\id ACT
\h KRIJTOTA YEU PUꞌARIM YAꞌARI
\toc1 KRIJTOTA YEU PUꞌARIM YAꞌARI
\mt Krijtota yeu puꞌarim, juꞌu bem yaꞌari
\c 1
\s Juꞌu Jesus, jumeꞌ aꞌ sualemmeu, Liojta tuꞌu jiapsi amet aꞌ naꞌikiatuneꞌpo betana nooka
\p
\v 1 Tua in nakeꞌu Teopiloꞌ teame, jum cheꞌa bat weyeka
jiꞌosiata in eu jiꞌojteipo, Jesukrijtota betana siꞌimeta,
bat naataka naateka, intok aapoꞌik, teeka betana jikau
aꞌ mabetwaꞌpo tajtia, siꞌimeta jukaꞌ aapoꞌik yaaka intok
jukaꞌ yee aꞌ majtasukaꞌuta betana ne eu jiꞌojtek.
\v 2 Aapo junak kee teekau nottekai, jumeꞌ yeu aꞌ puꞌarim,
aapo, Liojta tuꞌu jiapsie aniawaka, bem jooneeꞌut am tejwaak.
\v 3 Chukula, aapo meꞌetuka, jiabijtesukai, aapo juꞌu Jesus
jiapsaka ameu au yeu machiak. Intok chukula, aapo junuen
junamaꞌa woi taka taewaimmeu tajtia ameu au yeu mamachiakai.
Junuen tua lutuꞌuriapo aꞌ jiapsaꞌuta bempoꞌim aꞌ juꞌuneiyaatuakai.
Intok ket aapo, achai Liojta yoꞌo nesaweka aꞌ katekaꞌu
betana jukaꞌ lutuꞌuriata ameu aꞌ teuwaakai.
\p
\v 4 Intok aapo ketuni amemak anekai, jum bweꞌu joꞌara
Jerusalen teaꞌpo kaakun am katneeꞌpo betana am tejwaak.
Inimmeu aapo:
\p ―Inim emeꞌe boꞌo bitne, achai Liojta betana wakaꞌa emou
aꞌ chupneꞌeti jiaka aꞌ teuwaarita, jiba in emou aꞌ teuwaakaꞌa
benasia.
\v 5 Bweꞌituk juꞌu Joan, yee babatoowame baꞌammea yee
babatoowak. Taa ka juebena taewaim sikaa, inepone, Liojta
betana, jukaꞌ aꞌ tuꞌu jiapsita ne emou aꞌ bittuane ―ti
ameu jiiak.
\s Jukaꞌ Jesujta teekau jikau sikaꞌapo
\p
\v 6 Junak bempo Jesujtamak siꞌime nau anekai, aapoꞌiku
nattemaek:
\p ―Itom yoꞌowa, jaisa jiba iꞌan junen empo inim itom jumeꞌ
juriom, romaano yaꞌuraata betana suꞌu tojiwaka, juchi
inim itom nesauneeꞌut iniat itom aniaka itom aꞌ tuꞌuteriane,
jaꞌani ―ti jiakai.
\p
\v 7 Aapo intok inimmeu:
\p ―Emeꞌe, jakwoo, oo jita taꞌapo jukaꞌ in yoꞌowa Liojta,
aapoꞌik jiba au lutuꞌuriaka aꞌ yaꞌaneeꞌuta, junae betana
enchim aꞌ juꞌuneiyaaneeꞌuta ka emou lutuꞌuria ―ti ameu
jiiak―.
\v 8 Taaemeꞌe chukula, jukaꞌ Liojta tuꞌu jiapsita mabetsukai,
emeꞌe inim siꞌimekuu yumaꞌanee intok ka jain eaka, yeu
sajaka nee betana weyeka, jukaꞌ nok lutuꞌuriata inim
bweꞌu joꞌara Jerusalen teaꞌpo intok bwiaraa Jureaꞌ teaꞌpo
intok ket jumun bwiaraa Samaariaꞌ teaꞌpo, intok kia inim
bwiapo, cheꞌa mekka bicha tajti emeꞌe aꞌ teuwaane ―ti
ameu jiiak.
\p
\v 9 Inikaꞌa aapo teuwaasukai, bempoꞌim ketun aꞌ bitchuu
su, juꞌu Jesus junamaꞌa yeeu, teekau jikau siika intok
aapo junaman namupo kaabetuk. Inimeꞌe intok ka intok
inim aꞌ bichak.
\v 10 Bempoꞌim junuen jukaꞌ Jesujta aꞌ simeo, aman teekau
aꞌ bitchuu su, junamaꞌa oꞌowim woika, tojsassaalaik atteaka
bempoꞌim naapo yeu machiak.
\v 11 Inimeꞌe intok bempoꞌimmeu:
\p ―Emeꞌe, bwiaraa Kalileaꞌ teaꞌpo joomem, ka intok teekau
jikau aꞌ bitchune. Jiba iniꞌi Jesus, inim emo tana, teekau
jikau sikame, aapo jiba inien, junuen aꞌ sika enchim aꞌ
bichakaꞌa benasia juchi nottine ―ti ameu jiiak.
\s Juꞌu Matiaj teame yeu puꞌawak, Jurajtukaꞌuta aneꞌepo tawaneꞌ betchiꞌbo
\p
\v 12 Junak inimeꞌe junamaꞌa Oliibo kawiꞌ teaꞌa betana
yeu sajaka intok bweꞌu joꞌara Jerusalen teaꞌu nottek.
Junaꞌabo aman ka mekkaa, jumak wepul kiloometro tukan
jiba.
\v 13 Junak bempo jum Jerusalen teaꞌu yajakai, junamaꞌa
kari bem ama jokaꞌapo, junamaꞌa karita bepa juchi senu
bepaata yaꞌariu jikau jaꞌamuk. Inimeꞌ nasuk, inen teakame
ama aanen: juꞌu Peeoꞌ teame, juꞌu Jakoobo, juꞌu Joan, juꞌu
Anteej teame, juꞌu Jeriipe, juꞌu Toomas, juꞌu Baatolomeeꞌ
teame, juꞌu Mateeo, juꞌu senu Jakoobo, iniꞌi senu Alpeoꞌ
teamta yoemia, juꞌu Simoo, iniꞌi jumeꞌ kananijtam ti emo
teuwaammak eaꞌu, intok juꞌu Juuras, jukaꞌ Jakooboꞌ teamta
mak weri.
\v 14 Inimeꞌe siꞌime jiba weeꞌpo, nau eaka, jumeꞌ Jesujta
mak werimmak intok jukaꞌ aꞌ aewata Mariaꞌ teamta mak,
intok junamaꞌa jumeꞌ waate jaamuchimmake emo nau totojan
junuen Liojta yoꞌoreka intok au bicha yee nokria betchiꞌbo.
\p
\v 15 Junameꞌe taewaimmet juꞌu Peeo, junamaꞌa jumeꞌ Krijtota
nau sualeme nasuk kiktek. Inimeꞌe jumak siꞌime nau, busan
taka tukan. Aapo intok inimmeu:
\p
\v 16 ―Krijtopo nemak werim, utteꞌatukan, waꞌa, jum Liojta
betana jiꞌosia jiꞌojteimpo, bat naataka jaibu Labiitukaꞌuta,
Liojta tuꞌu jiapsie noktuawaka junuen Jurajtukaꞌuta
betana, juꞌu, jumeꞌ Jesujta bwiseka aꞌ nuk sajakame am
tejwaakamta betana aꞌ teuwaakaꞌuta junuen aꞌ chupneꞌpo
―ti ameu jiiak―.
\v 17 Bweꞌituk juꞌu Juurajtukaꞌu itomak naꞌikiatukan
intok ketchia aapo, jiba ito benasi itom tekil jooan.
\v 18 Taa junaꞌa, sikaa, intok juꞌu tomie, ka tuꞌik yaꞌarika
aꞌ makwakaꞌue, waj bwiata jinuk. Chukula intok aapo, jikat
betana kobae koꞌom wecheka intok toma pejteka, intok
aꞌ tompo ayukame siꞌime yeu wattek.
\v 19 Chukula, jumeꞌe, bweꞌu joꞌara Jerusalen teaꞌpo jiapsame
junae betana aꞌ juꞌuneiyaaka, bempo, junakaꞌa waj bwiata,
Akellamak ti aꞌ teatuak. Iniꞌi nooki, bem nokpo, Waj bwia
ojboe bejeꞌetuari, ti jiubae.
\v 20 Bweꞌituk jum jiꞌosia jiꞌojteim, Salmom teaꞌpo:
\q Juꞌu aꞌ kariwa jimmaatunee
\q intok kaabe ama joꞌane,
\m ti jiia. Intok ketchia jiba junamaꞌa jiꞌojteimpo:
\q Taꞌabwika, tekil aꞌ joaꞌuu tawane,
\m ti jiꞌojtei.
\p
\v 21,22 ’Inim ito nasuk wate aane, inimeꞌe, jukaꞌ yoꞌowe
Jesukrijtota inim itomak aꞌ anekaꞌpo tajtia, bat junak
juꞌu Joan tukaꞌuta betana aꞌ batoꞌowaawakaꞌpo naateka,
chukula aapoꞌik teekau aꞌ nottekaꞌpo tajtia, jiba taꞌapo
itomak aneme. Inien san iꞌan junuen, inime betana seenuk,
jukaꞌ yoꞌowe Jesukrijtota, kokkoarim nasuk aꞌ jiabijtekaꞌpo
itomak aꞌ teuwaaneemta, inimeꞌe betana itom yeu aꞌ puꞌaneeꞌuta
utteꞌa.
\p
\v 23 Junamaꞌa ame betana senuk amemak tawaaneꞌ betchiꞌbo,
woika yeu puꞌawak. Juꞌu seenu, Jose Barsabaj teame, ket
Jujtoꞌoti teuwaawame. Intok seenu, Matiaj ti teakai.
\v 24 Intok chukula bempo Liojtau bicha am nokriak:
\p ―Achai Lios, empo junen inim siꞌimem jiapsi taꞌaame,
inimeꞌe woim betana jabeta em yeu puꞌaariakaꞌuta itom
yeu aꞌ puꞌaneꞌ betchiꞌbo itom ania ―ti jiakai―.
\v 25 Junuen aapoꞌik, jumeꞌ Krijtota betana yeu puꞌarim,
tekilta bem joaꞌuta, jiba jukaꞌ Juraj tukaꞌuta, ka tuꞌik
yaꞌarika junuen aꞌ tawaꞌeaꞌuta junuen au chupuka aꞌ
taꞌarukaꞌuta, inikaꞌa aꞌ jooneꞌ betchiꞌbo.
\p
\v 26 Junako bempo junammet juꞌunee betchiꞌbo, jitae
amet nau yeewekame benasi aayuk. Intok junak junuen
inim juꞌu Matiaj teame ama teuwaatuk. Junama naateka
iniꞌi, aapo, waate jumeꞌ woj mamni ama wepuꞌulaika jumeꞌ
Krijtota yeu puꞌarimmak naꞌikiatuk.
\c 2
\s Liojta tuꞌu jiapsi yepsakaꞌpo
\p
\v 1 Junak chukula, Jesukrijtota muksuka intok aapoꞌik
kokkoarim nasuk aꞌ jiabijtesuka, woo busan semaanam simsuko,
taewai, bem nokpo Pentekojtej ti taꞌeewame yumaka, siꞌime
wameꞌe Krijtota nau sualeme, inimeꞌe wepulsi karipo siꞌime
nau aanen.
\v 2 Junamaꞌa seej chuktia, teeka betana weyeka, jiawai,
suum watchika jikkajituk. Inikaꞌa, bweꞌu jekata yepsakaꞌabenakai.
Intok junuen, jum kari bem jokaꞌapo siꞌimekut yumakai.
\v 3 Junak intok, bempoꞌim aneꞌepo taji buaktiam benaka
ama bittuk. Inimeꞌe bempoꞌim weꞌepulaim bepa chaꞌatukai.
\v 4 Intok junak inimeꞌe siꞌime, Liojta betana aꞌ tuꞌu
jiapsiwata yumaꞌisi aꞌ mabetak. Intok inimeꞌe siꞌime,
tattaꞌabwi, ka bem nokpo, nok japtek. Junuen jiba jukaꞌ
Liojta tuꞌu jiapsita am noktuaꞌa benasia.
\p
\v 5 Jiba junameꞌe taewaimmet junamaꞌa bweꞌu joꞌara
Jerusalen ti teakaꞌpo, jurio yoemra, inimeꞌe Liojta yoꞌori
betchiꞌbo, bem sualeꞌut tua yumaꞌisi aꞌ joame, inime san,
mekka omot tattaꞌabwi bwiaraam betana jomemtaka ama
anekai.
\v 6 Junak junama bem aneꞌepo, junakaꞌa jiawaita aꞌ jikkajituko,
junama juꞌu buꞌuuraa ama nau yajak. Intok inimeꞌe betana
kaachin ee machika kialam bitchuka taawak. Bweꞌituk
inimeꞌe, junameꞌe siꞌime, weꞌepulaka bem nokpo nokame
jikkajan.
\v 7 Inime san junen tua suum eaka am bichaka intok
bempo:
\p ―Siꞌime inimeꞌe nokame itom jikkajaꞌum, bwiaraa Kalileaꞌ
teaꞌpo joomem oꞌoben ―ti nau jiian―.
\v 8 Taa itepo iꞌan inimeꞌe, bempoꞌim weꞌepulaka, itom
aamak yoꞌotuka itom nokpo nokame jikkaja.
\v 9 Inim ito nasuk yoemra aane, bwiaaram inen teakaꞌpo
betana joome. Jum Paartiaꞌ teaꞌpo, jum Meeriaꞌ teaꞌa
betana, jum Elamiitaꞌ teaꞌa betana, jum Mesopotaamiaꞌ
teaꞌpo joome. Ket jum Jureaꞌa betana, jum Kapparoosiaꞌ
teaꞌa betana, jum Pontoꞌ teaꞌa betana, Aasiaꞌ teaꞌa betana.
\v 10 Jum Riijiaꞌ teaꞌa betana, jum Pampiiliaꞌ teaꞌa
betana, jum Ejiiptoꞌ teaꞌa betana. Jum Aprikaꞌ teaꞌpo
senu bweꞌu joꞌaraa Sireeneꞌ teaꞌa betana jumeꞌ cheꞌa
waꞌam bicha joꞌaakame. Inim ketchia, yoemra Romaꞌ teaꞌa
betana inim jooka. Inimeꞌe betana waate juriom yeu yoemtulamtakai,
wate intok ka juriomtaka, taa juriom junuen Liojta yoꞌoreka
bem boꞌo jooriaꞌuta ame benasi aꞌ sualeme.
\v 11 Ketchia waate jum bwiaraa bawepo kateka, Kreetaꞌ
teaꞌa betana, intok ket bwiaraa Araabiaꞌ teaꞌa betana
inim aane. Taa junuen taka juniꞌi, siꞌime itepo inim,
bempoꞌim, Liojta betana jukaꞌ cheꞌa bepa eiyaawatchika
kaitau a tamachiatuka aꞌ yaꞌarita, itepo, weꞌepulaka, tua
itom tattaꞌabwi nokpo aꞌ teuwaame jikkaja.
\p
\v 12 Siꞌime jumeꞌ am bichame suum eaka intok kaachin
ee machiakan. Intok inimeꞌe:
\p ―Jitasa tua siꞌime iniꞌi itom bichaꞌu ―ti nau nattemaen.
\p
\v 13 Taa waate kia am junn jiaawaka intok:
\p ―Inimeꞌe cheꞌa, paꞌasi baꞌawata yee nanaakomta jiꞌilamtaka
juneꞌela ―ti jiian.
\s Peota yoemratau teuwaakaꞌu
\p
\v 14 Junako juꞌu Peeo, watem jumeꞌ woj mamni ama weepulaika,
Jesukrijtota yeu puꞌarimmak, ama kikteka intok kusisi
nokaka:
\p ―Emeꞌe, Jurea bwiaarapo joomem intok emeꞌe inim bweꞌu
joꞌara Jerusalen teaꞌpo jiapsame, inikaꞌa juꞌuneiyaanee
intok inikaꞌa in emou teuwaabaeꞌuta aꞌ mammatene.
\v 15 Inimeꞌe enchim bichaꞌum, katim naako enchim am
eiyaꞌa benasia. Bweꞌituk ketuni ketwoo, juꞌubwasu batanim
jiakai.
\v 16 Ala iniꞌi enchim bichaꞌu, junaꞌa juꞌu chukula yeu
weenemta tetteuwaame, Joel tukaꞌuta, cheꞌa bat naataka
aapoꞌik teuwaari junaꞌa. Junak inen jiakai:
\q
\v 17 Cheꞌa chukula taewaimmetchi ti jiia juꞌu Lios, nee
betana inepo jukaꞌ in tuꞌu jiapsita ne siꞌime im bwiapo
jiapsame nee aꞌ juꞌuneiyaatuane.
\q Jumeꞌ enchim yoemiarim, oꞌowimtaka, jaamuchimtakai, jukaꞌ
nee betana weyemta aꞌ teuwaane.
\q Jumeꞌ juꞌubwa yoꞌotume, ka siꞌimem a bichaꞌuta bibittuanaa.
\q Jumeꞌ intoko yoꞌotuim, inimeꞌe jita tettenku tuanaa,
\m ti jiiak juꞌu Joeltukaꞌu.
\q
\v 18 Jiba junameꞌe taewaimmet, inepo jukaꞌ nee betana
tuꞌu jiapsita nee jumeꞌ in yeu puꞌarimmet, oꞌowimtaka
intok jaamuchimtaka, nee aꞌ juꞌuneiyaatuane.
\q Inimeꞌe intok, jukaꞌ nee betana weyemta aꞌ teuwaane.
\q
\v 19 Jikat teekau inepo, jita ka jiba bitwaka, junerak
aꞌ bit tebone.
\q Intok inim bwiapo inepo machilaata ne yaꞌane.
\q Ojbota benak, tajita intok bwichiata benak, jaawata benasi
weyemta.
\q
\v 20 Juꞌu intoko taꞌa, tua ka machisi tawane.
\q Juꞌu intok meecha, ojbota benasi sikii chukuisi bittune.
\q Iniꞌi, waꞌa yoꞌowe Jesukrijtota aapoꞌik yeu puꞌarita
taewaita kee aꞌ yumao.
\q Junak junaꞌa taewai, cheꞌa bepa kaita intok ale benasi
taewai cheꞌa machika bittuneekai.
\q
\v 21 Intok junak, jabetaka juniꞌi, waꞌa tua junen jiaka
juꞌu itom yoꞌowabeu bicha aapoꞌik aꞌ jiokolineeꞌuta
aꞌawame, junaꞌa jinneꞌui tune,
\m ti jiiak juꞌu Joeltukaꞌu.
\p
\v 22 ’Junuen san emeꞌe, Ijraꞌel tukaꞌuta betana aꞌ yoemiammet
yeu katriam, inikaꞌa in teuwaabaeꞌuta aꞌ jikkajine. Jesus,
juꞌu Nasaret teaꞌpo joome, aapo, achai Liojta betana inim
emo bichapo, aapoꞌik cheꞌa bepa kaitau a tamachiatuka
a jita aꞌ joaꞌue aꞌ yaakaꞌue, intok siꞌimeta machilaata,
jiba aapoꞌik achai Liojta emo bichapo aapoꞌik Jesujta
aꞌ yaꞌatuakai, junae aꞌ Krijtotukaꞌuta aꞌ teuwaak, enchim
jaibu aꞌ juꞌuneiyaꞌa benasia.
\v 23 Taa junuentaka juniꞌi, inikaꞌa cheꞌa bat naataka
naateka, jukaꞌ Liojta tua junuen aꞌ chup iꞌaꞌpo aman,
aapoꞌik emou aꞌ suꞌu tojiwako, junak emeꞌe aꞌ bwiseka
intok junuen wameꞌe ka Liojta yoꞌori taꞌaame betana
aniawaka, emeꞌe, kuuset aꞌ popon tebokai aꞌ meꞌaak.
\v 24 Taa juꞌu Lios, aapoꞌik mukiataka, juchi aꞌ jiapsituak,
kokkowamta betana ama aꞌ yoꞌeetuakai. Bweꞌituk aapo
kaachin mukiataka junuen tawa ean.
\v 25 Bweꞌituk juꞌu cheꞌa yoꞌo yaꞌari, Labiitukaꞌu, jiba
aapoꞌik Jesujtat nokaka:
\q Ineponee jukaꞌ achai Liojta jiba nemak aneka intok
jiba nee aniamta nee aꞌ yoem eiyaak.
\q Intok junuen, kaita in majjauneꞌ betchiꞌbo, aapo siꞌimeku
yumaka nemak tukai.
\q
\v 26 Jiba inia betchiꞌbo inepo in alleaꞌu tuꞌisi net
ayukan,
\q Intok inepo tua alleaka, aapoꞌik in bai saeꞌuta ne
aꞌ teuwaak.
\q Ket jiba inia betchiꞌbo san, kaitat jain eaka nee boꞌotene.
\q
\v 27 Bweꞌituk empo kaachin, jumeꞌ kokkoarim jiba betchiꞌbo
aneꞌu nee tawaane.
\q Intok kia empo, inikaꞌa em yeu puꞌarita, aapoꞌik takaawata
nasonteneꞌ betchiꞌbo, ka ama aꞌ suꞌu tojine.
\q
\v 28 Ketchia empo, jum jiba yuu jiapsiwaꞌu jachin aman
yaajiwaꞌuta, nee aꞌ juꞌuneiyaatuak.
\q Intok empo nemak aneka, tua alleewamta nee aꞌ bittuane,
ti jiiak.
\p
\v 29 ’Emeꞌe, nele benasi inim yoemem, a itepo aꞌ juꞌuneiyaa,
jukaꞌ cheꞌa bat weyeka itom yoꞌowasukaꞌuta, Labiitukaꞌuta
aꞌ mukukaꞌpo intok ket aꞌ maꞌatukaꞌpo. Bweꞌituk tetapo
wojoꞌoria aꞌ maꞌawakaꞌpo, iniꞌi ketun tee im aꞌ bicha.
\v 30 Taa juꞌu Labii tukaꞌu aapo, Liojta betana juꞌuneetuawaka,
chukula yeu weemta teuwaan. Intok aapo juꞌunean, jukaꞌ
Liojta jita teuwaaka tua aꞌ lutuꞌuriatunee ti jiakai,
aapoꞌik yeu katriam betana jukaꞌ seenuk, Liojta yeu puꞌarita
aꞌ yebijneꞌpo. Intok aapoꞌik yoꞌotaka aꞌ yej sukaꞌpo,
inikaꞌa ama yoꞌotaka aꞌ yejteneeꞌuta.
\v 31 Junuen san juꞌu Labii tukaꞌu, tua juꞌuneamta benasi,
Jesukrijtota, kokkoarim nasuk aꞌ jiabijteneeꞌuta aꞌ teuwaak.
Intok ketchia aapoꞌik, jumeꞌ kokkoarim jiba yuu betchiꞌbo
bem aneꞌu, aapoꞌik ka ama aꞌ tawaneeꞌuta. Intok kia aapoꞌik
taka juniꞌi, ka ama aꞌ nasontuneeꞌuta aꞌ teuwaak.
\v 32 Intok iniꞌi, juꞌu Lios, jiba inikaꞌa Jesujta, kokkoarim
nasuk aꞌ jiabijtetuak. Intok jiba inien yeu sikamta
betana jiba itepo tee aꞌ juꞌuneiyaaka aꞌ teuwaa.
\v 33 Junuen san jiba aapo, achai Liojta aꞌ katekaꞌu
sikaa, aꞌ batatana yejtek. Intok aꞌ yoꞌowa betana jukaꞌ
aꞌ tuꞌu jiapsiwata au aꞌ naꞌikiarita, aapo aꞌ mabetak.
Intok siꞌime iniꞌi enchim bichakaꞌu intok enchim jikkajakaꞌu,
jiba aapoꞌik betana weye.
\v 34 Bweꞌituk ka juꞌu Labiitukaꞌu junaꞌatuk juꞌu teekau
sikame. Bweꞌituk jiba aapo juꞌu Labii tukaꞌu:
\q Juꞌu in yoꞌowa Lios, juꞌu yeu puꞌari in yoꞌowabeu:
\q “Inim in katekaꞌpo, batatana yesaꞌe”, ti au jiiak.
\q
\v 35 “Chukula, siꞌime wameꞌe enchi bejeꞌeka aneme, yumaꞌisi
bem eu emo suꞌu tojaꞌpo tajti,
\q Junaet in enchi aniasuꞌpo tajtia”, ti jiiak juꞌu Labii
tukaꞌu.
\p
\v 36 ’Siꞌime juꞌu im Ijraꞌel yoemra tua witti aꞌ lutuꞌuriatukaꞌpo
aꞌ juꞌuneiyaaꞌem, inikaꞌa Jesujta enchim kuuset poponakaꞌuta,
jukaꞌ achai Liojta, siꞌimemmeu aꞌ Krijtotaka intok siꞌimeku
aapoꞌik aꞌ yoꞌo yaꞌariakaꞌuta.
\p
\v 37 Inikaꞌa bempo jikkajisukai, inimeꞌe, bem sioksi
eaꞌu amet ayukan, intok juꞌu Peoꞌ teamtau intok jumeꞌ
waate Krijtota yeu puꞌarimmeu nattemaek:
\p ―Ito mak werim, itom tejwaanee inia betana, jaisa te
annee ―ti ameu jiakai.
\p
\v 38 Junako juꞌu Peeo:
\p ―Liojta bichapo emeꞌe, ka tuꞌikut betana emo temaeka
aꞌ koptane. Intok weꞌepulaka, emeꞌe Jesujtau bicha nokaka,
ae betchiꞌbo emo batoꞌowaa tebonee junuen enchim ka
tuꞌuwa yaꞌarimmet enchim jiokoinaꞌ betchiꞌbo. Intok
junuen aapo juꞌu Lios, jukaꞌ aapoꞌik betana aꞌ tuꞌu jiapsita
emot aꞌ autuane ―ti jiiak―.
\v 39 Bweꞌituk iniꞌi yetet autuannaꞌateaka juꞌu chupneeka,
bat naataka teuwaari, jiba emo betchiꞌbo intok kia jumeꞌ
enchim yoemiam betchiꞌbo juniꞌi weye. Intok kia siꞌime
wameꞌe, cheꞌa mekka tajti jiapsame betchiꞌbo ketchia,
iniꞌi, wameꞌe jukaꞌ achai Liojta aapoꞌiku bicha yeu aꞌ
puꞌabaeꞌum betchiꞌbo weyekai ―ti jiiak.
\p
\v 40 Inia betana ameu nokakai intok, ket watek ameu
teuwaakai, juꞌu Peeo inimmeu nookak intok tuꞌik betana
am sua tejwaakai, intok:
\p ―Inim ka tuꞌik joaka jiapsammak ka amemak eene ―ti jiakai.
\p
\v 41 Junuen san junameꞌe inime betana jukaꞌ Liojta
betana nok lutuꞌuriata sualeka aꞌ mabetakame batoꞌowaaimtuk.
Intok jiba junae taewait, jumak baji miiltaka junamaꞌa
jumeꞌ Krijtota sualemmak ee japtek.
\v 42 Intok siꞌime, jumeꞌ Krijtota yeu puꞌarim betana
bem majtawaꞌut jiapseka aꞌ boꞌo joorian. Intok siꞌime,
siꞌimeku nanancha eaka jiapsan. Intok Liojtau bicha
yee nokriakai. Intok paanim rebekta betchiꞌbo emo nau
totojan, junuen Jesukrijtota aꞌ mukukaꞌu waati betchiꞌbo.
\s Jumeꞌ bat Krijtota sualekaꞌum, jaisa jiapsakaꞌu
\p
\v 43 Intok siꞌime jumeꞌ ama aneme, siꞌimeku Liojtat
ee majjaen. Intok Liojta a jita joaꞌ betchiꞌbo, ka a
joo tu machik intok machilaata, jumeꞌ Krijtota yeu puꞌarim
aꞌ jootuawan.
\v 44 Intok siꞌime wameꞌe Krijtota sualekame, junameꞌe
jiba weeꞌpo nau aanen. Intok bempo, jukaꞌ bem attea, siꞌime
nau a nau aꞌ jipuen.
\v 45 Inimeꞌe, jukaꞌ bem atteata, intok siꞌimeta wakaꞌa
bem jipueꞌuta aꞌ nenenkan intok junuen bempo, junakaꞌa
tomita, junamaꞌa bempoꞌimmeu aꞌ beꞌeeꞌpo aman nat aꞌ
naꞌikimtekai.
\v 46 Intok chikti taꞌapo bempo jum Liojta bweꞌu teꞌopopo
emo nau totojan. Intok ketchia, chukula, watem joꞌaa beꞌekatana
sajaka, paanim rebekta betchiꞌbo, Jesukrijtota aꞌ mukukaꞌu
waatekai. Intok bempo tua alleaka intok kaabe emo cheꞌewareka
nau aneka jijiꞌibwan.
\v 47 Intok Liojta yoꞌoreka, au bicha bem alleaꞌuta aꞌ
teuwaan. Intok junamaꞌa bem bweꞌu joꞌarapo, siꞌime juꞌu
yoemra am eiyaaka am bichan. Intok junuen juꞌu yoꞌowe
Jesukrijto, chikti taꞌapo, ama aapoꞌik sualeme jumeꞌ jinneꞌuim
tume, cheꞌa juniꞌi am buꞌuurian.
\c 3
\s Jum, jukaꞌ loꞌita au inneꞌetetuawakaꞌpo
\p
\v 1 Sejtul weeꞌpo juꞌu Peeo intok juꞌu Joan teame, inimeꞌe
kupteo, bajim jiaꞌapo, junamaꞌa junak Liojtau bicha nokwamta
joowao, bempo teꞌopou yajibokan.
\v 2 Junamaꞌa, chikti taꞌapo senu ama yoeme, yeu aꞌ tomtekaꞌpo
naateka loꞌitakai, iniꞌi jiba ama aꞌanen. Iniꞌi jum teꞌopou
jiba totojiwan junamaꞌa ama kimuwaꞌpo, iniꞌi Tua Ujyooi
ti taꞌeewaꞌpo intok junamaꞌa yeechawan junuen jumeꞌ
aman yajammeu aꞌ netaneꞌ betchiꞌbo.
\v 3 Junak junamaꞌa, juꞌu loꞌitaka yeu tomtekame, Peota
intok Joanta, jum teꞌopou kimume bichakai, bempoꞌim aꞌ
jiokoleka aꞌ mikneꞌ betchiꞌbo ameu netanen.
\v 4 Junako juꞌu Peeo intok juꞌu Joan, aꞌ mammateka aꞌ
bitchun. Juꞌu Peeo intok:
\p ―Itom mammatene ―ti au jiiak.
\p
\v 5 Iniꞌi junuen amet boꞌo bichan, junameꞌe jita aꞌ
mik machiakai.
\v 6 Taa juꞌu Peeo:
\p ―Sawai tomi intok kia tosai tomi juniꞌi kaita. Taa
in jipueka in juꞌuneiyaaꞌuta nee enchi yaꞌariane. Juꞌu
Jesus, Nasaret teaꞌpo jometa betana lutuꞌuriaka ne eu
nooka, kikteka intok weene ―ti au jiiak.
\p
\v 7 Junak intok juꞌu Peeo, batatana mampo aꞌ bwiseka
aꞌ kechak. Intok sep junamaꞌa, aapo, wokpo intok teroꞌokimpo
utteꞌituk.
\v 8 Junako waꞌa loꞌitaka yeu tomtekame, kupti kikteka
intok junuen aꞌ wokimmet weyeka wee taitek. Iniꞌi intok
bempoꞌimmak jum teꞌopou kibakek, tuꞌisi weyeka, jikau
chepti simeka, Liojta alleaka aꞌ bai saeꞌuta au bicha
teuwaakai.
\v 9 Junamaꞌa siꞌime yoemra, junuen weamamta intok Liojta
alleaka aꞌ bai saeꞌuta au bicha aꞌ teuwaamta aꞌ bichak.
\v 10 Intok inimeꞌe, jukaꞌ ama yeu sikamta betchiꞌbo,
tua suum eaka aꞌ bichak. Bempo su junakaꞌa yoemta tuꞌisi
aꞌ taꞌaan. Intok juꞌunean, jiba aapoꞌik junaꞌa tukaꞌu,
juꞌu, teꞌopopo, pueeta Tua Ujyooi ti taꞌeewaꞌpo, ama kateka
aꞌ netansukaꞌu.
\s Jum teꞌopopo jekkaapo, Salomoonimmea taꞌeewaꞌpo, Peota teuwaakaꞌu
\p
\v 11 Juꞌu loꞌitaka yeu tomtekaꞌu, iniꞌi junama tuꞌireakame,
Peota intok jukaꞌ Joanta am bwisika, ka am suꞌu tottojan.
Junak intok junamaꞌa juꞌu buꞌuuraa, ama yeu sikamta tua
aꞌ suum eiyaaka, ama teꞌopopo lebela, jekka yaꞌari Salomonta
attea ti taꞌeewaꞌpo, junama Peotaim aneꞌu tenneka ama
nau yajak.
\v 12 Junameꞌe junuen bichakai juꞌu Peeo, junae yoemratau:
\p ―Ijraꞌel yoemra, jaisaaka emeꞌe itom su bichaka suum
ea, junuen itom a jita joaꞌ betchiꞌbo, oo Liojta tua itom
yoꞌori taꞌaa betchiꞌbo, inikaꞌa, itom au aꞌ tuꞌutekaꞌa
benasia.
\v 13 Ala, juꞌu Apraꞌamtukaꞌuta Lios, intok jukaꞌ Isaak
tukaꞌuta intok Jakoop tukaꞌuta intok jumeꞌ itom yoꞌowasukaꞌum
Lios, aapo, jukaꞌ aꞌ yoemiata, Jesujta, jiba jukaꞌ enchim
inim juꞌu yoꞌo yaꞌaraatau yeu tojakaꞌuta, aapo, inikaꞌa
tua aꞌ eiyaa teboka aꞌ yoꞌo yaꞌari. Junak aapoꞌik jukaꞌ
kobanao Pilaatota, jiba aꞌ jiokoeka aꞌ suꞌu tojibaao
juniꞌi, emeꞌe ka junen eak.
\v 14 Emeꞌesan junaen, wakaꞌa wepulsi Liojta betchiꞌbo
jiapsaka intok siꞌimeku lutuꞌuriata aꞌ jooriaka jiapsakaꞌuta
aꞌ jiokoi teboꞌeaka su, emeꞌe senuk yee suꞌarika, etaꞌita
junakaꞌa aꞌ suꞌu toji tebok.
\v 15 Junuen emeꞌe aꞌ meꞌaak, aapoꞌik jukaꞌ jiba yuu
jiapsiwamta yetet autuamta. Taa juꞌu Lios, junuen mukukamta,
kokkoarim nasuk aꞌ jiabijtetuak. Intok itepo inia weyemta
betana juꞌuneiyaaka aꞌ teuwaa.
\v 16 Jiba aapo juꞌu Jesus junaꞌa, oo junuen aapoꞌik
Jesujta itom yoem eiyaaꞌu junaꞌa, inikaꞌa oꞌouta inim
enchim bichaka intok enchim taꞌaaꞌuta inien utteꞌata
aet autuakame. Inien aapoꞌik Jesujta sualwame, tua yumaꞌisi
au aꞌ ineꞌetetualaa jiba enchim siꞌimem aꞌ bichaꞌa benasia.
\p
\v 17 ’Nele benasi inim yoemem, juꞌuneanee junuen junak
enchim intok jumeꞌ enchim yaꞌuraata, aapoꞌik Jesujta
meꞌaakai, aapoꞌik tua aꞌ jabe tukaꞌut ka enchim juꞌuneaꞌ
betchiꞌbo, junuen enchim aukaꞌpo.
\v 18 Taa juꞌu achai Lios, jiba inien weyemtae aꞌ chupan
wakaꞌa cheꞌa bat naataka, jumeꞌ yeu puꞌarim chukula yeu
weenemta teuwaame jaibu aꞌ teuwaarita, aꞌ utteꞌatukaꞌu,
aapoꞌik yeu puꞌarik Krijtota tua jiokot au bitneeꞌuta.
\v 19 Inia betchiꞌbo, emeꞌe ka tuꞌik betana emo temaine.
Intok juchi Liojta mak emo tuꞌutenee junuen enchim ka
tuꞌuwa yaꞌarimmet enchim jiokoinaꞌ betchiꞌbo. Junako
juꞌu itom achai Lios, emou tuꞌika, yumaꞌisi jiapsi yanti
elwamta enchim bittuane,
\v 20 junuen jukaꞌ Jesukrijtota, jukaꞌ bat naateka jiba
emo betchiꞌbo yeu puꞌarita emou aꞌ bittuakai.
\v 21 Junuentaka juniꞌi, lautipo utteꞌa, jukaꞌ yoꞌowe
Jesukrijtota teekau aꞌ anneeꞌu oꞌoben. Chukula jukaꞌ
Liojta aawas, inim tua aꞌ machiꞌeaꞌa benasia aꞌ tuꞌutesuꞌpo
taewata yumaꞌapo tajtia. Cheꞌa bat taewaimmet, jiba jumeꞌ
aapoꞌik yeu aꞌ puꞌarim, jumeꞌ chukula yeu weenemta teuwaame
junak jiapsakame aꞌ teuwaatuakai.
\v 22 Maasuko, juꞌu Moiseejtukaꞌu wameꞌe bat taewaimmet
itom yoꞌowasukaꞌummeu: “Juꞌu Lios itom yoꞌowa, aapo,
jiba jumeꞌ emo benasi yoemem betana senuk, chukula yeu
weenemta tetteuwaamta emou yeu aꞌ puꞌane, jiba aapoꞌik
nee emou yeu aꞌ puꞌakaꞌa benasia. Junakaꞌa emeꞌe, emou
aꞌ nokaꞌut, siꞌimeku aꞌ nok jikkajine.
\v 23 Bweꞌituk siꞌime jumeꞌe, junakaꞌa, chukula yeu weenemta
tetteuwaanemta ka aꞌ nok jikkajame, inimeꞌe, Ijraꞌel yoemrata
mak ka naꞌikiataka luꞌutanaa”, ti ameu jiiak.
\p
\v 24 ’Junuen san, siꞌime jumeꞌ junen Liojta betana juꞌuneetuawaka
chukula yeu weenemta tetteuwame, Samuel tukaꞌuta taewaimmet
naateka, chukula bicha, inimeꞌe taewaimmet yeu sikamtat
nokaka aꞌ teuwaakan.
\v 25 Juꞌu, chukula yeteu tuꞌineeka, Liojta, jumeꞌ chukula
yeu weenemta tetteuwaame noktuaka, itou aꞌ chupneꞌeti
jiaka aꞌ teuwaakaꞌuta, jiba emo betchiꞌbo teuwaari. Intok
jiba emou tuꞌika aꞌ weeneꞌ betchiꞌbo, juꞌu Lios, cheꞌa
bat taewaimmet, itom yoꞌowasukaꞌummak senu lutuꞌuriata
aꞌ chupneemta au teuwaak. Junak aapo juꞌu Apraꞌamtukaꞌutau:
“Siꞌime juꞌu ka nanau machi yoemra inim jiapsame, juꞌu
yoemra et yeu katriam betchiꞌbo, inimeꞌe jukaꞌ cheꞌa
bepa ameu tuꞌik bitne”, ti jiakai.
\v 26 Junak juꞌu Lios, jukaꞌ aꞌ yoemiawata, kokkoarim
nasuk aꞌ jiabijtetuakai, aapoꞌik emou cheꞌa bat aꞌ bittuak,
junuen tuꞌik ae betana enchim mabetneꞌ betchiꞌbo, junuen,
enchim weꞌepulaim, ka tuꞌik joowamta suꞌu tojaka enchim
aꞌ koptaneꞌ betchiꞌbo.
\c 4
\s Juꞌu Peeo intok juꞌu Joan, yaꞌuraata bichapo aane
\p
\v 1 Jukaꞌ Peota intok jukaꞌ Joanta ketuni junuen juꞌu
buꞌuuraatau am nokao su, jumeꞌ teꞌopopo tekiakame intok
juꞌu yee suuammeu yoꞌowe, inimeꞌe, jumeꞌ saruseeom teammak
ama yajak.
\v 2 Inimeꞌe omten, Peota intok Joanta, jukaꞌ yoemrata
bem aꞌ majtaka intok bempoꞌim, jukaꞌ Jesujta kokkolam
nasuk aꞌ jiabijtekaꞌ betchiꞌbo, junuen jumeꞌ kokkoarim,
bem jijiabijtetuaneeꞌuta aꞌ lutuꞌuriatukaꞌpo a juꞌueniyaatu
ti bem aꞌ teuwaꞌ betchiꞌbo.
\v 3 Junako inimeꞌe, iniꞌi yaꞌuraa, am bwiseka intok jum
yee eꞌetawaaꞌu am kiimak juchi yokoriapo tajtia, bweꞌituk
junamaꞌa jaibu kuptekai.
\v 4 Taa juebenaka jumeꞌ junamaꞌa Liojta nok lutuꞌuriata
aꞌ jikkajisukame, Krijtota sualeka aꞌ mabetak. Intok
jumeꞌ junuen ama aꞌ sualekame, kia jumeꞌ oꞌowim jiba
naꞌikiawaka, inimeꞌe batte jumak mamni miil tukan.
\p
\v 5 Yokoriapo jum bweꞌu joꞌara Jerusalen teaꞌpo jumeꞌ
juriommeu juꞌu yaꞌuraa, jumeꞌ cheꞌa ama yoꞌowe, intok
jumeꞌ Moiseej tukaꞌuta nesaurim yee majtame emo nau
tojak.
\v 6 Ketchia junamaꞌa juꞌu Anaj teame, iniꞌi junamaꞌa
teꞌopopo tekiakammeu yoꞌotukaꞌu, intok ket juꞌu Kaipaaj
teame intok juꞌu Joan teame, intok juꞌu Alejanroꞌ teame,
intok siꞌime jumeꞌ junama yaꞌuraata betana wawairaa.
\v 7 Junako inimeꞌe, jukaꞌ Peota intok Joanta ameu am
toji tebok. Intok inimeꞌe, junamaꞌa nasuk am jaꞌabwaka:
\p ―Jita yoꞌo utteꞌae sa oo jabeta betana sa lutuꞌuriaka
emeꞌe inikaꞌa jooa ―ti ameu nattemaek.
\p
\v 8 Junak juꞌu Peeo, Liojta tuꞌu jiapsie tuꞌisi aniawaka,
inimmeu:
\p ―Inim yoemrata nesaweme, intok ketchia jumeꞌ Ijraꞌel
yoemratau yoꞌowe ―ti jiiak―.
\v 9 Iꞌan enchim, senuk inim loꞌitaka, jukaꞌ tuꞌik aꞌ
yaꞌariawakaꞌuta betana junuen inikaꞌa jachin aꞌ tuꞌuriakaꞌut
juꞌuneebaeka enchim itou nattemaeo,
\v 10 inim emo bichapo itepo te aꞌ juꞌuneiyaa tebo, junuen
siꞌime jukaꞌ inim Ijraꞌel yoemrata aꞌ juꞌuneiyaaneꞌ
betchiꞌbo, inikaꞌa oꞌouta, Jesukrijto, Nasaret teaꞌpo jometa,
jiba jukaꞌ enchim kuuset poponaka intok jukaꞌ chukula,
Liojta, kokkoarim nasuk aꞌ jiabijtetuakaꞌuta, aapoꞌik
a jita joaꞌ betchiꞌbo, iniꞌi oꞌou inim siꞌimem emo bichapo
tuꞌika weyek.
\v 11 Iniꞌi Jesus junen junaꞌa, juꞌu tetapo taꞌeewame,
jiba aapo, juꞌu, enchim jumeꞌ kaateme benaka yeu tawaakaꞌu.
Taa junuentaka juniꞌi aapo chukula, teta, siꞌimeta aet
nawakaꞌu benaka yeu simlaa.
\v 12 Kaabe intok aane juꞌu yee jinneꞌume. Bweꞌituk
juꞌu Lios, kaabeta intok inim bwiapo, jukaꞌ yee jinneꞌunemta
itou yeu puꞌari junakaꞌa taꞌabwik itom jinneꞌunemta,
taa jukaꞌ yoꞌowe Jesukrijtota jiba ―ti ameu jiiak.
\p
\v 13 Junako juꞌu yaꞌuraa, jukaꞌ Peota intok jukaꞌ Joanta,
kaitat jain eaka am nokame bichakai, intok bempo, inimeꞌe
ka am majtalatukaꞌuta aꞌ juꞌuneiyaakai, intok inimeꞌe,
siꞌimem benasi kia bem ama yoemem tukaꞌut amet juꞌuneakai,
tua am suum eiyaak. Junak bempo, Jesujta mak bem rejtisukaꞌut,
machisi juꞌuneak.
\v 14 Ketchia juꞌu oꞌou, iniꞌi ka weamaka tuꞌireakame,
iniꞌi Peotaimmak ama ame bichapo weyekan. Intok jiba
inia betchiꞌbo, bempo kaita a am bejeꞌeka nookan.
\v 15 Junako inimeꞌe, junama nau anwaꞌapo yeu am katneꞌ
betchiꞌbo amet nesaweka intok bempo junamaꞌa, juname
betana nau etejoka ama taawak.
\v 16 Inimeꞌe intok:
\p ―Jaisa te tua amemak annee inimeꞌe oꞌowimmake ―ti jiian―.
Bweꞌituk siꞌime jumeꞌ inim bweꞌu joꞌara Jerusalen teaꞌpo
joome juꞌunea bempoꞌim inikaꞌa machilaata, ka a jootu
machik bem aꞌ yaꞌariakaꞌpo. Intok inia betana ka aꞌ
lutuꞌuria tukaꞌuta te kaachin aꞌ teuwaa.
\v 17 Taa inikaꞌa yeu simlata, ka intok inim juꞌu yoemrata
betana aꞌ juꞌuneiyaa tuneꞌ betchiꞌbo, yaꞌuraae te am
womtane, junuen inim bichau bicha ka intok bempoꞌim watemmeu
jukaꞌ Jesujta betana weyeka bem teuwaaꞌuta, bem aꞌ teuwaaneꞌ
betchiꞌbo ―ti nau jiian.
\p
\v 18 Junak chukula jumeꞌ Peotaimmeu chaiwak intok juꞌu
yoꞌoraa, junameꞌe bempoꞌim jachinpo juniꞌi, Jesujta betana
weyemta ka intok bem aꞌ etejoneꞌ betchiꞌbo intok kia
ka intok aapoꞌik betana bem yee majtaneꞌ betchiꞌbo amet
nesawek.
\v 19 Taa juꞌu Peeo intok juꞌu Joan, jukaꞌ yoꞌoraata:
\p ―Jiba emeꞌe aꞌ tuꞌu bitne, Liojta bichapo aꞌ lutuꞌuriakaꞌu,
enchim itom nok jikkajineeꞌu, aapoꞌik Liojta nok jikkajiꞌeaka
su ―ti am yoopnak―.
\v 20 Bweꞌituk itepo tee, wakaꞌa itom bitlataka intok
itom jikkajilaaꞌuta, utteꞌa, bichau bicha itom aꞌ teuwaa
sakaneeꞌu ―ti jiiak.
\p
\v 21 Junako juꞌu ama yaꞌuraa juchi am womtak. Taa yeu
am suꞌu toji tebok, bempoꞌim kaachin a jiokot am yaꞌa
tebokaꞌ betchiꞌbo. Bweꞌituk siꞌime juꞌu ama yoemra, jukaꞌ
ama yeu sikamta betchiꞌbo Liojtau bicha alleaka bem
aꞌ bai saeꞌuta teuwaan.
\v 22 Juꞌu oꞌou inien auka, Liojta a jita joaꞌ betchiꞌbo
tuꞌureakame, iniꞌi woi taka wasuktiam bepa yoꞌotukan.
\s Jumeꞌ Krijtota sualeme, jiba Liojtat bem yoem eeneꞌ betchiꞌbo intok kaabeta bem majjaineꞌ betchiꞌbo, Liojtau emo nokria
\p
\v 23 Juꞌu Peeo intok juꞌu Joan, suꞌu tojiwakai, bempo
jumeꞌ waate ame mak Krijtota sualeme aneꞌu nottek. Intok
bempo junammeu siꞌimeta jukaꞌa, jumeꞌ teꞌopopo tekiakammeu
yoꞌowem, intok jukaꞌ wate yaꞌuraata bem ameu nokakaꞌuta
am etejoriak.
\v 24 Junameꞌe intok, jukaꞌ aapoꞌik ameu teuwaakaꞌuta
jikkajisukai, bempo siꞌime Liojtau bicha nookak:
\p ―Itom yoꞌowa, empo junaꞌa, Lios, teekata intok bwiata,
jukaꞌ baweta intok siꞌimeta jukaꞌ ayukamta aꞌ yaakame.
\v 25 Empo, juꞌu em tuꞌu jiapsie, jukaꞌ em tekilta joamta,
Labiitukaꞌuta aꞌ aniaka aꞌ noktuaka:
\q Jaisaakai juꞌu inim ka nanau machi yoemra emo toboktai,
\q Jumeꞌ intok wate inim jiapsame, juꞌu kaitaꞌpo tuꞌikut
jiapsek.
\q
\v 26 Inim jumeꞌ bwere yoemrammeu jumeꞌ cheꞌa yoꞌotaka
yeu puꞌarim intok jumeꞌ waate yaaꞌuchim mak,
\q Liojta intok aapoꞌik yeu puꞌarik, Krijtota aꞌ bejeꞌebaeka
emo nau tojak, ti jiiak.
\p
\v 27 ’Iniꞌisan tua lutuꞌuria, inim itom bweꞌu joꞌarapo,
juꞌu Eroorej teame intok juꞌu kobanao, Ponsio Pilaatoꞌ
teame intok wate ka inim jomemmak intok ket juꞌu Ijraꞌel
yoemratamak, inimeꞌe siꞌime jukaꞌ Jesujta, jukaꞌ kaitaꞌpo
ka tuꞌik joaka jiapsamta intok jukaꞌ wepulsi ee betchiꞌbo
yeu puꞌarika em yoemiata, aꞌ bejeꞌeka emo nau tojak.
\v 28 Jiba iniae bempo, siꞌimeta wakaꞌa cheꞌa bat jaibu
aꞌ tuꞌuteitaka aꞌ chupneꞌeti jiaka em teuwaarita, junuen
tua em yeu aꞌ wee iꞌaꞌpo aman aꞌ yaak.
\v 29 Iꞌan intoko, achai Lios, jiba bempoꞌim itou am suaꞌu
aꞌ bicha, intok itom, jumeꞌ em tekilta joame, junuen ka
koꞌom eaka intok ka majjaeka, jukaꞌ ee betana nok lutuꞌuriata
aꞌ teuwaa betchiꞌbo itom ania.
\v 30 Intok junuen siꞌimeta a em joaꞌue, jumeꞌ koꞌokoeme
tuꞌuteka, intok machilaata intok ka a joo tu machik, Jesujta,
wepulsi ee betchiꞌbo jiapsamta betana yoꞌo lutuꞌuriaka,
itom aꞌ jooneꞌ betchiꞌbo, itom ania.
\p
\v 31 Junamaꞌa junak bempoꞌim Liojtau bicha emo am nokriasuko,
junama jum bem nau aneꞌepo au yoyoak. Intok inimeꞌe
inim siꞌimetaka, jukaꞌ Liojta tuꞌu jiapsi yumaꞌisi amet
aanek. Intok bempo, witti, kaitat jain eakai jukaꞌ Liojta
betana nok lutuꞌuriata aꞌ teuwaa sakan.
\s Siꞌimeta jukaꞌ bem jipueꞌu, siꞌime nau aꞌ atteakan
\p
\v 32 Junamaꞌa juꞌu buꞌuura, Krijtota suallame, inimeꞌe
siꞌime nanancha eaka jiapsan intok siꞌime nanancha emo
eiyaan. Intok tua kaabe, jukaꞌ bem atteata nau naken.
