\id ACT
\ide UTF8
\h HECHOS
\toc1 HECHOS
\mt Libr Coꞌ Ndluꞌ Cón Cheꞌn Con Coꞌ Mbli Myenꞌ Xinꞌ Mtéꞌth Jesús Coꞌ Ndxeꞌ Diꞌs Cheꞌn Jesús
\c 1
\s Jesús mcàbgòn làa Jesús Xpii Natúꞌ loo mèn par yòo Xpii Natúꞌ loo mèn par ñibeꞌ Xpii Natúꞌ loo mèn.
\p
\v 1 Teofl, libr ndxèꞌ nac thìb libr coꞌ mqueꞌen yeꞌs lool. Ngue tan cuent lool loo libr ndxèꞌ cón cheꞌn ryethe conꞌ mbli Jesús no conꞌ coꞌ mbluꞌ Jesús loo myenꞌ xinꞌ mtéꞌth Jesús desde coꞌseꞌ mtlo Jesús, mbluꞌ Jesús cón cheꞌn Jesús loo myenꞌ xinꞌ mtéꞌth Jesús. Jesús mblo yalbàn no mdeꞌth Jesús cón cheꞌn Diox loo mèn.
\v 2 Mbli Jesús rye conꞌa axta mzin huiz mquée Jesús gáp loo béꞌ. Per ndooreꞌ zin huiz yáp Jesús loo béꞌ, mcui Jesús myenꞌ coꞌ ya teꞌth no coꞌ ya lo yalbàn cón cheꞌn diꞌs ndac coꞌ ndluꞌ cón cheꞌn Jesús. No mbluꞌ Jesús myenꞌ por cón cheꞌn Xpii Natúꞌ xá mod li myenꞌ ryethe conꞌ coꞌ mque tee li myenꞌ cón cheꞌn Jesús.
\v 3 No mbluꞌ loo Jesús Jesús loo myenꞌ xinꞌ mtéꞌth Jesús leꞌn choꞌ huiz. Leꞌn huiza, tolo mbli Jesús huax yalguzyeꞌ no taamas conꞌ loo xnaa loo myenꞌ par, lìcqueꞌ, yilaꞌs myenꞌ leꞌ Jesús ngro xbanqueꞌ. Más de cona, mdoodiꞌs Jesús loo myenꞌ leꞌn huiza cón cheꞌn xá mod ndlyaꞌs Diox ñibeꞌpeꞌ Diox loo mèn loo izlyoꞌ.
\p
\v 4 Coꞌseꞌ tatabeꞌ ngo no Jesús myenꞌ, mnibeꞌ Jesús loo myenꞌ. Ndxab Jesús loo myenꞌ:
\p ―Neꞌryoꞌde guꞌ leꞌn ciuda Jerusalén. Guled guꞌ leꞌn ciuda Jerusalén axta tyaaqueꞌ no gàcqueꞌ conꞌ coꞌ mcàbgòn xuden Diox li xuden Diox loo guꞌ xalqueꞌ nac diꞌs coꞌ guniilen loo guꞌ ndooreꞌ.
\v 5 Aa. Lìcqueꞌ, Juàn Bautist mbiꞌth que tee li bautizar mèn con nít. Per leꞌn taaplá huiz lin par lyàa no yòo Xpii Natúꞌ cheꞌn Diox loo ryete guꞌ coꞌ ngolaꞌsleꞌ loo cón chenen no loon, coꞌ nee diꞌs, thidte gàc guꞌ loo cón chenen por cón cheꞌn Xpii Natúꞌ coꞌ lyàa loo guꞌ no coꞌ yòo loo guꞌ xal coꞌseꞌ ndxòo mèn leꞌn nít no ntauꞌ nít loo mèn par ndxàc bautizar mèn.
\s Jesús mquée loo béꞌ.
\p
\v 6 Coꞌseꞌ beꞌ thidte mqueltàa no myenꞌ Jesús ndooreꞌ yáp Jesús loo béꞌ, ngo no Jesús myenꞌ loo thìb yii coꞌ lèe yii cheꞌn yaa oliv. Tya mnibdiꞌs myenꞌ loo Jesús. Ndxab myenꞌ:
\p ―Tad, ¿chéꞌ nalleꞌ nac tiemp coꞌ li Uꞌ par ñibeꞌpeꞌ mèn nación Israel loo nacionpeꞌ mèn nación Israel tedib vez, càꞌ?
\p
\v 7 Jesús mcàb loo myenꞌ. Ndxab Jesús:
\p ―Yende chó cón cheꞌn guꞌ par ñee guꞌ no taꞌ guꞌ cuent chó huiz no chó tiemp li xud naꞌ Diox par ñibeꞌ mèn nación Israel loo nacionpeꞌ mèn. Ante xud naꞌ Diox ñibeꞌ no ndxàp xud naꞌ Diox conꞌ roo no conꞌ xèn laꞌs nii xud naꞌ Diox no laꞌs yaꞌ xud naꞌ Diox par li xud naꞌ Diox ñibeꞌ mèn nación Israel loo nacionpeꞌ mèn nación Israel tedib vez.
\v 8 Per coꞌseꞌ yilo lyàa no yòo Xpii Natúꞌ loo ryete guꞌ coꞌ ngolaꞌsleꞌ loon no loo cón chenen, Diox li par gàp guꞌ conꞌ laꞌs nii guꞌ no laꞌs yaꞌ guꞌ. No li Diox par yòo valor loo guꞌ par ryoꞌ tee guꞌ ya lo guꞌ yalbàn no tyoodiꞌs guꞌ cón chenen loo mèn, mèn coꞌ nac mèn ciuda Jerusalén. No texal ya guꞌ loo mèn ciuda Jerusalén par tyoodiꞌs no guꞌ mèna cón chenen, tataaguèꞌ ya guꞌ loo mèn gulàaz cheꞌn làaz mèn jude no loo mèn gulàaz cheꞌn laaz mèn samari. No yiloa, ya lo guꞌ yalbàn no tyoodiꞌs no guꞌ mèn dib athu loo izlyoꞌ cón chenen.
\p
\v 9 Ngolo gunii Jesús diꞌsa loo myenꞌ, no láth beꞌ nzi huiꞌ myenꞌ loo Jesús, xèegà xèegà nguáp Jesús loo béꞌ. Láth nda quée Jesús loo béꞌ, mquée thìb xcuau. Xcuaua mtauꞌ loo Jesús. Ya neꞌtolode nghuiꞌ myenꞌ loo Jesús.
\v 10 Per láth nzi huiꞌ myenꞌ loo Jesús xal nda quée Jesús loo béꞌ, látha, ngroꞌ too chop xaꞌbiꞌ coꞌ noc xab larꞌ nagus loo myenꞌ.
\v 11 Ndxab ryop xaꞌbiꞌa loo myenꞌ:
\p ―Mèn yèezyaꞌ cheꞌn làaz mèn galile, ¿chonon xèe nzi huiꞌ guꞌ loo béꞌ, àꞌ? Anxleꞌ nzi huiꞌ guꞌ loo béꞌ, ey. Lìcqueꞌ, leque yub Jesús coꞌ ngolo mquée loo béꞌ nalleꞌ loo guꞌ, leque yub Jesús bere yiꞌth loo izlyoꞌ tedib vez xal ngolo gunèe guꞌ mquée Jesús loo béꞌ nalleꞌ.
\s Myenꞌ mcui thìb mbiꞌ coꞌ lèe Mati par yanꞌ Mati lugar cheꞌn Jud.
\p
\v 12 Ngoloa, sya, mbii myenꞌ loo yii coꞌ lèe yii cheꞌn yaa oliv. Mbere myenꞌ, ndyàa myenꞌ leꞌn ciuda Jerusalén. Ndub yii yaa oliva par coꞌteꞌ nziriꞌ ciuda Jerusalén thìb distans coꞌ neꞌ chop mil metr. Distansa nac distans coꞌ no maste ñibeꞌ ley coꞌ mxoꞌf Moisés loo mèn tyee nii mèn huiz descans tiempa.
\v 13 Coꞌseꞌ mzin myenꞌ leꞌn ciuda Jerusalén, mzin myenꞌ liz thìb mbiꞌ coꞌteꞌ nguled myenꞌ plá huiz coꞌteꞌ thidte mqueltàa myenꞌ. Liz mbiꞌ coꞌteꞌ ngo myenꞌa nac thìb pis gáp. Làth rye mèn coꞌ mqueltàa no myenꞌ tya ngo Pedr, ngo Cob, ngo Juàn, ngo Ndech, ngo Lip, ngo Max, ngo Bartol, ngo Mate, ngo Cob coꞌ ngòc xganꞌ thìb mbiꞌ coꞌ lèe Alfe, ngo Mon coꞌ ngòc cheꞌn partid mèn coꞌ ngòc partid cananist, no ngo Jud coꞌ ngòc hues Cob.
\v 14 Ryete mèna mqueltàa no myenꞌ par thidte ngurez myenꞌ Diox con mèna, no con myenꞌ huespeꞌ Jesús, no con Mari coꞌ ngòc xnaꞌ Jesús, no con taamas mèngot coꞌ mqueltàa no myenꞌ hora.
\p
\v 15 Leque leꞌn huiza Pedr ngo too thìb vez làth rye mèn coꞌ ndxàc hues por cón cheꞌn Crist. Mèna ngòc thìb ayo nzo gal mèn. Pedr ndxab loo mèna:
\p
\v 16 ―Guꞌ coꞌ nac mèn huesen por cón cheꞌn Crist, naquinqueꞌ gàcqueꞌ, no tyaaqueꞌ, no tyubqueꞌ diꞌs nalleꞌ xalqueꞌ nac diꞌs coꞌ gunii Xpii Natúꞌ loo libr coꞌ nac xtiꞌs Diox por diꞌs coꞌ ngroꞌ ro David coꞌ gunii David, David coꞌ ngòc rey póla. David mdeꞌth diꞌs cón cheꞌn Jud coꞌ mdoo ner loo mèn coꞌ mxen Jesús xal ndyen mèn thìb pres.
\v 17 Juda ngòc thìb xtàa nuꞌ coꞌ thidte mque tee no Jesús. No ngòo cuent Jud par xoꞌf zinꞌ Jud coꞌ nac cón cheꞌn Jesús.
\v 18 Per ngolo nguth Jud, mbli mèn thìb conꞌ. Mxiꞌ mèn thìb leꞌ yòo fteꞌb con tmi coꞌ mdix mèn mcàa Jud por cón cheꞌn conꞌ yeꞌrsinꞌ coꞌ mbli Jud. Leꞌ Jud na, ale leque Jud mblo dóꞌ yen Jud. Mquetal Jud loo thìb yaa. Ngòb Jud ned yéc Jud loo yòo. Ale ngos xtiꞌ Jud. Ryete xtiꞌ Jud ngroꞌ par fuer.
\v 19 Coꞌseꞌ mbìn mèn coꞌ nac mèn ciuda Jerusalén leꞌ yòo fteꞌb mdyuꞌ con tmia, ale mdub lèe mèn ciuda yòo fteꞌba Acéldama. Diꞌstèe mèna nee diꞌs yòo fteꞌb coꞌ mdyuꞌ con tmi coꞌ mdix mèn cón cheꞌn ren lad thìb mbiꞌ coꞌ mxyo.
\v 20 Ngòc conꞌa loo Jud xalqueꞌ ndub diꞌs coꞌ mbez loo libr cheꞌn Salmos coꞌ mbez taandxèꞌ:
\pi1 Gàc liz xaꞌ yende chó mèn ban liz xaꞌ. Yende chó mèn guliz xaꞌ yòo ban liz xaꞌ.
\m Lomisqueꞌ, mbez loo libr coꞌ nac xtiꞌs Diox tedib lugar:
\pi1 Yanꞌ tedib mèn lugar cheꞌn xaꞌ par xoꞌf zinꞌ mèna zinꞌ coꞌ ngòc diꞌs xoꞌf zinꞌ xaꞌ.
\p
\v 21 Nalleꞌ nzo mèn làth naꞌ coꞌ mque tee no naꞌ leꞌn rye tiemp desde coꞌseꞌ mtlo mque tee Jesús con naꞌ.
\v 22 Mèna thidte mque tee no naꞌ anon coꞌseꞌ mbli Juàn bautizar Jesús no ngo no mèna naꞌ axta mzin huiz coꞌ mquée Jesús loo béꞌ. Cona, ngue niin: Naquinqueꞌ yo thìb mbiꞌ coꞌ nac mèna par yo no mbiꞌ naꞌ par thidte taꞌ no mbiꞌ naꞌ cuent cón cheꞌn xá mod ngro xban Jesús làth mèn nguth.
\p
\v 23 Sya, mèn coꞌ nziriꞌa mdaꞌ lèe thìb mbiꞌ coꞌ lèe Chè Barsabás coꞌ neꞌ tedib lèe Just. No mdaꞌ mèn lèe tedib mbiꞌ coꞌ lèe Mati.
\v 24 Ngoloa, ngurez mèna Diox. Ndxab mèna taandxèꞌ:
\p ―Tad Diox, Uꞌ coꞌ nanee ryethe conꞌ coꞌ ndli mèn xtùuz no coꞌ ndenꞌ mèn leꞌn lezoꞌ mèn, bli Uꞌ no bluꞌ Uꞌ loo nuꞌ de loo ryop mbiꞌ ndxèꞌ xá ñaa mbiꞌ coꞌ coꞌ xàꞌ Uꞌ no coꞌ cui Uꞌ
\v 25 par xoꞌf zinꞌ mbiꞌ zinꞌ coꞌ ngòc diꞌs xoꞌf zinꞌ Jud par hueꞌ mbiꞌ diꞌs cheꞌn Uꞌ, Tad, loo mèn loo izlyoꞌ. Tac leque Jud mbli par nguth Jud por cón cheꞌn xquin Jud coꞌ mcuaꞌn Jud par mbii Jud lugar coꞌteꞌ ndxàal bii Jud.
\p
\v 26 Sya, mblo mèna Chè no Mati rif. Per leꞌxqueꞌ Mati ngroꞌ rif. Desde hora, mqueltàa no Mati ryete siꞌ fthib myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús loo mèn.
\c 2
\s Jesús mtelꞌ Xpii Natúꞌ par ngulàa Xpii Natúꞌ loo mèn no ngòo Xpii Natúꞌ loo mèn par tlo Xpii Natúꞌ ñibeꞌ Xpii Natúꞌ loo mèn.
\p
\v 1 Coꞌseꞌ ngòc huiz coꞌ ngòc huiz lni Pentecostés tiempa, leꞌpeꞌ huiza thidte mqueltàa myenꞌ coꞌ ndxeꞌ diꞌs cheꞌn Tad Jesús leꞌn ciuda Jerusalén con taamas mèn coꞌ ngolaꞌsleꞌ loo Tad Jesús no loo cón cheꞌn Tad Jesús.
\v 2 Láth thidte nziriꞌ mèna liz thìb mèn, chàa, mbyèn thìb ruid brut coꞌ mbyèn loo béꞌ. Mbyèn ruida xal coꞌseꞌ nxyoꞌf thìb mbiidóꞌ. No mbyèn biia leꞌn nyòo coꞌteꞌ nzi ndub rye mèna.
\v 3 Látha, mxyoꞌf loo loo mèna no mxac mèna ngulàa thìb conꞌ loo thìb thìb mèna coꞌ ñaa xal looz bèel. Pues conꞌ coꞌ gunaa xal loz bèela ngòc Xpii Natúꞌ coꞌ ngulàa loo mèn. Mbyanꞌ conꞌa loo mèna dib lal ngo mèna leꞌn nyòo.
\v 4 Ryete loo mèna ngulàa Xpii Natúꞌ no ngòo Xpii Natúꞌ loo mèna. No mbyanꞌ Xpii Natúꞌ loo mèna par ñibeꞌ Xpii Natúꞌ loo mèna. Leꞌ sya, hora mtlo mèna, mdoodiꞌs thìb thìb mèna tedib diꞌstèe xalqueꞌ mbli Xpii Natúꞌ par mdoodiꞌs mèna diꞌstèe. Diꞌstèea ngòc diꞌstèe coꞌ mdoodiꞌs chol mèn coꞌ nzo leꞌn ciuda Jerusalén leꞌn huiza.
\p
\v 5 Tataa ngòca tac leꞌn huiza huax mèn tith, coꞌ ngòc mèn cheꞌn nación Israel, ngo ban leꞌn ciuda Jerusalén. Mèna neꞌngláꞌde mod coꞌ nac cheꞌn xleyꞌ mèn. Mbiꞌth mèna ciuda Jerusalén par li mèna xalqueꞌ mnibeꞌ xleyꞌ mèna loo mèna. Mèna ngòc mèn coꞌ naban dib athu loo izlyoꞌ. Mbiꞌth li mèna xal ñibeꞌ xleyꞌ mèna loo mèn ciuda Jerusalén.
\v 6 Coꞌseꞌ mbìn mèna ngòc ruid coꞌ mbyèn loo béꞌa, huax mènléyꞌ mqueltàa coꞌteꞌ mbyèn ruida. No axta neꞌ neꞌ ñee mèna cón li mèn xtùuz tac thìb thìb mèna ndxòn diꞌstèepeꞌ mèn coꞌ ndyoodiꞌs mèn coꞌseꞌ ngulàa Xpii Natúꞌ loo mèn.
\v 7 Ante ngüiꞌ no ante ñaa mènléyꞌ coꞌ mqueltàaa. Mbez thìb mèna no tedib mèna loo xtàa mèna. Ndxab mèna:
\p ―¿Chéꞌ inacte mèn baꞌ mèn gulàaz cheꞌn làaz mèn galile coꞌ ndyoodiꞌs xalqueꞌ ndyoodiꞌs naꞌ nalleꞌ, càꞌ? Lìcqueꞌ, nac mèn baꞌ mèn gulàaz cheꞌn làaz mèn galile, cara.
\v 8 ¿Xá mod mbli mèn baꞌ par ndyoodiꞌs mèn baꞌ xtiꞌs naꞌ coꞌ ngóol no thìb thìb naꞌ, sya?
\v 9 Huiꞌ guꞌ nexa. Trèꞌ nzo mèn gulàaz cheꞌn làaz mèn part; mèn gulàaz cheꞌn làaz mèn med; mèn gulàaz cheꞌn làaz mèn elam; mèn gulàaz cheꞌn làaz mèn mesopotam; mèn gulàaz cheꞌn làaz mèn jude; mèn gulàaz cheꞌn làaz mèn capados; mèn gulàaz cheꞌn làaz mèn pont; mèn gulàaz cheꞌn làaz mèn asia;
\v 10 mèn gulàaz cheꞌn làaz mèn frig; mèn gulàaz cheꞌn làaz mèn panfil; mèn gulàaz cheꞌn làaz mèn egipt; mèn gulàaz cheꞌn làaz mèn africa; mèn coꞌ nde chol lugar coꞌ más tith loo làaz mèn ciren. No nzo ndxep mèn coꞌ nac mèn gulàaz cheꞌn làaz mèn ciuda Rom, ne, coꞌ naban ciuda Jerusalén làth naꞌ. Ndxep mèn gulàaz cheꞌn làaz mèn ciuda Rom nac mèn nación Israel por ngóol mèn leꞌn nación Israel. Leꞌ taandxep mèn ciuda Rom na, ngòc mèn nación Israel por ngòc mèna mèn xleyꞌ mèn nación Israel.
\v 11 Lomisqueꞌ ne, nzo ndxep mèn coꞌ nac mèn gulàaz cheꞌn làaz mèn cret coꞌ nac thìb yòo biiz coꞌ nziriꞌ leꞌn níttóꞌ. No nzo ndxep mèn gulàaz cheꞌn làaz mèn arab. Ale ndxòn naꞌ xtiꞌs ryete mèn baꞌ coꞌ nac conꞌ roo no conꞌ xèn coꞌ mbli Diox loo xtiꞌs naꞌ coꞌ nac diꞌstèepeꞌ naꞌ.
\p
\v 12 Ryete mèna ante ngüiꞌ no ante ñaa loo cón ndxàca. Axta neꞌ neꞌ ñee mèna cón li mèna xtùuz. No mnibdiꞌs mèna loo xtàa mèna. Ndxab mèna:
\p ―¿Cón conꞌ ndxèꞌ? ¿Chonon tatuaꞌ ngue li Diox loo naꞌ, yoo?
\p
\v 13 Per taamas mèn mxìis coꞌseꞌ mbuiꞌ mèn ndxàc cón ndxàca. Mbez mèna loo xtàa mèna:
\p ―Tatuaꞌ ndxàca loo mèn baꞌ tac ndyuuz mèn baꞌ.
\s Pedr mdaꞌ cuent loo mèn cón cheꞌn cón ndxàc.
\p
\v 14 Sya, ngo too Pedr con taamas myenꞌ xtàa Pedr coꞌ ndxeꞌ diꞌs cheꞌn Jesús loo mèn coꞌ mqueltàaa. Cabii ndxab Pedr loo mèna:
\p ―Guꞌ coꞌ nac mèn nación Israel no guꞌ coꞌ nac mèn taamas nación coꞌ naban leꞌn ciuda Jerusalén, na ndlyaz gòn guꞌ no taꞌ guꞌ cuent cón cheꞌn cón ndxàc baꞌ. No huen huen tub nza guꞌ loo conꞌ coꞌ nde niin loo guꞌ nalleꞌ.
\v 15 Cón cheꞌn mèn coꞌ mbez ndxep guꞌ ndyuuz, mèn baꞌ indyuuzte xal ndli ndxep guꞌ xtùuz. ¡Máa yob yéc guꞌ! Hor ndxèꞌ inacte hor coꞌ tyuuz mèn. Pente nzo naꞌ hor nquée guyèꞌ xtilꞌ.
\v 16 Ndxeꞌlequeꞌ, conꞌ coꞌ ndxàc coꞌ ngüiꞌ guꞌ baꞌ nac conꞌ coꞌ ndxàc no conꞌ coꞌ mdyaaleꞌ xalqueꞌ ngòc diꞌs coꞌ gunii Joel coꞌ mdeꞌth diꞌs coꞌ ndxab Diox coꞌseꞌ ndxab Joel taandxèꞌ:
\pi1
\v 17 Diox ndxab cón cheꞌn conꞌ coꞌ gàc leꞌn lult huiz coꞌ nde nque. Ndxab Diox: Na làa Xpii cheꞌn daa loo mèn dib athu loo izlyoꞌ. Myenꞌbiꞌ coꞌ nac xganꞌ mèn no myenꞌgot coꞌ nac rsap mèn, teꞌth myenꞌa diꞌs loo mèn coꞌ ñibeꞌen loo myenꞌ. Lomisqueꞌ ne, myenꞌbiꞌ xyoꞌf loo conꞌ loo coꞌ luꞌen loo myenꞌ. Lomisqueꞌ ne, loo mèn gox xyoꞌf loo conꞌ loo coꞌ luꞌen loo mèn gox làth mcalꞌ.
\pi1
\v 18 Lomisqueꞌ ne, ndxab Diox: Daa làa Xpii daa loo mènbiꞌ no loo mèngot coꞌ xoꞌf zinꞌ zinꞌ cón chenen coꞌseꞌ gàca huiza. No teꞌth mèna conꞌ coꞌ ñibeꞌen loo mèn par teꞌth mèna loo mèn.
\pi1
\v 19 Lin par gàc conꞌ roo no conꞌ xèn loo béꞌ par huiꞌ mèn no ñaa mèn conꞌ lin. Leꞌ loo izlyoꞌ na, lin huax conꞌ coꞌ gàc thìb señ loo mèn. Lin par gath huax mèn. Lin par lyàa quìi loo mèn huax lugar. Lin par yitoo zen loo mèn xal coꞌseꞌ ndxetoo xcuau.
\pi1
\v 20 Huiza neꞌtenìide huiz. Dyauꞌ loo huiz huiza. Lomisqueꞌ ne, ñaa loo mbeꞌ xal ñaa ren. Gàc conꞌa ndooreꞌ coꞌseꞌ gàc tiemp telux Tad Diox izlyoꞌ. Huiza gàc huiz coꞌseꞌ luꞌ Diox cón cheꞌn conꞌ roo no conꞌ xèn cheꞌnpeꞌ Diox. No luꞌ Diox rye loothe conꞌ roo conꞌ xèn coꞌ ndxàp Diox laꞌs nii Diox no laꞌs yaꞌ Diox loo mèn.
\pi1
\v 21 Per ryete mèn coꞌ mbez lèe Tad, mèna lyáꞌ loo conꞌ ryes.
\p
\v 22 Mèn nación Israel, bìn guꞌ diꞌs coꞌ nde toodizen loo guꞌ. Jesús cheꞌn yèez Nazaret ngòc thìb mbiꞌ coꞌ mtelꞌ Diox loo guꞌ. No huen huen ndaꞌ guꞌ cuent leꞌ Diox mtelꞌ Jesús làth guꞌ tac Diox mbli loo Jesús par mbli Jesús huax yalguzyeꞌ roo yalguzyeꞌ xèn loo guꞌ. No huen huen ndaꞌqueꞌ guꞌ cuent cón cheꞌn yalguzyeꞌ coꞌ mbli Jesús làth guꞌ, ¿léꞌ?
\v 23 Per mastaleꞌ mbli Jesús huax yalguzyeꞌ loo guꞌ, ngo thìb mbiꞌ coꞌ mdaꞌxùꞌ Jesús loo guꞌ. Sya, ryete guꞌ mqueltàa. Mbeꞌ guꞌ Jesús xal thìb pres par mbeth guꞌ Jesús coꞌseꞌ mnibeꞌ guꞌ loo mèn yeꞌrsinꞌ queꞌ mèna Jesús loo thìb cruz. Mbli guꞌ conꞌa loo Jesús xalqueꞌ mnibeꞌ Diox no xalqueꞌ mblobeꞌ Diox lezoꞌ Diox póla par gàca tataa.
\v 24 Per mbli Diox ngro xban Jesús. No mteláꞌ Diox Jesús loo yalguth par neꞌntin lizte Jesús thidtene tac yalguth coꞌ mtin liz Jesús yende mod ngli gan loo Jesús thidtene.
\v 25 Coꞌseꞌ gunii David coꞌ ngòc rey póla cón cheꞌn Jesús, ndxab David taandxèꞌ:
\pi1 Daa gunèepeꞌ loo Tad daa. Ndoo Tad daa loon thidtene. No thidtenequeꞌ nzo Tad daa cuaten par yende cón li par zyeb daa no xiꞌth daa.
\pi1
\v 26 Por conꞌa, anzeꞌf mdyac lezon. No ale angmdoon mdoodizen diꞌs por ndyac lezon. No por cona, mastaleꞌ gath bélꞌyòo laden, ndxàpen yalxlaꞌs loo Tad daa leꞌ Tad daa li par yo ban daa tedib vez.
\pi1
\v 27 Tac Uꞌ, Tad, neꞌláꞌyaꞌde alm daa par quée yalguth no tin yalguth alm daa thidtene. Neꞌ neꞌ taꞌ Uꞌ lugar yizaꞌ no gaꞌs bélꞌyòo laden, daa coꞌ mxoꞌf zinꞌ zinꞌ cheꞌn Uꞌ, daa coꞌ anzeꞌf nqueꞌ lezoꞌ Uꞌ ñèe Uꞌ.
\pi1
\v 28 Tad, Uꞌ mbluꞌ loon cón lin par ban no daa Uꞌ thidtene. No yiloa, anzeꞌf tyac tínꞌ lezon coꞌseꞌ huiꞌen loo Uꞌ.
\p
\v 29 Guꞌ coꞌ nac mèn nación Israel coꞌ nac hues xtàa daa, lìcqueꞌ, guꞌ ndaꞌqueꞌ cuent leꞌ David coꞌ ngòc xudgool naꞌ nguthqueꞌ. No mcaꞌs mèn thebol David. No axta nalleꞌ beꞌ nax báꞌ cheꞌn thebol David coꞌ ngüiꞌ naꞌ no coꞌ ñaa naꞌ loo.
\v 30 Per guꞌ ndaꞌqueꞌ cuent leꞌ David ngòc thìb mbiꞌ coꞌ mdeꞌth diꞌs coꞌ ndxab Diox. No huen huen nanee David leꞌ Diox mcàbgòn no mbli nèe Diox diꞌs coꞌ ngroꞌ ro Diox coꞌ ndxab Diox loo David leꞌ thìb xaꞌ coꞌ gàc bin David, xaꞌa gàc Crist coꞌ yanꞌ lugar cheꞌn David coꞌ tyub ñibeꞌ loo mèn nación Israel.
\v 31 Por cona, mdaꞌ David cuent cón cheꞌn Crist xal mèn coꞌ gunèe ngòc conꞌ loo Crist ndooreꞌ gàca leꞌ Crist ryo xban làth mèn nguth. No lomisqueꞌ ne, ndxab David leꞌ alm Crist no xpii Crist neꞌyanꞌte leꞌn yeꞌrbìil. Neꞌ neꞌ yizaꞌ bélꞌyòo lad Crist. No neꞌ neꞌ gaꞌs bélꞌyòo lad Crist.
\v 32 Cona, ngue niin loo guꞌ: Diox mblo xban leque yub Jesús coꞌ nac Crist. Ryete nuꞌ, xal nziriꞌ nuꞌ trèꞌ, nanee nuꞌ no ndaꞌqueꞌ nuꞌ cuent xal ngòca loo Jesús coꞌseꞌ mblo xban Diox Jesús làth mèn nguth.
\v 33 Coꞌseꞌ ngolo mbli Diox ngro xban Jesús, Diox mnibeꞌ loo Jesús làa Jesús Xpii Natúꞌ loo mèn, Xpii Natúꞌ coꞌ mcàbgòn Diox li Diox lyàa loo mèn. No yòo Xpii Natúꞌ loo mèn par ñibeꞌ Xpii Natúꞌ loo mèn. No nalleꞌ ryete conꞌ coꞌ mbuiꞌ guꞌ no coꞌ mbìn guꞌa, ngòc conꞌa por Jesús.
\v 34 Inacte yub David coꞌ ngro xban no coꞌ mquée loo béꞌ. Tac yub David ndxab taandxèꞌ:
\pi1 Tad Diox ndxab loo Tad daa: Ftub cuaten, ey,
\v 35 axtaqueꞌ lin leꞌ rye mèn coꞌ nac ngolo ngolaꞌs cheꞌnl tyubdiꞌs lool no gàc mèna mèn nadoꞌ lool.
\p
\v 36 Por cona, daa Pedr ngue nii loo guꞌ coꞌ nac mèn nación Israel: Neꞌgànte lezoꞌ guꞌ no neꞌgàc chopte lezoꞌ guꞌ. Ftaꞌ guꞌ cuent coꞌ huenlequeꞌ leque yub Jesús coꞌ mbli guꞌ mandad mquée loo cruz, Diox mbli par ngòc Jesús Tad no jef loo ryethe conꞌ. Mbli Diox ngòc Jesús Crist, ne.
\p
\v 37 Coꞌseꞌ mbìn mèna tataa ndxab Pedr, mxi yéc mèna no mxi lezoꞌ mèna. Mnibdiꞌs mèna loo Pedr no loo taamas myenꞌ xtàa Pedr coꞌ nziriꞌ loo Pedr:
\p ―Guꞌ coꞌ nac mèn gulàaz nuꞌ no coꞌ nac xtàa nuꞌ, gunee guꞌ loo nuꞌ cón ndxàal li nuꞌ por mbli nuꞌ conꞌ yeꞌrsinꞌ con Jesús, sya, cara.
\p
\v 38 Sya, mcàb Pedr. Ndxab Pedr loo mèna:
\p ―Blàa yéc guꞌ no blàa lezoꞌ guꞌ no fseꞌ guꞌ ryethe mod yeꞌrsinꞌ coꞌ ndxàp guꞌ loo Diox. No yiloa, gòc bautizar thìb thìb guꞌ por lèe cheꞌn Jesucrist par tataa mod luꞌ guꞌ loo mèn leꞌ Diox mtonꞌ xquin guꞌ no xtol guꞌ. Leꞌ sya, Diox li par lyàa Xpii Natúꞌ loo guꞌ no yòo Xpii Natúꞌ loo guꞌ par ñibeꞌ Xpii Natúꞌ loo guꞌ.
\v 39 Coꞌseꞌ mcàbgòn Diox làa Diox Xpii Natúꞌ loo mèn, conꞌa nee diꞌs, li Diox par lyàa no yòo Xpii Natúꞌ loo guꞌ no loo xinꞌ guꞌ par ñibeꞌ Xpii Natúꞌ loo guꞌ no loo xinꞌ guꞌ. No mcàbgòn Diox par lyàa no yòo Xpii Natúꞌ loo mèn tith par ñibeꞌ Xpii Natúꞌ loo rye mèn coꞌ nzo ban tith. Conꞌ coꞌ mcàbgòn Tad Diox loo naꞌa par li Tad Diox loo naꞌa nee diꞌs leꞌ Diox coꞌ xàꞌ mèn no cui Diox mèn loo conꞌ yeꞌrsinꞌ par yòo mèna loo cón cheꞌn Diox.
\p
\v 40 Con diꞌs ndxèꞌ coꞌ mdoodiꞌs Pedr no con taamas diꞌs coꞌ mdoodiꞌs Pedr, mcoꞌx Pedr mèn no ndxab Pedr loo mèn nación Israel:
\p ―Leque guꞌ blàa yéc guꞌ no blàa guꞌ lezoꞌ guꞌ no ftaꞌ guꞌ lugar tíꞌ no làa Diox guꞌ loo conꞌ ryes làth mèn nación Israel coꞌ nac mèn nalaꞌs, mèn coꞌ neꞌndalte ngalaꞌs no coꞌ neꞌndalte ndubdiꞌs loo conꞌ mnibeꞌ Diox loo mèna par li mèna.
\p
\v 41 Ngoloa, ryete mèn coꞌ mdub nza no coꞌ mdaꞌ lugar mbìn diꞌs coꞌ ndxab Pedr, mèn coꞌ ngulàa yéc no coꞌ ngulàa lezoꞌ par mseꞌ mèna mod coꞌ ngòp mèna loo Diox, mèna ngòc bautizar leque hora. Leque huiza, mqueltàa mèna con mèn coꞌ ngolaꞌs loo Jesús. Mèn coꞌ ngòc bautizar huiza ngòc son mil mèn.
\v 42 No ryete mèna mbli nèe leque mèna loo conꞌ coꞌ mbluꞌ myenꞌ coꞌ ngòc xinꞌ mtéꞌth Jesús coꞌ ndxeꞌ diꞌs cheꞌn Jesús loo mèn. Thidte diꞌs thidte cuent ngure ban rye mèna. No ngurez mèna Diox. No thidte mqueltàa rye mèna par hua mèna xít mèn no luaꞌ mèn atate huiz.
\s Trèꞌ ndluꞌ cón cheꞌn xá mod ngure ban mèn tiempa, mèn coꞌ ngòo loo cón cheꞌn Diox por cón cheꞌn Jesús.
\p
\v 43 Leꞌn huiza ryete mèn coꞌ neꞌndalte ngalaꞌs xal nac diꞌs coꞌ ndxab Pedr, ryete mèna mzyeb no ngo no lezoꞌ mèna por conꞌ coꞌ ndxàc leꞌn huiza. Nde nxonꞌ, mbli myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús huax yalguzyeꞌ roo no yalguzyeꞌ xèn. No mbli myenꞌ huax conꞌ coꞌ nac señ loo mèn.
\v 44 Leꞌ ryete mèn coꞌ ngolaꞌs na, ryete mèna thidte diꞌs thidte cuent ngure. No ryete conꞌ coꞌ ngòc cheꞌn thìb thìb mèn ndli zinꞌ ryete mèna xal cheꞌnpeꞌ mèna,
\v 45 axta mthoꞌ rye mèn coꞌ ndxàp cheꞌn mèn, conꞌ coꞌ nac cheꞌnpeꞌ mèn; angab naꞌi, xyòn mèn, no máꞌ mèn, no taamas conꞌ coꞌ ngòc cheꞌn mèn par ngroꞌ tmi par mdaꞌ mèn tmi mcàa thìb thìb mèn coꞌ ngolaꞌs coꞌ ndyac yaltìi nesida.
\v 46 Más de cona, atate huiz mqueltàa mèna leꞌn templ cheꞌn Diox par cuez mèn Diox. Ndxeloa, thidte nqueltàa mèn. Nda mèn liz hues xtàa mèn coꞌ ndli nab conꞌ hua mèn; chó mèn taꞌi yéꞌ; chó mèn taꞌi huizeꞌ coꞌ ngòc mod cheꞌn mèna tiempa. Látha, nziriꞌ mèn guyith guxìis. No yende chó mèn ndyeꞌs no nxyalꞌ làth xtàa mèna.
\v 47 No atate huiz mbez mèna diꞌs roo diꞌs xèn no diꞌs natúꞌ cón cheꞌn Diox loo mèn. No mbez mèna loo Diox Diox roo Diox xèn nac Diox. Látha, rye mèn ciuda Jerusalén coꞌ tarte lyàa yéc no coꞌ tarte lyàa lezoꞌ, ryete mèna ngòp mod. No mbli mèna par mdyuꞌ mèn coꞌ ngolaꞌs loo Diox por cón cheꞌn Jesucrist loo mèn ciuda Jerusalén. Más de cona, Tad Diox tolo ngue li par tolo ndlyàa yéc mèn no ndlyàa lezoꞌ mèn par lyáꞌ mèn loo conꞌ ryes no thidte queltàa no mèna mèn coꞌ ndxelaꞌs loo Jesucrist no loo cón cheꞌn Jesucrist.
\c 3
\s Pedr mbli par mdee lì thìb mbiꞌ coj.
\p
\v 1 Thìb huiz ngòc thìb conꞌ. Láth nda quée Pedr ryop Juàn coꞌteꞌ ndub templ, hora ngòc hor mquée guyon bzyè. Hora nqueltàa mèn leꞌn templ par mbez mèn Diox.
\v 2 Ryete huiz ndyub thìb mbiꞌ coj coꞌ anon ngóol coj ro puert cheꞌn templ. Atate huiz ndxeꞌ mèn guliz mbiꞌ coja mbiꞌ coja. Nda láꞌ mèn mbiꞌ coj ro puert cheꞌn templ, puert coꞌ neꞌ lèe Puert Coꞌ Nabeꞌs Ñaa, par ñaꞌb mbiꞌ gòn loo mèn coꞌ ndxòo no coꞌ ndryoꞌ leꞌn templ.
\v 3 Coꞌseꞌ gunèe mbiꞌ coj Pedr no Juàn láth nde yòo Pedr no Juàn leꞌn templ, mnaꞌb mbiꞌ gòn loo Pedr no loo Juàn.
\v 4 Sya, xèe mbuiꞌ Pedr no Juàn loo mbiꞌ. Ndxab Pedr loo mbiꞌ:
\p ―Mbiꞌ, huiꞌ loo nuꞌ, xàa.
\p
\v 5 Sya, más mbli mbiꞌ mbuiꞌ mbiꞌ loo Pedr no loo Juàn. Mblyaꞌs mbiꞌ peser taꞌ Pedr ryop Juàn ndxep gòn càa mbiꞌ.
\v 6 Per ndxeꞌlequeꞌ, ndxab Pedr loo mbiꞌ:
\p ―Huiꞌ nexa. Indxàpten nec thìb loo tmi, cara. Per thìb conꞌ coꞌ ndxác daa ndlin, na li par gàca lool. Por lèe cheꞌn Tad Jesucrist, coꞌ ngòc mèn yèez Nazaret, goo too. Fteyez niil no nalì ftee.
\p
\v 7 Sya, mxen Pedr yaꞌ mbiꞌ coja coꞌ nac ladlì. Mxít too Pedr mbiꞌ. Leque hora, mbyez nii mbiꞌ no mbyez yen nii mbiꞌ no mdyoxcuaꞌ nii mbiꞌ xal nii thìb mèn huen.
\p
\v 8 Ngoloa, thidte nguát mbiꞌ. No, chàa, ngo too mbiꞌ. Mtlo mbiꞌ, mdee nii mbiꞌ. Mque tee nii mbiꞌ par ndxèꞌ par baꞌ. Ale sangngòo no mbiꞌ Pedr no Juàn leꞌn templ. Mdee nii mbiꞌ. No asembli mbiꞌ ndxát mbiꞌ. No cabii mbez mbiꞌ:
\p ―Susqueꞌ Diox roo Diox xèn nac Diox, yoo.
\p
\v 9 No ryete mèn coꞌ nzo leꞌn templ gunèe xal gundee nii mbiꞌ no xal mbez mbiꞌ Diox roo Diox xèn nac Diox.
\v 10 No ryete mèna ngua no lezoꞌ. No mzyeb mèna coꞌseꞌ gunèe mèn conꞌ coꞌ ngòc loo mbiꞌ. Tac mèna huen huen ndlibeꞌ mbiꞌ no nanee mèna leꞌ mbiꞌa nac leque yub mbiꞌ coꞌ ndyub ro puert cheꞌn templ coꞌ ñaꞌb gòn, ro puert coꞌ neꞌ lèe Puert Coꞌ Nabeꞌs Ñaa.
\s Pedr ngo yalbàn loo mèn ro portal cheꞌn templ coꞌ neꞌ lèe Portal cheꞌn Salomón.
\p
\v 11 Per mbiꞌ coj coꞌ mdee lìa thidtene ngue tee nque xís Pedr ryop Juàn. Indlyaꞌste mbiꞌ láꞌ mbiꞌ Pedr ryop Juàn. Leꞌ rye mèn coꞌ nzo leꞌn templ hora na, ngo too par ngua tee huiꞌ mèna xal ndxàc mbiꞌa. Thidte mqueltàa rye mèna leque ro portal cheꞌn templ coꞌ neꞌ lèe Portal cheꞌn Salomón coꞌteꞌ nzo Pedr ryop Juàn no mbiꞌ coja. Ante ngüiꞌ mèna no ante ñaa mèna xal ñaa conꞌ coꞌ ngòc loo mbiꞌ coja.
\v 12 Coꞌseꞌ gunèe Pedr ryete mèn mqueltàa loo Pedr, ndxab Pedr loo mèna:
\p ―Aa, mèn nación Israel. ¿Chonon ndxo no lezoꞌ guꞌ no nzyeb guꞌ, àꞌ? ¿Chonon ale xèe ngüiꞌ guꞌ loo nuꞌ no ndli guꞌ cuent ale yub nuꞌ mbli par mdee nalì mbiꞌ coj ndxèꞌ no ndli guꞌ cuent peser ndxàp nuꞌ ndxep conꞌ roo conꞌ xèn laꞌs nii nuꞌ no laꞌs yaꞌ nuꞌ o ndli guꞌ cuent por nac nuꞌ mèn coꞌ arid mbez Diox no arid ncòoꞌ nuꞌ yéc nuꞌ loo Diox, conꞌa mbli nuꞌ par mdee nalì mbiꞌ coj baꞌ, càꞌ? Yende xàa.
\v 13 Ndxeꞌlequeꞌ, conꞌ coꞌ ngòc loo mbiꞌ baꞌ, leꞌi ngòc xal nde niin loo guꞌ ndxèꞌ. Ndlyazen gòn guꞌ diꞌs coꞌ gon yalbàn loo guꞌ nalleꞌ: Diox coꞌ nac Diox cheꞌn xudgool naꞌ Abraham, no cheꞌn xudgool naꞌ Isaac, no cheꞌn xudgool naꞌ Cob, Dioxa mbli par ngòc más conꞌ guryath no conꞌ guryèn loo mbiꞌ coꞌ mxoꞌf zinꞌ zinꞌ cheꞌn Diox, mbiꞌ coꞌ nac Jesús coꞌ ngòc leque Jesús coꞌ mdaꞌxùꞌ guꞌ loo mèn cheꞌn ciuda Rom coꞌ ñibeꞌ loo naꞌ. No coꞌseꞌ mblyaꞌs Pilat coꞌ nac gobiern loo nación naꞌ ngláꞌ Pilat Jesús, guꞌ neꞌndalte ngláꞌ Pilat Jesús.
\v 14 Lugar de ngnaꞌb guꞌ loo Pilat ngláꞌ Pilat Jesús coꞌ nac mbiꞌ natúꞌ no coꞌ nac mbiꞌ nalì no mbiꞌ nambìi, ale ndxeꞌlequeꞌ, mnaꞌb guꞌ loo Pilat par mbloꞌ Pilat thìb mbiꞌguth mèn leziꞌf loo guꞌ.
\v 15 Ale tataa mbli guꞌ par mbethxùꞌ guꞌ mbiꞌ coꞌ nac thidte mbiꞌ coꞌ mbli par ngòc yaltìixùꞌ loo mbiꞌ par yoo ban no mèn Diox thidtene. Per mastaleꞌ mbeth guꞌ mbiꞌ, Diox mbli par ngro xban mbiꞌ làth mèn nguth. No nalleꞌ nuꞌ ndaꞌqueꞌ cuent cón cheꞌn xá mod ngro xban mbiꞌ làth mèn nguth.
\v 16 No nalleꞌ por lèe cheꞌn leque yub Jesús, coꞌ ngolaꞌs mbiꞌ coj baꞌ loo no ndxàp mbiꞌ yalxlaꞌs loo Jesús, por cona, mbli Jesús mbyez nii mbiꞌ no mbyez yen nii mbiꞌ par ngo too lì mbiꞌ. Guꞌ huen huen ndlibeꞌ mbiꞌ no ngue huiꞌ guꞌ loo mbiꞌ baꞌ nalleꞌ. No por ngolaꞌs mbiꞌ loo Jesús, conꞌa mbli mdee lì mbiꞌ thidtene xalqueꞌ ngüiꞌ guꞌ no xalqueꞌ ñaa guꞌ loo mbiꞌ nalleꞌ.
\p
\v 17 Per nalleꞌ, guꞌ coꞌ nac mèn nación Israel coꞌ ndxàc hues xtàa daa, daa nanee no non daa coꞌseꞌ thidte mqueltàa guꞌ con mèn coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel par mbeth guꞌ Jesús, lìcpeꞌ baꞌi, neꞌñeede guꞌ no neꞌndaꞌde guꞌ cuent cón ngue li guꞌ hora.
\v 18 Per Diox tataa mbli par tataa mbli no guꞌ Jesús par mdyaa no ngòcqueꞌ xal mdeꞌth mèn coꞌ mdeꞌth diꞌs coꞌ ndxab Diox póla leꞌ Crist coꞌ nac xganꞌpeꞌ Diox naquinqueꞌ tyactìixùꞌ.
\v 19 Cona, ngue niin loo guꞌ: Más huen blàa yéc guꞌ no blàa lezoꞌ guꞌ par zyeꞌ mod coꞌ ndxàp guꞌ loo Diox par tataa mod lyáꞌ guꞌ loo conꞌ ryes no bere guꞌ yòopeꞌ guꞌ loo cón cheꞌn Diox tedib vez par tataa mod tonꞌ Diox xquin guꞌ no xtol guꞌ. Leꞌ sya, Tad Diox li par gàc thìb tiemp loo guꞌ par yo nagàl lezoꞌ guꞌ loo Diox no yende chó mèn coꞌ xàꞌ guꞌ loo cón cheꞌn Diox.
\v 20 No telꞌ Diox Jesús loo guꞌ coꞌseꞌ gàc tiemp, Jesús coꞌ nac Crist coꞌ mcui Diox par xoꞌf zinꞌ Crist thìb zinꞌ loo guꞌ coꞌseꞌ gàcpeꞌ tiempa.
\v 21 Tataa li Diox loo guꞌ, mastaleꞌ nquin yo Jesús loo béꞌ axta gàc huiz no gàc tiemp coꞌseꞌ li nab Diox ryethe conꞌ coꞌ nquin gàc ndooreꞌ yiꞌth Jesús loo izlyoꞌ tedib vez. Gàca xalqueꞌ ndxab Diox por ro mèn coꞌ mdeꞌth diꞌs coꞌ ndxab Diox póla.
\v 22 Tataaguèꞌ ndxab Moisés loo xudgool naꞌ póla, ne, coꞌseꞌ ndxab Moisés:
\pi1 Diox coꞌ nac Tad Diox naꞌ telꞌ thìb mbiꞌ coꞌ teꞌth diꞌs coꞌ ndxab Diox làth naꞌ coꞌ nac mèn nación Israel xalqueꞌ mtelꞌ Diox daa làth guꞌ. Ndlyazen tyub nza guꞌ loo diꞌs coꞌ ñee xaꞌa loo guꞌ no gòn guꞌ ro xaꞌ.
\pi1
\v 23 Tac ryete mèn coꞌ neꞌtyub nzade no coꞌ neꞌgònte ro xaꞌ coꞌ teꞌth diꞌs cheꞌn Diox, ryete mèna lyux no ryo xàꞌ mèna làth mèn nación Israel thidtene.
\p
\v 24 Por cona, daa coꞌ lèe Pedr, tolo ngue niin loo guꞌ: Ryete mèn coꞌ mdeꞌth diꞌs coꞌ ndxab Diox coꞌ nac con cheꞌn Diox ngòc Samuel coꞌ mdeꞌth diꞌs coꞌ ndxab Diox no taamas mèn coꞌ nde nque. Mdeꞌth mèna cón cheꞌn cón ndxàc leꞌn huiz ndxèꞌ.
\v 25 Conꞌ coꞌ mcàbgòn Diox por cón cheꞌn mèn coꞌ mdeꞌth diꞌs coꞌ ndxab Diox, Diox mcàbgòna par ndxàca loo guꞌ. No par gàc conꞌ ndac loo guꞌ, Diox mbli par mbyanꞌ thìb conveñ con mèn coꞌ ngòc xudgool naꞌ póla coꞌseꞌ ndxab Diox loo Abraham:
\pi1 Ryete mèn coꞌ naban dib athu loo izlyoꞌ, gàc conꞌ ndac loo mèna por cón cheꞌn thìb mbiꞌ coꞌ nac bin lùu.
\m
\v 26 Coꞌseꞌ mblo xban Diox mbiꞌ coꞌ mxoꞌf zinꞌ zinꞌ cheꞌn Diox, coꞌ nac Jesús, mnibeꞌ Diox loo Jesús telꞌ Jesús nuꞌ ner loo guꞌ par li Jesús par gàc conꞌ ndac loo guꞌ no par tataa mod láꞌ thìb thìb guꞌ conꞌ yeꞌrsinꞌ coꞌ ndli guꞌ loo Diox.
\c 4
\s Pedr no Juàn mdooxùꞌ loo mèn coꞌ ñibeꞌ, no coꞌ ndyoo ner, no coꞌ ndyoo naa loo mèn xleyꞌ mèn nación Israel.
\p
\v 1 Tatabeꞌ ngue toodiꞌs no Pedr ryop Juàn mèn coꞌseꞌ mzin mèn coꞌ nac nguleyꞌ con mbiꞌ coꞌ ñibeꞌ loo solndad coꞌ nquenap templ no con mèn coꞌ nac mèn xleyꞌ saduse coꞌteꞌ mqueltàa Pedr ryop Juàn con mèna.
\v 2 Ryete mèna ngòc nayiꞌ loo Pedr no loo Juàn tac Pedr ryop Juàn ngue luꞌ mèn. No mbez Pedr ryop Juàn leꞌ mèn coꞌ nguth ryo xbanqueꞌ. Tataa mbez Pedr ryop Juàn loo mèna tac, ngolo nguth Jesús, ngro xbanqueꞌ Jesús.
\v 3 Sya, mxen mèna Pedr ryop Juàn xal thìb pres par mblo mèna Pedr ryop Juàn leziꞌf par tub rez mèna cón cheꞌn Pedr ryop Juàn tedib huiz tac huiza mzyèleꞌ izlyoꞌ.
\v 4 Per mastaleꞌ tataa mbli mèna con Pedr ryop Juàn, huax mèn ngolaꞌs coꞌseꞌ mbìn mèn diꞌs coꞌ ndxab Pedr hora. Anon mtlo ngolaꞌs mèn loo Jesús, por loo rye mèn coꞌ ngolaꞌs coꞌ ndxòo cuent ngòc ante mènbiꞌ ngòcqueꞌ gaꞌy mil mèn. Indxòode cuent mèngot neꞌ myenꞌ bix.
\p
\v 5 Coꞌseꞌ ngo nìi izlyoꞌ tedib huiz coꞌ nde nquea, ryete mèn coꞌ ndyoo ner, no coꞌ ndyoo naa, no coꞌ ñibeꞌ loo mèn nación Israel, no mèngool cheꞌn mèn nación Israel, no mèn coꞌ nac maistr coꞌ ndluꞌ cón cheꞌn ley coꞌ mxoꞌf Moisés loo mèn, ryete mèna mqueltàa leꞌn ciuda Jerusalén.
\v 6 Nde nxonꞌ, mqueltàa no mèna Anás coꞌ más ñibeꞌ loo rye nguleyꞌ tiempa. No mqueltàa no mèna Caifás, no thìb mbiꞌ coꞌ lèe Juàn, no tedib mbiꞌ coꞌ lèe Alejandr. Mqueltàa ryete mèn coꞌ ngòc mèn guliz cheꞌn taamas mbiꞌ coꞌ más ñibeꞌ loo rye nguleyꞌ, ne.
\v 7 Ngolo mqueltàa rye mèna, mbli mèna mandad ngua loꞌ mèn Pedr ryop Juàn leziꞌf. Ngoloa, mdoo mèn Pedr ryop Juàn xtauꞌ loo rye mèna. Mnibdiꞌs mèna loo Pedr no loo Juàn. Ndxab mèna:
\p ―¿Chó mnibeꞌ loo guꞌ o por chó lèe mèn ndli guꞌ conꞌ coꞌ nzi li guꞌ ba, àꞌ?
\p
\v 8 Sya, mnibeꞌpeꞌ Xpii Natúꞌ loo Pedr. Ndxab Pedr loo mèna:
\p ―Guꞌ coꞌ nac mèn coꞌ ñibeꞌpeꞌ loo mèn nación Israel, no guꞌ, mèngool coꞌ ñibeꞌ, no guꞌ coꞌ ndyoo ner, no coꞌ ndyoo naa loo mèn nación Israel,
\v 9 ya que ngue ñibdiꞌs guꞌ loo nuꞌ cón cheꞌn conꞌ ndac coꞌ ngòc loo thìb mbiꞌ yíiz par lyaꞌs guꞌ gòn guꞌ no taꞌ guꞌ cuent xá mod ngòc mbyac mbiꞌ yíiz ndxèꞌ,
\v 10 nuꞌ taꞌ cuent loo ryete guꞌ par non ryete mèn nación Israel leꞌ mbiꞌ yíiz coꞌ mbyac, coꞌ ndoo loo guꞌ ndxèꞌ, mbyac mbiꞌa por cón cheꞌn conꞌ roo no conꞌ xèn coꞌ ndxàp Jesucrist laꞌs nii Jesucrist no laꞌs yaꞌ Jesucrist, Jesucrist coꞌ nac mèn yèez Nazaret. Jesucrist ngòc leque yub Jesucrist coꞌ mqueꞌ guꞌ loo cruz par nguth Jesucrist loo cruz. Per yub Diox mblo xban Jesucrist làth mèn nguth.
\v 11 Guꞌ mtèꞌb cón cheꞌn Jesucrist no neꞌnglide guꞌ cas cón cheꞌn Jesucrist. Neꞌ neꞌ ngli guꞌ cas Jesucrist coꞌseꞌ mbiꞌth luꞌ Jesucrist loo guꞌ cón cheꞌn xá mod ndlyaꞌs Diox ñibeꞌpeꞌ Diox loo guꞌ no loo taamas mèn. Per Diox mbli par ngòc Jesucrist xaꞌ coꞌ ndli leꞌ mèn tyal par ñibeꞌpeꞌ Diox loo mèn. Loo cón cheꞌn Diox, guꞌ ngòc xal thìb albañil coꞌ mblobii thìb quèe coꞌ nayez coꞌseꞌ mbez albañil neꞌlide sirv quèe par tyub quèe squin yòo. Per ngo tedib albañil, coꞌ nac yub Diox, coꞌ mblít quèea par gàc quèea quèe coꞌ tyub squin yòo.
\v 12 No loo xganꞌ Diox coꞌ nac Jesucrist, coꞌ nee diꞌs nac xal quèea, yende nec thìb mèn coꞌ gác tíꞌ no làa mèn loo conꞌ ryes. Más de cona, tarte too Diox tedib mèn xàꞌ loo Jesucrist par gác mèna teláꞌ mèna naꞌ loo conꞌ ryes.
\p
\v 13 Coꞌseꞌ ñèe ryete mèn coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israela leꞌ Pedr ryop Juàn con dibaxlaꞌs ndyoodiꞌs, no mdaꞌ mèna cuent leꞌ Pedr ryop Juàn nac mèn coꞌ neꞌnqueꞌde arid scuel, no nac Pedr ryop Juàn xalqueꞌ chol mèn, sya, ante ngüiꞌ mèna no ante ñaa mèna. Syareꞌ mdaꞌ mèna cuent leꞌ Pedr ryop Juàn, lìcqueꞌ, mque tee no Jesús.
\v 14 Más de cona, ñèe mèna ndoo mbiꞌ coꞌ mbyaca con Pedr no Juàn. No por cona, yende chó diꞌs ngab mèna por ndxecloo mèna ñèe mèna Pedr ryop Juàn.
\v 15 Sya, mbli mèna mandad. Mbloꞌ mèn Pedr ryop Juàn làth rye mèn coꞌ ngureriꞌ,
\v 16 par noo noo tyoodiꞌs mèna con xtàa mèn cón cheꞌn Pedr ryop Juàn. Ndxab mèna:
\p ―¿Xá nee guꞌ, cara? ¿Cón li naꞌ con ryop mbiꞌ baꞌ? Tac ryete mèn coꞌ naban ciuda Jerusalén huen huen ndaꞌ cuent leꞌ ryop mbiꞌ baꞌ mbli ngòc thìb yalguzyeꞌ roo yalguzyeꞌ xèn loo mbiꞌ coj. No nalleꞌ yende mod gab naꞌ ilìcte mbli ryop mbiꞌi.
\v 17 Per nalleꞌ, par neꞌtolode yath yèn coꞌ mbli ryop mbiꞌ loo mèn, cuaꞌn naꞌ mod tezeb naꞌ ryop mbiꞌ par gàca desde nalleꞌ par delant, ya neꞌtolode tyoodiꞌs ryop mbiꞌ loo nec thìb mèn cón cheꞌn mbiꞌ coꞌ mbez ryop mbiꞌ ngroꞌ lèe Jesús coꞌ ñibeꞌ loo ryop mbiꞌ.
\p
\v 18 Ngoloa, ngurez mèna Pedr ryop Juàn. Mnibeꞌ yèe mèna. Ndxab mèna:
\p ―Desde nalleꞌ par delant, ya indlyaꞌste nuꞌ tolo tyoodiꞌs guꞌ no tolo luꞌ guꞌ loo mèn por cón cheꞌn mbiꞌ coꞌ mbez guꞌ ngroꞌ lèe Jesús, mbiꞌ coꞌ mbez guꞌ ñibeꞌ loo guꞌ par li guꞌ conꞌ ndlyaꞌs guꞌ.
\p
\v 19 Per Pedr ryop Juàn mcàb loo mèna. Ndxab Pedr ryop Juàn:
\p ―Leque guꞌ bli xtùuz coꞌ huenlequeꞌ ñeeneꞌ chéꞌ huen naca no chéꞌ nalì naca loo Diox más tyubdiꞌs nuꞌ loo guꞌ leque tyubdiꞌs nuꞌ loo Diox.
\v 20 Yende mod láꞌ nuꞌ par neꞌtyoodiꞌste nuꞌ cón cheꞌn conꞌ gunèe nuꞌ no cón cheꞌn conꞌ mbìn nuꞌ cón cheꞌn Jesús.
\p
\v 21 Sya, mèn coꞌ ñibeꞌ loo mèn nación Israela tataa mbli preb par mtezeb mèna Pedr con Juàn. Per yende cón mbli no mèna Pedr ryop Juàn. Mblaꞌ mèna ndyàa Pedr ryop Juàn. Neꞌngácte mèna ncuaꞌn mèna mod par tetìi mèna Pedr ryop Juàn tac ryete mèn coꞌ naban leꞌn ciuda Jerusalén mbez conꞌ roo conꞌ xèn mbli Diox por cón cheꞌn conꞌ coꞌ ngòc loo mbiꞌ coj.
\v 22 Mbiꞌ coꞌ mbyac por yalguzyeꞌ coꞌ ngòca, mbiꞌ nzoleꞌ masreꞌ choꞌ línꞌ.
\s Mèn coꞌ ndxelaꞌs loo Jesucrist mbez Diox par li Diox par gàpreꞌ mèn yalxlaꞌs loo Diox no yòo valor loo mèn loo cón cheꞌn Jesucrist.
\p
\v 23 Coꞌseꞌ mbláꞌ mèn coꞌ ñibeꞌ loo mèn nación Israel ndyàa Pedr ryop Juàn coꞌteꞌ nzo taamas myenꞌ coꞌ ndxàc xtàa Pedr ryop Juàn por cón cheꞌn Jesucrist, mdaꞌ ryop myenꞌ cuent ryete conꞌ mbli mèn coꞌ nac jef coꞌ más ñibeꞌ loo nguleyꞌ no rye mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel xal nac diꞌs coꞌ mnibeꞌ mèna loo ryop myenꞌ.
\v 24 Coꞌseꞌ mbìn myenꞌ xtàa Pedr ryop Juàn diꞌsa, thidte mqueltàa rye myenꞌa par ngurez myenꞌ Diox. Ndxab myenꞌ loo Diox:
\p ―Tad Diox, Uꞌ coꞌ nac Tad Diox nuꞌ, Uꞌ nac Diox coꞌ mblec no coꞌ mxenꞌ béꞌ no izlyoꞌ no níttóꞌ no ryethe taamás conꞌ coꞌ nziriꞌ.
\v 25 Por cón cheꞌn Xpii Natúꞌ mdeꞌth David diꞌs coꞌ ndxab Uꞌ loo David gunii David, David coꞌ mxoꞌf zinꞌ cón cheꞌn Uꞌ. Taandxèꞌ gunii David diꞌs coꞌ ndxab Uꞌ loo David:
\pi1 ¿Chonon susqueꞌ ndxátbèe mèn chol nación no chol mèn ndli xtùuz conꞌ anxleꞌ, yoo?
\pi1
\v 26 Leꞌ mèn coꞌ ñibeꞌ loo xtàa loo izlyoꞌ na, nguátbèe, ne. Lomisqueꞌ, ryete mèn coꞌ ñibeꞌ loo chol nación no loo chol yèez, thidte ngòc ngolo ngolaꞌs loo Diox no loo Crist coꞌ mnibeꞌ Diox mbiꞌth loo izlyoꞌ.
