\id ROM
\h ROMAANOM
\toc1 ROMAANOM
\mt Romaanom
\c 1
\s Paplo, bweꞌu joꞌaraa Romaꞌ teaꞌu Krijtota sualemmeu jiꞌojte
\p
\v 1 Inepo nee Paploꞌ teame, wepulsi yoꞌowe Jesukrijtota
tekil joame. Inepo ne Liojta betana yeu puꞌari, junuen
yeteu bittuaritakai, intok Liojta betana nok lutuꞌuriata
yeteu aꞌ teuwaa betchiꞌbo aꞌ tekil maki.
\p
\v 2 Inikaꞌa Krijtota betana nok lutuꞌuriata, juꞌu Lios,
cheꞌa bat naataka naatekai, jaibu jum aꞌ nok lutuꞌuriapo,
watem, jumeꞌ chukula yeu weenemta teuwaaneeme juꞌuneetuakai,
inien aꞌ lutuꞌuriatek.
\v 3 Iniꞌi Liojta betana lutuꞌuria, itom yoꞌowe Jesukrijto,
juꞌu Liojta uꞌusi betana junen weye. Aapo, juꞌu Jesukrijto,
jukaꞌ cheꞌa yoꞌo yaꞌarita Labiitukaꞌuta yoemiam betana
inim yeu yoemtuk.
\v 4 Taa aapoꞌik Liojta betana aꞌ yoemiatukaꞌpo, utteꞌata
aet ayukaꞌue, Liojta tuꞌu jiapsie aniawaka junuen juꞌuneiyaawak,
kokkoarim nasuk aꞌ jiabijtekaꞌ betchiꞌbo. Tua junaꞌa
juꞌu itom yoꞌowe Jesukrijto.
\v 5 Aapoꞌik Jesukrijtota betchiꞌbo, juꞌu Lios inikaꞌa
tuꞌik itom yaꞌariak, ka itou aꞌ lutuꞌuriatuk juniꞌi, aapoꞌik
betana lutuꞌuriaka, yee itom majtaneꞌ betchiꞌbo itom
yeu puꞌak, yeteu itom bittuakai. Intok junuen, siꞌime
yoemrata belleꞌekatana, aꞌ sualeka intok aꞌ nok jikkajame
auneꞌ betchiꞌbo.
\v 6 Inimeꞌe betana emeꞌe aane, ket Liojta betana, Jesukrijtota
yoemiamtuneꞌ betchiꞌbo.
\p
\v 7 Inien nee emou jiꞌojte, siꞌime emeꞌe, jum bweꞌu joꞌaraa
Romaꞌateaꞌpo joꞌaakame. Jumeꞌ Liojta tuꞌisi nakeꞌum.
Intok wepulsi aapoꞌik betchiꞌbo jiba jiapsi iꞌawaka
emeꞌe yeu puꞌarim. Itom Lios achaita betana intok yoꞌowe
Jesukrijtota betana, emou tuꞌik enchim alleeneeꞌuta intok
yanti elwamta em bitne.
\s Paplo, bweꞌu joꞌaraa Romaꞌ teaꞌu noitibaeꞌpo
\p
\v 8 Cheꞌa bat naatakai, Jesukrijtota betchiꞌbo, siꞌimem
emo betchiꞌbo, ne in Liojta aet baisae. Bweꞌituk enchim
aꞌ sualeꞌpo junuen siꞌime aniat yeu tajtia juꞌuneiyaawa.
\v 9 Bweꞌituk Lios aapo, juꞌu tua junen jiaka, aapoꞌik
betana tekilta in aꞌ jooriaꞌu, aapoꞌik uꞌusiwa betana,
jukaꞌ nok lutuꞌuriata yee majtakai, aapo net juꞌunea,
jiba in emou waateka, au bicha in enchim nokriaꞌpo.
\v 10 Jiba nee Liojtau bicha in nokaꞌabeleki, ne au ujbwana,
aapoꞌik junen eaꞌpo aman, iꞌan jumakuꞌu ti eaka, jachinpo
juniꞌi a in aman enchim bitneꞌ betchiꞌbo, aapo tuꞌi boꞌota
nee makne.
\v 11 Bweꞌituk enchim ne bitpea, tuꞌisia. Intok junuen,
Liojta tuꞌu jiapsita betana weyeka a enchim jooneeꞌut
enchim au yumaꞌaneeꞌut enchim aniabaekai. Junuen, ka
taꞌabwisi intok eaka, cheꞌa tuꞌisi Krijtota enchim sual
sakaꞌaneꞌ betchiꞌbo.
\v 12 Inen ne jiubae oꞌoben, Jesukrijtota, itepo junuen
nau aꞌ sualeka, siꞌimem itom naas ito anianeeꞌu betana.
\p
\v 13 Krijtopo nemak werim, enchim ne juꞌunee iꞌa, jue
benasi in aman enchim bitpeaka juniꞌi, taa iꞌan tajtia,
ka a in emou weyeꞌpo. Emou ne noitibaekaꞌea, junuen emo
nasuk, Krijtota nok lutuꞌriata sualeka, cheꞌa juniꞌi yuꞌin
aꞌ mabetame bitbaekai. Inim aniapo omot jue benasi jaibu
inien in aꞌ bichaꞌa benasia.
\v 14 Bweꞌituk neu utteꞌa in yee majtaneꞌpo, kia am riekomtuko
juniꞌi, intok kia am taꞌabwi yoemratuko juniꞌi. Intok
jumeꞌ koba suawakame, oo kia jumeꞌ ka koba susuawakametuko
juniꞌi.
\v 15 Junuen san inen ne ea, inikaꞌa Krijtota betana
nok lutuꞌuriata, enchim, jumeꞌ bweꞌu joꞌaraa Romaꞌateaꞌpo
jomemmeu ket in emou aꞌ teuwaaneꞌpo, kaita neas aayuk.
\s Krijtota nok lutuꞌuria, utteꞌata aꞌ jipueꞌu
\p
\v 16 Inepone, jukaꞌ bemelaka, Krijtota nok lutuꞌuriata
betana jakwoo juniꞌi nee ka ae tana ino tiutua. Bweꞌituk
jiba iniꞌi junaꞌa, Liojta betana utteꞌaka aꞌ bitnaꞌ betchiꞌbo
weyeme. Junuen, siꞌimem wameꞌe, inikaꞌa sualeme am jinneꞌuneekai.
Junuen iniꞌi, cheꞌa bat naataka jumeꞌ juriom betchiꞌbo
weyekai. Taa ketchia siꞌime wameꞌe ka jurio yoemram
betchiꞌbo juniꞌi.
\v 17 Bweꞌituk inia nok lutuꞌuriae, itepo aꞌ juꞌuneiyaa,
Liojta junuen wepulsi Krijtota itom sualeka jiba junuen
a itom mabetaꞌpo. Intok ka taꞌabwisi intoko. Jum Liojta
nok lutuꞌuriapo aꞌ jiꞌojteiꞌi benasia: “Juꞌu junuen,
Liojta betana tuꞌisi mabetwakame, junuen aapoꞌik sualeka
jiba yuu jiapsine”, ti jiakai.
\s Yoemrata betana juꞌu ka tuꞌi ayukame
\p
\v 18 Bweꞌituk ite aꞌ juꞌuneiyaa, aapoꞌik Liojta teekapo
aꞌ katekaꞌa betana, siꞌime jumeꞌ ka aꞌ yoꞌoreka, ka tuꞌik
jiapseka intok ka tuꞌik joame, ama butti jiokot machika
ameu aꞌ chupneꞌpo. Inimeꞌe junaen ka tuꞌik boꞌo jooriaka,
Liojta betana jukaꞌ lutuꞌuriata, ka aꞌ juꞌuneiyaatebo.
\v 19 Bempo, jukaꞌ Liojta betana weyeka, a juꞌuneiyaatumta
juꞌuneiyaa. Bweꞌituk Lios, aapo ameu yeu aꞌ machiak.
\v 20 Bweꞌituk Liojta, ka bittaka, jiba yuu aꞌ jiapsaꞌuta,
juꞌu aapoꞌik juꞌunaktekaꞌue a juꞌuneiyaatu. Aniata juꞌunaktewakaꞌpo
naateka machisi juꞌuneiyaawa aapoꞌik aꞌ Liojtukaꞌpo
intok utteꞌata jiba yuu betchiꞌbo aet ayukaꞌpo. Junuen
san, bempo kaitat jiawitene.
\v 21 Jumeꞌ bat naataka katriam junuen Liojta taꞌaasuka
juniꞌi, ka aꞌ yoꞌorek intok ka aꞌ baisaek juniꞌi, ka aꞌ
Liojtukaꞌa benasia. Taa alam kaita tuꞌikut emo temai
japtek. Junuen san, tuꞌikut bem a mammateneeꞌuta, aꞌ taꞌaruk.
\v 22 Intok emo sussuawak ti jiaka juniꞌi, kaita suawata
amet ayukan.
\v 23 Intok jukaꞌ Liojta, jiba yuu jiapsamta, yoꞌori eiyaaꞌeewaꞌuta
koptak. Intok, senuk, inim yoemta, ka jiba jiapsinemta
bebenakutchi maammea yaꞌarika am yoꞌori betchiꞌbo. Intok
kia wikitchim bebenam yaꞌarita juniꞌi, intok bakotchim
bebenam intok ketunia, juyapo jumeꞌ jiapsame bebenam
yaꞌarikai.
\p
\v 24 Inia betchiꞌbo san, juꞌu Lios, junuen ka tuꞌik bem
boꞌo jooriapeaꞌu betana ka ameu suuaka, au am suꞌu tojak.
Intok junuen bempo naas nau tiusi machik yaak.
\v 25 Bweꞌituk bempo, Liojta betana jukaꞌ lutuꞌuriata,
bem taꞌaakaꞌuta, ka aꞌ mabetaka, jukaꞌ aa nokiꞌichiata
sualek. Intok Liojta betana jukaꞌ juꞌunakteita yoꞌorek.
Intok am nake. Intok tua jukaꞌ Liojta am juꞌunaktekamta,
junakaꞌa ka yoꞌorek, jukaꞌa, jiba betchiꞌbo aꞌ yoꞌorinaaꞌu
au aꞌ lutuꞌuriakaꞌuta. Tua junuentune.
\p
\v 26 Inia betchiꞌbo san, tua tiusi maachik bem boꞌo
joorianeꞌ betchiꞌbo ka ameu suuak juꞌu Lios. Junak san,
jumeꞌ jaamuchim juniꞌi, oꞌowim bem waataꞌaꞌeaꞌpo, bempo
su, cheꞌa emo waatan.
\v 27 Intok jiba benasia, jumeꞌ oꞌowim, jaamuchim waataꞌeaka
su, bempo su emo waatan. Intok chikti bem nau eaka, nanancha
oꞌowimtaka tiusi machik nau boꞌo joorian. Intok junae
betana, bempo junaen, siꞌimeta jukaꞌ ka ammaꞌali weyeka,
bem yaꞌari betana, bempo bem takaampo aꞌ inneꞌak.
\p
\v 28 Bempo, Liojta kaabetukaꞌa benasia, ka sualbaekai,
aapo juꞌu Lios, ka intok amemaktuka, siꞌimeta jukaꞌ ka
ammaꞌali weyeka bem eiyaaꞌu am suꞌu tojak. Junuen, jukaꞌ
ka jooꞌeewamta bem jooneꞌ betchiꞌbo.
\v 29 Intok siꞌime ka tuꞌisi weyeka amet aayuk. Ka am
jubeka, taꞌabwi jaamuchimmak emo tuꞌuren. Ka ammaꞌali
weyemta, jain juniꞌi, ka weelaꞌpo jita waatiawamta. Tokti
betchiꞌbo ka tuꞌik, jita nau nae. Yeem sussuꞌa. Nok nanassua.
Yeem bai tattaꞌaa. Ka tuꞌi yoemem. Aa nokiꞌichiata teuwaaka
yetet nooka.
\v 30 Ka tuꞌisi yetet nonoka. Liojtam ka tuꞌureka, omola
aꞌ tatawa. Kaabeta yoyoꞌore. Tuꞌisi emo jabele intok
emo cheꞌeware. Taꞌabwika, ka tuꞌik tua bem aꞌ yaꞌaneeꞌu
betana susuawak. Bem yoyoꞌowam ka nok jikkaja.
\v 31 Kaita mammate. Bem teuwaaꞌuta ka chuchupa. Bem
a yee nakneeꞌuta, ka taꞌaa. Kaitat yee jijiokoe. Yee
jiokoliwamta ka taꞌaa.
\v 32 Bempo tuꞌisi juꞌunea, jukaꞌ Liojta tua inikaꞌa
bejeꞌeka aꞌ nesawekaꞌut. Juꞌuneamme, inile benaka ka
tuꞌik boꞌo jooriame, bem kokkoneeꞌuta ameu aꞌ chupneꞌpo.
Taa junuentaka juniꞌi, jiba bichau bicha ka tuꞌik boꞌo
jooria. Intok bempo, watem ame benasi aneme, alleaka am
bicha.
\c 2
\s Juꞌu Lios, tua aꞌ lutuꞌuriatukaꞌpo aman yee yaꞌuraa bittua
\p
\v 1 Inia betchiꞌbo san, empo, kia jabetaka juniꞌi, watemmet
nokaka, ka tuꞌisi tawalaꞌati jiame, kaachin jiawitene.
Bweꞌituk junuen, watem ka tuꞌisi tawalaꞌati jiakai, empoꞌe
ka tuꞌisi emo tatawa. Empo junuen amet nokaka juniꞌi,
tua jukaꞌ bem joaꞌuta ket aꞌ jooa.
\v 2 Juꞌuneate, Liojta junuen, jumeꞌe, inikaꞌa weemta joame,
tua junuen aꞌ lutuꞌuriatukaꞌpo amani, ameu aꞌ chupaꞌaneꞌpo.
\v 3 Intok empo, jumeꞌ junuen junakaꞌa joame, ka tuꞌisi
tatawaame. Intok empo jiba junakaꞌa joakai, Liojta ka
tuꞌisi yee tawaaneeꞌu betana, kaachin empoꞌe ama yoꞌeene.
\v 4 Oo jaisa empo, jukaꞌ Liojta ka yee koptaka intok
tuꞌisi yee jiokoleka intok a yee boꞌo bichamta, kaitaꞌpo
aꞌ bichaka, omola aꞌ tawaa jaꞌani. Junuen aapoꞌik yee
aꞌ jiokoleeꞌuta, jiba au bicha enchi emo jiapsi kuaktaneꞌ
betchiꞌbo weyemta ka mammatekai.
\v 5 Taa empoꞌe tuaꞌe bettek jiapseka, ka Liojta noki
jikkaja. Intok empo, ka tuꞌik joowamta betana ka emo
temaibae. Inia betchiꞌbo san, empo, jukaꞌ taewaita, Liojta
yee aet aꞌ yaꞌuraa bittuaneeꞌut, jiokot maisi em bitneeꞌuta,
cheꞌa juniꞌi eu aꞌ buꞌuuria. Bweꞌituk aapo juꞌu Lios,
siꞌimemmeu tua ameu aꞌ lutuꞌuriatukaꞌpo aman, ameu aꞌ
chupaꞌane.
\v 6 Junak aapoꞌik, weꞌepulaim, jukaꞌ bem yaꞌari betana
junuen ameu aꞌ naꞌikiatuneeo.
\v 7 Wameꞌe, jukaꞌ aapoꞌik bichapo bem ae uttianaaꞌuta
intok ae bem eiyaanaaꞌuta intok jukaꞌ jiba yuu jiapsiwamta
aet bem bitneeꞌuta, inikaꞌa, ka aawas kopteka jukaꞌ tuꞌik
jiba bem joaꞌue aꞌ jaiwame, jiba yuu jiapsiwamta amet
autuane.
\v 8 Taa jumeꞌ yee bejeꞌeme intok Liojta betana lutuꞌuriata
ka jikkajaka, ka tuꞌik ala eiyaame, ka am jiokoleka, jiokot
ameu aꞌ chupaꞌane.
\v 9 Siꞌimem jumeꞌ ka tuꞌik boꞌo jooriaka jiapsame betchiꞌbo,
jiokot emo bitwame intok jiokot eewame ameu aune. Jumeꞌ
juriommeu batchia, intok ketchia, jumeꞌ ka juriom betchiꞌbo.
\v 10 Taa ala juꞌu Lios, am uttiateboka, yoꞌorisi am eiyaa
tebonee intok ka jain eaka jiapsiwamta amet autuane,
siꞌimem jumeꞌ tuꞌik boꞌo jooriame. Cheꞌa bat naataka
jumeꞌ juriom betchiꞌbo, intok ket jumeꞌ ka juriom betchiꞌbo.
\p
\v 11 Bweꞌituk juꞌu Lios, kaabem cheꞌa eiyaaka, watem
yeu beꞌaa.
\v 12 Bweꞌituk, Liojta betana nesaurim, Moiseejtukaꞌuta
jiꞌojteim, siꞌime jumeꞌ ka am juꞌuneiyaaka ka tuꞌik yaakame,
junameꞌe junuen, Liojta nesaurit ka juꞌuneaka juniꞌi,
kokkoneemme. Taa intok jumeꞌ junuen, Liojta betana nesaurim,
Moiseejta jiꞌojtekaꞌut juꞌuneaka juniꞌi, intok ka tuꞌik
yaakame, junameꞌe junen juꞌu Lios, junae betchiꞌbo, junae
nesaurie, ka tuꞌisi am tawaane.
\v 13 Bweꞌituk jumeꞌe, jukaꞌ nesaurita kia beja aꞌ jikkajame,
juꞌu Lios ka junaen am tuꞌu mabetne. Ala jumeꞌe, junakaꞌa
nesauta jachin aꞌ jiꞌojteipo aman jiapsame, junameꞌe
ala, ae tuꞌu mabetrimtune.
\v 14 Taa juꞌu tattaꞌabwi yoemra, ka juriomtakai, Liojta
nesauri jiꞌojteim, inimeꞌe betana ka juꞌuneakai, inimeꞌe,
jum nesauri jiꞌojteimpo weyemta, bem junuen yoememtaka,
jitat bem juꞌuneaꞌue aꞌ chupako, junak inimeꞌe, jitat
juꞌuneaka bem jiapsaꞌu, iniꞌi ame betchiꞌbo, nesauritaka
yeu weama.
\v 15 Bweꞌituk inimeꞌe, bem jachin emo ujuꞌuka bem jiapsaꞌue,
junuen emo juꞌuneiyaa tebo, Liojta nesauri jachin aꞌ
weyeꞌuta, yumaꞌisi bem am taꞌaꞌabebena. Bempoꞌim, tuꞌikut
oo ka tuꞌikut a bem juꞌuneaꞌu, iniat a ame tana aꞌ teuwaa
tebo. Intok chukula, bempo juꞌu bem jiapsaꞌut a bem emo
nokrianeeꞌut oo ka a bem emo nokrianeeꞌut emo juꞌuneiyaane.
\v 16 Jukaꞌ taewaita yumako, Liojta, siꞌime yoemrata betana,
bem joaꞌuta, kaabeta intok juꞌuneiyaaꞌu, weꞌepulaim, junaet
ameu aꞌ chupneeꞌut, am yaꞌuraa bittuao, Jesukrijtota siꞌimemmeu
yoꞌo yaakai. Aapoꞌik nok lutuꞌuriata in yee majtakaꞌuta
welisia, aꞌ lutuꞌuriatukaꞌa benasia.
\s Jumeꞌ juriom, intok juꞌu Moiseejtukaꞌuta nesauri jiꞌojtei weyeme
\p
\v 17 Taa empo emo jurio yoemra ti jiakai, intok empo,
nesauri, Moiseejtukaꞌuta jiꞌojtekaꞌuta boꞌo jooriaka,
Liojta suale, intok ket empo Liojtat eaka emo uttia.
\v 18 Liojta betana jukaꞌa, jita yee aꞌ joo iꞌaꞌuta empo
juꞌuneiyaa, intok juꞌu Liojta nesauri jiꞌojtei, jukaꞌ
cheꞌa tuꞌik em yeu puꞌaneeꞌut enchi tejwaa.
\v 19 Empo ket, jumeꞌ Liojta betana lutuꞌuriata ka juꞌuneame,
em am etejorianeꞌpo ama emo yumaꞌale. Intok jumeꞌ ka
tuꞌik boꞌo jooriame, tuꞌisi bem jiapsineꞌ betchiꞌbo, tuꞌi
boꞌota am tejwaa betchiꞌbo, ama emo yumaꞌale.
\v 20 Jumeꞌ intok, jitat juniꞌi ka juꞌuneame, a emo am
majtale. Intok jumeꞌ ka a ameu noktume, a em am nok tejwaaneꞌpo
juniꞌi. Liojta nok lutuꞌuriapo, siꞌimeta jachin aꞌ weyeꞌut,
jakwoo juniꞌi ka jiꞌop betchiꞌbo, suawata intok jukaꞌ
lutuꞌuriata taꞌaakai.
\v 21 Juntuk san, empo junuen watem maj majtakai, jaisaaka
empo ka junaen emo majtaka jiapsa. Empo, jukaꞌ jita eꞌetbwawamta
ka tuꞌi ti jiaka yee majtame, jaisaaka empo jita eꞌetbwa.
\v 22 Empo, jamutta ka jubeka, ka aamak senuk au tuꞌurisaekai,
jaisaaka empo junakaꞌa jooa. Empo, jumeꞌ ka tua liosim,
maammea yaꞌarim, yoꞌoriwame, ka bibitpeakai juniꞌi, jaisaakai,
empo su, junamaꞌa bem teꞌopompo jukaꞌ bejeꞌewakamta nunuꞌe.
\v 23 Empo ala, jum Liojta nesauri jiꞌojteimpo weyemta
aꞌ taꞌaakai emo cheꞌeware. Taa empo, jiba junakaꞌa Liojta
nesauri, ka aꞌ chupakai, junuen empo jukaꞌ Liojta inim
ka aꞌ yoꞌori tebo.
