\id ROM
\h Romanos
\toc1 Romanos
\mt Guijtz Nani Bacuaa Pabl Lo Rebeṉ Roman
\c 1
\s Rucuaa Pabl lo rebeṉ guidoo neṉ guedx Roma
\p
\v 1 Narä, Pabl, nacä te xmos Jesucrist, laani gule narä
te gusuleꞌä xtidx Dios loj rebejṉ.
\p
\v 2 Agujc xchero biaꞌn Dios diidx loj renani basuleꞌ
xtiidxni, suniidxni diidxre loonu, luxh diidx ni biaꞌn
Dios caj lo guijtz xten reprofeꞌtga.
\v 3 Rediidx ni rusuleꞌä najc xcuent Jesucrist, Xiꞌn
Dios, ni najc xagdoo toṟeii David xcuent tiejxhni.
\v 4 Xcuent Xsprit Dxan Dad Jesucrist, najcni Xiꞌnpac
Dios. Badeed Dios yäḻrnibee lojni, niꞌcni gubaṉsacni
lo rebeṉgut.
\v 5 Laani gucnäjni narä, guleni narä te gusuleꞌä xtiidxni
te guzobdiajgtu, te chalilajz rebejṉ ni rej guideb guedxliuj
xtiidxni.
\v 6 Luxh nadxaagtu loj rebejṉ ni guleni te chalilajzreni
xtiidxni.
\p
\v 7 Ruxhaḻä guijtzre lojtu ni yuꞌ guedx Roma, guiraatu
ni sanälajz Dios ni bibeetu gactu beṉdxan. Gacnäj Dios
ni najc Xtadnu näjza Dad Jesucrist laꞌtu, guscuecdxireni
lajztu.
\s Rlajz Pabl chää guedx Roma
\p
\v 8 Ganidtoo rudedä xquixtios loj Dios con laj Jesucrist
xcuent guiraatu, saꞌcsi guideb guedxliuj rujy bejṉ diidx
xcuent xcäḻrililajztu.
\v 9 Lagajc Dios anajn xho rniabä guet-guejt xcuent laꞌtu
lojni. Narä runä xtzuun Dios guideb lastoä, rusuleꞌä
diidx xcuent Xiꞌnni Jesucrist.
\v 10 Sanuutis canabä lojni, top sajc jiädhuiä lojtu
siꞌcni rlazä gunä agujc xchejli.
\v 11 Saꞌcsi rlazduxhä fiä lojtu, te gacnää́tu, te gulidxä
laꞌtu xhi te xtidx Dios te sudzuꞌtzrutu lo xtiidxni.
\v 12 Nalajznu, te gustioobnu lajz saꞌnu xcäḻrililajz
xtidx Dios xten saꞌnu.
\p
\v 13 Rebetzä rlazä gacbeetu balti huält benä xhigab
jiädhuiä lojtu, luxh gajd gacdi jiäḻä. Rlazä jiädhuiä
lojtu te chalilajz xhidajlru bejṉ xtidx Dios sigajcni
salilajzreni guiralajt cadro huaꞌa loj rebejṉ ni di
gac xpeṉ Israel.
\v 14 Nungäjḻpac gusuleꞌä xtidx Dios loj rebejṉ nani
rnii garen-garen didxsaj, sigajc loj rebeṉ griegw, loj
renani nayääl, sigajc loj rebeṉ najn.
\v 15 Rbaali lazä sugaꞌa ṉaj, te gusuleꞌ xtidx Dios näjza
lojtu ni yuꞌ guedx Roma.
\s Xcäḻrnibee xtidx Dios
\p
\v 16 Saꞌcsi dina guituiä xcuent xtidx Dios, saꞌcsi najcni
yäḻrnibee xten Dios te gusḻaani lo dojḻ chutis bejṉ
nani rlajz chalilajz xtiidxni, ganidtoo reni najc rexpejṉ
Israel, dxejcti näjza rebejṉ ni di gac xpeṉ Israel.
\v 17 Saꞌcsi xtidx Dios rusuleꞌ xho nanab chalilajz
te bejṉ te gacni te beṉsaꞌc nez lo Dios saꞌcsi huililajzni
xtiidxni. Lo xtidx Dios caj scree: “Palga rililajz te
bejṉ xtidx Dios, najcni te beṉnaya nez lo Dios, nabaṉnäjni
Dios xcuent xcäḻrililajzni.”
\s Rextojḻ bejṉ
\p
\v 18 Xcälrdxeꞌch Dios nani yuꞌ xhaguibaa siajbni yejc
rebejṉ nani gun dojḻ, nani rlajz gun cosguijdx, nani di
gusaan guisieed sabejṉreni didxgulii.
\v 19 Saꞌcsi anancheereni nani sajc gan bejṉ xcuent
Dios, niꞌcni najnreni rajpreni dojḻ, saꞌcsi ruluipac Dios
naꞌc gunreni dojḻ.
\v 20 Cheni birixtiejli guedxliuj, recos nani di gacdi
fii bejṉ xcuent Dios, siꞌc xcäḻrnibeeni ni najc par tejpas,
siꞌc xtujxh xtenni, huenliisi ruzeṉreni saꞌcsi ruluilojreni
recos ni ruzeṉ nani benchee Dios. Guiraa reniꞌc ruluiloj
najcni Gueb Dios ni rajp yäḻrnibee par tejpas, niꞌc di
gacdi guiniireni loj Dios direni niembee xhiniꞌc rlajz
Dios gunreni.
\v 21 Niꞌcni, mase biembeereni Dios, direni niliäꞌp xpalaꞌnni
te gaṉreni Gueb Dios, dizareni nudeed xquixtios lojni.
Alga guyalajz gujcreni, bicäjy xcäriejnreni, naareni hueen
najc gunreni siꞌctis ni jiajb yejcreni, siꞌcni rsiaꞌ
lajzreni neṉ lastooreni.
\v 22 Caniireni nanduxhreni, per direni gan, nayäälreni.
\v 23 Gulälazreni xcäḻrdimbichaꞌ Dios ni najc tejsi
par tejpas, te bazuxhijbreni nez loj rebanäjb ni benchee
ṉaareni, ni najc guiraa ni rujn lojni siꞌc rujn lo te
niguii ni rnitloj, näjza guiraa ni najc siꞌc reman ni
rutajt, näjza guiraa ni najc siꞌc reman ni yuꞌ tajp niꞌni,
näjza ni najc siꞌc rebäjl.
\p
\v 24 Niꞌcni gulälaz Diosreni, basaanni gunreni siꞌctis
ni rlajzreni. Bejnreni dojḻ con resaꞌreni.
\v 25 Saꞌcsi ahuililajzreni didx-xhii lacuaa nililajzreni
xtidxlii Dios, ruzuxhijbzareni nez loj recos ni benchee
Dios, lacuaa guzuxhijbreni loj Dios nani benchee guiraa
rexhicos, Dios nacleꞌ par tejpas. Sugacni siꞌc.
\p
\v 26 Niꞌcni gulälaz Diosreni, subiaꞌnreni lo xcäḻlatsiajreni,
lo yäḻxtujy xtenreni. Diru regunaa guesnäj niguii, lagajc
sagunaareni resnäjreni.
\v 27 Sigajcza reniguii gulälaz regunaa, rujnreni dojḻ
con lagajc saniguiireni. Luxh lagajc laareni siguijxreni
latsiaj ni rujnreni.
\p
\v 28 Luxh saꞌcsi di rlajzreni jiureni Dios, basaanti
Dios suyuꞌ cosguijdxtis xcäriejnreni, te chanuutisreni
lo xcäḻlatsiajreni, rujnreni recos ni xhet laadi.
\v 29 Guidxareni dojḻ, näjza cosguijdx, näj yäḻruguilajz
xhixten saꞌreni; ruguꞌtreni bejṉ, rujnreni yäḻrsiäblajz,
rucuanäjreni resaꞌreni, rusgueereni saꞌreni, rdxechnäjreni
saꞌreni, rniizareni didxxhii.
\v 30 Rniyaj saꞌreni, rdxeꞌchreni lo Dios, guyalajzreni,
dipacreni guitujy, rliäꞌpreni lagajc xpalaꞌnreni, entis
latsiacoob rbäxtiejreni, guyalajzreni lo xcuzajnreni,
\v 31 nadduxhreni, xheti xcäriejnreni, xhet sajcdi xtiidxreni
ni riaꞌnreni lo sabejṉreni, direni chanälajz saꞌreni
siꞌcni nungäjḻ gacni, dizareni gulaslajz saꞌreni.
\v 32 Luxh mase agucbeereni gun Dios yäḻguxhtis lojreni,
najnzareni nungäjḻ guetpac renani rujn recosre, nicla
jiureni, rujnreni guiraa recosguijdxre, luxh rbaali lajzreni
richunäjreni rebejṉ ni rujnza recosguijdxga.
\c 2
\s Dios rujn yäḻguxhtis con didxguliipac
\p
\v 1 Niꞌcni, ¿canejz chäätu, laꞌtu beṉguedxliuj? Chutis
luj ni rgubeelu sabejṉlu, lagajc siꞌc cubeezareni luj,
lagajc xcuent niꞌc sajclu yäḻguxhtis, saꞌcsi luj rgubeelu
sabejṉlu, lagajcza luj rujnlu lagajc dojḻga.
\v 2 Nancheenu sujn Dios yäḻguxhtissaꞌc loj renani rujn
saꞌ dojḻga.
\v 3 Beṉ guedxliuj ni rgubee loj renani rujn dojḻ, luxh
sigajcza rujnlu, ¿la rujnlu xhigab sidedcaj gun Dios
yäḻguxhtis lojlu xcuent xtojḻlu, ä?
\v 4 O ¿la rbälazlu ni rujn Dios, najcni huenduxh, lacti
guroob najc xcäḻrulaslajzni, rapduxhzani pasens? ¿La
dilu gan dee najc ni gacnäjlu gusiechlajzlu te guibicajlu
lo dojḻ, ä?
\v 5 Luxh saꞌcsi nadduxhlu, di lastoolu guigoodz te gusiechlajzlu,
cagutajḻlu yäḻguxhtis ni gaclu che guidzujṉ dxej ni
gun Dios yäḻguxhtis loj rebeṉ guedxliuj,
\v 6 siguijx Dios loj tejgatu xcuent dzuun nani bejn
tejgatu.
\v 7 Loj rebejṉ nani rlajztisreni guibaṉsaꞌc, ni gusoob
xtiidxni, sudeed Dios yäḻnabajṉ par tejpas saꞌcsi gudiilreni
xhaniduj näjza goꞌpreni xpalaꞌnreni loj Dios, rlajzreni
guibajṉreni loj Dios par tejpas.
\v 8 Luxh sidxeꞌch Dios, sidxeꞌchduxhni loj renani sanälajz
lagajc laareni, nani di jiu xtidxguliini, alga rusoobreni
reyäḻlatsiaj, redidxguijdx.
\v 9 Guiraa rebeṉ guedxliuj ni rujn dojḻ sidejd trabajwduxh
näjza sac-huin lastooreni; ganid rexpeṉ Israel, dxejcti
näjza rebeṉ griegw.
\v 10 Loj guiraa rebejṉ nani rujn cos-hueen, sudeed Dios
xhaniduj, näjza balaꞌṉ, näjza yäḻrbecdxi lastooreni, ganid
rexpeṉ Israel, dxejcti näjza rebeṉ griegw.
\p
\v 11 Saꞌcsi tebloj najc guiraasi rebejṉ nez loj Dios.
\v 12 Guiraa rebejṉ nani bejn dojḻ, luxh direni niembee
xleii Dios, sinitlojreni sin leiiga; guiraa reni biembee
xleii Dios, lagajc con leiiga sujn Dios yäḻguxhtisreni
xcuent xtojḻreni.
\v 13 Xhet ganaxdi renani rucuadiajgtis xleii Moisés
najc beṉnaya nez loj Dios; rebejṉ ni rusoobpac rexleii
toMoisés, reniꞌc najc beṉnaya loj Dios.
\v 14 Yuꞌ xhidal bejṉ ni di gumbee xleii toMoisés, dizareni
gac rexpeṉ Israel, rujnreni recos ni caj lo leii. Najnreni
xhiniꞌc najc cos saꞌc. Niꞌcni lagajc xcäriejnreni najc
siꞌc leii par laareni.
\v 15 Recossaꞌc ni rujnreni ruluiloj nezyusaꞌc ni yuꞌ
lastooreni. Xcäriejnreni ruluiloj xhiniꞌc loj guiraa
nani rujnreni najc cos saꞌc, xhiniꞌc najc dojḻ.
\v 16 Guiraa recosre sajc che guidzujṉ dxej ni gun Dios
yäḻguxhtis guiraa rexhigabxhigaꞌtz ni yuꞌ lastoo rebejṉ.
Jesucrist gac juejz lojreni, dxejc sisiojb guiraa rediidx
ni cagusuleꞌä lojtu.
\s Rexpeṉ Israel näj xleii toMoisés
\p
\v 17 Luj ni laalu xpeṉ Israel, ni rniilu sanäpaclu xleii
toMoisés, rniduxhlu najclu xpeṉ Dios,
\v 18 rniilu nancheezalu xhiniꞌc rlajz Dios gunlu, anajnzalu
xhiniꞌc najc hueenru saꞌcsi bisiedsaꞌcpaclu leii.
\v 19 Rchalolu sajc guluiilu nezyusaꞌc lo rebejṉ nani
najc siꞌc lotiäꞌp, sajc guzanijlu xcäriejn reni nacäjy
xcäriejnreni.
\v 20 Rchalolu najclu mastr lo renani nayääl, najczalu
mastr lo rebiuux, saꞌcsi nansaꞌclu leii, luxh lojni caj
guiraa yäḻnajn näjza guiraa didxguliipac.
\v 21 Niꞌcni rniä lojlu, luj ni caguseed xtee bejṉ, ¿xhicuent
dilu guseed lagajc luj? Luj ni rusuleꞌlu diidx naꞌc
cuan bejṉ, ¿xhicuent rbajnlu?
