\id JHN
\h JOAN
\toc1 JOAN
\mt Joan teamta jiꞌojtekaꞌu
\c 1
\s Jukaꞌ Liojta betana nok lutuꞌuriaꞌati teakamta inim aꞌ yoemtukaꞌu
\p
\v 1 Keꞌesamriapo, siꞌimeta aet naateko, juꞌu Krijto, Liojta
betana nooki ti taꞌeewame jaibu jiapsan. Iniꞌi nooki
ti teakame, aapo Liojta mak aanen. Intok aapo Liojtukan.
\v 2 Junuen san, aapo keꞌesamriapo siꞌimeta aet naateo,
aman Liojta mak aanen.
\v 3 Siꞌimeta jukaꞌ inim ayukamta aapo aꞌ juꞌunaktei.
Tua kaita aayuk, juꞌu ka aapoꞌik betana weyeka ayukame.
\v 4 Juꞌu jiapsiwame aapoꞌikut ayukan. Iniꞌi jiapsiwame
intok, inim jumeꞌ jiapsame betchiꞌbo, tuꞌuwataka tachiriata
benasi aapo aꞌ weiyaan.
\v 5 Iniꞌi, tachiriapo teuwaawame intok, jum ka machiku,
ka tuꞌisi weyemta bejeꞌeka, tachiriata yeu aꞌ machialaa.
Juꞌu ka machiria intok ka aꞌ kobaꞌamachi.
\p
\v 6 Senu inim aanek, Joan ti teakai, Liojta betana aꞌabo
bittuaritakai.
\v 7 Iniꞌi, aapo jukaꞌ tachiriapo taꞌeewamta betana aꞌ
nokneꞌ betchiꞌbo aꞌabo yepsak. Junuen aapoꞌik teuwaaꞌue,
junakaꞌa bem sualneꞌ betchiꞌbo.
\v 8 Iniꞌi Joan, aapo ka junaꞌatukan juꞌu tachiriapo
taꞌeewame. Taa aapo wepulsi junae betana aꞌ lutuꞌuriatukaꞌuta
nokneꞌ teaka aꞌabo bittuaritukan.
\v 9 Juꞌu tachiriapo taꞌeewame, lutuꞌuriapo Liojta betana
weyeme, juꞌu siꞌime jumeꞌ inim jiapsammeu tuꞌik weiyaame,
aapo aꞌabo inim yebissusekan.
\p
\v 10 Intok waꞌa nooki ti teakame, aapo inim bwiapo aanen.
Intok aapo inikaꞌa aniata aꞌ juꞌunakteka juniꞌi, jumeꞌ
inim jiapsame, aꞌ jabetukaꞌpo ka aꞌ taꞌaak.
\v 11 Aapo inim bwiapo, aapoꞌik juꞌunakteipo yepsak.
Taa inim jumeꞌ aapoꞌik betana kateka jiapsame, inimeꞌe
ka aꞌ mabetak.
\v 12 Junuentaka juniꞌi, waate tuꞌisi aꞌ mabetaka intok
aꞌ sualek. Inimeꞌe, bempoꞌimmeu aapo, Liojta betana bem
yoemiam tuneeꞌuta ameu chupuk.
\v 13 Inimeꞌe ka jak weyeo senu yoemratat yeu katriam
bebena intok ka inim yoemem yeu tom tomteꞌebenakai.
Intok kia ka jabe yoemta junuen aꞌ eaꞌ betchiꞌbo junuen
Liojta yoemiarim. Ala inimeꞌe, Liojta betana yoemiarim.
\p
\v 14 Intok junaꞌa nokipo taꞌeewame, aapo ito benasi
au yoem yaak. Intok inim ito nasuk jiapsak, tua yee nak
taꞌaakai intok lutuꞌuria aet ayukai. Intok jiba aapoꞌik
Liojta betana wepulaika aꞌ yoemia tukaꞌ betchiꞌbo, aapoꞌik
jukaꞌ tua ujyooik intok eiyaawatchik aet ayukaꞌuta, itepo
tee aꞌ bitlaa.
\v 15 Juꞌu Joan, yee babatoowame, inia betana juꞌuneaka,
ka aꞌ essoka, siꞌimem bichapo inen jiiak:
\p ―Iniꞌi junaꞌa waꞌa, junak aet nokaka: “Net chaꞌaka
yebijneeme, junaꞌa cheꞌa nee bepa eiyaawatchi, bweꞌituk
aapo nee bepa cheꞌa bat jiapsan” ―ti jiakai.
\p
\v 16 Itepo tee siꞌime jukaꞌ tuꞌika, kaitau a tamachiatuka,
aet ayukamta intok ka a luꞌutemta aꞌ mabetri. Inikaꞌa
tuꞌik junuen nat chulukai.
\v 17 Jumeꞌ nesauri jiꞌojteim, juꞌu Moiseej tukaꞌuta
betana weyeka jiꞌojtewak. Juꞌu intoko, ka itou chaꞌaka
juniꞌi, yee aꞌ nak jiokoleeꞌu intok aapoꞌik betana lutuꞌuriata,
aapo juꞌu yoꞌowe Jesukrijto aꞌ weiyaa.
\v 18 Inim tua kee jabe Liojta bicha, taa aapoꞌik Liojta
betana juꞌu wepuꞌulaika jiba aꞌ yoemia, iniꞌi aapo aꞌ
yoꞌowa Liojtamak wepuꞌulai benasi aamak jiapsame, aapo
junaꞌa juꞌu itom aꞌ taꞌaatuakame.
\s Joan, juꞌu yee babatoowame, Jesukrijtota aapat tuka aꞌ taꞌaa tebokame
\p
\v 19 Jumeꞌ juriom jum bweꞌu joꞌara Jerusalen teaꞌpo
joꞌaakame, inimeꞌe, wate teꞌopopo tekiakame intok waate,
inimeꞌe teꞌopopo bem joaꞌut am aniame, Lebiitam teame,
juꞌu Joan teamtau am bittuak, junuen aapoꞌik aꞌ jabetukaꞌut
bem au nattemaineꞌ betchiꞌbo.
\v 20 Aapo intoko tua machisi lutuꞌuriata nenkak inen
jiakai:
\p ―Ineponee ka junaꞌa juꞌu Krijtoꞌ teame ―ti jiakai.
\p
\v 21 Junak intok bempo juchi au nattemaek:
\p ―Jabesaꞌakun empo. Jaisa empo junaꞌa jaꞌani, juꞌu Liojta
betana juꞌuneetuawaka nokakame, juꞌu Eliaj tukaꞌu jaꞌani
―ti jiakai.
\p Juꞌu Joan intok:
\p ―Kannee junaꞌa ―ti jiiak.
\p Chukula ket juchi:
\p ―Junak su, jaisa empo junaꞌa jaꞌani, waꞌa Liojta betana
juꞌuneetuawaka nokneeka boꞌo bitwame ―ti au nattemaiwak.
\p Aapo intok:
\p ―Eꞌe ―ti am yoopnak.
\p
\v 22 Junak intoko:
\p ―Junak su jabesa empo junuentuko. Bweꞌituk utteꞌa, jumeꞌ
aꞌabo itom bittuakammeu lutuꞌuriata itom ameu teuwaaneeꞌu.
Jaisa empo ee betana itom tejwaa machi ―ti au jiuwak.
\p
\v 23 Juꞌu Joan inimeꞌe inen yoopnak:
\p ―Ineponee juꞌu, mekka paꞌaku, kaabeta joꞌarakaꞌpo, chaaeka
inen nokamta jiawai: “Jukaꞌ yoꞌota aꞌabo yebijnemta
aꞌ mabet betchiꞌbo, jukaꞌ ka tuꞌik suꞌu tojaka, aawas
emo tuꞌutene”, ti jiame, tua juꞌu Isaꞌiajtukaꞌu, Liojta
betana juꞌuneetuawaka aapoꞌik aꞌ teuwaakaꞌa benasia.
\p
\v 24 Jumeꞌ aman juꞌu Joanta mak etejokame, inimeꞌe, paiseeom
teame betana aman au bittuarimtukan.
\v 25 Inimeꞌe intok:
\p ―Junak su, empo ka juꞌu Krijto tuko intok kia ka Eliaj
tuko intok kia ka juꞌu Liojta betana juꞌuneetuawaka
nokame yebijneeka boꞌo bitwame tuko juniꞌi, jaisaaka
intok empo yee babatoowa ―ti au nattemaek.
\p
\v 26 Juꞌu Joan inimmeu inen jiiak:
\p ―Ineponee baꞌammea yee babatoowa. Taa inim emo nasuku
senu aane ka enchim taꞌaaꞌu.
\v 27 Aapo net chaꞌaka yebijne, iniꞌi ala lutuꞌuriapo
cheꞌa nee bepat weyeka juniꞌi. Inepo, jumeꞌ aapoꞌik bocha
wikiam in aꞌ woitarianeeꞌu kia juniꞌi kanne ino jabele
―ti jiiak.
\p
\v 28 Siꞌime iniꞌi, jum ili joꞌara Betaabaraꞌ teaꞌpo
yeu siika. Iniꞌi, batwee Jooraan teaꞌpo, taꞌata yeu weꞌe
betana taawa. Jum jukaꞌ Joanta yee aꞌ babatoowaꞌawi.
\s Jesus, Liojta betana ili bwala ti taꞌeewame
\p
\v 29 Yokoriapo intok juꞌu Joan, jukaꞌ Jesujta aapoꞌiku
bicha weyemta bichaka:
\p ―Yuu, akeꞌem aꞌ bicha. Iniꞌi junaꞌa waꞌa Liojta betana
ili bwala ti teuwaawame, juꞌu inim bwiapo jiapsame, bem
ka tuꞌuwa yaꞌarita aapo aꞌ mabetneeme.
\v 30 Aapoꞌik betana nee nookan junak inepo: “Chukula
net chaꞌaka senu oꞌou yebijne, iniꞌi cheꞌa nee bepa eiyaawatchikai.
Bweꞌituk aapo cheꞌa nee bepat jaibu jiapsan”, ti ne
jiakai.
\v 31 Jiba inepo juniꞌi, nee aapoꞌik aꞌ jabetukaꞌut ne
ka juꞌunean. Taa inepo nee jiba junuen baꞌammea ne yee
batoꞌowaaka ne yebijlaa, jiba junuen jukaꞌ Ijraꞌel yoemrata,
tua lutuꞌuriapo aꞌ jabetukaꞌuta bem aꞌ taꞌaaneꞌ betchiꞌbo
―ti jiiak.
\p
\v 32 Juꞌu Joan ket inen jiiak:
\p ―Ineponee intok, jukaꞌ Liojta tuꞌu jiapsita, wokkoita
benaka, teeka betana koꞌom weyeka intok inia aapoꞌikut
tawakamta ne bichak ―ti jiiak―.
\v 33 Inepo ketun nee ka juꞌunean, junakaꞌa aꞌ jabe tukaꞌut,
taa juꞌu, baꞌammea nee yee batoꞌowaaneꞌ betchiꞌbo nee
aꞌabo bittuakame, junaꞌa ket: “Empo jak jukaꞌ Liojta
tuꞌu jiapsita, senukut koꞌom weyeka intok junaet tawakamta
aꞌ bichako, iniꞌi junaꞌatunee juꞌu, Liojta tuꞌu jiapsita
emot autuaka, junae yee babatoowaneeme”, ti neu jiiak.
\v 34 Inepo intok jaibu aꞌ bitlaa intok jiba ineponee
inien weyeka aapoꞌik junuen Liojta betana aꞌ yoemiatukaꞌuta,
nee aꞌ teuwaa ―ti jiiak.
\s Cheꞌa bat kateka, jumeꞌ Jesujta yeu puꞌakaꞌum
\p
\v 35 Juchi yokoriapo intok juꞌu Joan intok wooika jumeꞌ
aꞌ majtim, jiba junamaꞌa juchi ama rejten.
\v 36 Intok aapo, jukaꞌ Jesujta junama waꞌam weyemta
bichakai:
\p ―Yuu, akeꞌem aꞌ bicha. Iniꞌi junaꞌa juꞌu, Liojta betana
ili Bwala ti teuwaawame ―ti ameu jiiak.
\p
\v 37 Jumeꞌ woika Joanta majtim aapoꞌik junuen jiamta
aꞌ jikkajaka, bempo juꞌu Jesujta mak sajak.
\v 38 Junak intok juꞌu Jesus, amau bitchuka intok bempoꞌim
aet chaꞌaka kateme bichakai:
\p ―Jitasa emeꞌe jaiwa ―ti ameu jiiak.
\p Bempo intok:
\p ―Yee majtame, jakunsa empo joꞌaak ―ti au jiiak.
\p
\v 39 Jesus intok inimmeu:
\p ―Aꞌabo kateka aꞌ bitne ―ti jiaka am yoopnak.
\p Junak intok bempo aman sajaka intok aꞌ joꞌaakaꞌpo
aꞌ bichak. Intok junae taewait ama aamak taawak, bweꞌituk
jaibu kupten, jumak naikim jiao.
\p
\v 40 Wooika jumeꞌ Joanta jikkajaka intok Jesujta mak
sajakame betana, senu Antej ti teakan, Simoo Peeoꞌ teamtamak
weri.
\v 41 Iniꞌi Antej teame, tua bat, kee jita intok yaakai,
jukaꞌ aamak werik, Simooꞌ teamta jaiwak, intok:
\p ―Jukaꞌ Mesiaj ti teamta te aꞌ juꞌuneiyaa ―ti au jiiak.
Iniꞌi, Krijto ti jiubae.
\p
\v 42 Junama sep juꞌu Antej teame jukaꞌ Simooꞌ teamta,
jum Jesujta aneꞌu aꞌ tojak. Juꞌu Jesus intok inikaꞌa
bichakai:
\p ―Empo Simooꞌ tea jukaꞌ Jonaj teamta uꞌusi. Taa empo
Sepaajpo taꞌeenaa ―ti au jiiak. Inimeꞌe team intok, ket
Peeo ti jiubae.
\s Jesujta, jukaꞌ Jeriipeꞌ teamta intok Natanaꞌel teamta aamak am nunukaꞌpo
\p
\v 43 Juchi yokoriapo intok juꞌu Jesus Kalilea bwiaraaꞌ
teaꞌu bicha weebaeka intok senuk, Jeriipeꞌ teamta bichaka,
junau:
\p ―Nemak weene ―ti au jiiak.
\p
\v 44 Iniꞌi Jeriipeꞌ teame intok, ili joꞌara Betsairaꞌ
teaꞌpo jometukan. Jum Antejta intok Peota joꞌaakaꞌpo.
\v 45 Iniꞌi Jeriipeꞌ teame intok, senuk Natanaꞌel teamta
jaiwaka intok:
\p ―Iꞌan itepo wakaꞌa oꞌouta, Moiseej tukaꞌuta jum aꞌ nesauri
jiꞌojteimpo aapoꞌik betana jiꞌojtewakamta, intok ket
jumeꞌ Liojta betana juꞌuneetuawaka nokame, inimeꞌe aapoꞌik
betana jiꞌojtewakamta, junakaꞌa itepo aman te aꞌ bichak,
juꞌu Jesus ti teakamta, juꞌu Joseꞌ teamta uꞌusi, joꞌara
Nasaret teaꞌpo joome ―ti au jiiak.
\p
\v 46 Juꞌu Natanaꞌel intok:
\p ―Jaisa aman ili joꞌara Nasaret teaꞌpo jitaa tuꞌika
a ama yeu wee machi jaꞌani ―ti au jiiak.
\p Juꞌu Jeriipe intok:
\p ―Aꞌabo sika aꞌ bitne ―ti au jiiak.
\p
\v 47 Junak Jesus intok, jukaꞌ Natanaꞌel teamta au weyemta
bichaka:
\p ―Inim senu weye, tua lutuꞌuriapo Ijraꞌel yoemrata betana
usiaritakai, aapoꞌikut juꞌu yee bai taꞌaawame kaita aet
aayuk ―ti jiiak.
\p
\v 48 Junak intok juꞌu Natanaꞌel teame:
\p ―Jaisa empo nee taꞌaa ―ti au nattemaek.
\p Jesus intok:
\p ―Jukaꞌ Jeriipeꞌ teamta kee enchi tejwaao, empo aman
chunaꞌouwota betuk enchi kateko, nee enchi bichak ―ti
au jiiak.
\p
\v 49 Junak juꞌu Natanaꞌel:
\p ―Yee majtame, empo tua junaꞌa juꞌu Liojta yoemia. Empo
tua junaꞌa waꞌa, inim Ijraꞌel yoemratau cheꞌa yoꞌo yaꞌari
―ti au jiiak.
\p
\v 50 Juꞌu Jesus iniau:
\p ―Jaisa empo, chunaꞌouwota betuk enchi kateko nee enchi
ino bichak ti in eu jiaꞌ betchiꞌbo jiba, empo nee suale
jaꞌani ―ti au jiiak―. Iꞌan empo inia weemta bepa cheꞌa
juniꞌi suum watchisi machik empo bitne ―ti au jiiak.
\p
\v 51 Ketchia juꞌu Jesus iniau:
\p ―Tua ne aꞌ lutuꞌuriatuneꞌeti ne emou jiia, emeꞌe, jukaꞌ
teekata au etapolaata intok jumeꞌ Liojta ankelesim, juꞌu
inim yoemta aꞌ katekaꞌpo, ae bepa koꞌom bicha intok jikau
bicha kateme emeꞌe am bitne ―ti au jiiak.
\c 2
\s Ili joꞌara Kanaa, jum bwiaraa Kalileaꞌ teaꞌpo jujupwakaꞌpo
\p
\v 1 Baji taewaim sikaa, chukula, jum mekka ili joꞌara
bwiaraa Kalileaꞌ teaꞌpo kateka, Kanaaꞌ teaꞌpo, jujupwan.
Junamaꞌa Jesujta ae ket ama aanen.
\v 2 Juꞌu Jesus intok jumeꞌ aꞌ majtim ket junaman jujupwaꞌu
nunuwak.
\v 3 Junamaꞌa jukaꞌ paꞌasi baꞌawata luꞌuteko, juꞌu Jesujta
ae intok aapoꞌiku:
\p ―Juꞌu paꞌasi baꞌawa luꞌutek ―ti au jiiak.
\p
\v 4 Taa juꞌu Jesus:
\p ―Jaisaaka empo iniet nee tetejwaa. Ketun kee yuuma
juꞌu taewai inien weyemta in aꞌ yaꞌaneeꞌu ―ti au jiiak.
\p
\v 5 Taa juꞌu Maria, jumeꞌ junamaꞌa nesauta joammeu:
\p ―Siꞌimeta jukaꞌ aapoꞌik enchim aet tejwaaꞌuta, junakaꞌa
emeꞌe aꞌ joone ―ti ameu jiiak.
\p
\v 6 Junamaꞌa busan bwere teta sotoꞌim manekan. Inimeꞌe,
jumeꞌ juriom, Liojta bichapo emo tuꞌute betchiꞌbo emo
komoniaka, bem sawaꞌum. Junamaꞌa weꞌepulaimpo, jumak naiki
taka oo mamni taka liitro baꞌam ama kiareakan.
\v 7 Juꞌu Jesus, jumeꞌ ama nesauta joammeu:
\p ―Inimeꞌe sotoꞌim baꞌammea am tapuniane ―ti ameu jiiak.
\p Junameꞌe intok junuen, tua am tappuniak.
\v 8 Junak intok juꞌu Jesus inimmeu:
\p ―Iꞌan ala, watem ama yeu toꞌaaka, intok emeꞌe juꞌu inim
pajko jujupwaꞌpo junama yoꞌo yaꞌariu am tojine ―ti ameu
jiiak.
\p Bempo intok junuen aman au am tojak.
\v 9 Juꞌu intok junamaꞌa pajko jujupwaꞌpo yoꞌo yaꞌari,
jumeꞌ baꞌam jaibu paꞌasi baꞌawa tulame am jiiwek, ka
juꞌuneakai jakun bem nuꞌuwakaꞌu. Ala jumeꞌ nesauta ama
joame jiba junammet juꞌunean. Bweꞌituk bempo jumeꞌ baꞌam
ama yeu toꞌalatukan. Junuen san juꞌu ama pajko jujupwaꞌpo
yoꞌo yaꞌari, juꞌu ama jubemtau chaaek,
\v 10 intok inen au jiiak:
\p ―Inim siꞌime, jukaꞌ paꞌasi baꞌawata jiꞌinaamta, jukaꞌ
cheꞌa tuꞌik bat yeteu totoja. Chukula intok jumeꞌ nunurim
jaibu junakaꞌa yuꞌin am jiꞌilatuko, junak jukaꞌ cheꞌa
ka tuꞌik ameu totoja. Taa empo jukaꞌ cheꞌa tuꞌik iꞌan
juꞌubwa itou aꞌ tojilaa ―ti au jiiak.
\p
\v 11 Iniꞌi jum ili joꞌara bwiaraa Kalileaꞌ teaꞌpo kateka,
Kanaaꞌ teaꞌpo Jesujta yaakaꞌu, inim tua ujyoisi eiyaawatchika
aꞌ joaꞌuta, aapo aꞌ bit tebobaekai, juꞌu machilaa a jita
aꞌ joaka aꞌ yaakaꞌuta, tua keꞌesamria tukan. Jumeꞌ aꞌ
majtim intok junamaꞌa aapoꞌik sualek.
\p
\v 12 Iniat chukula aapo, bweꞌu joꞌara Kapernauꞌ teaꞌu
bicha siika. Aꞌ aewa intok jumeꞌ aꞌ sailawam intok jumeꞌ
aapoꞌik majtim ket aamak katekai. Junamaꞌa bempo ka
jaiki taꞌapo aanek.
\s Jesus, jukaꞌ teꞌopopo ka jooꞌeewamta, inikaꞌa ama tuꞌute
\p
\v 13 Junama san jaibu juriom pajko, bwalam aet jissuꞌa
taewaita ka mekka aꞌ beꞌeeo, juꞌu Jesus, bweꞌu joꞌara
Jerusalen teaꞌu siika.
\v 14 Junama Liojta bweꞌu teꞌopopo, aapo, jumeꞌ boesim
intok jumeꞌ bwaaram intok wokkoim nenenkame ama bichak.
Intok ket jumeꞌ tomita nanakuliariame jum bem tekipanoaꞌpo
jokammeu yepsak.
\v 15 Inikaꞌa aapo bichakai, juꞌu Jesus, tettebe wikiam
nat jijjoꞌaaka am jibebia yaak. Intok junamaꞌa teꞌopopo
siꞌimem, chikti bem bwarammak intok bem boesimmak, paꞌakun
yeu am beebak. Jumeꞌ tomita nanakuliaꞌum, jukaꞌ bem tomita
koꞌom am woꞌotariak. Jumeꞌ intoko meesam naꞌikim am
woꞌotariak.
\v 16 Wameꞌe wokkoim ama nenenkammeu intok:
\p ―Inikaꞌa em paꞌakun yeu tojine. In achaita teꞌopo, emeꞌe,
ka jitaa ama nenki betchiꞌbo karita benasi aꞌ tatawaane
―ti ameu jiiak.
\p
\v 17 Junak intok jumeꞌ aꞌ majtim, Liojta nok lutuꞌuriapo
inen jiꞌojteitau wawaatek: “Jukaꞌ in yoꞌowata teꞌopota,
aet jiapseka tua in aꞌ eiyaꞌ betchiꞌbo, iniꞌi nee luꞌuta”,
ti aꞌ jiaꞌapo.
\p
\v 18 Junak intok jumeꞌ juriom:
\p ―Inikaꞌa em jooneꞌpo, lutuꞌuriata em jipueꞌut a itom
juꞌuneeneꞌ betchiꞌbo, jitaa machilaatasa empo a itom
bittua ―ti au nattemaek.
\p
\v 19 Juꞌu Jesus intok inen am yoopnak:
\p ―Emeꞌe inikaꞌa teꞌopota mojaktane, ineponee intok baji
taewaim weyeo, juchi bemelasi nee aꞌ yechaꞌane ―ti ameu
jiakai.
\p
\v 20 Junak jumeꞌ juriom inen jiiak:
\p ―Woi taka ama busan wasuktiapo iniꞌi teꞌopo yaꞌawak.
Empo intok kaachin junuen baji taꞌapo aꞌ yechaꞌane ―ti
au jiiak.
\p
\v 21 Taa juꞌu teꞌopo Jesujta teuwaaꞌu, jiba aapo aꞌ
taka teuwaan oꞌoben.
\v 22 Inia betchiꞌbo san, chukula, Jesujta kokkoarim nasuk
juchi jiabijteko, jumeꞌ aꞌ majtim inikaꞌa aapoꞌik teuwaakaꞌubeu
wawaatek. Intok bempo Liojta nok lutuꞌuria jiꞌojteita
sualek intok wakaꞌa nokita aapoꞌik ameu teuwaari.
\s Jesus, kaabeta beꞌeeka, siꞌimemmet juꞌunea
\p
\v 23 Junak Jesujta jum bweꞌu joꞌara Jerusalen teaꞌpo,
junamaꞌa juriom bwalam jissuꞌaka pajkota weyeꞌpo aꞌ
aneo, junamaꞌa juebenaka aapoꞌik machilaata a jita aꞌ
joaꞌuta aꞌ bichaka, aapoꞌik sualek.
\v 24 Taa aapo juꞌu Jesus, inimeꞌe ka am yoemꞌeiyaak.
Bweꞌituk junameꞌe siꞌimemmet juꞌuneiyaakai.
\v 25 Aapo tua kaabeta betana aꞌ boꞌo bichan, aapoꞌik
inim watem betana aꞌ etejorianeeꞌuta, bweꞌituk aapo, jumeꞌ
inim yoeme, bem eerimmet juꞌuneakai.
\c 3
\s Jesus intok juꞌu yoꞌowe Nikoreemoꞌ teamta nau aneꞌepo
\p
\v 1 Junamaꞌa seenu, paiseeom teame betana weyeka Nikoreemoꞌ
teaka ama aanen. Iniꞌi intok jumeꞌ juriommeu yoꞌoraata
mak naꞌikiaritukan.
\v 2 Iniꞌi Nikoreemoꞌ teame, tukaapo Jesujta aꞌ aneꞌepo
au noitek intok inen au jiiak:
\p ―Yee majtame, juꞌuneate Liojta betana em itom majtaneꞌ
betchiꞌbo aꞌabo em bittuaritukaꞌpo. Bweꞌituk kaabe machilaata
a jita aꞌ joaꞌuta aꞌ jooa em aꞌ joaꞌa benasia, Liojta
ka aamak tuko ―ti au jiiak.
\p
\v 3 Junak intok juꞌu Jesus iniau:
\p ―Lutuꞌuriapo ne inen eu jiia, waꞌa ka juchi yeu yoemtukame,
iniꞌi, Liojta cheꞌa yoꞌotaka aꞌ katekaꞌuta, ka aꞌ bitne
―ti au jiiak.
\p
\v 4 Juꞌu Nikoreemoꞌ teame aapoꞌiku:
\p ―Taa jaisa tua inien juꞌu oꞌou, yoꞌotaka a juchi yeu
yoemtune. Jaisa iniꞌi juchi aꞌ malabeu a notteka intok
junuen juchi bemelasi yeu yoemtunee jaꞌani ―ti au nattemaek.
\p
\v 5 Juꞌu Jesus inen au jiiak:
\p ―Lutuꞌuriapo ne inen jiia, waꞌa, juꞌu baꞌae taꞌeewamtae
intok juꞌu Liojta tuꞌu jiapsie ka juchi bemelasi yoemtukame,
iniꞌi, Liojta cheꞌa yoꞌotaka aꞌ katekaꞌu, kaachin a aman
jiapsine ―ti aꞌ yoopnak―.
\v 6 Waꞌa inim yoemem yoꞌowaka yoemtukame, iniꞌi, jiba
inim yoemtaka jiapsine. Waꞌa intok, juꞌu Liojta tuꞌu
jiapsi betana bemelasi yoemtukame, iniꞌi, ale benasi jiapsiwamta
jipuꞌune.
\v 7 Ka empo aet jachin eene, siꞌimem juchi bemelasi
bem yeu yoemtuneeꞌuta aꞌ utteꞌa ti in eu jiaꞌ betchiꞌbo.
\v 8 Juꞌu jeeka aꞌ weebaeꞌu luula weama, jukaꞌ aꞌ jiawaita
empo aꞌ jikkaja, taa jakuꞌubo aꞌ weyeꞌut intok kia jakun
bichaa aꞌ weyeꞌut juniꞌi, empo ka a juꞌuneene. Inien
ketchia inia bebena, siꞌime jumeꞌe, Liojta tuꞌu jiapsita
betana bemelasi yoemtulame ―ti au jiiak.
\p
\v 9 Junak intok juꞌu Nikoreemo:
\p ―Jaisa tua iniꞌi inien tune ―ti juchi au nattemaek.
\p
\v 10 Juꞌu Jesus inikaꞌa:
\p ―Empo juꞌu inim Ijraꞌel yoemrata nasuk tua yoꞌoriwaka
yee majtakai, jaisa iniat empo ka juꞌunea jaꞌani ―ti aꞌ
yoopnak―.
\v 11 Lutuꞌuriapo ne inen eu jiia, itepote ala, jukaꞌ
itom juꞌuneiyaaꞌuta aꞌ teteuwaa, intok itepo, jukaꞌ itom
bitlaaꞌuta, aꞌ juꞌuneiyaaka aꞌ lutuꞌuriate. Taa emeꞌe
intoko, jukaꞌ itom emou teuwaaꞌuta, emeꞌe ka aꞌ suale.
\v 12 Emeꞌe juꞌu jitaa inim bwiapo ayukamta betana nee
emou nokao juniꞌi, emeꞌe ka nee sualekai, jaisa tua emeꞌe
nee sualne, teekau ayukamta betana nee emou nokao.
\p
\v 13 ’Inim tua kee jabe teekau Liojtau yepsa. Ala waꞌa
junaꞌabo teeka betana yepsakame jiba. Iniꞌi, juꞌu inim
emo benasi yoeme, juꞌu teekau joome.
\v 14 Intok jiba junaen, bat naataka, jukaꞌ Moiseejtukaꞌuta,
jum bweka paꞌaku, jukaꞌ sisiꞌiwook bakotta, kutat aꞌ chayakaꞌa
benasia, junuen ket juꞌu inim emo benasi yoeme, utteꞌa,
junuen kutat jikat aꞌ chayaꞌatuneeꞌu.
\v 15 Junuen beja siꞌime jumeꞌ aꞌ sualeme, inimeꞌe ka
jiba betchiꞌbo kokkoka, taa ala inimeꞌe, jiba yuu jiapsiwamta
bem bitneꞌ betchiꞌbo.
\s Liojta kaabem beꞌeeka, inim jiapsame siꞌimem aꞌ nakeꞌu
\p
\v 16 ’Bweꞌituk juꞌu Lios, inim aniapo jukaꞌ yoemrata,
tua aꞌ nakekai, aapo jukaꞌ wepul aꞌ yoemiata, jiokot au
aꞌ bitneꞌ betchiꞌbo aꞌ suꞌu tojak. Junuen beja, siꞌime
jumeꞌ aꞌ sualeme, inimeꞌe, ka jiba betchiꞌbo kokkoka, taa
ala inimeꞌe, jiba yuu jiapsiwamta bem bitneꞌ betchiꞌbo.
\v 17 Juꞌu Lios, ka jumeꞌ inim bwiapo jiapsame, ka tuꞌisi
am tawaabaekai, jukaꞌ aꞌ yoemiawta aꞌabo aꞌ bittuak.
Taa ala aapo, inimeꞌe jinneꞌubaekai.
\p
\v 18 ’Waꞌa, jukaꞌ Liojta yoemiata aꞌ sual taꞌaame, iniꞌi,
ka tuꞌisi aꞌ tawaanaaꞌuta, ka aꞌ bitne. Taa waꞌa ka aꞌ
sual taꞌaame, iniꞌi jaibu ka tuꞌisi tawaari, junuen jukaꞌ
wepuꞌulaika Liojta yoemiata, aapoꞌik ka aꞌ sualekaꞌ betchiꞌbo.
\v 19 Jumeꞌ ka aꞌ sualeme, jaibu ka tuꞌisi tawaarim.
Bweꞌituk jukaꞌ Liojta yoemiata, juꞌu tachiriapo taꞌeewame,
aꞌabo bwiau aꞌ yepsako, inimeꞌe, jukaꞌ ka tuꞌik, ka machik
benak cheꞌa aꞌ tuꞌurek, juꞌu tachiriapo taꞌeewamta bepa.
Bweꞌituk bempo ka tuꞌik boꞌo jooriakai.
\v 20 Siꞌime jumeꞌ ka tuꞌik joaka jiapsame, inimeꞌe, jukaꞌ
tachiriapo taꞌeewamta ka tuꞌure, intok kia ka au ruktibae
juniꞌi, junuen, jukaꞌ ka tuꞌik bem boꞌo jooriaꞌut ka amet
aꞌ juꞌuneiyaanaꞌ betchiꞌbo.
\v 21 Taa jumeꞌe, lutuꞌuriapo bem boꞌo jooriaꞌeaꞌuta
aꞌ joaka jiapsame, inimeꞌe juꞌu tachiriau rukte, junuen
juꞌu bem joaꞌut, Liojta betana aniawaka bem aꞌ joaꞌuta
aꞌ juꞌuneiyaanaꞌ betchiꞌbo.
\s Joan, juꞌu yee babatoowame, juchi weeꞌpo Jesujta jaisa ae bepa aꞌ eiyaawatchiakaꞌu aꞌ teuwaa
\p
\v 22 Iniat chukula juꞌu Jesus aꞌ majtimmak Jurea bwiaraaꞌ
teaꞌu bicha siika. Junamaꞌa intok aapo, jumeꞌ aꞌ majtimmak
ili juebena taꞌapo ama taawak, bempo yee batoꞌowaakai.
\v 23 Juꞌu Joan teame intok ketchia, ili joꞌara Enon
teaꞌpo, iniꞌi, senu joꞌara Salim teaꞌpo ka mekka, aapo
yee batoꞌowaan. Bweꞌituk junamaꞌa tua baꞌa buꞌuureakan.
Juꞌu yoemra intok junaman Joantau yajaka batoꞌowaawan.
\v 24 Iniꞌisan, jukaꞌ Joanta jum yeꞌeꞌetawaꞌu kee aꞌ
tojiwao yeu siika.
\p
\v 25 Junak intok waate jumeꞌ Joanta majtim, junama wate
juriommak emo nok bwisek, jachin emo baꞌatuawaka, junuen
Liojta bichapo emo tuꞌutewamta betana.
\v 26 Junuen san, inimeꞌe, jukaꞌ Joanta aꞌ tejwaaboka
au sajak:
\p ―Yee majtame, aꞌ juꞌuneiyaane, waꞌa batwee Joran teaꞌabeas,
taꞌata yeu weꞌe betana emak aneꞌu, juꞌu em aapoꞌik betana
itou nokakaꞌu, iꞌan ket junaꞌa yee batoꞌowaa intok siꞌime
jeela aamak eaka au yajja ―ti au jiakai.
\p
\v 27 Junak intok juꞌu Joan:
\p ―Kaabe aane, iniꞌi, jukaꞌ au yumaka aꞌ jooneeꞌuta aet
ayukame, ka Liojta betana aꞌ mabetlatkai ―ti ameu jiiak―.
\v 28 Jiba emeꞌesu nee jikkajak, machisi, ineponee ka
junaꞌa juꞌu Krijto ti nee jiako. Ala inepo nee, senu
yeu puꞌaritaka nee aapat bittuari ti nee jiako.
\v 29 Jum pajko jujupwaꞌpo, juꞌu, jukaꞌ jubiwaituneemta
mabetneeme, junaꞌa juꞌu kunawaitune. Juꞌu intoko, jukaꞌ
jupbaemta binwatuk naateka aꞌ taꞌaame, iniꞌi ama aneka
intok nokamta aꞌ jikkajaka, tua alleene. Ket jiba junaeni,
inepo junae betchiꞌbo ne tua allea.
\v 30 Junaꞌa, aapo cheꞌewa su bichau bicha, yoꞌorisi aꞌ
eiyaanaaꞌu au lutuꞌuriatune. Nee intoko, cheꞌa juniꞌi
ka eiyaawatchisi in machineeꞌu, utteꞌa.
\s Juꞌu teeka betana inim aneme
\p
\v 31 Juꞌu jikat teeka betana aꞌabo yebijlame, utteꞌa,
iniꞌi inim siꞌimem bepa aꞌ yoꞌotuneeꞌu. Juꞌu intoko
inim bwiapo yeu yoemtulame, iniꞌi bwiae yaꞌari intok
inim bwiapo ayukamtat jiba juꞌuneaka aꞌ teuwaane. Taa
juꞌu jikat teeka betana yebijlame, utteꞌa, iniꞌi inim
siꞌimem bepa aꞌ yoꞌotuneeꞌu.
\v 32 Intok aapo aꞌ bitlaꞌuta intok aꞌ jikkajilaꞌuta
aꞌ teuwaa. Taa inikaꞌa aapoꞌik teuwaaꞌuta, tua kaabe
aꞌ suale.
\v 33 Taa seenu, waꞌa aꞌ sualeka aꞌ mabetakame, iniꞌi
junuen, achai Liojta betana nokita tua aꞌ lutuꞌuriatukaꞌuta
aꞌ juꞌuneiyaa tebone.
\v 34 Bweꞌituk juꞌu, Liojta betana yeteu bittuari, iniꞌi,
Liojta betana jukaꞌ nokta weyemta aꞌ teuwaa. Bweꞌituk
juꞌu achai Lios, jukaꞌ aꞌ yoemiawata jukaꞌ aꞌ tuꞌu jiapsiwata,
kaita beꞌeeka aet autua.
\v 35 Juꞌu achaiwai Lios, jukaꞌ aapoꞌik yoemiata aꞌ nak
taꞌaa. Intok aapo, aapoꞌik mampo siꞌimeta suꞌu tojilaa.
