\id HEB
\h EBREEOM
\toc1 EBREEOM
\mt Ebreeom
\c 1
\s Juꞌu Lios, aꞌ usiwa yeu puaka, junuen nooka
\p
\v 1 Cheꞌa bat naataka wasuktiam simsukaꞌummet, juꞌu
achai Lios, bat junakriapo, itom yoꞌowasukaꞌum betana
watem yeu puꞌaka, jue benasi ameu au yeu machiaka, aapoꞌik
betana lutuꞌuriata, ka nanau maisi aet am juꞌuneetuak.
Junameꞌe intok itom yoꞌowasukaꞌummeu aꞌ nookak.
\v 2 Taa iꞌan, inimeꞌe cheꞌa chukula taewaimmet, aꞌ usiwata
itou bittuaka, junuen aapoꞌikue itou nokla. Juꞌu Lios,
jiba inia aꞌ uꞌusie, siꞌimeta inim intok teekau aukamta
aꞌ juꞌunaktek. Intok ket aapoꞌiku, jukaꞌ ayukamta au
aꞌ yoꞌo yaꞌari.
\v 3 Aapo ket junaꞌa, Liojta betana, aapoꞌik yoꞌorisi
aꞌ machikaꞌu bena. Intok ket jiba aapoꞌik achai Liojta,
ka bittaka tua aꞌ Liojtukaꞌpo, juꞌu aꞌ uꞌusiwa inim bittaka
Liojtukan. Intok ket aapo, siꞌimeta jukaꞌ ayukamta, ka
taꞌabwisia, taa tuꞌisi aꞌ ujuꞌu, aꞌ teuwaaꞌue utteꞌakai.
Itom ka tuꞌuwa yaꞌarim betchiꞌbo jiokot au bitchuka,
intok junuen, siꞌimeta itom bejeꞌetuariaka, teekau Liojtamak
aꞌ batatana yejtek.
\s Juꞌu Liojta uꞌusi, ankelesim bepa cheꞌa eiyaawachi
\p
\v 4 Siꞌime jumeꞌ ankelesim ama aneme bepa cheꞌa yoꞌoriwaka
intok naksi eiyaawakai. Bweꞌituk siꞌime junameꞌebepa,
siꞌimeku cheꞌa yoꞌoriwaka aꞌ bitnaaꞌu lutuꞌuriak.
\v 5 Bweꞌituk juꞌu Lios, jakwoo juniꞌi, jabe ankelejtau
juniꞌi, kee:
\q Empoꞌe junen in yoemia, iꞌan empo inien in yoemiapo
taꞌeenaa,
\m ti au jiiak. Intok kia jabe senu ankelejta betana
juniꞌi:
\q Ineponee inia betchiꞌbo yoꞌowawai tune, aapo intok in
yoemiatune,
\m ti ka jiulaa.
\v 6 Taa aapoꞌik betana, tua bat wepul aꞌ uꞌusiwata aꞌabo
aꞌ bittuakai, inen jiiak juꞌu Lios:
\q Liojta betana siꞌime jumeꞌ ankelesim, aꞌ yoꞌorine,
\m ti jiakai.
\v 7 Jumeꞌ ankelesim betana, juꞌu Lios inen jiiak:
\q Jumeꞌ aꞌ ankeleswam, jekata benasi am jooa.
\q Intok jumeꞌ aꞌ saweꞌum, taji buaktiam benasi am jooa,
\m ti jiia.
\v 8 Taa aꞌ uꞌusi betana, aꞌ Lioj rokaka, inien jiia:
\q Achai Lios, yoꞌotaka em aneꞌu jiba betchiꞌbotune.
\q Junaꞌa intok em yoꞌotaka nesaweꞌu, tuꞌuwa intok lutuꞌuria
ausuꞌli.
\q
\v 9 Empo tuꞌu lutuꞌuriata tuꞌure.
\q Jukaꞌ ka tuꞌik intok, ka eiyaa.
\q Inia betchiꞌbo san juꞌu Lios, juꞌu em yoꞌowa,
\q Siꞌime jumeꞌ ele benasi yoemem bepa, alleewamta enchi
bittuak.
\m
\v 10 Ket inen jiꞌojtei:
\q Empo achai, tua bat naatakai, empo bwiata juꞌunaktek,
\q Intok jukaꞌ teekata juniꞌi em maamea juꞌunaktewak.
\q
\v 11 Iniꞌi luꞌutine, taa empo jiba betchiꞌbo tawane.
\q Siꞌime junaꞌa, tajoꞌota benasi moine.
\q
\v 12 Tajoꞌotaꞌa benasi empo nat am tottane.
\q Intok taꞌabwisi bemelak benasi aune.
\q Taa empo ka taꞌabwisi aane.
\q Intok empo jakwoo juniꞌi ka luꞌutine.
\m
\v 13 Juꞌu Lios, jumeꞌ aꞌ ankelesim betana, kaabetau inen
jiulaa:
\q In batatana yejte,
\q Jumeꞌ enchi bejeꞌeme, in enchi aniaka, am kobaꞌasuꞌu
tajtia.
\m
\v 14 Siꞌime junameꞌe ankelesim, ka bittaka, Liojta betana
tekilpo aane. Inimeꞌe, jumeꞌe, bem jinneꞌuituneeme ania
betchiꞌbo aꞌabo bittuarim.
\c 2
\s Kaachin itepo, jukaꞌ itom jinneꞌuituneeꞌu jak waꞌam bitnee
\p
\v 1 Jiba inia betchiꞌbo san, itepo, jukaꞌ itom jikkajaka
juꞌuneiyaaꞌuta, cheꞌa juniꞌi aꞌ eiyaaka, aet jiapsine.
Junuen ka jukaꞌ itom sualeꞌuta kopta betchiꞌbo.
\v 2 Liojta betana nok lutuꞌuria, bat naataka taewaimmet
jumeꞌ ankelesim yeteu teuwaakaꞌu, lutuꞌuriataka aꞌ tawakaꞌpo
juꞌuneiyaawa. Jumeꞌ intok, ka tuꞌisi ayuka intok junakaꞌa
lutuꞌuriata ka jikkajibaekame, ameu aꞌ lutuꞌuriatukaꞌpo
aman, jiokot bem tawaneeꞌuta ameu chupuk.
\v 3 Kaachin itepo ama yoꞌeene, inikaꞌa, kaitau a tammachiatuka,
itom jinneꞌuituneeꞌuta omola tawaaka, ka aꞌ eiyaꞌateko.
Bweꞌituk, jiba aapo itom yoꞌowe Jesukrijto, inikaꞌa itom
jinneꞌuituneeꞌuta, bat aꞌ teuwaak. Chukula intoko, jumeꞌ
ae tana junakaꞌa lutuꞌuriata jikkajakame, aꞌ lutuꞌuriatukaꞌpo
aman junuen itom aꞌ majtak.
\v 4 Juꞌu Lios intok ketchia, aapoꞌik betana a jita aꞌ
joaꞌue, machilae, suum watchisi intok ka a jootu machikue,
junuen aꞌ lutuꞌuriatukaꞌpo, aꞌ juꞌuneiyaatebo. Intok
aapoꞌik betana aꞌ tuꞌu jiapsi, ka nanau machisi juꞌu
itom a joaka, au yumaꞌue itot aꞌ autuakai, aapoꞌik junuen
aꞌ waataꞌpo amani.
\s Juꞌu yoꞌowe Jesukrijto, inim jumeꞌ aꞌ sualeme benasi juꞌunaktei
\p
\v 5 Juꞌu Lios, ka jumeꞌ ankelesim jum chukula jiapsinaaꞌu,
itom iꞌan aet nokaꞌu, ama am yoꞌo yaak.
\v 6 Taa ala Liojta nok lutuꞌuriapo, senu inen aꞌ lutuꞌuriate:
\q Inia yoemratau tua ka au lutuꞌuria, achai Lios, em aꞌ
nakneeꞌu.
\q Intok kia em aꞌ suuaneeꞌu juniꞌi, inikaꞌa yoemrata a
kokkomta.
\q
\v 7 Chubbaa empo, jumeꞌ ankelesimmak, ka amewit aꞌ juꞌunakteka,
cheꞌa koꞌom aꞌ tawaak.
\q Taa junuentaka juniꞌi, empo aꞌ eiyaanaaꞌuta, intok aꞌ
yoꞌorinaaꞌuta au chupak.
\q
\v 8 Intok empo, siꞌimeta em juꞌunaktekaꞌu bepa aꞌ yoꞌo
yaak.
\m Junuen san, oꞌoutau siꞌimeta au suꞌu tojaka, juꞌu Lios,
kaita beꞌeeka au aꞌ suꞌu tojak, au aꞌ yoꞌo yaakai. Junuentaka
juniꞌi, ketun te kee junuen siꞌimeku aꞌ yoꞌotukaꞌpo juꞌunea.
\v 9 Taa Jesukrijtota itepo aꞌ juꞌuneiyaa, jukaꞌ Liojta,
chuubaa, jumeꞌ ankelesim bepa, ka amewit, taa cheꞌa koꞌom
aꞌ eiyaakaꞌuta. Juꞌu Lios, yee aꞌ nakeꞌ betchiꞌbo, siꞌimem
betchiꞌbo aꞌ mukneeꞌuta au chupak. Iꞌan intoko, junuen
jiokot au aꞌ bichaka aꞌ mukukaꞌ betchiꞌbo, siꞌimem bepa
aꞌ eiyaanaaꞌuta intok aꞌ yoꞌorinaaꞌuta, au chupak.
\p
\v 10 Siꞌime juꞌu ayukame, Liojta betchiꞌbo aayuk, intok
aapoꞌik betchiꞌbo juꞌunaktewak. Intok juꞌu Lios, jumeꞌ
juebenam aꞌ yoemianeeꞌum, inimeꞌe, jum yoꞌotaka aꞌ katekaꞌu
aamak am an iꞌaka, iniat yeu yumaꞌ betchiꞌbo, utteꞌatukan,
jukaꞌ Krijtota, bempoꞌim jinneꞌunemta, juꞌu jiokot au
aꞌ bittuaꞌue, junae chupiasi siꞌimeta aꞌ yaꞌaneꞌ betchiꞌbo.
\v 11 Bweꞌituk jumeꞌe, Liojtau wepulsi emo suꞌu tojirim,
intok juꞌu, junuen Liojtau wepulsi emo suꞌu tojitebome,
siꞌime nau wepuꞌulaik nau achai yoꞌowak. Junuen san,
juꞌu Liojta uusi, inimeꞌe aamak au weriꞌiti jiuneꞌpo,
ka ameas tiiwe.
\v 12 Liojta nok lutuꞌuria jiꞌojteipo inen jiakai:
\q Jumeꞌ nemak werimmeu, em jabetukaꞌuta nee am etejoriane.
\q Intok jumeꞌ enchi yoꞌoreka, nau anemmak aneka, ne eu
bicha bwikne.
\m
\v 13 Ket inen jiia:
\q Liojtat ne yoemꞌeene.
\m Intok ket juchi weeꞌpo inen jiia:
\q Inim ne, jumeꞌ usim, Liojta nee mikrimmak aane,
\m tiakai.
\p
\v 14 Jumeꞌ yoemiarim nau yoꞌowakame, siꞌimeku am nannaꞌanaekaꞌa
benasi, intok junuen ket, aapo juꞌu Jesukrijto, ito benasi
juꞌunakteituk. Junuen beja ket mukukai intok junuen
jukaꞌ ka tuꞌisi yee tawaaka yee suꞌamta, jukaꞌ bebejeꞌerita,
tokti betchiꞌbo aꞌ nesaweeꞌu betana, kaitaꞌpo aꞌ beꞌebaekai.
\v 15 Junuen, siꞌime jumeꞌe, aniat yeu tajtia, bem kokkoneeꞌuta
majjaeka, binwatuk naateka, intok jukaꞌ majjaewamta betana,
ka a emo jinneꞌuka au emo suꞌu tojiriakaꞌum, am jinneꞌula.
\v 16 Bweꞌituk, lutula weeꞌpo, ka jumeꞌ ankelesim betana
weyeka am ania betchiꞌbo aꞌabo yepsak. Ala juꞌu Apraꞌamtukaꞌuta
betana yeu katriam aniabaekai.
\v 17 Taa intok junueni, utteꞌatukan, inim, jukaꞌ yoemrata,
bem jiapsaꞌa benasia siꞌimeku junaen aapoꞌik yaꞌatuneꞌpo.
Junuen aapoꞌik, jiba betchiꞌbo intok yee nak jiokoleka,
Liojta bichapo, siꞌimemmeu aꞌ yoꞌotuneꞌ betchiꞌbo. Intok
junuen, aapoꞌik jiokot au aꞌ bichakaꞌue, yoemrata betana
jukaꞌ ka tuꞌik aꞌ yaꞌari betana aꞌ jinneꞌu betchiꞌbo.
\v 18 Intok jiba aapo, junuen jiokot au bichaka, intok
juebenaku jiꞌobilaawakai, iꞌan aapo, jumeꞌ ket junuen
jiokot emo bichaka, intok jiꞌobilaawame, a am ania.
\c 3
\s Juꞌu yoꞌowe Jesukrijto, juꞌu Moiseejtukaꞌuta bepa eiyaawatchi
\p
\v 1 Junuen san, Krijtopo nemak werim, wepulsi Liojta
betchiꞌbo jiba jiapsame. Emeꞌe su, Liojta yoemiamtuneꞌ
betchiꞌbo yeu puꞌaritakai, Jesukrijtotat ne enchim mammate
iꞌa, juꞌu, Liojta betana yeu puꞌaritaka intok Liojta itom
sualeꞌut itou yoꞌo yaꞌari.
\v 2 Bweꞌituk Jesukrijto, Liojta yoꞌoreka aꞌ nok nesaurit
yeu yuumak, jukaꞌ inia tekileu yeu aꞌ puꞌakamtau. Jukaꞌ
Moiseejtukaꞌuta ket, siꞌime jumeꞌ Liojta yoemiammak aneka,
Liojta nok nesaurit junakriapo yeu yumakaꞌa benasia.
\v 3 Intok Jesukrijto, Moiseejtukaꞌuta bepa cheꞌa au
lutuꞌuria, aꞌ yoꞌorinaaꞌu. Senuk karita yaakamta, junae
bepa aꞌ yoꞌorinaaꞌuta, cheꞌa au aꞌ lutuꞌuriatukaꞌa benasia.
\v 4 Siꞌime jumeꞌ karim, wate am yaꞌala. Taa juꞌu Lios,
siꞌimeta jukaꞌ aukamta, aapo aꞌ juꞌunaktei.
\v 5 Junuen san, juꞌu Moiseejtukaꞌu, jumeꞌ Liojta yoemiam,
siꞌimem nasuk, juꞌu Liojta betana aꞌ tekilet tuꞌisi yeu
yuumak. Juꞌu aꞌ tekil maki, Liojta betana weyemta, chukula
aꞌ juꞌuneiyaatebobaeꞌu, aꞌ teuwaaneeꞌu junaꞌa.
\v 6 Taa Jesukrijto, Liojta tua aꞌ yoemiakaꞌpo aman, itom,
jumeꞌ Liojta yoemiammak, siꞌimeku itom bicha. Taa itepo
jiba junaen Krijtota sualeka intok itom inim jiapsaꞌpo
tajtia aet eaꞌateko. Intok jukaꞌ chukula itou naꞌikiariata
itom bitneeꞌut eaka, alleaka aꞌ boꞌo bichakaꞌateko.
\s Juꞌu Ijraꞌel yoemrata betchiꞌbo yum joꞌeriata ayukaꞌu
\p
\v 7 Junuen san, jum Liojta nok lutuꞌuria jiꞌojteipo,
Liojta tuꞌu jiapsi betana, senuk inen aꞌ teuwaakaꞌa benasia:
\q Iꞌan, emeꞌe jukaꞌ Liojta teuwaaꞌuta jikkajakai,
\q
\v 8 Ka omola aꞌ tawaaka aꞌ bejeꞌene.
