\id HEB
\ide UTF8
\h HEBREOS
\toc1 HEBREOS
\mt Cart Coꞌ Mcàayaꞌ Mèn Nación Israel, Mèn Coꞌ Ngòc Mèn Coꞌ Mbryeꞌs Pál
\c 1
\s Diꞌs ndxèꞌ ndluꞌ leꞌ Diox mdoodiꞌsleꞌ no mdaꞌ Diox cuent loo mèn cón cheꞌn Jesucrist, xganꞌ Diox.
\p
\v 1 Diox mdoodiꞌsleꞌ huax vez thìb mod no tedib mod loo mèn coꞌ ngòc xudgool naꞌ póla por ro mèn coꞌ mdeꞌth diꞌs coꞌ ndxab Diox tiempa.
\v 2 Per leꞌn lult tiemp coꞌ nde nque ndxèꞌ Diox mdoodiꞌsleꞌ loo naꞌ por ro xganꞌpeꞌ Diox coꞌ nac Jesucrist. Diox mdoo xganꞌpeꞌ Diox par mbyanꞌ no xganꞌpeꞌ Diox alux conꞌ. Por cón cheꞌn leque xganꞌpeꞌ Diox, Diox mxènꞌ no mblec Diox izlyoꞌ no béꞌ no alux taamas conꞌ coꞌ nziriꞌ.
\v 3 Leque yub xganꞌpeꞌ Diox nquée xnìi tínꞌ no ndxáꞌth bèel xganꞌpeꞌ Diox lalqueꞌ xal nquée xnìi tínꞌ Diox no ndxáꞌth bèel Diox. Nacqueꞌ xganꞌpeꞌ Diox xalqueꞌ nac Diox. Ngue tènꞌ xganꞌpeꞌ Diox ryete conꞌ xalqueꞌ nac ryethe conꞌ roo no conꞌ xèn coꞌ nzo laꞌs nii xganꞌpeꞌ Diox no coꞌ nzo laꞌs yaꞌ xganꞌpeꞌ Diox. Coꞌseꞌ ngolo mtonꞌ xganꞌpeꞌ Diox xtol naꞌ, syareꞌ mdub Diox xganꞌpeꞌ Diox cuat Diox, Diox coꞌ nac Diox roo no Diox xèn tínꞌ coꞌ ndub axta gáp loo béꞌ. Tataa mbli Diox par ñibeꞌ xganꞌpeꞌ Diox loo alux conꞌ.
\s Trèꞌ ndluꞌ leꞌ Jesucrist coꞌ nac xganꞌ Diox más ñibeꞌ leque rye angl.
\p
\v 4 Nac xganꞌpeꞌ Diox más mbiꞌ roo no mbiꞌ xèn loo ryethe angl axta mdub lèe Diox Jesús, xganꞌ Diox, tedib lèe coꞌ nac más lèe roo no lèe xèn leque lèe chol angl.
\v 5 ¿Xá nee guꞌ? ¿Chéꞌ nzo chó loo angl ndxab Diox:
\pi1 Lùu nac xganꞌpeꞌ daa,
\m àꞌ? Yende, ¿léꞌ? No ¿chéꞌ nzo chó loo angl ndxab Diox:
\pi1 Nalle ngòc daa yub xud lùu, ne,
\m àꞌ? Yende xàa, ¿lé? No ¿chéꞌ nzo chó loo angl ndxab Diox:
\pi1 Gàc daa xud lùu. Leꞌ lùu na, gàc xganꞌ daa,
\m àꞌ? Yende xàa, ¿léꞌ?
\v 6 Tedib vez coꞌseꞌ mtelꞌ Diox xganꞌ Diox loo izlyoꞌ par gàc xganꞌ Diox xal hues ndlyo loo mèn coꞌ yilaꞌs loo cón cheꞌn Diox por cón cheꞌn xganꞌ Diox coꞌ nac Crist yiloa, mnibeꞌ Diox:
\pi1 Ryete angl cheꞌn Diox li conꞌ guryath no conꞌ guryèn loo xganꞌ Diox coꞌ nac Crist.
\m
\v 7 Leꞌ cón cheꞌn angl na, ndxab Diox:
\pi1 Leꞌ Diox ndli leꞌ angl ndxàc xal mbii. No ndli Diox leꞌ moz Diox coꞌ nac leque angl ndxàc quìi bèel.
\m
\v 8 Per ndxeꞌlequeꞌ, Diox gunii cón cheꞌn xganꞌ Diox taandxèꞌ:
\pi1 Xganꞌ, lùu coꞌ nac Diox xal daa, bnibeꞌ loo alux conꞌ leꞌn línꞌ coꞌ ntlo, no leꞌn línꞌ coꞌ ndxelo, no leꞌn línꞌ coꞌ neꞌlith node. Lùu, Xganꞌ, nalì no nambìi ñibeꞌl loo alux conꞌ, ndee.
\pi1
\v 9 No nqueꞌqueꞌ lezoꞌl ñèel mèn coꞌ ante ndli conꞌ coꞌ nac conꞌ nalì no conꞌ coꞌ nac conꞌ nambìi. No ndxòo xyàn lezoꞌl ñèel mèn coꞌ ndli chol conꞌ yeꞌrsinꞌ. Por cona, daa coꞌ nac Dioxpeꞌ lùu, angmblin leꞌ lùu sate tolo ndyac lezoꞌ leque taamas xtàal coꞌ nzo.
\m
\v 10 Tolo ndxab Diox loo xganꞌ Diox:
\pi1 Lùu, Tad, coꞌseꞌ nerlequeꞌ mblecl no mxènꞌl alux conꞌ, mxènꞌl izlyoꞌ. Leꞌ béꞌ na, nac xal thìb zinꞌ coꞌ mxoꞌf zinꞌ lùu.
\pi1
\v 11 Ryete conꞌa lyux per lùu thidtenequeꞌ ndxanꞌ. No thidtenequeꞌ nzol. Rye loothe conꞌ coꞌ nziriꞌ, leꞌi gàꞌx xal ndxàꞌx thìb xab mèn.
\pi1
\v 12 No cosuaꞌl béꞌ no izlyoꞌ, coꞌ nee diꞌs, rye loothe conꞌ coꞌ mxènꞌl no mblecl xal nthùuz mèn thìb laris coꞌseꞌ ngosuaꞌ mèn laris. Huiza zyeꞌ loo ryethe conꞌa. Per lùu thidtene neꞌzyeꞌde. Neꞌ neꞌ lyuxl. Neꞌ neꞌ lith nol.
\m
\v 13 Yende chó loo angl tolo ndxab Diox:
\pi1 Ftub cuaten axtaqueꞌ lin leꞌ ryete mèn coꞌ nac ngolo ngolaꞌs cheꞌnl gàc mèn nadoꞌ lool.
\m
\v 14 ¿Chéꞌ inacte rye angl xpii coꞌ nxoꞌf zinꞌ no coꞌ ndli mandad loo Diox, àꞌ? Lìca, Diox ntelꞌ angl par lyath no angl mèn coꞌ lyáꞌ loo conꞌ ryes, mèn coꞌ ban no Diox thidtene.
\c 2
\s Diꞌs ndxèꞌ ndluꞌ thidtenequeꞌ quenap mèn mèn loo cón cheꞌn Diox tac mèn nac mèn coꞌ mblyáꞌleꞌ loo ryethe conꞌ ryes no conꞌ yeꞌrsinꞌ.
\p
\v 1 Por cona, ndxàalqueꞌ li naꞌ cas no tyub nza naꞌ loo conꞌ mbìn naꞌ tac neꞌstreꞌfqueꞌ tyoo xàꞌ lezoꞌ naꞌ loo cón cheꞌn diꞌs ndac cheꞌn Diox coꞌ mbìnleꞌ naꞌ.
\v 2 Tac yalbàn coꞌ mblo angl más póla mbli nèequeꞌ cón cheꞌn Diox loo mèn. Leꞌ sya, mèn coꞌ mcuaꞌn xquin no xtol no mèn coꞌ neꞌndubdiꞌste dis coꞌ mblo angl yalbàna, nalìqueꞌ no nambìiqueꞌ mtetìi Diox mèna por cón cheꞌn conꞌ yeꞌrsinꞌ coꞌ mbli mèna tiempa. Por cona,
\v 3 ¿xá mod lyáꞌ naꞌ loo conꞌ ryes cheleꞌ naꞌ neꞌlide cas xá mod nteláꞌ Diox mèn loo conꞌ ryes coꞌ nac mod roo no mod xèn, syaꞌ? Loo cón cheꞌn conꞌa ner Tad Crist mtlo mblo yalbàn loo mèn. Mèn coꞌ mbìn diꞌs coꞌ gunii Tad Crist loo mèna, mèna mbli nèe mèna loo cón cheꞌn Crist. Ngoloa, mblo mèna yalbàn cón cheꞌn Tad Crist loo nuꞌ.
\v 4 Tataa mod Diox mbluꞌ loo mèn lìcqueꞌ nac diꞌs cheꞌn diꞌs ndac coꞌ mblo mèna yalbàn tac Diox mbli huax señ no yalguzyeꞌ no conꞌ coꞌ nac conꞌ roo no conꞌ xèn loo mèna. Làth xtauꞌa, mblàa Diox Xpii Natúꞌ loo mèn coꞌ ngolaꞌs xal gunee lezoꞌ Diox.
\s Jesucrist ngòc xal thìb hues naꞌ, naꞌ coꞌ ndxelaꞌs loo Diox por cón cheꞌn Jesucrist.
\p
\v 5 Neꞌngnibeꞌde Diox lezoꞌ Diox too Diox chol angl par ñibeꞌ angl loo izlyoꞌ ndxèꞌ leꞌn tiemp coꞌ yiꞌth nque. Cón cheꞌn tiempa ngue toodiꞌs naꞌ.
\v 6 Póla ngo thìb mbiꞌ coꞌ mdeꞌth diꞌs coꞌ ndxab Diox. Ndxab mbiꞌa:
\pi1 ¿Cón ntac mèn izlyoꞌ par nteꞌ lezoꞌ Uꞌ cón cheꞌn mèn izlyoꞌ, àꞌ, Tad? Yende cón ntac mèn loo Uꞌ, ¿léꞌ?, Tad.
\m No ndxab mbiꞌa:
\pi1 ¿Cón ntac mèn izlyoꞌ leꞌ Uꞌ yiꞌth too naa mèna, àꞌ, Tad? Yende cón ntac mèn izlyoꞌ, Tad.
\pi1
\v 7 Uꞌ, Diox, mblec mèn loo izlyoꞌ no mxènꞌ Uꞌ mèn loo izlyoꞌ par gàc mèna mèn beꞌthe loo angl. Uꞌ mbli ngòc conꞌ guryath no conꞌ guryèn no conꞌ roo no conꞌ xèn loo mèn loo izlyoꞌ.
\pi1
\v 8 Mdaꞌ Uꞌ lugar loo mèn loo izlyoꞌ ñibeꞌ mèna loo ryethe conꞌ coꞌ mblec Uꞌ no coꞌ mxènꞌ Uꞌ loo izlyoꞌ. Uꞌ, Diox, mbli leꞌ ryete conꞌ ndubdiꞌs no ngòc nadoꞌ loo mèn loo izlyoꞌ.
\m Coꞌseꞌ mbli Diox leꞌ ryete conꞌ ngòc nadoꞌ loo mèn loo izlyoꞌ, yende chó conꞌ nzo coꞌ neꞌngàcte nadoꞌ loo mèna. Per axta nalleꞌ tarte huiꞌ naꞌ leꞌ ryete conꞌ ndxàc nadoꞌ loo mèn.
\v 9 Per naꞌ naneequeꞌ no nonqueꞌ naꞌ cón cheꞌn Jesús. Jesús ngòc beꞌthe loo rye angl. Diox mbli par ngòc Jesús xaꞌ roo no xaꞌ xèn no ngòc conꞌ guryath no conꞌ guryèn loo Jesús tac mdenꞌ Jesús cón cheꞌnpeꞌ naꞌ coꞌseꞌ mdenꞌ Jesús yalnè no yaltìi por cón cheꞌn yalguth coꞌ mquée loo Jesús. Gunee lezoꞌ Diox mquée yalguth loo Jesús por cón cheꞌn ryete mèn.
\p
\v 10 Diox mxènꞌ ryete conꞌ no ngue tèn Diox ryete conꞌ. Diox mblyaꞌs que no Diox huax xinꞌ Diox loo yòobaꞌ. Por cona, mquinqueꞌ mxactìi Jesús axta nguth Jesús par ngòp Jesús conꞌ laꞌs nii Jesús no laꞌs yaꞌ Jesús par mteláꞌ Jesús mèn loo conꞌ ryes, mèn coꞌ mdyal yilaꞌs loo Jesús.
\v 11 Jesús coꞌ ngoꞌ xàꞌ mèn loo cón cheꞌn xab izlyoꞌ par gàc mèna cheꞌnpeꞌ Diox, no mèn coꞌ ngroꞌ xàꞌ loo cón cheꞌn xab izlyoꞌ par gàc mèna cheꞌnpeꞌ Diox, ryop ned Jesús mèna thidte nac loo Diox. Por cona, inthyonte Jesús mbez Jesús cón cheꞌn mèn coꞌ ndyal yilaꞌs loo Jesús: Nac mèna huesen.
\v 12 Taandxèꞌ ndub diꞌs loo libr coꞌ nac xtiꞌs Diox leꞌ Jesús ndxab loo Diox:
\pi1 Tethen lèe Uꞌ loo mèn coꞌ ndxàc xal huesen. No gol ron labans cón cheꞌn lèe Uꞌ loo mèn coꞌ ndxelaꞌs loo Uꞌ.
\m
\v 13 Ndub diꞌs loo libr coꞌ nac xtiꞌs Diox tedib lugar coꞌ mbez:
\pi1 Daa ndxàp yalxlaꞌs loo Diox.
\m No ndub diꞌs loo libr coꞌ nac xtiꞌs Diox tedib lugar coꞌ mbez:
\pi1 Huiꞌ nexa. Daa nzo no mèn coꞌ ndxàc xal xinꞌ Diox coꞌ mdaꞌ Diox loon.
\p
\v 14 Myenꞌ bix coꞌ nac xinꞌ thìb ned gundan, leque bélꞌ xud myenꞌ no leque bélꞌ xnaꞌ myenꞌ no leque ren xud myenꞌ no leque ren xnaꞌ myenꞌ nac myenꞌ. Lomisqueꞌ ne, Jesús ngòc thìb mbiꞌ coꞌ mque no bélꞌ no ren cheꞌn mèn loo izlyoꞌ ndxèꞌ par tataa mod gàc quée yalguth loo Jesús. No coꞌseꞌ ngolo mquée yalguth loo Jesús, tataaguèꞌ mod, por cón cheꞌn yalguth coꞌ mquée loo Jesús telux Jesús Mebizya coꞌ ndxàp cón cheꞌn yalguth laꞌs nii Mebizya no laꞌs yaꞌ Mebizya.
\v 15 Tataa mbli Jesús par teláꞌ Jesús prob mèn loo yalguth coꞌ nzyeb mèn ñèe mèn coꞌseꞌ quée yalguth loo mèn tac dib naban mèn ndli mèn costumbr xal nee lezoꞌ mèn tac nzyeb mèn gath mèn.
\v 16 Tac, lìcpeꞌ baꞌi, neꞌnguiꞌth yáalte Jesús loo izlyoꞌ por cón cheꞌn angl coꞌ mcuaꞌn xquin. Ndxeꞌlequeꞌ, mbiꞌth yáal Jesús làth mèn coꞌ nac bin cheꞌn Abraham par teláꞌ Jesús mèn coꞌ nzi cuaꞌn xquin loo conꞌ ryes.
\v 17 Por cona, nonqueꞌ Jesús naquinqueꞌ gàc Jesús lalqueꞌ xal thìb hues xtàa mèn loo mèn cheꞌn izlyoꞌ ndxèꞌ par tataa mod gàc Jesús xal thìb nguleyꞌ roo no thìb nguleyꞌ xèn coꞌ ndlyat lezoꞌ ñèe mèn no coꞌ li xal mcàbgòn Jesús li Jesús par teriꞌth Jesús diꞌs cheꞌn mèn loo Diox no par quix Jesús cón cheꞌn xquin mèn coꞌseꞌ mquée yalguth loo Jesús.
\v 18 Leque yub Jesús mxactìi por cón cheꞌn chol mèn. No neꞌnglide Jesús cas loo Mebizya coꞌseꞌ mzi mchep Mebizya Jesús loo conꞌ yeꞌrsinꞌ. Por cona, ndxàp Jesús conꞌ laꞌs nii Jesús no laꞌs yaꞌ Jesús par lyath no Jesús mèn coꞌ nzi nchep Mebizya loo conꞌ yeꞌrsinꞌ.
\c 3
\s Trèꞌ ndluꞌ leꞌ Jesucrist nac más mbiꞌ roo mbiꞌ xèn leque Moisés.
\p
\v 1 Mèn huesen, guꞌ ngro xàꞌleꞌ loo cón cheꞌn xab izlyoꞌ no ngòc guꞌ cheꞌnpeꞌ Diox. Diox mcui guꞌ par yòo ban no guꞌ Diox loo béꞌ. Por cona, toloqueꞌ bli guꞌ xtùuz cón cheꞌn Jesús coꞌ nac nguleyꞌ roo no nguleyꞌ xèn cheꞌn naꞌ. Diox mtelꞌ Jesús par mxoꞌf zinꞌ Diox thìb zinꞌ loo Jesús par mtonꞌ Jesús cón cheꞌn xquin mèn no cón cheꞌn xtol mèn loo Diox, mèn coꞌ ndxelaꞌs loo Jesús.
\v 2 Anzeꞌf altant mdoo Jesús loo zinꞌ coꞌ mxoꞌf zinꞌ Diox loo Jesús par li Jesús zinꞌa. Tataa mod mxoꞌf zinꞌ Jesús zinꞌ xal mdoo Diox Moisés loo mèn coꞌ ngòc cheꞌnpeꞌ Diox tiempa.
\v 3 Por cona, más ndxàal li mèn conꞌ guryath no conꞌ guryèn loo Jesús leque loo Moisés xal ndli mèn más conꞌ guryath no más conꞌ guryèn loo thìb albañil coꞌ mtoxcuaꞌ thìb yòobéꞌ leque ndli mèn conꞌ guryath no conꞌ guryèn loo yòobéꞌa.
\v 4 Tac ryete yòocal mdyoxcuaꞌ por chol mèn según mod coꞌ ndxàp thìb thìb mèn. Per xaꞌ coꞌ mblec no mxènꞌ ryethe conꞌ nac Diox.
\v 5 Lìcpeꞌ baꞌi, altantqueꞌ mdoo Moisés xal thìb moz loo mèn coꞌ ngòc cheꞌnpeꞌ Diox xal mèn guliz Diox tiempa. Zinꞌ coꞌ mxoꞌf zinꞌ Moisés loo mèna ngòc mdeꞌth Moisés cón cheꞌn coꞌ gab Diox loo mèn yiloa. Thìba conꞌ ndxèꞌ.
\p
\v 6 Leꞌ tediba na, Crist Jesús nac xal thìb xinꞌ mèn coꞌ altantlequeꞌ ndoo naa par ñibeꞌ Crist loo mèn guliz Crist coꞌ nac mèn guliz Diox. Pues, mèna nac leque naꞌ, cheleꞌ naꞌ thidtenequeꞌ cue nèe naꞌ loo cón cheꞌn Crist no gàp naꞌ yalxlaꞌs axta gath naꞌ. No axta nalleꞌ par delant naquin tyac lezoꞌ naꞌ no toloqueꞌ cue quee lezoꞌ guꞌ loo cón cheꞌn Crist coꞌ nzi quee lezoꞌ guꞌ, ndee guꞌ.
\s Diox ndaꞌ lugar par tíꞌ no yàl lezoꞌ mèn, mèn coꞌ nzo loo cón cheꞌn Diox. No axta con gust yòo mèn loo Diox.
\p
\v 7 Por cón cheꞌn conꞌ ndxèꞌ nac conꞌ coꞌ gunii Xpii Natúꞌ loo xtiꞌs Diox thìb lugar coꞌ mbez:
\pi1 Cheleꞌ guꞌ gòn diꞌs coꞌ ñii Diox nalleꞌ,
\pi1
\v 8 neꞌgàcte guꞌ mèn naad no mèn nguud xal mbli mèn nación Israel coꞌseꞌ mbli mèn nación Israel preb loon coꞌteꞌ nagán par ñee mèn nación Israel ñeeneꞌ chéꞌ tetìin mèna por conꞌ yeꞌrsinꞌ coꞌ mbli mèn nación Israel loon tiempa.
