\id MRK
\h San Marcos
\mt DIZRAꞌ CHAWEꞌ CA NACA CHEE̱ JESUCRISTO DA BZUAJ SAN MARCOS
\c 1
\s Da bchalaj Juan, benneꞌ bchue̱ꞌ bénneache nisa
\r (Mt. 3.1-12; Lc. 3.1-9, 15-17; Jn. 1.19-28)
\p
\v 1 Caní guzú lau dizraꞌ chaweꞌ ca naca chee̱ Jesucristo, Zriꞌine Dios.
\p
\v 2 Bzrin lazreꞌ da bzuaj Isaías, benneꞌ bchálaje̱ꞌ waláz chee̱ Dios, ca da gunná Dios:
\q ¡Le nnaꞌxque nigá!
\q Nedaꞌ dxesel-laꞌ benneꞌ gubáz chiaꞌ, benneꞌ cuía lawe̱ꞌ lau Lueꞌ.
\q Bénneaꞌ gupé̱ꞌe̱ neza naga teuꞌ chee̱ ilúnbeꞌe bénneache Lueꞌ.
\q
\v 3 Welénqueze chiꞌi benneꞌ dxebezre xe̱ꞌe̱ le̱ꞌe̱ xixreꞌ laweꞌ lataj.
\q Dxenné̱ꞌ: “Le gupáꞌa neza naga te Xránadxu lu xichaj lázrdaule.
\q Le xebéaj li neza lase chee̱ꞌ caꞌ.”
\q
\v 4 Caní guca laweꞌ da blaꞌ Juan le̱ꞌe̱ xixreꞌ laweꞌ lataj, naꞌ bchálaje̱ꞌ dizraꞌ chee̱ Dios, ne gunné̱ꞌ dxal-laꞌ xeledxúa bénneache nisa, naꞌ bchue̱ꞌ le̱ꞌ nisa, benneꞌ caꞌ belexebíꞌi lazre̱ꞌ chee̱ gunite lau Dios dul-la da zaj nabagueꞌ.
\v 5 Caꞌan guca, guledxúaj bénneache zan lu xe̱zre Jerusalén, ne xúgute̱ xe̱zre caꞌ zaj nababa Judea, naꞌ xjaque̱ꞌ naga zua Juan, naꞌ Juan nigá bchue̱ꞌ benneꞌ caꞌ nisa lu xe̱gu Jordán, benneꞌ caꞌ gulexrúale̱pe̱ꞌ dul-la da zaj nabagueꞌ.
\p
\v 6 Caní guca zra lana Juan. Gucue̱ꞌ zra lane̱ꞌ ladxeꞌ xicha zra camello, bia dxelebía bénneache, ne tu xpádxue̱ꞌ xide bchela le̱ꞌe̱. Dxawe̱ꞌ biche xuaj, ne dxéꞌaje̱ꞌ bzrínaꞌdauꞌ chee̱ bézudauꞌ.
\v 7 Ca dxuchálaje̱ꞌ dizraꞌ chee̱ Dios, dxenné̱ꞌ:
\p ―Gate te chiaꞌ nedaꞌ, naꞌ xida xetú benneꞌ, bénneaꞌ nápadxe̱ꞌ xel-la dxenná bea ca nedaꞌ. Quebe naca chiaꞌ xáchuaꞌ chee̱ lechjaꞌ zrele̱ꞌ.
\v 8 Da lítega, nedaꞌ bchuaꞌ leꞌe nisa. Le̱ꞌ gune̱ꞌ da zéaje̱ xel-la dxedxúa nisa nigá, guzúe̱ꞌ Beꞌ Láꞌazxa lu xichaj lázrdaule.
\s Ca da guca gate gudxúa Jesús nisa
\r (Mt. 3.13-17; Lc. 3.21-22)
\p
\v 9 Ca da guca lu zra caꞌ, guzáꞌ Jesús lu xe̱zre Nazaret chee̱ ga nababa Galilea, naꞌ bzrine̱ꞌ lau Juan. Juan nigá bchue̱ꞌ Jesús nisa lu xe̱gu Jordán.
\v 10 Gate bdxuaj Jesús lu nisa, la bléꞌete̱ne̱ꞌ naxalaj xabáa, ne bléꞌene̱ꞌ betaj Beꞌ Láꞌazxa. Dxuléꞌe lawe̱ꞌ ca tu bgúgudu chiche, naꞌ bzrine̱ꞌ ca li xichaj Jesús.
\v 11 Ben tu chiꞌi da za xabáa, da dxenná na:
\p ―Lueꞌ nacuꞌ Zriꞌinaꞌ. Nazríꞌidaꞌ Lueꞌ, ne dxezaca ba lázrele̱daꞌ Lueꞌ.
\s Dxaca lazreꞌ Satanás da xriwe̱ꞌ gun ga baga Jesús dul-la
\r (Mt. 4.1-11; Lc. 4.1-13)
\p
\v 12 Nadxa Beꞌ Láꞌazxa guché̱ꞌe̱ Jesús le̱ꞌe̱ xixreꞌ laweꞌ lataj.
\v 13 Guzúa Jesús le̱ꞌe̱ xixreꞌ laweꞌ lataj chua zra chua xe̱la. Naꞌ bzrin Satanás da xriwe̱ꞌ, ne guca lazreꞌ na gun na baga Jesús dul-la. Guzúa Jesús naga zaj zraꞌ be̱ xixreꞌ be̱ snia, naꞌ gubáz chee̱ xabáa chee̱ Dios gulácale̱ne̱ꞌ Jesús.
\s Jesús dxezú lawe̱ꞌ dxusé̱dene̱ꞌ bénneache
\r (Mt. 4.12-17; Lc. 4.14-15)
\p
\v 14 Ca gudé guxúꞌu Juan lizre xia, naꞌ bzrin Jesús lu xe̱zre caꞌ zaj nababa Galilea, ne dxuchálajle̱ne̱ꞌ bénneache dizraꞌ chaweꞌ ca dxenná bea Dios.
\v 15 Gunná Jesús:
\p ―Ba bzrin zra. Ba zua báguze gate nna bea Dios xe̱zr la xu nigá. Chee̱ le̱ naꞌ, le xebíꞌi lazreꞌ, ne le cheajlí lazreꞌ dizraꞌ chaweꞌ nigá.
\s Dxenné̱ Jesús tapa benneꞌ wezén bela chee̱ xelaque̱ Le̱ꞌ tuze
\r (Mt. 4.18-22; Lc. 5.1-11)
\p
\v 16 Gate gudá Jesús dxuꞌa nísadauꞌ chee̱ Galilea, naꞌ bléꞌene̱ꞌ Simón, ne Andrés, biche Simón naꞌ. Benneꞌ caní dxuluzale̱ꞌ xixruj bela chee̱ꞌ lu nísadauꞌ laweꞌ da zaj naque̱ꞌ wezén bela.
\v 17 Naꞌ gunná Jesús:
\p ―Le gun nedaꞌ tuze, naꞌ guzúaꞌ leꞌe gácale we̱n zrin chiaꞌ. Cheajxrile bénneache ca dxunle dxezenle bela.
\p
\v 18 La bulucáꞌanate̱ꞌ xixruj chee̱ꞌ caꞌ, naꞌ zjácale̱ne̱ꞌ Jesús.
\p
\v 19 Nadxa gudé Jesús xelateꞌ ca naꞌla, naꞌ bléꞌene̱ꞌ Jacobo, ne Juan, benneꞌ caꞌ zaj naque̱ꞌ zriꞌine Zebedeo. Zaj zre̱ꞌe̱ lu da dxedá laweꞌ nísadauꞌ, dxelexexune̱ꞌ xixruj bela chee̱ꞌ caꞌ.
\v 20 Ca gunné̱ Jesús Jacobo, ne Juan, naꞌ la bulucáꞌanate̱ꞌ xre̱ꞌ Zebedeo ne we̱n zrin chie̱ꞌ caꞌ zaj zre̱ꞌe̱ lu da dxedá laweꞌ nísadauꞌ, naꞌ zjácale̱ne̱ꞌ Jesús.
\s Tu benneꞌ xuꞌe̱ beꞌ xriwe̱ꞌ
\r (Lc. 4.31-37)
\p
\v 21 Gate gul-la na guluꞌe̱ lu xe̱zre Capernaum, naꞌ gate bzrin zra dxulupáꞌana benneꞌ judío caꞌ, guxúꞌu Jesús lu xuꞌu naga dxelúe láꞌana judío caꞌ Dios, ne bsé̱dene̱ꞌ benneꞌ caꞌ zaj zre̱ꞌe̱ naꞌ.
\v 22 Belexebánene̱ꞌ ca naca da dxuse̱de Jesús le̱ꞌ laweꞌ da dxuchálaje̱ꞌ nen dute̱ xel-la dxenná bea, ne quegá ca dxuluchalaj benneꞌ caꞌ dxuluxuzájle̱ꞌe̱ da nadxixruj bea Dios.
\v 23 Nadxa blaꞌ tu benneꞌ xuꞌe̱ beꞌ xriwe̱ꞌ lu xuꞌu naꞌ, naꞌ gudxezre xaꞌa na lu dxuꞌa bénneaꞌ.
\v 24 Gunná na:
\p ―¿Bizra nápantuꞌ chiuꞌ, Jesús, benneꞌ Nazaret? ¿Zaꞌu guzría xiꞌu netuꞌ? Ba nézquezdaꞌ nu nacuꞌ. Benneꞌ Láꞌazxa chee̱ Dios nacuꞌ.
\p
\v 25 Jesús gudil-le̱ꞌ na, gunné̱ꞌ:
\p ―Zrize guzúa. Bedxúaj lu be̱l-laꞌ dxen chee̱ benneꞌ nigá.
\p
\v 26 Nadxa beꞌ xriwe̱ꞌ naꞌ bxrízele̱ꞌe̱ na bénneaꞌ, ne gudxezre xáꞌale̱ꞌe̱ na, naꞌ bedxúaj na.
\v 27 Belexebánele̱ꞌe̱ xúgute̱ benneꞌ zaj zre̱ꞌe̱ naꞌ, dxelé̱ ljwezre̱ꞌ:
\p ―¿Bizra dizraꞌ cube da nigá? Dute̱ xel-la dxenná bea chee̱ꞌ dxenná beꞌene̱ꞌ beꞌ xriwe̱ꞌ caꞌ, naꞌ dxuluzúa na dizraꞌ chee̱ꞌ.
\p
\v 28 La bzrílujte̱ dizraꞌ chee̱ xel-la waca chee̱ Jesús du ca naca xe̱zre caꞌ zaj nababa Galilea.
\s Jesús dxexune̱ꞌ xrnaꞌ zruꞌula Pedro
\r (Mt. 8.14-15; Lc. 4.38-39)
\p
\v 29 Ca belexedxúaje̱ꞌ lu xuꞌu naꞌ chee̱ judío caꞌ, naꞌ belezrine̱ꞌ lizre Simón, ne Andrés. Jacobo ne Juan dxelune̱ꞌ Jesús tu zren.
\v 30 Lu xuꞌu naꞌ de̱ xrnaꞌ zruꞌula Simón, xuꞌe̱ da la. La buluchálajle̱te̱ꞌ Jesús ca dxaca chee̱ nuꞌula nigá.
\v 31 Le̱ꞌ la bé̱xrute̱ꞌ ne̱ꞌe̱, bechise̱ꞌ le̱ꞌ. La bedxúajte̱ da la da xuꞌe̱, naꞌ bseniꞌe̱ da gulawe̱ꞌ.
\s Jesús dxexune̱ꞌ bénneache zan
\r (Mt. 8.16-17; Lc. 4.40-41)
\p
\v 32 Ca gula guzré zra naꞌ, ca guzría gubizra, naꞌ guleché̱ꞌe̱ xúgute̱ benneꞌ we̱ꞌ lau Jesús, ne benneꞌ caꞌ zaj xuꞌe̱ beꞌ xriwe̱ꞌ.
\v 33 Ca naca benneꞌ xe̱zre gulebigue̱ꞌ dxa xuꞌu naga zua Jesús.
\v 34 Jesús bexune̱ꞌ zánete̱ benneꞌ we̱ꞌ ca zaj naca xízrawe̱ꞌ da xuꞌu tu tue̱ꞌ, ne bebéaje̱ꞌ zaneꞌ beꞌ xriwe̱ꞌ zaj xuꞌu bénneache caꞌ. Quebe be̱ꞌe̱ lataj beꞌ xriwe̱ꞌ caꞌ xelenné̱ na laweꞌ da zaj núnbea na Le̱ꞌ.
\s Dxuchalaj Jesús lau bénneache zaj zre̱ꞌe̱ Galilea
\r (Lc. 4.42-44)
\p
\v 35 Ca bebán Jesús bál-lala, ne nachúl-late̱, bedxúaje̱ꞌ guzé̱ꞌe̱ zéaje̱ꞌ tu lataj naga nadacheꞌ bénneache, naꞌ bchálajle̱ne̱ꞌ Dios.
\v 36 Simón Pedro, ne benneꞌ caꞌ zaj zrále̱ne̱ꞌ le̱ꞌ belexexílaje̱ꞌ Jesús.
\v 37 Ca xeajlexraque̱ꞌ Jesús, naꞌ gulé̱ꞌe̱ Le̱ꞌ:
\p ―Xúgute̱ bénneache dxelexexílaje̱ꞌ Lueꞌ.
\p
\v 38 Naꞌ gunná Jesús:
\p ―Chéajdxu xe̱xre walizre caꞌ chee̱ guchálajle̱naꞌ benneꞌ caꞌ xrtizra Dios. Chee̱ le̱ naꞌ beljaꞌ.
\p
\v 39 Lu xuꞌu caꞌ naga dxelúe láꞌana judío caꞌ Dios, da caꞌ zaj zua tu tu xe̱zre caꞌ chee̱ ga nababa Galilea, bchalaj Jesús dizraꞌ chee̱ Dios, ne bebéaje̱ꞌ xízrawe̱ꞌ xriwe̱ꞌ caꞌ da zaj xuꞌu benneꞌ we̱ꞌ caꞌ.
\s Jesús dxexune̱ꞌ tu benneꞌ dxéꞌene̱ꞌ xízrawe̱ꞌ guzruꞌ
\r (Mt. 8.1-4; Lc. 5.12-16)
\p
\v 40 Nadxa bzrin lau Jesús tu benneꞌ dxéꞌene̱ꞌ xízrawe̱ꞌ guzruꞌ, naꞌ bzu zribe̱ꞌ, ne gutaꞌ xuene̱ꞌ Le̱ꞌ, dxenné̱ꞌ:
\p ―Che Lueꞌ dxaca lazruꞌ, waca xexunuꞌ nedaꞌ.
\p
\v 41 Jesús bexache lazre̱ꞌ le̱ꞌ, naꞌ bli ne̱ꞌe̱, gudane̱ꞌ le̱ꞌ. Dxenné̱ꞌ:
\p ―Dxaca lazraꞌ. Naꞌa dxexacuꞌ.
\p
\v 42 Ca gunné̱ꞌ caní, la becuásate̱ xízrawe̱ꞌ naꞌ, naꞌ begáꞌane̱ꞌ chaweꞌ.
\v 43 Nadxa Jesús bsízrene̱ꞌ le̱ꞌ, naꞌ besel-le̱ꞌ le̱ꞌ.
\v 44 Caní gunné̱ꞌ:
\p ―Quebe nu xuꞌu ca da guca chiuꞌ. Guxíaj lau bxruze xeajléꞌe cuinuꞌ, ne bnezruj ca naca da gunná beꞌe Moisés xelún benneꞌ caꞌ xelexexaque̱ꞌ. Caní gunuꞌ chee̱ xeleléꞌene̱ꞌ ba bexacuꞌ naꞌa.
\p
\v 45 Nadxa benneꞌ nigá, ca bezé̱ꞌe̱, guzú lawe̱ꞌ dxuchálajle̱ne̱ꞌ tu tu benneꞌ ca guca chee̱ꞌ bexaque̱ꞌ. Caꞌan guca, québedxa guca chuꞌu Jesús zaca bal-la lau lu xe̱zre. Begáꞌane̱ꞌ le̱ꞌe̱ xixreꞌ laweꞌ lataj. Bénneache chee̱ xúgute̱ xe̱zre caꞌ belezrine̱ꞌ lau Jesús naga zue̱ꞌ.
\c 2
\s Jesús dxexune̱ꞌ tu benneꞌ quebe gaca se̱ꞌe̱
\r (Mt. 9.1-8; Lc. 5.17-26)
\p
\v 1 Ca gudé chupa chunna zra, naꞌ guxúꞌu Jesús xecha lasa lu xe̱zre Capernaum. Belénne bénneache zua Jesús tu lu xuꞌu.
\v 2 La belezrágate̱ benneꞌ zante̱ naga zua Jesús. Caꞌan guca, québedxa guque lu xuꞌu, ne dxa xuꞌu. Bchalaj Jesús xrtizra Dios.
\v 3 Naꞌ belezrín tapa benneꞌ lu xuꞌu naga zua Jesús, zaj nuꞌe̱ tu benneꞌ quebe gaca se̱ꞌe̱.
\v 4 Laweꞌ da quebe gulezéquene̱ꞌ xelezrine̱ꞌ lau Jesús, laweꞌ da zaj zraꞌ bénneache zante̱ ga naꞌ, naꞌ gulesáluje̱ꞌ chjuꞌu chee̱ xuꞌu naga zua Jesús. Naꞌ bululétaje̱ꞌ daꞌa da zrua benneꞌ naꞌ quebe gaca se̱ꞌe̱.
\v 5 Laweꞌ da dxeque beꞌe Jesús ca dxeleajlí lazreꞌ benneꞌ caꞌ Le̱ꞌ, naꞌ gunné̱ꞌ, dxe̱ꞌe̱ bénneaꞌ quebe gaca se̱ꞌe̱:
\p ―Zríꞌinaꞌdauꞌ, ba nanite lau dul-la da nabaguꞌ.
\p
\v 6 Zaj dxeꞌe bal-la benneꞌ ga naꞌ, benneꞌ dxuluxuzájle̱ꞌe̱ da nadxixruj bea Dios, naꞌ gulenné̱ lanze̱ꞌ:
\v 7 ―¿Bizr chee̱ naꞌ dxuchalaj caní benneꞌ nigá? Dxucáꞌana dítaje̱ꞌ Xránadxu Dios. ¿Núzraqueze gaca gunite lau dul-la da zaj nabaga bénneache? Tuze Dios naꞌ.
\v 8 Dxeque beꞌe Jesús lu lázrdawe̱ꞌ ca dxelenné̱ lane̱ꞌ chee̱ꞌ, naꞌ gunné̱ꞌ:
\p ―¿Bizr chee̱ naꞌ dxéquele caní?
\v 9 ¿Bizra dizraꞌ quebe naca na sté̱bela xapaꞌ benneꞌ nigá quebe gaca se̱ꞌe̱? ¿Naca na ste̱be xapaꞌ le̱ꞌ, ba nanite lau dul-la nabaguꞌ? Cabí. ¿U che ste̱be xapaꞌ le̱ꞌ, bexasa, becáꞌa da denuꞌ, ne bexíaj?
\v 10 Naꞌa, chee̱ nézele leꞌe nedaꞌ, Benneꞌ Gulje̱ꞌ Bénneache, napaꞌ xel-la dxenná bea lu xe̱zr la xu gunite lawaꞌ dul-la da zaj nabaga bénneache.
\p Naꞌ gunná Jesús, dxe̱ꞌe̱ bénneaꞌ.
\p
\v 11 ―Lueꞌ dxapaꞌ, bexasa, becáꞌa daꞌa chiuꞌ, ne bexíaj lizruꞌ.
\p
\v 12 Caꞌan guca, la bexásate̱ꞌ, naꞌ bequé̱ꞌe̱ daꞌa chee̱ꞌ, ne bedxúaje̱ꞌ lau xúgute̱ bénneache. Caꞌan guca, xúgute̱ benneꞌ caꞌ belexebánene̱ꞌ, naꞌ belúe láꞌane̱ꞌ Xránadxu Dios. Dxelenné̱ꞌ:
\p ―Cabataꞌ ne léꞌedxu gaca na ca guca da nigá.
\s Dxenné̱ Jesús benneꞌ le̱ꞌ Leví
\r (Mt. 9.9-13; Lc. 5.27-32)
\p
\v 13 Ca gudé naꞌ bedxúaj Jesús zéaje̱ꞌ dxuꞌa nísadauꞌ, naꞌ xúgute̱ bénneache lu xe̱zre caꞌ belezrine̱ꞌ lau Le̱ꞌ. Nadxa bsé̱dene̱ꞌ benneꞌ caꞌ xrtizra Dios.
\v 14 Ca gudé Jesús naꞌ, bleꞌeneꞌ Leví, zriꞌine Alfeo, dxeꞌe̱ lataj chee̱ wechizruj. Naꞌ gunná Jesús, dxe̱ꞌe̱ le̱ꞌ:
\p ―Be̱n nedaꞌ tuze.
\p La guxásate̱ Leví, guxíajle̱ne̱ꞌ Jesús.
\p
\v 15 Caꞌ guca, gate gudxéꞌ Jesús dxawe̱ꞌ lizre Leví, naꞌ zánete̱ benneꞌ wechizruj, ne benneꞌ dul-la caꞌ gulebéꞌe̱ dxelágule̱ne̱ꞌ tu zren nen Jesús, ne benneꞌ caꞌ dxusé̱dene̱ꞌ. Caní naca laweꞌ da zjácale̱ benneꞌ zante̱ Jesús.
\v 16 Nadxa benneꞌ caꞌ dxuluxuzájle̱ꞌe̱ da nadxixruj bea Dios, ne benneꞌ fariseo caꞌ, gate beleléꞌene̱ꞌ ca da dxun Jesús, dxágule̱ne̱ꞌ benneꞌ wechizruj caꞌ, ne benneꞌ dul-la caꞌ, naꞌ gulenné̱ꞌ, dxelé̱ꞌe̱ benneꞌ caꞌ dxuse̱de Jesús:
\p ―¿Bizra da nigá? Dxagu dxéꞌajle̱ne̱ꞌ benneꞌ wechizruj caꞌ, ne benneꞌ dul-la caꞌ.
\p
\v 17 Ca ben Jesús da nigá, gunné̱ꞌ:
\p ―Benneꞌ chaweꞌ caꞌ quebe dxelechínene̱ꞌ benneꞌ dxexún bénneache. Benneꞌ we̱ꞌ caꞌ dxelechínene̱ꞌ bénneaꞌ. Quegá blaꞌa dxennéaꞌ benneꞌ xrlátaje caꞌ. Benneꞌ dul-la caꞌ dxennéaꞌ.
\s Ca dxal-laꞌ xelún bénneache gate dxelune̱ꞌ gubasa
\r (Mt. 9.14-17; Lc. 5.33-39)
\p
\v 18 Ca guca lu zra naꞌ, belún gubasa benneꞌ caꞌ dxuse̱de Juan, ne benneꞌ caꞌ dxuluse̱de benneꞌ fariseo caꞌ. Naꞌ belezrín benneꞌ caꞌ, bedajlegue̱zre̱ꞌ Jesús:
\p ―¿Bizr chee̱ naꞌ dxelún gubasa benneꞌ caꞌ dxuse̱de Juan, ne benneꞌ caꞌ dxuluse̱de benneꞌ fariseo caꞌ, naꞌ benneꞌ caꞌ dxusé̱denuꞌ Lueꞌ quebe dxelune̱ꞌ gubasa? ¿Bizr chee̱ naꞌ?
\p
\v 19 Naꞌ Jesús guzre̱ꞌ benneꞌ caꞌ:
\p ―¿Waca xelún gubasa benneꞌ zaj zre̱ꞌe̱ laní chee̱ wechaga naꞌ dxácate̱ naꞌ zua benneꞌ wechaga naꞌ nen le̱ꞌ? Dxácate̱ naꞌ zua wechaga naꞌ nen le̱ꞌ quebe gaca xelune̱ꞌ gubasa.
\v 20 Wazrín tu zra gate dua benneꞌ wechaga naꞌ. Lu zra naꞌ xelune̱ꞌ gubasa.
\p
\v 21 ’Quegá nu benneꞌ xudé̱ꞌe̱ tu ladxeꞌ cube le̱ꞌe̱ zradxu gula. Che caꞌan gune̱ꞌ, ladxeꞌ cube da xudé̱ꞌe̱ wazrube xu na da gula, naꞌ wachézadxa na.
\v 22 Cáꞌanqueze, quegá nu benneꞌ que̱ꞌe̱ xrise uva wal-la cube lu bzude xide gula. Che caꞌan gune̱ꞌ, naꞌ xrise uva wal-la cube naꞌ wacheza na bzude xide gula, naꞌ walalaj xrise uva wal-la, ne cuía xi bzude xide naꞌ. Xrise uva wal-la cube lu bzude xide cube dxal-laꞌ chuzruj na.
\s Benneꞌ caꞌ dxuse̱de Jesús dxelíchaje̱ꞌ dau chee̱
 zruaꞌ xtila zra dxulupáꞌana judío caꞌ
\r (Mt. 12.1-8; Lc. 6.1-5)
\p
\v 23 Gate gudé Jesús naga ze̱ zruaꞌ xtila zra dxulupáꞌana benneꞌ judío caꞌ, náꞌate̱ naꞌ benneꞌ caꞌ dxuse̱de Jesús, ca zaj xuꞌe̱ neza, gulezú lawe̱ꞌ dxelíchaje̱ꞌ dau naga zria zruaꞌ xtila.
\v 24 Nadxa benneꞌ fariseo caꞌ gulé̱ꞌe̱ Jesús:
\p ―Gunnáꞌxque. ¿Bizr chee̱ naꞌ dxelune̱ꞌ zrin da quebe dxal-laꞌ xelune̱ꞌ zra dxupáꞌanadxu?
\p
\v 25 Jesús guzre̱ꞌ benneꞌ caꞌ:
\p ―¿Cabataꞌ ne gulábale ca da be̱n David gate gudune̱ꞌ, ne bxázrjene̱ꞌ da gagu le̱ꞌ, ne da gugawe̱ꞌ benneꞌ caꞌ zaj zrále̱ne̱ꞌ le̱ꞌ?
\v 26 Guxúꞌe̱ lu xuꞌu chee̱ Dios gate naca Abiatar bxruze blau, naꞌ David gudawe̱ꞌ xeta xtila da dxeluꞌe̱ lau Dios, da quebe dxal-laꞌ gagu benneꞌ xula, san tuze bxruze caꞌ zaj naca chee̱ꞌ xelawe̱ꞌ na. Naꞌ bnézrujte̱ David da gulagu benneꞌ caꞌ zrále̱ne̱ꞌ le̱ꞌ chee̱ xeta xtila naꞌ.
\p
\v 27 Cáꞌanqueze gunná Jesús, dxe̱ꞌe̱ benneꞌ caꞌ:
\p ―Dios gudíxruje̱ꞌ zra dxupáꞌanadxu chee̱ gaca ba neza chee̱ bénneache, quegá be̱ne̱ꞌ bénneache chee̱ xelune̱ꞌ zrin chee̱ zra dxupáꞌanadxu.
\v 28 Chee̱ le̱ naꞌ, nedaꞌ, Benneꞌ Gulje̱ꞌ Bénneache, nacaꞌ xrane zra dxupáꞌanadxu.
\c 3
\s Ca guca chee̱ tu benneꞌ nazrinnaj ne̱ꞌe̱
\r (Mt. 12.9-14; Lc. 6.6-11)
\p
\v 1 Gate guxúꞌu Jesús da xula lu xuꞌu naga dxelúe láꞌana judío caꞌ Dios, ze̱ tu benneꞌ biu nazrinnaj ne̱ꞌe̱ ga naꞌ.
\v 2 Judío caꞌ buluzuzre̱ꞌ Jesús che xexune̱ꞌ benneꞌ we̱ꞌ nigá lu zra dxulupáꞌane̱ꞌ, chee̱ xelezéquene̱ꞌ xelagu zria Jesús.
\v 3 Nadxa gunná Jesús, dxe̱ꞌe̱ benneꞌ biu naꞌ nazrinnaj ne̱ꞌe̱:
\p ―Guxasa. Guzé̱ laduj benneꞌ caní.
\p
\v 4 Nadxa gunaba Jesús lau judío caꞌ, dxe̱ꞌe̱ le̱ꞌ:
\p ―¿Naca chee̱ zra dxupáꞌanadxu gundxu da xrlátaje, u che gundxu da cale̱la? ¿Waca gupáꞌadxu xel-la nabán chee̱ nu benneꞌ, u che guzría xidxu xel-la nabán chee̱ꞌ?
\p Naꞌ gulezúa zrize judío caꞌ.
\v 5 Nadxa Jesús gunná ziꞌe̱ benneꞌ caꞌ. Bewíꞌinene̱ꞌ ca naca xel-la lázrdau zideꞌ chee̱ꞌ. Nadxa guzre̱ꞌ benneꞌ nazrinnaj ne̱ꞌe̱:
\p ―Guchiluj naꞌu.
\p Guchiluj ne̱ꞌe̱, naꞌ bexaca na.
\v 6 Caꞌan guca, belexedxúaj benneꞌ fariseo caꞌ, naꞌ belune̱ꞌ xel-la wezría nen benneꞌ caꞌ zaj de̱ꞌe̱ Herodes ájala xelútie̱ꞌ Jesús.
\s Bénneache zan dxelezrague̱ꞌ dxuꞌa nísadauꞌ
\p
\v 7 Nadxa gucuasa Jesús laduj benneꞌ caꞌ, naꞌ guxíaje̱ꞌ dxuꞌa nísadauꞌ nen benneꞌ caꞌ dxusé̱dene̱ꞌ. Zjácale̱ benneꞌ zan caꞌ Jesús, benneꞌ chee̱ xe̱zre caꞌ zaj nababa Galilea.
\v 8 Gate belén bénneache ca naca da zren caꞌ da dxun Jesús, belezrín benneꞌ zan lau Le̱ꞌ, benneꞌ chee̱ xe̱zre caꞌ zaj nababa Judea, ne benneꞌ xe̱zre Jerusalén, ne benneꞌ chee̱ xe̱zre caꞌ zaj nababa Idumea, ne benneꞌ gusáꞌaque̱ꞌ xechaláꞌa xe̱gu Jordán, ne benneꞌ gusáꞌaque̱ꞌ xe̱zre caꞌ zaj naxechaj na xe̱zre Tiro, ne xe̱zre Sidón.