\q Jumeꞌ junakriapo Liojta bejeꞌeka aukame benasi anekai.
\q Intok jum bweka paꞌaku Liojta wate weyemtat aꞌ jiꞌobilaakaꞌa
benasia.
\q
\v 9 Junamaꞌa jumeꞌ bat naataka enchim yoꞌowasukaꞌum, junuen
woi taka wasuktiammeu tajtia,
\q In amemaktuka am yaꞌariakaꞌuta bichaka juniꞌi,
\q Jiba wate weyemtat nee jiꞌobilaababaek,
\m ti jiiak juꞌu achai Lios.
\q
\v 10 Jiba junae betchiꞌbo, junae yoemratamak ne ka alleaka
taawak.
\q Intok inen ne jiiak: Inimeꞌe, jiba taꞌabwisi ea.
\q Intok inimeꞌe, nee betana lutuꞌuriat ka juꞌuneebaek.
\q
\v 11 Inia betchiꞌbo inepo nee bempoꞌimmak nee ka alleak.
\q Intok inepo, tua junen jiaka, nee inen ameu bicha aꞌ
chupneꞌe, ti jiiak,
\q Bempoꞌim nee betana jukaꞌ tuꞌik, ka nemak bem aꞌ bitneeꞌu
betana.
\p
\v 12 Krijtopo nemak werim, emoꞌem suua, emo betana kaabeta
junuen, Lios, jiba yuu jiapsamta mak ka tuꞌika ka aamak
eaka, junuen ka aꞌ sualbaekai.
\v 13 Taa ala, emeꞌe, chikti taꞌapo emo naas aniaka emo
sua tejwaane. Inia taewait naatekai, inim enchim jiapsaꞌpo
tajtia. Junuen emo betana, kaabeta, bebejeꞌerita betana
ka tuꞌikue aꞌ bai taꞌaatuneꞌ betchiꞌbo. Intok junuen,
Liojta ee bejeꞌeka jiapsibaane.
\v 14 Bweꞌituk itepo, ka taꞌabwisi eaka junuen, taa tua
bat itom sualeka itom yoemꞌeiyaakaꞌuta inim itom jiapsaꞌu
tajti junakaꞌa sualeka, ka aꞌ koptaꞌateko, junak, itepo,
Jesukrijtota mak itom lutuꞌurianeeꞌuta jipuꞌune.
\p
\v 15 Inen jiuwaꞌa benasia:
\q Iꞌan emeꞌe, jukaꞌ Liojta teuwaaꞌuta jikkajakai,
\q Ka omola aꞌ tawaaka aꞌ bejeꞌene, jumeꞌ junakriapo,
\q Liojta bejeꞌeka aukame benasia anekai.
\m
\v 16 Jabemsa junen Liojta nok lutuꞌuriata jikkajaka
juniꞌi, intok chukula Liojta ee bejeꞌeka aayuk. Siꞌime
jumeꞌe, bwiaraa Ejiptoꞌ teaꞌa betana Moiseejtukaꞌuta
yeu nuk sikaꞌum junameꞌemtukan.
\v 17 Intok jabemmaksa junuen, wooi taka wasuktiammeu
tajtia, ka alleak juꞌu Lios. Jumeꞌ ka tuꞌisi ayukammake.
Junae betchiꞌbo junameꞌesan, jum bweka paꞌaku kokkok.
\v 18 Intok jabemmeusa juꞌu Lios, tua junen jiaka, inen
ametana aꞌ teuwaak: Ka bem aamak aneka, jukaꞌ tuꞌik ka
am bitneꞌpo, ti jiakai. Jumeꞌ ka aꞌ nok jikkajakammewi.
\v 19 Junuen san, juꞌuneate, ka Liojta bem sualekaꞌ betchiꞌbo,
junuen ka bem aman bwiarau yajakaꞌpo.
\c 4
\p
\v 1 Junuen san, itepo ketun Liojta mak alleaka intok
tuꞌik itom bitneeꞌuta, ketun a jajamekai, utteꞌa, itom
aet ito suuaneꞌpo, emo betana, kaabeta junuen ka aet jiꞌobeka
junakaꞌa ka aꞌ jajamneꞌ betchiꞌbo.
\v 2 Bweꞌituk itepo juniꞌi, ket Liojta nok lutuꞌuriata
itepo aꞌ majti, jiba bempoꞌim benasia. Taa junameꞌe, junakaꞌa
lutuꞌuriata jikkajaka juniꞌi, kaita tuꞌik aet jajamek,
ka aꞌ sualeka bem jikkajakaꞌ betchiꞌbo.
\v 3 Bweꞌituk itepo, Krijtota suallamtakai, itepo junameꞌem,
jumeꞌe, junaꞌa Liojta mak alleewamta tuꞌik jajamneeme.
Liojta jukaꞌ teuwaakaꞌu:
\q Inia betchiꞌbo, inepo, kannee amemak alleak.
\q Intok ne tua junen jiaka inen aꞌ teuwaak:
\q Bempoꞌim alleewamta tuꞌik, tua ka aꞌ bitneꞌpo.
\m Taa junuentaka juniꞌi, juꞌu Lios, aniata aꞌ juꞌunaktek
naateka, juꞌu tekil aꞌ yaꞌabaeꞌuta, jaibu aꞌ chupaꞌiakan.
\v 4 Bweꞌituk omot jak, Liojta nok lutuꞌuria jiꞌojteipo,
woo busan taewait nokaka inen jiia:
\q Juꞌu Lios, woo busan taewata weyeka,
\q Siꞌime aꞌ tekil chupaka, junaet yum joꞌek.
\m
\v 5 Juchi intok, omot inen jiꞌojtei:
\q Bempo ka nemak, alleewamta tuꞌik bitne.
\m
\v 6 Taa ketuni aayuk, taewaim, watem Liojta betana, alleaka
jukaꞌ tuꞌik bem aꞌ bitneꞌpo. Jumeꞌ intok, cheꞌa bat naataka,
Liojta betana nok lutuꞌuriata jikkajakame, Liojta bem
ka nok jikkajakaꞌ betchiꞌbo, ka aꞌ bichak.
\v 7 Junuen san, juꞌu Lios, senuk taewata juchi yeu puꞌari,
intok, iniꞌi junaꞌa, juꞌu taewai, ti jiakai. Bweꞌituk juꞌu
Lios jaibu cheꞌa chukula taewaimmet, Labiitukaꞌuta teuwaakaꞌue
itou nookaka jaibu teuwaawakaꞌa benasia:
\q Iꞌan, emeꞌe, jukaꞌ Liojta teuwaaꞌuta jikkajakai, ka omola
aꞌ tawaaka aꞌ bejeꞌene,
\m ti jiakai.
\v 8 Bweꞌituk juꞌu Josue tukaꞌu, junameꞌe ijraꞌel yoemem,
jukaꞌ Liojtamak tuꞌik bem bitneeꞌuta, a am bittuako, junako
juꞌu Lios ka juchi taewaita taꞌabwik ameu teuwaa ean.
\v 9 Junuen san, Liojta betana ketuni taewaim aayuk, jumeꞌ
Liojta yoemiam, Liojtamak tuꞌik bem bitneꞌpo.
\v 10 Bweꞌituk juꞌu Liojtamak tuꞌik aꞌ bichaꞌuta, jaibu
aꞌ juꞌuneiyaame, junaꞌa, ka jain eaka, yum joꞌene. Liojta
aꞌ tekilwa betana aꞌ yum joꞌekaꞌa benasia.
\v 11 Junuen san, itepo siꞌime, junakaꞌa tuꞌik bit betchiꞌbo
aet te ito utteꞌa jooriane. Kaabeta junuen, junameꞌe,
bat naataka ka aꞌ sualekame benasi aꞌ auneꞌ betchiꞌbo.
\p
\v 12 Bweꞌituk juꞌu Liojta nok lutuꞌuriawa, iniꞌi, jiapsiwamta
intok siꞌimeku yumaka, utteꞌak. Intok senu tebe kuchiꞌim
nau bicha bwawiakame benaka, iniꞌi, senukut aꞌ jiapsiu
yumaka, tua aꞌ eaꞌuta yeu aꞌ machia intok jachin aꞌ yoem
tukaꞌpo aꞌ juꞌuneetua. Intok senuk aet au aꞌ temaeka
aꞌ joobaeꞌut aꞌ juꞌuneiyaa tebo.
\v 13 Kaita Liojta betana juꞌunakteitaka, aapoꞌik bichapo
a essotuka aayuk. Ala siꞌime ayukame, juꞌuneiyaawa. Intok
juꞌu chukula itom juꞌuneiyaaka, utteꞌa itom ito au yeu
bwijneeꞌutau, itot juꞌuneaka, itot nesaunemtau, siꞌimeta
yeu maachi.
\s Juꞌu yoꞌowe Jesukrijto junaꞌa, juꞌu teꞌopopo cheꞌa yoꞌowe
\p
\v 14 Juꞌu Jesukrijto, Liojta uꞌusiwa, Liojta bichapo
siꞌimem bepa itou yoꞌo yaꞌari, Liojta katekaꞌu anekai.
Junuen san itepo, Krijtota itom sualeꞌut, ka taꞌabwisi
eaka, jiba bichau bicha aet jiapsine.
\v 15 Bweꞌituk juꞌu, Liojta bichapo, siꞌimem bepa itou
yoꞌo yaꞌari, bettesi itou ayukamtat, ka itom au yumaꞌut,
itom jiokoleka, a itom ania. Bweꞌituk aapo, jiba ito benasi,
siꞌimeku jiꞌobilaatuk. Taa jukaꞌ ka tuꞌik, jakwoo juniꞌi
ka yaakai.
\v 16 Junuen san itepo, Lios, ama butti yee nakemtau, intok
yoꞌotaka nesawemtau, noolia nau, kaitat jain eaka, te au
bicha te ito nokriaꞌpo yumaꞌi. Junuen, aapoꞌik itom aꞌ
jiokolineꞌ betchiꞌbo, intok yeteu tuꞌik aꞌ jiapsekaꞌpo
amani, itom jiokot eao, itom aꞌ anianeꞌ betchiꞌbo.
\c 5
\p
\v 1 Jum juriom teꞌopopo, jumeꞌ cheꞌa bat yoꞌowe, junamaꞌa
yoemrata betana yeu puꞌarimtukan. Intok yoemrata, Liojta
bichapo bem jooꞌeaꞌuta, am jooria betchiꞌbo. Intok junuen,
junameꞌe, Liojtau bicha am nokriaka, au bicha bem naꞌikiakaꞌuta
aꞌ mabbetan. Intok bem ka tuꞌuwa yaꞌarim betchiꞌbo, bwala
asoꞌolam am sussuꞌarian.
\v 2 Juꞌu intok, junuen teꞌopopo bat yoꞌowe, yoemrata
jukaꞌ jiokot au aꞌ bichaꞌuta ket ineꞌakai, jumeꞌe, kaita
tattaꞌaaka ka suasi jiapsakammak, siꞌimeku a amet boꞌo
bitneeka, ka ameu suakai. Aapoꞌik junuen, ame benasi siꞌimeta
ket ineꞌakai.
\v 3 Intok iniꞌi, jiba aapo junuen Liojta bichapo, ka
siꞌimeku yumaꞌisi aꞌ jiapsaꞌpo au juꞌuneiyaaka, junuen,
aapoꞌik ka tuꞌuwa yaꞌarim betchiꞌbo, utteꞌatukan, Liojtau,
bwala asoꞌolam aꞌ suꞌaneꞌpo, ket junuen aawit yoemrata
betana, jumeꞌ ka tuꞌu yaꞌarim betchiꞌbo.
\p
\v 4 Kaabe aapoꞌik junen aꞌ eaꞌ betchiꞌbo, junuen, inia
tekileu au yoꞌo joone. Ala juꞌu Lios junaꞌa, iniau tekileu,
yoꞌoriwamtau yeu aꞌ puꞌaneeme. Aarontukaꞌuta yeu aꞌ
puꞌawakaꞌa benasia.
\v 5 Iꞌan intok, Jesukrijtota betana ket junaen weye.
Aapo, ka junen aꞌ eaꞌ betchiꞌbo junuen inia tekileu aꞌ
yoꞌotuneꞌ betchiꞌbo au yeu puꞌak. Ala juꞌu Lios, junuen
aꞌ yoꞌorinaaꞌuta au yeu aꞌ puꞌak. Jaibu au aꞌ teuwaariakaꞌa
benasia:
\q Empo in yoemia.
\q Inepo nee iꞌan, jiapsiwamta et autuari.
\m
\v 6 Liojta nok lutuꞌuria jiꞌojteipo ket omot junuen
au aꞌ jiakaꞌa benasia:
\q Empo, jiba betchiꞌbo inia tekil yoꞌoriwamtau yeu puꞌari.
\q Jiba Melkiserek tukaꞌuta, au aꞌ yoꞌotukaꞌa benasia.
\m
\v 7 Juꞌu Jesukrijto, im bwiapo jiapsisukai, junak aapo,
chikti aꞌ jiapsie, Liojtau bicha nokaka, au nokriak. Intok
yee nokriak. Aapoꞌik, juꞌu aꞌ mukneeꞌu betana aꞌ jinneꞌu
betchiꞌbo utteꞌakamtau bicha. Lios intok, aapoꞌik Krijtota
junuen aꞌ nak yoꞌoreka aꞌ nok jikkajakaꞌ betchiꞌbo, junaet
aꞌ mabetak.
\v 8 Intok junuen, Jesukrijto, Liojta uꞌusitakai juniꞌi,
jiokot au aꞌ bichakaꞌue junuen, Liojta eaꞌpo aman aayuk.
\v 9 Intok junuen yumaꞌisi siꞌimekut, chupiasi yeu yumakai,
Liojta eaꞌpo aman aukai, junaen, junae betchiꞌbo, siꞌime
wameꞌe aꞌ nok jikkajame, jiba yuu betchiꞌbo juꞌu a am
jinneꞌuneeme junaꞌatuk.
\v 10 Bweꞌituk juꞌu Lios, teꞌopou bat yoꞌotaka, junakaꞌa
tekileu yeu aꞌ puꞌak, jiba Melkiserektukaꞌuta benasi
machikai.
\s Krijtota ka intok aꞌ sualnaaꞌu betana, juꞌu jinil watchika ayukame
\p
\v 11 Jiba inia weemta betana itepo tua juebenaka itom
emou teuwaa machi aayuk. Taa inikaꞌa machisi juꞌunakkiachisi
aꞌ teuwaa betchiꞌbo tua obiachi. Bweꞌituk emeꞌe ka aet
jiapsek ka aet juꞌuneebaekai.
\v 12 Emeꞌe jaibu binwatukai, jaibu emeꞌe a yee majta
ean. Taa Liojta nok lutuꞌuriata betana jukaꞌ cheꞌa ka
obiachisi weyemta, emeꞌe juchi watem enchim aꞌ majta
iꞌa. Emeꞌe juchi, kee tuꞌisi Krijtota sualeme bebena.
Ilitchik, bwaꞌamta kee bwaꞌeeka, lechim aꞌ jeꞌeꞌe benasia.
\v 13 Wameꞌe intoko, jukaꞌ ka obiachik majtabaeme, inimeꞌe,
jumeꞌ juꞌubwa Krijtota sualeme bebena bweꞌituk inimeꞌe,
Liojta siꞌimekut tuꞌik boꞌo jooriaka itom aꞌ jiapsi
iꞌaꞌuta, ka aꞌ joo taꞌaa.
\v 14 Taa juꞌu Liojta betana lutuꞌuria, cheꞌa obiachisi
weyeme, jumeꞌ wepulsi yumaꞌisi Krijtota sualeme au yuuma.