\p
\v 27 Tolo ndxab mèna loo Diox láth mbez mèna Diox:
\p ―Lìcqueꞌ, Tad, Herod no Pons Pilat thidte ngòc leꞌn ciuda Jerusalén ndxèꞌ con mèn tith no con mèn nación Israel par ngòc mèna ngolo ngolaꞌs cheꞌn Jesús coꞌ ngòc thìb mbiꞌ natúꞌ coꞌ mxoꞌf zinꞌ cón cheꞌn Uꞌ, no coꞌ mcui Uꞌ, no coꞌ mtelꞌ Uꞌ par xoꞌf zinꞌ Jesús cón cheꞌn Uꞌ.
\v 28 Coꞌseꞌ mtetìi mèn Jesús coꞌ nac xganꞌ Uꞌ, mbli mèn conꞌa xalqueꞌ mblobeꞌ lezoꞌ Uꞌ no xalqueꞌ mnibeꞌ Uꞌ lezoꞌ Uꞌ par gàca tataa loo Jesús no ngòca.
\v 29 No nalleꞌ, Tad, huiꞌ Uꞌ loo mèna leꞌ mèna ngue li preb par tezeb mèna nuꞌ. Nalleꞌ ñaꞌb nuꞌ loo Uꞌ leꞌ Uꞌ li par tolo gàp nuꞌ yalxlaꞌs loo Uꞌ, no neꞌzyebte nuꞌ par co nuꞌ yalbàn no teꞌth nuꞌ cón cheꞌn Uꞌ, nuꞌ coꞌ ngue xoꞌf zinꞌ cón cheꞌn Uꞌ.
\v 30 No ñaꞌb nuꞌ loo Uꞌ li Uꞌ par teyac nuꞌ mèn no li nuꞌ señ coꞌ nac yalguzyeꞌ por cón cheꞌn conꞌ roo conꞌ xèn coꞌ nzo laꞌs nii xganꞌ Uꞌ Jesús no coꞌ nzo laꞌs yaꞌ xganꞌ Uꞌ Jesús, Jesús coꞌ nac mbiꞌ natúꞌ.
\p
\v 31 Coꞌseꞌ ngolo ngurez myenꞌ Diox, chàa, mbuin xòo coꞌteꞌ nziriꞌ myenꞌ. No leque hora mtlo mnibeꞌpeꞌ Xpii Natúꞌ loo myenꞌ. No dibaxlaꞌs ngo myenꞌ yalbàn no ndeꞌth myenꞌ cón cheꞌn diꞌs ndac cheꞌn Diox loo mèn.
\s Ryethe conꞌ coꞌ ngòc cheꞌnpeꞌ thìb thìb mèn coꞌ ngolaꞌs loo Jesús mbli zinꞌ rye mèn coꞌ ndxelaꞌs.
\p
\v 32 Ryethe mèn coꞌ ngolaꞌs loo cón cheꞌn Jesús thidte mbli mèna xtùuz no thidte mdenꞌ lezoꞌ mèna cón cheꞌn Diox no cón cheꞌn hues xtàa mèn por cón cheꞌn Jesús. Nec thìb mèna neꞌngabte leꞌ conꞌ coꞌ nac cheꞌnpeꞌ thìb thìb mèn nac ante cheꞌn mèn. Ndxeꞌlequeꞌ, ryethe conꞌ coꞌ ngòc cheꞌnpeꞌ thìb thìb mèn mbli mèna cuent ngòc cheꞌnpeꞌ ryethe mèna.
\v 33 Leꞌ rye myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús na, myenꞌ tolo mdaꞌ cuent no ngo myenꞌ yalbàn loo mèn leꞌ Tad Jesús ngro xbanqueꞌ por cón cheꞌn conꞌ roo conꞌ xèn coꞌ nzo laꞌs nii Diox no coꞌ nzo laꞌs yaꞌ Diox. Leꞌ Diox na, toloqueꞌ angndli huax conꞌ ndac loo rye mèn coꞌ ngolaꞌs.
\v 34 Yende chó mèna ngòc mèn coꞌ nde che conꞌ loo làth mèna tac ryete mèn coꞌ ngòp xyòn no coꞌ ngòp liz, mthoꞌ mèna xyòn mèna no liz mèna. No mque no mèna tmi.
\v 35 Mdaꞌ mèna tmi loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús par quiꞌth myenꞌ tmi loo thìb thìb mèn, mèn coꞌ naquin que no conꞌ.
\v 36 Ngo thìb mbiꞌ coꞌ ngue tan cuent lool trèꞌ, Teofl. Mbiꞌa lèe Chè. Ngòc mbiꞌ nguleyꞌ. Mxoꞌf zinꞌ mbiꞌ zinꞌ coꞌ ndli nguleyꞌ leꞌn templ ndooreꞌ coꞌseꞌ yilaꞌs mbiꞌ loo Jesús. Mbiꞌa ngóol leꞌn thìb yòo biiz leꞌn níttóꞌ coꞌ nac làaz cheꞌn làaz mèn chipre. Mbiꞌa mdub lèe myenꞌ xinꞌ mtéꞌth Jesús coꞌ ndxeꞌ diꞌs tedib lèe coꞌ lèe Mbèlꞌ. Diꞌs coꞌ nac lèe mbiꞌa nee diꞌs Mbiꞌ Coꞌ Ntegán Lezoꞌ Mèn.
\v 37 Mbiꞌa mthoꞌ thìb leꞌ yòo bteꞌf coꞌ mque no mbiꞌ. No mque no mbiꞌ tmi. Ngoloa, mdaꞌ mbiꞌ tmia loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús par quiꞌthguèꞌ myenꞌ tmia, ne.
\c 5
\s Ryop saꞌl Anani mcuaꞌn xtol loo Diox.
\p
\v 1 Làth mèna ngo thìb mbiꞌ coꞌ ngroꞌ lèe Anani no ngo saꞌl mbiꞌ coꞌ ngroꞌ lèe Safir. Mthoꞌ ryop saꞌl Anani thìb leꞌ yòo bteꞌf coꞌ ngòc cheꞌn ryop saꞌl Anani par ryoꞌ tmi loo yòo bteꞌfa càa mèn prob.
\v 2 Per mbli ryop saꞌl Anani thìb conꞌ. Ale xexte mxen ryop saꞌl Anani ndxep tmi coꞌ mthoꞌ Anani yòo bteꞌfa. Leꞌ taamas tmi na, mdaꞌ Anani loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Ndxab Anani loo myenꞌ:
\p ―Fcàayaꞌ guꞌ rye tmi ndxèꞌ. Tmi ndxèꞌ mthon xyònen.
\p Per máa Safir naneequeꞌ por plál mthoꞌ Anani xyòn Anani. No más de cona, naneequeꞌ Safir leꞌ Anani xexte mcasloo ndxep tmia.
\v 3 Per Xpii Natúꞌ mbli par non Pedr conꞌ mbli ryop saꞌl Anani. Sya, ndxab Pedr loo Anani:
\p ―Anani, ¿chonon mblaꞌl mbli Mebizya par toxcuaꞌl yalgutyèꞌ loo Xpii Natúꞌ coꞌseꞌ naneel leꞌ lùu xexte mxen ndxep tmi coꞌ mthoꞌl xyònla, àꞌ?
\v 4 ¿Chéꞌ inacte yòo bteꞌf xyònl par ñibeꞌl xyònl ndooreꞌ thoꞌl xyònl, càꞌ? No ¿chéꞌ neꞌngàcte cheꞌnl tmi coꞌ mthoꞌl xyònl par ñibeꞌl tmia, càꞌ? Yende chó ñibeꞌ yèe loo ryop saꞌl guꞌ par taꞌ guꞌ rye tmi coꞌ mthoꞌ guꞌ xyòn guꞌ loon. ¿Chonon mblil xtùuz par xexte mcaslool ndxep tmia, àꞌ? Lùu mblyaꞌs nquedìil mèn por mtoxcual yalgutyèꞌa. Per ndxeꞌlequeꞌ, loo Diox mtoxcual yalgutyèꞌ.
\p
\v 5 Coꞌseꞌ mbìn Anani tataa ndxab Pedr loo Anani, ale, chàa, ngulàa Anani loo yòo. Nguth Anani. Leꞌ ryete mèn coꞌ gunèe no coꞌ mbìn cón cheꞌn conꞌ coꞌ ngòc loo Anani, ryete mèna anzeꞌf mzyeb.
\v 6 Ngoloa, ngòo plá myenꞌbiꞌ coꞌteꞌ nax thebol Anani. Mchiꞌx myenꞌ thìb sab lad thebol Anani. No mbeꞌ myenꞌ thebol Anani. Ngua caꞌs myenꞌ thebol Anani panteón.
\p
\v 7 Casqueꞌ ndxàc son hor ngòc conꞌa loo Anani, coꞌseꞌ guneei loo Anani, ngòo xaꞌgot coꞌ ngòc saꞌl Anani coꞌteꞌ nzo Pedr. No neꞌndaꞌde xaꞌ cuent cón ngòc loo Anani.
\v 8 Pedr mnibdiꞌs loo saꞌl Anani. Ndxab Pedr:
\p ―Gunee loon. ¿Chéꞌ tmi coꞌ mcàayan nac ryete tmi coꞌ mthoꞌ guꞌ xyòn guꞌ, càꞌ?
\p Saꞌl Anani ndxab:
\p ―Aa. Ryete tmia nac tmi coꞌ ngòc tmi coꞌ mthoꞌ nuꞌ xyòn nuꞌ, pues.
\p
\v 9 Leꞌ sya, ndxab Pedr loo saꞌl thebol Anani:
\p ―¿Chonon thidte lal ngòc ryop saꞌl guꞌ par mbli guꞌ preb Xpii Natúꞌ par ñee guꞌ ñeeneꞌ ¿chéꞌ tli guꞌ gan li guꞌ conꞌ yeꞌrsinꞌ no yende cón li no Xpii Natúꞌ guꞌ por conꞌ yeꞌrsinꞌ coꞌ mbli guꞌ, càꞌ? Huiꞌ nexa. Myenꞌ coꞌ ngua caꞌs thebol saꞌl lùu panteón ndyeꞌth bè baꞌ. No nalleꞌ ñeei lool. Hueꞌ myenꞌ lùu par ya caꞌs myenꞌ lùu, ne.
\p
\v 10 Leque hora, chàa, ngulàa Safir saꞌl thebol Anani loo yòo loo Pedr. Nguth Safir. Leꞌpeꞌ ngòo myenꞌ coꞌ ngua caꞌs thebol Anani. Ale gunèe myenꞌ ngololeꞌ nguth Safir saꞌl thebol Anani, ne. Que nzo neꞌñee lezoꞌ myenꞌ mbloꞌ myenꞌ thebol Safir saꞌl thebol Anani. Ngua caꞌs myenꞌ thebol Safir saꞌl thebol Anani leque cuat thebol Anani.
\v 11 Sya, ryete mèn coꞌ nqueltàa loo cón cheꞌn Diox anzeꞌf mzyeb. No ryete taamas mèn coꞌ mbìn cón cheꞌn conꞌ ngòca, anzeꞌf mzyeb.
\s Anzeꞌf thìb yalguzyeꞌ roo no yalguzyeꞌ xèn no señ mbli myenꞌ tiempa.
\p
\v 12 Myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús mbli huax señ no huax yalguzyeꞌ loo mèn coꞌ naban ciuda Jerusalén. No ryete mèn coꞌ ngolaꞌs loo Jesús thidte nqueltàa atate huiz ro corredor cheꞌn templ coꞌ mbez mèn lèe Portal cheꞌn Salomón.
\v 13 Nec thìb mèn coꞌ tarte tyal yilaꞌs loo Jesús indlide ryes par queltàa mèna con mèn coꞌ ngolaꞌs loo Jesús. Per mastaleꞌ tataa ndli mèna, ndxàc amiu mèna con mèn coꞌ ndxelaꞌs no ndli mèna cas loo mèn coꞌ ndxelaꞌs loo Jesús.
\v 14 Per leꞌn huiza anzeꞌf thìb mèn ngolaꞌs loo Jesús. Leꞌleꞌ ngolaꞌs mènbiꞌ no leꞌleꞌ ngolaꞌs mèngot loo Jesús.
\v 15 Ale axta ngoꞌ mèna mèn yíiz ro ned. No nguix mèna mèn yíiz loo lúnꞌ no loo cami par ante coꞌseꞌ riid Pedr par neda nzi quee lezoꞌ mèn yíiza, ante riid xin Pedr loo mèn yíiza yac mèn yíiza.
\v 16 Lomisqueꞌ ne, mèn cheꞌn ryete yèez coꞌ nziriꞌ gax loo ciuda Jerusalén nde no mèn yíiz no mèn coꞌ nquée mbii cheꞌn xpii yeꞌrsinꞌ loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Ryete mèna mbyac no ngro xpii yeꞌrsinꞌ loo mèna.
\s Mèn mque tee mdub nguꞌs Pedr ryop Juàn.
\p
\v 17 Leꞌ sya, mèn coꞌ nac jef coꞌ más ñibeꞌ loo rye nguleyꞌ no mèn coꞌ nzo lad cheꞌn mèn xleyꞌ saduce coꞌ ngo no jef, ryete mèna ngòo xyàn lezoꞌ gunèe myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Ngocloo mèna gunèe mèna myenꞌ.
\v 18 Mxen mèna myenꞌ. Mqueꞌ mèna myenꞌ leziꞌf.
\v 19 Per Tad Diox mbli leꞌ thìb angl cheꞌn Tad mbiꞌth xhuina par mxalꞌ angl ro leziꞌf par ngroꞌ myenꞌ leziꞌf. Ndxab angl loo myenꞌ:
\p
\v 20 ―Huàa guꞌ leꞌn templ. No blo guꞌ valor loo guꞌ. Ftaꞌ guꞌ cuent cón cheꞌn diꞌs ndac coꞌ ndluꞌ xá mod que no mèn tedib yalnaban cub.
\p
\v 21 Coꞌseꞌ mbìn myenꞌ tataa ndxab angl loo myenꞌ no coꞌseꞌ ngo nìi izlyoꞌ tedib huiz coꞌ nde nquea, taate ñaa mbeꞌth izlyoꞌ ngo myenꞌ leꞌn templ. Mtlo myenꞌ, mbluꞌ myenꞌ no mdoodiꞌs myenꞌ cón cheꞌn diꞌs ndac cheꞌn Jesús loo mèn.
\p Láth ngue luꞌ myenꞌ mèn leꞌn templ, jef coꞌ más ñibeꞌ loo rye nguleyꞌ no rye mèn coꞌ nzo no jef, thidte mqueltàa mèna con mèngool coꞌ ñibeꞌ, no coꞌ ndyoo naa, no coꞌ ndyoo ner loo mèn nación Israel. Sya, mnibeꞌ rye mèna ya loꞌ solndad myenꞌ xinꞌ mtéꞌth Jesús, coꞌ ndxeꞌ diꞌs loo mèn, leziꞌf.
\v 22 Per coꞌseꞌ mzin solndad coꞌ nquenap templ ro leziꞌf, ya yende chó myenꞌ nzo leꞌn leziꞌf. Sya, mbere solndad, ndyeꞌth solndad loo rye mèna. Mdaꞌ solndad cuent loo mèna leꞌ myenꞌ xinꞌ mtéꞌth Jesús ya yende leziꞌf.
\v 23 Ndxab solndad loo mèna:
\p ―Coꞌseꞌ mzin nuꞌ ro leziꞌf, quej ndoo nauꞌ leziꞌf. Nguequeꞌ lyab leziꞌf. Leꞌ solndad na, nziriꞌqueꞌ. Nzi quenap solndad ro leziꞌf. Per coꞌseꞌ mxalꞌ nuꞌ leziꞌf par ngòo nuꞌ leꞌn leziꞌf, gunèe nuꞌ yende chó mèn nac leꞌn leziꞌf, cara.
\p
\v 24 Coꞌseꞌ mbìn mbiꞌ coꞌ nac jef coꞌ más ñibeꞌ loo rye nguleyꞌ, no mbiꞌ coꞌ nac jef loo mèn coꞌ nquenap templ, no rye jef coꞌ más ñibeꞌ loo rye nguleyꞌ ya yende ryop myenꞌ leziꞌf, mnibdiꞌs mèna loo xtàa mèna no ndxab mèna loo xtàa mèna:
\p ―¿Xá mod li naꞌ par ya neꞌtolode li myenꞌ xal ndli myenꞌ loo mèn? No nalleꞌ ¿xá mod ngroꞌ ryop myenꞌ leziꞌf? ¿Pá ned nda ryop myenꞌ?
\p
\v 25 Leꞌpeꞌ ndyub rez cón cheꞌn myenꞌ xinꞌ mtéꞌth Jesús coꞌ ndxeꞌ diꞌs, mzin thìb mbiꞌ loo rye mèn coꞌ ñibeꞌ. Ndxab mbiꞌ loo mèna:
\p ―Ryop myenꞌ coꞌ mqueꞌ guꞌ leziꞌf náꞌa, myenꞌ nzo leꞌn templ nalleꞌqueꞌ. Ngue luꞌ myenꞌ mèn no ngue go myenꞌ yalbàn loo mèn leꞌn templ.
\p
\v 26 Sya, mbiꞌ coꞌ nac jef coꞌ ñibeꞌ loo solndad coꞌ nquenap templ, ngua no mbiꞌ solndad coꞌ nquenap templ leꞌn templ par ngua xi mbiꞌ con solndad ryop myenꞌ leꞌn templ. Nadoꞌ diꞌs nadoꞌ cuent gunii mbiꞌ loo ryop myenꞌ tac mbiꞌ mzyeb neꞌ yiloa ngue yátbèe mèn coꞌ nzo no myenꞌ leꞌn templ no gaaꞌd quèe mèna mbiꞌ con solndad.
\v 27 Coꞌseꞌ ndyeꞌth no mbiꞌ coꞌ nac jef no solndad ryop myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús, mbeꞌ mbiꞌ con solndad ryop myenꞌ loo mèn coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel. Leꞌ mbiꞌ coꞌ nac jef coꞌ más ñibeꞌ loo nguleyꞌ na, ndxab loo ryop myenꞌ:
\p
\v 28 ―Nuꞌ mnibeꞌ yèe loo guꞌ par ya neꞌtolode teꞌth guꞌ no luꞌ guꞌ loo mèn por cón cheꞌn mbiꞌ coꞌ mbez guꞌ lèe Jesús. No nalleꞌ huiꞌ guꞌ xá ñaa coꞌ ngue li guꞌ. Ya ngololeꞌ mque tee luꞌ guꞌ loo mèn leꞌn ciuda Jerusalén cón cheꞌn mbiꞌa. No ale ndlyaꞌs guꞌ quexùꞌ guꞌ no queꞌ fals guꞌ nuꞌ loo ryete mèn ciuda Jerusalén leꞌ nuꞌ ndxàp dol por cón cheꞌn mèn coꞌ mbeth mbiꞌa.
\p
\v 29 Sya, mcàb Pedr con taamas myenꞌ coꞌ ndxàc xtàa Pedr loo mèna. Ndxab myenꞌ:
\p ―Yende xàa. Ndxàalqueꞌ más tyubdiꞌs nuꞌ loo Diox leque tyubdiꞌs nuꞌ loo mèn coꞌ lyaꞌs ñibeꞌ yèe loo nuꞌ.
\v 30 Diox coꞌ ngòc Diox xudgool naꞌ póla, Diox mbli par ngro xban Jesús coꞌ nac leque yub Jesús coꞌ mbli guꞌ nguth loo thìb cruz.
\v 31 Coꞌseꞌ ngolo ngro xban Jesús, Diox mbli por cón cheꞌn conꞌ roo conꞌ xèn coꞌ nzo laꞌs nii Diox no coꞌ nzo laꞌs yaꞌ Diox par ngo Jesús coꞌteꞌ nzo Diox. No mbli Diox par gàc Jesús xaꞌ roo xaꞌ xèn coꞌ ñibeꞌ loo ryethe conꞌ. No mbli Diox par nac Jesús thìb mbiꞌ coꞌ teláꞌ mèn loo conꞌ ryes. No li Jesús par xyalꞌ ned xyalꞌ yóꞌ par lyàa yéc mèn nación Israel no lyàa lezoꞌ mèn nación Israel par zyeꞌ mod coꞌ ndxàp mèna loo Diox no par tataa mod tyonꞌ xtol mèna no lyáꞌ mèna loo conꞌ ryes.
\v 32 Ryethe conꞌ coꞌ ngòc loo Jesús, nuꞌ ndaꞌ cuenta no nanee nuꞌ xá mod ngòca. Xpii Natúꞌ cheꞌn Diox, ne, ndaꞌ cuent cón cheꞌn conꞌ ngòc loo Jesús. Xpii Natúꞌa nac leque Xpii Natúꞌ coꞌ mblàa Diox loo mèn, mèn coꞌ ndyubdiꞌs loo Diox.
\p
\v 33 Coꞌseꞌ mbìn rye mèn coꞌ nac mèn coꞌ ndyoo ner no coꞌ ndyoo naa, no mèn coꞌ nac jef coꞌ más ñibeꞌ loo rye nguleyꞌ, diꞌs coꞌ ndxab Pedr, anzeꞌf ngocloo mèna no capas mblyaꞌs mèna leque hora nguth mèna Pedr con myenꞌ xtàa Pedr.
\v 34 Per làth rye mèn coꞌ ñibeꞌa ngo thìb mbiꞌ coꞌ ngroꞌ lèe Gamaliel. Mbiꞌa ngòc maistr coꞌ ndluꞌ cón cheꞌn ley coꞌ mxoꞌf Moisés loo mèn. No ryete mèna ndxàp mod ñèe mèn mbiꞌa. Thidte ngo too ndeꞌf mbiꞌ làth mèna. Mnibeꞌ mbiꞌ loo mèn ryoꞌ myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús par fuer setilte.
\v 35 Ndxab mbiꞌ loo mèn coꞌ ñibeꞌ coꞌ mqueltàaa:
\p ―Guꞌ coꞌ nac mèn nación Israel, bli guꞌ xtùuz coꞌ huenlequeꞌ cón ngue li guꞌ con myenꞌ baꞌ, yey.
\v 36 Fteꞌ lezoꞌ guꞌ coꞌ huenlequeꞌ ndxàc pláte línꞌ no maste ngo thìb mbiꞌ coꞌ ngroꞌ lèe Teud coꞌ mque tee làth mèn. Coꞌseꞌ mque tee Teud làth mèn, mbez Teud leꞌ Teud nac thìb mbiꞌ coꞌ anzeꞌf ntac. No ndaꞌqueꞌ guꞌ cuent mque tee no Teud casqueꞌ thap ayo mèn. Per ngoloa, mbeth mèn Teud. Leꞌ rye mèn coꞌ mque tee no Teuda na, mxonꞌ no mbryeꞌs mèna. No tataa mod mblith no cón cheꞌn Teud.
\v 37 Lomisqueꞌ ne, más nde tee huiz coꞌseꞌ ngòc tiemp coꞌ mbli mèn mdyoxcuaꞌ yeꞌs coꞌ lèe padron, mque tee tedib mbiꞌ coꞌ ngroꞌ lèe Jud coꞌ ngòc mèn gulàaz cheꞌn làaz mèn galile. Lomisqueꞌ, anzeꞌf thìb mèn mque tee no Jud. Ngoloa, mbeth mèn Jud, ne. No ryete mèn coꞌ mdoo nque xís Jud mbryeꞌs no mque tee xonꞌ mèna. Tataa mod mblith no cón cheꞌn Jud, ne.
\v 38 Cona, ngue niin loo guꞌ: Más huen bláꞌ guꞌ myenꞌ baꞌ no neꞌlaꞌs rode guꞌ cón cheꞌn myenꞌ baꞌ. Tac cheleꞌ conꞌ coꞌ nac cón cheꞌn myenꞌ baꞌ nac xal cón cheꞌn chol mèn loo izlyoꞌ, leꞌi lyuxqueꞌ, yey.
\v 39 Per cheleꞌ conꞌ coꞌ nac cón cheꞌn myenꞌ baꞌ nac cón cheꞌn Diox, pà li guꞌ gan loo myenꞌ neꞌque tee lide myenꞌa. Chó Diox chó nee guꞌ neꞌ neꞌ ngue cuaꞌn xóꞌ guꞌ coꞌ nac cón cheꞌn Diox.
\p
\v 40 Coꞌseꞌ ngolo mbìn mèna tataa ndxab Gamaliel, ryete mèna mblec lezoꞌ no mdenꞌ mèna lìcqueꞌ nac diꞌs coꞌ mbez Gamaliel. Ngoloa, ngurez mèna myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Mnibeꞌ mèna mdaꞌ mèn cheꞌn myenꞌ. Ngolo mdaꞌ men cheꞌn myenꞌ, mnibeꞌ yèe mèna loo myenꞌ ya neꞌtolode tyoodiꞌs myenꞌ loo mèn por cón cheꞌn Jesús. Ngoloa, mblaꞌ mèna ndyàa myenꞌ.
\v 41 Sya, ngroꞌ myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Ndyac lezoꞌ myenꞌ ngroꞌ myenꞌ làth rye mèn coꞌ ñibeꞌa tac yub Diox mdaꞌ lugar ndxàalqueꞌ tyactìi myenꞌ por cón cheꞌn Jesús.
\v 42 Per mastaleꞌ tataa ngòca loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús, neꞌngláꞌde myenꞌ par tolo mdoodiꞌs myenꞌ no par tolo mbluꞌ myenꞌ cón cheꞌn Jesús ryete huiz, que naca leꞌn templ, que naca liz por liz mèn.
\c 6
\s Myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús mbli par mcui mèn gaz mèn coꞌ ndxelaꞌspeꞌ par tyoo mèna altant loo mèn coꞌ ngolaꞌs loo Jesús no loo cón cheꞌn Jesús.
\p
\v 1 Leꞌn huiza sate más ndoo queltàa mèn coꞌ ngolaꞌs loo Jesús no loo cón cheꞌn Jesús. Sya, mtlo mèn grieg coꞌ ngolaꞌs coꞌ nzo làtha, mco ñee mèn grieg loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús cón cheꞌn mèn coꞌ ndyoodiꞌs diꞌstèe cheꞌn mèn nación Israel. Mbez mèna loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús leꞌ mèngot coꞌ nac mèngot viud coꞌ nac mèn gulàaz mèn grieg mbez indlide mèn nación Israel cas loo mèngota coꞌseꞌ ndaꞌ mèn conꞌ ndxuhua mèn atate huiz.
\v 2 Sya, ryete siꞌ fchop myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús mbli par thidte mqueltàa ryete mèn coꞌ ngolaꞌs loo Jesús coꞌ nac Crist. Ndxab myenꞌ loo mèna:
\p ―Iléꞌde naca loo nuꞌ par neꞌcode nuꞌ yalbàn cón cheꞌn diꞌs ndac cheꞌn Diox par tyoo naa nuꞌ no li nuꞌ sirv loo mes coꞌseꞌ ndxuhua mèn.
\v 3 Por cona, más huen gàca cuaꞌn guꞌ no cui guꞌ gaz mèn coꞌ ndli guꞌ cuent nac mèn coꞌ más ndxàp guꞌ yalxlaꞌs ñèe guꞌ làth guꞌ no mèn coꞌ huen huen ndxòn ndac coꞌ nac cón cheꞌn Diox, mèn coꞌ ñibeꞌpeꞌ Xpii Natúꞌ loo par xoꞌf zinꞌ mèna zinꞌ coꞌ mbez guꞌ baꞌ.
\v 4 Leꞌ nuꞌ na, toloqueꞌ cuez Diox no toloqueꞌ co nuꞌ yalbàn cón cheꞌn diꞌs ndac cheꞌn Diox.
\p
\v 5 Ryete mèna thidte mblo lezoꞌ no thidte ngòc xtùuz mèna cón cheꞌn coꞌ ndxab myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Sya, mcui mèn coꞌ ndxelaꞌsa thìb mbiꞌ coꞌ lèe Steb coꞌ axta arid ngòp yalxlaꞌs loo Diox no coꞌ mnibeꞌpeꞌ Xpii Natúꞌ loo. No mcui mèna taamas mèn coꞌ lèe Lip, no Procor, no Nicanor, no Timón, no Parmen, no tedib mbiꞌ coꞌ lèe Lax coꞌ ngòc thìb mbiꞌ gulàaz cheꞌn làaz mèn antioqui. Laxa ngòo loo xleyꞌ mèn nación Israel thìb cuaꞌa.
\v 6 Ngoloa, ngua no mèn rye gaz mèna loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Leꞌ myenꞌ na, ngurez Diox por cón cheꞌn mèna no por cón cheꞌn zinꞌ coꞌ xoꞌf zinꞌ mèna. No mxoꞌf myenꞌ yaꞌ myenꞌ loo mèna par mbluꞌ myenꞌ leꞌ myenꞌ ndxòo lezoꞌ leꞌ gaz mèna xoꞌf zinꞌ zinꞌa.
\p
\v 7 Leꞌ diꞌs ndac coꞌ nac diꞌs ndac cheꞌn Diox na, sate más ndoo yath no ndoo yèn no sate más ndoo queltàa mèn coꞌ ndxelaꞌs loo Jesús leꞌn ciuda Jerusalén. No axta huax nguleyꞌ coꞌ ngòc nguleyꞌ loo mèn nación Israel mdyal ngolaꞌs no ngòo nguleyꞌa loo cón cheꞌn Jesús coꞌ nac Crist.
\s Mèn mxen Steb xal thìb pres.
\p
\v 8 Ngo thìb mbiꞌ coꞌ ngolaꞌs loo Jesús coꞌ ngroꞌ lèe Steb. Loo Steba anzeꞌf thìb conꞌ ndac ngroꞌ lezoꞌ Diox angmbli Diox. No mbli Diox ngòp Steb huax conꞌ roo no huax conꞌ xèn laꞌs nii Steb no laꞌs yaꞌ Steb par mbli Steb huax yalguzyeꞌ. No mbli Steb huax conꞌ coꞌ ngòc xal señ loo mèn.
\v 9 Leꞌn tiempa ngo huax mèn coꞌ mqueltàa loo cón cheꞌn Diox por cón cheꞌn Jesús. Ryete mèna thidte mqueltàa leꞌn huax sinagog leꞌn ciuda Jerusalén. Làth rye mèna ngo thìb ned mèn coꞌ nqueltàa leꞌn thìb sinagog cheꞌn mèn coꞌ ngòc moz yèe ndooreꞌ. Per coꞌse mque tee Steb tiempa yende chó mèn mbee ncà mèna. Mqueltàa ndxep mèn sinagoga con ndxep mèn gulàaz cheꞌn làaz mèn ciren, no con ndxep mèn gulàaz cheꞌn làaz mèn ciuda Alejandri, no con ndxep mèn gulàaz cheꞌn làaz mèn cilis, no ndxep mèn gulàaz cheꞌn làaz mèn asia. Ryete mèna mqueltàa par noo noo mdoodiꞌs mèna con Steb, no par golꞌ diꞌs mèn diꞌs con Steb, no par cà diꞌs mèn diꞌs loo Steb.
\v 10 Per thidtene neꞌngácte rye mèna ntauꞌ mèna loo diꞌs coꞌ ndyoodiꞌs Steb. No neꞌ neꞌ ngác mèna ncàb mèna loo diꞌs Steb tac Xpii Natúꞌ mbluꞌ loo Steb xá mod tyoodiꞌs Steb por cón cheꞌn conꞌ coꞌ anzeꞌf ndxác Xpii Natúꞌ.
\v 11 Sya, asembli mèna par mdix mèna ndxep tmi mcàa plá mèn par toxcuaꞌ mèna yalgutyèꞌ cón cheꞌn Steb par gab mèna leꞌ Steb ndyoodiꞌs ngòc nguàal diꞌs cón cheꞌn Moisés no cón cheꞌn Diox.
\v 12 Tataa mod mbli mèna par nguátbèe mèn ciuda Jerusalén, no mèngool coꞌ ndyoo ner no coꞌ ndyoo naa loo mèn nación Israel, no mèn coꞌ ngòc maistr coꞌ ndluꞌ cón cheꞌn ley coꞌ mxoꞌf Moisés loo mèn. Rye mèna mtauꞌ loo Steb no mxen mcàa mèna Steb. Mbeꞌ mèna Steb loo mèn coꞌ más ñibeꞌ loo mèn nación Israel.
\v 13 No mcuaꞌn mèna mod, ne, par mcuaꞌn mèna mèn coꞌ mquexùꞌ mqueꞌ fals Steb. Ndxab mèna:
\p ―Mbiꞌ ndxèꞌ thidtenequeꞌ ñii yèe ñii tìi cón cheꞌn templ no cón cheꞌn ley coꞌ mxoꞌf Moisés loo mèn.
\v 14 Nuꞌ ndxòn leꞌ mbiꞌ mbez loo mèn leꞌ Jesús coꞌ ngòc mèn yèez Nazaret telux templ. No li Jesús par zyeꞌ mod no costumbr coꞌ mtanꞌ Moisés loo naꞌ.
\p
\v 15 Sya, ryete mèn coꞌ ñibeꞌ coꞌ mqueltàaa no taamas mèn coꞌ nzi ndub no mèna tya, coꞌseꞌ mbuiꞌ mèna loo Steb, mxac mèna leꞌ loo Steb ñaa xal ñaa loo thìb angl.
\c 7
\s Steb mdub razon Steb loo mèn hora.
\p
\v 1 Sya mnibdiꞌs mbiꞌ coꞌ nac jef coꞌ más ñibeꞌ loo nguleyꞌ loo Steb. Ndxab mbiꞌ loo Steb:
\p ―¿Chéꞌ, lìcqueꞌ, ryete diꞌs baꞌ mdoodiꞌsl loo mèn, càꞌ, Steb?
\p
\v 2 Steb mcàb. Ndxab Steb loo mèna:
\p ―Guꞌ coꞌ nac mèn gulàaz daa no guꞌ coꞌ nac xud yii no xud yèez coꞌ nac làaz daa, daa ngue li cas loo guꞌ. Bìn guꞌ diꞌs coꞌ nde toodizen loo guꞌ: Diox naꞌ coꞌ nac thìb Diox coꞌ nquée xnìi no coꞌ ndxaaꞌd bèel, Diox mbluꞌ loo loo xudgool naꞌ Abraham coꞌseꞌ ngo Abraham làaz cheꞌn làaz mèn mesopotam ndooreꞌ ya ban Abraham par ned làaz mèn harán.
\v 3 Ndxab Diox loo Abraham:
\pi1 Groꞌ lizl no groꞌ làazl no bláꞌ ryete mèn coꞌ nac mèn gulizl. Fxen ned, huàa par ned làaz mèn coꞌ luꞌen lool.
\m
\v 4 Sya, ngroꞌ Abraham làaz mèn calde coꞌ ngòc liz no làaz Abraham ndooreꞌ par ngua ban Abraham làaz mèn harán. Ngoloa, nguth xud Abraham. Sya, mbli Diox mbyeꞌth Abraham trèꞌ coꞌteꞌ nac làaz naꞌ nalleꞌ.
\v 5 Per neꞌnglide Diox ngàp Abraham nec thìb cheꞌn Abraham trèꞌ coꞌteꞌ nac làaz naꞌ nalleꞌ. Neꞌ neꞌ ngli Diox par ngàp Abraham nec thìb leꞌ yòo bteꞌf coꞌteꞌ ndub Abraham liz Abraham. Per mastaleꞌ tataa mbli Diox loo Abraham, Diox mcàbgòn loo Abraham taꞌ Diox conꞌ coꞌ gàc cheꞌn Abraham yiloa. No coꞌseꞌ yilo gath Abraham, gàc cheꞌn xinꞌ Abraham conꞌ coꞌ gàc cheꞌn Abraham mastaleꞌ coꞌseꞌ ndxab Diox gàca tataa loo Abraham tarte que no Abraham xinꞌ Abraham.
\v 6 Más de cona, Diox ndxab loo Abraham leꞌ rye mèn coꞌ gàc bin Abraham, mèna que tee ban xal mèn tith coꞌteꞌ nac liz no làaz mèn tith coꞌ nac thìb nación cheꞌn tedib mèn tith. No gàc mèn bin Abraham moz yèe loo mèn nación titha. No tetìixùꞌ mèn nación mèn titha mèn bin Abraham leꞌn thap ayo línꞌ.
\v 7 Ndxab Diox loo Abraham, ne:
\pi1 Na tub rez cón cheꞌn mèn nación tith coꞌ li gàc bin lùu moz yèe loo mèna. Yiloa, lin par ryoꞌ bin lùua tya. No li mèn bin lùu sirv loon trèꞌ.
\m
\v 8 Diox mbli ngòc thìb conveñ con Abraham. No mnibeꞌ Diox loo Abraham leque Abraham mbli ngòc circuncidar Abraham par mque no Abraham thìb señ, coꞌ nee diꞌs, cón cheꞌn conveñ coꞌ mbli Diox con Abraham. Por cona, coꞌseꞌ ngóol xganꞌ Abraham coꞌ ngroꞌ lèe Isaac, coꞌseꞌ ngolo xon huiz ngóol Isaac, leque Abraham mbli circuncidar Isaac. No lomisqueꞌ, mbli Isaac circuncidar Cob, xganꞌ Isaac. No lomisqueꞌ ne, mbli Cob circuncidar myenꞌ xganꞌ Cob, myenꞌ coꞌ ngòc siꞌ fchop xganꞌ Cob coꞌ mbloj msiꞌ bin coꞌ mblec bin coꞌ nac siꞌ fchop ned mèn coꞌ nac mèn nación Israel nalleꞌ.
\p
\v 9 Per loo rye siꞌ fchop xganꞌ Cob coꞌ nac xudgool naꞌ nalleꞌ, siꞌ fthìb myenꞌ mbyàn lezoꞌ gunèe Chè, hues myenꞌ. No ale ngòo xyàn lezoꞌ myenꞌ. Mthoꞌ myenꞌ Chè coꞌ nac hues myenꞌ par mbloꞌ myenꞌ Chè. No mbeꞌ mèn Chè par ned làaz mèn egipt. Per mastaleꞌ tataa mbli no myenꞌ Chè, Diox neꞌngláꞌyaꞌde Chè. Mque tee no Diox Chè.
\v 10 Mbli Diox par mblyáꞌ Chè loo ryethe conꞌ mxactìi Chè no conꞌ coꞌ mbli par mxi lezoꞌ Chè. Mbli Diox par mdyub xnìi yéc Chè no par mdyub xnìi lezoꞌ Chè par ngóc Chè. No mbli Diox par ngòo lezoꞌ mbiꞌ coꞌ ngroꞌ lèe Faraón, coꞌ ngòc rey loo mèn nación Egipt tiempa, ñèe Faraón Chè. Faraona mdaꞌ lugar ngòc Chè gobernador loo mèn nación Egipt. No mdaꞌ Faraón lugar loo Chè par ngòc Chè mandador loo mèn guliz Faraón.
\p
\v 11 Leꞌpeꞌ leꞌn tiempa ngulàa huin. No anzeꞌf thìb yaltìi ngòc loo mèn coꞌ nac mèn gulàaz cheꞌn làaz mèn egipt no par ned cheꞌn làaz mèn canaán. Leꞌn tiempa, ngulàa huin loo xudgool naꞌ, ne. Yende conꞌ hua xudgool naꞌ.
\v 12 Per coꞌseꞌ mbìn Cob coꞌ ngòc xudgool naꞌ leꞌ par ned làaz mèn egipt nthoꞌ mèn nzob triu, mtelꞌ Cob xganꞌ Cob coꞌ ngòc xudgool naꞌ par ngua xi myenꞌ nzob triu par ned làaz mèn egipt. Coꞌseꞌ ngua myenꞌa, ngòc nerlequeꞌ viaj coꞌ ngua myenꞌ par ned làaz mèn egipt.
\v 13 Coꞌseꞌ mbryop vez ngua myenꞌ làaz mèn egipt, mbli Chè par mblibeꞌ myenꞌ, hues Chè, Chè. Syareꞌ, mdaꞌ rey cheꞌn mèn egipt cuent chó bin mèn nac Chè.
\v 14 Sya, mbii myenꞌ hues Chè. Ndyàa myenꞌ par làaz myenꞌ tedib vez. Leꞌ Chè na, mnibeꞌ loo myenꞌ hues Chè par yiꞌth no myenꞌ Cob, xud Chè, thidte junt con myenꞌ. No yiꞌth rye mèn guliz Cob coꞌ ngòc ayon psiꞌ bgaꞌy mèn coꞌseꞌ yiꞌth myenꞌ par ned Egipt tedib vez.
\v 15 Tataa mod ngòca loo Cob par sangngòo ban Cob làaz mèn egipt. Ngoloa, nguth Cob tya. No nguth rye mèn coꞌ ngòc xudgool naꞌ tya.
\v 16 Coꞌseꞌ ngolo nguth Cob, mbeꞌ mèn thebol Cob par yèez Siquem coꞌ nac thìb yèezyaꞌ cheꞌn làaz mèn canaán par ya caꞌs mèn thebol Cob liz no làaz Cob leque leꞌn báꞌ coꞌteꞌ mbuaꞌs thebol tee Cob, Abraham, panteón. Ngoloa, más nde tee línꞌ nguth mèn coꞌ nac xudgool naꞌ. Lomisqueꞌ, mbloꞌ mèn zith rye mèna par ngua caꞌs mèn zitha leꞌn panteón coꞌ ngòc thìb yòo bteꞌf coꞌ mxi Abraham, coꞌseꞌ beꞌ naban Abraham, con plá pes loo xganꞌ thìb mbiꞌ coꞌ ngroꞌ lèe Hamor coꞌ ngòc mèn gulàaz cheꞌn làaz mèn siquem.
\p
\v 17 Coꞌseꞌ yamerleꞌ zin tiemp coꞌ gàc tiemp coꞌ li Diox conꞌ mcàbgòn Diox loo Abraham li Diox loo thebol Abraham coꞌseꞌ mcàbgòn Diox diꞌs coꞌ ngòc diꞌs coꞌ ngroꞌ ro Diox loo Abraham, nde nxonꞌ, leque tiempa anzeꞌf mbyarꞌ mèn coꞌ ngòc bin xudgool naꞌ coꞌ mbloj msiꞌ bin ndooreꞌ. Ngòc mèna mènléyꞌ loo mèn gulàaz mèn egipt.
\v 18 Leꞌn tiempa, ne, ngo thìb mbiꞌ coꞌ ngòc thìb rey loo mèn nación egipt. Mbiꞌa thidtenequeꞌ neꞌnglibeꞌde chó nac Chè no pá ned ngroꞌ tee ngro yáal Chè.
\v 19 Reya mquedìi mèn bin naꞌ coꞌ ngòc mèn xudgool naꞌ. No mtetìixùꞌ reya mèn bin naꞌ. Ale mbli yèe reya mbláꞌyaꞌ mèn coꞌ ngòc xudgool naꞌ rye mbetoꞌ coꞌ diz ndxáal coꞌ ngòc xinꞌ xudgool naꞌ par tataa mod gath rye myenꞌ bixa.
\v 20 Leꞌpeꞌ leꞌn tiempa ngóol thìb mbed coꞌ ngroꞌ lèe Moisés. Moisesa ngòc thìb mbiꞌ coꞌ anzeꞌf ngòo lezoꞌ Diox gunèe Diox. Per pente mxènꞌ xud Moisés no xnaꞌ Moisés Moisés son mbeꞌ no maste liz xud Moisés.
\v 21 Coꞌseꞌ mdyaa mbeꞌ coꞌ mnibeꞌ yèe rey láꞌyaꞌ xud Moisés no xnaꞌ Moisés Moisés thìb lad, ndooleꞌ mzaꞌ coꞌ nac leque rsap reya. Neꞌngláꞌde mzaꞌ mbed coꞌ lèe Moisés. Mque no mzaꞌ mbed xal xganꞌ mzaꞌ.
\v 22 Por cona, anzeꞌf mtéꞌth Moisés ryethe conꞌ coꞌ ndxác mèn egipt. No ngòc Moisés thìb mbiꞌ coꞌ anzeꞌf ngóc par tyoodiꞌs Moisés no li Moisés rye conꞌ xal mbli mèn nación Egipt.
\p
\v 23 Coꞌseꞌ nzoleꞌ Moisés choꞌ línꞌ, Moisés mblyaꞌs nga too naa mèn guliz no mèn gulàaz Moisés coꞌ nac mèn nación Israel.
\v 24 Per coꞌseꞌ ngòo Moisés làaz mèn nación Israel, gunèe Moisés leꞌ thìb mbiꞌ egipt ngue tetìi thìb mbiꞌ coꞌ nac mèn gulàaz Moisés. Per ale leꞌleꞌ Moisés ngro yoo con mbiꞌ egipta par mblo xtàa Moisés conꞌ ngue li no mbiꞌ tedib mbiꞌ coꞌ nac mbiꞌ gulàaz Moisés. Ale mbeth Moisés mbiꞌ egipta.
\v 25 Tataa mbli Moisés tac mbli Moisés xtùuz leꞌ ryete mèn nación Israel coꞌ nac mèn gulàaz Moisés taꞌ cuent no ñee mèna leꞌ Diox li loo Moisés par coꞌ Moisés mèn nación Israel no par teche Moisés mèn nación Israel coꞌ mbyarꞌ làaz mèn egipt. Per mèn nación Israel neꞌndaꞌde cuent xal nac xtùuz Moisés.
\v 26 Tedib huiz coꞌ nde nquea, gunèe Moisés nzi yoo chop mèn nación Israel. Per Moisés mblyaꞌs ntuꞌ ntàl Moisés loo diꞌs no loo cuent cheꞌn ryop mbiꞌa. Ndxab Moisés loo ryop mbiꞌa:
\p ―¿Cón ndyac guꞌ, yey? Guꞌ ndxàc hues xtàa. ¿Chonon nzi guin guꞌ xtàa guꞌ, àꞌ?
\p
\v 27 Sya, mbiꞌ coꞌ ngue guin xtàa mzi mchep Moisés. No ndxab mbiꞌ loo Moisés:
\p ―¿Chó mnibeꞌ lool par yiꞌth ñibeꞌl loo nuꞌ, no gàcl juez, no laꞌs rol cón cheꞌn nuꞌ, àꞌ?
\v 28 ¿Chéꞌ ndlyaꞌsl guthl daa xal mbethl mbiꞌ egipt coꞌ mbethl náꞌa, càꞌ? Xexte fxen ned. Byàa.
\p
\v 29 Coꞌseꞌ mbìn Moisés tataa ndxab mbiꞌa loo Moisés, ale mzyeb Moisés. Mxonꞌ Moisés, mbláꞌ Moisés liz rey. Nda Moisés par ned làaz mèn madián. Tya ngo ban Moisés xal mèn tith. No mselyaꞌ Moisés con thìb xaꞌgot tya. No mque no xaꞌgot Moisés chop xganꞌ Moisés tya.
\p
\v 30 Ngolo choꞌ línꞌ nzo Moisés làaz mèn madián, thìb vez ngua Moisés coꞌteꞌ nagán gaxte coꞌteꞌ ndub thìb yii coꞌ lèe yii Sinaí. Tya mxyoꞌf loo loo Moisés. Mxac Moisés ndxetoo bèel leꞌn yaa sars coꞌ nzoꞌf loo yiia. Leꞌn bèela mxac Moisés mdoo thìb angl.
\v 31 Coꞌseꞌ gunèe Moisés mxyoꞌf loo bèel coꞌ ndxetoo loo Moisés, mzyeb Moisés. No coꞌseꞌ nda bii gax Moisés par más huiꞌ Moisés ndxetoo bèel, mbìn Moisés gunii Tad Diox loo mbii loo Moisés. Ndxab Tad Diox:
\pi1
\v 32 Daa nac Diox cheꞌn xudgool lùu coꞌ ngòc Abraham, no xudgool lùu coꞌ ngòc Isaac, no xudgool lùu coꞌ ngòc Cob.
\p Sya, mtlo Moisés, mxiꞌth Moisés tant mzyeb Moisés. No neꞌ neꞌ indli Moisés ryes huiꞌ Moisés loo bèel coꞌ ndxetooa.
\v 33 Ndxab Tad Diox loo Moisés:
\pi1 Blàa yilid niil tac coꞌteꞌ ndool baꞌ nac lugar natúꞌ.
\pi1
\v 34 Daa ngüiꞌ xal ndenꞌ mèn yalnè no xal ndxàc yaltìi loo mèn, mèn coꞌ nac nacionpeꞌ daa coꞌ nzo ban làaz mèn egipt. Ndxònen xal mbez yèe yath mèna. No nalleꞌ, daa ngulàaleꞌ loo béꞌ par teláꞌen mèn nacionpeꞌ daa laꞌs yaꞌ mèn nación Egipt. Que de ndxèꞌ nexa, Moisés. Na telꞌ lùu par yal mandad coꞌ ñibeꞌen lool loo mèn gulàaz egipt.
\p
\v 35 Mastaleꞌ mèn nación Israel mxìis no Moisés, no mtèꞌb mèn Moisés, no ndxab mèn loo Moisés: ¿Chó mdool no chó mtelꞌl par ñibeꞌl loo nuꞌ xal thìb jef no xal thìb juez, àꞌ?
\p Per ndxeꞌlequeꞌ, Diox mblo lèe Moisés xal thìb jef no juez no xal thìb mèn coꞌ teláꞌ mèn nación Israel laꞌs yaꞌ mèn nación Egipt por cón cheꞌn conꞌ roo conꞌ xèn coꞌ mbli angl coꞌ mblyath no Moisés, angl coꞌ mxyoꞌf loo loo Moisés coꞌteꞌ ndxetoo bèel leꞌn yaa sars.
\v 36 Pues, Moisesa ngòc mbiꞌ coꞌ mbloꞌ mèn coꞌ ngòc xudgool naꞌ laꞌs yaꞌ mèn nación Egipt. No mbli Moisés huax yalguzyeꞌ no conꞌ coꞌ ngòc xal señ loo mèn par ned làaz mèn egipt. No mbli Moisés yalguzyeꞌ no huax conꞌ coꞌ ngòc xal señ loo mèn láth ndyeꞌth no Moisés mèn nación Israel coꞌseꞌ nguriꞌth mèn con Moisés leꞌn níttóꞌ coꞌ lèe Níttóꞌ Nane Ren. No mbli Moisés huax yalguzyeꞌ no señ loo mèn coꞌseꞌ nguriꞌth no Moisés mèn nación Israel coꞌteꞌ nagán leꞌn choꞌ línꞌ.
\v 37 Leque yub Moisesa ndxab loo mèn nación Israel:
\pi1 Diox telꞌ thìb mbiꞌ coꞌ teꞌth diꞌs coꞌ gab Diox loo guꞌ. Mbiꞌa yiꞌth yáal làth guꞌ coꞌ nac mèn nación Israel no que tee mbiꞌ làth guꞌ yiloa. Telꞌ Diox mbiꞌa xalqueꞌ mtelꞌ Diox daa loo guꞌ. Bli guꞌ cas mbiꞌa, no bìn guꞌ ro mbiꞌa.
\p
\v 38 Tolo ndxab Steb loo mèna:
\p ―Leque Moisesa ngòc mbiꞌ coꞌ ngo làth mèn nación Israel coꞌteꞌ nagán. No ngo no Moisés angl coꞌ mdoodiꞌs no Moisés loo yii coꞌ lèe yii Sinaí. No ngoloa, mdoodiꞌs no Moisés mèn coꞌ ngòc xudgool naꞌ cón cheꞌn ley coꞌ mxoꞌf Moisés loo xudgool naꞌ. Leya mxyoꞌf loo naꞌ desde huiza. No axta huiz nalze beꞌ nzoꞌf leya loo naꞌ. No leque loo Moisesa gunii Diox. No mdaꞌ Diox cuent loo Moisés par mbluꞌ Moisés loo mèn nación Israel, mèn coꞌ ngòc xudgool naꞌ, no loo naꞌ, ne, xá mod que tee ban naꞌ loo izlyoꞌ ndxèꞌ par yòo ban no naꞌ Diox thidtene yiloa.
\p
\v 39 Per mèn coꞌ ngòc xudgool naꞌa neꞌndalte ndubdiꞌs loo Moisés. Ndxeꞌlequeꞌ, mxìis no mèna Moisés no mtèꞌb mèna Moisés. Ale mblyaꞌs mèna bere mèna, bii mèna par làaz mèn egipt tedib vez.
\v 40 Sya, ndxab xudgool naꞌ loo Aarón:
\pi1 Nuꞌ ndlyaꞌs toxcuaꞌl conꞌ coꞌ gàc diox naꞌ par tyoo ner diox naꞌa loo naꞌ. Tac nuꞌ neꞌñeede cón ngòc loo Moisés. Moisés ale ngua loꞌ nuꞌ làaz mèn nación Egipt no maste. Nuꞌ ndli cuent tya nac lizpeꞌ nuꞌ no laazpeꞌ nuꞌ.
\m
\v 41 Sya, mtoxcuaꞌ xudgool naꞌa thìb tatol coꞌ ñaa xal ñaa thìb ngon yènꞌ. Ngoloa, mtlo xudgool naꞌ, mbeth xudgool naꞌ máꞌ loo gunab coꞌ ñaa xal ngon yènꞌ coꞌ ngòc dioxpeꞌ mèna no tatolpeꞌ mèna. No ale mdyac lezoꞌ mèna ngüiꞌ mèna loo conꞌ mtoxcuaꞌ yaꞌ mèna.
\v 42 Por cón cheꞌn ryethe conꞌ yeꞌrsinꞌ coꞌ mtlo mbli xudgool naꞌ tiempa, por lult thidtene mbláꞌyaꞌ Diox xudgool naꞌ par tyub xib xudgool naꞌ no sálꞌ xudgool naꞌ yaꞌ xudgool naꞌ loo mbèelhuiꞌ coꞌ nziꞌf loo béꞌ.
\p Mastaleꞌ indlyaꞌste guꞌ gòn guꞌ diꞌs coꞌ ngue niin loo guꞌ ndxèꞌ, tataa ndub diꞌs loo libr coꞌ nac libr cheꞌn mèn coꞌ mqueꞌ yeꞌs cheꞌn diꞌs coꞌ mdeꞌth mèn coꞌ ndxab Diox loo mèna. Diꞌsa mbez taandxèꞌ:
\pi1 ¿Chéꞌ, lìcqueꞌ, loon ndli guꞌ cuent mbeth guꞌ máꞌ par mxyo ren máꞌ loo izlyoꞌ loon par mdyonꞌ xtol guꞌ leꞌn choꞌ línꞌ coꞌteꞌ nagán, càꞌ? Yende xàa.
\pi1
\v 43 Ndxeꞌlequeꞌ, guꞌ mque tee no nich coꞌteꞌ ngòo diox guꞌ coꞌ lèe Moloc. No mque tee no guꞌ nich cheꞌn mbèelhuiꞌ cheꞌn diox guꞌ coꞌ lèe Renfán. Ryop gunaba ngòc tatol coꞌ mtoxcuaꞌ yaꞌ guꞌ par mdyub xib guꞌ no par mcòoꞌ guꞌ loo gunaba. Por cona, daa goꞌ guꞌ liz guꞌ no làaz guꞌ. No telꞌen guꞌ ya guꞌ más tith loo làaz mèn babiloñ par gàc guꞌ xal moz yèe loo mèn tya.
\p
\v 44 Ryete mèn xudgool naꞌ mque no thìb lugar más natúꞌ leꞌn tabernáculo coꞌteꞌ ngosuaꞌ quèe laj coꞌteꞌ ndub diꞌs coꞌ ñibeꞌ ley coꞌ mxoꞌf Moisés loo naꞌ. Nicha ngocsuaꞌ xalqueꞌ mnibeꞌ Diox loo Moisés par mtoxcuaꞌ Moisés nicha coꞌseꞌ ndxab Diox loo Moisés toxcuaꞌ Moisés nicha xal nac nich coꞌ gunèe Moisés coꞌ mbluꞌ Diox loo Moisés loo yii Sinaí.
\v 45 Ryete mèn coꞌ ngòc xudgool naꞌ mcàayaꞌ tabernaculoa xal thìb conꞌ natúꞌ coꞌ que no mèna thidtene. Coꞌseꞌ mbyeꞌth no mèn coꞌ ngòc xudgool naꞌ Josué, leque sya mbyeꞌth no mèna tabernáculo coꞌ ngòc yòo mantyad coꞌ ntoxcuaꞌ mèn par ndxòo mèn ned nda mèn o ned ndyee mèn. Conꞌa ngòc coꞌseꞌ mbli xudgool naꞌ gan mbloꞌ xudgool naꞌ mèn leꞌn nacionpeꞌ naꞌ ndxèꞌ. Naciona mbloꞌ xàꞌ Diox par taꞌ Diox naciona gàc naciona cheꞌnpeꞌ xudgool naꞌ coꞌteꞌ naban naꞌ nalleꞌ. Tataaqueꞌ ngòca loo xudgool naꞌ axta mzin tiemp coꞌseꞌ ngo David coꞌ ngòc rey no mnibeꞌ David loo mèn nacionpeꞌ naꞌ póla.
\v 46 Diox ngòo lezoꞌ cón cheꞌn David tiempa. No mblyaꞌs David toxcuaꞌ David thìb liz Diox coꞌteꞌ queltàa mèn loo Diox, Diox coꞌ ngòc Diox cheꞌn Cob tiempa.
\v 47 Per neꞌnglide David conꞌa. Ndxeꞌlequeꞌ, Salomón mtoxcuaꞌ liz Diox coꞌteꞌ nqueltàa mèn loo xleyꞌ cheꞌn Diox.
\v 48 Tataa mbli Salomón mastaleꞌ inzo bante Diox coꞌ nac Diox roo Diox xèn coꞌ ñibeꞌ loo ryethe conꞌ leꞌn thìb templ coꞌ nac liz Diox coꞌ mtoxcuaꞌ yaꞌ mèn coꞌ nac mèn cheꞌn izlyoꞌ xal nac diꞌs coꞌ ndxab mèn coꞌ mdeꞌth diꞌs coꞌ ndxab Diox cón cheꞌn Diox. Diꞌsa mbez taandxèꞌ:
\pi1
\v 49 Diox ndxab: Loo béꞌ nac coꞌteꞌ nduꞌben. Leꞌ loo izlyoꞌ na, nac coꞌteꞌ ndloo niin xal coꞌseꞌ ndli nii thìb mèn descans.
\p Ngoloa, ndxab Tad Diox:
\pi1 ¿Xá ñaa thìb lizen coꞌ toxcuaꞌ guꞌ, àꞌ? No ¿xá ñaa coꞌteꞌ ndxab guꞌ lin descans, àꞌ? Yende mod toxcuaꞌ guꞌ thìb lizen coꞌteꞌ gòon tataa, ey.
\pi1
\v 50 ¿Chéꞌ inacte daa Diox coꞌ mxènꞌ no coꞌ mblec ryethe conꞌ coꞌ nziriꞌ, càꞌ? Yub daa mxènꞌ izlyoꞌ no yub daa mblec izlyoꞌ. ¿Cón ndyac guꞌ, àꞌ?
\p
\v 51 Tolo ndxab Steb loo mèna:
\p ―Per guꞌ, ale ndxeꞌlequeꞌ, ndxàc guꞌ mèn naad no mèn nguud. Nac guꞌ xal mèn coꞌ indxelaꞌste coꞌ indxaaꞌdte diꞌs no xal mèn coꞌ neꞌtaꞌde cuent cón cheꞌn Diox. Thidtenequeꞌ nac guꞌ ngolo ngolaꞌs loo Xpii Natúꞌ. No lalqueꞌ nac guꞌ xal mèn coꞌ ngòc xudgool guꞌ. Coꞌteꞌ mdoo nii xudgool guꞌ, tya ndoo nii guꞌ, ne.
\v 52 ¿Xá ñaa thìb mèn coꞌ mdeꞌth diꞌs coꞌ ndxab Diox coꞌ neꞌntetìide xudgool guꞌ póla, àꞌ? Xudgool guꞌ mtetìiqueꞌ rye mèna. No mbeth xudgool guꞌ rye mèn coꞌ mdeꞌth diꞌs póla cón cheꞌn xá mod yiꞌth thìb mbiꞌ coꞌ ngòc mbiꞌ nalì no mbiꞌ nambìi loo Diox. No coꞌseꞌ mbiꞌth yáal mbiꞌa loo izlyoꞌ ndxèꞌ, no mque tee mbiꞌ làth guꞌ, ale mxenxùꞌ guꞌ mbiꞌ no mdaꞌxùꞌ guꞌ mbiꞌ loo mèn ciuda Rom coꞌ ñibeꞌ loo naꞌ. No axta huen mbyanꞌ lezoꞌ guꞌ tac mbeth mèna mbiꞌ.
\v 53 Guꞌ coꞌ mbyanꞌ no ley coꞌ mxoꞌf Moisés loo guꞌ por cón cheꞌn angl, guꞌ thidtene indyubdiꞌste loo leya.
\s Ngroꞌ nayiꞌ mèna axta mbeth mèna Steb.
\p
\v 54 Coꞌseꞌ mbìn rye mèna coꞌ ndxab Steb, ngulàa xyàn lezoꞌ mèn axta nduhua le mèn tant ndaꞌ xyàn mèn ñèe mèn Steb.
\v 55 Per Xpii Natúꞌ neꞌngláꞌde Steb. Mnibeꞌqueꞌ Xpii Natúꞌ loo Steb. Sya, mbuiꞌ Steb loo béꞌ. No gunèe Steb xal nquée xnìi Diox no ndxaaꞌd bèel Diox. No gunèe Steb ndoo Jesús cuat Diox loo béꞌ.
\v 56 Sya, ndxab Steb loo mèna:
\p ―Huiꞌ guꞌ nexa. Daa ñèe ndoo xalꞌ loo béꞌ. No ñèen Jesús coꞌ nac mbiꞌ coꞌ mbiꞌth yáal loo izlyoꞌ ndxèꞌ xal ndxáal chol mèn loo izlyoꞌ. Ndoo Jesús cuat Diox.
\p
\v 57 Per ndxeꞌlequeꞌ, mèna mtauꞌ nza mèn par neꞌgònte mèn diꞌs coꞌ mbez Steb. No cabii mbez yèe mèn. No mtauꞌ mèn dib vuelt loo Steb no apápeꞌ ngroꞌ nayiꞌ mèn loo Steb axta ngòc loc mèn gunèe mèn Steb.