\pi1
\v 9 Tya ngòc xudgool guꞌ mèn naad no mèn nguud par mbli xudgool guꞌ conꞌ yeꞌrsinꞌ par ñee xudgool guꞌ ñeeneꞌ chéꞌ, lìcqueꞌ, tetìin xudgool guꞌ. Ale tataaqueꞌ mbli xudgool guꞌ leꞌn choꞌ línꞌ mastaleꞌ gunèe xudgool guꞌ conꞌ ndac coꞌ mblin loo xudgool guꞌ tiempa.
\pi1
\v 10 Por cona, mdoo xàꞌ lezon loo xudgool guꞌa. Ndxaben loo lezon: Thidtenequeꞌ ndoo xàꞌ lezoꞌ mèn ndxèꞌ loon. Neꞌ neꞌ indaꞌ mèn ndxèꞌ cuent xá mod ndxàal que tee ban mèna loon.
\pi1
\v 11 Por cona, tataa mdethen diꞌs coꞌseꞌ ngocloon gunèen mèna leꞌ mèna neꞌyòode lugar coꞌ mtoxcuan coꞌteꞌ yòo ban mèna.
\p
\v 12 Guꞌ coꞌ nac xal mèn huesen por cón cheꞌn Crist, anderhuen guꞌ, chó Diox chó ñee guꞌ; ñaꞌben loo guꞌ: Neꞌtaꞌde guꞌ lugar yòo xtùuz yeꞌrsinꞌ leꞌn lezoꞌ guꞌ par li guꞌ xtùuz ryo xàꞌ guꞌ loo Diox coꞌ naban thidtene par tlo guꞌ, li guꞌ conꞌ yeꞌrsinꞌ par neꞌtolode yilaꞌs guꞌ loo Diox.
\v 13 Ndxeꞌlequeꞌ, huiz con huiz bli guꞌ par yeꞌth lezoꞌ thìb xtàa guꞌ no tedib xtàa guꞌ leꞌtreꞌ beꞌ ndaꞌi lugar loo guꞌ leꞌn huiz ndxèꞌ par neꞌtaꞌde guꞌ lugar quedìi nec thìb mèn guꞌ par neꞌyigaade guꞌ loo xquin chol mèn. Tac neꞌstolqueꞌ gàca loo guꞌ ale tyoo xàꞌ lezoꞌ guꞌ loo Diox. No tataa mod leque guꞌ tolo taꞌ lugar gàc guꞌ mèn naad no mèn nguud loo cón cheꞌn Diox.
\v 14 Tac cheleꞌ naꞌ, lìcqueꞌ, thidtenequeꞌ mbli nèe naꞌ naꞌ loo coꞌ ndxelaꞌs naꞌ cón cheꞌn Crist axta bii no naꞌ Crist xal mtlo ngolaꞌs naꞌ loo Crist, leꞌ sya, lìcqueꞌ, nac naꞌ cheꞌnpeꞌ Crist.
\p
\v 15 Nonqueꞌ guꞌ no naneequeꞌ guꞌ xal ndub diꞌs loo libr coꞌ nac xtiꞌs Diox coꞌ ndxab thìb mbiꞌ coꞌ mdeꞌth diꞌs coꞌ ndxab Diox. Mbiꞌ ndxab:
\pi1 Nalleꞌ coꞌseꞌ gòn guꞌ diꞌs coꞌ mdeꞌth mèn loo guꞌ coꞌ ndxab Diox, neꞌgàcte guꞌ mèn naad no mèn nguud xal ngòc xudgool guꞌ mèn naad no mèn nguud póla coꞌseꞌ mcuaꞌn xudgool guꞌ xquin xudgool guꞌ no xtol xudgool guꞌ par ñee xudgool guꞌ ñeeneꞌ ché tetìi Diox xudgool guꞌ por mbli xudgool guꞌ conꞌ yeꞌrsinꞌ coꞌ mbli xudgool guꞌ, àꞌ.
\m
\v 16 Tac ¿chó mèn ngòc mèn coꞌ ngroꞌ no Moisés nación Egipt, mèn coꞌ mbìn coꞌ ndxab Diox, mèn coꞌ asembli mcuaꞌn mèn xquin mèn no xtol mèn par ñee mèna neeneꞌ chéꞌ tetìi Diox mèna, àꞌ? Ryete mèn coꞌ ngroꞌ no Moisés nación Egipt ngòc mèna.
\v 17 Tac ¿chó ngòc mèn coꞌ ngocloo Diox gunèe Diox leꞌn choꞌ línꞌa, àꞌ? ¿Chéꞌ neꞌngòcte mèna mèn coꞌ mcuaꞌn xtol, càꞌ? No ¿chéꞌ neꞌngòcte mèna mèn coꞌ nguth coꞌteꞌ nagán, ne, càꞌ? Tataaqueꞌ ngòca, ¿léꞌ?
\v 18 No ¿chó loo mèn mdeꞌth Diox leꞌ mèna neꞌyòode coꞌteꞌ nzo Diox par li mèna descans, àꞌ? Diox ndxaba loo mèn coꞌ neꞌndalte ngalaꞌs loo diꞌs coꞌ ndxab Moisés no neꞌ neꞌ ndubdiꞌs mèna loo Moisés.
\v 19 Por cona, non naꞌ no nanee naꞌ leꞌ mèn nación Israela neꞌngòode lugar par li mèna descans coꞌteꞌ mbli nab Diox por cón cheꞌn xquin cheꞌn mèn nación Israel no xtol cheꞌn mèn nación Israel. Tac neꞌngalaꞌste mèna no neꞌndubdiꞌste mèna loo coꞌ mnibeꞌ Diox loo Moisés par li mèna.
\c 4
\p
\v 1 Láth beꞌ nzo lugar loo béꞌ coꞌteꞌ mcàbgòn Diox loo mèn yòo mèn par yòo ban no mèn Diox, ndxààlqueꞌ laꞌs thìb thìb naꞌ loo leque naꞌ no quenap naꞌ naꞌ no huiꞌ naꞌ xal nzi tee ban naꞌ loo Diox. Tac neꞌstreꞌfqueꞌ, nzo ndxep naꞌ coꞌ neꞌlide gan yòo ban no naꞌ Diox loo béꞌ.
\v 2 Tac loo naꞌ mbyathleꞌ diꞌs ndac, ne, xal loo mèna. Per loo mèna neꞌngli huente diꞌsa no neꞌnglàa huente diꞌsa leꞌn lezoꞌ mèna coꞌseꞌ mbìn mèna diꞌsa tac mèna neꞌndalte ngalaꞌs diꞌs coꞌseꞌ mbìn mèna diꞌsa.
\v 3 Per naꞌ coꞌ ngolaꞌsleꞌ loo Crist, naꞌ yòo ban no Diox loo béꞌ coꞌteꞌ mcàbgòn Diox yòo naꞌ par ban naꞌ tya, xalqueꞌ gunii Diox:
\pi1 Xal mdethen coꞌseꞌ ngocloon, neꞌyòode mèn nación Israel lugar coꞌ mtoxcuan par ban mèna tya.
\m No, lìcqueꞌ, neꞌngòode mèn nación Israel coꞌteꞌ mtoxcuaꞌ Diox par ban mèna mastaleꞌ mdoo lezoꞌ Diox no mbli nableꞌ Diox lugara axta coꞌseꞌ mblec Diox izlyoꞌ no mxènꞌ Diox izlyoꞌ.
\v 4 Tac loo libr coꞌ nac xtiꞌs Diox ndub diꞌs coꞌ ndxab Diox cón cheꞌn ngolo xop huiz coꞌ nac coꞌseꞌ ngolo sman:
\pi1 Ngolo xop huiz mtelo Diox zinꞌ coꞌ mbli Diox loo ngolo mxènꞌ Diox izlyoꞌ no mxènꞌ Dyox ryete conꞌ coꞌ nziriꞌ.
\m
\v 5 No ndxab Diox tedib vez loo libr coꞌ nac xtiꞌs Diox leque diꞌsa:
\pi1 Neꞌyòode mèn coꞌteꞌ mtoxcuan par ban mèna con daa no li mèna descans tya.
\m
\v 6 Por cona, non naꞌ no nanee naꞌ mbyanꞌ ndxep mèn coꞌ yòoqueꞌ coꞌteꞌ mtoxcuaꞌ Diox par ban mèna tya. Loo mèn coꞌ nerlequeꞌ mbyath cón cheꞌn diꞌs ndaca, mèna neꞌngòode coꞌteꞌ ngòc nableꞌ par ban mèna tya tac neꞌndalte mèna ndubdiꞌs mèna.
\v 7 Cona, mbere Diox, mcui Diox thìb huiz coꞌ nac tiemp ndxèꞌ. Tac Diox ndyoodiꞌs loo naꞌ xalqueꞌ nac xtiꞌs Diox coꞌ ndub loo libr coꞌ nac xtiꞌs Diox, diꞌs coꞌ ngòc diꞌs coꞌ gunii Diox loo David coꞌ mqueꞌ David yeꞌs loo libr coꞌ nac xtiꞌs Diox loo nde teeleꞌ tiemp coꞌ nde tee mbriꞌth loo guꞌ. Diox gunii xal mbez diꞌs ndxèꞌ:
\pi1 Cheleꞌ guꞌ gòn diꞌs coꞌ ndxab Diox, neꞌgàcte guꞌ mèn naad no mèn nguud loo cón cheꞌn Diox.
\m
\v 8 Tac cheleꞌ Josué ngdaꞌ lugar coꞌteꞌ yòo ban mèn nación Israel par li mèn nación Israel descans xalqueꞌ mcàbgòn Dioxa loo mèn nación Israel, leꞌ sya, neꞌberede Diox, ndoodiꞌs Diox cón cheꞌn tedib tiemp loo tiemp coꞌ mtoxcuaꞌ Diox tiempa cón cheꞌn coꞌteꞌ yòo ban mèn thidtene xal ndxàca nalleꞌ.
\v 9 Por cona, ndxanꞌ thìb lugar coꞌteꞌ yòo mèn coꞌ nac cheꞌnpeꞌ Diox par ban mèna thidtene loo Diox.
\v 10 Tac mèn coꞌ yòo loo béꞌ par ban mèna thidtene, mèna neꞌtolode li xal mbli mèna ndooreꞌ yòo mèna loo béꞌ xalqueꞌ mtelo Diox zinꞌ coꞌ mbli Diox loo ngolo mxènꞌ Diox no mblec Diox ryethe conꞌ.
\v 11 Cona, ngue niin loo gu: Ndxàalqueꞌ li naꞌ coꞌ nzote mod li naꞌ par yòo ban no naꞌ Diox loo béꞌ coꞌteꞌ ban naꞌ thidtene par neꞌlide nec thìb naꞌ xalqueꞌ mbli mèn coꞌ neꞌndalte ngalaꞌs loo Diox tiempa.
\p
\v 12 Anzeꞌf nè nac xtiꞌs Diox xal coꞌseꞌ ñibeꞌ thìb patrón loo moz. Ndxaaꞌd xtiꞌs Diox leꞌn xtùuz mèn no leꞌn lezoꞌ mèn xal ndxaaꞌd thìb yiꞌf coꞌ nalen ryop loo lad mèn. Xtiꞌs Diox ndli leꞌ mèn nteche ntexyath xtùuz mèn no lezoꞌ mèn axta ndenꞌ mèn leꞌn lezoꞌ mèn cón cheꞌn coꞌ ndli mèn xtùuz no cón cheꞌn coꞌ ndli mèn, que naca conꞌ ndli mèn xtùuz, que naca conꞌ ndli mèn zinꞌ, que naca taamas conꞌ coꞌ ndli mèn. No xtiꞌs Diox nalì ndlaꞌs par tub rez xtiꞌs Diox cón cheꞌn xtùuz mèn no cón cheꞌn coꞌ ndoo lezoꞌ mèn li mèn.
\v 13 Yende chó conꞌ nzo coꞌ mblec Diox no coꞌ mxènꞌ Diox coꞌ neꞌyúꞌde loo Diox. Ndxeꞌlequeꞌ, ryethe conꞌ coꞌ mxènꞌ Diox nzi yúꞌ loo xnaa loo Diox. Loo Diox ryethe naꞌ taꞌ cuent coꞌseꞌ gàc huiz taꞌ mèn cuent loo Diox xal nac conꞌ mbli mèn loo izlyoꞌ ndxèꞌ.
\s Diꞌs ndxèꞌ ndluꞌ leꞌ Jesucrist nac más nguleyꞌ roo nguleyꞌ xèn leque chol taamas mèn.
\p
\v 14 Por cona, ngue niin conꞌ ndxèꞌ loo guꞌ: Leꞌ naꞌ ngue no thìb nguleyꞌ roo no thìb nguleyꞌ xèn nalleꞌ coꞌ ngòoleꞌ loo béꞌ. Nguleyꞌa nac Jesús, xganꞌpeꞌ Diox. Por cona, tolo li nèe naꞌ naꞌ loo coꞌ ndxelaꞌs naꞌ loo Diox por cón cheꞌn Crist Jesús.
\v 15 Pues Jesucrist coꞌ nac nguleyꞌ roo no nguleyꞌ xèn cheꞌn naꞌ, ndlyatqueꞌ lezoꞌ Jesucrist ñèe Jesucrist naꞌ tac non Jesucrist nac naꞌ xal mèn nayíiz loo xtol naꞌ no loo xquin naꞌ, coꞌ nee diꞌs, ndxegaa naꞌ loo conꞌ yeꞌrsinꞌ par li naꞌ conꞌ yeꞌrsinꞌ. Tac yub Jesucrist coꞌ nac nguleyꞌ naꞌ ngòc preb xal gunee lezoꞌ Mebizya. Mdobyaꞌ Mebizya Tad Jesús par ngòc preb Tad Jesús. No ngòc preb loo Tad Jesús xalqueꞌ ndxàc preb naꞌ loo ryethe conꞌ ryes. Per mastaleꞌ mbli Mebizya preb loo Jesucrist no mzi mchep Mebizya Jesucrist loo conꞌ yeꞌrsinꞌ, per thidtene neꞌncuaꞌnte Jesucrist xquin Jesucrist no xtol Jesucrist.
\v 16 Por cona, con dibaxlaꞌs ndxàal cuez naꞌ Diox, Diox coꞌ angndli conꞌ ndac loo naꞌ. Sya, lyat lezoꞌ Diox ñèe Diox naꞌ. No lyath no Diox naꞌ loo chol conꞌ coꞌ nde che loo naꞌ.
\c 5
\p
\v 1 Ryete nguleyꞌ roo nguleyꞌ xèn coꞌ nzo làth mèn coꞌ mblec mèn par ngòc mèna nguleyꞌ, mblec mèn nguleyꞌa par teriꞌth nguleyꞌa diꞌs cheꞌn mèn loo Diox. Mblec mèn nguleyꞌa par quix nguleyꞌ roo nguleyꞌ xèn cón cheꞌn xtol mèn loo Diox no par xo nguleyꞌ ren chol máꞌ por cón cheꞌn xtol cheꞌn mèn.
\v 2 Nguleyꞌa ante ndlyat lezoꞌ ñèe mèn naxèn no mèn coꞌ ndoote ned ndyen tac nguleyꞌa, ne, nac xal thìb mèn yíiz coꞌ nguuꞌs lezoꞌ loo xquin nguleyꞌ coꞌ ndxàp nguleyꞌ.
\v 3 Por cón cheꞌn conꞌa, por fuerz naquinqueꞌ guth yèe nguleyꞌa chol máꞌ par quix nguleyꞌ roo nguleyꞌ xèna loo Diox por cón cheꞌn xtol leque nguleyꞌ xal ndli nguleyꞌa cón cheꞌn taamas mèn par teriꞌth tecanꞌ Diox xtol nguleyꞌa, ne.
\p
\v 4 Tiempa, yende chó ngòc thìb nguley roo nguleyꞌ xèn por cón cheꞌn leque mèna par li taamas mèn conꞌ guryath no conꞌ guryèn loo nguleyꞌa. Ndxeꞌlequeꞌ, angoluxte thìb mbiꞌ coꞌ ngurez Dioxa ngòc nguleyꞌ xal ngòca loo Aarón.
\v 5 Tataaqueꞌ ne, leque yub Crist neꞌnglide par ngàc conꞌ roo conꞌ xèn loo Crist par ngòc Crist nguleyꞌ roo nguleyꞌ xèn. Per Diox mxoꞌf lèe mxoꞌf xtiꞌs cón cheꞌn Crist loo Crist. No mcui Diox Crist par xoꞌf zinꞌ Crist zinꞌa. Diox ndxab loo Crist:
\pi1 Lùu nac xganꞌ daa. Nalleꞌ daa mbluꞌ loo mèn leꞌ lùu, lìcqueꞌ, nac xganꞌpeꞌ daa.
\m
\v 6 Tedib lugar ndub diꞌs loo libr coꞌ nac xtiꞌs Diox coꞌ ndxab cón cheꞌn leque diꞌs ndxèꞌ:
\pi1 Lùu nac nguleyꞌ thidtene xalqueꞌ ngòc Melquisedec nguleyꞌ thidtene.
\m
\v 7 Láth mque tee ban Crist loo izlyoꞌ xal chol mèn, cabii ngurez Crist Diox no nalyat mnaꞌb Crist diꞌs loo Diox. Ngrozèe yath Crist no mbínꞌ Crist loo Diox látha, ne, Diox coꞌ ngóc teláꞌ Crist loo yalguth. Mbyèn diꞌs cheꞌn Crist loo Diox. Mbìn Diox coꞌ mnaꞌb Crist no mblyath no Diox Crist loo yalnazeꞌf coꞌ ngo no lezoꞌ Crist tac Crist mbliqueꞌ cas loo Diox.
\v 8 Mastaleꞌ nac Crist xganꞌ Diox, per por cón cheꞌn yaltìi coꞌ ngòc loo Crist, mtéꞌth Crist par mdubdiꞌs Crist loo Diox.
\v 9 Per coꞌseꞌ ngolo nguriꞌth ryethe yaltìi tínꞌ coꞌ mquinqueꞌ ngòc loo Crist par tataa mod ngòc Crist thìb nguleyꞌ roo nguleyꞌ xèn coꞌ nac nguleyꞌpeꞌ naꞌ, loo Crist mdaꞌ Diox lugar teláꞌ Crist alux mèn coꞌ ndxòn ro Crist par ndyubdiꞌs mèna loo Crist.
\v 10 Diox mdaꞌ lèe loo Crist no mdoo Diox Crist par ngòc Crist thìb nguleyꞌ roo nguleyꞌ xèn xalqueꞌ ngòc Melquisedec nguleyꞌ.
\s Anzeꞌf ryes naca cheleꞌ mèn mbláꞌyaꞌ, ya neꞌtolode yilaꞌs mèn loo cón cheꞌn Diox.
\p
\v 11 Per cón cheꞌn yalnguleyꞌ coꞌ nac por Jesucrist, huax conꞌ nzo coꞌ ndxàal taꞌ naꞌ cuent no tyoodiꞌs naꞌ loo mèn. Per anzeꞌf nagàn nac taꞌ mèn cuent cón cheꞌn Tad Jesús. Más de cona, guꞌ neꞌtyalte yaaꞌd diꞌs ndxèꞌ leꞌn lezoꞌ guꞌ.
\v 12 Guꞌ coꞌ ya ndxàcleꞌ tiemp ngolaꞌs loo Jesucrist no ngòo guꞌ loo cón cheꞌn Jesucrist, ndxàal gác guꞌ xal thìb maistr par taꞌ guꞌ cuent no tyoodiꞌs guꞌ cón cheꞌn Tad Jesucrist loo taamas mèn. Per ale ndxeꞌlequeꞌ, nac guꞌ xal myenꞌ bix loo cón cheꞌn xtiꞌs Diox par tolo naquin taꞌ mèn cuent coꞌ nac más inagànte coꞌ nac coꞌ téꞌth guꞌ cón cheꞌn Diox, ndyaquen. No cón cheꞌn conꞌ nagàn cheꞌn xtiꞌs Diox nac guꞌ xal myenꞌ bix coꞌ yende mod xec guꞌ hua guꞌ conꞌ nayez coꞌ nac xít guꞌ no luaꞌ guꞌ.