\v 36 Waꞌa, jukaꞌ Liojta yoemiata sualeme, iniꞌi, jukaꞌ
jiba yuu jiapsiwamta bitne. Taa waꞌa, Liojta yoemiata
ka aꞌ sualbaeme, ka aꞌ bitnee junakaꞌa yuu jiapsiwamta.
Ala junaꞌa, Liojta betana tua jiokot au aꞌ chupneeꞌu
au aune.
\c 4
\s Jesus intok juꞌu jamut, bwiaraa Samaariaꞌ teaꞌpo joome
\p
\v 1 Jumeꞌ paiseeom junak, jukaꞌ Jesujta, juꞌu Joanta
bepa cheꞌa juniꞌi juebenam aamak eame aneꞌepo intok
cheꞌa yuꞌin aapoꞌik am batoꞌowaaꞌuta aꞌ juꞌuneiyaak.
\v 2 Lutula weeꞌpo, ka aapo juꞌu Jesus yee batoꞌowaan
oꞌoben. Ala jumeꞌ aapoꞌik majtim.
\v 3 Intok junak, junamaꞌa juꞌu Jesus, inikaꞌa juꞌuneꞌeiyaakai,
Jurea bwiaraa betana yeu siika, junuen Kalilea bwiaraaꞌ
teaꞌu bicha juchi nottibaekai.
\p
\v 4 Aapo junam bicha weyekai, bwiaraa Samaariaꞌ teaꞌpo
waꞌam aꞌ weeneeꞌuta utteꞌatukan.
\v 5 Junuen san aapo junama senu ili joꞌara Sikar teaꞌu
yepsak. Samaaria bwiaraaꞌ teaꞌpo junama waj bwia jukaꞌ
Jakoop tukaꞌuta, aꞌ yoemiawa Joseꞌ teamta aꞌ miklaꞌu
jeela.
\v 6 Junamaꞌa jumeꞌ Jakoop teamta posom teaka ama manekan.
Boꞌo joo lottilatakai juꞌu Jesus junamaꞌa juname bepa
yejtek. Junama jumak luula yejteo.
\v 7,8 Jumeꞌ aapoꞌik majtim intok, ili joꞌarau Sikar teaꞌu
inimeꞌe bem bwaꞌaneeꞌuta jinubaeka aman sakaꞌalamtukan.
Junak san bwiaraa Samaariaꞌ teaꞌpo joome, senu jamut
junama posou baꞌam nuꞌuseka ama yepsak. Juꞌu Jesus iniau:
\p ―Baꞌam nee miika ―ti au jiiak.
\p
\v 9 Junak intok juꞌu jamut Samaariaꞌ teaꞌpo joome, Jesujtau:
\p ―Jaisaaka empo, jurio yoemtakai, nee bwiaara Samaariaꞌ
teaꞌpo jometau baꞌa netane ―ti au nattemaek.
\p (Bweꞌituk jumeꞌ juriom, jumeꞌ bwiaraa Samaariaꞌ teaꞌpo
joomemmak ka nau tuttuꞌireakan.)
\v 10 Junak intok juꞌu Jesus, inen aꞌ yoopnak:
\p ―Empo jukaꞌ tua eiyaawatchik, Liojta betana weyeka, yee
aꞌ mikaꞌuta aꞌ juꞌuneiyaꞌateko intok jukaꞌ eu baꞌa netanemta
aꞌ jabetukaꞌpo, empo neu am aꞌau ean, ineponee intok baꞌam
yee jiapsituame enchi am mik ean ―ti au jiakai.
\p
\v 11 Juꞌu jamut intok:
\p ―Japchi, kia jita juniꞌi, baꞌam em ae yeu wikneeꞌuta,
empo kaita jipue. Posom intok tua mekka koꞌomi. Jaksa
empo jumeꞌ baꞌam yee jiapsituame nuꞌuka, nee am mikneekai
―ti au jiiak―.
\v 12 Juꞌu Jakooboꞌ teame, juꞌu itom yoꞌowasukaꞌu, inimeꞌe
posom yaaka, itou am toꞌo siika. Inimeꞌe betana junako
jiba aapoꞌik, intok jumeꞌ aꞌ yoemiawam intok jumeꞌ aapoꞌik
wakasekaꞌum inim jiꞌisukaꞌpo. Intok jaisa empo iꞌan
junae aapoꞌik bepa cheꞌa yoꞌowe jaꞌani ―ti au nattemaek.
\p
\v 13 Juꞌu Jesus inen aꞌ yoopnak:
\p ―Siꞌime jumeꞌe, inimeꞌe inim baꞌam jeꞌekame, juchi baꞌa
jiꞌipeene.
\v 14 Taa waꞌa, jumeꞌ baꞌam in aꞌ mikneeꞌum am jeꞌekame,
junaꞌa jakwoo juniꞌi ka intok baꞌa jiꞌipeene. Bweꞌituk
jumeꞌ baꞌam in aꞌ mikneeꞌum, inimeꞌe, jumeꞌ baꞌam ka luꞌu
luꞌuteka yeu weyeme benasi aet aune, junuen aapoꞌik ammea
jiba yuu jiapsineꞌ betchiꞌbo ―ti au jiiak.
\p
\v 15 Junak intok juꞌu jamut:
\p ―Japchi, junameꞌe baꞌam nee mikne, junuen ka intok in
baꞌa jiꞌipeeneꞌ betchiꞌbo intok kia ka intok aꞌabo baꞌam
manekaꞌu in babatneꞌ betchiꞌbo ―ti au jiiak.
\p
\v 16 Junak juꞌu Jesus:
\p ―Em kunabeu aman chaaeka intok junak aapoꞌiku mak juchi
aꞌabo weene ―ti au jiiak.
\p
\v 17 Juꞌu jamut intok:
\p ―Kannee kuunak ―ti au jiiak.
\p Jesus intok junak inen au jiiak:
\p ―Lutuꞌuriataꞌe teuwaa, junuen, ka emo kunak ti jiakai.
\v 18 Bweꞌituk empo iꞌan tajtia mamnim kunalataka juniꞌi,
kia iꞌan juꞌu em aamak katekaꞌuta, empo ka aꞌ kuunak.
Inien jiakaꞌut empo lutuꞌuriata teuwaalaa ―ti au jiiak.
\p
\v 19 Inikaꞌa jikkajaka juꞌu jamut:
\p ―Japchi, iꞌan ne juꞌunea, Liojta betana juꞌuneetuawaka,
chukula yeu weenemta em nokaꞌapo ―ti au jiiak―.
\v 20 Jumeꞌ cheꞌa bat naataka itom yoꞌowasukaꞌum, jumeꞌ
inim Samaariaꞌ teaꞌpo joome, bempo inim iniꞌi kaupo Liojta
yoꞌorisuk. Taa emeꞌe jumeꞌ juriom, bweꞌu joꞌara Jerusalen
teaꞌpo aꞌ junaꞌati jiia, jum itom aꞌ yoꞌoriꞌeaꞌpo ―ti
au jiiak.
\p
\v 21 Juꞌu Jesus inikaꞌa inen yoopnak:
\p ―Iniat nee sualne, taewai yumaꞌane, junak enchim, kia
ka inia kawiu sajaka, intok kia ka jum bweꞌu joꞌara Jerusalen
teaꞌu sajaka juniꞌi junak achai Liojta enchim aꞌ yoꞌorineeo
―ti au jiakai―.
\v 22 Emeꞌe jumeꞌ Samaaria bwiaraaꞌ teaꞌpo joomem, kateꞌem
juꞌunea juꞌu enchim yoꞌoreeꞌut. Taa itepo ala, tee juꞌunea
juꞌu itom yoꞌoreeꞌut, bweꞌituk juꞌu yee jinneꞌuneeme,
juriom betana yeu machine ―ti au jiiak―.
\v 23 Taa iꞌan taewai yumaꞌasek intok jiba iꞌan su junaꞌa,
jumeꞌ lutuꞌuriapo achai Liojta yoꞌorineeme, inimeꞌe tua
junen jiaka intok Liojta tuꞌu jiapsi betana aniawaka,
lutuꞌuriapo bempoꞌim aꞌ yoꞌorineeo. Bweꞌituk juꞌu achai
Lios, jumeꞌ aapoꞌik yoꞌorineeme, junuen bem aꞌ yoꞌorineeꞌuta
ame tana aꞌ waata.
\v 24 Juꞌu Lios ka inim bittaka aapo jiapsa. Jumeꞌ intoko
aꞌ yoꞌoreme, inimeꞌe, juꞌu aapoꞌik tuꞌu jiapsie aniawaka,
tua bem tuꞌiꞌeerimmea intok ka jiapsita bepa bem aꞌ
yoꞌorineeꞌuta utteꞌa ―ti au jiiak.
\p
\v 25 Junak juꞌu jamut:
\p ―Juꞌuneanee ala, jukaꞌ Mesiaj teaka jukaꞌ ket Krijtopo
taꞌeewamta, inim aꞌ yebijneeꞌuta. Intok junak aapo aꞌabo
yepsako, aapo siꞌimeta machisi itou aꞌ teuwaane ―ti au
jiiak.
\p
\v 26 Juꞌu Jesus iniau:
\p ―Inepo nee junaꞌa juꞌu em teuwaaꞌu, jiba inepo emak
etejome ―ti au jiiak.
\p
\v 27 Junen su jumeꞌ Jesujta majtim au yajak. Intok
bempo kaachin jiu machi, jukaꞌ Jesujta junuen jamuttamak
aꞌ etejomta bichakai. Taa kaabe, juꞌu aꞌ waataꞌut oo
juꞌu aamak aꞌ etejooꞌu betana au nattemaek.
\v 28 Junako juꞌu jamut, jukaꞌ aꞌ babu sotoꞌiwata ama
toꞌo sika intok aapo junama ili joꞌarau bicha siika
intok jumeꞌ junaman joꞌaakammeu inen jiiak:
\p
\v 29 ―Aꞌabo kateka, emeꞌe senu oꞌouta, tua siꞌimeta in
yaꞌarita neu teuwaarita aꞌ bitne. Jumak juniꞌi iniꞌi
junaꞌa, juꞌu Krijtoꞌ teame ―ti ameu jiiak.
\p
\v 30 Junak junameꞌe, junamaꞌa ili joꞌarapo yeu sajakai,
intok Jesujta aneꞌu bicha yeu kat japtek.
\v 31 Imin intok ketunia jumeꞌ aapoꞌik majtim Jesujtau
nookan:
\p ―Yee majtame, iliꞌe jiꞌibwa ―ti au jiakai.
\p
\v 32 Taa aapo inimmeu:
\p ―Ineponee bwaꞌamta benaka in bwaꞌaneeꞌuta inepo aꞌ
jipue, enchim tua ka taꞌaaꞌuta ―ti ameu jiiak.
\p
\v 33 Jumeꞌ aapoꞌik majtim junak bempo nau:
\p ―Jaisa senu jita aꞌ bwaꞌaneeꞌuta au tojak jaꞌani ―ti
nau jiian.
\p
\v 34 Taa juꞌu Jesus inimmeu:
\p ―Jukaꞌ aꞌabo nee bittuakamta eaꞌpo aman in auneeꞌu,
intok jukaꞌ aapoꞌik betana tekilta in aꞌ chupaꞌaneeꞌu,
iniꞌi junaꞌa, waꞌa bwaꞌamta benasi in bichaꞌu ―ti ameu
jiiak―.
\v 35 Katiꞌin emeꞌe inen jijia: “Ketuni naiki mecham
beꞌee echimuta chuktanaꞌ betchiꞌbo.” Taa ineponee inen
emou jiia, jumeꞌ aꞌabo kateka, jinneꞌuimtuneeme, emeꞌe
mammatene, inimeꞌe echimuta jaibu aꞌ chuktanaaꞌu aꞌ tuꞌireakaꞌa
benasi maachi ―ti ameu jiiak―.
\v 36 Waꞌa am jinneꞌuimtuneꞌ betchiꞌbo ameu nokakame,
iniꞌi, echimuta toboktamta benasi maachi. Intok aapo,
aꞌ tekilwa betchiꞌbo au tuꞌik bitne. Juꞌu intoko aꞌ
yaꞌari, iniꞌi, jumeꞌ jinneꞌuimtukame, bem jiba yuu jiapsineeꞌu
junaꞌa. Junuen jukaꞌ echakamta intok jukaꞌ junakaꞌa
toboktakamta, inimeꞌe nau aet alleeneꞌ betchiꞌbo.
\v 37 Bweꞌituk lutuꞌuria juꞌu inim inen jijiuwame: “Juꞌu
senu etne, juꞌu intok inikaꞌa toboktaneeme, taꞌabwine.”
\v 38 Ineponee jum tekilta ka enchim yaꞌariu, echita
aꞌ toboktaneeꞌu enchim aman bittuala. Junuen san, waate
cheꞌa bat junameꞌe jumeꞌ tekipanoalame. Emeꞌe intok
junameꞌem, jumeꞌ bem tekil yaꞌariapo jukaꞌ ili ama beꞌeemta
joaka, ae betana tuꞌik mabetneeme.
\p
\v 39 Juebenaka jumeꞌ junama bwiaraa Samaariaꞌ teaꞌpo
ili joꞌarapo joome Jesujta sualek jukaꞌ jamutta, jukaꞌ
aꞌ lutuꞌuria ti jiaka ameu aꞌ teuwaakaꞌu betchiꞌbo:
“Siꞌimeta jukaꞌ in yaꞌari neu teuwaala”, ti jiakai.
\v 40 Junuen san jumeꞌ bwiaraa Samaariaꞌ teaꞌpo joome
aman au yajakai, au ujbwanak bempoꞌimmak aꞌ tawaneꞌ betchiꞌbo.
Juꞌu Jesus wooi taꞌapo junama amemak taawak.
\v 41 Intok junamaꞌa waate cheꞌa juebenaka jiba aapoꞌik
jukaꞌ aꞌ teuwaaꞌuta jikkajakai aꞌ susualek.
\v 42 Junak intok inimeꞌe juꞌu jamuttau:
\p ―Iꞌan ka juꞌu em itou teuwaakaꞌu betchiꞌbo jiba te
aꞌ suale. Ala junuen jiba itepo tee ket aapoꞌik jikkajilamtakai.
Intok aapoꞌik tua lutuꞌuriapo aꞌ Krijtotukaꞌuta, juꞌu
inim yoemrata jinneꞌuneeme ket itepo juꞌunea.
\s Jesus, yoꞌoraata betana tekilekamta inia yoemiawata au ineꞌetetua
\p
\v 43 Wooi taewaim simsuk chukula juꞌu Jesus, bwiaraa
Samaariaꞌ teaꞌpo yeu sika intok bwiaara Kalileaꞌ teaꞌu
bicha yebijbaeka boꞌo joo taitek.
\v 44 Bweꞌituk jiba aapoꞌik Jesujta junuen jiakaꞌa benasia:
“Seenuk, wakaꞌa Liojta betana juꞌuneaka chukula yeu
weenemta tetteuwamta, iniꞌi, tua aꞌ bwiaraapo ka eiyaatune”,
ti jiakai.
\v 45 Junak aapoꞌik jum bwiaraa Kalileaꞌ teaꞌu juchi
aꞌ yepsako, jumeꞌ junamaꞌa joome tuꞌisi aꞌ mabetak. Bweꞌituk
inimeꞌe ket jum bweꞌu joꞌara Jerusalen teaꞌpo, bwala
jissuꞌawaka pajkowakaꞌu aanen. Intok inimeꞌe siꞌimeta
jukaꞌ junama pajkopo aapoꞌik yaakaꞌuta aꞌ bitlatukan.
\p
\v 46 Junak intok juꞌu Jesus, bwiaraa Kalileaꞌ teaꞌpo,
ili joꞌara Kanaaꞌ teaꞌu juchi nottek. Junama aapoꞌik
a jita aꞌ joaꞌapo aman, baꞌam paꞌasi baꞌawata am yaakaꞌpo.
Junama intok juꞌu cheꞌa yoꞌo yaꞌarita nesaweꞌpo tekilta
joame, iniꞌi jum bweꞌu joꞌara Kapernaoꞌ teaꞌu senuk koꞌokoemta
usekai.
\v 47 Junako, juꞌu yoꞌoraata betana tekilta joame, jukaꞌ
Jesujta, Jureaꞌ teaꞌa betana jum bwiaraa Kalileaꞌ teaꞌu
aꞌ yepsakaꞌut juꞌuneakai, aman aꞌ aneꞌu au noiteka intok
aꞌ joꞌau sika intok jukaꞌ aꞌ yoemiawata au aꞌ ineꞌetetuaneꞌ
betchiꞌbo au ujbwanak, inikaꞌa jaibu abe mukemta.
\v 48 Junak juꞌu Jesus iniau inen jiiak:
\p ―Jitaa machilaata intok jukaꞌ jita senuk a joaꞌuta
suum watchika senuk a joaꞌuta ka aꞌ bichakai, emeꞌe kaita
sualne ―ti au jiiak.
\p
\v 49 Taa juꞌu yoꞌoraata betana tekilta joame inen au
jiiak:
\p ―Achai, lauti aman weene, jukaꞌ in yoemiata kee aꞌ mukeo
―ti au jiiak.
\p
\v 50 Junak juꞌu Jesus iniau:
\p ―Em joꞌaau nottine. Juꞌu em yoemia tuꞌisuk ―ti au jiiak.
\p Iniꞌi, jukaꞌ Jesujta au teuwaakaꞌuta aꞌ sualeka intok
junuen siika.
\v 51 Junak aꞌ joꞌau aapoꞌik yebijsuseeo, jumeꞌ aapoꞌik
tekoka tekipanoame, aꞌ nankika:
\p ―Em yoemia tuꞌisuk ―ti au jiiak.
\p
\v 52 Junak intok ameu nattemaek jak weyeo aapoꞌik au
aꞌ ineꞌete taitekaꞌpo. Bempo intok:
\p ―Tuuka, luula yejtesuka koꞌom kuakteo, juꞌu taji wechia
aꞌ suꞌu tojak ―ti au jiiak.
\p
\v 53 Juꞌu yoꞌowe junak juꞌuneak, jiba junama orapo jukaꞌ
Jesujta: “Juꞌu em yoemia tuꞌisuk”, ti au aꞌ jiakaꞌpo
aꞌ tuꞌireakaꞌpo. Junak aapo intok siꞌime jumeꞌ aamak
joꞌaakame jukaꞌ Jesujta sualek.
\p
\v 54 Iniꞌi san junaꞌatuk, iniamak woika, jukaꞌ Jesujta
aapoꞌik suum watchik machilaata a jita aꞌ joaꞌue aꞌ
yaakaꞌu, aapoꞌik Jureaꞌ teaꞌa betana bwiaraa Kalileaꞌ
teaꞌu nottekai.
\c 5
\s Baꞌam manekaꞌpo Betejtaꞌ teaꞌpo, senuk ka a au taka yekamta, au ineꞌetetua juꞌu Jesus
\p
\v 1 Iniet chukula jumeꞌ juriom senu pajkota weetuan.
Junak intok juꞌu Jesus, bweꞌu joꞌara Jerusalen teaꞌu
juchi nottek.
\v 2 Junama bweꞌu joꞌarapo, senu pueeta, Bwaram ama yeu
rejte ti taꞌeewaꞌu jeela, bau baꞌam benam manek. Inimeꞌe
intok ebreo nokpo, Betejtaꞌ teakai. Iniꞌi ae konila, mamni
bwereka mekka jikau, jitae yaꞌarim, jekkaam jipuen.
\v 3 Junamaꞌa jekka yaꞌarimpo jumeꞌ koꞌokoeme tua juebenaka
ama tojirimtaka bwiapo toꞌokan. Ka bibichame, jumeꞌ loloꞌim,
intok jumeꞌ ka emo taka yekame. Inimeꞌe, jumeꞌ baꞌam
emo naas kuuta boꞌo bichakai.
\v 4 Bweꞌituk wate taewaimmet, inim baꞌa manekaꞌpo senu
ankeles ama koꞌom yepsaka, jumeꞌ baꞌam nau kuu kuutakai.
Junama intok iniet chukula, juꞌu cheꞌa bat junama baꞌapo
kibakekame, iniꞌi, jita koꞌokoata aet ayukaꞌu betana juniꞌi,
tuttuꞌirean.
\v 5 Juname betana senu oꞌou, senu taka ama woj mamni
intok ama woj naiki wasuktiapo koꞌokoekai ama boꞌokan.
\v 6 Juꞌu Jesus junama boꞌokamta bichakai, intok junuen
jaibu binwatuk naateka junuen aꞌ koꞌokoeꞌut juꞌuneꞌeakai,
iniau:
\p ―Jaisa empo emo ineꞌetepea jaꞌani ―ti au nattemaek.
\p
\v 7 Juꞌu koꞌokoeme inen aꞌ yoopnak:
\p ―Achai, jumeꞌ baꞌam emo naas kuutasuk, juꞌu nee ama koꞌom
yechaꞌaneeme neu beꞌee. Bweꞌituk nee ama koꞌom weebaeꞌebeleki,
taꞌabwika cheꞌa bat ama koꞌom weama ―ti au jiakai.
\p
\v 8 Juꞌu Jesus iniau:
\p ―Yejteꞌe, intok jukaꞌ em aet boꞌokaꞌuta toboktaka, weene
―ti au jiiak.
\p
\v 9 Jiba junama lautipo intok iniꞌi oꞌou tuꞌika taawak.
Intok jukaꞌ aet aꞌ boꞌokaꞌuta nuꞌuka naa wee taitek.
Taa junama intok sabala taewaitakai.
\v 10 Jumeꞌ juriom juꞌu au ineꞌetetuawakamtau inen jiiak:
\p ―Iꞌan cheꞌa aet yum joꞌe taewai, jukaꞌ em aet boboꞌuta
empo ka aꞌ puꞌanam ean ―ti au jiiak.
\p
\v 11 Juꞌu oꞌou inen am yoopnak:
\p ―Juꞌu nee tuꞌutekame, aapo: “Jukaꞌ em aet boboꞌuta
nuꞌuka weene”, ti neu jiiak.
\p
\v 12 Junak inimeꞌe:
\p ―Jabesa junaꞌa, juꞌu: “Jukaꞌ em aet boboꞌuta nuꞌuka
weene”, ti eu jiakame ―ti au nattemaek.
\p
\v 13 Taa iniꞌi ka juꞌunean jabeta au aꞌ ineꞌetetuakaꞌuta,
bweꞌituk juꞌu Jesus juꞌu buꞌuura junama anemta nasuk
kaabetulatukan.
\v 14 Chukula juꞌu Jesus, inikaꞌa jum bweꞌu teꞌopopo
teaka:
\p ―Aꞌ mammatene, iꞌan ala empo tuꞌikai, ka intok bat naataka
benasi ka tuꞌik joone, junuen kaita naa buusti intok,
cheꞌa ka tuꞌik em bitneꞌ betchiꞌbo ―ti au jiiak.
\p
\v 15 Iniꞌi oꞌou junak sikaa, intok jumeꞌ juriom tejwaak
jukaꞌ aꞌ tuꞌutekamta aꞌ Jesuj tukaꞌu.
\v 16 Jiba inia betchiꞌbo san jumeꞌ juriom Jesujtau
suua japtek. Intok inimeꞌe aꞌ meꞌebaen, junuen aapoꞌik
aet yum joꞌe taꞌapo inien weemta aꞌ joaꞌ betchiꞌbo.
\v 17 Taa juꞌu Jesus inimmeu:
\p ―Juꞌu in yoꞌowa Lios iꞌan tajtia jiba tuꞌik jooa. Inepo
intok ketchia tekilta tuꞌik jooa ―ti jiiak.
\p
\v 18 Jiba inia betchiꞌbo san jumeꞌ juriom cheꞌa juniꞌi
aapoꞌik meꞌebaeka ean. Bweꞌituk aapo junuen ka jum nesauri
jiꞌojteimpo aet yum joꞌe taewaita jiba junuen ka aꞌ
boꞌo jooriakai, taa ketchia, aapoꞌik jiba juꞌu Liojta
benasi au aꞌ joaꞌ betchiꞌbo, aapo jukaꞌ Liojta au aꞌ
yoꞌowak ti aꞌ jiaꞌue.
\s Juꞌu, jukaꞌ Liojta yoemia utteꞌata jipueka a jita aꞌ joaꞌu
\p
\v 19 Junak juꞌu Jesus inimmeu:
\p ―Lutuꞌuriapo ne inen emou jiia, jukaꞌ Liojta yoemia,
iniꞌi aapo aꞌ eaꞌpo tua kaita a joone. Ala wepulsi jukaꞌ
aꞌ yoꞌowata aapoꞌik joaꞌuta aꞌ bichakaꞌuta, junaka jiba
a jooa. Jukaꞌ achaiwaita siꞌimeta jukaꞌ aꞌ joaꞌuta, ket
juꞌu aꞌ yoemiawai junakaꞌa a joone.
\v 20 Bweꞌituk juꞌu achaiwai jukaꞌ aꞌ yoemiawata nak
taꞌaa. Intok jiba aapoꞌik siꞌimeta aꞌ joaꞌuta, junakaꞌa
aꞌ juꞌuneiyaatua. Intok ketchia, aapoꞌik a jita aꞌ joaꞌuta,
inia bepa cheꞌa suum watchisi machik aꞌ tejwaaka aꞌ
jootuane, junakaꞌa aꞌ bichaka emeꞌe kaachin jiu machine.
\v 21 Bweꞌituk jiba junuen jukaꞌ achaiwaita, jumeꞌ kokkoarim
bem takaam jojoaka intok am jiapsituaꞌa benasia, ket
jiba junalensu juꞌu yoemiawa, jumeꞌ jiapsiwamta aꞌ makbaeꞌum,
inimeꞌe aꞌ mamaka.
\v 22 Juꞌu achai Lios, inim kaabeta yaꞌuraa bittuane.
Ala aapo, jukaꞌ usiwaita siꞌime lutuꞌuriata aꞌ maki, inikaꞌa
yee aꞌ yaꞌuraa bittuaneꞌ betchiꞌbo.
\v 23 Junuen inim siꞌimem, jukaꞌ usiawaita bem aꞌ yoꞌori
taꞌaaneꞌ betchiꞌbo, jiba jukaꞌ achaiwaita bem aꞌ yoꞌori
taꞌaꞌa benasi. Juꞌu, jukaꞌ yoemiarita ka aꞌ yoꞌori taꞌaame,
kia jukaꞌ achaiwaita, jukaꞌ aꞌabo aꞌ bittuakamta juniꞌi,
junuen ka aꞌ yoꞌori taꞌaane.
\p
\v 24 ’Tua nee lutuꞌuriapo junen jiaka nee inikaꞌa teuwaa,
waꞌa, jukaꞌ in teuwaaꞌuta aꞌ mammateka aꞌ jikkajame, intok
jukaꞌ Liojta, aꞌabo nee bittuakamta aꞌ sualeme, iniꞌi,
jiba yuu jiapsine. Intok iniꞌi, ka tuꞌisi aꞌ tawaneeꞌuta
ka aꞌ bitne, bweꞌituk iniꞌi, Liojta bichapo ka tuꞌisi
tawaritaka aꞌ mukꞌeaꞌu betana jaibu jinneꞌuritaka, jiba
yuu jiapsiwamta jipue.
\v 25 Tua ne lutuꞌuriapo junen jiaka inikaꞌa teuwaa,
taewai yumaꞌane, intok jiba iꞌan su jaibu yumaꞌalaa, junak
jumeꞌ kokkoarim jukaꞌ Liojta yoemiata, aapoꞌik jiawaita
am jikkajineeo. Jumeꞌ intoko aꞌ jikkajakame, jiba yuu
jiapsine.
\v 26 Bweꞌituk juꞌu achai Lios utteꞌak, junuen jiba aapo
jukaꞌ jiapsiwamta yetet aꞌ autua betchiꞌbo. Intok ketchia
aapo, jukaꞌ yoemiawata junakaꞌa utteꞌata aet autuari,
junuen jukaꞌ jiapsiwamta yetet aꞌ autuaneꞌebetchibo.
\v 27 Intok ketchia aapoꞌik yee aꞌ yaꞌuraa bittuaneꞌ
betchiꞌbo, siꞌime lutuꞌuriata aet autuari, junuen aapoꞌik
inim bwiapo aꞌ yoemtukaꞌ betchiꞌbo.
\v 28 Iniet emeꞌe ka aet emo suum eetuabaane. Bweꞌituk
chukula, taewai yumaꞌane, junako siꞌime jumeꞌ kokkoarim
aapoꞌik jiawaita am jikkajineeo.
\v 29 Intok inimeꞌe, jum bem maꞌarimpo yeu katne. Wameꞌe
tuꞌik joaka jiapsisukame, inimeꞌe, jiba yuu bem jiapsineꞌ
betchiꞌbo jiabijtetuanaa. Taa jumeꞌ intoko ka tuꞌik
joaka jiapsisukame, inimeꞌe, ka tuꞌisi bem tawaanaꞌ betchiꞌbo
jiabijtetuanaa.
\s Jesujta, utteꞌata jipueka, a jita aꞌ joaꞌu betana machisi ayukame
\p
\v 30 ’Inepo kia in eaꞌpo aman, tua ne kaita a jooa.
Ala inepo nee tua in aꞌ tejwaawaꞌpo aman junuen nee
yee bichaka ka tuꞌisi yee tawaa. Juꞌu intok junuen, ka
tuꞌisi in yee tatawaaꞌu, wepulsi junaen jiba lutuꞌuriak.
Bweꞌituk inepo, kannee jukaꞌ in joobaeꞌuta in eaꞌpo aman
nee aꞌ jooa, ala inepo, jukaꞌ in yoꞌowata, aꞌabo nee bittuakamta
aꞌ yaꞌa iꞌaꞌuta junakaꞌa ne jooa.
\v 31 Inepo intoko, jiba inepo in jabetukaꞌuta aꞌ lutuꞌuriateꞌeteko,
juꞌu in teuwaaꞌu, nee betana tua kaita teuwaa ean.
\v 32 Taa ket senu aane, iniꞌi, in jabetukaꞌusata lutuꞌuriata
teuwaame. Inepo intok ne juꞌunea, inikaꞌa jukaꞌ nee betana
aꞌ teuwaaꞌuta, junuen lutuꞌuriataka aꞌ teuwaaꞌu.
\v 33 Emeꞌe, watem juꞌu Joan yee babatoowamtau am nattemai
betchiꞌbo au am bittuak. Juꞌu intoko aapoꞌik junammeu
teuwaakaꞌu lutuꞌuria.
\v 34 Taa inepo, kannee inim senuk in jabetukaꞌut lutuꞌuriata
teuwaaneemtat ea. Inikaꞌa inepo aꞌ teuwaa iniae enchim
nee sualeka enchim jinneꞌuimtuneꞌ betchiꞌbo.
\v 35 Juꞌu Joan, aapo inim jita beeteka aꞌ tachiriakaꞌa
benasia machiakan. Emeꞌe intoko, chuubaa juniꞌi weyeka,
aapoꞌikut enchim juꞌuneiyaakaꞌue tuꞌik mabetaka intok,
tua jiapsi yumaꞌisi alleak.
\v 36 Taa inepo, nee ket aꞌ juꞌuneiyaa, wakaꞌa cheꞌa tuꞌisi
weyeka, in jabetukaꞌuta, juꞌu Joanta nee betana aꞌ teuwaakaꞌu
bepa jukaꞌ aꞌ teuwaamta. Inim juꞌu in joaꞌu, iniꞌi, jiba
juꞌu achai Liojta betana aꞌ yaꞌasaiwaka juꞌu in tejwaawakaꞌu,
iniꞌi, lutuꞌuriapo in yoꞌowa Liojta betana aꞌabo in bittuaritukaꞌuta
aꞌ teuwaa.
\v 37 Ketchia, juꞌu achai Lios, juꞌu aꞌabo nee bittuakame,
aapo in jabetukaꞌuta lutuꞌuriata teuwaala. Junuen ka
tua aapo emou yepsaka juniꞌi, intok kia ka tua aapo emou
noklataka juniꞌi.
\v 38 Taa jukaꞌa, Liojta betana weyeka nok lutuꞌuriata,
emeꞌe ka tua junen jiaka aꞌ jikkajilam. Bweꞌituk, nee,
jiba jukaꞌ achai Liojta aꞌabo bittuakamta, emeꞌe ka nee
suale.
\v 39 Emeꞌe, Liojta betana weyeka jumeꞌ jiꞌosia jiꞌojteim,
tua emeꞌe amet suaka emo am majta. Bweꞌituk emeꞌe, jukaꞌ
jiba yuu jiapsiwamta inim jiꞌojteimpo emo aꞌ bit machia.
Taa junuentaka juniꞌi, inimeꞌe Liojta betana jiꞌosia
jiꞌojteim, junameꞌe, jumeꞌ nee betana lutuꞌuriata aꞌ teuwaame
oꞌoben.
\v 40 Emeꞌe intok tua ka nemak eebae, junuen jukaꞌ jiba
yuu jiapsiwamta enchim bit betchiꞌbo.
\p
\v 41 ’Inepo nee inim tua jabeta betana juniꞌi, jukaꞌ
yoꞌorisi weyeka net nokwamta kannee aꞌ waata.
\v 42 Intok naa buustia ineponee enchim taꞌaa. Intok
ket ne juꞌunea, achai Liojta ka enchim aꞌ nak taꞌaaꞌu.
\v 43 Inepo, jiba in achai Liojta betana lutuꞌuriaka
ae betchiꞌbo nokaka nee inim yebijlaa. Emeꞌe intok ka
junuen nee mabetbae. Taa senuk, kia aapoꞌik au yoꞌo yaꞌarika
aꞌ weyeo, junakaꞌa ala, emeꞌe tuꞌisi aꞌ mabetne.
\v 44 Kaachin emeꞌe a nee sualne, junuen emeꞌe emo nasuk
jitat emo eiyaawaka emo bitwamta nat jaiwakai. Intok
juꞌu wepulsi aapolaika jiba Liojta betana eiyaawaka
tuꞌisi enchim mabetnaaꞌuta ka aꞌ jaiwa.
\v 45 Ka emeꞌe, juꞌu in achai Liojta bichapo nee enchim
naꞌatejobaeꞌeti eene. Waꞌa enchim yeu bwijneeme, jiba
juꞌu Moiseejtukaꞌu, aapoꞌik nesaurimmet tuꞌik enchim
aet bit boꞌo bichaꞌu junaꞌatune.
\v 46 Bweꞌituk junuen emeꞌe wakaꞌa Moiseejtukaꞌuta teuwaakaꞌuta
aꞌ sualeꞌeteko, nee juniꞌi ketchia emeꞌe sual ean, bweꞌituk
aapo juꞌu Moiseej tukaꞌu nee betana jukaꞌ neu chupꞌeaꞌuta
aꞌ jiꞌojtek.
\v 47 Taa emeꞌe intok, jukaꞌ aapoꞌik jiꞌojtekaꞌuta emeꞌe
ka aꞌ sualekai, jaisa tua emeꞌe jukaꞌ in emou teuwaaꞌuta
aꞌ sualbae.
\c 6
\s Jesus, mamni miiltaka bepa ama aneme jiꞌibwatua
\p
\v 1 Iniat chukula aapo juꞌu Jesus, junamaꞌa bweꞌu bau
baꞌa Kalileaꞌ teaꞌpo, iniꞌi ket jiba Tibeeriammea taꞌeewakai,
baꞌat waetana bicha siika.
\v 2 Yoemra tua juebenaka aapoꞌikut chaꞌaka kaaten.
Bweꞌituk inimeꞌe, aapoꞌik machilaata, tua a jita aꞌ joaka,
jumeꞌ koꞌokoeme emo am ineꞌetetualaꞌuta aꞌ bitlamtukan.
\v 3 Junak juꞌu Jesus junama senu ili bwia kawiu jikau
sika intok junamaꞌa aꞌ majtimmak yejtek.
\v 4 Junama jaibu jumeꞌ juriom bwara jisuꞌaka, juꞌu bem
pajko yumaꞌasekan.
\v 5 Juꞌu Jesus junak junamaꞌa naj bitchukai intok jukaꞌ
yoemrata tua juebenaka aet chaꞌaka katemta bichakai,
juꞌu Jeriipeꞌ teamtau:
\p ―Jaksa tua itepo siꞌime inia yoemrata betchiꞌbo yumaꞌik
bwaꞌamta jinunee tua ―ti au jiiak.
\p
\v 6 Taa aapo inien jiiak junuen kia jukaꞌ Jeriipeꞌ
teamta aꞌ eaꞌuta jikkajibaekai. Bweꞌituk jiba aapo juꞌu
Jesus tuꞌisi juꞌunean juꞌu aꞌ yaꞌaneeꞌu betana.
\v 7 Junak juꞌu Jeriipeꞌ teame:
\p ―Naiki miil tosai tomim paanim, kia illikika juniꞌi
junuen weꞌepulaimmeu juniꞌi ka yumaꞌa ean ―ti aꞌ yoopnak.
\p
\v 8 Junak intok aꞌ majtim betana seenu, Antej teame,
Simoo Peeoꞌ teamta saai inen jiiak:
\p
\v 9 ―Senu ili usi inim weama, iniꞌi mamni sebaara paanim
nunnuꞌubwa intok wooi kuchum. Taa iniꞌi tua ka jaiki,
juꞌu juebena yoemrata betchiꞌbo ―ti au jiiak.
\p
\v 10 Junak intok juꞌu Jesus:
\p ―Siꞌimem inimeꞌe, emeꞌe am joteꞌesaune ―ti jiiak.
\p Junama bem aneꞌepo tua basotukan. Jumeꞌ intok junama
jotekame jumak mamni miil oꞌowimtukan.
