\id 1JN
\h 1 Juan
\toc1 1 Juan
\mt1 Primera Carta del Apóstol San Juan
\mt2 Vinbø Carta Jyayupø Apóstol San Juaꞌnis
\c 1
\s Tø tzajmapya jujche muspa tø it mumu jamacøtoya
\p
\v 1 Nø mi jajyaṉdyamu vaꞌcø mi yac mustam ote tø yaj quendambapøꞌis. Je ote de por si na ijtutinaꞌṉ cuando ijtzoꞌtz aunque tiyø. Mi ndzajmatyaꞌmbøjtzi ti mandaꞌmøjtzi, ti istaꞌmøjtzi ø vindømjiꞌṉ; ti ṉgøqueꞌnøtyaꞌmøjtzi, ti mbiꞌquistaꞌmøjtzi ø ṉgøꞌjiꞌṉ. Chambapøꞌis ote, jetemete mandamupø y istamupø y ṉgøqueꞌnøtyamupø y piꞌquistamupø.
\v 2 Y yøṉ tø tziꞌpaꞌis quenguy tø yac isu Diosis y istaꞌmøjtzi. Lo que tiyø istamupø, jet mi ndzajmatyaꞌmbøjtzi. Mi ndzajmatyamba jujchepøte tø yaj quenbapøꞌis mumu jamacøtoya. Tø tziꞌpapøꞌis quenguy ndø Jandajiꞌnaꞌṉ ijtu, y pero min tø yaj quejatyam vyin.
\v 3 Mi ndzajmatyaꞌmbøjtzi lo que ti istamupø y mandamupø, parejo vaꞌcø tø ijtam como tumbø tøvøse, tumbø quiꞌpsocuyjiꞌṉ vaꞌcø tø ijtamø. Viyuṉse jetseti tø øtz tø ijtaṉqueꞌtpa ndø Janda Diosjiꞌṉdaꞌm y ꞌYune Jesucristojiꞌṉ como tumbø tøvøse y tumbø quiꞌpsocujiꞌṉ.
\v 4 Así es que yøcsepø tiyø mi jajyandyaꞌmbøjtzi vaꞌcø mi ṉgyasøtyam de veras.
\s Dios tø yac mustambapøꞌis vøjpø tiyø
\p
\v 5 Jesucristoꞌis tø aṉmatyamuse que Diosis tø yac søꞌṉatyamba ndø tzocoy. Porque como søꞌṉgøꞌom ndø ispa mumu tiyø, jetse Diosis tø yac muspa mumu tiyø, y jeꞌis jiꞌn chøc ni tiyø yatzipø como si fuera piꞌtzøꞌomse.
\v 6 Vaꞌcø tø nømø que Diosjiꞌṉ tø ijtu como tumbø tøvøse, y al mismo tiempo tø vijtamba tococuꞌyomo como si fuera piꞌtzøꞌajcuꞌyomse, entonces tø sutzpa; y jiꞌn ndø ndzøc viꞌyuṉsepø tiyø.
\v 7 Pero oꞌca tø itpa søꞌṉgøꞌomse como Diosis chøcpa aunque tiyø søꞌṉgøꞌomse vøjø, entonces tumbø quiꞌpsocujiꞌṉ nay tø nøꞌijtandøjpa vøjø como tumbø tøvøse, y Diosis ꞌyune Jesucristoꞌis ñeꞌ ñøꞌpiꞌnjiꞌṉ tø yaj cøvajcøpya mumu ndø cojajiꞌṉ.
\p
\v 8 Oꞌca tø nømba que ja it ndø coja ndø neꞌ, ndø aṉgømaꞌcøpya ndø vin, y ja it viyuṉsepø tiyø ndø tzocoyomo.
\v 9 Pero oꞌca ndø vaꞌṉjamba ndø coja Dioscøsi; como Diosis cyumplitzøcpa lo que chambase y vøjpø aṉguiꞌmba, jeꞌis tø yaj cotocojapya ndø coja; y tø yaj cøvajcøpya mumu ndø yatzitzocoꞌyajcupit.
\v 10 Oꞌca tø nømba que ja nchøjcø ø ṉgoja, sutzpa pønse ndø tzøcpa Dios; ja it Diosis ꞌyote ndø tzocoꞌyomo.
\c 2
\s Cristoꞌis tø ongotzocpa
\p
\v 1 Øjtzø mi une, øtz mi jajyandyamba yøcsepø tiyø vaꞌcø jana mi ṉgyojapaꞌjtamø. Pero oꞌca tø cojapaꞌtpa, ijtu tø cøꞌonbapøꞌis ndø Janda Diosis vyiꞌnomo; Jesucristoꞌisete. Pues jeꞌis cyumplitzøcpa mumu lo que Diosis syunbase.
