\id MRK
\h MAEKOS
\toc1 MAEKOS
\mt Maekoj teamta jiꞌojtekaꞌu
\c 1
\s Juꞌu Joan yee babatoowame, jum bweka paꞌaku jinabakawamta weetua
\p
\v 1 Liojta tuꞌi nok lutuꞌuria inim naateka jiꞌojtewa.
Iniꞌi weeme intok, Liojta usi betana nooka, juꞌu Jesukrijtoꞌ
teamtatchi.
\p
\v 2 Bat naataka juꞌu Isaꞌiajtukaꞌu, Liojta betana noktuawakame,
inikaꞌa inien weenemta aꞌ teuwaak, intok aꞌ jiꞌojtek,
inen jiakai:
\q Senuk epat weenemta, intok epat aꞌ lutuꞌuria yaꞌanemta
ne epat naꞌa bittuabae, ti jiia juꞌu Lios.
\q Junaꞌa intok, juꞌu yoemra enchi bat mabetneeme, eewas,
bem jiapsim bem tuꞌuteneꞌ betchiꞌbo, ameu nokbae.
\q
\v 3 Juꞌu jiawai bweka paꞌaku chaipo benasi machine:
\q “Jukaꞌ achaita, aꞌabo weyemta, enchim mabetneꞌ betchiꞌbo,
aawas enchim jiapsim tuꞌutekai, jukaꞌ ka tuꞌi weyemta
suꞌu tojaꞌem”, ti jiiak.
\p
\v 4 Inien aꞌ weyeꞌpo, juꞌu Joan yee babatoowame, junaꞌa
junen ama yeu yepsak, bweka paꞌaku, intok Liojtau bicha
bem emo jiapsi kuaktanamta ameu teuwaak. Intok bem ka
tuꞌuwa yaꞌarim betana, aet emo jiokoituneꞌ betchiꞌbo,
ket ameu nookak, intok inen auka, bem batoowatuneꞌpo amani.
\v 5 Junaman intok, Jurea bwiara betana, bweꞌu joꞌara
Jerusalen teaꞌpo betana, aꞌ jikkaji betchiꞌbo, juebenaka
aman emo nau tojak, juꞌu Joantawi. Intok aꞌ nokaꞌpo aman
aꞌ jikkajaka bem jiapsipo aꞌ sualekai. Junamaꞌa batwe
Joran teaꞌpo emo batoowatebok; bem ka tuꞌuwa yaꞌarim
Liojtau bicha am teuwaakai.
\p
\v 6 Iniꞌi Joan teame kameyo boa ausuꞌlik supe yaꞌarimpo
kobakan; beata wikosakan. Aꞌ bwaꞌeeꞌu waka woꞌochim
benaekan, intok jukaꞌ mumu baꞌawata jeꞌeen.
\v 7 Intok ameu nokaka inen jiiak:
\p ―Chukula senu aꞌabo yebijne, junaꞌa tua Liojta betana
utteꞌakai. Ne intok, ka neu lutuꞌuriatu maisi maachi,
kia au kom pokteka, aꞌ bocha wikiawam in aꞌ woitarianeꞌpo
amani.
\v 8 Ne intok ―ti jiia juꞌu Joan―, kia lautipo betchiꞌbo,
baꞌammea ne enchim batoowa, taa junaꞌa, Liojta tuꞌu jiapsi
emot autuane ―ti jiia.
\s Jesujta batoowawakaꞌpo
\p
\v 9 Jesus intok, junameꞌe taewaimmet, senu ili joꞌara
Nasaret teaꞌpo betana, bwia Kalileaꞌ teaꞌpo katekame,
junaꞌabo tana, Joan yee babatoowamtau aman yepsak. Intok
aapo ket batwe Joran teaꞌpo batoowatuk.
\v 10 Intok junamaꞌa batwepo, baꞌapo yeu simsuka, sep,
jukaꞌ teekata, naꞌikim au aꞌ etapolaata benasi bichak
juꞌu Joan. Intok jukaꞌ Liojta tuꞌu jiapsi, wokkoita benasi,
aet koꞌom yejtesusekamta bichak.
\v 11 Intok junaꞌabo, teeka betana, jiawai aman koꞌom
yuumak, inen jiakai:
\p ―Empo juꞌu in yoemia ―ti jiia―, tua in nakeꞌu, intok etana
in alleaꞌu, tuꞌisi net aayuk ―ti jiamta jikkajituk.
\s Jum bebejeꞌerita Jesujta ka tuꞌik aꞌ yaꞌatuabaekaꞌeakaꞌpo
\p
\v 12 Junamaꞌa sepsu, juꞌu Liojta tuꞌu jiapsi, mekka bicha,
senu bweka paꞌariau bicha aꞌ weeneꞌ betchiꞌbo, junuen
aꞌ jiapsipo aꞌ eetuak jukaꞌ Jesujta.
\v 13 Junaꞌa Krijto intok, woi taka taewaimpo tajtia,
junamaꞌa bweka paꞌaku, aapola aanek. Juꞌu yoo bebejeꞌeri,
Satanaj teame intok, ka tuꞌik aꞌ yaa iꞌakai, aꞌ utteꞌa
jooriaka, au yepsaka ama aamak aanen. Pochoꞌoku ka nanau
machik yoawara ame naat aanen ketchia. Intok Liojta
saweꞌum, ankelesim teame, aꞌ ania betchiꞌbo ama aamak
aanen.
\s Jesus, jukaꞌ Liojta betana aet aꞌ tekil makriꞌu boꞌo jooria taite
\p
\v 14 Jukaꞌ Joan yee babatoowamta, yaꞌuraapo etaꞌituko,
aet chukula, juꞌu Jesus, Kalileom bwiarau yepsak. Junamaꞌa
intok, jukaꞌ Liojta nok lutuꞌuriata aꞌ teuwa simen.
\v 15 Intok:
\p ―Taewaim yumaꞌasuk ―tiaka―, Liojta amet yee sauneꞌ betchiꞌbo
―ti jiia juꞌu Jesus―. Inia betchiꞌbo ―tiia―, enchim ka tuꞌuwa
yaꞌarim ka intok am boꞌo jooriaka, Liojta tuꞌi nok lutuꞌuriata
sualeꞌem ―ti jiia.
\s Jesus, jumeꞌ naiki kuchuleom aamak am kat iꞌa
\p
\v 16 Junamaꞌa intok, Kalileaꞌ teaꞌpo, intok bawe naat
weamaka, woi yoemem ama bichak, emo sairakame. Jukaꞌ Simoꞌ
teamta intok jukaꞌ Antej teamta bichak. Junameꞌe intok,
kuchum yeu baubaekai, bem jiteꞌim baꞌau jimaalataka ama
aanen. Bweꞌituk kuchuleomtukan.
\v 17 Junammeu intok juꞌu Jesus inen jiiak:
\p ―Nemak ne enchim kat iꞌa ―tiia―. Bweꞌituk taꞌabwi tekilta
ne enchim joo iꞌa. Bweꞌituk yoemrata, bem jinneꞌutuneꞌ
betchiꞌbo, enchim ne ameu nok iꞌa ―ti ameu jiiak juꞌu
Jesus.
\p
\v 18 Junameꞌe intok, bem ae tekipanoaꞌuta, kia ama woꞌotaka,
sep Jesujtamak sajak.
\p
\v 19 Junamaꞌa intok, cheꞌ a bichau jeela weyeka juꞌu
Jesus, juchi jumeꞌ woi yoemem bichak, emo sairakame, Jakooboꞌ
teamta, Sebereoꞌ teamta uꞌusi, intok jukaꞌ aꞌ sairawata
Joan teamta bichak. Intok kuta kanoat jikat jokame, intok
bem jiteꞌim chaꞌabwammeu yepsak.
\v 20 Jesus intok sep junammeu, aapoꞌimak am katneꞌ betchiꞌbo
ket ameu nookak. Junameꞌe intok, bem achaiwata, Sebereoꞌ
teamta, intok aꞌ tekipanoareommak nau, jum barkopo toꞌo
sajaka, Jesujtamak sajak.
\s Senu yoeme, bebejeꞌeri ka tuꞌi jiapsita aꞌ jiapsipo jipueꞌu
\p
\v 21 Siꞌime nau, bweꞌu joꞌara Capernauꞌ teaꞌu yajak.
Junamaꞌa intok, sabala taꞌapo beja, Liojta yoꞌori betchiꞌbo
intok Liojtau bicha nok betchiꞌbo, jum juriom nau emo
totojaꞌpo, bweꞌu kariwi kibakeka juꞌu Jesus, ama yee majta
taitek.
\v 22 Junameꞌe intok, Jesujta yee majtakaꞌut, tuꞌisim
aꞌ sum eiyaak. Bweꞌituk aapo juꞌu Jesus, yee aꞌ majtaꞌue,
seenu, yoꞌo lutuꞌuriakamta benasi ameu nookak, intok ka
jumeꞌ bem maejtom amaꞌa yee majtaꞌum benasia.
\v 23 Junaman lautipo intok, bweꞌu karipo nau emo totojiwaꞌpo,
senu yoeme aman yeu yepsak, bebejeꞌeri jiapsita aꞌ jiapsipo
aet aneo, ka tuꞌisaꞌa eetuaꞌu.
\p
\v 24 Junaꞌa intok, chai nokpo, inen au jiiak:
\p ―Empo Jesus ―ti jiia―, bweꞌu joꞌara Nasaret teaꞌpo joꞌaakame,
jitasa empo itomak lutuꞌuriak ―taꞌ temaek―. Empo jumak
ka ammaꞌali itomak aꞌabo boꞌo jooseka weye jaꞌani ―taꞌ
temaek―. Ette juꞌunea, Liojta betana em tuꞌu jiapsi usiaritukaꞌpo
―ti jiia.
\p
\v 25 Taa juꞌu Jesus, junae bebejeꞌerita ka tuꞌi jiapsita,
yoemta jiapsipo wajiwa katekamta nok yaatituak.
\p ―Junue yoem jiapsipo em katekaꞌpo yeu weyeꞌe ―tau jiiak.
\p
\v 26 Junak intok, junakaꞌa yoemta, juꞌu bebejeꞌeri jiapsi
aet aneꞌu, tuꞌisi utteꞌaka aꞌ takaawata au yootuak, intok
aet yeu weepatchi, kusisi aꞌ chachaituak.
\v 27 Siꞌime ama aneme intok, Jesujta yaakaꞌuta bichaka
aꞌ sum eiyaak. Junameꞌe intok aꞌ bichaka, inen nau jiu
japtek:
\p ―Jitasa tua iniꞌi ―ti nau jiu japtek―. Bemela wemta itom
bittuabae, intok utteꞌakamta nooka. Intok jukaꞌ bebejeꞌeri
jiapsitaka juniꞌi, aꞌ nesaweꞌpo aman auk.
\p
\v 28 Intok junamaꞌa naateka, aapoꞌik Jesujta a jita
joaꞌapo aman, jum bwiara Kalileaꞌ teaꞌpo, siꞌimekut juꞌuneyya
japteak.
\s Jesus, Simoꞌ teamta jamut aseꞌebwawa, au aꞌ inneꞌetetuak
\p
\v 29 Junamaꞌa nau emo totojiwaꞌpo yeu sikaa, Simoꞌ teamta
intok Antej teamta joꞌau bicha sikaa, junaman kibakek
juꞌu Jesus. Juꞌu intok Jakooboꞌ teame, intok juꞌu Joan
teame aamak kaaten ketchia.
\v 30 Juꞌu Simoꞌ teamta jamut aseꞌebwawa intok, tuꞌisi
taji wecheka, ama boꞌokan. Intok aꞌ koꞌokoeꞌpo aman, Jesujtau
sep nokwak.
\v 31 Junaꞌa intok, mampo aꞌ bwiseka, aꞌ yechak. Juꞌu
taji wechia intok, sep aꞌ suꞌu tojak. Sep intok am jiꞌibworia
taitek.
\s Jesus, juebenam koꞌokoeme emo am inneꞌetetuak
\p
\v 32 Intok kuptisuko, intok juꞌubwa taꞌata aman wetchuko,
jumeꞌ koꞌokoeme aman au yeu tojiwan, Jesujtawi. Intok
jumeꞌ bebejeꞌeri jiapsim bem jiapsimpo jipueme, au tojiwan.
\v 33 Intok junamaꞌa bweꞌu joꞌarapo joꞌakame, batte siꞌime
au jeela, aman au yajak, puetawi.
\v 34 Intok junamaꞌa juebenam, ka nanau machi koꞌokoakame,
emo am ineꞌetetuak. Intok ket junalensu, jumeꞌ bem jiapsimpo
jukaꞌ bebejeꞌerita betana ka tuꞌim jiapsekame, paꞌakun
yeu am bepriak, intok kaita am noktuak. Bweꞌitukim aet
juꞌunean.
\s Jesus, jum bwiara Kalileaꞌ teaꞌpo jinabaka
\p
\v 35 Juchi yokoriapo, tuꞌisi ketwoo tana, matchuu, yejteka
juꞌu Jesus, kaabeta aneꞌu bicha, ili mekkaꞌekun bicha
siika. Junamaꞌa intok Liotau bicha nookak.
\v 36 Juꞌu Simoꞌ teame intok jumeꞌ aamak rejteme, aet
chukula aꞌ jariubaeka yeu sajak.
\v 37 Aꞌ teak intok inen au jiiak:
\p ―Juebenaka intok, aman enchi jaiwa ―tau jiiak.
\p
\v 38 Taa juꞌu Jesus, inen ameu jiiak:
\p ―Omot, taꞌabwi joꞌarammeu bicha te sakaꞌane ―tameu jiiak―,
Liojta nokta in ama nokneꞌ betchiꞌbo. Bweꞌituk inia
betchiꞌbo ne aꞌabo yebijla ―ti jiia juꞌu Jesus.
\p
\v 39 Junaꞌa intok, Kalilea bwiarat siꞌimekut naj weyeka,
emo nau totojiwaka ama emo majtawaꞌapo, ama ameu yepsaka,
jukaꞌ Liojta nokta ameu teuwaak. Intok jumeꞌe bem jiapsimpo
jukaꞌ ka tuꞌik, bebejeꞌeri jiapsekame, paꞌakun yeu am
bepriak.
\s Jesus jukaꞌ senuk saꞌawakamta, ka a jittotumta au aꞌ ineꞌetetuak
\p
\v 40 Senu intok, jitae juniꞌi ka a yoremta taka saꞌawakai,
ama Jesujtau yepsak. Intok aapoꞌik bichapo tonommea
kikteka, chikti aꞌ jiapsie au ujbwanaka:
\p ―Achai ―ti jia―, in takapo, jukaꞌ saꞌawata, empo junen eaꞌateko,
aꞌ yoreꞌetuane ―ti au jiiak.
\p
\v 41 Juꞌu Jesus intok, aꞌ jiapsipo tuꞌisi aꞌ jijiokoleka:
\p ―Jeewi ―tau jiiak―. Yoreꞌeneeꞌe ―tau jiaka, aꞌ takawapo
aet mamtek.
\p
\v 42 Junaꞌa intok, sep takaapo tuꞌireak.
\v 43,44 Juꞌu Jesus intok, kaabetau aꞌ etejo saeka au
nokaka, inen au jiiak:
\p ―Tua kaabetau em etejoneꞌpo aman, aet emo suuaꞌe. Taa
cheꞌa juni san, jumeꞌe bem teꞌopopo ama tekiata makritaka,
ameu yoꞌo yaꞌarimmeu aman ameu sika, em taka saꞌawata,
aꞌ yoreꞌetuawakaꞌpo aman, ama junammeu aꞌ etejoꞌe. Intok
Moisejtukaꞌuta nesaulatukaꞌpo aman auneꞌe, em taka saꞌawata
aꞌ tuꞌuteitukaꞌpo aman, jumeꞌ ama tekiakame, bem aet juꞌuneeneꞌ
betchiꞌbo.
\p Intok inen au jiaka, aꞌ simtuak.
\p
\v 45 Taa junaꞌa intok, aman sika, siꞌimekut, siꞌimemmeu
nas aꞌ etejo taitek. Intok inia betchiꞌbo san, juꞌu Jesus,
bwere joꞌarammeu, ka witti a aman kibaken. Taa cheꞌa
juniꞌi, bwere joꞌaram mayoat, paꞌariat tatawan. Junamaꞌa
intok, siꞌimekut betana, yoemra ama au nau yaajan.
\c 2
\s Jesus, ka au takaa yekamta, au aꞌ ineꞌetetuak
\p
\v 1 Ka jaiki taewaita simsuko, intok aet chukula, bweꞌu
joꞌara Kapernaoꞌ teaꞌu yeu yepsak juꞌu Jesus. Junamaꞌa
intok, senu joꞌarapo, ama aꞌ aneꞌepo juꞌuneyyatuk.
\v 2 Junamaꞌa intok, tuꞌisi juebenaka ama yajak. Joꞌarapo
wajiwa ka ama jak kiaka juniꞌi, paꞌakun yeu tajti tapunisi
ama aanen. Jesus intok, jukaꞌ Liojta nok lutuꞌuriata
ameu teuwaaka ama aanen.
\v 3 Junak intok, senu yoeme, loꞌitaka, aꞌ takaawata ka
a yekamta, naikika nau, aapoꞌik Jesujtau bicha, chikti
aꞌ jipetekwamak, aꞌ puꞌateka kaaten.
\v 4 Junak intok, juebena yoemrata ama tapunisi aneꞌ
betchiꞌbo, intok ka a aman kimukai, jukaꞌ koꞌokoemta, kari
jikat aꞌ nuk jaꞌamukamme. Junak intok, junamaꞌa bepa,
jukaꞌ karita wojoktaka, jukaꞌ koꞌokoemta, chikti aꞌ jipetekwamak,
Jesujtau koꞌom teekak.
\v 5 Junak intok juꞌu Jesus, junuen aneme bichaka, intok
bem jiapsimpo, tua aꞌ sualeme juꞌuneyyaka, koꞌokoemtau
inen jiiak:
\p ―Jeewi, in yoemia ―tiia―, siꞌimeta wakaꞌa ka tuꞌik em yaꞌariꞌut,
aeteꞌe jiokoiriꞌe ―ti au jiiak.
\p
\v 6 Junamaꞌa intok, bem maejtomtaka, waate ama jookan.
Intok Jesujta junuen jiamta jikkajaka, bem jiapsipo inen
emo eetuan:
\v 7 “Jaisaaka tua iniꞌi inen jiia Liojta bepa au yoꞌo
jooa,” inien jiakai. “Bweꞌituk ka kia jabe juniꞌi, jukaꞌ
ka tuꞌuwa yaꞌarita a yetet aꞌ jiokoe. Taa juꞌu Lios
jiba a yetet aꞌ jiokoe”, tiian.
\v 8 Jesus intok sep inien bem eaꞌuta bem jiapsipo amet
aꞌ juꞌuneyyaka inen ameu jiu taitek:
\p ―Jaisa betchiꞌbo emeꞌe, enchim jiapsipo inien emo eetua
\v 9 Juꞌu koꞌokoemtau, jaisa ne au jiaꞌatek beja, ne tuꞌisi
au jiu ean: “Em ka tuꞌuwa yaꞌarita betanaꞌe jiokoriꞌe”,
ti ne au jiaꞌateko, oo: “Yejteka, jukaꞌ em jipetekta
nau lopoktaka, bamsea, em weebaeꞌu bicha weye”, ti ne
au jiaꞌateko Intok inie wooi weemta betchiꞌbo, jitasa
cheꞌa ka neu obiachi ean
\v 10 Taa iꞌan ne enchim aꞌ juꞌuneyyaꞌiiꞌa, Lios utteꞌawata
net aꞌ ayuꞌupo amani, intok, aapoꞌik Liojta betana in
usiwaitukaꞌpo aman, neu lutuꞌuria, ka tuꞌuwata yaꞌalame
in a am jiokoineꞌ betchiꞌbo.
\p Junak intok, loꞌitaka intok aꞌ takaawata ka a yekamtau
inen jiiak:
\p
\v 11 ―Inepone eu nooka, kikteka, jukaꞌ em jipetekta nau
ropoktaka, em joꞌau bicha weyeꞌe, ti ne eu jiia.
\p
\v 12 Junaꞌa intok, ama aneme, siꞌimem bichapo, sep kikteka,
aꞌ jipetekwata nau ropoktaka, bempoꞌim nasuk aman yeu
siika. Junameꞌe intok, tuꞌisi aꞌ suum eiyaaka taawak.
Intok Liojta, tuꞌuwa noktae teuwaa japteka, inen jiian:
\p ―Jakwoo juniꞌi, inien yeu simlamta te kee bichan ―tim
jiian.
\s Jesus, jukaꞌ Lebiꞌ teamta, aamak aꞌ wee iiꞌa
\p
\v 13 Jesus, junamaꞌa yeu sika intok, bawe mayoau bicha
siika. Intok juebena yoemra aman au nau yajak. Junak
intok, aapo, Liojta nok lutuꞌluriata am majtan.
\v 14 Junamaꞌa intok, cheꞌa bichau jeela weyekasu, senu
yoemta, Lebiꞌ teamta ama bichak. Junakaꞌa intok, juꞌu
Alpeoꞌ teame aꞌ uꞌusekan. Iniꞌi Lebiꞌ teame intok, yaꞌuraapo
betana ama saiwaka, jukaꞌ tomita, yaꞌuraata ae bejeꞌetuanaamtae,
junakaꞌa, aapo juꞌu Lebiꞌ teame, nau aꞌ totojituawan.
Jesus intok, aapoꞌiku inen jiiak:
\p ―Nemak weyeꞌe ―ti au jiiak.
\p Junaꞌa intok, aꞌ katekaꞌpo, kikteka, sep Jesujtamak siika.
\p
\v 15 Chukula intok, juꞌu Lebiꞌ teamta joꞌaapo, juꞌu Jesus,
aꞌ majtaꞌummak nau, junae joꞌaapo ama jiꞌibwan. Waate
intok, junaꞌa Lebiꞌ teamta benasi, yaꞌuraapo saiwaka, jiba
junakaꞌa tekilta joame, ket aman au yajak. Intok jumeꞌ
ka tuꞌuwata boꞌo jooriame, juebenaka ket ama aanen. Intok
siꞌime nau, junamaꞌa Jesujta jiꞌibwaꞌpo ama aamak nau
jookan. Bweꞌituk juebenaka Jesujtamak rejten.
\v 16 Jumeꞌ intok, bem maejtom, inimeꞌe junen, jumeꞌ wate
juriom, paiseom teammak nau eame, inimeꞌesan, Jesujta, yaꞌuraapo
tekiakamtamak, intok ka tuꞌisi anemmak aꞌ jiꞌibwamta
bichaka, Jesujta majtimmeu inenim jiiak:
\p ―Jaisaaka tua, juꞌu enchim majtame, jumeꞌ ka tuꞌisi anemmak
jiꞌibwa, intok jumeꞌ yaꞌuraapo saiwaka aꞌ tekiakammak
jiꞌibwa ―ti am temaek.
\p
\v 17 Jesus intok, inien am jiao am jikkajaka, inen ameu
jiu taitek:
\p ―Jumeꞌ tuꞌik takaaka, ka koꞌokoeme, kaachin jukaꞌ yee
jijittomta waatane. Taa juꞌu koꞌokoeme ala aꞌ waatane,
jukaꞌ yee jijittomta. Inienpo aman san, nejpone aꞌabo
ne yebijla, jumeꞌ ka tuꞌisi aulammeu nok betchiꞌbo, bem
jinneꞌumtuneꞌ betchiꞌbo. Bweꞌituk jumeꞌ jaibu tuꞌisi
jiapsame, junameꞌe, lutuꞌuriata boꞌo jooria.
\s Jesus, Liojta yoꞌori betchiꞌbo, ka jiꞌibwawamta betana temaiwa
\p
\v 18 Jumeꞌ Joan yee babatoowamta majtalaꞌum, intok jumeꞌ
waate juriom, bem junuen aꞌ sualeꞌ betchiꞌbo, paiseompo
taꞌeewame, junameꞌe taewaimmet, ka jijiꞌibwan. Junuen
aneka, Liojta emo yoꞌorituan. Junak intok, waate, Jesujtau
sajak intok aꞌ temaek:
\p ―Jaisaakai ―tiian―, jumeꞌ paiseom teame, intok Joan yee
babatoowamta majtaꞌum, inimeꞌe taewaimmetchi, Liojta yoꞌori
betchiꞌbo, ka jijiꞌibwa ―tim aꞌ temaek―. Taa jumeꞌ em majtim,
ka inien aꞌ boꞌo jooria ―ti jiakai.
\p
\v 19 Jesus intok, inen ameu jiiak:
\p ―Jaisa jujupwaaꞌu, intok jijiꞌibwaꞌpo, jumeꞌ junaman
nunuritaka, ama aneme, jaisa ka alleaka, ka aman jiꞌibwanee
jaꞌani Ka junuen weye. Bweꞌituk junako, juꞌu jubeme, au
sioktuane. Cheꞌa juni san, jukaꞌ jubemta ketuni ama aneo,
alleaka aamak eaka, jiꞌibwane ―tiia―.
\v 20 Taa chukula ket ―tiia juꞌu Jesus―, taewaim yumaꞌane
―tiia―, jukaꞌ jubemta kaabetuko, junak intok, siokrimmea
ka jiꞌibwane.
\p
\v 21 ’Inien aꞌ weeꞌpo san ―tiia juꞌu Jesus―, kaabe juꞌu
bemela tajoꞌorim, moera tajoꞌorimmet jitchaꞌabwabaane.
Bweꞌituk baksiapat, juꞌu bemela tajoꞌorim, siꞌimeta nau
wikeka, jumeꞌ tajoꞌo moeram nau wikeka, am siutane.
\v 22 Inien aꞌ weeꞌpo san ketchia, intok kia jabe juniꞌi,
jukaꞌ paꞌasi baꞌawata, bemelasi yaꞌata, bea boosa yaꞌaripo,
juꞌu moerapo, kaachin ama aꞌ toꞌobaekaꞌeene. Bweꞌituk
amaꞌa toꞌaakaꞌateko, juꞌu bea, aꞌ moeratukaꞌ betchiꞌbo,
lauti siutane. Junak intok juꞌu paꞌasi baꞌawa woꞌotine,
intok kia juꞌu bea juniꞌi, nasontune.
\s Jumeꞌ Jesujta majtaꞌum, yum joꞌe taewaet, tiikom kauta
\p
\v 23 Jesus intok, sabala taꞌapo, yum joꞌe taewaet, tiikom,
jaibu wakeꞌepo aman weyen. Jumeꞌ aꞌ majtaꞌum intok, aamak
kateme, jukaꞌ tiikom kautakai, am biitakai, am bwaꞌeen.
\v 24 Waate juriom, paiseompo emo teuwaame, intok junuen
aneme bichaka, Jesujtau inen jiian:
\p ―Jumeꞌ em majtaꞌum bichaꞌe ―ti au jiian―. Sabala taꞌapo,
kaitat mammawaka, Lioj waatiawaꞌa taewaituko juniꞌi, inimeꞌe
inien aane ―tiian.
\p
\v 25,26 Jesus intok inen am yoopnak:
\p ―Jaisa emeꞌe, jum Liojta jiꞌosia jiꞌojteimpo kaꞌa nokla
jaꞌani, jukaꞌ Labiitukaꞌuta aꞌ yaakaꞌuta Bweꞌituk, aapo
juꞌu Labiiꞌ teame, tebaurekai, intok jumeꞌ aamak rejteme
juniꞌi. Junak intok juꞌu Abiatar teame junaman tekiakamtau
ama yoꞌotukan. Juꞌu Labiiꞌ teame, aman karipo, Liojta
aman yoꞌoriwaꞌpo kibakek. Kariu kibakeka, intok jumeꞌ
paanim, ama tekiakame bwaaꞌeaꞌum, juꞌu Labiit am bwaꞌaka,
intok ka aapola jiba am bwaꞌaka, taa ket jumeꞌ aamak
rejteme am miikak.
\p
\v 27 ’Junuen aꞌ weeꞌpo san, juꞌu sabala taewai, yum joꞌe
taewaita Lios aꞌ juꞌunaktela, yoemtau tuꞌuwaituneꞌ betchiꞌbo,
aet yum joꞌekai. Taa juꞌu taewai, ka yee utteꞌa jooria.
\v 28 Inia betchiꞌbo san, nejpo, emo benasi yoemtaka juniꞌi,
yee a sawe, yum joꞌe taewait jukaꞌ bem a boꞌo jooriaꞌpo
amani.
\c 3
\s Juꞌu oꞌou, mam waklame
\p
\v 1 Junameꞌe taewaimmet, jum juriom emo nau totojiwaꞌu
kariu kibakek. Junamaꞌa intok, senu oꞌou ama katekan,
wepul takana mam wakiatakai.
\v 2 Sabala taewaitukaꞌpo aman intok, junakaꞌa jitto
machiaka, jumeꞌ ama aneme junuen, Jesujta suuan, junuen
aꞌ ayuk juniꞌi, sep aꞌ naꞌatejobaeka ean.
\v 3 Junak intok juꞌu Jesus junae yoemta, waki mamakamtau:
\p ―Aꞌabo neu sikaa, in bichapo kikteꞌe ―ti au jiiak.
\p
\v 4 Junak intok juꞌu Jesus, siꞌimemmeu inen nattemaek:
\p ―Sabala taꞌapo, jitasa cheꞌa tuꞌi ean, tuꞌuwata yeteu
joowame, oo ka tuꞌuwata Oo senuk meꞌetuneꞌpo, oo senuk
jinneꞌutuneꞌpo.
\p Taa junuen aꞌ jiao intok, ka wotti tawawak.
\v 5 Jesus intok, siꞌimem, ka alleaka naj bitchun. Intok
bem namakak jiapsekaꞌ betchiꞌbo, au sioktuak. Junae yoemtau
intok, wakiak mamakamtau inen jiiak:
\p ―Em mamam rutuktaꞌe ―ti au jiiak.
\p Junaꞌa intok, aꞌ mamawam rutuktak. Intok sep tuꞌureak.
\v 6 Taa jumeꞌ waate juriom, bem junuen aꞌ sualeꞌ betchiꞌbo,
paiseompo taꞌeewame, inimeꞌe junen, junamaꞌa yeu sajaka,
jumeꞌ eroorianom teammak nau eaka, emo nau tojaka, nau
wepul lutuꞌuriata yaꞌabaekai, Jesujta jachin juniꞌi aꞌ
bwiseka, bem aꞌ meꞌeneꞌ betchiꞌbo.
\s Juebena yoemra, jum bweꞌu bau baꞌa bwikola aane
\p
\v 7 Taa juꞌu Jesus intok, aꞌ majtaꞌummak nau, baweu bicha
siika. Intok Kalileaꞌ bwiaraapo joꞌaakame aamak sajak.