\v 58 Mbeꞌ mèna Steb thìb lad ro ciuda Jerusalén. Tya mbuaaꞌd quèe mèn Steb. Leꞌ mèn coꞌ gunèe ngòc conꞌa loo Steb na, mèna mbloꞌ xab mèn no mdaꞌ mèna xab mèna loo thìb mbyòo coꞌ lèe Saul par quenap mbyòo xab mèna.
\v 59 Láth ngue gaaꞌd quèe mèna Steb, Steb ngurez Diox. Ndxab Steb loo Diox:
\p ―Tad Diox, nase guneei loon. Fcàayaꞌ Uꞌ alm daa no xpii daa.
\p
\v 60 Ngoloa, chàa, mdub xib Steb. Cabii ndxab Steb loo Diox:
\p ―Tad, neꞌziꞌf dolte Uꞌ no neꞌzib quìide Uꞌ xquin cheꞌn mèn baꞌ no xtol cheꞌn mèn baꞌ laꞌs nii mèn baꞌ no laꞌs yaꞌ mèn baꞌ por conꞌ yeꞌrsinꞌ coꞌ ngue li no mèn baꞌ daa.
\p Ngolo tataa ndxab Steb, setilte mtin liz Steb. Nguth Steb.
\c 8
\s Mbyòo coꞌ lèe Saul mque tee mdub nguꞌs mèn coꞌ ngolaꞌs loo cón cheꞌn Diox por cón cheꞌn Jesús pál coꞌteꞌ ngo mèna.
\p
\v 1 Thidte ngòc Saul con mèna coꞌseꞌ ngue yuth mèna Steb no ale mdyac lezoꞌ Saul por mbeth mèn Steb.
\p Leque huiza, mtlo ngòc thìb yalndyub nguꞌs tínꞌ loo rye mèn coꞌ nqueltàa loo cón cheꞌn Diox por cón cheꞌn Jesús leꞌn ciuda Jerusalén. Mxonꞌ rye mèn par ned làaz mèn jude. No mxonꞌ mèn par ned làaz mèn samari. Ante myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús neꞌngxonꞌte. Mbyanꞌ myenꞌ ciuda Jerusalén.
\v 2 Leꞌ ndxep mèn coꞌ ndli cas loo Diox na, ngua lít mèna thebol Steb. No ngua caꞌs mèna thebol Steb. No anzeꞌf mbínꞌ mèna gunèe mèna thebol Steb.
\v 3 Láth mque tee mdub nguꞌs mèn mèn coꞌ ngòo loo cón cheꞌn Diox por cón cheꞌn Jesús, Saul, ne, mque tee mdub nguꞌs mèn. Ale ndxòo Saul liz por liz mèn par mbee ncà Saul mèn liz mèn, que naca mènbiꞌ, que naca mèngot. Ndli Saul mandad hueꞌ mèn mèna leziꞌf.
\s Mèn coꞌ mbryeꞌs mque tee go yalbàn loo mèn par ned làaz mèn samari.
\p
\v 4 Per mèn coꞌ ngòo loo cón cheꞌn Diox, coꞌ ngroꞌ leꞌn ciuda Jerusalén por mdub nguꞌs mèn mèna por cón cheꞌn Crist, mèna mque tee go yalbàn cón cheꞌn diꞌs ndac coꞌ ndluꞌ xá mod lyáꞌ mèn loo conꞌ ryes pál coꞌteꞌ mque tee xonꞌ mèna.
\v 5 Thìb mbiꞌ coꞌ lèe Lip, coꞌ thidte mxonꞌ con mèna, mzin leꞌn thìb yèezyaꞌ par ned làaz mèn samari. Lueg, mtlo Lip, mdoodiꞌs Lip cón cheꞌn Crist loo mèna.
\v 6 Leꞌ mèn yèezyaꞌa na, ryete mèn thidte mqueltàa. Xèe mqueꞌ nza mèna diꞌs coꞌ mbez Lip loo mèn. No mbuiꞌ mèna xal mbli Lip señ no yalguzyeꞌ loo mèna.
\v 7 Tataa mdub nza mèna diꞌs coꞌ mbez Lip tac ñee mèna leꞌ Lip mteyac huax mèn coꞌ mquée mbii cheꞌn xpii yeꞌrsinꞌ loo. No ñee mèn no ndxòn mèn xal mbez yèe mèn coꞌseꞌ ndryo xpii yeꞌrsinꞌ loo mèna. No ñèe mèn mbyac huax mèn coꞌ mque no mbii cheꞌn yíiz bech, no mèn coj.
\v 8 No coꞌseꞌ ñee mèn ndxàc conꞌa loo rye mèn yíiza, ryete mèn ndyac lezoꞌ ñèe Lip.
\p
\v 9 Leꞌn tiempa ngo thìb mbiꞌ coꞌ ngroꞌ lèe Mon. Mbiꞌa ngòc thìb hueꞌs ndooreꞌ. No anzeꞌf ndxòo lezoꞌ mbiꞌ li mbiꞌ yalbruj loo mèn. No anzeꞌf ndxòo lezoꞌ mbiꞌ quedìi mbiꞌ mèn, mèn coꞌ nac mèn gulàaz cheꞌn làaz mèn samari. Leque mbiꞌ mbez loo mèn nac mbiꞌ thìb mbiꞌ roo no thìb mbiꞌ xèn.
\v 10 Ryete mèn coꞌ nac mèn gulàaz mèn samari xèe mbe mèn par ndyub nza mèn no ndxòn mèn diꞌs coꞌ mbez mbiꞌ coꞌ lèe Mon, que naca myenꞌ bix, que naca mèn gox. Mbez mèna:
\p ―Mbiꞌ baꞌ ndxàp conꞌ roo conꞌ xèn cheꞌn Diox laꞌs nii mbiꞌ no laꞌs yaꞌ mbiꞌ, Diox coꞌ nac Diox roo no Diox xèn coꞌ ñibeꞌ loo ryethe conꞌ.
\p
\v 11 Ryete mèn ndli cas mbiꞌ tac con conꞌ yeꞌrsinꞌ coꞌ ndxác mbiꞌa, nquedìi mbiꞌ mèn leꞌn huax línꞌ.
\v 12 Per coꞌseꞌ ngolaꞌs mèn coꞌ nac mèn yèezyaꞌ ned làaz mèn samari diꞌs ndac cheꞌn Diox coꞌ ngo Lip yalbàn cón cheꞌn xá mod ñibeꞌpeꞌ Diox loo mèn, no cón cheꞌn Jesucrist, leꞌleꞌ ngolaꞌs mènbiꞌ no leꞌleꞌ ngolaꞌs mèngot. No ngòc bautizar rye mèna.
\v 13 No leque Mon, coꞌ ndli conꞌ yeꞌrsinꞌa, ngolaꞌs loo cón cheꞌn Jesucrist. Ngòc bautizar Mon, ne. No mtlo Mon, mque tee no Mon Lip. Látha, ante ngüiꞌ Mon no ante ñaa Mon xal ndli Lip yalguzyeꞌ no señ coꞌ ndli Lip loo mèn.
\p
\v 14 Coꞌseꞌ mbìn myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús, myenꞌ coꞌ nzo leꞌn ciuda Jerusalén, leꞌ mèn gulàaz cheꞌn làaz mèn samari ndyal mbìn diꞌs ndac cheꞌn Diox no ngolaꞌs mèna loo Jesús, mtelꞌ myenꞌ Pedr ryop Juàn par ngua Pedr ryop Juàn par ned làaz mèn samari par lyath no Pedr ryop Juàn Lip loo zinꞌa.
\v 15 Coꞌseꞌ mzin Pedr ryop Juàn par ned làaz mèn samari, ngurez Pedr ryop Juàn Diox por mèn gulàaz samari coꞌ ngolaꞌs par tlo ñibeꞌpeꞌ Xpii Natúꞌ loo mèna, ne.
\v 16 Tiempa tarte tlo ñibeꞌpeꞌ Xpii Natúꞌ loo nec thìb mèn. Tac coꞌseꞌ ngolaꞌs mèna, ante ngòc bautizar mèna por cón cheꞌn Tad Jesús.
\v 17 Sya, mxoꞌf Pedr ryop Juàn yaꞌ Pedr ryop Juàn loo mèna. No leque hora, mtlo Xpii Natúꞌ, mnibeꞌpeꞌ Xpii Natúꞌ loo mèna.
\p
\v 18 Coꞌseꞌ mdenꞌ Mon no gunèe Mon láth ngue xoꞌf myenꞌ yaꞌ myenꞌ loo mèn no ntlo Xpii Natúꞌ, ñibeꞌ Xpii Natúꞌ loo mèn, ndxab Mon loo Pedr ryop Juàn:
\p ―¿Plál tan càa guꞌ
\v 19 par taꞌ guꞌ lugar loon par que non conꞌ laꞌs niin no laꞌs yan par xoꞌfen yan loo mèn par coꞌseꞌ xoꞌfen yan loo mèn, tlo Xpii Natúꞌ, ñibeꞌ Xpii Natúꞌ loo mèn xal ndli guꞌ baꞌ?
\p
\v 20 Sya, ndxab Pedr loo Mon:
\p ―Thidte lyux tmil con lùu tac lùu ngue li xtùuz leꞌ conꞌ coꞌ angndli Diox loo nuꞌ par li nuꞌi loo mèn, nuꞌ mxiꞌi con tmi, ¿léꞌ? Yende xàa. Pà gàca tataa.
\v 21 Yende chó cón cheꞌnl par lil conꞌ ndli nuꞌ. No neꞌ neꞌ yen chó derech ndxàpl par yòol loo conꞌ ndli nuꞌ. Tac lezoꞌl no xtùuzl inalìde nac no inambìide nac loo Diox.
\v 22 Per nalleꞌ na nii lool: Bláꞌ ryethe mod yeꞌrsinꞌ coꞌ ndxàpl no gurez Diox no bnaꞌb loo Diox belꞌqueꞌ tonꞌ Diox xtoll coꞌ ndlil no coꞌ ncuaꞌnl coꞌ ndlil xtùuz leꞌn lezoꞌl, no coꞌ yende mod láꞌl par neꞌtolode lil conꞌ yeꞌrsinꞌa.
\v 23 Tac daa nanee lùu nac xal thìb xoblà máꞌ coꞌ anzeꞌf nalà por ndxàpl ryethe mod yeꞌrsinꞌ no por ndlil xtùuz yeꞌrsinꞌ. No natedóꞌ niil no natedóꞌ yaꞌl loo ryethe conꞌ yeꞌrsinꞌ coꞌ ndlil. Yende mod cue see tee lezoꞌl par neꞌlidel conꞌ yeꞌrsinꞌa.
\p
\v 24 Sya, mcàb Mon. Ndxab Mon loo Pedr no loo Juàn:
\p ―Gurez guꞌ Diox por daa, cara, par yende cón gàc loon xal ngolo gunee guꞌ loon nalleꞌ.
\p
\v 25 Coꞌseꞌ ngolo mque tee taꞌ Pedr ryop Juàn cuent, no mque tee luꞌ Pedr ryop Juàn cón cheꞌn diꞌs ndac cheꞌn Diox loo mèna, Pedr ryop Juàn coꞌ ndxeꞌ diꞌs, ngua lo Pedr ryop Juàn yalbàn no ngua teꞌth myenꞌ cón cheꞌn diꞌs ndac coꞌ ndluꞌ xá mod lyáꞌ mèn loo conꞌ ryes leꞌn rye yèezyaꞌ par ned làaz mèn samari. Ngolo mque tee myenꞌ par neda, ndyeꞌth ryop myenꞌ par ned leꞌn ciuda Jerusalén tedib vez.
\s Lip mdoodiꞌs no thìb mbiꞌ coꞌ ngòc mèn gulàaz cheꞌn làaz mèn etiopi.
\p
\v 26 Ngolo ngòc rye conꞌa, thìb angl cheꞌn Tad Diox mxyoꞌf loo loo Lip. Ndxab angl loo Lip:
\p ―Lip, jer huàa par ned sur coꞌteꞌ ndlyàa tùub ned coꞌteꞌ nsyo ned par ciuda Jerusalén con ned coꞌ nda par ned làaz mèn gaz.
\p Neda nac ned coꞌ ndriꞌth coꞌteꞌ nagán.
\v 27 Lip mxen ned, nda Lip. Per láth ndoo Lip ned nda Lip, mzyálꞌ Lip thìb mbiꞌ coꞌ nac mèn gulàaz mèn etiopi. Mbiꞌa ngòc thìb mbiꞌ eunuc. No ngòc mbiꞌ thìb xaꞌ coꞌ mxoꞌf zinꞌ thìb zinꞌ, coꞌ nee diꞌs, ngòc mbiꞌ tesorer loo thìb xaꞌgot coꞌ lèe Candans. Xaꞌgota ngòc rein loo mèn gulàaz cheꞌn làaz mèn etiopi. Mbiꞌa ngua ciuda Jerusalén par ngua rez mbiꞌ Diox leꞌn templ leꞌn ciuda Jerusalén.
\v 28 Coꞌseꞌ mzyálꞌ Lip mbiꞌa ned, ndyeꞌth mbiꞌ par làaz mbiꞌ, ndub mbiꞌ loo carret mbiꞌ. No ndub lab mbiꞌ libr coꞌ ngòc libr coꞌ mqueꞌ Sayi yeꞌs, Sayi coꞌ mdeꞌth diꞌs coꞌ ndxab Diox loo Sayi teꞌth Sayi. Mbereleꞌ mbiꞌ, ndyeꞌth mbiꞌ, ngua mbiꞌ ciuda Jerusalén.
\v 29 Sya, mnibeꞌ Xpii Natúꞌ loo Lip. Ndxab Xpii Natúꞌ loo Lip:
\p ―Lip, huàa coꞌteꞌ nda riid mbiꞌ baꞌ no thidte gòo ryop guꞌ mbiꞌ loo carret no ftub cuat mbiꞌ loo carret.
\p
\v 30 Coꞌseꞌ mbii gax Lip loo carret mbiꞌ, mbìn Lip leꞌ mbiꞌ ngue lab libr coꞌ mqueꞌ Sayi yeꞌs coꞌ ngòc diꞌs coꞌ mdeꞌth Sayi coꞌ ndxab Diox. Sya, mnibdiꞌs Lip loo mbiꞌ. Ndxab Lip:
\p ―¿Chéꞌ ndaꞌl cuent cón cheꞌn diꞌs coꞌ ngue labl baꞌ, mbiꞌ?
\p
\v 31 Mbiꞌ mcàb loo Lip. Ndxab mbiꞌ:
\p ―¿Xá mod ndlyaꞌsl tan cuent cón cheꞌn diꞌs coꞌ ngue laben ndxèꞌ, yey, coꞌseꞌ yende chó mèn taꞌ cuent loon xal ndyee diꞌs ndxèꞌ no cón nee diꞌs ndxèꞌ, cara?
\p Sya, ndxab mbiꞌ loo Lip:
\p ―Fquée loo carret. Ftub cuaten, yey, par luꞌl loon cón nee diꞌs coꞌ ndub loo libr ndxèꞌ.
\p
\v 32 Loo libr coꞌ nac xtiꞌs Diox coꞌ ngue lab mbiꞌ ngòc diꞌs coꞌ mqueꞌ Sayi yeꞌs. Loo libr coꞌteꞌ ngue lab mbiꞌa mbez:
\pi1 Mbeꞌ mèn mbiꞌ coꞌteꞌ gath mbiꞌ par guth mèn mbiꞌ xalqueꞌ ndxuth mèn thìb mbacxilꞌ yènꞌ. No texal coꞌseꞌ imbez yèede mbacxilꞌ yènꞌ coꞌseꞌ nchoꞌ mèn yis lad mbacxilꞌ yènꞌ, tataaguèꞌ nec thìb diꞌs neꞌncàb rode mbiꞌ. No neꞌ neꞌ ngurez huíꞌ mbiꞌ.
\pi1
\v 33 Mastaleꞌ ngòc mbiꞌ mbiꞌ nadoꞌ per yende chó mèn ngnaꞌb mbiꞌ coꞌseꞌ ngòc conꞌ loo mbiꞌ. Lomisqueꞌ ne, ¿chó mèn ngác taꞌ cuent cón cheꞌn bin mbiꞌ no tyoodiꞌs mèn cón cheꞌn bin mbiꞌ? Yende moda tac mbiꞌa neꞌngsiꞌde bin mbiꞌ loo izlyoꞌ tac mbeth mèn mbiꞌ loo izlyoꞌ.
\p
\v 34 Per mbiꞌ eunuc coꞌ ndxàp yalñibeꞌa mnibdiꞌs loo Lip. Ndxab mbiꞌ loo Lip:
\p ―Lip, bli favor, gunee loon chó cón cheꞌn xaꞌ ñii loo libr coꞌ mqueꞌ Sayi yeꞌs coꞌ ndxab Diox. ¿Chéꞌ ngue taꞌ libr cuent cón cheꞌn yub Sayi o chéꞌ ngue taꞌ libr cuent cón cheꞌn tedib mbiꞌ, càꞌ?
\p
\v 35 Sya, mtlo Lip, mdaꞌ Lip cuent cón cheꞌn diꞌs coꞌ mbez loo libr coꞌ ngue lab mbiꞌ loo mbiꞌ. No mdaꞌ Lip cuent cón cheꞌn taamas diꞌs coꞌ nac xtiꞌs Diox. No ndxab Lip loo mbiꞌ:
\p ―Ryete diꞌs coꞌ ngue labl baꞌ no taamas diꞌs coꞌ ngue luꞌen lool baꞌ ndaꞌ cuent cón cheꞌn Jesús.
\v 36 Ngolo huen huen mdaꞌ mbiꞌ cuent cón cheꞌn Jesús xal mdaꞌ Lip cuent loo mbiꞌ, tolo mdoo ryop mbiꞌ Lip ned ndyàa mbiꞌ. Coꞌseꞌ nda riid ryop mbiꞌ Lip thìb lugar coꞌteꞌ ndriꞌth thìb yóꞌbeꞌ, ndxab mbiꞌ loo Lip:
\p ―Trèꞌ nzoꞌf nít, cara. ¿Xá neel? ¿Chéꞌ nzo mod gàc bautizar daa?
\p
\v 37 Sya, ndxab Lip loo mbiꞌ:
\p ―Cheleꞌl, lìcqueꞌ, ndxelaꞌsl dib nzo yécl no dib nzo lezoꞌl, nzoqueꞌ mod gàc bautizarl.
\p Mbiꞌ mcàb loo Lip. Ndxab mbiꞌ:
\p ―Ndxelazquen, Lip, leꞌ Jesucrist nac xganꞌ Diox.
\p
\v 38 Sya, mnibeꞌ mbiꞌ loo moz mbiꞌ par ngo too carret. Leꞌ mbiꞌ ryop Lip na, mbilàa. Nda ryop mbiꞌ Lip leꞌn yóꞌbeꞌ par mbli Lip bautizar mbiꞌ.
\v 39 Coꞌseꞌ ngolo ngroꞌ mbiꞌ leꞌn nít, coꞌ nee diꞌs, ngolo ngòc bautizar mbiꞌ, Diox mbli par, chàa, mbeꞌ Xpii Natúꞌ Lip tedib lugar. Leꞌ mbiꞌ eunuc na, ya neꞌndaꞌde cuent máa Lip, pá ned nda Lip. Sya, mxen mbiꞌ ned. Ndyàa mbiꞌ. Ndyac lezoꞌ mbiꞌ loo ryethe conꞌ coꞌ ngòc loo mbiꞌ.
\v 40 Ngolo mbli Lip bautizar mbiꞌ, mbeꞌ Xpii Natúꞌ Lip leꞌn thìb yèez coꞌ nac làaz mèn Azot. Ngoloa, nguriꞌth Lip thìb yèez tedib yèez. No be taa be taa ngo Lip yalbàn cón cheꞌn diꞌs ndac coꞌ ndluꞌ cón cheꞌn xá mod ndlyáꞌ mèn loo conꞌ ryes ned nda Lip axta mzin Lip leꞌn yèez coꞌ nac yèezyaꞌ cheꞌn làaz mèn ciuda Cesar.
\c 9
\s Saul ngulàa yéc no ngulàa lezoꞌ no mseꞌ Saul mod coꞌ ngòp Saul loo Diox par mblyáꞌ Saul loo conꞌ ryes.
\r (Hch. 22.6–16; 26.12–18)
\p
\v 1 Láth ndxàc rye conꞌa, Saul toloqueꞌ ngue tee tezeb mèn, mèn coꞌ ngolaꞌsqueꞌ loo cón cheꞌn Tad Jesucrist. Mbez Saul leꞌ Saul guth mèna. Por cona, ale ngua Saul loo mbiꞌ coꞌ más mnibeꞌ loo nguleyꞌ tiempa.
\v 2 Mnaꞌb Saul ord loo mbiꞌa par ya Saul coꞌteꞌ ndub sinagog mèn leꞌn ciuda Damasc par cuaꞌn Saul mèn coꞌ nzoleꞌ loo cón cheꞌn diꞌs ndac cheꞌn Diox par yeꞌth no Saul mèna pres par ciuda Jerusalén, que naca mènbiꞌ, que naca mèngot, Saul yeꞌth no mèna. Ngolo cuent.
\v 3 Per coꞌseꞌ ndoo Saul ned nda Saul, no coꞌseꞌ nde zinꞌ gaxleꞌ Saul ro ciuda Damasc, thidte de repent mbyaꞌx thìb xnìi tínꞌ coꞌ nde làa loo béꞌ loo Saul.
\v 4 Sya, chàa, mbixyath Saul xís huay. Ngulàa Saul loo yòo. Láth nax Saul loo yòo, mbìn Saul thìb diꞌs coꞌ mbez loo Saul:
\p ―Saul, Saul, ¿chonon nde tub nguꞌsl daa, àꞌ, ey?
\p
\v 5 Sya, mnibdiꞌs Saul loo Tad loo mbii. Ndxab Saul:
\p ―Tad, ¿chó nac Uꞌ, àꞌ?
\p Mbere Saul, mbìn Saul diꞌs coꞌ ndxab loo Saul tedib vez:
\p ―Daa nac leque yub Jesús coꞌ nde tub nguꞌsl. Coꞌseꞌ nde tub nguꞌsl mèn coꞌ ndxòo loo cón chenen, lùu neꞌtaꞌde cuent no neꞌñeedel yub daa nda tub nguꞌsl. Per nalleꞌ leque lùu ngue tee huíꞌ ladl con conꞌ yeꞌrsinꞌ coꞌ ngue lil loo mèna. Ndlila xal ndli ngon coꞌseꞌ nqueꞌ ngon patad loo punt yaaroch coꞌ nguid mèn lad ngon coꞌseꞌ ntezeb mèn ngon. Tataa mod leque lùu ngue tezaꞌl loo cón chenen por nacl mèn coꞌ nac ngolo ngolaꞌs loo cón chenen.
\p
\v 6 Sya, ante mxiꞌth Saul tant mzyeb Saul. Ndxab Saul loo Jesús:
\p ―Tad, neꞌneeden cón ngue lin. Nase naneen loo Uꞌ ngue lin conꞌ yeꞌrsinꞌ. Ftonꞌ Uꞌ xquin daa no xtol daa coꞌ ngue lin loo Uꞌ. Nalleꞌ cón ndlyaꞌs Uꞌ lin, àꞌ, Tad?
\p Tad Jesús ndxab loo Saul:
\p ―Saul, mtonꞌlen xquin lùu no xtol lùu. Goo che. Fxen ned. Huàa leꞌn ciuda Damasc baꞌ. Tya ñee mèn lool no taꞌ mèn cuent lool cón ndxàal lil.
\p
\v 7 Leꞌ mèn coꞌ nda no Saula na, anzeꞌf mzyeb tac no mèna mbìn diꞌs. Per yende chó mèn ñèe mèna ndyoodiꞌs no Saul.
\v 8 Leque hora ngo che Saul. Per coꞌseꞌ ngüiꞌ ndxèꞌ ngüiꞌ baꞌ Saul, yende mod huiꞌ Saul nec thìb conꞌ. Ale mquin mxen mèn yaꞌ Saul, mbeꞌ mèn Saul ciuda Damasc.
\v 9 Ngo Saul ciuda Damasc son huiz. Per neꞌngácte Saul huiꞌ Saul. No neꞌ neꞌ nghua Saul. No neꞌ neꞌ ngu Saul xít Saul no luaꞌ Saul.
\p
\v 10 Leꞌxqueꞌ tiempa ngo ban thìb mbiꞌ coꞌ ngolaꞌs leꞌn ciuda Damasc. Mbiꞌa ngroꞌ lèe Anani. Loo mbiꞌa ngroꞌ too Tad Jesús. Mxyoꞌf loo Tad Jesús loo mbiꞌa. No ndxab Tad Jesús loo mbiꞌ:
\p ―Anani.
\p Mbiꞌ mcàb. Ndxab mbiꞌ loo Jesús:
\p ―¿Cóna, Tad? Daa ndxèꞌ.
\p
\v 11 Sya, ndxab Tad Jesús loo Anani:
\p ―Anani, jer huàa coꞌteꞌ nac call coꞌ lèe Call Nalì axta zinl liz thìb mbiꞌ coꞌ lèe Jud. Tya, nibdiꞌsl loo Jud máa thìb mbiꞌ yèez Tars coꞌ lèe Saul coꞌ nzo liz Jud. Ndlyazen ya tyoodiꞌs nol mbiꞌ tac mbiꞌ ngue bez Diox.
\v 12 No mxyoꞌf looleꞌ loo Saul leꞌ thìb mbiꞌ coꞌ lèe Anani coꞌ nac lùu ngòo coꞌteꞌ nzo Saul. No mxoꞌf mbiꞌ coꞌ lèe Anani yaꞌ mbiꞌ loo Saul par gác Saul huiꞌ Saul tedib vez.
\p
\v 13 Coꞌseꞌ mbìn Anani tataa ndxab Tad Jesús loo Anani, ndxab Anani loo Tad Jesús:
\p ―Tad, huax mèn nde teeleꞌ ndaꞌ cuent cón cheꞌn mbiꞌa loon no cón cheꞌn ryethe conꞌ yeꞌrsinꞌ coꞌ ndli mbiꞌ loo mèn coꞌ ndxelaꞌs loo Uꞌ, mèn coꞌ naban leꞌn ciuda Jerusalén.
\v 14 No nalleꞌ nde mbiꞌ ciuda Damasc ndxèꞌ con ord cheꞌn mbiꞌ coꞌ más ñibeꞌ loo nguleyꞌ par hueꞌ mbiꞌ mèn coꞌ ndxelaꞌs loo Uꞌ, mèn coꞌ mbez Diox por cón cheꞌn lèe Uꞌ, par queꞌ mbiꞌ mèna leziꞌf.
\p
\v 15 Per Tad Jesús ndxab loo Anani:
\p ―Huàa coꞌteꞌ nzo mbiꞌ xal niin lool. Tac daa mcui mbiꞌ no mbloꞌ xàꞌen mbiꞌ par tyoodiꞌs mbiꞌ loo mèn tedib nación, no co mbiꞌ yalbàn loo mèn coꞌ ñibeꞌ loo chol nación, no ya lo mbiꞌ yalbàn loo mèn no teꞌth mbiꞌ loo mèn cón chenen, loo mèn coꞌ nac mèn nación Israel.
\v 16 No luꞌen loo mbiꞌ leꞌ mbiꞌ anzeꞌf tyactìi por cón chenen loo zinꞌ coꞌ xoꞌf zinꞌ mbiꞌ cón chenen.
\p
\v 17 Sya, mxen Anani ned. Nda Anani liz Jud coꞌteꞌ nzo Saul. Ngòo Anani leꞌn nyòo. No mxoꞌf Anani yaꞌ Anani loo Saul. Ndxab Anani loo Saul:
\p ―Saul, lùu coꞌ ndxàc huesen nalleꞌ por cón cheꞌn Tad Jesús, Tad Jesús coꞌ mxyoꞌf loo lool ned ndel leꞌn huiz ndxèꞌ, Tad Jesús mtelꞌ daa par bezen Diox por lùu par huiꞌl tedib vez no par tlo Xpii Natúꞌ, ñibeꞌpeꞌ Xpii Natúꞌ lool.
\p
\v 18 Leque hora mbiiche conꞌ coꞌ ñaa xal ñaa mbàx ngudloo Saul. No ngoloa, mbere Saul, ndxeꞌslequeꞌ mbuiꞌ Saul tedib vez. Sya, ngo too Saul no ngòc bautizar Saul.
\v 19 Ngolo ngòc bautizar Saul, mdaꞌ mèn conꞌ nduhua Saul no coꞌ ngu Saul. No ngòo fuerz Saul tedib vez. Mbyanꞌ Saul ciuda Damasc plá huiz con mèn coꞌ ngolaꞌs loo Tad Jesús.
\s Saul mtlo mblo yalbàn loo mèn leꞌn ciuda Damasc.
\p
\v 20 Leque leꞌn huiza, mtlo Saul, mblo Saul yalbàn cón cheꞌn diꞌs ndac loo mèn leꞌn sinagog coꞌ ndub leꞌn ciuda Damasc. Mdaꞌ Saul cuent loo mèn leꞌ Jesús nacpeꞌ xganꞌ Diox.
\v 21 Ryete mèn coꞌ ndxòn xal ndyoodiꞌs Saul loo mèna, ante ngüiꞌ mèna no ante ñaa mèna. No mbez mèna loo xtàa mèna:
\p ―¿Chéꞌ inacte mbiꞌ baꞌ mbiꞌ coꞌ ngue tee ndub nguꞌs mèn, mèn coꞌ mbez Diox por cón cheꞌn lèe Tad Jesús, mèn coꞌ naban leꞌn ciuda Jerusalén, càꞌ? No ¿chéꞌ inacte mbiꞌ baꞌ leque mbiꞌ coꞌ nde trèꞌ par hueꞌ mbiꞌ mèn coꞌ ndxelaꞌs loo Diox por cón cheꞌn Jesús xal pres par taꞌ mbiꞌ mèna loo jef coꞌ más ñibeꞌ loo rye nguleyꞌ, ne, càꞌ? Leque mbiꞌi, ¿lèꞌ?
\p
\v 22 Per sate más ndxòo valor loo Saul. No ndluꞌ Saul loo mèn leꞌ Jesús nacpeꞌ Crist coꞌ mxoꞌf zinꞌ zinꞌ cheꞌn Diox. Ale axta mbli Saul gan ndxos xtùuz mèn axta neꞌ neꞌ ñee mèn cón nac conꞌ lìcpeꞌ, mèn coꞌ ngòc mèn nación Israel coꞌ naban leꞌn ciuda Damasc.
\s Saul mblyáꞌ laꞌs yaꞌ mèn nación Israel coꞌ mblyaꞌs guth Saul.
\p
\v 23 Per coꞌseꞌ ndxàcleꞌ plá mbeꞌ ñèe mèn Saul, ngo Saul yalbàn, thidte mdoodiꞌs mèn nación Israel coꞌ naban leꞌn ciuda Damasc. No thidte ngòc mèna par guth mèna Saul.
\v 24 Per Saul mbìn leꞌ mèna thidte ndxàc par guth mèna Saul. Leꞌ mèna mtauꞌ loo Saul ro puert ro ciudaa ze no yálꞌ par coꞌseꞌ ryoꞌ Saul leꞌn ciuda, guth mèna Saul.
\v 25 Per mèn coꞌ ndxelaꞌs loo Diox por cón cheꞌn Jesús coꞌ nzo leꞌn ciuda Damasc, mèna mblo Saul leꞌn thìb cardor ryal. No xex xex mblàa mèna Saul par loo yòo ro ventan coꞌ ndub xís ftoo thìb lad ro ciuda coꞌseꞌ ngulàa yálꞌ izlyoꞌ. Tataa mod mblyáꞌ Saul loo mèn coꞌ mblyaꞌs nguth Saul leꞌn ciuda Damasc.
\s Saul ngo leꞌn ciuda Jerusalén.
\p
\v 26 Coꞌseꞌ mzin Saul leꞌn ciuda Jerusalén, mblyaꞌs Saul thidte nqueltàa Saul con mèn coꞌ ndxelaꞌs loo Crist. Per ryete mèna mzyeb tac indxelaꞌste mèna leꞌ Saul, lìcqueꞌ, ngolaꞌsleꞌ loo cón cheꞌn Crist, ne.
\v 27 Per mastaleꞌ mzyeb mèna ñèe mèna Saul, thìb mbiꞌ coꞌ lèe Mbèlꞌ mbeꞌ Saul loo myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús. Mbluꞌ Mbèlꞌ Saul loo myenꞌ. No leque hora mdaꞌ Mbèlꞌ cuent loo myenꞌ xá mod mxyoꞌf loo Tad Jesús loo Saul ned nde Saul par ciuda Damasc no xá mod mdyoodiꞌs no Tad Jesús Saul. No mdaꞌ mbiꞌ coꞌ lèe Mbèlꞌ cuent loo myenꞌ coꞌ ndxàc xtàa Mbèlꞌ coꞌ ndxeꞌ diꞌs cheꞌn Tad Jesús loo mèn xá mod ngòc conꞌ loo Saul leꞌ Saul, con dibaxlaꞌs, mdoodiꞌs loo mèn ciuda Damasc por cón cheꞌn Tad Jesús. Syareꞌ, mdyal myenꞌa thidte mqueltàa myenꞌ con Saul.
\v 28 Mbyanꞌ no Saul myenꞌ ciuda Jerusalén no mque tee no Saul myenꞌ ndxep tiemp.
\v 29 Con dibaxlaꞌs mdoodiꞌs Saul no mdaꞌ Saul cuent loo mèn por cón cheꞌn conꞌ roo no conꞌ xèn cheꞌn Tad Jesús. Noo noo ndyoodiꞌs no Saul mèn no noo noo ngolꞌ Saul diꞌs loo mèn nación Israel, mèn coꞌ ndyoodiꞌs diꞌstèe grieg. Per mèna axta arid mbli purad par nguth mèna Saul.
\v 30 Coꞌseꞌ mdaꞌ mèn coꞌ ndxàc hues por cón cheꞌn Jesucrist cuent leꞌ mèna ngue li purad par guth mèn Saul, mbeꞌ mèn coꞌ ndxelaꞌsa Saul par ned làaz mèn ciuda Cesar. Ngoloa, mtelꞌ mèn coꞌ ndxelaꞌsa Saul par ya Saul par ciuda Tars coꞌteꞌ nac liz no làaz Saul.
\p
\v 31 Leꞌn tiempa ryete mèn coꞌ nqueltàa, coꞌ ndxelaꞌs loo Jesucrist par ned làaz mèn jude, no par ned làaz mèn galile, no par ned làaz mèn samari, ryete mèna ngure nagàl lezoꞌ loo cón cheꞌn Diox. No nqueltàa yende chó mèn mdub nguꞌs mèna. No sate más nzi téꞌth mèn no sate más ndaꞌ mèn cuent cón cheꞌn Diox par tolo ndyubdiꞌs ndac mèn xal ñibeꞌpeꞌ Diox loo mèn. Mzyeb mèn loo cón cheꞌn Diox no mque tee li mèn cas loo cón cheꞌn Diox. No sate más nqueltàa mèn no ndoo yarꞌ mèn xalqueꞌ ndli Xpii Natúꞌ par tolo tyal mèn yilaꞌs mèn loo Diox.
\s Tad Jesucrist mteyac thìb mbiꞌ coꞌ ngroꞌ lèe Ene.
\p
\v 32 Coꞌseꞌ mque tee too naa Pedr mèn coꞌ ndxàc hues por cón cheꞌn Jesucrist huax lugar, sangngua Pedr ned nziriꞌ thìb yèez coꞌ lèe Lid par ngua too naa Pedr mèn coꞌ ngolaꞌs par neda, ne.
\v 33 Leꞌn yèeza mzyálꞌ Pedr thìb mbiꞌ coꞌ lèe Ene. Mbiꞌa ndxàcleꞌ xon línꞌ nax loo thìb yíiz mbii coꞌ lèe yíiz bech.
\v 34 Pedr ndxab loo Ene:
\p ―Ene, Tad Jesucrist mteyacl. Goo che no fquiꞌs camil.
\p Leque hora ngo too lì Ene xal thìb mèn huen. Ale ndxeꞌslequeꞌ ngo too Ene.
\v 35 Ryete mèn coꞌ naban, mèn coꞌ nac mèn yèez Lid no mèn coꞌ nac mèn yèez Sarón gunèe xal gundee Ene. Ryete mèna mbláꞌ costumbr gox coꞌ mque no mèn. No luega ngòo mèna loo cón cheꞌn Tad Jesús.
\s Tad Jesús mblo xban thìb xaꞌgot coꞌ ngroꞌ lèe Dorc xalqueꞌ mnaꞌb Pedr loo Tad par li Tad conꞌa.
\p
\v 36 Leque leꞌn tiempa ngo thìb xaꞌgot coꞌ ngolaꞌs loo Jesucrist leꞌn ciuda Jop. Xaꞌgota ngroꞌ lèe Tabit. Leꞌ diꞌstèe mèn grieg na, mbez mèn lèe xaꞌgota Dorc. Dib lal naban xaꞌgota mque tee ban li xaꞌgota conꞌ ndac. No ndlyath no xaꞌgota mèn coꞌ ndyac yaltìi coꞌ nde che conꞌ loo, coꞌ nee diꞌs, mèn coꞌ naquin conꞌ.
\v 37 No leꞌxqueꞌ leꞌn huiz coꞌseꞌ mque tee Pedr par ned leꞌn yèez Lid, mxac len Dorc no nguth Dorc. Coꞌseꞌ ngolo mtegad mèn thebol Dorc, mxoꞌf mèn thebol Dorc loo mes leꞌn thìb cuart coꞌ nac chop pis liz thebol Dorc.
\v 38 Ciuda Jop nziriꞌ gax con yèez Lid coꞌteꞌ mque tee Pedr. Per com leꞌ mèn Jop coꞌ ndxelaꞌs non leꞌ Pedr ngue tee leꞌn yèez Lid, ¿léꞌ?, mtelꞌ mèna chop xaꞌbiꞌ coꞌ ngua nee loo Pedr li Pedr favor lueg tyee Pedr par ya Pedr ciuda Jop.
\p
\v 39 Sya, lueg mxen Pedr ned con ryop mèna. Coꞌseꞌ mzin Pedr liz thebol Dorc, sangmbeꞌ mèna Pedr loo pis gáp coꞌteꞌ ndub cuart coꞌteꞌ nzoꞌf thebol Dorc. Leꞌ rye mèngot viud coꞌ ngòc amista con thebol Dorc na, nziriꞌ dib vuelt loo thebol Dorc. Nzi yónꞌ mèna. No mbluꞌ mèngota vestid no camis coꞌ mtoxcuaꞌ thebol Dorc no coꞌ mblo yóoꞌ thebol Dorc coꞌseꞌ naban thebol Dorc loo Pedr.
\v 40 Sya, luega mnibeꞌ Pedr loo rye mèn coꞌ nziriꞌ par ngroꞌ mèn par fuer. Ngoloa, mdub xib Pedr. No ngurez Pedr Diox leꞌ Diox li par ryo xban thebol Dorc. No ngolo ngurez Pedr Diox, xèe ngüiꞌ Pedr loo thebol Dorc coꞌ nzoꞌf loo mes. Sya, ndxab Pedr loo thebol Dorc:
\p ―Tabit, goo che coꞌteꞌ naxl baꞌ, ey.
\p Sya, mxalꞌ Dorc ngudloo Dorc. No coꞌseꞌ gunèe Dorc Pedr, mdub Dorc.
\v 41 Sya, mxen Pedr yaꞌ Dorc. Mxít too Pedr Dorc. No luega mbrez Pedr mèn coꞌ ndxàc hues por cón cheꞌn Jesucrist no rye mèngot viud coꞌ mnibeꞌ Pedr ngroꞌ fuer. Coꞌseꞌ ngòo rye mèna leꞌn nyòo, mbluꞌ Pedr Dorc loo mèn. Ngro xbanleꞌ Dorc. No ngo cheleꞌ Dorc.
\v 42 Mbyath mbyèn conꞌ coꞌ ngòc loo Dorca dib leꞌn ciuda Jop. Cona mbli sate más huax mèn ngolaꞌs loo Tad Jesús.
\v 43 Leꞌ Pedr na, sangmbyanꞌ leꞌn ciuda Jop leꞌn plá huiz liz thìb mbiꞌ coꞌ ntecuuꞌs yid máꞌ. Mbiꞌa lèe Mon.
\c 10
\s Pedr ngua liz thìb mbiꞌ coꞌ ngroꞌ lèe Cornel.
\p
\v 1 Tiempa ngo ban thìb mbiꞌ coꞌ ngroꞌ lèe Cornel leꞌn ciuda Cesar. Cornel ngòc capitán loo thìb ayo solndad coꞌ ngroꞌ lèe partid Italian.
\v 2 Ngòc Cornel thìb mbiꞌ coꞌ thidte mqueltàa con famil Cornel par mdyub xib mèna no mcòoꞌ mèna yéc mèna loo Diox liz Cornel. No anzeꞌf mzyeb Cornel loo cón cheꞌn Diox. Mdaꞌ Cornel tmi par ndlyath no Cornel mèn nación Israel coꞌ ngo ban ciuda Cesar, mèn coꞌ ndyac yaltìi. No thidtenequeꞌ mbez Cornel Diox.
\v 3 Thìb vez ngòc thìb conꞌ loo Cornel. Com hor nquée guyon bzyè, clarlequeꞌ mxyoꞌf loo thìb conꞌ loo Cornel. Mxac Cornel leꞌ thìb angl cheꞌn Diox ngòo coꞌteꞌ nzo Cornel. Ndxab angl loo Cornel:
\p ―Cornel.
\p
\v 4 Per Cornel xèe ngüiꞌ loo angl. No anzeꞌf mzyeb Cornel. Por lult mnibdiꞌs Cornel loo angl. Ndxab Cornel:
\p ―¿Cóna, Tad?
\p Angl ndxab loo Cornel:
\p ―Diox ncàaqueꞌ cuent diꞌs coꞌ mbez guꞌ coꞌseꞌ mbez guꞌ Diox. No ndxòo lezoꞌ Diox conꞌ ndli guꞌ coꞌseꞌ ndlyath no guꞌ mèn coꞌ ndyac yaltìi coꞌ nquin conꞌ.
\v 5 Na ñibeꞌ lool, Cornel, ftelꞌ mèn par ciuda Jop par ya chez mèna thìb mbiꞌ coꞌ lèe Mon coꞌ neꞌ tedib lèe coꞌ lèe Pedr.
\v 6 Mon nzo ban liz tedibguèꞌ mbiꞌ coꞌ lèe Mon coꞌ nac thìb mbiꞌ coꞌ ntecuuꞌs yid máꞌ. Liz Mona ndub gaxte ro níttóꞌ. Coꞌseꞌ yiꞌth mbiꞌ coꞌ lèe Mon Pedr lool, Mon Pedr taꞌ cuent lool cón naquin lil.
\p
\v 7 Coꞌseꞌ ndyàa angl coꞌ mdoodiꞌs no Cornel, Cornel mbli mandad ndyeꞌth chop moz Cornel no ndyeꞌth thìb solndad coꞌ nac mbiꞌleyꞌ. Mbiꞌ coꞌ nac solndada, anzeꞌf ndxàp Cornel yalxlaꞌs ñèe Cornel mbiꞌ.
\v 8 Mdaꞌ Cornel cuent loo moz no loo solndad ryete conꞌ coꞌ ngòc loo Cornel. Ngoloa, mtelꞌ Cornel moz con solndad. Nda moz con solndad ciuda Jop.
\p
\v 9 Tedib huiz coꞌ nde nquea, láth ndoo moz con solndad ned no coꞌseꞌ yamerleꞌ nde zin gax moz con solndad ciuda Jop, Pedr nguáp loo zote yéc yòo par cuez Pedr Diox. Hora ngòc casqueꞌ rol huiz.
\v 10 Hora anzeꞌf ndlyanꞌ Pedr. Ndlyaꞌs Pedr hua Pedr. Per láth ngue toxcuaꞌ mèn conꞌ hua Pedr, no láth ngue bez Pedr Diox, mxyoꞌf loo thìb conꞌ loo Pedr.
\v 11 Per conꞌ coꞌ mxyoꞌf loo loo Pedr, mxac Pedr mxyalꞌ loo béꞌ. No mxac Pedr nde làa thìb leꞌ larꞌ coꞌ anzeꞌf naroo loo béꞌ loo Pedr. Natedóꞌ larꞌa dyap squin.
\v 12 Loo larꞌa nzo huax loo máꞌ coꞌ nziꞌf nii, no mbelꞌ, no mbin coꞌ iñaade hua mèn.
\v 13 Sya, hora mbìn Pedr thìb diꞌs coꞌ mbyèn loo béꞌ. Ndxab diꞌsa loo Pedr:
\p ―Goo too, Pedr. Lùu ñee xá ñaa máꞌ coꞌ ndyublaꞌsl hual. Beth máꞌ par hual.
\p
\v 14 Pedr mcàb loo Tad. Ndxab Pedr:
\p ―Aaꞌa, Tad. Neꞌguthten nec thìb máꞌ baꞌ par huan máꞌ tac daa thidtenequeꞌ tarte hua nítyèth bélꞌ máꞌ zab coꞌ iñaade hua mèn.
\p
\v 15 Mbere Tad Jesús, mdoodiꞌs Tad Jesús tedib vez loo Pedr. Ndxab Tad Jesús:
\p ―Rye loothe máꞌ coꞌ mtembìi Diox par hua mèn, neꞌgabtel inambìide máꞌ, Pedr.
\p
\v 16 Ngolo mbyon vez ngòca tataa loo Pedr, mbere larꞌa. Nguáp larꞌa loo béꞌ nazalꞌ máꞌ larꞌ.
\v 17 Per láth ngue li Pedr xtùuz cóthe li Pedr cón cheꞌn conꞌ coꞌ mxyoꞌf loo loo Pedr no cón nee diꞌs conꞌ coꞌ mxyoꞌf loo loo Pedr, no mbli Pedr xtùuz cón nee diꞌs diꞌs coꞌ gunii Tad loo Pedr, mzin gax moz con solndad coꞌ mtelꞌ Cornel ro puert liz Mon. Gunii moz loo mèn guliz mbiꞌ coꞌ lèe Mon. Ndxab moz:
\p ―¿Chéꞌ trèꞌ nac liz Mon coꞌ ntecuuꞌs yid máꞌ, càꞌ?
\p
\v 18 Texal mzin moz liz Mon, gápleꞌqueꞌ mnibdiꞌs moz loo mèn guliz Mon. Ndxab moz:
\p ―¿Chéꞌ nzo thìb mbiꞌ coꞌ lèe Mon coꞌ neꞌ tedib lèe Pedr coꞌ nzo ban trèꞌ nalleꞌ, àꞌ?
\p
\v 19 Per láth beꞌ ngue li Pedr xtùuz cón cheꞌn conꞌ coꞌ mxyoꞌf loo loo Pedr, Xpii Natúꞌ ndxab loo Pedr:
\p ―Pedr, huiꞌ nexa. Son xaꞌbiꞌ nde cuaꞌn lùu.
\p
\v 20 Ndxab Xpii Natúꞌ loo Pedr, ne:
\p ―Goo too no bilàa. Fxen ned no huàa no mèn baꞌ. No neꞌgàcte chop loo chop laꞌsl tac daa mtelꞌ mèn baꞌ. Mbiꞌth mèn baꞌ lool.
\p
\v 21 Sya, mbilàa Pedr. Ngua Pedr coꞌteꞌ nziriꞌ yon mèn coꞌ mtelꞌ Cornel. Ndxab Pedr loo mèna:
\p ―Daa nac xaꞌ coꞌ nde cuaꞌn guꞌ. ¿Chó zinꞌ nde guꞌ, àꞌ? ¿Cón ndlyaꞌs guꞌ lin?
\p
\v 22 Mèna mcàb. Ndxab mèna loo Pedr:
\p ―Nuꞌ nde mandad cheꞌn thìb mbiꞌ coꞌ lèe Cornel coꞌ nac thìb capitán coꞌ nacguèꞌ thìb mbiꞌ guryath no thìb mbiꞌ guryèn. Nzyeb Cornel loo cón cheꞌn Diox no ndli Cornel cas loo cón cheꞌn Diox. No ryete mèn nación Israel coꞌ nzo ban ciuda Jop anzeꞌf ndli par ndyuꞌ Cornel. No anzeꞌf nqueꞌ lezoꞌ mèna ñèe mèna Cornel. No mtelꞌ Diox thìb angl cheꞌn Diox coꞌ ngua loo Cornel. Angl ndxab loo Cornel ndxàalqueꞌ telꞌ chez Cornel lùu par yal liz Cornel par gòn Cornel cuent coꞌ taꞌl loo Cornel cón cheꞌn Jesucrist.
\p
\v 23 Sya, mnibeꞌ Pedr loo yon xaꞌbiꞌa ngòo xaꞌ par leꞌn nyòo. No mbyanꞌ no xaꞌbiꞌa Pedr yálꞌa. Coꞌseꞌ ngo nìi izlyoꞌ tedib huiz coꞌ nde nquea, mxen Pedr ned, nda no Pedr yon xaꞌbiꞌa. No ndoo nque plá mèn coꞌ ndxàc hues por cón cheꞌn Jesucrist coꞌ nac mèn ciuda Jop xís Pedr par ngua no mèna Pedr ciuda Cesar coꞌteꞌ nac liz Cornel.
\p
\v 24 Mzin Pedr con mèna ciuda Cesar tedib huiz coꞌ nde nquea coꞌteꞌ ngue bed Cornel con ndxep mèn guliz Cornel no con ndxep amiu coꞌ nac huen amiu Cornel coꞌ ndxab Cornel yiꞌth par gòn mèna diꞌs coꞌ tyoodiꞌs Pedr loo mèna.
\v 25 Coꞌseꞌ mzin Pedr liz Cornel, Cornel ngroꞌ par ngua càa ned Cornel Pedr. No mdub xib Cornel loo Pedr par mcòoꞌ Cornel yéc Cornel loo Pedr.
\v 26 Per Pedr mxít too Cornel. Ndxab Pedr loo Cornel:
\p ―Mbiꞌ, goo too, yey. Neꞌtub xibtel loon. ¿Chéꞌ ingüiꞌdel daa, ne, nac lomisqueꞌ mbiꞌ xal lùu, Cornel? Lalqueꞌ ryop naꞌ, ey.
\p
\v 27 No láth ngue toodiꞌs no Pedr Cornel, ngòo no Cornel Pedr par leꞌn nyòo. Gunèe Pedr huax mèn mqueltàa liz Cornel.
\v 28 Sya, ndxab Pedr loo rye mèna:
\p ―Guꞌ non no nanee guꞌ xal nac mèn nación Israel loo xleyꞌ mèn nación Israel. Xleyꞌ mèna indaꞌde lugar par queltàa no mèna mèn tith o yòo mèna liz mèn coꞌ nac mèn tith. Per Diox mbluꞌ loon indxàalte gaben yende chó conꞌ nac conꞌ zab no conꞌ coꞌ inambìide loo Diox.
\v 29 Por cona, texal ngurez guꞌ daa, luega ndalen loo guꞌ no neꞌngolten nec thìb diꞌs loo mèn coꞌ mtelꞌ guꞌ loon. Ndlyazen ñee guꞌ loon chonon mtelꞌ chez guꞌ daa.
\p
\v 30 Sya, mcàb Cornel loo Pedr. Ndxab Cornel:
\p ―Ndxàc thap huiz xal hor nalthe, daa nzo leꞌn nyòo lizen ndxèꞌ. Xlat daa. No ngue bezen Diox coꞌ nac hor coꞌ mbezen Diox ndxáal bzyè. Hora mxyoꞌf loo thìb mbiꞌ coꞌ noc xab coꞌ anzeꞌf nquée xnìi loon.
\v 31 Gunee mbiꞌ loon: Cornel, Diox mcàaqueꞌ cuent diꞌs coꞌ mbezl loo Diox coꞌseꞌ mbezl Diox. No nteꞌqueꞌ lezoꞌ Diox cón cheꞌn conꞌ coꞌ ndlyath nol mèn prob coꞌ naquin conꞌ.
\v 32 Gunee angl loon, ne: Ftelꞌ mèn ya xi mèn Mon coꞌ neꞌ tedib lèe coꞌ lèe Pedr coꞌ nzo ban ciuda Jop. Mona nzo ban liz thìb mbiꞌ coꞌ lèeguèꞌ Mon coꞌ ntecuuꞌs yid máꞌ. Liz Mona ndub gax ro níttóꞌ. Coꞌseꞌ yiꞌth Mon Pedr lool, Mon Pedr yòo tyoodiꞌs no lùu cón ndxàal lil.
\v 33 Por cona, luega mtelꞌen mèn par ngua cuaꞌn mèn lùu. Per nalleꞌ huenqueꞌ mblil ndel. No nalleꞌ ñèel ryete nuꞌ nziriꞌ loo Diox trèꞌ no ndlyaꞌs nuꞌ gòn nuꞌ diꞌs coꞌ ñibeꞌ Diox lool par tyoodiꞌsl loo nuꞌ.
\s Pedr mblo yalbàn liz Cornel.
\p
\v 34 Sya, mtlo Pedr, mdoodiꞌs Pedr loo mèna. Ndxab Pedr:
\p ―Nase naneen no ndan cuent yende chó mèn más ndyuꞌ loo xtàa mèn loo Diox.
\v 35 Ndxeꞌlequeꞌ, Diox ndyal no ngòo Diox cuent cón cheꞌn mèn chol nación, mèn coꞌ nzyeb loo cón cheꞌn Diox no coꞌ nque tee ban nalì no nambìi loo Diox par yòo mèna loo cón cheꞌn Diox.
\v 36 Diox gunii loo bin mèn nación Israel. Mdeꞌth Diox diꞌs loo mèna xá mod yo nagàl lezoꞌ mèn loo Diox por cón cheꞌn Jesucrist. Jesucrist nac Tad no jef loo ryethe mèn.
\v 37 Guꞌ huen huen ndaꞌ cuent cón cheꞌn conꞌ coꞌ ngòc par ned làaz mèn nación Israel coꞌseꞌ ner mtlo Juàn Bautist, mblo Juàn yalbàn no mdeꞌth Juàn diꞌs cón cheꞌn Tad Jesús. No mbli Juàn bautizar mèn par neda. Ngoloa, mque tee go Tad Jesús yalbàn loo mèn yèezyaꞌ cheꞌn làaz mèn galile.
\v 38 Guꞌ nanee no non guꞌ xá mod mbli Diox par ngòp Jesús conꞌ laꞌs nii Jesús no laꞌs yaꞌ Jesús por cón cheꞌn Xpii Natúꞌ cheꞌn Diox. Nanee guꞌ, ne, xá mod mque tee li Jesús conꞌ ndac. No mteyac Jesús rye loothe yíiz coꞌ ngòc xquíiz cheꞌn Mebizya coꞌ mxac mèn. Jesús mbli conꞌa tac Diox nzo noqueꞌ Jesús.
\v 39 Nuꞌ nac mèn coꞌ ndaꞌ cuent cón cheꞌn ryethe conꞌ mbli Jesús. Mbli Jesús conꞌa par ned leꞌn yèezyaꞌ cheꞌn làaz mèn jude no leꞌn ciuda Jerusalén, ne. Ngoloa, mbeth mèn Jesús. Mqueꞌ mèn Jesús loo thìb cruz.
\v 40 Per mastaleꞌ nguth Jesús loo thìb cruz, mbli Diox par ngro xban Jesús coꞌseꞌ ngolo son huiz nguth Jesús. Ngoloa, mbli Diox, ne, par gunèe nuꞌ Jesús tedib vez.
\v 41 Neꞌngluꞌ loode Diox Jesús loo ryete mèn tiempa. Ndxeꞌlequeꞌ, Diox mbluꞌ Jesús loo nuꞌ, nuꞌ coꞌ ngòc mèn coꞌ Diox mcui ndooreꞌ, par gàc nuꞌ mèn coꞌ taꞌ cuent no teꞌth nuꞌ cón cheꞌn Jesús. Coꞌseꞌ ngolo ngro xban Jesús làth mèn nguth, nuꞌ nduhua no Jesús no ngu no nuꞌ Jesús coꞌ ngòc xít nuꞌ no luaꞌ nuꞌ.
\v 42 Leꞌn huiz coꞌ mque tee no Jesús nuꞌ loo ngro xban Jesús, Jesús mnibeꞌ loo nuꞌ ya lo nuꞌ yalbàn no taꞌ nuꞌ cuent loo mèn leꞌ Diox mdoo leque yub Jesús xal thìb juez par tub rez Jesús cón cheꞌn mèn naban, no cón cheꞌn mèn nguth, coꞌseꞌ gàc tiempa.
\v 43 Lomisqueꞌ ne, gunii rye mèn coꞌ mdeꞌth diꞌs coꞌ ndxab Diox loo mèn, mèna gunii póla cón cheꞌn Jesús. Ndxab mèna leꞌ ryete mèn coꞌ yilaꞌs loo Jesús no loo cón cheꞌn Jesús, mèna tyonꞌ xtol por cón cheꞌn Jesús.
\s Ngulàaleꞌ Xpii Natúꞌ no ngòo Xpii Natúꞌ loo mèn coꞌ inacte mèn nación Israel par tlo ñibeꞌ Xpii Natúꞌ loo mèna, ne.
\p
\v 44 Tatabeꞌ ngue toodiꞌs no Pedr mèn liz Cornel coꞌseꞌ ngulàa Xpii Natúꞌ loo rye mèn no ngòo Xpii Natúꞌ leꞌn lezoꞌ mèn coꞌ nzi yòn diꞌs coꞌ ngo Pedr yalbàn. No mtlo Xpii Natúꞌ, mnibeꞌ Xpii Natúꞌ loo mèna.
\v 45 Mèn nación Israel coꞌ ndxelaꞌs loo Jesús coꞌ mbiꞌth no Pedr liz Cornel, mèna ante mbuiꞌ no ante gunaa mèna leꞌ Xpii Natúꞌ ngulàa loo mèn coꞌ inacte mèn nación Israel, ne.
\v 46 Tataa mbuiꞌ no gunaa mèn nación Israel tac mbìn mèna leꞌ mèn coꞌ inacte mèn nación Israel mdoodiꞌs tedib diꞌstèe no mbez mèna diꞌs roo diꞌs xèn no diꞌs natúꞌ loo taamas mèn cón cheꞌn Diox, ne.
\v 47 Sya, ndxab Pedr loo myenꞌ xtàa Pedr coꞌ ngua no Pedr liz Cornel:
\p ―¿Xá nee guꞌ? ¿Chéꞌ nzo chó guꞌ cà diꞌs par gàc bautizar mèn ndxèꞌ? Guꞌ naneequeꞌ leꞌ mèn ndxèꞌ ngulàa Xpii Natúꞌ loo xalqueꞌ ngulàa Xpii Natúꞌ loo naꞌ, ¿léꞌ? Cóna, ñaꞌben diꞌs ndxèꞌ loo guꞌ.
\p Sya, ndxab myenꞌ loo Pedr:
\p ―Yende cón li gàc bautizar mèn baꞌ, yey.
\p
\v 48 Sya, mnibeꞌ Pedr gàc bautizar mèna por lèe Tad Jesucrist. Ngolo ngòc bautizar mèna, mnaꞌb mèna loo Pedr. Ndxab mèna:
\p ―Pedr, byanꞌ con nuꞌ mase pláte huiz, yey.
\c 11
\s Pedr ngua taꞌ cuent cón cheꞌn conꞌ ngòc loo Pedr liz Cornel loo mèn coꞌ nqueltàa loo cón cheꞌn Diox ciuda Jerusalén.
\p
\v 1 Ryete myenꞌ xinꞌ mtéꞌth Jesús coꞌ ndxeꞌ diꞌs, no mèn coꞌ ndxàc hues por cón cheꞌn Jesús, coꞌ nqueltàa leꞌn yèezyaꞌ coꞌ nac làaz mèn jude, mèna mbìn leꞌ mèn coꞌ inacte mèn nación Israel mdyal mbìn diꞌs ndac coꞌ nac diꞌs ndac cheꞌn Diox. Ngolaꞌs mèna no ngòo mèna loo cón cheꞌn Diox, ne.
\v 2 Coꞌseꞌ mbere Pedr, mdyàa Pedr par ciuda Jerusalén, mèn coꞌ ndxelaꞌs coꞌ nac mèn nación Israel anzeꞌf mteyolꞌ diꞌs con Pedr cón cheꞌn cón mbli Pedr liz Cornel.
\v 3 Ndxab mèna loo Pedr:
\p ―¿Chonon ngua too naal mèn coꞌ inacte mèn nación Israel no axte ndxuhua nol mèna, àꞌ?
\p
\v 4 Sya, mtlo Pedr, mdaꞌ Pedr cuent loo mèn conꞌ coꞌ ngòc loo Pedr ndooreꞌ ya Pedr liz Cornel no axta xal ngòc bautizar mèn liz Cornel. Ndxab Pedr:
\p
\v 5 ―Daa ngo leꞌn ciuda Jop. No láth ngue bezen Diox thìb bzyè, mxyoꞌf loo thìb conꞌ loon. Gunèen nde làa thìb conꞌ coꞌ ñaa xal thìb leꞌ mant loo béꞌ loon. No natedóꞌ mant dyap punt.
\v 6 Coꞌseꞌ mbuiꞌen coꞌ huenlequeꞌ leꞌn mant cón nzo leꞌn mant, gunèen nzo máꞌ coꞌ nziꞌf thap nii leꞌn mant coꞌ nac máꞌ huan. Nzo mbelꞌ. No nzo mbin leꞌn mant.
\v 7 No mbìnen thìb diꞌs coꞌ gunee loon: Goo too, Pedr. Lùu nee xá ñaa máꞌ coꞌ hual. Beth máꞌ par hual.
\v 8 Per daa ndxab loo Tad: Aaꞌa, Tad. Neꞌlidena tataa tac daa tarte hua nec thìb nítyèth máꞌ coꞌ nac máꞌ nazab no coꞌ nac máꞌ coꞌ inambìide.
\v 9 Sya, mbere diꞌs cheꞌn Tad. Mbyèn diꞌsa tedib vez loo béꞌ. Gunee diꞌsa loon: Rye máꞌ coꞌ mtembìi Diox, neꞌgabtel máꞌ zab máꞌa.
\v 10 Mbyon vez tataa gunee Tad loon. Ngoloa, mbere mant. Nguáp mant loo béꞌ tedib vez.
