1
00:00:05,000 --> 00:00:21,460
Naꞌ gwzecha to beṉəꞌ chsed chloꞌi ḻei deꞌen bzoɉ deꞌe Moisezənꞌ. Goneꞌeneꞌ goneꞌ Jesoꞌosənꞌ prueb binꞌ əṉeꞌ naꞌ gožeꞌeneꞌ: ―Maestr, ¿bi cheyaḻəꞌ gonaꞌ par nic̱h gatəꞌ yeḻəꞌ mban zeɉḻicaṉe c̱hiaꞌ?

2
00:00:21,460 --> 00:00:27,780
Naꞌ gož Jesoꞌosənꞌ ḻeꞌ: ―¿Binꞌ nyoɉən ḻeꞌe ḻeinꞌ? ¿Nac nan?

3
00:00:27,780 --> 00:00:47,100
Naꞌ benꞌ cheɉniꞌichgüei c̱he ḻeinꞌ božiꞌe xtižəꞌ Jesoꞌosənꞌ gožeꞌeneꞌ: ―Ḻei c̱hechonꞌ nan: “Cheyaḻəꞌ gaquecho c̱he X̱ancho Diozənꞌ do yic̱hɉ do lažəꞌəcho, do fuers balor c̱hecho, naꞌ gaquecho c̱he lɉuežɉcho catg chaquecho c̱he cuincho.”

4
00:00:47,100 --> 00:00:55,860
Nach gož Jesoꞌosənꞌ ḻeꞌ: ―Deꞌe ḻiczə canꞌ bagwnaoꞌ. Canꞌ cheyaḻəꞌ gonoꞌ par əbanoꞌ zeɉḻicaṉe.

5
00:00:55,860 --> 00:01:08,520
Naꞌ beꞌenəꞌ goneꞌeneꞌ əgwloꞌe de que zdaczeꞌ ḻicha canꞌ nanṉəꞌ naꞌ gožeꞌ Jesoꞌosənꞌ: ―¿Nonꞌ naquə lɉuežɉaꞌ benꞌ cheyaḻəꞌ gaquədaꞌ c̱hei?

6
00:01:08,520 --> 00:01:26,420
Naꞌ Jesoꞌosənꞌ gožeꞌeneꞌ: ―To beṉəꞌ bezeꞌe Jerosalenṉəꞌ par yežineꞌ Jerico naꞌ ɉəsyəꞌəxen beṉəꞌ bguan ḻeꞌ. Naꞌ gosəꞌəyiṉeꞌ xalaꞌaneꞌenəꞌ naꞌ gwsoꞌot gosəꞌəyineꞌ ḻeꞌ nach besaꞌaqueꞌ bosyoꞌocuaꞌaṉeꞌeneꞌ caczə to beṉəꞌ guat.

7
00:01:26,420 --> 00:01:35,640
Naꞌ goquənꞌ to bx̱oz gwdieꞌ tnezənꞌ naꞌ catəꞌ bleꞌineꞌ benꞌ deꞌenəꞌ, nach gwdieꞌ yešḻaꞌalə nezənꞌ.

8
00:01:35,640 --> 00:01:52,560
Ḻeczə canꞌ ben to beṉəꞌ golɉə lao dia c̱he deꞌe Lebinꞌ. (Beṉəꞌ caꞌ yoꞌo lao naꞌagaꞌaqueꞌ soꞌoneꞌ mendad ḻoꞌo yoꞌodaoꞌ əblaonəꞌ.) Zdeꞌ tnezənꞌ naꞌ catəꞌ bžineꞌ ganꞌ bleꞌineꞌ de beꞌenəꞌ naꞌ gwdieꞌ yešḻaꞌalə nezənꞌ.

9
00:01:52,560 --> 00:02:03,000
Pero to beṉəꞌ Samaria lao ngüeꞌe nezənꞌ nḻagueꞌ xporrenꞌ bžineꞌ ganꞌ de beꞌenəꞌ naꞌ ca bleꞌineꞌ ḻeꞌ beyašəꞌəlažeꞌeneꞌ.

10
00:02:03,000 --> 00:02:18,440
Naꞌ bgüigueꞌe ganꞌ deꞌenəꞌ, naꞌ bšoneꞌ set naꞌ bino lao güeꞌenəꞌ, naꞌ bc̱heɉeꞌen lachəꞌ. Nach božieꞌeneꞌ cožəꞌ xporreꞌenəꞌ. Naꞌ bec̱heꞌeneꞌ ganꞌ zo to meson ganꞌ bgüia byeꞌeneꞌ.

11
00:02:18,440 --> 00:02:34,200
Naꞌ beteyo gwleɉeꞌ c̱hopə mech deꞌen nziꞌ denario bnežɉueꞌen x̱an mesonṉəꞌ naꞌ gožeꞌeneꞌ: “Bgüia bye benga naꞌ šə bichlə deꞌen gonoꞌ gast naꞌ c̱hixɉuaꞌan catəꞌ zezaꞌa.”

12
00:02:34,200 --> 00:02:52,540
Beyož beꞌ Jesoꞌosənꞌ dižəꞌ canꞌ goc c̱he benꞌ ɉəsyəꞌəxen beṉəꞌ bguan caꞌ, nach gožeꞌ benꞌ chsed chloꞌi ḻeinꞌ: ―¿Bi chacdoꞌ? ¿noeꞌ beṉəꞌ caꞌ goqueneꞌ de que beṉəꞌ probənꞌ naquə lɉuežɉeꞌ benꞌ cheyaḻəꞌ gaqueneꞌ c̱hei?

13
00:02:52,540 --> 00:03:10,340
Nach benꞌ chsed chloꞌi ḻeinꞌ gožeꞌ Jesoꞌosənꞌ: ―Benꞌ beyašəꞌ bežiꞌilažəꞌ benꞌ ɉəsyəꞌəxen beṉəꞌ bguan caꞌ. Nach gož Jesoꞌosənꞌ ḻeꞌ: ―Ḻeczə canꞌ cheyaḻəꞌ gonoꞌ dezd ṉaꞌa, yeyašəꞌ yežiꞌilažoꞌo yoguəꞌəḻoḻ beṉəꞌ.