌi jâ yatni sava kiti ka ñuꞌu nuu ndute ma. Te jâ yatni sava barcu ma ni ka naa.
\p \v 10 Te ángel ku‑uni ma, ni tivi i trompeta ma, te ni kun‑kava in tiuxini kaꞌnu andivi ma, te kándaꞌa kándaꞌa‑nka sukan káyu iti suja ma, te ni kun‑kava siki kuaꞌa xeen yute ma, jiꞌin nuu ka too ndute ma.
\m \v 11 Te ja nani tiuxini ma kúu Ja Uwa Uwa. Te jâ yatni sava ndute iyo ñuu ñayivi a ni ndu‑uwa. Te kuaꞌa xeen ñayii, ni ka jiꞌi i ja kuechi ja ni ndu‑uwa ndute ma te ñatuu ni kuu jin koꞌo‑ka i de.
\p \v 12 Te ángel ku‑kuun ma, ni tivi i trompeta ma, te ni tnakueꞌe jâ yatni sava nuu kandii ma, jiꞌin jâ yatni sava nuu yoo ma, jiꞌin jâ yatni sava tiuxini ka iyo andivi ma, te chukan kúu ja ni kunee jaku nuu kandii ma, jiꞌin jaku nuu yoo ma, jiꞌin jaku tiuxini ma, te chukan kúu ja ñatuu ni ndii jaku ora nduu ma, te ñatuu ni ka xtnuu yoo ma jiꞌin tiuxini ma jaku ora jakuaa ma.
\p \v 13 Te ni jini sa in ángel ma ja ndáva i sasava andivi ma, te ni jinisoꞌo sa ja káyuꞌu i káꞌan i:
\p ―‍¡Ay! ¡Ay! ¡Ay! ¡Ndaꞌvi maa ñayii ni ka kendoo ñuu ñayivi a, ja kuechi ja sani te jin tivi‑ka ángel ma uni‑ka trompeta ma, te jin ndoꞌo jin neni maa ñayii ma! ―‍kúu i káꞌan i.
\c 9
\p
\v 1 Te ángel ku‑uꞌun ma, ni tivi i trompeta ma, te ni jini sa ja ni jinkava in tiuxini ichi andivi ma onde nuu ñuꞌú ma. Te ni waꞌa ya ndakaa nuu nee nuu kunu ma. \fig |OK.A.afraid.5.12.10 copy1 copy.tif|span|||Sukan jin ndoꞌo jin neni ñayii ja ma jin kandija i tnuꞌu tátnuni Suꞌsi ma|9:1\fig*
\m
\v 2 Te ni ndakune tiuxini ma nuu nee nuu kunu ma, te ni kana ñuꞌma sukan kána ñuꞌma in jitnu kaꞌnu kaꞌnu. Te ni ndesi nuu kandii ma jiꞌin nuu kajin yiꞌi ma, ja kuechi ñuꞌma ni kana nuu nee nuu kunu ma.
\m
\v 3 Te neꞌun ñuꞌma ma ni kana koo tika langosta, te kuan koo ti ni‑kaꞌnu ñuu ñayivi ma, te ni waꞌa ya tnuꞌu ja jin saꞌa ti sukan ka saꞌa tisuꞌma ka iyo ñuu ñayivi a ora ka tuu ti ñayii ma.
\m
\v 4 Te ni jiñaꞌa ya ja másu ko jin saꞌa ndevaꞌa ti yiꞌi kuii ma, ni a yutnu kuiꞌi ka iyo nuu ñuꞌú ya chi yika‑ni ja ñayii ñatuu na sellu Suꞌsi ma ndenee tnee i ma. Te ñayii yukan kuu jin saꞌa ndevaꞌa ti i.
\m
\v 5 Te ñatuu ni waꞌa ya tnuꞌu ja jin kaꞌni ti ñayii ma chi yika‑ni ja jin xndoꞌo jin xneni ti i uꞌun yoo. Te ja ka ndoꞌo ka neni i ma kúu sukan kúu ora túu ñaꞌa in tisuꞌma ma, ja jatu xen‑xeen nuu túu ti ma.
\m
\v 6 Te kivi yukan jin kuu ini ñayii ma ja jin kûu i, kovaa masu kuu jin kûu i, te nawa kuu vaa ûni jâ ni ka jiꞌi i ka jini i, kovaa masu kuu jin kûu‑ka i.
\m
\v 7 Te tika langosta ma, sukan ka ndaa caballu ja ka iyo tuꞌva ti ja jin koo ti nuu jin kanaa ñayii ma, sukan ka ndaa ti. Te xini ti ma ka yoxtnee kuenda tnuꞌu ja corona oro, te nuu ti ma ka ndaa sukan kaa nuu ñayii ma.
\m
\v 8 Te nani ixi xini ti ma sukan kaa ixi ñaꞌa ma, te nuꞌu ti ma ka ndaa sukan ka ndaa nuꞌu ndikaꞌa ma.
\m
\v 9 Te ka neꞌnu ti in ja jasi ñaꞌa, in ja nani coraza, te ndijin ti ma ka kuu niniꞌi yuꞌu sukan kúu ora ka jinu kuaꞌa caballu ma ja ka ñuꞌu ti carreta kuan koo ti nuu ka kanaa ñayii ma.
\m
\v 10 Te suꞌma ti ma sukan ka iyo suꞌma tisuꞌma ma ka iyo, te suni ka ndaa sukan ka ndaa garrocha ma, te ka iyo tnuꞌu ndee tnuꞌu ndatnu suꞌma ti ma ja jin xndoꞌo jin xneni ti ñayii ma uꞌun yoo, ja ka kuu i ñayii ñatuu ni ka kandija Suꞌsi ma.
\m
\v 11 Te ángel saꞌa ja uꞌvi ma ja tátnuni i nuu kunu nuu nee ma te suni suu i tátnuni tna nuu ti, te ja nani i ma kúu Abadón saꞌan hebreo, te tnuꞌu yukan chi “Ja Xnaa” kúni kaꞌan.
\p
\v 12 Jâ ni yaꞌa in tnundoꞌo tnuneni ma, te ve koo‑ka uu‑ka tnundoꞌo tnuneni ma.
\p
\v 13 Te ángel ku‑iñu ma, ni tivi i trompeta ma, te ni jinisoꞌo sa ja ni kaꞌan meꞌñu ndi‑kuun kiti ka iyo altar oro ma ja iyo nuu Suꞌsi ma.
\m
\v 14 Te ni kaꞌan nuu ángel ku‑iñu ma ángel yindaꞌa trompeta ma:
\p ―‍Ndaji ndi‑kuun ángel ka nuꞌni yuꞌu yute kaꞌnu nani Eufrates ma ―‍kúu káꞌan.
\p
\v 15 Te ni ka ndaji ndi‑kuun ángel ka iyo tuꞌva ja na kenda ora ma kivi ma yoo ma kuiya ma ja jin kaꞌni i kuaꞌa xeen ñayii ñuu ñayivi a.
\m
\v 16 Te ni jinisoꞌo sa na nde saa tee ka kuu soldado ka yoso caballu ma ka kuu, te uu cientu millón de ka kuu.
\m
\v 17 Te saꞌa ni jininuu sa: Caballu ma jiꞌin tee ka yoso ti ma, te ka neꞌnu de in ja nani coraza ja ka ndesi pechu de ma, te ûni yeꞌe niꞌni i kuenda tnuꞌu ja ndúꞌva ñuꞌu ma, jiꞌin sukan kaa yuu nani jacinto ma, jiꞌin sukan kaa azufre ma, sukan ka ndaa ja ka neꞌnu de ja ka ndesi pechu de ma. Te xini caballu ma ka ndaa sukan ka ndaa xini ndikaꞌa ma, te yuꞌu ti ma ka ke koo ñuꞌu ndúꞌva jiꞌin ñuꞌma jiꞌin azufre.
\m
\v 18 Te ja kuechi ñuꞌu ndúꞌva ma jiꞌin ñuꞌma ma jiꞌin azufre ma ja ke koo yuꞌu ti ma, te ni ka jiꞌi kuaꞌa xeen ñayii ñuu ñayivi a.
\m
\v 19 Vaa tnuꞌu ndee tnuꞌu ndatnu caballu ma yinee yuꞌu ti ma jiꞌin suꞌma ti ma, vaa suꞌma ti ma, sukan kaa koo ma sukan ka iyo suꞌma ti ma, te ka iyo xini koo ma, te ka saꞌa ndevaꞌa ti ñayii ma.
\p
\v 20 Te ndaka‑ka ñayii ñatuu ni ka jiꞌi ja ni kenda tnundoꞌo yaꞌa ma, te ni ñatuu ni ka ndakani ni ka ndakaꞌvi ini i ja uꞌvi ni ka yo saꞌa ni ka yo kuu i ma, te ni ñatuu ni ka xndoo i ja jin chiñuꞌu i tachi ma, te ni ñatuu ni ka xndoo i ja jin chiñuꞌu i tnaꞌa ja masu Suꞌsi ka kuu ma, tnaꞌa ja ñatuu ka ndeꞌya ma, ni ñatuu ka jinisoꞌo ma, te ni ñatuu kuu jin kaka ma, tnaꞌa ja ni ka saꞌa i jiꞌin ndaꞌa i ma jiꞌin oro ma jiꞌin plata ma jiꞌin bronce ma jiꞌin yuu ma jiꞌin yutnu ma.
\m
\v 21 Te suni ni ñatuu ni ka ndakani, ni ka ndakaꞌvi ini i ndaka‑ka ja uꞌvi ni ka yo saꞌa i ma, ja ni ka yo jaꞌni i ñayii ma, jiꞌin ja ni ka yo chiꞌi tasi tnaꞌa i ma, jiꞌin ja ni ka yo kivi nduu i jiꞌin ñayii masu ni ka tnandaꞌa jiꞌin i ma, jiꞌin ja ni ka yo sakuiꞌna i ma. Te chukan kúu ja jin ndoꞌo jin neni‑ka maa i.
\c 10
\s1 Ángel ni yindaꞌa libru luluu ma
\rem El ángel con el librito
\p \v 1 Te ni jini sa in‑ka tuku ángel iyo ndee iyo ndatnu i, ja ve nuu i onde andivi ma, te ñutuu i in viko, te xini i ma iyo in tikoyaꞌnde, te nuu i ma sukan kaa kandii ma kaa, te jaꞌa i ma ka ndaa sukan kaa ñuꞌu ndúꞌva ma.
\m \v 2 Te yindaꞌa i in libru nune, te ni jani i jaꞌa i kuaꞌa ma siki ndute mar ma, te jaꞌa i satni i ma siki nuu ñuꞌú ya.
\m \v 3 Te ni kayuꞌu niniꞌi i sukan kúu yuꞌu ndikaꞌa ma ora ndónda ti ma, te nuu ni kayuꞌu i ma, ni kuu yuꞌu uja jichi sukan kúu ora kána savi ma.
\m \v 4 Te nuu ni kuu yuꞌu ndi‑uja jichi sukan kána savi ma, te iyo sa ja tee sa ja ka kaꞌan i ma, kovaa ni jinisoꞌo sa in ja káꞌan onde andivi ma:
\p ―‍Kasi ni tutu a, te máko tee ni sukan ka kaꞌan ja ka kuu yuꞌu sukan kána savi ma ―‍kúu i káꞌan i.
\p \v 5 Te ángel ni jini sa ja núkuiñi i siki ndute mar ma jiꞌin siki ñuꞌú ya, te ni ndoneꞌe i ndaꞌa i ichi andivi ma.
\m \v 6 Te ni skuiso i ja maa iya téku ni‑kani ni‑jika ma, iya ni saꞌa andivi ma, jiꞌin nuu ñuꞌú ya, jiꞌin ndute mar ma, jiꞌin ndaka ja iyo andivi ma, jiꞌin ndaka ja iyo nuu ndute ma, jiꞌin ndaka ja iyo nuu ñuꞌú ya, te ni kaꞌan i ja jâ ni ndiꞌi kivi ma te ñatuu nawa jin kondetu‑ka o.
\m \v 7 Chi suꞌva nuna kejaꞌa ángel ku‑uja ma tivi i trompeta ma, te ko kuu ndaka ja ni jani ini Suꞌsi ma ja saꞌa ya ma, ndaka sukan ni kaxtnuꞌu ya nuu tee ni ka yo jinukuechi nuu ya ma te ni ka yo ndakaꞌan de tnuꞌu ni yo waꞌa ya ma.
\m \v 8 Sukan ni jinisoꞌo sa andivi ma, sani te ni kaꞌan tuku in‑ka jichi nuu sa, te káꞌan:
\p ―‍Kuán tnaꞌa ni ángel núkuiñi nuu ndute mar ma jiꞌin nuu ñuꞌú a, te keꞌen ni libru nune ja yoxtnee i nuu ndaꞌa ángel ma ―‍kúu káꞌan.
\p \v 9 Te ni jan tuꞌva sa ángel ma, te ni jikan sa libru ma, te ni kaꞌan ángel ma nuu sa:
\p ―‍Tnii ni, te kaa ni, te saꞌa i ja ku‑uwa ini ni ma, kovaa ini yuꞌu ni a chi kuni vixi ni sukan vixi nduxi ma ―‍kúu i káꞌan i.
\p \v 10 Te ni tnii sa libru yindaꞌa ángel ma, te ni jaa sa, te ini yuꞌu sa a ni jini vixi sa sukan vixi nduxi ma, kovaa nuu ni jinu ni jaa sa ma, te ini sa ma ni nukuꞌun uwa kuiti i.
\m \v 11 Sani te ni kaꞌan ángel ma nuu sa:
\p ―‍Jiniñuꞌu ja ndakaxtnuꞌu ni in‑ka jichi nuu ñayii ma ja jin ndoꞌo jin tnaꞌa kuaꞌa ñuu lilikin ma, jiꞌin ñuu naꞌnu ma, jiꞌin kuaꞌa ñayii ndevaꞌa‑ni na saꞌan ka kaꞌan i ma, jiꞌin tee ka tatnuni ma ―‍kúu i káꞌan i.