\v 9 Chee̱ le̱ naꞌ gunná beꞌe Jesús benneꞌ caꞌ dxusé̱dene̱ꞌ xulucueze̱ꞌ tu da dxedá laweꞌ nísadauꞌ checa xuluchideꞌ bénneache zan Le̱ꞌ.
\v 10 Caní guca laweꞌ da bexún Jesús benneꞌ zante̱, naꞌ benneꞌ we̱ꞌ caꞌ gulebigue̱ꞌ lau le̱ꞌ chee̱ cheajleté̱ꞌ Le̱ꞌ.
\v 11 Gate beꞌ xriwe̱ꞌ caꞌ zaj xuꞌu bénneache beleléꞌe na Jesús, naꞌ buluzú zribe na lau Le̱ꞌ, ne gulebezre xaꞌa na. Dxelenná na:
\p ―Lueꞌ nacuꞌ Zriꞌine Dios.
\p
\v 12 Jesús gudil-le̱ꞌ beꞌ xriwe̱ꞌ caꞌ chee̱ quebe xululéꞌe na da naca Le̱ꞌ.
\s Jesús dxenné̱ꞌ chazrinnu gubáz chee̱ꞌ
\r (Mt. 10.1-4; Lc. 6.12-16)
\p
\v 13 Ca gudé naꞌ guluén Jesús tu lu xiꞌa, naꞌ gunné̱ꞌ benneꞌ caꞌ guca lazre̱ꞌ. Naꞌ gulebigue̱ꞌ lau Le̱ꞌ.
\v 14 Bchague̱ꞌ chazrinnu benneꞌ xelune̱ꞌ Le̱ꞌ tuze, benneꞌ sel-le̱ꞌ cheajlechálaje̱ꞌ xrtizra Dios.
\v 15 Bzue̱ꞌ lu naꞌ benneꞌ caní xel-la dxenná bea chee̱ xelexexune̱ꞌ benneꞌ we̱ꞌ caꞌ, ne chee̱ xelexebéaje̱ꞌ beꞌ xriwe̱ꞌ caꞌ lu be̱l-laꞌ dxen chee̱ bénneache caꞌ.
\v 16 Benneꞌ chazrinnu caní zaj le̱ꞌ:
\q Simón, bénneaꞌ bzua Jesús xetú le̱ꞌ Pedro,
\q
\v 17 ne Jacobo ne Juan, biche Jacobo, benneꞌ caꞌ zaj naque̱ꞌ zriꞌine Zebedeo. (Benneꞌ chupa caní bzua Jesús le̱ꞌ Boanerges, da zéaje̱ na benneꞌ wal-la ca guziuꞌ.)
\q
\v 18 Bchague̱ꞌ Andrés ne Felipe, ne Bartolomé, ne Mateo,
\q ne Tomás, ne Jacobo zriꞌine Alfeo, ne Tadeo,
\q ne Simón, benneꞌ dxue lázrele̱ꞌe̱ chee̱ lazrie̱ꞌ,
\q
\v 19 ne Judas Iscariote, bénneaꞌ xudée̱ꞌ Jesús lu naꞌ benneꞌ caꞌ dxeledábague̱ꞌ Le̱ꞌ.
\s Nu benneꞌ dxenné̱ꞌ schanniꞌ chee̱ Beꞌ Láꞌazxa
\r (Mt. 12.22-32; Lc. 11.14-23; 12.10)
\p Ca gudé naꞌ bzrin Jesús tu lu xuꞌu nen benneꞌ caꞌ dxusé̱dene̱ꞌ.
\v 20 Xecha lasa gulebiga bénneache zan naga zua Jesús, naꞌ québedxa dxaca lataj xelawe̱ꞌ.
\v 21 Gate belene benneꞌ xrtia Jesús ca da dxun Le̱ꞌ, naꞌ belezrine̱ꞌ chee̱ xelexeché̱ꞌe̱ le̱ꞌ. Dxelenné̱ꞌ:
\p ―Quebe zua xrlátaje xichaj lázrdawe̱ꞌ.
\p
\v 22 Cáꞌanqueze benneꞌ caꞌ dxuluxuzájle̱ꞌe̱ da nadxixruj bea Dios, benneꞌ gusáꞌaque̱ꞌ Jerusalén, dxelennéꞌ:
\p ―Benneꞌ nigá zrague̱ꞌ Beelzebú, xrane beꞌ xriwe̱ꞌ caꞌ, naꞌ ne̱ chee̱ xrane beꞌ xriwe̱ꞌ caꞌ dxebéaje̱ꞌ beꞌ xriwe̱ꞌ caꞌ.
\p
\v 23 Nadxa gunné̱ Jesús benneꞌ caꞌ, naꞌ bchálajle̱ne̱ꞌ le̱ꞌ tu da dxuléꞌe na. Dxenné̱ꞌ:
\p ―¿Wazeque Satanás da xriwe̱ꞌ xebéaj cuine na?
\v 24 Che benneꞌ dxelenná bea xelexaque̱ꞌ chupa laꞌa, quebe díaqueze xel-la dxenná bea chee̱ꞌ.
\v 25 Cáꞌanqueze che benneꞌ zaj zre̱ꞌe̱ tu lu xuꞌu xelaque̱ꞌ chupa laꞌa, quebe xeledíaqueze benneꞌ zaj zre̱ꞌe̱ lu xuꞌu naꞌ.
\v 26 Cáꞌanqueze, che Satanás tábaga cuínaqueze na, ne xexaca na chupa laꞌa, quebe díaqueze na. Wadéqueze chee̱ na.
\p
\v 27 ’Quebe nu seque chuꞌu lizre benneꞌ wal-la chee̱ cuane̱ꞌ da de̱ chee̱ꞌ che quebe guchéaje̱ꞌ le̱ꞌ nédxula. Nadxa seque̱ꞌ cuane̱ꞌ da de̱ lizre benneꞌ wal-la naꞌ.
\p
\v 28 ’Da li dxenníaꞌ, dxapaꞌ leꞌe: Xúgute̱ dul-la da dxelún bénneache, ne dizraꞌ schanniꞌ da dxelenné̱ꞌ, ájate̱ze zaj naca na, gunite láuqueze Dios chee̱ꞌ.
\v 29 Naꞌa, ca naca nútete̱ze benneꞌ nne̱ꞌ schanniꞌ chee̱ Beꞌ Láꞌazxa, cabataꞌ gunite lau Dios chee̱ bénneaꞌ. Webía xíꞌqueze̱ꞌ.
\p
\v 30 Caní gunná Jesús laweꞌ da dxelenné̱ꞌ:
\p ―Zraga Jesús da xriwe̱ꞌ.
\s Nu naca ca xrna Jesús, ne bi biche̱ꞌ caꞌ
\r (Mt. 12.46-50; Lc. 8.19-21)
\p
\v 31 Ca gudé naꞌ bzrin xrna Jesús nen bi biche̱ꞌ caꞌ. Gulebeze̱ꞌ chaléꞌajla, naꞌ gulesel-le̱ꞌ tu benneꞌ nne̱ꞌ Jesús.
\v 32 Benneꞌ caꞌ zaj zre̱ꞌe̱ cuita Jesús gulé̱ꞌe̱ le̱ꞌ:
\p ―Xrnaꞌu ne bi bichuꞌ caꞌ zaj ze̱ꞌ chaléꞌajla, dxelenné̱ꞌ Lueꞌ.
\p
\v 33 Gunná Jesús, dxe̱ꞌe̱ benneꞌ caꞌ:
\p ―¿Nézele nuzra naꞌ xrnaꞌa, ne bi bichaꞌ caꞌ?
\p
\v 34 Nadxa gunnáꞌ Jesús benneꞌ caꞌ zaj zre̱ꞌe̱ cuita Le̱ꞌ, naꞌ gunné̱ꞌ:
\p ―Benneꞌ caní zaj zrále̱ne̱ꞌ nedaꞌ nigá zaj naque̱ꞌ ca xrnáquezaꞌ, ne bi bichaꞌ caꞌ.
\v 35 Caní naca na laweꞌ da xúgute̱ benneꞌ dxelune̱ꞌ ca da dxaca lazreꞌ Dios, benneꞌ caní zaj naque̱ꞌ bi bichaꞌ caꞌ, ne bi zanaꞌ caꞌ, ne xrnaꞌa.
\c 4
\s Da dxuléꞌe na ca naca chee̱ benneꞌ dxaza dxaꞌana
\r (Mt. 13.1-23; Lc. 8.4-15)
\p
\v 1 Xetú lasa guzú lau Jesús dxusé̱dene̱ꞌ benneꞌ caꞌ dxuꞌa nísadauꞌ, naꞌ belezraga bénneache zante̱ naga zue̱ꞌ. Naxánle̱ꞌe̱ benneꞌ, naꞌ be̱n na ba xen guxúꞌu Jesús tu lu da dxedá laweꞌ nísadauꞌ da dxe naꞌ, naꞌ gudxéꞌe̱ luꞌule da dxedá laweꞌ nísadauꞌ, naꞌ bénneache zan caꞌ gulezré̱ꞌe̱ dxuꞌa nísadauꞌ.
\v 2 Nadxa bchalaj Jesús da dxululéꞌe na, naꞌ bsé̱dene̱ꞌ benneꞌ caꞌ da zante̱. Ca dxusé̱dene̱ꞌ benneꞌ caꞌ, naꞌ bchálaje̱ꞌ caní:
\p
\v 3 ―Le xene da nigá. Tu benneꞌ dxaza dxaꞌana zéaje̱ꞌ guza.
\v 4 Ca zéaje̱ꞌ dxaze̱ꞌ, naꞌ xeajlechaze bal-la bínnedu caꞌ dxuꞌa neza. Naꞌ belezrín bxinne, ne gulágubaꞌ bínnedu caní.
\v 5 Xezícadxa bínnedu caꞌ xeajlechaze na lu xiaj naga quebe dé̱teca xu. Bínnedu caní belezría na laweꞌ da quebe dé̱teca xu.
\v 6 Ca bdxuaj gubizra, naꞌ bzezxe na le̱ na, naꞌ laweꞌ da quebe zaj nun lue na lu da situj, gulebizre na.
\v 7 Xezícadxa bínnedu caꞌ xeajlechaze na naga dxelezría xixreꞌ xecheꞌ. Xixreꞌ xecheꞌ caní gulegúladxa na ca le̱ na, naꞌ bululule na le̱ na, naꞌ quebe gulebía na da gágudxu.
\v 8 Xezícadxa bínnedu caꞌ xeajlechaze na lu xu be̱be. Belezría na cháwedauꞌ, naꞌ belegula na, ne gulezríale̱ꞌe̱ na da gágudxu. Bal-la na gulebía na chi dxua tu tu na. Xebal-la na gulebía na ga xun tu tu na. Xebal-la na gulebía na tu gaxúa tu tu na.
\p
\v 9 Gunnadxa Jesús, dxe̱ꞌe̱ benneꞌ caꞌ:
\p ―Che nu benneꞌ zua nague̱ꞌ, dxal-laꞌ xenne̱ꞌ da nigá.
\p
\v 10 Ca gudé naꞌ, ca gucuasa Jesús cuita benneꞌ zan caꞌ, naꞌ gulenaba benneꞌ caꞌ zrále̱ne̱ꞌ benneꞌ caꞌ dxuse̱de Jesús bi zéaje̱ ca naca da dxuléꞌe nigá.
\v 11 Naꞌ gunná Jesús, dxe̱ꞌe̱ benneꞌ caꞌ:
\p ―Dios dxunne̱ꞌ leꞌe lataj nézele ca naca chee̱ da nagache chee̱ da dxenná bea Le̱ꞌ. Naꞌa, ca naca chee̱ benneꞌ caꞌ zaj zre̱ꞌe̱ cúzrela, dxuchálajle̱naꞌ le̱ꞌ dízraꞌze da dxuléꞌe na.
\v 12 Caní dxunaꞌ laweꞌ da dxelenné̱ꞌe̱, naꞌ quebe dxelaca lazre̱ꞌ xeleléꞌene̱ꞌ. Dxelenne̱ꞌ, naꞌ quebe dxelaca lazre̱ꞌ xeléajniꞌine̱ꞌ, chee̱ quebe xelexebíꞌi lazre̱ꞌ, naꞌ chuꞌu xel-la wenite lau chee̱ dul-la da za nabague̱ꞌ.
\p
\v 13 Naꞌ gunnadxa Jesús:
\p ―¿Quebe dxéajniꞌile ca naca da dxuléꞌe nigá? ¿Ájalaqueze chéajniꞌile xezícadxa dizraꞌ caꞌ da dxululéꞌe na?
\v 14 Benneꞌ dxaza dxáꞌane̱ꞌ naque̱ꞌ benneꞌ dxuchálaje̱ꞌ xrtizra Dios.
\v 15 Bal-la bénneache zaj naque̱ꞌ ca bínnedu caꞌ xeajlechaze na dxuꞌa neza. Dxelenne̱ꞌ xrtizra Dios, naꞌ ca dxedé naꞌ, dxezrín Satanás, naꞌ dxucuasa na dizraꞌ nigá da zua na xichaj lázrdau benneꞌ caꞌ.
\v 16 Benneꞌ xula caꞌ zaj naque̱ꞌ ca bínnedu caꞌ xeajlechaze na lu xiaj. Ca dxelenne̱ꞌ xrtizra Dios, naꞌ dxelebéle̱ꞌe̱ne̱ꞌ dxeleziꞌe̱ na.
\v 17 Tu chíꞌidauze dxelune̱ꞌ caní. Gate dxeledée̱ꞌ xel-la ziꞌ, ne zua da dxedábaga le̱ꞌ ne̱ chee̱ xrtizra Dios, naꞌ dxelexecuase̱ꞌ laweꞌ da quebe guxaze xrtizra Dios lúꞌulete̱ xichaj lázrdawe̱ꞌ ca guca chee̱ bínnedu caꞌ quebe belún lue na lu xu situj.
\v 18 Benneꞌ xula caꞌ zaj naque̱ꞌ ca bínnedu caꞌ xeajlechaze na ládujla xixreꞌ xecheꞌ caꞌ. Dxelenne̱ꞌ xrtizra Dios.
\v 19 Laweꞌ da dxelebeꞌdxe̱ꞌ gunne xue da naca chee̱ xe̱zr la xu nigá dxezí xe̱ xel-la gunníꞌa le̱ꞌ, naꞌ dxelezá lazre̱ꞌ da zante̱ da dxeleléꞌene̱ꞌ. Xúgute̱ da caní dxelúꞌu na xichaj lázrdau benneꞌ caní, naꞌ xuluxunite na dizraꞌ da guxúꞌu xichaj lázrdawe̱ꞌ, naꞌ quebe gaca gun na ca da dxal-laꞌ gun dizraꞌ nigá.
\v 20 Zaj zraꞌ benneꞌ dxelenne̱ꞌ xrtizra Dios, ne dxelezíꞌ lu ne̱ꞌe̱ na. Bal-le̱ꞌ zaj naque̱ꞌ ca bínnedu caꞌ gulebía na chi dxua tu tu na. Benneꞌ xula zaj naque̱ꞌ ca bínnedu caꞌ gulebía na ga xun tu tu na. Benneꞌ xula zaj naque̱ꞌ ca bínnedu caꞌ gulebía na tu gaxúa tu tu na.
\s Xúgute̱ da nagache guléꞌe lawe na
\r (Lc. 8.16-18)
\p
\v 21 Cáꞌanqueze gunná Jesús, dxe̱ꞌe̱ benneꞌ caꞌ:
\p ―¿Gúadxu xiꞌ, ne guzúadxu na zran xiꞌina u che zran ga dxásedxu? Quebe gundxu caꞌ, san guzúadxu na sibe chee̱ gusení na.
\v 22 Xúgute̱ da nagache guléꞌe lawe na, naꞌ xúgute̱ da xuꞌu xichaj lázrdaudxu wénqueze na.
\v 23 Che nu benneꞌ zua nague̱ꞌ, dxal-laꞌ xenne̱ꞌ da nigá.
\p
\v 24 Cáꞌanqueze gunná Jesús:
\p ―¡Le xene xanneꞌ ca da dxénele! Ca da dxudxíxrele, nen le̱ naꞌ gudxíxrequeze Dios chee̱le, naꞌ gúnnadxe̱ꞌ leꞌe dxénele.
\v 25 Caní gaca na, benneꞌ nape̱ꞌ da naca chee̱ xrtizre̱ꞌe, gunézrujdxe̱ꞌ chee̱ꞌ, naꞌ benneꞌ quebe bi nape̱ꞌ, ca da dauze da nape̱ꞌ xecáꞌate̱ꞌ na.
\s Da dxuléꞌe na ca naca chee̱ binne da dxegula na
\p
\v 26 Naꞌ gunnáqueze Jesús:
\p ―Da dxenná bea Dios naca na ca da dxaca gate tu benneꞌ dxaze̱ꞌ bínnedu caꞌ lu xu.
\v 27 Dxásie̱ꞌ chizrela, dxase̱ꞌ te zra, naꞌ bínnedu caní dxelezría na, ne dxelegula na, ne quegá nézene̱ꞌ ájala.
\v 28 Dxaca na caní laweꞌ da nácaqueze ca da dxun xe̱zr la xu. Nedxu dxebía na xrlegue na, nadxa za dau, naꞌ bzé̱bete̱ dxebía na bínnedu caꞌ lu dau.
\v 29 Gate ba gulegula xíxredu caní, naꞌ dxechugue̱ꞌ na laweꞌ da ba bzrin zra xequé̱ꞌe̱ na.
\s Da dxuléꞌe na ca naca chee̱ binne mostaza
\r (Mt. 13.31-32; Lc. 13.18-19)
\p
\v 30 Cáꞌanqueze gunná Jesús:
\p ―¿Ájala gutil-la lé̱bedxu da dxenná bea Dios, u che bila dizraꞌ da dxuléꞌe na cáꞌadxu da gutil-la lé̱bedxu le̱ na?
\v 31 Naca na ca tu binne mostaza da dxázadxu lu xu. Bínnedu nigá nácadxa cuideꞌ ca da zaj nnita lu xe̱zr la xu.
\v 32 Gate ba gúzadxu na dxegula na, naꞌ dxaca na da zrendxa ca xixreꞌ caꞌ da zaj naca na ba dagu, naꞌ dxebía zruze na zren, naꞌ dxácate̱ dxelebía bxínnedu caꞌ zran zrula chee̱ na.
\s Ca bgune Jesús da dxuléꞌe na caní
\r (Mt. 13.34-35)
\p
\v 33 Caní bse̱de Jesús benneꞌ caꞌ xrtizra Dios, naꞌ bchálaje̱ꞌ zánete̱ da dxululéꞌe na caní, cadite̱ guléajniꞌine̱ꞌ.
\v 34 Quebe bchálaje̱ꞌ da xula. Tuze dizraꞌ da dxuléꞌe na bchálajle̱ne̱ꞌ benneꞌ caꞌ. Bzájlaꞌadxe̱ꞌ ca naca na benneꞌ caꞌ dxusé̱dene̱ꞌ.
\s Jesús dxebeche zrie̱ꞌ beꞌ bdunuꞌ
\r (Mt. 8.23-27; Lc. 8.22-25)
\p
\v 35 Lu zra náꞌqueze, ca gul-la chizrela, naꞌ gunná Jesús, dxe̱ꞌe̱ benneꞌ caꞌ dxusé̱dene̱ꞌ:
\p ―Chéajdxu xecha laꞌa nísadauꞌ.
\p
\v 36 Besáꞌaque̱ꞌ naga zaj zraꞌ benneꞌ zan caꞌ, naꞌ guleché̱ꞌe̱ Jesús lu da dxedá laweꞌ nísadauꞌ naga ba dxéꞌqueze̱ꞌ, naꞌ gulennita xezícadxa da caꞌ dxeledá laweꞌ nísadauꞌ caꞌ naga zaj zraꞌ benneꞌ, naꞌ xjácale̱ne̱ꞌ Le̱ꞌ.
\v 37 Nadxa guzú lau dxaca tu beꞌ bdunuꞌ lu nísadauꞌ naꞌ, naꞌ dxuꞌute̱ nisa lu da dxedá laweꞌ nísadauꞌ. Caní guca guzú lau dxezrá nisa lu da dxedá laweꞌ nísadauꞌ.
\v 38 Jesús de̱ꞌ dxasie̱ꞌ lu xcúgüe̱ꞌ naga nácadxa sibe lu da dxedá laweꞌ nísadauꞌ. Naꞌ bulusebane̱ꞌ Jesús, dxelé̱ꞌe̱ Le̱ꞌ:
\p ―Benneꞌ wese̱de, ¿quebe dxeꞌu gunne xue wátedxu nate ca naꞌa?
\p
\v 39 Nadxa guxasa Jesús, naꞌ bchálajle̱ne̱ꞌ beꞌ bdunuꞌ, ne nísadauꞌ. Dxenné̱ꞌ:
\p ―¡Gudxé zriꞌ! ¡Zrize guzúa!
\p Gudxé zriꞌ beꞌ bdunuꞌ, naꞌ nísadauꞌ guzúa zri na.
\v 40 Nadxa gunná Jesús, dxe̱ꞌe̱ benneꞌ caꞌ dxusé̱dene̱ꞌ:
\p ―¿Bizr chee̱ naꞌ dxezrébele̱ꞌe̱le leꞌe? ¿Quebe dxeajlí lázrele Dios?
\p
\v 41 Belezrébele̱ꞌe̱dxe̱ꞌ, ne dxelé̱ ljwezre̱ꞌ:
\p ―¿Núzraqueze benneꞌ nigá? Dxuluzúa dizraꞌ beꞌ bdunuꞌ, ne nísadauꞌ chee̱ꞌ.
\c 5
\s Tu benneꞌ xe̱zre Gadara, benneꞌ xuꞌe̱ beꞌ xriwe̱ꞌ
\r (Mt. 8.28-34; Lc. 8.26-39)
\p
\v 1 Bezrín Jesús, tu zren nen benneꞌ caꞌ dxusé̱dene̱ꞌ xecha laꞌa nísadauꞌ lu xe̱zr la xu chee̱ benneꞌ Gadara caꞌ.
\v 2 Ca bedxúaj Jesús lu da dxedá laweꞌ nísadauꞌ, naꞌ bzrin tu benneꞌ xuꞌe̱ beꞌ xriwe̱ꞌ naga zua Jesús. Bedxúaje̱ꞌ lu bluaj naga zaj nagache benneꞌ gate caꞌ.
\v 3 Benneꞌ biu nigá zúaqueze̱ꞌ lu bluaj naꞌ. Quebe nu dxezúe guchéaj le̱beꞌ chalásaze, lácala nu guchéaj le̱beꞌ nen du xia.
\v 4 Zaneꞌ lasa buluchéaje̱ꞌ le̱beꞌ nen du xia naꞌabeꞌ, ne níꞌabeꞌ. Bzúzrujbeꞌ du xia caꞌ, naꞌ quegá nu guzeque nna béꞌene̱ꞌ le̱beꞌ.
\v 5 Dxedáquezebeꞌ te zra chizrela lu xiꞌa caꞌ, ne lu bluaj caꞌ naga zaj nagache benneꞌ gate. Dxebezre xaꞌabeꞌ, ne dxeajcházebeꞌ lu xiaj caꞌ, dxun we̱ꞌ cuínabeꞌ.
\v 6 Gate bleꞌebeꞌ zítuꞌla ba za Jesús, naꞌ guzá chégubeꞌ, xeajzú zríbebeꞌ lau Le̱ꞌ.
\v 7 Gunné̱ zizraj beꞌ xriwe̱ꞌ xuꞌubeꞌ, dxe̱ na Jesús:
\p ―¿Bizra dxaca chiuꞌ nen nedaꞌ, Jesús, Zriꞌine Dios szrente̱? Lu La Xránadxu Dios, dxataꞌ xuedaꞌ Lueꞌ, quebe gudéuꞌ nedaꞌ xel-la ziꞌ.
\p
\v 8 Caní gunná na laweꞌ da gunná Jesús, dxe̱ꞌe̱ na:
\p ―Lueꞌ, da xriwe̱ꞌ, bedxúaj lu be̱l-laꞌ dxen chee̱ benneꞌ nigá.
\p
\v 9 Nadxa gunaba Jesús, dxe̱ꞌe̱ na:
\p ―¿Bi leuꞌ?
\p Naꞌ beche̱be na:
\p ―Da Zan leaꞌ, laweꞌ da naxantuꞌ.
\p
\v 10 Gutaꞌ xue na Jesús chee̱ quebe xesel-le̱ꞌ na, ne quebe gucuase̱ꞌ na zituꞌ lu xe̱zr la xu naꞌ.
\v 11 Zaj zraꞌ gagu lu xiꞌa naꞌ tu cueꞌ cuche zaj zrabaꞌ dxelágubaꞌ.
\v 12 Gulataꞌ xue beꞌ xriwe̱ꞌ caꞌ Jesús, gulenná na:
\p ―Besel-la netuꞌ lu cuche caꞌ. Be̱nna lataj chúꞌuntuꞌ le̱baꞌ.
\p
\v 13 Nadxa Jesús be̱ꞌe̱ na lataj. Naꞌ beꞌ xriwe̱ꞌ caꞌ beledxúaj na lu bénneaꞌ, naꞌ gulúꞌu na cuche caꞌ. Zaj nácabaꞌ ca galaj gaxúa cuche caꞌ, naꞌ buludxixre cuínabaꞌ tu chejéa. Xeajlecháste̱baꞌ lu nísadauꞌ, ne gulátete̱baꞌ lu nisa naꞌ.
\p
\v 14 Benneꞌ caꞌ dxuluxúe̱ꞌ cuche caꞌ buluxuzrúnnuje̱ꞌ, naꞌ xeajlezenne̱ꞌ benneꞌ zaj zre̱ꞌe̱ lu xe̱zre, ne benneꞌ zaj zre̱ꞌe̱ le̱ꞌe̱ xixreꞌ. Naꞌ belezrín benneꞌ caꞌ naga zua Jesús, benneꞌ caꞌ belenne̱ꞌ ca da ba guca.
\v 15 Gate belezrín benneꞌ caꞌ naga zua Jesús, naꞌ beleléꞌene̱ꞌ bénneaꞌ guxúꞌubeꞌ beꞌ xriwe̱ꞌ caꞌ, dxeꞌebeꞌ ga zua Jesús, nácubeꞌ tu ladzeꞌ, ne ba bezúa xrlátaje lu xichaj lázrdaubeꞌ, naꞌ gulezrebe̱ꞌ.
\v 16 Benneꞌ caꞌ beleléꞌe ca naca da guca chee̱ benneꞌ guxúꞌubeꞌ beꞌ xriwe̱ꞌ caꞌ, ne ca guca chee̱ cuche caꞌ buluchálaje̱ꞌ chee̱ da ba guca.
\v 17 Nadxa benneꞌ xe̱zre caꞌ gulataꞌ xuene̱ꞌ Jesús xedxúaje̱ꞌ lu xe̱zr la xu chee̱ꞌ.
\p
\v 18 Ca bexúꞌu Jesús lu da dxedá laweꞌ nísadauꞌ, naꞌ bénneaꞌ guxúꞌubeꞌ beꞌ xriwe̱ꞌ caꞌ gutaꞌ xuebeꞌ Jesús guꞌe̱ lataj chéajle̱beꞌ Le̱ꞌ.
\v 19 Quebe be̱ꞌ Jesús le̱beꞌ lataj, san dxe̱ꞌe̱ le̱beꞌ, gunné̱ꞌ:
\p ―Bexiaj lizruꞌ, ne xeajchálajle̱ xrtiuꞌ caꞌ ca naca da zren caꞌ da be̱n Xranuꞌ nen lueꞌ, ne ca bexache lazre̱ꞌ lueꞌ.
\p
\v 20 Nadxa bezáꞌabeꞌ zexíajbeꞌ, ne guzú laubeꞌ dxuchálajbeꞌ lu xe̱zre caꞌ zaj nababa Decápolis ca naca da zren da be̱n Jesús nen le̱beꞌ. Belexebánele̱ꞌe̱ xúgute̱ benneꞌ zaj zre̱ꞌe̱ xe̱zre caꞌ.
\s Bi nuꞌula chee̱ Jairo, ne nuꞌula naꞌ xeajté̱ꞌ zra lana Jesús
\r (Mt. 9.18-26; Lc. 8.40-56)
\p
\v 21 Begüén Jesús lu da dxedá laweꞌ nísadauꞌ, naꞌ bezrine̱ꞌ xecha laꞌa nísadauꞌ. Belezrín benneꞌ zan naga ze̱ꞌ, naꞌ Le̱ꞌ begáꞌane̱ꞌ dxuꞌa nísadauꞌ.
\v 22 Caꞌan guca bzrin tu benneꞌ xíchaje̱ chee̱ xuꞌu naga dxelúe láꞌana judío caꞌ Dios, benneꞌ le̱ꞌ Jairo. Gate bléꞌene̱ꞌ Jesús, naꞌ bzu zribe̱ꞌ zran niꞌe̱.
\v 23 Gutaꞌ xuene̱ꞌ Jesús, dxe̱ꞌe̱ Le̱ꞌ:
\p ―¡Bi nuꞌula chiaꞌ ba dxátebeꞌ! ¡Gudá, bze̱ naꞌu le̱beꞌ chee̱ xexácabeꞌ, ne xaca banbeꞌ!
\p
\v 24 Nadxa guxíajle̱ Jesús bénneaꞌ, naꞌ bénneache zan xjácale̱ne̱ꞌ Le̱ꞌ, ne dxuluchítee̱ꞌ Le̱ꞌ.
\v 25 Ládujla bénneache caꞌ za tu nuꞌula quebe chaweꞌ zue̱ꞌ, ba zeaj chazrinnu iza nape̱ꞌ we̱ꞌ dxen.
\v 26 Da zren da bulusaca benneꞌ dxelexún bénneache caꞌ nuꞌula nigá, naꞌ bache be̱n dítaje̱ꞌ xúgute̱ da nape̱ꞌ. Quegá bi gúcale̱ na le̱ꞌ, san bzáladxa we̱ꞌ chee̱ꞌ.
\v 27 Gate ben núꞌulaꞌ dxuluchalaj bénneache ca naca chee̱ Jesús, naꞌ bzrine̱ꞌ cúzrula Jesús ládujla bénneache, naꞌ xeajté̱ꞌ zra lana Jesús.
\v 28 Caní be̱ne̱ꞌ laweꞌ da gunné̱ꞌ lu xichaj lázrdawe̱ꞌ: Cun cheajtazaꞌ zra lana Jesús, naꞌ xexácateaꞌ.
