\id 3JN
\h 3 Juan
\mt Yetsi nu beyonna udhelha Juan‑ni ge ka benne ria leke Jesús‑ni
\c 1
\p
\v 1 Neti Juan chi ankaa benneola; ridhelhaa yetsi‑ni lenlu xa Gayo. Lu ankalu benne gwalíga rakati gelu.
\p
\v 2 Betsi to, rinnabaa gelu arlo Tata Do Yebáha kini attiba chi do tselu lenbie, anágaba saría tsena lu ge iyá nu ruinlu lhe dho tselu abittu bi dhakalu lhe.
\p
\v 3 Yalhá itta bedú lasia tti bisia ttu chupa ka betsi to geriꞌi ata doa‑ni rigixxiꞌake gelu, ráke deki lu gwa ruinbalu nu raxxína len nu anka gwalí, delába gwa rudo tsitsibalu tisa ge nu ra Tata Do Yebáha.
\v 4 Labí bixa ge redeakaruti, sinuki redeakaruti tti runaa ge ka benne rakati ke ttiba xiꞌinia, runaa deki gwa rudobake tisa ge nu anka gwalí.
\p
\v 5 Betsi to kia, yalhá tse nuná ruinlu rute nálu len ka betsi to geriꞌi, delába ka benne rekike ugixxiꞌa ka tisa ge Tata Do Yebáha, meskiba ankake benne dittu abittu ankabienlu ke.
\v 6 Ka benne‑na nuná utixxiꞌake arlo iyá ka benne chi ria leke Jesucristuha seꞌe‑ni, ráke deki lu ankalu benne siꞌi lasi. Tseba nuná ute chiettiru nálu len ka benne‑na, utelu nu iyasakanie ge neda geke. Uinlu atti galába ruꞌu le Tata Do Yebáha.
\v 7 Kumu ka benne‑na biriake de rekike rigixxiꞌake ka tisa ge Jesucristuha. Labí ridíke nu rute ka nu labí ria lekani Tata Do Yebáha.
\v 8 De nuha nna riꞌi teeki ute náriꞌi lenke. Aníha kini iselariꞌi lheꞌe sina ruinkeha, delába rekike ugixxiꞌa ge nu anka gwalí.
\p
\v 9 Neti chi udhelhaa ttu yetsi len ka benne ria leke Cristuha ritupake naa; ttaka Diótrefes‑na labí ria leni riꞌitu kumu lana ruꞌu leni akana nu ra xxeni leni arlo ka benne.
\v 10 Laxkala ganna itaa ata seꞌele‑na, laꞌania nna inne lania na ge nu ruinna‑na, kumu lana rekina rinne satsana getu, nna labí suna nunáru ruinna, abittugaba rulabina ka betsi to geriꞌi daa idittu tti risinke lisini nna ka benne raka leke gaxike ka benne dittuha lisike, lana nna rodosuna ttebana, nianna rebea ttebana ka benne rulabike ka benne dittuha lisike, labíru raka leni iselake adí ka benne chi ria leke ge Cristuha.
\p
\v 11 Betsi to kia, lu bittu uinlu nu satsa; lu benla nu anka tse. Kumu nu runi nu anka tseha, nuha gwankana ge Tata Do Yebáha, nna nu runi nu satsaha, labí chi ankabien nuha Tata Do Yebáha.
\p
\v 12 Demetrio‑ni nna iyába ka benne rinne tseke ge nu ruinna. De nu tse ruinnaha nuha runna liina deki gwankabana benne tse. Anágaba riꞌitu ratu tseba anka nu ruinna, lu gwa yúbalu riꞌitu nu anka gwalíba rinnetu.
\p
\v 13 Ixeeru nu teti upeya lu xa Gayo, ttaka labí raka lasia unia na lo yetsi,
\v 14 kumu chi tteba xxen lasia iláti lu kini inne lania kwinaga lu.
\p
\v 15 Ka benne ankabienlu seꞌe nii ridhelhake ttu padiuxi gelu. Anágaba lu begwe ttu ttu ka benne seꞌe naa ttu padiuxi getu. Tata Do Yebáha unie kini dholu xen su lasi.