Jumeꞌ jaibu a jita yeu puꞌame. Bweꞌituk junameꞌe, juꞌu
ka tuꞌik betana, tuꞌik bem yeu puꞌaneꞌ betchiꞌbo jaibu
au suatula.
\c 6
\p
\v 1 Inien san, itepo Liojta betana nok lutuꞌuriat yumaꞌisi
juꞌunee betchiꞌbo, bichau bicha te aet jiapsine. Intok,
jukaꞌ Krijtota betana cheꞌa bat yee majtawamta betana,
ka junakaꞌa jiba taꞌaabaekai. Ka itepo jaarekisi, jukaꞌ
bat weyemta jiba etejone. Maasuko, bat naataka, taꞌabwisi
intok ka tuꞌisi itom jiapsaka, ka tuꞌisi itom tawaaneeꞌuta
itou joamta, ka intok itom aꞌ jooneeꞌu betana. Intok
ket, maasu, Liojta sualwaꞌuta, ka junakaꞌa jiba juꞌuneiyaane.
\v 2 Intok ket, juꞌu yee batoꞌowaawaꞌpoyee majtawamta
betana, intok ket Krijtota sualeme amet mamteka, Liojtau
bicha am nokriawaꞌu betana. Intok ket, kokkoarim jiabijteneeꞌu
betana. Intok ket, Liojta betana, weꞌepulaim, jiba yuu
betchiꞌbo, tuꞌisi oo ka tuꞌisi bem tawaneeꞌu betana yee
majtawamta betana. Ka junakaꞌa jiba juꞌuneiyaabaane.
\v 3 Junuen, itepo bichau bicha junaet te jiapsine, Liojta
junen aꞌ tuꞌureka, aet itom aniao.
\p
\v 4 Bweꞌituk jumeꞌe, bat naataka jaibu Liojta betana
lutuꞌuriata juꞌunakkiachisia aꞌ majtawakame. Intok jukaꞌ
Liojta betana alleewamta weyemta aꞌ juꞌuneiyaalame.
Intok Liojta betana aꞌ tuꞌu jiapsi mak eaka jiapsilam.
\v 5 Intok Liojta betana jukaꞌ tuꞌi nok lutuꞌuriata
jikkajaka aꞌ tuttuꞌuruk. Intok chukula, tuꞌi maisi jiapsinaaꞌut,
tuꞌi maisi aꞌ machineeꞌuta juꞌuneiyaakai.
\v 6 Inimeꞌe junen, juchi taꞌabwisi, ka aꞌ lutuꞌuriatukaꞌa
benasia, aet jiꞌobeko, ka intok a ameu noktune, bemelasi
Liojta mak nau, juchi bem emo tuꞌuteneꞌ betchiꞌbo. Bweꞌituk
inimeꞌe, bempo juchi weeꞌpo, jukaꞌ Liojta usita, kuuset
aꞌ poponaka, meꞌaamta benasi aane. Intok inim juebenam
bichapo, ka aꞌ yoꞌoreka, jaana aꞌ eiyaame benasi aane.
\v 7 Maa su, inimeꞌe ket, jiba bwiata, chikti weeꞌpo aet
yukeꞌe benasia maachi. Junaꞌa bwia intok, jumeꞌ aꞌ tekipanoammeu
tuꞌik ama am chupao, junaꞌa bwia, Liojta betana aniawaka
utteꞌata bittuawa.
\v 8 Taa junaꞌa bwia, ka tuꞌika intok juya wichaka ama
yoꞌotuꞌuteko, junaꞌa bwia, kaita tuꞌik betchiꞌbotune.
Intok Liojta betana juniꞌi, ka aniawaka, ka tuꞌika tawane.
Intok junuen, cheꞌa chukula, juꞌu ama yoꞌotukaꞌu, tayaꞌatune.
\s Juꞌu chukula itom bitneeꞌu betchiꞌbo, ka itom koꞌom eaꞌu
\p
\v 9 Taa itepo intok, inile benak teuwaaka juniꞌi, Krijtopo
itomak werim, itom nakeꞌum, emo betana te aꞌ lutuꞌuriatu
machia, Liojta betana ama butti tuꞌikue enchim alleeneꞌpo
intok enchim jinneꞌuimtuneeꞌuta enchim bitneꞌpo.
\v 10 Bweꞌituk juꞌu Lios, tuꞌik ausuꞌlik jiba boꞌo jooria.
Intok jukaꞌ tuꞌik enchim yaꞌarita, ka aꞌ koptane. Intok
jumeꞌ Krijtopo emo mak werim, emeꞌe aniakai, enchim aapoꞌik
nakeꞌ betchiꞌbo aꞌ joakai. Intok iꞌan tajtia, ketun junakaꞌa
emeꞌe aꞌ jooa.
\v 11 Taa itepo, enchim weꞌepulaim, inia tuꞌik enchim
joaꞌut jiba inim enchim jiapsaꞌu tajtia, bichau bicha
enchim te aet jiapse iꞌa. Junuen emeꞌe, jukaꞌ chukula
enchim bit boꞌo bichaꞌuta, enchim tua aꞌ jajamneꞌ betchiꞌbo.
\v 12 Katte enchim oꞌobe iꞌa, ala emeꞌe, jumeꞌe, Liojtat
eaka, intok binwa a bem boꞌo bichaꞌ betchiꞌbo, Liojta
ameu naꞌikiaka chukula bem bitneeꞌuta aꞌ bichame benasi
aneka, enchim jiapsi iꞌa.
\p
\v 13 Bweꞌituk junak juꞌu Lios, juꞌu Apraꞌamtukaꞌutau,
senu weemta au lutuꞌuria yaakai, aapo juꞌu Lios, kaabeta
intok, ae bepa cheꞌa yoꞌotukaꞌpo juꞌuneaka, aapo, aapoꞌik
betana aꞌ teuwaakaꞌuta, tua aꞌ lutuꞌuriatuneꞌpo aꞌ naꞌatejok.
\v 14 Intok inen au jiiak: “Lutula weeꞌpo, yuꞌin jukaꞌ
eu tuꞌik ne enchi bittuane. Intok jumeꞌ et yeu katriam
yoemra, inepo nee am buꞌuuriane”, ti jiakai.
\v 15 Juꞌu Apraꞌamtukaꞌu, junaet ka jain eaka, binwa a
boꞌo bichak. Intok junuen, aapo jukaꞌ Liojta au teuwaakaꞌuta,
mabetak.
\v 16 Inim bwiapo jumeꞌ jiapsame, jita lutuꞌuriateka,
aet bem sualnaꞌ betchiꞌbo, senuk ame bepa, cheꞌa yoꞌota
bem yoꞌoreꞌuta, ame betchiꞌbo tuneꞌpo aꞌ teuwaane. Intok
junuen jiaka, jita juniꞌi, tua aꞌ lutuꞌuriatukaꞌpo aman,
aꞌ teuwaako, junae betana, kaita intok nokitune.
\v 17 Junuen san juꞌu Lios, jukaꞌ junammeu bicha aꞌ naꞌikiakaꞌuta,
tua lutuꞌuriapo aet yeu aꞌ yumaꞌaneꞌpo aꞌ juꞌuneiyaa
tebok. Inen jiakai: “Liojtaka in jiapsaꞌ betchiꞌbo,
tua neu utteꞌa jukaꞌ in teuwaakaꞌuta, ka taꞌabwisi intok
ayuka, yeu aꞌ yumaꞌarianeeꞌu.”
\v 18 Junuen san, wooi weyeme yeu yumaꞌaneeka aayuk, juꞌu
Lios, intok juꞌu tua junen jiaka aꞌ teuwaaꞌu. Inimeꞌe
betana intok juꞌu Lios ka yee bai taꞌaane. Intok iniae
juꞌu Lios, itom, jumeꞌ aapoꞌikut eaka, itom aꞌ ania iꞌame,
jiba betchiꞌbo itom aet jiapseka, ka koꞌom eeneeꞌuta
itot autua.
\v 19,20 Iniat chukula, itom bit boꞌo bichaꞌut eaka, itepo
ka taꞌabwisi intok ea, taa siꞌimeta jukaꞌ bettesi machik
itou ayukaꞌ nasuk te ka jain eaka jiapsa, Jesukrijtota
ito pat teekapo Liojta mak aꞌ katekaꞌpo juꞌuneaka, intok
itom aꞌ yoemꞌeiyaꞌ betchiꞌbo. Junaman teekau, aapo, bat
sikaa, ito pat siꞌimeta tuꞌutekai. Junuen Jesukrijto
jiba yuu betchiꞌbo, Liojta bichapo itou yoꞌo yaꞌari.
Bat naataka jukaꞌ Melkisereek teamta aꞌ yoꞌotukaꞌa benasia.
\c 7
\s Jesukrijto, juꞌu Melkisereek teamta benasi teꞌopou, Liojta bichapo cheꞌa yoꞌowe
\p
\v 1 Iniꞌi Melkisereek tukaꞌu, bweꞌu joꞌara Salem teaꞌpo
siꞌimem bepa yoꞌo nesawen. Intok Lios, juꞌu teekau jiapsamta
betana teꞌopopo, cheꞌa bat yoꞌotukan. Junakriapo Apraꞌaamtukaꞌuta,
wate yoꞌo yaꞌarimmak nassuak, am kobaka aꞌ notteo, juꞌu
Melkisereek teame, aꞌ nankeka, Liojtau bicha aꞌ nokriaka,
tuꞌuwata aꞌ aꞌauriak.
\v 2 Intok juꞌu Apraꞌamtukaꞌu, junakaꞌa, siꞌimeta nassuaka
aꞌ yoꞌokaꞌu betana, woj mamamnisi aꞌ naꞌikiakaꞌu betana,
wepuꞌulaik ama junau yeu puꞌak. Inikaꞌa em bat mammatene.
Inimeꞌe team, Melkisereek ti jiame, ebreo nokpo inen jiubae:
Yoꞌo yaꞌari, siꞌimeku tuꞌu lutuꞌuriakame, ti jiubae. Intok
ket, jum bweꞌu joꞌara Saleem teaꞌapo aꞌ yoꞌo yaꞌari tukaꞌ
betchiꞌbo, juꞌu Salem ti jiame: Yanti elaka jiapsiwame,
ti jiubae. Junuen san ae betchiꞌbo juꞌu yoemra, yanti
elaka jiapsine.
\v 3 Inia betana, aꞌ yoꞌowawammet, kaabe juꞌunea. Intok
kia cheꞌa bat naataka, junameꞌe yoꞌowasukaꞌummet juniꞌi,
kaabe juꞌunea. Jak weyeo yeu aꞌ yoemtukaꞌpo, intok kia
jak weyeo su aꞌ mukukaꞌpo juniꞌi, ka juꞌuneewa. Junuen
san, juꞌu Liojta uꞌusi benasi yoemtaka yeu siika, jiba
betchiꞌbo, Liojta betana teꞌopopo cheꞌa bat yoꞌotuk.
\v 4 Junuen san, akeꞌem aꞌ mammate jukaꞌ Melkisereek
tukaꞌuta tua yoꞌorisi aꞌ machiakaꞌpo. Bweꞌituk kia juꞌu
cheꞌa bat naataka itom yoꞌowasukaꞌu juniꞌi, juꞌu Apraꞌamtukaꞌu,
inikaꞌa, jumeꞌ wate yoꞌo yaꞌarimmak nassuaka, ameu aꞌ
yoꞌokaꞌu betana, watek Melkisereek teamtau aꞌ naꞌikiak.
\v 5 Maa su, nesauripo junuen aꞌ weyeꞌe benasia, jumeꞌ
teꞌopopo cheꞌa yoꞌowe, Lebiꞌitukaꞌutat yeu katriam, au
lutuꞌuriakan, jukaꞌ ijraꞌel yoemrata betana, siꞌimek woj
mamnik betana, wepuꞌulaik ama ameu bicha aꞌ naꞌikianaꞌ
betchiꞌbo. Inimeꞌe intok, amemak werimtaka, intok kia
ame benasi, Apraꞌamtukaꞌutat yeu katriam tuko juniꞌi.
\v 6 Taa juꞌu Melkisereek teame, ka juꞌu Lebiꞌitukaꞌutat
betana yeu simriatakai juniꞌi, Apraꞌamtukaꞌutau junae
attea betana woj mamnik betana, wepuꞌulaik au aꞌawak.
Junuen, juꞌu Melkisereek, Apraꞌamta, Liojtau bicha, au tuꞌik
ae tana teuwaak, jukaꞌ bat naataka, Liojta betana, chukula
aꞌ mabetneeꞌuta, Liojta jaibu au aꞌ naꞌikiakaꞌuta.
\v 7 Intok siꞌime aꞌ lutuꞌuriatukaꞌpo juꞌunea, jukaꞌ
tuꞌik yete tana waataka, Liojtau bicha yee nokriamta,
juꞌu aꞌ nokriakaꞌu bepa cheꞌa juniꞌi, Liojta bichapo
cheꞌa aꞌ yoꞌotukaꞌpo.
\v 8 Inim bwiapo, jumeꞌ jiapsame nasuk, jumeꞌ woj mamnik
betana wepuꞌulaik mabetame, ka jiba betchiꞌbo inim yoemem.
Taa Melkisereek teamtat nokakai, Liojta nok lutuꞌuriapo,
ka aꞌ mukiatukaꞌa benasi aꞌ teuwaa.
\v 9 Intok kia Lebiitukaꞌuta betana intok jumeꞌ teꞌopopo
cheꞌa yoꞌowe aet yeu katriam betana tee a inen aꞌ teuwaa,
junak jukaꞌ Apraꞌamtukaꞌuta, woj mamnik betana, wepuꞌulaik
Melkisereektau aꞌ bejeꞌetuako, jumeꞌ iꞌan, siꞌimem betana
juꞌu woj mamnik betana wepuꞌulaik mabetame, junako jukaꞌ
Melkisereekta, ket bempoꞌim aꞌ bejeꞌetuakaꞌpo.
\v 10 Bweꞌituk inen te aꞌ teuwaa, juꞌu Apraꞌam tukaꞌu,
ketuni kee am yoemian, jumeꞌ chukula aet yeu katriamtuꞌeaꞌum
junak Melkisereek teamta aꞌ nankeko.
\p
\v 11 Juꞌu yoemra, Ijraꞌeltukaꞌuta betana yeu katriam,
jumeꞌ Lebiitukaꞌuta betana yoemiarimtaka, teꞌopopo yoꞌowem
betana jumeꞌ nesauri jiꞌojteim mabetak. Junameꞌe intok,
Aaroontukaꞌuta betana yoemiamtukan. Junuen san, iꞌani,
junuen lutuꞌuriapo jukaꞌ inimeꞌe betana nesaurita boꞌo
jooriame, Liojtamak bem emo tuꞌuteneeꞌuta, am jajamtuako,
junak ka utteꞌatu ean, juchi senuk, teꞌopopo cheꞌa bat
yoꞌotuneemta yeu aꞌ machianeꞌpo. Junaꞌa intok jaibu
ka Aaroontukaꞌuta benasi machikai, taa ala juꞌu Melkisereek
teamta benakai.
\v 12 Bweꞌituk jumeꞌ teꞌopopo cheꞌa yoꞌo jaꞌabwekame,
ka jiba junameꞌemtuneeo, juꞌu nesauri jiꞌojtei juniꞌi
ket taꞌabwine.
\v 13 Jesukrijto intok, Liojta nok lutuꞌuriapo inikaꞌa
ae tana teuwaawaꞌuta, Ijraꞌeltukaꞌuta betana taꞌabwik
aꞌ yoemiam betana weye. Junameꞌe betana intok kee jabe,
teꞌopopo bat cheꞌa yoꞌotu betchiꞌbo yeu puꞌatu.