\v 13 Ryete mèn coꞌ ndxelaꞌs loo Crist, cheleꞌ mèna tarte téꞌth xá mod que tee ban nalì no nambìi mèna, no xal ndxàal li mèn xtùuz nalì cón cheꞌn Crist, mèna nac xal myenꞌ bix coꞌ beꞌ ndxàaz niiz.
\v 14 Per xít mèn no luaꞌ mèn coꞌ nac conꞌ nayez, conꞌa nac par hua mèn coꞌ nacleꞌ myenꞌbiꞌgool coꞌ ya ndxácleꞌ ndub rez cón cheꞌn mèn, ¿léꞌ? Lomisqueꞌ mod, mèn coꞌ mtéꞌthleꞌ par mdyubdiꞌs mèna cón cheꞌn Jesucrist, coꞌ nee diꞌs, mèn coꞌ mtéꞌth ndacleꞌ cón cheꞌn Diox coꞌ nac más nagàn, mèna nac mèn coꞌ ndxác ncui conꞌ huen làth conꞌ yeꞌrsinꞌ.
\c 6
\p
\v 1 Por cón cheꞌn ryethe conꞌ coꞌ ngolo guniin loo guꞌ ndxèꞌ, ndlii ndláꞌ naꞌ par neꞌtolode nque tee ban naꞌ loo conꞌ coꞌ nac ner conꞌ coꞌ mtéꞌthpeꞌ naꞌ loo xleyꞌ cheꞌn Crist. Ndxeꞌlequeꞌ, ndxàal tolo que tee ban naꞌ loo cón cheꞌn Crist axtaqueꞌ huen huen mtéꞌthleꞌ naꞌ cón cheꞌn xleyꞌ Crist no axta huen huen ndyubdiꞌs naꞌ loo Crist. Neꞌgàcte naꞌ mèn coꞌ ante ndluꞌ loo mèn par lyàa yéc mèn no lyàa lezoꞌ mèn loo conꞌ mque tee ban mèn ndooreꞌ coꞌ yende cón ntac loo mèn. Neꞌ neꞌ iante luꞌ naꞌ loo mèn par ante gàp mèn yalxlaꞌs loo Diox.
\v 2 No iante luꞌ naꞌ loo mèn xá mod gàc bautizar mèn. Neꞌ neꞌ iante luꞌ naꞌ loo mèn ante cón cheꞌn xá mod no chonon nxoꞌf mèn yaꞌ mèn loo xtàa mèn. Neꞌ neꞌ luꞌ naꞌ loo mèn ante cón cheꞌn xá mod ryo xban mèn nguth. Neꞌ neꞌ luꞌ naꞌ loo mèn ante cón cheꞌn coꞌseꞌ tub rez Diox loo mèn par tetìi Diox mèn thidtene.
\v 3 No, lìcpeꞌ baꞌi, tataa tolo li naꞌ xal ndluꞌ xleyꞌ Crist loo naꞌ cheleꞌ Diox taꞌ lugar loo naꞌ par li naꞌi.
\p
\v 4 Naquinqueꞌ tolo téꞌth naꞌ cón cheꞌn Crist. Tac nzo ndxep mèn coꞌ thidte vez mdub xnìi yéc mèna no mdub xnìi lezoꞌ mèna loo cón cheꞌn Diox. No mbli mèna preb cón cheꞌn conꞌ ndac cheꞌn béꞌ coꞌ angndaꞌlaꞌs Diox loo mèn. No mdenꞌ mèna nzoqueꞌ Xpii Natúꞌ loo mèna no ndlyath no Xpii Natúꞌ mèna. Ngoloa, ale mbere mèna, mxìis no mèna cón cheꞌn Diox no Tad Crist. Yende mod lyàa yéc mèna no lyàa lezoꞌ mèna tedib vez par gàc mèna mèn cub.
\v 5 No yende mod lyàa yéc mèna no lyàa lezoꞌ mèna tedib vez par gàc mèna mèn cub, mèn coꞌ yub mbli preb cón cheꞌn coꞌ nac diꞌs ndac cheꞌn Diox no mbìn mèna no non mèna cón cheꞌn conꞌ roo no conꞌ xèn cheꞌn tiemp coꞌ nde nque ndxèꞌ.
\v 6 Per nalleꞌ, leque yub mèna mbere ngulàa loo conꞌ yeꞌrsinꞌ. No mbli mèna loo cón cheꞌn Jesús lalqueꞌ conꞌ xal mbli mèn coꞌ mqueꞌ Jesús xganꞌpeꞌ Diox loo cruz. No gunii yèe gunii tìi mèna cón cheꞌn Jesús no loo xnaa mxìis no mèna Jesús.
\v 7 Nazabqueꞌ ndli mèna xal ndxàca loo izlyoꞌ ndxep vez. Tac izlyoꞌ coꞌ nguèe nít coꞌ ndlyàa loo izlyoꞌ huax vez, loo izlyoꞌa ndxáal coꞌ hua mèn, mèn coꞌ ndli zinꞌ loo izlyoꞌa no ncàayaꞌ mèn conꞌ ndac loo Diox. Más ndxàal gàc li mèna conꞌ ndac no neꞌnglide mèna conꞌa.
\v 8 Per izlyoꞌ coꞌ ndxáal yis no yaa, izlyoꞌa intacte no nde zinꞌ gaxleꞌ coꞌseꞌ quedèe Diox izlyoꞌ no lyux izlyoꞌ coꞌseꞌ yol izlyoꞌ. Tataa gàca loo mèn no masreꞌ gàca loo mèn coꞌ ndli conꞌ zaba.
\s Trèꞌ ndluꞌ leꞌ ryethe conꞌ ndac, coꞌ nac cheꞌn Diox coꞌ nzi quee lezoꞌ naꞌ, ndli par nzi nèe naꞌ naꞌ loo cón cheꞌn Diox xal thìb yòo cal coꞌ huen ndub loo cimient.
\p
\v 9 Per cón cheꞌn guꞌ, mèn coꞌ nqueꞌ lezon ñèen, mastaleꞌ tataa guniin conꞌ ndxèꞌ loo guꞌ, ngobeꞌen no ndxelasquen leꞌ guꞌ tyoo nque loo conꞌ ndac, coꞌ nee diꞌs, nac conꞌ cón cheꞌn coꞌ gàc loo guꞌ no coꞌ gàc cheꞌnpeꞌ guꞌ yiloa tac ngolaꞌs guꞌ loo Crist.
\v 10 Diox nalì no nambìi nac. Por cona, indxathlaꞌste Diox zinꞌ coꞌ mxoꞌf zinꞌ guꞌ cón cheꞌn Diox no xal nqueꞌ lezoꞌ guꞌ Diox. Conꞌa ndxúꞌ loo loo mèn, ne, tac guꞌ ndlyath noqueꞌ mèn, mèn coꞌ ngro xàꞌ loo cón cheꞌn xab izlyoꞌ, mèn coꞌ ngòc cheꞌnpeꞌ Diox. No tatabeꞌ ndli guꞌ conꞌa axta nalleꞌ.
\v 11 Ndlyazen yeꞌth lezoꞌ thìb thìb guꞌ no toloqueꞌ luꞌ guꞌ guꞌ cón cheꞌn coꞌ nzi quee lezoꞌ guꞌ axta coꞌseꞌ gàc huiz coꞌseꞌ gàcpeꞌi loo guꞌ.
\v 12 Tataa bli guꞌ par neꞌgàcte guꞌ loo cón cheꞌn Diox xal mèn coꞌ nzyaꞌf. Per bli guꞌ xal ndli mèn coꞌ ndxàp yalxlaꞌs no xal mèn coꞌ nchaꞌlaꞌs coꞌ gàc xal thìb muestr loo mèn axtaqueꞌ càayaꞌ guꞌ coꞌ mcàbgòn Diox taꞌ Diox càa guꞌ.
\p
\v 13 Coꞌseꞌ mcàbgòn Diox diꞌs loo Abraham li Diox thìb conꞌ loo Abraham, yende chó mèn más nac mèn roo mèn xèn par teꞌth Diox lèe mèna cón cheꞌn conꞌa. Por cona, leque Diox mdeꞌth lèe Diox loo Abraham par li laꞌs Abraham coꞌ mcàbgòn Diox loo Abraham li Diox.
\v 14 Ndxab Diox loo Abraham:
\pi1 Lìcpeꞌ baꞌi, daa taꞌ huax conꞌ ndac lool. No daa li yas yàl binl.
\m
\v 15 Ale mdub quee lezoꞌ Abraham no mchaꞌlaꞌs Abraham axtaqueꞌ mcàayaꞌ Abraham conꞌ coꞌ mcàbgòn Diox càa Abraham.
\v 16 Tac, lìcpeꞌ baꞌi, coꞌseꞌ ndlyaꞌs mèn teꞌth mèn cón cheꞌn thìb conꞌ coꞌ nac lìcqueꞌ, ale ndeꞌth mèn lèe thìb mèn coꞌ más ñaareꞌ leque mèna. No coꞌseꞌ ndlyaꞌs mèna li nèe mèna diꞌs loo xtàa mèna ngolo ngyoo diꞌs mèna, sya, ndeꞌth mèna lèe Diox loo xtàa mèna par mbyàl loo diꞌs no loo cuent.
\v 17 Por cona, leque Diox mdeꞌth lèe Diox, coꞌ nee diꞌs, Diox mnibeꞌ lezoꞌ Diox no mbli nèe Diox cón cheꞌn conꞌ coꞌ mcàbgòn Diox li Diox. Tac Diox mblyaꞌs loo xnaa luꞌ Diox loo mèn coꞌ càayaꞌ coꞌ mcàbgòn Diox leꞌ Diox mnibeꞌqueꞌ lezoꞌ li Diox conꞌ coꞌ mcàbgòn Diox li Diox loo mèna.
\v 18 Nzo chop conꞌ coꞌ neꞌzyeꞌde loo Diox thidtene. Loo ryop conꞌa no por cón cheꞌn ryop conꞌa, liqueꞌ Diox coꞌ mcàbgòn Diox li Diox loo mèn. Por cón cheꞌn conꞌ ndxèꞌ ndxàp naꞌ yalxlaꞌs loo Diox no leque naꞌ ndli par ntegán naꞌ lezoꞌ naꞌ tac mnaꞌb naꞌ loo Diox quenap Diox naꞌ. No ndxàp naꞌ yalxlaꞌs li Diox coꞌ mcàbgòn Diox li Diox loo naꞌ.
\v 19 Conꞌ coꞌ ndub quee lezoꞌ naꞌ coꞌ gàc loo naꞌ, coꞌ li Diox loo naꞌ xal mcàbgàn Diox li Diox loo naꞌ, conꞌa ndli par li nèe naꞌ naꞌ loo cón cheꞌn Diox por cón cheꞌn Crist. Thidtene ndli nèe naꞌ naꞌ loo cón cheꞌn Diox xal coꞌseꞌ thìb yiꞌf coꞌ lèe ancl ndyen loo yòo xanꞌ leꞌn nít par neꞌtyeede thib yòoyaa loo nit. Thidtene ndli nèe naꞌ naꞌ loo cón cheꞌn Diox por cón cheꞌn Crist coꞌ ngòo leꞌn templ coꞌ nzo leꞌn béꞌ. Crist ndli par mbe nèe naꞌ loo cón cheꞌn Diox. Tataa ndxelaꞌs naꞌ mastaleꞌ tarte yúꞌ loo conꞌa loo naꞌ.
\v 20 Leꞌn templ coꞌ nac loo béꞌ coꞌteꞌ nzo Diox ner ngòo Jesús par li nab Jesús mod par yòo ban no naꞌ Diox loo béꞌ. Por cona, ngòc Jesús thìb nguleyꞌ coꞌ nac más nguleyꞌ roo nguleyꞌ xèn thidtene xalqueꞌ ngòc thìb mbiꞌ coꞌ ngroꞌ lèe Melquisedec nguleyꞌ. Conꞌ ndxèꞌ ndluꞌ no ngue taꞌ cuent xalqueꞌ ngòc Melquisedec nguleyꞌ, tataaguèꞌ nac Jesús nguleyꞌ cheꞌnpeꞌ naꞌ.
\c 7
\s Diꞌs ndxèꞌ ndluꞌ no ngue taꞌ cuent xalqueꞌ ngòc Melquisedec nguleyꞌ, tataaqueꞌ nac Jesús nguleyꞌ cheꞌnpeꞌ naꞌ.
\p
\v 1 Meegool coꞌ ngroꞌ lèe Melquisedeca ngòc rey cheꞌn ciuda Salem. No ngòc Melquisedec nguleyꞌ loo Diox coꞌ nac Diox roo Diox xèn coꞌ nac thidte Diox. Melquisedeca ngòc xaꞌ coꞌ ngua càa ned Abraham coꞌseꞌ mbere Abraham, ngua Abraham loo xóꞌ coꞌseꞌ mbli Abraham gan loo rey coꞌ mbli xóꞌ con Abraham. Melquisedec ndxab loo Abraham: Diox huen nda Uꞌ, ndee Uꞌ.
\v 2 Abrahama mdaꞌ diezm loo leque Melquisedec cheꞌn ryete conꞌ coꞌ ndyeꞌth no Abraham coꞌ mbli Abraham gan loo xóꞌ. Nerlequeꞌ lèe coꞌ mbeꞌ Melquisedeca ngòc diꞌs: Rey coꞌ ndli conꞌ nalì no conꞌ nambìi. Ngoloa, ngroꞌ lèe Melquisedec tedib lèe coꞌ nac: Rey cheꞌn ciuda Salem, coꞌ nee diꞌs, nac rey coꞌ ntuꞌ ntàl loo xèn no loo xyàn par cue ban mèn rye nda mèn no rye ndyeꞌth mèn làth xtàa mèn.
\v 3 Per yende chó mèn ndaꞌ cuent cón cheꞌn Melquisedec. Neꞌ neꞌ yen thìb xqueꞌs cheꞌn Melquisedec coꞌ ndaꞌ cuent cón cheꞌn chó línꞌ ngóol Melquisedec, chó bin nde Melquisedec, no plá línꞌ mban Melquisedec loo izlyoꞌ. Ndxeꞌlequeꞌ, ngòc Melquisedec lalqueꞌ xal xganꞌ Diox. No nac Melquisedeca nguleyꞌ coꞌ ndxanꞌ thidtene.
\p
\v 4 Huiꞌ guꞌ nexa. Quetal mbiꞌ roo mbiꞌ xèn ngòc Melquisedec axta Abraham, coꞌ ngòc thìb mbiꞌ coꞌ mbloj msiꞌ bin coꞌ ngòc mèn nación Israel, mdaꞌ diezm cheꞌn conꞌ coꞌ mbli Abraham gan loo xóꞌ loo Melquisedec.
\v 5 Lìcpeꞌ baꞌi, mèn coꞌ ngòc xinꞌ Leví coꞌ mxoꞌf zinꞌ yalnguleyꞌ, ne, mèna ngue no yalnibeꞌ cheꞌn ley coꞌ mxoꞌf Moisés loo mèn par thop mèna diezm cheꞌn mèn nación Israel xal ñibeꞌ ley, coꞌ nee diꞌs, mthop mèna diezm axta cheꞌn huespeꞌ mèna, mastaleꞌ nac ryete mèna bin Abraham.
\v 6 Mastaleꞌ neꞌngàcte Melquisedec mèn coꞌ ngòc bin cheꞌn Leví coꞌ ngòc nguleyꞌ póla, per ale ndxeꞌlequeꞌ, leꞌleꞌ Melquisedec mthop diezm coꞌ mdaꞌ Abraham. No mbli leyꞌ Melquisedec Abraham loo mcàbgòn Diox thìb conꞌ loo Abraham.
\v 7 Yende mod cà diꞌs mèn loo diꞌs ndxèꞌ leꞌ mèn coꞌ nac más mèn roo mèn xèn loo xtàa mèn, mèna ñaꞌb loo Diox li Diox conꞌ ndac loo mèn coꞌ nac mèn beꞌthe.
\v 8 Loo izlyoꞌ ndxèꞌ ndxàc leꞌ mèn coꞌ ncàayaꞌ diezm nac mèn coꞌ ndxath. Per por part cón cheꞌn Melquisedec coꞌ mnaꞌb diezm loo Abraham, libr coꞌ nac xtiꞌs Diox ndaꞌ cuent loo naꞌ leꞌ Melquisedec nac thìb mbiꞌ coꞌ thidtene naban.
\v 9 Leꞌ sya, nzoqueꞌ mod gab naꞌ leꞌ rye nguleyꞌ coꞌ nde bin Leví coꞌ nthop diezm axta nalleꞌ, mèna, ne, mdaꞌ diezm loo Melquisedec coꞌseꞌ mdaꞌ Abraham diezm loo Melquisedec.
\v 10 Taandxèꞌ nac diꞌs ndxèꞌ: Mastaleꞌ tarte gáal Leví coꞌ mblec yalnguleyꞌ xal mnibeꞌ Diox loo Moisés li Moisés, ya ndxòoleꞌ cuent nac Leví bin Abraham coꞌseꞌ ngòc tiemp coꞌ ngroꞌ Melquisedec, ngua salꞌ Melquisedec Abraham coꞌseꞌ ndyeꞌth Abraham, ngua Abraham loo xóꞌ.
\p
\v 11 Mèn nación Israel mcàayaꞌleꞌ diꞌs coꞌ nac ley coꞌ mxoꞌf Moisés loo mèn por cón cheꞌn mèn coꞌ ngòc nguleyꞌ coꞌ nde bin cheꞌn thìb mbiꞌ coꞌ ngroꞌ lèe Leví. Per cheleꞌ mèn ndxèꞌ, lìcqueꞌ, ngác par tolo ntaa mèn zinꞌ coꞌ nac yalnguleyꞌ, leꞌ sya, ya inquinte mbere ngòo tedib cuaꞌ nguleyꞌ xal ngòc Melquisedec coꞌ neꞌngroꞌ loode mxoꞌf zinꞌ cheꞌn zinꞌ yalnguleyꞌ coꞌ mxoꞌf zinꞌ Aarón, ne, ¿léꞌ?
\v 12 Per ale ndxeꞌlequeꞌ, neꞌngácte mèn bin Aarón par xoꞌf zinꞌ mèna zinꞌ tataa, tac cheleꞌ rsinꞌ coꞌ nac zinꞌ cheꞌn yalnguleyꞌa mzyeꞌleꞌ, naquinqueꞌ zyeꞌ yalnibeꞌ cheꞌn ley, ne.
\v 13 Cón cheꞌn Jesucrist ndluꞌ diꞌs ndxèꞌ. Leꞌ Jesucrist nde bin tedib bin cheꞌn mèn nación Israel loo bin Aarón. Cheꞌn bin mèn nación Israel coꞌteꞌ ngroꞌ Jesucrista, yende chó bina nxoꞌf zinꞌ yalnguleyꞌ.
\v 14 Naꞌ nonqueꞌ no naneequeꞌ naꞌ leꞌ Tad Crist naꞌ ngóol làth mèn coꞌ nac bin mèn coꞌ ngòc mèn yèezyaꞌ cheꞌn làaz mèn jude. Cón cheꞌn bin mèn yèezyaꞌ cheꞌn làaz mèn jude neꞌndoodiꞌste Moisés leꞌ mèna xoꞌf zinꞌ cón cheꞌn yalnguleyꞌ.
\p
\v 15 Cón cheꞌn coꞌ ndyoodiꞌs naꞌ ndxèꞌ nac leꞌ thìb mbiꞌ ngroꞌ xoꞌfleꞌ coꞌ mxoꞌf zinꞌ cheꞌn yalnguleyꞌ no nxoꞌf zinꞌ mbiꞌa zinꞌ lalqueꞌ xal mxoꞌf zinꞌ Melquisedec yalnguleyꞌ tiempa.
\v 16 Neꞌnxoꞌf zinꞌte Crist cón cheꞌn yalnguleyꞌ xal ñibeꞌ ley coꞌ mxoꞌf Moisés loo mèn par nxoꞌf zinꞌ mèn zinꞌ cón cheꞌn yalnguleyꞌ. Ndxeꞌlequeꞌ, mxoꞌf zinꞌ Crist zinꞌ cheꞌn yalnguleyꞌ tac ndxàp Crist conꞌ laꞌs nii Crist no laꞌs yaꞌ Crist tac Crist nabanqueꞌ thidtene.