\v 22 Luj nani rniilu naꞌc guesnäjni te ni di gac chäälni,
¿la resnäjlu nani di gac chäällu, ä? Rdxeꞌchlu xcuent
rebanäjb, ¿xhicuent rbäälu xhicos neṉ xquidoo rebanäjb,
ä?
\v 23 Luj rlajzlu chäꞌp xpalaꞌnlu saꞌcsi najnlu leii,
¿la rusanxtujylu Dios saꞌcsi dilu gusoob xtidx leiiga,
ä?
\v 24 Bahuii xho rebejṉ nani di gac xpeṉ Israel rniyajreni
Dios saꞌcsi laꞌtu ditu gusoob xtiidxni, rujntu dojḻ, sigajc
ni caj lo xtidx Dios.
\p
\v 25 Palga laꞌtu chutu bee siꞌcni caj lo leiiga, palga
gusoobtu guiraa diidx ni caj lo leii, laaca. Luxh palga
ditu gusoob guiraliipac xtidx leiiga, xliaꞌsi guyuꞌtu
bee, saꞌcsi rujntu dojḻ.
\v 26 Niꞌcni palga te bejṉ ni di chu beega, luxh rusoobni
guirliipac xtidx leiiga, ¿la di gacdi guchaagni cuent
najcni siꞌc te nani yuꞌ beega, ä?
\v 27 Bejṉ nani di chu beega, luxh rililajzni guiraliipac
xtidx leiiga, sujnni yäḻguxhtis laꞌtu saꞌcsi mase yuꞌtu
beega, luxh nanduxhtu leiiga, ditu gusoob xtidx leiiga,
alga rujntu dojḻ.
\v 28 Saꞌcsi xhet guiraadi rebejṉ ni yuꞌ beega najc
rexpejṉ Israel, luxh di beega ni ruꞌ bejṉ gun gusoobpac
bejṉ xtidx leiiga.
\v 29 Najcpac te xpeṉ Israel nani najcni neṉ lastooni,
nani yuꞌ bee lastooni, rusoobpacni xtidx Dios xcuent
Sprit xtenni, dini gunni saꞌcsi najctisni costumbr. Dios
ni siliäꞌp xpalaꞌnni, xhet bejṉdi.
\c 3
\p
\v 1 ¿Xhiniꞌc sacnäj te bejṉ najcni te rexpeṉ Israel, ä? O ¿xhi sajc chuni beega?
\v 2 ¡Empac sacduxhni! Ganidtoo, saꞌcsi loj rexpeṉ Israel badeed Dios xtiidxni.
\v 3 Mase yuꞌ renani di nililajz diidxga, ¿la niꞌcni xhet sajcdi diidx ni biaꞌn Dios loj rexpejṉni, ä?
\v 4 ¡Xho gacni siꞌc! Diostis najc guliipac, guiralii bejṉ rusguee. Scree caj lo xtidx Dios:
\q Lagajc xtiidxlu suluii laaca rujnlu,
\q te che gaclu yäḻguxhtis,
\q nicla tej xtojḻlu di guidxäjl.
\p
\v 5 Palga xcäḻlatsiajnu ruluiiru najc Dios huenduxh, ¿xhiniꞌc guiniinu dxejc? Palga gun Dios yäḻguxhtis nurnu, dxejc tednu trabajwduxh, ¿la rujnni latsiaj loonu, ä? (Caniä siꞌc te beṉ guedxliuj ṉaj.)
\v 6 ¡Xho gacni siꞌc! Paru najcni siꞌc, ¿xho mood gun Dios yäḻguxhtis loj rebejṉ guedxliuj?
\p
\v 7 Paru redidx-xhii ni rniä riliäꞌpru xpalaꞌn Dios näjza xtidxliini, ¿xhicuent gunni yäḻguxhtis narä siꞌc te beṉdojḻ?
\v 8 Yuꞌza bejṉ ni canii didx-xhii, najreni cayäjpnu lo rebejṉ: “Coḻyejn cosguijdx te guiluilojni recoshuen.” Per rebejṉ ni canii siꞌc sidzujṉ dxej gacreni yäḻguxhtis.
\s Guiraanu najcnu beṉdojḻ
\p
\v 9 ¿Dxejcaꞌ? ¿La najcnu beṉhuenduxhru lojreni, ä? Dini gac; tebloj abileꞌcnu yäḻquij xten rexpeṉ Israel con rebejṉ ni di gac xpeṉ Israel, saꞌcsi guiraareni yuꞌreni lo dojḻ.
\v 10 Siꞌcni caj lo guijtz:
\q Ruti te beṉsaꞌc, nicla tejni.
\q
\v 11 Ruti te bejṉ ni racbee,
\q ruti chu tej nani rguiil Dios.
\q
\v 12 Guiragajcreni abirii lo xnejz Dios,
\q teblojsi xhet sajcdireni.
\q Ruti chu tej ni rujn cossaꞌc, nicla tejni.
\q
\v 13 Roꞌreni ṟii ganax didxguijdx,
\q najcni siꞌc te baa ni naxal,
\q rusgueereni con lujdxreni,
\q didxlatsiaj ṟii roꞌreni najcni siꞌc beneṉ ni yuꞌ roꞌ te bäḻnialajz.
\q
\v 14 Roꞌreni entis cague,
\q entis canii didxrdxeꞌch lo saꞌreni.
\q
\v 15 Niꞌreni ruxuṉli saxheꞌ xtiejn saꞌreni.
\q
\v 16 Cadrotis rijreni rujnreni latsiaj,
\q ruteedreni saꞌreni trabajw.
\q
\v 17 Direni gumbee nezyuj ni ruscuecdxilajz.
\q
\v 18 Niclaza guidxelojreni Dios.
\p
\v 19 Racbeenu najc rediidx nani caj lo xleii Dios par rebejṉ ni rnibee leii lojreni, te jiäuu roꞌ guiralii rebejṉ, te guiraa rebeṉ guedxliuj gacbeereni yuꞌ xtojḻreni nez loj Dios.
\v 20 Saꞌcsi mase gusoob bejṉ guiraꞌti diidx ni caj lo leii, di leiiga gudzucaj xtojḻ bejṉga, saꞌcsi leiiga najc nani guluii dojḻ ni yuꞌ neṉ lastooni.
\s Rusḻaa Dios lo dojḻ xcuent yäḻrililajz xtiidxni
\p
\v 21 N̲aj ruluii Dios stee mood guibicaj xtojḻnu, nani di gac mood ni caj lo xleii toMoisés. Luxh galooli gusloj canii Dios xcuent nezyujre, cajni lo reguijtz xten leii näjza lo reguijtz ni bejn rebejṉ nani gunii xtidx Dios galoo.
\v 22 Stee mood najc scree: Chutis ni chalilajz xtidx Jesucrist, sajc naya lastooni nez loj Dios; siꞌc sajc garaliiza nani salilajz, saꞌcsi tebloj najcnu nez lojni.
\v 23 Saꞌcsi guiralii rebejṉ guedxliuj abanijt lo Dios, direni guigaꞌ guidzujṉreni lo xnezyuj Dios.
\v 24 Niluxh balaslajz Dios nuunu, banidxxliaꞌni loonu yäḻnabaṉnaya nez loj Dios saꞌcsi Jesucristis gudijx yäḻguxhtis xten dojḻ che baxheꞌni xtiejnni lo crujz te badzucajni xtojḻnu.
\v 25 Baxhaḻ Dios xiꞌnni, Jesucrist, te cuajni lo crujz nez loj rebejṉ te siꞌc gudijxni guiraa rextojḻ chutis bejṉ ni rililajz xtidx Dios xcuent xtiejn Jesucrist. Siꞌc bejn Dios te guluiini xho guibaṉnaya bejṉ lojni. Galoo gojptis Dios pasens rebejṉ, dini niujn yäḻguxhtis rextojḻreni,
\v 26 saꞌcsi acanajn Dios guc gunni yäḻguxhtis redojḻga, te siꞌc guiluiini xcäḻnayani nez loj guiraa rebejṉ, te Diospac gunnaya nez lojni chutis ni rililajz xtidx Jesucrist.
\p
\v 27 Niꞌcni ¿con yäḻnaro? ¿Con yäḻbindaan? ¡Xhet sajcdini! ¿Xhi leii rudzucaj xtojḻnu? ¿La leii najc ni rnii jiennu dzunsaꞌc, ä? ¡Dini gac siꞌc! Yuꞌ tejtis leii ni rudzucaj dojḻ, nani rnii chalilajztis bejṉ xtidx Jesucrist.
\v 28 Dxejc sajc guiniä lojtu chutis bejṉ sajc gac naya nez loj Dios saꞌcsi rililajzni xtidx Jesucrist, xhet saꞌcsi rujnni redzunsaꞌc ni caj lo leii.
\p
\v 29 ¿La najc Dios Xtiooztis rexpeṉ Israel, ä? ¿La dini gac näjza Dios xten rebejṉ ni di gac xpeṉ Israel? ¡Xho dini gac! Najcni Dios xten guirop cuaa bejṉ.
\v 30 Ruti chu stee Dios, tejtis Dios yuꞌ. Rusḻaani lo dojḻ rebejṉ ni guyuꞌ bee saꞌcsi huililajzreni xtiidxni, sigajcza rusḻaani lo dojḻ rebejṉ ni xhet beedi guyuꞌ saꞌcsi huililajzzareni xtiidxni.
\v 31 ¿La rudzucajnu leii saꞌcsi rililajznu, ä? Ajndi. ¡Xho gacni siꞌc! Alga basoobnu xtidx leiiga che huililajznu xtidx Jesucrist.
\c 4
\s Xcäḻrililajz toAbram
\p
\v 1 ¿Xhiniꞌc sajc guiniinu xcuent toxtadgoldoonu, Abram?
\v 2 Paru niajc toAbram beṉnaya nez loj Dios por redzuun
ni bejnni, pet sajc guibalazduxhni, per xhet nez lojdi
Dios.
\v 3 ¿Xhiniꞌc caj lo xtidx Dios? Caj rediidxre:
\q Huililajz toAbram xtidx Dios,
\q niꞌc bachaag Dios cuent najcni te beṉnaya nez lojni.
\p
\v 4 Meel nani rcaꞌ te bejṉ ni rujn te dzuun, meelga
najc ni riäjl xcaꞌni, xhet rcaxliaꞌdinini.
\v 5 Luxh nani rililajztis xtidx Dios ni rusḻaa bejṉ
lo dojḻ, lacuaa naani yuꞌ xhi dzuun sajc gunni te guibicaj
xtojḻni, bejṉga najc te beṉnaya nez loj Dios, saꞌcsi huililajzni
xtiidxni.
\v 6 Sigajcza naj toDavid, chicbaa bejṉ nani ruchaag
Dios cuent najcni te beṉnaya luxh di niquiin niujnni
redzuun ni caj lo leii. Räjpni:
\q
\v 7 Chicbaa renani abasḻaa Dios lo xtojḻreni,
\q renani abiäuu loj xtojḻreni.
\q
\v 8 Chicbaa bejṉ nani diru Dios gun cuent xtojḻni.
\p
\v 9 ¿La sajc guiniini chicbaa rebejṉtis nani guyuꞌ
bee, ä? ¿La et näjdiza renani di niuꞌ bee, ä? Saꞌcsi rniinu:
“ToAbram gujc te beṉnaya nez loj Dios saꞌcsi huililajzni
xtidx Dios.”
\v 10 Guc bidxaag cuent najcni te beṉnaya nez loj Dios
¿che gajdni chu bee, ä? O ¿Laa che guyuꞌni bee? Bidxaagpac
xcuentni che gajdni chu bee.
\v 11 Dxejcti guyuꞌni bee siꞌc te seen xten yäḻnaya
saꞌcsi huililajzni xtidx Dios che gajdlini chu bee te
gacni xtad guiraa renani rililajz laḻ ni xhet beedi
yuꞌreni, te näjza laareni guidxaag cuent najcreni beṉnaya
nez loj Dios,
\v 12 te gaczani xtad guiraa renani yuꞌ bee ni huililajzza
xtidx Dios siꞌc huililajz toAbram cheni gajdni chu bee.
\s Diidx ni biaꞌn Dios rsiojb xcuent yäḻrililajz
\p
\v 13 Biaꞌn Dios diidx loj toAbram näjza loj rexagdooni,
xcaꞌni guedxliujre siꞌc yäḻnasaꞌc xtenni. Xhet saꞌcsi
gusoobni xtidx leii xcaꞌnini, sicaꞌnini saꞌcsi najc toAbram
te beṉnaya nez loj Dios saꞌcsi huililajzni xtidx Dios.
\v 14 Saꞌcsi paru renani rusoob xtidx leiiga najc nani
xcaꞌ yäḻnasaꞌcga, xliaꞌsi chalilajz bejṉ xtidx Jesucrist,
luxh xhetza sajcdi diidx nani biaꞌn Dios loj toAbram.
\v 15 Che yuꞌ te leii, luxh yuꞌ chu di gusoobni, dxejc
rdxeꞌch Dios loj bejṉ. Cadro xheti leii, xhetiza xtojḻreni.
\p
\v 16 Niꞌcni balaslajz Dios nuunu, te sudzuꞌtz diidx
ni biaꞌnni loj toAbram, te guiraa rexagdooni ni rililajz
sicaꞌ yälnasaꞌc, xhet xtebtis renani sasanäj xleii toMoisés,
nägajcza renani rililajz xtidx Dios siꞌc huililajz toAbram,
nani najc xtad guiraanu nani chalilajz xtidx Dios.
\v 17 Siꞌcza caj lo xtidx Dios, caj rediidxre: “Abenä
gaclu xtad xhidal renacióṉ.” Siꞌc biaꞌn Dios diidx loj
toAbram, Gueb Dios nani gudeed yäḻnabajṉ loj rebeṉgut,
nani rnii xcuent recos nani gajd gac ascanu ala najcni.