Intok ket junalensu, Jurea bwiaraapo joꞌaakame ketchia.
\v 8 Intok ket jiba junalensu, bweꞌu joꞌarapo Jerusalenpo
joꞌaakame. Intok Tiiroꞌ teaꞌpo joꞌaakame. Intok Siron
teaꞌpo joꞌaakame. Intok Irumea bwiaraapo joꞌaakame.
Intok waate, batwe Joranta beaj joꞌaakame. Inimeꞌe junen,
siꞌime, suum watchisi machik aꞌ joaꞌapo aman aꞌ juꞌuneyyaka,
junaꞌabo, siꞌimekut betana, juebenaka ama au nau yajak,
Jesujtawi.
\v 9 Junamaꞌasan, juebena yoemrata ama au nau yajaꞌ betchiꞌbo,
intok ka ama nau aꞌ pitta iꞌaka, aꞌ majtaꞌummeu inen
jiiak:
\p ―Jukaꞌ kuta kanoata, junamaꞌa baꞌapo boꞌokamta, mayoau
jeela ruktaꞌem ―ti ameu jiiak, ama jaꞌamubaekai.
\p
\v 10 Bweꞌituk aapo juꞌu Jesus, junamaꞌa jaibu juebenam
emo inneꞌetetualatukan. Intok jumeꞌ waate, koꞌokoeka,
ama aneka, kia aet mamte betchiꞌbo, nat emo yuuꞌan, intok
aapoꞌik bat batte baꞌau koꞌom aꞌ taben.
\v 11 Intok inen ket ama yeu siika, jumeꞌ bebejeꞌeri
eerita, bem jiapsimpo amet aneme, junameꞌe junen, jukaꞌ
Jesujta bichaka, aapoꞌik bichapo tonommea jajapten. Jumeꞌ
bebejeꞌeri jiapsim intok, inien am chaituak:
\p ―Empo junaꞌa, Liojta usiwai ―tim jiian.
\p
\v 12 Taa juꞌu Jesus intok, aꞌ jabetukaꞌpo kaꞌa juꞌuneyyatuneꞌ
betchiꞌbo, kuttipo ameu nookak.
\s Juꞌu Jesus, jumeꞌ woj mamni ama wooim, Aamak aꞌ rejti iꞌaꞌum yeu puꞌa
\p
\v 13 Aet chukula intok, senu kawiu, jika paꞌariau bicha
siika. Intok junaman kateka, ameu chaitebok, jumeꞌ aꞌ
majtaꞌum, yeu aꞌ puꞌalaꞌummewi. Junameꞌe intok aman au
yajak.
\v 14 Junamaꞌa aapoꞌik mak nau an betchiꞌbo, intok aet
chukula jukaꞌ Liojta nok lutuꞌuriata bem aꞌ nok sakaneꞌ
betchiꞌbo, aet aꞌ tekil makneeꞌum, woj mamni ama wooim
yeu puꞌak, juꞌu Jesus.
\v 15 Junak intoko, utteꞌawata amet autuak, bebejeꞌeri
jiapsi eerita, bem jiapsipo amet aneme, paꞌakun yeu am
beprianeꞌ betchiꞌbo.
\v 16 Junameꞌe intok inen teakan. Seenu, Simoꞌ tea. Junakaꞌa
intok, Peeom aꞌ teatuak.
\v 17 Jumeꞌ watem team intok, iiyime junameꞌem. Jakooboꞌ
teame, Sebereoꞌ teamta uꞌusi. Intok aꞌ sailuawa, juꞌu
Joan teame. Junameꞌe ket taꞌabwim teatuak. Ebreo nokpo
nokwame. Junameꞌe intok, Boꞌaneerjim tea. Jiak nokiu
juchi aꞌ kuaktituk intok teekapo yuku ruꞌuti jiame, ti
jiubae.
\v 18 Intok juꞌu Antej teame. Intok juꞌu Jeriipeꞌ teame.
Intok Battomeꞌ teame. Intok juꞌu Mateoꞌ teame. Intok
juꞌu Tomaj teame. Intok ket Alpeoꞌ teamta uꞌusi, Jakooboꞌ
teame. Intok juꞌu Tareoꞌ teame. Intok senu Simoꞌ teame,
kananiitaꞌ teammak nau eame.
\v 19 Intok juꞌu Juuras Ijkariooteꞌ teame, juꞌu chukula
aꞌ nenkineeme.
\s Liojta tuꞌu jiapsiwa jaana jiawaawaꞌpo
\p
\v 20 Junak intok aꞌ joꞌawawi yeu yepsak. Taa junamaꞌa
aꞌ aneo intok, tuꞌisi juebenaka ama au nau yajak. Aapo
intok, kia ammea ka jiꞌibwan.
\v 21 Taa jumeꞌ Jesujta wawaekame, intok, inien aꞌ jikkajaka,
aman aꞌ aneo au sajaka, ama yeu aꞌ wikbaen, “kaꞌa suatula”,
ti jiakai.
\p
\v 22 Waate ket ama aanen, maejtompo taꞌeewame, Jerusalen
teaꞌa betana. Junameꞌe ket inen jiian:
\p ―Jukaꞌ yoꞌo bebejeꞌeri jiapsi eꞌeri aet aneꞌe ―tiian.
Junaꞌa eeri intok, bem nokpo, Beꞌelsebuupo taꞌeewan.
\p Intok ket inen jiian:
\p ―Yoꞌo bebejeꞌeritamak aꞌ lutuꞌuriak ―tiian―. Kialiꞌikun
junae utteꞌawatae, jumeꞌ bem jiapsimpo jumeꞌ waate bebejeꞌeri
eꞌeerim yetet aneꞌum, yeu am bepria ―tiian.
\p
\v 23 Jesus intok, junameꞌe maejtommeu chaiteboka:
\p ―Jaisa iꞌan ―tiia―, aapo juꞌu yoo bebejeꞌeri, Satanaj teame,
aapo au yeu bepbaanee jaꞌani ―ti am temaek―. Ka junuentune
―tiia.
\p Junak intok, taꞌabwi weemtau aꞌ tammachiaka inen ameu
jiiak:
\p
\v 24 ―Kia waꞌa senu bwiaraapo, siꞌime ama nau joꞌaakame,
nasuk aman emo naꞌikimteko, intok nau nassuabaeꞌeteko,
junameꞌe, ka binwatukasu, kaitaꞌpo tawane ―tiia―.
\v 25 Intok ket jiba junalensu, jumeꞌ wepul joꞌarapo
nau joꞌaaka, intok emo ee bejeꞌeteko, junameꞌe ka a nau
jiapsine ―tiia―.
\v 26 Inien san beja, juꞌu yoo bebejeꞌeri, Satanaj teame,
jaisa iꞌan aapo jumeꞌ ka tuꞌi jiapsi eerim, aapoꞌik attearim,
jaisa am bejeꞌeka anne. Bweꞌituk aapo juꞌu Satanaj teame
junuen anneꞌeteko, kaachin am saune ―tiia.
\p Junak intok:
\p
\v 27 ―Kia jabe juniꞌi ―tiia―, joꞌarapo wajiwa aman jita
etbwabaeka ama kibakeꞌeteko, taa juꞌu intok, ama joꞌaakame,
utteꞌakaꞌateko, intok ama aneꞌeteko, juꞌu ama jita etbwabaeme,
kaita aꞌ uꞌuraane. Taa kia jukaꞌ ama joꞌaakamta aꞌ sumakaꞌateko,
junak ala, a jita ama etbwane ―tiia―. Inepone, juꞌu oꞌouta,
utteꞌakamta sumakamta benasi ne maachi.
\p
\v 28 ’Inepo intok, lutula weꞌepo ne inien ne emou jiia,
batte siꞌime waꞌa ka tuꞌuwa yaꞌarime, a jiokoitu. Intok
jukaꞌ bat naataka, Liojtat jaana jiuwamta juniꞌi, a amet
jiokoitu.
\v 29 Taa jukaꞌ ka tuꞌuwa yaꞌarita, senu weemta jiba
ka a aet yee jiokoitu, wakaꞌa Liojta tuꞌu jiapsiwata
jaana aꞌ jiawaanaaꞌu. Bweꞌituk inien waꞌa jaana aꞌ jiawaakame,
jiba yuu betchiꞌbo ka a aet jiokoitune.
\p
\v 30 Jesus inien ameu nookak, bweꞌituk bempo jukaꞌ bebejeꞌeri
jiapsi eerita, jaiti machik aet aneꞌetiakai, tiian.
\s Juꞌu Jesujta aewa, intok jumeꞌ aꞌ ou sailam
\p
\v 31 Aꞌ aewa, intok aꞌ sailawam ama yajaka, paꞌaku japteka,
aman au chaitebok.
\v 32 Intok jumeꞌ cheꞌa Jesujtau jeela jokame, inen au
jiiak:
\p ―Juꞌu em maala, intok jumeꞌ em sailam, paꞌakun jaꞌabweka,
eu chaitebo ―tim au jiian.
\p
\v 33 Taa juꞌu Jesus intok inen am yoopnak:
\p ―Jabesa juꞌu in maala intok, jabesa jumeꞌ in sailam
―ti am temaek.
\p
\v 34 Junak intok, siꞌimem, ae nape konila jokame naj
bitchuka inen jiiak:
\p ―Inimeꞌe junameꞌe, jumeꞌ in aem, intok jumeꞌ nemak werim.
\v 35 Bweꞌituk siꞌime jukaꞌa, in achaita eaꞌapo aman
aneme, junameꞌe nemak werimtune. Oo ne ket aꞌ ae rokne.
\c 4
\s Etleotat nokaka, yee ae aꞌ majtabaeꞌu
\p
\v 1 Intok juchi weeꞌpo, bawe mayoat aneka, yee majtataitek.
Intok tuꞌisi buꞌuuka aman au nau yajak. Intok buꞌuuraata
ama aneꞌ betchiꞌbo, utteꞌatukan, kuta kanoat, bawepo boꞌokamtat,
jikau aꞌ jaꞌamuneꞌpo. Aapo intok, ama jikat katekan.
Juꞌu buꞌuura intok, paꞌakun tana, bawe mayoat jaꞌabwekan.
\v 2 Aapo intok juꞌu Jesus, intok, taꞌabwi weemtau aꞌ
tammachiaka, juebena weemta am majtan. Intok am majtaka,
inen ameu jiiak:
\p
\v 3 ―Necheꞌem jikkaja ―ti ameu jiiak―. Senu yoeme, echimuta
etbaeka, aꞌ wasau bichaa siika.
\v 4 Junamaꞌa wajpo intok, senu wok boꞌota boꞌokaꞌpo,
juꞌu echimu, waate ama yojtek. Wikichim intok junakaꞌa
sep bwaꞌaka ―tiia―.
\v 5 Omot intok, tetata aukaꞌpo ket juꞌu wate echimu
ama yojtek. Junamaꞌa intok, ka mekka koꞌom aꞌ bwalkoekaꞌ
betchiꞌbo ―tiia―, juꞌu echimu ama yojtekame sep siwek.
Taa ka mekka koꞌom aꞌ nawatukaꞌ betchiꞌbo,
\v 6 taꞌata unnaa utteꞌaka aet yejtekaꞌ betchiꞌbo, sep
waakek ―tiia―.
\v 7 Waate echimu intok, juya, unnaa wichakaꞌpo yojtek.
Junaꞌa juya intok, junae echimu siwekamtamak nau yoꞌotuka,
aꞌ chouyaka, intok kaꞌa takatuak.
\v 8 Juꞌu wate echimu intok, tua tuꞌi bwiapo yojtekame,
junaꞌa, siweka intok yoꞌotuka, yuꞌin taakak. Jum wepul
sako etwakaꞌpo, jichupaka, senu taka ama woj mamni sakom
toboktituk. Omot intok, wepul sako etwakaꞌpo, jichupaka,
baji taka sakom toboktituk. Omot intok, wepul sako etwakaꞌpo,
jichupaka, mamni taka sakom toboktituk.
\p
\v 9 Intok inikaꞌa weemta ameu noksuka, aet chukula inen
ameu jiiak:
\p ―Aꞌ mammatebaeme, aꞌ mammatene ―ti ameu jiiak.
\p
\v 10 Chukula intok, bempola tawaka, jumeꞌ woj mamni ama
wooim, yeu aꞌ puꞌalaꞌum aamak ama tawakame, intok jumeꞌ
waate, cheꞌa aamak eame, ameu aꞌ teuwaakaꞌuta betana aꞌ
temai japtek, jitat aꞌ nokaꞌapo.
\v 11 Juꞌu Jesus intok, inen am yoopnak:
\p ―Inepone enchim aꞌ juꞌuneyyatuala, jukaꞌ Liojta cheꞌa
aꞌ nesawamta betana weyemta, aapoꞌik atteata, jukaꞌ bat
naataka, ka aet juꞌuneyyawaꞌutachi. Taa jumeꞌ waate, jumeꞌ
ka aet emo juꞌuneetuabaemcha aneme, inimmeu, junaꞌa siꞌime
weeme, taꞌabwiku aꞌ tammachiaka ameu teuwaawa.
\v 12 Tuꞌisi bem aꞌ bichaka juniꞌi, ka aꞌ mammateneꞌ
betchiꞌbo. Intok kia jukaꞌ nokta jikkajaka juniꞌi, ka
a aet juꞌuneeneꞌ betchiꞌbo, intok Liojtau bicha ka emo
jiapsi kuaktaneꞌ betchiꞌbo. Intok junuen bem ka tuꞌuwa
yaꞌarim amet jiokoituneꞌ betchiꞌbo.
\p
\v 13 Junak intok, inien ameu jiiak:
\p ―Jaisa emeꞌe juniꞌi ka aet juꞌuneak, juꞌubwa in emou
teuwaakaꞌutachi, juꞌu aꞌ teuwaaꞌut Junuentukaꞌateko intok,
jaisa tua, jukaꞌ taꞌabwi weemta, jitau aꞌ tammachiaka,
emou aꞌ nokwako, jaisa tua a aet juꞌuneene
\v 14 Juꞌu bachiata echame, Liojta tuꞌu nok lutuꞌuriata
yeteu aꞌ teuwaamta benasi mamachi.
\v 15 Bweꞌituk waate yoemra aane, junaꞌa echimu, boꞌot
yejtekamta benasi maachi. Liojta noki jikkajaka, taa
chukula aꞌ jikkajisuko, namakak bem jiapsekaꞌ betchiꞌbo,
juꞌu Satanaj teame, ameu yepsaka, jukaꞌ nok lutuꞌuriata,
Liojta betana weyemta, aawas aꞌ koptituane.
\v 16 Juꞌu bwia intok, tetakamta betana in nokakaꞌu, siꞌime
wameꞌe, Liojta nokta jikkajaka, alleaka aꞌ sualeme benasi
maachi.
\v 17 Intok bem jiapsipo ka binwa aet eeneeme, junameꞌe,
taa bem omtawaaꞌuta juꞌuneyya taiteko, emo aꞌ rojiktatuaka,
sep aꞌ suꞌu tojibaeka eene.
\v 18,19 Juyata, wichakamta betana in emou nokakaꞌu intok,
juꞌu bachia ama wajiwa yojtekame, inimeꞌe junen wameꞌe
inim bwiapo aukamta cheꞌa emo naktuame, yuꞌin tomita
waatame, emo ae alleetuabaekai, Liojta nok lutuꞌuriata
bepa aꞌ waatakai. Inia betchiꞌbo san, inim bwiapo, juꞌu
Liojta nok lutuꞌuria, kaita amet aꞌ autua, jukaꞌ jiapsitau
tuꞌuwatunemta.
\v 20 Taa waate, jukaꞌ Liojta nok lutuꞌuriata jikkajakame,
intok aꞌ mabetaka, bem jiapsipo aꞌ tawaakame, intok Liojtau
bicha jiba emo eetuame. Inimeꞌe junen, junameꞌe, waꞌa
bachia, tuꞌi bwiapo yojteka, intok yuꞌin bachiakamta benasi
maachi. Inimeꞌe junen, Liojta nok lutuꞌuriat jiapseka,
aꞌ tekipanoa. Waate intok, kia jukaꞌ bachiata, weꞌepulaim,
senu taka ama woj mamni bachiakamta benasi maachi. Wate
intok, jukaꞌ bachiata, weꞌepulaim, baji taka bachiakamta
benasi maachi. Wate intok, jukaꞌ bachiata, weꞌepulaim,
mamni taka bachiakamta benasi maachi.
\s Siꞌime juꞌu ka aet juꞌuneewame, yeu bwijtunee
\p
\v 21 Intok ket, inien san beja:
\p ―Kia jabetaka juniꞌi ―ti ameu jiiak―, aꞌ joꞌawapo wajiwa
tachiriatunemta jinukame, junaꞌa, kaachin, bweꞌu waata
betuk wajiwa aꞌ manaꞌabaane. Intok kia aꞌ boboꞌobetuk
juniꞌi, kaachin ae tuk aꞌ manaꞌabaane. Taa cheꞌa juni
san, jikat aꞌ manaꞌane, tuꞌisi aꞌ tachirianeꞌ betchiꞌbo.
\v 22 Bweꞌituk waꞌa cheꞌa bat naataka, ka juꞌuneyyawaꞌu,
a ae emo jiapsi jinneꞌuwame, oo juꞌu siꞌime ka a aet
juꞌuneetume, junaꞌa siꞌime, chukula juꞌuneyyatune.
\v 23 In noksukaꞌut, aet mammatebaeme, aet mammatene, juꞌu
aꞌ teuwaaꞌutchi.
\p
\v 24 Taa ket inen ameu jiiak:
\p ―Jukaꞌ enchim jikkajakaꞌuta, tuꞌisi em aet suuaka, aꞌ
jikkajine. Bweꞌituk Liojta, tua aꞌ waataꞌpo aman, junuen
aet jiapseka aꞌ boꞌo jooriaꞌateko, juꞌu Lios ket junuen,
jukaꞌ emou tuꞌineeꞌuta, emou aꞌ autuane. Intok kia jaarekisia
em aꞌ maktune, emeꞌe aꞌ mammateme.
\v 25 Bweꞌituk, juꞌu cheꞌa aꞌ mammatekame, Liojta betana,
cheꞌa juniꞌi aet juꞌuneetuanaa. Taa intok, juꞌu ka aet
mammatekame, kia jukaꞌ iliikik aꞌ mammatekaꞌut juniꞌi,
aawas aꞌ koptituanaa.
\s Juꞌu bachia yoꞌotukamtat nokaka, yee ae aꞌ majtaꞌu
\p
\v 26 Intok naa buusti, tiia:
\p ―Ket inien bena, juꞌu Liojta utteꞌawa nesauta katekaꞌpo
betana juꞌu lutuꞌuria weyeme ―tiia―. Senu yoemta, bwiapo,
echimuta woꞌotakaꞌa benasia mamachi ―tiia―.
\v 27 Junaꞌa intok, tukaaria yumak, kotne. Intok taewaita
yumak, yejtene. Juꞌu echimu intok, aapola bwiapo basiune.
Intok yoꞌotune. Aapoꞌik jukaꞌ oꞌouta ka juꞌuneao juniꞌi
―tiia―.
\v 28 Bweꞌituk juꞌu bwia, aꞌ utteꞌakaꞌpo aman, jukaꞌ echimuta,
ama aꞌ woꞌotawakaꞌuta, aꞌ babasiuyaa. Junaꞌa intok tiiko,
kia beja bat siulatune. Chukula intok moane. Chukula
intok sewane. Intok sep jeela bachiataitine.
\v 29 Jukaꞌ etta, wakeo intok, aꞌ chuktaneeme au kimaꞌatune.
Bweꞌituk jichupawaaꞌu taewaitune.
\s Juꞌu mojtaasa bachiat nokaka, yee ae aꞌ majtaꞌu
\p
\v 30 Intok ket inen ameu jiian:
\p ―Liojta utteꞌa nesawamta, ama naa buusti, jita taꞌabwikuusa
tua, te aꞌ tammachiane ―ti am temaek―.
\v 31 Junaꞌa ala inen maachi, mojtaasa bachiatau taꞌa
tammachiane. Bweꞌituk junaꞌa, siꞌime bachiata junamaꞌa
bwiapo etwamta bepa cheꞌa ammaꞌali beletchi.
\v 32 Taa chukula, jaibu etrituko, siweka, yoꞌotuka, intok
junamaꞌa siꞌime juyata bepa, cheꞌa bweꞌuusi yoꞌotuka,
naꞌikim nassaꞌakariane. Wikichim juniꞌi, a ama tosatene.
\s Jesus, yee majtabaeka, taꞌabwi weemtat nokakai yee ae majtan
\p
\v 33 Intok juebena weemta, ka nanau machikue, bem a aet
juꞌuneeneꞌut ameu nookan.
\v 34 Intok buꞌuraatau, jita ameu teuwaabaeꞌeteko juniꞌi,
taꞌabwi machilaatau aꞌ tammachiaka ameu aꞌ nookan. Taa
chukula, jumeꞌ aꞌ woj mamni ama wooimmeu, aꞌ majtaꞌummeu,
junakaꞌa weemta machisi ameu aꞌ teuwaan.
\s Juꞌu Jesus, jukaꞌ jekata chaꞌatutua. Intok bawe buaktiam chaꞌatutua
\p
\v 35 Intok jiba junae taewait, kuptisuko, aꞌ majtaꞌummeu
inen jiiak:
\p ―Inie bawe baꞌata waetana bicha te katne ―ti ameu jiiak.
\p
\v 36 Intok jukaꞌ buꞌuu yoemrata, ama anemta toꞌo sikaa,
intok jiba junamaꞌa kuta kanoapo, bem aneꞌepo, omot bicham
bawet boꞌo joo japtek. Intok ket waate ama aanen, wate
kuta kanoammetchi. Junameꞌe intok ket aamak sajak.
\v 37 Intok tuꞌisi bweꞌuusi jejekak. Intok jumeꞌ bawe
biaktiam, kuta kanoapo wajiwa am beban. Intok cheꞌewasu
baꞌae tapunan.
\v 38 Aapo intok juꞌu Jesus, kuta kanoapo, amapo, bweꞌu
tajoꞌorim nat ropoktimmet boꞌoka, kotchimen. Aꞌ majtaꞌum
intok aꞌ busaka:
\p ―Rabii ―tim au jiiak―. Jaisa, abe inim itom kokkoꞌu juniꞌi,
empo kia kaachin emo eetua jaꞌani ―tim aꞌ temaek.
\p
\v 39 Junak intok sep busak, juꞌu Jesus, intok yejteka,
jekatau:
\p ―Yaateꞌe ―ti au jiiak.
\p Bawetau intok ket junalensu:
\p ―Yanti chaꞌatuꞌe ―ti au jiiak.
\p Junak intok, juꞌu jeeka chaꞌatuk. Aet chukula intok
siꞌime, yanti taawak.
\v 40 Jesus intok bempoꞌimmeu inen jiiak:
\p ―Jaisaaka emeꞌe, unnaa emo majjaitua ―ti am temaek―. Jaisa
emeꞌe, enchim jiapsipo, Liojtat ka yoemꞌea ―ti am temaek.
\p
\v 41 Junameꞌe intok, tuꞌisim aꞌ suum eiyaka taawak.
Intok inenim jiian:
\p ―Iniꞌi intok, jabetakasa tua Kia juꞌu jekataka juniꞌi,
intok kia juꞌu bawetaka juniꞌi, aapoꞌik nesawekaꞌpo aman
aauk ―tiian.
\c 5
\s Juꞌu yoeme, bwiara Kalaaraꞌ teaꞌpo jomeme, bebejeꞌeri ka tuꞌi jiapsi eꞌeerim, aꞌ jiapsipo jipueme
\p
\v 1 Intok sekkaꞌana bawe betana, bwiara Kalaaraꞌ teaꞌpo
yajak.
\v 2 Aapo Jesus intok, kuta kanoapo yeu siika, junamaꞌa
intok senu yoeme, kokkoarim maꞌariꞌpo jiba aꞌaneka, intok
bebejeꞌeri ka tuꞌi jiapsi eerita aꞌ jiapsipo aet aneka,
Jesujtau yeu sikaa, aꞌ nankek.
\v 3 Junaꞌa intok, kokkoarim maꞌari kari yaꞌarim jiba
jojoꞌan. Intok kia sisiꞌiwok wikiam yaꞌarimmea juniꞌi,
ka a sumaꞌatun.
\v 4 Bweꞌituk jue benasia, sisiꞌiwok wikiammea, intok
mampo ae aꞌ sumaꞌim susumawan. Intok mampo yee ammea
susumammea chatchaawan. Taa junameꞌe wikiam intok, aapo
aꞌ utteꞌawammea am chuk chuktan. Intok mampo ae aꞌ sumaꞌim
juniꞌi, chuk chukti wiiken. Intok kia jabe juniꞌi kaꞌa
yuꞌeen.
\v 5 Junaꞌa intok, tukaariat intok taewait naa buusti,
kaupo jiba chai sisimen. Intok kokkoarim maꞌariꞌpo jiba
weaman. Intok tetammea jiba koꞌokosi au joo sisimen.
\v 6 Intok Jesujta mekkaꞌekut bichaka, au tajtia buiteka,
au tonommea kikteka, aꞌ yoꞌori taitek.
\v 7 Junak intok juꞌu bebejeꞌeri jiapsi, aet wajiwa aneme,
kusisi inien aꞌ chaituak:
\p ―Jesus ―tiia―, Lios, siꞌimem bepa yoꞌorisi machik uꞌusi
―tiia―. Jitasa empo nemak lutuꞌuriak. Liojta betchiꞌbo
eu ne ujbwana, ka bat koꞌokosi em nee yaꞌaneꞌ betchiꞌbo
―ti au jiiak.
\p
\v 8 Bweꞌituk juꞌu Jesus, inen jaibu au jiulatukan:
\p ―Empo, bebejeꞌeri ka tuꞌi jiapsi, inie yoemta jiapsipo
wajiwa betana yeu weyeꞌe ―ti au jiulatukan.
\p
\v 9 Jesus intok, junau, ka tuꞌi jiapsitau:
\p ―Jaisa empo teak ―ti aꞌ temaek.
\p Junaꞌa intok, inen aꞌ yoopnak:
\p ―Buꞌuuraapo te taꞌeewa, bweꞌituk tuꞌisi juebenate ―ti
aꞌ yoopnak. Bem nokpo intok, Lejionpo taꞌeewan.
\p
\v 10 Junak intok junameꞌe bebejeꞌeri, ka tuꞌi jiapsi
eꞌeri, tuꞌisim Jesujtau jiokot jiaka am au ujbwana, junamaꞌa
bwiaraapo paꞌakun mekka bicha ka bem yeu beeptuneꞌ betchiꞌbo.
\v 11 Junamaꞌa intok, senu kawiu jeela, kowim tuꞌisi juebenaka
ama jiꞌibwa sasakan.
\v 12 Junameꞌe siꞌime intok, bebejeꞌeri jiapsi ka tuꞌi
eꞌeri, Jesujtau tuꞌisi jiokot jiaka, au ujbwanan:
\p ―Junameꞌe kowimmeu itom bittuaꞌe, amet itom kimuneꞌ
betchiꞌbo ―ti au jiakai.
\p
\v 13 Junak intok juꞌu Jesus junen ameu aꞌ chupak. Junameꞌe
ka tuꞌi jiapsi eeri intok, junae yoem jiapsitat yeu sajaka,
junameꞌe kowi jiapsimmet kiimuk. Junameꞌe intok wooi
miil kowimtukan. Intok siꞌime, kau bemteꞌutchi, luula
tenneka, baweu koꞌom watteka, ama am kokkok.
\p
\v 14 Jumeꞌ intok, am suuame, junamaꞌa yeu tenneka, wasampo
bem ama waꞌam kateꞌepo, aꞌ etejo sasakan, intok bweꞌu
joꞌarau yeu yajaka, ket junuen aꞌ lutuꞌuria yaak. Junamaꞌa
joꞌaakame intok, aman bicha yeu sajaka, aman aꞌ bit betchiꞌbo,
intok jita ama yeu sikaꞌapo aman aet juꞌuneebokai.
\v 15 Intok Jesujtau yajaka, wakaꞌa bat naataka juebena
bebejeꞌerita ka tuꞌu jiapsi eerita aꞌ jiapsipo wajiwa
aet anemta, tuꞌisi supetuaritaka, yumaꞌisi suakamtam ama
bichak. Intok aet emo jiapsi womtak.
\v 16 Intok jumeꞌ waate ama aneme, bat naataka jukaꞌ
bebejeꞌeri jiapsi ka tuꞌi eeriakamta, jachin au yeu aꞌ
sikaꞌapo aman, junammeu aꞌ etejon. Intok kowimmeu, jachin
ameu yeu aꞌ sikaꞌapo juniꞌi, ket bempoꞌimmeu aꞌ etejok.
\v 17 Junak intok, siꞌime jumeꞌ ama joꞌaakame, Jesujtau
ujbwan japtek, junamaꞌa bem bwiaraapo betana, paꞌakun
bicha yeu aꞌ weeneꞌ betchiꞌbo.
\p
\v 18 Junak intok jukaꞌ Jesujta, kuta kanoau aꞌ jaꞌamubaao,
juꞌu bat naataka jukaꞌ bebejeꞌeri ka tuꞌi jiapsi eeriakamta,
junammea jiokot au bichakaꞌu, junaꞌa, Jesujtau ujbwanan,
aamak weebaekai.
\v 19 Taa juꞌu Jesus ka junen eꞌeak:
\p ―Em joꞌau bicha siime ―ti au jiiak―. Liojta, jukaꞌ tuꞌuwata
enchi aꞌ yaꞌariakaꞌpo aman, intok tua enchi aꞌ jijiokolokaꞌpo
aman, am etejoriane ―ti au jiiak.
\p
\v 20 Junak intok junaꞌa, sep siika, intok Lekaapolij
teaꞌpo, jukaꞌ Jesujta, tuꞌuwata au aꞌ yaakaꞌpo aman, intok
tua aꞌ jijiokolokaꞌpo aman, naas aꞌ etejo taitek. Junamaꞌa
joꞌaakame intok, tuꞌisi aꞌ suum eꞌeiyaak.
\s Jairoꞌ teamta maarabeu jaisa au yeu sikaꞌapo, intok juꞌu senu jamut, Jesujta supemmet mamtekame
\p
\v 21 Jesus intok, juchi kuta kanoapo, jiba junamaꞌa bawepo,
omot bicha yeu sikaa, omot yeu yepsak. Junamaꞌa intok,
bawe mayoau jeela aꞌ aneo, tuꞌisi juebenaka ama au nau
yajak.
