1
00:00:05,000 --> 00:00:19,780
Naꞌ ka wyeeniꞌ bidiꞌa bx̱ozkaꞌ chṉabiaꞌ len beṉꞌ golkaꞌ chṉabiaꞌ, naꞌ beṉꞌkaꞌ chliꞌ chsedi leyaꞌ naꞌch yogꞌḻoḻ beṉꞌkaꞌ chṉabiaꞌgakeꞌ yell Israelaꞌ. Naꞌ bc̱hejgakeꞌ Jesúzaꞌ jwaꞌgakeꞌneꞌ lao Pilátonaꞌ.

2
00:00:19,780 --> 00:00:28,760
Naꞌ wṉabi Pilátonaꞌneꞌ, chiꞌe: ―¿Alinꞌ nakoꞌ beṉꞌ wṉabiaꞌ c̱he beṉꞌ Israelkaꞌ? Naꞌ cheꞌ Jesúzaꞌneꞌ: ―Kanꞌ ba wnoꞌ.

3
00:00:28,760 --> 00:00:32,760
Naꞌ bx̱ozkaꞌ chṉabiaꞌ dii zan dii chaogakeꞌ xya c̱heꞌ.

4
00:00:32,760 --> 00:00:40,720
Naꞌ cheꞌ Pilátonaꞌneꞌ sto shii: ―¿Abibi iṉakzoꞌ? Bwialatꞌ, dii zan dii chaogakeꞌ xya c̱hoꞌ.

5
00:00:40,720 --> 00:00:45,900
Naꞌ bibi goll Jesúzaꞌneꞌ. Naꞌ bibani Pilátonaꞌ daa bibi golleꞌneꞌ.

6
00:00:45,900 --> 00:00:52,920
Naꞌ katꞌ chaḻꞌ lṉinaꞌ, Pilátonaꞌ chisaneꞌ to beṉꞌkaꞌ nsejeꞌ lillyanaꞌ, beenaꞌ iṉab beṉꞌ yellkaꞌ wsaneꞌ.

7
00:00:52,920 --> 00:00:59,360
To beṉꞌ le Barrabás dieꞌ lillyanaꞌ len beṉꞌkaꞌ benleneꞌ xyanaꞌ daa bx̱egakeꞌ wdiḻaꞌ.

8
00:00:59,360 --> 00:01:05,660
Naꞌ bdiꞌa bllag beṉꞌ yellkaꞌ, naꞌ cheꞌgakeꞌ Pilátonaꞌ goneꞌ ka chonkzeꞌ yogꞌ yiz.

9
00:01:05,660 --> 00:01:12,860
Naꞌ cheꞌ Pilátonaꞌ ḻegakeꞌ: ― ¿Acheenile yisanꞌ beṉꞌ wṉabiaꞌ c̱heleni, leꞌ nakle beṉꞌ Israel?

10
00:01:12,860 --> 00:01:18,940
Ḻaꞌ chakbeꞌileꞌ nan bx̱ozkaꞌ chṉabiaꞌ daa chakxeꞌzgakileꞌnenꞌ jwaꞌgakeꞌneꞌ laweꞌnaꞌ.

11
00:01:18,940 --> 00:01:25,560
Naꞌ bx̱ozkaꞌ chṉabiaꞌ bta bṉegakeꞌ beṉꞌkaꞌ lleꞌ naꞌ kwenc̱he iṉabgakeꞌ yisaneꞌ Barrabázaꞌ.

12
00:01:25,560 --> 00:01:33,280
Naꞌ cheꞌ Pilátonaꞌ ḻegakeꞌ: ―Naꞌ bera cheenileꞌ gonidꞌ beenaꞌ nale nakeꞌ beṉꞌ wṉabiaꞌ c̱hele, leꞌ beṉꞌ Israel.

13
00:01:33,280 --> 00:01:37,060
Naꞌ besyaagakeꞌ cheꞌgakeꞌ: ―¡Bdee ḻee yag cruzaꞌ!

14
00:01:37,060 --> 00:01:46,720
Naꞌ cheꞌ Pilátonaꞌ ḻegakeꞌ: ―¿Bera dii malanꞌ beneꞌ? Naꞌ zizikli besyaagakeꞌ cheꞌgakeꞌ: ―¡Bdee ḻee yag cruzaꞌ!

15
00:01:46,720 --> 00:01:58,120
Naꞌ daa goklallꞌ Pilátonaꞌ yigaaṉeꞌ wen lao beṉꞌkaꞌ lleꞌ naꞌ, bisaneꞌ Barrabázaꞌ. Naꞌ beneꞌ mandad wit c̱hingakeꞌ Jesúzaꞌ, naꞌtech beneꞌneꞌ lo naꞌ beṉꞌkaꞌ wdaꞌgakeꞌneꞌ ḻee yag cruzaꞌ.

