1
00:00:05,000 --> 00:00:25,800
Naꞌ goquən to žlas lao zdatoꞌ ganꞌ chac orasyonṉəꞌ bežagtoꞌ to noꞌol güegoꞌ noꞌolə yoꞌo yaz deꞌe x̱ioꞌ ḻoꞌo yic̱hɉlaꞌaždaꞌoboꞌonəꞌ naꞌ chonən par nic̱h chac chṉeyaꞌaboꞌ, naꞌ gan xen chomboꞌ par x̱amboꞌ caꞌ deꞌen chṉeyaꞌaboꞌ.

2
00:00:25,800 --> 00:00:42,980
Nach bedənaoboꞌ netoꞌ nžagtoꞌ Pabənꞌ chosyaꞌaboꞌ naboꞌ: ―Beṉəꞌ quinga zɉənaqueꞌ beṉəꞌ güen xšin Diozənꞌ benꞌ chnabiaꞌ doxenḻə. Naꞌ ḻegaꞌaqueꞌ chosoꞌoloꞌineꞌ naquənꞌ cheyaḻəꞌ goncho par nic̱h cui yeyeɉcho lao yiꞌ gabiḻənꞌ.

3
00:00:42,980 --> 00:01:00,200
Zan ža gwnaoboꞌ netoꞌ naboꞌ caꞌ xte bžin ža goque Pabənꞌ zed nach gwyec̱hɉeꞌ gožeꞌ deꞌe x̱ioꞌonəꞌ: ―Por yeḻəꞌ guac c̱he Jesocristənꞌ chonaꞌ mendad yechoɉoꞌ ḻoꞌo yic̱hɉlaꞌaždaoꞌ biꞌi nga. Nach ḻeꞌe bechoɉten.

4
00:01:00,200 --> 00:01:15,440
Catəꞌ gwsaꞌacbeꞌi x̱amboꞌonəꞌ cuich bi gan soꞌoneꞌ len ḻeboꞌ nach gosəꞌəzeneꞌ Pabənꞌ len Silasənꞌ naꞌ ɉsoꞌe ḻegaꞌaqueꞌ ganꞌ žaꞌ beṉəꞌ gwnabiaꞌ caꞌ gaḻəꞌəzə ganꞌ chac yaꞌa.

5
00:01:15,440 --> 00:01:26,760
Nach catəꞌ besəꞌəžinḻeneꞌ ḻegaꞌaqueꞌ lao beṉəꞌ gwnabiaꞌ caꞌ nach gwseꞌe: ―Beṉəꞌ Izrael quinga chsaꞌašeꞌ chəsəꞌəbequeꞌ deꞌe zed laoꞌ syoda nga.

6
00:01:26,760 --> 00:01:32,360
Naꞌ chosoꞌoloꞌineꞌ costombr deꞌe cabi cheyaḻəꞌ ṉao netoꞌ naquətoꞌ beṉəꞌ Roma.

7
00:01:32,360 --> 00:01:46,460
Naꞌ beṉəꞌ caꞌ žaꞌ lao yaꞌanəꞌ ḻeczə gwsaꞌaseꞌ contr Pabənꞌ len Silasənꞌ, nach beṉəꞌ gwnabiaꞌ caꞌ gwsoꞌoneꞌ mendad gosəꞌəlec̱hɉeꞌ xagaꞌaqueꞌenəꞌ par gosəꞌəyineꞌ ḻegaꞌaqueꞌ xis.

8
00:01:46,460 --> 00:01:57,400
Beyož gosəꞌəyinchgüeꞌ ḻegaꞌaqueꞌ, nach bosoꞌožeꞌeneꞌ ližyanꞌ nach gwseꞌe benꞌ chapə ližyanꞌ de que gapəchgüeꞌ cuidad len ḻegaꞌaqueꞌ.

9
00:01:57,400 --> 00:02:11,500
Catəꞌ gwseꞌe benꞌ chapə ližyanꞌ caꞌ nach beꞌenəꞌ bžeꞌe ḻegaꞌaqueꞌ ḻoꞌo cuart ližyanꞌ deꞌen zo ḻeꞌezelaogüeꞌ ganꞌ naquə bižəꞌəte naꞌ bc̱hideꞌe ṉiꞌagaꞌaqueꞌenəꞌ len yag sep.

10
00:02:11,500 --> 00:02:24,800
Naꞌ do chelyaṉəꞌ Pabənꞌ len Silasənꞌ niteꞌe chsoꞌoneꞌ orasyon naꞌ chsoꞌoḻeꞌ no imno chsoꞌelaogüeꞌe Diozənꞌ naꞌ pres caꞌ yeziquəꞌəchlə chosoꞌozenagueꞌ.

11
00:02:24,800 --> 00:02:46,100
Naꞌ to de repentzə gwxoꞌochgua, naꞌ bseꞌesəꞌəchguan lan yoꞌo ližyanꞌ xte bsalɉon yoguəꞌ puert caꞌ. Nach yoguəꞌ pres caꞌ žaꞌanəꞌ beṉəꞌ caꞌ zɉəncheɉ gdenṉəꞌ besyəꞌəyež gdenṉəꞌ naꞌagaꞌaqueꞌenəꞌ nach yag sepənꞌ bosanən ṉiꞌagaꞌaqueꞌenəꞌ.

12
00:02:46,100 --> 00:03:00,640
Nach benꞌ chapə ližyanꞌ bebaneneꞌ naꞌ bleꞌineꞌ zɉənyalɉo puert caꞌ nach ḻeꞌe golɉteꞌ spad c̱heꞌenəꞌ goclažeꞌe yeyot cuineꞌ, goqueneꞌ bac̱h besyəꞌəxoṉɉ pres caꞌanəꞌ.