\v 22 Junamaꞌa intok, seenu, juriom emo nau totojiwakaꞌpo,
ama yoꞌo yaꞌarime, intok Jairoꞌ teakai. Junaꞌa ama Jesujtau
bicha yeu sikaa, au yepsaka, au tonommea kikteka,
\v 23 tuꞌisi au ujbwanak:
\p ―Juꞌu in maara, unnaa koꞌokoe, intok abe muuke ―ti au
jiian―. Empo aman au sikaa, aet mamteꞌe, tiia. Bweꞌituk
junuentukaꞌateko, junaꞌa, au inneꞌeteka, jiapsine ―ti au
jiiak.
\p
\v 24 Jesus intok aamak siika. Junak intok, juebena yoemra
aamak sajaka, nasuk aꞌ weeyaka, kia nau aꞌ pitta sakan.
\v 25 Junamaꞌa intok, senu jamut, woj mamni ama wooi wasuktiapo,
ojbota jiba woꞌotan.
\v 26 Intok juebena yee jijittome aꞌ jittolatukan. Intok
siꞌimeta aꞌ jipueꞌuta amet wiutak. Intok kia junuentaka
juniꞌi, yuꞌin eewamta kaita jajamek. Cheꞌa juniꞌi, ka
tuꞌi simen.
\v 27 Intok Jesujta ama aneꞌe betana juꞌuneyyaka, juebena
yoemrata ama aneꞌepo, nasuk aman kibakeka, Jesujtau amatana
au yepsaka, aꞌ supewammet mamtek.
\v 28 Bweꞌituk inen au eetuan: “Kia ne aꞌ supewammet
mamtekaꞌateko juniꞌi, ino ne ineꞌetenee”, ti au eetuak.
\v 29 Junak intok junamaꞌa lautipo, juꞌu ojbo sep chaꞌatuk.
Intok junae koꞌokoata betana au aꞌ inneꞌetekaꞌpo aman,
aꞌ takaawata tuꞌisi maisi aꞌ inneꞌan.
\v 30 Junak intok, juꞌu Jesus, senuku tuꞌuwatunemta aapoꞌik
takaapo yeu simlatau juꞌuneyyaka, buꞌuu yoemratau bicha
kuakteka, inen ameu nattemaek:
\p ―Jabesa juꞌu in supemmet mamtekame ―ti ameu nattemaek.
\p
\v 31 Aꞌ majtaꞌum intok, inen au jiiak:
\p ―Empo yekaka juꞌunea, yoemrata tuꞌisi enchi nau pittaꞌpo,
intok: “Jabetasa junen em supemmet, et mamtekaꞌpo”,
nattemae jaꞌani.
\p
\v 32 Aapo intok, juꞌu Jesus, nape konila, siꞌimem naj
bitchutaitek, juꞌuneebaekai, jabeta aet mamtekaꞌpo.
\v 33 Junak intok juꞌu jamut, au yoakai, intok au majjaituaka,
jachin au yeu simlaꞌpo aman, juꞌuneakai, Jesujtau yepsaka,
aapoꞌik bichapo, tonommea kikteka, aapoꞌiku au yeu bwiseka,
au nookan Jesujtawi.
\v 34 Junak intok juꞌu Jesus inen au jiiak:
\p ―In jamut yoemia ―tiia―, em aꞌ sualeꞌ betchiꞌbo, emo ineꞌetelaꞌe.
Kaachin eaka weene. Intok inia em koꞌokoata betana emo
ineꞌetelatakai ―ti au jiiak.
\p
\v 35 Ket junuen aꞌ nokaosu, juꞌu yoꞌo yaꞌarime, Jairoꞌ
teamta joꞌaa betana, waate ama au yajak, inien jiakai:
\p ―Em mara muukuk ―tim au jiian―. Kat intok inikaꞌa yee
majtamta suate bicha ―tiian.
\p
\v 36 Taa juꞌu Jesus inien jiuwamta jikkajaka, yoꞌo yaꞌaritau
Jairoꞌ teamtau, inen jiiak:
\p ―Kateꞌe jachin emo eetuaꞌe ―ti au jiiak―. Net yoemꞌeaꞌe
―ti au jiiak.
\p
\v 37 Intok kaabeta intok aamak weeꞌiiꞌak, taa jukaꞌ
Peoꞌ teamta jiba intok jukaꞌ Jakooboꞌ teamta, intok jukaꞌ
Joanta, Jakooboꞌ teamta saira.
\v 38 Junak intok, juriom emo nau totojiwaꞌpo betana,
juꞌu ama yoꞌo yaꞌarimta joꞌapo yepsak. Intok juebenammeu,
bwanaka, teꞌinemmeu yepsak.
\v 39 Jesus ameu kibakeka, inen ameu jiiak:
\p ―Jaisa em aulamtaka, ama butti jiia ―ti am temaek―. Juꞌu
usi jamut ala, kia beja kotche, taa ka mukia ―ti ameu jiiak.
\p
\v 40 Junuen aꞌ jiao intok, juebenaka kialaꞌa atbwaka,
jak waꞌam aꞌ eeyan. Junak intok, aapo juꞌu Jesus, paꞌakun
bicha siꞌimem yeu beebaka, usi jamutta boꞌokau, aꞌ malawata
intok aꞌ japchiwata, intok aamak rejteme, wajiwa bicha
am nunuk.
\v 41 Junakaꞌa usi jamutta intok, mampo bwiseka:
\p ―Taliita kuumi ―ti au teꞌeka.
\p Iniꞌi noki intok, kuaktituk, inen jiubae: “Usi jamut,
eu ne junen jiia, enchi ne yejtesae”, ti jiubae iniꞌi
nooki.
\p
\v 42 Junaꞌa usi jamut intok, sep yejteka, naj weetaitek.
Bweꞌituk woj mamni ama wooi wasukten. Inia weemta betana
intok, jumeꞌ ama aneka aꞌ bichame, bem jiapsipo, tuꞌisi
aꞌ suum eꞌeiyaak.
\v 43 Taa juꞌu Jesus intok, tuꞌisi ameu ujbwanaka, kaabeta
aꞌ juꞌuneyyaneꞌ betchiꞌbo, kaabeta am etejoriasaen. Intok
jukaꞌ usi jamutta aꞌ jiꞌibwatuanesaen.
\c 6
\s Jesus, jum ili bweꞌu joꞌara, Nasaret teaꞌpo aane
\p
\v 1 Jesus intok, junamaꞌa yeu sikaa, tua aꞌ bwiarau, ama
aꞌ yoꞌotukaꞌpo yeu yepsak. Aꞌ majtaꞌum intok, aamak aman
yajak.
\v 2 Intok jukaꞌ sabala taewata yumako, Liojta yoꞌori
betchiꞌbo, intok Liojtau nok betchiꞌbo, jumeꞌ juriom nau
totojiwaꞌpo yepsaka, juꞌu Jesus, yee majtataitek. Juebenaka
intok aꞌ jikkajaka, aꞌ suum eiyaan, intok inenim jiakai:
\p ―Jaksa tua, iniꞌi, inikaꞌa weemta taꞌaak. Intok jita
koba suawasa iniꞌi aet ayukaꞌu. Intok jukaꞌ suum watchisi
machik, jaisa tua aneka, aꞌ jooa.
\v 3 Jaisa iniꞌi ka junaꞌa, yoem kapinteota uꞌusi, intok
Mariaꞌ teaka aꞌ ouꞌasoak. Intok aꞌ sailawaim siꞌime
inim itomak aane. Juꞌu Jakooboꞌ teame, intok juꞌu Joseꞌ
teame. Intok juꞌu Juraj teame. Intok juꞌu Simoꞌ teame.
Inimeꞌe siꞌime inim itomak aane. Intok ket aꞌ jamut
waiwam siꞌime inim itomak aane, tiian.
\p Intok siꞌime jumeꞌ ama aneme, ae tana, jaana emo eetuak.
\v 4 Taa juꞌu Jesus intok, inen ameu jiiak:
\p ―Kia jabe juniꞌi, Liojta betana weyemta aꞌ juꞌuneyyatuawame,
yeteu aꞌ teuwaaneꞌ betchiꞌbo. Junaꞌa, jak juniꞌi aꞌ aneꞌepo,
aꞌ nokaꞌu betana, yoꞌoriwaka, jikkajitune. Taa tua aꞌ
bwiaraapo aꞌ jomeꞌepo, intok jiba aꞌ taꞌeewaꞌpo, intok
kia aꞌ joꞌawaꞌpo juniꞌi, junamaꞌa jiba, aꞌ nokaꞌu betana
ka eeyatune, intok ka jikkajitune.
\p
\v 5 Junamaꞌa intok, bem kaꞌa sualbaeꞌ betchiꞌbo, jukaꞌ
suum watchisi machik, tuꞌisi jita aꞌ joaꞌuta, junamaꞌa
kaꞌa yaak. Taa jumeꞌ ili ama jaikim, ama koꞌokoeme jiba,
amet mamteka, emo am inneꞌetetuak.
\v 6 Intok jumeꞌ kaꞌa sualeme betana, aapo juꞌu Jesus,
tuꞌisi am suum eiyaaka taawak, bem kaꞌa sualbaeꞌ betchiꞌbo.
Bweꞌituk bempo kaꞌa sualen.
\s Juꞌu Jesus, jumeꞌ aꞌ majtiwam, naꞌikim am bittuak, bem jinabakaneꞌ betchiꞌbo
\p Intok junamaꞌa ka bwere joꞌaram beꞌekatana weamaka,
yee majta sisimen.
\v 7 Intok jumeꞌ woj mamni ama wooi, aꞌ majtaꞌummeu chaiteboka,
naꞌikim wowoim nau, naj bittuak. Intok jumeꞌ bebejeꞌeri
ka tuꞌi jiapsi eꞌerita bem jiapsipo wajiwa aneme juniꞌi,
yeu am beprianeꞌ betchiꞌbo, utteꞌata amet autuak.
\v 8 Intok bem boꞌo jooneꞌ betchiꞌbo, tebe kutam jiba,
mampo am machuꞌutisaen. Intok kaita intok am weeyaasaen.
Kia tomita juniꞌi, kaita am weeyaasae. Intok kia boꞌot
bem bwaꞌaneeꞌu juniꞌi, kaꞌam weeyaasae. Intok jita puꞌaktita
juniꞌi, kaꞌam weeyaꞌiiꞌa.
\v 9 Intok beaꞌabochampo wokteka jiba am boꞌo joosaen.
Intok bem supeneeꞌuta, ka nat wooi aꞌanaata am weeyaasaen.
\v 10 Intok ket inen ameu jiiak:
\p ―Enchim boꞌo joaꞌpo, jak bwere joꞌarau enchim yajaꞌpo,
senu aꞌ joꞌapo enchim nunukaꞌateko, ama jijiꞌibwa betchiꞌbo,
intok ama tottoꞌ betchiꞌbo, junamaꞌa joꞌaapo jiba tawaaneꞌem,
enchim ama anbaeꞌpo tajtia.
\v 11 Intok kia jak bwere joꞌarapo juniꞌi, junamaꞌa ka
mabetbaawaꞌateko, intok enchim nokaꞌuta, kaꞌa jikkajibaawao,
junamaꞌa yeu sajaka, kia jukaꞌ ama bwia toꞌochiata, enchim
wokpo ama emot chuꞌaktekamta, ama emo wok tatakeꞌem, ka
tuꞌisi bem aulaꞌpo aman, bem aꞌ juꞌuneyyaneꞌ betchiꞌbo.
Inien san beja, inien ne emou jiia, Liojta yee aet yaꞌuraa
bittuaneꞌuta taewaita yumako, junaꞌa joꞌara, cheꞌa jiokot
au bitne, intok bettesi cheꞌa au aune, juꞌu bweꞌu joꞌara
Soroomaꞌ teamta bepa, intok juꞌu bweꞌu joꞌara Komooraꞌ
teamta bepa.
\p
\v 12 Junameꞌe aꞌ majtim intok, junamaꞌa yeu sajaka, yoemrata,
jukaꞌ ka tuꞌik, ka intok bem aꞌ boꞌo joorianeꞌ betchiꞌbo,
Liojta nok lutuꞌuriata am majta sakan.
\v 13 Intok jumeꞌ bebejeꞌeri, ka tuꞌi jiapsi eꞌerita,
bem jiapsipo amet aneme, juebenam junuen, paꞌakun yeu
am bepriak. Intok jumeꞌ kia koꞌokoeme, oliiboꞌouwo takata,
aseite yaꞌaritae amet bemtaka, emo am inneꞌetetuan.
\s Jukaꞌ Joan yee babatoowamta, jaisa aꞌ mukukaꞌpo
\p
\v 14 Juꞌu yoꞌo yaꞌari Eroorej teame intok, jukaꞌ Jesujta
a jita aꞌ joaꞌapo aman, siꞌimekut aꞌ juꞌuneyyawaꞌ betchiꞌbo,
aꞌ jikkajak. Junak intok junaꞌa yoꞌo yaꞌari Eroorej
teame:
\p ―Aꞌ Joan yee babatoowame ―ti jiian―, bat naataka inien,
yee babatoowasukame ―ti jiian―. Taa iꞌan kokkolam nasuk
aꞌ jiabijtelatukaꞌ betchiꞌbo, Liojta betana utteꞌawae,
suum watchisi machik a jooa.
\p
\v 15 Waate intok:
\p ―Aꞌ Eliaj teame ―ti jiian.
\p Wate intok:
\p ―Liojta betana noktuawameꞌe ―tiian―, oo waate, bat naataka
jumeꞌ Liojta betana aꞌabo bittuarimpo aꞌ weyeꞌe ―tiian.
\p
\v 16 Juꞌu Eroorej teame intok, inien jiuwamta jikkajaka,
aapo inen jiiak:
\p ―Iniꞌi juꞌu Joan yee babatoowame, in koba chuktatebokaꞌu.
Kokkolam nasuk jiabijtelataka, inim weama ―tiian.
\p
\v 17 Bweꞌituk jiba aapo juꞌu Eroorej teame, Joan yee
babatoowamtat nesawek, yaꞌuraata yeꞌetaꞌpo aꞌ etaꞌanesaekai.
Juꞌu jamut Eroriaj teamta junuen au jiakaꞌ betchiꞌbo.
Juꞌu jamut Eroriaj teame, bat naataka aꞌ sailawata jubiawatukan.
Aꞌ sailawa intok Jeriipeꞌ tean. Junaꞌa Eroorej teame
intok, aꞌ sailawata jubi, jubiꞌulatukan.
\v 18 Bweꞌituk juꞌu Joan yee babatoowame inen au jiakan,
Eroorej teamtawi:
\p ―Kateꞌe tuꞌisi aulaꞌe ―ti au jiian―, jukaꞌ em saira jubita
emo aꞌ juptualatakai.
\p
\v 19 Intok ket juꞌu jamut, Eroriaj teame, jukaꞌ Joanta
aꞌ omtaka, aꞌ meꞌepean. Taa ka ama yuuman.
\v 20 Bweꞌituk juꞌu yoꞌo yaꞌari Eroorej teame, jukaꞌ
Joan yee babatoowamta au majjautuan. Bweꞌituk tuꞌisi
aet juꞌunean, aꞌ tuꞌu yoemtukaꞌpo aman. Intok tuꞌi lutuꞌuriata
aꞌ nokaꞌapo aman, juꞌu Eroorej teame. Inia betchiꞌbo
san, jukaꞌ ka tuꞌik au yaꞌabaemta, kaabeta au suuaꞌiiꞌan.
Intok jukaꞌ Joanta au nokakaꞌuta, ka tua aet juꞌuneaka
juniꞌi, aꞌ yoꞌoreka aꞌ jikkajan.
\v 21 Junak intok, Eroorej teamta aet yeu tomtekaꞌpo
taewai yuumak, intok pajkoteboka, intok junamaꞌa aapoꞌik
yaꞌuraata aꞌabojtebok. Intok jumeꞌ waate yaꞌuraapo tetekiakame.
Intok bwiara Kalileaꞌ teaꞌa betana, jumeꞌ ama yaꞌuram.
Junamaꞌasan juꞌu jamut Eroriaj teame, Joan yee babatoowamtau
aꞌ yaꞌabaeꞌuta, au yaak.
\v 22 Junamaꞌa intok, jamut Eroriaj teamta jamutꞌasoa,
aman kibakeka, yeꞌeka, juꞌu yoꞌo yaꞌari Eroorej teame
intok, tuꞌisi aꞌ musaꞌuleka taawak. Intok jumeꞌ ama aamak
jiꞌibwaka aamak ama aneme, ket aꞌ musaꞌuleka taawak.
Junak intok juꞌu yoꞌo yaꞌari, junae usi bemetau inen
jiiak:
\p ―Jita juniꞌi em waataꞌuta, neu aꞌawaꞌe ―ti au jiiak―.
Ne intok, enchi aꞌ maktebone.
\p
\v 23 Intok tua au aꞌ makneꞌetiakai, kia jita juniꞌi,
au aꞌ aꞌawaꞌuta, ―kia siꞌimekut in nesaweꞌpo juniꞌi ―tiakai―,
wateku, enchi yoꞌo yaaka enchi ama nesautuanee juniꞌi
―ti au jiiak.
\v 24 Junaꞌa usi jamut intok, aꞌ malabeu bicha sikaa,
aman au nattemaek:
\p ―Jitaa ne tua au aꞌaune ―ti aꞌ temaek.
\p Junae mala intok inen au jiiak:
\p ―Joan yee babatoowamta kobata, puꞌatopo au aꞌawa ―ti
au jiiak.
\p
\v 25 Junak intok junaꞌa usi jamut, sep Eroorej teamtau
kibakeka, inen au jiiak:
\p ―Iꞌan lautipo ―tiia―, Joan yee babatoowamta kobata, puꞌatopo
neu tojine ―ti au jiiak.
\p
\v 26 Junak intok juꞌu Eroores, tuꞌisi ka au alleetuak,
inile benasi weemta ka yaꞌabaekai. Taa aꞌ nokaꞌuta betana,
aꞌ tuatuneꞌpo aman noklataka, intok jumeꞌ waate aamak
ama aneme, aꞌ jikkajakaꞌ betchiꞌbo, aet aꞌ nok mabetaka,
aapoꞌiku utteꞌatukan, aꞌ nokakaꞌuta betana junuen aet
aꞌ nok mabetneꞌpo.
\v 27 Junak intok juꞌu yoꞌo yaꞌari, ama siꞌimeta suuame,
intok aꞌ nesawata betuk jipueka intok aꞌ saweꞌum, senuk,
Joan yee babatoowamta kobata aman aꞌ nuꞌuneꞌ betchiꞌbo,
aet aꞌ sawek. Junaꞌa intok, Joan yee babatoowamta etaꞌipo
aman au sikaa, aꞌ koba chuktak.
\v 28 Junae Joan yee babatoowamta koba intok, puꞌatopo,
Eroorejta katekaꞌu yeu tojiwak. Junamaꞌa intok, juꞌu
uꞌusi jamut aꞌ makwak. Juꞌu usi jamut intok aꞌ malabeu
aꞌ tojak.
\p
\v 29 Bat naataka intok, junae Joan yee babatoowamta
majtakaꞌum, inien aꞌ yaꞌawakaꞌpo aman aꞌ juꞌuneꞌeeyaka,
aꞌ takaawata aman nuꞌuka aꞌ maꞌak.
\s Juꞌu Jesus, mamni miil oꞌowim jiꞌibwatua
\p
\v 30 Jumeꞌ Jesujta majtaꞌum intok, aapoꞌik betana naj
bittuarime, juchi siꞌime aman au yeu yajaka, siꞌimeta
wakaꞌa bem tekil yaakaꞌuta, intok bem yee majtakaꞌuta,
Jesujtau aꞌ lutuꞌuria jooan.
\v 31 Junak intok juꞌu Jesus inen ameu jiiak:
\p ―Emeꞌe, nemak, kaabeta aneꞌu bicha te nau sakaꞌane. Intok
junamaꞌa, chubala juniꞌi, yum joꞌe betchiꞌbo, tiia.
\p Bweꞌituk junamaꞌa bem aneꞌepo, juꞌu yoemra tuꞌisi juebenaka,
waate sakaꞌasakan, wate intok au yeu yaji sakan. Intok
ka a yum joꞌen. Intok kia ka ammea a jiꞌibwan juniꞌi.
\v 32 Junak intok, kuta kanoapo jaꞌamuka, kaabeta aneꞌepo,
omot bicha sajak.
\v 33 Waate intok, bawe mayoa mak lopola jaꞌabwekame,
mekkaꞌekut jaꞌabwekame, ama waꞌam am kateo, am junamemtukaꞌpo
amet juꞌuneꞌeaka, yeu aꞌ yebijneeꞌu bicha, aapat boꞌo
joo japtek. Intok jumeꞌ ka bwere joꞌarampo joꞌaakame
juniꞌi, intok kia bwere joꞌarampo joꞌaakame juniꞌi intok,
yeu aꞌ yebijneꞌewi tenneka, aapat aman aawas aneka aꞌ
boꞌo bichan.
\v 34 Jesus intok aman yebijsuseka, juebena yoemrata
ama aawas anemta teak. Intok am jijiokolok. Bweꞌituk,
kia bwala chiktulamtaka, kaabeta am suuaꞌa benasi machiakan.
Junamaꞌa intok, juebena weemta am majtataitek.
\v 35 Intok jaibu tuꞌisi kupti taiteo, aꞌ majtaꞌum aman
au yajaka inen au jiiak:
\p ―Tuꞌisi te mekka, paꞌariapo aane, intok jaibu tuꞌisi
kupte ―tim au jiiak―.
\v 36 Tuꞌi ean ―tiian―, inikaꞌa yoemrata, empo, bem bwaꞌaneeꞌuta
bem aman jinuneꞌ betchiꞌbo, inim ka itou mekka, jumeꞌ
ili joꞌaram jokaꞌawi am bittuakaꞌateko ―tiian―. Bweꞌituk
kaitam bwaꞌamachi ―tim au jiiak.
\p
\v 37 Aapo juꞌu Jesus intok am yoopnaka:
\p ―Emeꞌe am jiꞌibwatuaꞌem ―ti ameu jiiak.
\p Bempo intok inien aꞌ temaek:
\p ―Jaisa jumak, te aman sajaka, tiian, paanim woi sientom
lenaariom jinuriaka, am aꞌaꞌaboj betchiꞌbo jaꞌani, tiian.
Jaksa te jita nuꞌuka am jiꞌibwatuaneꞌ betchiꞌbo.
\p
\v 38 Jesus intok:
\p ―Jaiki paanimsa emeꞌe nunuꞌubwa ―ti am temaek―. Aman
sajaka aꞌ bichaꞌem ―ti ameu jiiak.
\p Aman am juꞌuneyyaka intok:
\p ―Mamni paanim, intok wooi kuchum ―tim au jiiak.
\p
\v 39 Junamaꞌa intok, baj sialiku, buꞌuuraata, nat wikiaka
am jootesaen.
\v 40 Junuen auka intok, junamaꞌa intok, mamamni takaasia,
aet nat wikiakai, taa nattepola, joote japtek. Intok ket,
woi taka ama woj mamnisia, aet nat wikiakai nattepola,
waate ama joote japtek.
\v 41 Jesus intok, jumeꞌ mamni paanim nuꞌuka, intok jumeꞌ
wooi kuchum, teekau jikau bitchuka, Liojta bai saek. Chukula
intok, jumeꞌ paanim rebektataiteka, aꞌ majtaꞌummeu am
bwisek. Junameꞌe intok, junae yoemrata, siꞌimemmet amet
am naꞌikimteneꞌ betchiꞌbo. Intok jumeꞌ wooi kuchum ket
junalensu amet naꞌikimtewak.
\v 42 Intok junameꞌe siꞌime, jiapsi yumaꞌisi jiꞌibwak.
\v 43 Jumeꞌ paanim intok jumeꞌ kuchum ama yeu beꞌekame
intok, woj mamnim ama wooim warimtaka toboktituk.
\v 44 Jumeꞌ intok, inien aꞌaboj wakame, mamni miil yoememtukan.
\s Juꞌu Jesus, baꞌa bepa weama
\p
\v 45 Jesus intok, jumeꞌ aꞌ majtaꞌum, kuta kanoau am jaꞌamusaeka,
am bamijtuataitek, aapat, Betsairaꞌ teaꞌu bicha am katchaekai.
Jukaꞌ buꞌuuraata ama au anemta sakaꞌatuasuꞌpo tajtia.
\v 46 Siꞌimem naꞌikim sakaꞌatuasuka intok, juꞌu Jesus,
senu kauta katekaꞌu bicha siika, junaman Liojtau bicha
nok betchiꞌbo.
\p
\v 47 Intok jaibu jeo jomteo, ket aapoꞌiksu waki bwiapo
aapolaik aneosu, juꞌu kuta kanoa, baweta nasuk jeela weaman.
\v 48 Juꞌu Jesus intok am bichak, kuta kanoapo aneka,
jibweeta lottilamtakai. Bweꞌituk juꞌu jeeka am nankika
weyen. Intok maukaapo, abe matchuu, bawe bepa weyeka, ameu
yepsak juꞌu Jesus, intok amepat au weetuan wajaꞌaleka
weyen.
\v 49 Bempo intok bawe bepa weemta aꞌ bichakai, tukaapo,
jita yee wom womtame ama weama, ti ean. Intok emo aꞌ
majjaituaka emo chaituan.
\v 50 Bweꞌituk siꞌime aꞌ bichaka, emo womtak. Taa aapo
juꞌu Jesus intok, sep ameu nookak:
\p ―Kateꞌem jachin emo eetuaꞌem ―ti ameu jiiak―, intok katem
emo majjaitua. Bweꞌituk inepone junaꞌa ―ti ameu jiiak.
\p
\v 51 Intok kuta kanoau ameu jaꞌamuka, jukaꞌ jekata sep
chaꞌatutuak. Bempo intok, majjaurimmea, batte jachin aayuk.
Intok tuꞌisi aet im suumꞌeaka taawak.
\v 52 Bweꞌituk jumeꞌ mamni paanimmea intok jumeꞌ wooi
kuchummea, buꞌuum ammea aꞌabojwamtat betana, junaet ka
a juꞌunean, Jesujta a jita aꞌ joaꞌapo. Bweꞌituk bempo
ketuni kaꞌa mammaten.
\s Juꞌu Jesus, jumeꞌ koꞌokoeme, Jenesaret teaꞌpo joꞌaakame, emo am inneꞌetetua
\p
\v 53 Intok junaꞌabo, waetana betana bem aneꞌepo, Jenesaret
teaꞌu bwiarau yeu yajaka, junamaꞌa kuta kanoapo bawe
mayoau yeu yajaka, bem aet rejteꞌu, jitau aꞌ sumaka, yeu
sajak.
\v 54 Junamaꞌa joꞌaakame intok, sepim aet juꞌuneak.
\v 55 Junamaꞌa joꞌaakame intok, naj tenneka, jumeꞌ bem
koꞌokoiriawame, siꞌimekut betana, bem jipetekipo, kia jak
juniꞌi, aapoꞌik aneꞌeteaꞌpo jikkajaka, junaman au yeu
tojiwan jumeꞌ koꞌokoeme.
\v 56 Intok ka kia bwere joꞌarampo yeu aꞌ yepsaꞌapo
juniꞌi, intok kia bwere joꞌarampo aꞌ yepsaꞌapo juniꞌi,
intok siꞌimekut, wasammetchi aꞌ weamaꞌpo, junamaꞌa aet
naj rejtiwaꞌpo, jumeꞌ koꞌokoeme yeu tojiwan. Intok Jesujtau
ujbwanwan, kialaꞌa supewammet juniꞌi, aet mamte betchiꞌbo.
Jumeꞌ intok, aꞌ supewammet aet mamtekame, sepim emo inneꞌeten.
\c 7
\s Jukaꞌ yoemta jiapsiwa, juꞌu ka tuꞌisi aꞌ tawaame
\p
\v 1 Junamaꞌa intok, bweꞌu joꞌara Jerusalen teaꞌa betana,
jumeꞌ waate juriom, bem junuen aꞌ sualeꞌ betchiꞌbo, paiseompo
emo teuwaame, intok jumeꞌ juriommeu maejtom, junameꞌe
Jesujtau nau yajak.
\v 2 Junameꞌe intok, Jesujta majtaꞌum, ka bajimalataka
jiꞌibwame bichaka, jiapsita juniꞌi, jaiti jooan, tiian,
intok ka tuꞌisi am tawaꞌatiian.
\v 3 Bweꞌituk jumeꞌ waate juriom, paiseompo emo teuwaame,
intok siꞌime jumeꞌ juriom teame, bem yoꞌowasukaꞌum junuen
aet am majtalataka, junuen bem aet joiwalaꞌpo aman aꞌ
boꞌo joorian. Bweꞌituk ka bajimalamtaka, kaachin jiꞌibwane.
\v 4 Intok kia jakun weamaka juniꞌi, aꞌ joꞌawapo yeu
yepsaka, ka bajimalaꞌatek, ka jiꞌibwane. Intok cheꞌa taꞌabwi
weemta juebenak im jooan. Puꞌatom bem ama jijiꞌibwaꞌuta,
intok bem ama baꞌa jejeꞌeeꞌuta, intok bem aet jiꞌiboboaꞌuta,
intok bem aet jiꞌibwowamta, sisiꞌiwok sotoꞌotuko juniꞌi,
intok babu sotoꞌotuko juniꞌi, intok bem aet totoꞌuta,
junakaꞌa siꞌime weemta, baꞌammea aꞌ siꞌi siꞌitaka aꞌ
teꞌochian. Junuen aꞌ sualeka, junuen aꞌ boꞌo joorian.
\v 5 Jumeꞌ waate juriom, paiseompo emo teuwaame, intok
jumeꞌ juriommeu maejtom, Jesujtam temaek:
\p ―Jaisa betchiꞌbo ―tiian―, jumeꞌ em majtaꞌum, bat naataka
yoꞌoraata, juꞌubem aet yee majtaka, intok junuen aet joiwalataka,
junuen aꞌ boꞌo jooriawaꞌpo, inimeꞌe em majtaꞌum ka inien
aꞌ boꞌo jooria ―tim aꞌ temaek―. Bweꞌituk bem sawaaꞌuta,
ito benasi kaꞌa baꞌa siꞌi siꞌita. Intok kiam ka babajimaka
juniꞌi, jijiꞌibwa saka.
\p
\v 6 Jesus intok inen am yoopnak:
\p ―Paꞌakun tana, emeꞌe, bitpo tuꞌi yoememtu machika juniꞌi,
taa enchim jiapsipo wajiwa, ka tuꞌi yoememtaka junuen
em maachi. Inien aꞌ weeꞌpo san juꞌu Isaꞌiajtukaꞌu emot
nokaka, inien aꞌ jiꞌojtek:
\q Iniꞌi yoemra, ti jiꞌojtek, kia tenie nee emo yoꞌoritua,
tiia.