\v 17 Nzoꞌf diꞌs coꞌ ndluꞌ cón cheꞌn Jesucrist coꞌ nac xtiꞌs Diox coꞌ mbez:
\pi1 Lùu xoꞌf zinꞌ yalnguleyꞌ thidtene xal mxoꞌf zinꞌ Melquisedec yalnguleyꞌ.
\m
\v 18 Lìcpeꞌ baꞌi, yalñibeꞌ coꞌ ngòc ner, yalnibeꞌa mdyonꞌleꞌ loo mèn tac yende cón ncàb ndac yalnibeꞌa loo mèn.
\v 19 Tataa ngòca tac yende chó mèn ngác ngàc mèn nalì no mèn nambìi loo Diox xal mnibeꞌ ley coꞌ mxoꞌf Moisés loo mèn tiempa. Per ndxeꞌlequeꞌ, nalleꞌ nzi quee lezoꞌ naꞌ loo coꞌ nac más conꞌ ndac coꞌ gàc loo naꞌ. Por cón cheꞌn conꞌ ndac coꞌ nzi quee lezoꞌ naꞌa, más nzi yòo naꞌ no más nzi li nèe naꞌ naꞌ loo cón cheꞌn Diox por cón cheꞌn Crist leꞌn tiemp ndxèꞌ.
\p
\v 20 Coꞌseꞌ mtlo Jesús mxoꞌf zinꞌ Jesús zinꞌ yalnguleyꞌ, leque yub Diox mdeꞌth lèe Diox cón cheꞌn Jesús.
\v 21 Tac coꞌseꞌ mblec mèn nación Israel mèn coꞌ mxoꞌf zinꞌ zinꞌ yalnguleyꞌ, neꞌndeꞌthte mèna lèe Diox cón cheꞌn mèna. Per coꞌseꞌ mtlo Crist mxoꞌf zinꞌ Crist zinꞌ yalnguleyꞌ, leque yub Diox mdeꞌth lèe Diox xal nduba loo libr coꞌ nac xtiꞌs Diox coꞌ mbez:
\pi1 Leque Tad mdeꞌth lèe Tad no neꞌlyàade yéc Tad no neꞌlyàade lezoꞌ Tad loo conꞌ mdeꞌth Tad.
\m No ndxab Tad Diox loo Crist xal ndub diꞌs tedib lugar loo libr coꞌ nac xtiꞌs Diox coꞌ mbez:
\pi1 Lùu nac nguleyꞌ roo nguleyꞌ xèn thidtene.
\m
\v 22 Por cón cheꞌn Crist nonqueꞌ naꞌ no naneequeꞌ naꞌ masqueꞌ ntac conveñ cub leque loo yalnibeꞌ cheꞌn ley coꞌ mxoꞌf Moisés loo mèn.
\v 23 Lìcpeꞌ baꞌi, huax mèn nde teeleꞌ ndxàc nguleyꞌ loo yalnguleyꞌ cheꞌn ley coꞌ mxoꞌf Moisés loo mèn. Per yende mod xoꞌf zinꞌ mèna yalnguleyꞌ thidtene tac mèna ndxathqueꞌ.
\v 24 Per Tad Crist ndxèꞌ coꞌ ngue xoꞌf zinꞌ yalnguleyꞌ thidtenequeꞌ naban. Por cona, yende tedib mèn nzo coꞌ yanꞌ lugar cheꞌn Crist Jesús par gàc mèna nguleyꞌ lugar cheꞌn Crist Jesús.
\v 25 Por cona, ndxác Crist teláꞌ Crist alux mèn coꞌ lyaꞌs lyáꞌ loo conꞌ ryes thidtene, coꞌ nee diꞌs, loo mèn coꞌ ngòoleꞌ loo cón cheꞌn Diox, mèn coꞌ ndxelaꞌs loo Crist. No Crist nabanqueꞌ thidtene par teriꞌth Crist diꞌs cheꞌn mèn coꞌ ngòoleꞌ loo cón cheꞌn Diox por cón cheꞌn Crist.
\p
\v 26 Anzeꞌfqueꞌ naquin que no naꞌ thìb nguleyꞌ roo nguleyꞌ xèn xal nac yubpeꞌ Crist coꞌ nac thìb mbiꞌ natúꞌ, thìb mbiꞌ coꞌ incuaꞌnte xtol, thìb mbiꞌ nalì no nambìi, thìb mbiꞌ coꞌ mque tee xàꞌ loo mèn coꞌ ngòp xtol. Diox mbli ngòc Crist más mbiꞌ roo mbiꞌ xèn loo ryethe conꞌ coꞌ nzo loo béꞌ, que naca angl, que naca chol xpii, que naca mèn, que naca taamas conꞌ.
\v 27 Neꞌngàcte Crist xal taamas nguleyꞌ roo nguleyꞌ xèn coꞌ mxo ren máꞌ loo izlyoꞌ par teriꞌth tecanꞌ Diox cón cheꞌn xtol mèn loo mèn atate huiz. Tac nguleyꞌa ner tataa ndli conꞌa por cón cheꞌn xtol leque nguleyꞌa. Yiloa, ndli nguleyꞌ leque conꞌa por cón cheꞌn xtol taamas mèn. Per ndxeꞌlequeꞌ, Tad Crist thidte vez mdaꞌ lugar mquée yalguth loo Tad Crist no mxyo ren Tad Crist par tataa mod mxactìi Tad Crist no mdix Tad Crist cón cheꞌn xtol mèn loo Diox.
\v 28 Ley coꞌ mxoꞌf Moisés mnibeꞌ cue mèn coꞌ mxoꞌf zinꞌ yalnguleyꞌ, per mèn coꞌ ngurea ngòc mèn coꞌ neꞌngàcte mèn nalì no mèn nambìi loo yalnguleyꞌ. Ngòp mèna xtol mèna, ne. Per ndxeꞌlequeꞌ, nguleyꞌ coꞌ nac nguleyꞌ roo nguleyꞌ xèn coꞌ mblo lèe Diox ngolo mbriꞌth cón cheꞌn ley coꞌ mxoꞌf Moisés loo mèn, no coꞌseꞌ leque Diox mdeꞌth lèe Diox, nguleyꞌa ngòc xganꞌpeꞌ Diox coꞌ nac Jesucrist. Nac Jesucrist xaꞌ coꞌ ngòc xaꞌ nalì no xaꞌ nambìi thidtene.
\c 8
\s Jesucrist nac nguleyꞌ loo conveñ cub coꞌ mbyanꞌ no coꞌ ngòc nèe.
\p
\v 1 Pues cón cheꞌn conꞌ coꞌ nac más conꞌ roo conꞌ xèn coꞌ mdoodiꞌsleꞌ nuꞌ loo guꞌ nac conꞌ ndxèꞌ: Leꞌ naꞌ ngue noleꞌ thìb nguleyꞌ roo thìb nguleyꞌ xèn. Nguleyꞌa ndubleꞌ cuat Diox coꞌ nac Diox roo Diox xèn loo béꞌ.
\v 2 Tad Jesucrist coꞌ nac nguleyꞌ roo nguleyꞌ xèn cheꞌnpeꞌ naꞌ, nac Jesucrist nguleyꞌpeꞌ naꞌ coꞌ nxoꞌf zinꞌ cheꞌn yalnguleyꞌ coꞌteꞌ lìcpeꞌ nac lugar más natúꞌ coꞌ mbli Tad Diox ngocsuaꞌ loo béꞌ. No yende chó mèn izlyoꞌ mbli par ngòcsuaꞌ lugar natúꞌa.
\v 3 Ryete nguleyꞌ coꞌ ngòc nguleyꞌ roo nguleyꞌ xèn tiempa, mèn nación Israel mblec nguleyꞌa par xoꞌf zinꞌ nguleyꞌa thìb zinꞌ coꞌ ngòc mblec nguleyꞌ conꞌ coꞌ angndaꞌ mèn loo Diox no máꞌ coꞌ mbeth mèn loo mes loo còoꞌ par teriꞌth tecanꞌ Diox cón cheꞌn xtol mèn loo mèn. Por cona, naquinqueꞌ leꞌ Jesucrist naꞌ, ne, que no conꞌ coꞌ cuec Jesucrist loo mes loo còoꞌ xal mbli mèna, coꞌ nee diꞌs, nac leque yub Crist coꞌ mdix loo Diox cón cheꞌn xtol mèn.
\v 4 Tac cheleꞌ Jesús beꞌ nzoqueꞌ loo izlyoꞌ, neꞌngàcte Jesús nguleyꞌ. Tac nzo huax nguleyꞌ coꞌ mbec conꞌ loo còoꞌ, coꞌ nee diꞌs, tataa ndli nguleyꞌ par tataa mod nteriꞌth ntecanꞌ Diox cón cheꞌn xtol mèn xal ñibeꞌ ley coꞌ mxoꞌf Moisés loo mèn.
\v 5 Zinꞌ coꞌ mxoꞌf zinꞌ nguleyꞌ tiempa ngòc zinꞌ coꞌ gunèete Moisés ngòc loo béꞌ. Zinꞌ coꞌ mxoꞌf zinꞌ nguleyꞌa nac xal thìb xin no xal thìb xnaa cheꞌn conꞌ coꞌ nac coꞌ lìcpeꞌ coꞌ nzo loo béꞌ. Nonqueꞌ naꞌ no naneequeꞌ naꞌ leꞌ zinꞌ coꞌ mxoꞌf zinꞌ nguleyꞌ coꞌ ngo tiempa ngòc xal thìb xin no xal thìb xnaa tac coꞌseꞌ nde tlo Moisés, nde toxcuaꞌ Moisés yòo mantyad coꞌ ngòc coꞌteꞌ mqueltàa no mèn Diox tiempa, ndxab Diox: Huiꞌ nexa. Bli ryete conꞌ xal mbluꞌena lool loo yii Sinaí.
\v 6 Per nalleꞌ Jesucrist nxoꞌf zinꞌ thìb zinꞌ coꞌ nac yalnguleyꞌ coꞌ nac más conꞌ ndac. Nteriꞌth Jesucrist diꞌs cheꞌn mèn loo Diox por cón cheꞌn thìb conveñ cub coꞌ nac más conꞌ ndac. Más conꞌ ndac nac conveñ cuba loo mèn tac Diox mcàbgòn masqueꞌ conꞌ ndac gàc loo mèn por cón cheꞌn conveñ cuba.
\p
\v 7 Tac cheleꞌ ner conveñgool coꞌ ngòc ner conveñ ngàc thìb conveñ coꞌ yende chó falt ngàp, lìcpeꞌ baꞌi, neꞌ neꞌ inquin ngàc tedib conveñ cub loo ner conveñgoola, sya.
\v 8 Diox mbyoo mèn coꞌ mque no ner conveñ. Ndxab Diox:
\pi1 Huiꞌ guꞌ nexa. Nde zinꞌleꞌ huiz lin thìb conveñ cub loo mèn nación Israel, coꞌ nee diꞌs, loo mèn coꞌ nac mèn yèezyaꞌ cheꞌn làaz mèn israel no loo mèn coꞌ nac mèn yèezyaꞌ cheꞌn làaz mèn jude.
\pi1
\v 9 No inacte conveñ cub ndxèꞌ xal conveñgool coꞌ mblin loo xudgool guꞌ huiz coꞌseꞌ ngòc huiz coꞌseꞌ mbloꞌen xudgool guꞌ leꞌn nación Egipt xal coꞌseꞌ ntetee xud myenꞌ bix myenꞌ bix. Tataa mblyath non xudgool guꞌ par ngroꞌ xudgool guꞌ leꞌn nación Egipt. Xudgool guꞌ neꞌndubdiꞌste thidtene loo ner conveñgool coꞌ mblin loo xudgool guꞌ. Por cona, neꞌngliden cas loo xudgool guꞌ. Ale mtèꞌben xudgool guꞌ thìb lad, ndxab Tad Diox.
\pi1
\v 10 Cona, tolo ndxab Tad Diox: Conꞌ ndxèꞌ nac conveñ cub coꞌ lin loo mèn nación Israel coꞌseꞌ yilo riid huax huiz. Daa li par yaaꞌd diꞌs coꞌ ñibeꞌ ley daa yéc mèn no lezoꞌ mèn nación Israel. No lin par tenꞌ mèn nación Israel diꞌs, coꞌ nee diꞌs, cón cheꞌn ley daa leꞌn lezoꞌ mèna. Leꞌ sya, gàc daa Dioxpeꞌ mèna. No mèna gàc mèn nacionpeꞌ daa, ndxab Tad Diox.
\pi1
\v 11 Ndxab Diox, ne: Yende chó guꞌ luꞌ loo thìb xtàa guꞌ no loo tedib xtàa guꞌ no nec thìb guꞌ luꞌ loo huespeꞌ guꞌ par gab guꞌ na: Blibeꞌ guꞌ Tad Diox. Tac ryete mèn libeꞌqueꞌ daa axta myenꞌ bix no axta mèn gox.
\pi1
\v 12 Tac huiza lyat lezon ñèen mèn coꞌ inzii que teede nalì loon. Leꞌ sya, cón cheꞌn xtol mèna ya neꞌtolode teꞌ lezon, ndxab Diox.
\m
\v 13 Coꞌseꞌ mdoodiꞌs Diox cón cheꞌn conveñ cub, conꞌa nee diꞌs, ngoxleꞌ ner conveñgool. No coꞌseꞌ gunii Diox ngoxleꞌ no ndoo yaxleꞌ ner conveñgoola, conꞌa nee diꞌs nde zinꞌ gaxleꞌ huiz par tyonꞌ conveñgoola.
\c 9
\s Trèꞌ ndluꞌ xal nac mod coꞌ ngòo mèn leꞌn templ póla no xá nac mod coꞌ ngòo mèn leꞌn templ coꞌ nac loo béꞌ.
\p
\v 1 Pues, lìcqueꞌ, conveñ coꞌ ngòc ner conveñgool tiempa, mque no mèn thìb mod par mbli mèn servis leꞌn tabernáculo coꞌ ngòc thìb yòocal coꞌteꞌ mqueltàa mèna loo Diox loo izlyoꞌ ndxèꞌ.
\v 2 Tac yòocal coꞌ ngroꞌ lèe tabernaculoa ngòc chop leꞌn. Leꞌn tabernáculo ngue thìb cortin, coꞌ nee diꞌs, ndli rol thìb leꞌn no tedib leꞌn yòocal. Ner leꞌn yòocala ngo candiler no mes no pan coꞌ mbec mèna loo Diox. Ner leꞌn yòocala ngroꞌ lèe Lugar Natúꞌ.
\v 3 Leꞌ tedib leꞌn coꞌ ngòc mbryop leꞌna na, ngòc leꞌn yòocal coꞌ ngroꞌ lèe Lugar Más Natúꞌ Tínꞌ.
\v 4 No leꞌn yòocal coꞌteꞌ ngòc lugar más natúꞌa, nzosuaꞌ thìb mes coꞌteꞌ mtec mèn zen duꞌr yalꞌ. Mesa nacsuaꞌ con or. No nzosuaꞌ thìb cajón cheꞌn conveñ tya ne, coꞌ nee diꞌs, ngòc archiv cheꞌn conveñ. Archiva ndoo nauꞌ dib lad con or. Leꞌn archiva ngo thìb yàat coꞌ ngocsuaꞌ con or. Leꞌn yàata ngosuaꞌ thìb loo xít mèn no luaꞌ mèn coꞌ ngroꞌ lèe maná. Leꞌn archiva ngosuaꞌ thìb var coꞌ ngòc var coꞌ mbli thìb mbiꞌ coꞌ ngroꞌ lèe Aarón us póla. Vara ngòc thìb var bzyeꞌ coꞌ mzyeꞌ loo. No leꞌn archiva ngosuaꞌ thìb quèe. Loo quèea mqueꞌ diꞌs coꞌ ngòc diꞌs cheꞌn conveñ coꞌ ndxab Diox loo Moisés coꞌ ngòc diꞌs cheꞌn conveñgool.
\v 5 Loo arc coꞌ ngòc cajón archiva ngure chop gunab cheꞌn angl roo angl xèn coꞌ lèe querubin. Cón cheꞌnpeꞌ conꞌa yende mod tolo tyoodizen nalleꞌ.
\p
\v 6 Coꞌseꞌ ndxelo ndxàc nab ryete conꞌ coꞌ ndli nguleyꞌ loo servis, ndxòo nguleyꞌ leꞌn ner leꞌn tabernáculo coꞌ ngòc yòo cal coꞌteꞌ mqueltàa mèna loo Diox par xoꞌf zinꞌ nguleyꞌ zinꞌ cón cheꞌn zinꞌ coꞌ ndli nguleyꞌ loo Diox ryete huiz.
\v 7 Per leꞌn mbryop leꞌn templ thidte vez ndxòo nguleyꞌ coꞌ nac nguleyꞌ roo nguleyꞌ xèn leꞌn mbryop leꞌn templ, sangndxeꞌ nguleyꞌ ren máꞌ par cuec nguleyꞌ ren máꞌ loo mes, coꞌ nee diꞌs, loo Diox par tataa mod teriꞌth tecanꞌ Diox cón cheꞌn xquin nguleyꞌ no xtol nguleyꞌ no cón cheꞌn xquin mèn nación Israel no xtol mèn nación Israel.
\v 8 Con diꞌs ndxèꞌ Xpii Natúꞌ ngue taꞌ cuent loo naꞌ no ngue luꞌ Xpii Natúꞌ loo naꞌ leꞌ láth beꞌ ndli mèn servis cón cheꞌn conveñgool loo Diox, tatabeꞌ ndoo nauꞌ par yòo chol mèn leꞌn ryop leꞌn cheꞌn tabernáculo coꞌ nac yòocal coꞌteꞌ nqueltàa mèn loo Diox tiempa par bii gax mèn loo Diox.
\v 9 Ryete conꞌ coꞌ mbli mèn nación Israel par mbli mèn nación Israel cas loo Diox ngòc mod coꞌ ngòp mèna, coꞌ nee diꞌs, con conꞌ coꞌ ngòc ofrend o gòn no con máꞌ coꞌ mbeth mèn nación Israel par teriꞌth tecanꞌ Diox cón cheꞌn xquin mèn nación Israel no xtol mèn nación Israel tiempa ngòc xal thìb muestr par naꞌ no xal thìb xin no xnaa par téꞌth naꞌ no taꞌ naꞌ cuent cón cheꞌn xá mod li naꞌ cas loo Diox nalleꞌ. Tac mèn coꞌ tataa mbli servis loo Diox tiempa, leque mèna mdenꞌ leꞌn lezoꞌ mèna iante conꞌade nac coꞌ naquin li mèna par gàc mèna mèn nalì no mèn nambìi loo Diox.
\v 10 Per cón cheꞌn xal mnibeꞌ ley coꞌ mxoꞌf Moisés loo mèn, ante mnibeꞌ ley xá mod hua mèn xít mèn no luaꞌ mèn no xá mod tech mèn conꞌ no tembìi mèn conꞌ. Mbli mèna ryete conꞌ xal mnibeꞌ ley coꞌ mxoꞌf Moisés loo mèna axta mzin huiz mzyeꞌ yalnibeꞌ cheꞌn leya loo mèn.
\p
\v 11 Per com leꞌ Crist mbiꞌthleꞌ, ¿léꞌ?, nalleꞌ nac Crist nguleyꞌ roo nguleyꞌ xèn loo coꞌ nac ryethe conꞌ ndac coꞌ ndxàc loo naꞌ nalleꞌ. No leꞌn templ coꞌteꞌ ngue xoꞌf zinꞌ Crist yalnguleyꞌ nalleꞌ nac lugar más ndac. No naca lugar más nambìi no lugar más nalì. Neꞌndoxcuaꞌde templa xal ntoxcuaꞌ mèn chol templ loo izlyoꞌ ndxèꞌ.
\v 12 Ngòoleꞌ Crist leꞌn ryop leꞌn cheꞌn mbryop tabernáculo coꞌteꞌ nac lugar más natúꞌ tínꞌ por cón cheꞌn ryete mèn. Neꞌngòode Crist con ren chiv no con ren ngon yènꞌ. Ndxeꞌlequeꞌ, ngòo Crist por cón cheꞌn renpeꞌ lad Crist coꞌ mxyo. Por cón cheꞌn renpeꞌ Crist coꞌ mxyo, mbli Crist gan yòo ban no naꞌ Diox thidtene yiloa.