Ala, bempo juꞌu bem atteae, ket watem ae anian.
\v 33 Jumeꞌ Krijtota yeu puꞌarim intok, inimeꞌe, yoꞌowe
Jesukrijtota, kokkoarim nasuk aꞌ jiabijtekaꞌu betana
jukaꞌ lutuꞌuriata, tua machisi, Liojta betana aꞌ utteꞌae
aniawaka, bichau bicha aꞌ teuwaa sakan. Intok inimeꞌe
siꞌime, Liojta betana jukaꞌ ameu tuꞌika weyemta bichan.
\v 34 Bempoꞌim nasuk intok, kaabe jitaꞌapo san jiokot
ean, bweꞌituk siꞌime wameꞌe waj bwiakame, oo kakkarekame,
inimeꞌe, junakaꞌa nenenkan.
\v 35 Intok jukaꞌ tomita, jumeꞌ Krijtota majtim yeu puꞌarimmeu
aꞌ totojan. Intok junamaꞌa weꞌepulaimmeu aꞌ beeꞌpo aman
amet naꞌikimtewan.
\v 36 Maa suko bempoꞌim nasuku, juꞌu Lebii tukaꞌutat
yeu sakaꞌariam betana yeu simriataka, Joseꞌ teaka ama
aanen. Iniꞌi, bwiaraa, bawepo yeu kateka, Chipreꞌ teaꞌpo
jometakai, Jesujta yeu puꞌarim nasuk ket taꞌabwisi, Bernabeem
ti teuwaawame. Inimeꞌe team, juꞌu a yee jiapsi joame
ti jiubae.
\v 37 Iniꞌi yoeme san, waj bwiata aꞌ jipueꞌuta nenkaka
intok jukaꞌ tomita, jumeꞌ Krijtota yeu puꞌarimmeu aꞌ
tojak.
\c 5
\s Jukaꞌ ka tuꞌik, Ananiajtaim yaakaꞌu
\p
\v 1 Taa senu ama aanen, iniꞌi Ananiaj ti teaka intok
juꞌu aꞌ jubiawa, Sappiiraꞌ teame, inimeꞌe waj bwiata nenkak.
\v 2 Iniꞌi oꞌou junae tomita betana wateku mak taawak,
jukaꞌ watek intok jumeꞌ Krijtota yeu puꞌarimmeu, inikaꞌa
tomita yumaꞌika aꞌ siꞌime tukaꞌa benasia ameu aꞌ tojak.
\v 3 Junak juꞌu Peeo iniau:
\p ―Empo Ananias, jaisaaka empo jukaꞌ bebejeꞌerita inien
Liojta betana tuꞌu jiapsita em aꞌ bai tattaꞌaabaaneꞌ
betchiꞌbo inien enchi aꞌ eetuaneꞌ betchiꞌbo au emo suꞌu
tojak intok jukaꞌ tomita, bwiata betchiꞌbo em makwakaꞌuta
junuen ka yumaꞌik aꞌabo tojaka, taa wateku mak tawakai
―ti au jiiak―.
\v 4 Jukaꞌ bwiata, kee aꞌ nenkakai, empo aꞌ atteakan.
Intok inikaꞌa empo aꞌ nenkisukai, jukaꞌ tomita empoꞌe
aꞌ atteakan, ka utteꞌatukan em aꞌabo aꞌ tojineꞌpo. Jaisaakai
empo inikaꞌa yaꞌabaek. Liojta bichapo inikaꞌa yee bai
taꞌaabaawamta yaꞌari, ka ito bichapo ―ti au jiiak.
\p
\v 5 Inikaꞌa jikkajakai juꞌu Ananias, junamaꞌa wechek
mukiatakai. Jumeꞌ intoko inikaꞌa juꞌuneiyaakame, siꞌime
tua majjaen.
\v 6 Junako, juꞌubwa yoꞌotume ama yajaka intok junakaꞌa
takaata, tajoꞌorimmea aꞌ biijtaka intok inimeꞌe aꞌ maꞌa
betchiꞌbo aꞌ nuk sajak.
\p
\v 7 Junamaꞌa, jumak baji oram simsuko, jukaꞌ inia Ananiaj
tukaꞌuta jubiawa ket junaman yepsak, jukaꞌ junama yeu
simlata ka juꞌuneiyaakai.
\v 8 Juꞌu Peeo iniau:
\p ―Nee tejwaa, jaisa jukaꞌ waj bwiata emeꞌe, tomi enchim
neu tojakaꞌuta beekiku aꞌ nenkak jaꞌani ―ti au nattemaek.
\p Aapo intok:
\p ―Janaꞌaka, inia beekiku nenkiwak ―ti au jiiak.
\p
\v 9 Junako juꞌu Peeo:
\p ―Jaisaaka emeꞌe junuen nau eaka, jukaꞌ Liojta tuꞌu jiapsita
jiꞌobilabaaek ―ti aꞌ temaek―. Wanaꞌa aꞌabo kaate jumeꞌe,
em ku nasukaꞌuta aꞌ maꞌakame. Iꞌan intok inimeꞌe enchi
ket nuk sakaꞌane ―ti au jiiak.
\p
\v 10 Jiba junamaꞌa, aapo Peotau, mukiataka wechek. Junako
jumeꞌ juꞌubwa yoꞌotume aman kimuka, mukiata teaka, intok
aꞌ nuk sajaka aꞌ kunawata naapo aꞌ maꞌak.
\v 11 Junama intok siꞌime jumeꞌ Krijtota sualeme intok
waate siꞌime jumeꞌ inikaꞌa yeu sikamta juꞌuneiyaakame,
bem majjaeꞌu amet ayukan.
\s Yuꞌin Liojta a jita joaꞌapo aman yaꞌawakame
\p
\v 12 Junama juꞌu yoemrata nasuk, jumeꞌ Krijtota yeu
puꞌarim, Liojta a jita joaꞌue, machilaata intok ka a jootu
machik buꞌuuk jooan. Intok junamaꞌa lebela, junama bweꞌu
teꞌopopo, jekka yaꞌari, Salomon tukaꞌuta yaꞌari ti taꞌeewaꞌpo,
siꞌime emo nau totojan.
\v 13 Junamaꞌa wate ama joome, kaabe intok amemak emo
naꞌikiabaeka ean. Taa siꞌime juꞌu yoemra am eiyaaka
am bichan.
\v 14 Junama san, tua juebenaka, inimeꞌe oꞌowimtaka intok
jaamuchimtaka, yoꞌowe Jesukrijtota sualek.
\v 15 Juꞌu ama yoemra intok ket, jumeꞌ koꞌokoeme, bem
karimpo paꞌakun boꞌommeu, chikti bem jipetekimmak yeu
am totojan. Junuen, jumak juniꞌi juꞌu Peeo junama waꞌam
weeka watemmet jekkaanee ti eakai.
\v 16 Ketchia, junamaꞌa ka mekka ili joꞌaram betana, yoemra
juebenaka, jum joꞌara Jerusalen teaꞌu yaajan, inimeꞌe,
koꞌokoeme intok jumeꞌe, juꞌu bebejeꞌeri ka tuꞌi jiapsie
jiokot emo bichame weiyaakai. Inimeꞌe intok siꞌime tuꞌirean.
\s Peeo intok Joantaimmeu suuawa
\p
\v 17 Junako juꞌu teꞌopopo tekiakammeu cheꞌa yoꞌowe
intok jumeꞌ saruseeompo emo teuwaaka junama junae mak
aneme, inimeꞌe tua amet kopten.
\v 18 Intok inimeꞌe junuen, jumeꞌ Krijtota majtim am
bwiseka, jum yee eꞌetawaꞌpo am etaꞌatebok.
\v 19 Taa junamaꞌa, Liojta betana ankeles, tukaapo jum
bem etaꞌimpo jumeꞌ pueetam am etaporiaka, intok junamaꞌa
yeu am tojak, intok:
\p
\v 20 ―Teꞌopou sajaka, emeꞌe junama juꞌu yoemratau, siꞌimeta
inia bemelaka, jiba yuu jiapsiwamta betana, ameu aꞌ teuwaane
―ti ameu jiiak.
\p
\v 21 Inikaꞌa jikkajakai, yokoriapo bempo ketwoo su, jum
teꞌopou yajaka yee majta japtek.
\p Imin intok juꞌu teꞌopopo tekiakammeu cheꞌa yoꞌowe
intok jumeꞌ aamak ama aneme, inimeꞌe, siꞌime jumeꞌ junamaꞌa
Ijraꞌel yoemratau yoꞌoraata nau tojjaka intok inimeꞌe,
junameꞌe yee eꞌetawaꞌu am nuꞌuneeme aman bittuak.
\v 22 Taa junako jumeꞌ yaꞌuraapo tekiaka yee suuatuawame
aman am etaꞌiu yajakai, ka ama am teak. Intok inimeꞌe
junak nottek.
\v 23 Intok:
\p ―Ama bem etaꞌita yumaꞌisi pattita te aꞌ teak. Intok
jumeꞌ ama am suame, ama pueetata bichapo jaꞌabweka am
suuan. Taa junamaꞌa itepo etapoka intok ama kimukai,
kaabeta ama teak ―ti jiakai.
\p
\v 24 Junako juꞌu teꞌopopo tekiakammeu yoꞌowe, intok
juꞌu, jumeꞌ yaꞌuraapo tekiaka yee suuatuawammeu yoꞌowe,
intok jumeꞌ teꞌopopo tekiakame, inikaꞌa jikkajakai, inimeꞌe,
jaisa tua chupnee siꞌime iniꞌi ti naas nau jiian.
\v 25 Jiba junamaꞌa lautipo, senu ama yepsak, intok iniꞌi:
\p ―Wameꞌe jum yee eꞌetawaꞌu enchim etaꞌatebokaꞌum, teꞌopopo
aneka, jukaꞌ yoemrata majta ―ti ameu jiiak.
\p
\v 26 Junak intok juꞌu yee suuatuawammeu yoꞌowe, iniꞌi,
jumeꞌ ama yaꞌuraapo tekiakammak sikaa, junameꞌe aman
am nuꞌuka. Taa kaachin am yaakai, juꞌu yoemra betana
emo mamaasunaꞌati eaka majjaekai.
\v 27 Aman am nuꞌupawako, jum yaꞌuraata aneꞌepo nasuk
am jaꞌabwak. Intoko juꞌu teꞌopopo tekiakammeu cheꞌa
yoꞌowe inimmeu:
\p
\v 28 ―Itepo te, juꞌu Jesujta betana weyemta tua ka intok
enchim yee aꞌ majtaneꞌ betchiꞌbo, te kutti emot nesaulaa.
Emeꞌe intok cheꞌa juniꞌi aayuk. Emeꞌe intok inim bweꞌu
joꞌara Jerusalen teaꞌpo enchim majtaꞌuta, kaabeta yeu
beꞌeeka, siꞌimekut naas aꞌ teuwaari. Intok emeꞌe, inikaꞌa
oꞌouta aꞌ meꞌewakaꞌuta, itom aꞌ meꞌaakaꞌa benasia aꞌ
teuwaabae ―ti ameu jiiak.
\p
\v 29 Junako juꞌu Peeo intok jumeꞌ wate Krijtota yeu
puꞌarim iniau:
\p ―Itou utteꞌa, emo bepat, Liojta bat itom nok jikkajineeꞌuta.
\v 30 Juꞌu bat taewaimmet itom yoꞌowasukaꞌummeu Lios,
aapo, jukaꞌ Jesujta, jiba jukaꞌ kuuset aꞌ poponaka enchim
meꞌaakaꞌuta, kokkoarim nasuk aꞌ jiabijtetuak.
\v 31 Juꞌu Lios intok, aapoꞌik, aamak yoꞌotaka aꞌ anneeꞌuta
intok siꞌimeku aꞌ yoꞌo yaꞌarika intok yee aꞌ jinneꞌuneꞌ
betchiꞌbo, yeu aꞌ puꞌari, junuen inim jukaꞌ Ijraꞌel yoemrata,
ka tuꞌik betana au aꞌ temaeka intok bem ka tuꞌuwa yaꞌarimmet
junuen am jiokoituneꞌ betchiꞌbo.
\v 32 Jiba inia yeu sikamta betana, itepo juꞌuneaka te
aꞌ lutuꞌuriate. Intok juꞌu Liojta tuꞌu jiapsi, Liojta,
jumeꞌ aꞌ nok jikkajame amet jiapsituari, junaꞌa yee aet
juꞌuneetua ―ti ameu jiiak.
\p
\v 33 Junak juꞌu yaꞌuraa, inikaꞌa jikkajakai, tuꞌisi oꞌomtek
intok inimeꞌe suꞌabaaen.
\v 34 Taa junamaꞌa junae yaꞌuraata nasuk, senu paiseeo,
Kamaliꞌel ti teaka, iniꞌi, Moiseej tukaꞌuta nesaurim yee
majtame, junamaꞌa siꞌimem betana yoꞌoriwame ama aanen.
Aapo, kikteka intok jumeꞌ Krijtota yeu puꞌarim, chubala
junama yeu am bittua tebok.
\v 35 Chukula aapo, juꞌu yaꞌuraatau:
\p ―Emeꞌe, inim Ijraꞌel yoemra. Inimeꞌe oꞌowim jachin enchim
ame tana eaꞌu betana aet em emo suua ―ti ameu jiiak―.
\v 36 Emeꞌe juꞌu Teuraaj teamtau waatine, jaibu ili binwatuko,
iniꞌi au cheꞌewareka ka kia beja au yoemeꞌeti jiaka
yeu siika. Inikaꞌa intok oꞌowim, jumak naiki siento taka
aꞌ sualeka, aamak eak. Taa iniꞌi meꞌetuk. Jumeꞌ intok
aamak eame, inimeꞌe naꞌikimtuk. Intok junamaꞌa siꞌime
luꞌutek.
\v 37 Cheꞌa chukula intok, junak yoemrata tea jiꞌojtewaka
taewaimmet, juꞌu Juuras, bwiaraa Kalileaꞌ teaꞌpo joome
au cheꞌewareka yeu siika. Inikaꞌa ket juebenaka aamak
eak. Taa iniꞌi ket meꞌetuk, intok siꞌime jumeꞌ aamak
eaꞌum naꞌikim sajak.
\v 38 Inia betchiꞌbo san inimeꞌe oꞌowim, ka ameu suuaka
am suꞌu tojine. Bweꞌituk iniꞌi bem weetuaka intok bem
yee majtaꞌu, kia inim jiapsame betana weyeꞌeteko, kaitaꞌpo
tawaka, luꞌutine.
\v 39 Taa inikaꞌa, Liojta betana aꞌ weyeo, emeꞌe kaachin
au annee. Aet em mammatene, jiꞌobek juniꞌi, Liojta mak
nassuame benasi machika yeu katne ―ti ameu jiiak.
\p
\v 40 Junamaꞌa siꞌime, ameu aꞌ teuwaakaꞌu mak eaka aꞌ
mabetak. Junak intok jumeꞌ Krijtota yeu puꞌarimmeu chaae
teboka intok am bepsu teboka intok bempo, inimeꞌe ka
intok naa buusti Jesujta betana weyemta bem yee aꞌ majtaneꞌ
betchiꞌbo amet nesaweka intok chukula am suꞌu tojak.
\v 41 Jumeꞌ Krijtota yeu puꞌarim, junamaꞌa yaꞌuraa aneꞌepo
betana yeu sajak intok bempo tua alleakan, bempo, yoꞌowe
Jesukrijtota mak bem eaka jiapsaꞌ betchiꞌbo, junuen tiusi
intok jiokot bem emo bichakaꞌu betchiꞌbo.
\v 42 Intok bempo, bichau bicha, ka aꞌ suꞌu tojaka, yee
majtan. Intok chikti taꞌapo jum teꞌopopo intok joꞌarammet
kateka, Jesujta aꞌ Krijto tukaꞌpo aꞌ lutuꞌuriaten.
\c 6
\s Jumeꞌ tekilta maknaame, woo busanika yeu puꞌawak
\p
\v 1 Jiba junameꞌe taewaimmet, junamaꞌa jumeꞌ Krijtota
sual sakame cheꞌa juniꞌi juebenaekai, jumeꞌ rieeko nokta
nokame, inimeꞌe, jumeꞌ ebreeo nokta nokame jitat am bejeꞌeka
nok japtek. Junameꞌe, rieeko nokame bempoꞌim betana jumeꞌ
jamut jokoptuim, junamaꞌa chikti taꞌapo, bwaꞌamta naꞌikimtewaao,
ka yumaꞌisi am mimikwaꞌa ti jiakai.
\v 2 Junako jumeꞌ woj mamni ama woika Krijtota yeu puꞌarim
junamaꞌa siꞌime jumeꞌ Krijtota sualeme nau tojaka intok
inimmeu:
\p ―Ka tuꞌine, itepo jukaꞌ Liojta betana nok lutuꞌuriata
itom yee majtaꞌuta suꞌu tojaka intok junuen jukaꞌ bwaꞌamta
yetet naꞌikimtewamtat itom ito temainaaꞌu ―ti ameu jiiak―.
\v 3 Inia betchiꞌbo Krijtopo itomak werim, emeꞌe emo
nasuk, woo busani oꞌowim, inimeꞌe a yoem eiyaatume intok
koba susuakame intok Liojta tuꞌu jiapsi yumaꞌisi aꞌ
nok jikkajaka jiapsame yeu puꞌaka, intok inia weemta
betana inikaꞌa am tekil makne.
\v 4 Itepo tee bichau bicha Liojtau bicha nokwamta weetuaka
intok Liojta betana nok lutuꞌuriata yee majtabae, ti
ameu jiiak.
\p
\v 5 Junamaꞌa nau aneme siꞌime inikaꞌa ameu teuwaawakamta
aꞌ tuꞌureka intok bempo junak jukaꞌ Teban teamta ama
yeu puꞌak, inikaꞌa tuꞌisi Liojtat yoem eaka intok Liojta
tuꞌu jiapsita tuꞌisi aꞌ nok jikkajaka jiapsamta. Intok
jukaꞌ Jeriipeꞌ teamta, intok jukaꞌ Rookoroꞌ teamta intok
jukaꞌ Nikanoor teamta intok jukaꞌ Timoon teamta intok
jukaꞌ Parmenaj teamta intok jukaꞌ Nikolaaj teamta, iniꞌi,
bweꞌu joꞌara Antiokiaꞌ teaꞌpo jometaka intok cheꞌa bat
naataka aapo jumeꞌ juriom junuen Liojta aꞌ sualeka bem
joaꞌuta, junamemak aꞌ sualekame, inimeꞌe ama yeu puꞌatuk.
\v 6 Chukula inimeꞌe, jumeꞌ Krijtota yeu puꞌarimmeu nau
tojiwak. Bempo, inimeꞌe, ame bepa mamtek Liojta betana
tuꞌik ame tana waatakai intok ket jiba junuen, Liojtau
bicha am nokriakai.
\p
\v 7 Liojta betana juꞌu nok lutuꞌuria, siꞌimekut teuwaawaka
sualwan. Intok jumeꞌ Krijtota sual sakame jum bweꞌu
joꞌara Jerusalen teaꞌpo, cheꞌa juniꞌi bepa buꞌuurean.
Intok junamaꞌa jumeꞌ teꞌopopo tekiakame ket juebenaka
Krijtota sualeka aꞌ mabet sakan.
\s Jukaꞌ Teban teamta bwijwakaꞌpo
\p
\v 8 Juꞌu Teeban, iniꞌi, aꞌ joaꞌut Liojtat eame intok
Liojta betana tuꞌik weyemta aꞌ joakai, aapo junuen, juꞌu
yoemrata nasuk ka a joo tu machik intok machilaata tuꞌik
jooan.
\v 9 Junako waate, senu bweꞌu karipo juriom nau emo totojaꞌpo,
junamaꞌa jumeꞌ Ka tekoka jiapsame ti emo teuwaame ama
nau yaajaꞌpo, inimeꞌe intok waate, bweꞌu joꞌara Sireeneꞌ
teaꞌa betana joomem, intok bweꞌu joꞌara Alejanriaꞌ teaꞌa
betana, intok bwiaara Siliisiaꞌ teaꞌa betana, intok bwiaraa
Aasiaꞌ teaꞌa betana joomem, inimeꞌe Tebanta mak nok nassua
japtek.
\v 10 Taa junameꞌe ka aꞌ bejeꞌeka aanen bweꞌituk aapo,
Liojta betana tuꞌu jiapsie aniawaka junae suawaka nookan.
\v 11 Junako inimeꞌe, watem bejeꞌetuak, junuen, junameꞌe
Moiseejtukaꞌuta intok Liojta bejeꞌeka ka tuꞌik nokamta
ti aꞌ jikkajilaa ti bem jiuneꞌ betchiꞌbo.
\v 12 Inien inimeꞌe ayuka, junama yoemrata intok junamaꞌa
yoemratau yoꞌoraata intok jumeꞌ Moiseej tukaꞌuta nesaurim
yee majtame ka yanti eewamta inimeꞌ nasuk yaak. Inimeꞌe,
seej chukti Tebantau yajaka aꞌ bwisek intok bempo, juꞌu
bem yoꞌo yaꞌuraatau yeu aꞌ tojak.
\v 13 Junameꞌe ket, watem aapoꞌik bejeꞌeka, ka lutuꞌuriata
nokneeme jaiwak. Inimeꞌe intok:
\p ―Iniꞌi oꞌou, ka nok yaateka, inikaꞌa itom bweꞌu teꞌopota
itom eiyaaꞌuta intok Moiseej tukaꞌuta nesauri jiꞌojteim
bejeꞌeka ka am yoꞌoreka jaana jiia ―ti jiame―.
\v 14 Itepo tee, inikaꞌa: “Juꞌu Jesus, juꞌu Nasaret teaꞌpo
joome, inikaꞌa Liojta bweꞌu teꞌopota aꞌ tatapnee intok
jukaꞌ Moiseejtukaꞌuta itom majtakaꞌuta au joiwalataka
itom joaꞌuta, taꞌabwisi aꞌ yaꞌane”, ti jiamta tee aꞌ
jikkajilaa ―ti jiame.
\p
\v 15 Junak intok juꞌu junama yaꞌuraa intok siꞌime wameꞌe
junama jokame, inimeꞌe, jukaꞌ Tebanta aꞌ bitchukai, aꞌ
pujbawata, Liojta saweꞌuta ankelejta benak pujbakamta
bichak.
\c 7
\s Jum Teban teamta au nokriaꞌpo
\p
\v 1 Junako juꞌu teꞌopopo tekiakammeu yoꞌowe, jukaꞌ Tebanta:
\p ―Jaisa lutuꞌuria jaꞌani siꞌime iniꞌi ―ti au nattemaek.
\p
\v 2 Aapo intok:
\p ―Nele benasi inim yoemem, intok emeꞌe itom yoꞌowam benasi
itom eiyaaꞌum, nee jikkajine. Juꞌu cheꞌa bepa yoꞌorisi
machika itom yoꞌowa Lios, bat taewaimmet itom yoꞌowa
tukaꞌuta Apraꞌam teamta, junak bwiaraa Mesopotaamiaꞌ
teaꞌpo aꞌ jiapsaka intok ketun kee aman bweꞌu joꞌara
Aran teaꞌu aꞌ joꞌateo, aapo au yeu machiak ―ti ameu jiiak―.
\v 3 Intok aapo juꞌu Lios, junau: “Inikaꞌa bwiaraa intok
inim em wawaim am toꞌo sika intok imin taꞌabwi bwiaraa
in enchi tejwaaneeꞌu bicha weene”, ti au jiiak.
\v 4 Junako juꞌu Apraꞌam tukaꞌu junama bwiaraapo, senu
takana, Kal team ti teaꞌa betana, yeu sika intok omot
bweꞌu joꞌara Araan teaꞌu yepsaka ama joꞌatek. Chukula,
juꞌu aꞌ achaiwa aꞌ yoꞌowa aꞌ mukuko, juꞌu Lios, jukaꞌ
Apraꞌamta inim bwiaraa, iꞌan enchim jiapsaꞌpo aꞌ tojak.
\v 5 Taa inim bwiaraapo, chukula au tuꞌika aꞌ bitneeꞌuta,
tua kaita au naꞌikiak. Intok bwiata aꞌ joꞌaneꞌpo kia
ilitchik juniꞌi ka aꞌ miikak. Taa chukula junae betana
aꞌ bittuaneeꞌuta au aꞌ naꞌikiak. Intok aapoꞌikut chukula
jumeꞌ aꞌ yoemiammeu aꞌ tawaneeꞌuta aꞌ tejwaak. Junuen
junakriapo taewaimmet aapoꞌik Apraꞌamta ka aꞌ yoemiako
juniꞌi.
\v 6 Ketchia juꞌu Lios, jumeꞌ aapoꞌikut yeu katriam junameꞌe
omot ka bem bwiaraapo am jiapsineꞌeti jiiak. Intok junama,
naiki siento wasuktiammeu tajtia, jinurim benasi, utteꞌapo
am tekipanoatuawaka intok tua jiokot emo am bitneꞌeti
jiiak.
\v 7 Ketchia juꞌu Lios iniau: “Inepone, junakaꞌa taꞌabwi
yoemrata utteꞌapo ame betchiꞌbo enchim tekipanoatuaneeme,
am yaꞌuraa bittuanee intok chukula bempo em yoemra, junamaꞌa
yeu katnee intok aꞌabo inim bwiaraapo yajaka, in am joo
iꞌaꞌuta joaka intok nee nak yoꞌoreka jiapsine”, ti au
jiiak.
\v 8 Juꞌu Lios, Apraꞌam tukaꞌutamak jita tuꞌik au chupneꞌeti
jiaka, senu lutuꞌuriata aamak yaak. Intok jiba junae
lutuꞌuriau waati betchiꞌbo, jukaꞌ sirkunsision teamta
aꞌ yaꞌaneꞌ betchiꞌbo aet aꞌ tejwaak. Inia betchiꞌbo,
junak, jukaꞌ aꞌ usiwa Isaak teamta yeu tomteko, juꞌu Apraꞌam
junakaꞌa aꞌ woj naiki taewaeo, aꞌ sirkunsiraaroak. Intok
juꞌu Isaak teame juniꞌi, chukula, jukaꞌ Jakoop teamta
uꞌuseka, jiba junaen aꞌ yaak. Iꞌi Jakoop teame juniꞌi
ket, chukula, woj mamni ama wooim yoemiaka, jiba junaen
am yaak. Inimeꞌe chukula kateme junen, jumeꞌ woj mamni
ama woika, ka nanau machi yoemra, Ijraꞌel tukaꞌuta betana
kateme ti taꞌeewame, junameꞌe, inimeꞌe yoꞌowasukaꞌum tukan.
\p
\v 9 ’Inimeꞌe, juꞌu Jakoop tukaꞌuta yoemiam, ket inimeꞌe
itom bat naataka yoꞌowasukaꞌum tukame, inimeꞌe, bem saila,
Joseeꞌ teamtat kopteka, intok inimeꞌe, aapoꞌik mekka bwiaara
Ejiptoꞌ teaꞌu bicha aꞌ weiyaanaꞌ betchiꞌbo, watemmeu
aꞌ nenkak. Taa juꞌu Lios, Joseeꞌ teamtamak tuka, aꞌ anian.
\v 10 Intok siꞌimekut tua jiokot au aꞌ bichakaꞌut, kaita
aꞌ juiwaneꞌ betchiꞌbo, utteꞌata aet autuak. Intok ket
koba suawata aet autuak. Intok junuen junamaꞌa bwiaraa
Ejiptoꞌ teaꞌpo juꞌu cheꞌa yoꞌo yaꞌari, Paraon teamta
betana tuꞌisi aꞌ bittuneꞌ betchiꞌbo. Iniꞌi intok, jukaꞌ
Joseꞌ teamta, junama bwiaraa Ejiptoꞌ teaꞌpo, intok kia
junama, jiba aapoꞌik juꞌu cheꞌa yoꞌo yaꞌarita aꞌ joꞌaapo
aukamtau aꞌ yoꞌo yaak.
\p
\v 11 ’Chukula junak junamaꞌa Ejiptoꞌ bwiaraaꞌ teaꞌpo
intok Kanaan bwiaraaꞌ teaꞌpo, siꞌimekut tuꞌisi tebaatuk
intok tua jiokot emo bitwak. Jumeꞌ intoko itom cheꞌa
bat yoꞌowasukaꞌum, bem bwaꞌaneeꞌuta ka jak aꞌ tettean.
\v 12 Taa junak juꞌu Jakoop, bwiaraa Ejiptoꞌ teaꞌu, tiikom
juꞌuneiyaaka, jumeꞌ aꞌ yoemiawam, jiba jumeꞌ cheꞌa bat
itom yoꞌowasukaꞌum aman am bittuak. Inim, junak bempo
keꞌesam aman noiten.
\v 13 Taa chukula bempoꞌim wosa aman noiteo, juꞌu Joseeꞌ
teame, jumeꞌ aꞌ saiwammeu aapoꞌik junaꞌatukaꞌpo am taꞌaatuak.
Intok junuen juꞌu ama bwiaraapo cheꞌa yoꞌo yaꞌari, Joseeta
jita yoemrata betana aꞌ weyeꞌpo juꞌuneak.
\v 14 Junako juꞌu Josee, aꞌ achaiwata aꞌ yoꞌowa Jakoopta
intok siꞌime jumeꞌ aamak joꞌaakame, intok bem yoemiam,
aman au am nuꞌupa nesawek. Inimeꞌe intok siꞌime nau,
baji taka ama woj mamni intok ama mamniakan.
\v 15 Junuen yeu sikaꞌapo san, juꞌu Jakoop tukaꞌu, bwiaraa
Ejiptoꞌ teaꞌu sikaa, aman joꞌatek. Junama chukula aapo
muukuk. Intok kia junama ket siꞌime jumeꞌ cheꞌa bat
itom yoꞌowa sukaꞌum juniꞌi ama kokkok.
\v 16 Inia aapoꞌik betana juꞌu aꞌ taka tawakame, cheꞌa
chukula, joꞌara Sikem teaꞌu tojiwak. Intok junaman, kau
tejpo teta wojoꞌoria yaꞌariapo, junamaꞌa Apraꞌamtukaꞌuta,
tosai tomie senu Amor teamta yoemiammeu jum joꞌara Sikem
teaꞌpo aꞌ jinulaatukaꞌpo, junaman maꞌatuk.
\p
\v 17 ’Junako, Liojta machilaae senu lutuꞌuriata tua
Apraꞌamtau aꞌ chupneꞌeti jiaka aꞌ juꞌuneiyaatuari, tua
abe aꞌ chupeo, junaman bwiaraa Ejiptoꞌ teaꞌpo juꞌu Ijraꞌel
yoemra tua bepa buꞌuureak.
\v 18 Junako, jum Ejipto bwiaarapo, senu taꞌabwika aman
cheꞌa yoꞌo yaꞌatuk. Iniꞌi, Josee tukaꞌuta aꞌ jabetukaꞌut
ka juꞌuneakai.
\v 19 Iniꞌi cheꞌa yoꞌo yaꞌari, bemelasi ama yejtekame,
jukaꞌ ito benasi yoemrata bai taꞌaaka intok junameꞌe
jiokot ka tuꞌisi am bichak. Intok jiba inimeꞌe jumeꞌ
cheꞌa bat itom yoꞌowasukaꞌum junuen jumeꞌ usekame, bem
ou yoemiam juꞌubwa yeu tomteme, am kokkoneꞌ betchiꞌbo,
utteꞌapo, mekka am totojituakai.
\v 20 Jiba junuen junameꞌe taewaimmet juꞌu Moisees yeu
yoemtuk. Iniꞌi intok tutuꞌuli usitukan. Intok inikaꞌa,
aꞌ yoꞌowawam bem joꞌapo, baji metpo aꞌ ujuꞌuuk.
\v 21 Junak intok, inikaꞌa aꞌ yoꞌowawam utteꞌapo mekka
aꞌ tojituawako, jiba junama Ejiptoꞌ teaꞌpo, juꞌu cheꞌa
yoꞌo yaꞌarita maara, aꞌ tojiwakaꞌu aꞌ teaka, aꞌ nuꞌuka
intok inikaꞌa, aapoꞌik aꞌ asoakamta benasi aꞌ yoꞌoturiak.
\v 22 Jiba inia betchiꞌbo juꞌu Moiseejtukaꞌu, junamaꞌa,
siꞌimeta jukaꞌ Ejipto bwiaraapo yoemrata taꞌaaka juꞌuneiyaaꞌue,
iniae majtaituk. Intok iniꞌi, tua yoꞌoꞌutteꞌakan. Siꞌimeta
aꞌ teuwaakaꞌut intok aꞌ joaꞌutchi juniꞌi.
\p
\v 23 ’Junak chukula, aapo jaibu woi taka wasukteka beja,
aapo iniꞌi Moisees, junama jumeꞌ ale benasi yoemem, jumeꞌ
ijraꞌeliitam teammeu noitibabaek.
\v 24 Junamaꞌa Ejiptoꞌ teaꞌpo jometa seenuk, junameꞌe
ale benasi yoemra betana senuk jiokot aꞌ joamta bichak.
Junuen junakaꞌa aꞌ jinneꞌubaeka intok aꞌ jujutriabaeka,
juꞌu Moisees, junakaꞌa Ejiptopo jometa meꞌaak.
\v 25 Bweꞌituk aapo junuen jumeꞌ ale benasi ijraꞌeliita
yoemem, Liojta aapoꞌik ameu bittuaka, junama am jinneꞌuneeꞌut
am juꞌunee machian. Taa bempo ka junuen aꞌ mammatek.
\v 26 Juchi yokoriapo juꞌu Moisees juchi aman weamaka,
junamaꞌa nanancha ijraꞌeliita yoemem nau nassuame teak.
Intok inimeꞌe, aapo ka nau nassua iꞌaka, inimmeu: “Emeꞌe,
nanancha ijraꞌeliita yoememtaka, jaisaaka emeꞌe nau nassua”,
ti ameu jiiak.
\v 27 Junako, jukaꞌ aamak ama anemta jiokot aꞌ joame,
Moiseejta yuꞌaaka, intok: “Jabesa enchi itom em nau
tuꞌuteneꞌ betchiꞌbo, itou enchi yoꞌo yaak”, ti jiiak.
\v 28 “Jaisa empo nee ket meꞌebae jaꞌani, tuka jukaꞌ
inim Ejiptopo yoemta em meꞌaakaꞌa benasia”, ti au nattemaek.
\v 29 Inikaꞌa jikkajisuko juꞌu Moisees, junamaꞌa tawa
majjaeka intok, omot bwiaraau, Marian teaꞌu bicha siika.
Junamaꞌa, ka ama jometaka juniꞌi, ama joꞌaaka intok ama
jubeka, wooim uꞌusekan.
\p
\v 30 ’Woiꞌ taka wasuktiam simsuka aet chukula, mekka
seꞌe paꞌakun, senu kawi, Sinaiꞌ teaꞌu ka mekkaa, junamaꞌa
aꞌ aneo, Liojta saweꞌu ankeles, senu juya teaka beeteꞌpo
aapoꞌiku au yeu machiak.
\v 31 Jukaꞌ Liojta betana ama aꞌ bichaꞌuta, tua aꞌ suum
eiyaak. Taa junak, junamaꞌa cheꞌa tuꞌisi aꞌ bitbaeka
au ruktekai, aapo, achai Liojta betana jiawaita jikkajak:
\v 32 “Ineponee junaꞌa, wameꞌe cheꞌa bat em yoꞌowasukaꞌum
Lios. Ineponee Apraꞌamtau, intok Isaaktau intok Jakooptau
Lios”, ti au jiiak. Junako juꞌu Moisees, majjaeka au
yooan. Intok aapo tua ka intok aꞌ bitbaek.
\v 33 Juꞌu achai Lios intok aapoꞌiku: “Emo bocha yecha”,
ti au jiiak. “Bweꞌituk bwia iꞌan em weekaꞌpo, neu aꞌ
naꞌikiaritukaꞌa benasi aꞌ yoꞌorine”, ti au jiiak.
\v 34 “Ineponee jum bwiaara Ejiptoꞌ teaꞌu jukaꞌ in
yoemrata in yeu puꞌari, jiokot am aneꞌuta nee aꞌ juꞌuneiyaa.
Bem jiokot jiaka neu nokaꞌuta, nee aꞌ jikkajilaa. Intok
inepo junae betana am jinneꞌubaeka, aꞌabo koꞌom yebijlaa.
Nemak weene, bwiaraa Ejiptoꞌ teaꞌu ne enchi bittuabae”,
ti au jiiak.
\p
\v 35 ’Junuen, bempoꞌim junaman jukaꞌ Moiseejta ka aꞌ
mabetlamtuko juniꞌi, intok junameꞌe: “Jabesa enchi itou
yoꞌo yaꞌari, intok itom enchi nau tuꞌuteneꞌ betchiꞌbo”,
ti au jiulatuk juniꞌi, juꞌu Lios junammeu aꞌ yoꞌo yaaka
intok junamaꞌa bem am jinneꞌuneꞌ betchiꞌbo ameu aꞌ bittuak,
jukaꞌ ankelejta, jum juya beeteꞌpo aapoꞌiku au yeu machiakamta
aꞌ sawakai.
\v 36 Iniꞌi Moisees, junaꞌa juꞌu, jumeꞌ cheꞌa bat itom
yoꞌowasukaꞌum, bwiaraa Ejiptoꞌ teaꞌpo yeu am nuk sikame.
Intok jiba aapo, jiba junama bwiaraapo, intok jum bweꞌu
seꞌe paꞌaku, intok Sikii baweꞌ teaꞌpo, junamaꞌa, woi taka
wasuktiammeu tajtia ka a joo tu machik intok machilaata
yaakame.
\v 37 Jiba iniꞌi Moisees junaꞌatuk, juꞌu, juꞌu Ijraꞌel
yoemratau: “Juꞌu Lios, chukula, jiba inim enchim yoemrata
nasuk, emo betana seenuk, Liojta betana juꞌuneetuawaka,
chukula yeu weenemta teuwaamta emou aꞌ bittuane, jiba
aapoꞌik nee emou aꞌ bittuakaꞌa benasia. Junakaꞌa, ala
emeꞌe aꞌ nok jikkajine”, ti ameu jiame.
\v 38 Ketchia jiba iniꞌi Moisees, aapo, mekka bweꞌu seꞌe
paꞌariau, jukaꞌ buꞌuuraata nasuk, intok kawi Sinaiꞌ teaꞌu,
Liojta betana ankelejta aamak nokakamta mak, intok jiba
jumeꞌ cheꞌa bat itom yoꞌowasukaꞌummak aneme. Intok jiba
aapo, Liojta betana nokim, jiba yuu jiapsiwamta weiyaamta
itou aꞌ teuwaa betchiꞌbo aꞌ juꞌuneiyaatuawakame.
\p
\v 39 ’Taa inimeꞌe cheꞌa bat naataka itom yoꞌowasukaꞌum,
ka aꞌ nok jikkajibaek. Ala bempo omola aꞌ tawaaka, intok
bwiaraa Ejiptoꞌ teaꞌu juchi nottibaen.
\v 40 Junak bempo, Aaron teamtau: “Jitae jumeꞌ itom
yoꞌorineeꞌum, junameꞌe ito pat kateka, boꞌot itom anianeeme
itom am yaꞌariane. Bweꞌituk itepo tee, Moiseejta, bwiaraa
Ejiptoꞌ teaꞌpo itom yeu nuk sikamta, jakun, aꞌ tawakaꞌut,
te tua ka juꞌunea”, ti au jiian.
\v 41 Junako inimeꞌe, jita bem yoꞌorineeꞌuta, beseota
benak yaak. Chukula intok aꞌ yoꞌori betchiꞌbo, naikim
wokekame aꞌ suꞌariak. Intok inimeꞌe, junakaꞌa bempo bem
maammea yaꞌari betchiꞌbo alleak.
\v 42 Junak intok juꞌu Lios, ka intok am aniaka am koptak.
Intok aapo, teekapo jumeꞌ chokim bem yoꞌorineꞌ betchiꞌbo
am suꞌu tojak. Bweꞌituk jiba jum Liojta betana jumeꞌ
chukula yeu weenemta teuwaamta, bem jiꞌosia jiꞌojteimpo:
\q Jaisa tua emeꞌe inim Ijraꞌel yoemra, jumeꞌ naikim wokekame
suꞌaka enchim ne yoꞌoribaeꞌ betchiꞌbo,
\q Woi taka wasuktiampo tajti jum bweꞌu seꞌe paꞌakun aneka,
junameꞌe am suꞌak jaꞌani.
\q
\v 43 Ka junueni.
\q Ala emeꞌe, enchim kateꞌu bicha jukaꞌ enchim yaꞌarika
enchim yoꞌoreeꞌuta,
\q Molok teamta lona kari ama aꞌ katekaꞌu,
\q Intok jukaꞌ chokita enchim yaꞌarika enchim yoꞌoreeꞌuta,
Rimpan teamta,
\q Inimeꞌe emomak am nuk weiyaan.
\q Jiba jita benaka am yoꞌoribaeka enchim yaꞌarim.
\q Jiba inia betchiꞌbo, inepone, enchim tua jometaka enchim
bwiaraa betana, senu bwiaraa Babilooniaꞌ teaꞌpo,
\q Cheꞌa waꞌam bicha nee enchim bittuane, ti jiia juꞌu
achai Lios.
\p
\v 44 ’Jum bweꞌu seꞌe paꞌaku rejtekai, jumeꞌ cheꞌa bat
naataka itom yoꞌowasukaꞌum, junameꞌe jukaꞌ lonae bem
kari yaꞌariꞌpo, jumeꞌ wooi bweka tetam, Liojta woj mamni
nesaurim amet jiꞌojteim, ama wajiwa am jijipuen. Iniꞌi
kari yaꞌari, jiba Liojta jukaꞌ Moiseejtukaꞌuta yaꞌasaekaꞌa
benasia, junak aapoꞌik junuen machik aꞌ yaꞌaneeꞌu betana
aꞌ tejwaaka aapoꞌik aꞌ bichakaꞌpo benasi yaꞌatuk.
\v 45 Wameꞌe cheꞌa bat naataka itom yoꞌowasukaꞌum, inikaꞌa
lona kari yaꞌarita, bempo aamak taawak. Intok chukula
wameꞌe, juꞌu senu Josueꞌ teamta mak boꞌo joakame junako
bempo wate yoemrata, junameꞌe bem bwiata ameu aꞌ yoꞌokai,
inimeꞌe, Liojta am aniakaꞌ betchiꞌbo, jukaꞌ bwiata ameu
aꞌ tawaneꞌ betchiꞌbo, junameꞌe ama yeu sajaka junak bempo
inim bwiarau amemak aꞌ weiyaan. Iniꞌi inien tuk, Labiitukaꞌuta
taewaim aapoꞌik amet aꞌ jiapsaꞌu tajtia.
\v 46 Iniꞌi, juꞌu cheꞌa yoꞌo yaꞌari Labii tukaꞌu, juꞌu
Lios ae betana alleaka aapo cheꞌa bepa yumaꞌisi au tuꞌik
aꞌ bittuak. Intok aapo ket kari, aapoꞌik Liojta, jukaꞌ
Jakoop tukaꞌuta yoꞌorekaꞌuta, junama jak aꞌ yaꞌaria betchiꞌbo,
Liojtau bicha nookak.
\v 47 Taa juꞌu, inikaꞌa Liojta ama yoꞌorinaaꞌuta karita,
juꞌu aꞌ yaakame, chukula juꞌu aꞌ yoemia juꞌu Salomon
tukaꞌu junaꞌatuk.
\v 48 Taa junuentaka juniꞌi, juꞌu Lios teekau jiapsame,
aapo ka inim jabeta betana kari yaꞌaripo jiapsa oꞌoben.
Bat naataka seenuk, Liojta betana juꞌuneetuawaka chukula
yeu weenemta teuwaamta aꞌ jiakaꞌa benasia:
\q
\v 49 Juꞌu teeka junaꞌa, juꞌu cheꞌa yoꞌotaka nesaweka in
aet katekaꞌu benak.
\q Iniꞌi intoko bwia, jiba jita in aet wokeka katekaꞌu
benakai, ti jiia juꞌu achai Lios.
\q Inien san emeꞌe kaachini inim, jitae nee a kaateriane,
ti jiia.
\q Oo intok kia jak inim in yum joꞌeneeꞌu juniꞌi, ka neu
utteꞌa.
\q
\v 50 Jiba ineponee junaꞌa, juꞌu, bwiata, teekata intok siꞌimeta
juꞌunaktekame, ti jiia juꞌu achai Lios.
\p
\v 51 ’Emeꞌe jiba inien namakak jiapsek. Intok emeꞌe,
jiba jumeꞌ ka Liojta sual taꞌaame benasi jukaꞌ lutuꞌuriata
ka jikkajibae intok kaita sualekai. Emeꞌe, jiba jukaꞌ
Liojta betana tuꞌu jiapsita bejeꞌeka, ka aamak ea. Jiba
emeꞌe, jumeꞌ enchim yoꞌowasukaꞌum bebena ―ti ameu jiiak―.
\v 52 Jumeꞌ cheꞌa bat naataka enchim yoꞌowasukaꞌum, bempo
jumeꞌ Liojta betana juꞌuneetuawaka chukula yeu weenemta
teteuwaaꞌum, kaabeta beꞌaaka, siꞌimem jiokot emo am bittuak.
Bempo bat naataka, jumeꞌe, jukaꞌ siꞌimeku lutuꞌuriata
boꞌo jooriaka jiapsamta, inim aꞌ yebijneeꞌuta aꞌ teuwaakame,
am suꞌak. Intok iꞌan aapoꞌik inim aꞌ yepsako, emeꞌe aꞌ
bwiseka intok aꞌ meꞌaak.
\v 53 Emeꞌe jiba jukaꞌ Liojta betana nok lutuꞌuriata
aꞌ nesaurim, jumeꞌ ankelesim emou tojita mabetakai, ka
aꞌ nok jikkaja ―ti ameu jiiak.
\s Jum Teban teamta meꞌewakaꞌpo
\p
\v 54 Junako bempo inikaꞌa ameu aꞌ teuwaawakamta jikkajakai,
intok inimeꞌe, Tebantau tua omten kia emo tam kumekai.
\v 55 Taa juꞌu Teeban, Liojta tuꞌu jiapsie yumaꞌisi aet
anekai, teekau jikau bitchuka intok aapo junaman Liojta
betana machilaata intok ket Jesujta, achai Liojta batatana
au weyekamta bichak.
\v 56 Junak aapo:
\p ―Akeꞌem aꞌ bicha. Teekau nee, juꞌunakkiachisi machilaata
bicha, intok ketchia jukaꞌ inim ito benasi yoem tukaꞌuta,
Liojta batatana au weyekamta ne bicha ―ti jiiak.
\p
\v 57 Taa bempo tua ka aꞌ jikkajibaeka, emo naka pattak,
intok tua kusisi chaaeka intok siꞌime au tenneka aꞌ
bwisek.
\v 58 Intok inimeꞌe, junamaꞌa bweꞌu joꞌarapo yeu aꞌ nuk
sajaka intok junameꞌe aꞌ mamaa japtek. Intok jumeꞌ junuen
aꞌ meꞌenaꞌ betchiꞌbo aet nesaweme, inimeꞌe, bem bepa tajoꞌorekaꞌum,
senu juꞌubwa yoꞌotume, Sauloꞌoti teakaꞌutau am joꞌariakan.
\v 59 Intok junamaꞌa ketun bempoꞌim aꞌ mamaao, juꞌu Teban
teame Liojtau bicha nookak:
\p ―In yoꞌowa Jesukrijto, in jiapsi nee em mampo aꞌ suꞌu
toja ―ti jiakai.
\p
\v 60 Chukula tonommea kikteka, intok kusisi chachaeka
intok:
\p ―Achai Lios, inikaꞌa ka tuꞌik bem yaꞌari betchiꞌbo, ka
aet am yaꞌuraa bittuane ―ti jiiak.
\p Inikaꞌa teuwaasuka, muukuk.
\c 8
\s Jukaꞌ Sauloꞌ teamta, jumeꞌ Krijtota sualeme ka tuꞌisi bichaꞌpo
\p
\v 1 Juꞌu intoko Sauloꞌ teame, inikaꞌa aꞌ meꞌenaaꞌuta,
junuen aꞌ meꞌaakammak ean.
\p Jiba junae taewait naateka, jumeꞌ bweꞌu joꞌara Jerusalen
teaꞌpo Krijtota sualeme, tua jiokot bit japteak. Junamaꞌa
junameꞌe, jumeꞌ bwiaraa Jureaꞌ teaꞌu bicha intok bwiaraa
Samaariaꞌ teaꞌu bicha yeu naꞌikimtuk. Kia jumeꞌ Krijtota
yeu puꞌarim jiba junamaꞌa Jerusalenpo tawakai.
\v 2 Junamaꞌa waate, Liojta tua yoꞌori taꞌaame, inimeꞌe
jukaꞌ Tebanta maꞌak. Intok inimeꞌe ae betchiꞌbo tua
siokakai.
\v 3 Junako junamaꞌa juꞌu Sauloꞌ teame, jumeꞌ Krijtota
sualemmeu suuan am luꞌutabaekai. Intok iniꞌi, joꞌaraat
weyen junuen jumeꞌ oꞌowim intok kia am jaamuchim tuk
juniꞌi, yeu am wikeka intok junuen inimeꞌe, yee eꞌetawaꞌu
am bittuabaekai.
\s Jum Samaaria bwiaraaꞌ teaꞌpo, Krijtota nok lutuꞌuriata aꞌ majtawakaꞌpo
\p
\v 4 Taa junuen intok, jumeꞌ junama bweꞌu joꞌaraapo Jerusalen
teaꞌa betana yeu naꞌikimtukame, inimeꞌe bem kateꞌut siꞌimekut
Krijtota betana jukaꞌ nok lutuꞌuriata aꞌ teuwaa sakan.
\v 5 Inimeꞌe betana juꞌu seenu, Jeriipeꞌ teakai, bwiaara
Samaariaꞌ teaꞌpo, senu ili ka bweꞌu joꞌarau sika intok
junamaꞌa yoemrata, Krijtota betana yoemratau nok taitek.
\v 6 Junamaꞌa juꞌu yoemra nau yaajan, intok siꞌime, jukaꞌ
aapoꞌik Jeriipeꞌ teamta ameu aꞌ teuwaaꞌuta, aꞌ mammateka
aꞌ jikkajan. Intok ketchia, inimeꞌe, ka a joo tu machik
machilaata aꞌ joaꞌuta bichan.
\v 7 Bweꞌituk junamaꞌa juebenaka jumeꞌ bebejeꞌeri ka
tuꞌi jiapsekame, inimeꞌe junae betana tuꞌirean. Junameꞌe
ka tuꞌi jiapsim intok, inimeꞌe jiokot emo bichammet, kusisi
am chachaituaka amet yeu kateka am suꞌu tojan. Intok
junama ketchia juebenaka, ka emo taka yekame intok ketchia
wameꞌe wokpo loloꞌim tuꞌirean.
\v 8 Inien weyeka san junamaꞌa ili bweꞌu joꞌaraatchi,
aapoꞌik aneꞌepo, junama yoemrata nasuk tua alleewan.
\p
\v 9 Taa junamaꞌa ket, senu Simooꞌ teaka ama joꞌaakan.
Iniꞌi junen, cheꞌa bat naataka junamaꞌa ili joꞌaraapo,
jukaꞌ ama yoemrata, juꞌu ka tuꞌik yee bai taꞌaawamta
aꞌ taꞌaaꞌue, suum watchisi machik joaka, intok au yoꞌori
teboka.
\v 10 Junamaꞌa, jumeꞌ cheꞌa iilitchimpo naateka, jumeꞌ
ama cheꞌa yoꞌowemtaka juniꞌi, siꞌime, tua aꞌ sualeka aꞌ
jikkajan. Intok inimeꞌe:
\p ―Iniꞌi oꞌou aꞌ joaꞌu, Liojta a jita joaꞌue aꞌ jooa ―ti
jiian.