\v 11 Leque hora, mzin son xaꞌbiꞌ liz Mon coꞌteꞌ nzon. Yon xaꞌbiꞌa nde axta ciuda Cesar par mbiꞌth cuaꞌn xaꞌ daa.
\v 12 Sya, mtelꞌ Xpii Natúꞌ daa, nda non yon mèna. No mnibeꞌ Xpii Natúꞌ loon neꞌgàcte chop loo chop laꞌs daa par ga non mèna liz Cornel. Ngua no xop mèn ciuda Jop, coꞌ ndxàc hues naꞌ por cón cheꞌn Jesucrist, daa liz mbiꞌ coꞌ lèe Cornel ciuda Cesar, ne.
\v 13 Mbiꞌ coꞌ lèe Cornela mdaꞌguèꞌ cuent loo nuꞌ xá mod gunèe mbiꞌ ngua thìb angl loo mbiꞌ liz mbiꞌ. Ndxab angl loo mbiꞌ: Ftelꞌ mèn par ya mèn ciuda Jop par ya xi mèn thìb mbiꞌ coꞌ lèe Mon coꞌ neꞌ tedib lèe coꞌ lèe Pedr.
\v 14 Mon ñee lool xá mod lil par gàc lyáꞌl loo conꞌ ryes con ryete mèn gulizl.
\v 15 Coꞌseꞌ mtlon, ngue toodiz non mèn guliz Cornel liz Cornel, Xpii Natúꞌ ngulàa loo mèna no ngòo Xpii Natúꞌ loo mèna par tlo ñibeꞌ Xpii Natúꞌ loo mèna xalqueꞌ ngulàa Xpii Natúꞌ loo naꞌ coꞌseꞌ ngòc huiz coꞌseꞌ nerlequeꞌ ngulàa Xpii Natúꞌ loo naꞌ no ngòo Xpii Natúꞌ loo naꞌ par tlo ñibeꞌ Xpii Natúꞌ loo naꞌ, ne.
\v 16 Axta syareꞌ mteꞌ lezon xal gunii Tad Jesús loo naꞌ: Lìcqueꞌ, Juàn Bautist mbli bautizar mèn con nít per leꞌn taaplá huiz lin par lyàa Xpii Natúꞌ cheꞌn Diox loo ryete guꞌ coꞌ ngolaꞌsleꞌ loo cón chenen no loon, coꞌ nee diꞌs, thidte ngòo guꞌ loo cón chenen por cón cheꞌn Xpii Natúꞌ coꞌ lyàa loo guꞌ xal coꞌseꞌ ndxòo mèn leꞌn nít par ndxàc bautizar mèn.
\v 17 Pues, cheleꞌ Diox mbli ngulàa Xpii natúꞌ no ngòo Xpii Natúꞌ loo mèn coꞌ inacte mèn nación Israel par mtlo ñibeꞌ Xpii Natúꞌ loo mèna, ne, xalqueꞌ ngulàa Xpii Natúꞌ loo naꞌ no ngòo Xpii Natúꞌ loo naꞌ par mtlo ñibeꞌ Xpii Natúꞌ loo naꞌ coꞌ ngolaꞌsleꞌ loo Jesucrist, ¿chó nac daa hora par gàc daa thìb xaꞌ coꞌ càꞌ diꞌs, no thìb xaꞌ coꞌ nac ngolo ngolaꞌs loo conꞌ ngue li Diox par yilaꞌs taamas mèn, sya, àꞌ? Yende mod gác lin tataa, ¿léꞌ?
\p
\v 18 Leꞌ sya, coꞌseꞌ mbìn mèn coꞌ ndxàc hues por cón cheꞌn Jesucrist coꞌ nac mèn ciuda Jerusalén tataa ndxab Pedr, xèegà mbyauꞌ ro mèna. Más quee lezoꞌ mèna ndxab mèna diꞌs roo diꞌs xèn no diꞌs natúꞌ loo xtàa mèn cón cheꞌn Diox no loo Diox. Ndxab mèna:
\p ―¡Ay, Dioꞌs! Nase non naꞌ no nanee naꞌ axta loo mèn coꞌ inacte mèn nación Israel mbli Diox par mxyalꞌ ned mxyalꞌ yóꞌ par ngulàa yéc mèna no ngulàa lezoꞌ mèna par mseꞌ mèna mod coꞌ ngòp mèna loo Diox. No tataa mod tyonꞌ xtol mèna par gàc loo mèna yòo ban no mèna Diox thidtene yiloa.
\s Mèn coꞌ ngolaꞌsleꞌ loo cón cheꞌn Jesucrist mtlo mqueltàa loo cón cheꞌn Diox leꞌn ciuda Antioqui.
\p
\v 19 Anon mbeth mèn thebol Steb mtlo mèn, ndub nguꞌs mèn mèn coꞌ ngolaꞌsleꞌ loo cón cheꞌn Jesucrist. Ngo ndxep mèn coꞌ nzo neꞌñee lezoꞌ mxonꞌ axta par leꞌn yèezyaꞌ coꞌ nac làaz mèn fenis, no axta par leꞌn yèezyaꞌ coꞌ nac làaz mèn chipr coꞌ nac thìb yòo biiz coꞌ nziriꞌ leꞌn níttóꞌ. No axta leꞌn ciuda Antioqui mxonꞌ rye mèna. Mblo mèna yalbàn rye ned mxonꞌ mèna cón cheꞌn diꞌs ndac cheꞌn Diox. Per ante loo mèn nación Israel mblo mèna yalbàn. Neꞌngode mèna yalbàn loo mèn coꞌ inacte mèn nación Israel.
\v 20 Làth xtauꞌa, ndxep mèn coꞌ ngolaꞌs coꞌ ngòc mèn gulàaz cheꞌn làaz mèn chipr, no mèn gulàaz cheꞌn làaz mèn ciren, ngroꞌ mèna. Ngua que tee mèna. Mzin mèna axta ciuda Antioqui. Mdoodiꞌs mèna loo mèn coꞌ inacte mèn nación Israel par neda, ne. Mdaꞌ mèna cuent cón cheꞌn diꞌs ndac coꞌ nac cón cheꞌn Tad Jesús coꞌ ndluꞌ xá mod lyáꞌ mèn loo conꞌ ryes.
\v 21 Diox mbli ngòp mèna conꞌ roo conꞌ xèn laꞌs nii mèna no laꞌs yaꞌ mèna par ngo mèna yalbàn no teꞌth mèna cón cheꞌn Tad Jesús. No por cón cheꞌn coꞌ mxoꞌf zinꞌ mèn cón cheꞌn Tad Jesús huax mèn coꞌ inacte mèn nación Israel mbláꞌ costumbr gox coꞌ mbed no mèn no ngolaꞌs mèna loo Tad Jesús.
\p
\v 22 Coꞌseꞌ mbìn mèn coꞌ nac mèn ciuda Jerusalén coꞌ nqueltàa loo cón cheꞌn Jesucrist leꞌ mèn coꞌ inacte mèn nación Israel ngolaꞌs, mtelꞌ mèna Mbèlꞌ par ngua Mbèlꞌ axta Antioqui par lyath no Mbèlꞌ mèn coꞌ nque tee go yalbàn cón cheꞌn diꞌs ndac cheꞌn Diox leꞌn ciuda Antioqui.
\v 23 Coꞌseꞌ mzin Mbèlꞌ ciuda Antioqui, ñèe Mbèlꞌ anzeꞌf thìb conꞌ ndac angngue li Diox loo mèn ciuda Antioqui coꞌ ngolaꞌsleꞌ loo Jesucrist. No anzeꞌf mdyac lezoꞌ Mbèlꞌ gunèe Mbèlꞌ cón ngue li Diox loo mèna. Sya, mcoꞌx Mbèlꞌ loo ryete mèna. Ndxab Mbèlꞌ loo mèn:
\p ―Dib nzo yéc guꞌ no dib nzo lezoꞌ guꞌ bli nèe guꞌ guꞌ no altantqueꞌ gure guꞌ loo cón cheꞌn Tad Jesucrist.
\p
\v 24 Tataa mque tee li Mbèlꞌ tac Mbèlꞌ ngòc thìb mbiꞌ ndac loo Diox. No ñibeꞌpeꞌ Xpii Natúꞌ loo Mbèlꞌ. No anzeꞌf ngòp Mbèlꞌ yalxlaꞌs loo Diox. Por cona, anzeꞌf thìb mèn ngolaꞌsleꞌ loo cón cheꞌn Jesucrist por cón cheꞌn Mbèlꞌ.
\p
\v 25 Ngolo mque tee Mbèlꞌ leꞌn ciuda Antioqui ndxep tiemp, mxen Mbèlꞌ ned. Nda Mbèlꞌ par ciuda Tars par cuaꞌn Mbèlꞌ Saul leꞌn ciuda Tars. No coꞌseꞌ mzyálꞌ Mbèlꞌ Saul, mbeꞌ Mbèlꞌ Saul par ciuda Antioqui tedib vez.
\v 26 No ngo no Mbèlꞌ Saul con rye mèn coꞌ nqueltàa loo cón cheꞌn Diox ciuda Antioqui leꞌn thìb línꞌ complet. Mbluꞌ Mbèlꞌ ryop Saul loo huax mèn cón cheꞌn Diox. Mèn ciuda Antioqui nerlequeꞌ ngòc mèn coꞌ mdub lèe mèn coꞌ ndxelaꞌs loo cón cheꞌn Jesucrist mèn coꞌ ngòo loo cón cheꞌn Jesucrist.
\p
\v 27 Leque leꞌn huiza ngo ndxep mèn coꞌ ndxelaꞌs loo Diox por cón cheꞌn Jesús coꞌ ngòc mèn coꞌ mdeꞌth diꞌs coꞌ ndxab Diox leꞌn ciuda Jerusalén. Ngroꞌ mèna leꞌn ciuda Jerusalén par ngua mèna axta ciuda Antioqui.
\v 28 Láth nzo mèna làth mèn coꞌ ndxelaꞌs leꞌn ciuda Antioqui, thìb mbiꞌ coꞌ lèe Agab coꞌ ngòc mèn coꞌ mdeꞌth diꞌs coꞌ ndxab Diox coꞌ ngua Antioqui, ngo too mbiꞌ làth mèn coꞌ ndxàc hues por ndxelaꞌs mèna loo cón cheꞌn Jesucrist. Mnibeꞌ Xpii Natúꞌ loo mbiꞌ. Ndxab mbiꞌ loo mèn coꞌ nqueltàaa lyàa thìb huin tínꞌ loo mèn dib athu loo izlyoꞌ. No ngòcqueꞌ conꞌa leꞌn tiemp coꞌseꞌ mdub ñibeꞌ thìb mbiꞌ coꞌ ngroꞌ lèe Claud loo mèn ciuda Rom coꞌ nac làaz mèn ital.
\v 29 Sya, mèn coꞌ ndxelaꞌs loo Diox por cón cheꞌn Jesús coꞌ nqueltàa loo cón cheꞌn Diox leꞌn ciuda Antioqui, ndxab mèna loo xtàa mèna no mdoo lezoꞌ mèna telꞌ mèn ndxep tmi loo mèn coꞌ ndxàc hues por cón cheꞌn Jesús, mèn coꞌ naban par ned leꞌn yèezyaꞌ cheꞌn làaz mèn jude. Tub mèna tmi xal nzote mèna.
\v 30 Tataa mbli mèn coꞌ ndxelaꞌs leꞌn ciuda Antioqui. Mtelꞌ mèna tmi loo mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox leꞌn yèezyaꞌ coꞌ nac làaz mèn jude. Sya, mbeꞌ Mbèlꞌ ryop Saul tmi coꞌ mtelꞌ mèna loo mèngoola.
\c 12
\s Mbeth mèn Cob, hues Juàn. Leꞌ Pedr na, mqueꞌ mèn leziꞌf.
\p
\v 1 Leꞌn tiemp coꞌ mnibeꞌ rey Herod, coꞌ ngòc Herod Chuꞌth xot Herod Gox, loo mèn nación Israel, mtlo Herod, mnibeꞌ Herod loo mèn par tub nguꞌs mèna mèn coꞌ ndxelaꞌs loo cón cheꞌn Jesucrist leꞌn chol yèezyaꞌ cheꞌn làaz mèn nación Israel.
\v 2 Mbli Herod mandad mbeth mèn Cob, hues Juàn, con spad.
\v 3 Coꞌseꞌ ñèe Herod leꞌ mèn nación Israel ndxòo lezoꞌ no mbyanꞌ gust lezoꞌ mèn mbeth mèn Cob, mnibeꞌ Herod par mxen mèn Pedr par queꞌ mèn Pedr lezif. Mbli mèn conꞌa con Pedr leꞌn huiz lni coꞌseꞌ ndxuhua mèna pan coꞌ indxòode dii levadur.
\v 4 Coꞌseꞌ ngolo mxen mèn Pedr, mnibeꞌ Herod queꞌ mèn Pedr leziꞌf. Leꞌn leziꞌf mquenap siꞌn fthib solndad Pedr. Mbli Herod xtùuz coꞌ Herod Pedr loo mèn nación Israel par guth Herod Pedr loo mèn nación Israel coꞌseꞌ yilo riid lni pasc.
\v 5 Cona, huen huen mquenap solndad Pedr leꞌn leziꞌf. Per mastaleꞌ huen huen nquenap solndad Pedr leꞌn leziꞌf, rye mèn coꞌ nqueltàa loo cón cheꞌn Diox por cón cheꞌn Jesús leꞌn ciuda Jerusalén nalyat ngurez mèna Diox ze no yálꞌ par lyáꞌ Pedr laꞌs yaꞌ mèna con Herod.
\s Diox mbli par mblyáꞌ Pedr leziꞌf.
\p
\v 6 Per leque yálꞌ par yinìi izlyoꞌ tedib huiz coꞌ nac huiz coꞌ ñibeꞌ Herod coꞌ mèn Pedr leziꞌf par guth mèn Pedr loo mèn nación Israel, yálꞌa nax yàt Pedr cuat chop solndad axta leꞌn lult cuart leꞌn leziꞌf. Natedóꞌ Pedr con chop caden. Leꞌ taamas solndad na, huen huen nzi quenap leziꞌf par fuer.
\v 7 Láth ndxàc conꞌ ryes loo Pedr yálꞌa, thìb angl cheꞌn Tad Diox ngroꞌ too leꞌn leziꞌf. No ante mbyaꞌx xnìi leꞌn leziꞌf. Mbli angl mcuau yéc rye solndad no mcuau lezoꞌ rye solndad coꞌ ngue quenap Pedr leꞌn leziꞌf yálꞌ no coꞌ ngue quenap leziꞌf par fuer. Yende cón mdenꞌ solndad. Sya, mcuin angl Pedr par ryoꞌ mcalꞌ loo Pedr. Ndxab angl loo Pedr:
\p ―Pedr, jer goo che, yey.
\p Leꞌ caden coꞌ natedóꞌ yaꞌ Pedra na, ale yub mxyac.
\v 8 Ndxab angl loo Pedr:
\p ―Quej tíꞌ bay leꞌnl. No fqueꞌ yilid niil.
\p Coꞌseꞌ ngolo mbli nab Pedr Pedr, ndxab angl loo Pedr:
\p ―Fcap capl. Ftoo nque xísen. Ndyàa naꞌ.
\p
\v 9 Pedr mdoo nque xís angl. Per axta neꞌ neꞌ inon Pedr ¿chéꞌ, lìcqueꞌ, ndxàc conꞌa loo Pedr o chéꞌ ilìcte ndxàc conꞌ coꞌ ngue li angl loo Pedr? Ale ndyac Pedr mxyoꞌf loo conꞌ loo Pedr.
\v 10 Per nguriꞌth angl con Pedr loo solndad coꞌ nzi quenap leꞌn taamas cuaꞌ leꞌn leziꞌf. Coꞌseꞌ mzin angl con Pedr ro puert zaguan coꞌ ndoo ro ned coꞌ nac puert yiꞌf, ale yub puert mxyalꞌ. Ngroꞌ angl ryop Pedr par ro ned par fuer. Coꞌseꞌ ngolo mdee no angl Pedr casqueꞌ thìb cuadr, mbláꞌ angl Pedr. Xexte mdyonꞌ angl loo Pedr.
\v 11 Axta syareꞌ mdaꞌ Pedr cuent conꞌ coꞌ ndxàc loo Pedr. Ndxab Pedr loo lezoꞌ Pedr:
\p ―Nase, lìcqueꞌ, naneen leꞌ Tad Diox mtelꞌ thìb angl cheꞌn Tad Diox par mteláꞌ angl daa laꞌs yaꞌ Herod no laꞌs yaꞌ ryete mèn nación Israel. No mblyáꞌ daa loo ryethe conꞌ mblyaꞌs mèna li no mèna daa.
\p
\v 12 Láth ngue li Pedr xtùuz cón ngòc loo Pedr, nda Pedr liz thìb xaꞌgot coꞌ lèe Mari coꞌ nac xnaꞌ Juàn, Juàn coꞌ neꞌ tedib lèe Marc. Liz Maria, huax mèn mqueltàa yálꞌa par nzi bez mèn Diox cón cheꞌn Pedr.
\v 13 Coꞌseꞌ mteꞌs Pedr puert coꞌ ndoo ro ned coꞌteꞌ ndxòo mèn loo lueꞌ liz Mari, ngroꞌ thìb mzaꞌ coꞌ lèe Rod par nda nee mzaꞌ chó ngue teꞌs puert.
\v 14 Per coꞌseꞌ mdaꞌ mzaꞌ cuent Pedr na, por ndlibeꞌ mzaꞌ xal ndyoodiꞌs Pedr, neꞌnxalꞌte mzaꞌ puert. Ndxeꞌlequeꞌ, yende izlyoꞌ, mqueꞌ mzaꞌ carre tant ndyac lezoꞌ mzaꞌ. Ngua mzaꞌ axta leꞌn nyòo par ngua li mzaꞌ avis loo mèn leꞌ Pedr ngue teꞌs puert.
\v 15 Sya, mcàb mèn coꞌ nzo leꞌn nyòo loo mzaꞌ. Ndxab mèna loo mzaꞌ:
\p ―Mbíizl, ndee. ¡Pà gàca, Pedr!
\p Per mzaꞌ sate más mbez:
\p ―Lìca, Pedr na.
\p Per mastaleꞌ tataa mbez mzaꞌ, mèn coꞌ nzo leꞌn nyòo mbez:
\p ―Inacta Pedr, hombre. Peser angl cheꞌn Pedr na.
\p
\v 16 Látha, sate más ndoo Pedr. Mteꞌs Pedr puert. Per por lult coꞌseꞌ mxalꞌ mèna puert, gunèe mèn Pedr na. No ale mzyeb mèna no ngo no lezoꞌ mèna.
\v 17 Per Pedr mbli señ loo mèna con yaꞌ Pedr par neꞌlide mèn ruid. No tauꞌ mèn ro mèn. Sya, mdaꞌ Pedr cuent loo mèna xá mod mbli Tad Diox loo Pedr par ngroꞌ Pedr leziꞌf. Ndxab Pedr loo mèna, ne:
\p ―Bli guꞌ favor, ftaꞌ guꞌ cuent ndxèꞌ loo Cob no loo mèn coꞌ ndxàc hues naꞌ por cón cheꞌn Tad Jesús.
\p Sya, ngroꞌ Pedr tedib vez par nda Pedr tedib lugar.
\p
\v 18 Coꞌseꞌ ngo nìi izlyoꞌ tedib huiz coꞌ nde nquea, ngo too huax diꞌs làth rye solndad coꞌ mquenap Pedr tac neꞌndaꞌde solndad cuent xá mod ngroꞌ Pedr leziꞌf no pá ned nda Pedr.
\v 19 Sya, mnibeꞌ Herod ya cuaꞌn solndad Pedr. Ngua cuaꞌnqueꞌ solndad Pedr. Per ya neꞌngagaade Pedr loo solndad. Sya, mnibdiꞌs Herod loo solndad. Ndxab Herod:
\p ―¿Cón mbli guꞌ? ¿Chonon mblaꞌ guꞌ mxonꞌ Pedr? Per nalleꞌ, guꞌ ya looi por Pedr.
\p Sya, mbli Herod mandad ngua yuth taamas solndad solndada. Ngolo ngòc conꞌa, mxen Herod ned. Ngroꞌ Herod làaz mèn jude. Nda ban Herod ciuda Cesar.
\s Mzin huiz nguth Herod.
\p
\v 20 Leque leꞌn huiza anzeꞌf ngocloo tínꞌ Herod con mèn coꞌ ngo ban leꞌn yèezyaꞌ cheꞌn làaz mèn ciuda Tir no cheꞌn làaz mèn ciuda Sidón. Per ryete mèn yèezyaꞌa thidte mdoodiꞌs no thidte ngòc mèna par ya mèna loo Herod con thìb mbiꞌ coꞌ lèe Blast. Blast ngòc thìb mbiꞌ coꞌ thidte ñibeꞌ con Herod. Mdix mèna huax tmi mcàa Blast par teriꞌth Blast diꞌs cheꞌn mèna loo Herod par li Blast yuꞌ yàl lezoꞌ Herod por cón cheꞌn mèna. Tataa mbli prob mèn yèezyaꞌa tac ned làaz Herod ndryoꞌ coꞌ ndxuhua mèna xal ndlyaꞌs Herod no xal ndyal Herod par thoꞌ mèn gulàaz Herod conꞌ loo mèna.
\v 21 Sya, nguaqueꞌ Blast. Ngua toodiꞌs no Blast Herod. Per Herod ndxab loo Blast:
\p ―Neeca, por lùu lina. Ndxèꞌ huiz yiꞌth nol mèn baꞌ.
\p Leꞌ sya, huiz coꞌ ngòc diꞌs ya mèn làaz ciuda Tir no mèn làaz ciuda Sidón loo Herod tedib vez, huiza mdoc xab Herod larꞌ coꞌ ndxoc rey. No mdub Herod loo asient coꞌteꞌ ndyub ñibeꞌ Herod loo mèn. Leꞌ sya, coꞌseꞌ mqueltàa rye mèna loo Herod, nen mdoodiꞌs Herod loo mèna cón cheꞌn Herod.
\v 22 Sya, láth ngue toodiꞌs Herod ryete mèn coꞌ mqueltàa loo Herod, mtlo mèna, cabii mbez yèe mèna. Mbez mèn loo xtàa mèn cón cheꞌn Herod:
\p ―Mbiꞌ coꞌ ndyoodiꞌs baꞌ inacte thìb mbiꞌ cheꞌn izlyoꞌ ndxèꞌ. Ndxeꞌlequeꞌ, nac mbiꞌ baꞌ thìb diox, ndyac naꞌ.
\p
\v 23 Leque hora Diox mtelꞌ thìb angl cheꞌn Diox par mbli angl ngulen thìb yíiz loo Herod. Tataa mbli Diox loo Herod tac neꞌnglide Herod par gàc conꞌ guryath no conꞌ guryèn loo Diox. Setilte mbli angl ngos mblyaꞌb mbey leꞌn lezoꞌ Herod par nduhua mbey bélꞌ lad Herod. Pente mxec Herod taaplá huiz no maste. Guneei loo Herod. Nguth Herod.
\p
\v 24 Per diꞌs coꞌ nac diꞌs ndac cheꞌn Diox sate más ndxath ndxèn no sate más ngo mèn yalbàn cón cheꞌn diꞌs ndac leꞌn rye nación tiempa.
\p
\v 25 Coꞌseꞌ ngolo mque tee go Mbèlꞌ ryop Saul yalbàn loo mèn ciuda Antioqui, mbere Mbèlꞌ ryop Saul, ndyeꞌth Mbèlꞌ ryop Saul par ciuda Jerusalén tedib vez. Ndyeꞌth no Mbèlꞌ ryop Saul Juàn coꞌ neꞌ tedib lèe Marc par yo no Juàn Mbèlꞌ ryop Saul leꞌn ciuda Jerusalén pláte huiz. Ngoloa, mbere Mbèlꞌ, no Saul, no Juàn Marc, ngua myenꞌ Antioqui tedib vez.
\c 13
\s Mbèlꞌ ryop Saul mtloleꞌ mxoꞌf zinꞌ par co Mbèlꞌ ryop Saul yalbàn loo mèn huax lugar.
\p
\v 1 Be taa be taa nde tee huiz axtaqueꞌ ngo ndxep mèn làth mèn coꞌ ngòo loo cón cheꞌn Diox, mèn coꞌ mdeꞌth diꞌs coꞌ ndxab Diox loo mèn no mèn coꞌ ngòc maistr coꞌ ndluꞌ cón cheꞌn Jesucrist loo mèn. Mèna ngòc leque Mbèlꞌ, no tedib mbiꞌ coꞌ lèe Mon coꞌ neꞌ tedib lèe Yàt, no tedib mbiꞌ coꞌ ngroꞌ lèe Lus coꞌ ngòc mèn gulàaz cheꞌn làaz mèn ciren, no tedib mbiꞌ coꞌ ngroꞌ lèe Manaén. Mbiꞌa thidte mxyèn con Herod liz Herod, Herod coꞌ ngòc gobernador loo mèn yèezyaꞌ cheꞌn làaz mèn galile yiloa, no leque Saul coꞌ mque tee no Mbèlꞌ.
\v 2 Thìb huiz coꞌseꞌ ryete mèna mqueltàa, ngue li mèna servis loo Diox no nzi xlat mèna, hora ngòc thìb conꞌ loo mèna. Xpii Natúꞌ thìb lìte mnibeꞌ loo mèna. Ndxab Xpii Natúꞌ loo mèna:
\p ―Bloꞌ xàꞌ guꞌ Mbèlꞌ ryop Saul làth guꞌ par xoꞌf zinꞌ Mbèlꞌ ryop Saul thìb zinꞌ coꞌ lyazen li Mbèlꞌ ryop Saul.
\p
\v 3 Mèna tolo ngurez Diox. No dib lal ngurez mèna Diox ngure xlat mèn. Látha, mxoꞌf mèna yaꞌ mèna loo Mbèlꞌ no loo Saul. Ngoloa, gunii mèna Diox loo Mbèlꞌ no loo Saul. Ndxab mèna loo ryop myenꞌ:
\p ―Diox huen nda guꞌ, ndee guꞌ.
\p Sya, mxen Mbèlꞌ ryop Saul ned. Nda Mbèlꞌ ryop Saul xal mnibeꞌ Xpii Natúꞌ loo Mbèlꞌ ryop Saul.
\s Mbèlꞌ ryop Saul ngue go yalbàn cón cheꞌn diꞌs ndac cheꞌn Diox loo mèn yèezyaꞌ cheꞌn làaz mèn chipr.
\p
\v 4 Coꞌseꞌ ngolo mtelꞌ Xpii Natúꞌ Mbèlꞌ ryop Saul, mxen Mbèlꞌ ryop Saul ned axta mzin Mbèlꞌ ryop Saul thìb puert coꞌ lèe Seleus coꞌ nziriꞌ ro níttóꞌ. Tya, ngòo myenꞌ leꞌn thìb yòoyaa par mxyoꞌf myenꞌ loo nít par nda myenꞌ loo thìb yòo biiz leꞌn níttóꞌ coꞌ lèe Chipr.
\v 5 Coꞌseꞌ mzin Mbèlꞌ ryop Saul Chipr coꞌteꞌ nziriꞌ puert coꞌ lèe Salamin, sangmtlo Mbèlꞌ ryop Saul, mblo myenꞌ yalbàn cón cheꞌn diꞌs ndac cheꞌn Diox loo mèn leꞌn sinagog cheꞌn mèn nación Israel. Ngua nque Juàn Marc par mblyath no Juàn Marc Mbèlꞌ ryop Saul, ne.
\v 6 Mque tee Mbèlꞌ ryop Saul ryete leꞌn yèezyaꞌ coꞌ nac yòo biiz coꞌ nzo leꞌn níttóꞌ axta mzin Mbèlꞌ ryop Saul tedib yèez coꞌ lèe Paf coꞌ nziriꞌ par neda. Leꞌn yèeza mzyálꞌ ryop Mbèlꞌ Saul thìb mbiꞌ coꞌ nac mèn nación Israel. Mbiꞌa ngroꞌ lèe Barjesús. Ngòc mbiꞌ thìb hueꞌs. Mqueltàa ngòc mbiꞌ thìb mbiꞌ gutyèꞌ, ne. Mbez mbiꞌ leꞌ mbiꞌ ndeꞌth cón cheꞌn Diox coꞌ ndxab Diox loo mbiꞌ.
\v 7 Mbiꞌ coꞌ ngòc hueꞌsa ngo no tedib mbiꞌ coꞌ lèe Serg Pab coꞌ ngòc gobernador loo mèn làaz mèn chipr. Mbiꞌ coꞌ ngroꞌ lèe Serg Paba ngòc thìb mbiꞌ coꞌ anzeꞌf ndxác. Sya, mtelꞌ Serg coꞌ ngòc gobernador mèn par ngua càa mèn Mbèlꞌ ryop Saul. Tac Serg mblyaꞌs gòn diꞌs ndac cheꞌn Diox coꞌ ngo myenꞌ yalbàn.
\v 8 Per leque mbiꞌ coꞌ nac hueꞌs, coꞌ lèe Barjesús, coꞌ neꞌ tedib lèe Elim, mcàꞌ diꞌs loo Mbèlꞌ no loo Saul par neꞌyilaꞌste mbiꞌ coꞌ nac gobernador diꞌs cón cheꞌn diꞌs ndac coꞌ ngo myenꞌ yalbàn.
\v 9 Sya, ndooleꞌ Saul coꞌ neꞌ tedib lèe Pab, Xpii Natúꞌ mnibeꞌ loo Pab par xèe mbuiꞌ Pab loo Elim.
\v 10 No ndxab Pab loo Elim:
\p ―Aa, mbiꞌ gutyèꞌ no mbiꞌ yeꞌrsinꞌ. Lùu nac xganꞌ Mebizya. No nacl ngolo ngolaꞌs cheꞌn ryethe conꞌ coꞌ nac conꞌ ndac. ¿Axta pól láꞌl ya neꞌtolode gàcl ngolo ngolaꞌs loo mod nalì coꞌ ndli Diox par yòo mèn loo cón cheꞌn Diox, àꞌ?
\v 11 Per nalleꞌ Diox li par gàc thìb yaltìi lool. Lùu yanꞌ sieu leꞌn ndxep tiemp. No ya neꞌyinìide ned tyeel.
\p Leque hora luega mcuau loo Elim. No ya neꞌngácte nde nii Elim. No mcuaꞌn Elim thìb mèn par tyen mèn yaꞌ Elim tac ya neꞌngácte Elim nghuiꞌ Elim.
\v 12 Coꞌseꞌ gunèe mbiꞌ coꞌ ngòc gobernador ngòc conꞌa loo Elim, ngolaꞌs gobernador loo Jesús no loo cón cheꞌn Jesús. Tac ante mbuiꞌ mbiꞌ no ante gunaa mbiꞌ xal nac diꞌs coꞌ ngue tee luꞌ Pab ryop Mbèlꞌ coꞌ nac xleyꞌ cheꞌn Jesús.
\s Pab ryop Mbèlꞌ ngue tee go yalbàn cón cheꞌn diꞌs ndac cheꞌn Diox leꞌn yèez Antioqui coꞌ nac yèezyaꞌ cheꞌn làaz mèn pisid.
\p
\v 13 Pab ngòo loo thìb yòoyaa con taamas myenꞌ coꞌ mque tee no Pab axta coꞌteꞌ nac puert coꞌ lèe Paf par nda Pab con myenꞌ xtàa Pab par ned leꞌn yèezyaꞌ coꞌ lèe Perg coꞌ nac yèezyaꞌ cheꞌn làaz mèn pamfil. Per Juàn Marc neꞌnga node Pab con taamas myenꞌa. Ndxeꞌlequeꞌ, mbere Juàn, ndyàa Juàn par ciuda Jerusalén tedib vez.
\v 14 Ngolo mbláꞌ Juàn Pab con xtàa Pab, mbii Pab con myenꞌ yèez Perg. Ngua riid Pab con myenꞌ xtàa Pab axta mzin myenꞌ leꞌn thìb ciuda coꞌ lèe Antioqui coꞌ nac thìb ciuda cheꞌn làaz mèn pisid. Coꞌseꞌ ngòc huiz descans, ngòo Pab leꞌn sinagog mèn nación Israel coꞌ nzo ban ciuda Antioqui tiempa. Xèe mdub yòn Pab, con myenꞌ, diꞌs coꞌ mblab mèn cón cheꞌn xtiꞌs Diox leꞌn sinagog.
\v 15 Leꞌ sya, coꞌseꞌ ngolo mblab thìb mbiꞌ libr coꞌ nac libr cheꞌn ley coꞌ mxoꞌf Moisés loo mèn, no coꞌ nac libr coꞌ mqueꞌ mèn coꞌ ndeꞌth coꞌ ndxab Diox yeꞌs, mèn coꞌ ndyoo ner no coꞌ ndyoo naa loo mèn leꞌn sinagoga, mèna mbli mandad par ngua yab mèn loo Pab con myenꞌ coꞌ mque tee no Pab. Ndxab mèna:
\p ―Guꞌ coꞌ nac mèn gulàaz nuꞌ, cheleꞌ guꞌ ngue no ndxep diꞌs coꞌ ndlyaꞌs guꞌ coꞌx guꞌ loo nuꞌ coꞌ nziriꞌ trèꞌ, nzoqueꞌ mod tyoodiꞌs guꞌ loo nuꞌ nalleꞌ. Neꞌtyóode guꞌ, no neꞌzyebte guꞌ, no neꞌthyonte guꞌ.
\p
\v 16 Sya, ngo too Pab. No mbli Pab thìb señ loo mèna par xèe cue mèna no par neꞌlide mèna arid ruid. Ndxab Pab loo mèna:
\p ―Bìn guꞌ diꞌs coꞌ nde toodizen loo guꞌ, guꞌ coꞌ nac mèn cheꞌn nación Israel, no guꞌ coꞌ nzyeb loo cón cheꞌn Diox no coꞌ ndli cas loo cón cheꞌn Diox.
\v 17 Guꞌ nanee no ndaꞌqueꞌ guꞌ cuent coꞌ huenlequeꞌ leꞌ Diox coꞌ nac Dioxpeꞌ naꞌ coꞌ nac mèn nación Israel, Diox mcui mèn coꞌ ngòc xudgool naꞌ. No mbli Diox par ngòc mèna thìb nación roo no thìb nación xèn coꞌseꞌ tatabeꞌ ngo ban mèna xal mèn tith làaz mèn nación Egipt. Ngoloa, mbli Diox par ngroꞌ mèn coꞌ nac mèn nación naꞌ làaz mèn egipt por cón cheꞌn conꞌ roo conꞌ xèn coꞌ ndxàp Diox laꞌs nii Diox no laꞌs yaꞌ Diox.
\v 18 Mxec Diox no mchaꞌlaꞌs Diox xalqueꞌ ngòc mod coꞌ ngòp mèn gulàaz naꞌ coꞌteꞌ nagán leꞌn choꞌ línꞌ.
\v 19 Ngoloa, mbli Diox par mblyux gaz nación mèn coꞌ ngòc mèn gulàaz mèn cheꞌn làaz mèn canaán par mdaꞌ Diox coꞌteꞌ ngure naciona loo mèn coꞌ ngòc xudgool naꞌ póla par mban mèn coꞌ ngòc xudgool naꞌ tya.
\v 20 No ngoloa, mnibeꞌ Diox loo mèn coꞌ ngòc juez par ñibeꞌ mèna loo mèn coꞌ ngòc xudgool naꞌ leꞌn thap ayo nzo choꞌ psiꞌ línꞌ. Mnibeꞌ jueza axta coꞌseꞌ ngòc huiz coꞌseꞌ ngo thìb mbiꞌ coꞌ mdeꞌth diꞌs coꞌ ndxab Diox loo mèn. Mbiꞌa ngroꞌ lèe Samuel. Mbiꞌa mnibeꞌguèꞌ loo mèn coꞌ ngòc xudgool naꞌ tiempa, ne.
\v 21 Per leꞌn tiemp coꞌ mnibeꞌ Samuel loo mèn coꞌ ngòc xudgool naꞌ, mèna mnaꞌb loo Samuel. Ndxab mèna yo thìb rey coꞌ ñibeꞌ loo mèna. Sya, mbli Diox ngòc thìb mbiꞌ coꞌ ngroꞌ lèe Saul rey par ñibeꞌ Saul loo mèna leꞌn choꞌ línꞌ. Saula ngòc xganꞌ thìb mbiꞌ coꞌ ngroꞌ lèe Cis. Cis ngòc bin cheꞌn mèn coꞌ ngòc bin cheꞌn thìb mbiꞌ coꞌ ngroꞌ lèe Ming.
\v 22 Ngoloa, mbli Diox par ngroꞌ Saul. Ya neꞌtolode gàc Saul rey loo mèn xudgool naꞌ. Sya, mbli Diox ngòc David rey loo mèn coꞌ ngòc xudgool naꞌ. Cón cheꞌn Davida ndxab Diox: Daa ñee leꞌ David coꞌ nac xganꞌ Isaí, Davida nac thìb mbiꞌ coꞌ anzeꞌf ndxòo lezon ñèen. No li David ryete conꞌ ndlyazen.
\v 23 Per nalleꞌ, ngue tan cuent loo guꞌ cón cheꞌn thìb mbiꞌ coꞌ lèe Jesús coꞌ nac bin cheꞌn leque yub David. Jesús mbli Diox par mbiꞌth yáal Jesús loo izlyoꞌ làth mèn nacionpeꞌ naꞌ par mbiꞌth tíꞌ no mbiꞌth telàa Jesús mèn nación Israel loo conꞌ ryes xalqueꞌ ngòc diꞌs coꞌ mcàbgòn Diox li Diox loo mèn nación Israel.
\v 24 Per coꞌseꞌ ndooreꞌ yiꞌth que tee Jesús loo mèn nación Israel, Juàn Bautist mbloleꞌ yalbàn cón cheꞌn diꞌs ndac cheꞌn Diox loo mèn nación Israel. Mbez Juàn loo mèn ndxàal gàc bautizar mèn no ndxàal lyàa yéc mèn no lyàa lezoꞌ mèn par zyeꞌ mod coꞌ ndxàp mèn loo Diox.
\v 25 Per coꞌseꞌ yamerleꞌ zin huiz gath Juàn, mbez Juàn loo mèn: Inacte daa mbiꞌ coꞌ ndli guꞌ cuent nac daa. Per coꞌseꞌ yilo taan huiz coꞌ ndalen loo izlyoꞌ ndxèꞌ yiꞌth thìb mbiꞌ loo guꞌ. No por part cón chenen, ndyaquen neꞌtaꞌden par mbiꞌa, no neꞌ neꞌ par làan yilid nii mbiꞌ neꞌliden ryes, ndyaquen.
\p
\v 26 Guꞌ coꞌ nac mèn gulàaz daa no coꞌ nacguèꞌ bin Abraham, no guꞌ coꞌ nzyeb loo cón cheꞌn Diox, coꞌ ndli cas loo Diox, loo guꞌ mbli Diox par gòn guꞌ diꞌs ndac coꞌ ngue tan cuent loo guꞌ ndxèꞌ par lyáꞌ guꞌ loo conꞌ ryes.
\v 27 No nalleꞌ niin loo guꞌ: Leꞌ mèn coꞌ naban leꞌn ciuda Jerusalén, no mèn coꞌ ñibeꞌ, no coꞌ ndyoo ner, no coꞌ ndyoo naa loo mèn ciuda Jerusalén, mèna neꞌndaꞌde cuent chó ngòc Jesús. Neꞌ neꞌ ndaꞌ mèna cuent cón nee diꞌs coꞌ ngòc cón cheꞌn diꞌs ndac coꞌ mdeꞌth mèn coꞌ mdeꞌth diꞌs coꞌ ndxab Diox coꞌseꞌ ndlab mèn libr leꞌn sinagog mèn atate huiz coꞌ nac huiz descans. Por cona, coꞌseꞌ mquexùꞌ mqueꞌ fals mèna Jesús, leque mèna mbli par ngòcqueꞌ no mdyaaqueꞌ diꞌs coꞌ ndlab mèn loo libr coꞌ mqueꞌ mèn coꞌ mdeꞌth diꞌs coꞌ ndxab Diox yeꞌs loo mèna.
\v 28 No mastaleꞌ nec thìb mod no nec tedib mod neꞌngácte gan ngagaa Jesús loo chol yalgutyèꞌ coꞌ mquexùꞌ mqueꞌ fals mèn Jesús par guth mèna Jesús, mnaꞌb mèn diꞌs loo Pilat par ñibeꞌ Pilat loo solndad ya yuth solndad Jesús.
\v 29 Leꞌ sya, coꞌseꞌ ya ngololeꞌ mbli no mèn Jesús xalqueꞌ ndub diꞌs coꞌ mbez cón cheꞌn Jesús loo libr coꞌ nac xtiꞌs Diox cón cheꞌn xá mod gath Jesús, mblàa mèn thebol Jesús loo cruz. No ngua lo mèn thebol Jesús leꞌn thìb yeꞌr quèe coꞌteꞌ mcaꞌs mèn thebol Jesús.
\v 30 Per mastaleꞌ nguth Jesús, Diox mbli par ngro xban Jesús làth mèn nguth.
\v 31 No leꞌn huax huiz coꞌ mque tee Jesús loo izlyoꞌ tedib vez loo ngro xban Jesús làth mèn nguth, Jesús ngroꞌ too no mbluꞌ loo Jesús Jesús loo mèn coꞌ mque tee no Jesús anon mtlo Jesús, mque tee go Jesús yalbàn leꞌn rye yèezyaꞌ cheꞌn làaz mèn galile. Mèna ngo no Jesús Jerusalén coꞌteꞌ mbeth mèn Jesús. No nalleꞌ, mèna nac mèn coꞌ ndaꞌ cuent no coꞌ ngo yalbàn loo chol mèn cón cheꞌn Jesús.
\p
\v 32 Por cona, nuꞌ, ne, ngue taꞌ cuent cón cheꞌn diꞌs ndac ndxèꞌ loo guꞌ, coꞌ ngòc diꞌs coꞌ mcàbgòn Diox li Diox loo xudgool naꞌ más póla.
\v 33 No nalleꞌ loo naꞌ coꞌ nac bin cheꞌn xudgool naꞌ, Diox mblileꞌ par ngòcqueꞌ no mdyaaqueꞌ diꞌs xalqueꞌ mcàbgòn Diox leꞌ Diox li par ryo xban Jesús làth mèn nguth xal ndub diꞌs loo capitl chop cheꞌn libr cheꞌn Salmos coꞌteꞌ ndub diꞌs coꞌ mbez taandxèꞌ: Lùu nac xganꞌ daa. No nalleꞌ daa mbli par ñibeꞌl dib nabanl coꞌ nac thìb zinꞌ coꞌ ñibeꞌen lool par lil.
\v 34 Tataa ngòc diꞌs coꞌ gunii Diox cón cheꞌn Jesús leꞌ Diox li par ryo xban Jesús làth mèn nguth par neꞌyizaꞌde bélꞌyòo lad Jesús coꞌseꞌ gunii Diox diꞌs coꞌ ndub loo libr coꞌ nac xtiꞌs Diox coꞌ mbez taandxèꞌ: Na li anggàc conꞌ ndac loo guꞌ coꞌ mcàbgònen lin loo David no loo bin David.
\v 35 Conaguèꞌ mbez loo libr cheꞌn Salmos tedib lugar, ne: Uꞌ, Diox, neꞌlaꞌde yizaꞌ bélꞌyòo lad mbiꞌ coꞌ anzeꞌf nqueꞌ lezoꞌ Uꞌ ñèe Uꞌ. No neꞌlaꞌde Uꞌ gaꞌs bélꞌyòo lad mbiꞌ, mbiꞌ coꞌ nxoꞌf zinꞌ cón cheꞌn Uꞌ.
\p
\v 36 Lìcpeꞌ baꞌi, David huenqueꞌ mdubdiꞌs no mbli David conꞌ coꞌ ndxab Diox, no coꞌ mnibeꞌ Diox loo David, dib lal naban David. No nguꞌb bélꞌyòo lad thebol David no zith lad thebol David.
\v 37 Per bélꞌyòo cheꞌn lad mbiꞌ coꞌ mbli Diox ngro xban, neꞌngaꞌste no neꞌngazaꞌde, neꞌ por chuꞌth.
\v 38 Guꞌ coꞌ nac mèn gulàaz daa, ndxàal taꞌ guꞌ cuent coꞌ huenlequeꞌ leꞌ nuꞌ ngue teꞌth cón cheꞌn xá mod tonꞌ Diox xtol mèn. Tonꞌ Diox xtol mèn por cón cheꞌn Jesús.
\v 39 Pues por cón cheꞌn Jesús, ryete mèn coꞌ ndxelaꞌs loo Diox por cón cheꞌn Jesús, mdyonꞌ xtol mèn coꞌ mcuaꞌn mèn coꞌ neꞌndonꞌte làth mbli mèn preb ngli mèna conꞌ xal ndub diꞌs loo ley coꞌ mxoꞌf Moisés loo mèn par li mèn.
\v 40 Cona, ngue niin loo guꞌ: Anderhuen guꞌ. Chó Diox chó nee guꞌ. Neꞌ neꞌ ngue yiziꞌf ngue yigaꞌs loo guꞌ coꞌ nac coꞌ ndluꞌ cón cheꞌn diꞌs coꞌ mqueꞌ mèn coꞌ mdeꞌth diꞌs coꞌ ndxab Diox yeꞌs coꞌseꞌ ndxab mèna taandxèꞌ xal ndub diꞌs loo libr coꞌ mqueꞌ mèna yeꞌs:
\pi1
\v 41 Huiꞌ guꞌ nexa, guꞌ coꞌ nac mèn yeꞌrsinꞌ coꞌ nxìis no cón cheꞌn Diox. Huiꞌ guꞌ no gunaa guꞌ loo conꞌ coꞌ tarte ñèe guꞌ cón nac. No yiloa gath guꞌ no lyux guꞌ tac daa coꞌ nac Diox, daa li gàc huax conꞌ roo conꞌ xèn leꞌn huiz coꞌ naban guꞌ coꞌ neꞌyilaꞌste guꞌ lin, mastaleꞌ nzo ndxep mèn coꞌ taꞌ cuent cón cheꞌn conꞌ lin loo guꞌ. Neꞌyilaꞌste guꞌi, ndyaquen.
\p
\v 42 Coꞌseꞌ ngolo mdoodiꞌs no Pab mèna, no ngroꞌ no Pab myenꞌ coꞌ nque tee lyath no Pab leꞌn sinagog cheꞌn mèn nación Israel coꞌ naban ciuda Antioqui, ndxab ryete mèna loo Pab tolo tyoodiꞌs no Pab mèn cón cheꞌn diꞌs ndac tedib vez al sabd, taaxon huiz coꞌ nde nque coꞌ nac huiz descans.
\v 43 Coꞌseꞌ ngolo mblyus servis leꞌn sinagog hora, huax mèn coꞌ nac mèn nación Israel coꞌ naban leꞌn ciuda Antioqui, no huax mèn coꞌ ngòo loo xleyꞌ cheꞌn mèn nación Israel, mèn coꞌ huen huen ndyubdiꞌs loo xleyꞌ cheꞌn mèn nación Israel, rye mèna mdoo nque xís Pab no xís Mbèlꞌ par mqueltàa mèna con Pab no con Mbèlꞌ loo diꞌs ndac cheꞌn Diox. Sya, mcoꞌx Pab ryop Mbèlꞌ loo mèna ndxàal leque mèna li nèe mèna loo conꞌ ndac coꞌ angngroꞌ lezoꞌ Diox li Diox loo mèna.
\p
\v 44 Coꞌseꞌ mzin huiz sabd cheꞌn tedib sman coꞌ nde nquea coꞌ ngòc huiz descans tiempa, casqueꞌ ryete mèn ciuda Antioqui mqueltàa par gòn mèn diꞌs ndac cheꞌn Diox coꞌ ngo Pab yalbàn.
\v 45 Per coꞌseꞌ gunèe mèn nación Israel coꞌ nzo ban ciuda Antioqui anzeꞌf thìb mèn mqueltàaleꞌ par gòn mèn diꞌs coꞌ ngue go Pab yalbàn, ale ngulàa xyàn lezoꞌ mèn nación Israel. No mbyàn lezoꞌ mèn gunèe mèn Pab. Sya, mtlo mèn, ngolꞌ diꞌs mèn diꞌs loo Pab no asembli mèn mdaꞌ mèn xyàn lezoꞌ Pab. No gunii mèn ngòc nguàal diꞌs loo Pab.
\v 46 Sya, ngòo valor loo Pab no loo Mbèlꞌ. Ndxab Pab no Mbèlꞌ loo mèna:
\p ―Naquinqueꞌ ner taꞌ mèn cuent cón cheꞌn diꞌs ndac cheꞌn Diox loo guꞌ, guꞌ coꞌ nac mèn nación Israel. Per cheleꞌ guꞌ indlyaꞌste gòna no indlide guꞌ cuent leꞌ guꞌ ndxàalqueꞌ yòo ban no Diox thidtene, más quee lezoꞌ nuꞌ nda nuꞌ loo mèn coꞌ inacte mèn nación Israel par co nuꞌ yalbàn cón cheꞌn diꞌs ndac cheꞌn Diox loo mèn.
\v 47 Tataa li nuꞌ tac tataaqueꞌ mnibeꞌ Tad Jesús loo nuꞌ coꞌseꞌ gunee Tad Jesús loo nuꞌ: Na telꞌ guꞌ ya guꞌ loo mèn coꞌ inacte mèn nación Israel par gàc guꞌ xal thìb xnìi loo mèna par li guꞌ tyub xnìi yéc mèna no par tyub xnìi lezoꞌ mèna loo cón chenen. No telꞌen guꞌ par gàc guꞌ mèn coꞌ li par lyáꞌ mèn coꞌ naban axta lult ro izlyoꞌ loo conꞌ ryes por cón cheꞌn diꞌs ndac cheꞌn Diox coꞌ co guꞌ yalbàn loo mèn.
\p
\v 48 Coꞌseꞌ ngolo mbìn mèn coꞌ inacte mèn nación Israel tataa ndxab Pab ryop Mbèlꞌ, mdyac tínꞌ lezoꞌ mèna. No mtlo mèna, mbez mèna loo xtàa mèna:
\p ―¿Cón ndyac mèn nación Israel baꞌ, yey? Huenqueꞌ nac diꞌs ndac cheꞌn Tad Jesús, ndyac naꞌ.
\p Sya, ngolaꞌs ryete mèn coꞌ mdoo lezoꞌ Diox no coꞌ mnibeꞌ lezoꞌ Diox par yòo ban no mèna Diox thidtene yiloa.
\v 49 No tataa sate más ndxath no ndxèn cón cheꞌn diꞌs ndac cheꞌn Diox leꞌn rye yèezyaꞌ coꞌ nac làaz mèn par neda.
\v 50 Per rye mèn nación Israel coꞌ nzo ban leꞌn ciuda Antioqui thidte mqueltàa par mdoodiꞌs no mèna ndxep mèngot coꞌ ngòc mèn coꞌ ndli cas loo cón cheꞌn Diox tiempa no coꞌ ngòcguèꞌ mèngot guryath no mèngot guryèn. No mdoodiꞌs no mèn nación Israel ndxep mèn coꞌ más mnibeꞌ leꞌn ciuda Antioqui. No mbli mèn nación Israel par mbyeꞌth yéc mèna no mbyeꞌth lezoꞌ mèna par tlo tub nguꞌs mèn ciuda Antioqui Pab no Mbèlꞌ, cheleꞌi nzo mod, axta coꞌ mèna Pab no Mbèlꞌ loo mèn par neda.
\v 51 Leꞌ sya, coꞌseꞌ mtlo mèn, mdub nguꞌs mèn Pab ryop Mbèlꞌ, mzib Pab ryop Mbèlꞌ yòoyaꞌs coꞌ ndoo nii cason Pab ryop Mbèlꞌ xal thìb señ, coꞌ nee diꞌs, tolo tyub quìi tyub bèel lezoꞌ mèna no yanꞌ cón cheꞌn mèna loo Diox coꞌseꞌ tub rez Diox cón cheꞌn mèna. Ngoloa, mxen Pab ryop Mbèlꞌ ned. Nda Pab ryop Mbèlꞌ ciuda Icon.
\v 52 Per mèn coꞌ ngolaꞌs loo cón cheꞌn Diox leꞌn ciuda Antioqui, anzeꞌf ndyac lezoꞌ mèn. No toloqueꞌ ñibeꞌ Xpii Natúꞌ loo mèna loo cón cheꞌn Diox.
\c 14
\s Pab ryop Mbèlꞌ nda lo yalbàn loo mèn par ned leꞌn ciuda Icon.
\p
\v 1 Coꞌseꞌ mzin Pab ryop Mbèlꞌ ciuda Icon, ngòo Pab ryop Mbèlꞌ leꞌn sinagog cheꞌn mèn nación Israel coꞌ nzo ban ciuda thìb huiz sabd coꞌ ngòc huiz descans tiempa. Mdoodiꞌs Pab cón cheꞌn diꞌs ndac cheꞌn Diox loo mèn axta mbli Pab par ngolaꞌs huax mèn loo cón cheꞌn Jesucrist, leꞌleꞌ ngolaꞌs huax mèn nación Israel no leꞌleꞌ ngolaꞌs huax mèn coꞌ inacte mèn nación Israel.
\v 2 Per mèn nación Israel coꞌ neꞌndalte ngalaꞌs loo cón cheꞌn Jesucrist, mèna mbli par mbyeꞌth yéc mèn no mbyeꞌth lezoꞌ mèn coꞌ inacte mèn nación Israel par li mèna xtùuz conꞌ yeꞌrsinꞌ cón cheꞌn mèn coꞌ ndxàc hues por cón cheꞌn Jesucrist.
\v 3 No por ñee Pab ryop Mbèlꞌ ngolaꞌs huax mèn loo cón cheꞌn Jesucrist, mbyanꞌ Pab ryop Mbèlꞌ ciuda Icon leꞌn huax huiz. No sate más ndxòo valor loo Pab ryop Mbèlꞌ. No sate más ndxàp Pab ryop Mbèlꞌ yalxlaꞌs loo Tad Diox. No mbluꞌ Diox loo mèna leꞌ diꞌs coꞌ ngo Pab ryop Mbèlꞌ yalbàn, coꞌ nac diꞌs coꞌ ndluꞌ loo mèn conꞌ coꞌ angngroꞌ lezoꞌ Diox li Diox loo mèn, nac conꞌ lìcpeꞌ. Tac Diox mbli par ngòp Pab ryop Mbèlꞌ conꞌ laꞌs nii Pab ryop Mbèlꞌ no conꞌ laꞌs yaꞌ Pab ryop Mbèlꞌ par li Pab ryop Mbèlꞌ huax señ no huax yalguzyeꞌ loo mèn.
\v 4 Per mèn ciuda Icon ngòc chop ned. Thìb ned mèn nzo lad cheꞌn mèn nación Israel. Leꞌ tedib ned mèn na, nzo lad cheꞌn myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús.
\v 5 Sya, mèn coꞌ nac mèn nación Israel no mèn coꞌ inacte mèn nación Israel thidte ngòc mèna no thidte mdoodiꞌs mèna con mèn nac zinꞌ yòolau par yecloo mèn no gab mèn ngòc nguàal diꞌs loo Pab ryop Mbèlꞌ no axta gaaꞌd quèe mèn Pab ryop Mbèlꞌ.
\v 6 Per coꞌseꞌ mbìn Pab ryop Mbèlꞌ tataa lyaꞌs mèn li no mèn Pab ryop Mbèlꞌ, ngua xonꞌ Pab ryop Mbèlꞌ par ned yèez Listr no par ned yèez Derb, coꞌ nac yèezyaꞌ cheꞌn làaz mèn licaon, no leꞌn taamas yèezyaꞌ coꞌ nziriꞌ par neda.
\v 7 Leꞌn rye yèezyaꞌa mque tee go Pab ryop Mbèlꞌ yalbàn cón cheꞌn diꞌs ndac cheꞌn Diox coꞌ ndluꞌ xá mod lyáꞌ mèn loo conꞌ ryes.
\s Mèn yèez Listr mbuaaꞌd quèe Pab leꞌn huiza.
\p
\v 8 Leꞌn huiz coꞌseꞌ ngo Pab leꞌn yèez Listr, mzyálꞌ Pab thìb mbiꞌ coꞌ yende mod ndee nii. Mdub mbiꞌ par neda tac coj mbiꞌ anon ngóol mbiꞌ. No thidtenequeꞌ neꞌngácte mbiꞌ ndee nii mbiꞌ.
\v 9 Mbiꞌa xèe mdub yòn xal nac diꞌs coꞌ mdoodiꞌs Pab loo mèn. Leꞌ Pab na, xèeguèꞌ ngue huiꞌ loo mbiꞌ. No ñee Pab no mdenꞌ Pab leꞌ mbiꞌ ndxelaꞌs loo Diox leꞌ Diox gác li par yac mbiꞌ.
\v 10 Sya, cabii ndxab Pab loo mbiꞌ:
\p ―Goo too, ey. Fteyez niil.
\p Sya, chàa, nguát mbiꞌ. Ngo too mbiꞌ. No mtlo mbiꞌ, mdee nii mbiꞌ.
\v 11 Coꞌseꞌ gunèe mèn yèez Listr conꞌ mbli Pab loo mbiꞌ, mtlo mèn, cabii mbez mèn loo xtàa mèna diꞌstèe coꞌ ndoodiꞌs mèn cheꞌn làaz mèn licaon. Ndxab mèna:
\p ―Ryop mbiꞌ baꞌ nac chop diox coꞌ ñaa xal mèn coꞌ ngulàa loo naꞌ.
\p
\v 12 Mbez mèna leꞌ Mbèlꞌ nac diox coꞌ lèe Júpiter. Leꞌ Pab na, mbez mèna nac diox coꞌ lèe Mercur tac Pab nac mbiꞌ coꞌ más ndyoodiꞌs.
\v 13 Leꞌ nguleyꞌ coꞌ nzo leꞌn gudoꞌ cheꞌn dioxpeꞌ mèn coꞌ lèe Júpiter, coꞌ nac gudoꞌ coꞌ ndub ro yèez Listr coꞌteꞌ ndxòo mèn leꞌn yèeza, mbiꞌth loo Pab leque hora. Nde no nguleyꞌ ngon. No nde no nguleyꞌ girnald coꞌ natoxcuaꞌ con yeꞌ. No nde no nguleyꞌ huax mèn coꞌ mblyaꞌs tyub xib no coꞌ mblyaꞌs còoꞌ yéc loo Pab no loo Mbèlꞌ, no mblyaꞌs mèn guth mèn ngon par xo mèn ren loo izlyoꞌ loo Pab no loo Mbèlꞌ.
\v 14 Per coꞌseꞌ gunèe myenꞌ coꞌ ndxeꞌ diꞌs cheꞌn Jesús, coꞌ nac Pab no Mbèlꞌ, tataa ngue li nguleyꞌ no mèna, mbli Pab thìb conꞌ nalyat. Mched Pab xab Pab. No mched Mbèlꞌ xab Mbèlꞌ tac Pab ryop Mbèlꞌ mdaꞌ cuent iléꞌde nac coꞌ ngue li mèna. Negadiꞌs ngòo Pab ryop Mbèlꞌ làth mèna. Cabii mbez Pab ryop Mbèlꞌ loo mèna:
\p
\v 15 ―Ryete guꞌ coꞌ nziriꞌ trèꞌ, ¿chonon tatuaꞌ ngue li guꞌ, yey? ¿Chéꞌ iñeede guꞌ nuꞌ nac mèn xalqueꞌ guꞌ? Ihuente ngue li guꞌ tatuaꞌ loo nuꞌ, cara. Ndxeꞌlequeꞌ, por cón cheꞌn conꞌ coꞌ nac xal ndli guꞌ baꞌ nde nuꞌ loo guꞌ par luꞌ nuꞌ loo guꞌ ndxàal láꞌ guꞌ costumbr coꞌ yende cón ndli no coꞌ yende cón ntac loo Diox. Nde luꞌ nuꞌ loo guꞌ más huen thìb lìte yòo guꞌ loo cón cheꞌn thidte Diox coꞌ naban, Diox coꞌ mblec beꞌ, no coꞌ ngue tènꞌ béꞌ, no izlyoꞌ, no níttóꞌ, no rye loothe taamas conꞌ coꞌ nzo loo béꞌ, no coꞌ nzo loo izlyoꞌ, no coꞌ nzo leꞌn níttóꞌ.
\v 16 Más póla, Diox mblaꞌ mque tee ban mèn xal ngòc mod coꞌ ngòp mèn cad nación mèn
\v 17 mastaleꞌ mbluꞌ Diox conꞌ ndac coꞌ ndli Diox loo mèn no ndluꞌ Diox loo mèn xal nac Diox por conꞌ ndac coꞌ ndli Diox loo mèn. Diox ndli ndlyàa yuu loo naꞌ loo izlyoꞌ. No ndli Diox nthop naꞌ cosech loo izlyoꞌ. No ndli Diox ndxàp naꞌ conꞌ ndxuhua naꞌ axta plóthe. No ndli Diox par ndaꞌ naꞌ gust lezoꞌ naꞌ loo izlyoꞌ.
\p
\v 18 Per mastaleꞌ tataa ndxab Pab ryop Mbèlꞌ loo mèna cón cheꞌn conꞌ coꞌ ngue li mèna loo Pab no loo Mbèlꞌ, añenti mbli Pab ryop Mbèlꞌ par neꞌnglaꞌde Pab ryop Mbèlꞌ nguth mèn ngon par ngxo mèn ren ngon loo izlyoꞌ. No par neꞌncòoꞌde mèn yéc mèn loo Pab ryop Mbèlꞌ no par neꞌtyub xibte mèn loo Pab ryop Mbèlꞌ.
\p
\v 19 Per leque leꞌn huiza mzin ndxep mèn nación Israel coꞌ nzo ban leꞌn ciuda Antioqui coꞌ nac ciuda cheꞌn làaz mèn pisid, no mèn nación Israel coꞌ nzo ban leꞌn ciuda Icon coꞌ nac ciuda cheꞌn làaz mèn galas. Rye mèna mquilꞌ mèn yèez Listr par nguátbèe mèn yèez Listr par gaaꞌd quèe mèna Pab. Coꞌseꞌ ngolo mbuaaꞌd quèe mèna Pab, mbli mèna cuent nguth Pab. Sya, mdoꞌf xax mèn Pab thìb lad ro yèez Listr.