\v 13 Tac cheleꞌ ren ngon no ren chiv gutee no dii cheꞌn vac yènꞌ coꞌ mbryob loo mèn zaba mbli par ngòc mèna xalqueꞌ mèn natúꞌ no mèn nalì no mèn nambìi loo cón cheꞌn xtol mèn tiempa, per máa xtùuz mèna no máa conꞌ coꞌ ngo leꞌn lezoꞌ mèna, àꞌ?
\v 14 Per nalleꞌ, ngue niin loo guꞌ tedib vez: Cheleꞌ conꞌ mbli mèna mbli mbembìi mèn no ngòc mèna mèn nalì loo Diox tiempa, aleꞌqueꞌ ren cheꞌn Crist neꞌli gàc más conꞌ ndac loo mèn por cón cheꞌn ren ladpeꞌ Crist coꞌ mxyo, ¿léꞌ? Tac por cón cheꞌn Xpii Natúꞌ coꞌ thidtenequeꞌ nzo, por cón cheꞌn Xpiia leque yub Crist mdaꞌ lugar mquée yalguth loo Crist par mxactìi Crist no tataa mod mdix Crist cón cheꞌn xquin mèn no xtol mèn loo Diox. Cona, ren cheꞌn Crist ndli par mbembìi loo rye naꞌ no coꞌ mdenꞌ naꞌ leꞌn lezoꞌ naꞌ cón cheꞌn conꞌ mbli naꞌ xtùuz coꞌ neꞌngàcte conꞌ ndac loo Diox. Tataa mbli Crist par nac naꞌ mèn coꞌ ndli sirv loo Diox coꞌ nac thidte Diox coꞌ naban.
\p
\v 15 Por cón cheꞌn ryethe conꞌ coꞌ ngòc loo Jesucrist, nac Crist thìb mbiꞌ coꞌ nteriꞌth diꞌs cheꞌn mèn loo Diox por cón cheꞌn conveñ cub. Tac coꞌseꞌ ngolo mquée yalguth loo Crist, mtonꞌ Crist ryete xtol mèn coꞌ ngo xànꞌ yalnibeꞌ cheꞌn ner conveñgool. Leꞌ sya, mèn coꞌ Diox mcui, loo mèna Diox mcàbgòn yanꞌ no mèna conꞌ ndac thidtene coꞌ taꞌ Diox loo mèna yiloa.
\v 16 Coꞌteꞌ ngòo thìb conveñ, naquin gath mbiꞌ coꞌ mbli nèe conveña par tataa mod gàc leꞌ conveña ntacqueꞌ.
\v 17 Tac coꞌseꞌ ndyoxcuaꞌ yeꞌs coꞌ nac conveñ o xqueꞌsa coꞌ lèe testament, ndyoxcuaꞌ xqueꞌsa coꞌseꞌ yamerleꞌ gath thìb mbiꞌ coꞌ mbli conveñ. Per cheleꞌ mbiꞌ coꞌ mtoxcuaꞌ xqueꞌs coꞌ nac conveña beꞌ naban, yende cón ntac conveña par mèn, sya. Ante ntaca coꞌseꞌ ngolo nguth mbiꞌ.
\v 18 Por cona, ner conveñ coꞌ ngòc conveñgool ngòc nèe por cón cheꞌn ren cheꞌn máꞌ.
\v 19 Tac ngolo mdeꞌth Moisés no mblab Moisés yeꞌs coꞌ nac diꞌs coꞌ mnibeꞌ Diox coꞌ nac ley coꞌ mxoꞌf Moisés loo mèn nación Israel, ngoloa mnibeꞌ Moisés loo mèn par mbeth mèn ngon no chiv gutee. Ngoloa, mxen Moisés ren ngon, no ren chiv gutee, no nít, no yis lad mbacxilꞌ coꞌ mgoꞌ mèn con color nane, no thìb ram yaa coꞌ nxyen bix coꞌ ngroꞌ lèe hisop. Mxob Moisés ren loo libr coꞌ nac libr cheꞌn ley coꞌ mxoꞌf Moisés loo mèn no loo mèn nación Israel coꞌ mqueltàa loo Moisés tiempa.
\v 20 Moisés ndxab loo mèn nación Israel: Conꞌ ndxèꞌ nac ren coꞌ ndli nèe conveñ coꞌ mnibeꞌ Diox loo guꞌ par tyubdiꞌs guꞌ xal mbez diꞌs cheꞌn conveñ.
\v 21 Lomisqueꞌ mod ne, mxob Moisés ren máꞌ leꞌn tabernáculo no loo rye conꞌ coꞌ ndli zinꞌ mèn loo servis coꞌ mbli mèna loo Diox.
\v 22 Xalqueꞌ mnibeꞌ ley cheꞌn Moisés loo mèn tiempa, casqueꞌ ryete conꞌ coꞌ mbli zinꞌ mèn leꞌn templ tiempa mbembìi coꞌseꞌ mxyob ren máꞌ. Tac, lìcpeꞌ baꞌi, ante coꞌseꞌ mxyo ren ndyonꞌ xquin no xtol mèn.
\s Diꞌs ndxèꞌ ndluꞌ thidte vez nguth Crist par mtonꞌ Crist xtol mèn loo mèn, mèn coꞌ ndyal ngòo loo cón cheꞌn Diox por cón cheꞌn Crist.
\p
\v 23 Cona, ngue niin loo guꞌ: Mquin nguth mèn máꞌ no mquin mxob mèn ren máꞌa tiemp cheꞌn Moisés par mbembìi loo tabernaculogool tiempa no loo yiꞌf coꞌ mbli zinꞌ mèn leꞌn tabernáculo tiempa. Conꞌ coꞌ mbli zinꞌ mèna tiemp cheꞌn Moisés ngòc xal thìb muestr no xal thìb xin no thìb xnaa cón cheꞌn xá mod, lìcqueꞌ, ntonꞌ Diox xtol mèn loo mèn. Por cona, mquin nguth Crist no mquin mxyo ren Crist par mbembìi loo rye mèn coꞌ ndxòo loo mod cub coꞌ nac cheꞌnpeꞌ béꞌ par lyáꞌ mèn loo conꞌ ryes. Conꞌa nac thìb conꞌ más conꞌ ndac tínꞌ.
\v 24 Neꞌngòode Crist Jesús leꞌn tabernáculo coꞌ nac más natúꞌ tínꞌ coꞌ mdyoxcuaꞌ con yaꞌ mèn. Tac tabernáculo coꞌ mdyoxcuaꞌ con yaꞌ mèn tiempa, tabernaculoa ngòc xal thìb muestr no xin no xnaa cheꞌn merpeꞌ tabernáculo coꞌ nac lìcpeꞌ coꞌ nzo gáp loo béꞌ leꞌn béꞌ. Ndxeꞌlequeꞌ, ngòo Crist Jesús leꞌn béꞌ coꞌ nac loo béꞌ coꞌteꞌ nac merpeꞌ tabernáculo. Tya mbluꞌ too Jesucrist Jesucrist loo Diox por cón cheꞌn naꞌ.
\v 25 Neꞌndaꞌde Crist lugar par guth mèn Crist thìb baan vez xal mbeth mèn máꞌ no mxob mèn ren máꞌ par ngòo no nguleyꞌ roo nguleyꞌ xèn ren coꞌ inacte renpeꞌ nguleyꞌ roo nguleyꞌ xèn leꞌn ryop leꞌn tabernáculo coꞌteꞌ nac lugar coꞌ nac lugar más natúꞌ tínꞌ atate línꞌ.
\v 26 Tac cheleꞌi tataaqueꞌ ngàc, naquin tyactìi Crist Jesús thìb taareꞌ vez axta coꞌseꞌ mblec Diox izlyoꞌ no axta nalleꞌ. Per nalleꞌ, lìcpeꞌ baꞌi, leꞌn tiemp coꞌ nac lult tiemp ndxèꞌ, thìb lìte mbiꞌth luꞌ Crist Crist loo mèn thidte vez no maste par tonꞌ Crist cón cheꞌn xquin mèn no xtol mèn loo mèn. Tataa mbli Crist coꞌseꞌ mquée yalguth loo Crist no mxyo ren Crist par mxactìi Crist no mdix Crist cón cheꞌn xtol mèn loo Diox.
\v 27 Lomisqueꞌ ne, ndxàca loo mèn xal mnibeꞌ Diox ale ndxath bélꞌyòo lad mèn thidte vez. Leꞌ yiloa na, gàca tub rez Diox cón cheꞌn mèn loo mèn.
\v 28 Cona ne, thidte vez leque Crist Jesús mdaꞌ lugar mquée yalguth loo Crist Jesús no mxyo ren Crist Jesús loo izlyoꞌ loo Diox, coꞌ nee diꞌs, coꞌseꞌ mdenꞌ Crist yalnè lad Crist loo cruz, tataa mod mxactìi Crist no mtonꞌ Crist xquin huax mèn por cón cheꞌn lad Crist. Per ndxeꞌlequeꞌ, coꞌseꞌ yilo ryop vez yiꞌth Crist Jesús, neꞌyiꞌthte Crist Jesús por cón cheꞌn xquin mèn. Ndxeꞌlequeꞌ, yiꞌth xi Crist Jesús mèn, mèn coꞌ nzi quee lezoꞌ yiꞌth Crist Jesús par lyáꞌ mèna loo conꞌ ryes thidtene.
\c 10
\p
\v 1 Ley coꞌ mxoꞌf Moisés loo mèn nación Israel ngòc xal thìb xin no xnaa cheꞌn conꞌ ndac coꞌ mbiꞌth nqueleꞌ. Yende mod li ley coꞌ mxoꞌf Moisés loo mèn conꞌ ndac loo mèn xal li conveñ cub coꞌ nde nquea conꞌ ndac loo mèn. Tac mèna, atate línꞌ mbeth mèna ngon, mbeth mèna vac, no mbeth mèna chiv par xo mèn ren máꞌ par teriꞌth tecanꞌ Diox cón cheꞌn xquin mèn no xtol mèn loo mèn tiempa. Per mastaleꞌ mbli mèna conꞌa, yende mod telì conꞌa no tembìi conꞌa mèn, mèn coꞌ nzi bii gax loo Diox por cón cheꞌn conꞌ ndli mèn xal ñibeꞌ ley coꞌ mxoꞌf Moisés loo mèn.
\v 2 Cheleꞌ cón cheꞌn ley coꞌ mxoꞌf Moisés loo mèn ngác ntelì mèn no ngác tembìi mèn coꞌ mbeth ngon no vac no chiv xal mnibeꞌ ley coꞌ mxoꞌf Moisés loo mèn, sya, ya neꞌtolode nguth mèna más ngon no chiv no vac. Tac cheleꞌ mèna ngàc mèn nambìi no mèn nalì por cón cheꞌn conꞌ mbli mèna cón cheꞌn ley coꞌ mxoꞌf Moisés loo mèna, neꞌtolode ndenꞌ mèna leꞌn lezoꞌ mèna cón cheꞌn xquin no xtol coꞌ mcuaꞌn mèna no cón cheꞌn xquin no xtol coꞌ mbli mèna.
\v 3 Ndxeꞌlequeꞌ, coꞌseꞌ mbeth mèna ngon no vac no chiv par teriꞌth tecanꞌ Diox cón cheꞌn xquin mèn no xtol mèn loo Diox atate línꞌ, leque conꞌa mbli par ale mteꞌ lezoꞌ mèna cón cheꞌn xquin mèna no xtol mèna coꞌ mcuaꞌn mèna atate línꞌ.
\v 4 Tac yende mod li ren cheꞌn ngon no ren cheꞌn chiv gutee par tyonꞌ xtol mèn.
\p
\v 5 Por cona, coꞌseꞌ mbiꞌth Crist loo mèn loo izlyoꞌ, ndxab Crist loo Diox:
\pi1 Uꞌ neꞌngòode lezoꞌ par tolo guth mèn ngon no chiv no vac par xo mèn ren máꞌa par teriꞌth tecanꞌ Uꞌ cón cheꞌn xquin mèna no xtol mèna. Per Uꞌ mtoxcuaꞌ thìb bélꞌyòo coꞌ nac ladpeꞌen.
\pi1
\v 6 Ngon no chiv no vac coꞌ mtec mèn loo izlyoꞌ loo Uꞌ no conꞌ coꞌ mblec mèn loo mes, coꞌ nee diꞌs, mblec mèn conꞌ loo Uꞌ por cón cheꞌn xtol mèna, neꞌndacte lezoꞌ Uꞌ gunèe Uꞌ conꞌa.
\m
\v 7 Leꞌ sya, mbere Crist. Ndxab Crist loo Diox tedib vez:
\pi1 Huiꞌ Uꞌ nexa. Leꞌn yeꞌs coꞌ nadùuz coꞌ nac xtiꞌs Uꞌ ndub diꞌs coꞌ ndaꞌ cuent cón chenen leꞌ daa ndal li conꞌ coꞌ nee lezoꞌ Uꞌ, Tad Diox.
\m
\v 8 Nerlequeꞌ coꞌteꞌ ntlo diꞌs ndxèꞌ ndxab Crist loo Diox:
\pi1 Máꞌ coꞌ mbeth mèn no ren cheꞌn máꞌ coꞌ mxo mèn par teriꞌth tecanꞌ Uꞌ cón cheꞌn xtol mèna, no conꞌ coꞌ mblec mèna loo mes, coꞌ nee diꞌs, mblec mèna conꞌ loo Uꞌ, no máꞌ coꞌ mtec mèn par teriꞌth tecanꞌ Uꞌ cón cheꞌn xquin mèna no xtol mèna, neꞌndublaꞌste Uꞌi no neꞌngòode lezoꞌ Uꞌi, ne, mastaleꞌ tataa mnibeꞌ ley coꞌ mxoꞌf Moisés loo mèn li mèna loo Uꞌ.
\m
\v 9 Mbere Crist, ndxab Crist loo Diox tedib vez:
\pi1 Daa ngroꞌleꞌ loo Uꞌ; nzolen loo izlyoꞌ ndxeꞌ par lin coꞌ nee lezoꞌ Uꞌ, Tad Diox.
\m Coꞌseꞌ ngolo ndxab Crist tataa, mteche Crist conveñgool coꞌ ngòc ley coꞌ mxoꞌf Moisés loo mèn. Tataa mbli Crist par mbli nèe Crist conveñ cub coꞌ ndluꞌ conꞌ coꞌ nac coꞌ nee lezoꞌ Diox loo mèn.
\v 10 Ngòca loo naꞌ ngroꞌ xàꞌ naꞌ loo cón cheꞌn xab izlyoꞌ par ngòc naꞌ mèn cheꞌnpeꞌ Diox tac tataa nac coꞌ gunee lezoꞌ Diox gac loo naꞌ. Tataa ngòca loo naꞌ tac thidte vez mdaꞌ Jesucrist lugar mquée yalguth loo Jesucrist par tataa mod mxactìi Jesucrist no mdix Jesucrist por cón cheꞌn xquin ryete mèn no xtol ryete mèn loo Diox.
\p
\v 11 Ryete nguleyꞌ cheꞌn mèn nación Israel atate huiz mbeth máꞌ no mbec nguleyꞌ máꞌa loo mes, coꞌ nee diꞌs, mblec mèn conꞌ loo Diox par tataa mod mteriꞌth no mtecanꞌ Diox cón cheꞌn xquin mèn no cón cheꞌn xtol mèn tiempa. Per mastaleꞌ tataa mbli nguleyꞌ, thidtene neꞌngácte conꞌ coꞌ mbli nguleyꞌa par nteche conꞌ coꞌ mbli nguleyꞌa xquin mèn no xtol mèn. Thìba conꞌ ndxèꞌ.
\p
\v 12 Leꞌ tediba na, Crist Jesús coꞌ nac nguleyꞌ roo nguleyꞌ xèn cheꞌn naꞌ, thidte vez mdaꞌ Crist Jesús lugar mquée yalguth loo Crist Jesús par mxactìi Crist Jesús no mdix Crist Jesús cón cheꞌn xquin mèn no xtol mèn loo Diox. Ngoloa, ndub Crist Jesús cuat Diox loo béꞌ.
\v 13 Axta huiza no axta huiz nalze ngue bed Crist Jesús axtaqueꞌ gàc ryete mèn coꞌ nac ngolo ngolaꞌs cheꞌn Crist Jesús mèn nadoꞌ loo Jesús.
\v 14 Tac thidte vez no maste mdaꞌ Crist Jesús lugar mquée yalguth loo Crist Jesús par tataa mod mxactìi Crist Jesús no mdix Crist Jesús loo Diox cón cheꞌn xquin mèn no xtol mèn. Leque hora ryete mèn coꞌ ngroꞌ xàꞌ loo cón cheꞌn xab izlyoꞌ, mèn coꞌ ngòc cheꞌnpeꞌ Diox, hora Jesucrist mblileꞌ leꞌ mèna ngòc mèn nalì no mèn nambìi loo Diox.
\v 15 Xpii Natú ndaꞌ cuent no ndluꞌ Xpii Natúꞌ loo naꞌ cón cheꞌn conꞌa. Tac gunii Xpii Natúꞌ diꞌs ndxèꞌ thìb lugar loo libr coꞌ nac xtiꞌs Diox:
\pi1
\v 16 Conꞌ ndxèꞌ nac conveñ coꞌ lin loo mèna leꞌn huiz coꞌ nde nque, ndxab Tad Diox. Daa li par yaaꞌd diꞌs coꞌ ñibeꞌ ley daa leꞌn xtùuz mèn nación Israel. No lin par tenꞌ mèn nación Israel diꞌs cón cheꞌn ley daa leꞌn lezoꞌ mèna.
\m
\v 17 Tolo ndxab Xpii Natúꞌ taaplá diꞌs coꞌ nac diꞌs ndxèꞌ:
\pi1 Thidtene ya neꞌteꞌde lezon rye xtol mèna no conꞌ yeꞌrsinꞌ coꞌ mbli mèna.
\m
\v 18 Tac coꞌteꞌ mdyonꞌleꞌ xtol mèn no xquin mèn, ya inquinte tolo guth mèn máꞌ par taꞌ mèn cheꞌn izlyoꞌ loo izlyoꞌ loo Diox por cón cheꞌn xtol mèn.
\s Trèꞌ ndluꞌ xá mod ndxàal yòo mèn loo cón cheꞌn Diox.
\p
\v 19 Por cona, mèn huesen por cón cheꞌn Jesucrist, nase thìb lìte yòo naꞌ coꞌteꞌ nac lugar más natúꞌ tínꞌ coꞌteꞌ nzo Diox con dibaxlaꞌs por cón cheꞌn ren cheꞌn Jesuscrist coꞌ mxyo.
\v 20 Nase con más dibaxlaꞌs quee tee ban ndac naꞌ loo Diox por mod coꞌ mxalꞌ Jesús ned no yóꞌ loo naꞌ par yòo mèn loo Diox, coꞌ nee diꞌs, ndxàp naꞌ thìb mod cub par yòo ban naꞌ loo Diox. Por cón cheꞌn leque ladpeꞌ Jesús, Jesús mbli ndxàp naꞌ derech bii gax naꞌ loo Diox chol tiemp nalleꞌ xalqueꞌ ngòca coꞌseꞌ nguleyꞌ roo nguleyꞌ xèn mbriꞌth xís larꞌ coꞌ ngòc cortin par yòo nguleyꞌ roo nguleyꞌ xèn leꞌn ryop leꞌn tabernáculo coꞌteꞌ ngòc lugar más natúꞌ tínꞌ par teriꞌth nguleyꞌ roo nguleyꞌ xèna cón cheꞌn mèn loo Diox.
\v 21 Per nalleꞌ ngue noleꞌ naꞌ thìb nguleyꞌ roo nguleyꞌ xèn coꞌ nxoꞌf zinꞌ zinꞌ loo mèn coꞌ nac cheꞌnpeꞌ Diox, mèn coꞌ nac xal mèn guliz Diox.