\p
\v 18 Anajn toAbram naganduxh soob diidx ni biaꞌn Dios
con laani, luxh laani empac huililajzni, niꞌc gujcni xtad
xhidajl nacióṉ, te gusojb xtidx Dios ni guniini che räjpni:
“Scree gac xhidajl rexagdoolu.”
\v 19 Di toAbram nunijt xcäḻrililajzni, mase ayuꞌni tegayuu
ijz, najnni anajcni beṉgool, luxh sigajcza Sara abeṉgool
diru xiꞌnreni chu.
\v 20 Dini niun-tioꞌp lajzni xcuent rediidx nani biaꞌn
Dios con laani, alga gusutijpruni huililajzni xtiidxni,
guläꞌpni xpalaꞌn Dios, badeedni xquixtios lojni.
\v 21 Anajnni rajp Dios yäḻrnibee te gunni guiralii
nani biaꞌn diidx gunni.
\v 22 Niꞌc bachaag Dios cuent najcni te beṉnaya nez
lojni saꞌcsi huililajzni xtidx Dios.
\p
\v 23 Xhet xtebtisdi xcuent toAbram cuaj rediidxre:
“Bidxaag cuent najcni te beṉnaya nez loj Dios saꞌcsi
huililajzni xtidx Dios”,
\v 24 näjza xcuentnu cuajni, saꞌcsi che chalilaaznu xtiidx
nani baspaṉsac Xtad Jesucrist loj rebeṉgut, sidxaag cuent
najcnu beṉnaya nez loj Dios.
\v 25 Bacuaareni Jesucrist lo crujz te gudijxni rextojḻnu
nez loj Dios, luxh gubaṉsacni lo rebeṉgut, te gac gacnu
beṉnaya nez loj Dios.
\c 5
\s Xhi rsiajc bejṉ che najcreni beṉnaya nez loj Dios
\p
\v 1 Niꞌcni che rililajznu xtidx Dios rudzucaj Jesucrist
xtojḻnu rajcnu beṉnaya nez loj Dios, niꞌcni ruscuecdxini
lajznu.
\v 2 Saꞌcsi gujt Jesucrist, saꞌcsi gubaṉsacni lo rebeṉgut
xcuent nuurnu, che rililajznu xtidx Dios xcuent Jesucrist,
rulaslajz Dios nuurnu, niꞌcni rbalajznu, rajpnu yäḻnabajṉ,
suꞌpacnu lo xcäḻrdimbichaꞌ Dios.
\v 3 Luxh xhet niꞌctis, sajcza guibalaaznu che tednu
trabajw, saꞌcsi najnnu trabajwga sujn jiaꞌpnu pasens.
\v 4 Luxh che rajpnu pasens rajcnu te beṉguyajlru; che
anajczanu beṉguyajl, rililazsaꞌcrunu.
\v 5 Luxh yäḻrililazsaꞌcnu dini gusanxtujy, saꞌcsi yäḻsanälajz
ni rajp Dios ruchaj lastoonu saꞌcsi neṉ lastoonu rbäjz
Xsprit Dxan xten Dios ni baniidxni loonu.
\p
\v 6 Laḻ ni xhetliidi sajcdi jiennu lagajc xcuentnu
te guibicaj xtojḻnu, che basaꞌ dxej biääd Jesucrist te
gujtni lo crujz xcuent rebeṉdojḻ.
\v 7 Guliipacni, naganduxh guidxälni te bejṉ ni xcäjb
guet lacuaa te bejṉ ni laaca rujnni. Per sidxäjl te
bejṉ ni xcäjb guet lacuaa te beṉsaꞌc.
\v 8 Luxh Dios baluiloj xcäḻrinälajzni xcuent nuurnu
saꞌcsi laḻ ni yugajcnu lo dojḻ, gujt Jesucrist lo crujz
xcuentnu.
\v 9 Aticaxh ṉaj ni najcnu beṉnaya nez loj Dios saꞌcsi
baxheꞌni xtiejnni te gubicaj xtojḻnu, ṉaj sidedcaj gacnu
xcäḻguxhtis Dios.
\v 10 Palga laḻ ni rdxeꞌchnu lo Dios, basiäjḻni lajzni
xcuentnu saꞌcsi gujt Xiꞌnni lo crujz, ṉaj ni abiäjḻ lajzni,
susḻaani nuure lo dojḻ saꞌcsi gubaṉsac Xiꞌnni loj rebeṉgut.
\v 11 Luxh xhet niꞌctis, sibalaznäjnu Dios xcuent Dad
Jesucrist, saꞌcsi xcuentni araꞌpnu yäḻrbedxi lajzni nez
loj Dios.
\s Adán con Dad Jesucrist
\p
\v 12 Niꞌcni, xcuent tejtis niguii biuꞌ dojḻ lo guedxliuj,
luxh xcuent dojḻ biäädza yäḻgujt, gudejdti yäḻgujt loj
guiraa rebejṉ, saꞌcsi guiraa rebejṉ bejnreni dojḻ.
\v 13 Cheni gajd xleii toMoisés chu lo guedxliujre, alabejn
rebejṉ dojḻ, per di niajcdi nucuaquijni rebejṉ saꞌcsi
xheti leii.
\v 14 Luxh empac gujt rebejṉ neṉ redxej ni gubajṉ toAdán
hasta redxej ni gubajṉ toMoisés, mase direni niujn lagajc
dojḻ nani bejn toAdán; luxh ruluiloj yuꞌ chu stee bejṉ
nungäjḻ jiääd.
\p
\v 15 Luxh nani runidx-xliaꞌ Dios dini gac siꞌc najc
xtojḻ toAdán. Dini gac siꞌc saꞌcsi palga xcuent dojḻ
ni bejn toAdán, gujt xhidalduxh bejṉ, cuantimaaz ṉaj sunidx-xliaꞌ
Dios yäḻnabajṉ par tejpas loonu por xcäḻrulaslajz Dios,
nägajc por xcäḻrulaslajz Dad nani laa Jesucrist.
\v 16 Luxh nani runidx-xliaꞌ Dios loonu dini gac siꞌc
yäḻrunijt ni biääd loonu xcuent dojḻ ni bejn toAdán;
saꞌcsi xcuent tejtis dojḻga biääd yäḻguxhtis xten Dios,
saꞌcsi guiraliiza rebejṉ guedxliujre yuꞌ lo dojḻ, per
xcuent nani banidx-xliaꞌ Dios, nalajznu, gujt Xiꞌnni Jesucrist
lo crujz, niꞌc gujc saꞌcsi yuduxhtej dojḻ, te xcuent ni
bejn Jesucrist sajc gac bejṉ beṉnaya nez loj Dios.
\v 17 Palga xcuent dojḻ ni bejn tejsi bejṉga gunibee
yäḻgujt lo guiraa bejṉ, cuantimaaz lo yäḻnabajṉ par tejpas
sinibee guiraa reni rcaꞌ xcäḻrulaslajz Jesucrist näjza
renani rcaxliaꞌ lojni yäḻracnaya nez loj Dios.
\p
\v 18 Niꞌcni sigajc ni biääd yäḻguxhtis lo guiraa rebeṉ
guedxliuj xcuent dojḻ ni bejn tejsi niguii, sigajcza
saꞌcsi basoob stee niguii xtidx Dios, xhidal bejṉ gujc
beṉnaya nez loj Dios, cuaꞌreni yäḻnabajṉ par tejpas.
\v 19 Nalajznu sigajc ni banijt xhidalduxh bejṉ nez
loj Dios xcuent tej niguii ni di nusoob xtidx Dios, sigajcza
xhidalduxh bejṉ sajc beṉnaya nez loj Dios xcuent tej
niguii ni basoob xtiidx Dios.
\v 20 Niꞌcni badeed Dios xleii toMoisés, te guzeṉru dojḻ.
Niluxh cadro guyuduxh dojḻ, roꞌc nanabza chuduxhru xcäḻrulaslazduxh
Dios,
\v 21 te sigajc ni gunibee dojḻ guyuꞌ yäḻgujt, sigajcza
guinibeeru xcäḻrulaslajz Dios te jiaꞌcnu beṉnaya nez
loj Dios, te xcaꞌnu yäḻnabajṉ par tejpas xcuent Xiꞌnni,
Dad Jesucrist.
\c 6
\s Agujtnu lo dojḻ per nabaṉnäjnu Jesucrist
\p
\v 1 ¿Xhiniꞌc guiniinu, ṉaj? ¿La sajc guidxunrunu lo
dojḻ te tioobru xcäḻrulaslajz Dios, ä?
\v 2 ¡Gurniälojtu gacni siꞌc! Nuurnu najcnu siꞌc te
beṉgut lo dojḻ saꞌcsi rililajznu xtidx Dios; ¿xhoxh
gac guibajṉrunu lo dojḻ?
\v 3 ¿La ditu gan, che gurobnisnu con laj Jesucrist, najcni
siꞌc ni näjza nuurnu gujtnu siꞌc ni gujt Jesucrist?
\v 4 Saꞌcsi che gurobnisnu bigatznäjnuni siꞌc lo yäḻgujt,
te sigajcni huäjs Jesucrist lo yäḻgujt xcuent xcäḻrnibee
Dios, sigajcza näj nuurnu sajc guidxunnu lo te yäḻnabaṉcoob.
\p
\v 5 Saꞌcsi palga gujcnu tejsi con laani lo xcäḻgujtni
che birobnisnu, sigajcza sajcnu tejsi con laani lo yäḻnabaṉsac
lo rebeṉgut.
\v 6 Niꞌcni xcärienbiejwnu cuaj lo crujz con laani, te
badzucajni rextojḻnu, te di gacdiru guinibee dojḻ loonu.
\v 7 Saꞌcsi nani agujt, di gacdiru guinibee dojḻ lojni.
\v 8 Palga nuurnu agujtnu con Jesucrist, rililaaznu sibaṉsaczanu
con laani.
\v 9 Saꞌcsi nadonpacnu gubaṉsac Jesucrist loj rebeṉgut,
niꞌc diruni guet, diru yäḻgujt gaꞌp yäḻrnibee lojni.
\v 10 Che gujt Jesucrist, gujtni xcuent dojḻ, luxh diru
gacdi guinibee dojḻ laani par tejpas; ṉaj ni gubaṉsacni,
nabajṉni nez loj Dios.
\v 11 Niꞌcni laꞌtu coḻguchaag cuent najctu siꞌc te beṉgut
lo dojḻ, luxh nez loj Dios, coḻguchaag cuent nabaṉnäjtu
Jesucrist.
\p
\v 12 Niꞌcni naꞌc gusaantu guinibee dojḻ tiejxhtu te
guntu siꞌctis ni rlajz tiejxhtu.
\v 13 Naꞌcruza gusaantu jiajb guideb lagaa tiejxhtu
lo dojḻ te guntu cosguijdx. Maazru hueen coḻgudeed tiejxhtu
lo Dios siꞌc te bejṉ nani gubaṉsac lo rebeṉgut, näjza
coḻgudeed guideb lagaa tiejxhtu te guntu recoshueen
siꞌc ni rlajz Dios guntu.
\v 14 Saꞌcsi diru dojḻ guinibee lojtu, saꞌcsi dirutu
chu loj xleii toMoisés, saꞌcsi yuꞌtu lo xcäḻrulaslajz
Dios.
\s Laꞌtu najc siꞌc remos
\p
\v 15 ¿Xho gacni ṉaj? ¿La sajc jienrunu dojḻ ṉaj ni
dirunu chu lo leii saꞌcsi yuꞌnu lo xcäḻrulaslajz Dios,
ä? ¡Xho gacni siꞌc!
\v 16 Laꞌtu nansaꞌctu palga yuꞌtu siꞌc te mos loj te
lam̲ te gusobdiajgtu xtiidxni, najcpactu xmos bejṉ nani
rusoobtu xtiidxni. Niꞌcni, palga gusoobtu xtidx dojḻ,
niꞌc najc xlam̲tu, niꞌc siädnä yäḻgujt lojtu. Palga gusoobtu
xtidx Dios, niꞌc najc xlam̲tu. Dxejc sajctu beṉnaya nez
loj Dios.
\v 17 Xquixtios lo Dios, galoo gujctu xmos dojḻ, per ṉaj
guideb lastootu basobdiajgtu xtidxcoob Dios, huililajztu
xtiidxni ni basuleꞌnu lojtu.
\v 18 Luxh aguḻaatu lo dojḻ, biädjiajctu xmos Dios lo
dzunsaꞌc.
\v 19 Narä cagusuleꞌä diidx con saꞌ didx guyasire saꞌcsi
gajdtu gacbesaꞌc xho najc xnezyuj Dios. Che gujctu xmos
dojḻ, guideb lagaatu bejntu dojḻ, bejntu latsiaj, luxh
niꞌc satajltis latsiaj ni bejntu. N̲aj ni najctu xmos
Dios lo dzunsaꞌc, guideb lagaatu coḻyejnru dzunsaꞌc, te
siꞌc sidajlru dzunsaꞌc ni guntu saꞌcsi najctu beṉnaya
nez loj Dios.
\p
\v 20 Saꞌcsi che gujctu xmos dojḻ, di rextidx Dios guinibee
laꞌtu.
\v 21 N̲ajaꞌ, ¿xhiniꞌc bejntu gaan che gujctu xmos dojḻ,
bejntu recos ni rtuinäjtu ṉaj? Ni xnezyuj recosga rdzujṉ
loj yäḻgujttis.
\v 22 Per ṉaj, saꞌcsi aguḻaatu lo dojḻ, abiuꞌtu najctu
xmos Dios, sujntu sajctu beṉnaya nez loj Dios, luxh xnezyuj
recoscoobre rdzujṉ lo yäḻnabaṉnäj Dios par tejpas.
\v 23 Xcäḻrajx xten dojḻ najc yäḻgujt, per nani runidx-xliaꞌ
Dios najc xcäḻnabaṉnäj Dios par tejpas xcuent ni bejn
Jesucrist xtadnu.