\p
\v 11 Inikaꞌa bempo aꞌ sualen, bweꞌituk iniꞌi, binwatuk
naateka, ka tuꞌik yee bai taꞌaawamtae, tua binwatuk naateka
am bai taꞌaariakan.
\v 12 Taa junak inimeꞌe, bempo jukaꞌ Jeriipeta, Liojta
teekau cheꞌa yoꞌotaka aꞌ katekaꞌu betana lutuꞌuriata
intok yoꞌowe Jesukrijtota lutuꞌuriapo, Liojta betana
yeu puꞌaritaka aꞌabo aꞌ bittuaritukaꞌpo ameu aꞌ teuwaawao,
bempo aꞌ mabetaka, Krijtota sualekai, oꞌowimtaka intok
jaamuchimtaka chiktia, emo batoꞌowaa tebok.
\v 13 Intok junamaꞌa, jiba juꞌu Simooꞌ teame juniꞌi aꞌ
sualeka intok ket batoꞌowaawak. Intok aapo aꞌ eaꞌpo,
Jeriipeꞌ teamtamak naas wee taitek. Intok iniꞌi, wakaꞌa,
Liojta a jita joaꞌ betchiꞌbo, tua ka a joo tu machik
intok jukaꞌ machilaata joowamta bichakai, tua aꞌ suum
eiyaan.
\p
\v 14 Chukula intok, jumeꞌ Krijtota yeu puꞌarim aman
bweꞌu joꞌara Jerusalenpo aneꞌum, bwiaara Samaariaꞌ teaꞌa
betana joomem Liojta betana jukaꞌ nok lutuꞌuriata bem
aꞌ mabetaka aꞌ sualekaꞌpo juꞌuneiyaaka, jukaꞌ Peota intok
jukaꞌ Joanta junaman am bittuak.
\v 15 Inimeꞌe intok junak aman yajakai, junamaꞌa Samaaria
bwiaraapo Krijtota sualeme, junuen jukaꞌ Liojta tuꞌu
jiapsita amet an betchiꞌbo, Liojtau bicha am nokriak.
\v 16 Bweꞌituk inimeꞌe betana kee jabe jukaꞌ Liojta
tuꞌu jiapsita aꞌ mabetan, inimeꞌe wepulsi yoꞌowe Jesukrijtota
sualeka jiba batoꞌowaarim tukan.
\v 17 Junako juꞌu Peeo intok juꞌu Joan, inimeꞌe Krijtota
sualemmet mamteka intok junuen inimeꞌe jukaꞌ Liojta
tuꞌu jiapsita aꞌ mabetakai.
\p
\v 18 Junako juꞌu Simoon, junuen jumeꞌ Krijtota yeu puꞌarim,
inimeꞌe inimmet mamteko jukaꞌ Liojta tuꞌu jiapsi junameꞌe
aꞌ mabetame bichakai, aapo tomita am makbaen,
\v 19 junammeu:
\p ―Emeꞌe inikaꞌa utteꞌata enchim jipueꞌuta net ket aꞌ
autuane. Junuen junak jabeta juniꞌi, junaet in mamtekaꞌuta,
junakaꞌa jukaꞌ Liojta tuꞌu jiapsita aꞌ mabetneꞌ betchiꞌbo
―ti ameu jiiak.
\p
\v 20 Junak intok juꞌu Peeo iniau:
\p ―Empo em tomimak ka tuꞌikun bicha naꞌikiatune. Bweꞌituk
inien jukaꞌ Liojta yee mikaꞌuta, tomie a jinutu ti em
eaꞌ betchiꞌbo ―ti au jiiak―.
\v 21 Empo inile benaka itom boꞌo jooriaꞌpo, kia ili
juniꞌi ka iniau lutuꞌuriak. Bweꞌituk empo, Liojta bichapo
ka aamak eaka ka tuꞌisi jiapsa ―ti jiiak―.
\v 22 Inien inikaꞌa Liojta bichapo ka tuꞌik em jiapsaꞌu
betana emo temaika aꞌ koptane. Intok inia betana Liojtau
bicha emo nokriane, jumak juniꞌi inien em eakaꞌut aapo
enchi jiokoine.
\v 23 Bweꞌituk et ne mammate, inien ama butti jitat em
kopteꞌu. Intok jukaꞌ ka tuꞌik em joopeaꞌuta, em ka aꞌ
suꞌu tojaꞌu ―ti au jiiak.
\p
\v 24 Junako juꞌu Simoon, Peotaimmeu:
\p ―Emeꞌe, Liojtau bicha nee nokriane, junuen inikaꞌa weemta
enchim neu auneꞌeti jiaꞌuta, ka junuen neu aꞌ chupneꞌ
betchiꞌbo ―ti ameu jiiak.
\p
\v 25 Chukula bempo junamaꞌa yoꞌowe Jesukrijtota betana
bem juꞌuneiyaaꞌuta intok Liojta betana nok lutuꞌuriata
junama aꞌ teuwaasukai, bempo jumeꞌ Krijtota yeu puꞌarim,
junamaꞌa bwiaraa Samaariaꞌ teaꞌpo, juebena ili ka bwere
joꞌarammet, Krijtota betana jukaꞌ nok lutuꞌuriata aꞌ
teuwaasuka intok junak chukula, Jerusalemmeu nottek.
\s Juꞌu Jeriipe intok juꞌu, bwiaraa Etiopiaꞌ teaꞌpo joome
\p
\v 26 Iniat chukula, Liojta betana senu ankeles, Jeriipeꞌ
teamtau:
\p ―Inim yeu sikaa, luula yejteꞌu bicha weene, juꞌu boꞌot,
inim Jerusalenpo naateka, joꞌara Kaasaꞌ teaꞌu bicha boꞌokamtatchi
―ti au jiiak.
\p Iniꞌi junaꞌa juꞌu boꞌo, bweka paꞌariapo aman boꞌokame.
\v 27 Iniꞌi Jeriipe junuen junam bicha yeu siika. Intok
boꞌot weyekai, seenuk, bwiaraa Etioopiaꞌ teaꞌu jometau
yepsak. Iniꞌi eunuuko tukan. Iniꞌi intok ketchia, yoꞌoorapo
yoꞌo tekiakan intok junamaꞌa bwiaara Etiopiaꞌ teaꞌpo,
jamut taka junamaꞌa cheꞌa yoꞌo yaꞌari, Kandaakij teamtau
chapti, junae yoꞌota tomi ama jipuꞌuwamta aꞌ suuatuawan.
Intok iniꞌi, bweꞌu joꞌara Jerusalenpo, junaman Liojta
aꞌ yoꞌori betchiꞌbo, aman noitilatukan.
\v 28 Iniꞌi oꞌou, aꞌ bwiaraau bicha nottika weyen. Intok
aꞌ kabaꞌi karopo yej simeka intok iniꞌi, bat naataka
Liojta betana juꞌuneetuawaka, chukula yeu weenemta teuwaamta,
Isaꞌiaj tukaꞌuta jiꞌosia jiꞌojteim nok simen.
\v 29 Junako juꞌu Liojta tuꞌu jiapsi, Jeriipeꞌ teamta:
\p ―Junae karopo weyemtau aꞌ yebijneꞌ betchiꞌbo, au rukteꞌe,
junuen aꞌ juꞌuneetuak.
\p
\v 30 Intok junak juꞌu Jeriipe, buiteka lauti junau ruktekai,
inikaꞌa, Isaꞌiaj tukaꞌuta jiꞌosia jiꞌojteim nokamta jikkajaka,
intok:
\p ―Jaisa empo juꞌu em nokaꞌut juꞌuneaka aꞌ nooka jaꞌani
―ti aꞌ temaek.
\p
\v 31 Iniꞌi yoeme intok:
\p ―Kaachin nee aet juꞌuneene, kaabeta senuk juꞌuneamta
nee aꞌ tejwaao ―ti jiiak.
\p Intok junako, aamak jaꞌamuka aamak aꞌ yej simneꞌ betchiꞌbo
au nookak.
\p
\v 32 Jum Liojta nok lutuꞌuria jiꞌojteimpo aꞌ nokaꞌu
inen jiꞌojtei tukan:
\q Bwalata benasi nuꞌuwaka meꞌetuk.
\q Intok jiba jukaꞌ bwala asoꞌolaata,
\q Jumeꞌ aꞌ boaꞌume bichapo ka aꞌ bwabwanaꞌa benasi,
\q Aapo ket junuen ka au nokriak.
\q
\v 33 Ka yoꞌoriwaka jiokot yaꞌatuk.
\q Intok aapoꞌik aniaka aꞌ nokriame, kaabe tuk.
\q Tuꞌik jiba joaka jiapsan, taa ka tuꞌik joamta benasi
yaꞌawak.
\q Intok jumeꞌ aapoꞌik betana kateme aꞌ yoemiam tuneeꞌum
kaabe tuneemta benasi machian.
\q Bweꞌituk aapo inim bwiapo aꞌ jiapsaꞌpo meꞌewak.
\p
\v 34 Juꞌu yoꞌo yaꞌuraapo tekiakame, jukaꞌ Jeriipetau:
\p ―Tua ne eu ujbwana, juꞌu chukula yeu weenemta teuwaame,
inim aapo au teuwaa jaꞌani, oo senuk taꞌabwik betana
weyemta teuwaa, nee tejwaane ―ti au jiiak.
\p
\v 35 Junako juꞌu Jeriipe, jiba junamaꞌa aapoꞌik nokaꞌapo,
junamaꞌa jiꞌojteita au teuwaa taitek, intok aapo, Jesukrijtota
betana jukaꞌ nok lutuꞌuriata au teuwaak.
\v 36 Intok junako, bempo, bem kateꞌut, senu baꞌa manekaꞌpo
waꞌam katekai, juꞌu yoꞌo yaꞌuraapo tekiakame, Jeriipetau:
\p ―Im baꞌam. Jaisa nee ka a batoꞌowaatunee jaꞌani ―ti
au jiiak.
\p
\v 37 Juꞌu Jeriipe intok junau:
\p ―Empo chikti em jiapsie Krijtota sualeꞌeteko, aaꞌee
batoꞌowaatu ―ti au jiiak.
\p Junaꞌa oꞌou intok:
\p ―Yoꞌowe Jesukrijtota, Liojta betana aꞌ yoemiari tukaꞌuta
nee aꞌ suale ―ti au jiiak.
\p
\v 38 Junako bempo, bem ama kateꞌuta karota kechaka, intok
bempo nau junamaꞌa baꞌau koꞌom sajak. Juꞌu Jeriipe intok
junamaꞌa aꞌ batoꞌowaak.
\v 39 Junako, bempoꞌim junama baꞌapo yeu sajako, juꞌu
Liojta tuꞌu jiapsi, jukaꞌ Jeriipeta seej chukti junamaꞌa
omot bicha aꞌ nuk siika. Juꞌu intok yoꞌo yaꞌuraapo tekiakame,
ka intok aꞌ bichak. Taa iniꞌi tua alleaka bichau bicha
boꞌo joak.
\v 40 Juꞌu Jeriipe intok, senu ili bweꞌu joꞌaraa Asootoꞌ
teaꞌu yepsaka juꞌunean. Intok junak aapo, junaman juebena
ili joꞌarammet weyeka, senu joꞌara, Sesareaꞌ teaꞌu aꞌ
yepsaꞌapo tajtia, Jesukrijtota nok lutuꞌuriata junama
siꞌimekut teuwaa simen.
\c 9
\s Sauloꞌ teamta, Jesukrijtota sualekaꞌpo
\p
\v 1 Jiba junako, juꞌu Sauloꞌ teame, bichau bicha jumeꞌ
Jesukrijtota sualeme am luꞌutapeaka, jiokot bem joowaka,
watem suꞌa tuneꞌ betchiꞌbo ameu suuan. Jiba inia betchiꞌbo,
juꞌu teꞌopopo tekiakammeu cheꞌa yoꞌo yaꞌaritau noitek,
\v 2 junau lutuꞌuriata jipuꞌ betchiꞌbo, jiꞌosiata aꞌawakai,
junuen junae, bweꞌu joꞌara Lamajkoꞌ teaꞌu sikaa, jum juriom
teꞌopompo, inimeꞌe Krijtota nok lutuꞌuriata aꞌ sualeka
aꞌ jikkajame ama jaiwaka, intok inimeꞌe, oꞌowim intok
kia am jaamuchim tuk juniꞌi, am bwiseka, bweꞌu joꞌara
Jerusalen teaꞌu am tojaka am etaꞌabaekai.
\v 3 Taa junak aapoꞌik bweꞌu joꞌara Lamajkoꞌ teaꞌu jeela
boꞌot ketun aꞌ weyeo, seej chuktia teeka betana tachiria
tua utteꞌaka aet koꞌom taobiak.
\v 4 Junako iniꞌi Saulo bwiau koꞌom wechek. Intok junamaꞌa,
jiawaita:
\p ―Saulo, Saulo, kat neu suua ―ti au jiamta jikkajak.
\p
\v 5 Junak juꞌu Saulo:
\p ―Jabesa empo achai ―ti au nattemaek.
\p Junaꞌa jiawai intok juchi:
\p ―Ineponee junaꞌa juꞌu Jesus, jiba juꞌu em au suaꞌu, taa
empo junuen aneka, empoꞌe emo jiokot jooa, jukaꞌ boejta,
kuta bwawik temuka, au koꞌokosi aꞌ joaꞌa benasia ―ti au
jiiak.
\p
\v 6 Junak juꞌu Saulo, majjairimmea au yoakai:
\p ―In yoꞌowa, jitasa empo nee joo iꞌa ―ti au nattemaek.
\p Juꞌu Jesus intok:
\p ―Kikteka, jum bweꞌu joꞌarau weene. Intok junaman empo
tejwaatune, jukaꞌ em jooneeꞌuta ―ti au jiiak.
\p
\v 7 Jumeꞌ oꞌowim, waate Sauloꞌ teamtamak kateꞌum tua
womtilamtaka intok ama jaꞌabweka ka nookan. Bweꞌituk
inimeꞌe, junakaꞌa jiawaita jikkajan taa kaabeta bichakai.
\v 8 Junako juꞌu Saulo, chukula junamaꞌa boꞌopo kikteka
taa iniꞌi puj remtekai, tua ka bichan. Junuen san jumeꞌ
waate aꞌ wik sakaka intok junaman bweꞌu joꞌaraa Lamajkoꞌ
teaꞌu aꞌ nuꞌupak.
\v 9 Junamaꞌa intok aapo, junuen ka bichaka ama aanek,
ka jiꞌibwaka intok ka baꞌa jeꞌeekai.
\p
\v 10 Junamaꞌa Lamajkoꞌ teaꞌpo senu Krijtota sualeme
Ananiaj teame ama joꞌaakan. Iniau juꞌu yoꞌowe Jesukrijto,
tenkupo benasi aapoꞌiku au yeu machiak intok iniau:
\p ―Empo Ananias ―ti au jiiak.
\p Aapo intok:
\p ―Im ne aane in yoꞌowa ―ti au jiiak.
\p
\v 11 Junako juꞌu yoꞌowe Jesukrijto iniau:
\p ―Inim bweꞌu joꞌarapo, senu aet rejtiwame boꞌopo, Lutula
boꞌoka ti taꞌeewaꞌu empo weene. Junaman intok, senu Juuraj
teamta joꞌapo, Sauloꞌ teaka, bweꞌu joꞌara Tarsoꞌ teaꞌa
betana jometa ama aꞌ nattemaine. Bweꞌituk junaꞌa Liojtau
bicha au nokria.
\v 12 Intok iniꞌi tenkupo benasia, seenuk yoemta, Ananiaj
teamta aꞌ katekaꞌu kibakeka intok aapoꞌik juchi aꞌ bitneꞌ
betchiꞌbo, aet mamteka aꞌ nokriamta bittuawa ―ti au jiiak.
\p
\v 13 Inikaꞌa jikkajakai juꞌu Ananias:
\p ―In yoꞌowa, juebenaka inia oꞌouta betana intok jiba
inikaꞌa bweꞌu joꞌara Jerusalenpo jumeꞌ enchi sualeme,
unnaa ka tuꞌik ameu aꞌ yaꞌalatukaꞌuta neu aꞌ etejolaa,
\v 14 intok iꞌani aapo jiba inim aꞌabo yebijlaa, teꞌopopo
yoꞌowam betana jiꞌosiata weiyaakai, junuen siꞌime jumeꞌ
enchi sualeme, am bwiseka am weiyaa betchiꞌbo ―ti jiiak.
\p
\v 15 Taa juꞌu yoꞌowe Jesukrijto aapoꞌiku:
\p ―Noolia aman weye. Bweꞌituk inikaꞌa yoemta, inepo nee
yeu aꞌ puꞌari, junuen, wate tattaꞌabwi yoemratau intok
inia yoemratau cheꞌa yoꞌo yaꞌarimmeu intok ketchia, inim
juꞌu Ijraꞌel yoemratau, nee betana jukaꞌ nok lutuꞌuriata
weyemta, ameu aꞌ nokneꞌ betchiꞌbo ―ti au jiiak―.
\v 16 Jiba ineponee ket aꞌ juꞌuneiyaatuane, aapoꞌik nemak
eaka aꞌ jiapsaꞌ betchiꞌbo, aet juebenaku tua jiokot au
aꞌ bitneeꞌuta ―ti au jiiak.
\p
\v 17 Junako iniꞌi Ananias junaman Sauloꞌ teamta katekaꞌu
kariu yepsak. Intok junaman au kibakekai, aet mamteka
intok aapo:
\p ―Krijtopo nemak weri Saulo, juꞌu yoꞌowe Jesukrijto, aman
boꞌot bina bicha em weyeꞌut eu au yeu machiakame, juchi
a em bitneꞌ betchiꞌbo, intok aapoꞌik Liojta betana aꞌ
tuꞌu jiapsita et aꞌ kibakneꞌ betchiꞌbo, nee eu bittuari
―ti au jiiak.
\p
\v 18 Junamaꞌa aet mamtesuako, sepia aꞌ pusimpo, jitaa,
kuchu kupem benaka ama koꞌom yojtek. Intok junak sep
bit taitek. Junak intok iniꞌi Saulo, junama su sep batoꞌowaawak.
\v 19 Iniat chukula aapo, utteꞌata bwij betchiꞌbo, juchi
jiꞌibwak. Intok junamaꞌa aapo bweꞌu joꞌara Lamajkoꞌ
teaꞌpo, jumeꞌ Krijtota sualemmak jiba ili jaiki taꞌapo
ama amemak taawak.
\s Juꞌu Saulo, jum Lamajkoꞌ teaꞌpo, Jesukrijtota betana jukaꞌ nok lutuꞌuriata teuwaa
\p
\v 20 Junama sepia juꞌu Saulo, jum juriom teꞌopommet
ama anemmeu nok taitek. Intok Jesujta tua lutuꞌuriapo
Liojta betana aꞌ yoemiari ti jiakai.
\v 21 Siꞌime jumeꞌ junuen aꞌ jikkajame, inimeꞌe tua aꞌ
suum eiyaan. Bempo intok:
\p ―Jaisa ka iniꞌi junaꞌa jaꞌani, juꞌu, jum bweꞌu joꞌara
Jerusalen teaꞌpo, jumeꞌ Jesukrijtota yoꞌoreme am luꞌutabaeka
ameu suame. Intok jaisa ka aapo junaꞌa jaꞌani, inim aꞌabo
jiba bempoꞌim am bwiseka, am nuk sika intok junuen junaman
jumeꞌ teꞌopopo tekiakammeu yoꞌowemmeu am tojibaeka, inim
yepsakame, jaꞌani ―ti jiian.
\p
\v 22 Taa juꞌu Saulo junamaꞌa cheꞌa bepa au ou bujtaka,
Jesukrijtota betana jukaꞌ nok lutuꞌuriata aꞌ teuwaan.
Intok junuen jukaꞌ Jesujta aꞌ Krijto tukaꞌpo, machisi
aꞌ teuwaakai. Junuen jumeꞌ juriom jum Lamajkoꞌ teaꞌpo
jiapsame, aꞌ teuwaaꞌue am nok kokobakai.
\s Saulo, juriom betana ama yoek
\p
\v 23 Junamaꞌa chukula, juebena taewaim weyeo, jumeꞌ juriom
nau eaka nau etejok, junuen jukaꞌ Sauloꞌ teamta bem aꞌ
meꞌeneeꞌu betana.
\v 24 Taa aapo inikaꞌa aꞌ juꞌuneiyaak. Jumeꞌ juriom,
taewait intok tukaariat naa buusti, bempo junamaꞌa bweꞌu
joꞌarapo ama yeu katwaꞌummeu, yeu aꞌ wee boꞌo bichan
aꞌ meꞌebaekai.
\v 25 Taa junako jumeꞌ aꞌ majtim aamak Krijtota sualeme,
bempo jitaa bweꞌu warita benaku wikiammea, aꞌ yechaka
intok tukaapo junamaꞌa bweꞌu joꞌara konila mekka jikau
teta korata beas, koꞌom aꞌ yechak. Intok inien aapo junameꞌe
betana ama yoꞌeek.
\s Saulo, bweꞌu joꞌara Jerusalen teaꞌpo aane
\p
\v 26 Chukula juꞌu Saulo, bweꞌu joꞌara Jerusalen teaꞌu
yepsakai, junamaꞌa, jumeꞌ Krijtota sualemmeu yebijbaen.
Taa junamaꞌa junameꞌe siꞌime aꞌ majjaen, bweꞌituk jumak
ka lutuꞌuriapo Krijtota suale ti bem eaꞌ betchiꞌbo.
\v 27 Taa junuentaka juniꞌi, juꞌu seenu, Bernabeꞌ teame,
inikaꞌa aman ameu aꞌ nuꞌupaka intok jumeꞌ Krijtota yeu
puꞌarimmeu junamaꞌa aꞌ taꞌaatuak. Junameꞌe junakaꞌa
Sauloꞌ teamta boꞌot aꞌ weyeꞌut yoꞌowe Jesukrijtota aapoꞌiku
au yeu aꞌ machiakaꞌuta, intok ket jukaꞌ yoꞌowe Jesukrijtota
au nokakaꞌuta intok jiba aapoꞌik Saulota jum bweꞌu joꞌara
Lamajkoꞌ teaꞌpo, Krijtota betana weyemta, ka jain eaka
aꞌ nokakaꞌu betana am etejoriak.
\v 28 Junako juꞌu Saulo junamaꞌa Jerusalenpo taawak,
intok jumeꞌ Krijtota sualemmak naas weyen.
\v 29 Junamaꞌa aapo, kaitat jain eaka, Krijtota betana
weyemta teuwaa simen. Junamaꞌa juriomtaka, rieeko nokta
nokammak tua etejokai. Taa inimeꞌe aꞌ meꞌ betchiꞌbo
nau ean.
\v 30 Junak jumeꞌ Krijtota sualeme, inikaꞌa juꞌuneiyaaka,
jukaꞌ Sauloꞌ teamta, senu joꞌara Sesareaꞌ teaꞌu bicha
aꞌ tojak. Intok junamaꞌa, bweꞌu joꞌara Tarsoꞌ teaꞌu aꞌ
bittuak.
\p
\v 31 Junuen junako, siꞌime wameꞌe, bwiaraa Jureaꞌ teaꞌpo
intok jum bwiaraa Kalileaꞌ teaꞌpo intok bwiaraa Samaariaꞌ
teaꞌpo waet, jumeꞌ Krijtota sualeme, yanti elwame amet
ayukan. Intok inimeꞌe cheꞌa juniꞌi yumaꞌisi Krijtota
sual sakan. Intok bempo, achai Liojtat ee majjaen aꞌ
nok jikkajakai. Intok Liojta betana aꞌ tuꞌu jiapsie
aniawaka, cheꞌa juniꞌi buꞌuuka Krijtota sualen.
\s Eneaj teamta au inneꞌetetuawakaꞌpo
\p
\v 32 Junako juꞌu Peeo junamaꞌa jumeꞌ Krijtota sualeme,
bem joꞌaakaꞌummeu am bichakai, junak ketchia aapo ili
bweꞌu joꞌara Liiraꞌ teaꞌu, Krijtota sualemmeu noitek.
\v 33 Junamaꞌa aapo seenuk, Eneaj ti teaka, woj naiki
wasuktiapo ka au taka yekaka boꞌokamtau yepsak.
\v 34 Junak intok Peeo iniau:
\p ―Empo Eneas, yoꞌowe Jesukrijto enchi tuꞌutene. Yejteꞌe,
jukaꞌ em jipetekta aꞌ tuꞌuteꞌe ―ti au jiiak.
\p Juꞌu Eneaj teame intok sep yejtek.
\v 35 Inikaꞌa intok, siꞌime jumeꞌ ama joꞌara Liiraꞌ teaꞌpo
intok ama ka mekka Saroon teaꞌpo joomem, tuꞌureakamta
aꞌ bichak. Intok inimeꞌe junak junuen, bat naataka bem
sualeka bem boꞌo jooriaꞌuta, suꞌu tojaka, intok Krijtota
sualek.
\s Juꞌu jamut Tabiitaꞌ teamta juchi jiabijtekaꞌpo
\p
\v 36 Jiba junameꞌe taewaimmet, junak bweꞌu joꞌara Joppeꞌ
teaꞌpo, jamut, Tabiitaꞌ teaka, Krijtota sualeme ama joꞌaakan.
Inimeꞌe team, Maso jamut ti jiubae. Iniꞌi jamut tuꞌik
joaka, intok jumeꞌ jiokot aneka jiapsame am aniaka jiapsan.
\v 37 Junameꞌe taewaimmet, iniꞌi Tabiitaꞌ teame koꞌokoi
wecheka intok muukuk. Intok inikaꞌa, chukula aꞌ takaawa
baksiawaka, karipo bepa juchi senu kari yaꞌariu jikau
tekri tuk.
\v 38 Iniꞌi joꞌara, Joppeꞌ teame, Peota ama aneꞌu joꞌara
Liiraꞌ teaꞌu ka mekkaekan. Intok junuen, junaman Krijtota
sualeme, Peota ama aneꞌut juꞌuneakai, watem wooim nau
aman au bittuak, lauti, ka boꞌo bichaka ama joꞌara Joppeꞌ
teaꞌu aꞌ weeneꞌpo aꞌ tejwaaneeme.
\p
\v 39 Junako juꞌu Peeo junamemak siika. Intok aapoꞌik
aman aꞌ yepsako, junamaꞌa kariu, junakaꞌa takaata boꞌokaꞌu
tojiwak. Intok junamaꞌa siꞌime jumeꞌ jaamut jokoptuim
bwanaka au japtek. Intok aapoꞌik Peota, supem intok tajoꞌota,
junakaꞌa Tabiitaꞌatukaꞌuta, jiapsaka aꞌ yaꞌarim, aꞌ bittuak.
\v 40 Taa juꞌu Peeo, junako, siꞌime jumeꞌ ama aneme yeu
kat saek. Intok tonommea kikteka, Liojtau bicha nookak.
Junak intok junamaꞌa juꞌu mukiatau kuaktaka:
\p ―Tabiita, yejteꞌe ―ti au jiiak.
\p Junako aapo remtek. Intok junamaꞌa Peota bichakai,
yejtek.
\v 41 Aapo juꞌu Peeo, mampo aꞌ bwiseka aꞌ yechak. Junako
jumeꞌ Krijtota sualemmeu intok jumeꞌ jaamut jokoptuimmeu
chaaeka, junamaꞌa, jiapsamta ameu aꞌ kechak.
\v 42 Iniꞌi yeu sikame, junamaꞌa bweꞌu joꞌara Joppeꞌ
teaꞌpo siꞌimekut juꞌuneiyaatuk. Intok junamaꞌa, tua juebenaka,
yoꞌowe Jesukrijtota sualek.
\v 43 Juꞌu Peeo junak, junama bweꞌu joꞌara Joppeꞌ teaꞌpo
seenu, waka beam bwabwalkoteka, Simoꞌ teamta joꞌapo, ili
jaiki taꞌapo ama aamak taawak.
\c 10
\s Juꞌu Peeo intok juꞌu Korneelioꞌ teame
\p
\v 1 Senu bweꞌu joꞌara Sesareaꞌ teaꞌpo, oꞌou Korneelioꞌ
teaka ama joꞌaakan. Iniꞌi, senu batayoon sontaaom, inimeꞌe
Itaalianom ti taꞌeewaka, junamaꞌa aapo mamni taka sontaommeu
yaꞌuttukan.
\v 2 Iniꞌi Korneelioꞌ teame san, siꞌime jumeꞌ aꞌ joꞌaapo
joꞌaakammak, Liojta aꞌ yoꞌori taꞌaan. Intok siꞌimeku
aꞌ ee majjau taꞌaaka jiapsan. Ketchia, aapo junamaꞌa
jumeꞌ juriom ania betchiꞌbo, tomita yuꞌin ameu bicha
nanaꞌikian. Intok jiba weeꞌpo Liojtau bicha nookan.
\v 3 Junamaꞌa sejtul taꞌapo kupteo bicha, jumak bajim
jiaꞌapo, aapo Liojta betana jita bittuawak, junamaꞌa aapo,
Liojta betana ankelejta aꞌ katekaꞌu, au kibakekamta machisi
aꞌ bichak. Junaꞌa intok:
\p ―Korneelio ―ti au jiiak.
\p
\v 4 Iniꞌi Korneelio, junakaꞌa ankelejta tua aꞌ majjaeka
aꞌ bitchuka taawak. Junak intok aapo:
\p ―Jitasa iniꞌi achai Lios ―ti aꞌ temaek.
\p Junako juꞌu ankeles:
\p ―Juꞌu Lios, au bicha em yee nokrialaaꞌut, junaet enchi
jikkajilaa. Intok ketchia inim jumeꞌ jiokot eame, tuꞌik
em am yaꞌarialaaꞌu betana aꞌ juꞌuneiyaa.
\v 5 Junuen san, oꞌowim waatem, bweꞌu joꞌara Joppeꞌ teaꞌu,
jukaꞌ seenuk Simoꞌoti teaka, ket Peommea taꞌeewamta, aman
am nuꞌuneꞌ betchiꞌbo aman am bittuane.
\v 6 Junaꞌa, senu ale benasi Simoꞌoti teaka, beam bwabwalkoteme,
tua bawe mayoau karekamta, aꞌ joꞌaapo aane.
\p
\v 7 Aapo junak, jukaꞌ ankelejta au nokakamta aꞌ simsuko,
juꞌu Korneelio, aꞌ joꞌaapo aꞌ saweꞌum betana wooim yeu
puꞌak, intok sontaota seenuk, ket Liojta yoꞌori taꞌaaka,
aapoꞌik yoem eiyaaꞌuta inimeꞌe ama yeu am puꞌak.
\v 8 Inimmeu aapo, siꞌimeta jukaꞌ aꞌ bichakaꞌuta ameu
aꞌ teuwaak. Intok chukula aapo, bweꞌu joꞌara Joppeꞌ teaꞌu
bicha am bittuak.
\p
\v 9 Yokoripao junameꞌe ketuni am bicha am boꞌo joao
su intok inimeꞌe jaibu junaman bweꞌu joꞌara Joppeꞌ teaꞌu
jeela am kateo su, junaman juꞌu Peeo, junama kariu jikau
jaꞌamuk, junamaꞌa jumak luula kateko, junaman jikat Liojtau
bicha nokbaekai.
\v 10 Aapo tua tebaureka intok jaibu jiꞌibwabaen. Taa
ketun aꞌ jiꞌibwa jooriawao su, tenkupo benasi jita bittuawak.
\v 11 Junamaꞌa intok, aapo, teekata au etapolata benasi,
intok junaꞌabo, bweꞌu tosai tajoꞌorim benam, junameꞌe
naikisi nape konila wikiaka sumaꞌitaka, bwiau koꞌom weyeme
bichak.
\v 12 Junamaꞌa bweꞌu tajoꞌpo wajiwa, siꞌime ka nanau
machika juapo jiapsaka naikim wokekame intok bakotchim
intok wikitchim ama aukan.
\v 13 Junako aapo, jiawaita au nokamta jikkajak:
\p ―Kikteꞌe Peeo, em bwaꞌabaeꞌuta meꞌaaka aꞌ bwaꞌane ―ti
jiamta.
\p
\v 14 Taa juꞌu Peeo junako:
\p ―Eꞌe achai, inepo jakwoo juniꞌi inikaꞌa jaiti maachik
intok ka bwaꞌaaꞌeewamta nee ka aꞌ bwaꞌalaa ―ti aꞌ yoopnak.
\p
\v 15 Junaꞌa jiawai junako juchi au nookak, intok iniꞌi:
\p ―Wakaꞌa Liojta betana tuꞌuteitaka aꞌ tuꞌiꞌiti aꞌ jiaꞌuta,
junakaꞌa empo ka aꞌ jaitane ―ti au jiiak.
\p
\v 16 Inikaꞌa, aapo bajisi aꞌ bichak. Junak intok junameꞌe
bweꞌu tajoꞌorim juchi weeꞌpo teekau jikau siika.
\v 17 Ketuni jukaꞌ Peota, jukaꞌ aꞌ bittuawakaꞌut juꞌuneepeaka
au aꞌ waateo su, junamaꞌa aꞌ joꞌaau yajak jumeꞌ Korneeliota
betana aman bittuarim. Inimeꞌe jukaꞌ Simoon teamta kari
nattemaeka kateꞌum, junamaꞌa aet yeu rejtiwaꞌpo jaꞌabwekan.
\v 18 Bempo junamaꞌa chaaeka, juꞌu senu Simoo Peeoꞌ teamta
junamaꞌa joꞌarapo katek jaꞌani ti jiaka nattemaen.
\v 19 Intok jukaꞌ Peota ketun juꞌu aꞌ bittuawakaꞌu aꞌ
waateo su, juꞌu Liojta tuꞌu jiapsi:
\p ―Yuu, baji oꞌowim aꞌabo enchi bitbok.
\v 20 Koꞌom sikaa, ka jain eaka amemak weene. Bweꞌituk
inepo nee eu am bittuari, ti aꞌ eetuaka aꞌ juꞌuneiyaatuak.
\p
\v 21 Junako juꞌu Peeo, jum jumeꞌ Korneeliota betana
katemmeu koꞌom siika. Intok junammeu:
\p ―Ineponee junaꞌa juꞌu enchim jaiwaꞌu. Jaisa emeꞌe jiaka
kaate ―ti ameu jiiak.
\p
\v 22 Bempo aapoꞌik:
\p ―Juꞌu sontaao yaꞌut, Korneelioꞌ teamta betana tee kaate.
Iniꞌi, tua tuꞌi yoeme intok Liojta majjau taꞌaaka aꞌ
yoꞌore. Intok inikaꞌa ketchia siꞌime jumeꞌ juriom tua
aꞌ eiyaaka aꞌ yoꞌore. Inikaꞌa, Liojta betana senu ankeles,
aꞌ joꞌau em weeneꞌ betchiꞌbo, aꞌabo enchi nuꞌunaꞌ betchiꞌbo
intok junuen aapoꞌik em au teuwaaneeꞌuta aꞌ jikkajineꞌ
betchiꞌbo aꞌ juꞌuneetuak ―ti au jiiak.
\p
\v 23 Junako juꞌu Peeo, inimeꞌe junamaꞌa kariu, aamak
am nunuk. Bempo intok junae tukaariat aamak ama taawak.
Yokoriapo juꞌu Peeo junamemak siika. Intok ketchia junamaꞌa
Joppeꞌ teaꞌu, Krijtota sualeme betana waate aamak kaaten.
\p
\v 24 Juchi yokoriapo bempo jum bweꞌu joꞌara Sesareaꞌ
teaꞌu yajak. Junamaꞌa juꞌu Korneelio, aapo junamaꞌa, wate
aꞌ wawaimmak intok jumeꞌ aapoꞌik eiyaaka taꞌaaꞌum aman
aꞌ nunulaꞌummak jaibu aꞌ boꞌo bichan.
\v 25 Junako jukaꞌ Peota aꞌ joꞌau aꞌ yepsako, juꞌu Korneelio
junamaꞌa au yeu siika aꞌ mabet betchiꞌbo. Intok iniꞌi,
aꞌ yoꞌoribaeka au tonommea kiktek.
\v 26 Taa juꞌu Peeo aꞌ kechak intok:
\p ―Kikteꞌe, ineponee ket jiba ele benasi inim bwiapo yoeme
―ti au jiiak.
\p
\v 27 Intok aapo ketun au nokaka su, junamaꞌa kariu kibakeka
intok junamaꞌa juebenaka ama nau yajilammeu yepsak.
\v 28 Junak intok juꞌu Peeo junammeu:
\p ―Emeꞌe jaibu juꞌunea, seenuk jurio yoemrata, Liojta junuen
itom aꞌ sualeꞌ betchiꞌbo ka itou aꞌ lutuꞌuria tukaꞌu,
seenuk, ka ito benasi juriota ka aamak itom eeneeꞌut.
Intok kia aꞌ joꞌaau juniꞌi, ka a itom noiteꞌut. Taa juꞌu
Lios, iꞌan nee aꞌ juꞌuneiyaatuari, kaabeta, ino cheꞌewareka,
jak waꞌam in aꞌ eiyaaneeꞌuta.
\v 29 Inia betchiꞌbo san, inepo, kia nee aman tejwaawakai
jiba, yokoriapo sep nee aꞌabo siika. Junuen san emeꞌe
nee tejwaanee jita betchiꞌbo enchim neu chaaekaꞌpo ―ti
ameu jiiak.
\p
\v 30 Junako juꞌu Korneelio:
\p ―Iꞌan naiki taewaim weye beja, jumak jiba inaeko, jiba
inim in joꞌapo nee Liojta yoꞌori betchiꞌbo, ka jiꞌibwan
intok nee kupteꞌu bichaa aapoꞌiku bicha jiba in nokaꞌuta
nee weetuan. Junamaꞌa junak, seej chukti senu oꞌou, tua
beojkok tajoꞌoreka, aapo neu au yeu machiak.
\v 31 Junaꞌa intok: “Korneelio”, ti neu jiiak. “Juꞌu
Lios, jukaꞌ aapoꞌiku bicha em nokaꞌu, enchi aet jikkajilaa
intok jumeꞌ jiokot eame, tuꞌik em am yaꞌarialaaꞌuta aꞌ
juꞌuneiyaa.
\v 32 Junuen san oꞌowim waatem, bweꞌu joꞌarau Joppeꞌ
teaꞌu, jukaꞌ seenuk, Simoꞌoti teaka, ket Peommea taꞌeewamta
aman nuꞌuneeme aman am bittuane. Iniꞌi ket, senu ale
benasi Simoꞌoti teaka, beam bwabwalkoteme, tua bawe mayoau
karekamta, aꞌ joꞌaapo aane. Junaꞌa, aꞌ yepsaka, emak etejone”,
ti neu jiiak.
\v 33 Junuen san inepo ne, ka boꞌo bichaka, nee enchi
aman jariu tebok. Intok empo tuꞌisiꞌee aulaa iꞌan aꞌabo
sika inim anekai. Iꞌan siꞌime te itepo inim Liojta bichapo
nau aane. Intok itepo, siꞌimeta wakaꞌa achai Liojta betana
em itou teuwaa iꞌawaaꞌuta, itepo aꞌ jikkajibae ―ti jiiak.
\s Jum Korneeliota joꞌapo, Peota teuwaakaꞌu
\p
\v 34 Junako juꞌu Peeo, junamaꞌa nok taitek intok aapo:
\p ―Iꞌan nee tuꞌisi juꞌunea, jukaꞌ Liojta, kaabeta yeu beꞌaaka,
siꞌimem jumeꞌ inim aniapo jiapsame, nanancha aꞌ eiyaaꞌpo
―ti jiiak―.
\v 35 Ala aapo, inim bwiapo, jitaa yoemrata betana juniꞌi,
siꞌimem wameꞌe aꞌ ee majjaeka aꞌ yoꞌoreme, intok jukaꞌ
tuꞌik joaka jiapsame, aapoꞌik betana am yoemiarimtuneꞌ
betchiꞌbo a am mabeta.
\v 36 Juꞌu Lios, wameꞌe Ijraꞌel tukaꞌutat yeu katriam
aꞌ yoemiam, Liojta mak emo nau tuꞌutewamta betana jukaꞌ
lutuꞌuriata inimmeu aꞌ teuwaak, Jesukrijtota, jukaꞌ siꞌimeku
cheꞌa yoꞌotaka jiapsamta ameu aꞌ bittuakai.
\v 37 Emeꞌe tuꞌisi juꞌunea, juꞌu Jurea bwiaraapo siꞌime
jum bwiaara Kalileaꞌ teaꞌpo naateka, chukula jukaꞌ Joan
yee babatoowamta yee aꞌ majtaka intok aapoꞌik yee batoꞌowaaka
naateka, jukaꞌ ama yeu sikamta.
\v 38 Ketchia jukaꞌ Liojta, Jesus, joꞌara Nasaret teaꞌpo
jometa, aapoꞌik betana aꞌ tuꞌu jiapsie, siꞌimeku utteꞌata
aet autuaka, intok junuen, tuꞌik jiba joaka aꞌ jiapsaꞌpo
intok aapoꞌik siꞌimem wameꞌe bebejeꞌerita betana jiokot
emo bittuawame, junae betana aapoꞌik am tuꞌutekaꞌuta,
emeꞌe aꞌ juꞌuneiyaa. Aapo inikaꞌa siꞌimeta jooan, achai
Liojta aamak tukaꞌ betchiꞌbo.
\v 39 Jiba itepo, tee siꞌimeta jukaꞌ Jesujta, aapoꞌik
jum bwiaraa Jureaꞌ teaꞌpo inim siꞌimekut, intok ket jum
bweꞌu joꞌara Jerusalen teaꞌpo, jukaꞌ aꞌ yaakaꞌuta, aꞌ
bitlataka, tee aꞌ teuwaa. Junaꞌa, chukula kuuset popontaka,
meꞌetuk.
\v 40 Taa juꞌu Lios, baji taewaita weyeka aꞌ meꞌetuko,
kokkoarim nasuk aꞌ jiabijtetuak. Intok aet chukula, ket
jiba aapoꞌik itou au yeu aꞌ machiatuak.
\v 41 Junamaꞌa, ka siꞌimemmeu au yeu machiak, taa ala
itou jiba au yeu machiakai. Itou, itepo jumeꞌ bat naataka
aapoꞌik Liojta aapoꞌik betana jukaꞌ nok lutuꞌuriata
itom aꞌ teuwaaneꞌ betchiꞌbo yeu aꞌ puꞌarimmeu, itepo
tee chukula mukiataka intok kokkoarim nasuk juchi aꞌ
jiabijtesuko, aapoꞌik jiapsamtamak te jiꞌibwak intok
paꞌasi baꞌawata tee jeꞌeka.
\v 42 Intok jiba aapo, inim juꞌu yoemratau itom aꞌ majtaneꞌ
betchiꞌbo, intok ketchia, achai Liojta jiba aapoꞌik Jesujta
jumeꞌ inim jiapsammeu intok kia jumeꞌ kokkoarimmeu juniꞌi,
aapoꞌik siꞌimem aꞌ yaꞌuraa bittuaneꞌ betchiꞌbo ameu
aꞌ yoꞌo yaꞌariakaꞌu betana inikaꞌa itom aꞌ lutuꞌuriateneꞌ
betchiꞌbo, itom aet sawek.
\v 43 Ketchia, bat naataka jaibu siꞌime wameꞌe Liojta
betana juꞌuneetuawaka, chukula yeu weenemta nokame, junameꞌe
Jesujta betana jaibu aꞌ teuwaalatukan, bempo, siꞌime wameꞌe
aꞌ sualeme, aapoꞌik am yaꞌarialaꞌu betchiꞌbo, bem ka tuꞌuwa
yaꞌarimmet a am jiokoituꞌu ti jiakai.
\s Jumeꞌ ka juriomtaka, Liojta tuꞌu jiapsita mabetakame
\p
\v 44 Ketun jukaꞌ Peeota ameu aꞌ nokao su, junako junamaꞌa
siꞌime jumeꞌ aapoꞌik Liojta betana lutuꞌuriata ameu
aꞌ nokaꞌuta aꞌ jikkajammeu, juꞌu Liojta tuꞌu jiapsi, juꞌunakkiachisi
ameu yumaka, bempoꞌimmet kiimuk.
\v 45 Jumeꞌ intoko juriom Krijtota sualeka, Peotamak
aman rejteꞌum, inimeꞌe, wameꞌe ka juriomtaka, taꞌabwi yoemra,
ketchia junuen jukaꞌ Liojta tuꞌu jiapsi amet aneꞌum
am bichakai, tua am suum eiyaak.
\v 46 Bweꞌituk bempo, junameꞌe, tattaꞌabwi, ka bem noki
am nokame jikkajak. Intok Liojtau bicha bem aꞌ bai saeꞌuta
intok bem alleaꞌuta teuwaame jikkajak.
\v 47 Junak intok juꞌu Peeo:
\p ―Inimeꞌe inien, jiba jukaꞌ Liojta tuꞌu jiapsi, itom aꞌ
mabetakaꞌa benasi aꞌ mabetlamtukai, jaibu am batoꞌowaatuneeꞌu
ameu lutuꞌuria ―ti jiiak.
\p
\v 48 Intok junak aapo, junameꞌe, aꞌ sualeka intok yoꞌowe
Jesukrijtota betana lutuꞌuriaka, bem batoꞌowaatuneꞌ betchiꞌbo
amet nesawek. Chukula bempo, jukaꞌ Peota junamaꞌa ili
jaiki taꞌapo juniꞌi, amemak aꞌ tawaneꞌ betchiꞌbo au nookak.
\c 11
\s Peota, jum Jerusalenpo, jumeꞌ Krijtota sualemmeu aꞌ lutuꞌuria yaakaꞌpo
\p
\v 1 Wameꞌe Krijtota yeu puꞌarim, intok jumeꞌ wate Krijtota
sualeme, bwiaraa Jureaꞌ teaꞌpo joomem, bempo, jumeꞌ wate
yoemra, ka juriom ket Liojta betana jukaꞌ nok lutuꞌuriata
aꞌ mabetaka bem aꞌ sualekaꞌuta aꞌ juꞌuneiyaak.
\v 2 Intok junako, jukaꞌ Peota, jum bweꞌu joꞌara Jerusalen
teaꞌu aꞌ notteko, junamaꞌa jumeꞌ jurio yoemrata, jumeꞌ
Krijtota sualeme, inimeꞌe aꞌ bejeꞌeka nok japtek.
\v 3 Inimeꞌe junak:
\p ―Jaisa eaka empo, jumeꞌ ka jurio yoememmeu sikaa, amemak
aneka intok empo ket amemak jiꞌibwak ―ti au jiiak.
\p
\v 4 Junak juꞌu Peeo, bempoꞌim, jukaꞌ au yeu sikamta, siꞌimeta
teuwaak. Intok aapo:
\p
\v 5 ―Bweꞌu joꞌara Joppeꞌ teaꞌpo nee aanen. Intok junamaꞌa,
Liojtau bicha inepo nokakai, Liojta betana machilaata
nee bittuawak. Junamaꞌa inepo, jitaa, tua bweꞌu tajoꞌorim
benaka, inimeꞌe naikisi nape konila wikiaka, bwiau neu
koꞌom weyeme nee bichak.
\v 6 Junak junamaꞌa wajiwa jita ama ayukaꞌut juꞌuneebaeka,
tuꞌisi aꞌ bichakai, junamaꞌa, juyapo jiapsaka, naikim wowokekame
intok bakotchim intok kia wikitchim inepo ama bichak.
\v 7 Intok junamaꞌa jiawaita: “Kikteꞌe Peeo, em bwaꞌabaeꞌuta
meꞌaaka aꞌ bwaꞌane”, ti neu jiamta ne jikkajak.
\v 8 Taa inepo intok: “Eꞌe achai. Bweꞌituk inepo, jakwoo
juniꞌi nee inile benak ka bwaꞌaꞌeewamta nee ka aꞌ bwaꞌalaa”,
ti nee au jiiak.
\v 9 Junak intok junaꞌa jiawai teeka betana juchi weeꞌpo:
“Jukaꞌ Liojta betana tuꞌuteitaka aꞌ tuꞌiꞌiti aꞌ jiaꞌuta,
junakaꞌa empo ka aꞌ jaitane”, ti neu jiiak.
\v 10 Junaka weemta bajisi inepo nee aꞌ bittuawak. Intok
iniat chukula junaꞌa siꞌime juchi teekau jikau siika.
\v 11 Jiba junama lautipo, waate bajika junama joꞌara
in katekaꞌpo neu yajak, senu bweꞌu joꞌara, Sesareaꞌ teaꞌa
betana nee jaiwaka ama yajak.
\v 12 Junak intok junaman juꞌu Liojta tuꞌu jiapsi, junam
bicha ka jain eaka in amemak weeneꞌ betchiꞌbo, junuen
nee juꞌuneetuak. Ketchia, jiba inimeꞌe itomak Krijtota
sualeme, juriomtakai junaman nemak sajak. Junaman itepo
siꞌime junakaꞌa senu yoemta joꞌapo yajak.
\v 13 Junaꞌa intok jiba jum aꞌ joꞌaapo, senu ankelejta
au weyeka, inikaꞌa: “Oꞌowim waatem, bweꞌu joꞌara Joppeꞌ
teaꞌu, junameꞌe, senuk Simoo Peoꞌ teamta aman nuꞌuneeme
aman bittuane.
\v 14 Junaꞌa intok enchi etejoriane, junuen enchi intok
kia siꞌime jumeꞌ emak joꞌaakame enchim jinneꞌuim tuneeꞌuta,
enchi tejwaane”, ti au jiamta, aꞌ bichakaꞌuta, itom etejoriakai.
\v 15 Junako junamaꞌa nee am majtaka ameu nok taiteka,
juꞌu Liojta tuꞌu jiapsi juꞌunakkiachisi ameu yumaka,
amet kiimuk, jiba bat naataka itou yumaka itot aꞌ kimukaꞌa
benasia.
\v 16 Junako inepo, bat naataka jukaꞌ yoꞌowe Jesukrijtota
aapoꞌik: “Lutuꞌuria ala, jukaꞌ Joan tukaꞌuta, baꞌammea
yee aꞌ batoꞌowaasukaꞌu. Taa emeꞌe, Liojta betana aꞌ tuꞌu
jiapsi emot kimuka, emeꞌe junae batoꞌowaim benane”, ti
aꞌ jiakaꞌu ne wawaatek.
\v 17 Junuen, juꞌu Lios, bempoꞌim ket jiba ito benasia
itom jumeꞌ yoꞌowe Jesukrijtota sualeme, jukaꞌ itot aꞌ
autuarita, junameꞌe ket aapo amet aꞌ autuarikai, inepo
tua nee ka ino ama yumaꞌalek, aapoꞌik Liojta betana weyemta
in aꞌ bejeꞌeka anneeꞌu ―ti ameu jiiak juꞌu Peeo.
\p
\v 18 Junako, chukula jumeꞌ bweꞌu joꞌara Jerusalen teaꞌpo,
Krijtota sualeme inikaꞌa teuwaawakamta aꞌ jikkajisukai,
bempo, kaita intok aꞌ bejeꞌeka nookak. Intok inimeꞌe,
alleaka Liojta bem aꞌ yoꞌoreeꞌuta teuwaan, intok:
\p ―Lutuꞌuria, juꞌu Lios iꞌan ket jukaꞌ tattaꞌabwi intok
ka jurio yoemrata, junameꞌe, jukaꞌ ka tuꞌik aꞌ koptaka
intok junuen jukaꞌ jiba yuu jiapsiwamta bem aꞌ bitneꞌ
betchiꞌbo, inikaꞌa am yaꞌaria iꞌaka, ametana aꞌ waata
―ti jiakai.
\s Bweꞌu joꞌara Antiokiaꞌ teaꞌpo, waate, ka juriomtaka, Krijtota sual taite
\p
\v 19 Jukaꞌ Teban teamta aꞌ meꞌewako, junamaꞌa ket jumeꞌ
waate Krijtota sualeme, jiokot bitwaka ameu suawan. Intok
junamaꞌa waate, utteꞌapo, mekka bicha, bwiaraa Peniisiaꞌ
teaꞌu tajtia intok Chipreꞌ teaꞌu bicha intok Antiokiaꞌ
teaꞌu tajtia naꞌikimtukai. Junaman bempo, Krijtota betana
jukaꞌ bemela nok lutuꞌuriata, juꞌu jurio yoemratau jiba
aꞌ teuwaan, taa kia jumeꞌ ka juriommeu ka aꞌ teuwaakai.