\v 24 Bweꞌituk jum Liojta nok lutuꞌuriapo, inen jiꞌojtei:
“Jumeꞌ wate yoemem, ka juriom, enchim ka ammaꞌali aneꞌ
betchiꞌbo, Liojtat ka tuꞌisi nooka”, ti jiakai.
\p
\v 25 Lutuꞌuria ala, jukaꞌ sirkunsision teamta, jita tuꞌik
aꞌ teuwaaꞌpo. Taa Liojta nesauri, Moiseejtukaꞌuta jiꞌojtekaꞌuta
aꞌ teuwaaꞌpo aman aꞌ joaꞌateko. Taa junakaꞌa ka joaꞌateko,
empo, jiba jumeꞌ ka junaen yaꞌarita benane.
\v 26 Juꞌu intok ka junuen yaꞌaritakai juniꞌi, taa Liojta
nesauri aꞌ teuwaaꞌpo aman aꞌ joame, ka junuen yaꞌataka
juniꞌi, sirkunsiraaroata benasi eiyaanaa.
\v 27 Taa juꞌu intok, ka junuen yaꞌaritakai, taa Liojta
nesauri aꞌ teuwaaꞌpo aman aꞌ joame, enchi, junuen yaꞌataka
juniꞌi, intok Liojta nesauri jiꞌojteita taꞌaakai, ka junuen
enchi aꞌ chupao, junaꞌa, ka tuꞌisi a enchi tawaa.
\v 28 Bweꞌituk juꞌu, juriom yoꞌowakame, ka junae betchiꞌbo
jiba, lutula weeꞌpo juriotune. Intok kia juꞌu, aꞌ takaawapo
sirkunsiraaroawakame juniꞌi, ka junae betchiꞌbo jiba,
lutula weeꞌpo junuen yaꞌarita benane.
\v 29 Taa ala, juꞌu lutuꞌuriapo jurio, Liojtamak aꞌ eaꞌpo
au juꞌuneiyaame, junaꞌa lutula weeꞌpo juriotune. Intok
juꞌu lutuꞌuriapo sirkunsision teame, juꞌu junuen yaꞌaritaka
intok Liojta aꞌ jiapsi iꞌaꞌpo aman jiapsame junaꞌa.
Iniꞌi, ka junuen aꞌ weyeka aꞌ jiꞌojtewakaꞌue juꞌuneiyaawa.
Ala, senu, aꞌ sualeka aꞌ juꞌuneiyaane. Junaꞌatune. Juꞌu
intok junuen aꞌ boꞌo jooriame, ka jumeꞌ aꞌ bichame betana,
taa Liojta betana junuen tuꞌisi aet mabetnaa.
\c 3
\p
\v 1 Junuen san, jitasa teuwaa juꞌu juriotuwame oo juꞌu
sirkunsision teame juniꞌi. Jitasa yeteu tuꞌik jipue.
\v 2 Jiba juebena weemta betchiꞌbo tuꞌi. Bweꞌituk cheꞌa
bat naataka, juꞌu Lios, jukaꞌ aꞌ nok lutuꞌuriawata, tua
junen aꞌ eaꞌpo aman, jumeꞌ juriom mampo aꞌ suꞌu tojak.
\v 3 Taa inimeꞌe betana, watem ka Liojta mak am eebaao
juniꞌi, aapoꞌik betchiꞌbo tua kaachin maachi. Ka inia
betchiꞌbo juꞌu Lios, wakaꞌa, jumeꞌ aapoꞌik nak taꞌaaꞌumeu
bicha aꞌ naꞌikiri aꞌ koptane.
\v 4 Taa ala, juꞌu Liojta joaka aꞌ teuwaaꞌu, lutuꞌuriata
ausuꞌlik boꞌo jooria, elaꞌpo siꞌimem inim jiapsame, ka
lutuꞌuriata nokao juniꞌi. Bweꞌituk Liojta nok lutuꞌuriapo
inen jiꞌojtei:
\q Em teuwaaꞌu betchiꞌbo, empo Lios, siꞌimeku em lutuꞌuriakaꞌpo
taꞌeenaa.
\q Intok empo, jumeꞌ enchi bejeꞌeka, ka tuꞌisi et nokame,
am kobaꞌane.
\p
\v 5 Taa juꞌu itom ka tuꞌisi aneꞌue, itepo, Liojta junuen
siꞌimek betana aꞌ lutuꞌuriakaꞌpo aꞌ juꞌuneiyaatebokai,
junak su, jaisa juꞌu Lios junuen junae betchiꞌbo jiokot
itom joakai, jaisa ka ammaꞌali aane jaꞌani. Inim jabeta
juniꞌi aꞌ teuwaaneꞌe benasia ne jiia.
\v 6 Kaachin junuentune. Bweꞌituk juꞌu Lios, junuen ka
ammaꞌali aneꞌeteko, kaachin inim jukaꞌ yoemrata a yaꞌuraa
bittua ean.
\p
\v 7 Maasuko, juꞌu aa nokiꞌichika in teuwaaꞌuta, Liojta
betana jukaꞌ lutuꞌuriata, cheꞌa juniꞌi machisi aꞌ juꞌuneiyaatebokai,
jaisaaka junuen inepo, ka tuꞌik yoemta benasi eiyaawa.
\v 8 Junuentukaꞌateko, jaisaaka te jukaꞌ ka tuꞌik, ka
aꞌ boꞌo jooriane, junuen jukaꞌ tuꞌik junae itom bitneꞌ
betchiꞌbo. Tua inikaꞌasan, waate, ka tuꞌisi eaka, junuen
itom yee majtaꞌati jiia. Taa inimeꞌe, ka tuꞌik bem naꞌikiatuneeꞌuta
ameu chupne.
\s Siꞌime te, itepo, ka tuꞌisi tawalam
\p
\v 9 Junak su, jaisa itepo jumeꞌ juriom teame, juꞌu wate
yoemrata bepa cheꞌa tuꞌi yoemra jaꞌani. Tua ka junuen
lutuꞌuria. Bweꞌituk jiba itepo te, kia jumeꞌ juriom intok
kia jukaꞌ wate tattaꞌabwi yoemrata juniꞌi, jukaꞌ ka tuꞌika
bempoꞌim joaꞌuta, ka aꞌ koptaka amet aꞌ ayukaꞌpo, machisi
tee aꞌ teuwaalaa.
\v 10 Liojta nok lutuꞌuriapo inien aꞌ jiꞌojteiꞌi benasia:
\q Kaabe aane, siꞌimeku tuꞌi yoeme.
\q Weꞌepulaka juniꞌi kaabe.
\q
\v 11 Kaabe aane jumeꞌ jitat a juꞌuneame.
\q Kaabe aane jumeꞌ Liojtat jiapseka, aet emo temaeme.
\q
\v 12 Siꞌime, Liojta betana emo naꞌikimtelataka jiapsa.
\q Siꞌime, Liojta bichapo, kaita tuꞌik boꞌo jooria.
\q Kaabe, jumeꞌ yeteu tuꞌuwata boꞌo jooriame.
\q Kia wepuꞌulaika juniꞌi, kaabe.
\q
\v 13 Inimeꞌe teuwaaꞌu, tiuraa, jaiti machi ausuꞌli.
\q Bem teuwaaꞌue, yee bai tattaꞌaa.
\q Ka tuꞌik watemmet au iꞌakai aa nokiꞌichiata amet nonoka.
\q
\v 14 Wepulsi juꞌu bem teuwaaꞌu, ka tuꞌik senuku bem chuptuapeaꞌu
junaꞌa.
\q Intok jita juniꞌi, ka tuꞌisi yeteu weechemta teuwaa.
\q
\v 15 Bempo, bem jissuꞌaneeꞌut, ka emo temaeka aꞌ jooa.
\q
\v 16 Jak juniꞌi bem aneꞌepo, tuꞌik nanasonte.
\q Intok ka alleewamta jooa.
\q
\v 17 Intok yanti elaka bem jiapsineeꞌuta, ka taꞌaa.
\q
\v 18 Liojta bem ee majjauneeꞌut, kia ili juniꞌi, ka aet
emo temae.
\p
\v 19 Juꞌuneate, siꞌimeta jukaꞌ cheꞌa bat naataka nesauri,
Moiseejtukaꞌuta jiꞌojtekaꞌu, aꞌ teuwaaꞌuta, jumeꞌ juriom,
inikaꞌa nesaurita boꞌo jooriaka jiapsammeu aꞌ teuwaaꞌpo.
Junuen, inimeꞌe ka bempoꞌim jitat jiawiteneꞌ betchiꞌbo.
Intok junuen, inim kaabeta yeu beꞌeeka, juꞌu ka tuꞌisi
bem tawala tukaꞌ betchiꞌbo, juꞌu Lios, yee yaꞌuraa bittuanemta
bichapo bem anneꞌ betchiꞌbo.
\v 20 Bweꞌituk kaabe Liojta bichapo mabettune, jukaꞌ
nesaurita junuen aꞌ weyeꞌpo aꞌ joakai. Bweꞌituk juꞌu
nesauri, wepulsi itom jukaꞌ ka tuꞌik yaꞌariakaꞌpo itom
juꞌuneeneꞌ betchiꞌbo weye.
\s Yee jinneꞌuwamta, Krijtota sualwaka jiba, aꞌ weyeꞌpo
\p
\v 21 Taa iꞌani, juꞌu Liojta nesaurit chukula, ka inia
Liojta nesauri betana, itepo aꞌ juꞌuneiyaa, Liojta jachin
itom jiokoleka, itom aꞌ tuꞌu mabetneꞌpo. Inia weemta
betana intok, jum bat naataka, Liojta nesauripo intok
jumeꞌe, aapoꞌik betana juꞌuneetuawaka aꞌ jiꞌojtekame,
jaibu teuwaaritukan.
\v 22 Iniꞌi intoko, Liojta siꞌimem aꞌ sualeme, inien am
tuꞌu mabetaꞌu, Jesukrijtota sualeka jiba, junuen mabettune.
Liojta bichapo, kaabe yeu beꞌeeka, siꞌime nanancha bitwa.
\v 23 Bweꞌituk kaabe yeu beꞌeeka, siꞌime, Liojta bichapo
ka tuꞌik yaꞌari. Intok siꞌime, Liojta bichapo tuꞌisi
aet bem mabet tuneeꞌut, tokti kaita amet ayukai.
\v 24 Taa juꞌu Lios, tuꞌisi yee aꞌ jiokoleꞌ betchiꞌbo,
am yoemiawam benasi yee mabeta, ka jita tuꞌik bem yaꞌari
betchiꞌbo, taa ala, aapo, Jesukrijtota ame betchiꞌbo yaakaꞌue,
am jinneꞌula.
\v 25 Juꞌu Lios, Jesukrijtota, itom ka tuꞌuwa yaꞌari betchiꞌbo,
jiokot aꞌ yaꞌatuneeꞌuta au chupak, kuuset aꞌ muktuakai.
Iniꞌi aꞌ yaꞌari intok, jumeꞌe, aꞌ sualeka aꞌ mabetame
betchiꞌbo jinneꞌuwame aet aayuk. Iniꞌi inien yeu siika,
Liojta siꞌimeku lutuꞌuriata aet ayukaꞌpo aꞌ juꞌuneiyaanaꞌ
betchiꞌbo, bat naataka jumeꞌ ka tuꞌuwa yaꞌarim ka au
aꞌ bamijtuaka, ka sep junae betana jiokot am yaakai.
\v 26 Taa ketchia inien yeu siika, iꞌan, inimeꞌe taewaimmet,
Liojta siꞌimeku lutuꞌuriata aet ayukaꞌpo, aꞌ juꞌuneiyaanaꞌ
betchiꞌbo. Intok ket, jiba siꞌimeku lutuꞌuriaka, junuen,
jumeꞌ Jesukrijtota sualeka aꞌ mabetame, tuꞌisi mabetakai.
\p
\v 27 Juntuk san, kaabe jitat au uttiane. Jaisa betchiꞌbo.
Inia betchiꞌbo, ka jukaꞌ nesaurita, Moiseejtukaꞌuta jiꞌojtekaꞌuta
itom aꞌ chupaka aꞌ boꞌo jooriaꞌ betchiꞌbo, taa ala, Jesukrijtota
itom sualekaꞌ betchiꞌbo te jinneꞌurim.
\v 28 Junuen san, juꞌuneate, senuk jabeta juniꞌi, Jesukrijtota
aꞌ sualeka, Liojta aꞌ tuꞌu mabetneꞌpo. Elaꞌpo su jukaꞌ
nesaurita betana boꞌo jooriawamta ka yaꞌalatakai juniꞌi.
\p
\v 29 Jaisa juꞌu Lios, wepulsi juꞌu jurio yoemratau jiba
inien Liojwai jaꞌani. Jaisa juꞌu wate, ka jurio yoemratau
beja inien yee jinneꞌuka, ka Liojwai jaꞌani. Janaꞌaka,
junameꞌe juniꞌi ket junaen aꞌ yoꞌowak.
\v 30 Bweꞌituk wepuꞌulai jiba juꞌu Lios. Intok Jesukrijtota
sualekai, juꞌu Lios, juriomtaka sirkunsiraaroarim, intok
kia jumeꞌ ka juriomtaka ka junuen yaꞌarim juniꞌi, Jesukrijtota
bem sualeꞌ betchiꞌbo, siꞌimem nanancha am tuꞌu mabetne.
\v 31 Junuentuko, jaisa itepo inien Krijtota sualeka,
jukaꞌ nesauri jiꞌojteita, kaita aꞌ teuwaꞌa benasi aꞌ
tawaa jaꞌani. Kaachin junuentune. Ala itepo, cheꞌa juni
san inikaꞌa Liojta betana nesaurita, jita betchiꞌbo aꞌ
weyeꞌpo te aꞌ juꞌuneiyaa.
\c 4
\s Apraꞌamtukaꞌuta jaisa aꞌ jiapsakaꞌu, itom juꞌuneiyaaꞌeaꞌu
\p
\v 1 Junuen san, itepo jumeꞌ ijraꞌeliitam, juꞌu itom bat
naataka yoꞌowasukaꞌu, Apraꞌamtukaꞌu betana, jaisa te jiune.
Inia betana jachin aꞌ jajamekaꞌpo.
\v 2 Bweꞌituk juꞌu Apraꞌamtukaꞌu, aapoꞌik jita tuꞌik
aꞌ yaakaꞌue, Liojta betana tuꞌisi mabettuko, junae betana
a au uttia ean. Taa junuentaka juniꞌi, juꞌu Lios, juꞌu
au aꞌ uttiaꞌuta ka aꞌ tuꞌuria ean.
\v 3 Bweꞌituk jum Liojta betana jiꞌosia jiꞌojteimpo
inen jiꞌojtei: “Juꞌu Apraꞌamtukaꞌu, Liojta sual taꞌaak.
Intok jiba inien aapoꞌik aꞌ sual taꞌaꞌ betchiꞌbo, juꞌu
Lios, kaita ka tuꞌik aet ayukaꞌa benasi, tuꞌisi aꞌ mabetak.”
\v 4 Maa su, seenu, tekipanoalatuko, jukaꞌ aꞌ bejeꞌetuawaꞌuta,
ka ujbwanta benasi aꞌ mabetne, taa aapoꞌik aꞌ wikiriawaꞌa
benasi aꞌ mabetne.
\v 5 Taa seenu, jinneꞌuituneꞌ betchiꞌbo, ka aꞌ joaꞌue,
taa Liojta, jukaꞌ ka tuꞌik yaꞌalata aꞌ tuꞌu mabetneꞌpo
junuen aꞌ sualekame. Juꞌu Lios jukaꞌ junuen aꞌ sualekaꞌu
betchiꞌbo aet jatteaka tawanee aapoꞌik junuen aꞌ tuꞌu
mabetneꞌ betchiꞌbo.
\v 6 Inien ket juꞌu yoꞌo yaꞌari Labiitukaꞌuta, jukaꞌ
Liojta betana, ka jita unnaa tuꞌik aꞌ yaꞌari betchiꞌbo,
Liojta tuꞌu mabetakaꞌuta, aapoꞌik alleewamta aꞌ bitneeꞌu
betana aꞌ teuwaak,
\v 7 inen jiꞌojtei:
\q Alleewamta am bitne, wameꞌe, jukaꞌ ka ammaꞌali bem aukaꞌut,
Liojta betana aet jiokoiwakame.
\q Intok bem ka tuꞌuwa yaꞌarim, ka junaet am bichakai.
\q
\v 8 Tuꞌisi alleenee waꞌa, jabeta, aꞌ ka tuꞌuwa yaꞌarim
betana, achai Liojta, kaita aꞌ yaꞌariꞌi benasi eiyaawame.
\p
\v 9 Iniꞌi alleewame intok, ka jumeꞌ sirkunsiraaroarim
betchiꞌbo jiba, taa jumeꞌ ka junuen yaꞌarim betchiꞌbo
ketchia. Bweꞌituk jaibu te inen aꞌ teuwaalaa, Liojta
Apraꞌamtukaꞌuta, aꞌ sualekaꞌ betchiꞌbo aet jatteaka aꞌ
tuꞌu mabetakaꞌpo.
\v 10 Taa jakwoosa junuen junaet aꞌ tuꞌu mabetak, jaibu
Apraꞌamta sirkunsiraaroasuako, oo kee junuen aꞌ yaꞌawao.
Ka chukula, taa tua kee junuen aꞌ yaꞌawao.
\v 11 Taa juꞌu Apraꞌamtukaꞌu, cheꞌa chukula, jukaꞌ junuen
au aꞌ yaꞌaneeꞌuta aet tejwaawak, junaen aapoꞌik Liojta
sual taꞌaꞌ betchiꞌbo, Liojta aꞌ tuꞌu mabetakaꞌpo betana
iniae aꞌ juꞌuneiyaanaꞌ betchiꞌbo. Inien san juꞌu Apraꞌamtukaꞌu,
jumeꞌ ka junuen sirkunsiraaroawaka taa siꞌime jumeꞌ
Liojta sualeme betana ket achaiwai. Intok junueni juꞌu
Lios, ket bempoꞌim am mabetritukaꞌpo aman am juꞌuneiyaatebo.
\v 12 Lutuꞌuria ala, jukaꞌ Apraꞌamtukaꞌuta, jumeꞌ juriom
sirkunsiraaroawakame, ket bem aꞌ yoꞌowakaꞌpo. Taa junuentaka
juniꞌi, ka kia jumeꞌe, aapoꞌik betana kateka, bem takaapo
junuen yaꞌawakame betana, taa ket wameꞌe, jukaꞌ itom yoꞌowa
Apraꞌamta kee sirkunsiraaroawaka, Liojta aꞌ sualeꞌe benasia,
Liojta sualeme betana junameꞌemtune.
\s Liojta aꞌ sualwakaꞌ betchiꞌbo, aapoꞌik itou aꞌ naꞌikiakaꞌu, aꞌ chupakaꞌu
\p
\v 13 Bweꞌituk juꞌu Lios, Apraꞌamtukaꞌutau intok jumeꞌ
aet yeu katriammeu, inim, ame betana, senuk siꞌimemmeu
aꞌ yoꞌotuneꞌpo ameu aꞌ naꞌikiak. Taa inikaꞌa, Liojta
ameu chupneꞌeti jiaka aꞌ teuwaakaꞌu. Ka jukaꞌ Apraꞌamta,
nesauri jiꞌojteita aꞌ boꞌo jooriaꞌ betchiꞌbo au aꞌ chupak.
Taa ala, aapoꞌik, Liojta aꞌ sualeka, junuen tuꞌisi mabettukai.
\v 14 Bweꞌituk jukaꞌ nesauri jiꞌojteita, aꞌ weyeꞌpo aman,
aꞌ boꞌo jooriame, junameꞌe jiba jukaꞌ Liojta betana itou
naꞌikiawakamta aꞌ mabetneeo, junako, juꞌu Liojta sualwame
kaita teuwaa ean. Intok Liojta itou chupneꞌeti aꞌ jiakaꞌu,
kaitatune.
\v 15 Bweꞌituk juꞌu nesauri jiꞌojteita, aꞌ weyeꞌpo aman,
ka aꞌ chupaꞌawame, jiokot machika, betteka ama aayuk.
Taa jumeꞌe, ka aꞌ jipueka ka aꞌ juꞌuneiyaame, junameꞌe,
kaachin aꞌ teuwaaꞌuta bejeꞌeka aune.
\p
\v 16 Junuen san juꞌu itou bicha naꞌikiawakame, Apraꞌamta,
Liojta aꞌ sualekaꞌ betchiꞌbo weye. Junuen, ka yeteu aꞌ
chaꞌaka juniꞌi, ka jita betchiꞌbo aꞌ weeneꞌ betchiꞌbo.
Intok ketchia, siꞌime jumeꞌ Apraꞌamtat yeu katriam betana,
tua junuen aꞌ lutuꞌuriatukaꞌpo am juꞌuneeneꞌ betchiꞌbo.
Inien ne jiia oꞌoben, juꞌu itou bicha naꞌikiawakame, ka
jumeꞌe, nesaurita jachin aꞌ weyeꞌpo aman aꞌ boꞌo jooriame
betchiꞌbo jiba aꞌ weyeꞌpo. Taa ket, siꞌime jumeꞌe, Apraꞌamtukaꞌuta
aꞌ sualekaꞌa benasi aꞌ sualeme betchiꞌbo. Junuen san,
aapo juꞌu Apraꞌamtukaꞌu itou siꞌimemmeu yoꞌotaka yeu
weama.
\v 17 Jukaꞌ Liojta, aapoꞌik sualekaꞌuta bichapo, jum Liojta
nok lutuꞌuriapo aꞌ jiꞌojteiꞌi benasia: “Juebena yoemratau
ne enchi achai yoꞌo yaꞌari”, ti jiakai. Bweꞌituk juꞌu
Lios, aapo, jumeꞌ kokkoarim jijibijtetua. Intok jukaꞌ
ketun kee yeu machiamta, jaibu tua junuen aꞌ ayukaꞌa
benasi aꞌ tetteuwaa.