\v 29 La gulézate̱ xel-la we̱ꞌ chie̱ꞌ, ne la guque béꞌete̱ne̱ꞌ ba bexaca be̱l-laꞌ dxen chee̱ꞌ chee̱ xízrawe̱ꞌ naꞌ.
\v 30 Gúquebeꞌe Jesús be̱n zrin xel-la waca chee̱ꞌ. Chee̱ le̱ naꞌ bexéchaje̱ꞌ, dxenné̱ꞌe̱ bénneache caꞌ, naꞌ gunábene̱ꞌ le̱ꞌ:
\p ―¿Nuzra bedajtá zra lanaꞌ?
\p
\v 31 Nadxa benneꞌ caꞌ dxuse̱de Jesús gulé̱ꞌe̱ Le̱ꞌ:
\p ―Dxeléꞌequeznuꞌ bénneache zan dxuluchíe̱ꞌ Lueꞌ. ¿Bizr chee̱ naꞌ dxenabuꞌ: “Nuzra bedajtá nedaꞌ?”
\p
\v 32 Jesús guzúe̱ꞌ dxenné̱ꞌe̱ cuite̱ꞌ chee̱ léꞌene̱ꞌ nuaꞌ bedajtá Le̱ꞌ.
\p
\v 33 Nadxa guxíaj nuꞌula nigá, dxezrízie̱ꞌ dxezrebe̱ꞌ laweꞌ da nézene̱ꞌ ca da ba guca chee̱ꞌ, naꞌ bzu zribe̱ꞌ lau Jesús, naꞌ gunné̱ꞌ ca naca da li.
\v 34 Nadxa gunná Jesús, dxe̱ꞌe̱ nuꞌulaꞌ:
\p ―Bi núꞌuladauꞌ, ba bexacuꞌ laweꞌ da guxeajlí lazruꞌ nedaꞌ. Bexíaj, cútudxa zrebuꞌ. Ba bexácate̱quezuꞌ chee̱ xízrawe̱ꞌ da guzxacuꞌ.
\p
\v 35 Ne dxuchálajte̱ Jesús gate belezrín benneꞌ gusáꞌaca lizre benneꞌ xíchaje̱ chee̱ xuꞌu naga dxelúe láꞌana judío caꞌ Dios, naꞌ gulé̱ꞌe̱ xra núꞌuladauꞌ naꞌ:
\p ―Bi núꞌuladauꞌ chiuꞌ ba gútebeꞌ. ¿Bizr chee̱ naꞌ dxunuꞌ zé̱dedxa benneꞌ dxuse̱de nigá?
\p
\v 36 Gate Jesús benne̱ꞌ ca da gulenná benneꞌ caní, dxe̱ꞌe̱ benneꞌ xíchaje̱ chee̱ xuꞌu naꞌ, gunné̱ꞌ:
\p ―Quebe zrebuꞌ. Guxeajlí lazreꞌ nedaꞌ.
\p
\v 37 Quebe be̱ꞌe̱ lataj chjácale̱ bénneache zan caꞌ Le̱ꞌ. Tuze be̱ꞌe̱ lataj gusáꞌacale̱ Pedro, ne Jacobo, ne Juan, biche Jacobo nigá, nen Le̱ꞌ.
\v 38 Ca belezrine̱ꞌ lizre benneꞌ xíchaje̱ naꞌ, naꞌ bleꞌe Jesús bénneache dxelún schaga. Dxelebezre benneꞌ, ne dxelebezre xaꞌate̱ꞌ.
\v 39 Nadxa guxúꞌu Jesús lu xuꞌu, naꞌ dxe̱ꞌe̱ benneꞌ caꞌ, gunné̱ꞌ:
\p ―¿Bizr chee̱ naꞌ dxunle schaga? ¿Bizr chee̱ naꞌ dxebézrele? Quegá nate bidauꞌ nuꞌula. Dxásezebeꞌ.
\p
\v 40 Belún lala benneꞌ caꞌ chee̱ꞌ. Nadxa Jesús bebéaje̱ꞌ xúgute̱ benneꞌ caꞌ, naꞌ guché̱ꞌe̱ xrabeꞌ, ne xrna bidauꞌ nigá, ne benneꞌ caꞌ zjácale̱ne̱ꞌ Le̱ꞌ, naꞌ guxúꞌe̱ naga de̱ núꞌuladu naꞌ.
\v 41 Bé̱xrue̱ꞌ naꞌbeꞌ, ne guzre̱ꞌ le̱beꞌ:
\p ―Bi núꞌuladauꞌ, lueꞌ dxapaꞌ: ¡Guxasa!
\p
\v 42 La bexásate̱ núꞌuladu naꞌ, naꞌ guzáte̱beꞌ laweꞌ da ba zéajbeꞌ chazrinnu iza. Naꞌ benneꞌ caꞌ zaj zre̱ꞌe̱ lu xuꞌu naꞌ belezrébele̱ꞌe̱.
\v 43 Jesús gunná béꞌene̱ꞌ benneꞌ caꞌ chee̱ quebe nu xelé̱ꞌe̱ ca da be̱ne̱ꞌ. Nadxa guzré̱ꞌ benneꞌ caꞌ xulugawe̱ꞌ núꞌuladu naꞌ.
\c 6
\s Dxezrín Jesús lazrie̱ꞌ da nacan xe̱zre Nazaret
\r (Mt. 13.53-58; Lc. 4.16-30)
\p
\v 1 Jesús bezé̱ꞌe̱ naga zue̱ꞌ, ne bezrine̱ꞌ lazrie̱ꞌ, naꞌ benneꞌ caꞌ dxusé̱dene̱ꞌ xjácale̱ne̱ꞌ Le̱ꞌ.
\v 2 Ca gula zra dxulupáꞌana judío caꞌ, naꞌ bezú lau Jesús dxusé̱dene̱ꞌ benneꞌ caꞌ zaj zre̱ꞌe̱ lu xuꞌu naga dxelúe láꞌana judío caꞌ Dios. Bénneache zan belenne̱ꞌ chee̱ꞌ, ne belexebánene̱ꞌ, dxelenné̱ꞌ:
\p ―¿Gazra bse̱de benneꞌ nigá ca nácate̱? ¿Bizra xel-la sina da nunezruj Le̱ꞌ, ne xel-la waca zren caní da dxune̱ꞌ?
\v 3 ¿Quegá benneꞌ nigá gubizre xaga, zriꞌine María, naꞌ benneꞌ biche̱ꞌ caꞌ zaj naque̱ꞌ Jacobo, ne José, ne Judas, ne Simón, naꞌ nuꞌula zane̱ꞌ caꞌ cáꞌanqueze zaj zrále̱ne̱ꞌ dxiꞌu?
\p Chee̱ le̱ naꞌ quebe guléajle̱ꞌe̱ chee̱ Jesús.
\v 4 Naꞌ gunná Jesús, dxe̱ꞌe̱ benneꞌ caꞌ:
\p ―Xúgute̱ benneꞌ dxelape̱ꞌ ba láꞌana tu benneꞌ dxuchálaje̱ꞌ waláz chee̱ Dios, san benneꞌ walázr chee̱ꞌ caꞌ, ne benneꞌ xrtie̱ꞌ caꞌ, ne benneꞌ zaj zre̱ꞌe̱ xuꞌu lizre̱ꞌ quebe dxelape̱ꞌ le̱ꞌ ba láꞌana.
\p
\v 5 Chee̱ le̱ naꞌ quebe be̱n Jesús lazrie̱ꞌ naꞌ netú xel-la waca zren. Tuze bexune̱ꞌ bál-laze benneꞌ we̱ꞌ gate naꞌ guxrúa ne̱ꞌe̱ xichaj benneꞌ caꞌ.
\v 6 Bebane Jesús laweꞌ da quebe guléajle̱ꞌe̱ chee̱ꞌ.
\s Jesús dxusel-le̱ꞌ benneꞌ caꞌ dxusé̱dene̱ꞌ
 cheajlechálaje̱ꞌ xrtizra Dios
\r (Mt. 10.5-15; Lc. 9.1-6)
\p Ca gudé naꞌ bedé Jesús xecha lasa xé̱zredu caꞌ zaj nnita gáguze, naꞌ bsé̱dene̱ꞌ benneꞌ zaj zre̱ꞌe̱ ga naꞌ.
\v 7 Gunné̱ꞌ benneꞌ chazrinnu dxusé̱dene̱ꞌ, ne guzú lawe̱ꞌ dxesel-le̱ꞌ le̱ꞌ chupa weaje̱ꞌ, ne bnézruje̱ꞌ le̱ꞌ xel-la waca xulucuase̱ꞌ beꞌ xriwe̱ꞌ caꞌ lu be̱l-laꞌ dxen chee̱ bénneache caꞌ.
\v 8 Gunná béꞌene̱ꞌ le̱ꞌ quebe bi xeluꞌe̱ chee̱ la neza, con tuze xaga da xuluchiche̱ꞌ. Quebe xeluꞌe̱ xixruj xeta, ne xeta, ne dumí.
\v 9 Waca xululéaje̱ꞌ zrele̱ꞌ, ne xelácue̱ꞌ tu cueze zra lane̱ꞌ.
\v 10 Gunnadxa Jesús, dxe̱ꞌe̱ benneꞌ caꞌ:
\p ―Gate naꞌ chuꞌule leꞌe tu lu xuꞌu chee̱ benneꞌ, waca xegáꞌanate̱le lizre bénneaꞌ ca zrindxa zra xezáꞌale lu xe̱zre naꞌ.
\v 11 Che zrinle tu lu xe̱zre naga quebe xuluxé lawe̱ꞌ leꞌe, ne quebe xelénene̱ꞌ chee̱le, waca xezáꞌale, naꞌ cuíbete̱le bxrte xu da dxedáꞌ níꞌale. Da nigá gaca na tu da dxuléꞌe na zaj nabaga benneꞌ xe̱zre naꞌ zria, benneꞌ dxeledábagaꞌ leꞌe. Da li dxennéaꞌ, lu zra guchiꞌa Dios chee̱ bénneache, waxacheꞌ gácadxa da ba xaꞌ da xeledé benneꞌ xe̱zre Sodoma, ne benneꞌ xe̱zre Gomorra quézcala da xeledé benneꞌ xe̱zre caꞌ naga quebe buluzé̱ nague̱ꞌ chee̱le.
\p
\v 12 Nadxa gusáꞌaca benneꞌ caꞌ dxuse̱de Jesús, naꞌ buluchálajle̱ne̱ꞌ bénneache chee̱ xelexebíꞌi lazre̱ꞌ.
\v 13 Cáꞌanqueze belexebéaje̱ꞌ zánete̱ beꞌ xriwe̱ꞌ caꞌ lu be̱l-laꞌ dxen chee̱ bénneache caꞌ, naꞌ gulegüe̱ꞌe̱ da za zaneꞌ benneꞌ we̱ꞌ, naꞌ belexexaque̱ꞌ.
\s Ca gute Juan, benneꞌ bchue̱ꞌ bénneache nisa
\r (Mt. 14.1-12; Lc. 9.7-9)
\p
\v 14 Naꞌ ben wenná bea Herodes ca naca da zren caꞌ da dxun Jesús laweꞌ da guzé̱ dizraꞌ chee̱ꞌ. Bal-la benneꞌ dxelenné̱ꞌ:
\p ―Juan, benneꞌ bchue̱ꞌ bénneache nisa, bache bebane̱ꞌ ládujla benneꞌ gate, naꞌ chee̱ le̱ naꞌ nape̱ꞌ xel-la waca zren nigá.
\p
\v 15 Benneꞌ xula dxelenné̱ꞌ:
\p ―Elías, bénneaꞌ bchálaje̱ꞌ waláz chee̱ Dios benneꞌ nigá.
\p Benneꞌ xula dxelenné̱ꞌ:
\p ―Nácalje̱ꞌ bénneaꞌ dxal-laꞌ xeláꞌ guchálaje̱ꞌ waláz chee̱ Dios, che nácalje̱ꞌ benneꞌ gulasa, benneꞌ bchálaje̱ꞌ waláz chee̱ Dios.
\p
\v 16 Ca ben Herodes da caní, naꞌ gunné̱ꞌ:
\p ―Benneꞌ nigá naque̱ꞌ Juan, bénneaꞌ gunná beꞌedaꞌ nedaꞌ gulechugue̱ꞌ xíchaje̱ꞌ. Benneꞌ nigá ba bebane̱ꞌ ládujla benneꞌ gate.
\p
\v 17 Caní gunná Herodes laweꞌ da gunná beꞌe le̱ꞌ buluzúe̱ꞌ Juan naꞌ lizre xia, ne buluchéaje̱ꞌ le̱ꞌ du xia, da naꞌ be̱ne̱ꞌ laweꞌ da dxezráꞌa Herodías le̱ꞌ. Herodías nigá guque̱ꞌ zruꞌula Felipe, benneꞌ biche Herodes. Herodes nigá bequé̱ꞌe̱ nuꞌulaꞌ chee̱ guque̱ꞌ zruꞌule̱ꞌ.
\v 18 Gunná Juan, dxe̱ꞌe̱ Herodes:
\p ―Quebe dxal-laꞌ súale̱nuꞌ zruꞌula bi bichuꞌ.
\p
\v 19 Chee̱ le̱ naꞌ Herodías guzré̱ꞌe̱ Juan, ne guca lazre̱ꞌ gútete̱ꞌ le̱ꞌ. Quebe guca chee̱ꞌ
\v 20 laweꞌ da neze Herodes naca Juan nigá tu benneꞌ xrlátaje, ne benneꞌ naque̱ꞌ tuze nen Dios, naꞌ bezrebe̱ꞌ le̱ꞌ. Chee̱ le̱ naꞌ quebe be̱ꞌe̱ lataj Herodías naꞌ gútete̱ꞌ Juan nigá, naꞌ lácala quebe guxéajniꞌine̱ꞌ ca naca xúgute̱ da bchalaj Juan, Herodes nigá bze̱ nague̱ꞌ chee̱ꞌ du lazre̱ꞌ.
\v 21 Herodías naꞌ bzrélene̱ꞌ ájala gune̱ꞌ ca da dxaca lazre̱ꞌ gate naꞌ guxúꞌu laní ca gula la Herodes. Guléꞌaj gulagu benneꞌ xíchaje̱ caꞌ, ne benneꞌ dxelenná beꞌe̱ lu wedil-la, ne benneꞌ zaj naque̱ꞌ blau lu xe̱zre caꞌ zaj nababa Galilea.
\v 22 Nadxa guxúꞌu bi nuꞌula chee̱ Herodías naꞌ lu xuꞌu naga dxeléꞌaj dxelawe̱ꞌ, ne bxáꞌabeꞌ lau benneꞌ caꞌ. Bezaca ba lazreꞌ Herodes ca bxáꞌabeꞌ, ne tuze ca belún benneꞌ caꞌ zaj zraꞌ dxelawe̱ꞌ tu zren nen le̱ꞌ. Gunná wenná bea Herodes, dxe̱ꞌe̱ nuꞌula cuideꞌ nigá:
\p ―Gunaba nedaꞌ ca da dxedánenuꞌ, naꞌ gunnaꞌ na chiuꞌ.
\p
\v 23 Guche̱be lazreꞌ Herodes, ne bzétaje̱ꞌ Dios gunézruje̱ꞌ bítete̱ze da nábabeꞌ, lácala nábabeꞌ gáchajte̱ naga dxenná beꞌe̱ le̱ꞌ.
\p
\v 24 Nadxa nuꞌula cuideꞌ nigá bdxúajbeꞌ, xeajchálajle̱beꞌ xrnabeꞌ, gunabeꞌ:
\p ―¿Bizra nabaꞌ?
\p Gunná xrnabeꞌ:
\p ―Gunaba xichaj Juan, bénneaꞌ bchue̱ꞌ bénneache nisa.
\p
\v 25 La guxuꞌute̱ nuꞌula cuideꞌ nigá naga zua wenná bea, naꞌ gunabeꞌ, dxe̱ꞌe̱beꞌ le̱ꞌ:
\p ―Dxaca lazraꞌ gunnuꞌ nedaꞌ naꞌa tu lu xéꞌena xichaj Juan, bénneaꞌ bchue̱ꞌ bénneache nisa.
\p
\v 26 Nadxa wenná bea nigá bewíꞌinele̱ꞌe̱, ne laweꞌ da ba bzétaje̱ꞌ Dios, naꞌ belénete̱ benneꞌ caꞌ da gunné̱ꞌ, quebe guca lazre̱ꞌ guzrune̱ꞌ ca da gunaba bi nuꞌula nigá.
\v 27 Chee̱ le̱ naꞌ gusel-la wenná bea tu benneꞌ dxeje̱ꞌ wedil-la, ne gunná béꞌene̱ꞌ le̱ꞌ cheajxríꞌe̱ xichaj Juan naꞌ.
\v 28 Guxíaj benneꞌ nigá lu xuꞌu lizre xia, naꞌ bdxixre̱ꞌ xichaj Juan naꞌ, ne bexuꞌe̱ na tu lu xéꞌena. Bnézrujte̱ꞌ na bi nuꞌula naꞌ, naꞌ le̱beꞌ bnézrujbeꞌ na xrnabeꞌ.
\p
\v 29 Gate gulénneze benneꞌ caꞌ da nigá, benneꞌ caꞌ bse̱de Juan, naꞌ xeajlexexríꞌe̱ be̱l-laꞌ dxen chee̱ꞌ, naꞌ xeajlecáchete̱ꞌ na.
\s Jesús dxugawe̱ꞌ chi xun gaxúa benneꞌ biu
\r (Mt. 14.13-21; Lc. 9.10-17; Jn. 6.1-14)
\p
\v 30 Ca gudé naꞌ belexezrín benneꞌ gubáz caꞌ chee̱ Jesús naga zua Le̱ꞌ, ne buluzenne̱ꞌ Le̱ꞌ xúgute̱ ca da belune̱ꞌ, ne ca da bulusé̱dene̱ꞌ benneꞌ caꞌ naga xjaque̱ꞌ.
\v 31 Nadxa gunná Jesús, dxe̱ꞌe̱ benneꞌ caꞌ:
\p ―Le chuꞌu. Chéajdxu xezíꞌ lázredxu chaditeꞌ naga xuꞌu lataj.
\p Gunné̱ꞌ caní laweꞌ da dxesáꞌaca benneꞌ dxesáꞌaca, ne dxelexezrín benneꞌ dxelexezrín, naꞌ quebe dxeluꞌe̱ lataj xelawe̱ꞌ.
\v 32 Nadxa Jesús ne benneꞌ gubáz chee̱ꞌ caꞌ belexexúꞌe̱ le̱ze̱ꞌ tu lu da dxedá laweꞌ nísadauꞌ, naꞌ belezrine̱ꞌ tu lataj naga quebe nu chiláꞌ benneꞌ.
\v 33 Benneꞌ zan caꞌ beleléꞌene̱ꞌ ca zjaque̱ꞌ, ne belexexúnbeꞌe̱ Jesús, naꞌ gusáꞌaca chégüe̱ꞌ xjáꞌaque̱ꞌ naꞌ. Benneꞌ xúgute̱ xe̱zre caꞌ belezrine̱ꞌ lataj naꞌ nédxudxa ca Jesús.
\v 34 Gate bedxúaj Jesús lu da dxedá laweꞌ nísadauꞌ, naꞌ bléꞌene̱ꞌ benneꞌ zante̱, ne bexache lazre̱ꞌ le̱ꞌ laweꞌ da zaj zre̱ꞌe̱ ca zrilaꞌ caꞌ quebe zua benneꞌ dxuxúe̱ꞌ le̱baꞌ. Naꞌ guzú lawe̱ꞌ dxusé̱dene̱ꞌ benneꞌ caꞌ da zante̱.
\v 35 Ca gula guzréꞌ, belezrín benneꞌ caꞌ dxuse̱de Jesús lau Le̱ꞌ, naꞌ gulé̱ꞌe̱ Le̱ꞌ:
\p ―Ba dxaca waxrinne, naꞌ quegá nu lizre benneꞌ zua lataj nigá.
\v 36 Besel-la benneꞌ caní chee̱ cheajxaque̱ꞌ xe̱zre caꞌ zaj nnita gálaze chee̱ xelezíꞌe̱ xeta xelawe̱ꞌ laweꞌ da quebe bi de̱ nigá da xelawe̱ꞌ.
\p
\v 37 Naꞌ gunná Jesús, dxe̱ꞌe̱ le̱ꞌ:
\p ―Le gunezruj leꞌe da xelawe̱ꞌ.
\p Naꞌ gulenné̱ꞌ, dxelé̱ꞌe̱ Jesús:
\p ―¿Waca chéajntuꞌ cheajgáꞌuntuꞌ xeta xtila, quízrujntuꞌ lazruj chee̱ chupa gaxúa zra chee̱ gugágudxu benneꞌ zan caní?
\p
\v 38 Naꞌ gunná Jesús, dxe̱ꞌe̱ le̱ꞌ:
\p ―¿Bal-la xeta xtila nápale? Le cheajnnáꞌ.
\p Ca gulenézene̱ꞌ, naꞌ gulenné̱ꞌ, dxelé̱ꞌe̱ Jesús:
\p ―Gazxuꞌ xeta xtila, ne chupa béladauꞌ.
\p
\v 39 Nadxa gunná beꞌe Jesús gulebéꞌe xúgute̱ bénneache caꞌ tu cueꞌ weaj lu xrguíe xaꞌa.
\v 40 Naꞌ gulebéꞌe̱ tu cueꞌ weaj, du tu gaxúe̱ꞌ, du chi xune̱ꞌ.
\v 41 Nadxa Jesús bé̱xrue̱ꞌ gazxuꞌ xeta xtila caꞌ, ne da chupa béladauꞌ. Naꞌ guchisa lawe̱ꞌ xabaala, gunabe̱ꞌ lau Dios gun laꞌazxe̱ꞌ na, naꞌ bzúzruje̱ꞌ xeta xtila caꞌ, ne bnézruje̱ꞌ na benneꞌ caꞌ dxusé̱dene̱ꞌ chee̱ gulísie̱ꞌ na chee̱ benneꞌ caꞌ. Cáꞌanqueze gudísie̱ꞌ da chupa béladauꞌ chee̱ xúgute̱ benneꞌ caꞌ.
\v 42 Naꞌ gulagu xúgute̱ꞌ ne gulélajte̱ꞌ.
\v 43 Nadxa buluxutube̱ꞌ ca da begáꞌana chee̱ xeta xtila, ne chee̱ béladu caꞌ, naꞌ guca chazrinnu xcuite xcaꞌa.
\v 44 Benneꞌ caꞌ gulawe̱ꞌ xeta xtila caꞌ zaj naque̱ꞌ chi xun gaxúa benneꞌ biu.
\s Dxezá Jesús laweꞌ nísadauꞌ
\r (Mt. 14.22-27; Jn. 6.16-21)
\p
\v 45 La gunná béꞌete̱ Jesús benneꞌ caꞌ dxusé̱dene̱ꞌ guluꞌe̱ lu da dxedá laweꞌ nísadauꞌ chee̱ gulelague̱ꞌ nísadauꞌ naꞌ nédxudxa ca Le̱ꞌ, chee̱ xelexezrine̱ꞌ lu xe̱zre Betsaida dxácate̱ Le̱ꞌ dxuzé̱ꞌ dizraꞌ bénneꞌ caꞌ.
\v 46 Ca gudé bze̱ꞌ dizraꞌ benneꞌ caꞌ, naꞌ guzé̱ꞌe̱ zéaje̱ꞌ lu xiꞌa zeajchálajle̱ne̱ꞌ Dios.
\v 47 Gate gula guxrínnequeze, ba zeaj da dxedá laweꞌ nísadauꞌ naꞌ gachaj laweꞌ nísadauꞌ, naꞌ begáꞌana Jesús tuze̱ꞌ lu xu dxuꞌa nísadauꞌ.
\v 48 Gate bléꞌene̱ꞌ ca dxelezraga lawe̱ꞌ dxulusé̱ꞌe̱ da dxedá laweꞌ nísadauꞌ laweꞌ da za beꞌ naꞌ, dxuzríꞌi na da dxedá laweꞌ nísadauꞌ naꞌ, naꞌ gula baláꞌ gubiga Jesús naga zaj zre̱ꞌe̱, dxezé̱ꞌe̱ laweꞌ nísadauꞌ naꞌ, ne guca lazre̱ꞌ tée̱ꞌ lau da dxedá laweꞌ nísadauꞌ naꞌ.
\v 49 Gate beleléꞌene̱ꞌ Le̱ꞌ ze̱ꞌe̱ laweꞌ nísadauꞌ naꞌ, guléquene̱ꞌ da dxedá dxe̱la, naꞌ gulebezre xe̱ꞌe̱.
\v 50 Beleléꞌe xúgute̱ꞌ ca dxezé̱ꞌe̱ laweꞌ nísadauꞌ, naꞌ belezrébele̱ꞌe̱. Naꞌ gunná Jesús, dxe̱ꞌe̱ benneꞌ caꞌ dxusé̱dene̱ꞌ:
\p ―Ga zrébele. Nedaꞌ nigá. Le gun chuchu lázrele.
\p
\v 51 Nadxa guluén Jesús lu da dxedá laweꞌ nísadauꞌ naga zaj zre̱ꞌe̱, naꞌ guleza beꞌ naꞌ. Naꞌ guleque zréajene̱ꞌ, ne belexebánele̱ꞌe̱ne̱ꞌ,
\v 52 laweꞌ da quebe ne xeléajniꞌine̱ꞌ ca naca xel-la waca zren da be̱ne̱ꞌ chee̱ xeta xtila caꞌ, laweꞌ da ne dxun zideꞌ xichaj lázrdawe̱ꞌ.
\s Dxexún Jesús benneꞌ we̱ꞌ caꞌ lu xe̱zre Genesaret
\r (Mt. 14.34-36)
\p
\v 53 Gate naꞌ gulelague̱ꞌ nísadauꞌ, belezrine̱ꞌ lu xe̱zr la xu chee̱ benneꞌ xe̱zre Genesaret, naꞌ buluchéaje̱ꞌ xaga da dxedá laweꞌ nísadauꞌ dxuꞌa nísadauꞌ naꞌ.
\v 54 Ca beledxúaje̱ꞌ lu da dxedá laweꞌ nísadauꞌ, la belexexúnbeate̱ bénneache caꞌ Jesús.
\v 55 La gusáꞌaca chégute̱ꞌ zjaque̱ꞌ lu xe̱zre caꞌ xeajlexríꞌe̱ benneꞌ we̱ꞌ caꞌ tu tu lu taꞌa, naꞌ zeajlegüé̱ꞌe̱ le̱ꞌ naga zaj nézene̱ꞌ xedé Jesús.
\v 56 Gátete̱ze xé̱zredu caꞌ, ne xe̱zre caꞌ, ne le̱ꞌe̱ xixreꞌ naga dxedé Jesús, naꞌ buluzúe̱ꞌ benneꞌ we̱ꞌ caꞌ du la neza, ne gulataꞌ xuene̱ꞌ Jesús gunézruje̱ꞌ lataj cheajletaze̱ꞌ zra lane̱ꞌ, naꞌ xúgute̱ benneꞌ caꞌ xeajleté̱ꞌ zra lane̱ꞌ belexexácate̱ꞌ.
\c 7
\s Da dxucáꞌana sban bénneache
\r (Mt. 15.1-20)
\p
\v 1 Benneꞌ fariseo caꞌ nen bal-la benneꞌ dxuluxuzájle̱ꞌe̱ da bdxixruj beꞌe Moisés, benneꞌ gusáꞌaque̱ꞌ Jerusalén, belezríne̱ꞌ lau Jesús.
\v 2 Benneꞌ caní beleléꞌene̱ꞌ ca dxelún bal-la benneꞌ dxuse̱de Jesús, dxelawe̱ꞌ xeta ne quebe zaj naxibe ne̱ꞌe̱ ca dxelenná bea benneꞌ xudauꞌ caꞌ. Chee̱ le̱ naꞌ gulenná benneꞌ Jerusalén caꞌ:
\p ―Zaj naca sban naꞌ benneꞌ caꞌ dxuse̱de Jesús.
\m Nadxa gulezí tizre̱ꞌ le̱ꞌ.
\p
\v 3 Caní gulenná benneꞌ caꞌ laweꞌ da zjácale̱ benneꞌ xudauꞌ fariseo caꞌ, ne xúgute̱ benneꞌ judío caꞌ ca naca da belún xra xtau benneꞌ caꞌ, quebe dxelawe̱ꞌ xeta che quebe zaj naxibe ne̱ꞌe̱ zaneꞌ lasa.
\v 4 Gate zjaque̱ꞌ laweꞌ xiꞌa waꞌu, ca dxelexezrine̱ꞌ quebe dxelawe̱ꞌ xeta che quebe xelibe ne̱ꞌe̱ ca zaj nadxixruj bea benneꞌ xudauꞌ caꞌ. Cáꞌanqueze de̱dxa da zante̱ da zjácale̱ne̱ꞌ, ca xexadxe zrigaꞌ da dxeléꞌaje̱ꞌ, ne zruaga, ne zriga xéꞌena, ne da naga dxelásie̱ꞌ.
\v 5 Nadxa benneꞌ fariseo caꞌ, ne benneꞌ caꞌ dxuluxuzájle̱ꞌe̱ da bdxixruj beꞌe Moisés gulenábene̱ꞌ Jesús:
\p ―¿Bizr chee̱ naꞌ quebe zjácale̱ benneꞌ caꞌ dxusé̱denuꞌ ca naca da gulún benneꞌ gula? Dxelawe̱ꞌ xeta, zaj naca sban ne̱ꞌe̱.
\p
\v 6 Naꞌ beche̱be Jesús:
\p ―Láweze dxunle da xrlátaje. Lu lázrdaule xuꞌule da cale̱la. Cháwedauꞌ bchálajqueze Isaías ca nácale leꞌe gate naꞌ bzuaje̱ꞌ caní:
\q Bénneache caní dxelúe láꞌane̱ꞌ nedaꞌ nen dxúꞌaze̱ꞌ.
\q Xichaj lázrdawe̱ꞌ caꞌ zaj nacuasa na nedaꞌ.
\q
\v 7 Níteze naca xel-la ba láꞌana da dxeluꞌe̱ nedaꞌ,
\q laweꞌ da dxulusé̱dene̱ꞌ da zaj nadxixruj bea bénneacheze.