\q Taa bem jiapsim, tuꞌisi mekka neu aane, tiia.
\q
\v 7 Intok kia tenie, junuen bem emo nee yoꞌorituaꞌu, kaitaꞌpo
taawa.
\q Bweꞌituk oꞌowim betana weyemta intok yee majtawamta,
junakaꞌa emo boꞌo jooria saka, tiia.
\p
\v 8 ’Bweꞌituk tua junakaꞌa Lioj nesaurita suꞌu tojilamtaka
―tiia, juꞌu Jesus―, oꞌowim betana weyemta junuenim emo aꞌ
majtalamtaka junuen aet joiwalataka aꞌ boꞌo jooria.
Bem ama aet jijiꞌibwaaꞌuta, intok bem ama aet baꞌa jejjeꞌeeꞌuta,
intok siꞌimeta bem sawaaꞌuta, baꞌa siꞌi siꞌitakai aꞌ
teꞌochia, intok kia taꞌabwi weemta boꞌo jooria ―ti ameu
jiiak.
\p
\v 9 Intok ket inen ameu jiiak:
\p ―Jukaꞌ enchim aet joiwalaaꞌuta, intok yoemrata enchim
aet saweeꞌuta, junakaꞌa cheꞌa tuꞌureka aꞌ boꞌo jooriabaeka,
tua junakaꞌa Lios nesauta, kia kaitaꞌpo em aꞌ tawaala.
\v 10 Bweꞌituk Moiseejtukaꞌu, Liojta betana inien aꞌ
mabetaka, jiꞌojteita toꞌo siika. Junaꞌa jiꞌojtei intok
inen jiia: “Em achaita intok jukaꞌ em malata, am yoꞌorekaꞌam
bichaꞌe”, ti jiiak. Waꞌa intok, “Aꞌ malawata intok aꞌ
achaiwata, juꞌena noktae am nok bejeꞌekame, junaꞌa, yaꞌuraapo
yeu tojiwaka, muk maisia bettesi aet autuanaa.”
\v 11 Taa emeꞌe intok, kia jabe juniꞌi aꞌ achaibewi intok
aꞌ malabewi inen jiaꞌateko, tiia: “In enchim mikꞌeaꞌuta,
Liojpo betana weyemtat naꞌa sawanaꞌ betchiꞌbo, junakaꞌa
Liojta betchiꞌbo naꞌa eꞌeriala.” Intok inien ameu jiakaꞌateko,
junak jaibu, ka au utteꞌatune, aꞌ yoꞌowawam aꞌ anianeꞌ
betchiꞌbo, ti jiia emeꞌe. (Junameꞌe juriom intok, inikaꞌa
tomita teuwaabaeꞌetek, Korbanpo tiaka, ebreo nokpo aꞌ
teuwa.)
\v 12 Inien intok emeꞌe aneka, enchim yoꞌowam ka aniabaekaꞌeene.
\v 13 Bweꞌituk, Liojta nesaurita ka enchim chupaꞌabaeꞌ
betchiꞌbo, juꞌu enchim aet joiwalaaꞌutae, intok enchim
junuen aꞌ tekipanoaꞌutae, inie weemtae, Liojta nesaurita
kaitaꞌpo tawaalaꞌem. Intok ket juebenak wate weemta
inile benasi machik emeꞌe boꞌo jooria.
\p
\v 14 Intok siꞌimemmeu ama anemmeu chaaeka:
\p ―Netcheꞌem jikkaja ―tiia―. Intok aet mammate ―ti ameu
jiiak.
\v 15 Kia jabe yoemtaka juniꞌi, aꞌ takaabeu tuꞌineeꞌuk,
bwaꞌako, intok aꞌ jitataka juniꞌi, junae, ka tuꞌisi aꞌ
jiapsi tawaaneeꞌu, ka au aune. Taa juꞌu aꞌ jiapsiwa betana
yeu weeme, junaꞌa ala, aꞌ jiapsiwata ka tuꞌisi aꞌ tawaane.
\v 16 Juꞌu aꞌ mammatebaeme aꞌ mammatene.
\p
\v 17 Junamaꞌa intok, jukaꞌ siꞌime yoemrata ama yeu sikaa,
senu joꞌarau kibakek, juꞌu Jesus. Junamaꞌa intok aꞌ majtaꞌum,
taꞌabwi weemtau aꞌ tammachiakaꞌuta, intok yoememmeu aꞌ
teuwaakaꞌuta, junakaꞌa weemta, juꞌuaꞌ teuwaaꞌut, au im
nattemaek.
\v 18 Aapo intok inen ameu jiiak:
\p ―Jaisa emeꞌe ket kaita em a mammate jaꞌani ―ti am temaek―.
Jaisa emeꞌe ka aet juꞌunea, kia jabe yoemta juniꞌi, siꞌimeta
aꞌ bwaꞌeeꞌu, junaꞌa weeme aꞌ jiapsiwata kaachin a nasontene
―tiia―.
\v 19 Bweꞌituk junaꞌa weeme, aꞌ jiapsipo ka koꞌom weama,
bweꞌituk siꞌime aꞌ bwaꞌeeꞌu, toꞌonau luula koꞌom weene,
chukula intok aꞌ pochoꞌokuntenaa.
\p Inien jiaka san, siꞌime bwaꞌaamta aꞌ tuꞌi, tiia, intok
kaabeta a jiapsi nasonteꞌetiia.
\p
\v 20 Taa intok ket inen jiia:
\p ―Siꞌime waꞌa ka tuꞌi eeria, intok ka tuꞌi nooki, yoemta
jiapsipo yeu aꞌ weyeꞌetiia. Inia betchiꞌbo san, au aꞌ
jiapsi nasonteꞌetiia.
\v 21 Bweꞌituk yoem jiapsipo juꞌu ka tuꞌuꞌeewame yeu
weama. Jubeka juniꞌi, taꞌabwi jamuttamak au tuꞌuribaeka
aꞌ jiapsipo eene. Intok kia kee jubeka juniꞌi, kia jabe
jamuttamak au tuꞌuribaeka aꞌ jiapsipo eene. Intok jukaꞌ
a yee bai taꞌaawamta weetua. Intok yee suꞌawamta.
\v 22 Juꞌu jita etbwawame, intok jain juniꞌi, jita waatiawame,
intok emo iꞌawame. Intok yee bai taꞌaawame. Intok ka
tiuwame. Intok a yee sibowame. Intok watemmet juꞌenasi
nokwame. Intok unnaa jikat emo eeyawame. Intok ka suasi
emo ujuꞌuwame.
\v 23 Iniꞌi siꞌime ka tuꞌuwa weeme, yoemta jiapsipo yeu
weye, intok aꞌ jiapsiwa junae ka tuꞌisi taawa.
\s Senu jamut, ka Ijraꞌelpo yoemratakai, Jesujta sualek
\p
\v 24 Junamaꞌa yeu sika intok, bweꞌu joꞌara Tiiroꞌ teaꞌu
bicha intok Siroon teaꞌu bicha aman yepsaka, senu joꞌarapo
kibakek. Intok kaabeta aꞌ juꞌuneyya iꞌan. Taa junuentaka
juniꞌisu, ka a eusek.
\v 25 Bweꞌituk senu jamut, aꞌ jamutꞌasoawata, bebejeꞌeri
ka tuꞌi jiapsi eerita aꞌ jiapsipo aet anemtae, koꞌokoirian.
Junaꞌa jamut intok, aapoꞌik Jesujta ama aneꞌepo aꞌ jikkajaka,
au sikaa, bwiau tajtia koꞌom pujbaka, au tonommea kiktek.
\v 26 Junaꞌa intok, rieka jamuttukan. Intok senu bwiarapo,
Siro peniisaꞌ teaꞌpo jometukan. Junaꞌa jamut intok, tuꞌisi
Jesujtau ujbwana, jukaꞌ bebejeꞌeri ka tuꞌi jiapsi eꞌerita
aꞌ jamutꞌasoawatat, aꞌ jiapsipo wajiwa aet anemta, paꞌakun
yeu aꞌ bepria iꞌakai.
\v 27 Taa juꞌu Jesus, essoi nokpo inen au jiiak, jamuttawi:
\p ―Ili chuꞌummeu, juꞌu bwaꞌaame kaachin bat a ameu manaꞌatune.
Bweꞌituk jumeꞌ aꞌ yoemiarimmeu bat weye, bem bat jiꞌibwatuanaaꞌu
―ti au jiiak.
\p
\v 28 Taa juꞌu jamut intok, junae essoi noktae, juꞌuaꞌ
tawaaꞌut, aet juꞌuneaka, ket junalensu, essoi nokpo:
\p ―Jeewi japchi ―ti aꞌ yoopnakai―. Jumeꞌ ili chuꞌum juniꞌi
ket usiwaim, bem aet jiꞌibwa betuk jokaari, jukaꞌ betukun
koꞌom yojtemta a bwaꞌane ―ti au jiiak.
\p
\v 29 Junak intok juꞌu Jesus, inen aꞌ yoopnak:
\p ―Inien em lutuꞌuriata nokakaꞌ betchiꞌbo, em aꞌ waataꞌpo
aman eu aune. Ka jainꞌeaka weene. Bweꞌituk juꞌu bebejeꞌeri
ka tuꞌi jiapsi eeri, em jamutꞌasoabet aꞌ jiapsipo wajiwa
aet aneꞌu, yeu simlaa ―ti au jiiak.
\p
\v 30 Junaꞌa jamut intok, aꞌ joꞌawau bicha siika. Juꞌu
aꞌ jamutꞌasoawa intok, juꞌu bebejeꞌeri ka tuꞌi jiapsi
eꞌeriata aꞌ jiapsipo wajiwa aet aneꞌuta, junamaꞌa jaibu
aet yeu simlatau, junamaꞌa jipetekpo boꞌokamtau yepsak.
\s Juꞌu Jesus, senuk, naka pittaka, ka a nokamta au aꞌ inneꞌetetuak
\p
\v 31 Junak intok juꞌu Jesus, bwiara Tiroꞌ teaꞌpo yeu
sika intok, senu bwiarau, Siron teaꞌpo aman, naa buusti
sikaa, senu bwiarau yepsak. Junamaꞌa intok, woj mamni
bwere joꞌaramtukan. Junaꞌa intok, Lekaapolij tea junamaꞌa
bwiara. Chukula intok Kalilea baweu yepsak.
\v 32 Junamaꞌa intok senu yoeme, naka pittaka intok neeꞌo,
au tojiwak. Intok au ujbwanwan, aet aꞌ mamteneꞌ betchiꞌbo.
\v 33 Intok aapolaik kaabeta aneꞌepo, omot bicha aꞌ nuk
sikaa, junamaꞌa aꞌ nakawapo aꞌ mam pusiawam aet jaꞌabwak.
Intok mam pusiapo au chittuaka, junae yoemta ninpo aet
mamtek.
\v 34 Jesus intok teekau jikau bitchuka, bweꞌum jiabijteka:
\p ―Eppata ―ti teꞌeka.
\p Iniꞌi noki, jiak nokpo kuaktituk intok, inen jiubae:
“Tuꞌureaꞌe”, ti jiubae.
\p
\v 35 Sep intok aꞌ niniwa tuꞌureak. Intok tuꞌisi a nookan
juꞌu neeꞌo.
\v 36 Intok kaabetau aꞌ etejoneꞌpo aman, kutti au nookak.
Taa junuen au aꞌ nokaꞌ nasuk su, cheꞌa juni san, siꞌimekut
naas aꞌ etejotaitek.
\v 37 Junamaꞌa intok, siꞌime, tuꞌisi aꞌ suum eiyaan:
\p ―Siꞌimeta aꞌ joaꞌu, tiaka, tuꞌisi aꞌ jojoa. Bweꞌituk
jumeꞌ ka jikkajame, a jikkajitua. Intok jumeꞌ ka a nokame
juniꞌi, nonoktua.
\c 8
\s Juꞌu Jesus, naiki miil ijraꞌelpo yoemem, jiꞌibwatua
\p
\v 1 Junameꞌe taewaimmet intok, juꞌu yoemra tuꞌisi buꞌuuka
ama aanen. Intok im kaita bwaꞌamachiakan. Junak intok
juꞌu Jesus, aꞌ majtaꞌummeu chaaeka:
\p
\v 2 ―Inikaꞌa yoemrata ne tuꞌisi naꞌa jiokoleka naꞌa
bicha ―ti ameu jiiak―. Bweꞌituk jaibu baji taewaim inim
nemak aneka, intok kaita bwaꞌamachi ―ti ameu jiiak―.
\v 3 Intok ne kaꞌam jiꞌibwatuakaꞌateko, intok bem joꞌarammeu
bicha am sakaꞌatuakaꞌateko, boꞌot tebae, ka pappeaka, wattinemme.
Bweꞌituk bempoꞌim betana, waate cheꞌa mekka betana inim
aane.
\p
\v 4 Jumeꞌ aꞌ majtaꞌum intok inen aꞌ yoopnak:
\p ―Jaksa te tua, inim kaita aukaꞌpo, ama butti bwaꞌamta
nuꞌuka, inikaꞌa yoemrata a aꞌabojne ―tim aꞌ temaek.
\p
\v 5 Jesus intok:
\p ―Jaiki paanimsa emeꞌe nuꞌuka rejte ―ti ameu nattemaek.
\p ―Woo busanim ―tim teꞌekamme.
\p
\v 6 Junak intok, jukaꞌ yoemrata, nat wikiaka am jootesaeka
amet nesawek. Intok jumeꞌ woo busanim paanim nuꞌuka,
Liojtau bicha nok suka, am rebektataitek. Junak intok,
aꞌ majtaꞌummeu am manak. Jumeꞌ aꞌ majtaꞌum intok, yoemrata
bichapo am manak.
\v 7 Intok ket ka jaiki kuchum nuꞌuka rejten. Intok
ket junameꞌe nuꞌuka, Liojtau bicha noksuka, junae yoemrata
bichapo manaꞌawak.
\v 8 Intok siꞌime, jiapsi yumaꞌisi, joboꞌojiꞌibwakamme.
Intok yeu beꞌakaꞌuta, woo busan waarimtaka, tapunika toboktituk.
\v 9 Intok junuen aman aꞌabojwame, toktim naiki miiltukan.
\v 10 Intok am sakaꞌatuasuka, aꞌ majtaꞌummak nau, sep,
kuta kanoau jaꞌamuka, senu bwiarau, Lalmanuutaꞌ teaꞌu
bicha siika.
\s Jumeꞌ paiseom teame, machilaata bitbaeka, Jesujta aꞌ yaaꞌiiꞌa
\p
\v 11 Junamaꞌa aꞌ yepsao intok, jumeꞌ waate juriom, paiseom
teame, aman au yajaka, aamak emo nok bwijlatukan, aꞌ jiꞌobila
betchiꞌbo, Liojta betana, teekapo, senu machilaata koꞌom
weenemta aꞌ juꞌunaktesaen.
\v 12 Jesus intok, tuꞌisi bweꞌum jiabijteka, inen jiiak:
\p ―Jaisa betchiꞌbo tua, iniꞌi yoemra machilaata aꞌawa.
Lutula weeꞌpo, tiia, emeꞌe kaꞌa bittuanaa, jukaꞌ machilaata.
\p
\v 13 Junamaꞌa am toꞌo sika intok, kuta kanoau jaꞌamuka,
sekkaꞌana, omot bicha siika.
\s Jumeꞌ paiseom teame, jaisa bem yee maj majtaꞌpo, juꞌu Jesus, aꞌ reberua tiaka nookan
\p
\v 14 Intok bem bwaꞌaneeꞌuta, bem weeyaneeꞌu, aawaj koptekamme.
Junamaꞌa kuta kanoapo bem kateꞌepo, wepul paanim jiba
nuꞌuka kaaten.
\v 15 Junak intok juꞌu Jesus, essoi nokpo paiseom teame
betana, intok Eroorej teamta betana, jukaꞌ ka tuꞌik bem
yee majtaꞌuta betana, emo ama suuasaeka ameu nookan.
Intok reberuapo aꞌ teuwaaka ameu nookan.
\p
\v 16 Junak intok, jumeꞌ aꞌ majtaꞌum, naas emo temae japtek,
inienim jiakai:
\p ―Paanim ka itom weeyaꞌ betchiꞌbo jumak reberuata itou
teuwa ―tim jiian.
\p
\v 17 Junak intok juꞌu Jesus amet juꞌuneaka, inen ameu
jiiak:
\p ―Jaisaaka emeꞌe, paanim ka weeyaꞌ betchiꞌbo emeꞌe nok
saka. Jaisa emeꞌe kaitat mammateka, intok kaitat juꞌunea
jaꞌani. Oo enchim jiapsim namakasi aula jaꞌani ―ti am
temaek―.
\v 18 Bweꞌituk emeꞌe, in yaꞌalaꞌuta enchim pusimmea bichakaꞌuta,
intok in nokakaꞌuta enchim nakammea jikkajakaꞌuta, ili
juniꞌi em kaꞌa jajjamlata benasi em aula. Katem a au
waate juniꞌi.
\v 19 Jaisa emeꞌe ka au waate jaꞌani, mamni miilim yoemem
aꞌaboj betchiꞌbo, jumeꞌ mamni paanim in amet naꞌikimtekaꞌpo.
Intok jaikika waarimsa intok ama yeu beꞌekame, jaiki
waarimsa emeꞌe aman tapuniak ―ti am temaek.
\p Bempo intok:
\p ―Woj mamni ama wooi waarim ―ti jiiak.
\p
\v 20 ―Intok jumeꞌ woo busan paanim, jumeꞌ naiki miilim
yoemem in ammea aꞌabojsekaꞌposu, jaiki waarimsa ama toboktituk,
ama yeu beꞌekame betana.
\p Bempo intok:
\p ―Woo busan waarim ama toboktituk ―tim au jiiak.
\p
\v 21 Junak intok juꞌu Jesus inen ameu jiiak:
\p ―Jaisa betchiꞌbo emeꞌe ka a aet juꞌunea, juꞌubwa in
emou nokakaꞌuta betana ―tiia.
\s Juꞌu Jesus ili joꞌara Betsairaꞌ teaꞌpo jometa, liptita puj tuꞌute
\p
\v 22 Junak intok, Betsairaꞌ teaꞌu bicha sikaa, aman yepsak.
Junamaꞌa intok, senu yoeme, liptitaka ama au tojiwak.
Intok aet aꞌ mamteneꞌ betchiꞌbo au ujbwanwan.
\v 23 Junak intok, junakaꞌa yoemta liptita, mampo bwiseka,
junamaꞌa ili ka bweꞌu joꞌara aꞌ aneꞌepo, paꞌakun bicha
yeu aꞌ nuk siika. Intok aꞌ pujpo aꞌ chitta amet yaak.
Junak intok ae bepa mamteka, jaisa kaꞌa bicha jaꞌani,
ti au nattemaek.
\v 24 Junaꞌa yoeme intok, ili bit jeelaika, inen jiiak:
\p ―Yoemem ne naj kateme ne bicha ―tiia―, taa kia juyam benasi
mamachime.
\p
\v 25 Intok juchi intok aꞌ pusiwammet aet mamteka, junak
intok siꞌimeta tajpaꞌalasia machisi bittaitek.
\v 26 Junak intok juꞌu Jesus, junaman ka bweꞌu joꞌarau
bicha, ka intok aꞌ weesaen, jukaꞌ tuꞌuwata au aꞌ yaakaꞌuta
ka junaman aꞌ etejoꞌiiꞌakai. Kialiꞌikun aꞌ joꞌawau bicha
aꞌ simsaeka aꞌ tejwak.
\s Juꞌu Peeo, tua lutuꞌuriapo jukaꞌ Jesujta aꞌ Krijtotukaꞌpo aman, aꞌ teuwaa
\p
\v 27 Junamaꞌa intok juꞌu Jesus, aꞌ majtaꞌummak, jum bweꞌu
joꞌara Sesarea piliipoꞌ teaꞌpo, waate ka bwere joꞌaram
au jeela jokaꞌum, junamaꞌa waꞌam yeu siika. Boꞌot intok
aꞌ majtaꞌummeu nattemae taitek:
\p ―Jumeꞌ yoemem, nee jabesa ti jiia.
\p
\v 28 Aꞌ majtaꞌum intok inen au jiiak:
\p ―Enchi Joan yee babatoowameꞌetiia. Waate intok enchi
Eliaj tiia. Wate intok, jumeꞌ bat naataka, Liojta betana
yeteu noktuawame betana enchi weyeꞌetiia.
\p
\v 29 Junak intok aapo inen ameu nattemaek:
\p ―Emeꞌe intok, nee jabesaꞌatiia.
\p Peeo intok:
\p ―Empo juꞌu Krijto ―ti au jiiak.
\p
\v 30 Junak intok juꞌu Jesus, aapoꞌik, kaabetau aꞌ etejosaeka
am tejwak.
\s Juꞌu Jesus, jaisa aꞌ mukneꞌpo betana aꞌ teuwaa
\p
\v 31 Intok inen aꞌ utteꞌa, tiia, jukaꞌ emo benasi yoemta,
jiokot au aꞌ bitneꞌpo, intok junamaꞌa yoꞌo yaꞌarim betana
kaitaꞌpo aꞌ bitnaꞌpo betana. Intok ama bem maejtom, intok
ama teꞌopopo nesaweme, jumeꞌ cheꞌa ama yoꞌo yaꞌarime
betana, intok meꞌetune. Taa baji taewaita weyeo, jiabijtene,
tiia.
\v 32 Inikaꞌa weemta intok, machisi ameu aꞌ teuwaan.
Junak intok juꞌu Peeo, aapolaik omot bicha yeu aꞌ nuk
sikaa, junuen aꞌ jiakaꞌ betchiꞌbo, ili aꞌ nok buitaitek.
\v 33 Junak intok juꞌu Jesus, amau bicha, jumeꞌ waate
aꞌ majtaꞌum naj bitchuka, omti nokpo, Peotau inen jiiak:
\p ―Mekka jakun bicha weamiꞌiseꞌe. Bweꞌituk, kia cheꞌa
tuꞌisi, Satanajtumta benasi neu jiia. Bweꞌituk Liojta
betana weyemtateꞌe ka juꞌunea. Taa inim bwiapo, yoemratat
betana weyemtat jibaꞌe juꞌunea ―ti au jiiak.
\p
\v 34 Intok yoemratau chaitebok, intok aꞌ majtaꞌummeu
intok:
\p ―Kia jabetaka juniꞌi ―ti ameu jiiak―, in lutuꞌuriata nemak
atteabaeme, junaꞌa intok inim aniapo weyemtae ae emo
alleetuawamta, ka intok junae au taka alleetuabaekaꞌeene.
Bweꞌituk junuen au utteꞌatune. Taa in eaꞌpo aman jiba
an sisimne. Intok inien aneme, cheꞌa tuꞌisi, kia kuujta
puꞌatemcha weene.
\v 35 Bweꞌituk siꞌime waꞌa iꞌan lautipo inim aniapo,
siꞌime weemtatchi, junae tana jiba au eetuaka jiapsaꞌateko,
junuen aukaꞌateko, jukaꞌ Liojtau bicha yuu jiapsinamta
ka teune. Taa siꞌime waꞌa nee betchiꞌbo intok inie in
tuꞌi nokta betchiꞌbo, jachin yaꞌawakaꞌateko juniꞌi, intok
kia meꞌewakaꞌateko juniꞌi, junaꞌa ala, junae, jiapsi jinneꞌuritune.
\v 36 Bweꞌituk jita tuꞌuwatasa ama jajamne, juꞌu yoeme,
siꞌime jukaꞌ aniapo ujyoriata aꞌ atteako, chukula intok,
mukuko, juꞌu aꞌ jiapsiwa Liojtau aꞌ weeneeꞌu, ka au lutuꞌuriatukaꞌateko.
\v 37 Bweꞌituk juꞌu junuen mukukame, juchi inim jiapsibaeꞌeteko,
kia jaiki tomita bejeꞌetuakaꞌateko juniꞌi, kaachin juchi
jiapsine.
\v 38 Bweꞌituk kia jabe juniꞌi, nee tana, intok in tuꞌi
nokta betana au tiutuakame, inim bwiapo inim jiapsame
nasuku, jumeꞌ ka tuꞌuwata weetuaka, ka Liojta jiba emo
yoꞌorituame, junameꞌebichapo emo tiutuakame, nejpone ket
emo benasi yoemtaka, ket junameꞌe betana ne ino tiutuane,
jumeꞌ in yeu puꞌarimmak, intok Lios achaita ujyoria at
teamak ne aꞌabo koꞌom yepsako.
\c 9
\p
\v 1 Intok juchi intok, inen ameu jiia:
\p ―Lutula weeꞌpo ―tiia―, inim waate aane, jukaꞌ Lioj nesawamta
utteꞌawakamta, aꞌabo koꞌom yebijnemta bitneeme, kee kokkokai,
inim ket jiapsaka aꞌ bitne ―tiia.
\s Jum Jesujta taꞌabwisi bitwakaꞌpo
\p
\v 2 Busan taewaita simsuk intok, juꞌu Jesus, jukaꞌ Peota
intok jukaꞌ Jakooboꞌ teamta intok jukaꞌ Joanta, bempolaim
yeu nuk sikaa, omot bicha, bweꞌu kawiu, jikau im jaꞌamuk.
Junamaꞌa intok, aapo juꞌu Jesus, bempoꞌim bichapo, taꞌabwisi
bittuk.
\v 3 Aꞌ tajoꞌowa intok, kaupo tosai sapam benasi, unnaa
beojkosia tosaisia machiakan. Intok inim bwiapo kia
jabe juniꞌi, tajoꞌorim baksiaꞌatek, kaibu junuen tossaalaisi
am basuane.
\v 4 Junamaꞌa intok, juꞌu bat naataka, Liojta betana, yeteu
noktuawame, Eliaj teame, intok juꞌu Moiseej teame, ket
ama yeu machiak. Intok Jesujtamak nau etejok.
\v 5 Junak intok juꞌu Peeo, Jesujtau:
\p ―Tuꞌisi ne allea achai ―tiia―, itom inim aneꞌ betchiꞌbo
―tiia―. Tuꞌi ean, itepo inim baji ili juya karim yaakaꞌateko,
senuk ee betchiꞌbo, senuk intok Eliaj teamta betchiꞌbo.
Intok Moiseejta betchiꞌbo, ket seenuk.
\p
\v 6 Bweꞌituk juꞌu Peeo, womtilataka, kaita nok machika
junuen au jiian.
\v 7 Naamu intok amet koꞌom yejteka am roptak. Junamaꞌa
namupo intok senu jiawai jikkajituk:
\p ―Iniꞌi junaꞌa, juꞌu in yoemia ―tiame―, tuꞌisi in nakeꞌu,
enchim nok jikkajineeꞌu. ―Junuen jikkajituk juꞌu jiawai.
\p
\v 8 Junamaꞌa intok, seej chukti, kaitaꞌpo taawak juꞌu
naamu. Junak intok bempo, naj bitchuka juniꞌi, kaabeta
intokim naa buusti bichak, taa Jesujta jiba, aapolaik
ama weekamta.
\p
\v 9 Junae kauta betana intok koꞌom sajaka, juꞌu Jesus,
bem bichakaꞌuta, kaabeta am etejoriasaeka am tejwak.
Taa jukaꞌ emo benasi yoemta, kokolam nasuk aꞌ jiabijtesuko,
junak juꞌubwa, bem bichakaꞌuta am etejosaen.
\v 10 Intok junuen bem tejwawakaꞌpo aman, junakaꞌa bem
bichakaꞌuta, bem jiapsipo jiba aꞌ jipueka, bempola jiba
aꞌ juꞌuneyyan, intok, jukaꞌ ame benasi yoemta, kokolam
nasuk aꞌ jiabijteneeꞌutat ameu nokwakamtat, junaet ka
juꞌuneaka, jiba aet emo temaen.
\v 11 Junak intok bempo, jukaꞌ Jesujta temaek:
\p ―Jumeꞌ itom maejtom intok, tiian, jaisa tua jiubaeka
inen jiia, aꞌ utteꞌa tiia, jukaꞌ Eliaj teamta bat yebijneꞌpo
―ti aꞌ temaek.
\p
\v 12 Aapo intok juꞌu Jesus:
\p ―Lutula weeꞌpo ―tiia―, juꞌu Eliaj teame bat yebijne. Junaꞌa
intok, inim ama beꞌemta, aapo aꞌ tuꞌuteka aꞌ tuꞌu yaꞌane.
Taa jum Liojta jiꞌosiampo, jukaꞌ emo benasi yoemtat betana
ket senu weeme ama jiꞌojtei, junaꞌa intok, junau, tuꞌisi
jiokot machine, intok kaitaꞌpo aꞌ bittune ―tiia―.
\v 13 Taa juꞌu Eliaj teame intok, jaibu yebijsula, junau
intok, siꞌimetam au yaak, jiꞌojteita aapoꞌik betana junuen
aꞌ teuwaꞌpo amani.
\s Juꞌu Jesus, jukaꞌ juꞌubwa yoꞌotumta, bebejeꞌeri ka tuꞌi jiapsi aꞌ jiapsipo jipuemta yeꞌa beepriaka au aꞌ inneꞌetetua
\p
\v 14 Intok watem aꞌ majtaꞌummeu yepsaka, bempoꞌim nape
konila, yoemrata buꞌuuk ama anemmeu yepsak. Intok waate
bem maejtom, jumeꞌ Krijtota majtimmak emo nok bwijlame.
\v 15 Junak intok, siꞌime juꞌu yoemra ama aneme, Jesujta
am teaka aꞌ suum eiyaak. Junak intok aꞌ tebotua betchiꞌbo
au bicha tennekamme.
\p
\v 16 Junak intok juꞌu Jesus bempoꞌim temaek, aꞌ majtaꞌummak,
jitat amemak am nok nassuaꞌpo.
\p
\v 17 Senu intok, inen ama aꞌ yoopnak:
\p ―Yee majtame ―ti au jiakai―, in yoemia ne eu nuꞌupak.
Bweꞌituk iniꞌi, jukaꞌ bebejeꞌeri, ka tuꞌi jiapsita eerita
aꞌ jiapsipo aane. Junae betchiꞌbo intok ka a nooka.
\v 18 Junaꞌa intok, kia jak juniꞌi, bwiapo naas au aꞌ
roꞌa roꞌaktatua. Intok tenpo sosomoꞌochiakai. Intok
tuꞌisi au tam kukume. Intok cheꞌewasu taka waake. Nejpo
intok em majtimmeu aꞌ tojakan, paꞌakun yeu aꞌ bepriasaekai.