\v 22 Por cona, ngue niin loo guꞌ: Tolo bii gax naꞌ loo Diox, coꞌ nee diꞌs, que tee ban ndac naꞌ no que tee ban lì naꞌ loo Diox con dib nzo yéc naꞌ no con dib nzo lezoꞌ naꞌ. No con dibaxlaꞌs, tyubdiꞌs naꞌ loo Diox tac ndxàp naꞌ yalxlaꞌs loo Diox. Tac xtùuz naꞌ no lezoꞌ naꞌ mbembìileꞌ por cón cheꞌn ren Crist Jesús coꞌ mxyo par neꞌtolode tenꞌ naꞌ cón cheꞌn xtol naꞌ leꞌn lezoꞌ naꞌ. Lomisqueꞌ, ngòca loo ladpeꞌ naꞌ leꞌ lad naꞌ mbyechleꞌ no mbembìileꞌ con nít nambìi, coꞌ nee diꞌs, mbembìileꞌ ladpeꞌ naꞌ loo ryethe conꞌ yeꞌrsinꞌ coꞌ ngòo leꞌn lezoꞌ naꞌ por cón cheꞌn Crist Jesús.
\v 23 Thidtenequeꞌ li nèe naꞌ naꞌ loo conꞌ coꞌ ndxelaꞌs naꞌ coꞌ nzi quee lezoꞌ naꞌ axtaqueꞌ gàc conꞌ coꞌ nzi quee lezoꞌ naꞌ gàc loo naꞌ. Ndxàp naꞌ yalxlaꞌs leꞌi gàc loo naꞌ tac Diox liqueꞌ coꞌ mcàbgòn Diox li Diox loo naꞌ.
\v 24 No ndlyazen tyóo naꞌ xá mod li naꞌ par tolo yeꞌth lezoꞌ thìb xtàa naꞌ no tedib xtàa naꞌ par tolo gác naꞌ queꞌ lezoꞌ naꞌ Diox no queꞌ lezoꞌ naꞌ ñèe naꞌ rye hues xtàa naꞌ no tolo li naꞌ conꞌ ndac loo rye mèn.
\v 25 Neꞌláꞌyaꞌde naꞌ mod coꞌ ngue no naꞌ coꞌ nqueltàa naꞌ loo servis loo Diox xal ndli ndxep mèn coꞌ tith tith ndyee loo servis loo Diox. Ndxeꞌlequeꞌ, tolo coꞌx naꞌ loo thìb xtàa naꞌ no loo tedib xtàa naꞌ par yeꞌth lezoꞌ thìb xtàa naꞌ no tedib xtàa naꞌ loo cón cheꞌn Tad Diox tac guꞌ non no nanee guꞌ nde zinꞌ gaxleꞌ huiz coꞌseꞌ yiꞌth xi Tad Jesucrist naꞌ.
\p
\v 26 Tac cheleꞌ naꞌ tolo cuaꞌn xtol naꞌ xal neepeꞌ lezoꞌ naꞌ coꞌseꞌ ngolo non naꞌ no gunèe naꞌ no mbli laꞌs naꞌ coꞌ nac conꞌ lìcpeꞌ, leꞌ sya, loo naꞌ yende conꞌ ntac conꞌ coꞌ ngòc loo Crist coꞌseꞌ mxyo ren Crist par tataa mod mxactìi Crist par mdix Crist cón cheꞌn xquin naꞌ no xtol naꞌ loo Diox.
\v 27 Ale ndxeꞌlequeꞌ, leque mèna ngue queltàa yaltìi tínꞌ loo mèna cón cheꞌn conꞌ yeꞌrsinꞌ tínꞌ coꞌ gàc loo mèn coꞌseꞌ tub rez Diox cón cheꞌn mèna loo mèna. Lomisqueꞌ, yecloo tínꞌ Diox loo mèn coꞌ nac ngolo ngolaꞌs cheꞌn Diox axta telux Diox mèna xal ndlyux chol conꞌ loo quìi no loo bèel.
\v 28 Póla coꞌseꞌ ngo mèn coꞌ neꞌndubdiꞌste loo ley coꞌ mxoꞌf Moisés loo mèn no, làth xtauꞌa, ngo chop o son mèn coꞌ gunèe conꞌ coꞌ ngue li mèna no ngua taꞌ mèn coꞌ gunèe mèna part coꞌ mbli mèna loo mèn nac zinꞌ. Coꞌseꞌ mbìn mèn nac zinꞌ conꞌ ngue li mèna, ale mbeth mèn yòolaua prob mèn coꞌ mcuaꞌn xquina no yende chó mèn nglat lezoꞌ ngnèe prob mèna.
\v 29 Pues cheleꞌ mèn nac zinꞌ tataa mbli con mèna póla, ¿xá ngobeꞌ guꞌ? ¿Chéꞌ imas nède tetìi Diox mèn coꞌ ndli ngòc nguàal conꞌ loo cón cheꞌn ren xganꞌ Diox no nde nxonꞌ, nazab ñii yèe ñii tìi mèna cón cheꞌn Diox, Diox coꞌ anzeꞌf nqueꞌ lezoꞌ ñèe mèn, càꞌ? Tetìiqueꞌ Diox mèna axta plóthe. No por cón cheꞌn ren cheꞌn Crista, ndxàc loo mèn ndryoꞌ mèn loo cón cheꞌn xab izlyoꞌ par ndxàc mèn mèn cheꞌnpeꞌ Diox.
\v 30 Tac naꞌ nanee leꞌ Tad Diox nac xaꞌ coꞌ ndxab:
\pi1 Cón chenen ndxanꞌ cón cheꞌn mèn yeꞌrsinꞌ. Daa tetìi mèna. Daa guix càa mèna no go xtàan conꞌ mbli mèna xalqueꞌ nac coꞌ mbli mèna.
\p No lomisqueꞌ, mbyanꞌ diꞌs coꞌ ndxab Diox:
\pi1 Daa coꞌ nac Tad loo ryethe conꞌ, daa tub rez loo mèn coꞌ nac mènpeꞌ daa.
\v 31 Anzeꞌf nè tínꞌ gàca loo mèn coꞌseꞌ tetìi Diox mèn làth ndxecloo Diox loo mèn, Diox coꞌ nac thidte Diox coꞌ naban.
\p
\v 32 Per ndxeꞌlequeꞌ, teꞌ lezoꞌ guꞌ cón cheꞌn tiemp coꞌ ngòc loo guꞌ thìb cuaꞌa coꞌseꞌ sete mdub xnìi yéc guꞌ no coꞌseꞌ sete mdub xnìi lezoꞌ guꞌ mdenꞌ guꞌ cón cheꞌn Crist Jesús. Tiempa ale mxec yèe guꞌ mdenꞌ guꞌ huax yaltìi coꞌseꞌ mdub nguꞌs mèn guꞌ.
\v 33 Ngòc guꞌ mèn coꞌ mxac yaltìi coꞌseꞌ mdub nguꞌs mèn guꞌ thìb cuaꞌa. Thìba conꞌ ndxèꞌ.
\p Leꞌ tedib na, thidte mqueltàa guꞌ con mèn coꞌ mxac yaltìi no yalndyub nguꞌs par lyath no guꞌ prob mèna.
\v 34 Guꞌ anzeꞌf mblyat lezoꞌ gunèe guꞌ mèn coꞌ mqueꞌ leziꞌf. No iante conꞌada. Ndxeꞌlequeꞌ, mdyac lezoꞌ guꞌ coꞌseꞌ mbli huanꞌ mèn conꞌ mque no guꞌ tac guꞌ nonqueꞌ no naneequeꞌ guꞌ leꞌ guꞌ ngue no más conꞌ coꞌ anzeꞌf ntac loo béꞌ coꞌ nac conꞌ ndac coꞌ neꞌlith node no conꞌ coꞌ neꞌlyuxte.
\v 35 Neꞌgàcte guꞌ mèn coꞌ ndxàc chop loo chop laꞌs loo cón cheꞌn Crist. Mèn coꞌ, lìcqueꞌ, ndxàp yalxlaꞌs loo Diox, mèna càayaꞌqueꞌ yalndxax coꞌ taꞌ Diox loo mèna.
\v 36 Naquinqueꞌ tolo chaꞌlaꞌs guꞌ láth nzi tee ban guꞌ làth xtàa guꞌ loo izlyoꞌ ndxèꞌ par tolo li guꞌ coꞌ nee lezoꞌ Diox. Leꞌ sya, càayaꞌ guꞌ ryethe conꞌ coꞌ mcàbgòn Diox li Diox loo guꞌ.
\v 37 Tac loo xtiꞌs Diox ndub diꞌs coꞌ mbez:
\pi1 Leꞌn taandxep tiemp yiꞌth xaꞌ coꞌ ndxath yiꞌthqueꞌ no neꞌlyenꞌte xaꞌ par yiꞌth xaꞌ.
\pi1
\v 38 Per nase mèn coꞌ nac mèn nalì no mèn nambìi, mèna nzi tee banqueꞌ loo conꞌ coꞌ ndxelaꞌs mèna loo Diox. Per cheleꞌ ndxep mèna que tee xàꞌ loo cón chenen, neꞌtyacte lezon ñèen mèna, ndxab Diox.
\m
\v 39 Per naꞌ inacte xal taamas mèn coꞌ ndyoo xàꞌ lezoꞌ loo cón cheꞌn Tad Crist par bere mèn, que tee li mèn xal mque tee li mèn ndooreꞌ yòo mèn loo cón cheꞌn Tad Crist par mblyux mèna. Ndxeꞌlequeꞌ, nac naꞌ mèn coꞌ ndxàp yalxlaꞌs loo Diox por cón cheꞌn Jesucrist par que no naꞌ yalnaban thidtene. Neꞌryoꞌ xàꞌde alm naꞌ loo Diox thidtene.
\c 11
\s Trèꞌ ndluꞌ coꞌseꞌ, lìcqueꞌ, ndxelaꞌs mèn loo Diox por cón cheꞌn Crist, ya yende conꞌ más ndxàc falt par yòo ban no mèn Diox.
\p
\v 1 Mèn coꞌ, lìcqueꞌ, ndxàp yalxlaꞌs loo Diox por cón cheꞌn Crist, mèna ngobeꞌqueꞌ gàc conꞌ coꞌ nzi queequeꞌ lezoꞌ mèna coꞌ li Diox loo mèna. No mèn coꞌ ndxelaꞌs loo Diox por cón cheꞌn Crist, mèna mbìn diꞌs cheꞌn Diox no nque tee ban mèna xal ñibeꞌ Diox tac mèna nonqueꞌ leꞌ conꞌ coꞌ gunii Diox cón cheꞌn conꞌ coꞌ indxúꞌde loo naꞌ nac conꞌ lìcpeꞌ.
\v 2 Lìcqueꞌ nac diꞌs ndxèꞌ tac mèn gox coꞌ ngòc xudgool naꞌ coꞌ ngo ban póla ngòp yalxlaꞌs loo Diox. No mbli mèna coꞌ mnibeꞌ Diox axtaqueꞌ yub Diox mdaꞌ cuent cón cheꞌn mèn gox coꞌ ngòc xudgool naꞌ huenqueꞌ mbli mèna no mque tee ban lì mèna loo Diox.
\p
\v 3 Por yalxlaꞌs coꞌ ndxàp naꞌ loo Diox, nonqueꞌ naꞌ no naneequeꞌ naꞌ ante gunii Diox no mnibeꞌ Diox ngòcsuaꞌ ryethe conꞌ coꞌ nziriꞌ. Cona nee diꞌs, leꞌ ryethe conꞌ coꞌ ngòcsuaꞌ, por cón cheꞌn conꞌ coꞌ nzo laꞌs nii Diox no laꞌs yaꞌ Diox no maste ngòcsuaꞌ conꞌ. Conꞌ coꞌ nzo laꞌs nii Diox no laꞌs yaꞌ Diox indxúꞌde loo mèn.
\p
\v 4 Abel coꞌ ngòc xganꞌ ner mbiꞌ coꞌ ngo ban loo izlyoꞌ coꞌ ngòc Adán, Abel ngòp yalxlaꞌs loo Diox. Por cona, más conꞌ ndac ngòc máꞌ coꞌ mbeth Abel par mteriꞌth mtecanꞌ Diox cón cheꞌn xquin Abel no xtol Abel loo Abel leque conꞌ coꞌ mblec Caín, hues Abel, loo còoꞌ par mdix Caín par mteriꞌth mtecanꞌ Diox cón cheꞌn xquin Caín no xtol Caín loo Caín. Por cona, mblo ro Diox nalì no nambìi ngòc Abel no anzeꞌf ngòo lezoꞌ Diox gunèe Diox máꞌ coꞌ mbeth Abel par mdix Abel par mteriꞌth mtecanꞌ Diox cón cheꞌn xquin Abel no xtol Abel loo Abel tiempa. Cona, axta nalleꞌ conꞌ coꞌ mbli Abel, por ngòp Abel yalxlaꞌs loo Diox tiempa, conꞌa ndluꞌ loo naꞌ ndxàal gàp naꞌ yalxlaꞌs loo Diox, ne.
\p
\v 5 Enoc ngolaꞌs loo Diox, ne. Por cona, neꞌngathte Enoc. Neꞌ neꞌ ngzal Enoc loo mèn tiempa tac Diox mbiꞌth xi Enoc loo izlyoꞌ. Mbeꞌ Diox Enoc loo béꞌ coꞌteꞌ nzo Diox. Ndooreꞌ hueꞌ Diox Enoc, Diox mdaꞌ cuent ngòo lezoꞌ Diox Enoc.
\v 6 Per mèn coꞌ indxàpte yalxlaꞌs loo Diox, yende mod li mèna conꞌ coꞌ yòo lezoꞌ Diox. Tac mèn coꞌ lyaꞌs yòo loo cón cheꞌn Diox, naquinqueꞌ yilaꞌs mèna leꞌ Diox nzoqueꞌ, no làth xtauꞌa, naquinqueꞌ gàp mèna yalxlaꞌs leꞌ Diox, lìcqueꞌ, li conꞌ ndac loo mèn coꞌ ngòo loo cón cheꞌn Diox con dib nzo yéc mèn no con dib nzo lezoꞌ mèn.
\p
\v 7 Noé, ne, ngòp yalxlaꞌs loo Diox. Mdubdiꞌs Noé loo Diox. Coꞌseꞌ ndxab Diox cón cheꞌn conꞌ coꞌ gàc loo Noé, mtlo Noé mbli nab Noé thìb yòoyaa roo par lyáꞌ ryete mèn guliz Noé loo conꞌ ryes. Tataa mod mzib quìi Noéꞌ mèn tiempa tac neꞌngalaꞌste mèna ro Noé. No ngòcqueꞌ diꞌs coꞌ gunii Noé. Tataa mod mblo ro Diox ngòc Noé thìb mbiꞌ nalì no thìb mbiꞌ nambìi loo Diox tac ngòp Noé yalxlaꞌs loo Diox no ngolaꞌs Noé loo Diox.
\p
\v 8 Abraham, ne, ngòp yalxlaꞌs loo Diox. Coꞌseꞌ ndxab Diox loo Abraham ryoꞌ Abraham liz Abraham no làaz Abraham par ya Abraham no zin Abraham axta coꞌteꞌ càayaꞌ Abraham lugar coꞌteꞌ yòo ban Abraham par gàc cheꞌnpeꞌ Abraham lugara, pues, mdubdiꞌsqueꞌ Abraham loo Diox. Sya, ale ngroꞌ Abraham axta neꞌ neꞌ ñee Abraham pá zin Abraham no pá ya Abraham.
\v 9 No por ngòp Abraham yalxlaꞌs loo Diox, ngo ban Abraham xal mèn tith làaz mèn coꞌteꞌ mcàbgòn Diox loo Abraham gàc cheꞌnpeꞌ Abraham yiloa. No ngo ban Abraham làaz mèna leꞌn thìb yòo mantyad no maste. Látha, ngóol Isaac, xganꞌ Abraham. No ngóol Cob, xganꞌ Isaac, tya coꞌteꞌ thidte mban no Abraham ryete myenꞌ xinꞌ Abraham. No látha, mcàbgòn Diox leque conꞌa loo Isaac no loo Cob xalqueꞌ mcàbgòn Diox conꞌ loo Abraham li Diox conꞌ loo Abraham.
\v 10 Abraham mdub quee lezoꞌ axtaqueꞌ zin Abraham ciuda coꞌ mblec tee yub Diox no coꞌ mxít téꞌf yub Diox xal thìb maistr albañil, coꞌ nee diꞌs, nac leque loo béꞌ.
\p
\v 11 No leque yub Sar ngòp yalxlaꞌs loo Diox. Ngòc Sar mèn rnith. Coꞌseꞌ ngolo nguriꞌth tiemp ngòc Sar myenꞌgot no neꞌndante xinꞌ Sar axta ngòc Sar thìb xaꞌgotgool, Diox mbli thìb yalguzyeꞌ loo Sar. Ale tiempa mquéeloo thìb xinꞌ Sar loo Sar. No mxan gox Sar thìb xganꞌ Sar. Ngòc conꞌa loo Sar tac ngolaꞌs Sar loo Diox leꞌ Diox liqueꞌ coꞌ mcàbgòn Diox li Diox loo Sar.
\v 12 No por cón cheꞌn thidte mbiꞌ coꞌ ngòc Abraham coꞌ yamerleꞌ gath loo yíizgool, bin mbiꞌa ngos mdyàl xal mbèelbéꞌ coꞌ nziꞌf loo béꞌ no xal yux coꞌ nziriꞌ ro níttóꞌ, coꞌ nee diꞌs, mque no mbiꞌa huax bin axta yende chó mèn gác lab mèn coꞌ ngòc bin mbiꞌa.
\p
\v 13 Ryete loo mèn coꞌ mcàbgòn Diox tiempa, ryete mèna ngolaꞌs axta nguth mèna. Mèna neꞌncàayaꞌde ryete conꞌ coꞌ mcàbgòn Diox loo mèn tiempa ndooreꞌ gath mèn. Ante ngòca loo mèna tiempa xal thìb conꞌ coꞌ tith tith mbyúꞌ loo mèna. No mdyac lezoꞌ mèna tac gunèe mèna cón cheꞌna ndooreꞌ gàca. Por cón cheꞌn cona, mblo ro mèna nac mèna mèn tith làaz chol mèn coꞌteꞌ ndxòo mèna. Lomisqueꞌ mod, mblo ro mèna inacte mèna mèn cheꞌnpeꞌ izlyoꞌ ndxèꞌ.
\v 14 Mèn coꞌ ndyoodiꞌs tataa, clarlequeꞌ ngo ro mèna leꞌ mèna ngue cuaꞌn thìb lugar coꞌteꞌ cuec mèna nacionpeꞌ mèna.
\v 15 Cheleꞌ mèna ngli xtùuz cón cheꞌn coꞌteꞌ ngroꞌ mèna, lìcpeꞌ baꞌi, ngàcqueꞌ mbere mèna, mbii mèna tedib vez coꞌteꞌ ngroꞌ mèna.
\v 16 Per ale ndxeꞌlequeꞌ, mblyaꞌs mèna que no mèna thìb nación coꞌ gàc thìb nación más ndac, coꞌ nee diꞌs, gàc thìb nación gáp loo béꞌ coꞌteꞌ nzo Diox. Por cona, Diox inthyonte par ryoꞌ lèe Diox Diox cheꞌnpeꞌ mèna. Tac Diox mbli nableꞌ thìb ciuda coꞌ gàc ciuda cheꞌnpeꞌ mèna.
\p
\v 17 Abraham ngolaꞌs loo Diox, ne. Coꞌseꞌ mbli Diox preb loo Abraham ñeeneꞌ chéꞌ tyubdiꞌs Abraham loo Diox, Abraham mdubdiꞌsqueꞌ. Mxen Abraham cuchi no nda no Abraham Isaac coꞌ ngòc thidte xganꞌ Abraham par yiꞌf yèe guthxùꞌ Abraham Isaac xalqueꞌ mnibeꞌ Diox loo Abraham li Abraham. Tataa mbli Abraham par mbluꞌ Abraham loo Diox leꞌ Abraham ngolaꞌsqueꞌ loo Diox mastaleꞌ angoluxte Isaac mcàbgòn Diox leꞌ Isaac gàc xinꞌ Abraham.
\v 18 Ndxab Diox loo Abraham: Por cón cheꞌn Isaac yas yàl bin coꞌ gàc bin lùu.
\v 19 Tataa mod mblo ro no mbluꞌ Abraham leꞌ Diox nac Diox roo Diox xèn coꞌ ndxác ngo xban mèn nguth. Por cona, coꞌseꞌ ndxab Diox loo Abraham: Neꞌguthtel xganꞌl, ey, hora mdenꞌ Abraham leꞌ Abraham mcàayaꞌ xganꞌ Abraham coꞌ ngro xban làth mèn nguth.
