1
00:00:05,000 --> 00:00:19,960
Beṉeꞌ chesenabiꞌe nación Israel c̱hetonꞌ beṉeꞌ žeꞌ Jerusalén gososeḻeꞌ to c̱hope bx̱oz naꞌ yebaḻe beṉeꞌ gosalje ḻo diaža c̱he daꞌ Leví cont goseṉabdeꞌ Juanṉaꞌ nonꞌ naqueꞌ.

2
00:00:19,960 --> 00:00:30,900
Naꞌ Juanṉaꞌ bi bediꞌideꞌ, beꞌe dižaꞌ ḻi gožeꞌ ḻegaqueꞌ: ―Gague nedanꞌ Cristo benꞌ chbezcho seḻaꞌ Diosenꞌ yedeṉabiꞌe nación c̱hechonꞌ.

3
00:00:30,900 --> 00:00:49,940
Nach goseꞌeneꞌ: ―¿Nox nacoꞌ? ¿Nacoꞌ daꞌ Elías benꞌ beꞌ xtižaꞌ Diosenꞌ caniꞌ? Naꞌ gožeꞌ ḻegaqueꞌ: ―Bi nacaꞌ ḻeꞌ. Nach goseṉabdeꞌ ḻeꞌ: ―¿Nacoꞌ benꞌ naquen yideꞌ yedeyeꞌleneꞌ netoꞌ xtižaꞌ Diosenꞌ? Naꞌ božiꞌen gwneꞌ: ―Bi nacaꞌ.

4
00:00:49,940 --> 00:00:59,140
Nach daꞌ yoble goseṉabdeꞌ ḻeꞌ: ―¿Nonꞌ nacoꞌ? cont yeꞌtoꞌ beṉeꞌ caꞌ goseseḻeꞌ netoꞌ. ¿Bi ža togoꞌ c̱he cuinoꞌ?

5
00:00:59,140 --> 00:01:14,900
Nach Juanṉaꞌ gožeꞌ ḻegaqueꞌ: ―Nedaꞌ nacaꞌ benꞌ chṉe zižje to latje daš, žiaꞌ: “Ḻe gwžaꞌ yic̱hjlaždaꞌolenꞌ cont gwzenagle c̱he X̱anchonꞌ cateꞌ yideꞌ”, canꞌ gwna daꞌ Isaías benꞌ beꞌ xtižaꞌ Diosenꞌ caniꞌ.

6
00:01:14,900 --> 00:01:20,340
Beṉeꞌ caꞌ jaꞌac lao Juanṉaꞌ, beṉeꞌ fariseo caꞌ goseseḻeꞌ ḻegaqueꞌ.

7
00:01:20,340 --> 00:01:31,580
Nach goseꞌeneꞌ: ―¿Bixc̱henꞌ chzoꞌ beṉeꞌ nis še bi nacoꞌ Cristonꞌ ṉeca nacoꞌ Elíasenꞌ naꞌ ṉeca nacoꞌ benꞌ chbezcho yedeyeꞌe xtižaꞌ Diosen?

8
00:01:31,580 --> 00:01:39,220
Nach Juanṉaꞌ gožeꞌ ḻegaqueꞌ: ―Nedaꞌ chzoaꞌ beṉeꞌ nis, naꞌ gachoḻ leꞌe ba zoa to beṉeꞌ biṉaꞌ gombiaꞌle.

9
00:01:39,220 --> 00:01:49,360
Ḻenꞌ zaꞌ gwloꞌelagüeꞌ naꞌ zacaꞌcheꞌ ca nedaꞌ, naꞌ daꞌ nacchgüeꞌ beṉeꞌ zacaꞌ bitw zacaꞌ gona xmandadoeꞌ ḻec̱hjaꞌ no xeleꞌ.

10
00:01:49,360 --> 00:01:58,780
Yogoꞌ daꞌ quinga goquen ganꞌ nziꞌ Betábara danꞌ chiꞌ yešḻaꞌa yegw Jordán ganꞌ chzoa Juanṉaꞌ beṉeꞌ nis.

11
00:01:58,780 --> 00:02:20,640
Naꞌ beteyo Juanṉaꞌ bleꞌedeꞌ zej Jesúsenꞌ ganꞌ zoenꞌ naꞌ gožeꞌ benꞌ chosozenag c̱heꞌ: ―Ḻe ṉaꞌ benꞌ zaꞌ nga, Diosenꞌ ba gwseḻeꞌneꞌ cont yequeꞌe xtoḻaꞌ beṉac̱henꞌ. Benaꞌ zacaꞌlebeꞌ ca xilaꞌ daoꞌ benꞌ chot chioꞌ beṉeꞌ Israel cont Diosenꞌ cheziꞌxeneꞌ xtoḻaꞌchonꞌ.

12
00:02:20,640 --> 00:02:28,460
C̱he ḻenꞌ biꞌa dižaꞌ, gwniaꞌ: “Benꞌ zaꞌ zaꞌ zacaꞌcheꞌ ca nedaꞌ, naꞌ ḻeꞌ ba zoaczeꞌ cateꞌ biṉaꞌ soaꞌ nedaꞌ.”

13
00:02:28,460 --> 00:02:40,440
Nedaꞌ bi gocbeꞌedaꞌ nonꞌ naqueꞌ perw Diosenꞌ bzejniꞌideꞌ nedaꞌ, naꞌ daꞌnanꞌ zedezoaꞌ beṉeꞌ nis cont yogoꞌ chioꞌ beṉeꞌ Israel gacbeꞌecho nonꞌ naqueꞌ.

14
00:02:40,440 --> 00:02:51,480
Juanṉaꞌ ḻecze gwṉeꞌ: ―Bleꞌedaꞌ cateꞌ betj Spiritw c̱he Diosenꞌ yabanꞌ bžinen ganꞌ zoa Jesúsenꞌ. Bžinen ca to ngolbex naꞌ begaꞌaṉen len ḻeꞌ.

15
00:02:51,480 --> 00:03:14,480
Nedaꞌ bi gocbeꞌedaꞌ še Jesús nanꞌ naqueꞌ benꞌ gwseḻaꞌ Diosenꞌ, nach Dios benꞌ gwseḻeꞌ nedaꞌ chzoaꞌ beṉeꞌ nis gožeꞌndaꞌ: “Leꞌedoꞌ yetj Spiritw c̱hiaꞌ naꞌ yegaꞌaṉen len beṉeꞌ ba mbejaꞌ. Ḻenꞌ naqueꞌ beṉeꞌ gon cont soa Spiritw c̱hianꞌ ḻoꞌ yic̱hjlaždaoꞌ beṉeꞌ naꞌ ṉabianꞌ ḻegaqueꞌ.”

16
00:03:14,480 --> 00:03:20,220
Ba bleꞌedaꞌ goc canꞌ gwneꞌ naꞌ choꞌa dižaꞌ ḻe benganꞌ Xiꞌiṉ Dios.