\id 1CO
\h 1 CORINTIOS
\mt DIZRAꞌ NEDXU DA BZUAJ SAN PABLO CHEE̱ BI CHEE̱ CRISTO ZAJ ZRE̱ꞌE̱ XE̱ZRE CORINTO
\c 1
\s Pablo dxuzúaje̱ꞌ chee̱ bíchedxu zaj zre̱ꞌe̱ xe̱zre Corinto
\p
\v 1 Nedaꞌ, Pablo, nacaꞌ benneꞌ bláwizra Dios chee̱ gacaꞌ gubáz chee̱ Jesucristo. Naca na da guca lazreꞌ Dios gacaꞌ. Tu zren nen bíchedxu Sóstenes
\v 2 dxuzúajaꞌ da nigá chee̱le leꞌe, bi bichaꞌ, zrágale chee̱ Dios lu xe̱zre Corinto. Nácale bi chee̱ Dios laweꞌ da nácale tuze nen Jesucristo. Dios ba bláwizre̱ꞌ leꞌe chee̱ gácale bi chee̱queze̱ꞌ tu zren nen xúgute̱ benneꞌ caꞌ zaj zre̱ꞌe̱ du ca naca xe̱zr la xu, ne dxululáwizre̱ꞌ La Xránadxu Jesucristo, Bénneaꞌ naque̱ꞌ Xrane benneꞌ caꞌ, ne Xránadxu dxiꞌu.
\v 3 Dxenabaꞌ Xradxu Dios, ne Xránadxu Jesucristo gunne̱ꞌ leꞌe xel-la dxebeza zri lazreꞌ, ne gun chawe̱ꞌe̱ leꞌe.
\s Da chaweꞌ da nápadxu ne̱ chee̱ Cristo
\p
\v 4 Dxápequezaꞌ Dios: Xcalenuꞌ, ca naca chee̱le ne̱ chee̱ da chaweꞌ da be̱nna Dios leꞌe ne̱ chee̱ Jesucristo.
\v 5 Laweꞌ da nácale tuze nen Cristo, Dios ba be̱nne̱ꞌ leꞌe xel-la gunníꞌa zante̱ da naca chee̱ Beꞌ Láꞌazxa chee̱ꞌ, lu da dxuchálajle, ne lu da nézele.
\v 6 Caꞌ naca na, da dxuchálajdxu ca naca chee̱ Cristo ba guca na li chee̱le leꞌe.
\v 7 Caꞌ naca na, quebe bi dxexázrjele ca da dxunna Dios dxiꞌu dxácate̱ dxebézadxu zra xeláꞌ Xránadxu Jesucristo.
\v 8 Le̱ꞌ guxru chache̱ꞌ leꞌe ca zrin zra bze̱be, chee̱ quebe nu benneꞌ gaca gusebágue̱ꞌ leꞌe zría gate xeláꞌ Xránadxu Jesucristo.
\v 9 Dios tu dxúnzqueze̱ꞌ ca da nache̱be lazre̱ꞌ, naque̱ꞌ Bénneaꞌ bláwizre̱ꞌ leꞌe chee̱ gácale tuze nen Zríꞌine̱ꞌ, Xránadxu Jesucristo.
\s Dxaca chupa laꞌa bi chee̱ Cristo
\p
\v 10 Bi bichaꞌ, dxataꞌ xúedaꞌ leꞌe lu La Xránadxu Jesucristo, chee̱ gácale tuze, ne quebe gácale chupa laꞌa. Le gaca xanneꞌ tuze, ne tuze da cuꞌu xichaj lázrdaule, ne da gunle.
\v 11 Da nigá dxapaꞌ leꞌe, bi bichaꞌ, laweꞌ da buluzén benneꞌ xrtia Cloé nedaꞌ dxutíl-lale dizraꞌ.
\v 12 Da nigá zéaje̱ na nácale chupa laꞌa, naꞌ bál-lale dxennale: Netuꞌ daꞌntuꞌ Pablo. Xezícaleꞌ dxennale: Netuꞌ daꞌntuꞌ Apolos. Xezícale dxennale: Netuꞌ daꞌntuꞌ Pedro. Xezícale dxennale: Netuꞌ daꞌntuꞌ Cristo.
\v 13 ¿Dxéquele naca Cristo chupa laꞌa? ¿Dxéquele gudáꞌa nedaꞌ, Pablo, le̱ꞌe̱ xaga béguaj waláz chee̱le? ¿Bedxúale leꞌe nisa lu la Pablo?
\v 14 Xcalén Dios quebe núlale leꞌe bchuaꞌ nisa san tuze Crispo, ne Gayo
\v 15 laweꞌ da quebe nu gaca nna: Lu la Pablo gudxúaꞌ nisa.
\v 16 Cáꞌanqueze bchuaꞌ nisa benneꞌ xrtia Estéfanas, san quebe dxeajsá lazraꞌ che nu xetú bchuaꞌ nisa.
\v 17 Cristo quebe gusel-le̱ꞌ nedaꞌ nu guchúaꞌ nisa, san chee̱ guzendaꞌ bénneache dizraꞌ chaweꞌ chee̱ꞌ, quegá nen dizraꞌ sina, chee̱ quebe gaca dácheze da be̱n Cristo gate gutie̱ꞌ le̱ꞌe̱ xaga béguaj.
\s Cristo naque̱ꞌ xel-la waca, ne xel-la sina chee̱ Dios
\p
\v 18 Dizraꞌ ca gute Cristo le̱ꞌe̱ xaga béguaj naca na ca tu da xálaze lau benneꞌ xelebía xiꞌe̱, san chee̱dxu dxiꞌu, nápadxu xel-la weselá, dizraꞌ nigá napa na xel-la waca chee̱ Dios.
\v 19 Naca na ca naxúaj na lu dizraꞌ láꞌazxa. Dxenná Dios:
\q Guzría xiꞌa xel-la sina chee̱ benneꞌ sina caꞌ,
\q ne guzúaꞌ chaláꞌala xel-la naxéajniꞌi chee̱ benneꞌ dxeléajniꞌine̱ꞌ.
\p
\v 20 ¿Gazra nagáꞌana benneꞌ sina naꞌa? ¿Waca guselá cuine̱ꞌ? ¿Gazra nagáꞌana benneꞌ dxusé̱dene̱ꞌ bénneache? ¿Gazra nagáꞌana benneꞌ dxuchálaje̱ꞌ ca naca da dxaca lu xe̱zr la xu nigá? Ca naca xel-la sina chee̱ xe̱zr la xu nigá, Dios ba nune̱ꞌ na tu da xálaze laweꞌ da tuze Le̱ꞌ gaca guselé̱ꞌ bénneache.
\v 21 Dios nézene̱ꞌ xúgute̱. Quebe be̱ꞌe̱ lataj bénneache xelúnbeꞌe̱ Le̱ꞌ ne̱ chee̱ xel-la sina chee̱ bénneache. Bezaca ba lazre̱ꞌ Dios ne̱ chee̱ dizraꞌ nigá bselé̱ꞌ benneꞌ caꞌ dxuluxrén lazre̱ꞌ Le̱ꞌ, lácala zaj zraꞌ benneꞌ dxeléquene̱ꞌ naca dizraꞌ nigá tu da xálaze.
\p
\v 22 Benneꞌ judío caꞌ dxelaca lazre̱ꞌ xeleléꞌene̱ꞌ xel-la waca da za xabáa, naꞌ benneꞌ griego caꞌ dxelexílaje̱ꞌ xel-la sina,
\v 23 san dxiꞌu dxuzendxu bénneache ca naca chee̱ Cristo, ca gutie̱ꞌ le̱ꞌe̱ xaga béguaj. Benneꞌ judío dxelexeduéꞌene̱ꞌ chee̱ dizraꞌ nigá, naꞌ benneꞌ quebe zaj naque̱ꞌ judío dxeléquene̱ꞌ naca na tu da ca zeaje na.
\v 24 Naꞌa, benneꞌ caꞌ ba bláwizra Dios, benneꞌ judío caꞌ, ne benneꞌ quebe zaj naque̱ꞌ judío, Cristo nácaqueze̱ꞌ xel-la waca, ne xel-la sina chee̱ Dios.
\v 25 Da dxeleque bénneache naca tu da xálaze chee̱ Dios nácadxa na sina ca xel-la sina chee̱ bénneache, naꞌ da dxeleque bénneache naca na tu da naca bea nate niꞌa naꞌ Dios nápadxa na xel-la waca ca xel-la waca chee̱ bénneache.
\v 26 Leꞌe, bi bichaꞌ, dxal-laꞌ gueque beꞌele ba bláwizra Dios leꞌe lácala bábaze leꞌe nácale sina lau bénneache chee̱ xe̱zr la xu nigá, ne bábaze leꞌe nápale xel-la dxenná bea, u nácale xrtia benneꞌ zaj naque̱ꞌ blau.
\v 27 Dios ba guqué̱ꞌe̱ benneꞌ caꞌ dxeleque bénneache zaj naque̱ꞌ benneꞌ xálaze, chee̱ xelexeduéꞌe benneꞌ sina caꞌ, ne ba guqué̱ꞌe̱ benneꞌ caꞌ dxeleque bénneache zaj nate niꞌa ne̱ꞌe̱, chee̱ xelexeduéꞌe benneꞌ wal-la caꞌ.
\v 28 Dios ba guqué̱ꞌe̱ benneꞌ caꞌ quebe zaj naque̱ꞌ blau, ne benneꞌ caꞌ zaj nuzúa bénneache chaláꞌala, benneꞌ caꞌ quebe nu zaj naque̱ꞌ, chee̱ guzague̱ꞌ naze benneꞌ zaj naque̱ꞌ blau,
\v 29 chee̱ quebe nu sequeꞌ gucáꞌana szren cuina lau Dios.
\v 30 Diósqueze ba nune̱ꞌ leꞌe tuze nen Jesucristo, ne nune̱ꞌ naca Cristo Benneꞌ dxunna dxiꞌu xel-la sina, ne Benneꞌ gucáꞌana dxiꞌu xrlátaje, ne Benneꞌ dxuzúe̱ꞌ dxiꞌu lu naꞌ Dios, ne benneꞌ dxexáꞌawe̱ꞌ dxiꞌu.
\v 31 Caꞌ naca na ca da naxúaj na lu dizraꞌ láꞌazxa, da dxenná na: Che nu benneꞌ dxaca lazre̱ꞌ nu gucáꞌana szrene̱ꞌ, dxal-laꞌ gucáꞌana szrene̱ꞌ Xránadxu.
\c 2
\s Dizraꞌ ca naca chee̱ Cristo, gudé̱ꞌe̱ xaga béguaj
\p
\v 1 Naꞌa, bi bíchaꞌdauꞌ, gate bedajchálajle̱naꞌ leꞌe da li chee̱ Dios, quebe bchínedaꞌ dizraꞌ sina, ne dizraꞌ zaca.
\v 2 Gate ne zúale̱naꞌ leꞌe quebe guca lazraꞌ guchálajaꞌ chee̱ bila da xetú san tuze chee̱ Jesucristo, Bénneaꞌ gudé̱ꞌe̱ xaga béguaj.
\v 3 Gate guzúale̱naꞌ leꞌe ne nátete̱ niꞌa naꞌa, ne guzrízeteaꞌ laweꞌ da bzrebaꞌ quebe guca gunaꞌ da nusebagaꞌ Cristo nedaꞌ.
\v 4 Gate bchálajle̱naꞌ leꞌe, ne bzendaꞌ leꞌe dizraꞌ chaweꞌ, quebe guca lazraꞌ gunaꞌ chéajle̱le chee̱ꞌ nen dizraꞌ sina chee̱ bénneache da guchálajaꞌ, san be̱naꞌ guxéajle̱le chee̱ꞌ ne̱ chee̱ Beꞌ Láꞌazxa, ne ne̱ chee̱ xel-la waca chee̱ Dios
\v 5 chee̱ gápale xel-la dxeajlí lazreꞌ da naca na ne̱ chee̱ xel-la waca chee̱ Dios, ne quegá ne̱ chee̱ xel-la sina chee̱ bénneache.
\s Dios dxuléꞌe cuine̱ꞌ ne̱ chee̱ Beꞌ Láꞌazxa
\p
\v 6 Dxuchálajntuꞌ dizraꞌ sina lau benneꞌ caꞌ ba zaj ze̱ chache̱ꞌ lu xel-la dxeleajlí lazreꞌ chee̱ꞌ. Xel-la sina nigá quebe naca na xel-la sina chee̱ xe̱zr la xu nigá, ne chee̱ benneꞌ dxelenná beꞌe̱ lu xe̱zr la xu nigá, benneꞌ caꞌ xeledé chie̱ꞌ.
\v 7 Dxuchálajntuꞌ xel-la sina nagache chee̱ Dios, da naꞌ bzua Dios nédxudaute̱ ca be̱ne̱ꞌ xe̱zr la xu nigá, chee̱ ladxu chadía chacanna.
\v 8 Netú benneꞌ caꞌ, benneꞌ dxelenná beꞌe̱ lu xe̱zr la xu nigá, quebe guléajniꞌine̱ꞌ da nigá, laweꞌ da la guléajniꞌine̱ꞌ na quebe buludé̱ꞌe̱ Xránadxu, Benneꞌ xabáa, le̱ꞌe xaga béguaj.
\v 9 Naca na ca da naxúaj na lu dizraꞌ láꞌazxa, dxenná na:
\q Dios ba nucueze̱ꞌ chee̱ benneꞌ caꞌ zaj nazríꞌine̱ꞌ Le̱ꞌ
\q da caꞌ quebe nu ne leꞌe, ne quebe nu ne xen,
\q ne da quebe nu ne cuꞌu lazreꞌ.
\m
\v 10 Da caní zaj naca na da bleꞌe Dios dxiꞌu ne̱ chee̱ Beꞌ Láꞌazxa nasel-la Le̱ꞌ, laweꞌ da dxeléꞌe Beꞌ Láꞌazxa xúgute̱ da de̱, ne dute̱ da xuꞌu na lu xichaj lázrdau Diósqueze.
\p
\v 11 Ládujla bénneache, ¿nu sequeꞌ neze da xuꞌu lu xichaj lázrdau xetú benneꞌ, san tuze beꞌ da nacaque̱ze̱ꞌ? Cáꞌanqueze, tuze Beꞌ Láꞌazxa chee̱ Dios nézene̱ꞌ da xuꞌu lu xichaj lázrdau Dios.
\v 12 Beꞌ Láꞌazxa da xúꞌudxu quebe naca na chee̱ xe̱zr la xu nigá. Nazidxu Beꞌ Láꞌazxa da dxunna Dios dxiꞌu chee̱ chéajniꞌidxu da caꞌ ba nunna Dios dxiꞌu.
\v 13 Dxuchálajntuꞌ ca naca da caní nen dizraꞌ da bse̱de Beꞌ Láꞌazxa chee̱ Dios netuꞌ, ne quegá nen dizraꞌ da bsé̱dentuꞌ lu xel-la sina chee̱ntuꞌ. Caꞌ naca na, dxuzéajniꞌintuꞌ benneꞌ zaj naziꞌe̱ Beꞌ Láꞌazxa chee̱ Dios da nuse̱de Beꞌ Láꞌazxa nigá dxiꞌu.
\p
\v 14 Nu benneꞌ quebe naziꞌe̱ Beꞌ Láꞌazxa chee̱ Dios quebe dxezíꞌ lu ne̱ꞌe̱ da zaj naca na chee̱ Beꞌ Láꞌazxa chee̱ Dios, laweꞌ da dxéquene̱ꞌ zaj naca na tu da xálaze. Quebe dxezequeꞌ chéajniꞌine̱ꞌ na laweꞌ da zaj naca na da dxéajniꞌidxu tuze ne̱ chee̱ Beꞌ Láꞌazxa.
\v 15 Bénneaꞌ naziꞌe̱ Beꞌ Láꞌazxa chee̱ Dios dxezéquene̱ꞌ chéajniꞌine̱ꞌ xúgute̱ da dxuléꞌe Beꞌ Láꞌazxa le̱ꞌ. Benneꞌ quebe zúale̱ Beꞌ Láꞌazxa le̱ꞌ, quebe séquene̱ꞌ chéajniꞌine̱ꞌ da dxusé̱de Beꞌ Láꞌazxa dxiꞌu.
\v 16 Naxúaj lu dizraꞌ láꞌazxa da dxenná na: ¿Nuzra ba guxéajniꞌi da xuꞌu xichaj lázrdau Xránadxu? ¿Nuzra benneꞌ séquene̱ꞌ guzéajniꞌine̱ꞌ Dios? Dxiꞌu nazidxu ca da xuꞌu xichaj lázrdau Cristo.
\c 3
\s Benneꞌ dxelune̱ꞌ tu zren Dios lu zrin chee̱ꞌ
\p
\v 1 Naꞌa, leꞌe, bi bíchaꞌdauꞌ, quebe guca guchálajle̱naꞌ leꞌe ca dxuchálajle̱naꞌ benneꞌ caꞌ zúale̱ Beꞌ Láꞌazxa chee̱ Dios le̱ꞌ, san bchálajle̱naꞌ leꞌe ca dxuchálajle̱naꞌ benneꞌ caꞌ quebe zúale̱ Beꞌ Láꞌazxa le̱ꞌ, laweꞌ da ne nácale ca bidu caꞌ lu da naca chee̱ Cristo.
\v 2 Bsé̱dedaꞌ leꞌe da quebe zaj naca na ste̱be da naca na ca da dxugágudxu bidu dxeꞌene, bidu ne dxázrebeꞌ, ne quebe gaca gágubeꞌ xel-la wagu da naca na zibaj, laweꞌ da quebe ne séquele chéajniꞌile da zaj naca na ste̱be. Cáꞌanqueze naꞌa quebe ne séquele chéajniꞌile na
\v 3 laweꞌ da ne nácale ca zaj naca benneꞌ cun ca nalaje̱ꞌ. Dxácate̱ ne xuꞌule xel-la zre lazreꞌ, ne dxutil-la ljwézrele dizraꞌ ne nácale chupa laꞌa, ne nácale ca zaj naca benneꞌ cun ca nálaje̱ꞌ, ne dxunle cáte̱ze dxelún xúgute̱ bénneache.