\v 20 Per coꞌseꞌ mqueltàa mèn coꞌ ndxelaꞌs loo Pab coꞌteꞌ ngua lobii mèn Pab ro yèez Listr, ngo che Pab. Ngòo Pab leꞌn yèez con mèn coꞌ ndxelaꞌsa coꞌ nac mèn yèez Listr tedib vez. Coꞌseꞌ ngo nìi izlyoꞌ tedib huiz coꞌ nde nquea, ngroꞌ Pab con Mbèlꞌ leꞌn yèez Listr par nda Pab con Mbèlꞌ tedib yèez coꞌ lèe Derb.
\p
\v 21 Coꞌseꞌ ngolo mblo Pab ryop Mbèlꞌ yalbàn cheꞌn diꞌs ndac cheꞌn Diox coꞌ ndluꞌ xá mod lyáꞌ mèn loo conꞌ ryes leꞌn yèez Derb, leꞌn yèeza anzeꞌf thìb mèn ngolaꞌs loo cón cheꞌn Jesucrist. Ngoloa, mbere Pab, ndyeꞌth Pab tedib vez par yèez Listr, no par ciuda Icon, no par ciuda Antioqui.
\v 22 Par ned leꞌn yèeza no leꞌn ciudaa mbli Pab ryop Mbèlꞌ par mbyeꞌth lezoꞌ mèn coꞌ ndxelaꞌs loo Diox por cón cheꞌn Jesús. No mcoꞌx Pab ryop Mbèlꞌ loo mèna leque mèna tolo li nèe mèna loo cón cheꞌn Jesucrist coꞌ ndxelaꞌs mèn. Mbez Pab ryop Mbèlꞌ loo mèn par yòo mèn loo cón cheꞌn Diox por cón cheꞌn Jesús par ñibeꞌ Diox loo mèn naquin tyactìi mèn huax conꞌ coꞌ gàc tub nguꞌs mèn yeꞌrsinꞌ loo mèna por cón cheꞌn Jesucrist.
\v 23 No mbli Pab ryop Mbèlꞌ par ngure thìb ned mèngool coꞌ tyoo ner no coꞌ tyoo naa loo mèn coꞌ nqueltàa loo cón cheꞌn Diox chol lugar par leꞌn rye yèeza. No coꞌseꞌ ngolo ngurez Pab Diox con Mbèlꞌ no beꞌ xlat Pab con Mbèlꞌ, mnaꞌb Pab ryop Mbèlꞌ loo Diox quenap Diox mèna tac mèna ngolaꞌs loo Diox por cón cheꞌn Jesucrist.
\s Pab con Mbèlꞌ mbere ngòo ciuda Antioqui coꞌ nac ciuda cheꞌn làaz mèn sir.
\p
\v 24 Ngolo mblec Pab ryop Mbèlꞌ mèngool loo mèn coꞌ ndxelaꞌs par neda, mxen Pab ryop Mbèlꞌ ned. Ngua riid Pab ryop Mbèlꞌ par ned làaz mèn pisid. Mdoo Pab ryop Mbèlꞌ ned axta mzin Pab ryop Mbèlꞌ leꞌn yèezyaꞌ coꞌ nac làaz mèn pamfil.
\v 25 Ngua Pab ryop Mbèlꞌ leꞌn thìb ciuda coꞌ lèe Perg. Mblo Pab ryop Mbèlꞌ yalbàn cón cheꞌn diꞌs ndac cheꞌn Diox loo mèn tya. Ngoloa, mbii Pab ryop Mbèlꞌ ciuda Perg. Mxen ryop Pab Mbèlꞌ ned. Ngua Pab ryop Mbèlꞌ yèez Atal coꞌ nac thìb puert coꞌ nziriꞌ ro níttóꞌ coꞌ nac yèezyaꞌ cheꞌn làaz mèn pamfil.
\v 26 Tya ngòo Pab ryop Mbèlꞌ leꞌn thìb yòoyaa par mdoo Pab ryop Mbèlꞌ loo níttóꞌ. Ngua Pab ryop Mbèlꞌ axta ciuda Antioqui coꞌ nac làaz mèn sir coꞌteꞌ ngurez mèn Diox, mèn coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox ciuda Antioqui. No mnaꞌb mèna loo Diox quenap Diox Pab ryop Mbèlꞌ ned ya Pab ryop Mbèlꞌ loo zinꞌ coꞌ xoꞌf zinꞌ Pab ryop Mbèlꞌ cón cheꞌn Diox. No nalleꞌ mteloleꞌ Pab ryop Mbèlꞌ zinꞌ coꞌ mxoꞌf zinꞌ Pab ryop Mbèlꞌ.
\v 27 Coꞌseꞌ mzin Pab ryop Mbèlꞌ ciuda Antioqui coꞌteꞌ mqueltàa mèn coꞌ ndxelaꞌs loo Jesucrist, mbli Pab ryop Mbèlꞌ par mqueltàa ryete mèna. No mdaꞌ Pab ryop Mbèlꞌ cuent loo mèna cón cheꞌn ryethe conꞌ mbli Diox loo mèn par ned ngua lo Pab ryop Mbèlꞌ yalbàn. No mdaꞌ Pab ryop Mbèlꞌ cuent xá mod mbli Diox par mxyalꞌ ned mxyalꞌ yóꞌ loo mèn coꞌ inacte mèn nación Israel par mdyal mèna ngolaꞌs mèna loo Jesucrist no loo cón cheꞌn Jesucrist.
\v 28 Ngoloa, mbyanꞌ Pab ryop Mbèlꞌ con mèn coꞌ ndxelaꞌs leꞌn ciuda Antioqui leꞌn plá mbeꞌ.
\c 15
\s Pab ryop Mbèlꞌ mqueltàa no mèngool coꞌ ndyoo ner no coꞌ ndyoo naa loo mèn coꞌ ndxelaꞌs leꞌn ciuda Jerusalén.
\p
\v 1 Leꞌn huiza ngroꞌ ndxep mèn par ned leꞌn yèezyaꞌ cheꞌn làaz mèn jude par ngua mèna ciuda Antioqui coꞌteꞌ ngo Pab ryop Mbèlꞌ. Mtlo mèna, mbluꞌ mèna mèn coꞌ ndxelaꞌs loo Diox por cón cheꞌn Jesús, mèn coꞌ nzo ban leꞌn ciuda Antioqui. Mbez mèna loo mèn: Par lyáꞌ mèn loo conꞌ ryes, naquin gàc circuncidar mèn xalqueꞌ nac diꞌs coꞌ ndub loo ley coꞌ mxoꞌf Moisés loo mèn axta pólleꞌa.
\v 2 Láth tataaguèꞌ ngue ñibeꞌ mèna loo mèn coꞌ ndxelaꞌs loo Jesucrist, mbli mèna par mcuaꞌn mèna diꞌs cón cheꞌn Pab ryop Mbèlꞌ. Por lult, leque mèn coꞌ ndxelaꞌs ndxab naquin ya Pab ryop Mbèlꞌ no ya plá mèn coꞌ ndxelaꞌs làth mèna con Pab ryop Mbèlꞌ axta ciuda Jerusalén par tyoodiꞌs Pab ryop Mbèlꞌ con mèna, no con myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús, no con mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox leꞌn ciuda Jerusalén cón cheꞌn cón ndxàc loo mèn coꞌ ndxelaꞌs loo Diox por cón cheꞌn Jesús.
\p
\v 3 Sya, mtelꞌ mèn coꞌ ndxelaꞌs coꞌ nzo leꞌn ciuda Antioqui mèna. No ned nda mèna nguriꞌth mèna par ned leꞌn yèezyaꞌ cheꞌn làaz mèn fenis, no nguriꞌth mèn yèezyaꞌ cheꞌn làaz mèn samari. Ndyoodiꞌs mèna loo mèn par neda xá mod ngòca loo mèn coꞌ inacte mèn nación Israel par mbláꞌ mèna rye costumbr gox coꞌ mque no mèna par ngòo mèna loo cón cheꞌn Diox. Leꞌ sya, ryete mèn coꞌ ndxàc hues par neda anzeꞌf ndyac lezoꞌ coꞌseꞌ mbìn mèna tataa mdaꞌ mèn coꞌ mtelꞌ mèna cuent, coꞌ ngòc Pab ryop Mbèlꞌ no mèn coꞌ ngua no Pab ryop Mbèlꞌ.
\p
\v 4 Coꞌseꞌ mzin Pab ryop Mbèlꞌ no mèn coꞌ nguaa ciuda Jerusalén, ryete mèn coꞌ nqueltàa loo cón cheꞌn Diox leꞌn ciuda Jerusalén, huen ngo lezoꞌ mèna gunèe mèna Pab ryop Mbèlꞌ con mèn coꞌ ngua no Pab ryop Mbèlꞌ. No huen ngo lezoꞌ mèn coꞌ ndxeꞌ diꞌs cheꞌn Jesús no mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox leꞌn ciuda Jerusalén. Sya, mdaꞌ Pab ryop Mbèlꞌ cuent loo rye mèna cón cheꞌn ryethe conꞌ nde teeleꞌ mbli Diox loo mèn, por cón cheꞌn Pab ryop Mbèlꞌ, ned ngua que tee Pab ryop Mbèlꞌ.
\v 5 Per làth mèna ngo ndxep mèn xleyꞌ farise coꞌ ngolaꞌs loo Jesucrist no loo cón cheꞌn Jesucrist. Mèna ngo too no gáplequeꞌ ndxab mèna:
\p ―¿Xá mod ndlyaꞌs guꞌ yilaꞌs mèn diꞌs coꞌ mbez mèn baꞌ? Naquinqueꞌ gàc circuncidar mèn coꞌ ndxelaꞌs, mèn coꞌ inacte mèn nación Israel, par gàc mèna mèn coꞌ ndxelaꞌspeꞌ loo cón cheꞌn Diox. No nquin ñibeꞌ naꞌ loo mèna par toloqueꞌ li mèn xal ñibeꞌ diꞌs coꞌ nac ley coꞌ mxoꞌf Moisés loo naꞌ.
\p
\v 6 Sya, thidte mqueltàa rye myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús con rye mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox ciuda Jerusalén par li mèna xtùuz cón cheꞌn cón ndxàc.
\v 7 Per coꞌseꞌ ngolo nen ngure toodiꞌs mèna cón cheꞌn conꞌa, ngo too Pedr loo mèna. No ndxab Pedr:
\p ―Guꞌ coꞌ ndxàc huesen por cón cheꞌn Jesucrist, guꞌ non no ndaꞌqueꞌ guꞌ cuent ndxàcleꞌ tiemp Diox mcui daa no mbloꞌ xàꞌ Diox daa làth guꞌ par tan cuent cón cheꞌn diꞌs ndac cheꞌn Diox coꞌ ndluꞌ xá mod lyáꞌ mèn loo conꞌ ryes, mèn coꞌ inacte mèn nación Israel par yilaꞌs mèna loo Crist xal ndxelaꞌs naꞌ.
\v 8 No Diox coꞌ nanee xá nac lezoꞌ rye mèn, Diox mbluꞌ loo naꞌ mdyalqueꞌ Diox no mdaꞌ Diox lugar yòo mèna loo cón cheꞌn Diox por mbli Diox ngulàa Xpii Natúꞌ loo naꞌ. No ngòo Xpii Natúꞌ loo naꞌ par ñibeꞌpeꞌ Xpii Natúꞌ loo naꞌ.
\v 9 Diox neꞌnglide par más mdyuꞌ naꞌ loo Diox, naꞌ coꞌ nac mèn nación Israel, leque mèn coꞌ inacte mèn nación Israel. No mtembìi Diox xtùuz mèna no lezoꞌ mèna por ngolaꞌs mèna loo Jesús no loo cón cheꞌn Jesús.
\v 10 Per nalleꞌ ¿chonon ndxàc chop lezoꞌ guꞌ loo conꞌ coꞌ mblileꞌ Diox loo guꞌ, àꞌ? No ¿chonon ndlyaꞌs guꞌ ale ñibeꞌ yèe guꞌ loo mèn coꞌ ndxelaꞌsa par li mèna preb li mèna conꞌ ndlyaꞌs guꞌ coꞌ nac xal thìb yóꞌ coꞌ anzeꞌf néꞌ coꞌ neꞌ xudgool guꞌ neꞌnglide gan ngli tataa? Yende xàa, cara. ¡Pà li guꞌi xal ñibeꞌ guꞌ!
\v 11 Ndxeꞌlequeꞌ, naꞌ coꞌ nac mèn nación Israel, naꞌ ndxelàꞌs leꞌ naꞌ mblyáꞌleꞌ loo conꞌ ryes ante por conꞌ ndac coꞌ angngroꞌ lezoꞌ Tad Jesús mbli Tad Jesús loo naꞌ. Lomisqueꞌ mod ne, lyáꞌ mèna loo conꞌ ryes ante por conꞌ ndac coꞌ angngroꞌ lezoꞌ Tad Jesús mbli Tad Jesús loo mèna.
\p
\v 12 Sya, ryete mèn xèe ngure. No mbyauꞌ ro mèn. Ya yende chó diꞌs tolo ngnii mèn. No xèe ngure mèn láth ngue taꞌ Mbèlꞌ ryop Pab cuent cón cheꞌn señ no yalguzyeꞌ coꞌ mbli Diox por cón cheꞌn Mbèlꞌ ryop Pab loo mèn coꞌ inacte mèn nación Israel ned ngua que tee Mbèlꞌ ryop Pab.
\v 13 Coꞌseꞌ ngolo mdoodiꞌs Mbèlꞌ ryop Pab, Cob ndxab loo mèna:
\p ―Guꞌ coꞌ nac mèn huesen por cón cheꞌn Jesucrist, bli guꞌ favor bìn guꞌ diꞌs coꞌ tyoodizen loo guꞌ:
\v 14 Mon Pedr mdaꞌ cuent loo naꞌ xá mod angngroꞌ lezoꞌ Diox par mtlo Diox, mcui Diox mèn coꞌ inacte mèn nación Israel làth xtàa mèn par ngòc mèna mèn coꞌ gàc cheꞌnpeꞌ Diox xal naꞌ.
\v 15 Conꞌ coꞌ mbli Dioxa thidte nac no thidte mbez con diꞌs coꞌ ndub loo libr coꞌ gunii mèn coꞌ mdeꞌth diꞌs coꞌ ndxab Diox coꞌ nac libr coꞌ mqueꞌguèꞌ mèna yeꞌs. Diꞌsa mbez taandxèꞌ:
\pi1
\v 16 Coꞌseꞌ yilo riid yaltìi coꞌ gàc loo mèn nación Israel, beren, bequen mèn coꞌ nac bin David tedib vez, mèn coꞌ casqueꞌ ndoo lux. No lin leꞌ ndxep mèn, coꞌ beꞌ mbyanꞌ coꞌ nac bin David, bere yarꞌ tedib vez. No lin par gàc mèn coꞌ mbyanꞌa tedib nación coꞌ gac thìb nación roo no thìb nación xèn.
\pi1
\v 17 No lin conꞌa loo mèn nación Israel par gàca leꞌ por cón cheꞌn mèn nación Israel huax mèn coꞌ inacte mèn nación Israel tyal gòn cuent cón chenen par yòo mèna loo cón chenen. No lin par gàcguèꞌ loo mèn rye nación dib athu loo izlyoꞌ, loo mèn coꞌ cuez lèen, mèn coꞌ daa ndxab nac mèn cheꞌnpeꞌ daa.
\pi1
\v 18 Aa, tataa ndxab Tad Diox, Diox coꞌ mbli par mdaꞌ mèn cuent no par non mèn cón cheꞌn conꞌ coꞌ angngroꞌ lezoꞌ Diox desde póla, coꞌ ngue li Diox nalleꞌ.
\p
\v 19 Cona, ngue niin loo guꞌ: Indxàalte li xol naꞌ mèn coꞌ inacte mèn nación Israel coꞌ ngolaꞌs loo cón cheꞌn Jesucrist no coꞌ mbláꞌleꞌ costumbr gox par yòo mèna loo cón cheꞌn Diox.
\v 20 Más huen queꞌ naꞌ thìb cart loo mèn coꞌ inacte mèn nación Israel coꞌ ngolaꞌs par gab naꞌ loo mèna ya yende chó mport nzo lezoꞌ mèn par tolo tyoo mèn loo cón cheꞌn conꞌ zab coꞌ nac cón cheꞌn chol gunab no chol mdoꞌ. No taꞌ naꞌ cuent loo mèna ya neꞌtolode li mèna yalburrid. Neꞌ neꞌ cuaꞌn mèna xinꞌ huan mèna. Neꞌ neꞌ hua mèn bélꞌ máꞌ coꞌ ndxath coꞌ ndryal dóꞌ o máꞌ coꞌ mdíꞌ dóꞌ yen. Neꞌ neꞌ hua mèn ren máꞌ.
\v 21 Tac desde más pólleꞌa ngoqueꞌ mèn coꞌ ngo yalbàn cón cheꞌn diꞌs ndac coꞌ ndub loo ley coꞌ mxoꞌf Moisés loo mèn. Leya ndlab mèn leꞌn sinagog cad huiz sabd coꞌ nac huiz descans.
\p
\v 22 Sya, myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús, no mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox, thidte mnibeꞌ lezoꞌ con rye mèn coꞌ nqueltàa loo cón cheꞌn Diox par cui mèna plá mèn coꞌ ndxelaꞌs làth mèna par ya no mèna Pab ryop Mbèlꞌ axta ciuda Antioqui.
\p Sya, mdaꞌ mèn lèe Jud coꞌ neꞌ tedib lèe Barsabás no mdaꞌ mèn lèe tedib mbiꞌ coꞌ lèe Sil coꞌ ngòc thìb mbiꞌ roo mbiꞌ xèn làth mèn coꞌ ndxàc hues por cón cheꞌn Jesucrist par ya no mèna Pab ryop Mbèlꞌ.
\v 23 Sya, mtoxcuaꞌ mèna cart. Mtelꞌ mèna cart con Pab ryop Mbèlꞌ. Loo carta mtelꞌ mèna diꞌs coꞌ mbez taandxèꞌ:
\p ―Nuꞌ coꞌ nac myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús, no nuꞌ coꞌ nac mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox par nedrèꞌ, no nuꞌ coꞌ ndxàc hues guꞌ por cón cheꞌn Jesucrist, ryete nuꞌ ngue nii Diox loo guꞌ coꞌ inacte mèn nación Israel, guꞌ coꞌ nac hues nuꞌ por cón cheꞌn Jesucrist, guꞌ coꞌ naban leꞌn ciuda Antioqui no guꞌ coꞌ naban par ned leꞌn chol yèezyaꞌ cheꞌn làaz mèn sir no làaz mèn cilis.
\v 24 Nuꞌ mbìn ngroꞌ ndxep mèn par nedrèꞌ. Mèna mbiꞌth loo guꞌ coꞌteꞌ nzo guꞌ trèꞌ. Nuꞌ neꞌntelꞌte mèna par mbiꞌth mèn loo guꞌ. Mèna ngue li xol guꞌ nalleꞌ con diꞌs coꞌ ncoꞌx mèna loo guꞌ. No ndlyaꞌs mèna gàc guꞌ chop loo chop laꞌs loo cón cheꞌn Diox. Mbez mèna loo guꞌ gàc circuncidar guꞌ. No mbez mèna naquinqueꞌ tolo tyubdiꞌs guꞌ xal ñibeꞌ ley coꞌ mxoꞌf Moisés loo nuꞌ póla.
\v 25 Cona, thidte gunii nuꞌ no thidte ngòc nuꞌ par mdoodiꞌs nuꞌ más huen cui nuꞌ plá mèn no taꞌ nuꞌ lèe ndxep mèn coꞌ nzo làth nuꞌ par yiꞌth nee mèn guꞌ par ned nzo guꞌ ndxèꞌ. Mèna thidte ya no Mbèlꞌ no Pab, coꞌ ndxàc hues nuꞌ, coꞌ anzeꞌf nqueꞌ lezoꞌ nuꞌ.
\v 26 Guꞌ ndaꞌqueꞌ cuent no naneequeꞌ guꞌ leꞌ loo Pab ryop Mbèlꞌ ndxàcqueꞌ conꞌ ryes loo par ned ngue tee Pab ryop Mbèlꞌ por cón cheꞌn Tad Jesucrist naꞌ.
\v 27 Por cona, ngue taꞌ nuꞌ cuent loo guꞌ leꞌ nuꞌ telꞌ Jud no Sil con taamas mèn par yiꞌth toodiꞌs no Jud ryop Sil guꞌ par taꞌ Jud ryop Sil cuent loo guꞌ cón cheꞌn ryethe conꞌ ndxàc loo nuꞌ, no conꞌ coꞌ mdoo lezoꞌ nuꞌ, no conꞌ coꞌ mnibeꞌ nuꞌ loo lezoꞌ nuꞌ par ryo looi loo naꞌ.
\v 28 Tac por part cheꞌn Xpii Natúꞌ no por part cheꞌn nuꞌ, indlyaꞌste nuꞌ ñibeꞌ yèe nuꞌ loo guꞌ nec thìb conꞌ coꞌ inquinte li yèe guꞌ xal nac coꞌ ngue bez nuꞌ loo guꞌ ndxèꞌ:
\v 29 Conꞌ coꞌ ngue bez nuꞌ loo guꞌ loo cart ndxèꞌ nac: Neꞌhuade guꞌ bélꞌ máꞌ coꞌ ndxuth mèn par nxo mèn ren máꞌ loo izlyoꞌ loo chol mdoꞌ. Lomisqueꞌ ne, neꞌhuade guꞌ ren chol máꞌ. Neꞌ neꞌ hua guꞌ bélꞌ máꞌ coꞌ ndxath coꞌ ndryal dóꞌ. Neꞌ neꞌ cuaꞌn guꞌ xinꞌ huan guꞌ. Neꞌ neꞌ li guꞌ yalburrid. Cheleꞌ guꞌ ndyubdiꞌs par neꞌlide guꞌ ryete conꞌ ndxèꞌ, huenqueꞌ nac coꞌ ngue li guꞌ. Conꞌ ndxèꞌte nac diꞌs coꞌ ngue telꞌ nuꞌ loo guꞌ. Diox li gàc conꞌ ndac loo guꞌ par ned nzo guꞌ ndxèꞌ.
\p
\v 30 Sya, mxen Pab ryop Mbèlꞌ ned con Jud no Sil no con taamas mèn. Nda ryete xaꞌ axta ciuda Antioqui. Tya, mbli Pab ryop Mbèlꞌ par mqueltàa rye mèn coꞌ nqueltàa loo cón cheꞌn Diox. Mdaꞌ Pab ryop Mbèlꞌ cart loo mèna.
\v 31 Coꞌseꞌ mblab mèn coꞌ ndxàc hues por cón cheꞌn Jesucrist carta, anzeꞌf mdyac lezoꞌ mèna. No axta gust mbyanꞌ lezoꞌ mèna por diꞌs coꞌ mdub loo cart coꞌ mtegán lezoꞌ mèna.
\v 32 No com leꞌ Jud no Sil nac mèn coꞌ ndeꞌth diꞌs coꞌ ndxab Diox, ¿léꞌ?, mbli Jud ryop Sil par mtegán Jud ryop Sil lezoꞌ mèna. No mbli Jud ryop Sil par ndyeꞌth lezoꞌ mèna con diꞌs coꞌ mdoodiꞌs Jud ryop Sil loo mèna.
\v 33 Per coꞌseꞌ ngolo nguriꞌth plá huiz ngo Jud no Sil no taamas mèn ciuda Antioqui, mbii Jud con taamas mèn coꞌteꞌ nqueltàa mèn coꞌ ngòo loo cón cheꞌn Diox. Gunii mèna Diox loo Jud no loo taamas mèn coꞌ mbii no Jud. Ndxab mèna loo Jud no loo taamas mèn:
\p ―Ndlyaꞌs nuꞌ yo nagàl lezoꞌ guꞌ axta zin guꞌ loo mèn hues naꞌ coꞌ mtelꞌ guꞌ, ndee guꞌ.
\p
\v 34 Per Sil mnibeꞌ lezoꞌ yanꞌ no Sil Pab no Mbèlꞌ leꞌn ciuda Antioqui.
\v 35 Sangmbyanꞌ Pab ryop Mbèlꞌ Antioqui, ne. No huax mèn mqueltàa no Pab ryop Mbèlꞌ par ya lo mèn yalbàn cón cheꞌn diꞌs ndac cheꞌn Tad Diox.
\s Pab mtlo, tedib vez nda lo Pab yalbàn loo mèn huax lugar.
\p
\v 36 Coꞌseꞌ ngolo nguriꞌth plá huiz, ndxab Pab loo Mbèlꞌ:
\p ―Nda naꞌ tedib vez par ya tee huiꞌ naꞌ máa mèn coꞌ ndxàc hues naꞌ por cón cheꞌn Jesucrist leꞌn rye ciuda coꞌteꞌ ngua loleꞌ naꞌ yalbàn cón cheꞌn diꞌs ndac cheꞌn Tad Diox par ñee naꞌ xal nziriꞌ mèn coꞌ ndxàc hues naꞌ por cón cheꞌn Jesucrist par neda.
\p
\v 37 Mbèlꞌ mblyaꞌs nghueꞌ Juàn coꞌ neꞌ tedib lèe Marc.
\v 38 Per Pab neꞌndalte nga Juàn Marc con Mbèlꞌ ryop Pab tac Juàn Marc mbláꞌ Pab ryop Mbèlꞌ par ned yèezyaꞌ cheꞌn làaz mèn pamfil no neꞌngade Juàn Marc par nxoꞌf zinꞌ Juàn Marc zinꞌ cón cheꞌn diꞌs ndac con Pab no Mbèlꞌ.
\v 39 Anzeꞌf mbyolꞌ diꞌs Pab con Mbèlꞌ par xàꞌ ya Pab no xàꞌ ya Mbèlꞌ. Sya, mnibeꞌ lezoꞌ Mbèlꞌ mbeꞌ Mbèlꞌ Juàn Marc. Ngòo Mbèlꞌ loo yòoyaa. Nda Mbèlꞌ loo yòo biiz coꞌ lèe Chipr coꞌ nzo leꞌn níttó.
\v 40 Látha, mdoo lezoꞌ Pab. Mnibeꞌ Pab lezoꞌ Pab mcui Pab Sil. Coꞌseꞌ ngolo mxoꞌf mèn yaꞌ mèn yéc Pab no yéc Sil no ngurez mèn Diox cón cheꞌn Pab ryop Sil par angryoꞌ lezoꞌ Diox gàc conꞌ ndac loo Pab ryop Sil ned ya Pab ryop Sil, sya, mxen Pab ned, nda Pab con Sil.
\v 41 Ned nda Pab, nguriꞌth Pab ryop Sil par ned leꞌn yèezyaꞌ cheꞌn làaz mèn sir no par ned leꞌn yèezyaꞌ cheꞌn làaz mèn cilis. Mbli Pab ryop Sil par ndyeꞌth lezoꞌ mèn coꞌ ndxàc hues por cón cheꞌn Jesucrist coꞌteꞌ nqueltàa mèn loo cón cheꞌn Diox leꞌn rye yèezyaꞌa.
\c 16
\s Ngo thìb mbyòo coꞌ lèe Timote coꞌ mque tee lyath no Pab ryop Sil.
\p
\v 1 Pab ryop Sil mzin leꞌn yèez coꞌ lèe Derb no leꞌn yèez coꞌ lèe Listr. Tya mzyálꞌ Pab ryop Sil thìb mbyòo coꞌ ndxelaꞌs loo Crist no loo cón cheꞌn Crist. Mbyòoa lèe Timote. Nac mbyòo xganꞌ thìb xaꞌgot cheꞌn mèn nación Israel coꞌ ndxelaꞌs loo Crist, ne. Per mbiꞌ coꞌ nac xud mbyòo ngòc mèn nación Grieg.
\v 2 Mèn hues coꞌ ndxelaꞌs loo cón cheꞌn Jesucrist coꞌ naban yèez Listr no coꞌ naban leꞌn ciuda Icon huenqueꞌ ndaꞌ cuent cón cheꞌn mbyòo coꞌ lèe Timote.
\v 3 Pab mblyaꞌs leꞌ Timote que tee lyath no Pab ned ya Pab. Sya, mbli Pab ngòc circuncidar Timote par neꞌyecloode mèn nación Israel coꞌ nzo ban par neda ñèe mèna Timote con Pab. Tac ryete mèna nanee leꞌ xud Timote ngòc mèn nación Grieg.
\v 4 No coꞌseꞌ ndriꞌth Pab leꞌn yèez no leꞌn ciuda par neda, mdaꞌ Pab cuent loo mèn hues coꞌ ndxelaꞌs loo Diox por cón cheꞌn Jesús par neda cón cheꞌn conꞌ coꞌ mnibeꞌ myenꞌ xinꞌ mtéꞌth Jesús coꞌ ndxeꞌ diꞌs cheꞌn Jesús, no mèngool coꞌ ndyoo ner no coꞌ ndyoo naa loo mèn coꞌ ndxelaꞌs coꞌ nzo ban leꞌn ciuda Jerusalén.
\v 5 No tataa mod sate más ndxelaꞌs ryete mèn coꞌ ndxelaꞌs par neda leque mèna ndli nèe mèn par más ndxelaꞌs mèn loo Crist. No sate más huiz con huiz nzi queltàa mèn no nzi yarꞌ mèn loo cón cheꞌn Jesucrist.
\s Loo Pab mxyoꞌf loo cón cheꞌn thìb mbiꞌ coꞌ ngòc mbiꞌ gulàaz cheꞌn làaz mèn macedon.
\p
\v 6 Láth mque tee no Pab Sil no Timote par neda, Xpii Natúꞌ cheꞌn Diox neꞌndaꞌde lugar par ngo Pab yalbàn loo mèn gulàaz cheꞌn làaz mèn asia. Por cona, mxen Pab ned con Sil no Timote. Sangnguriꞌth Pab no Sil con Timote par ned leꞌn yèezyaꞌ coꞌ nac yèezyaꞌ cheꞌn làaz mèn frig no coꞌ nac yèezyaꞌ cheꞌn làaz mèn galas.
\v 7 Ndoo Pab no Sil no Timote ned axta mzin yon myenꞌ loo ray cheꞌn mèn coꞌ nac cheꞌn làaz mèn mis. Tya mbli yon myenꞌ xtùuz yòo myenꞌ leꞌn yèezyaꞌ cheꞌn làaz mèn bitiñ. Per Xpii Natúꞌ cheꞌn Tad Jesús neꞌnglaꞌde ngli myenꞌ tataa.
\v 8 Sya, sangnguriꞌth yon myenꞌ thìb lad ro xyòn mèn coꞌ nac cheꞌn làaz mèn mis axta mzin myenꞌ thìb puert coꞌ lèe Tro.
\v 9 Tya mxyoꞌf loo thìb conꞌ loo Pab làth mcalꞌ thìb yálꞌ leꞌn huiza. Láth conꞌ coꞌ mxyoꞌf loo Paba, mxac Pab leꞌ thìb mbiꞌ coꞌ nac mèn yèezyaꞌ cheꞌn làaz mèn macedon ndoo loo Pab. Nalyat mnaꞌb mbiꞌ loo Pab. Mbez mbiꞌ: Pab, de par ndxèꞌ coꞌ nac ned làaz mèn macedon ndxèꞌ par lyath no guꞌ nuꞌ, yey.
\p
\v 10 Texal mxyoꞌf loo mbiꞌ cheꞌn làaz mèn macedon loo Pab, luega tedib huiz coꞌ nde nquea, mbli nab nuꞌ cheꞌn nuꞌ par tyen nuꞌ ned, ya nuꞌ par ned làaz mèn macedon tac, lìcqueꞌ, ngòca leꞌ Diox mbli loo nuꞌ par ya lo nuꞌ yalbàn cón cheꞌn diꞌs ndac coꞌ ndluꞌ xá mod lyáꞌ mèn loo conꞌ ryes loo mèn par neda, ne.
\s Pab ryop Sil ngua lo yalbàn loo mèn leꞌn ciuda Filip.
\p
\v 11 Luega ngòo nuꞌ loo yòoyaa coꞌteꞌ nac puert Tro. Tya thìb lìte mxyoꞌf nuꞌ loo nít par mzin nuꞌ loo yòo biiz coꞌ lèe Samotras coꞌ nziriꞌ leꞌn níttóꞌ. Tedib huiz coꞌ nde nquea, mzin nuꞌ puert coꞌ lèe Neapol.
\v 12 Tya mxen nuꞌ ned. Mzin nuꞌ ciuda Filip. Ciuda Filipa nac thìb ciuda cheꞌn mèn nación Ital. No nac ciudaa más ciuda roo ciuda xèn coꞌ nziriꞌ loo rye yèezyaꞌ coꞌ nac cheꞌn làaz mèn macedon par neda. Ngo nuꞌ tya pláte huiz.
\v 13 Coꞌseꞌ ngòc thìb huiz sabd coꞌ nac huiz descans, ngroꞌ nuꞌ thìb lad ro ciuda gaxte coꞌteꞌ ndriꞌth thìb yóꞌbeꞌ coꞌteꞌ ngòc thìb lugar coꞌteꞌ nqueltàa mèn nación Israel coꞌ ngo ban ciuda Filip par mbez mèna Diox. Tya, ngure ndub nuꞌ par mblo nuꞌ yalbàn cheꞌn diꞌs ndac cheꞌn Diox loo mèngot coꞌ mqueltàa tya.
\v 14 Thìb xaꞌgot coꞌ ngo làtha ngroꞌ lèe Lid. Ngòc xaꞌgota mèn ciuda Tiatir. Nthoꞌ xaꞌgota larꞌ fin coꞌ nac color morad. Xaꞌgota nac xaꞌgot coꞌ ndyub xib no coꞌ ncòoꞌ yéc loo Diox. Xaꞌgota más mdub yòn diꞌs coꞌ ngue go Pab yalbàn. Látha, Diox mbli par tolo nguaaꞌd diꞌs leꞌn lezoꞌ xaꞌgota. No mdyub xnìi yéc xaꞌgota no mdyub xnìi lezoꞌ xaꞌgota par huen huen mdub nza xaꞌgota diꞌs coꞌ ngue go Pab yalbàn.
\v 15 Xaꞌgota luega ngolaꞌs diꞌs ndac cheꞌn Diox coꞌ mblo Pab yalbàn. No luega mbli xaꞌ par ngòc bautizar xaꞌ con mèn guliz xaꞌ coꞌ ngolaꞌs. Ngoloa, nalyat gunee xaꞌ loo nuꞌ:
\p ―Cheleꞌ guꞌ ndaꞌ cuent coꞌ huenlequeꞌ, lìcqueꞌ, nac daa thìb xaꞌgot coꞌ ndxelaꞌs loo Tad Jesús, yaꞌ guꞌ nda naꞌ lizen par yanꞌ guꞌ lizen.
\p No negadiꞌs mnibeꞌ xaꞌ loo nuꞌ par mbyanꞌ nuꞌ liz xaꞌ.
\p
\v 16 Ngòc thìb conꞌ loo nuꞌ thìb vez coꞌseꞌ nda nuꞌ leque ro yóꞌbeꞌ coꞌteꞌ nqueltàa mèn nación Israel par mbez mèna Diox. Mzyálꞌ nuꞌ thìb mzaꞌ coꞌ nquée mbii yéc, coꞌ nac mbii cheꞌn xpii yeꞌrsinꞌ coꞌ ndli ndxác mzaꞌ ndli mzaꞌ divin. Mzaꞌa ngòc thìb moz cheꞌn thìb patrón coꞌ ñibeꞌ yèe loo mzaꞌ. No anzeꞌf thìb tmi ndli mzaꞌ gan por ndli mzaꞌ divin. Per tmi coꞌ ndli mzaꞌ gana ndxàc cheꞌn patrón mzaꞌ.
\v 17 Mzaꞌa sangmdoo nque xís nuꞌ no xís Pab. No mtlo mzaꞌ, mbez yèe mzaꞌ. Mbez mzaꞌ:
\p ―Mènbiꞌ ndxèꞌ nxoꞌf zinꞌ cón cheꞌn Diox coꞌ nac thidte Diox roo Diox xèn no ngue teꞌth mènbiꞌ ndxèꞌ loo guꞌ xá mod lyáꞌ guꞌ loo conꞌ ryes.
\p
\v 18 Mbli mzaꞌ conꞌa leꞌn huax huiz axta, por lult, mbli mzaꞌ ngo tac lezoꞌ Pab por conꞌ ndli mzaꞌ loo nuꞌ. Sya, mbere Pab par ned xís Pab. Ndxab Pab loo xpii yeꞌrsinꞌ coꞌ nzo loo mzaꞌa:
\p ―Por cón cheꞌn conꞌ roo conꞌ xèn coꞌ nzo laꞌs nii Jesucrist no coꞌ nzo laꞌs yaꞌ Jesucrist, na ñibeꞌ lool, xpii yeꞌrsinꞌ coꞌ nzo loo mzaꞌ, groꞌ loo mzaꞌ baꞌ.
\p Leque hora, ngro xpii yeꞌrsinꞌa loo mzaꞌ.
\p
\v 19 Per coꞌseꞌ ñèe patrón mzaꞌ leꞌ mzaꞌ ya indlide divin, no no pá ngua tub lezoꞌ patrón mzaꞌ tac ya yende mod li mzaꞌ gan tmi par gàc cheꞌn patrón tmi. Sya, mnibeꞌ patrón mzaꞌ mxen mèn Pab ryop Sil. Mbeꞌ patrón Pab ryop Sil loo mèn nac zinꞌ yòolau coꞌteꞌ nac merpeꞌ oficin cheꞌn mèn nac zinꞌ coꞌ ñibeꞌ loo ciuda Filip.
\v 20 Mbeꞌ patrón mzaꞌ no mèna Pab ryop Sil loo mèn coꞌ nac juez. Ndxab patrón mzaꞌ loo juez:
\p ―Mènbiꞌ coꞌ nac mèn nación Israel ndxèꞌ anzeꞌf thìb diꞌs ngue xít too ciuda naꞌ no ngue cuaꞌn mèn ndxèꞌ diꞌs làth mèn ciuda naꞌ ndxèꞌ.
\v 21 No ngue luꞌ mèn ndxèꞌ thìb mod no thìb costumbr cub coꞌ yende mod téꞌth naꞌ li naꞌ. Guꞌ naneequeꞌ leꞌ mèn ciuda Rom ñibeꞌ loo naꞌ no ¿xá mod téꞌth naꞌ li naꞌ costumbr cub baꞌ?
\p
\v 22 Sya, nguátbèe mèn par tyen mèn Pab ryop Sil. Sya, mnibeꞌ juez loo mèna teche mèn Pab ryop Sil par taꞌ mèn cheꞌn Pab ryop Sil con var.
\v 23 Ngolo mdaꞌ mèn cheꞌn Pab ryop Sil axta plóthe ngro xyàn lezoꞌ mèn, mqueꞌ mèn Pab ryop Sil leziꞌf. No mnibeꞌ mèn loo mbiꞌ coꞌ nquenap ro leziꞌf huen huen nquenap mbiꞌ Pab ryop Sil leꞌn leziꞌf.
\v 24 Coꞌseꞌ mbìn mbiꞌ coꞌ nquenap ro leziꞌf diꞌs coꞌ mnibeꞌ mèn loo mbiꞌ, mxen mbiꞌ Pab ryop Sil. Mblo mbiꞌ Pab ryop Sil axta lult leꞌn coꞌ nac leꞌn leziꞌf no mblo mbiꞌ nii Pab ryop Sil leꞌn thìb yeꞌr coꞌ nziꞌf lad yaa coꞌ lèe cep.
\p
\v 25 Per coꞌseꞌ nde zinleꞌ gáal hor ngulal yálꞌ yálꞌa, hora ngue bez Pab ryop Sil Diox no mbilꞌ ro Pab ryop Sil himn loo Diox. Leꞌ taamas pres coꞌ nzo leziꞌf na, xèe nqueꞌ nza pres xal ngue bez Pab ryop Sil Diox no xal ndxolꞌ ro Pab ryop Sil himn, ne.
\v 26 Leque hora, chàa, mbuin thìb xòo brut coꞌ mbli axta mblyéꞌ cimient cheꞌn ftoo leziꞌf. No leque hora mxyalꞌ puert leziꞌf no mxyac caden coꞌ natedóꞌ yaꞌ no nii rye pres leꞌn leziꞌf.
\v 27 Látha, ngroꞌ mcalꞌ loo mbiꞌ coꞌ nquenap ro leziꞌf. Coꞌseꞌ gunèe mbiꞌ ndoo xalꞌ ro puert leziꞌf, mbloꞌ mbiꞌ spad coꞌ ngue rlanꞌ mbiꞌ par leque mbiꞌ guth mbiꞌ tac mbli mbiꞌ xtùuz leꞌ ryete pres mxonꞌleꞌ leꞌn leziꞌf.
\v 28 Per Pab ngrozèe. Ndxab Pab loo mbiꞌ:
\p ―Mbiꞌ, neꞌguthte lùu leque lùu. Neꞌtyóodel. Ryete nuꞌ nzoqueꞌ trèꞌ.
\p
\v 29 Sya, mnaꞌb mbiꞌ yeꞌrbèel loo taamas mèn coꞌ ndlyath no mbiꞌ. Mqueꞌ mbiꞌ carre. Ngòo mbiꞌ leꞌn leziꞌf. No ante nxiꞌth mbiꞌ tant mzyeb mbiꞌ. Sya, mdub xib mbiꞌ loo Pab no loo Sil.
\v 30 Leque hora mbloꞌ mbiꞌ Pab no Sil leꞌn leziꞌf. No mnibdiꞌs mbiꞌ. Ndxab mbiꞌ loo Pab no loo Sil:
\p ―Tad Pab no Tad Sil, ¿cón ndxàal lin par lyáꞌ daa loo conꞌ ryes, yey?
\p
\v 31 Pab ryop Sil mcàb. Ndxab Pab ryop Sil loo mbiꞌ:
\p ―Pues, conꞌ ndxàal li ryete guꞌ nac: Golaꞌs guꞌ loo Tad Jesucrist no loo cón cheꞌn Tad Jesucrist. Sya, tataa mod lyáꞌl loo conꞌ ryes con mèn gulizl.
\p
\v 32 Sya, mblo Pab yalbàn loo mèn guliz mbiꞌ coꞌ mqueltàa ro leziꞌf yálꞌa. No mdaꞌ Pab ryop Sil cuent cón cheꞌn diꞌs ndac cheꞌn Diox loo mèn guliz mbiꞌ leque hora.
\v 33 No leque hora leque mbiꞌ mtech lad Pab ryop Sil coꞌteꞌ mtehuíꞌ mèn con var coꞌseꞌ mdaꞌ mèn cheꞌn Pab ryop Sil. Ngoloa, ngòc bautizar mbiꞌ con rye mèn guliz mbiꞌ.
\v 34 Ngolo ngòc bautizar mbiꞌ con rye mèn guliz mbiꞌ, mbyeꞌ mbiꞌ Pab ryop Sil par liz mbiꞌ par mdaꞌ mbiꞌ coꞌ nduhua Pab ryop Sil. Leꞌ mbiꞌ con mèn guliz mbiꞌ na, anzeꞌf mdyac lezoꞌ tac ngolaꞌs ryete mèn guliz mbiꞌ loo Jesucrist no loo cón cheꞌn Jesucrist.
\p
\v 35 Per xtilꞌa, tatabeꞌ ñaa mbeꞌth izlyoꞌ, ngua lo mbiꞌ Pab ryop Sil leziꞌf tedib vez. Mbli mbiꞌ xal mèn coꞌ neꞌñeede. No más nde quée huiz xtilꞌa, mtelꞌ juez polesi, coꞌ nac myenꞌ nac zinꞌ, loo leque mbiꞌ coꞌ nquenap ro leziꞌf par gab myenꞌ nac zinꞌ loo mbiꞌ coꞌ mbiꞌ Pab ryop Sil leꞌn leziꞌf.
\v 36 Sya, ndxab mbiꞌ loo Pab:
\p ―Juez mnibeꞌ loon par goꞌen guꞌ leꞌn leziꞌf. Nase yende chó xtùuz li guꞌ. Nzoqueꞌ mod bii guꞌ. No yende chó li xol loo guꞌ.
\p
\v 37 Per Pab ndxab loo polesi coꞌ nac myenꞌ nac zinꞌ:
\p ―Neꞌbiide nuꞌ. Nuꞌ nac mèn cheꞌn ciuda Rom cheꞌn nación Ital. No náꞌa mnibeꞌ juez loo mèn mtin mèn nuꞌ loo xnaa axta mbyanꞌ gust lezoꞌ mèn. Ngoloa, sangmbli juez mandad mqueꞌ mèn nuꞌ leziꞌf. Neꞌ neꞌ tar tub rez juez cón cheꞌn nuꞌ. No tataa mnibeꞌ juez mbli no mèn nuꞌ. No ¿nalleꞌ ndlyaꞌs juez xexte bii nuꞌ, càꞌ? Yende xàa. ¡Pà bii nuꞌ xexte! Nalleꞌ guuz guꞌ loo juez yiꞌth loꞌ yub juez nuꞌ leziꞌf.
\p
\v 38 Sya, ndyàa myenꞌ nac zinꞌ. Ngua taꞌ myenꞌ cuenta loo mèn coꞌ nac juez. Per ryete mèn coꞌ nac juez mzyeb coꞌseꞌ mbìn mèna ndxab polesi leꞌ Pab ryop Sil nac mèn ciuda Rom cheꞌn nación Ital.
\v 39 Sya, que nzo neꞌñee lezoꞌ mèn coꞌ nac juez, nadoꞌ diꞌs nadoꞌ cuent ngua naꞌb mèna loo Pab teriꞌth tecanꞌ Pab conꞌ yeꞌrsinꞌ coꞌ mbli no mèn Pab ryop Sil. Ngoloa, mbloꞌ mèna Pab ryop Sil leꞌn leziꞌf. No nalyat ndxab mèn loo Pab no loo Sil li Pab ryop Sil favor bii Pab ryop Sil leꞌn ciuda Filip.
\v 40 Texal ngolo ngroꞌ Pab ryop Sil leziꞌf, ngua Pab ryop Sil liz Lid. Leꞌpeꞌ nzo mèn coꞌ ndxelaꞌs coꞌ ndxàc hues por cón cheꞌn Jesucrist. Mzyálꞌ Pab ryop Sil mèna liz Lid. Ngolo mdoodiꞌs no Pab ryop Sil ryete mèn coꞌ ndxàc hues por cón cheꞌn Jesucrist no mbli Pab ryop Sil par tolo ndyeꞌth lezoꞌ mèna loo cón cheꞌn Jesucrist, mxen Pab ryop Sil ned. Mbii ryop Pab Sil ciuda Filip.
\c 17
\s Mèn ciuda Tesalónica nguátbèe contra Pab.
\p
\v 1 Coꞌseꞌ mdoo Pab ned nda Pab ryop Sil, ngua riid Pab ryop Sil leꞌn thìb yèezyaꞌ coꞌ lèe Amfip, no nguriꞌth Pab ryop Sil leꞌn thìb yèezyaꞌ coꞌ lèe Ampoloñ. Ngoloa, mzin Pab ryop Sil ciuda Tesalónica. Leꞌn ciuda Tesalónica ndub thìb sinagog cheꞌn mèn nación Israel coꞌ naban leꞌn ciuda Tesalónica.
\v 2 Sya, cad xon huiz coꞌ nac huiz descans, ndyee Pab ryop Sil coꞌteꞌ ndub sinagog mèn nación Israel xalqueꞌ nac mod coꞌ ngue no Pab ryop Sil. Mdoodiꞌs no Pab mèn leꞌn sinagog leꞌn son sman.
\v 3 Nambìi mdaꞌ Pab cuent loo mèn xal ndub diꞌs coꞌ ndub loo libr coꞌ nac xtiꞌs Diox leꞌ Crist mquinqueꞌ mxactìi. No coꞌseꞌ ngolo nguth Crist, mquinqueꞌ ngro xban Crist. Mbez Pab loo mèn, ne:
\p ―Leque cón cheꞌn yub Jesús, coꞌ ngue tan cuent loo guꞌ nalleꞌ nac cón cheꞌn Crist tac Jesús nac Crist.
\p
\v 4 Coꞌseꞌ mbìn mèn nación Israel diꞌs coꞌ mblo Pab yalbàn, ngolaꞌs mèn loo cón cheꞌn Crist. No thidte mqueltàa mèn con Pab ryop Sil. Ngolaꞌs huax mèn grieg coꞌ ndyub xib no coꞌ ncòoꞌ yéc loo Diox. Ngolaꞌs huax mèngot coꞌ más nxyoꞌf lèe no nxyoꞌf xtiꞌs làth mèna no coꞌ más ndyuꞌ làth mèna, ne, loo cón cheꞌn Crist.
\v 5 Coꞌseꞌ ñèe taamas mèn coꞌ nac mèn nación Israel ndxelaꞌs huax mèn loo cón cheꞌn Jesucrist, ngòo xyàn lezoꞌ mèna no mbyan lezoꞌ mèna. Mbli mèna mandad par mdyop ndxep mènbiꞌ yeꞌrsinꞌ coꞌ angnzi teexùꞌ leꞌn ciuda. Mbli ryete mèna par ngo too diꞌs làth mèn leꞌn ciuda. Mbli mèna ngòc nguàal conꞌ liz Jasón tac mbli mèna xtùuz liz Jasón nzo casloo Pab ryop Sil. Mblyaꞌs mèn ngoꞌ mèn Pab ryop Sil tya par taꞌxùꞌ mèna Pab ryop Sil loo xtàa mèn par guth mèn Pab ryop Sil.
\v 6 Per mastaleꞌ ngua cuaꞌn mèn Pab ryop Sil liz Jasón, neꞌngzalte mèna Pab ryop Sil liz Jasón. Ale leꞌleꞌ Jasón mdoꞌfxax mèna. Mbeꞌ mèna Jasón loo mèn nac zinꞌ coꞌ nac mèn nac zinꞌ cheꞌn ciuda Tesalónica. Mbeꞌ mèna ndxep mèn coꞌ ndxàc hues por cón cheꞌn Jesucrist loo mèn nac zinꞌ, ne. No mbez yèe mèna. Mbez mèna:
\p ―Mèn ndxèꞌ nac mèn coꞌ ngue li ngòc nguàal conꞌ dib athu loo izlyoꞌ. Nalleꞌ nde mèn ndxèꞌ axta par nedrèꞌ, ne.
\v 7 No nde nxonꞌ, mdaꞌ Jasón liz Jasón par nguled mèn. Ryete mèn coꞌ ndxelaꞌs xal ndxelaꞌs mèn baꞌ mbixyath. Ya indlide mèn baꞌ cas xal nac diꞌs coꞌ ndub loo ley cheꞌn gobiern coꞌ ñibeꞌ mèn ciuda Rom cheꞌn nación Ital. No más de cona, mbez mèn baꞌ nzo tedib rey coꞌ más ñibeꞌ loo mèn. Reya mbez mèn baꞌ lèe Jesús.
\p
\v 8 Texal mbìn mèn nac zinꞌ diꞌsa, no mèn coꞌ mqueltàaa, nguátbèe mèna contra mèn coꞌ ndxelaꞌs loo cón cheꞌn Crist.
\v 9 Per Jasón no taamas mèn coꞌ ndxàc hues por cón cheꞌn Jesucrist mdoo thìb mbiꞌ par gunii mbiꞌa por cón cheꞌn Jasón, no cón cheꞌn mèn coꞌ ndxàc hues por cón cheꞌn Jesús, par mbláꞌ mèna Jasón no mèn coꞌ ndxàc hues. Sya, mblaꞌ mèn nac zinꞌ ndyàa Jasón con mèn coꞌ ndxàc hues por cón cheꞌn Jesucrist.
\s Pab ryop Sil ngo leꞌn thìb yèez coꞌ lèe Berea.
\p
\v 10 Luega hora, mèn coꞌ ndxàc hues por cón cheꞌn Crist mbli par mbii Pab ryop Sil leꞌn ciuda Tesalónica leque yálꞌa. Nda Pab ryop Sil par thìb yèez coꞌ lèe Berea. Luega tedib huiza ngua Pab ryop Sil sinagog cheꞌn mèn nación Israel coꞌ nzo ban leꞌn yèeza.
\v 11 Mèn nación Israel coꞌ nzo ban leꞌn yèez Berea ngòc más mèn nadoꞌ leque mèn nación Israel coꞌ nzo ban leꞌn ciuda Tesalónica. Mèn nación Israela dib nzo yéc no dib nzo lezoꞌ mdyal mèna mbìn mèna diꞌs cón cheꞌn diꞌs ndac coꞌ mblo Pab yalbàn. No atate huiz mcuaꞌn mèna diꞌs loo libr coꞌ nac xtiꞌs Diox par li laꞌs mèna ñeeneꞌ chéꞌ, lìcqueꞌ, nac diꞌs coꞌ ngo Pab yalbàn loo mèna.
\v 12 Pues, huax mèn ngolaꞌs loo cón cheꞌn Jesucrist por mbli laꞌs mèn lìcqueꞌ nac diꞌs coꞌ ngo Pab yalbàn. No leque tiempa, ngolaꞌs huax mèn nación Grieg coꞌ nac mèn yèez Berea no ngolaꞌs mèngot coꞌ ndyuꞌ loo mèn no ngolaꞌs mènbiꞌ coꞌ ndyuꞌ loo mèn, ne.
\v 13 Per coꞌseꞌ mbìn mèn nación Israel coꞌ nzo ban ciuda Tesalónica leꞌ Pab ngue go yalbàn coꞌ nac diꞌs ndac cheꞌn Diox loo mèn yèez Berea, ngua li mèn nación Israel par ngòc ngòc nguàal diꞌs loo mèn yèez Berea par nguátbèe mèn yèez Berea contra Pab ryop Sil.
\v 14 Per mèn coꞌ ndxàc hues por cón cheꞌn Crist lueg lueg mtelꞌ Pab par ya Pab par cost, coꞌ nee diꞌs, par ned ro níttóꞌ. Leꞌ Sil ryop Timote na, mbyanꞌ yèez Berea.
\v 15 Mèn coꞌ ndxàc hues por cón cheꞌn Jesús coꞌ mblyath no Pab par nda Pab par cost, mèna mbeꞌ Pab axta ciuda Aten. Lueg mbere mèna, ndyeꞌth no mèna diꞌs coꞌ ndxab Pab loo mèna par taꞌ mèna cuent loo Sil no loo Timote par ya sálꞌ Sil ryop Timote Pab leꞌn ciuda Aten. No luega tyee Sil ryop Timote xal taꞌi lugar loo Sil ryop Timote.
\s Pab nzo leꞌn ciuda Aten.
\p
\v 16 Láth ngue bed Pab zin Sil no Timote leꞌn ciuda Aten, anzeꞌf nxi lezoꞌ Pab no imbe see teede lezoꞌ Pab por ñèe Pab anzeꞌf thìb mdoꞌ no gunab ngue no mèn ciuda Aten.
\v 17 Por cona, mdoodiꞌs no Pab mèn coꞌ nac mèn nación Israel leꞌn sinagog mèna. No ndyoodiꞌs no Pab mèn coꞌ ndyub xib no coꞌ ncòoꞌ yéc loo Diox. No atate huiz ndryoꞌ Pab par ndyoodiꞌs no Pab mèn loo xbiꞌ, mèn coꞌ nzyálꞌ Pab par neda.
\v 18 Ngo ndxep mèn coꞌ mbli stud cón cheꞌn thìb xleyꞌ coꞌ ngòc xleyꞌ cheꞌn thìb mbiꞌ coꞌ ngroꞌ lèe Epicur no taandxep mèn coꞌ mbli stud cón cheꞌn thìb xleyꞌ coꞌ ngòc xleyꞌ cheꞌn thìb mbiꞌ coꞌ ngroꞌ lèe Stoic. Mèna mtlo mdoodiꞌs no xtàa mèna cón cheꞌn Pab. Ndxab ndxep mèna loo xtàa mèna cón cheꞌn Pab:
\p ―Nda toodiꞌs no naꞌ mbiꞌ baꞌ ñeeneꞌ cón ñee mbiꞌ loo naꞌ. Mbiꞌ baꞌ axta arid ndyoodiꞌs.
\p Taandxep mèna mbez:
\p ―Ndyac naꞌ mbiꞌ baꞌ ndyoodiꞌs cón cheꞌn tedib Diox coꞌ tarte libeꞌ naꞌ.
\p Tataa mbez mèna tac Pab ngo yalbàn cón cheꞌn diꞌs ndac coꞌ nac coꞌ ndluꞌ cón cheꞌn Jesús. No ngo Pab yalbàn leꞌ mèn coꞌ nguth ryo xban.
\v 19 Sya, mbeꞌ mèna Pab thìb lugar coꞌ lèe Areopag coꞌteꞌ mque no mèna costumbr par queltàa mèn par coꞌx mèna loo xtàa mèna no tub rez mèn cón cheꞌn conꞌ roo conꞌ xèn coꞌ ndxàc loo xtàa mèn no làth xtàa mèn. Tya, mnibdiꞌs mèna loo Pab. Ndxab mèna:
\p ―Mbiꞌ, ¿chéꞌ nzo mod gòn nuꞌ cón cheꞌn diꞌs cub coꞌ ndyoodiꞌsl loo mèn baꞌ par taꞌ nuꞌ cuent xá naca, àꞌ?
\v 20 Tac diꞌs coꞌ ndyoodiꞌsl loo mèn tarte gòn nuꞌ diꞌs baꞌ thidtene. Cona, ndlyaꞌs nuꞌ taꞌ nuꞌ cuent cón nee ryethe diꞌs coꞌ ndyoodiꞌsl baꞌ.
\p
\v 21 Tataa ndxab mèna loo Pab tac mèn coꞌ nac mèn ciuda Aten no taamas mèn tith coꞌ nzo ban leꞌn ciuda Aten, mèna yende chó zinꞌ ndli. Ante nzi mèna par gòn mèna chol diꞌs coꞌ ndxòn mèn ndyoodiꞌs tedib mèn no par gòn mèna cón cheꞌn chol conꞌ cub coꞌ ndxàc.
\p
\v 22 Sya, mdoo Pab loo mèn lugar coꞌteꞌ lèe Areopag. Ndxab Pab loo mèna:
\p ―Mèn ciuda Aten, ngüiꞌen no ndan cuent axta arid mènleyꞌ nac guꞌ loo chol conꞌ coꞌ mbez guꞌ nac Diox.
\v 23 Tac coꞌseꞌ mque teeꞌen leꞌn ciuda guꞌ, huax conꞌ gunèelen xá ndxác guꞌ ndli guꞌ cas loo huax conꞌ coꞌ mbez guꞌ no ndli guꞌ cuent nac Diox guꞌ. No gunèen thìb còoꞌ coꞌteꞌ ndub diꞌs coꞌ mbez: Conꞌ ndxèꞌ nac còoꞌ cheꞌn thìb Diox coꞌ tarte libeꞌ mèn. Huiꞌ guꞌ nexa. Yende cón niin loo guꞌ cón cheꞌn diꞌsa. Huenqueꞌ mbez diꞌsa. Pues Diox coꞌ tarte libeꞌ guꞌ, lèepeꞌ Dioxa nac diꞌs coꞌ ndub loo còoꞌ coꞌteꞌ ndub Diox guꞌ. No cón cheꞌn Dioxa nac coꞌ tan cuent loo guꞌ tac, lìcpeꞌ baꞌi, guꞌ tarte libeꞌ Dioxa.
\p
\v 24 Diox coꞌ mxènꞌ izlyoꞌ no coꞌ mblec izlyoꞌ, Diox coꞌ ngue xènꞌ rye loothe conꞌ coꞌ nziriꞌ loo izlyoꞌ, Dioxa ñibeꞌpeꞌ loo béꞌ no loo izlyoꞌ. Dioxa inzo bante leꞌn gudoꞌ coꞌ ntoxcuaꞌ yaꞌ mèn.
\v 25 Inquinte lyath no mèn Diox loo chol conꞌ coꞌ ndli mèn cuent nde che loo Diox. Yende chó conꞌ ndxàc falt loo Diox thidtene. Ndxeꞌlequeꞌ, yub Diox ndli par nzi ban naꞌ loo izlyoꞌ ndxèꞌ. No ndli Diox par ngue xènꞌ Diox naꞌ loo izlyoꞌ ndxèꞌ. No mbli Diox par ngure taamas conꞌ coꞌ nziriꞌ loo izlyoꞌ.
\p
\v 26 No thidte ren, no thidte bélꞌ, no thidte zith mbli Diox par mxènꞌ Diox mèn par cue ban mèn rye nación dib athu loo izlyoꞌ. No mbli Diox ngure thìb thìb nación dib athu loo izlyoꞌ coꞌseꞌ ngòc línꞌ no tiemp coꞌseꞌ ngure thìb thìb nación coꞌteꞌ ngòc lugar coꞌ nziriꞌ thìb thìb nación nalleꞌ.
\v 27 Tataa mbli Diox loo mèn dib athu loo izlyoꞌ par belꞌqueꞌ ngác ncuaꞌn mèn Diox thìb mod tedib mod axta ngzal Diox loo mèna. Tac, lìcpeꞌ baꞌi, itithte nzo Diox loo thìb thìb naꞌ.
\v 28 Loo Diox nzi ban naꞌ. No ndli Diox nquée ndlyàa naꞌ loo izlyoꞌ. No ngue xènꞌ Diox naꞌ loo izlyoꞌ ndxèꞌ xal mbez diꞌs coꞌ ndxab ndxep mèn coꞌ nzo làth guꞌ coꞌ ntoxcuaꞌ diꞌs cheꞌn thìb discurs coꞌseꞌ ndlab mèna yeꞌs cheꞌn discurs. Mbez mèna: Nac naꞌ mèn guliz Diox.
\v 29 Leꞌ sya, cheleꞌ naꞌ nacqueꞌ mèn guliz Diox, indxàalte li naꞌ xtùuz leꞌ Diox nac thìb gunab coꞌ natoxcuaꞌ con or, coꞌ natoxcuaꞌ con plat, coꞌ natoxcuaꞌ con quèe, coꞌ nac conꞌ coꞌ ntoxcuaꞌ mèn xal alithe ndyeꞌth xtùuz yéc mèn.