\c 11
\s1 Uu tee ka kuu testigu ma
\rem Los dos testigos
\p
\v 1 Sani te ni kundaꞌa sa in yutnu sukan kaa yutnu chikuaꞌa o na saa kani ma, te ni kaꞌan i:
\p ―‍Ndokuiñi ni, te chikuaꞌa ni veñuꞌu Suꞌsi a, jiꞌin altar nuu ka chiñuꞌu o Suꞌsi ma, te kaꞌvi ni ñayii ka ndachiñuꞌu Suꞌsi ma ini veñuꞌu ma.
\m
\v 2 Kovaa nukeꞌe veñuꞌu ma, máko chikuaꞌa ni, vaa ni ka ndundaꞌa ñayii masu ka kandija Suꞌsi ma. Te uu xiko uu (42) yoo jin saꞌa ndevaꞌa i ñuu nuu ni ka iyo ñayii ñatuu na ja uꞌvi ni ka yo saꞌa i ma.
\m
\v 3 Te maa sa tetniñu uu tee ka kuu testigu ma, te kuaꞌa sa tnuꞌu jin kaꞌan de ma, te mil jiꞌin uu cientu jiꞌin uni xiko (1260) kivi ja kúu i uni kuiya yo sava ma jin kaxtnuꞌu de nuu ñayii ma sukan jin ndoꞌo jin neni ñayii ma, te jin koneꞌnu de saꞌma ka neꞌnu ñayii ka kuxii ini ma ―‍kúu ya káꞌan ya.
\p
\v 4 Te tee ka kuu testigu ma, ka kuu de uu tnu olivo jiꞌin uu candileru ma, ja ka nukuiñi i nuu iya tátnuni ñuu ñayivi ya.
\m
\v 5 Nú na in kúni ja saꞌa uꞌvi ñaꞌa i, kee ñuꞌu iꞌni yuꞌu de ma, te xnaa i ñayii kúni uꞌvi nuu de ma. Saꞌa ndoꞌo ñayii nduku ja saꞌa uꞌvi i tee yaꞌa.
\m
\v 6 Tee yaꞌa, ka nevaꞌa de tnuꞌu ndee tnuꞌu ndatnu ja jin kasi de andivi ma, sukan‑vaꞌa ma kuun‑ka savi ndaka kivi iyo ja jin kaxtnuꞌu de tnuꞌu Suꞌsi ma, te ka iyo tnuꞌu ndee tnuꞌu ndatnu de ja jin saꞌa de ja ndute ma te nduu de niñi, te kuu jin saꞌa de ja jin kenda koo ndaka nuu kueꞌe jin ndoꞌo ja ka iyo nuu ñuꞌú yaꞌa na saa jichi ka kuni maa de.
\m
\v 7 Nuna jinu jin kaxtnuꞌu de tnuꞌu Suꞌsi ma, te kiti kini kaa ma kiti nána nuu kunu nuu nee ma, kanaa ti jiꞌin de, te kundee ti nuu de, te kaꞌni ti de.
\m
\v 8 Te ñundeꞌyu de ma, jin kavatuu i ichi ka jika ñayii ma ñuu kaꞌnu ma, ñuu nuu ni ka jata kaa i Iya Tátnuni ma, ja kuu i sukan kúu ñuu Sodoma ma jiꞌin ñuu Egipto ma.
\m
\v 9 Te ñayii ka iyo ndaka ñuu kuechi ma, ndaka jichi i ma, ndaka saꞌan ka kaꞌan i ma, ndaka ñuu naꞌnu ma, jin kuni i ñundeꞌyu de ma uni kivi yo sava, te masu iyo ja kuu jin chuꞌu i ñundeꞌyu de ma.
\m
\v 10 Te ñayii ka iyo ñuu ñayivi ya, jin kutachi xeen i, te jin skutaꞌvi nuu tnaꞌa i ja vaꞌa xeen‑ka ka nevaꞌa i ma, vaa kuechi ja jâ ni ka kundee i ja ni ka jiꞌi nduu tee ni ka yo ndakaxtnuꞌu tnuꞌu Suꞌsi ma, tee ni ka yo xndoꞌo, ni ka yo xneni ñayii ma, ja ñatuu ni ka yo jatna ini i ja ni ka yo kaꞌan de ma.
\m
\v 11 Kovaa nuu uni kivi yo sava ma, te ni ndaxteku ñaꞌa Suꞌsi ma, te ni ka ndokuiñi de, te ni ka yuꞌu xeen ñayii ni ka jini i de ma.
\m
\v 12 Te ni ka jinisoꞌo i ja ni kaꞌan niniꞌi onde andivi ma:
\p ―‍Jin nda koo ni onde yaꞌa ―‍ni kaꞌan.
\p Te in nuu viko ni ka nda koo de kuan nu koo de andivi ma, te ni ka jini ñayii ni ka yo kuni uꞌvi nuu de ma.
\m
\v 13 Te ora yukan ni tnaa xen‑xeen, te jaku ñuu yukan ni kekaa. Te ja kuechi ja ni tnaa xeen ma, te ni ka jiꞌi uja mil ñayii ma, te ndaka‑ka i ma, ja kuechi ja ni ka yuꞌu xen‑xeen i ma, te ni ka ndachiñuꞌu i Suꞌsi iyo andivi ma.
\p
\v 14 Jâ ni kuu uu tnundoꞌo tnuneni ma ni ka yaꞌa, te sani te kenda yachi ja ku‑uni ja jin ndoꞌo jin neni ñayii ma.
\s1 Ni tivi ángel ku‑uja ma trompeta ma
\rem La séptima trompeta
\p
\v 15 Te ni tivi ángel ku‑uja ma trompeta ma, te ni ka kaꞌan niniꞌi onde andivi ma:
\q1 Ñuu ni ka yo tatnuni ñayii ka ndanuu ma, ni nduu i ñuu nuu tátnuni Suꞌsi
\q2 Iya Tátnuni ma jiꞌin Cristo ma, te tatnuni ya ni‑kani ni‑jika.
\p
\v 16 Te ndi‑oko kuun tee nijaꞌnu ma, ja ka nukoo de ichi nuu ndeꞌya ya nuu núkoo ya ma, te ni ka jinkoo jiti de, te ni ka jakindeyi de onde nuu ñuꞌú ma, te ka ndachiñuꞌu de ya.
\m
\v 17 Te ka jiñaꞌa de ya:
\q1 Ka kutaꞌvi xeen sa nuu ni, Suꞌsi Iya Tátnuni, iya kúu saꞌa ndaka,
\q1 vaa maa ni kúu iya iyo onde xinañuꞌu ma,
\q2 te maa ni iyo vitna a, te maa ni kúu iya ndii ma,
\q1 vaa ni ndundaꞌa ni tnuꞌu ndee tnuꞌu ndatnu ma,
\q2 te jâ tátnuni ni.
\q1
\v 18 Te ni ka ndakiti ini ndaka ñuu ma nuu ni,
\q2 te ni ndakiti ini maa ni nuu i,
\q1 te jâ ni kenda kivi ja ndakan ni kuenda nuu ñayii ni ka jiꞌi ma,
\q1 te kuaꞌa ni ja vii ja vaꞌa nuu ñayii ni ka jinukuechi nuu ni ma,
\q2 ja ka kuu i ñayii ni ka yo ndakaxtnuꞌu i tnuꞌu maa ni ma,
\q2 ja ka kuu i ñayii ñatuu na ja uꞌvi ni ka yo saꞌa i ma,
\q1 ja ka kuu tna i ñayii ni ka yo yuꞌu ja jin saꞌa i ja uꞌvi ja ñatuu játna ini ni ma,
\q2 ja ka kuu i ñayii kuechi ma jiꞌin ñayii nijaꞌnu ma,
\q1 te xnaa ni ñayii ka xnaa nuu ñuꞌú ya,
\m ka kuu de ka kaꞌan de.
\p
\v 19 Te veñuꞌu Suꞌsi ma ni ndanune onde andivi ma, te ini veñuꞌu ma ndijin iyo arca ma ja káxtnuꞌu sukan ni skuiso ya ma. Te ni kejaꞌa ni jandute, te ka kuu yuꞌu, te kúu sukan kána savi ma, te ni tnaa xen‑xeen, te ni kuun ñiñi naꞌnu naꞌnu.
\c 12
\s1 In ñaꞌa ma jiꞌin koo kaꞌnu kiti kaa sukan kaa in lanaꞌña ma
\rem La mujer y el dragón
\p
\v 1 Te ni kenda in seña kaꞌnu ichi andivi ma. In ñaꞌa, te neꞌnu ña kandii ma, sukan neꞌnu o in saꞌma ma, te nuu jaꞌa ña ma iyo yoo ma, te xini ña ma iyo in corona ni kuvaꞌa jiꞌin uxi uu tiuxini.
\m
\v 2 Te ñuꞌu saꞌya ña, te káyuꞌu ña ja uꞌvi ña ja kâku saꞌya ña ma, vaa ni kenda ora ja sani te kâku saꞌya ña ma.
\m
\v 3 Te suni ni kenda in‑ka seña ichi andivi ma, te in koo kaꞌnu kiti kaa sukan kaa in lanaꞌña, te kuaꞌa tnuu ti, te ka iyo uja xini ti jiꞌin uxi ndiki ti te ndi‑in ndi‑in xini ti ma ka yoxtnee in corona.
\m
\v 4 Te suꞌma ti ma ñuꞌu ti kuaꞌa xeen tiuxini ma, te ni skana ti nuu ñuꞌú a. Te ni jinkuiñi ti nuu ñaꞌa iyo ja kâku saꞌya ña ma, sukan‑vaꞌa ora kâku kunu saꞌya ña ma, te kokon yachi ti i.
\m
\v 5 Te ni kâku saꞌya ña in suchi yii, te suu i kindaꞌa i in yutnu xii kaa, te tatnuni i nuu ndaka ñuu ma. Te saꞌya ña ma, ni ndoneꞌe Suꞌsi ma i, sukan‑vaꞌa koo i nuu núkoo ya ma.
\m
\v 6 Te ñaꞌa ma, ni jinu ña kuaꞌan ña ichi nuu ñatuu nawa iyo kuiti ma, nuu ni satuꞌva Suꞌsi ma, sukan‑vaꞌa koo ña mil uu cientu uni xiko (1260) kivi, te koo ja kaa ña.
\m
\v 7 Ni jinu, te ángel Miguel ma jiꞌin ndaka‑ka ángel ka ndikin tnaꞌa jiꞌin i ma, ni ka kanaa i jiꞌin koo kaꞌnu kiti kaa sukan kaa in lanaꞌña ma jiꞌin ángel ka ndikin tnaꞌa jiꞌin ti ma onde andivi ma. Te koo kaꞌnu ma jiꞌin ángel ka ndikin tnaꞌa jiꞌin ti ma, ni ka nduku ti ja jin kundee ti ja jin kendoo ti andivi ma,
\m
\v 8 kovaa ñatuu ni kundee ti, ni a niꞌi ti in nuu kuu jin koo ti jiꞌin ángel ka ndikin tnaꞌa jiꞌin ti ma.
\m
\v 9 Te koo kaꞌnu kiti kaa sukan kaa in lanaꞌña ma, koo janaꞌa ma, kiti nani tachi ma ja kúu ti Satanás ma, ja ni yo xndaꞌvi ti ndaka ñayii ka iyo ni‑kaꞌnu ñuu ñayivi a, te ni ka ndaskana i ti jiꞌin ángel ti ma onde nuu ñuꞌú ya.
\m
\v 10 Sani te ni jinisoꞌo sa in ja káꞌan niniꞌi onde andivi ma:
\p ―‍Vitna jâ ni kenda tnuꞌu ndee tnuꞌu ndatnu Suꞌsi ma ja kuu jin ndaniꞌi taꞌvi ñayii ma, te jâ ni kenda kivi tatnuni Suꞌsi o a jiꞌin ja tatnuni Cristo iya ni tetniñu Suꞌsi ma, vaa jâ ni xtandiyo ya tachi ma suchi nduu ñuu ni yo xtekuechi ñaꞌa i nuu Suꞌsi ma ndaka o ja ni ka nduu o saꞌya ya ma.
\m
\v 11 Te ñayii yaꞌa chi ni ka kundee i ja maa niñi iya kúu sukan kúu ndikachi jaa ma, te ni ka yo kaꞌan, ni ka yo kachi i tnuꞌu vii tnuꞌu vaꞌa ya ma, te masu ni ka yo yuꞌu i, visi na in na kaꞌni ñaꞌa.
\m
\v 12 Chukan kúu ja jin kutachi nde ni ka iyo andivi a. Ndaꞌvi maa ñayii ka iyo nuu ñuꞌú ma jiꞌin nuu ndute mar ma, vaa ni nuu tachi ma, te ndakiti xeen ini i, vaa jini i ja jaku‑nka‑ni kivi iyo ja koo i ―‍káꞌan.
\p
\v 13 Te nuu ni jini koo kaꞌnu kiti kaa sukan kaa lanaꞌña ma ja jâ ni ka ndaskana i ti nuu ñuꞌú ya, te ni sondikin ti ñaꞌa ni kâku saꞌya ña in suchi yii ma.
\m
\v 14 Te ñaꞌa ma chi ni niꞌi ña uu ndijin ña sukan kaa ndijin yaꞌa kaꞌnu ma, sukan‑vaꞌa ndava ña te kaku ña nuu koo kaꞌnu ma, te kuaꞌan ña ichi nuu ñatuu nawa iyo kuiti ma, te yukan ni iyo ña in tiempu jiꞌin uu‑ka tiempu jiꞌin sava‑ka tiempu ma, te ni yo niꞌi ña ja kaa ña ma.