\c 7
\s Yäḻruluii ni rudeed yäḻguchṉaa
\p
\v 1 Caniä lojtu ni najn xleii toMoisés. ¿La ditu gan,
resaꞌä, xleii toMoisés rnibee loj te bejṉ guideb nabajṉni
lo guedxlijre?
\v 2 Najcni siꞌc te gunaa nani bachṉaa te niguii. Nanabpac
cuäznäjni chäälni guideb nabajṉni. Siꞌc rnibee leiiga.
Palga guet chäälni, diru gacdi guinibee leiiga lojni
xcuent chäälni.
\v 3 Niꞌcni, laḻ ni nabajṉ chääl gunaaga, palga cuäznäj
gunaaga steꞌca niguii, cayujnni dojḻ sirilajni gunaguijdx.
Palga agujt chääl gunaaga, aguḻaani lo leiiga, sajc guchṉaani
stee niguii, xhet dojḻdi cayujnni, dizani guirilaj gunaguijdx.
\p
\v 4 Niꞌcni laꞌtu, rebetzä, sigajcza aguḻaatu lo leiiga,
saꞌcsi najcni siꞌcni gujctu siꞌc beṉgut lo leii che
gujt Jesucrist lo crujz, te ṉaj sajc jiuꞌtu lo steꞌca
bejṉ, loj lagajc Jesucrist nani gubaṉsac loj rebeṉgut
te sajc jiennu redzunsaꞌc ni rlajz Dios jiennu.
\v 5 Saꞌcsi laḻ ni gubajṉnu lo yäḻnabaṉbiejwga, lagajc
rediidx nani rnii leiiga di gacdi gun bejṉ, lagajc recosga
rlajz gun tiejxhnu, luxh siꞌc sozaatisnu lo xnezyuj yäḻgujt.
\v 6 N̲aj abiṟiinu lo leiiga, saꞌcsi agujtnu lo leiiga
nani gunibee loonu galoo. N̲aj con xpritcoob ni yuꞌ neṉ
lastoonu yuꞌnu lo Dios, xhet con xcärienbiejwdi ni gojpnu
che nanab gusoobpacnu leii.
\s Redojḻ nani yuꞌ tiexhä
\p
\v 7 ¿Xhixhniꞌc guiniinu ṉaj? ¿La dojḻ najc leii, ä?
¡Xho gacni siꞌc! Palga dina niembeä xhi caj lo leiiga,
dizana niacbeä cayunä dojḻ. Dina niacbeä cayunä dojḻ
che rlazä xcaꞌa xhixten steꞌca bejṉ palga dina niolä
lo leii rediidxre: “Naꞌc chuguij lajzlu rexhixten bejṉ.”
\v 8 Niꞌcni lagajc diidx ni caj lo leiiga bejn guyuguij
lazä rexhixten bejṉ saꞌcsi nancheä najcni dojḻ. Paru
xheti leii, xhetiza dojḻ, agujtni.
\v 9 Galoo gubaṉä xhet leiidi nanä, luxh che biääd diidx
ni rnibee leii, gucbeä xhiniꞌc najc dojḻ, dxejc banitä
lo Dios, siꞌc ni gutä.
\v 10 Luxh baxhaḻ Dios leiiga loonu te jiuäni, te xcaꞌä
yäḻnabajṉ, luxh alga bazeṉni benä dojḻ, banitä nez loj
Dios, gutäti dxejc.
\v 11 Con leiiga, basguee dojḻ narä, bejnni narä siꞌc
te beṉgut nez loj Dios.
\p
\v 12 Niꞌcni, leii najc dxan, näjza rediidx ni caj lo
leiiga najc dxan; hueen najcni, didxgulii najcni.
\v 13 ¿Dxejcaꞌ? ¿La nani najc te coshueen huinä narä
lo yäḻgujt, ä? ¡Xho gacni siꞌc! Dojḻ najc ni huinä narä
lo yäḻgujt. Te siꞌc xcuent leiiga ni nasaꞌc, jieṉlojni
dojḻpac najc dojḻ saꞌcsi baguꞌtni narä con te coshueen,
te lagajc rediidx ni caj lo leiiga jieṉloj lacti latsiaj
najc dojḻ.
\p
\v 14 Saꞌcsi nadonnu leiiga najc xtidx Dios, luxh narä
nacä te beṉ guedxliujre, nacä xmospac dojḻ.
\v 15 Saꞌcsi dina gacbeä xhiniꞌc runä. Dina gunä recos
nani rlazä gunä, alga cayunä latsiaj nani dipacna rlazä
gunä.
\v 16 N̲aj palga narä runä latsiaj nani dipacna rlazä
gunä, lagajcza niꞌc ruluii hueenca najc leii.
\v 17 N̲aj, diruni gac narä ni cayujn latsiaj, saꞌcsi yuꞌ
dojḻ neṉ lastoä, niꞌc ni cayujn runä latsiaj.
\v 18 Saꞌcsi narä nanä neṉ lastoä, nalajznu lo tiexhä,
xhetliidi cossaꞌcdi yuꞌ; saꞌcsi rlazä gunä cossaꞌc, per
dina gacdipä te gunäpac recossaꞌcga.
\v 19 Saꞌcsi dina gunä redzunsaꞌc nani rlazä gunä, alga
latsiaj nani diru rlazä gunä, niꞌc runä.
\v 20 Niꞌcni palga runä latsiaj nani diru rlazä gunä,
xhet narädi runäni, dojḻ ni yuꞌ tiexhä, niꞌc ni cayujn
runä latsiaj.
\p
\v 21 Niꞌcni narä, nani rlazä gunä redzunsaꞌc, rdxälä
leiire: yuꞌpa dojḻ tiexhä.
\v 22 Saꞌcsi neṉ lastoä, rlazäpac gusobä diidx xten xleii
Dios.
\v 23 Luxh ruhuiä garenca leii yuꞌ guideb lagaa tiexhä,
ruchagdijlni leii ni yuꞌ xcärienä, ruteedzani narä ladzṉaa
xleii dojḻ nani yuꞌ guideb lagaa tiexhä.
\p
\v 24 ¡Proobza narä! ¿Chuniꞌc gusḻaa tiexhä ni nungäjḻ
guet xcuent dojḻ?
\v 25 ¡Xquixtios loj Dios saꞌcsi Dad Jesucrist sajc
gusḻaa nuurnu lo dojḻ! Niꞌcni con xcärienä rusobä xtiidx
Dios, yuꞌä lo xleii Dios, niluxh tiexhä rlajz gusoob xtiidx
dojḻ, chuni lo xleii dojḻ.
\c 8
\s Yäḻnabajṉ ni najc xcuent Sprit Dxan xten Dios
\p
\v 1 Niꞌcni ṉaj rut rajcdi rbeꞌc xcäḻquij renani ahuililajz
xtidx Jesucrist, renani diru jiu gunreni latsiaj ni rlajz
gun tiejxhreni, alga riurureni rujnreni ni rnibee Sprit
Dxan xten Dios ni rbäjz neṉ lastooreni.
\v 2 Saꞌcsi leii xten Sprit Dxan xten Dios ni rudeed
yäḻnabajṉ xcuent Jesucrist, abasḻaani narä lo yäḻrnibee
xten xleii dojḻ näjza yäḻgujt.
\v 3 Saꞌcsi nani di niajcdi niujn leibiejw, saꞌcsi dini
niajc nadip lo rebeṉguedxliuj te gacreni beṉnaya nez
loj Dios, niꞌc bejn Dios che baxhaḻni Xiꞌnni Jesucrist,
siꞌc te beṉ guedxliujre xcuent dojḻ, te bejnni yäḻguxhtis
lo dojḻ ni rnibee tiejxh bejṉ.
\v 4 Te siꞌc gac xcäḻguxhtis xten leibiejw lo tiejxh
nuurnu, renani dirunu gusoob nani rlajz gun tiejxhnu,
saꞌcsi ṉaj rbajṉnu siꞌc ni rnibee Sprit Dxan xten Dios
ni yuꞌ neṉ lastoonu.
\p
\v 5 Saꞌcsi renani rusoobtis nani rlajz gun tiejxhreni,
rujntisreni xhigab xcuent redojḻga, luxh renani rusoob
xtidx Sprit Dxan xten Dios rujntisreni xhigab xcuent
nani rlajz Dios gunreni.
\v 6 Saꞌcsi renani yuꞌtis yejcreni nani rlajz gun tiejxhreni,
sejtreni, sinijtreni; luxh renani yuꞌtis yejcreni nani
rnii Sprit Dxan Dios, reniꞌc sibecdxi lajzreni, sicaꞌreni
yäḻnabajṉ lo Dios par tejpas.
\v 7 Te xcäriejn nani riutis ni rlajz gun tiejxh bejṉ
rdxeꞌch Dios lojni saꞌcsi dini gusoob xleii Dios, luxh
nicla gac gunnini.
\v 8 Renani nabajṉtis te gunreni latsiaj ni rlajz gun
tiejxhreni di Dios guibalaznäjreni.
\p
\v 9 Luxh laꞌtu dirutu gun siꞌctis ni rlajz gun tiejxhtu,
niꞌcni rujntu siꞌc ni rlajz Sprit Dxan xten Dios guntu,
palga rbäjzni neṉ lastootu. Palga yuꞌ chu tejtu ni di
Sprit Dxan cuääz neṉ lastooni, di niꞌc gac xpejṉni.
\v 10 Palga rbäjz Jesucrist neṉ lastootu, agujt tiejxhtu
xcuent dojḻ, xprittu nabajṉ saꞌcsi anajctu beṉnaya nez
loj Dios.
\v 11 Luxh palga neṉ lastootu rbäjz Sprit xten nani
baspaṉsac Jesucrist loj rebeṉgut, lagajc nani baspaṉsac
Jesucrist lo rebeṉgut suspaṉsac tiexhnu ni nabajṉ lo
guedxliujre xcuent Xpritni nani yuꞌ neṉ lastoonu.
\p
\v 12 Niꞌcni rebetzä, najcnu bejṉ ni cuaj diꞌn, xhet lojdi
tiexhnu te jiennu siꞌc ni rlajz gun tiexhnu.
\v 13 Saꞌcsi palga cayujntu siꞌc ni rlajztis gun tiejxhtu,
sejtpactu. Palga nabajṉtu xcuent Sprit Dxan xten Dios
ni rbäjz neṉ lastootu, sibälaztu latsiaj ni rlajz gun
tiejxhtu, sibaṉnäjtu Dios par tejpas.
\p
\v 14 Saꞌcsi guiraa renani ruluii Sprit Dxan xten Dios
guiraa reniꞌc najc rexiꞌn Dios.
\v 15 N̲aj ditu nicaꞌ te sprit xten te mos te chusactu
lo yäḻrdxejb, alga cuaꞌtu sprit xten ni najc siꞌc te
bisiäjb ni cuaꞌ bejṉ siꞌc xiꞌnpacni, ṉaj najcnu xiꞌnni,
niꞌcni sajc gäbnu lojni: “Guejblu, Xtadä.”
\v 16 Saꞌcsi lagajc Sprit Dxan xten Dios ruluii loj
xpritnu, najcpacnu xiꞌn Dios.
\v 17 Luxh palga najcnu rexiꞌnni, sicaꞌzanu yäḻnasaꞌc
lo Dios, tejsi yäḻnasaꞌc con Dad Jesucrist, palga guliini
tednu lagajc trabajw ni gudejdni xcuent xtiidxni, te
tejsiza siliäꞌp xpalaꞌnnu con laani.
\p
\v 18 Saꞌcsi narä runä xhigab retrabajw ni cadejdnu
neṉ redxejre, digacdi gun tebloonureni con yäḻrdimbichaꞌ
nani churu guihuiinu.
\v 19 Saꞌcsi guiraa recos nani benchee Dios lo guedxliujre,
cabäjzreni, yuduxhreni gaan fiireni dxej che guluiloj
Dios chuniꞌc najc rexiꞌnni.
\v 20 Guiraa recos ni gulecxtiej Dios lo guedxliujre,
xliaꞌsi gujcreni, xhet saꞌcsi siꞌc rlajzdi recosga, per
saꞌcsi siꞌc bejn Dios, ni cabäjztis
\v 21 gusḻaapacni guiraa recos ni bencheeni lo guedxliujre
lo xcäḻrnibee yäḻgujt, yäḻrnitloj, te dxejc sajc jiuꞌni
lo yäḻrbedxi xten xcäḻrdimbichaꞌ xten rexiꞌn Dios.
\v 22 Guiraa recos ni gulecxtiej Dios lo guedxliujre
entis roonreni, guira dxej rdejdreni trabajw, siꞌc rdejd
te gunaa trabajw che rajl xiꞌnni.
\v 23 Luxh xhet nani treꞌtis lo guedxliujdi, näjza nuunu
ni yuꞌ Sprit Dxan xten Dios neṉ lastoonu, roonzanu cabääznu
dxej cheni xcaꞌ Dios nuure siꞌc rexiꞌnni, cheni guscoobzani
tiexhnu.
\v 24 Saꞌcsi xcäḻrililaaznu ni rbääznu, niꞌc bejn guḻaanu
luxh yäḻrbäjz ni guyasi rieṉ, di niꞌc gac yäḻrbäjz, saꞌcsi
¿chu laa ni cuääz xcuent te cos ni ala bahuiini?
\v 25 Palga cabääznu xcuent te cos ni gajdnu guihuii,
rbaali laaznu, rsiudzuꞌtznu rbäjznu guihuiinu gacni.
\p
\v 26 Sigajcza racnäj Sprit Dxan xten Dios nuure cadro
xheti yäḻrutijp laaznu saꞌcsi nicla guidonnu xho mood
riäjḻ guiniab bejṉ lo Dios. Luxh lagajc Sprit Dxan ni
yuꞌ lastoonu rniabni lo Dios xcuent nuure con yäḻrbedxneṉ
nani nicla gajd bejṉ gäb con diidx xho najcni.