\v 30 Diox mbli xal mèn coꞌ neꞌñeede coꞌseꞌ ngòc tiemp coꞌseꞌ ngure mèn nauꞌ yéc nauꞌ loo mèn. Per nalleꞌ Diox ñibeꞌ loo mèn dib athu loo izlyoꞌ leꞌn tiemp ndxèꞌ par lyàa yéc mèn no lyàa lezoꞌ mèn no seꞌ mèn mod coꞌ ndxàp mèn loo Diox par lyáꞌ mèn loo conꞌ ryes.
\v 31 Tac Diox mcui thìb huiz coꞌ gàc thìb huiz coꞌseꞌ nalìte no nambìite tub rez Diox cón cheꞌn ryete mèn, que naca naban mèn, que naca nguth mèn. Gàc conꞌa loo mèn por cón cheꞌn thìb mbiꞌ coꞌ mcui Diox no coꞌ mbloꞌ xàꞌ Diox par tub rez mbiꞌa cón cheꞌn ryethe mèn. No mbluꞌ Diox loo naꞌ, lìcqueꞌ, tub rez Diox cón cheꞌn mèn por cón cheꞌn mbiꞌa, tac mbli Diox ngro xban mbiꞌa làth mèn nguth.
\p
\v 32 Coꞌseꞌ mbìn mèna leꞌ Pab ndxab leꞌ mèn nguth ryo xban, ale mxìis mxyánꞌ ndxep mèn. Leꞌ taamas mèna ndxab:
\p ―Más huen gòn nuꞌ diꞌs coꞌ ngue toodiꞌsl baꞌ tedib huiz tac ya ngo tacleꞌ lezoꞌ nuꞌ nzi yòn nuꞌ tant diꞌs coꞌ ndyoodiꞌsl baꞌ. Ngo zanleꞌ nuꞌ, ne.
\p
\v 33 Sya, mblaꞌ Pab, ndyàa mèna.
\v 34 Per làtha ngo ndxep mèn coꞌ mqueltàa no Pab. No ngolaꞌs mèna diꞌs coꞌ mdoodiꞌs Pab cón cheꞌn Jesucrist. Làth mèna ngo thìb mbiꞌ coꞌ ngroꞌ lèe Nich. Mbiꞌa ngòc thìb sos coꞌ nqueltàa no mèn coꞌ nqueltàa coꞌteꞌ lèe Areopag. No ngo thìb xaꞌgota làth mèna, ne, coꞌ ngroꞌ lèe Damars. Ngo taamas mèn làtha, ne, coꞌ neꞌneeden chó lèe.
\c 18
\s Pab ngo ciuda Corint.
\p
\v 1 Ngolo nguriꞌth conꞌa, Pab ngroꞌ leꞌn ciuda Aten. Nda Pab par ciuda Corint.
\v 2 Leꞌn ciuda Corint mzyálꞌ Pab thìb mbiꞌ coꞌ nac mèn nación Israel. Mbiꞌa ngòc mbiꞌ thìb yèez coꞌ nac yèezyaꞌ cheꞌn làaz mèn pont. Mbiꞌa ngroꞌ lèe Aquil. Pente ndxàc plá huiz mzin Aquil con saꞌl Aquil, coꞌ lèe Priscil, ciuda Corint. Ndyeꞌth xonꞌ xaꞌ coꞌteꞌ ngo ban xaꞌ ciuda Rom coꞌ ñibeꞌ loo mèn nación Ital. Que nzo neꞌñee lezoꞌ ryop saꞌl Aquil, mxonꞌ ryop saꞌl Aquil ciuda Rom coꞌteꞌ ngo ban ryop saꞌl Aquil. Tac thìb mbiꞌ coꞌ lèe Claud coꞌ nac gobiern cheꞌn nación Ital mnibeꞌ leꞌ ryete mèn coꞌ nac mèn nación Israel coꞌ nzo ban ciuda Rom ryoꞌ mèna ciuda Rom. Mzin Aquil ryop Priscil Corint. Leꞌpeꞌ leꞌn huiza, ngua nee Pab máa ryop saꞌl Aquil.
\v 3 Per com leꞌ Pab ndli zinꞌ coꞌ nac leque zinꞌ coꞌ ndli Aquil ryop Priscil coꞌ nac thìb zinꞌ coꞌ ntoxcuaꞌ xaꞌ yòo mantiad, mbyanꞌ Pab liz ryop saꞌl Aquil par thidte li Pab zinꞌ con Aquil.
\v 4 No cad huiz sabd coꞌ nac huiz descans tiempa ndyee Pab coꞌteꞌ ndub sinagog leꞌn ciuda Corint coꞌteꞌ ndyoodiꞌs no Pab mèn coꞌ nac mèn nación Israel no coꞌteꞌ nqueltàa mèn coꞌ inacte mèn nación Israel. No ndli Pab gan xèegà xèegà ndxàc nadoꞌ mèna no ndlyàa yéc mèna no ndlyàa lezoꞌ mèna loo cón cheꞌn Tad Jesucrist.
\p
\v 5 Coꞌseꞌ mzin Sil no Timote, ndyeꞌth myenꞌ, ngua que tee myenꞌ par ned leꞌn yèezyaꞌ coꞌ nac làaz mèn macedon, mzin myenꞌ Corint coꞌteꞌ nzo Pab. Sya, leque Pab mtlo mxoꞌf zinꞌ par co Pab yalbàn thidtene cón cheꞌn diꞌs ndac cheꞌn Diox. No nambìite taꞌ Pab cuent loo mèn nación Israel coꞌ nzo ban ciuda Corint leꞌ Jesús ngòc Crist coꞌ ngure quee lezoꞌ mèn yiꞌth que tee loo mèn loo izlyoꞌ.
\v 6 Per ndxeꞌlequeꞌ, mtlo mèn nación Israela, nazab ñii mèn ngòc nguàal diꞌs contra Pab par mdaꞌ mèn xyàn lezoꞌ Pab. Sya, mzib Pab xab Pab loo mèna, coꞌ nee diꞌs, nac thìb señ ryoꞌ Pab loo mèn. Sya, ngroꞌ Pab. Mbii Pab loo mèn nación Israel leꞌn sinagog. Ndxab Pab loo mèn nación Israela:
\p ―Yanꞌ conꞌ coꞌ ndli guꞌ baꞌ cón cheꞌn Diox coꞌseꞌ gàc huiz tub rez Diox cón cheꞌn guꞌ par leque conꞌ ndli guꞌ baꞌ li par coꞌ xàꞌ Diox guꞌ loo Diox thidtene. Per por part cón chenen, nambìi ndoon loo Diox loo cón cheꞌn coꞌ ndli guꞌ. Nee guꞌ cón cheꞌn guꞌ. Desde nalleꞌ par delant, ya neꞌtolode gon yalbàn cón cheꞌn diꞌs ndac cheꞌn Diox loo guꞌ coꞌ nac mèn nación Israel. Más huen nda lon yalbàn loo mèn coꞌ inacte mèn nación Israel.
\p
\v 7 Sya, ngroꞌ Pab sinagog. Nda Pab liz thìb mbiꞌ coꞌ lèe Just. Mbiꞌa ndli cas loo Diox. No anzeꞌf mbez mbiꞌ Diox. No ñaꞌb mbiꞌ loo Diox. No ndyub xib mbiꞌ no ncòoꞌ mbiꞌ yéc mbiꞌ loo Diox. Mdub liz mbiꞌ cuat sinagog.
\p
\v 8 Ngo thìb mbiꞌ coꞌ lèe Crisp coꞌ ngòc jef cheꞌn leque sinagog. Mbiꞌa ngolaꞌs loo Tad Jesús no loo cón cheꞌn Tad Jesús con rye mèn guliz mbiꞌ. No huax mèn coꞌ nac mèn ciudapeꞌ Corint, texal ngolo mbìn mèna diꞌs coꞌ nac diꞌs ndac coꞌ mblo Pab yalbàn, ngolaꞌs mèna loo Jesús no loo cón cheꞌn Jesús. Sangngòc bautizar mèna, ne.
\p
\v 9 Leꞌ sya, Tad Jesús mxoꞌf loo loo Pab thìb yálꞌ. Ndxab Tad Jesús loo Pab:
\p ―Neꞌzyebtel, Pab. Ftolo blo yalbàn loo mèn Corint. No tolo ftoodiꞌs loo mèna.
\v 10 Daa nzo noqueꞌl. No yende chó mèn gàal lùu par li mèna yalquìi lool. Tac daa nanee nzo huax mèn ciuda ndxèꞌ coꞌ yòo loo cón chenen yiloa.
\p
\v 11 No por cona, mbyanꞌ Pab thìb línꞌ narol leꞌn ciuda Corint. Ndluꞌ Pab mèn. No mblo Pab yalbàn cón cheꞌn diꞌs ndac cheꞌn Diox loo mèn.
\p
\v 12 Per leꞌn huiz coꞌseꞌ ngòc thìb mbiꞌ coꞌ lèe Galión gobernador loo mèn yèezyaꞌ cheꞌn làaz mèn acay, leꞌn huiza huax mèn nación Israel coꞌ nzo ban Corint, mqueltàa mèna contra Pab par gàc mèna ngolo ngolaꞌs loo Pab. Mxenxùꞌ mèna Pab. Mbeꞌ mèna Pab loo Galión coꞌteꞌ ndub ñibeꞌ Galión.
\v 13 Ndxab mèna loo Galión:
\p ―Mbiꞌ ndxèꞌ ngue tee li par ndlyàa yéc mèn no ndlyàa lezoꞌ mèn loo mod coꞌ ngòp mèn loo Diox par tlo gàp mèn tedib mod coꞌ nac mod cub par tyub xib mèn loo Diox no còoꞌ mèn yéc mèn loo Diox. Moda ndli par ya neꞌntolode li mèn cas loo ley cheꞌn mèn ciuda Rom coꞌ ñibeꞌ loo nación naꞌ.
\p
\v 14 Per leꞌpeꞌ ndlyaꞌs Pab tub Pab razon Pab loo Galión coꞌseꞌ, chàa, mcàb Galión loo mèn nación Israel. Ndxab Galión:
\p ―Cheleꞌ guꞌ ndli cuent leꞌ mbiꞌ baꞌ mbli thìb falt coꞌ iléꞌde nac o mbeth mbiꞌ thìb mèn, thìb mod tedib mod na tub rez cón cheꞌn mbiꞌ xalqueꞌ taꞌ guꞌ cuent cón cheꞌn mbiꞌ loon, guꞌ coꞌ nac mèn nación Israel.
\v 15 Per com leꞌ mbiꞌ baꞌ ante ndyoodiꞌs no guꞌ cón cheꞌn diꞌs, no cón cheꞌn lèe mèn, no cón cheꞌn ley coꞌ nac xleyꞌ guꞌ, guꞌ nee cón li no guꞌ mbiꞌ baꞌ. Tac por part cón chenen, indlyasten tub rezen cón cheꞌn guꞌ baꞌ. Ngolo cuent.
\p
\v 16 Sya, mbli Galión mandad yiꞌth polesi coꞌ nac mèn nac zinꞌ par coꞌ polesi mèna coꞌteꞌ ndub ñibeꞌ Galión.
\v 17 Sya, ryete mèn ciuda Corint coꞌ nac mèn nación Grieg mxen mbiꞌ coꞌ lèe Sost coꞌ nac tedib jef cheꞌn sinagog coꞌ mbyanꞌ lugar cheꞌn Crisp tant thìb xyàn ndyac mèna. No delant loo Galión coꞌ nac gobernador mdaꞌ mèna golp Sost axta mbyanꞌ gust lezoꞌ mèna. Per por part cheꞌn Galión, yende chó mport nzo lezoꞌ Galión conꞌa mastaleꞌ mbeth yèe mèna Sost.
\s Pab ngua ciuda Antioqui coꞌ nac ciuda cheꞌn làaz mèn sir. Ngolo nguriꞌth ndxep tiemp, mbere Pab, ngua Pab tedib vez coꞌ ngòc mbyon viaj. Ngua too naa Pab mèn coꞌ ndxelaꞌs par ned làaz mèn galas no par ned làaz mèn frig.
\p
\v 18 Beꞌ mbyanꞌ Pab leꞌn ciuda Corint taahuax huiz. Ngoloa, gunii Pab Diox loo mèn coꞌ ndxàc hues por cón cheꞌn Jesucrist. Sya, mbii Pab. Ngòo Pab loo thìb yòoyaa par ndoo Pab loo níttóꞌ. Nda Pab par ned leꞌn yèezyaꞌ cheꞌn làaz mèn sir. Thidte mqueltàa Pab con Priscil no Aquil par ya no Aquil ryop Priscil Pab. Láth nzo Pab yèez Cencr, ale ngua Pab loo thìb mbiꞌ coꞌ nchoꞌ yis yéc mèn par ndxab Pab chub mbiꞌ yéc Pab ndooreꞌ yòo Pab loo yòoyaa. Ale tataa mchub Pab yéc Pab par mdyaa thìb conꞌ coꞌ ngòc coꞌ mcàbgòn Pab loo Diox li Pab. Ngoloa, ngòo Pab loo yòoyaaa. Nda Pab par neda.
\v 19 Coꞌseꞌ mzin Pab con Priscil no Aquil leꞌn ciuda Efes, Priscil no Aquil ndxab loo Pab tyate yanꞌ Priscil ryop Aquil. Leꞌ Pab na, ngua riid coꞌteꞌ ndub sinagog leꞌn ciuda Efes par ngua toodiꞌs no Pab mèn nación Israel coꞌ nqueltàa sinagog tya.
\v 20 Leꞌ mèn nación Israel na, nalyat ndxab loo Pab belꞌqueꞌ tyal Pab yanꞌ Pab con mèna tya mase pláte huiz. Per Pab neꞌndalte.
\v 21 Sya, gunii Pab Diox loo mèna. Ndxab Pab loo mèna:
\p ―Naquinqueꞌ gan ciuda Jerusalén par gan lni coꞌ gàc ciuda Jerusalén leꞌn huiz ndxè. Per yende chó xgab li guꞌ, yey. Yiloa, beren, gal neen máa guꞌ par nedrèꞌ tedib vez cheleꞌ Diox nee lezoꞌ gàca tataa loon.
\p Sya, ngòo Pab loo yòoyaa. Nda Pab par ned leꞌn yèezyaꞌ cheꞌn làaz mèn cesar.
\v 22 Coꞌseꞌ mzin Pab ciuda Cesar, sangnguriꞌth Pab. Nda Pab par ciuda Jerusalén. Ngua nii Pab Diox loo mèn coꞌ nqueltàa loo cón cheꞌn Diox. Ngoloa, mbere Pab, sangngulàa tùub Pab par ciuda Antioqui coꞌ nac ciuda cheꞌn làaz mèn sir.
\v 23 Coꞌseꞌ ngolo ngòc plá mbeꞌ mque tee Pab par neda, mbii Pab par neda tedib vez par ngua que tee Pab thìb yèez tedib yèez coꞌ nac yèezyaꞌ cheꞌn làaz mèn galas, no coꞌ nac yèezyaꞌ cheꞌn làaz mèn frig. Mbli Pab par ndyeꞌth lezoꞌ mèn coꞌ ndxelaꞌs loo cón cheꞌn Diox par neda.
\s Ngo thìb mbiꞌ coꞌ lèe Apol. Mbiꞌa ngue go yalbàn loo mèn leꞌn ciuda Efes.
\p
\v 24 Leque leꞌn huiza mzin thìb mbiꞌ leꞌn ciuda Efes. Mbiꞌa nac thìb mbiꞌ nación Israel. Mbiꞌa lèe Apol. Ngòc mbiꞌa mèn gulàaz cheꞌn ciuda Alejandri. Nde nxonꞌ, ngòc mbiꞌ thìb mbiꞌ coꞌ ndxácpeꞌ ngo yalbàn. No ndxác mbiꞌ ndaꞌ mbiꞌ cuent coꞌ huenlequeꞌ cón cheꞌn diꞌs coꞌ ndub loo libr coꞌ nac xtiꞌs Diox.
\v 25 Huen huen mtéꞌth mbiꞌ cón cheꞌn xá mod yòo mèn loo cón cheꞌn Diox por cón cheꞌn Tad Jesucrist. No anzeꞌf ndyeꞌth lezoꞌ mbiꞌ no ndaꞌ gust lezoꞌ mbiꞌ ndyoodiꞌs mbiꞌ cón cheꞌn Tad Jesús. No nambìite ndyoodiꞌs mbiꞌ cón cheꞌn Tad Jesús mastaleꞌ ante ndaꞌ mbiꞌ cuent cón cheꞌn xá mod mbli Juàn Bautist bautizar mèn.
\v 26 Con dibaxlaꞌs mdoodiꞌs no Apol mèn leꞌn sinagog mèn. Per coꞌseꞌ mbìn Priscil no Aquil mod coꞌ ndaꞌ Apol cuent cón cheꞌn Tad Jesús, mbeꞌ Priscil ryop Aquil Apol thìb lugar xàꞌ. Sya, más nambìite mdaꞌ ryop Priscil Aquil cuent xá mod yòo mèn loo cón cheꞌn Diox loo Apol.
\v 27 Coꞌseꞌ mblyaꞌs Apol ya riid Apol par ned leꞌn yèezyaꞌ coꞌ nac làaz cheꞌn mèn acay, mèn hues por cón cheꞌn Jesucrist coꞌ nqueltàa leꞌn ciuda Efes, ndxab mèna loo Apol:
\p ―Huenqueꞌ lil yal viaj leꞌn yèezyaꞌ coꞌ nac cheꞌn làaz mèn acay.
\p Sya, mtoxcuaꞌ mèna thìb cart par hueꞌ Apol cart loo mèn yèezyaꞌ cheꞌn làaz mèn acay, mèn coꞌ ndxelaꞌs loo cón cheꞌn Diox par neda, par nabeꞌste gàc mèna coꞌseꞌ zin Apol par neda. Coꞌseꞌ mzin Apol leꞌn yèezyaꞌ cheꞌn làaz mèn acay, anzeꞌf thìb conꞌ ndac mbli Diox loo mèna por cón cheꞌn conꞌ ndac coꞌ mbli Apol loo mèn coꞌ mbli Diox ngolaꞌs par ngòo mèna loo cón cheꞌn Diox.
\v 28 Láth nzo Apol làth mèn par ned ngua que tee Apol, huen huen mbluꞌ Apol cón cheꞌn mod yeꞌrsinꞌ coꞌ ndxàp mèn nación Israel loo cón cheꞌn Diox loo mèn par neda. Coꞌseꞌ ndyoodiꞌs Apol loo mèn nación Israela, Apol ndyoodiꞌs loo mèna xalqueꞌ nac diꞌs coꞌ ndub loo libr coꞌ nac xtiꞌs Diox leꞌ Jesús nac Crist coꞌ nzi quee lezoꞌ mèna. Mod coꞌ mdoodiꞌs Apol loo mèna, yende mod ncà diꞌs mèna loo Apol.
\c 19
\s Pab ngue que tee par ned leꞌn ciuda Efes.
\p
\v 1 Láth nzo Apol leꞌn ciuda Corint, Pab mxen ned, nda Pab. Nguriꞌth Pab par ned làaz mèn yidyòo axta mzin Pab ciuda Efes. Tya mzyálꞌ Pab ndxep mèn coꞌ ndxelaꞌs loo cón cheꞌn Diox por cón cheꞌn Jesucrist.
\v 2 Mnibdiꞌs Pab loo mèna. Ndxab Pab:
\p ―¿Chéꞌ ngulàa Xpii Natúꞌ loo guꞌ no ngòo Xpii Natúꞌ loo guꞌ par tlo ñibeꞌ Xpii Natúꞌ loo guꞌ coꞌseꞌ ngolaꞌs guꞌ loo Crist no loo cón cheꞌn Crist, àꞌ?
\p Mèna mcàb. Ndxab mèna loo Pab:
\p ―Axta neꞌ neꞌ ñee nuꞌ chéꞌ nzo Xpii coꞌ mbez Uꞌ nac Xpii Natúꞌ, Tad.
\p
\v 3 Mbere Pab, mnibdiꞌs Pab loo mèna tedib vez. Ndxab Pab:
\p ―¿Chó cón cheꞌn conꞌ no por chó conꞌ ngòc bautizar guꞌ, sya?
\p Mèna mcàb loo Pab. Ndxab mèna:
\p ―Nuꞌ ngòc bautizar por cón cheꞌn diꞌs ndac coꞌ ngócte mbluꞌ Juàn Bautist loo nuꞌ.
\p
\v 4 Pab ndxab loo mèna:
\p ―Juàn mbli bautizar mèn par ngòca thìb conꞌ coꞌ ndluꞌ loo mèn leꞌ mèn mzyeꞌqueꞌ mod coꞌ ngòp mèn loo Diox. Lomisqueꞌ, mdaꞌ Juàn cuent loo mèn ndxàalqueꞌ yilaꞌs mèn loo mbiꞌ coꞌ yiꞌth nque yilo riid cón cheꞌn Juàn, coꞌ nee diꞌs, mbiꞌa nac Jesús coꞌ nac leque yub Crist.
\p
\v 5 Coꞌseꞌ mbìn mèna tataa ndxab Pab loo mèna, ngòc bautizar mèna por lèe cheꞌn Tad Jesús.
\v 6 Coꞌseꞌ mxoꞌf Pab yaꞌ Pab loo mèna, ngulàa Xpii Natúꞌ loo mèna no ngòo Xpii Natúꞌ leꞌn lezoꞌ mèna par tlo Xpii Natúꞌ, ñibeꞌpeꞌ Xpii Natúꞌ loo mèna. Mtlo mèna, mdoodiꞌs mèna tedib diꞌstèe coꞌ nac xàꞌ diꞌs. No ngòc mèna mèn coꞌ mdeꞌth diꞌs coꞌ ndxab Diox hora.
\v 7 Por loo rye mèn coꞌ ngòc bautizara neꞌqueꞌ siꞌ fchop mèna.
\p
\v 8 Mque tee luꞌ Pab no mque tee go Pab yalbàn con dibaxlaꞌs leꞌn son mbeꞌ leꞌn sinagog cheꞌn mèn nación Israel coꞌ nzo ban leꞌn ciuda Efes. No mbli Pab ndxàc nadoꞌ mèn par ndlyàa yéc mèn no ndlyàa lezoꞌ mèn par tataa mod yòo mèn loo cón cheꞌn Diox par ñibeꞌpeꞌ Diox loo mèn.
\v 9 Per ngo ndxep mèn nación Israel coꞌ ngòc mèn naad no mèn nguud coꞌ thidtenequeꞌ neꞌndalte ngalaꞌs loo Crist no loo cón cheꞌn Crist. Ndxeꞌlequeꞌ, gunii yèe gunii tìi mèna cón cheꞌn diꞌs ndac cheꞌn Diox loo xnaa loo mèn coꞌ mqueltàa sinagog. Leque hora mbláꞌ Pab mèna. Mbeꞌ Pab ante mèn coꞌ ndxelaꞌs loo Crist coꞌteꞌ nac scuel cheꞌn thìb maistr coꞌ lèe Tiran. Leꞌn nyòo scuela ndyoodiꞌs no Pab chol mèn coꞌ nqueltàa no Pab ryete huiz.
\v 10 Tataaqueꞌ tolo mbli Pab leꞌn chop línꞌ leꞌn ciuda Efes axtaqueꞌ mbìn rye mèn yèezyaꞌ cheꞌn làaz mèn asia diꞌs coꞌ nac cón cheꞌn diꞌs ndac cheꞌn Tad Jesús. Leꞌleꞌ mbli Pab par mbìn mèn coꞌ nac mèn nación Israel diꞌs. Leꞌleꞌ mbli Pab par mbìn mèn coꞌ inacte mèn nación Israel diꞌs, ne.
\v 11 Làth xtauꞌa, Diox ngue li ndxàc yalguzyeꞌ roo yalguzyeꞌ xèn loo mèn por Pab.
\v 12 No por tant ndxàc yalguzyeꞌ roo yalguzyeꞌ xèn coꞌ ndli Diox ndxàc, huax mèn ndxiꞌth loo Pab par teyac Pab mèn. Ale nde no mèna panid no xab mèn yíiz par ante li mèna gàal larꞌa lad Pab. Yiloa bere mèn, yeꞌ mèn larꞌa loo mèn yíiz. No tataa mod ndxac mèn yíiza. No ndryo xpii yeꞌrsinꞌ loo mèn coꞌ mque no xpii yeꞌrsinꞌ.
\p
\v 13 Ngo ndxep mèn nación Israel par neda coꞌ ngòc mèn hueꞌs coꞌ nque tee thìb yèez tedib yèez. Mèna ngoꞌ xpii yeꞌrsinꞌ loo mèn coꞌ nquée mbii cheꞌn xpiia. Mèna mbuiꞌ xal ngue li Pab no xal mbez Pab lèe Tad Jesús par ngoꞌ Pab xpii yeꞌrsinꞌ loo mèn. Mblyaꞌs mèna tataaguèꞌ li mèna loo mèn coꞌ mque no xpii yeꞌrsinꞌ par coꞌ mèna xpii yeꞌrsinꞌ coꞌ ndyen mbii cheꞌn xpii yeꞌrsinꞌa por lèe Jesús, ne. Sya, mtlo mèna, mbez mèna loo mèn coꞌ mquée mbii cheꞌn xpii yeꞌrsinꞌ looa.
\p ―Daa ñibeꞌ por cón cheꞌn lèe Tad Jesús coꞌ ngo Pab yalbàn ryoꞌl, xpii yeꞌrsinꞌ, loo mèn ndxèꞌ.
\p
\v 14 Tataaguèꞌ mbli gaz hues myenꞌ coꞌ ngòc xganꞌ thìb mbiꞌ coꞌ ngòc mèn nación Israel, mbiꞌ coꞌ lèe Scev. Mbiꞌa ngòc thìb jef coꞌ más ñibeꞌ loo rye nguleyꞌ par neda leꞌn tiempa.
\v 15 Per coꞌseꞌ mblyaꞌs myenꞌ li myenꞌ tataa loo thìb mbiꞌ coꞌ mque no xpii yeꞌrsinꞌ, xpiia mbli mcàb mbiꞌ loo myenꞌ. Ndxab mbiꞌ coꞌ mque no xpiia:
\p ―Na ndlibeꞌ Jesús. No naneen chó nac Pab. Per ¿guꞌ, àꞌ? ¿Cón guꞌ? ¿Chó mèn nac guꞌ?
\p
\v 16 Ngolo tataa ndxab mbiꞌa loo myenꞌ xganꞌ Scev, ale leꞌleꞌ nguát mbiꞌ rloo myenꞌ. Mtlo mbiꞌ, mqueꞌ mbiꞌ punyed nza myenꞌ. Ale mched mxád mbiꞌ xab myenꞌ. Mtehuíꞌ mbiꞌ myenꞌ. Mbli mbiꞌ gan loo myenꞌ axta che myenꞌ mxonꞌ myenꞌ. Mbii myenꞌ liz mbiꞌ.
\v 17 Ryete mèn coꞌ naban ciuda Efes, que nac mèna mèn nación Israel, que nac mèna mèn coꞌ inacte mèn nación Israel, ryete mèn mbìn conꞌ mxac myenꞌ xganꞌ Scev con mbiꞌa. Por cona, anzeꞌf mzyeb mèna. No mbez mèna: Conꞌ roo conꞌ xèn nac cón cheꞌn Tad Jesús, ndyac naꞌ, tac ante Tad Jesús ndxác ndli yalguzyeꞌ roo yalguzyeꞌ xèn loo mèn.
\p
\v 18 Lomisqueꞌ ne, huax mèn coꞌ ngolaꞌsleꞌ loo Tad Jesús no loo cón cheꞌn Tad Jesús mbiꞌth xop dol loo Pab ryethe conꞌ yeꞌrsinꞌ coꞌ mbli mèna ndooreꞌ yilaꞌs mèna loo Tad Jesús.
\v 19 Lomisqueꞌ ne, huax mèn coꞌ ngòc mèn bruj, leque mèn mbiꞌth no libr mèn coꞌ lèe orac par mtec mèn libr mèn loo ryete mèn coꞌ nqueltàa loo cón cheꞌn Diox leꞌn ciuda Efes. Coꞌseꞌ mbloꞌ mèn coꞌ nzi huiꞌ cuent plál ntac libr coꞌ ngue tec mèna, mbloꞌ mèna cuent peser ntac ryete libr thìb ayo mil pes.
\v 20 Tataa mod, sate más mbyath mbyèn diꞌs coꞌ nac diꞌs ndac cón cheꞌn Tad Jesús leꞌn rye yèezyaꞌ par neda. No ndli Diox ndxàc conꞌ roo conꞌ xèn cheꞌn Diox loo mèn par neda par tataa mod ndluꞌ Diox cón cheꞌn conꞌ roo conꞌ xèn cheꞌn Diox loo mèn.
\p
\v 21 Ngolo ngòc ryethe conꞌ ngòca, mnibeꞌ Pab lezoꞌ Pab ya que tee Pab par ya too naa Pab mèn coꞌ ndxelaꞌs loo Diox por cón cheꞌn Jesucrist par ned leꞌn rye yèezyaꞌ cheꞌn làaz mèn macedon no par ned làaz mèn acay. No yiloa tolo tyoo Pab ned, que tee Pab axta zin Pab ciuda Jerusalén. Más de cona, mbez Pab loo lezoꞌ Pab coꞌseꞌ yilo riid Pab ciuda Jerusalén naquin ya Pab ciuda Rom, ne.
\v 22 Per láth beꞌ nzo Pab leꞌn yèezyaꞌ cheꞌn làaz mèn asia, mtelꞌ Pab chop myenꞌ coꞌ ndlyath no Pab par ya myenꞌ leꞌn yèezyaꞌ cheꞌn làaz mèn macedon. Myenꞌa ngòc Timote no Erast. Leꞌ Pab na, beꞌ mbyanꞌ taandxep huiz par ned leꞌn yèezyaꞌ coꞌ nac cheꞌn làaz mèn asia.
\s Mèn ciuda Efes ndxátbèe contra Pab.
\p
\v 23 Leꞌn huiz coꞌseꞌ mque tee Pab par ned leꞌn yèezyaꞌ cheꞌn làaz mèn asia, anzeꞌf thìb mèn coꞌ nac mèn ciuda Efes nguátbèe por indyublaꞌste mèn gòn mèn con cheꞌn diꞌs ndac.
\v 24 Làth mèna, ngo thìb mbiꞌ coꞌ ngroꞌ lèe Met. Mbiꞌa mbli par nguátbèe mèn. Mbiꞌa ndli zinꞌ con plat. Ntoxcuaꞌ mbiꞌ gunab bix con plat coꞌ ñaa xal thìb gudoꞌ coꞌ nac cheꞌn dioxpeꞌ mèna, diox coꞌ lèe Dian. Más de cona, ryete mèn coꞌ ndli zinꞌ con Met loo zinꞌa, mèna ndli gan huax tmi.
\v 25 Met mbli par mqueltàa mèn coꞌ ndli zinꞌ con Met con taamas mèn coꞌ ndli leque zinꞌa. Ndxab Met loo rye mèna:
\p ―Cara, guꞌ nanee leꞌ zinꞌ coꞌ ndli naꞌ nac thìb zinꞌ coꞌ inacte arid nèe no ndryoꞌ cuent loo zinꞌ coꞌ ndli naꞌ, ne, ¿léꞌ?
\v 26 Per com leꞌ guꞌ nonleꞌ no ndxòn guꞌ leꞌ mbiꞌ coꞌ lèe Pab nque tee ndaꞌ cuent leꞌ rye diox coꞌ ntoxcuaꞌ yaꞌ mèn inacte merpeꞌ Diox. No tataa mod ndli Pab gan par ndxelaꞌs huax mèn diꞌs coꞌ mbez Pab. No guꞌ ndaꞌqueꞌ cuent iante loo mèn coꞌ naban ciuda Efes ndxèꞌ mbez Pab tataa. Ndxeꞌlequeꞌ, ngue tee taꞌ Pab cuent loo mèn coꞌ nac mèn rye yèezyaꞌ cheꞌn làaz mèn asia, ne.
\v 27 Axta arid ryes nac conꞌ ndxèꞌ loo naꞌ tac axta zinꞌ coꞌ ndli naꞌ nzo ryes ya neꞌtolode li naꞌ zinꞌ. No lomisqueꞌ ne, axta gudoꞌ coꞌ nac cheꞌn diox naꞌ coꞌ lèe Dian nzo ryes gàc gudoꞌ naꞌ thìb conꞌ coꞌ ya yende cón ntac loo mèn. No ya neꞌtolode xyoꞌf lèe xyoꞌf xtiꞌs cón cheꞌn diox naꞌ coꞌ lèe Dian. No axta ya neꞌlide mèn cas lni coꞌ gàc loo diox naꞌ coꞌ ndli naꞌ cuent nac diox roo diox xèn loo naꞌ. Nanee naꞌ leꞌ ryete mèn coꞌ nac mèn gulàaz cheꞌn làaz mèn asia no ryethe mèn coꞌ naban dib athu loo izlyoꞌ nde too naa, no nde còoꞌ mèn yéc mèn, no nde tub xib mèn loo diox naꞌ. ¿Xá nee guꞌ? ¿Cón li naꞌ?
\p
\v 28 Coꞌseꞌ mbìn mèna tataa ndxab Met, anzeꞌf ngocloo mèna no cabii ndxab mèna:
\p ―¡Pà láꞌ naꞌ diox naꞌ coꞌ lèe Dian! Conꞌ roo conꞌ xèn nac diox naꞌ, yey.
\p
\v 29 Tataa mod anzeꞌf thìb mèn nguátbèe no ngoo too diꞌs làth mèn dib leꞌn ciuda Efes. Mxen mèna thìb mbiꞌ coꞌ lèe Gay no tedib mbiꞌ coꞌ lèe Aristarc. Ryop myenꞌa mque tee lyath no Pab. Ngòc myenꞌa mèn gulàaz asia. Mdoꞌfxax mèn ryop myenꞌa. No mbeꞌ mèn ryop myenꞌa axta coꞌteꞌ ndub oficin coꞌ nac yòolau cheꞌn ciuda Efes no coꞌteꞌ nqueltàa mèn par ngo mèn chol junt tya.
\v 30 Pab mblyaꞌs ngòo xiꞌth mèna par ndoodiꞌs Pab loo mèn. Per mèn coꞌ ndxelaꞌs loo cón cheꞌn Jesucrist neꞌnglaꞌde nga Pab.
\v 31 Lomisqueꞌ ne, ndxep mèn coꞌ nxoꞌf zinꞌ zinꞌ cheꞌn gobiern coꞌ ndub ciuda Rom coꞌ ñibeꞌ loo mèn asia, mèn coꞌ ngòc amiu Pab coꞌ naban leꞌn ciuda Efes, mèna mtelꞌ diꞌs loo Pab. Ndxab mèna indxàalte yòo Pab xiꞌth mèn coꞌteꞌ mqueltàa mèn.
\v 32 No por tant mèn coꞌ nqueltàaa, xàꞌ mbez thìb mèn; xàꞌ mbez tedib mèn tac, por derech, nguátbèe mèn. Per ngo masreꞌ mèn coꞌ axta neꞌ neꞌ ñee xá mod anzeꞌf thìb mèn mqueltàa no axta neꞌ neꞌ ñee mèn chonon mqueltàa mèn.
\v 33 No ngo ndxep mèn làth mèna coꞌ mdaꞌ cuent loo tedib mbiꞌ, coꞌ lèe Alejandr, cón cheꞌn cón ndxàc. Mèn nación Israel coꞌ naban ciuda Efes coꞌ ngòo xiꞌth mèna mnibeꞌ loo Alejandr ya too Alejandr loo rye mèna par tyoodiꞌs Alejandr ndxep par cued li mèn ruid no par cued ya neꞌtolode yecloo mèn. Sya, ngua too Alejandr loo mèn. Mbli Alejandr señ loo mèn, coꞌ nee diꞌs, ndxab Alejandr:
\p ―Ya neꞌtolode li guꞌ ruid. Xèe gure guꞌ.
\p Tataa mbli Alejandr tac Alejandr mblyaꞌs tyoodiꞌs cón cheꞌn myenꞌ no Pab no ya Alejandr favor cón cheꞌn Pab con myenꞌa loo ryete mèn.
\v 34 Per coꞌseꞌ mdaꞌ mèn cuent leꞌ Alejandr nac mèn nación Israel, ale casqueꞌ leꞌn chop hor ngrozèe mèna:
\p ―¡Pà láꞌ naꞌ diox naꞌ coꞌ lèe Dian! Diox naꞌ nac diox roo diox xèn loo naꞌ coꞌ nac mèn ciuda Efes.
\p
\v 35 Sya, mbiꞌ coꞌ nac secretar loo mèn nac zinꞌ cheꞌn ciuda Efes, coꞌseꞌ mbli mbiꞌ gan mbyàl yéc mèn no mbyàl lezoꞌ rye mèn coꞌ mqueltàaa, ndxab mbiꞌ loo mèn:
\p ―Mèn ciuda Efes, mèn coꞌ naban dib athu loo izlyoꞌ, non mèna no nanee mèna leꞌ naꞌ coꞌ nac mèn ciuda Efes nquenap gudoꞌ coꞌ nac cheꞌn diox naꞌ, diox naꞌ coꞌ nac thìb mdoꞌ coꞌ ngulàa loo béꞌ loo naꞌ par que no naꞌ mdoꞌ naꞌ loo izlyoꞌ.
\v 36 Guꞌ nonqueꞌ yende chó mèn nzo coꞌ gác cà diꞌs xal ngue niin loo guꞌ ndxèꞌ. Ftàl guꞌ yéc guꞌ no ftàl guꞌ lezoꞌ guꞌ. Indlyasten li guꞌ nec thìb conꞌ yeꞌrsinꞌ xal ngue li guꞌ xtùuz baꞌ.
\v 37 Tac mènbiꞌ coꞌ nde no guꞌ ndxèꞌ, mèna tarte li par tethon mèn guꞌ cón cheꞌn diox guꞌ. No neꞌ neꞌ tar nii mèn ngòc nguàal diꞌs cón cheꞌn diox guꞌ.
\v 38 Cheleꞌ Met no mèn coꞌ ndli zinꞌ con Met ndlyaꞌs co ñee loo nuꞌ cón cheꞌn chol mèn, por cona nzo juez no nzo yòolau. Nzoqueꞌ mod co ñee Met con mèna loo mèn nac zinꞌ par tataa mod thìb thìb mèn tub razon cheꞌn mèn loo juez no loo agent.
\v 39 Per cheleꞌi nac cón cheꞌn tedib conꞌ coꞌ ndlyaꞌs guꞌ ñaꞌb guꞌ loo juez no loo agent, nabeꞌste queltàa guꞌ par co guꞌ thìb junt par tyoodiꞌs guꞌ coꞌ li guꞌ xal ñibeꞌ ley naꞌ loo naꞌ.
\v 40 Tac ndxàc conꞌ ryes loo naꞌ. Nzo mèn coꞌ taꞌ cuent loo gobiern coꞌ ndub Rom cón cheꞌn xà mod nguátbèe mèn nalze leꞌn ciuda naꞌ ndxèꞌ. Gab mèn leꞌ naꞌ nac thìb partid coꞌ nguátbèe contra gobiern coꞌ ndub ciuda Rom. Pues, nec thìb mod no nec tedib mod yende mod tub naꞌ razon cheꞌn naꞌ loo mèna cheleꞌ mèna ñibdiꞌs loo naꞌ cón cheꞌn xá mod nguátbèe mèn nalze leꞌn ciuda naꞌ ndxèꞌ. Más huen bláꞌ guꞌ conꞌ baꞌ.
\p
\v 41 Coꞌseꞌ ngolo gunii mbiꞌ coꞌ ngòc secretar loo rye mèna, mtauꞌ mbiꞌ loo diꞌs no loo cuent. Mxen thìb thìb mèna ned, ndyàa mèn.
\c 20
\s Pab mxen ned, nda Pab par ned leꞌn yèezyaꞌ cheꞌn làaz mèn macedon no par ned leꞌn yèezyaꞌ cheꞌn làaz mèn grieg.
\p
\v 1 Coꞌseꞌ ngolo nguriꞌth huiz coꞌ nguátbèe mèna no mbyàl yéc mèn no mbyàl lezoꞌ mèn leꞌn ciuda Efes, Pab mbli par mqueltàa rye mèn coꞌ ndxelaꞌs leꞌn ciuda Efes par mcoꞌx Pab ndxep loo mèna. Ngoloa, gunii Pab Diox loo thìb thìb mèn. No mdeꞌs mcàa Pab yen thìb thìb mèn. Ngoloa, mxen Pab ned, nda Pab par ned leꞌn yèezyaꞌ cheꞌn làaz mèn macedon.
\v 2 Ngua que tee Pab no ngua too naa Pab ryete yèezyaꞌ coꞌteꞌ nqueltàa mèn loo cón cheꞌn Diox par neda par tolo li Pab yeꞌth lezoꞌ mèna xal nac mod coꞌ ndyoodiꞌs Pab loo mèna. Por lult mzin Pab leꞌn yèezyaꞌ coꞌ nac cheꞌn làaz mèn grieg.
\v 3 Sya, mbyanꞌ Pab leꞌn yèezyaꞌ cheꞌn làaz mèn grieg leꞌn son mbeꞌ. Látha, mblyaꞌs Pab nga Pab loo yòoyaa par ya Pab par ned leꞌn yèezyaꞌ cheꞌn làaz mèn sir. Per leꞌpeꞌ yòo Pab loo yòoyaa, mdaꞌ mèn cuent loo Pab leꞌ mèn nación Israel coꞌ nzo ban par neda ngue gobeꞌleꞌ no ngue toxcuaꞌleꞌ par yátbèe mèna contra Pab. Por cona, mbli Pab xtùuz. Más huen bere Pab, tyen Pab ned, ya riid Pab par ned leꞌn yèezyaꞌ cheꞌn làaz mèn macedon. Ya neꞌngade Pab par ned leꞌn yèezyaꞌ cheꞌn làaz mèn sir.
\v 4 Ngua no Pab thìb mbiꞌ coꞌ lèe Sópater coꞌ nac mèn gulàaz berea no Gay coꞌ nac mèn gulàaz mèn derb, no Timote, no Tiquich, no Trofim. Yon mèn ndxèꞌ ngòc mèn cheꞌn làaz mèn asia. Ryete mèn ndxèꞌ mque tee no Pab par neda.
\v 5 Ryete mèn coꞌ ndxàc hues por cón cheꞌn Jesucrist mner loo nuꞌ par mzingà mèna loo nuꞌ. Nguled mèna nuꞌ ciuda Tro.
\v 6 Leꞌ sya, ryete nuꞌ coꞌ mque tee no Pab, mbyanꞌ nuꞌ leꞌn ciuda Filip coꞌteꞌ ngue queꞌen yeꞌs ndxèꞌ lool, Tyofl, daa coꞌ nac Luc, par nguled nuꞌ nguriꞌth lni coꞌ nac lni coꞌ ndli mèn nación Israel coꞌseꞌ ndxuhua mèna pan coꞌ indxòode dii levadur. Ngoloa, ngòo nuꞌ loo yòoyaa. Mbii nuꞌ ciuda Filip. Mxyoꞌf nuꞌ loo níttóꞌ. Axta ngolo gaꞌy huiz mbli nuꞌ gan mzin nuꞌ ciuda Tro. Tya nguled nuꞌ gaz huiz.
\s Pab ngua too naa rye mèn coꞌ ndxelaꞌs coꞌ nzo ban leꞌn ciuda Tro.
\p
\v 7 Coꞌseꞌ ngòc ner huiz cheꞌn sman, ryete nuꞌ coꞌ ndxelaꞌs loo cón cheꞌn Diox coꞌ nqueltàa leꞌn ciuda Tro, thidte mqueltàa nuꞌ par hua nuꞌ pan coꞌ nac Cena Santa. Látha, mblo Pab yalbàn no mbluꞌ Pab loo mèn coꞌ mqueltàa cón cheꞌn diꞌs ndac. No com leꞌ Pab mquin bii tedib huiz coꞌ nde nquea, ¿léꞌ?, tolo mblo Pab yalbàn loo mèna axta gulal yálꞌ.
\v 8 No coꞌteꞌ nqueltàa mèna ngòc thìb cuart coꞌ nac son pis. No nde nxonꞌ, anzeꞌf thìb xnìi ntenìi leꞌn cuarta.
\v 9 Làth mèna nzo thìb mbyòo coꞌ lèe Eutic. Mbyòo mdub ro thìb ventan cheꞌn cuarta. Per com leꞌ Pab tolo mdoodiꞌs axta ngulal yálꞌa, ¿léꞌ?, látha mxen mcalꞌguth mbyòoa ro ventan coꞌteꞌ mdub mbyòo. Neꞌndenꞌte mbyòo xal ngoxud mbyòo loo cuart coꞌ nac son pis axta loo yòo. Tya ngua xít che mèn mbyòo. Nguthleꞌ mbyòo.
\v 10 Per coꞌseꞌ gunee Pab ngulàa mbyòo loo yòo, mbilàa Pab, ne. Sya, mdub xib Pab cuat mbyòo coꞌteꞌ nax mbyòo. No thidte ngua Pab, mblo Pab yaꞌ Pab yen mbyòo. Mdeꞌs Pab mbyòo. Ndxab Pab loo rye mèn hues coꞌ mqueltàaa:
\p ―Neꞌzyebte guꞌ, ey. Mbyòo ngro xban.
\p
\v 11 Ngoloa, mquée Pab gáp. Ngòo Pab leꞌn cuart coꞌ nac son pis. Thidte mqueltàa rye mèna con Pab par nduhua rye mèna sa yèth hora. Coꞌseꞌ ngolo nduhua rye mèna, tolo mdoodiꞌs Pab axta ngo nìi izlyoꞌ coꞌ nac tedib huiz coꞌ nde nque. Sya, mxen Pab ned. Mbii Pab ciuda Tro.
\v 12 Leꞌ mbyòo coꞌ ngulàa loo yòo, coꞌ ngutha no coꞌ ngro xbana na, ndyac lezoꞌ ryete mèna por cón cheꞌn mbyòoa. Ndyàa mbyòo con mèn guliz mbyòo par liz mbyòo.
\s Pab mbii ciuda Tro. Mxen Pab ned, nda Pab par ciuda Milet.
\p
\v 13 Mbláꞌ nuꞌ Pab ciuda Tro. Mdee ner nuꞌ loo Pab. Ngòo nuꞌ loo thìb yòoyaa par mzin nuꞌ axta yèez Asón tac tya mtanꞌ nuꞌ diꞌs con Pab zyálꞌ nuꞌ Pab par hueꞌ nuꞌ Pab loo yòoyaa tac Pab más mblyaꞌs mdee nii par zin Pab yèez Asón.
\v 14 Coꞌseꞌ mzyálꞌ nuꞌ Pab yèez Asón, tya ngòo Pab loo yòoyaa con nuꞌ par ngua nuꞌ axta tedib ciuda coꞌ lèe Mitilen.
\v 15 Mzin nuꞌ Mitilen. Tya nguled nuꞌ chuꞌth. Ngoloa, mtetee nuꞌ yòoyaa. Mdoo nuꞌ loo nít dib yálꞌ. Coꞌseꞌ ngo nìi izlyoꞌ tedib huiz coꞌ nde nquea, sangnguriꞌth nuꞌ thìb yèez coꞌ lèe Qui. Tya tolo mdoo nuꞌ loo nít axta tedib huiz coꞌ nde nquea, axta mzin nuꞌ thìb puert coꞌ lèe puert Sam coꞌ nac thìb yòo biiz leꞌn níttóꞌ. Coꞌseꞌ mbii nuꞌ puert cheꞌn Sam, mzin nuꞌ Trogil. Tya mbli nuꞌ chuꞌth descans. Ngoloa, mbere nuꞌ, mdoo nuꞌ loo nít dib yálꞌ. Axta tedib huiz coꞌ nde nquea, mzin nuꞌ ciuda Milet.
\v 16 Tataa mbli Pab sangnguriꞌth Pab ciuda Efes tac indlyaꞌste Pab lyenꞌ Pab leꞌn yèezyaꞌ cheꞌn làaz mèn asia. Tac Pab mblyaꞌs zingà Pab ciuda Jerusalén par yo Pab ciuda Jerusalén ndooreꞌ gáal lni cheꞌn Pentecostés cheleꞌi taꞌ lugar loo Pab.
\s Pab mdoodiꞌs no mèngool leꞌn yèez Milet, mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox ciuda Efes.
\p
\v 17 Láth nzo Pab leꞌn yèez Milet, mtelꞌ Pab mèn par ngua xi mèn mèngool coꞌ ndyoo ner no coꞌ ndyoo naa loo mèn coꞌ nqueltàa loo cón cheꞌn Diox leꞌn ciuda Efes.
\v 18 No coꞌseꞌ mzin mèngoola loo Pab leꞌn yèez Milet, ndxab Pab loo mèngoola:
\p ―Guꞌ non no ndaꞌqueꞌ guꞌ cuent xal nac mod coꞌ mque tee ban daa coꞌseꞌ anon ngòc ner huiz coꞌ mbal lon yalbàn loo guꞌ par ned leꞌn yèezyaꞌ cheꞌn làaz mèn asia.
\v 19 Leꞌn rye huiz coꞌ ngon làth guꞌ, na mbliqueꞌ sirv loo Diox. Mblina xal mèn coꞌ indyeꞌste no xal mèn coꞌ inxyalꞌte. Axta mbínen coꞌseꞌ ngòon làth guꞌ. Más de cona, anzeꞌf thìb yalndyub nguꞌs ngòc loon coꞌ mbli no mèn nación Israel daa.
\v 20 Per mastaleꞌ ngòc ryethe conꞌa loon, na toloqueꞌ mblo yalbàn loo guꞌ par mcàba conꞌ ndac loo guꞌ. Neꞌngláꞌden guꞌ taate. Mbluꞌen guꞌ loo xnaa no mbluꞌen guꞌ liz guꞌ xal mdaꞌi lugar loon.
\v 21 Mbezen loo mèn, que naca loo mèn coꞌ nac mèn nación Israel, que naca loo mèn coꞌ inacte mèn nación Israel, lyàa yéc mèn no lyàa lezoꞌ mèn par seꞌ mèn mod coꞌ ndxàp mèn loo Diox no yilaꞌs mèn loo Tad Jesucrist naꞌ no loo cón cheꞌn Tad Jesucrist naꞌ.
\v 22 Per nalleꞌ que nzo neꞌñee lezon gan ciuda Jerusalén tac Xpii Natúꞌ, por derech, ñibeꞌ loon. No axta neꞌ neꞌ neen cón gàc loon ciuda Jerusalén coꞌseꞌ gòon loo mèn ciuda Jerusalén.
\v 23 Thidte conꞌ naneen, par ned leꞌn rye yèez coꞌteꞌ nde teeleꞌ ndyeeꞌen, Xpii Natúꞌ mbez loon leꞌ mèn nzi bed co mèn daa leziꞌf no tetìi mèn daa axta plóthe ndlyaꞌs mèn.
\v 24 Per yende cón ndyóon cón cheꞌn coꞌ li mèn loon. Neꞌ neꞌ yen chó mport nzo lezon cón cheꞌn coꞌ li no mèn daa. Neꞌ neꞌ yende cón ntac yalnaban coꞌ ngue non ndxèꞌ loon. Conseꞌ ndoo lezon no ndyac lezon lin purad axtaqueꞌ telon no taan ryethe conꞌ coꞌ ñibeꞌ Tad Jesús loon par tan cuent no gon yalbàn cón cheꞌn xá mod nqueꞌ lezoꞌ Diox ñèe Diox mèn.
\p
\v 25 No nalleꞌ ngobeꞌen nec thìb guꞌ coꞌ nzo làth guꞌ ndxèꞌ coꞌ mbìnleꞌ yalbàn coꞌ mblon loo guꞌ cón cheꞌn xá mod ndlyaꞌs Diox ñibeꞌ Diox loo mèn, ya neꞌberede huiꞌ guꞌ loon, cara.
\v 26 Por cona, ndlyazen niin loo guꞌ nalze yende chó dol coꞌ nac cón chenen ndxanꞌ loo Diox por cón cheꞌn nec thìb guꞌ.
\v 27 Tac daa mbluꞌqueꞌ no mdethquen cón cheꞌn ryethe conꞌ coꞌ mblo xnee Diox li Diox loo mèn. Nec thìb conꞌa neꞌncaꞌsten loo guꞌ loo Diox.
\v 28 Por cona, ngue niin loo guꞌ: Anderhuen guꞌ. Lequeꞌ guꞌ huiꞌ xal nziriꞌ guꞌ no huiꞌ guꞌ xal nziriꞌ rye mèn coꞌ nqueltàa loo cón cheꞌn Diox par nedrèꞌ. Tac Xpii Natúꞌ mbli par ngure guꞌ par huiꞌ guꞌ no tyoo ner guꞌ loo mèn coꞌ nqueltàa loo cón cheꞌn Tad Jesús. Tac leꞌleꞌ Tad Jesús mdix cón cheꞌn ryethe xtol mèna loo Diox coꞌseꞌ nguth Tad Jesús loo cruz.
\v 29 Tac daa nanee leꞌ daa bii. No roꞌen loo guꞌ nalleꞌ thidtene. No yiloa yiꞌth tedib ned mèn coꞌ lyaꞌs tezaꞌ guꞌ loo cón chenen no coꞌ lyaꞌs coꞌ xàꞌ guꞌ loo cón chenen thidtene. Gàca loo guꞌ xal coꞌseꞌ ntelux máꞌ coꞌ lèe mbée mbacxilꞌ.
\v 30 No leque làth guꞌ nzo mèn coꞌ tlo luꞌ. Lugar de luꞌ mèn coꞌ nac conꞌ lìcpeꞌ loo guꞌ, leꞌleꞌ luꞌ mèn conꞌ coꞌ nac conꞌ gutyèꞌtúb loo guꞌ par queltàa mèn coꞌ ndxelaꞌs con mèna.
\v 31 Cona, ngue niin loo guꞌ: Nee guꞌ xal nzi que tee guꞌ. No huiꞌ guꞌ xal nziriꞌ mèn coꞌ nqueltàa loo cón cheꞌn Diox. Fteꞌ lezoꞌ guꞌ, leꞌn son línꞌ, ze no yálꞌ neꞌngláꞌden guꞌ. Thidtene mcoꞌxen loo thìb thìb guꞌ con nít loon coꞌ mbínen tant ndyóon no tant mblyat lezon cón cheꞌn guꞌ.
\p
\v 32 Per nalleꞌ, mèn huesen por cón cheꞌn Jesucrist, ñaꞌben loo Diox lyath no Diox guꞌ par tolo xoꞌf zinꞌ guꞌ zinꞌ cón cheꞌn Diox. No ñaꞌben loo Diox par lyath no Diox guꞌ par co guꞌ yalbàn cón cheꞌn xá mod nqueꞌ lezoꞌ Diox ñèe Diox mèn. Tac ante Diox ndxàp conꞌ laꞌs nii Diox no laꞌs yaꞌ Diox par li Diox yòo valor loo guꞌ no par xalꞌ Diox ned yóꞌ loo guꞌ par tolo tyal mèn, mèn coꞌ lyaꞌs ryo xàꞌ loo cón cheꞌn xab izlyoꞌ, par gàc mèna cheꞌnpeꞌ Diox.
\v 33 Leque daa indaꞌde lugar loon par queliꞌthen tmi coꞌ ndxàp mèn no par queliꞌthen xab mèn coꞌ ndxàp mèn.
\v 34 Ndxeꞌlequeꞌ, guꞌ huen huen ndaꞌ cuent leꞌ daa mbli zinꞌ con yapeꞌen par mque non conꞌ mquin daa no par mque no mèn coꞌ mquin mèn, mèn coꞌ mque tee no daa.
\v 35 Guꞌ neequeꞌ leꞌ daa mbluꞌqueꞌ guꞌ tataaqueꞌ ndxàal li mèn zinꞌ par tataa mod lyath no mèn xtàa mèn coꞌ nde che conꞌ loo. No fxoꞌf ndelequeꞌ lezoꞌ guꞌ, fteꞌ lezoꞌ guꞌ xal nac diꞌs coꞌ ndxab Tad Jesús: Más huen nda mèn coꞌ angndaꞌ conꞌ ncàa xtàa mèn leque mèn coꞌ ncàa conꞌ coꞌ ndaꞌ mèn càa mèna.
\p
\v 36 Ngolo ndxab Pab diꞌsa loo mèngool cheꞌn ciuda Efes, mdub xib Pab con mèna no ngurez Pab Diox con ryete mèna.
\v 37 Ryete mèna neꞌtíꞌ neꞌñee lezoꞌ mbínꞌ. No mdeꞌs mcàa mèna Pab. No mdaꞌ mèn chit cuat Pab.
\v 38 No anzeꞌf ngure xi lezoꞌ mèngoola tac ndxab Pab loo mèngoola leꞌ Pab ya neꞌberede huiꞌ loo mèngoola tedib vez. Ngoloa thidte mqueltàa rye mèngoola. Ngua tee ned mèngoola Pab axta coꞌteꞌ mdub yòoyaa ro níttóꞌ. Ngòo Pab loo yòoyaaa, ndyàa Pab.
\c 21
\s Pab mdoo loo níttóꞌ. Nda Pab par ciuda Jerusalén.
\p
\v 1 Coꞌseꞌ mbláꞌ nuꞌ mèn coꞌ ndxàc hues por cón cheꞌn Jesucrist, ngòo nuꞌ loo thìb yòoyaa. Thìb lìte mdoo nuꞌ loo níttóꞌ par mzin nuꞌ loo thìb yòo biiz leꞌn níttóꞌ coꞌ lèe Cos. Coꞌseꞌ ngo nìi izlyoꞌ tedib huiz coꞌ nde nquea, mzin nuꞌ loo tedib yòo biiz leꞌn níttóꞌ coꞌ lèe Rod. Be taa be taa mdoo nuꞌ loo níttóꞌ axta mzin nuꞌ thìb puert coꞌ lèe Patar.
\v 2 Puerta mzyálꞌ nuꞌ mèn coꞌ nde no tedib yòoyaa. Mèna ndoo loo níttóꞌ. Nda mèna làaz mèn fenis. Tya ngòo nuꞌ loo yòoyaa cheꞌn mèna. Nda nuꞌ par làaz mèn fenis.
\v 3 Láth nda riid nuꞌ loo níttóꞌ, gunèe nuꞌ nziriꞌ tedib yòo biiz leꞌn níttóꞌ coꞌ lèe Chipr. Thìb lì nguriꞌth nuꞌ. Leꞌ Chipr coꞌ nac yòo biiza na, mbyanꞌ lad rebes. Sangtolo ndoo nuꞌ loo níttóꞌ par zin nuꞌ axta làaz mèn sir. Per com leꞌ yòoyaa nquin ya láꞌ yóꞌ puert Tir, ¿léꞌ?, ngroꞌ nuꞌ loo yòoyaa puerta par ngua nuꞌ leꞌn ciuda Tir.
\v 4 Tya, mzyálꞌ nuꞌ taamas mèn coꞌ ndxelaꞌs loo Jesucrist no loo cón cheꞌn Jesucrist. Mbyanꞌ nuꞌ con mèna gaz huiz leꞌn ciuda Tir. Látha, mnibeꞌ Xpii Natúꞌ loo mèna. Ndxab Xpii Natúꞌ loo mèna gab mèna loo Pab más huen neꞌyade Pab ciuda Jerusalén.
\v 5 Coꞌseꞌ ngolo mdyaa gaz huiza, ngroꞌ nuꞌ leꞌn ciuda Tir. Leꞌ ryete mèn coꞌ ndxelaꞌs loo Jesucrist no loo cón cheꞌn Jesucrist ngroꞌ con xaꞌgot mèn coꞌ nac saꞌl mèn no con myenꞌ bix. Ngua tee ned mèna nuꞌ axta fuer ro ciuda coꞌteꞌ nziriꞌ play níttóꞌ. Ro playa mdub xib nuꞌ no ngurez nuꞌ Diox.
\v 6 Ngolo ngurez nuꞌ Diox, gunii nuꞌ Diox loo rye mèna. No leꞌleꞌ mdeꞌs mcàa mèn yen nuꞌ no leꞌleꞌ mdeꞌs mcàa nuꞌ yen mèna. Mquée nuꞌ loo yòoyaa. Leꞌ mèna na, mxen ned. Ndyàa mèna par liz mèna.
\p
\v 7 Tataa mod mbli nuꞌ gan mque tee nuꞌ loo níttóꞌ par neda desde ngroꞌ nuꞌ Tir axta mzin nuꞌ tedib puert chuꞌth coꞌ lèe Tolemaid. Tya gunii nuꞌ Diox loo mèn coꞌ ndxelaꞌs loo Jesucrist no loo cón cheꞌn Jesucrist. No mbyanꞌ nuꞌ con mèna thìb huiz no maste.
\v 8 Tedib huiz coꞌ nde nquea, Pab no taamas nuꞌ coꞌ mque tee no Pab, thidte junt ngroꞌ nuꞌ par ngua nuꞌ axta ciuda Cesar leque huiza. Tya ngua nuꞌ liz thìb mbiꞌ coꞌ lèe Lip coꞌ mdub lèe mèn Lip Evangelist. Lipa ndxòo cuent nac gaz mèn coꞌ thidte mqueltàa coꞌ ndlyath no, no coꞌ ndli mandad loo mèn coꞌ nqueltàa loo cón cheꞌn Diox ciuda Cesar. No mbyanꞌ nuꞌ con Lip liz Lip ndxep huiz.
\v 9 Lip mque no thap rsap Lip. No tarte selyaꞌ nec thìb rsap Lip. Myenꞌgot rsap Lip mdeꞌth diꞌs coꞌ ndxab Diox loo myenꞌ loo mèn.
\v 10 Láth beꞌ nzo nuꞌ liz Lip ndxep huiz, mzin thìb mbiꞌ coꞌ ndeꞌth diꞌs coꞌ ndxab Diox. Mbiꞌa lèe Agab coꞌ nde par ned leꞌn yèezyaꞌ cheꞌn làaz mèn jude.
\v 11 Mbiꞌth too naa mbiꞌ nuꞌ. No ale láth ndyoodiꞌs no mbiꞌ nuꞌ, mbloꞌ mbiꞌ cinch coꞌ nzo leꞌn Pab. No leque mbiꞌ mtedóꞌ nii mbiꞌ no yaꞌ mbiꞌ con cinch. Gunee mbiꞌ loo nuꞌ:
\p ―Xpii Natúꞌ gunee loon leꞌ mèn nación Israel coꞌ naban ciuda Jerusalén taandxèꞌ tedóꞌ mbiꞌ coꞌ nac cheꞌn cinch ndxèꞌ no taꞌxùꞌ mèna mbiꞌ loo mèn tith.
