1
00:00:05,000 --> 00:00:09,080
’Shi chakile nadꞌ, ḻi gon diikaꞌ nlliaꞌ biaꞌ gonle.

2
00:00:09,080 --> 00:00:14,980
Naꞌ iṉabidꞌ X̱aꞌnaꞌ wseḻee sto beṉꞌ gakleneꞌ leꞌ naꞌ soaleneꞌ leꞌ toshiizi.

3
00:00:14,980 --> 00:00:31,120
Ḻenꞌ Espíritu Sántonaꞌ, beenaꞌ chliꞌ daa nak dii ḻi. Naꞌ beṉꞌ yell-lioki aga wak wlebgakeꞌneꞌ, ḻaꞌ bi chleꞌgakileꞌneꞌ ni bi nombiaꞌgakeꞌneꞌ. San leꞌ, ba nombiaꞌleneꞌ daa zoaleneꞌ leꞌ naꞌ soeꞌ ḻoo yic̱hjlallꞌdoꞌlenaꞌ.

4
00:00:31,120 --> 00:00:35,900
Aga wikwaaṉꞌ leꞌ ka biꞌ wizeb, san wiyedchꞌ soalenꞌ leꞌ.

5
00:00:35,900 --> 00:00:45,140
Aga chllach bich ileꞌi beṉꞌ yell-lioni nadꞌ, san leꞌ wleꞌchkzile nadꞌ. Naꞌ daa mbanꞌ toshiizi, ḻekzkaꞌ leꞌ toshiizi ibanle.

6
00:00:45,140 --> 00:00:52,140
Katꞌ illin llanaꞌ niaꞌ kaꞌ, naꞌ gakbeꞌile zoalenꞌ X̱aꞌnaꞌ, naꞌ leꞌ zoalenle nadꞌ naꞌ nadꞌ zoalenꞌ leꞌ.

7
00:00:52,140 --> 00:01:07,300
Nottez beṉꞌ chzenagueꞌ daa nlliaꞌ biaꞌ naꞌ choneꞌ ka nan, beenanꞌ chakileꞌ nadꞌ. Naꞌ beenaꞌ chakileꞌ nadꞌ, ḻekzkaꞌ gaki X̱aꞌnaꞌneꞌ, naꞌ nadꞌ ḻekzkaꞌ gakidee naꞌ gonꞌ kwenc̱he gombiaꞌcheꞌ nadꞌ.

8
00:01:07,300 --> 00:01:20,500
Naꞌ Júdazaꞌ (beenaꞌ sto, aga Jud Scariotaꞌ,) chiꞌeneꞌ: ―X̱anꞌ, ¿berac̱he to netoꞌz gonzoꞌ ka gombiaꞌchntoꞌ liꞌ naꞌ bi len beṉꞌ yell-lioki, beṉꞌkaꞌ bi chonḻilallꞌgakeꞌ liꞌ?

9
00:01:20,500 --> 00:01:30,600
Naꞌ billii Jesúzaꞌ xtilleenaꞌ: ―Beenaꞌ chakileꞌ nadꞌ, wzoeꞌ xtillaa, naꞌ X̱aꞌnaꞌ gakileꞌneꞌ, naꞌ nadꞌ kon X̱aꞌnaꞌ yidsoalenntoꞌneꞌ.

10
00:01:30,600 --> 00:01:41,700
Naꞌ beenaꞌ bi chakileꞌ nadꞌ, bi chzoeꞌ xtillaa. Naꞌ diikaꞌ chliꞌ chsedidꞌ aga dii chyiljlallzaan, san X̱aꞌnaꞌ, beenaꞌ bseḻꞌ nadꞌ, chzajniileꞌn nadꞌ.

11
00:01:41,700 --> 00:01:45,220
’Yogꞌ diiki choeꞌlenꞌ leꞌ dillꞌ ṉaa shlak ni zoalenꞌ leꞌ.

12
00:01:45,220 --> 00:01:57,660
Naꞌ katꞌ bich soaꞌ len leꞌ, Espíritu Sántonaꞌ, beenaꞌ wseḻꞌ X̱aꞌnaꞌ, gakleneꞌ leꞌ naꞌ wzajniileꞌ leꞌ yogꞌ dii chiyaḻꞌ iṉezile, naꞌ goneꞌ ka lljadinile yogꞌ diikaꞌ ba wniaꞌ leꞌ.

13
00:01:57,660 --> 00:02:08,860
’Yeḻꞌ mbalazaꞌ chkwaaṉlenaꞌn leꞌ. Naꞌ yeḻꞌ mbalaz c̱haꞌnaꞌ choṉꞌ leꞌ bi nakan ka yeḻꞌ mbalaz c̱he beṉꞌ yell-liokaꞌ. Bi gakshejlallꞌle, ni bi gall illeble.

14
00:02:08,860 --> 00:02:21,720
Ba benkzile niaꞌ yiyaa ganaꞌ zoa X̱aꞌnaꞌ naꞌ ḻekzkaꞌ wiyedchkzꞌ yidzoalenꞌ leꞌ. Naꞌ shi chakile nadꞌ, chiyaḻꞌ yibaile daa yiyaa ganaꞌ zoa X̱aꞌnaꞌ, ḻaꞌ zakꞌcheꞌ aga ka nadꞌ.

15
00:02:21,720 --> 00:02:26,020
Naꞌ ba niaꞌ leꞌ diiki ziꞌ gak kwenc̱he katꞌ gakan shajḻeꞌle.

16
00:02:26,020 --> 00:02:34,020
’Naꞌ bich bitek dillꞌ weꞌlenchꞌ leꞌ ṉaa, ḻaꞌ ba zaꞌ dii x̱iwaa, daa chṉabiaꞌ yell-lioni. Per aga wak iṉabiaꞌn nadꞌ.

17
00:02:34,020 --> 00:02:42,980
Ḻaꞌ chonꞌ kon ka nllia X̱aꞌnaꞌ biaꞌ gonꞌ kwenc̱he iṉezi beṉꞌ yell-lioki chakidꞌ X̱aꞌnaꞌ. Ḻi yizollaꞌ. Ḻi yidó.