\v 27 Dios, nani rulaꞌtz lastoonu, nanchee xhiniꞌc rniab
Sprit Dxan xtenni xcuent nuurnu, saꞌcsi rniabni siꞌcpac
ni rlajz Dios guiniabnu xcuent rexpejṉpac Dios.
\s Siennu gaanpac loj guiraꞌti
\p
\v 28 Nadoncheenu guiraꞌti ni rsiajc rebejṉ ni sanälajz
Dios, reni agule Dios te gunreni xtzuunni rsiajcrenini
te gun Dios gac recosga par xcäḻnasaꞌcreni.
\v 29 Saꞌcsi renani biembee Dios galooli, reniꞌc gule
Dios cheni gajdli guirixtiej guedxliujre, te gacreni
siꞌc ni najc Xiꞌnni; te gacza Xiꞌnni ganid loj guiraa
ni najc famil xten Dios.
\v 30 Renani guleni galooli, reniꞌc gurejdxni; renani
gurejdxni, bejnzani najcreni beṉnaya nez loj Dios; renani
bejnni najcreni beṉnaya nez loj Dios, guläꞌpzani xpalaꞌnreni.
\p
\v 31 ¿Xhixhniꞌc guiniinu xcuent dee? Palga yuꞌ Dios
xlaadnu, ¿chuxh niꞌc najc ni gun gaan loonu?
\v 32 Dios nani di nudxojn Xiꞌnni, nani cuäjb cuaj Xiꞌnni
lo crujz te gujtni, te gudijxni xcuent xtojḻnu, ¿xho dini
guniidx loonu xcuent Xiꞌnni guiraꞌti nani rquiinnu, ä?
\v 33 ¿Chuniꞌc sajc cueꞌc xhi xcäḻquij reni agule Dios
nez lo Dios, ä? Ni lagajc Dios najc nani rnii najcnu
beṉnaya nez lojni.
\v 34 ¿Chuniꞌc najc nani cueꞌc xhi xcäḻquijnu nez lo
Dios? Jesucrist najc nani gujt por nuure, luxh et niꞌctis.
Laani gubaṉsaczani loj rebeṉgujt, luxh ṉaj sobgaꞌni xladbee
Dios cadro rnibeeni; laazani cabejdx canabni lo Dios
xcuentnu.
\v 35 ¿Chuniꞌc sajc gudzucaj nuurnu lo yäḻsanälajz xten
Jesucrist: trabajw, o yäḻxliajs, o yäḻrusacsí, o yäḻrliaan,
o yäḻxhabääl, o yäḻrdxejb, o te spaad, ä? Nicla tejni.
\v 36 Siꞌc ni caj lo guijtz ni caj xtidx Dios:
\q Xcuentlu, saꞌcsi najcnu xpejṉlu cayeꞌtnu guixe-guixee.
\q Ruchaagreni cuent najcnu siꞌc xiil ni aguroꞌ te juꞌt
bejṉni.
\m
\v 37 Luxh loj guiraa recosre, sujnpacnu gaan xcuent
nani sanälajz nuure, saꞌcsi sacnäjpacni nuure.
\v 38 Saꞌcsi anancheä nicla yäḻgujt, niclza yäḻnabajṉ,
nicla rexangl Dios, niclaza renani rnibee, nicla recos
ni yuꞌ ṉaj, niclaza recos nani churu gac, niclaza yäḻmilaagwr,
\v 39 nicla jiaroduxh, niclaza jiäjtpac, niclaza xhitis
cos ni guc-chee, nicla tej redee di gacdi gudzucaj nuurnu
lo xcäḻsanälajz Dios, yäḻsanälajz ni rajpza Dad, Jesucrist.
\c 9
\s Dios agule rebeṉ Israel
\p
\v 1 Caniä didxguliipac lojtu saꞌcsi rililazä xtidx
Jesucrist. Dina guiniä didx-xhii. Sprit Dxan xten Dios
caguluii xcärienä laaca rniä;
\v 2 cayac-huinduxh lastoä, sanuutis yäḻxliajsga.
\v 3 Saꞌcsi narä rlazä malaii sajc lagajc narä nitloä
lo Dios te sajc gacnää́ resaꞌä lo guedxliujre, rexpejṉ
Israel.
\v 4 Saꞌcsi laareni najc xagdoo toIsrael, luxh laareni
nungäjḻ gacreni siꞌc xiꞌnpac Dios. Gubaṉnäj Diosreni.
Biaꞌn Dios didx con laareni. Basaꞌn Dios xleii Moisés
lojreni. Bazuxhijbreni nez lo Dios neṉ guidoo. Sicaꞌreni
reyäḻnasaꞌc xten Dios palga jiureni xtiidxni.
\v 5 Laareni najc rexagdoo xten toxtadgoldoonu ni gubajṉ
agujc xhero. Jesucrist gujcza xagdoo xten toIsrael che
gojlni siꞌc te beṉ guedxliuj. Laani najczani Dios loj
guiraanu. Suchäꞌp xpalaꞌnni par tejpas. Sugacni siꞌc.
\p
\v 6 Luxh dini gac siꞌcni abanijt xtidx Dios nani biaꞌnni
loj toIsrael. Saꞌcsi xhet guiraadi rebejṉ ni najc xagdoo
toIsrael najc xpejṉpac Israel.
\v 7 Diza guiraa reni najc rexagdoo toAbram gac xiꞌnguliipacni
saꞌcsi räjp Dios lo toAbram: “Rexagdodoolu nani guigab
najc reni gac xagdoo Isaac.”
\v 8 Niꞌcni xhet guiraadi rexagdoo toAbram najc rexiꞌn
Dios, xtebtis renani chalilajz xtiidxni, reniꞌc najc xiꞌnni.
\v 9 Saꞌcsi biaꞌn Dios diidx loj toAbram: “Stebijz, lagajc
bäiire guibisacä, te dxejc chu te xiꞌn Sara.”
\p
\v 10 Xhet diidxtisga gunii Dios. Guniizani lo toRebeca,
che nuxiꞌnni cuaꞌch, xiꞌn chäälni, toxtadgoolnu Isaac.
\v 11 Niꞌcni ansde gaal rexiꞌnni, ansde niujnreni te
dzunsaꞌc o te dzunguijdx, te soobpac xtidx Dios xcuent
chuniꞌc cueni lo guiroꞌp rebäzre, xhet saꞌcsi bejndireni
dzunsaꞌc, per saꞌcsi agule Diosni,
\v 12 niꞌc räjp Dios lo toRebeca: “Xingangaloolu gac
xmos xinhuinlu.”
\v 13 Siꞌcza caj lo guijtz rediidxre: “Sanälazä Jacoob,
niluxh bidxechnää́ Esaú.”
\p
\v 14 ¿Xhiniꞌc guiniinu ṉaj? ¿Xhet laadi rujn Dios, ä?
¡Xho gacni siꞌc!
\v 15 Saꞌcsi räjp Dios loj toMoisés: “Sulaslazä chutis
bejṉ nani rlazä gulaslazä, sacnää́ chutis bejṉ nani rlazä
gacnää́.”
\v 16 Niꞌcni dini gac xcuent ni rlajz rebejṉ gac, dizani
gac xcuent nani rujn rebejṉ. Rajctisni siꞌc rlajz Dios
nani rulaslajz bejṉ.
\v 17 Niꞌcni caj lo guijtz xten Dios che gunii Dios
xcuent Faraón: “Narä benä gujclu ṟeii xten Egipto te
guluiloj xcäḻrnibeä, te guiliäꞌp bejṉ xpalaꞌnä guideb
guedxliujre.”
\v 18 Rulaslajzni rebejṉ nani rlajztisni, runnadipzani
lastoo bejṉ nani rlajztisni.
\p
\v 19 Naj laꞌtu siniitu loä: “¿Xhicuent rucuaquijni
bejṉ? ¿Chuniꞌc sajc sudzuꞌtz nez loj nani rlajzni gac,
ä?”
\v 20 ¿Chuxh luj, beṉ guedxliuj, te jieinäjlu Dios? Xhixh
säjb te gues loj nani bencheeni: “¿Xhicuent bejnlu narä
scree?”
\v 21 Gurniälojlu. Bejṉ nani runchee guejs, ¿la di gacdi
gunni siꞌctisni rlajzni con bajṉga, ä? ¿La di gacdi guncheeni
te guessaꞌc nägajcza te guesyuj ni xhet sirbdi con lagajc
bajṉga?
\p
\v 22 ¿Xhiru najc, palga Dios rlajzni guluilojni xho
rujnni yäḻguxhtis, näjza rlajzni guluilojni xcäḻrnibeeni,
gopnäjni pasens renani nungäjḻ gac yäḻguxhtis, te nitlojzareni,
ä?
\v 23 Bejnni siꞌc te guluilojni lacti sajc xcäḻrdimbichaꞌni
loj renani galooli guleni chú lojni lo xcäḻrdimbichaꞌni.
\v 24 Lagajc nuurnu najcnu reni aguleni; xhet xtebtis
loj rexpeṉ Israel guleni nuurnu, näjza loj rebejṉ ni
di gac rexpeṉ Israel guleni nuurnu.
\v 25 Cajza lo guijtz ni bacuaa Oseas:
\q Renani di gac xpeṉä, reniꞌc cuälaä “xpeṉä”.
\q Luxh nani dina ninälazä, sinälazäni.
\q
\v 26 Dxejcti lagajc cadro räjpreni lojreni:
\q “Ditu gac rexpeṉä”,
\q lagajc roꞌc säjpreni lojreni:
\q “Laꞌtu najctu xiꞌn Dios ni nabajṉ par tejpas.”
\m
\v 27 Cajza lo guijtz ni bacuaa Isaías: “Mase najc xhidajl
rexpeṉ Israel siꞌc najc yujxh ni treꞌ roꞌ nisdoo, guxii
gac reni ḻaa lo dojḻ.
\v 28 Saꞌcsi susoobpac Dad, Dios xtiidxni xcuent xcäḻguxhtis
rebeṉ guedxliuj, luxh siojbza gunnini.”
\v 29 Guniiza Isaías, xcuent nani churu gac, bacuaani:
\q Palga di Dios ni yuꞌ xhaguibaa nusaꞌn gaii xagdoo rebeṉ
tiemp,
\q niajcnu siꞌc gujc Sodoma näjza Gomorra, reguejdx ni
gunitloj.
\s Xtidx Dios näj rexpeṉ Israel
\p
\v 30 ¿Xhiniꞌc sajc guiniinu ṉaj? Rebejṉ nani di gac
xpeṉ Israel, direni niguiil xho gacreni beṉnaya nez loj
Dios, niluxh agujcreni beṉnaya nez loj Dios saꞌcsi huililajzreni
xtidx Jesucrist.
\v 31 Luxh rexpeṉ Israel, mase sanuutisreni lo xleii
Moisés ni ruluii xho gac bejṉ beṉnaya nez loj Dios, banijtreni,
direni niujn gaan nusoobreni guideb leiiga.
\v 32 ¿Xhicuent gujcni siꞌc? Saꞌcsi direni nililajz
xtidx Dios, alga rlajzreni guntisreni dzuun xten leii,
naareni siꞌc gacreni beṉnaya nez lo Dios. Niꞌcni gulaj
niꞌreni lo guij ni rutientaꞌ bejṉ, nalajznu direni nililajz
xtidx Dios xcuent Jesucrist.
\v 33 Siꞌcza bacuaa Isaías, räjpni:
\q Aguleä te bejṉ lo guedx Sión ni gac siꞌc te guij cadro
rtiäjḻ niꞌ bejṉ,
\q te guij ni rusäḻtaꞌ bejṉ.
\q Chutis tej nani chalilajz xtiidxni, dini jianxtujy.
\c 10
\p
\v 1 Rebetzä, rlazduxhä chalilajz rexpeṉä xtidx Dios.
Rniabduxhä lo Dios te gusḻaanireni lo xtojḻreni.
\v 2 Narä rniäpac nancheä ruzuxhijb rexpeṉ Israel lo
Dios, niluxh direni gumbesaꞌc xhiniꞌc rlajz Dios gunreni.
\v 3 Saꞌcsi direni niacbee xcuent xho rajc te bejṉ te
beṉnaya nez loj Dios, niꞌc rlajzreni gunreni dzuun siꞌc
ni caj lo leii te gacreni beṉnaya nez loj Dios, niꞌcza
direni nusoob xtidx Dios te gacreni beṉnaya nez lojni.
\v 4 Abasoob Jesucrist xtidx Leii, niꞌcni che chalilajz
bejṉ xtidx Jesucrist, anajcreni beṉnaya nez loj Dios.
\p
\v 5 ToMoisés bacuaa rediidxre: “Chutis ni rlajz gac
beṉnaya nez loj Dios saꞌcsi rusoobni xtidx leii, nanab
gusobsaꞌcpacni diidxga guideb nabajṉni lo guedxliujre.”
\v 6 Xcäḻnayareni nez loj Dios saꞌcsi rililajzreni xtidx
Jesucrist, rnii scree: “Naꞌc guiniitu neṉ lastootu, ¿chuniꞌc
chäꞌp xhaguibaa?” nalajznu, te jiädnäsacni Jesucrist
loj guedxliuj.
\v 7 Naꞌcza gäbni: “¿Chuniꞌc jiäjt gabijl?” (nalajznu
te chaxiini Jesucrist loj rebeṉgut).
\v 8 ¿Xhiniꞌc rniini ṉaj? Rniini: “Diidxga sugaꞌ gajxh
roꞌtu, neṉ lastootu.” Nalajznu, diidx xcuent yäḻrililaaz
nani cagusuleꞌnu lojtu.
\v 9 Rniinu lojtu, palga guiniitu con roꞌtu, Jesucrist
najc Dad loonu, palga chalilajztu baspaṉsac Dios Jesucrist
loj rebeṉgut, susḻaani laꞌtu lo dojḻ.
\v 10 Saꞌcsi con lastooni rililajz biniet xtiidxni, niꞌc
rajcni beṉnaya nez loj Dios; luxh che rcäjpza biniet
con roꞌni, Jesucrist rnibee loonu, rusḻaa Diosni lo dojḻ.