\v 2 Jeꞌis chiꞌocuyaj vyin vaꞌcø cyaꞌø vaꞌcø tø yac tzuꞌṉatyam ndø coja, jiꞌn sola ndø neꞌ ndø cojataꞌm vaꞌcø tø yajatyamø, sino mumu pøꞌnis cyoja vaꞌcø yajayajø.
\p
\v 3 Oꞌca ndø cønaꞌtzøjapya ꞌyaṉguiꞌmguy, jetse viyuṉse ndø comustamba Dios.
\v 4 Oꞌca tø nømba: “Øtz ṉgomuspøjtzi Dios”, pero jiꞌn ndø yaj copujtay Diosis ꞌyaṉguiꞌmguy, entonces tø sutzpa, y ja it viyuṉbø ndø quiꞌpsocuy.
\v 5 Pero oꞌca ndø tzøjcapya Diosis ꞌyote, entonces ndø sunba Dios viyuṉse como ñeꞌc Diosis syunbase, y jetse ndø mustamba que viyuṉsye Diosjiꞌṉ tø ijtamu.
\v 6 Por eso nømbapø que tumøꞌomo ijtu Cristojiꞌṉ, hay que vaꞌcø itø como Jesucristo ijtuse.
\s Jomepø aṉguiꞌmguy
\p
\v 7 Ø mi vaꞌṉjajmoṉguy tøvøtaꞌm, jiꞌnø mi jajyandyamu jomepø aṉguiꞌmguy. Nø mi jajyandyam mismo aṉguiꞌmguy mi nø ijtamupø desde que mi mandzoꞌtztamuꞌcsyeꞌṉomo. Yøṉ aṉguiꞌmguy antiguopø mismo aṉguiꞌmguy oyupø mi mandame desde viꞌna.
\v 8 Pero nø mi jajyandyamu como si fuera jomepø aṉguiꞌmguy. Porque Jesusis chøcpa como chambase aṉguiꞌmguꞌis, y jetseti mitz mi ndzøctaṉgueꞌtpa. Porque piꞌtzøꞌajcuy nø cyøjtu y como si fuera nø syøꞌṉu ndø tzocoy viyuṉse.
\p
\v 9 Oꞌca tø nømba: “Søꞌṉgøꞌomchø ijtu”, pero ndø quiꞌsapya ndø tyøvø, entonces na piꞌtzøꞌajcuꞌyomdi tø ijtu hasta como yøticseꞌṉomo.
\v 10 Oꞌca ndø sunba ndø tyøvø, søꞌṉgøꞌomo tø ijtu y jiꞌn tø yaj queque ni tiꞌis; porque ja it yatzitzocoꞌyajcuy ndø tzocoꞌyomo.
\v 11 Pero oꞌca ndø quiꞌsapya ndø tøvø, tø itpa y tø vitpa tococuꞌyomo como si fuera piꞌtzøꞌajcuꞌyomose, porque ja itø Diosis syøꞌṉgø ndø tzocoꞌyomo, y jiꞌn ndø musi juj tø maꞌṉøpya. Porque tococuꞌyom vaꞌcø tø itø, es como si fuera piꞌtzøꞌajcuꞌis tø yac itpa como toꞌtise.
\p
\v 12 Ø mi unendaꞌm, nø mi ⁿjajyandyamu mijtzi porque Diosis mi ⁿyaj cotocojatyamuꞌam mi ṉgojataꞌm por Jesucristoꞌis ñøyicøsi.
\v 13 Jyandaꞌstaꞌm, nø mi ⁿjajyandyamu porque mi ṉgomustamba Cristo na ijtupøtimnaꞌṉ cuando jiꞌndøcnaꞌṉ jyomectøj ni tiyø.
\p ꞌYuñbøꞌnistaꞌm, nø mi jajyandyaṉgueꞌtu porque mi ṉgønuꞌcatyamuꞌam yatzipø. Ø mi unendaꞌm, o mi jajyandyame porque mi ṉgomustamuꞌam ndø Janda Dios.
