\id LUK
\h San Lucas
\mt DIZRAꞌ CHAWEꞌ CA NACA CHEE̱ JESUCRISTO SDA BZUAJ SAN LUCAS
\c 1
\s Dizraꞌ dxuchalaj San Lucas, dxe̱ꞌe̱ Teófilo
\p
\v 1 Benneꞌ zan ba belune̱ꞌ ca da gulezéquene̱ꞌ buluzúaje̱ꞌ cáte̱ze naca da guca ládujla dxiꞌu,
\v 2 cáte̱ze naꞌ gulé̱ benneꞌ caꞌ, benneꞌ beleléꞌene̱ꞌ nédxudaute̱ ca naca da guca na, naꞌ buluchálaje̱ꞌ dizraꞌ chaweꞌ naꞌ.
\v 3 Cáꞌanqueze nedaꞌ ba bchiꞌa xánniaꞌ xúgute̱ da caꞌ gulaca na nédxudaute̱, naꞌ dxéquedaꞌ chaweꞌ guzúajaꞌ da nigá chiuꞌ cáte̱ze guca, bi nazríꞌite̱ lazraꞌ, lueꞌ, Teófilo.
\v 4 Dxunaꞌ caní chee̱ nézenuꞌ naca na da li ca da ba bululéꞌene̱ꞌ lueꞌ.
\s Gubáz chee̱ xabáa dxuzenne̱ꞌ ca galaj Juan, benneꞌ guchúe̱ꞌ bénneache nisa
\p
\v 5 Gate naꞌ naca Herodes wenná bea chee̱ xe̱zre caꞌ zaj nababa Judea, naꞌ zua tu bxruze le̱ꞌ Zacarías, benneꞌ nababe̱ꞌ cueꞌ bxruze caꞌ gunná beꞌe Abías ca niꞌte. Zruꞌula Zacarías naꞌ le̱ꞌ Elisabet, naꞌ nácaqueze Zacarías naꞌ zre sua benneꞌ caꞌ gulebábale̱ bxruze Aarón.
\v 6 Zacarías ne zruꞌule̱ꞌ Elisabet gulaque̱ꞌ xrlátaje lau Dios, ne dxelune̱ꞌ ca zaj naca da bdxixruj bea Xránadxu, ne ca da naxúaj na lu da gunné̱ꞌ. Caꞌan guca, quebe nu guzeque gagu zria le̱ꞌ lau Dios.
\v 7 Quebe nu zríꞌine̱ꞌ chiláꞌ, laweꞌ da naca Elisabet naꞌ nuꞌula wizre, naꞌ dxúpate̱ꞌ zaj bezúale̱ꞌe̱ gula.
\p
\v 8 Tu zra, gate belexala bxruze caꞌ naga nababa Zacarías xelune̱ꞌ zrin lu xel-la bxruze chee̱ꞌ lau Dios,
\v 9 cáte̱ze naca da dxelún bxruze caꞌ, naꞌ bexala Zacarías chuꞌe̱ lu lataj láꞌazxa chee̱ Xránadxu lu xudauꞌ chee̱ guzezxe̱ꞌ xala.
\v 10 Dxácate̱ naꞌ dxezxe xala naꞌ, ca naca benneꞌ caꞌ zaj zraꞌ chaléꞌajla dxuluchálajle̱ne̱ꞌ Dios.
\v 11 Nadxa bleꞌe lau tu gubáz chee̱ xabáa chee̱ Xránadxu, ze̱ꞌ chaláꞌa xabe̱la chee̱ cugu naga zría xala dxezxe na.
\v 12 Ca bleꞌe Zacarías gubáz chee̱ xabáa naꞌ, guzúe̱ꞌ ste̱be, ne bzrébele̱ꞌe̱.
\p
\v 13 Gubáz chee̱ xabáa naꞌ guzre̱ꞌ le̱ꞌ:
\p ―Zacarías, quebe zrebuꞌ, laweꞌ da ba ben Dios dizraꞌ da dxuchálajle̱nuꞌ Le̱ꞌ, naꞌ nuꞌula chiuꞌ, Elisabet, walaj tu zriꞌine̱ꞌ, bi naꞌ guzúꞌ labeꞌ Juan.
\v 14 Wabéle̱ꞌe̱nuꞌ, ne gaca chiuꞌ tu da ba neza zrente̱, naꞌ benneꞌ zan xelebene̱ꞌ laweꞌ da ba gulaj bidu naꞌ.
\v 15 Caꞌan gaca laweꞌ da gaca zriꞌinuꞌ szrente̱ lau Dios. Quebe xíꞌajbeꞌ xrise uva wal-la, u da dxusuzre na bénneache, naꞌ gate gálajte̱beꞌ tu súale̱zqueze Beꞌ Láꞌazxa nen le̱beꞌ.
\v 16 Ne̱ chee̱ le̱beꞌ benneꞌ zan xelexaque̱ꞌ bi chee̱ Xránadxu Dios.
\v 17 Juan nigá quia laubeꞌ lau Xránadxu, naꞌ Beꞌ naꞌ, ne xel-la waca da gulezúale̱ na Elías, bénneaꞌ bchálaje̱ꞌ waláz chee̱ Dios gate nate, xelezúale̱ na le̱beꞌ, chee̱ guzúabeꞌ tuze benneꞌ caꞌ zaj naque̱ꞌ xra xrna nen zríꞌine̱ꞌ, ne chee̱ guléꞌebeꞌ benneꞌ dxeledábague̱ꞌ Dios chee̱ xelune̱ꞌ ca dxenná xrtizraꞌ Dios. Caꞌan gaca, gucáꞌana cháwebeꞌ bénneache chee̱ xelezíꞌ lu ne̱ꞌe̱ Xránadxu.
\p
\v 18 Zacarías naꞌ bche̱be̱ꞌ gubáz chee̱ xabáa:
\p ―¿Ájazra gaca nezdaꞌ gaca caní? Nedaꞌ ba nagúlale̱ꞌa, ne cáꞌanqueze naca nuꞌula chiaꞌ.
\p
\v 19 Naꞌ beche̱be gubáz chee̱ xabáa naꞌ:
\p ―Nedaꞌ nacaꞌ Gabriel, ne nacaꞌ we̱n zrin chee̱ Dios. Le̱ꞌ gusel-le̱ꞌ nedaꞌ chee̱ guchálajle̱naꞌ lueꞌ, ne guzendaꞌ lueꞌ dizraꞌ chaweꞌ nigá.
\v 20 Naꞌa, laweꞌ da quebe guxéajle̱ꞌu da guchaꞌ lueꞌ, xegáꞌanuꞌ quebe gaca nníuꞌ cadxa galaj zriꞌinuꞌ. Caní gaca na ca zrinte̱ zra chee̱ na.
\p
\v 21 Dxácate̱ naꞌ zaj zraꞌ benneꞌ caꞌ chaléꞌajla, dxelebeze̱ꞌ Zacarías, ne dxelexebánene̱ꞌ laweꞌ da dxezréle̱ꞌe̱ne̱ꞌ, quebe dxedxúaje̱ꞌ lu lataj láꞌazxa.
\v 22 Gate bedxúaj Zacarías, québedxa dxaca nnie̱ꞌ. Nadxa guleque béꞌene̱ꞌ ba bleꞌe Zacarías tu da bleꞌe Dios le̱ꞌ lu lataj láꞌazxa naꞌ. Naꞌ le̱ꞌ bta náꞌase̱ꞌ, laweꞌ da quebe dxaca nnie̱ꞌ.
\p
\v 23 Ca xeajsé̱ chee̱ zra caꞌ dxal-laꞌ gun Zacarías zrin chee̱ xudauꞌ, naꞌ bezé̱ꞌe̱ zexíaje̱ꞌ lizre̱ꞌ.
\v 24 Ca gudé naꞌ zruꞌule̱ꞌ Elisabet ba zue̱ꞌ ziꞌi, naꞌ quebe bdxúaje̱ꞌ lataj bchinaꞌ chie̱ꞌ ca gazxuꞌ beuꞌ, naꞌ dxenné̱ꞌ lu lázrdawe̱ꞌ:
\v 25 “Xranaꞌ Dios ba be̱ne̱ꞌ chiaꞌ da nigá chee̱ québedxa xuluzúa bénneache nedaꞌ chaláꞌala.”
\s Gubáz chee̱ xabáa dxuzenne̱ꞌ ca galaj Jesús
\p
\v 26 Ca gudé xrupa beuꞌ gate naꞌ bchálajle̱ gubáz chee̱ xabáa naꞌ Zacarías, naꞌ Dios gusel-le̱ꞌ le̱ꞌ tu xe̱zre nababa Galilea nazí le na Nazaret,
\v 27 chee̱ cheajchálajle̱ne̱ꞌ tu nuꞌula cuídeꞌdauꞌ le̱beꞌ María. Le̱beꞌ ba zua guchaga naꞌbeꞌ benneꞌ biu naꞌ le̱ꞌ José, benneꞌ naque̱ꞌ zriꞌine zre sua wenná bea David.
\p
\v 28 Gubáz chee̱ xabáa naꞌ guxúꞌe̱ naga zua María naꞌ, naꞌ guzre̱ꞌ-beꞌ:
\p ―Padiuzre. Dios dxune̱ꞌ lueꞌ tu culuén. Xránadxu zúale̱ne̱ꞌ lueꞌ. Dios ba be̱ne̱ꞌ tu da cháwedxa chiuꞌ quézcala chee̱ xúgute̱ nuꞌula caꞌ.
\p
\v 29 Gate María naꞌ bleꞌebeꞌ gubáz chee̱ xabáa naꞌ, bebánebeꞌ ca naca dizraꞌ naꞌ, naꞌ gunabeꞌ lu lázrdaubeꞌ: ¿Bizr chee̱ naꞌ dxugape̱ꞌ nedaꞌ diuzre caní?
\p
\v 30 Nadxa gunná gubáz chee̱ xabáa naꞌ:
\p ―María, quebe zrebuꞌ laweꞌ da ba bzruéꞌenuꞌ tu culuén da dxun Dios chiuꞌ lueꞌ.
\v 31 Naꞌa, zua da gunna Dios chiuꞌ, naꞌ galaj tu bidu biu chiuꞌ, naꞌ guzúꞌ labeꞌ Jesús.
\v 32 Le̱beꞌ gácabeꞌ szren, naꞌ xelennáqueze̱ꞌ naque̱ꞌ Zriꞌine Dios szrente̱, naꞌ Xránadxu Dios gune̱ꞌ Le̱ꞌ wenná bea ca guca xra xrtawe̱ꞌ David,
\v 33 chee̱ nna béꞌetecaze̱ꞌ xe̱zr la xu Israel, naꞌ xel-la dxenná bea chee̱ꞌ quebe cheajsé̱queze chee̱ na.
\p
\v 34 Nadxa María bché̱bebeꞌ gubáz chee̱ xabáa:
\p ―¿Ájazra gaca da nigá, laweꞌ da quebe nu benneꞌ biu zúale̱naꞌ?
\p
\v 35 Gubáz chee̱ xabáa naꞌ gunné̱ꞌ:
\p ―Beꞌ Láꞌazxa chee̱ Dios sue̱ꞌ xichaj lázrdaꞌu, naꞌ xel-la waca chee̱ Dios szrente̱ sua na nen lueꞌ. Chee̱ le̱ naꞌ bidu naꞌ gálajbeꞌ gácaquezebeꞌ chee̱ Dios, naꞌ síꞌqueze labeꞌ Zriꞌine Dios.
\v 36 Cáꞌanqueze bila ljwezruꞌ Elisabet wálajqueze bidu chee̱ꞌ lácala ba naque̱ꞌ benneꞌ gula. Caꞌan naca, nuꞌula naꞌ gulenné̱ꞌ naque̱ꞌ wizre, ba zeaj xrupa beuꞌ bnezruj Dios chee̱ꞌ.
\v 37 Quebe bi de̱ da quebe gaca gun Dios.
\p
\v 38 Nadxa gunná María:
\p ―Nedaꞌ nácaquezaꞌ we̱n zrin chee̱ Xránadxu. Gun Dios chiaꞌ ca da ba gunnáuꞌ.
\p Naꞌ gubáz chee̱ xabáa naꞌ bezé̱ꞌe̱ naga zua María naꞌ.
\s María zeajxúebeꞌ Elisabet
\p
\v 39 Ca lu zra naꞌ María guzáꞌabeꞌ zéajbeꞌ tu xé̱zredauꞌ da zua na laduj xiꞌa caꞌ chee̱ ga nababa Judea.
\v 40 Naꞌ guxúꞌubeꞌ lizre Zacarías, ne bgápabeꞌ diuzre Elisabet.
\v 41 Gate ben Elisabet dizraꞌ da gunné̱ María, naꞌ bidu naꞌ xúꞌubeꞌ le̱ꞌe Elisabet guxrítebeꞌ, naꞌ guzúale̱ Beꞌ Láꞌazxa le̱ꞌ.
\p
\v 42 Nadxa gunné̱ꞌ tu chiꞌe̱ zizraj:
\p ―Dios ba be̱ne̱ꞌ tu da cháwedxa chiuꞌ quézcala chee̱ xúgute̱ nuꞌula caꞌ, laweꞌ da ba zua da be̱nna Dios chiuꞌ.
\v 43 ¿Núzraqueze nacaꞌ nedaꞌ, za xrna Xranaꞌ ga zuaꞌ nedaꞌ?
\v 44 Cáte̱ze bendaꞌ dizraꞌ da gunnéuꞌ, naꞌ guxrite bidu chiaꞌ lu le̱ꞌa lu xel-la dxebé chee̱beꞌ.
\v 45 Ba neza naca na chiuꞌ guxéajle̱ꞌu laweꞌ da gaca li ca da gunná Xránadxu.
\p
\v 46 Nadxa gunná María:
\q Bénneꞌdu xuꞌa dxue láꞌana na Xranaꞌ.
\q
\v 47 Lázrdawaꞌ dxebé na ca dxun Dios, weselá chiaꞌ.
\q
\v 48 Laweꞌ da gudxéꞌ Dios gunne xue chiaꞌ, nácaquezaꞌ we̱n zrin chee̱ꞌ.
\q Naꞌa su lau na, xúgute̱ benneꞌ xelenné̱ꞌ naziꞌa tu culuen zren chee̱ Dios.
\q
\v 49 Dios Szrente̱ ba be̱ne̱ꞌ tu da zrente̱ chiaꞌ nedaꞌ.
\q Chee̱ le̱ naꞌ láꞌazxa naca La Le̱ꞌ.
\q
\v 50 Le̱ꞌ xexache lázrqueze̱ꞌ xúgute̱ benneꞌ caꞌ dxelezrebe̱ꞌ Le̱ꞌ.
\q
\v 51 Da zrente̱ ba be̱n Le̱ꞌ.
\q Bzue̱ꞌ zrila benneꞌ caꞌ dxulucáꞌana szren cuine̱ꞌ.
\q
\v 52 Bebéaje̱ꞌ benneꞌ blau caꞌ lu lataj chee̱ꞌ,
\q ne bechise̱ꞌ benneꞌ dxexruj lazreꞌ caꞌ.
\q
\v 53 Bnézrujle̱ꞌe̱ da gulagu benneꞌ dxeledún,
\q naꞌ benneꞌ gunníꞌa caꞌ bcaꞌane̱ꞌ le̱ꞌ cáꞌaze.
\q
\v 54 Gúcale̱ne̱ꞌ benneꞌ Israel, benneꞌ we̱n zrin chee̱ꞌ caꞌ
\q laweꞌ da bezrí lázrqueze̱ꞌ le̱ꞌ,
\q
\v 55 ca da guche̱be lazre̱ꞌ chee̱ xra xrtáudxu caꞌ,
\q chee̱ Abraham, ne chee̱ benneꞌ xrtie̱ꞌ caꞌ chadía chacanna.
\p
\v 56 María begáꞌanale̱beꞌ Elisabet ca chunna beuꞌ, naꞌ ca gudé naꞌ bezrinbeꞌ lízrebeꞌ.
\s Ca gulaj Juan, benneꞌ bchue̱ꞌ bénneache nisa
\p
\v 57 Ca gudé naꞌ guxáꞌ beuꞌ chee̱ Elisabet naꞌ chee̱ galaj bidu chee̱ꞌ, naꞌ guzane̱ꞌ tu bi biu chee̱ꞌ.
\v 58 Benneꞌ walízr chee̱ꞌ caꞌ, ne xrtia ljwezre̱ꞌ belezrine̱ꞌ dxelebene̱ꞌ nen le̱ꞌ, gate belenne̱ꞌ Dios bezrí lázrele̱ꞌe̱ le̱ꞌ.
\v 59 Gate guca xrunuꞌ zra, belezrine̱ꞌ chee̱ xelechúgue̱ꞌ lu xpé̱labeꞌ da guléꞌe na naca be̱ꞌ bi chee̱ Dios, naꞌ gulaca lazre̱ꞌ xuluzúe̱ꞌ labeꞌ Zacarías ca le̱ xrabeꞌ.
\p
\v 60 Naꞌ gunná xrnabeꞌ:
\p ―Quebe gaca. Dxal-laꞌ siꞌ labeꞌ Juan.
\p
\v 61 Naꞌ gulé̱ꞌe̱ le̱ꞌ:
\p ―¿Bizr chee̱ naꞌ? Quebe nu chiláꞌ xrtia ljwézrele le̱ꞌ caꞌ.
\p
\v 62 Naꞌ buluche̱be̱ꞌ xra bidu naꞌ, bulutá ne̱ꞌe̱ chee̱ xelenézene̱ꞌ ájazra guzúe̱ꞌ labeꞌ.
\v 63 Naꞌ xrabeꞌ naꞌ gunabe̱ꞌ tu blágadauꞌ, naꞌ bzuaje̱ꞌ le̱ꞌe̱ na: Juan siꞌ labeꞌ. Naꞌ xúgute̱ benneꞌ caꞌ belexebánene̱ꞌ.
\v 64 Caꞌ guca Zacarías benné̱ꞌ, naꞌ guzú lawe̱ꞌ dxue láꞌane̱ꞌ Dios.
\v 65 Ca beleléꞌene̱ꞌ da nigá, xúgute̱ benneꞌ walízr chee̱ꞌ belexebánene̱ꞌ, naꞌ ca naca xe̱zre zaj nnita laduj xiꞌa ca ga nababa Judea, buluchálaje̱ꞌ ca da guca.
\v 66 Xúgute̱ benneꞌ belenne̱ꞌ na, gulezú lawe̱ꞌ dxelenné̱ꞌ lu lázrdawe̱ꞌ, ne buluche̱be ljwezre̱ꞌ tue̱ꞌ xetúe̱ꞌ:
\p ―¿Ájazraqueze gun bi nigá?
\p Naca bea na Xránadxu zúale̱ne̱ꞌ-beꞌ.
\s Ca da bil-la Zacarías
\p
\v 67 Naꞌ Beꞌ Láꞌazxa guzúale̱ne̱ꞌ Zacarías, xra bidu nigá, naꞌ bchálaje̱ꞌ waláz chee̱ Dios, gunné̱ꞌ:
\q
\v 68 ¡Gaca ba Xránadxu, Dios chee̱ xe̱zre Israel!
\q Ba ble̱ꞌe̱ naga zúadxu, bénneache chee̱ꞌ, naꞌ bselé̱ꞌ dxiꞌu.
\q
\v 69 Ba gusel-le̱ꞌ tu benneꞌ wál-lale̱ꞌe̱, weselá chee̱dxu.
\q Bénneaꞌ gulaj ládujla xrtia David, benneꞌ we̱n zrin chee̱ꞌ.
\q
\v 70 Caꞌan guche̱be lazreꞌ Dios lu dxuꞌa benneꞌ caꞌ buluchálaje̱ꞌ waláz chee̱ꞌ nédxudaute̱.
\q
\v 71 Guche̱be lazre̱ꞌ guselé̱ꞌ dxiꞌu lu naꞌ benneꞌ dxelezré̱ꞌe̱ dxiꞌu, ne lu naꞌ benneꞌ dxelecuídene̱ꞌ dxiꞌu.
\q
\v 72 Xezrí lazre̱ꞌ xra xrtáudxu caꞌ,
\q ne quebe gal-la lazre̱ꞌ xel-la wezría láꞌazxa chee̱ꞌ.
\q
\v 73 Da nigá naca na da guche̱be lazreꞌ Dios da bzua chache̱ꞌ nen xra xrtáudxu Abraham,
\q da naca tu da gunne̱ꞌ chee̱dxu dxiꞌu.
\q
\v 74 Guche̱be lazre̱ꞌ guselé̱ꞌ dxiꞌu lu naꞌ benneꞌ dxelezré̱ꞌe̱ dxiꞌu
\q chee̱ gaca gundxu zrin chee̱ꞌ, ne quebe zrébedxu,
\q
\v 75 ne gácadxu xrlátaje lau Le̱ꞌ, ne gácadxu bi cheé̱queze̱ꞌ xúgute̱ zra naca bandxu.
\q
\v 76 Lueꞌ, zríꞌinaꞌdauꞌ, síꞌqueze lauꞌ bi guchálajqueze waláz chee̱ Dios szrente̱,
\q laweꞌ da quia lauꞌ lau Xránadxu, saljuꞌ neza chee̱ Xránadxu,
\q
\v 77 Guzénenuꞌ bénneache chee̱ꞌ, Le̱ꞌ gunite lawe̱ꞌ dul-la chee̱ꞌ,
\q ne guselé̱ꞌ benneꞌ caꞌ.
\q
\v 78 Caꞌan gaca laweꞌ da dxexezrí lazreꞌ Dios dxiꞌu.
\q Dxune̱ꞌ naꞌa dxalaj tu xiꞌ chee̱ xabáa da dxuseníꞌ chee̱dxu,
\q
\v 79 naꞌ gusení na naga zaj zraꞌ benneꞌ zaj zre̱ꞌe̱ lu naꞌ xel-la gute,
\q chee̱ cuꞌu na dxiꞌu lu neza xrtante̱ lau Dios.
\p
\v 80 Bidu naꞌ bgúlabeꞌ, ne bgula bénneꞌdu xuꞌubeꞌ chaweꞌ lu da naca chee̱ Dios. Guzúaquezbeꞌ le̱ꞌe̱ xixreꞌ laweꞌ lataj cadxa bzrin zra bleꞌe laubeꞌ xe̱zre Israel.
\c 2
\s Ca guca gate gulaj Jesús
\r (Mt. 1.18-25)
\p
\v 1 Ca lu zra naꞌ gate dxenná bea Augusto, benneꞌ xe̱zre Roma, benneꞌ dxenná beꞌe̱ xúgute̱ cueꞌ xe̱zr la xu, le̱ꞌ gunná béꞌene̱ꞌ xelúꞌu lu xiche xúgute̱ benneꞌ zaj zre̱ꞌe̱ xe̱zr la xu.
\v 2 Da nigá naca da nédxudauꞌ gulúꞌu bénneache lu xiche. Guca caní gate naca Cirenio benneꞌ zaj xuꞌu lu ne̱ꞌe̱ xe̱zre caꞌ zaj nababa Siria.
\v 3 Xúgute̱ bénneache dxun na ba xen chjaque̱ꞌ lu xe̱zre naga zaj nababe̱ꞌ chee̱ xeluꞌe̱ lu xiche.
\v 4 Chee̱ le̱ naꞌ José guzé̱ꞌe̱ lu xe̱zre Nazaret, da nababa Galilea, chee̱ bzrine̱ꞌ lu xe̱zre Belén, da nababa Judea, naga gulaj wenná bea David. Bzrin José naꞌ laweꞌ da naque̱ꞌ xrtia David naꞌ.
\v 5 José guxíaje̱ꞌ Belén chee̱ chuꞌe̱ lu xiche tu zren nen María. María nigá ba naché̱bebeꞌ guchaga náꞌale̱beꞌ José, naꞌ ba bnezruj Dios chee̱beꞌ.
\v 6 Dxácate̱ naꞌ zaj zre̱ꞌe̱ lu xe̱zre Belén, naꞌ bzrin zra san María bidu chee̱ꞌ.
\v 7 Lu xe̱zre naꞌ gulaj bidu nedxu chee̱ꞌ, naꞌ bchele̱ꞌ-beꞌ ládxeꞌdu caꞌ, naꞌ gúxrue̱ꞌ-beꞌ xuꞌu naga dxelún chiꞌe̱ da dxelagu bea caꞌ, laweꞌ da quebe ga bzrela tu lataj lu xuꞌu naga che̱ꞌe̱.
\s Dxuluchálajle̱ gubáz chee̱ xabáa benneꞌ caꞌ dxuluxúe̱ꞌ zrilaꞌ caꞌ
\p
\v 8 Gagu cuita xe̱zre Belén zaj zraꞌ benneꞌ caꞌ dxuluxúe̱ꞌ zrilaꞌ caꞌ, dxelexegáꞌane̱ꞌ le̱ꞌe̱ xixreꞌ chizrela, dxuluxúe̱ꞌ zrilaꞌ chee̱ꞌ caꞌ.
\v 9 Naga zaj zre̱ꞌe̱ bleꞌe lau tu gubáz chee̱ xabáa chee̱ Xránadxu. Naꞌ xel-la naxaníꞌ chee̱ Xránadxu Dios bsaní na naga zaj zre̱ꞌe̱. Caꞌan guca, belezrébele̱ꞌe̱.
\v 10 Naꞌ gubáz chee̱ xabáa naꞌ guzre̱ꞌ le̱ꞌ:
\p ―Quebe zrébele, laweꞌ da dxuzenlaꞌ leꞌe tu dizraꞌ chaweꞌ. Ne̱ chee̱ dizraꞌ nigá xelebéle̱ꞌe̱ xúgute̱ bénneache.
\v 11 Naꞌa, lu xe̱zre chee̱ David, ba gulaj tu bidauꞌ gácabeꞌ weselá chee̱le. Bi nigá naque̱ꞌ Cristo, Xránadxu.
\v 12 Da nigá gaca na tu da gunna bea na chee̱le. Cheajxrácale bidu dxeꞌene nigá, dxélabeꞌ ládxeꞌdu caꞌ, ne de̱beꞌ tu xuꞌu naga dxelún chiꞌe̱ da xelagu bea caꞌ.
\p
\v 13 Chadí lau, cuita gubáz chee̱ xabáa naꞌ bululéꞌe lau zandxa gubáz chee̱ xabáa, dxelúe láꞌane̱ꞌ Dios, dxelenné̱ꞌ:
\q
\v 14 ¡Gaca ba Dios naꞌala,
\q naꞌ lu xe̱zr la xu nigá sua xel-la dxebeza zri lazreꞌ chee̱ bénneache,
\q benneꞌ dxelune̱ꞌ ca da dxaca lazreꞌ Dios!
\p
\v 15 Gate besíꞌaca gubáz chee̱ xabáa caꞌ, zeajxaque̱ꞌ xabáa, nadxa benneꞌ caꞌ dxuluxúe̱ꞌ zrilaꞌ gulezú lawe̱ꞌ dxelé̱ꞌ ljwezre̱ꞌ tue̱ꞌ xetúe̱ꞌ:
\p ―Chéajxquedxu lu xe̱zre Belén cheajnnadxu da ba guca, ca da ba gunná Xránadxu Dios, guzre̱ꞌ dxiꞌu.
\p
\v 16 Caꞌan guca, besíꞌaca zé̱zxuje̱ꞌ, naꞌ xeajlexraque̱ꞌ María ne José, ne bidu dxeꞌene naꞌ, de̱beꞌ xuꞌu naga dxelún chiꞌe̱ da xelagu bea caꞌ.
\v 17 Gate beleléꞌene̱ꞌ bidu naꞌ, naꞌ buluchálajle̱ne̱ꞌ benneꞌ caꞌ ca da gunná gubáz chee̱ xabáa ca da naca chee̱ bidu naꞌ.
\v 18 Naꞌ xúgute̱ benneꞌ caꞌ belenne̱ꞌ da nigá belexebánele̱ꞌe̱ne̱ꞌ ca da gulenná benneꞌ caní.
\v 19 María bcache̱ꞌ da nigá lu xichaj lázrdawe̱ꞌ, naꞌ blaba lazre̱ꞌ ca naca da nigá.
\v 20 Caꞌan guca besíꞌaca benneꞌ caꞌ dxuluxúe zrilaꞌ, dxulucáꞌana szrene̱ꞌ Dios, ne dxelúe láꞌane̱ꞌ Le̱ꞌ ca naca xúgute̱ da belenne̱ꞌ, ne da beleléꞌene̱ꞌ, laweꞌ da guca xúgute̱ ca da guzre gubáz chee̱ xabáa naꞌ le̱ꞌ.
\s Ca guca gate belúꞌe̱ bidu Jesús lu xudauꞌ
\p
\v 21 Ca guca xrunuꞌ zra, naꞌ gulechugue̱ꞌ tu lu xpe̱la bidu naꞌ ca da nadxixruj bea na chee̱ Dios, naꞌ belúꞌe̱ La bidu naꞌ Jesús, cáte̱ze naca da gunná gubáz chee̱ xabáa naꞌ, guzre̱ꞌ María nédxudxa ca za guꞌe̱ bidu naꞌ.
\p
\v 22 Ca bzrin zra chee̱ xelune̱ꞌ ca bdxixruj bea Moisés chee̱ xelexexaque̱ꞌ chaweꞌ lau Dios, naꞌ belúꞌe̱ bidu naꞌ lu xe̱zre Jerusalén chee̱ xuluzúe̱ꞌ-beꞌ lu naꞌ Xránadxu Dios.
\v 23 Belune̱ꞌ caní laweꞌ da ba naxúaj lu da nadxixruj bea Xránadxu Dios da dxenná na caní: Xúgute̱ bi biu, bi nedxu gálajbeꞌ dxal-laꞌ guzúale-beꞌ chee̱ Xránadxu Dios.
\v 24 Naꞌ xjaque̱ꞌ xeajleguꞌe̱ dxen chee̱ be̱ xíxreꞌdu caꞌ lau Dios ca da dxenná da nadxixruj bea na chee̱ Xránadxu Dios, da dxenná na: Chupa bgugu, che chupa bxínnedauꞌ.
\p
\v 25 Ca lu zra naꞌ zua tu benneꞌ biu gula lu xe̱zre Jerusalén, le̱ꞌ Simeón. Naque̱ꞌ tu benneꞌ chaweꞌ, naꞌ dxue láꞌanaqueze̱ꞌ Dios, ne dxebeze̱ꞌ benneꞌ sel-la Dios chee̱ guselé̱ꞌ bénneache Israel. Zúale̱ Beꞌ Láꞌazxa chee̱ Dios Simeón naꞌ.
\v 26 Beꞌ Láꞌazxa ba guzre̱ꞌ Simeón naꞌ quebe gatie̱ꞌ cadxa léꞌene̱ꞌ Cristo, benneꞌ naꞌ sel-la Xránadxu Dios.
\v 27 Simeón nigá guxíaje̱ꞌ lu xudauꞌ laweꞌ da bsiꞌ Beꞌ Láꞌazxa chee̱ Dios le̱ꞌ. Naꞌ gate xra xrna bidu Jesús zaj nuꞌe̱-beꞌ lu xudauꞌ chee̱ xelune̱ꞌ chee̱beꞌ ca da bdxixruj beꞌe Moisés,
\v 28 naꞌ Simeón naꞌ guqué̱ꞌe̱ bidu naꞌ. Bnide̱ꞌ-beꞌ, ne be̱ láꞌane̱ꞌ Dios, gunné̱ꞌ:
\q
\v 29 Xranaꞌ, naꞌa waca gunnuꞌ lataj gatiaꞌ lu xel-la dxebeza zri lazreꞌ
\q laweꞌ da ba be̱nuꞌ ca da guche̱be lazruꞌ chiaꞌ, nacaꞌ we̱n zrin chiuꞌ.
\q
\v 30 Nen xiaj láuquezaꞌ ba bleꞌedaꞌ Benneꞌ Weselá,
\q
\v 31 Bénneaꞌ ba bzuꞌ chee̱ gácalene̱ꞌ xúgute̱ bénneache.
\q
\v 32 Le̱ꞌ naque̱ꞌ tu xiꞌ da gusení na chee̱ benneꞌ quebe zaj nababe̱ꞌ Israel.
\q Ne̱ chee̱ Le̱ꞌ gaca tu da ba neza chee̱ bénneache chiuꞌ, benneꞌ Israel.
\p
\v 33 José ne xrna Jesús belexebánele̱ꞌe̱ne̱ꞌ ca da gunná Simeón chee̱ bidu Jesús.
\v 34 Nadxa Simeón gunabe̱ꞌ lau Dios gune̱ꞌ chee̱ꞌ da chaweꞌ, naꞌ guzre̱ꞌ María, xrna Jesús:
\p ―¡Gunnáꞌxque nigá! Bidu nigá, Dios nuzúe̱ꞌ le̱beꞌ chee̱ gunbeꞌ chee̱ benneꞌ Israel caꞌ, cheajlecházie̱ꞌ benneꞌ zante̱ lu naꞌ da xriwe̱ꞌ, naꞌ benneꞌ zante̱ xelexexase̱ꞌ lau Dios. Le̱beꞌ gácabeꞌ tu da dxunna bea chee̱ Dios, naꞌ benneꞌ zante̱ xuluzúe̱ꞌ le̱beꞌ chaláꞌala.
\v 35 Ne̱ chee̱ le̱beꞌ guléꞌe lau ca da dxeajlesá lazreꞌ tu tue̱ꞌ. Naꞌ chiuꞌ lueꞌ da nigá gaca na ca tu xia nalá, da cheajsúa lu lázrdaꞌu.
\p
\v 36 Cáꞌanqueze zua naꞌ tu nuꞌula dxenné̱ꞌ waláz chee̱ Dios, le̱ꞌ Ana. Nuꞌula nigá naque̱ꞌ zriꞌine Fanuel, ne xrtia Aser. Ba naque̱ꞌ nuꞌula gúlale̱ꞌe̱. Bchaga ne̱ꞌe̱ gate naꞌ naque̱ꞌ nuꞌula cuídeꞌte̱, naꞌ guzúale̱ne̱ꞌ benneꞌ chee̱ꞌ gazre iza.
\v 37 Naꞌ begáꞌane̱ꞌ tuze̱ꞌ, ne ba xuꞌe̱ tapa lalaj tapa iza. Quebe becuase̱ꞌ xudauꞌ, naꞌ dxune̱ꞌ zrin chee̱ Xránadxu Dios te zra chizrela. Dxune̱ꞌ gubasa, ne dxuchálajle̱ne̱ꞌ Dios.
\v 38 Ana naꞌ bzrínqueze̱ꞌ naꞌ, naꞌ ca gudé guzre̱ꞌ Dios: “Xcalenuꞌ”, naꞌ guzú lawe̱ꞌ dxuchálaje̱ꞌ chee̱ bidu Jesús nen xúgute̱ benneꞌ caꞌ dxelebeze̱ꞌ benneꞌ naꞌ sel-la Dios chee̱ guselé̱ꞌ benneꞌ Jerusalén caꞌ.
\s Ca guca gate belexezrine̱ꞌ xe̱zre Nazaret
\p
\v 39 Ca belune̱ꞌ xúgute̱ ca da dxenná da nadxixruj bea Xránadxu, nadxa besiáꞌque̱ꞌ xjaque̱ꞌ naga nababa Galilea, naꞌ belexezrine̱ꞌ xe̱zre Nazaret da naca lazrie̱ꞌ.
\v 40 Naꞌ bidu Jesús bgúlabeꞌ, ne gúcadxabeꞌ chuchu, ne gúcadxabeꞌ bi naxéajniꞌi, naꞌ Dios bcaꞌane̱ꞌ le̱beꞌ chaweꞌ.
\s Ca guca gate bzrin bidu Jesús lu xudauꞌ
\p
\v 41 Xra xrnaꞌ Jesús, tu tu iza dxjáꞌaque̱ꞌ xe̱zre Jerusalén gate dxuꞌu laní chee̱ xulusá lazreꞌ benneꞌ judío ca da be̱n Dios, bebéaje̱ꞌ xra xrtawe̱ꞌ caꞌ lu xe̱zr la xu Egipto.
\v 42 Ca guque Jesús chazrinnu iza, naꞌ xjáꞌaque̱ꞌ xúgute̱ꞌ Jerusalén, ca dxelúnqueze̱ꞌ ca dxaca laní.
\v 43 Ca gudé laní, naꞌ besiáꞌque̱ꞌ, naꞌ bidu Jesús begáꞌanabeꞌ Jerusalén, ne quebe guleque beꞌe xrnabeꞌ, ne José.
\v 44 Dxeléquene̱ꞌ Jesús zezabeꞌ ládujla benneꞌ zan caꞌ, naꞌ besiáꞌque̱ꞌ tu zra nez. Gate belexilje̱ꞌ-beꞌ ládujla benneꞌ xrtie̱ꞌ caꞌ, ne benneꞌ caꞌ zaj núnbeꞌe̱,
\v 45 quebe belexezrélne̱ꞌ-beꞌ. Caꞌan guca belexebiꞌe̱ zeajxáꞌaque̱ꞌ Jerusalén chee̱ cheajlexedílje̱ꞌ-beꞌ naꞌ.
\p
\v 46 Ca gudé guca chunna zra, nadxa belexezrélne̱ꞌ-beꞌ lu xudauꞌ, dxeꞌebeꞌ ládujla benneꞌ caꞌ dxuluxuzájle̱ꞌe̱ da nadxixruj bea Dios, naꞌ dxenbeꞌ ca dxelenné̱ꞌ, ne dxuché̱bebeꞌ benneꞌ caꞌ.
\v 47 Xúgute̱ benneꞌ caꞌ dxelenne̱ꞌ dxelexebánene̱ꞌ chee̱beꞌ ca naca xel-la sina chee̱beꞌ, ne ca naca da dxuchálajle̱beꞌ le̱ꞌ.
\v 48 Gate beleléꞌe xra xrnabeꞌ le̱beꞌ, naꞌ belexebánene̱ꞌ. Naꞌ gunná xrnabeꞌ, dxe̱ꞌe̱-beꞌ:
\p ―Zriꞌinaꞌ, ¿bizr chee̱ naꞌ be̱nuꞌ caní nen netuꞌ? Cadite ste̱be ba guzúantuꞌ chiuꞌ dxexílajntuꞌ lueꞌ, xrauꞌ ne nedaꞌ.
\p
\v 49 Nadxa Jesús dxe̱ꞌe̱beꞌ le̱ꞌ:
\p ―¿Bizr chee̱ naꞌ dxexílajle nedaꞌ? ¿Quebe nézele leꞌe dxal-laꞌ gunaꞌ nedaꞌ da naca chee̱ Xraꞌ?
\p
\v 50 Xra xrnabeꞌ quebe guléajniꞌine̱ꞌ ca da gúzrebeꞌ le̱ꞌ.
\p
\v 51 Nadxa bezále̱beꞌ le̱ꞌ zeajxáꞌaque̱ꞌ Nazaret, naꞌ gúcaquezebeꞌ bi wezúa dizraꞌ chee̱ xra xrnabeꞌ. Naꞌ xrnabeꞌ bcache chawe̱ꞌ xúgute̱ da nigá lu lázrdawe̱ꞌ.
\v 52 Jesús zéajbeꞌ dxegúlabeꞌ lu be̱l-laꞌ dxen chee̱beꞌ, ne lu xichaj lázrdaubeꞌ, naꞌ dxedxúajquezebeꞌ chaweꞌ lau Dios, ne lau bénneache.
\c 3
\s Juan, benneꞌ dxuchúe̱ꞌ bénneache nisa, dxuchálaje̱ꞌ xrtizraꞌ Dios le̱ꞌe̱ xixreꞌ
\r (Mt. 3.1-12; Mr. 1.1-8; Jn. 1.19-28)
\p
\v 1 Iza chinuꞌ ca dxenná bea Tiberio, benneꞌ dxenná beꞌe ca naca xe̱zr la xu, naꞌ Poncio Pilato dxenná beꞌe̱ naga nababa Judea, naꞌ Herodes dxenná beꞌe̱ naga nababa Galilea, naꞌ Felipe, benneꞌ biche Herodes, dxenná beꞌe̱ naga nababa Iturea, ne Traconite, naꞌ Lisanias dxenná beꞌe̱ naga nababa Abilinia.
\v 2 Naꞌ Anás, ne Caifás zaj naque̱ꞌ bxruze blau. Ca lu zra naꞌ Dios bchálajle̱ne̱ꞌ Juan, zriꞌine Zacarías, naga zua Juan le̱ꞌe̱ xixreꞌ laweꞌ lataj.
\v 3 Juan naꞌ gudée̱ꞌ ca naca xé̱zredu caꞌ zaj nnitanꞌ chaláꞌa weaj xe̱gu Jordán, naꞌ dxe̱ꞌe̱ benneꞌ caꞌ dxal-laꞌ xelexebíꞌi lazre̱ꞌ, ne xeledxúe̱ꞌ nisa chee̱ gunite lau Dios chee̱ xtul-leꞌ.
\v 4 Caní guca ca naꞌ gunná Isaías, benneꞌ bchálaje̱ꞌ waláz chee̱ Dios, gunné̱ꞌ:
\q Nen tu chiꞌi bénneaꞌ dxenné̱ꞌ zizraj le̱ꞌe̱ xixreꞌ laweꞌ lataj. Dxenné̱ꞌ:
\q Le gucueza neza naga te Xránadxu.
\q Le xulí chaweꞌ neza lase chee̱ꞌ.
\q
\v 5 Ca naca zrítudu caꞌ le xuzrá na.
\q Ca naca xiꞌa caꞌ, ne xíꞌadu caꞌ xelexaca na tu li.
\q Neza xúcaꞌdu caꞌ xelexelí na.
\q Neza da quebe nalí xelexaca na tu li.
\q
\v 6 Ca naca bénneache xeleléꞌene̱ꞌ Benneꞌ Weselá sel-la Dios.
\p
\v 7 Gate benneꞌ caꞌ belezrine̱ꞌ lau Juan chee̱ xeledxúe̱ꞌ nisa, naꞌ le̱ꞌ dxe̱ꞌe̱ benneꞌ caꞌ:
\p ―Xrtia be̱la snia. ¿Bleꞌe nu benneꞌ leꞌe chee̱ cuásale ca naca xel-la dxezráꞌa chee̱ Dios da ba za?
\v 8 Le gun da guléꞌe na ba bebíꞌi lázrele, ne quebe nnale lu lázrdaule: Nácantuꞌ xrtia ljwezre Abraham. Nedaꞌ dxapaꞌ leꞌe, Dios wazéquene̱ꞌ xexune̱ꞌ xiaj caní xrtia Abraham.
\v 9 Xa waga ba de̱ cuásate̱ na chee̱ chugue̱ꞌ xaga caꞌ, naꞌ xúgute̱ xaga da quebe dxelebía na da zixre chaweꞌ welechugue na, naꞌ xuluzré̱ꞌe̱ na lu xiꞌ.
\p
\v 10 Nadxa benneꞌ caꞌ buluche̱be̱ꞌ le̱ꞌ:
\p ―¿Bi dxal-laꞌ guntuꞌ?
\p
\v 11 Juan beche̱be̱ꞌ:
\p ―Benneꞌ de̱ chupa zre̱ꞌ dxal-laꞌ gunézruje̱ꞌ tu na benneꞌ quebe de̱ chee̱ꞌ, naꞌ benneꞌ de̱ da dxawe̱ꞌ dxal-laꞌ gunézruje̱ꞌ da gagu bénneaꞌ quebe bi de̱ chee̱ꞌ.
\p
\v 12 Cáꞌanqueze beleláꞌ benneꞌ wechizruj caꞌ chee̱ xeledxúe̱ꞌ nisa, naꞌ buluche̱be̱ꞌ Juan:
\p ―Benneꞌ wese̱de, ¿bi da dxal-laꞌ guntuꞌ netuꞌ?
\p
\v 13 Juan guzre̱ꞌ le̱ꞌ:
\p ―Quebe guchízrujle da zrendxa ca da nadxixruj bea na.
\p
\v 14 Cáꞌanqueze bal-la benneꞌ dxjaque̱ꞌ wedil-la buluche̱be̱ꞌ le̱ꞌ:
\p ―¿Gazra netuꞌ? ¿Bi da dxal-laꞌ guntuꞌ?
\p Juan beche̱be̱ꞌ:
\p ―Quebe guchébele benneꞌ, ne quebe gágule le̱ꞌ zria lu da we̱n lazreꞌ chee̱ cuale dumí chee̱ꞌ, naꞌ le be nen cadite názrujle.
\p
\v 15 Benneꞌ zaj zre̱ꞌe̱ naꞌ zaj zue̱ꞌ ste̱be, naꞌ dxuluche̱be̱ꞌ lu lázrdawe̱ꞌ che Juan naꞌ naque̱ꞌ Cristo, benneꞌ nasel-la Dios.
\v 16 Juan naꞌ gunné̱ꞌ:
\p ―Nedaꞌ, da li dxuchúaꞌ leꞌe nisa nen nisa. Wida tu benneꞌ gune̱ꞌ da dxuléꞌe xel-la dxedxúa nisa nigá, guzúe̱ꞌ leꞌe Beꞌ Láꞌazxa, ne xiꞌ chee̱ꞌ. Benneꞌ nigá nápadxe̱ꞌ xel-la dxenná bea ca nedaꞌ, naꞌ quebe naca chiaꞌ cuéajaꞌ xel-la chee̱ꞌ da xuꞌu niꞌe̱.
\v 17 Ba nuxre̱ꞌ da dxun beꞌ chee̱ꞌ, naꞌ guchiꞌe̱ naga dxine̱ꞌ zruaꞌ xtila. Naꞌ xutupe̱ꞌ zruaꞌ xtila, guzráꞌ chawe̱ꞌ na lizre̱ꞌ. Guzezxe̱ꞌ xizre chee̱ na lu xiꞌ da cabataꞌ xul-la na.
\p
\v 18 Ca naca dizraꞌ nigá, ne xezícadxa dizraꞌ zan bchálajle̱ne̱ꞌ benneꞌ caꞌ ca naca dizraꞌ chaweꞌ chee̱ Dios.
\v 19 Juan gudil-le̱ꞌ Herodes, benneꞌ dxenná beꞌe̱, laweꞌ da zúale̱ne̱ꞌ Herodías, zruꞌula Felipe, benneꞌ biche Herodes naꞌ, ne laweꞌ da ba be̱ne̱ꞌ da zante̱ da cale̱la. Nadxa Herodes
\v 20 bé̱ndxaqueze̱ꞌ da cale̱la, guluꞌe̱ Juan lizre xia.
\s Da guca gate gudxúa Jesús nisa
\r (Mt. 3.13-17; Mr. 1.9-11)
\p
\v 21 Gate ne dxuchúa Juan naꞌ bénneache nisa, cáꞌanqueze Jesús gudxúe̱ꞌ nisa, naꞌ gate dxuchálajle̱ne̱ꞌ Dios, naꞌ bxalaj xabáa,
\v 22 naꞌ betaj Beꞌ Láꞌazxa laweꞌ Jesús. Bleꞌe lawe̱ꞌ ca tu bgugu chiche, naꞌ ben tu chiꞌe̱ xabáa, dxenné̱ꞌ:
\p ―Lueꞌ nacuꞌ zriꞌinaꞌ nazríꞌite̱ lazraꞌ. Dxezaca ba lázrele̱naꞌ Lueꞌ.
\s Ca naca xra xrtau Jesucristo
\r (Mt. 1.1-17)
\p
\v 23 Jesús nape̱ꞌ ca chi dxua iza gate guzú lawe̱ꞌ dxune̱ꞌ zrin chee̱ꞌ. Dxeleque benneꞌ naque̱ꞌ zriꞌine José. Naca Jesús zre sua Elí, xra María.
\q
\v 24 Elí naꞌ guque̱ꞌ zriꞌine Matat,
\q Matat naꞌ guque̱ꞌ zriꞌine Leví,
\q Leví naꞌ guque̱ꞌ zriꞌine Melqui,
\q Melqui naꞌ guque̱ꞌ zriꞌine Jana,
\q Jana naꞌ guque̱ꞌ zriꞌine xetú José.
\q
\v 25 José nigá guque̱ꞌ zriꞌine Matatías,
\q Matatías naꞌ guque̱ꞌ zriꞌine Amós,
\q Amós naꞌ guque̱ꞌ zriꞌine Nahum,
\q Nahum naꞌ guque̱ꞌ zriꞌine Esli,
\q Esli naꞌ guque̱ꞌ zriꞌine Nagai.
\q
\v 26 Nagai naꞌ guque̱ꞌ zriꞌine Maat,
\q Maat naꞌ guque̱ꞌ zriꞌine xetú Matatías,
\q Matatías nigá guque̱ꞌ zriꞌine Semei,
\q Semei naꞌ guque̱ꞌ zriꞌine xetú José,
\q José nigá guque̱ꞌ zriꞌine Judá.
\q
\v 27 Judá naꞌ guque̱ꞌ zriꞌine Joana,
\q Joana naꞌ guque̱ꞌ zriꞌine Resa,
\q Resa naꞌ guque̱ꞌ zriꞌine Zorobabel,
\q Zorobabel naꞌ guque̱ꞌ zriꞌine Salatiel,
\q Salatiel naꞌ guque̱ꞌ zriꞌine Neri.
\q
\v 28 Neri naꞌ guque̱ꞌ zriꞌine xetú Melqui,
\q Melqui nigá guque̱ꞌ zriꞌine Adi,
\q Adi naꞌ guque̱ꞌ zriꞌine Cosam,
\q Cosam naꞌ guque̱ꞌ zriꞌine Elmodam,
\q Elmodam naꞌ guque̱ꞌ zriꞌine Er,
\q
\v 29 Er naꞌ guque̱ꞌ zriꞌine Josué,
\q Josué naꞌ guque̱ꞌ zriꞌine Eliezer,
\q Eliezer naꞌ guque̱ꞌ zriꞌine Jorim,
\q Jorim naꞌ guque̱ꞌ zriꞌine xetú Matat,
\q
\v 30 Matat nigá guque̱ꞌ zriꞌine xetú Leví,
\q Leví nigá guque̱ꞌ zriꞌine Simeón,
\q Simeón naꞌ guque̱ꞌ zriꞌine xetú Judá,
\q Judá nigá guque̱ꞌ zriꞌine xetú José,
\q José nigá guque̱ꞌ zriꞌine Jonán,
\q Jonán naꞌ guque̱ꞌ zriꞌine Eliaquim,
\q
\v 31 Eliaquim naꞌ guque̱ꞌ zriꞌine Melea,
\q Melea naꞌ guque̱ꞌ zriꞌine Mainán,
\q Mainán naꞌ guque̱ꞌ zriꞌine Matata,
\q Matata naꞌ guque̱ꞌ zriꞌine Natán.