\v 4 Dxácate̱ ne dxennale: Netuꞌ daꞌntuꞌ Pablo, naꞌ xezícale dxennale: Netuꞌ daꞌntuꞌ Apolos, ne dxunle ca dxelún benneꞌ cun ca nálajze̱ꞌ.
\p
\v 5 Naꞌa, ¿nuzra naꞌ Pablo? ¿Nuzra naꞌ Apolos? Nácantuꞌ we̱n zrin chee̱ Dios, naꞌ ne̱ chee̱ netuꞌ guxéajle̱le chee̱ Xránadxu. Tu tuntuꞌ be̱ntuꞌ zrin chee̱ Xránadxu da bléꞌene̱ꞌ netuꞌ.
\v 6 Nedaꞌ guzaꞌ bínnedu caꞌ lu xichaj lázrdaule, bchálajle̱naꞌ leꞌe xrtizra Dios, naꞌ Apolos gudile̱ꞌ na, san Dios bsegule̱ꞌ na.
\v 7 Caꞌ naca na, ne benneꞌ dxaze̱ꞌ, ne benneꞌ dxile̱ꞌ na, quebe bi zaque̱ꞌ, san Dios naꞌ dxune̱ꞌ xúgute̱, laweꞌ da dxusegule̱ꞌ da du caꞌ.
\v 8 Benneꞌ dxelaze̱ꞌ, ne benneꞌ dxelile̱ꞌ zaj naque̱ꞌ lé̱bete̱, san Dios quízruje̱ꞌ tu tu benneꞌ caní ca naca zrin da belune̱ꞌ.
\v 9 Nácantuꞌ we̱n zrin tu zren nen Dios, naꞌ leꞌe nácale ca tu xe̱zr la xu naga dxun Dios zrin.
\p Cáꞌanqueze nácale ca tu xuꞌu da dxun Dios.
\v 10 Nedaꞌ nacaꞌ ca tu we̱n xuꞌu blau, naꞌ Dios be̱nne̱ꞌ nedaꞌ lataj gulechaꞌ lane na, naꞌ benneꞌ xula dxusegule̱ꞌ zeꞌe naꞌ. Tu tu benneꞌ dxal-laꞌ guxúe xánnie̱ꞌ ca dxusegule̱ꞌ na.
\v 11 Québedxa nu sequeꞌ cueche̱ꞌ xetú lane ca da ba dxeꞌ, da naꞌ naca na Jesucrístoqueze,
\v 12 san waca nu benneꞌ gusegule̱ꞌ laweꞌ na da zaca na ca oro, ne plata, ne xiaj da zaj zaca, u waca gusegule̱ꞌ laweꞌ na da quebe zaca na ca blagaꞌ, ne xizre, ne luaj lagaꞌ.
\v 13 Zrin da nun tu tu benneꞌ guléꞌequeze lawe na lu zra guchiꞌa Dios, laweꞌ da lu zra naꞌ laꞌ tu xiꞌ, naꞌ lu xiꞌ naꞌ guléꞌe lawe na ca naca zrin nun tu tudxu.
\v 14 Che nu benneꞌ nune̱ꞌ tu zrin da quebe chezxe na lu xiꞌ, naꞌ waziꞌe̱ lazruj chee̱ꞌ.
\v 15 Che chezxe zrin naꞌ, ca naca na nite na, san lé̱queze̱ꞌ walé̱ꞌ, ca tu benneꞌ dxexedxúaje̱ꞌ lu xiꞌ.
\p
\v 16 ¿Quebe nézele leꞌe nácale xudauꞌ chee̱ Dios, naꞌ Beꞌ Láꞌazxa chee̱ Dios zue̱ꞌ lu xichaj lázrdaule?
\v 17 Che nu benneꞌ gucáꞌana dítaje̱ꞌ xudauꞌ nigá chee̱ Dios, Dios guzría xiꞌe̱ bénneaꞌ laweꞌ da naca láꞌazxa xudauꞌ chee̱ Dios, naꞌ léꞌequezle nácale xudauꞌ naꞌ.
\p
\v 18 Quebe si xe̱ cuínale. Che núlale dxéquele nácale benneꞌ sina lu da naca chee̱ xe̱zr la xu nigá, dxal-laꞌ xun cuínale ca tu benneꞌ quebe bi dxaque̱ꞌ, chee̱ gunna Dios leꞌe xel-la sina li.
\v 19 Xel-la sina chee̱ xe̱zr la xu nigá naca na tu da xálaze lau Dios. Naxúaj lu dizraꞌ láꞌazxa da dxenná na: Dios dxun zréajane̱ꞌ benneꞌ sina caꞌ lu xel-la sina da zaj nápaqueze̱ꞌ.
\v 20 Cáꞌanqueze dxenná na: Xránadxu nézene̱ꞌ quebe bi zaca da dxululaba lazreꞌ benneꞌ sina caꞌ.
\v 21 Chee̱ le̱ naꞌ quebe nu benneꞌ dxal-laꞌ gun szren cuine̱ꞌ laweꞌ da de̱ꞌe̱ tu benneꞌ, laweꞌ da Dios dxunne̱ꞌ leꞌe xúgute̱ da caꞌ dxechínnele.
\v 22 Pablo, ne Apolos, ne Pedro, ne xe̱zr la xu nigá, ne xel-la nabán, ne xel-la gute, ne naꞌa zra, ne da za zaꞌ, ne xúgute̱ da caꞌ zaj naca na chee̱ gaca da chaweꞌ chee̱le,
\v 23 naꞌ léꞌequezle xuꞌule lu naꞌ Cristo, naꞌ Cristo xuꞌe̱ lu naꞌ Xradxu Dios.
\c 4
\s Zrin dxelún benneꞌ gubáz chee̱ Cristo
\p
\v 1 Caꞌ naca na, dxal-laꞌ guéquele nácazentuꞌ we̱n zrin chee̱ Cristo, ne nabágantuꞌ gusé̱dentuꞌ bénneache da zaj nagache chee̱ Dios.
\v 2 Naꞌa, benneꞌ nabague̱ꞌ tu zrin, dxun na ba xen gaque̱ꞌ li lazreꞌ.
\v 3 Nedaꞌ quebe dxeꞌa gunne xue bi dxéquele nacaꞌ nedaꞌ, u bi dxeleque bénneache nacaꞌ. Quebe gaca nniaꞌ xrlátaje u quegá chee̱ da nunaꞌ
\v 4 laweꞌ da lácala quebe dxagu na zria nedaꞌ lázrdawaꞌ, da nigá quebe dxuléꞌe na quebe nabagaꞌ zria. Xránadxu naque̱ꞌ Benneꞌ dxuchiꞌe̱ ca da dxunaꞌ.
\v 5 Caꞌ naca na, quebe guchíꞌale chee̱ da caꞌ che quebe ne zrin zra. Le cueza zra xeláꞌ Xránadxu, naꞌ xebéaje̱ꞌ lu xel-la naxaníꞌ ca naca da nagache lu da chul-la. Xránadxu guléꞌene̱ꞌ ca naca da dxulaba lázredxu, naꞌ Dios guléꞌene̱ꞌ chaweꞌ tu tudxu ca da dxal-laꞌ sidxu.
\p
\v 6 Leꞌe, bi bichaꞌ, dxuchálajle̱naꞌ leꞌe da caní chee̱ gaca chaweꞌ chee̱le, dxuzúaꞌ ca tu da guléꞌe na leꞌe Apolos, ne nédaꞌquezaꞌ. Dxenníaꞌ da nigá chee̱ gusé̱dele ne̱ chee̱ netuꞌ chee̱ quebe gundxale ca da dxue lataj dizraꞌ láꞌazxa leꞌe, ne chee̱ quebe gucáꞌana szren cuínale, ne chee̱ quebe guzúale chaláꞌala le saꞌ ljwézrele.
\v 7 ¿Nuzra nun lueꞌ blaudxa ca xezícadxa benneꞌ? ¿Bizra napuꞌ da quebe nunna Dios lueꞌ? Che Le̱ꞌ be̱nne̱ꞌ chiuꞌ da naꞌ, ¿bizr chee̱ naꞌ dxucáꞌana szren cuinuꞌ, dxéquenuꞌ luéꞌqueze gudiljuꞌ da naꞌ?
\p
\v 8 ¿Nácale leꞌe benneꞌ gunníꞌa? ¿Nápale xúgute̱ da dxechínele? ¿Dxequele nácale wenná bea lácala quebe nácantuꞌ netuꞌ wenná bea? Xrlátaje dxgua la nácaquezle wenná bea chee̱ guntuꞌ netuꞌ leꞌe tu zren lu xel-la dxenná bea chee̱le.
\v 9 Dxéquedaꞌ Dios nuzúe̱ꞌ netuꞌ, benneꞌ gubáz chee̱ꞌ, lu lataj bze̱be. Nácantuꞌ ca benneꞌ ba zaj nabía xiꞌ chee̱ gátentuꞌ. Nácantuꞌ ca tu da dxuzé̱ na lau bénneache, naꞌ dxelennáꞌ gubáz chee̱ xabáa caꞌ, ne bénneache netuꞌ.
\v 10 Dxeleque bénneache nácantuꞌ netuꞌ tu da xálaze laweꞌ da dxuntuꞌ zrin chee̱ Cristo, san leꞌe dxéquele dxéajniꞌi xánnele da zaj naca chee̱ Cristo. Dxeleque bénneache nate niꞌa naꞌntuꞌ netuꞌ san leꞌe dxéquele nácale leꞌe benneꞌ wal-la. Dxuluzúa bénneache netuꞌ chaláꞌala, san dxelape̱ꞌ leꞌe ba láꞌana.
\v 11 Ga bzrinte̱ lu zra naꞌa zra dxeduntuꞌ, ne dxebílentuꞌ, ne nácantuꞌ gala xídeze, naꞌ bénneache dxulucháchale̱ne̱ꞌ netuꞌ, ne quebe zua lízrentuꞌ.
\v 12 Dxexedú lázrentuꞌ dxuntuꞌ zrin. Dxelenné̱ bénneache schanniꞌ chee̱ntuꞌ, san netuꞌ dxexeché̱bentuꞌ dizraꞌ chaweꞌ. Zaj nau ziꞌ xuzre̱ꞌ netuꞌ san dxuchaga launtuꞌ na.
\v 13 Dxelenné̱ꞌ schanniꞌ chee̱ntuꞌ, san netuꞌ dxuchálajle̱ntuꞌ le̱ꞌ da li dute̱ xel-la zren lazreꞌ chee̱ntuꞌ. Dxelune̱ꞌ netuꞌ ca tu xizre be̱be, ne ca tu da ba guca ditaj chee̱ bénneache ca lu zra naꞌa zra.
\p
\v 14 Quegá dxuzúajaꞌ chee̱le da nigá chee̱ xeduéꞌele, san chee̱ guzéajniꞌidaꞌ leꞌe, nácale ca bi chiaꞌ nazriꞌite̱ lazraꞌ.
\v 15 Lácala zaj zúale̱ leꞌe gaxúa gaxúane benneꞌ dxulusé̱dene̱ꞌ leꞌe ca naca chee̱ Cristo, quebe nu zua xetú xrale. Nédaꞌquezaꞌ nacaꞌ xrale lu xel-la dxeajlí lazreꞌ chee̱le Cristo laweꞌ da bzendaꞌ leꞌe dizraꞌ chaweꞌ chee̱ Jesucristo.
\v 16 Caꞌ naca na, dxataꞌ xúedaꞌ leꞌe gunle ca dxunaꞌ nedaꞌ.
\p
\v 17 Chee̱ le̱ naꞌ dxusel-laꞌ Timoteo xedajnáꞌabeꞌ leꞌe, nácabeꞌ ca bi li lazreꞌ chiaꞌ nazriꞌite̱ lazraꞌ, lu da naca chee̱ Xránadxu. Le̱beꞌ gusáꞌabeꞌ lázrele ca dxunaꞌ lu da naca chee̱ Cristo, ne ca naca da dxusé̱dedaꞌ bénneache gátete̱ze naꞌ, ne lau xúgute̱ cueꞌ bi chee̱ Cristo.
\v 18 Bál-lale leꞌe ba nucáꞌana szren cuínale laweꞌ da dxéquele quebe xidaꞌ xedajnnabaꞌ leꞌe,
\v 19 san dxebeza lazraꞌ xídazequezaꞌ xedajnnáꞌa leꞌe che gunna Xránadxu lataj. Nadxa leꞌedaꞌ da dxelezequeꞌ xelún benneꞌ caꞌ dxulucáꞌana szren cuine̱ꞌ, ne quegá tuze da dxelenné̱ꞌ.
\v 20 Che dxenná beꞌe Dios dxiꞌu quebe naca na chee̱ tu da dxuchálajzedxu. Lé̱caze̱ꞌ ba nunne̱ꞌ dxiꞌu xel-la waca chee̱ꞌ.
\v 21 ¿Bizra dxaca lázrele leꞌe? ¿Dxaca lázrele gun na ba xen gudéaꞌ leꞌe xel-la ziꞌ, u che xidaꞌ xedajnnáꞌa leꞌe lu xel-la zriꞌi lazreꞌ, ne xel-la dxexruj lazreꞌ?
\c 5
\s Pablo dxuchiꞌe̱ chee̱ tu da sban
\p
\v 1 Ba bendaꞌ zua tu benneꞌ ládujla leꞌe nune̱ꞌ ca zruꞌule̱ꞌ xrna zie̱ꞌ. Da nigá naca na tu da sbánle̱ꞌe̱ da quebe ne xelún benneꞌ quebe zaj núnbeꞌene̱ꞌ Dios.
\v 2 Ca naca da naꞌ leꞌe ne dxucáꞌana szren cuínale. Dxal-laꞌ cuezre xáchele. Bénneaꞌ nune̱ꞌ da nigá dxal-laꞌ xebéajle le̱ꞌ ládujla leꞌe.
\v 3 Quebe zuaꞌ nedaꞌ naga zúale lu be̱laꞌ dxen chiaꞌ, san naca cáte̱ze zúale̱naꞌ leꞌe lu beꞌ nácaquezaꞌ, naꞌ ba bchiꞌa chee̱ bénneaꞌ nune̱ꞌ dul-la nigá ca tu benneꞌ zúale̱tequeze leꞌe.
\v 4 Le zraga leꞌe lu La Xránadxu Jesucristo, naꞌ gaca na cáte̱ze nedaꞌ súale̱naꞌ leꞌe lu beꞌ nácaquezaꞌ, naꞌ xel-la waca chee̱ Xránadxu Jesús suale̱ na leꞌe.
\v 5 Nadxa dxal-laꞌ xudele bénneaꞌ lu naꞌ Satanás da xriwe̱ꞌ, naꞌ lácala cuía xiꞌ be̱laꞌ dxen chee̱ꞌ naꞌ beꞌ nácaqueze̱ꞌ la na lu zra xeláꞌ Xránadxu Jesús.
\p
\v 6 Quebe dxal-laꞌ gucáꞌana szren cuínale ca naca da dxunle. ¿Quebe núnbeale dizraꞌ naꞌ dxenná na: Láteze cua zichaj dxuchazra na ca naca cua naꞌ?
\v 7 Le xebéaj chaláꞌala cua zichaj gula naꞌ da dxuxrinnaj na leꞌe, chee̱ gácale ca tu xeta xtila da dxágudxu Laní Pascua, da dxundxu nen cua cube da quebe nachixre na cua zichaj, ca da li nácale leꞌe. Crístoqueze gutie̱ꞌ waláz chee̱dxu. Naque̱ꞌ chee̱dxu zrilaꞌ, be̱ dxelutie̱ꞌ laní pascua.
\v 8 Caꞌ naca na, dxal-laꞌ gupáꞌadxu Laní Pascua chee̱dxu lu da naca du lazreꞌ, ne lu da li, da caꞌ zaj naca na ca xeta xtila da quebe nachixre na cua zichaj. Quebe gupáꞌadxu na lu da cale̱la, ne lu da zrinnaj, da caꞌ zaj naca na ca cua zichaj gula naꞌ.
\p
\v 9 Lu da bzuajaꞌ chee̱le nédxudxa guchaꞌ leꞌe quebe guchixre chee̱le nen benneꞌ caꞌ dxelune̱ꞌ da sban.
\v 10 Quebe guchaꞌ leꞌe xecuásatequezele chee̱ benneꞌ zaj zre̱ꞌe̱ xe̱zr la xu nigá, benneꞌ dxelune̱ꞌ da sban, ne benneꞌ wecudeꞌ caꞌ, ne benneꞌ gubán caꞌ, ne benneꞌ dxelúe láꞌane̱ꞌ bedáuꞌ xiaj xaga caꞌ, laweꞌ da chee̱ quebe guchixre chee̱le nen benneꞌ caní, dxun na ba xen xedxúajle xe̱zr la xu nigá.
\v 11 Da guca lazraꞌ xapaꞌ leꞌe naca na chee̱ quebe guchixre chee̱le nen netú benneꞌ dxenné̱ꞌ naque̱ꞌ bíchedxu, san dxune̱ꞌ da sban, u naque̱ꞌ benneꞌ wecudeꞌ, u dxue láꞌane̱ꞌ bedáuꞌ xiaj xaga, u dxutupe̱ꞌ dizraꞌ bizruj, u dxíꞌaje̱ꞌ, u naque̱ꞌ gubán. Quebe dxal-laꞌ gágule̱le benneꞌ caní.
\v 12-13 Quegá naca chiaꞌ guchiꞌa chee̱ benneꞌ dxeledá cúzrela. Dios guchiꞌe̱ chee̱ benneꞌ caꞌ. Leꞌe dxal-laꞌ guchíꞌale chee̱ benneꞌ zaj naque̱ꞌ bi bíchedxu. Chee̱ le̱ naꞌ le xebéaj benneꞌ dul-la naꞌ ládujla leꞌe.
\c 6
\s Zria da dxelagu ljwezre bi caꞌ chee̱ Cristo
\p
\v 1 Gate tule leꞌe zua da dxaca chee̱le nen xetule leꞌe, ¿bizr chee̱ naꞌ dxeajle lau benneꞌ dxuchiꞌe̱ da dxaca, naꞌ quebe dxéajle̱ꞌe̱ chee̱ Cristo, ne quebe dxeajle lau bi bíchele?