\v 14 Oyu mi jajyandyam mitztaꞌm mi jandaꞌstaꞌm porque mi ṉgomustamuꞌam Cristo naꞌ ijtupøtimnaꞌṉ cuando jiꞌndøcnaꞌṉ jyomec ni tiyø. ꞌYuñbøꞌnistaꞌm, øtz oyu mi jajyandyaṉgueꞌte, porque mi vaꞌṉjamdamba vøjø y nø mi ⁿjajmundzøjcatyam Diosis ꞌyote mi ndzocoꞌyomdaꞌm, y oyu mi ṉgønuꞌcatyam yatzipø.
\p
\v 15 U mi aṉsundamø yatzipø itcuy nascøspø, u mi aṉsundamu ni ti nascøspø yach espirituꞌis ñeꞌ. Oꞌca ndø aṉsunba yatzipø itcuy nascøspø, entonces jiꞌnam ndø suni ndø Janda Dios.
\v 16 Porque mumu yatzipø aṉsuꞌnocuy lo que ijtu nascøsi; por ejemplo yatzipø tiyø ndø sisis ꞌyaṉsunbapø; yatzipø tiyø ndø vitøꞌmis ꞌyaṉsunbapø, y ndø vin más myøjaꞌṉom vaꞌcø ndø tzøcø; mumu jetsetaꞌmbø aṉsuꞌnocuy nascøspø yach espirituꞌis tø yac mijnapya, y jiꞌndyet ndø Jandaꞌis tø yac mijnaye jetsepø aṉsuꞌnocuy.
\v 17 Lo que nascøspø yach espirituꞌis ñeꞌ maṉba yaje. Y mumu yatzipø tiyø ꞌyansuñajpapø pøꞌnis, maṉba yajyaje; pero chøcpaꞌis Diosis sunbase, itpa para mumu jamacøtoya.
\s Vaꞌcø ndø musø tiyø viyuṉbø y tiyø sutzcuy
\p
\v 18 Øjtze mi unendaꞌm, ya mero maṉba yajnømi. Mitz mi mandamuꞌam que nø minu quiꞌsapapøꞌis Cristo. Pues como yøti nø cyejcoꞌñaju vøti quiꞌsayajpapøꞌis Cristo, por eso ndø tziꞌpa cuenta que ya mero maṉba yajnømi.
\v 19 Jictaꞌm putyaju tø øjtzomdaꞌm. Pero jiꞌnaꞌṉe vyaꞌṉjajmoyaje jujche tø øtztaꞌm. Oꞌcanaꞌṉ parejo tø vaꞌṉjajmotyamba, entonces tzøꞌyajunaꞌṉ tø øjtzjiꞌṉdaꞌm. Pero putyaju vaꞌcø cyeja que jiꞌn parejo vyaꞌṉjajmoyaje como tø øtz tø vaꞌṉjajmotyambase.
\p
\v 20 Pero como cyøtijtøyajpa pane aceitejiꞌṉ como seña que Diosise pyane, jetse mitz ñchiꞌtandøj Espiritu Santo vaꞌcø cyeja que Diosise mi ñeꞌndaꞌm, y mi mustamba mumu tiyø.
\v 21 Nø mi ⁿjajyandyamu porque mi ṉgomustamba aṉcø viyuṉsepø tiyø, y jiꞌndyet porque jiꞌn mi ṉgomustame aṉcø. Mitztaꞌm mi mustamba que ni jutipø sutzcuy jiꞌn chame viyuṉbø chambapøꞌis.
\p
\v 22 Maꞌṉbø mi ndzajmatyame iyete undzambapø. Nømbapø que Jesús jiꞌndyet Diosis cyøꞌvejupø, jetete undzambapø, jetete quiꞌsapapøꞌis Cristo; pues jiꞌn vyaꞌṉjam ni ndø Janda, ni ꞌYune jiꞌn vyaꞌṉjajmaye.
\v 23 Mumu jiꞌn vyaꞌṉjajmayeꞌis ꞌYune, jiꞌndi vyaꞌṉjamgueꞌt ndø Janda. Pero oꞌca ndø cotzamba que ndø vaꞌṉjajmapya Diosis ꞌYune, jetze ndø cotzamba que ndø vaꞌṉjamba ñeꞌc ndø Janda.
\p
\v 24 Por eso nøꞌijtam mi ndzocoꞌyomdaꞌm lo que mi ñchajmatyandøju desde que mi mandzoꞌtzatyamu Diosis ꞌyote. Oꞌca lo que mi ñchajmatyandøju viꞌna tzøꞌpa mi ndzocoꞌyomdaꞌm, mitztaꞌm ijtamba Diosis chocoꞌyomo y ꞌYuneꞌis chocoꞌyomo.