\q
\v 32 Natán naꞌ guque̱ꞌ zriꞌine David,
\q David naꞌ guque̱ꞌ zriꞌine Isaí,
\q Isaí naꞌ guque̱ꞌ zriꞌine Obed,
\q Obed naꞌ guque̱ꞌ zriꞌine Booz,
\q Booz naꞌ guque̱ꞌ zriꞌine Salmón,
\q Salmón naꞌ guque̱ꞌ zriꞌine Naasón.
\q
\v 33 Naasón naꞌ guque̱ꞌ zriꞌine Aminadab,
\q Aminadab naꞌ guque̱ꞌ zriꞌine Aram,
\q Aram naꞌ guque̱ꞌ zriꞌine Esrom,
\q Esrom naꞌ guque̱ꞌ zriꞌine Fares,
\q Fares naꞌ guque̱ꞌ zriꞌine xetú Judá,
\q
\v 34 Judá nigá guque̱ꞌ zriꞌine Jacob,
\q Jacob naꞌ guque̱ꞌ zriꞌine Isaac,
\q Isaac naꞌ guque̱ꞌ zriꞌine Abraham,
\q Abraham naꞌ guque̱ꞌ zriꞌine Taré,
\q Taré naꞌ guque̱ꞌ zriꞌine Nacor.
\q
\v 35 Nacor naꞌ guque̱ꞌ zriꞌine Serug,
\q Serug naꞌ guque̱ꞌ zriꞌine Ragau,
\q Ragau naꞌ guque̱ꞌ zriꞌine Peleg,
\q Peleg naꞌ guque̱ꞌ zriꞌine Heber,
\q Heber naꞌ guque̱ꞌ zriꞌine Sala,
\q
\v 36 Sala naꞌ guque̱ꞌ zriꞌine Cainán,
\q Cainán naꞌ guque̱ꞌ zriꞌine Arfaxad,
\q Arfaxad naꞌ guque̱ꞌ zriꞌine Sem,
\q Sem naꞌ guque̱ꞌ zriꞌine Noé,
\q Noé naꞌ guque̱ꞌ zriꞌine Lamec,
\q
\v 37 Lamec naꞌ guque̱ꞌ zriꞌine Matusalén,
\q Matusalén naꞌ guque̱ꞌ zriꞌine Enoc,
\q Enoc naꞌ guque̱ꞌ zriꞌine Jared,
\q Jared naꞌ guque̱ꞌ zriꞌine Mahalaleel,
\q Mahalaleel naꞌ guque̱ꞌ zriꞌine xetú Cainán.
\q
\v 38 Cainán naꞌ guque̱ꞌ zriꞌine Enós,
\q Enós naꞌ guque̱ꞌ zriꞌine Set,
\q Set naꞌ guque̱ꞌ zriꞌine Adán,
\q Adán naꞌ guque̱ꞌ ca zríꞌinequeze Dios.
\c 4
\s Satanás da xriwe̱ꞌ dxilaj lazreꞌ na ájala gusebaga na Jesús dul-la
\r (Mt. 4.1-11; Mr. 1.12-13)
\p
\v 1 Jesús, zúale̱ Beꞌ Láꞌazxa Le̱ꞌ, bezé̱ꞌe̱ xe̱gu Jordán, naꞌ guché̱ Beꞌ Láꞌazxa Le̱ꞌ le̱ꞌe̱ xixreꞌ laweꞌ lataj.
\v 2 Naꞌ guzúe̱ꞌ chua zra, naꞌ Satanás da xriwe̱ꞌ gudilaj lazreꞌ na ájala si xe̱ na Le̱ꞌ. Quebe bi gudagu Jesús da chua zra caꞌ, naꞌ ca gudé naꞌ gudune̱ꞌ.
\v 3 Nadxa gunná da xriwe̱ꞌ, guzre na Le̱ꞌ:
\p ―Che da li nacuꞌ Lueꞌ Zriꞌine Dios, be̱n xelexaca xiaj caní xeta xtila.
\p
\v 4 Naꞌ beche̱be Jesús:
\p ―Naxúajqueze na lu xiche chee̱ Dios, dxenné̱ꞌ: Quegá nen xeta xtílaze gaca ban bénneache, san cáꞌanqueze nen xrtizraꞌ Dios gaca ban bénneache.
\p
\v 5 Nadxa da xriwe̱ꞌ guché̱ na Jesús tu xiꞌa sibe, naꞌ chadite̱ bleꞌe na Le̱ꞌ xúgute̱ cueꞌ xe̱zr la xu da zaj nnita lu xe̱zr la xu nigá,
\v 6 naꞌ guzre na Le̱ꞌ:
\p ―Nedaꞌ gunnaꞌ Lueꞌ ca naca xel-la dxenná bea nigá, ne xel-la szren chee̱ xúgute̱ xe̱zr la xu caní, laweꞌ da zaj xuꞌu da caní lu naꞌa nedaꞌ, naꞌ gunézrujaꞌ na nu dxaca lazraꞌ gunézrujaꞌ na.
\v 7 Gunnaꞌ na chiuꞌ che lueꞌ guzú zribuꞌ lawaꞌ, ne gucáꞌana szrenuꞌ nedaꞌ.
\p
\v 8 Jesús beche̱be̱ꞌ:
\p ―Gucuasa lueꞌ, Satanás, laweꞌ da dxenná xiche chee̱ Dios, dxe̱ꞌe̱ bénneache: “Bcaꞌana szren Xranuꞌ Dios, ne be̱n zrin chee̱ tuze Le̱ꞌ.”
\p
\v 9 Nadxa da xriwe̱ꞌ naꞌ guché̱ na Jesús lu xe̱zre Jerusalén, naꞌ bcuén na Le̱ꞌ xichaj zeꞌe xudauꞌ, naꞌ guzre na Le̱ꞌ:
\p ―Che da li naꞌ nacuꞌ Zriꞌine Dios, guxriteꞌ nigá cheajxe̱zuꞌ lu xu,
\v 10 laweꞌ da lu xiche chee̱ Dios dxenné̱ꞌ:
\q Dios gusebague̱ꞌ gubáz chee̱ xabáa chee̱ꞌ caꞌ xuluxue̱ꞌ Lueꞌ.
\q
\v 11 Xelechísaqueze̱ꞌ Lueꞌ nen ne̱ꞌe̱,
\q chee̱ quebe gaca we̱ꞌ niꞌu laweꞌ xiaj caꞌ.
\p
\v 12 Jesús beche̱be̱ꞌ:
\p ―Cáꞌanqueze naxúaj na lu xiche chee̱ Dios, dxe̱ꞌe̱ bénneache: “Quebe guchínenuꞌ ca dxaca lazruꞌ Xranuꞌ Dios.”
\p
\v 13 Gate da xriwe̱ꞌ québedxa bezrela lazreꞌ na ájala gun zréaje na Jesús, naꞌ becuasa na tu chiꞌi.
\s Jesús dxune̱ꞌ zrin chee̱ꞌ naga nababa Galilea
\r (Mt. 4.12-17; Mr. 1.14-15)
\p
\v 14 Naꞌ Jesús bezrine̱ꞌ Galilea, ba nápale̱ꞌe̱ xel-la waca chee̱ Beꞌ Láꞌazxa, naꞌ ca naca xé̱zredu caꞌ zaj nababa naꞌ buluchálaj bénneache ca naca xel-la waca chee̱ꞌ.
\v 15 Jesús bsé̱dene̱ꞌ benneꞌ caꞌ tu tu lu xudauꞌ caꞌ, naꞌ xúgute̱ꞌ belúe láꞌane̱ꞌ Le̱ꞌ.
\s Jesús dxexezrine̱ꞌ Nazaret
\r (Mt. 13.53-58; Mr. 6.1-6)
\p
\v 16 Nadxa Jesús bezrine̱ꞌ Nazaret, xe̱zre naga bgule̱ꞌ. Lu zra dxulupáꞌana benneꞌ judío caꞌ guxúꞌe̱ lu xuꞌu ga naꞌ dxelezraga benneꞌ judío caꞌ, ca xuꞌu lawe̱ꞌ dxune̱ꞌ, chee̱ gulabe̱ꞌ da naxúaj na lu xiche chee̱ Dios.
\v 17 Buludée̱ꞌ Lu ne̱ꞌe̱ xiche naga naxúaj dizraꞌ bzuaj Isaías, benneꞌ bchálaje̱ꞌ waláz chee̱ Dios, naꞌ gate gusálaje̱ꞌ na, naꞌ blabe̱ꞌ naga naxúaj da dxenná:
\q
\v 18 Beꞌ Láꞌazxa chee̱ Xránadxu zúale̱ne̱ꞌ nedaꞌ,
\q laweꞌ da guqué̱ꞌe̱ nedaꞌ chee̱ guchálajle̱naꞌ benneꞌ baxacheꞌ caꞌ dizraꞌ chaweꞌ chee̱ꞌ.
\q Gusel-le̱ꞌ nedaꞌ chee̱ xexunaꞌ benneꞌ caꞌ quebe chaweꞌ zaj zue̱ꞌ,
\q ne chee̱ guzendaꞌ benneꞌ ba zaj nadxéaje̱ꞌ lu da zrinnaj, waca xelelé̱ꞌ,
\q ne chee̱ xexunaꞌ lau benneꞌ la chul-la caꞌ,
\q ne chee̱ guseláꞌ benneꞌ dxelezaca ziꞌe̱,
\q
\v 19 ne chee̱ guzendaꞌ bénneache ba bzrin zra Xránadxu Dios gucáꞌane̱ꞌ le̱ꞌ chaweꞌ.
\p
\v 20 Nadxa Jesús butube̱ꞌ xiche naꞌ, naꞌ bdee̱ꞌ na lu naꞌ benneꞌ dxuxúe̱ꞌ xuꞌu naꞌ, naꞌ bebéꞌe̱. Xúgute̱ benneꞌ zaj zre̱ꞌe̱ lu xuꞌu naꞌ dxelenné̱ꞌe̱ Le̱ꞌ,
\v 21 naꞌ Jesús guzú lawe̱ꞌ dxe̱ꞌe̱ benneꞌ caꞌ:
\p ―Naꞌa zra guca ca da naxúaj na laule leꞌe.
\p
\v 22 Xúgute̱ꞌ gulenné̱ꞌ chaweꞌ chee̱ Jesús, ne belexebánene̱ꞌ ca naca dizraꞌ chaweꞌ da dxuchalaje̱ꞌ. Naꞌ buluche̱be ljwezre̱ꞌ:
\p ―¿Quegá benneꞌ nigá zriꞌine José?
\p
\v 23 Jesús guzre̱ꞌ le̱ꞌ:
\p ―Da líqueze leꞌe we̱le nedaꞌ dizraꞌ nigá: Lueꞌ, benneꞌ dxexúnuꞌ benneꞌ we̱ꞌ caꞌ, bexún cuinuꞌ, ne xe̱le nedaꞌ: Ca da bénentuꞌ be̱nuꞌ lu xe̱zre Capernaum, cáꞌanqueze be̱n na lázriuꞌ nigá naꞌa.
\p
\v 24 Nadxa gunná Jesús:
\p ―Da li dxapaꞌ leꞌe, tu benneꞌ dxuchálaje̱ꞌ waláz chee̱ Dios, quebe nu dxue le̱ꞌ ba láꞌana lazrie̱ꞌ.
\v 25 Dxapaꞌ leꞌe, gulezráꞌ nuꞌula zan ba gulate benneꞌ chee̱ꞌ lu xe̱zr la xu Israel ca lu zra guzúa Elías, benneꞌ bchálaje̱ꞌ waláz chee̱ Dios, gate naꞌ quebe guca xiuj chun iza xugachaj, ne gúcale̱ꞌe̱ gubinaꞌ ca naca xe̱zr la xu naꞌ.
\v 26 Dios quebe gusel-le̱ꞌ Elías lau netú nuꞌula, nate benneꞌ chee̱ꞌ, zue̱ꞌ xe̱zr la xu Israel. Gusel-le̱ꞌ le̱ꞌ lau tu nuꞌula, nate benneꞌ chee̱ꞌ, zue̱ꞌ lu xe̱zre Sarepta, da zua na gagu naga dxeꞌ xe̱zre Sidón.
\v 27 Cáꞌanqueze gulezráꞌ benneꞌ zan benneꞌ dxeledxéꞌene̱ꞌ we̱ꞌ guzruꞌ lu xe̱zr la xu Israel ca lu zra guzúa Eliseo, benneꞌ bchálaje̱ꞌ waláz chee̱ Dios, naꞌ netúe̱ꞌ quebe bexaque̱ꞌ. Tuze Naamán, benneꞌ xe̱zr la xu Siria bexaque̱ꞌ.
\p
\v 28 Gate belén benneꞌ caꞌ zaj zre̱ꞌe̱ xuꞌu naꞌ da nigá, naꞌ belezráꞌale̱ꞌe̱.
\v 29 Naꞌ gulase̱ꞌ, ne belexebéaje̱ꞌ Jesús xe̱zre naꞌ, naꞌ beleché̱ꞌe̱ Le̱ꞌ dxuꞌa chjéaj naga zria xe̱zre naꞌ, chee̱ xuludxixre̱ꞌ Le̱ꞌ naꞌ.
\v 30 Naꞌ Jesús bedée̱ꞌ ládujla benneꞌ caꞌ, naꞌ bezé̱ꞌe̱ zexíaje̱ꞌ.
\s Jesús dxexune̱ꞌ tu benneꞌ xuꞌe̱ beꞌ xriwe̱ꞌ
\r (Mr. 1.21-28)
\p
\v 31 Nadxa Jesús bexíaje̱ꞌ Capernaum, tu xe̱zre nababa Galilea, naꞌ guzú lawe̱ꞌ dxusé̱dene̱ꞌ benneꞌ caꞌ lu zra láꞌazxa chee̱ judío caꞌ.
\v 32 Belexebánene̱ꞌ ca naca da dxusé̱dene̱ꞌ, laweꞌ da dxuchálaje̱ꞌ ca tu benneꞌ nape̱ꞌ xel-la dxenná bea.
\p
\v 33 Lu xuꞌu naꞌ zua tu benneꞌ xuꞌe̱ beꞌ xriwe̱ꞌ, naꞌ dxebezre xe̱ꞌe̱,
\v 34 dxenné̱ꞌ:
\p ―Bsan netuꞌ. ¿Bizr chee̱ naꞌ dxunuꞌ netuꞌ ze̱de, Jesús, benneꞌ Nazaret? ¿Zaꞌu guzría xiꞌu netuꞌ? Nedaꞌ núnbeꞌa Lueꞌ, ne nezdaꞌ nacuꞌ benneꞌ láꞌazxa chee̱ Dios.
\p
\v 35 Jesús gudil-le̱ꞌ beꞌ xriwe̱ꞌ naꞌ, dxenné̱ꞌ:
\p ―Zrize guzúa. Bsan benneꞌ biu nigá.
\p Nadxa beꞌ xriwe̱ꞌ naꞌ gudín na bénneaꞌ xu lau xúgute̱ benneꞌ caꞌ, naꞌ bedxúaj na lu xichaj lázrdau bénneaꞌ, ne quebe bi be̱n na chee̱ꞌ.
\v 36 Xúgute̱ꞌ belexebánene̱ꞌ, naꞌ gulé̱ꞌ ljwezre̱ꞌ:
\p ―¿Bizra dizraꞌ da caní? Benneꞌ nigá dxenná béꞌene̱ꞌ beꞌ xriwe̱ꞌ caꞌ nen dute̱ xel-la dxenná bea chee̱ꞌ, ne nen xel-la waca, naꞌ beꞌ xriwe̱ꞌ caꞌ dxeledxúaj na.
\p
\v 37 Naꞌ buluchálaje̱ꞌ ca naca chee̱ Jesús xúgute̱ lu xe̱zre caꞌ zaj nababa naꞌ.
\s Jesús dxexune̱ꞌ xrna zruꞌula Pedro
\r (Mt. 8.14-15; Mr. 1.29-31)
\p
\v 38 Nadxa bedxúaj Jesús lu xuꞌu naꞌ, naꞌ guxúꞌe̱ lizre Simón. Xrna zruꞌula Simón naꞌ quebe chaweꞌ zue̱ꞌ, xúꞌule̱ꞌe̱ da la, naꞌ gulataꞌ xuene̱ꞌ Jesús xexune̱ꞌ le̱ꞌ.
\v 39 Jesús gubigue̱ꞌe̱ cuite̱ꞌ, naꞌ gudil-le̱ꞌ da la naꞌ, naꞌ bedxúaj na. Ca náꞌqueze bexásate̱ꞌ, naꞌ guzú lawe̱ꞌ dxuseniꞌe̱ da xelawe̱ꞌ.
\s Jesús dxexune̱ꞌ benneꞌ zan quebe chaweꞌ zaj zue̱ꞌ
\r (Mt. 8.16-17; Mr. 1.32-34)
\p
\v 40 Ca dxebía gubizra, benneꞌ caꞌ zaj nnitaꞌ benneꞌ quebe chaweꞌ zaj zue̱ꞌ lizre̱ꞌ belúꞌe̱ le̱ꞌ lau Jesús, naꞌ Le̱ꞌ bze̱ ne̱ꞌe̱ tu tu benneꞌ caꞌ, ne bexune̱ꞌ le̱ꞌ.
\v 41 Cáꞌanqueze zánete̱ beꞌ xriwe̱ꞌ belexedxúaj na lu xichaj lázrdau benneꞌ caꞌ. Dxelenná na:
\p ―Lueꞌ nacuꞌ Zriꞌine Dios.
\p Jesús gudil-le̱ꞌ beꞌ xriwe̱ꞌ caꞌ. Quebe be̱ꞌe̱ na lataj xelenné̱ na, laweꞌ da zaj neze na naca Le̱ꞌ Cristo.
\s Jesús dxuchálaje̱ꞌ naga nababa Galilea
\r (Mr. 1.35-39)
\p
\v 42 Ca dxaníꞌsise̱ꞌ, bdxuaj Jesús xe̱zre naꞌ, guxíaje̱ꞌ naga xeajsúe̱ꞌ tuze̱ꞌ. Naꞌ benneꞌ caꞌ belexexílaje̱ꞌ Le̱ꞌ, naꞌ belezrine̱ꞌ xuluzague̱ꞌ Le̱ꞌ chee̱ quebe xeze̱ꞌe̱.
\v 43 Jesús gunné̱ꞌ:
\p ―Dxun na ba xen guzendaꞌ bénneache xezícadxa xe̱zrdu caꞌ ca dxenná bea Dios, laweꞌ da chee̱ gunaꞌ caní gusel-le̱ꞌ nedaꞌ.
\p
\v 44 Caꞌan guca gudá Jesús ca naca xe̱zre caꞌ zaj nababa Galilea, naꞌ bchálaje̱ꞌ lu xuꞌu naga dxelezraga judío caꞌ lu xe̱zre caꞌ.
\c 5
\s Dxelezene̱ꞌ bela zan
\r (Mt. 4.18-22; Mr. 1.16-20)
\p
\v 1 Gate zua Jesús dxuꞌa nísadauꞌ chee̱ Genesaret, naꞌ belezrín benneꞌ zan, ne buluchídete̱ꞌ Le̱ꞌ, laweꞌ da dxelaca lazre̱ꞌ xelenne̱ꞌ xrtizraꞌ Dios.
\v 2 Jesús bléꞌene̱ꞌ chupa da dxedá laweꞌ nísadauꞌ lu nísadauꞌ naꞌ, zaj zraꞌ gáguze lu xu bizre, laweꞌ da ba belexedxúaj benneꞌ wezén bela caꞌ luꞌule da dxedá laweꞌ nísadauꞌ, naꞌ zaj zre̱ꞌe̱ dxelexibe̱ꞌ xixruj chee̱ꞌ caꞌ.
\v 3 Nadxa guxúꞌu Jesús tu lu da dxedá laweꞌ nísadauꞌ, da naca na chee̱ Simón, naꞌ guzre̱ꞌ Simón guzrigue̱ꞌ na xelateꞌ lu nísadauꞌ naꞌ. Jesús gudxéꞌe̱ lu da dxedá laweꞌ nísadauꞌ naꞌ, naꞌ guzú lawe̱ꞌ dxusé̱dene̱ꞌ benneꞌ caꞌ.
\v 4 Ca bexuzre bchálaje̱ꞌ, naꞌ guzre̱ꞌ Simón:
\p ―Bsa da dxedá laweꞌ nísadauꞌ chiuꞌ naga nácadxa situj nísadauꞌ, naꞌ le guzal-la xixruj chee̱le naꞌ chee̱ senle bela.
\p
\v 5 Simón beche̱be̱ꞌ:
\p ―Benneꞌ Wese̱de, bedú xe̱la be̱ntuꞌ zrin, ne quebe bi bela ne sentuꞌ. Lu dizraꞌ chiuꞌ, naꞌa guzal-laꞌ xixruj nigá.
\p
\v 6 Ca belune̱ꞌ ca gunná Jesús, naꞌ bela zante̱ gulezene̱ꞌ, naꞌ gúcate̱ wadxeza xixruj naꞌ.
\v 7 Nadxa bulutá ne̱ꞌe̱ gulenné̱ꞌ benneꞌ ljwezre̱ꞌ zaj zre̱ꞌe̱ xetú lu da dxedá laweꞌ nísadauꞌ chee̱ xelácale̱ne̱ꞌ le̱ꞌ. Benneꞌ caꞌ belezrine̱ꞌ, naꞌ bulusezrate̱ꞌ dxúpate̱ da dxedá laweꞌ nísadauꞌ caꞌ, naꞌ gulácate̱ na ziꞌi, ne dxácate̱ welaze na lu nísadauꞌ.
\v 8 Gate bleꞌe Simón Pedro da nigá, naꞌ bzu zribe̱ꞌ lau Jesús, gunné̱ꞌ:
\p ―Gucuasa cuitaꞌ nedaꞌ, Xran, laweꞌ da nacaꞌ nedaꞌ benneꞌ dul-la.
\p
\v 9 Caní gunná Simón laweꞌ da dxezrébele̱ꞌe̱ ne̱ chee̱ da guca na, ne cáꞌanqueze dxelezrebe benneꞌ ljwezre̱ꞌ caꞌ, gate beleléꞌene̱ꞌ bela zan caꞌ.
\v 10 Cáꞌanqueze belezrebe Jacobo ne Juan, zriꞌine Zebedeo, benneꞌ zaj naque̱ꞌ ljwezre Simón naꞌ. Jesús guzre̱ꞌ Simón:
\p ―Quebe zrebuꞌ. Náꞌate̱la su lauꞌ senuꞌ bénneache lu da naca chee̱ Dios.
\p
\v 11 Nadxa, ca belexebéaje̱ꞌ da dxedá laweꞌ nísadauꞌ naꞌ dxúꞌela nísadauꞌ, naꞌ bulucáꞌane̱ꞌ ca naca da caꞌ, naꞌ zjácale̱ne̱ꞌ Jesús.
\s Jesús dxexune̱ꞌ tu benneꞌ dxéꞌene̱ꞌ we̱ꞌ guzruꞌ
\r (Mt. 8.1-4; Mr. 1.40-45)
\p
\v 12 Gate Jesús zue̱ꞌ tu xe̱zre, naꞌ bzrin tu benneꞌ dxéꞌene̱ꞌ we̱ꞌ guzruꞌ, naꞌ ca bléꞌene̱ꞌ Jesús, bzu zribe̱ꞌ, ne gudíxrujte̱ lawe̱ꞌ lu xu, naꞌ bcaꞌana szrene̱ꞌ Le̱ꞌ, gunné̱ꞌ:
\p ―Xran, che dxaca lazruꞌ, waca xexunuꞌ nedaꞌ.
\p
\v 13 Nadxa Jesús bte̱ꞌ-beꞌ nen ne̱ꞌe̱, gunné̱ꞌ:
\p ―Dxaca lazraꞌ. Bache bexacuꞌ.
\p Ca gunné̱ꞌ caꞌ, we̱ꞌ guzruꞌ naꞌ bedxúajte̱ na.
\v 14 Jesús bsebague̱ꞌ bénneaꞌ quebe nu xe̱ꞌe̱ da nigá. Nadxa gunné̱ꞌ:
\p ―Guxíaj naꞌa, xeajléꞌe cuinuꞌ lau bxruze, ne gulúꞌu dumí chee̱ xexádxeuꞌ lau Dios ca da gunná beꞌe Moisés chee̱ xeleneze benneꞌ ba bexacuꞌ ca naca xízrawe̱ꞌ chiuꞌ.
\p
\v 15 Ca naca xel-la waca chee̱ Jesús bzrílujdxa na, naꞌ benneꞌ zante̱ belezrague̱ꞌ lau Jesús chee̱ xelenne̱ꞌ da dxuchálaje̱ꞌ, ne chee̱ xexune̱ꞌ le̱ꞌ ca naca xízrawe̱ꞌ chee̱ꞌ.
\v 16 Nadxa Jesús bezé̱ꞌe̱ naꞌ, naꞌ bzrine̱ꞌ naga quebe nu chiláꞌ benneꞌ, naꞌ bchálajle̱ne̱ꞌ Dios.
\s Jesús dxexune̱ꞌ tu benneꞌ naxrúꞌune niꞌa ne̱ꞌe̱
\r (Mt. 9.1-8; Mr. 2.1-12)
\p
\v 17 Tu zra zua Jesús dxusé̱dene̱ꞌ, naꞌ bal-la benneꞌ xudauꞌ fariseo caꞌ, ne benneꞌ dxuluxuzájle̱ꞌe̱ da nadxixruj beꞌe Moisés, zaj dxeꞌe̱ naꞌ, benneꞌ záꞌaque̱ꞌ ca naca xé̱zredu caꞌ zaj nababa Galilea, ne xe̱zre caꞌ zaj nababa Judea, ne chee̱ xe̱zre Jerusalén, naꞌ zúale̱ xel-la waca chee̱ Xránadxu Dios Jesús, naꞌ bexune̱ꞌ benneꞌ caꞌ quebe chaweꞌ zaj zue̱ꞌ.
\v 18 Nadxa belezrín tapa benneꞌ zaj nuꞌe̱ tu benneꞌ zua zri niꞌa ne̱ꞌe̱, dee̱ꞌ tu lu blagaꞌ, naꞌ gulaca lazre̱ꞌ xelegúꞌe̱ le̱ꞌ lu xuꞌu chee̱ xelíxrue̱ꞌ le̱ꞌ lau Jesús.
\v 19 Quebe guca xelezrine̱ꞌ lau Jesús laweꞌ da zrále̱ꞌe̱ benneꞌ zan ga naꞌ. Nadxa gulegüéne̱ꞌ chjuꞌula, ne gulesaluje̱ꞌ chjuꞌu, naꞌ bululétaje̱ꞌ benneꞌ naꞌ de̱ꞌ lu blagaꞌ ládujla benneꞌ zan caꞌ lau Jesús.
\v 20 Gate bleꞌe Jesús ca dxeléajle̱ benneꞌ caꞌ chee̱ꞌ, naꞌ guzre̱ꞌ benneꞌ quebe chaweꞌ zue̱ꞌ:
\p ―Bénneꞌdauꞌ, ba bnite lawaꞌ dul-la chiuꞌ.
\p
\v 21 Nadxa benneꞌ caꞌ dxuluxuzájle̱ꞌe̱ da nadxixruj bea na, ne benneꞌ xudauꞌ fariseo caꞌ gulezú lawe̱ꞌ dxelenné̱ꞌ lu xichaj lázrdawe̱ꞌ: ¿Nuzra benneꞌ nigá, dxenné̱ꞌ schanniꞌ chee̱ Dios? Quebe nu benneꞌ séquene̱ꞌ gunite lawe̱ꞌ dul-la chee̱ bénneache. Tuze Dios gaque̱ꞌ.
\p
\v 22 Jesús dxéquebeꞌene̱ꞌ da dxelenné̱ꞌ lu xichaj lázrdawe̱ꞌ, naꞌ guzre̱ꞌ benneꞌ caꞌ:
\p ―¿Bizr chee̱ naꞌ dxéquele leꞌe caní?
\v 23 ¿Bízrala na quebe naca na ste̱be gunaꞌ, che xapaꞌ benneꞌ nigá: Ba bnite lawaꞌ dul-la chiuꞌ, u che xapaꞌ le̱ꞌ: Guxasa bexíaj?
\v 24 Guléꞌedaꞌ leꞌe nedaꞌ, Benneꞌ Gulje̱ꞌ Bénneache, napaꞌ xel-la dxenná bea lu xe̱zr la xu nigá chee̱ gunite lawaꞌ dul-la chee̱ bénneache.
\p Nadxa guzre̱ꞌ benneꞌ naꞌ naxrúꞌune niꞌa ne̱ꞌe̱:
\p ―Lueꞌ dxapaꞌ, bexasa, bexúa blagaꞌ chiuꞌ, ne bexíaj.
\p
\v 25 Ca gunné̱ꞌ caꞌ, bexásate̱ benneꞌ naꞌ lau xúgute̱ benneꞌ caꞌ, naꞌ bequé̱ꞌe̱ blagaꞌ chee̱ꞌ, ne bezé̱ꞌe̱ zexíaje̱ꞌ lizre̱ꞌ zeajxé̱ láꞌane̱ꞌ Dios.
\v 26 Xúgute̱ benneꞌ caꞌ belexebánene̱ꞌ, naꞌ belúe láꞌane̱ꞌ Dios, ne nen xel-la dxelezrebe gulenné̱ꞌ:
\p ―Naꞌa bleꞌedxu da dxebánequezdxu.
\s Jesús dxenné̱ꞌ Leví
\r (Mt. 9.9-13; Mr. 2.13-17)
\p
\v 27 Ca gudé naꞌ bezáꞌa Jesús, naꞌ bléꞌene̱ꞌ tu benneꞌ dxuchizruje̱ꞌ waláz chee̱ xe̱zre Roma, le̱ꞌ Leví. Dxeꞌe̱ naga dxuchízruje̱ꞌ, naꞌ guzre̱ꞌ le̱ꞌ:
\p ―Be̱n nedaꞌ tuze.
\p
\v 28 Naꞌ guxasa Leví, bcaꞌane̱ꞌ ca naca chee̱ꞌ caꞌ, naꞌ guxíajle̱ne̱ꞌ Jesús.
\p
\v 29 Ca gudé naꞌ, Leví guluꞌe̱ tu xrcheꞌ zrente̱ lizre̱ꞌ chee̱ bcaꞌana szrene̱ꞌ Jesús, naꞌ zrále̱ꞌe̱queze naꞌ xezícadxa wechizruj caꞌ, ne xezícadxa benneꞌ zaj dxeꞌe̱ dxágule̱ne̱ꞌ benneꞌ caꞌ.
\v 30 Naꞌ benneꞌ xudauꞌ fariseo caꞌ, ne benneꞌ caꞌ dxuluxuzájle̱ꞌe̱ da nadxixruj bea na gulezú lawe̱ꞌ dxelezí tizre̱ꞌ benneꞌ caꞌ dxuse̱de Jesús, dxelé̱ꞌe̱ le̱ꞌ:
\p ―¿Bizr chee̱ naꞌ dxeꞌaj dxágule̱le benneꞌ wechizruj caní, ne benneꞌ dul-la caꞌ?
\p
\v 31 Jesús beche̱be̱ꞌ:
\p ―Quebe zaj nachine benneꞌ zaj zua chaweꞌ nu benneꞌ dxexúne̱ꞌ le̱ꞌ. Benneꞌ quebe chaweꞌ zaj zue̱ꞌ dxelechínene̱ꞌ le̱ꞌ.
\v 32 Nedaꞌ quegá zaꞌa dxennéaꞌ benneꞌ xrlátaje. Zaꞌa dxennéaꞌ benneꞌ dul-la, chee̱ xelexebíꞌi lazre̱ꞌ.
\s Dxuluche̱be̱ꞌ Jesús ca naca chee̱ gubasa
\r (Mt. 9.14-17; Mr. 2.18-22)
\p
\v 33 Nadxa buluche̱be̱ꞌ Jesús:
\p ―¿Bizr chee̱ naꞌ dxelúnle̱ꞌe̱ gubasa, ne dxuluchálajle̱ Dios benneꞌ caꞌ zjácale̱ne̱ꞌ Juan, ne benneꞌ caꞌ zjácale̱ne̱ꞌ benneꞌ xudauꞌ fariseo caꞌ, san benneꞌ caꞌ dxusé̱denuꞌ tu dxeléꞌaj dxeláguzqueze̱ꞌ?
\p
\v 34 Jesús beche̱be̱ꞌ:
\p ―¿Wazéquele xe̱le benneꞌ zaj zraꞌ laní chee̱ wechaga naꞌ xelune̱ꞌ gubasa dxácate̱ naꞌ zua benneꞌ wechaga naꞌ nen benneꞌ caꞌ?
\v 35 Wazrín zra gate wechaga naꞌ naꞌ xecuase̱ꞌ nen benneꞌ caꞌ. Ca lu zra naꞌ xelune̱ꞌ gubasa.
\p
\v 36 Nadxa bchálajle̱ne̱ꞌ le̱ꞌ ca naca da dxuléꞌe nigá:
\p ―Quegá nu benneꞌ cheze̱ꞌ tu zre̱ꞌ cube chee̱ xudé̱ꞌe̱ na tu zre̱ꞌ gula. Che caꞌ gune̱ꞌ, naꞌ guzría xiꞌe̱ ca naca zre̱ꞌ cube naꞌ, naꞌ ládxeꞌdu cube naꞌ quebe guléꞌe na cháwedauꞌ nen ladxeꞌ gula naꞌ.
\v 37 Cáꞌanqueze quebe gaca cáꞌadxu xrise uva cube lu bzude xide gula, laweꞌ da che caꞌ gundxu, xrise uva cube naꞌ gutín na bzude xide gula, naꞌ gaca ditje xrise uva naꞌ, ne bzude xide naꞌ.
\v 38 Chee̱ le̱ naꞌ dxal-laꞌ cáꞌadxu xrise uva cube lu bzude xide cube, naꞌ dxúpate̱ naꞌ xegáꞌana chaweꞌ na.
\v 39 Che tu benneꞌ xíꞌaje̱ꞌ xrise uva wal-la gula, québedxa nna na chee̱ꞌ xíꞌaje̱ꞌ xrise uva cube, laweꞌ da dxenné̱ꞌ: “Nétajdxa da gula naꞌ.”
\c 6
\s Benneꞌ caꞌ dxuse̱de Jesús dxelálaje̱ꞌ dau zruaꞌ xtila lu zra láꞌazxa chee̱ judío caꞌ
\r (Mt. 12.1-8; Mr. 2.23-28)
\p
\v 1 Tu lu zra láꞌazxa chee̱ judío caꞌ, gudé Jesús naga naxaza zruaꞌ xtila, naꞌ benneꞌ caꞌ dxusé̱dene̱ꞌ zjaque̱ꞌ dxelálaje̱ꞌ dau zruaꞌ xtila, naꞌ dxelezrube na nen ne̱ꞌe̱, ne dxelawe̱ꞌ zruaꞌ xtila naꞌ.
\v 2 Nadxa benneꞌ xudauꞌ fariseo caꞌ buluche̱be̱ꞌ le̱ꞌ:
\p ―¿Bizr chee̱ naꞌ dxunle leꞌe tu zrin da quebe naca na gunle zra láꞌazxa chee̱dxu?
\p
\v 3 Jesús beche̱be̱ꞌ:
\p ―¿Quebe ne gulábale leꞌe ca be̱n David ne benneꞌ ljwezre̱ꞌ caꞌ gate guledune̱ꞌ?
\v 4 Guxúꞌu David naꞌ tu lu xudauꞌ chee̱ Dios, ne guqué̱ꞌe̱ xeta xtila da gulúꞌu bxruze lau Dios, naꞌ gudawe̱ꞌ na, ne bnézrujte̱ꞌ chee̱ benneꞌ caꞌ zjácale̱ne̱ꞌ le̱ꞌ, ne quebe naca chee̱ꞌ xelawe̱ꞌ xeta xtila naꞌ. Tuze bxruze caꞌ naca chee̱ꞌ xelawe̱ꞌ na.
\p
\v 5 Cáꞌanqueze guzre Jesús benneꞌ caꞌ:
\p ―Nedaꞌ, Benneꞌ Gulje̱ꞌ Bénneache, nápaquezaꞌ xel-la dxenná bea ca naca chee̱ zra láꞌazxa.
\s Jesús dxexune̱ꞌ benneꞌ nazrinnaj ne̱ꞌe̱
\r (Mt. 12.9-14; Mr. 3.1-6)
\p
\v 6 Xetú lu zra láꞌazxa chee̱ judío caꞌ, guxúꞌu Jesús tu lu xuꞌu, naꞌ guzú lawe̱ꞌ dxusé̱dene̱ꞌ benneꞌ zaj nazrague̱ꞌ naꞌ. Zua naꞌ tu benneꞌ nazrinnaj ne̱ꞌe̱ xabe̱la.
\v 7 Benneꞌ caꞌ dxuluxuzájle̱ꞌe̱ da nadxixruj bea na, ne benneꞌ xudauꞌ fariseo caꞌ dxuluzuzre̱ꞌ Jesús chee̱ xeleléꞌene̱ꞌ che xexún Jesús bénneaꞌ lu zra láꞌazxa chee̱ꞌ, chee̱ xelezéquene̱ꞌ xelaweꞌ zria Jesús.
\v 8 Jesús ba nézene̱ꞌ ca da dxelegúꞌu lazre̱ꞌ, naꞌ guzre̱ꞌ bénneaꞌ nazrinnaj ne̱ꞌe̱:
\p ―Guxasa, ne guzé̱ laduj nigá.
\p Benneꞌ naꞌ guxase̱ꞌ, naꞌ guzé̱ꞌ naꞌ.
\v 9 Nadxa gunná Jesús, guzre̱ꞌ benneꞌ caꞌ:
\p ―Naꞌa guche̱baꞌ leꞌe tu: ¿Bízrala naꞌ waca gundxu zra láꞌazxa chee̱le, da xrlátaje che da cale̱la? ¿Gucache cháwedxu xel-la nabán chee̱ tu benneꞌ, che guzría xidxu na?
\p
\v 10 Nadxa Jesús guné̱ꞌe̱ benneꞌ caꞌ zaj naxechaj Le̱ꞌ, naꞌ guzre̱ꞌ benneꞌ we̱ꞌ naꞌ:
\p ―Bli naꞌu nigá.
\p Benneꞌ naꞌ be̱ne̱ꞌ caꞌ, naꞌ bexácate̱ ne̱ꞌe̱ naꞌ.
\v 11 Naꞌ benneꞌ caꞌ zaj zre̱ꞌe̱ naꞌ belezráꞌale̱ꞌe̱, naꞌ gulezú lawe̱ꞌ dxuluche̱be ljwezre̱ꞌ bi xelezéquene̱ꞌ xelune̱ꞌ chee̱ Jesús chee̱ xuluzría xiꞌe̱ Le̱ꞌ.
\s Jesús dxequé̱ꞌe̱ benneꞌ chazrinnu caꞌ xelaque̱ꞌ gubáz chee̱ꞌ
\r (Mt. 10.1-4; Mr. 3.13-19)
\p
\v 12 Ca lu zra naꞌ Jesús guxíaje̱ꞌ tu lu xiꞌa xeajchálajle̱ne̱ꞌ Dios, naꞌ guzúe̱ꞌ bedú xe̱la dxuchálajle̱ne̱ꞌ Dios.
\v 13 Ca guxaníꞌ gunné̱ꞌ benneꞌ caꞌ dxusé̱dene̱ꞌ, ne guqué̱ꞌe̱ chazrinnu benneꞌ caꞌ, naꞌ bzre̱ꞌe̱ benneꞌ caꞌ xelaque̱ꞌ gubáz chee̱ꞌ.
\v 14 Benneꞌ caní zaj naque̱ꞌ:
\q Simón, (bénneaꞌ bzue̱ꞌ le̱ꞌ Pedro),
\q Andrés, (benneꞌ biche Simón naꞌ),
\q Jacobo, Juan, Felipe, Bartolomé,
\q
\v 15 Mateo, Tomás,
\q Jacobo, (zriꞌine Alfeo),
\q Simón, (bénneaꞌ dxedábague̱ꞌ benneꞌ Roma caꞌ)
\q
\v 16 Judas, (benneꞌ biche Jacobo), ne
\q Judas Iscariote, (bénneaꞌ gudée̱ꞌ Jesús lu naꞌ benneꞌ caꞌ dxeledábague̱ꞌ Le̱ꞌ.)
\s Jesús dxusé̱dene̱ꞌ benneꞌ zante̱
\r (Mt. 4.23-25)
\p
\v 17 Jesús bdinne̱ꞌ lu xiꞌa naꞌ nen benneꞌ caꞌ dxusé̱dene̱ꞌ, naꞌ bzrine̱ꞌ tu lacheꞌ nen benneꞌ caꞌ. Benneꞌ zan zaj zre̱ꞌe̱ naꞌ zaj nababe̱ꞌ xe̱zre caꞌ zaj nababa Judea, ne Jerusalén, nen benneꞌ zaj nababe̱ꞌ Tiro, ne Sidón. Benneꞌ caní belelé̱ꞌe̱ chee̱ xelenne̱ꞌ da dxuchalaj Jesús, ne chee̱ xexún Jesús le̱ꞌ ca naca xízrawe̱ꞌ dxeledxéꞌene̱ꞌ.
\v 18 Cáꞌanqueze benneꞌ caꞌ zaj xuꞌe̱ beꞌ xriwe̱ꞌ belexaque̱ꞌ.
\v 19 Xúgute̱ benneꞌ caꞌ gulaca lazre̱ꞌ xuluté̱ꞌ Jesús laweꞌ da dxexún Le̱ꞌ xúgute̱ꞌ nen xel-la waca chee̱ꞌ.
\s Benneꞌ caꞌ naca da ba neza zren chee̱ꞌ, ne benneꞌ caꞌ zaj naque̱ꞌ baxacheꞌ
\r (Mt. 5.1-12)
\p
\v 20 Nadxa Jesús gunné̱ꞌe̱ benneꞌ caꞌ dxusé̱dene̱ꞌ, naꞌ guzre̱ꞌ le̱ꞌ:
\p ―Ba neza zrente̱ naca na chee̱le leꞌe, dxéquebeꞌele nácale benneꞌ xacheꞌ, laweꞌ da waxúꞌule leꞌe naga dxenná bea Dios.
\p
\v 21 ’Ba neza zrente̱ naca na chee̱le leꞌe, dxedunle da dxunna Dios, laweꞌ da wélajquezle.
\p ’Ba neza zrente̱ naca na chee̱le leꞌe, dxebézrele ne̱ chee̱ dula, laweꞌ da guzrízrequezle.
\p
\v 22 ’Ba neza zrente̱ naca na chee̱le leꞌe, gate xelecuide bénneache leꞌe, ne gate xelexebéaje̱ꞌ leꞌe chaléꞌajla, ne gate xelenné̱ꞌ schanniꞌ chee̱le, ne gate xulucáꞌana ditje̱ꞌ lale ca tu da sban laweꞌ da nácale bi chiaꞌ nedaꞌ, Benneꞌ Gulje̱ꞌ Bénneache.
\v 23 Le béle̱ꞌe̱, ne le sua lu da ba neza lu zra naꞌ laweꞌ da zruéꞌele tu da zren lu xabáa chee̱ Dios. Cáꞌanqueze benneꞌ xra xrtau benneꞌ caní bulusaca ziꞌe̱ benneꞌ caꞌ buluchálajé̱ꞌ waláz chee̱ Dios.
\p
\v 24 ’Baxacheꞌ nácale leꞌe, benneꞌ gunníꞌa, laweꞌ da ba nápale xel-la dxebé da naca chee̱ xe̱zr la xu nigá.
\p
\v 25 ’Baxacheꞌ nácale leꞌe, nélajle naꞌa, laweꞌ da wadunle leꞌe.
\p ’Baxacheꞌ nácale leꞌe dxuzrízrele naꞌa, laweꞌ da cuezre xáchele.
\p
\v 26 ’Baxacheꞌ nácale leꞌe gate xúgute̱ bénneache dxelenné̱ꞌ da chaweꞌ chee̱le, laweꞌ da caꞌ belún xra xrtáule, gulenné̱ꞌ da chaweꞌ chee̱ benneꞌ we̱n lazreꞌ caꞌ, benneꞌ gulenné̱ꞌ: “Netuꞌ dxuchálajntuꞌ waláz chee̱ Dios.”
\s Dxal-laꞌ zríꞌidxu benneꞌ caꞌ dxelecuídene̱ꞌ dxiꞌu
\r (Mt. 5.38-48; 7.12)
\p
\v 27 Naꞌ gunná Jesús:
\p ―Dxapaꞌ leꞌe dxénele chiaꞌ, le zriꞌi benneꞌ caꞌ dxelecuídene̱ꞌ leꞌe, ne le gun chaweꞌ chee̱ benneꞌ caꞌ dxelezré̱ꞌe̱ leꞌe.
\v 28 Le nne̱ chaweꞌ chee̱ benneꞌ caꞌ dxelenné̱ꞌ cale̱la chee̱le, ne le naba lau Dios gaca chaweꞌ chee̱ benneꞌ caꞌ dxelenné̱ꞌ schanniꞌ chee̱le.
\v 29 Che nu benneꞌ cape̱ꞌ xrágale, le guze̱te̱ xecha laꞌa, ne che nu benneꞌ que̱ꞌe̱ xicha chee̱le, le güe lataj caꞌate̱ꞌ zrale.
\v 30 Le gunezruj nútete̱ze benneꞌ bi nabe̱ꞌ leꞌe, ne che nu benneꞌ que̱ꞌe̱ da naca chee̱le, quebe xenábale na.
\v 31 Le gun chee̱ bénneache cáte̱ze naꞌ dxaca lázrele xelune̱ꞌ chee̱le.
\p
\v 32 ’Che leꞌe nazriꞌile tuze benneꞌ caꞌ zaj nazríꞌine̱ꞌ leꞌe, ¿bízraqueze da chaweꞌ dxunle? Cáꞌanqueze dxelún benneꞌ caꞌ dxelune̱ꞌ da cale̱la.
\v 33 Che dxunle chaweꞌ chee̱ tuze benneꞌ caꞌ dxelune̱ꞌ leꞌe chaweꞌ, ¿bízraqueze da chaweꞌ dxunle? Cáꞌanqueze dxelún benneꞌ we̱n da zrinnaj caꞌ.
\v 34 Che bi dxusanle chee̱ tuze benneꞌ ba nézele wexunne̱ꞌ na, ¿bízraqueze da chaweꞌ dxunle? Cáꞌanqueze benneꞌ we̱n da cale̱la caꞌ dxulusane̱ꞌ da naca chee̱ꞌ chee̱ benneꞌ caꞌ dxelune̱ꞌ da cale̱la, laweꞌ da zaj nézene̱ꞌ wulunézrujte̱ benneꞌ caꞌ le̱ na.
\v 35 Dxal-laꞌ zriꞌile leꞌe benneꞌ caꞌ dxelezré̱ꞌe̱ leꞌe, ne gunle da chaweꞌ chee̱ꞌ, ne gusanle chee̱ benneꞌ caꞌ da xelenabe̱ꞌ leꞌe, lácala quebe xelexexunne̱ꞌ na. Che gunle caꞌ, da zrendxa da siꞌ lu naꞌle, ne gácale bi caꞌ chee̱ Dios szrente̱, laweꞌ da naca Le̱ꞌ zriꞌi lazreꞌ nen benneꞌ caꞌ quebe dxelexezaca ba lazre̱ꞌ, ne benneꞌ we̱n da cale̱la caꞌ.
\v 36 Le xezrí lazreꞌ bénneache ca dxun Dios, dxezrí lazre̱ꞌ leꞌe.
\s Quebe guzúale chaláꞌala le saꞌ ljwézrele
\r (Mt. 7.1-5)
\p
\v 37 Naꞌ gunná Jesús:
\p ―Quebe guzúale chaláꞌala le saꞌ ljwézrele, naꞌ Dios quebe guzúe̱ꞌ leꞌe chaláꞌala. Quebe bi nne̱le chee̱ le saꞌ ljwézrele, naꞌ Dios quebe guchiꞌe̱ chee̱le leꞌe. Le gunite lau chee̱ le saꞌ ljwézrele, naꞌ Dios gunite lawe̱ꞌ chee̱le leꞌe.
\v 38 Le gunezruj chee̱ bénneache, naꞌ Dios gunne̱ꞌ chee̱le leꞌe. Dios cuꞌe̱ lu xcuite chee̱le tu xiꞌina da nálate̱, ne da naxíꞌtequeze, ne guníbete̱ꞌ na, ne sua díꞌatequeze na. Dios gudxíxrequeze̱ꞌ chee̱le ca da dxudxíxrele chee̱ bénneache.
\p
\v 39 Nadxa Jesús bchálaje̱ꞌ da dxuléꞌe nigá, gunné̱ꞌ:
\p ―¿Waca tu benneꞌ la chul-la cuꞌe̱ neza xetú la chul-la? Che caꞌ gune̱ꞌ, dxúpate̱ꞌ xelebixre̱ꞌ tu lu xe̱dxu.