\v 2 ¿Quebe nézele leꞌe, benneꞌ zaj naca bi chee̱ Dios xuluchíꞌe̱ ca da dxelún bénneache chee̱ xe̱zr la xu nigá? Che leꞌe guchíꞌale chee̱ bénneache lu xe̱zr la xu nigá, ¿quebe naca chee̱le guchíꞌale chee̱ tu da dauze?
\v 3 ¿Quebe nézele leꞌe guchíꞌadxu chee̱ gubáz chee̱ xabáa caꞌ? Cáꞌanqueze dxal-laꞌ guchíꞌadxu da naca chee̱ xe̱zr la xu nigá.
\v 4 Che leꞌe zua da dxaca chee̱le lu xe̱zr la xu nigá, ¿bizr chee̱ naꞌ dxeajle lau benneꞌ caꞌ quebe nu zaj naque̱ꞌ ládujla bi bíchedxu caꞌ chee̱ xuluchíꞌe̱ chee̱ da naꞌ?
\v 5 Da nigá dxapaꞌ leꞌe chee̱ gapa stuꞌle. ¿Quebe nu chiláꞌ ládujla leꞌe nu bíchedxu, benneꞌ naxéajniꞌine̱ꞌ chee̱ guchiꞌe̱ tu da dxaca chee̱ bi bíchedxu caꞌ?
\v 6 ¿Dxun na ba xen tu bi bíchedxu cheajtágubeꞌ zria da dxaca chee̱beꞌ nen benneꞌ ljwézrebeꞌ lau tu benneꞌ dxuchiꞌe̱ da dxaca, naꞌ quebe naque̱ꞌ bi chee̱ Dios?
\p
\v 7 Che zua da dxedíl-lale̱le biche ljwézrele, naca na tu zria da ba nabágale. ¿Bizr chee̱ naꞌ quebe dxucáꞌanale na cáꞌaze? ¿Bizr chee̱ naꞌ quebe dxuele lataj nu benneꞌ cuane̱ꞌ chee̱le?
\v 8 Leꞌe dxunle da quebe naca na xrlátaje, ne dxebanle, naꞌ dxunle caní chee̱ bi bíchele.
\p
\v 9-10 ¿Quebe nézele leꞌe, quebe xelexúꞌu benneꞌ we̱n da cale̱la naga dxenná bea Dios? Quebe güele lataj nu si xe̱ leꞌe. Quebe xelexúꞌu naga dxenná bea Dios benneꞌ caꞌ dxelune̱ꞌ da sban, ne benneꞌ caꞌ dxelúe láꞌane̱ꞌ bedáuꞌ xiaj xaga, ne benneꞌ caꞌ dxelezúale̱ne̱ꞌ zruꞌula benneꞌ xula, ne benneꞌ caꞌ dxeledále̱ne̱ꞌ ljwezre biue̱ꞌ, ne benneꞌ gubán caꞌ, ne benneꞌ wecudeꞌ caꞌ, ne benneꞌ caꞌ dxeléꞌaje̱ꞌ, ne benneꞌ caꞌ dxulutupe̱ꞌ dizraꞌ bizruj, ne benneꞌ caꞌ dxulucache lane̱ꞌ.
\v 11 Caní gúcale bál-lale leꞌe, san naꞌa bache bexádxele lu xichaj lázrdaule, ne nuzúa cuínale lu naꞌ Dios, naꞌ nazíꞌ lu ne̱ꞌe̱ leꞌe lu La Xránadxu Jesús ne̱ chee̱ Beꞌ Láꞌazxa chee̱ Dios chee̱dxu.
\s Naca láꞌazxa be̱laꞌ dxen chee̱dxu
\p
\v 12 Da li naca da dxelenné̱ꞌ: Nápadxu lataj gundxu da dxaca lazreꞌ tu tudxu. Quegá xúgute̱ na naca na da ba neza. Aweꞌ, napa tu benneꞌ lataj gune̱ꞌ da dxaca lazre̱ꞌ, san quebe dxal-laꞌ guꞌe̱ lataj bi da nna beꞌe na le̱ꞌ.
\v 13 Naca da li da dxelenné̱ꞌ: Xela wagu naca na chee̱ le̱ꞌe̱dxu, naꞌ le̱ꞌe̱dxu naca na chee̱ xel-la wagu, san Dios gusexuzre̱ꞌ dxúpate̱ na. Quebe naca be̱laꞌ dxen chee̱dxu chee̱ gun na da sban. Be̱laꞌ dxen chee̱dxu naca na da gunézrujdxu chee̱ Xránadxu, naꞌ Xránadxu naque̱ꞌ Bénneaꞌ guchínene̱ꞌ be̱laꞌ dxen chee̱dxu lu da xrlátaje.
\v 14 Ca be̱n Dios bsebane̱ꞌ Xránadxu ládujla benneꞌ gate caꞌ, cáꞌanqueze gusebane̱ꞌ dxiꞌu nen xel-la waca chee̱ꞌ.
\p
\v 15 ¿Quebe nézele leꞌe be̱laꞌ dxen chee̱le naca na chee̱ Cristo? ¿Wacáꞌa tu da naca na be̱laꞌ dxen chee̱ Cristo, ne guchagaꞌ na nen be̱laꞌ dxen chee̱ tu nuꞌula we̱n da sban? ¡Cabataꞌ!
\v 16 ¿Quebe nézele leꞌe gate tu benneꞌ biu dxuchague̱ꞌ tu nuꞌula we̱n da sban dxúpate̱ꞌ zaj naque̱ꞌ ca tuze be̱laꞌ dxen? Naxúaj lu dizraꞌ láꞌazxa da dxenná na: Dxúpate̱ꞌ xelexaque̱ꞌ tuze be̱laꞌ dxen.
\v 17 Gate tu benneꞌ dxuchague̱ꞌ Xránadxu, dxelexaque̱ꞌ tuze beꞌ.
\p
\v 18 Le guzrunnaj chee̱ da sban. Zaj nita dul-la xula da dxun benneꞌ da quebe dxulucáꞌana ditaj na be̱laꞌ dxen chee̱ꞌ, san benneꞌ dxuchague̱ꞌ nuꞌula quebe naca zruꞌule̱ꞌ dxune̱ꞌ dul-la lu be̱laꞌ dxen chee̱queze̱ꞌ.
\v 19 ¿Quebe nézele leꞌe naca be̱laꞌ dxen chee̱le xudauꞌ chee̱ Beꞌ Láꞌazxa, Bénneaꞌ nunna Dios leꞌe, naꞌ Beꞌ Láꞌazxa zue̱ꞌ xichaj lázrdaule? Quebe nácale xrana be̱laꞌ dxen chee̱le,
\v 20 laweꞌ da guzíꞌ Dios le̱ na nen tu lazruj zrente̱. Chee̱ le̱ naꞌ, dxal-laꞌ gápale ba láꞌana Dios nen be̱laꞌ dxen chee̱le, ne nen beꞌ nácaquezle, laweꞌ da dxúpate̱ naꞌ zaj naca na chee̱ Dios.
\c 7
\s Ca naca chee̱ xel-la dxuchaga naꞌ
\p
\v 1 Naꞌa xeche̱baꞌ ca zaj naca da bché̱bele nedaꞌ. Da li naca xrlátaje quebe guchaga naꞌ tu benneꞌ.
\v 2 Laweꞌ da dxácale̱ꞌe̱ da sban naga zúale, tu tu benneꞌ biu dxal-laꞌ súale̱ne̱ꞌ nuꞌula chee̱queze̱ꞌ, naꞌ tu tu nuꞌula dxal-laꞌ súale̱ne̱ꞌ benneꞌ biu chee̱queze̱ꞌ.
\v 3 Benneꞌ biu dxal-laꞌ gune̱ꞌ nen zruꞌule̱ꞌ da nabague̱ꞌ chee̱ zruꞌule̱ꞌ, naꞌ cáꞌanqueze nuꞌula dxal-laꞌ gune̱ꞌ nen benneꞌ biu chee̱ꞌ da nabague̱ꞌ chee̱ benneꞌ chee̱ꞌ.
\v 4 Nuꞌula naꞌ quebe naque̱ꞌ xrana be̱laꞌ dxen chee̱ꞌ, san naca na chee̱ benneꞌ biu chee̱ꞌ. Cáꞌanqueze benneꞌ biu quebe naque̱ꞌ xrana be̱laꞌ dxen chee̱ꞌ, san naca na chee̱ zruꞌule̱ꞌ.
\v 5 Quebe dxal-laꞌ xeledábaga ljwezre̱ꞌ, san tuze gate xelezúe̱ꞌ xel-la wezría tu chíꞌidauze chee̱ xuluzúa cuine̱ꞌ lau Dios chee̱ xuluchálajle̱ne̱ꞌ Le̱ꞌ. Te naꞌ dxal-laꞌ xuluchaga ljwezre̱ꞌ chee̱ quebe sequeꞌ Satanás nna beꞌe na le̱ꞌ che quebe xelezéquene̱ꞌ xelenná beꞌe cuine̱ꞌ.
\p
\v 6 Da nigá dxapaꞌ leꞌe naca na tu da dxue leꞌe lataj. Quebe naca na tu da nadxixruj bea na.
\v 7 Nedaꞌ dxezá lazraꞌ súale xúgute̱le ca zuaꞌ nedaꞌ, san Dios ba nunne̱ꞌ tu tudxu da gaca gundxu. Tu da nunne̱ꞌ tudxu, naꞌ da xula xetudxu.
\p
\v 8 Dxapaꞌ benneꞌ weguꞌ, ne nuꞌula we̱ze̱be, naca xrlátaje xelexegáꞌane̱ꞌ cáꞌaze ca zuaꞌ nedaꞌ.
\v 9 Che quebe xelezéquene̱ꞌ xelenná beꞌe cuine̱ꞌ, waca xuluchaga ne̱ꞌe̱, laweꞌ da nácadxa xrlátaje xuluchaga ne̱ꞌe̱ quézcala xeledée̱ꞌ ba xaꞌ lu be̱laꞌ dxen chee̱ꞌ.
\p
\v 10 Benneꞌ zaj nuchaga ne̱ꞌe̱ dxapaꞌ nuꞌula quebe gusane̱ꞌ benneꞌ biu chee̱ꞌ. Quebe naca chee̱zaꞌ da nadxixruj bea nigá, san naca na da dxun Xránadxu.
\v 11 Che nu nuꞌula gusane̱ꞌ benneꞌ biu chee̱ꞌ, dxal-laꞌ xegáꞌane̱ꞌ cáꞌaze, u xexaque̱ꞌ tuze nen benneꞌ biu chee̱ꞌ naꞌ. Cáꞌanqueze benneꞌ biu quebe dxal-laꞌ gusane̱ꞌ zruꞌule̱ꞌ.
\p
\v 12 Dxapaꞌ xezícadxa benneꞌ nédaꞌquezaꞌ, quegá Xránadxu, che zruꞌula tu bi bíchedxu quebe dxéajle̱ꞌe̱ chee̱ Xránadxu, dxéquene̱ꞌ xrlátaje zúale̱ne̱ꞌ benneꞌ chee̱ꞌ, bi bíchedxu naꞌ quebe dxal-laꞌ gusane̱ꞌ le̱ꞌ.
\v 13 Che benneꞌ biu chee̱ tu nuꞌula zandxu quebe dxéajle̱ꞌe̱ chee̱ Xránadxu, san dxéquene̱ꞌ xrlátaje zúale̱ne̱ꞌ zruꞌule̱ꞌ, nuꞌula zandxu naꞌ quebe dxal-laꞌ gusane̱ꞌ benneꞌ biu chee̱ꞌ naꞌ.
\v 14 Benneꞌ biu naꞌ quebe dxéajle̱ꞌe̱ chee̱ Xránadxu naque̱ꞌ ca tu bi chee̱ Dios laweꞌ da nuchague̱ꞌ zruꞌule̱ꞌ dxéajle̱ꞌe̱ chee̱ Xránadxu, naꞌ nuꞌula naꞌ quebe dxéajle̱ꞌe̱ chee̱ Xránadxu naque̱ꞌ ca tu bi chee̱ Dios laweꞌ da nuchague̱ꞌ benneꞌ biu chee̱ꞌ dxéajle̱ꞌe̱ chee̱ Xránadxu. La quebe naca na caní, zríꞌinele leꞌe xelácabeꞌ ca zriꞌine benneꞌ quebe zaj naque̱ꞌ chee̱ Dios, san da li zaj nácabeꞌ ca bi chee̱ Dios.
\v 15 Che benneꞌ biu naꞌ u zruꞌule̱ꞌ, benneꞌ quebe dxéajle̱ꞌe̱ chee̱ Xránadxu, dxaca lázrtequeze̱ꞌ gusane̱ꞌ ljwezre̱ꞌ, waca na. Che caní dxaca chee̱ tu bi bíchedxu u chee̱ tu bi zandxu, nape̱ꞌ lataj laweꞌ da gunné̱ Dios dxiꞌu chee̱ cueza zri lázredxu.
\v 16 Che quebe gaca caní, quebe nézenuꞌ lueꞌ, nuꞌula, che wazéquenuꞌ cuꞌu benneꞌ biu chiuꞌ lu naꞌ Cristo, naꞌ lueꞌ, benneꞌ biu, quebe nézenuꞌ che wazéquenuꞌ cuꞌu zruꞌuluꞌ lu naꞌ Cristo.
\p
\v 17 Ájate̱ze naca, tu tudxu dxal-laꞌ gundxu ca naca da nunna Xránadxu dxiꞌu, ne xegáꞌanadxu cáte̱ze nácadxu gate gunné̱ Dios dxiꞌu. Caní dxapaꞌ xúgute̱ cueꞌ bi chee̱ Cristo.
\v 18 Che Dios dxenné̱ꞌ tu benneꞌ biu nadxugu lu be̱laꞌ chee̱ꞌ da dxuléꞌe na naque̱ꞌ bi chee̱ Dios, benneꞌ nigá dxal-laꞌ xegáꞌane̱ꞌ caꞌ, naꞌ che dxenné̱ Dios tu benneꞌ quebe nadxugu lu be̱laꞌ chee̱ꞌ da naꞌ, quebe dxal-laꞌ chugu lu be̱laꞌ chee̱ꞌ da naꞌ.
\v 19 Quebe bi naca che nadxugu da naꞌ lu be̱laꞌ chee̱dxu, u quebe. Da dxun na ba xen naca gundxu da dxaca lazreꞌ Dios.
\v 20 Tu tudxu dxal-laꞌ xegáꞌanadxu cáte̱ze nácadxu gate Dios dxenné̱ꞌ dxiꞌu chee̱ gácadxu bi chee̱ꞌ.
\v 21 Che gucuꞌ benneꞌ nadaꞌu gate Dios gunné̱ꞌ lueꞌ, quebe cueꞌu gunne xue, san che gapuꞌ lataj gacuꞌ benneꞌ quebe nadaꞌu, dxal-laꞌ guchínenuꞌ na.
\v 22 Bénneaꞌ guque̱ꞌ benneꞌ nadaꞌu gate gunné̱ Xránadxu le̱ꞌ naque̱ꞌ ca benneꞌ quebe nadaꞌu chee̱ gune̱ꞌ zrin chee̱ Xránadxu, naꞌ cáꞌanqueze bénneaꞌ quebe naque̱ꞌ benneꞌ nadaꞌu gate gunné̱ Xránadxu le̱ꞌ, naque̱ꞌ ca benneꞌ nadaꞌu chee̱ Xránadxu.
\v 23 Dios ba náꞌawe̱ꞌ leꞌe nen tu lazruj zrente̱. Quebe güele lataj nu benneꞌ gune̱ꞌ leꞌe benneꞌ zaj nadaꞌu.
\v 24 Caꞌ naca na, bi bichaꞌ, tu tudxu dxal-laꞌ xegáꞌanadxu lau Dios cáte̱ze nácadxu gate gunné̱ꞌ dxiꞌu.
\p
\v 25 Ca naca chee̱ benneꞌ caꞌ quebe zaj nuchaga ne̱ꞌe̱ quebe bi gunná beꞌe Xránadxu nedaꞌ, san dxapaꞌ leꞌe ca da dxéquedaꞌ, naꞌ waca guxrén lázrele nedaꞌ laweꞌ da bexache lazreꞌ Xránadxu nedaꞌ.
\v 26 Dxéquedaꞌ nedaꞌ dxal-laꞌ xegáꞌana tu benneꞌ biu cáte̱ze naque̱ꞌ laweꞌ da zúadxu zra sté̱bele̱ꞌe̱.
\v 27 Che nuchaguꞌ nuꞌula quebe cuasuꞌ le̱ꞌ, naꞌ che quebe nuchaguꞌ nuꞌula, quebe guchaga naꞌu.
\v 28 Che guchaga naꞌu, quebe gunuꞌ dul-la, naꞌ che tu núꞌuladauꞌ guchaga naꞌabeꞌ, quebe gunbeꞌ dul-la. Benneꞌ caꞌ dxuluchaga ne̱ꞌe̱ welezúe̱ꞌ ste̱be lu zra caní, naꞌ dxaca lazraꞌ quebe súale ste̱be caní.
\p
\v 29 Bi bíchaꞌdauꞌ, da nigá dxaca lazraꞌ xapaꞌ leꞌe. Xelátega ne de̱ súadxu lu xe̱zr la xu nigá. Náꞌate̱la benneꞌ zaj nuchaga ne̱ꞌe̱ dxal-laꞌ gune̱ꞌ da naca chee̱ Cristo ca dxelún benneꞌ quebe zaj nuchaga ne̱ꞌe̱.
\v 30 Benneꞌ dxelebezre xache̱ꞌ dxal-laꞌ xelune̱ꞌ da naca chee̱ Cristo ca dxelún benneꞌ quebe zaj naque̱ꞌ baxacheꞌ. Benneꞌ zaj zraꞌ laní dxal-laꞌ xelune̱ꞌ da naca chee̱ Cristo ca dxelún benneꞌ quebe zaj zue̱ꞌ xel-la dxebé, naꞌ benneꞌ dxeláꞌawe̱ꞌ dxal-laꞌ xelune̱ꞌ da naca chee̱ Cristo ca dxelún benneꞌ quebe zaj nape̱ꞌ da naꞌ dxeláꞌawe̱ꞌ.
\v 31 Benneꞌ dxeleziꞌe̱ ba neza lu xe̱zr la xu nigá dxal-laꞌ xelune̱ꞌ da naca chee̱ Cristo ca dxelún benneꞌ quebe dxeleziꞌe̱ ba neza na, laweꞌ da ba dxexuzre lazreꞌ xe̱zr la xu nigá.