\p
\v 18 Juꞌu Apraꞌamtukaꞌu, jukaꞌ aꞌ boꞌo bichaꞌuta aꞌ
kaitatu machiaka juniꞌi, jiba Liojta yoem eiyaak. Intok
junuen, jukaꞌ aꞌ boꞌo bichaꞌuta au chupuk. Intok jiba
junueni, juebena yoemratau yoꞌotaka taawak, Liojta jaibu
au aꞌ teuwaalatukaꞌpo amani: “Junuen ka a naꞌikiatunee
jumeꞌ et yeu katriam”, ti jiakai.
\v 19 Juꞌu Apraꞌamtukaꞌu, abe mamni taka wasukteka juniꞌi,
taa jiba Liojta aꞌ sualeꞌu ka aawaj kopteka jiba aꞌ
yoem eiyaak. Juꞌuneaka, aꞌ jubiawa Saraꞌ teamta intok
aapoꞌik juniꞌi, junuen jaibu bem yoemianeꞌpo, unnaa yoꞌotakai,
ka emo jiapsi machiakai.
\v 20 Intok kia Liojta au naꞌikiakaꞌu betana juniꞌi,
jiba aet yoem eak. Taa ala, cheꞌa juniꞌi aꞌ sualeꞌu intok
aꞌ yoem eiyaaꞌu aet ayukan intok Liojta yoꞌoreka, aꞌ
alleetuak.
\v 21 Intok aapoꞌik aꞌ yoem eiyaaneeꞌuta, ilitchisi juniꞌi,
ka au beꞌeka, Liojta betana siꞌimeta au aꞌ teuwaakaꞌuta,
au aꞌ chupaꞌaneꞌpo aman, utteꞌata aꞌ jipueꞌpo aꞌ sualekai.
\v 22 Inia betchiꞌbo san, juꞌu Lios, junuen aapoꞌik aꞌ
sualekaꞌ betchiꞌbo, aet jatteaka aꞌ tuꞌu mabetak.
\p
\v 23 Iniꞌi intoko, Liojta aꞌ sualekaꞌ betchiꞌbo, aꞌ mabetwakaꞌu
betana, ka Apraꞌamtukaꞌuta betana jiba aꞌ weyeꞌpo teuwaawak.
\v 24 Taa intok ketchia, ito betchiꞌbo jiꞌojtewak. Bweꞌituk
juꞌu Lios, iitom, jumeꞌ kokkoarim nasuk, yoꞌowe Jesukrijtota
aꞌ jiabijtetuakamta sualeme, itom tuꞌu mabetla.
\v 25 Aapo juꞌu Jesukrijto, itom ka tuꞌuwa yaꞌarim betchiꞌbo,
aꞌ meꞌetuneꞌ betchiꞌbo, oꞌowimmeu suꞌu tojiwak. Intok
kokkoarim nasuk jiabijtetuawak, junaen, Liojta bichapo
itom tuꞌu mabetrimtuneꞌ betchiꞌbo.
\c 5
\s Jitasa betchiꞌbo, kaita ka tuꞌik yaꞌari benasi itom eiyaawaꞌu
\p
\v 1 Junuen san, yoꞌowe Jesukrijtota itom sualeꞌ betchiꞌbo,
Liojta betana tuꞌu mabetrimtakai, Krijtota itom yaꞌariakaꞌu
betchiꞌbo, itepo aamak itom yanti elaꞌu itot aayuk.
\v 2 Jesukrijtota betchiꞌbo itepo, Liojtau bicha lutuꞌuriak,
itom aꞌ sualekaꞌ betchiꞌbo. Aapoꞌik betana jukaꞌ itom
jiapsimmeu tuꞌik mabetbaekai. Inia tuꞌik betchiꞌbo intok,
itepo, ka taꞌabwisi intok aꞌ suale. Intok, teekapo, Liojta
yoꞌo nesaweka katekaꞌu, chukula itom aamak anneeꞌuta
boꞌo bichaka te allea.
\v 3 Intok ka iniat jiba, taa ketchia, itepo jiokot itom
ito bichaꞌ nasuk juniꞌi, te alleaka Liojta yoꞌore. Bweꞌituk
inien te aꞌ juꞌuneiyaa, juꞌu, jiokot itom ito bichaꞌue,
ka jain eaka a itom boꞌo bitneeꞌuta, cheꞌa itom aet jajamneꞌpo.
\v 4 Intok junuen ka jain eaka a boꞌo bichakai, jiꞌobilawakai,
chukula, tuꞌisi itom jiapsaꞌut te juꞌuneiyaanaa. Intok
junuen itepo tuꞌisi jiapsakai, chukula, Liojtamak, tuꞌik
itom bitneeꞌut te cheꞌa jiapsine.
\v 5 Intok iniꞌi, Liojta betana tuꞌika, chukula itom bit
boꞌo bichaꞌu betana, katte aet bai taꞌaatune. Bweꞌituk
juꞌu Lios, aapoꞌik benasi, yumaꞌisi itom yee nak taꞌaaneeꞌuta
itom taꞌaatuari, aapoꞌik betana juꞌu aꞌ tuꞌu jiapsiwata
itot aꞌ autuaꞌue.
\p
\v 6 Bweꞌituk, kaachin itom ito jinneꞌu machiako, juꞌu
Jesukrijto, tua juꞌu taewait au yeu aꞌ puꞌarit, siꞌime
ka tuꞌik yoemrata betchiꞌbo muukuk.
\v 7 Bweꞌituk ka lautipo, seenu, senuk kaita ka tuꞌik
yaꞌalata betchiꞌbo aꞌ meꞌetuneꞌ betchiꞌbo au suꞌu tojineeme
aane. Taa junuentaka juniꞌi, jiba tua jumak, seenu, senuk
unnaa tuꞌu yoemta betchiꞌbo, aꞌ meꞌetuneꞌ betchiꞌbo, au
suꞌu tojineeme aane.
\v 8 Taa aapo juꞌu Lios, tuꞌisi itom aꞌ nakeꞌuta, itom
aꞌ juꞌuneiyaatualaa, Jesukrijtota, ito betchiꞌbo aꞌ mukukaꞌue
aman. Ketun junuen itom ka tuꞌi yoememtuko juniꞌi.
\v 9 Iꞌan intoko, Jesukrijtota ito betchiꞌbo kuuset mukukaꞌue,
Liojta bichapo tuꞌu mabetrimtakai, ketun cheꞌa juniꞌi
san, lutuꞌuriaka, itepo, chukula, taewai jiokot machika
chupneemta betana aapoꞌik betchiꞌbo te jinneꞌunaa.
\v 10 Bweꞌituk, bat naataka, ketun itom aꞌ bejeꞌeka aneo,
juꞌu Lios ae betana aꞌ uꞌusiwa, ito betchiꞌbo meꞌetuka,
junuen aamak a itom ito tuꞌuteneeꞌuta yaak. Intok junuen,
iꞌan, jaibu aamak ito tuꞌutelatakai, cheꞌa juniꞌi, aꞌ uꞌusiwata
jiapsakaꞌ betchiꞌbo, te jinneꞌunaa.
\v 11 Intok ka inia jiba, taa ketchia, Liojtamak eaka
te tuꞌisi allea itom yoꞌowe Jesukrijtota betchiꞌbo.
Bweꞌituk aapoꞌik betchiꞌbo, Liojtamak te ito nau tuꞌutelaa.
\s Adamtukaꞌu, intok juꞌu Krijtota betana weyeme
\p
\v 12 Junuen san, inim wepul yoemta ka tuꞌisi aukaꞌ betchiꞌbo,
inim ka tuꞌik aꞌ au taitekaꞌa benasia, intok juꞌu kokkowame
juniꞌi juꞌu ka tuꞌik boꞌo jooriawamta betchiꞌbo inien
aayuk. Inien san ket, juꞌu kokkowame siꞌimemmeu chupuk,
bweꞌituk siꞌime ka tuꞌik yaꞌala.
\v 13 Cheꞌa bat, Moiseejtukaꞌuta betana, Liojta betana
nesaurim kee yeu am machiao, inim juꞌu yoemra jaibu ka
tuꞌik joaka jiapsan. Taa junako jumeꞌ nesaurim kaita
tukaꞌ betchiꞌbo, inia betana inimeꞌe bejeꞌeka, ka tuꞌik
bem yaꞌariakaꞌuta, ka a amet bittun.
\v 14 Taa junuentaka juniꞌi, Adamtukaꞌuta jiapsao taewaimmet
naateka, intok Moiseejtukaꞌuta jispsaꞌu taewaimmeu yeu
tajtia, siꞌimemmeu, bem kokkoneeꞌu ameu chupuk. Juꞌu intok,
bem ka tuꞌisi aukaꞌu, ka junuen nesauta bepa bem sajakaꞌ
betchiꞌbo, Adamtukaꞌuta aukaꞌa benasia. Iniꞌi Adamtukaꞌu
intok, jukaꞌ cheꞌa chukula yebijnemta jachin aꞌ machianeeꞌuta,
aꞌ teuwaan.
\p
\v 15 Taa juꞌu, junuen, jukaꞌ Adamtukaꞌuta ka tuꞌisi yaakaꞌuta,
kaachin, juꞌu Liojta itom mikaꞌu benane. Bweꞌituk junae,
wepulai ka tuꞌisi yaakaꞌu betchiꞌbo, juebenaka kokkok.
Taa juꞌu senuk yoemta, itom yoꞌowe Jesukrijtota betchiꞌbo,
Liojta betana, ka jita betchiꞌbo, itom aꞌ jinneꞌuꞌu, cheꞌa
juniꞌi siꞌimeta bepa eiyaawatchisi maachi. Iniꞌi intok,
unnaa juebenam betchiꞌbo, tuꞌika weye.
\v 16 Intok kia juꞌu, jukaꞌ oꞌouta wepuꞌulaik, junuen
ka tuꞌisi tawakaꞌuta juniꞌi, juꞌu Liojta betana itom
jinneꞌuwaaꞌu, kaachin a au tammachiatu. Bweꞌituk juꞌu
ka tuꞌuwata betana nokakai, juꞌu ka tuꞌisi itom tawaawaꞌuta,
wepuꞌulaik ka tuꞌuwa yaꞌari betchiꞌbo, itou chupuk. Taa
juꞌu yee jinneꞌuwamta betana nokakai, juꞌu Lios, jukaꞌ
yoemrata, jachin maisi yuꞌin ka tuiik am yaꞌariak juniꞌi,
junuen am tuꞌu mabeta. Ka jita betchiꞌbo.
\v 17 Bweꞌituk wepuꞌulaik ka tuꞌuwa yaꞌari betchiꞌbo,
juꞌu kokkowame, kaabem yeu beꞌaaka, itou chupuk. Iꞌan
intok, jumeꞌ Liojta junuen tuꞌisi yee aꞌ nakeꞌ betchiꞌbo,
intok ka jita betchiꞌbo aꞌ mabetlaꞌum, chukula, cheꞌa
juniꞌi bepa, jiba yuu bem jiapsineeꞌuta jajamne, juꞌu
senu inim yoeme, Jesukrijtota betchiꞌbo.
\p
\v 18 Intok jiba inien, jukaꞌ Adamtukaꞌuta tua ka tuꞌik
aꞌ yaꞌari betchiꞌbo, jumeꞌ inim jiapsame, siꞌimem, Liojta
bichapo ka tuꞌik yaꞌari benasi am tawakaꞌa benasia, ketchia
jiba junaeni, inim juꞌu, jukaꞌ Jesukrijtota, Liojta nok
jikkajaka, sejtul, juꞌu cheꞌa siꞌimekut tuꞌisi weyeka
tuꞌika aꞌ yaakaꞌu betchiꞌbo, siꞌime inim jiapsame, Liojta
bichapo tuꞌik am yaꞌari benasi bem mabetrimtaka, jiba
yuu jiapsi betchiꞌbo ameu weye.
\v 19 Ket jiba junaen, wepul oꞌouta, sejtul, ka Liojta
nok jikkajakaꞌ betchiꞌbo, juebenaka, Liojta bichapo ka
tuꞌisi taawak. Intok ket jiba junaeni, wepul oꞌouta, Liojta
aꞌ nok jikkajakaꞌ betchiꞌbo, juebenaka junae, Liojta bichapo
tuꞌisi mabetnaa.
\p
\v 20 Taa juꞌu nesauri, Liojta betana weyeka, jiꞌojtewak,
junae, jukaꞌ ka tuꞌik boꞌo jooriawamta cheꞌa juniꞌi juꞌunakkiachineꞌ
betchiꞌbo. Taa ketuni jukaꞌ ka tuꞌik, cheꞌa juniꞌi aꞌ
boꞌo jooriawao, Liojta ama butti yee aꞌ nakeꞌu, cheꞌa
juniꞌi bepa yeteu yumaꞌasimen.
\v 21 Inien yeu siika, junuen, jukaꞌ ka tuꞌik boꞌo jooriawamta
betchiꞌbo, jukaꞌ kokkowamta, siꞌimemmeu, kaabem yeu beꞌaaka
aꞌ yumakaꞌa benasia, ket jiba junaen, Liojta ama butti
yee aꞌ nakeꞌue, junaꞌa, siꞌimeta kobaꞌika, aapoꞌik bichapo,
itom tuꞌu mabetneeꞌuta aꞌ yaak. Intok junueni, jukaꞌ
jiba yuu jiapsiwamta, itom yoꞌowe Jesukrijtotae aman,
itom mabetneꞌ betchiꞌbo.
\c 6
\s Ka tuꞌik betana, kokolam benaka, taa Krijtota sualeka juꞌu jiapsiwame
\p
\v 1 Junuen san jaisa te jiune. Jumak te jukaꞌ ka tuꞌik
ketuni boꞌo joorianee jaꞌani, intok junaen, jukaꞌ Liojta
betana, ama butti yee aꞌ nakeꞌuta, aapoꞌik itom cheꞌa
juniꞌi aꞌ bittuaneꞌ betchiꞌbo.
\v 2 Kaibu junuentune. Bweꞌituk itepo ka tuꞌik boꞌo
jooriawamta betana kokkolame benasi ito eiyaa. Junuen
san, kaachin itepo ka tuꞌik boꞌo jooriaka jiapsine.
\v 3 Inien emeꞌe aꞌ juꞌuneiyaane. Siꞌime itepo, jumeꞌ
Jesukrijtotamak nau eebaeka ito batoꞌowaatebokame, junuen
itepo, aapoꞌiku mak kokkokame benasi itom ito eiyaaꞌpo
aꞌ teuwaakaꞌpo.
\v 4 Junuen san, ito batoꞌowaatebokai, itepo, kokkokame
benasi ito eiyaakai, Krijtotamak nau te maꞌawak. Junuen
ket, kokkoarim nasuk jiabijteka, intok junuen, ka bat naataka
benasia jiapsakai. Junuen Jesukrijtota, kokkoarim nasuk
aꞌ jiabijtetuawakaꞌa benasia, achai Liojta tua ama butti
a jita aꞌ joaꞌu betchiꞌbo.
\p
\v 5 Bweꞌituk itepo junuen Krijtota mak eaka, junuen
ale benasi kokkokoame benasi ito eiyaalatuko, junuen
ket itepo, aapoꞌik aꞌ jiabijtekaꞌa benasia te ket jiabijtene.
\v 6 Juꞌuneate itepo, Krijtotamak itom eaꞌ betchiꞌbo,
bat naataka juꞌu ka tuꞌisi itom jiapsisukaꞌu betana,
aamak kuuset kokkokame benasi itom machiakaꞌpo. Junuen
beja jukaꞌ ka tuꞌik joopeewamta itot ayuka itom aꞌ jootuamta,
junuen aꞌ luꞌutineꞌ betchiꞌbo, intok inien bichau bicha
ka intok juꞌu ka tuꞌik joowamta betana kobaꞌim taka
junuen inia betana senuk tekoka junau aꞌ suꞌu tojirika
aꞌ jiapsaꞌa benasia.
\v 7 Bweꞌituk senu mukukaꞌateko, junaꞌa, juꞌu ka tuꞌik
boꞌo jooriawamta betana jaibu ama yoꞌeela.
\v 8 Itepo junuen, jaibu Jesukrijtotamak eaka, aamak kokkokame
benasi machiako, ket itepo, aamak jiba yuu itom jiapsineeꞌuta
te aꞌ suale.
\v 9 Bweꞌituk juꞌuneate, Jesukrijtota junuen, sejtul kokkoarim
nasuk jiabijtesukai, ket, jakwoo juniꞌi, ka juchi aꞌ mukneꞌpo.
Juꞌu kokkowame, jakwoo juniꞌi au yumaꞌ betchiꞌbo, ka intok
utteꞌak.
\v 10 Bweꞌituk Jesukrijto junuen mukukai, jukaꞌ ka tuꞌik
boꞌo jooriawamta sejtul wechiapo aꞌ kobaꞌabaeka junuen
muukuk. Taa iꞌan jiapsakai, Liojtau suꞌu tojirika jiapsa.
\v 11 Junuen ket emeꞌe, ka tuꞌik boꞌo jooriawamta betana
jaibu kokkokame benasi emo eiyaane. Taa Jesukrijtotamak
eakai, Liojtau emo suꞌu tojirika, ae betchiꞌbo jiapsine.
\p
\v 12 Junuen san emeꞌe, jukaꞌ ka tuꞌik ka intok bichau
bicha enchim aꞌ jooneꞌ betchiꞌbo, ka au emo suꞌu tojirika,
aet emo suuane. Junuen, bat naataka jukaꞌ ka tuꞌik enchim
tuꞌureka, utteꞌapo benasi enchim joaꞌuta ka joakai.
\v 13 Intok kia emeꞌe, enchim takaam juniꞌi, ka bebejeꞌeritau
em suꞌu tojibaane, junuen jukaꞌ ka tuꞌik ammea boꞌo jooriaꞌ
betchiꞌbo. Ala, cheꞌa juni san, emeꞌe, Liojtau emo suꞌu
tojine, kokkoka, intok junuen, juchi jiabijtelame benakai,
Liojtau em enchim takaam nenkine, tuꞌik ausuꞌlik ammea
boꞌo jooriakai.
\v 14 Bweꞌituk juꞌu bebejeꞌeri, iꞌan, ka tuꞌik enchim
yaꞌatuaꞌ betchiꞌbo, ka ama emou yumaꞌane. Bweꞌituk emeꞌe
iꞌan, ka jukaꞌ nesauri jiꞌojteita, jachin aꞌ teuwaaꞌpo
aman jiapsa. Ala emeꞌe, Liojta ama butti yee aꞌ nakeꞌ
betchiꞌbo, aapoꞌik betana tuꞌik mabetrika jiapsa.
\s Tekoka jiapsamtat nokaka, taꞌabwi weyemta teuwaa
\p
\v 15 Junak su, jaisa itepo junuen, ka nesauri jiꞌojteita
boꞌo jooriaka jiapsakai, taa Liojta betana, ama butti
yee nakika betchiꞌbo jinneꞌurimtakai, junak su, jaisa
itepo ka tuꞌik joonee jaꞌani. Kaibu junuentune.
\v 16 Emeꞌe tuꞌisi juꞌunea, senuk tekobaeka, intok enchim
au emo suꞌu tojako, ket junuen, aꞌ nok jikkajibaekai.
Junak juꞌu enchim teeko, enchim atteane. Intok utteꞌatune,
enchim aꞌ nok jikkajineꞌpo. Ket jiba ile benasi, emeꞌe,
jukaꞌ bebejeꞌerita aꞌ tekokame benasi, au a emo suꞌu
toja, juꞌu enchim kokkoneeꞌuta emou yaꞌanemtawi. Oo Liojtau
aꞌ tekokame benasi a au emo suꞌu toja, junuen emeꞌe, tuꞌik
boꞌo jooriaka jiapsi betchiꞌbo.
\v 17 Taa, Liojta ne bai sae, bweꞌituk emeꞌe, bat naataka
bebejeꞌeritau emo suꞌu tojilamtaka ka tuꞌik joaka juniꞌi,
taa iꞌan, emeꞌe, Jesukrijtota betana nok lutuꞌuriata, junama
waꞌam majtawakai, au emo suꞌu tojaka, tua junen jiaka
aꞌ nok jikkajila.
\v 18 Intok emeꞌe, iꞌan, jaibu bebejeꞌerita betana aman
yoꞌeelamtaka, tuꞌik ausuꞌlik enchim boꞌo jooriaka jiapsineeꞌut
emo temae.
\v 19 Inim aꞌ jikkajiwaꞌa benasi ne aꞌ teuwaa oꞌoben.
Bweꞌituk emeꞌe, inia betana, inien jiba tuꞌisi aet juꞌuneene.
Junuen ket, cheꞌa bat naataka, enchim takaammea tua ka
tuꞌik intok junuen nat bepaasi ka tuꞌik joaka jiapsisukaꞌa
benasia, iꞌan junaen, emeꞌe, tuꞌik ausuꞌlik boꞌo jooriaka
jiapsi betchiꞌbo, enchim takaam Liojtau nenkine, aet emo
utteꞌa jooriane. Junaen, wepulsi Liojtau emo suꞌu tojika
jiapsi betchiꞌbo.
\p
\v 20 Emeꞌe, bat naataka, ketun bebejeꞌeritau emo suꞌu
tojirika, jukaꞌ ka tuꞌik joaka jiapsisukai, junako emeꞌe,
tuꞌik enchim boꞌo jooriaka jiapsineeꞌuta emeꞌe ka taꞌaak.
\v 21 Taa emeꞌe tuꞌisi juꞌunea, juꞌu, bat naataka ka tuꞌik
enchim joaꞌu, iꞌan enchim au waateka, enchim aet tiweꞌu
betana, intok kaita tuꞌik enchim aet jajamekaꞌpo. Bweꞌituk
junaꞌa, wepulsi kokkowamta jiba jooa.
\v 22 Taa iꞌani, bebejeꞌerita betana emo yoꞌeelamtakai,
emeꞌe, jaibu, iꞌan, Liojta betana weyeka, emo tekil makri.
Inia betana ala, emeꞌe, tuꞌik aet jajamne. Bweꞌituk iniat,
emeꞌe, Liojta bichapo wepulsi ae betchiꞌbo jiba, enchim
jiapsineeꞌuta ama teune. Intok ket, chukula, jiba yuu
jiapsiwamta aet teune.
