\id 2JN
\ide UTF8
\h 2 JUAN
\toc1 2 JUAN
\mt Mbryop Cart Coꞌ Mqueꞌ Juàn Yeꞌs Loo Mèn
\c 1
\s Juàn ndluꞌ conꞌ coꞌ nac lìcpeꞌ no xá mod ndxàal queꞌ lezoꞌ mèn ñèe mèn hues xtàa mèn.
\p
\v 1 Daa, Juàn, coꞌ ndyoo ner no coꞌ ndyoo naa loo mèn loo cón cheꞌn Diox, daa ngue queꞌ yeꞌs coꞌ nac cart ndxèꞌ loo Uꞌ, ftanen, Uꞌ coꞌ Diox mcui. No ngue queꞌen cart ndxèꞌ loo myenꞌ coꞌ nac xinꞌ Uꞌ coꞌ, lìcqueꞌ, nqueꞌ lezon ñèen. No iante daade nqueꞌ lezoꞌ ñèen Uꞌ con xinꞌ Uꞌ. Ndxeꞌlequeꞌ, ryete mèn coꞌ ndaꞌ cuent no coꞌ non cón cheꞌn coꞌ nac lìcpeꞌ nqueꞌ lezoꞌ ñèe Uꞌ con xinꞌ Uꞌ.
\v 2 Nqueꞌ lezon ñèen guꞌ por cón cheꞌn conꞌ coꞌ nac lìcpeꞌ coꞌ ndenꞌen leꞌn lezon no coꞌ thidtenequeꞌ nteꞌqueꞌ lezon no coꞌ thidtenequeꞌ neꞌyathlasten.
\v 3 Ndlyazen leꞌ Diox coꞌ nac xud naꞌ no Tad Jesucrist naꞌ, coꞌ nac xganꞌ Diox, li gàc ryethe conꞌ ndac loo guꞌ no lyat lezoꞌ Diox no Tad Jesucrist ñèe Diox no Tad Jesucrist guꞌ. No ndlyazen yo nagàl lezoꞌ guꞌ loo Diox no cue ban guꞌ rye nda guꞌ no rye ndyeꞌth guꞌ làth xtàa guꞌ. Tataa gàca loo guꞌ cheleꞌ guꞌ, lìcqueꞌ, nqueꞌ lezoꞌ ñèe guꞌ mèn coꞌ nac hues xtàa guꞌ no cheleꞌ guꞌ ante nzi tee ban loo coꞌ nac conꞌ lìcpeꞌ.
\p
\v 4 Anzeꞌf thìb gust mdaꞌ lezon coꞌseꞌ gunèen ndxep myenꞌ coꞌ nac xinꞌ Uꞌ pezea. Leꞌ myenꞌ nzi tee banqueꞌ loo coꞌ nac conꞌ lìcpeꞌ xalqueꞌ nac coꞌ mnibeꞌ Diox loo ryete naꞌ par li naꞌ.
\v 5 No nalleꞌ ñaꞌben loo Uꞌ, gunaꞌ coꞌ nac xal ftanen, fqueꞌ lezoꞌ guꞌ gunèe guꞌ thìb xtàa guꞌ no tedib xtàa guꞌ. Per diꞌs coꞌ ngue telꞌen loo guꞌ ndxèꞌ nalleꞌ inacta tedib diꞌs coꞌ nac tedib yalnibeꞌ cub. Ndxeꞌlequeꞌ, naca leque diꞌs coꞌ ngòc diꞌs coꞌ mnibeꞌ Diox loo ryete naꞌ axta coꞌseꞌ mtlo mbìn guꞌ no ngolaꞌs guꞌ cón cheꞌn Jesucrist.
\v 6 Tac mèn coꞌ, lìcqueꞌ, nqueꞌ lezoꞌ Diox, mèna ndyubdiꞌs coꞌ ñibeꞌ Diox loo mèn par li mèn. No diꞌs coꞌ mnibeꞌ Diox coꞌ nac leque diꞌs coꞌ mbìn guꞌ axta coꞌseꞌ mtlo mbìn guꞌ no ngolaꞌs guꞌ cón cheꞌn Jesucrist nac conꞌ ndxèꞌ: Fqueꞌ lezoꞌ guꞌ gunèe guꞌ hues xtàa guꞌ. Thìba conꞌ ndxèꞌ.