\p
\v 32 Dxaca lazraꞌ quebe bi cueꞌle gunne xue. Gate tu benneꞌ biu nácabeꞌ weguꞌ dxeꞌebeꞌ gunne xue da naca chee̱ Xránadxu chee̱ gunbeꞌ da dxezaca ba lazreꞌ Xránadxu.
\v 33 Gate ba nuchaga ne̱ꞌe̱, dxeꞌe̱ gunne xue da naca chee̱ xe̱zr la xu nigá chee̱ gune̱ꞌ da dxezaca ba lazreꞌ zruꞌule̱ꞌ.
\v 34 Cáꞌanqueze dxaca chee̱ nuꞌula zua benneꞌ biu chee̱ꞌ, ne nuꞌula weguꞌ. Nuꞌula weguꞌ dxeꞌebeꞌ gunne xue da naca chee̱ Xránadxu chee̱ chuꞌubeꞌ lu naꞌ Dios dute̱ be̱laꞌ dxen chee̱beꞌ, ne dute̱ beꞌ chee̱beꞌ, san nuꞌula zua benneꞌ biu chee̱ꞌ dxeꞌe̱ gunne xue da naca chee̱ xe̱zr la xu nigá chee̱ gune̱ꞌ da xezaca ba lazreꞌ benneꞌ chee̱ꞌ.
\p
\v 35 Dxapaꞌ leꞌe da nigá chee̱ gaca chaweꞌ chee̱le, ne quebe chee̱ nna beꞌedaꞌ leꞌe, san chee̱ gunle da xrlátaje, ne da li, chee̱ chuꞌule du lázrele lu naꞌ Xránadxu.
\p
\v 36 Che nu benneꞌ dxéquene̱ꞌ nácadxa xrlátaje guchaga naꞌ zríꞌine̱ꞌ nuꞌula laweꞌ da ba dxedé xel-la cuideꞌ chee̱beꞌ, ne naca da dxal-laꞌ gunbeꞌ, dxal-laꞌ gune̱ꞌ da dxéquene̱ꞌ naca xrlátaje. Waca guchaga naꞌabeꞌ. Quebe naca na dul-la.
\v 37 Che nu benneꞌ quebe dxéquene̱ꞌ dxun na ba xen, ne che nape̱ꞌ lataj gune̱ꞌ da dxaca lazre̱ꞌ, ne che ba nune̱ꞌ lu xichaj lázrdawe̱ꞌ xegáꞌana zríꞌine̱ꞌ nuꞌula weguꞌ, dxune̱ꞌ da xrlátaje.
\v 38 Caꞌ naca na, benneꞌ dxuꞌe̱ lataj guchaga naꞌabeꞌ zríꞌine̱ꞌ nuꞌula, dxune̱ꞌ da xrlátaje, naꞌ bénneaꞌ quebe dxuꞌe̱ lataj dxune̱ꞌ da nácadxa xrlátaje.
\p
\v 39 Nuꞌula zua benneꞌ biu chee̱ꞌ nuchague̱ꞌ bénneaꞌ ne̱ chee̱ da nadxixruj bea na dxácate̱ ne zue̱ꞌ nabane̱ꞌ, san che gate benneꞌ chee̱ꞌ, de̱ lataj nuꞌula naꞌ guchaga ne̱ꞌe̱ nen nútete̱ze benneꞌ biu, san dxun na ba xen dxéajle̱ꞌe̱ chee̱ Xránadxu.
\v 40 Gácadxa chee̱ꞌ da ba neza che xegáꞌane̱ꞌ cáꞌaze. Caní dxéquedaꞌ nedaꞌ, ne dxéquedaꞌ dxun Beꞌ Láꞌazxa chee̱ Dios nedaꞌ tuze.
\c 8
\s Xel-la wagu da zaj nuzúa bénneache lau bedáuꞌ xiaj xaga
\p
\v 1 Naꞌa guchálajaꞌ ca naca chee̱ xel-la wagu da zaj nuzúa bénneache lau bedáuꞌ xiaj xaga. Da li xúgute̱dxu nápadxu xel-la dxéajniꞌi ca naca da nigá. Xel-la dxéajniꞌi dxun na dxiꞌu benneꞌ dxulucáꞌana szren cuina, san xel-la zriꞌi lazreꞌ dxusegula na dxiꞌu lu xel-la dxeajlí lazreꞌ chee̱dxu.
\v 2 Che nu benneꞌ dxéquene̱ꞌ nape̱ꞌ dute̱ xel-la dxéajniꞌi, quebe ne chéajniꞌine̱ꞌ ca dxal-laꞌ chéajniꞌine̱ꞌ.
\v 3 Che nu benneꞌ nazríꞌine̱ꞌ Dios, Dios ba nazíꞌ lu ne̱ꞌe̱ bénneaꞌ.
\p
\v 4 Naꞌa, ca naca chee̱ xel-la wagu da zaj nuzúa bénneache lau bedáuꞌ xiaj xaga, nezdxu quebe bi naca tu bedáuꞌ xiaj xaga lu xe̱zr la xu nigá, ne tuze Bénneaꞌ naque̱ꞌ Dios.
\v 5 Lácala zaj zraꞌ xabáa, ne xe̱zr la xu nigá da zante̱ da dxeleque bénneache zaj naca na dios, ne chee̱ benneꞌ caní zante̱ dios zaj zra na, ne zante̱ xrane̱ꞌ zaj zra na,
\v 6 chee̱dxu dxiꞌu che nácadxu chee̱ Cristo, tuze Bénneaꞌ naque̱ꞌ Dios, Bénneaꞌ naque̱ꞌ Xradxu. Xradxu Dios be̱ne̱ꞌ xúgute̱ da de̱, naꞌ dxiꞌu zúadxu chee̱ guchínene̱ꞌ dxiꞌu. Cáꞌanqueze tuze Bénneaꞌ naque̱ꞌ Xránadxu, Jesucristo. Ne̱ chee̱ Le̱ꞌ guzráꞌ xúgute̱ da de̱, naꞌ zúadxu dxiꞌu ne̱ chee̱ Le̱ꞌ.
\p
\v 7 Quegá xúgute̱ bi chee̱ Cristo zaj nézene̱ꞌ da nigá. Bal-la benneꞌ caní gulúꞌu lawe̱ꞌ belúe láꞌane̱ꞌ bedáuꞌ xiaj xaga, naꞌ gate dxelawe̱ꞌ xel-la wagu naꞌ, dxeléquene̱ꞌ naca na tu da naca na chee̱ bedáuꞌ, naꞌ laweꞌ da quebe zaj ze̱ chache̱ꞌ lu xichaj lázrdawe̱ꞌ, dxeléquene̱ꞌ zaj nabague̱ꞌ zria ne̱ chee̱ da dxelawe̱ꞌ.
\v 8 Da naꞌ dxágudxu quebe dxucáꞌanadxa na dxiꞌu xrlátaje lau Dios, laweꞌ da quebe nácadxadxu xrlátaje che dxágudxu, ne quebe nácadxadxu cale̱la che quebe dxágudxu.
\v 9 Le guxúe xanneꞌ cuínale ca naca lataj da nápale bi gágule chee̱ quebe guzría xile tu benneꞌ quebe ze̱ chache̱ꞌ lu xel-la dxeajlí lazreꞌ chee̱ꞌ.
\v 10 Caꞌ naca na, che lueꞌ nézenuꞌ da nigá, naꞌ che cueꞌu gaguꞌ tu naga zraꞌ bedáuꞌ xiaj xaga, naꞌ che tu bi bíchedxu, benneꞌ quebe ze̱ chache̱ꞌ lu xel-la dxeajlí lazreꞌ chee̱ꞌ, léꞌene̱ꞌ lueꞌ dxeꞌu dxaguꞌ naꞌ, naꞌ bi bíchedxu naꞌ wexázrquezne̱ꞌ cueꞌe̱ gawe̱ꞌ da naꞌ zaj nuzúa bénneache lau tu dios quebe bi naca.
\v 11 Caꞌ naca na, lueꞌ, laweꞌ da napuꞌ xel-la dxéajniꞌi, guzría xiꞌu tu bi bichuꞌ quebe ze̱ chache̱ꞌ lu xel-la dxeajlí lazreꞌ chee̱ꞌ, naꞌ naque̱ꞌ benneꞌ gute Cristo waláz chee̱ꞌ.
\v 12 Caꞌ naca na, gate dxuzría xile bi bíchedxu quebe zaj ze̱ chache̱ꞌ lu xel-la dxeleajlí lazreꞌ chee̱ꞌ, dxunle dul-la da dxuzúa Crístoqueze chaláꞌala.
\v 13 Chee̱ le̱ naꞌ, che guzría xiꞌa tu bi bichaꞌ ne̱ chee̱ da dxawaꞌ, nácadxa chaweꞌ cabátadxa gawaꞌ be̱laꞌ chee̱ quebe guzría xiꞌa le̱ꞌ.
\c 9
\s Da naca chee̱ tu benneꞌ gubáz chee̱ Cristo
\p
\v 1 Naca chiaꞌ nacaꞌ gubáz chee̱ Cristo, ne napaꞌ lataj bi gunaꞌ laweꞌ da bleꞌedaꞌ Xránadxu Jesús, naꞌ nácale leꞌe bi chee̱ Cristo ne̱ chee̱ zrin be̱naꞌ chee̱ꞌ.
\v 2 Che dxeleque xezícadxa benneꞌ quebe nacaꞌ gubáz chee̱ Cristo, san dxun na ba xen guéquele leꞌe nacaꞌ gubáz chee̱ꞌ laweꞌ da dxunna bea da nácale chee̱ Xránadxu da li nacaꞌ gubáz chee̱ꞌ.
\p
\v 3 Da nigá naca na da dxapaꞌ benneꞌ caꞌ dxelezí tizre̱ꞌ nedaꞌ:
\v 4 Naca chiaꞌ siꞌ lu naꞌa da xiꞌaj gawaꞌ ne̱ chee̱ zrin da dxunaꞌ.
\v 5 Cáꞌanqueze naca chiaꞌ guchaga naꞌa tu nuꞌula zandxu chee̱ chéajle̱ne̱ꞌ nedaꞌ ca dxelún xezícadxa benneꞌ gubáz chee̱ Cristo, ne benneꞌ bíchequeze Xránadxu, ne Pedro.
\v 6 ¿Dxéquele tuze Bernabé, ne nedaꞌ dxal-laꞌ guntuꞌ zrin chee̱ gataꞌ da xiꞌaj gáguntuꞌ gate dxuzénentuꞌ bénneache dizraꞌ chaweꞌ?
\v 7 ¿Nuzra benneꞌ gaque̱ꞌ benneꞌ zeje̱ꞌ wedil-la che quebe nu quizruj le̱ꞌ? ¿Nuzra benneꞌ dxaze̱ꞌ lba uva che quebe gawe̱ꞌ na? ¿Nuzra benneꞌ gusegule̱ꞌ zrilaꞌ che quebe xequé̱ꞌe̱ xicha zrabaꞌ?
\v 8 Quebe dxal-laꞌ guéquele dxapaꞌ leꞌe da nigá nédaꞌquezaꞌ, laweꞌ da caníqueze dxenná na lu da bdxixruj beꞌe Moisés.
\v 9 Naxúaj lu da nadxixruj bea na da dxenná Dios: Quebe cuꞌule xixruj dxuꞌa be̱zre, be̱ dxíchubaꞌ zruaꞌ xtila. Quebe gunná Dios da nigá laweꞌ da dxue lazre̱ꞌ chee̱ be̱zre cáꞌaze.
\v 10 Gunné̱ꞌ na ne̱ chee̱dxu dxiꞌu. Naxúaj da nadxixruj bea nigá chee̱ gaca da ba neza chee̱dxu, laweꞌ da benneꞌ dxugáꞌane̱ꞌ be̱zre, ne benneꞌ dxine̱ꞌ dxal-laꞌ xelebeza lazre̱ꞌ xelexeziꞌe̱ ca naca da gunna lina da xelaze̱ꞌ.
\v 11 Naꞌa, che netuꞌ ba gúzantuꞌ lu xichaj lázrdaule da naca na chee̱ Beꞌ Láꞌazxa, ¿quebe dxal-laꞌ siꞌ lu naꞌntuꞌ látedauze da naca chee̱le lu xe̱zr la xu nigá?
\v 12 Che xezícadxa benneꞌ naca chee̱ꞌ xelezíꞌ lu ne̱ꞌe̱ da naca chee̱le, ¿gázradxa netuꞌ?
\p Quebe ne guchínentuꞌ da nigá naca na chee̱ntuꞌ. Bchaga launtuꞌ xúgute̱ chee̱ quebe guzágantuꞌ ca naca dizraꞌ chaweꞌ chee̱ Cristo.
\v 13 Ba nézele benneꞌ dxelune̱ꞌ zrin chee̱ xudauꞌ dxelawe̱ꞌ chee̱ da xuꞌu lu xudauꞌ naꞌ, naꞌ benneꞌ dxelune̱ꞌ zrin chee̱ lu cugu naga dxelutie̱ꞌ be̱ xíxreꞌdu caꞌ lau Dios dxelawe̱ꞌ be̱laꞌ chee̱ béadu caꞌ.
\v 14 Cáꞌanqueze ba nun Xránadxu chee̱ benneꞌ dxuluchalaje̱ꞌ dizraꞌ chaweꞌ, xelezíꞌe̱ ba neza zrin da dxelune̱ꞌ.
\v 15 Cabataꞌ guchínedaꞌ netú da caní zaj naca na chiaꞌ, ne quebe dxuzúajaꞌ da nigá chee̱ gúnnale nedaꞌ lateꞌ. Gaca lázredxaꞌ gatiaꞌ quézcala nu gucuasa da ba neza da napaꞌ.
\p
\v 16 Quebe dxal-laꞌ gucáꞌana szren cuinaꞌ laweꞌ da dxuzendaꞌ bénneache dizraꞌ chaweꞌ chee̱ Cristo, laweꞌ da dxun na ba xen gunaꞌ na. Baxacheꞌ nacaꞌ che quebe guzendaꞌ bénneache dizraꞌ chaweꞌ nigá.
\v 17 Chee̱ le̱ naꞌ, che dxunaꞌ na laweꞌ da naca na da dxaca lazraꞌ gunaꞌ, ba de̱ lazruj chiaꞌ. Naꞌa, che dxunaꞌ na xadíaze, naca na tu da nusebaga Dios nedaꞌ.
\v 18 Caꞌ naca na, lazruj da dxeziꞌa naca na da ba neza napaꞌ gate dxuzendaꞌ bénneache dizraꞌ chaweꞌ chee̱ Cristo, ne quebe bi dxuchízrujaꞌ benneꞌ caꞌ. Caꞌ naca na, quebe dxuchínedaꞌ da naca na chiaꞌ laweꞌ da dxunaꞌ zrin nigá.
\p
\v 19 Lácala quebe nacaꞌ benneꞌ nadaꞌu chee̱ nu benneꞌ, ba nun cuinaꞌ ca tu benneꞌ nadaꞌu chee̱ xúgute̱ bénneache, chee̱ séquedaꞌ cuꞌa benneꞌ zandxa lu naꞌ Cristo.
\v 20 Gate zuaꞌ ládujla benneꞌ judío caꞌ, dxun cuinaꞌ benneꞌ judío chee̱ cuꞌa le̱ꞌ lu naꞌ Cristo. Caꞌ naca na, ládujla benneꞌ zaj xuꞌe̱ lu naꞌ da nadxixruj bea na dxun cuinaꞌ ca tu benneꞌ xuꞌe̱ lu naꞌ da nadxixruj bea na, chee̱ cuꞌa le̱ꞌ lu naꞌ Cristo lácala da li quebe xuꞌa lu naꞌ da nadxixruj bea na naꞌ.
\v 21 Xetú naꞌa, chee̱ séquedaꞌ cuꞌa lu naꞌ Cristo benneꞌ caꞌ quebe zaj xuꞌe̱ lu naꞌ da bdxixruj beꞌe Moisés, dxun cuinaꞌ ca tu benneꞌ quebe xuꞌe̱ lu naꞌ da nadxixruj bea na naꞌ, lácala da li xuꞌa lu naꞌ da nadxixruj bea na chee̱ Dios laweꞌ da xuꞌa lu naꞌ da nadxixruj bea na chee̱ Cristo.
\v 22 Gate zuaꞌ ládujla benneꞌ caꞌ quebe zaj ze̱ chache̱ꞌ lu xel-la dxeajlí lazreꞌ chee̱ꞌ dxun cuinaꞌ ca zaj naca benneꞌ caꞌ chee̱ séquedaꞌ cuꞌa le̱ꞌ lu naꞌ Cristo. Caꞌ naca na, dxun cuinaꞌ ca naca tu tu benneꞌ caꞌ chee̱ ájate̱zla séquedaꞌ cuꞌa bal-la benneꞌ caꞌ lu naꞌ Cristo.
\v 23 Dxunaꞌ xúgute̱ da nigá ne̱ chee̱ dizraꞌ chaweꞌ chee̱ Cristo chee̱ gapaꞌ tu da ba neza chee̱ na.
\p
\v 24 Ba nézquezle leꞌe tu lu da huitaj benneꞌ zan dxesíꞌaca chégüe̱ꞌ naꞌ tuze̱ꞌ dxezruéꞌene̱ꞌ lataj blau. Le saꞌaca chegu leꞌe chee̱ zruéꞌele da dxunna Cristo.
\v 25 Xúgute̱ benneꞌ caꞌ dxulupáꞌa cuine̱ꞌ chee̱ xeluꞌe̱ da huitaj, dxuluzúe̱ꞌ chaláꞌala xúgute̱ da dxun na cale̱la chee̱ꞌ. Benneꞌ caní dxelune̱ꞌ da caní chee̱ xelezíꞌ lu ne̱ꞌe̱ tu da guzúe̱ꞌ xíchaje̱ꞌ da naca na lagaꞌ da québequeze si bea, san dxiꞌu dxundxu zrin chee̱ zruéꞌedxu da zeajlí canna.
\v 26 Nedaꞌ quebe dxezá chéguaꞌ ájate̱zla, ne quebe dxedil-laꞌ ca tu benneꞌ dxuꞌe̱ lu beꞌze gate dxedil-le̱ꞌ.