\v 11 Junak juꞌu Jesus jumeꞌ paanim nuꞌuka intok chukula,
Liojta aapoꞌik aꞌ baisaeꞌuta teuwaasukai, jumeꞌ aꞌ majtimmeu
am bwisek. Jumeꞌ aꞌ majtim intoko, siꞌime wameꞌe junamaꞌa
jokammet am naꞌikimtek. Juꞌu Jesus jumeꞌ kuchum intok
ketchia jiba junaen ayuka amet am naꞌikimtek, inikaꞌa
yoemrata tua ameu aꞌ beꞌeeꞌpo aman am mikakai.
\v 12 Junako bempoꞌim junammea am yanti elao, juꞌu Jesus,
jumeꞌ aꞌ majtimmeu:
\p ―Jumeꞌ reebeim ama yeu beꞌekame nau tojine, junuen kaita
kia woꞌotineꞌ betchiꞌbo ―ti ameu jiiak.
\p
\v 13 Inimeꞌe, bempo nau tojaka intok jumeꞌ reebeim, jumeꞌ
mamni sebaara paanim betana bem bwaꞌasukaꞌpo yeu beꞌeekame,
inimeꞌe, woj mamni ama wooi jumeꞌ cheꞌa bwere waarim
ammea tapuniak.
\v 14 Junak intok juꞌu ama yoemra, jukaꞌ Jesujta a jita
aꞌ joaꞌuta, machilaata aꞌ bichakai:
\p ―Tua lutuꞌuriapo, iniꞌi junaꞌa, juꞌu Liojta betana juꞌuneetuawaka
chukula yeu weenemta teteuwaame, inim yebijneeka boꞌo
bitwaꞌu ―ti jiiak.
\p
\v 15 Taa junak juꞌu Jesus, utteꞌapo aꞌ nuk sajaka junuen
bempoꞌim junamaꞌa ameu aꞌ yoꞌo yaꞌabaeꞌpo amet juꞌuneꞌeakai,
aapo junama kaupo juchi cheꞌa mekka jikau siika junaman
aapola anbaekai.
\s Jum Jesujta baꞌa bepa aꞌ sikaꞌapo
\p
\v 16 Junak jaibu ka machisuko, jumeꞌ Jesujta majtim,
bweꞌu, bau baꞌau bicha koꞌom sajaka,
\v 17 inimeꞌe, senu bweꞌu kuta kanoau jaꞌamuka intok
junama bweꞌu bau baꞌat boꞌo joo japtek waetana bicha,
bweꞌu joꞌara Kapernaoꞌ teaꞌu yeu yajibaekai. Junamaꞌa
jaibu tua ka mamachiakan intok juꞌu Jesus ketun kee
aman ameu notten.
\v 18 Junak intoko, jeeka tua utteꞌaka yebij taitek.
Jumeꞌ baꞌa buaktiam intok mekka jikau jajapten.
\v 19 Junak intok bempo, mamni oo busan kiloometrom baꞌat
boꞌo joakai, bempo jukaꞌ Jesujta, bem ama kateꞌu ruktemta
aꞌ bichak, baꞌa bepa weyemta intok inimeꞌe aꞌ majjaek.
\v 20 Taa aapo:
\p ―Inepo nee im weye. Kateꞌem majjae ―ti ameu jiiak.
\p
\v 21 Junak intok bempo, bem ama kateꞌu, tua junen eaka
amemak aꞌ jaꞌamutuak. Intok bempo chubalapo su bwiau
bem sajakaꞌu yeu yajak.
\s Juꞌu yoemra, Jesujta jaiwakame
\p
\v 22 Juchi yokoriapo juꞌu yoemra, junama bweꞌu bau baꞌata
waetana tawakaꞌum, inimeꞌe juꞌuneꞌeak, jumeꞌ Jesujta majtim
junamaꞌa wepuꞌulaka jiba kuta kanoapo bem sajakaꞌpo,
jukaꞌ Jesujta intok ket ka amemak aꞌ sikaꞌu.
\v 23 Taa chukula junuen su wate bwere kuta kanoam, bweꞌu
joꞌara Tibeeriaꞌ teaꞌa betana ama yajak, junamaꞌa yoꞌowe
Jesukrijtota jumeꞌ paanim betchiꞌbo Liojta baisaeka
bem am bwaꞌakaꞌanaapo.
\v 24 Juꞌu buꞌuura junamaꞌa, jukaꞌ Jesujta intok kia
jumeꞌ aꞌ majtiwam juniꞌi, kaabe ama am bichakai, bempo,
inimeꞌe ama bwere kuta kanoammeu jaꞌamukan intok bweꞌu
joꞌara Kapernaoꞌ teaꞌu bicha sajak, Jesujta ama jariubokai.
\s Jum, Jesujta, bwaꞌaame jiba yuu yee jiapsituame ti aapoꞌik au teuwaakaꞌpo
\p
\v 25 Inimeꞌe junuen, junae bweꞌu bau baꞌa waetana yajaka,
jukaꞌ Jesujta ama teak, intok bempo:
\p ―Yee majtame, jakwoosa empo inim yepsak ―ti au nattemaek.
\p
\v 26 Taa juꞌu Jesus inimmeu:
\p ―Lutuꞌuriapo ne inen emou jiia, emeꞌe nee jaiwa, kia
nee betana yumaꞌisi enchim jiꞌibwakaꞌ betchiꞌbo. Intok
ka jukaꞌa, a jita joaka machilaata in yaakaꞌut enchim
aet juꞌuneakaꞌ betchiꞌbo.
\v 27 Ka emeꞌe inim juꞌu bwaꞌamtat luꞌutineemtat jiba
emo temaine. Ala emeꞌe, Liojta betana bwaꞌamta benaka,
ka luꞌutineemtat eene. Inikaꞌa jiba yuu jiapsiwamta
enchim aet bitneeꞌuta. Iniꞌi junaꞌa, bwaꞌamta benaka,
jukaꞌ inim yoemta emot aꞌ autuaneeꞌu. Bweꞌituk juꞌu
achai Lios, aapoꞌik nee yeu aꞌ puꞌakaꞌpo, iniae aꞌ bit
tebo.
\p
\v 28 Junak intok inimeꞌe:
\p ―Jaisa itepo ayuka intok jukaꞌ Liojta inim itom joo
iꞌaꞌuta joaka, junuen aet yeu yumaꞌasakane ―ti au nattemaek.
\p
\v 29 Junak intok juꞌu Jesus inimmeu:
\p ―Jukaꞌ aapoꞌik Liojta emo tana aꞌ waataka enchim aꞌ
joo iꞌaꞌu, iniꞌi, juꞌu aapoꞌik Liojta aꞌabo aꞌ bittualata
enchim aꞌ sualneeꞌu junaꞌa ―ti ameu jiiak.
\p
\v 30 Inimeꞌe junak inen au nattemaek:
\p ―Jita machilaatasa empo a itom bittua, junuen junakaꞌa
bichaka intok a enchi itom sualneꞌ betchiꞌbo. Jita benaka
empo a bit tebo.
\v 31 Wameꞌe bat naataka itom yoꞌowasukaꞌum, boꞌo joaka,
jum bweka paꞌaku, bwaꞌaame, mannaꞌ teamta bwaꞌaka. Jiba
jum Liojta nok lutuꞌuriapo: “Juꞌu achai Lios, junameꞌe,
teeka betana bwaꞌawamta am miikak”, ti jiaka aꞌ jiꞌojteiꞌi
benasia.
\p
\v 32 Juꞌu Jesus inimeꞌe inen yoopnak:
\p ―Lutuꞌuriapo ne inen ne emou jiia, ka waꞌa Moiseejtukaꞌu
junaꞌatuk juꞌu teeka betana bwaꞌamta am mikakame. Ala
juꞌu in yoꞌowa Lios junaꞌa, juꞌu tua lutuꞌuriapo bwaꞌaame
ti teaka, teeka betana weyemta enchim miklame.
\v 33 Bweꞌituk Liojta betana weyeka, juꞌu bwaꞌaame ti
teaka yee aꞌ mikaꞌu, iniꞌi, waꞌa teeka betana yebijlame
junaꞌa. Intok iniꞌi junaꞌa juꞌu jumeꞌ inim jiapsame
jiba yuu jiapsiwamta amet autuame.
\p
\v 34 Junako inimeꞌe:
\p ―Achai, junakaꞌa bwaꞌaamta jiba chikti taꞌapo itou aꞌ
autuane ―ti au jiiak.
\p
\v 35 Junak juꞌu Jesus:
\p ―Ineponee junaꞌa, juꞌu bwaꞌaame ti teaka, jiba yuu jiapsiwamta
yetet autuame. Waꞌa nemak eaka jiapsibaeme, iniꞌi, aapoꞌik
jiapsiu aꞌ tebauriꞌi benasi aꞌ eaꞌu, kaitatune. Waꞌa
intoko, nee sualeme, aꞌ jiapsiu baꞌa jiꞌipeaꞌa benasi
aꞌ eaꞌu, kaitatune.
\v 36 Taa jaibu in emou jiakaꞌa benasia, emeꞌe inien,
junuen nee bitlataka juniꞌi, ka nee suale.
\v 37 Inim siꞌime wameꞌe in achai Liojta neu bicha yeu
puꞌarim, inimeꞌe nemak ee sakane. Juꞌu intoko, junuen
nee sualeka neu rukteme, kaachin nee yeu aꞌ tawaane.
\v 38 Bweꞌituk kannee in eaꞌpo aman aubaeka, teeka betana
ne aꞌabo yepsak. Ala, jukaꞌ aꞌabo nee bittuakamta eaꞌpo
aman aubaekai.
\v 39 Juꞌu intoko, juꞌu in yoꞌowa, aꞌabo nee bittuakamta,
aꞌ waataka aꞌ chupaꞌa iꞌaꞌu, iniꞌi, siꞌime wameꞌe aapoꞌik
neu bicha yeu puꞌarim, jabeta juniꞌi, ka in aꞌ taꞌaruneeꞌu
junaꞌa. Ala inimeꞌe, chukula taewait, jumeꞌ kokkoarim
jiabijteneeo, in am jiabijtetuaneeꞌu junaꞌa.
\v 40 Wakaꞌa aꞌabo nee bittuakamta waataka aꞌ yaꞌa iꞌaꞌu
iniꞌi, siꞌimem wameꞌe, jukaꞌ Liojta yoemiata bem jiapsimmea
aꞌ bichame benaka aapoꞌik sualeme, inimeꞌe jukaꞌ jiba
yuu jiapsiwamta am bitneeꞌu junaꞌa. Inimeꞌe intok chukula
taewai jumeꞌ kokkoarim jiabijteneeo, ineponee am jiabijtetuane.
\p
\v 41 Junak jumeꞌ juriom Jesujtat nok japtek juꞌu aapoꞌik:
“Ineponee junaꞌa, juꞌu bwaꞌamta benaka teeka betana
inim yepsakame”, ti aꞌ jiakaꞌue.
\v 42 Intok inimeꞌe:
\p ―Jaisa iniꞌi ka junaꞌa juꞌu Jesus, juꞌu Joseꞌ teamta
uꞌusi jaꞌani. Itepotee jukaꞌ aꞌ achaiwata intok jukaꞌ
aꞌ malawata tee am taꞌaa. Jaisaaka intok iniꞌi, teeka
betana inim au yebijlaꞌati jiia ―ti bempo jiiak.
\p
\v 43 Juꞌu Jesus junak inimmeu:
\p ―Kateꞌem intok emo nasuk, jukaꞌ in emou teuwaakaꞌuta
aꞌ bejeꞌeka nooka ―ti ameu jiiak―.
\v 44 Kaabe inim nemak eaka nee sualne, inikaꞌa, ka jukaꞌ
in yoꞌowata inim aꞌabo nee bittuakamta, nemak aꞌ eeneꞌ
betchiꞌbo, ka junaet aꞌ aniao. Ineponee intok inikaꞌa
chukula jumeꞌ kokkolam jiabijteneeo, inepo nee aꞌ jiabijtetuane.
\v 45 Wameꞌe cheꞌa bat naataka Liojta betana juꞌuneetuawaka,
chukula yeu weenemta nokame, jum bem jiꞌojteimpo: “Juꞌu
Lios, inimeꞌe siꞌimem majtane”, ti inen jiꞌojtei. Junuen
san siꞌime wameꞌe, jukaꞌ in yoꞌowa Liojta betana jukaꞌ
nok lutuꞌuriata aꞌ jikkajame intok junamaꞌa aapoꞌik
betana weyemta au aꞌ taꞌaame, inimeꞌe nemak eaka jiapsine.
\p
\v 46 ’Lutuꞌuria ala, inim tua kee jabeta jukaꞌ achai
Liojta aꞌ bichaꞌu. Ala juꞌu aapoꞌik bitlame, iniꞌi waꞌa
aapoꞌik Liojta betana inim yebijlame junaꞌa. Aapo jiba
aꞌ bitlaa.
\v 47 Emeꞌe iniat nee sualne, waꞌa nemak eaka nee sualeme,
iniꞌi, jukaꞌ jiba yuu aꞌ jiapsineeꞌuta jaibu aꞌet aayuk.
\v 48 Ineponee junaꞌa, waꞌa bwaꞌamta benaka, jiba yuu
jiapsiwamta yetet autuame.
\v 49 Bat naataka wameꞌe enchim yoꞌowasukaꞌum jum bweka
paꞌaku, bempo, bwaꞌamta jukaꞌ mannaaꞌ teamta bwaꞌaka.
Taa junuentaka juniꞌi, junameꞌe siꞌime kokkok.
\v 50 Taa inepone, juꞌu bwaꞌamta benaka teeka betana
weyemtat nooka. Inikaꞌa, juꞌu aꞌ bwaꞌakame junuen ka
mukneekai.
\v 51 Iniꞌi bwaꞌamta benaka yee jiapsituaka, teeka betana
yepsakame, jiba ineponee junaꞌa. Waꞌa inikaꞌa bwaꞌamta
benak bwaꞌakame, aapo jiba yuu betchiꞌbo jiapsine. Juꞌu
bwaꞌamta benaka in yee bwaꞌatuaneeꞌu, jiba iniꞌi in taka
junaꞌa. Inikaꞌa, inepo inim jumeꞌ jiapsame, jiba yuu bem
jiapsineꞌ betchiꞌbo ne aꞌ nenkine ―ti ameu jiiak.
\p
\v 52 Junak jumeꞌ juriom inimeꞌe bempo chuubaa junaet
nau etejok:
\p ―Jaisa iniꞌi aapo aꞌ taka itom aꞌ bwaꞌatuaneekai tua
―ti jiakai.
\p
\v 53 Jesus intok inimmeu:
\p ―Lutuꞌuriapo ne inen jiia, emeꞌe, inia juꞌu inim yoemta
betana jukaꞌ aꞌ takaawata ka aꞌ bwaꞌako intok kia jukaꞌ
aꞌ ojbowata juniꞌi ka aꞌ jeꞌekai, emeꞌe kaibu jiba yuu
jiapsine ―ti ameu jiiak―.
\v 54 Juꞌu inikaꞌa in takaata bwaꞌakame intok in ojbota
jeꞌeekame, iniꞌi jukaꞌ jiba yuu jiapsiwamta aꞌ mabetlaa.
Inepo intok, chukula taewai jumeꞌ kokolame jiabijteneeo,
inepo nee aꞌ jiabijtetuane.
\v 55 Bweꞌituk iniꞌi su in takaa, tua lutuꞌuriapo waꞌa
bwaꞌaameꞌ teaka taꞌeewame. Juꞌu su intok in ojbo, iniꞌi
tua lutuꞌuriapo juꞌu jiꞌiwameꞌ teakai.
\v 56 Waꞌa inikaꞌa in takaata bwaꞌameꞌ teaka aꞌ bwaꞌaneeme
intok inikaꞌa in ojbota jiꞌiwame ti taꞌeewamta aꞌ jiꞌineeme,
wepuꞌulaika benasi nemak eaka jiapsine. Inepo intok
ket jiba junaen aamak jiapsine.
\v 57 Juꞌu in yoꞌowa Lios, juꞌu aꞌabo nee bittuakame,
jiba yuu aꞌ jiapsaꞌu aapoꞌikut aayuk. Aapoꞌik betana
intok, jiba yuu in jiapsaꞌu net aayuk. Jiba junuen ketchia,
waꞌa inikaꞌa bwaꞌaame ti taꞌeewamta aꞌ bwaꞌaneeme, nee
betana jiba yuu aꞌ jiapsaꞌu aet aune.
\v 58 Wae bwaꞌaame ti teaka, teeka betana inim yepsakamtat
nee emou etejo. Iniꞌi bwaꞌaame, ka juꞌu bat naataka jumeꞌ
enchim yoꞌowasukaꞌum bem bwaꞌakaꞌu bwaꞌawame mannaꞌ
teamta bena, intok kia junuentaka juniꞌi, jiba kokkokai.
Waꞌa inikaꞌa bwaꞌawame ti teakamta aꞌ bwaꞌaneeme, jiba
yuu jiapsine.
\p
\v 59 Juꞌu Jesus, jum bweꞌu joꞌara Kapernaoꞌ teaꞌpo juriom
teꞌopopo nau anwaꞌapo inikaꞌa weyemta yee aꞌ majtak.
\s Juꞌu nooki, jiba yuu jiapsiwamta yee bittuame
\p
\v 60 Inikaꞌa yee aꞌ majtaꞌuta jikkajaka, juebenaka jumeꞌ
aꞌ majtim betana:
\p ―Iniꞌi aapoꞌik teuwaaꞌu, tua obiachi aet juꞌuneepo.
Jabesa iniat aꞌ sual machi ―ti nau jiiak.
\p
\v 61 Junako juꞌu Jesus, junae weyemtat bem ka aꞌ tuꞌureka
intok emo nasuk bem aet naas nokaꞌapo juꞌuneakai:
\p ―Jaisa iniꞌi inen ka enchim alleetuak jaꞌani ―ti ameu
nattemaek―.
\v 62 Junak su, jaisa tua emeꞌe an ean, junuen emeꞌe jukaꞌ
inim yoemta, teekau bat naataka aꞌ jiapsaꞌu bicha juchi
jikau weyemta emeꞌe aꞌ bichaꞌateko.
\v 63 Juꞌu Liojta tuꞌu jiapsi junaꞌa juꞌu, jiba yuu jiapsiwamta
yee bittuame. Iniꞌi itom taka intok, iniat kaitaꞌpo yee
ania. Juꞌu intoko in emou teuwaari, Liojta tuꞌu jiapsi
betana weyeka, jiba yuu jiapsiwamta yee bittua.
\v 64 Taa emo nasuk ketuni wate aane, jumeꞌ ka nee sualeme
―ti jiiak.
\p Bweꞌituk juꞌu Jesus sep naatelaaꞌpo naateka jabem
junuen ka aꞌ sualeꞌum juꞌunean. Intok jukaꞌ chukula
yeu aꞌ bwiseka aꞌ nenkinemta aꞌ jabetukaꞌut juꞌunean.
\v 65 Intok:
\p ―Inia betchiꞌbo san ne inen emou jiiak, inim kaabeta
nemak eaka nee aꞌ sualneeꞌu, in yoꞌowa junuen nemak aꞌ
eeneꞌ betchiꞌbo ka junaet aꞌ aniao ―ti ameu jiiak.
\p
\v 66 Jiba junama naatekai juebenaka jumeꞌ Jesujta majtim
aamak rejtisukaꞌum, aꞌ toꞌo sajak. Intok ka intok au
yajakai.
\v 67 Junak intok juꞌu Jesus jumeꞌ woj mamni ama wooi
aꞌ majtimmeu:
\p ―Jaisa emeꞌe ket nee toꞌo sakaꞌabae jaꞌani ―ti ameu
nattemaek.
\p
\v 68 Taa juꞌu Simoo Peeoꞌ teame:
\p ―Achai, jabetausa intok itepo katne, enchi toꞌo sajakai.
Juꞌu em teuwaaꞌu nooki, jiba yuu jiapsiwamta yee bittuaka
nooki.
\v 69 Itepo jaibu te enchi suallaa. Intok itepo juꞌunea
juꞌu em Krijtotukaꞌu juꞌu Lios jiba yuu jiapsamta yoemia
―ti au jiiak.
\p
\v 70 Juꞌu Jesus inen aꞌ yoopnak:
\p ―Ineponee enchim woj mamnim ama wooim yeu puꞌak. Intok
junuentaka juniꞌi, emo betana seenu, iniꞌi ka taꞌabwi
bebejeꞌerita bena ―ti au jiakai.
\p
\v 71 Inien jiakai juꞌu Jesus, juꞌu Juuras Ijkarioote,
senu Simoon teamta uꞌusibet nookan. Bweꞌituk juꞌu Juuras,
iniꞌi junuen chukula juꞌu yeu aꞌ bwijneeme tukan, jumeꞌ
woj mamni ama wooimmak naꞌikiaritaka juniꞌi.
\c 7
\s Jesujta sailawam, ka aꞌ sualekaꞌpo
\p
\v 1 Iniet chukula juꞌu Jesus, bwiaraa Kalileaꞌ teaꞌpo
jiba weaman intok aapo jum bwiaraa Jureaꞌ teaꞌpo ka
anbaekai. Bweꞌituk junaman jumeꞌ juriom aꞌ meꞌebaeꞌ
betchiꞌbo.
\v 2 Taa junako jukaꞌ pajkota, jumeꞌ juriom bem joꞌaam
beꞌekatana juya karim joaka bem pajkota. Iniꞌi jurio
yoemrata ket bem pajkoo abe aꞌ yumao,
\v 3 jumeꞌ aapoꞌik sailawam aapoꞌiku inen jiiak:
\p ―Kat inim tatawa. Bwiaara Jureaꞌ teaꞌu bicha weene.
Junuen junaman jumeꞌ emak eaka em majtim ket jukaꞌ a
jita em joaꞌuta, bem aꞌ bitneꞌ betchiꞌbo.
\v 4 Bweꞌituk seenu, iniꞌi, siꞌimekut au aꞌ taꞌaa iꞌaꞌateko,
iniꞌi ka etbwa aꞌ joaꞌuta joone. Iꞌan empo inile benaka
eiyaawatchik joakai, kia buꞌuuraata bichapo em bitnaꞌ
betchiꞌbo aꞌ joone ―ti au jiiak.
\p
\v 5 Bweꞌituk junamaꞌa kia tua jumeꞌ aꞌ sailawam juniꞌi,
aapoꞌik ka sualen.
\v 6 Junak intok juꞌu Jesus inimmeu:
\p ―Ketun kee yuuma juꞌu taewai junaet in aman weeneeꞌu.
Taa enchim aman katneꞌ betchiꞌbo kaita emoas aayuk ―ti
ameu jiiak―.
\v 7 Jumeꞌ inim weyemta boꞌo jooriaka jiapsame, enchim
kaachin a omtane. Taa inimeꞌe nee tua omta bweꞌituk
inepo, inimeꞌe, tua nee machisi jukaꞌ ka tuꞌika bem joaꞌuta
aet am juꞌuneetua.
\v 8 Emeꞌe junaman pajkou katne. Inepo nee ka aman weenee
bweꞌituk kee yuuma juꞌu taewai junaet in aman weeneeꞌu
―ti ameu jiiak.
\p
\v 9 Intok aapo inikaꞌa ameu teuwaasukai, junama aapo,
bwiaraa Kalileaꞌ teaꞌpo taawak.
\s Jum Jesujta juya karim joowaka, pajkopo aꞌ aneꞌepo
\p
\v 10 Taa chukula jumeꞌ aꞌ sailawam am bicha am sakaꞌasuko,
aapo juꞌu Jesus ket junaman pajkou siika. Taa junak
aapo etbwa junuen, kaabeta tua aꞌ bichao oꞌoben.
\v 11 Jumeꞌ juriom junama pajkopo aꞌ jaiwan intok inimeꞌe:
\p ―Jaksa tua aane waꞌa yoeme ―ti nat jiakai.
\p
\v 12 Junama buꞌuuraata nasuk juebenaka aapoꞌik betana
nokaka, waate: “Tua tuꞌi yoeme”, ti jiian. Taa wate
intok: “Ka lutuꞌuria, bweꞌituk inim yoemrata bai tattaꞌaa”,
ti jiian.
\p
\v 13 Taa junamaꞌa kaabe ame betana jukaꞌ bem ae tana
eaꞌuta machisi aꞌ teuwaan, jukaꞌ juriommeu yoꞌoraata
junaet am nok tejwaa majjaekai.
\p
\v 14 Jukaꞌ pajkota jaibu taewaika nasuklaapo aꞌ weyeo,
junak juꞌu Jesus teꞌopou yepsaka intok junama wajiwa
yee majta taitek.
\v 15 Jumeꞌ juriom intok inia betana suum eaka taawak,
intok:
\p ―Jaisa tua iniꞌi yuꞌin jita taꞌaa, iniꞌi ka jak au majtalatakai
―ti jiian.
\p
\v 16 Juꞌu Jesus junak inimeꞌe:
\p ―Juꞌu in yee majtaꞌu, ka nee betana weye. Ala iniꞌi,
waꞌa inim nee aꞌabo bittuakamta betana weye ―ti am yoopnak―.
\v 17 Inim jabetaka juniꞌi, juꞌu achai Liojta waataka
aꞌ joo iꞌaꞌuta aꞌ joobaeme, iniꞌi in yee majtaꞌut, Liojta
betana aꞌ weyeꞌpo, oo kia nee betana jiba aꞌ weyeka in
aꞌ teuwaaꞌut, machisi aet juꞌuneene.
\v 18 Juꞌu aapo aꞌ eaꞌpo jiba jita nokame, iniꞌi, yoemrata
aꞌ eiyaaka aꞌ yoꞌori iꞌaka junuen noknee. Taa waꞌa, jukaꞌ
aꞌabo aꞌ bittuakamta aꞌ eiyaawaka aꞌ yoꞌori iꞌaka junuen
nokame, iniꞌi tua lutuꞌuriata jiba noknee. Intok yee
aꞌ bai taꞌaaneeꞌu iniat kaita aune.
\p
\v 19 ’Juꞌu Moiseejtukaꞌu jukaꞌ nesauri jiꞌojteita enchim
jiꞌoteriak. Taa junuentaka juniꞌi, emo nasuk kia jabe
juniꞌi, kaabe aꞌ chupaka aꞌ boꞌo jooria. Junak su, jaisaaka
emeꞌe nee meꞌebae ―ti ameu jiiak.
\p
\v 20 Juꞌu buꞌuuraa inen aapoꞌik yoopnak:
\p ―Bebejeꞌerita betana ka tuꞌi jiapsita et aane. Kaabe
enchi meꞌebae ―ti au jiakai.
\p
\v 21 Jesus inen ameu jiiak:
\p ―Aet yum joꞌe taꞌapo senu weemta in aꞌ yaakaꞌ betchiꞌbo
emeꞌe siꞌime aꞌ suum eiyaa.
\v 22 Taa juꞌu Moiseejtukaꞌu, jukaꞌ sirkunsision teamta,
jiba enchim aꞌ boꞌo joorianeꞌ betchiꞌbo, enchim tejwaak.
Taa ka aapo inikaꞌa bat aꞌ yaaka juniꞌi. Ala inikaꞌa,
cheꞌa bat naataka enchim yoꞌowasukaꞌum aꞌ naatekai.
Intok emeꞌe inia betchiꞌbo, kia sabalata aet yum joꞌe
taewait juniꞌi, senu ili usi oꞌouta aꞌ sirkunsiraaroane.
\v 23 Junuen san, emeꞌe, Moiseejtukaꞌuta nesauri jiꞌojtei
aꞌ chupaꞌabaekai, ili usi oꞌouta junuen aet yum joꞌe
taꞌapo juniꞌi aꞌ sirkunsiraaroaneekai, jaisaaka intok
emeꞌe neu omte junuen aet yum joꞌe taꞌapo, senuk tua
in aꞌ tuꞌutekaꞌ betchiꞌbo.
\v 24 Kia bitpo jiba, inim senuk ka tuꞌi yoemta benasi
aꞌ machiakaꞌut, emeꞌe aꞌ bichakai, ka junae emeꞌe ka tuꞌisi
aꞌ tatawaabaane. Ala senuk jita ka tuꞌik aꞌ joaꞌut tua
aet juꞌuneaka, junae jiba, ka tuꞌisi aꞌ tatawaane.
\s Jesus, jakuꞌubo tanasa aꞌ weyeꞌu, aꞌ teuwaa
\p
\v 25 Junak intok waate jumeꞌ bweꞌu joꞌara Jerusalen
teaꞌpo joꞌaakame:
\p ―Jaisa ka iniꞌi junaꞌa jaꞌani, juꞌu meꞌebaawaka jariuwame
―ti jiaka nattemae japtek―.
\v 26 Junum aane iꞌani, juebenam mak aneka intok yee
majtakai. Intok kaabe au monte. Jaisa tua lutuꞌuriapo
juꞌu yaꞌuraa, aꞌ Krijtotukaꞌuta aꞌ suale jaꞌani ―ti jiian―.
\v 27 Taa itepo tee tuꞌisi juꞌunea inikaꞌa jakun aꞌ
jometukaꞌut. Taa juꞌu Krijtoꞌo teamta inim aꞌ yepsako,
junak tua kaabe juꞌuneenee jakuꞌubo aꞌ weyeꞌpo ―ti jiian.
\p
\v 28 Inikaꞌa jikkajakai juꞌu Jesus, intok aapo ket jum
teꞌopopo yee majtakai, tua kusisi nokakai:
\p ―Junuen san emeꞌe nee taꞌaa intok emeꞌe, jakun in jometukaꞌut
juꞌunea. Taa inepo nee ka kia in eaꞌpo inim aꞌabo yebijlaa.
Ala inepo, senuk juꞌu tua a yoem eiyaatuka intok junae
tua ka enchim taꞌaaꞌu betana nee aꞌabo bittuaritaka
weye.
\v 29 Junakaꞌa inepo nee aꞌ taꞌaa. Bweꞌituk jiba inepo
aapoꞌiku mak nee aman aanen intok jiba aapo aꞌabo nee
bittuari ―ti jiiak.
\p
\v 30 Junak intok junameꞌe aꞌ bwiseka aꞌ weiyaabaaen.
Taa kaabe au ruktek. Bweꞌituk junamaꞌa, junae betchiꞌbo,
juꞌu taewai kee yuuman.
\v 31 Taa juebenaka jumeꞌ junama teꞌopopo aneme aapoꞌik
sualek, intok inimeꞌe:
\p ―Juꞌu Krijtoꞌ teame junak aꞌabo yepsako, kaachin a jita
aꞌ joaꞌuta intok machilaata inia bepa aꞌ joone ―ti jiiak.
\s Jumeꞌ paiseeom, watem jumeꞌ yee suuame, Jesujta bem aꞌ bwijneꞌ betchiꞌbo, au am bittua
\p
\v 32 Jumeꞌ paiseeom teame, inimeꞌe, Jesujta betana jukaꞌ
yoemrata aꞌ teuwaaꞌuta jikkajak. Junak intok bempo intok
jumeꞌ junama teꞌopopo tekiakammeu yoꞌowe, inimeꞌe nau,
junamaꞌa teꞌopopo, waatem jumeꞌ yee suuatuawame junuen
aapoꞌik bem aꞌ bwijneꞌ betchiꞌbo, Jesujtau am bittuak.
\v 33 Junak intok juꞌu Jesus junammeu:
\p ―Tua ka binwa inepo inim emomak annee. Intok chukula
inepo juꞌu aꞌabo nee bittuakamtau nee juchi nottine.
\v 34 Emeꞌe inim nee jariunee taa emeꞌe ka jak nee teune.
Bweꞌituk emeꞌe jum in yebijneeꞌu ka a aman nemak yajine
―ti ameu jiiak.
\p
\v 35 Junak wameꞌe juriom, bempo nau nattemae japtek:
\p ―Jakunsa iniꞌi weeneeka itepo ka aꞌ teune. Oo jaisa
aapo, aman jumeꞌ juriom, inimeꞌe juꞌu yoemra rieekom teammak
kuutilammeu, intok jumeꞌ rieekom majtabaeka aman weeneekai
jaꞌani.
\v 36 Jaisa aapo jiaka junuen: “Emeꞌe inim nee jariunee
taa emeꞌe ka jak nee teune, bweꞌituk emeꞌe jum in anneeꞌu
ka a aman yajine”, ti jiakai.
\s Batwee baꞌam benaka, jiba yuu jiapsiwamta weiyaame
\p
\v 37 Juꞌu taewai jukaꞌ pajkota aet luꞌuteꞌu, iniꞌi cheꞌa
juniꞌi yoꞌoriwan. Jiba junako, junae taewait juꞌu Jesus,
kikteka intok tua kusisi nokakai:
\p ―Jabetaka juniꞌi, juꞌu baꞌa jiꞌipeame, iniꞌi neu sika
intok baꞌa jiꞌine ―ti jiiak―.
\v 38 Jum Liojta betana jiꞌosia jiꞌojteim tua junuen
aꞌ jiaꞌa benasia: “Inim jabeta juniꞌi, jukaꞌ nee sual
taꞌaamta betana, batwee baꞌam buiteme benaka yee jiapsituame
ka aet luꞌutine” ―ti jiiak.
\p
\v 39 Inien jiaka juꞌu Jesus, jumeꞌ aꞌ sualeme, Liojta
betana jukaꞌ aꞌ tuꞌu jipasiwata bem mabetneeꞌuta aꞌ
teuwaan. Bweꞌituk junak juꞌu Liojta tuꞌu jiapsiwa, bempo
kee aꞌ mabettuawan. Bweꞌituk juꞌu Jesus, kee junuen teekau
yoꞌotaka yejten.
\s Yoemrata nasuk ka nau eewamta yeu sikaꞌapo
\p
\v 40 Waate junamaꞌa buꞌuuraata betana inikaꞌa jikkajaka:
\p ―Tua lutuꞌuriapo iniꞌi junaꞌa, juꞌu Liojta betana juꞌuneetuawaka
chukula yeu weenemta teteuwaame iniꞌi yebijneeka boꞌo
bitwaꞌu ―ti jiian.
\p
\v 41 Wate intok:
\p ―Iniꞌi junaꞌa, waꞌa Krijtoꞌ teame ―ti jiian.
\p Taa junamaꞌa ket waate:
\p ―Eꞌe, juꞌu Krijtoꞌ teame kaachin, bwiaara Kalileaꞌ teaꞌa
betana jometune ―ti jiaka aanen―.
\v 42 Jum Liojta betana weyeka jiꞌosia jiꞌojteimpo, jukaꞌ
Krijtoꞌ teamta, juꞌu cheꞌa yoꞌo yaꞌari Labiitukaꞌutat
yeu katriam betana aꞌ weeneeꞌuta intok jum ili joꞌara
Beleem teaꞌpo betana, jiba juꞌu Labiitukaꞌuta aꞌ jiapsakaꞌpo,
junamaꞌa aꞌ jometuneeꞌuta aꞌ utteꞌatuneeꞌu, ti jiꞌojtei.
\p
\v 43 Junuen san juꞌu yoemra, aapoꞌik Jesujta betchiꞌbo
ka nanancha eaka taawak.
\v 44 Waate intok, aꞌ bwiseka aꞌ weiyaabaen, taa kaabe
au suuak.
\s Junama yaꞌuraata, Jesujta ka aꞌ sualekaꞌpo
\p
\v 45 Jumeꞌ ama teꞌopopo yee suuatuawame, inimeꞌe, jumeꞌ
paiseeom intok jumeꞌ teꞌopopo tekiakammeu yoꞌowem aneꞌu
nottek. Junameꞌe intok:
\p ―Jaisaaka emeꞌe ka aꞌ nuꞌupak ―ti ameu nattemaek.
\p
\v 46 Jumeꞌ intok ama teꞌopopo yee suuatuawame:
\p ―Tua jakwoo juniꞌi itepo kee jabeta inim, junakaꞌa oꞌouta,
aapoꞌik yee aꞌ majtaꞌa benasi nokamta aꞌ jikkajilamtukan
―ti am yoopnak.
\p
\v 47 Junak intok jumeꞌ paiseeom, inimmeu:
\p ―Jaisa ket emeꞌe inia betana emo bai taꞌaa tebolam
jaꞌani ―ti ameu jiiak―.
\v 48 Juꞌu itou yoꞌooraata betana kaabe aꞌ suallaa.
Intok kia jumeꞌ paiseeom betana juniꞌi.
\v 49 Taa waꞌa yoemra, Moiseej tukaꞌuta betana jukaꞌ
nesauri jiꞌojteita ka aꞌ taꞌaame, inimeꞌe ka tuꞌisi tawalam
―ti jiian.
\p
\v 50 Juꞌu Nikoreemoꞌ teame, juꞌu cheꞌa bat naataka Jesujta
mak etejo betchiꞌbo tukaapo au noitekame, iniꞌi, jumeꞌ
paiseeom mak weyen. Aapo intok:
\p
\v 51 ―Jukaꞌ inim ae itom nesaweeꞌuta, aꞌ jiaꞌa benasia,
itepo kaabeta ka tuꞌisi aꞌ tawaane, inikaꞌa ka bat aꞌ
jikkajakai, junuen juꞌu aꞌ yaakaꞌut juꞌunee betchiꞌbo
―ti ameu jiiak.
\p
\v 52 Junak bempo inen au jiiak:
\p ―Jaisa empo tua lutuꞌuriapo, bwiaraa Kalileaꞌ teaꞌpo
ket joome jaꞌani. Liojta betana weyeka jiꞌosia jiꞌojteim
emo majta. Intok empo junuen aꞌ juꞌuneiyaane, Liojta
betana juꞌuneetuawaka chukula yeu weenemta nokame, kia
wepuꞌulaika juniꞌi, bwiaraa Kalileaꞌ teaꞌa betana ka
aꞌ jometukaꞌpo ―ti au jiiak.
\p
\v 53 Junak intok bempo, nau etejosuka, siꞌime weꞌepulaka,
bem joꞌaammeu bicha sajak.
\c 8
\s Juꞌu ka tuꞌi jamut
\p
\v 1 Taa juꞌu Jesus, ili kawi Oliiboꞌ teaꞌu bicha siika.