\s Trèꞌ ndluꞌ Juàn cón cheꞌn mèn gutyèꞌ coꞌ ndlyaꞌs quedìi mèn coꞌ ndxelaꞌs loo cón cheꞌn Diox.
\p
\v 7 Leꞌ tediba na, ngue queꞌen yeꞌs ndxèꞌ loo guꞌ par non guꞌ nzi teeleꞌ huax mèn gutyèꞌ loo izlyoꞌ. Mèna ncaꞌs no ingo xoꞌfte mèna leꞌ Jesucrist mbiꞌth yáal loo izlyoꞌ ndxèꞌ xalqueꞌ ndxáal chol mèn loo izlyoꞌ. Mèn coꞌ tataa ncaꞌs no nzi tee quedìi mèna mèn, mèna nac mèn gutyèꞌpeꞌ no nacpeꞌ mèna ngolo ngolaꞌs cheꞌn Crist.
\v 8 Gunaꞌ, anderhuen guꞌ, chó Diox chó nee guꞌ, fquenap guꞌ guꞌ no leque guꞌ blaꞌs loo guꞌ par neꞌgàcte zinꞌ coꞌ ngue li guꞌ par nedrèꞌ thìb zinꞌ coꞌ anxleꞌ ngue li guꞌ. Ndxeꞌlequeꞌ, chó Diox chó nee guꞌ, fquenap guꞌ guꞌ no blaꞌs guꞌ loo guꞌ par neꞌgàcte loo guꞌ leꞌ Diox neꞌtaꞌde conꞌ ndac loo guꞌ par gàc cheꞌn guꞌ conꞌ ndaca yiloa por mbìn guꞌ diꞌs cheꞌn mèn gutyèꞌa.
\p
\v 9 Tac chol mèn coꞌ ndluꞌ coꞌ nac cón cheꞌn xleyꞌ cheꞌn Crist tedib mod no coꞌ nac tedib yalñibeꞌ loo yalñibeꞌ coꞌ mnibeꞌ Crist loo naꞌ par li naꞌ, no coꞌ mbláꞌyaꞌ no coꞌ mqueꞌ cón cheꞌn Crist thìb lad coꞌ inacte coꞌ mbluꞌ Crist coꞌ ndli naꞌ, mèna inzode loo cón cheꞌn Diox. Per mèn coꞌ nzoqueꞌ loo cón cheꞌn Crist no ante loo conꞌ coꞌ mbluꞌ Crist coꞌ nac coꞌ ndli naꞌ, mèna nzoqueꞌ loo cón cheꞌn xud naꞌ Diox. No nzoqueꞌ mèna loo cón cheꞌn Jesucrist, xganꞌ Diox.
\v 10 Cheleꞌ chó mèna yiꞌth liz guꞌ no ndluꞌ mèna cón cheꞌn Diox tedib mod coꞌ nac xàꞌleꞌ yalnibeꞌ xal ngue niin loo guꞌ ndxèꞌ, neꞌtaꞌde guꞌ lugar yòo mèna liz guꞌ no neꞌ neꞌ càb guꞌ loo mèna coꞌseꞌ yòo mèna liz guꞌ.
\v 11 Tac chol mèn coꞌ ndaꞌ lugar ncàb loo mèna par cued mèna mase ndxep liz mèna, leꞌ sya, mèna ngue taꞌ lad cheꞌn mèn yeꞌrsinꞌa.
\s Juàn ngue yab loo mèn: Conꞌ ndxèꞌ nac lult diꞌs coꞌ ngue queꞌen loo guꞌ.
\p
\v 12 Anzeꞌf huax conꞌ ndlyazen niin loo guꞌ. Per indlyasten niina loo guꞌ xal coꞌseꞌ nqueꞌen yeꞌs coꞌ nac cart loo guꞌ. Tac daa ndlyasqueꞌ gal neen máa guꞌ par nedrèꞌ. No ndlyazen tyoodiz non guꞌ, coꞌ nee diꞌs, huiꞌen loo guꞌ no huiꞌ guꞌ loon par tataa mod tyacpeꞌ lezoꞌ guꞌ con daa.
\p
\v 13 Myenꞌ xinꞌ xaꞌ coꞌ nac bél Uꞌ, coꞌ Diox mcui, ne, coꞌ nac cheꞌn Diox, myenꞌ ngue nii Diox loo guꞌ loo cart ndxèꞌ ne. Taandxèꞌ gàca loo guꞌ, ndee guꞌ.