\v 27 Nedaꞌ dxudéaꞌ xel-la ziꞌ be̱laꞌ dxen chiaꞌ, ne dxenná beꞌedaꞌ na, chee̱ quebe gunitiaꞌ nedaꞌ da naca chiaꞌ lu zrin nigá, ca te naꞌ ba bsé̱dedaꞌ benneꞌ xula caꞌ.
\c 10
\s Da dxuzéajniꞌi na dxiꞌu ca naca chee̱ bedáuꞌ xiaj xaga caꞌ
\p
\v 1 Dxaca lazraꞌ nézele, bi bíchaꞌdauꞌ, ca guca chee̱ xra xrtáudxu caꞌ xjácale̱ne̱ꞌ Moisés. Dios guché̱ꞌe̱ xúgute̱ benneꞌ caꞌ ne̱ chee̱ beuj bza naꞌ, naꞌ xúgute̱ꞌ guledée̱ꞌ ládujla nísadauꞌ da nazí le na Xrna.
\v 2 Caꞌ naca na, waca nnadxu xúgute̱ꞌ beledxúe̱ꞌ nisa lu nísadauꞌ naꞌ, ne gulaque̱ꞌ tuze nen Moisés gate guledále̱ne̱ꞌ beuj bza naꞌ.
\v 3 Cáꞌanqueze xúgute̱ꞌ gulawe̱ꞌ tuze xel-la wagu da bnezruj Dios le̱ꞌ,
\v 4 ne guleꞌaj xúgute̱ꞌ tuze nisa da bnezruj Dios le̱ꞌ, laweꞌ da guléꞌaje̱ꞌ nisa naꞌ bedxúaj na xiaj xre naꞌ. Xiaj xre nigá dxuléꞌe na ca naca Crístoqueze, Bénneaꞌ guxéajle̱ne̱ꞌ benneꞌ caꞌ le̱ꞌe̱ xixreꞌ laweꞌ lataj naꞌ.
\v 5 Benneꞌ zan benneꞌ caꞌ quebe belune̱ꞌ da bezaca ba lazreꞌ Dios, naꞌ chee̱ le̱ naꞌ gulatie̱ꞌ le̱ꞌe̱ xixreꞌ laweꞌ lataj.
\p
\v 6 Xúgute̱ da caní guca na chee̱ guzéajniꞌi na dxiꞌu chee̱ quebe sa lázredxu da cale̱la caꞌ, ca belún benneꞌ caꞌ.
\v 7 Chee̱ le̱ naꞌ quebe gucáꞌana szrenle bedáuꞌ xiaj xaga caꞌ ca belún bal-la benneꞌ caꞌ, ca naxúaj na lu dizraꞌ láꞌazxa, dxenná na: Bénneache gulebéꞌe̱, ne guleꞌaj gulawe̱ꞌ lau bedáuꞌ xiaj xaga, naꞌ belexase̱ꞌ chee̱ buluxé̱ꞌe̱.
\v 8 Quebe dxal-laꞌ gundxu da sban ca belún bal-la benneꞌ caꞌ, naꞌ tu zraze gulate chupa gaxúa chi dxua gaxue̱ꞌ.
\v 9 Quebe dxal-laꞌ guchínedxu xel-la zren lazreꞌ chee̱ Xránadxu chee̱ gundxu da cale̱la ca belún bal-la benneꞌ caꞌ, naꞌ gulatie̱ꞌ, gate gulíꞌina be̱laꞌ le̱ꞌ.
\v 10 Quebe nne̱le chee̱ Dios ca gulenné̱ bal-la benneꞌ caꞌ, naꞌ gubáz chee̱ xabáa chee̱ xel-la gute be̱te̱ꞌ benneꞌ caꞌ.
\p
\v 11 Xúgute̱ da caní gulezaca xra xrtáudxu, naꞌ zaj naxúaj na lu dizraꞌ láꞌazxa chee̱ guzéajniꞌi na dxiꞌu, zúadxu lu zra bze̱be caní.
\v 12 Caꞌ naca na, nu benneꞌ dxéquene̱ꞌ ze̱ chache̱ꞌ lu da naca chee̱ Dios dxal-laꞌ guxúe xanneꞌ cuine̱ꞌ chee̱ quebe cheajcházie̱ꞌ.
\v 13 Da dxelún zréaje leꞌe naca na tuze ca da dxelún zréaje xúgute̱ bénneache, naꞌ waca guxrén lázrele Dios laweꞌ da quebe guꞌe̱ lataj bi gun zréaje leꞌe da quebe séquele guchaga laule, naꞌ gate gaca tu da gun zréaje na leꞌe, Dios gunne̱ꞌ leꞌe ájala gunle chee̱ lale lu da naꞌ, chee̱ séquele guchaga laule na.
\p
\v 14 Chee̱ le̱ naꞌ, bi bichaꞌ nazriꞌite̱ lazraꞌ, québedxa gucáꞌana szrenle bedáuꞌ xiaj xaga caꞌ.
\v 15 Dxuchálajle̱naꞌ leꞌe ca dxuchálajle̱naꞌ benneꞌ dxeléajniꞌine̱ꞌ, naꞌ léꞌequeze waca guchíꞌale chee̱ da dxapaꞌ leꞌe.
\v 16 Gate dxágadxu da dxucube na ca guca gate gute Xránadxu, dxápadxu ba láꞌana Dios. Gate dxíꞌajdxu xrisa uva láꞌazxa, da nigá dxuléꞌe na dxezidxu ba neza dxen chee̱ Cristo da gulalaj na le̱ꞌe̱ xaga béguaj. Xeta xtila naꞌ da dxuzúzrujdxu dxuléꞌe na xezidxu ba neza be̱laꞌ dxen chee̱ Cristo da bdee̱ꞌ waláz chee̱dxu le̱ꞌe̱ xaga béguaj.
\v 17 Lácala naxandxu, xúgute̱dxu dxágudxu tu xeta xtílaqueze da naca na tuze, da naꞌ dxuléꞌe na nácadxu ca tuze be̱laꞌ dxen chee̱ Cristo.
\p
\v 18 Le nnaꞌxque ca zaj naca benneꞌ Israel caꞌ. Benneꞌ caní, benneꞌ dxelawe̱ꞌ da dxuluzré̱ꞌe̱ lu cugu chee̱ Dios dxeleziꞌe̱ ba neza lu cugu naꞌ.
\v 19 Quebe dxenníaꞌ naca tu bedáuꞌ xiaj xaga tu da zaca, naꞌ be̱laꞌ da dxuluzría bénneache lau bedáuꞌ xiaj xaga quebe zácadxa ca bítete̱ze xetú be̱laꞌ.
\v 20 Dxenníaꞌ da dxuluzría lau bedáuꞌ xiaj xaga benneꞌ caꞌ quebe zaj núnbeꞌe̱ Dios, dxuluzríe̱ꞌ na lau beꞌ xriwe̱ꞌ caꞌ ne quegá lau Dios, naꞌ quebe dxaca lazraꞌ gunle tuze beꞌ xriwe̱ꞌ caꞌ.
\v 21 Quebe gaca xíꞌajle da naꞌ dxuléꞌe na nácale Xránadxu tuze, ne xíꞌajte̱le da guléꞌe na nácale tuze beꞌ xriwe̱ꞌ caꞌ, ne quebe gaca gágule da naca na chee̱ Xránadxu, ne gágute̱le da naca na chee̱ beꞌ xriwe̱ꞌ caꞌ.
\v 22 ¿Dxaca lázrele xewine lazreꞌ Xránadxu laweꞌ da dxusandxu Le̱ꞌ? ¿Dxéquele leꞌe nácadxu benneꞌ wáladxa ca Le̱ꞌ?
\s Da naca chee̱dxu gundxu, ne ca naca xel-la zriꞌi lazreꞌ
\p
\v 23 Da li naca da naꞌ dxelenná bénneache, dxelenné̱ꞌ: Naca chiaꞌ gunaꞌ da dxaca lazraꞌ. Quegá xúgute̱ naca na da sidxu ba neza. Naca chee̱ nu benneꞌ gune̱ꞌ ca dxaca lazre̱ꞌ san quegá xúgute̱ gusegula na le̱ꞌ lu xel-la dxeajlí lazreꞌ chee̱ꞌ.
\v 24 Dxal-laꞌ gundxu da gaca chaweꞌ chee̱ benneꞌ xula, ne quegá da gaca na chaweꞌ cheé̱zedxu.
\p
\v 25 Le gagu leꞌe ca naca da dxedaꞌu laweꞌ xiꞌa, ne quebe naba xúzrele chee̱ na chee̱ quebe sua ste̱be xichaj lázrdaule,
\v 26 laweꞌ da zaj naca chee̱ Xránadxu xe̱zr la xu nigá, ne xúgute̱ da caꞌ zaj zraꞌ lu xe̱zr la xu.
\p
\v 27 Che nu benneꞌ, benneꞌ quebe dxéajle̱ꞌe̱ chee̱ Xránadxu, dxenné̱ꞌ leꞌe gágule xeta, naꞌ che dxaca lázrele chéajle, le gagu xúgute̱ da guzríe̱ꞌ laule, ne quebe naba xúzrele chee̱ na chee̱ quebe sua ste̱be xichaj lázrdaule.
\v 28 Che nna nu benneꞌ zúale̱ leꞌe, naꞌ xe̱ꞌe̱ leꞌe: “Be̱laꞌ nigá bache guzría na lau bedáuꞌ xiaj xaga”, quebe gágule na, chee̱ quebe guzúale ste̱be bénneaꞌ gunné̱ꞌ caꞌ, ne chee̱ quebe sua ste̱be xichaj lázrdaule.
\v 29 Dxenníaꞌ da nigá chee̱ xichaj lázrdau benneꞌ zúale̱ne̱ꞌ lueꞌ, ne quegá chee̱ xichaj lázrdauꞌ luéꞌqueze.
\p Waca naba xuzre tu benneꞌ: “¿Bizr chee̱ naꞌ dxuchiꞌu da naca chiaꞌ laweꞌ da sua ste̱be xichaj lázrdau benneꞌ xula?
\v 30 Che dxapaꞌ Dios: Xcalenuꞌ chee̱ da dxawaꞌ, ¿bizr chee̱ naꞌ xelezí tizre̱ꞌ nedaꞌ chee̱ da dxawaꞌ?”
\v 31 Chee̱ le̱ naꞌ, che dxágule u dxíꞌajle, u bítete̱ze da dxunle, le gun xúgute̱ chee̱ gaca ba Dios.
\v 32 Quebe bi gunle da guzúa na ste̱be benneꞌ xula, quegá benneꞌ judío caꞌ, ne quegá benneꞌ quebe zaj naque̱ꞌ judío, ne quegá nu benneꞌ naque̱ꞌ bi chee̱ Dios.
\v 33 Nedaꞌ dxunaꞌ ba xuzre gunaꞌ da xelezaca ba lazreꞌ xúgute̱ bénneache ca naca xúgute̱ da dxunaꞌ. Quebe dxunaꞌ da gaca chaweꞌ chee̱zaꞌ san da gaca chaweꞌ chee̱ xezícadxa bénneache chee̱ xelelé̱ꞌ.
\c 11
\p
\v 1 Le gun ca dxunaꞌ nedaꞌ, ca nedaꞌ dxúnquezaꞌ ca be̱n Cristo.
\s Da dxelún nuꞌula naga zaj nazraga bi chee̱ Cristo
\p
\v 2 Bi bichaꞌ, dxapaꞌ leꞌe ba láꞌana laweꞌ da dxeajsá lázrequezle nedaꞌ, ne dxunle ca naca da bzéajniꞌidaꞌ leꞌe.
\v 3 Naꞌa dxaca lazraꞌ chéajniꞌile naca Cristo xíchaje̱ chee̱ tu tu benneꞌ biu, naꞌ benneꞌ biu naque̱ꞌ xíchaje̱ chee̱ zruꞌule̱ꞌ, ca naca Dios, naque̱ꞌ xíchaje̱ chee̱ Cristo.
\v 4 Che tu benneꞌ biu gugácue̱ꞌ xíchaje̱ꞌ gate dxuchálajle̱ne̱ꞌ Dios naga zaj nadupa bi chee̱ Cristo, u gate dxuchálaje̱ꞌ waláz chee̱ Dios, naca na tu xel-la stuꞌ chee̱ Bénneaꞌ naque̱ꞌ xíchaje̱ꞌ.
\v 5 Che tu nuꞌula quebe gugácue̱ꞌ xíchaje̱ꞌ gate dxuchálajle̱ne̱ꞌ Dios, u gate dxuchálaje̱ꞌ waláz chee̱ Dios, naca na tu xel-la stuꞌ chee̱ꞌ, laweꞌ da dxun cuine̱ꞌ ca tu benneꞌ biu. Lé̱bezqueze naca na chugue̱ꞌ xíchaje̱ꞌ.
\v 6 Che tu nuꞌula quebe gugacu xíchaje̱ꞌ, nácadxa xrlátaje chugue̱ꞌ tu chiꞌize ca naca xicha xíchaje̱ꞌ. Naꞌ che naca na tu xel-la stuꞌ chee̱ nuꞌula che chugue̱ꞌ xíchaje̱ꞌ, u che guzúe̱ꞌ zrígaze xíchaje̱ꞌ ca dxun tu benneꞌ biu, dxal-laꞌ gugacu xíchaje̱ꞌ naga zaj nazraga bi chee̱ Cristo.
\v 7 Benneꞌ biu quebe dxal-laꞌ gugacu xíchaje̱ꞌ laweꞌ da naque̱ꞌ luꞌa le saca Dios, naꞌ da naque̱ꞌ dxuléꞌe na ca naca xel-la szren chee̱ Dios. Da naca nuꞌula dxuléꞌe na ca naca xel-la szren chee̱ benneꞌ biu.
\v 8 Gate be̱n Dios benneꞌ biu, quebe bi guléaje̱ꞌ le̱ꞌ lu be̱laꞌ dxen chee̱ nuꞌula, san guléaje̱ꞌ lu be̱laꞌ dxen chee̱ benneꞌ biu da naꞌ bexune̱ꞌ nuꞌula naꞌ.
\v 9 Dios be̱ne̱ꞌ nuꞌula naꞌ chee̱ nna beꞌe benneꞌ biu le̱ꞌ, ne quegá be̱ne̱ꞌ benneꞌ biu chee̱ nna beꞌe nuꞌula le̱ꞌ.
\v 10 Chee̱ le̱ naꞌ nuꞌula dxal-laꞌ guzúe̱ꞌ xíchaje̱ꞌ tu da dxuléꞌe na zua nu dxenná beꞌe le̱ꞌ chee̱ quebe gun zréajene̱ꞌ gubáz chee̱ xabáa caꞌ chee̱ Dios.
\v 11 Lu da nácadxu chee̱ Cristo, benneꞌ biu dxechinne̱ꞌ nuꞌula, ne cáꞌanqueze dxechín nuꞌula benneꞌ biu.
\v 12 Da li Dios guléaje̱ꞌ nuꞌula naꞌ lu be̱laꞌ dxen chee̱ benneꞌ biu, naꞌ cáꞌanqueze benneꞌ biu dxálaje̱ꞌ chee̱ nuꞌula, naꞌ xúgute̱dxu zadxu lu naꞌ Dios.
\p
\v 13 Le nnaꞌxque leꞌe che naca xrlátaje che tu nuꞌula guchálajle̱ne̱ꞌ Dios, ne quebe gugacu xíchaje̱ꞌ.
\v 14 Da nácaquezdxu dxuléꞌe na dxiꞌu naca tu xel-la stuꞌ che benneꞌ biu se̱ tunna xicha xíchaje̱ꞌ,
\v 15 naꞌ naca tu da ba láꞌana chee̱ nuꞌula se̱ na tunna, laweꞌ da nunna Dios le̱ꞌ xicha xíchaje̱ꞌ tunna chee̱ gugacu na xíchaje̱ꞌ.
\v 16 Naꞌa che nu benneꞌ dxaca lazre̱ꞌ gutil-le̱ꞌ dizraꞌ ca naca da nigá, dxal-laꞌ nézene̱ꞌ quegá dxiꞌu ne quegá benneꞌ zaj nazraga chee̱ Cristo quebe núnbeadxu xetú da xula.
\s Da dxelún benneꞌ, gate dxelawe̱ꞌ da naca chee̱ Xránadxu
\p
\v 17 Ca naca chee̱ da nigá quebe dxapaꞌ leꞌe ba láꞌana laweꞌ da dxaca da cale̱la chee̱le gate nazrágale, ne quegá da chaweꞌ.
\v 18 Da nédxuteca, dxulé̱ꞌe̱ nedaꞌ gate dxezrágale chee̱ güe láꞌanale Dios nácale chupa laꞌa. Dxéquedaꞌ naca da li da dxelenné̱ꞌ.
\v 19 Dxál-laꞌqueze gácale chupa laꞌa chee̱ guléꞌe laweꞌ nu benneꞌ ládujla leꞌe da li naque̱ꞌ bi chee̱ Cristo.
\v 20 Chee̱ le̱ naꞌ gate dxezrágale leꞌe chee̱ gágule da naca chee̱ Xránadxu, da li québedxa naca na chee̱ Xránadxu.
\v 21 Gate dxezrín zra dxágule, tu tule leꞌe dxebía lau chee̱le dxecáꞌale xel-la wagu cha chee̱le, naꞌ bál-lale leꞌe dxegáꞌanale dxedunle, naꞌ xezícadxale dxezúzrele.
\v 22 ¿Quebe bi de̱ chee̱le naga xiꞌaj gágule? Caꞌan dxunle, dxuzúale chaláꞌala bi caꞌ chee̱ Dios, ne dxuguꞌule xel-la stuꞌ benneꞌ caꞌ quebe bi de̱ chee̱ꞌ. ¿Bízraqueze xapaꞌ leꞌe? ¿Dxal-laꞌ gapaꞌ leꞌe ba láꞌana? ¡Cabataꞌ!
