\id PHM
\h Filemón
\toc1 Filemón
\mt DIDZAʼ GUSÖ́L-LËʼË PABLO QUEËʼ FILEMÓN
\c 1
\s Pablo rugapëʼ Dios Filemón
\p
\v 1 Nedaʼ, Pablo, dzágabiʼ nedaʼ biʼi bö́chiʼruʼ Timoteo.
Nadzunaʼ lidxi guíë tuʼ runaʼ xichinëʼ Jesucristo. Rugapaʼ
Dios liʼ, Filemón. Nacuʼ bönniʼ nadxíʼituʼ, en runuʼ xichinëʼ
Cristo ca runtuʼ netuʼ.
\v 2 Rugapaʼ Dios Apia, nigula quiuʼ. Nácanu zanruʼ réajlëʼënu
Cristo. Rugapaʼ Dios caʼ zxíʼinuʼ, Arquipo. Nácabiʼ queëʼ
Jesucristo ca tu bönniʼ rejëʼ gudil-la, tuʼ runbiʼ xichinëʼ
Lëʼ ca runtuʼ netuʼ. Lëscaʼ rugapaʼ Dios bönachi queëʼ
Cristo tuʼdubëʼ lu yuʼu lidxuʼ.
\v 3 Rinábidaʼ-nëʼ Xúziruʼ Dios, encaʼ Xanruʼ Jesucristo,
uzáʼ ládxëʼë queë́liʼ, en gunëʼ ga soa dxi icja ládxiʼdoʼoliʼ.
\s Ca runëʼ Filemón tuʼ réajlëʼë Cristo
\p
\v 4 Rë́ticaʼsaʼ-nëʼ Dios queë́ruʼ “Xclenuʼ”, en röjnéticaʼsidaʼ
liʼ cateʼ rulidzaʼ-nëʼ.
\v 5 Caní runaʼ tuʼ ridxín quiaʼ didzaʼ ca nadxíʼinuʼ-nëʼ
Xanruʼ Jesús, en réajlëʼu Lëʼ, en nadxíʼinuʼ caʼ yúguʼtë
bönachi rö queëʼ.
\v 6 Rinábidaʼ-nëʼ Dios gunëʼ ga gundaʼ dxin libán runuʼ
ca naca le réajlëʼu Cristo, para uluʼzíʼ xibé nupa nacuáʼ
niʼ yúguʼtë le naca dxiʼa, le ruzáʼ ládxëʼë Jesucristo
queë́ruʼ.
\v 7 Rudzéjadaʼ, en ruzíʼ zxönaʼ tuʼ nadxíʼinuʼ yuguʼ
bö́chiʼruʼ, en benuʼ liʼ, bö́chaʼa, ga buluʼhuöáca ládxiʼgaca
bönachi taʼyéajlëʼ Cristo.
\s Filemón ral-laʼ uniti lahuëʼ-biʼ Onésimo, biʼi nadóʼo queëʼ
\p
\v 8 Que lë ni naʼ, sal-laʼ dë lu naʼa tuʼ nacaʼ gubáz
nasö́l-lëʼë Cristo inná béʼedaʼ liʼ ca ral-laʼ gunuʼ,
\v 9 rátaʼyuaʼ loʼ len yöl-laʼ nadxíʼi, nedaʼ ni chinacaʼ
bönniʼ gula, en yuʼa lidxi guíë tuʼ runaʼ xichinëʼ Jesucristo.
\v 10 Rátaʼyuaʼ loʼ uláz queë́biʼ Onésimo, biʼi naʼ benaʼ
ga böácabiʼ queëʼ Cristo, en que lë ni naʼ nácabiʼ ca
zxíʼini cazaʼ ga ni nadzunaʼ lidxi guíë.
\p
\v 11 Biʼi ni, zíʼalö bitiʼ gúcabiʼ lesacaʼ quiuʼ, pero
naʼa nácabiʼ lesacaʼ quiuʼ liʼ, encaʼ quiaʼ nedaʼ.
\v 12 Biʼi ni rusö́l-laʼa-biʼ ga zuʼ. Ben bal lëbiʼ ca
nedaʼ caz runuʼ bal, tuʼ nadxíʼidaʼ-biʼ.
