\id 2JN
\h 2 Juan
\mt DIZRAꞌDAUꞌ GUDXUPEꞌ DA BZUAJ SAN JUAN
\c 1
\s Da naca li, ne xel-laꞌ zriꞌi lazreꞌ
\p
\v 1 Nedaꞌ, benneꞌ gula we̱n zrin chee̱ Cristo, dxuzúajaꞌ da nigá chiuꞌ lueꞌ, nuꞌula zanaꞌ, ba gucáꞌa Dios lueꞌ. Dxuzúajaꞌ chee̱ zriꞌinuꞌ caꞌ. Da li nazríꞌidaꞌ leꞌe, ne quegá tuze nedaꞌ, san cáꞌanqueze benneꞌ caꞌ zaj núnbeꞌe̱ da li zaj nazríꞌiquezne̱ꞌ leꞌe.
\v 2 Nazríꞌidaꞌ leꞌe laweꞌ da ba núnbeadxu da li, da súatequeze na xichaj lázrdaudxu.
\v 3 Dxenabaꞌ lau Xradxu Dios, ne lau Xránadxu Jesucristo, Zriꞌine Dios, xezáꞌ lazre̱ꞌ chee̱le da xrlátaje, ne xache lazre̱ꞌ leꞌe, ne gunne̱ꞌ leꞌe xel-laꞌ dxebeza zri lazreꞌ, chee̱ gúnbeale da li, ne chee̱ gácale zriꞌi lazreꞌ.
\p
\v 4 Dxebéle̱ꞌe̱daꞌ laweꞌ da ba bendaꞌ zriꞌinuꞌ caꞌ dxelunbeꞌ ca naca da li, ca naca da bdxixruj beꞌe Xradxu Dios.
\v 5 Naꞌa, nuꞌula zánaꞌdauꞌ, dxataꞌ xúedaꞌ lueꞌ zriꞌidxu tudxu xetudxu. Da nigá dxuzúajaꞌ chiuꞌ quebe naca na tu da cube da nadxixruj bea Dios, san naca na da ba bendxu nédxudaute̱.
\v 6 Xel-laꞌ zriꞌi lazreꞌ li naca bea na che dxundxu ca da nadxixruj bea Dios, naꞌ da nadxixruj beꞌe̱ naca na da ba bénele nédxudaute̱, chee̱ zriꞌidxu tudxu xetudxu.
\s Benneꞌ dxelezí xe̱ꞌe̱
\p
\v 7 Ba beleláꞌ benneꞌ zante̱, benneꞌ dxelezí xe̱ꞌe̱. Benneꞌ caní quebe dxelexeche̱be̱ꞌ guca Jesús be̱laꞌ dxen. Benneꞌ caní zaj naque̱ꞌ benneꞌ dxelezí xe̱ꞌe̱, ne dxeledábague̱ꞌ Cristo.
\v 8 Le guxúe xanneꞌ cuínale chee̱ quebe gunítele da dxal-la sile du naxáꞌ.
\p
\v 9 Nu benneꞌ dxedé̱ꞌ nagá xula chee̱ da nigá quebe dxezíle̱ne̱ꞌ ca naca da bse̱de Cristo, ne quebe zúale̱ Dios le̱ꞌ. Bénneaꞌ dxezíle̱ne̱ꞌ ca naca da bse̱de Cristo, da li Dios zúale̱ne̱ꞌ Le̱ꞌ, naꞌ cáꞌanquez zúale̱ Cristo Le̱ꞌ.
\v 10 Che nu benneꞌ xide̱ꞌ naga zúale leꞌe, ne quebe dxusé̱dene̱ꞌ leꞌe ca naca da bse̱de Cristo, quebe nne̱le bénneaꞌ lízrele, ne quebe gápale le̱ꞌ ba láꞌana.
\v 11 Nu benneꞌ gape̱ꞌ bénneaꞌ ba láꞌana, dxun benneꞌ nigá tuze ca da cale̱la da dxun bénneaꞌ.
\s Dizraꞌ bze̱be
\p
\v 12 Da zante̱ dxal-laꞌ xapaꞌ leꞌe, san quebe dxaca lazraꞌ guzúajaꞌ na lu xícheze. Dxebeza lazraꞌ xidaꞌ xedajnáꞌa leꞌe, naꞌ guchálajle̱quezaꞌ leꞌe, chee̱ gaca béle̱ꞌe̱dxu.
\p
\v 13 Bidu caꞌ chee̱ bi biluꞌ, nuꞌula ba gucáꞌa Dios le̱ꞌ, dxulugápabeꞌ lueꞌ diuzre. Caꞌan gaca na.