\v 2 Yokoriapo intok matchuu, aapo juchi jum teꞌopou
nottek. Junamaꞌa siꞌime juꞌu yoemra aman au ruktek.
Aapo intok junama wajiwa yejteka intok bempoꞌim majta
taitek.
\v 3 Junak intok jumeꞌ Moiseej tukaꞌuta nesaurim yee
majtame intok jumeꞌ paiseeom, inimeꞌe, jamutta, taꞌabwi
oꞌouta, ka aꞌ kunaka aamak au tuꞌuremta bem teakaꞌuta
au tojak. Inikaꞌa intok bempo, jumeꞌ ama aneme bichapo
aꞌ kechak.
\v 4 Intok Jesujtau inen jiiak:
\p ―Yee majtame, inikaꞌa jamutta, jiba jum ka tuꞌik aꞌ joaꞌapo
itepo aꞌ teak.
\v 5 Jum Moiseejtukaꞌuta nesauri jiꞌojteimpo inile bebena
jaamuchim, tetammea mamaasuaka bem sussuꞌanaaꞌuta aꞌ
teuwaa. Empo su inia betana jaisa jiia ―ti au jiiak.
\p
\v 6 Bempo inimeꞌe inikaꞌa teuwaak junuen aꞌ jiꞌoptuabaekai,
intok junuen chukula a aet aꞌ naꞌatejo betchiꞌbo. Taa
junak intok juꞌu Jesus koꞌom yejteka, intok maammea bwiapo
jiꞌojte taitek.
\v 7 Taa inimeꞌe intok jiba au nattemaeo, junako aapo
kikteka intok:
\p ―Emo betana, juꞌu, ka tuꞌik ka aꞌ yaꞌalame, iniꞌi bat
tetae aꞌ mayaꞌane ―ti ameu jiiak.
\p
\v 8 Intok aapo junak juchi koꞌom yejteka, bwiapo jiꞌojte
taitek.
\v 9 Taa inimeꞌe, bempo inikaꞌa jikkajakai, Liojta bichapo
ka tuꞌik bem yaꞌariꞌut emo juꞌuneiyaakai, weꞌepulaka
ama yeu kat japtek, junama jumeꞌ cheꞌa yoꞌowe bat yeu
sajakai. Chukula intok inimeꞌe siꞌimem sakaꞌasukai, juꞌu
Jesus, inikaꞌa jamutta aapolaika ama toꞌo sakaꞌawakamta
jiba ama bichakai.
\v 10 Junako juꞌu Jesus, kikteka intok junamaꞌa kaabeta
intok, jukaꞌ jamutta jiba ama bichaka:
\p ―Jaksa aane jumeꞌ enchi nanaꞌatejoꞌum. Jaisa junameꞌe
betana kaabe ka tuꞌisi em tawaanaaꞌuta aꞌ aꞌawak jaꞌani
―ti au nattemaek.
\p
\v 11 Juꞌu jamut intok:
\p ―Eꞌe japchi, tua kaabe ―ti au jiiak.
\p Junak juꞌu Jesus iniau:
\p ―Kia nee inepo juniꞌi, kaitat ka tuꞌisi ne enchi tawaane.
Noolia weye, taa jukaꞌ ka tuꞌik ka intok aꞌ yaꞌane ―ti
au jiiak.
\s Jesus, jumeꞌ inim jiapsame betchiꞌbo tachiriata bena
\p
\v 12 Juꞌu Jesus juchi weeꞌpo juꞌu yoemratau nookak
intok inimmeu:
\p ―Ineponee junaꞌa juꞌu, inim jiapsammeu, tachiriapo taꞌeewaka
yee aniame. Juꞌu nemak eame, iniꞌi, nee betana jukaꞌ lutuꞌuriata
Liojta betana weyeka intok jiba yuu yee jiapsituamta
aꞌ bitne. Intok junaꞌa ka intok bai taꞌaaritaka, ka machiku
anemta benane ―ti ameu jiiak.
\p
\v 13 Junak intok jumeꞌ paiseeom teame:
\p ―Empo jiba empo su nokaka Liojta betana em weyeꞌuta
aꞌ lutuꞌuriate. Iniꞌi intok ee betana em teuwaaꞌuta,
kaita lutuꞌuriate ―ti au jiiak.
\p
\v 14 Jesus inen am yoopnak:
\p ―Juꞌu nee betana in teuwaaꞌu, elaꞌpo inepo jiba nee
betana aꞌ teuwaaka juniꞌi, jiba lutuꞌuria. Bweꞌituk ineponee
juꞌunea jakuꞌubo tana in yebijlaaꞌu. Intok ket chukula
jakun bichaasa in weeneeꞌut. Taa emeꞌe, jakuꞌubo tana
in yebijlaaꞌut intok kia jakun bichaa in weeneeꞌut juniꞌi,
emeꞌe ka juꞌunea.
\v 15 Emeꞌe, jumeꞌ inim yoemem, inimeꞌe tua bem yee yaꞌraa
bittuaꞌa benasia jiba, ka tuꞌisi yee tatawaa. Inepo ala
inim iꞌan, kaabeta jitat yaꞌuraa bittuane.
\v 16 Taa ineponee inim yee yaꞌuraa bittuaꞌateko juniꞌi,
ineponee ka taꞌabwisi taa tua junama waꞌam aꞌ yaa ean.
Bweꞌituk inepo kannee inepola junuen yee yaꞌuraa bittua,
alla juꞌu in yoꞌowa, aꞌabo nee bittuakame nemak junuen
yee yaꞌuraa bittua.
\v 17 Inim juꞌu enchim ae nesaweeꞌu jiꞌojteimpo, watem
wooim jita betana nanancha aꞌ lutuꞌuriateeo, inimeꞌe
itom am sualneeꞌu ama jiꞌojtei.
\v 18 Junuen tuko, jiba ineponee junaꞌa juꞌu inime betana
seenu, nee betana lutuꞌuriata teuwaame. Juꞌu intoko in
yoꞌowa aꞌabo nee bittuakame junaꞌa juꞌu juchi seenu,
nee betana lutuꞌuriata teuwaame ―ti ameu jiiak.
\p
\v 19 Junako bempo:
\p ―Jaksa aane juꞌu em yoꞌowa ―ti au nattemaek.
\p Jesus intok:
\p ―Emeꞌe, nee juniꞌi ka taꞌaa intok kia jukaꞌ in yoꞌowata
juniꞌi. Emeꞌe nee taꞌaꞌateko, ket jukaꞌ in yoꞌowata emeꞌe
taꞌaa ean ―ti ameu jiiak.
\p
\v 20 Juꞌu Jesus inikaꞌa weyemta teuwaak, aapo ket jum
teꞌopopo yee majtakai. Junama wajiwa, jum tomita Liojtau
bicha weyemta aꞌ jojoawaꞌanaapo. Taa junamaꞌa kaabe
aꞌ bwisek. Bweꞌituk juꞌu taewai junuen au aꞌ weeneeꞌu
kee yuuman.
\s Jum in weeneꞌu emeꞌe ka a aman katnee
\p
\v 21 Jesus juchi inen ameu jiiak:
\p ―Ineponee simne. Emeꞌe intok nee jariune. Taa emeꞌe
inim enchim ka tuꞌuwa yaꞌarit ka jiokoirimtaka kokkone.
Junae betchiꞌbo emeꞌe, jum in weeneeꞌu ka a aman katne
―ti ameu jiiak.
\p
\v 22 Junak intok jumeꞌ juriom ama aneme inen jiian:
\p ―Jaisa aapo au meꞌebae jaꞌani intok inia betchiꞌbo
aapo, jum aapoꞌik weeneeꞌu itom ka a aman katneꞌe ti
jiia ―ti jiian.
\p
\v 23 Junak juꞌu Jesus inimmeu:
\p ―Emeꞌe inim bwiapo joome. Taa ineponee teekau yoeme.
Emeꞌe inim jiapsiwaꞌa benasia inien jiapsa. Taa ineponee
ka inien inim jiapsiwaꞌa benasi jiapsa ―ti ameu jiiak―.
\v 24 Inia betchiꞌbo san inepone, enchim ka tuꞌuwa yaꞌarimmet
ka jiokoirimtaka enchim kokkoneꞌeti jiiak. Bweꞌituk
emeꞌe, nee junen juꞌu Liojta betana in yeu puꞌaritukaꞌuta
ka junuen aꞌ sualekai, emeꞌe enchim ka tuꞌuwa yaꞌarim
betchiꞌbo, ka tuꞌisi tawarimtaka kokkone ―ti ameu jiiak.
\p
\v 25 Junak intok inimeꞌe, bempo:
\p ―Junak su jabesaꞌakun empo ―ti au nattemaek.
\p Jesus intok:
\p ―Inia betana cheꞌa bat nee jaibu enchim tejwaasuk ―ti
am yoopnak―.
\v 26 Tua ne ketun juebenak in enchim nok tejwaaneeꞌuta
intok jitat enchim in yaꞌuraa bittuaneeꞌuta nee aꞌ juꞌuneiyaa.
Taa waꞌa nee aꞌabo bittuakame, aapo lutuꞌuriata nooka.
Juꞌu intoko jumeꞌ inim jiapsammeu in teuwaaꞌu, iniꞌi
aapoꞌik betana in juꞌuneiyaakaꞌu junaꞌa oꞌoben ―ti jiiak.
\p
\v 27 Taa bempo tua ka aet juꞌuneak, aapoꞌik juꞌu aꞌ
yoꞌowawa Liojta betana ameu aꞌ nokaꞌapo.
\v 28 Inia betchiꞌbo aapo inimmeu:
\p ―Emeꞌe, chukula jukaꞌ inim emo benasi yoemta, kutat jikat
aꞌ poponsuko, junak juꞌubwa emeꞌe, Liojta betana in weyeꞌut,
intok ket in eaꞌpo aman, kaita in joaꞌuta, wepulsi jukaꞌ
in yoꞌowata nee juꞌuneiyaatuakaꞌuta, junakaꞌa jiba in
nokaꞌut, emeꞌe net juꞌuneene.
\v 29 Bweꞌituk waꞌa, inim aꞌabo nee bittuakame, aapo inim
nemak aane. Juꞌu in yoꞌowa ka nee inepolaik koptalaa.
Bweꞌituk ineponee jiba nee jukaꞌ aapoꞌik eiyaaꞌuta nee
aꞌ boꞌo jooria.
\p
\v 30 Junak jukaꞌ Jesujta inikaꞌa weemta aꞌ teuwaako,
tua juebenaka aꞌ sualek.
\s Jumeꞌ Liojta yoemiam, intok jumeꞌ ka tuꞌik boꞌo jooriaka au emo suꞌu tojilame
\p
\v 31 Junak intok juꞌu Jesus, jumeꞌ juriom aꞌ sualekaꞌummeu:
\p ―Emeꞌe, juꞌu in emou teuwaaꞌu betana ka taꞌabwisi eaka,
ka aꞌ koptaꞌateko, lutuꞌuriapo emeꞌe in majtimtune.
\v 32 Intok emeꞌe, jukaꞌ Liojta betana lutuꞌuriata aꞌ
juꞌuneiyaane. Intok jiba iniꞌi lutuꞌuria, juꞌu enchim
teko betana enchim suꞌu tojinaaꞌut enchim aet yeu yumaꞌatuane
―ti ameu jiiak.
\p
\v 33 Bempo, aapoꞌik:
\p ―Itepo juꞌu Apraꞌamtukaꞌuta yoemiam betana te yeu katriam.
Intok itepo jakwoo juniꞌi tee kaabeta tekoka jiapsilaa.
Jaisaakai intok empo itom suꞌu tojirimtuneꞌe ti jiia
―ti aꞌ yoopnak.
\p
\v 34 Jesus inimmeu:
\p ―Lutuꞌuriapo ne inen emou jiia, siꞌime wameꞌe Liojta
bichapo ka tuꞌik joaka jiapsame, inimeꞌe, junae ka tuꞌik
betana ka a emo suꞌu tojame bebenane ―ti ameu jiiak―.
\v 35 Senu juꞌu tekokame, iniꞌi, ka jiba jum aꞌ tekowata
joꞌaapo yoemiammak a naꞌikiatu. Taa juꞌu junamaꞌa senu
yoemiaritakai jiba junamemak naꞌikiatune.
\v 36 Junuen aꞌ weeꞌpo san, jukaꞌ yoemiarita aapoꞌik
enchim aꞌ suꞌu toji teboko, junak emeꞌe jiba betchiꞌbo
ka tuꞌik betana suꞌu tojirimtaka jiapsine.
\v 37 Inepo jaibu ne juꞌunea, juꞌu Apraꞌamtukaꞌuta yoemiam
betana enchim yeu katriam tukaꞌpo. Taa emeꞌe nee meꞌebae,
bweꞌituk jukaꞌ in emou teuwaaꞌuta, emeꞌe ka tua junen
jiaka aꞌ mabetbae.
\v 38 Inepo nee, juꞌu in yoꞌowa betana in juꞌuneiyaatuawakaꞌu
betana nee aꞌ nooka. Emeꞌe intoko jukaꞌ enchim yoꞌowata
enchim tejwaari, junakaꞌa emeꞌe boꞌo jooria ―ti ameu jiiak.
\p
\v 39 Junak bempo:
\p ―Juꞌu Apraꞌamtukaꞌu junaꞌa juꞌu cheꞌa bat naataka itom
yoꞌowasukaꞌu ―ti aꞌ yoopnak.
\p Taa juꞌu Jesus:
\p ―Lutuꞌuriapo emeꞌe, Apraꞌamtukaꞌu betana yeu katriamtuko,
emeꞌe aapoꞌik joaka jiapsisukaꞌa benasi jiapsi ean.
\v 40 Taa junuentaka juniꞌi, jukaꞌ lutuꞌuriata, jiba aapoꞌik
Liojta betana in mabetakaꞌuta, inikaꞌa nee emou nokao
juniꞌi, emeꞌe nee meꞌebaekaꞌea. Juꞌu Apraꞌamtukaꞌu kaita
inile benak yaak.
\v 41 Emeꞌe jiba jukaꞌ enchim yoꞌowata boꞌo jooriaꞌu
aꞌ boꞌo joa ―ti jiiak.
\p Junak bempo:
\p ―Itepo, katte, jamut ka kunakamta betana kia beja yoemiarim.
Itepo siꞌime wepuꞌulaik te yoꞌowak, jukaꞌ Liojta ―ti au
jiiak.
\p
\v 42 Juꞌu Jesus junako inimmeu:
\p ―Lutuꞌuriapo emeꞌe jukaꞌ Liojta aꞌ yoꞌowakaꞌateko, emeꞌe
nee nak taꞌaa ean. Bweꞌituk inepone, Liojta betana weyeka
ne inim aane. Inepo nee ka kia beja in eaꞌpo inim yebijlaa,
ala, aapo juꞌu Lios nee aꞌabo bittuari.
\v 43 Jaisa betchiꞌbo emeꞌe, juꞌu in emou teuwaaꞌut ka
juꞌunee machi. Inien maachi, jukaꞌ nee betana lutuꞌuriata
in yee majtaꞌuta, ka enchim aꞌ jikkajibaeꞌ betchiꞌbo.
\v 44 Juꞌu enchim yoꞌowa, iniꞌi juꞌu bebejeꞌeri junaꞌa.
Emeꞌe intok jiba aapoꞌik betana kaate. Intok emeꞌe jiba
jukaꞌ aapoꞌik tuꞌureeꞌuta aꞌ joobae. Juꞌu bebejeꞌeri
cheꞌa bat inim siꞌimeta juꞌunaktewak naateka yee suꞌawamta
aꞌ weetua. Iniꞌi, jukaꞌ lutuꞌuriata tua ka aꞌ sawa. Intok
iniꞌi, jakwoo juniꞌi aꞌ teuwaaꞌu ka lutuꞌuria. Aapo jukaꞌ
aa nokiꞌichiata teuwaꞌateko, junak jiba aapoꞌik junuen
aꞌ machiakaꞌa benasi aane. Bweꞌituk aapo ka lutuꞌuriata
nonoka, intok siꞌime juꞌu aa nokiꞌichia aapoꞌik betana
weye.
\v 45 Taa nee intok junuen jukaꞌ lutuꞌuriata in aꞌ teuwaꞌ
betchiꞌbo, emeꞌe ka nee suale.
\v 46 Emo betana tua kaabe aane, iniꞌi, jukaꞌ jita ka
tuꞌik in yaꞌari, nee juꞌuneiyaaka a nee yeu bwijneeme.
Intok junuen ineponee lutuꞌuriata nee nokao, jaisaaka
emeꞌe ka nee suale.
\v 47 Waꞌa Liojta mak eaka jiapsame, iniꞌi, Liojta betana
jukaꞌ nok lutuꞌuriata aꞌ jikkajine. Taa junuen, emeꞌe
ka Liojta betana kateka, ka aamak eakai, inia betchiꞌbo
emeꞌe ka aꞌ jikkajibae ―ti ameu jiiak.
\s Krijto, jukaꞌ Apraꞌam tukaꞌuta kee jiapsao taewaimmet jaibu jiapsan
\p
\v 48 Junak intok jumeꞌ juriom aapoꞌiku:
\p ―Lutuꞌuriata te jipue itepo, bwiaara Samaariaꞌ teaꞌa
betana em jometukaꞌu, intok bebejeꞌeri ka tuꞌi jiapsita
et aneꞌe ti jiakai ―ti au jiiak.
\p
\v 49 Junak juꞌu Jesus inimmeu:
\p ―Eꞌe, kia jita bebejeꞌeri jiapsita juniꞌi ka net aane.
Ala juꞌu in joaꞌu, iniꞌi, jukaꞌ in yoꞌowa Liojta aꞌ yoꞌori
teboneeꞌu junaꞌa. Emeꞌe intok naa buustia ka nee yoꞌoreka
nee bicha.
\v 50 Ineponee jukaꞌ eiyaawaka in yoꞌorinaaꞌuta nee
ka aꞌ waata. Ala seenu, iniꞌi nee yoꞌori iꞌame aane.
Intok junaꞌa aapo inim a yee yaꞌuraa bittua.
\v 51 Waꞌa in teuwaaꞌuta aꞌ nok jikkajame, iniꞌi jakwoo
juniꞌi ka mukne. Iniat emeꞌe nee sualne ―ti ameu jiiak.
\p
\v 52 Junak intok jumeꞌ juriom:
\p ―Iꞌan ala itepo witti juꞌunea, bebejeꞌeri jiapsita et
aneꞌepo ―ti au jiiak―. Juꞌu Apraꞌamtukaꞌu intok siꞌime
jumeꞌ bat naataka Liojta betana juꞌuneetuawaka chukula
yeu weenemta teuwaame, siꞌime kokkok. Empo intok: “Waꞌa
in teuwaaꞌuta aꞌ nok jikkajame, iniꞌi, jakwoo juniꞌi ka
mukne”, ti empo jiia.
\v 53 Jaisa empo juꞌu itom yoꞌowasukaꞌu Apraꞌamtukaꞌuta
bepa cheꞌa yoꞌowe jaꞌani. Aapo muukuk intok jumeꞌ Liojta
betana juꞌuneetuawaka chukula yeu weenemta teuwaame
siꞌime ket kokkok. Jabeta benasia sa empo emo jooa ―ti
au jiiak.
\p
\v 54 Junak juꞌu Jesus:
\p ―Ineponee yoꞌorisi in eiyaanaaꞌuta nee betana aꞌ waatakai,
junak juꞌu yoꞌorisi in eiyaanaaꞌu, kaita betchiꞌbo tune.
Taa juꞌu nee yoꞌori tebome, juꞌu in yoꞌowa junaꞌa, jiba
juꞌu, nokaka, Lioj ti enchim teuwaaꞌu ―ti am yoopnak―.
\v 55 Taa emeꞌe junakaꞌa tua ka aꞌ taꞌaa. Ineponee ala
nee aꞌ taꞌaa. Intok inepo ka ino aꞌ taꞌaꞌati jiaꞌateko,
tua nee emo benasi aa nokiꞌichi ean. Taa inepo nee tua
lutuꞌuriapo aꞌ taꞌaa. Intok inepo jukaꞌ aapoꞌik teuwaaꞌuta,
kaita beꞌeeka aꞌ noki chupa.
\v 56 Juꞌu Apraꞌamtukaꞌu, waꞌa cheꞌa bat naataka enchim
yoꞌowa, enchim aet yeu katria, aapo tua alleak. Bweꞌituk
taewaim inim in anneeꞌuta aꞌ juꞌuneiyaa machiakai. Intok
iniat juꞌuneaka junuen aapo tua ama butti alleak ―ti
ameu jiiak.
\p
\v 57 Junak jumeꞌ juriom Jesujtau:
\p ―Empo kee san wooi taka ama woj mamni wasukte, intok
empo jukaꞌ Apraꞌamtukaꞌuta jaisa emo bichak ti jiia
jaꞌani ―ti au jiiak.
\p
\v 58 Juꞌu Jesus inen am yoopnak:
\p ―Tua lutuꞌuriapo ne inen emou jiia, jukaꞌ Apraꞌamtukaꞌuta
kee yoemtuu, inepo nee jaibu nee jiapsan ―ti ameu jiakai.
\p
\v 59 Junak intok jumeꞌ juriom, tetam nuꞌuka, Jesujta
ammea mamaasubaekai. Taa aapo juꞌu Jesus au essoka intok
inimmet waꞌam weyeka junamaꞌa teꞌopopo yeu siika.
\c 9
\s Jesus, senuk liptikaka yoem tukamta au ineꞌetetua
\p
\v 1 Junama jak waꞌam katekai, Jesus senuk yeu aꞌa tomtekaꞌpo
naatekai, liptita ama bichak.
\v 2 Jumeꞌ aꞌ majtim intok:
\p ―Yee majtame, jaisaaka tua iniꞌi yoeme, ka bichaka yeu
tomtek. Jaisa jumeꞌ aꞌ yoꞌowawam ka tuꞌik bem aꞌ yaꞌalaꞌ
betchiꞌbo jaꞌani, oo jiba aapoꞌik ka tuꞌik aꞌ yaꞌari
betchiꞌbo jaꞌani ―ti au nattemaek.
\p
\v 3 Juꞌu Jesus inimmeu:
\p ―Ka iniꞌi aapo, ka tuꞌik aꞌ yaꞌari betchiꞌbo, intok kia
ka jumeꞌ aꞌ yoꞌowawam ka tuꞌisi aulaꞌ betchiꞌbo juniꞌi
iniꞌi inien yeu yoemtuk. Ala iniꞌi junuen yoemtuk, inien
Liojta a jita joaꞌuta aꞌ bitnaꞌ betchiꞌbo ―ti ameu jiiak―.
\v 4 Ketun taewaituko, itepo jukaꞌ nee aꞌabo bittuakamta
betana tekilta itom aꞌ yaꞌaneeꞌuta utteꞌa. Bweꞌituk
lauti ka machine, junak kaabeta a tekipanoaneeo.
\v 5 Inepo ketun inim aniapo anekai, nee, jumeꞌ inim jiapsammeu,
inepo tachiriata benasi nee ameu maachi ―ti jiiak.
\p
\v 6 Inikaꞌa teuwaasuka, chukula juꞌu Jesus, bwiapo chit
wattek intok iniae techoata iliikik yaaka intok juꞌu
ka bichamta aꞌ pusim bepa aꞌ yaak.
\v 7 Junak intok inen au jiiak:
\p ―Aman jum baꞌa manekaꞌu, emo baksiane, Siloeꞌ teaꞌawi.
\p Inimeꞌe team: Aman Bittuari, ti jiubae.
\p Juꞌu ka bichame aman sikaa, au baksiak. Intok iniꞌi
notteka jaibu bichan.
\v 8 Junak jumeꞌ ae naapo joꞌaakame intok jumeꞌ bat
naataka aapoꞌik ka bichamta aꞌ taꞌaaꞌum, inimeꞌe:
\p ―Jaisa iniꞌi ka junaꞌa, bat naataka kateka netaneꞌu
jaꞌani ―ti jiiak.
\p
\v 9 Waate:
\p ―Iniꞌi junaꞌa ―ti jiian.
\p Wate intok:
\p ―Ka aapo junaꞌa, taa tua ale bena ―ti jiian.
\p Taa jiba iniꞌi, aapo:
\p ―Lutuꞌuria, ineponee junaꞌa ―ti jiiak.
\p
\v 10 Junak intok bempo:
\p ―Jaisa empo puj tuꞌutewaka a bicha ―ti au nattemaek.
\p
\v 11 Aapo intok:
\p ―Seenu, waꞌa Jesuj teame, aapo techoata yaaka, pujpo net
aꞌ yaak intok inen neu jiiak: “Aman jum baꞌa manekaꞌu,
Siloeꞌ teaꞌu emo baksiane”, ti neu jiiak. Nee intok
aman siika, intok nee junuen ino pujba baksiasukai beja,
ne bit taitek ―ti am yoopnak.
\p
\v 12 Junak inimeꞌe:
\p ―Jaksa intok iꞌan aane junaꞌa ―ti au nattemaek.
\p Aapo intok:
\p ―Kannee juꞌunea ―ti ameu jiiak.
\s Jumeꞌ paiseeom, liptetaka au ineꞌetetuawakamtau nattemai
\p
\v 13 Junak intok inimeꞌe, jukaꞌ bat naataka liptitukaꞌuta,
jumeꞌ paiseeommeu yeu aꞌ tojak.
\v 14 Taa junae taewai junuen jukaꞌ Jesujta techoata
yaaka intok jukaꞌ liptita aꞌ tuꞌuteko, inikaꞌa aet aꞌ
yum joꞌe taewai tukaꞌ betchiꞌbo,
\v 15 jumeꞌ paiseeom inia oꞌoutau juchi au nattemaek,
jaisa yeu sika iꞌan tuꞌika aꞌ bichaꞌpo. Aapo intoko:
\p ―Pujpo techoata net yaak. Inepo intok ino baksiaka
iꞌan intok ne jaibu bicha ―ti ameu jiiak.
\p
\v 16 Junak jumeꞌ paiseeom betana waate:
\p ―Juꞌu inikaꞌa yaakame, kaachin Liojta betana weene.
Bweꞌituk iniꞌi, jukaꞌ aet yum joꞌe taewaita ka aꞌ yoꞌore
―ti jiian.
\p Taa wate intok:
\p ―Jaisa tua aapo inikaꞌa machilaata aꞌ joone, junuen
iniꞌi ka tuꞌi yoem tuko ―ti jiian.
\p Inia betchiꞌbo san, bempoꞌim nasuk ka nau eewame ayukan.
\v 17 Intok inimeꞌe juchia juꞌu bat naataka ka bichaꞌutau:
\p ―Empo su jaisa jiia, juꞌu yoeme enchi bittuakamta betana
―ti au nattemaek.
\p Iniꞌi intok:
\p ―Inepo ala nee, junakaꞌa, senu inim Liojta betana juꞌuneaka
chukula yeu weenemta tetteuwaka aꞌ yoemeꞌe ti jiia ―ti
ameu jiiak.
\p
\v 18 Taa jumeꞌ juriom, inikaꞌa, junuen bat naataka aꞌ
liptitukaꞌuta, intok juchi aꞌ bichaꞌuta ka aꞌ sualbaen.
Inimeꞌe chukula junae yoꞌowammeu chai tebokai,
\v 19 intok junammeu:
\p ―Jaisa iniꞌi junaꞌa enchim yoemia, juꞌu enchim liptitaka
yeu aꞌ yoemtuk ti jiaꞌu. Junak su jaisa auka iꞌan bicha
―ti ameu nattemaek.
\p
\v 20 Jumeꞌ aꞌ yoꞌowawam intok:
\p ―Juꞌuneate inikaꞌa itom aꞌ yoemiakaꞌpo, intok junuen
liptitaka yeu aꞌ yoemtukaꞌpo.
\v 21 Taa itepo, katte juꞌunea jachin yeu sika intok
iꞌan aꞌ bichaꞌpo. Intok kia jabeta junen aapoꞌik aꞌ
bittuakaꞌpo juniꞌi, te ka juꞌunea. Inia betana emeꞌe
aapoꞌiku nattemaine, aapo su jaibu yoꞌowe intok jiba
aapo a enchim lutuꞌuria maka ―ti ameu jiiak.
\p
\v 22 Jumeꞌ aꞌ yoꞌowawam inien jiiak, jumeꞌ juriom bem
majjaeꞌ betchiꞌbo. Bweꞌituk jumeꞌ juriom jaibu nau lutuꞌuriakan,
jabeta juniꞌi, jukaꞌ Jesujta aꞌ Krijtoꞌoti jiamta, jum
juriom teꞌopompo, ka intok ama aꞌ lutuꞌurianeeꞌu betana.
\v 23 Inia betchiꞌbo san, jumeꞌ aꞌ yoꞌowawam: “Inia
betana aapoꞌiku nattemaine, aapo su jaibu yoꞌowe”, ti
jiakan.
\p
\v 24 Junak intok jumeꞌ juriom, juꞌu bat naataka ka bichamtau
juchi chaaek intok:
\p ―Inia betana, yumaꞌisi, achai Liojta jiba em aꞌ bai saeꞌuta
aꞌ teuwaane. Itepo te juꞌunea, junakaꞌa oꞌouta, aꞌ ka
tuꞌi yoem tukaꞌuta ―ti au jiiak.
\p
\v 25 Junak intok junaꞌa:
\p ―Inepone, inikaꞌa aapoꞌik aꞌ ka tuꞌi yoem tukaꞌu betana
nee ka juꞌunea. Inikaꞌa bat naataka in liptitaka, taa
iꞌan intok in bichaꞌuta, inikaꞌa ala nee juꞌuneiyaa ―ti
am yoopnak.
\p
\v 26 Inimeꞌe intok juchi weeꞌpo iniau:
\p ―Jitasa eu yaak. Jaisa enchi puj tuꞌutek ―ti au nattemaek.
\p
\v 27 Iniꞌi intok:
\p ―Jaibu ne enchim tejwaasuk, emeꞌe intok ka nee sualek.
Jaisaaka emeꞌe juchi weeꞌpo nee enchim tejwaa iꞌa. Jaisa
emeꞌe ket aapoꞌik Jesujta mak eebae jaꞌani ―ti ameu jiiak.
\p
\v 28 Junako inimeꞌe, inikaꞌa ka aꞌ yoꞌoreka au noksuka
intok:
\p ―Empo ala junaemak eaka jiapsa. Taa itepo tee jukaꞌ
Moiseej tukaꞌutamak eaka te jiapsa ―ti au jiiak―.
\v 29 Itepo, jukaꞌ Liojta, juꞌu Moiseej tukaꞌutau aꞌ nokakaꞌut
tee juꞌunea. Taa inikaꞌa, kia jakun aꞌ jometukaꞌut juniꞌi,
te ka juꞌunea ―ti au jiiak.
\p
\v 30 Junak iniꞌi oꞌou inimmeu:
\p ―Juꞌu enchim teuwaaꞌu suakiachisi maachi. Emeꞌe, jakun
aꞌ jometukaꞌuta ka juꞌunea. Aapo intok nee puj tuꞌuteka
nee bittuak ―ti jiiak―.
\v 31 Tuꞌisi ite juꞌunea, jukaꞌ Liojta, jumeꞌ ka tuꞌik
joaka jiapsame, juꞌu bem aꞌawaꞌut aapoꞌik ka aꞌ jikkajaꞌpo.
Ala, jumeꞌ aapoꞌik yoꞌoreka intok aapoꞌik eaꞌpo aman
jiapsame, bem aꞌawaꞌut am jikkaja juꞌu Lios.
\v 32 Inim jakwoo juniꞌi, kee senuk betana jikkajiwa
senuk ka bichaka yeu tomtekamta inikaꞌa juchi aꞌ bittuakaꞌu
betana.
\v 33 Iniꞌi oꞌou ka Liojta betana weyeꞌeteko, tua kaita
inile benak machilaata a joo ean ―ti ameu jiiak.
\p
\v 34 Junak intok bempo iniau:
\p ―Empo em yeu tomtekaꞌpo naateka, ka tuꞌi yoemtakai, jaisa
ket empo jitat itom majtabae jaꞌani ―ti au jiiak.
\p Intok inimeꞌe, bempo bem teꞌopopo, jukaꞌ aꞌ lutuꞌurianeeꞌuta
aꞌ uꞌaak.
\s Jumeꞌ Liojta betana weyemtat ka juꞌuneaka, liliptim bebena
\p
\v 35 Juꞌu Jesus jukaꞌ liptitukaꞌuta, junamaꞌa bem teꞌopopo
ka intok ama aꞌ lutuꞌurianeꞌ betchiꞌbo yeu bepwakamta
juꞌuneiyaak. Intok chukula junakaꞌa bichakai:
\p ―Jaisa empo jukaꞌ inim yoemta aꞌ suale jaꞌani ―ti au
nattemaek.
\p
\v 36 Iniꞌi oꞌou intok:
\p ―Achai, inia betana nee tejwaanee aꞌ jabe tukaꞌuta junuen
nee aꞌ sualneꞌ betchiꞌbo ―ti au jiiak.
\p
\v 37 Juꞌu Jesus junau:
\p ―Jaibu empo aꞌ bitlaa. Ineponee junaꞌa, inim juꞌu em
aamak etejoꞌu ―ti aꞌ yoopnak.
\p
\v 38 Junako iniꞌi oꞌou Jesujtau tonommea kikteka aꞌ
yoꞌorek intok:
\p ―Achai, enchi nee suale ―ti au jiiak.
\p
\v 39 Junako juꞌu Jesus:
\p ―Inepo nee inim bwiau ne yepsak, junuen Liojta bichapo
tuꞌika bemelak yaꞌuraata inim auneꞌ betchiꞌbo, junuen
iniae, jumeꞌ liliptim bebenam, inimeꞌe am bitneꞌ betchiꞌbo.
Jumeꞌ intok bibichame, inimeꞌe, liliptim benasi am tawaneꞌ
betchiꞌbo ―ti jiiak.
\p
\v 40 Junak intok jumeꞌ paiseeom, waate junamaꞌa aamak
aneme, inikaꞌa aꞌ teuwaakaꞌuta jikkajaka:
\p ―Jaisa itepo intok ketchia liliptim bebena jaꞌani ―ti
au nattemaek.
\p
\v 41 Jesus intok inimmeu:
\p ―Emeꞌe lutuꞌuriapo liliptim benaeko, junak enchim ka
tuꞌuwa yaꞌarim betchiꞌbo, juꞌu ka tuꞌisi enchim tawaaꞌu
ka emot au ean. Taa emeꞌe emo bibichaꞌati jiaꞌ betchiꞌbo,
emeꞌe jiba iniat jukaꞌ ka tuꞌik enchim yaꞌariꞌuta jiba
emot tatawaa.
\c 10
\s Bwala koratat nokaka, taꞌabwik aꞌ teuwaakaꞌu
\p
\v 1 ’Tua lutuꞌuriapo ne inen emou jiia, juꞌu, jum bwaram
jaꞌabwekaꞌu, ka junamaꞌa jum bem yeu rejteꞌepo luula
aman kibakeme, taa omot aman kibakekame, iniꞌi jita eꞌetbwametune.
\v 2 Taa juꞌu, junamaꞌa, inimeꞌe yeu rejteꞌepo aman luula
kibakneeme, iniꞌi ala junaꞌa, juꞌu inimeꞌe bwaaram suuareeo.
\v 3 Inikaꞌa, juꞌu bwaram yeu rejteꞌepo jiba aneka aꞌ
suuame, aꞌ kibakneꞌ betchiꞌbo, pueetata aꞌ etaporiane.
Jumeꞌ intoko bwaram inikaꞌa jiawai taꞌaane. Iniꞌi, jumeꞌ
bwaram bem teampo ameu chaaeka intok junamaꞌa bem jaꞌabwekaꞌpo
yeu am nuk sisime.
\v 4 Intok iniꞌi, siꞌime jumeꞌ aꞌ bwarawam yeu nuk simsukai,
aapo ame pat weene. Intok jumeꞌ aꞌ bwalam aꞌ jajanee
bweꞌituk aꞌ jiawai taꞌaa.
\v 5 Taa inimeꞌe, senuk ka bem taꞌaaꞌuta, ka aꞌ jajane.
Ala junakaꞌa aꞌ toꞌo tennine. Bweꞌituk inimeꞌe, juꞌu
ka bem taꞌaaꞌuta, ka jiawai taꞌaakai.
\p
\v 6 Juꞌu Jesus inikaꞌa, jitaa taꞌabwik teuwaaka, am majtan.
Taa bempo, juꞌu aapoꞌik ameu teuwaabaeꞌut ka aet juꞌuneak.
\s Jesujta, bwalam tuꞌisi am suuame ti aapoꞌik au teuwaakaꞌpo
\p
\v 7 Junak intok juꞌu Jesus juchi weeꞌpo inen ameu jiiak:
\p ―Lutuꞌuriapo ne inen emou jiia, ineponee junaꞌa, juꞌu,
jumeꞌ bwalam jaꞌabwekaꞌu aet aman am kikkimuꞌu.
\v 8 Siꞌime jumeꞌ nee bepat aꞌabo yajakame, inimeꞌe, jita
eꞌetbwaka intok yee koꞌokosi joaka jita am uꞌaame. Taa
jumeꞌ Liojta yoemiam, bwalam benasi taꞌeewame, ka am nok
jikkajak.
\v 9 Ineponee junaꞌa, juꞌu aet aman kimu betchiꞌbo, pueetapo
taꞌeewame. Waꞌa net yoem eaka aman yebijneeme, iniꞌi
jinneꞌuitune. Intok iniꞌi, bwalata aꞌ weyekaꞌpo, yeu weamaka
intok yeepsaka, tuꞌi bajta aꞌ tetteaꞌa benasi machine.
\p
\v 10 ’Juꞌu jita eꞌetbwaneeme, iniꞌi wepulsi, etbwabaeka,
jissuꞌabaeka intok jita nasontebaekai yebijne. Taa inepo
nee ala inim yebijlaa, junuen jiapsiwamta emot autuaꞌ
betchiꞌbo, intok inikaꞌa, kaita beꞌeeka, yumaꞌisi emot
aꞌ autuaꞌ betchiꞌbo ne inim yebijlaa.