\v 14 Bweꞌituk tuꞌisi juꞌuneewa, itom yoꞌowe Jesukrijtota,
Juraꞌatukaꞌuta yoemiam betana aꞌ weyeꞌpo. Juꞌu Moiseejtukaꞌu
intok, inia yoemrata betana, kaita teuwaak, inimeꞌe teꞌopopo
cheꞌa yoꞌotuneeme betana nokakai.
\v 15 Iniꞌi intok inim teuwaawame, cheꞌa juꞌunakkiachisi
yeu weama, jukaꞌ bemelasi Liojta betana itou yoꞌo yaꞌarita,
jukaꞌ Melkisereek tukaꞌuta aꞌ yoꞌo yaꞌaritukaꞌabenaekaꞌpo.
\v 16 Intok junuen ket, junakaꞌa, ka jita nesaurita, jitaa
yoemrata betana yeu aꞌ puꞌatuneꞌeti jiaꞌ betchiꞌbo, taa
ala aapoꞌik jiba yuu aꞌ jiapsineꞌ betchiꞌbo, intok ka
aꞌ meꞌetuneeka aꞌ juꞌunaktewakaꞌpo.
\v 17 Bweꞌituk juꞌu Lios, inikaꞌa inen ae betana teuwaala:
\q Empo, jiba betchiꞌbo, teꞌopopo yoꞌotune,
\q Melkiserek tukaꞌuta benasia.
\m
\v 18 Junuen san, bat naataka weeria, juꞌu nesauri, ka
nesauritaka taawak, ka yee aꞌ aniaꞌ betchiꞌbo.
\v 19 Bweꞌituk juꞌu nesauri, Moiseejtukaꞌuta jiꞌojtekaꞌu,
kaita tuꞌu yaak, intok kaabeta aniak. Taa inikaꞌa nesaurita
weꞌeaꞌpo, itepo cheꞌa tuꞌik, bemelak itom bitneeꞌuta juꞌuneiyaa.
Junaet eaka, itepo Liojtat eaka, ite aamak cheꞌa ea.
\p
\v 20 Intok juꞌu Lios inikaꞌa chupak, aapoꞌik betana
aꞌ teuwaakaꞌuta, tua aꞌ lutuꞌuriatuneꞌpo aꞌ naꞌatejokai.
\v 21 Waate, jumeꞌ bat naataka teꞌopopo cheꞌa bat yoꞌowe,
junuen yeu puꞌatuka juniꞌi, taa ka Liojta betana junuen
tua ameu aꞌ lutuꞌuriatuneꞌpo aꞌ naꞌatejoka yeu puꞌawakai.
Taa Jesukrijto, iꞌan, Liojta bichapo itou yoꞌota betana,
tua junuen au aꞌ lutuꞌuriatuneꞌpo teuwaatuk. Bweꞌituk
Liojta nok lutuꞌuriapo aapoꞌikut nokaka inen jiꞌojtei:
\q Juꞌu achai Lios, junuen, tua au aꞌ lutuꞌuriatuneꞌpo aꞌ
teuwaak.
\q Intok ka taꞌabwisi aunee:
\q “Empo, jiba yuu betchiꞌboꞌe, teꞌopopo cheꞌa bat yoꞌowe,
\q Juꞌu Melkisereekta aꞌ yoꞌotukaꞌa benasia.”
\m
\v 22 Junuen san Jesukrijto cheꞌa juniꞌi tuꞌika, bemela
lutuꞌuriata, bat naataka weeriata bepa itou chupnemta
itom juꞌuneiyaatua.
\v 23 Waate jumeꞌ binwatuko bat naataka teꞌopopo nat
chaꞌaka cheꞌa bat yoꞌowem junakriapo juebenaekamme.
Taa inimeꞌe bem kokkokaꞌ betchiꞌbo, ka jiba betchiꞌbo
aꞌ tekiaka taawak.
\v 24 Taa Jesukrijto ka mumukekai, jiba jiapsakai, juꞌu
junuen aꞌ yoꞌotukaꞌu, aapoꞌik tekia ka luꞌu luꞌute.
\v 25 Inien san, jumeꞌ aapoꞌikut eaka, Liojtamak eebaeme,
jiba betchiꞌbo am jinneꞌune. Bweꞌituk aapo jiba yuu
betchiꞌbo jiapsa, junuen junameꞌe Liojtau bicha am nokriakai.
\p
\v 26 Junuen san, Jesukrijto, aapo junaꞌa, juꞌu Liojta
bichapo teꞌopopo cheꞌa bat yoꞌotaka juꞌu cheꞌa itou
beꞌeeꞌu. Liojta uꞌusitakai, aapoꞌik benakai. Kaita ka
tuꞌika aet aayuk. Ka tuꞌi yoemrata mak ka naꞌikiari.
Intok siꞌime teekapo aneme bepa cheꞌa yoꞌorisi eiyaawa.
\v 27 Ka jumeꞌ waate teꞌopopo yoꞌowem benasi, jumeꞌ chikti
taꞌapo bwaram suꞌaaka, bat, bempo bem ka tuꞌuwa yaꞌarim
betchiꞌbo. Chukula intok ket, juꞌu yoemrata ka tuꞌuwa
yaꞌarim betchiꞌbo. Bweꞌituk Jesukrijto, sejtul weeꞌpo
jiba, aapo, siꞌime ka tuꞌuwa yaꞌarim betchiꞌbo aꞌ meꞌetuneꞌ
betchiꞌbo au suꞌu tojak.
\v 28 Bweꞌituk Moiseejtukaꞌuta betana, jukaꞌ nesauri
jiꞌojteita weyeꞌpo aman, jumeꞌ teꞌopopo yoꞌotuneeme yeu
puꞌarim, inim bem yoememtukaꞌ betchiꞌbo, ka tuꞌikut jijiꞌobeme
junameꞌem. Taa juꞌu Moiseejtukaꞌuta betana nesaurit
chukula yeu sikame, juꞌu Lios jukaꞌ aꞌ uꞌusiwata teꞌopopo
itou aꞌ yoꞌotuneꞌ betchiꞌbo yeu aꞌ puꞌak. Iniꞌi intok,
jiba yuu betchiꞌbo, ka aet jiꞌopneeka yeu puꞌari.
\c 8
\s Juꞌu yoꞌowe Jesukrijto, juꞌu bemela lutuꞌuriau yoꞌotaka, Liojtau itom nokriame
\p
\v 1 Juꞌu inim itom teuwaaꞌu betana, juꞌu cheꞌa eiyaa
watchi iꞌi junaꞌa, jukaꞌ Liojta betana itou yoꞌota inien
aꞌ machiakaꞌu junaꞌa. Intok iniꞌi, teekau, yoꞌorisi machika,
Liojta katekaꞌu aꞌ batatana aamak aane.
\v 2 Intok junaman teekapo lutuꞌuriapo teꞌopo, Liojta
yaꞌaripo, aapo junuen yoꞌotaka, jukaꞌ aꞌ tekilwata aꞌ
jooa. Junaꞌa teꞌopo intok, ka jabe, taa Lios aꞌ yaꞌala.
\v 3 Siꞌime jumeꞌ inim teꞌopopo cheꞌa bat yoꞌowe, jumeꞌe,
junamaꞌa teꞌopopo, Liojta yoꞌoreka, aman bem weiyaaꞌuta,
aꞌ mabetaka, Liojtau bicha am nokria betchiꞌbo aꞌ tekiakan.
Intok ket, bem ka tuꞌuwa yaꞌarim betchiꞌbo, bwalam suꞌa
betchiꞌbo. Intok jiba junuen san, utteꞌa, ket Jesukrijtota,
Liojta aꞌ mikneeꞌuta aꞌ jipuꞌuneeꞌu.
\v 4 Intok junuen, aapo ketun inim bwiapo jiapsaꞌateko,
kia juniꞌi, teꞌopopo ka yoꞌotu ean. Bweꞌituk ketuni aane,
jumeꞌ teꞌopopo cheꞌa yoꞌotaka, jukaꞌa, jumeꞌ Liojta yoꞌoreka
bem aꞌ mikaꞌuta, mabetaka, junameꞌe nokriame, Moiseejtukaꞌuta
nesauri jiꞌojteita weyeꞌpo amani.
\v 5 Taa inimeꞌe, inim teꞌopopo yoꞌowe, inim juꞌu bem
joaꞌu, teekau ayuka, jukaꞌ weemta betana aꞌ tamachiaka
aꞌ mamatoka aꞌ jooa. Inien aꞌ weyeꞌpo te juꞌunea, bweꞌituk
jukaꞌ Moiseejtukaꞌuta, Liojta ama yoꞌorinaaꞌuta, karita
aꞌ yaꞌabaao, juꞌu Lios aꞌ juꞌuneetuak, inen au jiakai:
“Jum kaupo em aꞌ yaꞌaneeꞌu betana in enchi juꞌuneetuakaꞌpo
aman, em aꞌ bichaka, siꞌimeta junaen aꞌ yaꞌane.”
\v 6 Taa juꞌu, Liojta betana itou yoꞌowe, aapo, Liojta
bichapo cheꞌa juniꞌi tuꞌisi aꞌ tekilwa jooa. Bweꞌituk
aapo Jesukrijto, Liojta betana bemela lutuꞌuria yaꞌarita
betana yoꞌotaka weyeka, Liojtau bicha yee nokria. Iniꞌi
bemela lutuꞌuria cheꞌa juniꞌi tuꞌika aapoꞌik betana,
lutuꞌuria yaꞌawakaꞌpo aman weye.
\p
\v 7 Bweꞌituk bat naataka weeria, Liojta betana juꞌu
lutuꞌuriatewakame, junae siꞌimeku aꞌ yumao, ka utteꞌatu
ean, junaet chaꞌaka, juchi senuk bemela lutuꞌuriata aꞌ
yaꞌatuneꞌpo.
\v 8 Taa juꞌu Lios, junakaꞌa yoemrata, aapoꞌik ka yumaꞌisi
bem aꞌ sualeka juniꞌi aꞌ juꞌuneiyaꞌ betchiꞌbo, ka amemak
alleak. Jum aꞌ nok lutuꞌuriapo ame betana aapoꞌik aꞌ
jiꞌojte tebokaꞌa benasia:
\q Juꞌu achai Lios, inen jiia: Taewaim yumaꞌane,
\q Ijraꞌeelta yoemratamak intok Juraaꞌ teamta betana,
\q Bemela lutuꞌuriata ne amemak aꞌ yaꞌaneeo.
\q
\v 9 Ka jumeꞌ bempoꞌim yoꞌowasukaꞌum mak lutuꞌuriata in
amemakta yaakaꞌu benane.
\q Junak, bwiaraa Ejiptoꞌ teaꞌa betana yeu am nuk sika
inepo am aniakai.
\q Bempo su junakaꞌa lutuꞌuriata in amemak yaakaꞌuta, ka
aet yeu yuumakai.
\q Intok junae betchiꞌbo ne ka am aniaka am koptak, ti
jiia juꞌu achai Lios.
\q
\v 10 Juꞌu bemela lutuꞌuria, juꞌu Ijraꞌeel yoemratamak
in yaꞌaneeꞌu,
\q Junameꞌe taewaimmet chukula, inen machine, ti jiia juꞌu
achai Lios.
\q Jukaꞌ in nesaurita, bempoꞌim aꞌ koba suawaꞌuneꞌ betchiꞌbo
ne am aniane.
\q Intok ket jiba bem aet jiapsineꞌ betchiꞌbo, ne am aniane.
\q Intok bempo nee betana yoemratune.
\q Nee intok junak, ameu Liojtune.
\q
\v 11 Ka utteꞌatune, bempoꞌim naas emo majtaneeꞌuta,
\q Kia emo taꞌaakai intok kia emo nau werika juniꞌi,
\q Junuen, jukaꞌ achai Liojta bem juꞌuneiyaaneꞌ betchiꞌbo.
\q Bweꞌituk siꞌime bempo nee juꞌuneiyaane,
\q Bempoꞌim betana kia tua illitchika naateka,
\q Intok kia jumeꞌ tua yoꞌowe juniꞌi.
\q
\v 12 Intok inepo, bempoꞌim ka tuꞌuwa yaꞌarim betana,
\q Nee am jiokoine.
\q Intok jiba betchiꞌbo ne junae,
\q Bem ka tuꞌi yaꞌariꞌu ne ka intok au waatine.
\m
\v 13 Juꞌu Lios intok junuen juchi bemela lutuꞌuriata
auneꞌetiakai, jukaꞌ aꞌ lutuꞌuria yaꞌari, bat naataka weeriata,
aꞌ yuutusukaꞌuta teuwaa. Juꞌu intok junuen, bat naataka
yuutusukame, lauti iꞌan simsune.
\c 9
\s Juꞌu inim bwiapo Liojta ama yoꞌoriwaꞌu, intok juꞌu teekau tua lutuꞌuriapo teꞌopo
\p
\v 1 Iꞌan intoko, junaꞌa bat naataka, Liojta lutuꞌuria
yaakaꞌu, jum teꞌopopo Liojta yoꞌori betchiꞌbo, intok ket
aꞌ weetuaꞌ betchiꞌbo intok nesauri ayukan. Taa juꞌu
kari, Liojta ama bem yoꞌoreꞌu, inim bwiapo yaꞌaritukan.
\v 2 Juꞌu lona kari, Liojta ama yoꞌoriwame inen maisi
yaꞌaritukan. Nasukriapo, jumeꞌ bat aꞌ pattim bichapo,
juꞌu tachiria beeten. Intok juꞌu meesa, paanim, Liojtau
bicha naꞌikiarim ayukaꞌpo. Inim intok, Liojta ama yoꞌoriwaꞌpo
taꞌeewan.
\v 3 Junamaꞌa nasukriapo, juchi senu tajoꞌori aꞌ pattim
beasi, juchi senu kari, junaꞌa intok, Liojta ama aneꞌe
benasi yoꞌoriwan.
\v 4 Junamaꞌa wajiwa intok, sawai tomie yaꞌaritaka, kopaalim
benam win jubak tattaawaꞌpo ama manekan. Intok ket juꞌu,
nape konila sawai tomie yaꞌari, kaaja, Liojta betana lutuꞌuria
yaꞌarita teuwaaꞌu, ama ayukaꞌu. Junamaꞌa wajiwa, sotoꞌi,
sawai tomie yaꞌaritukan, juꞌu manaaꞌ teamta ama ayukaꞌu,
ama manekan. Intok ket juꞌu boonia, Liojta basiutuakaꞌu,
Aaroontukaꞌuta atteasukaꞌu. Intok jumeꞌ wooi tetam, Liojta
betana lutuꞌuria yaꞌarita amet jiꞌojteim.
\v 5 Junae kajata bepa, wooi ankelesim benaka, kerubiin
teaka, jaꞌabwekan. Junameꞌe, Liojta junamaꞌa aneꞌuta aꞌ
teuwaakai. Junameꞌe, bem masammea, junamaꞌa ka tuꞌuwa
yaꞌarim betchiꞌbo, bwara jijissuꞌawaꞌpo aꞌ suuakai. Taa
inia weyemta betana te kaita intok a teuwaa iꞌani.
\p
\v 6 Junuen junakaꞌa tuꞌuteipo, jumeꞌ junamaꞌa teꞌopopo
bat yoꞌowe, chikti taꞌapo junamaꞌa kari, Liojta ama yoꞌori
betchiꞌbo, cheꞌa bat karipo aꞌanen Liojta yoꞌori betchiꞌbo,
junuen junamaꞌa bem boꞌo jooriaꞌut yeu yumakai.
\v 7 Taa junamaꞌa teꞌopopo, junaet chaꞌaka, chukula karipo,
juꞌu cheꞌa siꞌimem bepa junamaꞌa juꞌu yoꞌowe, sejtul
chikti wasuktiapo jiba, junamaꞌa aꞌane. Junamaꞌa intok
aneꞌeteko, bwara ojbota weiyaa. Aapo, aꞌ ka tuꞌuwa yaꞌari
betchiꞌbo intok juꞌu wate yoemrata ka tuꞌuwa yaꞌari
betchiꞌbo aꞌ weiyaaka, junae, bem jiokoinaꞌ betchiꞌbo.