\v 25 Y Jesucristoꞌis tø tzajmapya que maṉbapø tø tziꞌ, nunca jiꞌn yajepø quenguyete.
\p
\v 26 Yøcse nø mi ⁿjajyandyamu vaꞌcø mi yac mustaꞌmø sunbapøꞌis mi ꞌyaṉgømaꞌcøtyamø.
\v 27 Pero como cyøtijtøyajpa pane aceitejiꞌṉ como seña que Diosis pyane, jetse mitztaꞌm mi nøꞌijtam Espiritu Santo Jesucristoꞌis mi ñchiꞌtamupø y jetse quejpa que Diosise mi ñeꞌndaꞌm; y jetse jiꞌndyet pyena vaꞌcø mi ꞌyaṉmañdyam eyapøꞌis. Porque mismo Espirituꞌis mi ꞌyaṉmandyamba mumu ticøsi, y jeꞌis ꞌyaṉmaꞌyocuy viyuṉsepøte; jiꞌndyet sutzcuy. Jetseti ijtam mumu jama parejo Cristojiꞌṉ; como mi ꞌyaṉmandyambase Espirituꞌis.
\p
\v 28 Yøti pues ø mi unendaꞌm, ijtam Cristojiꞌṉ vaꞌcø jana naꞌtzcuy mi ijtamø cuando quejpa, vaꞌcø jana mi nchaꞌatyamø cuando minba.
\v 29 Mitz mi mustamba que Cristoꞌis chøjcapya mumu Diosis ꞌyote y por eso mi mustamba que mumu chøjcapyapøꞌis Diosis ꞌyote, Diosise ꞌyunetaꞌm.
\c 3
\s Diosis tø ꞌyunetaꞌm
\p
\v 1 Tziꞌtam cuenta jujche tø sunbase ndø Janda Diosis vaꞌcø tø nøjatyamø “Øjchø mi unendaꞌm”. Y de veras tø jictaꞌmete, por eso nascøstaꞌmbø quiꞌpsocuy ñøꞌityajupøꞌis jiꞌn tø comustame; porque jiꞌn cyomusyaj Dios.
\v 2 Øjchøṉ mi ndøvøtaꞌm mi sundaꞌmbapø øjtzi, yøti Diosisam tø ꞌyunetaꞌm. Y jiꞌndøc cyeje jujche maṉba tø tuctame, pero ndø mustamba que cuando quejpa Jesucristo, como ñeꞌcse maṉba tø tuctame. Porque ma ndø istame mero jujchepøte.
\v 3 Aunque iꞌis oꞌca myuspa que maṉba tuc como Cristose, auṉque jiꞌndøc jetse, entonces mismo ñeꞌc yaj cøvacpa vyin como jujche Jesucristo cøvajcuse.
\p
\v 4 Pero mumu chøcpapøꞌis coja, jiꞌn chøc Diosis ꞌyaṉguiꞌmguy, porque vaꞌcø ndø tzøc coja, jiꞌndye Diosis ꞌyaṉguiꞌmguy ndø tzøjcaye.
\v 5 Y mitztaꞌm mi mustamba que Jesucristo minu nascøsi vaꞌcø tø yac tzuꞌṉay ndø coja. Y jiꞌquis ni ti cyoja ja itø.
\v 6 Entonces jetjiꞌṉ ityajpapø mumu jama, jiꞌn cyojapaꞌtaꞌṉøyaje. Cojapaꞌtyajpapøꞌis ja isyajøtøc Jesucristo, ni ja cyomusyajøtøc.
\v 7 Øjchøṉ mi unendaꞌm, tzøctam cuenda jana mi ꞌyaṉgømaꞌcøtyandøjø. Chøcpapøꞌis Diosis syunbase, vøj putpa Diosis vyiꞌnaṉdøjqui como Jesucristo vøj pujtu Diosis vyiꞌnaṉdøjqui.
\v 8 Cojapaꞌtpapø, yatziꞌajcuꞌise ñe. Porque yatziꞌajcuy cojapaꞌtu desde vinbøcøsi. Pero minu Diosis ꞌYune vaꞌcø yajay yatziꞌajcuꞌis yosaṉ.
\p
\v 9 Ni jutipø Diosis ꞌyuneꞌis jiꞌnam chøc cyoja, porque Diosis cyojtayuꞌam chocoꞌyomo ñeꞌ quiꞌpsocuy; jiꞌn mus más cyojapaꞌtø porque Diosise ꞌyunete.