\s Da dxágudxu da naca chee̱ Xránadxu
\r (Mt. 26.26-29; Mr. 14.22-25; Lc. 22.14-20)
\p
\v 23 Xránaquezdxu bzéajniꞌine̱ꞌ nedaꞌ da nigá bsé̱dedaꞌ leꞌe: Lu zreꞌ náꞌqueze gate Judas bdee̱ꞌ Xránadxu Jesús lu naꞌ benneꞌ guledábague̱ꞌ Le̱ꞌ, naꞌ Jesús guqué̱ꞌe̱ xeta xtila,
\v 24 naꞌ gudé guzre̱ꞌ Dios: Xcalenuꞌ, bzúzruje̱ꞌ na, naꞌ gunné̱ꞌ: “Le gagu. Xeta xtila nigá dxuléꞌe na ca gaca chee̱ be̱l-laꞌ dxen chiaꞌ lu da naꞌ saca ziꞌa waláz chee̱le. Le gun da nigá chee̱ cheajsá lázrele nedaꞌ.”
\v 25 Cáꞌanqueze, gudé gulawe̱ꞌ, guqué̱ꞌe̱ xrisa uva, naꞌ gunné̱ꞌ: “Xrisa uva nigá dxuléꞌe na ca naca da dxuzé̱ chacha na xel-la wezría cube da naca na dxen chiaꞌ. Tu tu lasa xíꞌajle na, le gun na chee̱ cheajsá lázrele nedaꞌ.”
\v 26 Caꞌ naca na, ca zrin zra xeláꞌ Xránadxu, guléꞌele ca guca gate gute Xránadxu tu tu lasa gate gágule xeta xtila nigá, ne xíꞌajle xrisa uva nigá.
\s Ca dxal-laꞌ gágudxu da naca chee̱ Xránadxu
\p
\v 27 Caꞌ naca na, nútete̱ze benneꞌ gawe̱ꞌ xeta xtila nigá, u xíꞌaje̱ꞌ xrisa uva chee̱ Xránadxu, ne quebe dxape̱ꞌ ba láꞌana na, naꞌ dxune̱ꞌ dul-la da dxuzúa be̱laꞌ dxen chee̱ Xránadxu chaláꞌala.
\v 28 Chee̱ le̱ naꞌ tu tudxu dxal-laꞌ guxúe xánnedxu xichaj lázrdaudxu gate za gágudxu xeta xtila nigá, ne za xíꞌajdxu xrisa uva nigá,
\v 29 laweꞌ da che xiꞌaj gágudxu, ne quebe dxéquedxu dxuléꞌe na ca naca be̱laꞌ dxen chee̱ Xránadxu, naꞌ da xiꞌaj gágudxu gun na bágadxu zria.
\v 30 Chee̱ le̱ naꞌ benneꞌ zan ládujla leꞌe quebe chaweꞌ zaj zue̱ꞌ, ne zaj nate niꞌa ne̱ꞌe̱, naꞌ bal-la benneꞌ ládujla leꞌe ba gulatie̱ꞌ.
\v 31 Che guxúe xanneꞌ cuínadxu, quebe gun na ba xen guchiꞌa Xránadxu chee̱dxu caní.
\v 32 Gate Xránadxu dxuchiꞌe̱ chee̱dxu, dxudée̱ꞌ dxiꞌu xel-la ziꞌ chee̱ quebe cuía xidxu nen benneꞌ zaj zre̱ꞌe xe̱zr la xu nigá.
\p
\v 33 Caꞌ naca na, bi bichaꞌ. Gate dxezrágale chee̱ gágule da naca chee̱ Xránadxu, le cueza ljwézrele tule xetule chee̱ bi gágule.
\v 34 Che núlale dxedunle, le gagu lu xuꞌu lízrquezle, chee̱ quebe gun na ba xen guzría xiꞌ Dios leꞌe gate naꞌ nazrágale. Xezícadxa da caꞌ dxelaca chee̱le gucáꞌanaꞌ chaweꞌ gate xidaꞌ xedajnnáꞌa leꞌe.
\c 12
\s Xel-la waca caꞌ da dxunna Beꞌ Láꞌazxa tu tudxu dxiꞌu
\p
\v 1 Bi bichaꞌ, zaj de̱ da dxaca lazraꞌ chéajniꞌile ca naca chee̱ xel-la waca caꞌ da dxunna Beꞌ Láꞌazxa tu tudxu dxiꞌu.
\p
\v 2 Ba nézquezle gate naꞌ quebe ne chéajle̱le chee̱ Xránadxu, be̱ꞌe̱le lataj gulezrube xue̱ꞌ leꞌe chee̱ xeajé̱ láꞌanale bedáuꞌ xiaj xaga caꞌ, da quebe dxelenné̱ na.
\v 3 Chee̱ le̱ naꞌ dxaca lazraꞌ nézele che zua nu benneꞌ nne̱ꞌ: Nabía xiꞌ Jesús, quebe dxuchálaje̱ꞌ ne̱ chee̱ Beꞌ Láꞌazxa chee̱ Dios. Naꞌ netú benneꞌ gaca nne̱ꞌ: Jesús naque̱ꞌ Xranaꞌ, che quebe dxuchálaje̱ꞌ ne̱ chee̱ Beꞌ Láꞌazxa.
\q
\v 4 Zaj nazráꞌ xel-la waca caꞌ da gaca siꞌ lu nnadxu, q san tuze naca Beꞌ Láꞌazxa, Bénneaꞌ dxunne̱ꞌ dxiꞌu na.
\q
\v 5 Zaj nazráꞌ ca gaca gundxu zrin,
\q san tuze naca Xránadxu, Bénneaꞌ dxundxu zrin chee̱ꞌ.
\q
\v 6 Zaj nazráꞌ ca da gaca gundxu,
\q san tuze naca Dios, Bénneaꞌ dxunne̱ꞌ dxiꞌu xel-la waca gundxu na.
\m
\v 7 Dios dxunne̱ꞌ cha chee̱dxu tu xel-la waca chee̱ Beꞌ Láꞌazxa chee̱ gaca da ba neza chee̱ xúgute̱dxu.
\q
\v 8 Ne̱ chee̱ Beꞌ Láꞌazxa dxunne̱ꞌ bal-la benneꞌ xel-la waca xuluchálaje̱ꞌ dute̱ xel-la sina,
\q naꞌ xebal-le̱ꞌ ne̱ chee̱ Beꞌ náꞌqueze dxunne̱ꞌ le̱ꞌ xel-la waca xuluchálaje̱ꞌ dute̱ xel-la naxéajniꞌi.
\q
\v 9 Xebal-le̱ꞌ dxeleziꞌe̱ xel-la dxeajlí lazreꞌ ne̱ chee̱ Beꞌ náꞌqueze,
\q naꞌ xebal-le̱ꞌ dxeleziꞌe̱ xel-la waca chee̱ xelexune̱ꞌ benneꞌ we̱ꞌ caꞌ.
\q
\v 10 Xebal-le̱ꞌ dxeleziꞌe̱ xel-la waca xelune̱ꞌ xel-la waca caꞌ chee̱ xabáa,
\q naꞌ xebal-le̱ꞌ dxeleziꞌe̱ xel-la waca chee̱ xuluchálaje̱ꞌ waláz chee̱ Dios.
\q Xebal-le̱ꞌ, Dios dxunne̱ꞌ le̱ꞌ xel-la waca xelenézene̱ꞌ nu beꞌ dxuchalaj na lu dxuꞌa bénneache.
\q Xebal-le̱ꞌ dxeleziꞌe̱ xel-la waca xuluchálaje̱ꞌ dizraꞌ nazráꞌ, da quebe naca xrtízrqueze̱ꞌ,
\q naꞌ xebal-le̱ꞌ dxeleziꞌe̱ xel-la waca xuluxuzájle̱ꞌe̱ dizraꞌ nazráꞌ naꞌ.
\m
\v 11 Xúgute̱ da caní dxun tuze Beꞌ náꞌqueze, Bénneaꞌ dxunne̱ꞌ cha chee̱dxu xel-la waca caní cáte̱ze da dxaca lázrequeze̱ꞌ.
\s Xúgute̱dxu nuchágadxu tuze be̱laꞌ dxen
\p
\v 12 Zua chee̱dxu tu be̱laꞌ dxen da napa na zánete̱ cueꞌ. Dxiꞌu, dxéajle̱dxu chee̱ Cristo, nácadxu ca tuze be̱laꞌ dxen chee̱ Cristo.
\v 13 Xúgute̱dxu dxiꞌu, che nácadxu benneꞌ judío, u benneꞌ quebe nácadxu judío, ne che nácadxu benneꞌ zaj nadaꞌu, u benneꞌ quebe zaj nadaꞌu, gate gudxúadxu nisa da dxuléꞌe na nácadxu Cristo tuze, cáꞌanqueze bexácadxu ca tuze be̱laꞌ dxen, da naꞌ be̱n tuze Beꞌ Láꞌazxa, naꞌ Diosqueze be̱nne̱ꞌ dxiꞌu lataj sidxu tuze Beꞌ náꞌqueze.
\p
\v 14 Tu be̱laꞌ dxen quebe naca na tu cueꞌze, san naca na zaneꞌ cueꞌ.
\v 15 Che níꞌadxu nna na: Quebe nacaꞌ naꞌu, ne chee̱ le̱ naꞌ quebe nacaꞌ chee̱ be̱laꞌ dxen chiuꞌ, quegá da ni gun na québedxa naca na chee̱ be̱laꞌ dxen naꞌ.
\v 16 Naꞌ che nágadxu nna na: Quebe nacaꞌ lauꞌ, ne chee̱ le̱ naꞌ quebe nacaꞌ chee̱ be̱laꞌ dxen chiuꞌ, quegá da ni gun na québedxa naca na chee̱ be̱laꞌ dxen naꞌ.
\v 17 Che dute̱ be̱laꞌ dxen chee̱dxu naca na laudxu, ¿ájazra gundxu xendxu? Che dute̱ be̱laꞌ dxen chee̱dxu naca na nágadxu, ¿ájazra gundxu léꞌedxu?
\v 18 Dios nuzúe̱ꞌ cha chee̱ cueꞌ be̱laꞌ dxen naꞌ naga dxaca lazreꞌ Le̱ꞌ.
\v 19 Che dute̱ naꞌ naca na tuze cueꞌ, ¿gazra zúaqueze be̱laꞌ dxen naꞌ?
\v 20 Ca naca na, lácala naca na zaneꞌ cueꞌ, tuze be̱laꞌ dxen naca na.
\p
\v 21 Xia laudxu quebe dxal-laꞌ xe̱ na nadxu: Quebe nachindaꞌ lueꞌ, ne quebe dxal-laꞌ nna xíchajdxu, xe̱ na níꞌadxu: Quebe nachindaꞌ leꞌe.
\v 22 Da naca na, da zaj naca chee̱ be̱laꞌ dxen chee̱dxu da dxéquedxu quebe zaj nácateca na blau, zaj naca na da dxechínedxadxu,
\v 23 Da zaj naca na chee̱ be̱laꞌ dxen chee̱dxu da quebe dxápadxu ba láꞌana zaj naca na da dxugacu xánnedxadxu. Da caꞌ dxéquedxadxu quebe dxal-laꞌ guléꞌedxu zaj naca na da dxucáchedxu,
\v 24 da quebe dxun na ba xen gundxu chee̱ da caꞌ gaca guléꞌedxu. Caꞌ naca na, Dios be̱ne̱ꞌ be̱laꞌ dxen chee̱dxu chee̱ gápadxadxu ba láꞌana da caꞌ dxéquedxu quebe nácateca na da gápadxu ba láꞌana,
\v 25 chee̱ quebe gaca chupa laꞌa be̱laꞌ dxen chee̱dxu. Tu tu cueꞌ chee̱ be̱laꞌ dxen cueꞌ na gunne xue chee̱ ljwezre na.
\v 26 Che dxedé xel-la ziꞌ tu da naca na chee̱ be̱laꞌ dxen chee̱dxu, xúgute̱ da caꞌ dxeledé na xel-la ziꞌ, naꞌ che tu da naꞌ gaca da ba neza chee̱ na, naꞌ xúgute̱ da caꞌ dxelebé na tu zren.
\p
\v 27 Caꞌ naca na, leꞌe nácale be̱laꞌ dxen chee̱ Cristo, naꞌ tu tule nácale ca tu tu cueꞌ chee̱ be̱laꞌ dxen chee̱ꞌ naꞌ.
\v 28 Caꞌ naca na, Dios nunézruje̱ꞌ lataj blau chee̱ bal-la benneꞌ ládujla bi chee̱ Cristo. Lu lataj blau nuzré̱ꞌe̱ benneꞌ gubáz chee̱ꞌ caꞌ, naꞌ lu lataj gudxupeꞌ nuzré̱ꞌe̱ benneꞌ dxuluchálaje̱ꞌ waláz chee̱ꞌ, naꞌ lu lataj guxunneꞌ nuzré̱ꞌe̱ benneꞌ dxulusé̱dene̱ꞌ bi chee̱ꞌ caꞌ, naꞌ gudé naꞌ nuzré̱ꞌe̱ benneꞌ dxelune̱ꞌ xel-la waca da za xabáa. Gudé naꞌ nuzré̱ꞌe̱ benneꞌ caꞌ dxelexune̱ꞌ benneꞌ we̱ꞌ caꞌ, ne benneꞌ caꞌ dxelácale̱ne̱ꞌ bi chee̱ꞌ caꞌ, ne benneꞌ caꞌ dxelenná beꞌe̱, ne benneꞌ caꞌ dxuluchálaje̱ꞌ dizraꞌ nazráꞌ da quebe zaj nézene̱ꞌ.
\v 29 ¿Zaj naca xúgute̱ꞌ benneꞌ gubáz chee̱ꞌ? ¿Dxuluchalaj xúgute̱ꞌ waláz chee̱ꞌ? ¿Dxuluse̱de xúgute̱ꞌ bi chee̱ꞌ caꞌ? ¿Dxelún xúgute̱ꞌ xel-la waca chee̱ xabáa?
\v 30 ¿Dxelexún xúgute̱ꞌ benneꞌ we̱ꞌ caꞌ? ¿Dxuluchalaj xúgute̱ꞌ dizraꞌ nazráꞌ da quebe naca xrtizre̱ꞌ? ¿Dxuluxuzájlaꞌa xúgute̱ꞌ dizraꞌ nazráꞌ naꞌ? ¡Cabí!
\v 31 Le gun ba xuzre siꞌ lu naꞌle chee̱ Dios xel-la waca caꞌ da nácadxa chaweꞌ. Naꞌa guléꞌedaꞌ leꞌe tu da cháwedxa.
\c 13
\s Xel-la zriꞌi lazreꞌ li
\p
\v 1 Che dxuchálajaꞌ dizraꞌ chee̱ benneꞌ, ne chee̱ gubáz chee̱ xabáa caꞌ, san quebe napaꞌ xel-la zriꞌi lazreꞌ li, quebe nácadxaꞌ ca tu xide da dxenné̱ na, u ca tu xia da dxenné̱ na.
\v 2 Che dxuchálajaꞌ waláz chee̱ Dios, ne che nezdaꞌ xúgute̱ da zaj nagache, ne dxéajniꞌidaꞌ xúgute̱ da dxelaca, ne napaꞌ xel-la dxeajlí lazreꞌ chee̱ séquedaꞌ gucuasaꞌ xiꞌa caꞌ, san che quebe napaꞌ xel-la zriꞌi lazreꞌ li, quebe nu nácaquezaꞌ.
\v 3 Che quísiaꞌ xúgute̱ da de̱ chiaꞌ, ne che guzúaꞌ be̱laꞌ dxen chiaꞌ chee̱ chezxe na, san che quebe napaꞌ xel-la zriꞌi lazreꞌ li, quebe bi da ba neza naca na chiaꞌ.
\p
\v 4 Bénneaꞌ nape̱ꞌ xel-la zriꞌi lazreꞌ li:
\q Naque̱ꞌ zren lazreꞌ.
\q Naque̱ꞌ zriꞌi lazreꞌ, ne quebe naque̱ꞌ xa lazreꞌ.
\q Quebe dxucáꞌana szren cuine̱ꞌ, ne quebe dxuzé̱cuꞌe̱.
\q
\v 5 Quebe dxune̱ꞌ da cale̱la,
\q ne quebe naque̱ꞌ zreꞌe lazreꞌ.
\q Quebe dxezre̱ꞌe̱, ne quebe dxuꞌu lazre̱ꞌ.
\q
\v 6 Quebe dxebene̱ꞌ gate nu benneꞌ dxeajcházie̱ꞌ lu dul-la,
\q san dxebene̱ꞌ lu da li.
\q
\v 7 Dxuchaga lawe̱ꞌ xúgute̱ da dxaca nen dute̱ xel-la dxeajlí lazreꞌ chee̱ꞌ,
\q ne dute̱ xel-la dxebeza lazreꞌ chee̱ꞌ,
\q ne dute̱ xel-la zren lazreꞌ chee̱ꞌ.
\p
\v 8 Xel-la zriꞌi lazreꞌ li quebe te chee̱ na. Wazrín zra gate québedxa chínedxu nu benneꞌ guchálajle̱ne̱ꞌ dxiꞌu waláz chee̱ Dios, ne benneꞌ dxéajniꞌine̱ꞌ xúgute̱.
\v 9 Naꞌa dxéajniꞌidxu látedauze, ne látedauze dxuchálajdxu waláz chee̱ Dios.
\v 10 Zrin zra gate naꞌ chéajniꞌidxu dute̱ ca naca, naꞌ te chee̱ da naꞌ naca na látedauze.
\p
\v 11 Gate ne nacaꞌ bidauꞌ bchálajaꞌ ca bidauꞌ, ne gulaba lazraꞌ ca bidauꞌ, ne bchiꞌa ca bidauꞌ, san gate gucaꞌ benneꞌ waca, bzuaꞌ chaláꞌala da zaj naca chee̱ bidauꞌ.
\v 12 Cáꞌanqueze naꞌa quebe dxeléꞌedxu cáte̱queze, ne da dxeléꞌedxu ze̱ zrul-la, san lu zra naꞌ léꞌedxu cáte̱queze. Naꞌa látedauze núnbeꞌa, san lu zra naꞌ gúnbeꞌa cáte̱queze ca dxun Dios, núnbeꞌtequeze̱ꞌ nedaꞌ.
\v 13 Caꞌ naca na, xel-la dxeajlí lazreꞌ, ne xel-la dxebeza lazreꞌ, ne xel-la zriꞌi lazreꞌ li xelezúaqueze na chadía chacanna, san da blaudxa chee̱ da caní naca na xel-la zriꞌi lazreꞌ li.