\p
\v 12 Coꞌseꞌ mbìn nuꞌ tataa gunee mbiꞌ loo nuꞌ, nuꞌ no mèn ciuda Cesar coꞌ ndxelaꞌs loo Jesucrist no loo cón cheꞌn Jesucrist, nalyat ndxab nuꞌ loo Pab más huen neꞌyade Pab ciuda Jerusalén.
\v 13 Per ndxeꞌlequeꞌ, mcàb Pab loo nuꞌ. Gunee Pab:
\p ―¿Chonon ndxónꞌ guꞌ no ntexi guꞌ lezon, yey? Na mbli nableꞌ daa par gan ciuda Jerusalén. Neꞌgaden par ante tedóꞌ mèn niin no yan. Ndxeꞌlequeꞌ, gan ciuda Jerusalén par gath daa por cón cheꞌn Tad Jesús cheleꞌi tataa naquin gàc loon. Gàca loon, xàa.
\p
\v 14 Per como leꞌ nuꞌ neꞌnglide gan ngòn Pab ro nuꞌ par nglàa yéc Pab no nglàa lezoꞌ Pab más huen neꞌngade Pab, ¿léꞌ?, mbláꞌ nuꞌ tolo gunee Pab cón li Pab. Ante ndxab nuꞌ loo Pab:
\p ―Ante gàca lool, Pab, xal nee lezoꞌ Tad. No ya yende cón tolo ngab nuꞌ lool, Pab.
\p
\v 15 Ngolo tataa mdoodiꞌs no nuꞌ Pab no mdoodiꞌs no Pab nuꞌ, nuꞌ mtoxcuaꞌ cheꞌn nuꞌ. Mxen nuꞌ ned. Nda nuꞌ par ciuda Jerusalén.
\v 16 Ngua no nuꞌ ndxep mèn ciuda Cesar coꞌ ndxelaꞌs loo Jesucrist no loo cón cheꞌn Jesucrist axta ciuda Jerusalén. Ngua láꞌ mèna nuꞌ liz thìb mbiꞌ coꞌ lèe Mnasón par cued nuꞌ liz mbiꞌ ndxep huiz. Mbiꞌa ndxàcleꞌ línꞌ ndxelaꞌs loo Tad Jesucrist no loo cón cheꞌn Tad Jesucrist.
\s Pab ngua tee huiꞌ máa Cob no ngua too naa Pab Cob.
\p
\v 17 Coꞌseꞌ mzin nuꞌ ciuda Jerusalén, ryete mèn coꞌ ndxàc hues por cón cheꞌn Jesucrist huen mbyanꞌ lezoꞌ mèna gunèe mèna nuꞌ.
\v 18 Coꞌseꞌ ngo nìi izlyoꞌ tedib huiz coꞌ nde nque, ngua no nuꞌ Pab par ngua too naa nuꞌ Cob. Leꞌpeꞌ nziriꞌ rye mèngool coꞌ ndyoo ner no coꞌ ndyoo naa loo mèn coꞌ ngòo loo cón cheꞌn Diox liz Cob ngua nuꞌ.
\v 19 Gunii nuꞌ Diox loo mèna no gunii mèna Diox loo nuꞌ, ne. Ngoloa, mtlo Pab, mdaꞌ Pab cuent cón cheꞌn thìb thìb conꞌ coꞌ mbli Diox por cón cheꞌn Pab làth mèn ned ngua que tee Pab làth mèn coꞌ inacte mèn nación Israel.
\v 20 Coꞌseꞌ mbìn mèna cuent coꞌ mdaꞌ Pab loo mèna, ngurez mèna Diox. No ndxab mèna diꞌs roo diꞌs xèn no diꞌs natuꞌ loo Diox. Sya, ndxab mèna loo Pab:
\p ―Huenqueꞌ nac diꞌs coꞌ ndaꞌl cuent loo nuꞌ cópeꞌ ngòc lool ned ngua que teel làth mèn coꞌ inacte mèn nación Israel. Yende cón ñee nuꞌ lool cón cheꞌn conꞌa. Per huiꞌ nexa, hues. Lùu nonqueꞌ no naneequeꞌl napló mil mèn coꞌ nac mèn nación Israel coꞌ nqueltàaleꞌ trèꞌ con nuꞌ coꞌ nac mèn coꞌ ngolaꞌsleꞌ loo Jesucrist no loo cón cheꞌn Jesucrist. No ryete mèna thidte mbez naquinqueꞌ toloqueꞌ tyubdiꞌs mèn xal mbez ley coꞌ mxoꞌf Moisés loo naꞌ.
\v 21 Per ndxep mèn làaz naꞌ, coꞌ nzo ban par ned ngua que tee luꞌl mèn, mbiꞌth taꞌ cuent loo mèn làaz naꞌ trèꞌ leꞌ lùu ngue tee luꞌ loo rye mèn nación Israel coꞌ nac mèn làaz naꞌ coꞌ nzo ban par ned làaz mèn titha. Ndluꞌl neꞌlide mèn cas cón cheꞌn xal ñibeꞌ ley coꞌ mxoꞌf Moisés loo naꞌ. No ndluꞌl ya indxàalte li mèna circuncidar myenꞌbiꞌ bix coꞌ nac xinꞌ mèna. No ndluꞌl neꞌtolode li mèn chol costumbr coꞌ mbed no mèn no coꞌ nzi no mèn làaz mèn.
\v 22 ¿Xá neel? ¿Chéꞌ, lìcqueꞌ, nac cuent coꞌ ndaꞌ mèna loo nuꞌ cón cheꞌn coꞌ mque tee luꞌl? Tac nuꞌ ngobeꞌ setilte queltàa mèn nabaꞌ coꞌseꞌ gòn mèn leꞌ lùu mzinleꞌ trèꞌ.
\v 23 Pab, más huen lil xal nee nuꞌ lool: Nzo thap mènbiꞌ làth nuꞌ. Mènbiꞌ ndxèꞌ nquin tolo li conꞌ coꞌ mcàbgòn mèn ndxèꞌ li mèn ndxèꞌ loo Diox.
\v 24 Huàa no dyap mènbiꞌ ndxèꞌ. Thidte junt huàa no mèn ndxèꞌ leꞌn templ par yembìi guꞌ loo xleyꞌ cheꞌn mèn nación Israel. No bdiꞌx cón cheꞌn gast coꞌ li dyap mèn ndxèꞌ par telo mèn ndxèꞌ conꞌ coꞌ mcàbgòn mèn li mèn loo Diox. Yiloa nzoqueꞌ mod choꞌ mèn yis yéc mèn coꞌseꞌ ngolo mbli mèn ryethe conꞌ nquin li mèn. No tataa mod ñèe ryete mèn no taꞌ ryete mèn cuent ilìcte nac coꞌ mdaꞌ mèn cuent cón cheꞌnl. Ndxeꞌlequeꞌ, ñee mèn no taꞌ mèn cuent leꞌ lùu, lìcqueꞌ, ndyubdiꞌs xal mbez diꞌs coꞌ ndub loo ley coꞌ mxoꞌf Moisés loo naꞌ.
\v 25 Per por part cheꞌn mèn coꞌ inacte mèn nación Israel coꞌ ngolaꞌsleꞌ loo Tad Jesucrist no loo cón cheꞌn Tad Jesucrist, nuꞌ mqueꞌleꞌ yeꞌs loo mèna ya neꞌtyóode mèna arid cón cheꞌn coꞌ ndluꞌ ley coꞌ mxoꞌf Moisés loo naꞌ coꞌ nac mèn nación Israel. Ndxeꞌlequeꞌ, ndxab nuꞌ loo mèna neꞌhuade mèna bélꞌ máꞌ coꞌ mbec mèn loo mdoꞌ. Neꞌ neꞌ hua mèn ren máꞌ. Neꞌ neꞌ hua mèna ren máꞌ nguth coꞌ ndryal dóꞌ. Ndxab nuꞌ, ne, yende chó mèna li yalburrid. Neꞌ neꞌ cuaꞌn mèna xinꞌ huan mèna.
\s Mèn ciuda Jerusalén mxenxùꞌ Pab leꞌn templ.
\p
\v 26 Sya, thidte mbeꞌ Pab dyap mèna. Coꞌseꞌ ngo nii izlyoꞌ tedib huiz coꞌ nde nquea, mbembìileꞌ Pab con dyap mèna loo xleyꞌ mèna. Ngoloa, thidte ngua no Pab dyap mèna leꞌn templ par ngua nee mèna loo nguleyꞌ pól tyaa huiz coꞌ mteloleꞌ mèna ryete conꞌ coꞌ mcàbgòn mèna loo Diox li mèna, coꞌ nee diꞌs, mzinleꞌ tiemp hueꞌ mèna gòn coꞌ taꞌlaꞌs mèna loo Diox leꞌn templ.
\p
\v 27 Per coꞌseꞌ yamerleꞌ yilo gaz huiz, coꞌ nee diꞌs, ngololeꞌ mbembìi rye gaꞌy mèna, gunèe ndxep mèn nación Israel coꞌ nzo ban par ned leꞌn yèezyaꞌ coꞌ nac làaz mèn asia, mèn coꞌ nde lni Pentecostés ciuda Jerusalén, ngue tee Pab leꞌn templ. Mbli mèna par nguátbèe mèn leꞌn templ par mxen mèn Pab.
\v 28 No cabii ndxab mèna:
\p ―Mèn nación Israel, blyath no guꞌ nuꞌ tyen naꞌ mbiꞌ ndxèꞌ. Mbiꞌ ndxèꞌ nac mbiꞌ coꞌ ngue tee luꞌ loo mèn rye nación. Ale mbixyath mbiꞌ contra nacionpeꞌ naꞌ. No mbixyath mbiꞌ contra ley coꞌ mxoꞌf Moisés loo naꞌ. No nac mbiꞌ ngolo ngolaꞌs cheꞌn templ ndxèꞌ. No más de cona, ale negadiꞌs ngòo no mbiꞌ plá mèn grieg leꞌn templ naꞌ par ngòc zab leꞌn templ naꞌ coꞌ nac lugar natúꞌ loo naꞌ.
\p
\v 29 Tataa ndxab mèna tac ndooreꞌ gunèe mèna ngue tee no Pab thìb mbiꞌ coꞌ lèe Trof, coꞌ nac mbiꞌ ciuda Efes, leꞌn ciuda Jerusalén. No mbli mèna xtùuz neꞌstolqueꞌ ngòo no Pab mbiꞌa leꞌn templ mastaleꞌ neꞌngòo node Pab mbiꞌ leꞌn templ.
\p
\v 30 Sya, por derech, ryete mèn ciuda Jerusalén nguátbèe. No mqueꞌ mèna carre. Mqueltàa mèn coꞌteꞌ ndub templ. Mxen mèn Pab. No mdoꞌfxax mèn Pab. Mbloꞌ mèn Pab thìb lad coꞌteꞌ ndub templ. No luega luega, mtauꞌ mèn puert cheꞌn templ.
\v 31 Leꞌpeꞌ ndlyaꞌs mèna guth mèna Pab coꞌseꞌ mbìn mbiꞌ coꞌ nac comandant, coꞌ ñibeꞌ loo thìb ayo solndad leꞌn ciuda Jerusalén, leꞌ ryete mèn ciuda Jerusalén nguátbèe.
\v 32 Sya, mbli comandant setilte mqueltàa solndad, no taamas solndad coꞌ más ñibeꞌ taachuꞌth. Ryete solndada mqueꞌ carre. Nda solndad coꞌteꞌ nziriꞌ mèn coꞌ nguátbèea. Coꞌseꞌ gunèe mèna nde comandant no nde solndada, mbláꞌ mèna Pab. Ya neꞌtolode mtin mèna Pab.
\v 33 Sya, mbii gax comandant coꞌteꞌ nax Pab. Mblít comandant Pab. Mnibeꞌ comandant loo solndad tedóꞌ solndad nii Pab no yaꞌ Pab con chop caden. Ngoloa, mnibdiꞌs comandant loo Pab. Ndxab comandant:
\p ―¿Chó nac lùu? No ¿cón ngue tee lil, àꞌ?
\p
\v 34 Per mèn coꞌ nguátbèea cabii mbez. Xàꞌ mbez thìb mèn. Xàꞌ mbez tedib mèn. Axta neꞌ neꞌ ñee comandant chó ro mèna gòn comandant por tant ayen diꞌs ayen cuent ndxàc hora làth mèna. Por lult, mnibeꞌ comandant loo solndad mbeꞌ solndad Pab coꞌteꞌ nac cuartel.
\v 35 Coꞌseꞌ mzin no solndad Pab loo escaler coꞌteꞌ ndxòo mèn ro puert cheꞌn cuartel, gáplequeꞌ mblít solndad Pab par mbeꞌ solndad Pab loo mbii par leꞌn cuartel tant nayiꞌ mèn coꞌ nguátbèea ñèe mèna Pab.
\v 36 Tataa mbli solndad tac taamas mèn coꞌ nde nque, coꞌ nac leque mèn coꞌ nguátbèea, mbez yèe mèna. Mbez mèna:
\p ―Solndad, fcàa guꞌ mbiꞌ baꞌ. Beth guꞌ.
\s Pab mdub razon cheꞌn Pab loo rye mèn coꞌ nguátbèea.
\p
\v 37 Coꞌseꞌ nda lo solndad Pab leꞌn cuartel, Pab ndxab loo comandant coꞌ ñibeꞌ thìb ayo solndad:
\p ―Tad comandant, ¿chéꞌ taꞌ Uꞌ lugar loon tyoodiz non Uꞌ ndxep?
\p Comandant mcàb loo Pab. Ndxab comandant:
\p ―¿Chéꞌ ndxácl ndoodiꞌsl diꞌstèe grieg, càꞌ?
\p Pab mcàb:
\p ―Ndxác daa, pues.
\p
\v 38 Sya, ndxab comandant loo Pab:
\p ―¿Chéꞌ inacte lùu mbiꞌ nación Egipt coꞌ mbli thìb huelg ndxàcleꞌ ndxep tiemp no mbeꞌ mbiꞌa thap mil mènguth mèn par mqueltàa mèna con mbiꞌ coꞌteꞌ nagán, sya, càꞌ?
\p
\v 39 Sya, ndxab Pab loo comandant:
\p ―Yende xàa. Daa nac mèn nación Israel. Ngóol daa leꞌn ciuda Tars coꞌ nac thìb ciuda más naroo loo rye yèezyaꞌ cheꞌn làaz mèn cilis. Per ñaꞌben thìb favor loo Uꞌ. Ftaꞌ Uꞌ lugar loon toodizen ndxep loo mèn baꞌ.
\p
\v 40 Mdaꞌ comandant lugar loo Pab par tyoodiꞌs Pab loo mèna. Sya, alanleque mdoo Pab loo mèna loo escaler coꞌteꞌ ndxòo mèn ro puert cheꞌn cuartel. Sya, mbli Pab señ con yaꞌ Pab par cued li mèn ruid. Coꞌseꞌ xèegà nguled ruid, mtlo Pab, mxalꞌ Pab loo diꞌs loo mèna. Mdoodiꞌs no Pab mèna diꞌstèe coꞌ nac diꞌstèe cheꞌn mèn nación Israel. Ndxab Pab:
\c 22
\p
\v 1 ―Guꞌ coꞌ nac mèn gulàaz daa no guꞌ coꞌ ñibeꞌ, no coꞌ ndyoo ner, no coꞌ ndyoo naa loo mèn nacionpeꞌ naꞌ, bìn guꞌ diꞌs coꞌ nac diꞌs coꞌ tuben razon cón chenen loo guꞌ.
\p
\v 2 Coꞌseꞌ mbìn mèn coꞌ nguátbèea leꞌ Pab ndyoodiꞌs no mèna xtiꞌspeꞌ mèn nación Israel, tolo más xèe ngure mèn. Sya, ndxab Pab loo mèn:
\p
\v 3 ―Daa nac mèn nación Israel. Ngóol daa leꞌn ciuda Tars coꞌ nac thìb ciuda cheꞌn làaz mèn cilis. Per mbryoo mxyèn daa leꞌn ciuda Jerusalén ndxèꞌ. No mqueꞌen scuel loo thìb maistr coꞌ ngroꞌ lèe Gamaliel coꞌ mbluꞌ daa. Láth mqueꞌen scuel, mxoꞌf ndelequeꞌ lezon mbeen cuent xal nac diꞌs coꞌ ñibeꞌ loo ley coꞌ mxoꞌf Moisés loo xudgool naꞌ póla. Más de cona, mxoꞌf ndelequeꞌ lezon par lin sirv loo Diox, dib nzo yéquen dib nzo lezon xalqueꞌ nac mod coꞌ ndli ryete guꞌ sirv loo Diox nalleꞌ.
\v 4 No ngòc daa mèn coꞌ mque tee mdub nguꞌs mèn coꞌ ngolaꞌs diꞌs ndac cheꞌn Jesucrist thìb cuaꞌa, axta mdoo lezon guthen mèna. No mbeen mènbiꞌ no mèngot coꞌ ndxelaꞌs cón cheꞌn diꞌs ndac cheꞌn Jesucrist coꞌteꞌ nzo mèna par queꞌen mèna leziꞌf.
\v 5 Mastaleꞌ indlyasten niin conꞌ ndxèꞌ loo guꞌ, per leque jef coꞌ más ñibeꞌ loo rye nguleyꞌ, no rye mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nacionpeꞌ naꞌ nanee no ndaꞌ mèna cuent cón chenen cheleꞌ mèna ndlyaꞌs taꞌ cuent cón chenen. Tac yub mèna mdaꞌ yeꞌs coꞌ nac ord loon par huen yeꞌs ciuda Damasc loo mèn coꞌ ndxàc mèn gulàaz naꞌ coꞌ nzo ban leꞌn ciuda Damasc. Sya, mxenen ned. Ndan par ciuda Damasc par ga tee huiꞌen ñeeneꞌ chéꞌ nzo mèn coꞌ ndxelaꞌs diꞌs ndac cheꞌn Jesús par gal non mèna ciuda Jerusalén ndxèꞌ par tetìi nuꞌ mèna xal ndlyaꞌs nuꞌ.
\s Pab ngue taꞌ cuent loo mèna xá mod ngulàa yéc Pab no ngulàa lezoꞌ Pab par ngòo Pab loo cón cheꞌn Tad Jesucrist.
\r (Hch. 9.1–19; 26.12–18)
\p
\v 6 Nde tan cuent loo guꞌ xá ñaa coꞌ ngòc loon láth ndoon ned, ndan ciuda Damasc. Coꞌseꞌ yamerleꞌ zin daa ciuda Damasc no casqueꞌ com rol huiz, chàa, mbyaꞌx thìb xnìi tínꞌ coꞌ ngulàa loo béꞌ coꞌ neꞌnxecte ngudloon par ngüiꞌen.
\v 7 No ale ngulàan loo yòo. Leque hora, mbìnen mbyèn thìb diꞌs loo mbii coꞌ gunee loon:
\p ―Saul, Saul, ¿chonon nde tub nguꞌsl daa, àꞌ?
\p
\v 8 Sya, mnibdizen loo Tad coꞌ gunii loon loo mbii:
\p ―¿Chó nac Uꞌ, Tad?
\p Mcàb Tad. Gunee Tad loon:
\p ―Daa nac yub Jesús cheꞌn yèez Nazaret. Coꞌseꞌ ndub nguꞌsl mèn coꞌ ndxòo loo cón chenen, lùu neꞌtaꞌde cuent yub daa nde tub nguꞌsl.
\p
\v 9 Ryete mèn coꞌ nda non ciuda Damasc gunèe mbyaꞌx xnìi. No mzyeb mèna. Per neꞌngònte mèna diꞌs coꞌ mbyèn loo mbii coꞌ gunii loon.
\v 10 Sya, mcàben loo Tad Jesús:
\p ―¿Cón ndxàal lin, Tad?
\p Sya, gunee Tad loon: Goo che no tolo fxen ned. Huàa axta zinl ciuda Damasc. Tya ñee mèn coꞌ ndxelaꞌs loo cón chenen cón ndxàal lil.
\p
\v 11 Per com leꞌ xnìi coꞌ mbyaꞌx loona mbli par mbyanꞌ sieu daa, ¿léꞌ?, mèn coꞌ nda nona mxen yan par mbeꞌ mèn daa axta mzin daa ciuda Damasc.
\p
\v 12 Leꞌn ciuda Damasc ngo thìb mbiꞌ coꞌ ngroꞌ lèe Anani. Mbiꞌa thidtene indláꞌyaꞌde no altant ndyoo mbiꞌ par ndyubdiꞌs mbiꞌ loo diꞌs coꞌ ñibeꞌ ley coꞌ mxoꞌf Moisés loo xudgool naꞌ más póla. No ryete mèn nación Israel coꞌ nzo ban ciuda Damasc huenqueꞌ ndaꞌ cuent cón cheꞌn mbiꞌ coꞌ lèe Anani.
\v 13 Anani mbiꞌth coꞌteꞌ nzon. Texal mzin Anani coꞌteꞌ ngon, gunee Anani loon:
\p ―Saul, coꞌ ndxàc huesen por cón cheꞌn Tad Jesucrist, lùu ndxeꞌslequeꞌ huiꞌ tedib vez.
\p No leque hora ndxeꞌslequeꞌ mbuiꞌen tedib vez.
\v 14 No gunee Anani loon:
\p ―Diox coꞌ nac Diox xudgool naꞌ mbloꞌ xàꞌl no mcui Diox lùu ndooreꞌ gáal lùu loo izlyoꞌ par nonl no par taꞌl cuent cón nac coꞌ nee lezoꞌ Diox no par huiꞌl loo mbiꞌ coꞌ nac mbiꞌ nalì no coꞌ nac mbiꞌ nambìi, no par gònl diꞌs coꞌ ryoꞌ ropeꞌ mbiꞌ coꞌ nac mbiꞌ nalì no mbiꞌ nambìi.
\v 15 Pues, lùu ya toodiꞌs cón cheꞌn mbiꞌ nalì no mbiꞌ nambìia loo mèn dib athu loo izlyoꞌ. No taꞌl cuent coꞌ gunèel no coꞌ mbìnl loo mèn.
\v 16 No nalleꞌ, ¿chonon beꞌ ndoo lenꞌl? Goo too no gòc bautizar. No gòp yalxlaꞌs loo Tad Jesucrist no loo cón cheꞌn Tad Jesucrist par tyonꞌ xquin lùu no xtol lùu coꞌ mcuaꞌn lùu.
\s Pab ngue taꞌ cuent loo mèn coꞌ nguátbèe xá mod mtelꞌ Tad Jesucrist Pab loo mèn coꞌ inacte mèn nación Israel.
\p
\v 17 Tolo tan cuent loo guꞌ, ne: Coꞌseꞌ mberen, ndyalen par ciuda Jerusalén tedib vez, nguan leꞌn templ par ngua rezen Diox. Láth ngue bezen Diox, mxyoꞌf loo thìb conꞌ loon.
\v 18 Ale mxaquen gunee Tad Jesús loon: Sirs, sirs, bli purad. Groꞌ leꞌn ciuda Jerusalén, Saul. Tac mèn ciuda Jerusalén ndxèꞌ neꞌlide cas lùu loo coꞌ gabl loo mèn cón chenen.
\v 19 Sya, ndxaben loo Tad: Tad, mèn ciuda Jerusalén nanee leꞌ daa ndyee ryete lugar coꞌteꞌ ndub sinagog mèn. No ndxen mèn coꞌ ndxelaꞌs loo diꞌs ndac cheꞌn Uꞌ par nqueꞌen mèn leziꞌf coꞌteꞌ nac làaz mèn. No mduben yan, mtinen mèn, ne.
\v 20 No coꞌseꞌ mbeth mèn Esteb coꞌ ngòc mbiꞌ coꞌ mblo yalbàn cón cheꞌn Uꞌ, daa, ne, mqueltàa no mèna tya. No thidte ngòc daa con mèn coꞌ mbeth Esteb. No axta mquenapen xab mèn coꞌ mbeth Steb tya.
\v 21 Per Tad Jesús gunee loon: Huàa. Tac daa ñibeꞌ lool par yal tith loo mèn coꞌ inacte mèn nación Israel.
\s Comandant mquenap Pab ndxep huiz.
\p
\v 22 Axta coꞌseꞌ gunii Pab diꞌsa, beꞌ xèe ngure mèn. Per ngoloa, mtlo mèna, ngrozèe mèna. Ndxab mèna loo comandant:
\p ―Fcàa mbiꞌ baꞌ. Beth. Ya indlyaꞌste nuꞌ tolo huiꞌ nuꞌ loo mbiꞌ.
\p
\v 23 No texal mbez yèe mèna cabii, tataa ndyen mèn xab mèn. Ngobii mèn xab mèn loo mbii. No ndyen mèn yòo yaꞌs. Ngobii mèn yòo yaꞌs loo mbii tant ndaꞌ xyàn lezoꞌ mèn ñèe mèn Pab.
\v 24 Leꞌ comandant na, mnibeꞌ loo solndad par mbeꞌ solndad Pab leꞌn cuartel. No mnibeꞌ comandant tin solndad Pab par taꞌ Pab cuent chonon susqueꞌ nazab mbez yèe mèn cón cheꞌn Pab.
\v 25 Per coꞌseꞌ ngololeꞌ mtedóꞌ solndad Pab par taꞌ solndad cheꞌn Pab no tin solndad Pab, Pab ndxab loo mbiꞌ coꞌ nac capitán coꞌ ñibeꞌ loo solndad hora:
\p ―¿Chéꞌ ndxàp guꞌ derech tin guꞌ daa, daa coꞌ nac thìb mbiꞌ cheꞌn làaz mèn ciuda Rom? No más de cona, neꞌ neꞌ tar tub rez guꞌ cón chenen no ¿ale sangziꞌf ndlyaꞌs guꞌ tin guꞌ daa, càꞌ?
\p
\v 26 Coꞌseꞌ mbìn capitán tataa ndxab Pab, yende izlyoꞌ, ngua taꞌ capitán cuenta loo comandant. Ndxab capitán loo comandant:
\p ―Comandant, anderhuen Uꞌ. Huiꞌ cón ngue li Uꞌ. Mbiꞌ coꞌ mnibeꞌ Uꞌ loo nuꞌ tin nuꞌ, mbiꞌa nac mbiꞌ gulàaz mèn ciuda Rom.
\p
\v 27 Sya, ngua comandant coꞌteꞌ nzo Pab. Mnibdiꞌs comandant loo Pab. Ndxab comandant:
\p ―¿Chéꞌ, lìcqueꞌ, nac lùu mbiꞌ gulàaz mèn ciuda Rom, càꞌ?
\p Pab mcàb. Ndxab Pab loo comandant:
\p ―Aa. Nac daa mèn gulàaz mèn ciuda Rom, pues.
\p
\v 28 Sya, ndxab comandant loo Pab.
\p ―Daa, ne, nac mèn gulàaz mèn ciuda Rom. Per anzeꞌf thìb tmi mdixen par ngòc daa mèn gulàaz mèn ciuda Rom.
\p Pab ndxab loo comandant:
\p ―Per daa nac mèn gulàazpeꞌ mèn ciuda Rom tac xuden nac mèn gulàaz mèn ciuda Rom.
\p
\v 29 Coꞌseꞌ mbìn rye mèna diꞌs coꞌ mdaꞌ Pab cuent, mbláꞌ mèna Pab. No axta yub comandant mbláꞌ Pab coꞌseꞌ non comandant leꞌ Pab nac mbiꞌ gulàaz mèn ciuda Rom. No más de cona, anzeꞌf mzyeb comandant por mbli comandant mandad mtedóꞌ solndad Pab par tin solndad Pab.
\s Pab mdoo loo mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel.
\p
\v 30 Coꞌseꞌ ngo nìi izlyoꞌ tedib huiz coꞌ nde nque, anzeꞌf mquin comandant gòn comandant chonon susqueꞌ ngue quexùꞌ ngue queꞌ fals mèn nación Israel Pab. Mnibeꞌ comandant xac solndad caden coꞌ natedóꞌ Pab. No mnibeꞌ comandant queltàa rye nguleyꞌ coꞌ más ñibeꞌ loo rye nguleyꞌ, no queltàa rye mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel. Sya, mnibeꞌ comandant loo solndad coꞌ solndad Pab leziꞌf par yeꞌth Pab loo mèna par tyub rez cón cheꞌn Pab loo mèna.
\c 23
\p
\v 1 Pab xèe mbuiꞌ loo ryete mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel. Ndxab Pab loo mèna:
\p ―Guꞌ coꞌ nac mèn huesen no coꞌ nac mèn xtàan coꞌ nac mèn gulàaz daa, tan cuent loo guꞌ anon ndoo xènen huenqueꞌ mdenꞌen leꞌn lezon no huenqueꞌ ngo lezon loo cón cheꞌn Diox.
\p
\v 2 Sya, mbiꞌ coꞌ lèe Anani, coꞌ más ñibeꞌ loo rye nguleyꞌ tiempa, mnibeꞌ loo mèn coꞌ nziriꞌ gax loo Pab par quis mèn ro Pab. No ale mdiꞌs mèn ro Pab.
\v 3 Per Pab mcàb. Ndxab Pab loo Anani:
\p ―Diox li par tetìi Diox lùu, ne, lùu coꞌ ntembìi ro no coꞌ ntembìi xtiꞌs loo mèn. ¿Chéꞌ, lìcqueꞌ, ngue tub rezl cón chenen xalqueꞌ ñibeꞌ diꞌs coꞌ ndub loo ley coꞌ mxoꞌf Moisés loo xudgool naꞌ, càꞌ? Yende xàa. Cheleꞌ lùu ingue lide xal ñibeꞌ diꞌs coꞌ ndub loo ley, ¿chonon mnibeꞌl loo mèn mdiꞌs mèn ron, sya?
\p
\v 4 Per mèn coꞌ nziriꞌ tya ndxab loo Pab:
\p ―¿Chéꞌ tatuaꞌ mod nazab ñii yèel no ñii tìil jef coꞌ más ñibeꞌ loo nguleyꞌ coꞌ nxoꞌf zinꞌ cón cheꞌn Diox, càꞌ?
\p
\v 5 Pab ndxab loo mèna:
\p ―Guꞌ, coꞌ nac mèn gulàazen, bli guꞌ despensar coꞌ ndxaben loo mbiꞌ baꞌ tac neꞌneeden chéꞌ nac mbiꞌ baꞌ jef coꞌ más ñibeꞌ loo rye nguleyꞌ. Lìcqueꞌ xal nee guꞌ baꞌ leꞌ loo libr coꞌ nac xtiꞌs Diox mbez: Neꞌñii yèedel no neꞌñii tìidel cón cheꞌn thìb mbiꞌ coꞌ ñibeꞌ loo mèn nacionpeꞌ lùu.
\p
\v 6 Syareꞌ mdaꞌ Pab cuent leꞌ mèn coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel nac chop ned. Thìb ned mèna nqueltàa no mèn coꞌ nac mèn xleyꞌ saduce. Leꞌ tedib ned mèna na, nac mèn coꞌ nqueltàa no mèn xleyꞌ farise. Syareꞌ, cabii ndxab Pab loo mèna:
\p ―Guꞌ, coꞌ nac mèn gulàazen no mèn xtàan, daa, ne, nac mèn xleyꞌ farise. Niin conꞌ ndxèꞌ loo guꞌ tac nac daa mèn coꞌ nde liz mèn xleyꞌ farise. No ndub rez guꞌ cón chenen tac daa ndxelaꞌsqueꞌ no ndub quee lezon leꞌ mèn nguth ryo xban.
\p
\v 7 Coꞌseꞌ ndxab Pab diꞌsa loo mèn coꞌ mqueltàaa, mèn xleyꞌ farise no mèn xleyꞌ saduce mtlo mdoodiꞌs, no leque mèna mbyoo diꞌs. Ale ngòc chop ned mèna loo Pab.
\v 8 Tataa mod mbli Pab tac mèn xleyꞌ saduce ndxelaꞌs no mbez mèn xleyꞌ saduce neꞌryo xbante mèn nguth neꞌ neꞌ yen chol angl. No neꞌ neꞌ yen chol xpii. Per mèn xleyꞌ farise ndxelaꞌsqueꞌ leꞌ mèn nguth ryo xban, no nzoqueꞌ chol xpii, no nzoqueꞌ chol angl.
\v 9 Ryete mèna ngrozèe nayiꞌ. Látha, ngo too ndxep mèn coꞌ ngòc maistr coꞌ ndluꞌ cón cheꞌn ley coꞌ mxoꞌf Moisés loo mèn làth mèna. Maistra nzo lad cheꞌn mèn xleyꞌ farise. Ndxab maistr loo mèn coꞌ mqueltàaa:
\p ―Mbiꞌ baꞌ tarte li nec thìb conꞌ yeꞌrsinꞌ, yey. Peser thìb xpii gunii loo mbiꞌ o gunii thìb angl loo mbiꞌ. Neꞌgàcte naꞌ ngolo ngolaꞌs loo Diox por cón cheꞌn coꞌ ngue li naꞌ loo mbiꞌ baꞌ.
\p
\v 10 No por tant ndxetoo diꞌs làth mèna, axta comandant mzyeb. Tac ndli comandant xtùuz leꞌ mèna tyen Pab no ched xàꞌ mèn Pab tant nzi que diꞌs mèn no tant nayiꞌ mèn ñèe mèn Pab. Por cona, mtelꞌ comandant mandad par yeꞌth solndad par coꞌ solndad Pab làth mèna par bere solndad, hueꞌ solndad Pab par leꞌn cuartel tedib vez.
\p
\v 11 Per leque yálꞌ coꞌ nac cheꞌn tedib huiz coꞌ nde nquea, Tad Jesús mxyoꞌf loo loo Pab coꞌteꞌ mdàt Pab. Ndxab Tad Jesús loo Pab:
\p ―Neꞌzyebtel, Pab. Blo valor lool. Tac texal ngòo valor lool guniil loo mèn ciuda Jerusalén trèꞌ cón chenen, tatuaꞌguèꞌ ñiil cón chenen loo mèn ciuda Rom, ne.
\s Ndxep mèn ciuda Jerusalén mblo xnee no mcuaꞌn mod par guth mèna Pab.
\p
\v 12 Coꞌseꞌ ngo nìi izlyoꞌ tedib huiz coꞌ nde nquea, mqueltàa ndxep mèn ciuda Jerusalén. Thidte ngòc mèna. No thidte mdoodiꞌs mèna par guth mèna Pab. No axta mdoo lezoꞌ mèna mdeꞌth mèna lèe Diox por conꞌ yeꞌrsinꞌ coꞌ li mèna. No ndxab mèna loo xtàa mèna neꞌ neꞌ yen cón hua mèna no neꞌ neꞌ yen cón gu mèna axtaqueꞌ neꞌ guth mèna Pab.
\v 13 No masreꞌ choꞌ mèn ngòc mèn coꞌ mcàbgòn loo mèn coꞌ ngòc xtàa mèna par guth mèn Pab.
\v 14 Sya, mxen mèna ned. Ngua taꞌ mèna cuent loo jef coꞌ más ñibeꞌ loo nguleyꞌ no loo mèngool coꞌ ñibeꞌ, no coꞌ ndyoo naa, no coꞌ ndyoo ner loo mèn nación Israel. Ndxab mèna loo jef no loo mèngool:
\p ―Nuꞌ mdeꞌth lèe Diox por conꞌ coꞌ li nuꞌ neꞌhuade nuꞌ nec thìb conꞌ no neꞌgude nuꞌ nec thìb conꞌ axtaqueꞌ ngolo gunee mbeth nuꞌ Pab.
\v 15 Per nalleꞌ, lyaꞌs nuꞌ li guꞌ conꞌ ndxèꞌ. Thidte queltàa guꞌ con taamas mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel. Fcuaꞌn guꞌ mod toodiꞌs no guꞌ comandant par tyal comandant telꞌ comandant Pab loo guꞌ yéꞌ. No bli guꞌ xal mèn coꞌ neꞌñeede. No bli guꞌ xalqueꞌ mèn coꞌ bere ndlyaꞌs noo noo tub rez par ryal no guꞌ cón cheꞌn Pab. Leꞌ nuꞌ na, gàc nab par tauꞌ nuꞌ ned nde Pab par ya Pab looi ndooreꞌ zin Pab loo guꞌ.
\p
\v 16 Per leꞌpeꞌ ndoo thìb mbyòo coꞌ nac xganꞌ ftaꞌn Pab coꞌteꞌ mdoodiꞌs mèna. Mbyòoa mbìn xal nac diꞌs coꞌ ngue toodiꞌs mèna. Ngua mbyòo cuartel par ngua taꞌ mbyòo cuenta loo Pab.
\v 17 Sya, ngurez Pab thìb mbiꞌ coꞌ nac capitán coꞌ ngue tee taꞌ vuelt leꞌn cuartel coꞌteꞌ nzo Pab. Ndxab Pab loo capitán:
\p ―Daa lyaz hueꞌl mbyòo ndxèꞌ loo comandant tac mbyòo lyaꞌs taꞌ cuent ndxep diꞌs loo comandant.
\p
\v 18 Mbeꞌ capitán mbyòo loo comandant. Ndxab capitán loo comandant:
\p ―Pab coꞌ ngue leziꞌf ngurez daa. Mnaꞌb Pab loon leꞌ daa gal no mbyòo chuꞌth ndxèꞌ lool tac mbyòo ngue no ndxep diꞌs coꞌ lyaꞌs mbyòo taꞌ mbyòo cuent lool.
\p
\v 19 Mxen comandant yaꞌ mbyòo chuꞌtha. Mbeꞌ comandant mbyòo thìb lad. Mnibdiꞌs comandant loo mbyòo:
\p ―¿Cón ndlyaꞌsl tyoodiꞌs nol daa, ey?
\p
\v 20 Ndxab mbyòo loo comandant:
\p ―Lìca, mèn ciuda Jerusalén thidte ngòc no thidte mdoodiꞌs par tyoodiꞌs no mèn Uꞌ yéꞌ par taꞌ Uꞌ lugar ya láꞌ solndad Pab loo mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel. Mcuaꞌn mèna mod xal mèn coꞌ neꞌñeede par gàc mèna xal mèn coꞌ noo noo ndlyaꞌs tub rez cón cheꞌn Pab par ryal no mèn cón cheꞌn Pab tedib vez.
\v 21 Per neꞌyilaꞌste Uꞌ cuent coꞌ yiꞌth taꞌ mèna loo Uꞌ. Tac masreꞌ choꞌ mèn coꞌ nqueltàa no mèna nac mèn coꞌ yo casloo loo ned par guth mèna Pab. No axta mdeꞌth mèna lèe Diox por conꞌ yeꞌrsinꞌ coꞌ li mèna neꞌ neꞌ hua mèna nec thìb conꞌ no neꞌ neꞌ gu mèna nec thìb conꞌ axtaqueꞌ ñee mèna ngolo mbeth mèna Pab. No nalleꞌ ante nzi bed mèna gòn mèna ñeeneꞌ cón gab Uꞌ.
\p
\v 22 Ngolo mdaꞌ mbyòo cuent loo comandant, gunii comandant Diox loo mbyòo. No mnibeꞌ comandant loo mbyòo yende chó loo taꞌ mbyòo cuent cón cheꞌn cuent coꞌ mdaꞌ mbyòo loo comandant.
\s Comandant mtelꞌ Pab loo thìb gobernador coꞌ lèe Fels.
\p
\v 23 Comandant mbli mandad par ngua càa mèn chop capitán. No mnibeꞌ comandant loo capitán par li capitán gàc nab chop ayo solndad coꞌ ndyee nii, no gàc nab ayon psiꞌ solndad coꞌ nac caballer coꞌ ndyub huay, no gàc nab chop ayo solndad coꞌ ndxòo ampurte lans yaꞌ par ya rye solndada hor nquée guyèꞌ yálꞌ par yiláꞌ rye solndada Pab axta ciuda Cesar yálꞌa.
\v 24 Más de cona, mbli comandant mandad par gàc nab plá huay par tyub Pab huay. No mnibeꞌ comandant loo capitán quenap capitán Pab par yende chó conꞌ ryes gàc loo Pab ned nda no solndad Pab axta zin no solndad Pab ciuda Cesar loo Fels coꞌ nac gobernador.
\v 25 Mtelꞌ comandant cart loo capitán par taꞌ capitán carta loo Fels coꞌ nac gobernador. Loo carta mbez diꞌs taandxèꞌ:
\p
\v 26 ―Daa, Claud Lis coꞌ nac comandant coꞌ ñibeꞌ loo solndad ciuda Jerusalén, daa ngue nii Diox loo Uꞌ, Tad Fels, Uꞌ coꞌ nac gobernador. No leque tiemp ngue tan cuent loo Uꞌ cón ngòc ciuda Jerusalén ndxèꞌ par taꞌ Uꞌ cuent cón ngòc.
\v 27 Mèn nación Israel coꞌ nzo ban ciuda Jerusalén ndxèꞌ mxen mbiꞌ coꞌ ngue telꞌen loo Uꞌ ndxèꞌ xal thìb pres. No mblyaꞌs mèna nguth mèna mbiꞌ. Per com leꞌ daa mbìn no mdan cuent leꞌ mbiꞌ nac thìb mbiꞌ gulàaz cheꞌn làaz mèn ciuda Rom, ¿léꞌ?, ngua non solndad daa par mblàan mbiꞌ ndxèꞌ laꞌs yaꞌ mèna.
\v 28 No com leꞌ daa ndlyaz ñeen no tan cuent chonon susqueꞌ mquexùꞌ mqueꞌ fals mèn mbiꞌ, mbeen mbiꞌ loo rye mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel par taꞌ mèna cuent loon chonon susqueꞌ mquexùꞌ mqueꞌ fals mèna mbiꞌ.
\v 29 No ale ante por indlide mbiꞌ cas cón cheꞌn ley coꞌ nac xleyꞌ mèna mcàb mquexùꞌ mqueꞌ fals mèn mbiꞌ. Per mxaquen no mdan cuent yende chó cón cheꞌn mèna par guth mèna mbiꞌ. No neꞌ neꞌ queꞌ mèna mbiꞌ leziꞌf.
\v 30 Ngoloa, mbìnen leꞌ mèn nación Israel thidte ngòc. No thidte gunii mèna par guth mèna mbiꞌ. No mblo xnee mèna par guth mèna mbiꞌ. Por cona, ngue telꞌen mbiꞌ loo Uꞌ nalleꞌ. No leque tiemp, ndxaben loo mèna yiꞌth mèna loo Uꞌ par tub rez yub Uꞌ cón cheꞌn mbiꞌ ndxèꞌ no cón cheꞌn mèna. Conꞌ ndxèꞌte nac diꞌs coꞌ ngue telꞌen loo Uꞌ loo cart ndxèꞌ, Tad Fels. Zyálꞌ naꞌ yéꞌ huizeꞌ.
\p
\v 31 Sya, mxen solndad ned. Nda no solndad Pab xalqueꞌ mnibeꞌ comandant loo capitán leque yálꞌa axta mzin solndad con Pab ciuda Antípatris.
\v 32 Coꞌseꞌ ngo nìi izlyoꞌ tedib huiz coꞌ nde nquea, mbere solndad coꞌ ndyee nii ciuda Antípatris, ndyeꞌth solndada par ciuda Jerusalén coꞌteꞌ ndub cuartel. Leꞌ solndad coꞌ nac caballer coꞌ ndyub huay na, tolo mdoo ned con Pab.
\v 33 Texal mzin solndad con Pab ciuda Cesar coꞌteꞌ nac palas cheꞌn gobiern, ngua taꞌ capitán cart loo Fels coꞌ nac gobernador. No mtanꞌ capitán Pab loo Fels, ne.
\v 34 Coꞌseꞌ ngolo mblab Fels coꞌ nac gobernador cart, mnibdiꞌs Fels loo Pab. Ndxab Fels loo Pab:
\p ―Pá mèn lùu, Pab?
\p Coꞌseꞌ mbìn gobernador leꞌ Pab nac mèn gulàaz cilis,
\v 35 ndxab gobernador loo Pab:
\p ―Coꞌseꞌ yiꞌth mèn coꞌ ngue quexùꞌ ngue queꞌ fals lùu, gònen cón cheꞌnl.
\p Ngoloa, mnibeꞌ gobernador loo capitán coꞌ nquenap gobernador quenap solndad Pab leꞌn thìb cuart coꞌteꞌ ngòc palas cheꞌn Herod.
\c 24
\s Pab mdub razon cheꞌn Pab loo Fels coꞌ ngòc gobernador.
\p
\v 1 Coꞌseꞌ ngolo nguriꞌth gaꞌy huiz mzin Pab loo gobernador Fels ciuda Cesar, mzin leque Anani coꞌ nac jef coꞌ más ñibeꞌ loo rye nguleyꞌ ciuda Cesar con ndxep mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel no con thìb mbiꞌ coꞌ lèe Tert coꞌ nteriꞌth diꞌs cheꞌn mèn. Rye mèna ngòo loo gobernador par quexùꞌ queꞌ fals mèna Pab.
\v 2 Coꞌseꞌ ndyeꞌth no solndad Pab loo Fels coꞌ nac gobernador, mtlo Tert, mquexùꞌ mqueꞌ fals Tert Pab loo gobernador. Ndxab Tert loo gobernador:
\p ―Diox quix Uꞌ, Tad gobernador, nase huen nzo lezoꞌ mèn. Yende diꞌs yende cuent. No ryete conꞌ huenqueꞌ ndxàc loo nuꞌ leꞌn huiz ndxèꞌ por anzeꞌf ndxác Uꞌ ñibeꞌ Uꞌ loo nuꞌ.
\v 3 Ryete conꞌ xal ñibeꞌ Uꞌ loo nuꞌ par li nuꞌi, ndyac lezoꞌ nuꞌ ndli nuꞌ coꞌ ñibeꞌ Uꞌ dib anax leꞌn nación nuꞌ, Tad Fels, Uꞌ coꞌ nac gobernador ndac tínꞌ loo nuꞌ. No Diox quix non Uꞌ, Tad Fels, tac ndli Uꞌ ryethe conꞌ ndac coꞌ ndli Uꞌ loo nuꞌ.
\v 4 Per nalleꞌ, par neꞌtolode teche nuꞌ tiemp loo Uꞌ, ñaꞌben loo Uꞌ ñeeneꞌ chéꞌ taꞌ Uꞌ lugar gòn Uꞌ ndxep cuent coꞌ tyoodizen loo Uꞌ setilte.
\v 5 Nuꞌ ndxòn no ndaꞌ nuꞌ cuent leꞌ mbiꞌ baꞌ nac xal thìb yíiz coꞌ nde be tee rye lugar. No ndli mbiꞌ baꞌ ndxàc chop ned mèn coꞌ nac mèn nación Israel rye lugar. No nac mbiꞌ thìb jef cheꞌn xleyꞌ mèn coꞌ mbez mèn nac xleyꞌ nazaren.
\v 6 No axtaqueꞌ mbli mbiꞌ par mtezab mbiꞌ leꞌn templ nuꞌ. Por cona, mbli mxen nuꞌ mbiꞌ par mblyaꞌs nuꞌ ndub rez nuꞌ cón cheꞌn mbiꞌ xalqueꞌ ñibeꞌ ley cheꞌn xleyꞌ nuꞌ loo nuꞌ.
\v 7 Per ndooleꞌ comandant coꞌ lèe Lis tee yòo xiꞌtha. No ale mteche yèe comandant mbiꞌ baꞌ loo nuꞌ.
\v 8 No gunee comandant loo nuꞌ leꞌ mèn coꞌ lyaꞌs tub rez cón cheꞌn mbiꞌ más huen ndxàalqueꞌ yiꞌth mèna loo Uꞌ par tub rez yub Uꞌ cón cheꞌn mbiꞌ. No nalleꞌ nzoqueꞌ mod nibdiꞌs yub Uꞌ loo mbiꞌ par taꞌ Uꞌ cuent ñeeneꞌ chéꞌ, lìcqueꞌ, nac coꞌ mquexùꞌ mqueꞌ fals nuꞌ mbiꞌ.
\p
\v 9 Ndooleꞌ rye mèn nación Israel coꞌ ngure no Tert no coꞌ mqueltàa con Tert ndxab loo gobernador:
\p ―Lìcqueꞌ nac rye diꞌs coꞌ ngue taꞌ Tert cuent loo gobernador.
\v 10 Sya, mbli gobernador thìb señ loo Pab par tlo Pab, tub Pab razon cheꞌn Pab loo gobernador. Ndxab Pab loo gobernador:
\p ―Axta gust ndaꞌ lezon tuben razon cón chenen loo Uꞌ, Tad gobernador, tac daa nanee leꞌ Uꞌ nac thìb justis loo nación nuꞌ coꞌ ndxàcleꞌ línꞌ ndub par ndub rez Uꞌ cón cheꞌn mèn nación nuꞌ.
\v 11 Com leꞌ daa nanee nzoqueꞌ mod li laꞌs Uꞌ, nalze pente ngolo siꞌ fchop huiz mzin daa ciuda Jerusalén par nguan templ par ngua tub xiben no ngua còoꞌen yéquen loo Diox xalqueꞌ nac mod cheꞌn mèn nación Israel.
\v 12 Per yende chó mèn mqueltàa no daa par ndoodizen con mèna par nglin ngátbèe mèna. Neꞌ neꞌ yen chó mèn ngnèe daa leꞌ daa mbli par nguátbèe mèn leꞌn templ o mblin par ngo too ngòc nguàal diꞌs leꞌn templ. Neꞌ neꞌ ngnèe mèn daa leꞌ daa ngua leꞌn sinagog mèna par mblin ngo too ngòc nguàal diꞌs tya, ne. Neꞌ neꞌ ngnèe mèn daa leꞌ daa ngua par nguátbèe mèn coꞌ nzi tee call leꞌn ciuda Jerusalén.
\v 13 Mèn coꞌ nziriꞌ loo Uꞌ baꞌ yende mod taꞌ cuent coꞌ lìcqueꞌ loo Uꞌ cón cheꞌn conꞌ coꞌ ngue quexùꞌ ngue queꞌ fals mèn daa.
\v 14 Per part cón chenen conꞌ coꞌ, lìcqueꞌ, ndlin, daa gol roi loo Uꞌ leꞌ daa ndli sirv loo Diox coꞌ nac Diox xudgool daa. No ndlina xalqueꞌ ñibeꞌ thìb mod cub coꞌ mbez mèn baꞌ nac thìb leyꞌ cub. Tac ndxelazquen xal nac diꞌs coꞌ mqueꞌ mèn coꞌ mdeꞌth diꞌs coꞌ ndxab Diox yeꞌs.
\v 15 No ndub queequeꞌ lezon loo Diox xalqueꞌ ndub quee lezoꞌ mèna loo diox, coꞌ nee diꞌs, ndub quee lezoꞌ mèn leꞌ mèn coꞌ nguth ryo xban, que nac mèna mèn ndac, no que nac mèna mèn yeꞌrsinꞌ.
\v 16 Cona, leque daa ndli purad par yende cón tolo tenꞌen leꞌn lezon coꞌ nac cón cheꞌn xtol daa loo Diox no loo mèn hues xtàa daa.
\p
\v 17 Coꞌseꞌ ngolo nguriꞌth ndxep línꞌ coꞌ ngolo mque teeꞌen chol liz mèn no làaz mèn, mberen, ndyalen par ned làazpeꞌen tedib vez par tan gòn no par tan ofrend coꞌ ngue tan loo Diox.
\v 18 Conꞌa ngue lin leꞌn templ cheꞌn Diox coꞌseꞌ gunèe ndxep mèn nación Israel, coꞌ nzo ban par ned làaz mèn asia, daa leꞌn templ. Tac leꞌpeꞌ mzin huiz coꞌ mdyaa huiz par ngua lin ryethe conꞌ coꞌ mcàbgònen loo Diox lin. Per coꞌseꞌ mblin conꞌa, neꞌnga noden huax mèn leꞌn templ no neꞌ neꞌ nglin par ngátbèe ndxep mèn con daa leꞌn templ. Pues, mèn coꞌ mquexùꞌ mqueꞌ fals daa nac mèn nación Israel coꞌ nzo ban làaz mèn asia.
\v 19 Mèna ndxàal yiꞌth loo Uꞌ trèꞌ par quexùꞌ queꞌ fals mèna daa cheleꞌ mèna ndxàp razon par quexùꞌ queꞌ fals mèna daa.
\v 20 No cheleꞌ mèna neꞌyiꞌthte, ñee mèn coꞌ nziriꞌ loo Uꞌ baꞌ ñeeneꞌ chéꞌ nzo chó xquin no xtol daa mcuanen coꞌseꞌ mdoon loo mèn coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel pezea.
\v 21 O ¿neꞌstolqueꞌ ngue quexùꞌ ngue queꞌ fals mèn baꞌ daa por cabii ndxaben loo mèn coꞌseꞌ ngòon làth mèn: Guꞌ ngue tub rez cón chenen nalze por ndxelazen leꞌ mèn coꞌ nguth ryo xban, càꞌ?
\p
\v 22 Coꞌseꞌ mbín Fels coꞌ nac gobernador diꞌs coꞌ ndxab Pab, no com leꞌ Fels huen huen ndaꞌ cuent cón cheꞌn mèn coꞌ ndxelaꞌs loo xleyꞌ cheꞌn Crist, neꞌndaꞌde Fels lugar ndub rez Fels cón cheꞌn mèna. Ndxab Fels loo mèna:
\p ―Cued guꞌ ndxep huiz. Coꞌseꞌ yiꞌth comandant Lis loon, sya, tolo li lazen cón cheꞌn guꞌ baꞌ.
\p
\v 23 Sya, mnibeꞌ Fels loo capitán par quenap solndad Pab xal thìb pres. No taꞌ solndad lugar que tee Pab leꞌn palas cheꞌn Herod. No taꞌ solndad lugar loo chol mèn coꞌ nac amiu Pab par yiꞌth too naa mèn Pab. No taꞌ solndad lugar loo mèn par li mèn mandad loo Pab.
\p
\v 24 Coꞌseꞌ más nda tee huiz, mzin Fels coꞌ nac gobernador con Drusil coꞌ nac saꞌl Fels ciuda Cesar. Drusil, saꞌl Fels, nac thìb xaꞌgot cheꞌn mèn nación Israel. Mbli Fels coꞌ nac gobernador mandad par yeꞌth Pab loo Fels par tyoodiꞌs no Pab Fels cón cheꞌn yalndxelaꞌs cheꞌn Jesucrist.
\v 25 Per coꞌseꞌ mtlo Pab, mdoodiꞌs Pab cón cheꞌn xá mod ndxàal que tee ban lì mèn, no xá mod ndxàal leque mèn li par gàp lezoꞌ mèn par neꞌtelode cuaꞌn mèn xquin mèn, no cón cheꞌn xá mod gàca loo mèn coꞌseꞌ tub rez Diox cón cheꞌn mèn, anzeꞌf mzyeb Fels. Sya, ndxab Fels loo Pab:
\p ―Pab, fxen ned. Byàa. Coꞌseꞌ nalath daa, beren, telꞌ chezenl par tyoodiꞌs naꞌ tedib vez.
\p
\v 26 Lomisqueꞌ ne, mdub quee lezoꞌ Fels taꞌ Pab mase plálte tmi par laꞌ Fels bii Pab. Por cona, seguid seguid mbez Fels Pab par ndyoodiꞌs no Fels Pab.
\v 27 Chop línꞌ ngòca tataa loo Pab. Coꞌseꞌ ngolo chop línꞌa, ngroꞌ Fels, mtelo Fels línꞌ coꞌ ngòc Fels gobernador. Sya, ngòo tedib mbiꞌ coꞌ lèe Pors Fest coꞌ mcàayaꞌ gobernador lugar cheꞌn Fels. Per com leꞌ Fels mblyaꞌs ngyanꞌ bien Fels con mèn nación Israel, ¿léꞌ?, mtanꞌ Fels Pab xal thìb pres loo Pors Fest coꞌ ngòc gobernador cub lugar cheꞌn Fels.
\c 25
\s Pab mdoo loo thìb mbiꞌ coꞌ lèe Fest coꞌ ngòc gobernador cub.
\p
\v 1 Mzin Fest ciuda Cesar par mdub Fest lugar cheꞌn Fels par gàc Fest gobernador cub. Pente ndxàc son huiz coꞌ mtlo tyub ñibeꞌ Fest, mxen Fest ned, nda Fest par ciuda Jerusalén.
\v 2 Per láth nzo Fest ciuda Jerusalén, ryete mèn coꞌ nac jef coꞌ más ñibeꞌ loo rye nguleyꞌ, no ryete mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel ngua toodiꞌs no Fest. No mdaꞌ mèna cuent loo Fest cón cheꞌn Pab par mnaꞌb mèna loo Fest li Fest justis cón cheꞌn Pab.
\v 3 Mnaꞌb mèna loo Fest li Fest thìb favor roo loo mèna par telꞌ Fest Pab ya Pab par ciuda Jerusalén. Per mod coꞌ mdoodiꞌs mèna no coꞌ thidte ngòc mèna no mod coꞌ mblo xnee mèna ngòc leꞌ mèna mbli par ndxab mèna loo xtàa mèna li mèna mandad guth mèn Pab ned nde Pab ciuda Jerusalén.
\v 4 Per Fest mcàb. Ndxab Fest loo mèna leꞌ Pab nzo cuartel cheꞌn solndad ciuda Cesar xal thìb pres. No ndxab Fest leꞌ Fest ngue li xtùuz ya Fest par ciuda Cesar leꞌn taaplá huiz, no tya tub rez Fest cón cheꞌn Pab.
\v 5 Ndxab Fest loo mèna, ne:
\p ―Cona, ngue niin loo guꞌ: Naquin ya guꞌ coꞌ más ñibeꞌ ciuda Cesar con daa. No cheleꞌ mbiꞌ chó xtol no chó xquin mbiꞌ mcuaꞌn mbiꞌ, tya ndxàal tolo quexùꞌ queꞌ fals guꞌ mbiꞌ loon. Leꞌ sya, daa tub rez cón cheꞌn mbiꞌ.
\p
\v 6 Pente ngo Fest ciuda Jerusalén xon huiz o siꞌ huiz no maste. Ngoloa, mbere Fest, ndyàa Fest par ciuda Cesar. Coꞌseꞌ ngo nìi izlyoꞌ tedib huiz coꞌ nde nque, ngòo Fest oficin. Mdub Fest par tlo ñibeꞌ Fest. Sya, mbli Fest mandad, ngua xi solndad Pab cuartel.
\v 7 Coꞌseꞌ ndyeꞌth Pab, sangngòo Pab loo Fest. Leꞌ mèn nación Israel coꞌ nac mèn ciuda Jerusalén coꞌ thidte mzin no Fest ciuda Cesar na, ngòo, ne, coꞌseꞌ ngòo Pab loo Fest. Mtlo mèna, mquexùꞌ mqueꞌ fals mèna Pab cón cheꞌn huax conꞌ coꞌ nac conꞌ ryes loo Fest. Per mastaleꞌ tataa mbli mèna, nec thìb mod no nec tedib mod neꞌngro xoꞌfte nec thìb conꞌ coꞌ nac lìcpeꞌ coꞌ mbez mèna par ngagaa Pab.
\v 8 Sya, mtlo Pab, mdub Pab razon cón cheꞌn Pab. Mbez Pab loo Fest:
\p ―Yende chó conꞌ yeꞌrsinꞌ tarte lin. Neꞌ neꞌ tar lin par lin thìb conꞌ yeꞌrsinꞌ loo ley coꞌ nac xleyꞌ cheꞌn mèn nación Israel. No neꞌ neꞌ tar lin nec thìb conꞌ yeꞌrsinꞌ loo templ cheꞌn Diox coꞌ ndub leꞌn ciuda Jerusalén. Neꞌ neꞌ tar lin conꞌ yeꞌrsinꞌ loo mbiꞌ coꞌ nac gobiern loo mèn ciuda Rom.
\p
\v 9 Per com leꞌ Fest mblyaꞌs ngyanꞌ bien con mèn nación Israel, ¿léꞌ?, mnibdiꞌs Fest loo Pab. Ndxab Fest:
\p ―Pab, ¿chéꞌ ndlyaꞌsl ya naꞌ ciuda Jerusalén par tub rezen cón cheꞌnl tya, càꞌ?
\p
\v 10 Pab mcàb. Ndxab Pab loo Fest:
\p ―Cheleꞌi tatuaꞌ nac, más huen gan loo gobiern coꞌ ndub ñibeꞌ ciuda Rom. Tya, más huen ndxàal tyub rez cón chenen com leꞌ lùu ndaꞌqueꞌ cuent no nonqueꞌl tarte lin nec thìb conꞌ yeꞌrsinꞌ loo mèn coꞌ nac mèn nación Israel neꞌ neꞌ tar guthen nec thìb mèn.
\v 11 Cheleꞌ daa ngcuan thìb xquin daa coꞌ ndli par ndxàalqueꞌ gath daa, ingue cà diꞌsten lool par gath daa. No yende chó mport nzo lezon par gath daa. Per cheleꞌ mèna ingue go xoꞌfte conꞌ coꞌ nac lìcpeꞌ conꞌ yeꞌrsinꞌ coꞌ ngue lin lool, yende chó derech ndxàp nec thìb mèn no yende chó cón cheꞌn mèn par taꞌxùꞌ mèn daa loo mèn nación Israel coꞌ nzo ciuda Jerusalén. Cona, ñaꞌben diꞌs lool, Fest, más huen telꞌ lùu daa loo gobiern coꞌ ndub ciuda Rom par tub rez yub gobiern cón chenen.
\p
\v 12 Per coꞌseꞌ ngolo mdoodiꞌs no Fest mèn coꞌ thidte ñibeꞌ con Fest, ndxab Fest loo Pab:
\p ―Lùu mnaꞌb diꞌs loon más huen tub rez gobiern coꞌ ndub ciuda Rom cón cheꞌnl. Pues, yal loo gobiern tya, xàa. Ngolo cuent.
\s Pab mdoo loo rey Agrip par mdub Pab razon cheꞌn Pab loo rey Agrip.
\p
\v 13 Ndxàc plá huiz tataa ndxab Fest loo Pab, ngua rey Agrip con Bernis coꞌ nac saꞌl Agrip par ciuda Cesar par ngua nii Agrip Diox loo Fest liz Fest.