\m
\v 8 Caní naca xcaꞌ, leꞌe dxuzúale chaláꞌala ca da nadxixruj bea Dios, naꞌ zéajle̱le ca naca da gulún bénneache ca dxíbele zruaga, ne zrigaꞌ chee̱le, ne zánete̱ da caní da dxunle.
\p
\v 9 Naꞌ gunnadxe̱ꞌ, dxe̱ꞌe̱ benneꞌ caꞌ:
\p ―Chalaꞌala dxuzúale ca da nadxixruj bea Dios chee̱ zéajle̱le ca naca da tu dxúnzquezle.
\v 10 Caní gunná Moisés naꞌ: “Gudapa ba láꞌana xra xrnaꞌu.” Cáꞌanqueze gunné̱ꞌ: “Che tu benneꞌ nne̱ꞌ schanniꞌ chee̱ xreꞌ, che xrneꞌe̱, con gátequeze bénneaꞌ.”
\v 11 Leꞌe dxennale, “Che tu benneꞌ xe̱ꞌe̱ xra xrne̱ꞌe̱: Corbán,” da zéaje̱ na, quebe gaca gácale̱naꞌ leꞌe laweꞌ da bache bnézrujaꞌ chee̱ Dios ca naca da de̱ chiaꞌ.
\v 12 Che caꞌan dxenné̱ꞌ, nadxa leꞌe québedxa dxuꞌule le̱ꞌ lataj gácale̱ne̱ꞌ xra xrne̱ꞌe̱.
\v 13 Gate dxunle caní dxuzúale chaláꞌala xrtizra Dios, chee̱ gunle ca da zéajle̱le. Naꞌ zéajquezle dxunle zánete̱ da zaj naca na caní.
\p
\v 14 Xecha lasa gunné̱ Jesús bénneache caꞌ, naꞌ gunné̱ꞌ, dxe̱ꞌe̱ le̱ꞌ:
\p ―Le guzé̱ nágale xúgute̱le, ne le chéajniꞌi.
\v 15 Netú da dxeꞌaj dxagu benneꞌ quebe seque gucáꞌana na le̱ꞌ sban. Da dxedxuaj na lu xichaj lázrdau bénneache, le̱ naꞌ dxucáꞌana na le̱ꞌ sban.
\v 16 Leꞌe zua nágale, le xene.
\p
\v 17 Gate gucuasa Jesús naga zaj zraꞌ benneꞌ caꞌ, naꞌ guxúꞌe̱ lu xuꞌu. Nadxa benneꞌ caꞌ dxusé̱dene̱ꞌ gulenábene̱ꞌ Le̱ꞌ ca naca chee̱ da dxuléꞌe nigá.
\v 18 Nadxa gunná Jesús, dxe̱ꞌe̱ le̱ꞌ:
\p ―¿Cáꞌanqueze leꞌe quebe dxéajniꞌile? ¿Quebe dxéajniꞌile xúgute̱ da dxeꞌaj dxagu bénneache quebe seque gucáꞌana na le̱ꞌ sban
\v 19 laweꞌ da quebe dxuꞌu na lu xichaj lázrdawe̱ꞌ. Dxuꞌu na lu le̱ꞌe̱, naꞌ dxedxuaj na?
\p Cateꞌ gunná Jesús caní bléꞌene̱ꞌ zaj naca chaweꞌ xúgute̱ da dxeꞌaj dxágudxu.
\v 20 Naꞌ gunnadxe̱ꞌ:
\p ―Ca naca da dxedxuaj na lu xichaj lázrdau bénneache, le̱ naꞌ dxucáꞌana na le̱ꞌ sban
\v 21 laweꞌ da lu xichaj lázrdau bénneaꞌ dxeledxúaj ca da cale̱la da dxuwía lazre̱ꞌ, ne dul-la da dxucáꞌana ditaj xel-la wechaga naꞌ, ne dul-la chee̱ da sban, ne we̱te benneꞌ,
\v 22 ne xel-la gubán, ne da dxezá lazreꞌ gapa da naca chee̱ benneꞌ xula, ne da cale̱la caꞌ, ne xel-la wezrí xe̱ꞌ, ne da dxezá lazreꞌ da sban, ne xel-la zre̱ꞌe lazreꞌ, ne xel-la wechalaj dizraꞌ bizruj, ne xel-la dxun szren cuina, ne xel-la dxuchalaj bigaze.
\v 23 Xúgute̱ da cale̱la caní dxeledxúaj na lu xichaj lázrdau bénneache, ne dxuluxrinnaj na le̱ꞌ.
\s Tu nuꞌula quebe naca judío dxeajlí lazre̱ꞌ Jesús
\r (Mt. 15.21-28)
\p
\v 24 Naꞌ bezáꞌa Jesús naga zue̱ꞌ, guxíaje̱ꞌ lu xe̱zre caꞌ zaj nababa xe̱zre Tiro, ne xe̱zre Sidón. Guxúꞌu Jesús tu lu xuꞌu, ne quegá guca lazre̱ꞌ nu xene. Quebe guca gache̱ꞌ.
\v 25 La gunézete̱ tu nuꞌula zua Jesús naꞌ. Nuꞌula nigá zua tu zríꞌine̱ꞌ nuꞌula, xuꞌubeꞌ beꞌ xriwe̱ꞌ. Blaꞌ nuꞌulaꞌ naga zua Jesús, ne bzu zribe̱ꞌ lawe̱ꞌ.
\v 26 Nuꞌula nigá quebe naque̱ꞌ nuꞌula judío. Naque̱ꞌ nuꞌula chee̱ tu xe̱zre nababa xe̱zr la xu Sirofenicia. Bzrine̱ꞌ lau Jesús, naꞌ gunabe̱ꞌ Le̱ꞌ xebéaje̱ꞌ beꞌ xriwe̱ꞌ da xuꞌu zríꞌine̱ꞌ nuꞌula.
\v 27 Gunná Jesús, dxe̱ꞌe̱ nuꞌulaꞌ:
\p ―Be̱ꞌ lataj xelagu nedxu zriꞌine benneꞌ lu xuꞌu, laweꞌ da quebe naca chaweꞌ cúadxu xeta xtila chee̱ bidu caꞌ, ne gunézrujdxu na chee̱ bécudu caꞌ.
\p
\v 28 Naꞌ gunná nuꞌulaꞌ:
\p ―Aweꞌ, Xran, san bécudu caꞌ zaj zraꞌ zran ga dxelágubeꞌ dxeláguquezbaꞌ xeta bizruj da dxuluzexruj bidu caꞌ.
\p
\v 29 Nadxa gunná Jesús:
\p ―Ne̱ chee̱ dizraꞌ da ba gunnéuꞌ, bexíaj naꞌa. Bache bedxúaj beꞌ xriwe̱ꞌ lu be̱l-laꞌ dxen chee̱ zriꞌinuꞌ nuꞌula.
\p
\v 30 Gate bezrín nuꞌulaꞌ lizre̱ꞌ, naꞌ bléꞌene̱ꞌ zríꞌine̱ꞌ nuꞌula de̱beꞌ lu da naga dxásebeꞌ, naꞌ beꞌ xriwe̱ꞌ ba bedxúaj na lu be̱l-laꞌ dxen chee̱beꞌ.
\s Dxexún Jesús tu benneꞌ nacuézrue̱ꞌ, ne quebe dxaca nnie̱ꞌ
\p
\v 31 Nadxa bedxúaj Jesús, bezé̱ꞌe̱ naga nababa xe̱zre Tiro, naꞌ gudétie̱ꞌ naga nababa xe̱zre Sidón, ne xe̱zre caꞌ zaj nababa Decápolis, naꞌ bezrine̱ꞌ dxuꞌa nísadauꞌ chee̱ xe̱zr la xu Galilea.
\v 32 Nadxa bedajleguáꞌ benneꞌ caꞌ tu benneꞌ nacuézrue̱ꞌ, ne quebe dxaca nnie̱ꞌ, naꞌ gulenábe̱ꞌ Jesús xrua ne̱ꞌe̱ benneꞌ nigá.
\v 33 Guché̱ Jesús benneꞌ nigá chaláꞌala naga zaj zraꞌ benneꞌ caꞌ, naꞌ bdie̱ꞌ zrube ne̱ꞌe̱ lu naga bénneaꞌ, naꞌ bzre̱ꞌe̱ zrene̱ꞌ, ne bte̱ꞌ laweꞌ luzre bénneaꞌ.
\v 34 Nadxa la gunnáꞌte̱ꞌ xabáa, ne gucáꞌa lazre̱ꞌ, gunné̱ꞌ:
\p ―Efata.
\m Dizxaꞌ nigá zéaje̱ na: Bxalaj.
\p
\v 35 Ca gunné̱ꞌ caní, naꞌ bxalaj naga benneꞌ cuezru nigá, ne bexaca luzre̱ꞌ. Nadxa guca bchálaje̱ꞌ.
\v 36 Naꞌ gunná Jesús, dxe̱ꞌe̱ benneꞌ caꞌ quebe nu xelé̱ꞌe̱ ca da be̱ne̱ꞌ. Lácala gunná beꞌene̱ꞌ le̱ꞌ caní, buluchílujdxe̱ꞌ dizraꞌ ca da be̱ne̱ꞌ.
\v 37 Benneꞌ caꞌ zaj zraꞌ naꞌ belexebánele̱ꞌe̱ne̱ꞌ, dxelenné̱ꞌ:
\p ―Xúgute̱ dxune̱ꞌ cháwedauꞌ. Dxexune̱ꞌ benneꞌ cuezru caꞌ, naꞌ dxelénte̱ne̱ꞌ, ne dxexune̱ꞌ benneꞌ caꞌ quebe dxaca nnie̱ꞌ, naꞌ dxelenné̱tie̱ꞌ.
\c 8
\s Dxugagu Jesús chua gaxúa benneꞌ biu
\r (Mt. 15.32-39)
\p
\v 1 Ca lu zra caꞌ zaj nazraga benneꞌ zan, naꞌ quebe bi de̱ da xelawe̱ꞌ. Caꞌan guca gunné̱ Jesús benneꞌ caꞌ dxusé̱dene̱ꞌ, naꞌ guzre̱ꞌ le̱ꞌ:
\p
\v 2 ―Nedaꞌ dxexache lazraꞌ benneꞌ caní laweꞌ da bache guca chunna zra zaj zre̱ꞌe̱ nigá nen nedaꞌ, ne quebe bi de̱ da xelawe̱ꞌ.
\v 3 Che caꞌ xesel-laꞌ le̱ꞌ lizre̱ꞌ quebe xelawe̱ꞌ, naꞌ xelate niꞌa ne̱ꞌe̱ la neza laweꞌ da záꞌaca bal-le̱ꞌ zituꞌ.
\p
\v 4 Naꞌ belexeche̱be benneꞌ caꞌ dxuse̱de Jesús, dxelé̱ꞌe̱ Le̱ꞌ:
\p ―¿Ájazra gundxu gunézrujdxu da xelawe̱ꞌ nigá, ga quebe nu chiláꞌ benneꞌ?
\p
\v 5 Jesús bche̱be̱ꞌ le̱ꞌ:
\p ―¿Bal-la xeta xtila nápale leꞌe?
\p Benneꞌ caꞌ gulenné̱ꞌ:
\p ―Gazre na.
\p
\v 6 Nadxa gunná beꞌe Jesús xelebéꞌ xúgute̱ bénneache caꞌ lu xu. Nadxa guqué̱ꞌe̱ xeta xtila, ne guzre̱ꞌ Dios:
\p ―Xcalenuꞌ.
\p Nadxa bzúzruje̱ꞌ na, ne bnézruje̱ꞌ na benneꞌ caꞌ dxusé̱dene̱ꞌ, naꞌ benneꞌ caní gulísie̱ꞌ na láwela xúgute̱ bénneache caꞌ.
\v 7 Zaj nápaqueze̱ꞌ tu chupa béladauꞌ. Naꞌ Jesús gunabe̱ꞌ Dios gune̱ꞌ na chaweꞌ. Nadxa gunná béꞌene̱ꞌ gulise benneꞌ caꞌ le̱ na.
\v 8 Gulagu xúgute̱ bénneache caꞌ, ne belezúale̱ꞌe̱ chaweꞌ. Ca gudé naꞌ bulusuzré̱ꞌe̱ gazre xcuite xcaꞌa nen xeta bizruj da belegáꞌana.
\v 9 Benneꞌ caꞌ gulawe̱ꞌ zaj naque̱ꞌ ca chua gaxúa benneꞌ biu. Nadxa Jesús bze̱ꞌ benneꞌ caꞌ dizraꞌ.
\v 10 Nadxa guxúꞌe̱ lu da dxedá laweꞌ nísadauꞌ nen benneꞌ caꞌ dxusé̱dene̱ꞌ. Xjaque̱ꞌ lu xe̱zr la xu chee̱ benneꞌ xe̱zre Dalmanuta.
\s Dxelenabe̱ꞌ Jesús gune̱ꞌ tu xel-la waca
\r (Mt. 16.1-4; Lc. 12.54-56)
\p
\v 11 Nadxa belezrín benneꞌ xudauꞌ fariseo caꞌ ga naꞌ, ne gulezú lawe̱ꞌ dxulutil-le̱ꞌ dizraꞌ nen Jesús. Gulenabe̱ꞌ Jesús gune̱ꞌ tu xel-la waca da za xabáa, chee̱ xelenézene̱ꞌ bi xel-la waca nape̱ꞌ.
\v 12 Nadxa Jesús gucáꞌa dxgua lazre̱ꞌ, gunné̱ꞌ:
\p ―¿Bizr chee̱ naꞌ dxelenaba benneꞌ caní gunaꞌ tu xel-laꞌ waca da za xabáa? Da li dxapaꞌ leꞌe, québequeze bi xel-la waca gunaꞌ lau leꞌe.
\p
\v 13 Nadxa Jesús bcaꞌane̱ꞌ benneꞌ caꞌ, naꞌ bexuꞌe̱ lu da dxedá laweꞌ nísadauꞌ, dxexíaje̱ꞌ xecheláꞌa chee̱ nísadauꞌ.
\s Da naca ca cua zichaj chee̱ xeta xtila
\r (Mt. 16.5-12)
\p
\v 14 Gulal-la lazreꞌ benneꞌ caꞌ dxuse̱de Jesús xeluꞌe̱ da xelawe̱ꞌ, naꞌ zaj nuꞌe̱ tuze xeta xtila lu da dxedá laweꞌ nísadauꞌ.
\v 15 Nadxa Jesús gunná béꞌene̱ꞌ, dxe̱ꞌe̱ benneꞌ caꞌ:
\p ―¡Le nnaꞌxque nigá! Le guxúe cuínale da naca cua zichaj chee̱ xeta xtila chee̱ benneꞌ xudauꞌ fariseo caꞌ, ne ca naca cua zichaj chee̱ xeta xtila chee̱ Herodes.
\p
\v 16 Nadxa benneꞌ caꞌ dxuse̱de Jesús gulé̱ ljwezre̱ꞌ:
\p ―Le̱ꞌ dxenné̱ꞌ caní laweꞌ da quebe de̱ xeta xtila gágudxu.
\p
\v 17 Dxeque beꞌe Jesús da dxelenné̱ꞌ, naꞌ guzre̱ꞌ le̱ꞌ:
\p ―¿Bizr chee̱ naꞌ dxennale quebe de̱ xeta xtila gágudxu? ¿Quebe ne chéajniꞌile ne quebe dxeque beꞌele? ¿Nácale̱ꞌe̱ zideꞌ lázrdaule?
\v 18 ¿Quebe dxeléꞌele nen xiaj laule, ne quebe dxenle nen nágale? ¿Quebe dxeajsá lázrele?
\v 19 Gate naꞌ bgawaꞌ chi xun gaxúa benneꞌ biu nen gazxuꞌ xeta xtila, ¿bal-la xcuite xcaꞌa xeta bizruj da becáꞌale?
\p Benneꞌ caꞌ gulenné̱ꞌ:
\p ―Chazrinnu na.
\p
\v 20 Naꞌ gunná Jesús:
\p ―Naꞌ gate naꞌ bgawaꞌ chua gaxúa benneꞌ biu nen gazre xeta xtila, ¿bal-la xcuite xcaꞌa da zaj zrate̱ becáꞌale?
\p Le̱ꞌ gulenné̱ꞌ:
\p ―Gazre na.
\p
\v 21 Nadxa Jesús guzre̱ꞌ benneꞌ caꞌ:
\p ―¿Ne la gázqueze quebe dxéajniꞌile?
\s Jesús dxexune̱ꞌ tu benneꞌ la chul-la
\p
\v 22 Ca gudé naꞌ Jesús, ne benneꞌ caꞌ dxusé̱dene̱ꞌ belexezrine̱ꞌ lu xe̱zre Betsaida, naꞌ benneꞌ Betsaida guleché̱ꞌe̱ tu benneꞌ la chul-la lau Jesús, naꞌ gulataꞌ xuene̱ꞌ Le̱ꞌ guté̱ꞌ le̱ꞌ.
\v 23 Jesús gudele̱ꞌ naꞌ benneꞌ la chul-la, ne bebéaje̱ꞌ le̱ꞌ dxuꞌa xe̱zre. Naꞌ btupe̱ꞌ zrene̱ꞌ lu xiaj lawe̱ꞌ, ne guxrúa ne̱ꞌe̱ le̱ꞌ. Naꞌ bche̱be̱ꞌ le̱ꞌ chete dxeléꞌene̱ꞌ.
\v 24 Benneꞌ la chul-la gunné̱ꞌe̱, naꞌ gunné̱ꞌ:
\p ―Dxeléꞌedaꞌ benneꞌ caꞌ, zaj naque̱ꞌ ca weaj xaga, naꞌ dxesíꞌaque̱ꞌ.
\p
\v 25 Nadxa Jesús guxrúa ne̱ꞌe̱ xiaj lawe̱ꞌ da xula, naꞌ benneꞌ naꞌ gunnáꞌ dxgüe̱ꞌ. Naꞌ bexaque̱ꞌ, ne xúgute̱ bache dxeléꞌene̱ꞌ cháwedauꞌ.
\v 26 Nadxa Jesús besel-le̱ꞌ le̱ꞌ lizre̱ꞌ, dxe̱ꞌe̱ le̱ꞌ:
\p ―Quebe chuꞌu lu xe̱zre nigá, ne quebe nu xuꞌu caní.
\s Pedro dxenné̱ꞌ naca Jesús benneꞌ nasel-la Dios
\r (Mt. 16.13-20; Lc. 9.18-21)
\p
\v 27 Ca gudé naꞌ Jesús, ne benneꞌ caꞌ dxusé̱dene̱ꞌ xjaque̱ꞌ lu xé̱zredu caꞌ zaj nababa xe̱zre Cesarea naga dxenná bea Filipo. Dxácate̱ zaj xuꞌe̱ neza bche̱be Jesús benneꞌ caꞌ:
\p ―¿Nuzra naꞌ dxelenná benneꞌ nacaꞌ nedaꞌ?
\p
\v 28 Belexeche̱be̱ꞌ:
\p ―Bal-la benneꞌ dxelenné̱ꞌ nacuꞌ Juan, bénneaꞌ bchue̱ꞌ bénneache nisa. Benneꞌ xula dxelenné̱ꞌ nacuꞌ Elías, bénneaꞌ bchálaje̱ꞌ waláz chee̱ Dios. Benneꞌ xula dxelenné̱ꞌ nacuꞌ tu benneꞌ xula bchálaje̱ꞌ waláz chee̱ Dios.
\p
\v 29 Nadxa Jesús bche̱be̱ꞌ le̱ꞌ:
\p ―¿Gazra leꞌe? ¿Nuzra dxennale leꞌe nacaꞌ nedaꞌ?
\p Pedro gunné̱ꞌ:
\p ―Lueꞌ nacuꞌ Cristo, benneꞌ nasel-la Dios.
\p
\v 30 Nadxa gunná beꞌe Jesús benneꞌ caꞌ. Gunné̱ꞌ:
\p ―Quebe nu xe̱le caꞌ.
\s Dxuchalaj Jesús ca dxal-laꞌ gatie̱ꞌ
\r (Mt. 16.21-28; Lc. 9.22-27)
\p
\v 31 Nadxa guzú lau Jesús dxuléꞌene̱ꞌ benneꞌ caꞌ ca dxal-laꞌ sácaꞌle̱ꞌe̱ Le̱ꞌ, Benneꞌ Gulje̱ꞌ Bénneache, ne ca xelún benneꞌ gula chee̱ judío caꞌ, ne benneꞌ xíchaje̱ caꞌ chee̱ bxruze caꞌ, ne benneꞌ dxuluxuzájle̱ꞌe̱ da nadxixruj bea Dios, xuluzúe̱ꞌ Le̱ꞌ chaláꞌala. Nadxa guzre̱ꞌ le̱ꞌ welútie̱ꞌ Le̱ꞌ, san xebane̱ꞌ zra guxunne zra.
\v 32 Da nigá guzre̱ꞌ le̱ꞌ caníqueze. Nadxa Pedro guché̱ꞌe̱ Jesús chaláꞌala, ne guzú lawe̱ꞌ dxedil-le̱ꞌ Le̱ꞌ.
\v 33 Jesús bexéchaje̱ꞌ, ne gunné̱ꞌe̱ benneꞌ caꞌ dxusé̱dene̱ꞌ, naꞌ gudil-le̱ꞌ Pedro, dxe̱ꞌe̱ le̱ꞌ:
\p ―Gucuasa cuitaꞌ nigá, lueꞌ, da xriwe̱ꞌ. Quebe dxéquenuꞌ da nigá ca dxun Dios. Ca dxun bénneache dxunuꞌ.
\p
\v 34 Nadxa Jesús gunné̱ꞌ benneꞌ caꞌ dxusé̱dene̱ꞌ, ne xúgute̱ bénneache caꞌ, naꞌ guzre̱ꞌ le̱ꞌ:
\p ―Che núlale dxaca lázrele gunle nedaꞌ tuze, dxal-laꞌ guzúale chaláꞌala xúgute̱ da dxezá lázrele leꞌe, ne gácale ca tu benneꞌ zéaje̱ꞌ chee̱ te̱ꞌe̱ xaga béguaj, naꞌ gunle nedaꞌ tu zren.
\v 35 Che tu benneꞌ dxaca lazre̱ꞌ guselé̱ꞌ xel-la nabán chee̱ꞌ, benneꞌ nigá gunitie̱ꞌ xel-la nabán chee̱ꞌ. Bénneaꞌ gunitie̱ꞌ xel-la nabán chee̱ꞌ ne̱ chiaꞌ nedaꞌ, ne ne̱ chee̱ dizraꞌ chaweꞌ chiaꞌ, benneꞌ nigá guselé̱ꞌ xel-la nabán chee̱ꞌ.
\v 36 Che tu benneꞌ gape̱ꞌ xúgute̱ da naca chee̱ xe̱zr la xu nigá, naꞌ gunitie̱ꞌ bénneꞌdu xuꞌe̱, ¿bízraqueze da ba neza gaca na chee̱ bénneaꞌ?
\v 37 Quebe bi gaca gunezruj tu benneꞌ chee̱ guselé̱ꞌ bénneꞌdu xuꞌe̱.
\v 38 Che tu benneꞌ gapa stuꞌe̱ chiaꞌ nedaꞌ, ne chee̱ dizraꞌ chaweꞌ chiaꞌ lau bénneꞌ caní, benneꞌ dxulucáꞌana Dios, ne dxelún dul-la, la gaze nedaꞌ, Benneꞌ Gulje̱ꞌ Bénneache, gapa stúꞌquezaꞌ chee̱ bénneaꞌ gate xidaꞌ nen xel-la szren chee̱ Xraꞌ, ne nen gubáz chee̱ xabáa láꞌazxa caꞌ.
\c 9
\p
\v 1 Cáꞌanqueze guzre Jesús benneꞌ caꞌ:
\p ―Da li dxapaꞌ leꞌe, zaj zraꞌ nigá benneꞌ quebe xelatie̱ꞌ nédxula ca xeleléꞌene̱ꞌ xida xel-la dxenná bea chee̱ Dios nen xel-la waca chee̱ꞌ.
\s Ca guca gate bcha ca gunnáꞌ Jesús
\r (Mt. 17.1-13; Lc. 9.28-36)
\p
\v 2 Ca gudé xrupa zra, guché̱ Jesús Pedro, ne Jacobo, ne Juan, naꞌ guxíajle̱ne̱ꞌ benneꞌ canize tu lu xiꞌa sibe. Naꞌ bcha ca gunnáꞌ Jesús lau benneꞌ caꞌ.
\v 3 Zra lana Jesús bexaca na chiche ca bezxeꞌ da dxágute̱ na laudxu. Quegá nu chiláꞌ benneꞌ lu xe̱zr la xu gaca quibe̱ꞌ zra lane̱ꞌ chee̱ xegáꞌana na chiche ca guca zra lana Jesús.
\v 4 Naꞌ benneꞌ caꞌ dxuse̱de Jesús beleléꞌene̱ꞌ Elías, ne Moisés, benneꞌ gulate nédxudaute̱, dxuluchálajle̱ne̱ꞌ Jesús.
\v 5 Pedro guzre̱ꞌ Jesús:
\p ―Benneꞌ wese̱de, cháwele̱ꞌe̱ naca zradxu nigá. Guntuꞌ chunna xuꞌu lágadauꞌ, tu chiuꞌ, ne tu chee̱ Moisés, ne tu chee̱ Elías.
\p
\v 6 Caní gunná Pedro laweꞌ da dxelezrebe benneꞌ caꞌ dxuse̱de Jesús, naꞌ Pedro quebe nézene̱ꞌ ca da dxenné̱ꞌ.
\v 7 Nadxa betaj tu beuj naga zaj zre̱ꞌe̱, da bcache na le̱ꞌ, naꞌ lu beuj naꞌ belenne̱ꞌ tu chiꞌi benneꞌ, gunné̱ꞌ:
\p ―Benneꞌ nigá naque̱ꞌ Zriꞌinaꞌ nazríꞌite̱ lazraꞌ. Le xen da dxenné̱ꞌ.
\p
\v 8 Gate gulenné̱ꞌe̱, québedxa nu naláꞌ nen le̱ꞌ, san tuze Jesús.
\p
\v 9 Dxácate̱ dxelexétaje̱ꞌ lu xiꞌa naꞌ, gunná beꞌe Jesús benneꞌ caꞌ quebe nu xuluchálajle̱ne̱ꞌ ca naca da beleléꞌene̱ꞌ gate te naꞌ xebán Benneꞌ Gulje̱ꞌ Bénneache ládujla benneꞌ gate.
\v 10 Chee̱ le̱ naꞌ gulezúe̱ꞌ zrize ca naca da ba guca. Buluche̱be ljwezre̱ꞌ:
\p ―¿Bizra zéaje̱ da naꞌ, xebane̱ꞌ ládujla benneꞌ gate?
\p
\v 11 Nadxa buluche̱be̱ꞌ Jesús:
\p ―¿Bizr chee̱ naꞌ dxelenná benneꞌ caꞌ dxuluxuzájle̱ꞌe̱ da nadxixruj bea Dios dxal-laꞌ xeláꞌ Elías nédxula ca Cristo?
\p
\v 12 Beche̱be Jesús, naꞌ guzre̱ꞌ le̱ꞌ:
\p ―Da li xeláꞌ Elías nedxu, ne gucáꞌana chawe̱ꞌ xúgute̱. ¿Bizra dxenná da naxúaj na lu xiche chee̱ Dios ca gaca chiaꞌ nedaꞌ, Benneꞌ Gulje̱ꞌ Bénneache? Dxenná na da zan da sacaꞌ, naꞌ xuluzúa bénneache nedaꞌ chaláꞌala.
\v 13 Nedaꞌ dxapaꞌ leꞌe, ba blaꞌ Elías, naꞌ belune̱ꞌ chee̱ꞌ ca naca xúgute̱ da gulaca lazre̱ꞌ ca da dxenná na lu xiche chee̱ Dios ca da dxal-laꞌ gaca chee̱ꞌ.
\s Dxexún Jesús tu benneꞌ cuideꞌ xuꞌubeꞌ beꞌ xriwe̱ꞌ
\r (Mt. 17.14-21; Lc. 9.37-43)
\p
\v 14 Ca gudé naꞌ belexezrine̱ꞌ naga zaj zraꞌ xezícadxa benneꞌ caꞌ dxuse̱de Jesús, naꞌ beleléꞌene̱ꞌ benneꞌ zan zaj naxéchaje̱ꞌ le̱ꞌ, ne zaj zráqueze naꞌ benneꞌ dxuluxuzájle̱ꞌe̱ da nadxixruj bea Dios, naꞌ dxulutíl-lale̱ne̱ꞌ le̱ꞌ dizraꞌ.
\v 15 Gate beleléꞌene̱ꞌ Jesús, naꞌ xúgute̱ꞌ belexebánene̱ꞌ, naꞌ gusíꞌaca chégüe̱ꞌ naga zua Jesús, ne bulugape̱ꞌ Le̱ꞌ diuzre.
\v 16 Caꞌan guca, Jesús bche̱be̱ꞌ benneꞌ caꞌ:
\p ―¿Bizra naꞌ dxedíl-lale̱le benneꞌ caꞌ?
\p
\v 17 Nadxa tu benneꞌ ze̱ꞌ ga naꞌ beche̱be̱ꞌ:
\p ―Benneꞌ wese̱de, nache̱ꞌa zriꞌinaꞌ nigá chee̱ xexunuꞌ-beꞌ laweꞌ da xuꞌubeꞌ beꞌ xriwe̱ꞌ da ba nun na le̱beꞌ bi quebe dxaca nne̱beꞌ.
\v 18 Gátete̱ze naꞌ dxuꞌubeꞌ da xriwe̱ꞌ, naꞌ dxe̱l-la na le̱beꞌ, ne dxin na le̱beꞌ lu xu. Dxezría bzrinaꞌ xúꞌabeꞌ, ne dxagu lázxabeꞌ. Chee̱ le̱ naꞌ ba dxéxrujle̱ꞌe̱beꞌ. Ba gunabaꞌ benneꞌ caꞌ dxusé̱denuꞌ xelexebéaje̱ꞌ beꞌ xriwe̱ꞌ naꞌ, san quebe gulezéquene̱ꞌ.