Taa katiꞌim a paꞌakun a yeu aꞌ bepriak.
\p
\v 19 Junak san juꞌu Jesus inen am yoopnak:
\p ―Iniꞌi yoemra, tua kaita a suale ―ti ameu jiakai―. Jaisa
inim jiba nee emomak an machian, intok jiba inim jiokot
nee ino bit iꞌa jaꞌani ―ti ameu nattemaek.
\p Junakaꞌa intok, junuen koꞌokoemta au aꞌ toji nesaen.
\v 20 Junaꞌa usiꞌoꞌou intok sep aman au tojiwak. Juꞌu
bebejeꞌeri ka tuꞌi jiapsi eeri, usiꞌoꞌoutat aneme, Jesujta
taꞌaakai, sep jukaꞌ usiꞌoꞌouta bwiapo au jibeptuak. Intok
naas au aꞌ roꞌaktituan. Tuꞌisi tenpo somoꞌochiakai.
\v 21 Jesus intok aꞌ achaibeu nattemaek:
\p ―Jakwoo naatekasa aꞌ junule benaꞌatiakai.
\p Junaꞌa intok:
\p ―Kia ili aꞌ usitukaꞌpo naateka ―tiia―.
\v 22 Jue benasia intok juꞌu bebejeꞌeri ka tuꞌi jiapsi
eeri, aꞌ jiapsipo aneme, tajipo au aꞌ jimmaatua. Intok
kia baꞌapo juniꞌi, bat batte ama aꞌ memeꞌa. Taa empo
aꞌ jinneꞌuꞌuteko, itom jiokoleka, itom aniaꞌe ―ti au jiiak.
\p
\v 23 Junak intok juꞌu Jesus:
\p ―Em inen neu jiaꞌapo, “Empo aꞌ jinneꞌuꞌuteko”, ti em
neu jiaꞌapo. Cheꞌa juni san, empo em jiapsipo, Liojta
sualeꞌeteko, a jinneꞌutu. Bweꞌituk siꞌime waꞌa aꞌ jiapsipo
aꞌ sualeme, kaita aawas aayuk ―tiia.
\p
\v 24 Junak intok, usiꞌoꞌouta achaiwa, kia bwan nok jeelaika:
\p ―Anaꞌa suale ―tiia―, taa netcheꞌe aniaꞌe, cheꞌa yumaꞌisi
in jiapsipo cheꞌa in a enchi sualneꞌ betchiꞌbo ―ti au
jiakai.
\p
\v 25 Jesus intok, jukaꞌ buꞌuuraata, buꞌuuk au bicha katemta
bichakai, jukaꞌ bebejeꞌeri ka tuꞌi jiapsi eerita, usiꞌoꞌouta
jiapsipo wajiwa katekamtau, omti nokpo, inen au jiiak:
\p ―Empo, bebejeꞌeri ka tuꞌi jiapsi ―tiia―, inikaꞌa usiꞌoꞌouta
ka a noktuamta, intok ka aꞌ jikkajituamta, paꞌakun aet
yeu weyeꞌe. Intok ka intok aꞌ jiapsipo aet kibakne ―ti
au jiiak.
\p
\v 26 Junak intok juꞌu bebejeꞌeri ka tuꞌi jiapsi eeri,
junae jiapsipo betana paꞌakun yeu weyeka, jukaꞌ usiꞌoꞌouta
tuꞌisi chaituan. Intok naas au aꞌ wiiktuan. Intok mukiata
benasi taawak. Juebenak intok, junuen ama aꞌ bichaka,
“Muukuk”, tim jiian.
\v 27 Taa juꞌu Jesus, mampo aꞌ bwiseka, aꞌ yechaka, intok
sep kiktek.
\p
\v 28 Junamaꞌa intok juꞌu Jesus, senu joꞌarapo kibakeka,
junamaꞌa intok aapolaik, jumeꞌ aꞌ majtim inen aꞌ temaek:
\p ―Jaisaakai tua, itepo ka a paꞌakun yeu aꞌ beebak, jukaꞌ
ka tuꞌi jiapsita ―tim aꞌ temaek.
\p
\v 29 Aapo intok inen am yoopnak:
\p ―Iniꞌi weeme ―tiia―, ka kia jachin juniꞌi paꞌakun a yeu
aꞌ beepne. Bweꞌituk paꞌakun yeu aꞌ bepriabaeꞌeteko, intok
cheꞌa aꞌ yoꞌori betchiꞌbo, ka jiꞌibwaka, ka jeꞌeka, intok
Liojtau bicha aꞌ nokriakai ―tiia.
\s Juꞌu Jesus, juchi aꞌ teuwaa jaisa aꞌ mukneꞌpo betana
\p
\v 30 Junamaꞌa yeu sajaka intok, bwiara Kalileaꞌ teaꞌpo
ama waꞌam sajak. Jesus intok, kaabem am juꞌuneyyaꞌiiꞌan.
\v 31 Bweꞌituk jukaꞌ ame benasi yoemta, aꞌ meꞌeneeme
mampo suꞌu tojinaaꞌu, intok junuen yaꞌasuako, baji taewaita
weyeo, jiabijtene. Inikaꞌa weemta am majtaka, kaabeta
intok naa buusti aꞌ juꞌuneyyaꞌiiꞌan. Taa aꞌ majtim jiba
aꞌ juꞌuneyyaꞌiiꞌan.
\v 32 Taa junameꞌe intok, inie nokit, ka juꞌunean. Intok
aꞌ temaineeka juniꞌi, emo aꞌ tiutuan.
\s Jumeꞌ Jesujta majtaꞌum nasuk, jabesa juꞌu cheꞌa ama yoꞌo yaꞌatuneeme
\p
\v 33 Junak intok, bweꞌu joꞌara, Kapernaoꞌ teaꞌu yajak.
Junamaꞌa intok, joꞌarapo aneka, Jesus inen ameu nattemaen:
\p ―Jitasa emeꞌe boꞌot, jitasa nau etejosakan.
\p
\v 34 Taa bempo intok kaꞌa yoopnak. Bweꞌituk jum boꞌot,
bempoꞌim nasuk, jabeta cheꞌa ama yoꞌo yaꞌatuneꞌpo aman,
naas emo aet temae sakan.
\v 35 Junak intok juꞌu Jesus, yejteka, jumeꞌ woj mamni
ama wooi aꞌ majtimmeu chaaek, intok:
\p ―Emo tana ―tiia―, seenu, emou au yooꞌeeyabaeꞌeteko, junaꞌa,
siꞌimemmet chukula weene. Intok siꞌimem nesauta jooriane
―tiia.
\p
\v 36,37 Ili usita intok, bempoꞌim nasuk bichapo kechaka,
chukula intok aꞌ maammea aꞌ ibaktakai:
\p ―Kia jabe juniꞌi ―tiia―, in teampo, inien ili usim mabetakame,
cheꞌa tuꞌisi kia nee mabetne. Waꞌa intok nee mabetakame,
cheꞌa tuꞌisi kia nee aꞌabo bittuakamta mabetlatune ―tiia.
\s Juꞌu, ka itom ee bejeꞌeka aneme, itomak eaka aane
\p
\v 38 Juꞌu Joan intok:
\p ―Yee majtame ―tiia―, senuk te bichak, bebejeꞌeri ka tuꞌi
jiapsita eꞌerita, watem jiapsimpo anemta, em teampo ameu
nokaka, paꞌakun yeu am bepriame. Junakaꞌa intok, ka itomak
aꞌ weamaꞌ betchiꞌbo, katte junuen aꞌ ansaeka taꞌa tejwak.
\p
\v 39 Junak intok juꞌu Jesus:
\p ―Katem au suua ―ti ameu jiiak―. Akeꞌem aꞌ suꞌu tojaꞌem.
Bweꞌituk kaabe aane, sep ka tuꞌisi net nokbaaneeme, neae
aman intok in team teuwaaka, senuku au tuꞌuwatunemta,
ka kia jabe juniꞌi aꞌ joaka au aꞌ yaakame ―tiia―.
\v 40 Bweꞌituk siꞌime waꞌa, ka itom bejeꞌeka aneme, itomak
eaka aane.
\v 41 Intok kia jabe juniꞌi, nee teuwaaka enchim baꞌam
mikakaꞌateko juniꞌi, Krijtota betana enchim atteariꞌpo,
junameꞌe, lutula weeꞌpo, Liojta betana tuꞌuwata mabetne.
\s Jukaꞌ ka tuꞌisi yeeꞌantuammet nooka juꞌu Jesus
\p
\v 42 ’Intok inimeꞌe, nee sualeme betana, kia jabe juniꞌi
ka tuꞌik am yaꞌaneꞌ betchiꞌbo ameu nokaꞌateko, cheꞌa
tuꞌi ean, junaꞌa, tetata kutanaapo aet sumaꞌawaka, baweu
koꞌom aꞌ jimaatuneꞌpo.
\v 43 Intok em maamea, ka tuꞌuwata yaꞌabaeꞌeteko, intok
junae betchiꞌbo, jiba yuu taji beeteꞌpo enchi antuaneemta,
cheꞌa tuꞌi ean, junameꞌe mamam chuktituko. Taa ka cheꞌa
wooim mamaka, jum tajita ka tutukeꞌpo jiba yuu beeteꞌpo
ka yej ean.
\v 44,45 Intok ket jiba junalensu, em wokimmea, jakun bicha
sikaa, aman ka tuꞌuwata yaꞌ betchiꞌbo, cheꞌa tuꞌi ean,
junakaꞌa wepul wokim chuktituko, taa ka cheꞌa wooim wokeka,
jum tajita ka tutukeꞌpo jiba yuu beeteꞌpo ka yej ean.
\v 46,47 Intok ket jiba junalensu, em pusimmea em bichakaꞌu,
ka tuꞌisi enchi eetuaꞌateko, cheꞌa tuꞌi ean, junameꞌe
wepul pusim yeu am wikeko, bweꞌituk cheꞌa tuꞌi ean, Liojta
nesawau siꞌimeta katekaꞌu, wepuꞌulaim puseka ama kibakekaꞌateko,
taa ka cheꞌa wooim puseka, jum tajita jiba yuu beeteꞌpo
yejnee.
\v 48 Junamaꞌa intok, jakwoo juniꞌi tajita ka tutukeꞌpo
ama anne. Junamaꞌa intok bem takaa, jiba yuu ama anne.
Intok ket bwichiam jiba aukaꞌpo benasi machine. Inimeꞌe
junen ama anne. Jum bwichiam jakwoo juniꞌi ka kokkoꞌpo.
Intok jum tajita jakwoo juniꞌi, ka tutukeꞌpo.
\p
\v 49 ’Bweꞌituk siꞌime jumeꞌ nee sualeme, jiokot emo
bitne, kia taji rupaktiatae, senuk sassaawaꞌa benasia,
wakasim peutame, siꞌimekut on siꞌitawa benasia. Taa junae,
jiokot emo bitnamtae, jiapsi tuꞌutenamta jajamne. Intok
Liojta enchim yoꞌorineꞌ betchiꞌbo.
\v 50 Bweꞌituk jukaꞌ bwaꞌamta kiawata mak betchiꞌbo,
juꞌu oona tuꞌi. Taa jukaꞌ onta, on kiawata ka jipueꞌeteko,
jitaesa choꞌokosi aꞌ yaꞌanee jukaꞌ onta. Kialiꞌikun
san, jukaꞌ onata jum bwaꞌaaꞌpo, aꞌ tuꞌireakaꞌa benasia,
emeꞌe juniꞌi ket junalensu, tuꞌisi em nau jiapsaka, watem
enchim emou aꞌ suawaꞌuneꞌ betchiꞌbo enchim bichaka emo
benasi bem jiapsineꞌ betchiꞌbo. Intok yanti jiapsiwame
emot naas aune.
\c 10
\s Juꞌu Jesus, emo kukunaka emo suꞌu tojiwamtat nooka
\p
\v 1 Junamaꞌa yeu sika intok, Jurea bwiaraapo ama naa
buustia siika. Intok batwe Joran waetana yepsak. Junamaꞌa
intok, juebenaka juchi aman au nau yajak. Aapo intok,
jiba am majtaꞌa benasia am majtan.
\v 2 Jumeꞌ waate juriom intok, paiseom teame, ama au yajaka,
kialaꞌa jiꞌobilaꞌ betchiꞌbo au nattemaek:
\p ―Jaisa, senu aꞌ jubiawata a jimmaanee jaꞌani ―tim au
nattemaen.
\p
\v 3 Taa aapo juꞌu Jesus intok, inen am yoopnak:
\p ―Juꞌu Moiseejtukaꞌu, jaisa emot aꞌ nesawek ―ti am temaek.
\p
\v 4 Bempo intok:
\p ―Juꞌu Moiseejtukaꞌu ala ―tiian―, jubiarita toꞌo sim betchiꞌbo,
yaꞌuraapo, jiꞌosiata yeu jimmaanesaeka aꞌ nookak. Junameꞌe
jiꞌosiammea intok, senu, aꞌ jubiawata a toꞌo simne ―tiian.
\p
\v 5 Jesus intok am yoopnaka:
\p ―Enchim namakak jiapsekaꞌ betchiꞌbo ―tiia―, junaꞌa Moiseejtukaꞌu
inikaꞌa nesauta jiꞌojtetebok ―tiia―.
\v 6 Taa aniata naatekaꞌpo naateka, juꞌu Lios ka junuen
aꞌ waatan. Bweꞌituk inien jiꞌojtei, juꞌu Lios, oꞌouta
juꞌunaktek, intok jamutta juꞌunaktek.
\v 7 Inia betchiꞌbo san juꞌu oꞌou, aꞌ malawata intok
aꞌ achaiwata toꞌo sikaa, aꞌ jubimak jiapsine.
\v 8 Ka intok wooi yoemem benasia tawane. Inien san
beja, woiriaka juniꞌi, nappat, wepul yoemta benasi eeyatune.
\v 9 Inia betchiꞌbo san, wooi jiapsita nau tojirita, Liojta
wepul jiapsita yaꞌarita, inim bwiapo, juꞌu yoeme, kaachin
junakaꞌa a naꞌikimtene ―ti ameu jiian.
\p
\v 10 Chukula intok, senu joꞌarapo, junae weemta betana,
jumeꞌ aꞌ majtim au nattemaek.
\v 11 Aapo intok am yoopnaka:
\p ―Kia jabe juniꞌi ―tiia―, aꞌ jubiawata jimmaakame, intok
taꞌabwik jamuttamak jiapsaꞌateko, junaꞌa, tua aꞌ juprita
aꞌ kunabeu lutuꞌuriawame, junakaꞌa, taꞌabwi jamutta ama
lutuꞌuria makako, junaꞌa, tua aꞌ jamut juprita betchiꞌbo
ka tuꞌisi tawane.
\v 12 Intok ket junalensu, kia jamuttaka juniꞌi, aꞌ kuna
jimmaako, intok taꞌabwi oꞌoutamak yejteko, junaꞌa, tua
aꞌ kunabeu lutuꞌuriapo, junakaꞌa taꞌabwi oꞌouta au kunatuakamta,
tua aꞌ kunawata betchiꞌbo ka tuꞌisi tawane.
\s Juꞌu Jesus, jumeꞌ ili usimmeu, ameu tuꞌuwatunemta, Liojtau bicha am bwanria
\p
\v 13 Waate intok, junamaꞌa, ili usim, Jesujtau tojan, amet
am mamteꞌiiꞌakai. Taa aꞌ majtiwam intok, aman yeu am
tojammeu, ameu emo omtituan.
\v 14 Jesus intok junuen am bichaka, au oꞌomtituaka, aꞌ
majtimmeu inen jiiak:
\p ―Inimeꞌe ili uusim elaꞌpo aꞌabo neu tojinaa, katem ammeu
suua ―ti ameu jiiak―. Bweꞌituk, inimeꞌe ili usim benasi
emo eetuame, jukaꞌ Liojta utteꞌa nesawata katekaꞌpo au
lutuꞌuriane, ama jiapsineꞌ betchiꞌbo ―tiia―.
\v 15 Lutula weeꞌpo ne inen jiia, kia jabetaka juniꞌi,
Liojta utteꞌa nesawata, ili usita benasi ka au eetuakaꞌateko,
junakaꞌa, Lios utteꞌa nesawata katekaꞌpo, ka a aman kibakne
―ti ameu jiiak.
\p
\v 16 Junameꞌe ili usim intok, weꞌepulaim am ibaꞌibaktaka,
amet mamaka, ameu tuꞌuwatunemta, Liojtau bicha am nokrian.
\s Juꞌu juꞌubwa yoꞌotume, yuꞌin tomekame
\p
\v 17 Aapo intok, junamaꞌa yeu sikaa, boꞌot aꞌ weyeo, senu
au tajtia buiteka, aapoꞌik bichapo, tonommea kikteka au
nattemaeka:
\p ―Tuꞌu yoeme ―tiia―. Yee mamajtame ―ti Jesujtau jiiak―.
Jaisa ne auka tua, jukaꞌ yuu jiapsiwamta net aune ―ti
aꞌ temaek.
\p
\v 18 Jesus intok:
\p ―Jaisaakai empo nee tuꞌu jiapsek, tiia. Bweꞌituk inim
kaabe aane, tuꞌu jiapsekame. Taa juꞌu Lios jiba tuꞌu
jiapsekame ―tiia―.
\v 19 Empo jaibu Liojta nesaurim taꞌaa: “Jubeka, ka
taꞌabwi jamuttamak emo tuꞌuribaane. Etbwawamta juniꞌi,
ka boꞌo jooriane. Intok yee suꞌanaꞌuta juniꞌi. Ka aa
nokiꞌichiata nokne. Intok yetet, jukaꞌ ka lutuꞌuriata,
kateꞌe amet aꞌ nokne. Intok em achaita intok em malata,
tuꞌisi am yoꞌorinee” ―ti au jiiak.
\p
\v 20 Junaꞌa intok inen aꞌ yoopnak:
\p ―Yee maj majtame ―ti au jiakai―. Inikaꞌa weemta, in usitukaꞌpo
naateka, yumaꞌisi ne siꞌimeta yaꞌari ―tiia.
\p
\v 21 Junak intok juꞌu Jesus, aꞌ nokaꞌutat betana aet
mammateka, aꞌ jiapsipo aꞌ naktaitek, intok inen au jiakai:
\p ―Senu weeme jiba eu beꞌe ―ti au jiiak―. Iꞌaneꞌe sik, jukaꞌ
siꞌimeta em jipueꞌuta nenkaka, intok pooberaatat aꞌ naꞌikimtene
―tiia―. Junak intok, aman teekapo ee betchiꞌbo, cheꞌa eu
tuꞌuwatunemta aune ―tiia―. Chukula intok, in boꞌo jooriaꞌuta,
nemak aꞌ joo simne. Intok nee betchiꞌbo em jiokot emo
bitneꞌpo, ka jain emo eetuaka, kialaꞌa inneꞌaka jiapsine
―tiia.
\p
\v 22 Taa junaꞌa intok, Jesujta inien au aꞌ teuwaꞌ betchiꞌbo,
ka au alleetuaka siika. Bweꞌituk tuꞌisi jita yuꞌin bejeꞌewakamta
jipuen.
\p
\v 23 Junak intok juꞌu Jesus aꞌ majtim naj bitchuka,
inen ameu jiiak:
\p ―Tua tuꞌisi ameu obiachi, jumeꞌ yuꞌin totomekammewi,
Liojta utteꞌa nesawata katekaꞌu bem yajineꞌpo ―tiia.
\p
\v 24 Junak intok, jumeꞌ aꞌ majtim, inien bem ameu nokwakaꞌuta
betana aet emo suumꞌeetuak. Taa juꞌu Jesus intok, juchi
ameu noktaiteka:
\p ―In yoemiam ―ti ameu jiiak―. Tuꞌisi ameu obiachi, Liojta
utteꞌa nesawata katekaꞌpo, bem yajineꞌpo, jumeꞌ yuꞌin
tomeka, junaet eaka aet jiapsekammewi ―ti ameu jiiak―.
\v 25 Kameota jiꞌikia pusimpo ama yeu aꞌ weeneꞌpo bepa,
juꞌu yuꞌin tomekamtau cheꞌa obiachi, Liojta utteꞌa nesauta
katekaꞌu aꞌ yebijneꞌpo ―ti ameu jiiak.
\p
\v 26 Bempo intok, inia weemtat aet ee majjautuan. Bem
jiapsimpo inen emo eetuakai:
\p ―Junuentukaꞌateko intok, jabesa tua a jinneꞌutune ―ti
emo eetuan.
\p
\v 27 Jesus intok bempoꞌim naj bitchuka, inen ameu jiiak:
\p ―Yoemtau obiachisi machiakaꞌu, Liojta betchiꞌbo, tua
ka obiachi. Bweꞌituk aapoꞌik betchiꞌbo kaita obiachisi
machika aayuk.
\p
\v 28 Peeo intok inen au jiutaitek:
\p ―Achai ―tiia―, itepo, itom atteata siꞌimeta toꞌo sakaꞌalataka
intok te em eaꞌpo aneka, emak te rejte ―ti au jiiak.
\p
\v 29 Jesus intok aꞌ yoopnaka:
\p ―Lutula weeꞌpo ―ti au jiiak―. Kia jabetaka juniꞌi, tuꞌisi
nee au naktuakai, intok in nok lutuꞌuriata aꞌ boꞌo jooriaka,
yee aꞌ majtabaekai, intok junue betchiꞌbo aꞌ joꞌawata
toꞌo sikaꞌateko, oo jumeꞌ aamak werim toꞌo sikaꞌateko,
intok kia aꞌ jubiawata intok aꞌ yoemiawaim juniꞌi toꞌo
sikaꞌateko, intok waj bwiawata toꞌo sikaꞌateko,
\v 30 juꞌu inien aukame, cheꞌa juni san, siꞌimeta jukaꞌ
aꞌ suꞌu tojakaꞌuta bepa, iꞌan, inimeꞌe taewaimmetchi, cheꞌa
buꞌuuk atteane, jumeꞌ Liojpo betana aamak werimtuneeme,
intok yoemiamtuneeme, intok yuꞌin joꞌaraata jipuꞌunee
aꞌ mabettuneꞌpo, intok waj bwiawam juniꞌi. Taa junuentaka
juniꞌi, watem betana omtanaa. Intok jukaꞌ jiokot au aꞌ
bichaꞌu, jiba aet aune. Taa chukula, Liojtau bicha jukaꞌ
yuu jiapsiwame aet aune.
\v 31 Taa juebenaka jumeꞌ cheꞌa emo eeyame, junameꞌe
junen, aman cheꞌa koꞌomꞌeeyarimtune. Intok juebenaka
jumeꞌ ka emo cheꞌa eeyame, junameꞌe junen, aman cheꞌa
eeyarimtune.
\s Juchi bemelasi, juꞌu Jesus, jaisa aꞌ mukneꞌpo betana aꞌ teuwaa
\p
\v 32 Intok boꞌot, Jerusaleneu bicha jikau boꞌokamtat
kateka, Jesus bat weyen, aꞌ majtim intok aet chaꞌaka kateka,
aman Jerusaleneu bem yajineꞌewi aman, emo majjaituaka
juniꞌi, aet chaꞌaka kaaten. Bweꞌituk aman, bempoꞌim betchiꞌbo,
ka tuꞌik au machian. Junak intok juꞌu Jesus, jumeꞌ woj
mamni ama wooim aꞌ majtimmeu, junamaꞌa boꞌot omot bicha
bempolaim yeu wikeka, junamaꞌa bempolaimmeu, siꞌimeta
wakaꞌa au yaꞌanaaꞌuta ameu teuwaak:
\p
\v 33 ―Iꞌan te Jerusaleneu yajako ―tiia―, junamaꞌa, juꞌu
emo benasi yoeme, teꞌopopo yoꞌo yaaꞌuchim mampo intok
jumeꞌ maejtom mampo suꞌu tojitune. Intok aꞌ meꞌenaꞌ
betchiꞌbo, taꞌabwi yoemrata mampo suꞌu tojitune, junuen
nau aꞌ wepul lutuꞌuria yaakai.
\v 34 Junamaꞌa intok, junameꞌe aꞌ beebaka, jaana aꞌ jiawaane.
Intok aet im chit wat wattine. Intok im aꞌ meꞌene. Taa
junaꞌa, baji taewaita weyeo, jiabijtene ―ti ameu jiiak.
\s Juꞌu Jakooboꞌ teame, intok juꞌu Joan teame, Jesujtau ujbwanta aꞌawa
\p
\v 35 Junakꞌintok, juꞌu Jakooboꞌ teame, intok juꞌu Joan
teame, Sebereoꞌ teamta uꞌusim, Jesujtau rukteka, inienim
au jiia:
\p ―Achai ―tim au jiiak―. Itom eu aꞌawaꞌuta, itom aꞌ yaꞌariane
―tim au jiiak.
\p
\v 36 Aapo intok:
\p ―Jitasa emeꞌe waataka ―tiia―, enchim nee aꞌ yaꞌariaꞌiiꞌa
―ti am temaek.
\p
\v 37 Bempo intok:
\p ―Ito tana ―tiian―, senuk em batatana yej betchiꞌbo, senuk
intok, em mikkoꞌotana yej betchiꞌbo, itom junen autuaꞌe
―ti au jiiak―, emak ama an betchiꞌbo, enchi yoꞌotaka yejteko.
\p
\v 38 Jesus intok am yoopnaka:
\p ―Tua em ka juꞌunea ―ti ameu jiiak―, juꞌu enchim aꞌawaꞌut.
Jaisa emeꞌe siꞌimeta jukaꞌ koꞌokosi machik neu weyemta,
intok wakaꞌa in jiapsipo, koꞌokosi in inneꞌeneeꞌuta, jaisa
emeꞌe nele benasi aꞌ inneꞌene ―ti am temaek.
\p
\v 39 Bempo intok:
\p ―Jeewi ―tim aꞌ yoopnak.
\p Jesus intok inen ameu jiiak:
\p ―Lutula weeꞌpo ―tiia―, inien neu aunemtat betana, wate
weeme emou aune ―tiia―. Intok a emeꞌe aꞌ inneꞌe sakane.
\v 40 Taa batatana senuk neu yejtenemta, intok mikkoꞌotana
senuk neu yejtenemta, junakaꞌa weemta, inepone ka a yeu
am puꞌa. Taa wameꞌe Liojꞌachaita betana yeu puꞌawame,
junameꞌe junuen ama joteꞌetuanaa ―ti ameu jiiak.
\p
\v 41 Jumeꞌ waate, woj mamni aꞌ majtim intok, inien jiame
jikkajaka, Jakooboꞌ teamta intok Joan teamta emo ameu
omtituan.
\v 42 Taa juꞌu Jesus, siꞌimemmeu chaaeka, inen ameu jiiak:
\p ―Emeꞌe tuꞌisi juꞌunea ―tiia―, inim bwiapo, jumeꞌ tekiataka
yaꞌuttuko, yoemratau au yoꞌo joaka, nesawamta weetua.
Taa junameꞌebepa ket aane, ame bepa nesaweka, bempoꞌim
juniꞌi saweme ―tiia―.
\v 43 Taa emo nasuk ka inien weye. Bweꞌituk kia jabetaka
juniꞌi, emo nasuk au yoꞌo joobaeꞌeteko, junaꞌa, cheꞌa, enchim
siꞌimem nesauta jooriane ―tiia―.
\v 44 Intok kia jabe juniꞌi, emotana, bat au yoꞌo joobaeme,
junaꞌa, emou siꞌimemmeu, nesaureopo tawane ―tiia―.
\v 45 Bweꞌituk juꞌu emo benasi yoeme, kaabeta, nesauta
aꞌ yaꞌarianeꞌ betchiꞌbo aꞌabo yepsak. Taa cheꞌa juni
san, aapo, siꞌimem nesauta yaꞌariabaekai aꞌabo ameu yepsak.
Intok kia aꞌ jiapsiwata juniꞌi, juebenam betchiꞌbo nenkine
―tiia.
\s Juꞌu Jesus, jukaꞌ liptita, Bartimeoꞌ teamta, puj tuꞌute
\p
\v 46 Junak intok, bweꞌu joꞌara, Jerikoꞌ teaꞌu bicha sajak.
Junamaꞌa intok, Jerikoꞌ teaꞌpo, aꞌ majtimmak yeu siika.
Intok juebena yoemem ket aamak sajak. Senu yoeme, liptitaka,
Bartimeoꞌ teame, Timoteoꞌ teamta uꞌusi, junaꞌa boꞌo mayoat
kateka netanen.
\v 47 Intok aman weyemta, aꞌ Jesus nasareenoꞌotukaꞌpo
aman, aꞌ jikkajaka, inen jiaka chaitaitek:
\p ―Jesus ―tiia―, Labiiꞌ teamta uꞌusi, nee jiokoleꞌe ―ti au
jiakai.
\p
\v 48 Intok juebenaka, ka jaiti aꞌ jiusaeka, au omten.
Taa junaꞌa cheꞌa juni san kusisi chaaeka inen jiian:
\p ―Labiitukaꞌutat yeu simria, nee jiokoleꞌe ―ti jiian.
\p
\v 49 Junak intok, Jesus, kikteka, junae yoem liptitau
chaitebok. Junau intok inen jiuwan:
\p ―Aet yoemꞌeaꞌe, kikteꞌe. Bweꞌituk aapo eu chaae ―tim
au jiiak.
\p
\v 50 Junak intok junaꞌa, aꞌ jijineꞌum, kia ama toꞌo kikteka,
Jesujtau bicha sikaa, aman au yepsak.
\v 51 Jesus intok inen au noktaitek:
\p ―Jitasa empo nee enchi yaꞌaria iꞌa ―ti aꞌ temaek.
\p Junaꞌa yoem lipti intok:
\p ―Achai ―tiia―. Juchi in bitneꞌ betchiꞌbo, in pusim tuꞌuteꞌe
―ti au jiiak.
\p
\v 52 Jesus intok inen au jiiak:
\p ―Em jiapsipo em aꞌ sualeꞌ betchiꞌbo, ka jain eaka weene.
Jucheꞌe bitneꞌe ―ti au jiakai.
\p Junak intok sep bittaitek. Intok Jesujtat chaꞌaka
katemmak, amemak siika.
