1
00:00:05,000 --> 00:00:12,240
Ka billin postlkaꞌ ganaꞌ zoa Jesúzaꞌ, naꞌ gollgakeꞌneꞌ yogꞌ diikaꞌ jengakeꞌ naꞌ daa jaliꞌ jasedgakileꞌ beṉꞌ.

2
00:00:12,240 --> 00:00:24,160
Naꞌ cheꞌ Jesúzaꞌ ḻegakeꞌ: ―Ḻi shoꞌ shajcho ga kono beṉꞌ lleꞌ kwenc̱he yiziꞌlallꞌlatꞌcho. Golleꞌ kaꞌ daa ḻe chdia chllag beṉꞌ zan laweꞌkaꞌ, naꞌ ni bi chak latj gaogakeꞌ.

3
00:00:24,160 --> 00:00:28,360
Naꞌ wyoogakeꞌ to barkw wyajgakeꞌ ga kono beṉꞌ lleꞌ.

4
00:00:28,360 --> 00:00:37,980
Naꞌ beṉꞌ zan bleꞌgakileꞌ ka wzaꞌgakeꞌ naꞌ biyombiaꞌgakeꞌ ḻegakeꞌ, naꞌ wzaꞌdo beṉꞌkaꞌ lleꞌ to to yell zejdogakeꞌ ganaꞌ illin barkwaꞌ naꞌ nechləgakeꞌ bllin.

5
00:00:37,980 --> 00:00:51,660
Naꞌ ka bichej Jesúzaꞌ ḻoo barkwaꞌ bleꞌileꞌ ba bdiꞌa bllag beṉꞌ zan inlleb naꞌ biyeshꞌlallileꞌ ḻegakeꞌ daa nakgakeꞌ ka xilꞌdoꞌ, ba kono x̱anin zoa. Naꞌ wzoloeꞌ dii zan dii bliꞌ bsedileꞌ ḻegakeꞌ.

6
00:00:51,660 --> 00:01:01,780
Naꞌ ka wlleꞌ, beṉꞌkaꞌ nakgakeꞌneꞌ txen wbigꞌgakeꞌ laweꞌnaꞌ cheꞌgakeꞌneꞌ: ―Ba wlleꞌ ṉaa, naꞌ gani lleꞌcho kono zoa witꞌ dii gaocho.

7
00:01:01,780 --> 00:01:08,380
Goll beṉꞌki yiyajgakeꞌ ranshkaꞌ, naꞌ yellkaꞌ llia gaozə kwenc̱he lljx̱iꞌgakeꞌ daa gaogakeꞌ.

8
00:01:08,380 --> 00:01:21,580
Naꞌ cheꞌ Jesúzaꞌ ḻegakeꞌ: ―Lenꞌ, ḻi weꞌ dii gaogakeꞌ. Naꞌ cheꞌgakeꞌneꞌ: ―¿Nakra gonntoꞌ lljx̱iꞌntoꞌ yetxtilkaꞌ gao yogꞌ beṉꞌki? ḻaꞌ wyejljain c̱he c̱hop guiyoa lla c̱he laxj beṉꞌ.

9
00:01:21,580 --> 00:01:32,800
Naꞌ cheꞌ Jesúzaꞌ ḻegakeꞌ: ―Ḻi lljawia kaꞌkꞌ yetxtilkaꞌ naple. Naꞌ ka wṉezgakileꞌ kaꞌkaꞌn de, naꞌ cheꞌgakeꞌneꞌ: ―De gayaan, naꞌ zi c̱hop beḻ.

10
00:01:32,800 --> 00:01:37,760
Naꞌch goll Jesúzaꞌ ḻegakeꞌ kwekgakeꞌ x̱oṉj wej beṉꞌkaꞌ lo yixaꞌ.

11
00:01:37,760 --> 00:01:40,980
Naꞌ wcheꞌ to guiyoa wejgakeꞌ naꞌ shiyon wejgakeꞌ.

12
00:01:40,980 --> 00:01:57,940
Naꞌ bex̱ꞌ Jesúzaꞌ yetxtilkaꞌ gayꞌ naꞌ beḻkaꞌ zi c̱hop naꞌ bḻis jalaweꞌnaꞌ yabalə biꞌe Chiozaꞌ yeḻꞌ chox̱ken, naꞌ bxoxjeꞌ yetxtilkaꞌ biꞌen beṉꞌkaꞌ nakgakeꞌneꞌ txen kwenc̱he beꞌgakeꞌ c̱he c̱he beṉꞌkaꞌ. Naꞌ ḻekzkaꞌ yogꞌgakeꞌ beꞌgakeꞌ beḻkaꞌ.

13
00:01:57,940 --> 00:02:01,200
Naꞌ yogꞌḻoḻgakeꞌ wdaogakeꞌ ka beljgakileꞌ.

14
00:02:01,200 --> 00:02:08,260
Naꞌ postlkaꞌ bitopgakeꞌ yetxtilkaꞌ len beḻkaꞌ bichooṉan, naꞌ biyakan zi shlliṉ xetꞌ.

15
00:02:08,260 --> 00:02:12,480
Naꞌ beṉꞌkaꞌ wdao, to beṉꞌ byokaꞌzə gokgakeꞌ gayaa mil.