16
00:01:58,120 --> 00:02:06,140
Naꞌ bc̱heꞌ soldadkaꞌ Jesúzaꞌ leshꞌ chyoonaꞌ ganaꞌ chon Pilátonaꞌ yeḻꞌ josc̱hisaꞌ, naꞌ bitiꞌa bishaggakeꞌ yogꞌ soldadkaꞌ lleꞌ naꞌ.

17
00:02:06,140 --> 00:02:13,740
Naꞌ bwakwgakeꞌneꞌ to lechꞌ xṉa, naꞌ bengakeꞌ to bxooṉ de xis yeshꞌ naꞌ bllingakeꞌn yic̱hjeꞌnaꞌ ka to corona.

18
00:02:13,740 --> 00:02:20,600
Naꞌ wzologakeꞌ chosyaagakeꞌ nagakeꞌ: ―¡Soashga beṉꞌ wṉabiaꞌ c̱he beṉꞌ Israelkaꞌ mbalaz!

19
00:02:20,600 --> 00:02:28,360
Naꞌ wdingakeꞌ xisaꞌ yic̱hjeꞌnaꞌ, naꞌ bllaa x̱eneekaꞌ ḻeꞌ, naꞌ bc̱hekꞌ xibeꞌkaꞌ laweꞌnaꞌ bengakeꞌ ka beṉꞌ chgwee balaaṉ.

20
00:02:28,360 --> 00:02:40,120
Ka biyoll btitjgakileꞌneꞌ, bikwasgakeꞌ lechꞌ xṉanaꞌ daa bx̱oagakeꞌ kolleenaꞌ naꞌ biwakwgakeꞌneꞌ xeꞌnaꞌkzə. Naꞌ wlejgakeꞌneꞌ kwenc̱he lljadaꞌgakeꞌneꞌ ḻee yag cruzaꞌ.

21
00:02:40,120 --> 00:02:52,240
To beṉꞌ yell Cirene lieꞌ Simón, x̱a Alejándronaꞌ naꞌ Rúfonaꞌ, zizee lyix̱aa. Naꞌ ka billagueꞌ ḻegakeꞌ, bengakeꞌ byen biꞌe yag cruz c̱he Jesúzaꞌ.

22
00:02:52,240 --> 00:02:59,080
Naꞌ bc̱heꞌgakeꞌ Jesúzaꞌ latjaꞌ le Gólgota, naꞌ zejin: Latj c̱he llit yic̱hj beṉꞌ wet.

23
00:02:59,080 --> 00:03:03,200
Naꞌ bshabgakileꞌneꞌ vino daa nc̱hix̱ə mírranaꞌ, per bi weejeꞌn.

24
00:03:03,200 --> 00:03:13,240
Naꞌ bdaꞌgakeꞌneꞌ ḻee yag cruzaꞌ. Naꞌ soldadkaꞌ bengakeꞌ to wyitj kwenc̱he yiḻaagakeꞌ xeꞌnaꞌ naꞌ ikaagakeꞌ daa yidoḻꞌ to togakeꞌ.

25
00:03:13,240 --> 00:03:16,800
Naꞌ chida ga kanaꞌ bdaꞌgakeꞌneꞌ ḻee yag cruzaꞌ.

26
00:03:16,800 --> 00:03:27,420
Naꞌ yic̱hj yag cruz c̱heꞌnaꞌ bdaꞌgakeꞌ to dii choꞌen dillꞌ bic̱he ndaꞌgakeꞌneꞌ ḻee yag cruzaꞌ, nan: “Beenin beṉꞌ wṉabiaꞌ c̱he beṉꞌ Israelkaꞌ.”

27
00:03:27,420 --> 00:03:33,340
Naꞌ bdaꞌlengakeꞌneꞌ c̱hop beṉꞌ wban, toeꞌ wdaꞌ kwiteꞌ de shḻinaꞌ, naꞌ stoeꞌ kwiteꞌ de robesaꞌ.

28
00:03:33,340 --> 00:03:39,040
Naꞌ billinin ka na Choꞌa Xtillꞌ Chiozaꞌ daa nan: “Bleꞌgakileneꞌ ka to beṉꞌ mal.”