\v 10 Ndø comuspa itaꞌmete Diosis ꞌyune y itaꞌmete yatziꞌajcuꞌis ꞌyune. Porque jiꞌn chøquiꞌis vøjpø tiyø, jiꞌn syunipøꞌis tyøvø, jiꞌndyet Diosis ꞌyune. 
\s Vaꞌ nay tø nasundandøjø eyataꞌmbøjiꞌṉ
\p
\v 11 Desde que mi mandzoꞌtztam Diosis ꞌyote, oyupø mi mandame vaꞌcø nay tø sundandøjø.
\v 12 Jiꞌn vyøj ndø tzøc como Caiꞌnis chøjcuse. Porque Caín yatziꞌajcuꞌisnaꞌṉ cuentaꞌṉombø y yaj caꞌu myuqui. ¿Y ticøtoya yaj caꞌu? Yaj caꞌu porque ñeꞌc chøcpapø tiyø, yatzipønaꞌṉete, y myuquiꞌis chøcpapønaꞌṉ, vøjpø tinaꞌṉete.
\p
\v 13 Ø mi ndøvøꞌstaꞌm, u mi ñømu que jiꞌn maṉ mi ṉguiꞌsatyame nascøspø yach quiꞌpsocuy ñøꞌityajpapøꞌis, porque maṉba mi ṉguiꞌsatyame.
\v 14 Caꞌuse tø ijtambanaꞌṉ viꞌna, pero yøti ndø paꞌjtamuꞌam quenguy y ndø mustambaꞌm que tø quendamba porque ndø sundamba ndø tøvøtaꞌm. Y jiꞌn suñiꞌis tyøvø, mumu jama itpa caꞌupøse.
\v 15 Mumu quiꞌsapapøꞌis tyøvø, putpa Diosis vyiꞌnaṉdøjqui como si fuera yaj caꞌoyuse. Y mitz mi mustamba que mi jutipø yaj caꞌopyapø jiꞌn it chocoꞌyomo jiꞌn yajepø quenguy vaꞌcø it mumu jama.
\v 16 Jesucristoꞌis tø isindziꞌtamu jujche vaꞌcø tø suꞌnotyamø porque ñeꞌc chiꞌocuyaj vyin para tø øtzcøtoyataꞌm, y jetseti hay que vaꞌcø ndø tziꞌocuyajtam ndø vin ndø vaꞌṉjajmoṉguy tøvøcøtoyataꞌm.
\v 17 Pero oꞌca it ñøꞌijtuꞌis vøti nascøspø tiyø vaꞌcø it vøjø, y ꞌyaꞌmba tyøvø ja ñøꞌitøꞌis ni cuꞌtcuy ni tucu ni tiyø, y jiꞌn tyoyaꞌṉøyi; entonces ¿jujche muspa ñømø que syunba Dios chocoꞌyomo? Porque jiꞌn syun Dios. 
\v 18 Øjchøn mi unetaꞌm, uy naꞌs ndø aṉnacajiꞌṉdi ndø sundamu ndø tøvø. Hay que vaꞌcø ndø tziꞌ ndø tøvø ti nø syunu, jetse vaꞌcø cyeja que viyuṉsye na tø sundandøjpa.
\s Jana tø naꞌtzø Diosis vyiꞌnomo
\p
\v 19 Oꞌca jetse ndø cotzoṉba ndø tøvø, maṉba ndø cønøctøyøyi que viyuṉbø tiyø ndø vaꞌṉjamba, y contento maṉba ndø niꞌaṉjam ndø vin Diosis viꞌnaṉdøjqui.
\v 20 Pues oꞌca ndø tzocoꞌis tø cotzamba que jay ndø tzøc vøjø, pues Dios más myøjaꞌṉombø que ndø tzocoy y jeꞌis myuspa mumu tiyø.
\v 21 Jetse na, tøvøytaꞌm nay tø sundandøjpapøꞌis, oꞌca ndø tzocoꞌis tø cotzamba que jay ndø tzøc yatzitzocoꞌyajcuy, entonces jiꞌn ndø coquendam naꞌtzcuy Diosis vyiꞌnaṉdøjqui.
\v 22 Y jeꞌis tø tziꞌtamba mumu tiyø ndø vaꞌctambapø, porque ndø ṉgojajmatyamba ꞌyaṉguiꞌmguy y ndø ndzøctamba lo que sunbase.
\v 23 Diosis tø aṉguiꞌmba vaꞌcø ndø vaꞌṉjajmatyam ñeꞌ ꞌYune Jesucristo que jujchepøte, y que vaꞌcø nay tyø sundandøj como jeꞌis tø aṉguiꞌmdamuse.