\c 11
\s Juꞌu Jesus, bweꞌu joꞌara Jerusalen teaꞌawi yebijsusek
\p
\v 1 Intok Jerusaleneu jeela kateka, intok jumeꞌ wooi
ka bwere joꞌarammeu nau jokammeu, Betpaakeꞌ teamtau intok
Betaaniaꞌ teamtau jeela yajak. Junamaꞌa intok ket, Jerusaleneu
jeela, senu kawi ama katekan. Oliiboꞌouwo intok tuꞌisi
ama buꞌuureakan. Junak san beja, senu nesauta aꞌ yaꞌarianaꞌ
betchiꞌbo, jumeꞌ aꞌ majtim betana wooim yeu puꞌaka, aman
am bittuak,
\v 2 intok inen ameu jiakai:
\p ―Itopat bat sajaka, joꞌarau yajaka, junamaꞌa senu buuꞌasoꞌolaata
chaꞌakamta em bitne. Junakaꞌa intok, kia jabe yoeme juniꞌi,
kee aꞌ kabaꞌite. Aꞌ buttaka, aꞌabo neweꞌem aꞌ tojine
―ti ameu jiiak―.
\v 3 Intok senuk, jaisaaka emeꞌe aꞌ butta, ti enchim temaekaꞌateko,
“achai chubala betchiꞌbo aꞌ waata, taa chukula juchi
aꞌabo aꞌ bittuarokaka nooka”, ti ameu jiune. “Junak
intok sep aꞌabo aꞌ bittuane” ―ti jiia juꞌu Jesus.
\p
\v 4 Junameꞌe intok, junam bicha sajaka, jukaꞌ ili buuꞌasoꞌolaata
ama joꞌarau aman kimuriata naapo, paꞌakun tana, boꞌotchi
chaꞌakamta aꞌ teak. Junak intok aꞌ butta japtek.
\v 5 Junamaꞌa intok wate ama aanen, senu intok inen ameu
jiiak:
\p ―Jaisaakai emeꞌe ili buuꞌasoꞌolaata butta ―ti am temaek.
\p
\v 6 Junak intok junameꞌe, Jesujta, bem amet aꞌ sawekaꞌpo,
intok bem ameu aꞌ nokakaꞌpo aman, junaeu aꞌ teuwaak.
Junak intok sep, bem aꞌ nuk sakaꞌaneꞌ betchiꞌbo suꞌu
tojiwak.
\v 7 Junakaꞌa buuꞌasoꞌolaata aman nuꞌuka intok, Jesujtau
aꞌ tojak. Junak intok bem bepa supem aet wattak. Junae
buuꞌasoꞌolaatat intok, juꞌu Jesus aet jikat yej simen.
\v 8 Junamaꞌa intok, aapat juebenaka ama aneme, jum boꞌot
aet waꞌam aꞌ weeneꞌpo, bem jiniam tetekan. Waate intok
nassaꞌakariam chuktaka, junamaꞌa boꞌot aawas aꞌ totoꞌan.
\v 9 Aapat kateme, intok kia amaꞌa kateme juniꞌi, alleerimmea
chaaeka inenim jiian:
\p ―Itomeꞌe jinneꞌuꞌe ―tiian―. Tuꞌisi tawaari, achai Liojta
betana lutuꞌuriaka inim weyeme ―tim jiu sakan―.
\v 10 Rei Labiita bat naataka, inim siꞌimekut tuꞌisi
aꞌ nesausukaꞌa benasia, juchi junaen benasi inim aꞌ auneꞌ
betchiꞌbo, Lios aapo, teekapo betana junae betchiꞌbo enchi
aniaka, emaktune ―tim jiu sakan.
\p
\v 11 Junak intok Jesus, Jerusaleneu yepsaka, junamaꞌa
bweꞌu teꞌopota katekaꞌu kibakek. Junamaꞌa intok siꞌimeta
ama aukamta naj bitchuka, siika. Betaaniaꞌ teaꞌu bicha
siika. Jumeꞌ woj mamni ama wooim aꞌ majtimmake. Bweꞌituk
jaibu unnaa kupten.
\s Juꞌu Jesus, jukaꞌ chunaꞌouwota, ka tatakamta, bettesi au nooka
\p
\v 12 Juchi yokoriapo intok, junamaꞌa Betaaniaꞌ teaꞌpo
betana yeu sajaka, tebauritaitek juꞌu Jesus.
\v 13 Mekkaꞌekut intok, senu chunaꞌouwota, sia koja weekamta
bichaka, aman au siika, takam aꞌ jipueꞌetiꞌeakai. Au yepsaka
intok, kia sawa ausuꞌlitukan. Intok ka tatakan. Bweꞌituk
kee taewaim yuuman aꞌ takaneꞌ betchiꞌbo.
\v 14 Junak intok, Jesus junae chunaꞌouwotau:
\p ―Kialeꞌe, jakwoo juniꞌi, kaibuꞌe takaneꞌe ―ti au jiiak―.
Intok kia jabe juniꞌi, ka enchi taka bwaꞌane ―tiiak.
\p Intok junuen au aꞌ jiaꞌapo, jumeꞌ aꞌ majtim aꞌ jikkajak.
\s Juꞌu Jesus, jum teꞌopopo, ka tuꞌisi anemta, paꞌakun yeu am beeba
\p
\v 15 Intok juchiꞌintok, Jerusaleneu yajaka, juꞌu Jesus
juchi aman bweꞌu teꞌopou kibakeka, jumeꞌ ama jita nenkame
paꞌakun yeu beeptaitek. Intok jumeꞌ ama jita jinume.
Intok jumeꞌ watem, bem tomita ama bem nanakuliaꞌpo, intok
bem aet aꞌ jipueꞌuta, junakaꞌa juniꞌi, mekka am biaktariak.
Intok jumeꞌ ama wokkoim nenenkame, intok bem aet jokaꞌum
junakaꞌa juniꞌi, mekka am biaktariak.
\v 16 Intok junamaꞌa paꞌariatchi teꞌopopo nape konila
boꞌokame, kia jabeta juniꞌi junamaꞌawaꞌam kaita weeyaꞌiiꞌan.
\v 17 Intok inen am majtaka, inen am tejwa:
\p ―Jaisa emeꞌe ka juꞌunea ―tiian―, inien aꞌ jiꞌojteitukaꞌpo:
“Iniꞌi in teꞌopo, siꞌime yoemrata betana, ama Liojtau
bicha nok betchiꞌbo teꞌopopo taꞌeenaa.” Taa emeꞌe, tesompo,
jumeꞌ jita eꞌetbwamta boꞌo jooriame, ama emo euseꞌpo
benasi, inien aꞌ kari yaꞌariꞌem ―ti ameu jiiak.
\p
\v 18 Intok jumeꞌ teꞌopopo yaaꞌuchim intok jumeꞌ bem
maejtom, inien aꞌ jiaꞌapo aꞌ jikkajak. Intok kialim aꞌ
meꞌebaeka juniꞌim ean. Taa katim aꞌ meꞌan, bweꞌituk junuen
auneekai, juniꞌim majjaen, jukaꞌ yoemrata aet yee aꞌ majtaꞌapo
betana bem aꞌ suum eeyaꞌ betchiꞌbo.
\v 19 Intok kupteꞌ betchiꞌbo, junamaꞌa bweꞌu joꞌara Jerusalen
teaꞌpo, juꞌu Jesus ama yeu siika.
\s Juꞌu chunaꞌouwo waakek
\p
\v 20 Yokoriapo intok, ketwootana, chunaꞌouwota weekaꞌpo
aman sajak. Junaꞌa chunaꞌouwo intok, nawau tajtia wakiataka
yeu matchulatukan.
\v 21 Junak intok juꞌu Peeo, tukariapo, Jesujta au aꞌ
teuwaakaꞌutau wawaateka:
\p ―Itom majtame ―tiia―, juꞌu chunaꞌouwo, tuuka, junuen em
au bette nokie jiakaꞌu, waakek ―ti au jiiak.
\p
\v 22 Jesus intok junak:
\p ―Liojta, em jiapsipo yoemꞌeaꞌe ―ti au jiiak―.
\v 23 Bweꞌituk em jiapsipo tuꞌisi a jita sualeꞌeteko,
kia senu kawibeu, aꞌ katekaꞌpo aꞌ sookteka, baweu au aꞌ
jimmaasaeꞌeteko juniꞌi, junuen au ean ―ti ameu jiiak―.
\v 24 Junuen san beja, inien ne emou jiia, Liojtau bicha
nokaka, siꞌimeta wakaꞌa enchim au netaneeꞌu, junaꞌa weeme,
enchim aꞌ mabetneꞌpo betana aet eaka, aꞌ sualeꞌem ―tiia―.
Intok junuen aet sualeꞌeteko, enchim netaneeꞌu, emou aune
―tiia―.
\v 25 Intok Liojtau bicha nokaꞌateko, senuk bejeꞌeka
aulatuko, junuen em Liojtau nokaꞌapo aꞌ jiokoine. Lios
achaita teekapo katekamta betana senuku, enchim ka tuꞌuwa
yaꞌariꞌut, enchim aet jiokoineꞌ betchiꞌbo.
\v 26 Bweꞌituk emeꞌe, kaabeta a jiokoeꞌeteko, juꞌu Lios
achai juniꞌi, teekapo katekame, senuku enchim ka tuꞌuwa
yaꞌariꞌut, ket junalensu ka enchim a aet jiokoine ―tiia.
\s Jesujta temaiwaꞌpo, jabeta betanasa, lutuꞌuriata aꞌ jipueka, junuen aꞌ anneꞌpo
\p
\v 27 Jesus intok, aꞌ woj mamni ama wooi majtimmak, juchi
Jerusaleneu yepsak. Aapo intok junamaꞌa teꞌopopo naj
weyen. Junak intok junamaꞌa teꞌopopo saiwame, bem yoꞌo
yaꞌurammak, intok jumeꞌ bem maejtom, intok jumeꞌ ama siꞌime
yoemratau aꞌ yoꞌoraa, aman au sajaka, ama au yajaka Jesujtawi,
aꞌ temaek.
\v 28 Junak intok:
\p ―Inien em auneꞌ betchiꞌbo ―tiian―, jabesa enchi aet tekil
makri ―ti aꞌ temaek―. Intok jabesa junaꞌa, inien enchi
antuame ―tiian.
\p
\v 29 Junak intok juꞌu Jesus am yoopnak:
\p ―Nee ket senu weemta emou nattemaibae ―tiia―, intok enchim
nee aet yoopnako, nee ket enchim tejwane, aꞌ jabetukaꞌpo,
inikaꞌa nee tekil makrime.
\v 30 Joan yee babatoowamta baꞌapo yee aꞌ batoowaꞌu,
jakuꞌubosa aet sauritaka junuen yee batoowan, Liojta
betana, oo inim bwiapo yoem nesautukan jaꞌani, netcheꞌem
aet yoopna ―ti ameu jiakai.
\p
\v 31 Junak intok junameꞌe, bempoꞌim nasuk, ka kusisi
inien jiu japtek:
\p ―Liojta betana, ti te jiakaꞌateko: “Jaisaaka intok,
emeꞌe kaꞌa sualek”, ti itou nattemaine.
\v 32 Taa inim bwiapo, yoem nesauta betana aꞌ mabetlataka
junuen yee batoowan juꞌu Joan yee babatoowame, ti te
jiaꞌateko, ito betchiꞌbo ka tuꞌine ―ti jiian.
\p Bweꞌituk bempo, jukaꞌ yoemrata emo majjaituan juꞌu
ameu am yaꞌaneꞌpo betana. Bweꞌituk juꞌu yoemra, junakaꞌa
Joan yee babatoowame tukaꞌuta, tua lutuꞌuriapo, Liojta
betana yeteu aꞌ noktuawakaꞌpo aman aꞌ eeyaka, tuꞌisi
emo aꞌ yoꞌorituan.
\v 33 Inia betchiꞌbo san, Jesujta, kaachin a yoopna machika:
\p ―Katte juꞌunea ―tim jiiak.
\p Jesus juniꞌi, ket junuen am yoopnak:
\p ―Nee juniꞌi, ne kaachin enchim a tejwaane, jabeta eaꞌpo
junuen in aneꞌepo ―ti ameu jiiak.
\c 12
\s Paꞌasi etripo, tekipanoareom, ka tuꞌi jiapsekammet nokaka, yee majtan juꞌu Jesus
\p
\v 1 Intok senu weemta am majtabaeka, taꞌabwi weemtau
aꞌ tammachiaka inen ameu nok taitek:
\p ―Senu yoeme ―tiia―, yuꞌin paꞌasi ouwota eechak. Intok
korate betchiꞌbo, juyata ama jijjoꞌak. Intok paꞌasi taka
baꞌawata nuꞌu betchiꞌbo aꞌ babaꞌawaꞌumta ama yaꞌatebok.
Intok mekka aniau bicha bitchuu betchiꞌbo, yuꞌin tetata
jikau bicha nat chaꞌabwak.
\p ’Junuen auka intok, taꞌabwim mampo aꞌ suꞌu tojak. Intok
paꞌasiꞌouwo takata, ama toboktitunemta, bempoꞌimmak watek
aman nuꞌu betchiꞌbo, lutuꞌuriata yaak. Junak intok, omot,
mekka bwiarau bicha siika juꞌu.
\v 2 Paꞌasim bwaseo intok, senuk, aꞌ nesaureowata, aman,
paꞌasi wajta tekipanoammeu bittuak. Paꞌasim bwaseme
ama chuktawame au lutuꞌuriamta aman nuꞌutuawakai.
\v 3 Taa junameꞌe intok, kaita aꞌ makaka, kia juneꞌelaka
simtuaka, intok koꞌokosi aꞌ yaakai.
\v 4 Intok juchi intok, senuk aꞌ nesaureowata aman ameu
juchi bittuak. Taa junakaꞌa intok, tiusi maisi aꞌ yaaka,
koba jamti aꞌ mamaasuka aꞌ simtuak.
\v 5 Intok juchi intok, senu nesaureowata aman bittuak.
Junakaꞌa intok im meꞌak. Intok juchi intok, buꞌuuka aman
bittuak. Junameꞌe juniꞌi ket junalensu, watem koꞌokosi
yaak, watem intok suꞌak.
\p
\v 6 ’Junak san beja, wepul puꞌilaik useka, intok tuꞌisi
aꞌ nakeka juniꞌi, junakaꞌa junaman bittuak: “Jumak juniꞌi”,
tiꞌeaka, “in aꞌ usekaꞌpo aman, emo aꞌ yoꞌorituanee”,
ti au eetuakai.
\v 7 Taa junameꞌe paꞌasi etta tekipanoame, intok junakaꞌa
usiwaita aman weyeo aꞌ bichaka, inenim jiiak: “Inikaꞌa
paꞌasi etta atteaneeme, aꞌabo weye”, tiian. “Taa inikaꞌa
paꞌasi etrita itou aꞌ tawaneꞌ betchiꞌbo, ite aꞌ meꞌene.
Junak intok itou tawanee”, tim nau jiiak.
\v 8 Junak intok, junakaꞌa bwiseka, aꞌ meꞌaaka, junamaꞌa
paꞌasi etripo, paꞌakun bicha, mekka jakunim aꞌ tojak.
\p
\v 9 ’Tua juꞌu tekowaita intok inikaꞌa paꞌasi etrita
atteakame junaman yepsako, jumeꞌ ama tekipanoame, jaisa
tua yaꞌaneekai. Junameꞌe bat aꞌ tekipanoasukaꞌum junuen
bem aukaꞌ betchiꞌbo, tokti am suꞌaka kaitaꞌpo am tawane
―tiia―. Intok jukaꞌ paꞌasi wajta taꞌabwim mampo aꞌ suꞌu
tojitebone ―tiia.
\p
\v 10 ’Jaisa, Liojta nok lutuꞌuriapo inen aꞌ jiꞌojteipo
aman, emeꞌe kee aꞌ noklaa jaꞌani. Junaꞌa jiꞌojtei intok,
net nokaka, tetapo nee teuwaaka, inen jiia:
\q Jukaꞌ tuꞌi tetata, tiia, kari aet utti nawaneeꞌuta, jumeꞌe,
jukaꞌ karita joame, tua junakaꞌasu, paꞌakun yeu tawaak.
\q Chukula, junaꞌa teta, jiba junae karita betuk, samita
nau yumaꞌapo, aetuk yechaꞌawak, bem ka junen eao juniꞌi.
\q
\v 11 Inikaꞌa weemta yaakame intok, juꞌu achai Lios aapo
junaꞌa.
\q Intok itom bichapo suum watchisi machisi maachi.
\p
\v 12 Junak intok, junakaꞌa weemta, taꞌabwi weemtau aꞌ
tammachiaka, aapoꞌik ameu nokaꞌuta, bempoꞌimmet junuen
aꞌ nokaꞌati juꞌuneaka, aꞌ bwiseka aꞌ meꞌebaeka ean. Taa
jukaꞌ buꞌuuraata ama anemta majjaeꞌ betchiꞌbo, kaachin
aꞌ yaaka, kia beja ama aꞌ toꞌo sajak jukaꞌ Jesujta.
\s Jumeꞌ paiseom, yaꞌutta bejeꞌetuawamtat tomita betana nokaka, Jesujta jiꞌoptuabaen
\p
\v 13 Chukula intok, Jesujtau watem paiseom betana intok
eroorianom teame betana aman au bittuawak, jita juniꞌi,
aꞌ nonoktuaka, aꞌ naꞌatejo betchiꞌbo.
\v 14 Junameꞌe intok, junamaꞌa au yajaka:
\p ―Yee majtame ―tim au jiiak―. Juꞌuneate, lutuꞌuriata jiba
em nokaꞌapo. Intok kaabeta betana em emo suuaꞌpo. Bweꞌituk
ee betchiꞌbo kaabe bwere yaaꞌuchim ―tiian―. Cheꞌa juni
san, empo siꞌimem nanancha eeyaka am bicha ―tiian―. Cheꞌa
juni san lutuꞌuriakamta ausuꞌlitae Lioj tuꞌu lutuꞌuriata
eꞌe yee majtaꞌe ―tiian―. Inia betchiꞌbo san, senu weemta
te eu nattemaibae ―tim au jiian―. Jaisa tuꞌinee jaꞌani,
oo ka tuꞌinee jaꞌani, juꞌuyoꞌo yaꞌari Sesar teamtau tomita
aman au tojipo ―tiian―. Junae tomie, yaꞌuraapo saiwame
ae bejeꞌetuanaꞌ betchiꞌbo. Inien san beja, itom tejwaane,
jaisa te aꞌ bejeꞌetuane, oo te kaꞌa bejeꞌetuane ―tim aꞌ
temaek.
\p
\v 15 Junak intok juꞌu Jesus, aapoꞌik, bem aꞌ bai taꞌaabaeꞌpo
aman amet juꞌuneaka, inen ameu jiiak:
\p ―Jaisa betchiꞌbo emeꞌe nee aet jiꞌobilaabae ―ti am temaek―.
Jukaꞌ tomita neu toja ―tiia―, naꞌa bitbae ―ti ameu jiiak.
\p
\v 16 Junak intok, bempo junakaꞌa tomita au tojak, aapo
intok:
\p ―Iniꞌi pujba ―tiia―, intok inimeꞌe team, tomit katekame,
jabesa junaꞌa ―ti am temaek.
\p Bempo intok:
\p ―Iniꞌi junaꞌa, juꞌu yoꞌo yaꞌari Sesar teamta pujbawa,
intok aꞌ teawam ―tim aꞌ yoopnak.
\p
\v 17 Junak intok juꞌu Jesus inen ameu jiiak:
\p ―Siꞌimeta wakaꞌa Sesar teamtau bicha au aꞌ lutuꞌuriakaꞌuta,
akeꞌem aꞌ makaꞌem ―tiia―. Intok siꞌimeta wakaꞌa Liojtau
bicha au aꞌ lutuꞌuriakaꞌuta, akeꞌem aꞌ makaꞌem ―tiia.
\p Intok junuen ameu aꞌ jiakaꞌ betchiꞌbo, tuꞌisim aꞌ suumꞌeeyak.
\s Juꞌu Jesus, jiabijtewamta betana temaiwa
\p
\v 18 Junak intok jumeꞌ saruseom teame, kokkolam jiabijteneꞌpo,
junakaꞌa taewaita jakwoo juniꞌi, ka yumaꞌaneꞌetiame, aman
au yajak Jesujtawi, intok inen au nattemaek:
\p
\v 19 ―Yee majtame ―tiian―, juꞌu Moiseejtukaꞌu, jiꞌojteita
inien toꞌo siika, aꞌ saiwata, kaabeta useka intok aꞌ jubi
toꞌo mukuko, aꞌ sairawata aꞌ jubiꞌuneꞌpo aman au utteꞌaꞌatiia,
aꞌ saiwata betchiꞌbo yoemianeꞌeteakai.
\v 20 Inien aꞌ weeꞌpo san, woo busan oꞌowim nau weweriakan.
Juꞌu bat weyeme, jubeka, intok ka yoemiaka muukuk.
\v 21 Aet chukula weyeme intok, juchi aꞌ jubiꞌuka juniꞌi,
ka yoemiaka muukuk. Junaet chukula weeme juniꞌi, aꞌ jubiꞌuka
juniꞌi, ka yoemiaka muukuk.
\v 22 Junuen nat chaꞌaka jumeꞌ woo busan oꞌowim nau
weweriakaꞌum, junuen emo aꞌ jubi makaka juniꞌi, kia jabe
juniꞌi, junae jamuttau kia wepul yoemiata juniꞌi ka au
toꞌo kokkok. Chukula kia aapo juniꞌi juꞌu jamut muukuk
―tim au jiiak―.
\v 23 Kokkolam jiabijteneꞌpo taewaita yumako, junameꞌe
jiabijteko, jumeꞌ woo busan nau wewerim betana, jabesa
tua aamak tawane. Bweꞌituk siꞌime emo aꞌ jubi maklatukan
―tiian.
\p
\v 24 Junak intok juꞌu Jesus am yoopnaka:
\p ―Tuꞌisi em jiꞌoplaꞌem ―tiia―. Bweꞌituk Liojta nok lutuꞌuriat
em ka juꞌunea. Intok kia Liojta utteꞌawat juniꞌi em
ka juꞌunea.
\v 25 Bweꞌituk junakaꞌa taewaita yumako, kokkolam aet
jijiabijteneeꞌu, emo jujupnaame kaitane. Bweꞌituk junaman
teekapo, ankelesim benasia inimeꞌe, junameꞌe benasi machine
―tiia―.
\v 26 Intok kokkolam jiabijteneꞌpo betana emeꞌe, jum
Moiseejtukaꞌuta jiꞌosia jiꞌojteimpo kaꞌa nokla jaꞌani,
junamaꞌa ili juya beeteꞌutchi jiꞌojtek, intok Liojta
inien au aꞌ nokakaꞌpo inen au jiakai: “Inepone Apraꞌamta
Liojraa”, tiia. “Intok Isaak teamta Liojraa, intok Jakooboꞌ
teamta Liojraa, inim nemak jiapsamme”, ti jiia juꞌu Lios.
\v 27 Iniꞌi Lios intok, ka kokkoarimmeu Lios, taa jiapsammeu
Lios ―tiia―. Inien san beja, emeꞌe tuꞌisi jiꞌoplaꞌem, kokkoarim
ka jijiabijteꞌetiakai ―ti ameu jiiak juꞌu Jesus.
\s Liojta betana nesauri, siꞌimem bepa cheꞌa eeyatunaame
\p
\v 28 Intok senu maejto, junuen emo nau nok bwijlaame
jikkajaka, intok Jesujta tuꞌisi am yoopnakaꞌpo aman, aꞌ
jikkajaka, aman Jesujtau yepsaka, au nattemaek:
\p ―Liojta nesauta betana ―tiaka―, jitaa nesaurisa, cheꞌa
utteꞌa itom aꞌ yaꞌaneeꞌu ―ti aꞌ temaek.
\p
\v 29 Jesus intok aꞌ yoopnaka:
\p ―Siꞌime nesaurita betana, iniꞌi junaꞌa, juꞌu cheꞌa utteꞌa
itom yaꞌaneꞌu: “Ijraꞌeliitam teame, akeꞌem aꞌ jikkajaka
aꞌ mammateꞌem, tiia. Juꞌu itom Lios achai, wepul Lios
jiba junaꞌa” ―ti ameu jiakai―.
\v 30 “Intok em Lios achaita, tuꞌisi chikti em jiapsi
utteꞌawatae, intok em jiapsi tuꞌiꞌeeritae, em achai Liojta
yoꞌoreka aꞌ nakneꞌem”, tiia. “Intok tuꞌisi aet jiapseka,
aꞌ nesaweꞌpo aman weene.” Iniꞌi junaꞌa, juꞌu cheꞌa tuꞌi
nesauri.
\v 31 Aet chukula weyeme intok, batte ale benasi maachi:
“Em emo nakeꞌe benasi”, ti jiame, “ket junalensu yoemrata
a naknee”, ti jiame. Intok iniꞌi wooi nesauri, jumeꞌ
waate siꞌime nesaurita bepa, cheꞌa eeyawatchi, ti ne eu
jiia.
\p
\v 32 Junak intok juꞌu maejto inen aꞌ yoopnak:
\p ―Tua su tuꞌi, yee majtame ―tiia―. Lutuꞌuriateꞌe nooka,
kaabeta intok Liojtukaꞌpo, tiaka, taa wepul jiba junaꞌa
juꞌu Lios, ti em jiaꞌapo.
\v 33 Intok chikti itom jiapsie, intok itom tuꞌiꞌeewamtae
intok siꞌime itom jiapsiꞌutteꞌawatae, junuen itou chaꞌaka,
junuen itom aꞌ nakneꞌepo. Intok tuꞌisi aet jiapseka
aꞌ nesaweꞌpo aman weeneꞌpo ket junuen itou chaꞌaka, junuen
itom aꞌ boꞌo joorianeꞌpo. Intok jukaꞌ yoemrata junuen
itom am nakneꞌepo ket junuen itou chaꞌaka ―tiia―. Intok
te inien aꞌ boꞌo jooriaꞌateko, inim siꞌime tekiata intok
Liojta yoꞌori betchiꞌbo, wakasim suꞌaaka am tattaawaꞌabepa,
ite cheꞌa tuꞌisi aunee inien aneꞌeteko ―ti au jiiak.
\p
\v 34 Jesus intok junak, tua junuentukaꞌpo aman, jukaꞌ
maejtota junuen aꞌ yoopnakaꞌ betchiꞌbo, aꞌ mammateka,
inen aꞌ yoopnak:
\p ―Empo iꞌan, jukaꞌ Liojta tuꞌi nok lutuꞌuriatat abe tuꞌisi
aet juꞌunea ―ti au jiiak.
\p Junak intok, Jesujta junuen aꞌ jiakaꞌ betchiꞌbo, kaabe
intok taꞌabwi weemta aꞌ temaebaeka ean.
\s Jabesa aꞌ uꞌusek, jukaꞌ Krijtota
\p
\v 35 Jesus intok, junamaꞌa bem teꞌopopo am majtaka, inen
ameu jiiak:
\p ―Jaisa betchiꞌbo ―tiia―, jumeꞌ maejtom, jukaꞌ Krijtota
Labiiꞌ teamta aꞌ yoemiak, ti jiamme.
\v 36 Bweꞌituk jukaꞌ Labiitukaꞌuta, Liojta tuꞌu jiapsi
inien aꞌ jiutuak:
\q Juꞌu tua achai yoꞌowe Lios, tiaka, in achai Krijtotau:
\q “In batatana yejteꞌe”, ti au jiiak.
\q “Siꞌime wameꞌe, ka enchi am sau iꞌaka jiapsame, taa
cheꞌa tuꞌisi, kia enchi bejeꞌeka aneme, inimeꞌe siꞌimem,
in enchi am nok jikkajituaꞌpo tajtia”, tiia.
\m
\v 37 Jaisa iꞌan juꞌu Labiitukaꞌu jukaꞌ Krijtota usine.
Bweꞌituk kia aapoꞌitaka juniꞌi, aꞌ achai Krijto rokak.
\p Intok juebenaka ama aneme, alleaka Jesujta jikkajan.
\s Jumeꞌe, bat naataka, Liojta ameu nokri, yee majtame, ka tuꞌisi bem aneꞌe betana, juꞌu Jesus am naꞌatejo
\p
\v 38 Intok jiba am majtasimeka:
\p ―Jumeꞌ maejtom betana emoꞌem suuaꞌem ―tiia―. Bweꞌituk
junameꞌe, emo Lioj waatituamcha aneme benasi, emo tebe
aꞌaabiꞌitotua. Intok jum kaayepo, jukaꞌ tuꞌisi yoꞌorisi
maisi ameu tebotewamta eeyamme.
\v 39 Intok jum Lioj waati betchiꞌbo, emo nau totojiwaꞌpo,
inimeꞌe maejtom junamaꞌa, ka amapo joobaekaꞌeene. Cheꞌa
juni san, bat bem joteꞌeneꞌuta cheꞌa waata. Intok emo
aꞌabojwaꞌpo, jiba bat joteꞌebaekaꞌeene.
\v 40 Taa ka ammaꞌali aane. Bweꞌituk inimeꞌe junen, jamut
jokoptuim, bem atteata, kia tomituk juniꞌi, intok kia waj
bwiatuk juniꞌi, intok kia karimtuk juniꞌi, am uꞌuraa.
Chukula intok, bem bitnaꞌ betchiꞌbo, tuꞌisi a Lioj waate
tiunaꞌ betchiꞌbo, binwa jukaꞌ Liojtau bicha nokwamta
weetua jumeꞌ maejtom. Inimmeu san junen, cheꞌa bettesi
amet aune, jiokot bem anneeꞌu.
\s Juꞌu poloobe jamut jokoptuita, wooi ili kopre tomim, Liojtau bicha aꞌ mikakaꞌum
\p
\v 41 Junamaꞌa bweꞌu teꞌopopo intok, Jesus katekan, tomita
ama jojjoꞌawa bichapo. Intok jukaꞌ yoemrata bitchun,
tomita aman tojamta. Yuꞌin totomekame intok, cheꞌa buꞌuuk
ama jojoꞌan.
\v 42 Senu jamut intok, poloobetaka intok jokoptuitaka,
ama yepsak. Junaꞌa intok, wooi kopre tomim ama joak, tuꞌisi
ka bejeꞌewaekamta.
\v 43 Junak intok juꞌu Jesus, aꞌ majtaꞌummeu chaaeka:
\p ―Lutula weeꞌpo ―ti ameu jiiak―, iniꞌi poloobe jamut jokoptui,
Liojta bichapo, siꞌime jumeꞌ cheꞌa buꞌuuk ama joakame
bepa cheꞌa buꞌuuk ama joak.
\v 44 Bweꞌituk siꞌime jumeꞌ waate, bem ameu yeu biꞌilaꞌuta
ama joak. Taa iniꞌi jamut, aꞌ poloobeꞌaꞌpo aman, jukaꞌ
ili aꞌ jipueꞌuta, tokti siꞌimeta ama joak, bwaꞌamta ae
aꞌ jinuꞌeaꞌuta juniꞌi.