\v 20 Taa waate Krijtota sualeme, bwiaraa Chipreꞌ teaꞌpo
intok Sireeneꞌ teaꞌpo joomem, inimeꞌe aman bweꞌu joꞌara
Antiokiaꞌ teaꞌu yajak. Bempo junaman ket jumeꞌ ka juriommeu,
yoꞌowe Jesukrijtota betana jukaꞌ bemela nok lutuꞌuriata
ameu nookak.
\v 21 Inimeꞌe, juꞌu yoꞌowe Jesukrijto, bem joaꞌut amemak
tuka am anian. Intok junuen, junamaꞌa, tua juebenaka, bat
naataka jukaꞌ bem sualeka bem au joiwalaaꞌuta, aꞌ koptaka
intok yoꞌowe Jesukrijtota sualek.
\p
\v 22 Chukula junako jumeꞌ bweꞌu joꞌara Jerusalen teaꞌpo,
Krijtota sualeme, junama yeu sikamta aꞌ juꞌuneiyaakai,
junamaꞌa bempo jukaꞌ Bernabeeꞌ teamta junaman bweꞌu
joꞌara Antiokiaꞌ teaꞌu bicha aꞌ bittuak.
\v 23 Juꞌu Bernabeeꞌ teame junaman yepsakai, junamaꞌa
jumeꞌ Krijtota sualeme, jukaꞌ Liojta betana tuꞌik ame
nasuk aꞌ aukaꞌuta aꞌ mammatekai, aapo tua alleak. Intok
aapo junamaꞌa, siꞌimem wepulsi, tua junen jiaka, bichau
bicha yoꞌowe Jesukrijtota bem sualneeꞌu betana ameu
nookak.
\p
\v 24 Bweꞌituk iniꞌi Bernabeeꞌ teame, tua tuꞌu yoemtukan,
intok Liojta tuꞌu jiapsie yumaꞌisi aniawakai intok aꞌ
joaꞌut Liojtat yoem ean. Intok junuen aapoꞌik betchiꞌbo
tua juebenaka Krijtota susualeka aꞌ mabetak.
\p
\v 25 Iniat chukula juꞌu Bernabeeꞌ teame, bweꞌu joꞌara
Tarsoꞌ teaꞌu bicha siika, junaman jukaꞌ Sauloꞌ teamta
jariubaekai. Intok junaman aapo aꞌ teakai, inikaꞌa, bweꞌu
joꞌara Antiokiaꞌ teaꞌu bicha aamak aꞌ nunuk.
\v 26 Intok junamaꞌa bempo, jumeꞌ ama Krijtota sualemmak,
wasuktiapo ama amemak taawak. Junamaꞌa tua juebenam
jukaꞌ Liojta nok lutuꞌuriata am majtakai. Jiba jum bweꞌu
joꞌara Antiokiaꞌ teaꞌpo junen, junamaꞌa tua bat jumeꞌ
Krijtota sualeme, krijtiaanom ti taꞌee japteak.
\p
\v 27 Jiba junameꞌe taewaimmetchi junak, waate jumeꞌ
Liojta betana juꞌuneetuawaka, chukula yeu weenemta tetteuwaame,
inimeꞌe, bweꞌu joꞌara Jerusalen teaꞌa betana, aman bweꞌu
joꞌara Antiokiaꞌ teaꞌu yajak.
\v 28 Inimeꞌe betana seenu, Aakapoꞌ teakai, iniꞌi, jumeꞌ
Krijtota sualeme nasuk kikteka intok Liojta tuꞌu jiapsi
betana aniawaka aꞌ juꞌuneetuawakai, junamaꞌa bwiaraapo
siꞌimekut tua tebaatuneeꞌuta aꞌ teuwaak. Iniꞌi weeme,
Kaaurioꞌ teamta junamaꞌa aapoꞌik cheꞌa yoꞌo yaꞌatuko
taewaimmet tua junuen chupuk.
\v 29 Junak san, jumeꞌe, bweꞌu joꞌara Antiokiaꞌ teaꞌpo,
Krijtota sualeme, bempo, bem ama yumaꞌalaapo aman, junaman
bwiaraa Jureaꞌ teaꞌu, Krijtota sualeme ania betchiꞌbo,
jita junammeu aꞌ bittuabaeka nau eak.
\v 30 Junuen bempo aayuk. Intok bempo, junakaꞌa bem nau
tojakaꞌuta, junaman Jurea bwiaraaꞌ teaꞌu, Krijtota sualemmeu
yoꞌo yaꞌarimmeu, jukaꞌ Bernabeeꞌ teamta intok Sauloꞌ
teamta, bempoꞌimmak ameu aꞌ bittuakai.
\c 12
\s Jakooboꞌ teamta meꞌewakaꞌpo intok Peota etaꞌawakaꞌpo
\p
\v 1 Junako, jiba junameꞌe taewaimmet, juꞌu Eroorej ti
teaka, junama yoemratau cheꞌa yoꞌo yaꞌari, aapo junamaꞌa
jumeꞌ Krijtota sualeme betana, watem ka tuꞌisi am bit
taitek.
\v 2 Junak jukaꞌ Jakooboꞌ teamta, Joan teamtamak werik,
tebe kuchiꞌimmea aꞌ meꞌe tebok.
\v 3 Intok inikaꞌa aapoꞌik yaakaꞌuta, jumeꞌ juriom aꞌ
tuꞌurekame am bichakai, aapo jukaꞌ Peota ket aꞌ bwij
tebok. Iniꞌi yeu sikame, jumeꞌ paanim ka reberuakame
bwaꞌawaao taewaimmet yeu siika.
\v 4 Jukaꞌ Peota bwijsukai, chukula aꞌ etaꞌatebok. Intok
junamaꞌa, sontaaom, naikisi nanaikika nau aꞌ suuatuawan.
Junuen, Liojta yoꞌori betchiꞌbo, paanim ka reberuakame
bwaꞌawaka aꞌ pajkosuako, siꞌime junamaꞌa juꞌu jurio yoemrata
bichapo yeu aꞌ tojaka aꞌ meꞌebaeka ean.
\v 5 Junuen san, juꞌu Peeo junamaꞌa aꞌ etaꞌipo katekan,
iniꞌi tuꞌisi suuawakai. Taa jumeꞌ Krijtota nau sualeme,
bempo tua junen jiaka, jiba Liojtau bicha aꞌ nokria sakan.
\s Juꞌu Lios, jukaꞌ Peota jum aꞌ etaꞌipo ama aꞌ yoꞌeetuak
\p
\v 6 Jiba junae tukaariatchi, aapoꞌik yokoriapo jukaꞌ
yoꞌo yaꞌari Eroorej teamta junamaꞌa jurio yoemratau
yeu aꞌ tojineeo, juꞌu Peeo, junamaꞌa wooi sontaaom aꞌ
suuame nasuk bichapo wooi sisiꞌiwook wikiammea sumaꞌitaka
kochen. Waate jumeꞌ sontaaom intok junamaꞌa yee eꞌetawaꞌpo
pueetapo ama aneka aꞌ suuan.
\v 7 Seej chukti intok, achai Liojta betana senu ankeles
ama yepsak. Intok junamaꞌa yee eꞌetawaꞌpo siꞌimekut
taobiakai. Iniꞌi ankeles intok, jukaꞌ Peota sanaꞌpo aet
mamteka aꞌ busak. Intok iniau:
\p ―Lauti yejteꞌe ―ti au jiiak.
\p Junako jumeꞌ sisiꞌiwook wikiam, mampo ammea aꞌ sumaꞌim,
koꞌom wattek.
\v 8 Junak intok juꞌu ankeles:
\p ―Tuꞌisiꞌee tajoꞌoteka intok bochampo wokteꞌe ―ti au
jiiak.
\p Junako jukaꞌ Peota junuen auko, juꞌu ankeles:
\p ―Bepa em tajoꞌorekaꞌum et tekaka, nemak weye ―ti au jiiak.
\p
\v 9 Juꞌu Peeo junuen junae ankelejtat chaꞌaka yeu siika.
Junuen jukaꞌ ankelejta aamak aneꞌuta, aꞌ lutuꞌuriatukaꞌut
oo ka aꞌ lutuꞌuriatukaꞌut tua ka juꞌuneakai, ala, junae
betana, aapo, Liojta betana jitaa au bittuawaꞌati eakai.
\v 10 Taa junuen bempo junamaꞌa jumeꞌ aꞌ suuatuawaka
cheꞌa bat jaꞌabwekammet waꞌam sajaka, chukula intok juchi
waate, inimeꞌe bepat jaꞌabwekammet waꞌam sajaka, intok
bempoꞌim paꞌakun yeu kat betchiꞌbo, sisiꞌiwookie yaꞌariu
am yajako, iniꞌi, aapola au etapok. Junamaꞌa bempo yeu
sajak, juchi senu boꞌou katekai, juꞌu ankeles junamaꞌa
aꞌ toꞌo siika.
\v 11 Junak juꞌu Peeo, juꞌuneꞌeaka intok aapo:
\p ―Iꞌan nee juꞌunea, ka jita taꞌabwika, tua aꞌ lutuꞌuriatukaꞌu,
juꞌu achai Lios aꞌ ankelwata neu bittuak junuen Eroorejta
intok siꞌimeta jukaꞌa, jumeꞌ juriom neu yaꞌabaeꞌu betana,
nee jinneꞌuk ―ti eak.
\p
\v 12 Junau ketun waateka su, juꞌu Peeo, Mariaꞌ teamta,
Joan Maekoj teamta ae joꞌau bicha siika. Junaman joꞌarapo
intok, juebenaka Liojtau bicha aapoꞌik nokriaka ama aanen.
\v 13 Junak intok, junama korau pueetata aꞌ ponao, senu
usi jamut, Rooreꞌ teaka, aꞌ jabetukaꞌpo aꞌ bitbaeka yeu
siika.
\v 14 Taa iꞌi, aapo jukaꞌ Peota aꞌ jiawa taꞌaakai, ka
pueetata aꞌ etaporiak, ala aapo, tua alleaka, wajiwa bicha
wantek, jukaꞌ Peota ama weekaꞌuta, jumeꞌ watem tejwaabaekai.
\v 15 Junak intok bempo:
\p ―Kia beja ee nooka ―ti au jiiak.
\p Taa aapo tua aꞌ lutuꞌuriaꞌati jiian. Taa junuentaka
juniꞌi, bempo naa buusti:
\p ―Ka aapo junaꞌa, juꞌu aꞌ suuame aꞌ ankelejwa ama weama
―ti jiiak.
\p
\v 16 Juꞌu Peeo intok junama weyeka, jiba ameu aꞌ poonan.
Intok junako, bempo beja pueetata etapokai, intok junamaꞌa
aꞌ bichaka, tua womtek.
\v 17 Taa aapo, am yaatineꞌ betchiꞌbo, maammea am tejwaak,
intok aapo, bempoꞌim, jukaꞌ achai Liojta jum yee eꞌetawaꞌpo
yeu aꞌ nuk sikaꞌuta am etejoriak. Intok aapo bempoꞌimmeu:
\p ―Inikaꞌa emeꞌe, juꞌu Jakooboꞌ teamtau intok jumeꞌ waate
Krijtota sualemmeu aꞌ etejone ―ti jiiak.
\p Junak intok aapo, junamaꞌa omot bichaa siika.
\p
\v 18 Junamaꞌa yokoriapo jumeꞌ sontaaom nasuk, kaachin
an machiwaka emo bwee weiyaawan. Bweꞌituk inimeꞌe, Peota
jachin yeu aꞌ sikaꞌut ka juꞌunean.
\v 19 Juꞌu yoꞌo yaꞌari Eroorej teame aꞌ jariu tebok
intok junuen, chukula ka aꞌ teakai, jumeꞌ sontaaom aꞌ
suaꞌummeu chaaeka, am tetemaisuk. Junameꞌe intok, kaita
a jiawitekai, aapo amet nesawak bem suꞌatuneꞌ betchiꞌbo.
Chukula juꞌu Eroores, jum Jurea bwiaarapo yeu sikaa, intok
omot bweꞌu joꞌara Sesareaꞌ teaꞌu joꞌatek.
\s Eroorej teamta jaisa mukukaꞌpo
\p
\v 20 Juꞌu Eroores, juꞌu yoemra, bwere joꞌaram Tiiroꞌ
teaꞌpo intok Siroon teaꞌpo jomemmak ka allean. Taa bempo
junau noiti betchiꞌbo, emo nau tuꞌutek. Inimeꞌe intok,
inikaꞌa cheꞌa yoꞌo yaꞌaritau chapti weyeka tekilta aꞌ
jooriamta, Blajtoꞌ teamta, au tuꞌu nokaka, amemak aꞌ eetuak.
Intok bempo, jiba aapoꞌik au noktuaka, bemoꞌim nasuk nau
eewamta aꞌawak. Bweꞌituk iniꞌi yoemrata, siꞌimeta bem
bwaꞌeeꞌuta, junae yoꞌo yaꞌata, aꞌ bwiaraa betana aꞌ mabetan.
\v 21 Juꞌu Eroores, bempoꞌim, taewaita aman au bem yajineeꞌuta
am tejwaak. Intok junakaꞌa taewaita yumako, aapo, junamaꞌa,
tajoꞌori, cheꞌa yoꞌo yaꞌarim sawaꞌpo kobateka intok junamaꞌa
yoemrata bichapo, yoꞌo yaꞌarim jojoyeꞌut jikat yejtek.
Intok aapo junamaꞌa yoꞌo nokie ujyoisi ameu nookak.
\v 22 Junako junaꞌa yoemra, ama aꞌ jikkajame:
\p ―Iniꞌi nokame, ka kia beja yoeme, ala lios iniꞌi ―ti chaae
japtek.
\p
\v 23 Jiba junamaꞌa lautipo, achai Liojta betana senu
ankeles, aꞌ koꞌokoi wettuak, aapoꞌik junuen au aꞌ yoꞌori
tebokaꞌ betchiꞌbo, aapo Liojta yoꞌoriꞌeaka su. Intok
chukula aapo, junae, bwichia bwaꞌataka muukuk.
\p
\v 24 Taa Liojta betana juꞌu aꞌ nok lutuꞌuriawa, cheꞌa
juniꞌi sualwan, intok siꞌimekut weyeka teuwaawan.
\p
\v 25 Junako chukula, juꞌu Bernabee intok juꞌu Sauloꞌ
teame junaman bweꞌu joꞌara Jerusalen teaꞌpo, bem tekil
chupakai, junamaꞌa jukaꞌ Joan Maekoj teamta amemak weiyaaka,
bweꞌu joꞌaraa Antiokiaꞌ teaꞌu bicha nottek.
\c 13
\s Juꞌu Bernabee intok juꞌu Sauloꞌ teame, Liojta betana bem tekil makri aꞌ naatek
\p
\v 1 Jum bweꞌu joꞌara Antiokiaꞌ teaꞌpo, Krijtota sualeme
nasuk jum bem teꞌopopo, jumeꞌ Liojta betana juꞌuneetuawaka
noktuawame intok jumeꞌ a yee majtame ama aanen. Bempo
intok inimeꞌem tukan: juꞌu Bernabeeꞌ teame intok juꞌu
Simeon teame, iniꞌi ket Nekrommea taꞌeewame. Intok juꞌu
Luusioꞌ teame, bwiaraa Sireeneꞌ teaꞌpo joome. Intok juꞌu
Manaen teame, iniꞌi junen, bwiaara Kalileaꞌ teaꞌpo yoꞌo
yaꞌari Eroorej teamtamak nau yoꞌoturiari tukan. Intok
juꞌu Sauloꞌ teame.
\v 2 Inimeꞌe junak junamaꞌa, Liojta yoꞌori betchiꞌbo
ka jiꞌibwalamtakai, nau am anekai, Liojta am yoꞌoreeo,
juꞌu Liojta tuꞌu jiapsi:
\p ―Jukaꞌ Bernabeeꞌ teamta intok jukaꞌ Sauloꞌ teamta, tekil
in ameu yeu aꞌ puꞌariu am jaꞌabwane ―ti am juꞌuneetuak.
\p
\v 3 Junak chukula intok bempo junuen ka jiꞌibwaka Liojta
yoꞌoreka intok au bicha noksukai, jumeꞌ waate, Liojta
amemak tuneꞌ betchiꞌbo bempoꞌimmet mamteka, am sakaꞌatuak.
\s Jumeꞌ Bernabeetaim, jum bwiaraa Chipreꞌ teaꞌpo nok saka
\p
\v 4 Chukula bempo, juꞌu Liojta tuꞌu jiapsie juꞌuneetuawakai,
juꞌu Bernabee intok juꞌu Saulo, bempo, bweꞌu joꞌara Seleusiaꞌ
teaꞌu bicha sajak. Intok jiba junamaꞌa, bempo, senu bwiaraa,
bawepo yeu boꞌoka, Chipreꞌ teaꞌu bicha bawet boꞌo joo
betchiꞌbo, bweꞌu kuta kanoau jaꞌamuk.
\v 5 Bempo junaman, tua bawe mayoau senu bweꞌu joꞌara,
aman bwiau yeu yaajiwaꞌu, Salaminaꞌ teaꞌu yajak. Junama
bempo, jum juriom teꞌopommet kateka, Liojta betana jukaꞌ
bemela nok lutuꞌuriata yee majtan. Juꞌu Joan ket inimeꞌe
aniaka amemak weaman.
\v 6 Junamaꞌa bwiaraa baweu yeu boꞌokaꞌpo siꞌimekut
sajaka intok, chukula bweꞌu joꞌara Pappoꞌ teaꞌu yeu yajak.
Junamaꞌa intok, senu jurio, BarJesuj teamta ama taꞌaak.
Iniꞌi jitaa ka tuꞌik taꞌaaka yee sisibowamta boꞌo joorian.
Intok yee bai tattaꞌaan, aapo, Liojta betana weyeka au
nokaꞌati jiakai.
\v 7 Iniꞌi yee bai tattaꞌaame, junaman bwiaarapo juꞌu
kobanaao, Serjio Pauloꞌ teaka, iniꞌi tua koba suawakai,
iniamak au chayaꞌiakan. Juꞌu kobanaao, juꞌu Bernabee
intok juꞌu Sauloꞌ teamtau, ameu chai tebok bweꞌituk iniꞌi,
aapo, Liojta betana jukaꞌ nok lutuꞌuriata jikkajibaekai.
\v 8 Taa juꞌu yee sisibome, iniꞌi ket Elimaaj ti taꞌeewame,
bempoꞌim bejeꞌen, jukaꞌ junama kobanaaota, jukaꞌ Liojta
betana nok lutuꞌuriata Bernabeeta intok Saulota bem
majtaꞌuta, ka aꞌ sualneꞌ betchiꞌbo au aꞌ jaiwakai.
\v 9 Junak juꞌu Saulo, iniꞌi ket, Paplo ti taꞌeewame, Liojta
tuꞌu jiapsie yumaꞌisi aniawakai, tua aꞌ bitchukai,
\v 10 intok junau:
\p ―Yee bai tattaꞌaara, tua ka tuꞌi yoeme, bebejeꞌerita
betana weyeka yoeme, intok siꞌimeta jukaꞌ tuꞌika weyeka
taꞌeewamta, bejeꞌeka aneme. Jaisaaka empo jukaꞌ Liojta
betana weyeka nok lutuꞌuriata ka aꞌ sual iꞌaka aꞌ bejeꞌeka
aane ―ti au jiiak―.
\v 11 Juꞌu achai Lios, junuen iꞌan jiokot enchi tawaane.
Ka bichaka empo tawane. Intok binwaa empo taꞌata ka
bitne ―ti au jiiak.
\p Junamaꞌa sepia iniꞌi, tua ka machik benaka au yumaka,
ka bichaka taawak. Intok aapo junak, senuk mampo aꞌ bwiseka
aꞌ weiyaaneemta jariu taitek bweꞌituk ka bichan.
\v 12 Junako juꞌu kobanaao, junamaꞌa jukaꞌ ama yeu sikamta
bichakai, iniꞌi, Krijtota betana weyemta sualek. Aapo,
jukaꞌ yoꞌowe Jesukrijtota betana nok lutuꞌuriata aꞌ
yoꞌoreka, tua aꞌ suum eiyaakai.
\s Juꞌu Paplo intok juꞌu Bernabee, jum bwiaraa Pisiiriaꞌ teaꞌpo senu bweꞌu joꞌara Antiokiaꞌ teaꞌpo aane
\p
\v 13 Juꞌu Paplo intok jumeꞌ aamak rejteme, inimeꞌe jum
junamaꞌa joꞌara Pappoꞌoti teakaꞌpo, bawet naa buusti
boꞌo joobaeka, senu bweꞌu kuta kanoau jaꞌamuka intok
junamaꞌa, bwiaraa Pampiiliaꞌ teaꞌu, senu bweꞌu joꞌara
Perkeꞌ teaꞌu yeu yajak. Taa juꞌu Joan Maekoj teame junamaꞌa
am toꞌo sika intok juchi bweꞌu joꞌara Jerusalen teaꞌu
bicha nottek.
\v 14 Chukula bempo junamaꞌa joꞌara Perkeꞌ teaꞌpo yeu
sajaka, omot senu bwiaara Pisiiriaꞌ teaꞌu, bweꞌu joꞌara
Antiokiaꞌ teaꞌu bicha yajak. Junaman bempo yajakai, senu
aet yum joꞌe taꞌapo, bempo senu juriom teꞌopou yajaka
junamaꞌa jootek.
\v 15 Junako, chukula Moiseej tukaꞌuta betana jumeꞌ nesauri
jiꞌojteim intok jumeꞌ Liojta betana juꞌuneetuawaka, chukula
yeu weenemta tetteuwaaꞌum jiꞌojteim, inimeꞌe am noksuako,
aet chukula, jumeꞌ junamaꞌa teꞌopopo yoꞌotaka ama tekiakame,
bempoꞌim tejwaa tebok:
\p ―Itomak werim, emeꞌe, jumeꞌ inim aneme betchiꞌbo, nokta
tuꞌikut yeeꞌaniamta aꞌ weiyaꞌateko, baa emeꞌe aꞌ teuwaane
―ti ameu jiiakai.
\p
\v 16 Junako juꞌu Paplo, kikteka intok am yaateka aꞌ
jikkajineꞌ betchiꞌbo maammea ameu nokaka, junak aapo
nok taiteka:
\p ―Emeꞌe, Ijraꞌel yoemra, intok emeꞌe jumeꞌ Liojtat jiapseka
aꞌ yoꞌori taꞌaame, nee jikkajine ―ti ameu jiiak―.
\v 17 Juꞌu inim Ijraꞌel yoemratau Lios, junako cheꞌa
bat taewaimmet, aapoꞌik betana yoemiam benasi bem taꞌeenaꞌ
betchiꞌbo au bicha yeu am puꞌak. Intok aapo, junameꞌe,
jum bwiaraa Ejiptoꞌ teaꞌpo, ka ama jomemtaka juniꞌi, ketun
ama am jiapsao, tua am eiyaa teboka, bweꞌu yoemrasi am
yaak. Intok chukula jiba aapo, tua a jita aꞌ joaꞌue, junama
bwiaarapo yeu am nuk siika.
\v 18 Juꞌu Lios, aman mekka bweꞌu seꞌe paꞌariau, ka ammaꞌali
bem jiapsaꞌut, junak woi taka wasuktiampo tajtia, siꞌimeku
amemak tuꞌuꞌansuk.
\v 19 Intok juꞌu Lios, aapo jum bwiaara Kanaan teaꞌpo,
woo busani ka nanau machi yoemrata, bempoꞌim aniaka, am
koobak. Junuen junameꞌe yoemram, bem bwiawa, bempoꞌimmeu
aꞌ tawaneꞌ betchiꞌbo.
\v 20 Iniat chukula, ket jumak naiki siento ama woi taka
intok ama woj mamni wasuktiampo tajtia, aapo juꞌu Lios,
bempoꞌim jumeꞌ yoꞌoraapo, yee nau tuꞌute betchiꞌbo, junakaꞌa
tekiakame ameu yeu pupuꞌaka am kuaktan. Chukula siꞌimemmet
chaꞌaka, jukaꞌ Liojta betana juꞌuneetuawaka, chukula yeu
weenemta tetteuwaame, Samuel tukaꞌuta taewaimmeu tajtia.
\v 21 Junako bempo, senuk, bempoꞌim betana cheꞌa bepa
ameu yoꞌotaka yeu puꞌatuneemta aꞌawak. Junak intok juꞌu
Lios, woi taka wasuktiammeu tajtia, Saul teamta, senu Kiij
teamta yoemia, inikaꞌa ameu yoꞌo yaak. Inikaꞌa, juꞌu Benjamin
tukaꞌutat yeu katriam betana yeu simriata.
\v 22 Iniat chukula juꞌu Lios, inikaꞌa junamaꞌa aꞌ yoꞌo
yaꞌariꞌpo, yeu aꞌ simtuaka, intok jukaꞌ Labiiꞌ teamta
bempoꞌimmeu aꞌ yoꞌo yaak. Inia betana aapo juꞌu Lios:
“Jukaꞌ Labiiꞌ teamta jukaꞌ Issaiꞌ teamta yoemiata nee
inim juꞌuneiyaa. Iniꞌi nee alleetua intok siꞌimeta jukaꞌ
in joo iꞌaꞌuta aꞌ yaꞌaneeme”, ti jiiak.
\v 23 Jiba junae Labii tukaꞌuta yoemiammet yeu katriam
betana weyeme, jiba iniꞌi Jesus junaꞌatuk. Aapoꞌik inim
jukaꞌ Ijraꞌel yoemrata aꞌ jinneꞌuneꞌ betchiꞌbo, ameu
aꞌ bittuak, bat naataka aapoꞌik Liojta ameu aꞌ naꞌikiakaꞌa
benasia.
\v 24 Jukaꞌ Jesujta, kee inim bwiau aꞌ yepsao, juꞌu Joan
yee babatoowame inim siꞌime jukaꞌ Ijraꞌel yoemrata, Liojta
betana lutuꞌuriata am majtan. Intok aapo inimmeu: “Jukaꞌ
ka tuꞌik betana emo temaeka aꞌ koptaka intok emoꞌem
batoꞌowaaneꞌeti,” jiiak.
\v 25 Intok junak juꞌu Joan, juꞌu yee babatoowame, chukula
inim bwiapo aꞌ yaꞌaꞌeaꞌuta abe aꞌ chupakai, aapo: “Ineponee
ka junaꞌa, enchim boꞌo bichaka nee junaꞌati eaꞌu. Taa
net chukula senu aꞌabo yebijne. Junakaꞌa, inepo, kia aꞌ
bocha wikiawam nee aꞌ woitarianeeꞌu ka neu chaꞌaka”,
ti jiiak.
\p
\v 26 ’Emeꞌe, nele benasi juꞌu Apraꞌamtukaꞌuta yoemiammet
yeu katriam, intok siꞌime emeꞌe, Liojta ee majjaeka aꞌ
yoꞌori taꞌaame, iniꞌi Liojta betana yee jinneꞌuka aꞌ
nok lutuꞌuria, emo betchiꞌbo weyeka aꞌabo bittuari.
\v 27 Bweꞌituk junako, jumeꞌ jum bweꞌu joꞌara Jerusalen
teaꞌpo jiapsaꞌum intok kia inimmeu juꞌu yoꞌoraa juniꞌi,
jukaꞌ Jesujta tua aꞌ jabetukaꞌut ka juꞌunean. Intok
kia jumeꞌ cheꞌa bat naataka Liojta betana juꞌuneetuawaka,
chukula yeu weenemta tetteuwaame, aapoꞌikut nokaka bem
jiꞌosia jiꞌojteim teuwaaꞌut, chikti aet yum joꞌe taewaipo
juriom teꞌopommet nokwammet juniꞌi ka juꞌunean. Intok
junuen, jiba bempo junak jukaꞌ Jesujta, aꞌ meꞌetuneꞌ betchiꞌbo
aet nesawekai, junuen bempo junakaꞌa bat naataka au chupneeka
ae betana teuwaarita, yeu aꞌ yumaꞌatuak.
\v 28 Intok bempo junuen aꞌ meꞌetuneꞌ betchiꞌbo, ka tuꞌik
tua kaita aet teaka juniꞌi, bempo juꞌu kobanaao, Pilaatoꞌ
teamtau nookak, aapoꞌik aꞌ meꞌetuneeꞌu betana aet aꞌ
nesauneꞌ betchiꞌbo.
\v 29 Junak intok chukula, bempo siꞌimeta jukaꞌa, jum
Liojta betana jiꞌosia jiꞌojteimpo aapoꞌik betana ama
teuwaarita aꞌ yaꞌasukai, bempo junama kuuset aꞌ popontukaꞌpo
koꞌom aꞌ tekaka intok aꞌ maꞌak.
\v 30 Taa juꞌu Lios, aapoꞌik junuen mukiataka, kokkolam
nasuk juchi aꞌ jiapsituak.
\v 31 Intok junamaꞌa juꞌu Jesus juebena taewaimpo, jumeꞌe,
jum bwiaraa Kalileaꞌ teaꞌpo naateka, bweꞌu joꞌara Jerusalenmeu
bicha aꞌ weyeo jumeꞌ aamak rejtisukaꞌummeu au yeu machiaka
au bit tebok. Iꞌan intok jiba bempo junameꞌe, jumeꞌ inim
yoemratau aapoꞌik betana weyemta aꞌ teuwaame.
\p
\v 32 ’Junuen san jiba itepo tee junakaꞌa Liojta betana
bat naataka itom yoꞌowasukaꞌummeu, ameu aꞌ chupneꞌeti
jiaka aꞌ teuwaakaꞌu betana, jukaꞌ bemela nok lutuꞌuriata,
itepo emou aꞌ teuwaa.
\v 33 Junuen, itepo, jiba junameꞌe bat katriammet yeu
katriam, jiba iꞌan jukaꞌ Jesujta, kokkoarim nasuk aꞌ jiabijtetuaka,
jukaꞌ itou aꞌ naꞌikiakaꞌuta, itou aꞌ chupak. Inikaꞌa
junuen jum lipro Salmom teaꞌpo, salmo woiku aꞌ jiꞌojteitukaꞌpo
aman: “Empo junaꞌa in yoemia, iꞌan ne enchi yoem juꞌunaktelaa”,
ti aꞌ jiakaꞌa benasia.
\v 34 Juꞌu Lios, bat naataka jaibu aapoꞌik mukuka intok
kokkoarim nasuk aꞌ jiabijtetuaneeꞌuta, junuen jukaꞌ aꞌ
takaawata ka aꞌ nasontuneꞌ betchiꞌbo jaibu aꞌ teuwaariakan.
Aapoꞌik betana jiꞌosia jiꞌojteimpo: “Juꞌu Labiitukaꞌutau
tuꞌik aꞌ bitneeꞌuta au aꞌ chupneꞌeti jiaka in teuwaarita,
enchim nee aꞌ bittuane”, ti jiakai.
\v 35 Inien san ket, juchi senuku jiꞌosia jiꞌojteim, Salmom
teaꞌpo: “Empo jukaꞌ wepulsi ee betchiꞌbo jiapsamta
em yeu puꞌari, aꞌ takaawata empo ka ama aꞌ nasontutuane”,
ti jiꞌojtei.
\v 36 Bweꞌituk lutuꞌuria ala, jukaꞌ Labiitukaꞌuta, aapoꞌik
jiapsao aawit kateka jukaꞌ yoemrata, junameꞌe jiba junuen
jukaꞌ Liojta aet aꞌ sawekaꞌpo aman, ameu yoꞌo yaꞌaritusuka
am aniak. Chukula intok aapo muukuk. Intok junuen ket,
aapo cheꞌa bat naataka aꞌ yoꞌowasukaꞌum am toꞌokaꞌu,
amemak maꞌatuk. Intok juꞌu aꞌ takaawa junamaꞌa nasontuk.
\v 37 Taa juꞌu, jukaꞌ achai Liojta, kokolam nasuk aapoꞌik
aꞌ jiabijtetuakaꞌuta, aꞌ takaawa ka nasontuk.
\v 38 Emeꞌe nele benasi inim yoemem, emeꞌe, jumeꞌ ka tuꞌuwa
yaꞌarim jachin yetet am jiokoiwaaꞌut, Jesujta betana
yee amet aꞌ jiokoiwaaꞌuta aꞌ juꞌuneiyaane.
\v 39 Jiba aapoꞌik betana, siꞌime wameꞌe, aapoꞌik sual
taꞌaame, inimeꞌe, Moiseejtukaꞌuta nesaurim boꞌo jooriaka
jiapsaka, siꞌimeta jukaꞌ ka a bem aet jiokoi tuꞌu betana,
junameꞌe jiokoirim tune.
\v 40 Junuen san emeꞌe aꞌ mammateka, iniat emo suuane,
jukaꞌa, wameꞌe Liojta betana juꞌuneetuawaka, chukula yeu
weenemta teteuwaame, bem jiꞌojtekaꞌuta ka emou junuen
aꞌ chupneꞌ betchiꞌbo, junak:
\q
\v 41 Emeꞌe, jaana jita eiyaaka nonokame.
\q Inia weemta betana suum ea.
\q Intok chukula, ka tuꞌisi tawarimtaka kokkone.
\q Bweꞌituk inepo, jiba ineponee Liojtakai, enchim taewaimmetchi,
tua machisi suum watchik nee joone,
\q Junakaꞌa emeꞌe, junae betana senuk emou aꞌ teuwaao juniꞌi,
ka aꞌ sualne,
\m ti jiakai.
\p
\v 42 Chukula junamaꞌa jukaꞌ Paplota intok jumeꞌ aamak
rejteme, junamaꞌa juriom teꞌopopo yeu am sajako, waate
jumeꞌ ka jurio yoemrataka ama jiapsame, junameꞌe, chukula
juchi aet yum joꞌe taewait, jiba junae weyemta, bempoꞌim
ameu nokneꞌ betchiꞌbo ameu nookak.
\v 43 Junako chukula, junamaꞌa juriom nau yaajaꞌpo, ama
weetuawamta aꞌ chupuko, juriom betana juebenaka, intok
ket waate, ka juriomtaka, taa jurio yoemrata, Liojta bem
yoꞌoreeꞌuta ame benasi aꞌ sualeka aꞌ yoemꞌeiyaame intok
tua ka aꞌ koptaka aet jiapsekame, inimeꞌe, jukaꞌ Paplota
intok Bernabeeꞌ teamta, bempoꞌimmak ee japtek. Bempo
intok junameꞌe, junuen bemelasi weyeka, Liojta yee nakeꞌ
betchiꞌbo, tuꞌik, ka bem aꞌ koptaneꞌ betchiꞌbo ameu nookan.
\p
\v 44 Iniat chaꞌaka, juchi woo busan taewaim sikaa, jukaꞌ
aet yum joꞌe taewaita yumako, junamaꞌa bweꞌu joꞌaraapo
juꞌu yoemra, junamaꞌa jukaꞌ Liojta nok lutuꞌuriata jikkajibaeka,
batte siꞌime aman ameu yeu yajak.
\v 45 Taa junako, jumeꞌ juriom, junamaꞌa yoemrata juebenak
ama aneme bichakai, inimeꞌe tua ka aꞌ tuꞌureka amet kopten.
Intok jukaꞌ Paplota bejeꞌeka nok japtek intok tuꞌisi
ka aꞌ yoꞌoreka, jaana aet nok japtek.
\v 46 Junako juꞌu Paplo intok juꞌu Bernabee, ka jain
eaka, witti nokakai:
\p ―Utteꞌatukan, Liojta betana jukaꞌ bemela nok lutuꞌuriata,
enchim juriomtukaꞌpo aman, emou bat aꞌ teuwaatuneeꞌuta.
Taa iꞌan intok, emeꞌe ka aꞌ jikkajibaekai, intok jiba
emeꞌe su jukaꞌ jiba yuu jiapsiwamta, enchim au lutuꞌuriakaꞌuta,
ka emou aꞌ chaꞌakaꞌa benasi aneka aꞌ bit tebokai, iꞌan
te itepo, jumeꞌ ka juriommeu bicha te katbae.
\v 47 Bweꞌituk aapo juꞌu achai Lios inien itom aet sawek:
\q Siꞌime aniat yoemrata, juꞌu lutuꞌuriat enchi aet am
juꞌunee tuaneꞌ betchiꞌbo,
\q Intok inim bwiapo, ka jak beꞌeeka, juꞌu yee jinneꞌuimtuneeꞌut,
\q Em yee anianeꞌ betchiꞌbo, nee enchi yeu puꞌari,
\m ti jiakai.
\p
\v 48 Inikaꞌa jikkajakai, jumeꞌ ka juriomtaka ama aneme,
allean. Intok bempo, yoꞌowe Jesukrijtota betana weyeka,
jukaꞌ nok lutuꞌuriata, tua aꞌ tuꞌiꞌiti jiu japtek. Intok
junamaꞌa siꞌime jumeꞌ cheꞌa bat naataka naateka junuen,
jiba yuu jiapsiwamta bem bitneꞌ betchiꞌbo junuen ameu
aꞌ chupaꞌim, inimeꞌe Krijtota sualek.
\v 49 Intok junuen san juꞌu Krijtota nok lutuꞌuria junama
bwiaarapo jiapsammeu, siꞌimekut weyeka teuwaawak.
\v 50 Taa jumeꞌ juriom, junamaꞌa, waate jaamuchim, Liojta
yoꞌori taꞌaaka intok tua eiyaawammak intok junamaꞌa
bweꞌu joꞌarapo jumeꞌ yoꞌo yaꞌarimmak etejoka intok inimeꞌe,
bempo jukaꞌ Paplota intok jukaꞌ Bernabeeta bejeꞌeka
an betchiꞌbo, amemak bem eeneꞌ betchiꞌbo am tejwaak, junamaꞌa
bem bwiaraapo yeu am beepsuꞌpo tajtia.
\v 51 Junako jumeꞌ Paplotaim, bwiata wokpo amet chaꞌatulata
tatakek junuen junakaꞌa yoemrata, ka tuꞌisi bem aulaaꞌut
bem aꞌ mammateneꞌ betchiꞌbo. Junak intok bempo, bweꞌu
joꞌara Ikoonioꞌ teaꞌu bicha yeu sajak.
\v 52 Taa jumeꞌ Krijtota sualeme, tua alleaka intok Liojta
betana tuꞌu jiapsita yumaꞌisi amet anekai ama aanen.
\c 14
\s Juꞌu Paplo intok juꞌu Bernabee, joꞌara Ikoonioꞌ teaꞌpo aane
\p
\v 1 Junamaꞌa bweꞌu joꞌara Ikoonioꞌ teaꞌpo juꞌu Paplo
intok juꞌu Bernabeeꞌ teame, inimeꞌe nau, senu juriom teꞌopopo
kiimuk. Intok junamaꞌa bempo, junuen Krijtota betana
jukaꞌ nok lutuꞌuriata tua yumaꞌisi nookak. Junae, tua
juebenaka Krijtota sualek, juriomtakai intok kia jumeꞌ
ka juriomtakai juniꞌi.
\v 2 Taa jumeꞌ juriom, Krijtota nok lutuꞌuriata ka aꞌ
sualeme, junamaꞌa jumeꞌ ka juriom, jumeꞌ Krijtota sualeme
bejeꞌeka, ka amemak am eeneꞌ betchiꞌbo, ka tuꞌisi amet
nookan.
\v 3 Inia betchiꞌbo bempo binwaa junama taawak. Intok
bempo, witti, ka jain eaka nookak, achai Liojtat yoem eakai.
Intok junaen, aapo juꞌu achai Lios, aapoꞌik betana tua
yee aꞌ nak taꞌaaꞌuta bem teuwaaꞌuta, machisi aꞌ juꞌuneiyaa
tebon, junuen bempoꞌim, machilaata intok jukaꞌ ka a joo
tu maisi machik, bempoꞌim aꞌ jooneꞌ betchiꞌbo am aniakai.
\v 4 Taa junama bweꞌu joꞌarapo juꞌu yoemra ka nau ean.
Waate, jumeꞌ junamaꞌa juriommak eaka, wate intok, jumeꞌ
Krijtota yeu puꞌarimmak eakai.
\v 5 Junak intok jumeꞌ junamaꞌa juriom intok jumeꞌ ka
juriomtakai, jumeꞌ junamaꞌa yoemratau yoꞌo yaꞌarimmak
emo tuꞌutek, junuen jiokot am yaaka intok am mamaasuakai.
\v 6 Taa juꞌu Paplo intok juꞌu Bernabeeꞌ teame junakaꞌa
juꞌuneꞌeiyaakai, bempo, senu bwiaara Likaoniaꞌ teaꞌu, wate
bweꞌu joꞌaram, Lijtraꞌ teaꞌawi intok Leerbeꞌ teaꞌawi
yeu sajak intok junamaꞌa ka mekka konila ili joꞌarammeu
ket sajaka,
\v 7 intok junaman ket, Krijtota betana nok lutuꞌuriata
aꞌ juꞌuneiyaa teboka aꞌ teuwaan.
\s Paplota jum joꞌara Lijtraꞌ teaꞌpo mamaasuakaꞌpo
\p
\v 8 Jum bweꞌu joꞌarapo Lijtraꞌ teaꞌpo san, seenu, yeu
aꞌ tomtekaꞌpo naateka wokpo loꞌitaka, iniꞌi, jakwoo juniꞌi
ka weamaka, ama katekan.
\v 9 Iniꞌi oꞌou, jukaꞌ Paplota nokaꞌuta aꞌ jikkajan.
Junak intok juꞌu Paplo tuꞌisi aet mammatek, intok juꞌuneak,
aapoꞌik, aꞌ tuꞌineꞌ betchiꞌbo, yumaꞌisi Liojtat aꞌ eaꞌpo.
\v 10 Junako juꞌu Paplo, junau, kusisi nokaka:
\p ―Em wokimmet tuꞌisi lutula kikte ―ti au jiiak.
\p Junak intok aapo, junama tuꞌisi kikteka intok sep weam
taitek.
\v 11 Junamaꞌa junuen, jukaꞌ Paplota yaꞌari aꞌ bichakai,
juꞌu buꞌuuraa junamaꞌa Likaonika nokpo chaae japtek:
\p ―Jumeꞌ liosim, inim yoemem bebenaka aꞌabo itou koꞌom
yajilam ―ti jiakai.
\p
\v 12 Junameꞌe intok, jukaꞌ Bernabeeꞌ teamta, aapoꞌik
lios Jupiter ti jiian. Jukaꞌ Paplota intok, ket aapoꞌik,
lios Merkuurioꞌoti jiian. Bweꞌituk aapo juꞌu Paplo, cheꞌa
bat weyeka, aꞌ nokaꞌ betchiꞌbo.
\v 13 Juꞌu intoko, jukaꞌ Jupiter teamta teꞌopo, junaman
joꞌarau yaajiwaꞌpo mayoau juꞌu junamaꞌa tekiakame, junaman
juya sewam kokoꞌela ujyoisi yaꞌarim, intok toorom suꞌa
betchiꞌbo junaman joꞌarau yaajiwaꞌawi am nuꞌupak. Intok
junamaꞌa aapo intok juꞌu buꞌuura nau eaka, bempoꞌim yoꞌoreka
intok jumeꞌ toorom ama suꞌariabaen.
\v 14 Taa junako jumeꞌ Krijtota yeu puꞌarim, Bernabee
intok juꞌu Paplo, junakaꞌa juꞌuneꞌeiyaakai, bem ka junuen
aꞌ tuꞌureeꞌuta aꞌ teuwaakai, bempo emo tajoꞌori siutaka
intok junamaꞌa buꞌuuraata nasuk kiimuk, intok chaaeka:
\p
\v 15 ―Emeꞌe achaim, jitasa emeꞌe jooa. Itepo tee jiba
emo benasi kia beja yoemem. Intok iꞌani itepo, jiba inikaꞌa,
kaita teuwaamta enchim aꞌ suꞌu tojaka intok jukaꞌ Lios,
jiba yuu jiapsamta, jukaꞌ teekata intok jukaꞌ bwiata
intok jukaꞌ baweta intok siꞌimeta jukaꞌ ama jiapsamta
aꞌ juꞌunaktekamta enchim aꞌ sualneꞌ betchiꞌbo emou nokbaeka.
\v 16 Cheꞌa bat naataka, jumeꞌ junak jiapsakaꞌum taewaimmet,
junameꞌe siꞌimem, juꞌu Lios, bem jiapsibaeꞌpo aman am
jiapsineꞌ betchiꞌbo kia am suꞌu tojiriakan.
\v 17 Taa junuentaka juniꞌi, bempoꞌim betchiꞌbo, juꞌu
tuꞌik aꞌ joaꞌue, aapo, aapoꞌik aꞌ jabetukaꞌut jiba am
juꞌuneetua simen. Aapo juꞌu Lios yuyuktua. Intok jukaꞌ
echita tuꞌisi aꞌ chuchuptua. Intok jukaꞌ itom bwaꞌaneeꞌuta,
yumaꞌisi itou aꞌ autua. Intok ket junuen itom ae alleeneeꞌuta.
\p
\v 18 Taa bempo inikaꞌa ameu aꞌ teuwaaka juniꞌi, bempo
jukaꞌ buꞌuuraata, am yoꞌoribaeka junuen jumeꞌ toorom
am suꞌariaka bem am pajkoriabaeꞌut, batte ka junaet am
yuꞌuk.
\p
\v 19 Junak intok junamaꞌa, juriom waate, Antiokiiaꞌ teaꞌa
betana intok Ikoonioꞌ teaꞌa betana ama yajaka intok
jukaꞌ buꞌuuraata nok yuꞌuka, jukaꞌ Paplota aꞌ mamaasuk.
Junameꞌe intok emo aꞌ meꞌesuk ti eaka, junamaꞌa bweꞌu
joꞌara betana, mayoau paꞌakun bicha yeu aꞌ wikek.
\v 20 Taa chukula jumeꞌ Krijtota sualeme ama konila
au japteo su, aapo juꞌu Paplo, yejteka intok juchi junaman
bweꞌu joꞌarau kibakek. Intok juchi yokoriapo aapo, juꞌu
Bernabeeꞌ teamtamak, joꞌara Leerbeꞌ teaꞌu bicha yeu sajak.
\p
\v 21 Junama joꞌara Leerbeꞌ teaꞌpo, Krijtota bemela nok
lutuꞌuriata yee majtasuka, bempo junamaꞌa bem nokaꞌue
juebenam Krijtota sualtuakai. Bempo, joꞌara Lijtraꞌ teaꞌu,
jum Ikoonioꞌ teaꞌu intok Antiokiiaꞌ teaꞌu juchi nottek.
\v 22 Junaet bem kateꞌut, jumeꞌ Krijtota sualeme, ka bem
koꞌom eeneꞌ betchiꞌbo, intok ka taꞌabwisi eaka, Krijtota
bem sualneeꞌut ameu nookak. Intok bempo ameu:
\p ―Jum Liojta cheꞌa yoꞌotaka aꞌ jiapsaꞌu yaji betchiꞌbo,
aꞌ utteꞌatuneꞌe ―ti jiian―, cheꞌa bat jiokot emo bitnaaꞌu
―ti jiian.
\p
\v 23 Ketchia bempo junaman teꞌopom beꞌekatana, jumeꞌ
ama ameu yoꞌo yaꞌarimtuneeme yeu puꞌak. Intok bempo,
ka jiꞌibwaka Liojta yoꞌoreka intok Liojtau bicha am
nokriasukai, junameꞌe, juꞌu Lios bem sualeꞌuta, aapoꞌik
amemak tuneeꞌuta aꞌ aꞌawak.
\s Juꞌu Paplo intok juꞌu Bernabee, bwiaraa Siiriaꞌ teaꞌpo joꞌara Antiokiiaꞌ teaꞌu notte
\p
\v 24 Chukula bempo, bwiaara Pisiiriaꞌ teaꞌpo waꞌam sajaka
intok jum senu bwiaraa Pampiiliaꞌ teaꞌu yeu yajak.
\v 25 Bempo, bweꞌu joꞌara Perkeꞌ teaꞌpo Krijtota bemela
nok lutuꞌuriata yee majtaka, junak intok senu bweꞌu joꞌara
Ataliaꞌ teaꞌu bicha sajak.
\v 26 Junama bempo, bawet boꞌo joo betchiꞌbo, bweꞌu kuta
kanoau jaꞌamuka intok junamaꞌa junuen bweꞌu joꞌara Antiokiaꞌ
teaꞌu bicha sajak. Jiba jum, bempoꞌim, juꞌu tekil bem
yaꞌasukaꞌuta, yeu puꞌawaka, Liojtau bicha bem nokriawakaꞌpo.
\v 27 Junako bempo, jum Antiokiaꞌ teaꞌu yajakai, junamaꞌa
jumeꞌ Krijtota sualeme nau tojaka intok ameu siꞌimeta
jukaꞌ Liojta am aniaka bem yaakaꞌuta intok junuen achai
Liojta jumeꞌ ka jurio yoemra, ket Krijtota taꞌaaka a
bem aꞌ sualeꞌ betchiꞌbo, amemaktuka bempoꞌim am aniakaꞌuta
am etejoriak.
\v 28 Junamaꞌa intok juꞌu Paplo intok juꞌu Bernabee
jumeꞌ Krijtota sualemmak binwaa ama amemak taawak.
\c 15
\s Jum joꞌara Jerusalen teaꞌpo nau etejo jumeꞌ Krijtota yeu puꞌarim
\p
\v 1 Jiba junako junameꞌe taewaimmet, waate, bwiaraa Jureaꞌ
teaꞌa betana joomem, joꞌara Antiokiaꞌ teaꞌu yajilame,
jumeꞌ Krijtopo nau werim am majta japtek. Inimeꞌe intok,
bempoꞌim jinneꞌuimtuneꞌ betchiꞌbo, aꞌ utteꞌatuneꞌeti
jiian, jukaꞌ Moiseejtukaꞌuta, aꞌ nesawekaꞌa benasia, bempoꞌim
emo sirkunsiraaroa teboneeꞌuta ti jiakai.
\v 2 Juꞌu Paplo intok juꞌu Bernabeeꞌ teame, junamemak
junae weemta betana am bejeꞌeka tua amemak nok nassuak.
Intok junuen san, junamaꞌa juꞌu Paplo intok juꞌu Bernabee,
intok junama waate ket yeu puꞌawak, jum Jerusalen teaꞌu
sajaka, jiba inikaꞌa weemta betana, junama bweꞌu joꞌarapo,
jumeꞌ Krijtota yeu puꞌarimmak intok jumeꞌ jum Krijtota
sualemmeu yoꞌo yaꞌarimmak aneka, amemak etejoka aꞌ tuꞌute
betchiꞌbo.
\p
\v 3 Bweꞌu joꞌara Antiokiaꞌ teaꞌpo jumeꞌ Krijtota sualeme
junuen junam bicha am bittuak. Inimeꞌe intok junam bicha
boꞌo joakai, bwiaraa Peniisiaꞌ teaꞌu intok bwiaraa Samaariaꞌ
teaꞌu teꞌopompo japte sakakai, junamaꞌa, jumeꞌ ka jurio
yoemra, bat naataka bem au joiwalataka bem sualeꞌuta,
aꞌ suꞌu tojilamtaka intok junuen jukaꞌ Liojtamak eaka
bem jiapsaꞌuta ama etejoria sakan. Junamaꞌa siꞌime jumeꞌ
Krijtopo nau werim tua allean inikaꞌa teuwaawamta jikkajakai.
\p
\v 4 Junako juꞌu Paplo intok juꞌu Bernabee, jum Jerusalen
teaꞌu yajakai, bempo junamaꞌa jumeꞌ Krijtota sualeme
betana intok jumeꞌ Krijtota yeu puꞌarim betana intok
jumeꞌ junamaꞌa Krijtota sualemmeu yoꞌo yaꞌarim betana,
bempo juname betana tuꞌisi mabettuk. Intok junak bempo
junamaꞌa, siꞌimeta jukaꞌa, Liojta a jita aꞌ joaꞌ betchiꞌbo,
bem yaakaꞌuta ameu aꞌ teuwaak.