\m
\v 15 Te koo kaꞌnu ma, ni keneꞌe ti yuꞌu ti ma ndute sukan in yute, sukan‑vaꞌa ñuꞌu ndute ma ñaꞌa yoxtnuu nuu ti ma.
\m
\v 16 Kovaa ñuꞌú ya chi ni chindee i ñaꞌa ma, vaa ni ndata nuu ñuꞌú a, te ni kokon i yute ma ja ni keneꞌe koo kaꞌnu ma yuꞌu ti ma.
\m
\v 17 Sani te ni ndakiti xeen ini koo kaꞌnu ma nuu ñaꞌa ma, te kuaꞌan ti ja kanaa ti jiꞌin ndaka‑ka saꞌya tata ña ma, ñayii ka kandija tnuꞌu ni tatnuni Suꞌsi ma te ka saꞌa ka kuu i sukan ni yo kuu Jesucristo ma.
\c 13
\s1 Kiti kaꞌnu kiti kini xeen kaa ma, ni kana ti nuu ndute mar ma
\rem La bestia que surge del mar
\p
\v 1 Te ni jinkuiñi sa siki ñuti yuꞌu ndute mar ma, te ni jini sa ja ni kana in kiti kaꞌnu kini xeen kaa, te iyo uja xini ti jiꞌin uxi ndiki ti, te ka yoxtnee uxi corona ndiki ti ma, te xini ti ma ndenee ja nani ti ja káꞌan ndevaꞌa ja kuu Suꞌsi ma.
\m
\v 2 Te kiti kaꞌnu kiti kini xeen kaa ma, ni jini sa ti ja sukan kaa in leopardo kaa ti, te jaꞌa ti ma sukan ka ndaa jaꞌa oso ka ndaa, te yuꞌu ti ma sukan kaa yuꞌu ndikaꞌa ma kaa. Te koo kaꞌnu kiti kaa sukan kaa lanaꞌña ma, ni waꞌa ti tnuꞌu ndee tnuꞌu ndatnu jiꞌin nuu núkoo ti ja tátnuni ti ma, sukan‑vaꞌa kunukoo kiti kaꞌnu ma, te tatnuni ti.
\m
\v 3 Te ni jini sa ja in xini ti ma ni tnakueꞌe, te kuenda tnuꞌu ja kûu ti nkuu, kovaa ni nduvaꞌa ti, te ndaka‑ka ñayii ma, ni ka saꞌvi‑nka ini i, te ka kandija i sukan káꞌan ti ma.
\m
\v 4 Te ni ka ndachiñuꞌu i koo kaꞌnu kiti kaa sukan kaa lanaꞌña ma kiti ni waꞌa tnuꞌu ja tatnuni kiti kaꞌnu kiti kini kaa ma, te ni ka ndachiñuꞌu i kiti kaꞌnu kiti kini kaa ma, te ka kaꞌan i:
\p ―‍¿Na in kúu sukan kúu kiti kaꞌnu a, te na in kuu kanaa jiꞌin ti? ―‍ka kuu i ka kaꞌan i.
\p
\v 5 Te ni kuu kaꞌan ti, te ni kaꞌan kini xeen ti, te ni kaꞌan ndevaꞌa ti ja kuu Suꞌsi ma, te ni waꞌa ya tnuꞌu ja tatnuni ti te saꞌa ti nde a kúni maa ti uu xiko uu (42) yoo.
\m
\v 6 Te yuꞌu ti ma kée ja káꞌan ndevaꞌa ti ja kuu Suꞌsi ma, te káꞌan ndevaꞌa ti ja kuu ja nani ya ma, jiꞌin veñuꞌu nuu iyo ya ma, jiꞌin ángel ka iyo onde andivi ma.
\m
\v 7 Te ni waꞌa ya tnuꞌu ja kanaa ti jiꞌin ñayii ñatuu na ja uꞌvi‑ka ka saꞌa i ma, te kundee ti, te suni ni waꞌa ya tnuꞌu ja tatnuni ti nuu ndaka jichi ñayii ma, ndaka ñuu kuechi ma, ndaka ñuu naꞌnu ma, ndevaꞌa‑ni na saꞌan ka kaꞌan i ma.
\m
\v 8 Te iya kúu sukan kúu ndikachi jaa ma iya ni ndoꞌo ni neni ma, nevaꞌa ya libru nuu ka ndenee ja ka nani ñayii jin koteku ma. Te ndaka ñayii ka iyo nuu ñuꞌú ya ja ñatuu na ja ka nani i ma ka yoxtnee nuu libru ya ma onde xinañuꞌu ma onde nuu ni kejaꞌa ñuu ñayivi a, ni ka ndachiñuꞌu i kiti kaꞌnu kiti kini xeen kaa ma.
\p
\v 9 Nde ni iyo soꞌo, te koninisoꞌo vaꞌa ni.
\m
\v 10 Nú na in iyo ja kinee vaꞌa i, te kinee vaꞌa i, te nú na in iyo ja kûu i jiꞌin yuchi kuiñi kúu espada ma, te sukan kûu i. Te saꞌa, te kuni o sukan ka kanda ñayii ñatuu na ja uꞌvi ka saꞌa i ma te ka kandija i Suꞌsi ma.
\s1 Kiti kaꞌnu kiti kini xeen kaa ma, ni kana ti nuu ñuꞌú a
\rem La bestia que sube de la tierra
\p
\v 11 Ni jinu, te ni jini sa in‑ka kiti kaꞌnu kiti kini kaa ja ni kana ti nuu ñuꞌú a. Te ka iyo uu ndiki ti, te ka ndaa i sukan ka ndaa ndiki in ndikachi, te káꞌan tna ti sukan káꞌan koo kaꞌnu kiti kaa sukan kaa in lanaꞌña ma.
\m
\v 12 Te iyo ti nuu iyo kiti xinañuꞌu ma, te tátnuni ti sukan tátnuni kiti xinañuꞌu ma, te saꞌa ti ja ñayii ka iyo nuu ñuꞌú ya, jin chiñuꞌu i kiti kaꞌnu kiti kini kaa ma, kiti ni tnakueꞌe ja vala‑nka te kûu ti ma, te ni nduvaꞌa ti ma.
\m
\v 13 Te suni saꞌa ti kuaꞌa seña nuu ñayii ka iyo nuu ñuꞌú ya, te ûni skuun ti ñuꞌu iꞌni ichi andivi ma.
\m
\v 14 Te xndaꞌvi ti ñayii ka iyo nuu ñuꞌú ya ja saꞌa ti seña jiꞌin milagru nuu iyo kiti kaꞌnu kiti kini kaa ma. Te tátnuni ti nuu ñayii ka iyo nuu ñuꞌú ya ja na jin saꞌa i in ja kaa sukan kaa kiti kaꞌnu kiti kini kaa ma kiti ni tnakueꞌe jiꞌin yuchi kuiñi kúu espada ma te ni ndateku ti ma.
\m
\v 15 Te kiti ku‑uu ma, ni niꞌi ti tnuꞌu ndee tnuꞌu ndatnu te ni kuu ni saꞌa ti ja tnaꞌa ja ni ka ndaneꞌe ñayii ma ja kaa sukan kaa kiti xinañuꞌu ma, te ni kuu ni kanda ti te téku ti, te kiti ni kanda ma, ni tatnuni ti ja na jin kaꞌni i ndaka ñayii ñatuu ka ndachiñuꞌu ti ma.
\m
\v 16 Te ni saꞌa ti ja ndaka ñayii ma, te jin kondenee tnuni maa ti ma ndaꞌa kuaꞌa i ma xi tnee i ma, ka kuu i ñayii kuechi, ñayii nijaꞌnu, ñayii ka kuxiku, ñayii ka kundaꞌvi, ñayii ka ndanuu, ñayii ka jinukuechi ma. Ndaka i jin kitnuni.
\m
\v 17 Te ni‑in ñayii masu kuu kuaan i ni a xiko i, nú ñatuu na tnuni ja nani kiti kaꞌnu kiti kini kaa ma xi número ja nani ti ma ndenee ndaꞌa kuaꞌa i ma xi tnee i ma.
\m
\v 18 Te yaꞌa iyo tnuꞌu ndichi. Nú na in kúu jakuꞌni ini i, te kaꞌvi i número kiti kaꞌnu kiti kini kaa ma. Vaa número in ñayii ma kúu, te iñu cientu uni xiko iñu (666) kúu tnuni kiti kini kaa ma.
\c 14
\s1 Sukan ka jita cientu uu xiko kuun mil (144,000) ñayii ma
\rem El cántico de los 144,000
\p
\v 1 Ni jinu, te ni jini sa ja núkuiñi iya kúu sukan kúu ndikachi jaa ma siki yuku nani Sion ma jiꞌin cientu uu xiko kuun mil (144,000) ñayii ka ndenee tnee i ma ja nani ya ma jiꞌin ja nani Yuva ya ma.
\m
\v 2 Te ni jinisoꞌo sa onde andivi ma ja kúu yuꞌu sukan kúu yuꞌu ndute kuaꞌa xeen jika ma, te sukan kúu ora kána niniꞌi savi ma sukan kúu yuꞌu. Te ja ni jinisoꞌo sa ma kúu yuꞌu sukan ka kuu yuꞌu arpa ma ora ka tee ñayii ma tnu.
\m
\v 3 Te ka jita i yaa jaa nuu núkoo Iya Tátnuni ma, jiꞌin nuu ka iyo kiti ka teku ma, jiꞌin nuu ka iyo tee nijaꞌnu ma. Te ni‑in ñayii ñatuu kúu kutuꞌva i ja kata i yaa ma chi maa‑ni cientu uu xiko kuun mil (144,000) ñayii ni ndeneꞌe ya neꞌun ñayii ka iyo ñuu ñayivi a ka kuu ñayii kúu ka jita ma.
\m
\v 4 Te tee yaꞌa ka kuu tee ñatuu ni ka yo kivi nduu jiꞌin ndi‑in ndi‑in ñaꞌa ma, vaa ni ka yo jito vaꞌa de maa de, te ñatuu na kuechi de nuu Suꞌsi ma. Te tee yaꞌa ka kuu tee ka ndikin iya kúu sukan kúu ndikachi jaa ma ndevaꞌa‑ni ndenu kuaꞌan ya ma. Te tee yaꞌa ka kuu tee ni ndeneꞌe ya neꞌun ñayii ma ja jin ko kuu de xinañuꞌu nuu ñayii ma, ja jin kondikin de Suꞌsi ma jiꞌin iya kúu sukan kúu ndikachi jaa ma.
\m
\v 5 Vaa ni ka yo jito vaꞌa de yuꞌu de ma, te ñatuu ni ka yo kaꞌan de ja jin xndaꞌvi de ñayii ma, te ñatuu ni‑in ja uꞌvi ni ka yo saꞌa de nuu Suꞌsi ma nuu núkoo ya ja tátnuni ya ma.
\s1 Sukan ni ka kaxtnuꞌu uni ángel ma
\rem El mensaje de los tres ángeles
\p
\v 6 Ni jini sa in‑ka ángel, ndava i sasava andivi ma, te yindaꞌa i tnuꞌu vii tnuꞌu vaꞌa ja koo ni‑kani ni‑jika ma, sukan‑vaꞌa kaxtnuꞌu i nuu ñayii ka iyo nuu ñuꞌú ya, nuu ndaka ñuu naꞌnu ma, nuu ndaka ñuu kuechi ma, nuu ndaka jichi ñayii ma, ndevaꞌa‑ni na saꞌan ka kaꞌan maa i ma.
\m
\v 7 Te káyuꞌu ángel ma káꞌan i:
\p ―‍Jin koyuꞌu ni Suꞌsi ma, te jin ndachiñuꞌu ni ya, vaa ni kenda ora ja ndakan ya kuenda nuu ñayii ma. Te jin ndachiñuꞌu ni ya, vaa maa ya ni saꞌa andivi a, jiꞌin ñuꞌú ya, jiꞌin ndute mar ma, jiꞌin nuu ka too ndute ma ―‍kúu i káꞌan i.
\p
\v 8 Te ndikin‑ka in‑ka ángel ma, te káꞌan i:
\p ―‍Jâ ni kotuu ñuu Babilonia ma, ñuu kanuu xeen‑ka ma, vaa suu i ni yo kaxtnuꞌu nuu ndaka‑ka ñuu ma sukan jin saꞌa i ja uꞌvi ma ―‍kúu i káꞌan i.
\p
\v 9 Te ndikin tna ángel ku‑uni ma, te ni kaꞌan niniꞌi i:
\p ―‍Nú na in na chiñuꞌu maa kiti kaꞌnu kiti kini kaa ma xi tnaꞌa ja kaa sukan kaa ti ma, te nuna tenee i tnuni ti ma tnee i ma xi siki ndaꞌa i ma,
\m
\v 10 te suni ndoꞌo neni i ndaka ja iyo ja xndoꞌo xneni ñaꞌa Suꞌsi ma, vaa ni ndakiti ini ya, te xndoꞌo xneni ya i nuu ñuꞌu iꞌni ma ja káyu jiꞌin azufre ma, te jin kondeꞌya ángel ñatuu na ja uꞌvi ka saꞌa i ma jiꞌin iya kúu sukan kúu ndikachi jaa ma.
\m
\v 11 Te kána ñuꞌma nuu ka ndoꞌo ka neni i ma ni‑kani ni‑jika, te masu jin ndatatu i nduu ñuu, vaa kuechi ja ni ka chiñuꞌu i kiti kaꞌnu kiti kini kaa ma jiꞌin tnaꞌa ja kaa sukan kaa ti ma, jiꞌin ja sukan ni ka jan‑taꞌvi i tnuni ti ma ja nani ti ma ―‍kúu i káꞌan i.