\p
\v 19 Beche̱be Jesús:
\p ―Leꞌe, benneꞌ quebe dxéajle̱le chiaꞌ. ¿Ájate̱ dxal-laꞌ súale̱naꞌ leꞌe? ¿Ájate̱ dxal-laꞌ gacaꞌ benneꞌ zren lazreꞌ nen leꞌe? Le cheajxríꞌ bi cuideꞌ naꞌ nigá.
\p
\v 20 Naꞌ xeajlexríꞌe̱-beꞌ. Gate beꞌ xriwe̱ꞌ naꞌ bleꞌe na Jesús, naꞌ be̱n na gudel-la chunaꞌ bi cuideꞌ naꞌ, ne gudinna le̱beꞌ xu, naꞌ dxebixre dxetúl-labeꞌ lu xu, ne guzría bzrinaꞌ dxúꞌabeꞌ.
\v 21 Nadxa bche̱be Jesús xrabeꞌ:
\p ―¿Bátate̱ dxezácabeꞌ caní?
\p Gunná xrabeꞌ:
\p ―Gate nácate̱beꞌ bidauꞌ.
\v 22 Zaneꞌ lasa beꞌ xriwe̱ꞌ naꞌ dxugúꞌu na le̱beꞌ lu xiꞌ, ne lu nisa chee̱ gute na le̱beꞌ. Che wazéquenuꞌ bi gunuꞌ chee̱beꞌ, bexache lazreꞌ netuꞌ, ne gúcale̱ netuꞌ.
\p
\v 23 Naꞌ guzre Jesús le̱ꞌ:
\p ―Che wazéquenuꞌ lueꞌ chéajle̱ꞌu chiaꞌ, xúgute̱ wazeque chee̱ benneꞌ dxéajle̱ꞌe̱ chiaꞌ.
\p
\v 24 Nadxa xra bi cuideꞌ nigá gunné̱ꞌ zizraj:
\p ―Dxéajle̱ꞌa chiuꞌ. Gúcale̱ nedaꞌ chee̱ chéajle̱dxaꞌ.
\p
\v 25 Gate bleꞌe Jesús dxelezraga benneꞌ zan, naꞌ gudil-le̱ꞌ beꞌ xriwe̱ꞌ naꞌ, dxenné̱ꞌ:
\p ―Lueꞌ, beꞌ xriwe̱ꞌ, dxunuꞌ benneꞌ quebe dxaca nnie̱ꞌ, ne cuezru, nedaꞌ dxenná beꞌedaꞌ lueꞌ xedxúajuꞌ. ¡Bsan bi cuideꞌ nigá! ¡Québedxa xexúꞌu lu be̱l-laꞌ dxen chee̱beꞌ!
\p
\v 26 Naꞌ beꞌ xriwe̱ꞌ naꞌ gudxezre xaꞌa na, ne be̱n na gudel-la chunaꞌ bi cuideꞌ naꞌ, naꞌ bedxúaj na. Naꞌ begáꞌanabeꞌ ca tu benneꞌ gate. Caꞌan guca, gulenná benneꞌ zan caꞌ:
\p ―Ba gútebeꞌ.
\p
\v 27 Nadxa gucáꞌa Jesús naꞌbeꞌ, bechise̱ꞌ-beꞌ. Naꞌ benneꞌ cuideꞌ naꞌ beze̱beꞌ.
\p
\v 28 Nadxa guxúꞌu Jesús tu lu xuꞌu, naꞌ benneꞌ caꞌ dxusé̱dene̱ꞌ buluche̱be̱ꞌ Le̱ꞌ naga zue̱ꞌ tuze̱ꞌ:
\p ―¿Bizr chee̱ naꞌ quebe guzéquentuꞌ netuꞌ xebéajntuꞌ beꞌ xriwe̱ꞌ naꞌ?
\p
\v 29 Nadxa Jesús guzre̱ꞌ benneꞌ caꞌ:
\p ―Ca naca beꞌ xriwe̱ꞌ caní séquele xebéajle na che nábale lau Dios, ne gunle gubasa.
\s Jesús dxuchálaje̱ꞌ da xula ca gaca gate gatie̱ꞌ
\r (Mt. 17.22-23; Lc. 9.43-45)
\p
\v 30 Gate besíꞌaque̱ꞌ naga zaj zre̱ꞌe̱, naꞌ belexedée̱ꞌ naga nababa Galilea. Jesús quebe guca lazre̱ꞌ nu neze ga zue̱ꞌ,
\v 31 laweꞌ da dxuzéajniꞌine̱ꞌ benneꞌ caꞌ dxusé̱dene̱ꞌ, naꞌ guzre̱ꞌ le̱ꞌ:
\p ―Zua tu benneꞌ gudée̱ꞌ nedaꞌ, Benneꞌ Gulje̱ꞌ Bénneache, lu naꞌ benneꞌ caꞌ dxeledábague̱ꞌ nedaꞌ, naꞌ xelútie̱ꞌ nedaꞌ, san gate gaca chunna zra natiaꞌ, naꞌ xebanaꞌ.
\p
\v 32 Benneꞌ caꞌ quebe guléajniꞌine̱ꞌ ca da dxe̱ꞌe̱ le̱ꞌ, ne belezrebe̱ꞌ xuluche̱be̱ꞌ Le̱ꞌ.
\s Nu benneꞌ naque̱ꞌ blau
\r (Mt. 18.1-5; Lc. 9.46-48)
\p
\v 33 Nadxa belezrine̱ꞌ lu xe̱zre Capernaum, naꞌ gate zaj zre̱ꞌe̱ lu xuꞌu naꞌ, bche̱be Jesús benneꞌ caꞌ dxusé̱dene̱ꞌ:
\p ―¿Bizra dizraꞌ dxutíl-lale̱le ljwézrele zaꞌle la neza?
\p
\v 34 Gulezré̱ꞌe̱ zrize laweꞌ da bulutil-le̱ꞌ dizraꞌ la neza naꞌ che nule̱ꞌ nácadxe̱ꞌ benneꞌ blau.
\v 35 Nadxa Jesús gudxéꞌe̱, naꞌ gunné̱ꞌ benneꞌ chazrinnu, benneꞌ caꞌ dxusé̱dene̱ꞌ, naꞌ guzre̱ꞌ le̱ꞌ:
\p ―Che núlale dxaca lázrele gácale benneꞌ blau, dxal-laꞌ gácale ca benneꞌ bze̱be, ne gunle zrin chee̱ xúgute̱ bénneache.
\p
\v 36 Nadxa guqué̱ꞌe̱ tu bidauꞌ, naꞌ bzue̱ꞌ le̱beꞌ gachaj laweꞌ benneꞌ caꞌ. Naꞌ bnide̱ꞌ-beꞌ, ne guzre̱ꞌ benneꞌ caꞌ:
\p
\v 37 ―Benneꞌ naꞌ gape̱ꞌ ba láꞌana tu bidauꞌ ca bidu nigá laweꞌ da nazríꞌine̱ꞌ nedaꞌ, bénneaꞌ gape̱ꞌ ba láꞌana nedaꞌ, naꞌ bénneaꞌ gape̱ꞌ ba láꞌana nedaꞌ, quegá tuzaꞌ nedaꞌ gape̱ꞌ ba láꞌana, cáꞌanqueze gape̱ꞌ ba láꞌana Xraꞌ nasel-le̱ꞌ nedaꞌ.
\s Benneꞌ quebe dxedábague̱ꞌ dxiꞌu, dxácale̱ne̱ꞌ dxiꞌu
\r (Lc. 9.49-50; Mt. 10.42)
\p
\v 38 Nadxa Juan guzre̱ꞌ Jesús:
\p ―Benneꞌ Wese̱de, bléꞌentuꞌ tu benneꞌ dxebéaje̱ꞌ beꞌ xriwe̱ꞌ da xuꞌu bénneache, dxuchínene̱ꞌ Lauꞌ Lueꞌ, san bénneaꞌ quebe dxune̱ꞌ dxiꞌu tu zren. Chee̱ le̱ naꞌ gúzrentuꞌ le̱ꞌ québedxa gune̱ꞌ caꞌ.
\p
\v 39 Jesús guzre̱ꞌ benneꞌ caꞌ dxusé̱dene̱ꞌ:
\p ―Quebe bi xe̱le le̱ꞌ. Che nu benneꞌ gune̱ꞌ tu xel-la waca, guchínene̱ꞌ Laꞌ nedaꞌ, benneꞌ nigá quebe gaca nne̱ꞌ schanniꞌ chiaꞌ.
\v 40 Caní naca na laweꞌ da benneꞌ quebe dxedábague̱ꞌ dxiꞌu, dxácale̱ne̱ꞌ dxiꞌu.
\v 41 Nútete̱ze benneꞌ gunne̱ꞌ leꞌe tu zrigaꞌ nisa ne̱ chee̱ Laꞌ nedaꞌ laweꞌ da nácale chiaꞌ nedaꞌ, Cristo, da líqueze dxenníaꞌ, wazíꞌqueze̱ꞌ da dxal-laꞌ siꞌe̱.
\s Ca naca da dxun na dxiꞌu benneꞌ dul-la
\r (Mt. 18.6-9; Lc. 17.1-2)
\p
\v 42 Gunnadxa Jesús:
\p ―Nútete̱ze benneꞌ guléꞌene̱ꞌ tu bidauꞌ chee̱ gunbeꞌ dul-la, bidu naꞌ dxéajle̱beꞌ chiaꞌ, cháwedxa guchéajdxu tu xiaj ziꞌi lba bénneaꞌ, ne cheajchúꞌunadxu le̱ꞌ lu da situj chee̱ nísadauꞌ.
\v 43 Che naꞌu dxun na gunuꞌ dul-la, wendxa guchugu naꞌu naꞌ. Cháwedxa xexúꞌu xabáa naga gaca banuꞌ nen tuze naꞌu quézcala xexíajuꞌ lataj ba xaꞌ nen dxúpate̱ naꞌu, naga quebe xexula xiꞌ da xezacuꞌ.
\v 44 Lataj ba xaꞌ naꞌ quebe xelate bzugaꞌ, be̱ dxelágubaꞌ benneꞌ caꞌ dxelune̱ꞌ da cale̱la, naꞌ xiꞌ naꞌ cabataꞌ xexúl-laqueze na.
\v 45 Naꞌ che niꞌu dxun na gunuꞌ dul-la, guchugu niꞌu naꞌ. Cháwedxa xexúꞌu xabáa naga gaca banuꞌ nen tu niꞌu, quézcala xexíajuꞌ lataj ba xaꞌ nen dxúpate̱ niꞌu, naga quebe xexula xiꞌ.
\v 46 Lataj ba xaꞌ naꞌ quebe xelate bzugaꞌ, be̱ dxelágubaꞌ benneꞌ caꞌ dxelune̱ꞌ da cale̱la, naꞌ xiꞌ naꞌ cabataꞌ xexúl-laqueze na.
\v 47 Che xiaj lauꞌ dxun na gunuꞌ dul-la, guleaj xiaj lauꞌ naꞌ. Cháwedxa xexúꞌu naga dxenná bea Dios nen tuze xiaj lauꞌ, quézcala xexíajuꞌ lataj ba xaꞌ nen dxúpate̱ xiaj lauꞌ.
\v 48 Lataj ba xaꞌ naꞌ quebe xelate bzugaꞌ, be̱ dxelágubaꞌ benneꞌ caꞌ dxelune̱ꞌ da cale̱la, naꞌ xiꞌ naꞌ cabataꞌ xexúl-laqueze na.
\p
\v 49 ’Ca dxundxu gate dxugúꞌudxu zedeꞌ be̱laꞌ da guzáladxu lu xiꞌ chee̱ xegáꞌana chaweꞌ na, caꞌan gaca chee̱ xúgute̱ benneꞌ. Cáꞌanqueze dxugúꞌudxu zedeꞌ da dxuzézxedxu lau Dios.
\v 50 Zedeꞌ naꞌ naca na da chaweꞌ, san che xenite xel-la snaꞌa chee̱ na, ¿ájala gundxu chee̱ guchínedxu zedeꞌ naꞌ? Le gaca leꞌe ca zedeꞌ chaweꞌ naꞌ, ne le sua lu xel-la zri lázreꞌ tule nen xetule.
\c 10
\s Ca naca chee̱ benneꞌ dxexelé̱ꞌe̱ nen zruꞌule̱ꞌ
\r (Mt. 19.1-12; Lc. 16.18)
\p
\v 1 Nadxa bedxúaj Jesús xe̱zre Capernaum, naꞌ guxíaje̱ꞌ naga nababa Judea xechaláꞌa xe̱gu Jordán naga dxalaj gubizra. Naꞌ belezraga bénneache zan naga zua Jesús, naꞌ xecha lasa naꞌ bsé̱dene̱ꞌ le̱ꞌ cáqueze dxune̱ꞌ.
\v 2 Nadxa bal-la benneꞌ xudauꞌ fariseo caꞌ belezrine̱ꞌ lau Jesús, naꞌ buluche̱be̱ꞌ Le̱ꞌ chee̱ da gun nne̱ Le̱ꞌ tu da quebe dxal-laꞌ nne̱ꞌ. Buluche̱be̱ꞌ Le̱ꞌ:
\p ―¿Waca tu benneꞌ xelé̱ꞌe̱ nen zruꞌule̱ꞌ?
\p
\v 3 Nadxa beche̱be Jesús:
\p ―¿Bizra gunná beꞌe Moisés leꞌe?
\p
\v 4 Naꞌ belexeche̱be benneꞌ caꞌ:
\p ―Be̱nna Moisés lataj gunézrujdxu zrúꞌuladxu tu xiche da dxenná na dxeláꞌadxu, naꞌ gusandxu le̱ꞌ.
\p
\v 5 Nadxa Jesús guzre̱ꞌ le̱ꞌ:
\p ―Caní gunná beꞌe Moisés laweꞌ da zaj naca zizraj lázrdaule leꞌe.
\v 6 Gate nédxudauꞌ gate be̱n Dios xúgute̱ da dxeléꞌedxu, naꞌ be̱ne̱ꞌ bénneache benneꞌ biu, ne nuꞌula, naꞌ gunné̱ꞌ:
\v 7 “Chee̱ le̱ naꞌ benneꞌ biu naꞌ gusane̱ꞌ xruze xrne̱ꞌe̱ chee̱ gaque̱ꞌ tuze nen zruꞌule̱ꞌ,
\v 8 naꞌ dxupe̱ꞌ xelaque̱ꞌ ca tuze benneꞌ.” Caꞌ naca na, québedxa zaj naca chupe̱ꞌ, san tuze benneꞌ zaj naque̱ꞌ.
\v 9 Chee̱ le̱ naꞌ netú benneꞌ quebe dxal-laꞌ xelé̱ꞌe̱ da nuchaga Dios.
\p
\v 10 Gate zaj zraꞌ lu xuꞌu benneꞌ caꞌ dxuse̱de Jesús buluche̱be̱ꞌ Le̱ꞌ xetú lasa ca naca chee̱ da nigá.
\v 11 Naꞌ Jesús guzre̱ꞌ benneꞌ caꞌ:
\p ―Che tu benneꞌ xelé̱ꞌe̱ nen zruꞌule̱ꞌ, ne xezúale̱ne̱ꞌ nuꞌula xula, dxíchuje̱ꞌ xrba chee̱ wechaga naꞌ laweꞌ da dxusebague̱ꞌ zruꞌule̱ꞌ nedxu naꞌ dul-la.
\v 12 Cáꞌanqueze che tu nuꞌula gusane̱ꞌ benneꞌ chee̱ꞌ, ne xezúale̱ne̱ꞌ benneꞌ xula, la gázqueze dxíchuje̱ꞌ xrba chee̱ wechaga naꞌ da dxusebague̱ꞌ benneꞌ chee̱ꞌ dul-la.
\s Jesús dxenabe̱ꞌ Dios gun chawe̱ꞌe̱ bidu caꞌ
\r (Mt. 19.13-15; Lc. 18.15-17)
\p
\v 13 Nadxa bénneache caꞌ guleché̱ꞌe̱ bidu chee̱ꞌ caꞌ lau Jesús chee̱ xrua ne̱ꞌe̱ le̱beꞌ, naꞌ benneꞌ caꞌ dxuse̱de Jesús gulezú lawe̱ꞌ dxeledil-le̱ꞌ benneꞌ caꞌ zaj naché̱ꞌe̱ bidu caꞌ.
\v 14 Gate bleꞌe Jesús da dxelune̱ꞌ, naꞌ bzre̱ꞌe̱, ne guzre̱ꞌ le̱ꞌ:
\p ―Le güe bidu caꞌ lataj xeleláꞌabeꞌ naga zuaꞌ. Quebe guzágale-beꞌ laweꞌ da benneꞌ zaj naque̱ꞌ ca bidu caní xeluꞌe̱ naga dxenná bea Dios.
\v 15 Da li dxapaꞌ leꞌe, che tu benneꞌ quebe gape̱ꞌ ba láꞌana da dxenná bea Dios ca dxelún bidu caní, cabataꞌ chuꞌu bénneaꞌ naga dxenná bea Le̱ꞌ.
\p
\v 16 Nadxa gucáꞌa Jesús bidu caꞌ, ne bnide̱ꞌ-beꞌ. Guxrúa ne̱ꞌe̱ le̱beꞌ, naꞌ gunabe̱ꞌ Dios gun chawe̱ꞌe̱-beꞌ.
\s Benneꞌ cuideꞌ nape̱ꞌ da gunníꞌa dxuchálajle̱neꞌ Jesús
\r (Mt. 19.16-30; Lc. 18.18-30)
\p
\v 17 Gate bexúꞌu Jesús neza, naꞌ guzá chegu tu benneꞌ biu, naꞌ bzu zribe̱ꞌ lau Jesús, ne bche̱be̱ꞌ Le̱ꞌ:
\p ―Benneꞌ xrlátaje, bi dxal-laꞌ gunaꞌ chee̱ gapaꞌ xel-la nabán zeajlí canna?
\p
\v 18 Jesús guzre̱ꞌ le̱ꞌ:
\p ―¿Bizr chee̱ naꞌ dxuꞌu nedaꞌ xrlátaje? Québedxa nu chiláꞌ naca xrlátaje. Tuze Dios naque̱ꞌ xrlátaje.
\v 19 Núnbeaquezuꞌ ca da bdxixruj bea Dios gate naꞌ gunné̱ꞌ:
\q Quebe quichjuꞌ xrba chee̱ wechaga naꞌ.
\q Quebe gutiuꞌ benneꞌ.
\q Quebe cuanuꞌ chee̱ benneꞌ.
\q Quebe nneuꞌ chee̱ nu benneꞌ da quebe naca na.
\q Quebe gagu lanuꞌ.
\q Gudapa ba láꞌana xra xrnaꞌu.
\p
\v 20 Nadxa bénneaꞌ beche̱be̱ꞌ:
\p ―Benneꞌ wese̱de, xúgute̱ da caní dxunaꞌ nácateaꞌ bidauꞌ.
\p
\v 21 Naꞌ Jesús gunné̱ꞌe̱ le̱ꞌ xrtandauꞌ, ne guzre̱ꞌ le̱ꞌ:
\p ―Tu da dxexázrjenuꞌ. Guxíaj xeaje̱te xúgute̱ da napuꞌ, naꞌ bnezruj benneꞌ xacheꞌ caꞌ dumí chee̱ na. Nadxa gapuꞌ da gunníꞌa xabáa. Naꞌ gudá, gacuꞌ ca tu benneꞌ zéaje̱ꞌ chee̱ te̱ꞌe̱ xaga béguaj, ne be̱n nedaꞌ tuze.
\p
\v 22 Gate bene̱ꞌ da nigá, naꞌ benneꞌ cuideꞌ naꞌ bewiꞌine lázrele̱ꞌe̱, naꞌ bexíaje̱ꞌ dxewíꞌine̱ꞌ laweꞌ da nácale̱ꞌe̱ benneꞌ gunníꞌa.
\p
\v 23 Nadxa Jesús gunné̱ꞌe̱ ni naze, naꞌ guzre̱ꞌ benneꞌ caꞌ dxusé̱dene̱ꞌ:
\p ―Sté̱bete̱ naca chuꞌu benneꞌ gunníꞌa naga dxenná bea Dios.
\p
\v 24 Belexebánele̱ꞌe̱ benneꞌ caꞌ dxuse̱de Jesús ca naca dizraꞌ gunná Jesús, naꞌ Le̱ꞌ guzre̱ꞌ le̱ꞌ xetú lasa:
\p ―Zríꞌinaꞌdauꞌ, sté̱bete̱ naca xelúꞌu naga dxenná bea Dios benneꞌ dxuluxrén lazre̱ꞌ xel-la gunníꞌa.
\v 25 Chadidxa te tu bea zren lu negue xecheꞌ quézcala chuꞌu tu benneꞌ gunníꞌa naga dxenná bea Dios.
\p
\v 26 Gate belén benneꞌ caꞌ dizraꞌ nigá, naꞌ belexebánele̱ꞌe̱ne̱ꞌ, naꞌ buluche̱be ljwezre̱ꞌ:
\p ―¿Núzraqueze la xcaꞌ?
\p
\v 27 Jesús gunné̱ꞌe̱ benneꞌ caꞌ, ne guzre̱ꞌ le̱ꞌ:
\p ―Quebe sequeꞌ nu bénneꞌ gune̱ꞌ da nigá, san Dios wazéquene̱ꞌ. Quebe bi de̱ da quebe gaca gun Dios.
\p
\v 28 Nadxa Pedro guzre̱ꞌ Jesús:
\p ―Xránantuꞌ, netuꞌ ba bcáꞌanantuꞌ xúgute̱ da nápantuꞌ, ne zéajle̱ntuꞌ Lueꞌ.
\p
\v 29 Naꞌ beche̱be Jesús:
\p ―Da li dxapaꞌ leꞌe, nútete̱ze benneꞌ gusane̱ꞌ lizre̱ꞌ, u benneꞌ biche̱ꞌ, u nuꞌula zane̱ꞌ, u xre̱ꞌ, u xrne̱ꞌe̱, u zruꞌule̱ꞌ, u zríꞌine̱ꞌ, u xe̱zr la xu chee̱ꞌ ne̱ chiaꞌ nedaꞌ, u ne̱ chee̱ dizraꞌ chaweꞌ chiaꞌ,
\v 30 benneꞌ nigá siꞌe̱ naꞌa lu xe̱zr la xu nigá tu gaxúa cueꞌ caꞌ da siꞌe̱, xuꞌu caꞌ, ne benneꞌ biche̱ꞌ caꞌ, ne nuꞌula zane̱ꞌ caꞌ, ne xrne̱ꞌe̱ caꞌ, ne xe̱zr la xu chee̱ꞌ caꞌ, naꞌ weláu ziꞌ xúzrequeze bénneache le̱ꞌ. Lu xe̱zr la xu da za zaꞌ wazíꞌqueze̱ꞌ xel-la nabán zeajlí canna.
\v 31 Zánete̱ benneꞌ zaj naca naꞌa benneꞌ blau xelaque̱ꞌ ca benneꞌ bze̱be, naꞌ zánete̱ benneꞌ zaj naca naꞌa ca benneꞌ bze̱be xelaque̱ꞌ benneꞌ blau.
\s Dxuchalaj Jesús xetú lasa ca gaca gate gatie̱ꞌ
\r (Mt. 20.17-19; Lc. 18.31-34)
\p
\v 32 Gate zaj xuꞌe̱ neza dxelegüene̱ꞌ zjaque̱ꞌ Jerusalén, naꞌ Jesús zria lawe̱ꞌ lau benneꞌ caꞌ dxusé̱dene̱ꞌ. Dxelezrebe benneꞌ caꞌ, ne lu xel-la dxelezrebe zjácale̱ne̱ꞌ Le̱ꞌ. Naꞌ da xula gucáꞌa Jesús benneꞌ chazrinnu caꞌ dxusé̱dene̱ꞌ, naꞌ guzú lawe̱ꞌ dxe̱ꞌe̱ le̱ꞌ ca naca da dxal-laꞌ gaca chee̱ꞌ.
\v 33 Naꞌ guzre̱ꞌ le̱ꞌ:
\p ―¡Le naꞌ xque nigá! Dxegüendxu zéajdxu Jerusalén naga tu benneꞌ gudée̱ꞌ nedaꞌ, Benneꞌ Gulje̱ꞌ Bénneache, lu naꞌ benneꞌ xíchaje̱ caꞌ chee̱ bxruze caꞌ, ne lu naꞌ benneꞌ dxuluxuzájle̱ꞌe̱ da nadxixruj bea Dios, naꞌ xelechugue̱ꞌ chiaꞌ chee̱ gatiaꞌ, naꞌ wuludee̱ꞌ nedaꞌ lu naꞌ benneꞌ zituꞌ caꞌ.
\v 34 Nadxa xelún le̱ꞌ chiaꞌ nedaꞌ, ne xeluꞌe̱ nedaꞌ, ne xuluzré̱ꞌe̱ nedaꞌ zrene̱ꞌ, naꞌ xelutie̱ꞌ nedaꞌ. Gate gaca chunna zra xebanaꞌ ládujla benneꞌ gate.
\s Jacobo ne Juan dxelenabe̱ꞌ Jesús bi gune̱ꞌ chee̱ꞌ
\r (Mt. 20.20-28)
\p
\v 35 Nadxa Jacobo ne Juan, zriꞌine Zebedeo, belezrine̱ꞌ lau Jesús, naꞌ gulé̱ꞌe̱ Le̱ꞌ:
\p ―Benneꞌ Wese̱de, dxaca lázrentuꞌ gunuꞌ chee̱ntuꞌ da nábantuꞌ Lueꞌ.
\p
\v 36 Nadxa bche̱be Jesús le̱ꞌ:
\p ―¿Bi dxaca lázrele gunaꞌ?
\p
\v 37 Naꞌ belexeche̱be̱ꞌ Le̱ꞌ:
\p ―Be̱nna netuꞌ lataj cuéꞌentuꞌ, tuntuꞌ chaláꞌa xabe̱la chiuꞌ, ne xetuntuꞌ chaláꞌa xéglala chiuꞌ naga nna beꞌu xabáa chiuꞌ.
\p
\v 38 Naꞌ guzre Jesús le̱ꞌ:
\p ―Leꞌe quebe nézele da dxenábale. ¿Waca xíꞌajle leꞌe da naꞌ xiꞌaj nedaꞌ, da zéaje̱ na ca naca da sácadxu? ¿Waca chuale nisa ca chuaꞌ nedaꞌ nisa lu xel-la gute?
\p
\v 39 Le̱ꞌ belexeche̱be̱ꞌ:
\p ―Wácantuꞌ.
\p Naꞌ Jesús guzre̱ꞌ le̱ꞌ:
\p ―Da li wéꞌajle ca naca da naꞌ xiꞌaj nedaꞌ, ne chuale nisa ca chuaꞌ nedaꞌ nisa.
\v 40 Chee̱ cuéꞌele chaláꞌa xabe̱la chiaꞌ u chaláꞌa xéglala chiaꞌ, quegá nedaꞌ gunnaꞌ na. Gaca chee̱ benneꞌ caꞌ ba nucueza Dios chee̱ꞌ.
\p
\v 41 Gate xechí benneꞌ caꞌ dxuse̱de Jesús belenne̱ꞌ na, naꞌ belezré̱ꞌe̱ nen Jacobo ne Juan.
\v 42 Jesús gunné̱ꞌ benneꞌ caꞌ, naꞌ guzre̱ꞌ le̱ꞌ:
\p ―Ba nézquezle ca dxelún benneꞌ dxelenná beꞌe benneꞌ xe̱zr la xu caꞌ. Dxelún cuine̱ꞌ xrane benneꞌ xe̱zr la xu caꞌ. Benneꞌ blau ládujla le̱ꞌ dxeziꞌe̱ ba neza xel-la dxenná bea chee̱ꞌ.
\v 43 Quebe gaca caní ládujla leꞌe. Che nu benneꞌ dxaca lazre̱ꞌ gaque̱ꞌ benneꞌ blau ládujla leꞌe, benneꞌ nigá dxal-laꞌ gune̱ꞌ zrin chee̱ ljwezre̱ꞌ,
\v 44 naꞌ che nu benneꞌ ládujla leꞌe dxaca lazre̱ꞌ gaque̱ꞌ benneꞌ xíchaje̱, benneꞌ nigá dxal-laꞌ gaque̱ꞌ ca tu benneꞌ nadaꞌu chee̱ gune̱ꞌ zrin chee̱ xúgute̱ ljwezre̱ꞌ.
\v 45 Caní gaca na laweꞌ da cáꞌanqueze nedaꞌ, Benneꞌ Gulje̱ꞌ Bénneache, blaꞌa, quegá chee̱ xelún bénneache zrin chiaꞌ nedaꞌ. Blaꞌa chee̱ gunaꞌ zrin chee̱ bénneache, ne chee̱ guzúaꞌ xel-la nabán chiaꞌ chee̱ guseláꞌ benneꞌ zan.
\s Dxexún Jesús tu benneꞌ la chul-la le̱ꞌ Bartimeo
\r (Mt. 20.29-34; Lc. 18.35-43)
\p
\v 46 Nadxa belezrine̱ꞌ xe̱zre Jericó. Gate naꞌ bedxúaj Jesús xe̱zre nigá nen benneꞌ caꞌ dxusé̱dene̱ꞌ, ne nen benneꞌ zante̱, naꞌ zua tu benneꞌ la chul-la le̱ꞌ Bartimeo, zriꞌine Timeo, dxeꞌe̱ dxuꞌa neza dxenabe̱ꞌ gunaꞌ.
\v 47 Naꞌ ca bénne̱ꞌ dxedé Jesús, benneꞌ Nazaret, ga naꞌ, naꞌ benneꞌ la chul-la nigá guzú lawe̱ꞌ dxenné̱ꞌ zizraj:
\p ―¡Jesús, Zriꞌine David, bexache lazreꞌ nedaꞌ!
\p
\v 48 Benneꞌ zan caꞌ guledil-le̱ꞌ le̱ꞌ chee̱ sue̱ꞌ zrize, naꞌ le̱ꞌ zízrajdxa gunné̱ꞌ:
\p ―¡Zriꞌine David, bexache lazreꞌ nedaꞌ!
\p
\v 49 Nadxa gugá Jesús, naꞌ gunné̱ꞌ:
\p ―Le nne̱ le̱ꞌ.
\p Naꞌ gulenné̱ꞌ benneꞌ la chul-la naꞌ, gulé̱ꞌe̱ le̱ꞌ:
\p ―Bdipa lazruꞌ. Guxasa laweꞌ da dxenné̱ꞌ lueꞌ.