\v 8 Inia weemtae juꞌu Liojta tuꞌu jiapsi itom aꞌ juꞌuneiyaatua,
junamaꞌa Liojta yoꞌoriwaꞌpo juꞌu kari, bat katekamta,
ketuni aꞌ sawaawao, tua Liojta ama aneꞌe benasia aꞌ eiyaawaꞌpo,
kee a aman yajiwaꞌuta aꞌ teuwaan.
\v 9 Siꞌime inien weyeme, inimeꞌe taewaimmet aꞌ mammatenaꞌ
betchiꞌbo aayuk. Bweꞌituk juꞌu, Liojtau bicha naꞌikiari
intok juꞌu ka tuꞌuwa yaꞌari betchiꞌbo junamaꞌa Liojta
bichapo bwaram suꞌawame, junaꞌa, jumeꞌ junuen Liojta yoꞌoreme,
Liojtamak bem emo tuꞌutelaaꞌut, bem juꞌuneeneeꞌu betana,
ka am aniak.
\v 10 Junaꞌa, bwaꞌawamtat oo jita jiꞌiwamta boꞌo jooriawame
tukan. Intok Liojta bichapo bem emo tuꞌutewamta, watek
bem boꞌo jooriaꞌut, intok bem takaampo emo baksianeeꞌut
betana nesauri tukan. Junaꞌa intok, Liojta taꞌabwisi
bemela lutuꞌuriata yaꞌawaꞌu tajtia jiba tuꞌika weye.
\v 11 Taa Jesukrijto, jaibu aꞌabo noitisuk. Intok iꞌan,
aapo junaꞌa juꞌu, Liojta bichapo tekiaka, itou yoꞌowe,
jukaꞌ juꞌu itou tuꞌikut itom aniame. Jum teꞌopo, teekau
aapoꞌik yoꞌotaka aꞌ tekiata joaꞌapo, cheꞌa juniꞌi tuꞌik
intok kaita kee chupeka ama beꞌee. Intok junakaꞌa, ka
inim yoemtaka aꞌ yaꞌari.
\v 12 Juꞌu Jesukrijto, achai Liojta katekaꞌu ama aane.
Taa ka bat naataka boꞌo jooriawaꞌa benasi chibaꞌojbota
weiyaakai, oo beseeoꞌojbota weiyaakai. Ala, aapo, Liojta
bichapo aapoꞌik ojbowata woꞌotakai, junae aapo sejtul
wechiapo siꞌimeta yaak. Intok junuen aapo, jiba betchiꞌbo
itom jinneꞌuituneeꞌuta aꞌ tuꞌu yaak.
\v 13 Lutuꞌuria ala, toro ojbota intok chibo oꞌowia ojbota,
intok ili waka jamut tayaꞌawakaꞌpo, juꞌu naposa, junaꞌa,
jumeꞌ ka tuꞌisi aulammet bepa chaktawako, junaꞌa, junameꞌe
chubala betchiꞌbo, ka tuꞌik betana am tuꞌute betchiꞌbo
intok Liojta bichapo tuꞌisi bem tawaa betchiꞌbo am aniak.
\v 14 Taa junuentukaꞌateko, Jesukrijtota mukuka, ojbota,
cheꞌa juniꞌi, jukaꞌ watek ojbota bepa siꞌimeku yuuma.
Bweꞌituk Liojta tuꞌu jiapsi jiba yuu betchiꞌbo aneme,
junae aniawaka juꞌu Jesukrijto, aapo kaita ka tuꞌik yaꞌarika,
Liojta eaꞌpo aman, aꞌ meꞌetuneꞌ betchiꞌbo, au suꞌu tojak.
Intok aapoꞌik ojbowae, itom ka tuꞌuwa yaꞌari betchiꞌbo,
ka tuꞌisi tawaka itom kokkoneeꞌuta, itom bitꞌeaꞌut itom
jiokoeka, junuen itom aꞌ juꞌuneiyaatua. Junuen, jukaꞌ
Lios, jiba yuu jiapsamta eaꞌpo aman jiapsaka itom aꞌ
nok jikkajineꞌ betchiꞌbo.
\p
\v 15 Junuen san Jesukrijto, bemela lutuꞌuriata yaꞌarika,
junau, aapo yoꞌotaka yee nokriame. Jesukrijtota mukukaꞌ
betchiꞌbo ket, bat naataka Liojta lutuꞌuria yaꞌari betana,
aꞌ bejeꞌeka ka tuꞌisi ayukame, ket am jiokoek. Intok
junuen, jumeꞌe, Liojta nunukaꞌum, aapoꞌik bem mabetnee
ti jiaka, ameu aꞌ naꞌikiakaꞌuta, jiba yuu betchiꞌbo tuꞌik,
aamak bem bitneeꞌuta bem mabetneꞌ betchiꞌbo.
\v 16 Bweꞌituk, senuk kee mukeka, aꞌ atteawa betana jukaꞌ
lutuꞌuria yaꞌarita ayuko, junakaꞌa aꞌ mukiatukaꞌuta bat
juꞌuneiyaanaa. Jukaꞌ junuen lutuꞌuriateita junuen junaet
yeu yumaꞌanaꞌ betchiꞌbo.
\v 17 Bweꞌituk juꞌu junuen lutuꞌuria yaꞌari, jukaꞌ junuen
aꞌ yaꞌarik ketun jiapsao, kaabeta tuꞌiku a ania. Ala,
jukaꞌ aꞌ yaakamta mukiatuko.
\v 18 Junuen san, bat naataka katriammeu, juꞌu Liojta
lutuꞌuria yaakaꞌu, ket jiba junaen, bwalam suꞌawammea
yeteu tuꞌineeka yaꞌatuk.
\v 19 Juꞌu Moiseejtukaꞌu, siꞌime junae Ijraꞌel yoemratau,
Liojta betana siꞌime jumeꞌ nesaurim jiꞌojteipo ameu
am teuwaaka, chukula intok ket, sikii bwara boata nuꞌuka
intok juya sawata ae teꞌochia betchiꞌbo, jissoopoꞌ teamta
nuꞌuka, junameꞌe intok beseeo ojbopo intok bwara ojbopo,
baꞌammak kuutipo am komoniaka, jumeꞌ Liojta nesauri jiꞌojteim
ae siꞌitak, intok ket siꞌime junakaꞌa yoemrata.
\v 20 Junak san intok inen ameu jiiak: “Iniꞌi junaꞌa
juꞌu ojbo, juꞌu, Liojta betana lutuꞌuria yaꞌari, emou bicha
aꞌ teuwaakaꞌu”, ti jiiak.
\v 21 Intok ketchia juꞌu Moiseej junae ojboe, jukaꞌ teꞌopota
siꞌitak. Intok siꞌime jukaꞌ junamaꞌa, Liojta yoꞌori betchiꞌbo
ama sawaawamta.
\v 22 Liojta nesauri jiꞌojteipo junuen aꞌ weyeꞌpo aman,
batte siꞌime ayukame ojboe siꞌitawaka, wepulsi Liojtau
bicha naꞌikiawan. Intok ket, kaabe, bem ka tuꞌuwa yaꞌarimmet
jiokoim tukan, ka ojbota woꞌotawao.
\s Juꞌu Jesukrijtota kuuset mukukaꞌue jumeꞌ ka tuꞌuwa yaꞌarim jiokoiwa
\p
\v 23 Junuen san utteꞌatukan, inien weyeka, jijissuꞌawamta
auneeꞌu, junuen junakaꞌa junale benak inim weyemta, jukaꞌ
teekau ayukamta teuwaamta, Liojta bichapo aꞌ tuꞌu yaꞌa
betchiꞌbo. Taa kia junuen, jiba juꞌu teekau ayukame, cheꞌa
bepa tuꞌisi weyeka, ae betchiꞌbo jiokot yaꞌatuneemta
waata.
\v 24 Bweꞌituk Jesukrijto ka junale benaka teꞌopopo
aanek, inim inien machika watem yaꞌaripo. Junaꞌa kia
beja tua, jukaꞌ tua lutuꞌuriapo, teekau teꞌopota ayukamta
aꞌ teuwaa. Ala aapo, tua jum teekau yepsak. Jumun iꞌan,
Liojta bichapo aneka, itom aꞌ nokriaꞌawi.
\v 25 Juꞌu teꞌopopo cheꞌa bat yoꞌowe jurio, jum teꞌopopo,
Liojta ama aneꞌe benasi ti eiyaawaꞌu, chikti wasuktiapo,
sejtul ama aꞌane, ka aapoꞌik ojbota weiyaakai. Taa Jesukrijto,
ka jaarekesi ito betchiꞌbo jiokot au joo tebok.
\v 26 Bweꞌituk junuen aꞌ weyeo, aniata naatek naateka,
utteꞌatu ean, jue benasi aꞌ mukneꞌpo. Taa iꞌani inien
yeu simla, taewaim au yeu puꞌarim yumaꞌaseo, juꞌu Jesukrijto,
sejtul weeꞌpo jiba inim au yeu machiak. Junuen, jumeꞌ
ka tuꞌuwa yaꞌarim betchiꞌbo jiokot aꞌ yaꞌatuneꞌ betchiꞌbo
au suꞌu tojakai.
\v 27 Inim siꞌimem, Liojta betana sejtul jiba bem kokkoneeꞌuta
ameu aꞌ chupaꞌatukaꞌa benasia, intok chukula yee yaꞌuraa
bittuanaame aune,
\v 28 ketchia junuen Jesukrijto, sejtul jiba ito betchiꞌbo
jiokot yaꞌatuk, junuen, juebenam, bem ka tuꞌuwa yaꞌarimmet
am jiokoibaekai. Intok chukula ket, juchi weeꞌpo, inim
yeu machine, taa ka juchi ka tuꞌuwa yaꞌarim betchiꞌbo
jiokot yaꞌatuneekai. Ala, jumeꞌ aꞌ boꞌo bichame jinneꞌuneekai.
\c 10
\p
\v 1 Bweꞌituk bat naataka, Liojta betana nesauri, Moiseejtukaꞌuta
jiꞌojtekaꞌu, cheꞌa chukula ito betchiꞌbo tuꞌineeꞌuta
yeu machianeeka teuwaan, intok ka tua lutuꞌuriapo junaꞌatukan.
Junuen san, juꞌu nesauri, Moiseejtukaꞌuta jiꞌojtei, jumeꞌ
junuen jissuꞌawamta boꞌo jooriaka Liojta betana mabettubaeme,
junakaꞌa wasuktiapo joowame joamtae, Liojta bichapo tuꞌisi
bem mabetnaaꞌut kaibu am aniane.
\v 2 Bweꞌituk junaꞌa nesauri, junameꞌe, Liojta bichapo
tuꞌisi am tawaꞌateko, juꞌu ka tuꞌuwa yaꞌarim betchiꞌbo
bwaram bem sussuꞌaaꞌuta, ka intok Liojtau bicha junuen
jooꞌeewan. Bweꞌituk jumeꞌ junuen junameꞌe Liojta yoꞌoreka
au bicha bwaram sussuꞌame, junuen jaibu bem ka tuꞌuwa
yaꞌarim betana jiokorimtakai, tokti ka intok juchi ka
tuꞌisi bem tawalaaꞌuta amet juꞌuneiyaa ean.
\v 3 Taa ala, iniꞌi bwaram suꞌawame, wasuktia yumaꞌabeleki,
junameꞌe, bem ka tuꞌuwa yaꞌarim betchiꞌbo, ka tuꞌisi bem
tawalaaꞌut am juꞌuneetua.
\v 4 Bweꞌituk, junuen, toom suꞌaaka, intok kia kabaam suꞌaaka
juniꞌi, junameꞌe ojboe, bem ka tuꞌuwa yaꞌarimmet, kaibu
jiokoimtuneekai.
\p
\v 5 Junuen san Jesukrijto, aꞌabo aniau yepsaka, Liojtau
bicha inen nookak:
\q Bwaram intok toom, junuen enchi yoꞌoreka, am suꞌawamta,
empo ka aꞌ waatak.
\q Ala empo, in yoemtuneꞌ betchiꞌbo neu aꞌ chupak.
\q
\v 6 Wakasim intok kabaam, junuen enchi yoꞌoreka, tattaawame
juniꞌi, empo ka aꞌ tuꞌurek.
\q Intok kia jumeꞌ ka tuꞌuwa yaꞌarim am jiokoimtuneꞌ betchiꞌbo,
bwaram suꞌawamta juniꞌi empo ka aꞌ tuꞌurek.
\q
\v 7 Junak san ne inen jiiak:
\q “Achai Lios, im ne aane, em eaꞌpo aman aubaekai,
\q Jum em nok lutuꞌuriapo, nee betana aꞌ jiꞌojteiꞌi benasia.”
\m
\v 8 Cheꞌa bat inen jiia: “Liojta, wakasim intok kia
beseeom tayaꞌawamta intok kia bwaram juniꞌi, ka waataka
ka aꞌ tuꞌureꞌpo. Intok kia jumeꞌ ka tuꞌuwa yaꞌarim am
jiokoimtuneꞌ betchiꞌbo tattaawame juniꞌi.” Junakaꞌa
weyemta, nesauri jiꞌojteipo junuen aꞌ yaꞌanaaꞌuta aꞌ
jiꞌojteituk juniꞌi.
\v 9 Intok chukula ket: “Im nee aane, in yoꞌowa Lios,
jukaꞌ em tuꞌureka em yaꞌa iꞌaꞌuta aꞌ yaꞌabaekai”, ti
jiiak. Iniae, jukaꞌ bat naataka weeriata joowamta betchiꞌbo,
iꞌan inikaꞌa, taꞌabwisi jukaꞌ ka tuꞌuwa yaꞌarik betchiꞌbo
jiokot yaꞌatuneemta, iniat au aꞌ tawaanee, ti jiia.
\v 10 Juꞌu Lios, aꞌ yoemiamtuneꞌ betchiꞌbo, itom tuꞌu
mabetla, jukaꞌ Jesukrijtota, Liojta eaꞌpo aman aꞌ ayukaꞌ
betchiꞌbo. Junuen aapo, aꞌ takaawata, sejtul jiba betchiꞌbo,
ka tuꞌuwa yaꞌarim betchiꞌbo jiokot yaꞌatukai.
\p
\v 11 Jumeꞌ teꞌopopo cheꞌa yoꞌowe juriom, chikti taꞌapo,
junamaꞌa bem tekilta jooa. Intok bichau bicha, jue benasi,
jiba junakaꞌa ka tuꞌik yaꞌari betchiꞌbo, bwaram suꞌawamta
weetua. Inikaꞌa jakwoo juniꞌi, juꞌu ka tuꞌuwa yaꞌarit
bem jiokoituneeꞌut, ka am anianeeo juniꞌi.
\v 12 Taa Jesukrijto, jiba betchiꞌbo, ka tuꞌuwa yaꞌarim
betchiꞌbo, sejtul weeꞌpo jiba, ito betchiꞌbo jiokot yaꞌatuka
meꞌetuk. Junak intok, chukula, Liojta mak, teekau aꞌ batatana
yejtek.
\v 13 Junaman aneka, boꞌo bicha, siꞌime jumeꞌ aꞌ bejeꞌeka
aneme, Liojta aꞌ aniaka, am kobaꞌasuꞌutajtia.
\v 14 Bweꞌituk aapo, yee jinneꞌu betchiꞌbo, juꞌu sejtul
jiba aꞌ jiapsita aapoꞌik aꞌ nenkakaꞌue, junuen jumeꞌ
Liojta yoemiam tuneꞌ betchiꞌbo aapoꞌik yeu puꞌarim, inimeꞌe,
jiba yuu betchiꞌbo, Liojta bichapo, kaita ka tuꞌik yaꞌari
benasi bem mabet tuneeꞌuta aꞌ tuꞌu yaak.