\v 11 Ineponee junaꞌa juꞌu, jumeꞌ bwaram tuꞌisi am bichame.
Juꞌu, jumeꞌ bwalam tua am nakeka am bichame, iniꞌi a ame
betchiꞌbo muuke.
\v 12 Taa juꞌu, kia tomita betchiꞌbo jiba tekipanoame,
iniꞌi, jukaꞌ roobota ameu weyemta aꞌ bichakai, jumeꞌ bwaram
suꞌu tojaka buitine. Bweꞌituk iniꞌi ka junaꞌa juꞌu am
nakeka am bichame. Intok iniꞌi, jumeꞌ bwaram ka aapo
am atteakai. Junak intok juꞌu roobo, jumeꞌ bwaram, watem
am bwiseka am suꞌane, jumeꞌ watem intok naꞌikim beepne.
\v 13 Iniꞌi am toꞌo bui buite bweꞌituk aapo kia tomita
betchiꞌbo jiba tekipanoa, intok jumeꞌ bwaram betchiꞌbo
kaachin au eetuakai.
\p
\v 14,15 ’Ineponee junaꞌa, juꞌu bwaram tua am nakeka am
bichame. Jukaꞌ in yoꞌowata, aapoꞌik nee aꞌ taꞌaꞌa benasia,
intok nee aapoꞌik aꞌ taꞌaꞌa benasia, ket jiba junaen
ineponee jumeꞌ in bwaram nee am taꞌaa. Bempo intok ket
nee taꞌaa. Intok inepo jumeꞌ in bwalam betchiꞌbo in
jiapsita nenkine.
\v 16 Ketchia, wate tattaꞌabwi, ka inim bwalam nee am
jipue. Inimeꞌe ka inim bwaram benasi in eiyaaꞌum jiapsaꞌpo
joomem. Inimeꞌesan, utteꞌa aꞌabo in am tojineeꞌu. Intok
inimeꞌe, in ameu nokaꞌuya aꞌ jikkajine. Junak intok inim
siꞌime wepulsi nau tojiritune, intok wepuꞌulaine, juꞌu
tuꞌisi am nakeka am bichame.
\p
\v 17 ’Inia betchiꞌbo juꞌu in yoꞌowa nee nak taꞌaa.
Bweꞌituk ineponee inim in meꞌetuneꞌ betchiꞌbo ne in
jiapsita aꞌ nenenka junuen chukula juchi in aꞌ mabet
betchiꞌbo.
\v 18 Inim kaabe jiapsita a nee uꞌaa. Ala inepo nee
in junen eaꞌpo aman jiba aꞌ nenkine. Neu lutuꞌuria, jiapsita
in aꞌ nenkaka intok chukula in aꞌ mabetneꞌ betchiꞌbo.
Iniꞌi junaꞌa, juꞌu, jukaꞌ in yoꞌowata nee aet aꞌ sawekaꞌu.
\p
\v 19 Jumeꞌ juriom junak inikaꞌa aꞌ teuwaakaꞌuta aꞌ
jikkajakai, bempoꞌim nasuk juchi ka nau eewame ayukan.
\v 20 Juname betana juebenaka:
\p ―Jaisaaka emeꞌe aꞌ teuwaaꞌuta jikkaja, inikaꞌa bebejeꞌeri
jiapsita aet aneka intok ka suatulata ―ti jiian.
\p
\v 21 Taa waate, inimeꞌe:
\p ―Kaabe senu bebejeꞌeri jiapsita aet aneka intok a inien
nok ean. Juꞌu bebejeꞌerita ka tuꞌi jiapsekame, kaachin
jumeꞌ liliptim juchi a am bittuane ―ti jiian.
\s Jukaꞌ jurio yoemrata, Jesujta ka aꞌ waatakaꞌpo
\p
\v 22 Inim sebeꞌetaewaim tukan. Intok jum bweꞌu joꞌara
Jerusalen teaꞌpo, inim jukaꞌ bweꞌu teꞌopota, Liojtau bicha
aet aꞌ naꞌikiawakaꞌu waatiwaka, pajkowan.
\v 23 Juꞌu Jesus jiba junamaꞌa, Liojta bweꞌu teꞌopopo,
ae konila junamaꞌa Salomon tukaꞌuta aapoꞌik jitae mekka
jikau aꞌ jekka yaꞌarim teaꞌpo ama weaman.
\v 24 Jumeꞌ intok juriom juebenaka inim au yajaka, konila
au japteka intok:
\p ―Jakwoo tajtiasa itepo ee betana tua kaita juꞌuneiyaane.
Empo junen juꞌu Krijto tuko, sep witti itom tejwaane
―ti au jiiak.
\p
\v 25 Juꞌu Jesus intok inimmeu:
\p ―Jaibu ne inia betana aꞌ teuwaalaa intok emeꞌe ka nee
sualek. Juꞌu machilaa, juꞌu in yoꞌowa betana lutuꞌuriaka
in joaꞌu, jiba inikaꞌa machisi aꞌ teuwaa.
\v 26 Taa inikaꞌa emeꞌe ka aꞌ suale. Bweꞌituk emeꞌe,
jumeꞌ bwalam benasi in eiyaaꞌummak ka amemak naꞌikiarim,
jiba bat naatakai in emou jiakaꞌa benasia ―ti ameu jiiak―.
\v 27 Jumeꞌ in at team, bwalam benasi in eiyaaꞌum, inimeꞌe
nee jiawai taꞌaa. Ineponee am taꞌaa. Bempo intok nemak
eaka jiapsa.
\v 28 Inimeꞌe jiba yuu jiapsiwamta inepo nee amet autua.
Intok inimeꞌe jakwoo juniꞌi ka kokkone. Intok kaabe
inim in am jipueꞌpo, nee am uꞌaane.
\v 29 Inimeꞌe, juꞌu in yoꞌowa nee betchiꞌbo yeu am puꞌari.
Intok aapo inim cheꞌa siꞌimem bepa yoꞌo utteꞌakai. Inien
san aapoꞌik am jipueꞌe betana tua kaabe a am nuꞌune.
\v 30 Inepo intok juꞌu in yoꞌowa, itepo te nau wepuꞌulai.
\p
\v 31 Junak intok jumeꞌ juriom juchi weeꞌpo tetam nuꞌuka,
aapoꞌik ammea mamaabaekai.
\v 32 Jesus intok inimmeu:
\p ―Inim enchim bichapo tua juebenak tuꞌik nee yaꞌari,
juꞌu in yoꞌowa Liojta betana a jita aꞌ joaꞌue aniawakai.
Inia weyemta betana jita betchiꞌbosa emeꞌe nee mamaabae
―ti ameu jiiak.
\p
\v 33 Jumeꞌ juriom intok:
\p ―Katte itepo inia tuꞌik em yaꞌari betchiꞌbo enchi mamaabae.
Ala juꞌu, Liojta bejeꞌeka tua ka tuꞌik em teuwaaꞌu betchiꞌbo.
Empo wepulsi kia yoemtaka, taa intok jiba empo su emo
Lios jooa ―ti aꞌ yoopnak.
\p
\v 34 Juꞌu Jesus inimeꞌe inen yoopnak:
\p ―Jiba jum enchim nesauri jiꞌojteipo inim, jukaꞌ Liojta:
“Inepone, enchim liosim ti jiia”, ti aꞌ jiakaꞌu ama
jiꞌojtei.
\v 35 Itepo su te juꞌunea, jukaꞌa, jum Liojta nok lutuꞌuriapo
teuwaarita, ka taꞌabwisi intok weyeka, aꞌ jiꞌojtei tukaꞌpo.
Intok juꞌu Lios junuen, jumeꞌ aapoꞌik betana jukaꞌ nok
lutuꞌuriata aꞌ mabetakame, aapo Liosimpo am taꞌaak.
\v 36 Intok junuen, nee Liojta betana yeu puꞌawaka intok
aꞌabo nee bittuawako, jaisa tua emeꞌe, Liojta bejeꞌeka
aꞌ omtituamta nee aꞌ teuwaꞌati jiia, kia junuen: “Ineponee
Liojta yoemia”, ti in jiakaꞌ betchiꞌbo.
\v 37 Nee intoko, ka juꞌu in yoꞌowa Liojta betana weyemta
machilaata nee aꞌ joao, ka emeꞌe nee sualne.
\v 38 Taa inikaꞌa weyemta nee aꞌ boꞌo jooriao, junuen,
emeꞌe nee ka sualeka juniꞌi, taa jukaꞌ machilaata in
joaꞌuta emeꞌe inikaꞌa aꞌ sualne. Junuen, jukaꞌ achaita,
aapoꞌik net aꞌ aneꞌuta intok nee ket aapoꞌik in yoꞌowabet
in aneꞌuta aꞌ juꞌuneiyaaka, inien aꞌ lutuꞌuria tukaꞌuta
aꞌ mabet betchiꞌbo ―ti ameu jiiak.
\p
\v 39 Inim juchi weeꞌpo, inimeꞌe, bempo aꞌ bwiseka aꞌ
weiyaabaen. Taa juꞌu Jesus, inime betana aapo au jinneꞌuka
yeu siika.
\p
\v 40 Junako juꞌu Jesus, jum batwee Jooraan teaꞌpo, taꞌata
yeu weꞌe betana juchi aman notteka intok ama taawak,
jiba junamaꞌa, jum bat naataka jukaꞌ Joan tukaꞌuta yee
aꞌ batoꞌowaakaꞌpo.
\v 41 Junamaꞌa juebenaka au noitek. Intok inimeꞌe:
\p ―Lutuꞌuria, juꞌu Joan tukaꞌu kaita machilaata, a jita
aꞌ joaꞌuta yaaka juniꞌi, taa siꞌime juꞌu, inia yoemta
betana aꞌ teuwaakaꞌu lutuꞌuria tukan ―ti jiian.
\p
\v 42 Junamaꞌa aꞌ aneꞌepo intok, tua juebenaka aꞌ sualek.
\c 11
\s Jukaꞌ Laasaroꞌ teamta mukukaꞌpo
\p
\v 1 Junama junak, senu Laasaroꞌ teaka koꞌokoen. Iniꞌi,
kia ili joꞌara Betaaniaꞌ teaꞌpo joꞌaakai. Ket jiba junama
juꞌu Mariaꞌ teamta intok aꞌ akkoowa Maataꞌ teamtaim
bem joꞌaakaꞌpo.
\v 2 Iniꞌi Mariaꞌ teame, juꞌu koꞌokoemta Laasaroꞌ teamta
jamut waai, aapo junaꞌatukan, juꞌu, yoꞌowe Jesukrijtota
wokimmet jukaꞌ ochokok win jubakamta amet toꞌoka intok
aꞌ choniwammea am wachakame.
\v 3 Inien san inimeꞌe woika nau wewerika, Jesujtau nokta
bittuak:
\p ―Itom yoꞌowa, juꞌu em aamak tuꞌika, em taꞌaaꞌu, tuꞌisi
koꞌokoe ―ti jiakai.
\p
\v 4 Juꞌu Jesus inikaꞌa juꞌuneiyaakai:
\p ―Iniꞌi koꞌokoa, ka aapoꞌik aꞌ mukneꞌ betchiꞌbo weye.
Ala iniꞌi, jukaꞌ achai Liojta tua siꞌimeku aꞌ eiyaawachiakaꞌuta
aꞌ bitnaꞌ betchiꞌbo. Intok ketchia, inia koꞌokoata betchiꞌbo,
jukaꞌ Liojta usiwaita, siꞌimeku aꞌ eiyaawachiakaꞌuta
aꞌ bitnaꞌ betchiꞌbo ―ti jiiak.
\p
\v 5 Juꞌu Jesus, jukaꞌ Maataꞌ teamta intok jukaꞌ aꞌ jamut
waai intok jukaꞌ Laasaroꞌ teamta, tua am nakeka juniꞌi,
\v 6 aapo jukaꞌ Laasaroꞌ teamta aꞌ koꞌokoeꞌpo tejwaawakai,
jiba jum aꞌ aneꞌepo, juchi wooi taꞌapo ama taawak.
\v 7 Chukula, aapo jumeꞌ aꞌ majtimmeu:
\p ―Bwiaraa Jureaꞌ teaꞌu bicha te juchi nottine ―ti ameu
jiiak.
\p
\v 8 Jumeꞌ aꞌ majtim junak aapoꞌiku:
\p ―Yee majtame, iꞌan jeela jumeꞌ juriom junama joꞌaakame,
tetammea enchi mamaasuka enchi meꞌebaen. Iꞌan intok,
jaisa empo juchi aman weebae jaꞌani ―ti au jiiak.
\p
\v 9 Juꞌu Jesus inimmeu:
\p ―Emeꞌe juꞌunea, jukaꞌ taewaita, woj mamni ama wooim aꞌ
orakaꞌpo. Juꞌu taewapo weamame, iniꞌi ka teꞌitine. Bweꞌituk
aapo inim aniapo tachiriata ayukamtae bichakai. Junuen
san, katte jain eaka am bicha katne, bweꞌituk jukaꞌ taewaita
in aet mukneeꞌu aꞌ yumaꞌaneeꞌuta ketuni beꞌee ―ti ameu
jiiak―.
\v 10 Taa seenu, tukaapo weamaꞌateko junaꞌa ala a teꞌitine,
tachiriata au aꞌ beꞌeꞌ betchiꞌbo.
\p
\v 11 Cheꞌa chukula juꞌu Jesus aꞌ majtimmeu:
\p ―Juꞌu itom aamak tutuꞌika itom eiyaaꞌu, Laasaroꞌ teame
koche. Taa ineponee aman sika aꞌ busaꞌane ―ti ameu jiiak.
\p
\v 12 Junak jumeꞌ aꞌ majtim:
\p ―Achai, aapo kotcheꞌeteko, tuꞌibaeka junen koche ―ti au
jiiak.
\p
\v 13 Taa juꞌu Jesus, jukaꞌ Laasaroꞌ teamta aꞌ mukukaꞌuta
ameu aꞌ teuwaabaen oꞌoben. Jumeꞌ aꞌ majtim intok, senuk
inim yum joꞌeka aꞌ kotcheꞌut aꞌ nokaꞌati ean.
\v 14 Junen su, chukula juꞌu Jesus juꞌunakkiachisia:
\p ―Juꞌu Laasaro mukia ―ti ameu jiiak―.
\v 15 Inepo, ka ama in anekaꞌ betchiꞌbo nee kaachin ino
eetua. Bweꞌituk iniꞌi, emo betchiꞌbo cheꞌa tuꞌisi yeu
weama. Junuen enchim nee sualneꞌ betchiꞌbo. Taa jantebu,
aman te aꞌ bitne ―ti ameu jiiak.
\p
\v 16 Junak intok juꞌu Toomaj teame, waꞌa woꞌoli ti teuwaawame,
iniꞌi, jumeꞌ waate aamak yeu puꞌarimmeu:
\p ―Jantebu itepo ketchia, junuen aman aamak nau kokko
betchiꞌbo ―ti ameu jiiak.
\s Jesus junaꞌa, juꞌu yee jiabijtetuaka, jiba yuu jiapsiwamta yee makame
\p
\v 17 Aman yepsakai juꞌu Jesus, jukaꞌ Laasaro tukaꞌuta,
jaibu naiki taꞌapo jum senu tetapo wojoꞌoriata yaꞌaripo
aꞌ maꞌaritau aman yepsak.
\v 18 Juꞌu ili joꞌara Betaaniaꞌ teame, bweꞌu joꞌara Jerusalen
teaꞌu ka mekkaekan, jumak wooi kiloometrom ama mamni
siento meetrom tukan jiba.
\v 19 Jumeꞌ juriom betana intok, juebenaka aman Maataꞌ
teamtau intok Mariaꞌ teamtau aanen, jukaꞌ bem abachi
mukukaꞌa betana am jiapsi joꞌabaekai.
\v 20 Juꞌu Maataꞌ teame, jukaꞌ Jesujta aman aꞌ yebijsusekaꞌpo
aꞌ juꞌuneꞌeiyaakai, aapo aꞌ nankibaeka yeu siika. Taa
juꞌu Mariaꞌ teame aꞌ joꞌawapo taawak.
\v 21 Iniꞌi Maata intok juꞌu Jesujtau:
\p ―In yoꞌowa, enchi inim aneo, juꞌu in abachi ka muk ean
―ti au jiiak―.
\v 22 Taa ket ne juꞌunea, jukaꞌ Liojta, siꞌimeta jukaꞌ
aapoꞌiku bicha em aꞌawaꞌuta, a enchi aꞌ bittuaꞌpo ―ti
au jiiak.
\p
\v 23 Juꞌu Jesus, aapoꞌiku:
\p ―Juꞌu em abachi juchi jiapsine ―ti au jiiak.
\p
\v 24 Juꞌu Maata intok junak:
\p ―Lutuꞌuria, juꞌuneanee chukula taewait, jumeꞌ kokkoarim
jiabijteneeo, juchi aꞌ jiapsineeꞌu ―ti au jiiak.
\p
\v 25 Junak juꞌu Jesus iniau:
\p ―Ineponee junaꞌa, juꞌu kokkoarim nasuk yee jiabijtetuaka,
jiba yuu jiapsiwamta yetet utuane. Junuen, waꞌa nee sualeme,
kia mukiataka juniꞌi, junaꞌa juchi jiapsine.
\v 26 Intok jabetaka juniꞌi, ketun inim jiapsaka intok
nee sualeme, iniꞌi, jakwoo juniꞌi ka mukne. Jaisa empo
inikaꞌa suale jaꞌani ―ti au jiiak.
\p
\v 27 Aapo intok:
\p ―Jeewi in yoꞌowa. Inepo nee enchi junen juꞌu Krijtotukaꞌu
enchi suale. Juꞌu Liojta yoemia juꞌu inim bwiau yebijneeka
boꞌo bitwame ―ti au jiiak.
\s Jesujta, jum Laasaroꞌ teamta boꞌokaꞌu aꞌ bwanakaꞌpo
\p
\v 28 Chukla inikaꞌa teuwaasukai juꞌu Maata, juꞌu aꞌ
waaibeu Mariaꞌ teamtau chaaebaeka au siika intok junau:
\p ―Juꞌu yee majtame im aane intok eu chaae tebo ―ti jiaka,
ka kusisi aꞌ tejwaak.
\p
\v 29 Kia inikaꞌa jikkajaka jiba juꞌu Maria, kikteka
intok Jesujta aneꞌu au siika.
\v 30 Juꞌu Jesus junama ili joꞌara Betaaniaꞌ teaꞌu ketun
kee aman kibaken. Taa ketun, jiba jum Maatata au yepsakaꞌpo
aanen.
\v 31 Junak jumeꞌ juriom aꞌ joꞌapo aꞌ jiapsi yechaka
aamak ama aneꞌum, junuen Mariata, kikteka intok sep yeu
sikamta bichakai, inimeꞌe aet chaꞌaka sajak, bempo, jukaꞌ
Laasaro tukaꞌuta maꞌariu sika aman aꞌ bwanbaeꞌeti eakai.
\p
\v 32 Junak intok juꞌu Maria, Jesujta aneꞌu yepsakai,
aapoꞌiku tonommea kikteka intok:
\p ―In yoꞌowa, enchi im aneo, juꞌu in abachi ka muk ean
―ti au jiiak.
\p
\v 33 Juꞌu Jesus, jukaꞌ Mariata intok jumeꞌ juriom aamak
ama yajakame bwaname bichakai, tua aꞌ siokaꞌu intok aꞌ
jiapsipo tua aꞌ juiwaꞌu aet ayukan.
\v 34 Intok aapo:
\p ―Jakunsa emeꞌe aꞌ teekak ―ti ameu nattemaek.
\p Bempo intok:
\p ―Itom yoꞌowa, aꞌabo sika aꞌ bitne ―ti au jiiak.
\p
\v 35 Junak juꞌu Jesus bwaanak.
\v 36 Junak jumeꞌ juriom:
\p ―Akeꞌem aꞌ bicha, tua aꞌ nakken ―ti jiian.
\p
\v 37 Taa juname betana waate:
\p ―Iniꞌi, wakaꞌa liptita aꞌ bittuakame, jaisa jukaꞌ Laasaro
tukaꞌuta, ka aꞌ mukneꞌ betchiꞌbo aꞌ ania ean jaꞌani ―ti
jiiak.
\s Laasaroꞌ teamta kokkolam betana jiabijtetuawakaꞌpo
\p
\v 38 Jesus, juchi tua jiapsipo aꞌ juiwaka, jum tetapo
wojoꞌorita yaꞌariu ruktek. Iniꞌi, senu kau tejtukan.
Intok iniꞌi, senu bweꞌu tetae pattitukan.
\v 39 Junak juꞌu Jesus:
\p ―Jukaꞌ tetata em omola kechaa ―ti jiiak.
\p Juꞌu Maata, juꞌu mukukamta mak weri:
\p ―In yoꞌowa, iniꞌi jiba tua jumak, jaibu tua juuba, bweꞌituk
jaibu naiki taewaim jipue mukiatakai ―ti jiiak.
\p
\v 40 Taa juꞌu Jesus iniau:
\p ―Jaisa inepo, jukaꞌ Liojta betana tua eiyaawatchika,
a jita aꞌ joaꞌuta em aꞌ bitneeꞌuta, ka eu teuwaala jaꞌani.
Inikaꞌa enchi aꞌ sualeo ―ti au jiiak.
\p
\v 41 Junak intok juꞌu teta omola biaktawak. Juꞌu Jesus
intok teekau jikau bicha bitchuka intok:
\p ―In yoꞌowa, enchi ne bai sae, bweꞌituk empo juꞌu in teuwaaꞌut
nee jikkaja.
\v 42 Juꞌuneane, juꞌu in teuwaaꞌut, jiba em nee aet jikkajaꞌpo.
Taa inikaꞌa nee teuwaa jumeꞌ inim aneme aniabaekai, junuen
inimeꞌe, em aꞌabo nee bittuakaꞌpo bem aꞌ sualneꞌ betchiꞌbo
―ti jiiak.
\p
\v 43 Chukula, inikaꞌa teuwaasuka, kusisi nokaka:
\p ―Laasaro, junum aꞌabo yeu weye ―ti jiiak.
\p
\v 44 Juꞌu intoko mukia tukaꞌu, yeu siika, mampo intok
wokpo tajoꞌorimmea biijti takai. Aꞌ pujbat intok ket
tajoꞌorimmea biꞌiti takai. Juꞌu Jesus inimmeu:
\p ―Tajoꞌorim em aꞌ woitaria, aꞌ weeneꞌ betchiꞌbo ―ti ameu
jiiak.
\s Jesujta bwij betchiꞌbo, aet nau etejowaka aꞌ tuꞌutewame
\p
\v 45 Inia betchiꞌbo jumeꞌ juriom betana juebenaka Jesujta
sualek. Jumeꞌ Mariata mak aman yajakame intok Jesujta
yaakaꞌuta aꞌ bichakame.
\v 46 Taa inime betana waate, jumeꞌ paiseeom teammeu
lauti sajaka intok inimeꞌe jukaꞌ Jesujta yaakaꞌuta ameu
teuwaak.
\v 47 Junako jumeꞌ paiseeom intok jumeꞌ teꞌopopo tekiakammeu
yoꞌowe, inimeꞌe, juꞌu jurio yoemratau, siꞌime juꞌu yoꞌoraata
ama emo nau toji tebok intok inimmeu:
\p ―Jaisa tua tee aune. Iniꞌi oꞌou, machilaata juebenak,
a jita aꞌ joaꞌue aꞌ jooa ―ti jiian―.
\v 48 Itepo inikaꞌa junuen aꞌ suꞌu tojako, siꞌime juꞌu
inim yoemra aꞌ sualne. Junak jumeꞌe, jum bweꞌu joꞌara
Roomaꞌ teaꞌpo yoꞌooraa, sontaaom aꞌabo bittuaka intok
inimeꞌe itomak nassuaka, itom bweꞌu teꞌopota tatapnee
intok inim yoemrata aꞌ luꞌutane ―ti jiian.
\p
\v 49 Taa inimeꞌe betana seenu, Kaipaaj teame, juꞌu junae
wasuktiat, siꞌime jumeꞌ teꞌopopo tekiakammeu cheꞌa yoꞌo
tukaꞌu, iniꞌi inimmeu:
\p ―Emeꞌe kaita em tattaꞌaa ―ti ameu jiiak―.
\v 50 Intok kia emeꞌe ka aꞌ mammate juniꞌi, ito betchiꞌbo
cheꞌa aꞌ tuꞌireakaꞌu, junuen inim senuk itom yoemrata
betchiꞌbo, wepuꞌulaik jiba aꞌ mukneeꞌu. Intok ka junuen
siꞌime yoemrata aꞌ luꞌutanaaꞌu ―ti ameu jiiak.
\p
\v 51 Taa aapo juꞌu Kaipaaj teame, ka aapo aꞌ eaꞌpo junuen
jiiak. Ala aapo junae wasuktiat, jumeꞌ teꞌopopo tekiakammeu
cheꞌa yoꞌo yaꞌatakai, aapo, Liojta betana aet juꞌuneetuawaka
junuen, Jesujta juꞌu jurio yoemrata betchiꞌbo aꞌ mukneeꞌuta
aꞌ teuwaak.
\v 52 Intok ka kia junae yoemrata betchiꞌbo jiba, taa
ketchia siꞌimem jumeꞌ Liojta yoemiam, aniat naꞌikimtulame
junuen nau am toji betchiꞌbo.
\v 53 Junuen san, jiba junae taewait naateka, juꞌu jurio
yoemratau yoꞌoora, jukaꞌ Jesujta aꞌ meꞌe tebo betchiꞌbo,
inimeꞌe nau etejoka aꞌ lutuꞌuria yaak.
\p
\v 54 Inia betchiꞌbo san juꞌu Jesus, ka intok juꞌu jurio
yoemrata nasuk ame bichapo weaman. Ala aapo, jum aꞌ aneꞌu
betana yeu sika intok aman bweka paꞌariau yeu ka au
mekka kateka, ili bweꞌu joꞌara Epraꞌim teaꞌu bicha siika.
Junamaꞌa aꞌ majtimmak tawakai.
\p
\v 55 Junamaꞌa jaibu ka mekka beꞌeen, jumeꞌ juriom bwala
jissuꞌaka pajko jiba bem joaꞌuta aꞌ yumaꞌaneeꞌu. Yoemra
intok juebenaka junamaꞌa ili ka bwere joꞌaram beꞌekatana
junaman bweꞌu joꞌara Jerusalen teaꞌu nau yajak. Inimeꞌe
junuen, jukaꞌ pajkota, kee aꞌ naateo, Liojta bichapo emo
tuꞌutewamta aꞌ yaꞌabaekai.
\v 56 Junamaꞌa waate, Jesujta jaiwan. Intok jum teꞌopopo
anekai, bempo:
\p ―Jaisa emeꞌe jiia, jaisa aꞌabo pajkou yebijnee jaꞌani,
oo ka aꞌabo weene ―ti nau nattemaen.
\p
\v 57 Jumeꞌ paiseeom intok wameꞌe teꞌopopo tekiakammeu
yoꞌowe, inimeꞌe, jabeta juniꞌi, Jesujta jakun aꞌ aneꞌuta
aꞌ juꞌuneiyaamta, junakaꞌa bempoꞌim aꞌ tejwaaneeꞌuta
aꞌ teuwaalatukan, junuen bempoꞌim aꞌ bwijneꞌ betchiꞌbo.
\c 12
\s Senu jamutta, baꞌata tua win jubak, Jesujtat aꞌ yaakaꞌpo
\p
\v 1 Busan taewaim beꞌeeka, Liojta yoꞌoreka, jukaꞌ bwala
jissuꞌawaka pajkowamta kee aꞌ yumao, juꞌu Jesus, jum ili
joꞌara Betaaniaꞌ teaꞌu noitek. Junaman jum Laasaroꞌ
teamta, inikaꞌa mukiataka jiba aapoꞌik Jesujta juchi
aꞌ jiabijtetuakamta aꞌ joꞌaakaꞌawi.
\v 2 Junamaꞌa bempo, Jesujta alleaka, tuꞌisi aꞌ mabet
betchiꞌbo, kupteo bem nau bwaꞌaneeꞌuta aꞌ yaak. Juꞌu
Maata ama am aꞌabosen. Juꞌu intoko Laasaro, ama mesau
jokammak katekan aapoꞌiku mak jiꞌibwakai.
\v 3 Junako juꞌu Maria, jumak litrota nasukꞌaman, juya
naaroꞌ teamta win jubaekamta, ochokok ausuꞌlik intok
tua bejeꞌemta, ama aꞌ nuꞌupak. Intok inikaꞌa Jesujta
wokimmet aꞌ yaakai. Chukula intok chonimmea aꞌ wachaꞌariakai.
Junama karipo siꞌimekut junae win jubakue tapunak.
\v 4 Junak intok juꞌu Juuras Ijkariooteꞌ teame, senu
Simoꞌ teamta yoemia, iniꞌi ket jumeꞌ Jesujta majtimmak
naꞌikiatukaꞌu intok jiba iniꞌi chukula aapoꞌik yeu bwijneeꞌu,
aapo:
\p
\v 5 ―Cheꞌa tuꞌi ean iniꞌi ochokoka win jubakue yaꞌari,
busan miil tosai tomimpo nenkiwako, junae jumeꞌ kaitae
emo ania machim aniawako ―ti jiiak.
\p
\v 6 Juꞌu Juuraj teame inikaꞌa teuwaak, taa ka lutuꞌuriapo
jumeꞌ kaitae emo ania machim aꞌ eiyaꞌ betchiꞌbo. Ala
iniꞌi, a jita etbwakai. Intok iniꞌi, jiba aapo su jukaꞌ
bem tomi boosata aꞌ makritakai intok junama jukaꞌ ama
aꞌayumta aꞌ nunuꞌeen.
\v 7 Junak intok juꞌu Jesus:
\p ―Kia beja aꞌ bicha. Bweꞌituk aapo inikaꞌa, chukula nee
maꞌanaao betchiꞌbo aꞌ eꞌeriala ―ti ameu jiiak―.
\v 8 Jumeꞌ kaitae emo ania machim jiba emeꞌe inim emo
nasuk am bitne. Taa nee, emeꞌe ka jiba inim bitne ―ti
ameu jiiak.
\s Teꞌopopo tekiakammeu yoꞌowe, Laasaroꞌ teamta bejeꞌeka aꞌ meꞌebaekaꞌpo
\p
\v 9 Jerusalenpo juebenaka jumeꞌ juriom betana, jukaꞌ
Jesujta, jum ili joꞌara Betaaniaꞌ teaꞌpo aꞌ aneꞌepo aꞌ
juꞌuneiyaak. Intok inimeꞌe aman sajak. Inimeꞌe, ka jukaꞌ
Jesujta jiba, taa ketchia junuen jukaꞌ Laasaroꞌ teamta,
jukaꞌ Jesujta mukiataka, juchi aꞌ jiabijtetuakaꞌuta aman
bitbaekai.
\v 10 Junako jumeꞌ teꞌopopo tekiakammeu yoꞌowe, bempo
aet nau etejok, junuen jukaꞌ Laasaroꞌ teamta ket bem
aꞌ meꞌe tebo betchiꞌbo.
\v 11 Bweꞌituk jiba aapoꞌik Laasarota betchiꞌbo, juebenaka
jumeꞌ juriom ka intok bempoꞌim mak ean taa Jesujta mak
eaka aꞌ sualbaekai.
\s Jesujta, jum bweꞌu joꞌara Jerusalen teaꞌu kibakisekaꞌpo
\p
\v 12 Yoemra tua juebenaka jum bweꞌu joꞌara Jerusalen
teaꞌpo aanen junuen junamaꞌa, Liojta yoꞌori betchiꞌbo
bwala jissuꞌawaka pajkowamta bitbaekai. Yokoriapo intok
inimeꞌe, jukaꞌ Jesujta junaman bweꞌu joꞌarau aꞌ yebijneeꞌuta
aꞌ juꞌuneiyaak.
\v 13 Junako inimeꞌe junamaꞌa tako sawam chuktaka, intok
Jesujta nanki betchiꞌbo yeu sajak. Intok inimeꞌe:
\p ―Yee jinneꞌume. Yoꞌoriwaka tuꞌikue teuwaanaa juꞌu Liojta
betana lutuꞌuriaka itou cheꞌa yoꞌotaka aꞌabo weyeme
―ti jiian kusisia.
\p
\v 14 Juꞌu Jesus, ili buuta teaka intok junaet yej simen,
jiba jum Liojta betana jiꞌosia jiꞌojteimpo:
\q
\v 15 Ka majjaunee emeꞌe, bweꞌu joꞌara Sion teaꞌpo joomem.
\q Aꞌ juꞌuneene, jukaꞌ inim emou cheꞌa yoꞌo yaꞌarita,
\q Ili buutat yej simeka aꞌabo emou aꞌ weyeꞌu, ti aꞌ jiaꞌa
benasia.
\p
\v 16 Jumeꞌ aꞌ majtim cheꞌa bat inia weemtat tua ka
aet juꞌuneak. Taa chukula, junak jukaꞌ Jesujta, kokkoarim
nasuk aꞌ jiabijteko, junak inimeꞌe au wawaatek siꞌimeta
inikaꞌa aapoꞌik betana aꞌ jiꞌojtei tukaꞌpo intok ket
jiba junaen au yeu aꞌ sikaꞌapo.
\p
\v 17 Juꞌu yoemra, jukaꞌ Jesujta junak tetapo wojoꞌoriata
yaꞌaripo intok Laasarotau nokaka, mukiataka juchi aꞌ
jiabijtetuaka, aamak ama aneꞌum, inimeꞌe, jukaꞌ bem bichakaꞌuta
naas aꞌ teuwaan.
\v 18 Inia betchiꞌbo juꞌu buꞌuuraa, Jesujta nankibaeka
au yeu sajak. Bweꞌituk inimeꞌe, jukaꞌ machilaata, a jita
aꞌ joaꞌuta aꞌ yaakaꞌut bem juꞌuneiyaakaꞌ betchiꞌbo.
\v 19 Junako jumeꞌ paiseeom bempo su naas nau:
\p ―Akeꞌem aꞌ mammate, tua kaachin intok itom an machiakaꞌu.
Yuu, siꞌime juꞌu inim yoemra aamak eaka aamak saka ―ti
jiian.
\s Wate riekom teame, Jesujta bem jaiwakaꞌpo
\p
\v 20 Jum bweꞌu joꞌara Jerusalen teaꞌpo juꞌu yoemra,
pajkopo Liojta yoꞌoribaeka, jumeꞌ aman yajilame nasuku,
yoemra riekom teame betana waate ama aanen.
\v 21 Inimeꞌe, Jeriipeꞌ teamtau yajak, juꞌu, jum bwiaraa
Kalileaꞌ teaꞌpo ili joꞌara Betsairaꞌ teaꞌpo joꞌaakamtawi,
intok inimeꞌe au ujbwanak:
\p ―Achai, jukaꞌ Jesuj teamta te bitbae ―ti au jiakai.
\p
\v 22 Juꞌu Jeriipeꞌ teame intok sikaa, jukaꞌ Antej teamta
tejwaak. Inimeꞌe intok, bempo nau, Jesujtau sajaka aꞌ
tejwaak.
\v 23 Junak intok juꞌu Jesus inimmeu:
\p ―Yumaꞌasuk juꞌu taewai, jukaꞌ inim emo benasi yoemta,
jukaꞌ aꞌ yaꞌaaꞌeaꞌuta, aapoꞌik aꞌ chupaka junuen, yoꞌorisi
aꞌ eiyaanaaꞌuta au aꞌ chupneeo ―ti ameu jiiak―.
\v 24 Lutuꞌuriapo ne inen emou jiia, juꞌu tiiko bachia,
ka bwiapo etwaꞌateko intok iniꞌi ka siwekai, junuen, wepulsi
bachiatunee jiba. Taa iniꞌi, senuk mukuka, bwiapo aꞌ maꞌawakaꞌa
benasi, iniꞌi junuen etwakai, intok siwekai, junak yuꞌin
bachiane.
\v 25 Waꞌa inim bwiapo, alleaka aꞌ jiapsineeꞌuta jiba
eiyaaka jiapsame, iniꞌi, jiba yuu aꞌ jiapsineeꞌuta aꞌ
taꞌarune. Taa waꞌa, inim bwiapo jiba alleaka aꞌ jiapsineeꞌuta
ka ae betchiꞌbo aꞌ eiyaakame, iniꞌi, jiba yuu aꞌ jiapsineeꞌuta
aet bitne.
\v 26 Inim waꞌa, in aꞌ joo iꞌaꞌuta joaka jiapsibaeme,
iniꞌi, nemak eaka jiapsine. Intok jum in aneꞌepo, ket
ama an ean juꞌu in aꞌ joo iꞌaꞌuta aꞌ joame. Inim seenuk,
nemak eaka in joo iꞌaꞌuta joamta, juꞌu in yoꞌowa inikaꞌa
aꞌ yoꞌori tebone.
\s Jesujta jaisa aapoꞌik mukneeꞌu, machisi aꞌ teuwaakaꞌpo
\p
\v 27 ’Iꞌan tua ne kaachin an machi benasi ea. Jaisa
tua ne au jiune. Jaisa inepo: “In yoꞌowa, iꞌan neu weenemta
betana nee jinneꞌune”, ti ne au jiunee jaꞌani. Taa nee
jiba tua inia betchiꞌbo su nee aꞌabo ne yebijlaa.
\v 28 In yoꞌowa, tua iꞌan bepa yumaꞌisi eiyaawatchisi
yoꞌorisi em machiakaꞌuta aꞌ juꞌuneiyaatuane ―ti jiiak.