\v 23 Bweꞌituk wepulsi jiba, jukaꞌ ka tuꞌik boꞌo jooriawamta,
yee bittuaꞌu, ka tuꞌisi tawaka, kokkowame junaꞌa. Taa
Liojta betana, yee aꞌ mikbaeꞌu, juꞌu jiba yuu jiapsiwame
junaꞌa, itom yoꞌowe Jesukrijtota mak eaka aꞌ sualekai.
\c 7
\s Emo kukunakammet nokaka, taꞌabwi weyemta teuwaa
\p
\v 1 Krijtopo nemak werim, emeꞌe, jukaꞌ Liojta nesauri
jiꞌojteita taꞌaakai, jaibu em juꞌunea, jukaꞌ nesaurita,
senuk ket inim aꞌ jiapsao, jiba aꞌ utteꞌatukaꞌpo, junakaꞌa
aꞌ boꞌo joorianeꞌpo.
\v 2 Maa su, jabe jamutta juniꞌi, kunakame, jukaꞌ kuna
ket jiapsao, utteꞌatune, junaemak aꞌ chupiatukaꞌ betchiꞌbo,
nesaupo aman. Taa jukaꞌ aꞌ kuna mukuko, juꞌu jamut junuen
aꞌ kunawa betana, au aꞌ utteꞌatukaꞌu, ka intok junuen
au utteꞌatune.
\v 3 Junuen san, juꞌu jamut, ket aꞌ kunawa jiapsao, taꞌabwi
oꞌoutamak jiapsaꞌateko, junae betchiꞌbo, tua aꞌ kunawa
betchiꞌbo, ka tuꞌik yaꞌane. Taa jukaꞌ aꞌ kunawa mukuko,
aapo junuen, aꞌ kunawa betana au aꞌ utteꞌaaꞌeaꞌu, ka intok
au utteꞌatune. Intok a juchi taꞌabwik kunatune, ka junuen
ka tuꞌisi aukai.
\p
\v 4 Inien ket emeꞌe, Krijtopo nemak werim, siꞌime nau,
Krijtota sualeka, aapoꞌik benasi eiyaawame, aamak kokkokame
benasi machika, jukaꞌ nesauri jiꞌojteita enchim boꞌo
joorianeeꞌuta, ka emou utteꞌa. Junuen iꞌan, taꞌabwikumak
enchim eaka jiapsineꞌ betchiꞌbo, jukaꞌ jamutta, taꞌabwik
juchi aꞌ kunakaꞌa benasia machikai. Iꞌan emeꞌe, Krijtota
betana yoemiawaim, juꞌu kokkoarim nasuk jiabijtetuawakamta
betana. Taa iniꞌi intok, Liojta betana weyemta itom boꞌo
joorianeꞌ betchiꞌbo weye.
\v 5 Bweꞌituk, bat naataka, ketun itom eaꞌpo aman, ka tuꞌik
joaka itom jiapsao, juꞌu nesauri jiꞌojtei, jukaꞌ ka tuꞌik
itom joopeaꞌuta, itom aꞌ jooneꞌ betchiꞌbo itom au waatituak.
Iniꞌi intok, jukaꞌ itom kokkoneeꞌuta itom bittuak.
\v 6 Taa iꞌan itepo, jumeꞌ nesauri jiꞌojteim betana, bat
naataka utteꞌapo itom boꞌo jooriaꞌum betana, junakaꞌa
ka boꞌo jooriaka, junuen ka jiapsame benasi machikai.
Intok junuen san, itepo iꞌan, Liojta betana bemela weyemta
boꞌo jooriaka, aꞌ yoꞌori betchiꞌbo te ama yuuma. Liojta
betana aꞌ tuꞌu jiapsie, bemelasi jiapsakai. Intok ka
bat naataka jakwoo weeria nesauri jiꞌojtei boꞌo jooriakai.
\s Juꞌu ka tuꞌuwa, in taka betana weyeka, net ayukame
\p
\v 7 Junak su jaisa te jiune, jaisa juꞌu nesauri jiꞌojtei
ka tuꞌik yee jootua jaꞌani. Kaachin junuentune. Taa
cheꞌa juni san, inepo, ka juꞌu nesauri jiꞌojteita betchiꞌbotuko,
jukaꞌ jita ka tuꞌik boꞌo jooriawamtat ka juꞌune ean.
Maasuko, kannee juꞌune ean, taꞌabwik atteata aꞌ waatiawaꞌu,
ka aꞌ tuꞌireakaꞌpo, jum nesauri jiꞌojteimpo: “Ka em
attea ka aꞌ waatabaane”, ti ka jiꞌojteituko.
\v 8 Taa juꞌu ka tuꞌik joopeewaka net ayukame, inia weemtat
juꞌuneaka, jiba inia nesauriae, siꞌime ka tuꞌik in aꞌ
boꞌo jooriapeeneꞌ betchiꞌbo nee au waatituak. Bweꞌituk
iniꞌi, jukaꞌ nesauri jiꞌojteita ka aꞌ ayuko, katte itepo,
juꞌu ka tuꞌik betana ka tuꞌisi tatawaaꞌeewan.
\v 9 Cheꞌa bat naataka ne, jukaꞌ nesauri jiꞌojteita ka
juꞌuneiyaaka, ne tuꞌisi ino jiapsaꞌ tean. Taa chukula,
nesaurit juꞌuneaka, ka tuꞌik in yaꞌarit, intok junuen,
ka tuꞌisi tawaka, in mukneeꞌut ne juꞌuneak.
\v 10 Inien aꞌ weeꞌpo san, jiba iniꞌi nesauri, jukaꞌ jiba
yuu jiapsiwamta, nee bittuaꞌeaꞌu, nee betchiꞌbo, ka tuꞌisi
tawaka, in mukneeꞌuta nee juꞌuneiyaatuak.
\v 11 Taa juꞌu bebejeꞌeri inia weemtat juꞌuneaka, ae
nee bai taꞌaak, ka tuꞌik in joopeaꞌu nee waatituaka, intok
jiba junae nesauritae, ka tuꞌisi nee tawaka, in mukneeꞌuta
neu chupak.
\p
\v 12 Junuen san, juꞌu nesauri jiꞌojtei, junaꞌa, tua junuen
aꞌ weyeꞌpo aman, Liojta betana kaita ka tuꞌik jipue oꞌoben.
Intok juꞌu aꞌ teuwaaꞌu, Liojta betana weyeka, tuꞌika aet
aayuk, intok ket lutuꞌuria ausuꞌli.
\v 13 Taa junuen san, jaisa iniꞌi, juꞌu tuꞌu nesauri, junuen
tuꞌika, jaisa ka tuꞌisi nee tawaaka, in mukneeꞌuta neu
yaꞌaneeme jaꞌani. Kaachin junuentune. Ala juꞌu ka tuꞌuwa
in yaꞌari, junuen nee tawaak. Intok junuen, junukaꞌa ka
tuꞌik, aꞌ juꞌuneiyaatebok, junuen, junae tuꞌikue aꞌ yaak.
Intok jiba junueni, jukaꞌ ka tuꞌika ayukamta, cheꞌa juniꞌi
bepa ka aꞌ tuꞌireakaꞌuta, jiba juꞌu nesaurie juꞌuneiyaawak.
\p
\v 14 Juꞌuneate, jukaꞌ nesauri jiꞌojteita, ka inim betana,
taa Liojta betana aꞌ weyeꞌpo. Taa inepo ala, inim bwiapo
yoemtakai, ka tuꞌik betana, kia in eaꞌpo, ne ka au yumaka,
utteꞌapo benasi aꞌ jooa.
\v 15 Bweꞌituk inepo ne ka juꞌunea juꞌu in ino ujuꞌuꞌu
betana. Bweꞌituk jukaꞌ tuꞌik in joopeaꞌuta, ne ka aꞌ
jooa. Ala ne, jukaꞌ ka in tuꞌureꞌuta su ne ala jooa.
\v 16 Taa junuen, ka in joopeaꞌuta su ne joakai, junuen
inepo, ne a juꞌuneene, jukaꞌ Liojta betana nesaurita nee
betchiꞌbo aꞌ tuꞌireakaꞌpo.
\v 17 Junuen san inepo, ka in junen aꞌ tuꞌureꞌ betchiꞌbo,
ne aꞌ jooao, jukaꞌ ka tuꞌik. Ala juꞌu ka tuꞌik in boꞌo
jooriapeaꞌu net ayukame junuen nee jiapsitua.
\v 18 Bweꞌituk inonee juꞌuneiyaa, in tokti ka tuꞌi yoem
tukaꞌpo. Bweꞌituk inepone, jukaꞌ tuꞌisi weyemta boꞌo
jooriapea, taa kannee au yuuma.
\v 19 Bweꞌituk jukaꞌ tuꞌik in joopeaꞌuta, ne ka aꞌ jooa.
Ala ne jiba jukaꞌ ka tuꞌik, ka in tuꞌureꞌuta, ne cheꞌa
jooa.
\v 20 Junuen san, ka in joobaeꞌuta su joakai, inepo, ka
in junen eaꞌ betchiꞌbo jukaꞌ ka tuꞌik ne boꞌo jooria.
Taa ala, juꞌu ka tuꞌuwa in taka betana weyeme, junuen
nee jiapsitua.
\p
\v 21 Junuen san, inepo, inikaꞌa net tettea. Inepo tuꞌik
boꞌo jooriapeaka juniꞌi, wepulsi juꞌu ka tuꞌuwa net aayukaꞌpo.
\v 22 Nejpo, in jiapsi, net aneme ala ne, Liojta nesauri
jiꞌojteita aꞌ eiyaaka aꞌ tuꞌure.
\v 23 Taa senu weemta neu ayukamta ne mammatela. In
tuꞌi eeri bejeꞌeka anemta. Iniꞌi intok, juꞌu ka tuꞌuwa
in taka betana weeme, junuen nee kobaꞌika, nee utteꞌa
jooria.
\p
\v 24 In ka alleaꞌu net aayuk. Jabesa tua, iniꞌi in takaa,
ka tuꞌisi nee tawaaka, in mukneeꞌu betana, juꞌu nee jinneꞌuneeme.
\v 25 Lios aapo junaꞌa, itom yoꞌowe Jesukrijtota betchiꞌbo,
juꞌu nee jinneꞌume. Liojta ne tuꞌisi aet bai sae. Junuen
san, in tuꞌik waataꞌu, Liojta nesauri jiꞌojteita aꞌ chupaꞌ
betchiꞌbo ne aet jiapsek. Taa in taka betana, juꞌu ka
tuꞌik net ayukamta betchiꞌbo, juꞌu ka tuꞌuwa nee kobaꞌi.
\c 8
\s Juꞌu Liojta tuꞌu jiapsie, jiapsiwame
\p
\v 1 Iꞌan san junueni, jumeꞌe, Jesukrijtotamak eaka aꞌ
sualeme, kaachin Liojta bichapo ka tuꞌisi tawaane. Jumeꞌe,
bem taka betana ka tuꞌuwa amet ayukamta ka joaka jiapsame
betchiꞌbo, ala, Liojta betana tuꞌu jiapsita eaꞌpo aman
jiapsame.
\v 2 Bweꞌituk juꞌu bemela lutuꞌuria, Jesukrijtotamak
eaka, aꞌ sualeka, aapoꞌik tuꞌu jiapsi, jiba yuu jiapsiwamta
itot autuame, junaꞌa, ka tuꞌisi in tawaaneeꞌu betana intok
in mukneeꞌu betana, nee jinneꞌula.
\v 3 Bweꞌituk juꞌu Lios, jukaꞌ nesaurita, Moiseejtukaꞌuta
jiꞌojtekaꞌuta, junuen, itom takaam betana, jukaꞌ ka tuꞌik
betchiꞌbo, ka utteꞌata jipuekai, ka au yumaka, ka aꞌ yaakaꞌuta,
aapo juꞌu Lios aꞌ yaak. Bweꞌituk juꞌu Lios, tua aꞌ uꞌusiwata
itou bittuak, ito benasi aꞌ yoem yaakai, junuen, itom ka
tuꞌuwa yaꞌarim betchiꞌbo, jiokot au aꞌ bitneꞌ betchiꞌbo.
Inien san juꞌu Lios, jukaꞌ ka tuꞌik itot aukamta, Jesukrijtota
ito benasi aꞌ yoem yaꞌarika, jiba betchiꞌbo aꞌ koobak,
ka intok ka tuꞌisi tawaka, itom kokkoneꞌ betchiꞌbo.
\v 4 Inikaꞌa yaak juꞌu Lios, junuen itom a jukaꞌ nesauri
jiꞌojteita teuwaaꞌuta, chupiasi boꞌo joorianeꞌ betchiꞌbo.
Bweꞌituk iiꞌan, itepo jumeꞌ Krijtota sualeme, ka itom
jachin jiapsibaeꞌpo aman jiapsa. Taa itepo ala, Liojta
tuꞌu jiapsie aniawaka, aapoꞌik eaꞌpo aman te junuen itom
jiapsi iꞌawaꞌpo aman te jiapsa.
\p
\v 5 Bweꞌituk jumeꞌe, kia bem eaꞌpo aman, bem tuꞌureꞌuta
joaka jiapsame, junameꞌe, inim weyemtat jiba emo temae.
Taa jumeꞌe, Liojta tuꞌu jiapsita eaꞌpo aman jiapsame,
Liojta betana weyemtat jiba jiapsek.
\v 6 Juꞌu, inim weyemtat, senuk au temaineeꞌu, ka tuꞌisi
tawaka aꞌ mukneeꞌu ama aayuk. Taa juꞌu, Liojta tuꞌu jiapsita
betana, senuk au temaineeꞌu, jiba yuu jiapsiwame intok
yanti elwame ama aayuk.
\v 7 Jumeꞌ junuen, inim boꞌo jooriawamtat jiba emo temaime,
Liojtam bejeꞌeka aane. Bweꞌituk inimeꞌe, ka junen bem
eaꞌ betchiꞌbo, kattim jukaꞌ Liojta nesauri jiꞌojteita
aꞌ boꞌo jooria, intok ka au emo suꞌu toja juniꞌi.
\v 8 Junuen san, jumeꞌe, kia bem eaꞌpo aman, bem tuꞌureꞌuta
joaka jiapsame, junameꞌe kaachin, Liojta alleetuane.
\p
\v 9 Taa emeꞌe, ka kia enchim eaꞌpo aman, enchim tuꞌureeꞌuta
joaka jiapsa. Ala Liojta tuꞌu jiapsita eaꞌpo aman emeꞌe
jiapsa. Juꞌu Liojta tuꞌu jiapsi junuen emot jiapsaꞌateko.
Juꞌu, Jesukrijtota betana tuꞌu jiapsita ka aet aneꞌu,
junaꞌa, ka aapoꞌik yoemia.
\v 10 Taa junuen, Jesukrijto emot aneꞌeteko, enchim takaam,
junuen, enchim ka tuꞌik yaꞌari betchiꞌbo, kokkokame benasi
machikai, Liojta junuen enchim tuꞌu mabetlatukaꞌ betchiꞌbo,
juꞌu enchim jiapsi, jiba yuu betchiꞌbo jiapsine.
\v 11 Intok junueni, Jesukrijtota, kokkoarim nasuk jiabijtetuakamta,
juꞌu jiapsi, emot jiapsaꞌateko, jiba aapo juꞌu Lios, aapoꞌik
jiabijtetuakame, aapoꞌik tuꞌu jiapsita emot jiapsamtae,
inimeꞌe enchim takaam, a luꞌuteme, bemela jiapsita amet
autuane.
\v 12 Junuen san, Krijtopo nemak werim, itou utteꞌa, ka
itom eaꞌpo aman itom jiapsineeꞌu. Ala, Liojta tuꞌu jiapsi
eaꞌpo amani.
\v 13 Bweꞌituk emeꞌe junuen, enchim eaꞌpo aman jukaꞌ
ka tuꞌik enchim tuꞌureꞌuta aꞌ joaka jiapsaꞌateko, junak,
ka tuꞌisi tawaka enchim kokkoneeꞌu aet bitne. Taa Liojta
tuꞌu jiapsie aniawaka emeꞌe junuen jukaꞌ ka tuꞌik enchim
takaam joopeaꞌu betana, kokkokame benasi emo eiyaakai,
junak emeꞌe, jinneꞌurimtaka jiba yuu jiapsine.
\p
\v 14 Siꞌime wameꞌe, Liojta tuꞌu jiapsie aniawaka, siꞌimeku
ae tuꞌisi jiapsame, inimeꞌe Lios am yoemiak.
\v 15 Bweꞌituk, juꞌu, Liojta betana tuꞌu jiapsi emot aneme,
ka bettek enchim boꞌo jooriaka, juchi enchim majjauneeꞌuta
emeꞌe aet bitne. Taa ala, jukaꞌa, Liojta betana tuꞌu jiapsita,
Liojta itom yoemiakaꞌpo itom aꞌ juꞌuneiyaatumta. Intok
iniae aꞌ tuꞌu jiapsie, itepo, aapoꞌiku bicha nokaka: “Itom
achai”, ti te a au jiune.
\v 16 Jiba iniꞌi, Liojta tuꞌu jiapsi, itom aꞌ juꞌuneiyaatua,
lutula weeꞌpo, Liojta itom yoemiakaꞌpo.
\v 17 Intok itepo, aapoꞌik yoemiamtakai, ket itepo, aapoꞌik
Liojta, Krijtotau naꞌikiari, te aꞌ mabetne. Jiba aapoꞌik
Krijtotamak te junakaꞌa bitne. Bweꞌituk itepo iꞌan inim,
Jesukrijtota benasi jiokot ito bichaꞌateko, chukula, itou
naꞌikiakaꞌuta, aapoꞌik yoꞌo nesaweka katekaꞌu, itepo aꞌ
yoꞌoriwaaꞌuta, alleaka aamak aꞌ bitne.
\p
\v 18 Junuen taka juniꞌi, iniꞌi iꞌan inim jiokot itom
ito bichaꞌuta, iniamak tua ka a tamachiatu, waꞌa chukula
aman Jesukrijtotamak tua yoꞌorisi machik ujyoika itom
aꞌ bittuaneeꞌu.
\v 19 Bweꞌituk Liojta betana siꞌime jumeꞌ juꞌunakteim,
jiba tua eaka, jumeꞌ Liojta yoemiam, bem yeu machianaaꞌuta
taewaita bitpeaka, aꞌ boꞌo bicha.
\v 20 Bweꞌituk juꞌu juꞌunaktei, Liojta bichapo, kaitaꞌpo
tuꞌika taawawak. Iniꞌi intok, ka junuen aꞌ tawabaeꞌ betchiꞌbo,
taa ala Liojta junuen jaibu au aꞌ chupaꞌabaeꞌ betchiꞌbo
yeu siika. Taa junuentaka juniꞌi, juchi bemelasi aꞌ auneeꞌuta
au chup ean.
\v 21 Bweꞌituk siꞌime juꞌu juꞌunaktei, utteꞌapo iꞌan
aꞌ machiakaꞌa betana intok aꞌ luꞌutineeꞌu betana jinneꞌuitune.
Junuen ket, chukula, Liojta yoemiammak, bemelasi, jiba betchiꞌbo
bem bitneeꞌuta, amemak aꞌ bit betchiꞌbo.
\v 22 Bweꞌituk, juꞌuneate, iꞌan tajtia, siꞌime juꞌu, Liojta
juꞌunaktei, jamutta asoabaeꞌe benasi jiokot aꞌ inneꞌaaꞌuta
intok ka alleaꞌuta aet aꞌ aukaꞌpo.
\v 23 Intok kia ka iniꞌi wate jiapsame jiba, jiokot aane,
taa itepo juniꞌi ket, ale benasia, itepo jaibu jukaꞌ Liojta
tuꞌu jiapsita, chukula jukaꞌ itom mabetneeꞌuta, junuen
tua itom aꞌ mabetneꞌpo, itom aꞌ juꞌuneiyaatuamta, itot
aneka juniꞌi, tuꞌisi te itom jiapsipo aꞌ juiwa, intok
itepo, jiba te aꞌ boꞌo bicha, jak weyeo Liojta itom yoemiamtukaꞌpo
aman, tua junuen itom aꞌ mabetneeꞌuta. Junak san, jumeꞌ
chukula, jiba yuu itom takaaneeꞌum, itot aune.
\v 24 Bweꞌituk itepo, chukula itom bitneeꞌut, aꞌ sualeka,
aet jiapseka te jinneꞌurim. Bweꞌituk seenu, jukaꞌ chukula
aꞌ boꞌo bichaꞌuta, jaibu aꞌ bichaꞌateko, junako junakaꞌa
ka intok aet jiapseka aꞌ boꞌo bitne. Bweꞌituk jukaꞌa,
senuk junuen bichaꞌuta, kaachin senu aꞌ boꞌo bitbaekaꞌeene.
\v 25 Taa ala itepo, jukaꞌ itom chukula boꞌo bichaꞌuta,
kee bichakai, itepo jiba te aet jiapseka, ka jain eaka,
binwa aꞌ boꞌo bitne.
\p
\v 26 Ket jiba inien su, juꞌu Liojta tuꞌu jiapsi, ka itom
a au yumaꞌut juꞌuneaka, itom ania. Bweꞌituk itepo, katte
juꞌunea, juꞌu Liojtau bicha itom waataka itom aꞌauneeꞌut.
Taa Liojta betana tuꞌu jiapsi itot aneme, Liojtau bicha
itom nokria, ka a teuwaatuka, bettesi itom aꞌ ineꞌetuaka,
junuen itom nokria sime.
\v 27 Juꞌu Lios intok, itot ayukamta juꞌuneiyaame, jaibu
aꞌ tuꞌu jiapsiwata, ito betana aꞌ teuwaaꞌut juꞌunea.
Bweꞌituk juꞌu aꞌ tuꞌu jiapsiwata, siꞌimeku, Liojta eaꞌpo
aman, au bicha, itom, jumeꞌ aꞌ yoemiawam, nokria.
\s Cheꞌa juniꞌi yoꞌolamtaka te yeu rejte
\p
\v 28 Juꞌuneate, jukaꞌ Liojta, jumeꞌe, aapoꞌik nakeme betchiꞌbo,
aapo, siꞌimeta bem bichaꞌuta, ameu tuꞌik junaet ameu aꞌ
chupaꞌaneꞌpo. Jumeꞌe, aapoꞌik, jita betchiꞌbo yeu aꞌ puꞌarimmeu.