\p
\v 11 Saꞌcsi rnii xtidx Dios scree: “Chutis ni rililajz
xtidx Dad Jesucrist, dini jianxtujy.”
\v 12 Saꞌcsi guiraa rebejṉ najc tebloj nez lojni, rexpejṉ
Israel sigajc rebeṉzijt, saꞌcsi lagajc laani najcni Dad
lo guiraareni, rulaslazduxhni guiraa renani rbedx-rniab
lojni.
\v 13 Lo xtidx Dios caj rediidxre: “Chutis ni rbedx-rniab
lo Dad, siḻiaani lo xtojḻni palga rililajzni xtidx Dios.”
\v 14 ¿Xho gac guiniabreni lo Dad, palga direni chalilajz
xtiidxni? ¿Xho gacza chalilajzreni xtiidxni, palga gajd
diajgreni jiejn xtiidxni? ¿Luxh xho jiejn diajgreni
xtiidxni palga rut rusuleꞌdi diidxga lojreni, ä?
\v 15 Luxh ¿xhoza gusuleꞌreni diidxga palga rut guxhaḻdireni?
Siꞌcni caj lo guijtz: “Chipza saru najc niꞌ renani riädnä
diidx xcuent cossaꞌc, yälrbecdxi lajz rebejṉ.”
\p
\v 16 Xhet guiraadireni rusoob xtiidxni, saꞌcsi guniiza
toIsaías: “Dad, ¿chuniꞌc chalilajz xtiidxnu?”
\v 17 Rililajz bejṉ xtidx Dios che rucuadiajgreni diidxga;
rucuadiajgzareni che yuꞌ chu rusuleꞌ xtidx Jesucrist.
\p
\v 18 N̲aj arniä: Gajdpac diajgreni jiejn xtiidxni, o
¿la babiejn diajgreni, ä? Pues abiejn diajgreni, saꞌcsi
lo xtidx Dios caj scree:
\q Abireꞌch xseꞌreni guideb guedxliuj,
\q abidzujṉza rextiidxreni lo guiraa reguejdx ni treꞌ
lo guedxliujre.
\m
\v 19 Rniäza: Dipac rexpeṉ Israel niacbee, o ¿la gucbeereni,
ä? Galooli gunii toMoisés rediidxre:
\q Sunä gudxojntu xcuent rebejṉ ni di gac te guejdx,
\q con te guejdx nani di gacbee sucheꞌchä laꞌtu.
\m
\v 20 Diza toIsaías nidxejb guniini rediidxre:
\q Renani di niguiil narä, bidxäjl narä,
\q baluiloäza loj renani di niniabdiidx narä.
\m
\v 21 Guniiza toIsaías xcuent rexpeṉ Israel:
\q Desde galooli, dxej-yääl basgaä ṉaä lo rebejṉga te niureni
xtidxä,
\q luxh najcreni bejṉ ni di gusoob diidx, rutzuꞌreni didxnaj.
\c 11
\s Rexpeṉ Israel nani guḻaa lo dojḻ
\p
\v 1 Arniä: ¿La agulälaz Dios rexpeṉ Israel, ä? ¡Xho
gacni siꞌc! Ni lagajc narä nacä te xpeṉ Israel, te xagdoo
toAbram, nadxagä lo resaꞌ toBenjamín.
\v 2 Di Dios nibälaz rexpejṉni, xpeṉ Israel nani guleni
galooli che gajdli guirixtiej guedxliuj. O ¿la dilu
gacbee xhi caj lo xtidx Dios cadro rnii xcuent Elías,
xho gunabduxh Elías didxnaj lo Dios xcuent rexpeṉ Israel,
ä? Räjpni scree:
\v 3 “Dad, abaguꞌtreni guiraa reniguii nani gunii xtiidxlu,
abatzujḻreni rexquidoolu, xtebtis narä biaꞌnä, luxh ṉaj
rlajzreni juꞌtreni narä.”
\v 4 Luxh, ¿xhiniꞌc räjp Dios lojni? Räjpni: “Abalucheä
gajdz miḻ bejṉ nani gajd guzuxhijb nez loj Baal.”
\v 5 Siꞌcza ṉaj, abiaꞌn te chinaeꞌ rexpeṉ Israel nani
agule Dios xcuent xcäḻrulaslajzni.
\v 6 Dxejc palga rusḻaani nuure lo dojḻ xcuent xcäḻrulaslajzni
diruni gac saꞌcsi yuꞌ xhi dzuun biennu te nusḻaani nuure
lo dojḻ. Paru siꞌc najcni diru xcäḻrulaslajz Dios gac
yäḻrulaslajz.
\p
\v 7 ¿Dxejcaꞌ? Di rexpeṉ Israel nidxäl nani caguiilreni,
luxh rebejṉ nani agule Dios, niꞌc bidxälni, luxh ste cuaareni,
aguyalajzreni.
\v 8 Gujcni siꞌc caj lo xtidx Dios:
\q Bascäjy Dios xcäriejnreni, näjza balojni di jieṉ,
\q lo dxe ṉajli di diajgreni jiejn.
\m
\v 9 Guniiza toDavid, scree caj lo xtidx Dios:
\q Sugun xmex lanijreni jiajbreni,
\q te gac guigaꞌreni,
\q sugacni siꞌc guij ni rulaniꞌ bejṉ, te gacreni yäḻguxhtis.
\q
\v 10 Suguscäjy Dios balojreni te naꞌc fisaꞌcreni,
\q sujieꞌt dejtzreni, sutedreni trabajwduxh par tejpas.
\s Yäḻrusḻaa lo dojḻ xten bejṉ ni di gac xpeṉ Israel
\p
\v 11 N̲aj rniabdidxä: ¿La biajb rexpeṉ Israel te gunijtreni
par tejpas, ä? ¡Xho gacni siꞌc! Saꞌcsi biajb rexpejṉ
Israel, niꞌcni gojl biääd yäḻrusḻaa lo dojḻ lo bejṉ ni
di gac xpeṉ Israel, te siꞌc guisiäblajz lajz rexpeṉ Israel
ḻaareni lo dojḻ.
\v 12 Palga xcuent dojḻ ni bejn xpeṉ Israel gojp rebeṉ
guedxliuj xcäḻnasaꞌc Dios, palga xcuent yäḻrunijt xten
rexpeṉ Israel guyuꞌ xcäḻnasaꞌc Dios par rebejṉ ni di
gac xpeṉ Israel, aticaxh chu xcäḻnasaꞌcreni che gusoob
xpeṉ Israel xtidx Dios.
\p
\v 13 N̲aj caniä lojtu ni najc bejṉ ni di gac xpejṉ Israel.
Gule Dios narä te gusuleꞌä xtiidxni lojtu, niꞌcni caläpä
xpalaꞌn xtzunä,
\v 14 te don xho gunä te guisiäblajz rebeṉ ladxä ni
najc xpeṉ Israel, te siꞌc chalilajzreni xtidx Jesucrist.
\v 15 Palga gulecdxireni lajz rebeṉ guedxliuj con Dios
saꞌcsi gulälaz rexpeṉ Israel xtidx Jesucrist, aticaxh
che chalilajz rexpeṉ Israel rextidx Jesucrist, sibaṉsac
renani najc siꞌc beṉgut.
\v 16 Palga tlaꞌ cojb najc hueen, guideb cojbga najc
hueen. Sigajcza najc te yajg; palga xlobaani najc hueen,
guidebni najc hueen.
\p
\v 17 Rexpeṉ Israel najcreni siꞌc te yajg oliib; palga
gutiuugreni te ṉaa yajgga, dxejc roꞌc guquiidreni ṉaa
steꞌca yajg te guibajṉni con xtiejn yajg oliibga.
\v 18 Niꞌcni, naꞌc gactu guyalajz lo reṉaapac yajgga.
Coḻgusnaj lajztu, xhet laꞌditu ni rudeed yäḻnabajṉ lo
xlobaa yajgga, lobaaga ni runiidx yäḻnabajṉ lojtu.
\p
\v 19 Dxejc coḻguinii: “Batiuugreni ṉaapac yajgre, te
gujc biguidä cuäꞌ yajgga.”
\v 20 Guliipacni, biruꞌ ṉaapac yajgga saꞌcsi direni nililajz
xtidx Dios luxh laꞌtu biguiidtu cuäꞌ yajgga saꞌcsi huililajztu
xtiidxni. Naꞌc gactu guyalajz, coḻguidxejb,
\v 21 saꞌcsi palga di Dios nutedbia reṉaa yajgga, diza
Dios gutedbia laꞌtu.
\v 22 Bahuii ¡lacti hueen najc Dios! Luxh lacti niälajzzani;
con renani banijt najcni niälajz, luxh lacti rulaslajz
Dios laꞌtu palga chanuu jiutu xtiidxni. Palga ditu jiu
xtiidxni, näjza laꞌtu sudzucaj Dios.
\v 23 Luxh sigajcza reni bidin, palga di chanuu cuälazreni
xtiidxni sajc suquidsac Diosreni lo yajgga.
\v 24 Luxh laꞌtu najctu beṉzijt, najctu siꞌc ṉaa te yagoliib
ni xtebca gulejn neṉ dajn. Luxh batiuugni laꞌtu te baquiidni
laꞌtu lo te yagoliib ni najc yagsaꞌc ni rcaduxh oliib
lojni, mase xhet siꞌcti najc olibguijxhga, ¡aticaxh rexpeṉ
Israel ni banijt najc siꞌc ṉaapac xten yagolibsaꞌcga
ni bidin, palga chalilajzpacreni xtidx Dios, suquidsac
Diosreni loj yajg ni najc xtenpacreni!
\s Che ḻaapac rexpeṉ Israel lo dojḻ
\p
\v 25 Rebetzä, rlazä gacbeetu xcuent te diidx nagajn,
te di naatu nanduxhtu. Dee najc didx nagajnga: yuꞌ rexpejṉ
Israel ni guc najd lastooreni te direni nililajz xtidx
Dios, hasta guisaꞌ redxej ni chalilajz rebeṉzijt xtidx
Dios.
\v 26 Dxejcti siḻiaapac guiraa rexpeṉ Israel lo dojḻ
che chalilajzreni xtidx Dios, saꞌcsi siꞌc caj lo xtidx
Dios, cadro caj rediidxre:
\q Nani rusḻaa sajc beṉ guedx Sión,
\q luxh sudzucajni xtojḻ renani najc xagdoo toJacoob.
\q
\v 27 Dee najc diidx ni biaꞌnä con laareni,
\q che gudzucaä xtojḻreni.
\p
\v 28 N̲aj, najcreni xcontraar Dios saꞌcsi rdxeꞌchreni
xcuent xtidx Jesucrist, te chalilajztu; niluxh Dios sanälajzreni
saꞌcsi siꞌc abiaꞌnni diidx con retoxtadgoldooreni.
\v 29 Saꞌcsi rut rajcdi rudzucaj nicla yäḻnasaꞌc ni
rudeed Dios, niclaza yäḻrbejdx xten Dios.
\v 30 Laꞌtu galoo ditu nusoob xitdx Dios. N̲aj rulaslajz
Dios laꞌtu saꞌcsi gulälaz rexpeṉ Israel xtiidxni.
\v 31 Sigajcza ṉaj direni gusoob xtidx Dios, niluxh siꞌc
najcni te gulaslajz Diosreni saꞌcsi balaslajzzani laꞌtu.
\v 32 Dios basaan biajb guiraanu lo dojḻ, te siꞌc sajc
gulaslajz Dios guiraanu.
\p
\v 33 ¡Lacti guroob najc yäḻnasaꞌc xten xcäḻnajn, xcäḻracbee
xten Dios! Nicla tej bejṉ guedxliuj di gacbee guiraa
rexcäḻguxhtisni, rudliidiza najn rexnezyujni.
\v 34 Siꞌc caj lo guijtz: “¿Chuniꞌc gucbee xcäriejn
Dios? ¿Chuniꞌcza abaluiini? Rutliidi.
\v 35 O ¿chuniꞌc badedxgaa te xhi cos lojni, te quixsacnini
lojni, ä? Rutliidi.”
\v 36 Saꞌcsi loj Dios siääd guiraꞌti, luxh laani bencheeni
guiraꞌti par lagajcza laani. Suguiliäꞌpnu xpalaꞌnni
par tejpas. Sugacni siꞌc.
\c 12
\s Yäḻnabajṉ rliäꞌp xpalaꞌn Dios
\p
\v 1 Niꞌcni rulidxä laꞌtu rebetzä, saꞌcsi rulaslajz Dios
nuure, coḻgudeed xcäḻnabajṉtu lo Dios te gac guibaṉsaꞌctu
siꞌcni rlajz Dios. Dee najc yäḻrajṉpac Dios siꞌc ni
nungäjḻ gaṉtu Dios.
\v 2 Naꞌc rujntu lagajc xhigab ni rujn rebeṉ guedxliuj,
coḻguscoob rexhigabtu te guidxaapac xmoodtu te siꞌc
guluii Dios xhiniꞌc rlajzni guntu, nalajznu xhiniꞌc najc
hueen, xhiniꞌc rdxaglajz Dios, xhiniꞌcza najc laapac.
\p
\v 3 Saꞌcsi balaslajz Dios narä, niꞌc rusuleꞌä xtiidxni
loj tejgatu, rniä lojtu, naꞌc guiliäꞌptu lagajc xpalaꞌntu,
naatu sajcrutu loj saꞌtu. Coḻyejn xhigabsaꞌc, te laaca
gac xhigabtu, siꞌcni baniidx Dios lo tejgatu xho chalilajztu
xtiidxni.
\v 4 Saꞌcsi sigajc najc tiejxhnu, yuꞌ xhidal laꞌni, luxh
tejgareni rujn xtzuun-xtzuunreni,
\v 5 sigajcza nuure nani rililajz xtidx Jesucrist, najcnu
xhidajl, najcnu siꞌc tejsi tiejxh lo Jesucrist, mase tejganu
rujn xtzun-xtzuunnu, tejsi najcnu.