\v 24 Lo que cyønaꞌtzøpapøꞌis ꞌyaṉguiꞌmguy, itpa Diosis chocoꞌyomo y Dios itpa je pøꞌnis chocoꞌyomo. Ndø mustamba que Dios itpa ndø tzocoꞌyomdaꞌm porque tø tziꞌtamuꞌam Espiritu Santo, y Espirituꞌis tø yac mustamba.
\c 4
\s It Diosis ꞌYespiritu y it espiritu quiꞌsapapøꞌis Cristo
\p
\v 1 Tøvøytaꞌm nay tø sundandøjpapøꞌis, u mi vaꞌṉjamdamu mumu pøn nømbapø que: “Øtz Diosis ꞌYespiritupit ꞌyaṉmaꞌyopøjtzi”; sino que tzøjquistamø a ver oꞌca Diosis ꞌYespiritu ñøꞌijtayu. Porque aunque juti vityajpa sone sutzcuy chaꞌmaṉvacyajpapøꞌis.
\v 2 Muspa mi ndziꞌ cuenta oꞌca Diosis ꞌYespiritu ñøꞌijtu porque mumu chambapøꞌis que Jesucristo pøꞌnaju sispø pønse, jetse chamba Diosis ꞌYespiritujiꞌṉ.
\v 3 Pero chambapøꞌis que Jesús ja pyøꞌnajø sispø pønse, jiꞌn cham Diosis ꞌYespiritujiꞌṉ. Sino jetsepøꞌis ñøꞌit eyapø espiritu quiꞌsapyapøꞌis Cristo. Mitztaꞌm oyu mi mandame que jetsepø espiritu maṉba mini. Pues yøti nascøsam ijtu.
\p
\v 4 Ø mi unendaꞌm, mitztaꞌm Diosise mi ñeꞌndaꞌm. Y oyuꞌam mi ṉgønuꞌcatyame jic suchajpapø. Porque Dios lo que ijtupø mitzjiꞌndaꞌm más pømiꞌøyupø que jiꞌn yatziꞌajcuy ijtupø nascøstaꞌmbøjiꞌṉ.
\v 5 Jic suchajpapø nascøspø, yatzitaꞌmbøꞌis ñeꞌtaꞌm; y por eso chamyajpa nascøspø yatzitaꞌmbø tiyø y nascøstaꞌmbø yatzitzocotyaꞌmbø pøꞌnis cyømaꞌnøyajpa.
\v 6 Pero tø øtztaꞌm Diosise tø ñeꞌtaꞌm. Cyomuspapøꞌis Dios tø cømaꞌnøtyamba. Pero pøn lo que jiꞌn Diosis ñeꞌ, jeꞌtis jiꞌn tø cømaꞌnøtyame. Jetse na ndø comustamba iꞌis ñøꞌit viyuṉsepø Espiritu y iꞌis ñøꞌit sutzpapø espiritu.
\s Diosis syunba mumu iyø
\p
\v 7 Tøvøytaꞌm nay tø na sundandøjpapøꞌis, vøj vaꞌcø nay tø na sundandøjø, porque Diosis tø tziꞌpa quiꞌpsocuy vaꞌcø ndø sundam ndø tøvø. Mumu syuñajpapøꞌis tyøvø, Diosise ꞌyunetaꞌm, y cyomusyajpa Dios.
\v 8 Jiꞌn syuꞌnoyepøꞌis, jiꞌn cyomus Dios, porque Dios suꞌnopyapøte.
\v 9 Diosis yaj queju jujche tø sundambase, porque cyøꞌveju unico tumbø ꞌyune nascøsi vaꞌcø ndø nøꞌijtam quenguy jetjiꞌṉ.
\v 10 Tziꞌtam cuenta jujche viyuṉsye tø sundambase Diosis. Aunque tø øtztaꞌm jiꞌnaꞌṉ ndø sundam Dios; pero ñeꞌc Diosis más tø sundam tø øtztaꞌm. Y cyøꞌveju ꞌYune vaꞌcø min cyaꞌø cruzcøsi vaꞌcø yac tzuꞌṉay ndø coja.
\p
\v 11 Tøvø mi sundaꞌmbøjtzi, oꞌca Diosis oy tø sundam jetze, tø øtztaꞌm sunba vaꞌcø nay tø na sundandøjqueꞌta tø neꞌctaꞌm.