\v 40 Netú benneꞌ dxuse̱de gácadxe̱ꞌ szren ca naca bénneaꞌ dxusé̱dene̱ꞌ le̱ꞌ, naꞌ gate xuzre gusé̱die̱ꞌ, gaque̱ꞌ ca naca bénneaꞌ bsé̱dene̱ꞌ le̱ꞌ.
\p
\v 41 ’¿Bizr chee̱ naꞌ dxennáꞌu bé̱bedu naꞌ xuꞌu na xiaj lau le saꞌ ljwezruꞌ, ne quebe dxéquebeꞌenuꞌ ca naca da zren da xuꞌu na xiaj lauꞌ lueꞌ?
\v 42 Che quebe dxéquebeꞌenuꞌ ca naca da zren naꞌ da xuꞌu na xiaj lauꞌ lueꞌ, ¿ájazra dxunuꞌ dxexázrenuꞌ dxuꞌu le saꞌ ljwezruꞌ: “Be̱nna lataj xebéajaꞌ bé̱bedu naꞌ xuꞌu na xiaj lauꞌ?” Lueꞌ, benneꞌ dxun láweze xrlátaje, bebéaj záꞌteca lueꞌ ca naca da zren da xuꞌu na xiaj lauꞌ, naꞌ nadxa leꞌenuꞌ cháwedauꞌ xebéajuꞌ bé̱bedu naꞌ xuꞌu na xiaj lau le saꞌ ljwezruꞌ.
\s Naca bea tu benneꞌ ne̱ chee̱ da dxune̱ꞌ
\r (Mt. 7.17-20; 12.34-35)
\p Nadxa gunná Jesús:
\v 43 ―Tu xaga xrlátaje quebe cuía na da zixre cale̱la, naꞌ xaga da quebe naca chaweꞌ quebe gaca cuía na da zixre chaweꞌ.
\v 44 Tu tu xaga naca bea na ne̱ chee̱ da zixre da dxebía na. Quebe gaca guchíbedxu da zixre chee̱ xaga higo tu lu xaga xecheꞌ, ne quebe guchíbedxu da zixre chee̱ lba uva lu xecheꞌ bisigá.
\v 45 Benneꞌ xrlátaje, da xrlátaje dxenné̱ bénneaꞌ laweꞌ da naxaza da xrlátaje lu xichaj lázrdawe̱ꞌ, naꞌ benneꞌ we̱n da cale̱la, da cale̱la dxenné̱ bénneaꞌ laweꞌ da xuꞌu da cale̱la lu xichaj lázrdawe̱ꞌ. Dxuꞌe̱ naꞌ dxenné̱ na ca naca da xuꞌu lu xichaj lázrdawe̱ꞌ.
\s Dxuchalaj Jesús chee̱ chupa lane xuꞌu
\r (Mt. 7.24-27)
\p Gunná Jesús:
\v 46 ―¿Bizr chee̱ naꞌ dxe̱le nedaꞌ: “Xran, Xran”, ne quebe dxunle ca da dxapaꞌ leꞌe?
\v 47 Xapaꞌ leꞌe aja naca bénneaꞌ ze̱ꞌe̱ nen nedaꞌ, ne dxenne̱ꞌ xrtizraꞌa, ne dxune̱ꞌ ca da dxapaꞌ le̱ꞌ.
\v 48 Naque̱ꞌ ca tu benneꞌ be̱ne̱ꞌ tu xuꞌu. Da zren gude̱ne̱ꞌ, naꞌ bzrie̱ꞌ lane na laweꞌ xiaj xre. Gate bdxuaj xe̱gu, naꞌ xeajchúꞌule̱ꞌe̱ na le̱ꞌe̱ xuꞌu naꞌ, quebe bi guzequeꞌ gune na xuꞌu naꞌ laweꞌ da zria lane na laweꞌ xiaj xre.
\v 49 Naꞌ bénneaꞌ dxenne̱ꞌ xrtizraꞌa, ne quebe dxune̱ꞌ ca da dxapaꞌ le̱ꞌ, naque̱ꞌ ca tu benneꞌ be̱ne̱ꞌ xuꞌu chee̱ꞌ laweꞌ xu dxeze, ne quebe guzale̱ꞌ lane na, naꞌ gate bdxuaj xe̱gu naꞌ, ne xeajchúꞌule̱ꞌe̱ na le̱ꞌe̱ xuꞌu naꞌ, naꞌ guché̱ na le̱ na, naꞌ tu chíꞌizqueze bzria xi na le̱ na.
\c 7
\s Jesús dxexune̱ꞌ bi we̱n zrin chee̱ tu benneꞌ Roma
\r (Mt. 8.5-13)
\p
\v 1 Gate bexuzre bchálajle̱ Jesús benneꞌ caꞌ, naꞌ bezé̱ꞌe̱ zexíaje̱ꞌ Capernaum.
\v 2 Zua tu benneꞌ Roma naꞌ, benneꞌ dxenná beꞌe̱ lu wedil-la, naꞌ zua tu bi we̱n zrin chee̱ꞌ nazríꞌile̱ꞌe̱ne̱ꞌ-beꞌ, naꞌ bi naꞌ quebe chaweꞌ zúabeꞌ, ne dxaca wátebeꞌ.
\v 3 Gate ben benneꞌ Roma naꞌ ca da dxun Jesús, naꞌ gusél-le̱ꞌ bal-la benneꞌ gula sina chee̱ judío caꞌ, chee̱ xeajlegue̱zre̱ꞌ Jesús xide̱ꞌ xexune̱ꞌ bi we̱n zrin chee̱ꞌ.
\v 4 Benneꞌ gula caꞌ belezrine̱ꞌ lau Jesús, naꞌ gulezú lawe̱ꞌ dxelataꞌ xuene̱ꞌ Le̱ꞌ, dxelenné̱ꞌ:
\p ―Benneꞌ Roma nigá naca chee̱ꞌ gácale̱nuꞌ le̱ꞌ,
\v 5 laweꞌ da dxape̱ꞌ ba láꞌana xe̱zre chee̱dxu, naꞌ lé̱queze̱ꞌ be̱ne̱ꞌ tu xuꞌu chee̱dxu ga dxezrágadxu.
\p
\v 6 Nadxa Jesús guxíajle̱ne̱ꞌ benneꞌ gula caꞌ. Gate belezrine̱ꞌ gagu naga zua lizre benneꞌ Roma naꞌ, le̱ꞌ gusél-le̱ꞌ bal-la benneꞌ ljwezre̱ꞌ xeajlegue̱zre̱ꞌ Jesús:
\p ―Xran, quebe senuꞌ gunne xue, laweꞌ da quebe naca chiaꞌ chuꞌu lizraꞌ.
\v 7 Chee̱ le̱ naꞌ ne quebe bexazrdaꞌ nédaꞌquezaꞌ xedajdiljaꞌ Lueꞌ. Cun gunnaze, naꞌ xexaca bi we̱n zrin chiaꞌ.
\v 8 Nédaꞌquezaꞌ zua benneꞌ dxenná béꞌene̱ꞌ nedaꞌ, naꞌ nedaꞌ dxenná beꞌedaꞌ benneꞌ dxjaca wedil-la. Che xapaꞌ tu bénneaꞌ: Guxíaj, naꞌ waxíajbeꞌ, ne che xapaꞌ xetubeꞌ: Gudá, naꞌ wídabeꞌ, ne che nna beꞌedaꞌ bi we̱n zrin chiaꞌ da gunbeꞌ, naꞌ gunbeꞌ na.
\p
\v 9 Gate ben Jesús da nigá, naꞌ bebánene̱ꞌ, naꞌ gunné̱ꞌe̱ benneꞌ caꞌ zjácale̱ Le̱ꞌ, gunné̱ꞌ:
\p ―Da li, quebe ne cheajxracaꞌ tu benneꞌ xe̱zre Israel dxeajlí lazre̱ꞌ nedaꞌ ca dxun benneꞌ nigá.
\p
\v 10 Gate belexezrín benneꞌ ljwezre benneꞌ Roma naꞌ lizre̱ꞌ, naꞌ beleléꞌene̱ꞌ ba bexaca bi we̱n zrin naꞌ.
\s Jesús dxusebane̱ꞌ bi biu chee̱ tu nuꞌula ba gute benneꞌ chie̱ꞌ
\p
\v 11 Ca gudé naꞌ Jesús guzé̱ꞌe̱ zéaje̱ꞌ tu xe̱zre da nazí le na Naín, naꞌ xjácale̱ Le̱ꞌ benneꞌ caꞌ dxusé̱dene̱ꞌ, ne benneꞌ zante̱.
\v 12 Gate bzrine̱ꞌ gáguze naga zua xe̱zre naꞌ, bléꞌene̱ꞌ benneꞌ zaj nuꞌe̱ tu bi gate zeajlecache̱ꞌ-beꞌ, naꞌ naca be̱ꞌ bi tulichaꞌ chee̱ xrnabeꞌ, nuꞌula naꞌ ba gute benneꞌ chie̱ꞌ. Benneꞌ zan, benneꞌ lazrie̱ꞌ zjácale̱ne̱ꞌ le̱ꞌ.
\v 13 Gate Xránadxu bléꞌene̱ꞌ nuꞌula naꞌ, naꞌ bexache lazre̱ꞌ le̱ꞌ, ne guzre̱ꞌ le̱ꞌ:
\p ―Québedxa cuezruꞌ.
\p
\v 14 Nadxa gubiga Jesús dxuꞌa xiꞌina xuꞌubeꞌ, naꞌ bte̱ꞌ na. Naꞌ benneꞌ caꞌ zeajlexexuꞌe̱-beꞌ gulague̱ꞌ. Naꞌ Jesús guzre̱ꞌ bi gate naꞌ:
\p ―Bidauꞌ, dxapaꞌ lueꞌ, guxasa.
\p
\v 15 Naꞌ bi naꞌ ba nate bexásabeꞌ gudxeꞌbeꞌ, naꞌ bezú laubeꞌ dxuchálajbeꞌ. Naꞌ Jesús bunézruje̱ꞌ-beꞌ lu naꞌ xrnabeꞌ.
\v 16 Gate beleléꞌe benneꞌ caꞌ da nigá, naꞌ belezrebe̱ꞌ, ne gulezú lawe̱ꞌ dxelúe láꞌane̱ꞌ Dios, dxelenné̱ꞌ:
\p ―Tu benneꞌ zrente̱, benneꞌ dxenné̱ꞌ waláz chee̱ Dios, ba ble̱ꞌe̱ ládujla dxiꞌu.
\p Cáꞌanqueze dxelenné̱ꞌ:
\p ―Dios ba ble̱ꞌe̱ dxácale̱ne̱ꞌ xe̱zr chee̱ꞌ.
\p
\v 17 Ca naca naga nababa Judea, ne xe̱zre walízr chee̱ na belén bénneache ca naca xel-la waca chee̱ Jesús.
\s Juan, bénneaꞌ bchue̱ꞌ bénneache nisa dxesel-le̱ꞌ gubáz chee̱ꞌ lau Jesús
\r (Mt. 11.2-19)
\p
\v 18 Naga xuꞌu Juan lizre xia, bénene̱ꞌ ca naca chee̱ da nigá laweꞌ da benneꞌ caꞌ zjácale̱ne̱ꞌ Juan buluzenne̱ꞌ le̱ꞌ da dxaca na. Juan gunné̱ꞌ chupa benneꞌ caꞌ,
\v 19 naꞌ gusel-le̱ꞌ le̱ꞌ lau Jesús chee̱ cheajleche̱be̱ꞌ Le̱ꞌ che da li naque̱ꞌ Cristo, bénneaꞌ dxal-laꞌ xide̱ꞌ, u che dxal-laꞌ xelebeze̱ꞌ benneꞌ xula.
\v 20 Nadxa benneꞌ caꞌ gusel-la Juan belezrine̱ꞌ lau Jesús, naꞌ gulé̱ꞌe̱ Le̱ꞌ:
\p ―Juan, bénneaꞌ bchue̱ꞌ bénneache nisa nasel-le̱ꞌ netuꞌ zedajché̱bentuꞌ Lueꞌ che Lueꞌ naꞌ nacuꞌ Cristo, bénneaꞌ dxal-laꞌ xide̱ꞌ, u che dxal-laꞌ cuézantuꞌ benneꞌ xula.
\p
\v 21 Ca lu zra naꞌ Jesús bexune̱ꞌ benneꞌ zante̱ benneꞌ we̱ꞌ, ne benneꞌ dxéꞌene̱ꞌ xízrawe̱ꞌ da dxedá du zren, ne benneꞌ caꞌ zaj xuꞌe̱ beꞌ xriwe̱ꞌ, naꞌ bexune̱ꞌ benneꞌ la chul-la caꞌ.
\v 22 Nadxa Jesús guzre̱ꞌ benneꞌ caꞌ nasel-la Juan:
\p ―Le cheajxaca, ne le xe̱ Juan ca naca da ba bleꞌele, ne da bénele. Benneꞌ la chul-la caꞌ dxelexeléꞌene̱ꞌ, naꞌ benneꞌ zrinnaj caꞌ dxelexedé̱ꞌ, naꞌ benneꞌ dxeledxéꞌene̱ꞌ we̱ꞌ guzruꞌ ba belexaque̱ꞌ, naꞌ benneꞌ xacheꞌ caꞌ dxelenne̱ꞌ dizraꞌ chaweꞌ chee̱ Dios.
\v 23 Ba neza zren naca na chee̱ benneꞌ quebe gusán lazre̱ꞌ nedaꞌ.
\p
\v 24 Gate besíꞌaca benneꞌ caꞌ gusel-la Juan, naꞌ Jesús guzú lawe̱ꞌ dxuchálajle̱ne̱ꞌ benneꞌ zaj zre̱ꞌe̱ naꞌ ca naca chee̱ Juan naꞌ, dxenné̱ꞌ:
\p ―¿Bizra guxiajle leꞌe xeajnnaꞌle le̱ꞌe̱ xixreꞌ laweꞌ lataj? ¿Tu xia xtila da dxutá beꞌ?
\v 25 Che cabí, ¿bizra xeajnnaꞌle? ¿Tu benneꞌ nacu zra lane̱ꞌ da zácale̱ꞌe̱? Ba nézquezle leꞌe benneꞌ caꞌ dxelacu zra lane̱ꞌ da zácale̱ꞌe̱, ne dxeléꞌaj dxelawe̱ꞌ da zácale̱ꞌe̱ zaj zre̱ꞌe̱ lizre benneꞌ blau caꞌ.
\v 26 Che cabí, ¿bizra xeajnnaꞌle? ¿Tu benneꞌ dxuchálaje̱ꞌ waláz chee̱ Dios? Aweꞌ, bleꞌele tu benneꞌ nácadxe̱ꞌ szren ca tu benneꞌ dxuchálajé̱ꞌ waláz chee̱ Dios.
\v 27 Juan nigá naque̱ꞌ bénneaꞌ naxúaj na chee̱ꞌ lu xiche chee̱ Dios, dxenné̱ꞌ:
\q Dxesel-laꞌ gubáz chiaꞌ lau Lueꞌ,
\q chee̱ gucáꞌana chawe̱ꞌ neza naga teuꞌ.
\m
\v 28 Dxapaꞌ leꞌe, ládujla xúgute̱ benneꞌ quebe nu chiláꞌ benneꞌ dxuchálaje̱ꞌ waláz chee̱ Dios nácadxe̱ꞌ szren ca Juan nigá. Naꞌa benneꞌ nácadxe̱ꞌ dxexruj lazreꞌ naga dxenná bea Dios nácadxe̱ꞌ blau ca Juan nigá.
\p
\v 29 Naꞌ gunná Jesús:
\p ―Gate naꞌ benneꞌ dxexruj lazreꞌ caꞌ, ne benneꞌ wechizruj caꞌ belenne̱ꞌ da dxuchalaj Juan, guleque béꞌene̱ꞌ Dios naque̱ꞌ xrlátaje, naꞌ beledxúe̱ꞌ nisa lu naꞌ Juan.
\v 30 Benneꞌ xudauꞌ fariseo caꞌ, ne benneꞌ caꞌ dxuluxuzájle̱ꞌe̱ da nadxixruj bea na buluzúe̱ꞌ chaláꞌala ca naca da dxaca lazreꞌ Dios gune̱ꞌ chee̱ꞌ, naꞌ quebe beledxúe̱ꞌ nisa lu naꞌ Juan.
\p
\v 31 Naꞌ gunná Xránadxu:
\p ―¿Ájazra gutil-la lé̱bedaꞌ benneꞌ zaj zre̱ꞌe̱ naꞌa zra? ¿ájazra zaj naque̱ꞌ?
\v 32 Zaj naque̱ꞌ ca bidu caꞌ dxelebeꞌbeꞌ dxelítajbeꞌ laweꞌ xiꞌa, ne dxelebezre xaꞌabeꞌ, dxele̱beꞌ bidu ljwézrebeꞌ: “Bcuézrentuꞌ bchiuj da bénele, san quebe bxáꞌale. Bil-la xáchentuꞌ, san quebe gudxézrele.”
\v 33 Caní zaj naca benneꞌ caꞌ laweꞌ da blaꞌ Juan, bénneaꞌ bchue̱ꞌ bénneache nisa, ne quebe gudawe̱ꞌ xeta, ne quebe guꞌe̱ xrise uva wal-la, naꞌ gulenné̱ꞌ xuꞌe̱ beꞌ xriwe̱ꞌ.
\v 34 Nadxa blaꞌa nedaꞌ, Benneꞌ Gulje̱ꞌ Bénneache, dxeꞌaj dxawaꞌ, naꞌ dxelenné̱ꞌ nacaꞌ wagu xrata, ne benneꞌ dxéꞌajle̱ꞌe̱, ne dxelenné̱ꞌ nacaꞌ ljwezre benneꞌ dul-la caꞌ, ne benneꞌ wechizruj caꞌ.
\v 35 Xel-la sina chee̱ Dios naca bea na ne̱ chee̱ da dxelún benneꞌ caꞌ zaj nape̱ꞌ xel-la sina chee̱ Dios.
\s Da bchalaj Jesús lizre Simón, benneꞌ xudauꞌ fariseo
\p
\v 36 Tu benneꞌ xudauꞌ fariseo gunné̱ꞌ Jesús cheajtawe̱ꞌ xeta lizre̱ꞌ, naꞌ Jesús guxíaje̱ꞌ lizre bénneaꞌ, naꞌ gudxéꞌe̱ dxawe̱ꞌ.
\v 37 Nadxa tu nuꞌula dul-la chee̱ xe̱zre naꞌ, gate benne̱ꞌ bzrin Jesús dxawe̱ꞌ xeta lizre benneꞌ fariseo naꞌ, naꞌ bzrin nuꞌula naꞌ ga naꞌ, nuꞌe̱ tu daꞌ naca na xiaj zaca, da nazráte̱ na da dxelá zixre.
\v 38 Gate bzrin nuꞌula naꞌ naga zua Jesús, naꞌ gudxéꞌe̱ zran niꞌe̱ dxebezre̱ꞌ, ne guzú lawe̱ꞌ dxibe̱ꞌ niꞌa Jesús nen nisa dxebezre̱ꞌ, ne bsebizre̱ꞌ niꞌe̱ nen xicha xíchaje̱ꞌ, ne bnupe̱ꞌ niꞌa Jesús, naꞌ guluꞌe̱ na da dxelá zixre naꞌ.
\v 39 Naꞌ benneꞌ xudauꞌ fariseo, bénneaꞌ gunné̱ꞌ Jesús lizre̱ꞌ, gate bléꞌene̱ꞌ da nigá, gunné̱ꞌ lu lázrdawe̱ꞌ: “Chela benneꞌ nigá da li naque̱ꞌ benneꞌ dxuchálaje̱ꞌ waláz chee̱ Dios, guéquebeꞌequeze̱ꞌ aja naca chee̱ nuꞌula nigá dxuté̱ꞌ niꞌe̱, laweꞌ da naque̱ꞌ nuꞌula dul-la.”
\v 40 Nadxa Jesús guzre̱ꞌ benneꞌ fariseo naꞌ:
\p ―Simón, de̱ tu da guchálajle̱naꞌ lueꞌ.
\p Naꞌ beche̱be benneꞌ fariseo naꞌ:
\p ―Gunná, Benneꞌ Wese̱de.
\p
\v 41 Jesús gunné̱ꞌ:
\p ―Chupa benneꞌ dxelal-le̱ꞌ dumí chee̱ tu benneꞌ tu dxusánte̱zqueze̱ꞌ benneꞌ dumí. Tue̱ꞌ dxal-le̱ꞌ chee̱ꞌ lazruj chee̱ chupiza, naꞌ xetúe̱ꞌ dxebague̱ꞌ lazruj chee̱ chupa beuꞌ.
\v 42 Laweꞌ da quebe dxelezéquene̱ꞌ xelexexízruje̱ꞌ chee̱ bénneaꞌ, naꞌ le̱ꞌ bnite lawe̱ꞌ chee̱ dxúpate̱ benneꞌ caꞌ ca naca da dxelebague̱ꞌ chee̱ꞌ. Naꞌa gunná, ¿nula benneꞌ caní zríꞌidxene̱ꞌ bénneaꞌ?
\p
\v 43 Simón beche̱be̱ꞌ:
\p ―Dxéquedaꞌ bénneaꞌ bnite lawe̱ꞌ chee̱ꞌ da zrendxa.
\p Naꞌ Jesús guzre̱ꞌ le̱ꞌ:
\p ―Da li dxennáuꞌ.
\p
\v 44 Nadxa Jesús gunné̱ꞌe̱ nuꞌula naꞌ, naꞌ guzre̱ꞌ Simón:
\p ―¿Dxeléꞌenuꞌ nuꞌula nigá? Nedaꞌ guxuꞌa lizruꞌ, ne quebe nu gunná beꞌenuꞌ quibe niꞌa, san nuꞌula nigá gudibe̱ꞌ niꞌa nen nisa dxebezre̱ꞌ, ne bsebizre̱ꞌ na nen xicha xíchaje̱ꞌ.
\v 45 Quebe bnupuꞌ nedaꞌ, san nuꞌula nigá, gate guxúꞌuteaꞌ, quebe dxusane̱ꞌ dxunúpequeze̱ꞌ niꞌa.
\v 46 Quebe gulúꞌu da za xíchajaꞌ, san nuꞌula nigá guluꞌe̱ niꞌa da dxelále̱ꞌe̱ zixre.
\v 47 Chee̱ le̱ naꞌ dxapaꞌ lueꞌ, laweꞌ da nazríꞌile̱ꞌe̱ne̱ꞌ nedaꞌ, da nigá naca bea na ba bnite lawaꞌ chee̱ꞌ ca naca dul-la zan chee̱ꞌ, san bénneaꞌ naca bábaze dul-la chee̱ꞌ da bnite lawaꞌ, láteze zríꞌine̱ꞌ nedaꞌ.
\p
\v 48 Nadxa Jesús guzre̱ꞌ nuꞌulaꞌ:
\p ―Dul-la chiuꞌ ba bnite lawaꞌ.
\p
\v 49 Naꞌ benneꞌ caꞌ zaj zre̱ꞌe nen Le̱ꞌ, ne zaj dxeꞌe̱ naꞌ gulezú lawe̱ꞌ dxelenné̱ꞌ lu lázrdawe̱ꞌ: “¿Nuzra benneꞌ nigá, dxunite láuqueze̱ꞌ dul-la?”
\p
\v 50 Jesús guzre̱ꞌ nuꞌula naꞌ:
\p ―Ba naláuꞌ laweꞌ da guxéajle̱ꞌu chiaꞌ. Bexíaj dute̱ xel-la dxebeza zri lazreꞌ.
\c 8
\s Nuꞌula caꞌ belún zrin chee̱ Jesús
\p
\v 1 Ca gudé da nigá, gudá Jesús zaneꞌ xe̱zre, ne xé̱zredu caꞌ, dxusé̱dene̱ꞌ, ne dxuchálaje̱ꞌ ca dxenná bea Dios. Benneꞌ chazrinnu gubáz caꞌ zjácale̱ne̱ꞌ Le̱ꞌ.
\v 2 Cáꞌanqueze zjácale̱ Le̱ꞌ bal-la nuꞌula caꞌ, benneꞌ caꞌ bexune̱ꞌ le̱ꞌ ca naca xízrawe̱ꞌ chee̱ꞌ, ne bebéaje̱ꞌ beꞌ xriwe̱ꞌ caꞌ da zaj xuꞌe̱. Ládujla nuꞌula caꞌ ziaj María Magdalena, nuꞌula naꞌ belexedxúaj gazre beꞌ xriwe̱ꞌ lu xichaj lázrdawe̱ꞌ.
\v 3 Ládujla le̱ꞌ zíajqueze Juana, zruꞌula Chuza, benneꞌ naꞌ xuꞌu lu ne̱ꞌe̱ da napa Herodes. Cáꞌanqueze ládujla le̱ꞌ ziaj Susana, naꞌ zjaca nuꞌula zandxa naꞌ, nuꞌula caꞌ dxelácale̱ne̱ꞌ Jesús nen da zaj nape̱ꞌ.
\s Da dxuléꞌe na ca naca chee̱ benneꞌ dxaze̱ꞌ zruaꞌ xtila
\r (Mt. 13.1-9; Mr. 4.1-9)
\p
\v 4 Benneꞌ zan beledxúaje̱ꞌ lu xe̱zre caꞌ chee̱ xeleléꞌene̱ꞌ Jesús, naꞌ gate belezraga benneꞌ zan naga zue̱ꞌ, naꞌ bchálaje̱ꞌ tu da dxuléꞌe na, dxe̱ꞌe̱ le̱ꞌ:
\p
\v 5 ―Tu benneꞌ dxaze̱ꞌ guzé̱ꞌe̱ zjaze̱ꞌ zruaꞌ xtila. Ca zéaje̱ꞌ dxaze̱ꞌ na, bal-la bínnedu caꞌ xeajlechaze na dxuꞌa neza, naꞌ benneꞌ caꞌ bululéaje̱ꞌ na, naꞌ belezrín bxínnedauꞌ gulágubaꞌ na.
\v 6 Xebal-la bínnedu caꞌ xeajlechaze na lu xiaj caꞌ, naꞌ gate bínnedu caní belezría na, chadite̱ gulebizre na, laweꞌ da quebe gudxéꞌ gupaꞌ.
\v 7 Xebal-la bínnedu caꞌ xeajlechaze na naga zaj dxeꞌ lue xecheꞌ, naꞌ bululule xecheꞌ caꞌ le̱ na.
\v 8 Xebal-la bínnedu caꞌ xeajlechaze na lu xu be̱be, naꞌ gate belegula na, naꞌ gulezríale̱ꞌe̱ na. Bal-la na gulezría na tu gaxúa weaj.
\p Gate bexuzre bchalaj Jesús da nigá, naꞌ gunné̱ꞌ zizraj:
\p ―¡Che leꞌe zua nágale, le xene!
\s Jesús dxenné̱ꞌ bizr chee̱ naꞌ dxuchálaje̱ꞌ da dxululéꞌe na
\r (Mt. 13.10-17; Mr. 4.10-12)
\p
\v 9 Nadxa benneꞌ caꞌ dxuse̱de Jesús gulenábene̱ꞌ Le̱ꞌ bizra zéaje̱ da dxuléꞌe nigá.
\v 10 Jesús guzre̱ꞌ le̱ꞌ:
\p ―Dios dxuzéajniꞌine̱ꞌ leꞌe ca naca da nagache chee̱ xel-la dxenná bea chee̱ꞌ, san benneꞌ xula, dxuchálajle̱naꞌ le̱ꞌ da dxuléꞌe na caní, chee̱ gate dxeleléꞌene̱ꞌ xelaque̱ꞌ ca benneꞌ quebe dxeleléꞌene̱ꞌ, ne gate dxelenne̱ꞌ quebe dxeléajniꞌine̱ꞌ.
\s Jesús dxuxuzájle̱ꞌe̱ da dxuléꞌe na ca naca chee̱ bénneaꞌ dxaze̱ꞌ
\r (Mt. 13.18-23; Mr. 4.13-20)
\p
\v 11 Naꞌ gunná Jesús:
\p ―Da nigá naca ca zéaje̱ da dxuléꞌe naꞌ: Bínnedu caꞌ zéaje̱ na xrtizraꞌ Dios.
\v 12 Bínnedu caꞌ xeajlechaze na dxuꞌa neza zéaje̱ na benneꞌ caꞌ dxelenne̱ꞌ xrtizraꞌ Dios, san zaꞌ da xriwe̱ꞌ, naꞌ dxegúa na dizraꞌ naꞌ lu xichaj lázrdau benneꞌ caꞌ, chee̱ quebe xeléajle̱ꞌe̱, ne quebe xelelé̱ꞌ.
\v 13 Bínnedu caꞌ xeajlechaze na lu xiaj caꞌ zéaje̱ na benneꞌ caꞌ dxelenne̱ꞌ dizraꞌ naꞌ, ne dxeleziꞌe̱ na dute̱ xel-la dxelebé, san quebe dxaze na lu xichaj lázrdawe̱ꞌ. Dxeléajle̱ꞌe̱ tu chíꞌidauꞌze, naꞌ gate dxeledée̱ꞌ lu da ziꞌ da xaꞌ, naꞌ dxulusán lazre̱ꞌ na.
\v 14 Bínnedu caꞌ xeajlechaze na naga zaj dxeꞌ lue xecheꞌ zéaje̱ na benneꞌ caꞌ dxelenne̱ꞌ dizraꞌ naꞌ, naꞌ dxeajxaque̱ꞌ, naꞌ laweꞌ da dxeleze̱ne̱ꞌ gunne xue da zante̱, ne dxelezé̱ lazre̱ꞌ xel-la gunníꞌa, ne da xeleꞌaj xelawe̱ꞌ da zácale̱ꞌe̱, naꞌ xúgute̱ da caní dxulusunite na dizraꞌ naꞌ, naꞌ quebe dxun na zrin lu xichaj lázrdawe̱ꞌ.
\v 15 Naꞌ bínnedu caꞌ xeajlechaze na lu xu be̱be zéaje̱ na benneꞌ caꞌ zua chaweꞌ, ne du lazreꞌ lázrdawe̱ꞌ, naꞌ gate dxelenne̱ꞌ dizraꞌ naꞌ, dxuluzúa chache̱ꞌ na, naꞌ dxun zrin dizraꞌ naꞌ lu xichaj lázrdawe̱ꞌ.
\s Da dxuléꞌe na ca naca chee̱ tu da dxegúꞌu leníꞌ
\r (Mr. 4.21-25)
\p
\v 16 Gunná Jesús:
\p ―Netú benneꞌ che gugale̱ꞌ da dxegúꞌu leníꞌ, quebe gudúsie̱ꞌ na tu xiꞌina, u zranle ga dxasie̱ꞌ, san guzúe̱ꞌ na sibe, chee̱ cuꞌu leníꞌ na chee̱ benneꞌ zaj zre̱ꞌe̱ lu xuꞌu naꞌ.
\v 17 Quebe bi de̱ da nagacheꞌ da quebe guléꞌe lau na, ne quebe bi xuꞌu lu xichaj lázrdau bénneache da quebe gaca bea na, ne láꞌte̱queze na.
\p
\v 18 ’Chee̱ le̱ naꞌ, le xene xanneꞌ. Tu benneꞌ naziꞌe̱ xrtizraꞌ Dios, wazidxe̱ꞌ, san benneꞌ quebe dxeziꞌe̱ na, wegáꞌa ca da du dxéquene̱ꞌ nape̱ꞌ.
\s Dxelezrín lau Jesús xrne̱ꞌe̱, ne benneꞌ biche̱ꞌ caꞌ
\r (Mt. 12.46-50; Mr. 3.31-35)
\p
\v 19 Nadxa xrna Jesús, ne benneꞌ biche̱ꞌ caꞌ belezrine̱ꞌ naga zue̱ꞌ, san quebe gulezéquene̱ꞌ xelezrine̱ꞌ lau Leꞌ, laweꞌ da zrále̱ꞌe benneꞌ zan ga naꞌ.
\v 20 Tu benneꞌ naꞌ bzenne̱ꞌ Jesús, gunné̱ꞌ:
\p ―Xrnaꞌu, ne bi bichuꞌ caꞌ zaj zre̱ꞌe̱ chaleꞌaj nigá, dxelaca lazre̱ꞌ xuluchálajle̱ne̱ꞌ Lueꞌ.
\p
\v 21 Jesús guzre̱ꞌ le̱ꞌ:
\p ―Benneꞌ caꞌ dxelenne̱ꞌ xrtizraꞌ Dios, ne dxelune̱ꞌ ca dxenná na, benneꞌ caní zaj naque̱ꞌ ca xrnaꞌa, ne benneꞌ bíchaꞌdauꞌ caꞌ.
\s Jesús dxuzúa zrie̱ꞌ beꞌ bdunuꞌ, ne xeajxruza chee̱ nísadauꞌ
\r (Mt. 8.23-27; Mr. 4.35-41)
\p
\v 22 Tu zra guxúꞌu Jesús tu lu da dxedá laweꞌ nísadauꞌ nen benneꞌ caꞌ dxusé̱dene̱ꞌ, naꞌ guzre̱ꞌ le̱ꞌ:
\p ―Cheajdxu xecha laꞌa nísadauꞌ.
\p Naꞌ gusiáꞌque̱ꞌ,
\v 23 ne dxácate̱ zjaque̱ꞌ lu nísadauꞌ naꞌ, guse Jesús. Naꞌ guzú lau dxácale̱ꞌe̱ beꞌ bdunuꞌ lu nísadauꞌ, naꞌ guzú lau dxuꞌu nisa lu da dxedá laweꞌ nísadauꞌ naꞌ, ne ba dxácate̱ waxaze na lu nísadauꞌ.
\v 24 Nadxa bulusebane̱ꞌ Jesús, dxelé̱ꞌe̱ Le̱ꞌ:
\p ―¡Benneꞌ Wese̱de! ¡Benneꞌ Wese̱de! ¡Ba dxázedxu lu nisa nigá!
\p Nadxa guxasa Jesús, naꞌ gudil-le̱ꞌ beꞌ bdunuꞌ naꞌ, ne nisa naꞌ, naꞌ ca naca da caꞌ belezúa zri na.
\v 25 Nadxa Jesús guzre̱ꞌ benneꞌ caꞌ dxusé̱dene̱ꞌ:
\p ―¿Quebe ne chéajle̱le chee̱ Dios?
\p Benneꞌ caꞌ belezrebe̱ꞌ, ne belexebánene̱ꞌ, naꞌ buluche̱be ljwezre̱ꞌ:
\p ―¿Núzraqueze benneꞌ nigá, dxenná béꞌene̱ꞌ beꞌ, ne nisa, naꞌ dxuluzúa na dizraꞌ chee̱ꞌ?
\s Tu benneꞌ Gadara xuꞌe̱ beꞌ xriwe̱ꞌ
\r (Mt. 8.28-34; Mr. 5.1-20)
\p
\v 26 Nadxa belezrine̱ꞌ xecha laꞌa nisa lu xe̱zr la xu chee̱ xe̱zre Gadara, chaláꞌa caꞌala chee̱ Galilea.
\v 27 Gate bedxúaj Jesús lu da dxedá laweꞌ nísadauꞌ naꞌ, naꞌ bzrin tu benneꞌ xe̱zre naꞌ lau Le̱ꞌ. Zánete̱ iza ba guca xuꞌu beꞌ xriwe̱ꞌ caꞌ benneꞌ nigá. Quebe gúcue̱ꞌ zra lane̱ꞌ, ne quebe guzúe̱ꞌ netú lu xuꞌu, san xeajchuꞌe̱ tu lu ba caꞌ.
\v 28 Gate bléꞌene̱ꞌ Jesús, naꞌ xeajzú zribe̱ꞌ lau Le̱ꞌ, naꞌ gudxezre xe̱ꞌe̱, dxenné̱ꞌ:
\p ―¿Bizr chee̱ naꞌ zaꞌu naga zuaꞌ, Jesús, Zriꞌine Dios szrente̱? Dxataꞌ xuedaꞌ Lueꞌ quebe gusaca ziꞌu nedaꞌ.
\p
\v 29 Gunná na caní laweꞌ da ba gunná beꞌe Jesús beꞌ xriwe̱ꞌ caꞌ xelexedxúaj na lu xichaj lázrdau benneꞌ nigá. Zaneꞌ lasa beꞌ xriwe̱ꞌ caꞌ ba gule̱la na benneꞌ nigá. Benneꞌ xe̱zre naꞌ gule̱le̱ꞌ benneꞌ nigá, ne buluchéaje̱ꞌ le̱ꞌ niꞌa ne̱ꞌe̱ nen du xia, san le̱ꞌ bzúzxuje̱ꞌ du xia naꞌ, naꞌ beꞌ xriwe̱ꞌ caꞌ guleché̱ na le̱ꞌ le̱ꞌe̱ xixreꞌ laweꞌ lataj.
\v 30 Jesús bche̱be̱ꞌ beꞌ xriwe̱ꞌ caꞌ:
\p ―¿Bi le̱le?
\p Naꞌ beche̱be le̱ na:
\p ―Nedaꞌ leaꞌ: Da Zan.
\p Caꞌ gunná na laweꞌ da xuꞌu beꞌ xriwe̱ꞌ zante̱ benneꞌ naꞌ.
\v 31 Beꞌ xriwe̱ꞌ caꞌ gulenaba na Jesús quebe sel-le̱ꞌ na lataj chul-la.
\v 32 Lu xiꞌa naga zua Jesús, naꞌ zrále̱ꞌe̱ cuche zan dxelágubaꞌ, naꞌ beꞌ xriwe̱ꞌ caꞌ gulataꞌ xue na Jesús guꞌe̱ lataj da caꞌ cheajxezrá na lu cuche caꞌ, naꞌ bnezruj Jesús na lataj.
\v 33 Nadxa beꞌ xriwe̱ꞌ caꞌ belexedxúaj na lu xichaj lázrdau benneꞌ naꞌ, naꞌ gulúꞌu na lu cuche caꞌ, naꞌ xúgute̱ cuche caꞌ buluzrúnnujbaꞌ, ne gulebíxrebaꞌ dxuꞌa chjéa, naꞌ xeajlecházebaꞌ lu nísadauꞌ, naga gulé̱pebaꞌ, gulátebaꞌ.
\p
\v 34 Benneꞌ caꞌ dxuluxúe̱ꞌ cuche caꞌ, gate beleléꞌene̱ꞌ ca da guca, naꞌ buluzrúnnuje̱ꞌ lu xel-la dxelezrebe, naꞌ gulé̱ꞌe̱ benneꞌ zaj zre̱ꞌe̱ le̱ꞌe̱ xixreꞌ, ne benneꞌ zaj zre̱ꞌe̱ laweꞌ xe̱zre ca da guca.
\v 35 Nadxa benneꞌ caꞌ beledxúaje̱ꞌ xeajlenné̱ꞌe̱ ca da guca. Gate belezrine̱ꞌ naga zua Jesús, naꞌ beleléꞌene̱ꞌ bénneaꞌ belexedxúaj beꞌ xriwe̱ꞌ caꞌ lu xichaj lázrdawe̱ꞌ, dxeꞌe̱ zran niꞌa Jesús, ba nácue̱ꞌ ladxeꞌ, ne ba bezúa chaweꞌ xichaj lázrdawe̱ꞌ, naꞌ benneꞌ caꞌ belezrebe̱ꞌ.
\v 36 Naꞌ benneꞌ beleléꞌe ca da guca buluchálajle̱ne̱ꞌ benneꞌ xula caꞌ ca guca gate bexaca bénneaꞌ guxúꞌe̱ beꞌ xriwe̱ꞌ caꞌ.
\v 37 Gate belenne̱ꞌ caní, ca naca benneꞌ zaj zre̱ꞌe̱ lu xe̱zr la xu chee̱ xe̱zre Gadara gulezú lawe̱ꞌ dxelataꞌ xúene̱ꞌ Jesús xezé̱ꞌe̱ lazrieꞌ, laweꞌ da dxelezrébele̱ꞌe̱. Caꞌan guca, guxúꞌu Jesús lu da dxedá laweꞌ nísadauꞌ, chee̱ xezé̱ꞌe̱ xéaje̱ꞌ.
\v 38 Bénneaꞌ belexedxúaj beꞌ xriwe̱ꞌ caꞌ lu xichaj lázrdawe̱ꞌ gunabe̱ꞌ lau Jesús gunézruje̱ꞌ lataj chéajle̱ne̱ꞌ Le̱ꞌ, san Jesús busebague̱ꞌ le̱ꞌ xegáꞌane̱ꞌ lázrie̱ꞌ, naꞌ guzre̱ꞌ le̱ꞌ:
\p
\v 39 ―Bexiaj lizruꞌ, naꞌ bchalaj chee̱ xúgute̱ ca da ba be̱n Dios chiuꞌ.
\p Naꞌ benneꞌ naꞌ bezé̱ꞌe̱ zexíaje̱ꞌ, naꞌ bchálajle̱ne̱ꞌ benneꞌ xe̱zre caꞌ ca da be̱n Jesús chee̱ le̱ꞌ.
\s Jesús dxexune̱ꞌ bí nuꞌula chee̱ Jairo, ne tu nuꞌula xeajté̱ꞌ zra lane̱ꞌ
\r (Mt. 9.18-26; Mr. 5.21-43)
\p
\v 40 Gate bezrín Jesús xecha laꞌa dxuꞌa nísadauꞌ, benneꞌ caꞌ zaj zre̱ꞌe̱ naꞌ gulezíꞌ lu ne̱ꞌe̱ Le̱ꞌ nen dute̱ xel-la dxelebé, laweꞌ da xúgute̱ꞌ dxelebeze̱ꞌ Le̱ꞌ.
\v 41 Nadxa bzrin tu benneꞌ le̱ꞌ Jairo, benneꞌ blau chee̱ xuꞌu naga dxelezraga judío caꞌ, naꞌ bzu zribe̱ꞌ lau Jesús, ne gutaꞌ xúene̱ꞌ Le̱ꞌ chéaje̱ꞌ lizre̱ꞌ,
\v 42 laweꞌ da zua tuze bi nuꞌula chee̱ꞌ. Xuꞌubeꞌ chazrinnu iza, naꞌ ba dxaca wátebeꞌ. Gate guzáꞌ Jesús zéaje̱ꞌ, benneꞌ zante̱ zjácale̱ne̱ꞌ Le̱ꞌ, ne buluchídete̱ ljwezre̱ꞌ.
\p
\v 43 Ládujla benneꞌ caꞌ zeaj tu nuꞌula quebe chaweꞌ zue̱ꞌ, naꞌ chazrinnu iza ba zeaj dxéꞌene̱ꞌ we̱ꞌ dxen da dxaca chee̱ nuꞌula caꞌ. Ba gudízruje̱ꞌ benneꞌ dxelexún bénneache caꞌ xúgute̱ ca da gudape̱ꞌ, naꞌ quebe bi gulezéquene̱ꞌ xelune̱ꞌ chee̱ xexaca nuꞌula naꞌ.
\v 44 Nuꞌula naꞌ gubigue̱ꞌ cúzrula Jesús, naꞌ xeajté̱ꞌ zran niꞌa zre̱ꞌ, naꞌ la náꞌqueze bexágate̱ dxen da dxaca nuꞌula naꞌ.
\p
\v 45 Nadxa Jesús bche̱be̱ꞌ:
\p ―¿Nuzra bta nedaꞌ?
\p Xúgute̱ꞌ gulenné̱ꞌ: “Quebe nu ne gutá Lueꞌ”, naꞌ Pedro, ne benneꞌ ljwezre̱ꞌ caꞌ gulenné̱ꞌ:
\p ―Benneꞌ Wese̱de, benneꞌ caní dxuluchídee̱ꞌ Lueꞌ, ne dxuluzrigue̱ꞌ Lueꞌ, naꞌ dxuché̱bequezuꞌ, dxennáuꞌ: “¿Nuzra bta nedaꞌ?”
\p
\v 46 Jesús gunné̱ꞌ:
\p ―Tu benneꞌ bte̱ꞌ nedaꞌ laweꞌ da gúquebeꞌedaꞌ ben zrin xel-la waca chiaꞌ da bexún na tu benneꞌ.
\p
\v 47 Gate gúquebeꞌe nuꞌula naꞌ ba neze Jesús da guca, nadxa gudée̱ꞌ dxezrízete̱ꞌ, naꞌ bzu zribe̱ꞌ lau Jesús, ne guxrúale̱pe̱ꞌ lau xúgute̱ benneꞌ caꞌ bizr chee̱ naꞌ bte̱ꞌ Jesús, ne ca guca bexácate̱ꞌ.
\v 48 Nadxa gunná Jesús, guzre̱ꞌ nuꞌula naꞌ:
\p ―Zríꞌinaꞌdauꞌ, ba bexacuꞌ laweꞌ da guxéajle̱ꞌu chiaꞌ. Bexíaj naꞌa, dute̱ xel-la dxebeza zri lazreꞌ.
\p
\v 49 Ne dxuchálajte̱ Jesús, bzrin tu benneꞌ naga ze̱ Jesús, benneꞌ guzé̱ꞌe̱ lizre Jairo, benneꞌ blau chee̱ xuꞌu ga naꞌ dxelezraga judío caꞌ, naꞌ guzre̱ꞌ Jairo:
\p ―Ba gute bi nuꞌula chiuꞌ. Québedxa guzúa xuzruꞌ Benneꞌ Wese̱de nigá.
\p
\v 50 Gate ben Jesús ca gunné̱ꞌ, naꞌ guzre̱ꞌ Jairo:
\p ―Quebe zrebuꞌ. Con guxeajle̱. Bi nuꞌula chiuꞌ naꞌ xexácabeꞌ.
\p
\v 51 Gate bzrin Jesús xuꞌu naꞌ, netú quebe be̱ꞌ lataj chúꞌule̱ Le̱ꞌ, san tuze Pedro, ne Jacobo, ne Juan, ne xra xrna bi nuꞌula naꞌ.
\v 52 Xúgute̱ benneꞌ zaj zre̱ꞌe̱ naꞌ dxelebezre̱ꞌ, ne dxelebezre xache̱ꞌ chee̱ bi nuꞌula naꞌ. Jesús gunné̱ꞌ:
\p ―Quebe cuézrele. Bi núꞌuladu nigá quebe nátebeꞌ. Dxásezebeꞌ naꞌ.
\p
\v 53 Naꞌ benneꞌ caꞌ buluzrizre̱ꞌ chee̱ꞌ, laweꞌ da zaj nézquezne̱ꞌ ba gútebeꞌ.
\v 54 Nadxa Jesús guqué̱ꞌe̱ naꞌ bi naꞌ, naꞌ gunné̱ꞌ zizraj:
\p ―¡Bi nuꞌula, bexasa!
\p
\v 55 Naꞌ bebanbeꞌ, ne bexásate̱beꞌ. Naꞌ Jesús busebague̱ꞌ le̱ꞌ xulunézruje̱ꞌ da gágubeꞌ.
\v 56 Xra xrnabeꞌ belexebánele̱ꞌe̱ne̱ꞌ. Jesús busebague̱ꞌ le̱ꞌ quebe nu xelé̱ꞌe̱ ca da guca.
\c 9
\s Jesús dxesel-le̱ꞌ benneꞌ chazrinnu caꞌ xelune̱ꞌ xrchine̱ꞌ
\r (Mt. 10.5-15; Mr. 6.7-13)
\p
\v 1 Jesús bchague̱ꞌ benneꞌ chazrinnu caꞌ dxusé̱dene̱ꞌ, naꞌ bnézruje̱ꞌ le̱ꞌ xel-la waca, ne xel-la dxenná bea chee̱ xelexebéaje̱ꞌ xúgute̱ cueꞌ beꞌ xriwe̱ꞌ caꞌ da zaj xuꞌu bénneache, ne chee̱ xelexexune̱ꞌ benneꞌ caꞌ zaj xuꞌe̱ xízrawe̱ꞌ.
\v 2 Naꞌ gusel-le̱ꞌ le̱ꞌ chee̱ xuluzenne̱ꞌ bénneache ca dxenná bea Dios, ne chee̱ xelexexune̱ꞌ benneꞌ zaj xuꞌe̱ xízrawe̱ꞌ caꞌ.
\v 3 Naꞌ guzre̱ꞌ le̱ꞌ:
\p ―Quebe bi gúale chee̱ la neza. Quebe gúale xaga da guchíchele, naꞌ xixruj chee̱le, ne da gágule, ne dumí. Le guaꞌ tu cueꞌze zra lánale.
\v 4 Gátete̱ze xuꞌu naga chúꞌule, le xegáꞌana naꞌ cadxa zrin zra xezaꞌale lu xe̱zre naꞌ.
\v 5 Naga quebe xelezíꞌe̱ dizraꞌ guchálajle̱le le̱ꞌ, le xedxúaj xe̱zre naꞌ, ne le cuibe bxrte xu da daꞌ níꞌale, da guléꞌe na zaj nabague̱ꞌ zria lau Dios.
\p
\v 6 Nadxa beledxúaje̱ꞌ, naꞌ ca naca xé̱zredu caꞌ xeajlechálaje̱ꞌ dizraꞌ chaweꞌ chee̱ Dios, ne belexexune̱ꞌ benneꞌ zaj xuꞌe̱ xízrawe̱ꞌ caꞌ.
\s Ca guca gate gute Juan, benneꞌ bchue̱ꞌ bénneache nisa
\r (Mt. 14.1-12; Mr. 6.14-29)
\p
\v 7 Herodes, benneꞌ dxenná beꞌene̱ꞌ xe̱zr la xu naꞌ, benne̱ꞌ ca naca xúgute̱ da dxun Jesús, naꞌ guzúe̱ꞌ ste̱be laweꞌ da dxelenná bal-la benneꞌ ba bebán Juan ládujla benneꞌ gate.
\v 8 Xebal-le̱ꞌ dxelenné̱ꞌ Elías, bénneaꞌ bchálaje̱ꞌ waláz chee̱ Dios ba bele̱ꞌe̱, naꞌ xebal-le̱ꞌ dxelenné̱ꞌ ba bebán tu benneꞌ caꞌ buluchálaje̱ꞌ waláz chee̱ Dios ca niꞌte̱.