\p
\v 6 Luxh saꞌcsi tejganu rajpnu garen-garen dzuun xcuent
yäḻrulaslajz ni baniidx Dios loonu, sujiennu rextzuunnu
screeza: nani rajc rnii xtidx Jesucrist, suguiniinini,
siꞌc ni najc xcäḻrililajzni;
\v 7 nani rajc racnäj saꞌni, sugacnäjni; nani rajc ruluii
xtidx Dios, suguluiini;
\v 8 nani rajc gulijdx resaꞌni, sugulijdxnireni, nani
rajc rudedxliaꞌ xhixtenni lo saꞌni, saru sugudeedni xhixtenni;
nani rajc rnibee lo saꞌni, suguinibeeni con yäḻnadolajz;
nani rajc rulaslajz resaꞌni, sugulaslajzni con yäḻrbalajz.
\s Xho nanab guibaṉnu lo xnezyuj Dios
\p
\v 9 Coḻchanälajzpac resaꞌtu, naꞌc gunsitu siꞌcni rinälajztureni.
Coḻcuälaz redzunguijdx, coḻyejntis redzunsaꞌc.
\v 10 Coḻchanälajz resaꞌtu siꞌc rinälajz bejṉ rebejtzni.
Coḻguiliäꞌp xpalaꞌnreni.
\p
\v 11 Coḻyejn dzunsaꞌc, naꞌc cuedxitu. Coḻyejn xtzuun
Jesucrist con guideb xtijptu, guideb xcäriejntu.
\p
\v 12 Coḻguibalajz saꞌcsi ahuililajztu xtiidxni. Coḻcuecdxi
lajztu che tedtu trabajw. Coḻcuedx-coḻnabtis lo Dios
guideb nabajṉtu.
\p
\v 13 Coḻgacnäj rebejṉ nani rililajz xtidx Dios; sacru
coḻnii loj ni riädhuiitu.
\p
\v 14 Coḻguinii didxsaꞌc xcuent renani rusacsí laꞌtu,
naꞌc gudzubdetureni.
\p
\v 15 Coḻguibalaznäj renani rbalajz, coḻyonnäj renani
roon.
\p
\v 16 Coḻyejn tejtis xhigab con resaꞌtu, naꞌc gactu guyalajz,
colguchaag loj rebeṉ nadolajz. Naꞌc guchalotu najctu
beṉnanduxh.
\p
\v 17 Naꞌc gudzuꞌtu dzunguijdx loj renani rujn dzunguijdx
lojtu. Coḻyejn recossaꞌc nez loj guirasi bejṉ.
\v 18 Cadrotis sajcni, dxitis coḻguibaṉnäj guiraa rebejṉ.
\v 19 Rebetzä, naꞌc guntu xhigab lagajc laꞌtu gudeedtu
xten renani rujn dojḻ lojtu, saꞌcsi lagajc Dios gun yäḻguxhtis
lojreni, niꞌcni caj lo xquijtzni scree: “Narä gunä yäḻguxhtis,
narä quixä lojreni siꞌc naj Dad, Dios.”
\v 20 Näjza: “Palga calaan nani rdxeꞌch lojtu, coḻgudeed
xhi gauni, palga cayojlni, coḻgudeedza xhi yäni, te siꞌc
jianxtiujni.”
\v 21 Naꞌc gusaantu gun redzunguijdx gaan lojtu, coḻyejn
gaan lo dzunguijdx con recossaꞌc ni rujntu.
\c 13
\p
\v 1 Guiraatu nanab jiutu xtidx renani rnibee lojtu.
Saꞌcsi xheti te yäḻrnibee nani di Dios nudeed, luxh guiraa
reyäḻrnibee ni yuꞌ lo guedxliujre, lagajc Dios guleꞌcreni.
\v 2 Niꞌcni renani di gusoob xtidx renani rnibee, xtidx
Dios cabälazni. Luxh renani rujn siꞌc, lagajc laareni
xcaquijreni dojḻ, sujn Dios yäḻguxhtis lojreni.
\v 3 Renani rnibee di guchejb renani riu xtiidxreni,
ruchejbreni renani najc beṉ guijdx ni di jiu xtiidxreni.
Palga di rlajztu guidxejbtu reguxhtis, bejntis dzunsaꞌc,
dxejcti guiliäꞌpreni xpalaꞌntu saꞌcsi rujntu dzunsaꞌc.
\v 4 Reguxhtis rujnreni lojtu xtzuun Dios te guibaṉsaꞌctu.
Palga guntu dzunguijdx, coḻguidxejb, xhet xliaꞌdi caꞌni
spaad, saꞌcsi najcreni nani rujn xtzuun Dios te gunreni
yäḻguxhtis, te quixpac renani rujn dojḻ.
\v 5 Niꞌcni nanab jiutu rextiidxreni, xhet ganaxtis saꞌcsi
rujnreni yäḻguxhtis lojtu, näjza te gaꞌptu te xcäriejnsaꞌc,
te xcäriennaya.
\v 6 Niꞌcni coḻquijx lojreni nani riäjl xcaꞌreni saꞌcsi
renani rnibee najc xmos Dios, luxh niꞌcpac najc xtzuunreni.
\p
\v 7 Coḻgudeed lo guiraa bejṉ nani riäjl xcaꞌreni. Coḻquiix
loj renani nazääbtu; coḻquijx impuest loj ni riäjl xcaꞌni;
coḻchanälajz renani riäjl chanälajztu; coḻguiliäꞌp xpalaꞌn
renani riäjl chäꞌp xpalaꞌreni.
\v 8 Naꞌc xcajlu diꞌn loj nicla tej bejṉ, diꞌntis xten
yäḻrinälajz saꞌni, saꞌcsi nani rinälajz xpisiṉni, bejṉga
abasoob xleii Dios.
\v 9 Saꞌcsi lo xleii Dios caj scree: “Naꞌc guesnäjlu
bejṉ ni di gac chäällu, naꞌc juꞌtlu, naꞌc cuanlu, naꞌc
gusgueelu, naꞌc chuguij lajzlu xhixten resaꞌlu.” Luxh
palga yuꞌ xhi stee leii rsaꞌni con leii ni rnii: “Chanälajzlu
resaꞌlu siꞌc sanälajzlu lagajc luj.”
\v 10 Nani rajp yäḻsanälajz, dini gun latsiaj lo resaꞌni.
Niꞌcni yäḻsanälajz rusoob releii ni caj lo xtidx Dios.
\p
\v 11 Coḻyejn guiraa redee, saꞌcsi anajntu xho najc redxej
ni nabajṉnu ṉaj, anajntu alagojl oṟ guibajṉnu lo bacaḻ
saꞌcsi abidzuṉgajxhru dxej che ḻaanu neṉ dojḻ lo dxej
che huililajznu.
\v 12 Aguxhiṉduxh, asiädgajxh bianij. Niꞌcni cuääz jiennu
redzuun guijdx ni rajc lo xcäjy, te jientisnu redzunsaꞌc
ni rajc rdxee, lo bianij.
\v 13 Guibansaꞌcnu siꞌc riäjl guibajṉ rebejṉ rdxee, naꞌc
guibaṉnu lo yäḻräꞌ, niclaza lo yäḻbiejy, naꞌc guidiesnäjnu
bejṉ ni di gac chäälnu, naꞌc gaꞌpnu rebis, naꞌc guidxagdiḻnu
resaꞌnu, naꞌc chuguij lajznu xhixten resaꞌnu.
\v 14 Niꞌcni coḻcaꞌ xcäḻrnibee Jesucrist te naꞌc guntu
redojḻ ni rlajz gun tiejxhtu.
\c 14
\s Naꞌc guiniyajtu rebejtztu
\p
\v 1 Coḻnii didxdoo lo rebejṉ nani di gumbesaꞌc xtidx
Dios, naꞌc tiḻnäjtureni.
\v 2 Saꞌcsi yuꞌ reni rililajz nani sajc gaureni guiraꞌti
xhi cos, niluxh nani gajd sutijp lo yäḻrililajz, ganaxtis
berduur rajwni.
\v 3 Nani rajw guiraꞌti, naꞌc guidxechnäjni nani di gau
guiraꞌti; luxh nani di gau guiraꞌti, naꞌcza guiniyajni
nani rajw saꞌcsi Dios aguleza bejṉga.
\v 4 ¿Chuxh luj te guiniyajlu lo xmos te bejṉ, ä? Sugäb
lagajc xlam̲ni lojni la laaca rujnni o la xhet laadi
rujnni. Luxh sujnni laaca saꞌcsi Dad Jesucrist sujn
sutijp lastooni.
\p
\v 5 Tej bejṉ naa sajcru tej dxej lo stee dxej, dxejc
steꞌca bejṉ rchalo guiraa redxej najc tebloj. Xhet najcdi,
tejga bejṉ sugunpac lagajc xhigabni.
\v 6 Nani rapda te dxej, rujnnini te guiliäꞌpni xpalaꞌn
Dios, luxh nani di gunni, rliäꞌpzani xpalaꞌn Dios saꞌcsi
dini gapda te dxej. Luxh nani rajw guiraꞌti, rajwni te
rliäꞌpni xpalaꞌn Dios, saꞌcsi rudeedzani xquixtios lo
Dios; nani di gau guiraꞌti, nez lo Dios dini gau, rliäꞌpzani
xpalaꞌn Dios, rudeedzani xquixtios lo Dios.
\p
\v 7 Saꞌcsi nicla tejnu dinu guibajṉ xcuentcanu, nicla
tejzanu dinu guet xcuentcanu.
\v 8 Palga nabaannu, nabaannu xcuent Dad Jesucrist; palga
guetnu, rejtzanu xcuent Dad, Jesucrist. Niꞌcni palga nabaannu,
o palga guetnu, laḻtis najcnu rexpeṉ Dad, Jesucrist.
\v 9 Niꞌcni gujt Jesucrist, niꞌcni gubaṉsaczani, te sajc
gacni Dad xten rebeṉgut, näjza Dad xten rebejṉ nani nabajṉ.
\p
\v 10 Dxejc luj, ¿xhicuent cubeelu bejtzlu, ä? O ¿xhicuent
rdxeꞌchlu rhuiilu lojni, ä? Ni guiragajcnu tednu nez
loj Jesucrist cadro cueni te gunni yäḻguxhtis loonu.
\v 11 Saꞌcsi scree caj lo xtidx Dios:
\q Siꞌctis ni nabaṉä, rniliä́pac lojtu, räjp Dad Dios,
\q guiraa rebeṉ guedxliuj suzuxhijbreni loä,
\q luxh guiragajc roꞌreni sicäjp narä nacä Dad Dios.
\m
\v 12 Niꞌcni guiraanu, tejganu sudeednu cuent loj Dios
xcuent nani biennu.
\s Naꞌc guzäḻlu bejtzlu
\p
\v 13 Niꞌcni naꞌcru cubeenu saꞌnu. Maazru hueen jiennu
xhigab neṉ lastoonu xhetliidi jiennu ni gun jiajb resaꞌnu
lo dojḻ.
\v 14 Narä nanä, racbeäpac guiraꞌti najc hueen. Jesucrist
Xtadnu baluii narä siꞌc. Luxh palga yuꞌ chu tej ni rchalo
dini gac hueen, par laatisni dini gac hueen.
\v 15 Palga laꞌtu guntu gac-huin lajz te saꞌtu saꞌcsi
yuꞌ xhi rajwtu, dirutu chasanäj xnezyuj yäḻsanälajz.
Naꞌc gunlu gunijt te saꞌlu xcuent nani rajwlu, saꞌcsi
agujt Jesucrist xcuentni.
\v 16 Niꞌcni naꞌc gusaanlu guiniyajreni nani najc te
cos hueen par luj.
\v 17 Saꞌcsi xcäḻrnibee Dios dini gac xcuent yäḻrajw,
niclaza xcuent yäḻräꞌ; xcäḻrnibee Dios najc xcuent te
yäḻnabaṉnya nez loj Dios, näjza yäḻrbedxilajz con yäḻrbalajz
xcuent Sprit Dxan xten Dios.
\v 18 Saꞌcsi nani rujn siꞌc lo xtzuun Jesucrist, bejṉga
rchaglajz Dios, luxh rebeṉ guedxliuj rniiza didxsaꞌc
xcuent saꞌ bejṉga.
\p
\v 19 Niꞌcni chanuutis guidiilnu recos nani rujn chu
yäḻrbedxilajz, näjza nani rujn racnäjnu resaꞌnu te tioobrureni
loj xnezyuj Dios.
\v 20 Naꞌc guntu nit xtzuun Dios xcuent ni rajwtu. Guliicani
guiraꞌti ni rajw bejṉ najc naya, niluxh palga gautu te
cos nani gun jiajb bejtzlu neṉ dojḻ, niꞌc najc xhet laadi.
\v 21 Hueen najc naꞌc gautu bääl, naꞌcza yätu bin, naꞌcza
guntu jiajb saꞌlu neṉ dojḻ.
\v 22 Nani rililajztu, niꞌc coḻyajp xcuentcatu nez loj
Dios. Chicbaa nani di cubee lagajc laani xcuent recos
nani rniini laaca najcni.
\v 23 Luxh palga guntioꞌp lajz te bejṉ xcuent nani rajwni,
sigubeeni lagajc laani, saꞌcsi dini gau xcuent yäḻrililajz,
saꞌcsi xhitis ni di gac xcuent yäḻrililajz, lagajc niꞌc
najc dojḻ.
\c 15
\s Huinälajz saꞌlu
\p
\v 1 Nuurnu ni agusutijpnu lo yäḻrililajz nanab gacnäjnu
resaꞌnu nani gajd chalilazsaꞌc. Di gacdi guibaṉtisnu
xcuentcanu.
\v 2 Tejganu nanab chonälaaznu resaꞌnu lo xcäḻnabaṉsaꞌcni
te gacnäjnu chalilajzrureni.
