1
00:00:05,000 --> 00:00:18,520
Pajluwa kuwáꞌata keta keri ketana cha Elisabet iꞌimaká kanupá wakajé, Tupana wakáraꞌari rikaja kaja Gabriel, jeꞌechú chiyaje, iꞌijnaká pajimila Nazaret ejo. Galilea teꞌeré nakú riká pajimila.

2
00:00:18,520 --> 00:00:40,440
Tupana wakáraꞌari riká rejo María chaje. Inaya joꞌó ruꞌumaká riwakajé, unká joꞌó ruwáꞌakalo iꞌimaká. Napuraꞌó rinaku José waꞌaté, nawáꞌakakoloje pajwaꞌatéchaka penaje. David michú lakénami nakiyana José iꞌimaká.

3
00:00:40,440 --> 00:00:57,480
E kaja Tupana waꞌatéjeri iphari María nakú. Rimá rojló: —Pajalákaje nuꞌujichá majó. Palá wani Tupana pechu pinaku, piñathé aꞌajerí riꞌimakale. Ajopana inaana chaje wani rilaꞌaká pinaku palá.

4
00:00:57,480 --> 00:01:01,640
Ilé ke rimaká rojló aú rupechu iꞌimá: “¿Meke kaꞌajná kaji rimá nakú nojló? ¿Naje chi rimá nojló ilé ke?”

5
00:01:01,640 --> 00:01:05,400
E rimá piño rojló: —María, piweꞌepíniña pijluwa, palá Tupana pechu pinaku.

6
00:01:05,400 --> 00:01:08,640
Chuwa piyuríjiko kanupá, achiñá piꞌirí iꞌimajika. Eko paꞌá rií Jesús.

7
00:01:08,640 --> 00:01:26,440
Palá wani rilaꞌajika piyukeja inaꞌukena nakú. Nemaje rinaku: “Tupana iꞌirí riká. Ajopana chaje wani wakáraꞌaka iꞌirí riká”, ke. Tupana aꞌajeri riká neꞌemakana penaje. David michú iꞌimaká neꞌemakana, ke kaja riꞌimakáloje penaje.

8
00:01:26,440 --> 00:01:35,200
Ñakeja wani riꞌimajika Israel lakénami wakáraꞌajeri. Unká ritajnálajo iꞌimajika; unká kaja ráchoꞌolajo richiyá.

9
00:01:35,200 --> 00:01:41,300
Raú rumá rijló: —¿Meke chi kele pimá nakú nojló, ñaké unká joꞌó nuꞌumalá achiñá waꞌaté?

10
00:01:41,300 --> 00:01:51,500
Rimá rojló: —Tupana Pechu iꞌimajeri pijwaꞌaté. Riká makápoꞌojeri Riꞌirí piwó chojé. Ilé kaje aú piꞌirí iꞌimajeri Tupana iꞌirí.

11
00:01:51,500 --> 00:02:01,960
Eyá peꞌeweló Elisabet, phíyuꞌukeru wani ruká, eꞌiyonaja Tupana palamane kanupá ruká meꞌetení, mewakú ruꞌumaká eꞌiyonaja. Pajluwa kuwáꞌata keta keri cha ruká kanupá.

12
00:02:01,960 --> 00:02:03,720
Tupana weꞌepiri piyuke wani nakaje laꞌakana —ke rimaká rojló.

13
00:02:03,720 --> 00:02:09,080
—Ñaké riká. Pimíchaka nojló keja riꞌimajika, Tupana wátaka ke laꞌajeyo nuká. Ilé ke rumaká rijló ejomi, ripaꞌó.