\v 29 Bweꞌituk jumeꞌ bat naataka Liojta jaibu am taꞌaaꞌum,
junak bat naataka naatekai, aapo yeu am puꞌak, junuen
aapoꞌik yoemia benasia bem jiapsineꞌ betchiꞌbo. Junuen,
jukaꞌ aꞌ uꞌusiwata, Jesukrijtota, juebenaka jumeꞌ nau
werim bepa aꞌ yoꞌotuneꞌ betchiꞌbo.
\v 30 Wameꞌe intoko, cheꞌa bat naatelaapo naateka, Liojta,
aapoꞌiku bicha yeu aꞌ puꞌarim, inimeꞌe ketchia, yumaꞌisi
bem aꞌ sualneeꞌut am aniak. Wameꞌe intok inien aꞌ sualekame,
inimeꞌe, ketchia, aapoꞌik bichapo, kaita ka tuꞌik yaꞌarime
benasi am bichak. Wameꞌe intoko inien tuꞌisi aꞌ mabetakaꞌum,
ketchia inimeꞌe, aapo tua yoꞌorisi machika aꞌ aneꞌu bem
aamak anneeꞌuta am bittuak.
\s Liojta, jaisa yee aꞌ nakeꞌu
\p
\v 31 Iꞌan su, jaisa te jiunee inia betana. Ineni. Jukaꞌ
Liojta junuen itomaktuko, kaabe itom bejeꞌeka a itom
kobaꞌane.
\v 32 Juꞌu Lios kia junuen jukaꞌ tua aꞌ yoemiawata juniꞌi,
ka ama aꞌ yoꞌeetuaka, ala, siꞌimem ito betchiꞌbo aꞌ mukneeꞌuta
au aꞌ chupakai. Inien tee a juꞌuneene, aꞌ usiwamak, siꞌimeta
jukaꞌ itou tuꞌik aapoꞌik itom aꞌ bittuaneꞌpo.
\v 33 Iꞌan kaabe aane, jumeꞌ Liojta yeu puꞌarim, ka tuꞌikut
a am naꞌatejoneeme. Bweꞌituk aapo juꞌu Lios junaꞌa, juꞌu
am tuꞌu mabetlame.
\v 34 Junuen san, kaabe aane, jumeꞌ ka tuꞌisi itom a tawaaneeme.
Bweꞌituk juꞌu Jesukrijto junaꞌa, juꞌu ito betchiꞌbo mukukame,
intok ket juꞌu, kokkoarim nasuk jiabijtekame, intok ketchia,
Liojtamak aꞌ bata tana kateka, juꞌu itom nokriame.
\v 35 Iꞌan kaabe aane, intok kia jita juniꞌi, kaita aane,
Jesukrijtota ka intok itom aꞌ nakneꞌ betchiꞌbo, itom
aꞌ koptatuaneeme. Kia juꞌu jiokot itom ito bitneeꞌu
juniꞌi, oo juꞌu obisi itou ayukame juniꞌi, intok kia jumeꞌ
itou suuame juniꞌi, intok kia juꞌu tebauriwame juniꞌi,
oo ka tajoꞌowame juniꞌi, oo juꞌu jinilwatchika itou ayukame
oo kia itom suꞌanaaꞌu juniꞌi.
\v 36 Liojta nok lutuꞌuriapo aꞌ jiꞌojteiꞌi benasia:
\q Ee betchiꞌbo, itepo, itom suꞌapeewaꞌu, chikti taꞌapo itou
aayuk,
\q Bwaram suꞌabaawaka, yeu puꞌarim benasi te eiyaawa.
\m
\v 37 Taa siꞌimek inia betana, itepo, jumeꞌ Krijtota sualeme,
juꞌu Krijtota itom nakekaꞌuta betchiꞌbo, siꞌimeta itou
ayukamta betana itepo aniawaka, itepo aꞌ kobaꞌika yeu
rejte.
\v 38 Junuen san, inen ne aꞌ lutuꞌuriatukaꞌpo juꞌunea,
Liojta jiba itom aꞌ nakneꞌ betchiꞌbo, kaita itoas ayukaꞌpo.
Kia kokkowamta itom majjauneeꞌu juniꞌi. Intok kia inim
jiapsaka, bettesi itou ayukame juniꞌi. Intok kia jumeꞌ
ankelesim juniꞌi. Intok kia jumeꞌ inim yoꞌo nesaweme
juniꞌi. Intok kia ka bittaka juniꞌi, jukaꞌ bebejeꞌerita
betana utteꞌakame juniꞌi. Intok kia inime taewaimmet
ayukame. Intok kia juꞌu chukula yeu machianeeme juniꞌi.
\v 39 Intok kia jum teekau ayukame intok inim bwiapo
ayukame juniꞌi. Intok kia jita taꞌabwika jukaꞌ Liojta
juꞌunaktei juniꞌi, tua kaita, aapoꞌik achai Liojta, itom
yoꞌowe Jesukrijtota ito betchiꞌbo aꞌ yaakaꞌue itom aꞌ
nak jiokoleeꞌuta itom aꞌ juꞌuneiyaatuakaꞌu betana inikaꞌa
aꞌ bejeꞌeka itom aꞌ koptatuaneeme.
\c 9
\s Lios, jukaꞌ Ijraꞌel yoemrata yeu puꞌari
\p
\v 1 Lutuꞌuriata ne teuwaa, Krijtota in sualeꞌpo amani.
Intok kannee kia beja junen jiia. Bweꞌituk, Liojta bichapo,
tuꞌisi in jiapsaꞌut intok Liojta tuꞌu jiapsie juꞌuneaka,
junuen aꞌ lutuꞌuriatukaꞌpo nee aꞌ juꞌuneiyaatua.
\v 2 Ama butti in siokaꞌu net aayuk. Intok in jiapsi
bettesi in ka alleaꞌu, jiba net aayuk.
\v 3 Inia betchiꞌbo, jiba inepo nee, Krijtota ka taꞌaaka,
ka tuꞌisi in tawarituneeꞌuta yeu puꞌapea, junuen iniae
jumeꞌ in wawaim, jumeꞌ tua nele benasi ijraꞌeliitam, a
am jinneꞌuimtuneeo.
\v 4 Inimeꞌe Ijraꞌeltukaꞌuta betana yoemiammet yeu katriam.
Intok inimeꞌe, cheꞌa bat naataka, Liojta betana yoemiarim
benasi bitri. Inimeꞌemak juꞌu Lios, ket machisi, tua juꞌunakkiachisi
amemaktuk. Intok ameu bemelasi weyemta betana ameu aꞌ
lutuꞌuria yaak. Jukaꞌ nesaurita, Moiseejtukaꞌuta jiꞌojtekaꞌuta.
Intok jum bweꞌu teꞌopopo, Liojta jachin bem yoꞌorineeꞌuta
am tejwaak. Intok chukula, jukaꞌ tuꞌik ameu aꞌ chupneꞌeti
aꞌ jiakaꞌuta.
\v 5 Bempo, tua bat naataka katriam, yeu puꞌarim, itom
yoꞌowasukaꞌummet yoemiarim. Intok junae yoemrata betana,
ito benasi aꞌ yoemtukaꞌ betchiꞌbo, juꞌu Jesukrijto, inim
yoemtuk. Aapo, juꞌu siꞌimeta bepa Liojtakai, jiba yuu
betchiꞌbo aꞌ yoꞌorinaaꞌuta au aune. Intok tua junuentune.
\p
\v 6 Taa Liojta betana weyeka, juꞌu ijraꞌeliita yoemratau
chupneꞌ teaꞌuta, aꞌ teuwaawakaꞌuta, ka jak ka ameu chupuk
oꞌoben. Ala, ka siꞌime jumeꞌ Ijraꞌeltukaꞌuta betana yeu
katriam, lutuꞌuriapo Liojta bichapo aꞌ yoemiawaimpo eiyaawa.
\v 7 Intok kia jumeꞌ Apraꞌamtukaꞌuta betana yeu katriam,
ka siꞌime, lutuꞌuriapo, Liojta bichapo junameꞌe aꞌ yoemiawam
benasi eiyaawa. Taa ala Lios inen au aꞌ teuwaakan: “Jumeꞌ
tua et yeu katriamtuka, em yoemiam benasi taꞌeenaame,
Isaak teamtat yeu katriam, junameꞌemtune.”
\v 8 Iniꞌi inikaꞌa teuwaa oꞌoben, jabeta juniꞌi, ka inim
jita yoemrata betana aꞌ weyeka juniꞌi, ka junae betchiꞌbo
jiba, Liojta betana aꞌ yoemiatuneꞌpo. Ala, jumeꞌ tua lutuꞌuriapo
aet yeu katriam benasi eiyaawame, jumeꞌ Liojta juꞌu Apraꞌamtukaꞌutau
aꞌ teuwaakaꞌpo aman, au aꞌ chupakaꞌutat betana aet yeu
katriam junameꞌem.
\v 9 Bweꞌituk juꞌu, Liojta, Apraꞌamtukaꞌutau chupneꞌeti
jiakaꞌu, iniꞌi junaꞌa: “Juchi wasuktiat, inim taewaita
weyeo, ne notteo”, ti jiia, “junako, juꞌu Saaraꞌa teame
oꞌouta asoꞌolatune.”
\p
\v 10 Intok ka iniꞌi jiba, taa wooi, jumeꞌ Rebeekaꞌ teamta
ouꞌasoam, wepuꞌulaik nau achaika juniꞌi, jukaꞌ itom yoꞌowasukaꞌuta
Isaak teamta.
\v 11-13 Taa junako, inimeꞌe ketun kee yeu am yoemtuu,
intok kia jita tuꞌik oo ka tuꞌik, kee am yaꞌalatuko juniꞌi,
juꞌu Lios, juꞌu Rebeekaꞌ teamtau: “Juꞌu cheꞌa yoꞌowe,
jukaꞌ Jakoop teaka, chukula weemta bepa cheꞌa ka eiyaatuka,
inikaꞌa aꞌ jikkajineꞌeti,” au jiiak. Iniꞌi, jum Liojta
nok lutuꞌuria jiꞌojteipo ket inien aꞌ jiꞌojteiꞌi benasi
weye: “Jukaꞌ Jakooboꞌ teamta nee aꞌ nak taꞌaak. Taa
jukaꞌ Esauꞌ teamta intok nee ka junuen aꞌ nakek”, ti
aꞌ jiaꞌapo. Jiba inien chupiataka taawak juꞌu aapoꞌik
Liojta aꞌ nesaweeꞌpo aman, yee yeu aꞌ puꞌaaꞌu, iniꞌi, wameꞌe
tua aapoꞌik junuen aꞌ waataꞌpo aman yeu aꞌ puꞌawaaꞌu.
Junammet jukaꞌ bem yaꞌariakaꞌuta ka amet bichakai.
\p
\v 14 Junak su, jaisa te tua jiune, jaisa, juꞌu Lios ka
ammaꞌali weyemta jooa jaꞌani. Kaibu junuentune.
\v 15 Bweꞌituk Moiseejtukaꞌutau nokaka inen au jiiak
juꞌu Lios: “Inepo junen eaka, jumeꞌ in jiokolibaeꞌum
ne jiokoine. Intok jukaꞌ in nak jiokolibaeꞌuta, ne nak
jiokoline”, ti jiiak.
\v 16 Junuen san juꞌu, senuk, Liojta betana mabetneeꞌu,
ka senuk eaꞌpo aman, oo aapoꞌik au aꞌ utteꞌa jooriaꞌ
betchiꞌbo weye. Ala Liojta yee nak jiokoleꞌ betchiꞌbo
weye.
\v 17 Bweꞌituk jum Liojta nok lutuꞌuriapo, juꞌu bwiaraa
Ejiiptoꞌ teaꞌpo yoꞌo yaꞌuttau, Paraon teamtau inen au
aꞌ jiakaꞌu, jiꞌojtei: “Enchi ne yoꞌo yaꞌut yaꞌala, jiba
nee betana, jukaꞌ in utteꞌata, eewas aꞌ juꞌuneiyaa iꞌakai.
Intok junuen siꞌime yoemrata betana, in jabetukaꞌpo aꞌ
juꞌuneiyaatuneꞌ betchiꞌbo.”
\v 18 Junuen san juꞌu Lios, jukaꞌ aꞌ nak jiokolibaeꞌuta,
junuen aꞌ nak jiokoline. Intok ket, jabeta juniꞌi, ka
aamak aꞌ eeneꞌ betchiꞌbo, junuen aꞌ bejeꞌeka aꞌ eetua.
\p
\v 19 Taa empo inen a nattemainee: “Junuentukaꞌateko,
jaisaaka juꞌu Lios yee ka tuꞌisi tawaa. Bweꞌituk kaabe,
Liojta bejeꞌeka an betchiꞌbo au yumaꞌane.”
\v 20 Taa empo, kia yoemtakai, jabesa empo junuen, Liojta
em bejeꞌeneꞌ betchiꞌbo. Maasu, juꞌu babue yaꞌari, juꞌu
aꞌ yaakamtau: “Jaisaaka empo inien nee yaa”, ti ka
a au jiune.
\v 21 Bweꞌituk juꞌu babuta tekipanoame, junae babue, aꞌ
yaꞌabaeꞌuta yaꞌ betchiꞌbo, lutuꞌuriak, jiba junae babue,
senuk sotoꞌita yeu puꞌarita benak aꞌ yaꞌane. Senuk intok
ket, ka junaen, taꞌabwisi jachin machik aꞌ yaꞌane.
\p
\v 22 Iniꞌi su, inien juꞌu Lios, wameꞌe tua jiokot ameu
aꞌ chupꞌeaꞌum, luꞌutaꞌeewame, inimeꞌe aapo tua binwaa
amet boꞌo bichaka inien yee jiokot aꞌ bittuaꞌuta intok
siꞌime utteꞌata aet ayukaꞌuta junuen aꞌ juꞌuneiyaa tebokai.
\v 23 Inikaꞌa yaak junuen, aapo inim itomake, aapoꞌik
betana kaita aapoꞌik benaka jiba yoꞌorisi machika, aꞌ
nesaweeꞌuta itom aꞌ juꞌuneiyaatuabaekai, iitom, jumeꞌ
aapoꞌik tua aꞌ nak jiokolekaꞌum. Intok jaibu, bat naatelaapo
naateka yeu aꞌ puꞌarim, junale benak tua eiyaawatchika
yoꞌorisi machik, itom aman aamak aꞌ bitneꞌ betchiꞌbo.
\v 24 Juꞌu Lios, aapo itom nunuk, waatem jurio yoemrata
betana, watem intok ket, jumeꞌ ka juriom betana.
\v 25 Jum Oseajtukaꞌuta jiꞌojtekaꞌpo aꞌ jiaꞌa benasia:
\q Jumeꞌe, bat naataka ka in yoemiamtukaꞌum, junameꞌe, iꞌan
in yoemiampo ne am taꞌaane.
\q Intok jukaꞌa, bat naataka ka in nakekaꞌuta, iꞌan ne aꞌ
nak taꞌaane.
\q
\v 26 Intok jiba jum bwiaraapo:
\q “Emeꞌe ka nee betana yoemrapo taꞌeewa”, ti ameu jiuwakaꞌpo,
\q Jiba junamaꞌa, inimeꞌe, Lios, yuu jiapsamta betana, bem
yoemiawaimtukaꞌpo taꞌeenaa.
\m
\v 27 Taa ket jumeꞌ intok Ijraꞌel yoemrata betana, juꞌu
Isaꞌiaj tukaꞌu inen aꞌ teuwaak: “Ijraꞌeltukaꞌuta betana,
jumeꞌ aet yeu katriam, seꞌeta bawe mak bwikola aukamta
benasi ka a naꞌikiatu maisi juebenaka juniꞌi, kia jumeꞌe,
siꞌimem inimeꞌe betana, ka jaikika yeu beꞌekame jiba,
jinneꞌuimtune.
\v 28 Bweꞌituk juꞌu itom achai Lios, aapoꞌik inim bwiapo
yeu weeneꞌeti jiaka aꞌ teuwaari, kaita beꞌeeka, chubalaposu,
aet yeu yumaꞌane.”
\v 29 Jiba aapoꞌik, jukaꞌ Isaꞌiajtukaꞌuta bat naataka
aꞌ jiakaꞌa benasia:
\q Jukaꞌ ankelesimmeu Lios, teekapo katekamta,
\q Jumeꞌ itot yeu katriamtuneeme ka itom mikako,
\q Wooi, jumeꞌ bwere joꞌaram, Sorooma intok Komooraꞌ teame
kaitaꞌpo tawakaꞌa benasi te au ean.
\s Jumeꞌ juriom, intok juꞌu Krijtota betana nok lutuꞌuria
\p
\v 30 Junak su inen te jiune. Jumeꞌ ka juriomtakai, intok
Liojta betana bem tuꞌu mabettuneeꞌuta, bat naataka ka
aꞌ jariwaꞌum. Inimeꞌe, junameꞌemtuk, jumeꞌ Liojta bichapo
tuꞌisi mabetwakame. Inimeꞌe, Jesukrijtota bem sualekaꞌ
betchiꞌbo, junuen, Liojta bichapo tuꞌu mabetwak.
\v 31 Taa ka junueni jumeꞌ Ijraꞌeltukaꞌuta betana yoemra,
jumeꞌ nesauri jiꞌojteim boꞌo jooriaꞌum, Liojta bichapo
junae tuꞌisi tawa machikai, kattim junakaꞌa nesauta weyeꞌpo
aman aet yeu yuumak.
\v 32 Bweꞌituk bempo, bempoꞌim ka Liojta sualeka, aꞌ boꞌo
jooriakaꞌ betchiꞌbo. Ala, bempo, tuꞌik boꞌo jooriaka tuꞌu
mabettubaen. Junae betchiꞌbo Jesukrijtota ka sualeka,
senuk tetat teꞌitekaꞌa benasi aet jiꞌobek.
\v 33 Liojta nok lutuꞌuriapo aꞌ jiꞌojteiꞌi benasia:
\q Yuu, ti jiia juꞌu Lios, jum kaupo, Sion teaꞌpo, senuk ne
aman bittuane.
\q Inikaꞌa, tetata, aet teꞌitinaaꞌuta benasi maachik.
\q Juebenaka aet ka tuꞌisi tawane.
\q Taa juꞌu, aꞌ sualeme, ka ae tana bai taꞌaatune.
\c 10
\p
\v 1 Krijtopo nemak werim, juꞌu tua junen jiaka in eiyaaꞌu
intok Liojtau bicha in nokaꞌu, iniꞌi, jukaꞌ jurio yoemrata
aꞌ jinneꞌuituneeꞌu junaꞌa.
\v 2 Taa ne ala, ame betana ne inen aꞌ teuwaa, Liojta
betana weyemtat bem jiapsekaꞌpo, taa ala bem boꞌo jooriaꞌut,
Liojta bem yoꞌoreeꞌut ka junaen aꞌ lutuꞌuriatukaꞌpo
aman aꞌ jooa.
\v 3 Bweꞌituk bempo kattim juꞌunea, Liojta jachin yee
aꞌ tuꞌu mabetaꞌpo, ala bempo, bem junuen aꞌ tuꞌureꞌpo
aman aneka, Liojta betana tuꞌu mabetrimtubae. Taa jukaꞌa,
aapoꞌik yee aꞌ tuꞌu mabetaꞌu betana, ka aꞌ mabetakai,
omola aꞌ tawaa.
\v 4 Bweꞌituk, Jesukrijtota yaakaꞌue, juꞌu nesauri jiꞌojtei,
ka intok aꞌ utteꞌatuneꞌ betchiꞌbo, junama tajtia aꞌ tawaak.
Intok ket, iꞌan, siꞌime jumeꞌ aꞌ sualeme, Liojta betana
am tuꞌu mabettebo.
\p
\v 5 Juꞌu intok jumeꞌ nesauri jiꞌojteimmea, senuk, Liojta
bichapo kaita ka tuꞌik yaꞌari benasi aꞌ mabet tuneeꞌu
betana nokakai, juꞌu Moiseejtukaꞌu: “Juꞌu inia nesaurit
tuꞌisi yeu yumakame, ae betchiꞌbo jiba yuu jiapsine”,
ti aꞌ teuwaak.
\v 6 Taa Jesukrijtota sualeka, junuen Liojta yee aꞌ mabetaꞌu
betana, inen jiꞌojtei: “Ka inien eebaanee: Jabesa tua,
teekau sikaa, junuen Krijtota aꞌabo koꞌom nottituane”,
ti eakai.
\v 7 Intok kia ka inen jiubaanee juniꞌi: “Jabesa tua,
bwiata betukun a noitine, intok junuen, kokkolam nasuk,
Krijtota aꞌ jiabijtetuane”, ti eakai.
\v 8 Inien jiꞌojtei: “Jukaꞌ Liojta teuwaaꞌuta, empo
jaibu aꞌ juꞌuneiyaa. Intok aꞌ teuwaa.” Iniꞌi Liojta
nok lutuꞌuria, juꞌu Jesukrijtota betana, jachin aꞌ sualnaaꞌu
itom yee majtanaaꞌu junaꞌa.
\v 9 Bweꞌituk, empo, Jesukrijtota emo yoꞌowak, ti juebenam
bichapo aꞌ teuwaakaꞌateko, intok tua lutuꞌuriapo, aapoꞌik
kokkoarim nasuk, Liojta aꞌ jiabijtekaꞌuta sualeꞌeteko,
empo jinneꞌuitune.
\v 10 Bweꞌituk juꞌu Liojta bichapo tuꞌu mabettubaeme,
tua junuen jiaka aꞌ sualeme junaꞌatune. Intok juꞌu junuen
jinneꞌuitubaeme, juebenam bichapo, Jesukrijtota aꞌ sualeꞌuta
aꞌ teuwaaneeme, junaꞌatune.
\p
\v 11 Bweꞌituk Liojta nok lutuꞌuriapo inen jiꞌojtei:
“Jabetaka juniꞌi aꞌ sualeme, ka ae tana bai taꞌaatune.”