\v 13 Gúʼunidaʼ ugáʼanalenbiʼ nedaʼ ni, para uláz quiuʼ
gunbiʼ xichinaʼ tsanni ni yuʼa lidxi guíë tuʼ runaʼ
libán que didzaʼ dxiʼa,
\v 14 pero bitiʼ bi rë́ʼëndaʼ gunaʼ le cabí naca didzaʼ
quiuʼ, para cabí gunaʼ bayudxi gácalenuʼ nedaʼ, pero huáca
gácalenuʼ nedaʼ tuʼ rë́ʼëni quézinuʼ caʼ.
\v 15 Nadxi caʼ que lë ni naʼ buzáʼabiʼ Onésimo ga zuʼ
tu chíʼidoʼ para udxinbiʼ tsaz ga zuʼ.
\v 16 Naʼa, bítiʼrö gácabiʼ quiuʼ ca tu biʼi nadóʼo, pero
gácabiʼ quiuʼ ca biʼi böchiʼ cazuʼ, tuʼ nácabiʼ biʼi
bö́chiʼruʼ réajlëʼëbiʼ Cristo, en nadxíʼiruʼ-biʼ. Nácabiʼ
caní quiaʼ nedaʼ, ateʼ ral-laʼ gácaröbiʼ caʼ caní quiuʼ,
calë́gasö ca böchiʼ luzóʼo, pero lëscaʼ ca biʼi bö́chuʼu
réajlëʼëbiʼ Xanruʼ Jesucristo.
\p
\v 17 Que lë ni naʼ, channö nunuʼ nedaʼ tuz, ben lëbiʼ
bal ca nedaʼ caz runuʼ bal.
\v 18 Channö bi xíguiaʼ benbiʼ quiuʼ o channö bi rál-laʼbiʼ
quiuʼ, gunnátëz nedaʼ ral-laʼa.
\v 19 Nedaʼ, Pablo, len naʼa cazaʼ ruzúajaʼ quiuʼ lu guichi
lë ni: Nedaʼ caz quizxjaʼ bi rál-laʼbiʼ, en calëga guíaʼ
liʼ: Lëscaʼ ral-luʼu quiaʼ yúguʼtë le dë quiuʼ tuʼ benaʼ
nedaʼ ga napuʼ yöl-laʼ naʼbán idú.
\v 20 Caʼ gaca, bö́chaʼa. Channö dë le uziʼa xibóʼ tuʼ
néquiruʼ queëʼ Xanruʼ, ben lë naʼ chigútaʼyuaʼ loʼ tuʼ
nacaʼ bö́chuʼu réajlëʼa Cristo, ateʼ caní gunuʼ ga huöáca
ládxaʼa.
\p
\v 21 Ruzúajaʼ quiuʼ lu guichi ni, tuʼ ruzxöni ládxaʼa
liʼ, gunuʼ ca rnna xtídzaʼa, en nözdaʼ gunuʼ iaʼlatiʼ
ca lë naʼ chigútaʼyuaʼ loʼ.
\v 22 Lëscaʼ rinabaʼ loʼ upóʼo quiaʼ ga soaʼ lu yuʼu
lidxuʼ, tuʼ runaʼ löza urúajaʼ lidxi guíë ni, ateʼ guídaʼ
ga zóaliʼ tuʼ rulídzaliʼ-nëʼ Dios, en rinábaliʼ lahuëʼ
niʼa quiaʼ nedaʼ.
\s Pablo ruzúajëʼ lu guichi le rugapa Dios Filemón
\p
\v 23 Epafras, bönniʼ yúʼulenëʼ nedaʼ tsözxö́n lidxi guíë
ni tuʼ runëʼ xichinëʼ Jesucristo, rugapëʼ Dios liʼ.
\v 24 Lëscaʼ tuʼgapëʼ Dios liʼ Marcos, en Aristarco, en
Demas, en Lucas, yuguʼ bönniʼ ni túnlenëʼ nedaʼ tsözxö́n
dxin queëʼ Cristo.
\p
\v 25 Rinábidaʼ-nëʼ Xanruʼ Jesucristo uzáʼ ládxëʼë queë́liʼ.
¡Caʼ gaca!