\p
\v 12 Yaꞌa, te kuni o sukan ka kanda ñayii ñatuu na ja uꞌvi ni ka yo saꞌa i ma, te ka saꞌa i sukan ni tatnuni Suꞌsi ma, te ka kandija i Jesús ma.
\p
\v 13 Te ni jinisoꞌo sa onde andivi ma ja káꞌan nuu sa:
\p ―‍Tee ni: “Onde vitna te kivi kiꞌin o a, ja vavaꞌa kúu ñayii kándija Iya Tátnuni ma, te visi na kûu i ma.” ―Saꞌa kaꞌan ja ni jinisoꞌo sa ma.
\p Te saꞌa káꞌan Xtumani Ndios ma:
\p ―‍Saa vi. Ndatatu ñayii ma, masu satniñu‑ka i, te ja vaꞌa ni yo saꞌa ni yo kuu i ma koo jiꞌin i nuu Suꞌsi ma ―‍kúu ya káꞌan ya.
\s1 Sukan ni ndututu ja iyo nuu ñuꞌú ma
\rem La tierra es segada
\p
\v 14 Te ndeꞌya sa, te ni jini sa in viko kuijin, te siki viko ma núkoo iya kaa sukan kaa iya ni kii ñayivi ñuu ñayivi ya, te yoxtnee in corona oro xini ya, te yindaꞌa ya in usu xen‑xeen.
\m
\v 15 Te ini veñuꞌu ma ni kee in‑ka ángel, te káyuꞌu niniꞌi i jiñaꞌa i iya núkoo siki viko ma:
\p ―‍Keꞌen ni usu ni a, te kivi ni ndaxtutu ni triu ni a, vaa jâ ni kuaan i, te jâ iyo ja ndaxtutu ni ―‍kúu i jiñaꞌa i.
\p
\v 16 Te iya núkoo siki viko ma, ni keꞌen ya usu ya ma, te ni kivi ya nuu ñuꞌú ma, te ni ndaxtutu ya ja kuu kuenda maa ya ma.
\p
\v 17 Te ni kee in‑ka ángel ini veñuꞌu iyo andivi ma, te yindaꞌa tna i in usu xen‑xeen.
\m
\v 18 Te ni kee in‑ka tuku ángel ja jito ñuꞌu ndúꞌva nuu altar Suꞌsi ma, te káyuꞌu i jiñaꞌa i nuu ángel yindaꞌa usu ma:
\p ―‍Keꞌen usu ro a, te kivi ro itu tnu uva a, te kaꞌnde ro uva a, vaa jâ ni kuaan i ―‍kúu i jiñaꞌa i.
\p
\v 19 Te ángel ma, ni keꞌen i usu i ma, te ni chuꞌun i nuu ñuꞌú ma, te ni jaꞌnde i uva ma. Te ni ndaxtutu i, te ni tnaa i nuu taxi uva ma, vaa jâ ni ndakiti ini Suꞌsi ma nuu uva ma kúu.
\m
\v 20 Te onde yuꞌu ñuu ma ni ka jiñu, ni ka jiñu i uva ma, te ni ka taxi i, te ûni nanimaa niñi ni kee. Te onde nuu ka nuꞌni yoꞌo yuꞌu caballu ma ni kaa niñi ma, te ni jika i onde uni cientu mil metro (300 kilómetros).
\c 15
\s1 Uja ángel ka yindaꞌa uja kueꞌe ja tetniñu Suꞌsi ma ñuu ñayivi ya
\rem Los ángeles con las siete postreras plagas
\p
\v 1 Te ni jini sa in‑ka seña andivi ma, te ja ni jini sa ma kúu uja ángel jiꞌin uja kueꞌe ja jin ko kuu sandiꞌi‑nka, vaa kueꞌe yukan‑nka ka kuu sandiꞌi‑nka ja xndoꞌo xneni Suꞌsi ma ñayii ni ka saꞌa ja ni ndakiti ini ya ma, kuechi ja ñatuu ni ka kandija i ya ma.
\m
\v 2 Te suni ni jini tna sa in ja kaa sukan kaa mar nuu ñuꞌu ndute ma te ndii niꞌni kuenda tnuꞌu ja vidriu ma te sakanuu jiꞌin ñuꞌu iꞌni. Te ñayii ni ka kundee nuu kiti kaꞌnu kiti kini kaa ma, jiꞌin ja kaa sukan kaa ti ma, jiꞌin tnuni ti ma, jiꞌin número ja nani ti ma, te ka nukuiñi ñayii yukan nuu ndute mar ma ja kaa sukan kaa vidriu ma, te ka yindaꞌa i arpa Suꞌsi ma.
\m
\v 3 Te ka jita i yaa jita Moisés ma tee jinukuechi nuu Suꞌsi ma, jiꞌin yaa jita iya kúu sukan kúu ndikachi jaa ma, te saꞌa káꞌan:
\q1 Suꞌsi Iya Tátnuni, iya kúu saꞌa ndaka, ja naꞌnu xeen kúu ja saꞌa ni a,
\q2 ja vii ja luu kúu ndaka, vi Suꞌsi.
\q1 Te ja vaꞌa ja ndaa ndija kúu ichi ni a,
\q2 ja kúu ni Rey tátnuni nuu ndaka ñayii ñatuu na ja uꞌvi ka saꞌa i ma.
\q1
\v 4 ¿Na in ma koyuꞌu ñaꞌa
\q2 te ma ndachiñuꞌu ñaꞌa i maa ni, Suꞌsi Iya Tátnuni?
\q1 Vaa maa in‑ni ni kúu iya ii.
\q1 Chukan kúu ja ki koo ñayii ka iyo ndaka ñuu ma, te jin ndachiñuꞌu ñaꞌa i,
\q2 vaa jâ ni ka jini i sukan saꞌa ndaa saꞌa ndija ni a.
\m Saꞌa káꞌan ja ka jita i nuu ya ma.
\p
\v 5 Ni jinu sukan, te ni yo ndeꞌya sa andivi ma, te ni ndanune in veñuꞌu kaꞌnu nuu iyo Suꞌsi ma te káꞌan ya jiꞌin ñayii ka jinukuechi nuu ya ma.
\m
\v 6 Te ini veñuꞌu kaꞌnu ma ni ka ke koo ndi‑uja ángel ma, te ka yindaꞌa i ndi‑uja kueꞌe ma, te ka neꞌnu i saꞌma lino vivii te ka iyo ndondoo, te ka jandute saꞌma i ma, te ka nuꞌni in saꞌma oro pechu i ma.
\m
\v 7 Te in kiti téku ma, ni chiꞌi ti ndaꞌa ndi‑uja ángel ma in in copa oro te ka ñuꞌu chitu ja iyo ja xndoꞌo xneni‑ka Suꞌsi ma ñayii ñatuu ni ka kandija ja káꞌan ya ma, ja suu ya kúu iya téku ni‑kani ni‑jika ma.
\m
\v 8 Te ini veñuꞌu kaꞌnu ma ûni ni chitu ñuꞌma, te sukan káxtnuꞌu Suꞌsi ma jayiñuꞌu ya ma jiꞌin tnuꞌu ndee tnuꞌu ndatnu ya ma, te ñatuu na in ni kuu kivi ini veñuꞌu kaꞌnu ma chi onde ni jinu ja jin ndoꞌo jin tnaꞌa ñayii ma ndi‑uja kueꞌe ka yindaꞌa ndi‑uja ángel ma.
\c 16
\s1 Uja copa oro ka ñuꞌu chitu ja ndákiti ini Suꞌsi ma ja tetniñu ya ñuu ñayivi ya
\rem Las copas de ira
\p
\v 1 Te ni jinisoꞌo sa onde veñuꞌu iyo andivi ma ja ni kaꞌan niniꞌi Suꞌsi ma nuu ndi‑uja ángel ma, te jiñaꞌa ya:
\p ―‍Kuán koo, te jin kati ro ja ka ñuꞌu nuu copa ka yindaꞌa ro a, tnaꞌa ja iyo ja jin ndoꞌo jin tnaꞌa ñayii ma, vaa ndákiti ini ri nuu i ja ñatuu ni ka kandija ñaꞌa i ma ―‍kúu ya jiñaꞌa ya. \fig |OK.angels.bowls.5.27.9.BB.tif|span|||Ka iyo tuꞌva ángel ma ja jin tetniñu i tnundoꞌo tnuneni jin tnaꞌa ñayii ja ma jin kandija i tnuꞌu tátnuni Suꞌsi ma|16:1\fig*
\p
\v 2 Ángel xinañuꞌu ma, kuaꞌan i, te ni jati i ja ñuꞌu nuu copa i ma nuu ñuꞌú ma, te ndaka ñayii ka ndenee tnuni kiti kini kaa ma, jiꞌin ñayii ka chiñuꞌu ja kaa sukan kaa ti ma, te ni ka kejaꞌa i ka kana i ndiꞌyi, te masu ka nduvaꞌa‑ni i, te ka jaxiko kini i.
\p
\v 3 Te ángel ku‑uu ma, ni jan kati i ja ñuꞌu nuu copa i ma nuu ndute mar ma, te ni nduu ndute ma niñi sukan ndúu niñi in ñayii ni jiꞌi ma, te ndaka kiti ka ñuꞌu nuu ndute mar ma, ni ka jiꞌi ti.
\p
\v 4 Te ángel ku‑uni ma, ni jan kati i ja ñuꞌu nuu copa i ma nuu ka iyo yute ma jiꞌin nuu ka too ndute ma, te ndute ma, ni nduu de niñi.
\p
\v 5 Te ni jinisoꞌo sa ja káꞌan ángel ni saꞌa ja ni nduu ndute ma niñi ma:
\p ―‍Iya saꞌa ja ndaa, Iya Tátnuni kúu ni, vi Suꞌsi. Te maa ni ni iyo onde xiꞌna ma, te maa ni iyo vitna a, vaa iya ii kúu ni, te ñatuu játna ini ni ja jin ko saꞌa saꞌya ni ma ja uꞌvi ma, te ka yikuu maa ñayii ni ka saꞌa ja uꞌvi ma ka ndachunaa i.
\m
\v 6 Vaa kuechi ja ni ka jati i niñi ñayii ñatuu na ja uꞌvi ni ka yo saꞌa i ma, jiꞌin niñi tee ni ka yo ndakaxtnuꞌu tnuꞌu ni yo waꞌa ni ma, chukan kúu ja ni waꞌa ni niñi a ja jin ndakoꞌo i, vaa kuechi maa i ka kuu, te jin ndandoꞌo jin ndaneni maa i ―‍kúu i káꞌan i.
\p
\v 7 Te suni ni jinisoꞌo sa in‑ka ja káꞌan onde nuu altar ma:
\p ―‍Saa vi, Suꞌsi Iya Tátnuni iya kúu saꞌa ndaka, vaa jaꞌnde ndaa ni tniñu, te ja vavaꞌa kúu ―‍kúu i káꞌan i.
\p
\v 8 Te ángel ku‑kuun ma, ni jan kati i ja ñuꞌu nuu copa i ma siki kandii ma. Te ni waꞌa Suꞌsi ma tnuꞌu ja ndii xen‑xeen‑nka kandii ma te kaꞌmi i ñayii ma.
\m
\v 9 Te ñayii ni ka kayu ma ja iꞌni xeen ma, ni ka kaꞌan ndevaꞌa i nuu Suꞌsi iya ni tetniñu ndaka kueꞌe yaꞌa, te ni ñatuu ni ka ndakani, ni ka ndakaꞌvi ini i, ja jin ndachiñuꞌu i ya.
\p
\v 10 Te ángel ku‑uꞌun ma, ni jati i ja ñuꞌu nuu copa i ma siki kiti kaꞌnu kiti kini xeen kaa ma, te nuu tátnuni ti ma ni ndunee kuiti. Te ñayii ma, ja kuechi ja ka ndoꞌo ka neni i ma, te ka ndakayiꞌi i yaa i ma, ja ñatuu ka niꞌi ini‑ka i naxe jin saꞌa i.
\m
\v 11 Te ni ka kaꞌan ndevaꞌa i nuu Suꞌsi ma ja kuechi ja uꞌvi ka ndoꞌo i ma jiꞌin ndiꞌyi ka kana i ma, te ñatuu ni ka ndakani, ni ka ndakaꞌvi ini i ja uꞌvi ka saꞌa i ma.
\p
\v 12 Te ángel ku‑iñu ma, ni jati i ja ñuꞌu nuu copa i ma yute Eufrates ma. Te ndute ma, ni yichi de, sukan‑vaꞌa koo tuꞌva ichi tee ka kuu rey ka tatnuni ñuu ka iyo ichi nuu kána kandii ma.
\p
\v 13 Te ni jini sa ja ini yuꞌu koo kaꞌnu kiti kaa sukan kaa lanaꞌña ma, jiꞌin ini yuꞌu kiti kaꞌnu kiti kini xeen kaa ma, jiꞌin ini yuꞌu tee xndaꞌvi ñayii ma ja saꞌa de tnuꞌu ja ndakaxtnuꞌu de tnuꞌu Suꞌsi ma, ni ka ke koo uni tachi, te sukan ka ndaa saꞌva ma ka ndaa i.
\m
\v 14 Vaa tachi ma ka kuu ti, te ka saꞌa ti seña, te kuan koo ti nuu tee ka kuu rey ni‑kaꞌnu ñuu ñayivi a, sukan‑vaꞌa jin ndututu de ja jin kanaa de jiꞌin Suꞌsi iya kúu saꞌa ndaka ma, te kivi yukan ko kuu kivi kaꞌnu kivi kanuu nuu Suꞌsi ma.
\p
\v 15 “Jin kondeꞌya ni ja yaꞌa iyo sa, te sanaa sanaa‑ni kenda sa nuu ka iyo ni a, sukan kenda in kuiꞌna. Ja vavaꞌa kúu ñayii ja jito vaꞌa i maa i ma te masu kixi i ma, te jito vaꞌa i saꞌma i ma, sukan‑vaꞌa ma koo vichi i te ma kukan‑nuu i.” Saꞌa kaꞌan maa Suꞌsi ma.
