\id 2JN
\h 2 JOAN
\toc1 2 JOAN
\mt 2 Joan
\c 1
\s Juꞌu lutuꞌuria intok juꞌu yee nakwame
\p
\v 1 Inepo Joan teame, yoꞌotakai, ikaꞌa jiꞌojteita, Krijtopo
nemak weri mala yoꞌotau, Liojta betana yeu puꞌaritau
nee aꞌ jiꞌojte. Intok jumeꞌ aꞌ yoemiammewi. Inimmeu,
tua lutuꞌuriapo in nakeꞌum. Intok ka inepo jiba ne junuen
am nake, taa ketchia, siꞌime wameꞌe Liojta betana lutuꞌuriata
taꞌaalame ket am nake.
\v 2 Enchim ne nake, jukaꞌ Liojta betana lutuꞌuriata
itom nau aꞌ juꞌuneiyaaka, aꞌ sualeꞌ betchiꞌbo. Intok
inikaꞌa lutuꞌuriata, jiba betchiꞌbo itot tawane.
\v 3 Juꞌu achai Lios intok juꞌu Jesukrijto, Liojta yoemia,
tuꞌikue enchim alleetuane, intok enchim nak jiokoline,
intok yanti elaka enchim jiapsineꞌ betchiꞌbo enchim
aniane. Liojta betana lutuꞌuriata enchim taꞌaaka intok
enchim aꞌ nak taꞌaꞌ betchiꞌbo.
\p
\v 4 Watem, jumeꞌ em yoemiam, Liojta betana lutuꞌuriata
weyeꞌpo aman jiapsame juꞌuneiyaaka, ne ama butti alleak.
Jukaꞌ achai Liojta junuen itom aet tejwaakaꞌpo amani.
\v 5 Iꞌan intoko Krijtopo nemak weri, maala, eu ne ujbwana,
itom siꞌimem ito naas nakneeꞌu betana. Iniꞌi intok, in
eu jiꞌojteꞌu, ka bemela nesauri, ala jiba junaꞌa, waꞌa
cheꞌa bat naataka naateka itom juꞌuneiyaaꞌu.
\v 6 Juꞌu yee nakwame, Liojta betana nesaurita weyeꞌpo
aman, jiapsiwame junaꞌa. Juꞌu intoko nesauri, bat naataka
jaibu enchim aꞌ jikkajilaꞌa benasia, enchim yee nakeka
jiapsineeꞌu junaꞌa.
\s Jumeꞌ yee bai tattaꞌaame
\p
\v 7 Bweꞌituk juebenaka aniat rejte, jumeꞌe, aa nokiꞌichiata
teuwaame: “Jesukrijtota, ka ito benasi yoemtaka inim
yeu aꞌ machiak”, ti jiame. Iniꞌi intoko, jiba juꞌu bebejeꞌerita
betana aniawame oꞌoben, intok juꞌu, Jesukrijtota bejeꞌeka
aneme.
\v 8 Tuꞌisi emeꞌe aet suuane, juꞌu tekil enchim yaꞌari
betchiꞌbo, junuen jukaꞌ enchim bitꞌeaꞌuta, ka enchim aꞌ
taꞌaruneꞌ betchiꞌbo. Ala, emeꞌe, yumaꞌisi jukaꞌ tuꞌik
enchim mabetneeꞌuta, aꞌ mabetneꞌ betchiꞌbo.
\p
\v 9 Jabetaka juniꞌi, cheꞌa bepa eame, intok ka juꞌu, Jesukrijtota
yee majtakaꞌuta jiba aꞌ sualeka, yee aꞌ majtame, junaꞌa,
Liojta ka sual taꞌaa. Taa ala, juꞌu, Krijtota yee majtakaꞌuta
jiba, aꞌ sualeka, yee aꞌ majtame, junaꞌa, achai Liojta betana
tuꞌu jiapsi aapoꞌikut jiapsa, intok aꞌ uꞌusiwata betana
ketchia.
\v 10 Jabeta juniꞌi emou yepsako, taa intok junaꞌa, ka
inile benak yee majtawamta aꞌ weiyaao, junakaꞌa emeꞌe,
ka enchim teꞌopopo aꞌ mabetne. Intok kia: “Tuꞌisi eꞌe
yebijlaa”, juniꞌi, ti ka au jiune.
\v 11 Bweꞌituk, juꞌu junakaꞌa junuen tebotuakame, junae,
ka tuꞌik aꞌ boꞌo jooriaꞌpo, aamak eamta benasi anne.
\s Juꞌu, jiꞌojtesuka aꞌ teuwaaꞌu
\p
\v 12 Ketun ne juebenak in emou teuwaabaeꞌut juꞌunea.
Taa ne ka inim jiꞌosiapo emou aꞌ jiꞌojtebae. Bweꞌituk
emou ne noitibaekaꞌea, intok junuen emomak aneka, emou
aꞌ teuwaa betchiꞌbo. Intok junuen cheꞌa juniꞌi yumaꞌisia
itepo alleene.
\p
\v 13 Juꞌu ketchia, Liojta yeu puꞌarik, Krijtopo emak
werik, aꞌ yoemiawam ket eu tebote.