\id 2JN
\h 2 Juan
\mt Yetsi nu berupa udhelha Juan‑ni ge ka benne ria leke Jesús‑ni
\c 1
\p
\v 1 Neti Juan chi ankaa benneola. Ridhelhaa yetsi‑ni gelu xa benne nuila. Lu nuná chi bekwe Tata Do Yebáha itupa lenlu ka xiꞌinlu‑na. Lebiꞌi nuná gwalíga rakati gele. Anna laa suna netiga rakati gele, anágaba ka benne chi ria leke ka tisa ka nu ankakana gwalíga ge Tata Do Yebáha, iyágaba ka benneha rakakanie gele.
\v 2 Neti rakati gele kumu de chi yuꞌu ka tisa ka nu anka gwalíga ge Tata Do Yebáha lheꞌe lastoriꞌi nna anába satíaba tsuꞌu ka tisa‑na lheꞌe lastoriꞌi.
\p
\v 3 Xxudiriꞌi do yebáha lhe Jesucristu benne anke Xiꞌinieha, lake edá leke aka lenke le lhe satua leke le lhe. Anágaba nna useꞌeke le latsiru. Lake nuha gwalíga rakakanie gele.
\p
\v 4 Neti yalhá itta bedú lasia tti gwaxxakaa ttu chupa ka xiꞌinlu‑na gwa seꞌebakana ruinkana nu raxxína len nu anka gwalí, ruinbakana attiba chi bodhaꞌan Tataha uinriꞌi.
\v 5 Laxkala nnanna rinnabaa lenlu xa benne nuila, iyáriꞌi akin ge luesiriꞌi. Nu runia lo yetsi‑ni labí anka nuní ttu tisa kubi rodhaꞌanaa len lebiꞌi, sinuki ankaba nuní tisa chi uxíriꞌi sisiꞌa tteha.
\v 6 Kumu ganna gwa rakabin ge luesiriꞌi, laꞌania nna gwa ruinbariꞌi nu bodhaꞌan Tata Do Yebáha uinriꞌi, delába tisa nu bodhaꞌane nu ra: “Akin ge luesiriꞌi.” Nuníunni tisa chi biyieninle sisiꞌa tteha.
\p
\v 7 Ixe ka nu ruin lekani chi reki yiesi lo yu‑ni, rákana: “Labí lii deki Jesucristuha bisiabie yiesi lo yu‑ni nna uke benne attiba ankariꞌi.” Ka nu ra aní, ruinba lekani lhe ankabakana ka nu labí raka uyúkana Cristuha.
\v 8 Laxkala gwaluyú gele kini ka unnittile nu tse ralhale dhile ge sina chi benle ge Tata Do Yebáha, sinuki dhílale iyá nu ralhale dhile.
\p
\v 9 Iyába ka nu labí rudokana tisa ge nu beleꞌe Cristuha, sinuki attu nu subila ruinkana, ka nuha labí du lenkana Tata Do Yebáha nna ka nu gwa rudokana tisa ge nu beleꞌe Cristuha, ka nuha‑ligaba nna gwa du lenkana Tataha lhe gwa du lenkana Xiꞌinieha lhe.
\v 10 Ganna ttixka nuxa ita roꞌo lisile nna abíba rigixxiꞌana nu beleꞌe Cristuha, bittu ulabile na lhe nigaba gale na: “Lheꞌe yoꞌola ute.”
\v 11 Kumu benne gabie nuha: “Aníla ute”, benneha ttisidiba selagabe lheꞌe nu satsa ruin nuha.
\p
\v 12 Ixeeru nu teti upeya le, ttaka labí raka lasia unia na lo yetsi, kumu chi xen lasia itaa ata seꞌele‑na kini inne lania kwinaga lebiꞌi. Aníha kini itta suba edú leriꞌi.
\p
\v 13 Xa benne nuila, ka xiꞌin benne xilalu‑ni, delába ka benne chi bekwe Tata Do Yebáha, ka benne‑ni ridhelhake ttu padiuxi gelu. Amén.