\p
\v 16 Te ni ka ndututu de nuu nani Armagedón saꞌan hebreo ma.
\m
\v 17 Te ángel ku‑uja ma, ni jati i ja ñuꞌu nuu copa i ma nuu yiꞌi kajin ma, te ni kuu niniꞌi yuꞌu ini veñuꞌu iyo andivi ma nuu núkoo Suꞌsi ma, te ni káꞌan ya:
\p ―‍Jâ ni jinu ―‍kúu ya káꞌan ya.
\p
\v 18 Sani te ni jandute, te ni kuu yuꞌu, te ni kuu sukan kána savi ma, te ni tnaa xen‑xeen nuu ñuꞌú ya, ûni ni tnaa sukan masu nama uun tnáa onde kii ni kejaꞌa ja iyo ñayii a nuu ñuꞌú ya.
\m
\v 19 Te ñuu kaꞌnu ma ni teꞌnde, te uni jichi i ni nduu, te ndaka ñuu ka iyo ni‑kaꞌnu ñuu ñayivi a ni ka kekaa. Te ni ndakaꞌán Suꞌsi ma ñuu kaꞌnu nani Babilonia ma, sukan‑vaꞌa xndoꞌo xneni ya i, vaa ni ka saꞌa i ja ni ndakiti ini ya ma.
\m
\v 20 Te ndaka ñuu lilikin ka iyo nuu ndute mar ma, ni ka jinu i kuan koo i, te ndaka yuku ma ni ka naa.
\m
\v 21 Te onde andivi ma ni kuun ñiñi naꞌnu naꞌnu nuu ka iyo ñayii ma, te inuvee i viꞌi‑ka oko uxi (30) kilo, te ni ka kaꞌan ndevaꞌa ñayii ma ja kuu Suꞌsi ma ja kuechi ñiñi naꞌnu naꞌnu ni kuun ma, vaa kuaꞌa xen‑xeen ni kuun.
\c 17
\s1 Sukan ndoꞌo neni ñuu kaꞌnu nani Babilonia ma
\rem Condenación de la gran ramera
\p
\v 1 Sani te ni kii in ángel ni ka yindaꞌa ndi‑uja copa ma, te saꞌa ni kaꞌan i nuu sa:
\p ―‍Neꞌe ni, te kaxtnuꞌu sa nuu ni sukan ndoꞌo ñaꞌa kuneé ku‑uun ma, ñaꞌa núkoo siki ndute kuaꞌa xeen ma.
\m
\v 2 Suu ña ni saꞌa ja rey ka iyo ñuu ñayivi a, ni ka saꞌa de ja uꞌvi, te ndaka tna ñayii ka iyo ñuu ñayivi a, sukan ka kuu ñayii ka ndajini ka kuu i ja ndimaa ja uꞌvi ni ka yo saꞌa i jiꞌin ña ma ―‍kúu i káꞌan i.
\p
\v 3 Te ni jininuu sa ja ni jeka ñaꞌa ángel ma, te ni jan xsiaꞌa ñaꞌa i ichi nuu ñatuu nawa iyo kuiti ma, te ni jini sa in ñaꞌa núkoo siki kiti kaꞌnu kiti kini kaa ma, te kuaꞌa tnuu ti ma, te ni‑kaꞌnu ti ndee ja ka kaꞌan ndevaꞌa ja kuu Suꞌsi ma, te ka iyo uja xini ti jiꞌin uxi ndiki ti.
\m
\v 4 Te ñaꞌa ma, neꞌnu ña saꞌma vavaꞌa kuaꞌa tnuu, te ni kukutu, ni konuꞌni ña jiꞌin oro jiꞌin yuu vivii jiꞌin perla, te yindaꞌa ña in copa oro ñuꞌu chitu ja uꞌvi ja kini ja ni yo saꞌa ña ma.
\m
\v 5 Te tnee ña ma ndenee sukan nani ña ma te yii ja jakuꞌni ini o, vaa saꞌa káꞌan: “Babilonia ñuu kaꞌnu a kúu siꞌi ñaꞌa ka kuneé ka ku‑uun ma, jiꞌin ja uꞌvi ja kini ka saꞌa ñayii ka iyo ñuu ñayivi ya.”
\m
\v 6 Ni jini sa ñaꞌa ma ja ndájini ña ni saꞌa niñi ñayii ka ndikin Suꞌsi ma te ñatuu‑ka na ja uꞌvi ka saꞌa i ma, jiꞌin niñi ñayii ni ka jaꞌni i ja kuechi ja ñatuu ni ka yuꞌu i te ni ka kaꞌan i ja ka kandija i tnuꞌu vii tnuꞌu vaꞌa Jesús ma. Te nuu ni jini sa ma, ni saꞌvi‑nka ini sa.
\p
\v 7 Te ángel ma, káꞌan i:
\p ―‍¿Navaꞌa ni saꞌvi‑nka ini ni? Maa sa kaxtnuꞌu ja kúni kaꞌan ñaꞌa yukan jiꞌin kiti kaꞌnu kiti kini kaa ma kiti yoso ña ma ja iyo uja xini ti jiꞌin uxi ndiki ti ma.
\m
\v 8 Kiti kini ni jini ni ma, ni iyo ti, te visi ñatuu ti vitna, kovaa iyo ti ja nana ti nuu kunu nuu nee ma, te kiꞌin ti nuu skenaa ti maa ti ma, te ndaka ñayii ka iyo nuu ñuꞌú ya onde nuu ni kejaꞌa ñuu ñayivi a te onde vitna a ja ñatuu na ja ka nani i ma ka yoxtnee nuu libru ka yoxtnee ja ka nani ñayii jin koteku ma, te jin saꞌvi ini i ja jin kuni i kiti kaꞌnu kiti kini kaa ma ja ni iyo ti, te visi ñatuu ti vitna, kovaa ndenda ti ma.
\p
\v 9 ’Chaꞌa chi ñayii inundichi ma chi jin jakuꞌni ini i nawa kuni kaꞌan: Ndi‑uja xini ti ma ka kuu uja yuku ma. Siki i ma núkoo ñaꞌa ma.
\m
\v 10 Te suu i ka kuu uja rey ma, te uꞌun de jâ ni ka skenaa, te in de núkoo vitna, te in‑ka de, ñatuu kenda‑ka de. Te nuna kenda de ma, masu kuaꞌa‑ka‑ni kivi koo de.
\m
\v 11 Kiti kaꞌnu kiti kini kaa ni iyo ma, te masu iyo‑ka ti, te suu ti kúu kiti kúu rey ku‑una ma, te iyo tna ti neꞌun ndi‑uja rey ma, te suni skenaa tna ti maa ti.
\m
\v 12 Te ndi‑uxi ndiki ni jini ni ma ka kuu uxi rey ñatuu jin koo‑ka de ja jin tatnuni de, kovaa in jichi‑ni jin kenda koo de ja jin tatnuni de jiꞌin kiti kaꞌnu kiti kini kaa ma.
\m
\v 13 Tee yaꞌa, in‑ni ja jin kani ini de, te jin kuaꞌa de tnuꞌu ndee tnuꞌu ndatnu ja tatnuni kiti kaꞌnu kiti kini kaa ma,
\m
\v 14 te jin kanaa de jiꞌin iya kúu sukan kúu ndikachi jaa ma. Te iya kúu sukan kúu ndikachi jaa ma, kundee ya, vaa maa ya kúu Iya Tátnuni, te tátnuni ya onde nuu tee ka tatnuni ma, te maa in‑ni ya kúu Rey tátnuni nuu ndaka‑ka rey ma. Te ñayii ka iyo jiꞌin ya ma, ka kuu ñayii ni ndakana maa ya ma, te ni ndakaji maa ya i, te masu jin xndoo i ichi ya ma ―‍kúu i káꞌan i.
\p
\v 15 Te suni ni kaꞌan tna i:
\p ―‍Ndute kuaꞌa ni jini ni nuu núkoo ñaꞌa kuneé ku‑uun ma ka kuu kuaꞌa ñuu nuu ka iyo ñayii a, te kuaꞌa xeen i ka kuu, ndevaꞌa‑ni na saꞌan ka kaꞌan i ma.
\m
\v 16 Te ndi‑uxi ndiki kiti kaꞌnu kiti kini kaa ni jini ni ma, jin saxiko i ñaꞌa kuneé ku‑uun ma, te jin xtandee i ndaka ja nevaꞌa ña ma, te jin savichi i ña, te jin kaa i yikikuñu ña ma, te jin kaꞌmi i ña jiꞌin ñuꞌu iꞌni.
\m
\v 17 Vaa maa Suꞌsi ma kúu iya ni skaꞌan i ja jin saꞌa i sukan kúni ya ma, ja jin ketnaꞌa ini i, te jin kuaꞌa i tnuꞌu ja tatnuni kiti kaꞌnu kiti kini kaa ma, onde ko kuu sukan káꞌan tnuꞌu maa ya a.
\m
\v 18 Te ñaꞌa ni jini ni ma kúu ñuu kaꞌnu tátnuni nuu ndaka rey ka iyo ñuu ñayivi a ―‍kúu i káꞌan i.
\c 18
\s1 Sukan ni kotuu ñuu kaꞌnu nani Babilonia ma
\rem La caída de Babilonia
\p \v 1 Ni jinu sukan, te ni jini sa in‑ka ángel ja ni nuu onde andivi ma jiꞌin kuaꞌa tnuꞌu ndee tnuꞌu ndatnu i ma, jiꞌin kuaꞌa jayiñuꞌu i ma, te ni yeꞌe niꞌni nuu ñuꞌú ya.
\m \v 2 Te káyuꞌu niniꞌi i, káꞌan i:
\p ―‍Jâ ni kotuu, jâ ni kotuu ñuu Babilonia a, te ni nduu i nuu ka iyo tachi ma, nuu jin ko kuu veꞌe tachi ma, ja ka saꞌa i ja kini ja uꞌvi ma, nuu ka ndoo ndaka lasaa ka ndaa tneꞌe ma, vaa ka ndaa tneꞌe ti ma, te ka saxiko ñayii ma ti.
\m \v 3 Vaa ndaka ñuu ma, ni ka saꞌa i ja uꞌvi jiꞌin ñuu Babilonia ma, onde ni ka ndajini i. Te ndaka rey ma, ni ka saꞌa de ja uꞌvi jiꞌin ña ma, te tee ka jaan te ka ndaxiko de ma, ni ka kuxiku de ja sukan játna ini ña kuatniñu ndevaꞌa ña xuꞌun ña ma ―‍kúu i káꞌan i.
\p \v 4 Te ni jinisoꞌo sa in‑ka ja káꞌan onde andivi ma:
\p ―‍Nde koo ni ñuu jiña, saꞌya maa sa, sukan‑vaꞌa ma jin saꞌa‑ka ni ja uꞌvi sukan saꞌa ñaꞌa ma, sukan‑vaꞌa ma jin ndoꞌo ni kueꞌe ndoꞌo ña ma.
\m \v 5 Vaa ndaka ja uꞌvi saꞌa ña ma, ni ka kenda koo i onde andivi a, te ni ndakaꞌán Suꞌsi ma kuechi ña ma.
\m \v 6 Jin xndoo ni ña, te ndandoꞌo ndaneni maa ña uu jichi sukan ni yo saꞌa, ni yo kuu ña ma jiꞌin jaku‑ka ñayii ma. Te nuu ni satuꞌva ña ja jin koꞌo ñayii ma jin ndatnaa‑ka ni uu‑ka jichi ja koꞌo ña.
\m \v 7 Sukan ni ndachiñuꞌu ña maa ña ma te ni iyo ña sukan kúu ini maa ña ma, te vitna, te ndandoꞌo ndaneni ña, te kondaꞌyu ña, vaa ni yo jani ini ña ma: “Yoꞌo chi núkoo vaꞌa o sukan núkoo in reina, te masu in ñaꞌa ni jiꞌi yii kúu o, te masu kondaꞌyu o”, ni yo jani ini ña.
\m \v 8 Chukan kúu ja in‑ni kivi jin kenda koo kueꞌe ndoꞌo neni ña ma, te ko kokon ko yichi ña, te ndandaꞌyu ña, te kûu ña, te kayu ña nuu ñuꞌu iꞌni ma, vaa Suꞌsi Iya Tátnuni iya ndákan kuenda nuu ña ma, iyo kuaꞌa tnuꞌu ndee tnuꞌu ndatnu ya ma ―‍kúu i káꞌan i.
\p \v 9 Te ndaka rey ni ka saꞌa ja uꞌvi jiꞌin ña ma te ni ka yo saꞌa, ni ka yo kuu de sukan ka kuni maa de jiꞌin ña ma, jin ndandaꞌyu de, te jin ndakani ini de ja kuu ña ma, nuna jin kuni de ñuꞌma kana nuu kayu ña ma.
\m \v 10 Te jika‑ni jin konukuiñi de ja jin koyuꞌu de sukan ndoꞌo neni ña ma, te jin kuñaꞌa de:
\p ―‍¡Ay! ¡Ay! Ndaꞌvi ro, ñuu kaꞌnu ñuu ndee, ja nani ro Babilonia a, vaa in‑ni ora ni kenda ja ndachunaa ro ja ni saꞌa ro ma ―‍jin kuñaꞌa de.
\p \v 11 Te ñayii ñuu ñayivi a ja ka jaan i te ka ndaxiko i ma, ka ndaꞌyu i te ka kuxii ini i ja kuu ña ma, vaa ñatuu na in kuaan‑ka ja ka xiko i ma.