\p
\v 20 Isaac coꞌ ngòc xganꞌ Abraham ngolaꞌs loo Diox. Por cona, ndxab Isaac loo Cob no loo Sau coꞌ ngòc ryop xganꞌ Isaac: Diox huen nda guꞌ. Gàc conꞌ ndac loo guꞌ, ndee guꞌ. Làth xtauꞌa, Isaac ngue li xtùuz cón cheꞌn conꞌ coꞌ gàc loo bin myenꞌa yiloa.
\v 21 Cob, ne, coꞌ ngòc xganꞌ Isaac ngolaꞌs loo Diox. Por cona, coꞌseꞌ ngue tin liz Cob, gunii Cob Diox loo mèn guliz Cob. Ndxab Cob loo xot Cob coꞌ ngòc xinꞌ Chè, ne: Diox huen nda guꞌ. No láth ngurez Cob Diox, mdoo xoꞌf daa Cob loo yaagàa coꞌ ndyen Cob.
\v 22 Chè, ne, coꞌ ngòc xganꞌ Cob, ngolaꞌs loo Diox. Por cona, coꞌseꞌ nax tin liz Chè, gunii Chè cón cheꞌn mèn nación Israel leꞌ mèn nación Israel ryoꞌ leꞌn nación Egipt par ya ban mèna tedib lugar. No mnibeꞌ Chè loo mèna xá mod li no mèna zith Chè coꞌseꞌ gàc Chè thebol tiempa no coꞌseꞌ ryoꞌ mèn nación Israel leꞌn nación Egipt.
\p
\v 23 Xud Moisés no xnaꞌ Moisés ngòp yalxlaꞌs loo Diox, ne. Por cona, coꞌseꞌ ngóol Moisés, mèn guliz Moisés mcasloo Moisés leꞌn son mbeꞌ tac gunèe mèna anzeꞌf nabeꞌs ñaa Moisés. No neꞌngzebte mèn guliz Moisés loo yalñibeꞌ cheꞌn rey tiempa.
\v 24 Moisés, ne, ngòp yalxlaꞌs loo Diox. Coꞌseꞌ ngolo mbryoo mxyèn Moisés, mcà diꞌs Moisés loo mèn coꞌ mbez leꞌ Moisés nac xganꞌ rsap Faraón.
\v 25 Ndxeꞌlequeꞌ, mdoo lezoꞌ Moisés más huen tyactìi Moisés con mèn nación cheꞌnpeꞌ Diox leque tyac lezoꞌ Moisés loo cón cheꞌn xtol mèn coꞌ ndaꞌ gust lezoꞌ mèn no coꞌ nac thìb gust coꞌ ndaꞌ mèn lezoꞌ mèn leꞌn ndxep huiz no maste.
\v 26 Tac Moisés mbli xtùuz más huen gàca loo Moisés cheleꞌ Moisés tyactìi ryete yalndyub nguꞌs cón cheꞌn Crist leque li Moisés gan ryete tesor cheꞌn mèn nación Egipt tac mdyóo Moisés cón cheꞌn conꞌ ndac coꞌ gàc loo Moisés yiloa.
\v 27 Por ngolaꞌs Moisés loo Diox, ngroꞌ Moisés nación Egipt. Neꞌngzebte Moisés gàc nayiꞌ rey Faraón loo Moisés. Moisés mnibeꞌqueꞌ lezoꞌ li Moisés sirv loo Diox xal mèn coꞌ ngue huiꞌ loo Diox, Diox coꞌ yende mod huiꞌ mèn loo.
\p
\v 28 Por ngòp Moisés yalxlaꞌs loo Diox, mnibeꞌ Moisés loo mèn nación Israel li mèna thìb lni coꞌ lèe lni pasc, coꞌ nee diꞌs, ngòc huiz coꞌseꞌ mtà mèna ren cheꞌn mbacxilꞌ lad puert liz mèn xal mnibeꞌ Diox. Tataa mbli mèna tac leque hora Diox mtelꞌ thìb angl par ya yuth angl rye myenꞌ ndlyo rye liz mèn nación Egipt coꞌteꞌ neꞌntàde mèn ren mbacxilꞌ lad puert xal mnibeꞌ Diox li mèn nación Israel.
\v 29 Mèn nación Israel, ne, ngolaꞌs loo Diox. Mbriꞌth mèn nación Israel leꞌn níttóꞌ coꞌ lèe Níttóꞌ Nane Ren xal loo yòo biiz. Per ale ndxeꞌlequeꞌ, coꞌseꞌ mblyaꞌs mèn egipt riid mèn egipt leꞌn níttóꞌa, mtauꞌ nít loo mèn nación Egipt no nguáp ryete mèn leꞌn nít.
\p
\v 30 Por ngolaꞌs mèn nación Israel loo Diox, ngòb che ftoo cheꞌn ciuda Jericó coꞌseꞌ ngolo gaz huiz mblo mèn nación Israel vuelt xànꞌ btoo cheꞌn ciuda Jericó.
\v 31 Rahab coꞌ ngòc thìb xaꞌgot coꞌ mbli yalburrid ndooreꞌ, Rahab ngolaꞌs loo Diox. Por cona, mblyáꞌ Rahab coꞌseꞌ mbeth mèn nación Israel mèn Jericó coꞌ neꞌngalaꞌste no coꞌ neꞌndubdiꞌste loo Diox. Mblyáꞌ Rahab tac mblyath no Rahab mèn nación Israel coꞌ ngua laꞌs loo mèn ciuda Jericó.
\p
\v 32 ¿Cón más tolo niin loo guꞌ? Ya yende conꞌ más tolo niin loo guꞌ. Ya neꞌlyathte daa par tolo tyoodizen cón cheꞌn conꞌ ngòc loo thìb mbiꞌ coꞌ ngroꞌ lèe Gedeón, no cón cheꞌn tedib mbiꞌ coꞌ ngroꞌ lèe Barac, no cón cheꞌn tedib mbiꞌ coꞌ ngroꞌ lèe Sansón, no cón cheꞌn tedib mbiꞌ coꞌ ngroꞌ lèe Jefté, no cón cheꞌn tedib mbiꞌ coꞌ ngroꞌ lèe David coꞌ ngòc rey póla, no cón cheꞌn tedib mbiꞌ coꞌ ngroꞌ lèe Samuel, no cón cheꞌn rye mèn coꞌ mdeꞌth diꞌs coꞌ ndxab Diox póla.
\v 33 Por ngolaꞌs rye mèna loo Diox, mbli mèna gan loo xóꞌ loo chol nación. No mxoꞌf zinꞌ mèna zinꞌ coꞌ ngòc zinꞌ natúꞌ no zinꞌ nambìi. Mblyath no Diox mèna xal mcàbgòn Diox lyath no Diox mèna. Diox mblyath no mèna par mtauꞌ mèna ro mbeestoopeꞌ.
\v 34 Por ngolaꞌs mèna, mbli mèna gan neꞌnsoꞌde no neꞌntecte quìi bèel mèna. Mblyáꞌ mèna loo yalguth coꞌseꞌ mblyaꞌs nguth mèn coꞌ ngòc ngolo ngolaꞌs mèna con cuchi no spad. Diox mdaꞌ fuerz loo mèna. Ngòc mèna mbiꞌ tínꞌ loo xóꞌ. Mbli mèna gan mxonꞌ solndad coꞌ ngòc ngolo ngolaꞌs cheꞌn mèna loo mèna, solndad coꞌ ngòc solndad cheꞌn tedib nación.
\v 35 Ngo xaꞌgot coꞌ mcàayaꞌ xinꞌ coꞌ ngro xban làth mèn nguth. Ngo taandxep mèn mdin yaa mèn no mdin quèe mèn coꞌ ngòc ngolo ngolaꞌs mèna axta nguth mèn. Mèna neꞌndalte, no neꞌngzebte, no neꞌ neꞌ ngláꞌ mèna loo conꞌ ryes tac mèna ngure queequeꞌ lezoꞌ ryo xban mèna loo thìb yalnaban coꞌ nac thìb yalnaban más ndac.
\v 36 Taamas mèna mxactìi loo yalndyub nguꞌs coꞌseꞌ mdin mèn yeꞌrsinꞌ prob mèna. No axta mdub dóꞌ mèn yeꞌrsinꞌ yaꞌ prob mèna no mdub dóꞌ mèn yeꞌrsinꞌ nii prob mèna con caden no mqueꞌ mèn yeꞌrsinꞌ prob mèna leziꞌf.
\v 37 No mbuaaꞌd quèe mèn yeꞌrsinꞌ prob mèna. Mbli rol mèn yeꞌrsinꞌ mèna con sierr. Mbli mèn preb mèna neeneꞌ chéꞌ tluꞌ mèna mod coꞌ ndxelaꞌs mèna loo Diox. Mbeth mèn yeꞌrsinꞌ prob mèna con spad. Mque tee prob mèna par nedrèꞌ no par ned baꞌ. Ngòc xab mèna yid mbacxilꞌ no yid chiv. Mxactìi prob mèna axta plóthe. Mxi yéc mèna no mxi lezoꞌ mèna axta plóthe. Mbli mèn yeꞌrsinꞌ conꞌ yeꞌrsinꞌ axta plóthe mblyaꞌs mèn con prob mèna.
\v 38 Axta neꞌ neꞌ indxàal que tee ban prob mèna làth mèn izlyoꞌ tac axta arid naxin no nayiꞌ nac mèn izlyoꞌ. Mque tee ban ndxep prob mèna leꞌn yix no leꞌn huan no coꞌteꞌ nagán. No ngo ban mèna leꞌn lyoꞌ no leꞌn chol yeꞌr yòo.
\v 39 Loo ryete prob mèna mdaꞌ Diox cuent ndac cón cheꞌn prob mèna tac ngolaꞌs mèna loo Diox loo ryethe conꞌ mxactìi mèna. Per prob mèna neꞌngnèede no neꞌncàayaꞌde mèna conꞌ no neꞌngàcte conꞌ loo prob mèna coꞌ mcàbgòn Diox li Diox loo mèna yiloa.
\v 40 Tac Diox mnibeꞌ loo lezoꞌ Diox li Diox thìb conꞌ más conꞌ ndac loo prob mèna no loo naꞌ. Por cona, Diox mbli par thidte ngòc mèna mèn nalì no mèn nambìi loo Diox leque mod coꞌ ndxàc naꞌ mèn nalì no mèn nambìi loo Diox nalleꞌ.
\c 12
\s Ante loo Jesús no loo cón cheꞌn Jesús huiꞌ mèn no ñaa mèn.
\p
\v 1 Tataaqueꞌ nonqueꞌ naꞌ no naneequeꞌ naꞌ nzo thìb baan mèn coꞌ nalì no nambìi mque tee ban loo Diox. Mèna beꞌ ndluꞌ no ndaꞌ mèna cuent por cón cheꞌn ryethe yaltìi, coꞌ ngòc loo mèna axta plóthe por cón cheꞌn Diox, leꞌ mèna, lìcqueꞌ, ngolaꞌs loo Diox no, lìcqueꞌ, mdubdiꞌs mèna loo Diox. Por cona, láꞌ naꞌ ryete conꞌ coꞌ ncaꞌ no coꞌ ncà loo naꞌ thìb lad par que tee ban ndac naꞌ no que tee ban lì naꞌ loo Diox. No láꞌ naꞌ rye xquin naꞌ no xtol naꞌ coꞌ ndryoꞌ ndlyenꞌ lezoꞌ naꞌ li naꞌ thìb lad. No chaꞌlaꞌs naꞌ no xec yèe naꞌ láth nque tee li naꞌ conꞌ coꞌ ñibeꞌ Diox loo naꞌ axta gath naꞌ xal coꞌseꞌ nqueꞌ thìb mbiꞌ carre par li mbiꞌ gan thìb puest.
\v 2 Thidte gàc xtùuz thìb thìb naꞌ no thidte gàc lezoꞌ thìb thìb naꞌ ante loo cón cheꞌn Jesús no tyóo naꞌ cón cheꞌn xá mod mxactìi Jesús. Jesús nac xaꞌ coꞌ mblo xnee, no coꞌ mbli nab, no coꞌ mxoꞌf zinꞌ ryete conꞌ coꞌ nac cón cheꞌn ryethe conꞌ coꞌ ndxelaꞌs naꞌ. No mbli Jesús ryete conꞌ coꞌ ngòcpeꞌ loo Jesús par tataa mod ngolaꞌs naꞌ no ndxàp naꞌ yalxlaꞌs loo Jesús. Ale mxactìi Jesús axta plóthe no neꞌngthonte Jesús nguth Jesús loo cruz. Tac Jesús nonqueꞌ no naneequeꞌ Jesús coꞌseꞌ yilo riid yaltìia loo Jesús, tyac lezoꞌ Jesús no thidtene xoꞌf ndeꞌ xoꞌf ndlaꞌ lezoꞌ Jesús. Ngolo mxactìi Jesús, nguáp Jesús loo béꞌ par ngua tub Jesús cuat Diox ladlì coꞌteꞌ ndub Diox.
\p
\v 3 Ftyóo guꞌ no bli guꞌ xtùuz coꞌ huenlequeꞌ cón cheꞌn Jesús xal mtetìi mèn yeꞌrsinꞌ coꞌ ngòp xtol Jesús axta plóthe. Cheleꞌ guꞌ tataa tyóo no li guꞌ xtùuz, neꞌgàcta loo guꞌ par yizan guꞌ no tyoo xàꞌ lezoꞌ guꞌ no guuꞌs lezoꞌ guꞌ loo cón cheꞌn Jesús.
\v 4 Tarte gàca loo guꞌ guth mèn guꞌ, mèn coꞌ guꞌ mbyoo tac ñee guꞌ ncuaꞌn mèna xquin mèna. No por cona, ndlyaꞌs mèna guth mèna guꞌ. Per tarte guth mèn nec thìb guꞌ.
\v 5 ¿Chéꞌ mblyathlaꞌsleꞌ guꞌ diꞌs coꞌ mcoꞌx Diox loo guꞌ por nacleꞌ guꞌ xinꞌpeꞌ Diox, càꞌ? Huiꞌ guꞌ nexa. Taandxèꞌ mbez loo libr coꞌ nac xtiꞌs Diox. Ndxab Diox:
\pi1 Guꞌ coꞌ nac xinꞌpeꞌen, neꞌgabte guꞌ loo lezoꞌ guꞌ: Susqueꞌ ngue tetìi Diox nuꞌ, coꞌseꞌ li Diox gàc yaltìi loo guꞌ. Neꞌ neꞌ tyoo xàꞌ lezoꞌ guꞌ coꞌseꞌ nadoꞌ diꞌs nadoꞌ cuent yoon guꞌ ndxep.
\pi1
\v 6 Tac Tad Diox ñibeꞌ loo mèn xá mod ndxàal que tee ban mèn, mèn coꞌ nqueꞌ lezoꞌ Diox ñèe Diox, mèn coꞌ ndxàc loo Diox xal xinꞌ Diox. Diox ntetìi mèna ndxep par téꞌth mèna no teꞌ lezoꞌ mèna xá mod ndxàal que tee ban mèna.
\m
\v 7 Fxec yèe guꞌ axta plóthe coꞌseꞌ tetìi Diox guꞌ ndxep tac Diox ngo cuent nac guꞌ xinꞌpeꞌ Diox. ¿Chéꞌ ngue li guꞌ cuent yende myenꞌ coꞌ nac xinꞌ thìb gundan coꞌ neꞌtaꞌde xud cheꞌn, càꞌ? Yende xàa. Xoꞌfqueꞌ gundan bar lad myenꞌ.
\v 8 Per cheleꞌ Diox neꞌtetìide guꞌ xal ndxàca loo ryete mèn coꞌ nqueꞌ lezoꞌ Diox ñèe Diox, loo Diox nac guꞌ xal mèn coꞌ nac xinꞌ huan no inacte guꞌ xinꞌ thidte xud no xinꞌ thidte xnaꞌ xal ñibeꞌ ley coꞌ mxoꞌf Moisés loo mèn.
\v 9 Más de cona, coꞌseꞌ ngòc naꞌ myenꞌ bix loo xud naꞌ no loo xna naꞌ, xud naꞌ no xnaꞌ naꞌ mtinqueꞌ naꞌ no mbyooqueꞌ xud naꞌ no xnaa naꞌ naꞌ. Làth xtauꞌa, ngòp naꞌ mod loo xud naꞌ no loo xnaꞌ naꞌ. Aleꞌqueꞌ loo Diox coꞌ nac xud naꞌ coꞌ nzo loo béꞌ más neꞌ gàp naꞌ mod ñèe naꞌ no neꞌ neꞌ tyubdiꞌs naꞌ ro xud naꞌa par ban no naꞌ xud naꞌ Dioxa yiloa.
\v 10 Per xud naꞌ no xnaꞌ naꞌ, lìcpeꞌ baꞌi, nagabte huiz mdaꞌ xaꞌ cheꞌn naꞌ no nagabte huiz mbyoo xaꞌ naꞌ xal nee lezoꞌ xaꞌ, ¿léꞌ? Per Diox ngyoo naꞌ no ntetìi Diox naꞌ par càba gàc más conꞌ ndac loo naꞌ par gàc naꞌ xal nac Diox coꞌ nac Diox natúꞌ.
\v 11 Lìcpeꞌ baꞌi, indyublaꞌste naꞌ tyactìi naꞌ coꞌseꞌ ndxàc yaltìi loo naꞌ. Ndxeꞌlequeꞌ, tenꞌ naꞌ ndxàc nè loo naꞌ. Per mastaleꞌ, coꞌseꞌ mxactìi mèn coꞌ ngòc yaltìia, ndxeꞌlequeꞌ, más ndxàc conꞌ ndac loo mèn par ndxàc mèn mèn nalì no mèn nambìi loo Diox. No ncàba rye nda mèn no rye ndyeꞌth mèn làth xtàa mèn, loo mèn coꞌ mtéꞌth chonon tataa mtetìi Diox mèna.
\s Anzeꞌf ryes naca loo mèn cheleꞌ mèn tèꞌb no cà diꞌs mèn loo coꞌ nac xtiꞌs Diox.
\p
\v 12 Por cona, ngue niin loo guꞌ: Bli guꞌ par yeꞌth lezoꞌ guꞌ no bli guꞌ par tolo yeꞌth lezoꞌ xtàa guꞌ loo cón cheꞌn Crist xal ndxàca coꞌseꞌ ndxòo fuerz yaꞌ mèn coꞌ nguuꞌs no xal ndxàca loo mèn coꞌ ndyen mbii yéc xib no ndxoo fuerz yéc xib mèna par ndyoo gaꞌi par tyoo lì mèna.
\v 13 Fque tee ban lì guꞌ loo cón cheꞌn Crist par tataa mod coꞌseꞌ ñèe mèn coꞌ mbuuꞌs xtùuz no mèn coꞌ ndoo xàꞌ lezoꞌ loo cón cheꞌn guꞌ xal nzi tee ban guꞌ loo Crist, sya, mèna yeꞌth lezoꞌ que tee ban mèna tataa, ne, xal coꞌseꞌ ndxac nii mèn coꞌ mbryal no nii mèn coꞌ mchuꞌf.
\p
\v 14 Fcuaꞌn guꞌ mod par que tee ban guꞌ rye nda guꞌ no rye ndyeꞌth guꞌ làth xtàa guꞌ. No bli guꞌ par tolo ryo xàꞌ guꞌ loo cón cheꞌn xab izlyoꞌ par gàcqueꞌ guꞌ mèn cheꞌnpeꞌ Diox. Tac chol mèn coꞌ neꞌtyalte ryo xàꞌ loo cón cheꞌn xab izlyoꞌ, nec thìb mèna neꞌhuiꞌde loo Tad Diox.
\v 15 Leque guꞌ blaꞌs loo guꞌ par gàca nec thìb mèn coꞌ nqueltàa no guꞌa, tyoo xàꞌ lezoꞌ no ryo xàꞌ mèna loo conꞌ coꞌ ndlyaꞌs Diox angli Diox loo mèn. No leque guꞌ blaꞌs loo guꞌ par neꞌgàcte guꞌ mèn coꞌ ndli ngòc nguàal conꞌ làth mèn tac neꞌstolqueꞌ conꞌ coꞌ ndli guꞌa zyal diꞌs làth xtàa guꞌ par tyub xèn tyub xyàn lezoꞌ xtàa guꞌ. Conꞌa ndli xol loo mèna no sate más ndxòo cuaꞌn mèn làth xtàa mèna par ntezaꞌ mèn mèn loo cón cheꞌn Crist.
