1
00:00:05,000 --> 00:00:13,000
Cateꞌ gwxe yežlionꞌ ba zoacze benꞌ nziꞌ Xtižaꞌ Dios. Zoeꞌ len Diosenꞌ naꞌ ḻecze naqueꞌ Dios.

2
00:00:13,000 --> 00:00:16,280
Cateꞌ gwxe yežlionꞌ ba zoaczeꞌ len Diosenꞌ.

3
00:00:16,280 --> 00:00:29,560
Ḻenꞌ beneꞌ yogoꞌ beṉac̱h, yogoꞌ angl, yogoꞌ daꞌ caꞌ beyac daꞌ mal, yogoꞌ beyix̱eꞌ naꞌ biteꞌteze daꞌ dech. Bibi de daꞌ gwxe daꞌ bi ben benꞌ nziꞌ Xtižaꞌ Dios.

4
00:00:29,560 --> 00:00:39,340
Ḻeꞌ nseꞌe yeḻaꞌ mban. Naꞌ benꞌ ba zjanapeꞌ yeḻaꞌ mban toḻi tocaṉe daꞌ noṉeꞌ, ḻegaquenꞌ ba yoꞌo beꞌniꞌ ḻoꞌ yic̱hjlaždaꞌogaquenꞌ.

5
00:00:39,340 --> 00:00:54,960
Benꞌ nziꞌ Xtižaꞌ Dios bideꞌ nseꞌe beꞌniꞌ c̱he yic̱hjlaždaoꞌ beṉac̱henꞌ, naꞌ ḻaꞌczḻaꞌ beṉeꞌ zan bi gosejnilažeꞌneꞌ naꞌ bi gwyoꞌo beꞌniꞌ c̱henꞌ ḻoꞌ yic̱hjlaždaꞌogaqueꞌ, bi gosezaquedeꞌ yosocueꞌejeꞌ beꞌniꞌ c̱heꞌnaꞌ.

6
00:00:54,960 --> 00:00:58,640
Gwzoa to beṉeꞌ le Juan, naꞌ Diosenꞌ gwseḻeꞌneꞌ.

7
00:00:58,640 --> 00:01:08,000
Juanṉaꞌ benꞌ bzoeꞌ beṉeꞌ nis bedeyeꞌe dižaꞌ c̱he benꞌ nsaꞌ beꞌninꞌ, cont yogoꞌ beṉac̱h guac yesejnilažeꞌneꞌ.

8
00:01:08,000 --> 00:01:16,840
Gague Juanṉanꞌ nac beṉeꞌ nsaꞌ beꞌninꞌ, san ḻeꞌ bedeyeꞌe xtižaꞌ benꞌ nsaꞌ beꞌniꞌ c̱he yic̱hjlaždaoꞌ beṉac̱henꞌ.

9
00:01:16,840 --> 00:01:26,940
Ba bžin ža beꞌniꞌ daꞌ nac daꞌ dogualje ba blanꞌ yežlio nga, naꞌ blanꞌ cont gwseṉinꞌ ḻoꞌ yic̱hjlaždaoꞌ noteꞌteze beṉeꞌ.

10
00:01:26,940 --> 00:01:36,620
Benꞌ nziꞌ Xtižaꞌ Dios zoeꞌ yežlionꞌ cateꞌ gwxeten. Naꞌ ḻaꞌczḻaꞌ ḻenꞌ beneꞌ yežlionꞌ benꞌ žeꞌ yežlionꞌ bi gosacbeꞌedeꞌ nonꞌ naqueꞌ.

11
00:01:36,620 --> 00:01:44,220
Goljeꞌ ladjo netoꞌ beṉeꞌ gualaž c̱heꞌ, perw zan netoꞌ beṉeꞌ gualaž c̱heꞌ bi gwyejḻeꞌtoꞌ c̱henꞌ.

12
00:01:44,220 --> 00:01:52,720
San baḻteze chioꞌ gwyejḻeꞌcho c̱heꞌ, chioꞌ gwyejnilažeꞌchoneꞌ, beneꞌ cont naccho xiꞌiṉ Dios.

13
00:01:52,720 --> 00:02:17,460
Naꞌ gague lagüe goljcho nitaꞌ x̱axṉaꞌcho zjanaqueꞌ beṉeꞌ belaꞌ chen ba naccho xiꞌiṉ Dios. Naꞌ gague lagüe to beṉeꞌ byo gwzoaleneꞌ to noꞌole ba naccho xiꞌiṉ Dios, naꞌ gague lagüe beṉeꞌ byonꞌ goclažeꞌ soa xiꞌiṉeꞌ ba naccho xiꞌiṉ Dios, san daꞌ chejnilažeꞌchoneꞌ, daꞌnanꞌ non Diosenꞌ chioꞌ xiꞌiṉeꞌ.

14
00:02:17,460 --> 00:02:35,040
Jesucristo benꞌ nziꞌ Xtižaꞌ Diosenꞌ goljeꞌ goqueꞌ beṉac̱h naꞌ gwzoeꞌ len netoꞌ. Naꞌ bleꞌetoꞌ naqueꞌ beṉeꞌ zacaꞌ juisyw, ḻe togueꞌ naqueꞌ dogualje Xiꞌiṉ Dios. Ḻeca nžiꞌilažeꞌdeꞌ chioꞌ beṉac̱h naꞌ bedezejniꞌideꞌ chioꞌ dižaꞌ ḻi c̱he Diosenꞌ.

15
00:02:35,040 --> 00:02:48,600
Juanṉaꞌ benꞌ bzoeꞌ beṉeꞌ nis beꞌe dižaꞌ c̱heꞌ, gwneꞌ: ―C̱he benganꞌ biꞌa dižaꞌ cateꞌ gwniaꞌ: “Beṉeꞌ zaꞌ zaꞌ zacaꞌcheꞌ ca nedaꞌ, ḻe ba zoacze ḻeꞌ cateꞌ biṉaꞌ soaꞌ nedaꞌ.”

16
00:02:48,600 --> 00:02:56,320
Jesucristonꞌ nžiꞌilažeꞌchgüedeꞌ yogoꞌ chioꞌ chejnilažeꞌchoneꞌ naꞌ zoaczeꞌ chaclenchgüeꞌ chioꞌ.

17
00:02:56,320 --> 00:03:15,020
Daꞌ Moisésenꞌ bzejniꞌideꞌ daꞌ x̱ozxtaꞌo netoꞌ beṉeꞌ Israel ley c̱he Diosenꞌ naꞌ chloꞌen yogoꞌcho napcho doḻaꞌ, naꞌ Jesucristonꞌ bedeloꞌedeꞌ nžiꞌilažeꞌ Diosenꞌ chioꞌ beṉac̱h naꞌ bedezejniꞌideꞌ chioꞌ dižaꞌ ḻi c̱he Diosenꞌ.

18
00:03:15,020 --> 00:03:28,380
Nono ṉaꞌ soa beṉeꞌ ba bleꞌedeꞌ Diosenꞌ. Toz benꞌ nac dogualje Xiꞌiṉ Dios beṉeꞌ tlišaꞌ ba bzejniꞌideꞌ chioꞌ beṉac̱h canꞌ nac yic̱hjlaždaoꞌ Diosenꞌ, ḻe chacchgüe Diosenꞌ ḻeꞌ.