29
00:03:39,040 --> 00:03:48,280
Naꞌ beṉꞌkaꞌ chde naꞌ, chṉeḻegakileꞌneꞌ, naꞌ chta yic̱hjeꞌkaꞌ cheꞌgakeꞌ: ―¡Linꞌ wnazoꞌ yic̱hiṉjoꞌ yoodoꞌnaꞌ naꞌ lo shoṉ llazə yiyonoꞌn,

30
00:03:48,280 --> 00:03:51,840
bislashki kwinoꞌ naꞌ biyetj ḻee yag cruzaꞌ!

31
00:03:51,840 --> 00:04:01,680
Naꞌ ḻekzkaꞌ chon bx̱ozkaꞌ chṉabiaꞌ len beṉꞌkaꞌ chliꞌ chsedi leyaꞌ, chṉeḻegakileꞌneꞌ, cheꞌgakeꞌ: ―Beṉꞌ yoblə gok bisleꞌ, naꞌ bi chak yisla kwineꞌ.

32
00:04:01,680 --> 00:04:15,380
Shi leileꞌ ḻenꞌ Crístonaꞌ, beṉꞌ wṉabiaꞌ c̱hechonaꞌ, choꞌ beṉꞌ Israel, yiyetjshkileꞌ ḻee yag cruzaꞌ ṉaa kwenc̱he ileꞌteicho naꞌ shajḻeꞌcho c̱heꞌ. Naꞌ ax̱t len beṉꞌkaꞌ daꞌleneꞌ ḻee yag cruzaꞌ chṉeḻegakileꞌneꞌ.

33
00:04:15,380 --> 00:04:20,780
Ka bllin gobill, doxen yell-lionaꞌ bic̱hoḻ, bllinte chida shoṉ.

34
00:04:20,780 --> 00:04:32,860
Naꞌ chida shoṉ besyaa Jesúzaꞌ zillj, chiꞌe: ―Eloí, Eloí, ¿lama sabactani? ―naꞌ zejin: Chios c̱haꞌ, Chios c̱haꞌ, ¿bic̱he ba wlej yic̱hjzoꞌ nadꞌ?

35
00:04:32,860 --> 00:04:39,660
Naꞌ baḻ beṉꞌkaꞌ lleꞌ naꞌ bengakileꞌ daa wneꞌ naꞌ cheꞌgakeꞌ: ―Ḻi wzenag, ba chaxeꞌ Elíazaꞌ.

36
00:04:39,660 --> 00:04:54,920
Naꞌ zejdo toeꞌ naꞌ bḻeejeꞌ to dii chziꞌ nisaꞌ ganaꞌ yollə vino daa zic̱hj zḻaꞌ naꞌ bzoeꞌn to lo xis kwenc̱he bzoeꞌn choꞌenaꞌ x̱opeꞌn, naꞌ chiꞌe: ―Jwayishkileꞌnaꞌ, wwiashkicho shi wid Elíazaꞌ yiḻetjeꞌneꞌ.

37
00:04:54,920 --> 00:04:57,960
Naꞌ besyaadia Jesúzaꞌ, naꞌch witeꞌ.

38
00:04:57,960 --> 00:05:02,660
Naꞌ ka witeꞌ, lechaa ze ḻoo yoodoꞌnaꞌ bchezaꞌn gokan c̱hoplə.

39
00:05:02,660 --> 00:05:13,540
Naꞌ beenaꞌ chṉabiaꞌ soldadkaꞌ zieꞌ lao Jesúzaꞌ, ka benileꞌ besyee naꞌ bleꞌileꞌ ka gok witeꞌ, naꞌ chiꞌe: ―Dii ḻi beenin Xiiṉ Chiozaꞌ.

40
00:05:13,540 --> 00:05:26,840
Ḻekzkaꞌ zi baḻ noolkaꞌ lleꞌgakeꞌ de zitꞌlə chwiagakeꞌ. Naꞌ ladjeꞌkaꞌ len María beṉꞌ Magdálanaꞌ, naꞌ Saloménaꞌ, naꞌch María, beenaꞌ nak x̱naꞌ Josénaꞌ len Jacóbonaꞌ, beṉꞌ neshaa.

41
00:05:26,840 --> 00:05:36,240
Noolkin wnogakeꞌ Jesúzaꞌ naꞌ goklengakeꞌneꞌ kanaꞌ zoeꞌ ganaꞌ mbani Galileanaꞌ. Naꞌ ḻekzkaꞌ len zanch noolkaꞌ beṉꞌkaꞌ wyajlengakeꞌneꞌ Jerusalénnaꞌ.