\v 9 Herodes gunné̱ꞌ:
\p ―Nédaꞌquezaꞌ gunná beꞌedaꞌ nu gudxugu xichaj Juan. ¿Nuzra benneꞌ nigá xcaꞌ da zante̱ dxendaꞌ dxune̱ꞌ?
\p Nadxa Herodes be̱ne̱ꞌ ba xuzre léꞌene̱ꞌ Jesús.
\s Jesús dxugawe̱ꞌ chi xun gaxúa benneꞌ
\r (Mt. 14.13-21; Mr. 6.30-44; Jn. 6.1-14)
\p
\v 10 Gate belexezrín benneꞌ gubáz caꞌ chee̱ Jesús lau Le̱ꞌ, naꞌ gulé̱ꞌe̱ Le̱ꞌ ca da ba belune̱ꞌ. Naꞌ Jesús beche̱ꞌe̱ benneꞌ caꞌ, naꞌ besiáꞌque̱ꞌ zeajxaque̱ꞌ tu lataj da nagáꞌana zituꞌ naga zaj dxeꞌ xe̱zre caꞌ, naga zua lu xe̱zr la xu chee̱ xe̱zre Betsaida.
\v 11 Gate benneꞌ xe̱zre naꞌ belenne̱ꞌ zua Jesús naꞌ, naꞌ gusiáꞌque̱ꞌ zjaque̱ꞌ naga zua Le̱ꞌ. Naꞌ Jesús guzíꞌ lu ne̱ꞌe̱ benneꞌ caꞌ, ne bchálajle̱ne̱ꞌ le̱ꞌ ca dxenná bea Dios, ne bexune̱ꞌ benneꞌ zaj xuꞌe̱ xízrawe̱ꞌ caꞌ.
\p
\v 12 Gate guzú lau zeaj dxezréꞌ, naꞌ gulebiga benneꞌ chazrinnu gubáz caꞌ chee̱ Jesús lau Le̱ꞌ, naꞌ gulé̱ꞌe̱ Le̱ꞌ:
\p ―Bze̱ benneꞌ caní dizraꞌ chee̱ chjaque̱ꞌ naga xelasie̱ꞌ, ne xelílaje̱ꞌ da xelawe̱ꞌ xé̱zredu caꞌ zaj nnita gagu, laweꞌ da ga zúadxu nigá quebe bi de̱.
\p
\v 13 Jesús guzre̱ꞌ le̱ꞌ:
\p ―Le gunezruj leꞌe da xelawe̱ꞌ.
\p Nadxa benneꞌ caꞌ bele̱ꞌe̱ Jesús:
\p ―Quebe de̱dxa chee̱ntuꞌ ca gázxuga xeta xtíladauꞌ, ne chúpaga bela, u ¿wacheajxríquezentuꞌ da xelagu catite benneꞌ zan caní?
\p
\v 14 Zaj zra ca chi xun gaxúa benneꞌ biu caꞌ ga naꞌ. Nadxa Jesús guzre̱ꞌ benneꞌ caꞌ dxusé̱dene̱ꞌ:
\p ―Le xe̱ benneꞌ caꞌ xelebéꞌe̱ chi xun weaje̱ꞌ tu cueꞌ tu cueꞌ.
\p
\v 15 Caꞌan belune̱ꞌ, naꞌ gulebeꞌe̱ xúgute̱ꞌ.
\v 16 Nadxa Jesús guqué̱ꞌe̱ da gazxuꞌ xeta xtila caꞌ, ne chupa bela caꞌ. Naꞌ guchisa lawe̱ꞌ xabaala, ne guzre̱ꞌ Dios “Xcalenuꞌ”, naꞌ ca bexuzre bzúzruje̱ꞌ na, naꞌ bnézruje̱ꞌ na benneꞌ caꞌ dxusé̱dene̱ꞌ chee̱ xelisie̱ꞌ na chee̱ benneꞌ zan caꞌ.
\v 17 Xúgute̱ꞌ gulawe̱ꞌ, ne belélaje̱ꞌ. Ca gudé naꞌ bulusuzré̱ꞌe̱ chazrinnu gaꞌ da bízrujdu caꞌ belexegáꞌana na.
\s Pedro dxenné̱ꞌ Jesús naque̱ꞌ Cristo
\r (Mt. 16.13-19; Mr. 8.27-29)
\p
\v 18 Tu zra gate zua Jesús dxuchálajle̱ne̱ꞌ Dios naga quebe zaj zra benneꞌ zan caꞌ, naꞌ zrale̱ benneꞌ caꞌ dxusé̱dene̱ꞌ Le̱ꞌ, naꞌ Le̱ꞌ bche̱be̱ꞌ benneꞌ caꞌ:
\p ―¿Nuzra dxelenná benneꞌ nacaꞌ nedaꞌ?
\p
\v 19 Le̱ꞌ belexeche̱be̱ꞌ:
\p ―Bal-le̱ꞌ dxelenné̱ꞌ nacuꞌ Juan, bénneaꞌ bchue̱ꞌ bénneache nisa, naꞌ xebal-le̱ꞌ dxelenné̱ꞌ nacuꞌ Elías, bénneaꞌ bchálaje̱ꞌ waláz chee̱ Dios, naꞌ xebal-le̱ꞌ dxelenné̱ꞌ nacuꞌ tu benneꞌ caꞌ buluchálaje̱ꞌ waláz chee̱ Dios ca niꞌite̱, naꞌ bebane̱ꞌ.
\p
\v 20 Nadxa Jesús bche̱be̱ꞌ:
\p ―Naꞌ leꞌe, ¿nuzra dxennale nacaꞌ?
\p Naꞌ gunná Pedro:
\p ―Nacuꞌ Cristo chee̱ Dios.
\s Jesús dxuzenne̱ꞌ benneꞌ caꞌ ca gaca gate gatie̱ꞌ
\r (Mt. 16.20-28; Mr. 8.30―9.1)
\p
\v 21 Jesús bsebague̱ꞌ benneꞌ caꞌ quebe nu xelé̱ꞌe̱ caꞌ.
\v 22 Naꞌ guzre̱ꞌ le̱ꞌ:
\p ―Nedaꞌ, Benneꞌ Gulje̱ꞌ Bénneache, dxal-laꞌ téle̱ꞌa xel-la ziꞌ, naꞌ benneꞌ gula sina caꞌ, ne benneꞌ xíchaje̱ caꞌ chee̱ bxruze, ne benneꞌ caꞌ dxuluxuzájle̱ꞌe̱ da nadxixruj bea na xuluzúe̱ꞌ nedaꞌ chaláꞌala. Xelútie̱ꞌ nedaꞌ, san gate gaca chunna zra, naꞌ xebanaꞌ.
\p
\v 23 Ca gudé naꞌ guzre̱ꞌ ca naca benneꞌ zaj zre̱ꞌe̱ naꞌ:
\p ―Che nu benneꞌ dxaca lazre̱ꞌ gaque̱ꞌ nedaꞌ tuze, dxal-laꞌ guzúe̱ꞌ chaláꞌala xúgute̱ da naca chee̱ꞌ, naꞌ gune̱ꞌ nedaꞌ tuze xúgute̱ zra, lácala gate benneꞌ naꞌ.
\v 24 Benneꞌ dxaca lazre̱ꞌ gapa chiꞌe̱ xel-la nabán chee̱ꞌ, gunítie̱ꞌ na, san benneꞌ gunítie̱ꞌ xel-la nabán chee̱ꞌ laweꞌ da naque̱ꞌ chiaꞌ, wazruéꞌene̱ꞌ na.
\v 25 ¿Bizra da ba neza gaca na chee̱ tu benneꞌ che gape̱ꞌ ca naca da de̱ lu xe̱zr la xu nigá, san cuía xiꞌ lé̱queze̱ꞌ?
\v 26 Che nu benneꞌ xeduéꞌene̱ꞌ chiaꞌ nedaꞌ, ne chee̱ dizraꞌ chiaꞌ, cáꞌanqueze nedaꞌ, Benneꞌ Gulje̱ꞌ Bénneache, weduéꞌedaꞌ chee̱ bénneaꞌ gate zaꞌa nedaꞌ chee̱ nna beꞌa nen xel-la szren chee̱ Xraꞌ, ne chee̱ gubáz láꞌazxa chee̱ xabáa caꞌ.
\v 27 Da li dxapaꞌ leꞌe, bál-lale zrale nigá quebe gátele nédxudxa ca léꞌele zra nna bea Dios.
\s Gate bcha luꞌa lesaca Jesús
\r (Mt. 17.1-8; Mr. 9.2-8)
\p
\v 28 Ca guzre xiꞌ gudé gunná Jesús da nigá, naꞌ guluéne̱ꞌ tu lu xiꞌa chee̱ guchálajle̱ne̱ꞌ Dios, naꞌ xjácale̱ Pedro, ne Jacobo, ne Juan Le̱ꞌ.
\v 29 Dxácate̱ dxuchálajle̱ne̱ꞌ Dios, naꞌ bcha luꞌa lesaca Jesús, naꞌ zra lane̱ꞌ bexaca na da chiche, ne guca tite na.
\v 30 Nadxa bululéꞌe lau chupa benneꞌ dxuluchálajle̱ne̱ꞌ Jesús. Zaj naque̱ꞌ Moisés ne Elías.
\v 31 Naga ze̱le̱ Jesús benneꞌ caꞌ gúcatiteꞌ legala, naꞌ dxuluchálajle̱ne̱ꞌ Jesús ca gaca gate gatie̱ꞌ Le̱ꞌ xe̱zre Jerusalén.
\v 32 Gulácale̱ꞌe̱ welase Pedro ne benneꞌ ljwezre̱ꞌ caꞌ, san bulusebán lazre̱ꞌ, naꞌ beleléꞌene̱ꞌ ca naca xel-la szren chee̱ Jesús, ne chupa benneꞌ caꞌ zaj zé̱le̱ne̱ꞌ Jesús.
\v 33 Gate benneꞌ caꞌ belexesiáꞌque̱ꞌ naga ze̱ Jesús, naꞌ Pedro gunné̱ꞌ:
\p ―Benneꞌ Wese̱de, néquega zúadxu nigá. Be̱nna netuꞌ lataj guntuꞌ chunna xuꞌu lágaꞌdauꞌ, tu chiuꞌ, ne tu chee̱ Moisés, ne tu chee̱ Elías.
\p Pedro quebe dxéquebeꞌene̱ꞌ ca da dxenné̱ꞌ.
\v 34 Dxácate̱ dxenná Pedro caní, naꞌ blaꞌ tu beuj da gucu na naga zaj zre̱ꞌe̱, naꞌ belezrebe Pedro, ne benneꞌ ljwezre̱ꞌ caꞌ gate gulezré̱ꞌe̱ lu beuj naꞌ.
\v 35 Naꞌ belenne̱ꞌ chiꞌi nu dxuchalaj lu beuj naꞌ, gunná:
\p ―Bi nigá naque̱ꞌ Zriꞌinaꞌ, nazríꞌite̱ lazraꞌ. Le xen da dxuchálajbeꞌ.
\p
\v 36 Ca gudé belenne̱ꞌ chiꞌi naꞌ, naꞌ beleléꞌene̱ꞌ Jesús ba ze̱ꞌ tuze̱ꞌ. Naꞌ benneꞌ caní gulezúe̱ꞌ zrize, naꞌ quebe nu gulé̱ꞌe̱ ca da beleléꞌene̱ꞌ.
\s Jesús dxexune̱ꞌ tu bi biu xuꞌubeꞌ beꞌ xriwe̱ꞌ
\r (Mt. 17.14-21; Mr. 9.14-29)
\p
\v 37 Gute xu, gate belexexétaje̱ꞌ lu xiꞌa naꞌ, naꞌ benneꞌ zan zjaque̱ꞌ zeajlexrígale̱ꞌ Jesús.
\v 38 Nadxa tu benneꞌ caꞌ gunné̱ꞌ zizraj, guzre̱ꞌ Jesús:
\p ―Benneꞌ Wese̱de, dxataꞌ xuedaꞌ Lueꞌ dajxúꞌ bi biu chiaꞌ laweꞌ da tu líchaꞌte̱ bi chiaꞌ naca,
\v 39 naꞌ tu beꞌ xriwe̱ꞌ dxaze na le̱beꞌ, ne dxucuezre xaꞌa na le̱beꞌ, ne dxudxixre dxutula na le̱beꞌ, naꞌ dxebía bzrinaꞌ dxúꞌabeꞌ. Dxusaca zi na le̱beꞌ, ne quebe dxaca lazreꞌ na gusán na le̱beꞌ.
\v 40 Ba gutaꞌ xuedaꞌ benneꞌ caꞌ dxusé̱denuꞌ chee̱ xelexebéaje̱ꞌ na, san quebe gulezéquene̱ꞌ.
\p
\v 41 Jesús beche̱be̱ꞌ:
\p ―Leꞌe, benneꞌ we̱n chupa lazreꞌ, ne we̱n da cale̱la. ¿Ájate̱ dxal-laꞌ súale̱naꞌ leꞌe? ¿Ájate̱ dxal-laꞌ guchaga lawaꞌ nen leꞌe? Xeajxríꞌ zriꞌinuꞌ naꞌ nigá.
\p
\v 42 Gate bi cuideꞌ naꞌ ba zéajbeꞌ gagu, naꞌ beꞌ xriwe̱ꞌ naꞌ gudín na le̱beꞌ xu, ne bdxixre btula na le̱beꞌ. Naꞌ Jesús gudil-le̱ꞌ beꞌ xriwe̱ꞌ naꞌ, ne bexune̱ꞌ bi cuideꞌ naꞌ, naꞌ bdee̱ꞌ-beꞌ lu naꞌ xrabeꞌ.
\v 43 Xúgute̱ benneꞌ caꞌ belexebánene̱ꞌ ca naca xel-la szren chee̱ Dios.
\s Jesús dxuzenne̱ꞌ benneꞌ caꞌ xecha lasa ca gaca gate gatie̱ꞌ
\r (Mt. 17.22-23; Mr. 9.30-32)
\p Dxácate̱ naꞌ xúgute̱ benneꞌ caꞌ dxelexebánene̱ꞌ ca da dxun Jesús, Le̱ꞌ guzre̱ꞌ benneꞌ caꞌ dxusé̱dene̱ꞌ:
\p
\v 44 ―Le xen xanneꞌ da nigá, ne quebe gal-la lázrele na. Nedaꞌ, Benneꞌ Gulje̱ꞌ Bénneache, wuludée̱ꞌ nedaꞌ lu naꞌ bénneache.
\p
\v 45 Benneꞌ caꞌ dxusé̱dene̱ꞌ quebe guléajniꞌine̱ꞌ ca da dxenná Jesús laweꞌ da quebe ne gunézruj Dios lataj xeléajniꞌine̱ꞌ, naꞌ belezrebe̱ꞌ xelenabe̱ꞌ Jesús guzéajniꞌine̱ꞌ le̱ꞌ ca da naꞌ gunné̱ꞌ.
\s ¿Nuzra naca blau?
\r (Mt. 18.1-5; Mr. 9.33-37)
\p
\v 46 Nadxa benneꞌ caꞌ dxuse̱de Jesús gulezú lawe̱ꞌ dxuluche̱be ljwezre̱ꞌ núzraqueze naca blau ládujla le̱ꞌ.
\v 47 Jesús gúquebeꞌene̱ꞌ ca da dxelenné̱ꞌ. Nadxa guqué̱ꞌe̱ tu bi biúdauꞌ, ne bze̱ꞌ-beꞌ cuite̱ꞌ,
\v 48 naꞌ guzre̱ꞌ benneꞌ caꞌ:
\p ―Benneꞌ gape̱ꞌ ba láꞌana tu bidu caní laweꞌ da nazríꞌine̱ꞌ nedaꞌ, nédaꞌquezaꞌ dxape̱ꞌ ba láꞌana, naꞌ benneꞌ dxape̱ꞌ ba láꞌana nedaꞌ, dxápaqueze̱ꞌ ba láꞌana Dios, Bénneaꞌ nasel-le̱ꞌ nedaꞌ. Cáꞌanqueze bénneaꞌ nácadxe̱ꞌ benneꞌ dxexruj lazreꞌ ládujla leꞌe, benneꞌ nigá naque̱ꞌ benneꞌ blau.
\s Benneꞌ quebe dxedábague̱ꞌ dxiꞌu zue̱ꞌ gácale̱ne̱ꞌ dxiꞌu
\r (Mr. 9.38-40)
\p
\v 49 Nadxa Juan guzre̱ꞌ Jesús:
\p ―Benneꞌ Wese̱de, bléꞌentuꞌ tu benneꞌ dxuchínene̱ꞌ Lauꞌ, dxebéaje̱ꞌ beꞌ xriwe̱ꞌ caꞌ lu xichaj lázrdau benneꞌ caꞌ, naꞌ gúzrentuꞌ le̱ꞌ quebe gune̱ꞌ caꞌ laweꞌ da quebe naqueꞌ dxiꞌu tuze.
\p
\v 50 Jesús guzre̱ꞌ le̱ꞌ:
\p ―Quebe guzágale ca da dxune̱ꞌ laweꞌ da benneꞌ quebe dxedábague̱ꞌ dxiꞌu zue̱ꞌ gácale̱ne̱ꞌ dxiꞌu.
\s Jesús dxedil-le̱ꞌ Jacobo ne Juan
\p
\v 51 Gate ba za zrin zra dxal-laꞌ xexíaj Jesús xabáa, be̱n ziꞌ lazre̱ꞌ chéaje̱ꞌ Jerusalén.
\v 52 Naꞌ gusél-le̱ꞌ gubáz chee̱ꞌ caꞌ xelebía lawe̱ꞌ, naꞌ benneꞌ caꞌ xjaque̱ꞌ tu xé̱zredauꞌ nababa Samaria chee̱ cheajlecuéze̱ꞌ naga sua Jesús.
\v 53 Benneꞌ Samaria caꞌ quebe gulaca lazre̱ꞌ xegáꞌana Jesús naꞌ, laweꞌ da guleque béꞌene̱ꞌ zéaje̱ꞌ Jerusalén.
\v 54 Gate Jacobo ne Juan, benneꞌ caꞌ dxuse̱de Jesús, beleléꞌene̱ꞌ da nigá, naꞌ gulé̱ꞌe̱ Jesús:
\p ―Xran, ¿dxaca lazruꞌ nna béantuꞌ xetaj xiꞌ da za xabáa chee̱ guzría xi na benneꞌ caní, ca be̱n Elías, bénneaꞌ bchálaje̱ꞌ waláz chee̱ Dios?
\p
\v 55 Nadxa Jesús guné̱ꞌe̱ le̱ꞌ, ne gudil-le̱ꞌ le̱ꞌ, dxenné̱ꞌ:
\p ―Leꞌe quebe nézele nu beꞌ zúale̱ leꞌe.
\v 56 Caní naca laweꞌ da blaꞌ nedaꞌ, Benneꞌ Gulje̱ꞌ Bénneache, quegá chee̱ guzría xiꞌa xel-la nabán chee̱ bénneache, san chee̱ gucache chawaꞌ le̱ na.
\p Nadxa xjaque̱ꞌ xetú xé̱zredauꞌ.
\s Benneꞌ dxelaca lazre̱ꞌ chjácale̱ne̱ꞌ Jesús
\r (Mt. 8.19-22)
\p
\v 57 Ca zjaque̱ꞌ lu neza naꞌ, tu benneꞌ biu guzre̱ꞌ Jesús:
\p ―Xran, dxaca lazraꞌ sále̱naꞌ Lueꞌ gátete̱ze chéajuꞌ.
\p
\v 58 Jesús beche̱be̱ꞌ:
\p ―Beza caꞌ zaj zua bluaj chee̱baꞌ, naꞌ bxínnedu caꞌ zaj zria xrúꞌunebaꞌ, san nedaꞌ, Benneꞌ Gulje̱ꞌ Bénneache, quebe bi de̱ ga xrua xíchajaꞌ.
\p
\v 59 Naꞌ Jesús guzre̱ꞌ xetú benneꞌ:
\p ―Be̱n nedaꞌ tuze.
\p Benneꞌ nigá gunné̱ꞌ:
\p ―Xran, be̱nna nedaꞌ lataj cheajcácheaꞌ xraꞌ.
\p
\v 60 Naꞌ Jesús beche̱be̱ꞌ:
\p ―Be̱ lataj benneꞌ caꞌ zaj naque̱ꞌ ca benneꞌ gate xulucacheꞌ ljwezre̱ꞌ, naꞌ lueꞌ, guxíaj, xeajchalaj ca dxenná bea Dios.
\p
\v 61 Nadxa tu benneꞌ xula guzre̱ꞌ Jesús:
\p ―Xran, dxaca lazraꞌ gunaꞌ Lueꞌ tuze, san steca, be̱nna nedaꞌ lataj xexáꞌa cheajzéaꞌ dizraꞌ benneꞌ zaj zraꞌ lizraꞌ.
\p
\v 62 Jesús guzre̱ꞌ benneꞌ naꞌ:
\p ―Benneꞌ dxugáꞌane̱ꞌ be̱zre, naꞌ nne̱ꞌe̱ cúzrule̱ꞌ, quebe gaca chee̱ bénneaꞌ gune̱ꞌ zrin chee̱ da dxenná bea Dios.
\c 10
\s Jesús dxesel-le̱ꞌ benneꞌ gaxún chi caꞌ
\p
\v 1 Ca gudé naꞌ, Xránadxu guqué̱ꞌe̱ xegaxún chi benneꞌ caꞌ, naꞌ gusél-le̱ꞌ chupa weaje̱ꞌ xelebía lawe̱ꞌ lau Le̱ꞌ xúgute̱ xe̱zre, ne xé̱zredu caꞌ naga dxal-laꞌ chéaje̱ꞌ Le̱ꞌ.
\v 2 Guzre̱ꞌ benneꞌ caꞌ:
\p ―Da li dxennéaꞌ, lina da zren naca na, naꞌ benneꞌ we̱n zrin bábaze zaj naque̱ꞌ. Chee̱ le̱ naꞌ le naba lau Xrane zrin naꞌ sel-le̱ꞌ benneꞌ we̱n zrin caꞌ xelexequé̱ꞌe̱ lina naꞌ.
\v 3 ¡Le chjaca! Le nnaꞌxque, nedaꞌ dxesel-laꞌ leꞌe, gácale ca zrílaꞌdu caꞌ ládujla becuꞌ xiꞌa caꞌ.
\v 4 Quebe gúale xixruj, ne dumí, ne zrélale, ne quebe gagale la neza nu guchálajle̱le.
\v 5 Gate chuꞌule tu lu xuꞌu, naꞌ gugápale diuzre, nnale: “Xel-la dxebeza zri lazreꞌ gaca chee̱ benneꞌ zaj zre̱ꞌe̱ lu xuꞌu nigá.”
\v 6 Che zaj zraꞌ naꞌ benneꞌ dxelebeza zri lazre̱ꞌ, naꞌ da gunábale gaca chee̱ benneꞌ caꞌ, san che quebe nu chiláꞌ naca caní, le naba quebe gaca da ba gunábale.
\v 7 Le xegáꞌana lu xuꞌu náꞌqueze, naꞌ le xiꞌaj le gagu ca da xelunne̱ꞌ laweꞌ da benneꞌ we̱n zrin quebe te le tune̱ꞌ. Quebe cheajsúale tu xuꞌu xetú xuꞌu.
\v 8 Gate zrinle tu xe̱zre naga xelezíꞌ lu ne̱ꞌe̱ leꞌe, le gagu ca da xelunne̱ꞌ.
\v 9 Le xexún benneꞌ zaj xuꞌe̱ xízrawe̱ꞌ zaj zre̱ꞌe̱ naꞌ, naꞌ le xe̱ꞌe̱: “Xel-la dxenná bea chee̱ Dios ba zua nen leꞌe.”
\v 10 Che zrinle tu xe̱zre naga quebe xelezíꞌ lu ne̱ꞌe̱ leꞌe, le xedxúaj la neza chee̱ xe̱zre naꞌ, naꞌ nnale:
\v 11 “Ca naca bxrteduꞌ daꞌ níꞌantuꞌ dxexebíbentuꞌ na chee̱ gaca tu da guléꞌe na leꞌe nabágale zria lau Dios. Dxal-laꞌ nézele ba blaꞌ ládujla leꞌe xel-la dxenná bea chee̱ Dios.”
\v 12 Dxapaꞌ leꞌe, ca lu zra guchiꞌa Dios, da xelezaca benneꞌ zaj zre̱ꞌe̱ lu xe̱zre nigá gácadxa na xel-la ziꞌ ca da xelezaca benneꞌ xe̱zre Sodoma, xe̱zre naꞌ bzria xiꞌ Dios.
\s Da gaca chee̱ xe̱zre naga quebe belune̱ꞌ ca dxenná xrtizraꞌ Dios
\r (Mt. 11.20-24)
\p
\v 13 Naꞌ gunná Jesús:
\p ―¡Edxugúa leꞌe, benneꞌ xe̱zre Corazín! ¡Edxugúa leꞌe, benneꞌ xe̱zre Betsaida! Chela lu xe̱zre Tiro, ne lu xe̱zre Sidón beleléꞌene̱ꞌ ca naca xel-la waca chee̱ xabáa da ba gulaca ládujla leꞌe, gate naꞌte ba belexebíꞌi lazre̱ꞌ, belácue̱ꞌ zra lane̱ꞌ tuzruj, ne buluzríe̱ꞌ de xíchaje̱ꞌ.
\v 14 Lu zra guchiꞌa Dios da dxaca, naꞌ sácadxale leꞌe xel-la ziꞌ ca da xelezaca benneꞌ Tiro, ne Sidón.
\v 15 Naꞌ leꞌe, benneꞌ xe̱zre Capernaum, ¿dxéquele waxásale zrínte̱le xabáa? ¡Lataj chúl-lala xétajle!
\p
\v 16 Nadxa guzre̱ꞌ benneꞌ caꞌ dxusé̱dene̱ꞌ:
\p ―Benneꞌ xenne̱ꞌ chee̱le leꞌe, chiaꞌ nedaꞌ xenne̱ꞌ, naꞌ benneꞌ guzúe̱ꞌ leꞌe chaláꞌala, nedaꞌ naꞌ gusaque̱ꞌ caꞌ, naꞌ benneꞌ guzúe̱ꞌ nedaꞌ chaláꞌala, Dios, Bénneaꞌ gusel-le̱ꞌ nedaꞌ, guzúe̱ꞌ chaláꞌala.
\s Dxelexezrín benneꞌ gaxún chi caꞌ
\p
\v 17 Benneꞌ gaxún chi caꞌ belexezrine̱ꞌ lu xel-la dxelebé, dxelenné̱ꞌ:
\p ―Xran, beꞌ xriwe̱ꞌ caꞌ dxuluzúaqueze na dizraꞌ chee̱ntuꞌ gate dxuchínentuꞌ Lauꞌ.
\p
\v 18 Jesús guzre̱ꞌ benneꞌ caꞌ:
\p ―Caꞌ naca, naꞌ nedaꞌ bleꞌedaꞌ da xriwe̱ꞌ be̱xruj na zran xabáa ca tu xesa da dxeajsúa na lu xu.
\v 19 Nedaꞌ ba be̱nnaꞌ leꞌe xel-la dxenná bea chee̱ guléajle be̱ snia caꞌ, ne bé̱xrujni, ne chee̱ guchúchujle dute̱ xel-la dxenná bea chee̱ da xriwe̱ꞌ, naꞌ quebe bi seque gune na leꞌe.
\v 20 Quebe bele laweꞌ da dxelún beꞌ xriwe̱ꞌ ca dxennale leꞌe, san le be laweꞌ da ba naxúaj lale xabáa naꞌla.
\s Jesús dxebene̱ꞌ
\r (Mt. 11.25-27; 13.16-17)
\p
\v 21 Lu zra náꞌqueze gubéle̱ꞌe̱ Jesús, zúale̱ Beꞌ Láꞌazxa Le̱ꞌ, naꞌ gunné̱ꞌ:
\p ―Dxue láꞌanaꞌ Lueꞌ, Xrae, Xrane xabáa ne xe̱zr la xu, laweꞌ da ba bléꞌenuꞌ bénneꞌdu caní da bcácheuꞌ chee̱ benneꞌ sina caꞌ, ne benneꞌ dxeléajniꞌine̱ꞌ. ¡Caꞌ naca, Xrae, laweꞌ da caꞌan guca lazruꞌ Lueꞌ!
\p
\v 22 ’Xraꞌ ba be̱nne̱ꞌ nedaꞌ xúgute̱. Quegá nu neze nu naꞌ naca Zríꞌine̱ꞌ, san tuze Xráꞌquezaꞌ, ne quegá nu neze nu naꞌ naca Xraꞌ, san tuze Zríꞌinequeze̱ꞌ, ne nu benneꞌ caꞌ dxaca lazreꞌ Zríꞌine̱ꞌ guzéajniꞌine̱ꞌ le̱ꞌ Nu naꞌ naca Xre̱ꞌ.
\p
\v 23 Nadxa guné̱ꞌe̱ benneꞌ caꞌ dxusé̱dene̱ꞌ, naꞌ guzre̱ꞌ benneꞌ cáꞌanze:
\p ―Ba neza naca na chee̱ benneꞌ caꞌ dxeleléꞌene̱ꞌ ca da dxeléꞌele leꞌe,
\v 24 laweꞌ da dxapaꞌ leꞌe, zánete̱ benneꞌ caꞌ, benneꞌ buluchálaje̱ꞌ waláz chee̱ Dios, ne benneꞌ wenná bea caꞌ gulaca lazre̱ꞌ xeleléꞌene̱ꞌ ca da dxeléꞌele leꞌe, san quebe beleléꞌene̱ꞌ na. Gulaca lazre̱ꞌ xelenne̱ꞌ ca da dxenle leꞌe, san quebe belenne̱ꞌ na.
\s Da dxuléꞌe na ca be̱n benneꞌ Samaria, benneꞌ naque̱ꞌ chaweꞌ
\p
\v 25 Nadxa tu benneꞌ dxuxuzájle̱ꞌe̱ da nadxixruj bea Dios bdxúaje̱ꞌ, ne guxíaje̱ꞌ xeajchálajle̱ne̱ꞌ Jesús chee̱ gaca guzúa zrie̱ꞌ Le̱ꞌ, naꞌ bche̱be̱ꞌ Le̱ꞌ:
\p ―Benneꞌ Wese̱de, ¿bizra dxal-laꞌ gunaꞌ chee̱ gataꞌ chiaꞌ xel-la nabán da zeajlí canna?
\p
\v 26 Jesús beche̱be̱ꞌ:
\p ―¿Bizra da naxúaj na lu da nadxixruj bea Dios? ¿Aja dxéquenuꞌ da dxulabuꞌ?
\p
\v 27 Bénneaꞌ dxuxuzájle̱ꞌe̱ da nadxixruj bea Dios beche̱be̱ꞌ:
\p ―Bzriꞌi Xranuꞌ Dios dute̱ lázrdaꞌu, ne nen dute̱ bénneꞌdu xuꞌu, ne nen dute̱ xel-la dxun ziꞌ lazreꞌ chiuꞌ, ne nen dute̱ xel-la dxulaba lazreꞌ chiuꞌ, naꞌ bzriꞌi le saꞌ ljwezruꞌ ca nazríꞌi cuinuꞌ.
\p
\v 28 Nadxa gunná Jesús, guzre̱ꞌ le̱ꞌ:
\p ―Cháweꞌle̱ꞌe̱ beche̱buꞌ. Che dxunuꞌ caní, naꞌ gapuꞌ xel-la nabán naꞌ.
\p
\v 29 Bénneaꞌ dxuxuzájle̱ꞌe̱ da nadxixruj bea Dios guca lazre̱ꞌ gucáꞌana chaweꞌ cuine̱ꞌ, naꞌ guzre̱ꞌ Jesús:
\p ―¿Nuzra naꞌ le saꞌ lwezraꞌ?
\p
\v 30 Beche̱be Jesús:
\p ―Tu benneꞌ guzé̱ꞌe̱ Jerusalén, bétaje̱ꞌ zíaje̱ꞌ Jericó. Lu neza naꞌ xuꞌe̱, naꞌ gule̱la gubán le̱ꞌ, ne gulebane̱ꞌ ca naca da nape̱ꞌ, ne zra lane̱ꞌ. Naꞌ buluzálaje̱ꞌ le̱ꞌ, ne besiáꞌque̱ꞌ zaj nucáꞌane̱ꞌ le̱ꞌ ca benneꞌ gate.
\v 31 Nadxa gudé tu bxruze neza naꞌ, naꞌ gate bléꞌene̱ꞌ le̱ꞌ, gudée̱ꞌ chaláꞌala.
\v 32 Cáꞌanqueze gudé naꞌ tu benneꞌ xrtia Leví, benneꞌ dxune̱ꞌ zrin chee̱ xudauꞌ, naꞌ gate bléꞌene̱ꞌ bénneaꞌ, gudée̱ꞌ chaláꞌala.
\v 33 Nadxa tu benneꞌ Samaria gudée̱ꞌ neza naꞌ, naꞌ gate bléꞌene̱ꞌ le̱ꞌ bexache lazre̱ꞌ le̱ꞌ.
\v 34 Gubigue̱ꞌ cuita benneꞌ naꞌ, ne btupe̱ꞌ tu da za lu we̱ꞌ chee̱ꞌ, ne xrise uva wal-la, naꞌ bchele̱ꞌ na ladxeꞌ. Nadxa bcuene̱ꞌ le̱ꞌ cuzru bea chee̱ꞌ, naꞌ beche̱ꞌe̱ le̱ꞌ tu lu xuꞌu naga xegáꞌane̱ꞌ, ne bxue̱ꞌ le̱ꞌ naꞌ.
\v 35 Zra xula, ca bezáꞌ benneꞌ Samaria naꞌ, naꞌ guléaje̱ꞌ chupa dumí da bnézruje̱ꞌ xrane xuꞌu naꞌ, ne guzre̱ꞌ le̱ꞌ: “Bxue benneꞌ nigá, naꞌ che ba gucáꞌadxa xelateꞌ dumí chiuꞌ, nedaꞌ xexunnaꞌ na gate xeláꞌa.”
\p
\v 36 Nadxa Jesús guzre̱ꞌ benneꞌ dxuxuzájle̱ꞌe̱ da nadxixruj bea Dios:
\p ―¿Nula benneꞌ chunna caní guque̱ꞌ le saꞌ ljwezre bénneaꞌ gule̱la gubán caꞌ?
\p
\v 37 Naꞌ gunná bénneaꞌ dxuxuzájle̱ꞌe̱ da nadxixruj bea Dios:
\p ―Bénneaꞌ bexache lazre̱ꞌ le̱ꞌ.
\p Nadxa Jesús guzre̱ꞌ le̱ꞌ:
\p ―Bexíaj lueꞌ, naꞌ gúnquezuꞌ caꞌ.
\s Jesús dxezrine̱ꞌ lizre Marta ne María
\p
\v 38 Jesús bexuꞌe̱ neza, naꞌ bezrine̱ꞌ tu xé̱zredauꞌ, naꞌ lu xe̱zre naꞌ zua tu nuꞌula le̱ꞌ Marta, naꞌ guluꞌe̱ Jesús lizre̱ꞌ.
\v 39 Marta naꞌ, zua tu bi bile̱ꞌ le̱ꞌ María, naꞌ María naꞌ gudxéꞌe̱ zran niꞌa Jesús chee̱ xenne̱ꞌ da dxuchálaje̱ꞌ.
\v 40 Marta dé̱le̱ꞌe̱ da dxune̱ꞌ, naꞌ bzrine̱ꞌ lau Jesús, ne guzre̱ꞌ Le̱ꞌ:
\p ―Xran, ¿quebe dxexache lazruꞌ nedaꞌ laweꞌ da dxucáꞌana bi bilaꞌ nedaꞌ chee̱ gunaꞌ tuzaꞌ zrin chee̱ntuꞌ? Guzre-beꞌ gácale̱beꞌ nedaꞌ.
\p
\v 41 Jesús beche̱be̱ꞌ:
\p ―Marta, Marta, dxezé̱le̱ꞌe̱nuꞌ gunne xue, ne zuꞌ ste̱be ca naca chee̱ da caꞌ dxunuꞌ,
\v 42 san de̱ tuze da dxun na ba xen nu gun. María ba bezrelne̱ꞌ da cháwedxa, naꞌ netú benneꞌ quebe sequeꞌ cue̱ꞌ na.
\c 11
\s Ca dxal-laꞌ gundxu guchálajle̱dxu Dios
\r (Mt. 6.9-15; 7.7-11)
\p
\v 1 Tu zra Jesús bchálajle̱ne̱ꞌ Dios tu lataj, naꞌ gate bexuzre bchálajle̱ne̱ꞌ Dios, naꞌ tu benneꞌ caꞌ dxusé̱dene̱ꞌ guzre̱ꞌ Le̱ꞌ:
\p ―Xran, bse̱de netuꞌ guchálajle̱ntuꞌ Dios, ca be̱n Juan, bsé̱dene̱ꞌ benneꞌ caꞌ zaj de̱ꞌe̱ le̱ꞌ.
\p
\v 2 Jesús gunné̱ꞌ:
\p ―Gate guchálajle̱le Dios, naꞌ nnale:
\q Xrantuꞌ Dios, zuꞌ xabáa,
\q gaca láꞌazxa Lauꞌ Lueꞌ.
\q Gudá nna beꞌu.
\q Gaca ca dxaca lazruꞌ lu xe̱zr la xu, ca da dxaca xabáa.
\q
\v 3 Be̱nna chee̱ntuꞌ da gáguntuꞌ naꞌa zra.
\q
\v 4 Bnite lau dul-la chee̱ntuꞌ ca dxunite launtuꞌ chee̱ benneꞌ caꞌ dxelune̱ꞌ chee̱ntuꞌ da cale̱la.
\q Quebe guꞌu lataj da xriwe̱ꞌ cuꞌu na netuꞌ neza chee̱ na, naꞌ bselá netuꞌ lu naꞌ da cale̱la.
\p
\v 5 Nadxa Jesús guzre̱ꞌ benneꞌ caꞌ:
\p ―Che tu benneꞌ ládujla leꞌe zua tu ljwezre̱ꞌ, naꞌ che zrine̱ꞌ lizre benneꞌ ljwezre̱ꞌ naꞌ dxe̱la, ne xe̱ꞌe̱ le̱ꞌ: “Bi ljwezraꞌ, guleaj nedaꞌ chunna xeta xtila
\v 6 laweꞌ da zua tu bi ljwezraꞌ za beláꞌte̱beꞌ lizraꞌ, naꞌ quebe bi de̱ chiaꞌ gugawaꞌ-beꞌ.”
\v 7 ¿Weche̱be benneꞌ ljwezre̱ꞌ naꞌ, benneꞌ xuꞌu lu xuꞌu: “Quebe gunuꞌ nedaꞌ ze̱de. Naxezxuj dxa xuꞌu chiaꞌ, naꞌ bi chiaꞌ zaj de̱beꞌ nigá. Quebe gaca chasaꞌ bi gunnaꞌ chiuꞌ?”
\v 8 Nedaꞌ dxapaꞌ leꞌe, lácala quebe chase̱ꞌ bi gunézruje̱ꞌ le̱ꞌ laweꞌ da naque̱ꞌ ljwezre̱ꞌ, san chase̱ꞌ chee̱ québedxa gune̱ꞌ le̱ꞌ ze̱de, naꞌ gunézruje̱ꞌ le̱ꞌ ca naca da nachínnene̱ꞌ.
\v 9 Caní dxapaꞌ leꞌe:
\q Le naba, naꞌ Dios gunne̱ꞌ chee̱le.
\q Le xexilaj, naꞌ xezrélele.
\q Le nne̱ dxuꞌa dxa xuꞌu, naꞌ xalaj chee̱le.
\m
\v 10 Caꞌ naca na, laweꞌ da benneꞌ dxenabe̱ꞌ, naꞌ siꞌe̱, ne benneꞌ dxexílaje̱ꞌ, naꞌ xezrélene̱ꞌ, ne benneꞌ dxenné̱ꞌ dxuꞌa dxa xuꞌu, naꞌ xalaj chee̱ꞌ.
\p
\v 11 ’Che tu benneꞌ ládujla leꞌe naque̱ꞌ xra xrnaꞌ, ¿waca gunézruje̱ꞌ zríꞌine̱ꞌ tu xiaj che nábabeꞌ tu xeta xtila? ¿Waca gunézruje̱ꞌ-beꞌ tu be̱laꞌ che nábabeꞌ tu bela?
\v 12 ¿Waca gunézruje̱ꞌ-beꞌ tu bé̱xrujni che nábabeꞌ tu zrita?
\v 13 Che leꞌe nácale benneꞌ we̱n da cale̱la, naꞌ nézele gunézrujle da chaweꞌ chee̱ zríꞌinele, ¿quebe nácadxa Xrale zua xabáa li lazreꞌ chee̱ gunne̱ꞌ chee̱ nu benneꞌ nabe̱ꞌ Beꞌ Láꞌazxa?
\s Dxelenné̱ꞌ napa Jesús xel-la dxenná bea chee̱ da xriwe̱ꞌ
\r (Mt. 12.22-30; Mr. 3.19-27)
\p
\v 14 Tu zra Jesús bebéaje̱ꞌ beꞌ xriwe̱ꞌ lu xichaj lázrdau tu benneꞌ, da nucáꞌana na le̱ꞌ quebe dxaca nnie̱ꞌ, naꞌ gate bedxúaj beꞌ xriwe̱ꞌ naꞌ, naꞌ bennéꞌ bénneaꞌ. Naꞌ benneꞌ caꞌ belexebánene̱ꞌ chee̱ da nigá.
\v 15 Naꞌ bal-le̱ꞌ gulenné̱ꞌ:
\p ―Benneꞌ nigá dxebéaje̱ꞌ beꞌ xriwe̱ꞌ caꞌ, dxuchínene̱ꞌ xel-la dxenná bea chee̱ Beelzebú, xrane beꞌ xriwe̱ꞌ caꞌ.
\p
\v 16 Xebal-la benneꞌ gulaca lazre̱ꞌ guléꞌe Jesús xel-la waca chee̱ꞌ, naꞌ gulenabe̱ꞌ Le̱ꞌ gune̱ꞌ tu xel-la waca da za xabáa.
\v 17 Le̱ꞌ nézene̱ꞌ ca da dxelaca lazre̱ꞌ, naꞌ guzre̱ꞌ benneꞌ caꞌ:
\p ―Che benneꞌ zaj zre̱ꞌe̱ tu xe̱zre xelaque̱ꞌ chupa laꞌa, ne xeledil-le̱ꞌ, wabía xiꞌ xe̱zre naꞌ, naꞌ che benneꞌ tu lu xuꞌu xelaque̱ꞌ chupa laꞌa, cáꞌanqueze welebía xiꞌ benneꞌ caꞌ.
\v 18 Cáꞌanqueze, che da xriwe̱ꞌ caꞌ xelaca na chupa laꞌa, ¿ájazra xegáꞌana xel-la dxenná bea chee̱ na? Da nigá dxapaꞌ leꞌe laweꞌ da dxenné̱le dxebéajaꞌ beꞌ xriwe̱ꞌ caꞌ, dxuchínedaꞌ xel-la dxenná bea chee̱ Beelzebú da xriwe̱ꞌ.
\v 19 Che caní naca na, ¿nuzra dxunezruj xel-la dxenná bea benneꞌ caꞌ dxusé̱dele leꞌe chee̱ xelexebéaje̱ꞌ beꞌ xriwe̱ꞌ caꞌ? Chee̱ le̱ naꞌ, benneꞌ caníqueze dxululéꞌene̱ꞌ dxeque zréajele.
\v 20 Naꞌa che nedaꞌ dxebéajaꞌ beꞌ xriwe̱ꞌ caꞌ, dxuchínedaꞌ xel-la dxenná bea chee̱ Dios, da li xel-la dxenná bea chee̱ Dios ba blaꞌ na ládujla leꞌe.
\p
\v 21 ’Che tu benneꞌ wal-la nape̱ꞌ da guchínene̱ꞌ lu wedil-la, ne dxuxúequeze̱ꞌ lizre̱ꞌ, naꞌ da zra lizre̱ꞌ napa chiꞌe̱ na.
\v 22 Che zaꞌ xetú benneꞌ nácadxe̱ꞌ wal-la ca le̱ꞌ, ne dxucul-le̱ꞌ le̱ꞌ, nadxa que̱ꞌe̱ ca naca da dxuchínene̱ꞌ lu wedil-la, da naꞌ dxuxrén lazre̱ꞌ, naꞌ quisie̱ꞌ da gudapa bénneaꞌ.
\p
\v 23 ’Benneꞌ quebe zue̱ꞌ gácale̱ne̱ꞌ nedaꞌ, dxedábague̱ꞌ nedaꞌ, naꞌ benneꞌ quebe dxexequé̱ꞌe̱ nen nedaꞌ dxúsela bénneaꞌ.
\s Beꞌ xriwe̱ꞌ da dxexezrín na lizre na
\r (Mt. 12.43-45)
\p
\v 24 Gunná Jesús:
\p ―Gate tu beꞌ xriwe̱ꞌ dxedxuaj na lu xichaj lázrdau tu benneꞌ, dxedá na lataj naga nabizre dxexilaj na naga sua na xezíꞌ lazreꞌ na, naꞌ gate quebe dxezrele na, naꞌ dxenná na: “Wexáꞌa lizraꞌ naga bezáꞌa.”
\v 25 Gate xezrín na, naꞌ leꞌe na bénneaꞌ naque̱ꞌ ca tu xuꞌu da nalúa luꞌule na, ne nabáꞌate̱ na.
\v 26 Nadxa zexíaj na, zeajxezrí na xegazre beꞌ xriwe̱ꞌ da zaj nácadxa na xriweꞌ ca le̱ na, naꞌ ca naca da caꞌ xelúꞌu na xelezúa na lu xichaj lázrdau bénneaꞌ, naꞌ naga cheajse̱te̱ chee̱ benneꞌ naꞌ nácadxa da cale̱la chee̱ꞌ ca da guca chee̱ꞌ nédxula.
\s Da ba neza chee̱ bénneache da naca na li lazreꞌ
\p
\v 27 Dxácate̱ Jesús dxenné̱ꞌ da caní, tu nuꞌula ládujla benneꞌ caꞌ gunné̱ꞌ zizraj:
\p ―Ba neza zrente̱ naca na chee̱ nuꞌula naꞌ guzane̱ꞌ Lueꞌ, ne bsegule̱ꞌ Lueꞌ.
\p
\v 28 Naꞌ gunná Jesús:
\p ―Ba neza zrendxa naca na chee̱ benneꞌ caꞌ dxelenne̱ꞌ ca da dxenná Dios, ne dxune̱ꞌ ca dxenná dizraꞌ naꞌ.
\s Dxelenabe̱ꞌ Jesús gune̱ꞌ tu xel-la waca da za xabáa
\r (Mt. 12.38-42; Mr. 8.12)
\p
\v 29 Benneꞌ caꞌ ne zaj zre̱ꞌe̱ cuita Jesús, naꞌ Le̱ꞌ guzú lawe̱ꞌ dxuchálajle̱ne̱ꞌ le̱ꞌ, gunné̱ꞌ:
\p ―Benneꞌ zaj zre̱ꞌe̱ lu zra caní zaj naque̱ꞌ benneꞌ we̱n da cale̱la, naꞌ dxelenabe̱ꞌ nedaꞌ gunaꞌ tu xel-la waca da za xabáa, naꞌ québedxa bi xeleléꞌene̱ꞌ ca da bleꞌe Jonás, bénneaꞌ bchálaje̱ꞌ waláz chee̱ Dios.
\v 30 Ca guca chee̱ Jonás, guque̱ꞌ tu da bleꞌe na benneꞌ gulezré̱ꞌe̱ lu xe̱zre Nínive, cáꞌanqueze nedaꞌ, Benneꞌ Gulje̱ꞌ Bénneache, gacaꞌ tu da guléꞌe na benneꞌ zaj zre̱ꞌe̱ lu zra naꞌa zra.
\v 31 Lu zra guchiꞌa Dios, gate Dios guchiꞌe̱ chee̱ benneꞌ zaj zre̱ꞌe̱ lu zra naꞌa zra, naꞌ chasa nuꞌula naꞌ gunná béꞌene̱ꞌ xe̱zr la xu da zua chaláꞌa naga dxedé gubizra beuꞌ zaga caꞌ, naꞌ guléꞌene̱ꞌ zaj nabaga zria benneꞌ caní, laweꞌ da nuꞌula naꞌ guzé̱ꞌe̱ zítuꞌte̱ chee̱ xenne̱ꞌ ca naca xel-la sina chee̱ Salomón, naꞌ nigá zua tu Benneꞌ nácadxe̱ꞌ blau ca Salomón naꞌ.
\v 32 Lu zra guchiꞌa Dios, gate Dios guchiꞌe̱ chee̱ benneꞌ zaj zre̱ꞌe̱ lu zra naꞌa zra, naꞌ xelase̱ꞌ benneꞌ caꞌ gulezré̱ꞌe̱ xe̱zre Nínive, naꞌ xululéꞌene̱ꞌ zaj nabaga zria benneꞌ caní, laweꞌ da benneꞌ caꞌ gulezré̱ꞌe̱ xe̱zre Nínive belexebíꞌi lazre̱ꞌ gate Jonás bchálajle̱ne̱ꞌ benneꞌ caꞌ xrtizraꞌ Dios, naꞌ nigá zua tu Benneꞌ nácadxe̱ꞌ blau ca Jonás naꞌ.
\s Da dxuseníꞌ lu xichaj lázrdaudxu
\r (Mt. 5.15; 6.22-23)
\p
\v 33 Gunná Jesús:
\p ―Netú benneꞌ che dxugale̱ꞌ xiꞌ chee̱ꞌ, quebe guzúe̱ꞌ na tu naga nagache, ne quebe gudusie̱ꞌ na tu xiꞌina, san guzúe̱ꞌ na sibe chee̱ xeleléꞌe benneꞌ caꞌ xeluꞌe̱ lu xuꞌu naꞌ.