\p
\v 50 Nadxa bzale̱ꞌ lazxeꞌ naxrúa cuzre̱ꞌ chaláꞌala, naꞌ guxritie̱ꞌ chee̱ zrine̱ꞌ lau Jesús.
\v 51 Nadxa Jesús gunábene̱ꞌ le̱ꞌ:
\p ―¿Bizra dxaca lazruꞌ gunaꞌ chiuꞌ?
\p Naꞌ gunná benneꞌ la chul-la:
\p ―Benneꞌ Wese̱de, dxaca lazraꞌ xexunuꞌ xiaj lawaꞌ.
\p
\v 52 Naꞌ Jesús guzre̱ꞌ le̱ꞌ:
\p ―Waca xexíajuꞌ. Bache bexacuꞌ laweꞌ da guxéajle̱ꞌu chiaꞌ.
\p La bleꞌete̱ benneꞌ la chul-la naꞌ, naꞌ guxíajle̱ne̱ꞌ Jesús la neza.
\c 11
\s Dxuꞌu Jesús xe̱zre Jerusalén
\r (Mt. 21.1-11; Lc. 19.28-40; Jn. 12.12-19)
\p
\v 1 Gate belezrine̱ꞌ gáguze naga dxeꞌ xe̱zre Jerusalén, ne zaj xuꞌe̱ la neza naga zaj dxeꞌ xe̱zre Betfagé, ne xe̱zre Betania zran xiꞌa chee̱ xaga olivo caꞌ, naꞌ Jesús gusel-le̱ꞌ chupa benneꞌ caꞌ dxusé̱dene̱ꞌ,
\v 2 naꞌ guzre̱ꞌ le̱ꞌ:
\p ―Le chjaca lu xé̱zredauꞌ da dxeꞌ tu chi naꞌ, naꞌ gate zrinle naꞌ, cheajxrácale tu burro daꞌbaꞌ xaga, bea naꞌ netú benneꞌ quebe ne cuie̱ꞌ le̱baꞌ. Le se̱zre-baꞌ, ne le che̱ꞌ-baꞌ nigá.
\v 3 Che nu benneꞌ nabe̱ꞌ leꞌe bizr chee̱ naꞌ dxesé̱zrele-baꞌ, xé̱gale le̱ꞌ: “Xránadxu dxechine̱ꞌ-baꞌ”, naꞌ la xesél-laꞌte̱ꞌ le̱baꞌ.
\p
\v 4 Nadxa xjaque̱ꞌ, ne xeajlexraque̱ꞌ burro naꞌ daꞌbaꞌ xaga dxuꞌa dxa xuꞌu cuita neza, naꞌ gulesé̱zre̱ꞌ-baꞌ.
\p
\v 5 Nadxa bal-la benneꞌ zaj zre̱ꞌe̱ naꞌ gulé̱ꞌe̱ le̱ꞌ:
\p ―¿Bizraꞌ dxunle? ¿Bizr chee̱ naꞌ dxesé̱zrele búrruaꞌ?
\p
\v 6 Nadxa le̱ꞌ gulé̱ꞌe̱ benneꞌ caꞌ ca ba gunnáqueze Jesús, naꞌ belúe̱ꞌ le̱ꞌ lataj.
\v 7 La belexeché̱ꞌe̱te̱ꞌ búrruaꞌ lau Jesús, naꞌ buluzríe̱ꞌ zra lane̱ꞌ cúzrubaꞌ, naꞌ guzría Jesús le̱baꞌ.
\v 8 Benneꞌ zante̱ gulechíluje̱ꞌ xicha chee̱ꞌ, ne xladxe̱ꞌ la neza, naꞌ benneꞌ xula gulechugue̱ꞌ zinaꞌ da gulíxrue̱ꞌ la neza.
\p
\v 9 Naꞌ benneꞌ caꞌ zaj zrie̱ꞌ laweꞌ, ne benneꞌ caꞌ zjaque̱ꞌ bze̱be, gulezú lawe̱ꞌ dxelenné̱ꞌ zizraj:
\p ―¡Gaca ba! ¡Láꞌazxa naca benneꞌ ze̱ꞌe̱, nasel-la Xránadxu Dios Le̱ꞌ!
\v 10 ¡Láꞌazxa naca xel-la dxenná bea da zaꞌ, xel-la dxenná bea chee̱ xradxu David! ¡Gaca ba Dios!
\p
\v 11 Caꞌan guca gate naꞌ guxúꞌu Jesús xe̱zre Jerusalén, naꞌ guxúꞌe̱ lu xudauꞌ. Ca gudé gunné̱ꞌe̱ xúgute̱ da zaj nnita du cuite̱ꞌ, naꞌ bezé̱ꞌe̱ zexíaje̱ꞌ xe̱zre Betania nen benneꞌ chazrinnu caꞌ dxusé̱dene̱ꞌ, laweꞌ da ba zeaj dxezréꞌ.
\s Jesús dxuguꞌe̱ deꞌ xaga higo
\r (Mt. 21.18-19)
\p
\v 12 Gute xu zra xula gate naꞌ gusáꞌaque̱ꞌ xe̱zre Betania, gudún Jesús.
\v 13 Naꞌ bléꞌene̱ꞌ zítuꞌla dxeꞌ tu xaga higo zria na lagaꞌ, naꞌ xeajnné̱ꞌe̱ che zria da zixre lu xaga naꞌ, san quebe bi zria na. Lágaze zria na laweꞌ da quebe ne zrin zra cuía na da zixre.
\v 14 Nadxa Jesús guzre̱ꞌ xaga higo naꞌ:
\p ―Cabátadxa nu gagu da zixre chiuꞌ.
\p Benneꞌ caꞌ dxuse̱de Jesús belénqueze̱ꞌ na.
\s Jesús dxexún lbe̱ꞌe̱ lu xudauꞌ
\r (Mt. 21.12-17; Lc. 19.45-48; Jn. 2.13-22)
\p
\v 15 Ca gudé naꞌ belexezrine̱ꞌ xe̱zre Jerusalén. Ca guxúꞌu Jesús lu xudauꞌ, guzú lawe̱ꞌ dxulague̱ꞌ lu xudauꞌ benneꞌ zaj zre̱ꞌe̱ we̱te, ne benneꞌ zaj zre̱ꞌe̱ wewaꞌu naꞌ. Naꞌ bdxixre̱ꞌ blaga chee̱ benneꞌ weche̱ꞌe̱ dumí chee̱ benneꞌ zituꞌ, ne bdxixre̱ꞌ naga dxelebéꞌ benneꞌ we̱te bgúgudu caꞌ.
\v 16 Quebe be̱ꞌe̱ lataj nu benneꞌ xudée̱ꞌ xua caꞌ lu xudauꞌ.
\v 17 Nadxa bsé̱dene̱ꞌ bénneache caꞌ, dxenné̱ꞌ:
\p ―Lu xiche láꞌazxa dxenná Dios: “Lizraꞌ gaca na tu xuꞌu naga xuluchálajle̱ Dios benneꞌ záꞌaque̱ꞌ xúgute̱ xe̱zre.” Leꞌe ba nunle lizraꞌ ca tu lizre benneꞌ gubán caꞌ.
\p
\v 18 Naꞌ benneꞌ xíchaje̱ caꞌ chee̱ bxruze caꞌ, ne benneꞌ dxuluxuzájle̱ꞌe̱ ca da nadxixruj bea Dios belenne̱ꞌ, naꞌ gulezú lawe̱ꞌ dxelexíluje̱ꞌ ájala gaca xelútete̱ꞌ Jesús laweꞌ da dxelezrebe̱ꞌ Le̱ꞌ. Caꞌan guca laweꞌ da dxelexebane xúgute̱ bénneache ca naca da dxuse̱de Jesús le̱ꞌ.
\v 19 Ca gula chizrela, Jesús bezé̱ꞌe̱ lu xe̱zre.
\s Dxebizre xaga higo
\r (Mt. 21.20-22)
\p
\v 20 Ca gula zra xula che zílala, naꞌ Jesús, ne benneꞌ caꞌ dxusé̱dene̱ꞌ belexedée̱ꞌ naꞌ, naꞌ beleléꞌene̱ꞌ xaga higo naꞌ, ba nabizre na dute̱ lue na.
\v 21 Nadxa xeajsá lazre Pedro, naꞌ guzre̱ꞌ Jesús:
\p ―Benneꞌ wese̱de, gunnáꞌxque xaga higo nigá da gulúꞌu na deꞌ. Bache gubizre na.
\p
\v 22 Jesús gunné̱ꞌ:
\p ―Le cheajlí lazre Dios.
\v 23 Da li dxapaꞌ leꞌe, che nútete̱zele nnale, xe̱le xiꞌa nigá: “Cuasa lueꞌ nigá, xeajchúꞌu lu nísadauꞌ”, ne che quebe dxun chupa lázrele, naꞌ chéajle̱le waca da ba gunnale, naꞌ gácaqueze na.
\v 24 Chee̱ le̱ naꞌ dxapaꞌ leꞌe, xúgute̱ da nábale Dios gate dxuchálajle̱le Le̱ꞌ, che chéajle̱le ba guzile na, caꞌan gácaqueze.
\v 25 Gate naꞌ dxuchálajle̱le Dios, che dxezráꞌale nu benneꞌ, le gunite lau chee̱ bénneaꞌ chee̱ cáꞌanqueze Xrale zue̱ꞌ xabáa gunite lawe̱ꞌ dul-la da nabágale.
\v 26 Che quebe gunite laule chee̱ bénneaꞌ, Xrale zue̱ꞌ xabáa quebe gunite lawe̱ꞌ dul-la da nabágale.
\s Ca naca xel-la dxenná bea da napa Jesús
\r (Mt. 21.23-27; Lc. 20.1-8)
\p
\v 27 Nadxa belexezrine̱ꞌ xe̱zre Jerusalén, naꞌ ca dxedá Jesús le̱ꞌaj xudauꞌ, naꞌ gulebiga lau Le̱ꞌ benneꞌ xíchaje̱ caꞌ chee̱ bxruze caꞌ, ne benneꞌ dxuluxuzájle̱ꞌe̱ da nadxixruj bea Dios, ne benneꞌ gula caꞌ.
\v 28 Naꞌ benneꞌ caní gulenábene̱ꞌ Jesús:
\p ―¿Bizra xel-la dxenná bea napuꞌ dxunuꞌ da caní? ¿Nuzra be̱nna lueꞌ xel-la dxenná bea nigá?
\p
\v 29 Naꞌ beche̱be Jesús:
\p ―Cáꞌanqueze nedaꞌ de̱ tu da nábedaꞌ leꞌe. Che xeché̱bele chiaꞌ, nadxa xapaꞌ leꞌe ca naca xel-la dxenná bea da napaꞌ dxunaꞌ da caní.
\v 30 ¿Nuzra gusel-la Juan bchue̱ꞌ bénneache nisa? ¿Dios che bénneache? Le xeche̱be naꞌa.
\p
\v 31 Nadxa gulezú lau benneꞌ caꞌ dxuluchálaje̱ꞌ le̱ze̱ꞌ, dxelé̱ ljwezre̱ꞌ:
\p ―Che xe̱dxu Le̱ꞌ, Dios gusel-le̱ꞌ le̱ꞌ, naꞌ nnáqueze̱ꞌ: “¿Bizr chee̱ naꞌ quebe guxéajle̱le chee̱ꞌ?”
\v 32 Che nnadxu bénneache gulesel-le̱ꞌ le̱ꞌ, dxal-laꞌ zrébedxu da xelún benneꞌ xe̱zre caꞌ.
\p Caní gulenné̱ꞌ laweꞌ da xúgute̱ benneꞌ xe̱zre nigá dxeléajle̱ꞌe̱ guca Juan benneꞌ bchálaje̱ꞌ waláz chee̱ Dios.
\v 33 Caꞌan guca, gulenná benneꞌ caꞌ, dxelé̱ꞌe̱ Jesús:
\p ―Quebe nézentuꞌ.
\p Nadxa gunná Jesús, dxe̱ꞌe̱ le̱ꞌ:
\p ―Cáꞌanqueze nedaꞌ quebe nniaꞌ ca naca xel-la dxenná bea da napaꞌ dxunaꞌ da caní.
\c 12
\s Da dxuléꞌe na ca naca chee̱ benneꞌ we̱n zrin quebe zaj naque̱ꞌ xrlátaje
\r (Mt. 21.33-46; Lc. 20.9-19)
\p
\v 1 Nadxa guzú lau Jesús dxuchálajle̱ne̱ꞌ benneꞌ caꞌ tu da dxuléꞌe na. Dxe̱ꞌe̱ le̱ꞌ:
\p ―Zua tu benneꞌ bde̱ꞌe̱ lba uva caꞌ lu xe̱zr la xu chee̱ꞌ, naꞌ be̱ne̱ꞌ le̱ꞌaj chee̱ na. Be̱ne̱ꞌ tu xiaj lutju naga guchuchuje̱ꞌ uva caꞌ, ne be̱ne̱ꞌ tu bdupaꞌ naga cueꞌ benneꞌ guxúe̱ꞌ da caní.
\p ’Nadxa bdee̱ꞌ xe̱zr la xu chee̱ꞌ naꞌ lu naꞌ benneꞌ we̱n zrin caꞌ chee̱ xelune̱ꞌ laꞌa lina chee̱ na, naꞌ guzé̱ꞌe̱ zéaje̱ꞌ xe̱zre zituꞌ.
\v 2 Ca gula zra chee̱ lina, naꞌ gusel-le̱ꞌ tu bi we̱n zrin chee̱ꞌ cheajxezriꞌibeꞌ lu naꞌ benneꞌ we̱n zrin caꞌ ca naca lina da dxal-laꞌ xezíꞌ benneꞌ xranbeꞌ.
\v 3 Naꞌ benneꞌ we̱n zrin caꞌ gule̱l-le̱ꞌ-beꞌ, ne buluzalje̱ꞌ-beꞌ, naꞌ belexesel-le̱ꞌ-beꞌ dáchezebeꞌ.
\v 4 Nadxa xránabeꞌ gusel-le̱ꞌ bi we̱n zrin xula, naꞌ bi nigá belúꞌe̱-beꞌ xiaj, ne gulelé̱ꞌe̱ xíchajbeꞌ, ne bulucháchale̱ne̱ꞌ-beꞌ.
\v 5 Naꞌ xránabeꞌ naꞌ gusel-le̱ꞌ xetubeꞌ, naꞌ bi nigá belútete̱ benneꞌ caꞌ le̱beꞌ. Ca gudé naꞌ xránabeꞌ gusel-le̱ꞌ bi zandxa bi xula, naꞌ cáꞌanqueze belúꞌe̱ bál-labeꞌ, ne belútete̱ꞌ xebál-labeꞌ.
\p
\v 6 ’Xránabeꞌ zua tu zríꞌine̱ꞌ bi biu, bi nazríꞌile̱ꞌe̱ne̱ꞌ, naꞌ naga bzé̱bete̱ gusel-le̱ꞌ zríꞌine̱ꞌ nigá, dxenné̱ꞌ lu xichaj lázrdawe̱ꞌ: Dxal-laꞌ xelape̱ꞌ ba láꞌana zriꞌinaꞌ.
\v 7 Benneꞌ we̱n zrin caꞌ gulenné̱ꞌ, dxelé̱ ljwezre̱ꞌ: “Bi nigá gueque chee̱beꞌ xe̱zr la xu nigá. Gútete̱dxu-beꞌ naꞌa, naꞌ dxiꞌu xegáꞌanale̱dxu da nigá.”
\v 8 Caꞌan guca, gule̱l-le̱ꞌ-beꞌ, ne belútete̱ꞌ-beꞌ, naꞌ gulebéaje̱ꞌ be̱l-laꞌ dxen chee̱beꞌ lu xe̱zr la xu naꞌ.
\p
\v 9 Nadxa Jesús gunábene̱ꞌ benneꞌ xudauꞌ caꞌ:
\p ―¿Ájazra gun xrane xe̱zr la xu nigá? Walé̱ꞌe̱, naꞌ gútete̱ꞌ benneꞌ we̱n zrin caꞌ, naꞌ gudée̱ꞌ xe̱zr la xu chee̱ꞌ lu naꞌ benneꞌ xula caꞌ.
\v 10 Ba blábale da naxúaj na lu xiche chee̱ Dios. Dxenná na:
\q Xiaj naꞌ da quebe buluchine benneꞌ we̱n xuꞌu,
\q xiaj naꞌ naca naꞌa xiaj blau chee̱ xuꞌu.
\q
\v 11 Da nigá be̱n Xránadxu, naꞌ dxexebánedxu chee̱ na.
\p
\v 12 Nadxa gulaca lazre̱ꞌ xele̱l-le̱ꞌ Jesús laweꞌ da zaj nézene̱ꞌ bchálaje̱ꞌ da dxuléꞌe nigá chee̱ guléꞌene̱ꞌ ca zaj naca le̱ꞌ. Quebe bi gulune̱ꞌ laweꞌ da gulezrebe̱ꞌ bi xelún benneꞌ xe̱zre caꞌ. Chee̱ le̱ naꞌ bulusane̱ꞌ Jesús, besíꞌaque̱ꞌ.
\s Da bchalaj Jesús chee̱ da dxuchizruj xuꞌu laweꞌ
\r (Mt. 22.15-22; Lc. 20.20-26)
\p
\v 13 Ca gudé naꞌ gulesel-le̱ꞌ lau Jesús bal-la benneꞌ xudauꞌ fariseo, ne benneꞌ zaj de̱ꞌe̱ Herodes chee̱ gulebéaje̱ꞌ Le̱ꞌ dizraꞌ chee̱ xelezéquene̱ꞌ xelawe̱ꞌ Le̱ꞌ zria.
\v 14 Benneꞌ caní belelé̱ꞌe̱ lau Jesús, naꞌ gulé̱ꞌe̱ Le̱ꞌ:
\p ―Benneꞌ wese̱de, ba nézentuꞌ ca dxennáuꞌ da li, ne quebe dxezíꞌu ca da dxelennaze bénneache, laweꞌ da quebe dxennáꞌu Lueꞌ ca zaj naca cúzreze bénneache. Da li naca ca dxusé̱denuꞌ bénneache da naca chee̱ Dios. ¿Dxunna da nadxixruj bea Dios lataj quízrujdxu da dxuchizruj benneꞌ dxenná bea Roma dxiꞌu, che cabí? ¿Dxal-laꞌ quízrujdxu, che quebe quízrujdxu?
\p
\v 15 Jesús dxéquebeꞌene̱ꞌ quegá du lazre̱ꞌ dxelenábene̱ꞌ Le̱ꞌ da nigá, naꞌ guzre̱ꞌ le̱ꞌ:
\p ―¿Bizr chee̱ naꞌ dxebéajle nedaꞌ dizraꞌ? Le dajguá nigá tu dumí da dxízrujle chee̱ leꞌedaꞌ na.
\p
\v 16 Naꞌ bedajlegüé̱ꞌe̱ na, naꞌ ca bleꞌe Jesús le̱ na, naꞌ gunábene̱ꞌ le̱ꞌ:
\p ―¿Nu lau daꞌ dumí nigá, ne nu la naxúaj na nigá?
\p Naꞌ gulé̱ꞌe̱ Le̱ꞌ:
\p ―Chee̱ benneꞌ dxenná bea Roma.
\p
\v 17 Nadxa Jesús guzre̱ꞌ benneꞌ caꞌ:
\p ―Le gunezruj chee̱ benneꞌ dxenná bea Roma da naca chee̱ꞌ, naꞌ le gunezruj chee̱ Dios da naca chee̱ Dios.
\p Naꞌ belexebánene̱ꞌ ca naca da bchalaj Jesús.
\s Da bchalaj Jesús ca xelexebán benneꞌ gate
\r (Mt. 22.23-33; Lc. 20.27-40)
\p
\v 18 Nadxa belezrín lau Jesús bal-la benneꞌ xudauꞌ saduceo. Benneꞌ caní dxelenné̱ꞌ quebe xelexebán benneꞌ gate. Caꞌan guca, gulenábene̱ꞌ Jesús caní:
\p
\v 19 ―Benneꞌ wese̱de, Moisés bzuaje̱ꞌ chee̱dxu da nadxixruj bea nigá: “Che tu benneꞌ biu gatie̱ꞌ, ne xegáꞌana zruꞌule̱ꞌ, naꞌ quebe nu zua bi chee̱ bénneaꞌ, naꞌ benneꞌ biche̱ꞌ dxal-laꞌ xequé̱ꞌe̱ nuꞌula naꞌ gute benneꞌ chee̱ꞌ chee̱ sua zriꞌine bénneaꞌ gutie̱ꞌ.”
\v 20 Gulezráꞌ gazre benneꞌ biche̱ꞌ. Benneꞌ nedxu bchaga naꞌabeꞌ, naꞌ gútebeꞌ quebe nu zríꞌinebeꞌ zua.
\v 21 Naꞌ benneꞌ gudxupeꞌ bequé̱ꞌe̱ nuꞌula naꞌ, naꞌ cáꞌanqueze gutie̱ꞌ quebe nu zríꞌine̱ꞌ zúaqueze. Cáꞌanqueze guca chee̱ benneꞌ guxunneꞌ.
\v 22 Caꞌan guca, benneꞌ gazre caní gulezúale̱ne̱ꞌ nuꞌula naꞌ, naꞌ netue̱ꞌ quebe nu zríꞌine̱ꞌ guzúa. Naga xeajse̱te̱ na gútete̱ nuꞌulaꞌ.
\v 23 Naꞌa xcaꞌ, gate naꞌ xelexebán benneꞌ gate, ¿nula benneꞌ biu caní gaque̱ꞌ benneꞌ chee̱ nuꞌula naꞌ, laweꞌ da gulezúale̱ benneꞌ gazre caꞌ le̱ꞌ?
\p
\v 24 Nadxa Jesús guzre̱ꞌ benneꞌ caꞌ:
\p ―Nanítele leꞌe laweꞌ da quebe núnbeale da naxúaj na lu xiche chee̱ Dios, ne quebe nézele ca naca xel-la waca chee̱ Dios.
\v 25 Gate naꞌ xelexebán benneꞌ gate, québedxa xuluchaga ne̱ꞌe̱, ne québedxa xuluchaga naꞌ bi nuꞌula caꞌ. Xelaque̱ꞌ ca zaj naca gubáz chee̱ xabáa.
\v 26 Naꞌa, ca naca chee̱ benneꞌ gate che xelexebane̱ꞌ, ¿quebe ne gulábale ca da naxúaj na lu xiche chee̱ Moisés ca gunná Dios gate naꞌ bchálajle̱ne̱ꞌ Moisés tu lu xágadauꞌ da dxala xiꞌ? Gunná Dios caní: “Nedaꞌ nacaꞌ Dios chee̱ Abraham, ne chee̱ Isaac, ne chee̱ Jacob.”
\v 27 Dios naque̱ꞌ Dios, quegá chee̱ benneꞌ gate caꞌ. Naque̱ꞌ Dios chee̱ benneꞌ ban caꞌ. Caꞌan naca, álega nanítele leꞌe.
\s Da nadxixruj bea Dios da naca blau
\r (Mt. 22.34-40)
\p
\v 28 Naꞌ zé̱queze tu benneꞌ dxuxuzájle̱ꞌe̱ da nadxixruj bea Dios, naꞌ benne̱ꞌ da dxuchalaj Jesús, ne nézene̱ꞌ bzriꞌe̱ dizraꞌ chaweꞌ, naꞌ gunábene̱ꞌ Le̱ꞌ:
\p ―¿Bizra da nadxixruj beꞌe Dios naca na da blaudxa?
\p
\v 29 Naꞌ Jesús guzre̱ꞌ le̱ꞌ:
\p ―Da bdxixruj beꞌe̱ da naca na da blaudxa ca xúgute̱ dxenná na caní: Le xene benneꞌ Israel. Xránadxu Dios tuze naque̱ꞌ.
\v 30 Bzriꞌi Xranuꞌ Dios du lazruꞌ, ne nen dute̱ bénneꞌdu xuꞌu, ne nen dute̱ xichaj lázrdaꞌu, ne nen dute̱ xel-la wal-la da napuꞌ. Da nigá naca da nadxixruj bea da blaudxa,
\v 31 naꞌ da nadxixruj bea gudxupeꞌ nácaqueze na ca le̱ na, da dxenná na caní: Bzriꞌi benneꞌ xula ca nazríꞌi cuinuꞌ. Quebe zua xetú da nadxixruj bea da naca blaudxa ca da chupa caní.
\p
\v 32 Nadxa gunná bénneaꞌ dxuxuzájle̱ꞌe̱ da nadxixruj bea Dios, dxe̱ꞌe̱ Jesús:
\p ―Caꞌan xanne naca ca beche̱buꞌ, Benneꞌ dxuse̱de. Da li naca ca dxennáuꞌ. Zua tuze Dios, ne quebe nu zua xetú ca Le̱ꞌ,
\v 33 naꞌ che zriꞌidxu Dios du lázredxu, ne nen dute̱ xichaj lázrdaudxu, ne nen dute̱ bénneꞌdu xúꞌudxu, ne nen dute̱ xel-la wal-la da nápadxu, ne che zriꞌidxu benneꞌ xula ca nazríꞌi cuínadxu, da caní zaj zácadxa na ca xúgute̱ be̱ xixreꞌ caꞌ dxútedxu-baꞌ lau Dios, ne ca xúgute̱ da dxuzézxedxu lu cugu chee̱ Dios.
\p
\v 34 Nadxa Jesús, ca benne̱ꞌ bchálaje̱ꞌ chaweꞌ, naꞌ guzre̱ꞌ le̱ꞌ:
\p ―Xeláteze ne de̱ na chee̱ nna bea Dios xichaj lázrdaꞌu.
\p Naꞌ québedxa nu bexazre nábene̱ꞌ Le̱ꞌ dizraꞌ caꞌ.
\s ¿Nu zríꞌine̱ꞌ naca Cristo?
\r (Mt. 22.41-46; Lc. 20.41-44)
\p
\v 35 Jesús dxusé̱dene̱ꞌ benneꞌ caꞌ lu xudauꞌ, naꞌ gunné̱ꞌ:
\p ―¿Bizr chee̱ naꞌ dxelenná benneꞌ dxuluxuzájle̱ꞌe̱ da nadxixruj bea Dios naca Cristo zriꞌine David?
\v 36 David náꞌqueze ca bzéajniꞌi Beꞌ Láꞌazxa le̱ꞌ, gunné̱ꞌ:
\q Xránadxu Dios guzre̱ꞌ Xranaꞌ:
\q “Gudxéꞌe chaláꞌa xabe̱la chiaꞌ,
\q ca zrin zra ba nuzúaꞌ benneꞌ dxeledábague̱ꞌ lueꞌ,
\q chee̱ na beꞌenuꞌ le̱ꞌ.”
\q
\v 37 Che David náꞌqueze dxenné̱ꞌ: “Xranaꞌ”, ¿ájala chee̱ naꞌ naque̱ꞌ zríꞌine̱ꞌ?
\p Benneꞌ zan caꞌ du lazre̱ꞌ buluzé̱ nague̱ꞌ chee̱ꞌ.
\s Jesús dxuléꞌene̱ꞌ zaj nachixre benneꞌ caꞌ dxuluxuzájle̱ꞌe̱ da nadxixruj bea Dios
\r (Mt. 23.1-36; Lc. 11.37-54; 20.45-47)
\p
\v 38 Ca dxuse̱de Jesús benneꞌ caꞌ, naꞌ gunné̱ꞌ:
\p ―Le gapa chiꞌi cuínale chee̱ benneꞌ caꞌan dxuluxuzájle̱ꞌe̱ da nadxixruj bea Dios. Benneꞌ caní dxeledánene̱ꞌ dxelácue̱ꞌ zra lane̱ꞌ tunna, ne dxeledánene̱ꞌ xulugapa bénneache le̱ꞌ diuzre nen dizraꞌ ba láꞌana lau bénneache caꞌ.
\v 39 Benneꞌ caní dxeledánene̱ꞌ dxelebéꞌe̱ lataj blau lu xuꞌu naga dxelezraga benneꞌ dxelúe láꞌane̱ꞌ Dios, ne dxeledánene̱ꞌ dxelebéꞌe̱ lataj blau naga dxelawe̱ꞌ xrcheꞌ.
\v 40 Benneꞌ caní dxelegüe̱ꞌ lizre xrlataj nuꞌula caꞌ ba gulate benneꞌ chee̱ꞌ, naꞌ chee̱ xululéꞌe cuine̱ꞌ ca benneꞌ xrlátaje, dxelune̱ꞌ xel-la dxuluwizraj Dios tunna. Le̱ꞌ zaj nabágadxe̱ꞌ zria.
\s Dumí da gulúꞌu nuꞌula xacheꞌ ba gute benneꞌ chie̱ꞌ
\r (Lc. 21.1-4)
\p
\v 41 Tu lasa gate naꞌ dxeꞌ Jesús lu xudauꞌ cuita naga dxelegúꞌe̱ dumí, naꞌ dxenné̱ꞌe̱ ca dxelún benneꞌ caꞌ dxelegúꞌe̱ dumí, ne ca dxelún benneꞌ gunníꞌa caꞌ, dxelegúꞌe̱ dumí zren.
\v 42 Caꞌan guca, bzrin tu nuꞌula xacheꞌ ba gute benneꞌ chie̱ꞌ, naꞌ guluꞌe̱ chupa dumí lásedauꞌ da quebe zaj zácate̱ can.
\v 43 Nadxa gunné̱ Jesús benneꞌ caꞌan dxusé̱dene̱ꞌ, naꞌ guzre̱ꞌ le̱ꞌ:
\p ―Da li dxapaꞌ leꞌe, nuꞌula xacheꞌ nigá bnézrujdxe̱ꞌ ca xúgute̱ benneꞌ caꞌan gulegúꞌe̱ dumí.
\v 44 Xúgute̱ benneꞌ caꞌ gulegúꞌe̱ da québedxa dxelechínne̱ꞌ. Nuꞌula xacheꞌ nigá guluꞌe̱ ca naca da nape̱ꞌ, da nunte̱ gawe̱ꞌ.
\c 13
\s Dxuchalaj Jesús ca gaca gate xrinnaj xudauꞌ
\r (Mt. 24.1-2; Lc. 21.5-6)
\p
\v 1 Gate bedxúaj Jesús lu xudauꞌ, naꞌ tu benneꞌ dxusé̱dene̱ꞌ guzre̱ꞌ Le̱ꞌ:
\p ―Benneꞌ Wese̱de, gunnáꞌxque ca zren naca xudauꞌ, ne xiaj xrtante̱ caní.