\v 16 Leque guꞌ blaꞌs loo guꞌ. ¡Anderhuen guꞌ! Nec thìb guꞌ neꞌlide yalburrid. Neꞌ neꞌ cuaꞌn guꞌ xinꞌ huan guꞌ. Neꞌ neꞌ gàc guꞌ mèn coꞌ ñii yèe ñii tìi cón cheꞌn Diox xal mbli Sau coꞌseꞌ mseꞌ Sau ryete conꞌ mcàbgòn Diox no conꞌ coꞌ mdoo lezoꞌ Diox angli Diox loo famil Isaac por cón cheꞌn Sau por thìb plat nítyèth coꞌ mdaꞌ Cob nduhua Sau.
\v 17 Tac guꞌ naneequeꞌ no nonqueꞌ guꞌ loo mbli Sau conꞌa coꞌseꞌ ale mblyaꞌs Sau càayaꞌ Sau diꞌs ndac cheꞌn xud Sau, coꞌ nee diꞌs, li leyꞌ Diox famil Isaac por cón cheꞌn Sau, Diox mcà diꞌs no mchep diꞌs Diox loo coꞌ mblyaꞌs Sau. Mastaleꞌ mdub yoꞌf no mingoꞌr yen Sau, tant mbínꞌ Sau, tant ngulàa yéc ngulàa lezoꞌ Sau, per ya neꞌnglide Sau gan ngàc conꞌ ndac loo Sau por conꞌ yeꞌrsinꞌ coꞌ mbli Sau.
\p
\v 18 Tac inacte guꞌ xal mèn nación Israel coꞌ mque tee loo Diox loo yii Sinaí coꞌteꞌ ngos quìi no bèel, coꞌteꞌ mdoo bèel loo yii axta plóthe, coꞌteꞌ ngulàa yálꞌcuau no coꞌteꞌ mxyoꞌf mbiidóꞌ.
\v 19 Neꞌngònte guꞌ thìb ruid cheꞌn thìb trompet coꞌ mbyèn. Neꞌ neꞌ ngòn guꞌ diꞌs coꞌseꞌ mdoodiꞌs merpeꞌ Diox con mèn nación Israel. Làth xtauꞌa, mèn nación Israel mnaꞌb loo Diox ya neꞌtolode tyoodiꞌs no Diox mèna.
\v 20 Mèn nación Israela neꞌngxecte par tolo ñii Diox loo mèna cón cheꞌn conꞌ coꞌ mnibeꞌ Diox loo mèna, tant mzyeb mèna. Tac Diox mnibeꞌ loo mèna: Cheleꞌ chol máꞌ coꞌ ngue no mèna ya zib loo yii Sinaí, nquin gaaꞌd quèe mèn nación Israel máꞌa axta guth mèn máꞌa.
\v 21 Per, lìcpeꞌ baꞌi, conꞌ coꞌ mbyúꞌ loo loo mèn nación Israela ngòc thìb conꞌ nazeꞌf tínꞌ axta leque yub Moisés ndxab: ¿Cón coꞌ baꞌ, yòo?, tant mzyeb Moisés no mxiꞌth Moisés gunèe Moisesa. Thìba conꞌa.
\p
\v 22 Leꞌ tediba na, ale ndxeꞌlequeꞌ, guꞌ nzo gaxleꞌ loo yii Sion, coꞌ nee diꞌs, tetac naꞌ leꞌ yii Siona nac ciuda cheꞌnpeꞌ Diox, Diox coꞌ nac thidte Diox coꞌ naban. Cona nee diꞌs, ngòo naꞌ loo cón cheꞌnpeꞌ Diox. Cón cheꞌn diꞌsa nac ciuda Jerusalén cub coꞌ nac ciuda cheꞌnpeꞌ Diox coꞌ nzo loo béꞌ. No ryethe angl coꞌ nzo loo béꞌ coꞌ yende mod lab mèn nac cheꞌnpeꞌ naꞌ, ne, tac ngòo naꞌ loo cón cheꞌn thidte Diox coꞌ naban.
\v 23 Coꞌseꞌ ngòo naꞌ loo cón cheꞌn Diox, nqueltàa no naꞌ mèn coꞌ ner ngolaꞌs coꞌ nac xal hues ndlyo naꞌ. Lèe mèna ndub loo libr coꞌ ndub loo béꞌ. No lìcqueꞌ naca ngòo naꞌ loo Diox coꞌ tub rez cón cheꞌn ryethe mèn. No ngòo noleꞌ naꞌ rye xpii mèn nalì no mèn nambìi coꞌ mtembìi Diox no coꞌ mtelì Diox.
\v 24 No ngòo naꞌ loo cón cheꞌn Jesús coꞌ nteriꞌth diꞌs cheꞌn mèn loo Diox por cón cheꞌn conveñ cub. Cón cheꞌn conꞌa ngòc loo Jesús coꞌseꞌ mxyo ren Jesús loo cruz. No ndluꞌ conꞌa loo naꞌ cón nac más conꞌ ndac leque coꞌseꞌ mxyo ren cheꞌn Abel.
\p
\v 25 ¡Anderhuen guꞌ! Neꞌchep diꞌste guꞌ diꞌs cheꞌn Diox coꞌ gunii Diox loo guꞌ. Tac cheleꞌ mèn nación Israel coꞌ mchep diꞌs loo Diox neꞌngláꞌde loo conꞌ ryes coꞌseꞌ mdoodiꞌs no Diox mèn coꞌteꞌ ngòc loo yii Sinaí, leꞌ sya, masreꞌ conꞌ tyactìi naꞌ par neꞌlyáꞌde naꞌ loo conꞌ ryes cheleꞌ naꞌ tèꞌb no cheleꞌ naꞌ chep diꞌs diꞌs cheꞌn Jesús coꞌ ncoꞌx no coꞌ ngue go xoꞌf diꞌs loo naꞌ loo béꞌ.
\v 26 Tiemp coꞌseꞌ mdoodiꞌs Diox loo mèn nación Israel loo yii Sinaí, ante mdoodiꞌs Diox, mbuin izlyoꞌ. Per tedib lugar mdeꞌth Diox no mcàbgòn Diox thìb conꞌ loo mèn. Ndxab Diox: Tedibte vez cuinen izlyoꞌ no iante izlyoꞌde cuinen. Ndxeꞌlequeꞌ, cuinen béꞌ, ne.
\v 27 Per coꞌseꞌ ndxab Diox: Tedibte vez cuinen izlyoꞌ no béꞌ, cona nee diꞌs, mblo ro Diox teche Diox ryete conꞌ coꞌ ngüin, coꞌ nac conꞌ mblec Diox no mxènꞌ Diox par yanꞌ conꞌ coꞌ nac nèe coꞌ neꞌhuinte thidtene.
\v 28 Por cona, gab naꞌ: Diox quix Uꞌ, Diox, loo Diox tac ngòoleꞌ naꞌ loo con cheꞌn Diox par ñibeꞌ Diox loo naꞌ. Mod coꞌ ñibeꞌ Diox loo naꞌ neꞌhuinte no neꞌzyeꞌde thidtene. Por cona, ndyac lezoꞌ naꞌ. No li naꞌ sirv loo Diox no li naꞌ cas loo Diox con dib nzo yéc no con dib nzo lezoꞌ naꞌ xal ndxòo lezoꞌ Diox.
\v 29 Tac Diox naꞌ, lìcqueꞌ, nac thìb quìi no bèel coꞌ ntec no coꞌ ntelux conꞌ.
\c 13
\s Trèꞌ ndluꞌ xá mod li mèn par li mèn conꞌ coꞌ yòo lezoꞌ Diox.
\p
\v 1 Lomisqueꞌ niin loo guꞌ, ne: Toloqueꞌ fqueꞌqueꞌ lezoꞌ guꞌ ñèe guꞌ thìb hues xtàa guꞌ no tedib hues xtàa guꞌ xal thìb huespeꞌ guꞌ.
\v 2 Tedib conꞌ, ne: Fteꞌ lezoꞌ guꞌ. Neꞌyathlaꞌste guꞌ taꞌ guꞌ posad loo mèn tith coꞌ nde naꞌb posad loo guꞌ par cued mèn liz guꞌ. Pues cheleꞌ guꞌ taꞌ posad loo mèn par cued mèn liz guꞌ, nzoqueꞌ mod gàca loo guꞌ xal ndxàca loo ndxep mèn coꞌ neꞌtaꞌde cuent leꞌ mèna ngue taꞌ posad loo angl, ne.
\p
\v 3 Fteꞌ lezoꞌ guꞌ cón cheꞌn prob mèn coꞌ ngue leziꞌf. No bli guꞌ cuent no guꞌ nac mèn coꞌ ngue leziꞌf con mèna. Bli guꞌ xtùuz cón cheꞌn ryethe conꞌ coꞌ ndyactìi chol mèn por cón cheꞌn Jesucrist no fteꞌ lezoꞌ guꞌ leꞌ guꞌ, ne, ngue no bélꞌyòo lad guꞌ coꞌ tyactìi cheleꞌ mèn tetìi guꞌ.
\p
\v 4 Leque guꞌ bli cas guꞌ no bnibeꞌ guꞌ loo taamas mèn leꞌ taamas mèn li cas loo yalnibeꞌ coꞌ ñibeꞌ Diox loo mèn coꞌseꞌ nselyaꞌ mèn. No bnibeꞌ guꞌ leꞌ mèn coꞌ mselyaꞌa neꞌquith node mèna yalnibeꞌ coꞌ mnibeꞌ Diox loo mèna, coꞌ nee diꞌs, neꞌchiꞌxte mèna yéc xinꞌ saꞌl tedib mèn par gàc mèna xtoo mèn. Tac Diox tub rez loo chol mèn coꞌ nchiꞌx yéc xinꞌ saꞌl tedib mèn par gàc mèna xtoo mèn. No tub rez Diox loo chol mèn coꞌ cuaꞌn xinꞌ huan mèn.
\p
\v 5 Neꞌgàcte guꞌ mèn coꞌ arid ndxath nquìi ñèe tmi. Ndxeꞌlequeꞌ, ftac lezoꞌ guꞌ no blec lezoꞌ guꞌ loo conꞌ coꞌ ngue note guꞌ tac yub Diox gunii: Daa ngue tee noqueꞌ guꞌ. No neꞌláꞌyaꞌden guꞌ thidtene.
\v 6 Por cona, gab naꞌ con dibaxlaꞌs:
\pi1 Diox ngue que tee noqueꞌ daa. Por cona, inzyebte daa loo conꞌ coꞌ ndlyaꞌs mèn li no mèn daa.
\p
\v 7 Fteꞌ lezoꞌ guꞌ cón cheꞌn mèn coꞌ ndyoo ner no coꞌ ndyoo naa loo guꞌ, mèn coꞌ mdeꞌth no coꞌ gunii cón cheꞌn xtiꞌs Diox loo guꞌ. Bli guꞌ xtùuz cón cheꞌn xá mod nque tee ban ndac mèna loo Diox. Fque tee ban guꞌ xal nque tee ban mèna loo coꞌ ngolaꞌs mèna loo Diox.
\p
\v 8 Jesucrist thidtene neꞌzyeꞌde. Xalqueꞌ nac Jesucrist póla, tataaguèꞌ nac Jesucrist nalleꞌ no tataaguèꞌ nac Jesucrist leꞌn tiemp coꞌ nde nque.
\v 9 Neꞌtaꞌde guꞌ lugar coꞌ xàꞌ mèn xtùuz guꞌ no lezoꞌ guꞌ loo cón cheꞌn Crist Jesús por cón cheꞌn xleyꞌ coꞌ nac tedib xleyꞌ mèna. Tac más huen gàca loo mèn leꞌ lezoꞌ mèna no xtùuz mèna gàc nèe loo mèn loo conꞌ coꞌ nac conꞌ ndac coꞌ angndli Crist loo naꞌ. Neꞌgàcte conꞌ ndaca por cón cheꞌn costumbr coꞌ ngue no mèn loo conꞌ ndxuhua mèn tac costumbra yende cón ntac loo mèn coꞌ tolo ndyoo nque loo costumbra.
\p
\v 10 Naꞌ ngue no thìb xaꞌ coꞌ xàꞌleꞌ ngòc yaltìi loo xal thìb máꞌ coꞌ mbeth mèn loo còoꞌ, coꞌ nee diꞌs, nac Crist Jesús. No mèn coꞌ beꞌ ngue no costumbr coꞌ beꞌ ndli sirv loo tabernaculogool, mèna indxàpte permis hua conꞌ coꞌ nziꞌf loo còoꞌa, coꞌ nee diꞌs, yende mod yòo mèna loo cón cheꞌn Crist.
\v 11 Coꞌseꞌ ngòc tiemp cheꞌn tabernaculogoola, ante ren cheꞌn máꞌ coꞌ ndxuth mèn, ndxòo no nguleyꞌ roo nguleyꞌ xèn rena leꞌn ryop leꞌn tabernáculo par ndluꞌ nguleyꞌ roo nguleyꞌ xèna rena loo Diox par teriꞌth tecanꞌ Diox cón cheꞌn xtol mèn nación Israel. Leꞌ bélꞌ máꞌ coꞌ ndxuth mèna na, nda tec mèn bélꞌa thìb lad coꞌteꞌ ndub campament coꞌteꞌ nzo ban mèna.
\v 12 Por cona, lomisqueꞌ mod ngòca loo Jesús, ne, mxactìi Jesús. Mbeꞌ mèn Jesús thìb lad ro ciuda Jerusalén par ngue yuth mèn Jesús par tataa mod mteche Jesús mèn coꞌ ngòc cheꞌnpeꞌ Diox loo cón cheꞌn xab izlyoꞌ por cón cheꞌn renpeꞌ Jesús.
\v 13 Naꞌ, ne, negadiꞌs yòo naꞌ loo cón cheꞌn Jesús xal ngòca loo Jesús coꞌseꞌ mbeꞌ mèn Jesús thìb lad ro ciuda Jerusalén, coꞌ nee diꞌs, ryo xàꞌ naꞌ loo costumbr coꞌ ngue no xtàa naꞌ par xec yèe naꞌ loo yalnathon no loo yaltìi coꞌ ndxàc loo naꞌ por cón cheꞌn Jesús xal ngòca loo Jesús cheleꞌ naꞌ tyactìi tataa.
\v 14 Tac ingue node naꞌ thìb ciuda coꞌteꞌ yòo naꞌ thidtene trèꞌ loo izlyoꞌ ndxèꞌ. Per nzi quee lezoꞌ naꞌ cón cheꞌn thìb ciuda coꞌteꞌ yòo ban naꞌ thidtene yiloa leꞌn tiemp coꞌ yiꞌth nque.
\v 15 Por cona, por cón cheꞌn Jesús ndxàal luꞌ naꞌ naꞌ loo Diox xal mbli mèn coꞌ mdix cón cheꞌn xtol loo Diox, coꞌ nee diꞌs, gab naꞌ diꞌs roo diꞌs xèn cón cheꞌn Diox loo Diox no li naꞌ par xyoꞌf lèe xyoꞌf xtiꞌs Diox.
\v 16 Neꞌyathlaꞌste guꞌ, tá, par tolo li guꞌ conꞌ ndac loo xtàa guꞌ no taꞌ guꞌ yaꞌ guꞌ loo xtàa guꞌ coꞌseꞌ nquin xtàa guꞌ guꞌ no blyath no guꞌ xtàa guꞌ coꞌseꞌ naquin xtàa guꞌ guꞌ no coꞌseꞌ nde che conꞌ loo xtàa guꞌ tac coꞌseꞌ ndli guꞌ rye conꞌa, anzeꞌf ndxòo lezoꞌ Diox ñèe Diox guꞌ.
\p
\v 17 Ftubdiꞌs guꞌ loo mèn coꞌ ndyoo ner no loo mèn coꞌ ndyoo naa loo guꞌ no gòc guꞌ mèn nadoꞌ loo mèna. Diox mxoꞌf zinꞌ loo mèna par luꞌ mèna loo guꞌ cón cheꞌn Diox. Ndaꞌ mèna cuent loo Diox, ne, xá mod mxoꞌf zinꞌ mèna conꞌ ngue luꞌ mèna loo guꞌ. Bli guꞌ coꞌ ñibeꞌ mèna par tyac lezoꞌ mèna cón cheꞌn guꞌ. Tataa mod neꞌxide lezoꞌ mèna. Tataa mod gàc conꞌ ndac loo guꞌ, ne.
\p
\v 18 Gurez guꞌ Diox por nuꞌ tac nuꞌ ndenꞌ lezoꞌ leꞌ nuꞌ ndxàp xtùuz ndac no xtùuz nalì loo cón cheꞌn Diox. No ndlyaꞌs nuꞌ que tee ban ndac nuꞌ loo ryethe conꞌ ndac.
\v 19 Por cona, por fuerz tolo ñaꞌben loo guꞌ tolo cuez guꞌ Diox por daa par gàca loon, chàa, gal neen máa guꞌ par nedrèꞌ tedib vez.
\s Trèꞌ ngue naꞌb mbiꞌ coꞌ mqueꞌ yeꞌs ndxèꞌ loo Diox li Diox gàc conꞌ ndac loo mèn. No ngue nii mbiꞌ Diox con taamas mèn coꞌ nzo no mbiꞌ loo mèna.
\p
\v 20 Diox ndli par nagàl yo lezoꞌ mèn loo Diox. Diox ndli par cue mèn rye nda mèn no rye ndyeꞌth mèn làth xtàa mèn, ne. Tad Jesucrist nac xaꞌ roo xaꞌ xèn. Nquenap Tad Jesucrist mèn coꞌ nac mèn coꞌ ndxelaꞌs loo Tad Jesucrist xal thìb mbiꞌ coꞌ nquenap no nqueno mbacxilꞌ. Diox mblo xban Tad Jesucrist naꞌ làth mèn nguth. Por cón cheꞌn ren Tad Jesucrist coꞌ mxyo par mbyanꞌ nèe thìb conveñ cub thidtene,
\v 21 ndlyazen leꞌ Diox liꞌ leꞌ guꞌ gàc mèn nalì no mèn nambìi par tataa mod li guꞌ coꞌ nee lezoꞌ Diox. No ndlyazen leꞌ guꞌ li ryethe conꞌ coꞌ ndxòo lezoꞌ Diox loo Diox por cón cheꞌn Tad Jesucrist. No ndlyazen gàc conꞌ roo conꞌ xèn loo Tad Jesucrist leꞌn línꞌ coꞌ ntlo, no leꞌn línꞌ coꞌ ndxelo, no leꞌn línꞌ coꞌ neꞌlith node. Tataaqueꞌ gàca.
\p
\v 22 Per daa ñaꞌb loo guꞌ, mèn huesen por cón cheꞌn Crist, leꞌ guꞌ xec yèe loo diꞌs coꞌ mcoꞌxen loo guꞌ ndxèꞌ tac ndxepte diꞌs nac diꞌs coꞌ mqueꞌen yeꞌs loo guꞌ, ndyaquen.
\v 23 Trèꞌ ngue telꞌen diꞌs cón cheꞌn hues naꞌ, Timote, loo guꞌ leꞌ mèn coꞌ ngòc ngolo ngolaꞌs mbláꞌleꞌ Timote. Cheleꞌ Timote, chàa, yiꞌth nee máa daa, sya, yiꞌth ryop nuꞌ Timote coꞌseꞌ gal neen máa guꞌ par nedrèꞌ.
\p
\v 24 Gunii guꞌ Diox loo ryete mèn coꞌ ndyoo ner loo guꞌ no coꞌ ndyoo naa loo guꞌ. Gunii guꞌ Diox loo ryete mèn coꞌ mbloꞌ xàꞌ Diox loo cón cheꞌn xab izlyoꞌ par ngòc mèna mèn cheꞌnpeꞌ Diox. Mèn coꞌ nac mèn cheꞌn nación Italia ngue nii Diox loo guꞌ trèꞌ, ne.
\p
\v 25 Ndlyazen leꞌ Diox li anggàc rye loothe conꞌ ndac loo ryete guꞌ par nedrèꞌ. Taandxèꞌ gàca loo guꞌ, ndee guꞌ.