\id 2JN
\h 2 Juan
\toc1 2 Juan
\mt1 Segunda Carta del Apóstol San Juan
\mt2 Myetzaꞌombø Carta Jyayupø Apóstol San Juaꞌnis
\c 1
\s Vaꞌṉjamdam viyunsepø tiyø y na syundandøjø
\p
\v 1 Øjchøṉ tzambøn goviꞌnajø, nøꞌmø mi ⁿjajyayu mi ñchamyomoꞌis Diosis mi ṉgyøpiṉupø, nøꞌmø mi jajyandyam carta mijtzi y mi unejiꞌṉdaꞌm; øtz viyunse mi sundaꞌmbøjtzi. Jiꞌn naꞌs øtz mi sundame, sino mumu cyomusyajpapøꞌis viyuṉbø tiyø mi syuñajqueꞌtpati.
\v 2 Øtz mi sundaꞌmbøjtzi porque viyuṉsyepø tiyø ndø nøꞌijtamu ndø tzocoꞌyomdaꞌm, y viyuṉsepø tiyø maṉba ndø nøꞌijtame mumu jamacøtoya.
\v 3 Øtz oꞌnømbya ndø Janda Dios y ndø Janda Diosis ꞌYune ndø Comi Jesucristo viyuṉsye vaꞌcø mi ṉgyotzoṉdam ñeꞌ vyøꞌajcupit, vaꞌcø mi ndyoyaꞌṉøtyamø, vaꞌcø mi yac ijtam contento, vaꞌcø mi mustam viyuṉbø tiyø, y vaꞌcø mi na syundandøjø.
\p
\v 4 Casøcoꞌnøjtzi cuando musøjtzi que vene mi unendaꞌm ityajpa viyuṉbø aṉmacusye, ityajpa jujche ndø Janda Diosis tø ꞌyaṉguiꞌmdamuse.
\v 5 Yøti mi nchamyomoꞌis, mi nøjaꞌmbøjtzi vaꞌcø na tyø nasundandøj ndø neꞌcomdaꞌm. Yøṉ nø mi jajyayumbø jiꞌndyet jomepø aṉguiꞌmocuy, sino que mismo jejtite tø nøꞌijtamupø desde nøꞌijtzoꞌtzuꞌøc aṉguiꞌmocuy.
\v 6 Vaꞌcø nay tø nø sundandøjø, entonces tø ijtamba jujche tø aṉguiꞌmdamuse Diosis. Como mi mandzoꞌtztamuse jujche Diosis ꞌyaṉguiꞌmguy ijtuse, jetse vøj vaꞌcø mi seguitzøctamø.
\s Aṉgømaꞌcøꞌopataꞌm
\p
\v 7 Porque vijtzoꞌchajuꞌam sone aṉgømaꞌcøꞌyoyajpapø nascøsi. Nømyajpa que Jesucristo ja pyøꞌnaj como sispø pønse; jetsepø aṉgømaꞌcøꞌyoyajpapøte y jetete quiꞌsayajpapøꞌis Cristo.
\v 8 Ijtam mitztaꞌm cuentacøsi vaꞌcø jana mi yac tocotyamø mi yosaṉdaꞌm mi ndzøjcatyamuse ndø Comiꞌis yoscuy, sino que vaꞌcø mi mbøjcøchoṉdamø taꞌnemø mi ṉgoyoja.
\p
\v 9 Oꞌca aunque i aṉmaꞌyocomøꞌnba pero jiꞌṉ chøꞌy Cristoꞌis ꞌyaṉmaꞌyocuꞌyomo, entonces jiꞌn vyaꞌṉjam Dios. Pero tzøꞌpyapø Cristoꞌis ꞌyaṉmacuꞌyomo, jeꞌis vyaꞌṉjamba ndø Janda Dios y ꞌYune vyaꞌṉjajmacyeꞌtpati.
\v 10 Oꞌca minba mi ꞌyaṉmandyame y jiꞌn ñømaṉ yøṉ aṉmaꞌyocuy, u mi mbøjcøchoṉdam mi ndøjcomo, ni u mi yuschiꞌtamu.
\v 11 Porque oꞌca mi ⁿnøjapya: “Maṉ Diosjiꞌṉ”, entonces como si fuera mi nøtuꞌmbajcajpa chøcpapøꞌis yatzitzocoꞌyajcuy.
\s Ultimotaꞌmbø ote
\p
\v 12 Nøꞌitcoꞌnø sone tiyø vaꞌcø mi ndzajmatyaꞌmø, pero jiꞌn sun mi jajyandyamø ni tintajiꞌṉ totocøsi. Pero  nøꞌmø ṉguiꞌpsu vaꞌcø maṉ mi nduꞌnistamø, vaꞌcø maṉ mi viꞌnøjqueꞌnøtyamø, vaꞌcø mi oꞌnøndyam ø neꞌṉgø, vaꞌcø jetse tø casøtyam viyuṉse.
\p
\v 13 Cyøpiṉupø Diosis yomopø mi vaꞌṉjajmoṉguy tøvø, jeꞌis ꞌyuneꞌis mi ṉgyøꞌvejayajpa dyus. Amén.