\v 12 Bweꞌituk Liojta bichapo, jumeꞌ juriom, intok jumeꞌ
waate, ka juriomtakai juniꞌi, ka taꞌabwisi, taa siꞌime
nanancha eiyaawa. Bweꞌituk wepul achai Liojta, siꞌimem
nau aꞌ yoꞌowak. Intok siꞌimem wameꞌe, au bicha emo nokriame,
ae betana, kaita beꞌeeka aꞌ mabetne.
\v 13 Taa ket inen aꞌ jiꞌojteiꞌi benasia: “Jabetaka
juniꞌi, waꞌa tua junen jiaka, juꞌu itom yoꞌowabeu bicha,
aapoꞌik aꞌ jiokolineeꞌuta aꞌawame, junaꞌa jinneꞌui tune”,
ti jiꞌojtei.
\v 14 Taa kaachin au bicha emo nokriane, ka aꞌ sualekai.
Intok kia kaachin aꞌ sualne, aapoꞌik betana weyemta kee
jikkajilamtakai. Intok kaibu aꞌ jikkajinee jukaꞌ Liojta
nok lutuꞌuriata, kaabeta ameu aꞌ teuwaao.
\v 15 Intok kia inimeꞌe juniꞌi, kaachin, jukaꞌa, Liojta
nok lutuꞌuriata yee majtane, kaabeta aet am tekil makako.
Liojta nok lutuꞌuriapo inien aꞌ jiꞌojteiꞌi benasia:
“Tua naksi eiyaanaa, jumeꞌe, mekka betana, wokimmea kateka,
Krijtota betana, bemelasi weyeka intok tuꞌik yee majtame”,
ti jiakai.
\p
\v 16 Taa junuentaka juniꞌi, ka siꞌime jumeꞌ inikaꞌa
bemela nok lutuꞌuriata jikkajame aꞌ mabbeta. Iniꞌi, jukaꞌ
Isaꞌiaj tukaꞌuta aꞌ jiꞌojtekaꞌa benasi weye: “Achai
Lios, kaabe ee betana itom teuwaaꞌu aꞌ suale”, ti jiakai.
\v 17 Junuen san, juꞌu, aapoꞌik sual taꞌeewame, iniꞌi, aapoꞌik
betana aꞌ jikkajiwaꞌpo iniat yeu weama. Juꞌu intok jikkajinaame,
iniꞌi, juꞌu, Jesukrijtota betana nok lutuꞌuria junaꞌa.
\p
\v 18 Taa inen ne nattemae, jaisa bempo, Krijtota betana
nok lutuꞌuriata ka jikkajakamme jaꞌani. Janaꞌaka. Juꞌuneewa
bem aꞌ jikkajilaꞌpo, Liojta nok lutuꞌuriapo aꞌ jiꞌojteiꞌi
benasia:
\q Jumeꞌ Liojta betana yeteu noktuawakame, siꞌime bwiat
yeu tajtia jikkajituk.
\q Intok juꞌu, bem teuwaaꞌu, siꞌime aniat yeu tajtia jiapsammeu
yuumak.
\m
\v 19 Taa juchi ne nattemae, jaisa juꞌu Ijraꞌelta yoemra
ka aꞌ juꞌuneiyaa jaꞌani. Janaꞌaka. Juꞌuneamme. Cheꞌa
bat naataka juꞌu Moiseejtukaꞌu inen aꞌ jiꞌojtek:
\q “Inepone”, ti jiia juꞌu Lios, “enchim, wate yoemratat,
ka tua juebena yoemratakai, ka tua eiyaawame, enchim mammatetuakai,
emeꞌe junammet koptine.
\q Intok senu yoemra, ka suawakame betchiꞌbo ne enchim
omtituane”, ti jiia juꞌu Lios.
\m
\v 20 Cheꞌa chukula ket juꞌu Isaꞌiajtukaꞌu, cheꞌa witti
ameu aꞌ teuwaak inen jiakai:
\q Jumeꞌ ka net emo temaime, junammeu nee net am juꞌuneetuak.
\q Intok jumeꞌ ka nee nattemaimmeu, junammeu ne ino yeu
bwisek.
\m
\v 21 Juꞌu intoko ijraꞌeliita yoemrata betana, juꞌu Isaꞌiajtukaꞌu:
“Jiba taꞌapo nee inia yoemra, ka a tejwaatuka intok
kaa, yoꞌoraakammeu, neu bicha nee am nunu”, ti jiia.
\c 11
\s Ijraꞌel yoemrataka, jumeꞌ jinneꞌurim
\p
\v 1 Taa iꞌan intok, jaisa juꞌu Lios, jukaꞌ aꞌ yoemrawata,
ijraꞌeliitam teame omola tawaak jaꞌani. Kaibu junuentune.
Bweꞌituk jiba ineponee ijraꞌeliita yoemra, Apraꞌamtukaꞌutat
yeu katriam, intok senu, Benjamin teamta betana yoemiarim
betana nee yeu simria.
\v 2 Tua bat naatakai juꞌu Lios, jukaꞌ ijraꞌel yoemrata,
aapoꞌik am yoemiakaꞌa benasi junuen am mabetak. Intok
iꞌani, ka omola am tawaari. Iniau waateꞌem, jum Liojta
nok lutuꞌuriapo emeꞌe aꞌ juꞌuneiyaaka, juꞌu Eliajtukaꞌuta
betana nokaka inen aꞌ jiꞌojteitukaꞌpo, aapoꞌik Liojtau
bicha nokaka, jukaꞌ Ijraꞌel yoemrata bejeꞌeka am naꞌatejokaꞌpo:
\v 3 “Achai”, ti jiakai, “jumeꞌ ee betana weyemtat
juꞌuneetuawaka yeteu nonokame, bempo am suꞌak. Intok
jum teꞌopompo sawaawamta nasontek. Intok inepolaanee
enchi yoꞌoreka jiba tawala. Intok nee juniꞌi ket meꞌebaemme.”
\v 4 Taa juꞌu Lios inen aꞌ yoopnak: “Woo busan miil
yoemem, ijraꞌeliitam betana ne juꞌuneiyaa, junakaꞌa ka
tua lios Baꞌal teamta kee aꞌ yoꞌoreka, ka au tonommea
japtelame.”
\v 5 Junuen san ket jiba junak benasia, inimeꞌe taewaimmetchi
jumeꞌ ijraꞌeliitam betana, waate, tua ka juebenaka tawala,
jumeꞌ Liojta ama butti yee aꞌ nak jiokoleꞌ betchiꞌbo
yeu puꞌarim.
\v 6 Taa junuen, Liojta ama butti yee aꞌ jiokoleꞌ betchiꞌbo
tuko, kaachin junuen jita tuꞌik senuk a joaꞌu betchiꞌbotune.
Bweꞌituk junuen, senuk a joaꞌu betchiꞌbo tuko, Liojta
ama butti yee aꞌ jiokoleeꞌuta, kaita teuwaa ean.
\p
\v 7 Junak su, juꞌu Ijraꞌel yoemra inen bem bitbaeꞌuta,
ka jajamek. Taa junameꞌe betana, ka jaikika, Liojta yeu
puꞌakaꞌum aꞌ jajamek. Jumeꞌ watem intok, ka aamak eaka
ka aꞌ jajamtuawak.
\v 8 Liojta nok lutuꞌuriapo inen aꞌ jiꞌojteitukaꞌa benasia:
“Juꞌu Lios, inimeꞌe, aapoꞌik betana weyemtat ka bem juꞌuneeneꞌ
betchiꞌbo, junuen am tawaak. Liojta ame nasuk joaꞌuta,
bichaka juniꞌi, katim aꞌ mammatek. Intok aapoꞌik betana
lutuꞌuriata jikkajaka juniꞌi, katim aꞌ mabetak. Intok
iꞌan tajtia inien weye.”
\v 9 Juꞌu Labiitukaꞌu ket inen aꞌ teuwaak:
\q “Juꞌu pajkowame, bempoꞌim boꞌo jooriaꞌu, ka tuꞌisi ameu
chupne.
\q Junuen, junaet ka tuꞌisi tawaka, Liojta betana jiokot
machik bem bitneꞌ betchiꞌbo”, ti jiakai.
\q
\v 10 “Intok kia chukula juniꞌi, jukaꞌa, Liojta ame nasuk
joaꞌuta bichaka juniꞌi, ka bichame benasi, ka bem mammateneeꞌu
ameu aune.
\q Intok juꞌu ka tuꞌik bem boꞌo jooriaꞌu, jiba betchiꞌbo
betteka, koꞌom poꞌola am tawaane.”
\s Jukaꞌ ka jurio yoemrata ket, jaisa jinneꞌuitukaꞌu
\p
\v 11 Iꞌan su, jaisa jumeꞌ ijraꞌel yoemra junuen aet
jiꞌobekai, jaisa jiba betchiꞌbo tokti aet jiꞌobek jaꞌani.
Kaibu junuentune. Taa ala, jumeꞌ juriom junuen, Liojta
ka nok jikkajakai, jumeꞌ ka juriom, bem jinneꞌuimtuneeꞌuta
jajamek. Junuen, jukaꞌ ijraꞌel yoemrata, am bichaka, amet
kopteka, ame benasi Liojta betana weyemtat emo temaineꞌ
betchiꞌbo.
\v 12 Junuen san, jumeꞌ juriom, junuen ka ammaꞌali aukaꞌu,
siꞌime jumeꞌ jiapsame betchiꞌbo tuꞌisi yeu sikaari.
Intok ket juꞌu, bem jiꞌobekaꞌu, jumeꞌ ka juriom betchiꞌbo,
tuꞌisi ameu chupukai. Junuen san, cheꞌa juniꞌi tuꞌine,
siꞌime jurio yoemrata, juchi benasi Liojta yoꞌoreka, au
emo suꞌu tojako.
\p
\v 13 Taa emeꞌe, jumeꞌ ka juriommeu senu weemta ne emou
teuwaabae. Bweꞌituk juꞌu Lios, jumeꞌ ka juriommeu bicha
nee yeu puꞌari. Nee intok, inikaꞌa in tekil maki, ka kia
jita tekiltukaꞌpo juꞌuneaka, ne aet jiapsek.
\v 14 Junuen, watem nele benasi juriomtakai, jumak juniꞌi,
enchim bichaka, emo benasi Liojta betana weyemtat jiapsine,
ti eakai, intok junuen, watem jinneꞌuimtu iꞌakai.
\v 15 Junuen jumeꞌ juriom, Liojta betana ka eiyaawakai,
junae betchiꞌbo siꞌime juꞌu wate yoemra inim jiapsame,
Liojtamak a bem emo tuꞌuteneeꞌuta jajamekai. Junuen
san inimeꞌe, chukula, Liojta bichapo juchi tuꞌu mabetwako,
cheꞌa juniꞌi tuꞌine. Bweꞌituk bempoꞌim betchiꞌbo, kokolamtaka
intok juchi jiabijtekame benane.
\v 16 Juriom bat naataka aꞌ boꞌo jooriaꞌa benasia machikai.
Bweꞌituk jumeꞌ paanim, bat yeu sikame, kittimmea yaꞌari,
junameꞌe paanim, Liojtau bicha am naꞌikiarituko, jiba
su tua ket, siꞌime jumeꞌ kittim juniꞌi, Liojtau bicha
naꞌikiarimtu benasi bitnaa. Intok kia aꞌ juyataka juniꞌi,
aꞌ nawam, Liojtau bicha naꞌikiarituko, jiba su tua ket,
jumeꞌ nassaꞌakariam juniꞌi, aapoꞌiku bicha betchiꞌbotune.
\p
\v 17 Maasu, waate, jumeꞌ juriom, oliiboꞌouwotau tammachiawaka,
junakaꞌa nassaꞌakariaka, chuktawakame benasi mamachi.
Intok inimeꞌe chuktawakaꞌpo, empo, ka juriotakai intok
kia beja juyapo oliiboꞌouwotakai, junakaꞌa nassaꞌakariatuawak.
Jiba inien empo, inia tuꞌi oliiboꞌouwota nawa, empo ket
aꞌ nawaka intok ket ae jiapsakai.
\v 18 Taa empo, iꞌan junakaꞌa ouwota aꞌ nassaꞌakaria
benakai, ka jumeꞌ waate, ka aꞌ nassaꞌakariam bepa cheꞌa
emo eiyaane. Junuen empo cheꞌa emo eiyaꞌateko, iau waatine,
jukaꞌ nawata ka empo utteꞌata em aet autuaꞌu. Taa ala
jukaꞌ nawata junuen utteꞌata et aꞌ autuaꞌu.
\p
\v 19 Taa jumak empo inen jiunee: “Lutuꞌuria ala, taa
junameꞌe nassaꞌakariam chuktawak, junuen junameꞌe weeꞌpo
in nassaꞌakariatuneꞌ betchiꞌbo.”
\v 20 Lutuꞌuria oꞌoben, taa junameꞌe junuen yaꞌatuk, ka
Liojta bem aꞌ sualeꞌ betchiꞌbo. Taa empo intok, em aꞌ
sualeꞌ betchiꞌbo jiba, junuen tuꞌu mabetri. Junuen san,
empo, ka cheꞌa emo eiyaabaane. Ala aet ee majjaune.
\v 21 Bweꞌituk juꞌu Lios junuen, junameꞌe bat naataka
tua aꞌ yoemiakaꞌum, bem ka tuꞌisi aukaꞌut ka am jiokoekaꞌateko,
enchi juniꞌi ka aet jiokoine.
\v 22 Junuen akeꞌem aꞌ mammate, Liojta junuen itomak
aꞌ tuꞌireakaꞌpo. Taa ketchia, aapoꞌik tua junama waꞌam,
kuttipo aꞌ nesaweꞌpo. Jumeꞌ ka ammaꞌali aukammak junuen
bettesi ameu aꞌ chupak. Taa enchi ala, tuꞌik ausuꞌlik
yaꞌariala. Taa utteꞌa junuen aapoꞌik ama butti enchi
aꞌ jiokolekaꞌpo aman jiba em aꞌ sualneꞌpo. Bweꞌituk
ka junuentuko, empo juniꞌi junuen omola tawaanaa.
\v 23 Intok junuentaka juniꞌi, jumeꞌ juriom juchi benasi
aꞌ sualekaꞌateko, juchi benasi bemelasi mabetnaa. Bweꞌituk
juꞌu Lios, juchi bemelasi am tuꞌu mabet betchiꞌbo ama
yumaꞌane.
\v 24 Bweꞌituk empo junuen, ka juriotaka juniꞌi, juyapo,
oliiboꞌota benasi machika, chuktawaka, tuꞌi oliiboꞌouwotau
yoꞌoturiawakai, ka junuen eu aꞌ lutuꞌuriatuko juniꞌi.
Junuen san, cheꞌa juni san, jumeꞌ juriom junakaꞌa tuꞌik
oliiboꞌouwota, jiba aꞌ nassaꞌakariakame benakai, juchi
bemelasi junameꞌe, Liojta betana tuꞌu mabettune.
\s Ijraꞌel yoemrataka, jumeꞌ siꞌimeta chupiꞌiseo, jinneꞌuituneeme
\p
\v 25 Taa Krijtopo nemak werim, senu weemta, inikaꞌa kaabeta
juꞌuneiyaaꞌuta, nee enchim juꞌuneiyaa iꞌa. Junuen enchim
ka ama butti jitat enchim emo juꞌuneelineꞌ betchiꞌbo,
jukaꞌ Ijraꞌel yoemrata wateku junuen, Liojta nok lutuꞌuriatat
ka bem aꞌ taꞌaatuawakaꞌpo, junuen bem ka aꞌ mabetbaeꞌ
betchiꞌbo. Taa inimeꞌe, jumeꞌ wate ka nanau machi yoemra,
kaabem beꞌeeka, siꞌimem Krijtota sualneeme aꞌ sualeꞌu
tajtia jiba junuen anne.
\v 26 Inikaꞌa inien yeu simsuka, junak siꞌime juꞌu Ijraꞌel
yoemrata jinneꞌuimtune. Bweꞌituk Liojta nok lutuꞌuriapo
inen jiꞌojtei:
\q “Juꞌu yee jinneꞌuneeme, senu kawi, Sion teamta betana
yeu machine.
\q Intok junaꞌa, Jakooboꞌ teamta betana, jukaꞌ yoemrata,
ka ammaꞌali bem jiapsaꞌu betana, am aniaka am jinneꞌune.
\q
\v 27 Junak intok inepo junuen, bem ka tuꞌuwa yaꞌari betana
am jiokoisukai,
\q Junuen inepo, bemelasi amemak senu lutuꞌuriata yaꞌane”,
ti jiia juꞌu Lios.
\p
\v 28 Junuen san, Jesukrijtota nok lutuꞌuriata betchiꞌbo
jumeꞌ juriom, Liojta bejeꞌeme benasi tawaari, junuen enchim,
jumeꞌ ka juriom, a jinneꞌuimtuneꞌ betchiꞌbo. Taa juꞌu
Lios, junameꞌe, ketuni am nake. Bweꞌituk inimeꞌe betana,
jumeꞌ bat bem yoꞌowasukaꞌum yeu puꞌarimtuk.
\v 29 Bweꞌituk juꞌu Lios, senuk au yumaka, jukaꞌ aꞌ jooneeꞌuta,
yetet aꞌ autuaꞌuta, ka juchi yee aꞌ uꞌuꞌuuraa. Intok
kia jumeꞌ aꞌ usiwaimtuneꞌ betchiꞌbo aꞌ nunukaꞌum juniꞌi,
ka am kop kopta.
\v 30 Emeꞌe, bat naatakai ka Liojta nok jikkajak. Taa
iꞌan, jumeꞌ juriom junuen emo benasi, Liojta ka am nok
jikkajaꞌ betchiꞌbo, juꞌu Lios, enchim nak jiokolek.
\v 31 Jiba junaen, bempo iꞌan, ka Liojta nok jikkajak.
Taa junuen, Liojta a am nak jiokolineꞌ betchiꞌbo jiba,
ket enchim aꞌ nak jiokoleꞌe benasia.
\v 32 Bweꞌituk juꞌu Lios, siꞌime yoemrata, nanancha, aapoꞌik
ka nok jikkajame benasi tawaari, jiba junaen, siꞌime yoemrata,
nanancha aꞌ nak jiokolibaeꞌ betchiꞌbo.
\p
\v 33 Tua ka jajam maisi maachi intok kaitau a tammachiatu,
Liojta a joaꞌu. Intok juꞌu jitat aꞌ juꞌuneaꞌu, intok
aꞌ koba suawa. Aapoꞌik yaꞌabaeꞌuta, kaabe juꞌunakkiachisi
a yeu aꞌ bwijne. Intok aꞌ boꞌo jooriaꞌut, jachin aꞌ joaꞌut,
aet juꞌunee betchiꞌbo kaabe aꞌ jajamne.
\v 34 Bweꞌituk kaabe Liojta betana eerimmet juꞌuneame
aane. Intok kia kaabe aane, Liojta majtakame.
\v 35 Inim tua kaabe aane, waꞌa Liojta bat jita aꞌ mikaka,
intok junuen, jiba junae betchiꞌbo, chukula aapoꞌik betana
jita mabetneeme.
\v 36 Bweꞌituk siꞌime juꞌu ayukame, Liojta betana juꞌunakteitaka
aayuk. Intok jukaꞌ inim jiapsaka ayukamta, aꞌ utteꞌae,
aapo aꞌ jiapsitua. Intok siꞌime juꞌu ayukame, aapoꞌik
ae eiyaꞌ betchiꞌbo aayuk. Siꞌimem betana aꞌ yoꞌorinaaꞌu
jiba yuu betchiꞌbotune. Tua junuentune.
\c 12
\s Siꞌimeku, wepulsi Liojta betchiꞌbo jiba, jiapsiwame
\p
\v 1 Junuen san Krijtopo nemak werim, emou ne ujbwana,
Liojta tuꞌisi yee aꞌ nakeꞌ betchiꞌbo, intok Liojta junuen
alleetuaꞌ betchiꞌbo, emeꞌe jita aꞌ mikakamta benasi, au
emo suꞌu tojineꞌ betchiꞌbo. Wepulsi aapoꞌik betchiꞌbo
jiba, intok Liojta ae alleetua maisia jiapsakai. Iniꞌi,
tua junuen jiaka, ka jiapsita bepa, enchim Liojta yoꞌorineeꞌu
junaꞌatune.
\v 2 Ka inim aniapo ka tuꞌisi jiapsiwaꞌa benasia emeꞌe
jiapsibaane. Taa ala emeꞌe, taꞌabwisi, wepulsi tuꞌikut
jiba enchim jiapsineeꞌut emo temaine. Junuen emeꞌe, yumaꞌisi,
bemelasi intok taꞌabwisi jiapsi betchiꞌbo. Junuen emeꞌe
a aet juꞌuneenee jukaꞌ Liojta jitat junuen enchim aꞌ
boꞌo jooria iꞌaꞌut, inikaꞌa jukaꞌ tuꞌik boꞌo jooriawamta,
jukaꞌ ae Liojta alleeneeꞌut intok siꞌime lutuꞌuriaka
weyemtat.
\p
\v 3 Liojta ama butti yee aꞌ nakeꞌ betchiꞌbo, aapoꞌik
betana in aet juꞌuneetuawaka in a joaꞌu betchiꞌbo, siꞌimem
emou nee inikaꞌa teuwaabae. Kaabeta emo nasuk, cheꞌa
bepa au jabelineꞌ betchiꞌbo. Ala, weꞌepulaka, junuen au
aꞌ juꞌuneiyaaꞌpo aman, emot juꞌuneaka, ka cheꞌa au eiyaane.
Liojta betana aniawaka, jachin maisi Krijtota aꞌ sualeꞌpo
aman.
\v 4 Maa suko, junuen, itepo ka nanau machika, juebenakue
itom takaa, wepulsi takaasi yaꞌari. Intok ka siꞌime juꞌu
junuen ka nanancha juꞌunaktei, wepulsi weemta jooa.
