1
00:00:05,000 --> 00:00:24,060
Naꞌ žlac ṉeꞌe zo Jesoꞌosənꞌ len apostol c̱heꞌ caꞌ beneꞌ mendad cui yesyəꞌəžašeꞌ syoda Jerosalenṉəꞌ lgüegwzə. Gožeꞌ ḻegaꞌaqueꞌ yesyəꞌəgaꞌaṉeꞌ yesəꞌəbezeꞌ xte catəꞌən bac̱h goc canꞌ ben X̱eꞌ Diozənꞌ lyebe gaquə, ca deꞌen bzeɉniꞌineꞌ ḻegaꞌaqueꞌ.

2
00:00:24,060 --> 00:00:41,540
Jesoꞌosənꞌ gozeꞌe ḻegaꞌaqueꞌ: ―Deꞌe zaqueꞌenəꞌ ca naquə Juanṉəꞌ bc̱hoeꞌ beṉəꞌ nis, pero entr yeto c̱hopə ža, nadaꞌ gonaꞌ par nic̱h gaquə to deꞌe zaquəꞌəche, gonaꞌ par nic̱h yedəso Spirit c̱he Diozənꞌ ḻoꞌo yic̱hɉlaꞌaždaꞌolenꞌ ṉabiꞌan leꞌe.

3
00:00:41,540 --> 00:00:45,960
Jesoꞌosənꞌ beyepeꞌ yobanꞌ

4
00:00:45,960 --> 00:00:57,840
Naꞌ catəꞌ bazɉəndopə zɉənžagueꞌ len Jesoꞌosənꞌ gwseꞌeneꞌ: ―X̱antoꞌ ¿əbabžin ža gonoꞌ ca yechoɉ ṉasyon Izrael c̱hechonꞌ xniꞌa beṉəꞌ zitəꞌ caꞌ?

5
00:00:57,840 --> 00:01:07,340
Jesoꞌosənꞌ gožeꞌ ḻegaꞌaqueꞌ: ―Bito naquən par nic̱h leꞌe əṉezele bi ža bi orənꞌ gon X̱acho Diozənꞌ deꞌe caꞌ babžiꞌe biaꞌ goneꞌ.

6
00:01:07,340 --> 00:01:24,360
Pero naꞌ catəꞌ yedəso Spirit c̱heꞌenəꞌ len leꞌe, gaquəlenən leꞌe len yeḻəꞌ guac c̱heꞌenəꞌ par nic̱h güeꞌele xtižaꞌanəꞌ syoda Jerosalen nga, naꞌ doxen ga mbane Jodeanꞌ, naꞌ Samarianꞌ naꞌ doxenḻə lao yežlyonꞌ.

7
00:01:24,360 --> 00:01:33,980
Beyož gwna Jesoꞌosənꞌ caꞌ, lao chəsəꞌəgüia disipl c̱heꞌ caꞌ ḻeꞌ beyepeꞌ yobanꞌ to ḻoꞌo beɉw naꞌ bitoch besəꞌəleꞌineꞌ ḻeꞌ.

8
00:01:33,980 --> 00:01:46,880
Naꞌ ṉeꞌe chəsəꞌəgüiachgua disipl c̱heꞌ caꞌ ḻeꞌe yobanꞌ ganꞌ besəꞌəleꞌineꞌ beyepeꞌ, catəꞌəczla gwsaꞌacbeꞌineꞌ bazɉəzecha c̱hopə angl len ḻegaꞌaqueꞌ beṉəꞌ zɉənyaz lachəꞌ šyiš.

9
00:01:46,880 --> 00:02:42,740
Naꞌ beṉəꞌ caꞌ c̱hopə gwseꞌe ḻegaꞌaqueꞌ: ―Beṉəꞌ Galilea, ¿bixc̱henꞌ chgüiale ḻeꞌe yobanꞌ? Catezəczənꞌ bleꞌile beyep Jesoꞌos nga yobanꞌ catəꞌən bechoɉeꞌ ladɉwlenꞌ, caꞌatezəczənꞌ leꞌile yideꞌ deꞌe yoblə.