1
00:00:05,000 --> 00:00:19,320
Pajluwa kuwáꞌata ke kala (6) yuriro napé, naleꞌejé fiesta Pascua iphákaloje rená chojé. Ripiyá Jesús iꞌijnari pajimila Betania ejo Lázaro, rimakápoꞌotakare iꞌimaká, ñakajela ejo.

2
00:00:19,320 --> 00:00:32,460
Re nalaꞌá aꞌajnejí Jesús piyana, raú neꞌejná rejo naꞌajnewá ajñaje. Marta tamákaꞌatayo najló aꞌajnejí. Ajopana iꞌimaño kaja re naꞌajnewá ajñakana nakú. Re kaja Lázaro iꞌimari najwaꞌaté.

3
00:00:32,460 --> 00:00:52,780
Najñaka naꞌajnewá eꞌiyowá ke, María iꞌijnayo Jesús jimaje. Nakaje jilami iꞌimari rukapi wíluru chu. Richu puꞌumé amarí, kawemini wani riꞌimaká. Riká rokhoꞌó Jesús jiꞌimá nakojé, rejomi rumakáraꞌa riká ruwilá aú. Puꞌumeja nañakaré chuwá rama iꞌimaká.

4
00:00:52,780 --> 00:01:06,220
Judas Iscariote iꞌimari kaja re najwaꞌaté. Jesús jaꞌapiyatéjena nakiyana riꞌimaká. Riká aꞌajeri Jesús ripinánajlo nenókaloje riká penaje. Ramaka aú rulaꞌaká ilé ke, rimá ajopánajlo:

5
00:01:06,220 --> 00:01:19,640
—Kawemini wani kele puꞌumé amarí. Pajluwa jarechí ketana kaꞌajná iná jápakajla riwemí. ¿Naje unká roꞌolá ajopánajlo riká rujñaꞌakáloje liñeru riwemí, raú roꞌokáloje kamuꞌují laꞌakaño ñathé?

6
00:01:19,640 --> 00:01:36,640
Mapeja rimaká ilé ke runaku, jataꞌakachi riꞌimakale, unká riweꞌepike kamuꞌují laꞌakaño muꞌují. Jesús jaꞌapiyatéjena liñérute lamáꞌatajeri riꞌimaká, eꞌiyonaja unká rilamáꞌatake palá najló riká, rataꞌakeno rijluwa rinakiyana.

7
00:01:36,640 --> 00:01:46,740
Ilé ke rimaká aú, Jesús kemari rijló: —Reja ruꞌumare. Nojló rulamáꞌata kele nakaje jilá najaꞌajika nutami wakajéjloje penaje.

8
00:01:46,740 --> 00:01:55,960
Ñakeja kamuꞌují laꞌakaño iꞌimajika ijwaꞌaté, eyá nuká unká ñakeja kalé nuꞌumajika ijwaꞌaté maare —ke rimaká najló.

9
00:01:55,960 --> 00:02:06,740
Judíona nakiyana weꞌepiño Jesús iphaka Betania ejo, raú neꞌejná rejo ramaje. Nawata kaja Lázaro amákana, riká Jesús makápoꞌotakare iꞌimaká penájemi.

10
00:02:06,740 --> 00:02:10,460
Sacerdótena wakáraꞌajeño wátaño Lázaro nókana.

11
00:02:10,460 --> 00:02:22,420
Jesús makápoꞌotaka riꞌimaká ejomi, kajrú judíona pechu iꞌimaká kaphí Jesús chojé. Rilanakiya nayurí sacerdótena wakáraꞌajeño jaꞌapiyá jemaꞌakana. Ilé kajé pachá nawata Lázaro nókana.