\v 5 Junuen san ket itepo juniꞌi, jumeꞌ Krijtota sualeme,
juebenakai juniꞌi, Jesukrijtota mak eaka, itom aꞌ sualeꞌ
betchiꞌbo, takaata wepulsi aꞌ machiakaꞌa benasia, wepuꞌulai
benasi te nau eiyaawa. Intok itepo, jukaꞌ takaata junuen
juebenaka nau aꞌ yaꞌaritukaꞌa benasia, itom nau eaka
naas itom ito anianeeꞌuta, itou utteꞌa.
\p
\v 6 Intok juꞌu Lios, yee aꞌ nakeꞌ betchiꞌbo, itom weꞌepulaim,
ka nanau machika a itom boꞌo joorianeeꞌuta itot autualaa,
aapoꞌik aꞌ tuꞌureꞌpo aman junuen weyemta. Itepo junuen,
jukaꞌ itot autuari, tuꞌisi te aꞌ boꞌo jooriane. Jumeꞌ
Liojta betana weyemta aꞌ juꞌuneiyaaka aꞌ teuwaꞌateko,
junakaꞌa, Jesukrijtota itom aꞌ sualeꞌut eaka aꞌ teuwaane.
\v 7 Juꞌu, watem bit betchiꞌbo junuen aꞌ taꞌaaka, aet
au yumame, aet jiapsine. Juꞌu intok, Krijtota nok lutuꞌuriatat
juꞌuneaka, a yee aꞌ majtame, aet au tekil makne, yee majtaꞌ
betchiꞌbo.
\v 8 Juꞌu, Liojta betana weyemtat yee a jiapsituame, junakaꞌa
boꞌo jooria betchiꞌbo, aet au temaine. Juꞌu yee mimikame,
kaita aet mabet boꞌo bichakai aꞌ joone. Juꞌu intok nau
yaajiwaꞌpo, junakaꞌa weetuaꞌ betchiꞌbo aꞌ tekiakame, aet
jiapseka, ama waꞌam aꞌ joone. Juꞌu, jumeꞌ jiokot emo bichame
am aniame, alleaka aꞌ joone.
\s Jumeꞌ Krijtota sualeme, jaisa jiapsiꞌeaꞌu
\p
\v 9 Enchim naas emo nakneeꞌu, lutuꞌuriatune. Jukaꞌ ka
tuꞌik boꞌo jooriawamta ka aꞌ eiyaabaane, ala, jukaꞌa, siꞌime
tuꞌik boꞌo jooriawamta tuꞌureka, aet jiapsine.
\v 10 Emeꞌe, emo nasuk emo nak taꞌaanee Krijtota nau
sualeme tua emo am eiyaꞌa benasia. Emo nasuk, weꞌepulaka,
kia jitaꞌapo juniꞌi, watem cheꞌa emo eiyaa tebokai. Intok
siꞌime naas emo yoꞌorekai.
\p
\v 11 Emo utteꞌa jooriane, ka oꞌobene. Intok yoꞌowe Jesukrijtota
betana tekilet jiapseka, aet emo temaine.
\v 12 Alleaka jiapsine. Chukula enchim mabet boꞌo bichaꞌut
jiapsekai. Jiokot emo bichaka, ka seej chukti eaka, a
boꞌo bitne. Liojtau bicha jiba enchim nokneeꞌuta ka
aꞌ koptane.
\p
\v 13 Jumeꞌe, Krijtota sualeka, jitaꞌapo jiokot eame, emeꞌe
aniane. Intok jumeꞌe, mekka betana emou aneme, enchim
joꞌaampo am mabetaka, tuꞌisi am bitne.
\p
\v 14 Jumeꞌe, ka enchim tuꞌureka emou suuame, tuꞌik ame
tana waatane. Intok ameu tuꞌu nokne. Intok ket Liojtau
bicha, tuꞌik am aꞌauriane. Intok ka tuꞌik, ka ameu bicha
aꞌ eiyaane.
\p
\v 15 Jumeꞌe, jitaꞌapo juniꞌi alleammake, emeꞌe, junameꞌemak
ket alleene. Intok jumeꞌe, jitat juniꞌi siokaka, ka alleammak,
emeꞌe amewit junuen eene.
\p
\v 16 Wepulsi, siꞌimeku nau eewame, emo nasuk aune. Kaabe
cheꞌa emo eiyaane. Ala emeꞌe junuen, kaitaꞌpo cheꞌa emo
eiyaammake, emeꞌe amewit eene. Emeꞌe, ka unnaa jita emo
taꞌaaline.
\p
\v 17 Ka tuꞌik emou yaꞌawakamta betana, emeꞌe ka jujutbaane.
Siꞌimem bichapo, siꞌimeku, tuꞌisi enchim jiapsineeꞌut
emo temaine.
\v 18 Inia weyemtat emo utteꞌa jooriane, enchim au yumaꞌu
tajtia, junuen siꞌimemmak yanti elaka jiapsi betchiꞌbo.
\v 19 Krijtopo nemak werim, in nakeꞌum. Emeꞌe kaitat
jujutbaane. Ala Liojta mampo siꞌimeta suꞌu tojine. Bweꞌituk
Liojta nok lutuꞌuriapo inen jiꞌojtei: “Ineponee junaꞌa
juꞌu jiokot yee yaꞌaneeme. Ineponee ameu aꞌ lutuꞌuriatukaꞌpo
aman, ameu aꞌ chupaꞌane”, ti jiia juꞌu achai Lios.
\v 20 Intok ket inen ama jiꞌojtei: “Jukaꞌ enchi bejeꞌeka
anemta, aꞌ tebaureo, aꞌ jiꞌibwa mikne. Intok aꞌ baꞌae
mukeo, aꞌ baꞌa mikne. Bweꞌituk empo junuen au aꞌ tiutuane.”
\v 21 Ka tuꞌik, ka enchim yaꞌaneꞌ betchiꞌbo, emo aet suuane.
Ala, cheꞌa, tuꞌik ausuꞌlik enchim boꞌo joorianeeꞌue emot
aꞌ ayuka, ka tuꞌik kobaꞌika, omola aꞌ tawaane.
\c 13
\p
\v 1 Kaabe yeu beꞌaaka, yaꞌuraata nesaupo aman jiapsine.
Bweꞌituk kaabe nesau ean, ka Liojta betchiꞌbotuko. Inimeꞌe
intoko, yaꞌuraa ayukame junuen, Liojta junen eaꞌ betchiꞌbo
yoꞌo yaꞌari.
\v 2 Junuen san jabetaka juniꞌi, yaꞌuraata bejeꞌeka aneme,
jukaꞌ Liojta junuen nesawekaꞌuta bejeꞌeka anemta benane.
Jumeꞌ intok, junuen yaꞌuraata bejeꞌeme, jiba junae betchiꞌbo
ka tuꞌisi aulam. Intok junameꞌe jiokot yaꞌatune.
\v 3 Bweꞌituk jumeꞌ yaaꞌuchim, jumeꞌ tuꞌik ausuꞌlik joammeu
ka suuane. Ala jumeꞌ ka tuꞌik joammewi. Inien san beja,
empo, jumeꞌ yaaꞌuchim ka majjaubaeꞌeteko, tuꞌisi jiapsine.
Intok junueni juꞌu yaꞌuraa, tuꞌisi em aneꞌu, e tana aꞌ
teuwaane.
\v 4 Bweꞌituk junameꞌe, Liojta betana junakaꞌa jooa.
Eu tuꞌik betchiꞌbo enchi suakai. Taa empo, ka tuꞌik joaꞌateko,
junak empo majjaune. Bweꞌituk juꞌu yaꞌuraa junuen yee
jiokot yaꞌa betchiꞌbo, lutuꞌuriaka junuen nesawe. Junameꞌesu,
Liojta betana aꞌ joakai, junuen jukaꞌ ka tuꞌik joamta,
au aꞌ lutuꞌuriatukaꞌpo aman, junuen jiokot am jooa.
\v 5 Junuen san utteꞌa, jukaꞌ yaꞌuraata nok jikkajipo.
Inia wooi weemta betchiꞌbo. Ka kia jiokot em yaꞌanaaꞌuta
ka eu auneꞌ betchiꞌbo jiba, taa ketchia, Liojta bichapo
tuꞌisi em jiapsaꞌpo em aꞌ juꞌuneiyaaneꞌ betchiꞌbo.
\v 6 Intok ket jiba inia betchiꞌbo jukaꞌ tomita, yaꞌuraatau
bicha weyemta aꞌ nenka. Bweꞌituk juꞌu yaꞌuraa, Liojta
betana tekilta joame benaka, intok inikaꞌa tekiaka, aꞌ
boꞌo jooria.
\p
\v 7 Siꞌimemmeu emo betana bem mabetꞌeaꞌuta junuen em
ameu aꞌ chupaꞌane. Jukaꞌ yaꞌuraatau bicha enchim bejeꞌetuaꞌeaꞌuta,
aꞌ bejeꞌetuane. Jumeꞌ intok enchim yoꞌoriꞌeaꞌum, akeꞌem
am yoꞌorine. Jumeꞌ intok, enchim eiyaaꞌeaꞌum, akeꞌem am
eiyaane.
\v 8 Kaabeta jita wikiriabaane. Ala, emo nasuk, juꞌu enchim
naas emo nakneeꞌuta ka emou biꞌine. Bweꞌituk juꞌu yee
nakeka jiapsame, junuen Liojta nesauri jiꞌojteita weyeꞌpo
aman aulatune.
\v 9 Bweꞌituk jumeꞌ nesaurim inen jiꞌojtei: “Jamutta,
ka aꞌ jubeka, ka aamak emo tuꞌurine. Intok ka yee sussuꞌane.
Ka jita etbwabaane. Intok ka lutuꞌuriae, kaabeta nanaꞌatejone.
Jukaꞌ ka em atteata, ka waatabaane.” Taa inimeꞌe nesaurim,
intok siꞌime jumeꞌ waate, inen weyemtae chupe: “Em emo
nakeꞌe benasia, jukaꞌ ele benasi yoemta junuen aꞌ nakne”,
ti jiamtae.
\v 10 Juꞌu yee nakeme, kaibu jukaꞌ ale benasi yoemta
ka tuꞌik au yaꞌabaane. Junuen san beja, juꞌu yee nakeme,
nesauri jiꞌojteim betana weyemta, tua junama waꞌam aꞌ
chupaꞌalatune.
\p
\v 11 Intok ketchia, iꞌan, inim weyemtat mammateka jiapsine.
Intok juꞌuneiyaakai, iꞌan, cheꞌa enchim aet emo temaeka
aet jiapsineꞌpo. Bweꞌituk iꞌan, cheꞌa juniꞌi kaita beꞌee,
inim ka tuꞌik betana itom jinneꞌuimtuneeꞌuta tua junaen
itou chupneeꞌuta, Krijtota nok lutuꞌuriata itom sualeka
aꞌ mabetak bepa.
\v 12 Tukaaria jaibu simsuka, intok taewai jaibu naateꞌe
benasi maachi. Inien san itepo, tukaapo ka tuꞌik boꞌo
jooriawamta, aꞌ suꞌu tojine. Intok itepo tachiriapo aneme
benasi, Liojta betana weyeka, itom ae ito jinneꞌuneeꞌuta,
aꞌ eiyaaka, ae ito aniane.
\v 13 Katte jak waꞌam jachin juniꞌi jiapsibaane. Taa
siꞌimeku itepo suasi jiapsine, tachiriapo rejtiꞌeewaꞌa
benasia. Naakowamta intok ka weelaꞌpo jiꞌibwawamta ka
joaka jiapsine. Intok kia taꞌabwi jaamuchim mak ito
tuꞌuriwamta juniꞌi. Ka tuꞌikut ka emo taꞌarune. Intok
kia ka nok nassuabaanee juniꞌi. Intok ka watem atteat
koptine.
\v 14 Taa ala emeꞌe, yoꞌowe Jesukrijtota betana aꞌ tuꞌu
jiapsie emo aniane. Intok enchim takaam betana, ka tuꞌik
emot ayukamta, ka aꞌ tuꞌureka aꞌ eiyaabaane.
\c 14
\s Ka juꞌu Krijtopo emak werikut jitat nokbaanee
\p
\v 1 Senuk juꞌubwa Krijtota sualeka, kee tua aet utteꞌitumta
ama aneo, emeꞌe, ka wate weemtat, ka juꞌunakkiachikut, aamak
etejoka, taa alleaka aꞌ mabetne.
\v 2 Maa su, waate Krijtota sualeme aane, siꞌime wakajta
bem bwaꞌaneꞌpo aꞌ tuꞌi, ti eaka aꞌ suale. Wate intok,
kee tuꞌisi Krijtota sualeme, jiꞌuta jiba bem bwaꞌaneꞌpo
aꞌ tuꞌiꞌitiꞌeame.
\v 3 Juꞌu, junuen siꞌimeta bwaꞌeeme, jukaꞌ junuen watek
ka a bwaꞌatu, ti eamta, ka jaana aꞌ eiyaane. Juꞌu intok,
junuen ka siꞌimeta bwaꞌeeme, jukaꞌ siꞌimeta a bwaꞌeemta,
ka jaana aet nokne, ka ammaꞌali aꞌ aneꞌeti jiakai. Bweꞌituk
junakaꞌa, juꞌu Lios ket aꞌ tuꞌu mabetla.
\v 4 Ka eu chaꞌaka, taꞌabwik tekokamta, jitat em aet nokneꞌpo.
Bweꞌituk junakaꞌa, tuꞌisi, oo ka tuꞌisi aamak aꞌ tawako,
juꞌu aꞌ tekowa aamak juꞌunea. Intok junuen jumeꞌe, Krijtota
sualeka aꞌ mabetlame, tuꞌisi tawane, bweꞌituk juꞌu yoꞌowe
Jesukrijto, junuen tuꞌisi am tawaneꞌ betchiꞌbo am aniaꞌpo
au yuuma.
\p
\v 5 Maa su ket, wate, Krijtota sualeme aane, Liojta yoꞌori
betchiꞌbo, taewaim betana, senuk cheꞌa emo aꞌ tuꞌurituame.
Intok ket waate aane, siꞌime jumeꞌ taewaim, nanancha aꞌ
eiyaaka aꞌ sualeme. Weꞌepulaka nattepola tuꞌisi juꞌuneenee
jita betchiꞌbo junuen bem aꞌ sualeꞌpo.
\v 6 Juꞌu, taewaim betana senuk cheꞌa yeu puꞌame, Liojta
yoꞌorika junuen aane. Juꞌu intok ka junuen aꞌ joame,
ket jiba Liojta aet yoꞌoreka junuen aane. Juꞌu intok,
siꞌimeta a au bwaꞌee tiꞌeame, Liojta yoꞌoreka junuen
aꞌ jooa. Bweꞌituk Liojta ae betchiꞌbo baisae. Juꞌu intok
ket, wakajta ka aꞌ bwaꞌeeme, junuen ket Liojta yoꞌoreka,
ka aꞌ bwaꞌee. Intok ket Liojta aet bai saune.
\v 7 Bweꞌituk kaabe inim ito betana, ka watem betana
aniawaka, aapolai benasi jiba jiapsame. Intok kia kaabe,
aapolai benasi mukuka, ka watem sioktuaneeme.
\v 8 Bweꞌituk itepo ket inim jiapsakai, Jesukrijtota
yoꞌowaka te jiapsine. Intok itepo kokkoko juniꞌi, jiba
aapoꞌik yoꞌowaka te kokkone. Junuen san, itepo, inim jiapsaka,
oo chukula kokkoka juniꞌi, aapo juꞌu Lios itom yoemiak.
\v 9 Bweꞌituk juꞌu Jesukrijto junuen muukuk, intok ket
juchi jiabijtetuawak, junuen, iꞌan jiapsammeu intok kia
jaibu kokkoarimmeu juniꞌi, yoꞌotubaekai.
\p
\v 10 Taa empo, jabetaka juniꞌi, ka eu lutuꞌuria, Krijtopo
emak werik ka tuꞌisi em aꞌ tawaaneꞌpo oo kia jak waꞌam
em aꞌ eiyaaneꞌpo. Bweꞌituk siꞌime itepo, achai Liojtau
yeu machine, junuen aapoꞌik betana itot aꞌ juꞌuneiyaanaꞌ
betchiꞌbo, tuꞌisi oo ka tuꞌisi itom jiapsakaꞌut.
\v 11 Bweꞌituk jum Liojta nok lutuꞌuriapo inen jiꞌojtei:
\q In jiapsaꞌpo, tua lutuꞌuriatukaꞌa benasia, ti jiia juꞌu
achai Lios, junuen ket, kaabe yeu beꞌeka, siꞌime yeu tajtia,
nee yoꞌoreka, tonommea japtine.
\q Intok ket siꞌime, siꞌimem bichapo, Liojtaka in aneꞌepo
aꞌ teuwaane.
\m
\v 12 Junuen san itepo, weꞌepulaka, juꞌu itom jiapsisukaꞌu
betana, Liojta bichapo juꞌuneiyaatune.
\s Ka jukaꞌ Krijtopo emak werik, ka tuꞌikut jiꞌoptuabaanee
\p
\v 13 Junuen san, iꞌan, itepo ka jitat naas nat nokne.
Taa ala emeꞌe, cheꞌa iniat jiapsine, Krijtopo emomak werik,
kaitaꞌpo bem emo betchiꞌbo aꞌ jiꞌobeka, ka tuꞌik aꞌ yaꞌaneeꞌutchi.
\v 14 Juꞌuneane, bwaꞌawamta, oo jita juniꞌi, ka tuꞌisi
yee aꞌ tawaaneeꞌuta, kaita aet ayukaꞌpo. Inia betana
intok junuen aꞌ lutuꞌuriatukaꞌpo ne aet juꞌunea, yoꞌowe
Jesukrijtota in aꞌ sualeꞌpo aman. Taa senu junakaꞌa,
jita juniꞌi tua ka au aꞌ tuꞌi ti eame, junuen, junae betchiꞌbo,
ka tuꞌisi aet tawaane.
\v 15 Taa intok, wakajta oo jita em bwaꞌeꞌ betchiꞌbo,
jukaꞌ Krijtopo emak werik, ka aet aꞌ alleeo junak empo,
junae bichapo junuen, junakaꞌa bwaꞌeꞌeteko, ka yee nakemta
benasi annee. Junuen empo, senuk ket, Krijtota ae betchiꞌbo
mukukaꞌuta, ka junuen aꞌ jiꞌoptuabaane, junuen kia jita
juniꞌi em bwaꞌapeaꞌ betchiꞌbo.
\v 16 Junuen san, emeꞌe, jukaꞌ enchim tuꞌiꞌitiꞌeaka, enchim
joaꞌut, ka emot noknaꞌ betchiꞌbo, aet emo suuane.
\v 17 Bweꞌituk Liojta yoꞌo nesaweka katekaꞌu betana,
juꞌu lutuꞌuria yee jinneꞌume, ka bwaꞌawame oo juꞌu jiꞌiwame
junaꞌa aꞌ teuwaa. Ala, Liojta bichapo tuꞌisi jiapsiwame
junaꞌa. Intok yanti elaka intok alleaka, Liojta tuꞌu
jiapsi betchiꞌbo itot ayukame junaꞌa.
\v 18 Juꞌu junuen aꞌ boꞌo jooriaka, Jesukrijtota betana
tekilta joame, Liojta alleetuaka jiapsine. Intok inim,
watem betana tuꞌisi aꞌ aneꞌepo juꞌuneiyaanaa.
\p
\v 19 Junuen san itepo, siꞌimemmak yanti elaka itom jiapsineeꞌut,
bichau bicha te aet ito temaine. Intok junuen, junae
itepo, Liojta betana weyemtat naas ito aniane.
\v 20 Jukaꞌ inim, Liojta betana weyeka boꞌo jooriawamta,
kateꞌe kia jita em bwaꞌeeꞌu betchiꞌbo junuen aꞌ bejeꞌeka
em anbaane. Juꞌuneewa, siꞌime bwaꞌamta, kaita ka tuꞌik
aet ayukaꞌpo. Taa seenu, ka tuꞌisi aune, aapoꞌik jiꞌibwaꞌ
betchiꞌbo, watem, Krijtota bem sualeꞌu betana ka tuꞌikut
jiꞌoptuakaꞌateko.
\v 21 Wakajta empo ka bwaꞌeꞌeteko, tuꞌine. Intok kia
paꞌasi baꞌawata ka jeꞌeꞌeteko, tuꞌine. Intok kia jita
juniꞌi ka joone, jukaꞌa, Krijtopo emak werik ka junuen
junaet aꞌ jiꞌoptuaꞌ betchiꞌbo oo ka junuen ka tuꞌisi
tawaa betchiꞌbo oo Krijtota aꞌ sualeꞌut, ka koꞌom aꞌ
eeneꞌ betchiꞌbo.
\v 22 Inia betana, juꞌu em aꞌ sualeꞌut, empola junuen
Liojta bichapo em aꞌ sualeꞌpo juꞌuneene. Aꞌ alleaꞌu
aet aune, juꞌu jabetaka juniꞌi, aꞌ joaꞌut siꞌimeku tuꞌisi
aꞌ aneꞌepo, Liojta bichapo au juꞌuneiyaame.
\v 23 Bweꞌituk seenu, aꞌ bwaꞌeeꞌu betana uuꞌeaka aꞌ bwaꞌeeme,
junuen aꞌ bwaꞌeeka, ka tuꞌisi aet au tawaane. Bweꞌituk
junakaꞌa ka aꞌ yoemꞌeiyaaka aꞌ bwaꞌakai. Bweꞌituk siꞌime
juꞌu senuk ka aet yoem eaka joowame, junaet ka tuꞌisi
tawane.
\c 15
\s Ka empo, emo alleetuabaane, ala, ele benasi yoemta jitaꞌapo alleetuanee
\p
\v 1 Junuen san, itepo jumeꞌ cheꞌa tutti Krijtota sualeme,
jumeꞌ kee tutti aꞌ sualeme, jitaꞌaku ka ammaꞌali bem
jiapsaꞌut, ameu tuꞌu jiapseka, junaet am aniane, cheꞌa
tuꞌisi bem jiapsineꞌ betchiꞌbo. Intok ka itepo jiba
itom tuꞌureꞌuta joaka, yanti elne.