\v 5 Taa junak, jumeꞌ paiseeom betana, waate Krijtota
nok lutuꞌuriata sualeme, inimeꞌe japteka intok:
\p ―Aꞌ utteꞌaꞌa ―ti jiian―, jumeꞌ ka juriomtaka, Krijtota
sualeme, am sirkunsiraaroaneeꞌuta, intok jumeꞌ Moiseejtukaꞌuta
nesauri jiꞌojteim bem aꞌ boꞌo jooriaka bem jiapsineeꞌuta
am tejwaaneeꞌu ―ti jiakai.
\p
\v 6 Junako jumeꞌ Krijtota yeu puꞌarim intok jumeꞌ junamaꞌa
teꞌopopo, Krijtota sualemmeu yoꞌo yaꞌarim, junuen nau
etejoka, iniꞌi weeme jachin tua aꞌ lutuꞌuriatukaꞌut tuꞌisi
juꞌuneebaekai, emo nau tojak.
\v 7 Junamaꞌa aneꞌepo binwaa junuen junaet nau etejosuka,
juꞌu Peeo, kikteka, intok junammeu:
\p ―Krijtopo nemak werim, emeꞌe jaibu juꞌunea, jaibu ili
binwatuk, jukaꞌ Liojta, emo nasuk nee yeu aꞌ puꞌakaꞌpo,
junuen Krijtota bemela nok lutuꞌuria yee jinneꞌumta,
wameꞌe ka jurio yoememmeu in ameu aꞌ teuwaaka, bempoꞌim
aꞌ sualneꞌ betchiꞌbo ―ti jiiak―.
\v 8 Intoko aapo, yetet juꞌuneame, bempoꞌim tuꞌisi aꞌ
mabetakaꞌuta, machisi aꞌ juꞌuneiyaa tebok, jiba ito benasia,
aapoꞌik betana jukaꞌ aꞌ tuꞌu jiapsiwata amet autuakai.
\v 9 Intok aapo juꞌu achai Lios, kaitaꞌpo taꞌabwisi, taa
ito benasi bempoꞌim eiyaak. Bweꞌituk ketchia ito benasia,
Krijtota bem sualeꞌ betchiꞌbo, ka tuꞌuwa yaꞌarimmet am
jiokoeka, junakaꞌa bem suꞌu toji betchiꞌbo am aniak.
\v 10 Junuen san iꞌani, jaisaaka emeꞌe, jukaꞌ Liojta yee
jinneꞌubaeka aꞌ yaꞌarita, ka junuen aꞌ mabetbae. Intok
emeꞌe, jumeꞌ Krijtota sualeme, jukaꞌ cheꞌa betteka obiachik
am joo iꞌa, jukaꞌa, jiba itom intok kia wameꞌe bat naataka
itom yoꞌowasukaꞌum juniꞌi, itom ka a chupiasi boꞌo jooriasukaꞌuta.
\v 11 Taa ala, cheꞌa juni san, itepo tee, kaita tuꞌik yaꞌarika,
jukaꞌ yoꞌowe Jesukrijtota tua yee aꞌ nak jiokoleꞌ betchiꞌbo,
jiba bempoꞌim benasia itom jinneꞌuimtukaꞌuta junuen
te aꞌ suale ―ti jiiak.
\p
\v 12 Junak intok junameꞌe siꞌime ka intok montek. Intok
junameꞌe, jukaꞌ Bernabeeꞌ teamta intok jukaꞌ Paplota,
Liojta a jita aꞌ joaꞌ betchiꞌbo, machilaata intok jukaꞌ
tuꞌik, ka a joo tu machik, jumeꞌ ka juriom nasuk bem yaakaꞌuta
bempoꞌimmeu am teuwaao, tuꞌisi am jikkajak.
\v 13 Junako bempoꞌim ama am noksuko, juꞌu Jakooboꞌ teame,
kikteka intok:
\p ―Krijtopo nemak werim, chubala nee jikkajine ―ti jiiak―.
\v 14 Juꞌu Simoo Peeo, jukaꞌ achai Liojta cheꞌa bat tuꞌik
ame nasuk aꞌ teuwaakaꞌuta, ket jiba junaen jumeꞌ ka juriomtaka,
bempoꞌim nasuk juebenaka Liojta yoemiamtuneeme yeu aꞌ
puꞌakaꞌuta itom etejorialaa.
\v 15 Jiba iniꞌi, jumeꞌ cheꞌa bat naataka, Liojta betana
juꞌuneetuawaka, chukula yeu weenemta tetteuwaame jiꞌojtekaꞌu,
jum Liojta nok lutuꞌuria jiꞌosia jiꞌojteimpo aꞌ teuwaari
benasi chupia:
\q
\v 16 Iniat chukula nee, inepo,
\q Juchi weeꞌpo inim yoemrata Labiitukaꞌutat yeu katriam
nasuk,
\q Ka taꞌeewaka kaabem benaka juniꞌi,
\q Inimeꞌe, karita wechiata,
\q Ama biꞌilaatae kaata bemelak juchi senuk aꞌ kaatekaꞌa
benasia nee jiba junuen aune.
\q
\v 17 Junaen siꞌime jumeꞌ waatem inim jiapsame bempoꞌimmet
chukula,
\q Achai Liojtamak eaka ket a bem aꞌ sualneꞌ betchiꞌbo.
\q Intok jiba inimeꞌe betana ka nanau machi yoemra,
\q Nee yoꞌoreka, in jinneꞌurim ti taꞌeewame.
\q
\v 18 Inien nooka juꞌu achai Lios,
\q Aapo juꞌu cheꞌa bat naataka taewaimmet inikaꞌa,
\q Aapoꞌik juꞌuneiyaaka aꞌ yaꞌabaeꞌuta,
\q Aꞌ juꞌuneiyaa tebokame,
\m ti jiakai.
\p
\v 19 ’Jiba inia betchiꞌbo, inepo nee, jumeꞌ ka juriomtaka
intok inimeꞌe, bat naataka bem au joiwalataka bem sualeꞌuta,
aꞌ suꞌu tojaka junuen Liojtamak eaka jiapsibaeme, kaitaꞌpo
ameu suanaaꞌuta nee aꞌ teuwaa.
\v 20 Ala, tuꞌine, bempoꞌim, jumeꞌ ka liosimtaka yaꞌarim
yoꞌoriwame betchiꞌbo joowamta, ka bem aꞌ joobaaneeꞌu.
Intok kaabeta, jamutta, ka aꞌ jubeka, kaachin aamak au
aꞌ tuꞌurineeꞌu betana. Intok jukaꞌ wakajta bamsoalata
intok kia ojbota, ka bem aꞌ bwaꞌaneeꞌu betana, inia betana
itom ameu jiꞌojtineeꞌuta ―ti jiiak―.
\v 21 Bweꞌituk cheꞌa bat naataka taewaimmet naateka,
inim siꞌimekut aane jumeꞌe, Moiseej tukaꞌuta betana nesauri
jiꞌojteim yee am majtame. Inimeꞌe, chikti aet yum joꞌe
taewaita yumao, jum juriom teꞌopompo nokwakai.
\p
\v 22 Junako jumeꞌ Krijtota yeu puꞌarim intok jumeꞌ
junamaꞌa Krijtota sualemmeu yoꞌo yaꞌarim, junamaꞌa, siꞌime
jumeꞌ Krijtota sualemmak, bempoꞌim nasuk, watem yeu puꞌaka,
intok inimeꞌe, joꞌara Antiokiaꞌ teaꞌu bicha, Paplotamak
intok Bernabeeꞌ teamtamak am bittua betchiꞌbo, junuen
aꞌ tuꞌurek. Junamaꞌa bempo, jukaꞌ Juraj teamta, ket Barsabaaj
ti taꞌeewamta, intok jukaꞌ Silaj teamta, inimeꞌe, Krijtopo
nau werim nasuk cheꞌa eiyaawaka tekilekame yeu puꞌatuk.
\v 23 Intok chukula inimeꞌemak inikaꞌa inen jiꞌojteita
amemak ameu aꞌ bittuak:
\p “Jiba itepo, jumeꞌ Krijtota yeu puꞌarim intok jumeꞌe,
inim jumeꞌ Krijtota sualemmeu yoꞌo yaꞌarim intok jumeꞌ
waate inim Krijtopo nau werim, itepo tee, jumeꞌ ka juriomtaka,
Krijtota sualeme, emeꞌe jum bweꞌu joꞌara Antiokiaꞌ teaꞌpo
intok bwiaraa Siiriaꞌ teaꞌpo intok Siliisiaꞌ teaꞌpo
joꞌaakame, siꞌimem te am tebotua.
\v 24 Inim itepo, waatem ka itom eaꞌpo inim, aman emou
yajaka, taꞌabwisi emou jiaka ka enchim yanti eltuaka
intok Liojta betana enchim sualeꞌu betana ka a witti
enchim aet juꞌuneetua. Inimeꞌe, aꞌ utteꞌa ti jiakai, enchim
emo sirkunsiraaroa teboneꞌpo intok Moiseej tukaꞌuta
nesaupo aman enchim katneeꞌpo, ti jiakai.
\v 25 Inia betchiꞌbo san, inim itepo, nau eaka, siꞌime
aꞌ lutuꞌuria yaak, inim ito nasuk, watem yeu puꞌaka, bempoꞌim
aman enchim am bitneꞌ betchiꞌbo te junuen aꞌ tuꞌurek.
Inimeꞌe, jumeꞌ Krijtopo itomak werim, tua itom nakeꞌum,
juꞌu Bernabeeꞌ teamta mak intok juꞌu Paploꞌ teamta mak
aman emou am bittua betchiꞌbo.
\v 26 Bempo san jumeꞌ Paplotaim junen, itom yoꞌowa, yoꞌowe
Jesukrijtota mak bem eaꞌ betchiꞌbo, ka jain eaka, bem
kokko machiku naj kateme.
\v 27 Junuen san itepo inim, jukaꞌ Juraj teamta intok
jukaꞌ Silaj teamta itepo emou am bittualaa. Bempo intok
emo mak aneka junuen, siꞌimeta jukaꞌ inim yeu sikamta,
machisi emou aꞌ teuwaane.
\v 28 Bweꞌituk inia betana, juꞌu Liojta tuꞌu jiapsi inen
itom aet juꞌuneetualaa, intok itepo juniꞌi inen aꞌ tuꞌireakaꞌuta
juꞌuneaka, emo betchiꞌbo, kaita intok naa buusti, betteka
enchim jooneꞌut itom enchim tejwaaneeꞌu, kia jukaꞌ cheꞌa
utteꞌataka itom jooneeꞌuta jiba.
\v 29 Wakaꞌa naikim wokekame, wameꞌe ka liosimtaka yoꞌoriwame
betchiꞌbo suꞌarim, junakaꞌa wakajta ka aꞌ bwaꞌane. Intok
kia ojbota juniꞌi, intok kia jukaꞌ bamsoaka mukukamta
juniꞌi ka bwaꞌane. Intok kaabe, jamutta, ka aꞌ jubeka
aamak au tuꞌurine. Emeꞌe inia weyemta betana emo suuaꞌateko,
Liojta bichapo tuꞌisi em annee. Lios emo maktune.”
Inikaꞌa ameu jiꞌojtek.
\p
\v 30 Junuen san, bempo inien junam bicha bittuarimtaka
boꞌo joakai aman Antiokiaꞌ teaꞌu yeu yajak. Bempo junamaꞌa,
jumeꞌ Krijtota sualeme nau yaajame, nau am tojaka intok
jukaꞌ jiꞌosia jiꞌojteita am makak.
\v 31 Intok junako, jumeꞌ Krijtopo amemak werim junakaꞌa
jiꞌosiata am noksuko, jukaꞌ junamaꞌa junuen weyeka ameu
teuwaawamta betchiꞌbo, tua bem alleaꞌu amet ayukan.
\v 32 Juꞌu Juuras intok juꞌu Silaaj teame, intok ketchia
bempo, inimeꞌe, Liojta betana juꞌuneetuawaka, chukula yeu
weenemta tetteuwaakai, bempo junuen junamaꞌa juꞌu buꞌuuk
bem nokaꞌue, junamaꞌa jumeꞌ Krijtota sualeme, bichau bicha,
ka koꞌom eaka Krijtota bem sualneeꞌut tuꞌisi am aniak.
\v 33 Bempo intok junamaꞌa ili jaiki taꞌapo ama aneka,
junamaꞌa jumeꞌ Krijtota sualeme, bempoꞌim juchi jumeꞌ
ama ameu am bittuakammeu bicha, yanti elaka bem nottineꞌ
betchiꞌbo, am tebotuak.
\v 34 Taa juꞌu Silaaj teame, junamaꞌa Antiokiaꞌ teaꞌpo
tawababaek.
\v 35 Juꞌu Paplo intok juꞌu Bernabee, ket bempo junamaꞌa
bweꞌu joꞌara Antiokiaꞌ teaꞌpo tawaka intok junamaꞌa
wate juebenammak, Liojta betana jukaꞌ bemela nok lutuꞌuriata
aꞌ teuwaaka, yee aꞌ majta sakan.
\s Juꞌu Paplo juchi weeꞌpo aꞌ naate, jukaꞌ Krijtota betana aꞌ tekil maki
\p
\v 36 Junamaꞌa ili binwatuka, chukula juꞌu Paplo juꞌu
Bernabeeꞌ teamtau:
\p ―Juchi te, jumeꞌ joꞌaram, siꞌimekut Liojta bemela nok
lutuꞌuriata itom yee aꞌ majtasukaꞌummet, jumeꞌ Krijtota
sualemmeu sajaka, te am juꞌuneiyaane ―ti au jiiak.
\p
\v 37 Juꞌu Bernabee intok ketchia, jukaꞌ Joan Maekoj
teamta amemak aꞌ wee iꞌan.
\v 38 Taa juꞌu Paplo, aapoꞌik amemak aꞌ weeneeꞌuta, ka
aꞌ tuꞌi machiak. Bweꞌituk aapoꞌik, jum joꞌara Pampiiliaꞌ
teaꞌpo am suꞌu tojaka intok junak ka bichaꞌu bicha amemak
aꞌ tekipanoakaꞌ betchiꞌbo.
\v 39 Inia betana bempo tua nau nok nassuakai, junuen
bempo junamaꞌa emo naꞌikimtek. Juꞌu Bernabee intok, juꞌu
Maekoj teamtamak omot bicha siika, intok bweꞌu kuta kanoat,
bwiaraa Chipreꞌ teaꞌu bicha bawet boꞌo joak.
\v 40 Paplo intok ket, jukaꞌ Silaj teamta yeu puꞌak.
Aapo, junamaꞌa jumeꞌ Krijtota sualeme betana, achai Liojta
amemak tuneꞌ betchiꞌbo aapoꞌiku bicha nokriasuakai, yeu
siika.
\v 41 Intok junuen, aapo, bwiaraa Siiriaꞌ teaꞌpo intok
bwiaraa Siliisiaꞌ teaꞌpo waꞌam yeu siika. Junamaꞌa aapo,
jumeꞌ teꞌopommet Krijtota sualeme junuen, bempoꞌim ka
koꞌom eaka, jiba Krijtota bem aꞌ sualneꞌ betchiꞌbo, ameu
nookak.
\c 16
\s Juꞌu Timoteoꞌ teame, Paplo intok Silajtaimmak aane
\p
\v 1 Junuen juꞌu Paplo intok juꞌu Silaaj teame, bempo,
wate joꞌaram, Lerbeꞌ teaꞌu intok Lijtraꞌ teaꞌu yajak.
Junaman intok bempo, seenuk Krijtota sualemta, Timoteoꞌ
teamta ama taꞌaak. Inia ae, juria jamuttaka intok Krijtota
sualen. Taa juꞌu aꞌ achaiwa, rieko yoem tukan.
\v 2 Jumeꞌ ama joꞌara Lijtraꞌ teaꞌpo intok jum Ikoonioꞌ
teaꞌpo joꞌaaka, Krijtopo nau werim, bempo, tuꞌik ae tana
nookan.
\v 3 Inikaꞌa Timoteota, juꞌu Paplo aamak aꞌ wee iꞌak.
Intok inikaꞌa juꞌu Paplo, aapo jumeꞌ juriom junaman junaet
jiapsame, kaachin am eetua betchiꞌbo, jukaꞌ Timoteota
aꞌ sirkunsiraaroa tebok. Junamaꞌa siꞌimem aapoꞌik achaiwa
aꞌ rieko yoem tukaꞌpo juꞌuneewaꞌ betchiꞌbo.
\v 4 Intok siꞌime, jum ili joꞌarammet bem waꞌam kateꞌumpo,
bempo, jumeꞌ Krijtopo nau werimmeu, bweꞌu joꞌara Jerusalen
teaꞌpo aneka, jumeꞌ Krijtota yeu puꞌarim betana intok
ama Krijtota sualemmeu yoꞌo yaꞌarim betana, bempoꞌim
yee majta saiwaka bem tejwaarita, junae betana ameu aꞌ
teuwaak.
\v 5 Jiba junuen san, jumeꞌ teꞌopommet Krijtota sualeme,
yoꞌowe Jesukrijtota cheꞌa juniꞌi yumaꞌisi aꞌ yoꞌoreka
aet yoem ean. Jumeꞌ intoko, Jesukrijtota sual sakame,
chikti taꞌapo cheꞌa juniꞌi buꞌuu sakan.
\s Jum tenkupo benasi, Paplota senuk bwiaraa Maserooniaꞌ teaꞌpo jometa aꞌ bichakaꞌpo
\p
\v 6 Juꞌu Liojta tuꞌu jiapsi, bempoꞌim jum bwiaara Aasiaꞌ
teaꞌpo, jukaꞌ junamaꞌa ili ka bwereka bwiaarammet, jukaꞌ
Krijtota bemela nok lutuꞌuriata ka ama bem aꞌ teuwaaneeꞌu
betana am juꞌuneetuak. Inien san bempo, junamaꞌa ili
bwiaraa Riijiaꞌati teaka intok Kalaatiaꞌati teaka, junammet
luula sajaka,
\v 7 intok junuen bempo, juchi senu bwiaraa Miisiaꞌ teaꞌu
kimuwaꞌpo yajak. Junamaꞌa yeu sajaka, bempo, senu ili
bwiaraa Bitiiniaꞌati teaꞌu kimubaeka ean. Taa juꞌu Jesukrijtota
tuꞌu jiapsi, ka aman bem yajineeꞌut am juꞌuneetuak.
\v 8 Junako bempo, junama bwiaara Miisiaꞌ teaꞌu ka tawaka,
naa buusti, baweu bicha, bweꞌu joꞌara Tooaj teaꞌu bicha
koꞌom yajak.
\v 9 Junamaꞌa juꞌu Paplo, tukaapo, tenkupo benasi, machilaata
bittuawak. Junamaꞌa aapo seenuk, bwiaara Maserooniaꞌati
teaꞌu betana jometa au weyeka intok: “Maserooniaꞌ teaꞌu
sikaa, intok itom aniane”, ti au jiamta bichak.
\v 10 Junamaꞌa, jukaꞌ Paplota junakaꞌa machilaata bitchuko,
itepo sep, bwiaara Maserooniaꞌ teaꞌu bicha tee yeu katbabaek.
Jaibu junaman junammeu, jukaꞌ Krijtota bemela nok lutuꞌuriata,
Liojta itom ameu aꞌ teuwaaneꞌpo itom aꞌ juꞌuneetualatukaꞌu.
\s Paplo intok juꞌu Siilas, joꞌara Piliipoj teaꞌpo nau aane
\p
\v 11 Junamaꞌa joꞌara Tooaj teaꞌpo itepo, bweꞌu kuta
kanoau jaꞌamuka tee bawet witti sajaka intok bawepo
bwia yeu kateka, Samotraasiaꞌ teaꞌu te yajak. Intok junamaꞌa,
juchi bawet sajaka, yokoriapo joꞌara Neapolij teaꞌu yeu
yajak.
\v 12 Intok junamaꞌa, bwiapo kateka, te joꞌara Piliipos
teaꞌu tee sajak. Junamaꞌa romaano yoemra juebena ama
joꞌaakan. Intok jiba junamaꞌa, junaꞌa bwiaraa Maserooniaꞌ
teaꞌpo, juꞌu bweꞌu joꞌara, cheꞌa eiyaawame. Junamaꞌa itepo
ili jaiki taꞌapo ama taawak.
\v 13 Junamaꞌa senu aet yum joꞌe taꞌapo, itepo junamaꞌa
bweꞌu joꞌarapo paꞌakun, batwee mayoau bicha tee yeu sajak,
junaman Liojta yoꞌoreka au bicha nok betchiꞌbo jiba
nau yaajiwaꞌu. Junamaꞌa itepo aneka intok itepo, Krijtota
nok lutuꞌuriata betana, jumeꞌ jaamuchim junamaꞌa anemmeu
tee aꞌ teuwaak.
\v 14 Junameꞌe betana seenu, Liiriaꞌ tean. Iniꞌi intok,
bweꞌu joꞌara Tiatiiraꞌ teaꞌa betana jometa ama aanen.
Tajoꞌota kutko sikiik, tua bejeꞌemta nenenkakai. Jiba
iniꞌi jamut Liojta sualeka aꞌ yoꞌoreme, ama teuwaawamta
jikkajan. Inikaꞌa, juꞌu achai Lios, jukaꞌ Paplota teuwaakaꞌuta,
alleaka aꞌ mammateꞌ betchiꞌbo, junuen aꞌ eetuak.
\v 15 Iniꞌi, aapo, chukula siꞌime jumeꞌ aamak joꞌaakammak
nau batoꞌowaasuakai, itou nookak:
\p ―Emeꞌe, tua lutuꞌuriapo junuen yoꞌowe Jesukrijtota in
aꞌ sualeꞌuta nee mammateka, junuen aꞌ lutuꞌuriatukaꞌpo
juꞌuneaꞌateko, in joꞌau tawa betchiꞌbo ama yajine ―ti
jiakai.
\p Intok tua junen jiaka nokakai, ite junamaꞌa taawak.
\p
\v 16 Sejtul jum batwee mayoau, jiba Liojtau bicha nokbaeka,
jiba itom nau yaajaꞌu bicha itepo katekai, junamaꞌa senu
usi jamut itou yeu siika. Iniꞌi san, bebejeꞌeri jiapsi
aet aneka, junae aniawaka, ka aet juꞌuneewamta betana,
machisi aꞌ teteuwaakai. Inikaꞌa san, wate, utteꞌapo aꞌ
tekipanoatuaka intok junameꞌ betchiꞌbo yuꞌin tomita
kokkoban.
\v 17 Iniꞌi usi jamut, jukaꞌ Paplota intok itom nau kateo,
itot chaꞌaka wee taitek, chaai nokpo intok:
\p ―Inimeꞌe oꞌowim, jukaꞌ siꞌimem bepa cheꞌa yoꞌorisi machik
Liojta betchiꞌbo jiapsaka intok aapoꞌik betana nokta,
yee ae jinneꞌuwamta emou aꞌ teuwaame ―ti jiakai.
\p
\v 18 Iniꞌi usi jamut, jiba ili jaiki taꞌapo junuen jiba
aanen. Junen su chukula juꞌu Paplo, ae suati eaka intok
au notteka, intok juꞌu ka tuꞌi jiapsi iniat anemtau:
\p ―Yoꞌowe Jesukrijtota betana lutuꞌuriakai, iniat aapoꞌikut
em yeu weeneꞌ betchiꞌbo ne enchi aet sawe ―ti au jiiak.
\p Intok junuen juꞌu ka tuꞌi jiapsi, junama sep yeu siika.
\p
\v 19 Taa junako, jumeꞌe, jukaꞌ usi jamutta aꞌ tekipanoatuame,
junae junuen ka intok a bem ae tomi yoꞌoneeꞌuta bichakai,
bempo, jukaꞌ Paplota intok jukaꞌ Silaj teamta am bwiseka
intok ama bweꞌu joꞌarapo, nasukun bicha junamaꞌa yaꞌuraatau
yeu am tojak.
\v 20 Junamaꞌa yaꞌuraapo, jumeꞌ yetet nesawemmeu am nuꞌupaka
intok:
\p ―Inimeꞌe oꞌowim, jurio yoememtakai, inim itom bweꞌu joꞌarapo
yoemrata emo bejeꞌeka intok ka nau am eetua ―ti jiian―.
\v 21 Intok ket inimeꞌe, wate weemta, itom romaano yoemem
tukaꞌ betchiꞌbo, ka itom a mabetaka intok ka a itom boꞌo
jooriaꞌuta, yee majta ―ti ameu jiiak.
\p
\v 22 Junako junamaꞌa juꞌu yoemra, bempoꞌim bejeꞌeka
an japtek. Juꞌu yaꞌuraa intok, am tajoꞌo watta teboka,
intok kuta jibebiammea am bepsu tebok.
\v 23 Chukula inimeꞌe tua jiokot maisi am bepsuakai,
ket jum yee eꞌetawaꞌu am kiimak. Intok junameꞌe, junamaꞌa
jukaꞌ etaꞌim susuamta, aapoꞌik inimeꞌe tua yumaꞌisi, tuꞌisi
ama am jipuꞌuneꞌ betchiꞌbo aꞌ tejwaak.
\v 24 Junako, inien tejwaawakai, juꞌu etaꞌim susuame, junamaꞌa
yee eꞌetawaaꞌu cheꞌa wajiwa bicha am tojaka intok bweꞌu
kuta, tekkuriaꞌ teaꞌpo am woktuaka, ama am suꞌu tojak.
\p
\v 25 Taa junamaꞌa jumak jaibu nasuk tukaapo jukaꞌ Paplota
intok jukaꞌ Silaj teamta ketun Liojtau bicha nokaka
intok aꞌ yoꞌoreka, au bicha am bwikao intok wate junamaꞌa
jumeꞌ etaꞌim ketun am jikkajao su,
\v 26 junamaꞌa seej chuktia juꞌu bwia au yoyoak. Junaꞌa
junuen tua utteꞌaka au yoyoakai, kia jum yee ama etaꞌipo
junakaꞌa kutti nawakamta, naas yoyoak. Intok junamaꞌa
lautipo siꞌime jumeꞌ pueetam emo etapok. Intok junamaꞌa
siꞌime jumeꞌ ama etaꞌim, jumeꞌ sisiꞌiwook wikiam, inime
betana koꞌom wattek.
\v 27 Junamaꞌa, juꞌu, jumeꞌ ama etaꞌawame sua betchiꞌbo
aꞌ tekiakame, busaka, intok junak aapo, jumeꞌ yee ama etaꞌim
emo etapolame bichakai, aapo jumeꞌ tebe aapoꞌik kuchiꞌim
yeu wikek inimmea au meꞌebaekai. Bweꞌituk aapo, junamaꞌa
siꞌime jumeꞌ etaꞌim yeu am sajak ti eakai.
\v 28 Taa juꞌu Paplo junau:
\p ―Siꞌime te im aane. Kateꞌe jain emo joobae ―ti kusisi
au nookak.
\p
\v 29 Junak intok junamaꞌa juꞌu etaꞌawame suame, tachiriata
aꞌawaka, aapo wajiwa bicha buiteka ama yepsak. Intok
majjaeka au yoaka junama Paplotau intok juꞌu Silaj teamtau
tonommea kikteka bwiau koꞌom chaꞌaka.
\v 30 Junak intok junama paꞌakun yeu am nuk sikaa, intok:
\p ―Achaim, nee tejwaane, jitasa tua utteꞌatunee in yaꞌaneeꞌu,
junuen junae in jinneꞌuituneꞌ betchiꞌbo ―ti ameu nattemaek.
\p
\v 31 Bempo inikaꞌa:
\p ―Jukaꞌ yoꞌowe Jesukrijtota empo aꞌ sualeka aet eene,
intok junak empo jinneꞌuitunee intok kia siꞌime jumeꞌ
emak joꞌaakame juniꞌi jinneꞌuimtune ―ti aꞌ yoopnak.
\p
\v 32 Intok bempo, iniau intok siꞌime jumeꞌ aapoꞌikumak
joꞌaakammeu, Jesukrijtota betana jukaꞌ bemela nok lutuꞌuriata
ameu aꞌ teuwaak.
\v 33 Intok junamaꞌa jak weyeo tukaapo, juꞌu, jumeꞌ etaꞌim
sua betchiꞌbo aꞌ tekiakame, bempoꞌim, jumeꞌ jum jiokot
maisi siu siuti bem bepsuiꞌipo am baksiak. Intok chukula,
aapo intok jumeꞌ aamak joꞌaakame siꞌime batoꞌowaatuk.
\v 34 Inimeꞌe, aapo chukula, sep aꞌ joꞌau am nunukai intok
am jiꞌibwatuak. Intok aapo intok siꞌime jumeꞌ aamak
joꞌaakame, inimeꞌe, achai Liojta aꞌ taꞌaaka aꞌ sualekaꞌ
betchiꞌbo, tua allean.
\p
\v 35 Yokoriapo ketwoo juꞌu junamaꞌa yaꞌuraa, jumeꞌ naj
kateka yee suuatuawame aman am bittuak, juꞌu etaꞌim suuatuawamtau,
inimeꞌe, jumeꞌ Paplotaim aapoꞌik am suꞌu tojineꞌpo aꞌ
tejwaaneꞌ betchiꞌbo.
\v 36 Junako juꞌu etaꞌim suuatuawame, Paplotau sikaa,
intok:
\p ―Inim juꞌu yaꞌuraata betana, enchim yeu suꞌu toji betchiꞌbo
nee aet sawaa. Junuen san emeꞌe, ka jain eaka, baa yeu
katne ―ti au jiiak.
\p
\v 37 Taa juꞌu Paplo, jumeꞌ naj kateka yee suuatuammeu:
\p ―Itepo, jiba jum Romaanom bwiaarapo amemak jomem benasi
lutuꞌuriaka juniꞌi, siꞌimeraata bichapo te bepsuwak, jita
itom yaꞌariakaꞌu betana ka yaꞌuraa bittuawakai juniꞌi.
Intok jum yee eꞌetawaꞌu tee kimaꞌawak. Iꞌan intoko bempo
etbwa itom suꞌu tojibae. Eꞌe, katte junen ea. Am tejwaane,
bempo aꞌabo sajaka, itom yeu suꞌu tojine ―ti ameu jiiak.
\p
\v 38 Jumeꞌ junuen yaꞌuraapo sawame junammeu notteka,
inia betana am tejwaak. Junameꞌe intok, bempoꞌim Romaanom
bwiaarapo bem lutuꞌuriakaꞌuta aꞌ juꞌuneiyaaka, womtek.
\v 39 Junuen san, inimeꞌe Paplotau intok Silaj teamtau
aman sajaka, junae betana ameu emo jiokoek. Junak intok
junamaꞌa yee eꞌetawaꞌpo yeu am suꞌu tojaka, intok bempoꞌim
junama bweꞌu joꞌarapo bem yeu katneeꞌu betchiꞌbo ameu
nookak.
\v 40 Junamaꞌa bem etaꞌipo yeu sajakai, bempo, juꞌu Liiriaꞌ
teamta joꞌau yajak. Intok junamaꞌa, chukula jumeꞌ Krijtopo
nau werim bichaka intok, ka koꞌom eaka, Krijtota bem sual
sakaneꞌ betchiꞌbo ameu nokakai, junama yeu sajak.
\c 17
\s Jum joꞌara Tesaloonikaꞌ teaꞌpo, emo bejeꞌewamta ama yeu sikaꞌapo
\p
\v 1 Junuen bempo boꞌo joakai, ili joꞌaram Ampiipolij
teaꞌpo intok Apolooniaꞌ teaꞌpo waꞌam sajaka, chukula,
bweꞌu joꞌara Tesaloonikaꞌ teaꞌu yeu yajak. Junamaꞌa
senu juriom nau yaajaꞌpo teꞌopo ama katekai.
\v 2 Intok juꞌu Paplo, jiba aapoꞌik aꞌ boꞌo jooriaꞌa
benasia, junaman nau yaajiwaaꞌu siika. Intok aapo, bajisi,
chikti sabala, aet yum joꞌe taꞌapo ama ameu nookak.
\v 3 Intok aapo, jiba jum Liojta jiꞌosia jiꞌojteimpo,
ama weyemta ameu nokaka, jukaꞌ Krijtoꞌoti taꞌeewamta,
jiokot aꞌ bitneeꞌuta intok ket junuen aapoꞌik meꞌesuaka
aet chukula kokkoarim nasuk aꞌ jiabijtineeꞌuta aꞌ utteꞌatukaꞌu,
machisi ameu aꞌ teuwaak. Intok ket:
\p ―Jiba iniꞌi Jesus, aapoꞌik betana in emou nokaꞌu, aapo
junaꞌa juꞌu Krijto ―ti ameu jiakai.
\p
\v 4 Junako junamaꞌa jumeꞌ juriom betana, waate Krijtota
sualeka aꞌ mabetak. Intok inimeꞌe juꞌu Paplotamak intok
Silaj teamtamak tuꞌika, amemak ee japtek. Junamaꞌa ketchia
jumeꞌ rieekomtaka, jaibu Liojta yoꞌoreme, juebenaka. Intok
jaamuchim, juebenaka jumeꞌ junamaꞌa cheꞌa eiyaawame, siꞌime
Krijtota sualek.
\v 5 Taa junako, jumeꞌ juriom ka amemak Krijtota sualeme
intok, junammet kopteka, inimeꞌe, wate tua ama ka tuꞌi
yoemem, kia rejteme nau tojaka, junaman bweꞌu joꞌarapo
juꞌu yoemrata nasuk ka yanti eewaka intok ka nau eewamta
am yaꞌa iꞌakai. Inimeꞌe, seenuk Jason teamta joꞌapo utteꞌapo
kiimuk. Junamaꞌa jukaꞌ Paplota intok jukaꞌ Silaj teamta
jaiwakai. Intok junamaꞌa yeu am wikeka, buꞌuuraata bichapo
yeu am tojibaekai.
\v 6 Taa junamaꞌa jumeꞌ bem jaiwaꞌum ka am teakai, bempo,
jukaꞌ Jason teamta, utteꞌapo ama yeu aꞌ wikeka, inikaꞌa,
intok waate junamaꞌa Krijtota sualeme, inimeꞌe, junama
bweꞌu joꞌarapo yaꞌuraatau yeu am tojak. Intok kusisi
nokaka:
\p ―Jumeꞌ oꞌowim, Paplotaim, inim siꞌimekut kateka, yee amemak
ee iꞌaka, siꞌime yoemrata, bem tuꞌi eerim am nanasonteme,
bempo iꞌan ket im yajilam ―ti chaaen―.
\v 7 Iniꞌi Jason teame intok, aꞌ joꞌawapo am mabetlataka,
ama am jipue. Siꞌime bempo, Romapo jukaꞌ cheꞌa bepa yoꞌo
yaꞌari, Sesar teamta betana nesaurim bejeꞌeka kaate.
Bweꞌituk inimeꞌe, seenuk, taꞌabwik cheꞌa bepa yoꞌo yaꞌarita
ket aꞌ aneꞌe ti jiia, Jesuj teamta ―ti jiaka chaaen.
\p
\v 8 Inikaꞌa inen jiuwamta jikkajakai, juꞌu ama bweꞌu
joꞌarapo yoemra, intok jumeꞌ ama yoꞌo yaꞌarim, ka bem
yanti elaꞌu amet ayukan.
\v 9 Taa juꞌu Jason teame intok jumeꞌ waate Krijtota
ama sualeme, tomita yeu kat betchiꞌbo am bejeꞌetuaꞌeaꞌuta
am maksuka ama yeu suꞌu tojiwak.
\s Jumeꞌ Paplotaim, joꞌara Bereaꞌ teaꞌpo aane
\p
\v 10 Junama lautipo, jumeꞌ ama Krijtota sualeme, jukaꞌ
Paplota intok jukaꞌ Silaj teamta, tukaapo, joꞌara Bereaꞌ
teaꞌu bicha yeu am bittuak. Bempo aman yajaka, jiba junamaꞌa,
juriom teꞌopou bem nau yaajaꞌu sajak.
\v 11 Inimeꞌe juriom im joomem, jumeꞌ bweꞌu joꞌara Tesaloonikaꞌ
teaꞌpo jomem bepa tuꞌu jijiapseka a jootun. Bweꞌituk
inimeꞌe, jukaꞌ Krijtota betana bemela nok lutuꞌuriata
ameu teuwaawamta, tua junen eaka aꞌ jikkajaka aꞌ mabetak
intok bempo chikti taꞌapo bichau bicha, jum Liojta betana
jiꞌosia jiꞌojteimpo, ama weyemta tua aet mammateka aꞌ
bichan, junuen jukaꞌ ameu teuwaawamta, tua junuen aꞌ lutuꞌuriatukaꞌut
machisi aet juꞌuneebaekai.
\v 12 Junuen san, inime betana juebenaka Krijtota sualeka
aet ean. Intok ketchia juꞌu rieeko yoemrata betana, junamaꞌa
jumeꞌ jaamuchim, jumeꞌ cheꞌa eiyaawaka bitwame intok
kia juꞌu oꞌouraa juniꞌi, juebenaka Krijtota sualek.
\v 13 Taa junako, jumeꞌ juriom, joꞌara Tesaloonikaꞌ teaꞌpo
joomem, jukaꞌ Paplota, jukaꞌ Liojta bemela nok lutuꞌuriata
jum joꞌara Bereaꞌ teaꞌpo ket yee aꞌ majtaꞌapo aꞌ juꞌuneꞌeiyaakai,
bempo junaman sajaka, junaman jukaꞌ yoemrata nasuk emo
bejeꞌewaka, ka nau eewamta aꞌ yaak.
\v 14 Taa junamaꞌa, jumeꞌ Krijtota sualeme, ka boꞌo bichaka,
jukaꞌ Paplota, baweu bicha yeu aꞌ weeneꞌ betchiꞌbo am
bicha aꞌ bittuak. Taa intok juꞌu Siilaj teame intok
juꞌu Timoteoꞌ teame, bempo jiba ama joꞌara Bereaꞌ teaꞌpo
tawakai.
\v 15 Junuen jumeꞌ Paplotamak kateme, inimeꞌe, bweꞌu joꞌara
Ateenaj teaꞌu tajtia aꞌ tojak. Chukula, inimeꞌe juchi
bicha nottek. Intok jukaꞌ Silaj teamta intok jukaꞌ Timoteoꞌ
teamta, inimeꞌe, ka boꞌo bichaka, junaman bem au yajineꞌ
betchiꞌbo, nokta ameu weiyaakai.
\s Juꞌu Paplo, bweꞌu joꞌara Ateenaj teaꞌpo aane
\p
\v 16 Junamaꞌa juꞌu Paplo, jukaꞌ Silaj teamta intok jukaꞌ
Timoteoꞌ teamta ketun ama Ateenaj teaꞌpo am boꞌo bichakai,
tua ka yanti aꞌ elaꞌu aet ayukan. Aapo junamaꞌa bweꞌu
joꞌarapo, jak chukti jumeꞌ maammea yaꞌarimtaka yoꞌoriwame
unnaa juebenam bichakai.
\v 17 Jiba inia betchiꞌbo, aapo, jum juriom nau yaajaꞌpo
teꞌopompo, jumeꞌ juriommeu intok waate junamaꞌa Liojta
yoꞌoreka aꞌ sualemmeu nonokan. Intok ket aapo, chikti
taꞌapo junamaꞌa omot buꞌuuraata aneꞌepo, jita jinuwaka
intok jita nenkiwaꞌpo, junamaꞌa aꞌ bichaꞌummeu, Krijtota
betana ameu nookan.
\v 18 Junamaꞌa sejtul, waate, jita taꞌaaka emo majtame,
intok epikureeompo emo teuwaame, waate intok ejtoikoimpo
emo teuwaame, inimeꞌe Paplotau yajaka aamak etejo japtek.
Junameꞌe waate:
\p ―Jaisa tua iniꞌi itou jiubae, iniꞌi oꞌou tua juebenak
nokakai ―ti jiian.
\p Taa wate intok:
\p ―Juchi tattaꞌabwi liosim betana weyemta itou nokamta
bena ―ti jiian.
\p Inien bempo jiian, jukaꞌ Paplota, Jesujta betana weyeka
aapo jukaꞌ bemela nok lutuꞌuriata, intok jumeꞌ kokkoarim,
juchi bem jijiabijteneeꞌu betana yeteu aꞌ nokaꞌ betchiꞌbo.
\v 19 Junak intok inimeꞌe, jikawi, ili kawita benaka, Areopakoꞌ
teaꞌu bicha aꞌ nuk sajak. Junamaꞌa nau etejobaeka jiba
bem nau yaajaꞌpo. Intok junamaꞌa bempo:
\p ―Inia bemelasi weyemta betana naa buusti itou aꞌ teuwaane
―ti au jiiak―.
\v 20 Bweꞌituk empo, bemelaka, ka itom jikkajilaaꞌuta
itou teuwaa. Itepo intok, siꞌimeta inikaꞌa, juꞌu aꞌ teuwaaꞌut
juꞌuneebae ―ti au jiiak.
\p
\v 21 Bweꞌituk siꞌime jumeꞌe, jum bweꞌu joꞌara Ateenaj
teaꞌpo joome intok ketchia, siꞌime jumeꞌ ka ama bwiaarapo
yoemrataka ama joꞌaakame, inimeꞌe, kaita intok taꞌabwik,
kia jita bemela weemta bem etejoneeꞌuta intok bem aꞌ
jikkajineeꞌuta jiba boꞌo joorian.
\p
\v 22 Junako juꞌu Paplo, junamaꞌa bempoꞌim ama nau yaajaꞌu,
Areopakoꞌ teaꞌpo ame nasuk kikteka intok:
\p ―Emeꞌe achaim, inim Ateenaj teaꞌpo aneme, inim siꞌimeku
nee enchim, jumeꞌ yaꞌarimtaka enchim jipueꞌum, tua enchim
amet emo temaeka enchim am eiyaaꞌut, nee aꞌ mammatelaa
―ti jiiak―.
\v 23 Bweꞌituk iꞌan inepo, jumeꞌ enchim yoꞌoreꞌum, enchim
jipueꞌpo naj weyeka am bichakai, junamaꞌa ket, jitae sa
yaꞌarita, nookim: “Juꞌu Lios ka taꞌeewamta betchiꞌbo”,
ti aet jiꞌojteita nee ama bichak. Iꞌan intok inepo, jiba
inia Lios, ka enchim taꞌaaka enchim yoꞌoreeꞌuta, inia
Liojta betana nee nokbaeka weye ―ti jiiak.
\p
\v 24 ’Iniꞌi juꞌu Lios, inim jukaꞌ bwiata intok siꞌimeta
jukaꞌ im ayukamta aꞌ juꞌunaktekame, aapo ket, teekapo
intok inim bwiapo siꞌimeku yoꞌowe. Junuen aapo, ka inim
teꞌopom, watem yaꞌarimpo jiapsa.
\v 25 Intok kia aapo, inim jiapsame yoemrata betana, jita
aꞌ joorianeeꞌuta, jitaꞌapo jiokot aꞌ eaꞌa benasia, ka
aꞌ boꞌo bicha. Bweꞌituk jiba aapo junaꞌa, itom siꞌimem,
jukaꞌ jiapsiwamta intok jukaꞌ jekata intok siꞌimeta
itou beꞌemta, itom aꞌ bittuame.
\p
\v 26 ’Aapo, yoemta inim wepuꞌulaik juꞌunakteita betana,
siꞌime aniat yoemrata junaet yeu sajaka, aapo am juꞌunaktek.
Junuen, inimeꞌe, inim bwiapo naꞌikimtuka, bem jiapsineꞌ
betchiꞌbo. Intok inimeꞌe, jakun tajtia inim bem jiapsineeꞌu
intok kia weꞌepulaim, tua jakun bem jiapsineeꞌuta, junakaꞌa
am maki.
\v 27 Junuen aapoꞌik Liojta aꞌ jabetukaꞌut bem aet juꞌuneepeaka,
bem aet emo temaineꞌ betchiꞌbo. Junuen inimeꞌe, ka bichamta
naas mammaꞌa benasi anekai bem aꞌ juꞌuneiyaaneꞌ betchiꞌbo.
Lutuꞌuria oꞌoben, aapoꞌik inim ka itou mekka aꞌ aneꞌu.
\v 28 Bweꞌituk itepo, jiba aapoꞌik inim itom aꞌ jiapsituaꞌ
betchiꞌbo tee naj kaate. Ket jiba emo betana jumeꞌ nokta
jaiwaka aꞌ koba suawaꞌuka, bem aꞌ jiꞌojtekaꞌa benasia:
“Itepo, tee ala, Liojta yoemiammet yeu sakaꞌariam”, ti
jiakai.
\v 29 Junuen san itepo, Liojta betana yoemiarimtakai,
itepo, jukaꞌ Liojta, aapoꞌik ka inim jumeꞌ yoꞌoriwame,
sawai tomie, oo tosai tomie oo kia tetae yaꞌarim benasi
aꞌ machiakaꞌuta aꞌ eiyaa ean. Bweꞌituk inimeꞌe, waatem,
junameꞌe kia Liojta betana bem jachin emo eetuaꞌpo aman
am jooa.
\v 30 Bweꞌituk cheꞌa bat taewaimmet, juꞌu achai Lios,
jumeꞌ junak jiapsame, juꞌu aapoꞌik betana lutuꞌuriata
ka juꞌuneaka, ka ammaꞌali bem jiapsaꞌu betana, ka amet
aꞌ bichamta benasi aayuk. Taa iꞌan inimeꞌe taewaimmet,
inim siꞌimem, siꞌimekut jiapsame, ka tuꞌik betana taꞌabwisi
eaka, bem emo temaineeꞌuta junuen aꞌ waata.
\v 31 Bweꞌituk juꞌu Lios, taewaita yeu puꞌari, junak, siꞌime
inim jiapsame, weꞌepulaimmeu tua ameu aꞌ lutuꞌuriatukaꞌpo
aman, aapoꞌik yee aꞌ yaꞌuraa bittuaneeo, inikaꞌa, jiba
aapoꞌik oꞌouta yeu aꞌ puꞌakaꞌue am yaꞌuraa bittuakai.
Inikaꞌa intok aapo, aꞌ jabetukaꞌuta, siꞌimem aꞌ juꞌuneiyaatuak,
junakaꞌa, kokkoarim nasuk aꞌ jiabijtetuakai.
\p
\v 32 Junako, jumeꞌ ama nau aneme, inikaꞌa kokkoarim nasuk
jiabijtewamta betana teuwaawakamta aꞌ jikkajakai, waate,
jaana aꞌ jiaawan. Wate intok:
\p ―Inia betana te juchi weeꞌpo juꞌubwa tee enchi itou
aꞌ nok iꞌa ―ti au jiiak.
\p
\v 33 Junako juꞌu Paplo junama tajti nokaka, ama am suꞌu
tojak.
\v 34 Taa junamaꞌa, waate aapoꞌik teuwaakaꞌuta, aꞌ sualeka
aamak eaka, au nau yajak. Inimeꞌ nasuk senu Lioniisioꞌ
teaka, iniꞌi ama nau yaajiwaꞌu, Areopakoꞌ teaꞌpo, juꞌu
bweꞌu joꞌarapo yaꞌuraata mak naꞌikiaritakai, intok ketchia
senu jamut, Lamarij teakai, intok junamemak ketun waate.
\c 18
\s Juꞌu Paplo, joꞌara Korintoꞌ teaꞌpo aane
\p
\v 1 Iniat chukula aapo juꞌu Paplo junama bweꞌu joꞌara
Ateenaj teaꞌpo yeu sika intok bweꞌu joꞌara Korintoꞌ
teaꞌu bicha yeu siika.
\v 2 Junamaꞌa senu jurio, Akiilaꞌ teamta taꞌaak. Iniꞌi
bwiaraa Pontoꞌ teaꞌa betana jometukan. Junamaꞌa juꞌu
Akiilaꞌ teame intok aꞌ jubiawa, Risiilaꞌ teamtamak inimeꞌe,
bwiaraa Itaaliaꞌ teaꞌa betana juꞌubwa jeela ama yajilamtukan.
Junaman inimeꞌe yeu sakaꞌalamtukan bweꞌituk junaman
juꞌu cheꞌa yoꞌoritaka, juꞌu Kaurioꞌ teame, siꞌime jumeꞌ
juriom, jum bweꞌu joꞌara Romaꞌ teaꞌa betana bem ama yeu
katneeꞌu junuen nesaulatukan. Juꞌu Paplo junammeu yepsak,
\v 3 intok aapo jiba bempoꞌim tekil ket ame benasi aꞌ
joakai, lona karim joowamta, junuen aapo inime mak tekipanoabaekai
ama taawak.
\v 4 Intok junamaꞌa aapo, chikti sabala aet yum joꞌe
taꞌapo jum juriom teꞌopou yeepsan, junamaꞌa aapo ama
anemmeu nokaka intok kia jumeꞌ juriom intok kia jumeꞌ
ka juriom juniꞌi, aꞌ teuwaaꞌuta bem aꞌ sualeꞌu tajtia
am nok kokobakai.
\p
\v 5 Junako, jukaꞌ Silaj teamta intok jukaꞌ Timoteoꞌ
teamta, inimeꞌe, bwiaara Maserooniaꞌ teaꞌa betana ama
au am yajako, aapo juꞌu Paplo junak cheꞌa yumaꞌisia jukaꞌ
Krijtota nok lutuꞌuriata aꞌ teuwaaneeꞌuta aꞌ weetuan
intok jumeꞌ juriommeu, jukaꞌ Jesujta, aapoꞌik junuen jukaꞌ
Krijtota bem boꞌo bichaꞌuta, aapoꞌik aꞌ junaꞌatukaꞌu
machisi aꞌ lutuꞌuriateneeꞌuta weetuan.
\v 6 Taa jumeꞌ juriom, aapoꞌik teuwaaꞌuta bejeꞌeka intok
inia betana ka tuꞌik am nok japteko, junako juꞌu Paplo,
ame bichapo aꞌ supewam tatakek, inien aapo junamaꞌa yeu
aꞌ simeꞌuta teuwaakai, intok inimmeu:
\p ―Iꞌan emeꞌe, ka tuꞌisi tawarimtaka kokkokaꞌateko juniꞌi,
junae betana kaita net aune. Iꞌan naateka nee, inepo
jumeꞌ ka jurio yoememmeu bicha nee weene, junameꞌe majtabaekai
―ti ameu jiiak.
\p
\v 7 Junamaꞌa juriom teꞌopopo yeu sikaa, intok senu oꞌou,
Jujtoꞌoti teakamta joꞌau bicha siika. Iniꞌi Liojta yoꞌori
taꞌaaka intok junamaꞌa, juriom teꞌopou ka mekka joꞌaakai.
\v 8 Junamaꞌa juꞌu seenu, Krijpoꞌoti teakai, junamaꞌa
juriom teꞌopopo yoꞌo yaꞌari, aapo, intok ket siꞌime jumeꞌ
iniamak joꞌaakame, Krijtota sualek. Intok ketchia, juebenaka
jumeꞌ junamaꞌa bweꞌu joꞌara Korintoꞌ teaꞌpo joomem, jukaꞌ
Krijtota bemela nok lutuꞌuriata aꞌ jikkajaka aꞌ sualeka
intok emo batoꞌowaa tebok.
\v 9 Junak intok juꞌu yoꞌowe Jesukrijto, tenkupo benasi
Paplotau au yeu machiaka intok:
\p ―Ka jain eene. Bichau bicha jukaꞌ lutuꞌuriata teuwaa
simnee ka koꞌom eakai ―ti au jiiak―.
\v 10 Bweꞌituk jiba nee, inepo emak aane, intok inim kaabe,
jita ka tuꞌik eu yaꞌane. Bweꞌituk inim bweꞌu joꞌarapo,
juebenaka aane, jumeꞌ in yoemiam tuneeme ―ti au jiiak.