\v 34 Xiaj laudxu zaj naca na ca tu xiꞌ da dxusení na lu xichaj lázrdaudxu. Che xiaj lauꞌ zaj naca na chaweꞌ, ca naca xichaj lázrdaꞌu xuꞌu na leníꞌ, naꞌ che xiaj lauꞌ quebe zaj naca na chaweꞌ, naꞌ xuꞌu da chul-la lu xichaj lázrdaꞌu.
\v 35 Bxue xanneꞌ ca naca xiꞌ da napuꞌ chee̱ quebe xexaca na da chul-la.
\v 36 Che ca naca xichaj lázrdaꞌu xuꞌu na leníꞌ, naꞌ quebe bi xuꞌu da chul-la, naꞌ leꞌenuꞌ chaweꞌ xúgute̱ ca dxaca gate tu xiꞌ dxusení na lizruꞌ.
\s Jesús dxedil-le̱ꞌ benneꞌ xudauꞌ caꞌ
\r (Mt. 23.1-36; Mr. 12.38-40; Lc. 20.45-47)
\p
\v 37 Gate bexuzre bchalaj Jesús, naꞌ tu benneꞌ xudauꞌ fariseo gunné̱ꞌ Le̱ꞌ cheajtawe̱ꞌ xeta lizre̱ꞌ. Naꞌ guxúꞌu Jesús, gudxéꞌe̱ dxawe̱ꞌ.
\v 38 Naꞌ benneꞌ fariseo naꞌ bebánene̱ꞌ gate bléꞌene̱ꞌ Jesús quebe gudibe ne̱ꞌe̱ ca da zjácale̱ benneꞌ judío gate dxelawe̱ꞌ xeta.
\v 39 Xránadxu guzre̱ꞌ le̱ꞌ:
\p ―Leꞌe, benneꞌ fariseo, dxíbele cúzrela zrigaꞌ, ne xéꞌena, san luꞌule na, nazráte̱le ca naca da ba gulanle, ne da cale̱la da dxunle.
\v 40 Leꞌe, benneꞌ lázrdau zideꞌ, ¿quebe nézele Bénneaꞌ be̱ne̱ꞌ da zua cúzrela bé̱nqueze̱ꞌ da zua luꞌula?
\v 41 Le gunezruj benneꞌ xacheꞌ caꞌ chee̱ da nápale, naꞌ ca nácale xegáꞌanale chaweꞌ.
\p
\v 42 ’¡Edxugúa leꞌe, benneꞌ fariseo caꞌ! Leꞌe dxunézrujle Dios tu cueꞌ chee̱ da chi cueꞌ chee̱ xixru weaj, ne chee̱ binne chee̱ ruda, ne chee̱ xúgute̱ xixreꞌ cuan, san dxuzúale chaláꞌala ca naca xel-la we̱n xrlátaje, ne xel-la zriꞌi lazreꞌ chee̱ Dios. Da caní dxal-laꞌ gunle, ne quebe gusanle ca da ba dxunle.
\p
\v 43 ’¡Edxugúa leꞌe, benneꞌ fariseo caꞌ! Dxaca lázrele gápale lataj blau naga cueꞌle lu xuꞌu naga dxezrágale, ne dxaca lázrele xelapa benneꞌ leꞌe ba láꞌana laweꞌ xiꞌa caꞌ.
\p
\v 44 ’¡Edxugúa leꞌe, benneꞌ dxuluxuzájlaꞌa da nadxixruj bea na, ne leꞌe, benneꞌ fariseo caꞌ, benneꞌ dxelúne̱ꞌ láweze da xrlátaje! Nácale ca xe̱dxu ba caꞌ da quebe zaj naláꞌ, naꞌ benneꞌ caꞌ dxeledée̱ꞌ láwela na, ne quebe zaj nézene̱ꞌ da dxululéaje̱ꞌ.
\p
\v 45 Nadxa gunná tu benneꞌ dxuxuzájle̱ꞌe̱ da nadxixruj bea na, guzre̱ꞌ Jesús:
\p ―Benneꞌ Wese̱de, gate dxennáuꞌ da nigá, dxenné̱teuꞌ caꞌ chee̱ntuꞌ.
\p
\v 46 Naꞌ Jesús gunné̱ꞌ:
\p ―¡Edxugúa leꞌe, benneꞌ dxuluxuzájle̱ꞌe̱ da nadxixruj bea na! Dxugúale bénneache xua da quebe xelezuéne̱ꞌ, naꞌ leꞌe netú zrube názele quebe dxaca lázrele gutale na.
\p
\v 47 ’¡Edxugúa leꞌe! Dxunle luꞌa chee̱ ba caꞌ chee̱ benneꞌ caꞌ buluchálaje̱ꞌ waláz chee̱ Dios, benneꞌ caꞌ belute xra xrtáule.
\v 48 Ca da dxunle dxuléꞌe na nácale tuze nen da belún xra xrtáule caꞌ. Benneꞌ caꞌ belutie̱ꞌ le̱ꞌ, naꞌ leꞌe dxunle luꞌa chee̱ ba chee̱ꞌ caꞌ.
\p
\v 49 ’Chee̱ le̱ naꞌ gunná Dios lu xel-la sina chee̱ꞌ, gunné̱ꞌ: “Wasel-laꞌ naga zaj zraꞌ benneꞌ caꞌ benneꞌ xelenné̱ꞌ waláz chiaꞌ, ne gubáz chiaꞌ caꞌ, naꞌ bal-le̱ꞌ xelútie̱ꞌ, naꞌ xebal-le̱ꞌ xeláu ziꞌ xúzrequeze̱ꞌ le̱ꞌ.”
\v 50 Dios gusebague̱ꞌ benneꞌ zaj zre̱ꞌe̱ lu zra naꞌa zra ca naca xel-la gute chee̱ xúgute̱ benneꞌ caꞌ gulenné̱ꞌ waláz chee̱ꞌ, benneꞌ gulatie̱ꞌ lu naꞌ benneꞌ caꞌ zaj zre̱ꞌe̱ gate bente̱ꞌ xe̱zr la xu,
\v 51 gate naꞌ tu benneꞌ be̱tie̱ꞌ Abel, zriꞌine Adán, ca bzrinte̱ zra belutie̱ꞌ Zacarías gachaj láwela naga zua lucugu, ne naga zua lataj láꞌazxa. Caꞌan dxapaꞌ leꞌe, Dios gusebague̱ꞌ benneꞌ zaj zre̱ꞌe̱ lu zra naꞌa zra xel-la gute chee̱ benneꞌ caꞌ.
\p
\v 52 ’¡Edxugúa leꞌe, benneꞌ dxuluxuzájlaꞌa da nadxixruj bea na! Xuꞌu lu naꞌle ca naca zren xia chee̱ dxa xuꞌu naga za xel-la sina, san leꞌe quebe dxuꞌule, ne quebe dxuele lataj xelúꞌu benneꞌ dxelaca lazre̱ꞌ xeluꞌe̱ naꞌ.
\p
\v 53 Gate Jesús guzre̱ꞌ benneꞌ caꞌ da caní, naꞌ benneꞌ caꞌ dxuluxuzájle̱ꞌe̱ da nadxixruj bea na, ne benneꞌ fariseo caꞌ belezráꞌale̱ꞌe̱ Le̱ꞌ, naꞌ gulezú lawe̱ꞌ dxelune̱ꞌ Le̱ꞌ ze̱de, naꞌ da zante̱ da buluche̱be̱ꞌ Le̱ꞌ,
\v 54 naꞌ buluzuzre̱ꞌ che bi nna Jesús chee̱ xelezéquene̱ꞌ xelagu zrie̱ꞌ Le̱ꞌ.
\c 12
\s Jesús dxenné̱ꞌ ca naca chee̱ da naca xrlátaje láweze
\p
\v 1 Ca lu zra naꞌ belezraga zane gaxúa benneꞌ caꞌ, naꞌ dxululéajte̱ ljwezre̱ꞌ. Naꞌ guzú lau Jesús dxe̱ꞌe̱ benneꞌ caꞌ dxusé̱dene̱ꞌ:
\p ―Le guxúe xanneꞌ cuínale ca naca cua zichaj chee̱ xeta xtila chee̱ benneꞌ xudauꞌ fariseo caꞌ, da naca na da dxuléꞌe na láweze da xrlátaje chee̱ benneꞌ caꞌ.
\v 2 Quebe bi de̱ da dxundxu bagácheze da quebe guléꞌe laweꞌ, ne quebe bi de̱ da nagache da quebe nu neze.
\v 3 Chee̱ le̱ naꞌ, xúgute̱ da gunle lu da chul-la, xululéꞌe laweꞌ te zra, naꞌ da gunle bagácheze lu xuꞌu naga naxézxujte̱ dxa xuꞌu, wénqueze na lau xúgute̱ bénneache.
\s Nu dxal-laꞌ zrébedxu
\r (Mt. 10.28-31)
\p
\v 4 Naꞌ gunná Jesús:
\p ―Dxapaꞌ leꞌe, bi ljwézraꞌdu caꞌ, quebe dxal-laꞌ zrébele benneꞌ dxelute be̱laꞌ dxen chee̱ bénneache, san gate te naꞌ, québedxa xelezéquene̱ꞌ bi xelune̱ꞌ.
\v 5 Naꞌa dxapaꞌ leꞌe nu dxal-laꞌ zrébele. Le zrebe Bénneaꞌ gate te xequé̱ꞌe̱ xel-la nabán chee̱ bénneache, nape̱ꞌ xel-la dxenná bea gudée̱ꞌ bénneache caꞌ lataj ba xaꞌ. Aweꞌ, Le̱ꞌ le zrebe.
\p
\v 6 ’¿Quebe taꞌu gazxuꞌ bxínnedauꞌ laweꞌ chupa dumí lásedauꞌ? Dios quebe dxal-la lazre̱ꞌ netú bxínnedu caꞌ.
\v 7 Cáꞌanqueze xicha xíchajle leꞌe xúgute̱ na zaj nababa na lau Dios. Chee̱ le̱ naꞌ quebe zrébele. Zácadxale leꞌe ca be̱ zante̱ bxínnedu caꞌ.
\s Benneꞌ dxelexeche̱be̱ꞌ zaj naque̱ꞌ chee̱ Jesús
\r (Mt. 10.32-33; 12.32; 10.19-20)
\p
\v 8 Naꞌ gunná Jesús:
\p ―Dxapaꞌ leꞌe, xúgute̱ benneꞌ xelexeche̱be̱ꞌ zaj naque̱ꞌ chiaꞌ nedaꞌ lau bénneache, cáꞌanqueze nedaꞌ, Benneꞌ Gulje̱ꞌ Bénneache, xeché̱bequezaꞌ chee̱ benneꞌ caꞌ lau gubáz chee̱ xabáa caꞌ chee̱ Dios,
\v 9 san benneꞌ caꞌ quebe xelexeche̱be̱ꞌ chiaꞌ lau bénneache, nédaꞌquezaꞌ quebe xeche̱baꞌ chee̱ꞌ lau gubáz chee̱ xabáa caꞌ chee̱ Dios.
\p
\v 10 ’Che nu benneꞌ bi nnie̱ꞌ chiaꞌ nedaꞌ, Benneꞌ Gulje̱ꞌ Bénneache, gunite lau Dios chee̱ꞌ, naꞌ benneꞌ nnie̱ꞌ chee̱ Beꞌ Láꞌazxa, quebe gunite lau Dios chee̱ bénneaꞌ.
\p
\v 11 ’Gate xeleché̱ꞌe̱ leꞌe lau benneꞌ xíchaje̱ chee̱ xudauꞌ, u lau benneꞌ dxuchiꞌe̱ da dxaca, u lau benneꞌ xuꞌu laweꞌ, quebe cueꞌle gunne xue bi xeché̱bele u bi nnale,
\v 12 laweꞌ da gate zrin zra dxal-laꞌ nne̱le, Beꞌ Láꞌazxa guléꞌene̱ꞌ leꞌe da dxal-laꞌ nne̱le.
\s Da ste̱be chee̱ xel-la gunníꞌa
\p
\v 13 Tu benneꞌ ládujla benneꞌ caꞌ guzre̱ꞌ Jesús:
\p ―Benneꞌ Wese̱de, guzre bi bichaꞌ gúnnabeꞌ chiaꞌ da xexal-laꞌ chee̱ da guca chee̱ xrantuꞌ.
\p
\v 14 Jesús guzre̱ꞌ-beꞌ:
\p ―Benneꞌ, ¿zua nu bzua nedaꞌ ca benneꞌ dxuchiꞌe̱ da dxaca u ca benneꞌ le̱ꞌe̱ xe̱zr la xu?
\p
\v 15 Nadxa guzre̱ꞌ benneꞌ caꞌ:
\p ―¡Le naꞌ xque! ¡Le guxúe xanneꞌ cuínale chee̱ quebe gucúdele! Xel-la nabán chee̱ nu benneꞌ quebe zua na lu da nápale̱ꞌe̱.
\p
\v 16 Nadxa bchalaj Jesús da dxuléꞌe nigá, gunné̱ꞌ:
\p ―Guzúa tu benneꞌ gunníꞌa, naꞌ xe̱zr la xu chee̱ꞌ bnézrujle̱ꞌe̱ na.
\v 17 Naꞌ benneꞌ gunníꞌa naꞌ guzú lawe̱ꞌ dxenné̱ꞌ: ¿Bizra gunaꞌ? Québedxa de̱ naga guzráꞌa lina chiaꞌ nigá.
\v 18 Nadxa dxenné̱ꞌ: “¡Ba nezdaꞌ ca da gunaꞌ! Guchínnajaꞌ naga dxezráꞌ lina chiaꞌ, chee̱ gunaꞌ da zríꞌadxa, naꞌ guzráꞌa naꞌ ca naca lina chiaꞌ nigá, ne ca naca da ba napaꞌ.
\v 19 Nadxa nníquezaꞌ nédaꞌquezaꞌ: Ba dé̱le̱ꞌe̱ chiuꞌ da zante̱ chee̱ zaneꞌ iza. Bezíꞌ lazreꞌ. Güeꞌe gudagu, ne gubé.”
\v 20 Naꞌ Dios guzre̱ꞌ bénneaꞌ: “Lueꞌ, benneꞌ zideꞌ, lu zreꞌ naꞌa zreꞌ gatiuꞌ, naꞌ da nuzráꞌ chawuꞌ, quebe nézenuꞌ nu chee̱ gaca na.”
\v 21 Caꞌan dxaca chee̱ benneꞌ dxutupe̱ꞌ xel-la gunníꞌa da gaca cheé̱queze̱ꞌ. Naque̱ꞌ ca tu benneꞌ xacheꞌ lau Dios.
\s Dios dxuxúe̱ꞌ bi chee̱ꞌ caꞌ
\r (Mt. 6.25-34)
\p
\v 22 Ca gudé naꞌ, Jesús guzre̱ꞌ benneꞌ caꞌ dxusé̱dene̱ꞌ:
\p ―Dxapaꞌ leꞌe, quebe cueꞌle gunne xue ca naca da gágule chee̱ gaca banle, ne ca naca zra lánale da gácule.
\v 23 Xel-la nabán chee̱le zácadxa na ca da gágule, naꞌ be̱l-laꞌ dxen chee̱le zácadxa na ca zra lánale.
\v 24 Le nnaꞌxque ca dxaca chee̱ bxínnedu caꞌ. Quebe dxelázabaꞌ, ne quebe dxelelápabaꞌ, ne quebe zaj zua naga dxuluxuzrabaꞌ, naꞌ Diósqueze̱ꞌ dxuxiꞌaj dxugawe̱ꞌ-baꞌ. Zácadxale leꞌe ca bxínnedu caꞌ.
\v 25 ¿Núlale leꞌe séquele gusetunna cuínale xetú ben laweꞌ da dxebéꞌle̱ꞌe̱le gunne xue?
\v 26 Che quebe gaca gunle tu da naca da dauze, ¿bizr chee̱ naꞌ dxebeꞌle gunne xue chee̱ da caꞌ xezícala?
\p
\v 27 ’Le nnaꞌxque ca dxelegula xiaj xrtandu caꞌ. Quebe dxelún na zrin, ne quebe dxelún na du ladxeꞌ, naꞌ dxapaꞌ leꞌe, wenná bea Salomón quebe gucue̱ꞌ da xrtandxa ca tu xiajdu caní.
\v 28 Che Dios dxugacue̱ꞌ caní xíxreꞌdu caꞌ, da zaj zua naꞌa le̱ꞌe̱ xixreꞌ, naꞌ wxre xelezxe na, ¿quegá gundxe̱ꞌ chee̱le leꞌe, benneꞌ dxeléajle̱ꞌe̱ láteze chiaꞌ?
\v 29 Chee̱ le̱ naꞌ, quebe cueꞌle gunne xue ca naca da gágule, u ca naca da xíꞌajle, ne quebe súale ste̱be.
\v 30 Caꞌ naca na, laweꞌ da ca naca benneꞌ caꞌ zaj zre̱ꞌe̱ xe̱zr la xu dxelexílaje̱ꞌ ca naca da caní, san leꞌe, zua Xrale xabáa ba nézene̱ꞌ nachínnele ca naca da caní.
\v 31 Le cueꞌ gunne xue nna bea Dios lu xichaj lázrdaule, naꞌ sile ca naca da caní.
\s Da gunníꞌa da dxegúꞌu cháwedxu xabáa
\r (Mt. 6.19-21)
\p
\v 32 Naꞌ gunná Jesús:
\p ―Quebe zrébele, zrílaꞌdu chiaꞌ, bábaze nácale leꞌe. Xrale Dios dxezaca ba lazre̱ꞌ gunne̱ꞌ chee̱le lataj naga dxenná beꞌe̱.
\v 33 Le gute da nápale, naꞌ le gunezruj benneꞌ xacheꞌ caꞌ. Caꞌan gaca, guzrale na naga quebe te chee̱ na, naꞌ gápale da gunníꞌa xabáa da quebe xedú, naga quebe gaca chuꞌu gubán, ne quebe gaca xelúꞌu béadu caꞌ xulutebaꞌ na.
\v 34 Naga nuzúale xel-la gunníꞌa chee̱le, naꞌ súaqueze lázrdaule.
\s Dxal-laꞌ gupáꞌa cuínadxu
\p
\v 35 Naꞌ gunná Jesús:
\p ―Le gupáꞌa cuínale, ne le gugala xiꞌ chee̱le.
\v 36 Le gaca ca benneꞌ we̱n zrin caꞌ dxelebeze̱ꞌ xrane̱ꞌ xezrine̱ꞌ lu laní chee̱ wechaga naꞌ, naꞌ nne̱ꞌ dxuꞌa dxa xuꞌu naꞌ.
\v 37 Ba neza zrente̱ naca na chee̱ benneꞌ we̱n zrin caꞌ, benneꞌ caꞌ xedajxraca xrane̱ꞌ le̱ꞌ dxelenaze̱ꞌ gate xezrine̱ꞌ. Da li dxapaꞌ leꞌe, xrane̱ꞌ naꞌ cueche̱ꞌ benneꞌ caꞌ xelawe̱ꞌ, naꞌ guzúa cuine̱ꞌ chee̱ que̱ꞌe̱ da xelagu benneꞌ we̱n zrin caꞌ.
\v 38 Lácala xezrine̱ꞌ dxe̱la u dxaníꞌsise̱ꞌ, che xedajxraque̱ꞌ le̱ꞌ dxelennaze̱ꞌ, ba neza naca na chee̱ benneꞌ we̱n zrin caꞌ.
\v 39 Dxal-laꞌ nézele da nigá, che xrane xuꞌu gunézene̱ꞌ bi zra zrin gubán, naꞌ quebe gasie̱ꞌ chee̱ quebe guꞌe̱ lataj quíduje̱ꞌ lizre̱ꞌ chee̱ cuane̱ꞌ da nape̱ꞌ.
\v 40 Cáꞌanqueze leꞌe, le sua ban lazreꞌ, laweꞌ da gate québela nézele, xeláꞌa nedaꞌ, Benneꞌ Gulje̱ꞌ Bénneache.
\s Benneꞌ we̱n zrin li lazreꞌ, ne benneꞌ we̱n zrin quebe naqueꞌ li lazreꞌ
\r (Mt. 24.45-51)
\p
\v 41 Nadxa Pedro bche̱be̱ꞌ Jesús:
\p ―Xran, ¿bchálajuꞌ da dxuléꞌe nigá chee̱ nétuꞌze, che chee̱ xúgute̱ benneꞌ?
\p
\v 42 Xránadxu gunné̱ꞌ:
\p ―¿Nuzra naca we̱n zrin li lazreꞌ, bénneaꞌ dxucáꞌana xrane̱ꞌ lu ne̱ꞌe̱ benneꞌ zaj zraꞌ lizre̱ꞌ chee̱ gunézruje̱ꞌ da xelagu benneꞌ caꞌ gate zrin zra chee̱ na?
\v 43 Ba neza naca na chee̱ benneꞌ we̱n zrin naꞌ, gate xezrín xrane̱ꞌ, xedajxraque̱ꞌ le̱ꞌ dxune̱ꞌ ca da nabague̱ꞌ.
\v 44 Da li dxapaꞌ leꞌe, xrane̱ꞌ gucáꞌane̱ꞌ lu ne̱ꞌe̱ xúgute̱ da nape̱ꞌ.
\v 45 Che benneꞌ we̱n zrin naꞌ dxéquene̱ꞌ wazré xrane̱ꞌ xelé̱ꞌe̱, ne su lawe̱ꞌ gusaca ziꞌe̱ benneꞌ we̱n zrin xezica caꞌ, ne nuꞌula we̱n zrin caꞌ, ne su lawe̱ꞌ xiꞌaj gawe̱ꞌ, ne súzrene̱ꞌ,
\v 46 nadxa xrane̱ꞌ xelé̱ꞌe̱ lu zra quebe dxebeze̱ꞌ le̱ꞌ, ne lu zra quebe nézene̱ꞌ, naꞌ gusaca zíꞌle̱ꞌe̱ le̱ꞌ, ne chugue̱ꞌ chee̱ꞌ saque̱ꞌ ca xelezaca benneꞌ caꞌ quebe zaj naque̱ꞌ chee̱ Dios.
\p
\v 47 ’Benneꞌ we̱n zrin naꞌ nézene̱ꞌ ca da dxaca lazreꞌ xrane̱ꞌ san quebe nucueze̱ꞌ, ne quebe dxuzúe̱ꞌ dizraꞌ, benneꞌ nigá gudée̱ꞌ le̱ꞌ ba xaꞌ.
\v 48 Benneꞌ we̱n zrin naꞌ quebe nézene̱ꞌ da naꞌ, ne dxune̱ꞌ da dxusebaga na le̱ꞌ zria, benneꞌ nigá tée̱ꞌ láteze xel-la ziꞌ. Che tu benneꞌ dxezíꞌle̱ꞌe̱ da dxunezruj Dios le̱ꞌ, Dios wanábale̱ꞌe̱ le̱, naꞌ bénneaꞌ Dios nuxrén lazre̱ꞌ le̱ꞌ da zrente̱, Dios wanné̱ xúele̱ꞌe̱ne̱ꞌ le̱ꞌ.
\s Dxelaca benneꞌ chupa laꞌa ne̱ chee̱ Jesús
\r (Mt. 10.34-36)
\p
\v 49 Naꞌ gunná Jesús:
\p ―Nedaꞌ blaꞌa guzrenaꞌ xiꞌ lu xe̱zr la xu nigá, naꞌ la guzredaꞌ ba dxala xiꞌ naꞌ.
\v 50 Dxal-laꞌ chuꞌa lu xel-la gute ca dxuꞌu tu benneꞌ lu nisa gate dxedxúe̱ꞌ nisa, naꞌ téle̱ꞌa xel-la ziꞌ cadxa gácatequeze na.
\v 51 ¿Dxéquele leꞌe zaꞌ nedaꞌ cuꞌa xel-la dxebeza zri lazreꞌ lu xe̱zr la xu nigá? Dxapaꞌ leꞌe: Cabí. Zaꞌa chee̱ gunaꞌ benneꞌ chupa laꞌa.
\v 52 Naꞌa su lau, gazxuꞌ benneꞌ zaj zre̱ꞌe̱ tu xuꞌu xelaque̱ꞌ chupa laꞌa. Chunne̱ꞌ xeledábague̱ꞌ chupe̱ꞌ, naꞌ chupe̱ꞌ xeledábague̱ꞌ chunne̱ꞌ.
\v 53 Xra tu bi biu tábague̱ꞌ bi biu chee̱ꞌ, naꞌ bi biu naꞌ tábagabeꞌ xrabeꞌ. Xrna tu bi nuꞌula tábague̱ꞌ bi nuꞌula chee̱ꞌ, naꞌ bi nuꞌula naꞌ tábagabeꞌ xrnabeꞌ. Tau zriꞌine tu nuꞌula tábague̱ꞌ zruꞌa lizre̱ꞌ, naꞌ zruꞌa lizre̱ꞌ naꞌ tábague̱ꞌ tau zríꞌine̱ꞌ.
\s Da dxululéꞌe na ca da gaca lu zra naꞌa zra
\r (Mt. 16.1-4; Mr. 8.11-13)
\p
\v 54 Naꞌ Jesús guzre̱ꞌ benneꞌ caꞌ:
\p ―Gate leꞌe dxeléꞌele daꞌ beuj naga dxebía gubizra, naꞌ dxennale, waca xiuj, ne caꞌ dxaca.
\v 55 Gate dxaca beꞌ za na chaláꞌa naga dxedé gubizra beuꞌ zaga caꞌ, naꞌ dxennale waca da la, ne dxaca caꞌ.
\v 56 Leꞌe, benneꞌ dxunle láweze da xrlátaje. Leꞌe nézele nnale ca da gaca zran xabáa, ne lu xe̱zr la xu nigá, san quebe dxezéquele xuzájlaꞌale da dxululéꞌe na ca gaca chee̱le lu zra naꞌa zra.
\s Dxal-laꞌ xezúadxu lu xel-la dxebeza zri lazreꞌ nen benneꞌ dxedábague̱ꞌ dxiꞌu
\r (Mt. 5.25-26)
\p
\v 57 Naꞌ gunná Jesús:
\p ―¿Bizr chee̱ naꞌ quebe dxeque beꞌele da naca xrlátaje?
\v 58 Che nu benneꞌ dxaca lazre̱ꞌ guzúe̱ꞌ lueꞌ lau benneꞌ dxuchiꞌe̱, naꞌ gate chéajle̱nuꞌ le̱ꞌ chee̱ zrinle lau bénneaꞌ, be̱n ba xen xezúꞌ lu xel-la dxebeza zri lazreꞌ nen bénneaꞌ dxácate̱ xuꞌule neza, chee̱ quebe che̱ꞌe̱ lueꞌ lau bénneaꞌ, naꞌ bénneaꞌ gudée̱ꞌ lueꞌ lu naꞌ benneꞌ gusézxuje̱ꞌ lueꞌ lizre xia.
\v 59 Dxapaꞌ lueꞌ quebe xedxúajuꞌ naꞌ cadxa quízrujuꞌ ca da dxebaguꞌ.
\c 13
\s Dxal-laꞌ xelexebíꞌi lazreꞌ bénneache
\p
\v 1 Ca lu zra naꞌ belezrín bal-la benneꞌ lau Jesús, naꞌ buluzenne̱ꞌ Le̱ꞌ ca be̱n Pilato, be̱tie̱ꞌ bal-la benneꞌ Galilea, naꞌ bchague̱ꞌ dxen chee̱ benneꞌ caꞌ nen dxen chee̱ be̱ xixreꞌ, bea caꞌ ba belutie̱ꞌ chee̱ xuluzríe̱ꞌ dxen chee̱ na lau Dios.
\v 2 Naꞌ Jesús guzre̱ꞌ le̱ꞌ:
\p ―¿Dxéquele leꞌe caní gulezaca benneꞌ caꞌ laweꞌ da zaj nácadxe̱ꞌ benneꞌ dul-la ca benneꞌ caꞌ xezícala zaj zre̱ꞌe̱ xe̱zre caꞌ zaj nababa Galilea?
\v 3 Dxapaꞌ leꞌe: Cabí, naꞌ che quebe xebíꞌi lázrele leꞌe, xúgute̱le leꞌe cuía xile.
\v 4 ¿Dxéquele leꞌe benneꞌ chinu chunna caꞌ gulatie̱ꞌ gate guzría cha xuꞌu sibe le̱ꞌ da nazí le na Siloé zaj nabágadxe̱ꞌ dul-la ca xezícala benneꞌ caꞌ zaj zre̱ꞌe̱ xe̱zre Jerusalén?
\v 5 Dxapaꞌ leꞌe: Cabí, naꞌ che leꞌe quebe xebíꞌi lázrele, cáꞌanqueze leꞌe wabía xile.
\s Xaga higo da quebe dxebía na da zixre
\p
\v 6 Nadxa Jesús bchálajle̱ne̱ꞌ benneꞌ caꞌ da dxuléꞌe nigá, dxenné̱ꞌ:
\p ―Tu benneꞌ zua tu xaga higo chee̱ꞌ zua na lu xe̱zr la xu chee̱ꞌ, naꞌ xeajné̱ꞌe̱ na che zría na, naꞌ quebe bi bezrélene̱ꞌ.
\v 7 Nadxa guzre̱ꞌ benneꞌ dxun zrin lu xe̱zr la xu chee̱ꞌ: “Gunnáꞌxque, chun ízate̱ ba bidaꞌ dxennáꞌa che zria xaga nigá, ne quebe bi bezréledaꞌ. ¡Guchugu na! ¿Bizr chee̱ naꞌ nulán na xe̱zr la xu nigá?”
\v 8 Bénneaꞌ dxun zrin chee̱ xe̱zr la xu naꞌ beche̱be̱ꞌ: “Xran, bcaꞌana na xetú iza naꞌa. Guzúlujdxaꞌ zran na, ne cuaꞌa na be̱be.
\v 9 Nen da naꞌ, gúnnalja na, san che cabí, naꞌ chuguꞌ na.”
\s Jesús dxexune̱ꞌ tu nuꞌula nalegu cuzre̱ꞌ
\p
\v 10 Gate naca zra dxulupáꞌana judío caꞌ, naꞌ zua Jesús tu lu xuꞌu naga dxelezraga judío caꞌ dxusé̱dene̱ꞌ benneꞌ caꞌ,
\v 11 naꞌ zua naꞌ tu nuꞌula xuꞌe̱ we̱ꞌ ba guca chinu chunna iza. Tu beꞌ xriwe̱ꞌ nun na le̱ꞌ cuzru legu, naꞌ quebe dxácaqueze̱ꞌ xelíe̱ꞌ.
\v 12 Gate bleꞌe Jesús le̱ꞌ, naꞌ gunné̱ꞌ le̱ꞌ, ne guzre̱ꞌ le̱ꞌ:
\p ―Nuꞌula, ba bexacuꞌ chee̱ xízrawe̱ꞌ chiuꞌ.
\p
\v 13 Nadxa guxrúa ne̱ꞌe̱ nuꞌula naꞌ, naꞌ la náꞌqueze nuꞌula naꞌ belite̱ꞌ, naꞌ guzú lawe̱ꞌ dxue láꞌane̱ꞌ Dios.
\v 14 Naꞌ benneꞌ xíchaje̱ chee̱ xuꞌu naꞌ bzre̱ꞌe̱ laweꞌ da bexún Jesús nuꞌula naꞌ lu zra dxulupáꞌane̱ꞌ, naꞌ guzre̱ꞌ benneꞌ zaj zre̱ꞌe̱ naꞌ:
\p ―Xrupa zra dxal-laꞌ gundxu zrin. Lu zra caꞌ waca xídale xexácale, quegá lu zra dxupáꞌanadxu.
\p
\v 15 Nadxa Xránadxu beche̱be̱ꞌ:
\p ―Leꞌe, benneꞌ dxelún láweze da xrlátaje, ¿quebe dxesé̱zrele leꞌe be̱zre chee̱le u burro chee̱le lu zra dxupáꞌanadxu chjuaꞌle-baꞌ xeléꞌajbaꞌ nisa?
\v 16 Núꞌula nigá naque̱ꞌ xrtia Abraham, naꞌ da xriwe̱ꞌ nuchéaj na le̱ꞌ lu xízrawe̱ꞌ nigá ba zeaj chinu chunna iza, naꞌ ¿quebe dxal-laꞌ xebéajaꞌ xízrawe̱ꞌ da nuchéaj na le̱ꞌ lu zra dxupáꞌanadxu?
\p
\v 17 Gate gunná Jesús da nigá, xúgute̱ benneꞌ dxeledábague̱ꞌ Le̱ꞌ belexeduéꞌene̱ꞌ, naꞌ xúgute̱ benneꞌ xezícadxa gulebene̱ꞌ gate beleléꞌene̱ꞌ ca naca da zrente̱ da dxun Jesús.
\s Da dxuléꞌe na ca naca chee̱ bínnedauꞌ chee̱ mostaza
\r (Mt. 13.31-32; Mr. 4.30-32)
\p
\v 18 Nadxa gunná Jesús:
\p ―¿Aja naca xel-la dxenná bea chee̱ Dios, ne bi gutil-le lé̱bedaꞌ na?
\v 19 Naca na ca tu bínnedauꞌ chee̱ mostaza, tu benneꞌ dxaze̱ꞌ na lu xe̱zr la xu chee̱ꞌ, naꞌ dxegula na, ne dxácate̱ na ca tu xaga zren, naꞌ bxínnedu caꞌ dxuluzríabaꞌ xrúꞌunebaꞌ lu zruze na caꞌ.
\s Da dxuléꞌe na ca naca chee̱ cua zichaj chee̱ xeta xtila
\r (Mt. 13.33)
\p
\v 20 Cáꞌanqueze gunná Jesús:
\p ―¿Bizra gutil-le lé̱bedaꞌ xel-la dxenná bea chee̱ Dios?
\v 21 Naca na ca cua zichaj chee̱ xeta xtila tu nuꞌula dxuchague̱ꞌ na chunna xaga de xezaj, naꞌ dxuchazra na ca naca cua naꞌ.
\s Dxa xuꞌu lechideꞌ
\r (Mt. 7.13-14, 21-23)
\p
\v 22 Dxácate̱ xuꞌu Jesús neza zexíaje̱ꞌ xe̱zre Jerusalén, dxusé̱dene̱ꞌ bénneache lu xe̱zre caꞌ, ne xé̱zredu caꞌ naga dxedée̱ꞌ.
\v 23 Naꞌ bche̱be tu benneꞌ Le̱ꞌ:
\p ―Xran, ¿bábaze benneꞌ xelelá?
\p Beche̱be Jesús:
\p
\v 24 ―Le gun ba xuzre chuꞌule dxa xuꞌu lechideꞌ, laweꞌ da dxapaꞌ leꞌe, benneꞌ zan xelaca lazre̱ꞌ xeluꞌe̱ naꞌ, naꞌ quebe xelezéquene̱ꞌ.
\v 25 Ca te naꞌ chasa xrane xuꞌu, ne gusézxuje̱ꞌ dxa xuꞌu, naꞌ leꞌe zrale chaléꞌajla nne̱le dxuꞌa dxa xuꞌu naꞌ, nnale: “Xran, gusalaj chúꞌuntuꞌ.” Naꞌ le̱ꞌ xeche̱be̱ꞌ: “Quebe nezdaꞌ ga benneꞌ leꞌe.”
\v 26 Nadxa su láuquezle leꞌe nnale: “Güeꞌe gudágule̱ntuꞌ lueꞌ, naꞌ lueꞌ bsé̱denuꞌ lu neza chee̱ntuꞌ caꞌ.”
\v 27 Le̱ꞌ xeche̱be̱ꞌ: “Dxapaꞌ leꞌe, quebe nezdaꞌ ga benneꞌ leꞌe. Le cuasa cuitaꞌ nedaꞌ, xúgute̱le leꞌe dxunle da cale̱la.”
\v 28 Naꞌ cuézrele, ne xagu xáꞌate̱ lázxale gate léꞌele Abraham, ne Isaac, ne Jacob, ne xúgute̱ benneꞌ caꞌ gulenné̱ꞌ waláz chee̱ Dios, zaj zue̱ꞌ naga dxenná bea Dios, naꞌ leꞌe zrale chaléꞌajla.
\v 29 Weleláꞌ benneꞌ zaj zre̱ꞌe̱ dapa saca chee̱ xe̱zr la xu nigá, naꞌ xelebéꞌe̱ xelawe̱ꞌ naga dxenná bea Dios.
\v 30 Nadxa bal-la benneꞌ zaj naque̱ꞌ bzé̱bedxa naꞌa xelaque̱ꞌ benneꞌ blau, naꞌ benneꞌ zaj naque̱ꞌ blau naꞌa xelaque̱ꞌ bzé̱bedxa.
\s Dxebezre Jesús chee̱ xe̱zre Jerusalén
\r (Mt. 23.37-39)
\p
\v 31 Lu zra náꞌqueze, belezrín lau Jesús bal-la benneꞌ fariseo caꞌ, naꞌ gulé̱ꞌe̱ Le̱ꞌ:
\p ―Bezáꞌ nigá, laweꞌ da dxaca lazreꞌ Herodes gutie̱ꞌ Lueꞌ.
\p
\v 32 Jesús beche̱be̱ꞌ:
\p ―Le chjaca cheajgué̱zrele benneꞌ wilaj lazreꞌ cale̱la naꞌ: “Naꞌa, ne wxre xebéajaꞌ beꞌ xriwe̱ꞌ caꞌ lu xichaj lázrdau benneꞌ caꞌ, ne xexunaꞌ benneꞌ we̱ꞌ caꞌ, naꞌ wizraj suedaꞌ.”
\v 33 Dxun na ba xen chéajle̱naꞌ neza chiaꞌ naꞌa, ne wxre, ne wizraj, laweꞌ da quebe gaca gate tu benneꞌ dxenné̱ꞌ waláz chee̱ Dios che quebe xelute benneꞌ Jerusalén le̱ꞌ.
\p
\v 34 “Jerusalén, Jerusalén, leꞌe naꞌ dxútele benneꞌ dxelenné̱ꞌ waláz chee̱ Dios, ne dxuzríale xiaj benneꞌ gubáz caꞌ dxesel-la Dios. Zaneꞌ lasa guca lazraꞌ gutupaꞌ bi chee̱le caꞌ ca dxun bedxuj, dxutúpabaꞌ bédxujdu caꞌ zran xrílabaꞌ, san quebe guca lázrele.
\v 35 ¡Le nnaꞌxque, naꞌa! Lízrele leꞌe xegáꞌana na cáꞌaze. Dxapaꞌ leꞌe québedxa xeléꞌele nedaꞌ ca zrindxa zra nnale: ¡Láꞌazxa naca Bénneaꞌ ze̱ꞌe̱ lu La Xránadxu!”
\c 14
\s Jesús dxexune̱ꞌ tu benneꞌ de̱ xiꞌ ca naca be̱l-laꞌ dxen chee̱ꞌ
\p
\v 1 Tu zra dxulupáꞌana benneꞌ judío caꞌ guxíaj Jesús zeajtawe̱ꞌ lizre tu benneꞌ blau chee̱ benneꞌ fariseo caꞌ, naꞌ benneꞌ fariseo caꞌ dxuluzuzre̱ꞌ Jesús bi gune̱ꞌ.
\v 2 Zúaqueze lau Jesús tu benneꞌ de̱ xiꞌ ca naca be̱l-laꞌ dxen chee̱ꞌ.
\v 3 Nadxa Jesús bche̱be̱ꞌ benneꞌ caꞌ dxuluxuzájle̱ꞌe̱ da nadxixruj bea na, ne benneꞌ fariseo caꞌ, gunné̱ꞌ:
\p ―¿Waca nu benneꞌ xexune̱ꞌ benneꞌ we̱ꞌ lu zra dxupáꞌanadxu, che cabí?
\p
\v 4 Benneꞌ caꞌ gulezúe̱ꞌ zrize. Nadxa Jesús guqué̱ꞌe̱ benneꞌ we̱ꞌ naꞌ, ne bexune̱ꞌ le̱ꞌ, naꞌ guzre̱ꞌ le̱ꞌ xexíaje̱ꞌ.
\v 5 Nadxa guzre̱ꞌ benneꞌ fariseo caꞌ:
\p ―¿Núlale leꞌe, che be̱zre chee̱le u bia chee̱le bíxrebaꞌ tu lu xe̱dxu, quebe xebéajle-baꞌ zra náꞌqueze lácala naca zra dxupáꞌanadxu?
\p
\v 6 Quebe bi guca xelexeche̱be̱ꞌ.
\s Benneꞌ zaj zre̱ꞌe̱ laní chee̱ wechaga naꞌ
\p
\v 7 Gate bleꞌe Jesús ca dxelún benneꞌ caꞌ, dxelebéꞌe̱ lataj blaudxa ga dxelawe̱ꞌ, naꞌ bchálaje̱ꞌ da dxuléꞌe na, dxenné̱ꞌ:
\p
\v 8 ―Gate tu benneꞌ dxenné̱ꞌ lueꞌ laní chee̱ wechaga naꞌ, quebe cueꞌu lataj blau, laweꞌ da che wazá tu benneꞌ nácadxe̱ꞌ blau ca lueꞌ,
\v 9 naꞌ bénneaꞌ gunné̱ꞌ dxúpate̱le xide̱ꞌ xe̱ꞌe̱ lueꞌ: “Bnezruj lataj nigá benneꞌ nigá.” Nadxa gun na ba xen xexíajuꞌ lataj bzé̱bedxa lu xel-la stuꞌ.
\v 10 Naꞌa, gate nu benneꞌ nne̱ꞌ lueꞌ, gudxéꞌe lataj bzé̱bedxa, chee̱ gate za bénneaꞌ gunné̱ꞌ lueꞌ, wanné̱ꞌ: “Bi ljwezraꞌ, gudé nigala naga nácadxa blau.” Caꞌan gaca, xegáꞌanuꞌ szren lau benneꞌ caꞌ zaj zre̱ꞌe̱ dxelágule̱ne̱ꞌ lueꞌ.
\v 11 Benneꞌ dxucáꞌana szren cuine̱ꞌ, wexéxrujla bénneaꞌ, naꞌ benneꞌ dxucáꞌana baxacheꞌ cuine̱ꞌ wegáꞌana szrénqueze̱ꞌ.
\p
\v 12 Nadxa Jesús guzre̱ꞌ benneꞌ naꞌ gunné̱ꞌ Le̱ꞌ:
\p ―Gate gunézrujuꞌ tu zrue u tu xrcheꞌ quebe nneuꞌ bi ljwezruꞌ caꞌ, ne bi bichuꞌ caꞌ, ne xrtia ljwezruꞌ, ne benneꞌ walízr chiuꞌ caꞌ zaj nape̱ꞌ da gunníꞌa, laweꞌ da benneꞌ caní welenné̱queze̱ꞌ lueꞌ, naꞌ zruéꞌequeznuꞌ da xelexexunne̱ꞌ chiuꞌ.
\v 13 Gate dxunuꞌ tu laní, gunné̱ benneꞌ xacheꞌ caꞌ, ne benneꞌ zaj nadxugu niꞌa ne̱ꞌe̱, ne benneꞌ zrinnaj caꞌ, ne benneꞌ la chul-la caꞌ.
\v 14 Caní gaca tu da ba neza chiuꞌ, laweꞌ da benneꞌ caní quebe gaca xelexexunne̱ꞌ caꞌ chiuꞌ, naꞌ wazruéꞌenuꞌ lazrjuꞌ gate xelexebán benneꞌ xrlátaje caꞌ.
\s Da dxuléꞌe na ca naca chee̱ tu xrcheꞌ zren
\p
\v 15 Gate ben tu benneꞌ dxágule̱ Le̱ꞌ da naꞌ, naꞌ guzre̱ꞌ Jesús:
\p ―Ba neza zrente̱ naca na chee̱ benneꞌ gawe̱ꞌ xeta naga dxenná bea Dios.
\p
\v 16 Jesús guzre̱ꞌ le̱ꞌ:
\p ―Tu benneꞌ guluꞌe̱ tu xrcheꞌ zren, naꞌ gunné̱ꞌ benneꞌ zan.
\v 17 Ca bzrin zra xelawe̱ꞌ xrcheꞌ naꞌ, gusél-le̱ꞌ we̱n zrin chee̱ꞌ chee̱ cheaje̱zre̱ꞌ benneꞌ caꞌ gunné̱ꞌ: “Le da, laweꞌ da ba nuseniꞌa da gágudxu.”
\v 18 Xúgute̱ꞌ gulezú lawe̱ꞌ dxelenabe̱ꞌ guꞌe̱ le̱ꞌ lataj quebe xelide̱ꞌ. Benneꞌ nedxu gunné̱ꞌ: “Za bezíteaꞌ tu cueꞌ xe̱zr la xu chiaꞌ, naꞌ dxal-laꞌ cheajnnáꞌa na. Dxataꞌ xuedaꞌ lueꞌ si zrenuꞌ chiaꞌ.”
\v 19 Xetúe̱ꞌ gunné̱ꞌ: “Za bezíteaꞌ gazxuꞌ cueꞌ be̱zr chiaꞌ, naꞌ guxúaꞌ aja xelunbaꞌ. Dxataꞌ xuedaꞌ lueꞌ si zrenuꞌ chiaꞌ.”
\v 20 Naꞌ xetúe̱ꞌ gunné̱ꞌ: “Za bchágate̱ naꞌa, naꞌ quebe gaca xidaꞌ.”
\v 21 Gate bezrín benneꞌ we̱n zrin naꞌ, guzre̱ꞌ xrane̱ꞌ ca naca da nigá. Nadxa bzraꞌa xrane̱ꞌ naꞌ, naꞌ guzre̱ꞌ we̱n zrin naꞌ: “Guxíaj naꞌa la neza caꞌ, ne neza chee̱ xe̱zre nigá, naꞌ xeajxríꞌ xúgute̱ benneꞌ xacheꞌ caꞌ, ne benneꞌ zaj nadxugu niꞌa ne̱ꞌe̱, ne benneꞌ zrinnaj caꞌ, ne benneꞌ la chul-la caꞌ.”
\v 22 Ca gudé naꞌ gunná benneꞌ we̱n zrin naꞌ: “Xran, ba be̱naꞌ ca gunnáuꞌ, naꞌ ne de̱dxa lataj.”
\v 23 Nadxa gunná xrane̱ꞌ naꞌ: “Guxíaj naꞌa la neza caꞌ, ne neza lásedu caꞌ, naꞌ xeajé̱n ba xen xelelé̱ꞌe̱, chee̱ chaꞌ lizraꞌ nigá.
\v 24 Dxapaꞌ leꞌe, netú benneꞌ caꞌ gunnéaꞌ nédxula quebe xelawe̱ꞌ xrcheꞌ chiaꞌ.”
\s Xel-la ziꞌ da te benneꞌ chéajle̱ne̱ꞌ Jesús
\p
\v 25 Benneꞌ zan zjácale̱ne̱ꞌ Jesús, naꞌ Le̱ꞌ bexéchaje̱ꞌ, naꞌ guzre̱ꞌ benneꞌ caꞌ:
\p
\v 26 ―Che nu benneꞌ ze̱ꞌe̱ naga zuaꞌ, ne quebe guzúe̱ꞌ chaláꞌala xre̱ꞌ, ne xrne̱ꞌe̱, ne zruꞌule̱ꞌ, ne zríꞌine̱ꞌ caꞌ, ne bi biche̱ꞌ caꞌ, ne bi zane̱ꞌ caꞌ, ne xel-la nabán chee̱ꞌ, quebe gaca gaque̱ꞌ nedaꞌ tuze.
\v 27 Benneꞌ quebe sáꞌle̱ne̱ꞌ nedaꞌ lácala dxal-laꞌ te̱ꞌe̱ xaga béguaj, quebe gaca gaque̱ꞌ nedaꞌ tuze.
\v 28 Che tu benneꞌ ládujla leꞌe dxaca lazre̱ꞌ gune̱ꞌ tu xuꞌu sibe, ¿quebe cueꞌe̱ nedxu gune̱ꞌ xrbaba chee̱ꞌ che wazúene̱ꞌ xuzrte̱ꞌ na?
\v 29 Che quebe gune̱ꞌ caní, ne che cueche̱ꞌ lane na, naꞌ ca te naꞌ quebe suene̱ꞌ xuzre̱ꞌ na, naꞌ xúgute̱ benneꞌ xeleléꞌene̱ꞌ na xelezú lawe̱ꞌ xelún le̱ꞌ chee̱ bénneaꞌ,
\v 30 naꞌ xelenné̱ꞌ: “Benneꞌ nigá guzú lawe̱ꞌ dxune̱ꞌ tu xuꞌu. Quebe guque̱ꞌ gune̱ꞌ ca naca.”
\v 31 Che tu benneꞌ wenná bea dxal-laꞌ cheajtíl-lale̱ne̱ꞌ xetú benneꞌ wenná bea, ¿quebe cueꞌe̱ gune̱ꞌ xrbaba chee̱ꞌ che wazúene̱ꞌ nen tu gaxúa gaxúa benneꞌ dxjaque̱ꞌ wedil-la cheajtíl-lale̱ne̱ꞌ bénneaꞌ zaꞌ nen chupa gaxúa gaxúa benneꞌ dxjaque̱ꞌ wedil-la?
\v 32 Che quebe séquene̱ꞌ, gate benneꞌ wenná bea naꞌ xetú ne ze̱ꞌe̱ zituꞌ, naꞌ sel-le̱ꞌ gubáz chee̱ꞌ caꞌ xelenabe̱ꞌ gataꞌ xel-la dxebeza zri lazreꞌ.
\v 33 Caꞌ naca na, nútete̱ze benneꞌ ládujla leꞌe, che quebe gusane̱ꞌ ca naca da nape̱ꞌ, quebe gaca gaque̱ꞌ nedaꞌ tuze.
