1
00:00:05,000 --> 00:00:17,840
Beyoṉ ža gotaꞌ to yeḻaꞌ güešagnaꞌ yež daꞌ nziꞌ Caná ganꞌ mbane distritw Galilea. Naꞌ xṉaꞌ Jesúsenꞌ gwyejeꞌ liž benꞌ ganꞌ gotaꞌ yeḻaꞌ güešagnaꞌnaꞌ.

2
00:00:17,840 --> 00:00:25,500
Naꞌ ḻecze gosaxeꞌ Jesúsenꞌ len beṉeꞌ caꞌ zjanaqueꞌ ḻeꞌ txen cont jaꞌaqueꞌ ganꞌ chac yeḻaꞌ güešagnanꞌ.

3
00:00:25,500 --> 00:00:33,320
Naꞌ bebiž vino danꞌ cheseꞌej beṉeꞌ caꞌ žeꞌnaꞌ, naꞌ xṉaꞌ Jesúsenꞌ gožeꞌ ḻeꞌ: ―Bich bi vino c̱hegaqueꞌ de.

4
00:00:33,320 --> 00:00:39,360
Naꞌ gož Jesúsenꞌ ḻeꞌ: ―¿Bixc̱henꞌ žoꞌ caꞌ? ḻe biṉaꞌ žin hor gwloꞌa nonꞌ nacaꞌ.

5
00:00:39,360 --> 00:00:45,240
Naꞌ xṉeꞌenaꞌ gožeꞌ beṉeꞌ caꞌ cheson mandadonꞌ: ―Ḻe gon biteꞌtez daꞌ ṉeꞌ.

6
00:00:45,240 --> 00:01:01,700
Naꞌ nitaꞌ x̱op yesoꞌ de yej ga chož nis daꞌ chosoc̱hin beṉeꞌ Israel gualaž c̱hetoꞌ caꞌ par chesaꞌ cheseyib cuineꞌ canꞌ ža ley c̱hetonꞌ. Naꞌ to to yej caꞌ chožen do x̱onoꞌ cheꞌe o do ši cheꞌe nis.

7
00:01:01,700 --> 00:01:10,660
Nach Jesúsenꞌ gožeꞌ beṉeꞌ güen mandadw caꞌ: ―Ḻe yosšaꞌ yesoꞌ yej caꞌ nis. Naꞌ gosegueꞌen nis gosežaꞌten.

8
00:01:10,660 --> 00:01:19,100
Nach gožeꞌ ḻegaqueꞌ: ―Ḻe gašeꞌ latenꞌ ṉaꞌa naꞌ ḻe šjanežjon benꞌ yoꞌo ḻo neꞌe ḻṉinꞌ. Naꞌ gosoneꞌ canꞌ gwnenꞌ.

9
00:01:19,100 --> 00:01:36,620
Naꞌ benꞌ yoꞌo ḻo neꞌe ḻṉinꞌ con bṉix̱enꞌ bi ṉezdeꞌ ganꞌ zanꞌ, con beṉeꞌ caꞌ cheson mandadw naꞌze goseṉezdeꞌ nisenꞌ beyaquen vino, ḻe ḻegaquenꞌ gosašeꞌ nisenꞌ. Naꞌ benaꞌ bṉix̱enꞌ naꞌ goxeꞌ beṉeꞌ byo benꞌ bšagnanꞌ,

10
00:01:36,620 --> 00:01:54,680
naꞌ gožeꞌneꞌ: ―Yogoꞌze beṉeꞌ chon ḻṉi chdieꞌ vino güen daꞌ chzacaꞌ laꞌay cateꞌ chzolao ḻṉinꞌ, naꞌ cateꞌ ba zjaneꞌejeꞌ daꞌ zil nach choꞌe ḻegaqueꞌ daꞌ corrient. San leꞌ bzagoꞌ vino šagüenꞌ chdionꞌ ṉaꞌa ba cheyož ḻṉinꞌ.

11
00:01:54,680 --> 00:02:10,640
Daꞌ nga ben Jesúsenꞌ yež Caná distritw Galilea goquen yeḻaꞌ guac nechw daꞌ beneꞌ cont bloꞌe naqueꞌ beṉeꞌ zacaꞌchgua, nach beṉeꞌ caꞌ gwlejeꞌ cont gosaqueꞌ ḻeꞌ txen gosejnilažeꞌneꞌ.

12
00:02:10,640 --> 00:02:23,500
Gwde naꞌ Jesúsenꞌ gwyejeꞌ Capernaum len xṉeꞌe naꞌ len beṉeꞌ bišeꞌ caꞌ, naꞌ len beṉeꞌ caꞌ zjanaqueꞌ ḻeꞌ txen, naꞌ besyegaꞌaṉeꞌ naꞌ c̱hop šoṉe ža.