\m \v 12 Ja ni ka yo ndaxiko i ma kúu oro, jiꞌin plata, jiꞌin yuu vivii, jiꞌin perla, jiꞌin saꞌma nani lino, jiꞌin saꞌma kuaꞌa tnuu, jiꞌin saꞌma seda, jiꞌin ndaka yutnu ka jaxiko asi ma, jiꞌin ndaka ja kuvaꞌa jiꞌin yiki nani marfil ma, jiꞌin ndaka ja vivii kuvaꞌa jiꞌin yutnu ma, jiꞌin ndaka ja kuvaꞌa jiꞌin kaa nani cobre ma jiꞌin kaa nani hierro ma jiꞌin yuu nani mármol ma,
\m \v 13 jiꞌin canela ma, jiꞌin jaku‑ka yuku ka jaxiko asi ma, jiꞌin suja ma, jiꞌin suja nani mirra ma, jiꞌin ndute jáxiko asi ma, jiꞌin ndute uva ma, jiꞌin aceite ma, jiꞌin yuchi triu ma, jiꞌin triu ma, jiꞌin xndiki ma, jiꞌin ndikachi ma, jiꞌin caballu ma, jiꞌin carreta ma, jiꞌin ñayii ka jinukuechi ma, jiꞌin anua ñayii ma. Vaa ndaka chaꞌa ni ka yo jaan i te ni ka yo ndaxiko i ma.
\m \v 14 Te jin kuñaꞌa i:
\p ―‍Masu nde niꞌi‑ka ro javixi ni yo ndiyo ini ro ma, te jâ ni skenaa ro ndaka ja vii ja ka ndee yaꞌvi xeen ni yo ndiyo ini ro ma, te ma niꞌi‑ka ro ―‍saꞌa jin ko kuñaꞌa i.
\p \v 15 Te ñayii ka jaan te ka ndaxiko i ma, ja jâ ni ka kuxiku i ja ni yo jaan ña ma, te jin konukuiñi jika i ja ka yuꞌu i sukan ndoꞌo neni ña ma, te jin kondaꞌyu i, te jin kuxii xeen ini i.
\m \v 16 Te jin kuñaꞌa i:
\p ―‍¡Ay! ¡Ay! Ndaꞌvi ro, ñuu kaꞌnu ja neꞌnu ro saꞌma vivii nani lino jiꞌin saꞌma kuaꞌa tnuu te ni ndukutu ro jiꞌin oro jiꞌin yuu vivii jiꞌin perla.
\m \v 17 Vaa in ora‑ni, te ni ka naa ndaka ja vaꞌa ni yo nevaꞌa ro ma ―‍jin kuñaꞌa i.
\p Te ndaka tee ka skaka barcu ma, jiꞌin ndaka ñayii ka ñuꞌu nuu barcu ma, jiꞌin ndaka tee ka jinukuechi nuu barcu ma, jiꞌin ndaka tee ka satniñu nuu ndute mar ma, te ni ka jinkuiñi jika de,
\m \v 18 te ka ndeꞌya de sukan kána ñuꞌma ja káyu ñuu ma, te ka kaꞌan de:
\p ―‍¿Nde ñuu inuu kúu i jiꞌin ñuu kaꞌnu yaꞌa? ―‍ka kuu de ka kaꞌan de.
\p \v 19 Te ni ka chiso de ñuyaka xini de, te ni ka kayuꞌu de, te ka ndaꞌyu de, te ka kuxii ini de, te ka kaꞌan de:
\p ―‍¡Ay! ¡Ay! Ndaꞌvi ñuu kaꞌnu ya, te vitna ja ja vaꞌa nevaꞌa maa ñuu ma, te ni ka kuxiku ndaka tee ka nevaꞌa barcu kuan koo ve koo nuu ndute mar ma. Kovaa in ora‑ni, te ni naa ―‍ka kuu de ka kaꞌan de.
\p \v 20 Kovaa ndusii ini andivi ma, te jin ndusii ini tna ni ja ka kuu ni ñayii ka saꞌa ja vaꞌa ma, ja ka kuu ni tee ni tetniñu Jesucristo ma, jiꞌin tee ka ndakaxtnuꞌu tnuꞌu ni yo taa Suꞌsi ma, vaa Suꞌsi ma, jâ ni saꞌa ya ja ni ka ndachunaa ñayii ka iyo ñuu kaꞌnu ma, kuechi ja ni ka saꞌa ñaꞌa i ma.
\p \v 21 Te in ángel iyo tnuꞌu ndee tnuꞌu ndatnu ma, ni tnii i in yuu kaꞌnu sukan in yuu mulinu, te ni skana i nuu ndute mar ma, te káꞌan i:
\p ―‍Suni saꞌa ndoꞌo neni ñuu kaꞌnu Babilonia a, te naa i, te masu nde kuni‑ka o i.
\m \v 22 Te ni masu kunisoꞌo‑ka o tee ka tee arpa ma, ni a tee ka tee guitarra ma, ni a tee ka tivi flauta ma, ni a tee ka tivi trompeta ma. Ni a in‑ka tee ka saꞌa ndaꞌa de ndaka ndatniñu ma, masu jin koo‑ka de ñuu jiña, ni a yuꞌu mulinu masu nde kunisoꞌo‑ka o ñuu jiña.
\m \v 23 Te masu tnuu‑ka ñuꞌu ñuu jiña, ni a jin ko kuu yuꞌu suchi ka tnandaꞌa ñuu jiña. Vaa tee ka ndakuaan te ka ndaxiko de ma, tee ka ndanuu ni ka yo kuu de ñuu ñayivi a, te vaa ja inutasi de ma, te ni ka yo xndaꞌvi de ñayii ndaka ñuu naꞌnu ma.
\m \v 24 Te ini ñuu ma, ni ka ndaniꞌi i niñi tee ni ka yo ndakaxtnuꞌu tnuꞌu ni yo waꞌa Suꞌsi ma, jiꞌin niñi ñayii ni ka yo saꞌa ja vaꞌa ma, jiꞌin niñi ndaka‑ka ñayii ni ka jaꞌni i ñuu ñayivi a ―‍kúu i káꞌan i.
\c 19
\s1 Sukan ka chiñuꞌu i Suꞌsi ma andivi ma
\rem Alabanzas en el cielo
\p
\v 1 Sani te ni jinu, te ni jinisoꞌo sa ja ka kuu yuꞌu kuaꞌa xeen ñayii onde andivi ma, te ka kaꞌan i:
\q1 ¡Aleluya! Suꞌsi o Iya Tátnuni ma kúu iya ni saꞌa ja ni ka ndaniꞌi taꞌvi o a,
\q2 te jín ndachiñuꞌu o ya, vaa maa ya nevaꞌa tnuꞌu ndee tnuꞌu ndatnu ma.
\q1
\v 2 Vaa saꞌa ndaa saꞌa ndija ya,
\q1 te ni saꞌa ya ja jâ ni ndachunaa ñaꞌa kúneé kú‑uun ma ja uꞌvi ni yo saꞌa ña ma,
\q2 vaa ni yo saꞌa ña ja jin ko saꞌa ñayii ma ja uꞌvi sukan ni yo saꞌa ña ma,
\q2 te jâ ni ndachunaa ña ja ni yo jaꞌni ña ñayii ni ka yo jinukuechi nuu Suꞌsi o a,
\m ka kuu i ka kaꞌan i.
\p
\v 3 Te ka kaꞌan i in‑ka jichi:
\p ―‍¡Aleluya! Vaa ni ndaniꞌi, ni ndatnaꞌa maa ña, te ñuꞌma káyu ñaꞌa ma kana ni‑kani ni‑jika ―‍ka kuu i ka kaꞌan i.
\p
\v 4 Te ndi‑oko kuun tee nijaꞌnu ma jiꞌin kuun kiti ka teku ma, ni ka jinkoo jiti de jiꞌin ti, te ni ka jakindeyi de jiꞌin ti onde nuu ñuꞌú ma, te ndaka de jiꞌin ti ma ni ka ndachiñuꞌu Suꞌsi ma nuu núkoo ya ja tátnuni ya ma, te ka kaꞌan de jiꞌin ti:
\p ―‍¡Sukan kó kuu! ¡Aleluya! ―‍ka kuu de ka kaꞌan de jiꞌin ti.
\p
\v 5 Te nuu núkoo ya ma ni jinisoꞌo sa in ja káꞌan:
\q1 Jín ndachiñuꞌu o Suꞌsi o a, ndaka ro suchi kuechi, jiꞌin ndaka ni ñayii nijaꞌnu,
\q2 ndaka o ja ka jinukuechi o nuu ya a,
\q2 jiꞌin ndaka o ja ka ndi ini o ja jin koo vaꞌa o nuu ya a,
\m kúu káꞌan.
\p
\v 6 Te ni jinisoꞌo sa ja ka kuu yuꞌu kuaꞌa xeen ñayii sukan ka kuu yuꞌu ndute kuaꞌa xeen ma. Te sukan kúu ora kána xeen savi ma, sukan ka kuu yuꞌu i, te ka kaꞌan i:
\q1 ¡Aleluya! ¡Vaa Suꞌsi o Iya Tátnuni a, iya kúu saꞌa ndaka ma, jâ tátnuni ya nuu ndaka!
\q1
\v 7 Jín koo sii ini o, te jín kutachi o, te jín ndachiñuꞌu o ya,
\q2 vaa jâ ni kenda viko tnándaꞌa iya kúu sukan kúu ndikachi jaa ma,
\q1 te suchi ko kuu ñasiꞌi ya ma, ja ni satuꞌva i maa i.
\q1
\v 8 Te ni waꞌa ya tnuꞌu ja koneꞌnu i saꞌma lino vavaꞌa vivii,
\q2 te saꞌma ndoo ndoo saꞌma jándute kúu,
\m ka kuu i ka kaꞌan i.
\p Te saꞌma lino vavaꞌa vivii ma kúu ja vaꞌa ja ndaa ni ka yo saꞌa o ja ka kuu o ñayii ka kandija Suꞌsi ma.
\p
\v 9 Sani te ángel ma, ni kaꞌan i:
\p ―‍Tee ni: “Ja vavaꞌa ka kuu ñayii ni kana ya ja jin kuxini i viko tnándaꞌa iya kúu sukan kúu ndikachi jaa ma” ―‍kúu i káꞌan i.
\p Te káꞌan i:
\p ―‍Chaꞌa ka kuu tnuꞌu ndaa tnuꞌu ndija Suꞌsi ma ―‍kúu i káꞌan i.
\p
\v 10 Te ni jinkoo jiti sa nuu jaꞌa i ma, ja ndachiñuꞌu sa i. Te káꞌan i:
\p ―‍Máko saꞌa ni sukan. Vaa saña tna, suni jinukuechi tna sa nuu Suꞌsi ma, sukan ka jinukuechi ndaka ñani ni ma jiꞌin kuꞌva ni ma, ja ka saꞌa i sukan ni kaxtnuꞌu Jesús ma. Suꞌva maa Suꞌsi ma ndachiñuꞌu ni, vaa ja ni saꞌa ni kuu Jesús ma kúu ja ni ka yo ndakaxtnuꞌu tee ni ka yo ndakaxtnuꞌu tnuꞌu ni waꞌa Suꞌsi ma ―‍kúu i káꞌan i.
\p
\v 11 Sani te ni ndanune andivi ma, te ni jini sa in caballu kuijin, te ja nani iya yoso ti ma kúu Iya Kuu Kukanu Ini O jiꞌin Iya Saꞌa Ja Ndaa Ndija, te jaꞌnde ndaa ya tniñu ñayii ma, te kanaa ya jiꞌin ñayii ñatuu ka kandija ja káꞌan ya ma.
\m
\v 12 Te nduchinuu ya ma ka kandaꞌa sukan kándaꞌa ñuꞌu ndúꞌva ma, te xini ya ma ka iyo kuaꞌa corona, te ndenee in ja nani ya, in ja ni‑in ñayii masu jini, yika‑ni ja maa in‑ni ya.
\m
\v 13 Te neꞌnu ya saꞌma ni kaꞌyu niñi, te ja nani ya ma kúu Tnuꞌu Suꞌsi ma.
\m
\v 14 Te soldado andivi ma, ka neꞌnu i saꞌma lino vavaꞌa vivii kuijin kuijin te ka iyo ndoo ndoo, te ka yoso i caballu kuijin, te ka ndikin i ya.
\m
\v 15 Te yuꞌu ya ma kée in yuchi kuiñi xen‑xeen kúu espada, sukan‑vaꞌa xtnakueꞌe ya ñayii ka iyo ñuu naꞌnu ma ja ñatuu ni ka kandija i ya ma, te yindaꞌa ya in yutnu xii kaa. Te maa ya kuiñu nuu ka jaxi i uva ma, te chaꞌa kúni kaꞌan ja ndákiti ini xen‑xeen ini Suꞌsi iya kúu saꞌa ndaka ma.
\m
\v 16 Te ichi jaꞌa saꞌma neꞌnu ya ma ndenee ja nani ya ma, te saꞌa káꞌan: “Rey tátnuni nuu ndaka rey ma, iya tátnuni nuu ndaka tee ka tatnuni ma.”
\p
\v 17 Te ni jini sa in ángel núkuiñi nuu kandii ma, te káyuꞌu niniꞌi i nuu ndaka lasaa ka ndava sasava andivi ma, te jiñaꞌa i:
\p ―‍Neꞌe koo, te jin ndatnaꞌa ro, te jin kuxini ro ja taa Suꞌsi ma,
\m
\v 18 sukan‑vaꞌa jin kaa ro kuñu tee ka kuu rey ma, jiꞌin kuñu tee ka tatnuni nuu soldado ma, jiꞌin kuñu tee ni ka iyo tnuꞌu ndee tnuꞌu ndatnu ma, jiꞌin kuñu caballu ma, jiꞌin kuñu tee ka yoso caballu ma, jiꞌin ndaka kuñu ñayii ñatuu ka jinukuechi ma, jiꞌin ñayii ka jinukuechi ma, ka kuu i suchi kuechi ka kuu i ñayii nijaꞌnu, ja ñatuu ni ka kandija i ja kaꞌan Suꞌsi ma ―‍kúu i jiñaꞌa i.
