1
00:00:05,000 --> 00:00:12,140
’Bibi gakile shi beṉꞌkaꞌ bi nombiaꞌ Chiozaꞌ gakzbangakileꞌ leꞌ, ḻaꞌ ṉezkzile kaꞌkzan gokzbangakileꞌ nadꞌ.

2
00:00:12,140 --> 00:00:20,980
Sheḻꞌ nakle ḻegakeꞌ txen naꞌch gakgakileꞌ leꞌ, sheḻꞌkaꞌ. Per daa ba wlejꞌ leꞌ kwenc̱he gakle nadꞌ txen, daan chakzbangakileꞌ leꞌ.

3
00:00:20,980 --> 00:00:34,540
Ḻi lljadini ka ba wniakzꞌ leꞌ: “Aga iṉacho zakꞌchi to mos ka x̱aneꞌnaꞌ.” Ka ba bsakꞌziꞌgakeꞌ nadꞌ, kaꞌkzan wsakꞌziꞌgakeꞌ leꞌ. Naꞌ shi bzenaggakeꞌ choꞌa xtillaanaꞌ, ḻekzkaꞌ wzenaggakeꞌ c̱hele.

4
00:00:34,540 --> 00:00:40,940
Yogꞌ diikin gongakileꞌ leꞌ daa nakle nadꞌ txen, ḻaꞌ bi nombiaꞌgakeꞌ X̱aꞌnaꞌ beenaꞌ bseḻꞌ nadꞌ.

5
00:00:40,940 --> 00:00:53,260
’Beṉꞌkaꞌ bi nombiaꞌ Chiozaꞌ, aga bi doḻꞌ napgakeꞌ sheḻꞌkaꞌ bi bidyeꞌlenꞌ ḻegakeꞌ xtilleenaꞌ. Per daa ba bidyeꞌlenꞌ ḻegakeꞌ xtilleenaꞌ bi gak iṉagakeꞌ bi chakbeꞌgakileꞌ chongakeꞌ dii malaꞌ.

6
00:00:53,260 --> 00:00:57,340
Beenaꞌ chakzbanileꞌ nadꞌ lenkz X̱aꞌnanꞌ chakzbanileꞌ.

7
00:00:57,340 --> 00:01:07,920
Aga bi doḻꞌ napgakeꞌ sheḻꞌkaꞌ bi bliꞌa yeḻꞌ wakkaꞌ daa konoṉꞌ gon ladjeꞌkaꞌ. Naꞌ ḻaꞌkzi ba bleꞌgakileꞌ diikaꞌ chonꞌ, biaꞌkzə chakzbangakileꞌ nadꞌ naꞌ X̱aꞌnaꞌ.

8
00:01:07,920 --> 00:01:16,280
Chak dga kwenc̱he chillinin ka na ley c̱heꞌkaꞌ ganaꞌ nan: “Kon gokziꞌ gokzbangakileꞌ nadꞌ ḻaꞌkzi aga bi benꞌ c̱hegakeꞌ.”

9
00:01:16,280 --> 00:01:26,900
’Naꞌ wseḻaa Espíritu c̱he X̱aꞌ Chiozaꞌ, beenaꞌ gakleneꞌ leꞌ. Espíritunaꞌ, beenaꞌ chliꞌ daa nak dii ḻi, see ganaꞌ zoa X̱aꞌ Chiozaꞌ naꞌ yidyee xtillaa.

10
00:01:26,900 --> 00:01:33,480
Naꞌ ḻekzkaꞌ lenle weꞌle choꞌa xtillaanaꞌ, ḻaꞌ ba gokle nadꞌ txen ka wzoloaꞌ chliꞌ chsedidꞌ beṉꞌ.

11
00:01:33,480 --> 00:01:37,760
’Ba wniaꞌ leꞌ diiki kwenc̱he bi yidiṉjileꞌ daa chonḻilallꞌle nadꞌ.

12
00:01:37,760 --> 00:01:45,620
Ḻaꞌ bich wlebgakeꞌ leꞌ ganaꞌ chdop chllagcho choeꞌḻwillcho Chiozaꞌ, naꞌ wllin lla ax̱t wit beṉꞌ leꞌ daa gakileꞌ kanꞌ chazlallꞌ Chiozaꞌ.

13
00:01:45,620 --> 00:01:50,640
Gongakeꞌ kaꞌ daa bi nombiaꞌgakeꞌ X̱aꞌnaꞌ, ni bi nombiaꞌgakeꞌ nadꞌ.

14
00:01:50,640 --> 00:02:01,060
Naꞌ niaꞌ leꞌ diiki kwenc̱he katꞌ ba bllin lla ileꞌile yeḻꞌ zakꞌziꞌkaꞌ, lljadinile kaꞌkzan ba wniaꞌ gak c̱hele. Bi wniaꞌ leꞌ kaꞌ dii nechte daa ni zoalenꞌ leꞌ.