\c 13
\s Juꞌu Jesus, jukaꞌ teꞌopota aꞌ wiutatuneꞌetiia
\p
\v 1 Jumeꞌ Jesujtaim junamaꞌa teꞌopopo yeu sajaka, intok
senu aꞌ majtiwa:
\p ―Achai ―ti au jiiak―. Yuu, inimeꞌe bwere karim, bwere tetammea
yaꞌarim bichaꞌe ―ti au jiiak.
\p
\v 2 Jesus intok aꞌ yoopnaka:
\p ―Inimeꞌe bwere karim enchim bichakaꞌum ―ti au jiiak―,
taewai aapo yumaꞌane, inimeꞌe karim siꞌime bem tataptuneꞌpo.
Intok inimeꞌe bwere tetam intok, kia wepuꞌulaik juniꞌi,
ka nat joka tawane. Taa siꞌime jeto chibela tataptune.
\s Jukaꞌ aniata kee subimneeo, yeu machineeme
\p
\v 3 Senu ili kawiu intok, oliiboꞌouwota buꞌuuka, junaꞌa
intok teꞌopota bichapo ka au mekka au machiata katek.
Jesus intok, junaman bicha sikaa, junamaꞌa aanen. Junamaꞌa
intok aapolaik, juꞌu Peoꞌ teame, intok Jakooboꞌ teame,
intok juꞌu Joan teame, intok juꞌu Antej teame, inen aꞌ
tetemae japtek:
\p
\v 4 ―Inien auneeme ―tiian―, jakwoosa yeu weeneekai ―ti aꞌ
temaek―. Intok jitaa machilaasa aune, inikaꞌa taewata
abe yumaꞌasuseo ―tim aꞌ temaek.
\p
\v 5 Jesus intok am yoopnaka:
\p ―Kaabeta enchim bai taꞌaaneꞌpo betana emoꞌem suuaꞌem
―ti ameu jiiak―.
\v 6 Bweꞌituk in team teuwaaka, juebenaka yeu machine.
Intok: “Inepo juꞌu Krijto”, tim jiune. Intok buꞌuum
bai taꞌaane.
\p
\v 7 ’Taa nassuawamta em jikkajaꞌateko, intok kia nassuabaawa
tiuwamta juniꞌi, katem jachin emo eetua. Bweꞌituk utteꞌa
junuen yeu aꞌ weeneꞌpo. Taa junaꞌa, kee juꞌu subimwatuneeme.
\v 8 Bweꞌituk juꞌu waate yoemratau yoꞌoraa, taꞌabwi yoemratau
yoꞌoraatamak nassuane. Intok kia oꞌomotchuu, juꞌu bwia
au yoowame aune. Intok tebaetune. Taa iniꞌi siꞌime weeme,
kia juꞌubwa naatewame, jiokot eenaaꞌu.
\p
\v 9 ’Taa emeꞌe, emo naas em suuaꞌem ―tiia―. Bweꞌituk juriom
yaꞌuraata bichapo yeu tojitune. Intok jum juriom nau
emo totojaꞌpo bemmuchaꞌatuneꞌem. Intok kia cheꞌa yoꞌo
yaꞌarim bichapo, intok yoꞌo yaaꞌuchim bichapo nee betchiꞌbo,
junamaꞌa yeu totojinaaꞌem. Jukaꞌ Liojta tuꞌu nok lutuꞌuriata
bem jikkajineꞌ betchiꞌbo.
\v 10 Intok in tuꞌi nok lutuꞌuriata inim bwiapo jiapsammeu,
siꞌimem yeu tajtia, ameu teuwaatuneꞌpo aman, utteꞌa, junuen
bat ameu aꞌ teuwaanaꞌpo, kee jukaꞌ chukula yeu weenemta
yeu aꞌ weyeo.
\v 11 Intok emeꞌe, aman yaaꞌuchim bichapo nuꞌupawako,
aman tojiwako, juꞌu enchim nokneꞌepo betana, ka jain eene.
Intok kaachin emo eetuakai. Taa junamaꞌa lautipo, enchim
nokneeꞌuta nokne. Bweꞌituk Liojta tuꞌu jiapsi, aapoꞌik
enchim noktuabaeꞌpo aman enchim noktuane.
\v 12 Intok kia aꞌ sairaka juniꞌi, kialaꞌa meꞌetuneo
juniꞌi, yeu aꞌ bwijne. Intok kia achaiwaitaka juniꞌi,
aꞌ yoemiata junuen yaꞌa tebone. Jumeꞌ yoemiamtaka juniꞌi,
bem achaim bejeꞌeka japtene. Intok am suꞌane.
\v 13 Intok emeꞌe siꞌime, nee betchiꞌbo omtanaaꞌem. Taa
waꞌa aꞌ mukeꞌepo tajtia nee yoemꞌeeyaakame, intok nee
sualeme, junaꞌa jiapsi jinneꞌuritune.
\p
\v 14 ’Taa emeꞌe, jukaꞌ senu oꞌouta, Liojta teꞌopopo, ka
ama an machika juniꞌi, ama anemta bichakaꞌateko (inikaꞌasan
junen jiꞌojtek juꞌu Lanieltukaꞌu, Liojta betana noktuawakame),
Liojta teꞌopota jaana aꞌ eeyaka, intok junamaꞌa Jerusalen
teaꞌpo ayukamta buꞌuuk nasonteneeme (inikaꞌa inien jiamta
nokame, tua aet juꞌunee betchiꞌbo, aet mammateka aꞌ noknee).
Junak intok, junakaꞌa junen ama anemta bichaꞌateko, jumeꞌe,
bwiara Jureaꞌ teaꞌpo aneme, kawiu bicha sakaꞌane.
\v 15 Juꞌu intok, karita bepa aneme, koꞌom sikaa, ka wajiwa
kibakeka aꞌ weeyaꞌ betchiꞌbo jita nuꞌubaekaꞌeene.
\v 16 Waꞌa intok, wajpo aneme juniꞌi, ka juchi amau bicha
nottibaekaꞌeene, aꞌ jijineꞌum aman nuꞌubaekai.
\v 17 Taa junameꞌe taewaimmet intok, tuꞌisi jiokot machine.
Jaamuchimmeu abe asoammeu, intok jumeꞌ bem ili asoam
jaibu chiꞌituammewi.
\v 18 Inia betchiꞌbo san, Liojtau bicha emo nokria, ka
seberia mechammet, junam bicha enchim katneꞌ betchiꞌbo.
\v 19 Bweꞌituk junameꞌe taewaimmet, tuꞌisi jiokot machine.
Bweꞌituk, Liojta keꞌesamriapo aniata juꞌunaktekaꞌpo naateka
inien jiokot machineeꞌu, kaitatuk. Taa iꞌan, junameꞌe
taewaimmet, jiokot machineeꞌu junuen aune. Intok aet
chukula junale benasi jiokot machineeꞌu, jakwoo juniꞌi,
ka intok junuentune.
\v 20 Taa juꞌu achai Lios, ka binwa junuen aꞌ anꞌiiꞌaꞌ
betchiꞌbo, kaita intok taewaita naa buusti am makak.
Bweꞌituk, ka junuen aukaꞌateko, kaabe jiapsi ean. Taa
aapo juꞌu Lios, junameꞌe ama yeu aꞌ puꞌarim betchiꞌbo,
junakaꞌa junuen anemta junamaꞌa nukisi jiba junuen aꞌ
anneꞌ betchiꞌbo, ka intok naa buusti junuen aꞌ antuak.
\p
\v 21 ’Inien aꞌ weeꞌpo san: “Krijto waꞌam aane”, ti
senuk jiaꞌateko, kaꞌa sualbaekaꞌeene. Oo: “Waꞌam jak
aꞌ yebijlaa”, ti aꞌ jiao juniꞌi, kaꞌa sualbaekaꞌeene.
\v 22 Bweꞌituk juebenaka emo Krijtom tiaka, yeu machine.
Waate intok, emo, Liojta betana noktuawaka bittuarim, tiaka
yeu machine, intok yee bai taꞌaꞌ betchiꞌbo, sualwatchisi
machik, machilaata am joone. Intok kia suum watchisi
machik juniꞌi joone. Intok Liojta yeu puꞌarim a am bai
taꞌaꞌateko juniꞌi, am bai taꞌaabaekai.
\v 23 Taa emeꞌe, aet emo suuaꞌem. Bweꞌituk inikaꞌa weemta,
kee yeu weyeo, jaibu ne siꞌimeta enchim tejwasula.
\s Inim bwiapo, jaisa aꞌabo aꞌ yebijneꞌpo, juꞌu ito benasi yoeme
\p
\v 24 ’Taa intok, junameꞌe taewaimmetchi, jiokot machisi
maisi yeu simsukaꞌpo, juꞌu taꞌa ka machisi tawane. Intok
kia juꞌu mala meecha juniꞌi ka machiriane.
\v 25 Jumeꞌ chokim intok, teeka betana koꞌom yojtine.
Intok siꞌime juꞌu teekapo ayukame, au yoyoone.
\v 26 Junak intok, seenu, namupo aꞌabo weeka bitnaa. Emo
benasi inim yeu yoemtakai, yoꞌorisi machisia, intok tuꞌisi
utteꞌawakai.
\v 27 Junak intok, aꞌ nesaureoꞌankelwam, siꞌimekut naas
am bittuaka, aapoꞌik yeu puꞌalaꞌum nau am toji betchiꞌbo,
siꞌime bwiat yeu tajtia, naꞌikim aneme nau am toji betchiꞌbo
―tiia―.
\p
\v 28 ’Senu weemta ne enchim majtabae ―tiia―. Emeꞌe ―tiia―,
jukaꞌ chunaꞌouwota, basiu taitemta bichaꞌateko, emeꞌe
jaibu juꞌuneene, jukaꞌ tatariata aꞌabo weyeꞌpo. Junakaꞌa
mammateka juꞌuneene.
\v 29 Ket junalensu, bat naataka in emou teuwaakaꞌuta
junuen yeu aꞌ machi taiteko, ket emeꞌe a aet juꞌuneene,
jukaꞌ Liojta usiwai, cheꞌewasu ka mekka aꞌ beꞌeeꞌpo, inim
wain koꞌom aꞌ yebijneꞌpo ―tiia―.
\v 30 Lutula weeꞌpo ―tiia―, in emou teuwaakaꞌu, iꞌan inimeꞌe
taewaimmet, inim bwiapo jiapsame, jukaꞌ in teuwaakaꞌu,
kee am kokkousu, yumaꞌisi siꞌime yeu machine ―ti ameu
jiiak―.
\v 31 Juꞌu teeka juniꞌi, luꞌutine, intok kia bwia juniꞌi
luꞌutine. Taa in noki, ka luꞌuteka, jiba betchiꞌbo aune
―tiia―.
\p
\v 32 ’Taa kaabe aꞌ juꞌuneyya junakaꞌa taewata, jak weyeosu
aꞌ yumaꞌaneꞌpo. Kia ankeltaka juniꞌi, kaꞌa juꞌuneyya,
teekapo aneme. Intok kia Liojta usiwai juniꞌi kaꞌa juꞌuneyya,
taa aapo jiba juꞌu achai Lios juꞌunea ―tiia―.
\p
\v 33 ’Taa emeꞌe ―tiia―, junakaꞌa taewata, jak weyeo aꞌ
yumaꞌaneꞌpo ka enchim aet juꞌuneaꞌ betchiꞌbo, jukaꞌ bejak
in emou teuwaakaꞌuta yeu aꞌ wee taiteko, tuꞌisi aet mammateka,
Liojtau bicha emo nokria, intok kulupti jukaꞌ emo benasi
yoemta aꞌ yebijneeꞌuta boꞌo bitne.
\v 34 Bweꞌituk iniꞌi weeme, iiyilen maachi, senu yoeme,
mekka bicha simbaeka, aꞌ joꞌawapo aꞌ nesaureowam, weꞌepulaim
jitat am tekil makaka, sikaꞌa benasi maachi, intok jukaꞌ
senuk, jum aꞌ joꞌawapo jum ama yeu rejtiwaꞌpo siꞌimeta
aꞌ suuasaeka, junamaꞌa aꞌ toꞌo siika ―tiia―.
\v 35 Junuen san beja, junakaꞌa, jak weyeo aꞌ nottineꞌpo
ka juꞌuneaka, oo kupteo tana yebijne, oo nasuk tukaata
weyeo, oo matchuu bicha, totoim kukuseo, oo tua matchusuk,
aꞌ yebijneꞌpo ka juꞌuneewaꞌ betchiꞌbo, jiba aꞌ boꞌo bichaka
ama anne. Emeꞌe juni san, netchem boꞌo bichaka tawane.
\v 36 Bweꞌituk enchim ka emo suuao, inepo seej chukti
emou yepsako, enchim kokocheme teune ―tiia―.
\v 37 Intok siꞌimeta wakaꞌa in emou teuwaaꞌuta, siꞌimemmeu
ne yeu tajti aꞌ teuwaaka ne junen jiia, bem nee boꞌo
bichaꞌpo amani.
\c 14
\s Jaisa jukaꞌ Jesujta aꞌ bwij betchiꞌbo, juꞌu nau emo tuꞌutewame
\p
\v 1 Chukula intok, wooi taewata beꞌeeo, bem pajko, bwalaꞌasoꞌola
jisuꞌawa taewaituneꞌ betchiꞌbo, intok jumeꞌ paanim ka
reberuakame, bwaꞌa taewaituneꞌ betchiꞌbo. Intok jumeꞌ
teꞌopopo, ama saiwame bepa cheꞌa yoꞌo yaaꞌuchim, intok
jumeꞌ maejtom, Jesujta etbwa bwij betchiꞌbo, intok aꞌ
meꞌetuneꞌ betchiꞌbo, awim aꞌ jaiwan, junuen aꞌ yaꞌabaekai.
\v 2 Inenim nau jiakai intok:
\p ―Ka jumeꞌ taewaim weyeꞌpo te inen aune, bweꞌituk te
junuen ayuek ―tiian―, jukaꞌ yoemrata, itou omtineekai, ka
yanti eewame aune ―tiian.
\s Juꞌu senu jamut, jukaꞌ ochokok, tuꞌisi winjubak, Jesujtat aꞌ bemtak
\p
\v 3 Aapoꞌik intok, Jesujta, joꞌara Betaaniaꞌ teaꞌpo aneo,
junamaꞌa yoeme Simoꞌ teame, bat naataka junerasi taka
saꞌawakai, junamaꞌa joꞌaaka, juꞌu Jesus intok, junae joꞌaapo
aanen. Aet jijiꞌibwawapo intok, aapoꞌik aman yejteko,
senu jamut, ama Jesujtau yepsaka, jukaꞌ ochokok tuꞌisi
win jubak, naaroꞌ teamta ausuꞌlik, intok tuꞌisi bejeꞌewakamta
weeyan. Junamaꞌasan jukaꞌ ili tosai teta sotoꞌita, aet
aꞌ aukaꞌuta, jamtaka, junakaꞌa ochokok aꞌ kobawapo aet
aꞌ toꞌaak.
\v 4 Waate intok ama aneme, inia weemta betchiꞌbo emo
oꞌomtituak, inen emo eetuakai:
\p ―Jaisaaka tua, beutaꞌa yaak ―tim jiakai―.
\v 5 Bweꞌituk iniꞌi ochoko win jubak, cheꞌa tuꞌi ean,
buꞌuu tomipo nenkitu ean. Bweꞌituk aꞌ bejeꞌewaꞌu, batte
senu wasuktiapo tekipanoaka ama kobakaꞌu, junakaꞌa bejeꞌewaek.
aꞌ nenkak intok junaꞌa tomi poobemmet naꞌikimteꞌeewan.
\p Inia betchiꞌbo san, junakaꞌa jamutta aꞌ bejeꞌeka, ae
tana nookan.
\p
\v 6 Taa Jesus intok, junammeu:
\p ―Akeꞌem aꞌ suꞌu tojaka, katem suati aꞌ bicha ―ti ameu
jiiak―. Bweꞌituk iniꞌi jamut, tuꞌuwata neu yaꞌala ―tiia―.
\v 7 Bweꞌituk jumeꞌ poloobem jiba emo mak anne, intok
tuꞌuwata enchim ameu yaꞌabaeꞌpo aman, jiba emou aune.
Taa nee ka jiba inim emo mak annee.
\v 8 In mukuka, in aet maꞌanaꞌataꞌapo neu yaꞌanaaꞌuta,
iniꞌi jamut, ket beꞌeeo aapo jaibu inikaꞌa ochokok win
jubak aꞌ yumaꞌalaꞌpo aman, in takaat net aꞌ siꞌitala.
\v 9 Lutula weeꞌpo inien ne emou jiia, iniꞌi Liojta tuꞌi
nokta, kia jak juniꞌi, siꞌime bwiat yeu tajtia, aꞌ teuwaawaꞌpo,
inikaꞌa jamutta, jukaꞌ ochokok win jubak, net aꞌ siꞌitakaꞌpo
aman, ket teuwaatunee aapoꞌiku waatituneꞌ betchiꞌbo.
\s Juꞌu Juuraj Ijkariooteꞌ teame, jukaꞌ Jesujta aꞌ nenkibaeka, teꞌopopo yaaꞌuchimmak au tuꞌute
\p
\v 10 Junak intok juꞌu Juuraj Ijkariooteꞌ teame, woj
mamni ama wooi aꞌ majtimpo naꞌikiatukaꞌu, junaꞌa, jumeꞌ
teꞌopopo saiwame, bem yaaꞌuchimmeu sikaa, Jesujta ameu
yeu bwiseka, bempoꞌim mampo aꞌ suꞌu tojineꞌ betchiꞌbo
amemak au tuꞌutek.
\v 11 Junameꞌe intok, aꞌ jikkajaka, junae weemta betana,
emo alleetuaka, intok tomita aꞌ mikrokaka aꞌ tejwak.
Chukula intok juꞌu Juuraj Ijkariooteꞌ teame, aꞌ bwijtuneꞌ
betchiꞌbo, aet tekipanoa taitek.
\s Kupteo, Jesujta jiꞌibwaꞌpo
\p
\v 12 Intok, juꞌu bem pajko, jumeꞌ paanim ka reberuakame
bwaꞌe taewaita yumako, intok jumeꞌ bwaraꞌasoꞌolam aet
suꞌanaaꞌu. (Junaꞌa intok pajkuaꞌatea tiia.) Junak san
beja, jumeꞌ aꞌ majtim:
\p ―Jakunsa ―tiian―, jumeꞌ paanim ka reberuakame, intok jukaꞌ
bwala jisuꞌari jissobata itom bwaa iꞌa ―tim aꞌ temaek.
\p
\v 13 Junak intok, aapo, wooi aꞌ majtim, bweꞌu joꞌarata
katekaꞌu am bittuak, intok:
\p ―Senu oꞌouta, sotoꞌpo baꞌam weeyamta enchim nankika
weene ―tiia―. Junaet chaꞌaka em katne ―ti ameu jiiak―.
\v 14 Intok senu joꞌarapo aꞌ kibakeko, junaman, junakaꞌa
karita atteakamtau emeꞌe yajaka, inen au jiunee: “Juꞌu
yee majtame inen jiia: Inim em joꞌapo, jumeꞌ paanim ka
reberuakame, intok jukaꞌ bwara jisuꞌari jissobata, aet
aꞌ bwaꞌa taewaita yumakaꞌpo aman, inim em joꞌapo aꞌ jiꞌibwarokaka
nokla. Kialiꞌikun te aꞌ juꞌuneyyabae, jakuni itom jiꞌibwaneꞌpo.”
\v 15 Junak intok junaꞌa, junamaꞌa, junae karita bepa,
intok senu bweꞌu kari katek. Junakaꞌa intok enchim tejwane.
Junamaꞌa intok siꞌime aayuk, itom ae jiꞌibwaneeꞌu. Emeꞌe
junen intok, junamaꞌa, ito beasi siꞌimeta ama tuꞌutene.
\p
\v 16 Jumeꞌ majtim intok, aman bweꞌu joꞌarau bicha sajaka,
junuen ameu jiuwakaꞌpo aman, junuen ameu yeu siika. Intok
paanim, ka reberuakame, intok bwara jisuꞌari jissobata,
bwaꞌanaꞌpo, junamaꞌa siꞌimeta tuꞌulisi tuꞌutekamme.
\p
\v 17 Kupteo yumak intok, juꞌu Jesus, jumeꞌ woj mamni
ama wooi ama aꞌ majtimmak, junaman, paanim ka reberuakame,
intok jukaꞌ bwara jisuꞌari jissobata, bem bwaꞌaneꞌpo
yepsak.
\v 18 Junamaꞌa intok, ama aet jijiꞌibwawaꞌpo, jiꞌibwa
betchiꞌbo, ama jootekai, Jesus inen jiiak:
\p ―Lutula weeꞌpo ―tiia―, emo tana senu aane, iꞌan nemak inim
jiꞌibwame, nee yeu bwiseka nee nenkineeme ―tiia.
\p
\v 19 Junak san beja, bempo, ka emo alleetua japtek, intok
weꞌepulaka inen au jiu japtek:
\p ―Jumak juniꞌi inepo jaꞌani ―ti jiakai.
\p
\v 20 Junak intok aapo am yoopnaka:
\p ―Jumeꞌ woj mamni ama wooim betana ―tiia―, wepuꞌulaka junaꞌatune
―tiia―. Puꞌatopo in jiꞌibwaꞌpo, paanim komoniaka, am bwaꞌakame
―tiia―.
\v 21 Taa lutula weeꞌpo, juꞌu emo benasi yoemta betana
junuen aꞌ jiꞌojteitukaꞌpo aman, au chupne. Taa tuꞌisi
ae betchiꞌbo jiokot machine, junae oꞌoutawi, juꞌu, yeu
aꞌ bwiseka aꞌ nenkakamtau ―tiia―. Cheꞌa tuꞌi ean ―tiia―,
junaꞌa oꞌou, jakwoo juniꞌi ka inim yeu tomtekaꞌateko
―tiia.
\p
\v 22 Junak intok juꞌu Jesus, ketuni am jiꞌibwaosu, junameꞌe
paanim, ka reberuakame, nuꞌuka, Liojtau bicha noksuka intok,
am rebekta taiteka aꞌ majtimmet naas am naꞌikimte taitek:
\p ―Jibabu ―tiakai―, iniꞌi junaꞌa, juꞌu in taka benasi machik,
enchim bwaꞌaneeꞌu.
\p
\v 23 Jukaꞌ paꞌasi baꞌawata aet aukaꞌuta intok, nuꞌuka,
Liojtau bicha nookak. Liojtau bicha au nokriasuka intok,
junakaꞌa paꞌasi baꞌawata, bem aꞌ jiꞌineꞌ betchiꞌbo, naas
am maktaitek.
\v 24 Intok:
\p ―Iniꞌi junaꞌa ―tiakai―, juꞌu in ojbota benasi maachi.
Liojta betana bemelasi lutuꞌuria yaꞌari, juebenam betchiꞌbo
woꞌotineeme.
\v 25 Lutula weeꞌpo ―tiia―, inikaꞌa paꞌasi baꞌawata ne
kaaꞌintok ne inim emo mak aꞌ jiꞌine ―tiia―. Taa taewai
yumaꞌane, junaman Lios yoꞌo nesaweka katekaꞌu, taꞌabwi,
bemelak paꞌasi baꞌawata in emo mak jiꞌineeꞌuta yumaꞌane
―tiia.
\s Juꞌu Jesus, jukaꞌ Peoꞌ teamta, ka au aꞌ taꞌaatiuneꞌpo betana aꞌ tejwa
\p
\v 26 Junamaꞌa intok, Liojtau bicha weyemta jukaꞌ bwikta
bwiikak. Junamaꞌa intok, junuen ausuka, senu kawiu, tuꞌisi
oliiboꞌouwota aukaꞌu bicha sajak.
\v 27 Junamaꞌa Jesus intok, inen ameu jiiak:
\p ―Inie tukaariat, siꞌime emeꞌe, neu aunemta betana emo
womtaka, nee toꞌo tennineꞌem ―tiia―. Bweꞌituk chupiꞌiseka
weye juꞌu Jiꞌojtei inen jiame: “Bwaram womteka, naꞌikim
bem tennineꞌ betchiꞌbo, jukaꞌ am suuamta ne meꞌenee”,
ti jiia juꞌu jiꞌojtei.
\v 28 Taa chukula intok, ne jiabijtesuko, bwia Kalileaꞌ
teaꞌu bicha ne emo pat weene ―tiia.
\p
\v 29 Junak intok, juꞌu Peeo inen au jiiak:
\p ―Eu aunemta betana, siꞌimem emo womtakaꞌateko juniꞌi,
inepone kaachin ino majjaituaka enchi toꞌo simbaekaꞌeene
―ti au jiiak.
\p
\v 30 Taa juꞌu Jesus intok, aapoꞌik inen yoopnak:
\p ―Lutula weeꞌpo ―ti au jiiak―, ne inen ne eu jiia, inie
tukaariat, totoiꞌoꞌowiata kee wosa aꞌ kukuseosu, empo,
bajisi temaiwako, junalensu ket, bajisi, ka nee emo taꞌaa
tiune.
\p
\v 31 Taa juꞌu Peeo, cheꞌa juni san au ousi eetuaka:
\p ―Kia nee a eemak mukeꞌetek juniꞌi ―tiia―, nee eemak mukne
―tiia―, intok jiba ino enchi taꞌaa tiakai.
\p Jumeꞌ waate juniꞌi, ket jiba junaensu jiian.
\s Juꞌu Jesus, jum, Jetsemaniꞌ teaꞌawi, Liojtau bicha bwaana
\p
\v 32 Junak intok, sajaka, Jetsemaniꞌ teaꞌu yajak. Jesus
intok, junamaꞌa am joosaeka am tejwaak. Bweꞌituk bempoꞌimmeu,
ameu ili mekka, aapola, Liojtau bicha nokbaeka ean.
\p
\v 33 Taa jukaꞌ Peoꞌ teamta nuk siika, intok jukaꞌ Jakooboꞌ
teamta intok jukaꞌ Joan teamta. Intok tuꞌisi au jachin
eetuataitek. Intok ka au alleetuataitek.
\v 34 Junameꞌe bajika intok, aamak sajakammeu:
\p ―In jiapsi abe siok muke ―ti ameu jiaka―, emoꞌem suuaka,
im em taawa ―ti ameu jiiak.
\p
\v 35,36 Junak intok juꞌu Jesus, jum aꞌ aneꞌepo, mekka
jeela sikaa, bwiapo, tonommea kikteka, Liojtau bicha nokbaekai,
jumak juniꞌi, junamaꞌa lautipo, ka ineꞌe maisi machik
au weyemta, ka utteꞌatune, ti eakai. Intok Liojtau bicha
nokaka, inen jiiak:
\p ―In achai ―tiia―, empo cheꞌa, siꞌimeta a jooa. Inikaꞌa
neu weyemta, empo a omot bicha, taꞌabwisi aꞌ kuaktakaꞌateko,
junuen aune. Taa ka in junen eaꞌpo, taa em eaꞌpo amantune.
\p
\v 37 Junak intok, jumeꞌ baji aꞌ majtim, aꞌ toꞌo sikaꞌapo
aman, ameu yepsaka, kokocheme teaka, Simotau:
\p ―Jaisa empo koche Simo ―ti aꞌ temaek―. Jaisa empo kia
chubala juniꞌi, ka kocheka a aane ―tiia―.
\v 38 Ka tuꞌuwata ka enchim yaꞌaneꞌ betchiꞌbo, aet emo
suuaka Liotau bicha nokaꞌem ―ti ameu jiiak―. Bweꞌituk
juꞌu jiapsi ala, tuꞌuwau bicha jiba ea, taa juꞌu enchim
takaa, ka ama aawe ―tiia.
\p
\v 39 Intok juchiꞌintok, bat naataka, Liojtau bicha nok
betchiꞌbo, tonommea aꞌ kiktekaꞌu bicha sikaa, junaman,
jiba junakaꞌa, bat naataka junaman aꞌ teuwaaꞌuta nookak.
\v 40 Junak intok, jumeꞌ baji aꞌ majtim aꞌ toꞌo sikaꞌapo
aman ameu yepsaka, juchi kokocheme teak. Bweꞌituk junameꞌe
intok bem yete kokkolamtukaꞌ betchiꞌbo, kia kaita nok
machiakan, juchi bem kokocheka teuwaakaꞌ betchiꞌbo.
\v 41 Bajisi junuen auka beja, juchi junameꞌe bajimmeu
notteka:
\p ―Jaisa emeꞌe ketuni kokoche ―tiia―, intok ketuni yum joꞌewamta
weetua ―ti am temaek―. Joteꞌembu ―tiia―. Emeꞌe jaibu kaachin
an machi. Bweꞌituk yumaꞌasuk juꞌu in teuwaakaꞌu, emo
benasi inim yoemtukame, ka tuꞌi jiapsi yoemem mampo aꞌ
suꞌu tojinaaꞌu.
\v 42 Japteꞌem. Bweꞌituk aꞌabo weye juꞌu nee yeu bwiseka,
nee nenkineeme.
\s Juꞌu Jesus, bwijritaka weeyawa
\p
\v 43 Ket aꞌ nokaosu intok, juꞌu Juuras Ijkariooteꞌ teame
bat naataka woj mamni ama wooi aꞌ majtimpo naꞌikiaritukaꞌu,
juebena yoememmak ama Jesujtau yepsak. Teꞌopopo saiwame,
bem yoꞌo yaꞌuram betana intok junamaꞌa yoemrapo cheꞌa
ama yoꞌo yaꞌarim betana, intok junamaꞌa bem maejtom betana,
aman bittuarimtakai. Waate tettebem kukucheꞌeka kaaten.
Wate intok bwere kutam mampo machuꞌutisakan.
\v 44 Juꞌu yeu aꞌ bwijneeme intok aꞌ nenkineeme, jaibu
senu machilaata am maklatakai, inen ameu jiulatukan:
\p ―Te aman yajako ―tiaka―, wakaꞌa aꞌ pujbawapo, in aet tenteneeꞌu,
junakaꞌa, emeꞌe, tuꞌisi aꞌ suuaka aꞌ bwiseka aꞌ weeyane
―ti ameu jiulatukan.
\p
\v 45 Intok ama yajaka, juꞌu Juraj Ijkariooteꞌ teame,
Jesujtau rukteka, aꞌ pujbawapo aet tenteka:
\p ―Yee mamajtame ―ti au jiiak.
\p
\v 46 Junak intok junameꞌe, junuen bem tejwarimtukaꞌpo
aman, Jesujta bwisekamme.
\v 47 Jesujta majtim betana intok, seenu, aꞌ bainapo jumeꞌ
tebe kuchiꞌim yeu wikeka, teꞌopopo nesawemta aꞌ nesaureowata
aman bittuarita, naka chuktaꞌa beebak.