\c 14
\s Ca naca chee̱ nu benneꞌ dxuchálaje̱ꞌ dizraꞌ nazráꞌ
 da quebe naca na xrtizre̱ꞌ
\p
\v 1 Le gun ba xuzre gápale xel-la zriꞌi lazreꞌ li, ne cáꞌanqueze le naba Dios gunne̱ꞌ leꞌe xel-la waca caꞌ chee̱ Beꞌ Láꞌazxa, ne da naca blaudxa, chee̱ gaca guchálajle waláz chee̱ Dios.
\v 2 Bénneaꞌ dxuchálaje̱ꞌ dizraꞌ nazráꞌ da quebe naca na xrtizre̱ꞌ dxuchálajle̱ne̱ꞌ Dios, quegá nen bénneache, laweꞌ da quegá nu dxéajniꞌi da dxenné̱ꞌ. Dxuchálaje̱ꞌ ne̱ chee̱ Beꞌ Láꞌazxa da zaj nagache.
\v 3 Bénneaꞌ dxuchálaje̱ꞌ waláz chee̱ Dios dxuchálajle̱ne̱ꞌ bénneache chee̱ gusegule̱ꞌ benneꞌ caꞌ lu da naca chee̱ Dios, ne chee̱ ne̱ xúene̱ꞌ-beꞌ, ne chee̱ xue zrene̱ꞌ-beꞌ.
\v 4 Bénneaꞌ dxuchálaje̱ꞌ dizraꞌ nazráꞌ naꞌ dxusegula cuine̱ꞌ, san bénneaꞌ dxuchálaje̱ꞌ waláz chee̱ Dios dxusegule̱ꞌ bi caꞌ chee̱ Cristo lu da naca chee̱ Dios.
\p
\v 5 Dxaca lazraꞌ gapa xúgute̱le xel-la waca guchálajle dizraꞌ nazráꞌ, san dxaca lázredxaꞌ gaca guchálajle waláz chee̱ Dios, laweꞌ da nácadxa chaweꞌ guchálajle waláz chee̱ Dios quézcala guchálajle dizraꞌ nazráꞌ, che quebe zua nu benneꞌ xuzájle̱ꞌe̱ dizraꞌ nazráꞌ naꞌ chee̱ xelegula bi chee̱ Cristo lu da naca chee̱ Dios.
\v 6 Chee̱ le̱ naꞌ, bi bíchaꞌdauꞌ, che xidaꞌ xedajnnáꞌa leꞌe, ne guchálajle̱naꞌ leꞌe dizraꞌ nazráꞌ, ¿bizra da ba neza gaca na chee̱le che quebe guchálajle̱naꞌ leꞌe tu da ba bleꞌe Dios nedaꞌ, u tu da bzéajniꞌine̱ꞌ nedaꞌ, u tu da guchálajaꞌ waláz chee̱ Dios, u tu da guzéajniꞌidaꞌ leꞌe?
\p
\v 7 Nnáꞌxquedxu ca da caꞌ dxelenné̱ na da quebe zaj naca bane na ca bchiuj, ne bihuel-la. Che quebe gaca chéajniꞌidxu da dxelenné̱ na, quebe gaca nezdxu ca da dxelul-la na.
\v 8 Gate dxaca wedil-la, che quebe dxebezre luzu da dxulucuezre̱ꞌ cáte̱queze, quebe nu se̱ lu wedil-la.
\v 9 Cáꞌanqueze dxaca chee̱le leꞌe. Che quebe guchálajaꞌ dizraꞌ da dxéajniꞌile, ¿ájazra gaca nézele da dxenníaꞌ? Guchálajaꞌ lu beꞌ.
\v 10 Da zante̱ dizraꞌ nazráꞌ zaj de̱ lu xe̱zr la xu nigá, ne da li xúgute̱ na zaj zéaje̱ na.
\v 11 Naꞌa che quebe dxéajniꞌidaꞌ dizraꞌ dxuchálajle̱ tu benneꞌ nedaꞌ, gacaꞌ ca tu benneꞌ zituꞌ lau bénneaꞌ, naꞌ le̱ꞌ gaque̱ꞌ ca tu benneꞌ zituꞌ lawaꞌ nedaꞌ.
\v 12 Chee̱ le̱ naꞌ, laweꞌ da dxaca lázrele siꞌ lu naꞌle xel-la waca caꞌ da dxunna Beꞌ Láꞌazxa dxiꞌu, le gun ba xuzre siꞌ lu naꞌle da caꞌ xulusegula na bi caꞌ chee̱ Cristo lu da naca chee̱ Dios.
\p
\v 13 Caꞌ naca na, bénneaꞌ dxuchálaje̱ꞌ dizraꞌ nazráꞌ dxal-laꞌ naba lau Dios gunne̱ꞌ le̱ꞌ xel-la waca xuzájle̱ꞌe̱ dizraꞌ nazráꞌ naꞌ.
\v 14 Che guchálajle̱naꞌ Dios tu dizraꞌ nazráꞌla, da li dxuchálajle̱naꞌ Le̱ꞌ lu beꞌ nácaquezaꞌ, san quebe bi da ba neza naca na chee̱ xel-la dxéajniꞌi chiaꞌ.
\v 15 ¿Bizra da dxal-laꞌ gunaꞌ xcaꞌ? Dxal-laꞌ guchálajle̱naꞌ Dios lu beꞌ nácaquezaꞌ, ne cáꞌanqueze nen xel-la dxéajniꞌi chiaꞌ. Dxal-laꞌ gul-laꞌ chee̱ Dios lu beꞌ nácaquezaꞌ, ne cáꞌanqueze nen xel-la dxéajniꞌi chiaꞌ.
\v 16 Che dxue laꞌanuꞌ Dios tuze lu beꞌ nácaquezuꞌ, naꞌ benneꞌ ljwezruꞌ dxenne̱ꞌ chiuꞌ quebe gaca gune̱ꞌ tu zren lueꞌ gate dxuꞌu Dios: Xcalenuꞌ, laweꞌ da quebe dxéajniꞌine̱ꞌ da dxennáuꞌ.
\v 17 Da dxuchálajle̱nuꞌ Dios nácale̱ꞌe̱ na chaweꞌ, san bénneaꞌ dxenne̱ꞌ quebe dxegule̱ꞌ lu da naca chee̱ Dios.
\v 18 Dxapaꞌ Dios: Xcale̱ne̱ꞌ laweꞌ da dxuchálajdxaꞌ dizraꞌ nazráꞌ ca xúgute̱le leꞌe,
\v 19 san naga zaj nazraga bi chee̱ Cristo dxaca lázredxaꞌ guchálajaꞌ gázxuze dizraꞌ da xeléajniꞌibeꞌ chee̱ gusé̱dedaꞌ-beꞌ, quézcala guchálajaꞌ chi mila dizraꞌ nazráꞌ da quebe gaca xeléajniꞌibeꞌ.
\p
\v 20 Bi bíchaꞌdauꞌ. Quebe gulaba lázrele ca bidauꞌ. Le gaca ca bidauꞌ chee̱ quebe gunle da cale̱la, san le gaca benneꞌ wal-la chee̱ gulaba lázrele cháweꞌdauꞌ.
\v 21 Naxúaj lu xiche láꞌazxa chee̱ da dxenná bea Dios, da dxenná na: Guchálajle̱naꞌ benneꞌ xe̱zr la xu nigá nen dizraꞌ nazráꞌ, ne lu dxuꞌa benneꞌ zituꞌ caꞌ, san ne caní quebe xelenne̱ꞌ chiaꞌ. Caní dxenná Xránadxu.
\v 22 Caꞌ naca na, xel-la waca chee̱ guchálajdxu dizraꞌ nazráꞌ naca na tu da dxuléꞌe na lau benneꞌ quebe dxeléajle̱ꞌe̱ chee̱ Dios, ne quegá lau benneꞌ dxeléajle̱ꞌe̱ chee̱ꞌ.
\v 23 Naꞌa, gate nazrágale, che xúgute̱le dxuchálajle dizraꞌ nazráꞌ, naꞌ che xelexúꞌu benneꞌ quebe zaj nazé̱dene̱ꞌ, u benneꞌ quebe dxeléajle̱ꞌe̱ chee̱ Dios, ¿quebe xelenné̱ꞌ zaj nadá xichaj lázrdaule?
\v 24 Naꞌa che dxuchalaj xúgute̱le waláz chee̱ Dios, naꞌ che chuꞌu tu benneꞌ quebe dxéajle̱ꞌe̱ chee̱ Dios, u tu benneꞌ quebe nazé̱dene̱ꞌ, naꞌ guéquene̱ꞌ nabague̱ꞌ dul-la, naꞌ lé̱queze̱ꞌ guchiꞌa cuine̱ꞌ gate xenne̱ꞌ da dxennale xúgute̱le.
\v 25 Caꞌ gaca na, da zaj nagache xichaj lázrdawe̱ꞌ xululéꞌe lau na, naꞌ guzúa zribe̱ꞌ, ne güe láꞌane̱ꞌ Dios, naꞌ nne̱ꞌ da li zúale̱ Dios leꞌe.
\p
\v 26 Caꞌ naca na, bi bíchaꞌdauꞌ, gate dxezrágale, bál-lale leꞌe nápale salmo caꞌ, ne xebál-lale nápale da gusé̱dele ljwézrele, ne xebál-lale nápale tu da bleꞌe Dios leꞌe, ne xebál-lale nápale tu dizraꞌ nazráꞌ da guchálajle, ne xebál-lale nápale xel-la waca xuzájlaꞌale dizraꞌ nazráꞌ naꞌ. Cháweꞌdauꞌ naca na, san xúgute̱ da caꞌ dxal-laꞌ xulusegula na bi caꞌ chee̱ Cristo lu da naca chee̱ Dios.
\v 27 Gate guchálajle dizraꞌ nazráꞌ, waca xuluchalaj chupa benneꞌ, u chunna benneꞌ, ne tuwéaj tuwéajle, naꞌ tu benneꞌ dxal-laꞌ xuzájle̱ꞌe̱ da dxennale.
\v 28 Naꞌa che quebe nu chiláꞌ benneꞌ xuzájle̱ꞌe̱ dizraꞌ nazráꞌ naꞌ, gácadxa chaweꞌ quebe bi da nne̱ꞌ naga nazrágale. Tu tule dxal-laꞌ nnale léꞌequezle, ne nen Dios.
\v 29 Cáꞌanqueze benneꞌ dxuluchálaje̱ꞌ waláz chee̱ Dios waca xelenné̱ꞌ chupa chúnnaze̱ꞌ, naꞌ xezícadxale dxal-laꞌ guchíꞌale da naꞌ dxenné̱ꞌ.
\v 30 Che dxuléꞌe Dios xetú benneꞌ dxeꞌe̱ naꞌ tu dizraꞌ, naꞌ bénneaꞌ dxuchálaje̱ꞌ dxal-laꞌ gusane̱ꞌ ca da dxuchálaje̱ꞌ.
\v 31 Xúgute̱le leꞌe waca guchálajle waláz chee̱ Dios tuwéaj tuwéajle chee̱ chéajniꞌi xúgute̱le, ne sile da gun chacha na leꞌe.
\v 32 Benneꞌ caꞌ dxuluchálaje̱ꞌ waláz chee̱ Dios dxun na ba xen nna béꞌene̱ꞌ beꞌ nácaqueze̱ꞌ,
\v 33 laweꞌ da naca Dios Bénneaꞌ dxunne̱ꞌ dxiꞌu xel-la dxebeza zri lazreꞌ, ne quebe dxun zréajene̱ꞌ bénneache.
\p Ca zaj xuꞌu lau xúgute̱ cueꞌ bi bíchedxu, bi chee̱ Dios,
\v 34 dxal-laꞌ xelezúa zrize nuꞌula caꞌ naga nazrágale, laweꞌ da quebe naca chee̱ꞌ xuluchálaje̱ꞌ. Dxal-laꞌ xuluzúe̱ꞌ dizraꞌ ca naxúaj na lu da nadxixruj bea Dios.
\v 35 Che dxelaca lazre̱ꞌ bi xeléajniꞌine̱ꞌ, dxal-laꞌ xuluche̱be̱ꞌ benneꞌ cha chee̱ꞌ lizre tu tue̱ꞌ laweꞌ da quebe dxuléꞌe na chaweꞌ tu nuꞌula guchálaje̱ꞌ naga nazrágale.
\p
\v 36 Dxal-laꞌ gueque beꞌele quebe guzú lau xrtizra Dios sua na ládujla leꞌe, ne quegá leꞌeze nazíꞌ lu naꞌle na.
\v 37 Che nu benneꞌ dxéquene̱ꞌ naque̱ꞌ benneꞌ dxuchálaje̱ꞌ waláz chee̱ Dios, u zúale̱ Beꞌ Láꞌazxa le̱ꞌ, dxal-laꞌ gueque béꞌene̱ꞌ da nigá dxuzúajaꞌ chee̱le naca na tu da gunná beꞌe Xránadxu.
\v 38 Che quebe dxaca lazre̱ꞌ gueque béꞌene̱ꞌ da nigá, quebe dxal-laꞌ siꞌ lu naꞌle bénneaꞌ.
\p
\v 39 Caꞌ naca na, bi bíchaꞌdauꞌ, le gun ba xuzre guchálajle waláz chee̱ Dios, ne quebe guzágale bénneaꞌ dxuchálaje̱ꞌ dizraꞌ nazráꞌla.
\v 40 Xúgute̱ da caní dxal-laꞌ gunle dute̱ ba láꞌana, ne ca dxal-laꞌ gaca na.
\c 15
\s Ca bebán Cristo ládujla benneꞌ gate
\p
\v 1 Naꞌa, bi bíchaꞌdauꞌ, dxuzendaꞌ leꞌe dizraꞌ chaweꞌ da ba bzendaꞌ leꞌe, da naꞌ guzíꞌ lu naꞌle, ne da daꞌle leꞌe.
\v 2 Ne̱ chee̱ dizraꞌ chaweꞌ nigá nalale che dxéajle̱le chee̱ da bzendaꞌ leꞌe, ne che quebe guca dácheze xel-la dxeajlí lazreꞌ chee̱le.
\p
\v 3 Da naca blaudxa, bzéajniꞌidaꞌ leꞌe da guzíꞌ lu naꞌa, gute Cristo ne̱ chee̱ dul-la da nabágadxu ca naxúaj na lu dizraꞌ láꞌazxa,
\v 4 naꞌ bulucache̱ꞌ Le̱ꞌ, naꞌ bebane̱ꞌ zra guxunneꞌ zra ca naxúajqueze na lu dizraꞌ láꞌazxa,
\v 5 naꞌ bleꞌe lawe̱ꞌ lau Pedro, naꞌ gudé naꞌ bleꞌe lawe̱ꞌ lau benneꞌ gubáz chee̱ꞌ caꞌ.
\v 6 Gudé naꞌ bleꞌe lawe̱ꞌ lau bi bíchedxu zaj nácadxe̱ꞌ ca gazxuꞌ gaxúa benneꞌ zaj nazrague̱ꞌ tu zren, naꞌ benneꞌ zan, benneꞌ caꞌ ne zaj naca bane̱ꞌ, láqueze benneꞌ zan, benneꞌ caꞌ ba gulatie̱ꞌ.
\v 7 Gudé naꞌ bleꞌe lawe̱ꞌ lau Jacobo, naꞌ gudé naꞌ bleꞌe lawe̱ꞌ lau xúgute̱ benneꞌ gubáz chee̱ꞌ caꞌ.
\p
\v 8 Bzé̱bedxa, ca gudé chee̱ xúgute̱ da naꞌ, bleꞌe lawe̱ꞌ lawaꞌ nedaꞌ, lácala nedaꞌ nacaꞌ ca tu bidauꞌ, bi gúlajbeꞌ ba gudé beuꞌ chee̱beꞌ.
\v 9 Nedaꞌ nacaꞌ benneꞌ bzé̱bedxa chee̱ xúgute̱ benneꞌ gubáz chee̱ Cristo, ne quebe naca chiaꞌ siꞌ laꞌ gubáz chee̱ Cristo laweꞌ da gudáu ziꞌ xuzraꞌ bi caꞌ chee̱ Dios.
\v 10 Nacaꞌ da nacaꞌ laweꞌ da guca Dios zriꞌi lazreꞌ nen nedaꞌ, naꞌ quebe guca dácheze xel-la zriꞌi lazreꞌ chee̱ꞌ nen nedaꞌ, laweꞌ da ba nundxaꞌ zrin ca xúgute̱ benneꞌ gubáz caꞌ, láqueze quegá nedaꞌ nunaꞌ na, san Dios bchínene̱ꞌ nedaꞌ.
\v 11 Quebe zácadxa na che naca nedaꞌ, u che naca benneꞌ caꞌ, da nigá naca na dizraꞌ bzénentuꞌ bénneache, ne naca na da guxéajle̱le.
\s Ca xelexebán benneꞌ gate
\p
\v 12 Che da dxuzénentuꞌ bénneache dxenná na bebán Cristo ládujla benneꞌ gate, ¿ájazra naca na bál-lale leꞌe dxennale quebe xelexebán benneꞌ gate?
\v 13 Che quebe xelexebán benneꞌ gate, Crístoqueze quebe bebane̱ꞌ ládujla benneꞌ gate,
\v 14 naꞌ che quebe bebán Cristo ládujla benneꞌ gate, dácheze naca da dxuzénentuꞌ bénneache, ne dácheze naca da dxeajlí lázrele chee̱ Cristo.
\v 15 Che caní naca na dxexeché̱bentuꞌ chee̱ Dios da we̱n lazreꞌ laweꞌ da dxennantuꞌ bsebán Dios Cristo, naꞌ che quebe xelexebán benneꞌ gate, quebe bsebán Dios Cristo.
\v 16 Che quebe xelexebán benneꞌ gate, Crístoqueze quebe bebane̱ꞌ,
\v 17 naꞌ che quebe bebán Cristo, dácheze naca da dxeajlí lázrele chee̱ꞌ, naꞌ ne nabágale dul-la.
\v 18 Che caní naca na, cáꞌanqueze benneꞌ zaj nate, benneꞌ caꞌ guleajlí lazre̱ꞌ Cristo zaj nanítequeze̱ꞌ.
\v 19 Che da dxebeza lázrentuꞌ da naca chee̱ Cristo naca na chee̱ze xe̱zr la xu nigá, nácadxu baxáchedxa ca xúgute̱ bénneache.
