1
00:00:05,000 --> 00:00:18,000
Gwde naꞌ Jesúsenꞌ len beṉeꞌ caꞌ zjanaqueꞌ ḻeꞌ txen jaꞌaqueꞌ yež daoꞌ caꞌ zjachiꞌ ganꞌ mbane distritw Judeanꞌ. Naꞌ šlac goseniteꞌ naꞌ bosozoeꞌ beṉeꞌ nis.

2
00:00:18,000 --> 00:00:30,620
Naꞌ Juanṉaꞌ ḻecze bzoeꞌ beṉeꞌ nis yež ganꞌ nziꞌ Enón daꞌ chiꞌ gaḻaꞌze Salim, ḻe naꞌ dechgua nis. Naꞌ jaꞌac beṉeꞌ ganꞌ gwzoenꞌ cont bzoeꞌ ḻegaqueꞌ nis.

3
00:00:30,620 --> 00:00:34,180
Catenꞌ biṉaꞌ yeseyix̱jueꞌ Juanṉaꞌ ḻižyanꞌ goc caꞌ.

4
00:00:34,180 --> 00:00:44,400
Nach gwcheꞌ to žaš len beṉeꞌ caꞌ zjanaqueꞌ txen len Juanṉaꞌ naꞌ yeto c̱hope beṉeꞌ Israel gualaž c̱hetoꞌ c̱he danꞌ chesezoa beṉeꞌ nis.

5
00:00:44,400 --> 00:00:57,500
Nach jaꞌaqueꞌ lao Juanṉaꞌ naꞌ goseꞌeneꞌ: ―Maestrw, benꞌ gwzoa len leꞌ yešḻaꞌa yegw Jordánṉaꞌ, benꞌ choꞌo xtiženꞌ, bac̱h chzoeꞌ beṉeꞌ nis naꞌ yogoꞌze beṉeꞌ chjaꞌaqueꞌ ganꞌ zoeꞌnaꞌ.

6
00:00:57,500 --> 00:01:05,280
Nach Juanṉaꞌ gožeꞌ ḻegaqueꞌ: ―Nono gacxeneꞌ še bi gon Diosenꞌ cont yesonxen beṉeꞌ ḻeꞌ.

7
00:01:05,280 --> 00:01:17,640
Ṉezczele canꞌ ba gwnianꞌ, bi nacaꞌ Cristo benꞌ chbezcho seḻaꞌ Diosenꞌ yedeṉabiꞌe chioꞌ, san nacaꞌ benꞌ gwseḻaꞌ Diosenꞌ cont biaꞌ xtiženꞌ žialaole.

8
00:01:17,640 --> 00:01:37,760
Cateꞌ chac to yeḻaꞌ güešagnaꞌ, toz beṉeꞌ byo benꞌ chšagnanꞌ chziꞌe noꞌolenꞌ. Perw še zoa beṉeꞌ migw c̱heꞌ len ḻeꞌ žaꞌna, chebedeꞌ cateꞌ benꞌ chšagnanꞌ žeꞌ zoeꞌ mbalaz. Canꞌ chac len nedaꞌ, chbechgüedaꞌ beṉeꞌ zan chosozenagueꞌ c̱he Cristonꞌ.

9
00:01:37,760 --> 00:01:46,020
Ḻenꞌ cheyaḻaꞌ šejch yesonxen beṉeꞌ ḻeꞌ naꞌ nedaꞌ cheyaḻaꞌ šejch yesanḻažeꞌ nedaꞌ.

10
00:01:46,020 --> 00:02:07,560
Ca nac Cristo benꞌ zaꞌ ganꞌ zoa Diosenꞌ, ḻeꞌ naqueꞌ beṉeꞌ zacaꞌch ca yogoꞌḻoḻ beṉeꞌ. Yezicaꞌchle beṉac̱h zjanaqueꞌ beṉeꞌ c̱he yežlio ngaze naꞌ c̱he yežlio ngaze chesoꞌe dižaꞌ. Perw naꞌ Cristo benꞌ zaꞌ ganꞌ zoa Diosenꞌ zacaꞌcheꞌ ca yogoꞌḻoḻ beṉeꞌ.

11
00:02:07,560 --> 00:02:15,200
Ḻeꞌ choꞌe dižaꞌ c̱he daꞌ caꞌ ba bleꞌedeꞌ naꞌ dižaꞌ daꞌ ba bendeꞌ ganꞌ zoa Diosenꞌ, naꞌ nono chzenag xtiženꞌ.

12
00:02:15,200 --> 00:02:24,400
Naꞌ noteꞌtez beṉeꞌ chosozenag xtižaꞌ benꞌ zaꞌ ganꞌ zoa Diosenꞌ, nacbiaꞌ benaꞌ ṉezdeꞌ Diosenꞌ choꞌe dižaꞌ ḻi.

13
00:02:24,400 --> 00:02:38,180
Naꞌ benaꞌ gwseḻaꞌ Diosenꞌ, benaꞌ zaꞌ ganꞌ zoeꞌnaꞌ, ḻenꞌ choꞌe xtižaꞌ Diosenꞌ, ḻe Spiritw c̱he Diosenꞌ zoan len ḻeꞌ, naꞌ cateꞌ Diosenꞌ choṉeꞌ Spiritw c̱henꞌ bi chyisenꞌ lateꞌ güeje.

14
00:02:38,180 --> 00:02:44,320
Diosenꞌ chacdeꞌ Xiꞌiṉeꞌ Cristonꞌ naꞌ ba beneꞌ ḻo neꞌe yogoꞌḻoḻ daꞌ de yežlionꞌ.

15
00:02:44,320 --> 00:03:01,980
Naꞌ beṉeꞌ caꞌ chesejnilažeꞌ Xiꞌiṉ Diosenꞌ de yeḻaꞌ mban c̱hegaqueꞌ toḻi tocaṉe, san beṉeꞌ cheson güedenag len Xiꞌiṉ Diosenꞌ, bi gataꞌ yeḻaꞌ mban c̱hegaqueꞌ, ḻe Diosenꞌ goneꞌ cont yesezacaꞌziꞌe toḻi tocaṉe.