13
00:03:00,640 --> 00:03:07,880
Nach bisyaꞌa Pabənꞌ gožeꞌeneꞌ: ―Bito bi gone cuinoꞌ. Nga zoczə yoguəꞌətoꞌ.

14
00:03:07,880 --> 00:03:20,600
Nach benꞌ chapə ližyanꞌ gwṉabeꞌ to yiꞌ nach gwyoꞌodoeꞌ zɉəgüieꞌ ganꞌ de Pabənꞌ len Silasənꞌ naꞌ do chaḻəꞌ chxizeꞌ bzo xibenꞌ laogaꞌaqueꞌenəꞌ.

15
00:03:20,600 --> 00:03:30,480
Naꞌ ḻeꞌe bebeɉteꞌ ḻegaꞌaqueꞌ ližyanꞌ nach gožeꞌ ḻegaꞌaqueꞌ: ―¿Bi cheyaḻəꞌ gonaꞌ par nic̱h cui yeyaꞌa lao yiꞌ gabiḻənꞌ?

16
00:03:30,480 --> 00:03:41,240
Nach gwseꞌeneꞌ: ―Benḻilažəꞌ X̱antoꞌ Jesoꞌosənꞌ leꞌ naꞌ famiḻy c̱hioꞌ naꞌ goneꞌ ca cui yeyeɉle lao yiꞌ gabiḻənꞌ.

17
00:03:41,240 --> 00:03:48,600
Nach ḻeꞌe gwzolaote Pabənꞌ len Silasənꞌ gwsoꞌeleneꞌ beꞌenəꞌ naꞌ famiḻy c̱heꞌ caꞌ xtižəꞌ X̱anchonꞌ.

18
00:03:48,600 --> 00:04:00,120
Nach lao or naꞌatezə beꞌenəꞌ gwdibeꞌ lao güeꞌ c̱he Pabənꞌ naꞌ c̱he Silasənꞌ. Nach bosəꞌəc̱hoꞌe beꞌenəꞌ nis len famiḻy c̱heꞌ caꞌ.

19
00:04:00,120 --> 00:04:13,400
Nach gwc̱heꞌe Pabənꞌ len Silasənꞌ ližeꞌenəꞌ par byeꞌeɉ bguaogüeꞌ ḻegaꞌaqueꞌ. Naꞌ do famiḻy beꞌenəꞌ besyəꞌəbeichgüeineꞌ deꞌen bachsoꞌonḻilažeꞌe Jesocristənꞌ.

20
00:04:13,400 --> 00:04:24,520
Catəꞌ gwyeꞌeniꞌinəꞌ beṉəꞌ gwnabiaꞌ caꞌ bosoꞌoseḻeꞌe polsia par ɉseꞌežeꞌ benꞌ chapə ližyanꞌ de que yosaneꞌ beṉəꞌ caꞌ žɉəyaꞌaqueꞌ.

21
00:04:24,520 --> 00:04:38,020
Nach gož beꞌenəꞌ chapə ližyanꞌ Pabənꞌ: ―Ca naquə beṉəꞌ gwnabiaꞌ caꞌ bac̱h bosoꞌoseḻeꞌe rson yosanaꞌ leꞌe. Naꞌ baguaquə žɉəyaꞌacle to šaoꞌ to güen.

22
00:04:38,020 --> 00:04:59,620
Nach Pabənꞌ gožeꞌ polsia caꞌ: ―Bagosəꞌəyineꞌ netoꞌ lao lcueꞌ sin cui gwsoꞌoneꞌ yeḻəꞌ jostis šə bi nontoꞌonəꞌ, len naquətoꞌ beṉəꞌ ṉasyon Roma. ¿Enaꞌ ṉaꞌa chseꞌeneneꞌ yosyoꞌosaneꞌ netoꞌ žižizənəꞌ? Daꞌac cuingaꞌaqueꞌ desyeꞌeleɉeꞌ netoꞌ.

23
00:04:59,620 --> 00:05:13,840
Nach polsia caꞌ ɉesyəꞌəyežeꞌ beṉəꞌ gwnabiaꞌ caꞌ canꞌ gož Pabənꞌ ḻegaꞌaqueꞌ. Naꞌ beṉəꞌ caꞌ besəꞌəžebchgüeꞌ catəꞌ gosəꞌəṉezeneꞌ de que Pabənꞌ naꞌ Silasənꞌ zɉənaqueꞌ beṉəꞌ ṉasyon Roma.

24
00:05:13,840 --> 00:05:28,540
Nach ɉaꞌac beṉəꞌ gwnabiaꞌ caꞌ ganꞌ zɉəde Pabənꞌ naꞌ Silasənꞌ ɉəsyəꞌəyeꞌexeneꞌ ḻegaꞌaqueꞌ naꞌ besyəꞌəbeɉeꞌ ḻegaꞌaqueꞌ dižəꞌ šaoꞌ nach gwsaꞌatəꞌəyoineꞌ ḻegaꞌaqueꞌ yesaꞌaqueꞌ syodanꞌ.

25
00:05:28,540 --> 00:05:40,640
Catəꞌ bechoɉ Pabənꞌ len Silasənꞌ ližyanꞌ nach ɉaꞌaqueꞌ liž Lidianꞌ deꞌe yoblə par ɉesyeꞌetipeꞌ lažəꞌ beṉəꞌ caꞌ chsoꞌonḻilažəꞌ Jesocristənꞌ, nach besaꞌaqueꞌ.