\p Junako, teeka betana jiawai jikkajituk:
\p ―Jaibu nee tua bepa yumaꞌisi eiyaawatchisia yoꞌorisi
in machiakaꞌuta nee yeu aꞌ juꞌuneiyaatualaa. Intok ne
juchi weeꞌpo, junuen ino juꞌuneiyaa tebone ―ti jiakai.
\p
\v 29 Juꞌu yoemra junama aneka aꞌ jikkajame, inimeꞌe,
teeka betana jitaa ruꞌu ti jiiak, ti jiian. Waate intok:
\p ―Ankeles au nookak ―ti jiian.
\p
\v 30 Junak intok juꞌu Jesus inimmeu:
\p ―Iniꞌi jiawai, ka nee betchiꞌbo, taa ala emo betchiꞌbo
jikkajituk ―ti ameu jiiak―.
\v 31 Jiba iꞌan, junuen inim aniapo jiapsame, ka tuꞌisi
tawaka, bem yaꞌuraa bittuanaaꞌu ameu aune. Intok iꞌan
juꞌu bebejeꞌeri, juꞌu inim siꞌimem sawame, iniꞌi kobaꞌitaka
yeu beeptune.
\v 32 Intok chukula, inepo nee inim kuuset jikau toboktawako,
inim siꞌimem jumeꞌ jinneꞌuimtuneeme, inepo, jiba neu bicha
am waatineꞌ betchiꞌbo junuen ne am eetuane.
\p
\v 33 Inikaꞌa teuwaaka, jiba aapoꞌik aꞌ mukneeꞌut nokaka
aꞌ teuwaan oꞌoben.
\v 34 Juꞌu ama yoemra intok:
\p ―Itepo te jum itom nesauri jiꞌosia jiꞌojteimpo inen
jiaka nokwamta, jukaꞌ Krijtoꞌ teamta, jiba yuu aꞌ jiapsineꞌeti
jiamta tee aꞌ jikkajilaa. Jaisaaka intoko empo, jukaꞌ
inim yoemta, jikau aꞌ toboktituneꞌeti jiia. Jabesa iniꞌi,
juꞌu inim yoeme ―ti au jiiak.
\p
\v 35 Junako juꞌu Jesus inimmeu:
\p ―Iꞌan ketun inim emo nasuk aane juꞌu tachiriapo taꞌeewame.
Taa tua ka binwaa. Junuen san emeꞌe nemak eaka jiapsaꞌem,
tachiriata benaka in emomak aneꞌepo tajtia. Junuen, ka
tuꞌika ka enchim boꞌo joorianeꞌ betchiꞌbo, seej chukti
ka machiku rejteme benakai. Bweꞌituk juꞌu ka machiku
weamame, iniꞌi ka juꞌunea jak luula aꞌ weyeꞌpo ―ti ameu
jiiak―.
\v 36 Junuen emeꞌe, jukaꞌ tachiriapo taꞌeewamta aꞌ sualnee
ketun inim aꞌ aneo. Intok junuen emeꞌe inia tachiriapo
taꞌeewamtamak eame ti taꞌeenaa.
\p Inikaꞌa weyemta teuwaasuka, chukula juꞌu Jesus, yeu
sika intok ame betana au essok.
\s Jaisaaka jukaꞌ jurio yoemrata, Jesujta ka aꞌ sualekaꞌpo
\p
\v 37 Jukaꞌ Jesujta inien juebenaka a jita aꞌ joaꞌu,
machilaata bempoꞌim bichapo aꞌ yaꞌalatuk juniꞌi, inimeꞌe
ka aꞌ sualen.
\v 38 Bweꞌituk utteꞌatukan, inen jukaꞌ Liojta betana
juꞌuneaka, chukula yeu weenemta nokaꞌuta, Isaꞌiaj tukaꞌuta
aꞌ teuwaakaꞌuta:
\q Achai Lios, kaabe jukaꞌ itom ameu teuwaaꞌuta aꞌ sualek.
\q Kaabe inim jukaꞌ tua suum watchisi machika,
\q Liojta a jita aꞌ joaꞌuta aꞌ bichaka juniꞌi, junuen aꞌ
suale, ti aꞌ teuwaakaꞌuta.
\m
\v 39 Inien san inimeꞌe ka aꞌ sualen. Bweꞌituk juꞌu
Isaꞌiaj tukaꞌu ketchia inen aꞌ jiꞌojtek:
\q
\v 40 Juꞌu Lios, bibichaka, ka bibichame benasi am tawaak.
\q Intok a jitat bem juꞌuneꞌeaꞌuta am uꞌaak.
\q Junuen, nee betana weyemta bichaka, ka aet bem juꞌuneeneꞌ
betchiꞌbo.
\q Intok nee betana weyemtat, ka tua junen jiaka bem aet
juꞌuneeneꞌ betchiꞌbo.
\q Intok kia inimeꞌe, junuen in am jinneꞌuneꞌ betchiꞌbo,
ka neu bicha am waatineꞌ betchiꞌbo, ti jiakai.
\m
\v 41 Juꞌu Isaꞌiaj tukaꞌu inikaꞌa teuwaak, jiba jukaꞌ
Jesujta betana, tua yumaꞌisia cheꞌa eiyaawatchisi aꞌ
machiakaꞌuta, aapoꞌik aꞌ bittuawakaꞌ betchiꞌbo. Intok
junuen aapoꞌik betana aꞌ teuwaak.
\p
\v 42 Junuentaka juniꞌi, jumeꞌ juriom betana juebenaka
Jesujta sualek. Intok inime betana waate yaꞌuraata mak
naꞌikiarim juebenaka aꞌ sualekai. Taa inimeꞌe, jumeꞌ
paiseeom teame majjaeka, junuen juriom bem teꞌopompo
bem lutuꞌuriakaꞌuta, ka bem aꞌ uꞌaanaꞌ betchiꞌbo, inimeꞌe
jum anwaꞌpo ka witti aꞌ etejon.
\v 43 Inimeꞌe junuen, yoemrata betana yoꞌoriwaka bem
eiyaanaaꞌuta cheꞌa juniꞌi bem aꞌ tuꞌure betchiꞌbo, Liojta
betana tuꞌisi aet bem bitnaaꞌu bepa.
\s Juꞌu yoemra, Jesujta teuwaakaꞌue yaꞌuraa bittuanaa
\p
\v 44 Juꞌu Jesus inim:
\p ―Waꞌa nee sualeme, ka wepulsi nee jiba sualne, taa ketchia
jukaꞌ in yoꞌowata, aꞌabo nee bittuakamta junuen sualne
―ti jiiak kusisi nokakai―.
\v 45 Juꞌu intoko inim nee bichame, iniꞌi ketchia jukaꞌ
aꞌabo nee bittuakamta aꞌ bicha.
\v 46 Inepo intok nee inim tachiriapo taꞌeewame inim
aꞌabo aniau nee yebijlaa, junuen wameꞌe nee sualeka jiapsame,
inimeꞌe ka inim juꞌu ka lutuꞌuriat bem jiꞌoplamtuneꞌ
betchiꞌbo.
\v 47 Taa waꞌa, in teuwaarita aꞌ jikkajaka, intok iniꞌi
ka junakaꞌa aꞌ nok jiikajaka aꞌ jiapsao, ka inepo junaꞌa,
juꞌu ka tuꞌisi aꞌ tawaaneeme. Bweꞌituk inepo nee ka
junuen jumeꞌ inim bwiapo jiapsame ka tuꞌisi am tawaa
betchiꞌbo, ala, inepo junuen am jinneꞌu betchiꞌbo nee
aꞌabo yepsak.
\v 48 Juꞌu inim ka nee mabetbaeme, intok kia in teuwaarita
juniꞌi, ka junakaꞌa aꞌ nok jikkajaka jiapsame, iniꞌi, juꞌu
ka tuꞌisi aꞌ tawaaneeme aane. Juꞌu nok lutuꞌuria in
teuwaari, chukula taewai, yee aet yaꞌuraa bittuanaao, iniꞌi
junen junaꞌa, juꞌu ka tuꞌisi aꞌ tawaaneeme.
\v 49 Bweꞌituk inepo nee tua ka in eaꞌpo aman in tuꞌureeꞌuta
nooka. Juꞌu in yoꞌowa aꞌabo nee bittuakame, aapo nee
aet tejwaala juꞌu in teuwaaneeꞌu betana intok juꞌu in
yee majtaneeꞌu betana.
\v 50 Intok juꞌunea nee, jukaꞌ in yoꞌowa betana nesaurita,
inikaꞌa jiba yuu jiapsiwamta yee bittuaꞌ betchiꞌbo aꞌ
weyeꞌpo. Junuen san juꞌu in teuwaaꞌu, inikaꞌa inepo, jiba
in yoꞌowa nee aet aꞌ tejwaari benasia, junuen nee aꞌ
teuwaa ―ti jiiak.
\c 13
\s Jesujta, jumeꞌ aꞌ majtim aꞌ wok baksiakaꞌpo
\p
\v 1 Inim beja jaibu senu taewai beꞌeen, Liojta yoꞌori
betchiꞌbo bwala jissuꞌawaka pajkonaao. Juꞌu Jesus, aapoꞌik
ka intok inim aꞌ anneeꞌut intok aꞌ yoꞌowabeu bicha aꞌ
nottineeꞌut, jukaꞌ taewaita aꞌ yumaꞌasukaꞌut juꞌunean.
Aapo, jumeꞌ inim aapoꞌikumak eaka jiapsame, jiba am nakek.
Iꞌan intoko inim, tua kaita beꞌeeka, aapoꞌik tua am nakeꞌuta
aꞌ bit teboka aꞌ juꞌneiyaa tebon.
\p
\v 2-4 Juꞌu bebejeꞌeri junak jaibu jukaꞌ Juuras Ijkariooteꞌ
teamta, senu Simooꞌ teamta yoemia, inikaꞌa, Jesujta yeu
bwiseka aꞌ nenkineꞌ betchiꞌbo junuen aꞌ eetuan. Jesus
juꞌunean, juꞌu achai Liojta betana inim aꞌ yebijlatukaꞌpo,
ket intok Liojtau bicha aꞌ nottineeꞌut. Intok ketchia,
jukaꞌ achai Liojta, siꞌimeku yoꞌo utteꞌata aet aulatukaꞌpo.
Junuen san, aapo, ka machiako bem jiꞌibwaꞌpo, mesau aꞌ
katekaꞌpo, kikteka, bepa aꞌ supekaꞌum yechaka, intok tajoꞌorim
emo ammea wawachawame nuꞌuka, wikojpo am chayak.
\v 5 Junak intok aapo, jum ama babajimawaꞌpo, baꞌam toꞌaaka
intok aapo jumeꞌ aꞌ majtim am wok baksia taitek. Intok
jumeꞌ tajoꞌorim, wikojpo aꞌ chayaꞌimmea am wok wachakai.
\p
\v 6 Aapoꞌik jukaꞌ Simoo Peeoꞌo teamta aꞌ wok baksiabaao,
iniꞌi:
\p ―Achai, jaisa empo nee wok baksiabae jaꞌani ―ti au nattemaek.
\p
\v 7 Juꞌu Jesus:
\p ―Empo iꞌan ka aet juꞌunea juꞌu in joaꞌutchi. Taa iniat
empo chukula juꞌuneene ―ti au jiiak.
\p
\v 8 Taa juꞌu Peeo:
\p ―Nee ala, empo jakwoo juniꞌi ka nee wok baksiane ―ti
au jiiak.
\p Jesus intok:
\p ―Ka nee enchi wok baksiako, empo ka intok nemak lutuꞌuriane
―ti aꞌ yoopnak.
\p
\v 9 Junak juꞌu Simoo Peeoꞌ teame:
\p ―Junuentuko achai, ka wokim jiba, taa mamam intok kobat
ket nee baksiane ―ti au jiiak.
\p
\v 10 Taa juꞌu Jesus iniau:
\p ―Juꞌu juꞌubwa uꞌubaꞌalame, aet chukula wokim aꞌ baksianeeꞌuta
jiba au biꞌine. Bweꞌituk iniꞌi takaat siꞌimekut basulatakai.
Emeꞌe jaibu Liojta mak emo tuꞌutelamtakai, senuk aꞌ ubaꞌalatukaꞌabebena.
Taa ka siꞌimetakai oꞌoben.
\p
\v 11 Aapo junuen: “Emeꞌe ka siꞌimetakai”, ti jiiak,
bweꞌituk aapo juꞌunean, jabeta yeu aꞌ bwiseka aꞌ nenkineeꞌut.
\p
\v 12 Chukula inimeꞌe wok baksiasukai, Jesus, bepa aꞌ
tajoꞌorekaꞌumpo juchi kobateka intok jum mesau juchi
yejteka intok inimmeu:
\p ―Jaisa emeꞌe juꞌu inim in emou yaꞌarit tuꞌisi juꞌunea
jaꞌani ―ti ameu jiiak―.
\v 13 Emeꞌe, yee majtame intok itom yoꞌowa ti nee taꞌaa.
Intok tuꞌisi em jiia, bweꞌituk inien lutuꞌuria.
\v 14 Junuen san, inepo, yee majtame intok enchim yoꞌowatakai,
enchim nee wok baksialatakai, ketchia emou chaꞌaka, emo
nasuk enchim emo wok babaksianeeꞌu. Inikaꞌa teuwaakai,
jukaꞌ enchim jaitaka, kaabeta jooneeꞌut enchim emo anianeeꞌut
nee aꞌ teuwaa.
\v 15 Inepo nee inikaꞌa enchim aꞌ suawaꞌuneꞌ betchiꞌbo
aꞌ yaꞌari. Junuen jiba jukaꞌ in yaꞌarita, enchim aꞌ jooneꞌ
betchiꞌbo.
\v 16 Lutuꞌuriapo ne inen emou jiia, kaabe juꞌu tekoka
jiapsame, aꞌ teko bepa cheꞌa eiyaatune. Intok kaabe, juꞌu
yeu puꞌaritaka jakun bittuari, juꞌu aꞌ saweka yei aꞌ
puꞌakamta bepa cheꞌa eiyaatuneeme.
\v 17 Emeꞌe inia weyemtat juꞌuneakai intok aꞌ boꞌo jooriaꞌateko,
emeꞌe tua alleene.
\p
\v 18 ’Kannee siꞌimem emo betchiꞌbo inikaꞌa teuwaa.
Juꞌunea nee, jabemmet junen in yeu puꞌariakaꞌpo. Taa
jukaꞌa, jum Liojta nok lutuꞌuriapo jiꞌojtei, utteꞌa aꞌ
chupneꞌpo: “Juꞌu nemak jiꞌibwame, iniꞌi nee bejeꞌeka
kiktela”, ti aꞌ jiakaꞌpo.
\v 19 Inikaꞌa kee aꞌ chupeo nee jaibu emou aꞌ teuwaa,
junuen emeꞌe inikaꞌa aꞌ chupeo aꞌ bichakai, junak cheꞌa
bat naataka emou junuen in ino teuwaaka, nee junaꞌatukaꞌuta
enchim nee sualneꞌ betchiꞌbo.
\v 20 Tua lutuꞌuriapo ne inien emou jiia, waꞌa, jukaꞌ
in au bittuarita, tuꞌisi aꞌ mabetneeme, iniꞌi nee mabetlatune.
Waꞌa intok nee mabetneeme, iniꞌi, wakaꞌa nee aꞌabo bittuakamta
mabetlatune.
\s Jesus, jukaꞌ Jurajta yeꞌa bwijneꞌpo machisi aꞌ teuwaa
\p
\v 21 Chukula inikaꞌa teuwaasukai, Jesus aꞌ jiapsipo
tua ka ineꞌemaisia aꞌ juiwaꞌu aet ayukan. Intok junak
machisi:
\p ―Lutuꞌuriapo ne inen emou jiia, emo betana senu nee
yeu bwiseka nee nenkine ―ti jiiak.
\p
\v 22 Junako jumeꞌ aapoꞌik majtim naas emo bitchu japtek,
jabetat junuen aꞌ nokaꞌapo tua ka juꞌuneakai.
\v 23 Jumeꞌ aꞌ majtim betana seenu, iniꞌi juꞌu Jesujta
tua nakeꞌu, junamaꞌa kupteo jiꞌibwawaꞌpo Jesujtau chapti
kateka jiꞌibwan.
\v 24 Juꞌu Simoo Peeoꞌ teame, inikaꞌa maammea au jikuꞌubwaka
aꞌ tejwaak, au aꞌ nattemaineꞌ betchiꞌbo jabetat junen
aꞌ nokaꞌapo.
\v 25 Junak intok iniꞌi Jesujtau cheꞌa rukteka:
\p ―Achai, jabesa junaꞌa ―ti au nattemaek.
\p
\v 26 Jesus intok:
\p ―Paanim ne baꞌawapo ne komoniane, inimeꞌe intok, juꞌu
in au am bwijneeꞌu, junaꞌatune ―ti au jiiak.
\p Inien san paanim rebbeim baꞌawapo komoniaka, intok
juꞌu Juuras Ijkariooteꞌ teamtau, senu Simoꞌ teamta yoemiabeu
am bwisek.
\v 27 Inikaꞌa Juuraj teamta intok kia inimeꞌe paanim
aꞌ nuꞌuka aꞌ bwaꞌaka jiba, juꞌu bebejeꞌeri aꞌ jiapsiu
yepsak. Junak juꞌu Jesus:
\p ―Jukaꞌ em yaꞌaneeꞌuta, iꞌan lauti aꞌ yaꞌane ―ti au jiiak.
\p
\v 28 Taa jumeꞌ ama mesau joka jiꞌibwame betana, kaabe
aet juꞌuneak jachin betchiꞌbo inien au aꞌ jiakaꞌpo.
\v 29 Taa jukaꞌ Juraaj teamta, inikaꞌa tomi boosata aꞌ
maktuko, waate, jukaꞌ Jesujta iniau, pajkota betchiꞌbo
jita bem waataꞌuta aꞌ jinu iꞌaka, oo wameꞌe jiokot eame,
jita aapoꞌik am mikneeꞌu betana au aꞌ nokaꞌati ean.
\v 30 Chukula, juꞌu Juuras, paanim mabetsuka, sep yeu siika.
Inim beja, jaibu tukaaria tukai.
\s Juꞌu taꞌabwi nesauri, cheꞌa chukula bemelaka weyeme
\p
\v 31 Jukaꞌ Jurajta yeu simsuko chukula juꞌu Jesus inimmeu:
\p ―Iꞌan jukaꞌ inim emo benasi yoemta, tua bepa aꞌ eiyaawatchiakaꞌu
aapoꞌikut bittune. Juꞌu intoko aapoꞌik jukaꞌ achai Liojta,
cheꞌa yoꞌorisi aꞌ machiakaꞌuta, jiba nee betchiꞌbo bittune.
\v 32 Junuen san, jukaꞌ achai Liojta cheꞌa yoꞌorisi aꞌ
machiakaꞌuta, jiba juꞌu inim yoemta aꞌ yaꞌaneeꞌue aman
aꞌ bittuneekai, junuen ketchia, juꞌu achai Lios, nee betana
tua bepa in eiyaawatchiakaꞌuta aꞌ bit tebone. Inikaꞌa
intoko aapo tua lauti aꞌ yaꞌane.
\v 33 Tua in nakeꞌum, jaibu nee ka binwaa, chuubaa jiba
inim emo mak annee. Emeꞌe nee jariune, taa jiba jumeꞌ
juriommeu in jiakaꞌa benasi iꞌan ket ne emou aꞌ teuwaa,
jum in anneeꞌu emeꞌe ka a aman yajine.
\v 34 Inikaꞌa bemela nesaurita enchim boꞌo joorianeeꞌuta
nee enchim tejwaa, emo nasuk tua enchim emo nak taꞌaaneeꞌuta.
Jiba junuen in enchim nak taꞌaꞌa benasia, emeꞌe ket inien
a emo naas nak taꞌaane.
\v 35 Jiba inien enchim naas emo nakeo, siꞌime juꞌu inim
yoemra juꞌuneene, nee betana kateka enchim nemak eaꞌut.
\s Jesus, Peota, inikaꞌa ka au aꞌ taꞌaꞌati aꞌ jiuneeꞌu betana junuen aꞌ teuwaa
\p
\v 36 Juꞌu Simoo Peeoꞌ teame, Jesujtau:
\p ―Achai, jakunsa empo siime ―ti au nattemaek.
\p Juꞌu Jesus intok:
\p ―Jum in weeneeꞌu, iꞌan empo ka a aman weene. Taa chukula
empo a aman neu yebijne ―ti au jiiak.
\p
\v 37 Junak juꞌu Peeo:
\p ―Achai, jaisaaka iꞌan nee ka a emak weene. Kia ee betchiꞌbo
mukneeka juniꞌi, kaachin ne jiia ―ti au jiiak.
\p
\v 38 Juꞌu Jesus iniau:
\p ―Jaisa tua empo nee betchiꞌbo muknee jaꞌani. Iniat
nee sualne, totoi oꞌowiata kee aꞌ kuseo, empo, temaiwaka,
bajisi ka emo nee taꞌaꞌati jiune ―ti au jiiak.
\c 14
\s Wepulsi Jesujta betchiꞌbo jiba, achai Liojtau bicha a yajitu
\p
\v 1 ’Ka emeꞌe aꞌ juiwaka, unnaa jachin emo eetuane.
Achai Liojtat intok net juniꞌi ket emeꞌe yoemꞌeene.
\v 2 Aman jum in yoꞌowata jiapsaꞌu, tua juebena jumeꞌ
ama jiapsinaaꞌum. Ka junuen aꞌ lutuꞌuriatuko, ineponee
jaibu nee enchim tejwaasu ean. Junuen san nee inepo
aman sika intok aman enchim jiapsineeꞌum nee enchim
tuꞌuteriane.
\v 3 Intok chukula inepo aman sikaa, intok aman enchim
jiapsineꞌpo aꞌ tuꞌutesuko, ineponee juchi aꞌabo nottinee
junuen am bichaa enchim weiyaa betchiꞌbo. Junuen enchim,
jum in jiapsaꞌu, jiba junamaꞌa enchim anneꞌ betchiꞌbo.
\v 4 Intok emeꞌe juꞌunea jakun bicha in simeꞌut, intok
jachin aman yaajiwaꞌut emeꞌe juꞌunea.
\p
\v 5 Juꞌu seenu, Toomaj teame, aapoꞌiku:
\p ―Achai, itepo cheꞌa ka juꞌunea jakun bicha em simeꞌut,
junuen jaisa itepo jak luula ama yaajiwaaꞌut juꞌuneene
―ti au jiiak.
\p
\v 6 Juꞌu Jesus, inikaꞌa:
\p ―Inepone juꞌu boꞌo, juꞌu lutuꞌuria, intok juꞌu jiapsiwame;
kaabe in achaibeu weene, kaa ino betchiꞌibotuko ―ti aꞌ
yoopnak―.
\v 7 Nee, emeꞌe taꞌaꞌateko, ket emeꞌe jiba jukaꞌ in yoꞌowata
aꞌ taꞌaa ean intok aapoꞌik inim naateka emeꞌe aꞌ taꞌaa.
Bweꞌituk aapoꞌik jiba inim emeꞌe aꞌ bicha.
\p
\v 8 Junak intok juꞌu Jeriipeꞌ teame:
\p ―Achai, jukaꞌ em yoꞌowa Liojta empo inim itom aꞌ bittuanee
intok iniae tua itepo yanti elne ―ti au jiiak.
\p
\v 9 Jesus inikaꞌa:
\p ―Empo Jeriipe, tua nee binwa taꞌapo inim emomak aane,
intok, jaisa empo kee nee taꞌaa jaꞌani. Waꞌa nee inim
bichame, iniꞌi, jukaꞌ in yoꞌowata bitlatune. Junak su,
jaisaaka empo jukaꞌ in yoꞌowata nee enchim aꞌ bittuaneꞌ
betchiꞌbo neu nooka ―ti aꞌ yoopnak―.
\v 10 Jaisa empo jiba nee junen in yoꞌowabet aneꞌepo
intok aapoꞌik net aꞌ aneꞌuta inien ka aꞌ suale jaꞌani.
Jukaꞌ in emou teuwaaꞌuta, inepo kannee in eaꞌpo aman
aꞌ teuwaa. Juꞌu in yoꞌowa jiba aapo net jiapsame, jiba
aapoꞌik betana jukaꞌ machilaa, a jita aꞌ joaꞌuta, aꞌ bit
tebo.
\v 11 Emeꞌe, juꞌu in yoꞌowabet in aneꞌuta, intok aapoꞌik
net aꞌ aneꞌuta, nee betana inien aꞌ sualne. Oo ka inien
nee sualekai, kia juꞌu in joaꞌu betchiꞌbo juniꞌi, nee
sualne.
\v 12 Lutuꞌuriapo nee inen emou jiia, waꞌa nee sual taꞌaame,
iniꞌi ketchia jukaꞌ machilaa in joaꞌuta aꞌ joone. Intok
iniꞌi cheꞌa bepa suum watchisi machik joone. Bweꞌituk
inepo iꞌan nee juꞌu in yoꞌowata jiapsaꞌu nee siime.
\v 13 Intok emeꞌe, Liojtau bicha, jita juniꞌi, net yoemꞌeaka
enchim aꞌawaꞌuta, enchim nee aꞌ bittuane. Junuen jukaꞌ
aꞌ yoemiawata aꞌ joaꞌue, jukaꞌ aꞌ yoꞌowawata cheꞌa bepa
tua yoꞌorisi aꞌ machiakaꞌuta aꞌ bit teboneꞌ betchiꞌbo.
\v 14 Kia jita juniꞌi, net yoemꞌeaka, Liojtau bicha enchim
aꞌawaꞌuta, inponee enchim aꞌ bittuane ―ti ameu jiiak―.
\s Jesujta, jukaꞌ Liojta tuꞌu jiapsi, aꞌ sualemmeu aꞌ bittuaneeꞌu aꞌ teuwaa
\p
\v 15 ’Lutuꞌuriapo emeꞌe nee nak taꞌaꞌateko, in enchim
aet nesaweka in teuwaakaꞌuta, nee aet jikkajine.
\v 16 Inepo intok nee, juꞌu in yoꞌowabeu nokne, aapoꞌik
betana wakaꞌa enchim aniaka emomak tuneemta aapoꞌik
emou aꞌ bittuaneꞌ betchiꞌbo. Junuen inikaꞌa, jiba emomak
aꞌ anneꞌ betchiꞌbo.
\v 17 Iniꞌi juꞌu Liojta tuꞌu jiapsi, nee betana lutuꞌuriat
yee juꞌuneetuame. Wameꞌe inim jiba ka Liojta taꞌaaka
jiapsame, inimeꞌe ka aꞌ mabeta. Bweꞌituk inimeꞌe ka aet
emo temaikai. Intok kia ka aꞌ taꞌaa juniꞌi. Taa emeꞌe
jaibu aet juꞌunea. Bweꞌituk iniꞌi, aapo inim emomak aane,
intok jiba emot tawane.
\v 18 Kannee inim kia beja enchim toꞌo simne. Juchi
nee aꞌabo nottine, junuen inim emomak an betchiꞌbo.
\v 19 Inim taewaim ka buꞌuuka beꞌee, inim juꞌu yoemra,
ka intok nee bitneekai. Taa emeꞌe juchi nee bitne. Emeꞌe
jiapsine, jiba in jiapsaꞌ betchiꞌbo.
\v 20 Junakaꞌa taewaita yumako, emeꞌe machisi juꞌuneene,
in yoꞌowabet in aneꞌu. Enchim intok net aneꞌu. Nee intok
ket emot aneꞌu.
\v 21 Waꞌa, jumeꞌ nesaurim nee betana teuwaarim, am taꞌaaka
intok am boꞌo jooriaka jiapsame, iniꞌi, tua lutuꞌuriapo
nee aꞌ nak taꞌaaꞌuta aet bit tebo. Juꞌu intoko in yoꞌowa,
wakaꞌa nee nak taꞌaamta, aapo inikaꞌa aꞌ nakne. Intok
inepo juniꞌi ketchia nee inikaꞌa nakne. Intok aapoꞌikumak
in aneꞌuta, nee machisi aꞌ juꞌuneiyaatuane ―ti ameu jiiak.
\p
\v 22 Senu Juuras, ka juꞌu Ijkariooteꞌ teame:
\p ―Achai, jaisaaka empo itomak em aneꞌuta, itom jiba aꞌ
juꞌuneiyaatuane, intok ka ket junuen juꞌu wate yoemra
inim jiapsammewi ―ti au nattemaek.
\p
\v 23 Juꞌu Jesus iniau:
\p ―Waꞌa nee nak taꞌaame, iniꞌi, juꞌu in teuwaarit nee nok
jikkajine. Juꞌu intok in yoꞌowa aapoꞌik nakne. Junak
intok juꞌu in yoꞌowa intok inepo, itepo nau iniau yajaka,
aapoꞌikut te jiapsine.
\v 24 Waꞌa ka nee nak taꞌaame, iniꞌi juꞌu in teuwaarit
ka aꞌ nok jikkajaka jiapsa. Juꞌu Liojta betana nok lutuꞌuria
in teuwaaka enchim jikkajaꞌu, iniꞌi ka nee betana weye.
Iniꞌi juꞌu in yoꞌowa aꞌabo nee bittuakamta betana weye.
\p
\v 25 ’Siꞌimeta inikaꞌa nee emou teuwaa, ketun inim emomak
anekai.
\v 26 Taa juꞌu Liojta tuꞌu jiapsiwa jukaꞌ in yoꞌowata
nee betchiꞌbo in weꞌeaꞌpo emou aꞌ bittuaneeꞌuta, enchim
aniaka intok junuen enchim jiapsi joꞌane. Iniꞌi siꞌimekut
a enchim juꞌuneetuanee intok siꞌimeta wakaꞌa in enchim
majti, au enchim waatituane.
\p
\v 27 ’Inim inepo yumaꞌisi yanti elwamta emo tana waataka
nee siime. Inikaꞌa alleerita ka jain eewamta nee betana
aꞌ mabetne. Taa inepone, ka jumeꞌ inim, ka Liojta taꞌaaka
jiapsame, yanti elwamta ka binwatunemta inimeꞌe yeteu
bicha aꞌ waataꞌa benasi, nee emot aꞌ autua. Ka emeꞌe
jain eene. Intok kia ka majjaunee juniꞌi.
\v 28 Emeꞌe, in simneꞌeti jiaka, intok ket aꞌabo notteka,
juchi in emomak anneꞌeti jiaka in nokakaꞌuta, jaibu emeꞌe
nee jikkajila. Emeꞌe lutuꞌuriapo nee nak taꞌaꞌateko,
emeꞌe alle ean junuen in yoꞌowabeu bicha in simeꞌepo
juꞌuneakai. Bweꞌituk aapo cheꞌa juniꞌi bepa eiyaawatchisi
katek.
\v 29 Inikaꞌa inepo, kee yeu aꞌ yumaao nee emou aꞌ teuwaa,
junuen inikaꞌa aꞌ chupeeo, junak enchim nee sualneꞌ betchiꞌbo.
\p
\v 30 ’Kaita intok nee tua emomak etejonee iꞌani. Bweꞌituk
juꞌu bebejeꞌeri, juꞌu, jumeꞌ inim jiapsame saweme, aꞌabo
weye. Iniꞌi ka nee bepa utteꞌak, oꞌoben.
\v 31 Utteꞌa inien aꞌ chupneeꞌu, junuen jumeꞌ inim jiapsame,
jukaꞌ in yoꞌowata in aꞌ nak taꞌaaꞌpo bem juꞌuneeneꞌ
betchiꞌbo. Intok jukaꞌ aapoꞌik nee tejwaaka nee aet
aꞌ sawekaꞌuta, junakaꞌa in aꞌ joaꞌut, bem juꞌuneeneꞌ betchiꞌbo.
Japteꞌem bu, inim omot bicha te katne.
\c 15
\s Paꞌasi ouwot intok jumeꞌ aꞌ nassaꞌakariammet aꞌ nokaꞌapo
\p
\v 1 ’Inepo nee junaꞌa, inim inepolaa jiba takai, juꞌu
tuꞌi paꞌasi ouwotau a tammachiatume, juꞌu intok in yoꞌowa
junuen, juꞌu inikaꞌa ouwota aꞌ suuamta benakai.
\v 2 Aapo, nee betana kia wepuꞌulaika juniꞌi, jumeꞌ in
nassaꞌakariam betana, ka tatakame, am chuk chukta. Taa
aapo, jumeꞌ nassaꞌakariam tatakame, inimeꞌe bicha intok
am tutuꞌute junuen cheꞌa juniꞌi yuꞌin bem takaneꞌ betchiꞌbo.
\v 3 Emeꞌe, jiba juꞌu nok lutuꞌuriae, in enchim majtakaꞌue,
emeꞌe jaibu nassaꞌakariam tuꞌuteim takaꞌabebena.
\v 4 Ka emeꞌe nee koptaika, nemak eaka jiapsine. Jiba
in enchim ka koptaka in enchim eiyaꞌa benasia. Senu
nassaꞌakaria, kia aapolaika, kaachin iniꞌi a takane, iniꞌi
junuen, juꞌu ouwou ka chaꞌakai. Emeꞌe juniꞌi ketchia,
kaachin Liojta eaꞌpo aman tuꞌik joaka a jiapsine, emeꞌe
nee koptaika ka nemak eaka jiapsaꞌateko.
\p
\v 5 ’Inepo nee junaꞌa, juꞌu paꞌasi ouwopo taꞌeewame,
emeꞌe intok jumeꞌ nassaꞌakariam benakai. Juꞌu nemak
eaka jiapsame, iniamak intok inepo aamak tukai, iniꞌi,
Liojta eaꞌpo aman, yumaꞌisi tuꞌik joaka jiapsine. Bweꞌituk
emeꞌe ka net eaka jiapsakai, tua kaitau emeꞌe yumaꞌane.
\v 6 Waꞌa nee koptaka intok ka nemak eaka jiapsame, iniꞌi
paꞌakun jimmaa tune. Intok jumeꞌ ka tuꞌi nassaꞌakariam
chuktim benaka, wakeka intok tajipo am tayaꞌawakaꞌabenane.
\p
\v 7 ’Emeꞌe ka nee koptaka intok nemak eaka jiapsaꞌateko,
intok jukaꞌ in enchim majtakaꞌuta ka koptakai, emeꞌe
Liojtau bicha jukaꞌ enchim waataꞌuta aꞌ aꞌaune, intok
emeꞌe aꞌ maktune.
\v 8 Juꞌu in yoꞌowa eiyaawaka yoꞌorinaa, inim aapoꞌik
eaꞌpo aman yumaꞌik tuꞌik joaka enchim jipasao. Intok
junuen emeꞌe iniae, tua lutuꞌuriapo nee betana kateka
enchim majtimtukaꞌpo taꞌeenaa.
\v 9 Inepo ne ala enchim nak taꞌaa, jiba jukaꞌ in yoꞌowa
Liojta aapoꞌik nee aꞌ nak taꞌaꞌa benasia. Junuen san,
emeꞌe nemak eaka jiapsine, enchim in nak taꞌaaꞌuta jiba
enchim aꞌ bitneꞌ betchiꞌbo.
\v 10 Emeꞌe intoko jukaꞌ nookta, in nesaurita emeꞌe aꞌ
nok jikkajaꞌateko, inien in yee nakeꞌuta, jiba emeꞌe aꞌ
bitne. Jiba junuen jukaꞌ in yoꞌowata aꞌ nesaurim in
am nok jikkajaꞌa benasia, intok junuen aapoꞌik nee aꞌ
nak taꞌaaꞌuta jiba in aꞌ bichaꞌa benasia.
\p
\v 11 ’Inepo nee inien emou nooka, junuen, net aꞌ bichaka
nemak enchim alleeneꞌ betchiꞌbo. Intok inien tua yumaꞌisi
alleewamta emeꞌe bitne.
\v 12 Juꞌu nooki in nesauri, iniꞌi junaꞌa, enchim naas
emo nak taꞌaaneeꞌu, in enchim nak taꞌaꞌa benasia.
\v 13 Tua juꞌu senuk a yee aꞌ nak taꞌaaꞌu, iniꞌi, senuk
aapoꞌik jiapsiwata, jumeꞌ aꞌ nak taꞌaaꞌum betchiꞌbo aꞌ
nenkineeꞌu junaꞌatune. Inia bepa senuk cheꞌa yee aꞌ
nak taꞌaaneeꞌu, kaita.
\v 14 Jiba emeꞌe in jallaꞌim tune, emeꞌe junuen jukaꞌ
in teuwaari nesauta aꞌ boꞌo jooriaꞌateko.
\v 15 Ineponee iꞌan, kannee intok inepo, nee tekokame
ti nee enchim taꞌaane. Bweꞌituk jukaꞌ tekokamta, inikaꞌa
aꞌ tekowata joaꞌut kaachin a aet aꞌ juꞌuneeneꞌ betchiꞌbo.
Ala inepone, in jallaꞌim ti nee enchim taꞌaane. Bweꞌituk
inepo, siꞌimeta wakaꞌa in yoꞌowa betana in tejwaarita,
ineponee emou aꞌ teuwaalaa.
\v 16 Ka emeꞌe junameꞌe, nee yeu puꞌakame, ala inepo nee
enchim yeu puꞌari, intok ineponee emou noklaa, inim Liojta
eaꞌpo aman jiapsaka, junuen yoemratau sajaka, Liojta betana
lutuꞌuriata enchim ameu nokneꞌ betchiꞌbo. Intok inia
enchim jooneeꞌu betana weyeme, ka luꞌutekai. Intok inien,
juꞌu achai Lios, iniat net yoemꞌeaka, siꞌimeta wakaꞌa
enchim au bicha aꞌawaꞌuta, aapo enchim aꞌ bittuane.
\v 17 Iniꞌisan junaꞌa juꞌu in enchim aet sawekaꞌu, enchim
naas emo nak taꞌaaneeꞌuta.