\p
\v 20 Naꞌa da li bebán Cristo ládujla benneꞌ gate. Le̱ꞌ naque̱ꞌ benneꞌ nedxu bebane̱ꞌ ládujla benneꞌ gate quézcala xúgute̱ benneꞌ caꞌ dxal-laꞌ xelexebane̱ꞌ.
\v 21 Ca guca, blaꞌ xel-la gute lu xe̱zr la xu nigá ne̱ chee̱ tuze benneꞌ, cáꞌanqueze ne̱ chee̱ tuze benneꞌ blaꞌ xel-la dxexebán chee̱ benneꞌ gate.
\v 22 Ca naca dxelate xúgute̱ bénneache laweꞌ da zaj naque̱ꞌ tuze nen Adán, cáꞌanqueze xúgute̱ benneꞌ zaj naca tuze nen Cristo xelape̱ꞌ xel-la nabán li lazreꞌ.
\v 23 Xelexebán tu tue̱ꞌ gate xelexexale̱ꞌ, nédxula bebán Cristo ca tu lina nedxu, naꞌ gudé naꞌ, gate xeláꞌ Cristo xelexebán benneꞌ zaj naque̱ꞌ bi chee̱ꞌ caꞌ.
\v 24 Nadxa cheajsé̱ chee̱ xe̱zr la xu nigá gate guzría xiꞌ Cristo xúgute̱ da dxelenná bea, ne xúgute̱ da dxelixruj bea na, ne xúgute̱ da zaj napa xel-la waca, naꞌ gudée̱ꞌ xel-la dxenná bea chee̱ꞌ lu naꞌ Xradxu Dios.
\v 25 Dxun na ba xen nna bea Cristo ca zrin zra ba nuzúa Dios zran niꞌe̱ xúgute̱ benneꞌ guledábague̱ꞌ Le̱ꞌ,
\v 26 naꞌ da bzé̱bedxa da cuía xiꞌ naca na xel-la gute.
\v 27 Ba nuzúa Dios xúgute̱ zran niꞌa Cristo, san gate dxenná na nuzúe̱ꞌ xúgute̱ zran niꞌe̱, dxaca bea na quebe zua Dios ládujla da caꞌ, laweꞌ da Lé̱queze̱ꞌ naque̱ꞌ Bénneaꞌ bzue̱ꞌ xúgute̱ zran niꞌa Cristo.
\v 28 Gate ba zua xúgute̱ lu naꞌ Cristo, nadxa Crístoqueze, Bénneaꞌ naque̱ꞌ Zríꞌinequeze Dios guzúa cuine̱ꞌ lu naꞌ Dios, Bénneaꞌ bdee̱ꞌ xúgute̱ lu naꞌ Le̱ꞌ. Caꞌ naca na, Dios gaque̱ꞌ blau laweꞌ xúgute̱ da de̱.
\p
\v 29 Xetú da dxaca, zaj zua benneꞌ dxeledxúe̱ꞌ nisa waláz chee̱ benneꞌ zaj nate. ¿Bizr chee̱ naꞌ dxelune̱ꞌ caní che quebe xelexebán benneꞌ gate? ¿Bizr chee̱ naꞌ dxeledxúe̱ꞌ nisa waláz chee̱ benneꞌ gate?
\p
\v 30 Cáꞌanqueze, ¿bizr chee̱ naꞌ zúatequezdxu dxiꞌu lu da ste̱be?
\v 31 Xúgute̱ zra zuaꞌ lu da ste̱be chee̱ xel-la gute. Dxapaꞌ leꞌe, bi bichaꞌ, da li naca da nigá ne̱ chee̱ da ba neza da napaꞌ ne̱ chee̱le lu da nácadxu nen Xránadxu Jesucristo.
\v 32 Che ca tu bénneacheze gudíl-lale̱naꞌ benneꞌ zaj naca ca be̱ snia caꞌ lu xe̱zre Efeso ¿bizra da ba neza naca na chiaꞌ? Che quebe xelexebán benneꞌ gate dxal-laꞌ gundxu ca dxelenná bénneache, dxelenné̱ꞌ: “Xiꞌaj gágudxu laweꞌ da wxre gátedxu.”
\p
\v 33 Quebe güele lataj nu si xe̱ leꞌe. Naca cáte̱ze dxenná na:
\q Che gácadxu tuze benneꞌ caꞌ dxelune̱ꞌ da cale̱la,
\q tu zrénqueze gundxu da cale̱la.
\m
\v 34 Le guxúe xanneꞌ cuínale, ne quebe gunle dul-la, laweꞌ da bál-lale leꞌe quebe núnbea xánnele Dios. Da nigá dxapaꞌ leꞌe chee̱ gápale xel-la stuꞌ.
\p
\v 35 Guche̱be nu benneꞌ nedaꞌ: Ájazra xelexebán benneꞌ gate? ¿Ájazra gaca be̱laꞌ dxen chee̱ꞌ?
\v 36 Da nigá naca na tu da xálaze, laweꞌ da gate dxázadxu tu binne, dxun na ba xen cuía xiꞌ bínnedu naꞌ chee̱ gaca na tu xágadauꞌ.
\v 37 Da naꞌ dxázadxu quebe naca na da xeláꞌ, san tu bínnedauze naca na, che naca na zruaꞌ xtila u xetú bínnedauꞌ.
\v 38 Te naꞌ gun Dios chee̱ bínnedu naꞌ tu xágadauꞌ cáte̱ze dxaca lázrequeze̱ꞌ, naꞌ chee̱ tu tu bínnedauꞌ dxune̱ꞌ tu tu xágadauꞌ cáte̱ze zaj naca bínnedu caꞌ.
\v 39 Quegá xúgute̱ be̱laꞌ dxen tuz ca zaj naca na. Tuze ca naca be̱laꞌ dxen chee̱ bénneache, ne xetuze ca naca be̱laꞌ dxen chee̱ be̱ xixreꞌ caꞌ, naꞌ xetuze ca naca be̱laꞌ dxen chee̱ bxínnedu caꞌ, ne xetuze be̱laꞌ dxen chee̱ bela caꞌ.
\v 40 Cáꞌanqueze zaj naca be̱laꞌ dxen chee̱ xabáa, ne be̱laꞌ dxen da zaj naca na chee̱ xe̱zr la xu nigá. Xel-la xrtan chee̱ da zaj naca chee̱ xabáa nazráꞌ ca xel-la xrtan chee̱ da zaj naca chee̱ xe̱zr la xu.
\v 41 Xel-la naxaníꞌ chee̱ gubizra nazráꞌ ca xel-la naxaníꞌ chee̱ beuꞌ, ne cáꞌanqueze nazráꞌ ca xel-la naxaníꞌ chee̱ belaj caꞌ, naꞌ ládujla belaj caꞌ, xel-la naxaníꞌ chee̱ tu belaj nazráꞌ ca xel-la naxaníꞌ chee̱ xetú belaj.
\v 42 Cáꞌanqueze dxaca chee̱ benneꞌ caꞌ xelexebane̱ꞌ ládujla benneꞌ gate. Dxucáchedxu lu ba tu da guzruꞌ, naꞌ xebán tu da québedxa gate.
\v 43 Dxucáchedxu tu da xálaze, naꞌ xebán tu da xabáa. Dxucáchedxu tu da nate niꞌa naꞌ, naꞌ xebán tu da wál-lale̱ꞌe̱.
\v 44 Dxucáchedxu tu be̱laꞌ dxen chee̱ beniácheze, naꞌ xebán tu be̱laꞌ dxen da naca na chee̱ beꞌ nácaquezdxu. Che zua tu be̱laꞌ dxen da naca na bénneacheze, cáꞌanqueze zua tu be̱laꞌ dxen da naca na chee̱ beꞌ nácaquezdxu.
\p
\v 45 Cáꞌanqueze caní naxúaj lu dizraꞌ láꞌazxa da dxenná na: Benneꞌ nedxu Adán guque̱ꞌ bénneache ban, naꞌ Adán, benneꞌ bze̱be, naque̱ꞌ Beꞌ da dxunna xel-la nabán.
\v 46 Bénneaꞌ naque̱ꞌ Beꞌ quebe ble̱ꞌe̱ nedxu, san bénneaꞌ naque̱ꞌ bénneacheze. Gudé naꞌ blaꞌ Bénneaꞌ naque̱ꞌ Beꞌ.
\v 47 Benneꞌ nedxu guque̱ꞌ xu bxrte, ne guque̱ꞌ chee̱ xe̱zr la xu nigá, naꞌ Benneꞌ gudxupeꞌ naque̱ꞌ Xránadxu, Benneꞌ chee̱ xabáa.
\v 48 Be̱laꞌ dxen caꞌ chee̱ xe̱zr la xu nigá zaj naca na ca guca bénneaꞌ guque̱ꞌ xu bxrte, naꞌ be̱laꞌ dxen caꞌ da zaj naca na chee̱ xabáa zaj naca na ca Bénneaꞌ naque̱ꞌ chee̱ xabáa.
\v 49 Ca naca, nácadxu ca bénneaꞌ guque̱ꞌ xu bxrte, cáꞌanqueze gácadxu ca Bénneaꞌ naque̱ꞌ chee̱ xabáa.
\p
\v 50 Dxaca lazraꞌ xapaꞌ leꞌe, bi bíchaꞌdauꞌ, be̱laꞌ dxen chee̱dxu da naca na xu bxrte quebe gaca chuꞌu na naga dxenná bea Dios laweꞌ da naꞌ guzru quebe gaca zraga na da naꞌ si bea chadía chacanna.
\v 51 Dxapaꞌ leꞌe tu da nagache nédxute: Quegá xúgute̱dxu gátedxu, san xúgute̱dxu sidxu tu be̱laꞌ dxen cube.
\v 52 Chadite̱ gaca na, ca dxun benneꞌ guchudie̱ꞌ xexrate̱ lawe̱ꞌ, gate xendxu chiꞌi luzu da dxulucuezre̱ꞌ da bze̱be. Cuézrequeze luzu da dxulucuezre̱ꞌ, naꞌ xelexebán benneꞌ gate naga cabátadxa xelatie̱ꞌ, naꞌ dxiꞌu sidxu tu be̱laꞌ dxen cube.
\v 53 Be̱laꞌ dxen chee̱dxu da guzru dxal-laꞌ xexaca na tu da québedxa guzru, naꞌ be̱laꞌ dxen chee̱dxu da gate dxal-laꞌ xexaca na tu be̱laꞌ dxen da québedxa gate.
\v 54 Gate be̱laꞌ dxen chee̱dxu da guzru ba bexaca na da québedxa guzru, ne be̱laꞌ dxen chee̱dxu da gate ba bexaca na tu da québedxa gate, nadxa gaca li da naxúaj na lu dizraꞌ láꞌazxa, da dxenná na: Ba beladxu lu naꞌ xel-la gute.
\q
\v 55 Lueꞌ, xel-la gute, ¿ga naꞌ xel-la waca chiuꞌ chee̱ gunuꞌ netuꞌ we̱ꞌ?
\q Lueꞌ, xel-la gute, ¿ga naꞌ da zruéꞌenuꞌ?
\m
\v 56 Da dxunna xel-la gute xel-la waca chee̱ gun na dxiꞌu we̱ꞌ naca na dul-la, naꞌ da nadxixruj bea da gula naꞌ naca na da dxunna na dul-la xel-la waca chee̱ gudé na dxiꞌu lu xel-la gute.
\v 57 Naꞌa, xcalén Dios, Bénneaꞌ dxunne̱ꞌ dxiꞌu xel-la waca chee̱ zruéꞌedxu lu dul-la, ne lu xel-la gute ne̱ chee̱ Xránadxu Jesucristo.
\p
\v 58 Chee̱ le̱ naꞌ, bi bichaꞌ nazriꞌite̱ lazraꞌ, le se̱ chacha, ne le súate̱ze lu zrin dxúndxale chee̱ Xránadxu laweꞌ da nézele quebe naca dácheze zrin dxunle tu zren nen Xránadxu.
\c 16
\s Dumí da gutúpale chee̱ gácale̱le bíchedxu caꞌ
\p
\v 1 Ca naca chee̱ dumí gutúpale chee̱ gácale̱le bi bíchedxu caꞌ, le gun na cáte̱ze bzéajniꞌidaꞌ xúgute̱ cueꞌ bi chee̱ Cristo zaj zraꞌ xe̱zre caꞌ zaj nababa Galacia.
\v 2 Tu tu zra nedxu chee̱ da gazre zra tu tule leꞌe dxal-laꞌ gúnnale lateꞌ weaj ca da dxezile, naꞌ cuꞌu cháwele na chee̱ quebe gun na ba xen gúnnale dumí gate xidaꞌ.
\v 3 Gate naꞌ xeláꞌa, sel-laꞌ xe̱zre Jerusalén benneꞌ caꞌ cuele, naꞌ gunézrujaꞌ le̱ꞌ tu xiche chee̱ xeluꞌe̱ dumí naꞌ chee̱ bi bíchedxu zaj zre̱ꞌe̱ naꞌ.
\v 4 Che gataꞌ lataj chaꞌa, naꞌ sáꞌacale̱queze̱ꞌ nedaꞌ.
\s Da dxugúꞌu bea Pablo gune̱ꞌ
\p
\v 5 Lu neza chiaꞌ dxun na ba xen teaꞌ naga nababa xe̱zr la xu Macedonia, naꞌ xeláꞌa xe̱zre Corinto ca te naꞌ.
\v 6 Wegáꞌanaljaꞌ nen leꞌe tu chiꞌi, u che ba guca, naꞌ suaꞌ nen leꞌe dute̱ beuꞌ zaga caꞌ, naꞌ leꞌe waca gácale̱le nedaꞌ lu neza chiaꞌ naga dxal-laꞌ chaꞌa.
\v 7 Quebe dxaca lazraꞌ xedajnnáꞌa leꞌe ca tezaꞌ, san dxebeza lazraꞌ súaquezaꞌ tu chiꞌi nen leꞌe, che gunna Xránadxu lataj.
\v 8 Naꞌa xegáꞌanaꞌ lu xe̱zre Efeso nigá ca zrin zra Pentecostés,
\v 9 laweꞌ da napaꞌ lataj gunaꞌ tu zrin zren chee̱ Xránadxu da guléꞌete̱ lawe na, lácala naxán benneꞌ caꞌ dxeledábague̱ꞌ.
\p
\v 10 Che ba blaꞌ Timoteo, le gun ba xuzre suabeꞌ xel-la dxebé nen leꞌe, ne quebe bi cuéꞌebeꞌ gunne xue, laweꞌ da dxunbeꞌ zrin chee̱ Xránadxu cáte̱ze dxun nedaꞌ.
\v 11 Chee̱ le̱ naꞌ netule leꞌe quebe guzúale-beꞌ chaláꞌala, san le gácale̱-beꞌ chee̱ xexuꞌubeꞌ neza lu xel-la dxebeza zri lazreꞌ chee̱ xedajnnáꞌabeꞌ nedaꞌ, laweꞌ da dxebezaꞌ-beꞌ tu zren nen bi bíchedxu caní.
\p
\v 12 Ca naca chee̱ bíchedxu Apolos, gutaꞌ xúele̱ꞌe̱daꞌ le̱ꞌ chee̱ chéajle̱ne̱ꞌ bi bíchedxu caꞌ xedajlenné̱ꞌe̱ leꞌe, san quebe guca lazre̱ꞌ se̱ꞌe̱ naꞌa. Wide̱ꞌ gate gape̱ꞌ lataj.
\s Dxulugapa ljwezre̱ꞌ diuzre
\p
\v 13 Le sua ban lazreꞌ. Le se̱ chacha lu xel-la dxeajlí lazreꞌ chee̱le. Le se̱ ca ze̱ benneꞌ biu. Le gaca benneꞌ wal-la.
\v 14 Dute̱ xel-la zriꞌi lazreꞌ le gun xúgute̱ da dxunle.
\p
\v 15 Naꞌa, bi bíchaꞌdauꞌ, ba nézquezle gulaca xrtía Estéfanas benneꞌ nedxu naga nababa Acaya gulezíꞌ lu ne̱ꞌe̱ dizraꞌ chaweꞌ chee̱ Cristo, naꞌ buluzúa cuine̱ꞌ chee̱ xelácale̱ne̱ꞌ bi bíchedxu caꞌ, bi chee̱ Cristo.
\v 16 Dxaca lazraꞌ guzúa cuínale lu naꞌ benneꞌ caní, ne lu naꞌ xúgute̱ benneꞌ dxelácale̱ ljwézredxu, ne dxelún zrin chee̱ Cristo.
\v 17 Zuaꞌ xel-la dxebé laweꞌ da beleláꞌ Estéfanas, ne Fortunato, ne Acaico, laweꞌ da belune̱ꞌ chiaꞌ da quebe guzéquele gunle leꞌe laweꞌ da zrale zituꞌ.
\v 18 Belún chúchue̱ꞌ beꞌ nácaquezaꞌ, ne beꞌ nácaquezle leꞌe. Dxun na ba xen siꞌ lu naꞌle benneꞌ caní.
\p
\v 19 Xúgute̱ cueꞌ bi chee̱ Cristo naga nababa xe̱zr la xu Asia dxulugapa leꞌe diuzre. Aquilo ne Priscila, ne bi bíchedxu caꞌ dxelezraga lu xuꞌu lizre̱ꞌ dxulugápale̱ꞌe̱ leꞌe diuzre lu La Xránadxu.
\v 20 Xúgute̱ bíchedxu nigá dxulugape̱ꞌ leꞌe diuzre. Le gugapa diuzre ljwézrele tule xetule, ne le gunida ljwézrele.
\p
\v 21 Nedaꞌ, Pablo, dxuzúajaꞌ da dxugapaꞌ leꞌe diuzre nen náꞌaquezaꞌ.
\p
\v 22 Che nu benneꞌ quebe nazríꞌine̱ꞌ Xránadxu Jesucristo, cuía xiꞌ bénneaꞌ. ¡Gudá Xránantuꞌ!
\p
\v 23 Dxenabaꞌ Xránadxu Jesucristo gun cháweꞌe̱ leꞌe.
\v 24 Dxusel-laꞌ chee̱ xúgute̱le xel-la nazríꞌi chiaꞌ lu La Jesucristo. ¡Caꞌan gaca na!