42
00:05:36,240 --> 00:05:43,240
Naꞌ llanaꞌ gok kaꞌ nakan llanaꞌ chsiniꞌa beṉꞌ Israelkaꞌ c̱he llanaꞌ chombaaṉgakeꞌ. Naꞌ ka goḻ,

43
00:05:43,240 --> 00:05:57,600
bllin José beṉꞌ Arimatéanaꞌ, beenaꞌ nak txen beṉꞌkaꞌ chṉabiaꞌ beṉꞌ Israelkaꞌ, naꞌ leneꞌ noneꞌ lez beenaꞌ wseḻꞌ Chiozaꞌ iṉabiꞌe. Naꞌ biyaxjileꞌ wyajeꞌ lao Pilátonaꞌ jaṉabeꞌ lsens yiḻetjeꞌ kwerp c̱he Jesúzaꞌ.

44
00:05:57,600 --> 00:06:05,740
Naꞌ bibani Pilátonaꞌ daa ba witeꞌ. Naꞌ goxeꞌ beenaꞌ chṉabiaꞌ soldadkaꞌ kwenc̱he iṉabileneꞌ shi dii ḻikzan ba witenꞌ.

45
00:06:05,740 --> 00:06:13,320
Naꞌ ka cheꞌ beenaꞌ chṉabiaꞌ soldadkaꞌ ba witeꞌ naꞌ wxenlallee, naꞌ biꞌe lsens biḻetj Josénaꞌ kwerp c̱heꞌnaꞌ.

46
00:06:13,320 --> 00:06:23,640
Naꞌ wxiꞌ Josénaꞌ to lechꞌ de lino naꞌ biḻetjeꞌ kwerp c̱he Jesúzaꞌ naꞌ bitobeꞌneꞌ lechaa. Naꞌ jḻoꞌeneꞌ to ḻoo blej, naꞌ bisejileꞌn to yaj xen.

47
00:06:23,640 --> 00:06:30,480
Naꞌ María beṉꞌ yell Magdálanaꞌ, naꞌ María, xṉaꞌ Josénaꞌ, chwiayeṉꞌgakeꞌ ganaꞌ jḻoꞌeneꞌ.

48
00:06:30,480 --> 00:06:44,020
Naꞌ ka wde lla sabdaꞌ, llanaꞌ chombaaṉ beṉꞌ Israelkaꞌ, María beṉꞌ Magdálanaꞌ len Saloménaꞌ, naꞌch María, x̱naꞌ Jacóbonaꞌ, wxiꞌgakeꞌ diikaꞌ chḻaꞌ zix̱ kwenc̱he wllaꞌgakeꞌn kwerp c̱he Jesúzaꞌ.

49
00:06:44,020 --> 00:06:49,480
Naꞌ lla nech c̱he xmannaꞌ, shinzə chlaꞌ wbilldoꞌnaꞌ, wyajgakeꞌ choꞌa ba c̱heꞌnaꞌ.

50
00:06:49,480 --> 00:06:56,700
Naꞌ ka zejgakeꞌ cheꞌ ljwellgakeꞌ: ―¿Nora gaklen choꞌ wkwaseꞌ yajaꞌ daa chiꞌ choꞌa ba c̱heꞌnaꞌ, lla?

51
00:06:56,700 --> 00:07:01,560
Per ka bllingakeꞌ, bleꞌgakileꞌ bich chiꞌ yaj xennaꞌ choꞌa banaꞌ.

52
00:07:01,560 --> 00:07:11,320
Naꞌ ka wyoogakeꞌ ḻoo banaꞌ, bleꞌgakileꞌ chiꞌ to beṉꞌ xkwidꞌ de shḻi c̱he banaꞌ nakweꞌ to lechꞌ llyish dii toṉ. Naꞌ ḻe blleb noolkaꞌ.

53
00:07:11,320 --> 00:07:25,420
Naꞌ chiꞌe ḻegakeꞌ: ―Bi illeble. Leꞌ chiyiljle Jesús, beṉꞌ Nazaretaꞌ, beenaꞌ bdaꞌgakeꞌ ḻee yag cruzaꞌ. Ba biban beenaꞌ, bich zoeꞌ ni. Ḻi wwiakachi ganaꞌ wdix̱jgakeꞌneꞌ.

54
00:07:25,420 --> 00:07:37,500
Ḻi yiyaj lao beṉꞌkaꞌ nakgakeꞌneꞌ txen naꞌ len lao Pédronaꞌ, naꞌ ḻi lljayellgakeꞌ: “Ba ziyajeꞌ zjalezeꞌ leꞌ Galileanaꞌ, naꞌ naꞌ yileꞌileꞌneꞌ sto shii, kon ka wneꞌ leꞌ.”