\v 14 Láth ngo Agrip plá huiz leꞌn ciuda Cesar, mdaꞌ Fest cuent loo rey Agrip cón cheꞌn Pab. Ndxab Fest loo rey Agrip:
\p ―¿Xá neel, cara? Trèꞌ nzo thìb mbiꞌ coꞌ taate mtanꞌ Fels. Neꞌntelode ndub rez Fels cón cheꞌn mbiꞌ. Mtanꞌ Fels mbiꞌ loo solndad xal thìb pres.
\v 15 No coꞌseꞌ ngon plá huiz ciuda Jerusalén pezea, rye jef coꞌ más ñibeꞌ loo rye nguleyꞌ, no mèngool coꞌ ñibeꞌ, no coꞌ ndyoo naa, no coꞌ ndyoo ner loo mèn nación Israel mqueltàa loon. Mdaꞌ mèna part loon leꞌ daa li justis cón cheꞌn mbiꞌ. Mnaꞌb mèna diꞌs loon quexùꞌen queꞌ falsen mbiꞌ.
\v 16 Per daa mcàb loo mèna leꞌ ley cheꞌn gobiern ciuda Rom indaꞌde lugar par guthxùꞌ mèn nec thìb mèn cheleꞌ cón cheꞌn mèn tarte tyub rez loo thìb no loo tedib mèn par càb mèn no par tub mèn razon loo mèn coꞌ ngue quexùꞌ ngue queꞌ fals mèna.
\v 17 Cona, coꞌseꞌ mbiꞌth rye mèna loon trèꞌ, luega tedib huiza ngòon oficin daa par mduben coꞌteꞌ ñibeꞌen. Mblin mandad ngua xi solndad mbiꞌ par ndyeꞌth mbiꞌ loon.
\v 18 Per rye mèn coꞌ ngo loon par quexùꞌ queꞌ fals mèn mbiꞌ loon, neꞌngolꞌte mèna arid diꞌs loon xal mblin xtùuz li mèn par tub rezen cón cheꞌn mbiꞌ.
\v 19 Angoluxte nac diꞌs coꞌ ndaꞌ mèna cuent loon cón cheꞌn mbiꞌ leꞌ conꞌ coꞌ mbli mbiꞌ nac cón cheꞌn xleyꞌ mèn nación Israel. No naca cón cheꞌn thìb mbiꞌ coꞌ lèe Jesús coꞌ nguth. No ndeꞌth mbiꞌ loo mèn leꞌ mbiꞌ coꞌ lèe Jesús nabanqueꞌ.
\v 20 Per com leꞌ daa neꞌneede cón lin con mbiꞌ coꞌ nac cón cheꞌn mbiꞌ coꞌ lèe Pab, ¿léꞌ?, mnibdizen loo mbiꞌ chéꞌ ndlyaꞌs mbiꞌ ya mbiꞌ ciuda Jerusalén par tyub rez cón cheꞌn coꞌ ndxàc loo mbiꞌ ciuda Jerusalén.
\v 21 Per ale ndxeꞌlequeꞌ, mcàb mbiꞌ loon más huen ya mbiꞌ loo rey Agust coꞌ nac gobiern coꞌ ndub ciuda Rom. Sya, mnibeꞌen loo solndad tolo quenap solndad Pab leꞌn cuartel xal pres axta taꞌi lugar loon par telꞌen Pab loo rey Agust xal ndlyaꞌs Pab.
\p
\v 22 Sya, ndxab rey Agrip loo Fest:
\p ―Daa, ne, ndlyaz gòn cón cheꞌn mbiꞌ, cara, ñeeneꞌ xal nac cuent coꞌ taꞌ mbiꞌ loon.
\p Sya, mcàb Fest. Ndxab Fest loo rey Agrip:
\p ―Neeca. Cheleꞌ lùu ndlyaꞌs gòn cón cheꞌn mbiꞌ, lueg yéꞌ lin mandad ryoꞌ mbiꞌ cuartel. No gaben loo mbiꞌ taꞌ mbiꞌ cuent lool.
\p ―Neeca, ndxab rey Agrip.
\p
\v 23 Coꞌseꞌ ngo nìi izlyoꞌ tedib huiz coꞌ nde nquea, no coꞌseꞌ mzin rey Agrip ryop Bernis coꞌ nac saꞌl rey, anzeꞌf ndyeꞌs rey Agrip con Bernis mzin xaꞌ no ngòo xaꞌ leꞌn sal liz Fest con mèn coꞌ nac general no con mèn roo no mèn xèn cheꞌn ciuda Cesar. Le Fest na, mtelꞌ solndad par ngua xi solndad Pab.
\v 24 Sya, ndxab Fest loo rey Agrip:
\p ―Tad rey Agrip, no rye guꞌ mèn ciuda Cesar coꞌ nziriꞌ trèꞌ con nuꞌ, trèꞌ luꞌen mbiꞌ ndxèꞌ loo guꞌ. Cón cheꞌn mbiꞌ ndxèꞌ nac coꞌ mdan cuent loo guꞌ pezea leꞌ huax mèn nación Israel mdaꞌ cuent contra mbiꞌ ndxèꞌ loon. Leꞌleꞌ mdaꞌ mèn nación Israel coꞌ nzo ban leꞌn ciuda Jerusalén cuent loon. No leꞌleꞌ mdaꞌ mèn nación Israel coꞌ nzo ban ciuda Cesar ndxèꞌ cuent loon, ne. No imbe see teede lezoꞌ mèn. Mbez mèn loon ndxàalqueꞌ gath mbiꞌ.
\v 25 Per part cón chenen, ndyaquen yende cón tar li mbiꞌ par ndxàalqueꞌ gath mbiꞌ. No com leꞌ mbiꞌ yub mnaꞌb diꞌs loon par más huen ya mbiꞌ loo Agust coꞌ nac gobiern coꞌ ndub ñibeꞌ ciuda Rom par tub rez yub Agust cón cheꞌn mbiꞌ, nquin telꞌen mbiꞌ, ndyaquen.
\v 26 Per yende chó conꞌ ndli precis loon par ndoo lìte queꞌen thìb cart cón cheꞌn mbiꞌ loo Tad daa, Agust. Cona, más huen mblin mandad ndyeꞌth mbiꞌ loo guꞌ no más nquin ndlyazen, rey Agrip, gòn Uꞌ cón cheꞌn mbiꞌ par ñibdiꞌs Uꞌ coꞌ huenlequeꞌ loo mbiꞌ par tataa mod más ndoo lìte queꞌen yeꞌs cón cheꞌn mbiꞌ loo Tad Agust daa coꞌ nac gobiern coꞌ ndub ciuda Rom.
\v 27 Ndyaquen ihuente nac coꞌ lin par telꞌen thìb mbiꞌ coꞌ nac thìb pres cheleꞌ daa neꞌtelꞌte diꞌs loo Tad daa, Agust, cón cheꞌn xá mod ngue quexùꞌ ngue queꞌ fals mèn cón cheꞌn mbiꞌ coꞌ nac thìb pres. Cona, ndlyazen más ndoo lìte telꞌen yeꞌs cón cheꞌn mbiꞌ ndxèꞌ loo Tad daa, Agust.
\c 26
\s Pab ngue tub razon cheꞌn Pab loo rey Agrip.
\p
\v 1 Sya, ndxab rey Agrip loo Pab:
\p ―Pab, ftaꞌ cuent cón cheꞌnl loon.
\p Sya, ngòo Pab loo rey Agrip. Gunii Pab Diox loo rey Agrip no loo taamas mèn coꞌ ngo no rey Agrip. Mtlo Pab, mdoodiꞌs Pab taandxèꞌ:
\p
\v 2 ―Anzeꞌf huen nzo lezon no axta gust ndaꞌ lezon por mdaꞌ Uꞌ lugar loon toodizen loo Uꞌ, rey Agrip, par tuben razon cón chenen cón cheꞌn ryethe conꞌ coꞌ mquexùꞌ mqueꞌ fals mèn nación Israel daa leꞌn tiemp coꞌ nde teeleꞌ ndriꞌth.
\v 3 Más de cona, ndyac lezon tac Uꞌ ndaꞌqueꞌ cuent no nonqueꞌ Uꞌ xal nac costumbr coꞌ mbed no nuꞌ, nuꞌ coꞌ nac mèn nación Israel, no cón cheꞌn diꞌs coꞌ ndxetoo làth nuꞌ. Conꞌa, ndlyazen no ñaꞌben loo Uꞌ taꞌ Uꞌ nza Uꞌ par gòn Uꞌ diꞌs coꞌ toodizen loo Uꞌ nalleꞌ.
\s Pab ngue taꞌ cuent loo rey Agrip xá mod ngòc Pab ndooreꞌ yilaꞌs Pab loo Tad Jesucrist no loo cón cheꞌn Tad Jesucrist.
\p
\v 4 Ryete mèn nación Israel naneequeꞌ no ndaꞌ mèn cuent xá mod ngòc daa no xá mod mque tee banen làth mèn làaz daa no leꞌn ciuda Jerusalén anon mtlo mdoo xènen.
\v 5 Rye mèn coꞌ nziriꞌ loo Uꞌ baꞌ non no ndaꞌ mèn cuent cón chenen. No nzoqueꞌ mod co xoꞌf mèn no taꞌ mèn cuent cón chenen cheleꞌ mèn baꞌ ndlyaꞌs leꞌ daa ndaqueꞌ cuent anon ndoo rooꞌen no ndoo xènen nac daa thìb mèn xleyꞌ farise coꞌ nac thìb leyꞌ coꞌ más ñibeꞌ yèe loo mèn li mèn xalqueꞌ ñibeꞌ xleyꞌ nuꞌ loo nuꞌ par li nuꞌ.
\v 6 No nalleꞌ mqueltàa mèn baꞌ loo Uꞌ par tub rez Uꞌ cón chenen por ante thìb conꞌ no maste coꞌ nac coꞌ ndub quee lezon leꞌ Diox co xban mèn nguth xalqueꞌ gunii Dioxa no mcàbgòn Dioxa loo mèngool coꞌ ngòc xudgool nuꞌ póla.
\v 7 Ryete siꞌ fchop ned mèn coꞌ mcheꞌs bin coꞌ nac mèn nación Israel nalleꞌ nzi bed par tyaa no gàcqueꞌ conꞌ coꞌ mcàbgòn Diox. Por cona, ze no yálꞌ ndyub xib mèna no ncòoꞌ mèna yéc mèna loo Diox. No ndli mèna sirv loo Diox ze no yálꞌ. No ante por cón cheꞌn leque conꞌa ngue quexùꞌ ngue queꞌ fals mèn nación Israel daa nalleꞌ, Tad rey Agrip. ¿Xá nee Uꞌ? ¿Chéꞌ léꞌ nac coꞌ ngue li no mèn nación Israel daa, càꞌ?
\v 8 No ¿chéꞌ, lìcqueꞌ, por derech, indxelaꞌste Uꞌ leꞌ Diox co xban mèn nguth, càꞌ? Pà neꞌyilaꞌste Uꞌi, ¿léꞌ? Ndxelaꞌsqueꞌ Uꞌi.
\s Pab ngue taꞌ cuent loo rey Agrip xá mod mque tee ndub nguꞌs Pab mèn coꞌ ngolaꞌs loo Crist thìb cuaꞌa.
\p
\v 9 Per ndooreꞌ yilazen loo Jesucrist no loo cón cheꞌn Jesucrist mxaquen mblin conꞌ huen coꞌseꞌ mblin conꞌ yeꞌrsinꞌ loo mèn coꞌ ngolaꞌs no coꞌ mqueltàa loo cón cheꞌn Jesucrist coꞌ ngòc mbiꞌ cheꞌn yèez Nazaret.
\v 10 No tataaguèꞌ mblin con mèn coꞌ ndxelaꞌs loo Jesucrist leꞌn ciuda Jerusalén. Ale axta mnaꞌben ord loo mèn coꞌ nac jef coꞌ más ñibeꞌ loo rye nguleyꞌ par mblon huax mèn coꞌ ngolaꞌs loo Jesús leziꞌf. No coꞌseꞌ mdoo lezoꞌ mèn guth mèn mèn coꞌ ndxelaꞌsa, daa, ne, thidte ngòc con mèna. No ale mdyac lezon mbeth mèn mèna.
\v 11 Huax vez mtetìin mèna axta mod coꞌ mblyazen par ñeen ñeeneꞌ chéꞌ tlin gan par ncà diꞌs mèna cón cheꞌn mod xal ndxelaꞌs mèna cón cheꞌn Jesús. Mblin conꞌa rye lugar coꞌteꞌ ngue no mèn sinagog mèn. No anzeꞌf ngocloo tínꞌen con mèna axtaqueꞌ mque tee mdub nguꞌsen mèna leꞌn huax ciuda coꞌ nac làaz mèn tith.
\s Pab ngue taꞌ cuent loo rey Agrip cón cheꞌn xá mod ngulàa yéc no ngulàa lezoꞌ Pab par ngòc Pab mèn coꞌ ngòo loo cón cheꞌn Tad Jesús.
\r (Hch. 9.1–19; 22.6–16)
\p
\v 12 No par tolo lin leque conꞌ yeꞌrsinꞌa, nguan axta ciuda Damasc con yeꞌs coꞌ nac ord coꞌ mdaꞌ no coꞌ mnibeꞌ mèn coꞌ nac jef coꞌ más ñibeꞌ loo rye nguleyꞌ loon.
\v 13 Per coꞌseꞌ mdoon ned ndan par ciuda Damasc, com hor rol huiz, Tad rey, gunèen mbyaꞌx thìb xnìi coꞌ ngulàa loo béꞌ coꞌ mtenìi más leque huiz loon no loo mèn coꞌ ngua non.
\v 14 Leque hora, ryete nuꞌ ngulàa loo yòo. No mbìnen thìb diꞌs coꞌ mbyèn loo mbii loon coꞌ gunii loon xal nac diꞌstèe coꞌ ndyoodiꞌs mèn nación Israel. Gunee diꞌsa loon: Saul, Saul, ¿chonon ngue tee ndub nguꞌsl daa, àꞌ, ey? Leque lùu ngue tehuíꞌ ladl con conꞌ yeꞌrsinꞌ coꞌ ngue lil loo mèna. Ndlila xal ndli ngon coꞌseꞌ nqueꞌ ngon patad loo punt yaaroch coꞌ nguid mèn lad ngon coꞌseꞌ ntezeb mèn ngon.
\v 15 Sya, ndxaben: ¿Chó nac lùu, Tad? Tad gunee loon: Daa nac leque yub Jesús coꞌ ngue tee ndub nguꞌsl.
\v 16 Per nalleꞌ, goo che no goo too. Daa mxyoꞌf loo lool taandxèꞌ mod par xoꞌf zinꞌl zinꞌ cón chenen no par taꞌl cuent loo mèn cón cheꞌn conꞌ coꞌ gunèel no cón cheꞌn conꞌ coꞌ ndxàc lool nalleꞌ no conꞌ coꞌ luꞌen lool yiloa.
\v 17 Na li par lyáꞌl laꞌs yaꞌ mèn nación Israel. No lin par lyáꞌl laꞌs yaꞌ mèn tith coꞌ inacte mèn nación Israel. No nalleꞌ na ñibeꞌ lool par ya lol yalbàn loo mèna.
\v 18 Ñibeꞌen yal loo mèn, Saul, par lil tyub xnìi yéc mèn no tyub xnìi lezoꞌ mèn loo cón cheꞌn Diox par ya neꞌtolode que tee ban mèn loo conꞌ yeꞌrsinꞌ coꞌ nac xal coꞌseꞌ nzi tee mèn loo yalꞌcuau. Per ndxeꞌlequeꞌ, que tee ban lì mèn loo conꞌ ndac xal coꞌseꞌ ndyee mèn loo xnìi huiz. No lomisqueꞌ ne, lin par ya luꞌl loo mèn par neꞌtolode que tee li mèn conꞌ coꞌ nac coꞌ ñibeꞌ Mebizya loo mèn no par, ndxeꞌlequeꞌ, más huen que tee li mèn conꞌ ndac no yòo mèn loo cón cheꞌn Diox. No lil par yilaꞌs mèn loon, daa coꞌ nac Jesús. No lil par lyàa yéc mèn no lyàa lezoꞌ mèn par tataa mod tyonꞌ xtol mèn no xquin mèn. No lil par que no mèn no par yanꞌ no mèn conꞌ coꞌ ngroꞌ lezoꞌ Diox taꞌlaꞌs Diox càa mèn, mèn coꞌ mbli Diox par ngro xàꞌ mèna loo cón cheꞌn xab izlyoꞌ par ngòc mèna cheꞌnpeꞌ Diox.
\s Pab ngue taꞌ cuent loo rey Agrip leꞌ Pab ndubdiꞌs diꞌs coꞌ mbìn Pab coꞌseꞌ mxyoꞌf loo Tad Jesús loo Pab.
\p
\v 19 Cona, ngue niin loo Uꞌ, Tad rey Agrip: Neꞌngàcte daa mèn coꞌ neꞌndubdiꞌste diꞌs coꞌ gunii Tad Jesús loon, diꞌs coꞌ mbyèn loo béꞌ loo mbii loon.
\v 20 Ndxeꞌlequeꞌ, ngua tethen no ngua lon yalbàn cón cheꞌn diꞌs ndac cheꞌn Diox nerlequeꞌ loo mèn ciuda Damasc. Ngoloa, nguan loo mèn ciuda Jerusalén. Ngoloa, nguan loo mèn par ned leꞌn rye yèezyaꞌ coꞌ nac làaz cheꞌn mèn jude par ngua lon yalbàn cón cheꞌn diꞌs ndac loo mèn par neda, ne. No nguan loo mèn coꞌ inacte mèn nación Israel chol lugar. Mbezen loo rye mèna ndxàal lyàa yéc mèna no lyàa lezoꞌ mèna no zyeꞌ mod coꞌ ndxàp mèna loo Diox par yòo mèn loo cón cheꞌn Diox. No mnibeꞌen loo mèn luꞌ mèna thìb mod ndac loo taamas mèn leꞌ mèna, lìcqueꞌ, ngulàa yéc no ngulàa lezoꞌ mèna no mzyeꞌ mod coꞌ ndxàp mèna loo Diox.
\v 21 Ale conꞌate mbli mxen mèn nación Israel daa leꞌn templ no mblyaꞌs mèna guth mèna daa, Tad rey Agrip.
\v 22 Per Tad Diox ndlyath noqueꞌ daa. Neꞌngláꞌyaꞌde Tad Diox daa. Thidtenequeꞌ mbli nèen daa axta huiza no axta huiz nalze loo cón cheꞌn Diox. Ngon yalbàn cón cheꞌn diꞌs ndac cheꞌn Diox loo chol mèn, que naca loo mèn beꞌthe, que naca loo mèn coꞌ ndeꞌf diꞌs nac mèn de razon. Thidtene tarte tan cuent coꞌ nac tedib cuent xàꞌ loo diꞌs coꞌ nac diꞌs coꞌ mdeꞌth mèn, mèn coꞌ mdeꞌth diꞌs coꞌ ndxab Diox no coꞌ nac diꞌs coꞌ mdeꞌth Moisés cón cheꞌn conꞌ coꞌ gàc yiloa, coꞌ nee diꞌs, conꞌ coꞌ ndxàc nalleꞌ.
\v 23 Conꞌ coꞌ ndxàc nalleꞌ nee diꞌs leꞌ Crist mquinqueꞌ mxactìi. No coꞌseꞌ ngolo nguth Crist, Crist ngòc nerlequeꞌ xaꞌ coꞌ ngro xban làth mèn nguth. Tataa ngòca loo Crist par ndli Crist ndxòn mèn cón cheꞌn diꞌs ndac coꞌ ndli ndyub xnìi yéc mèn no ndyub xnìi lezoꞌ mèn, que naca loo mèn nación Israel coꞌ nac mèn gulàaz daa, que naca loo mèn coꞌ inacte mèn nación Israel.
\s Pab mdoo lezoꞌ li Pab gan gàc nadoꞌ rey Agrip par tyal rey Agrip yilaꞌs rey Agrip loo Jesucrist no loo cón cheꞌn Jesucrist.
\p
\v 24 Coꞌseꞌ ngolo tataa ndxab Pab no mdub Pab razon cheꞌn Pab loo rey Agrip, cabii ngrozèe Fest. Ndxab Fest loo Pab:
\p ―Por tant mblil stud, Pab, axta nquée mbii yécl, ndyaquen.
\p
\v 25 Pab mcàb loo Fest. Ndxab Pab:
\p ―Tyèꞌ, Tad Fest. Inquéede mbii yéquen. Ndxeꞌlequeꞌ, mbezen conꞌ coꞌ nac razon loo guꞌ. No mbezen conꞌ coꞌ nac lìcpeꞌ loo guꞌ.
\v 26 Rey Agrip ndub goꞌ. Rey Agrip ndaꞌ cuent no nanee rey Agrip ryete conꞌ coꞌ ndxàc cón cheꞌn Tad Jesucrist nalleꞌ. Por cona, dibaxlaꞌs ndyoodizen no ngue tan cuent ndxèꞌ loo rey Agrip tac naneepeꞌen leꞌ rey Agrip non cón cheꞌn ryethe conꞌ coꞌ ndxàc nalleꞌ cón cheꞌn Jesucrist. Conꞌ coꞌ ndxàc nalleꞌ coꞌ nac cón cheꞌn Jesucrist inacte conꞌ coꞌ nzo casloo thìb lugar coꞌteꞌ neꞌyúꞌda loo mèn. Ndxeꞌlequeꞌ, loo xnaa ndxàc ryethe conꞌa loo mèn.
\v 27 Sya, mbere Pab. Mnibdiꞌs Pab loo rey Agrip. Ndxab Pab:
\p ―¿Chéꞌ ndxelaꞌs Uꞌ, Tad rey Agrip, diꞌs coꞌ mdeꞌth mèn, mèn coꞌ mdeꞌth diꞌs coꞌ ndxab Diox, àꞌ? Aa. Neequen leꞌ Uꞌ ndxelaꞌsqueꞌ xal ndxab mèna.
\p
\v 28 Sya, ndxab rey Agrip loo Pab:
\p ―¡Jaa! ¿Máa yob yécl, Pab? ¿Chéꞌ ndlyaꞌsl setilte lil gan yilazen xalte mbezl baꞌ par yilazen loo Jesucrist no loo cón cheꞌn Jesucrist, càꞌ? Yende xàa.
\p
\v 29 Pab mcàb. Ndxab Pab loo rey Agrip:
\p ―Yende cón lii, Tad rey Agrip, que naca yilaꞌs Uꞌ xalte ndyoodizen nalleꞌ o que naca yilaꞌs Uꞌ más yéꞌ huizeꞌ, conseꞌ yilaꞌs Uꞌ. No, oj, li Diox iante Uꞌ yilaꞌs loo Jesucrist no loo cón cheꞌn Jesucrist. Ndxeꞌlequeꞌ, li Diox leꞌ ryete mèn coꞌ nzi yòn cuent coꞌ ngue tan loo guꞌ nalleꞌ gàc mèn xal daa, coꞌ nee diꞌs, yilaꞌs mèn loo cón cheꞌn Jesucrist. Per neꞌgàcte mèna mèn coꞌ tyub dóꞌ caden nii no coꞌ tyub dóꞌ caden yaꞌ xal ndxàca loon trèꞌ.
\p
\v 30 Ngolo tataa ndxab Pab loo rye mèna, ngroꞌ rey Agrip con Bernis coꞌ nac saꞌl rey Agrip. No ngroꞌ gobernador Fest, ne, con ryete mèn coꞌ nzi ndub.
\v 31 Ryete mèna ngroꞌ thìb lad par tolo mdoodiꞌs mèna cón cheꞌn Pab. No mbez mèna loo xtàa mèna:
\p ―Yende cón tar li mbiꞌ coꞌ ndli par naquinqueꞌ gath mbiꞌ. No axta neꞌ neꞌ indxàal tolo queꞌ mbiꞌ leziꞌf.
\p
\v 32 Sya, ndxab Agrip loo Fest:
\p ―Ngàcqueꞌ ngteláꞌl mbiꞌ pezea, Fest, cheleꞌ mbiꞌ neꞌngnaꞌbte diꞌs lool par nga mbiꞌ loo gobiern coꞌ ndub ciuda Rom par tyub rez cón cheꞌn mbiꞌ.
\c 27
\s Fest mnibeꞌ loo capitán par ngua láꞌ solndad Pab loo gobiern coꞌ ndub ciuda Rom.
\p
\v 1 Coꞌseꞌ mnibeꞌ lezoꞌ Fest con Agrip par telꞌ Fest ryop Agrip nuꞌ ya nuꞌ ciuda Rom coꞌ nac làaz mèn ital, leque hora mnibeꞌ Fest loo solndad ryoꞌ Pab con taaplá pres par taꞌ solndad Pab con presa loo thìb capitán coꞌ lèe Jul. Capitana ñibeꞌ loo thìb ayo solndad coꞌ lèe partid cheꞌn rey Agust.
\v 2 Ngroꞌ nuꞌ ciuda Cesar. Ngòo nuꞌ loo thìb yòoyaa coꞌ nac thìb yòoyaa cheꞌn mèn coꞌ nzo ban thìb puert coꞌ nziriꞌ ro níttóꞌ coꞌ lèe Adramit. Yòoyaa leꞌpeꞌ ryoꞌ par xyoꞌf yòoyaa loo níttóꞌ axta coꞌteꞌ nziriꞌ puert coꞌ nac loo xyòn mèn asia. Leꞌxqueꞌ huiza ngo no nuꞌ thìb mbiꞌ coꞌ lèe Aristarc coꞌ nac mbiꞌ gulàaz mèn ciuda Tesalónica. Tesalónica nac thìb ciuda coꞌ ñibeꞌ mèn yèezyaꞌ coꞌ nac cheꞌn làaz mèn macedon.
\v 3 Tya mdoo nuꞌ loo nít dib yálꞌ axta ngo nìi izlyoꞌ tedib huiz coꞌ nde nque. Mzin nuꞌ puert coꞌ lèe Sidón. Tya mblyat lezoꞌ Jul coꞌ nac capitán gunèe Jul Pab. Mblaꞌ Jul ngroꞌ Pab chuꞌth loo yòoyaa par ngua nee Pab máa mèn coꞌ ndxàc amiu Pab no par li mèna cas Pab, ne.
\v 4 Coꞌseꞌ ngroꞌ nuꞌ puert cheꞌn Sidón, mbriꞌth nuꞌ thìb lad coꞌteꞌ nziriꞌ yòo biiz Chipr. Mbyanꞌ yòo biiz Chipr lad rebes coꞌteꞌ nguriꞌth nuꞌ. Tataa mbli nuꞌ tac mbii mtauꞌ loo nuꞌ loo nít. Anzeꞌf mdin mbii yòoyaa par neꞌngriꞌthte yòoyaa nuꞌ thìb lì.
\v 5 Tya mchoꞌ nuꞌ nít par nguriꞌth nuꞌ loo xyòn mèn cheꞌn gulàaz mèn cilis no loo xyòn cheꞌn gulàaz mèn pamfil axta mzin nuꞌ thìb ciuda coꞌ lèe Mir coꞌ nac thìb ciuda coꞌ ñibeꞌ loo yèezyaꞌ cheꞌn làaz mèn lis.
\p
\v 6 Ciuda Mira, tya mzyálꞌ nuꞌ thìb yòoyaa coꞌ nac cheꞌn mèn ciuda Alejandri coꞌ nda par nación Ital coꞌteꞌ nac ciuda Rom. Mbli solndad par ngòo nuꞌ loo yòoyaaa par tolo xyoꞌf nuꞌ loo níttóꞌ axta zin nuꞌ coꞌteꞌ nda nuꞌ.
\v 7 Huax huiz sauꞌ sauꞌ mxyoꞌf nuꞌ loo níttóꞌ. No añenti mzin nuꞌ ro níttóꞌ coꞌteꞌ nziriꞌ thìb puert coꞌ lèe Gnid. No com leꞌ mbii beꞌ mtauꞌ loo nuꞌ no beꞌ mdin mbii yòoyaa nuꞌ, ¿léꞌ?, sangnguriꞌth nuꞌ par ned sur coꞌteꞌ nziriꞌ tedib puert ro níttóꞌ coꞌ lèe Salmón. Tya mchoꞌ nuꞌ nít par mblo nuꞌ vuelt loo níttóꞌ. Angnzo ro yòo biiz coꞌ nziriꞌ leꞌn níttóꞌ par ned sur coꞌ lèe Cret.
\v 8 Tya añenti mbere nuꞌ tolo mxyoꞌf nuꞌ loo níttóꞌ, nda nuꞌ nzo ro yòo biiz coꞌ lèe Cret, axta mzin nuꞌ tedib puert coꞌ nziriꞌ ro níttóꞌ coꞌ lèe Buenos Puertos coꞌ nziriꞌ gaxte tee nziriꞌ tedib yèez coꞌ lèe Lase.
\p
\v 9 No por mtauꞌ mbii loo yòoyaa loo níttóꞌ, ndoo riꞌthleꞌ huax huiz nzoꞌf nuꞌ loo níttóꞌ. No nde nxonꞌ, ndxàc conꞌ ryes loo nuꞌ par tolo xyoꞌf nuꞌ loo níttóꞌ tac casqueꞌ nde zinꞌ gaxleꞌ tiemp xìlꞌ. Tiempa anzeꞌf thìb mbii nxyoꞌf loo níttóꞌ. No por conꞌa, ryes naca par xyoꞌf mèn loo níttóꞌ. Por cona, ndxab Pab no mcoꞌx Pab loo mèn coꞌ ntetee yòoyaa loo níttóꞌ.
\v 10 Ndxab Pab loo mèna:
\p ―Amiu, ñeen no nonen anzeꞌf thìb conꞌ ryes gàc loo naꞌ loo níttóꞌ ned nda naꞌ cheleꞌ naꞌ tolo xyoꞌf loo níttóꞌ nda naꞌ. No nonen no naneen nzo ryes dyep yòoyaa leꞌn níttóꞌ no tataa mod lyux rye yóꞌ coꞌ nzo loo yòoyaa ndxèꞌ. No axta naꞌ, ne, nzo ryes lyux loo yòoyaa. Cheleꞌ guꞌ neꞌgònte ron, gàca loo naꞌ cheleꞌ naꞌ tolo xyoꞌf loo níttóꞌ nda naꞌ.
\p
\v 11 Per capitán coꞌ nda no solndada, más mbìn capitán ro mbiꞌ coꞌ nac xuanꞌ yòoyaa no ro mbiꞌ coꞌ ñibeꞌ loo mèn coꞌ ntetee yòoyaa leque ngòn capitán ro Pab. Ale mbli xaꞌ coꞌ ndlyaꞌs xaꞌ.
\v 12 No com leꞌ puerta neꞌñeede par yanꞌ mèn no riid mèn tiemp xìlꞌ tya, ¿léꞌ?, ryete mèna mbli xtùuz más huen sangriid mèna par ñee mèna ñeeneꞌ chéꞌ tli mèna gan zin mèna tedib puert coꞌ nziriꞌ ro níttóꞌ coꞌ lèe Fenis coꞌ nac tedib puert cheꞌn leque yòo biiz coꞌ lèe Cret. Puerta nziriꞌ gax cuat yíi coꞌ ntauꞌ loo mbii. Yíia ntauꞌ loo mbii no loo ol cheꞌn níttóꞌ. Ndxanꞌ puerta par ned sur. No ro puert níttóꞌa ndxòo mèn con yòoyaa loo nít cheꞌn puerta par ned sur no par ned ndlyen huiz. Puerta nziriꞌ leꞌn nít coꞌ nac yòo biiz par ned nort con ned ndlyen huiz.
\s Luc ndaꞌ cuent xá mod ngulàa thìb yuuloo loo níttóꞌ.
\p
\v 13 Ngoloa, mtlo xèegà xèegà mxyoꞌf mbii coꞌ nde par ned sur. Mèn coꞌ nzo leꞌn yòoyaaa mbli xtùuz nzoqueꞌ mod tolo xyoꞌf mèn loo níttóꞌ par tolo tyee mèn ned nda mèn. Sya, mtetee mèna yòoyaa. Ngroꞌ mèna loo yòo biiz Cret. Mxyoꞌf mèna loo níttóꞌ xal nda ro yòo biiz Cret par ned mbix huiz.
\v 14 Per ndxepte ndxàc ngroꞌ nuꞌ puert Buenos Puertos, ngroꞌ thìb mbiidóꞌ. Mtlo mbii, mdin mbii yòoyaa. Mbiia mbez mèn lèe Mbii Noreste.
\v 15 Ale mbeꞌ mbii yòoyaaꞌ. Com leꞌ nuꞌ ya neꞌntolode ngác nxyoꞌf loo níttóꞌ por mtauꞌ mbii loo yòoyaa, ale mbláꞌ nuꞌ mbeꞌ mbii yòoyaa ned nda mbii.
\v 16 Mtetee mbii yòoyaa nuꞌ. Mzin nuꞌ axta coꞌteꞌ nziriꞌ tedib yòo biiz chuꞌth leꞌn níttóꞌ coꞌ lèe Claud. Tyareꞌ nguled ya neꞌntolode arid nguin mbii yòoyaa ndxep. Tya añenti mbli nuꞌ gan mteche nuꞌ yòoyaa chuꞌth coꞌ ngue par xís yòoyaa par mblo nuꞌ yòoyaa chuꞌtha leꞌn yòoyaa.
\v 17 Ngolo mblo nuꞌ yòoyaa chuꞌtha leꞌn yòoyaa, mchìꞌx mèn cabl lad yòoyaa par msálꞌ mèn yòoyaa par tataa mod neꞌsilte ol nít yòoyaa. Leque hora, coꞌseꞌ gunèe mèn yamerleꞌ riid yòoyaa coꞌteꞌ inaꞌste arid loo nít thìb lugar coꞌ lèe Sirt, coꞌteꞌ anzeꞌf thìb yux nziriꞌ leꞌn nít, anzeꞌf mzyeb mèna yicàꞌ yòoyaa loo nít. Ale mbláꞌ mèna mbeꞌ mbii yòoyaa ned nda mbii.
\v 18 Coꞌseꞌ ngo nìi izlyoꞌ tedib huiz coꞌ nde nquea, tatabeꞌ fuert ndoo yuu. No nzoꞌf mbii loo nít. Mtlo mèn, mblobii mèn yóꞌ coꞌ nzo leꞌn yòoyaa loo níttóꞌ par xyaꞌx yòoyaa ndxep par neꞌdyepte yòoyaa leꞌn níttóꞌ.
\v 19 Coꞌseꞌ ngo nìi izlyoꞌ tedib huiz coꞌ ngòc mbyon huiz mdoo nuꞌ loo níttóꞌ desde coꞌseꞌ mtlo mxyoꞌf mbii, mtlo nuꞌ, mbloꞌ nuꞌ ryethe conꞌ coꞌ nzo leꞌn yòoyaa. Mblobii nuꞌ rye conꞌ loo níttóꞌ.
\v 20 No mqueltàa thidtene mcuau izlyoꞌ leꞌn huax huiz tant ndoo yuu. Neꞌngácte nghuiꞌ nuꞌ loo huiz. No neꞌngácte nghuiꞌ nuꞌ loo mbyáaz loo béꞌ. Más de cona, anzeꞌf nguin ol níttóꞌ lad yòoyaa por tant thìb mbii coꞌ nxyoꞌf loo níttóꞌ. Por lult, mbli nuꞌ cuent ya neꞌlyáꞌde nuꞌ loo níttóꞌ. Ya nuꞌ looi loo níttóꞌ.
\p
\v 21 No com leꞌ nuꞌ neꞌnghuade dib lal ndxàc conꞌ ryesa loo nuꞌ loo níttóꞌ loo yòoyaa, ¿léꞌ?, ngo too Pab loo mèna. Ndxab Pab:
\p ―Amiu, más huen ngàca loo naꞌ cheleꞌ guꞌ ngòn ron neꞌnga riidte naꞌ ned nziriꞌ yòo biiz Cret par neꞌngàcte yalquìi ndxèꞌ no yaltìi ndxèꞌ loo naꞌ, ndyaquen.
\v 22 Per nalleꞌ na nii loo guꞌ: Neꞌzyebte guꞌ. No neꞌtyoo xàꞌde lezoꞌ guꞌ. Ndxeꞌlequeꞌ, bli guꞌ par yeꞌth lezoꞌ guꞌ. Tac mastaleꞌ ndxàc conꞌ ndxèꞌ loo naꞌ, nec thìb naꞌ neꞌgathte. Aa guneei, mastaleꞌ lyux yòoyaa.
\v 23 Tac náꞌ xhuina mxyoꞌf loo thìb angl cheꞌn Diox, coꞌ mtelꞌ Diox mbiꞌth loon, daa coꞌ nzo loo Diox, loo Diox coꞌ ndlin sirv.
\v 24 Angl gunee loon:
\p ―Neꞌzyebtel, Pab. Lùu naquinqueꞌ ya too loo mbiꞌ coꞌ nac gobiern coꞌ ndub ñibeꞌ ciuda Rom. No por cón cheꞌnl, Diox teláꞌqueꞌ ryete guꞌ coꞌ nzo loo yòoyaa par neꞌgathte guꞌ loo níttóꞌ.
\p
\v 25 Por cona, ngue niin loo guꞌ: Amiu, bli guꞌ par yeꞌth lezoꞌ guꞌ tac daa ndxelaz loo Diox no ndxàpen yalxlaꞌs loo Diox leꞌ Diox li gàcqueꞌ conꞌa loo naꞌ xalqueꞌ gunee angl diꞌsa loon.
\v 26 No que nzo neꞌñee lezoꞌ naꞌ, ryoꞌ naꞌ loo yòoyaa gaxte coꞌteꞌ nziriꞌ thìb yòo biiz par xyoꞌf naꞌ loo níttóꞌ par ryoꞌ naꞌ loo yòo biiz.
\p
\v 27 Coꞌseꞌ ngolo chop sman mxyoꞌf nuꞌ loo nít, ngroꞌ ziꞌf nuꞌ thìb lugar loo níttóꞌ coꞌ lèe Adr tac mbeꞌ mbii yòoyaa thìb lad tedib lad. Coꞌseꞌ nde yáal gulal yálꞌ, mdaꞌ mèn coꞌ ntetee yòoyaa cuent leꞌ yòoyaa nda yiziꞌfleꞌ gax ro yòo biiz leꞌn níttóꞌ.
\v 28 Tya mchìꞌx mèn, coꞌ ntetee yòoyaa loo níttóꞌ par ñee mèna pló naꞌs nzi nít par xànꞌ loo yòo. No coꞌseꞌ mbloꞌ xaꞌ dóꞌ coꞌ mblàa xaꞌ leꞌn níttóꞌ, pente nzi nít par xànꞌ loo yòo gal psiꞌ pson metr no maste. Mdee nuꞌ taandxep más delant. Tya mbere mèn coꞌ ntetee yòoyaa, mblàa mèna dóꞌ leꞌn níttóꞌ tedib vez. Mchìꞌx mèna nít par ñee mèna pló naꞌs nzi nít par xànꞌ loo yòo. Coꞌseꞌ mbloꞌ mèna dóꞌ leꞌn nít, pente nzi nít loo yòo gal bgaz metr, no maste.
\v 29 No por mzyeb nuꞌ yiziꞌf yòoyaa loo quèe, mblàa mèn coꞌ ntetee yòoyaa thap ancl coꞌ ngue par ned xís yòoyaa par ngo too yòoyaa loo nít. No nzi bed nuꞌ no nxi lezoꞌ nuꞌ coyor yinìi izlyoꞌ no cón gàc loo nuꞌ.
\v 30 Látha, mèn coꞌ ntetee yòoyaa mbli xtùuz lyáꞌ mèna loo yòoyaa, coꞌ nee diꞌs, xyonꞌ mèna loo yòoyaa loo níttóꞌ. No por cona, mblàa mèna yòoyaa chuꞌth coꞌ nzo leꞌn yòoyaa loo níttóꞌ par yòo mèna loo yòoyaa chuꞌtha par xyonꞌ mèna. Mbli mèna tataa xal mèn coꞌ neꞌñeede xal mèn coꞌ nda làa ancl coꞌ ngue ned xís loo yòoyaa leꞌn níttóꞌ.
\v 31 Per Pab mbli avis loo capitán cheꞌn solndad. No mbli Pab avis loo solndad cheꞌn capitán. Ndxab Pab loo capitán no loo solndad:
\p ―Cheleꞌ mèn coꞌ ntetee yòoyaa neꞌtolode yanꞌ loo yòoyaa, yende mod lyáꞌ guꞌ loo conꞌ ryes coꞌ ndxàc loo naꞌ ndxèꞌ.
\p
\v 32 Sya, mchoꞌ solndad cabl coꞌ natedó yòoyaa chuꞌth. Mblobii solndad yòoyaa chuꞌtha leꞌn níttóꞌ.
\p
\v 33 Ngóol coyor cuar, ndxab Pab loo ryete mèn coꞌ nzo loo yòoyaa naquinqueꞌ hua mèn mase sa pan. No ndxab Pab:
\p ―Ndxàcleꞌ chop sman tarte gàt guꞌ no tarte hua guꞌ, cara. Ftaꞌ guꞌ fuerz dhua guꞌ mase sa pan par xec guꞌ.
\v 34 Cona, ngue bezen loo guꞌ: Ftaꞌ guꞌ fuerz. Dhua guꞌ. Anzeꞌf naquin hua naꞌ, ndyaquen, par xec naꞌ lyáꞌ naꞌ loo conꞌ ryes nabaꞌ. Tac de loo rye naꞌ coꞌ nzo loo yòoyaa ndxèꞌ, nec thìb naꞌ neꞌgathte no neꞌlyuxte.
\p
\v 35 Coꞌseꞌ ngolo ndxab Pab tataa loo rye mèn coꞌ nzo loo yòoyaa, mxen Pab sa pan. No ndxab Pab: Diox quix Uꞌ, Tad Diox, loo ryete mèna. Ngoloa, mtlo Pab, nduhua Pab.
\v 36 Látha, ale rye mèna mbyeꞌth lezoꞌ. No ndyac lezoꞌ mèna nduhua mèna, ne.
\v 37 Ryete nuꞌ coꞌ ngo leꞌn yòoyaa tiempa ngòc chop ayo nzo ayon psiꞌ fxop nuꞌ por loo rye nuꞌ.
\v 38 Coꞌseꞌ ngolo nduhua mèna axta plóthe mblyaꞌs mèna, mxen mèn sac triu. Mblobii mèn sac triu leꞌn níttóꞌ par tolo xyaꞌx loo yòoyaa.
\s Luc ngue taꞌ cuent leꞌ yòoyaa mdyep leꞌn nít.
\p
\v 39 Coꞌseꞌ ngo nìi izlyoꞌ huiza, mèn coꞌ ntetee yòoyaa neꞌtaꞌde cuent chó lèe yòo biiz coꞌteꞌ mzin nuꞌ. Per gunèe mèna nziriꞌ thìb puert chuꞌth tya coꞌteꞌ nac thìb play más nabeꞌs. Mdoo lezoꞌ mèna ñeeneꞌ chéꞌ nzo mod zii mèna yòoyaa ro playa.
\v 40 Mchoꞌguth mèna cabl coꞌ nden ancl. Mbláꞌ mèna mbyanꞌ ancl leꞌn níttóꞌ. Sya, mteleꞌ mèna dóꞌ cheꞌn timón coꞌ mbli mèna us par ntetee mèna yòoyaa. Sya, mqueꞌ mèna larꞌ lad yòoyaa ned nac loo yòoyaa. Sya, xèegà xèegà mbli mèna gan mtetee mèna yòoyaa ro play.
\v 41 Per nde nxonꞌ, ale ngoziꞌf yòoyaa coꞌteꞌ ndxàc chop loo níttóꞌ. Leꞌ yòoyaa na, ngo tub càꞌ leꞌn yux ro playa. Ale ngo tub càꞌ ned loo yòoyaa leꞌn yux ro play. ¿Chó mèn gác cuin mase chuꞌth yòoyaa? Thidtene ngo tub càꞌ yòoyaa. Leꞌ par ned xís yòoyaa na, mtlo ngroꞌ bil con golp coꞌ nguin ol níttóꞌ.
\v 42 Láth ndxàc conꞌa loo yòoyaa, ale mblyaꞌs solndad nguth solndad rye pres par neꞌlyáꞌde pres no par neꞌxonꞌte nec thìb pres coꞌseꞌ xyoꞌf pres loo nít.
\v 43 Per capitán coꞌ ñibeꞌ loo solndad mblyaꞌs lyáꞌ Pab no yende cón tolo gàc loo Pab. Neꞌnglaꞌde capitán ngli solndad tataa loo pres. Ndxeꞌlequeꞌ, mnibeꞌ capitán loo rye mèn coꞌ nzo loo yòoyaa leꞌ ryete mèn coꞌ ndxác nxyoꞌf loo nít, xyoꞌf mèna loo nít par ryoꞌ ner mèna loo yòo biiz.
\v 44 Leꞌ mèn coꞌ neꞌngácte nxyoꞌf loo nít na, mèna más huen xyoꞌf loo nít loo pedas tabl cheꞌn yòoyaa coꞌ ngroꞌ bil par tataa mod lyáꞌ ryete mèn, ryoꞌ mèna loo yòo biiz. Por lult, tataa mbli ryete mèna par ngroꞌ mèna loo yòo yiiz. Neꞌngathte no neꞌngluxte nec thìb mèna.
\c 28
\s Pab ngo ndxep huiz loo yòo biiz coꞌ nziriꞌ leꞌn níttóꞌ coꞌ lèe Malt.
\p
\v 1 Coꞌseꞌ gunee nuꞌ ngololeꞌ mblyáꞌ ryete nuꞌ loo conꞌ ryes loo níttóꞌ, mdaꞌ nuꞌ cuent leꞌ loo yòo biiz coꞌ nziriꞌ leꞌn nít coꞌteꞌ ngroꞌ nuꞌa lèe Malt.
\v 2 Mèn coꞌ nac mèn yòo biiz Malt anzeꞌf mbli cas nuꞌ. Mtolꞌ prob mèna quìi. Mtoocuaꞌ mèna yaa loo quìi par ngo too bèel par biiz nuꞌ no par tecuiꞌs nuꞌ xab nuꞌ tant ngoz nuꞌ no tant ndxàl nuꞌ por tant ndoo làa yuu. Sya, ngurez mèna nuꞌ par ngua biiz nuꞌ ro dii.
\v 3 Látha, no tee Pab ngua cuaꞌn ndxep yaa coꞌ más nabiiz taachuꞌth. Ndyeꞌth no Pab yaaa. No láth ngue tecuaꞌ Pab yaaa loo quìi, chàa, ngro xonꞌ thìb mbelꞌ coꞌ lèe huid xiꞌth yaaa por mdenꞌ huid rsoꞌ cheꞌn quìi. Coꞌseꞌ mdenꞌ Pab leꞌ huid mquele yaꞌ Pab, ale ngue tal huid yaꞌ Pab tant fuert mquele huid yaꞌ Pab.
\v 4 Coꞌseꞌ gunèe mèn yòo biiz Malt ngue tal huid yaꞌ Pab, ndxab mèna loo thìb xtàa mèn no loo tedib xtàa mèn:
\p ―¿Chéꞌ ndyac guꞌ leꞌ mbiꞌ baꞌ nac thìb mbiꞌguth mèn, léꞌ? Mastaleꞌ mblyáꞌ mbiꞌ loo níttóꞌ, per Diox neꞌlaꞌde tolo ban mbiꞌ conꞌa mquele huid mbiꞌ. Nase gath mbiꞌ, como quer.
\p
\v 5 Leꞌ Pab na, ale, mzib Pab yaꞌ Pab loo quìi par ngulàa huid loo quìi. No ale yende cón mxac Pab.
\v 6 Leꞌ ryete mèn coꞌ nzi huiꞌa na, nzi bed mèna ñeeneꞌ coyor lyàa quìi yaꞌ Pab. No nzi bed mèn ñeeneꞌ coyor gath Pab. Per dib lal nzi bed mèn, ñèe mèn yende cón ndyac Pab. Sya, mseꞌ mèn xtùuz mèn. Ndxab mèn loo xtàa mèn:
\p ―Pab nac thìb diox, cara.
\p
\v 7 Gaxte tya nziriꞌ ranch cheꞌn thìb mbiꞌ coꞌ nac jef loo mèn yòo biiza. Mbiꞌa lèe Publ. Mbiꞌa mdaꞌ lugar ngòo nuꞌ liz mbiꞌ. No mdaꞌ mbiꞌ conꞌ nduhua nuꞌ no conꞌ ngu nuꞌ leꞌn son huiz coꞌ nguled nuꞌ liz mbiꞌ.
\v 8 Nde nxonꞌ, nax yíiz xud mbiꞌ, coꞌ lèe Publ, con xléꞌ no con yíizbren. Pab ngua too naa xud mbiꞌ liz xud mbiꞌ. Ngurez Pab Diox por cón cheꞌn xud mbiꞌ. Ngoloa, mxoꞌf Pab yaꞌ Pab lad xud mbiꞌ. Ale mteyac Diox mbiꞌ.
\v 9 Coꞌseꞌ ñèe mèn no coꞌseꞌ mbìn mèn yòo biiza tataa mbli Diox por cón cheꞌn Pab, ngua taamas mèn coꞌ ndyac yíiz loo Pab. Mteyac Diox mèna por cón cheꞌn Pab, ne.
\v 10 No ale anzeꞌf mbli mèna conꞌ guryath no conꞌ guryèn loo nuꞌ leꞌn huiz coꞌ ngo nuꞌ loo yòo biiza. No anzeꞌf mbli mèna cas nuꞌ. No coꞌseꞌ gunèe mèna ngòo nuꞌ leꞌn tedib yòoyaa par xyoꞌf nuꞌ loo níttóꞌ tedib vez, mdaꞌ mèna gast coꞌ naquin nuꞌ par tolo xyoꞌf nuꞌ loo níttóꞌ axta zin nuꞌ coꞌteꞌ nda nuꞌ.
\s Trèꞌ ndluꞌ leꞌ Pab mzinleꞌ ciuda Rom.
\p
\v 11 Mbyanꞌ nuꞌ son mbeꞌ yòo biiz Malt. Ngoloa, ngòo nuꞌ loo thìb yòoyaa cheꞌn mèn coꞌ ngua riid tiemp xìl loo níttóꞌ ro play cheꞌn yòo biiz Malt. Yòoyaaa ngòc cheꞌn mèn ciuda Alejandri. Lad yòoyaaa ngue gunab cheꞌn chop dioxpeꞌ mèn, diox coꞌ lèe Cástor no tedib diox coꞌ lèe Pólux. Mxyoꞌf nuꞌ loo níttóꞌ. Nda nuꞌ axta mzin nuꞌ coꞌteꞌ nda nuꞌ.
\v 12 Be taa be taa nda xoꞌf nuꞌ loo níttóꞌ axta mzin nuꞌ tedib puert coꞌ nziriꞌ ro nít. Puerta lèe Siracus. Puerta mbyanꞌ nuꞌ son huiz.
\v 13 Ngroꞌ nuꞌ tya. Tolo mxyoꞌf nuꞌ loo níttóꞌ tedib vez. Nguriꞌth nuꞌ gax ro xyòn mèn cheꞌn làaz mèn silis axta mzin nuꞌ tedib puert coꞌ nziriꞌ ro nít. Puerta lèe Reg. Tya mbyanꞌ nuꞌ thìb yálꞌ. Coꞌseꞌ ngo nìi izlyoꞌ tedib huiz coꞌ nde nque, mchep mbii coꞌ nde ned sur nuꞌ. Be taa nda xoꞌf nuꞌ loo níttóꞌ. No be taa mchep mbii nuꞌ dib yálꞌ axta mzin nuꞌ tedib puert coꞌ nziriꞌ ro níttóꞌ tedib huiz coꞌ nde nquea. Puerta lèe Puteol.
\v 14 Tya mzyálꞌ nuꞌ ndxèp mèn coꞌ ndxàc hues nuꞌ por cón cheꞌn Jesucrist. Mèna mnaꞌb loo nuꞌ par yanꞌ nuꞌ con mèna thìb sman. Ngolo nguriꞌth thìb sman, axta syareꞌ, por derech, mdoo nuꞌ ned loo yòo biiz par nda nuꞌ ciuda Rom.
\v 15 Mèn coꞌ ndxàc hues nuꞌ por cón cheꞌn Jesucrist coꞌ nqueltàa ciuda Rom nonleꞌ leꞌ nuꞌ zin. Ngroꞌ mèna par mbiꞌth càa ned mèna nuꞌ. Ndxep mèn mbiꞌth càa ned nuꞌ axta thìb yèez coꞌ lèe Son Cantin. Leꞌ taamas mèn na, mbiꞌth càa ned nuꞌ axta coꞌteꞌ nziriꞌ thìb yèez coꞌ neꞌ lèe Xbiꞌ Cheꞌn Rey Api. Coꞌseꞌ gunèe Pab nde mèna, ndxab Pab: Ay, Dioꞌs. Diox quix Uꞌ, Diox, loo Diox. No anzeꞌf mbyeꞌth lezoꞌ Pab tac mzin Pab ciuda Rom no yende cón ngòc loo Pab ned nde Pab.
\v 16 Coꞌseꞌ mzin nuꞌ ciuda Rom, capitán coꞌ ñibeꞌ loo solndad coꞌ nda no nuꞌa mdaꞌ rye pres loo jef coꞌ ñibeꞌ loo solndad coꞌ nquenap palas. Leꞌ loo Pab na, mdaꞌ jef thìb lugar xàꞌ par ngo ban Pab. Ante mnibeꞌ jef loo thìb solndad par mquenap solndad Pab.
\s Pab mblo yalbàn loo mèn ciuda Rom.
\p
\v 17 Coꞌseꞌ ngolo nguriꞌth son huiz mzin Pab Rom, mbli Pab mandad par mqueltàa rye mèngool coꞌ ñibeꞌ, no coꞌ ndyoo ner, no coꞌ ndyoo naa loo mèn nación Israel coꞌ nzo ban ciuda Rom loo Pab. Coꞌseꞌ mqueltàa rye mèna, ndxab Pab loo mèna:
\p ―Guꞌ coꞌ nac mèn gulàaz daa coꞌ nac mèn nación daa, nde tan cuent loo guꞌ: Mastaleꞌ yende cón mblin loo mèn nacionpeꞌ naꞌ no neꞌ neꞌ ngacloon gunèen mèna por costumbr coꞌ mbed no xudgool naꞌ más póla, mastaleꞌ neꞌngliden tataa, mdaꞌxùꞌ mèn nación Israel daa loo mèn ciuda Rom ndxèꞌ xal thìb pres láth nzon ciuda Jerusalén.
\v 18 Coꞌseꞌ ngolo noo noo mnibdiꞌs mèna loon cópeꞌ ngue tee lin, mblyaꞌs mèna ngláꞌ mèna daa tac yende cón mbli par ncàb nguth mèna daa.
\v 19 Per mèn nación Israel sate más ngocloo gunèe daa no neꞌndalte mèna ngláꞌ gobernador, coꞌ lèe Fest, daa. Por lult, ndxaben loo Fest coꞌ nac gobernador: Más huen tub rez gobiern coꞌ ndub ciuda Rom ndxèꞌ cón chenen mastaleꞌ yende por cón ndli quexùꞌen queꞌ falsen mèn coꞌ nac mèn nación daa.
\v 20 Por cona, mblin mandad ndyeꞌth guꞌ loon par huiꞌen loo guꞌ no par tan cuent loo guꞌ cón chenen. Tac ante por ndub quee lezoꞌ ryete naꞌ coꞌ nac mèn nación Israel leꞌ mèn nguth ryo xban, por conate mbli ndub dóꞌ mèn yan con caden coꞌ natedóꞌ yan xal ngue huiꞌ guꞌ loon nalleꞌ.
\p
\v 21 Sya, ndxab mèna loo Pab:
\p ―Pab, axta nalleꞌ tarte càayaꞌ nuꞌ nec thìb cart coꞌ nac cart cheꞌn mèn gulàaz mèn jude coꞌ ndaꞌ cuent no coꞌ ndluꞌ cón cheꞌnl. Neꞌ neꞌ tar yiꞌth nec thìb mèn nación Israel coꞌ ndxàc xtàa naꞌ trèꞌ par taꞌ mèna cuent cón cheꞌnl loo nuꞌ trèꞌ.
\v 22 Per nalleꞌ nuꞌ ndlyaꞌs gòn cuent coꞌ ndlyaꞌsl ñeel loo nuꞌ tac nuꞌ nanee rye ned nazab ñii yèe ñii tìi mèn cón cheꞌn xleyꞌ cheꞌn diꞌs ndac coꞌ nac tedib leyꞌ cub.
\p
\v 23 Sya, ndxab mèn loo Pab: Ndxèꞌ huiz queltàa nuꞌ trèꞌ, tá.
\p Huiza, mqueltàa huax mèn loo Pab coꞌteꞌ nzo Pab. Sya, xtilꞌlequeꞌ mtlo Pab, mdoodiꞌs Pab loo mèna axta mzyèleꞌ izlyoꞌ cón cheꞌn xá mod ndlyaꞌs Diox ñibeꞌ Diox loo mèn. Tataa mbli Pab tac Pab ndxab loo lezoꞌ Pab tataa mod li Pab gan gàc nadoꞌ mèna par tyal mèn gòn mèn no yilaꞌs mèn loo Jesús no yòo mèn loo cón cheꞌn Jesús. Mdoodiꞌs no Pab mèna xalqueꞌ nac diꞌs coꞌ ndub loo libr coꞌ mqueꞌ Moisés yeꞌs no xalqueꞌ nac diꞌs coꞌ ndub loo libr coꞌ mqueꞌ mèn coꞌ mdeꞌth diꞌs coꞌ ndxab Diox yeꞌs.
\v 24 Làth xtauꞌa, ngo ndxep mèn coꞌ mdyal mbìn diꞌs no ngolaꞌs mèna coꞌ ndxab Pab. No ngo taamas mèn coꞌ neꞌndalte ngalaꞌs diꞌs coꞌ ndxab Pab.
\v 25 Per com leꞌ mèna neꞌngàcte thidte par ngòn mèn diꞌs no ngalaꞌs mèn diꞌs coꞌ ndxab Pab, mtlo mèna, mbii mèna. Sya, ndxab Pab loo mèna:
\p ―Aa, mèn nación Israel. Huenqueꞌ nac diꞌs coꞌ mdoodiꞌs no Xpii Natúꞌ mèn coꞌ ngòc xudgool naꞌ por ro Sayi coꞌ mdeꞌth diꞌs coꞌ ndxab Diox coꞌseꞌ ndxab Diox gab Sayi taandxèꞌ loo xudgool naꞌ:
\pi1
\v 26 Huàa no guuz loo mèn nación Israel: Mastaleꞌ nzi yòn guꞌ diꞌs coꞌ mdaꞌ Diox cuent loon par tan cuent cón cheꞌn diꞌsa loo guꞌ, per thidtene neꞌtaꞌde guꞌ cuent cón ngue nii Diox loo guꞌ. No mastaleꞌ ngue huiꞌ guꞌ ryethe yalguzyeꞌ roo yalguzyeꞌ xèn coꞌ nde teeleꞌ ndli Diox loo guꞌ no conꞌ ndac coꞌ nde teeleꞌ ndli Diox loo guꞌ, indaꞌde guꞌ cuent Diox nac xaꞌ coꞌ ngue li conꞌa loo guꞌ.
\pi1
\v 27 Mèn nación Israel thidtenequeꞌ neꞌndaꞌde cuent no neꞌ neꞌ indxòn mèna cón nac coꞌ mbez Diox loo mèn tac mèna thidtene nzi cuau yéc no nzi cuau lezoꞌ mèna loo cón cheꞌn Diox. No ngòc naad no ngòc nguud xtùuz no lezoꞌ mèna loo cón cheꞌn Diox. Cona, coꞌseꞌ ndxòn mèna cón cheꞌn Diox, ale nazab ndenꞌ mèna leꞌn lezoꞌ mèna cón cheꞌn Diox. No nac mèna xal mèn coꞌ nauꞌ ngudloo par neꞌtaꞌde mèna cuent leꞌ mèna ngue huiꞌ loo conꞌ nde teeleꞌ ngue li Diox loo mèna. Mbli Diox loo mèna xal thìb mèn coꞌ ncuau ngudloo no xal thìb mèn coꞌ ncueꞌ nza. No tataaguèꞌ mbli Diox loo mèn nación Israel ngòc naad no ngòc nguud xtùuz no lezoꞌ mèn nación Israel. Mbliguèꞌ Diox loo mèn nación Israel, ne, par ya neꞌberede mèn nación Israel yòo mèna loo cón cheꞌn Diox par li Diox tyub xnìi yéc mèna no par tyub xnìi lezoꞌ mèna loo cón cheꞌn Diox.
\m
\v 28 Cona, ngue niin loo guꞌ, cara: Desde nalleꞌ par delant, daa ga loo mèn coꞌ inacte mèn nación Israel par tan cuent loo mèna cón cheꞌn xá mod lyáꞌ mèna loo conꞌ ryes. No ngobeꞌen peser tyal mèna gòn mèna diꞌs coꞌ tan cuent loo mèna.
\p
\v 29 Coꞌseꞌ ngolo ndxab Pab diꞌsa loo mèn nación Israel coꞌ mqueltàa loo Pab, mxen mèna ned, ndyàa mèna. No be taa noo noo ndyoodiꞌs mèna cón cheꞌn Pab no cón cheꞌn diꞌs coꞌ ndxab Pab ned ndyàa mèna.
\p
\v 30 Leꞌ Pab na, sangmbyanꞌ chop línꞌ complet liz mèn coꞌteꞌ ngòc liz Pab coꞌ mteche Pab loo mèn par ngo ban Pab. Làth xtauꞌa, ndyac lezoꞌ Pab con rye mèn coꞌ ndyee too naa Pab liz Pab.
\v 31 Con dibaxlaꞌs mdoodiꞌs Pab no ndeꞌth Pab cón cheꞌn xá mod ndlyaꞌs Diox ñibeꞌpeꞌ Diox loo mèn. No ndluꞌ Pab cón cheꞌn Tad Jesucrist loo mèn. No yende chó mèn ncaꞌ no ntauꞌ mèn loo Pab coꞌseꞌ ndyoodiꞌs Pab no ndaꞌ Pab cuent cón cheꞌn Tad Diox loo mèn. Leꞌn tiemp coꞌ ngo Pab ciuda Rom, yende chó mèn mbee ncaꞌ Pab no yende chó mèn ncàꞌ loo Pab dib lal ngo Pab ciuda Rom.