\p
\v 2 Beche̱be Jesús:
\p ―¿Dxeléꞌenuꞌ naꞌa ca zren naca xudauꞌ nigá? Québedxa xegáꞌana tu xiaj cuzru ljwezre nigá. Ca naca xudauꞌ nigá wabía xíꞌqueze na.
\s Da xelunna bea na gate cheajsé̱ chee̱ xe̱zr la xu nigá
\r (Mt. 24.3-28; Lc. 21.7-24; 17.22-24)
\p
\v 3 Nadxa xjaque̱ꞌ lu xiꞌa chee̱ xaga olivo caꞌ, da zua na chaláꞌa ca li dxa xuꞌu xudauꞌ. Gate dxeꞌ Jesús ga naꞌ, naꞌ Pedro, ne Jacobo, ne Juan, ne Andrés gulé̱ꞌe̱ Jesús le̱ze̱ꞌ:
\p
\v 4 ―Dxaca lázrentuꞌ guléꞌenuꞌ netuꞌ bata gaca caní. ¿Bizra da caꞌ xelunna bea na gaca xúgute̱ da caní?
\p
\v 5 Naꞌ beche̱be Jesús:
\p ―Le gapa chiꞌi cuínale chee̱ quebe nu si xe̱ leꞌe,
\v 6 laweꞌ da xeleláꞌ benneꞌ zante̱ xelún luꞌa nedaꞌ, welenné̱ꞌ zaj naque̱ꞌ Cristo, naꞌ welezí xe̱ꞌe̱ benneꞌ zante̱.
\p
\v 7 ’Leꞌe, gate xénele gaca wedil-la, ne ba dxaca wedil-la, quebe zrébele. Cáꞌqueze dxal-laꞌ gaca na, san quegá ne zrin zra cheajsé̱ chee̱ na,
\v 8 laweꞌ da xeledíl-lale̱ benneꞌ tu xe̱zr la xu benneꞌ xetú xe̱zr la xu, naꞌ tu xe̱zre benneꞌ tíl-lale̱ na xetú xe̱zre. Wazrúꞌ zánete̱ xe̱zre, ne wataꞌ gubinaꞌ, ne wadxéꞌe na zraga bénneache. Da caní zaj naca na naga su lauze ca naca da xelezaca ziꞌ bénneache.
\p
\v 9 ’Le guxúe cuínale laweꞌ da xuludée̱ꞌ leꞌe lu naꞌ benneꞌ xuꞌu laweꞌ, naꞌ xuluzalje̱ꞌ leꞌe lu xuꞌu naga dxulucáꞌana szrene̱ꞌ Dios. Xuludée̱ꞌ leꞌe lau benneꞌ xuꞌu laweꞌ caꞌ, ne lau benneꞌ dxelenná beꞌe̱ laweꞌ da nácale chiaꞌ nedaꞌ. Gate caꞌan gaca, naꞌ guchálajle chiaꞌ nedaꞌ lau benneꞌ caꞌ.
\v 10 Nédxudxa ca zrin zra cheajsé̱ chee̱ na, dizraꞌ chaweꞌ chiaꞌ gaca lban chee̱ na lau bénneache zaj zre̱ꞌe xúgute̱ xe̱zr la xu.
\v 11 Gate xeleché̱ꞌe̱ leꞌe chee̱ xuludée̱ꞌ leꞌe lu naꞌ benneꞌ xuꞌu laweꞌ caꞌ, quebe cueꞌle gunne xue bi nnale, ne quebe quilaj lázrele ájala guchálajle. Nne̱le ca da gunna Dios leꞌe zra naꞌ laweꞌ da quegá leꞌeze nne̱le, san Beꞌ Láꞌazxa, Le̱ꞌ nne̱ꞌ.
\v 12 Ca xelún bénneache lu zra naꞌ, xuludée̱ꞌ bi biche̱ꞌ caꞌ lu naꞌ benneꞌ xelútie̱ꞌ le̱beꞌ. Cáꞌanqueze xelún xruze xrnaꞌ caꞌ, xuludée̱ꞌ zríꞌinequeze̱ꞌ. Naꞌ zríꞌine̱ꞌ caꞌ weledábagabeꞌ xruze xrnabeꞌ, ne xelunbeꞌ xelátie̱ꞌ.
\v 13 Xúgute̱ bénneache xelezré̱ꞌe̱ leꞌe laweꞌ da nácale chiaꞌ nedaꞌ. Bénneaꞌ ze̱ tipe̱ꞌ ca zrindxa zra cheajsé̱ chee̱ na, la bénneaꞌ.
\p
\v 14 ’Daniel, bénneaꞌ bchálaje̱ꞌ waláz chee̱ Dios bzuaje̱ꞌ ca naca chee̱ da sban da guzría xi na. Gate léꞌele leꞌe zria da nigá lataj láꞌazxa naga quebe dxal-laꞌ cuía na, nadxa benneꞌ zaj zre̱ꞌe̱ xe̱zre caꞌ zaj nababa xe̱zr la xu Judea dxal-laꞌ xuluzrúnnuje̱ꞌ, ne chjaque̱ꞌ lu xiꞌa zren. (Benneꞌ dxulabe̱ꞌ da nigá dxal-laꞌ cheajníꞌine̱ꞌ da naca chee̱ na.)
\v 15 Nu benneꞌ zria chjuꞌu lizre̱ꞌ lu zra naꞌ quebe dxal-laꞌ xexétaje̱ꞌ chee̱ bi xebéaje̱ꞌ lu xuꞌu.
\v 16 Benneꞌ ze̱ le̱ꞌe̱ xixreꞌ quebe dxal-laꞌ xezrine̱ꞌ lizre̱ꞌ chee̱ xequé̱ꞌe̱ zra lane̱ꞌ. Dxal-laꞌ xuluzrúnnujte̱ benneꞌ caní.
\v 17 Baxacheꞌ xelaca nuꞌula zaj zue̱ꞌ ziꞌi, ne nuꞌula caꞌ zaj nuxre̱ꞌ bidu dxeꞌene lu zra naꞌ.
\v 18 Le naba lau Dios chee̱ quebe gaca beuꞌ zaga gate naꞌ dxal-laꞌ guzrúnnujle,
\v 19 laweꞌ da xelezaca zidxa bénneache lu zra caꞌan ca da quebe ne xelezácate̱ꞌ, gulala be̱n Xránadxu Dios xe̱zr la xu nigá, ne québedxa xelezácadxe̱ꞌ caꞌ.
\v 20 Che Xránadxu Dios quebe guzáchie̱ꞌ zra caꞌ, québedxa nu láqueze̱ꞌ, san ba bzachie̱ꞌ zra caꞌan laweꞌ da nazríꞌine̱ꞌ bi chee̱ꞌ caꞌ, bi caꞌ ba gucáꞌa Le̱ꞌ.
\p
\v 21 ’Lu zra naꞌ, che nu benneꞌ dxe̱ꞌe̱ leꞌe: “Le naꞌ xque, nigá zua Cristo”, u che nne̱ꞌ: “Le naꞌ xque, naꞌ ze̱ꞌ”, quebe chéajle̱le chee̱ꞌ.
\v 22 Weleláꞌ benneꞌ xelezí xe̱ꞌe̱, benneꞌ xelune̱ꞌ luꞌa Cristo, ne xelune̱ꞌ luꞌa xel-la waca chee̱ xabáa chee̱ xelezí xe̱ꞌe̱ bi caꞌ ba gucáꞌa Dios che xelezéquene̱ꞌ.
\v 23 Le sua leꞌe ban lazreꞌ. Nedaꞌ ba guchaꞌ leꞌe xúgute̱ nédxute̱ ca gaca na.
\s Ca gaca gate xida Benneꞌ Gulje̱ꞌ Bénneache
\r (Mt. 24.29-35, 42-44; Lc. 21.25-36)
\p
\v 24 Nadxa gunná Jesús:
\p ―Lu zra caꞌ, gate te zra chee̱ xel-la ziꞌ caní, naꞌ chul-la gubizra, ne québedxa guseníꞌ beuꞌ.
\v 25 Belaj caꞌ xelexruj na zran xabáa, naꞌ ca da zaj naláꞌ zaj ze̱ tipa zran xabáa welezrízete̱ na.
\v 26 Ca nadxa xeleléꞌene̱ꞌ nedaꞌ, Benneꞌ Gulje̱ꞌ Bénneache, zaꞌa lu beuj bza, napaꞌ xel-la waca zren, ne da xabáa chiaꞌ.
\v 27 Naꞌ la sél-lateaꞌ gubáz chee̱ xabáa chiaꞌ caꞌ chee̱ xuluchague̱ꞌ benneꞌ caꞌ gunníaꞌ, benneꞌ zaj zre̱ꞌe̱ dapa saca chee̱ xe̱zr la xu nigá, benneꞌ zituꞌ záꞌaca nila, záꞌaca naꞌla.
\p
\v 28 ’Le guse̱de ca naca da dxuléꞌe na ca naca chee̱ xaga higo. Gate naꞌ dxelexedxéꞌene zruze na, ne záꞌaca xrlegue na, naꞌ ba nézele za beuꞌ la.
\v 29 Cáꞌanqueze, gate naꞌ léꞌele ba dxelaca da caní, nézele ba zua gáguze zra cheajsé̱ na, ne gácate̱ na.
\v 30 Da li dxapaꞌ leꞌe, xúgute̱ da caní gaca na nédxudxa ca xelate bénneache zaj zre̱ꞌe̱ lu zra naꞌ.
\v 31 Xabáa ne xe̱zr la xu nigá wadé chee̱ na. Xrtizraꞌ nigá quebe te na caꞌanze, san waca li na.
\p
\v 32 ’Ca naca chee̱ zra naꞌ, ne chee̱ beuꞌ naꞌ quegá nu neze bata gaca na. Quebe zaj neze gubáz chee̱ xabáa, ne Zríꞌinequeze Dios quebe nézene̱ꞌ. Tuze Xradxu Dios nézene̱ꞌ.
\p
\v 33 ’Chee̱ le̱ naꞌ, le sua leꞌe ban lazreꞌ. Le guxúe, ne le guchálajle̱ Dios laweꞌ da quebe nézele bátala zrin zra naꞌ.
\v 34 Gaca na ca guca chee̱ tu benneꞌ biu, benneꞌ guzé̱ꞌe̱ zéaje̱ꞌ zituꞌ. Gate naꞌ za dxúaje̱ꞌ xuꞌu, naꞌ dxudée̱ꞌ da nape̱ꞌ lu naꞌ bi we̱n zrin chee̱ꞌ caꞌ, ne dxunézruje̱ꞌ tu tubeꞌ zrin da xelunbeꞌ, ne dxusebague̱ꞌ benneꞌ ze̱ꞌ dxa xuꞌu guxúe xánnie̱ꞌ.
\v 35 Chee̱ le̱ naꞌ, le sua leꞌe ban lazreꞌ laweꞌ da quebe nézele leꞌe bátala xeláꞌ xrane xuꞌu, che dxe xrínneze, che dxe̱la, che ca cuezre xjeaj, che che zílala,
\v 36 ga gaze xelé̱ꞌe̱ chadí dute̱, naꞌ cheajxraque̱ꞌ leꞌe dxásele.
\v 37 Ca da dxenníaꞌ, dxapaꞌ leꞌe, dxapaꞌ xúgute̱ benneꞌ: ¡Le sua ban lazreꞌ!
\c 14
\s Dxelexegáꞌane̱ꞌ dizraꞌ chee̱ xele̱l-le̱ꞌ Jesús
\r (Mt. 26.1-5; Lc. 22.1-2; Jn. 11.45-53)
\p
\v 1 Xechupa zra za zrin chee̱ xelune̱ꞌ laní chee̱ xulusá lazre̱ꞌ ca naca da be̱n Dios gate naꞌ bebéaje̱ꞌ benneꞌ Israel caꞌ lu xe̱zr la xu Egipto, laní naꞌ dxelawe̱ꞌ xeta xtila da quebe nachixre cua zichaj chee̱ na. Naꞌ benneꞌ xíchaje̱ caꞌ chee̱ bxruze caꞌ, ne benneꞌ dxuluxuzájle̱ꞌe̱ da nadxixruj bea Dios belilaj lazre̱ꞌ ájala xelune̱ꞌ chee̱ xele̱l-le̱ꞌ Jesús bagácheze chee̱ xelútie̱ꞌ Le̱ꞌ.
\v 2 Naꞌ gulenné̱ꞌ:
\p ―Quegá gundxu na lu laní, chee̱ quebe dxeꞌena zraga bénneache.
\s Tu nuꞌula dxegüé̱ꞌe̱ da za xichaj Jesús
\r (Mt. 26.6-13; Jn. 12.1-8)
\p
\v 3 Zua Jesús lu xe̱zre Betania, lu lizre tu benneꞌ le̱ꞌ Simón, benneꞌ guzríe̱ꞌ we̱ꞌ guzruꞌ. Dxácate̱ zaj dxeꞌe̱ dxelawe̱ꞌ naꞌ, naꞌ bzrin tu nuꞌula nuꞌe̱ tu da dauꞌ da naca na xiaj xrtan da nazí le na alabastro, ne nazrate̱ na da za da dxelá zixre chee̱ xiaj nardo, da zácale̱ꞌe̱ na. Naꞌ gulé̱ꞌe̱ da dauꞌ naꞌ, ne blálaje̱ꞌ da za naꞌ xichaj Jesús.
\v 4 Bal-la benneꞌ caꞌ, benneꞌ zaj zre̱ꞌe̱ naꞌ, belezré̱ꞌe̱, naꞌ gulenné̱ꞌ, dxelé̱ ljwezre̱ꞌ:
\p ―¿Bizr chee̱ naꞌ be̱n ditaj nuꞌula nigá da za naꞌ?
\v 5 Waca taꞌu da naꞌ chee̱ sídxadxu ca lázrujdxu chee̱ tu iza, chee̱ gácale̱dxu benneꞌ xacheꞌ caꞌ. Naꞌ guledil-le̱ꞌ nuꞌulaꞌ.
\p
\v 6 Naꞌ Jesús guzre̱ꞌ le̱ꞌ:
\p ―Quebe xe̱le nuꞌula nigá caꞌ. ¿Bizr chee̱ naꞌ dxunle le̱ꞌ ze̱de? Ca naca da be̱n nuꞌula nigá chiaꞌ nedaꞌ naca na da cháwele̱ꞌe̱.
\v 7 Benneꞌ xacheꞌ caꞌ tu zrázqueze̱ꞌ ládujla leꞌe. Waca gunle benneꞌ caꞌ chaweꞌ gate dxaca lázrele, san nedaꞌ quegá tu súale̱zaꞌ leꞌe.
\v 8 Nuꞌula nigá be̱ne̱ꞌ ca da guzéquene̱ꞌ, guluꞌe̱ da za be̱l-laꞌ dxen chiaꞌ nédxula chee̱ zra gate gachiaꞌ lu xe̱dxu ba.
\v 9 Da li dxapaꞌ leꞌe, gátete̱ze naꞌ gaca lban chee̱ dizraꞌ chaweꞌ chiaꞌ lu xúgute̱ xe̱zre zaj nnita xe̱zr la xu nigá, cáꞌanqueze zrálajqueze ca naca da be̱n nuꞌula nigá, chee̱ xulusá lazre̱ꞌ chee̱ꞌ.
\s Judas dxexegáꞌane̱ꞌ dizraꞌ gudée̱ꞌ Jesús lu naꞌ benneꞌ caꞌ dxeledábague̱ꞌ Le̱ꞌ
\r (Mt. 26.14-16; Lc. 22.3-6)
\p
\v 10 Nadxa Judas Iscariote, tu benneꞌ chazrinnu caꞌ dxuse̱de Jesús, guxíaje̱ꞌ xeajchálajle̱ne̱ꞌ benneꞌ xíchaje̱ caꞌ chee̱ bxruze caꞌ chee̱ xelexegáꞌane̱ꞌ dizraꞌ ájala gune̱ꞌ gudée̱ꞌ Jesús lu naꞌ benneꞌ caꞌ.
\v 11 Ca belén benneꞌ caꞌ ca gunná Judas, gulebéle̱ꞌe̱ne̱ꞌ, naꞌ guleche̱be lazre̱ꞌ xulunézruje̱ꞌ le̱ꞌ dumí. Nadxa Judas guzú lawe̱ꞌ dxexílaje̱ꞌ ájala gudée̱ꞌ Jesús lu naꞌ benneꞌ caꞌ.
\s Da dxágudxu chee̱ gusá lázredxu ca gute Jesús
\r (Mt. 26.17-29; Lc. 22.7-23; Jn. 13.21-30; 1 Co. 11.23-26)
\p
\v 12 Zra nedxu chee̱ laní gate dxelawe̱ꞌ xeta xtila da quebe nachixre cua zichaj chee̱ na, ne dxelutie̱ꞌ zrílaꞌdauꞌ chee̱ Laní Pascua, gate naꞌ dxulusá lazre̱ꞌ ca guca gate bebéaj Dios benneꞌ Israel caꞌ lu xe̱zr la xu Egipto, naꞌ benneꞌ caꞌ dxuse̱de Jesús buluche̱be̱ꞌ Le̱ꞌ:
\p ―¿Gazra dxaca lazruꞌ chéajntuꞌ cheajcuézentuꞌ da gágudxu Laní Pascua?
\p
\v 13 Nadxa Jesús gusel-le̱ꞌ chupa benneꞌ caꞌ dxusé̱dene̱ꞌ. Dxe̱ꞌe̱ le̱ꞌ:
\p ―Le chjaca lu xe̱zre Jerusalén, naꞌ cheajxrácale tu benneꞌ biu ze nuꞌe̱ tu dxeꞌe nisa. Le chjácale̱ne̱ꞌ,
\v 14 naꞌ naga xexuꞌe̱, xe̱le benneꞌ xrane xuꞌu naꞌ: “Benneꞌ Wese̱de chee̱dxu dxenné̱ꞌ: ¿Gazra zua xuꞌu naga gunaꞌ Laní Pascua, chee̱ gawaꞌ tu zren nen benneꞌ caꞌ dxusé̱dedaꞌ?”
\v 15 Nadxa guléꞌene̱ꞌ leꞌe tu xuꞌu zren da naca na gudxupeꞌ cuía sibe da bache nabeza na. Naꞌ gucuézale da gágudxu.
\p
\v 16 Nadxa benneꞌ caꞌ dxusé̱dene̱ꞌ belexedxúaje̱ꞌ gusáꞌaque̱ꞌ, naꞌ belezrine̱ꞌ xe̱zre Jerusalén. Naꞌ guca xúgute̱ ca da ba guzre Jesús le̱ꞌ, naꞌ bulucueze̱ꞌ da xelawe̱ꞌ lu Laní Pascua.
\p
\v 17 Ca gula chizrela, naꞌ bzrin Jesús nen benneꞌ chazrinnu caꞌ dxusé̱dene̱ꞌ.
\v 18 Naꞌ ca zaj dxeꞌe̱ dxelawe̱ꞌ, naꞌ gunná Jesús, dxe̱ꞌe̱ le̱ꞌ:
\p ―Da li dxapaꞌ leꞌe, tu benneꞌ ládujla leꞌe, benneꞌ dxawe̱ꞌ tu zren nen nedaꞌ, gudée̱ꞌ nedaꞌ lu naꞌ benneꞌ caꞌ dxeledábague̱ꞌ nedaꞌ.
\p
\v 19 Nadxa benneꞌ caꞌ gulezúa xácheze̱ꞌ, ne gulezú lawe̱ꞌ dxuluche̱be̱ꞌ Jesús tu tue̱ꞌ:
\p ―¿Nedaꞌ xcaꞌ?
\p Naꞌ xetúe̱ꞌ cáꞌanqueze guzre̱ꞌ Le̱ꞌ:
\p ―¿Nedaꞌ xcaꞌ?
\p
\v 20 Nadxa beche̱be Jesús, dxe̱ꞌe̱ le̱ꞌ:
\p ―Tu benneꞌ ládujla leꞌe chazrínnule, benneꞌ dxawe̱ꞌ tu zren nen nedaꞌ lu xéꞌena nigá.
\v 21 Da li gatiaꞌ nedaꞌ, Benneꞌ Gulje̱ꞌ Bénneache, ca da naxúaj na chiaꞌ lu xiche chee̱ Dios. Baxacheꞌ naca chee̱ benneꞌ naꞌ gudée̱ꞌ nedaꞌ lu naꞌ benneꞌ caꞌ dxeledábague̱ꞌ nedaꞌ. Cháwedxa gaca chee̱ bénneaꞌ la ca gúlaje̱ꞌ.
\p
\v 22 Dxácate̱ zaj zre̱ꞌe̱ dxelawe̱ꞌ, naꞌ gucáꞌa Jesús xeta xtila, ne guzre̱ꞌ Dios: “Xcalenuꞌ.” Ca gudé bzúzruje̱ꞌ na, naꞌ bnézruje̱ꞌ na chee̱ benneꞌ caꞌ, ne guzre̱ꞌ le̱ꞌ:
\p ―Le gagu na. Da nigá dxuléꞌe na ca gaca chee̱ be̱l-laꞌ dxen chiaꞌ.
\p
\v 23 Nadxa guqué̱ꞌe̱ tu da dxéꞌajdxu, ne ca gudé guzre̱ꞌ Dios: “Xcalenuꞌ”, naꞌ bnézruje̱ꞌ na benneꞌ caꞌ, naꞌ xúgute̱ꞌ guléꞌaje̱ꞌ lateꞌ weaj da naꞌ.
\v 24 Nadxa Jesús guzre̱ꞌ le̱ꞌ:
\p ―Da nigá zéaje̱ na dxen chiaꞌ da dxucáꞌana chawe na xel-la wezría cube. Dxen chiaꞌ nigá lalaj na ne̱ chee̱ benneꞌ zan.
\v 25 Da li dxapaꞌ leꞌe, québedxa xíꞌajaꞌ xrise uva caní ca zrindxa zra gate naꞌ xíꞌajaꞌ da cube naga dxenná bea Dios xabáa.
\s Dxuléꞌe Jesús nna Pedro quebe núnbe̱ꞌe̱ Jesús
\r (Mt. 26.30-35; Lc. 22.31-34; Jn. 13.36-38)
\p
\v 26 Ca gudé belul-le̱ꞌ da gaca ba Dios, naꞌ belegüene̱ꞌ lu Xiꞌa Xaga Olivo Caꞌ.
\v 27 Nadxa gunná Jesús, dxe̱ꞌe̱ le̱ꞌ:
\p ―Xúgute̱le leꞌe gusán lázrele nedaꞌ naꞌa xe̱la laweꞌ da naxúaj na lu xiche chee̱ Dios, dxenné̱ꞌ: “Gutiaꞌ benneꞌ dxuxúe̱ꞌ zrilaꞌ caꞌ, naꞌ zrilaꞌ caꞌ welase dínnajbaꞌ.”
\v 28 Gate te xebanaꞌ lu xe̱dxu ba, wexáꞌa nedaꞌ nédxula ca leꞌe naga nababa Galilea.
\p
\v 29 Nadxa Pedro guzre̱ꞌ Jesús:
\p ―Láqueze xúgute̱ benneꞌ caní xulusán lazre̱ꞌ Lueꞌ, nedaꞌ québequeze gunaꞌ caꞌ.
\p
\v 30 Jesús guzre̱ꞌ le̱ꞌ:
\p ―Da li dxapaꞌ lueꞌ, lu xe̱la nigaze, nédxula ca za cuezre xjeaj chupa lasa, nnauꞌ chunna lasa quebe núnbeꞌu nedaꞌ.
\p
\v 31 Naꞌ dxennáqueze Pedro naꞌ, gunné̱ꞌ:
\p ―Láqueze gatiaꞌ tu zren nen Lueꞌ, québequeze nniaꞌ quebe núnbeꞌa Lueꞌ.
\p Cáꞌanqueze gulenná xúgute̱ꞌ.
\s Jesús dxuchálajle̱ne̱ꞌ Dios tu lataj nazí le na Getsemaní
\r (Mt. 26.36-46; Lc. 22.39-46)
\p
\v 32 Nadxa belezrine̱ꞌ tu lataj naga nazí le na Getsemaní, naꞌ gunná Jesús, dxe̱ꞌe̱ benneꞌ caꞌ dxusé̱dene̱ꞌ:
\p ―Le cueza nigá dxácate̱ chaꞌa cheajchálajle̱naꞌ Dios.
\p
\v 33 Nadxa Jesús guché̱ꞌe̱ Pedro, ne Jacobo, ne Juan, naꞌ guzú lau dxezúa xácheꞌle̱ꞌe̱.
\v 34 Naꞌ dxe̱ꞌe̱ benneꞌ caꞌ, dxenné̱ꞌ:
\p ―Ba dxunte̱ na watiaꞌ laweꞌ da zua xácheꞌle̱ꞌa. Le xegáꞌana leꞌe nigá, ne le sua ban lazreꞌ.
\p
\v 35 Nadxa Jesús guzé̱ꞌe̱ zéaje̱ꞌ xelateꞌ ca naꞌla, naꞌ guzúe̱ꞌ sudxúꞌala, gunabe̱ꞌ Dios che gaca, quebe tée̱ꞌ xel-la ziꞌ ca da dxal-laꞌ saque̱ꞌ lu zra naꞌ.
\v 36 Ca dxuchálajle̱ne̱ꞌ Dios naꞌ, gunné̱ꞌ:
\p ―Xrae, xúgute̱ wazéquenuꞌ Lueꞌ. Bselá nedaꞌ chee̱ quebe saca ziꞌa lu da caní. Quebe gaca ca dxaca lázrezaꞌ nedaꞌ, san ca dxaca lazruꞌ Lueꞌ gaca na.
\p
\v 37 Nadxa bezrine̱ꞌ naga zaj zraꞌ benneꞌ caꞌan dxusé̱dene̱ꞌ, ne xeajxraque̱ꞌ le̱ꞌ dxelásie̱ꞌ. Naꞌ Jesús guzreꞌ Pedro:
\p ―Simón, ¿dxásequezuꞌ nigá? ¿Quebe guzéquenuꞌ gusebán lazruꞌ tu chíꞌidauꞌze?
\v 38 Le sua ban lazreꞌ, ne le guchálajle̱ Dios chee̱ quebe gun zréaje da xriwe̱ꞌ leꞌe. Da li, lu xichaj lázrdaule dxaca lázrele gunle da xrlátaje, san lu be̱laꞌ dxen chee̱le dxate niꞌa naꞌle.
\p
\v 39 Nadxa Jesús guxíaje̱ꞌ da xula zeajchálajle̱ne̱ꞌ Dios, naꞌ tuze ca dxenné̱ꞌ.
\v 40 Nadxa ca bezrine̱ꞌ, xecha lasa xeajxraque̱ꞌ benneꞌ caꞌan dxusé̱dene̱ꞌ, dxelásie̱ꞌ laweꞌ da xuꞌu bchigala xiaj lawe̱ꞌ. Benneꞌ caní quebe belexezrela lazre̱ꞌ bi xelé̱ꞌe̱ Le̱ꞌ.
\v 41 Naꞌ ca bezrín Jesús da guxunneꞌ lasa, naꞌ guzre̱ꞌ benneꞌ caꞌ:
\p ―¡Le gase naꞌa, ne le xezíꞌ lázreꞌ! ¡Bache na! ¡Ba bzrin zra teaꞌ nedaꞌ, Benneꞌ Gulje̱ꞌ Bénneache, lu naꞌ benneꞌ dul-la caꞌ!
\v 42 ¡Le chasa! ¡Le chuꞌu naꞌa! ¡Ba za benneꞌ gudée̱ꞌ nedaꞌ lu naꞌ benneꞌ caꞌ dxeledábague̱ꞌ nedaꞌ!
\s Dxele̱l-le̱ꞌ Jesús
\r (Mt. 26.47-56; Lc. 22.47-53; Jn. 18.2-11)
\p
\v 43 Dxácate̱ dxuchalaj Jesús caní, naꞌ bzrin Judas, tu benneꞌ nabábale̱ne̱ꞌ benneꞌ chazrinnu caꞌ dxuse̱de Jesús, naꞌ zjácale̱ benneꞌ zan le̱ꞌ, zaj nuꞌe̱ xia nalá, ne xaga caꞌ. Zaj naque̱ꞌ benneꞌ gulesel-la benneꞌ xíchaje̱ caꞌ chee̱ bxruze caꞌ, ne benneꞌ caꞌ dxuluxuzájle̱ꞌe̱ da nadxixruj bea Dios, ne benneꞌ gula sina caꞌ.
\v 44 Judas, benneꞌ dxudée̱ꞌ Jesús lu naꞌ benneꞌ caꞌ dxeledábague̱ꞌ Le̱ꞌ, ba bléꞌene̱ꞌ benneꞌ caꞌ tu da gune̱ꞌ da gaca bea na nule̱ꞌ naca Jesús, gunné̱ꞌ:
\p ―Bénneaꞌ gunupaꞌ, benneꞌ naꞌ qué̱l-lale. Le xeché̱ꞌe̱, ne le guxúe xanneꞌ chee̱ quebe xelé̱ꞌ.
\p
\v 45 Naꞌ ca bzrine̱ꞌ naꞌ, gubigue̱ꞌ lau Jesús, ne dxe̱ꞌe̱ Le̱ꞌ:
\p ―Benneꞌ Wese̱de.
\p Naꞌ bnupe̱ꞌ Le̱ꞌ.
\v 46 Nadxa benneꞌ caꞌ gule̱l-le̱ꞌ Jesús, ne belexeché̱ꞌe̱ Le̱ꞌ ba nadxéaje̱ꞌ.
\p
\v 47 Tu benneꞌ dxune̱ꞌ Jesús tu zren guléaje̱ꞌ xia nalá chee̱ꞌ, naꞌ guchugue̱ꞌ naga tu bi we̱n zrin chee̱ bxruze blau.
\v 48 Nadxa Jesús guzre̱ꞌ benneꞌ caꞌ:
\p ―¿Bdxuajle leꞌe zale nen xia nalá, ne xaga caꞌ chee̱ qué̱l-lale nedaꞌ, dxugúnele nedaꞌ ca tu benneꞌ gubán?
\v 49 Xúgute̱ zra guzúaꞌ nedaꞌ ládujla leꞌe dxusé̱dedaꞌ leꞌe lu xudauꞌ, naꞌ cabataꞌ gudé̱l-lale nedaꞌ. Da nigá dxaca na chee̱ gaca li ca da naxúaj na lu xiche chee̱ Dios.