\s Zedeꞌ da québedxa naca na snaꞌa
\r (Mt. 5.13; Mr. 9.50)
\p
\v 34 Naꞌ gunná Jesús:
\p ―Zedeꞌ naca na da chaweꞌ, san che québedxa naca na snaꞌa, ¿ájazra guchínedxu na?
\v 35 Quebe gaca guchínedxu na, quegá chee̱ gucáꞌana cháwedxu xe̱zr la xu, ne quegá chee̱ guchíxredxu be̱be, san dxal-laꞌ chúꞌunadxu na. Benneꞌ caꞌ zaj zua nague̱ꞌ, dxal-laꞌ xelenne̱ꞌ.
\c 15
\s Ca guca chee̱ tu zrilaꞌ gunítebaꞌ
\r (Mt. 18.10-14)
\p
\v 1 Benneꞌ zante̱ benneꞌ wechizruj waláz chee̱ Roma, ne benneꞌ dul-la caꞌ gulebigue̱ꞌ naga zua Jesús chee̱ xelenne̱ꞌ da dxuchálaje̱ꞌ.
\v 2 Chee̱ le̱ naꞌ benneꞌ fariseo caꞌ, ne benneꞌ dxuluxuzájle̱ꞌe̱ da nadxixruj bea na gulezí tizre̱ꞌ Jesús, gulenné̱ꞌ:
\p ―Benneꞌ nigá dxune̱ꞌ tu zren benneꞌ dul-la caꞌ, ne dxágule̱ne̱ꞌ le̱ꞌ.
\p
\v 3 Nadxa bchalaj Jesús da dxuléꞌe na, gunné̱ꞌ:
\p
\v 4 ―Nu benneꞌ ládujla leꞌe, che nape̱ꞌ tu gaxúa zrilaꞌ, naꞌ nite tubaꞌ, ¿quebe gucáꞌane̱ꞌ xetápalalaj che̱nnu zrilaꞌ caꞌ, bea caꞌ zaj zrabaꞌ le̱ꞌe̱ xixreꞌ, naꞌ se̱ꞌe̱ cheajdílaje̱ꞌ bea naꞌ gunítebaꞌ cadxa xezrelne̱ꞌ-baꞌ?
\v 5 Naꞌ gate xezrelne̱ꞌ-baꞌ, bene̱ꞌ, naꞌ xequé̱ꞌe̱-baꞌ xexrúe̱ꞌ-baꞌ xe̱ꞌa xe̱ne̱ꞌ.
\v 6 Naꞌ ca xezrine̱ꞌ lizre̱ꞌ, gutupe̱ꞌ ljwezre̱ꞌ caꞌ, ne benneꞌ walizre chee̱ꞌ caꞌ. Naꞌ xe̱ꞌe̱ le̱ꞌ: “Le be nen nedaꞌ, laweꞌ da bezreldaꞌ zrilaꞌ chiaꞌ gunítebaꞌ.”
\p
\v 7 Naꞌ gunná Jesús, dxe̱ꞌe̱ benneꞌ caꞌ:
\p ―Cáꞌanqueze zúale̱ꞌe̱dxa xel-la dxebé xabáa gate tu benneꞌ dul-la dxexebíꞌi lazre̱ꞌ, quézcala chee̱ tápalalaj che̱nnu benneꞌ xrlátaje caꞌ dxeléquene̱ꞌ quebe dxun na ba xen xelexebíꞌi lazre̱ꞌ.
\s Ca guca chee̱ tu dumí da gunite
\p
\v 8 Nadxa Jesús bchálaje̱ꞌ xetú da dxuléꞌe na, dxe̱ꞌe̱ benneꞌ caꞌ:
\p ―Tu nuꞌula nape̱ꞌ chi dumí zaca, naꞌ che nite tu na, nadxa guzúe̱ꞌ xiꞌ chee̱ꞌ chee̱ gusaní na lu xuꞌu chee̱ꞌ. Nadxa su lawe̱ꞌ gulúe̱ꞌ lu xuꞌu chee̱ꞌ, xexílaje̱ꞌ bínnalu ca xezrelne̱ꞌ dumí chee̱ꞌ da gunite na.
\v 9 Naꞌ ca xezrelne̱ꞌ dumí naꞌ, gutupe̱ꞌ nuꞌula ljwezre̱ꞌ caꞌ, ne nuꞌula walízr chee̱ꞌ caꞌ, naꞌ xe̱ꞌe̱ le̱ꞌ: “Le be nen nedaꞌ, laweꞌ da bache bezreldaꞌ dumí chiaꞌ da gunite na.”
\p
\v 10 Naꞌ gunná Jesús, dxe̱ꞌe̱ benneꞌ caꞌ:
\p ―Cáꞌanqueze dxelebé gubáz chee̱ xabáa caꞌ chee̱ Dios gate tu benneꞌ dul-la dxexebíꞌi lazre̱ꞌ.
\s Ca guca chee̱ zriꞌine tu benneꞌ gunítebeꞌ
\p
\v 11 Nadxa Jesús bchálaje̱ꞌ xetú da dxuléꞌe na, dxe̱ꞌe̱ le̱ꞌ:
\p ―Tu benneꞌ zaj zraꞌ chupa bi chee̱ꞌ.
\v 12 Naꞌ bi cuideꞌ chee̱ꞌ gúzrebeꞌ xrabeꞌ: “Xrae, be̱nna chiaꞌ da dxal-laꞌ siꞌa chee̱ da naca chiuꞌ.” Nadxa xrabeꞌ be̱ne̱ꞌ gachaj da bnézruje̱ꞌ cha chee̱beꞌ tubeꞌ, ne xetubeꞌ.
\v 13 Ca gudé tu chupa zra, bi cuideꞌ chee̱ bénneaꞌ btúpabeꞌ xúgute̱ da naca chee̱beꞌ, naꞌ guzabeꞌ zituꞌ, naꞌ bzrinbeꞌ xetú xe̱zr la xu. Naꞌ be̱n dítajbeꞌ dumí chee̱beꞌ lu da cale̱la da be̱nbeꞌ.
\v 14 Naꞌ ca gudache xúgute̱ dumí chee̱beꞌ, bzrin tu gubinaꞌ lu xe̱zr la xu naꞌ, naꞌ le̱beꞌ gudunbeꞌ.
\v 15 Nadxa guzabeꞌ xeajtílajbeꞌ zrin gunbeꞌ chee̱ tu benneꞌ lu xe̱zr la xu naꞌ. Benneꞌ naꞌ gusél-le̱ꞌ-beꞌ le̱ꞌe̱ xixreꞌ chee̱ꞌ chee̱ cheajxúebeꞌ cuche chee̱ꞌ caꞌ.
\v 16 Guca lázrebeꞌ gágubeꞌ da cale̱la da dxelagu cuche caꞌ. Netú benneꞌ quebe bi bnézruje̱ꞌ da gágubeꞌ.
\v 17 Nadxa xeajsá lázrebeꞌ, dxennabeꞌ: “Benneꞌ zante̱, benneꞌ we̱n zrin zaj zre̱ꞌe̱ lizre xraꞌ, naꞌ dé̱le̱ꞌe̱ da dxelawe̱ꞌ. Nedaꞌ dxátequezaꞌ xel-la dxedún.
\v 18 Webíꞌizaꞌ xexáꞌa naga zua xraꞌ, naꞌ xapaꞌ le̱ꞌ: Xrae, be̱naꞌ dul-la lau Dios, ne lau lueꞌ.
\v 19 Québedxa naca chiaꞌ gacaꞌ zriꞌinuꞌ. Bzua nedaꞌ ca tu benneꞌ we̱n zrin chiuꞌ.”
\v 20 Nadxa begúꞌubeꞌ neza, bezrinbeꞌ lizre xrabeꞌ.
\p ’Tu chi naꞌ, bleꞌe xrabeꞌ le̱beꞌ ba zezabeꞌ, naꞌ bexache lazre̱ꞌ-beꞌ. Naꞌ guzá chégüe̱ꞌ xeajchague̱ꞌ-beꞌ, naꞌ bnide̱ꞌ-beꞌ, ne bnúpete̱ꞌ-beꞌ.
\v 21 Nadxa gunabeꞌ: “Xrae, be̱naꞌ dul-la lau Dios, ne lau lueꞌ. Québedxa naca chiaꞌ gacaꞌ zriꞌinuꞌ.”
\v 22 Naꞌ gunná xrabeꞌ, dxe̱ꞌe̱ benneꞌ we̱n zrin chee̱ꞌ caꞌ: “Le cueaj zra lanaꞌ da zaca, ne le gugacu-beꞌ. Le cuꞌu tu da naca oro zrube nabeꞌ, ne le cuꞌu xel-la níꞌabeꞌ.
\v 23 Le cheajzríꞌ tu be̱zre be̱ dxanne, naꞌ gútele-baꞌ. Gágudxu, ne gundxu laní,
\v 24 laweꞌ da bi chiaꞌ nigá guca chee̱beꞌ ca tu benneꞌ ba gute, naꞌ bebanbeꞌ. Gunítebeꞌ, naꞌ ba bezrágadxu-beꞌ.” Naꞌ gulezú lawe̱ꞌ dxelune̱ꞌ laní.
\p
\v 25 ’Dxácate̱ naꞌ, zríꞌine̱ꞌ bi waca zúabeꞌ le̱ꞌe̱ xixreꞌ dxunbeꞌ zrin. Naꞌ chizrelaꞌ ca bezrinbeꞌ gagu cuita xuꞌu lizre xrabeꞌ, naꞌ benbeꞌ dxaca wil-la, ne dxaca wexáꞌa.
\v 26 Nadxa gunné̱beꞌ tu bi we̱n zrin naꞌ, dxe̱ꞌe̱beꞌ le̱beꞌ: “¿Bi dxaca nigá?”
\v 27 Bi we̱n zrin nigá cúnnabeꞌ: “Ba beláꞌ bi bichuꞌ, naꞌ xrauꞌ gunná béꞌene̱ꞌ nu gute tu be̱zre be̱ dxanne, laweꞌ da belabeꞌ zúabeꞌ zriꞌa chaweꞌ.”
\v 28 Bzraꞌa bi waca naꞌ, naꞌ quebe guca lázrebeꞌ xexúꞌubeꞌ. Nadxa bdxuaj xrabeꞌ, ne gutaꞌ xuene̱ꞌ le̱beꞌ xexúꞌubeꞌ.
\v 29 Naꞌ cúnnabeꞌ, dxe̱ꞌe̱beꞌ xrabeꞌ: “Nézqueznuꞌ zaneꞌ iza ba be̱naꞌ zrin chiuꞌ, ne cabataꞌ bchaꞌa lueꞌ, naꞌ ne tu lasa quebe ne gunnuꞌ chiaꞌ tu chíbudauꞌ chee̱ gunaꞌ tu laní nen ljwezraꞌ caꞌ.
\v 30 Naꞌa beláꞌ bi chiuꞌ nigá, bi ba be̱n dítajbeꞌ dumí chiuꞌ, guzúale̱beꞌ nuꞌula dxeledá zraga caꞌ, naꞌ be̱te lizuꞌ be̱zre be̱ dxanne ne̱ chee̱ le̱beꞌ.”
\v 31 Nadxa gunná xrabeꞌ, dxe̱ꞌe̱-beꞌ: “Zriꞌinaꞌ, lueꞌ tu zúale̱zquezuꞌ nen nedaꞌ, naꞌ xúgute̱ da de̱ chiaꞌ naca na chiuꞌ.
\v 32 Naꞌa dxun na ba xen gundxu laní, ne bedxu, laweꞌ da bi bichuꞌ gúcabeꞌ ca tu benneꞌ ba gute, ne naca banbeꞌ. Gunítebeꞌ, naꞌ ba bezrágadxu-beꞌ.”
\c 16
\s Benneꞌ we̱n zrin blau quebe naque̱ꞌ xrlátaje
\p
\v 1 Nadxa Jesús guzre̱ꞌ benneꞌ caꞌ dxusé̱dene̱ꞌ:
\p ―Guzúa tu benneꞌ gunníꞌa, naꞌ zua tu benneꞌ we̱n zrin blau chee̱ꞌ. Naꞌ bal-la benneꞌ xeajlegue̱zre̱ꞌ le̱ꞌ benneꞌ we̱n zrin blau naꞌ dxun dítaje̱ꞌ da de̱ chee̱ xrane̱ꞌ.
\v 2 Nadxa xrane̱ꞌ gunné̱ꞌ le̱ꞌ, ne guzre̱ꞌ le̱ꞌ: “¿Bizra da nigá dxelenné̱ꞌ chiuꞌ? Bluéꞌe nedaꞌ ca naca chee̱ zrin dxunuꞌ, laweꞌ da québedxa gaca gacuꞌ we̱n zrin blau chiaꞌ.”
\v 3 Nadxa benneꞌ we̱n zrin blau naꞌ guzú lawe̱ꞌ dxenné̱ꞌ lu xichaj lázrdawe̱ꞌ: ¿ájazra gunaꞌ naꞌa, laweꞌ da xebéaj xranaꞌ nedaꞌ lu zrin chiaꞌ? Quebe suedaꞌ gunaꞌ zrin le̱ꞌe̱ xixreꞌ, ne weduéꞌedaꞌ nabaꞌ gunaꞌ.
\v 4 Naꞌa ba nezdaꞌ tu da gunaꞌ chee̱ xelezúa benneꞌ xelezíꞌ lu ne̱ꞌe̱ nedaꞌ gate québedxa de̱ zrin chiaꞌ.
\v 5 Nadxa gunné̱ꞌ tu tu benneꞌ dxelal-le̱ꞌ chee̱ xrane̱ꞌ naꞌ. Naꞌ bche̱be̱ꞌ benneꞌ nedxu: “¿ájate̱ dxal-luꞌ chee̱ xranaꞌ?”
\v 6 Benneꞌ naꞌ beche̱be̱ꞌ: “Dxal-laꞌ chee̱ꞌ tu gaxúa zruaga da za.” Nadxa benneꞌ we̱n zrin blau naꞌ guzre̱ꞌ le̱ꞌ: “Nigá de̱ xiche chiuꞌ. Gudxéꞌe bexún xetú na, naꞌ bzuaj na dxebaguꞌ chi xun zruaga caꞌ.”
\v 7 Gudé naꞌ bche̱be̱ꞌ xetú benneꞌ caꞌ: “¿Gazra lueꞌ, ájate̱ dxebaguꞌ?” Naꞌ benneꞌ nigá guzre̱ꞌ le̱ꞌ: “Dxebagaꞌ tu gaxúa bzudeꞌ zruaꞌ xtila.” Nadxa benneꞌ we̱n zrin blau guzre̱ꞌ le̱ꞌ: “Nigá de̱ xiche chiuꞌ. Be̱n xetú na, naꞌ bzuaj na dxebaguꞌ tápalalajze.”
\v 8 Xrane̱ꞌ gúquebeꞌene̱ꞌ nácale̱ꞌe̱ sina benneꞌ we̱n zrin blau naꞌ ca be̱ne̱ꞌ da caꞌ.
\p Nadxa gunná Jesús:
\p ―Caꞌ naca na, benneꞌ zaj zre̱ꞌe̱ naꞌa zra zaj nácadxe̱ꞌ sina lu da dxelune̱ꞌ nen le saꞌ ljwezre̱ꞌ caꞌ, ca zaj naca benneꞌ zaj naque̱ꞌ chee̱ Dios.
\p
\v 9 ’Nedaꞌ dxapaꞌ leꞌe, le guchine xel-la gunníꞌa chee̱ xe̱zr la xu nigá chee̱ cha benneꞌ ljwézrele, chee̱ gate te chee̱ xel-la gunníꞌa naꞌ, naꞌ sua nu siꞌ lu naꞌ leꞌe naga gaca banle chadía chacanna.
\p
\v 10 ’Benneꞌ dxuchínene̱ꞌ láteze lu dute̱ xel-la li lazreꞌ chee̱ꞌ, cáꞌanqueze guchínene̱ꞌ tu da zrendxa dute̱ xel-la li lazreꞌ chee̱ꞌ, naꞌ benneꞌ quebe naque̱ꞌ li lazreꞌ ca dxuchínene̱ꞌ láteze, cáꞌanqueze quebe gaque̱ꞌ li lazreꞌ ca guchínene̱ꞌ tu da zrendxa.
\v 11 Caꞌ naca na, che quebe nácale li lazreꞌ ca dxuchínele xel-la gunníꞌa chee̱ xe̱zr la xu nigá, ¿nuzra guxrén lazre̱ꞌ leꞌe chee̱ guchínele xel-la gunníꞌa li?
\v 12 Che quebe nácale li lazreꞌ ca dxuchínele da naca chee̱ benneꞌ xula, ¿nuzra gunna leꞌe da gaca cheé̱quezle?
\p
\v 13 ’Quebe gaca tu benneꞌ we̱n zrin gune̱ꞌ zrin chee̱ chupa xrane̱ꞌ, laweꞌ da cuídene̱ꞌ tue̱ꞌ, naꞌ xetúe̱ꞌ zríꞌine̱ꞌ, u gaque̱ꞌ li lazreꞌ nen tue̱ꞌ, naꞌ xetúe̱ꞌ guzúe̱ꞌ chaláꞌala. Quebe gaca nu gun zrin chee̱ Dios, ne chee̱ da gunníꞌa da nape̱ꞌ.
\p
\v 14 Benneꞌ fariseo caꞌ, benneꞌ dxulucúdee̱ꞌ dumí, ne dxuluzé̱ nague̱ꞌ da dxenná Jesús, belún le̱ꞌ chee̱ꞌ.
\v 15 Nadxa gunná Jesús:
\p ―Leꞌe dxuléꞌe cuínale xrlátaje lau bénneache caꞌ, san Dios núnbeꞌe̱ lázrdaule. Da dxeleque bénneache naca na xrlátaje, naca na da dxuzúa Dios chaláꞌala.
\s Da nadxixruj bea na, ne xel-la dxenná bea chee̱ Dios
\p
\v 16 Naꞌ gunná Jesús:
\p ―Ca bzrin zra zua Juan gulenná bea da nadxixruj bea na, ne da bululéꞌe benneꞌ caꞌ buluchálaje̱ꞌ waláz chee̱ Dios. Naꞌa, ca naꞌte̱ dxendxu dizraꞌ chaweꞌ ca gaca chúꞌudxu naga dxenná bea Dios, naꞌ xúgute̱ benneꞌ dxelune̱ꞌ ba xuzre xeluꞌe̱ naꞌ.
\p
\v 17 ’Waca te chee̱ xabáa, ne chee̱ xe̱zr la xu nigá, san quebe te chee̱ tu da naxúaj na lu da nadxixruj bea na.
\s Benneꞌ biu dxulusáne̱ꞌ nuꞌula chee̱ꞌ
\r (Mt. 19.1-12; Mr. 10.1-12)
\p
\v 18 Naꞌ gunná Jesús:
\p ―Che tu benneꞌ biu gusane̱ꞌ zruꞌule̱ꞌ, ne súale̱ne̱ꞌ nuꞌula xula, benneꞌ biu nigá dxune̱ꞌ dul-la dxáchajne̱ꞌ xrba chee̱ xel-la wechaga naꞌ, naꞌ benneꞌ biu zúale̱ne̱ꞌ tu nuꞌula ba bsan benneꞌ chee̱ꞌ le̱ꞌ, benneꞌ nigá cáꞌanqueze dxune̱ꞌ dul-la dxáchajne̱ꞌ xrba chee̱ xel-la wechaga naꞌ.
\s Tu benneꞌ gunníꞌa, ne tu benneꞌ xacheꞌ
\p
\v 19 Naꞌ gunná Jesús:
\p ―Guzúa tu benneꞌ gunníꞌa, gúcue̱ꞌ zra lane̱ꞌ da zaca, ne da zriꞌa xrtan, naꞌ xúgute̱ zra be̱ne̱ꞌ laní zren.
\v 20 Cáꞌanqueze guzúa tu benneꞌ xacheꞌ le̱ꞌ Lázaro, nazrate̱ we̱ꞌ lu be̱l-laꞌ dxen chee̱ꞌ, naꞌ dxeajchéꞌe̱ lu xu dxuꞌa lizre benneꞌ gunníꞌa naꞌ.
\v 21 Benneꞌ xacheꞌ nigá guzá lazre̱ꞌ gawe̱ꞌ ca da dxelexruj zranla ga dxelagu benneꞌ gunníꞌa naꞌ, naꞌ bécudu caꞌ dxelelé̱ꞌe̱baꞌ lu we̱ꞌ caꞌ chee̱ Lázaro.
\v 22 Bzrin zra gute benneꞌ xacheꞌ naꞌ, naꞌ belexeché̱ꞌ gubáz chee̱ xabáa caꞌ le̱ꞌ zeajxezúale̱ne̱ꞌ Abraham lu lataj chaweꞌ chee̱ Dios. Cáꞌanqueze gute benneꞌ gunníꞌa naꞌ, naꞌ bulucache̱ꞌ le̱ꞌ.
\v 23 Gate benneꞌ gunníꞌa naꞌ dxezaca ziꞌe̱ lataj chul-la chee̱ benneꞌ gate, naꞌ guchisa lawe̱ꞌ, naꞌ bléꞌene̱ꞌ Abraham zue̱ꞌ zituꞌ, ne Lázaro zúale̱ne̱ꞌ le̱ꞌ.
\v 24 Nadxa gudxezre xe̱ꞌe̱, gunné̱ꞌ: “¡Xrae, Abraham, bexache lazreꞌ nedaꞌ, ne gusel-la Lázaro, cheajsebise̱ꞌ tu zrube ne̱ꞌe̱, naꞌ xide̱ꞌ xucule̱ꞌ luzraꞌ nigá! Dxezaca ziꞌa lu xiꞌ nigá.”
\v 25 Naꞌ Abraham gunné̱ꞌ: “Bi chiaꞌ, bsa lazreꞌ gúcale̱ꞌe̱ chaweꞌ chiuꞌ lu xe̱zr la xu, san Lázaro gúcale̱ꞌe̱ da ziꞌ da xaꞌ chee̱ꞌ. Naꞌa le̱ꞌ dxeziꞌe̱ da ba neza nigá, naꞌ lueꞌ dxezaca ziꞌu naꞌ.
\v 26 Xetú da zua, zua tu chejéa zrente̱ laduj netuꞌ ne leꞌe. Caꞌ naca na, che nu benneꞌ zua nigá dxaca lazre̱ꞌ chéaje̱ꞌ naga zuꞌ, quebe gaca, ne quebe gaca benneꞌ zua naga zuꞌ xide̱ꞌ naga zúantuꞌ netuꞌ.”
\v 27 Nadxa gunná benneꞌ gunníꞌa naꞌ: “Dxataꞌ xuedaꞌ lueꞌ, xrae Abraham, sel-luꞌ Lázaro lizre xraꞌ,
\v 28 naga zaj zraꞌ gazxuꞌ bi bíchaꞌdauꞌ, chee̱ cheajchálajle̱ne̱ꞌ-beꞌ, chee̱ quebe xeleláꞌ le̱beꞌ nigá xelezaca ziꞌbeꞌ ca dxaca chiaꞌ.”
\v 29 Abraham gunné̱ꞌ: “Zaj nape̱ꞌ da buluzúaj Moisés, ne benneꞌ caꞌ buluchálaje̱ꞌ waláz chee̱ Dios. Dxal-laꞌ xelenáꞌ xánnie̱ꞌ da naꞌ naxúaj na.”
\v 30 Benneꞌ gunníꞌa naꞌ beche̱be̱ꞌ: “Aweꞌ, xrae Abraham, san che nu benneꞌ ládujla benneꞌ gate chéaje̱ꞌ cheajchálajle̱ne̱ꞌ le̱ꞌ, welexebíꞌi lazre̱ꞌ.”
\v 31 Abraham gunné̱ꞌ: “Che quebe xelenne̱ꞌ ca da gulenná Moisés, ne benneꞌ caꞌ buluchálaje̱ꞌ waláz chee̱ Dios, québequeze xeléajle̱ꞌe̱ che tu benneꞌ xebane̱ꞌ ládujla benneꞌ gate.”
\c 17
\s Ca naca da dxun na ga nabágadxu dul-la
\r (Mt. 18.6-7, 21-22; Mr. 9.42)
\p
\v 1 Jesús guzre̱ꞌ benneꞌ caꞌ dxusé̱dene̱ꞌ:
\p ―Welezúaqueze da xelún na xelebaga bénneache dul-la, naꞌ edxugúa bénneaꞌ gune̱ꞌ da gun na xebaga benneꞌ xula dul-la.
\v 2 Gácadxa chaweꞌ chee̱ bénneaꞌ che nu guchéaj xiaj xiche lbe̱ꞌ, naꞌ chuꞌe̱ lu nísadauꞌ naga gátete̱ꞌ quézcala gune̱ꞌ da gun na xebaga bidu caní dul-la.
\v 3 Le guxúe xanneꞌ cuínale.
\p ’Che le saꞌ ljwezruꞌ gune̱ꞌ chiuꞌ da cale̱la, bzéajniꞌine̱ꞌ, naꞌ che xebíꞌi lazre̱ꞌ, bnite lau chee̱ꞌ.
\v 4 Lácala gune̱ꞌ chiuꞌ da cale̱la gazre lasa tu zra, naꞌ gazre lasa xide̱ꞌ xe̱ꞌe̱ lueꞌ: “Dxexebíꞌi lazraꞌ”, dxal-laꞌ gunite lauꞌ chee̱ꞌ.
\s Xel-la waca chee̱ xel-la dxeajlí lazreꞌ
\p
\v 5 Benneꞌ gubáz caꞌ chee̱ Xránadxu gulé̱ꞌe̱ Le̱ꞌ:
\p ―Be̱n ga cheajlí lázredxantuꞌ Dios.
\p
\v 6 Nadxa gunná Xránadxu:
\p ―Che leꞌe zruéꞌele xel-la dxeajlí lazreꞌ, lácala naca na láteze ca tu bínnedu chee̱ mostaza, waca xe̱le xaga zrente̱ nigá: “Gucuasa nigá, ne xeajsúa lu nísadauꞌ,” naꞌ xaga naꞌ guzúa na dizraꞌ chee̱le.
\s Da dxal-laꞌ gun benneꞌ we̱n zrin
\p
\v 7 ’Che tu benneꞌ ládujla leꞌe zua tu benneꞌ we̱n zrin chee̱ꞌ, naꞌ xelé̱ꞌe̱ le̱ꞌe̱ xixreꞌ gate te gudée̱ꞌ be̱zre u guxúe̱ꞌ béadu caꞌ, ¿we̱ꞌe̱ benneꞌ we̱n zrin naꞌ: “Gudé nigala, gudxéꞌe gaguꞌ?”
\v 8 Cabí, san nne̱ꞌ: “Bcueza da gawaꞌ, ne gusíꞌ chaweꞌ le̱ꞌu chee̱ gaca caꞌu chiaꞌ da xiꞌaj gawaꞌ. Te naꞌ waca xiꞌaj gaguꞌ lueꞌ.”
\v 9 ¿We̱ꞌe̱ benneꞌ we̱n zrin naꞌ: “Xcalenuꞌ”, laweꞌ da be̱ne̱ꞌ da gunná beꞌe xrane̱ꞌ le̱ꞌ? Cabí.
\v 10 Cáꞌanqueze leꞌe, gate xuzre gunle xúgute̱ da gunná beꞌe Dios leꞌe, dxal-laꞌ nnale: “Nácantuꞌ benneꞌ we̱n zrin quebe bi zaj zaca, laweꞌ da quebe bi ne guntuꞌ da zréndxala ca naca da nabágantuꞌ.”
\s Jesús dxexune̱ꞌ chi benneꞌ zaj de̱ꞌe̱ we̱ꞌ guzruꞌ
\p
\v 11 Ca zexíaj Jesús zéaje̱ꞌ Jerusalén, gudée̱ꞌ lu xe̱zr la xu chee̱ xe̱zre caꞌ zaj nababa Samaria, ne xe̱zre caꞌ zaj nababa Galilea.
\v 12 Gate bzrine̱ꞌ tu xé̱zredauꞌ, bedajlechaga Le̱ꞌ chi benneꞌ zaj de̱ꞌe̱ we̱ꞌ guzruꞌ, naꞌ belezé̱ꞌ zítuꞌla,
\v 13 ne gulebezre xe̱ꞌe̱, dxelenné̱ꞌ:
\p ―Jesús, Benneꞌ Wese̱de, bexache lazreꞌ netuꞌ.
\p
\v 14 Gate bleꞌe Jesús le̱ꞌ, naꞌ gunné̱ꞌ:
\p ―Le chjaca le cheajluéꞌe cuínale lau bxruze caꞌ.
\p Dxácate̱ zjaque̱ꞌ naꞌ, naꞌ belexexaque̱ꞌ chee̱ xízrawe̱ꞌ chee̱ꞌ.
\v 15 Nadxa tu benneꞌ caꞌ, gate guque béꞌene̱ꞌ ba bexaque̱ꞌ, naꞌ bebiꞌe̱, dxue láꞌane̱ꞌ Dios du lazre̱ꞌ.
\v 16 Bzu zribe̱ꞌ lau Jesús, ne gudíxrujte̱ꞌ lawe̱ꞌ lu xu, dxe̱ꞌe̱ Le̱ꞌ: “Xcalenuꞌ.” Benneꞌ nigá naque̱ꞌ tu benneꞌ Samaria.
\v 17 Nadxa gunná Jesús:
\p ―¿Quegá chie̱ꞌ naꞌ belexexaque̱ꞌ lu xízrawe̱ꞌ naꞌ? ¿Gazra naꞌ xegué̱ꞌ?
\v 18 ¿Tuze benneꞌ zituꞌ nigá beláꞌ güe láꞌane̱ꞌ Dios?
\p
\v 19 Nadxa Jesús guzre̱ꞌ benneꞌ naꞌ bexaque̱ꞌ:
\p ―Bexasa, bexíaj. Ba bexacuꞌ laweꞌ da guxéajle̱ꞌu chiaꞌ.
\s Ca laꞌ xel-la dxenná bea chee̱ Dios
\r (Mt. 24.23-28, 36-41)
\p
\v 20 Benneꞌ fariseo caꞌ buluche̱be̱ꞌ Jesús bátala laꞌ xel-la dxenná bea chee̱ Dios, naꞌ beche̱be Le̱ꞌ:
\p ―Ca laꞌ xel-la dxenná bea chee̱ Dios quebe naca na da léꞌele.
\v 21 Quegá nu nna: “Nigá zua na”, u “Naꞌ zua na”, laweꞌ da ba zua luꞌule leꞌe xel-la dxenná bea chee̱ Dios.
\p
\v 22 Nadxa guzre̱ꞌ benneꞌ caꞌ dxusé̱dene̱ꞌ:
\p ―Wazrín zra gate leꞌe gaca lázrele léꞌele tu zra zuaꞌ nedaꞌ, Benneꞌ Gulje̱ꞌ Bénneache, naꞌ quebe léꞌele na.
\v 23 Che xelenná bénneache, xelé̱ꞌe̱ leꞌe: “Nigá zue̱ꞌ”, u: “Naꞌ zue̱ꞌ”, quebe chéajle, ne quebe gaule benneꞌ caꞌ.
\v 24 Ca dxeajsúa xesa chaláꞌa zran xabáa, naꞌ naláꞌte̱queze na xechaláꞌa zran xabáa, caꞌan gaca gate xeláꞌ nedaꞌ, Benneꞌ Gulje̱ꞌ Bénneache, lu zra xeláꞌa nedaꞌ.
\v 25 Nédxula dxal-laꞌ téle̱ꞌa xel-la ziꞌ, naꞌ benneꞌ zaj zre̱ꞌe̱ lu zra naꞌa zra xuluzúe̱ꞌ nedaꞌ chaláꞌala.
\v 26 Ca guca lu zra gate zua Noé, cáꞌanqueze gaca lu zra gate xeláꞌa nedaꞌ, Benneꞌ Gulje̱ꞌ Bénneache.
\v 27 Lu zra naꞌ zua Noé guléꞌaj gulawe̱ꞌ, ne buluchaga ne̱ꞌe̱, ne bulunézruje̱ꞌ bi nuꞌula chee̱ꞌ caꞌ lu xel-la wechaga naꞌ, cadxa bzrin zra guxúꞌu Noé lu da zren naꞌ da dxedá laweꞌ nísadauꞌ, naꞌ gúcale̱ꞌe̱ xiuj, naꞌ gulate xúgute̱ benneꞌ caꞌ.
\v 28 Cáꞌanqueze guca lu zra zua Lot, guléꞌaj gulawe̱ꞌ, ne guláꞌawe̱ꞌ, ne belútie̱ꞌ, naꞌ gulaze̱ꞌ, ne belune̱ꞌ lizre̱ꞌ,
\v 29 naꞌ gate Lot bedxúaje̱ꞌ lu xe̱zre Sodoma, naꞌ ca dxaca gate dxaca xiuj, caꞌan guca be̱xruj xiꞌ, ne da gache da dxuzézxele̱ꞌe zran xabáa, ne bzria xi na ca naca benneꞌ caꞌ.
\v 30 Caꞌan gaca lu zra xeláꞌa nedaꞌ, Benneꞌ Gulje̱ꞌ Bénneache.
\p
\v 31 ’Lu zra naꞌ, che nu benneꞌ ze̱ꞌ chjuꞌu chee̱ꞌ, naꞌ da de̱ chee̱ꞌ zra na lu xuꞌu chee̱ꞌ naꞌ, quebe dxal-laꞌ chuꞌe̱ cuéaje̱ꞌ na, naꞌ che nu benneꞌ zue̱ꞌ le̱ꞌe̱ xixreꞌ, quebe dxal-laꞌ xezrine̱ꞌ lizre̱ꞌ.
\v 32 Le cheajsá lazreꞌ ca guca chee̱ zruꞌula Lot.
\v 33 Benneꞌ dxaca lazre̱ꞌ gapa chiꞌe̱ xel-la nabán chee̱ꞌ gunitie̱ꞌ na, naꞌ bénneaꞌ wdee̱ꞌ na, wazruéꞌe bénneaꞌ xel-la nabán.
\p
\v 34 ’Dxapaꞌ leꞌe, lu zre naꞌ, chupa benneꞌ xelate̱ꞌ tu zren ga dxelase̱ꞌ. Tue̱ꞌ xeché̱ꞌe̱, naꞌ xetúe̱ꞌ xegáꞌane̱ꞌ.
\v 35 Chupa nuꞌula xelezré̱ꞌe̱ dxelútue̱ꞌ. Tue̱ꞌ xeché̱ꞌe̱, naꞌ xetúe̱ꞌ xegáꞌane̱ꞌ.
\v 36 Chupa benneꞌ xelezré̱ꞌe̱ le̱ꞌe̱ xixreꞌ. Tue̱ꞌ xeché̱ꞌe̱, naꞌ xetúe̱ꞌ xegáꞌane̱ꞌ.
\p
\v 37 Gate belén benneꞌ caꞌ da nigá, naꞌ buluche̱be̱ꞌ Jesús:
\p ―¿Gazra gaca caꞌ, Xran?
\p Le̱ꞌ beche̱be̱ꞌ:
\p ―Naga de̱ tu da nate, naꞌ xeledúpaqueze laba caꞌ.
\c 18
\s Da dxuléꞌe na ca naca chee̱ tu nuꞌula ba gute benneꞌ chee̱ꞌ, ne benneꞌ dxuchiꞌa da dxaca
\p
\v 1 Jesús bchálaje̱ꞌ da dxuléꞌe na ca naca chee̱ gusé̱dene̱ꞌ benneꞌ caꞌ dxal-laꞌ xuluwízrajtecaze̱ꞌ Dios, ne quebe xelexebigue̱ꞌ.
\v 2 Naꞌ guzre̱ꞌ benneꞌ caꞌ:
\p ―Tu xe̱zre guzúa tu benneꞌ dxuchiꞌe̱ da dxaca, naꞌ quebe gudape̱ꞌ ba láꞌana Dios, ne cáꞌanqueze bénneache.
\v 3 Lu xe̱zre náꞌqueze guzúa tu nuꞌula ba gute benneꞌ chee̱ꞌ. Guxíaje̱ꞌ xeajnabe̱ꞌ lau benneꞌ dxuchiꞌe̱ da dxaca chee̱ guchiꞌe̱ da dxaca chee̱ꞌ nen tu benneꞌ dxune̱ꞌ chee̱ꞌ da cale̱la.
\v 4 Zaneꞌ lásate̱ benneꞌ dxuchiꞌe̱ da dxaca quebe guca lazre̱ꞌ guchiꞌe̱ chee̱ nuꞌula naꞌ, san ca gudé naꞌ gunné̱ꞌ lu xichaj lázrdawe̱ꞌ: Lácala quebe dxapaꞌ ba láꞌana Dios, ne cáꞌanqueze bénneache,
\v 5 san laweꞌ da nuꞌula nigá dxune̱ꞌ nedaꞌ ze̱de, guchíꞌa chazaꞌ da dxaca chee̱ꞌ chee̱ québedxa xide̱ꞌ gúnle̱ꞌe̱ nedaꞌ ze̱de.
\p
\v 6 Naꞌ gunná Xránadxu:
\p ―Caní naꞌ gunná benneꞌ we̱n da cale̱la naꞌ, benneꞌ dxuchiꞌe̱ da dxaca.
\v 7 ¿Quebe guchiꞌa Dios da dxaca chee̱ benneꞌ caꞌ ba guqué̱ꞌe̱, benneꞌ caꞌ dxelenné̱ꞌ Le̱ꞌ te zra, ne chizrela? ¿Wazrene̱ꞌ xeche̱be̱ꞌ chee̱ benneꞌ caꞌ?
\v 8 Dxapaꞌ leꞌe, Le̱ꞌ guchiꞌe̱ da dxaca chee̱ꞌ, ne quebe chene̱ꞌ. Gate xeláꞌa nedaꞌ, Benneꞌ Gulje̱ꞌ Bénneache, ¿wazréldxedaꞌ tu benneꞌ lu xe̱zr la xu nigá, benneꞌ dxéajle̱ꞌe̱ chiaꞌ?
\s Da dxuléꞌe na ca naca chee̱ tu benneꞌ fariseo, ne tu benneꞌ wechizruj
\p
\v 9 Jesús bchálaje̱ꞌ xetú da dxuléꞌe na, chee̱ xelene benneꞌ caꞌ dxeléquene̱ꞌ zaj naque̱ꞌ xrlátaje, san dxuluzúe̱ꞌ chaláꞌala le saꞌ ljwezre̱ꞌ.
\v 10 Gunné̱ꞌ:
\p ―Chupa benneꞌ xjaque̱ꞌ xudauꞌ chee̱ xuluchálajle̱ne̱ꞌ Dios. Tue̱ꞌ naque̱ꞌ benneꞌ xudauꞌ fariseo, naꞌ xetúe̱ꞌ naque̱ꞌ wechizruj waláz chee̱ xe̱zre zituꞌ.
\v 11 Benneꞌ xudauꞌ naꞌ guzé̱ꞌ dxuchálajle̱ne̱ꞌ Dios, gunné̱ꞌ: “Dios, xcalenuꞌ quebe nacaꞌ ca benneꞌ xula caꞌ, zaj naque̱ꞌ gubán, ne benneꞌ caꞌ dxelune̱ꞌ da cale̱la, ne benneꞌ dxelún dul-la dxeláchajne̱ꞌ xrba chee̱ wechaga naꞌ, ne quegá ca benneꞌ wechizruj nigá.
\v 12 Nedaꞌ dxunaꞌ gubasa chupa lasa da gazre zra, ne dxunnaꞌ chiuꞌ tu cueꞌ chee̱ da chi cueꞌ da dxeziꞌa.”
\v 13 Benneꞌ wechizruj naꞌ guzúe̱ꞌ dxuꞌa dxa xúꞌuze, ne quebe bexazrjne̱ꞌ chisa lawe̱ꞌ xabáa. Bé̱le̱ꞌe̱ la chuꞌe̱, dxenné̱ꞌ: “Dios, bexache lazreꞌ nedaꞌ, nacaꞌ benneꞌ dul-la.”
\v 14 Dxapaꞌ leꞌe, benneꞌ wechizruj naꞌ bezé̱ꞌe̱ xexíaje̱ꞌ lizre̱ꞌ, ne bexaque̱ꞌ xrlátaje lau Dios, san quegá caní guca chee̱ benneꞌ xudauꞌ naꞌ. Caꞌ guca laweꞌ da benneꞌ dxucáꞌana szren cuine̱ꞌ wexéxrujla bénneaꞌ, san benneꞌ dxucáꞌana baxacheꞌ cuine̱ꞌ wegáꞌana szrénqueze bénneaꞌ.
\s Jesús dxenabe̱ꞌ gaca chaweꞌ chee̱ bidu caꞌ
\r (Mt. 19.13-15; Mr. 10.13-16)
\p
\v 15 Belezrín benneꞌ caꞌ zaj naché̱ꞌe̱ bidu caꞌ lau Jesús chee̱ guzé̱ ne̱ꞌe̱ le̱beꞌ. Gate beleléꞌe benneꞌ caꞌ dxuse̱de Jesús da nigá, naꞌ gulezú lawe̱ꞌ dxeledil-le̱ꞌ benneꞌ caꞌ.
\v 16 Jesús gunné̱ꞌ benneꞌ caꞌ dxusé̱dene̱ꞌ, naꞌ dxe̱ꞌe̱ le̱ꞌ:
\p ―Le güe lataj xeleláꞌ bidu caꞌ naga zuaꞌ, ne quebe guzágale-beꞌ, laweꞌ da benneꞌ zaj naque̱ꞌ ca bidu caní welexuꞌe̱ naga dxenná bea Dios.
\v 17 Da li dxapaꞌ leꞌe, benneꞌ quebe siꞌ lu ne̱ꞌe̱ nna bea Dios le̱ꞌ ca dxelún bidu caní, québequeze chuꞌe̱ naga dxenná bea Dios.
\s Tu benneꞌ cuideꞌ naque̱ꞌ benneꞌ gunníꞌa
\r (Mt. 19.16-30; Mr. 10.17-31)
\p
\v 18 Tu benneꞌ xíchaje̱ bche̱be̱ꞌ Jesús:
\p ―Benneꞌ Wese̱de xrlátaje, ¿bi da dxal-laꞌ gunaꞌ chee̱ zruéꞌedaꞌ xel-la nabán zeajlí canna?
\p
\v 19 Jesús guzre̱ꞌ le̱ꞌ:
\p ―¿Bizr chee̱ naꞌ dxennáuꞌ nacaꞌ xrlátaje? Netú benneꞌ quebe naque̱ꞌ xrlátaje. Tuze Dios naque̱ꞌ xrlátaje.
\v 20 Lueꞌ núnbeꞌu ca zaj naca xrba chee̱ Dios:
\q Quebe gunuꞌ dul-la da dxachaj na xrba chee̱ wechaga naꞌ.
\q Quebe gutiuꞌ benneꞌ.
\q Quebe cuanuꞌ.
\q Quebe nneuꞌ chee̱ le saꞌ ljwezruꞌ da quebe naca na.
\q Gudapa ba láꞌana xra xrnaꞌu.
\p
\v 21 Benneꞌ naꞌ guzre̱ꞌ Jesús:
\p ―Xúgute̱ da caní dxunaꞌ ne nácateaꞌ bídauꞌte̱.
\p
\v 22 Gate ben Jesús da nigá, naꞌ guzre̱ꞌ-beꞌ:
\p ―Ne dxexázrjenuꞌ xetú da dxal-laꞌ gunuꞌ. Be̱te ca naca da de̱ chiuꞌ, naꞌ bnezruj na chee̱ benneꞌ xacheꞌ caꞌ. Nadxa gapuꞌ xel-la gunníꞌa lu xabáa chee̱ Dios. Naꞌ gudá sále̱nuꞌ nedaꞌ.
\p
\v 23 Gate benneꞌ cuideꞌ naꞌ benne̱ꞌ da nigá, bewíꞌinele̱ꞌe̱ne̱ꞌ laweꞌ da nápale̱ꞌe̱ da gunníꞌa.
\v 24 Gate bleꞌe Jesús ca bewiꞌine benneꞌ naꞌ, gunné̱ꞌ:
\p ―Sté̱bete̱ naca chee̱ benneꞌ gunníꞌa caꞌ xelexúꞌe̱ naga dxenná bea Dios.
\v 25 Chadídxala te tu bea zren lu negueꞌ tu xecheꞌ zriche quegala chuꞌu tu benneꞌ gunníꞌa naga dxenná bea Dios.
\p
\v 26 Naꞌ benneꞌ caꞌ dxelenne̱ꞌ gulenné̱ꞌ:
\p ―Che caꞌ naca na, ¿núzraqueze la?
\p
\v 27 Jesús guzre̱ꞌ benneꞌ caꞌ:
\p ―Da quebe gaca xelún bénneache, waca Dios gúnqueze̱ꞌ na.
\p
\v 28 Naꞌ gunná Pedro, guzre̱ꞌ Jesús:
\p ―Xran, ba bsantuꞌ ca da gudápantuꞌ chee̱ zále̱ntuꞌ Lueꞌ.
\p
\v 29 Nadxa Jesús beche̱be̱ꞌ:
\p ―Da li dxapaꞌ leꞌe, nútete̱ze benneꞌ gusane̱ꞌ lizre̱ꞌ, u xra xrne̱ꞌe̱, u bi biche̱ꞌ, bi zane̱ꞌ caꞌ, u zruꞌule̱ꞌ, u zríꞌine̱ꞌ caꞌ, chee̱ gune̱ꞌ zrin chee̱ xel-la dxenná bea chee̱ Dios,
\v 30 benneꞌ nigá waziꞌe̱ da zrendxa lu xe̱zr la xu nigá, naꞌ lu xe̱zr la xu da za zaꞌ waziꞌe̱ xel-la nabán da zeajlí canna.
\s Jesús dxuchálaje̱ꞌ xecha lasa ca gaca gate gatie̱ꞌ
\r (Mt. 20.17-19; Mr. 10.32-34)
\p
\v 31 Naꞌ Jesús gunné̱ꞌ chaláꞌala benneꞌ chazrinnu caꞌ dxusé̱dene̱ꞌ, naꞌ guzre̱ꞌ le̱ꞌ:
\p ―Naꞌa zexíajdxu Jerusalén, naga gaca li ca naca da buluzúaj benneꞌ caꞌ buluchálaje̱ꞌ waláz chee̱ Dios ca gaca chiaꞌ nedaꞌ, Benneꞌ Gulje̱ꞌ Bénneache.
\v 32 Benneꞌ zaj zre̱ꞌe̱ Jerusalén xuludée̱ꞌ nedaꞌ lu naꞌ benneꞌ zituꞌ caꞌ, naꞌ xelún le̱ꞌ chiaꞌ, ne xelenné̱queze̱ꞌ schanniꞌ chiaꞌ, ne wuluzráqueze̱ꞌ nedaꞌ zrene̱ꞌ.
\v 33 Welúequeze̱ꞌ nedaꞌ, naꞌ te naꞌ xelútie̱ꞌ nedaꞌ, naꞌ zra guxunneꞌ zra xebanaꞌ ládujla benneꞌ gate.
\p
\v 34 Benneꞌ caꞌ quebe guléajniꞌine̱ꞌ da nigá, ne quebe zaj nézene̱ꞌ bi chee̱ naꞌ dxuchálajle̱ne̱ꞌ le̱ꞌ, laweꞌ da zaj naca da quebe guca xeléajniꞌiquezne̱ꞌ.
\s Tu benneꞌ la chul-la, benneꞌ zue̱ꞌ xe̱zre Jericó
\r (Mt. 20.29-34; Mr. 10.46-52)
\p
\v 35 Gate Jesús bzrine̱ꞌ gagu naga zua xe̱zre Jericó, naꞌ dxeꞌ tu benneꞌ la chul-la dxuꞌa neza dxenabe̱ꞌ gunaꞌ.
\v 36 Gate benne̱ꞌ dxeledé benneꞌ zante̱, naꞌ benneꞌ la chul-la naꞌ bche̱be̱ꞌ benneꞌ caꞌ bizra naꞌ dxaca na.
\v 37 Naꞌ gulé̱ꞌe̱ le̱ꞌ:
\p ―Jesús, benneꞌ Nazaret dxedée̱ꞌ nigá.
\p
\v 38 Nadxa gudxezre xaꞌa la chul-la naꞌ, gunné̱ꞌ:
\p ―¡Jesús, Zriꞌine David, bexache lazreꞌ nedaꞌ!
\p
\v 39 Benneꞌ caꞌ zaj zria lawe̱ꞌ lau Jesús guledil-le̱ꞌ benneꞌ la chul-la naꞌ chee̱ sue̱ꞌ zrize, san gudxezre xáꞌadxa le̱ꞌ, dxenné̱ꞌ:
\p ―¡Zriꞌine David, bexache lazreꞌ nedaꞌ!
\p
\v 40 Nadxa gugá Jesús, naꞌ gunná béꞌene̱ꞌ xeajlexríꞌe̱ le̱ꞌ. Gate ble̱ꞌe̱ lau Jesús, naꞌ Jesús bche̱be̱ꞌ le̱ꞌ:
\p
\v 41 ―¿Bi dxaca lazruꞌ gunaꞌ chiuꞌ?
\p Beche̱be la chul-la naꞌ:
\p ―Xran, dxaca lazraꞌ xeléꞌedaꞌ.
\p
\v 42 Jesús guzre̱ꞌ le̱ꞌ:
\p ―Gaca ca dxennáuꞌ. Ba bexacuꞌ laweꞌ da guxéajle̱ꞌu chiaꞌ.
\p
\v 43 Zra náꞌqueze beléꞌe benneꞌ la chul-la naꞌ, naꞌ guxíajle̱ne̱ꞌ Jesús, dxue láꞌane̱ꞌ Dios. Xúgute̱ benneꞌ caꞌ beleléꞌene̱ꞌ da nigá cáꞌanqueze belúe láꞌane̱ꞌ Dios.
\c 19
\s Jesús dxuchálajle̱ne̱ꞌ Zaqueo
\p
\v 1 Nadxa Jesús guxúꞌe̱ xe̱zre Jericó, ne dxedée̱ꞌ xe̱zre naꞌ.