\p
\v 11 Junuen san, juꞌu Paplo junamaꞌa bweꞌu joꞌara Korintoꞌ
teaꞌpo, wasuktia ama busan metpo junama yoemrata nasuk
jukaꞌ Krijtota betana bemela nok lutuꞌuriata am majtakai
ama aanek.
\p
\v 12 Taa junak, chukula jukaꞌ Kalion teamta, jum bwiaara
Akaayaꞌ teaꞌpo aꞌ kobanaao tuko, jumeꞌ juriom, jukaꞌ Paplota
bejeꞌeka au baeka emo nau tojak. Intok inikaꞌa bwiseka,
kobanaota katekaꞌu yeu aꞌ tojaka,
\v 13 intok aꞌ bejeꞌeka, junau:
\p ―Iniꞌi oꞌou inim jukaꞌ yoemrata, bempoꞌim, ka jukaꞌ aapoꞌik
Liojta betana nesaurita tua aꞌ weyeꞌe benasia, taa taꞌabwisi
Liojta bem yoꞌorineeꞌu betana junaen am majta ―ti au
jiiak.
\p
\v 14 Jukaꞌ Paplota au aꞌ nokriabaeka aꞌ nok taiteo
su, juꞌu kobanaao, Kalion teame juriom yoopnak:
\p ―Inikaꞌa, enchim nunuꞌubwaꞌuta, jissuꞌalataka oo yee
bejeꞌeka tua ka tuꞌik aꞌ yaꞌaria tuko, junakaꞌa ala inepo,
kaachin jiaka, enchim juriom nee iniat enchim jikkaji
ean ―ti ameu jiakai―.
\v 15 Taa iꞌan intok inikaꞌa, nokita intok teuwaarita
jachin aꞌ weyeꞌut, intok wate teammet nok nassuawamta
intok jiba inim jumeꞌ enchim nesaurim enchim boꞌo jooriaꞌuta,
inia betana weyekai, emeꞌe enchim eaꞌpo, aman aꞌ tuꞌutene.
Bweꞌituk inepo nee, inile benak betana nee ka aet nesaweka
am yaꞌuraa bittuabae ―ti jiiak.
\p
\v 16 Intok aapo, inimeꞌe junama yaꞌuraata nau yaajaꞌpo,
paꞌakun bicha yeu am beebak.
\v 17 Junako junamaꞌa juꞌu yoemra ama aneme, juriom teꞌopopo
yoꞌota, jukaꞌ Soojtenej teamta aꞌ bwiseka intok junamaꞌa
juꞌu kobanaota bichapo, maammea aꞌ chonaka, koꞌokosi aꞌ
yaak. Taa juꞌu kobanaao, Kalion teame, inimeꞌe inien aneme,
ka ameu suuaka kia beja am bichan.
\s Juꞌu Paplo, joꞌara Antiokiaꞌ teaꞌu bicha notteka, iniamak baji weeꞌpo aꞌ naate jukaꞌ aꞌ tekil maki
\p
\v 18 Junamaꞌa juꞌu Paplo, ketun juebena taewaim ama
taawak. Chukula, junamaꞌa jumeꞌ Krijtota sualeme am tebotuasuka
intok, aapo senu bwiaara Siiriaꞌ teaꞌu bicha bawet boꞌo
joobaeka, bweꞌu kuta kanoau jaꞌamuk. Juꞌu Risiilaꞌ teame
intok Akiilaꞌ teame aamak katekai. Kee simekai, jum ili
joꞌara Senkreaꞌ teaꞌpo, juꞌu Paplo, lobola au bekta tebok,
junuen aapo au aꞌ chupaꞌaneꞌeti jiaka aꞌ teuwaari yaꞌabaekai.
\v 19 Junako bempo, bweꞌu joꞌara Eepesoꞌ teaꞌu yajakai,
juꞌu Paplo jukaꞌ Risiilaꞌ teamta intok jukaꞌ Akiilaꞌ
teamta junama am toꞌo siika. Intok aapo junamaꞌa jum
juriom teꞌopou yepsak. Intok junamaꞌa jumeꞌ juriom nau
yaajaꞌummeu nookak.
\v 20 Junameꞌe, bempo, aapoꞌik cheꞌa binwaa ama amemak
aꞌ tawaneꞌ betchiꞌbo nookan. Taa aapo ka am nok mabetak.
\v 21 Junak aapo, junamaꞌa omot bicha weebaeka, ama am
tebotuak, intok:
\p ―Utteꞌa, jum bweꞌu joꞌara Jerusalen teaꞌu, junaman jukaꞌ
pajkota yumao junak in ama anneeꞌu. Taa chukula, Liojta
junen eao, aꞌabo enchim bit betchiꞌbo nee juchi aꞌabo
nottine ―ti ameu jiiak.
\p Intok junamaꞌa Eepesoꞌ teaꞌpo aapo, bweꞌu kuta kanoau
jaꞌamuka intok junamaꞌa yeu siika.
\v 22 Junako joꞌara Sesareaꞌ teaꞌu yepsakai, junamaꞌa
juꞌu Paplo naa buusti, bweꞌu joꞌara Jerusalen teaꞌu sikaa,
junamaꞌa jumeꞌ Krijtota sualeme tebotuabaeka, junaet
chukula ket, junamaꞌa bweꞌu joꞌara Antiokiaꞌ teaꞌu bicha
siika.
\v 23 Junamaꞌa aapo ili jaiki taꞌapo ama anekai, chukula
juchi junama yeu sikaa, bwiaara Kalaasiaꞌ teaꞌu intok
Riijiaꞌ teaꞌu, ili bweꞌu joꞌarammet siika, siꞌime jumeꞌ
Krijtota sualeme ama joꞌaakame, ka bem koꞌom eeneꞌ betchiꞌbo
ameu nokakai.
\s Juꞌu Apooloj teame, joꞌara Eepesoꞌ teaꞌpo yee majta
\p
\v 24 Jiba junameꞌe taewaimmet, jum bweꞌu joꞌara Eepesoꞌ
teaꞌu, senu jurio, Apooloj ti teaka, bweꞌu joꞌara Alejanriaꞌ
teaꞌa betana jometakai, ama yepsak. Iniꞌi, cheꞌa bepa
a nokaka a yee majtan. Intok Liojta betana jumeꞌ jiꞌosia
jiꞌojteimmet tua yumaꞌisi juꞌuneakai.
\v 25 Aapo, yoꞌowe Jesukrijtota betana weyemta watek
tuꞌisi aꞌ majtitukan. Intok aapo, jukaꞌ aꞌ teuwaaꞌut,
tua aet jiapseka alleerimmea nookan. Intok Jesukrijtota
betana weyemta, tua machisi yee aꞌ majtakai. Taa junuen,
aapo wepulsi, jukaꞌ Joan tukaꞌuta yee babatoowamta betana
intok aapoꞌik Jesujta betana aꞌ teuwaarita jiba aꞌ taꞌaakai.
\v 26 Juꞌu Apooloj teame junamaꞌa juriom teꞌopopo, bem
nau yaajaꞌu, kaitaꞌpo jinileka, tua witti nok taitek.
Taa junamaꞌa juꞌu Risiilaꞌ teame intok juꞌu Akiilaꞌ
teame junama aneka aꞌ jikkajakame, chukula inimeꞌe, omot
aꞌ nunuka, Krijtota betana weyemta intok jukaꞌ lutuꞌuriata
betana, cheꞌa machisia au aꞌ etejok.
\v 27 Junako chukula, aapoꞌik Apooloj teamta, junama senu
bwiaara Akaayaꞌ teaꞌu bicha aꞌ weebaeo, jumeꞌ Krijtopo
nau werim, inimeꞌe aman aꞌ weeneꞌ betchiꞌbo aꞌ tuꞌireakaꞌu
aamak eaka, intok bempo, junaman aꞌ simeꞌu bicha, jiꞌosiata
junaman Krijtota sualemmeu jiꞌojteka, junaman aamak ameu
aꞌ bittuak junuen junameꞌe tuꞌisi aꞌ mabetneꞌ betchiꞌbo.
Junako aapoꞌik bwiaara Akaayaꞌ teaꞌpo yepsakai, junamaꞌa
jumeꞌ juꞌubwa jeela, Liojta yee aꞌ nak jiokoleꞌ betchiꞌbo,
Krijtota sualeme, inimeꞌe, ka koꞌom eaka intok bichau
bicha Krijtota bem sualneꞌ betchiꞌbo, tua am aniak.
\v 28 Bweꞌituk aapo, junamaꞌa siꞌimem bichapo, jumeꞌ juriom,
ka lutuꞌuriata bem jipueꞌuta, machisi aꞌ teuwaan, junae
betana bempo kaita a teuwaakai. Aapo, Liojta jiꞌosia
jiꞌojteim betana weyemta teuwaaka, jukaꞌ Jesujta junen,
jukaꞌ Krijto yebijneeka, bempoꞌim boꞌo bichaꞌuta, aꞌ junaꞌatukaꞌpo
aꞌ lutuꞌuria yaakai.
\c 19
\s Juꞌu Paplo, joꞌara Eepesoꞌ teaꞌpo aane
\p
\v 1 Jukaꞌ Apooloj teamta ketun jum bweꞌu joꞌara Korintoꞌ
teaꞌpo aꞌ aneo, juꞌu Paplo junamaꞌa kaupo luula boꞌo
joaka intok jum bweꞌu joꞌara Eepesoꞌ teaꞌu yeu yepsak.
Junamaꞌa intok aapo waate majtimmeu ama yepsak.
\v 2 Intok inimeꞌe, aapo:
\p ―Junak, Krijtota sualeka, jaisa emeꞌe jukaꞌ Liojta tuꞌu
jiapsi aꞌ mabetak jaꞌani ―ti am temaek.
\p Bempo intok:
\p ―Eꞌe, kaita tee jikkajilamtukan, jukaꞌ Liojta tuꞌu jiapsita
aꞌ ayukaꞌpo betana ―ti aꞌ yoopnak.
\p
\v 3 Junako juꞌu Paplo inimmeu:
\p ―Junak su, jaisa emeꞌe emo batoꞌowaa tebok ―ti ameu nattemaek.
\p Bempo intok:
\p ―Juꞌu Joan tukaꞌu, yee babatoowamta betana, yee aꞌ batoꞌowaakaꞌa
benasia ―ti aꞌ yoopnak.
\p
\v 4 Juꞌu Paplo:
\p ―Lutuꞌuria, juꞌu Joan tukaꞌu, yee babatoowame, jumeꞌ ka
tuꞌik betana emo temaime, batoꞌowaan. Taa junammeu aapo
ketchia, aapoꞌikut chaꞌaka weyemta, jukaꞌ Jesujta, bempoꞌim
aꞌ sualneꞌeti jiian ―ti ameu jiiak.
\p
\v 5 Inikaꞌa inia betana aꞌ jikkajakai, inimeꞌe, yoꞌowe
Jesukrijtota aꞌ jabetukaꞌuta sualeka, batoꞌowaawak.
\v 6 Intok junako jukaꞌ Paplota amet mamteka, juꞌu Liojta
tuꞌu jiapsi ameu koꞌom yuumak. Intok inimeꞌe junak, bemelak,
taꞌabwik ka bem nokpo nok japtek. Intok ket, Liojta betana
aet juꞌuneetuawaka, chukula yeu weenemta tetteuwaan.
\v 7 Inimeꞌe siꞌime nau, jumak, woj mamni ama woiriakan.
\p
\v 8 Junamaꞌa juꞌu Paplo, baji metpo, jum juriom teꞌopou
yeepsan chikti aet yum joꞌe taꞌapo, junamaꞌa aapo, kaitat
tiweka, ka au essoka, yee majtaka intok junamaꞌa juꞌu
buꞌuuraatamak etejoka, aapoꞌik jachin Krijtota aꞌ sualeꞌuta
ameu nokaka, intok teekau, Liojta cheꞌa yoꞌotaka aꞌ katekaꞌu
betana jukaꞌ lutuꞌuriata, bempoꞌim aꞌ sualeꞌu tajtia
ameu aꞌ nookan.
\v 9 Taa junamaꞌa waate, omola aꞌ eiyaaka intok ka aꞌ
sualbaeka, ala inimeꞌe, Krijtota bemela nok lutuꞌuriata
bejeꞌeka, juꞌu buꞌuuraata bichapo ka tuꞌik nookan. Junako
juꞌu Paplo, inime betana au naꞌikimteka intok junamaꞌa
jumeꞌ Krijtota sualeme, senu Tiraanoꞌ teamta kari, ama
yee mamajtawaꞌu am nuk siika. Intok junamaꞌa aapo chikti
taꞌapo ameu nonokan.
\v 10 Iniꞌi, wooi wasuktiapo tajtia inien weyen. Junuen
san, batte siꞌime jumeꞌe, bwiaara Aasiaꞌ teaꞌpo joomem,
junamaꞌa kia jurio yoemra taka, intok kia ka juriomtaka
juniꞌi, inimeꞌe, yoꞌowe Jesukrijtota betana jukaꞌ bemela
nok lutuꞌuriata aꞌ juꞌuneiyaak.
\v 11 Intok junamaꞌa juꞌu achai Lios, jukaꞌ suum watchik,
aapoꞌik a jita aꞌ joaꞌue, machilaata, Paplota aꞌ jootuan.
\v 12 Junuen, kia aapoꞌik Paplota betana, kia am paayumtuko
oo kia am tajoꞌori takai, aꞌ takaawat tajtawaka, inimeꞌe,
jumeꞌ koꞌokoemmeu totojiwan. Intok junuen, juꞌu bem koꞌokoa
betana emo ineꞌeteka intok kia jumeꞌ ka tuꞌi jiapsim
jipueme juniꞌi, inimeꞌe amet yeu rejten.
\p
\v 13 Taa wate juriom, inimeꞌe siꞌimekut rejteka, jumeꞌ
bebejeꞌeri ka tuꞌi jiapsim, amet aneme betana, bem yeu
am beepneeꞌuta, kia beja tua emo aꞌ tekil maklame, inikaꞌa
joo sasakan. Inimeꞌe ket junuen, jumeꞌ ka tuꞌi jiapsim
yeu bep betchiꞌbo, yoꞌowe Jesukrijtota betana lutuꞌuriaka
benaka aꞌ team teuwaaka, yeu am bepbaen. Intok jumeꞌ
ka tuꞌi jiapsimmeu:
\p ―Jesujta, jiba jukaꞌ Paplota aapoꞌik betana yee majtaꞌuta,
inia betana lutuꞌuriaka, enchim yeu katneꞌ betchiꞌbo
ne emot nesawee ―ti jiakai.
\p
\v 14 Jumeꞌ intok, inikaꞌa inile benak joame, woo busanika
nau weweriakan. Senu jurio, Ejkeebaꞌ teaka, iniꞌi jum
juriom bweꞌu teꞌopopo tekiakammeu yoꞌotakai, am uꞌusekan.
\v 15 Taa chukula, inimeꞌe inien am aubaao, juꞌu ka tuꞌi
jiapsi, inimeꞌe:
\p ―Jukaꞌ Jesujta, aꞌ jabetukaꞌut nee juꞌunea. Intok jukaꞌ
Paplota nee taꞌaa. Taa nee enchim tua ka taꞌaa ―ti am
yoopnak.
\p
\v 16 Inien jiakai intok, juꞌu oꞌou, jukaꞌ ka tuꞌi jiapsita
aet aneme, sep ameu kibakeka amemak nassua taiteka intok
iniꞌi, tua ama butti utteꞌakai, junameꞌe siꞌimem yuꞌuk,
intok tua ka am jiokoleka, koꞌokosi am yaakai, junuen
junameꞌe, junae karipo, koꞌokosi aulamtakai intok batte
ka tajoꞌoreka ama yeu tennek.
\v 17 Junama jumeꞌ joꞌara Eepesoꞌ teaꞌpo joomem, juriom
takai intok kia ka juriom takai juniꞌi, siꞌime inikaꞌa
juꞌuneiyaak. Inien junae betchiꞌbo, junameꞌe siꞌime, bem
majjaeꞌu amet ayukan. Intok junameꞌe, yoꞌowe Jesukrijtota
betana, tua bem aꞌ eiyaaka aꞌ yoꞌoreeꞌuta aꞌ teuwaan.
\p
\v 18 Ketchia, junamaꞌa juebenaka, jumeꞌ Krijtota sualekame,
inimeꞌe bat naataka jukaꞌ ka tuꞌik bem joosukaꞌuta, siꞌimem
bichapo junae betana emo yeu bwiseka aꞌ teuwaan.
\v 19 Intok junamaꞌa juebenaka jumeꞌe, jukaꞌ bebejeꞌerita
betana weyeka, ka tuꞌik yee sisibowamta boꞌo jooriame,
inimeꞌe bem jiꞌosiam aman yeu tojaka intok siꞌimem bichapo
am tayak. Intok chukula, siꞌime junameꞌe liprom, bem bejeꞌewata
aꞌ jaikiakaꞌuta juꞌuneiyaawakai, junameꞌe jiba woi taka
ama woj mamni miil tosai tomim bejeꞌeakan.
\v 20 Inien san, juꞌu Krijtota betana nok lutuꞌuriata,
cheꞌa juniꞌi siꞌimekut weyeka, sualwan. Intok tua utteꞌata
aet ayukaꞌut, siꞌimekut machisi juꞌuneiyaawan.
\p
\v 21 Junamaꞌa iniat chukula juꞌu Paplo, bwiaara Maserooniaꞌ
teaꞌu intok Akaayaꞌ teaꞌu, junaman wate joꞌarammeu noiteka
intok junamaꞌa naa buusti, bweꞌu joꞌara Jerusalen teaꞌu
bicha yebijbaekaꞌeꞌeak. Ketchia aapo, junaman joꞌara
Jerusalen teaꞌu noitisuka chukula, bweꞌu joꞌara Roomaꞌ
teaꞌu bicha aꞌ noitineeꞌu aꞌ utteꞌaꞌati jiian.
\v 22 Junako aapo, bwiaara Maserooniaꞌ teaꞌu, woika jumeꞌ
aamak rejteka aꞌ aniame aman am bittuak, jukaꞌ Timoteoꞌ
teamta intok jukaꞌ Erajtoꞌ teamta, junuen aapo junamaꞌa
bwiaara Aasiaꞌ teaꞌpo tawaka ketun ama taewaibaekai.
\s Jum joꞌara Eepesoꞌ teaꞌpo emo bejeꞌewakaꞌpo
\p
\v 23 Jiba junameꞌe taewaimmet, junamaꞌa, yoꞌowe Jesukrijtota
nok lutuꞌuriata bejeꞌeka, bweꞌuusi ka nau eewaka aꞌ bejeꞌewame
yeu siika.
\v 24 Iniꞌi, senu Remeetioꞌ teaka, tosai sisiꞌiwookta
tekipanoamta betchiꞌbo yeu sikaari. Iniꞌi oꞌou, junae
tosai sisiꞌiwookie, junama yoꞌoriwame, Rianaꞌ teame, aapoꞌik
teꞌopota benam jojoan. Intok iniꞌi, jumeꞌ aamak tekipanoame
juebenak am kobaꞌatuan.
\v 25 Junuen iniꞌi, inimeꞌe, intok ket waatem ale benak
tekilta joame, nau am tojaka intok:
\p ―Achaim, emeꞌe tuꞌisi juꞌunea, iniae itom joaꞌue, tuꞌisi
itom ae jiapsaꞌu ―ti ameu jiiak―.
\v 26 Taa iꞌan intok, enchim jaibu juꞌuneaꞌa benasia,
iniꞌi Paplo, inim, jumeꞌ jiapsame betana yaꞌarim yoꞌoriwame,
inimeꞌe ka lutuꞌuriapo am liosimtukaꞌu ti inim aꞌ teuwaaꞌu.
Intok inien, jiba iniae, yoemrata juebenak aꞌ sualtualaa,
ka inim bweꞌu joꞌara Eepesoꞌ teaꞌpo jiba, taa ketchia,
inim bwiaara Aasiaꞌ teaꞌpo batte siꞌimekutchi.
\v 27 Iniꞌi intok tua jinil wachi, bweꞌituk inim itom
tekil itom joaꞌu, aꞌ luꞌutineeꞌu ama aune. Intok ka iniꞌi
jiba, taa ketchia, jiba juꞌu inim yoꞌoriwame, Rianaꞌ teamta
aꞌ teꞌopowata, siꞌimekut aꞌ taꞌeewaꞌuta luꞌutine. Intok
junuen iniꞌi, inim bwiaara Aasiaꞌ teaꞌpo intok siꞌime
aniat taꞌeewaka tua eiyaawaka yoꞌoriwame, jamut lios
Rianaꞌa teame, kia jak waꞌam eiyaawaka koptanaa.
\p
\v 28 Inikaꞌa bempo aꞌ jikkajakai, tua oꞌomtek, intok:
\p ―Tua eiyaawatchisi maachi juꞌu inim joꞌara Eepesoꞌ
teaꞌpo yoꞌoriwame, Rianaꞌ teame ―ti chaai japtek.
\p
\v 29 Intok junuen, junama bweꞌu joꞌarapo, siꞌimekut nattepola,
ka nau eewaka ka nanancha eewame ama yeu siika. Intok
junamaꞌa, waate nau eame, inimeꞌe, jukaꞌ Kaayoꞌ teamta
intok jukaꞌ Arijtarkoꞌ teamta, inimeꞌe bwiaara Maserooniaꞌ
teaꞌa betana jometaka, Paplota mak rejteꞌum, inimeꞌe nau
am bwiseka intok junamaꞌa bempoꞌim siꞌimem nau yaajaꞌu,
senu bweꞌu kariu tajtia, bwiapo am wik sakaka ama am
tojak.
\v 30 Juꞌu Paplo junaman buꞌuuratau sika junamaꞌa junammeu
nokbaek. Taa jumeꞌ junamaꞌa Krijtota sualeme, aꞌ majtim,
ka aman aꞌ simtuak.
\v 31 Ketchia, junamaꞌa, bwiaara Aasiaꞌ teaꞌpo joomem,
yaꞌuraapo tekiakame betana, waate, Paplota taꞌaaka aꞌ
jallaꞌiwam, inimeꞌe, junama anwaꞌapo ka aꞌ kibakneꞌ betchiꞌbo,
nokta au bittuak.
\v 32 Junamaꞌasan, ama anwaꞌapo, ka nanancha eewaka, waate
senu weemta chaaen, wate intok taꞌabwi weemta chaaen.
Intok junamaꞌa, juꞌu cheꞌa buꞌuuraa katim juꞌunean jita
betchiꞌbo ama anwaꞌu.
\v 33 Taa junamaꞌa, waate buꞌuuraa nasuk aneme, junakaꞌa
ama weyemta betana, senu Alejanroꞌ teamtau machisi aꞌ
teuwaaka, inikaꞌa, jumeꞌ juriom junamaꞌa buꞌuuraata bichapo
aꞌ kechak. Junak juꞌu Alejanroꞌ teame, am yaatineꞌ betchiꞌbo
maammea ameu nookak, junuen junamaꞌa jum buꞌuuraata bichapo
ameu, bempoꞌim nokriabaekai.
\v 34 Taa junako, juꞌu buꞌuuraa, inikaꞌa aꞌ jurio tukaꞌpo
aꞌ juꞌuneꞌeakai, bempo siꞌime junamaꞌa, jumak, wooi orapo
tajtia:
\p ―Tua eiyaa watchisi maachi juꞌu inim joꞌara Eepesoꞌ
teaꞌpo yoꞌoriwame, Rianaꞌ teame ―ti chaaen.
\p
\v 35 Junako juꞌu seenu, junama bweꞌu joꞌarapo ama yaꞌuraapo
tekiakame, junamaꞌa jukaꞌ buꞌuuraata, a am yaatitua sukai,
aapo junammeu:
\p ―Achaim inim joꞌara Eepesoꞌ teaꞌpo joomem, siꞌime aniat
juꞌuneewa, jukaꞌ tua eiyaawaka itom yoꞌoreeꞌu, Rianaꞌ
teamta, aꞌ teꞌopowa intok jukaꞌ aapoꞌik benaka, teta, teeka
betana koꞌom wechekamta inim bweꞌu joꞌara Eepesoꞌ teaꞌpo
joomem, inimeꞌe bem suuaneꞌ betchiꞌbo itom aꞌ tekil makritukaꞌuta
―ti ameu jiiak―.
\v 36 Inikaꞌa junuen kaabeta aꞌ bejeꞌeka jita aꞌ teuwaaneeꞌut
juꞌuneaka, kateꞌem naa buusti emo toboktai, ka jita juniꞌi
jooa, kaita tuꞌisi bichakai.
\v 37 Bweꞌituk inimeꞌe oꞌowim, enchim aꞌabo yeu tojirim,
jukaꞌ inim enchim yoꞌoreka enchim jipueꞌu betana, kaita
ka tuꞌik yaꞌari intok kia kaita aꞌ bejeꞌeka teuwaalaa,
juniꞌi.
\v 38 Inien san, juꞌu Remeetioꞌ teame intok jumeꞌ aamak
tekipanoame, inimeꞌe, inim senuk jitaꞌapo aꞌ bejeꞌeka
nokbaeꞌeteko juniꞌi, yaꞌuraam, inikaꞌa a tuꞌuteme jooka,
intok jumeꞌe, inia betana junae yaꞌuraata bichapo aꞌ
tuꞌutene, junuen weꞌepulaka bem weiyaaꞌu betana emo nokria
betchiꞌbo.
\v 39 Intok naa buusti, emeꞌe jita taꞌabwi weyemta junen
enchim aꞌ tuꞌutebaao, junaꞌa, inim bweꞌu joꞌarapo yaꞌuraata
chikti metpo nau yaajaꞌpo, iniꞌi, junama tuꞌutetune.
\v 40 Iꞌan itepo inim jinil watchisi, emo toboktawamta
joame benasi naꞌatejo maisi anekai, inikaꞌa iꞌan inim
yeu sikamta betchiꞌbo. Bweꞌituk iꞌan itepo, inia ka nanancha
eewamta enchim weetuaꞌu betana te temaiwakai, kaita lutuꞌuriakamtae
te jiawite machi ―ti ameu jiiak.
\p
\v 41 Intok aapo junak, inikaꞌa teuwaasukai, junameꞌe
nau aneme, am katneꞌ betchiꞌbo ameu nookak.
\c 20
\s Juꞌu Paplo, bwiaara Maseroonia intok Reesiau bicha boꞌo joa
\p
\v 1 Junamaꞌa chukula, junakaꞌa ka nau eewaka ka nanancha
eewamta aꞌ luꞌuteko, juꞌu Paplo, junamaꞌa jumeꞌ Krijtota
sualeka aꞌ majtim nau nunuka, intok junuen inimeꞌe, tuꞌik
betana intok ka koꞌom eaka, Krijtota bem sualneeꞌu betana
ameu nokbaekai. Cheꞌa chukula, junak jaibu simbaeka, Lios
emomak taawa ti ameu jiaka, bawet boꞌo joaka, bwiaara
Maserooniaꞌ teaꞌu bicha yeu siika.
\v 2 Junam bicha aꞌ weyeꞌut, wate joꞌaram jokammet weaman,
junamaꞌa aapo, jumeꞌ Krijtota sualeme, ka bem koꞌom eeneꞌ
betchiꞌbo, tua am alleetuaka, aapo ameu nokakai. Intok
junuen chukula, aapo, bwiaara Reesiaꞌ teaꞌu yeu yepsak.
\v 3 Junamaꞌa aapo, baji metpo ama taawak. Intok aapo,
junamaꞌa jaibu bwiaara Siiriaꞌ teaꞌu bicha bawet boꞌo
joobaeka, junamaꞌa bweꞌu kuta kanoau jaꞌamubaeka su, aapo,
junamaꞌa jumeꞌ juriom, nau eaka, bawet boꞌo joowaꞌpo jita
bem au yaꞌabaeꞌut juꞌuneꞌeakai inia betchiꞌbo aapo, bwiat
boꞌo joaka, juchi weeꞌpo, bwiaara Maserooniaꞌ teaꞌpo waꞌam
sika junam bicha nottibaekaꞌeꞌeak.
\v 4 Aapoꞌik inikaꞌa, inen teakame aamak kaaten. Juꞌu
Soopater teame, bweꞌu joꞌara Bereaꞌ teaꞌpo joome. Intok
juꞌu Arijtarkoꞌ teame intok juꞌu Sekunroꞌ teame, inimeꞌe,
bweꞌu joꞌara Tesaloonikaꞌ teaꞌpo joomem. Intok juꞌu
Kaayoꞌ teame, bweꞌu joꞌara Lerbeꞌ teaꞌpo joome. Intok
ketchia juꞌu Tikiikoꞌ teame intok juꞌu Timoteoꞌ teame
intok juꞌu Toopimoꞌ teame, inimeꞌe, bwiaara Aasiaꞌ teaꞌpo
joomem.
\v 5 Inimeꞌe Krijtopo itomak werim, ito pat sajaka, intok
bempo, bweꞌu joꞌara Tooaj teaꞌpo itom boꞌo bichak.
\v 6 Itepo intok, junamaꞌa, jumeꞌ paanim ka reberuakame
bwaꞌawaka pajkoaꞌ teamta aꞌ chupsuko, itepo, bweꞌu joꞌara
Piliipoꞌ teaꞌpo, bweꞌu kuta kanoat yeu sajaka, intok mamni
taewaim weyeka te jum bweꞌu joꞌara Tooaj teaꞌu te am
jajamek. Junamaꞌa itepo woo busan taꞌapo ama taawak.
\s Juꞌu Paplo, bweꞌu joꞌara Tooaj teaꞌpo weama
\p
\v 7 Junamaꞌa semaanata aet naateꞌut, itepo junamaꞌa,
Krijtota aꞌ mukukaꞌu waateka, itepo paanim rerebeim nat
naꞌikimte betchiꞌbo te nau ito tojak. Intok junamaꞌa
juꞌu Paplo, jumeꞌ Krijtota sualeme am majtan. Junamaꞌa
intok, aapo yokoriapo simneekai, aapo tukaata nasuk weyeꞌu
tajtia bichau bicha ameu nookak.
\v 8 Senu kari jikau bicha nat bepa karipo te nau aanen.
Junamaꞌa intok ket, tachiriam juebenam ama beeten.
\v 9 Junamaꞌa intok senu juꞌubwa yoꞌotume, Eutikoꞌoti
teakai, iniꞌi, paꞌakun bicha etapoipo jikat katekan. Junamaꞌa
intok, juꞌu Paplo, tua binwaa nokakai, junuen juꞌu juꞌubwa
yoꞌotume yetem au yumako intok junuen su chukula tua
kochokai, junamaꞌa karim, bajisi nat bepa jikat jokaꞌu
betana, koꞌom wechek. Intok iniꞌi, mukiataka toboktawak.
\v 10 Junako juꞌu Paplo, lauti au koꞌom sikaa, au koꞌom
poꞌokteka aꞌ ibaktak, intok:
\p ―Kateꞌem majjae, jiapsine ―ti ameu jiiak.
\p
\v 11 Junako juꞌu Paplo, juchi jikau bicha sikaa, intok
junama, Krijtota aꞌ mukukaꞌu waateka, jumeꞌ paanim rebektaka,
watemmet am naꞌikimtesuka, intok junameꞌe bwaꞌasuka, aapo
juchi ameu nookak matchuu tajtia. Junak, junamaꞌa ansuka,
ama yeu siika.
\v 12 Jukaꞌ intok juꞌubwa yoꞌotumta aꞌ jiapsaꞌ betchiꞌbo,
siꞌime, tua ka koꞌom eaka, tua bem alleaꞌu amet ayukan.
\s Joꞌara Tooaj teaꞌpo naateka, joꞌara Mileetoꞌ teaꞌu tajtia te boꞌo joa
\p
\v 13 Itepo tee, bat sajaka, bweꞌu kuta kanoapo sajaka,
bawet konila te sajak, senu bweꞌu joꞌara Ason teaꞌu tajtia,
junuen junamaꞌa Paplota itomak aꞌ jaꞌamuneꞌ betchiꞌbo.
Bweꞌituk aapo Paplo, wakikut weebaeka, junuen itom tejwaalatukan.
\v 14 Junak itepo, junamaꞌa Ason teaꞌpo ito teakai, aapo
junamaꞌa bweꞌu kuta kanoau itomak jaꞌamuk. Junamaꞌa
intok itepo, senu bweꞌu joꞌara Mitileeneꞌ teaꞌu yeu yajak.
\v 15 Junamaꞌa tee yeu sajak intok juchi yokoriapo te,
senu bweꞌu joꞌara Kiioꞌ teaꞌpo bichapo te waꞌam sajak.
Intok juchi yokoriapo beja, taewapo, bawet boꞌo joame
yeu yaajaꞌu, senu bweꞌu joꞌara Saamoj teaꞌu yeu yajak.
Intok junamaꞌa, senu bweꞌu joꞌara Tojiilioꞌ teaꞌpo tee
yum joꞌek. Intok juchi yokoriapo beja, tee senu bweꞌu
joꞌara Mileetoꞌ teaꞌu aane.
\v 16 Inien tee aayuk, bweꞌituk juꞌu Paplo, bweꞌu joꞌara
Eepesoꞌ teaꞌu ka weebaek, junama bwiaara Aasiaꞌ teaꞌpo
ka binwa tubaekai. Bweꞌituk aapo, bweꞌu joꞌara Jerusalen
teaꞌu lauti anbaekai intok ama yumaꞌateko juniꞌi, jumeꞌ
bwala asoꞌolam suꞌawak, junama jumeꞌ woi taka ama woj
mamni taewaim weyeo, junae taewait ama anbaekai.
\s Paplo, joꞌara Eepesoꞌ teaꞌpo betana, Krijtota sualemmeu yoꞌo jaꞌabwaimmeu etejo
\p
\v 17 Junuen itepo, bweꞌu joꞌara Mileetoꞌ teaꞌpo anekai,
juꞌu Paplo, jum bweꞌu joꞌara Eepesoꞌ teaꞌu, jumeꞌ ama
Krijtota sualemmeu yoꞌo jaꞌabwaimmeu aman chai tebok.
\v 18 Intok junako, inimeꞌe au yajako, aapo:
\p ―Emeꞌe tuꞌisi juꞌunea, inim bwiaara Aasiaꞌ teaꞌpo, cheꞌa
bat aꞌabo in noitekaꞌpo naateka jachin emo nasuk in
jiapsakaꞌu ―ti ameu jiiak―.
\v 19 Jiba inim emo nasuk aneka, inepo, jukaꞌ yoꞌowe Jesukrijtota
aꞌ yaꞌa iꞌaꞌuta aꞌ boꞌo jooria, kaitaꞌpo ino cheꞌewarekai.
Intok emo betchiꞌbo tua in siokaꞌu net ayukai. Intok
juriom bem neu suaꞌ betchiꞌbo, bettesi juꞌu in jiokot
ino bichaꞌu juniꞌi, tua net ayukai.
\v 20 Taa inepo, inientaka juniꞌi, jukaꞌ siꞌimeku emou
tuꞌi machika lutuꞌuriata, jiba weeꞌpo nee emou aꞌ teuwaak.
Intok junakaꞌa, jum nau anwaꞌapo intok kia enchim joꞌaampo
emomak aneka enchim aꞌ majtakai.
\v 21 Inim kia jumeꞌ juriommeu intok jumeꞌ ka juriommeu
juniꞌi, inimmeu inepo, Liojta bichapo ka tuꞌik betana
bem emo temaeka, intok bempoꞌim, yoꞌowe Jesukrijtota bem
aꞌ sual taꞌaaneeꞌu betana nee ameu noklaa.
\v 22 Junuen san inepo iꞌan, bweꞌu joꞌara Jerusalen teaꞌu
bicha ne weye, iniat inepo, Liojta tuꞌu jiapsi betana
junuen aꞌ utteꞌatukaꞌuta aet juꞌuneetuawakai. Junuen
kia inepo, junaman jachin in yaꞌatuneeꞌut ka juꞌuneaka
juniꞌi.
\v 23 Senu weemta jiba ne aꞌ juꞌuneiyaa, iniꞌi, jum bwere
joꞌaram in weyeꞌummet, in etaꞌatuneeꞌuta intok juebenakut
in jiokot ino bitneeꞌuta, jukaꞌ Liojta tuꞌu jiapsi iniau
nee aꞌ waatitua simeꞌu.
\v 24 Taa siꞌime iniꞌi, kaachin nee eetua. Intok kia
juꞌu inim jiba in jiapsineeꞌu juniꞌi, nee betchiꞌbo kaita
teuwaa. Iniꞌi junuen, inim in jiapsaꞌu tajtia, jiba, tua
alleaka juꞌu tekil, yoꞌowe Jesukrijtota nee aet aꞌ tekil
makakaꞌuta, achai Liojta, aapoꞌik tua yee aꞌ nak jiokoleeꞌuta
weyemta betana in yee aꞌ majta simneeꞌuta, inepo junuen
iniat in yeu yumaꞌaneeꞌut aꞌ bitneekai.
\p
\v 25 ’Intok nee tuꞌisi juꞌunea, inim emo nasuk, Liojta
yoꞌo nesaweka aꞌ katekaꞌu betana jukaꞌ lutuꞌuriata enchim
siꞌimem in aꞌ majtakaꞌum nasuk, kaabeta intok juchi nee
aꞌ bitneeꞌu.
\v 26 Jiba inia betchiꞌbo nee inepo inen emou jiubae,
inim emo betana, jabeta juniꞌi, jitaꞌapo juniꞌi ka tuꞌisi
aꞌ weyeo, kaita net aune.
\v 27 Bweꞌituk inepo su, nee siꞌimeta jukaꞌ Liojta betana
lutuꞌuriataka aapoꞌik yee juꞌuneiyaa iꞌaꞌut, siꞌimeta,
kaita essoka nee emou aꞌ teuwaalaa.
\v 28 Inien aꞌ weeꞌpo san, jiba emeꞌe emo suuane, intok
siꞌime jumeꞌ inim Krijtota nau sualeme am suuane, jukaꞌ
Liojta tuꞌu jiapsita, inimeꞌe, Jesukrijtota ame betchiꞌbo
aꞌ ojbota woꞌotaka aapoꞌik aꞌ kobakaꞌum, jumeꞌ aapoꞌik
yoemiam, inimeꞌe, amemak aneka enchim am suuaneꞌ betchiꞌbo
enchim ameu yeu aꞌ puꞌakaꞌum.
\v 29 Bweꞌituk juꞌuneane, chukula inim ne yeu siiko, waatem
aꞌabo emou am yajineeꞌu, inim jumeꞌ Krijtota nau sualeme,
junameꞌe, roobom jumeꞌ bwaram jiokot am joaꞌa benasia,
inimeꞌe, Krijtota sualeꞌut taꞌabwisi am eeneꞌ betchiꞌbo
am jiꞌoptuabaekai.
\v 30 Intok kia inim emo nasuk juniꞌi, waate emo yoꞌo
joone, jumeꞌe, jukaꞌ Liojta betana nok lutuꞌuriata yee
majtaꞌeaka su, aa nokiꞌichiata yee majtaneeme, junuen,
jumeꞌ jaibu Krijtota sualeme, junaen taꞌabwisi, ka lutuꞌuriata
amemak am sual iꞌakai, intok inimmeu emo yoꞌo yaꞌabaekai.
\v 31 Inien san emo suuane. Intok baji wasuktiapo, tukaariat
intok kia taewait naa buustia, junuen enchim weꞌepulaim,
ka enchim koptaka intok jamak emo betchiꞌbo tua in siokaꞌu
net ayukai, jiba, tuꞌik betana in emou nokakaꞌu waatine.
\p
\v 32 ’Iꞌan intoko, Krijtopo nemak werim, Liojta jiba
emomak tuneeꞌuta emo tana waataka, au bicha ne enchim
nokria. Intok aapoꞌik betana, tua yee aꞌ nak jiokoleeꞌuta
yee juꞌuneiyaatuamta jukaꞌ aapoꞌik nok lutuꞌuriata, ka
taꞌabwisi eaka Krijtota jiba enchim sualneeꞌut, intok
siꞌime jumeꞌ aapoꞌik yoemiam, jumeꞌ wepulsi aapoꞌik betchiꞌbo
jiapsammak enchim naꞌikiarimtuneeꞌut a enchim aniamta,
ka enchim aꞌ koptaneeꞌuta emo tana aꞌ waataka nee enchim
nokria.
\v 33 Inepone, watem, kia jabeta betana juniꞌi, bem tomita
intok kia bem tajoꞌota juniꞌi, ka nee betchiꞌbo aꞌ eiyaalaa.
\v 34 Ala emeꞌe su juꞌunea, junuen jukaꞌ neu beꞌeemta,
intok ket jumeꞌ nemak rejteꞌummeu beꞌeemta juniꞌi, ito
aniabaeka in maammea in tekipanoakaꞌu.
\v 35 Inepo nee jiba weeꞌpo, juꞌu in jiapsaꞌue enchim
majtalaa, junuen jumeꞌ kaitae emo ania machim ania betchiꞌbo
tekipannoawaꞌu, inia betana, yoꞌowe Jesukrijtota teuwaakaꞌu
waatekai: “Cheꞌa juniꞌi alleaka jiapsinee waꞌa yee
mikakame, juꞌu, mikwaka, jita mabetakamta bepa”, ti aapoꞌik
jiakaꞌu betana.
\p
\v 36 Chukula inikaꞌa teuwaasukai, juꞌu Paplo junamaꞌa
siꞌimemmak nau tonommea kikteka Liojtau bicha nookak.
\v 37 Intok siꞌime jumeꞌ junama aneme bwaanak. Intok
inimeꞌe, Paplota ibaktaka intok tua bem aꞌ nakeꞌuta aꞌ
teuwaan.
\v 38 Intok bempo tua siokan, aapoꞌik, bempoꞌim ka intok
aꞌ bitneꞌeti ameu aꞌ jiakaꞌu waatekai. Chukula bempo,
jum bweꞌu kuta kanoau aꞌ tojak.
\c 21
\s Juꞌu Paplo, Jerusalen teaꞌu bicha yeu siime
\p
\v 1 Junako jumeꞌ Krijtota sualeme, junamaꞌa am toꞌo
sajakai, itepo junamaꞌa bweꞌu kuta kanoau jaꞌamuka intok
juchi bawet boꞌo joaka, witti, bwiia bawepo yeu kateka,
Kooj teaꞌu luula te sajak. Intok junamaꞌa yokoriapo,
bweꞌu joꞌara Rooraj teaꞌu te sajak. Intok junamaꞌa yeu
sajaka tee naa buusti, bweꞌu joꞌara Paataraꞌ teaꞌu te
yeu yajak.
\v 2 Junamaꞌa, bweꞌu joꞌara Paataraꞌ teaꞌpo, senu bweꞌu
kuta kanoa, junamaꞌa bwiaara Peniisiaꞌ teaꞌu bicha weebaemta
te ama teak. Junamaꞌa itepo jaꞌamuka intok junama yeu
sajak.
\v 3 Intok junuen, bawet boꞌo joakai, senu bwiiara bawepo
yeu kateka, Chipreꞌ teamtat te waꞌam sajak. Intok inikaꞌa
junuen mikoꞌotana itou aꞌ tawaaka, itepo, jiba bawet boꞌo
joaka, bwiaara Siiriaꞌ teaꞌu te yeu yajak. Junamaꞌa intok,
jukaꞌ bweꞌu kuta kanoata, senu bweꞌu joꞌara Tiiroꞌ teaꞌpo,
jukaꞌ aꞌ weiyaaꞌuta ama koꞌom aꞌ tojibaaeo, junaman te
yeu yajak.
\v 4 Junamaꞌa intok itepo, jumeꞌ Krijtota sualeme ama
teakai, itepo junamaꞌa, woo busan taꞌapo te amemak ama
taawak. Intok bempo, Liojta tuꞌu jiapsie juꞌuneetuawaka,
inimeꞌe, jukaꞌ Paplota, bweꞌu joꞌara Jerusalen teaꞌu aꞌ
weeneeꞌu, ka au aꞌ tuꞌineꞌeti au jiiak.
\v 5 Taa junameꞌe woo busan taewaim siiko, itepo junama
yeu sajak. Junamaꞌa siꞌime jumeꞌ Krijtota sualeme, bem
jujubimmak intok bem yoemiammak, bempo junama bweꞌu joꞌarapo
paꞌakun, bawe mayoau tajtia itomak sajak. Intok junamaꞌa
seꞌe paꞌakun itepo tono japteka intok Liojtau bicha
nookak.
\v 6 Junako itepo siꞌime ito ibaktaka ito tebotuaka,
intok itepo, jum bweꞌu kuta kanoau jaꞌamuk. Bempo intok
bem joꞌammeu nottek.
\p
\v 7 Bweꞌu joꞌara Tiiroꞌ teaꞌpo yeu sajaka, itepo inim
senu bweꞌu joꞌara, Tolemairaꞌ teaꞌu tajtia jiba, itepo
bawet boꞌo joak. Junamaꞌa itepo, jumeꞌ Krijtopo itomak
werim teaka, tua alleaka am tebotuak. Intok itepo junamaꞌa
senu taꞌapo te amemak taawak.
\v 8 Yokoriapo juꞌu Paplo intok itepo jumeꞌ aamak rejteꞌum,
junamaꞌa itepo yeu sajaka, jum bweꞌu joꞌara Sesareaꞌ
teaꞌu te yajak. Junamaꞌa itepo, Jeriipeꞌ teamta joꞌau
te yajak. Iniꞌi, Krijtota betana, jukaꞌ bemela nok lutuꞌuriata
siꞌimekut aꞌ teuwaame. Iniꞌi ket, cheꞌa bat naataka, jumeꞌ
woo busanika Krijtota sualeme nasuk, wate tekilta am
yaꞌaria betchiꞌbo, yeu puꞌarimtukaꞌum betana weyen. Junamaꞌa
intok itepo aamak taawak.
\v 9 Iniꞌi Jeriipeꞌ teame, naikim marakan, kee kukuname.
Inime san, Liojta betana juꞌuneetuawaka, chukula yeu weenemta
bem aꞌ tetteuwaaneꞌ betchiꞌbo, bempo au yumaꞌatuawan.
\v 10 Junamaꞌa itepo, jaibu ili jaiki taꞌapo ama jookan.
Junako ket, bwiaara Jureaꞌ teaꞌa betana, seenu, Liojta
betana juꞌuneetuawaka, chukula yeu weenemta teteuwaame,
Akapoꞌoti teakai ama yepsak.
\v 11 Iniꞌi junama itom bichiꞌisekai, intok aapo, Paplota
wikoj yechaka, intok aapo, wokpo intok mampo ae au sumak,
intok:
\p ―Juꞌu Liojta tuꞌu jiapsi, jum bweꞌu joꞌara Jerusalen
teaꞌpo jumeꞌ juriom, inikaꞌa wikosata atteakamta inien
aꞌ sumaꞌatune, intok chukula jumeꞌ romaanommeu bem yeu
aꞌ tojineeꞌuta, nee aꞌ juꞌuneiyaatualaa ―ti jiakai.
\p
\v 12 Inikaꞌa jikkajakai, itepo, intok kia jumeꞌ junamaꞌa
Sesareaꞌ teaꞌpo joomem juniꞌi, itepo, jukaꞌ Paplota, jum
bweꞌu joꞌara Jerusalen teaꞌu bicha ka aꞌ weeneꞌ betchiꞌbo
tee au nookan.
\v 13 Taa juꞌu Paplo, inimeꞌe:
\p ―Jaisa betchiꞌbo emeꞌe bwanaka, intok nee sioktua. Bweꞌituk
jum Jerusalen teaꞌpo, inepo ka kia in sumaꞌatuneeꞌuta,
taa ketchia, kia junaman joꞌarapo, yoꞌowe Jesukrijtotamak
in eaꞌ betchiꞌbo, ama meꞌetuneeka juniꞌi, kaachin jiia
―ti am yoopnak.
\p
\v 14 Intok junuen, itepo ka junaet aꞌ yuꞌukai, itepo:
\p ―Liojta eaꞌpo amantunee iniꞌi ―ti jiaka aꞌ suꞌu tojak.
\p
\v 15 Iniat chukula itepo, itom nunuꞌubwaaꞌuta nau tojisuka
aꞌ nuꞌuka intok itepo jum bweꞌu joꞌara Jerusalen teaꞌu
bicha te yeu sajak.
\v 16 Junamaꞌa joꞌara Sesareaꞌ teaꞌpo, Krijtota sualeme
waate itomak kaaten. Inimeꞌ nasuk seenu, Nasoon ti teaka,
bwiaa Chipreꞌ teaꞌu betana jometaka, itomak weyen. Iniꞌi
jaibu binwatuk naateka, Krijtota sualen. Intok junaman
itom sajakaꞌu, itepo aapoꞌik joꞌaau tee junen yajibaekai.
\s Juꞌu Paplo, Jakooboꞌ teamtau aane
\p
\v 17 Junako, junama bweꞌu joꞌara Jerusalen teaꞌu itom
yajako, jumeꞌ junamaꞌa Krijtota sualeme, junaman tua alleaka
itom mabetak.
\v 18 Junamaꞌa yokoriapo juꞌu Paplo, Jakooboꞌ teamta
joꞌaau aꞌ bit betchiꞌbo itomak siika. Junama intok ket,
siꞌime jumeꞌ junama bweꞌu joꞌara Jerusalenpo Krijtota
sualemmeu yoꞌowe ama aanen.
\v 19 Inimeꞌe, juꞌu Paplo, siꞌimem tebotuasukai, intok
chukula ameu, weꞌepulaika, jukaꞌ Liojta a jita aꞌ joaꞌapo
aman, aamaktuka intok aꞌ aniaka, jumeꞌ ka juriom nasuk
aapoꞌik yaakaꞌuta ameu etejok.
\v 20 Junako jumeꞌ ama aneme, iniat aꞌ jikkajakai, Liojtau
alleaka bem aꞌ yoꞌoreeꞌuta teuwaan. Junak intok inimeꞌe,
Paplotau:
\p ―Tuꞌi oꞌoben itomak weri. Taa iꞌan, tuꞌisi em juꞌuneaꞌa
benasia, jumeꞌ juriom nasuk tua juebenaka aane, jumeꞌ
Krijtota sualeka aꞌ mabetlame. Intok inime siꞌime, jukaꞌ
Moiseej tukaꞌuta betana nesaurim jiꞌojteim, bem am boꞌo
joorianeeꞌuta aꞌ utteꞌatukaꞌu aꞌ teuwaa ―ti au jiiak―.
\v 21 Intok inimmeu, siꞌime jumeꞌ juriom ka inim bwiaarapo
joomem, inimeꞌe, jumeꞌ Moiseejtukaꞌuta nesauri jiꞌojteim,
bempoꞌim, em ka am boꞌo jooriasaeꞌu betana intok kia
jumeꞌ ili bem ou yoemiam juniꞌi, em ka am sirkunsiraaroasaeꞌu
betana, intok kia inim, jukaꞌ itom au joiwalataka, itom
boꞌo jooriaꞌuta juniꞌi, bem aꞌ suꞌu tojineeꞌu betana,
inikaꞌa siꞌimeta em am majtaꞌuta, ee betana etejoriari.
\v 22 Inia betana su jaisa te aune. Bweꞌituk inim juꞌu
buꞌuuraa, Krijtota sualeme, inim em aneꞌuta enchi juꞌuneiyaꞌateko,
nau yajine.
\v 23 Cheꞌa tuꞌinee empo inia betana weyemta aꞌ yaako.
Im ito nasuk, naikika oꞌowim aane. Inimeꞌe, Liojta bichapo
senu weemta tua bem aꞌ yaꞌaneeꞌuta aꞌ noklame.
\v 24 Inimeꞌe weiyaane, intok jum juriom bweꞌu teꞌopopo
amemak, Liojta bichapo emo tuꞌutewaka, au emo jiokoiwamta
yaꞌane. Intok inimeꞌe, inikaꞌa bem yaꞌaneꞌ betchiꞌbo,
ama bem suꞌaneeꞌum inikaꞌa empo am bejeꞌetuariane. Intok
inimeꞌe bem yaꞌaneeꞌut chukula, lolobola emo bekta tebone.