\v 2 Itepo weꞌepulaka, jumeꞌ ito benasi yoememmak tuttuꞌine,
ametana tuꞌik waataka. Intok jitaꞌpo ameu tuꞌik betana,
intok siꞌimeku, Krijtota cheꞌa tuꞌisi bem sualneeꞌut
am aniakai.
\v 3 Bweꞌituk aapo Jesukrijto juniꞌi, ka aapoꞌik eaꞌpo,
aꞌ tuꞌureꞌuta joaka jiapsak. Taa ala, Liojta nok lutuꞌuriapo
aꞌ jiꞌojteiꞌi benasia au yeu siika: “Jumeꞌe, Liojta
jaana jiaawaame teuwaakaꞌuta, neu yeu chupuk.”
\v 4 Bweꞌituk siꞌime juꞌu bat naataka yeu sikaari, Liojta
nok lutuꞌuriapo jiꞌojtewakame, junuen jiꞌojteituk, itom
ae majtituneꞌ betchiꞌbo. Junuen, chukula itom mabetneeꞌut
eaka, itom aꞌ boꞌo bitneꞌ betchiꞌbo. Junuen, junakriapo
aꞌ boꞌo bichakame, intok junameꞌe, alleewamta jajamekaꞌuta,
ama juꞌuneiyaakai.
\v 5 Aapo juꞌu Lios, juꞌu ket, binwa a itom boꞌo bitneꞌ
betchiꞌbo itom aniame, intok ka itom koꞌom eaka, jiba
itom alleeneeꞌuta itot autuame, aapo junuen enchim aniane,
wepulsi, siꞌimem nau eaka, enchim jiapsineꞌ betchiꞌbo,
Jesukrijtota enchim jiapsi iꞌaꞌpo amani.
\v 6 Junuen beja, siꞌime wepulsi nanancha eaka, jukaꞌ
itom yoꞌowe Jesukrijtota Lios achaiwata, au bicha nokaka,
enchim alleaꞌuta teuwaaka, tua junuen jiaka aꞌ yoꞌorine.
\s Krijtota nok lutuꞌuria, ket jumeꞌ ka juriom aꞌ majtawa
\p
\v 7 Junuen san emeꞌe, nanancha emo eiyaaka, emo tuꞌu
mabbetne. Jesukrijtota itom aꞌ tuꞌu mabetakaꞌa benasia.
Junuen Liojta aꞌ nakwaka aꞌ yoꞌorinaꞌ betchiꞌbo.
\v 8 Bweꞌituk juꞌu in teuwaaꞌu, Jesukrijtota, jumeꞌ ijraꞌeliitam
tuꞌikut am aniabaeka, ameu yepsakaꞌu junaꞌa. Junuen bat
naataka, jumeꞌ itom yoꞌowamtukaꞌum, Liojta ameu bicha
naꞌikiakaꞌuta, aꞌ chupaꞌabaekai. Intok junuen Liojta
aꞌ teuwaarit, ka aꞌ koptaka, siꞌimekut aꞌ chupaꞌuta juꞌuneiyaanaꞌ
betchiꞌbo.
\v 9 Taa ketchia, junuen, jumeꞌ ka juriom juniꞌi, ket Liojta
tuꞌisi yee aꞌ jiokoleꞌ betchiꞌbo, bem aꞌ yoꞌoreꞌuta au
teuwaaneꞌ betchiꞌbo. Liojta nok lutuꞌuriapo aꞌ jiꞌojteiꞌi
benasia:
\q “Inia betchiꞌbo, inepo, ka nanau machi yoemrata nasuk,
nee enchi yoꞌorine.
\q Intok enchi yoꞌoriteboka, ne eu bicha bwikne”, ti jiia
juꞌu yoꞌowe Krijto.
\m
\v 10 Intok ket jiba Liojta nok lutuꞌuriapo omot inen
jiꞌojtei:
\q Alleene, emeꞌe, ka nanau machi yoemra, jumeꞌ Liojta yoemiammake.
\m
\v 11 Ket intok, juchi omot inen jiꞌojtei:
\q Siꞌime juꞌu yoemra aniat yeu tajtia, achai Liojta yoꞌoreka,
au bicha bwikne,
\q Intok siꞌimeraa, jachin maisi aꞌ eiyaawatchiakaꞌuta
aꞌ teuwaane.
\m
\v 12 Juꞌu Isaꞌiajtukaꞌu ket inen aꞌ jiꞌojtek:
\q Issaiꞌi teamta betana, seenu, aꞌ yoemiam betana yeu machine,
\q Juꞌu, jukaꞌ ka nanau machi yoemratau yoꞌotaka aꞌ sauneeme.
\q Junaꞌa yoemra intok, tuꞌik aet mabet boꞌo bitnee aꞌ
yoem eiyaakai.
\p
\v 13 Lios, aapo juꞌu, chukula itom mabetneeꞌut itom jiapsineꞌ
betchiꞌbo itom aniame, enchim tuꞌisi alleeneeꞌuta emot
autuane. Intok junuen, aapoꞌik sualeka, yanti elaka enchim
jiapsineeꞌuta emot aune. Junuen beja, cheꞌa juniꞌi Liojtat
enchim boꞌo bitneeꞌuta ka aꞌ koptaka jiba emot aune.
Liojta tuꞌu jiapsie aniawakai.
\p
\v 14 Krijtopo nemak werim, emo betana ne aꞌ lutuꞌuriatukaꞌpo
ne juꞌunea, ama butti yee nak jiokoleka enchim jiapsaꞌpo.
Intok Liojta betana lutuꞌuriat yumaꞌisi enchim juꞌuneaꞌpo.
Intok ket, tuꞌikut enchim a emo sua tejwaaꞌut juꞌuneaꞌpo.
\v 15 Taa inim jiꞌojtei in emou bittuaꞌpo, inia wate
weemta betana ne kaita essoka emou aꞌ teuwaa. Junuen
inikaꞌa ka enchim koptaneꞌ betchiꞌbo. Inikaꞌa ne jooa,
Liojta ama butti yee aꞌ nakeꞌ betchiꞌbo nee aet aꞌ tekil
makakaꞌ betchiꞌbo.
\v 16 Jesukrijtota betana weyemta, jumeꞌ ka juriom nasuk
aꞌ boꞌo jooriakai. Iniꞌi intok in joaꞌu, Liojta betana
nok lutuꞌuria yee jinneꞌuneeme in yee majtaꞌu junaꞌa.
Junuen, jumeꞌ ka juriom, Liojta bichapo am tuꞌu mabettu
iꞌakai. Liojta tuꞌu jiapsie junuen wepulsi aapoꞌik betchiꞌbo
jiba jiapsakai.
\p
\v 17 Taa inepo, Jesukrijtota in sualeꞌpo amani, Liojta
betana in tekilet, in boꞌo jooriaꞌut, in aet ino uttianeeꞌu
net aayuk.
\v 18 Bweꞌituk inepo kaita jita taꞌabwik intok ne a
teuwaa. Ala jukaꞌa, Jesukrijtota betana weyeka neas aꞌ
joaꞌuta jiba. Junuen jumeꞌ ka juriom, Liojta a bem nok
jikkajineeꞌuta am majtakai. Iniꞌi intok, in yee majtaꞌue
intok in joaꞌue yaꞌari.
\v 19 Liojta a jita joaꞌapo aman, machilaata, intok watek
ka a jootu maisi machikue. Intok Liojta betana tuꞌu
jiapsi in mabetrie aniawakai, yaꞌari. Inien san, inepo,
Jesukrijtota betana aꞌ nok lutuꞌuriawata, yumaꞌisi nee
yee aꞌ majtala, bweꞌu joꞌara Jerusalen teaꞌpo naateka,
intok siꞌimekut, bwiaraa Iliirikoꞌ teaꞌu tajtia.
\v 20 Junuen, inepo, Jesukrijtota nok lutuꞌuriata yee
majtaka nee junuen aet jiapsisuk, siꞌimekut jum Krijtota
team jakwoo juniꞌi ka juꞌuneiyaariꞌpo, ka junuen, watem
jaibu yajilata yee majtakaꞌpo, ka amet chaꞌaka yee majtabaekai.
\v 21 Ala cheꞌa, Liojta nok lutuꞌuriapo inen aꞌ jiꞌojteitukaꞌa
benasia:
\q Wameꞌe, jakwoo juniꞌi ka ae betana jikkajisukame, aꞌ
jikkajine.
\q Intok wameꞌe, jakwoo juniꞌi kee ae betana tejwaawame,
junameꞌe aet juꞌuneene.
\s Paplo, bweꞌu joꞌaraa Romaꞌ teaꞌu noitibaekaꞌea
\p
\v 22 Jiba inia betchiꞌbo san, inepo, jue benasi emou
noiti jijiꞌobeka juniꞌi, kee ama yumaꞌala.
\v 23 Taa iꞌani, inepo inimiꞌi siꞌimekut in tekil chupaꞌika,
intok tua binwatuk naateka enchim bitpeakai,
\v 24 bwiaraa Ejpanyaꞌ teaꞌu bicha weyeka, ne ket emou
noitibaekaꞌea. Intok chukula, inepo, junamaꞌa, alleaka
ama emomak ansuko, junaman bicha in weeneꞌ betchiꞌbo,
enchim nee anianeꞌpo ne emot ea.
\v 25 Taa iꞌan lautipo ne bweꞌu joꞌara Jerusalen teaꞌu
bicha ne noitibae. Junaman jumeꞌ Krijtota sualemmeu,
bem emo ae anianeeꞌuta ameu weiyaabaekai.
\v 26 Bweꞌituk, jumeꞌe, bwiaraa Maserooniaꞌ teaꞌpo intok
Akaayaꞌ teaꞌpo joꞌaaka, Krijtota sualeme, junaman Jerusalen
teaꞌu, Krijtota sualeka, tua kaitae emo ania machim, bem
emo ae anianeeꞌuta nau tojaka, ameu aꞌ bittuabaeka ean.
\v 27 Bempo junuen bem auneꞌpo aꞌ tuꞌurek, intok junuen
tuꞌisi aayuk. Bweꞌituk junuen ameu chaꞌaka bem am aniaꞌpo.
Bweꞌituk junuen, jumeꞌ juriomtaka Krijtota sualeme, jumeꞌ
ka juriom, Krijtota betana weyemtat am majtaka am aniako,
junuen san inimeꞌe iꞌan, jiba junaen, jumeꞌ juriomtaka
Krijtota sualeme, inim jitaꞌpo bem am anianeeꞌuta ameu
chaꞌaka.
\v 28 Junuen san, inia betana inepo aet yeu yumaꞌasuko,
intok junammeu inikaꞌa tojisuko, junaman bwiaraa Ejpanyaꞌ
teaꞌu bicha ne yeu weebae, emot waꞌam weepat enchim intok
bichakai.
\v 29 Inen aꞌ lutuꞌuriatukaꞌpo ne juꞌunea, inepo junaman
emou yepsakai, Jesukrijtota nemaktuka, aapoꞌik nok lutuꞌuriata
betana jukaꞌ emou tuꞌinemta, kaita beꞌeeka, in emou aꞌ
teuwaaneꞌpo.
\p
\v 30 Krijtopo nemak werim, itom yoꞌowe Jesukrijtota
itom nau sualeꞌ betchiꞌbo intok Liojta betana aꞌ tuꞌu
jiapsie enchim a yee nakeꞌ betchiꞌbo ne emou ujbwana,
enchim nemak eaka, in boꞌo jooriaꞌut, in aet jiapsekaꞌa
benasia, nee aniakai, Liojtau bicha nee nokriakai.
\v 31 Jum Jurea bwiaraaꞌ teaꞌpo, jumeꞌ ka Krijtota sualeme
betana in jinneꞌuituneꞌ betchiꞌbo emeꞌe Liojtau nee
nokriane. Intok inikaꞌa, jumeꞌ Krijtota sualeka, Jerusalenpo
joꞌaakame, am ania betchiꞌbo in weiyaaꞌuta, junuen tuꞌisi
aꞌ mabettuneꞌ betchiꞌbo.
\v 32 Junuen beja, Liojta junen eao, alleaka in aman enchim
bitneꞌ betchiꞌbo. Intok junuen inepo emomak aneka, in
yum joꞌeneꞌ betchiꞌbo.
\v 33 Lios, juꞌu yanti elaka jiapsiwanta yetet autuame,
enchim siꞌimemmaktune. Intok junuentune.
\c 16
\s Paplo, jumeꞌ aꞌ taꞌaaꞌum tebotua
\p
\v 1 Jamuttaka, Krijtopo itomak werik, Peebeꞌ teamta, inen
ne enchim aꞌ taꞌaaka aꞌ juꞌuneiyaa iꞌa. Aapo, senu joꞌara
Senkreaꞌ teaꞌpo, Krijtota sualeme nasuk, teꞌopopo, tekilta
joaka am ania.
\v 2 Inikaꞌa junuen, emeꞌe, tuꞌisi aꞌ mabetne, yoꞌowe Jesukrijtota
itom nau sualeꞌpo amani, Krijtopo nau wewerim bem emo
bitꞌeaꞌa benasia. Intok emeꞌe, jitaꞌpo juniꞌi a enchim
aꞌ aniaꞌut aꞌ aniane. Bweꞌituk aapo yuꞌin yee aniala,
intok kia nee juniꞌi aniala.
\p
\v 3 Risiilaꞌ teamta intok Akiilaꞌ teamta nee am tebotuariane.
Inimeꞌe, Jesukrijtota betana jukaꞌ tekilta nemak aꞌ boꞌo
jooriame.
\v 4 Inimeꞌe, bempo nee jinneꞌubaekai, jinilwatchisi emo
bichak. Junuen san tuꞌisi ne am bai sae, intok ka inepo
jiba, taa ket siꞌime wameꞌe, ka juriomtaka, siꞌimekut aneka,
Krijtota sualeme am bai sae.
\v 5 Ket jumeꞌ Krijtopo itomak werim, Risiilata intok
Akiilaꞌ teamtaim joꞌapo nau yaajame em tebotuane. Intok
ketchia, jukaꞌ Epaineetoꞌ teaka in jallaꞌi in nakeꞌuta
aꞌ tebotuane. Iniꞌi junaꞌa juꞌu bwiaraa Aasiaꞌ teaꞌpo,
cheꞌa bat Krijtota sualekame.
\v 6 Jukaꞌ Mariaꞌ teamta ket tebotuane. Aapo emo nasuk,
Jesukrijtota betchiꞌbo yuꞌin tekilta yaꞌari.
\v 7 Ket Anrooniko intok Juniaj ti teakame, jumeꞌ nemak
joomem, am tebotuane. Inimeꞌe ket yaꞌuraau nemak eꞌetasuak.
Krijtota yeu puꞌarim betana ket, inimeꞌe eiyaawa. Intok
ket cheꞌa nee bepat Krijtota sualeka au emo suꞌu tojak.
\p
\v 8 Jukaꞌ Aapliaj teamta, yoꞌowe Jesukrijtota, nemak
sualeka in nakeꞌuta, in jallaꞌi, aꞌ tebotuane.
\v 9 Ket jukaꞌ Urbaanoꞌ teamta tebotuane, Jesukrijtota
betana itomak tekipanoamta. Intok jukaꞌ in nakeꞌuta,
Taakij teamta.
\v 10 Jukaꞌ Aapelej teamta nee ket tebotuariane. Jesukrijtota
aꞌ sualeꞌpo amani, junuen tua lutuꞌuriatukaꞌpo juꞌuneiyaawame.
Intok ket jumeꞌ Arijtooboloꞌ teamta yoemiam nee ket
tebotuariane.
\v 11 Jukaꞌ nemak jometa, Erooriaanoꞌ teamta aꞌ tebotuane.
Intok jumeꞌ Narsiisoꞌ teamta yoemiam, jumeꞌ Krijtota
sualeme.
\v 12 Jumeꞌ Ripaaina intok Ripoosaꞌ teame ket tebotuane.
Inimeꞌe, jumeꞌ yoꞌowe Jesukrijtota tekilta joame. Intok
jukaꞌ Krijtopo itomak werik, Persiiraꞌ teamta itom nakeꞌuta.
Iniꞌi ket, yoꞌowe Jesukrijtota tekilta yuꞌin aꞌ yaꞌala.
\v 13 Jukaꞌ Ruupoꞌ teamta ket tebotuane. Iniꞌi, jumeꞌ
Krijtota sualeme nasuk, Krijtota tuꞌisi aꞌ sualeꞌpo taꞌeewaka
eiyaawa. Intok aꞌ aewata, jukaꞌ ket nee betchiꞌbo in
ae benasi in eiyaaꞌuta, aꞌ tebotuane.
\v 14 Ket jumeꞌe, inen teakame nee am tebotuariane, Asinkritoꞌ
teamta intok Leekon teamta, intok Ermaj teamta, intok
Patroobaj teamta, intok Ermej teamta, intok siꞌime jumeꞌ
waate Krijtota sualeka amemak aneme.
\v 15 Intok ket jumeꞌ inen teakame ne am tebotuariane.
Piloolokoꞌ teamta, Juuliaj teamta, intok Nereeoꞌ teamta,
intok aꞌ akkoowata, intok jukaꞌ Olimpaaj teamta. Intok
siꞌime jumeꞌ Krijtota sualeka ama amemak nau yaajame.
\p
\v 16 Siꞌime emeꞌe, Krijtota enchim nau sualeꞌpo aman,
em naas emo tebotuanee tua emo nakekai. Siꞌime jumeꞌ
teꞌopommet Krijtota nau sualeme, utteꞌesia emou tebotemme.
\p
\v 17 Krijtopo itomak werim, emou ne ujbwana, jumeꞌ Krijtota
sualeme nasuk, ka nau eewamta joaka intok yee jiꞌoptuame,
enchim am mammateneꞌ betchiꞌbo. Bweꞌituk iniꞌi weyeme,
bem joaꞌu, Krijtota betana jukaꞌ enchim aꞌ majtawakaꞌuta,
bejeꞌeka weye. Junameꞌemak emeꞌe ka emo tuꞌurine.
\v 18 Bweꞌituk junameꞌe, itom yoꞌowe Jesukrijtota betana
weyemta, bempo, kaita tuꞌik jooa. Ala bempo, bem tuꞌureka,
bem bwaꞌaneeꞌut jiapsek. Intok inimeꞌe, aa nokiꞌichiae,
juebenam am sualtua, wameꞌe, jita juniꞌi sualeme, jikkaji
maisi ujyooisi ameu nokakai.
\v 19 Siꞌimem betana emeꞌe juꞌuneiyaawa, Liojtau siꞌimeku
enchim nok jikkajaka, au enchim emo suꞌu tojilaꞌpo. Inia
betchiꞌbo san ne ama butti emo tana allea. Intok inepo,
tuꞌik jiba enchim boꞌo joorianeeꞌu betana sussua iꞌa.
Taa jukaꞌ ka tuꞌik joo betchiꞌbo ka junuen jiapsine.
\v 20 Juꞌu intoko Lios, yanti elaka jiapsiwamta yetet
autuame, aapo, Jesukrijtotamak eakai, lauti jukaꞌ bebejeꞌerita,
tokti enchim aꞌ kobaꞌaneeꞌut enchim aniane. Itom yoꞌowe
Jesukrijtota betana jukaꞌ emou tuꞌik emeꞌe mabetne.
\p
\v 21 Juꞌu Timoteoꞌ teame ket emou tebote. Iniꞌi, Jesukrijtota
betana, tekilta nemak joame, Intok ketchia juꞌu Luusioꞌ
teame, intok Jason teame, intok Sosiipatroꞌ teame. Inimeꞌe
in nemak joomem.
\p
\v 22 Inepo, Teertioꞌ teame, Paplota betana inikaꞌa jiꞌojteita
emou jiꞌojteme, ket ne, inepo, yoꞌowe Jesukrijtota in emo
mak sualeꞌ betchiꞌbo ne enchim tebotua.
\p
\v 23 Juꞌu Kaayoꞌ teame ket junuen enchim tebotua. Inia
joꞌapo san inepo kateka, bitwa. Intok ketchia, iniꞌi, siꞌime
jumeꞌ inim Krijtota sualeme, aꞌ joꞌawapo nau yaaji betchiꞌbo
am mabbeta. Juꞌu Erajtoꞌ teame ket enchim tebotua. Iniꞌi,
juꞌu inim bweꞌu joꞌaraapo Korintoꞌ teaꞌpo, yaꞌuraa tomita
nau toji betchiꞌbo, tekilta joame. Intok ket juꞌu Krijtopo
itomak weri, Kuartoꞌ teame enchim tebotua.
\s Jiꞌojtesuka, Paplo, Liojta yoꞌoritebo
\p
\v 25 Iꞌan intoko itepo, Liojta te yoꞌorine, jukaꞌa, Jesukrijtota,
cheꞌa juniꞌi, ka taꞌabwisi intok, enchim aꞌ sualneeꞌut
enchim anianemta. Liojta betana jukaꞌ bemela lutuꞌuriata,
in yee aꞌ majtaꞌapo amani. Intok Jesukrijtota betana,
jukaꞌ nok lutuꞌuriata yee aꞌ majtawaꞌue. Iniꞌi intoko,
aniata kee juꞌunaktewao, kaabeta juꞌuneiyaaka, taa iꞌan,
Liojta yeu machiari mak weye.
\v 26 Taa ala iꞌani, jumeꞌe, Liojta betana juꞌuneiyaaka
aꞌ jiꞌojtekame jiꞌojtekaꞌue, juꞌuneiyaawa, Liojta jukaꞌ
jiba yuu jiapsamta nesawekaꞌpo amani. Iniꞌi bemela lutuꞌuria,
iꞌan siꞌime ka nanau yoemra aꞌ juꞌuneiyaatuari, junuen
bem aꞌ sualneꞌ betchiꞌbo intok bem aꞌ nok jikkajineꞌ
betchiꞌbo.
\p
\v 27 Lios, juꞌu aapolaika, intok siꞌime suawakame, jumeꞌ
Jesukrijtota aꞌ sualeme betana aꞌ yoꞌorinaaꞌu, jiba yuu
betchiꞌbo au aune. Intok tua junuentune.