\p
\v 50 Nadxa xúgute̱ benneꞌ caꞌ dxuse̱de Jesús bulusán lazre̱ꞌ Le̱ꞌ. Buluzrúnnuje̱ꞌ.
\s Dxuzrunnuj tu bi cuideꞌ
\p
\v 51 Tu bi cuideꞌ, bi zéajle̱beꞌ Jesús, ne nácubeꞌ tu ladxeꞌ laga, gule̱l-la benneꞌ caꞌ le̱beꞌ.
\v 52 Naꞌ bsanbeꞌ ladxeꞌ laga da nácubeꞌ, naꞌ bzrúnnujbeꞌ gala xídezebeꞌ.
\s Dxezrín Jesús lau benneꞌ caꞌ chee̱ xuꞌu laweꞌ blau
 chee̱ judío caꞌ
\r (Mt. 26.57-68; Lc. 22.54-55, 63-71; Jn. 18.12-14, 19-24)
\p
\v 53 Nadxa beleché̱ꞌe̱ Jesús lau bxruze blau, naꞌ belezraga xúgute̱ benneꞌ xíchaje̱ caꞌ chee̱ bxruze caꞌ ga naꞌ, ne benneꞌ gula sina caꞌ, ne benneꞌ caꞌ dxuluxuzájle̱ꞌe̱ da nadxixruj bea Dios.
\v 54 Pedro nawe̱ꞌ Jesús zítuꞌla, naꞌ bzrine̱ꞌ chaleꞌaj chee̱ lizre bxruze blau, naga begáꞌane̱ꞌ tu zren nen zruza niꞌa naꞌ benneꞌ xuꞌu laweꞌ caꞌ, dxuluxuché̱ꞌe̱ dxuꞌa xiꞌ.
\p
\v 55 Naꞌ bxruze blau, ne xúgute̱ benneꞌ chee̱ xuꞌu laweꞌ blau chee̱ judío caꞌ gulíl-laje̱ꞌ tu da gagu na zria Jesús chee̱ xelezéquene̱ꞌ xuluzría xiꞌe̱ Le̱ꞌ chee̱ gatie̱ꞌ, naꞌ quebe bi belezrélene̱ꞌ.
\v 56 Benneꞌ zante̱ belún lazre̱ꞌ chee̱ Jesús. Quebe bedxúaj dizraꞌ chee̱ꞌ tuze ca dxelenné̱ꞌ tue̱ꞌ ne xetúe̱ꞌ.
\v 57 Bal-le̱ꞌ belase̱ꞌ, naꞌ gulagu zría Jesús da we̱n lazreꞌ, dxelenné̱ꞌ:
\p
\v 58 ―Netuꞌ ba bénnentuꞌ chee̱ꞌ, gunné̱ꞌ: “Nedaꞌ guchínnajaꞌ xudauꞌ nigá da belún bénneache, naꞌ ca gaca chunna zra xechisaꞌ xetú xudauꞌ da quebe xelún bénneache.”
\p
\v 59 Cáꞌanqueze quebe butil-le ca da dxelenné̱ꞌ.
\p
\v 60 Nadxa bxruze blau guxase̱ꞌ ládujla xúgute̱ benneꞌ caꞌ, naꞌ bche̱be̱ꞌ Jesús:
\p ―¿Québequeze bi dizraꞌ dxuxuzriꞌu Lueꞌ? ¿Bizra da nigá dxelenné̱ꞌ chiuꞌ Lueꞌ?
\p
\v 61 Jesús guzúe̱ꞌ zrize, ne gútuqueze bi dizraꞌ buzriꞌe̱. Naꞌ bxruze blau bche̱be̱ꞌ Le̱ꞌ xecha lasa, dxenné̱ꞌ:
\p ―¿Nacuꞌ Lueꞌ Cristo, Zriꞌine Dios Láꞌazxa?
\p
\v 62 Naꞌ gunná Jesús, dxe̱ꞌe̱ le̱ꞌ:
\p ―Aweꞌ, caꞌ nacaꞌ. Waléꞌele nedaꞌ, Benneꞌ Gulje̱ꞌ Bénneache, dxeꞌa chaláꞌa xabe̱la chee̱ Dios, nape̱ꞌ dute̱ xel-la waca. Waléꞌele nedaꞌ zezáꞌa lu beuj bza.
\p
\v 63 Nadxa bxruze blau gucheze̱ꞌ zra lane̱ꞌ, naꞌ gunné̱ꞌ:
\p ―¿Núzradxa nachínedxu benneꞌ xelagu zria Le̱ꞌ?
\v 64 Leꞌe bache bénquezle ca dxenné̱ꞌ schanniꞌ chee̱ Dios. ¿Bi dxennale leꞌe xcaꞌ?
\p Xúgute̱ benneꞌ caꞌ gulenné̱ꞌ:
\p ―Nabía xiꞌe̱ dxal-la gatie̱ꞌ.
\p
\v 65 Nadxa bal-la benneꞌ caꞌ gulezú lawe̱ꞌ dxuluzré̱ꞌe̱ Le̱ꞌ zrene̱ꞌ, naꞌ bulucache̱ꞌ lau Jesús, ne buluzálaje̱ꞌ Le̱ꞌ. Dxelenné̱ꞌ:
\p ―Gunné̱ xaꞌa nuzra dxue Lueꞌ.
\p Naꞌ benneꞌ zruza niꞌa naꞌ benneꞌ xuꞌu laweꞌ belúꞌe̱ lau Jesús.
\s Dxenná Pedro quebe núnbeꞌe̱ Jesús
\r (Mt. 26.69-75; Lc. 22.56-62; Jn. 18.15-18, 25-27)
\p
\v 66 Pedro guzúe̱ꞌ lu chaleꞌaj zrila, naꞌ bzrin tu nuꞌula we̱n zrin chee̱ bxruze blau,
\v 67 naꞌ ca bleꞌebeꞌ Pedro dxeꞌe̱ dxuꞌa xiꞌ dxuxuchéꞌe̱, naꞌ gunnáꞌabeꞌ le̱ꞌ, ne gúzrebeꞌ le̱ꞌ:
\p ―Lueꞌ dxedále̱quezuꞌ Jesús, benneꞌ Nazaret naꞌ.
\p
\v 68 Naꞌ beche̱be Pedro, dxenné̱ꞌ:
\p ―Quebe núnbeꞌa bénneaꞌ, ne quebe nezdaꞌ nu chee̱ naꞌ dxuchálajuꞌ.
\p Naꞌ bedxúaj Pedro chaleꞌaj naga dxeluꞌe̱. Nadxa gudxezre xjeaj.
\v 69 Nadxa nuꞌula we̱n zrin chee̱ bxruze blau naꞌ gunnáꞌabeꞌ Pedro xecha lasa, naꞌ gunabeꞌ, dxe̱ꞌe̱beꞌ benneꞌ caꞌ zaj zre̱ꞌe̱ naꞌ:
\p ―Benneꞌ nigá naque̱ꞌ tuze benneꞌ caꞌan.
\p
\v 70 Pedro xecha lasa bzue̱ꞌ Jesús chaláꞌala. Xetú chíꞌidauꞌ benneꞌ caꞌ zaj zre̱ꞌe̱ naꞌ gulé̱ꞌe̱ Pedro xecha lasa:
\p ―Da líqueze lueꞌ nacuꞌ tuze benneꞌ caꞌan laweꞌ da nacuꞌ benneꞌ chee̱ xe̱zre caꞌ zaj nababa Galilea. Ca dxuchálajuꞌ naca bea na da naꞌ.
\p
\v 71 Nadxa Pedro guzú lawe̱ꞌ dxuzría xiꞌ cuine̱ꞌ, ne be̱n chúchue̱ꞌ xrtizre̱ꞌ, gunné̱ꞌ:
\p ―Quebe núnbeꞌa bénneaꞌ dxennale leꞌe caꞌ.
\p
\v 72 Caꞌan guca, gudxezre xjeaj da gudxupeꞌ lasa. Nadxa Pedro xeajsá lazre̱ꞌ ca da guzre Jesús le̱ꞌ, gunné̱ꞌ: “Nédxudxa ca za cuezre xjeaj chupa lasa, lueꞌ nnauꞌ chunna lasa quebe núnbeꞌu nedaꞌ.” Naꞌ ca xeajsá lazre̱ꞌ da nigá, gudxézrele̱ꞌe̱.
\c 15
\s Dxezrín Jesús lau Pilato
\r (Mt. 27.1-2, 11-14; Lc. 23.1-5; Jn. 18.28-38)
\p
\v 1 Ca guxaníꞌ che zila, naꞌ benneꞌ xíchaje̱ caꞌ chee̱ bxruze caꞌ belexedupe̱ꞌ nen benneꞌ gula sina caꞌ, ne benneꞌ caꞌ dxuluxuzájle̱ꞌe̱ da nadxixruj bea Dios, ne xúgute̱ benneꞌ chee̱ xuꞌu laweꞌ blau chee̱ judío caꞌ. Guleché̱ꞌe̱ Jesús nadxéaje̱ꞌ, naꞌ buludée̱ꞌ Le̱ꞌ lu naꞌ Pilato.
\v 2 Pilato gunábene̱ꞌ Jesús:
\p ―¿Nacuꞌ Lueꞌ wenná bea chee̱ judío caꞌ?
\p Naꞌ beche̱be Jesús:
\p ―Caꞌ naca na, ca ba gunnáuꞌ lueꞌ.
\p
\v 3 Naꞌ benneꞌ xíchaje̱ caꞌ chee̱ bxruze caꞌ gulawe̱ꞌ zria Jesús da zante̱.
\v 4 Nadxa Pilato gunábene̱ꞌ Jesús xecha lasa:
\p ―¿Quebe bi dizraꞌ dxuzriꞌu? Gunnáꞌxque ca da zánete̱ da dxelawe̱ꞌ zria Lueꞌ.
\p
\v 5 Jesús quebe bi dizraꞌ ca buzriꞌe̱. Caꞌ guca, bebánele̱ꞌe̱ Pilato.
\s Dxelichaj beꞌe̱ gate Jesús
\r (Mt. 27.15-31; Lc. 23.13-25; Jn. 18.38―19.16)
\p
\v 6 Pilato zua tu da dxúnqueze̱ꞌ tu iza tu iza gate dxaca Laní Pascua. Dxusane̱ꞌ tu benneꞌ xuꞌe̱ lizre xia, nútete̱ze benneꞌ xelenaba bénneache caꞌ le̱ꞌ.
\v 7 Lu xuꞌu lizre xia naꞌ xuꞌu tu benneꞌ le̱ꞌ Barrabás, benneꞌ nune̱ꞌ tu zren benneꞌ caꞌ belutie̱ꞌ benneꞌ caꞌ, gate naꞌ gudíl-lale̱ne̱ꞌ benneꞌ Roma caꞌ.
\v 8 Naꞌ belezrín lau Pilato benneꞌ xe̱zre caꞌ, ne gulezú lawe̱ꞌ dxelenabe̱ꞌ lau Pilato gune̱ꞌ ca dxúnqueze̱ꞌ.
\v 9 Naꞌ beche̱be Pilato:
\p ―¿Dxaca lázrele leꞌe gusanaꞌ bénneaꞌ naque̱ꞌ wenná bea chee̱ judío caꞌ?
\p
\v 10 Caní gunná Pilato laweꞌ da dxeque beꞌene̱ꞌ buludée̱ꞌ benneꞌ xíchaje̱ caꞌ chee̱ bxruze caꞌ Jesús lu ne̱ꞌe̱ laweꞌ da dxelaque̱ꞌ zreꞌe lazreꞌ Le̱ꞌ.
\v 11 Naꞌ benneꞌ xíchaje̱ caꞌ chee̱ bxruze caꞌ beleché̱ꞌe̱ benneꞌ xe̱zre caꞌ, ne gulegúꞌu xel-le̱ꞌ le̱ꞌ chee̱ xelexenabe̱ꞌ lau Pilato gusane̱ꞌ Barrabás.
\v 12 Nadxa Pilato gunábene̱ꞌ benneꞌ caꞌ:
\p ―¿Bi dxaca lázrele leꞌe gunaꞌ chee̱ bénneaꞌ naque̱ꞌ wenná bea chee̱ judío caꞌ?
\p
\v 13 Nadxa belexeche̱be̱ꞌ, gulenné̱ꞌ zizraj:
\p ―Bde̱ꞌe̱ xaga béguaj.
\p
\v 14 Naꞌ Pilato bche̱be̱ꞌ benneꞌ caꞌ:
\p ―¿Bizra da cale̱la nun benne?
\p Xecha lasa gulenné̱ꞌ zizraj:
\p ―Bde̱ꞌe̱ xaga béguaj.
\p
\v 15 Nadxa Pilato bsane̱ꞌ Barrabás laweꞌ da dxaca lazre̱ꞌ xegáꞌane̱ꞌ chaweꞌ nen benneꞌ xe̱zre caꞌ. Naꞌ ca gudé naꞌ bsebague̱ꞌ benneꞌ caꞌ xeline̱ꞌ Jesús tu xide, naꞌ bdee̱ꞌ Le̱ꞌ lu naꞌ benneꞌ caꞌ chee̱ xuludé̱ꞌe̱ Le̱ꞌ xaga béguaj.
\p
\v 16 Nadxa benneꞌ dxjaque̱ꞌ wedil-la guleché̱ꞌe̱ Jesús lu chaleꞌaj xuꞌu laweꞌ, naꞌ bulutupe̱ꞌ xúgute̱ ljwezreꞌ benneꞌ dxjaque̱ꞌ wedil-la lataj naꞌ.
\v 17 Naꞌ bulugácue̱ꞌ Jesús tu ladxeꞌ bzawe, ne buluzríe̱ꞌ xíchaje̱ꞌ tu da zaj nune̱ꞌ nen zruze xaga xecheꞌ.
\v 18 Nadxa gulezú lawe̱ꞌ dxelenné̱ꞌ zizraj:
\p ―¡Gaca ba wenná bea chee̱ judío caꞌ!
\p
\v 19 Naꞌ belúꞌe̱ xichaj Jesús nen tu xia xtila, ne buluzré̱ꞌe̱ Le̱ꞌ zrene̱ꞌ. Naꞌ buluzú zribe̱ꞌ lawe̱ꞌ, dxelape̱ꞌ Le̱ꞌ ba láꞌana.
\v 20 Ca gudé bulucáꞌana dítaje̱ꞌ Le̱ꞌ caní, naꞌ belexeguꞌe̱ ladxeꞌ bzawe, naꞌ buluxugácue̱ꞌ Le̱ꞌ zra láꞌanaqueze̱ꞌ. Nadxa belexebéaje̱ꞌ Le̱ꞌ chee̱ chjaque̱ꞌ naga xuludé̱ꞌe̱ Le̱ꞌ xaga béguaj.
\s Dxuludé̱ꞌe̱ Jesús xaga béguaj
\r (Mt. 27.32-44; Lc. 23.26-43; Jn. 19.17-27)
\p
\v 21 Tu benneꞌ chee̱ xe̱zre Cirene le̱ꞌ Simón, xra Alejandro, ne Rufo, zezé̱ꞌe̱ le̱ꞌe̱ xixreꞌ, naꞌ ca bedée̱ꞌ naꞌ, naꞌ bulusebague̱ꞌ le̱ꞌ guꞌe̱ xaga béguaj chee̱ Jesús.
\p
\v 22 Guleché̱ꞌe̱ Jesús tu lataj nazí le na Gólgota, da zéaje̱ na “Lataj Chee̱ Zrita Xichaj Benneꞌ Gate.”
\v 23 Nadxa bulunézruje̱ꞌ Jesús xrise uva wal-la da nachixre da slaꞌ chee̱ mirra. Jesús quebe guꞌe̱ na.
\v 24 Nadxa buludé̱ꞌe̱ Le̱ꞌ xaga béguaj, naꞌ benneꞌ dxjaque̱ꞌ wedil-la gulebéaje̱ꞌ da guléꞌe na nule̱ꞌ xelexale̱ꞌ zra lana Jesús, naꞌ bila xelexúa tu tue̱ꞌ.
\p
\v 25 Guca che zílala gate naꞌ buludé̱ꞌe̱ Jesús xaga béguaj.
\v 26 Buludé̱ꞌe̱ da naxúaj xichaj xaga béguaj chee̱ Jesús da dxuléꞌe na da nabague̱ꞌ, da naxúaj na caní: “Wenná Bea Chee̱ Judío Caꞌ.”
\v 27 Cuita Jesús buludé̱ꞌe̱ le̱ꞌe xaga béguaj caꞌ chupa benneꞌ gubán, tue̱ꞌ chaláꞌa xabe̱la chee̱ꞌ, ne xetúe̱ꞌ chaláꞌa xéglala chee̱ꞌ.
\v 28 Caꞌan guca, guca li ca da naxúaj na lu xiche chee̱ Dios naga dxenné̱ꞌ caní: “Buluzue̱ꞌ Le̱ꞌ tu zren nen benneꞌ we̱n da zrinnaj caꞌ.”
\p
\v 29 Naꞌ benneꞌ dxeledée̱ꞌ naꞌ gulenné̱ꞌ schanniꞌ chee̱ Jesús, ne buluté̱ꞌ xíchaje̱ꞌ, dxelenné̱ꞌ:
\p ―Aweꞌ. Guchínnajuꞌ Lueꞌ xudauꞌ chee̱ntuꞌ, naꞌ gate gaca chunna zra, naꞌ xechisuꞌ na.
\v 30 Bselá cuinuꞌ naꞌa, ne bexetaj le̱ꞌe xaga béguaj naꞌ.
\p
\v 31 Cáꞌanqueze belún benneꞌ xíchaje̱ caꞌ chee̱ bxruze caꞌ, ne benneꞌ dxuluxuzájle̱ꞌe̱ da nadxixruj bea Dios. Belún le̱ꞌ chee̱ Jesús, dxelé̱ꞌ ljwezre̱ꞌ:
\p ―Benneꞌ xula bselá benne, san Le̱ꞌ québequeze dxezéquene̱ꞌ guselá cuine̱ꞌ.
\v 32 Lueꞌ, Cristo, wenná bea chee̱ benneꞌ Israel, bexetaj le̱ꞌe̱ xaga béguaj naꞌ chee̱ leꞌentuꞌ, naꞌ chéajle̱ntuꞌ chiuꞌ.
\p Cáꞌanqueze belún benneꞌ caꞌ zaj de̱ꞌe̱ le̱ꞌe xaga béguaj caꞌ tu zren nen Jesús, gulenné̱ꞌ schanniꞌ chee̱ꞌ.
\s Dxate Jesús
\r (Mt. 27.45-56; Lc. 23.44-49; Jn. 19.28-30)
\p
\v 33 Ca bzrin wagubizra, naꞌ guchul-la dute̱ lu xe̱zr la xu nigá tu chiꞌi wal-la gula.
\v 34 Ca gudé naꞌ, naꞌ gunná Jesús zizraj:
\p ―Eloi, Eloi, ¿lama sabactani?
\p Da nigá zéaje̱ na: “Dios chiaꞌ, Dios chiaꞌ, ¿bizr chee̱ naꞌ nusanuꞌ nedaꞌ?”
\p
\v 35 Bal-la benneꞌ caꞌ zaj zre̱ꞌe̱ naꞌ belenne̱ꞌ na, naꞌ gulenné̱ꞌ:
\p ―Le xene. Dxenné̱ꞌ Elías, bénneaꞌ bchálaje̱ꞌ waláz chee̱ Dios.
\p
\v 36 Nadxa tu benneꞌ guzá chégüe̱ꞌ, naꞌ xeajláꞌawaje̱ꞌ lu xrise uva zichaj tu da dxezrupe na nisa, naꞌ bzue̱ꞌ na laweꞌ tu xia xtila da bcuene̱ꞌ dxuꞌa Jesús chee̱ xiꞌaje̱ꞌ, naꞌ gunná benneꞌ nigá:
\p ―Cuézadxu. Guxúexquedxu che wida Elías chee̱ xulétaje̱ꞌ Le̱ꞌ.
\p
\v 37 Nadxa Jesús gudxezre xe̱ꞌe̱, naꞌ gútete̱ꞌ.
\v 38 Ca náꞌqueze gudxeza ladxeꞌ da ze̱ lu xudauꞌ, guca na chúpala. Gucáꞌa na dxaꞌla, bedxúajte̱ na zriꞌla.
\v 39 Naꞌ benneꞌ dxenná beꞌe̱ lu wedil-la, benneꞌ ze̱ꞌ lau Jesús, gate naꞌ bléꞌene̱ꞌ ca gudxezre xe̱ꞌe̱, ne ca guca gútete̱ꞌ, naꞌ gunné̱ꞌ:
\p ―Da líqueze benneꞌ nigá guque̱ꞌ Zriꞌine Dios.
\p
\v 40 Cáꞌanqueze zaj ze̱ naꞌ bal-la nuꞌula dxelenné̱ꞌe̱ zítuꞌla. Ládujla nuꞌula caní zaj ze̱ María Magdalena, ne Salomé, ne María, xrna Jacobo cuideꞌ ne José.
\v 41 Nuꞌula caní gusáꞌacale̱ne̱ꞌ Jesús, ne gulácale̱ne̱ꞌ Le̱ꞌ gate naꞌ gudé̱ꞌ naga nababa Galilea. Cáꞌanqueze zaj ze̱ naꞌ zánedxa nuꞌula xula, nuꞌula caꞌ belezrine̱ꞌ Jerusalén tu zren nen Jesús.
\s Dxulucache̱ꞌ Jesús lu xe̱dxu ba
\r (Mt. 27.57-61; Lc. 23.50-56; Jn. 19.38-42)
\p
\v 42-43 Ca za chizrela bzrin José, benneꞌ Arimatea ga naꞌ. Benneꞌ nigá naque̱ꞌ benneꞌ blau ládujla benneꞌ caꞌ chee̱ xuꞌu laweꞌ blau chee̱ judío caꞌ. Cáꞌanqueze le̱ꞌ dxebeze̱ꞌ zra laꞌ Dios chee̱ nna beꞌe̱. Laweꞌ da naca zra dxulucueze̱ꞌ, zra nedxu chee̱ zra dxulupáꞌane̱ꞌ, du lazre̱ꞌ guxúꞌe̱ lau Pilato, naꞌ gunabe̱ꞌ siꞌe̱ lataj xexuꞌe̱ Jesús.
\v 44 Bebánele̱ꞌe̱ Pilato ca bénnene̱ꞌ ba gute Jesús, naꞌ gunné̱ꞌ benneꞌ dxenná beꞌe̱ lu wedil-la naꞌ chee̱ gunabe̱ꞌ che ba guca caꞌ.
\v 45 Gate bénneaꞌ dxenná beꞌe̱ lu wedil-la gunné̱ꞌ caꞌan guca, nadxa Pilato bnézruje̱ꞌ José lataj bexuꞌe̱ Jesús.
\v 46 Nadxa José guziꞌe̱ tu ladxeꞌ xtila laga, naꞌ bulétaje̱ꞌ Jesús, ne bulazre̱ꞌ Le̱ꞌ ladxeꞌ xtila naꞌ. Naꞌ gúxrue̱ꞌ Jesús tu lu ba da ba gude̱ne̱ꞌ le̱ꞌe̱ xiaj xre, naꞌ bsézxuje̱ꞌ ba naꞌ nen tu xiaj zren.
\v 47 María Magdalena, ne María, xrna José beleléꞌequezne̱ꞌ naga bulucache̱ꞌ Jesús.
\c 16
\s Dxexebán Jesús ládujla benneꞌ gate
\r (Mt. 28.1-10; Lc. 24.1-12; Jn. 20.1-10)
\p
\v 1 Ca gudé zra dxulupáꞌane̱ꞌ, naꞌ María Magdalena, ne Salomé, ne María, xrna Jacobo, gulezíꞌe̱ da dxelá zixre chee̱ cheajleluꞌe̱ Jesús.
\v 2 Naꞌ bál-laꞌla zra nedxu chee̱ da gazre zra belezrine̱ꞌ dxuꞌa ba gate naꞌ za dxalaj gubizra.
\v 3 Naꞌ gulenné̱ꞌ, dxelé̱ꞌ ljwezre̱ꞌ:
\p ―¿Nuzra cua xiaj da naxezxuj ba?
\p
\v 4 Ca gulenné̱ꞌe̱, naꞌ beleléꞌene̱ꞌ xiaj zren naꞌ da bulusézxuje̱ꞌ ba, ba nadúa na.
\v 5 Ca guluꞌe̱ lu ba, naꞌ beleléꞌene̱ꞌ tu benneꞌ dxeꞌe̱ chaláꞌa xabe̱la, nácue̱ꞌ zra lane̱ꞌ tunna da chiche, naꞌ belezrebe̱ꞌ.
\v 6 Naꞌ gunná benneꞌ nigá, dxe̱ꞌe̱ nuꞌula caꞌ:
\p ―Quebe zrébele. Leꞌe dxexílajle Jesús, benneꞌ Nazaret, bénneaꞌ gudé̱ꞌe̱ le̱ꞌe̱ xaga béguaj. Bache bebán bénneaꞌ. Québedxa xuꞌe̱ nigá. Le nnaꞌ lataj naga gulexrúe̱ꞌ Le̱ꞌ.
\v 7 Le chjaca naꞌa, le cheaje̱zre benneꞌ caꞌ bsé̱dene̱ꞌ, ne Pedro cuía lau Jesús chéaje̱ꞌ naga nababa Galilea ca leꞌe. Naꞌ xeléꞌequezle Le̱ꞌ ca ba gunnáqueze̱ꞌ.
\p
\v 8 Nadxa nuꞌula caꞌ buluzrúnnuje̱ꞌ, besíꞌaque̱ꞌ dxuꞌa ba laweꞌ da belezrébele̱ꞌe̱. Quebe nu gulé̱queze̱ꞌ ca da guca na laweꞌ da dxelezrébele̱ꞌe̱.
\s Jesús dxuléꞌe lau María Magdalena
\r (Jn. 20.11-18)
\p
\v 9 Ca gudé bebán Jesús ládujla benneꞌ gate ca guxaníꞌ zra nedxu chee̱ da gazre zra, naꞌ bleꞌe lawe̱ꞌ zate caꞌ María Magdalena, nuꞌula naꞌ bebéaj Jesús gazre beꞌ xriwe̱ꞌ guxúꞌe̱.
\v 10 Nuꞌula nigá guxíaje̱ꞌ xeaje̱zre̱ꞌ benneꞌ caꞌ gulaque̱ꞌ Jesús tuze, zaj zre̱ꞌe̱ baxácheze, ne dxelebezre̱ꞌ.
\v 11 Gate naꞌ gulenne̱ꞌ nabán Jesús, naꞌ ba bleꞌe nuꞌula nigá Le̱ꞌ, quebe guléajle̱ꞌe̱.
\s Dxuléꞌe lau Jesús chupa benneꞌ bsé̱dene̱ꞌ
\r (Lc. 24.13-35)
\p
\v 12 Ca gudé naꞌ bleꞌe lau Jesús nazrala chupa benneꞌ caꞌ bsé̱dene̱ꞌ zaj xuꞌe̱ neza le̱ꞌe̱ xixreꞌ.
\v 13 Benneꞌ caní belexebiꞌe̱, naꞌ xeajlegue̱zre̱ꞌ benneꞌ xezícala. Cáꞌanqueze benneꞌ caní quebe guléajle̱ꞌe̱.
\s Jesús dxusebague̱ꞌ benneꞌ gubáz chee̱ꞌ caꞌ da dxal-laꞌ xelune̱ꞌ
\r (Mt. 28.16-20; Lc. 24.36-49; Jn. 20.19-23)
\p
\v 14 Ca gudédxa, naꞌ bleꞌe lau Jesús chinéaj benneꞌ caꞌ bsé̱dene̱ꞌ ca zaj dxeꞌe̱ dxelawe̱ꞌ, naꞌ gudil-le̱ꞌ le̱ꞌ laweꞌ da quebe guléajle̱ꞌe̱ ba bebane̱ꞌ, ne laweꞌ da zaj naque̱ꞌ lázrdau zideꞌ laweꞌ da quebe guléajle̱ꞌe̱ chee̱ benneꞌ caꞌ belexeléꞌene̱ꞌ Le̱ꞌ ca gudé bebane̱ꞌ.
\v 15 Naꞌ gunné̱ꞌ, dxe̱ꞌe̱ benneꞌ caꞌ:
\p ―Le chjaca du ca naca xe̱zr la xu. Le cuꞌu lban chee̱ dizraꞌ chaweꞌ chiaꞌ chee̱ xelénqueze xúgute̱ bénneache.
\v 16 Benneꞌ chéajle̱ꞌe̱, ne chue̱ꞌ nisa, la bénneaꞌ, naꞌ benneꞌ quebe chéajle̱ꞌe̱, wabía xiꞌ bénneaꞌ.
\v 17 Da dxelunna bea caní xululéꞌe benneꞌ caꞌ xeléajle̱ꞌe̱ chiaꞌ, xuluchínene̱ꞌ La nedaꞌ chee̱ xelexebéaje̱ꞌ beꞌ xriwe̱ꞌ. Xuluchálaje̱ꞌ dizraꞌ nazrala.
\v 18 Welúxrue̱ꞌ be̱laꞌ caꞌ, ne che xeléꞌaje̱ꞌ da gute benneꞌ, quebe bi xeléquene̱ꞌ. Cáꞌanqueze wuluxrúa ne̱ꞌe̱ benneꞌ quebe chaweꞌ zaj zue̱ꞌ, naꞌ xelexexaque̱ꞌ.
\s Dxexe̱pe Jesús xabáa
\r (Lc. 24.50-53)
\p
\v 19 Ca gudé bchálaj Xránadxu Jesús nen benneꞌ caꞌ, naꞌ Dios bechise̱ꞌ Le̱ꞌ xabáa, naꞌ gudxéꞌe̱ chaláꞌa xabe̱la chee̱ Dios.
\v 20 Nadxa benneꞌ caꞌ guledxúaje̱ꞌ, xeajleluꞌe̱ lban chee̱ dizraꞌ chaweꞌ nigá du ca naca xe̱zr la xu nigá. Lé̱queze Xránadxu gúcale̱ne̱ꞌ le̱ꞌ, naꞌ bdxixruj beꞌe̱ dizraꞌ chee̱ꞌ ne̱ chee̱ xel-la waca caꞌ da za xabáa da belune̱ꞌ. ¡Caꞌan gaca na!