\v 2 Lu xe̱zre naꞌ zua tu benneꞌ gunníꞌa le̱ꞌ Zaqueo. Naque̱ꞌ xíchaje̱ chee̱ benneꞌ wechizruj caꞌ.
\v 3 Benneꞌ nigá dxaca lazre̱ꞌ gúnbeꞌe̱ Jesús, san quebe guca léꞌene̱ꞌ Le̱ꞌ laweꞌ da zaj zraꞌ benneꞌ zante̱ naꞌ, naꞌ Zaqueo naꞌ quebe naque̱ꞌ benneꞌ tunna.
\v 4 Nadxa guxíaj chégüe̱ꞌ guzría lawe̱ꞌ, ne chee̱ gaca léꞌene̱ꞌ guluéne̱ꞌ tu lu xaga zren da zua gagu naga dxal-laꞌ te Jesús.
\v 5 Gate gudé Jesús naꞌ, gunné̱ꞌe̱ lu xaga naꞌ, ne guzre̱ꞌ le̱ꞌ:
\p ―Zaqueo, bexétajche, laweꞌ da naꞌa dxun na ba xen xegáꞌanaꞌ lizruꞌ.
\p
\v 6 Nadxa Zaqueo naꞌ bexétaje̱ꞌ chadí, naꞌ nen dute̱ xel-la dxebé guzíꞌ lu ne̱ꞌe̱ Jesús.
\v 7 Gate beleléꞌe benneꞌ caꞌ da nigá, xúgute̱ꞌ gulezú lawe̱ꞌ dxelezí tizre̱ꞌ Jesús, dxelenné̱ꞌ:
\p ―Jesús bzrine̱ꞌ begáꞌane̱ꞌ lizre tu benneꞌ dul-la.
\p
\v 8 Nadxa Zaqueo naꞌ guzé̱ꞌ, naꞌ guzre̱ꞌ Xránadxu:
\p ―Gunnáꞌxque, Xran, gunézrujaꞌ benneꞌ xacheꞌ caꞌ gáchajte̱ ca da de̱ chiaꞌ, naꞌ che nu benneꞌ bsaca ziaꞌ le̱ꞌ, xunézrujaꞌ tapa cueꞌla chee̱ꞌ.
\p
\v 9 Naꞌ Jesús guzre̱ꞌ le̱ꞌ:
\p ―Naꞌa blaꞌ xel-la weselá lu xuꞌu nigá, laweꞌ da nácaqueze benneꞌ nigá xrtia Abraham.
\v 10 Caꞌ naca na laweꞌ da blaꞌ nedaꞌ, Benneꞌ Gulje̱ꞌ Bénneache, chee̱ xexílajaꞌ, ne guseláꞌ benneꞌ caꞌ zaj nanítie̱ꞌ.
\s Da dxuléꞌe na ca naca chee̱ chi dumí zaca
\p
\v 11 Dxácate̱ naꞌ dxuluzé̱ naga benneꞌ caꞌ dxenná Jesús da caní, naꞌ bchálaje̱ꞌ tu da dxuléꞌe na laweꞌ da ba zue̱ꞌ gáguze xe̱zre Jerusalén, naꞌ benneꞌ caꞌ dxeléquene̱ꞌ zra náꞌqueze nna bea Dios lu xe̱zr la xu nigá.
\v 12 Nadxa guzre̱ꞌ benneꞌ caꞌ:
\p ―Guzúa tu benneꞌ gunníꞌa xrlátaje, naꞌ dxal-laꞌ chéaje̱ꞌ zituꞌ chee̱ xuluzúe̱ꞌ le̱ꞌ gaque̱ꞌ wenná bea, naꞌ te naꞌ xezrine̱ꞌ lazrie̱ꞌ.
\v 13 Gate za se̱ꞌe̱, gunné̱ꞌ chi benneꞌ we̱n zrin chee̱ꞌ, naꞌ bnézruje̱ꞌ tu tu benneꞌ caꞌ tuwéaj dumí zácale̱ꞌe̱, ne guzre̱ꞌ benneꞌ caꞌ: “Le guchine dumí nigá cadxa xeláꞌa.”
\v 14 Benneꞌ zaj zre̱ꞌe̱ lázrie̱ꞌ dxelecuídene̱ꞌ le̱ꞌ, naꞌ gulesel-le̱ꞌ bal-la benneꞌ gubáz chee̱ꞌ naga zéaje̱ꞌ chee̱ cheajlegue̱zre̱ꞌ benneꞌ zaj zre̱ꞌe̱ naꞌ: “Quebe dxaca lázrentuꞌ gaca benneꞌ nigá wenná bea chee̱ntuꞌ.”
\v 15 Buluzúe̱ꞌ le̱ꞌ gaque̱ꞌ wenná bea, naꞌ bezrine̱ꞌ lázrie̱ꞌ. Gate bezrine̱ꞌ gunné̱ꞌ benneꞌ we̱n zrin caꞌ bnézruje̱ꞌ dumí, chee̱ nézene̱ꞌ ájate̱ bezíꞌ tu tu benneꞌ caꞌ.
\v 16 Benneꞌ nedxu bzrine̱ꞌ lawe̱ꞌ, naꞌ gunné̱ꞌ: “Xran, dumí chiuꞌ ba bezí na chi cueꞌla.”
\v 17 Wenná bea naꞌ beche̱be̱ꞌ: “Chaweꞌ be̱nuꞌ. Nacuꞌ we̱n zrin xrlátaje. Laweꞌ da gucuꞌ li lazreꞌ lu lateꞌ da be̱nnaꞌ lueꞌ, naꞌa gunaꞌ lueꞌ benneꞌ nna beꞌene̱ꞌ chi xe̱zre caꞌ.”
\v 18 Naꞌ bzrin xetúe̱ꞌ lawe̱ꞌ, naꞌ gunné̱ꞌ: “Xran, dumí chiuꞌ ba bezí na gazxuꞌ cueꞌla.”
\v 19 Cáꞌanqueze guzre̱ꞌ benneꞌ nigá: “Lueꞌ gacuꞌ benneꞌ nna beꞌene̱ꞌ gazxuꞌ xe̱zre caꞌ.”
\v 20 Nadxa xetúe̱ꞌ bzrine̱ꞌ, naꞌ gunné̱ꞌ: “Xran, nigá de̱ dumí chiuꞌ. Bcache chawaꞌa na tu lu bazxu,
\v 21 laweꞌ da bzrebaꞌ lueꞌ. Nacuꞌ tu benneꞌ dxuzúa xuzre. Dxexecaꞌu da quebe guxruꞌ, ne dxexelapuꞌ naga quebe guzuꞌ.”
\v 22 Nadxa wenná bea naꞌ guzre̱ꞌ le̱ꞌ: “We̱n zrin cale̱la. Ca dizraꞌ da gunnéuꞌ chugaꞌ ca gaca chiuꞌ. Che nézquezenuꞌ nacaꞌ benneꞌ dxuzúa xuzre, ne xecáꞌa da quebe guxrúaꞌ, ne dxelapaꞌ naga quebe guzaꞌ,
\v 23 ¿bizr chee̱ naꞌ quebe xjuꞌu dumí chiaꞌ lu naꞌ benneꞌ xuluchínene̱ꞌ na, chee̱ xezíꞌ lu naꞌa nedaꞌ dumí chiaꞌ nen da gun xíchaje̱ na, gate xezrinaꞌ nedaꞌ lizraꞌ?”
\v 24 Nadxa guzre̱ꞌ benneꞌ caꞌ zaj zre̱ꞌe̱ naꞌ: “Le xecáꞌa dumí naꞌ lu ne̱ꞌe̱, naꞌ le gunezruj na benneꞌ nape̱ꞌ chi dumí caꞌ.”
\v 25 Benneꞌ caꞌ gulé̱ꞌe̱ le̱ꞌ: “Xran, ba nape̱ꞌ chi dumí.”
\v 26 Naꞌ beche̱be̱ꞌ wenná bea naꞌ: “Dxapaꞌ leꞌe, benneꞌ nape̱ꞌ wazidxe̱ꞌ da zrendxa, na benneꞌ quebe nape̱ꞌ, wecáꞌa ca da du nape̱ꞌ.
\v 27 Naꞌa, ca naca chee̱ benneꞌ caꞌ quebe gulaca lazre̱ꞌ gacaꞌ nedaꞌ wenná bea chee̱ꞌ, le cheajxriꞌe̱ nigá, ne le gutie̱ꞌ lawaꞌ nedaꞌ.”
\s Jesús dxexuꞌe̱ Jerusalén
\r (Mt. 21.1-11; Mr. 11.1-11; Jn. 12.12-19)
\p
\v 28 Ca gudé gunné̱ꞌ da nigá, naꞌ bexúꞌu Jesús neza zexíaje̱ꞌ Jerusalén.
\v 29 Gate ba zua xezrine̱ꞌ xe̱zre Betfagé, ne xe̱zre Betania, ne zue̱ꞌ gáguze naga zua Xiꞌa Xaga Olivo, naꞌ gusel-le̱ꞌ chupa benneꞌ caꞌ dxusé̱dene̱ꞌ.
\v 30 Guzre̱ꞌ le̱ꞌ:
\p ―Le chjaca xé̱zredu naꞌ zua gáguze, naꞌ ca zrinle naꞌ léꞌele tu burru daꞌbaꞌ xaga, be̱ netú quebe nu ne cuía le̱baꞌ. Le se̱zre-baꞌ, naꞌ le che̱ꞌ-baꞌ nigá.
\v 31 Che nu naba leꞌe bizr chee̱ naꞌ dxesé̱zrele-baꞌ, le xe̱ꞌe̱ Xránadxu nachínene̱ꞌ-baꞌ.
\p
\v 32 Naꞌ gusiáꞌca benneꞌ caꞌ, naꞌ beleléꞌene̱ꞌ xúgute̱ naca na ca ba guzre Jesús le̱ꞌ.
\v 33 Naꞌ gate dxelese̱zre̱ꞌ búrruaꞌ, naꞌ xránabaꞌ buluche̱be̱ꞌ le̱ꞌ:
\p ―¿Bizr chee̱ naꞌ dxesé̱zrele búrruaꞌ?
\p
\v 34 Benneꞌ chupa caꞌ belexeche̱be̱ꞌ:
\p ―Laweꞌ da nachine Xránadxu le̱baꞌ.
\p
\v 35 Naꞌ beleché̱ꞌe̱-baꞌ lau Jesús, naꞌ belexrúe̱ꞌ xicha chee̱ꞌ cúzrubaꞌ, naꞌ buluzríe̱ꞌ Jesús cúzrubaꞌ.
\v 36 Ca zeaj Jesús, xuꞌe̱ neza zrie̱ꞌ búrrudu naꞌ, naꞌ dxelechiluj benneꞌ caꞌ xicha chee̱ꞌ la neza naga tée̱ꞌ.
\v 37 Gate bzrine̱ꞌ gagu naga naca létajla chee̱ Xiꞌa Xaga Olivo, xúgute̱ benneꞌ caꞌ zaj de̱ꞌe̱ Le̱ꞌ gulezú lawe̱ꞌ dxelebezre xe̱ꞌe̱ lu xel-la dxelebé, ne dxelúe láꞌane̱ꞌ Dios ca naca xúgute̱ xel-la waca chee̱ xabáa da beleléꞌene̱ꞌ.
\v 38 Gulenné̱ꞌ:
\p ―Laꞌazxa naca wenná bea, benneꞌ zaꞌ waláz chee̱ Xránadxu Dios. Gaca xel-la dxebeza zri lazreꞌ da za xabáa, ne gaca ba Dios.
\p
\v 39 Nadxa bal-la benneꞌ fariseo caꞌ zaj zraꞌ ládujla benneꞌ caꞌ gulé̱ꞌe̱ Jesús:
\p ―Benneꞌ Wese̱de, gudil-la benneꞌ caní zaj de̱ꞌe̱ Lueꞌ.
\p
\v 40 Jesús beche̱be̱ꞌ:
\p ―Dxapaꞌ leꞌe, che benneꞌ caní xelezúa zrie̱ꞌ, xiaj caní xelebezre xaꞌa na.
\p
\v 41 Gate bzrine̱ꞌ gagu xe̱zre Jerusalén, ne ca bléꞌene̱ꞌ na, naꞌ gudxezre Jesús ca naca chee̱ na.
\v 42 Naꞌ gunné̱ꞌ:
\p ―La chéajniꞌile lu zra chee̱le nigá da gaca gunna chee̱le xel-la dxebeza zri lazreꞌ. Naꞌa da naꞌ nagache na, naꞌ quebe gaca léꞌele na.
\v 43 Welezrín zra gaca chee̱le da zrinnaj, gate benneꞌ dxelecuídene̱ꞌ leꞌe xeléchaje̱ꞌ zeꞌe dxuꞌa xe̱zre chee̱le, ne xuluzague̱ꞌ leꞌe gátete̱ze naꞌ,
\v 44 naꞌ xuluchínnaje̱ꞌ xe̱zre chee̱le. Naꞌ xelútie̱ꞌ ca naca benneꞌ zaj zre̱ꞌe̱ nigá, naꞌ quebe xuluxucáꞌane̱ꞌ tu xiaj cuzru ljwezre na. Caní gaca chee̱le laweꞌ da quebe gúquebeꞌele zra blaꞌ Dios chee̱ gácale̱ne̱ꞌ leꞌe.
\s Jesús dxucáꞌana chawe̱ꞌ chaleꞌaj xudauꞌ
\r (Mt. 21.12-17; Mr. 11.15-19; Jn. 2.13-22)
\p
\v 45 Nadxa guxúꞌu Jesús chaleꞌaj xudauꞌ, naꞌ guzú lawe̱ꞌ dxebéaje̱ꞌ naꞌ benneꞌ caꞌ dxelutie̱ꞌ, ne dxeláꞌawe̱ꞌ naꞌ.
\v 46 Naꞌ guzre̱ꞌ benneꞌ caꞌ:
\p ―Lu xiche chee̱ Dios dxenné̱ꞌ: “Lizraꞌ naca na xuꞌu naga guchálajle̱le nedaꞌ,” naꞌ leꞌe nunle na ca tu lizre gubán caꞌ.
\p
\v 47 Tu zra tu zra Jesús dxusé̱dene̱ꞌ benneꞌ caꞌ zaj zraꞌ chaleꞌaj xudauꞌ. Benneꞌ xíchaje̱ caꞌ chee̱ bxruze, ne benneꞌ dxuluxuzájle̱ꞌe̱ da nadxixruj bea na, ne benneꞌ xuꞌu laweꞌ chee̱ xe̱zre naꞌ dxelílaje̱ꞌ ájala xelune̱ꞌ xelútie̱ꞌ Le̱ꞌ.
\v 48 Quebe belezrélene̱ꞌ ájala xelune̱ꞌ, laweꞌ da dxuluzé̱ naga xanneꞌ xúgute̱ benneꞌ caꞌ Jesús, chee̱ xelenne̱ꞌ ca da dxenné̱ꞌ.
\c 20
\s Ca naca xel-la dxenná bea napa Jesús
\r (Mt. 21.23-27; Mr. 11.27-33)
\p
\v 1 Tu zra gate zua Jesús chaleꞌaj xudauꞌ dxusé̱dene̱ꞌ benneꞌ caꞌ, ne dxuchálajle̱ne̱ꞌ le̱ꞌ ca naca dizraꞌ chaweꞌ chee̱ Dios, naꞌ belezrín naꞌ benneꞌ xíchaje̱ caꞌ chee̱ bxruze caꞌ, ne benneꞌ caꞌ dxuluxuzájle̱ꞌe̱ da nadxixruj bea na, ne benneꞌ gula sina caꞌ,
\v 2 naꞌ gulé̱ꞌe̱ Le̱ꞌ:
\p ―Gunná bi xel-la dxenná bea napuꞌ dxunuꞌ da caní. ¿Nuzra be̱nna lueꞌ xel-la dxenná bea nigá?
\p
\v 3 Naꞌ gunná Jesús:
\p ―Cáꞌanqueze nedaꞌ guche̱baꞌ leꞌe tu. Le xeche̱be chiaꞌ.
\v 4 ¿Nuzra gusel-la Juan guchúe̱ꞌ bénneache nisa? ¿Dios che bénneache?
\p
\v 5 Naꞌ gulezú lawe̱ꞌ dxelé̱ ljwezre̱ꞌ:
\p ―¿Bizra nnadxu? Che nnadxu gusel-la Dios le̱ꞌ, naꞌ guche̱be̱ꞌ dxiꞌu: “¿Bizr chee̱ naꞌ quebe guxéajle̱le chee̱ꞌ?”
\v 6 Che xe̱dxu Le̱ꞌ, bénneache gulesel-le̱ꞌ le̱ꞌ, benneꞌ zaj zre̱ꞌe̱ nigá wuluzríe̱ꞌ dxiꞌu xiaj, laweꞌ da zaj neze xánnie̱ꞌ bchalaj Juan waláz chee̱ Dios.
\p
\v 7 Nadxa belexeche̱be̱ꞌ quebe zaj nézene̱ꞌ nu gusel-la Juan bchue̱ꞌ bénneache nisa.
\v 8 Naꞌ Jesús guzre̱ꞌ benneꞌ caꞌ:
\p ―Cáꞌanqueze nedaꞌ quebe xapaꞌ leꞌe bi xel-la dxenná bea napaꞌ dxunaꞌ da caní.
\s Da dxuléꞌe na ca naca chee̱ benneꞌ we̱n zrin cale̱la caꞌ
\r (Mt. 21.33-44; Mr. 12.1-11)
\p
\v 9 Naꞌ guzú lau Jesús dxuchálajle̱ne̱ꞌ benneꞌ caꞌ zaj zre̱ꞌe̱ naꞌ, dxuchálaje̱ꞌ da dxuléꞌe na, dxenné̱ꞌ:
\p ―Guzúa tu benneꞌ bde̱ꞌe̱ lba uva lu xe̱zr la xu chee̱ꞌ, naꞌ ca gudé naꞌ bcaꞌane̱ꞌ na lu naꞌ benneꞌ we̱n zrin caꞌ, naꞌ guzé̱ꞌe̱ naꞌ zaneꞌ iza.
\v 10 Gate bzrin zra xuluchibe̱ꞌ uva caꞌ, naꞌ gusel-le̱ꞌ tu bi we̱n zrin chee̱ꞌ zeajxenábabeꞌ tu cueꞌ chee̱ lina naꞌ da dxal-laꞌ xeziꞌe̱, san benneꞌ we̱n zrin caꞌ buluzálaje̱ꞌ-beꞌ, naꞌ belexesel-le̱ꞌ-beꞌ cáꞌaze.
\v 11 Nadxa xrane lina naꞌ gusél-le̱ꞌ xetú bi we̱n zrin chee̱ꞌ, naꞌ cáꞌanqueze bi nigá bulucháchale̱ne̱-beꞌ, ne buluzálaje̱ꞌ-beꞌ, naꞌ belexesel-le̱ꞌ-beꞌ cáꞌaze.
\v 12 Xrane naꞌ gusél-le̱ꞌ xetú bi we̱n zrin chee̱ꞌ, naꞌ benneꞌ we̱n zrin caꞌ, cáꞌanqueze belune̱ꞌ-beꞌ ziꞌ, naꞌ belexebéaje̱ꞌ-beꞌ lu lina naꞌ.
\p
\v 13 ’Naga xeajcheꞌte̱ na, xrane naꞌ gunné̱ꞌ: “¿ájazra gunaꞌ? Sel-laꞌ zriꞌinaꞌ nazríꞌite̱ lazraꞌ. Gate xeleléꞌene̱ꞌ-beꞌ nalja xelape̱ꞌ-beꞌ ba láꞌana.”
\v 14 Naꞌ gate benneꞌ we̱n zrin caꞌ beleléꞌene̱ꞌ-beꞌ, naꞌ gulé̱ ljwezre̱ꞌ: “Bi nigá xezíꞌ lu naꞌbeꞌ da de̱ chee̱ xránadxu. Gútedxu-beꞌ, chee̱ gácadxu xrane na dxíꞌuqueze.”
\v 15 Nadxa belexebéaje̱ꞌ-beꞌ lu xe̱zr la xu naꞌ, naꞌ belutie̱ꞌ-beꞌ.
\p Nadxa Jesús bche̱be̱ꞌ benneꞌ caꞌ:
\p ―¿Bizra gun xrane naꞌ chee̱ benneꞌ we̱n zrin caꞌ?
\v 16 Xelé̱ꞌe̱, naꞌ gutie̱ꞌ benneꞌ we̱n zrin caꞌ, naꞌ gudée̱ꞌ xe̱zr la xu naꞌ lu naꞌ benneꞌ xula caꞌ.
\p Gate belén benneꞌ caꞌ ca gunná Jesús, naꞌ gulenné̱ꞌ:
\p ―Dios quebe guꞌe̱ lataj gaca caꞌ.
\p
\v 17 Naꞌ Jesús gunné̱ꞌe̱ benneꞌ caꞌ, naꞌ gunné̱ꞌ:
\p ―¿Bizra zéaje̱ da naxúaj na lu xiche chee̱ Dios? Dxenné̱ꞌ caní:
\q Xiaj naꞌ da buluzúa benneꞌ we̱n xuꞌu caꞌ chaláꞌala,
\q le̱ naꞌ naca na xiaj blau.
\m
\v 18 Nútete̱ze benneꞌ cheajchazie̱ꞌ laweꞌ xiaj naꞌ, naꞌ chúzrujqueze bénneaꞌ, naꞌ che xiaj naꞌ xexruj na laweꞌ nu benneꞌ, gútute̱ na le̱ꞌ.
\s Ca naca chee̱ da dxuchizruj xe̱zre ziꞌtuꞌ
\r (Mt. 21.45-46; 22.15-22; Mr. 12.13-17)
\p
\v 19 Benneꞌ xíchaje̱ caꞌ chee̱ bxruze caꞌ, ne benneꞌ caꞌ dxuluxuzájle̱ꞌe̱ da nadxixruj bea na gulaca lazre̱ꞌ xele̱le̱ꞌ Jesús zra náꞌqueze, laweꞌ da guleque béꞌene̱ꞌ bchalaj Jesús da dxuléꞌe na ca zaj naca le̱ꞌ, san belezrebe̱ꞌ da xelún bénneache caꞌ.
\v 20 Nadxa gulesel-le̱ꞌ benneꞌ caꞌ xuluzuzre̱ꞌ Jesús, benneꞌ xululéꞌe cuine̱ꞌ ca benneꞌ xrlátaje caꞌ. Benneꞌ caní dxelaca lazre̱ꞌ xelebéaje̱ꞌ Jesús dizraꞌ chee̱ xelezéquene̱ꞌ xuludée̱ꞌ Le̱ꞌ lu naꞌ bénneaꞌ dxenná beꞌe̱.
\v 21 Chee̱ xelune̱ꞌ da nigá, buluche̱be̱ꞌ Le̱ꞌ:
\p ―Benneꞌ Wese̱de, nézentuꞌ dxennáuꞌ, ne dxusé̱denuꞌ da naca li lazreꞌ, ne quebe dxuchiꞌu chee̱ bénneache cáte̱ze dxululéꞌe cuine̱ꞌ, san lu da li dxusé̱denuꞌ da naca chee̱ Dios.
\v 22 Guzre netuꞌ, ¿naca na chaweꞌ quízrujdxu da dxuchizruj César, bénneaꞌ dxenná béꞌene̱ꞌ dute̱ xe̱zr la xu, che cabí?
\p
\v 23 Dxeque beꞌe Jesús ca naca da dxelaca lazre̱ꞌ xelune̱ꞌ chee̱ꞌ, naꞌ guzre̱ꞌ benneꞌ caꞌ:
\p ―¿Bizr chee̱ naꞌ dxaca lázrele gun xálele nedaꞌ?
\v 24 Le guléꞌe nedaꞌ tu dumí. ¿Nuzra luꞌa naꞌ da na nigá, ne nu la naxúaj nigá?
\p Benneꞌ caꞌ belexeche̱be̱ꞌ:
\p ―Chee̱ benneꞌ dxenná bea naꞌ.
\p
\v 25 Nadxa gunná Jesús:
\p ―Le gunezruj bénneaꞌ da naca chee̱ꞌ, naꞌ le gunezruj Dios da naca chee̱ Dios.
\p
\v 26 Quebe gulezéquene̱ꞌ xelún xálene̱ꞌ Jesús ca naca da beche̱be̱ꞌ lau benneꞌ caꞌ. Belexebánene̱ꞌ ca naca da beche̱be̱ꞌ, naꞌ gulezúa zrie̱ꞌ.
\s Ca gaca gate xelexebán benneꞌ gate
\r (Mt. 22.23-33; Mr. 12.18-27)
\p
\v 27 Ca gudé naꞌ bal-la benneꞌ xudauꞌ saduceo caꞌ belezrine̱ꞌ lau Jesús. Benneꞌ saduceo caꞌ dxeléquene̱ꞌ quebe xelexebán benneꞌ gate, naꞌ gulé̱ꞌe̱ Jesús:
\p
\v 28 ―Benneꞌ Wese̱de, Moisés bzúaje̱ꞌ chee̱ntuꞌ che tu benneꞌ gatie̱ꞌ, ne gucáꞌane̱ꞌ zruꞌule̱ꞌ, ne che quebe nu chiláꞌ zríꞌine̱ꞌ, naꞌ bi biche bénneaꞌ dxal-laꞌ guchaga naꞌabeꞌ nen nuꞌula naꞌ gute benneꞌ chee̱ꞌ chee̱ galaj tu bidauꞌ gácabeꞌ ca zriꞌine bénneaꞌ ba gútee̱ꞌ.
\v 29 Gulezráꞌ gazre benneꞌ gulaque̱ꞌ zriꞌine tuze xre̱ꞌ. Bi nedxu bchaga naꞌabeꞌ nen tu nuꞌula, naꞌ gútebeꞌ, quebe nu chiláꞌ bi chee̱beꞌ.
\v 30 Bi gudxupeꞌ bchaga naꞌabeꞌ nen nuꞌula naꞌ, ne cáꞌanqueze gútebeꞌ quebe nu chiláꞌ bi chee̱beꞌ.
\v 31 Nadxa bi guxunneꞌ bchaga naꞌabeꞌ nen nuꞌula naꞌ, naꞌ cáꞌanqueze belún bi caꞌ xezica, naꞌ bi gazre caꞌ gulátebeꞌ quebe nu chiláꞌ bi chee̱beꞌ.
\v 32 Naga xeajcheꞌte̱ na, naꞌ gute nuꞌula naꞌ.
\v 33 Gate xelexebán benneꞌ gate, ¿nula bi caꞌ gaca zrúꞌulabeꞌ nuꞌula naꞌ, laweꞌ da ca naca bi gazre caꞌ buluchaga naꞌabeꞌ nen nuꞌula naꞌ?
\p
\v 34 Nadxa beche̱be Jesús:
\p ―Lu xe̱zr la xu nigá dxuluchaga naꞌ benneꞌ biu caꞌ nen nuꞌula caꞌ.
\v 35 Naꞌ benneꞌ caꞌ naca chee̱ꞌ xelexexúꞌe̱ xe̱zr la xu da za zaꞌ, ne chee̱ xelexebane̱ꞌ ládujla benneꞌ gate, québedxa xuluchaga ne̱ꞌe̱, ne québedxa xulunézruje̱ꞌ zríꞌine̱ꞌ lu xel-la wechaga naꞌ.
\v 36 Caꞌan gaca laweꞌ da quebe nu gátedxa naꞌ. Xelaque̱ꞌ ca zaj naca gubáz chee̱ xabáa caꞌ, ne xelaque̱ꞌ bi chee̱ Dios laweꞌ da belexebane̱ꞌ.
\v 37 Moisésqueze, gate bzuaje̱ꞌ ca guca chee̱ bisigá da guzúa naꞌ xiꞌ, dxuléꞌene̱ꞌ dxiꞌu dxal-laꞌ xelexebán benneꞌ gate. Naga naxúaj da nigá dxenná na ca naca chee̱ Dios, naque̱ꞌ Dios chee̱ Abraham, ne Dios chee̱ Isaac, ne Dios chee̱ Jacob.
\v 38 Dios quebe naque̱ꞌ Dios chee̱ benneꞌ gate caꞌ. Naque̱ꞌ Dios chee̱ benneꞌ ban caꞌ, laweꞌ da lau Le̱ꞌ zaj naca ban xúgute̱ bénneache.
\p
\v 39 Nadxa bal-la benneꞌ caꞌ, benneꞌ dxuluxuzájle̱ꞌe̱ da nadxixruj bea na gulé̱ꞌe̱ Jesús:
\p ―Cháwedauꞌ dxennáuꞌ, Benneꞌ Wese̱de.
\p
\v 40 Québedxa belexázrjne̱ꞌ bi xuluche̱be̱ꞌ Jesús.
\s ¿Nu benneꞌ naca Cristo zríꞌine̱ꞌ?
\r (Mt. 22.41-46; Mr. 12.35-37)
\p
\v 41 Jesús guzre̱ꞌ le̱ꞌ:
\p ―¿Bizr chee̱ naꞌ dxennale leꞌe naca Cristo zriꞌine David?
\v 42 Davídqueze gunné̱ꞌ lu xiche naga zaj naxúaj salmo caꞌ:
\q Xránadxu Dios guzre̱ꞌ Xranaꞌ:
\q “Gudxéꞌe cuitaꞌ xabe̱la chiaꞌ,
\q
\v 43 Cadxa guzúaꞌ benneꞌ dxelecuídene̱ꞌ lueꞌ caꞌ zran niꞌu.”
\m
\v 44 ¿ájazra chee̱ naꞌ naca Cristo zriꞌine David, naꞌ Davídqueze dxe̱ꞌe̱ Le̱ꞌ: “Xran”?
\s Jesús dxenné̱ꞌ chee̱ benneꞌ caꞌ dxuluxuzájle̱ꞌe̱ da nadxixruj bea na
\r (Mt. 23.1-36; Mr. 12.38-40; Lc. 11.37-54)
\p
\v 45 Ca naca benneꞌ caꞌ zaj zraꞌ naꞌ dxuluzé̱ nague̱ꞌ chee̱ Jesús gate guzre̱ꞌ benneꞌ caꞌ dxusé̱dene̱ꞌ:
\p
\v 46 ―Le guxúe xanneꞌ cuínale chee̱ benneꞌ caꞌ dxuluxuzájle̱ꞌe̱ da nadxixruj bea na, laweꞌ da dxeledánene̱ꞌ dxeledé̱ꞌ zaj nacue̱ꞌ zre̱ꞌ tunna, ne dxelaca lazre̱ꞌ xelapa bénneache le̱ꞌ ba láꞌana laweꞌ xiꞌa caꞌ, ne dxelebéꞌe̱ lu lataj blau caꞌ lu xuꞌu naga dxezrágale, ne lataj blau caꞌ naga dxelawe̱ꞌ zrue.
\v 47 Benneꞌ caní dxelequé̱ꞌe̱ ca naca lizre nuꞌula caꞌ ba gulate benneꞌ chee̱ꞌ, naꞌ chee̱ xulucáꞌana cuine̱ꞌ xrlátaje lau bénneache caꞌ dxululawízraje̱ꞌ Dios da tunna lu xuꞌu caꞌ naga dxezrágale. Benneꞌ caní xelezaca zídxaqueze̱ꞌ.
\c 21
\s Dumí da bnezruj tu nuꞌula xacheꞌ ba gute benneꞌ chee̱ꞌ
\r (Mr. 12.41-44)
\p
\v 1 Gate zua Jesús chaleꞌaj xudauꞌ, bléꞌene̱ꞌ benneꞌ gunníꞌa caꞌ dxelegúꞌe̱ dumí lu xíꞌina chee̱ xudauꞌ.
\v 2 Naꞌ bléꞌene̱ꞌ tu nuꞌula naque̱ꞌ benneꞌ xacheꞌ, ne ba gute benneꞌ chee̱ꞌ, guluꞌe̱ chupa dumídauꞌ.
\v 3 Naꞌ gunná Jesús:
\p ―Da li dxapaꞌ leꞌe, nuꞌula xacheꞌ nigá gulúꞌudxe̱ꞌ da zrendxa ca benneꞌ gunníꞌa caní,
\v 4 laweꞌ da dxelegúꞌu benneꞌ caꞌ chee̱ da dxutínneze na, san nuꞌula nigá, lu xel-la baxacheꞌ chee̱ꞌ bnézruje̱ꞌ ca naca da nape̱ꞌ da nunte̱ gawe̱ꞌ.
\s Jesús dxuchálaje̱ꞌ ca gaca gate cuía xiꞌ xudauꞌ
\r (Mt. 24.1-2; Mr. 13.1-2)
\p
\v 5 Bal-la benneꞌ dxuluchálaje̱ꞌ ca naca chee̱ xudauꞌ naꞌ, ne chee̱ xiaj xrtante̱ da zaj zrále̱ꞌe̱ na zeꞌe xudauꞌ naꞌ, ne chee̱ da xrtan da bulunezruj benneꞌ chee̱ xudauꞌ naꞌ. Nadxa gunná Jesús, dxe̱ꞌe̱ le̱ꞌ:
\p
\v 6 ―Wazrín zra gate xelebía xiꞌ xúgute̱ da caní dxeléꞌele, ne quebe xegáꞌana netú xiaj cuzru ljwezre na.
\s Da xululéꞌe na gate cheajsé̱ chee̱ xe̱zr la xu nigá
\r (Mt. 24.3-28; Mr. 13.3-23)
\p
\v 7 Nadxa benneꞌ caꞌ buluche̱be̱ꞌ Jesús:
\p ―Benneꞌ Wese̱de, ¿bata gaca da naꞌ? ¿Bi guléꞌe na gate ba za xelaca da caní?
\p
\v 8 Jesús gunné̱ꞌ:
\p ―Le guxúe xanneꞌ cuínale, ne quebe güele lataj nu si xe̱ leꞌe, laweꞌ da xeleláꞌ benneꞌ zante̱ benneꞌ xulusíꞌ cuine̱ꞌ Laꞌ nedaꞌ, xelenné̱ꞌ zaj naque̱ꞌ Cristo, ne xelenné̱ꞌ ba bzrin zra. Quebe chéajle̱le benneꞌ caꞌ.
\v 9 Gate xénele dxaca wedil-la, ne xeledábague̱ꞌ bénneache xuꞌu laweꞌ, quebe zrébele, laweꞌ da dxal-laꞌ gaca da caní nedxu, san quebe ne zrin zra cheajsé̱ chee̱ xe̱zr la xu nigá.
\p
\v 10 Nadxa guzre̱ꞌ benneꞌ caꞌ:
\p ―Bénneache tu xe̱zr la xu xeledíl-lale̱ bénneache xetú xe̱zr la xu, naꞌ benneꞌ tu xe̱zre xeledíl-lale̱ benneꞌ xetú xe̱zre.
\v 11 Wazrúꞌle̱ꞌe̱queze, ne gácale̱ꞌe̱ gubinaꞌ, ne gátaꞌle̱ꞌe̱ xízrawe̱ꞌ du ca nácaqueze, naꞌ zran xabáa léꞌele da guchébequeze na leꞌe, ne xel-la waca zriꞌa caꞌ.
\p
\v 12 ’Nédxudxa gate quebe ne gaca da caní xelé̱laqueze̱ꞌ leꞌe, ne xeláu ziꞌ xúzrequeze̱ꞌ leꞌe. Xeleché̱ꞌe̱ leꞌe lu xuꞌu caꞌ ga dxelezrague̱ꞌ chee̱ xelechugue̱ꞌ ca xelune̱ꞌ chee̱le, naꞌ xelegúꞌe̱ leꞌe lizre xia, ne xeleché̱ꞌe̱ leꞌe lau benneꞌ wenná bea caꞌ, ne lau benneꞌ xuꞌu laweꞌ caꞌ laweꞌ da nácale nedaꞌ tuze.
\v 13 Gate gaca da caní gataꞌ lataj guchálajle̱le benneꞌ caꞌ ca naca chiaꞌ nedaꞌ.
\v 14 Le guzúa chacha lázrdaule, quebe gucuézale nédxula da dxal-laꞌ nne̱le,
\v 15 laweꞌ da gunnaꞌ nedaꞌ leꞌe dizraꞌ, ne xel-la sina da quebe xelezeque benneꞌ dxeledábague̱ꞌ leꞌe bi xelenné̱ꞌ chee̱ na.
\v 16 Wuludéqueze bénneache leꞌe lu naꞌ benneꞌ dxeledábague̱ꞌ leꞌe. Caní xelúnqueze xra xrnale, ne bi bíchele, ne xrtia ljwézrele, ne bi ljwézrele caꞌ. Welútequeze̱ꞌ bál-lale leꞌe,
\v 17 naꞌ xúgute̱ bénneache welecuídene̱ꞌ leꞌe laweꞌ da nácale nedaꞌ tuze,
\v 18 san quebe nite tu xicha xíchajle lau Dios.
\v 19 Che sua cháchale, naꞌ gápale xel-la nabán.
\p
\v 20 ’Gate léꞌele zaj naxechaj benneꞌ dxjaque̱ꞌ wedil-la xe̱zre Jerusalén, naꞌ nézele ba za cuía xiꞌ xe̱zre nigá.
\v 21 Lu zra naꞌ, benneꞌ zaj zre̱ꞌe̱ xe̱zre caꞌ zaj nababa Judea dxal-laꞌ xuluzrúnnuje̱ꞌ chjaque̱ꞌ lu xiꞌa caꞌ, naꞌ benneꞌ zaj zre̱ꞌe̱ xe̱zre Jerusalén dxal-laꞌ xeledxúaje̱ꞌ naꞌ, naꞌ benneꞌ zaj zre̱ꞌe̱ le̱ꞌe̱ xixreꞌ quebe dxal-laꞌ xelexezrine̱ꞌ xe̱zre naꞌ.
\v 22 Lu zra caꞌ Dios gudée̱ꞌ benneꞌ caꞌ lu da ziꞌ da xaꞌ, naꞌ gaca li ca naca da naxúaj na lu xiche chee̱ Dios ca dxal-laꞌ gaca chee̱ benneꞌ caꞌ.
\v 23 Edxugúa nuꞌula zaj zue̱ꞌ ziꞌi lu zra caꞌ, ne nuꞌula caꞌ zaj nuxre̱ꞌ bidu dxelázrebeꞌ, laweꞌ da gátaꞌle̱ꞌe̱ da xelezaca bénneache caꞌ, naꞌ gaca tu da ba xaꞌ zrente̱ chee̱ benneꞌ caꞌ.
\v 24 Bal-le̱ꞌ xelatie̱ꞌ lu wedil-la naꞌ, naꞌ xebal-le̱ꞌ xeleché̱ꞌe̱ le̱ꞌ zaj nadxéaje̱ꞌ tu tu xe̱zr la xu caꞌ, naꞌ benneꞌ zituꞌ caꞌ xululéaje̱ꞌ xe̱zre Jerusalén cadxa cheajsé̱ chee̱ zra xelenná bea benneꞌ zituꞌ caꞌ.
\s Ca gaca gate xeláꞌ Benneꞌ Gulje̱ꞌ Bénneache
\r (Mt. 24.29-35, 42-44; Mr. 13.24-37)
\p
\v 25 Naꞌ gunná Jesús:
\p ―Lu zra naꞌ xelataꞌ da xululéꞌe na lau gubizra, ne lau beuꞌ, ne lau belaj caꞌ, naꞌ lu xe̱zr la xu xelezúa ste̱be benneꞌ caꞌ, ne xelezrebe̱ꞌ ca naca schagaꞌ da gun nísadauꞌ, ne xeajxruza chee̱ na.
\v 26 Benneꞌ caꞌ xelate niꞌa ne̱ꞌe̱ ne̱ chee̱ xel-la dxelezrebe gate xulusá lazre̱ꞌ ca da dxal-laꞌ gaca lu xe̱zr la xu, ne ca naca da zaj zraꞌ zran xabáa, da zaj napa xel-la waca xelezrízequeze na.
\v 27 Lu zra naꞌ xeleléꞌequezne̱ꞌ nedaꞌ, Benneꞌ Gulje̱ꞌ Bénneache, xeláꞌa tu lu beuj, nen dute̱ xel-la waca zren, ne da xabáa chiaꞌ.
\v 28 Gate su lau gaca da caní, le gun dipa lázrele, ne le chisa xíchajle, laweꞌ da ba za zrin zra lale lu da dxaca chee̱le.
\p
\v 29 Nadxa bchalaj Jesús tu da dxuléꞌe na, gunné̱ꞌ:
\p ―Le nnaꞌxque xaga higo, u bítete̱ze xaga.
\v 30 Gate léꞌele ba dxezría na lagaꞌ dxeꞌene, nézquezle leꞌe ba za xaca beuꞌ la.
\v 31 Cáꞌanqueze, gate léꞌele gaca da caní, dxal-laꞌ nézele ba zua gagu zra nna bea Dios.
\p
\v 32 ’Da li dxapaꞌ leꞌe, xúgute̱ da caní xelaca na nédxudxa gate quebe ne xelate bénneache zaj zraꞌ lu zra naꞌa zra.
\v 33 Xabáa, ne xe̱zr la xu weledé chee̱ na, san dizraꞌ chiaꞌ quebe te chee̱ na.
\p
\v 34 Le guxúe xanneꞌ cuínale, quebe güele lataj xelúꞌu lu xichaj lázrdaule da cale̱la caꞌ ca naca xel-la dxagu xrata, ne xel-la dxezuzre, ne xel-la dxezá lazreꞌ da naca chee̱ xe̱zr la xu nigá, chee̱ quebe gácale ca tu benneꞌ nachúl-lene̱ꞌ lu xichaj lázrdawe̱ꞌ gate zrin zra naꞌ,
\v 35 ne chee̱ quebe gaca na ca tu da que̱la na leꞌe, laweꞌ da caní gaca chee̱ xúgute̱ benneꞌ zaj zre̱ꞌe̱ lu xe̱zr la xu nigá.
\v 36 Le sua leꞌe ban lazreꞌ, ne le naba lau Dios chee̱ gaca lale lu da dxal-laꞌ gaca lu xe̱zr la xu nigá, ne chee̱ gaca guléꞌe cuínale du lázrele lawaꞌ nedaꞌ, Benneꞌ Gulje̱ꞌ Bénneache.
\p
\v 37 Jesús bsé̱dene̱ꞌ benneꞌ caꞌ lu xudauꞌ te zra, naꞌ chizrela dxexíaje̱ꞌ lu Xiꞌa Xaga Olivo.
\v 38 Xúgute̱ benneꞌ caꞌ belezrine̱ꞌ lu xudauꞌ naꞌ xuguꞌ zila chee̱ xelenne̱ꞌ chee̱ Jesús.
\c 22
\s Dxelune̱ꞌ tuze dizraꞌ xele̱le̱ꞌ Jesús
\r (Mt. 26.1-5, 14-16; Mr. 14.1-2, 10-11; Jn. 11.45-53)
\p
\v 1 Ba zua gagu laní gate dxelawe̱ꞌ xeta xtila da quebe nachixre cua zichaj chee̱ xeta xtila, da naca na Laní Pascua gate dxulusá lazre̱ꞌ ca da be̱n Dios gate bebéaje̱ꞌ bénneache chee̱ꞌ lu xe̱zr la xu Egipto.
\v 2 Lu zra caꞌ benneꞌ xíchaje̱ caꞌ chee̱ bxruze caꞌ, ne benneꞌ caꞌ dxuluxuzájle̱ꞌe̱ da nadxixruj bea na belílaje̱ꞌ ájala xelune̱ꞌ xelútie̱ꞌ Jesús bagácheze, laweꞌ da dxelezrebe̱ꞌ da xelún benneꞌ zan caꞌ.
\p
\v 3 Nadxa guxúꞌu Satanás da xriwe̱ꞌ lu lázrdau Judas, bénneaꞌ cáꞌanqueze le̱ꞌ Iscariote. Naque̱ꞌ tu benneꞌ chazrinnu gubáz caꞌ chee̱ Jesús.
\v 4 Judas nigá guxíaje̱ꞌ xeajchálajle̱ne̱ꞌ benneꞌ xíchaje̱ caꞌ chee̱ bxruze caꞌ, ne benneꞌ blau caꞌ chee̱ xudauꞌ, naꞌ bchálajle̱ne̱ꞌ benneꞌ caꞌ ájala gune̱ꞌ gudée̱ꞌ Jesús lu naꞌ benneꞌ caꞌ.
\v 5 Benneꞌ caní gulebene̱ꞌ, naꞌ guleche̱be lazre̱ꞌ xulunézruje̱ꞌ le̱ꞌ dumí.
\v 6 Judas naꞌ guzíꞌ lu ne̱ꞌe̱ dumí naꞌ, naꞌ guzú lawe̱ꞌ dxílaje̱ꞌ ájala gune̱ꞌ gudée̱ꞌ Jesús lu naꞌ benneꞌ caꞌ gate quebe nu chiláꞌ benneꞌ.
\s Da dxágudxu chee̱ cheajsá lazrdxu ca gute Xránadxu
\r (Mt. 26.17-29; Mr. 14.12-25; Jn. 13.21-30; 1 Co. 11.23-26)
\p
\v 7 Bzrin zra laní gate dxelawe̱ꞌ xeta xtila da quebe nachixre cua zichaj chee̱ xeta xtila, gate dxal-laꞌ xelútie̱ꞌ zrílaꞌdauꞌ caꞌ chee̱ Laní Pascua.
\v 8 Naꞌ Jesús gusel-le̱ꞌ Pedro ne Juan, naꞌ guzre̱ꞌ-beꞌ:
\p ―Le chjaca, ne le gucuéza da gágudxu chee̱ Laní Pascua.
\p
\v 9 Benneꞌ caní buluche̱be̱ꞌ Le̱ꞌ:
\p ―¿Ga dxaca lazruꞌ gucuézentuꞌ na?
\p
\v 10 Naꞌ beche̱be Jesusenꞌ:
\p ―Gate chuꞌule lu xe̱zre, naꞌ xezrágale tu benneꞌ biu zenuꞌe̱ tu dxeꞌe nisa. Le chjácale̱ne̱ꞌ xuꞌu naga xezrine̱ꞌ,
\v 11 naꞌ le xe̱ xrane xuꞌu naꞌ: “Benneꞌ Wese̱de dxe̱ꞌe̱ lueꞌ: ¿Ga zua xuꞌu naga gágule̱naꞌ benneꞌ caꞌ dxusé̱deaꞌ zrílaꞌdauꞌ chee̱ Laní Pascua?”
\v 12 Nadxa guléꞌene̱ꞌ leꞌe tu xuꞌu zren da zua chupa cuia sibe, da bache nucáꞌana chaweꞌ. Le gucuéza da gágudxu naꞌ.
\p
\v 13 Benneꞌ caꞌ xjaque̱ꞌ, naꞌ belezrélene̱ꞌ xúgute̱ ca da ba guzre Jesús le̱ꞌ, naꞌ bulucueze̱ꞌ da xelawe̱ꞌ chee̱ Laní Pascua.
\p
\v 14 Gate bzrin zra, Jesús ne benneꞌ caꞌ dxusé̱dene̱ꞌ gulezré̱ꞌe̱ ga xelawe̱ꞌ na.
\v 15 Nadxa gunná Jesús, dxe̱ꞌe̱ benneꞌ caꞌ:
\p ―Guzá lázrele̱ꞌa gágule̱naꞌ leꞌe chee̱ Laní Pascua nigá nédxudxa ca quebe ne gatiaꞌ.
\v 16 Dxapaꞌ leꞌe québedxa gawaꞌ da nigá cadxa gaca li na naga dxenná bea Dios.
\p
\v 17 Nadxa guqué̱ꞌe̱ tu zruágadauꞌ, naꞌ guzre̱ꞌ Dios: “Xcalenuꞌ”, naꞌ gunné̱ꞌ:
\p ―Le xiꞌaj lateꞌ weaj tu tule leꞌe.
\v 18 Dxapaꞌ leꞌe québedxa xíꞌajaꞌ chee̱ nisa uva caní cadxa xida xel-la dxenná bea chee̱ Dios.
\p
\v 19 Nadxa guqué̱ꞌe̱ xeta xtila, ne guzre̱ꞌ Dios: “Xcalenuꞌ”, naꞌ bzúzruje̱ꞌ na, ne bnézruje̱ꞌ na benneꞌ caꞌ, dxenné̱ꞌ:
\p ―Da nigá naca na be̱l-laꞌ dxen chiaꞌ, da guzúaꞌ waláz chee̱le. Le gun da nigá chee̱ cheajsá lázrele chiaꞌ nedaꞌ.
\p
\v 20 Cáꞌanqueze be̱ne̱ꞌ nen zruágadauꞌ naꞌ ca gudé gulawe̱ꞌ xrcheꞌ, naꞌ gunné̱ꞌ:
\p ―Zruágadauꞌ nigá zéaje̱ na xel-la wezría cube, da guzúa chúchuaꞌ nen dxen chiaꞌ, da gulálajaꞌ waláz chee̱le.
\p
\v 21 ’Naꞌa, zrua naꞌ benneꞌ biu naꞌ tu zren nen naꞌa ga zua da dxágadxu, bénneaꞌ gudée̱ꞌ nedaꞌ lu naꞌ benneꞌ dxeledábague̱ꞌ nedaꞌ.
\v 22 Nedaꞌ, Benneꞌ Gulje̱ꞌ Bénneache, waxáꞌa lu neza da bleꞌe Dios nedaꞌ naga gatiaꞌ, san edxugúa bénneaꞌ gudée̱ꞌ nedaꞌ chee̱ gatiaꞌ.
\p
\v 23 Nadxa benneꞌ caꞌ dxuse̱de Jesús gulezú lawe̱ꞌ dxuluche̱be ljwezre̱ꞌ nu naꞌ gudé Jesús.
\s Dxuluche̱be ljwezre̱ꞌ nule̱ꞌ gácadxe̱ꞌ blau
\p
\v 24 Cáꞌanqueze buluche̱be ljwezre̱ꞌ nule̱ꞌ gácadxe̱ꞌ benneꞌ blau.