Junuen inim siꞌime juꞌuneene, inimeꞌe, jukaꞌ bem ee betana
weyeka ameu teuwaarita, ka aꞌ lutuꞌuriatukaꞌu. Ala junuen
juꞌuneene, enchi ket jukaꞌa, jumeꞌ Moiseej tukaꞌuta nesauri
jiꞌojteim yumaꞌisi em am boꞌo jooriaꞌut ―ti au jiiak―.
\v 25 Taa jumeꞌ intok ka juriom taka, inimeꞌe Krijtota
suallame betana, inimeꞌe, itepo inia weyemta betana kaachin
bem eeneeꞌu betana, ala bempoꞌim, jumeꞌ ka lutuꞌuriapo
liosim am yoꞌori betchiꞌbo jukaꞌ wakajta ameu naꞌikiarita,
ka bem aꞌ bwaꞌaneeꞌuta, intok kia ojbota intok kia jukaꞌ
bamsoalamta juniꞌi. Intok ame nasuk, kaabeta, jamutta
ka aꞌ jubeka, ka aamak aꞌ tuꞌurineeꞌu betana, itepo jaibu
ameu jiꞌojtesula.
\s Jum teꞌopopo Paplota bwijwakaꞌpo
\p
\v 26 Junako juꞌu Paplo, inimeꞌe nok mabetaka, junameꞌe
oꞌowim aman nuk siika. Intok junamaꞌa yokoriapo, aapo
inimeꞌemak nau, Liojta bichapo emo tuꞌutewaka, au emo
jiokoiwamta yaak. Junako aapo junamaꞌa, juriom bweꞌu
teꞌopou kibakek, junuen junamaꞌa Liojta bichapo emo tuꞌutewaka
au emo jiokoiwamta yaꞌasuako, taewaim jak weyeo am chupneeo,
junako, bempoꞌim weꞌepulaim jukaꞌ Liojtau bicha bem naꞌikiari,
bempoꞌim aman aꞌ tojineeo, ama anemmeu aꞌ teuwaabaekai.
\p
\v 27 Taa junako, junameꞌe woo busan taewaim abe luꞌuteo,
juriom waate, bwiaara Aasiaꞌ teaꞌa betana jomemtaka, inimeꞌe
jukaꞌ Paplota junama teꞌopopo aꞌ bichaka, intok inimeꞌe,
junamaꞌa siꞌimeta jukaꞌ buꞌuuraata, ka nau eaka inimeꞌe
emo am ee bejeꞌetuak. Inimeꞌe Paplota bwiseka,
\v 28 intok:
\p ―Emeꞌe, Ijraꞌel tukaꞌuta betana kateka, inim yoemra, itomeꞌem
ania. Iniꞌi junaꞌa juꞌu, siꞌimekut naj weyeka, inim itom
yoemrata bejeꞌeka, intok juꞌu Moiseej tukaꞌuta nesauri
jiꞌojteim bejeꞌeka, intok kia inikaꞌa itom bweꞌu teꞌopota
bejeꞌeka yee majtame. Intok naa buustia, iniꞌi iꞌan inim
teꞌopopo waate rieekom im kimaꞌi, junuen inikaꞌa teꞌopota,
Liojta im aneꞌe benasi eiyaawamta, ka tuꞌik au yaꞌalaa
―ti kusisi chaae japtek.
\p
\v 29 Inimeꞌe inien jiian, aapoꞌik bat naataka, junamaꞌa
bweꞌu joꞌara Jerusalenpo, senu Eepesoꞌ teaꞌa betana jometa,
Toopimoꞌ teamtamak aꞌ bitlamtakai. Intok iꞌan bempo,
Paplota junakaꞌa junamaꞌa bweꞌu teꞌopou aꞌ nuꞌupak ti
ean.
\p
\v 30 Junamaꞌa bweꞌu joꞌarapo siꞌime aꞌ juꞌuneiyaaka,
ka yanti elwame ama amet ayuka intok juꞌu buꞌuuraa aman
nau tennek. Junak intok juꞌu Paplo, bwijwak intok junamaꞌa
teꞌopopo paꞌakun yeu wikwak. Junako junaꞌa sep pattawak.
\v 31 Inimeꞌe intok junamaꞌa jaibu aꞌ meꞌebaao su, nooki,
junamaꞌa bweꞌu joꞌarapo siꞌime yoemrata emo toboktalaaꞌu
betana, ama juꞌu junamaꞌa tua juebena sontaommeu yoꞌotaka
ameu weyekamtau yuumak.
\v 32 Junako juꞌu sontaommeu yoꞌowe, jumeꞌ aꞌ sontaowam
nau tojaka intok jumeꞌ wate sontaao yaaꞌuchim nau tojak,
intok junakaꞌa buꞌuuraata aneꞌu tajti buitek. Junako
juꞌu buꞌuuraa, jukaꞌ sontaommeu yoꞌota intok jumeꞌ wate
sontaaom bichakai, jukaꞌ Paplota bep yaatek.
\v 33 Junako juꞌu sontaaommeu yoꞌowe junamaꞌa kibakeka,
jukaꞌ Paplota aꞌ bwij teboka intok wooi sisiꞌiwook wikiammea
aꞌ sumaꞌatebok. Junak chukula intok, junama nattemaek,
Paplota aꞌ jabetukaꞌu intok jukaꞌ aꞌ yaꞌariakaꞌuta juꞌuneebaekai.
\v 34 Taa juꞌu buꞌuuraa, junamaꞌa waate senu weemta chaaen,
wate intok taꞌabwi weemta chaaen. Junuen san juꞌu sontaaommeu
yoꞌowe, junameꞌe baa joꞌoti jiame jukaꞌ bem teuwaaꞌut
ka a juꞌuneakai, jum bem sontaao kariu aꞌ toji tebok.
\v 35 Junama sontaao kariu kimu betchiꞌbo, jumeꞌ amet
jikau rejtiwammeu yajibokai, jumeꞌ sontaaom, ka baeka
juniꞌi, siꞌime nau jukaꞌ Paplota aꞌ puꞌaktak, jukaꞌ buꞌuuraata
omtemta betchiꞌbo.
\v 36 Bweꞌituk siꞌime:
\p ―Meꞌetune ―ti chaaeka aet chaꞌaka kaaten.
\s Juꞌu Paplo yoemrata bichapo au nokria
\p
\v 37 Junako juꞌu Paplo, jaibu jum sontaaom kariu aꞌ
kibachabaawakai, aapo juꞌu sontaommeu yoꞌowetau:
\p ―Nee jiokoe, senu weemta ne eu teuwaabae ―ti au jiiak.
\p Juꞌu sontaommeu yoꞌowe intok:
\p ―Jaisa empo beja rieeko noka jaꞌani ―ti au nattemaek―.
\v 38 Junak su, jaisa empo ka junaꞌa jaꞌani, juꞌu bwiaara
Ejiptoꞌ teaꞌpo jometaka, waꞌa inim ka tua binwatuko, inim
yaꞌuraata bejeꞌeka nassua tebobaeka aꞌ naateka. Intok
jumeꞌ naiki miil oꞌowim, yee susuꞌaka taꞌeewame, jum bweꞌu
seꞌe paꞌariau bicha yeu am nuk sikame jaꞌani ―ti au nattemaek.
\p
\v 39 Junako juꞌu Paplo iniau:
\p ―Ineponee tua jurio yoeme. Bweꞌu joꞌara Tarsoꞌ teaꞌpo
ne joome. Junaꞌa, bwiaara Siliisiaꞌ teaꞌu tua eiyaawaka
senu joꞌarapo nee ama lutuꞌuriaka aman joꞌaak. Iꞌan
intok nee jiokoe, juꞌu yoemratau nee nokbae ―ti au jiiak.
\p
\v 40 Juꞌu sontaommeu yoꞌowe junaet aꞌ mabetaka aꞌ noktuak.
Junako juꞌu Paplo, junama amet jikau rejtiwaꞌummet weyeka,
intok maammea jukaꞌ buꞌuuraata yaatineꞌ betchiꞌbo, ameu
nookak. Junako, yaatiwako, aapo epreeo nokpo ameu nookak,
intok:
\c 22
\p
\v 1 ―Emeꞌe, nele benasi yoemem, intok jumeꞌ cheꞌa yoꞌowe,
inim in ino nokriaka in teuwaabaeꞌut nee jikkajine ―ti
jiakai.
\p
\v 2 Inimeꞌe, inien aapoꞌik Epreeo nokpo ameu nokamta
aꞌ mammateka aꞌ jikkajakai, cheꞌa juniꞌi aꞌ mammateka
yanti taawak. Intok inimmeu juꞌu Paplo:
\p
\v 3 ―Inepo nee jurio yoeme. Jum bwiaara Siliisiaꞌ teaꞌpo,
senu bweꞌu joꞌara Tarsoꞌ teaꞌpo nee yeu yoemtuk. Taa
inepo inim bweꞌu joꞌara Jerusalen teaꞌpo nee yoꞌotuk.
Intok jiba inim, seenu, Kamaliꞌel teaka, yee majtawamta
tekilekamta betana nee ino majtak. Iniꞌi intok, cheꞌa
bat naataka itom yoꞌowasukaꞌum au joiwalataka bem boꞌo
jooriaꞌuta, inikaꞌa, Moiseej tukaꞌuta betana nesaurim
tua junaen aꞌ weyeꞌe benasia au aꞌ taꞌaakai. Intok achai
Liojta, tua junen jiaka, siꞌime juꞌu in joaꞌue, aapoꞌik
yoꞌorineeꞌuta nee aꞌ tuꞌurisuk. Tua enchim siꞌimem iꞌan
aneꞌe benasia.
\v 4 Intok inepo bat naataka jumeꞌ Jesukrijtota bemela
nok lutuꞌuriata aꞌ sualeme, ameu suaka jiokot am joosuk.
Inimeꞌe am suꞌa tebopeakai. Intok inimeꞌe, kia am oꞌowimtuko
intok kia am jaamuchimtuko juniꞌi, yee eꞌetawaꞌu am kimaꞌabaeka,
inepo am bwiꞌibwiseka am sumaꞌatebok.
\v 5 Juꞌu teꞌopopo tekiakammeu cheꞌa siꞌimem bepa yoꞌo
yaꞌari, intok siꞌime jumeꞌ inim yoemratau yoꞌooraa, inimeꞌe
aꞌ lutuꞌuriate, jum bweꞌu joꞌara Lamajkoꞌ teaꞌu, jumeꞌ
ito benasi juriommeu nok betchiꞌbo, jiꞌosiam bempoꞌim
nee am yaꞌariakaꞌu betana. Junuen lutuꞌuriaka, junaman
san inepo, jumeꞌ Krijtota sualeme am jariubaeka ne aman
siika, junuen am sumaꞌateboka intok aꞌabo Jerusalen teaꞌu
am tojaka junuen bem jiokot yaꞌatuneꞌ betchiꞌbo.
\s Juꞌu Paplo au etejo jaisa Krijtota aꞌ sualekaꞌpo
\p
\v 6 ’Taa junako junam bicha itom boꞌo jooao, intok junaman
Lamajkoꞌ teaꞌu abe itom aman yajao, jumak jaibu luula
kateko, seej chuktia, teeka betana tachiria tua utteꞌakai
nee konila koꞌom siika.
\v 7 Intok junamaꞌa nee bwiau koꞌom wechek intok jiawaita:
“Saulo, Saulo, kat neu suua”, ti neu jiamta nee jikkajak.
\v 8 Junak inepo: “Jabesa empo achai”, ti ne au nattemaek.
Aapo intok: “Ineponee junaꞌa juꞌu Jesus, joꞌara Nasaret
teaꞌpo joome, jiba juꞌu em au suaꞌu”, ti neu jiiak.
\v 9 Jumeꞌ oꞌowim nemak kateꞌum, jukaꞌ tachiriata bichaka
emo womtek. Taa inimeꞌe, wakaꞌa nokamta aꞌ jiawai ka
aꞌ jikkajak.
\v 10 Junako inepo: “Jitasa empo nee yaꞌa iꞌa in yoꞌowa”,
ti ne au jiiak. Aapo juꞌu yoꞌowe Jesus intok: “Kikteka
intok joꞌara Lamajkoꞌ teaꞌu, jiba em sikaꞌu bicha weene.
Intok junaman empo siꞌimeta jukaꞌ em jooꞌeaꞌuta aꞌ tejwaanaa”,
ti neu jiiak.
\v 11 Junamaꞌa, junaꞌa tachiria nee liptitekai, jumeꞌ
nemak kateme, mampo nee wik sakaka, joꞌaraa Lamajkoꞌ teaꞌu
tajtia nee yeu tojak.
\p
\v 12 ’Junamaꞌa, seenu, Ananiaj ti teaka ama joꞌaakan.
Junaꞌa, Krijtota sualeka intok Moiseej tukaꞌuta betana
nesauri jiꞌojteim tua yumaꞌisi am boꞌo jooriaka jiapsan.
Junamaꞌa intok, siꞌime jumeꞌ juriom Lamajkoꞌ teaꞌpo joꞌaakame,
aꞌ tuꞌi yoemtaka, tuꞌisi tuꞌik boꞌo jooriaka aꞌ jiapsaꞌuta
ae tana teuwaan.
\v 13 Iniꞌi Ananiaj teame, aapo in katekaꞌu, nee bitbaeka
neu noitek. Intok junama yebijpat, aapo: “Saulo, Krijtopo
nemak weri, juchi bittune”, ti neu jiiak. Junama lautipo
inepo bit taiteka nee aapoꞌik sep bichak.
\v 14 Junako aapo: “Juꞌu, cheꞌa bat naataka, jumeꞌ itom
yoꞌowasukaꞌum Lios, aapo jaibu enchi yeu puꞌariakan, junuen
aapoꞌik betana weyeka, aꞌ joo iꞌaꞌuta enchi aꞌ juꞌuneiyaaneꞌ
betchiꞌbo. Intok Jesujta, wakaꞌa tuꞌik jiba joaka jiapsamta,
em aꞌ bichaka intok aapoꞌik eu nokamta em aꞌ jikkajineꞌ
betchiꞌbo.
\v 15 Bweꞌituk empo, jiba aapoꞌik betana weyemta, jumeꞌ
inim bwiapo jiapsame, juebenam bichapo yee aꞌ majtaka
aꞌ teuwaane. Intok jukaꞌ aapoꞌik betana em bitlaaꞌuta,
intok jukaꞌ em jikkajilaaꞌuta, empo aꞌ etejone.
\v 16 Ka intok boꞌo bitnee beja. Jesukrijtota sualeka
aet yoem eaka, junuen em ka tuꞌuwa yaꞌarimmet em jiokoitu
betchiꞌbo, emo batoꞌowaa tebone”, ti neu jiiak.
\s Juꞌu Paplo au etejo, jumeꞌ ka juriomtaka, jaisa ameu aꞌ bittuawakaꞌpo
\p
\v 17 ’Junak inepo, aman joꞌara Jerusalen teaꞌu juchi
nee nottekai, junamaꞌa nee, jum bweꞌu teꞌopou nee siika,
Liojtau bicha nok betchiꞌbo. Junamaꞌa nee intok, Liojta
betana tenkupo benasia machilaata bittuawak.
\v 18 Junamaꞌa nee jukaꞌ Jesukrijtota nee bichak. Aapo
intok: “Emo bamijtuaka lauti inim Jerusalen teaꞌpo
yeu weene. Bweꞌituk inim jukaꞌ nee betana weyeka em
teuwaaꞌuta, kaabe aꞌ mabetbaane”, ti neu jiamta ne bichak.
\v 19 Junak intok nee inen au jiiak: “In yoꞌowa. Bempo
juꞌunea, siꞌime jum juriom teꞌopommet nee naj weamaka
intok junamaꞌa jumeꞌ enchi sualeme, jum yee eꞌetawaꞌu
in am tojaka intok jiokot in am joosukaꞌu.
\v 20 Intok junako, jukaꞌ ee betana weyeka nokamta, em
yeu puꞌari, Teeban teamta aꞌ meꞌewako, jiba inepo nee
junamaꞌa junamemak aanen amemak eakai. Intok kia inepo,
jumeꞌ aapoꞌik meꞌaakame, bem bepa tajoꞌorim juniꞌi am
suuariakai”, ti ne au jiiak.
\v 21 Taa juꞌu in yoꞌowa, aapo: “Nooliaꞌe aane. Bweꞌituk
mekka bicha jumeꞌ ka jurio yoememmeu nee enchi bittuabae”,
ti neu jiiak.
\s Juꞌu Paplo, junamaꞌa sontaaommeu yoꞌoweta mampo suuawa
\p
\v 22 Inim tajtia inimeꞌe, kaachin jiaka aꞌ jikkajak.
Taa iniat chukula bempo:
\p ―Junuꞌu oꞌou meꞌetune. Ka intok inim jiapsipo yumaꞌi
―ti chaai japtek.
\p
\v 23 Intok junako inimeꞌe jiba chaaeka intok bem tajoꞌori
jikau woꞌotaka intok bwiata jikau am jissaao,
\v 24 juꞌu sontaaommeu yoꞌowe, jukaꞌ Paplota, jum bem
sontao kariwi aꞌ kibachanaꞌ betchiꞌbo aet nesawek. Intok
ket aapoꞌik bepsunaꞌ betchiꞌbo nesawek, junuen jachin
betchiꞌbo jukaꞌ buꞌuuraata junuen aꞌ bejeꞌeka bem chaaeꞌut
juꞌuneebaeka aꞌ nok iꞌakai.
\v 25 Taa chukula jukaꞌ Paplota aꞌ sumaꞌituko intok
jaibu aꞌ bepsubaawao su, juꞌu Paplo, juꞌu senu sontao
yaꞌut ama anemtau:
\p ―Jaisa emeꞌe lutuꞌuriata jipue jaꞌani, seenuk Romaanom
bwiaarapo jometa benasia lutuꞌuriakamta enchim aꞌ bepsuneeꞌuta
intok ket, junakaꞌa ka bat naataka aꞌ yaꞌuraa bittuakai
―ti au jiiak.
\p
\v 26 Inikaꞌa jikkajakai juꞌu sontao yaꞌut, juꞌu sontaommeu
weyeka yoꞌowetau sika intok aꞌ tejwaak:
\p ―Juꞌu em yaꞌabaeꞌu betana emo suua. Bweꞌituk iniꞌi
oꞌou, Romaanom bwiaarapo lutuꞌuriak ―ti au jiakai.
\p
\v 27 Junako juꞌu sontaommeu weyeka yoꞌowe, juꞌu Paplotau
aman sika intok:
\p ―Jaisa lutuꞌuria jaꞌani, iniꞌi, jum Romaanom bwiaarapo
em lutuꞌuriakaꞌu ―ti au nattemaek.
\p Juꞌu Paplo inikaꞌa:
\p ―Jeewi achai ―ti aꞌ yoopnak.
\p
\v 28 Juꞌu sontaommeu yoꞌowe junako:
\p ―Ineponee juebena tomie aꞌ bejeꞌetuak junuen romaanom
bwiaarapo jometuneꞌ betchiꞌbo junau lutuꞌuria betchiꞌbo
―ti jiiak.
\p Paplo intok iniau:
\p ―Ineponee in yoꞌowam junakaꞌa lutuꞌuriata jipueꞌ betchiꞌbo
nee romaanom bwiaarapo lutuꞌuriak ―ti au jiiak.
\p
\v 29 Inia betchiꞌbo jumeꞌe, Paplota bepsubaeꞌum, inimeꞌe
junamaꞌa aꞌ suꞌu tojak. Intok junaen, kia aapo juꞌu sontaommeu
yoꞌowe juniꞌi, junuen aapoꞌik junuen romaanom bwiaarapo
aꞌ lutuꞌuriakaꞌpo juꞌuneꞌeakai, iniꞌi junuen aapoꞌik
aꞌ bwij teboka aꞌ jipuekaꞌ betchiꞌbo tua majjaen.
\s Juꞌu Paplo jurio yoemratau yoꞌoorata nau tojilame bichapo aane
\p
\v 30 Yokoriapo juꞌu sontaommeu weyeka ameu yoꞌowe, juꞌuneebaekai
tua jita betchiꞌbo junuen jumeꞌ juriom jukaꞌ Paplota
bem aꞌ naꞌatejooꞌut, jumeꞌ sisiꞌiwook wikiam aꞌ uꞌaaka
intok junamaꞌa jumeꞌ teꞌopopo tekiakammeu cheꞌa yoꞌowem
intok junama joꞌarapo juꞌu yoemratau yoꞌoraata nau toji
tebok. Junako intok Paplota paꞌakun yeu aꞌ tojaka intok
bempoꞌim bichapo aꞌ kechak.
\c 23
\p
\v 1 Juꞌu Paplo, juꞌu junamaꞌa yoemratau yoꞌooraata nau
anemmeu bitchuko intok aapo:
\p ―Achaim, nele benasi inim yoemem. Ineponee jiba iꞌan
tajtia siꞌime in juꞌuneiyaaka in joaꞌu betana, Liojta
bichapo tuꞌisi in jiapsaꞌut ne juꞌuneaka naj kuakte
―ti ameu jiiak.
\p
\v 2 Junako juꞌu Ananiaj teame, junamaꞌa juꞌu bweꞌu teꞌopopo
tekiakammeu yoꞌotukaꞌu, iniꞌi, junamaꞌa jumeꞌ Paplotau
jaꞌabwekame, aapoꞌik tenit aꞌ chochonneꞌ betchiꞌbo am
sawek.
\v 3 Taa juꞌu Paplo inikaꞌa:
\p ―Juꞌu Lios inien enchi nok yaatituane, tuata benaka
ka tuꞌi yoeme ―ti aꞌ yoopnak―. Iꞌan empo, Moiseej tukaꞌuta
nesaurim am jiꞌojteitukaꞌa benasia jum kateka nee yaꞌuraa
bittuabae oꞌoben, junuen intok jaisaakai junameꞌe nesaurim
bejeꞌeka, tenit nee chon tebo ―ti au jiiak.
\p
\v 4 Jumeꞌ junamaꞌa aneme, Paplotau:
\p ―Jukaꞌ Liojta betana teꞌopopo cheꞌa siꞌimeku yoꞌo yaꞌaritau
empo junuen nokbae jaꞌani ―ti au nattemaek.
\p
\v 5 Juꞌu Paplo intok inimmeu:
\p ―Achaim, kannee juꞌunean aapoꞌik, Liojta betana teꞌopopo
aꞌ yoꞌo yaꞌaritukaꞌpo. Bweꞌituk Liojta betana jiꞌosia
jiꞌojteimpo: “Joꞌara im jiapsaꞌpo ama yoꞌo yaꞌarita
betana, empo kaachin ka tuꞌik nokne”, ti jiꞌojtei ―ti
ameu jiiak.
\p
\v 6 Junak intok juꞌu Paplo, junamaꞌa yoꞌooraa nau aneme
junameꞌe betana, waatem jumeꞌ saruseeompo emo teuwaame
betana am kateꞌu, watem intok jumeꞌ paiseeompo emo teuwaame
betana am kateꞌu juꞌuneꞌeakai, aapo kusisi nokaka:
\p ―Nele benasi inim yoemem. Ineponee jumeꞌ paiseeompo
ti taꞌeewammak weye. Jumeꞌ bat naataka in yoꞌowasukaꞌum
ket paiseeom tusukaꞌa benasia. Iꞌan intok, jiba jumeꞌ
kokkoarim, chukula bem jiabijtineeꞌuta in aꞌ bit boꞌo
bichaka in aꞌ sualeꞌ betchiꞌbo ne inim yaꞌuraa bittuawa
―ti jiakai.
\p
\v 7 Junako, aapoꞌik inikaꞌa teuwaako, jumeꞌ paiseeom
intok jumeꞌ saruseeompo emo teuwaame, inimeꞌe, bempo nau
nok nassua japtek. Intok junuen jumeꞌ ama nau aneme,
nattepola nau naꞌikimtek.
\v 8 Bweꞌituk jumeꞌ saruseeompo emo teuwaame, inimeꞌe,
chukula kokkolam am jiabijteneeꞌuta aꞌ kaitatuneꞌeti
jiia. Intok jumeꞌ ankelesim juniꞌi, am kaabeꞌeti jiia.
Intok kia jumeꞌ ka bittaka jiapsim aneme, am kaabeꞌeti
jiia. Taa jumeꞌ paiseeom intok, inia betana siꞌimeta
inikaꞌa aꞌ ayukaꞌuta aꞌ suale.
\v 9 Junamaꞌa junameꞌe, kaabe yeu beꞌeeka siꞌime chaaen.
Intok junamaꞌa waate, jumeꞌ Moiseej tukaꞌuta nesaurim
yee majtame, jumeꞌ paiseeommak chaꞌaka amemak eame, inimeꞌe
japteka intok:
\p ―Iniꞌi oꞌou kaita ka tuꞌik yaꞌari. Intok junuen, senu
Liojta betana jiapsita ka bittaka anemta, oo senu Liojta
ankelejta aapoꞌiku aꞌ noklatuko juniꞌi, itepo, katte Liojta
bejeꞌeka annee ―ti jiiak.
\p
\v 10 Junamaꞌa cheꞌa juniꞌi chaiwaka emo bejeꞌewamta
ama weyeo, juꞌu sontaommeu yoꞌowe majjaen junuen junamaꞌa
jukaꞌ Paplota, naꞌikim aꞌ wiiksu machiakai. Junuen san
aapo sontaaom junamaꞌa ame nasuk yeu aꞌ weiyaaka intok
juchi jum sontao kariu aꞌ tojineeme au am bittuak.
\p
\v 11 Junak junae tukaariatchi, juꞌu yoꞌowe Jesukrijto
aapoꞌiku au yeu machiak intok aapo juꞌu Paplotau:
\p ―Kat koꞌom ea Paplo. Bweꞌituk empo, jiba inim joꞌara
Jerusalen teaꞌpo nee betana weyemta em aꞌ teuwaalatukaꞌa
benasia, ketchia empo aman bweꞌu joꞌara Roomaꞌ teaꞌu
inien nee betana weyeka em nokneeꞌuta utteꞌatune ―ti
au jiiak.
\s Paplota meꞌ betchiꞌbo, nau eewaka emo nau tejwaawakaꞌpo
\p
\v 12 Yokoriapo intok, juriom betana waate, jukaꞌ Paplota
aꞌ meꞌ betchiꞌbo nau lutuꞌuriabaeka emo nau tojak. Intok
inimeꞌe, ka tuꞌik ameu chupneꞌeti jiaka inen emo utteꞌa
joorian, kaita bem bwaꞌaneeꞌut intok kaita bem jiꞌineeꞌut
jukaꞌ Paplota bempo ka aꞌ meꞌaakai.
\v 13 Jumeꞌ junuen bem auneeꞌu betana emo utteꞌa jooriame
emo teuwaalame, inimeꞌe oꞌowim woi takaata bepa tukan.
\v 14 Junuen junameꞌe, jumeꞌ teꞌopopo tekiakammeu yoꞌowemmeu
intok jumeꞌ junamaꞌa joꞌarapo yoemratau yoꞌooratau yajak
intok junammeu:
\p ―Itepote nau eaka, ka tuꞌik itou chupneꞌeti jiaka inien
te aet ito utteꞌa joorialaa, kaita itom a jiuneeꞌut, itepo
jukaꞌ Paplota ka aꞌ meꞌaꞌateko ―ti ameu jiiak―.
\v 15 Iꞌan intok emeꞌe, intok inim jumeꞌ wate emomak
yoꞌooratamak nau eaka, juꞌu sontaaommeu yoꞌotau nokne,
aapoꞌik aꞌabo emou yeu aꞌ tojineꞌ betchiꞌbo, emeꞌe aapoꞌik
betana weyemtat cheꞌa tuꞌisi enchim emo aet juꞌuneebaeꞌeti
jiakai. Itepo tee intok, kee aꞌabo aꞌ yepsao, aꞌ meꞌ betchiꞌbo
tee aawas annee ―ti ameu jiiak.
\p
\v 16 Taa juꞌu Paplota akkoowata ou asoa, junakaꞌa yaꞌabaawamta
juꞌuneiyaaka intok iniꞌi aman sontao kariwi sikaa, Paplota
tejwaak.
\v 17 Junak juꞌu Paplo junamaꞌa sontao yaaꞌuchim betana
senuku chaaeka intok:
\p ―Ikaꞌa juꞌubwa yoꞌotumta aman juꞌu sontaaommeu weyeka
ameu yoꞌotau aꞌ noita. Bweꞌituk senu weemta aꞌ etejoriabae
―ti au jiiak.
\p
\v 18 Juꞌu sontao yaꞌut, inikaꞌa aman juꞌu sontaaommeu
yoꞌowetau aꞌ nuk sika intok iniau:
\p ―Juꞌu ama etaꞌi, Paploꞌ teame, neu chaaeka intok aapo
inikaꞌa juꞌubwa yoꞌotumta nee aꞌabo eu aꞌ noitasaek.
Iniꞌi senu weemta eu aꞌ teuwaabaeꞌeti jiaka ―ti au jiiak.
\p
\v 19 Juꞌu sontaommeu yoꞌowe, jukaꞌ juꞌubwa yoꞌotumta
aꞌ mampo aꞌ bwiseka, omola aꞌ nuk sika intok:
\p ―Jitasa empo neu teuwaabae ―ti au nattemaek.
\p
\v 20 Junako juꞌu juꞌubwa yoꞌotume inia betana:
\p ―Jumeꞌ juriom nau etejolam, yoko taꞌapo Paplota inim
joꞌarapo juꞌu yoꞌoorata aneꞌu em yeu aꞌ toji teboneeꞌu
betana eu nokbaekai. Bempo kia beja nokaka, aapoꞌik betana
weyemta cheꞌa witti bempo aet emo aꞌ juꞌuneiyaabaeꞌeti
jiakai.
\v 21 Taa iniat ka am sualne. Bweꞌituk inime betana
woi taka ama jaikika oꞌowim, eusilamtaka aꞌ boꞌo bicha.
Intok inimeꞌe, ka tuꞌik ameu chupneꞌeti jiaka emo utteꞌa
joorialaa, kaita bem bwaꞌaneeꞌut intok kaita bem jiꞌineeꞌut,
jukaꞌ Paplota ka aꞌ meꞌaꞌateko. Intok inimeꞌe oꞌowim,
em amemak eaka em teuwaaneeꞌuta jiba boꞌo bicha ―ti au
jiiak.
\p
\v 22 Junako juꞌu sontaaommeu yoꞌowe, inikaꞌa aꞌ sim
saek jukaꞌ aapoꞌiku aꞌ teuwaakaꞌuta, kaabetau aꞌ etejo
saekai.
\s Paplota, kobanaao Perij teamta bichapo bittuawakaꞌpo
\p
\v 23 Junako juꞌu sontaaommeu cheꞌa yoꞌowe, junamaꞌa,
wooi jumeꞌ aꞌ saweꞌum, sontao yaaꞌuchimmeu chaaeka intok
inimeꞌe, wooi siento sontaaom katneeme intok baji taka
ama woj mamnim kakabaꞌeka katneeme, intok wooi sientom,
tettebe kutam, sisiꞌiwookta bwawiakame weiyaame, inimeꞌe,
bweꞌu joꞌara Sesareaꞌ teaꞌu bicha bem katneꞌ betchiꞌbo,
yeu am puꞌa tebok.
\v 24 Intok naa buustia, kabaꞌim amet katnaame ket weiyaa
tebok junuen jukaꞌ Paplota aꞌ kabaꞌi simneꞌ betchiꞌbo.
Intok ket nesawek, aapoꞌik tuꞌisia, kaita au sikaa, juꞌu
kobanaao Perij teamtau aapoꞌik aꞌ nuꞌupanaꞌ betchiꞌbo.
\p
\v 25 Intok bempoꞌimmak jiꞌosia jiꞌojteita, juꞌu Perij
teamtau inen jiamta aman bittuak:
\p
\v 26 “Inepo Kaaurio Lisiiaj ti teaka, yoꞌori maisi
kobanao yoꞌowe Perij teamtawi, enchi ne aman tebotua.
\v 27 Jumeꞌ juriom inikaꞌa oꞌouta aꞌ bwiseka intok bempo
aꞌ meꞌebaen. Taa inepo chukula, aapoꞌik romaanom bwiaarapo
yoemratamak lutuꞌuriata aꞌ jipueꞌpo juꞌuneꞌeakai, inepo,
in saweꞌum sontaaommak aman sika nee aꞌ jinneꞌuk.
\v 28 Ineponee intok, jitaa betana bem aꞌ naꞌatejooꞌut
juꞌuneebaekai, junamaꞌa jurio yoemratau yoꞌooraata nau
aneꞌu nee ameu yeu aꞌ tojak.
\v 29 Intok junamaꞌa, bempo juriomtaka bem sualeka jukaꞌ
bem au joiwalamtukaꞌut intok bem nesaurim betana, junae
betana junaet bem aꞌ yaꞌuraa bittuaꞌuta nee aꞌ juꞌuneiyaak.
Taa junamaꞌa, kaita aet ayukan aꞌ meꞌe betchiꞌbo intok
kia aꞌ etaꞌatebo betchiꞌbo juniꞌi.
\v 30 Taa ineponee intok inia betana jumeꞌ juriom bem
aꞌ meꞌeneꞌ betchiꞌbo aet am tekipanoaꞌuta tejwaawakai,
nee, ino bamijtuaka aman nee eu aꞌ bittua. Intok ineponee
ketchia, jumeꞌ aapoꞌik naꞌatejome, jukaꞌ aꞌ bejeꞌeka bem
nokneeꞌuta, aman em bichapo ae betana bem aꞌ teuwaaneꞌ
betchiꞌbo ne amet nesawek. Inien jiba.”
\p
\v 31 Junako jumeꞌ sontaaom, inimeꞌe, bem au saiwaka bem
tejwaaritukaꞌpo aman, tukaariat, bweꞌu joꞌara Antipaatrij
teaꞌu tajtia jukaꞌ Paplota nuꞌupak.
\v 32 Yokoriapo, jumeꞌ sontaaom wokimmea rejteme, inimeꞌe,
bem yeu sajakaꞌu bicha bem jokaꞌu nottek. Jumeꞌ intok
kakabaꞌekame, Paplotamak naa buustia boꞌo joak.
\v 33 Bempo intok junaman joꞌara Sesareaꞌ teaꞌu yaji
pat, inimeꞌe, jukaꞌ jiꞌosia jiꞌojteita juꞌu kobanaota
aꞌ makak. Intok bempo ket jukaꞌ Paplota ama au suꞌu
tojakai.
\v 34 Juꞌu kobanaao, jukaꞌ jiꞌosiata noksukai, chukula,
Paplota jakun aꞌ jometukaꞌut au nattemaek. Intok aapo,
bwiaara Siliisiaꞌ teaꞌpo aꞌ jometukaꞌut juꞌuneakai,
\v 35 juꞌu Paplotau:
\p ―Jumeꞌ enchi naꞌatejobaeme aꞌabo am yajako nee enchi
jikkajibae ―ti au jiiak.
\p Junako aapo, jum Eroorej tukaꞌuta, aꞌ ujyooi karipo,
wate aꞌ suuanaꞌ betchiꞌbo nesawek.
\c 24
\s Juꞌu Paplo, Perij teamta bichapo au nokria
\p
\v 1 Junamaꞌa chukula, mamni taewaim sikaa, juꞌu Ananiaj
teame, juꞌu bweꞌu toꞌopopo tekiakammeu cheꞌa yoꞌowe, iniꞌi,
jumeꞌ juriommeu yoꞌoraata betana watemmak, intok seenu,
am nokriabaeme, Tertuuloꞌ teamtamak weyeka, aman joꞌara
Sesareaꞌ teaꞌu yepsak. Inimeꞌe, juꞌu kobanaotau yajak,
jukaꞌ Paplota bejeꞌeka aꞌ naꞌatejo betchiꞌbo.
\v 2 Junak jukaꞌ Paplota junamaꞌa yeu tojiwako, juꞌu
Tertuuloꞌ teame, aapoꞌik bejeꞌeka, bem aet naꞌatejooꞌuta
teuwaa taitek. Iniꞌi, juꞌu Perij teamtau:
\p ―Achai kobanao yoꞌowe, enchi te aet baisae, iꞌan itepo
kaita itou weyeka itepo yanti jiapsa intok alleaka tee
naj kuakte. Intok inim, suawaka a em nesaweꞌ betchiꞌbo,
siꞌime tuꞌisi weye.
\v 3 Intok siꞌimeta inile benak jiba itepo jak juniꞌi,
siꞌimekut aꞌ bichaka itepo enchi aet bai sae, yoꞌorisi
maisi kobanao yoꞌowe Perij teame.
\v 4 Taa inim ka kia beja enchi itomak binwatuneꞌ betchiꞌbo,
eu ne ujbwana, junuen itom aet jiokoeka, chubala em itom
jikkajineꞌ betchiꞌbo.
\v 5 Bweꞌituk inia oꞌouta betana, itepo, aapoꞌik siꞌimeku
ka nau eewamta joaka, siꞌimekut weyeka jumeꞌ juriom nasuk,
nattepola emo eiyaawamta joaka itepo aꞌ juꞌuneiyaa.
Intok iniꞌi, jumeꞌe, nau eaka, nasareenompo emo teuwammeu
kobataka weyek.
\v 6 Iniꞌi ketchia, jukaꞌ Liojta bweꞌu teꞌopota, ka tuꞌik
au yaꞌabaek. Itepo intok, tee aꞌ bwiseka intok itepo
tee, jiba inim ito nesaweꞌue, jiokot aꞌ joaka aꞌ yaꞌuraa
bittuabaek.
\v 7 Taa juꞌu ama sontaaommeu yoꞌowe, Lisiiaj teame seej
chukti itou yepsaka, utteꞌapo itom aꞌ uꞌaak.
\v 8 Intok junaꞌa, jumeꞌ aapoꞌik bejeꞌeka aꞌ naꞌatejome,
aꞌ utteꞌaꞌati jiiak, eu luula bem katneeꞌu. Jiba empo
au nattemaeka aꞌ noktuanee intok junuen empo, siꞌimeta
jukaꞌ aꞌ naꞌatejoka itom teuwaaꞌuta, aꞌ lutuꞌuriatukaꞌuta
aꞌ juꞌuneiyaane.
\p
\v 9 Jumeꞌ juriom junama nau aneꞌum, inimeꞌe ket junae
betana aꞌ lutuꞌuriaꞌati jiaka nookan.
\v 10 Junako juꞌu kobanao, jukaꞌ Paplota aapoꞌik iꞌan
nokneꞌ betchiꞌbo, maammea au nokaka aꞌ tejwaak. Junak
juꞌu Paplo inikaꞌa:
\p ―Ineponee tua nee alleaka inim ee bichapo ne ino nokria.
Bweꞌituk juebena wasuktiapo inia yoemratau yoꞌotaka
em am yaꞌuraa bittuaꞌut juꞌuneakai ―ti jiiak―.
\v 11 Jiba empo inia betana ket a aet juꞌuneakai, iꞌan
juꞌubwa, woj mamni ama wooi taewaim weye, inepo, Liojta
yoꞌoribaeka ne bweꞌu joꞌara Jerusalen teaꞌu ne yepsakai.
\v 12 Intok junaman nee jabetamak juniꞌi, ka jak nok
nassuaka bitwak. Intok kia jum Liojta bweꞌu teꞌopopo,
intok kia omot, jita juriom teꞌopopo juniꞌi, intok kia
jum bweꞌu joꞌarapo jak juniꞌi nee ka junuen buꞌuuraata
nasuk emo bejeꞌewamta joaka bitwak.
\v 13 Inimeꞌe oꞌowim, bempoꞌim nee bejeꞌeka ae betana
bem nee naꞌatejooꞌuta, kaachin aꞌ lutuꞌuriate.
\v 14 Taa ala, jukaꞌ iꞌan, witti in eu teuwaaꞌu, iniꞌi,
jukaꞌ bat naataka itom yoꞌowasukaꞌum Lios, iꞌan juꞌu
bemela lutuꞌuria yee jinneꞌume, bempoꞌim ka Liojta betana
aꞌ weyeꞌeti jiaꞌue, inikaꞌa lutuꞌuriata junuen aꞌ weyeꞌue
nee Liojta yoꞌoreka jiapsa.
\v 15 Intok inepo inia betana, jiba nee inimeꞌe inim
aneme benasi Liojtat nee yoem ea, inikaꞌa, jumeꞌ kokosukame,
chukula bem jiabijtetuanaaꞌu. Jumeꞌ tuꞌik joaka jiapsisukame
intok kia jumeꞌ ka tuꞌik joaka jiapsisukame juniꞌi, inikaꞌa
nee aꞌ chup boꞌo bichakai.
\v 16 Inia betchiꞌbo inepo jiba weeꞌpo inim Liojta bichapo,
intok kia jumeꞌ inim jiapsame bichapo juniꞌi, siꞌimeku
tuꞌisi weyeka in jiapsineeꞌut nee ino temae.
\p
\v 17 ’Ili jaiki wasuktiam omot bwiaarammeu bicha weamsukai,
juchi nee inim in bwiaarau nee nottek, junuen inikaꞌa,
jumeꞌ juriom ania betchiꞌbo tomita in nau tojiri, in
weiyaaꞌuta aꞌabo aꞌ tojibaekai. Intok jukaꞌ Liojtau
bicha in naꞌikiarita, in yaꞌaneꞌeti jiaꞌuta, aꞌ yaꞌabaekai.
\v 18 Inika weyemta inepo ama weetuan. Junako juriom,
waate, bwiaara Aasiaꞌ teaꞌa betana kateka ama yajaka,
jum bweꞌu teꞌopopo nee teak, junamaꞌa, jumeꞌ juriom aꞌ
weetuaꞌa benasia, nee Liojta bichapo ino tuꞌutesuka nee
au ino jiokoisulatuko. Taa kia junama juniꞌi, ka unnaa
buꞌuuraatamake anekai. Intok kia jita ka nau eewamta,
ka tuꞌik kaita ama joakai.
\v 19 Jumeꞌ Aasiaꞌ teaꞌpo joomem junameꞌem, bempo jumeꞌ
aꞌabo sajaka intok iꞌan inim aneka nee naꞌatejoꞌeame,
junameꞌe, nee bejeꞌeka jita ka tuꞌik teuwaa machiako.
\v 20 Oo iniꞌi ka junuen tuk juniꞌi, inimeꞌe, bempo im
aneme, bempo aꞌ teuwaane, junako jurio yoemratau yoꞌooraata
nau aneꞌepo, jitaa ka tuꞌik nee ama yaꞌariako juniꞌi.
\v 21 Oo jumak juniꞌi, amemak aneka, inepo: “Jumeꞌ kokkolam,
chukula bem jiabijtineeꞌuta, inepo nee aꞌ suale, intok
junae betchiꞌbo, emeꞌe iꞌan nee yaꞌuraa bittua”, ti kusisi
nokaka in aꞌ teuwaakaꞌ betchiꞌbo ―ti ameu jiiak.
\p
\v 22 Inikaꞌa jikkajisukai juꞌu kobanao Perij teame,
aapo Krijtota betana weyemtat jachin aꞌ boꞌo jooriawaꞌuta
tuꞌisi juꞌuneakai, junakaꞌa bem weetuaꞌuta junamaꞌa aꞌ
suꞌu tojak, intok aapo junammeu:
\p ―Chukula jukaꞌ sontaaommeu yoꞌota, Lisiiaj teamta aꞌabo
yepsako, junako inepo inia betana cheꞌa tuꞌisi juꞌuneaka,
jachin aꞌ chupneeꞌuta teuwaane ―ti ameu jiiak.
\p
\v 23 Junako juꞌu kobanaao Peris, junamaꞌa jukaꞌ sontaommeu
weyekamta, Paplota jum aꞌ etaꞌipo juchi aꞌ tawaanaaꞌu
betana nesawek. Taa ketchia, aapoꞌik tuꞌisi aꞌ bitnaaꞌuta,
intok jumeꞌ aꞌ eiyaaka aꞌ taꞌaame, inimeꞌe aꞌ ania betchiꞌbo,
aapoꞌik au am yaajitua saekai.
\p
\v 24 Junamaꞌa jaiki taewaim sikaa, chukula juꞌu kobanao
Perij teame, juꞌu aꞌ jubiawammak, iniꞌi juria yoemratakai,
Rusiilaꞌ teamtamak ama yepsaka, aapo juchi juꞌu Paplotau
chai tebok, aapoꞌik junuen, yoꞌowe Jesukrijtota betana
weyemtat jachin aꞌ sualwaꞌut aapoꞌik am etejorianeꞌ
betchiꞌbo.
\v 25 Taa junako, jukaꞌ Paplota, aapoꞌiku, Liojta bichapo
tuꞌisi emo ujuꞌuwaka jiapsiwamta betana, intok senuk
jachin a au aꞌ yekaneeꞌu betana, intok chukula, siꞌimeta
aet luꞌuteo, Liojta bichapo siꞌimem bem yaꞌuraa bittuanaaꞌu
betana, au aꞌ nokao su, juꞌu Peris womtek, intok iniꞌi,
Paplotau:
\p ―Iꞌan lautipo inia mak tuꞌi. Intok chukula, nee ka tua
obisi aneꞌeteko, juchi nee eu chai tebone ―ti au jiiak.
\p
\v 26 Ketchia juꞌu kobanaao Perij teame, jukaꞌ Paplota,
aapoꞌik yeu aꞌ suꞌu tojineꞌ betchiꞌbo, tomita aꞌ mak
machian. Inia betchiꞌbo aapo jiba jeela Paplotau aman
au aꞌ totoji tebon aamak etejo betchiꞌbo.
\v 27 Junuen weyeka, wooi wasuktiam siika. Junak intok
juꞌu Perij teame, kobanaaopo yeu siika. Intok junako
seenu, Porsio Peejtoꞌoti teaka ae betchiꞌbo ama taawak.
Taa juꞌu Peris intok, junamaꞌa jurio yoemratamak tuꞌisi
tawaabaekai, jukaꞌ Paplota ketun etaꞌita ama suꞌu tojak.
\c 25
\s Juꞌu Paplo, kobanao Peejtoꞌ teamta bichapo aane
\p
\v 1 Junako, juꞌu Peejtoꞌ teame junamaꞌa jukaꞌ aꞌ yaꞌuraa
tekiata mabetbaeka, ama yepsak. Intok chukula, baji taewaim
simsuko, aapo, joꞌara Sesareaꞌ teaꞌa betana yeu sika intok
bweꞌu joꞌara Jerusalen teaꞌu bicha siika.
\v 2 Junamaꞌa jumeꞌ bweꞌu teꞌopopo tekiakammeu yoꞌowem
intok jumeꞌe, juriom nasuk junamaꞌa cheꞌa eiyaawaka yoꞌooratamak
naꞌikiarim, inimeꞌe, Paplota bejeꞌeka, aapoꞌik betana bem
teuwaa machik aꞌ juꞌuneiyaatuak.
\v 3 Inimeꞌe intok, wepulsi bempoꞌim betchiꞌbo, aapoꞌik
am yaꞌarianeeꞌuta au teuwaakai, junuen aapoꞌik jukaꞌ
Paplota, jum bweꞌu joꞌara Jerusalen teaꞌu aꞌ toji teboneꞌ
betchiꞌbo. Inim juꞌu bempoꞌim yaꞌabaekaꞌeaꞌu, aapoꞌik
jum boꞌot bem aꞌ meꞌetuneeꞌu junaꞌatukan.
\v 4 Taa iniꞌi kobanaao Peejtoꞌ teame, jukaꞌ Paplota,
jum bweꞌu joꞌara Sesareaꞌ teaꞌpo aꞌ etaꞌiꞌiti jiiak,
intok aapo, junam bicha lauti aapo au weeneꞌeti jiaka
am yoopnak.
\v 5 Inimmeu aapo:
\p ―Jiba inia betchiꞌbo san, jumeꞌ inim emo nasuk inia
betana cheꞌa emo au lutuꞌuriak ti jiaka, cheꞌa eame, inimeꞌe,
jum bweꞌu joꞌara Sesareaꞌ teaꞌu nemak katnee. Intok
junaman junakaꞌa oꞌouta, jitaa ka yaꞌaꞌee machik, ka tuꞌik
aꞌ yaꞌariako, aꞌ naꞌatejo ―ti ameu jiiak.
\p
\v 6 Juꞌu Peejtoꞌ teame junamaꞌa joꞌara Jerusalen teaꞌpo,
woj naiki oo woj mamni taꞌapo jiba ama aneka, juchi joꞌara
Sesareaꞌ teaꞌu nottek. Junama, juchi yokoriapo aapo, jum
nau yaajiwaaꞌpo, yaaꞌuchim jojoyeꞌpo jikat yejteka, intok
junamaꞌa sepia jukaꞌ Paplota au toji tebok.
\v 7 Junako, jukaꞌ Paplota junama yepsako, jumeꞌ juriom,
bweꞌu joꞌara Jerusalen teaꞌa betana ama yajilame, aman
rukteka intok aapoꞌik bejeꞌeka, tuꞌisi juebenak, bettek
teuwaaka aꞌ naꞌatejok. Taa inimeꞌe, junae bem teuwaaꞌue,
aapoꞌik bejeꞌeka, tua kaita lutuꞌuriatu machik a teuwaakai.
\v 8 Junako juꞌu Paplo, junamaꞌa yeu aꞌ tojiripo:
\p ―Ineponee inim, kia jumeꞌ juriom jiꞌojteim bem ammea
nesaurim bejeꞌeka kaita nee yaꞌari. Intok kia jukaꞌa,
bweꞌu teꞌopota bejeꞌeka juniꞌi, intok kia aman bweꞌu
joꞌara Roomaꞌ teaꞌpo, jukaꞌ cheꞌa yoꞌo yaꞌata, Sesar teamta
bejeꞌeka juniꞌi, ka tuꞌik kaita nee yaꞌari ―ti jiaka au
nokriak.
\p
\v 9 Taa juꞌu kobanaao Peejtoꞌ teame, junamaꞌa jumeꞌ
juriommak tuꞌisi tawabaekai, iniꞌi, juꞌu Paplotau:
\p ―Jaisa empo, Jerusalen teaꞌu bicha weenee jaꞌani, junuen
junaman juꞌubwa nee enchi yaꞌuraa bittuaneꞌ betchiꞌbo
―ti au nattemaek.
\p
\v 10 Juꞌu Paplo:
\p ―Iꞌan lautipo inepo nee inim, bweꞌu joꞌara Roomaꞌ teaꞌa
betana, cheꞌa yoꞌota yaꞌuraata bichapo nee aane. Inepo
junae yaꞌuraata betana in yaꞌuraa bittuanaaꞌuta cheꞌa
lutuꞌuriakai. Iꞌan jaibu em tuꞌisi juꞌuneaꞌa benasia,
inim nee kaabeta bejeꞌeka ka tuꞌik kaita yaꞌari ―ti aꞌ
yoopnak―.
\v 11 Inim inepo, jita ka tuꞌik junae betchiꞌbo in meꞌetuneeꞌuta
aꞌ yaꞌariak juniꞌi, in mukneeꞌu betana nee kaachin jiia.
Taa iniaa, ae in naꞌatejowaꞌu betana kaita nee bejeꞌeka
lutuꞌuriata ama ayuko, inim kaabe lutuꞌuriak, nee, bempoꞌimmeu
suꞌu toji betchiꞌbo. Iꞌan inepo, jukaꞌ cheꞌa yoꞌo yaꞌarita,
Sesar teamta, jiba aapoꞌik nee aꞌ yaꞌuraa bittuaneeꞌuta
inepo nee aꞌawa ―ti jiiak.
\p
\v 12 Junako, chukula jumeꞌ waate ama yaꞌuraapo aneka
aꞌ aniammak nau etejosukai, juꞌu kobanao, Paplotau:
\p ―Jiba empo, Romapo juꞌu cheꞌa yoꞌo yaꞌata betana em
yaꞌuraa bittuanaaꞌuta aꞌawak. Junuen san empo junae,
cheꞌa yoꞌo yaꞌatau bicha weene ―ti au jiiak.
