1
00:00:05,000 --> 00:00:10,480
Naꞌ catəꞌ beyož beꞌ Jesoꞌosənꞌ jempl nga, gwzeꞌe zdeꞌ Jerosalenṉəꞌ.

2
00:00:10,480 --> 00:00:20,560
Naꞌ catəꞌ bgüigueꞌe yež Betfage naꞌ Betania, ganꞌ zo yaꞌa deꞌen nziꞌ yaꞌa Olibos, naꞌ gwleɉeꞌ c̱hopə disipl c̱heꞌ caꞌ.

3
00:00:20,560 --> 00:00:35,180
Naꞌ gožeꞌ ḻegaꞌaqueꞌ: ―Ḻeꞌe žɉaꞌac yežənꞌ chiꞌ naꞌ, naꞌ catəꞌ šoꞌole laoꞌ yežənꞌ leꞌile to borr daoꞌ daꞌab yag, bia cui noṉəꞌ cuia. Naꞌ əsežleb naꞌ əc̱heꞌeleb ngalə.

4
00:00:35,180 --> 00:00:42,100
Šə nonꞌ yeꞌe leꞌe: “¿Bixc̱henꞌ chsežleb?” naꞌ yeꞌeleneꞌ: “X̱antoꞌ nanꞌ chyažɉeneꞌeb.”

5
00:00:42,100 --> 00:00:50,580
Nach beṉəꞌ caꞌ bseḻəꞌ Jesoꞌosənꞌ gwsaꞌaqueꞌ naꞌ besəꞌəleꞌineꞌeb daꞌab ganꞌ gož Jesoꞌosənꞌ ḻegaꞌaqueꞌ caꞌ.

6
00:00:50,580 --> 00:00:57,860
Nach lao chosəꞌəsežeꞌeb, x̱amb caꞌ gwseꞌe ḻegaꞌaqueꞌ: ―¿Bixc̱henꞌ chsežle borr daꞌonəꞌ?

7
00:00:57,860 --> 00:01:03,100
Nach disipl caꞌ gwseꞌe ḻegaꞌaqueꞌ: ―C̱hedəꞌ X̱antoꞌon chyažɉeneꞌeb.

8
00:01:03,100 --> 00:01:11,460
Nach gosəꞌəc̱heꞌeb lao Jesoꞌosənꞌ naꞌ besəꞌəx̱oa xadoṉ c̱hegaꞌaquenꞌ cožəꞌəbənꞌ, nach bosoꞌožieꞌ Jesoꞌosənꞌ cožəꞌəbənꞌ.

9
00:01:11,460 --> 00:01:20,020
Naꞌ lao zdeꞌ Jerosalenṉəꞌ žieꞌ cožəꞌ borrənꞌ, lao nez ganꞌ zdeꞌenəꞌ bosoꞌošilɉw xalaꞌan beṉac̱hənꞌ.

10
00:01:20,020 --> 00:01:42,980
Naꞌ gosəꞌəbigueꞌe gaḻəꞌəzə Jerosalenṉəꞌ naꞌ besəꞌəžineꞌ ganꞌ yesyəꞌəyetɉeꞌ yaꞌa Olibosənꞌ. Nach yoguəꞌəḻoḻ disipl zan c̱heꞌ caꞌ zɉaꞌacleneꞌ ḻeꞌ gwzolao ḻechguaḻe besyəꞌəbeineꞌ naꞌ gwzolao gwsoꞌelaogüeꞌe Diozənꞌ zižɉo gwsoꞌe dižəꞌ c̱he yoguəꞌəḻoḻ deꞌen babesəꞌəleꞌineꞌ deꞌe zaquəꞌ yebanecho.

11
00:01:42,980 --> 00:01:59,900
Nach gosəꞌəneꞌ: ―Sošga Rei c̱hechonꞌ mbalaz benꞌ bazaꞌ nga bseḻəꞌ X̱ancho Diozənꞌ ḻeꞌ. Ḻedoyeꞌelaꞌoch Diozənꞌ txen len beṉəꞌ caꞌ nitəꞌ ganꞌ zoeꞌenəꞌ c̱hedəꞌ babeneꞌ par nic̱h beṉac̱hənꞌ gaquə ṉiteꞌe binḻo len ḻeꞌ.

12
00:01:59,900 --> 00:02:10,780
Naꞌ entr beṉəꞌ zan caꞌ gwnitəꞌ baḻə beṉəꞌ fariseo. Nach to c̱hopeꞌ gwseꞌe Jesoꞌosənꞌ: ―Maestr, ben mendad ṉitəꞌ disipl c̱hioꞌ caꞌ žizə.

13
00:02:10,780 --> 00:02:21,460
Nach božiꞌi Jesoꞌosənꞌ xtižəꞌəgaꞌaqueꞌenəꞌ gwneꞌ: ―Echniaꞌ leꞌe, žaləꞌ beṉəꞌ quinga niteꞌe žizə, yeɉ quinga soꞌosyaꞌan əsoꞌelaꞌon nadaꞌ.

14
00:02:21,460 --> 00:02:30,600
Naꞌ lao bežineꞌ gaḻəꞌəzə Jerosalenṉəꞌ bgüieꞌ syodanꞌ naꞌ beneꞌ xbab c̱he beṉəꞌ lao syodanꞌ naꞌ gwchežyašeꞌe.

15
00:02:30,600 --> 00:02:41,740
Naꞌ gwneꞌ: ―¡Žaləꞌ bacheɉniꞌile ṉaꞌa nac gonḻe par sole binḻo len Diozənꞌ! Pero ṉaꞌa ṉengašəꞌən len leꞌe.

16
00:02:41,740 --> 00:02:52,340
Gwžin ža gwžin or catəꞌ beṉəꞌ contr c̱hele soꞌoneꞌ to yež de yeɉ deꞌen šec̱hɉ syodanꞌ par nic̱h notono gac yechoɉ syodanꞌ.

17
00:02:52,340 --> 00:03:08,700
Naꞌ əsoꞌoteꞌ leꞌe naꞌ xiꞌiṉle caꞌ, naꞌ yosyoꞌoc̱hiṉɉeꞌ syodanꞌ naꞌ yesyeꞌeyosḻaseꞌ yeɉ caꞌ. Canꞌ gaquə c̱hedəꞌ bito cheɉḻeꞌele de que Diozənꞌ babseḻəꞌ nadaꞌ laolenꞌ par gaquəlenaꞌ leꞌe.