1
00:00:05,000 --> 00:00:14,800
Naꞌ ba zoa gaḻaꞌ ḻṉi c̱he netoꞌ beṉeꞌ Israel daꞌ nziꞌ pascw, nach Jesúsenꞌ gwyejeꞌ Jerusalén len beṉeꞌ caꞌ zjanaqueꞌ ḻeꞌ txen.

2
00:00:14,800 --> 00:00:25,420
Cateꞌ bžineꞌ chyoꞌo yodaoꞌ blaonꞌ beṉeꞌ zan žeꞌ chesoteꞌ goꞌṉ naꞌ xilaꞌ naꞌ ngolbex, naꞌ zjachiꞌ beṉeꞌ chosošeꞌe mechw.

3
00:00:25,420 --> 00:00:43,500
Jesúsenꞌ bleꞌedeꞌ canꞌ chacaꞌ naꞌ beneꞌ to tašjw de do naꞌ bc̱hinenꞌ cont bebejeꞌ yogoꞌ beṉeꞌ caꞌ žeꞌ chyoꞌo yodaonꞌ, len xilaꞌ caꞌ, len goꞌṉ caꞌ, naꞌ besḻaseꞌ xmechw beṉeꞌ chosošaꞌ mechonꞌ naꞌ gwloꞌoṉiꞌaneꞌe xmesgaquenꞌ.

4
00:00:43,500 --> 00:00:51,700
Naꞌ gožeꞌ beṉeꞌ caꞌ chesoteꞌ ngolbexenꞌ: ―Ḻe yebej yogoꞌ be qui nga. Bi gonḻe yaꞌa liž X̱aꞌ nga.

5
00:00:51,700 --> 00:01:03,500
Nach beṉeꞌ caꞌ zjanaqueꞌ ḻeꞌ txen jasezaꞌlažeꞌ canꞌ nyoj Xtižaꞌ Diosenꞌ ganꞌ žan: “Daꞌ chiꞌchgua yic̱hjaꞌ c̱he ližonꞌ chonten ga sacaꞌziꞌchguaꞌ.”

6
00:01:03,500 --> 00:01:13,420
Naꞌ benꞌ chesenabiaꞌ nación Israel c̱hetonꞌ goseꞌeneꞌ: ―¿Bi yeḻaꞌ guac gonoꞌ daꞌ leꞌetoꞌ cont šejḻeꞌtoꞌ zacoꞌ bebejoꞌ beṉeꞌ caꞌ?

7
00:01:13,420 --> 00:01:20,220
Jesúsenꞌ božiꞌe xtižaꞌgaquenꞌ gwneꞌ: ―Ḻe yoc̱hiṉj yodaoꞌ nga naꞌ šoṉe žaze yeyonanꞌ.

8
00:01:20,220 --> 00:01:30,500
Nach beṉeꞌ gwnabiaꞌ caꞌ goseꞌeneꞌ: ―X̱opeyon iz byažjen gosoneꞌ yodaoꞌ nga, ¿chacdoꞌ guac yeyononꞌ šoṉe žaze?

9
00:01:30,500 --> 00:01:40,220
Perw Jesúsenꞌ bsacaꞌlebdeꞌ cuerp c̱henꞌ yodaoꞌ cateꞌ gwneꞌ caꞌ, naꞌ ḻegaqueꞌ gosoneꞌ xbab c̱he yodaoꞌ naꞌzenꞌ gwneꞌ caꞌ.

10
00:01:40,220 --> 00:01:55,800
Naꞌ cateꞌ bžin ža beyas bebaneꞌ ladjo beṉeꞌ guat caꞌ, beṉeꞌ caꞌ zjanaqueꞌ ḻeꞌ txen jasezaꞌlažeꞌ canꞌ gwnenꞌ naꞌ gosejḻeꞌe Xtižaꞌ Diosenꞌ danꞌ nyoj c̱heꞌ naꞌ ḻecze gosejḻeꞌe xtižaꞌ Jesúsenꞌ.

11
00:01:55,800 --> 00:02:09,020
Šlac gwzoa Jesúsenꞌ Jerusalénṉaꞌ ḻo ḻṉi pasconꞌ beṉeꞌ zan beseleꞌedeꞌ yeḻaꞌ guac caꞌ danꞌ benenꞌ naꞌ gosejḻeꞌe naqueꞌ beṉeꞌ gwseḻaꞌ Dios.

12
00:02:09,020 --> 00:02:15,100
Perw Jesúsenꞌ bi ben cuineꞌ ḻo naꞌgaqueꞌ, ḻe nombiꞌe yic̱hjlaždaoꞌ beṉac̱henꞌ.

13
00:02:15,100 --> 00:02:27,220
Bi byažjdeꞌ no yeꞌ ḻeꞌ xbab daꞌ yoꞌo ḻoꞌ yic̱hjlaždaoꞌ beṉeꞌ caꞌ. Ḻe ṉezeczedeꞌ binꞌ yoꞌo ḻoꞌ yic̱hjlaždaoꞌ to to chioꞌ beṉac̱h.