\s Juꞌu Paplo, senuk Akriipaꞌ teamta bichapo aane
\p
\v 13 Junamaꞌa, ili jaiki taewaim sikaa, junamaꞌa ket
juꞌu senu yoemratau cheꞌa yoꞌo yaꞌari, Akriipaꞌ teakai,
intok aꞌ akkoowa, Bereniiseꞌ teamtamak, inimeꞌe, jum bweꞌu
joꞌara Sesareaꞌ teaꞌu yajak, junaman jukaꞌ kobanaao Peejtoꞌ
teamta aꞌ bichaka aꞌ tebotuabaekai.
\v 14 Junamaꞌa, inimeꞌe, ili jaiki taewaim ama tawakai,
juꞌu Peejto, juꞌu Paplota betana aapoꞌik juꞌuneiyaaꞌuta,
au yeu sikamta jukaꞌ yoꞌo yaꞌata aꞌ etejoriak. Intok
iniau:
\p ―Senu oꞌou im katek, iniꞌi, Perij teamta etaꞌitaka neu
aꞌ toꞌo sikaꞌu.
\v 15 Jum bweꞌu joꞌara Jerusalen teaꞌu nee aneo, junaman
jumeꞌe, bweꞌu teꞌopopo tekiakammeu yoꞌowem intok jumeꞌ
jurio yoemratau yoꞌooraa, inimeꞌe, aapoꞌik bejeꞌeka, ae
betana bem waataꞌuta nee juꞌuneiyaatuak, bempo, aapoꞌik
aꞌ meꞌetuneꞌ betchiꞌbo in aꞌ teuwaaneeꞌuta aꞌawakai.
\v 16 Inepo, inimeꞌe: “Romaano yoemraꞌ teame betana
yaꞌuraata, senuk aꞌ meꞌetuneꞌ betchiꞌbo, aet nesau betchiꞌbo
ka junaen aꞌ jooa, junakaꞌa, jumeꞌ aapoꞌik bejeꞌeka naꞌatejome
bichapo aꞌ aneka intok ka junuen aapoꞌik au aniaka au
aꞌ nokrialatuko”, ti ne am yoopnak.
\v 17 Inia betchiꞌbo san, junak bempoꞌim aꞌabo yajako,
inepo kannee boꞌo bichaka, ala inepo, yokoriapo sep jum
nau yaajiwaꞌpo, nesau betchiꞌbo in yeyesaꞌpo ne jikat
yejteka intok junakaꞌa oꞌouta nee aꞌabo neu aꞌ toji
tebok.
\v 18 Taa jumeꞌ aapoꞌik bejeꞌeka nokbaeka im neu yajakame,
junameꞌe kaita aapoꞌik bejeꞌeka, ka tuꞌik teuwaak in
bempoꞌim ae betana aꞌ teuwaa machiakaꞌa benasia.
\v 19 Inimeꞌe kaita intok aꞌ bejeꞌeka ae betana teuwaan,
kia bempoꞌim Liojta junuen bem sualeꞌu betana, intok
seenu, Jesuj ti teakamta betana, intok inikaꞌa, mukiataka,
intok ket inia betana juꞌu Paplo aꞌ jiapsaꞌati jiakai
inia betana jiba aꞌ naꞌatejon.
\v 20 Inepo inile bena weyemtat kaachin ama nesau machikai,
inepo nee, aapoꞌik Paplota nee aꞌ temaek, aapoꞌik jum
bweꞌu joꞌara Jerusalen teaꞌu, aapoꞌik am bichaa aꞌ weebaaneeꞌu
betana, junuen aapoꞌik inia betana junaman aꞌ yaꞌuraa
bittuanaꞌ betchiꞌbo, ti jiakai.
\v 21 Taa jiba aapoꞌik, juꞌu cheꞌa yoꞌo yaꞌari, Aukujtoꞌ
teamta betana aapoꞌik aꞌ yaꞌuraa bittuanaaꞌuta aꞌ aꞌawakaꞌ
betchiꞌbo, inepo nee aapoꞌik inim ketun etaꞌitaka aꞌ
tawaneꞌ betchiꞌbo ne aet nesawek, chukula junaman, jum
Romapo juꞌu cheꞌa yoꞌo yaꞌatau a in aꞌ bittuaꞌu tajtia
―ti au jiiak.
\p
\v 22 Junako juꞌu cheꞌa yoꞌo yaꞌari Akriipaꞌ teame, juꞌu
Peejtoꞌ teamtau:
\p ―Ineponee ket aꞌ jikkajipea, junakaꞌa oꞌouta ―ti au jiiak.
\p Juꞌu Peejto intok:
\p ―Tuꞌi, yoko empo aꞌ jikkajine ―ti aꞌ yoopnak.
\p
\v 23 Juchi yokoriapo juꞌu cheꞌa yoꞌo yaꞌari Akriipaꞌ
teame intok aꞌ akkoowa Bereniiseꞌ teame, ama yajakai,
inimeꞌe junaman jum bweꞌu kari nau yaajiwaꞌu, tua yoꞌori
maisi suum watchisi ujyoisi katekai aman kiimuk, junamaꞌa
juꞌu sontaoraatau yoꞌo yaꞌarimmake, intok junamaꞌa bweꞌu
joꞌarapo yoemratau yoꞌoraatamake jap sakakai. Juꞌu Peejto,
jukaꞌ Paplota aman yeu toji tebok.
\v 24 Intok junak juꞌu kobanaao Peejto:
\p ―Empo, cheꞌa yoꞌo yaꞌari, Akriipaꞌ teame achai, intok
emeꞌe yoꞌooraa achaim iꞌan inim itomak nau aneme, emeꞌe
iꞌan em inim aꞌ bicha inikaꞌa oꞌouta. Inim juriom betana,
juebenaka aapoꞌik bejeꞌeka neu noklam. Kia aman bweꞌu
joꞌara Jerusalen teaꞌpo, intok kia inim joꞌara Sesareaꞌ
teaꞌpo juniꞌi, intok inimeꞌe, aapoꞌik mukneeꞌuta jiba
inim neu aꞌ teuwaa ―ti jiiak―.
\v 25 Taa nee betchiꞌbo iniꞌi, ka tuꞌika junae betchiꞌbo
aꞌ meꞌetunee nee kaita aꞌ yaꞌariꞌiti ea. Intok naa buustia,
jiba aapoꞌik, Romapo kateka, juꞌu cheꞌa yoꞌo yaꞌari Aukujtoꞌ
teamta betana aꞌ yaꞌuraa bittuanaaꞌuta aꞌ aꞌawakai, iꞌan
inepo, junaman aꞌ bittuabaekaꞌea.
\v 26 Intok inepo inia betana, witti lutuꞌuriata, juꞌu
in yoꞌowe, Romapo cheꞌa yoꞌotaka katekamtau, kaita jiꞌojte
machikai, inim nee emo bichapo nee yeu aꞌ tojiri, intok
cheꞌa juniꞌi bat naataka ee bichapo, empo achai yoꞌo
yaꞌataka Akriipaꞌ teame, junuen inim, aapoꞌik em aꞌ tetemaeka,
chukula aapoꞌik betana em nee tejwaaka, jitat in jiꞌojteneeꞌu
betana juꞌunee betchiꞌbo.
\v 27 Bweꞌituk inien senuk etaꞌitaka, juchi taꞌabwiku
bichaa aꞌ bittuaka intok junae betana juꞌu ka tuꞌik
aꞌ yaꞌari betana kaita ae betana teuwaakai, iniꞌi, nee
betchiꞌbo tua ka suawa maisi yeu weama ―ti ameu jiiak.
\c 26
\s Juꞌu Paplo, juꞌu yoꞌo yaꞌari Akriipaꞌ teamtau, jaisa au yeu aꞌ sikaꞌapo aꞌ teuwaa
\p
\v 1 Junako juꞌu yoꞌo yaꞌari Akriipaꞌ teame, junamaꞌa
Paplotau:
\p ―Iꞌan empo a emo nokria ―ti au jiiak.
\p Junako juꞌu Paplo, weyeka, naj mamaka, aapo junamaꞌa
nok taitek:
\p
\v 2 ―Tua nee allea iꞌan im ee bichapo anekai, empo, cheꞌa
yoꞌo yaꞌari Akriipaꞌ teame achai, junuen inepo inim siꞌimeta
jumeꞌ juriom nee bejeꞌeka bem teuwaalaaꞌu betana nee
a ino nokria betchiꞌbo.
\v 3 Junuen inim itepo juriomtaka, ito nasuk itom au
joiwalataka itom boꞌo jooriaꞌut intok iꞌan lautipo jukaꞌ
inim ito betana weyeka ka nanau machik itom tuꞌutebaeꞌut,
iniat siꞌimekut em tuꞌisi juꞌuneaꞌut, juꞌuneakai. Jiba
inia betchiꞌbo san, chuubaa juniꞌi, nee jiokoeka nee jikkajine
―ti jiiakai―.
\s Juꞌu Paplo aꞌ teuwaa, kee Krijtota sualeka, jaisa aꞌ jiapsakaꞌpo
\p
\v 4 ’Siꞌime juꞌu inim jurio yoemra juꞌunea, bempoꞌim
nasuk in bwiaarapo intok kia jum bweꞌu joꞌara Jerusalen
teaꞌpo, in ili usitukaꞌpo naateka jachin in jiapsakaꞌu.
\v 5 Jiba bempo, inimeꞌe ket juꞌunea, intok junen eaꞌateko,
aꞌ teuwaane, in juꞌubwa yoꞌotukaꞌpo naateka, jumeꞌ paiseeompo
taꞌeewame, inim Liojta jachin itom sualeꞌuta, cheꞌa yumaꞌisi
aet yeu yumame, inime mak in naꞌikiatusukaꞌuta.
\v 6 Intok iꞌan inepo inien, inim nunuꞌ bwiaka nee yaꞌuraa
bittuawa, taa jiba senu weemta, inikaꞌa in aꞌ bit boꞌo
bichaꞌu betchiꞌbo, iniꞌi, chukula, Liojta jumeꞌ kokkoarim
aapoꞌik am jiabijtetuaneeꞌuta, ket, jiba aapoꞌik, wameꞌe
bat naataka itom yoꞌowasukaꞌum aꞌ bitneꞌeti jiaka aapoꞌik
ameu aꞌ teuwaakaꞌu benasia.
\v 7 Siꞌime jumeꞌ inim woj mamni ama woika, Ijraꞌel tukaꞌuta
yoemiam, ito benasi inim yoemra, inikaꞌa teuwaari chupneemta
aꞌ bit boꞌo bichaka jiapsa. Intok iꞌan, jiba inia betchiꞌbo
bempo, Liojta aꞌ alleetuabaeka aꞌ yoꞌore intok tukaariat
intok taewait naa buustia aꞌ sual taꞌaaka jiapsa. Iꞌan
intok jiba inikaꞌa chukula itom bit boꞌo bichaꞌu betchiꞌbo
junen, jumeꞌ juriom nee bejeꞌeka nooka, empo achai yoꞌo
yaꞌari Akriipa.
\v 8 Junak su, jaisa emeꞌe ket junuen jukaꞌ Liojta jumeꞌ
kokolam, aapoꞌik juchi am jiabijtetuaneeꞌuta ka inien
aꞌ suale jaꞌani.
\s Juꞌu Paplo, jaisa Krijtota sualeme bejeꞌeka aꞌ aneꞌepo au teuwaa
\p
\v 9 ’Jiba nee, inepo ket bat naataka inien, wameꞌe aapoꞌik
Jesujta, joꞌaraa Nasaret teaꞌpo jometa aamak eaka aꞌ
sualeme, junameꞌe bejeꞌeka, juebenaka ka tuꞌik in jooneeꞌu
nee inien neu aꞌ lutuꞌuria ti ean.
\v 10 Intok jiba nee jum bweꞌu joꞌara Jerusalen teaꞌpo
junuen inikaꞌa yaak. Jumeꞌ bweꞌu teꞌopopo tekiakammeu
yoꞌowem betana inen junau lutuꞌuriakai, inepo junameꞌe
Krijtota sualeme betana juebenam nee am etaꞌatebok.
Intok inime betana watem suꞌawao juniꞌi, nee, jumeꞌ am
suꞌabaemmak nee e ean.
\v 11 Jue benasi nee bempoꞌim nee jiokot am joosuk junuen
Krijtota bem aꞌ sualeꞌuta am koptatuabaekai. Inien nee
siꞌime jumeꞌ juriom teꞌopommet weamaka inikaꞌa jooan.
Intok junuen nee, inepo tua am omtakai, kia nee omot bwiaarau
bwere joꞌarampo chiktia, nee ameu suaka, weamsuk.
\s Juꞌu Paplo juchi aꞌ teuwaa, Krijtota jaisa aꞌ sualekaꞌpo
\p
\v 12 ’Jiba inia betana weyemta boꞌo jooriaka, inepo,
bweꞌu joꞌara Lamajkoꞌ teaꞌu bicha ne weyen. Junae weyemta
inepo, jumeꞌ teꞌopopo tekiakammeu cheꞌa yoꞌowem betana,
in yaꞌaneeꞌut lutuꞌuriaka intok ame betana aman saiwakai.
\v 13 Taa junam bicha boꞌot weyekai, inepo, luula kateko,
teeka betana tachiriata, juꞌu taꞌata bepa juniꞌi cheꞌa
utteꞌakamta nee bichak. Iniꞌi tachiria nee konila, intok
jumeꞌ nemak kateme konila, itot koꞌom tachiriakai.
\v 14 Junak siꞌime tee junamaꞌa wawattek. Junamaꞌa intok
ket, inepo, jiawaita Epreeo nokpo nokaka: “Empo Saulo,
jaisaaka empo neu suaka, net chaꞌaka weama. Inien jiba
empo suꞌe ka tuꞌik emo jariuria, jiba jukaꞌ boejta, kutata
bwawik aꞌ temuka, au koꞌokosi aꞌ joaꞌa benasi”, ti neu
jiamta nee jikkajak.
\v 15 Junako inepo: “Achai, jabesa empo”, ti ne au jiiak.
Junak beja aapo juꞌu yoꞌowe: “Ineponee junaꞌa, Jesus,
juꞌu aet chaꞌaka weamaka em au suaꞌu”, ti neu jiiak.
\v 16 “Taa kikteꞌe bweꞌituk iꞌan inim nee eu ino yeu
machiak, junuen, in enchi joo iꞌaꞌuta em aꞌ jooneꞌ betchiꞌbo.
Intok junuen ket, jukaꞌ iꞌan em bichakaꞌuta intok kia
jukaꞌ chukula nee betana em juꞌuneiyaaneeꞌuta juniꞌi,
yeteu em aꞌ teuwaaneꞌ betchiꞌbo nee enchi yeu puꞌari.
\v 17 Inepone, jumeꞌ juriom betana, intok ketchia, jumeꞌe,
omot bwiaarapo ka juriom betana, kaita em bitneꞌ betchiꞌbo
nee enchi aniane. Jiba inimeꞌe ka juriommeu inim em
ameu weeneꞌ betchiꞌbo nee enchi ameu bittuabae.
\v 18 Inimmeu nee, inepo enchi ameu bittua, junuen, ka
bibichame benaka, inimeꞌe, Liojta betana juꞌu lutuꞌuriae,
taꞌabwisi weyeka bem joaꞌu betana, junae juchi am bittuakamta
benasi em am anianeꞌ betchiꞌbo. Intok junuen, ka intok
juꞌu bebejeꞌerita betana ka tuꞌikut kobaꞌimtaka, ala,
achai Liojta mak eaka bem jiapsineꞌ betchiꞌbo. Intok
ketchia, bempoꞌim nee sualeka intok nee betchiꞌbo, bem
ka tuꞌuwa yaꞌarimmet jiokoitaka intok junuen, siꞌime
wameꞌe, wepulsi Liojta betchiꞌbo bem jiapsineꞌ betchiꞌbo
yeu puꞌarimmak naꞌikiaritaka, jukaꞌ jiba yuu jiapsiwamta
bem bitneꞌ betchiꞌbo”, ti neu jiiak.
\s Juꞌu Paplo, Krijtota aꞌ joo iꞌaꞌu, aꞌ joo sime
\p
\v 19 ’Junuen san, empo achai yoꞌo yaꞌari Akriipa, junakaꞌa
teeka betana machilaae in tekil makri, kannee aꞌ koptak.
\v 20 Ala inepo, cheꞌa bat, jum joꞌara Lamajkoꞌ teaꞌpo
anemmeu nee jukaꞌ Krijtota nok lutuꞌuriata nee ameu
aꞌ juꞌuneiyaa tebok. Chukula nee ket jum bweꞌu joꞌara
Jerusalen teaꞌpo intok inim bwiaara Jureaꞌ teaꞌpo siꞌimekut
intok ketchia, wameꞌe ka jurio yoememmeu nee ameu nookak,
inimeꞌe, ka tuꞌik betana emo temaeka aꞌ koptaka intok
achai Liojta mak bem eaka jiapsineꞌ betchiꞌbo, intok
taꞌabwisi bem jiapsaꞌuta teuwaaka, tuꞌik boꞌo jooriaka
bem jiapsineeꞌu betana, aꞌ tetteuwaan.
\v 21 Jiba inia betchiꞌbo jumeꞌ juriom jum Liojta teꞌopopo
nee bwisek intok inimeꞌe junamaꞌa nee meꞌebaen.
\v 22 Taa achai Liojta jiba nemaktuka nee aꞌ aniaꞌ betchiꞌbo,
inepo nee iꞌan tajtia ka taꞌabwisi eaka in joaꞌuta weetua,
inim inepo siꞌimemmeu, kia jumeꞌ eiyaawammeu intok kia
jumeꞌ ka eiyaawammeu juniꞌi, inepo, Jesukrijtota betana
weyemta nee ameu aꞌ teuwaa simekai. Inepo inimmeu nee,
kia taꞌabwik betana nee kaita yee majta. Kia nee, wameꞌe
bat naataka Liojta betana juꞌuneetuawaka, chukula yeu
weenemta teuwaame, intok jukaꞌ Moiseejtukaꞌuta, inimeꞌe,
chukula junuen yeu aꞌ weeneꞌeti jiakai.
\v 23 Inikaꞌa, jukaꞌ Krijtoꞌ teamta, tua jiokot au aꞌ
bitneeꞌuta, intok ket, aapoꞌik muksuka, chukula jumeꞌ kokkoarim
nasuk bat jiabijteneemta aapoꞌik aꞌ junaꞌa tuneeꞌu ti
jiakai. Intok ketchia aapoꞌik, kia inim jukaꞌ itom yoemrata,
intok wakaꞌa tattaꞌabwi yoemrata juniꞌi, tachiriata benaka,
Liojta betana jukaꞌ bemela nok lutuꞌuriata, aapoꞌik ameu
aꞌ nuꞌupaneeꞌuta, inikaꞌa yee majtakai ―ti jiiak.
\s Juꞌu Paplo, jukaꞌ Akriipata, Krijtota aꞌ sual iꞌaka au aꞌ nokakaꞌpo
\p
\v 24 Jukaꞌ Paplota au nokriaka inikaꞌa weyemta ketun
aꞌ teuwaao su, juꞌu kobanao Peejtoꞌ teame, chai nokpo:
\p ―Paplo, kateꞌe suatula. Unnaa em emo majtaꞌu enchi ka
suatelaa ―ti au jiiak.
\p
\v 25 Taa juꞌu Paplo inikaꞌa:
\p ―Kannee ka suatula achai kobanao yoꞌowe Peejto. Ala
inepo, juꞌu in teuwaaꞌu, iniꞌi suawaeka, ka kia beja teuwaari,
intok iniꞌi cheꞌa bat naataka lutuꞌuria ala.
\v 26 Juꞌu yoꞌo yaꞌari Akriipaꞌ teame junum aane inia
betana weyemtat tuꞌisi juꞌuneame. Inia betchiꞌbo inepo
witti, ka jain eaka inim ae bichapo nooka. Bweꞌituk juꞌuneane,
ketchia aapoꞌik siꞌimeta inikaꞌa in teuwaaꞌuta aꞌ juꞌuneiyaaꞌpo.
Iniꞌi su, ka kia jakun eusi yaꞌarita betana weyekai.
\v 27 Empo su, achai yoꞌo yaꞌari Akriipa, jukaꞌa, jumeꞌ
bat naataka Liojta betana juꞌuneetuawaka, chukula yeu
weenemta tetteuwaame, bem jiꞌojtekaꞌuta aꞌ suale, jaꞌani.
Juꞌuneanee inimeꞌe em am sualeꞌu ―ti au jiiak.
\p
\v 28 Juꞌu yoꞌo yaꞌari Akriipa intok aapoꞌiku:
\p ―Inim empo, lautipo, ka binwa Krijtota batte nee aꞌ sualtualaa
―ti au jiiak.
\p
\v 29 Junako juꞌu Paplo iniau:
\p ―Kia iꞌan lautipo, oo ka iꞌan lautia tuko juniꞌi, juꞌu
Lios iniat itom jikkajine, junuen, ka empo jiba, taa ketchia
siꞌimem jumeꞌ iꞌan inim nee jikkajame, Liojta betana
in mabetri, enchim ket aꞌ mabetneeꞌu betana, taa kia ka
inimeꞌe sisiꞌiwook wikiammake jiba ―ti au jiiak.
\p
\v 30 Chukula jukaꞌ Paplota noksuko, juꞌu yoꞌo yaꞌari
Akriipa kiktek. Intok ketchia juꞌu kobanaao intok junamaꞌa
juꞌu Bereniiseꞌ teame, intok siꞌime jumeꞌ wate ama jokaꞌum,
inimeꞌe japteka,
\v 31 intok junamaꞌa, omola sajak, juꞌu ama weyemtat nau
etejobaekai. Intok junamaꞌa inimeꞌe emo nasuk nokaka:
\p ―Iniꞌi oꞌou, aꞌ meꞌetuneꞌ betchiꞌbo, kaita ka tuꞌik yaꞌari.
Intok kia ka etaꞌituꞌeakai juniꞌi ―ti jiiak.
\p
\v 32 Juꞌu Akriipaꞌ teame, juꞌu kobanao Peejtoꞌ teamtau:
\p ―Iniꞌi oꞌou, aꞌ suꞌu tojinaꞌ betchiꞌbo jaibu aet nesausuꞌeewan,
aapoꞌik ka junuen juꞌu romaanom bwiaarapo cheꞌa yoꞌo
yaꞌata betana aꞌ yaꞌuraa bittuanaaꞌuta, ka jiba aapoꞌik
aꞌ aꞌaulatuko ―ti au jiiak.
\c 27
\s Juꞌu Paplo, bweꞌu joꞌara Romaꞌ teaꞌu bicha bittuawa
\p
\v 1 Junako junamaꞌa jum bwiaara Itaaliaꞌ teaꞌu bicha,
bawet itom bittuababaawako, juꞌu Paplo intok jumeꞌ waate
bwijrimtaka weiyaawame, inimeꞌe, senu sontao yaꞌut Juulioꞌoti
teakamta mampo suꞌu tojituk. Iniꞌi Juulioꞌ teame, senu,
tua juebenaka yaꞌuraa, Aukujtoꞌ teamta betana sontaaoraa
ti teakamta, yaꞌut taka naꞌikiaritukan.
\v 2 Junama itepo beja, junuen, senu bweꞌu kuta kanoau,
bawet boꞌo joobaeka tee ama jaꞌamuk. Iniꞌi, bwere kuta
kanoam yeu yaajaꞌa betana bawe mak bwikola bweꞌu joꞌara
Aramiitiaꞌ teaꞌpo attearitaka, intok bwiaara Aasiaꞌ teaꞌu
bicha, bawemak bwikola, wate bwere joꞌarammeu yeu yebijneeka,
jaibu yeu simekai. Junamaꞌa ket seenu, bwiaara Maserooniaꞌ
teaꞌpo, bweꞌu joꞌara Tesaloonikaꞌ teaꞌpo jometaka, Arijtarkoꞌ
teaka, ket itomak weyen.
\v 3 Juchi yokoriapo, itepo senu bweꞌu joꞌara, bwere kuta
kanoam yaajaꞌpo Siron teaꞌu te yeu yajjak. Junamaꞌa
juꞌu sontao yaꞌut Juulioꞌ teame, jukaꞌ Paplota, aamak
tuꞌika, tua junamaꞌa junuen jumeꞌ aapoꞌik Paplota taꞌaaꞌummeu
aꞌ noitak intok juname betana tuꞌisi aꞌ bitnaꞌ betchiꞌbo
ameu aꞌ suꞌu tojak.
\v 4 Junamaꞌa, bweꞌu joꞌara Siroon teaꞌa betana, bawet
yeu sajakai, itepo jukaꞌa, baꞌapo yeu kateka, bwiaara Chipreꞌ
teamta, mikkoꞌotana itou aꞌ tawaarika, te aet waꞌam sajak,
jekata utteꞌaka itom nankeka itot aꞌ weyeꞌ betchiꞌbo.
\v 5 Bichau bicha, bwiaaram Siliisia intok Pampiiliaꞌ
teaꞌabewit bawet boꞌo joakai intok, itepo bwiaara Liisiaꞌ
teaꞌu, baweu, senu bweꞌu joꞌara Miiraꞌ teaꞌu tee yeu yajak.
\p
\v 6 Junamaꞌa juꞌu, jumeꞌ sontaaommeu yoꞌowe, Juulioꞌ
teame, senu bweꞌu kuta kanoata, bweꞌu joꞌara Alejanriaꞌ
teaꞌa betana attearitaka intok bwiaara Itaaliaꞌ teaꞌu
bicha simemta ama teak. Intok aapo, bichau bicha bawet
boꞌo joo betchiꞌbo, junamaꞌa itom jikau jaꞌamutuak.
\v 7 Jaiki taꞌapo tee tua laaauti boꞌo joak intok junuen
itepo jiokot anpo katekai, baweu, bweꞌu joꞌara Niiroꞌ
teaꞌabewit tee rejten. Junamaꞌa itepo ketun jukaꞌ bweꞌu
jekata itom nankika aꞌ weyeꞌ betchiꞌbo, ket senu bweꞌu
joꞌara Salmoon teaꞌabewit te aet waꞌam sajak, junamaꞌa
senu bwiaara, bawepo yeu kateka, Kreetaꞌ teamta kontakai.
\v 8 Intok junuen itepo, jekata betchiꞌbo jiokot anpo,
bwiau ka mekka binwaa boꞌo joaka, aet chukula itepo, baweu,
senu joꞌara Ujyoika ama Jajaptewame ti taꞌeewaꞌpo, iniꞌi
ket, senu bweꞌu joꞌara Laseaꞌ teaꞌu ka mekkaa, junama
te yeu yajak.
\p
\v 9 Junamaꞌa itepo rejtekai, jaibu juebena taewaim taꞌarulatakai
intok junamaꞌa ket, bawet boꞌo joo betchiꞌbo ka tuꞌi
maisi jinilwachiakan. Bweꞌituk junamaꞌa, baji metpo sebenemta
abe aꞌ yumaꞌaneeka, inia betchiꞌbo juꞌu Paplo bempoꞌimmeu
nookak,
\v 10 intok aapo:
\p ―Achaim, inim bawet itom boꞌo jooneeꞌuta, tua ka tuꞌisi
jinilwatchisi yeu weene. Bweꞌituk itepo inikaꞌa bweꞌu
kuta kanoata intok jukaꞌ inim weiyaawamta tee aꞌ taꞌarune.
Intok kia itepo juniꞌi, a ama kokko ―ti ameu jiakai.
\p
\v 11 Taa juꞌu, sontaaommeu weyekame, jukaꞌ kuta kanoata
atteakamta intok jukaꞌ au yoꞌo kechaꞌita, bem teuwaaꞌuta
cheꞌa sualek, Paplota teuwaaꞌuta bepa.
\v 12 Intok junamaꞌa joꞌara itom aneꞌepo seberiat ama
joo betchiꞌbo ka tuꞌireakai, junamaꞌa batte siꞌime jumeꞌ
boꞌo joame, ama bem yeu katneeꞌuta cheꞌa aꞌ tuꞌurek.
Junuen bempo, jumak juniꞌi, joꞌara Peniisiaꞌ teaꞌu emo
yeu yaji machiakai, jiba junama Kreetaꞌ teaꞌpo, senu inim
bawe mayoau joꞌara kuta kanoam ama yaajiwaꞌawi. Inim
bwekasi, taꞌata yeu weamaꞌu luula, batte konila baꞌae
jawwoikai. Intok bempo junamaꞌa seberiata simsuꞌpo tajtia
ama tawabaekai.
\s Jum bawepo juꞌu bweꞌu jeeka
\p
\v 13 Junako intok, junamaꞌa luula yeejteꞌe betana, junae
taewait aꞌ tuꞌineeꞌuta teuwaamta benaka, ujyoisi jekaꞌ
betchiꞌbo, bempo junamaꞌa bichau bicha a emo boꞌo joo
machian. Junuen junamaꞌa sep yeu sajaka intok bempo
junae bwiaara Kreetaꞌ teaꞌamak bwikola, bawet boꞌo joo
japtek.
\v 14 Taa junamaꞌa chukula, seej chukti, jeeka eurakiilonpo
taꞌeewame, tuꞌisi utteꞌakai itom ama kateꞌut wee taitek.
\v 15 Junaꞌa, omot bicha aꞌ weiyaa taitek jukaꞌ bweꞌu
kuta kanoata. Junakaꞌa bweꞌu jekata nankika, kaakun a
katekai, junak san itepo, kia te au ito suꞌu tojak.
\v 16 Junuen itepo kateka, senu ili bwia bawepo yeu kateka,
Kaauraꞌ teaꞌabeasi tee waꞌam sajak. Junamaꞌa juꞌu jeeka
ka tua utteꞌakan intok itepo junamaꞌa, jukaꞌ ili kuta
kanoata, bwiau aet yeu koꞌom chep cheptiwamta amapo chaꞌasimemta,
binwaa ae anekai, te jiokot anpo jikau bicha aꞌ yechaka,
kutti aꞌ sumak.
\v 17 Chukula inikaꞌa jikau aꞌ yechaꞌasukai, bempo jukaꞌ
bweꞌu kuta kanoata ania betchiꞌbo, bwere wikiammea yeu
tajti aꞌ wikojtuak. Iniat chukula bempo, omot bicha, seꞌepo
Sirteꞌ teaꞌpo emo tawaa majjaekai, bempo, jekae aꞌ weiyaame,
jumeꞌ bwebbweka tajoꞌorim, tebe kutat chaꞌakame, koꞌom
yechak. Intok junak, inimeꞌe juꞌu bweꞌu jekau emo suꞌu
tojak.
\v 18 Yokoriapo taewapo jukaꞌ bweꞌu jekata ketun aꞌ
utteꞌakaꞌ betchiꞌbo, bempo, jukaꞌ bweꞌu kuta kanoata puꞌateꞌuta
baꞌau aꞌ woꞌota japtek.
\v 19 Intok inim jaibu baji taewaita weyekai, itepo, junamaꞌa
juꞌu bweꞌu kuta kanoapo sawaawamta, itom maammea tee
baꞌau aꞌ woꞌotak.
\v 20 Juebena taewaimpo itepo jukaꞌ taꞌata intok kia
jumeꞌ chokim juniꞌi, tee ka am bichak. Intok jukaꞌ bweꞌu
jekata jiba ka chaꞌatuka itot aꞌ weyeꞌ betchiꞌbo, itepo
jaibu kaachin ito itepo jiapsi machian.
\p
\v 21 Juebena taewaim itepo ka jiꞌibwalamtakai, juꞌu
Paplo ameu nau chaaeka, ame nasuk kikteka intok:
\p ―Achaim, siꞌime tuꞌisi yeu we ean, emeꞌe, in teuwaakaꞌuta
aꞌ sualeka aꞌ nok jikkajilatuko, intok itepo jum bwiiara
Kreetaꞌ teaꞌpo ka yeu sajakai, intok iꞌan itepo inim
ka jiokot ito bichakai intok siꞌimeta inikaꞌa inim ka
aꞌ taꞌaruko ―ti ameu jiiak―.
\v 22 Taa kateꞌem koꞌom ea, bweꞌituk inim ito betana
kaabe te kokkone. Taa kia iniꞌi bweꞌu kuta kanoa jiba
nasontune.
\v 23 Bweꞌituk tukaapo senu ankeles neu au yeu machiak.
Iniꞌi, juꞌu Lios, ae betana weyeka intok aapoꞌik betana
tekilta in aꞌ jooriaꞌu, aapoꞌik betana neu bittuaritakai.
\v 24 Junaꞌa intok ankeles: “Kat majjae Paplo, bweꞌituk
utteꞌa, jum bweꞌu joꞌara Romaꞌ teaꞌpo, juꞌu cheꞌa yoꞌo
yaꞌaritau em yeu yebijneꞌpo. Intok jiba inien inim em
weyeꞌ betchiꞌbo, juꞌu Lios, siꞌimem jumeꞌ inim bweꞌu kuta
kanoapo emak aneme, inim kaachin bem auneꞌ betchiꞌbo
am jinneꞌune”, ti neu jiiak.
\v 25 Inien san beja achaim, ousia em ea. Bweꞌituk Liojtat
nee yoem ea. Inepo, tua jukaꞌ Liojta ankelejta neu aꞌ
jiakaꞌa benasia junuen yeu aꞌ weeneꞌpo ne juꞌunea.
\v 26 Taa ala, chukula, itepo senu bawepo yeu kateka ili
bwiau itepo yeu tojitune ―ti ameu jiiak.
\p
\v 27 Junama senu tukaapo, woj mamni ama naiki taewaim
weyeka katekai, aet chukula, bawe Aatriaꞌati teakaꞌpo
tee rejten, jekae naj nunuꞌ bwiakai. Junako junamaꞌa,
nasuk tukaata weyeo, jumeꞌe, jukaꞌ kuta kanoata weiyaame
juꞌuneꞌeak bwiau bem yajibokaꞌuta.
\v 28 Intok junak wikia temejtekamtae bempo koꞌom suꞌu
tojakai, baꞌata aꞌ tamachiabaekai intok ama senu taka
ama woj mamni ama busan batata ama tamachiak. Chukula
cheꞌa bichau juchi aꞌ tamachiak, junamaꞌa intok senu
taka ama woo busaniakan.
\v 29 Intok junak bempo, baꞌapo wajiwa bwere tetammeu
emo tajti majjaeka, junamaꞌa bweꞌu kuta kanoa ama tana,
naiki bwere sisiꞌiwookim wikiakame koꞌom am woꞌotak.
Intok bempo tua baa yeu matchuutuapeaka ama boꞌo bichak.
\v 30 Jumeꞌ kuta kanoapo tekipanoaka aꞌ weetuame, inimeꞌe
junamaꞌa ama yoꞌeebabaek. Intok inien eaka, bempo jukaꞌ
ili kuta kanoata ama aet yeu yaajiwamta, baꞌau koꞌom
aꞌ yechaꞌajaptek, inimeꞌe junuen, wate bwere sisiꞌiwookim
wikiakame, bichau bicha koꞌom am suꞌu tojame benasi anekai.
\v 31 Taa juꞌu Paplo juꞌu sontaommeu yoꞌota intok jumeꞌ
sontaaom, inimmeu:
\p ―Inimeꞌe iꞌan ka inim jikat am tawako, emeꞌe baꞌapo
kokkone ―ti ameu jiiak.
\p
\v 32 Junako jumeꞌ sontaaom, jumeꞌe, jukaꞌ ili kuta kanoata
aet chaꞌakaꞌuta wikiata chuktaka intok inikaꞌa baꞌau
koꞌom aꞌ jimmaak.
\p
\v 33 Matchuu ketwoo, juꞌu Paplo junamaꞌa siꞌimem jiꞌibwaneꞌ
betchiꞌbo ameu nookak intok aapo:
\p ―Iꞌan jaibu woj mamni ama naiki taewaim weye, emeꞌe
ka kokkocheka intok ka yumaꞌisi jiꞌibwakai ―ti ameu jiiak―.
\v 34 Nee em jikkaja, enchim jiꞌibwaneꞌ betchiꞌbo nee
emou nooka. Iniꞌi emou tuꞌika enchim aniane. Bweꞌituk
inim itepo siꞌime tee, yumaꞌisi bwiau yeu yajinee kaachin
aulatakai ―ti ameu jiiak.
\p
\v 35 Inien ameu jiusukai juꞌu Paplo, paanim nuꞌuka intok
junamaꞌa ame bichapo ame betchiꞌbo Liojta bai saek.
Junak aapo am rebektaka am bwaꞌa taitek.
\v 36 Chukula junamaꞌa siꞌime aꞌ bichaka, emo alleetuaka
intok ket jiꞌibwak.
\v 37 Junamaꞌa itepo siꞌime nau, wooi siento ama baji
taka ama woj mamni ama busaniakan.
\v 38 Intok bempo siꞌime yumaꞌisi jiꞌibwasukai, chukula,
junuen jukaꞌ kuta kanoata ka betteneꞌ betchiꞌbo, jumeꞌ
tiikom baꞌau woꞌotak.
\s Bawepo jukaꞌ kuta kanoata koꞌom kibakekaꞌpo
\p
\v 39 Junako jaibu matchuusuko, jumeꞌe, jukaꞌ kuta kanoata
weiyaame, junamaꞌa bwiaarata ka aꞌ taꞌaak. Taa bempo,
bwiau yeu yaji betchiꞌbo, bwiau bwekasi baꞌata yanti
manekaꞌpo, seꞌe paꞌariata bichaka intok bempo jukaꞌ bweꞌu
kuta kanoata aman aꞌ ruktababaek.
\v 40 Jumeꞌ sisiꞌiwookim ammea sumaꞌim, bwere wikiam
chuktaka, baꞌapo am suꞌu tojak. Intok jukaꞌ kuta kanoata
ae kua kuakteꞌuta aꞌ tekipanoaneꞌ betchiꞌbo aꞌ buttak.
Junak intok, bicha tana jumeꞌ bweꞌu tajoꞌorim jekata
betchiꞌbo kutat jikau chaꞌakame, jikau am sumak. Junako
juꞌu bweꞌu kuta kanoa, seꞌe paꞌariau bicha rukti taitek.
\v 41 Taa iniꞌi junama mayoau, wooi seꞌe rumuꞌuriam nasuk,
tua jukaꞌ baꞌata au aꞌ nankeꞌu su kibakek. Intok iniꞌi
kuta kanoa jum seꞌepo bicha tana aꞌ bwawia junama seꞌepo
kibakek intok junamaꞌa kutti chuꞌaakai. Juꞌu intok ama
tana weeme, baꞌa biaktiam tua utteꞌakammea, jaamola kotti
taitek.
\v 42 Junako jumeꞌ sontaaom, jumeꞌ bwijrimtaka weiyaawame,
am suꞌabaen junuen inimeꞌe ka yeu bajumeka am sakaꞌaneꞌ
betchiꞌbo.
\v 43 Taa juꞌu, jumeꞌ sontaommeu yoꞌowe, junamaꞌa jukaꞌ
Paplota jinneꞌubaeka, intok aapo, inimeꞌe ka aet am sawek.
Ala aapo nesawek, jumeꞌ a bajumeme, bwiau yaji betchiꞌbo,
bat baꞌau bem wattineꞌ betchiꞌbo.
\v 44 Intok junamaꞌa jumeꞌ waatem, inimmet chaꞌaka junamaꞌa
kuta kanoapo kuta kottiammet oo kuta reebeimmet, oo watemmet
yeu am kat saek. Junuen san siꞌime, kaabe beꞌeeka kaita
bichaka, waki bwiau yeu yajak.
\c 28
\s Paplo jum bwia bawepo yeu kateka, Maltaꞌ teaꞌpo aane
\p
\v 1 Junako junamaꞌa jaibu siꞌime yeu yajisukai beja,
junamaꞌa bawepo yeu kateka, ili bwiaarata, Maltaꞌati aꞌ
teuwaawaꞌpo te juꞌuneak.
\v 2 Junamaꞌa jumeꞌ yoemrataka ama jiapsame, tuꞌisi itom
mabetak. Bweꞌituk bempo junamaꞌa tua sebeka intok yukuta
itot weyeꞌ betchiꞌbo, bweꞌum nayaka intok junamaꞌa itom
sukau betchiꞌbo itom aman ameu nunuk.
\v 3 Junak intok juꞌu Paplo, junamaꞌa kuta wakiam iliikim
nuꞌuka intok junameꞌe, aapo jum tajiu am woꞌotan. Junako
junamaꞌa weyeka, baakot tataleka yeu buiteka, mampo aet
chaꞌatuk.
\v 4 Junako jumeꞌ ama joomem, jukaꞌ bakotta, Paplota mampo
chaꞌakamta aꞌ bichakai, bempo ama nau:
\p ―Iniꞌi oꞌou jiba tua yee suꞌari. Bweꞌituk jum bawepo
ka mukuka juniꞌi, juꞌu Lios ka aꞌ jiokoeka, ka aꞌ jiapsi
iꞌa ―ti nau jiian.
\p
\v 5 Taa junako juꞌu Paplo, jukaꞌ bakotta, tajipo koꞌom
aꞌ tatakek intok aapo kaachin aayuk.
\v 6 Junameꞌe siꞌime aꞌ mam baji machian, oo junamaꞌa
sep aꞌ muk machian. Taa chukula, binwaa boꞌo bichakai
junak kaachin aꞌ ayuko aꞌ mammateka, inimeꞌe taꞌabwisi
aet eaka intok inimeꞌe, jukaꞌ Paplota, ka inim ito benasi
yoeme ti jiu japtek.
\p
\v 7 Junamaꞌa itom yeu yajakaꞌpo ka mekkaa, jum bawepo
yeu kateka bwiaarapo juꞌu ama yoꞌo yaꞌari, Puuplioꞌoti
teakamta, tuꞌik aꞌ attea intok waj bwiam ka mekka aꞌ
jipuen. Junamaꞌa aapo itom mabetaka intok baji taꞌapo
siꞌimekut tuꞌisi itom bichak.
\v 8 Junamaꞌa juꞌu yoꞌowe Puuplioꞌ teamta aꞌ achaiwa,
ama boꞌokan. Iniꞌi aapo unnaa tompo koꞌokoeka intok
taji wechekai. Juꞌu Paplo iniau noiteka intok aapo, chukula
Liojtau bicha aꞌ nokriasukai, ae bepa mamteka au aꞌ ineꞌetetuak.
\v 9 Inikaꞌa aꞌ yaako, chukula junamaꞌa bwiapo siꞌime
jumeꞌ wate koꞌokoeme aapoꞌiku yajaka intok ket au emo
ineꞌetek.
\v 10 Intok bempo, tuꞌisi itom bem yoꞌoreꞌ betchiꞌbo,
itom miikak. Intok chukula, juchi weeꞌpo bawet boꞌo joobaeka,
juchi taꞌabwi bweꞌu kuta kanoapo jaꞌamubaao, boꞌot betchiꞌbo
siꞌimeta itou beꞌeemta itom makak.
\s Juꞌu Paplo, bweꞌu joꞌara Romaꞌ teaꞌu yepsa
\p
\v 11 Junamaꞌa bawepo nasuk bwiata yeu katekaꞌpo itepo
baji metpo ama aneka, junamaꞌa senu bweꞌu kuta kanoa,
jiba junamaꞌa siꞌime seberia meecham ama anekaꞌpo itepo
ama jaꞌamuk. Iniꞌi, bweꞌu joꞌara Alejanriaꞌ teaꞌa betana
attearitaka intok ket, kutae yaꞌarim, bem sualeꞌum, Kajtor
intok Poluk ti teakame, bicha tana aet joꞌarim tukan.
\v 12 Bawet boꞌo joaka intok, baweu senu bweꞌu joꞌara
bwere kuta kanoam yeu yaajiwaꞌu, Sirakuusaꞌati teakaꞌu
te yajak. Junamaꞌa itepo baji taꞌapo ama taawak.
\v 13 Intok junama naateka, itepo, tebesi bwiau jeela
bawet boꞌo joaka, senu baweu bweꞌu joꞌara Reejioꞌ teaꞌu
te yeu yajak. Yokoriapo, luula yejteꞌe betana jek taitekaꞌ
betchiꞌbo te ama yeu sajak, intok juchi yokoriapo itepo,
baweu, kuta kanoam yaajaꞌu, bweꞌu joꞌara Poteoliꞌ teaꞌu
te yeu yajak.
\v 14 Junamaꞌa itepo, wate Krijtopo itomak werim te ama
taꞌaak. Bempo intok, woo busan taꞌapo amemak itom tawaneꞌ
betchiꞌbo itom nunuk. Junaet chukula intok, bweꞌu joꞌara
Roomaꞌ teaꞌu bicha te yeu sajak.
\v 15 Jumeꞌe, bweꞌu joꞌara Roomaꞌ teaꞌpo joꞌaaka, Krijtota
sualeme, jaibu itom juꞌuneiyaan. Junuen san bempo boꞌot
aman yajiwaꞌu, Pooro Aapioꞌoti teaꞌpo intok ket omot
Baji Tabernam teaꞌu tajtia itom nankek. Am bichakai
juꞌu Paplo, Liojta bai saek intok aapo yumaꞌisi jiapsi
yejtelatakai.
\v 16 Junako itepo jum bweꞌu joꞌara Romaꞌ teaꞌpo jaibu
yajilamtakai, juꞌu sontaommeu yoꞌowe, jumeꞌ watem bwijrimtaka
weiyaawame, juꞌu aman sontao kariu yee suuatuawammeu
yoꞌotau am tojak. Taa aapo, jukaꞌ Paplota, omot, senu karipo
aꞌ joꞌaneꞌ betchiꞌbo, senu sontaao ama aꞌ suatuawamta
make ama tawaawak.
\s Juꞌu Paplo jum bweꞌu joꞌara Romaꞌ teaꞌpo yee majta
\p
\v 17 Baji taewaika ama yebijlatakai, juꞌu Paplo, junamaꞌa
bweꞌu joꞌara Romaꞌ teaꞌpo, aapo jumeꞌ junamaꞌa, juꞌu jurio
yoemratau yoꞌooraa, nau am toji tebok intok junak, inimeꞌe
nau aneka, aapo:
\p ―Emeꞌe achaim nele benasi jurio yoemra. Ineponee kia
jukaꞌ jurio yoemrata bejeꞌeka intok kia bat naataka
itom yoꞌowasukaꞌum, bem au joiwalataka bem taꞌaaka bem
boꞌo jooriaꞌuta bejeꞌeka tua kaita yaꞌarika juniꞌi, jiba
nee inepo jum bweꞌu joꞌara Jerusalen teaꞌpo bwijritaka,
junamaꞌa, jumeꞌ inim joꞌara Roomaꞌ teaꞌa betana juꞌu
junama yaꞌuraatau nee yeu tojiwak.
\v 18 Junameꞌe nee yaꞌuraa bittuaka intok nee temaisukai,
bempo nee suꞌu tojibaen bweꞌituk bempo, junamaꞌa in meꞌetuneeꞌut
kaita net teakai.
\v 19 Taa jumeꞌ juriom jiba iniat nee bejeꞌeka japtek,
intok junamaꞌa inepo, ka baeka juniꞌi, inim juꞌu cheꞌa
yoꞌo yaꞌarita betana in yaꞌuraa bittuanaaꞌuta aꞌawak.
Kia inepo, jukaꞌ in bwiaarau yoemrata bejeꞌeka, inim yoꞌotau
kaita aꞌ teuwaaneeka juniꞌi.
\v 20 Jiba inia betchiꞌbo nee, inepo enchim nau yajineꞌ
betchiꞌbo ne nookak junuen enchim taꞌaabaeka intok emomak
etejobaekai. Bweꞌituk jiba itom, Ijraꞌel tukaꞌuta betana
yoemratat yeu katriam, Liojta betana chukula itom bit
boꞌo bichaꞌu betchiꞌbo junuen inepo nee inim sisiꞌiwook
wikiammea sumaꞌitaka ne aane.
\p
\v 21 Junako bempo aapoꞌiku:
\p ―Itepo inim, ee betana junaman te Jurea bwiaara betana,
jiꞌosia jiꞌojteita te kaita mabetlaa. Intok kia junaꞌabo
jumeꞌ ito benasi juriom inim yajilame, ka tuꞌik em yaꞌari,
kaita itou teuwaalaa ―ti au jiiak―.
\v 22 Taa ketchia, itepo jukaꞌ em teuwaaꞌuta aꞌ juꞌuneiyaapea.
Bweꞌituk itepote juꞌunea, siꞌimekut inikaꞌa bemelasi
weyeka sualwamta, aꞌ bejeꞌeka nokwaꞌu ―ti au jiiak.
\p
\v 23 Junuen san bempo, taewaita yeu puꞌaka aꞌ tejwaak.
Intok junae taewait, jum Paplota katekaꞌu, yoemra tua
juebenaka au nau yajak. Intok aapo, junamaꞌa, ketwoo naateka,
tua kupteꞌu tajtia, Liojta teekau cheꞌa yoꞌotaka aꞌ katekaꞌu
betana jukaꞌ nok lutuꞌuriata ameu aꞌ nookak. Junamaꞌa
junuen, aapo, Moiseej tukaꞌuta betana jiꞌosia jiꞌojteim
betana, intok jumeꞌ Liojta betana juꞌuneetuawaka, chukula
yeu weenemta teuwaamta jiꞌojteim betana ameu nokaka,
Jesukrijtota betana weyemta ama jiꞌojteita, ka taꞌabwisi
eaka am sual iꞌakai.
\v 24 Junamaꞌa, waate, jukaꞌ Paplota nokaꞌuta sualek.
Taa wate intok, inia betana ka aꞌ sualek.
\v 25 Intok junuen, bempo inia betana ka nau eakai, waate
sakaꞌajaptek. Junak juꞌu Paplo junammeu:
\p ―Juꞌu Liojta tuꞌu jiapsi, bat naataka itom yoꞌowasukaꞌummeu
jukaꞌ Isaꞌiaj tukaꞌuta aꞌ juꞌuneetuaka aꞌ noktuaka, lutuꞌuriata
teuwaak,
\v 26 inien junammeu:
\q Junae yoemratau noknee intok:
\q Emeꞌe, jukaꞌ lutuꞌuriata aꞌ jikkajine, taa junuentaka
juniꞌi, emeꞌe ka aet juꞌuneene.
\q Intok jukaꞌ in joaꞌuta, emeꞌe aꞌ bitne, taa emeꞌe, ka
aꞌ bichamta benasi, ka aꞌ juꞌuneiyaane,
\m ti ameu jiune.
\q
\v 27 Bweꞌituk iniꞌi yoemra, bem net jiapsekaꞌut aꞌ taꞌarula.
\q Intok inimeꞌe, jikkajaka juniꞌi, ka jijikkajame bebename.
\q Intok inimeꞌe emo puj pattai, junuen kaita bichaka intok
kia bem kaita jikkajineꞌ betchiꞌbo.
\q Intok kia junuen, jachin juniꞌi, ka tua junen jiaka net
juꞌuneebae.
\q Intok kia, inimeꞌe junuen in am jinneꞌuneꞌ betchiꞌbo,
\q Ka neu waatibaekai,
\m ti ameu jiakai.
\v 28 Junuen emeꞌe aꞌ juꞌuneiyaane, inim bichau bicha
inien jukaꞌ Liojta yee aꞌ jinneꞌuꞌuta, ka jurio yoemratau
bicha ket aꞌ teuwaanaaꞌuta. Intok junameꞌe, bempo ala
junakaꞌa jikkajaka, aꞌ mabetne ―ti ameu jiiak.
\p
\v 29 Junako jukaꞌ Paplota inikaꞌa teuwaasuko, jumeꞌ
juriom junama yeu sajak intok bempo naas nau nok nassuakai.
\p
\v 30 Juꞌu Paplo, junamaꞌa, karita aꞌ reu jinulaapo, juchi
wooi wasuktiapo ama taawak. Intok siꞌime jumeꞌ ama au
noitekame, alleaka am mabbetan.
\v 31 Junamaꞌa aapo, kaitat jain eaka, achai Liojta, teekau
yoꞌotaka aꞌ katekaꞌu betana siꞌimeta jukaꞌ lutuꞌuriata
aꞌ teuwaan. Intok yoꞌowe Jesukrijtota betana weyemta
yee maj majtan, junamaꞌa junae betana kaabe au suakai.