\v 3 Saꞌcsi nicla Jesucrist dini nibajṉ xcuentcani, luxh
siꞌcni caj loj xtidx Dios: “Redidxyaj ni guniyajreni
lojlu biajbreni yecä.”
\v 4 Guiraa rediidx ni cuaj lo guijtz galooli, cuajreni
te guluiireni nuurnu te gaꞌpnu yäḻsutijp näjza yäḻrustioblajz
te gacza guibääznu lo xtidx Dios.
\v 5 Dios rusutijp lajznu, Dios rutioob lastoonu. Rniabä
loj Diosga gacnäjni guntu tejtis xhigab xten Jesucrist
con resaꞌtu.
\v 6 Te dxejcti tejtis gac xseꞌtu guiliäꞌptu xpalaꞌn
Dios, Xtad Jesucrist.
\s Gusuleꞌ xtidx Dios loj rebeṉzijt
\p
\v 7 Niꞌcni coḻcaꞌ resaꞌtu, renani ahuililajz xtidx Dios
sigajc cuaꞌ Jesucrist nuure te guiliäꞌpnu xpalaꞌn Dios.
\v 8 Saꞌcsi narä rniä lojtu, biääd Jesucrist te gujcni
siꞌc te mos loj rexpeṉ Israel te baluiini xcuent didxgulii
xten Dios te gusojb rediidx nani biaꞌn Dios loj retoxtadgoldoonu,
\v 9 näjza par rebeṉzijt, te guliäꞌpreni xpalaꞌn Dios
saꞌcsi baluilojni xcäḻrulaslajz Dios lojreni, siꞌc ni
caj lo xtidx Dios:
\q Niꞌcni siliäꞌpä xpalaꞌnlu nez loj rebeṉzijt,
\q soḻäza dij lojlu.
\m
\v 10 Dxejcti stee lajt rniini:
\q Laꞌtu beṉzijt, coḻguibalaznäj rexpeṉä rexpejṉ Israel.
\m
\v 11 Stee lajt cajza:
\q Guiraatu, rebeṉzijt, coḻguiliäꞌp xpalaꞌn Dad,
\q suguiliäꞌpza guiralii rebejṉ xpalaꞌnni.
\m
\v 12 Stee huält guniiza Isaías scree:
\q Siricaj te xagdoo toIsaí,
\q näjza te ni chäs te guinibeeni loj rebeṉzijt,
\q laani cabäjz rebeṉzijt.
\p
\v 13 N̲aj rniabä lo Dios ni rudeed yäḻrbäzlajz, te laani
gacnäj guibalajztu, cuecdxilajztu, saꞌcsi salilajztu, te
tioobru yäḻrbäzlajz ni rajptu saꞌcsi Sprit Dxan xten
Dios yuꞌ neṉ lastootu, luxh laani rajpni yäḻrnibee.
\p
\v 14 Luxh xcuent laꞌtu rebetzä, anancheä nabaṉsaꞌctu
nasiṉduxhtu, arajcza rulijdxtu saꞌtu,
\v 15 luxh loj guijtzre bacuaä gaii didxnaj xcuent tiop-choṉ
cos, te gusnaä lajztu. Runä siꞌc xcuent yäḻrulaslajz
ni baniidx Dios loä
\v 16 te gacä xpeṉ Jesucrist ni rusuleꞌ diidx loj rebeṉzijt.
Niꞌcni cagusulesaꞌcä xtidx Dios lojreni, te xcaꞌ Dios
rebeṉzijt siꞌc te gojn ni rudedä, saꞌcsi agujcreni beṉnaya
saꞌcsi rbäjz Sprit Dxan neṉ lastooreni.
\p
\v 17 Niꞌcni xcuent Jesucrist abidxälä xhicuent guiniduxhä
didxro xcuent recos ni najc xten Dios.
\v 18 Saꞌcsi dina guiniä diidx xcuent xhi stee cos, ganaxtis
xcuent xho gucnäj Jesucrist narä, luxh xcuent niꞌc basoob
rebeṉzijt diidx, huililajzreni xtiidxni saꞌcsi biejn
diajgreni xtiidxni, bahuiizareni rextzuunni,
\v 19 con yäḻmilaagwr xten redzunro, resenro, ni gujc
con xcäḻrnibee Sprit Dxan xten Dios. Niꞌcni lo guedx
Jerusalénli, näjza guideb gabi roꞌc, lo guedx Ilírico,
guiraa nejzga abasuleꞌä xtidx Jesucrist.
\v 20 Siꞌcza guyuꞌä ganduxh gusuleꞌä xtidx Dios xhet
cadro ahuisuleꞌdireni xtidx Jesucrist, alga ganax cadro
gajdreni gumbee Jesucrist, te naꞌc gunä dzuun cadro gusloj
cayujn steꞌca bejṉ dzuun.
\v 21 Te gacni siꞌcni caj lo guijtz:
\q Renani rutliidi bij diidx xcuentni, suhuiipacreni lojni,
\q luxh renani gajdpac diajgreni jiejn xtiidxni, sacbecheereni
xtiidxni.
\s Rujn Pabl xhigab chääni guedx Roma
\p
\v 22 Niꞌcni balti huält badxojn Dios narä jiädhuiä
lojtu.
\v 23 Luxh ṉaj saꞌcsi abaluxä xtzunä guideb nezree, näjza
saꞌcsi agujc balti ijz rlazduxhä jiädhuiä lojtu,
\v 24 ṉaj che chaꞌa España siädhuiäpac lojtu. Che tedä,
jiädhuiäpac contu te ganid guibalaznää́ laꞌtu, dxejcti
gacnäjtu narä te chaꞌa España.
\v 25 N̲aj siaꞌa guedx Jerusalén te chanää́ xcoobr rexpejṉ
Dios ni yuꞌ ree loj rebejṉ roꞌc.
\v 26 Saꞌcsi rebejṉ Macedonia näjza rebeṉ Acaya rlajzpacreni
guxhaḻreni te coobr loj rebeṉproob ni yuꞌ lo reni huililajz
xtidx Dios neṉ guedx Jerusalén.
\v 27 Bejnreni xhigab hueen gunreni siꞌc, luxh guliꞌcareni,
saꞌcsi yuꞌ xhi nazääbreni lojreni saꞌcsi rebejṉ Jerusalén
najc reni baxhaḻ xtidx Jesucrist lojreni, ṉaj laaca rujnreni
cayacnäjreni rebeṉ Jerusalén con xhixtenreni.
\v 28 Niꞌcni che chasaꞌnä meel lojreni dxejc tedä lajdxtu,
jiädhuiä contu, dxejc chaꞌä España.
\v 29 Luxh ananä che jiälä lojtu, li guidxa lastoä xcäḻnasaꞌc
xtidx Jesucrist guidzuṉä lojtu.
\p
\v 30 Rebetzä, rniabduxhä lojtu xcuent xtidx Dad Jesucrist
näjza xcuent xcäḻrinälajz Sprit Dxan xten Dios, coḻguidxagsaꞌtu,
te coḻgacnäj coḻcuedx-guiniabtu lo Dios xcuentä.
\v 31 Coḻnab lo Dios te gusḻaani narä loj rebeṉ Judea
nani di gusoob xtiidxni te saru gun rebeṉdxan ni yuꞌ
Jerusalén te xcaꞌreni ni chanää́ lojreni.
\v 32 Te cabaa lazä guidzuṉä lojtu, saꞌcsi rlajzpac Dios
jiälä lojtu, te laḻni yuꞌä lojtu siäḻyuä, susilazäza con
laꞌtu.
\v 33 Dios ni rbecdxilajz bejṉ gacnäj guiraatu. Sugacni
siꞌc.
\c 16
\s Ruxhaḻni xtixtios lojreni
\p
\v 1 Coḻgacnäj bisiajnnu Febe. Naneꞌre bejn dzunduxh
neṉ guidoo ni treꞌ Cencrea.
\v 2 Coḻcaꞌni xcuent Dad, Jesucrist, siꞌcni riäjl gun
bejṉ gacnäj renani rililajzpac xtidx Dios. Coḻyacnäjni
lo xhitis nani guiquiinni, saꞌcsi laani gucnäduxhni xhidal
rebejṉ, nägajcza narä gucnäjni.
\p
\v 3 Ruxhaḻä xtixtios lo Priscila näjza lo Aquila, ni
racnäj narä lo xtzuun Jesucrist.
\v 4 Laareni nicäjpreni niejtreni xcuentä, niꞌc rudedä
xquixtios lojreni, luxh xhet narätis, näjza guiraa rebejṉ
ni yuꞌ lo rexquidoo rebeṉzijt.
\v 5 Ruxhaḻä xtixtios loj resaꞌä ni rdxagsaꞌreni rolijz
Priscila näjza Aquila. Ruxhaḻä xtixtios loj Epeneto,
ni sanälazduxhä, ni gujc beṉganid ni huililajz xtidx
Jesucrist neṉ guedx Acaya.
\v 6 Ruxhaḻä xtixtios lo Marii nani benduxh dzuun lojtu.
\v 7 Ruxhaḻä xtixtios loj rebeṉ ladxä ni laa Andrónico
näjza Junias; laareni guyunäj närä neṉ latzguiib, najcreni
beṉro loj reapost. Ganid laareni huililajz xtidx Jesucrist,
dxejcti huililazä.
\p
\v 8 Ruxhaḻä xtixtios loj Amplias, ni sanälazä xcuent
Jesucrist.
\v 9 Ruxhaḻä xtixtios loj Urbano, ni runnäj nuurnu xtzuun
Jesucrist. Ruxhaḻäza xtixtios loj Estaquis, ni sanälazä.
\v 10 Ruxhaḻäza xtixtios loj Apeles, ni abadeed balti
seen rililajzpacni xtidx Jesucrist. Ruxhaḻäza xtixtios
loj guiraa ni treꞌ rolijz Aristóbulo.
\v 11 Ruxhaḻäza xtixtios lo Herodión beṉ ladxä, näjza
loj resaꞌ Narciso nani ahuililajz xtidx Jesucrist.
\v 12 Ruxhaḻäza xtixtios loj nan Trifena näjza nan Trifosa,
guiroꞌpreni cayujn xtzuun Jesucrist. Ruxhaḻäza xtixtios
loj nan Pérsida, sanälazäni, abenduxhni xtzun Jesucrist.
\v 13 Ruxhaḻäza xtixtios lo Rufo nani agule Dios, näjza
lo xnanni, saꞌcsi gujcni siꞌc xnanäza.
\v 14 Ruxhaḻäza xtixtios loj Asíncrito, näjza lo Flegonte,
näjza lo Hermas, näjza lo Patrobas, näjza lo Hermes, näjza
lo rebetzä ni yunäjreni.
\v 15 Ruxhaḻäza xtixtios loj Filólogo, näjza lo Julia,
näjza lo Nereo con bisiajnni, näjza lo Olimpas näjza
guiraa rexpeṉ Dios nani yunäjreni roꞌc.
\p
\v 16 Coḻyeꞌtz xchan loj resaꞌtu. Guiraa rexquidoo Jesucrist
ruxhaḻ xtixtios lojtu.
\p
\v 17 Rebetzä, rniabduxhä lojtu gaꞌptu cuidaad xcuent
renani rujn biejy te guiliaꞌ saꞌ bejṉ, nani rlajz guntu
guiraloj nani najc garenca loj yäḻruluii ni bisieedtu,
coḻguibicaj lojreni,
\v 18 saꞌcsi saꞌ rebejṉga direni gun xtzuun Jesucrist.
Laareni rlajztisreni gunreni siꞌc rlajz tiejxhreni;
rniireni didxdoo, diidx ni rgudxguel diajg bejṉ te rusgueereni
lastoo rebejṉ nani di susiṉ.
\v 19 Guiranejz abireꞌch diidx xcuent xho rusobsacpactu
xtidx Jesucrist, niꞌcni rbaa lazä, niꞌcni rlazä gactu
nasiṉduxh xcuent recoshueen, luxh siꞌc bäz xhet ganditu
xcuent recosguijdx.
\v 20 Luxh Dios nani ruscuecdxilajz bejṉ siojb gutaꞌcwni
beṉdxab xhan niꞌtu. Gacnäj Dad Jesucrist laꞌtu.
\p
\v 21 Timoteu nani racnäj narä lo dzuun, ruxhaḻ xtixtios
lojtu. Lucio, Jasón, näjza Sosípater, beṉ ladxä, ruxhaḻza
xtixtios lojtu.
\p
\v 22 Najrä Tercio, ni cagucuaä guijtzre xcuent Pabl,
ruxhaḻäza xtixtios lojtu xcuent Jesucrist.
\p
\v 23 Ruxhaḻza Gayo xtixtios lojtu. Rbääznu rolijzni,
luxh rudeedzani rolijzni guidxagsaꞌ rebeṉ guidoo. Ruxhaḻza
Erasto, ni najc tesoreer xten guejdxre, xtixtios lojtu,
sigajcza bejtznu ni laa Cuarto.
\p
\v 24 Gacnäj Dad Jesucrist laꞌtu. Sugacni siꞌc.
\s Rediidx lult xten Pabl
\p
\v 25 Coḻguiliäꞌp xpalaꞌn nani sajc gusudzuꞌtz laꞌtu
loj xtiidxni nani basuleꞌä, näjza loj xtidx Jesucrist
xcuent rexhigab ni nagaꞌtz galooli,
\v 26 ṉaj abaluiloj rediidxga lojtu; näjza xcuent ni
bacuaa reprofeꞌt galooli; siꞌc najc diidx ni biaꞌn Gueb
Dios ni nabajṉ par tejpas loj rexpejṉni, agusuleꞌni loj
guiraa rebeṉ guedxliuj, te gusoobreni diidx saꞌcsi rililajzreni
xtiidxni,
\v 27 coḻguiliäꞌp xpalaꞌn ni najc tejtis Dios ni nanduxh.
Suguiliäꞌpnu xpalaꞌn Dios xcuent Jesucrist. Guiliäꞌpnu
xpalaꞌn Dios par tejpas. Sugacni siꞌc.