\v 15 Intok juꞌu Liojta tuꞌu jiapsi ket jiba inikaꞌa
itom juꞌuneiyaatua. Bweꞌituk cheꞌa bat naataka inen
aꞌ teuwaak:
\q
\v 16 Juꞌu bemela lutuꞌuria, chukula junameꞌe taewaim simsuko,
in ame mak yaꞌaneeꞌu, iniꞌi junaꞌa, ti jiia juꞌu achai
Lios.
\q Ne, jumeꞌ in nesauri jiꞌojteim, bempoꞌim amet jiapsineꞌ
betchiꞌbo, ne am aniane,
\q Intok ket bem am koba suawaꞌuneꞌ betchiꞌbo.
\m
\v 17 Intok chukula ket inen jiiak:
\q Jakwoo juniꞌi ne intok, bem ka tuꞌuwa yaꞌarimmeu ka
waatine.
\q Intok kia bem nee bejeꞌeka aukaꞌu juniꞌi.
\m
\v 18 Junuen san, inimeꞌe ka tuꞌuwa yaꞌarim junuen am
jiokoisuako, jaibu kaibu intok utteꞌatune, juꞌu ka tuꞌuwa
yaꞌarik betchiꞌbo, juchi bwaram suꞌaanaaꞌpo.
\s Liojtau bichaa te ito nokriapo yumaꞌi
\p
\v 19 Junuen san Krijtopo nemak werim, iꞌan itepo, ka
jain eaka Liojta yoꞌotaka aꞌ katekaꞌu luula, itepo, yee
nokriaꞌ betchiꞌbo lutuꞌuriak. Iniꞌi intok, Jesukrijtota
meꞌetuka, ojbota aꞌ woꞌotakaꞌu betchiꞌbo.
\v 20 Junuen, iꞌan bemelasi ka bat naataka benasi weyeka,
jukaꞌ itom jinneꞌunaaꞌuta, aapoꞌik itom yaꞌariakaꞌuta
sualekai. Inikaꞌa, aapo, kuuset popontaka, jiokot yaꞌatukai,
teꞌopopo, jumeꞌ tajoꞌorim, ae aꞌ pattim am siuteka intok
am etapokaꞌa benasi.
\v 21 Juꞌu yoꞌowe Jesukrijto, Liojta bichapo aneka siꞌimekut
itou yoꞌowe.
\v 22 Junuen san, itepo, tua junen jiaka, Liojtau bichaa
ito nokriane. Intok ket, jukaꞌ itom sualeꞌuta, tua lutuꞌuriapo
aet eakai. Bweꞌituk juꞌu Lios, aapo, ka tuꞌik betana itom
jiokoila. Junuen, juꞌu ka tuꞌik betana, ka intok itom
aꞌ yuꞌiineꞌ betchiꞌbo. Intok kia itom takaam juniꞌi,
kalajko baꞌammea baksiarim benasi machikai.
\v 23 Junuen san itepo, itom sualeka itom bit boꞌo bichaꞌuta,
ka aꞌ koptaka, aet jiapsine, ka taꞌabwisi eakai. Bweꞌituk
juꞌu Lios, itom bitneꞌeti jiaka itou aꞌ teuwaakaꞌut, yeu
yumaꞌane.
\p
\v 24 Intok itepo, ito nasuku, cheꞌa juniꞌi ito nak betchiꞌbo,
ito aniane. Intok juꞌu tuꞌik boꞌo jooriawamtatchi ketchia.
\v 25 Katte, jumeꞌe, itom nau yaajaꞌu ka yaajika joiwalame
benasi anbaane. Ala itepo, ito naas junaet bamijtuane.
Intok cheꞌa juniꞌi iꞌani, taewaita, yoꞌowe Jesukrijtota
aet yebijneeꞌuta, abe aꞌ yumao juꞌuneakai.
\v 26 Bweꞌituk itepo, Liojta betana, jukaꞌ lutuꞌuriata,
jaibu aꞌ juꞌuneiyaaka, itepo, intok ketun jukaꞌ ka tuꞌik
joaꞌateko, kaabe intok juꞌu ka tuꞌik betchiꞌbo jiokot
yaꞌatuneeme aane.
\v 27 Ala, chukula, Liojta yee yaꞌuraa bittuao, ka tuꞌisi
tawalamtaka, ama butti ka tuꞌika itou chupne. Intok juꞌu
taji, jumeꞌe, Liojta bejeꞌeka aneme, luꞌutaneeme.
\v 28 Senuk, jumeꞌ nesaurim, Moiseejtukaꞌuta jiꞌojtekaꞌum
betana am bejeꞌeka auko, intok junakaꞌa bejeꞌeka, wooim
oo bajim aꞌ naꞌatejoo, junaꞌa, ka jiokoliwaka, meꞌetune.
\v 29 Junuen san, jumeꞌe, Liojta usita, kia jak waꞌam eiyaaka
aꞌ bichame, cheꞌa juniꞌi bepa ameu weene. Intok junuen
ket, jumeꞌe, aꞌ ojbowata, jaana emo aꞌ eiyaatuame, intok
junuen, Liojta, jukaꞌ am nakemta tuꞌu jiapsita, ka tuꞌisi
aet nokakai. Iniꞌi ojbo san, junaꞌa, Liojta betana, bemela
lutuꞌuriata aꞌ teuwaame. Intok ket junae, bempo, Liojta
yoemiam benasi mabetrimtakai.
\v 30 Juꞌuneate achai Liojta inen jiulaꞌpo: “Neu lutuꞌuria
jiokot in yee yaꞌaneꞌpo. Ineponee yee jujjutriane.”
Intok ket inen jiiak: “Juꞌu achai Lios, jukaꞌ aꞌ yoemrawata,
aꞌ yaꞌuraa bittuane”, ti jiiak.
\v 31 Tua jantiachine, wameꞌe, Lios jiba yuu jiapsamta
betana, yaꞌuraa bittuaka, jiokot yaꞌatuneeme.
\p
\v 32 Taa emeꞌe, taewaim simsukammeu ameu waatine. Juꞌubwa
Liojta betana nok lutuꞌuriata enchim mabetao, intok ka
jain eaka enchim jiokot emo bichaꞌu nasuk juniꞌi, aꞌ
ineꞌesukaꞌubeu.
\v 33 Emo betana waate, ka tuꞌisi ame tana nokwamta jikkaja.
Intok juebenam bichapo jiokot joosuak. Wate intok, jumeꞌ
junuen jiokot emo bichakaꞌummak jiokot eak.
\v 34 Bweꞌituk emeꞌe, jumeꞌ Krijtota bem sualeꞌ betchiꞌbo
etaꞌim, am nak jiokleka amemak jiokot eak. Intok emeꞌe,
enchim attea uꞌaawaka juniꞌi, ka jain eaka, alleaka aꞌ
juiwak. Juꞌuneakai, Liojtamak, teekau enchim uꞌaawakaꞌu
bepa cheꞌa juniꞌi bepa tuꞌik intok jiba yuu betchiꞌbotuneemta
emoas aꞌ ayuꞌupo.
\v 35 Junuen san emeꞌe, Liojtat enchim eaꞌuta, ka aꞌ koptane.
Bweꞌituk juꞌu junuen Liojtat enchim a eaꞌut, emeꞌe chukula,
Liojtamak enchim mabetneeꞌut ama butti yuꞌin tuꞌik aet
bitne.
\v 36 Emeꞌe, ka seej chukti eaka, a boꞌo bibitne. Junuen
Liojta eaꞌpo aman jiapsi betchiꞌbo. Intok junuen, jukaꞌ
aapoꞌik itou naꞌikiakaꞌuta, aamak bit betchiꞌbo.
\v 37 Bweꞌituk Liojta nok lutuꞌuriapo inen jiꞌojtei:
\q Lautia tua lautia aꞌabo yebijnee juꞌu yebijneeka boꞌo
bitwame, ka binwatukai.
\q
\v 38 Taa juꞌu, in yoemia betchiꞌbo in mabetakaꞌu, nee aꞌ
sualeꞌ betchiꞌbo jiba yuu jiapsine.
\q Taa junaꞌa intok, bat naataka benasi, ka net eaka jiapsibaeꞌeteko,
tua nee ka alleetuane.
\m
\v 39 Taa itepo, ka jumeꞌ junuen juchi benasi ka Liojta
yoemꞌeiyaaka jiapsame bebena. Jumeꞌ jiokot yaꞌatuneeme.
Ala, jumeꞌe, Liojtat eaka aꞌ sualeka jiapsame bebenakai.
Jumeꞌ junuen jiapsaka jinneꞌurimtuneeme.
\c 11
\s Juꞌu Krijtota yoemꞌeiyaawame
\p
\v 1 Junuen san, Liojtat sualwaka aet eewame, tua lutuꞌuriapo
jukaꞌ chukula itom bit boꞌo bichaꞌuta, aꞌ lutuꞌuriatuneꞌpo
juꞌuneewame junaꞌa. Intok jukaꞌ ka itom bichaka juniꞌi,
itom sualeꞌut, tua aꞌ lutuꞌuriatukaꞌpo, lutula weeꞌpo
aꞌ juꞌuneiyaawame.
\v 2 Bweꞌituk jumeꞌ bat naataka itom yoꞌowasukaꞌum, wate,
Liojtat eaka, bem aꞌ sualekaꞌ betchiꞌbo, Liojta betana
tuꞌisi bem mabetakaꞌpo juꞌuneiyaawak.
\p
\v 3 Liojta itom sualeꞌ betchiꞌbo itepo juꞌunea, aapoꞌik
aꞌ nokie, aniata, teekata intok aniapo siꞌime ayukamta,
aꞌ juꞌunaktekaꞌpo. Junuen san, juꞌu iꞌan itom bichaꞌu,
ka jitae a bittumtae yaꞌari.
\p
\v 4 Juꞌu Abeltukaꞌu, Liojtat eaka aꞌ sualekaꞌu, Liojta
yoꞌoreka, bwala asoꞌolaata meꞌaakai, jukaꞌ aamak werikai,
Kain teamta, Liojta yoꞌoreka aꞌ yaakaꞌu bepa cheꞌa tuꞌisi
aꞌ yaak. Junuen san juꞌu Lios, Abelta betana aꞌ tuꞌu
mabetaꞌuta aꞌ juꞌuneiyaa tebok intok jukaꞌ aꞌ yoꞌoreka
aapoꞌik yaakaꞌuta, aꞌ tuꞌurek. Taa Kain tukaꞌuta yaakaꞌuta
ka tuꞌurek. Junuen san, juꞌu Abeltukaꞌu, binwatuk naatekai
mukiataka juniꞌi, juꞌu Liojtat eaka aꞌ sualekaꞌu betchiꞌbo,
iꞌan tajtia ae yee majta.
\p
\v 5 Juꞌu Enok tukaꞌu, Liojtat eaka aꞌ sualekai, jiapsaka,
teekau Liojtamak jikau siika. Intok jakwoo ka muukuk.
Intok ka intok bittuk. Bweꞌituk juꞌu Lios aꞌ nuk siika.
Intok jum Liojta nok lutuꞌuriapo inen jiꞌojtei: “Jukaꞌ
Enok teamta kee jikau nuk sakaꞌawao, aapoꞌik Liojta yoꞌoreka
aꞌ alleetuakaꞌpo.”
\v 6 Taa juꞌu, Liojta ka sualeme, kaachin junuen, Liojta
alleetuane. Bweꞌituk, juꞌu, aapoꞌik Liojta taꞌaabaeme,
utteꞌa, seenuk, tua Liojta jiapsaꞌpo aꞌ sualneꞌpo. Intok
junuen, jumeꞌ au bicha emo nokriame, aapoꞌik am nakeka,
tuꞌik am bittuaneꞌpo.
\p
\v 7 Juꞌu Nooeꞌetukaꞌu ket, Liojtat eaka aꞌ sualekai,
Liojta betana, jita ka juꞌuneiyaawaka, chukula yeu weenemta,
aꞌ juꞌuneiyaatuawako, Liojta nok jikkajak. Intok junuen
aapo, intok jumeꞌ aamak joꞌaakame jinneꞌubaekai, kuta
kanoata, unnaa bweꞌuuk yaak. Junuen, Liojta aꞌ sualekaꞌ
betchiꞌbo, jukaꞌ wate yoemrata, ka tuꞌisi bem tawariꞌuta
yeu aꞌ juꞌuneiyaatuak. Intok aapo junuen, Liojta betana,
tuꞌisi aꞌ mabetneeꞌuta jajamek.
\p
\v 8 Ket, jiba juꞌu Apraꞌamtukaꞌu, Liojtat eaka aꞌ sualeka,
achai Liojta aꞌ nunuko, aꞌ nok jikkajak. Intok junuen,
bwiaraa, Liojta au bicha aꞌ naꞌikiakaꞌu, aman yebij betchiꞌbo,
yeu siika. Junamaꞌa, tua aꞌ bwiaraa betana yeu sikaa,
jakun aꞌ yebijneꞌpo ka juꞌuneakai juniꞌi.
\v 9 Jiba junuen, Liojta sualekai, juꞌu Apraꞌamtukaꞌu,
jum bwiaraa, Liojta betana au naꞌikiawakaꞌpo, ka ama jometa
benasi eaka, ama jiapsak. Lona karimpo joꞌaakai. Intok
juꞌu Isaak tukaꞌu, intok ket juꞌu Jakoop tukaꞌu juniꞌi
ket, jiba junaen ama jiapsan, lona karimpo joꞌaakai. Ket
bempo juniꞌi, junakaꞌa Liojta, Apraꞌamtau naꞌikiakaꞌuta
aꞌ mabetlamtakai.
\v 10 Bweꞌituk juꞌu Apraꞌamtukaꞌu, chukula aꞌ jiapsineeꞌuta,
teekau jiba betchiꞌbo aꞌ joꞌaaneeꞌuta, mabet boꞌo bichan.
Junakaꞌa joꞌarata intok, juꞌu Lios, aapo aꞌ juꞌunaktei.
\p
\v 11 Ket jiba junaen su, juꞌu Saraꞌatukaꞌu, Liojtat eaka
aꞌ sualeꞌ betchiꞌbo, jaibu naa buusti yoꞌotuitaka juniꞌi,
aꞌ yoemianeꞌ betchiꞌbo, Liojta betana aniawak. Junuen
san oꞌouta yeu yoemiak. Bweꞌituk aapoꞌik Liojta betana,
au aꞌ naꞌikiawakaꞌu betana aꞌ chupaꞌaneeꞌuta junuen
aꞌ sualekai.
\v 12 Junuen san, juꞌu Apraꞌam tukaꞌu, jaibu taewaim abe
simtuasuka juniꞌi, yoemra aapoꞌikut yeu katriam, ama butti
juebenaek. Teekapo jumeꞌ chokim benasi, intok bawe mayoat,
seꞌeta aukamta benasi, ka a naꞌikiatu maisi machikai.
\p
\v 13 Siꞌime junameꞌe, Liojta betana, ameu naꞌikiawakamta,
ka aꞌ bichaka juniꞌi, kokkok. Taa junameꞌe, Liojtat eaka,
bem aꞌ sualeꞌ betchiꞌbo, ketun aꞌ binwatuneꞌpo juꞌuneaka
juniꞌi, intok junuen aꞌ sualeka, junakaꞌa alleaka aet
boꞌo bichak. Junuen, junameꞌe aꞌ lutuꞌuriatek, ka inim
jomemtaka, naa buusti kateme benasi emo eiyaakai.
\v 14 Bweꞌituk jumeꞌ inien jiakame, juꞌunakkiachisia
aꞌ teuwaak, ketun jakun bwiaarapo bem jiapsineeꞌuta, bem
aꞌ jaiwaꞌpo.