\v 48 Jesus intok, ameu nokaka:
\p ―Jaisa nee etbwareotukaꞌa benasia emeꞌe, mampo kucheꞌeka,
intok kutam machuꞌuteka aꞌabo nee bwij betchiꞌbo, aꞌabo
neu yajak ―ti am temaek―.
\v 49 Katiꞌikun nee chikti taꞌapo, emomak jum teꞌopopo
aneka intok yee majtan. Junamaꞌa intok jaisaakai emeꞌe
ka nee bwisek ―ti am temaek―. Taa jukaꞌ jiꞌojteita junuen
aꞌ chupneꞌ betchiꞌbo, utteꞌa inien aꞌ yaꞌatuneꞌpo ―tiia.
\p
\v 50 Junama san, jumeꞌ aꞌ majtim, siꞌime aꞌ toꞌo tennek.
\s Juꞌu juꞌubwa yoꞌotume, aꞌ toꞌo wantekame
\p
\v 51 Taa seenu, juꞌubwa yoꞌotume, ka tajoꞌoreka taa kia
bweꞌu tosai tajoꞌorimmea au ropti jintuarika, junamaꞌa
Jesujtaimmak ama aanen. Junak intok, jumeꞌe, Jesujta junuen
bwisekame, ket junakaꞌa juꞌubwa yoꞌotumta aamak weeyabaeka,
ammea au aꞌ jintuarim bwisek.
\v 52 Taa junaꞌa intok, am mamajuka, jumeꞌ aꞌ jinekaꞌum,
bem mampo aꞌ toꞌo buiteka, ama yoꞌeeka, juneꞌelaka siika.
\s Juꞌu Jesus, yoꞌo yaꞌuraata bichapo jipuꞌuwa
\p
\v 53 Jesujta intok, teꞌopopo cheꞌa yoꞌo yaꞌataka, nesawemta
joꞌau tojiwak. Junamaꞌa intok, siꞌime jumeꞌ ama teꞌopopo
juꞌu yoꞌoora intok junamaꞌa yoemrapo ama yoꞌo yaꞌarime
ama aanen. Intok siꞌime jumeꞌ junamaꞌa bem maejtom.
\v 54 Taa juꞌu Peoꞌ teame, aꞌ weeyawao, ili mekka, aet
chaꞌaka weyen. Intok aꞌ junamaꞌa joꞌara mayoau tajtia
aamak yepsak. Teꞌopopo yoꞌo yaꞌataka nesawemtau aꞌ tojiwako.
Intok ama saiwammak, tajimmeu kateka sukawen juꞌu Peeo.
\p
\v 55 Intok junamaꞌa, juꞌu yoꞌoora, jum teꞌopopo nesaweme,
intok siꞌime juꞌu yaꞌuraa, Jesujta meꞌ betchiꞌbo, watem,
jitat, ka tuꞌikut betana, aꞌ meꞌetuneꞌ betchiꞌbo, aꞌ naꞌatejonemta
waatan. Taam kaabeta teak.
\v 56 Bweꞌituk juebenaka, aa nokiꞌichiata, ka tuꞌik ae
tana nookan. Taa bem aet nokaꞌu, intok aetana aꞌ waatiawaꞌpo
aman, ka ama yeu weaman. Bweꞌituk utteꞌatukan, wooi oo
baji yoemem, nanancha bem aꞌ teuwaaneꞌ betchiꞌbo, jukaꞌ
bem aꞌ naꞌatejoneeꞌuta.
\v 57 Junak intok, waate, aꞌ bejeꞌeka, aa nokiꞌichiata
nok japtek inenim jiakai:
\p
\v 58 ―Itepote cheꞌa, inikaꞌa inen ti jiamta te jikkajila.
Aapo, ikaꞌa teꞌopota, maamea yaꞌarita au tatapne, tiia.
Baji taꞌapo intok, taꞌabwi teꞌopota, ka maamea yaꞌatunemta
au yaꞌaneꞌetiia.
\p
\v 59 Taa junuentak juniꞌi, aꞌ bejeꞌeka bem teuwaaꞌu,
ka nanancha aꞌ teuwaak. Aꞌ waatiawaꞌpo aman ka yeu weaman.
\p
\v 60 Junak intok juꞌu teꞌopopo cheꞌa yoꞌotaka, ama nesaweme,
nasuk kikteka, Jesujtau:
\p ―Jaisa empo kaita am yoopna machi ―ti aꞌ temaek―. Inikaꞌa
weemta enchi bejeꞌeka nokammewi. Jaisa lutuꞌuria jaꞌani,
bem et nokaꞌuta ―ti aꞌ temaek.
\p
\v 61 Taa aapo intok, juꞌu Jesus, tua kaita am yoopnariak.
Juchi intok juꞌu teꞌopopo cheꞌa yoꞌotaka ama nesaweme,
juchi au nattemaeka:
\p ―Jaisa empo junaꞌa jaꞌani, juꞌu Krijto ―ti aꞌ temaek―.
Intok juꞌu, tua yoꞌoriwamta Liojta betana, empo usiwai
―ti aꞌ temaek.
\p
\v 62 Junak san beja, juꞌu Jesus:
\p ―Inepo junaꞌa ―ti au jiiak―. Intok jukaꞌ Liojta usiwaita
empo bitne, Liojta, siꞌime utteꞌawata betana, intok aꞌ
batatana katekamta bitne. Intok ket, namupo aꞌabo koꞌom
weyemtaꞌeꞌe bitne ―ti au jiiak.
\p
\v 63 Junak intok juꞌu teꞌopopo, cheꞌa ama yoꞌo yaꞌarime,
kujteerimmea, au supe siuti wikeka, ama anemmeu inen jiiak:
\p ―Iꞌan, junuen aꞌ nokakaꞌ betchiꞌbo ―tiia―, junuet aꞌ nok
bwijlataka, intok aꞌ bejeꞌeka aet nokneeme, kaabe intok
waatiatune ―tiia―.
\v 64 Emeꞌe aꞌ jikkajila, junuen juꞌenasi aꞌ jiakaꞌpo.
Jaisa emou maachi ―ti am temaek.
\p Junameꞌe intok, siꞌime, aꞌ meꞌe iꞌaka nookan.
\p
\v 65 Waate intok, aet chit watti japtek. Intok aꞌ puj
sumaꞌika, aꞌ beebaka, inen au jiian:
\p ―Noolia ―tiian―, itom tejwaa jabeta juꞌu enchi choname
―tim au jiakai.
\p Jumeꞌ waate intok, ama saiwame, aꞌ chonaka, koꞌokosi
aꞌ jooan.
\s Juꞌu Peeo, Jesujta ka au taꞌaa, tiia
\p
\v 66 Teꞌopopo cheꞌa yoꞌo yaꞌarita, jamut nesaureowa
aman koꞌom siika. Peota intok junamaꞌa betuk aꞌ aneꞌepo,
\v 67 tajimmeu sukawemta bichaka, tuꞌisi aꞌ bitchuka,
inen au jiiak:
\p ―Jaisa empo ket, Jesuj nasareenoꞌ teamtamak empo weaman
ketchia ―ti au nattemaek.
\p
\v 68 Taa aapo juꞌu Peeo intok:
\p ―Tua ne kaꞌa taꞌaa junakaꞌa ―ti au jiiak―. Intok ne kia
ka juꞌunea jachin em neu jiaꞌapo ―tiia.
\p Intok junamaꞌa, ama yeu rejtiwaꞌpo, paꞌakun bicha yeu
siika. Intok juꞌu totoiꞌoꞌowia kukusek.
\v 69 Juꞌu jamut nesaureo intok, juchi aꞌ bichaka, ama
anemmeu inen jiiak:
\p ―Iniꞌi ket junaꞌa, Jesujtaim betana weyeme ―tiia.
\p
\v 70 Taa juꞌu Peeo intok, juchi, kaꞌa lutuꞌuriaꞌatiaka
nookan. Intok juchi intok, chukula, jumeꞌ ama aneme:
\p ―Lutula weeꞌpo ―tiian―, empo amemak weaman ―tim Peotau
jiian―, intokꞌe Kalileotakai. Bweꞌituk bempoꞌim benak
nooka.
\p
\v 71 Taa juꞌu Peeo, tua aꞌ sualnaꞌ betchiꞌbo inien au
noktaitek:
\p ―Tua ne kaꞌa taꞌaa junakaꞌa oꞌouta ―tiia―, enchim nee
aamak weama tiaꞌu. Intok ka tuꞌuwa neu aꞌauneꞌuta net
auneꞌetiia, in noki ka lutuꞌuriatuko ―tiia.
\p
\v 72 Junak intok juꞌu totoiꞌoꞌowia, iniamak nau, jaibu
wosa kukujlatukan. Junak intok juꞌu Peeo, Jesujta au
nokakaꞌutau wawaateka, inen au aꞌ jiakaꞌpo: “Jukaꞌ totoiꞌoꞌowia
kee wosa kukuseo, empo bajisi netana temaiwakaꞌateko,
junamaꞌa empo ket junalensu, ket bajisi, ka emo nee taꞌaa
tiune.” Peeo intok, junuen au nokwakamtau wawaateka,
bwan taitek.
\c 15
\s Juꞌu Jesus, Pilaatoꞌ teamtau tojiri
\p
\v 1 Yokoriapo intok, jumeꞌ teꞌopopo saiwame, bempoꞌim
bepa cheꞌa ama yoꞌo yaꞌarime, intok jumeꞌ yoemratau cheꞌa
ama yoꞌo yaꞌarimmak, intok bem maejtommak, intok siꞌime
yaꞌuraamak nau, wepulsi nau aꞌ lutuꞌuriateka, Jesujta,
mampo nau sumaꞌita, Pilaatoꞌ teamtau tojak.
\v 2 Pilaato intok inen au nattemaek:
\p ―Jaisa empo junaꞌa, juꞌu juriommeu juꞌu rei ―ti au jiakai.
\p Jesus intok:
\p ―Lutuꞌuria, em nokaꞌu ―ti aꞌ yoopnak.
\p
\v 3 Jumeꞌ teꞌopopo saiwame, bempoꞌim bepa cheꞌa yoꞌo
yaꞌarime, juebenakut betana aꞌ naꞌatejoka ama aanen.
\v 4 Pilaato intok juchi au nattemaek:
\p ―Juebena weemtat betana em naꞌatejowaꞌpo, jaisa empo
kaꞌam yoopnabae ―ti aꞌ temaek―. Jaisa empo kaita am yoopna
machi.
\p
\v 5 Taa juꞌu Jesus, kia junuentak juniꞌi, kaꞌam yoopnak.
Pilaato intok, tuꞌisi au aꞌ suum eeyatuan.
\s Juꞌu Jesus, aꞌ meꞌetuneꞌ betchiꞌbo, aet nesauri
\p
\v 6 Taa junameꞌe taewaimmet intok, pajko taewaituko,
junuen aꞌ boꞌo jooriawaꞌpo aman, yaꞌuraapo etaꞌita, kia
jabeta juniꞌi, bem aꞌawakaꞌuta, jiokoiritaka, suꞌu tottojiwan.
\v 7 Junamaꞌa intok yeꞌeꞌetaꞌawaꞌpo, watemmak, senu etaꞌitukan,
Barabaj teame. Bweꞌituk junaꞌa, watemmak nau eaka, yaꞌuraata
bejeꞌeka aulammake, yee suꞌawamta weetuan.
\v 8 Juꞌu buꞌuura ama yajaka intok, junuen aꞌ boꞌo jooriawaꞌpo
aman, pajko taewaitukaꞌ betchiꞌbo, senuk ama suꞌu tojinaꞌpo
betana aꞌ teuwaan.
\v 9 Pilaato intok:
\p ―Jaisa emeꞌe, jukaꞌ juriommeu yoꞌo yaꞌariꞌ teamta nee
suꞌu tojiꞌiiꞌa ―ti am temaek.
\p
\v 10 Bweꞌituk aapo juꞌu Pilaato tuꞌisi juꞌunean, yoꞌo
yaꞌuraata, Jesujtat kopteka, aman au tojiwakaꞌpo. Bweꞌituk
juꞌu teꞌopopo yoꞌo yaꞌuraa, kaꞌa bibitpean, jukaꞌ yoemrata
cheꞌa am eeya iꞌakai.
\v 11 Taa jumeꞌ teꞌopopo cheꞌa ama yoꞌoora, jukaꞌ buꞌuurata
amemak eeneꞌ betchiꞌbo, ameu nookan, Barabajta suꞌu tojituneꞌpo
betana.
\v 12 Junak san beja juꞌu Pilaato:
\p ―Jaisa emeꞌe nee aet nesauꞌiiꞌa, inikaꞌa juriommeu yoꞌo
yaꞌariꞌ teamtat ―ti am temaek.
\p
\v 13 Bempo intok chai nokpo inen jiian:
\p ―Kuuset popontaka, meꞌetune ―ti chaaen.
\p
\v 14 Taa juꞌu Pilaato intok, inen ameu jiia:
\p ―Jitasa ka tuꞌika yaꞌalataka, emeꞌe kuuset aꞌ muk iꞌa
―ti am temaek.
\p Taa bempo intok, cheꞌa kusisi chaaeka, inen jiia:
\p ―Jiba kuuset popontaka, meꞌetune ―ti jiakai.
\p
\v 15 Juꞌu Pilaato intok, siꞌime jukaꞌ yoemrata ama anemtamak,
tuꞌisi tawaabaekai, Barabaaj teamta jiokoi tebok. Jukaꞌ
Jesujta intok, bat aꞌ bemmuchaꞌateboka, chukula, kuuset
aꞌ popontuneꞌ betchiꞌbo aet nesawek.
\p
\v 16 Junak intok jumeꞌ sontaom, jum yoꞌo yaꞌuraa karita
korapo wajiwa aꞌ kibachak. Junaꞌa intok Pretoorioꞌ tea.
Junamaꞌa intok, siꞌime juꞌu sontaoraa, emo nau tojak.
\v 17 Junamaꞌa intok, unnaa sik saalaim teebem wokimmeu
tajtia supetuawak. Intok jukaꞌ juyata tuꞌisi wichakamta
jijjoꞌaaka, aꞌ koona yaaka, aꞌ kobawapo aet aꞌ yechak.
\v 18 Junamaꞌa intok, sep au tebote pat:
\p ―Jaisa empo jiia, juriommeu yoꞌo yaꞌari ―ti au jiu japtek―,
emo aꞌ yoꞌorituamcha aneka.
\p
\v 19 Intok bweꞌu bakae, kobat aꞌ bebaka, koꞌokosi aꞌ
jooan. Intok aetꞌim chit wat watten. Intok aꞌ yoꞌoremcha
aneka, kia jak waꞌam aꞌ eeyaka, au tonommea jajapten.
\v 20 Junuen jaanam aet noksuka intok, jumeꞌ sik saalaim
supem, bem aꞌ supetuakaꞌum, junameꞌe aꞌ yechaꞌariaka, jiba
aꞌ supewampo aꞌ kobatuak. Intok kuuset aꞌ popontuneꞌ
betchiꞌbo, yeu nuk sakaꞌawak.
\s Kuuset popontaka, muuke, juꞌu Krijto
\p
\v 21 Senu oꞌou intok, Sireeneꞌ bwiaraꞌ teaꞌa betana
joome, junaꞌa intok Simoꞌ teaka, intok Rupoꞌ teamta intok
Alejanroꞌ teamta achai, waj betana yebijsusekan. Junamaꞌa
waꞌam aꞌ weyeo intok, Jesujta aniasaiwakai, jukaꞌ kuujta
puꞌaktatuawak.
\p
\v 22 Intok senu ili bwia kawiu, kolkotaꞌ teaꞌpo tojiwak.
Junaꞌa intok, kuaktituko, Mukia koba, ti jiubae.
\v 23 Junamaꞌa intok, jukaꞌ paꞌasi baꞌawata, wantiriata
chaꞌatuamta miiraꞌ teamtamak nau kuutita, aꞌ jiꞌiiꞌaka,
au jiꞌobek. Taa aapo intok, kaꞌa jeꞌeka.
\v 24 Intok kuuset aꞌ poponsuako, aet chukula, aꞌ supewam,
naikisi reebeik am naꞌikimtek. Jumeꞌ reebeim intok, weꞌepulaim
amemak tawaneꞌ betchiꞌbo, jaꞌatepo nau yeuwak.
\p
\v 25 Intok kuuset aꞌ poponwaꞌpo, tua batan jiao junen
yaꞌawak.
\v 26 Intok aꞌ naꞌatejoka junuen aꞌ yaꞌawakaꞌpo, juꞌu
jiꞌojtei inen jiꞌojteitukan: “Juriommeu yoꞌo yaꞌaritukaꞌ
betchiꞌbo”, ti jiꞌojteitukan.
\v 27 Aamak intok, naa buusti, wooi etbwareom aamak lopola
bem kuusimmet poponwak. Senu aꞌ batatana, senu intok
aꞌ mikoꞌotana.
\v 28 “Ka tuꞌi yoememmak junuen yaꞌatuk”, ti jiakame,
junamaꞌa chupuk juꞌu senu jiꞌojteipo, jakwoo naateka
junuen teuwaritukaꞌu.
\p
\v 29 Ama amet waꞌam kateme intok, kialim jaana aet jiaka,
au koba wiu wiuten, intok inenim au jiian:
\p ―Empo cheꞌa, jukaꞌ Liojta teꞌopota tatabekaꞌateko juniꞌi,
intok baji taꞌapo juchi emo aꞌ yaꞌane, ti bat naataka
junuen jiusukame,
\v 30 empo, emo jinneꞌuka, kuuset koꞌom weyeꞌe ―tim au
jiian.
\p
\v 31 Intok ket jiba junaensu jumeꞌ teꞌopopo saiwame
betana, ama yaꞌuram, bem maejtommak nau, jaanam aet nookan,
inenim jiakai:
\p ―Watem jinneꞌuk. Iꞌan intok, aapo ka a au jinneꞌu ―tim
nau jiian―.
\v 32 Empo ―tiian―, ijraꞌeliitammeu Krijto yoꞌo yaꞌariꞌi
teame, junum kuuset em poponikut betana koꞌom weyeꞌe
intok junuen enchi ayuko, ite aꞌ bichaka, te enchi sualne
―tim au jiakai.
\p Jumeꞌ intok, aawit ama ket kuuset poponwakame, ka tuꞌisi
aetana nookan.
\p
\v 33 Intok tua luula kateko naateka, siꞌime bwiat, bajim
jiaꞌapo tajtia, ka machisi tawakan.
\v 34 Intok junamaꞌa, bajim jiaꞌapo, juꞌu Jesus kusisi
chaaeka, inen jiian:
\p ―Eloi, Eloi, lama sabaktani. ―Iniꞌi noki intok, inen jiubae:
“Lios in achai, jaisa betchiꞌbo empo kia nee jimaalataka,
neaj koptilata benasi aulaa”, ti jiubae.
\p
\v 35 Junamaꞌa intok, senu ama aneme, junuen aꞌ jiaꞌapo
aman aꞌ jikkajaka:
\p ―Eliaj teamtau aꞌ chaae ―tiia.
\p
\v 36 Junamaꞌa lautipo intok, juꞌu seenu, senu weemta,
ejponjaꞌ teamta, junaꞌa intok komoniawak, baꞌata nunuꞌee,
binaakretae aꞌ komoniaka, tebe bakapo aꞌ sumaka, aman
jikau au aꞌ noitak, intok inen jiakai:
\p ―Chubala em boꞌo bicha ―tiia―. Jumak juniꞌi juꞌu Eliaj
teame au aꞌ chaaeꞌu, au yepsaka, koꞌom aꞌ yechaꞌane ―ti
jiiak.
\p
\v 37 Taa juꞌu Jesus, junamaꞌa lautipo, kusisi chaipat,
muukuk.
\v 38 Junak intok, jum bweꞌu teꞌopopo, unnaa bweꞌu tajoꞌorim,
ama wajiwa chaꞌakaꞌum, nasukꞌaman, jikat naateka, koꞌom
tajti, siutek.
\v 39 Juꞌu intok, sontao yaꞌut, aapoꞌik bichapo aneꞌu,
junuen aꞌ jiaka aꞌ mukukaꞌpo aman aꞌ mammateka, aapoꞌik
betana inien aꞌ teuwaak:
\p ―Lutula weeꞌpo, iniꞌi oꞌou, kuuset poponiakame, Liojta
usiwai ―tiia.
\p
\v 40 Intok mekkaꞌekut, waate jaamuchim aman jaꞌabweka,
aꞌ bitchun. Junameꞌ nasuk intok, juꞌu Maria, bweꞌu joꞌara
Maareenaꞌ teaꞌa betana jometaka ama aanen. Intok juꞌu
senu juꞌubwa yoꞌotume, Jakooboꞌ teamta intok aꞌ saira,
Joseꞌ teamta, junameꞌe ae, ket ama aanen, Mariaꞌ teame,
intok juꞌu Salomeꞌ teame.
\v 41 Junameꞌe jaamuchim intok, jum bwiara Kalileaꞌ teaꞌpo
intok, tuꞌisi aꞌ suuaka, aet emo tekil makritukan. Intok
wate juebena jaamuchim ket junalensu aet emo tekil makritukan,
Jerusalen teaꞌpo, jum yee aꞌ majtaꞌapo, aamak naj kuaktisukame.
\s Jesus maꞌari
\p
\v 42 Junae taewait, kupteo, ket jeo jomteo, juchi yokoriapo
intok sabalatubaeꞌ betchiꞌbo, intok aet yum joꞌetuneeo,
junakaꞌa sabalata, kee yumao, siꞌimeta baa yaꞌasubaeka
ean.
\v 43 Junue betchiꞌbo senu yoeme, Joseꞌ teame, Arima teaꞌ
teaꞌpo joꞌaakame, junaꞌa intok yaꞌutuka, yoꞌoriwan. Intok
ket jiba junalensu, junaꞌa, Liojta utteꞌa nesawata inim
aniau koꞌom aꞌ yumaꞌaneꞌpo aet boꞌo bichakan. Junaꞌasan,
au ou bujtaka, Pilaatoꞌ teamtau kibakek. Intok jukaꞌ
Jesujta takaata aꞌawak.
\v 44 Juꞌu Pilaato intok, lauti aꞌ mukukaꞌ betchiꞌbo,
aꞌ suumꞌeeyak. Jukaꞌ yaꞌuttau intok chaitebok, jukaꞌ
Jesujta muksukaꞌpo, oo kee aꞌ mukeꞌepo aetana juꞌuneebaekai.
\v 45 Intok yaꞌutta betana, Jesujta muksukaꞌpo junuen
lutuꞌuriata makwaka, jukaꞌ Jesujta takaa, Joseꞌ teamtau
suꞌu tojiwak.
\v 46 Junaꞌa Joseꞌ teame intok, bweꞌu tosai tajoꞌorim
jinuka, chukula intok koꞌom aꞌ yechaka, bweꞌu tosai tajoꞌorimpo
aꞌ biijtaka, kau sibapo, wojoꞌoriata yaꞌariꞌpo, junamaꞌa
aꞌ tekaka, intok jukaꞌ pattiriata, tetae yaꞌarita, junae
aꞌ pattak.
\v 47 Juꞌu Maria, bweꞌu joꞌara Maarenaꞌ teaꞌpo jometaka,
intok senu yoeme, Joseꞌ teamta ae Mariaꞌ teame, junameꞌe
aꞌ bichak junum aꞌ tekriꞌpo.
\c 16
\s Juꞌu Jesus jiabijte
\p
\v 1 Intok sabala taewata simsukaꞌpo aet chukula, juꞌu
Maria, Maareenaꞌ teaꞌpo joome, intok juꞌu senu juꞌubwa
yoꞌotume, Jakooboꞌ teamta maala, Mariaꞌ teame, intok Salomeꞌ
teame, senu weemta, tuꞌisi win jubak jinuk, aman au toji
betchiꞌbo, aꞌ takaawabet aꞌ toꞌo betchiꞌbo.
\v 2 Yokoriapo intok, lominko taꞌapo, tuꞌisi ketwootana
yeu sajaka, aman aꞌ tekriꞌu bicha sajak, juꞌubwa taꞌata
yeu weyeo.
\v 3 Intok boꞌot kateka inen nau jiusakan:
\p ―Jabesa tua, jukaꞌ bweꞌu tetata, ae pattita, mekka itom
biaktariane ―tim nau jiu sakan.
\p
\v 4 Aman yajaka intok, jukaꞌ bweꞌu tetata aꞌ tekriꞌipo,
aet aꞌ pattitukaꞌuta, mekka biaktita teak. Bweꞌituk tuꞌisi
bweꞌuuriakan.
\v 5 Junamaꞌa aꞌ tekriꞌipo intok, ama kimuka, senu juꞌubwa
yoꞌotumta, tossaalaim, koꞌom tajti supekamta, junamaꞌa
batatana katekamta am bichak. Intok emo womtekamme.
\v 6 Taa aapo juꞌu juꞌubwa yoꞌotume intok:
\p ―Kateꞌem emo wom womta ―ti ameu jiiak―. Ne juꞌunea ―tiia―,
jukaꞌ Jesus nasareenota, kuuset poponwakamta enchim aꞌ
jaiwaꞌpo. Junaꞌa ala, inim aꞌ tektukaꞌpo ka aane. Bweꞌituk
jiabijtesuk. Intok inim ka aane. Intok junum aꞌ boꞌosukaꞌpo
aꞌ bichaꞌem, aꞌ kaabeꞌpo.
\v 7 Taa aapoꞌik aꞌ teuwalaꞌa benasia, iꞌan emeꞌe sajaka,
aꞌ majtim aman lutuꞌuriata makne. Intok jukaꞌ Peoꞌ teamta,
bwiara Kalileaꞌ teaꞌpo, ameas aꞌ aneꞌepo aman. Junaman
bem aꞌ bitneꞌ betchiꞌbo. Intok junuen bem aꞌ juꞌuneyyaneꞌ
betchiꞌbo, am lutuꞌuria makne.
\p
\v 8 Junameꞌe intok, junamaꞌa, aꞌ boꞌosukaꞌpo, yeu sajaka,
womtilamtaka, emo yoaka, intok tuꞌisi emo majjautuaka
tennek. Intok kia bem womtilamtukaꞌ betchiꞌbo, junakaꞌa
junuen bem juꞌuneyyaaꞌuta, kaabetau aꞌ etejon.
\s Juꞌu Jesus, Maria Maareenaꞌ teamtau au yeu machia
\p
\v 9 Taa juꞌu Jesus, lominko taꞌapo, tua ketwootana, jiabijteka,
Maria Maareenaꞌ teamtau bat au yeu machiak. Bat naataka
intok junakaꞌa, jumeꞌ woo busan bebejeꞌeri ka tuꞌi jiapsi
eerita aꞌ jiapsipo aꞌ jipuꞌusukaꞌum, paꞌakun yeu beeprialatukan.
\v 10 Aapo juꞌu Maria intok, bat naataka aamak rejtisukaꞌum,
aapoꞌik betana, emo jiapsi sioktuaka anemmeu, aman ameu
yepsaka, am lutuꞌuria makak.
\v 11 Junameꞌe intok, aꞌ juchi jiapsaꞌpo aman junuen
aꞌ jikkajaka, intok aapoꞌik junuen aꞌ bichak, tiaꞌapo,
katim aꞌ suale.
\s Juꞌu Jesus, jumeꞌ wooi aꞌ majtimmeu au yeu machia
\p
\v 12 Taa chukula, wasau bicha, woika katemmeu, taꞌabwisi
au yaꞌalataka, ameu au yeu machiak.
\v 13 Junameꞌe intok, notteka, jumeꞌ wate aman lutuꞌuria
makbaekai. Junuentak juniꞌi, junameꞌe ka sualwan.
\s Juꞌu Jesus, aꞌ majtim am tekil maka, aꞌ nok lutuꞌuriata bem aꞌ jinabakaneꞌ betchiꞌbo
\p
\v 14 Intok juchiꞌintok, aet chukula, jumeꞌ woj mamni
ama wepuꞌulaimmeu, jijiꞌibwawaꞌpo nau anemmeu, ameu au
yeu machiak, juꞌu Jesus. Intok kaita bem a sualeꞌpo betana,
intok namakak bem jiapsekaꞌa betana, junamaꞌa witti ameu
aꞌ teuwan, jumeꞌe, bat naataka junuen aꞌ jiabijtekaꞌpo
aman aꞌ bichaka, intok bempoꞌimmeu aꞌ etejowakaꞌpo, intok
junuen ka bem aꞌ sualekaꞌpo betana, junamaꞌa junuen ameu
nookan.
\v 15 Intok inen ameu jiiak:
\p ―Siꞌime bwiat naꞌikim sajaka, inim bwiapo jiapsammeu,
inikaꞌa tuꞌi nokta, Liojta betana weyemta, ameu teuwane
―tiia―.
\v 16 Waꞌa intok, enchim jikkajaka intok aꞌ sualeka, au
batoowatebokame, junaꞌa aꞌ jiapsi jinneꞌutune. Taa waꞌa
kaꞌa sualekame, junaꞌa, jiba betchiꞌbo ka tuꞌuwata betuk
tawane.
\v 17 Intok inikaꞌa machilaata amet juꞌuneyyane, wameꞌe
aꞌ sualneeme. Bweꞌituk junameꞌe, bemelak, ka bem nokta
nokaka, taꞌabwik nokne. Intok neas lutuꞌuriaka, jumeꞌe,
bem jiapsimpo bebejeꞌeri ka tuꞌi jiapsi eeriakame, paꞌakun
yeu am bepriane.
\v 18 Intok, senuk, kia aakamta aꞌ kiꞌilatuk juniꞌi, junakaꞌa
kaachin autuane. Intok jita, junae aꞌ mukneeꞌue, joyokamta
jeꞌekaꞌatek juniꞌi, kaachin aune. Intok koꞌokoemtat mamaka,
Liojtau bicha aꞌ nokriaꞌateko, au aꞌ inneꞌetetuane.
\s Juꞌu Jesus, teekau jikau chaꞌatu
\p
\v 19 Juꞌu yoꞌowe Jesus intok, inikaꞌa siꞌime weemta
ameu aꞌ noksuko, teeka betana, jikau nuk chaꞌatuwak. Junaman
mabetwaka, intok Liojta batatana yejtetuawak.
\v 20 Junameꞌe intok, yeu sajaka, siꞌimekut, Liojta tuꞌi
noki teuwa sasakan. Juꞌu achai Lios intok jiba amemaktukan.
Intok machilaata bem joaꞌutae, junakaꞌa, Liojta nok lutuꞌuriata
tua aꞌ lutuꞌuriaten. Tua junuentune.