\p
\v 19 Te ni jini sa kiti kaꞌnu kiti kini kaa ma, jiꞌin rey ka iyo nuu ñuꞌú ya, jiꞌin ndaka soldado ma, ni ka ndatnaꞌa de ja jin koo de jin kanaa de jiꞌin iya yoso caballu ma ja kúu ya Jesucristo ma, jiꞌin soldado ka ndikin ya ma.
\m
\v 20 Sani te kiti kaꞌnu kiti kini kaa ma jiꞌin tee ni yo xndaꞌvi ñayii ma ja ni yo saꞌa de tnuꞌu ja in tee ni yo ndakaxtnuꞌu tnuꞌu ni yo waꞌa Suꞌsi ma kúu de ma, ni ka tnii soldado ya ma kiti kini kaa ma jiꞌin tee yaꞌa. Vaa tee yaꞌa chi ni yo jini de tnuni te kuaꞌa ja ni yo saꞌa de, te sukan ni yo xndaꞌvi de ñayii ka ndenee tnuni kiti kaꞌnu kiti kini kaa ma ja ni ka yo chiñuꞌu i ja kaa sukan kaa ti ma. Kiti yaꞌa jiꞌin tee yaꞌa ni ka skana teku i ti jiꞌin de nuu ñuꞌu káyu kóko jiꞌin azufre ma.
\m
\v 21 Te ni jaꞌni iya yoso caballu ma jiꞌin yuchi kuiñi kúu espada kée yuꞌu ya ma ndaka‑ka ñayii ma, te loti ma jiꞌin ndaka‑ka kiti ka jaa ja ndeꞌe ma, ni ka jaa ti kuñu ñayii ma onde ni ka ndutu chii ti.
\c 20
\s1 Mil kuiya ma
\rem Los mil años
\p
\v 1 Sani te ni jini sa in ángel ni nuu vee onde andivi ma, yindaꞌa i ndakaa nuu nee nuu kunu ma jiꞌin in yoꞌo kaa kaꞌnu kaꞌnu. \fig |OK.REV.20.angel.dra.4.26.10.c copy.tif|span|||Ni skêe ángel ma tachi ma nuu nee ma ja kindesi vaꞌa i|20:1-3\fig*
\m
\v 2 Te ni tnii i koo kaꞌnu kaa sukan kaa in lanaꞌña ma ja kúu ti koo janaꞌa ma, te maa ti kúu tachi ma ja nani i Satanás ma. Te ni juꞌni ángel ma tachi ma, te konuꞌni i in mil kuiya.
\m
\v 3 Te ni skee i tachi ma nuu nee nuu kunu ma, te ni jasi vavaꞌa i tachi ma, te ni tenee i sellu i ma, sukan‑vaꞌa máko xndaꞌvi‑ka tachi ma ñayii ka iyo ndaka ñuu ma, onde nuu ni ndiꞌi mil kuiya ma, te sani te ndaxsiaa ángel ma tachi ma jaku‑ni kivi.
\m
\v 4 Te ni jini sa nuu jin kunukoo ñayii ni waꞌa ya tnuꞌu ja jin kaꞌnde i tniñu ñayii ma, te ni jini sa anua ñayii ni ka xtandoso ñayii ma xini i ja kuechi ja ka kaxtnuꞌu i na in kúu Jesucristo ma, jiꞌin tnuꞌu Suꞌsi ma, te ñatuu ni ka chiñuꞌu i kiti kaꞌnu kiti kini kaa ma, ni ja kaa sukan kaa ti ma, ni a jin kuaꞌa i tnuꞌu ja jin ndenee ñayii ma tnuni ti ma tnee i ma xi ndaꞌa i ma. Te ni ka ndateku i ja jin tatnuni i jiꞌin Cristo ma mil kuiya.
\m
\v 5 Chaꞌa kúu ja ni ka ndateku ñayii ma xinañuꞌu ma. Kovaa jaku‑ka ñayii ni ka jiꞌi ma, masu ni ka ndateku i onde ni chitu mil kuiya ma.
\m
\v 6 Ja vavaꞌa ka kuu ñayii ñatuu na ja uꞌvi ni ka yo saꞌa i ma te ni ka ndateku i xinañuꞌu ma, vaa masu jin skenaa i anua i ma, sukan jin ndoꞌo in jichi‑ka ñayii ñatuu ni ka ndateku ma. Kovaa ñayii ni ka ndateku ma, jin ko kuu i sutu nuu Suꞌsi ma jiꞌin nuu Cristo iya ni tetniñu ya ma, te jin tatnuni i jiꞌin ya mil kuiya.
\p
\v 7 Nú ni jinu mil kuiya ma, te tachi ma chi ndayaa i nuu yinee vaꞌa i ma.
\m
\v 8 Te ndee i ja xndaꞌvi i ñayii ka iyo ñuu naꞌnu ka iyo ni‑kaꞌnu ñuu ñayivi a jiꞌin ñuu Gog ma jiꞌin ñuu Magog ma, sukan‑vaꞌa ndaxtutu i ñayii ma ja jin koo i jin kanaa i, te kuaꞌa xeen i jin ko kuu, sukan iyo ñuti yuꞌu ndute mar ma.
\m
\v 9 Te ni ka ka koo i, te ni ka konduu i ni‑kaꞌnu ñuu nuu ka iyo ñayii ñatuu na ja uꞌvi ka saꞌa i ma, ñuu kútoo Suꞌsi ma. Te Suꞌsi ma, ni skuun ya ñuꞌu iꞌni onde andivi ma, te ni ka kayu ndiꞌi kuiti ndaka ñayii ka ndikin tnaꞌa jiꞌin tachi ma.
\m
\v 10 Te tachi ma ja ni yo xndaꞌvi i ñayii ma, ni skana ya i nuu ñuꞌu káyu kóko jiꞌin azufre ma, nuu ñunee kiti kaꞌnu kiti kini kaa ma, jiꞌin tee ni yo xndaꞌvi ñayii ma ja ni yo saꞌa de tnuꞌu ja tee ndákaxtnuꞌu tnuꞌu ni yo waꞌa Suꞌsi ma kúu de ma, te yukan jin ndoꞌo jin neni tachi ma jiꞌin ti jiꞌin de ni‑kani ni‑jika nduu ñuu.
\s1 Sukan ndakan Suꞌsi ma kuenda nuu ñayii ma
\rem El juicio ante el gran trono blanco
\p
\v 11 Te ni jini sa in nuu kuijin kuijin te vivii kaa, te yukan núkoo ya ja tátnuni ya ma, te ni ka jinu ñuu ñayivi ma jiꞌin andivi ma ja ni ka jini i ya ma. Ûni masu nde naꞌa ja ni ka yo iyo i yukan.
\m
\v 12 Te ni jini sa ñayii ni ka jiꞌi ma, ñayii nijaꞌnu ma jiꞌin suchi kuechi ma, ka nukuiñi i nuu Suꞌsi ma, te ni ka ndanune libru ma, te suni ni ndanune in‑ka libru, te libru yaꞌa kúu ja kaꞌan nde ñayii jin koteku ma, te sukan ka kaꞌan libru ma ni ndakan ya kuenda nuu ñayii ni ka jiꞌi ma nawa ni ka yo saꞌa, ni ka yo kuu maa i ma nuu ni ka yo iyo i ñuu ñayivi a.
\m
\v 13 Te ndute mar ma, ni ndakuaꞌa de ñayii ni ka jiꞌi yukan. Te ja saꞌa ja jin kûu ñayii ma, ni ndakuaꞌa i ñayii ni jaꞌni i ma, te andeya ma, ni ndakuaꞌa i ñayii ka ñunee yukan, te ni ndakan ya kuenda nuu ndi‑in ndi‑in i nawa ni ka yo saꞌa i ma.
\m
\v 14 Sani te ja ni jaꞌni i ñayii ma jiꞌin andeya ma, ni ndaskana ya i nuu ñuꞌu káyu kóko ma. Te chaꞌa kúu ja ku‑uu jichi ja jin kûu ñayii ma.
\m
\v 15 Te ñayii ñatuu na ja nani i ma ndenee nuu libru káꞌan ja jin koteku o ma, ni skana ya i nuu ñuꞌu káyu kóko ma.
\c 21
\s1 Ñuu Jerusalén jaa ni nuu andivi ma
\rem La nueva Jerusalén
\p
\v 1 Te ni jini sa in andivi jaa jiꞌin in ñuꞌú jaa, vaa andivi ni iyo xinañuꞌu ma jiꞌin ñuu ñayivi ni iyo xinañuꞌu ma, jâ ni ka naa i, te ñatuu na ndute mar‑ka ma iyo. \fig |OK.wipealltears. copy.tif|span|||Nuu jin koo ñayii ma jiꞌin Suꞌsi ma chi ñatuu-ka na tnundoꞌo tnuneni iyo|21:1\fig*
\m
\v 2 Te ni jini sa ñuu ii, ja kúu i ñuu Jerusalén jaa ma, ni nuu i vee i andivi ma nuu iyo Suꞌsi ma, te iyo tuꞌva i, te vivii ni ndukutu ni ndunuꞌni i sukan kúu in suchi siꞌi ja ndetu i suchi tnandaꞌa jiꞌin i ma.
\m
\v 3 Te ni jinisoꞌo sa ja káꞌan niniꞌi Suꞌsi ma nuu núkoo ya ja tátnuni ya ma:
\p ―‍Chaꞌa kúu nuu koo Suꞌsi a jiꞌin ñayii ma, te koo ya meꞌñu ndaka i ma, te jin ko kuu i ñuu maa ya, te koo maa ya jiꞌin i, te ko kuu ya Suꞌsi i.
\m
\v 4 Te ndasavii ya ndute nuu i ma, vaa yukan chi ñatuu na in kûu‑ka, te ñatuu na in kondaꞌyu‑ka, te ñatuu na in kuxii ini‑ka, te ñatuu na in ndoꞌo neni‑ka, vaa ndaka ja ni ka yo kuu xinañuꞌu ma, jâ ni ka yaꞌa i ―‍kúu ya káꞌan ya.
\p
\v 5 Te núkoo ya nuu tátnuni ya ma, te káꞌan ya:
\p ―‍Vitna, te ndásajaa sa ndaka ja iyo a ―‍kúu ya káꞌan ya.
\p Te suni káꞌan ya:
\p ―‍Tee ni tnuꞌu yaꞌa chi tnuꞌu ndaa tnuꞌu ndija kúu ―‍kúu ya káꞌan ya.
\p
\v 6 Te suni káꞌan ya:
\p ―‍Jâ ni kuu. Sukan kúu letra xinañuꞌu ni kejaꞌa ma te onde letra sandiꞌi‑nka ma, sukan kúu sa, vaa ja maa sa te ni ka kejaꞌa ndaka ja ka iyo a, te ja maa sa te jin ndiꞌi ndaka. Nú na in yichi ndute, te maa sa kuaꞌa ndute too ma, te saꞌa de ja koteku i ma, te masu nawa keꞌen yaꞌvi sa.
\m
\v 7 Nú na in kundee nuu ndaka ja uꞌvi ma, te kuaꞌa sa ja kutaꞌvi i ndaka ja iyo ya, te maa sa ko kuu Suꞌsi i, te maa i ko kuu saꞌya sa.
\m
\v 8 Kovaa ñayii ka yuꞌu ja jin kondikin ñaꞌa i xi ñatuu ka kukanu ini ñaꞌa i ma, jiꞌin ñayii ka saꞌa ndaka ja uꞌvi ma, jiꞌin ñayii ka jaꞌni tnaꞌa ma, jiꞌin ñayii ka kivi nduu jiꞌin in‑ka ñayii ñatuu ni tnandaꞌa jiꞌin i ma, jiꞌin ñayii inutasi ma, jiꞌin ñayii ka ndachiñuꞌu ja masu Suꞌsi ka kuu ma, jiꞌin ndaka ñayii ka xndaꞌvi tnaꞌa ma, jâ ka iyo taꞌvi i ja jin ndoꞌo jin neni i nuu ñuꞌu káyu kóko jiꞌin azufre ma. Te chaꞌa kúu ja jin kûu i ja ku‑uu jichi ma ―‍kúu ya káꞌan ya.
\p
\v 9 Sani te ni kenda nuu iyo sa ma in ndi‑uja ángel ka yindaꞌa ndi‑uja copa ka ñuꞌu chitu ndi‑uja kueꞌe ja jin kenda koo kuee‑ka ma, te saꞌa ni kaꞌan i nuu sa:
\p ―‍Neꞌe ni yaꞌa, te káxtnuꞌu sa na in ko kuu ñasiꞌi iya kúu sukan kúu ndikachi jaa ma ―‍kúu i káꞌan i.
\p
\v 10 Te ni jaꞌan anua sa ma jiꞌin i in yuku kaꞌnu te sukun, te ni kaxtnuꞌu i ñuu kaꞌnu ñuu ii kúu Jerusalén ma, ja ve nuu i onde andivi ma nuu iyo Suꞌsi ma.
\m
\v 11 Te iyo jayiñuꞌu Suꞌsi ma ini ñuu ma, te kándaꞌa i ja jándute sukan kaa in yuu vivii, sukan kaa in yuu nani jaspe ma. Ûni ndii niꞌni i sukan kaa in vidriu.
\m
\v 12 Te iyo in yika veꞌe kaꞌnu sukun, te ka iyo uxi uu yeꞌe, te yeꞌe ma ka iyo uxi uu ángel, te ka ndenee ja ka nani i ma, te ja ka nani i ma kúu ndi‑uxi uu jichi ñayii ñuu Israel ma.
\m
\v 13 Te ichi nuu ve kana kandii ma ka ndenee uni yeꞌe, te ichi ninu ma ka ndenee uni‑ka yeꞌe, te ichi nuu vee ma ka ndenee uni‑ka yeꞌe, te ichi nuu kée kandii ma ka ndenee uni‑ka yeꞌe.