\v 15 Junameꞌe, bempo, bem bwiaraau waateꞌeteko, juchi
junaman bicha a notti ean.
\v 16 Taa junameꞌe, cheꞌa juniꞌi tuꞌikun bem jiapsineeꞌuta
jaiwak. Teekapo Liojta make. Junuen san juꞌu Lios, bempoꞌimmeu
aꞌ achai Liojtukaꞌpo, junaet ka au essok. Bweꞌituk teekau,
aamak bem jiapsineꞌ betchiꞌbo ammeas aꞌ tuꞌuteriak.
\p
\v 17 Juꞌu Apraꞌamtukaꞌu, Liojtat eaka aꞌ sualekai, Liojta
betana juꞌuneiyaabaawaka, aꞌ au iꞌaꞌawaꞌpo aman, jukaꞌ
aꞌ yoemiata, Isaak teamta, Liojta yoꞌoreka, bwaram aꞌ sussuꞌaꞌa
benasi, aꞌ meꞌe betchiꞌbo, kaupo jijissuawaꞌu aꞌ tojak.
Jaibu junuen aꞌ meꞌebaeka aꞌ sumaꞌiakan, jukaꞌ aꞌ wepul
yoemiata. Junae betana, Liojta betana, senu weemta au
naꞌikiatuk juniꞌi.
\v 18 Juꞌu Isaak teamta betana, juꞌu yoemra, et yeu katriamtuneeme,
junameꞌemtune, ti au jiakai.
\v 19 Bweꞌituk aapo juꞌu Apraꞌamtukaꞌu Liojtat ean, kokkoarim
juniꞌi aꞌ jijiabijtetuaꞌpo. Intok inen a jiutu, Apraꞌamta
junuen ayukaꞌ betchiꞌbo, jukaꞌ aꞌ uꞌusiwata, kokkoarim
nasuk, juchi bemelasi aꞌ mabetakaꞌpo.
\p
\v 20 Juꞌu Isaaktukaꞌu, Liojtat eaka aꞌ sualekai, Jakoop
teamtau intok Esauꞌ teamtau, chukula bicha tuꞌik bem
mabetneeꞌut Liojtau bichaa junaet am nokriaka, ameu aꞌ
naꞌikiak.
\v 21 Juꞌu Jakoop tukaꞌu, Liojtat eaka aꞌ sualekai, jaibu
mukbaekai, Joseꞌetukaꞌuta yoemiammeu, chukula bicha, tuꞌik
bem mabetneeꞌut, Liojtau bichaa junaet am nokriaka, ameu
aꞌ naꞌikiak. Intok junak, aꞌ booniat wijjuꞌuteka weyeka,
junuen, Liojta yoꞌorek.
\v 22 Juꞌu Jose tukaꞌu, Liojtat eaka aꞌ sualekai, abe
mukekai, jukaꞌ Ijraꞌel yoemrata, cheꞌa chukula, bwiaraa
Ejiptoꞌ teaꞌa betana yeꞌam katneꞌeti jiiak. Intok aapoꞌik
mukuko, aꞌ takaawa betana, jakun bem aꞌ tojaka aꞌ maꞌa
betchiꞌbo junuen amet nesawek.
\p
\v 23 Moiseejtukaꞌuta yoꞌowawam, Liojtat bem eaka aꞌ
sualekai, jukaꞌ Moiseejtukaꞌuta yeu tomteko, jumeꞌ aꞌ
yoꞌowawam, baji metpo aꞌ essoiriakan. Bweꞌituk bempo,
junakaꞌa bem uusi, unnaa aꞌ tutuꞌuliakaꞌpo aꞌ bichakai.
Intok jukaꞌ ama yoꞌo yaꞌarita, aꞌ meꞌenaꞌpo nesaulata
juniꞌi ka majjaek.
\v 24 Intok Moiseejtukaꞌu, Liojtat eaka aꞌ sualekai junuen,
chukula, jaibu yoem yoꞌotakai, junamaꞌa bwiaraa Ejiptoꞌ
teaꞌpo yoꞌo yaꞌarita marawa aꞌ yoꞌoturiakamta, ka aꞌ
mala rokak.
\v 25 Ala, aapo, juꞌu Liojta yoemra, jumeꞌ ijraꞌeliitam
mak au naꞌikiaka intok junamemak jiokot au aꞌ bitneeꞌuta
yeu puꞌak. Junamaꞌa, ka jiba, jukaꞌ ka tuꞌik joaka, alleaka
jiapsiꞌeaka su.
\v 26 Taa aapo juꞌu Moisees, Krijtota benasi ka aꞌ tuꞌuriwaka,
ka aꞌ eiyaawakaꞌa benasi jiapsakai, jiokot au bichakai,
junakaꞌa cheꞌa eiyaaka ae betana kaachin eak. Bwiaraa
Ejiptoꞌ teaꞌpo, bejeꞌewakamta ama ayukamta ka eiyaakai.
Bweꞌituk chukula Liojta mak, jukaꞌ tuꞌik aꞌ bitneeꞌut,
junaet eaka jiapsan.
\v 27 Liojtat eaka aꞌ sualekai, juꞌu Moiseej, bwiaraa
Ejiptoꞌ teaꞌa betana yeu siika, junamaꞌa, jukaꞌ yoꞌo yaꞌarita,
ama nesaweka, aꞌ meꞌepeakamta ka aꞌ majjaekai. Bweꞌituk
aapo, jukaꞌ Liojta, ka a bittumta, junuen aꞌ bichamta benasi
aet eakai.
\p
\v 28 Ket jiba junaen, Liojtat eaka aꞌ sualekai, juꞌu
Moisees, bwara asoꞌola suꞌanamta boꞌo jooriak. Intok
junameꞌe ojbo, siꞌimem joꞌaa beꞌekatana, bem pueetampo
paꞌaria tana aꞌ yaꞌa tebok, Liojta junuen aet nesawekaꞌpo
aman. Junuen beja, ijraꞌeliita yoemra betana, junameꞌe
usiꞌoꞌowim, cheꞌa bat yoemiarim suꞌaneemta, ka ameu yebijneꞌ
betchiꞌbo.
\v 29 Intok Liojtat eaka, bem aꞌ sualeꞌ betchiꞌbo, juꞌu
Ijraꞌel yoemra, Sikiꞌibaweꞌ teaꞌpo yeu sajak, junamaꞌa
bwia wakiaku benasi. Jumeꞌ intok Ejiptoꞌ teaꞌpo joomem,
am jajaseꞌum, jiba junaen ama yeu katbaekai, ama baꞌapo
kokkok.
\p
\v 30 Liojtat bem eaka aꞌ sualeꞌ betchiꞌbo, bweꞌu joꞌara
Jerikoꞌ teaꞌpo konila, juꞌu mekka jikau teta kora wattek.
Jumeꞌ Ijraꞌelta betana yoemiarim, woo busan taꞌapo, nape
konila am sakaꞌasuko.
\v 31 Juꞌu ka tuꞌi jamut, Raꞌap teame, Liojtat eaka aꞌ
sualekai, ka jumeꞌ watemmak muukuk, jumeꞌ ka Liojta nok
jikkajakammak. Aapoꞌik, Ijraꞌel yoemrata betana, jumeꞌ
etbwa aman bittuarim tuꞌisi am mabetakai intok am essokai.
\p
\v 32 Ka iniꞌi jiba juꞌu in teuwaabaeꞌu, kannee au yumaa
ean, inen teakame betana etejo betchiꞌbo, Jereon teame,
intok Barak teame, Samson teame intok Jappet teame, Labiiꞌ
teame intok Samuel teame, intok jumeꞌ waate, Liojta betana
juꞌuneetuawaka, yee majtakame betana, buꞌuuk ame tana
etejo machika juniꞌi.
\v 33 Liojtat eaka bem aꞌ sualeꞌ betchiꞌbo, siꞌime inimeꞌe,
bempo tattaꞌabwi, ka bem bwiaaram yoꞌok. Tuꞌisi tuttuꞌi
nesaureomtuk. Liojta betana tuꞌik ameu naꞌikiawakamta
mabetak. Ouseim aneꞌepo eꞌetasuaka juniꞌi, junameꞌe kaachin
am jooan.
\v 34 Intok kia juꞌu bweꞌu taji beetia kaachin am jooan.
Nassuawaꞌpo, jumeꞌ tebe kuchiꞌimmea am suꞌabaeme betana
ama yoꞌeek. Jumeꞌ utteꞌata ameu beꞌeeme, utteꞌata mabetak.
Jum nassuawaꞌpo uꞌutteꞌaka yeu sajak. Intok jumeꞌ am
bejeꞌeka amemak nassuame, am koobak.
\v 35 Waate jaamuchim, bem kokkoriakaꞌum, juchi jiapsame
bichak.
\p Taa waate ket, intok jiokot maisi yaꞌawaka suꞌatuk.
Bem ka suꞌanaꞌ betchiꞌbo, Liojta ka nok jikkaji iꞌawan,
taam ka junuen aayuk, junuen, chukula, juchi jiabijteka
Liojta mak, cheꞌa tuꞌisi jiba yuu jiapsibaekai.
\v 36 Ketun san waate, jaana eiyaasuak. Intok bepsuak.
Intok kia yee eꞌetawaꞌpo aneka intok junamaꞌa sisiꞌiwook
wikiammea sumaꞌimtakai, jiokot emo bichak.
\v 37 Mamaasuaka suꞌatukamme. Sisiꞌiwookie, nasukꞌaman
chuktawakai, ka tuꞌisi au iꞌawaka ameu jiꞌopsuak. Tettebe
kuchiꞌimmea sussuꞌasuak. Intok ka joꞌaasukai. Kabaa
beata intok bwara boata tajoꞌorekai. Kaitae emo ania
machikai. Siokakai, intok ka jiokolisuak.
\v 38 Inimeꞌe oꞌowim, Liojta betana katekai, inien juꞌu
yoemratau kia juniꞌi ka au chaꞌakai. Mekka bicha bweka
paꞌariat naj rejten. Kawimpo rejteka intok kau woojoꞌoku
intok tesompo jojoꞌasukai.
\v 39 Siꞌime bempo junuen Liojtat eaka aꞌ sualekai, junuen
junaet, Liojta bichapo juꞌuneiyaawaka, mabetrimtaka juniꞌi,
Liojta betana jukaꞌ ameu naꞌikiawakamta ka aꞌ mabetak.
\v 40 Bweꞌituk aapo juꞌu Lios, senu weemta, cheꞌa juniꞌi
tuꞌik yaꞌabaeka ean, itou waatekai. Junuen beja ka bempolaim
jiba, taa ala itomak nau, aapoꞌik bichapo itom tuꞌisi
mabetrimtaka aamak itom jiapsineꞌ betchiꞌbo.
\c 12
\s Yoꞌowe Jesukrijtota, itepo ka koptanee
\p
\v 1 Junuen san beja, itepo, juebenam junuen, Liojtat eaka
aꞌ sualsukame juꞌuneiyaakai, siꞌimeta jukaꞌ ka aet itom
jiapsituamta intok siꞌimeta jukaꞌ ka tuꞌuwata itot ayuka,
Liojta ka itom nok jikkajituamta, omola tawaane. Intok
bichau bicha Liojta betana itom tekil maki, itom joo
iꞌawaꞌut jiapsine.
\v 2 Jesukrijtota itepo ka koptane, juꞌu, bat naataka,
itom aꞌ sualeꞌ betchiꞌbo itom aniamta. Intok juꞌu, junaet
itom aet yeu yumaꞌatuaneemta. Juꞌu Jesukrijto, kuuset
jiokot au bichak. Junuen kia jak waꞌam tiusi aꞌ meꞌetuneeꞌuta,
aapo, aꞌ kaita tukaꞌa benasi aꞌ bichak. Bweꞌituk aapo
juꞌunean, junuen muksuka, junaet chukula tua alleewamta
aꞌ bitneeꞌu. Junaet chukula intok, Liojta, yoꞌotaka aꞌ
katekaꞌu, aꞌ batatana yejtek.
\p
\v 3 Junuen san emeꞌe, Jesukrijtota, tuꞌisi aꞌ jiapsisukaꞌu
intok jumeꞌ ka tuꞌi yoemem betana tua jiokot au aꞌ bichakaꞌu
waatine. Intok junuen san, emeꞌe ka koꞌomꞌeebaane.
\v 4 Bweꞌituk emeꞌe iꞌan tajtia, jukaꞌ ka tuꞌik enchim
bejeꞌeka jiapsaꞌ betchiꞌbo, kee jabe kokko.
\v 5 Emeꞌe aꞌ koptala, Liojta nok lutuꞌuriapo enchim
aꞌ yoemiakaꞌa benasia, jukaꞌ enchim aꞌ nok tejwaakaꞌuta,
inen jiakai:
\q In yoemia, achai Liojta betana, aapoꞌik eaꞌpo aman, em
jiapsineꞌ betchiꞌbo,
\q Jukaꞌ bettek eu weyemta, ka jak waꞌam aꞌ eiyaane.
\q Intok aapoꞌik betana kutti sua tejwaawaꞌatek juniꞌi,
ka koꞌom eebaane.
\q
\v 6 Bweꞌituk juꞌu achai Lios, jumeꞌ aꞌ nakeꞌum,
\q Aapoꞌik eaꞌpo aman bem jiapsineꞌ betchiꞌbo, ameu suua.
\q Intok siꞌime jumeꞌ aꞌ yoemiakaꞌa benasi aꞌ mabetrim,
bettek ameu jooa,
\m ti jiakai.
\v 7 Emeꞌe Liojta betana junuen bitwaꞌatek, ka jain eene.
Bweꞌituk juꞌu Lios, aapo, aꞌ yoemiam benasi enchim bicha.
Inim, siꞌime jumeꞌ yoꞌowem, yoemiakame, bem yoemiam suasi
am jipue.
\v 8 Taa juꞌu Lios ka junuen jumeꞌ aꞌ yoemiam benasi
enchim bichaꞌateko, junak emeꞌe ka tua lutuꞌuriapo aapoꞌik
yoemiamtune. Bweꞌituk juꞌu Lios, jumeꞌ tua aꞌ yoemiam
benasi bichaꞌum, siꞌimemmeu bettek ameu jooa.
\v 9 Itepo, ili usimtukai, inim jumeꞌ itom yoꞌowam, jibebiae
itom sua tetejwaan. Ite intoko, am yoꞌoren. Junuen san,
itepo cheꞌa juniꞌi itou utteꞌa, jukaꞌ itom achaitau ito
suꞌu tojaka aꞌ nok jikkajine, juꞌu teekau katekamtau.
Junuen aamak jiba yuu jinneꞌuimtuneꞌ betchiꞌbo.
\v 10 Inim bwiapo, jumeꞌ itom yoꞌowam, ka juebena taꞌapo
itom sua tetejwaasuk, bem junen aꞌ tuꞌureꞌu tajtia. Taa
juꞌu Lios, tua lutuꞌuriapo tuꞌik ito tana waatakai, itom
sua tejwaa. Junuen, siꞌime ka tuꞌik joowamta betana ito
naꞌikimteka, wepulsi aapoꞌik eaꞌpo aman, jiba itom jiapsaꞌu
tajtia.
\v 11 Lutuꞌuria ala, Liojta betana betteka itom ae sua
tejwaawaꞌuta, itepo aꞌ mabetakai, ka itom aꞌ tuꞌureꞌpo.
Ala itepo bettesi aꞌ ineꞌene. Taa chukula, jumeꞌ junuen
Liojta betana bettesi aꞌ ineꞌakame, Liojta eaꞌpo aman
intok siꞌimeku tuꞌisi bem jiapsineeꞌuta intok yanti
elaka jiapsiwamta aet bitne.