\v 25 Naꞌ Jesús guzre̱ꞌ le̱ꞌ:
\p ―Benneꞌ wenná bea chee̱ xe̱zr la xu caꞌ dxelenná béꞌene̱ꞌ bénneache ca xrane bénneache caꞌ, naꞌ benneꞌ xíchaje̱ chee̱ benneꞌ caꞌ dxelenné̱ꞌ zaj naque̱ꞌ benneꞌ dxelune̱ꞌ da chaweꞌ chee̱ benneáche caꞌ.
\v 26 Leꞌe quebe dxal-laꞌ gunle caꞌ. Benneꞌ nácadxe̱ꞌ blau ládujla leꞌe dxal-laꞌ gaque̱ꞌ ca benneꞌ nácadxe̱ꞌ cuideꞌ, naꞌ benneꞌ dxenná beꞌe̱ dxal-laꞌ gaque̱ꞌ ca benneꞌ nadaꞌu chee̱ ljwezre̱ꞌ caꞌ.
\v 27 ¿Nu nácadxa blau, benneꞌ dxeꞌe̱ dxawe̱ꞌ, che benneꞌ dxudée̱ꞌ xel-la wagu? ¿Quebe naca bénneaꞌ dxeꞌe̱ dxawe̱ꞌ? Nedaꞌ zúale̱naꞌ leꞌe ca tu benneꞌ dxune̱ꞌ zrin chee̱le.
\p
\v 28 ’Leꞌe guzúale̱quezle nedaꞌ gate nedaꞌ guzí guzacaꞌ.
\v 29 Chee̱ le̱ naꞌ dxunnaꞌ leꞌe lataj nna beale, ca be̱n Xraꞌ, be̱nne̱ꞌ na nedaꞌ,
\v 30 chee̱ xiꞌaj gágule ga naca chiaꞌ naga nna beꞌa nedaꞌ, naꞌ cueꞌle lataj blau caꞌ chee̱ guchíꞌale chee̱ chazrinnu cueꞌ xrtia Israel.
\s Jesús dxenné̱ꞌ Pedro nne̱ꞌ quebe núnbeꞌe̱ Le̱ꞌ
\r (Mt. 26.31-35; Mr. 14.27-31; Jn. 13.36-38)
\p
\v 31 Naꞌ gunnáqueze Xránadxu:
\p ―Simón, Simón, Satanás, da xriwe̱ꞌ ba gunaba na leꞌe chee̱ seque gudé na leꞌe lu dul-la ca dxun tu benneꞌ dxudxixre dxutul-le̱ꞌ xizre za.
\v 32 Nedaꞌ gutaꞌ xuedaꞌ Xraꞌ gácale̱ne̱ꞌ lueꞌ chee̱ quebe guníteuꞌ xel-la dxeajlí lazre chiuꞌ. Naꞌ lueꞌ, gate bache bexacuꞌ dipa lazreꞌ, gúcale̱ le saꞌ ljwezruꞌ caꞌ chee̱ xelezé̱ chache̱ꞌ.
\p
\v 33 Naꞌ gunná Simón, guzre̱ꞌ Jesús:
\p ―Xran, ba zúaquezaꞌ sáꞌle̱naꞌ Lueꞌ lizre xia, ne chee̱ gátequezaꞌ nen Lueꞌ.
\p
\v 34 Jesús guzre̱ꞌ le̱ꞌ:
\p ―Pedro, dxapaꞌ lueꞌ, náꞌate̱la ne dé̱dxela cuezre xjeaj, lueꞌ wannáuꞌ chunna lasa quebe núnbeꞌu nedaꞌ.
\s Ba zua gagu zra si saca Jesús
\p
\v 35 Nadxa Jesús bche̱be̱ꞌ benneꞌ caꞌ:
\p ―Gate gusel-laꞌ leꞌe quebe bíale xixruj, ne naga cuꞌule dumí, ne zrélale, ¿bxázrjele bi da guchínnele?
\p Benneꞌ caꞌ belexeche̱be̱ꞌ:
\p ―Gutu bi de̱.
\p
\v 36 Nadxa guzre̱ꞌ benneꞌ caꞌ:
\p ―Naꞌa, benneꞌ nape̱ꞌ xixruj dxal-laꞌ guꞌe̱ na, ne naga dxuguꞌe̱ dumí. Bénneaꞌ quebe nape̱ꞌ xia da dxuluchínene̱ꞌ lu wedil-la, dxal-laꞌ xexutie̱ꞌ xicha chee̱ꞌ, naꞌ siꞌe̱ xia chee̱ꞌ.
\v 37 Dxapaꞌ leꞌe dxal-laꞌ gaca chiaꞌ nédaꞌquezaꞌ ca da naxúaj na lu xiche chee̱ Dios, dxenné̱ꞌ: “Gubabe̱ꞌ ca tu benneꞌ we̱n da zrinnaj.” Xúgute̱ da naxúaj na chiaꞌ dxal-laꞌ gaca li na.
\p
\v 38 Nadxa benneꞌ caꞌ gulenné̱ꞌ:
\p ―Xran, nigá de̱ chupa xia.
\p Le̱ꞌ beche̱be̱ꞌ:
\p ―Da naze.
\s Jesús dxuchálajle̱ne̱ꞌ Dios naga nazí le na Getsemaní
\r (Mt. 26.36-46; Mr. 14.32-42)
\p
\v 39 Nadxa bedxúaj Jesús xuꞌu naꞌ, naꞌ ca dxúnqueze̱ꞌ, guxíaje̱ꞌ lu Xiꞌa Xaga Olivo, naꞌ benneꞌ caꞌ dxusé̱dene̱ꞌ xjácale̱ne̱ꞌ Le̱ꞌ.
\v 40 Gate belezrine̱ꞌ naꞌ, Jesús guzre̱ꞌ le̱ꞌ:
\p ―Le naba lau Dios chee̱ quebe seque da xriwe̱ꞌ cuꞌu na leꞌe lu dul-la.
\p
\v 41 Nadxa Jesús guzé̱ꞌe̱ ca tu leguꞌuna xiaj naga zaj zraꞌ benneꞌ caꞌ, naꞌ bzu zribe̱ꞌ bchálajle̱ne̱ꞌ Dios.
\v 42 Gunne̱ꞌ:
\p ―Xrae, che dxaca lazruꞌ, bcuasa nedaꞌ ca naca da dxal-laꞌ sacaꞌ, da naca na ca tu da slaꞌ da dxal-laꞌ xíꞌajaꞌ, quegá gaca na ca dxaca lazraꞌ nedaꞌ, san ca dxaca lazruꞌ Lueꞌ.
\p
\v 43 Nadxa bleꞌe lau naga zua Jesús tu gubáz chee̱ xabáa, naꞌ btipe̱ꞌ lazreꞌ Jesús.
\v 44 Gate ne dxezácale̱ꞌe̱, du lazre̱ꞌ bchálajle̱ne̱ꞌ Dios, naꞌ xesa chee̱ꞌ guca na ca dxen dxelezrún na lu xu.
\p
\v 45 Ca bexuzre bchálajle̱ne̱ꞌ Dios, naꞌ bexase̱ꞌ, naꞌ bezrine̱ꞌ naga zaj zraꞌ benneꞌ caꞌ dxusé̱dene̱ꞌ, naꞌ bléꞌene̱ꞌ dxelase benneꞌ caꞌ, lu xel-la dxelexewiꞌine lazreꞌ chee̱ꞌ.
\v 46 Nadxa guzre̱ꞌ benneꞌ caꞌ:
\p ―¿Dxáselale leꞌe naꞌa? Le chasa, ne le naba lau Dios chee̱ quebe seque da xriwe̱ꞌ cuꞌu na leꞌe lu dul-la.
\s Dxele̱le̱ꞌ Jesús
\r (Mt. 26.47-56; Mr. 14.43-50; Jn. 18.2-11)
\p
\v 47 Ne dxuchálajte̱ Jesús gate beleláꞌ benneꞌ zan caꞌ. Bénneaꞌ le̱ꞌ Judas, tu benneꞌ chazrinnu caꞌ, ze̱ꞌe̱ zria lawe̱ꞌ lau benneꞌ caꞌ, naꞌ gubigue̱ꞌ cuita Jesús chee̱ gunupe̱ꞌ Le̱ꞌ.
\v 48 Nadxa Jesús guzre̱ꞌ le̱ꞌ:
\p ―Judas, ¿dxunupuꞌ nedaꞌ, Benneꞌ Gulje̱ꞌ Bénneache, chee̱ gudéuꞌ nedaꞌ lu naꞌ benneꞌ dxeledábague̱ꞌ nedaꞌ?
\p
\v 49 Benneꞌ caꞌ zrále̱ne̱ꞌ Jesús, ca beleléꞌene̱ꞌ ca da dxaca, naꞌ buluche̱be̱ꞌ Jesús:
\p ―Xran, ¿guchínentuꞌ xia?
\p
\v 50 Tu benneꞌ caꞌ dxedále̱ Jesús be̱ne̱ꞌ ziꞌ tu bi we̱n zrin chee̱ bxruze blau, guchugue̱ꞌ nágabeꞌ zua xabe̱la.
\v 51 Jesús gunné̱ꞌ:
\p ―Québedxa gunle caꞌ. Cáꞌanze.
\m Nadxa Jesús bte̱ꞌ naga bi we̱n zrin naꞌ, naꞌ bexune̱ꞌ na.
\p
\v 52 Naꞌ guzre̱ꞌ benneꞌ xíchaje̱ caꞌ chee̱ bxruze, ne benneꞌ blau caꞌ chee̱ xudauꞌ, ne benneꞌ gula sina caꞌ, benneꞌ záꞌaque̱ꞌ xeleché̱ꞌe̱ Jesús, gunné̱ꞌ:
\p ―¿Blale leꞌe nen xia, ne xaga chee̱ qué̱lale nedaꞌ ca dxé̱lale tu gubán?
\v 53 Gate guzúaꞌ nedaꞌ lu xudauꞌ nen leꞌe tu zra tu zra, quebe bi be̱nle leꞌe chiaꞌ, san zra nigá naca na zra chee̱le, gate dxenná bea da zua na lataj chul-la.
\s Pedro dxenné̱ꞌ quebe núnbeꞌe̱ Jesús
\r (Mt. 26.57-58, 69-75; Mr. 14.53-54, 66-72; Jn. 18.12-18, 25-27)
\p
\v 54 Nadxa gule̱le̱ꞌ Jesús, naꞌ guleché̱ꞌe̱ Le̱ꞌ lizre bxruze blau, naꞌ Pedro zíaje̱ꞌ nawe̱ꞌ Le̱ꞌ zítuꞌla.
\v 55 Naꞌ gulebéꞌe̱ guléchaje̱ꞌ xiꞌ naꞌ, naꞌ Pedro gudxéꞌe̱ ládujla benneꞌ caꞌ.
\v 56 Nadxa tu nuꞌula we̱n zrin, gate bléꞌene̱ꞌ Pedro dxeꞌe̱ dxuꞌa xiꞌ naꞌ, guzúe̱ꞌ dxenné̱ꞌe̱ le̱ꞌ, naꞌ gunné̱ꞌ:
\p ―Cáꞌanqueze benneꞌ nigá guque̱ꞌ tuze le̱n Jesús.
\p
\v 57 Pedro gunné̱ꞌ:
\p ―Nuꞌula, quebe núnbeꞌa bénneaꞌ.
\p
\v 58 Xetú chíꞌidauꞌ guca, naꞌ bleꞌe xetú benneꞌ xula Pedro naꞌ, naꞌ gunné̱ꞌ:
\p ―Cáꞌanqueze lueꞌ nacuꞌ tu zren benneꞌ caꞌ.
\p Pedro gunné̱ꞌ:
\p ―Cabí. Quebe naca caꞌ.
\p
\v 59 Xelate gudé naꞌ, xetú benneꞌ be̱n chúchue̱ꞌ xrtizre̱ꞌ, gunné̱ꞌ:
\p ―Da li, benneꞌ nigá guque̱ꞌ tuze le̱n Jesús, laweꞌ da naque̱ꞌ benneꞌ Galilea.
\p
\v 60 Nadxa gunná Pedro:
\p ―Benneꞌ, quebe nezdaꞌ nu chee̱ naꞌ dxuchálajuꞌ.
\p Dxácate̱ naꞌ ne dxuchálajte̱ Pedro caꞌ, naꞌ gudxezre xjeaj.
\v 61 Nadxa Xránadxu bzechaj xíchaje̱ꞌ, gunné̱ꞌe̱ Pedro, naꞌ Pedro xeajsá lazre̱ꞌ ca da guzre Xránadxu le̱ꞌ, gunné̱ꞌ: “Náꞌate̱la ne dé̱dxela cuezre xjeaj, lueꞌ wannáuꞌ chunna lasa quebe núnbeꞌu nedaꞌ.”
\v 62 Nadxa bedxúaj Pedro, naꞌ gudxezre xácheꞌle̱ꞌe̱.
\s Dxelún le̱ꞌ chee̱ Jesús
\r (Mt. 26.67-68; Mr. 14.65)
\p
\v 63 Naꞌ benneꞌ caꞌ zaj nuxre̱ꞌ Jesús belún le̱ꞌ chee̱ꞌ, naꞌ buluzalje̱ꞌ Le̱ꞌ.
\v 64 Bulucache̱ꞌ lawe̱ꞌ, naꞌ belegape̱ꞌ xrague̱ꞌ, dxelé̱ꞌe̱ Le̱ꞌ:
\p ―Gunné̱ xaꞌa nu be̱ Lueꞌ.
\p
\v 65 Da zan da gulenné̱ꞌ, dxelenné̱ꞌ schanniꞌ chee̱ Jesús.
\s Jesús dxezrine̱ꞌ lau benneꞌ caꞌ chee̱ xuꞌu laweꞌ blau chee̱ judío caꞌ
\r (Mt. 26.59-66; Mr. 14.55-64; Jn. 18.19-24)
\p
\v 66 Gate naca te zra, naꞌ belezraga benneꞌ gula sina caꞌ chee̱ judío caꞌ, ne benneꞌ xíchaje̱ caꞌ chee̱ bxruze caꞌ, ne benneꞌ caꞌ dxuluxuzájle̱ꞌe̱ da nadxixruj bea na, naꞌ guleché̱ꞌe̱ Jesús lau benneꞌ caꞌ chee̱ xuꞌu laweꞌ blau chee̱ judío caꞌ. Naꞌ buluche̱be̱ꞌ Le̱ꞌ:
\p
\v 67 ―Gunná, ¿nacuꞌ lueꞌ Cristo?
\p Naꞌ beche̱be Jesús:
\p ―Che xapaꞌ leꞌe: Aweꞌ, quebe chéajle̱le,
\v 68 naꞌ che bi guche̱baꞌ leꞌe, quebe xeché̱bele chiaꞌ, ne quebe gusanle nedaꞌ.
\v 69 Náꞌate̱la nedaꞌ, Benneꞌ Gulje̱ꞌ Bénneache, cueꞌa chaláꞌa xabe̱la chee̱ Dios nape̱ꞌ dute̱ xel-la waca.
\p
\v 70 Nadxa xúgute̱ꞌ buluche̱be̱ꞌ Le̱ꞌ:
\p ―¿Nacuꞌ Lueꞌ Zriꞌine Dios?
\p Jesús beche̱be̱ꞌ:
\p ―Nacaꞌ, ca dxennáquezle leꞌe.
\p
\v 71 Nadxa gulenná benneꞌ caꞌ:
\p ―¿Núzradxa chínnedxu bi nne̱ꞌ chee̱ benneꞌ nigá? Dxíꞌuqueze ba bénedxu ca da gunnáqueze̱ꞌ.
\c 23
\s Jesús dxezrine̱ꞌ lau Pilato
\r (Mt. 27.1-2, 11-14; Mr. 15.1-5; Jn. 18.28-38)
\p
\v 1 Nadxa gulasa xúgute̱ benneꞌ dxuluchiꞌe̱, naꞌ guleché̱ꞌe̱ Jesús lau Pilato, benneꞌ dxenná beꞌe̱ waláz chee̱ Roma.
\v 2 Naꞌ gulezú lawe̱ꞌ dxelagu zrie̱ꞌ Jesús, dxelenné̱ꞌ:
\p ―Bleꞌentuꞌ benneꞌ nigá dxegúꞌu xel-le̱ꞌ bénneache chee̱ xeledábague̱ꞌ xuꞌu laweꞌ. Dxenné̱ꞌ quebe dxal-laꞌ quízrujntuꞌ da dxuchizruj César, benneꞌ Roma, naꞌ cáꞌanqueze dxenné̱ꞌ naque̱ꞌ Cristo, Benneꞌ Wenná Bea.
\p
\v 3 Nadxa Pilato bche̱be̱ꞌ Jesús:
\p ―¿Nacuꞌ Lueꞌ Wenná Bea chee̱ judío caꞌ?
\p Naꞌ beche̱be Jesús:
\p ―Caꞌ naca na, ca ba gunnáuꞌ lueꞌ.
\p
\v 4 Nadxa gunná Pilato, guzre̱ꞌ benneꞌ xíchaje̱ caꞌ chee̱ bxruze caꞌ, ne bénneache caꞌ:
\p ―Quebe bi da zrinnaj dxezreldaꞌ nun benneꞌ nigá.
\p
\v 5 Benneꞌ caꞌ belún chúchue̱ꞌ dizraꞌ chee̱ꞌ, gulenné̱ꞌ:
\p ―Dxeguꞌu xel-le̱ꞌ xúgute̱ benneꞌ zaj zre̱ꞌe̱ xe̱zre caꞌ zaj nababa Judea chee̱ xeledábague̱ꞌ xuꞌu laweꞌ. Guzú lawe̱ꞌ dxune̱ꞌ na naga nababa Galilea, naꞌ naꞌa dxune̱ꞌ na nigá.
\s Jesús dxezrine̱ꞌ lau Herodes
\p
\v 6 Gate ben Pilato da nigá, naꞌ bche̱be̱ꞌ che naca Jesús benneꞌ Galilea.
\v 7 Gate gulé̱ꞌe̱ le̱ꞌ naca Jesús benneꞌ Galilea, naꞌ Pilato gusél-le̱ꞌ Le̱ꞌ lau Herodes, benneꞌ dxenná beꞌe̱ xe̱zre caꞌ zaj nababa Galilea, naꞌ lu zra naꞌ zue̱ꞌ Jerusalén.
\v 8 Gate bleꞌe Herodes Jesús, gubéle̱ꞌe̱ne̱ꞌ, laweꞌ da bátate̱ dxaca lazre̱ꞌ léꞌene̱ꞌ Le̱ꞌ, laweꞌ da ba benne̱ꞌ dxuluchalaj bénneache chee̱ Jesús, naꞌ guca lazre̱ꞌ léꞌene̱ꞌ gun Jesús tu xel-la waca da za xabáa.
\v 9 Da zante̱ da bche̱be̱ꞌ Jesús, naꞌ Le̱ꞌ quebe bi beche̱be̱ꞌ.
\v 10 Zráqueze benneꞌ xíchaje̱ caꞌ chee̱ bxruze caꞌ naꞌ, nen benneꞌ caꞌ dxuluxuzájle̱ꞌe̱ da nadxixruj bea na, naꞌ belún chúchue̱ꞌ dizraꞌ chee̱ꞌ da dxelagu zria Jesús.
\v 11 Nadxa Herodes, ne benneꞌ chee̱ꞌ caꞌ dxjaque̱ꞌ wedil-la buluzúe̱ꞌ Le̱ꞌ chaláꞌala, naꞌ chee̱ xelún le̱ꞌ chee̱ꞌ, bulugácue̱ꞌ Le̱ꞌ ladxeꞌ bzawe ca naca zra tu benneꞌ wenná bea. Nadxa Herodes besel-le̱ꞌ Le̱ꞌ lau Pilato.
\v 12 Lu zra naꞌ Pilato, ne Herodes belexaque̱ꞌ tuze, laweꞌ da belezráꞌa ljwezre̱ꞌ nédxute̱.
\s Dxelechugue̱ꞌ chee̱ Jesús gatie̱ꞌ
\r (Mt. 27.15-26; Mr. 15.6-15; Jn. 18.39―19.16)
\p
\v 13 Nadxa Pilato bchague̱ꞌ benneꞌ xíchaje̱ caꞌ chee̱ bxruze caꞌ, ne benneꞌ xuꞌu laweꞌ caꞌ,
\v 14 naꞌ guzre̱ꞌ benneꞌ caꞌ:
\p ―Leꞌe guche̱le benneꞌ nigá zaꞌle naga zuaꞌ, dxennale dxegúꞌu xel-le̱ꞌ bénneache chee̱ xeledábague̱ꞌ xuꞌu laweꞌ. Nedaꞌ ba bche̱baꞌ Le̱ꞌ laule leꞌe, naꞌ quebe bi da zrinnaj dxezréledaꞌ nune̱ꞌ ca naca da dxennale chee̱ꞌ.
\v 15 Cáꞌanqueze Herodes quebe bi da zrinnaj bzrélene̱ꞌ da nun Jesús, naꞌ budée̱ꞌ Le̱ꞌ launtuꞌ. Quebe bi ne gune̱ꞌ chee̱ chugaꞌ chee̱ꞌ gatie̱ꞌ.
\v 16 Gudéaꞌ Le̱ꞌ xel-la ziꞌ, naꞌ gusánquezaꞌ Le̱ꞌ.
\p
\v 17 Dxácate̱ dxaca laní naꞌ, Pilato dxal-laꞌ gune̱ꞌ tu da dxelezaca ba lazreꞌ bénneache, gusane̱ꞌ tu benneꞌ xuꞌe̱ lizre xia.
\v 18 Xúgute̱ benneꞌ caꞌ gulezú lawe̱ꞌ dxelebezre xe̱ꞌe̱, dxelenné̱ꞌ:
\p ―¡Gate benneꞌ nigá! ¡Bsan Barrabás naꞌ!
\p
\v 19 Barrabás nigá gulegúꞌe̱ le̱ꞌ lizre xia laweꞌ da gudábague̱ꞌ xuꞌu laweꞌ, naꞌ be̱tie̱ꞌ tu benneꞌ.
\v 20 Pilato guca lazre̱ꞌ gusane̱ꞌ Jesús, naꞌ bchálajle̱ne̱ꞌ benneꞌ caꞌ xetú.
\v 21 Naꞌ benneꞌ caꞌ gulebezre xe̱ꞌe̱ zízrajdxa, dxelenné̱ꞌ:
\p ―¡Bde̱ꞌe̱ xaga béguaj! ¡Bde̱ꞌe̱ xaga béguaj!
\p
\v 22 Da guxunneꞌ lasa gunná Pilato:
\p ―¿Bizra da zrinnaj nune̱ꞌ? Quebe bi dxezréledaꞌ da gudé na Le̱ꞌ gatie̱ꞌ. Gudéaꞌ Le̱ꞌ xel-la ziꞌ, naꞌ te naꞌ gusanaꞌ Le̱ꞌ.
\p
\v 23 Naꞌ benneꞌ caꞌ belún chúchue̱ꞌ dizraꞌ chee̱ꞌ chee̱ te̱ꞌe̱ xaga béguaj, ne gulebezre xáꞌatie̱ꞌ, nen benneꞌ xíchaje̱ caꞌ chee̱ bxruze caꞌ, cadxa guca ca da gulaca lazre̱ꞌ.
\v 24 Nadxa Pilato guchugue̱ꞌ chee̱ Jesús gaca chee̱ꞌ ca da dxelaca lazreꞌ benneꞌ caꞌ.
\v 25 Naꞌ bsane̱ꞌ bénneaꞌ belenabe̱ꞌ, xuꞌe̱ lizre xia laweꞌ da gudábague̱ꞌ xuꞌu laweꞌ, ne be̱tie̱ꞌ tu benneꞌ, naꞌ bdee̱ꞌ Jesús chee̱ gaca chee̱ꞌ ca dxelaca lazreꞌ benneꞌ caꞌ.
\s Dxuludé̱ꞌe̱ Jesús xaga béguaj
\r (Mt. 27.32-44; Mr. 15.21-32; Jn. 19.17-27)
\p
\v 26 Gate zjaque̱ꞌ zaj naché̱ꞌe̱ Jesús chee̱ xuludé̱ꞌe̱ Le̱ꞌ xaga béguaj, naꞌ gule̱le̱ꞌ tu benneꞌ Cirene, le̱ꞌ Simón, zezé̱ꞌe̱ le̱ꞌe̱ xixreꞌ, naꞌ buluguꞌe̱ le̱ꞌ xaga béguaj chee̱ Jesús, naꞌ zéaje̱ꞌ cuzru Jesús naꞌ.
\p
\v 27 Naꞌ xjácale̱ Le̱ꞌ benneꞌ zante̱, ne nuꞌula zan dxelebezre̱ꞌ, naꞌ dxelebezre xache̱ꞌ ne̱ chee̱ da dxaca chee̱ Jesús.
\v 28 Nadxa Jesús gunné̱ꞌe̱ nuꞌula caꞌ, naꞌ guzre̱ꞌ le̱ꞌ:
\p ―Leꞌe, nuꞌula Jerusalén, quebe cuézrele chiaꞌ nedaꞌ. Le cuezre cheé̱quezle, ne chee̱ zríꞌinele,
\v 29 laweꞌ da zrin zra gate xelenné̱ꞌ: “Ba neza zren naca na chee̱ nuꞌula wizre, ne nuꞌula caꞌ cabataꞌ gulezúe̱ꞌ ziꞌi, ne nuꞌula caꞌ cabataꞌ bulugazre̱ꞌ bidauꞌ.”
\v 30 Lu zra naꞌ xelezú lau bénneache xelé̱ꞌe̱ xiꞌa caꞌ: “Le gugacu netuꞌ xu.” Naꞌ xelé̱ꞌe̱ xíꞌadu caꞌ: “Le gucache netuꞌ.”
\v 31 Che dxelune̱ꞌ da caní chiaꞌ nedaꞌ, nacaꞌ ca tu xaga ban, ¿gázradxa xelune̱ꞌ chee̱le leꞌe, nácale ca xaga bizre caꞌ?
\p
\v 32 Cáꞌanqueze guleché̱ꞌe̱ chupa benneꞌ we̱n da zrinnaj chee̱ xelútie̱ꞌ le̱ꞌ tu zren nen Jesús.
\v 33 Gate belezrine̱ꞌ lataj naꞌ nazí le na, Calavera, da zéaje̱ na, Xiꞌa Zrita Xíchajdxu, naꞌ buludé̱ꞌe̱ Jesús xaga béguaj, ne cáꞌanqueze belune̱ꞌ chee̱ benneꞌ we̱n da zrinnaj caꞌ, tue̱ꞌ cuite̱ꞌ xabe̱la, ne xetúe̱ꞌ cuite̱ꞌ xéglala.
\v 34 Ca dxuludé̱ꞌe̱ Le̱ꞌ xaga béguaj, naꞌ gunná Jesús:
\p ―Xrae, bnite lau chee̱ benneꞌ caní laweꞌ da quebe zaj nézeneꞌ bi naꞌ dxeluneꞌ.
\p Naꞌ benneꞌ dxjaque̱ꞌ wedil-la gulebeje̱ꞌ da dxunna beaꞌ chee̱ xelezíꞌe̱ lateꞌ weaj zra lana Jesús.
\v 35 Benneꞌ caꞌ zaj zre̱ꞌe̱ naꞌ dxelenné̱ꞌe̱, ne benneꞌ xuꞌu laweꞌ caꞌ belún le̱ꞌ chee̱ꞌ, dxelenné̱ꞌ:
\p ―Bselé̱ꞌ benneꞌ xula caꞌ. Naꞌa dxal-laꞌ guselá cuine̱ꞌ che da li naque̱ꞌ Cristo, Bénneaꞌ Gucáꞌa Dios.
\p
\v 36 Cáꞌanqueze benneꞌ dxjaque̱ꞌ wedil-la belún le̱ꞌ chee̱ꞌ, naꞌ gulebigue̱ꞌ cuita Jesús, ne buluxíꞌaje̱ꞌ Le̱ꞌ nupe zichaj.
\v 37 Gulé̱ꞌe̱ Le̱ꞌ:
\p ―Che lueꞌ nacuꞌ Wenná Bea chee̱ judío caꞌ, bselá cuinuꞌ.
\p
\v 38 Zua xichaj Jesús tu da naxúaj nen dizraꞌ griego, ne dizraꞌ latín, ne dizraꞌ hebreo, da dxenná na:
\p ―Wenná Bea chee̱ judío caꞌ.
\p
\v 39 Tu benneꞌ we̱n da zrinnaj, bénneaꞌ de̱ꞌe̱ xaga béguaj be̱n le̱ꞌ chee̱ Jesús, dxenné̱ꞌ:
\p ―Che Lueꞌ nacuꞌ Cristo, bselá cuinuꞌ, ne bselate̱ netuꞌ.
\p
\v 40 Naꞌ xetú benneꞌ we̱n da zrinnaj naꞌ gudil-le̱ꞌ ljwezre̱ꞌ. Guzre̱ꞌ le̱ꞌ:
\p ―¿Quebe dxezrebuꞌ Dios? Lueꞌ dxezácaquezuꞌ ca da gulechugue̱ꞌ chee̱ꞌ Le̱ꞌ.
\v 41 Dxiꞌu dxezácadxu ca da dxál-laꞌqueze sácadxu, laweꞌ da dxaca chee̱dxu da dxal-laꞌ sidxu ca naca da zrinnaj da nundxu, san benneꞌ nigá quebe bi da zrinnaj nune̱ꞌ.
\p
\v 42 Nadxa gunné̱ꞌ:
\p ―Jesús, xeajsá lazreꞌ nedaꞌ gate su lauꞌ nna beꞌu.
\p
\v 43 Naꞌ beche̱be Jesús:
\p ―Da li dxapaꞌ lueꞌ, náꞌate̱la súale̱quezuꞌ nedaꞌ lu lataj chaweꞌ chee̱ Dios.
\s Ca guca gate gute Jesús
\r (Mt. 27.45-56; Mr. 15.33-41; Jn. 19.28-30)
\p
\v 44 Guca ca wagubizra. Nadxa ca naca lu xe̱zr la xu guchul-la na cadxa bzrinte̱ na dxedáꞌ chunna.
\v 45 Gubizra guchul-la na, naꞌ ladxeꞌ ze̱ lu xudauꞌ bdxuaj na chúpala.
\v 46 Nadxa gudxezre xaꞌa Jesús, dxenné̱ꞌ:
\p ―Xrae, lu naꞌu dxeguꞌa beꞌ xuꞌa.
\p Ca gunné̱ꞌ caꞌ, naꞌ gutie̱ꞌ.
\p
\v 47 Gate benneꞌ dxenná béꞌene̱ꞌ benneꞌ dxjaque̱ꞌ wedil-la bléꞌene̱ꞌ ca da guca, naꞌ be̱ láꞌane̱ꞌ Dios, gunné̱ꞌ:
\p ―Da li, benneꞌ nigá quebe bi da zrinnaj be̱ne̱ꞌ.
\p
\v 48 Xúgute̱ benneꞌ caꞌ zaj zre̱ꞌe̱ naꞌ, gate beleléꞌene̱ꞌ ca da guca, naꞌ besiáꞌque̱ꞌ naꞌ, dxeluꞌe̱ lachuꞌe̱.
\v 49 Xúgute̱ benneꞌ caꞌ zaj núnbeꞌe̱ Jesús, ne nuꞌula caꞌ xjácale̱ne̱ꞌ Jesús gate bezé̱ꞌe̱ Galilea, belexegáꞌane̱ꞌ zítuꞌla dxelenné̱ꞌe̱ da caní.
\s Dxulucache̱ꞌ Jesús
\r (Mt. 27.57-61; Mr. 15.42-47; Jn. 19.38-42)
\p
\v 50 Zua tu benneꞌ chaweꞌ ne xrlátaje le̱ꞌ José, benneꞌ xe̱zre Arimatea chee̱ xe̱zre caꞌ zaj nababa Judea. Nababe̱ꞌ xuꞌu laweꞌ blau chee̱ judío caꞌ.
\v 51 José nigá dxebeze̱ꞌ zra nna bea Dios, naꞌ quebe be̱ne̱ꞌ tuze ca da belún benneꞌ xuꞌu laweꞌ blau caꞌ.
\v 52 Benneꞌ nigá guxíaje̱ꞌ xeajchálajle̱ne̱ꞌ Pilato, naꞌ gunabe̱ꞌ latja gucache̱ꞌ Jesús.
\v 53 Ca bexuzre buluxulétaje̱ꞌ Le̱ꞌ xaga béguaj, naꞌ buluxuchele̱ꞌ Le̱ꞌ tu ladxeꞌ, naꞌ guluꞌe̱ Le̱ꞌ tu lu xe̱dxu ba, da ba gude̱ne̱ꞌ tu le̱ꞌe̱ xiꞌa xiaj, naga quebe nu ne gáchequeze.
\v 54 Naca na zra dxulucueze̱ꞌ chee̱ zra dxulupáꞌane̱ꞌ, da ba zua su lau na.
\p
\v 55 Nuꞌula caꞌ xjácale̱ne̱ꞌ Jesús gate bezé̱ꞌe̱ xe̱zre caꞌ zaj nababa Galilea, xjaque̱ꞌ naꞌ, ne beleléꞌene̱ꞌ ba naꞌ, ne belené̱ꞌe̱ ájala zaj naguꞌe̱ Le̱ꞌ xe̱dxu ba.
\v 56 Gate belexezrine̱ꞌ xuꞌu naga zaj zre̱ꞌe̱, naꞌ bulucueze̱ꞌ da du caꞌ dxelelále̱ꞌe̱ zixre, ne da zaj naca na ca za dxelelále̱ꞌe̱ na zixre. Belexezíꞌ lazre̱ꞌ zra dxulupáꞌane̱ꞌ cáte̱ze naca da gunná bea Dios.
\c 24
\s Ca guca gate bebán Jesús
\r (Mt. 28.1-10; Mr. 16.1-8; Jn. 20.1-10)
\p
\v 1 Zra nedxu chee̱ da gazre zra, nuꞌula caꞌ belezrine̱ꞌ dxuꞌa ba naꞌ dxaníꞌsise̱ꞌ, zaj nuꞌe̱ ca naca da caꞌ dxelelá zixre da bulucueze̱ꞌ, naꞌ xebal-la nuꞌula xjácale̱ne̱ꞌ le̱ꞌ.
\v 2 Gate belezrine̱ꞌ naꞌ, beleléꞌene̱ꞌ xiaj da guduse dxuꞌa ba naꞌ, québedxa naduse na naga guduse na.
\v 3 Belúꞌe̱ lu ba naꞌ, san quebe belexezrelne̱ꞌ Xránadxu Jesús naꞌ.
\v 4 Naꞌ belezrébele̱ꞌe̱, ne quebe zaj nézene̱ꞌ ájala xelune̱ꞌ, naꞌ beleléꞌene̱ꞌ chupa benneꞌ zaj ze̱ꞌ cuite̱ꞌ, zaj nacue̱ꞌ zra lane̱ꞌ dxácatite na.
\v 5 Nuꞌula caꞌ belezúe̱ꞌ sudxúꞌala lu xu, ne belezrébele̱ꞌe̱. Naꞌ benneꞌ caꞌ gulé̱ꞌe̱ le̱ꞌ:
\p ―¿Bizr chee̱ naꞌ dxexílajle leꞌe tu benneꞌ naca bane̱ꞌ láwela benneꞌ gate?
\v 6 Quebe zue̱ꞌ nigá, laweꞌ da ba bebane̱ꞌ. Le gusá lázreꞌ da bchálajle̱ne̱ꞌ leꞌe gate ne zue̱ꞌ Galilea.
\v 7 Gunné̱ꞌ: “Benneꞌ Gulje̱ꞌ Bénneache dxal-laꞌ xuludée̱ꞌ Le̱ꞌ lu naꞌ benneꞌ dul-la caꞌ, naꞌ xuludé̱ꞌe̱ Le̱ꞌ xaga béguaj, naꞌ zra guxunneꞌ zra xebane̱ꞌ.”
\p
\v 8 Nadxa nuꞌula caꞌ xeajlesá lazre̱ꞌ ca naca da gunná Jesús.
\v 9 Ca gudé besiáꞌque̱ꞌ dxuꞌa ba naꞌ, naꞌ belexezrine̱ꞌ lu xe̱zre naꞌ, naꞌ buluchálajle̱ne̱ꞌ benneꞌ chinéaj gubáz caꞌ chee̱ Jesús, ne xúgute̱ benneꞌ caꞌ xezica, ca naca da guca naꞌ.
\v 10 Nuꞌula caꞌ xjaque̱ꞌ xeajlezenne̱ꞌ gubáz caꞌ, zaj naque̱ꞌ María Magdalena, ne Juana, ne María xrna Jacobo, ne xebal-la nuꞌula caꞌ.
\v 11 Benneꞌ gubáz caꞌ guléquene̱ꞌ da xálaze dxelenná nuꞌula caní, naꞌ quebe guléajle̱ꞌe̱ chee̱ꞌ.
\p
\v 12 Nadxa bdxuaj Pedro, zeaj chégüe̱ꞌ dxuꞌa ba naꞌ, naꞌ gate guné̱ꞌe̱ lu ba naꞌ, bléꞌene̱ꞌ ladxeꞌ da bedxela Jesús xuꞌu na chaláꞌala, naꞌ bezé̱ꞌe̱ zexíaje̱ꞌ xuꞌu naga guzé̱ꞌe̱, dxexebánene̱ꞌ ca naca da guca.
\s Da guca lu neza da zeaj xe̱zre Emaús
\r (Mr. 16.12-13)
\p
\v 13 Lu zra náꞌqueze, zjaca chupa benneꞌ caꞌ busede Jesús xe̱zre Emaús, da naca na láteꞌze zituꞌ naga zua Jerusalén.
\v 14 Zjaque̱ꞌ dxuluchálaje̱ꞌ ca naca da guca lu zra caꞌ.
\v 15 Dxácate̱ naꞌ dxuluchálaje̱ꞌ caní, naꞌ Jesús náꞌqueze gubigue̱ꞌ cuita benneꞌ caꞌ, naꞌ guzú lawe̱ꞌ zéajle̱ne̱ꞌ le̱ꞌ.
\v 16 Quebe belexúnbeꞌe̱ Jesús, laweꞌ da guzúa tu da guxúa na xiaj lau benneꞌ caꞌ.
\v 17 Nadxa bche̱be Jesús benneꞌ caꞌ:
\p ―¿Bizra da naꞌ dxuchálajle̱ ljwézrele dxácate̱ xuꞌule neza? ¿Bizr chee̱ naꞌ zale dxewíꞌine lázrele?
\p
\v 18 Tu benneꞌ caꞌ le̱ꞌ Cleofas beche̱be̱ꞌ:
\p ―Xúgute̱ benneꞌ zaj nézene̱ꞌ ca da guca xe̱zre Jerusalén lu zra caní. ¿Nacuꞌ lueꞌ benneꞌ zituꞌ zuꞌ Jerusalén, naꞌ tuze lueꞌ quebe nézenuꞌ ca da guca naꞌ?
\p
\v 19 Nadxa Le̱ꞌ guzre̱ꞌ benneꞌ caꞌ:
\p ―¿Bizra guca naꞌ?
\p Gulé̱ꞌe̱ Le̱ꞌ:
\p ―Da guca chee̱ Jesús, benneꞌ Nazaret. Guque̱ꞌ tu benneꞌ bchálaje̱ꞌ waláz chee̱ Dios, naꞌ xel-la waca zren caꞌ be̱ne̱ꞌ, ne bchálaje̱ꞌ dizraꞌ lau Dios, ne lau xúgute̱ bénneache.
\v 20 Naꞌ benneꞌ xíchaje̱ caꞌ chee̱ bxruze caꞌ, ne benneꞌ xuꞌu laweꞌ chee̱ntuꞌ caꞌ buludée̱ꞌ Le̱ꞌ chee̱ gulechugue̱ꞌ chee̱ꞌ gatie̱ꞌ, naꞌ buludé̱ꞌe̱ Le̱ꞌ xaga béguaj.
\v 21 Netuꞌ guleza lázrentuꞌ Le̱ꞌ naque̱ꞌ Benneꞌ dxal-laꞌ guselé̱ꞌ xe̱zr la xu Israel. Naꞌa, ba zeaj chunna zra guca da caꞌ.
\v 22 Bal-la nuꞌula caꞌ ládujla netuꞌ buluzúaqueze̱ꞌ netuꞌ lu da ste̱be, laweꞌ da xjaque̱ꞌ dxaníꞌsise̱ꞌ dxuꞌa ba chee̱ꞌ naꞌ,
\v 23 naꞌ gate quebe belexezrelne̱ꞌ Le̱ꞌ, naꞌ belexelé̱ꞌe̱ naga zúantuꞌ, ne gulenné̱ꞌ beleléꞌene̱ꞌ chupa gubáz chee̱ xabáa caꞌ bululéꞌe lawe̱ꞌ nuꞌula caꞌ, naꞌ gulé̱ꞌe̱ le̱ꞌ nabán Jesús.
\v 24 Nadxa bal-la benneꞌ ljwézrentuꞌ caꞌ xjaque̱ꞌ dxuꞌa ba naꞌ, naꞌ beleléꞌene̱ꞌ cáte̱ze naꞌ gulenná nuꞌula caꞌ, san quebe beleléꞌene̱ꞌ Jesús.
\p
\v 25 Nadxa gunná Jesús:
\p ―Leꞌe quebe dxéajniꞌile, naꞌ ne naca zideꞌ lázrdaule chee̱ quebe chéajle̱le xúgute̱ da gulenná benneꞌ caꞌ buluchálaje̱ꞌ waláz chee̱ Dios.
\v 26 ¿Quebe dxal-laꞌ saca Cristo da caní nédxudxa ca xegáꞌane̱ꞌ szren?
\p
\v 27 Nadxa guzú lawe̱ꞌ dxuzéajniꞌine̱ꞌ benneꞌ caꞌ ca naca xúgute̱ da naxúaj lu xiche chee̱ Dios naga dxuchalaj na chee̱ Le̱ꞌ. Guzú lawe̱ꞌ lu xiche caꞌ chee̱ Moisés, naꞌ ne zéajdxaqueze na lu xiche caꞌ chee̱ benneꞌ caꞌ buluchálaje̱ꞌ waláz chee̱ Dios.
\p
\v 28 Gate belezrine̱ꞌ lu xe̱zre naga zjaque̱ꞌ, Jesús be̱ne̱ꞌ ca benneꞌ zeajte̱ze̱ꞌ xuꞌe̱ neza.
\v 29 Naꞌ benneꞌ caꞌ buluxucáꞌane̱ꞌ Le̱ꞌ xadía, dxelenné̱ꞌ:
\p ―Begáꞌanale̱ netuꞌ, laweꞌ da ba zeaj dxezréꞌ, ne ba dxeꞌ xrínnequeze naꞌa.
\p Nadxa Jesús guxúꞌule̱ne̱ꞌ benneꞌ caꞌ.
\v 30 Gate naꞌ dxéꞌle̱ne̱ꞌ le̱ꞌ dxelawe̱ꞌ, guqué̱ꞌe̱ xeta xtila, ne bzúzruje̱ꞌ na, naꞌ guzre̱ꞌ Dios “Xcalenuꞌ”, ne bnézruje̱ꞌ na benneꞌ caꞌ.
\v 31 Laꞌ náꞌqueze becuasa ca naca da guxúa na xiaj lau benneꞌ caꞌ, naꞌ belexúnbeꞌe̱ Jesús, san laꞌ náꞌqueze benite Le̱ꞌ lau benneꞌ caꞌ.
\v 32 Naꞌ gulé̱ ljwezre̱ꞌ:
\p ―¿Quebe guzúa xel-la dxebé lu lázrdaudxu gate ze̱ꞌe̱ dxuchálajle̱ne̱ꞌ dxiꞌu tu neza, ne bzéajniꞌine̱ꞌ dxiꞌu ca naca da naxúaj lu xiche chee̱ Dios?
\p
\v 33 Nadxa, ne québedxa gulezrene̱ꞌ, belexeguꞌe̱ neza, zeajxaque̱ꞌ Jerusalén, naga beleléꞌene̱ꞌ zaj nazraga benneꞌ chinéaj gubáz caꞌ, ne benneꞌ ljwezre̱ꞌ caꞌ.
\v 34 Benneꞌ caꞌ zaj nazrague̱ꞌ naꞌ gulé̱ꞌe̱ benneꞌ chupa caꞌ:
\p ―Da li bebán Xránadxu, naꞌ Simón ba bléꞌene̱ꞌ Le̱ꞌ.
\p
\v 35 Nadxa benneꞌ chupa caꞌ buluzenne̱ꞌ le̱ꞌ ca naca da guca la neza, ne ca belexúnbeꞌe̱ Jesús gate bzúzruje̱ꞌ xeta xtila naꞌ.
\s Jesús dxuléꞌe lawe̱ꞌ benneꞌ caꞌ xjácale̱ne̱ꞌ Le̱ꞌ
\r (Mt. 28.16-20; Mr. 16.14-18; Jn. 20.19-23)
\p
\v 36 Ne dxuluchálajte̱ꞌ caní gate bleꞌe lau Jesús gachaj laweꞌ benneꞌ caꞌ, naꞌ bgape̱ꞌ le̱ꞌ diuzre, dxenné̱ꞌ:
\p ―Xela dxebeza zri lazreꞌ súale̱ na leꞌe.
\p
\v 37 Naꞌ benneꞌ caꞌ belexruse̱ꞌ, ne belezrébele̱ꞌe̱. Guléquene̱ꞌ dxeleléꞌene̱ꞌ bxinne dxe̱la.
\v 38 Naꞌ Jesús guzre̱ꞌ benneꞌ caꞌ:
\p ―¿Bizr chee̱ naꞌ dxezrébele? ¿Bizr chee̱ naꞌ dxaca chupa lázrele?
\v 39 Le naꞌ naꞌa caní, ne le naꞌ niꞌa. Nédaꞌquezaꞌ naꞌ. Le gutá nedaꞌ, ne le guxúe xque nedaꞌ. Tu bxinne dxe̱la quebe napa na be̱laꞌ zrita, ca dxeléꞌele leꞌe napaꞌ nedaꞌ.
\p
\v 40 Ca dxe̱ꞌe̱ benneꞌ caꞌ da nigá, naꞌ bléꞌene̱ꞌ le̱ꞌ ne̱ꞌe̱, ne niꞌe̱.
\v 41 Benneꞌ caꞌ québequeze dxeléajle̱ꞌe̱ chee̱ꞌ laweꞌ da dxelebéle̱ꞌe̱ne̱ꞌ, ne dxelexebánele̱ꞌe̱ne̱ꞌ, naꞌ guzre Jesús le̱ꞌ:
\p ―¿De̱ lateꞌ da gawaꞌ nigá?
\p
\v 42 Nadxa bulunézruje̱ꞌ Le̱ꞌ lateꞌ be̱laꞌ guzrúa xiꞌ, ne lateꞌ da zixre che bézudauꞌ,
\v 43 naꞌ gucáꞌa Jesús da caꞌ, ne gudawe̱ꞌ na lau benneꞌ caꞌ.
\v 44 Nadxa guzre̱ꞌ benneꞌ caꞌ:
\p ―Da ba guca chiaꞌ naca na ca da guchaꞌ leꞌe gate ne zúale̱quezaꞌ leꞌe, gunnéaꞌ dxal-laꞌ gaca li ca naca xúgute̱ da naxúaj lu da bdxixruj beꞌe Moisés, ne lu xiche naga zaj naxúaj salmo caꞌ, ne lu xiche caꞌ chee̱ benneꞌ caꞌ buluchálaje̱ꞌ waláz chee̱ Dios.
\p
\v 45 Nadxa bzéajniꞌine̱ꞌ benneꞌ caꞌ ca da naxúaj lu xiche chee̱ Dios,
\v 46 naꞌ guzre̱ꞌ benneꞌ caꞌ:
\p ―Caní naxúaj na dxal-laꞌ gate Cristo, naꞌ zra guxunneꞌ zra dxal-laꞌ xebane̱ꞌ ládujla benneꞌ gate caꞌ,
\v 47 naꞌ lu La Le̱ꞌ dxal-laꞌ xuluchalaj bénneache lau xúgute̱ xe̱zr la xu caꞌ. Su lau gunle na lu xe̱zre Jerusalén, xe̱le bénneache dxal-laꞌ xelexebíꞌi lazre̱ꞌ chee̱ gunite lau Dios dul-la zaj nabaga benneꞌ caꞌ.
\v 48 Leꞌe nácale benneꞌ xelexeche̱be̱ꞌ da caní.
\v 49 ¡Le nnaꞌxque! Nedaꞌ sel-laꞌ chee̱le ca da guche̱be lazreꞌ Xraꞌ. Le xegáꞌana nigá lu xe̱zre Jerusalén, cadxa siꞌle xel-la waca da za xabáa.
\s Jesús dxexegüéne̱ꞌ xabáa
\r (Mr. 16.19-20)
\p
\v 50 Nadxa Jesús beche̱ꞌe̱ benneꞌ caꞌ, belexedxúaje̱ꞌ Jerusalén, xeajxaque̱ꞌ xe̱zre Betania, naꞌ guchisa naꞌ Jesús, ne gunabe̱ꞌ gaca chaweꞌ chee̱ benneꞌ caꞌ.
\v 51 Ne dxúntee̱ꞌ caꞌ, naꞌ bezé̱ꞌe̱ naga zaj zraꞌ benneꞌ caꞌ, begüéne̱ꞌ zexíaje̱ꞌ xabáa.
\v 52 Ca bexuzre belúe láꞌane̱ꞌ Le̱ꞌ, besiáꞌque̱ꞌ zeajxaque̱ꞌ Jerusalén lu dute̱ xel-la dxelebé,
\v 53 naꞌ gulezráqueze̱ꞌ chaleꞌaj xudauꞌ dxelúe láꞌane̱ꞌ Dios. Caꞌ naca na.