\v 12 Dios nunca ja is ni iꞌis, pero oꞌca nay tø na sundandøjpa eyataꞌmbøjiꞌṉ, Dios itpa ndø tzocoꞌyomdaꞌm. Entonces taꞌnemøse tø suꞌnotyamba como Diosis tø tziꞌtambase suꞌnocuy.
\v 13 Diosis tø tziꞌtam ꞌYespiritu Santo y por eso ndø mustamba que tø ijtamba Diosis chocoꞌyomo y Dios itpa ndø tzocoꞌyomdaꞌm.
\v 14 Øtztaꞌm om istame Diosis ꞌYune, y tzaꞌmaṉvactaꞌmbøjtzi que ndø Janda Diosis cyøꞌveju ꞌYune Jesús vaꞌcø min yaj cotzocyaj nascøstaꞌmbø pøn.
\v 15 Cyotzambapøꞌis que Jesús Diosise ꞌyune, itpa Diosis chocoꞌyomo; y Dios itpa jeꞌis chocoꞌyomo.
\p
\v 16 Jetse øtz ndø nøctøyøtyamuꞌam y ndø vaꞌṉjamdamuꞌam que Diosis tø sundamba. Diosis tø sundamba mumu pøn, y sunbapøꞌis Dios y sunbapøꞌis aunque iyø; Diosis chocoꞌyom itpa, y Dios itpa jeꞌis chocoꞌyomo.
\v 17 Jetse Diosis tø tziꞌpa quiꞌpsocuy taꞌnemø vaꞌcø ndø sunø aunque iyø; vaꞌcø jana conaꞌtzcuy tø ijtamø je jamaꞌom cuando Diosis maṉba tø cømeꞌtztam ndø cojapit. Porque jujche ijtuse Jesucristo nascøsi, jetseti tø ijtaṉgueꞌtu.
\v 18 Vaꞌcø tø suꞌnoya, jiꞌn tø naꞌtze; porque vaꞌcø tø suꞌnoya viyuṉsye, yajpa ndø naꞌtzcuy. Porque vaꞌcø tø naꞌtzø, castigote. Por eso naꞌtzpapøꞌis ja otøc sun taꞌnemø Dios y mumu pøn.
\p
\v 19 Tø suꞌnotyamba porque Diosis tø sundamu viꞌna.
\v 20 Oꞌca aunque iyø nømba: “Øtz suꞌnbø Dios”, y mismo tiempo quiꞌsapya pyøndøvø, sutzpapøtite. Porque mientras jiꞌn syun pyøndøvø aunque ispapø, como Dios jiꞌn ndø isipø, menos jic jiꞌn maṉ syuni.
\v 21 Yøcse tø aṉguiꞌmu Diosis: “Sunbaꞌis øjtzi tiene que vaꞌcø syungueꞌt pyøndøvø”.
\c 5
\s Maṉba ndø ṉgønuꞌcatyam nascøspø yatzitzocoꞌyajcuy
\p
\v 1 Oꞌca ndø vaꞌṉjamdamba que Jesús Cristote Diosis cyøꞌvejupø, jetse Diosis tø ꞌyuneꞌajtaṉgueꞌtpa. Y vaꞌcø ndø sunø ndø Janda Dios, jetse ndø sujnayajqueꞌtpa jeꞌis ꞌyune.
\v 2 Cuando ndø sundamba Dios y ndø tzøctamba jujche aṉguiꞌmbase, ndø muspa que ndø suñajqueꞌtpati Diosis ꞌyunetaꞌm.
\v 3 Oꞌca ndø sunba Dios, ndø tzøcpa jujche aṉguiꞌmbase, y vaꞌcø ndø tzøcø Diosis ꞌyaṉguiꞌmguy, jiꞌndyet toyupø yoscuy.
\v 4 Porque mumu Diosis ꞌyuneꞌis cyønuꞌcayajpa nascøspø yatzitzocoꞌyajcuy.
\v 5 Maṉbø mi ndzajmatyame iꞌis cyønuꞌcapya nascøspø yatzitzocoꞌyajcuy, pues vyaꞌṉjambapøꞌis que Jesús Diosise ꞌYune, jeꞌis cyønuꞌcapya nascøspø yatzitzocoꞌyajcuy.
\s Cyotestigosayajpapøꞌis Diosis ꞌyune
\p
\v 6 Diosis ꞌYune Jesucristo minupø nøꞌjiꞌṉ cuando nøꞌyøyu y min nøꞌpinjiꞌṉ porque nøꞌpiꞌnøyu cruzcøsi. Ja minø na más nøꞌjiꞌṉ sino que minu nøꞌjiꞌṉ y nøꞌpinjiꞌṉ, y Espiritu testigosete que jetse minu; y Espirituꞌis viyuṉsepø ti chamba.