\s Jumeꞌ inim bwiapo jiapsame, Jesujta intok jumeꞌ aamak eame, omta
\p
\v 18 ’Emeꞌe inim yoemrata betana iꞌan omtawakai, inia
betana juꞌuneene, cheꞌa bat nee juni su junuen am omtakaꞌpo.
\v 19 Enchim inien jumeꞌ inim ka Liojta taꞌaaka jiapsame
benasi enchim jiapsao, inimeꞌe inim jiapsame, bempoꞌim
naas emo eiyaꞌa benasia enchim eiyaa ean. Taa inepo
inim bempoꞌim nasuk ne enchim yeu puꞌala. Intok jiba
inia betchiꞌbo junameꞌe enchim omta. Bweꞌituk junuen
emeꞌe ka intok amemak eaka jiapsa.
\v 20 In emou teuwaakaꞌu emeꞌe waatinee: “Kaabe juꞌu
tekokame, aꞌ tekowa bepa cheꞌa eiyaatune”, ti jiakai.
Junameꞌe neu suasukai, ketchia enchim juniꞌi, inimeꞌe
omtaka emou suuane. Intok inimeꞌe, jukaꞌ in am majtakaꞌuta,
aꞌ nok jikkajisukai, ket inimeꞌe, jukaꞌ enchim am majtaꞌut
enchim jikkajine.
\v 21 Siꞌimeta inikaꞌa bempo emou yaꞌane, taa jiba enchim
nemak eaꞌ betchiꞌbo. Bweꞌituk bempo, jukaꞌ aꞌabo nee
bittuakamta ka aꞌ taꞌaakai.
\p
\v 22 ’Bempo tua kaita ka tuꞌika amet aukaꞌa benasi
bitꞌeewan, nee ka inim yepsaka intok ameu nokako. Taa
iꞌan inimeꞌe, Liojta bichapo, jukaꞌ ka tuꞌik bem yaꞌari
betana, kaitat jiawite machi.
\v 23 Bweꞌituk juꞌu nee omtame, iniꞌi ket jukaꞌ in yoꞌowata
omta.
\v 24 Inimeꞌe, tua kaita ka tuꞌika amet aukaꞌa benasia
bitꞌeewan, ame nasuk jukaꞌa, inim jabeta juniꞌi kee jee
aꞌ yaaka, inikaꞌa ka nee aꞌ yaako. Taa inimeꞌe inikaꞌa
jaibu aꞌ bitchuk. Intok aꞌ bitlataka juniꞌi, inimeꞌe
nee omta, intok ket junuen, jukaꞌ in yoꞌowata omta.
\v 25 Taa iniꞌi inien weye, bweꞌituk utteꞌa inikaꞌa nokita,
bem nesauri jiꞌojteimpo jiꞌojteita aꞌ chupneꞌpo: “Inimeꞌe,
tua kaita betchiꞌbo nee omtak”, ti jiꞌojteita.
\p
\v 26 ’Taa chukula, jukaꞌ yee aniaka intok yee jiapsi
joamta aꞌabo aꞌ yepsako, Liojta tuꞌu jiapsi, aapoꞌik betana
lutuꞌuriat yee juꞌuneetuaneeme, juꞌu in yoꞌowa betana
in emou bittuaneeꞌu, aapo, nee betana juꞌu lutuꞌuriat
yee juꞌuneetuane.
\v 27 Intok emeꞌe juniꞌi ketchia, inim nee betana jukaꞌ
lutuꞌuriata aꞌ teuwaane, bweꞌituk emeꞌe, inim tekilta
in aꞌ naatekaꞌpo naateka nemak aanek.
\c 16
\p
\v 1 ’Inikaꞌa weyemta nee emou teuwaa, junuen emou weenemta
betana ka enchim koꞌom eeneꞌ betchiꞌbo.
\v 2 Jum juriom teꞌopompo enchim lutuꞌuriakaꞌuta emeꞌe
aꞌ uꞌaatune. Intok kia taewai yumaꞌane, junak emo betana
senuk meꞌaakamta iniae Liojta betana tuꞌik aꞌ joaꞌa
benasi aꞌ eeneeo.
\v 3 Inikaꞌa yaꞌane, bweꞌituk inimeꞌe, jukaꞌ in yoꞌowata
intok nee juniꞌi, kee jee itom taꞌaakai.
\v 4 Inikaꞌa ne emou teuwaa, junuen, junak inikaꞌa taewaita
yumako, inia betana jaibu in emou noklatukaꞌu enchim
au waatineꞌ betchiꞌbo.
\s Jukaꞌ Liojta tuꞌu jiapsita inim aꞌ joaꞌu
\p ’Inikaꞌa nee ka sep naatelaapo naateka emou aꞌ teuwaak,
inepo emomak in anekaꞌ betchiꞌbo.
\v 5 Taa iꞌan inepo nee siime, junuen aman juꞌu aꞌabo
nee bittuakamtamak juchi an betchiꞌbo. Emo betana intok
tua kaabe neu nattemae jakun bichaa in simeꞌut.
\v 6 Ala emeꞌe, enchim siokaꞌu tua emot aayuk inikaꞌa
weyemta in emou aꞌ teuwaakaꞌ betchiꞌbo.
\v 7 Taa inikaꞌa lutuꞌuriataka nee emou aꞌ teuwaa, emo
betchiꞌbo cheꞌa juniꞌi tuꞌisi yeu weama in simneeꞌu.
Bweꞌituk junuen nee ka simeo, juꞌu, enchim aniaka intok
enchim jiapsi joame, aapo ka emou yebijne. Taa junuen
inepo aman siiko, emou inepo nee aꞌ bittuane.
\v 8 Junako, iniꞌi yepsako, inim jukaꞌ yoemrata, ka tuꞌik
aꞌ yaꞌariakaꞌu betana, inikaꞌa inia betana au aꞌ temaituane.
Intok Liojta betana inim tuꞌisi yee aꞌ jiapsi iꞌaꞌu,
inikaꞌa aꞌ ayukaꞌpo. Intok bempoꞌim, Liojta betana am
yaꞌuraa bittuanaaꞌut emo am temaituane.
\v 9 Iniꞌi yoemra, Liojta bichapo ka tuꞌik yaꞌari, bempoꞌim
ka nee sual taꞌaꞌ betchiꞌbo. Aapo iniat am juꞌuneetuane.
\v 10 Intok inimeꞌe, inim Liojta tuꞌisi yee jiapsi iꞌaꞌuta
inikaꞌa aꞌ ayukaꞌpo am mammatetuane. Bweꞌituk iꞌan inepo
juꞌu in yoꞌowata aneꞌu bicha ne siime. Intok emeꞌe inim
ka intok nee bitne.
\v 11 Intok inim Liojta yee yaꞌuraa bittuaneeꞌuta aꞌ
juꞌuneiyaane. Bweꞌituk juꞌu, jukaꞌ inim yoemrata kobaꞌika
aꞌ saweme, iniꞌi jaibu ka tuꞌisi au aꞌ chupneeꞌuta au
naꞌikiari.
\p
\v 12 ’Ketun tua juebenaka in emou etejoꞌeaꞌu aayuk
oꞌoben, taa iniat emeꞌe iꞌan ka a aet juꞌune ean.
\v 13 Chukula juꞌu Liojta tuꞌu jiapsi, lutuꞌuriat yee
juꞌuneetuame emou yepsako, iniꞌi siꞌime juꞌu nee betana
lutuꞌuria weyemtat enchim aet juꞌuneetuane. Bweꞌituk,
ka iniꞌi kia aꞌ eaꞌpo aman aꞌ tuꞌureeꞌut enchim juꞌuneetuaka
enchim noktuane, ala iniꞌi, siꞌimeta wakaꞌa Liojta betana
aꞌ jikkajaꞌut enchim juꞌuneetuane. Intok jiba aapo ket
juꞌu chukula yeu weenemtat enchim juꞌuneetuane.
\v 14 Iniꞌi, aapo in yoꞌorinaaꞌuta jiba waatakai, yee
aniane. Bweꞌituk aapo jukaꞌ nee betana lutuꞌuria weyemta,
ne tana aꞌ mabetaka, enchim aꞌ juꞌuneiyaatuane.
\v 15 Siꞌime juꞌu, jukaꞌ in yoꞌowata jipueꞌuta, ket inepo
aꞌ atteak. Inia betchiꞌbo san inepo, jukaꞌ Liojta tuꞌu
jiapsi, jukaꞌ nee betana weyemta ne tana aꞌ mabetaka,
intok inikaꞌa, ineponee aapoꞌik enchim aet aꞌ juꞌuneiyaatuaneꞌeti
jiiak.
\s Siokwamtat chaꞌaka, chukula alleewame aunee
\p
\v 16 ’Tua ka buꞌuuka beꞌee, inim ka intok enchim nee
bitneeo. Taa aet chukula, sep jeela, emeꞌe juchi nee bitne.
Bweꞌituk inepo nee, juꞌu in yoꞌowata jiapsaꞌu bicha nee
siime.
\p
\v 17 Junako jumeꞌ aꞌ majtim betana waate naas nau nattemaek:
\p ―Aapo: “Tua ka buꞌuuka beꞌee, itom ka intok aꞌ bitneeo,
intok aet chukula, sep jeela itom juchi aꞌ bitneꞌe”,
ti jiakai. Intok, “Inikaꞌa jiba aapoꞌik yoꞌowata aneꞌu
bicha aꞌ simeꞌu betchiꞌbo”, ti jiakai. Jaisa iniꞌi jiubaeka
inikaꞌa teuwaa.
\v 18 Jitasa iniae aapo teuwaa: “Ka buꞌuuka beꞌee”,
ti aꞌ jiaꞌue. Katte aet juꞌunea jitat aꞌ nokaꞌut ―ti
jiakai.
\p
\v 19 Jesus inimmet, bem au nattemaebaeꞌpo amet mammateka:
\p ―Ineponee emou inim: “Ka buꞌuuka beꞌee, enchim ka intok
nee bitneeꞌu intok chukula sep jeela juchi enchim nee
bitneeꞌu”, ti jiiak. Jaisa emeꞌe inia betana junuen
nau nattemae jaꞌani ―ti ameu jiiak―.
\v 20 Lutuꞌuriapo ne inen emou jiia, chukula emeꞌe bwanakai
intok tua siokne. Taa juꞌu inim yoemra inia betana tua
alleene. Taa inien emeꞌe tua ka alleakai juniꞌi, chukula
juꞌu enchim sioksi eaꞌu, iniꞌi, seej chukti emo betchiꞌbo
tua alleewame tuneekai.
\v 21 Jamut seenu, usibaeꞌeteko, junak iniꞌi ka alleene,
taewai, jiokot au aꞌ bitneeꞌuta aꞌ yumakaꞌ betchiꞌbo.
Taa iniꞌi, chukula, jukaꞌ ili usita yeu yebijsuko, iniꞌi,
jiokot au aꞌ bichakaꞌu ka au waatine, tua alleeakai, inim
ili usita yeu yoemtukaꞌpo juꞌuneakai.
\v 22 Ket jiba inieni iꞌan emeꞌe ka enchim alleaꞌu emot
aayuk. Taa chukula juchi nee enchim bitnee intok junako
emeꞌe tua yumaꞌisi enchim alleaꞌu emot aune. Iniꞌi alleewame
junuen, ka intok luꞌutineekai.
\p
\v 23 ’Junako inikaꞌa taewaita yumako, emeꞌe kaita intok
neu bicha aꞌ aꞌaune. Lutuꞌuriapo ne inen emou jiia, juꞌu
in yoꞌowa, siꞌimeta jukaꞌ iniat net yoemꞌeaka, au bicha
enchim aꞌawaꞌuta, aapo enchim aꞌ bittuane.
\v 24 Emeꞌe iꞌan tajtia, ka inien Liojtau enchim aꞌawaꞌuta
iniat net eaka aꞌ jooa. Inien emeꞌe aune, intok enchim
aꞌawaꞌuta emeꞌe aꞌ bitne, junuen tua yumaꞌisi enchim
alleeneꞌ betchiꞌbo.
\s Jesukrijto, jaisa inim jukaꞌ ka tuꞌik kobaꞌi
\p
\v 25 ’Siꞌime inika weyemta inepo nee jita taꞌabwiku
aꞌ tammachiaka emou aꞌ teuwaalaa. Taa chukula taewai
yumaꞌane, junako ka intok inien jita taꞌabwiku aꞌ tammachiaka
in emou nokneeo. Ala inepo junak, in yoꞌowa betana weyemta
machisi ne emou aꞌ teuwaane.
\v 26 Junako junakaꞌa taewaita yumako, emeꞌe jukaꞌ enchim
waataꞌuta, junaet net eaka, Liojtau bicha noknee. Ineponee
intok jaibu junaet in yoꞌowabeu ka enchim nokriane.
\v 27 Bweꞌituk jiba aapo juꞌu in yoꞌowa enchim nak taꞌaa,
jiba nee enchim nak taꞌaaka intok aapoꞌik Liojta betana
in aꞌabo yepsakaꞌpo junuen enchim aꞌ sualeꞌ betchiꞌbo.
\v 28 Lutuꞌuria, aman juꞌu in yoꞌowata jiapsaꞌu, aapoꞌik
betana ne yeu siika inim anbaekai. Taa iꞌani inepo nee
inim yeu simnee, juchi juꞌu aman in yoꞌowa mak anbaekai.
\p
\v 29 Junako jumeꞌ aꞌ majtim:
\p ―Iꞌan ala empo tua juꞌunakkiachisi itou nooka, intok
ka jita taꞌabwiku aꞌ tammachiakai.
\v 30 Iꞌani itepo juꞌunea, siꞌimekut tuꞌisi em juꞌuneaꞌu,
intok ka utteꞌa inia betana eu nattemainaaꞌu. Inia betchiꞌbo,
Liojta betana aꞌabo em yepsakaꞌpo itepo aꞌ suale ―ti
au jiiak.
\p
\v 31 Junak juꞌu Jesus inimmeu:
\p ―Junuen san, inikaꞌa jaisa emeꞌe lutuꞌuriapo aꞌ suale
jaꞌani ―ti ameu jiiak―.
\v 32 Bweꞌituk taewai yuuma, intok jiba iꞌan junaꞌa, junak
enchim weꞌepulaim, enchim atteau bicha enchim naꞌikimtuka
intok emeꞌe nee inepolaik toꞌo sakaꞌaneeo. Taa kannee
inepolai, bweꞌituk juꞌu in yoꞌowa nemak aane.
\v 33 Siꞌimeta inikaꞌa nee emou teuwaa junuen, net eaka,
yanti elaka enchim jiapsineꞌ betchiꞌbo. Inim bwiapo
utteꞌa, jiokot enchim emo bitneeꞌu. Taa emeꞌe ka jain
eene, bweꞌituk inepo, jumeꞌ inim nee bejeꞌeka aneme, inepo
nee am kobaꞌi.
\c 17
\s Jesus, jumeꞌ aꞌ majtim Liojtau bicha am nokria
\p
\v 1 Chukula inikaꞌa teuwaasukai, Jesus teekau jikau
bitchuka intok:
\p ―In yoꞌowa, taewai yumaꞌasuk ti jiiak. Jukaꞌ em yoemiata,
cheꞌa bepa aꞌ yoꞌorinaaꞌuta aet bit tebone, junuen jukaꞌ
em yoemiata, cheꞌa bepa em yoꞌorinaaꞌuta et aꞌ bit teboneꞌ
betchiꞌbo.
\v 2 Bweꞌituk jiba empo, jukaꞌ em yoemiata, siꞌime yoemra
inim jiapsame bepa aꞌ nesauneeꞌu, utteꞌata aet autualaa,
junuen siꞌime jumeꞌ au bicha em yeu puꞌakaꞌum, jiba yuu
jiapsiwamta aapoꞌik am bittuaneꞌ betchiꞌbo.
\v 3 Juꞌu jiba yuu jiapsiwamta bitwame intok, iniꞌi, enchi
jukaꞌ wepuꞌulaika tua lutuꞌuriapo Liojta, intok Jesukrijtota,
jukaꞌ aꞌabo em bittuakaꞌuta aꞌ taꞌeewame, junaꞌa.
\p
\v 4 ’Ineponee inim bwiapo enchi yoꞌoriwaka aet enchi
eiyaanaaꞌuta nee aꞌ yaꞌari. Intok inepo nee aꞌ chupaꞌi
jukaꞌ em nee aꞌ yaꞌaneꞌeti jiaka em nee tejwaakaꞌuta.
\v 5 Junuen san achai, bat naataka, aniata kee yeu aꞌ
machiao naateka, cheꞌa bepa yoꞌoriwaka emak in anekaꞌa
benasia, iꞌani, jiba junaen nee emak jiapsituane.
\p
\v 6 ’Jumeꞌ inim bwiapo jiapsame betana em neu bicha
yeu puꞌakaꞌum, inepo nee, em jabetukaꞌuta ne machisi am
juꞌuneetualaa. Inimeꞌe, empo am atteaka intok iꞌan empo
neu bicha am naꞌikialaa. Intok inimeꞌe, ee betana jukaꞌ
nok lutuꞌuriata, aꞌ nok jikkajilam.
\v 7 Iꞌan bempo juꞌunea, junuen siꞌimeta jukaꞌ em nee
aet aniaka, in yaꞌari, ee betana aꞌ weyeꞌu.
\v 8 Bweꞌituk inepo nee ee betana jukaꞌ nokta em nee
tejwaakaꞌuta, junakaꞌa nee am majtalaa. Bempo intok aꞌ
mabetlaa. Intok inimeꞌe lutuꞌuriapo ee betana inim in
yepsakaꞌuta, aꞌ juꞌuneiyaalaa. Intok em nee aꞌabo bittuakaꞌuta
aꞌ suallaa.
\p
\v 9 ’Inimeꞌe, inepo eu bicha nokria. Kannee jumeꞌ wate
inim bwiapo jiapsame nokria. Ala jumeꞌ neu bicha em
yeu puꞌarim nee nokria bweꞌituk empo am atteak.
\v 10 Siꞌimeta jukaꞌ in attea, empo nemak aꞌ atteak.
Intok siꞌimeta jukaꞌ em attea, inepo emak aꞌ atteak.
Intok iniat eiyaawaka in yoꞌorinaaꞌu neu aayuk.
\p
\v 11 ’Ineponee ka nee intok inim bwiapo tawane. Taa
bempo inim tawane. Inepo nee intok inim yeu siime aman
emak an betchiꞌbo. Empo in yoꞌowa, wepulsi tuꞌika et
ayukame, jumeꞌ neu bicha em yeu puꞌakaꞌum, jiba ee betchiꞌbo
am aniaka am suuane, junuen inimeꞌe yumaꞌisi nau eaka
bem jiapsineꞌ betchiꞌbo, jiba enchi nemak itom nau eaka
jiapsaꞌa benasia.
\v 12 Junako, inim bwiapo inepo amemak anekai, jumeꞌ neu
bicha em yeu puꞌakaꞌum, inepo ee betana em utteꞌae aniawaka
nee am suuaka, ka tuꞌik betana nee am aniasuk. Inimeꞌe
betana tua kaabe, jitat taꞌabwisi eaka, nee betana au
naꞌikimtek. Taa kia waꞌa jaibu bebejeꞌeritau au nenkilame
jiba, junuen aapoꞌik betana Liojta nok lutuꞌuriapo jiꞌojteita
aꞌ chupneꞌ betchiꞌbo.
\p
\v 13 ’Iꞌan nee inepo aman em aneꞌu bicha nee siime.
Taa nee ketun inim bwiapo anekai inikaꞌa nee teuwaa,
junuen bempoꞌim inien tua in alleaꞌuta, inikaꞌa tua yumaꞌisi
bem nemak aꞌ bitneꞌ betchiꞌbo.
\v 14 Bempoꞌim inimeꞌe inepo jukaꞌ ee betana nok lutuꞌuriata
nee am majtalaa. Taa jumeꞌ inim, ka emak eaka jiapsame,
inimeꞌe omta. Bweꞌituk bempo ka jumeꞌ inim jiapsammak
eaka jiapsa, jiba nee juniꞌi ka junamemak eaka in jiapsaꞌa
benasia.
\v 15 Inepo, kannee inim yeu em am nuk simneꞌ betchiꞌbo
ne eu bicha am nokria. Ala bebejeꞌerita betana em am
jinneꞌuneꞌ betchiꞌbo am nokriakai.
\v 16 Junuen, nee ka jumeꞌ inim jiapsammak eaka in jiapsaꞌa
benasia, bempo juniꞌi ket ka junamemak eaka jiapsa.
\v 17 Inimeꞌe juꞌu em nok lutuꞌuriat bempoꞌim juꞌuneetuaka,
iniae, wepulsi ee betchiꞌbo bem jiapsineeꞌut am ania.
Juꞌu ee betana nooki junaꞌa juꞌu lutuꞌuria.
\v 18 Jiba em jumeꞌ inim aniapo jiapsammeu, em nee bittuakaꞌa
benasia, junuen ket inepo, bempoꞌim nee jumeꞌ inim jiapsammeu
am bittualaa.
\v 19 Intok inepo jiba bempoꞌim betchiꞌbo nee wepulsi
em nee yaa iꞌaꞌuta aꞌ yaꞌabaeka nee eu ino suꞌu toja
junuen bempoꞌim ket, tua lutuꞌuriapo, inien wepulsi eu
emo suꞌu tojineꞌ betchiꞌbo.
\p
\v 20 ’Taa nee ka bempoꞌim betchiꞌbo jiba ne eu bicha
nooka, taa ketchia wameꞌe cheꞌa chukula, jiba bempoꞌim
nee betana ameu nokneeꞌue, nee sualneeme betchiꞌbo.
\v 21 Siꞌimem inimeꞌe yumaꞌisi nau eaka bem jiapsineꞌ
betchiꞌbo, ne eu nooka. In yoꞌowa, jiba enchi nemak itom
nau eaka jiapsaꞌa benasia, bempoꞌim itomak wepuꞌulai
benasi bem jiapsineꞌ betchiꞌbo. Inien bem jiapsaꞌ betchiꞌbo,
jumeꞌ watem inim jiapsame, em aꞌabo nee bittuakaꞌuta
aꞌ sualneꞌ betchiꞌbo.
\v 22 Inepo inimeꞌe, jiba junakaꞌa tua eiyaawatchika
weyemta, ee betana in mabetri, ineponee am bittualaa.
Junuen, wepulsi nau eaka bem jiapsineꞌ betchiꞌbo, enchi
nemak itom nau eaka jiapsaꞌa benasia.
\v 23 Inepo, ka bittaka ne amet jiapsakai, empo intok
ket net jiapsakai. Junuen beja inimeꞌe tua yumaꞌisi
bem nau eaka jiapsineꞌ betchiꞌbo. Intok junuen jiba
inia betchiꞌbo juꞌu inim yoemra, em nee aꞌabo bittuakaꞌuta,
a bem aꞌ mammateneꞌ betchiꞌbo. Intok ket tua em nee
nakeꞌe benasia, em am nakeꞌuta.
\p
\v 24 ’In yoꞌowa, inimeꞌe, empo neu bicha am naꞌikiari.
Intok inimeꞌe, inepo jiba jum in anneeꞌu nemak am an
iꞌa. Junuen inimeꞌe aman, jukaꞌ cheꞌa bepa eiyaawatchika
ujyoriata em net autuarita, bem aꞌ bitneꞌ betchiꞌbo.
Bweꞌituk empo, inim aniata kee aꞌ juꞌunaktewao naateka,
empo nee nak taꞌaalaa.
\v 25 In yoꞌowa, wepulsi aꞌ lutuꞌuriatukaꞌpo aman yee
yaꞌuraa bittuame, eu nee nooka. Jumeꞌ inim bwiapo jiapsame
ka enchi taꞌaa. Taa inepo nee, ala enchi taꞌaa. Intok
inimeꞌe in majtim, aꞌabo em nee bittuakaꞌut juꞌunea.
\v 26 Inimeꞌe, inepo tua em jabetukaꞌut, nee machisi et
am juꞌuneetualaa. Intok ketun naa buustia nee inim enchi
juꞌuneiyaa tebone. Junuen em nee nak taꞌaꞌa benasia,
bempoꞌim ket a emo nak taꞌaaneꞌ betchiꞌbo. Intok ket
junuen jiba nee juniꞌi, ka bittaka in amet jiapsineꞌ
betchiꞌbo.
\c 18
\s Jesus, bwijritaka, nasuk weiyaawa
\p
\v 1 Chukula aapo inikaꞌa teuwaasukai, juꞌu Jesus jumeꞌ
aꞌ majtimmak yeu siika, junuen jakia Setroon teamta beas
anbaekai. Junamaꞌa wajpo juyam tatakaka echitukan. Inim
Jesus aꞌ majtimmak ama yepsak.
\v 2 Ket juꞌu Juuraj teame, juꞌu yeu aꞌ bwijneeme, aapo
junamaꞌa juyam echipo taꞌaan. Bweꞌituk juꞌu Jesus, jumeꞌ
aꞌ majtimmake juebenasi junama aꞌanen.
\v 3 Junuen san juꞌu Juuraj teame junama yepsak, juebena
sontaaom weiyaakai, intok waate, jumeꞌ teꞌopopo yee suuatuawammake.
Inimeꞌe, jumeꞌ teꞌopopo tekiakammeu yoꞌowem betana intok
jumeꞌ paiseeom betana aman bittuarimtakai. Inimeꞌe, tettebem
kukucheꞌeka intok mampo tachiriam weiyaaka kaaten.
\v 4 Taa juꞌu Jesus, siꞌimeta jukaꞌ au yeu weenemta betana
jaibu juꞌuneakai, yeu sikaa, intok inimmeu:
\p ―Jabetasa emeꞌe jaiwa ―ti ameu nattemaek.
\p
\v 5 Bempo:
\p ―Jukaꞌ Jesujta, Nasaret teaꞌpo jometa ―ti aꞌ yoopnak.
\p Juꞌu Jesus intok:
\p ―Ineponee junaꞌa ―ti ameu jiiak.
\p Juꞌu Juuraj teame, juꞌu aapoꞌik yeu bwisekame ket inimeꞌemak
ama weaman.
\v 6 Jukaꞌ Jesujta: “Ineponee junaꞌa”, ti ameu aꞌ jiako,
inimeꞌe amau rukteka intok bwiau koꞌom toꞌotek.
\v 7 Junak intok juꞌu Jesus juchi:
\p ―Jabetasa emeꞌe jaiwa ―ti ameu nattemaek.
\p Bempo intoko:
\p ―Jukaꞌ Jesujta, Nasaret teaꞌpo jometa ―ti jiiak.
\p
\v 8 Junak juꞌu Jesus:
\p ―Jaibu su ne enchim tejwaasuk in junaꞌatukaꞌpo. Emeꞌe
nee jaiwaꞌateko, inimeꞌe nemak rejteme am sakaꞌatuane
―ti ameu jiiak.
\p
\v 9 Iniꞌi inien tuk, jiba aapoꞌik Jesujta, juꞌubwa jeela:
“Jumeꞌe, in yoꞌowata neu bicha yeu aꞌ puꞌakaꞌum betana,
tua kaabe, jitat taꞌabwisi eaka, nee betana au naꞌikimtek”,
ti aꞌ teuwaakaꞌuta, junuen aꞌ chupneꞌ betchiꞌbo.
\v 10 Junak juꞌu Simoo Peeoꞌo teame, iniꞌi, tebem sisiꞌiwook
kucheꞌekame, yeu am wikeka intok senuk, Malkoꞌ teaka, juꞌu
teꞌopopo tekiakammeu yoꞌota saweꞌuta, inikaꞌa batatana
naka chukti aꞌ beebak.
\v 11 Taa Jesus, juꞌu Peotau:
\p ―Jumeꞌ kuchiꞌim, em yeu am wikekaꞌpo am ketcha. Inien,
jukaꞌ in yoꞌowata, jiokot nee ino aꞌ bit iꞌao utteꞌatune,
inien tua jiokot in ino bitneeꞌu ―ti au jiiak.
\s Jesus, juꞌu teꞌopopo tekiakammeu cheꞌa yoꞌoweta bichapo aane
\p
\v 12 Junak jumeꞌ sontaaom yeu puꞌarim, juꞌu ameu weyekamtamake,
intok jumeꞌ teꞌopopo yee suuatuawame, inimeꞌe, Jesujta
bwiseka intok aꞌ sumaka,
\v 13 chukula ket, bempo cheꞌa bat juꞌu Anaj teamta kariu
aꞌ tojak. Jukaꞌ Anaj teamta, juꞌu Kaipaaj teame aꞌ aseꞌebwakan.
Iniꞌi juꞌu junae wasuktiat ama teꞌopopo tekiakammeu
cheꞌa yoꞌotukaꞌu.
\v 14 Iniꞌi Kaipaaj teame jiba junaꞌatukan, juꞌu juriommeu:
“Siꞌime jurio yoemrata betchiꞌbo, wepuꞌulaik aꞌ mukneeꞌpo
aman, bempoꞌim betchiꞌbo cheꞌa aꞌ tuꞌineeꞌuta”, ti aꞌ
teuwaakame.
\s Jukaꞌ Peota, Jesujta ka au aꞌ taꞌaꞌati aꞌ jiakaꞌpo
\p
\v 15 Simoo Peeoꞌ teame intok senu Jesujta majti, inimeꞌe
Jesujtat chaꞌaka kaaten. Iniꞌi senu Jesujta majti, junamaꞌa
teꞌopopo tekiakammeu yoꞌota betana taꞌeewan. Junuen
san iniꞌi, Jesujta mak junamaꞌa yoꞌota kariu bicha, jitae
bat kora yaꞌariu aman kibakek.
\v 16 Taa juꞌu Peeo, junamaꞌa aman kikkimuwaꞌpo, paꞌaria
tana taawak. Inien san juꞌu senu majti, juꞌu teꞌopopo
tekiakammeu yoꞌota betana taꞌeewame, iniꞌi yeu sika intok
jukaꞌ jamutta, aman kikkimuwaꞌpo yee suuamta, aꞌ tejwaaka,
jukaꞌ Peota aman kibachak.
\v 17 Junak juꞌu jamut, aman kikkimuwaꞌpo aꞌ suuatuawame,
Peotau:
\p ―Jaisa empo ka junaꞌa ketchia, inia oꞌouta betana senu
aꞌ majti jaꞌani ―ti au nattemaek.
\p Juꞌu Peeo intok:
\p ―Eꞌe, ka inepo junaꞌa ―ti aꞌ yoopnak.
\p
\v 18 Junamaꞌa sebekai, jumeꞌ junamaꞌa jitaa suuame, intok
jumeꞌ tekoka ama sawame, nayaka, oubammeu jaꞌabweka sukawen.
Juꞌu Peeo ket junamaꞌa amemak oubammeu weyeka sukawen.
\s Jukaꞌ teꞌopopo cheꞌa yoꞌota, Jesujta aꞌ temaeꞌpo
\p
\v 19 Juꞌu teꞌopopo tekiakammeu cheꞌa yoꞌowe, Jesujtau
nattemai taitek, jabem aꞌ majtimtukaꞌummet intok aapoꞌik
jukaꞌ junen yee aꞌ majtaꞌu betana.
\v 20 Iniau juꞌu Jesus:
\p ―Inepo nee inim siꞌimem aneꞌebichapo yeteu nonoksuk.
Intok jum juriom teꞌopompo, intok inim bweꞌu teꞌopopo,
siꞌime jumeꞌ juriom nau emo totojaꞌpo jiba aneka nee
yee majtasuk. Junuen san kaita nee etbwa teuwaalaa,
\v 21 jaisaaka empo neu su nattemae. Jumeꞌ nee jikkajilammeu
nattemainee intok bempo elaꞌpo aꞌ teuwaanee jukaꞌ in
am majtalatukaꞌuta. Bempo tuꞌisi juꞌunea jukaꞌ in ameu
noklatukaꞌuta ―ti au jiiak.
\p
\v 22 Junak Jesujta inien jiako, junama teꞌopopo yee
suuame betana, senu ama aneme, pujbat aꞌ chochonaka intok:
\p ―Kat juꞌu teꞌopopo tekiakammeu cheꞌa yoꞌotau junuen
jiia ―ti au jiiak.
\p
\v 23 Juꞌu Jesus inikaꞌa inen yoopnak:
\p ―Ka tuꞌik nee teuwaariako, junae betana aꞌ teuwaane.
Taa jukaꞌ in teuwaarita aꞌ tuꞌireako, jaisaaka empo nee
chona ―ti au jiakai.
\p
\v 24 Junak juꞌu Anaas, aapoꞌik sumaꞌita, Kaipaaj teamtau,
juꞌu teꞌopopo tekiakammeu cheꞌa yoꞌotau aꞌ bittuak.
\s Jukaꞌ Peota, juchi weeꞌpo, Jesujta ka au aꞌ taꞌaꞌati aꞌ jiakaꞌpo
\p
\v 25 Juꞌu Peeo ketun junamaꞌa tajimmeu weeka sukawen.
Iniau intok:
\p ―Jaisa empo ka junaꞌa, juꞌu inia oꞌouta betana majti
jaꞌani ―ti au jiuwak.
\p Peeo intok:
\p ―Eꞌe, ka inepo junaꞌa ―ti jiiak.
\p
\v 26 Junak intok seenu, jukaꞌ teꞌopopo tekiakammeu cheꞌa
yoꞌota tekokame, iniꞌi juꞌu seenu, Peota naka chukti aꞌ
bebakaꞌuta aꞌ wawaekame, aapo Peotau:
\p ―Jaisa nee ka enchi jum juya etripo aamak bichak jaꞌani
―ti au jiiak.
\p
\v 27 Juꞌu Peeo, juchi ka au aꞌ taꞌaa ti jiaka nookak.
Junamaꞌa intok sep, totoi oꞌowia kukussuk.
\s Jukaꞌ Jesujta, Pilaatotau yeu aꞌ tojiwakaꞌpo
\p
\v 28 Junak intok juꞌu Jesus, Kaipaaj teamta kari aꞌ
katekaꞌa betana, aman juꞌu kobanaaota bweꞌu kariu nuꞌupawak.
Junamaꞌa jaibu matchun. Jumeꞌ juriom intok junaman bweꞌu
kariu ka aman kiimuk. Inimeꞌe, Liojta junuen bem aꞌ yoꞌoreeꞌut,
junuen ayuka Liojta bichapo ka tuꞌik emo yaꞌa machiakai.
Intok junuen, Liojta yoꞌori betchiꞌbo, kupteo, bwala jissobata
bem bwaꞌeeꞌuta, ka a emo aꞌ bwaꞌaneꞌeti eakai.
\v 29 Inia betchiꞌbo juꞌu kobanao Pilaatoꞌ teame, paꞌakun
yeu siika junuen ameu nokbaekai. Intok aapo inimmeu:
\p ―Jitat sa emeꞌe inikaꞌa oꞌouta aꞌ naꞌatejo ―ti ameu
jiiak.
\p
\v 30 Bempo, inikaꞌa:
\p ―Ka tuꞌik ka aꞌ yaꞌariako, itepo ka eu aꞌ toji ean ―ti
aꞌ yoopnak.
\p
\v 31 Junak juꞌu Pilaato:
\p ―Emeꞌe aꞌ nuk sajaka intok jiba enchim jachin nesaweꞌpo
aman aꞌ yaꞌuraa bittuane ―ti ameu jiiak.
\p Jumeꞌ juriom intok:
\p ―Taa itepo jumeꞌ juriom, ka iniau lutuꞌuriak, senuk aꞌ
meꞌetuneeꞌut itom aet nesauneꞌ betchiꞌbo ―ti au jiiak.
\p
\v 32 Junuen chupuk juꞌu, aapoꞌik Jesujta, tua jachin
weyeka aꞌ mukneeꞌu betana aꞌ teuwaariakaꞌuta.
\v 33 Pilaato, jum bweꞌu kariu wajiwa juchi aman kibakeka,
Jesujtau chaai teboka intok:
\p ―Jaisa empo junaꞌa jaꞌani, juꞌu, jurio yoemratau cheꞌa
yoꞌo yaꞌari ―ti au nattemaek.
\p
\v 34 Jesus intok iniau:
\p ―Inikaꞌa inia betana nattemaekai, jaisa empo kia emo
aꞌ juꞌuneiyaaka aꞌ nattemae jaꞌani, inikaꞌa inim in cheꞌa
yoꞌo yaꞌari tukaꞌu, oo watem betana aꞌ jikkajilatakai
―ti au jiiak.
\p
\v 35 Pilaato juꞌu kobanaao aꞌ yoopnak:
\p ―Ineponee ka jurio. Juꞌu inim ele benasi jurio yoemra
intok jumeꞌ teꞌopopo tekiakammeu yoꞌowe, inimeꞌe junen
enchi aꞌabo neu tojak. Jitasa empo yaꞌari ―ti au jiiak.
\p
\v 36 Junak juꞌu Jesus:
\p ―Cheꞌa yoꞌotaka in nesauneeꞌu, ka iꞌan inim junaꞌa.
Nee junuen inim nesaweo, junak jumeꞌ nemak eaka rejteme,
nassua ean, junuen, juriommeu ka in suꞌu tojinaꞌ betchiꞌbo.
Taa cheꞌa yoꞌotaka in nesaweꞌu, ka iꞌan inim junaꞌa ―ti
aꞌ yoopnak.
\p
\v 37 Pilaato intok:
\p ―Junak su, jaisa empo lutuꞌuriapo junaꞌa jaꞌani, juꞌu
cheꞌa yoꞌo yaꞌari ―ti au nattemaek.
\p Jesus inikaꞌa:
\p ―Ineponee junaꞌa juꞌu cheꞌa yoꞌo yaꞌari, jiba em aꞌ
teuwaꞌa benasia. Ineponee inim yoemtuk, intok inepo jukaꞌ
lutuꞌuriata juꞌuneiyaa tebobaekai nee inim aꞌabo yepsak.
Siꞌime jumeꞌe, jukaꞌ lutuꞌuriata boꞌo jooriaka jiapsame,
inimeꞌe, jukaꞌ in teuwaaꞌuta aꞌ jikkajine ―ti aꞌ yoopnak.
