1
00:00:05,000 --> 00:00:14,440
Jesús kemari piño najló: “Apala inaꞌuké, unká jemaꞌalaño Tupana jaꞌapiyá, amájeño iká chapú. Ñaké kaja napechu iꞌimaká nunaku chapú ipiyá.

2
00:00:14,440 --> 00:00:27,660
Neká ke kaja iꞌimakela, napechu iꞌimajla palá inaku. Nawátajla kaja iká, nawátaka nanakiyana ke. Nuꞌuwapakárena nujluwa neꞌiyayá iꞌimakale, namá iká chapú, unkale iꞌimalá neká ke.

3
00:00:27,660 --> 00:00:43,000
Iweꞌepí marí numakare nakú ijló: ‘Unká meke laꞌajé apú waꞌaté jápajeri iꞌimalajla rikariwate chaje’. Chapú nalaꞌaká nuká, ñaké kaja nalaꞌajika iká chapú. Nemaꞌajika ee nupurákaꞌalo jaꞌapiyá, nemaꞌajé kaja ipurákaꞌalo jaꞌapiyá.

4
00:00:43,000 --> 00:00:50,160
Unká jemaꞌalaño Noraꞌapá jaꞌapiyá, laꞌajeño iká chapú, unkale naweꞌepila naka riká wakáraꞌakare nuká majó iꞌimaká.

5
00:00:50,160 --> 00:01:02,620
“Unkákela nuꞌumalajla najló puꞌuwaré nalaꞌakare yukuna, unká naweꞌepílajla rinakojé. Kaja nuꞌumá najló riyukuna, raú chuwa unká méñoꞌojo nemalá nanakuwá: ‘Unká waweꞌepila rinakojé’, ke.

6
00:01:02,620 --> 00:01:06,340
Amaño nuká chapú, amaño kaja Noraꞌapá chapú.

7
00:01:06,340 --> 00:01:18,260
Nulaꞌá neꞌiyá nakaje unká ajopana weꞌepílare laꞌakana, raú naweꞌepijla naka nuká, eꞌiyonaja unká nawátala nuká. Unká kaja nawátala Noraꞌapá, ñakele puꞌuwaré laꞌakaná nakuja neká.

8
00:01:18,260 --> 00:01:25,180
Ñaké Tupana purákaꞌalo, Moisés lanaꞌakare iꞌimaká, kemaká nanaku: ‘Unká na pachá kalé namá nuká chapú’, ke.

9
00:01:25,180 --> 00:01:41,960
“Tupana Pechu, nuwakáraꞌajikare ijló Noraꞌapá liyá, iphájika majó wakajé, jewíñaꞌatajeri iká palá. Iñathé aꞌajeri penaje riꞌimajika; ipechu palaꞌatájeri penaje kaja riꞌimajika. Ripechu iꞌimajeri ijló na wánika nuká yukuna, riphájika majó kecha.

10
00:01:41,960 --> 00:01:57,480
Iká kaja iꞌimajeño nuyukuna ajopánajlo. Nukeñoꞌoká inaꞌuké jewíñaꞌatakana wakajé, eyá maárejecha, iká iꞌimaño nujwaꞌaté. Ñakele iꞌimajé nuyukuna ajopánajlo, ajopánajlo ke”, ke Jesús kemaká raꞌapiyatéjenajlo.

11
00:01:57,480 --> 00:02:04,440
E Jesús kemari piño najló: “Ipechu yurika piyá nochojé kaphí iꞌimakana, marí numá ijló meꞌetení:

12
00:02:04,440 --> 00:02:16,980
Apala unká nayurílaje awakako najwaꞌaté pajñakani awakákaꞌalo ñakarelana chu. Nenoje kaꞌajná iká, napechu iꞌimajíkale inaku: ‘Nenókana aú kaꞌajná walaꞌajé Tupana wátaka ke’.

13
00:02:16,980 --> 00:02:23,280
Ilé ke nalaꞌajika iká chapú, unkale naweꞌepila wanakojé, Noraꞌapá waꞌaté.

14
00:02:23,280 --> 00:02:40,200
Unká chiyó riꞌimá ñaké, nuꞌumá ijló riyukuna. Ñaké riꞌimajika ijló wakajé, iweꞌepeje marí numakare nakú ijló”, ke rimaká najló. E Jesús kemari najló: “Paineko unká nuꞌumalá ijló riyukuna iꞌimaká, ijwaꞌaté nuꞌumakale.