\v 7 It tuꞌcay cyotzambapøꞌis que Cristote:
\v 8 Espiritu, nøꞌ, y nøꞌpin; y tuꞌcatyambøte, pero parejo cyotzamyajpa Diosis ꞌYune.
\v 9 Oꞌca ndø vaꞌṉjajmatyamba ti nø chamyaj pøꞌnis, entonces lo que Diosis chamupø, jet más vøj vaꞌ ndø vaꞌṉjajmatyamø porque Diosise chamuse. Y Diosis cyotzamba que Jesús ꞌYunete.
\v 10 Vyaꞌṉjambapøꞌis Diosis ꞌYune, myuspa chocoꞌyomo que Jesús Diosis ꞌYunete. Jiꞌn vyaꞌṉjajmeꞌis Dios, chøjcapya cuenda que Dios sutzpapøte. Porque jiꞌn vyaꞌṉjajme jujche Diosis oy cyotzam ꞌYune.
\v 11 Y Diosis yøcse chamba que ñeꞌc tø tziꞌpa quenguy para mumu jamacøtoya. Y yøꞌcsepø quenguy tø tziꞌpa ꞌYunejiꞌṉ.
\v 12 Ñøꞌijtuꞌis Diosis ꞌYune, nøꞌitqueꞌtuꞌam quenguy. Ja ñøꞌitøꞌis Diosis ꞌYune, ja ñøꞌit quenguy.
\s Ultimopø aṉguiꞌmguy
\p
\v 13 Yøṉ mi jajyandyaꞌmøjtzi mi vaꞌṉjamdambapøꞌis Diosis ꞌYune, vaꞌcø mi mustamø que mi nøꞌijtam quenguy para mumu jamacøtoya, y vaꞌcø mi vaꞌṉjajmatyam Diosis ꞌYune mi ndumø tzocoy.
\p
\v 14 Jana naꞌtzcuy ndø oꞌnøndyamba Dios porque ndø mustamba que jeꞌis myanba cuando ndø oꞌnøtyamba, Diosis tø manba oꞌca ndø vaꞌcpa lo que ñeꞌ Diosis sunbapø tø tziꞌø.
\v 15 Oꞌca ndø mustamba que Diosis myanba ti ndø tzamba, entonces aunque ti ndø sundamba y ndø vaꞌctamba, Diosis tø tziꞌtamuꞌam.
\p
\v 16 Oꞌca aunque iꞌis ispa tyøvø nø cyojapaꞌtupø, pero nø chøjcuse cyoja jiꞌndøc tyocoyoctuqui; entonces hay que vaꞌcø ꞌyoꞌnøy Dios tyøvøcøtoya, y Diosis maṉba chiꞌay quenguy tyøvø, oꞌca nø chøjcuse cyoja jiꞌndøc tyocoyoctuqui. It coja vaꞌcø ndø tzøc jetse, tø tocoyoctucpa, y jiꞌnø nømi vaꞌcø ꞌyonøy Dios para jetsepø cojacøtoya.
\v 17 Mumu yatzitzocoꞌyajcuy cojate, pero ijtu coja vaꞌcø ndø tzøc jetsepø, jiꞌn tø tocoyoctuqui.
\p
\v 18 Ndø mustamba que oꞌca Dios mi Jandataꞌmete, jiꞌn mi ndzøjcaꞌṉøyi mi ṉgoja mumu jama. Porque Diosis ꞌYuneꞌis mi ṉgyoquendamba y yatziꞌajcuꞌis jiꞌn mus mi ⁿvyøyø.
\p
\v 19 Ndø mustamba que Diosis tø ñeꞌtaꞌm y todo lo que ti ityajuse eyataꞌmbø nascøsitaꞌmbø pøn, yatziꞌajcuꞌis ñøyosyajpa.
\p
\v 20 Ndø mustaṉgueꞌtpa que Diosis ꞌYune oy mini y tø tziꞌtamu quiꞌpsocuy vaꞌcø ndø ṉgomustam viyuṉsepø Dios. Tø ijtamba viyuṉsepøcøꞌmø, iyete Diosis ꞌYune Jesucristo. Yøṉete viyuṉsepø Dios y jeꞌis tø tziꞌpa quenguy mumu jamacøtoya.
\v 21 Ø mi unendaꞌm, coquendam mi ⁿvin u mi ṉgønaꞌtzøtyamu comi chøquitaꞌm. Amén.