\m
\v 14 Te ka iyo uxi uu ja ka yituu yika veꞌe ma ja ka ndesi i ñuu ma, te ka ndenee ja ka nani ndi‑uxi uu tee ni tetniñu iya kúu sukan kúu ndikachi jaa ma.
\m
\v 15 Te ángel iyo jiꞌin sa ma, yindaꞌa i in yutnu oro ja chikuaꞌa i ñuu ma jiꞌin yeꞌe ma jiꞌin yika veꞌe ndesi ñuu ma.
\m
\v 16 Te ñuu ma, inuu ja kani i ma jiꞌin ja jite i ma, te ángel ma, chikuaꞌa i, te uu millón jiꞌin uu cientu mil (2,200,000) metro ka ndeka ja kani ma jiꞌin ja jite ma jiꞌin ja sukun ma.
\m
\v 17 Te ni chikuaꞌa ángel ma ja sukan kokon yika veꞌe ja ndesi ñuu ma, te uni xiko uꞌun (65) metro ndeka sukan ka chikuaꞌa ñayii ma jiꞌin sukan ka chikuaꞌa ángel ma.
\m
\v 18 Te tnaꞌa ja ni kuvaꞌa yika veꞌe ndesi ñuu ma kúu yuu jaspe, te ini ñuu ma chi nanimaa oro kúu i, sukan kaa vidriu iyo vii iyo ndoo ma.
\m
\v 19 Te ja ka yituu yika veꞌe ndesi ñuu ma ni ka kukutu jiꞌin yuu vivii. Te ja xinañuꞌu ja yituu yika veꞌe ma kúu yuu jaspe, te ja ku‑uu ma kúu yuu zafiro, te ja ku‑uni ma kúu yuu ágata, te ja ku‑kuun ma kúu yuu esmeralda,
\m
\v 20 te ja ku‑uꞌun ma kúu yuu ónice, te ja ku‑iñu ma kúu yuu cornalina, te ja ku‑uja ma kúu yuu crisólito, te ja ku‑una ma kúu yuu berilo, te ja ku‑iin ma kúu yuu topacio, te ja ku‑uxi ma kúu yuu crisoprasa, te ja ku‑uxi in ma kúu yuu jacinto, te ja ku‑uxi uu ma kúu yuu amatista.
\p
\v 21 Te ndi‑uxi uu yeꞌe ma ka kuu uxi uu perla, te ndi‑in ndi‑in yeꞌe ma ka kuu in in perla, te ichi kanuu‑ka ja kivi o ini ñuu ma kúu nanimaa oro, te ndii niꞌni i sukan kaa vidriu ma.
\m
\v 22 Te ñatuu ni jini sa veñuꞌu kaꞌnu ini ñuu ma, vaa Iya Tátnuni ma Suꞌsi iya kúu saꞌa ndaka ma jiꞌin iya kúu sukan kúu ndikachi jaa ma ka kuu veñuꞌu kaꞌnu ñuu ma.
\m
\v 23 Te ñuu yukan, masu jiniñuꞌu i ja ndii kandii ma, ni a ko ndii yoo ma ini ñuu ma, vaa jayiñuꞌu Suꞌsi ma, kúndee i ndii niꞌni i ini ñuu ma, te ñuꞌu ndúꞌva ini ñuu ma kúu iya kúu sukan kúu ndikachi jaa ma.
\m
\v 24 Te ndaka ñayii ni ka iyo ni‑kaꞌnu ñuu ñayivi a ja jâ ni ka ndaniꞌi taꞌvi i ma, jin koo i ini ñuu ma nuu xtnuu niꞌni maa iya kúu sukan kúu ndikachi jaa ma. Te rey ka iyo ñuu ñayivi a, jin koo de jin xsiaꞌa de ja vii ja vaꞌa ka nevaꞌa de ma ñuu yukan.
\m
\v 25 Te yeꞌe ñuu yukan masu jin ndandesi, vaa masu na nduu jiꞌin jakuaa koo.
\m
\v 26 Te ndaka‑ka ñuu ma, jin koo i jin xsiaꞌa i ja vii ja vaꞌa ka nevaꞌa i ma ñuu yukan.
\m
\v 27 Te masu kuu jin kivi koo ni‑in ndatniñu ja masu ka iyo ndoo nuu Suꞌsi ma. Ni a ñayii ka saꞌa ja uꞌvi ma jiꞌin ñayii ka xndaꞌvi tnaꞌa ma, masu kuu jin kivi koo i. Yika‑ni ja ñayii ka yoxtnee ja ka nani i ma nuu libru ka yoxtnee ja ka nani ñayii jin koteku ni‑kani ni‑jika ma ja nevaꞌa iya kúu sukan kúu ndikachi jaa ma jin ko kuu ñayii jin kivi koo ma.
\c 22
\p
\v 1 Sani te ni kaxtnuꞌu ángel ma in yute jika ndute vivii ndute saꞌa ja koteku o, te jándute de sukan kaa vidriu ma, te ni kee yute ma nuu núkoo Suꞌsi ma ja tátnuni ya ma jiꞌin iya kúu sukan kúu ndikachi jaa ma.
\m
\v 2 Te sasava ichi kanuu‑ka iyo ini ñuu yukan ma jika ndute ma. Te nduu nduu yuꞌu yute ma núkoo in yutnu kúun ja saꞌa ja koteku o ma. Te uxi uu jichi ndeꞌya tnu ma kúun. Te in in jichi kúun ja in in yoo ma. Te ndaꞌa tnu ma kúu ja jin nduvaꞌa ñayii ka kuꞌu ndaka ñuu ma.
\m
\v 3 Te masu na ja uꞌvi‑ka koo ini ñuu ma, vaa yukan núkoo maa Suꞌsi ma ja tátnuni ya ma jiꞌin iya kúu sukan kúu ndikachi jaa ma, te ñayii ka jinukuechi nuu ya ma, jin ndachiñuꞌu i ya.
\m
\v 4 Te jin kondeꞌya i nuu ya ma, te ja nani ya ma kondenee tnee i ma.
\m
\v 5 Te masu na jakuaa‑ka koo, te ñatuu ka jiniñuꞌu i ñuꞌu ja jin kotnuu nuu i, ni a ndii‑ka kandii ma, vaa maa Suꞌsi Iya Tátnuni ma saꞌa ja jin kundijin nuu i, te jin tatnuni i jiꞌin ya ni‑kani ni‑jika.
\m
\v 6 Te káꞌan ángel ma:
\p ―‍Tnuꞌu yaꞌa chi tnuꞌu ndaa tnuꞌu ndija kúu. Te maa Suꞌsi Iya Tátnuni ma kúu iya ni yo tatnuni ini anua tee ni ka yo ndakaxtnuꞌu tnuꞌu ni yo waꞌa maa ya ma, te suni maa ya kúu iya ni tetniñu ángel ya ma ja kaxtnuꞌu i nuu ñayii ka jinukuechi nuu ya ma ja sani te jin ko kuu yachi‑ni chaꞌa ―‍kúu i káꞌan i.
\s1 Iyo yatni ja ndii Jesús ma
\rem La venida de Cristo está cerca
\p
\v 7 Te káꞌan Jesús ma:
\p ―‍¡Sani te kenda yachi‑ni sa! Ja vavaꞌa kúu ñayii kándija te ndí ini i ja saꞌa i sukan káꞌan tnuꞌu ndee nuu libru yaꞌa ja ndákaxtnuꞌu sukan ko kuu o a ―‍kúu ya káꞌan ya.
\p
\v 8 Maa sa kúu Juan ma, te ni jinisoꞌo sa ndaka chaꞌa. Te nuu ni jinu ja ni jininuu sa ma jiꞌin ja ni jinisoꞌo sa ma, te ni jinkoo jiti tuku sa nuu jaꞌa ángel ni kaxtnuꞌu ndaka chaꞌa, ja ndachiñuꞌu tuku sa i.
\m
\v 9 Kovaa ni kaꞌan i:
\p ―‍Máko saꞌa ni sukan, vaa saña chi jinukuechi tna sa nuu Suꞌsi ma sukan jinukuechi maa ni a, jiꞌin ñani ni tee ni ka yo ndakaxtnuꞌu tnuꞌu ni yo waꞌa Suꞌsi ma, jiꞌin ñayii ka kandija te ka saꞌa i sukan ndee nuu libru yaꞌa. Ndachiñuꞌu ni maa Suꞌsi ma ―‍kúu i káꞌan i.
\p
\v 10 Te káꞌan i:
\p ―‍Máko chuꞌu ni tnuꞌu ndee libru yaꞌa ja ndákaxtnuꞌu sukan ko kuu ma, vaa jâ ve kuyatni kivi a.
\m
\v 11 Nú na in kúni ja ko saꞌa‑ka i ja uꞌvi, te kó saꞌa‑ka maa i. Nú na in kúni ja saꞌa tneꞌe‑ka i maa i, te saꞌa tneꞌe‑ka i maa i. Nú na in kúni ja ko saꞌa i ja vaꞌa ja ndaa ma, te kó saꞌa‑ka i ja vaꞌa ja ndaa ma. Nú na in kúni ja nduvii ndundoo i, te ndásavii ndásandoo‑ka i maa i nuu Suꞌsi ma ―‍kúu i káꞌan i.
\p
\v 12 Te káꞌan Jesús ma:
\p ―‍Sani te kenda yachi sa, te yindaꞌa sa ja skutaꞌvi ñaꞌa sa, sukan‑vaꞌa ndataa sa nuu ndi‑in ndi‑in ni sukan ni ka satniñu ni ma.
\m
\v 13 Sukan kúu letra xinañuꞌu ni kejaꞌa ma te onde letra sandiꞌi‑nka ma, sukan kúu sa, te ja maa sa te ni kejaꞌa ndaka ja iyo a, te ja maa sa te jin ndiꞌi ndaka, te maa sa kúu xinañuꞌu, te maa sa kúu sandiꞌi‑nka.
\p
\v 14 ’Ja vavaꞌa ka kuu ñayii ka ndasaꞌa vii ka ndasaꞌa ndoo i maa i ma, sukan ka saꞌa ñayii ka ndakate saꞌma i ma chi ka iyo i ja kuu jin kaa i ndeꞌya kúun yutnu saꞌa ja kuu jin koteku ñayii ma, te kuu jin kivi koo i yeꞌe ñuu ma.
\m
\v 15 Kovaa ñayii ka saꞌa sukan ka saꞌa la‑ina ma chi keꞌe ma jin koo i, jiꞌin ñayii tasi ma, jiꞌin ñayii ka kivi nduu jiꞌin ñayii masu ni ka tnandaꞌa jiꞌin i ma, jiꞌin ñayii ka jaꞌni tnaꞌa ma, jiꞌin ñayii ka jatna ini i ja jin xndaꞌvi tnaꞌa i ma.
\p
\v 16 ’Maa sa ja kúu sa Jesús ma, ni tetniñu sa ángel sa ma, sukan‑vaꞌa kaxtnuꞌu ndaa i tnaꞌa ja ko kuu ma nuu ndijin ja ka kuu ni ñayii ka ndachiñuꞌu Suꞌsi ma ndi‑in ndi‑in ñuu ma. Vaa saña chi neꞌun saꞌya tata David ma ni kenda sa. Te sukan kúu kimi kaꞌnu kána nuu ve ndii ma, sukan kúu sa nuu ñayii ka kandija ñaꞌa ma ―‍kúu ya káꞌan ya.
\p
\v 17 Te Xtumani Ndios ma, jiꞌin ñayii ka ndachiñuꞌu Suꞌsi ma, ja jin ndatnaꞌa i jiꞌin ya sukan ka ndatnaꞌa suchi jin tnandaꞌa ma, saꞌa ka kaꞌan i jiꞌin ya nuu ñayii ma:
\p ―‍Neꞌe ni.
\p Te nú na in kunisoꞌo, te káꞌan tna i nuu ñayii ma:
\p ―‍Neꞌe ni.
\p Te nú na in yíchi ndute, te kíi i, te nú kúni i, te kóꞌo i ndute saꞌa ja koteku i ma, te masu nawa chuyaꞌvi i.
\p
\v 18 Te maa sa káxtnuꞌu nuu ndaka ni ja ka ninisoꞌo ni tnuꞌu ndee nuu libru yaꞌa ja ndákaxtnuꞌu ndaka sukan ko kuu ma, te nú na in na skaa‑ka kaꞌan i sana sukan káꞌan tnuꞌu yaꞌa, te maa Suꞌsi ma saꞌa ja kenda nuu i ndaka kueꞌe ka ndenee nuu libru yaꞌa.
\m
\v 19 Te nú na in na kendee‑ka tnuꞌu ndee nuu libru yaꞌa te ma ndákaxtnuꞌu i sukan ko kuu ma, te maa Suꞌsi ma kendee ja kutaꞌvi i ja kúun yutnu saꞌa ja koteku i ma, te xtandiyo ya i, te ma koo i ñuu ii ma, te ma niꞌi i ndaka ja vaꞌa ja ndee nuu libru yaꞌa.
\p
\v 20 Iya káxtnuꞌu ndaa ja káꞌan libru yaꞌa ja sukan ko kuu ma káꞌan saꞌa:
\p ―‍Ja ndaa kúu ja sani te kenda yachi sa ―‍kúu ya káꞌan ya.
\p Te suni ni ndakoneꞌe sa:
\p ―‍Saa vi, Jesús Iya Tátnuni, neꞌe yachi ni ―‍kúu sa jiñaꞌa sa. Te sukan kó kuu.
\p
\v 21 Te ja vii ja vaꞌa na skutaꞌvi ñaꞌa maa Jesucristo iya tátnuni nuu o a ja ka kuu o ñayii ka kandija ya a. Te sukan kó kuu.