1
00:00:05,000 --> 00:00:11,860
Naꞌ ḻeczə gožeꞌ ḻegaꞌaqueꞌ: ―Gwzo to beṉəꞌ naꞌ gwnitəꞌ c̱hopə xiꞌiṉeꞌ beṉəꞌ byo.

2
00:00:11,860 --> 00:00:23,800
Naꞌ bžin ža beṉəꞌ xcuidənꞌ gožeꞌ x̱enꞌ: “X̱a, beṉ nadaꞌ deꞌen cheyaḻəꞌ siꞌa deꞌen deidoꞌ.” Nach x̱eꞌen bnežɉueꞌeneꞌ deꞌen cheyaḻəꞌ siꞌenəꞌ.

3
00:00:23,800 --> 00:00:40,440
Gwde yeto c̱hopə ža naꞌ beṉəꞌ xcuidənꞌ btobeꞌ yoguəꞌəḻoḻ cuantzə bi deꞌen de c̱heꞌ naꞌ gwzeꞌe gwyeɉeꞌ ṉasyon zitəꞌ. Naꞌ porzə deꞌe cui zaqueꞌe ɉeneꞌ. Naꞌ lao zdaleneꞌ deꞌe malənꞌ benditɉeineꞌ xmecheꞌenəꞌ.

4
00:00:40,440 --> 00:00:53,140
Naꞌ catəꞌ beya xmecheꞌenəꞌ, goc to bgüin juisy lao doxen ṉasyonṉəꞌ, naꞌ bitoch bi bi gotəꞌ par siꞌe deꞌe yeꞌeɉ gaogüeꞌ naꞌ bichlə deꞌe byažɉeneꞌ.

5
00:00:53,140 --> 00:01:03,620
Deꞌe naꞌanəꞌ gwyeɉeꞌ ganꞌ zo to beṉəꞌ ṉasyonṉəꞌ naꞌ gwṉabeꞌ žin. Naꞌ beꞌenəꞌ bseḻeꞌeneꞌ yix̱əꞌ ganꞌ žaꞌ bia zan xcošeꞌ par nic̱h ɉəyeꞌeb.

6
00:01:03,620 --> 00:01:11,880
Naꞌ tant gwdoneꞌ xte goclažeꞌe gaogüeꞌ deꞌen chsaꞌo coš caꞌ, pero ni ḻen cui bosoꞌonežɉueꞌeneꞌ gaogüeꞌ.

7
00:01:11,880 --> 00:01:23,400
Naꞌ beyoneꞌ to xbab šaoꞌ naꞌ gwneꞌ: “Nitəꞌ mos zan c̱he x̱aꞌanəꞌ, naꞌ dechgua deꞌe chsaꞌogüeꞌ, naꞌ nadaꞌ gatədaꞌ yeḻəꞌ chdon.

8
00:01:23,400 --> 00:01:32,260
Yezaꞌa nga naꞌ yeyaꞌa ganꞌ zo x̱aꞌanəꞌ, naꞌ yapaꞌaneꞌ: X̱a, babenaꞌ deꞌe mal lao Diozənꞌ naꞌ laogoꞌ leꞌ.

9
00:01:32,260 --> 00:01:39,860
Naꞌ bitoch zacaꞌa gonoꞌ nadaꞌ cuent ca xiꞌiṉoꞌ, con šə goꞌo latɉə gacaꞌ xmosoꞌ.”

10
00:01:39,860 --> 00:01:55,940
Nach bezeꞌe beyeɉeꞌ ganꞌ zo x̱eꞌenəꞌ. Naꞌ zitəꞌələ zeꞌe yežineꞌ catəꞌ bleꞌi x̱eꞌen ḻeꞌ, naꞌ gwsaꞌadoeꞌ ɉəšagueꞌeneꞌ, naꞌ gwdeḻeꞌeneꞌ gwdaogüeꞌeneꞌ bxid c̱hedəꞌ beyašəꞌ bežiꞌilažeꞌeneꞌ.

11
00:01:55,940 --> 00:02:06,700
Nach gož xiꞌiṉeꞌenəꞌ ḻeꞌ: “X̱a, babenaꞌ deꞌe mal lao Diozənꞌ naꞌ laogoꞌ leꞌ, naꞌ bitoch zacaꞌa gonoꞌ nadaꞌ cuent ca xiꞌiṉoꞌ.”