\p
\v 38 Juꞌu Pilaato aapoꞌiku:
\p ―Jitasa intok junaꞌa, iniꞌi lutuꞌuria ―ti au jiiak.
\s Jesus, aꞌ meꞌetuneꞌ betchiꞌbo aet nesawa
\p Inien au nattemaisuka juꞌu Pilaato juchi yeu siika,
jumeꞌ juriommeu nokbaekai. Intok junammeu:
\p ―Kaita ka tuꞌik nee inia oꞌoutat teu machi ―ti jiiak―.
\v 39 Taa emeꞌe au joiwalataka jiba junuen aꞌ bibicha,
chikti bwala jissuꞌawaka pajko taewaitchi, seenuk etaꞌita
in emou aꞌ suꞌu tottojamta. Junak su, jaisa emeꞌe jukaꞌ
juriommeu cheꞌa yoꞌo yaꞌarita nee aꞌ suꞌu toji iꞌa jaꞌani
―ti ameu jiiak.
\p
\v 40 Junako siꞌime juchi chaai japtek:
\p ―Ka junukaꞌa suꞌu tojine. Ala jukaꞌ Barabaaj teamta
suꞌu tojine ―ti jiakai.
\p Iniꞌi Barabaaj teame intok jita etbwawamta tuꞌuren.
\c 19
\p
\v 1 Junako juꞌu Pilaato, jukaꞌ Jesujta, sep tua jiokot
maisi aꞌ bepsu tebok.
\v 2 Jumeꞌ sontaaom intok, juya wichakamta nat koꞌelaa
yaaka, Jesujta kobat aꞌ yechak. Kutko sikiim intok aꞌ
supetuak.
\v 3 Chukula inimeꞌe, au rukteka:
\p ―Ketchi allea, empo jurio yoemratau cheꞌa yoꞌo yaꞌari
―ti au jiiak.
\p Intok inimeꞌe, pujbat aꞌ chonan.
\p
\v 4 Junako juꞌu Pilaato juchi yeu sika intok junammeu:
\p ―Akeꞌem aꞌ bicha. Inim ne yeu aꞌ tojilaa junuen enchim
juꞌunee iꞌakai jukaꞌ ka tuꞌik, kaita in aet tetteaꞌpo
―ti ameu jiiak.
\p
\v 5 Jesus intok aman yeu siika, jukaꞌ juyata wichakamta
nat koꞌelaisi yaꞌarita, kobat jipuekai intok jumeꞌ kutko
sikiim supe simekai. Junak juꞌu Pilaato:
\p ―Iniꞌi junaꞌa, juꞌu oꞌou ―ti ameu jiiak.
\p
\v 6 Junak jumeꞌ teꞌopopo tekiakammeu yoꞌowe intok jumeꞌ
teꞌopopo yee suuatuawame aꞌ bichaka:
\p ―Kuuset aꞌ popon tebone, kuuset aꞌ popon tebone ―ti chaai
japtek.
\p Junak juꞌu Pilaato inimmeu:
\p ―Emeꞌe aꞌ weiyaaka intok junuen kuuset aꞌ poponnee
ma. Bweꞌituk ineponee tua kaita ka tuꞌik aapoꞌikut tettea
―ti ameu jiiak.
\p
\v 7 Taa inimeꞌe juriom aapoꞌiku:
\p ―Itepo te inim itom ae nesaweeꞌuta aꞌ jipue. Intok
inia nesauripo aꞌ jiaꞌa benasia aꞌ mukneeꞌuta au chupne.
Bweꞌituk iniꞌi, Liojta betana aꞌ yoemiaritukaꞌa benasi
au taꞌaa tebon ―ti au jiiak.
\p
\v 8 Inikaꞌa juꞌu Pilaato jikkajaka, cheꞌa juniꞌi majaek.
\v 9 Aapo juchi weeꞌpo junama bweꞌu kariu bicha kibakeka
intok aapo Jesujtau:
\p ―Jakunsa empo joome ―ti au jiiak.
\p Taa juꞌu Jesus kaita aꞌ yoopnak.
\p
\v 10 Junak juꞌu Pilaato:
\p ―Nee empo kaita yoopnabae jaꞌani. Jaisa empo ka juꞌunea
jaꞌani, kuuset enchi popon tebo betchiꞌbo, intok ketchia,
enchi suꞌu toji tebo betchiꞌbo juniꞌi, in a nesaweꞌu
―ti au jiiak.
\p
\v 11 Juꞌu Jesus inikaꞌa:
\p ―Tua kaita empo yoꞌotaka em net a nesauneeꞌuta jipuꞌu
ean, Liojta betana ka aꞌ maktuko. Inia betchiꞌbo, waꞌa,
nee eu tojakame, cheꞌa juniꞌi ee bepa ka tuꞌik yaꞌari
―ti aꞌ yoopnak.
\p
\v 12 Jiba inim naatekai juꞌu Pilaato, jatchin juniꞌi
ayuka, Jesujta aꞌ suꞌu tojibaeka ean. Taa jumeꞌ juriom:
\p ―Inikaꞌa empo yeu suꞌu tojako, jukaꞌ cheꞌa yoꞌo yaꞌarita
Sesar teamta, empo aꞌ bejeꞌeka annee. Inim jabetaka juniꞌi,
aapo cheꞌa siꞌimem bepa au yoꞌo joobaeme, iniꞌi jukaꞌ
Sesar teamta, jum Romapo cheꞌa yoꞌotaka katekamta aꞌ
bejeꞌeka annee ―ti aet chaaek.
\p
\v 13 Junak juꞌu Pilaato, inikaꞌa jikkajaka, Jesujta paꞌakun
yeeu aꞌ toji teboka, intok aapo, jum yoꞌo yaꞌarim yeyesaꞌpo
yejtek. Ebreo nokpo Kabaataꞌ teaꞌpo. Iniꞌi nooki, bwiapo
teta chitta chibelai, ti jiubae.
\v 14 Inimiꞌi jaibu senu taewai beꞌeen, Liojta yoꞌori
betchiꞌbo bwala jissuꞌuawaka, pajkota weeneeo. Jaibu
jumak luula yejteo. Junak juꞌu Pilaato, jumeꞌ juriommeu:
\p ―Inim aane juꞌu, emou cheꞌa yoꞌo yaꞌari ―ti ameu jiiak.
\p
\v 15 Taa bempo:
\p ―Meꞌetune, meꞌetune, kuuset aꞌ popon tebone ―ti chaaen.
\p Juꞌu Pilaato inimmeu:
\p ―Jaisa inepo inikaꞌa emou yoꞌo yaꞌarita kuuset aꞌ popon
tebonee jaꞌani ―ti ameu nattemaek.
\p Taa jumeꞌ teꞌopopo tekiakammeu yoꞌowe:
\p ―Itepo kaabeta intok taꞌabwik cheꞌa itou yoꞌo yaꞌarita
te aꞌ jipue, wakaꞌa jum bweꞌu joꞌara Romaꞌ teaꞌpo yoꞌotaka
katekamta jiba ―ti aꞌ yoopnak.
\p
\v 16 Junak juꞌu Pilaato ameu aꞌ suꞌu tojak junuen kuuset
aꞌ popontuneꞌ betchiꞌbo.
\p Bempo intok yeu aꞌ nuk sajak.
\s Jum kuuset aꞌ popontukaꞌpo
\p
\v 17 Junuen juꞌu Jesus yeu siika, jukaꞌ kuujta puꞌatekai.
Junuen, jum ili kawi Mukia kobaꞌ teaꞌu yebijneekai. Ebreo
nokpo Kolkotaꞌ teaꞌu.
\v 18 Junamaꞌa, aapo kuuset popontuk. Intok aapoꞌiku
mak ket woika kuusimmet jikat poponwak, aapoꞌik kechaꞌawakaꞌpo
nau bicha, Jesujta nasuk tawaakai.
\v 19 Juꞌu Pilaato, jiꞌojteita kuuset bepa jikat aꞌ popon
tebok: “Jesus, Nasaret teaꞌpo joome, juriommeu cheꞌa
yoꞌo yaꞌari”, ti jiamta.
\v 20 Jumeꞌ juriom betana juebenaka inikaꞌa ama jiꞌojteita
nookak. Bweꞌituk jum Jesujta kuuset aꞌ poponwakaꞌpo,
bweꞌu joꞌarau ka mekkaekan. Iniꞌi jiꞌojtei intok, ebreeo
nokpo intok rieeko nokpo intok latin nokpo jiꞌojteitukan.
\v 21 Inia betchiꞌbo juriom betana jumeꞌ teꞌopopo tekiakammeu
yoꞌowe, inimeꞌe Pilaatotau:
\p ―Inikaꞌa ka junuen: “Juriommeu cheꞌa yoꞌo yaꞌari”,
ti aꞌ jiꞌojtene. Ala empo: “Iniꞌi, juꞌu juriommeu cheꞌa
yoꞌo yaꞌari ti au teuwaame”, ti jiꞌojtene ―ti au jiiak.
\p
\v 22 Taa juꞌu Pilaato, inimeꞌe:
\p ―Juꞌu in jiꞌojtekaꞌu junuen tawane ―ti am yoopnak.
\p
\v 23 Chukula jumeꞌ sontaaom, Jesujta kuuset aꞌ poponsuka,
aꞌ tajoꞌoriwata nuꞌuka intok naikisi nat aꞌ naꞌikimtek,
inikaꞌa bempoꞌim weꞌepulaim betchiꞌbo. Bempo ket, jumeꞌ
tebe tajoꞌorim bepa aꞌ jinekaꞌum, am nuꞌuka. Inimeꞌe
intoko, ka jak nau am jiꞌikritukaꞌ betchiꞌbo, jikat koꞌom
tajti wepuꞌulaikai,
\v 24 jumeꞌ sontaaom:
\p ―Katte am siutane ―ti nau jiiak―. Ala te amet nau jaꞌatek
tuꞌinee junuen jabeta amemak aꞌ tawaaneeꞌut juꞌunee
betchiꞌbo ―ti nau jiiak.
\p Inien chupuk waꞌa bat naataka jum Liojta betana jiꞌosia
jiꞌojteimpo: “Inimeꞌe, jukaꞌ in tajoꞌori nat naꞌikimtek,
aet nau jaꞌatekai”, ti aꞌ jiakaꞌpo. Inien, inikaꞌa junen
yaak jumeꞌ sontaaom.
\p
\v 25 Junamaꞌa kuuseu, Jesujta aet poponiu, Jesujta ae
intok aꞌ aewata akkoowa, intok Maria, Kleeopaj teamta
jubiawa, intok Maria Maareenaꞌ teame ama aanen.
\v 26 Juꞌu Jesus, aꞌ malawata intok wakaꞌa aꞌ majtita,
tua aꞌ nakeꞌuta ae naapo weyekamta bichakai, aꞌ aebeu:
\p ―Juꞌu eu weyekame, em yoemiatune ―ti au jiiak.
\p
\v 27 Chukula ket juꞌu aꞌ majtibeu:
\p ―Inikaꞌa eu weyekamta, empo aek ―ti au jiiak.
\p Intok junamaꞌa naateka, iniꞌi majti, aapoꞌik joꞌau aꞌ
joꞌaneꞌ betchiꞌbo aꞌ mabetak.
\s Jum Jesujta jaisa aꞌ mukukaꞌpo
\p
\v 28 Iniat chukula juꞌu Jesus junuen jukaꞌ aꞌ yaꞌaꞌeaꞌuta
siꞌimeta jaibu aꞌ chupsukaꞌut juꞌuneakai, jukaꞌ jum Liojta
betana jiꞌosia jiꞌojteimpo jiꞌojteita aꞌ chupneꞌ betchiꞌbo:
\p ―Baꞌae ne muuke ―ti jiiak.
\p
\v 29 Junamaꞌa ili sotoꞌi, binaakreꞌ teamtae tapunika
ama manekan. Junak intok junameꞌe, junamaꞌa, baꞌata nunuꞌemta,
ejponjaꞌ teamta komoniaka, tebe kuta, isoopoꞌ teamtat
aꞌ chayaka intok jikau, teniu au aꞌ noitak.
\v 30 Jesus inikaꞌa binaakreta jeꞌeka, chukula aapo:
\p ―Jaibu siꞌime chupsuk ―ti jiiak.
\p Junak intok aapo, koꞌom kobateka, muukuk.
\s Jum, senu sontaota, tebe kuta bwawik jipuemtae, sanaꞌita betuk aꞌ soakaꞌpo
\p
\v 31 Inimiꞌi wepul taewai jiba beꞌeen, bwala jisuawaka
pajkota weeneꞌ betchiꞌbo, jumeꞌ juriom intok, jumeꞌ takaam
ka kuusimmet aet yum joꞌe taewait am tawaa iꞌan. Bweꞌituk
junaꞌa aet yum joꞌe taewai, tua beja yoꞌoriwaka eiyaawan.
Inia betchiꞌbo bempo, Pilaatotau nookak, jumeꞌ kuuset
chaꞌakame, aapoꞌik am wok kotta teboneꞌ betchiꞌbo, intok
junuen inimeꞌe lauti kokoka, inimeꞌe, bem takaam junama
bem koꞌom joꞌanaꞌ betchiꞌbo.
\v 32 Junako jumeꞌ sontaaom aman sajaka, intok bempo
junaman jumeꞌ woika aman kuusimmet popontukame, inimeꞌe
nanancha nau bicha wokim am kottariak. Jumeꞌ Jesujta
mak ama popontukame.
\v 33 Taa inimeꞌe, Jesujtau japtekai, jaibu mukiata bichaka
intok inia betchiꞌbo ka aꞌ wok kottak.
\p
\v 34 Taa jumeꞌ sontaaom betana, seenu, aapoꞌik tebe kuta
sisiꞌiwookta bwawiakamtae, sanaꞌita betuk aꞌ soꞌak. Inim
intok sep, ojbo baꞌamak ama yeu siika.
\v 35 Juꞌu inikaꞌa inim aꞌ teuwaame, iniꞌi aꞌ bichak.
Intok iniꞌi lutuꞌuriata nooka. Aapo, lutuꞌuriata aꞌ nokaꞌapo
juꞌunea, intok aapo inikaꞌa teuwaa, junuen ket enchim
aꞌ sualneꞌ betchiꞌbo.
\v 36 Bweꞌituk iniꞌi inien yeu sikame inien tuk, junuen,
Liojta betana jiꞌosia jiꞌojteimpo: “Iniꞌi, ota wepuꞌulaik
juniꞌi, ka aꞌ kottarianaa”, ti jiamta aꞌ chup betchiꞌbo.
\v 37 Omot intok ket, Liojta betana jiꞌosia jiꞌojteimpo:
“Bempo, wakaꞌa takaata bem soꞌakaꞌuta, aꞌ bitne”, ti
jiia.
\s Teta wojoꞌoku Jesujta tekwakaꞌpo
\p
\v 38 Iniat chukula juꞌu Joseeꞌ teame, waꞌa ili joꞌara
Arima teaꞌati teakaꞌu joꞌaakame, iniꞌi, Pilaatotau nookak,
jukaꞌ Jesujta takaawata aꞌ weiyaabaekai. Iniꞌi Josee,
Jesujta mak eaka aꞌ sualen, junuen aapo ka au juꞌuneiyaa
teboika juniꞌi, jumeꞌ juriom aꞌ majjaeꞌ betchiꞌbo. Inikaꞌa,
Pilaato aꞌ nok mabetak. Juꞌu Josee intok aman siika
jukaꞌ Jesujta takaata aꞌ nuꞌu betchiꞌbo.
\v 39 Ketchia juꞌu Nikoreemoꞌ teame, iniꞌi bat naataka
tukaapo Jesujta mak etejokame, iniꞌi, senu taka ama woj
mamni kiilom betteakamta, miiraꞌ teamta intok alooej
teamta nau kuutik aman au aꞌ nuꞌupak.
\v 40 Junuen san iniꞌi Josee intok juꞌu Nikoreemo, bempo
jukaꞌ Jesujta takaata toboktaka intok bempo, tajoꞌorim,
tettebesi yeu woꞌotim, iniae nau kuutia win jubasi yaꞌarimmea
aꞌ biijtak, inikaꞌa, jumeꞌ juriom jumeꞌ kokolam maꞌa betchiꞌbo,
bem aꞌ joaꞌa benasia ayukai.
\v 41 Junamaꞌa, jum Jesujta kuuset poponwakaꞌanaapo, ujyoisi
juya etritukan, intok jiba inim, yee maꞌa betchiꞌbo, tetapo
wojoꞌoriata bemelasi yaꞌatukan, kee jabeta ama maꞌawakai.
\v 42 Junamaꞌa bempo aꞌ teekak jukaꞌ Jesujta takaata.
Bweꞌituk iniꞌi tetapo wojoꞌoriata yaꞌari, junama ka mekkaakai.
Intok junamaꞌa jumeꞌ juriom jukaꞌ aet yum joꞌe betchiꞌbo
taewaita jaibu abe aꞌ naateꞌ betchiꞌbo.
\c 20
\s Kokolam nasuk, Jesujta aꞌ jiabijtekaꞌpo
\p
\v 1 Lominkot, semaanata aet naateo, juꞌu Maria Maareenaꞌ
teame, tua ketwoo, jum tetapo wojoꞌoriata yaꞌariu siika,
ketun ka machiako. Intok aapo junakaꞌa tetapo wojoꞌoriata
yaꞌarita jaibu ka pattita teak.
\v 2 Junak intok aapo, jum Simoo Peeoꞌ teamta intok jukaꞌ
senu majtita, waꞌa, Jesujta tua naksukaꞌuta, inimeꞌe jokaꞌu
tajtia buiteka intok:
\p ―Itom yoꞌowa, tetapo wojoꞌoriata yaꞌari betana yeu nuk
sakaꞌawak, itepo intok tee ka juꞌunea jakun aꞌ tojiwakaꞌu
―ti ameu jiiak.
\p
\v 3 Junak intok Peeo intok juꞌu senu majti, bempo junaman
tetapo wojoꞌoriata yaꞌariu bicha yeu sajak.
\v 4 Inimeꞌe woika nau tenni japtek. Taa juꞌu seenu,
Peota bepa cheꞌa utteꞌa buiteka intok iniꞌi, tetapo wojoꞌoriata
yaꞌariu bat yepsak.
\v 5 Aapo kia aman wajiwa koꞌom bitchuka intok junamaꞌa
jumeꞌ tajoꞌorim, tettebesi yeu woꞌotim ama jokame jiba
bichak. Taa ka aman kibakekai.
\v 6 Chukula ket juꞌu Simoo Peeoꞌ teame, aet chaꞌaka
ama yepsak. Intok aapo aman kibakek tetapo wojoꞌoriata
yaꞌariꞌpo. Aapo ketchia junameꞌe tajoꞌorim tettebesi
yeu woꞌotim ama joꞌarim bichak.
\v 7 Intok ketchia iniꞌi, jumeꞌ tajoꞌorim, aapoꞌik pujbat
intok kobat ammea aꞌ sumaꞌim tukaꞌum, ka jumeꞌ tettebesi
yeu woꞌotim mak katekame, ala tottimtaka intok omola
yechaꞌim ama am bichak.
\v 8 Junak intok ketchia juꞌu senu, Jesujta majti aman
kibakek. Juꞌu cheꞌa bat aman tetapo wojoꞌoriata yaꞌariu
yepsakaꞌu. Intok iniꞌi, jukaꞌ ama yeu sikamta bichaka
intok kokkoarim nasuk aꞌ jiabijtekaꞌuta aꞌ sualek.
\v 9 Bweꞌituk inimeꞌe, jum Liojta betana jiꞌosia jiꞌojteimpo
weyemta, jukaꞌ Jesujta kokkoarim nasuk aꞌ jiabijteneeꞌu
aꞌ utteꞌatukaꞌut, kee aet juꞌunean.
\v 10 Junak intok junameꞌe Jesujta majtim, bem joꞌaau
bicha nottek.
\s Jesujta, Maria Maareenaꞌ teamtau yeu aꞌ machiakaꞌpo
\p
\v 11 Taa juꞌu Maria, junamaꞌa paꞌaku tetapo wojoꞌoriata
yaꞌaripo naapo taawak, bwanakai. Ketun bwanakai, aapo
aman ruktek junuen junama tetapo wojoꞌoriata yaꞌariu
wajiwa aman bitchubaekai.
\v 12 Junama intok wooi ankelesim, tua tosaalaim tajoꞌorekame,
Jesujta takaata boꞌosukaꞌpo jokame bichak. Senu aꞌ kobasukaꞌa
betana katekame. Senu intok aꞌ woksukaꞌa betana katekame.
\v 13 Inimeꞌe ankelesim intok aapoꞌiku:
\p ―Jamut, jaisaaka empo bwaana ―ti au nattemaek.
\p Aapo inimmeu:
\p ―Jukaꞌ in yoꞌowata aꞌ nuk sakaꞌawakaꞌ betchiꞌbo. Nee
intok ka juꞌunea jakun aꞌ tojiwakaꞌut ―ti ameu jiiak.
\p
\v 14 Aapo inien jiusuka, junak kuakteka intok Jesujta
ama weekamta bichak. Taa ka juꞌunean aapoꞌik junen aꞌ
Jesuj tukaꞌpo.
\v 15 Junak juꞌu Jesus:
\p ―Jamut, jaisaakai empo bwaana. Jabetasa empo jaiwa ―ti
au nattemaek.
\p Aapo, jukaꞌ junamaꞌa juya etrita suuamta ama aneꞌeti
eaka:
\p ―Japchi, empo aꞌ nuk simlatuko, nee tejwaa jakun em aꞌ
tojakaꞌpo, in aman aꞌ nuꞌuneꞌ betchiꞌbo ―ti au jiiak.
\p
\v 16 Juꞌu Jesus junak:
\p ―Maria ―ti au jiiak.
\p Aapo juꞌu Maria, au kuakteka intok aꞌ taꞌaaka, ebreeo
nokpo:
\p ―Rabboni ―ti au jiiak.
\p Iniꞌi, yee majtame ti jiubae.
\p
\v 17 Jesus iniau:
\p ―Inim nee sim tua. Bweꞌituk ketun nee kee aman in yoꞌowata
aꞌ jiapsaꞌu jikau weye. Taa ala, sika intok aman jumeꞌ
nemak werim tejwaane, in yoꞌowabeu intok ket enchim yoꞌowabeu,
intok in Liojtau intok enchim Liojtau bicha nee weebaeꞌeti
jiune.
\p
\v 18 Junak intok juꞌu Maria Maareenaꞌ teame, iniꞌi, jumeꞌ
Jesujta majtim aman tejwaak, aapoꞌik jukaꞌ yoꞌota aꞌ
bichakaꞌuta. Intok jiba Jesujta junakaꞌa bemela weyemta
au aꞌ teuwaakaꞌpo.
\s Jesujta, jumeꞌ aꞌ majtim nau aneꞌepo, ameu yeꞌa machiakaꞌpo
\p
\v 19 Jiba junae taewait, semaanata aet naateꞌutchi, tukaapo,
jumeꞌ Jesujta majtim nau aanen. Intok ama yeu rejtiwaꞌum
etaꞌikai, jumeꞌ juriom bem majjaeꞌ betchiꞌbo. Junamaꞌa
juꞌu Jesus yepsaka intok jumeꞌ aapoꞌik majtim nasuk
kikteka intok ameu tebotek:
\p ―Ka jain eaka enchim yanti elneeꞌu emou aune ―ti jiakai.
\p
\v 20 Inien jiusuka aapo chukula aꞌ mamam intok sanaꞌita
betuk koꞌokosi aꞌ yaꞌariꞌpo am bittuak. Intok bempo
tua alleak aapoꞌik jukaꞌ yoꞌota juchi aꞌ bichakai.
\v 21 Junak intok juꞌu Jesus, juchi:
\p ―Enchim yanti elneeꞌu emou aune ―ti ameu jiiak―. Jiba
jukaꞌ in yoꞌowata inim nee yeteu aꞌ bittuakaꞌa benasia,
jiba inien ineponee inim enchim naas bittuabae ―ti ameu
jiiak.
\p
\v 22 Junak intok aapo ame bepa jiabijtekamta benasi
ayuka:
\p ―Liojta betana jukaꞌ tuꞌu jiapsita emeꞌe mabetne ―ti
ameu jiiak―.
\v 23 Inim wameꞌe enchim, Liojta tuꞌu jiapsi betana aniawaka,
inimeꞌe, bem ka tuꞌuwa yaꞌarimmet enchim am jiokoi teboneeꞌum,
inimeꞌe, bem ka tuꞌuwa yaꞌarimmet jiokoitune. Wameꞌe
intoko, bem ka tuꞌuwa yaꞌarimmet, Liojta tuꞌu jiapsi betana
aniawakai enchim ka jiokoi teboneeꞌum, inimeꞌe, bem ka
tuꞌuwa yaꞌarimmet ka jiokoitune ―ti ameu jiiak.
\s Toomaj teamta, yoꞌowe Jesukrijtota jiabijtelata aꞌ bichakaꞌpo
\p
\v 24 Taa juꞌu Toomaj teame, jumeꞌ woj mamni ama woika,
jumeꞌ Jesujta majtim mak weyeme, juꞌu woꞌori ti teuwaawame,
iniꞌi, ka ama amemak aanen, jukaꞌ Jesujta ameu aꞌ noiteo.
\v 25 Chukula wate aapoꞌik majtim iniau:
\p ―Jukaꞌ yoꞌota, itepo aꞌ bitlaa ―ti au jiiak.
\p Taa juꞌu Toomas junammeu:
\p ―Aꞌ mampo aꞌ wojoktipo ka bichakai, intok jum sisiꞌiwookim
japsukaꞌpo nee ka mam pusiateko, intok kia jum aꞌ sanaꞌita
betuk aꞌ soꞌaripo ka aet mamteko, kannee aꞌ sualne ―ti
ameu jiiak.
\p
\v 26 Woj naiki taewaim simsuka chukula, jumeꞌ Jesujta
majtim juchi senu karipo nau aanen. Taa inim ala juꞌu
Toomas amemak aanen. Junako, junakaꞌa tuꞌisi aꞌ pattituk
juniꞌi, juꞌu Jesus aman kibakeka ka teutaka, ame nasuk
kikteka intok ameu tebotek:
\p ―Enchim yanti elneeꞌu emou aune ―ti jiakai.
\p
\v 27 Junamaꞌa aapo sep Tomajtau:
\p ―Em mam pusiam im tutta. Intok imeꞌe in mamam bicha.
Intok empo im in sanaꞌita betuk, ama net mamtene. Intok
ka naa buusti nee betana taꞌabwisi eene, ala empo nee
sual taꞌaane ―ti au jiiak.
\p
\v 28 Junak juꞌu Toomas, aapoꞌiku:
\p ―In yoꞌowa intok in achai Lios ―ti au jiiak.
\p
\v 29 Jesus intok iniau:
\p ―Toomas, iꞌan ala empo nee suale, taa kia junuen tua
nee bichaka jiba. Tua alleewame tuꞌuwa ame tana waatianaa,
wameꞌe, kaita bichaka, nee sualekame ―ti au jiiak.
\s Inikaꞌa jiꞌosia jiꞌojteita, jaisa betchiꞌbo aꞌ weyeꞌpo
\p
\v 30 Ketchia juꞌu Jesus, jumeꞌ aꞌ majtim bichapo tua
juebenak machilaata a jita aꞌ joaꞌue aꞌ yaak, iniꞌi, inim
jiꞌosia jiꞌojteimpo ka weyekai.
\v 31 Taa iniꞌi weyeme machilaa iꞌan inim jiꞌojtewak,
jukaꞌ Jesujta, Liojta betana usiwaitaka aꞌabo aꞌ bittuaritukaꞌuta
enchim aꞌ sualneꞌ betchiꞌbo, intok junuen emeꞌe aꞌ sualekai,
jiba yuu jiapsiwamta enchim bitneꞌ betchiꞌbo.
\c 21
\s Jesujta, woo busanika jumeꞌ aꞌ majtim, bawepo anemmeu yeꞌa machiakaꞌpo
\p
\v 1 Iniat chukula juꞌu Jesus, jumeꞌ aꞌ majtimmeu juchi
au yeu machiak, jum bweꞌu bau baꞌa Tibeeriaj teaꞌpo bwikola.
Inen aapo ayukai.
\v 2 Inimiꞌi, Simoo Peeo, intok Toomas juꞌu woꞌori ti
taꞌeewame, juꞌu Natanaꞌel teame, iniꞌi jum bwiaraa Kalileapo
ili joꞌara Kanaaꞌ teapo joome, jumeꞌ Sebereeoꞌ teamta
uꞌusim intok juchi wate woika jumeꞌ Jesujta majtim, inimeꞌe
ama nau aanen.
\v 3 Waꞌa Simoo Peeoꞌ teame inimmeu:
\p ―Kuchum ne yeu bause ―ti ameu jiiak.
\p Bempo:
\p ―Itepo ket te aman emak katbae ―ti au jiiak.
\p Inimeꞌe aman sajaka intok kuta kanoau jaꞌamuk. Taa
bempo junae tukaariat kaita yeu wikek.
\v 4 Junak junamaꞌa jaibu yeu matchuu, Jesus junamaꞌa
bawe mayoat yeu machiak. Taa jumeꞌ aꞌ majtim ka juꞌunean,
jukaꞌ ama anemta aapoꞌik junaꞌatukaꞌpo.
\v 5 Junak juꞌu Jesus, inimmeu:
\p ―Uusim, jaisa emeꞌe kee jita yeu wike jaꞌani ―ti ameu
nattemaek.
\p Bempo intok:
\p ―Kaita ―ti aꞌ yoopnak.
\p
\v 6 Junak intok juꞌu Jesus, inimmeu:
\p ―Batatana bicha am jimmaanee jumeꞌ jiteꞌim, intok emeꞌe
junamaꞌa yeu am wikne ―ti ameu jiiak.
\p Inien inimeꞌe aayuk. Intok chukula bempo, jumeꞌ jiteꞌim
junama baꞌapo ka a yeu am wiken, kuchum inim tua yuꞌin
am weiyaakai.
\v 7 Junako juꞌu aapoꞌik majti, Jesujta tua nakeꞌu, juꞌu
Peotau:
\p ―Juꞌu itom yoꞌowa ama weama ―ti au jiiak.
\p Juꞌu Simoo Peeo, junakaꞌa jukaꞌ bem yoꞌowata ama aneꞌuta
aꞌ jikkajakai jiba, tajoꞌpo kobateka, baꞌau au jimaak,
mayoau tajtia bajumbaekai. Bweꞌituk tajoꞌowattilatukan.
\v 8 Jumeꞌ waate Jesujta majtim, kuta kanoapo baꞌa mayoau
yeu yajak. Inimeꞌe, jumeꞌ jiteꞌim kuchummea tapunim yeu
wik sakakai. Bweꞌituk junamaꞌa mayoau tajtia kia jumak
mamni taka waaktitukan jiba.
\v 9 Bwiau yeu yajakai, inimeꞌe junamaꞌa taji oubampo
kuchuta ama boꞌokamta intok ket paanim ama teak.
\p
\v 10 Juꞌu Jesus inimmeu:
\p ―Jumeꞌ kuchum juꞌubwa enchim yeu wikekaꞌum watem aꞌabo
tojine ―ti ameu jiiak.
\p
\v 11 Juꞌu Simoo Peeo, kuta kanoau jaꞌamuka intok mayoau
tajti jumeꞌ jiteꞌim, kuchummea tappunim yeu wikek. Woo
busan taka ama woj mamni ama baji kuchum tukan. Inimeꞌe
intok tua juebenaeka juniꞌi, ka chuktek jumeꞌ jiteꞌim.
\v 12 Junak juꞌu Jesus, inimmeu:
\p ―Aꞌabo kateka em jiꞌibwa ―ti ameu jiiak.
\p Inimeꞌe aꞌ majtim betana, tua kaabe au nattemaek aapoꞌik
jabetukaꞌut, bweꞌituk jukaꞌ bem yoꞌowata ama aneꞌuta
emo juꞌuneaꞌati ean.
\v 13 Junako juꞌu Jesus, aman rukteka intok jumeꞌ paanim
nuꞌuka intok bempoꞌimmeu am bwisek. Intok jukaꞌ kuchuta
juniꞌi jiba junaen ameu aꞌ bwisekai.
\p
\v 14 Inim iniamak juꞌu Jesus, aꞌ majtimmeu bajisi ameu
au yeu machialatukan aapo chukula kokkoarim nasuk jiabijtesukai.
\s Jesujta, Simoo Peeoꞌ teamtamak aꞌ etejoꞌpo
\p
\v 15 Junamaꞌa ketwoo, bempo jiꞌibwasukai, juꞌu Jesus,
Simoo Peeotau:
\p ―Simoo, Jonaj teamta yoemia, jaisa empo inimeꞌebepa nee
nakke jaꞌani ―ti au nattemaek.
\p Juꞌu Peeo intok:
\p ―Jeewi in yoꞌowe, empo juꞌunea in enchi eiyaaꞌu ―ti aꞌ
yoopnak.
\p Juꞌu Jesus iniau:
\p ―Inientuko, empo jumeꞌ juꞌubwa nee sual japteme, bwala
asoꞌolam benasia in eiyaaꞌum, inimeꞌe am majtaka tuꞌisi
nee am suuariane ―ti au jiiak.
\p
\v 16 Chukula juchia, iniamak woosa:
\p ―Simoo, Jonaj teamta uꞌusi, jaisa empo nee nakke jaꞌani
―ti au nattemaek.
\p Juꞌu Peeo:
\p ―Jeewi in yoꞌowe, empo juꞌunea in enchi eiyaaꞌu ―ti aꞌ
yoopnak.
\p Aapo:
\p ―Junuentuko, jumeꞌ nee sualeka, bwaram benasi in eiyaaꞌum,
inimeꞌe nee betana weyemtat am aniane ―ti au jiiak.
\p
\v 17 Iniamak bajisia aapo:
\p ―Simoo, Jonaj teamta uꞌusi, jaisa empo lutuꞌuriapo tuꞌisi
nee eiyaa jaꞌani ―ti au nattemaek.
\p Juꞌu Peeo intok junak au sioktua taitek junuen, iniamak
bajisia: “Jaisa empo tuꞌisi nee eiyaa”, ti au aꞌ nattemaekaꞌ
betchiꞌbo, intok aapo:
\p ―In yoꞌowe, empoꞌe siꞌimekut juꞌunea, empo juꞌunea junuen
in enchi eiyaaꞌu ―ti au jiiak.
\p Juꞌu Jesus iniau:
\p ―Junaentuko, empo wameꞌe nee sualeka, bwalam benasi in
eiyaaꞌum, nee betana weyemtat am majtaka, nee am suuariane
―ti au jiiak―.
\v 18 Iniat empo nee sualne, junak empo bat cheꞌa juꞌubwa
yoꞌotukai, empo em tajoꞌpo kobateka intok empo em yeu
weebaeꞌu bicha weweꞌaman. Taa chukula, empo jaibu yoꞌotuitakai,
junak em mamam empo naꞌikim am toꞌone, intok taꞌabwika
enchi tajoꞌotuane, intok junaꞌa, ka em weebaeꞌu bicha
juniꞌi, enchi weiyaane ―ti au jiiak.
\p
\v 19 Inikaꞌa teuwaakai juꞌu Jesus, jukaꞌ Peota jachin
ayuka, mukuka intok iniae aapoꞌik Liojta aꞌ yoꞌori teboneeꞌuta
aꞌ teuwaak. Chukula intok aapo juꞌu Jesus, Peotau:
\p ―Empo jiba nemak eaka jiapsine ―ti au jiiak.
\s Wepulaka juꞌu Jesujta tua aꞌ nakeꞌu
\p
\v 20 Juchi bicha kuaktekai, juꞌu Peeo, jukaꞌ Jesujta
majti aapoꞌik tua nakeꞌuta, inikaꞌa amet chaꞌaka weyemta
bichak. Jiba waꞌa, kupteo ka machiako, Jesujta amemak
jiꞌibwakaꞌpo aapoꞌiku pitti katekaꞌuta, intok iniꞌi:
“Achai, jabesa junaꞌatune, juꞌu enchi yeu bwijneeme”,
ti au nattemaekaꞌuta.
\v 21 Junako, juꞌu Peeo inikaꞌa bichakai, Jesujtau:
\p ―In achai, iniau su, jaisa au chupne ―ti au nattemaek.
\p
\v 22 Jesus inikaꞌa:
\p ―Junuen inikaꞌa, chukula nee aꞌabo notteo tajtia inim
nee aꞌ jiapsi iꞌao juniꞌi, empo inim iniat kaachin eene.
Empo jiba nemak eaka jiapsine ―ti aꞌ yoopnak.
\p
\v 23 Junako, jumeꞌ Krijto nau sualeme nasuk, inikaꞌa
Jesujta majti ka aꞌ mukneeꞌuta etejowan. Taa Jesus iniau
ka junuen ka aꞌ mukneeꞌuta au teuwaak, ala aapo: “Inikaꞌa,
chukula nee aꞌabo notteo tajtia inim nee aꞌ jiapsi iꞌao
juniꞌi, empo inim iniat kaachin eene”, ti jiiak jiba.
\p
\v 24 Iniꞌi jiba junaꞌa juꞌu Jesujta majti, inim ae betana
etejowame, juꞌu inikaꞌa aꞌ lutuꞌuriateka aꞌ teuwaaka
intok inikaꞌa weyemta jiꞌojtekame. Ite intok juꞌunea,
siꞌimeta jukaꞌ aꞌ teuwaaꞌuta, lutuꞌuriataka aꞌ weyeꞌuta.
\p
\v 25 Ketchia tua juebenaka, wate weyeme aayuk, Jesujta
yaꞌari, iniꞌi intok weꞌepulaka jiꞌojte tuko, siꞌime jumeꞌ
jiꞌosia jiꞌojtei tuꞌeaꞌum, kia jumak inim aniapo ka kia
ean, ti ne ea. Tua junuentune.