\s Liojta noki ka jikkajiwaꞌu, aꞌ jinilwachiakaꞌu
\p
\v 12 Junuen san emeꞌe, enchim boꞌo joorianeeꞌuta, bemelasi
aet jiapsi taitinee intok Krijtota enchim sualneeꞌuta,
ka koptakai.
\v 13 Intok tuꞌik ausuꞌlik boꞌo jooriaka enchim jiapsineeꞌut
emo temaine. Junak, jumeꞌ juꞌubwa Krijtota sualeka intok
kee tuꞌisi jiapsame, emo betchiꞌbo, cheꞌa tuꞌisi aꞌ sualeka
jiapsine, intok ka juchi taꞌabwisi eebaane.
\p
\v 14 Siꞌimemmak yanti elaka enchim jiapsineeꞌut emo
temaine. Liojta enchim jiapsi iꞌaꞌpo amani jiapsakai.
Bweꞌituk kaabe, achai Liojta bitne, ka junuen, siꞌimeta
ka tuꞌik joowamta betana au naꞌikimteka, Liojta eaꞌpo
aman jiba jiapsakai.
\v 15 Tuꞌisi emeꞌe aet emo suuane, junueni, Liojta tuꞌisi
yee aꞌ nakeꞌ betchiꞌbo, wakaꞌa ama butti tuꞌik aapoꞌik
betana weyemta, kaabeta yeu beꞌeeka aꞌ mabetneꞌ betchiꞌbo.
Intok emo nasuk junuen, kaabeta, ka tuꞌik boꞌo jooriaka,
watem ka tuꞌikut jiꞌoptuakai, juyata jowookaꞌa benasia,
juebenam nasontekai.
\v 16 Emo nasuk kaabe, jamutta ka jubeka, aamak au tuꞌuribaane.
Intok kia Liojta betana weyemta, kaabe jak waꞌam aꞌ eiyaane.
Bweꞌituk juꞌu Esauꞌutukaꞌu cheꞌa bat naataka inikaꞌa
yaak. Liojta betana aꞌ yoꞌotukaꞌ betchiꞌbo, jukaꞌ tuꞌik
au aꞌ lutuꞌuriatukaꞌuta ka eiyaaka, senu puꞌato bwaꞌamta
betchiꞌbo aꞌ taꞌaruk.
\v 17 Emeꞌe intok juꞌunea, chukula Esauꞌ teamta, jukaꞌ
aꞌ nenkakaꞌuta, aꞌ achaiwata betana aꞌ mabetbaeko, ka
junaet aꞌ mabetwako. Intok junae betchiꞌbo, tuꞌisi bwanaka
juniꞌi, jukaꞌ ka aꞌ eiyaakaꞌuta, juchi aꞌ mabet betchiꞌbo,
ka aꞌ tuꞌutek.
\p
\v 18 Emeꞌe ka inim, junakpo, juꞌu ijraꞌeliita yoemrata
benasi, waꞌa kawi a bittuka intok beeteka intok juneraasi
ka machisi chaꞌaka, intok yuku jekata junamaꞌa utteꞌakaꞌpo
bem aꞌ bichakaꞌa benasi, ka emeꞌe junale benaku yajilam.
\v 19 Intok kia jukaꞌ sisiꞌiwook kusia jiawaita juniꞌi,
intok Liojta betana jukaꞌ nok jiawaita, junammeu nokakamta
juniꞌi. Junameꞌe, junakaꞌa jiawaita jikkajaka, Moiseejtukaꞌutau
jiokot jiiak, Liojta ka intok ameu nok iꞌakai.
\v 20 Junuenim aayuk, bempo senu nesauta, unnaa bettelekai,
inen jiamta: “Kia pochoꞌpo jiapsaka, naikim wokekame,
junamaꞌa kaupo weamaꞌateko, tetammea, oo tebe kuta juꞌiwammea
meꞌetune”, ti jiamta.
\v 21 Unnaa majjaiwatchika ama bibitwan. Kia juꞌu Moiseejtukaꞌu,
aapo juniꞌi inen jiiak: “Ama butti ne majjaeka, ino
yooa”, ti jiiak.
\p
\v 22 Taa ala emeꞌe, kawi Sion teaꞌu yajilam. Intok jum
bweꞌu joꞌara, Lioj jiba yuu jiapsamtawi. Teekau Jerusalen
teaꞌu. Intok junaman, juebena miil ankelesim jiapsaꞌawi,
alleaka, Liojta yoꞌori betchiꞌbo nau yajilamtakai.
\v 23 Intok Liojta yoemiam, teekau mabetrim nau anemmake.
Intok Liojtau, juꞌu siꞌimem yaꞌurau bittuaneemtau. Emeꞌe
au lutuꞌuriaka, au bicha a emo nokria. Jumeꞌ tuꞌisi jiapsisuka,
Liojta tuꞌisi mabetrimmak emeꞌe iꞌan naꞌikiarim.
\v 24 Jesukrijto, juꞌu bemela lutuꞌuriata yaꞌalame, intok
aapoꞌik, kuuset mukuka, ojbota aꞌ woꞌotekaꞌuta juꞌuneiyaakai.
Abeltukaꞌuta meꞌewaka, aꞌ ojbowa bepa cheꞌa eiyaawatchi.
\p
\v 25 Junuen san emeꞌe, jukaꞌ itou nokamta ka koptaneꞌ
betchiꞌbo, aet emo suuane. Bweꞌituk ka ama yoꞌeek, wameꞌe
inim bwiapo, Liojta am sua tejwaao, ka aꞌ nok jikkajakame.
Intok kia itepo juniꞌi, ama yoꞌeꞌ betchiꞌbo, tee ka ama
yumaꞌane, junuen, teekapo betana itou nokamta, ka aꞌ nok
jikkajako.
\v 26 Junakriapo, taewaimmet Liojta betana juꞌu jiawai,
bwiata au yoyootuak: “Taa iꞌani”, ti jiia juꞌu Lios,
“juchi weeꞌpo ne ka ikaꞌa bwiata jiba junuen au yootuane,
taa ket teekau, chokim ayukame juniꞌi.”
\v 27 Junuen: “Juchi weeꞌpo jiba”, ti jiakai, a juꞌuneetu,
Liojta betana, inim jukaꞌ aꞌ juꞌunaktei, a luꞌutemta, aꞌ
luꞌutineꞌpo. Intok jukaꞌ ka a luꞌutemta, jiba betchiꞌbo
aꞌ tawaneꞌpo.
\v 28 Liojta yoꞌotaka aꞌ katekaꞌu itom jiapsi iꞌawaꞌu,
ka luꞌutine. Junuen san itepo, inia betchiꞌbo Liojta
bai saune. Intok aꞌ alleetuaꞌ betchiꞌbo, tua junen jiaka
aꞌ yoꞌorine. Intok ka aꞌ koptaka aꞌ nakeka jiapsine.
\v 29 Bweꞌituk juꞌu itom achai Lios, tajita jita luꞌu
luꞌutaꞌa benasi maachi.
\c 13
\s Jaisa jiapsaka, Liojta itom alleetuaneeꞌu
\p
\v 1 Emeꞌe, enchim emo nakneeꞌuta ka koptane, Krijtopo
enchim nau weriakaꞌa benasia.
\v 2 Enchim joꞌaampo, emou yaajame, tuꞌisi enchim am mabbetneeꞌu,
emeꞌe waatine. Bweꞌituk, inien aneka, cheꞌa bat naataka,
waate, ka juꞌuneaka, bem joꞌaampo, Liojta betana ankelesim
mabbetan.
\p
\v 3 Jumeꞌ etaꞌimmeu emeꞌe waatine, emeꞌe, amemak junuen
etaꞌim benasi eakai. Jumeꞌ koꞌokosi yaꞌarim, emeꞌe ka
koptane, emeꞌe juniꞌi ket junuen ame benasi koꞌokok a
ineꞌaakai.
\p
\v 4 Siꞌime, emo jujupwamta aꞌ yoꞌoreka aꞌ bitne. Bweꞌituk
juꞌu Lios, jumeꞌ ka bem jubimmak, oo ka bem kunammak emo
tuꞌureme, aapo am yaꞌuraa bittuane.
\p
\v 5 Ka unnaa tomit emo temaeka jiapsine. Enchim jipueꞌu
mak yanti elne. Bweꞌituk juꞌu Lios inen aꞌ teuwaalaa:
“Jiba ne emaktune, intok jakwoo juniꞌi, ne ka enchi koptane”,
ti jiakai.
\v 6 Junuen san, itepo, ka jain eaka, te inen a jiunee:
\q Juꞌu achai Lios, aapo junaꞌa juꞌu nee aniame.
\q Senuk neu yaꞌaneeꞌu betana nee ka majjaune.
\p
\v 7 Emeꞌe, emou yoꞌotaka intok Liojta betana nok lutuꞌuriata
enchim majtalame, emeꞌe am eiyaaka, ameu waatine. Intok
junameꞌe, bempoꞌim tuꞌisi jiapsaka, tuꞌik bem bichaꞌuta
mammatene. Intok bempoꞌim Liojta sualeꞌe benasi, aꞌ sualeka
jiapsine.
\p
\v 8 Juꞌu Jesukrijto jiba junaꞌa, juꞌu, cheꞌa bat tukaꞌu,
iꞌan taꞌapo jiapsame, intok jiba betchiꞌbo tuneeme.
\v 9 Ka emeꞌe taꞌabwisi weyeka intok ka tuꞌik enchim
majtawaꞌuta sualbaane, omot bicha enchim eetuamta. Ala,
cheꞌa tuꞌine, itepo, Liojta itom aꞌ nakekaꞌut eaka itom
jiapsaꞌpo, bwaꞌawamta betana nesauta jiꞌojteipo aꞌ weyeꞌut
eaka su. Bweꞌituk junaꞌa nesauri, jumeꞌ aꞌ boꞌo jooriame,
kaitaꞌpo am aniak.
\p
\v 10 Itepo iꞌan, taꞌabwisi weyeka, ka tuꞌuwa yaꞌarim
betchiꞌbo Krijtota meꞌewakamta itepo sualla. Intok jumeꞌ
inim, cheꞌa bat naataka teꞌopopo junaen weyeka aꞌ sualeka
aꞌ boꞌo jooriame, inimeꞌe, junae betchiꞌbo, Krijtota betana
jukaꞌ tuꞌika weyemtau, ka lutuꞌuriak.
\v 11 Bweꞌituk juꞌu, jum teꞌopopo cheꞌa siꞌimem bepa
yoꞌowe, jurio, jumeꞌ bwaram, Liojta yoꞌori betchiꞌbo suꞌawame,
ojbota, kariu, Liojta ama aneꞌe benasi yoꞌoriwaꞌu, aꞌ totoja,
junae bem ka tuꞌuwa yaꞌarimmet jiokoitubaekai. Taa junameꞌe
bwaram kokkokame, junamaꞌa bem aneꞌepo, joꞌara, paꞌakun
yeu tojiwaka tattaawan.
\v 12 Ket jiba junaensu, Jesukrijto, jum bweꞌu joꞌara
betana paꞌakun yeeu, jiokot yaꞌataka meꞌetuk. Aapo junuen,
tua aꞌ ojbowata woꞌotaka, junae inim yoemrata, ka tuꞌuwa
yaꞌarimmet jiokoirimtaka, aapoꞌik betchiꞌbo jiba bem
jiapsineꞌ betchiꞌbo.
\v 13 Junuen san itepo, Jesukrijtota, junuen ka yoꞌoriwakaꞌa
benasi, aapoꞌik itom kat iꞌaꞌu bicha, aamak jiba eebaeka,
te katne, bweꞌu joꞌara paꞌakun tana juniꞌi.
\v 14 Bweꞌituk inim bwiapo, itepo, bweꞌu joꞌara, jiba betchiꞌbo
itom joꞌaneeꞌuta te ka jipue. Ala itepo, joꞌara, chukula
aman itom jiapsineeꞌuta itepo bit boꞌo bicha.
\v 15 Junuen san itepo, Jesukrijtota sualekai, jiba Liojta
itom yoꞌorineeꞌuta ka aꞌ koptane. Junuen Liojta itom
nak yoꞌoreꞌu, bwaram suꞌaaka, Liojta itom alleetuaꞌeaꞌpo
weye. Itom aꞌ sualeꞌuta teuwaakai.
\v 16 Intok jiba emeꞌe au waatine, tuꞌik yeteu enchim
boꞌo joorianeꞌpo. Intok enchim jipueꞌue, watem ae aniane.
Bweꞌituk jiokot aet emo bichaꞌatek juniꞌi, inile benasi
weyemtae, Liojta yoꞌoriwame, aapoꞌik alleetuane.
\p
\v 17 Emeꞌe, emou yoꞌotaka jaꞌabwekame, am jikkajaka bem
junuen enchim jiapsi iꞌaꞌpo aman jiapsine, intok amemak
tuttuꞌika am yoꞌorine. Bweꞌituk bempo junameꞌem, jumeꞌe,
tuꞌisi enchim tawaneeꞌuta waataka, enchim suuame. Juꞌuneaka,
chukula Liojta bichapo emo betana bem temainaaꞌu. Junuen
san emeꞌe, jukaꞌ tekilta emo nasuk bem yaꞌari, alleaka
bem aꞌ jooneꞌ betchiꞌbo, amemak tuttuꞌine. Bweꞌituk emeꞌe
am sioktuakaꞌateko, kaitaꞌpo emou tuꞌi ean.
\p
\v 18 Liojtau bicha em itom nokria. Bweꞌituk juꞌuneate,
Liojta bichapo tuꞌisi itom jiapsaꞌpo. Itepo intok, tuꞌik
boꞌo jooriaka jiapsibae.
\v 19 Intok tua nee betchiꞌbo ne enchim nee Liojtau
bicha nee nokria iꞌa, junuen Liojta nee ania betchiꞌbo,
cheꞌa lauti, juchi in emomak anneꞌ betchiꞌbo.
\s Jiꞌojtesuka, ameu tuꞌik aꞌawaka am tebotua
\p
\v 20 Juꞌu Lios, yanti elwamta yetet autuame, intok Jesukrijtota,
jukaꞌ itom siꞌimem aꞌ sualemmeu yoꞌoweta, kokkoarim nasuk
aꞌ jiabijtetuakame, intok aapoꞌik ojboe, jiba betchiꞌbo
lutuꞌuriatuneemta itom yaꞌariakame,
\v 21 aapoꞌik enchim jiapsi iꞌaꞌpo aman, tuꞌisi enchim
aet yeu yumaꞌaneꞌ betchiꞌbo, enchim aniane. Junuen siꞌimeku
aapoꞌik eaꞌpo aman enchim jiapsineꞌ betchiꞌbo. Intok
itom siꞌimem sawane, yoꞌowe Jesukrijto itom aniakai.
Yoꞌowe Jesukrijtota yaakaꞌu betchiꞌbo, siꞌimem betana
aꞌ yoꞌorinaaꞌuta au aune. Tua junuentune.
\p
\v 22 Krijtopo nemak werim, emou ne ujbwana, iniae in
enchim nok tejwaaꞌue, ka seej chukti enchim eeneꞌ betchiꞌbo.
Bweꞌituk ka juebena juꞌu in emou jiꞌojtekaꞌu.
\v 23 Enchim ne tejwaa, Krijtopo itomak werim, Timoteoꞌ
teamta jaibu ka aꞌ etaꞌitukaꞌpo. Lauti neu aꞌ yepsako,
in enchim aman bichiꞌiseko ne emou aꞌ weiyaane.
\p
\v 24 Siꞌimem jumeꞌ emou yoꞌotaka jaꞌabwekame, nee am
tebotuariane. Intok siꞌimem jumeꞌ Krijtopo itomak werim.
Jumeꞌ inim bwiaraa Itaaliaꞌ teaꞌpo joꞌaakame enchim
tebotua.
\p
\v 25 Liojta betana tuꞌikue enchim alleeneeꞌu emou aune.