12
00:02:06,700 --> 00:02:21,860
Naꞌ x̱eꞌenəꞌ gožeꞌ xmoseꞌen: “Ɉəleɉ tgot lachəꞌ šaoꞌ naꞌ guacoꞌoboꞌon. Naꞌ ɉəx̱iꞌ to niy naꞌ gwdioꞌon xbemboꞌon, naꞌ ɉəx̱iꞌ šcueꞌ yel naꞌ gwdioꞌon ṉiꞌaboꞌonəꞌ.

13
00:02:21,860 --> 00:02:27,720
Naꞌ ɉəx̱iꞌ goꞌoṉ daꞌonəꞌ bianꞌ chaṉəꞌ naꞌ betəb par gaochob, naꞌ goncho lṉi.

14
00:02:27,720 --> 00:02:41,600
Laꞌ xiꞌiṉaꞌ nga babenaꞌaboꞌ cuent ca to biꞌi guat, pero ṉaꞌa zoboꞌ mbamboꞌ. Gwleɉyic̱hɉboꞌ chioꞌo, pero ṉaꞌa babeḻaꞌaboꞌ.” Naꞌ gwzolao chsoꞌoneꞌ lṉinꞌ.

15
00:02:41,600 --> 00:02:54,620
Naꞌ xiꞌiṉeꞌ nechənꞌ zdeꞌ yoba catəꞌən bežin xiꞌiṉeꞌen yeto. Naꞌ catəꞌ zezaꞌ benꞌ gwyeɉ yobanꞌ bazon yežineꞌ liž x̱eꞌenəꞌ catəꞌ beneneꞌ chosoꞌocuežeꞌ naꞌ chosoꞌoyeꞌe.

16
00:02:54,620 --> 00:03:01,580
Naꞌ goxeꞌ to mosənꞌ naꞌ gwṉabeneꞌ ḻeꞌ bixc̱henꞌ chsoꞌoneꞌ lṉinꞌ.

17
00:03:01,580 --> 00:03:10,780
Naꞌ mosənꞌ gožeꞌeneꞌ: “Biꞌi bišoꞌonəꞌ babeḻaꞌaboꞌ naꞌ x̱aꞌonəꞌ babeteꞌ goꞌoṉ daoꞌ bianꞌ chaṉəꞌ c̱hedəꞌ beḻaꞌaboꞌ to šaoꞌ to güen.”

18
00:03:10,780 --> 00:03:20,160
Nach xiꞌiṉeꞌ nechənꞌ bžeꞌe, naꞌ bito goneꞌeneꞌ yeyoꞌe liž x̱eꞌenəꞌ. Nach bchoɉ x̱eꞌenəꞌ gotəꞌəyoineꞌ ḻeꞌ yeyoꞌe.

19
00:03:20,160 --> 00:03:39,060
Pero xiꞌiṉeꞌ nechənꞌ gožeꞌ x̱eꞌenəꞌ: “Zan iz bachac zoaꞌ nga chontezaꞌ žin con canꞌ chonoꞌ mendad. Naꞌ bitoṉəꞌ gacaꞌ beṉəꞌ godenag. Naꞌ ni tozə šib daoꞌ cuiṉəꞌ goṉoꞌ nadaꞌ par gotaꞌab gonaꞌ lṉinꞌ len beṉəꞌ migw c̱hiaꞌ caꞌ.

20
00:03:39,060 --> 00:03:51,680
Naꞌ ṉaꞌa belaꞌ xiꞌiṉoꞌ nga biꞌin benditɉei yoguəꞌəḻoḻ deꞌen bnežɉoꞌoboꞌ gwzaꞌalemboꞌ noꞌolə sargat, naꞌ betoꞌ par ḻeboꞌ to goꞌoṉ daoꞌ bianꞌ chaṉəꞌəch.”

21
00:03:51,680 --> 00:04:00,500
Naꞌ x̱eꞌenəꞌ gožeꞌeneꞌ: “Xiꞌiṉdaoguaꞌa, leꞌ zotezoꞌ len nadaꞌ, naꞌ yoguəꞌəḻoḻ deꞌe deidaꞌ naquən c̱hioꞌ.

22
00:04:00,500 --> 00:04:17,060
Pero cheyaḻəꞌ goncho lṉi nga ṉaꞌa tant chebeicho babelaꞌ biꞌi bišoꞌonəꞌ, c̱hedəꞌ babenaꞌaboꞌ cuent ca to biꞌi guat, pero ṉaꞌa zoboꞌ mbamboꞌ. Gwleɉyic̱hɉboꞌ chioꞌo pero ṉaꞌa babeḻaꞌaboꞌ.”